KIKI eky’orukurora hanu? Ego, n’amahe agali ha mbarasi ezirukwera. Baitu wetegereze nambere zirukuruga. Embarasi niziiruka kuruga omu iguru, ziri ha bicu! Mananu haliyo embarasi omu iguru?

Nangwa, zinu tiziri mbarasi zonyini. Nitumanya kinu habw’okuba embarasi zonyini tizisobora kwirukira ha bicu. Zisobora? Baitu Baibuli egamba ha mbarasi ez’omu iguru. Noomanya habwaki nezigambaho?

Habwokuba embarasi zakozesebwaga muno mukurwana obulemu. N’ahabwekyo Baibuli egambaho h’abantu abatembere ha mbarasi kuruga omu iguru ekirukwoleka ngu Ruhanga aine kurwana obulemu n’abantu abali mu nsi. Nomanya obulemu bunu okuburukwetwa? Nibwetwa Haramagedoni. Bunu nibwo obulemu bw’okuhwerekerereza kimu obubi bwona obuli mu nsi.

Yesu nuwe alyebembera mu kurwana obulemu bunu obwa Haramagedoni. Ijuka Yahwe nuwe yakomere Yesu okuba omukama w’obulemi bwe. Nikyo eki Yesu ajwaliire ekondo. Busitama neyoleka ngu naija kwita abanyanzigwa boona aba Ruhanga. Kyakutuhuniriize ngu Ruhanga naija kuhwerekereza ababi boona?

Sukura enyuma ha ruganikyo 10. Kiki okyokurora aho? Ego okusandaara kw’amaizi okwaisire abantu boona ababi. Noha yagalesere? Yahwe Ruhanga. Hati dora oruganikyo 15. Kiki ekirikubaho? Sodoma na Gomora nibihwerekerezebwa n’omu’ro ogu Yahwe atwekere.

Sukura Oruganikyo 33. Rora ekirikuba ha mbarasi n’amagaali g’obulemu ag’Abamisiri. Noha ayalesere amaizi kwija n’okubahwerekereza? Ni Yahwe. Akakikora okulinda abantu be. Dora oruganikyo 76. Aho norora ngu Yahwe akaleka n’abantu be Abaisareri okuhwerekerezebwa habw’obubi bwabu.

N’ahabw’ekyo, titwine kuhunirra kakuba Yahwe atuma amahe ge ag’omu iguru okuhwerekereza obubi bwona obuli omu nsi. Baitu cumitiriza kinu nkoku kirimanyisa! Sukura orupapura nukwo turole.