Ilyashi 1

1. Ni kwi ifintu fyonse ifisuma fyafumine? Lumbulapo ifisuma fimo.

2. Ni bani Lesa abalilepo ukupanga?

3. Cinshi malaika uo Lesa abalilepo ukupanga abeleele uwaibela?

4. Londolola ifyo pano isonde paali pa kutampa. (Lolesha pa cikope.)

5. Bushe Lesa atendeke shani ukupekanya isonde ukuti pakekale inama na bantu?

Ifipusho na fimbi:

1. Belengeni Yeremia 10:12.

   Mibele nshi Lesa akwata iyo tumona mu fyo abumba? (Esa. 40:26; Rom. 11:33)

2. Belengeni Abena Kolose 1:15-17.

   Finshi Yesu abombeleko ilyo Lesa alebumba ifintu, kabili tufwile ukulamumona shani? (Kol. 1:15-17)

3. Belengeni Ukutendeka 1:1-10.

   1.  

   2.  

   3.  

Ilyashi 2

1. Bushe Lesa atupekanishishe shani isonde?

2. Lumbula ifinama fyalekanalekana ifyo Lesa apangile. (Lolesha pa cikope.)

3. Mulandu nshi icifulo ca Edeni cabeleele icaibela?

4. Lesa afwaile isonde lyonse ukuba shani mu kuya kwa nshita?

Ifipusho na fimbi:

1. Belengeni Ukutendeka 1:11-25.

   1.  

   2.  

   3.   

2. Belengeni Ukutendeka 2:8, 9.

   Fimuti nshi fibili ifyo Lesa ameseshe mu Edeni ifyapusane ne miti yonse iyalimo, kabili fyaleimininako cinshi?

Ilyashi 3

1. Bushe icikope icili mu Lyashi 3 cipusene shani ne cikope cili mu Lyashi 2?

2. Ni nani wabumbile umwaume wa ntanshi, kabili uyo mwaume ali nani?

3. Mulimo nshi Lesa apeele Adamu?

4. Cinshi Lesa alengeele Adamu ukulaala utulo utukalamba?

5. Bushe Adamu na Efa bali no kuba aba mweo ukufika lilali, kabili mulimo nshi Yehova alefwaya ukuti balebomba?

Ifipusho na fimbi:

1. Belengeni Amalumbo 83:18.

   Ishina lya kwa Lesa nani, kabili cifulo nshi icaibela akulosha kwi sonde? (Yere. 16:21; Dan. 4:17)

2. Belengeni Ukutendeka 1:26-31.

   1.  

   2.  

3. Belengeni Ukutendeka 2:7-25.

   1.  

   2.     

Ilyashi 4

1. Mu cikope, cinshi cilecitika kuli Adamu na Efa?

2. Cinshi calengele Yehova abatamfye?

3. Cinshi insoka yaebele Efa?

4. Nani walengele insoka ukulanda na Efa?

5. Cinshi Adamu na Efa babatamfishe mu Paradaise?

Ifipusho na fimbi:

1. Belengeni Ukutendeka 2:16, 17 na 3:1-13, 24

   1.   

   2.    

   3.  

   4.  

2. Belengeni Ukusokolola 12:9.

   Bushe Satana alilenga abantu bonse ukupondokela ukuteka kwa kwa Lesa? (1 Yoh. 5:19)

Ilyashi 5

1. Bushe imikalile ya kwa Adamu na Efa yali shani ku nse ya Edeni?

2. Cinshi Adamu na Efa baileteele, kabili cinshi calengele?

3. Cinshi abana ba kwa Adamu na Efa bali no kukotela no kufwa?

4. Nga ca kutila Adamu na Efa balyumfwilile Yehova, ubumi bwabo capamo na bana babo nga bwali shani?

5. Bushe macushi nshi Efa aileteele pa kukanaumfwila Lesa?

6. Bushe abana ba kwa Adamu na Efa aba kubalilapo babili, bali ni bani?

7. Bushe abana bambi abali pa cikope ni bani?

Ifipusho na fimbi:

1. Belengeni Ukutendeka 3:16-23 na 4:1, 2.

   1.    

   2.  

   3.   

2. Belengeni Ukusokolola 21:3, 4.

   Bushe “ifya ntanshi” ifyo mufwaya ukuti fikafumepo ni finshi?

Ilyashi 6

1. Milimo nshi Kaini na Abele balebomba?

2. Bupe nshi Kaini na Abele batwele kuli Yehova?

3. Cinshi Yehova asekelele ubupe bwa kwa Abele, no kukanasekelela ubwa kwa Kaini?

4. Bushe Kaini ali shani, kabili cinshi Yehova amwebele pa kuti amulungike?

5. Cinshi Kaini acitile ilyo bali fye beka na munyina mu mpanga?

6. Londolola icacitikile Kaini ilyo aipeye munyina.

Ifipusho na fimbi:

1. Belengeni Ukutendeka 4:2-26.

   1.  

   2.  

   3.   

2. Belengeni 1 Yohane 3:11, 12.

   1.    

   2.   

3. Belengeni Yohane 11: 25.

   Bushe Yehova alaya ukuti cinshi cikacitika ku bomfwila ubulungami? (Yoh. 5:24)

Ilyashi 7

1. Bushe Enoke apusene shani na bantu bambi?

2. Cinshi abantu mu nshiku sha kwa Enoke balecitila ifyabipa ifingi?

3. Fibi nshi abantu balecita? (Mona icikope)

4. Cinshi Enoke alingiile ukuba uwashipa?

5. Myaka inga abantu baleikala mu nshita ya kwa Enoke, lelo myaka inga Enoke aikele?

6. Cinshi cacitike ilyo Enoke afwile?

Ifipusho na fimbi:

1. Belengeni Ukutendeka 5:21-24, 27.

   1.  

   2.  

2. Belengeni Ukutendeka 6:5.

   Bushe ifintu fyabipile shani pe sonde ilyo Enoke afwile, e lyo bushe ifyalecitika lilya fyapalana shani ne filecitika muno nshiku? (2 Tim. 3:13)

3. Belengeni AbaHebere 11:5.

   Cinshi Enoke alecita icalengele “alesekesha Lesa,” kabili cinshi cafuminemo? (Ukute. 5:22)

4. Belengeni Yuda 14, 15.

   Bushe Abena Kristu pali lelo kuti baba shani abashipa nga Enoke ilyo balesoka abantu pa bulwi buleisa ubwa Armagedone? (2 Tim. 4:2; Heb. 13:6)

Ilyashi 8

1. Cinshi cacitike ilyo bamalaika bamo aba kwa Lesa baumfwilile Satana?

2. Cinshi bamalaika bamo bashiliile umulimo bakwete ku muulu no kwisa pano isonde?

3. Cinshi cabipiile kuli bamalaika ukwisa pano calo no kuisangula abantu?

4. Abana ba bamalaika bapusene shani na bana bambi?

5. Nga fintu ulemona pa cikope, finshi abana ba bamalaika balecita ilyo basangwike amapaka?

6. Ilyo Enoke afwile, muntu nshi umusuma uwaishileba pe sonde kabili cinshi Lesa amutemenwe?

Ifipusho na fimbi:

1. Belengeni Ukutendeka 6:1-8.

   Bushe Ukutendeka 6:6 kulanga shani ifyo Yehova omfwa pa fyo tucita? (Amalu. 78:40, 41; Amapi. 27:11)

2. Belengeni Yuda 6.

   Finshi tusambililako ku fyacitikile bamalaika “abashasungile ififulo ifyo bakwete” mu nshiku sha kwa Noa? (1 Kor. 3:5-9; 2 Pet. 2:4, 9, 10)

Ilyashi 9

1. Bantu banga baali mu lupwa lwa kwa Noa, kabili abana bakwe batatu abaume bali ni bani amashina?

2. Cinshi Lesa aebele Noa ukucita, kabili mulandu nshi?

3. Bushe abantu bacitile shani ilyo Noa abebele pa cibwato?

4. Cinshi Lesa aebele Noa ukucita ku finama?

5. Cinshi Noa no lupwa lwakwe bacitile ilyo Lesa aisele iciibi ca cibwato?

Ifipusho na fimbi:

1. Belengeni Ukutendeka 6:9-22.

   1.   

   2.   

   3.   

2. Belengeni Ukutendeka 7:1-9.

   Ukwishiba ukutila Yehova alemona Noa uwali uushapwililika ukutila mulungami kuti kwatukoselesha shani? (Ukute. 7:1; Amapi. 10:16; Esa. 26:7)

Ilyashi 10

1. Cinshi kushabelele wa kwingila mu cibwato ilyo imfula yatendeke ukuloka?

2. Ni nshiku shinga Yehova alengele imfula ukuloka kabili amenshi yafikile pi ubwingi?

3. Cinshi cacitike ku cibwato ilyo amenshi yatendeke ukufula?

4. Bushe amapaka yalipuswike pa Lyeshi, kabili cinshi cacitike kuli bashibo?

5. Cinshi cacitike ku cibwato pa numa ya myeshi 5?

6. Cinshi Noa afumiishe mwankole mu cibwato?

7. Bushe Noa aishibe shani ukuti amenshi nayakama?

8. Cinshi Lesa aebele Noa pa numa ya kwikala mu cibwato no lupwa lwakwe ukucila pa mwaka umo?

Ifipusho na fimbi:

1. Belengeni Ukutendeka 7:10-24.

   1.  

