MBALI 8
Yajikusalocesya Baibulo Yikusatendekwa
Baibulo jangagamba kusala ngani syasyatendekwe kalakalape, jikusasalasoni yayicitendekwa m’bujo. Ŵandu ngaŵa mkusala yam’bujo. Yeleyi yikusatutendekasya kumanyilila kuti Baibulo jatyocele kwa Mlungu. Ana Baibulo jikusasala yatuli pakwamba ya m’bujo?
Jikusasala ya ngondo jekulungwa ja Mlungu. Pangondoji Mlungu cacityosya yindu yakusakala, soni ŵandu ŵakusakala, nambo cacateteya ŵandu ŵakusamtumicila. Mwenye jwa Mlungu, Yesu Klistu, cacilolecesya kuti ŵakutumicila ŵa Mlungu ali pamtunjelele, soni akusengwa. Cacilolecesyasoni kuti ngakulwala, soni ngakuwa.
Tukusangalala kuti Mlungu cacipanganya paladaiso jwasambano pacilambo capasi, ngati m’yoyo? Nambo tukusosekwa kutenda yindu yine kuti citutame ni umi mu paladaiso. Mu ngani jakumalisya ja m’bukuji, citulijiganye yampaka tutende kuti citusangalale ni yindu yambone yaŵasunjile Mlungu ŵandu ŵakumtumicila. Sambano aŵalanje MBALI 8 kuti amanyilile yindu yayili m’bujo yajikusasala Baibulo.
MU MBALI AJI
NGANI 114
Mbesi ja Yakusakala Yosope
Ligongo cici Mlungu akutumisya asilikali ŵakwe ku ngondo ja Alamagedo mwakulongoleledwa ni Yesu?
NGANI 115
Paladaiso Jwasambano Pacilambo Capasi
Pandanda, ŵandu ŵatamaga m’paladaiso pa cilambo capasi nambosoni msogolomu yicitendekwasoni.
NGANI 116
Yampaka Tutende Kuti Tutame ni Umi Kwangamala
Ana kwamba kumanyilila yakuti kwana Yehofa Mlungu soni Yesu Klistu yili yakwanila kutama ni umi kwangamala? Naga nganiyiŵa yakwanila, mpaka tutendesoni cici?