Le Bibliaoʼ maʼ chéen baʼaloʼob tsʼoʼok yúuchul ku tsikbaltkiʼ, ku tsikbaltik xan baʼaxoʼob ku taal u kʼiin yúuchul. Chéen máakoʼobeʼ maʼ tu páajtal yaʼalikoʼob baʼax ku taal u kʼiin. Lelaʼ ku yeʼesiktoʼoneʼ tiʼ Dios u taal le Bibliaoʼ. ¿Baʼaxoʼob kiaʼalik le Biblia ku taal u kʼiin yúuchloʼ?

Ku tʼaan tiʼ u baʼateltáambal Dios, utiaʼal u xuʼulsik tiʼ tuláakal baʼax kʼaas ku beetaʼal yóokʼol le Luʼumaʼ yéetel utiaʼal u xuʼulsik tiʼe máaxoʼob beetkoʼ, baʼaleʼ yaan u kanáantik le máaxoʼob meyajkoʼ. Jesucristo, le máax yéeyaʼan tumen Diosoʼ, yaan u beetik u yantal kiʼimak óolal bey xan jeetsʼelil tiʼ tuláakal máax meyajtik Dios, yaan xan u yilik maʼ u kaʼa kʼojaʼantal, mix u kíimil máak.

¿Máasaʼ ku taasiktoʼon kiʼimak óolal k-ojéeltik Dioseʼ yaan u beetik upʼéel túumben paraíso way Luʼumeʼ? Baʼaleʼ wa k-kʼáat kuxtal teʼ paraísooʼ, yaan baʼax kʼaʼabéet k-beetik. Tu tsʼook tsikbalil yaan teʼ libroaʼ tiʼ ken k-kan baʼax kʼaʼabéet k-beetik utiaʼal ka k-kʼam le jatsʼuts baʼaloʼob ken u tsʼáa Dios tiʼe máaxoʼob meyajtikoʼ. Le beetkeʼ, xok le WAXAK Jaats utiaʼal a wojéeltik baʼaxoʼob kiaʼalik le Biblia ku taal u kʼiin yúuchloʼ.