   2.  

2. Belengeni Ukutendeka 8:1-17.

   Bushe pa Ukutendeka 8:17 palanga shani ukuti ubufwayo bwa kwa Yehova kwi sonde tabwayalwike? (Ukute. 1:22)

3. Belengeni 1 Petro 3:19, 20.

   1.  

   2.  

Ilyashi 11

1. Nga fintu ulemona pa cikope, cinshi Noa acitile ilyo afumine fye mu cibwato?

2. Cinshi Lesa aebele Noa no lupwa lwakwe pa numa ya Lyeshi?

3. Cinshi Lesa alaile abantu?

4. Nga twamona umukolamfula, cinshi tufwile ukulaibukisha?

Ifipusho na fimbi:

1. Belengeni Ukutendeka 8:18-22.

   1.   

   2.   

2. Belengeni Ukutendeka 9:9-17.

   1.  

   2.  

Ilyashi 12

1. Nimrode ali nani, e lyo bushe Lesa alemumona shani?

2. Nga fintu ulemona pa cikope, cinshi abantu balepangila injelwa?

3. Cinshi Yehova ashalefwaila abantu ukukuula icilupungu?

4. Bushe Lesa acitile shani pa kuti abantu baleke ukukuula ulupungu?

5. Bushe umusumba bawinike ati shani, kabili ilyo ishina lipilibula cinshi?

6. Cinshi abantu bacitile ilyo Lesa alengele batampe ukulanda ifitundu fyapusana?

Ifipusho na fimbi:

1. Belengeni Ukutendeka 10:1, 8-10.

   Bushe Nimrode aali shani kabili cinshi tufwile ukusambililako kuli ici? (Amapi. 3:31)

2. Belengeni Ukutendeka 11:1-9.

   Cinshi abantu batampiile ukukuula ulupungu, kabili cinshi bafililwe ukulupwisha? (Ukute. 11:4; Amapi. 16:18; Yoh. 5:44)

Ilyashi 13

1. Abantu baali mu musumba wa Uri bali shani?

2. Bushe uyu mwaume ulemona pa cikope ni nani, kabili ni kwi aleikala?

3. Cinshi Lesa aebele Abrahamu ukucita?

4. Cinshi Abrahamu balemwitila ati cibusa wa kwa Lesa?

5. Ni bani baile na Abrahamu ilyo afumine mu Uri?

6. Cinshi Lesa aebele Abrahamu ilyo afikile mu calo ca Kanaani?

7. Cinshi Lesa alaile Abrahamu ilyo ali ne myaka 99?

Ifipusho na fimbi:

1. Belengeni Ukutendeka 11:27-32.

   1.  

   2.   

2. Belengeni Ukutendeka 12:1-7.

   Bushe finshi Yehova asanshishe mu cipingo apangene na Abrahamu ilyo Abrahamu afikile mu calo ca Kanaani? (Ukute. 12:7)

3. Belengeni Ukutendeka 17:1-8, 15-17.

   1.  

   2.  

4. Belengeni Ukutendeka 18:9-19.

   1.    

   2.    

Ilyashi 14

1. Cinshi Lesa alaile Abrahamu, kabili Lesa afikilishe shani ubo bulayo?

2. Nge fyo ulemona mu cikope, bushe Lesa aeseshe shani icitetekelo ca kwa Abrahamu?

3. Cinshi Abrahamu acitile nangu ca kutila taishibe ico Lesa amwebeele ukucite co?

4. Cinshi cacitike ilyo Abrahamu abuulile umwele ukuti epaye umwana wakwe?

5. Bushe icitetekelo ca kwa Abrahamu cali shani?

6. Cinshi Lesa apekanishishe Abrahamu ukuti e co apeele nge lambo, kabili apekenye shani?

Ifipusho na fimbi:

1. Belengeni Ukutendeka 21:1-7.

   Cinshi calengele Abrahamu asembulule umwana wakwe pa bushiku bwalenga 8? (Ukute. 17:10-12; 21:4)

2. Belengeni Ukutendeka 22:1-18.

   Bushe Isaki anakiile shani wishi, Abrahamu, kabili ico acitile calangile shani icintu icacindama icali no kucitika ku ntanshi? (Ukute. 22:7-9; 1 Kor. 5:7; Fil. 2:8, 9)

Ilyashi 15

1. Cinshi calengele Abrahamu na Lote ukupaatukana?

2. Cinshi Lote asaliile ukwikala mu Sodomu?

3. Bushe abantu ba mu Sodomu baali shani?

4. Bushe bamalaika babili basokele Lote ati shani?

5. Cinshi muka Lote asangukiile ilibwe lya mucele?

6. Cinshi twingasambilila ku cacitikile muka Lote?

Ifipusho na fimbi:

1. Belengeni Ukutendeka 13:5-13.

   Cinshi twingasambilila kuli Abrahamu pa fya kupwisha ubwafya nga twapusana na banensu? (Ukute. 13:8, 9; Rom. 12:10; Fil. 2:3, 4)

2. Belengeni Ukutendeka 18:20-33.

   Bushe ifyo Yehova alanshenye na Abrahamu fitulanga shani ukuti Yehova na Yesu bakapingula mu bulungami? (Ukute. 18:25, 26; Mat. 25:31-33)

3. Belengeni Ukutendeka 19:1-29.

   1.    

   2.    

4. Belengeni Luka 17:28-32.

   Bushe muka Lote alemona shani ifyuma, kabili cinshi tusambilila kuli ici? (Luka 12:15; 17:31, 32; Mat. 6:19-21, 25)

5. Belengeni 2 Petro 2:6-8.

   Bushe tufwile ukumona shani ifya muli cino calo cabipa nga tulefwaya ukupashanya Lote? (Esek. 9:4; 1 Yoh. 2:15-17)

Ilyashi 16

1. Uyu umwaume no mwanakashi abali pa cikope ni bani?

2. Cinshi Abrahamu acitile pa kufwaila umwana wakwe umukashi, kabili mulandu nshi acitiile ico?

3. Bushe ipepo lya mubomfi wa kwa Abrahamu lyayaswikwe shani?

4. Bushe Rebeka ayaswike shani ilyo bamwipwishe nga aalefwaya ukuupwa kuli Isaki?

5. Cinshi calengele Isaki ukuba uwa nsansa na kabili?

Ifipusho na fimbi:

1. Belengeni Ukutendeka 24:1-67.

   1.    

   2.    

   3.    

Ilyashi 17

1. Bushe Esau na Yakobo bali ni bani kabili bapusene muli finshi?

2. Bushe Esau na Yakobo bali ne myaka inga ilyo Abrahamu shikulwibo afwile?

3. Cinshi Esau acitile icaleteele bawishi na banyina ubulanda?

4. Cinshi Esau afulilwe Yakobo, munyina?

5. Cinshi Isaki aebele umwana wakwe Yakobo ukucita?

Ifipusho na fimbi:

1. Belengeni Ukutendeka 25:5-11, 20-34.

   1.  

   2.  

2. Belengeni Ukutendeka 26:34, 35, 27:1-46; na 28:1-5.

   1.   

   2.  

3. Belengeni AbaHebere 12:16, 17.

   Bushe ifyacitikiile Esau filanga shani ifikacitikila abasuula ifya kwa Lesa?

Ilyashi 18

1. Bushe uyu umukashana ali pa cikope nani, kabili cinshi Yakobo acitile pa kumwafwa?

2. Cinshi Yakobo aipeeleshe ukucita pa kuti ope Rakele?

3. Cinshi Labani acitile ilyo inshita yafikile iya kuti Yakobo ope Rakele?

4. Cinshi Yakobo asumine ukucita pa kuti Rakele abe umukashi wakwe?

Ifipusho na fimbi:

1. Belengeni Ukutendeka 29:1-30.

   1.    

   2.     

   3.   

Ilyashi 19

1. Bushe abana 6 abo Yakobo afyele muli Leya bali ni bani amashina?

2. Abana babili abo Silupa umubomfi wa kwa Leya afyalile Yakobo bali ni bani?

3. Bushe abana abaume babili abo umubomfi wa kwa Rakele, Bilha afyalile Yakobo bali ni bani?

4. Bushe abana babili abo Rakele afyele bali ni bani kabili cinshi cacitike ilyo uwa bubili afyelwe?

5. Nga fintu ulemona mu cikope, bushe Yakobo akwete abana baume banga kabili luko nshi lwafumine muli bena?

Ifipusho na fimbi:

1. Belengeni Ukutendeka 29:32-35; 30:1-26; na 35:16-19.

   Nga filya cali ku bana ba kwa Yakobo 12, bushe abana baume abaHebere baleinikwa shani ku kale?

