Saqra ruwaypa tukukuynin
114 yachachiy
Saqra ruwaypa tukukuynin
¿IMATA kay dibujopi rikunki? Ari, achkha yuraq caballosta. Kay caballosqa usqhayllata cielomanta uraykamuchkanku. ¿Cielopi caballos kanmanchu?
Mana, kay caballosqa yachachinallapaq kanku. Imaraykuchus caballosqa mana cielopi purinkuchu, ¿ichari? Chaywanpis, Bibliaqa cielopi caballosmanta parlan. ¿Imaraykutaq?
Unayqa, tukuypis caballoswan maqanakuq kanku. Chayrayku Biblia, cielopi caballosmanta parlaspa, Diospa maqanakuyninmanta parlan. ¿Maypitaq maqanakunqa? Armagedonpi, Jallpʼamantataq tukuy saqra kaqta chinkachinqa.
Jesúsqa kay Armagedón maqanakuypi kamachinqa. Yuyariy, Jehovaqa Jesusta Reinonpi kamachinanpaq akllarqa. Chayrayku, Jesusqa pilluyuq kachkan. Espadantaq tukuy Diospa enemigosninta wañuchinanta rikuchiwanchik. ¿Diosninchik saqra runata wañuchinqachu?
Chunka yachasqanchikta maskʼay. ¿Imatataq rikunki? Ari, saqra runa Jatun Parapi wañun. ¿Pitaq chay Jatun Parata kachamurqa? Jehová Dios. Kunan 15 willayta qhawariy. ¿Imatá chaypi rikunki? Jehová Sodomata Gomorratawan ninawan chinkachichkan.
Kunantaq 33 yachachiytañataq qhawariy. ¿Imanakuchkankutaq chay caballos, Egiptomanta carrosnin ima? ¿Pitaq paykunata yakuwan pʼampaykuchkan? Jehová. Chaytaqa llaqtanta jarkʼananpaq ruwarqa. Chantapis 36, 76 yachachiykunata maskʼay. Chaypiqa Jehová llaqtanta, wañuchinankuta saqirqa.
Chayrayku, Jehová saqra runata Jallpʼamanta chinkachinapaq, churinta, wak runastawan cielomanta kachamunqa. ¿Imataq chaymanta jamunqa? Qhipan yachaypi chayta rikusunchik.
