Náa Biblia tséʼthi i̱ndó dí nirígá wajyúúʼ, ma̱ngaa naʼthí dí gárígá nda̱wa̱á. Xa̱bu̱ numbaaʼ tsíjmañún muthi ndiéjunʼ rí gárígá nda̱wa̱á. Ikha jngó nduʼyáá rí Biblia na̱ʼkha̱ náa Dios. Ndiéjunʼ eʼthí náa Biblia dí marigá nda̱wa̱á rá.

Naʼthí ga̱jma̱a̱ numuu mbá guerra mba̱a̱ dí wíji̱ maʼni Dios. Náa guerra rígi̱, Dios maʼni gámbáa xúgíʼ dí ra̱májánʼ dí rígá náa tsu̱du̱u̱ Kuba̱ʼ ga̱jma̱a̱ maʼni gámbíin xa̱bu̱ bi̱ nuni dí raʼkhí, mú maʼni káwíin bi̱ nuni ñajunʼ ndrígóo. Dios nigíiʼ Jesucristo xóo rey, ikhaa maʼni rí xa̱bi̱i̱ Dios makuwá tsímáá ga̱jma̱a̱ gagi, ga̱jma̱a̱ rí ní xáʼniun nditháan nandii ma̱ngaa rí ní xákhañun.

Lá ragájkhun rí gíʼmaa makuwáanʼ gagi rí Dios maʼni̱i̱ mbá nuxi̱ʼ Ku̱ba̱ʼ mitsaan ráʼ. Mú rígá mbá rí gíʼmaa muʼni á mu nandulúʼ makuwáanʼ náa tsu̱du̱u̱ Ku̱ba̱ʼ mitsaan. Náa imbóó ináa dí naguámbáa ga̱jma̱a̱ historia rígi̱ gájmañuluʼ rí gíʼmaa muʼni mu makuwáanʼ náa ku̱ba̱ʼ rí Dios ekudaminaʼ maxnún xa̱bu̱ bi̱ nuni ñajunʼ ndrígóo. Ikha jngó, atraxnuu NÍʼKHÓO 8 ga̱jma̱a̱ atayáá rí xtáa raʼtariyaʼ náa Biblia dí marigá nda̱wa̱á.