2. Belengeni Ukutendeka 37:35.

   Nangu ca kutila Dina e walumbulwa fye mu Baibolo, twaishiba shani ukuti Yakobo alikwete abana abanakashi na bambi? (Ukute. 37:34, 35)

Ilyashi 20

1. Cinshi Abrahamu na Isaki bashalefwaila abana babo ukuupana na bena Kanaani?

2. Bushe Yakobo alisuminishe umwana wakwe ukwangala na bakashana abena Kanaani?

3. Pali ici icikope, umwaume uulelolesha Dina nani, kabili bubi nshi acitile?

4. Cinshi Simeone na Lebi, bandume ya kwa Dina bacitile ilyo baumfwile icacitike?

5. Bushe Yakobo alitemenwe ifyo Simeone na Lebi bacitile?

6. Bushe amafya ulu lupwa lwakwete yatendeke shani?

Ifipusho na fimbi:

1. Belengeni Ukutendeka 34:1-31.

   1. Londololeni. (Ukute. 34:1)

   2.  

   3.    

Ilyashi 21

1. Cinshi calengele ukuti Yosefe bamupate kuli bamunyina, kabili cinshi bacitile?

2. Cinshi bamunyina ba kwa Yosefe balefwaya ukumucita, lelo cinshi Rubene asosele?

3. Cinshi cacitike ilyo abena Ishmaele baishile?

4. Cinshi bamunyina ba kwa Yosefe bacitile pa kuti shibo amone kwati Yosefe nafwa?

Ifipusho na fimbi:

1. Belengeni Ukutendeka 37:1-35.

   1.    

   2.     

   3.  

Ilyashi 22

1. Yosefe ali ne myaka inga ilyo bamusendele ku Egupti, kabili cinshi cacitike ilyo afikile kulya?

2. Mulandu nshi Yosefe bamubikiile mu cifungo?

3. Mulimo nshi Yosefe bamupeele mu cifungo?

4. Ilyo Yosefe ali mu cifungo, finshi acitiile uwalepeela Farao ifya kunwa no walemupangila umukate?

5. Cinshi cacitike ilyo uwalepeela Farao ifya kunwa afumine mu cifungo?

Ifipusho na fimbi:

1. Belengeni Ukutendeka 39:1-23.

   Apo takwali ifunde lya kwa Lesa ilyaleseshe ubucende ilyalembelwe mu nshiku sha kwa Yosefe, cinshi calengele Yosefe afulumuke muka Potifari? (Ukute. 2:24; 20:3; 39:9)

2. Belengeni Ukutendeka 40:1-23.

   1.  

   2.  

   3.     

   4.     

Ilyashi 23

1. Cinshi cacitikiile Farao bushiku bumo ilyo aleele?

2. Cinshi calengele uwalepeela Farao ifya kunwa ebukishe Yosefe?

3. Nga fintu ulemona pa cikope, filoto nshi fibili ifyo Farao alotele?

4. Yosefe alondolwele shani ifiloto?

5. Cinshi calengele Yosefe acindame sana mu Egupti no kuba uwa cibili kuli Farao?

6. Cinshi bamunyina Yosefe bailiile ku Egupti, kabili cinshi bashamwishibiile Yosefe?

7. Ciloto nshi Yosefe aibukishe, kabili camwafwile ukwiluka cinshi?

Ifipusho na fimbi:

1. Belengeni Ukutendeka 41:1-57.

   1.      

   2.   

2. Belengeni Ukutendeka 42:1-8 na 50:20.

   Bushe calilubana kuli bakapepa ba kwa Yehova ukukontamina umuntu ku kumulanga umucinshi pa mulandu wa cifulo akwata nga ca kutila e mwata mu calo cabo? (Ukute. 42:6)

Ilyashi 24

1. Cinshi Yosefe aebele bamunyina ukuti ni nengu?

2. Cinshi Yakobo asuminishishe, Benjamini, umwana wakwe umwaice ukuya ku Egupti?

3. Cali shani pa kuti kapu ya silfere iya kwa Yosefe isangwe mu mufuko wa kwa Benjamini?

4. Cinshi Yuda aipeeleshe ukucita pa kuti Benjamini eshala?

5. Cinshi calangile ukuti bamunyina Yosefe balyalwike?

Ifipusho na fimbi:

1. Belengeni Ukutendeka 42:9-38.

   Bushe ifyasosele Yosefe pa Ukutendeka 42:18 fyafwa shani abatungulula mu cilonganino ca kwa Yehova pali lelo? (Nehe. 5:15; 2 Kor. 7:1, 2)

2. Belengeni Ukutendeka 43:1-34.

   1.      

   2.  

3. Belengeni Ukutendeka 44:1-34.

   1.    

   2.   

Ilyashi 25

1. Cinshi cacitike ilyo Yosefe aisokolwele kuli bamunyina?

2. Cinshi Yosefe aebele bamunyina mu cikuuku?

3. Cinshi Farao acitile ilyo aumfwile ukuti bamunyina Yosefe nabesa?

4. Bushe aba mu lupwa lwa kwa Yakobo bali banga ilyo bakuukile ku Egupti?

5. Bushe aba mu lupwa lwa kwa Yakobo batendeke ukwitwa ati shani kabili mulandu nshi?

Ifipusho na fimbi:

1. Belengeni Ukutendeka 45:1-28.

   Bushe ilyashi lya mu Baibolo ililanda pali Yosefe lilanga shani ukuti Yehova kuti ayalula ifyali no kuleta ububi ku babomfi bakwe fyaleta ubusuma? (Ukute. 45:5-8; Esa. 8:10; Fil. 1:12-14)

2. Belengeni Ukutendeka 46:1-27.

   Cinshi Yehova alaile Yakobo ilyo aleya ku Egupti? (Ukute. 46:1-4)

Ilyashi 26

1. Yobo ali nani?

2. Cinshi Satana alefwaya ukucita, bushe fyalibombele?

3. Cinshi Yehova asuminishe Satana ukucita, kabili mulandu nshi?

4. Cinshi umukashi wa kwa Yobo aebeele Yobo ‘ukutuka Lesa pa kuti afwe’? (Mona icikope)

5. Nga fintu ulemona mu cikope ca bubili, bushe Yehova apaalile shani Yobo, kabili cinshi amupaaliile?

6. Nga ca kutila twacetekela Yehova nga Yobo, mapaalo nshi tukakwata?

Ifipusho na fimbi:

1. Belengeni Yobo 1:1-22.

   Bushe Abena Kristu pali lelo kuti bapashanya shani Yobo? (Yobo 1:1; Fil. 2:15; 2 Pet.3:14)

2. Belengeni Yobo 2:1-13.

   Landeni ifintu fibili ifyacitile Yobo ifyapusene ne fyo umukashi wakwe acitile ilyo Satana alebacusha. (Yobo 2:9, 10; Amapi. 19:3; Mika 7:7; Mal. 3:14)

3. Belengeni Yobo 42:10-17.

   1.   

   2.       

Ilyashi 27

1. Bushe uyu mwaume ali ne cikoti pa cikope ni nani, kabili nani aleuma?

2. Ilyo Yosefe afwile, cinshi cacitikiile abena Israele?

3. Cinshi abena Egupti batendekeele ukutiina abena Israele?

4. Cinshi Farao aebele abanakashi abalepaapisha abanakashi abena Israele ukulacita?

Ifipusho na fimbi:

1. Belengeni Ukufuma 1:6-22.

   1.    

   2.   

   3.   

   4.  

Ilyashi 28

1. Bushe umwana uuli pa cikope ni nani kabili munwe wa kwa nani ekete?

2. Cinshi nyina wa kwa Mose acitile pa kuti Mose bemwipaya?

3. Bushe uyu umwaice uuli pa cikope ni nani kabili cinshi acitile?

4. Ilyo umwana mwanakashi wa kwa Farao asangile akanya, cinshi Miriamu amwebele?

5. Cinshi umwana wa mfumu aebele nyina wa kwa Mose?

Icipusho na cimbi:

1. Belengeni Ukufuma 2:1-10.

   Cinshi calengele nyina wa kwa Mose akwate ishuko lya kusambilisha Mose ku bunya, kabili cinshi abafyashi bengasambililako muno nshiku? (Ukufu. 2:9, 10; Amala. 6:6-9; Amapi. 22:6; Efes. 6:4; 2 Tim. 3:15)

Ilyashi 29

1. Mose akuliile kwi, lelo cinshi aishibe pa bafyashi bakwe?

2. Cinshi Mose acitile ilyo ali ne myaka 40?

3. Cinshi Mose aebele umwina Israele uwaleuma umunankwe, kabili ulya mwina Israele amwaswike shani?

4. Cinshi Mose abutukiile ukufuma ku Egupti?

5. Ni kwi Mose abutukiile kabili ni bani aileishibana nabo?

6. Finshi Mose alecita pa myaka 40 ilyo abutwike ukufuma mu Egupti?

Ifipusho na fimbi:

1. Belengeni Ukufuma 2:11-25.

   Nangu ca kutila Mose alisambilile amano ya bena Egupti pa myaka iingi, alangile shani ukuti ali uwa cishinka kuli Yehova na ku bantu bakwe? (Ukufu. 2:11, 12; Heb. 11:24)

2. Belengeni Imilimo 7:22-29.

   Cinshi twingasambilila kuli filya Mose aeseshe ukufumya abena Israele mu busha pa lwakwe? (Imil. 7:23-25; 1 Pet. 5:6, 10)

Ilyashi 30

1. Bushe ulupili ulemona pa cikope lwitwa ati shani?

2. Londolola icipesha amano Mose amwene ilyo aile ku lupili ne mpaanga shakwe.

3. Lishiwi lya kwa nani ilyafumine mu cimpusa kabili cinshi lyasosele?

4. Bushe Mose ayaswike ati shani ilyo Lesa amwebele ukuti akatungulula abantu ba kwa Lesa ukufuma mu Egupti?

5. Finshi Lesa aebele Mose ukulanda abantu nga bafwaya ukwishiba uwamutumine?

6. Bushe Mose ali no kucita cinshi pa kuti abantu bacetekele ukuti ni Lesa wamutumine?

Ifipusho na fimbi:

1. Belengeni Ukufuma 3:1-22.

   Bushe ifyacitikile Mose fitwafwa shani ukucetekela ukuti, Yehova kuti atwafwa nangu ca kutila tatufikilepo ukubomba umulimo wakwe? (Ukufu. 3:11, 13; 2 Kor 3:5, 6)

2. Belengeni Ukufuma 4:1-20.

   1.        

