ATUTUBET 8
Nuelimorit Ebaibuli, eraunos abeit
Mam Ebaibuli einakinit nukabeit bon nuatakanuutu kolosek konye elimorit nuetakanunete koingaren. Mam itunga epedorete alimun nukoingaen. Ngun nges kijenia ebe Ebaibuli elomunit kanejai Edeke. Anyoika ebala Ebaibuli nuikamuto nukoingaren?
Elimorit nuejie loapolon loka Edeke. Kojie kalo, elemari Edeke nuarokok kere ka itunga lueroko, konye eyuari ngul luijanakinete nges. Ekabaka loka Edeke, Yesu Kristo, ebuni aanyun ebe ijanakinak luka Edeke elelete kaipuc ka kaiyalama, ido mam edekakinos bobo arai atwanare.
Ipedori oni aiyalamikin ebe iswamauni Edeke aparadais naitetet kakwap, mam cut oni? Konye ekoto oni aiswamaun ibore ice arai kilosi aiboi ko paradais kalo. Kaitetemet nawasia koitabo kalo kisisiauni nuibusakinit oni aswam tetere kidumuni ailel koboro luajokak luitemokit Edeke kanukangul luijanakinete nges. Aso kosiom ATUTUBET 8 kongicu nuelimorit Ebaibuli kanu oingaren.
TOMA ATUTUBET NA
AITETEMET 114
Awasia Naka Aronis Kere
Kanukinyo ebunia Edeke aijukar ajore naingarenikinit Yesu ejie kotoma Arumagedon?
AITETEMET 115
Aparadais Nakitetet Kakwap
Ajaasi kolo itunga paradais kakwap ido ebuni bobo akwap araun paradais.
AITETEMIT 116
Epone Loipedoria Oni Aijar Ikar Kere
Erai kereka ajenun nuikamunitos Yawe keda Yesu Kristo bon ipudai? Arai mam erai ngun bon, anyoika bobo ibusakinit oni aswam?
