115 yachachiy

Jallpʼapi musuq paraíso

CHAY jatuchaq sachʼasta, chay kʼacha tʼikasta, pata urqusta ima qhawariy. ¿May kʼachitu ichari? Qhawariy, chay tarukaqa wawitaq makinmanta mikhuchkan. Chantapis leonkunaqa caballowan khuska sayachkanku. ¿Manachu kayjina sumaq jallpʼapi tiyakuyta munawaq?

Diosqa tukuyninchik wiñaypaq kayjina Jallpʼapi tiyakunanchikta munan. Mana kunanjina nanaywan, llakiywan tiyakunanchikta munanchu. Bibliaqa musuq paraisopi kawsaymanta niwanchik: ‘Dios paykunawan tiyakunqa. Manaña wañuy, nanay, nitaq waqaypis kanqachu. Ñawpa kaq imasqa manaña kanqachu’, nispa.

Jesús tukuy kaykunata ruwanqa. ¿Maykʼaqtaq? Jallpʼamanta tukuy saqra ruwayta, saqra runata ima pichaytawan kay sumaqkunata ruwanqa. Yuyariy, Jesús jallpʼapi kachkaspaqa, unqusqasta thañichirqa, wañusqastapis kawsarichimurqa. Jinamanta rikuchirqa imatachus ruwananta Diospa Reinonpi Reyjina kamachichkaptin.

¡May sumaqchá chay musuq paraíso kanqa! Jesús, akllasqasninwan ima, cielomanta kamachinqanku. Jallpʼapi tukuy kaqkunata qhawanqanku, chantapis kusisqa tiyakuyta yanapanqanku. Kunanqa, qhawarina imatachus ruwananchikta Diosninchik wiñay kawsayta quwananchikpaq.

Apocalipsis 21:3, 4; 5:9, 10; 14:1-3.