   2.    

Ilyashi 31

1. Bushe ifipesha amano ifyo Mose na Aarone bacitile fyalengele abena Israele ukucita cinshi?

2. Cinshi Mose na Aarone baebele Farao, kabili Farao ayaswike shani?

3. Nga fintu icikope cilelanga, cinshi cacitike ilyo Aarone apoosele inkonto yakwe pa nshi?

4. Cinshi Yehova acitile pa kuti asambilishe Farao, kabili Farao acitile shani?

5. Cinshi cacitike pa numa ya cinkunka calenga2 10?

Ifipusho na fimbi:

1. Belengeni Ukufuma 4:27-31 na 5:1-23.

   Bushe Farao aloseshe mwi ilyo atile: “Yehova ine nshamwishiba nakalya”? (Ukufu. 5:2; 1 Sam. 2:12; Rom. 1:21)

2. Belengeni Ukufuma 6:1-13, 26-30.

   1.    

   2.    

3. Belengeni Ukufuma 7:1-13.

   1.    

   2.   

Ilyashi 32

1. Nga fintu ulemona pa fikope, londolola ifinkunka fya kubalilapo fitatu ifyo Yehova aletele mu Egupti.

2. Bushe ifinkunka fya kubalilapo fitatu fyapusene shani ne finkunka fimbi?

3. Bushe ifinkunka fyalenga 4, 5 na 6 fyali ni finshi?

4. Londolola ifinkunka fyalenga 7, 8, na 9.

5. Cinshi Yehova aebele abena Israele ukucita ilyo icinkunka calenga 10 cishilacitika?

6. Finshi fyacitike mu cinkunka calenga 10 kabili cinshi cacitike pa numa?

Ifipusho na fimbi:

1. Belengeni Ukufuma 7:19–8:23.

   1.   

   2.    

2. Belengeni Ukufuma 8:24; 9:3, 6, 10, 11, 14, 16, 23-25; na 10:13-15, 21-23.

   1.    

   2.    

3. Belengeni Ukufuma 12:21-32.

   Bushe Ica Kucilila calengele shani abengi ukupusuka kabili caleimininako cinshi icali no kucitika ku ntanshi? (Ukufu. 12:21-23; Yoh. 1:29; Rom. 5:18, 19, 21; 1 Kor. 5:7)

Ilyashi 33

1. Bushe ni banga abaume abena Israele abafumine mu Egupti, capamo na banakashi na bana, kabili ni bani baile nabo?

2. Bushe Farao aumfwile shani pa numa ya kusuminisha abena Israele ukuya, kabili cinshi acitile?

3. Cinshi Yehova acitile pa kuti abena Egupti besansa abantu bakwe?

4. Cinshi cacitike ilyo Mose atambalike inkonto yakwe pali Bemba Wakashika, kabili cinshi abena Israele bacitile?

5. Cinshi cacitike ilyo abena Egupti bakonkele abena Israele pali bemba?

6. Bushe abena Israele balangile shani insansa shabo no kutasha kuli Yehova pa kubapususha?

Ifipusho na fimbi:

1. Belengeni Ukufuma 12:33-36.

   Bushe Yehova apaalile shani abantu bakwe ilyo balefuma mu Egupti umo bali abasha pa myaka iingi? (Ukufu. 3:21, 22; 12:35, 36)

2. Belengeni Ukufuma 14:1-31.

   Bushe amashiwi ya kwa Mose ayaba pa Ukufuma 14:13, 14 yakuma shani ababomfi ba kwa Yehova ilyo inkondo ya Armagedone ilepalama? (2 Imila. 20:17; Amalu. 91:8)

3. Belengeni Ukufuma 15:1-8, 20, 21.

   1.    

   2.   

Ilyashi 34

1. Mu cikope, finshi abantu baletoola, kabili fitwa ati shani?

2. Cinshi Mose aebele abantu ukulakonka pa kutoola mana?

3. Cinshi Yehova aebele abantu ukucita pa bushiku bwalenga 6, kabili mulandu nshi?

4. Cipesha amano nshi Yehova alecita nga basunga mana ukufika pa bushiku bwalenga 7?

5. Bushe Yehova aliishishe abantu mana pa myaka inga?

Ifipusho na fimbi:

1. Belengeni Ukufuma 16:1-36 na Impendwa 11:7-9.

   1.    

   2.    

   3.   

2. Belengeni Yoshua 5:10-12.

   Bushe myaka inga abena Israele baliile mana, kabili ukulya mana kwaeseshe shani icitetekelo cabo, e lyo cinshi twingasambilila kuli ili lyashi? (Ukufu. 16:35; Impe. 11:4-6; 1 Kor. 10:10, 11)

Ilyashi 35

1. Ilyo abena Israele bafumine mu Egupti, ni kwi baileikala pa numa ya myeshi mupepi na ibili?

2. Yehova atile alefwaya abantu ukucita cinshi, kabili bayaswike ati shani?

3. Cinshi Yehova apeelele Mose amabwe yabili ayapaapaatala?

4. Mafunde nshi yambi ayo Yehova apeele abena Israele ukulunda pali yalya ikumi?

5. Mafunde nshi yabili ayo Yesu Kristu atile e yakalamba pali yonse?

Ifipusho na fimbi:

1. Belengeni Ukufuma 19:1-25; 20:1-21; 24:12-18; na 31:18.

   Bushe amashiwi yaba pa Ukufuma 19:8 yatwafwa shani ukwishiba umwalola ukuipeela kwa Bwina Kristu? (Mat. 16:24; 1 Pet. 4:1-3)

2. Belengeni Amalango 6:4-6; Ubwina Lebi 19:18; na Mateo 22:36-40.

   Bushe Abena Kristu balanga shani ukuti balitemwa Lesa na bantu banabo? (Marko 6:34; Imil. 4:20; Rom. 15:2)

Ilyashi 36

1. Mu cikope, cinshi abantu balecita kabili mulandu nshi balecitila ifyo?

2. Cinshi Yehova akalipiile, kabili cinshi Mose acitile ilyo amwene ifyo abantu balecita?

3. Cinshi Mose aebele abaume bamo ukucita?

4. Cinshi ili lyashi liletusambilisha?

Ifipusho na fimbi:

1. Belengeni Ukufuma 32:1-35.

   1.     

   2.    

   3.   

Ilyashi 37

1. Bushe ici cikuulwa cili pa cikope citwa ati shani, kabili balecibomfya kuli finshi?

2. Cinshi Yehova aebele Mose ukupanga bwino ica kupepelamo pa kuti cileanguka ukucipangulula?

3. Bushe akabokoshi akali mu muputule uunono ku mpela, baleketa ati shani, kabili finshi balesungilamo?

4. Nani Yehova asalile ukuba shimapepo mukalamba, kabili cinshi shimapepo mukalamba alecita?

5. Lumbula ifintu fitatu ifyali mu muputule ukalamba uwa cikuulwa ca kupepelamo.

6. Finshi fibili ifyali mu lubansa lwa cikuulwa ca kupepelamo, kabili balefibomfya kuli finshi?

Ifipusho na fimbi:

1. Belengeni Ukufuma 25:8-40; 26:1-37; 27:1-8; na 28:1.

   Bushe bakerubi abaali pa “cipao ca cipangano” baleimininako bani? (Ukufu. 25:20, 22; Impe. 7:89; 2 Isha. 19:15)

2. Belengeni Ukufuma 30:1-10, 17-21; 34:1, 2; na AbaHebere 9:1-5.

   1.    

   2.    

Ilyashi 38

1. Bushe ifisabo fili pa cikope filemoneka shani, kabili bafifumishe kwi?

2. Cinshi Mose atumiine inengu 12 mu calo ca Kanaani?

3. Cinshi inengu 10 shasosele ilyo shabwelele kuli Mose?

4. Bushe inengu shibili shalangile shani ukuti shalitetekeele Yehova? Lumbula amashina ya ishi inengu.

5. Cinshi Yehova akalipiile, kabili cinshi aebele Mose?

Ifipusho na fimbi:

1. Belengeni Impendwa 13:1-33.

   1.   

   2.    

2. Belengeni Impendwa 14:1-38.

   1.      

   2.     

