Qullaawu Maxaafi konni albaanni ikkitinota addu xagge calla amadinoha ikkikkinni, konni kaˈa ikkannoreno coyiˈranno. Mannu ooso konni kaˈa ikkannore coyidhe diaffanno. Konni daafira Qullaawu Maxaafi Maganu qaale ikkinota anfoommo. Ikkina Qullaawu Maxaafi konni kaˈa marichchi ikkanno yaanno?

Konni kaˈa bayiru Maganu oli ikkannota kulanno. Maganu hakko olira baalanta bunshenna busha manna baala uullate aaninni hunanno. Isira soqqantannore kayinni gatisanno. Maganu nugusa assinohu Yesuusi Kiristoosi, Maganu soqqamaano keerunninna hagiirrunni heedhanno gede assanno. Qoleno horonta xiwantannokkinna reyitannokki gede assanno.

Maganu uulla haaro gannate assanno daafira tashshi yaannonke; dihattooti? Hatte gannatera heeˈrate kayinni assa hasiissannonkeri no. Maganu isira soqqantannorira qixxeessinoha danchare baala afiˈrate maa assa hasiissannonkero, konni maxaafi goofimarchu xaggera ronseemmo. Konni daafira 8⁠ki GAFA nabbabbe, Qullaawu Maxaafi konni kaˈa mayi ikkanno yaannoro huwati.