¿CHEM adkintufimi faw? May, tati pu awkafe (weychafe) pürakawellulelu lig-ngechi kawellu mu. Welu ngüneduamfinge chew ñi küpan engün. ¡Tati pu kawellu wirafkülen nagkülepayngün wente tati tromü wenu mapu mu! ¿Mülepey may pu kawellu wenu mapu mu?

Ngelay, tüfachi pu kawellu rüfngelay. Kimfiyiñ tati pu kawellu pepi wirafkelay wente tati tromü mu, ¿felelay? Welu Biblia feypi tati pu kawellu mülelu wenu mapu mu. ¿Kimimi chumngelu (chemu)?

Kuyfi mu tati pu kawellu rume (mütre) pünengekefuy awkan mu ñi kewayam mu. Fey mu tati Biblia feypi, kiñeke pu che pürakawelküley nagpay engün wenu mapu mu, ñi pengelal Ngünechen ñi nielfiel kiñe awkan tati pu che mülelu Mapu mew. ¿Chew müleay tüfachi awkan? Armagedon mew, ka apümngeay kom wedake dungu mülelu Mapu mu.

Jesu Longkoleay ñi yenieal tüfachi kewan mu ti awkan Armagedon pingelu mu. Tukulpange Jewba dullifi (ngümintufi) ta Jesu ñi rey ngeal Tañi reyno mu. Feymu lle Jesu yeniey chi korona. Ka tati fütra kuchillu (espada) pengeli ñi langümafiel Ngünechen ñi kom pu kayñe. ¿Afmatupeafuyiñ may Ngünechen ñi apümafiel itrokom wedake che?

Kintufinge ti mari Nütram. ¿Chem peymi? May, ti Fütra Mangiñ Ko apümlu kom tati wedake che. ¿Iney am ta femi feyti Fütra Mangiñ Ko? Chaw Ngünechen Jewba. Fewla pefinge ti mari kechu Nütram. ¿Chem rupamekey fey mu? Jewba apümfi kütral mew Sodoma ka Gomora waria.

Rulpafinge ti küla mari küla Nütram. Pefinge chem ñi rupameken tati pu Egipto che ñi pu kawellu ka ñi awkan kareta. ¿Iney am femi ñi trananagpayal ti ko kidu engün mew? Jewba. Femi ñi ingkayafiel ñi pu che. Kintufinge ti regle mari kayu Nütram. Feychi adentun mu peaymi Jewba eluñmay ñi pu che ñi apümngeal ñi pu che ñi wedañmangen mu.

Feymu llemay, ngelay taiñ afmatuafiel Jewba werküal ñi pu awkafe mülelu wenu mapu mu ñi apümkayafiel kom tati wedake dungu mülelu tüfachi Mapu mew. ¿Chem rupayay fey wüla? Rulpafinge kangelu pakina ka peafiyiñ.