Ilyashi 39

1. Ni bani bapondokele ubutungulushi bwa kwa Mose na Aarone, kabili cinshi baebele Mose?

2. Cinshi Mose aebele Kora na balemukonka 250 ukuti bacite?

3. Cinshi Mose aebele abantu, kabili cinshi cacitike ilyo alekele fye ukulanda?

4. Cinshi cacitikile Kora na balemukonka 250?

5. Cinshi Eleasari, umwana wa kwa Aarone acitile ku fya kufutumwinapo fya baume abafwile, kabili mulandu nshi acitiile co?

6. Cinshi Lesa alengeele inkonto ya kwa Aarone ukubalula? (Mona icikope.)

Ifipusho na fimbi:

1. Belengeni Impendwa 16:1-49.

   1.     

   2.    

2. Belengeni Impendwa 17:1-11 na 26:10.

   1.    

   2.     

Ilyashi 40

1. Bushe Yehova alesunga shani abena Israele ilyo bali mu matololo?

2. Finshi abena Israele bailishenye ilyo baali mu Kadeshi?

3. Bushe Yehova acitile shani pa kuti abantu ne nama bakwate amenshi?

4. Pa cikope, nani uyu aleisonta kabili cinshi aleisontela?

5. Cinshi Yehova akalipiile Mose na Aarone, kabili cinshi abebele pa co bacitile?

6. Cinshi cacitike pa Lupili lwa Hore, kabili nani aishileba shimapepo mukalamba?

Ifipusho na fimbi:

1. Belengeni Impendwa 20:1-13, 22-29; na Amalango 29:5.

   1.    

   2.    

   3.      

Ilyashi 41

1. Pa cikope, cinshi cipombelwe ku cimuti, kabili cinshi Yehova aebeele Mose ukucipomba ku cimuti?

2. Abantu balangile shani ukuti tabaletasha pali fyonse ifyo Lesa abacitiile?

3. Cinshi abantu balombele Mose ukucita ilyo Yehova abatumiine insoka sha busungu ku kubasuma?

4. Cinshi Yehova aebele Mose ukupanga insoka ya mukuba?

5. Cinshi twingasambilila kuli ili lyashi?

Ifipusho na fimbi:

1. Belengeni Impendwa 21:4-9.

   1.   

   2.   

2. Belengeni Yohane 3:14, 15.

   Bushe ukukobeka insoka ya mukuba ku cimuti kwaiminineko shani ukupopelwa kwa kwa Yesu Kristu? (Gal. 3:13; 1 Pet. 2:24)

Ilyashi 42

1. Balaki ali ni nani, kabili cinshi aitiile Balaamu?

2. Cinshi impunda ya kwa Balaamu yalaalile pa nshi mu musebo?

3. Cinshi Balaamu aumfwile impunda yalanda?

4. Cinshi malaika aebele Balaamu?

5. Cinshi cacitike ilyo Balaamu aeseshe ukutiipa abena Israele?

Ifipusho na fimbi:

1. Belengeni Impendwa 21:21-35.

   Cinshi calengele abena Israele ukucimfya Imfumu Sihone iya bena Amore ne Mfumu Oge iya ku Bashani? (Impe. 21:21, 23, 33, 34)

2. Belengeni Impendwa 22:1-40.

   Cinshi Balaamu alefwaila ukutiipa abena Israele, kabili cinshi twingasambilila kuli ici? (Impe. 22:16, 17; Amapi. 6:16, 18; 2 Pet. 2:15; Yuda 11)

3. Belengeni Impendwa 23:1-30.

   Nangu ca kutila Balaamu alelanda kwati ni kapepa wa kwa Yehova, bushe ifyo acitile fyalangile shani ukuti taali kapepa? (Impe. 23:3, 11-14; 1 Sam. 15:22)

4. Belengeni Impendwa 24:1-25.

   Bushe ili lyashi lya mu Baibolo litwafwa shani ukucetekela ukuti Yehova akafikilisha ukufwaya kwakwe? (Impe. 24:10; Esa. 54:17)

Ilyashi 43

1. Pa cikope, abaume babili abali na Mose ni bani?

2. Cinshi Yehova aebele Yoshua?

3. Cinshi Mose aniniine Ulupili lwa Nebo, kabili cinshi Yehova amwebele?

4. Bushe Mose afwile ninshi ali ne myaka inga?

5. Cinshi calengele abantu ukuba no bulanda, lelo cinshi cabaleteele insansa?

Ifipusho na fimbi:

1. Belengeni Impendwa 27:12-23.

   Mulimo nshi uukalamba uo Yehova apeele Yoshua, kabili bushe Yehova asakamana shani abantu bakwe muno nshiku? (Impe. 27:15-19; Imil. 20:28; Heb. 13:7)

2. Belengeni Amalango 3:23-29.

   Cinshi Yehova ashalekeele Mose na Aarone ukwabuka ukuya mu calo ca bulayo, kabili cinshi twingasambililako kuli ici? (Amala. 3:25-27; Impe. 20:12, 13)

3. Belengeni Amalango 31:1-8, 14-23.

   Bushe amashiwi Mose asosele ku bena Israele ilyo ali mupepi no kufwa yalangile shani ukuti alipokelele ukusalapula kwa kwa Yehova? (Amala. 31:6-8, 23)

4. Belengeni Amalango 32:45-52.

   Bushe Icebo ca kwa Lesa cifwile ukulenga twaba shani? (Amala. 32:47; Lebi 18:5; Heb. 4:12)

5. Belengeni Amalango 34:1-12.

   Nangu ca kutila Mose tamwene icinso ca kwa Yehova, cinshi Amalango 34:10 yasosa pali bucibusa bwakwe na Yehova? (Ukufu. 33:11, 20; Impe. 12:8)

Ilyashi 44

1. Bushe Rahabu aleikala kwi?

2. Bushe abaume babili abali pa cikope ni bani, kabili cinshi beshiile mu Yeriko?

3. Cinshi imfumu ya mu Yeriko yaebele Rahabu ukucita, kabili Rahabu ayaswike ati shani?

4. Bushe Rahabu ayafwile shani abaume babili, kabili cinshi abalombele ukumucitila?

5. Cinshi inengu shibili shalaile Rahabu?

Ifipusho na fimbi:

1. Belengeni Yoshua 2:1-24.

   Bushe ubulayo bwa kwa Yehova ubwaba pa Ukufuma 23:28 bwafikilishiwe shani ilyo abena Israele basanshile Yeriko? (Yosh. 2:9-11)

2. Belengeni AbaHebere 11:31.

   Bushe ifyacitile Rahabu filanga shani ifyo icitetekelo cacindama? (Rom. 1:17; Heb. 10:39; Yako. 2:25)

Ilyashi 45

1. Cipesha mano nshi Yehova acitile pa kuti abena Israele baabuke Umumana wa Yordani?

2. Cinshi abena Israele bali no kucita pa mulandu wa citetekelo, icali no kulenga baabuke Umumana wa Yordani?

3. Cinshi Yehova aebeele Yoshua ukutoola amabwe ayakalamba 12 mu mumana?

4. Cinshi cacitike ilyo bashimapepo bafumine fye mu Mumana wa Yordani?

Ifipusho na fimbi:

1. Belengeni Yoshua 3:1-17.

   1.      

   2.    

2. Belengeni Yoshua 4:1-18.

   Cinshi Mose aebeele abaume ukutoola amabwe 12 mu Mumana wa Yordani no kuyabika pa Gilgali? (Yosh. 4:4-7)

Ilyashi 46

1. Cinshi Yehova aebele abaume ba bulwi na bashimapepo ukucita pa nshiku 6?

2. Cinshi abaume balingile ukucita pa bushiku bwalenga 7?

3. Nge fyo ulemona mu cikope, cinshi cilecitika ku fibumba fya Yeriko?

4. Cinshi pe windo pabelele umwando wakashika?

5. Cinshi Yoshua aebele abaume ba bulwi ukucita ku bantu na ku musumba, lelo cinshi alandile pali silfere, golde, umukuba, ne cela?

6. Cinshi inengu shibili bashebele ukucita?

Ifipusho na fimbi:

1. Belengeni Yoshua 6:1-25.

   1.     

   2.     

Ilyashi 47

1. Pa cikope, nani umwaume uuleshiika ifyuma ifyo abuulile mu Yeriko, kabili ni bani balemwafwa?

2. Mulandu nshi ico Akani no lupwa bacitile cabipiile sana?

3. Cinshi Yehova alandile ilyo Yoshua amwipwishe ico abena Israele babacimfiishe mu bulwi ku Ai?

4. Ilyo Akani no lupwa lwakwe babatwele kuli Yoshua, cinshi cabacitikiile?

5. Cinshi icacindama ico tusambilila ku fyo Akani bamupingwile?

Ifipusho na fimbi:

1. Belengeni Yoshua 7:1-26.

   1.    

   2.      

2. Belengeni Yoshua 8:1-29.

   Finshi tufwile ukulacita pa kuti icilonganino ca Bwina Kristu cibe icasanguluka pali lelo? (Yosh. 7:13; Lebi. 5:1; Amapi. 28:13)

Ilyashi 48

1. Bushe abantu ba mu Gibeone bapusene shani na bena Kanaani abali mu misumba ya mupepi?

2. Nga fintu ulemona pa cikope, cinshi abena Gibeone bacitile, e lyo cinshi bacitiile ico?

3. Cinshi Yoshua ne ntungulushi sha bena Israele balaile abena Gibeone, lelo cinshi baishibe pa numa ya nshiku shitatu?

4. Cinshi cacitike ilyo ishamfumu mu misumba imbi shaumfwile ukuti abena Gibeone nabapanga umutende na bena Israele?

Ifipusho na fimbi:

1. Belengeni Yoshua 9:1-27.

   1.      

