Biibiliya khonihimya paahi sa mwaha wekeekhai wa yeele yiiranen’ye khalai, masi-tho onnihimya sa yeele enrowa wiiraneya muhoolo. Apinaatamu khanwerya ohimya sa muhoolo. Ti nthowa naya vanisuwela ahu wira Biibiliya onikhuma wa Muluku. Exeeni Biibiliya enihimya awe sa muhoolo?

Onihimya sa ekhotto yuulupale ya Muluku. Mu ekhotto ela Muluku onrowa okumiha mulaponi otakhala wotheene ni atthu ootakhala, masi owo onrowa waakhapelela ale animurumeela. Mwene a Muluku, Yesu Kristu, onrowa ottittimiherya wira arumeyi a Muluku akhalane murettele ni ohakalala, ni wira awo ahikhalakhale-tho awereiwaka aahiiso okhwa.

Hiyo nnoowerya ohakalala okhala wira Muluku onrowa opaka eparayiisu esyaa mulaponi, khahiyo siiso? Masi hiyo nohaana wiira etthu akhala wira ninrowa okhala mparayiisu-mmo. Mmwaha wookiserya wa eliivuru ela, hiyo ninniixutta yeeyo enitthuneya ahu opaka wira nihakalale ni itthu sootteeliha murima, seiyo Muluku saasunkenrya awe ale animurumeela. Siiso musome MPANTTA 8 ni moone yeele Biibiliya enihimya awe vahinatthi ya muhoolo