Ri Loqʼalaj Pixabʼ xaq xiw ta kuya ubʼixik ri qastzij xbʼantaj ojer, xuqujeʼ kubʼij su kbʼan na. Ri täq winaq kekun täj kkebʼij su kbʼan na. Rumal laʼ qetaʼm che ri Loqʼalaj Pixabʼ petinäq rukʼ ri Ajawaxel. ¿Su kubʼij ri Loqʼalaj Pixabʼ chirij ri petinäq?

Kubʼij chirij jun nimalaj chʼoj rech ri Ajawaxel. Pa wajun chʼoj riʼ ri Ajawaxel kresaj na ronojel ri itzelal xuqujeʼ ri itzel täq winaq cho ruwäch Ulew, tekʼuriʼ keʼuchajej ri täq upatanel. Jesucristo, ri ajawinel, kubʼano che ri täq upatanel ri Ajawaxel kʼo jun utzalaj kikʼaslemal rukʼ kikotemal, xuqujeʼ kresaj ri yabʼil xuqujeʼ ri kamikal.

¿La kojkikotik che ri Ajawaxel kubʼan na jun kʼakʼ kotzʼiʼjalaj uwäch Ulew? Rajawaxik kʼo jun kqabʼano we kqaj kojkʼejeʼ pa ri kotzʼiʼjalaj uwäch Ulew. Pa ukʼisbʼal re ri bʼantajik rech ri wuj kqetaʼmaj su rajawaxik kqabʼano, rech kojkikotik che ri täq utzalaj täq jastaq kuya na ri Ajawaxel chike jachin täq kkepatanej. Rumal laʼ, chasikʼij ri UWAJXAQ Jupuq tekʼuriʼ chawilaʼ su kubʼij ri Loqʼalaj Pixabʼ che petinäq.