   2.    

2. Belengeni Yoshua 10:1-5.

   Bushe ibumba likalamba pali lelo lipashanya shani abena Gibeone, kabili ici cilenga ukuti cinshi cilebacitikila? (Yosh. 10:4; Seka. 8:23; Mat. 25:35-40; Ukus. 12:17)

Ilyashi 49

1. Pa cikope, cinshi Yoshua alelanda, kabili cinshi alandiile ifyo?

2. Bushe Yehova ayafwile shani Yoshua na baume bakwe aba bulwi?

3. Ni mfumu shinga Yoshua acimfishe ishamupatile, kabili myaka inga iyapitilepo pa kuti ashicimfye?

4. Cinshi Yoshua ayakanishe icalo ca Kanaani?

5. Yoshua ali ne myaka inga ilyo afwile, kabili cinshi cacitike ku bantu ilyo afwile?

Ifipusho na fimbi:

1. Belengeni Yoshua 10:6-15.

   Bushe ukwishiba ukuti Yehova alengele akasuba no mweshi ukwiminina shilili ku bena Israele, kutukosha shani pali lelo? (Yosh. 10:8, 10, 12, 13; Amalu. 18:3; Amapi. 18:10)

2. Belengeni Yoshua 12:7-24.

   Nani walengele ukuti ishamfumu 31 isha mu Kanaani shicimfiwe, kabili cinshi tusambililako kuli ici pali lelo? (Yosh. 12:7; 24:11-13; Amala. 31:8; Luka 21:9, 25-28)

3. Belengeni Yoshua 14:1-5.

   Bushe imikowa ya bena Israele bayakenye shani icalo, kabili ici cilangilila cinshi pa fifulo tukakwata mu Paradaise? (Yosh. 14:2; Esa. 65:21; Esek. 47:21-23; 1 Kor. 14:33)

4. Belengeni Abapingushi 2:8-13.

   Nga filya Yoshua acitile mu Israele, ni bani lelo abacilikila ubusangu? (Abapi. 2:8, 10, 11; Mat. 24:45-47; 2 Tes. 2:3-6; Tito 1:7-9; Ukus. 1:1; 2:1, 2)

Ilyashi 50

1. Abapingushi ni bani, kabili lumbulapo bamo?

2. Mulimo nshi uwaibela uo Debora alebomba, kabili finshi alecita?

3. Ilyo Imfumu Yabini na Sisera, umukalamba wa bashilika ba kwa Yabini balefwaya ukusansa Israele, finshi Yehova aebele Debora ukuyaeba Umupingushi Baraki, kabili atile nani bakatasha nga bacimfya?

4. Bushe Yaele alangile shani ukuti ali mwanakashi uwashipa?

5. Cinshi cacitike ilyo Imfumu Yabini yafwile?

Ifipusho na fimbi:

1. Belengeni Abapingushi 2:14-22.

   Cinshi abena Israele bacitile icalengele Yehova akalipe, kabili cinshi twingasambililako? (Abapi. 2:20; Amapi. 3:1, 2; Esek. 18:21-23)

2. Belengeni Abapingushi 4:1-24.

   Finshi abanakashi Abena Kristu bengasambililako kuli filya Debora na Yaele baali aba citetekelo kabili abashipa? (Abapi. 4:4, 8, 9, 14, 21, 22; Amapi. 31:30; 1 Kor.16:13)

3. Belengeni Abapingushi 5:1-31.

   Bushe amashiwi yaba mu lwimbo lwa kucimfya ulwa kwa Baraki na Debora kuti yalingana shani na mashiwi twingalanda mwi pepo pa lwa nkondo ya Armagedone iilesa? (Abapi. 5:3, 31; 1 Imila. 16:8-10; Ukus. 7:9, 10; 16:16; 19:19-21)

Ilyashi 51

1. Cinshi calengele Naomi aye ku calo ca Moabu?

2. Bushe Ruti na Olipa bali ni bani?

3. Bushe Ruti na Olipa bayaswike shani ilyo Naomi abebele ukubwelela ku bantu babo?

4. Bushe Boasi ali nani, kabili ayafwile shani Ruti na Naomi?

5. Bushe umwana wa kwa Boasi na Ruti ali nani, kabili mulandu nshi tulingile ukumwibukishisha?

Ifipusho na fimbi:

1. Belengeni Ruti 1:1-17.

   1.  

   2.   

2. Belengeni Ruti 2:1-23.

   Bushe abakashana kuti bapashanya shani Ruti muno nshiku? (Ruti 2:17, 18; Amapi. 23:22; 31:15)

3. Belengeni Ruti 3:5-13.

   1.  

   2.   

4. Belengeni Ruti 4:7-17.

   Bushe abaume Abena Kristu kuti bapashanya shani Boasi? (Ruti 4:9, 10; 1 Tim. 3:1, 12, 13; 5:8)

Ilyashi 52

1. Bwafya nshi abena Israele bakwete kabili cinshi calengele?

2. Mulandu nshi Yehova aebele Gideone ati abaume ba kuya ku nkondo bafulisha?

3. Ni banga abaume abashelepo ilyo Gideone aebele abali no mwenso ukubwelela ku mayanda?

4. Nga fintu ulemona pa cikope, londolola ifyo Yehova acitile pa kuti abaile ku nkondo na Gideone bacepe ukufika kuli 300.

5. Bushe Gideone ayakenye abaume ba nkondo mu mabumba yanga, kabili bushe abena Israele bacimfishe shani ubulwi?

Ifipusho na fimbi:

1. Belengeni Abapingushi 6:36-40.

   1.  

   2.    

2. Belengeni Abapingushi 7:1-25.

   1.     

   2.     

   3.      

3. Belengeni Abapingushi 8:1-3.

   Ilyo twapusana na munyinefwe, cinshi twingasambilila ku fyo Gideone apwishishe ubwafya ilyo bapusene na bena Efraimu? (Amapi. 15:1; Mat. 5:23, 24; Luka 9:48)

Ilyashi 53

1. Yefta ali ni nani, kabili ni lilali ali pa calo?

2. Cinshi Yefta alaile Yehova?

3. Cinshi Yefta akwatile ubulanda ilyo abwelele ku ng’anda pa numa ya kucimfya abena Amone?

4. Cinshi umwana wa kwa Yefta asosele ilyo aishibe ico wishi alaile Yehova?

5. Mulandu nshi abantu batemenwe umwana wa kwa Yefta?

Ifipusho na fimbi:

1. Belengeni Abapingushi 10:6-18.

   Finshi twingasambilila ku fyacitikiile abena Israele pa kukanaba aba cishinka kuli Yehova? (Abapi. 10:6, 15, 16; Rom. 15:4; Ukus. 2:10)

2. Belengeni Abapingushi 11:1-11, 29-40.

   1.     

   2.  

   3.     

   4.    

Ilyashi 54

1. Bushe umwaume uwali na maka sana pano calo ni nani, kabili nani wamupeele amaka?

2. Cinshi Samsone acitile ku nkalamo iikalamba, nga fintu ulemona pa cikope?

3. Pa cikope, ni nkama nshi Samsone ale-eba Delila, kabili ico Samsone alandile calengele shani abaPelishiti ukumwikata?

4. Cinshi Samsone acitile pa kwipaya abalwani bakwe, abaPelishiti 3,000 pa bushiku afwile?

Ifipusho na fimbi:

1. Belengeni Abapingushi 13:1-14.

   Bushe abafyashi kuti bapashanya shani Manoa no mukashi wakwe pa kukusha abana? (Abapi. 13:8; Amalu. 127:3; Efes. 6:4)

2. Belengeni Abapingushi 14:5-9 na 15:9-16.

   1.  

   2.     

3. Belengeni Abapingushi 16:18-31.

   Cinshi cacitikiile Samsone pa mulandu wa kwampana pamo na babi, kabili cinshi twingasambililako? (Abapi. 16:18, 19; 1 Kor. 15:33)

Ilyashi 55

1. Ni nani uyu umwaice uuli pa cikope, kabili aba bambi ni bani?

2. Finshi Hana alandile mwi pepo ilyo aile kwi tempele lya kwa Yehova, kabili Yehova amwaswike shani?

3. Bushe Samwele ali ne myaka inga ilyo bamutwele mu kubombela pe tempele lya kwa Yehova, kabili cinshi banyina balemutwalila cila mwaka?

4. Bushe abana ba kwa Eli bali ni bani, kabili baali shani?

5. Bushe Yehova aitile shani Samwele, kabili finshi amwebele?

6. Finshi Samwele alecita ilyo akulile, kabili cinshi cacitike ilyo ali umukalamba?

Ifipusho na fimbi:

1. Belengeni 1 Samwele 1:1-28.

   1.     

   2.    

