SEHEMU YA 8
Unabii wa Biblia Unatimizwa
Biblia inasimulia hadithi ya mambo yaliyotokea zamani na pia yatakayotokea wakati ujao. Wanadamu hawawezi kutabiri mambo ya wakati ujao. Ndiyo sababu twajua kwamba Biblia imetoka kwa Mungu. Biblia yasema nini juu ya wakati ujao?
Inasema juu ya vita kuu ya Mungu. Katika vita hiyo Mungu ataisafisha dunia kwa kuondoa ubaya wote na watu wabaya, lakini atalinda wale wanaomtumikia. Yesu Kristo, mfalme wa Mungu atahakikisha kwamba watumishi wa Mungu wanafurahia amani na furaha, na kwamba hawatakuwa wagonjwa tena kamwe wala kufa.
Twaweza kufurahi kwa vile Mungu atafanya paradiso mpya hapa duniani, sivyo? Lakini lazima tufanye jambo fulani iwapo twataka kuishi katika paradiso hiyo. Katika hadithi ya mwisho ya kitabu hiki tunajifunza yanayotupasa kufanya ili tuje tufurahie mambo mazuri ajabu ambayo Mungu amewekea wale wanaomtumikia. Basi soma Sehemu ya 8 ujue ambayo Biblia inatabiri juu ya wakati ujao.
KATIKA SEHEMU HII
HADITHI YA 114
Mwisho wa Mabaya Yote
Kwa nini Mungu analituma jeshi lake likiongozwa na Yesu katika vita vya Har—Magedoni?
HADITHI YA 115
Paradiso Mpya Duniani
Wakati fulani watu waliishi katika Paradiso, hilo litatukia tena.
HADITHI YA 116
Tunavyoweza Kuishi Milele
Je inatosha kumjua Yehova na Yesu? Ikiwa sivyo, ni nini kingine kinachohitajiwa?
