Bijbel no e fruteri wawan fu tru tori di ben feni presi na ini a ten di pasa, ma a e fruteri tu fu den sani di sa pasa na ini a ten di e kon. Libisma no kan taki san a ten di e kon sa tyari kon. Dati meki wi sabi taki Bijbel kon fu Gado. San Bijbel e taki fu a ten di e kon?

A e fruteri fu wan bigi feti fu Gado. Na ini a feti dati Gado o krin grontapu fu ala ogridu nanga ogri sma, ma a o kibri den sma di e dini en. Gado Kownu, Yesus Krestes, sa sorgu taki den futuboi fu Gado sa libi na ini vrede nanga koloku èn taki den no sa siki noso dede noiti moro.

Wi kan prisiri taki Gado sa meki wan nyun paradijs na grontapu, a no so? Ma wi musu du wan sani efu wi wani libi na ini a paradijs disi. A lasti tori fu a buku disi e meki wi si san wi musu du fu nyan bun fu den wondru sani di Gado abi na prakseri gi ala sma di e dini en. Sobun, leisi Pisi 8 now èn luku san Bijbel e taki na fesi fu a ten di e kon.