2. Belengeni 1 Samwele 2:11-36.

   Cinshi twingalandila ukuti Eli alicindike sana abana bakwe ukucila ifyo acindike Yehova, kabili kusoka nshi kuli muli ici? (1 Sam. 2:22-24, 27, 29; Amala. 21:18-21; Mat. 10:36, 37)

3. Belengeni 1 Samwele 4:16-18.

   Fintu nshi 4 ifyabipa ifyo uwafumine ku bulwi aebele Eli, kabili cinshi Eli acitile ilyo aumfwile ifi fyebo?

4. Belengeni 1 Samwele 8:4-9.

   Bushe abena Israele bakalifye shani Yehova, kabili kuti twatwalilila shani ukutungilila Ubufumu bwakwe? (1 Sam. 8:5, 7; Yoh. 17:16; Yako. 4:4)

Ilyashi 56

1. Cinshi Samwele alecita pa cikope, kabili mulandu nshi alecitile fyo?

2. Mulandu nshi Yehova atemenwe Shauli, kabili bushe Shauli ali shani?

3. Umwana wa kwa Shauli umwaume ali ni nani ishina, kabili cinshi alecita?

4. Mulandu nshi Shauli atuulile ilambo mu nshita ya kulolela Samwele?

5. Cinshi twingasambilila ku lyashi lya kwa Shauli?

Ifipusho na fimbi:

1. Belengeni 1 Samwele 9:15-21 na 10:17-27.

   Bushe ukuicefya kwa-afwile shani Shauli ukukanacita ifyabipa ilyo abaume bamo balandile ifyabipa pali ena? (1 Sam. 9:21; 10:21, 22, 27; Amapi. 17:27)

2. Belengeni 1 Samwele 13:5-14.

   Ilyo Shauli ali pa Gilgali, finshi acitile? (1 Sam. 10:8; 13:8, 9, 13)

3. Belengeni 1 Samwele 15:1-35.

   1.    

   2.  

   3.     

Ilyashi 57

1. Bushe umwaice uuli pa cikope ni nani, kabili twaishiba shani ukuti ali uwashipa?

2. Ni kwi Davidi aleikala, kabili bawishi na bashikulu wakwe bali ni bani?

3. Mulandu nshi Yehova aebele Samwele ukuya ku ng’anda ya kwa Yese mu Betelehemu?

4. Cinshi cacitike ilyo Yese aletele abana bakwe abaume 7 kuli Samwele?

5. Ilyo Davidi bamuletele, finshi Yehova aebele Samwele?

Ifipusho na fimbi:

1. Belengeni 1 Samwele 17:34, 35.

   Bushe ifyaba pali ili ilembo filanga shani ukuti Davidi ali uwakosa no kuti alicetekele Yehova? (1 Sam. 17:37)

2. Belengeni 1 Samwele 16:1-14.

   1.     

   2.    

Ilyashi 58

1. Mashiwi nshi aya kutiinya ayo Galyati aebele abashilika ba bena Israele?

2. Bushe Galyati alemoka shani, kabili cinshi Imfumu Shauli yalaile ukupeela umuntu uwali no kumwipaya?

3. Finshi Davidi alandile ilyo Shauli amwebele ukuti te kuti alwe na Galyati pantu ali umwaice?

4. Pa kwasuka Galyati, bushe Davidi alangile shani ukuti alicetekele Yehova?

5. Nga fintu ulemona pa cikope, cinshi Davidi abomfeshe pa kwipaya Galyati, kabili cinshi abaPelishiti bacitile?

Ifipusho na fimbi:

1. Belengeni 1 Samwele 17:1-54.

   1.    

   2.    

   3.   

   4.   

   5.    

Ilyashi 59

1. Mulandu nshi Shauli apatiile Davidi, lelo Yonatani umwana wa kwa Shauli ali shani kuli Davidi?

2. Cinshi cacitike bushiku bumo ilyo Davidi alelishisha Shauli isese?

3. Cinshi Shauli alandile ico Davidi alingile ukucita ilyo ashilasenda Mikali umwana wakwa Shauli ukuba umukashi wakwe, kabili mulandu nshi Shauli alandile ifi?

4. Ilyo Davidi alelishisha Shauli isese, cinshi cacitike umuku walenga butatu, nga fintu ulemona pa cikope?

5. Bushe Mikali apuswishe shani Davidi, kabili finshi Davidi acitile pa myaka 7?

Ifipusho na fimbi:

1. Belengeni 1 Samwele 18:1-30.

   1.     

   2.  

   3.    

2. Belengeni 1 Samwele 19:1-17.

   Bushe Yonatani aibikile shani mu kapoosa mweo ilyo alandile amashiwi ayaba pali 1 Samwele 19:4, 5? (1 Sam. 19:1, 6)

Ilyashi 60

1. Bushe uyu umwanakashi uuli pa cikope uuleisa ku kukumanya Davidi ni nani, kabili aba shani?

2. Bushe Nabali ali ni nani?

3. Mulandu nshi Davidi atumine abaume bakwe ukulomba ubwafwilisho kuli Nabali?

4. Cinshi Nabali aebele abaume ba kwa Davidi, kabili cinshi Davidi acitile ilyo aumfwile?

5. Cinshi Abigaili acitile icalangile ukuti ali uwa mano?

Ifipusho na fimbi:

1. Belengeni 1 Samwele 22:1-4.

   Bushe ifyo ulupwa lwa kwa Davidi lwacitile fitulanga shani ifyo tufwile ukula-afwana na Bena Kristu banensu? (Amapi. 17:17; 1 Tes. 5:14)

2. Belengeni 1 Samwele 25:1-43.

   1.      

   2.    

   3.     

   4.    

Ilyashi 61

1. Finshi Davidi na Abishai bacitile ilyo Shauli aleele mu nkambi?

2. Fipusho nshi Davidi aipwishe Shauli?

3. Ni kwi Davidi aile ilyo afumine kuli Shauli?

4. Cinshi Davidi abelele no bulanda, icalengele ukuti alembe ulwimbo ulusuma?

5. Bushe Davidi ali ne myaka iinga ilyo atendeke ukuteka mu Hebrone, kabili abana bakwe bamo bali ni ba nani?

6. Ni kwi Davidi atendeke ukuteka pa numa ya nkondo?

Ifipusho na fimbi:

1. Belengeni 1 Samwele 26:1-25.

   1.     

   2.     

2. Belengeni 2 Samwele 1:26.

   Bushe Abena Kristu kuti baba shani no “kutemwa” nga kulya ukwali pali Davidi na Yonatani? (1 Pet. 4:8; Kol. 3:14; 1 Yoh. 4:12)

3. Belengeni 2 Samwele 5:1-10.

   1.  

   2.     

Ilyashi 62

1. Yehova ayafwile abena Israele ukucita cinshi ku calo ca Kanaani?

2. Cinshi cacitike bushiku bumo mu cungulo ilyo Davidi ali pa mutenge wa ng’anda yakwe?

3. Cinshi ico Yehova afulilwe Davidi?

4. Nga fintu ulemona pa cikope, nani Yehova atumine ukuyaeba Davidi pa membu acitile kabili alandile ukuti finshi fikacitika kuli Davidi?

5. Mafya nshi Davidi akwete?

6. Nani atampile ukuteka abena Israele ilyo Davidi alekele ukuteka?

Ifipusho na fimbi:

1. Belengeni 2 Samwele 11:1-27.

   1.  

   2.     

2. Belengeni 2 Samwele 12:1-18.

   1.    

   2.    

Ilyashi 63

1. Cinshi Yehova aipwishe Solomone, kabili ayaswike shani?

2. Apo Yehova alitemenwe ico Solomone alombele, cinshi alaile ukumupeela?

3. Bwafya nshi ubukulu ubo abanakashi babili bakwete ubo balefwaya Solomone abafwe ukupwisha?

4. Nga fintu ulemona pa cikope, cinshi Solomone acitile pa kupwisha ubwafya?

5. Bushe Solomone aleteka shani abantu, kabili mulandu nshi aletekela ifyo?

Ifipusho na fimbi:

1. Belengeni 1 Ishamfumu 3:3-28.

   1.     

   2.     

   3.    

2. Belengeni 1 Ishamfumu 4:29-34.

   1.  

   2.     

Ilyashi 64

1. Papitile imyaka iinga pa kuti Solomone apwishe ukukuula itempele lya kwa Yehova, kabili mulandu nshi babomfeshe indalama ishingi?

2. Bushe mwi tempele mwali imiputule ikalamba inga, kabili cinshi babikile mu muputule wa mu kati?

3. Finshi Solomone alandile mwi pepo ilyo itempele lyapwile?

4. Bushe Yehova alangile shani ukuti alitemenwe ifyo Solomone apepele?

5. Bushe abakashi ba kwa Solomone balengele acita cinshi, kabili cinshi cacitike kuli ena?

6. Cinshi Yehova afulilwe Solomone, kabili finshi amwebele?

Ifipusho na fimbi:

1. Belengeni 1 Imilandu 28:9, 10.

   Ukulingana na mashiwi ayaba pali 1 Imilandu 28:9, 10, cinshi tufwile ukubikako sana amano ukulacita? (Amalu. 19:14; Fil. 4:8, 9)

2. Belengeni 2 Imilandu 6:12-21, 32-42.

   1.   

   2.     

