Baibuli tetugambira ha nganikyo ez’amananu ez’ebintu ebyabaireho kyonka, netugambira n’ebyo ebirukugenda kubaho mu biro eby’omumaiso. Abantu tibarukusobora kurangirra ebiribaho mu biro eby’omumaiso. Egyo niyo nsonga habwaki nitumanya ngu Baibuli ekaruga ahali Ruhanga. Baibuli negamba ki ha busumi obw’omumaiso?

Negamba aha bulemu obw’amaani obwa Ruhanga. Mu bulemu bunu, Ruhanga nuho alisemereza ensi enu, akaihiramu kimu obubi hamu n’abantu ababi, baitu alirinda abo boona abakumuhereza. Omukama ou Ruhanga yakomere, Yesu Kristo, aligumya ngu boona abahereza ba Ruhanga baliba mu businge hamu n’okusemererwa kandi tabaligaruka kurwara rundi kufa.

Nitusobora kuba n’omuhimbo ngu Ruhanga naija kuleta orugonjo oruhyaka omu nsi, tinukwo? Baitu haroho ekitusemerire kukora nukwo tusobole kwomera mu rugonjo runu. Omu Ruganikyo orwa ha muheru orw’ekitabu kinu, nitwija kumanya ekitusemerire kukora nukwo tusobole kwegondeza mu bintu ebirungi ebi Ruhanga araganize abo boona abakumuhereza. N’ahabwekyo, soma EKICWEKA 8 nukwo osobole kuzoora eki Baibuli erikugamba ha busumi oburukwija.