3. Belengeni 2 Imilandu 7:1-5.

   Nga filya abana ba kwa Israele batashishe Yehova pa kumona ubukata bwakwe, kuti twacita shani ilyo twatontonkanya pa fyo Yehova apaala abantu bakwe? (2 Imila. 7:3; Amalu. 22:22; 34:1; 96:2)

4. Belengeni 1 Ishamfumu 11:9-13.

   Bushe ifyo Solomone acitile filanga shani ukuti calicindama ukutwalilila ukuba aba cishinka ukufika na ku mpela? (1 Isha. 11:4, 9; Mat. 10:22; Ukus. 2:10)

Ilyashi 65

1. Ni bani amashina aba baume babili abali pa cikope, kabili milimo nshi balebomba?

2. Cinshi Ahiya acitile ku ca kufwala afwele, kabili calele mwi?

3. Cinshi Solomone alefwaya ukucita kuli Yeroboamu?

4. Mulandu nshi abantu balekele Yeroboamu ukuba imfumu pa mikowa ikumi?

5. Mulandu nshi Yeroboamu apangiile utwana twa ng’ombe tubili, kabili cinshi cacitike ku calo pa numa fye ya ico?

6. Cinshi cacitike ku bufumu bwa mikowa ibili na kwi tempele lya kwa Yehova mu Yerusalemu?

Ifipusho na fimbi:

1. Belengeni 1 Ishamfumu 11:26-43.

   Bushe Yeroboamu ali shani, kabili cinshi Yehova amulaile nga alekonka amafunde ya kwa Lesa? (1 Isha. 11:28, 38)

2. Belengeni 1 Ishamfumu 12:1-33.

   1.    

   2.     

   3.   

   4.  

Ilyashi 66

1. Yesebele aali nani?

2. Cinshi Imfumu Ahabu yabelele no bulanda bushiku bumo?

3. Cinshi Yesebele acitile pa kupokela Ahabu, umulume wakwe ibala lya myangashi ilya kwa Nabote?

4. Nani Yehova atumine ukuti akande Yesebele?

5. Nga fintu ulemona pa cikope, cinshi cacitike ilyo Yehu afikile pe sano lya kwa Yesebele?

Ifipusho na fimbi:

1. Belengeni 1 Ishamfumu 16:29-33 na 18:3, 4.

   Bushe ifintu fyabipile shani mu Israele ilyo Imfumu Ahabu yaleteeka? (1 Isha. 14:9)

2. Belengeni 1 Ishamfumu 21:1-16.

   1.  

   2.   

3. Belengeni 2 Ishamfumu 9:30-37.

   Finshi tusambilila kuli filya Yehu acincile mu kucita ukufwaya kwa kwa Yehova? (2 Isha. 9:4-10; 2 Kor. 9:1, 2; 2 Tim. 4:2)

Ilyashi 67

1. Yehoshafati ali ni nani, kabili ni lilali ali pa calo?

2. Cinshi calengele abena Israele ukutiina, kabili cinshi abengi bacitile?

3. Yehova ayaswike shani ipepo lya kwa Yehoshafati?

4. Cinshi Yehova alengele cacitika ilyo inkondo tailatendeka?

5. Cinshi twingasambililako kuli Yehoshafati?

Ifipusho na fimbi:

1. Belengeni 2 Imilandu 20:1-30.

   1.    

   2.    

   3.      

   4.    

Ilyashi 68

1. Bushe abantu batatu abo ulemona pa cikope ni bani, kabili cinshi cacitike kuli uyu umwaice?

2. Finshi Eliya alandile mwi pepo pali uyu umwaice kabili cinshi cacitike?

3. Bushe umwaume ulwaleafwa Eliya ni nani?

4. Cinshi Elisha bamwitiile ku ng’anda ya mwanakashi umwina Shunemu?

5. Cinshi Elisha acitile, kabili cinshi cacitike ku mwana uwafwile?

6. Maka nshi Yehova akwata ayamonekeele muli Eliya na Elisha?

Ifipusho na fimbi:

1. Belengeni 1 Ishamfumu 17:8-24.

   1.    

   2.   

   3.      

2. Belengeni 2 Ishamfumu 4:8-37.

   1.     

   2.     

Ilyashi 69

1. Pa cikope, cinshi akakashana kale-eba umwanakashi?

2. Umwanakashi uuli pa cikope ni nani, kabili cinshi umwaice alecita pa ng’anda ya uyu umwanakashi?

3. Cinshi Elisha aebele ababomfi bakwe ukweba Naamani, kabili cinshi Naamani afulilwe?

4. Cinshi cacitike ilyo Naamani aumfwile ifyo ababomfi bakwe bamwebele?

5. Cinshi Elisha akaanine ubupe ubo Naamani amupeele, lelo cinshi Gehasi acitile?

6. Cinshi cacitikile Gehasi, kabili cinshi twingasambililako kuli ici?

Ifipusho na fimbi:

1. Belengeni 2 Ishamfumu 5:1-27.

   1.    

   2.    

   3.       

Ilyashi 70

1. Yona ali ni nani, kabili cinshi Yehova amwebele ukucita?

2. Apo talefwaya ukuya uko Yehova amutumine, cinshi Yona acitile?

3. Cinshi Yona aebele abali mu bwato ukucita pa kuti icimwela cileke?

4. Nga fintu mulemona pa cikope, cinshi cacitike ilyo Yona aibile fye mu menshi?

5. Bushe Yona aikele inshiku shinga mu mala ya cisabi?

6. Ni kwi Yona aile ilyo afumine mu mala ya cisabi, kabili finshi twingasambililako?

Ifipusho na fimbi:

1. Belengeni Yona 1:1-17.

   Bushe Yona aumfwile shani ilyo Yehova amwebele ukuyashimikila abena Ninebe? (Yona 1:2, 3; Amapi. 3:7; Luk. Mil. 8:12)

2. Belengeni Yona 2:1, 2, 10.

   Bushe ifyacitike kuli Yona fitwafwa shani ukucetekela ukuti Yehova alaasuka amapepo yesu? (Amalu. 22:24; 34:6; 1 Yoh. 5:14)

3. Belengeni Yona 3:1-10.

   1.   

   2.    

Ilyashi 71

1. Esaya aali ni nani kabili ni lilali ali pa calo, e lyo cinshi Yehova amulangile?

2. Cinshi ishiwi “paradaise” lipilibula, kabili lilenga waibukisha cinshi?

3. Cinshi Yehova aebele Esaya ukulemba pali Paradaise iili no kwisa?

4. Cinshi Adamu na Efa babatamfishe mu paradaise?

5. Cinshi Yehova alaya abamutemwa?

Ifipusho na fimbi:

1. Belengeni Esaya 11:6-9.

   1.     

   2.   

   3.   

2. Belengeni Ukusokolola 21:3, 4.

   1.      

   2.    

Ilyashi 72

1. Nani uyu mwaume ali pa cikope kabili cinshi akwatiile ubwafya ubukalamba?

2. Makalata nshi Hisekia abikile pa ntanshi ya cipailo ca kwa Lesa, kabili Hisekia apepele ati shani?

3. Bushe Hisekia ali ni mfumu yaba shani, kabili finshi Yehova atumine kasesema Esaya ukuyamweba?

4. Nga fintu ulemona pa cikope, cinshi malaika wa kwa Yehova acitile ku bena Asiria?

5. Nangu ca kutila aba mu bufumu bwa mikowa ibili bali no mutende pa nshita inono, cinshi cacitike ilyo Hisekia afwile?

Ifipusho na fimbi:

1. Belengeni 2 Ishamfumu 18:1-36.

   1.   

   2.     

2. Belengeni 2 Ishamfumu 19:1-37.

   1.     

   2.     

3. Belengeni 2 Ishamfumu 21:1-6, 16.

   Cinshi twingasosela ukuti Manase e mfumu yali iibi sana pa shamfumu shatekele mu Yerusalemu? (2 Imila. 33:4-6, 9)

Ilyashi 73

1. Yoshia ali ne myaka inga ilyo atendeke ukuteka, kabili cinshi acitile pa numa ya kuteka imyaka 7?

2. Cinshi Yoshia alecita pa cikope ca kubalilapo?

3. Cinshi shimapepo mukalamba asangile ilyo abaume balewamya itempele?

4. Cinshi Yoshia alepawilile ifya kufwala fyakwe?

5. Finshi Yehova aebele kasesema mwanakakashi Hulda ukuyaeba Yoshia?

Ifipusho na fimbi:

1. Belengeni 2 Imilandu 34:1-28.

   1.    

   2.   

   3.    

Ilyashi 74

1. Bushe uyu umulumendo ali pa cikope ni nani?

2. Bushe Yeremia aumfwile shani ilyo bamwebele ukuba kasesema, lelo cinshi Yehova amwebele?

3. Cinshi Yeremia atwalilile ukweba abantu?

4. Cinshi bashimapepo bacitile pa kukaanya Yeremia ukusoka abantu, lelo cinshi cilanga ukuti tatiinine?

5. Cinshi cacitike ilyo abena Israele bakeene ukuleka ukucita ifyabipa?

Ifipusho na fimbi:

1. Belengeni Yeremia 1:1-8.

   1.  

   2.   

2. Belengeni Yeremia 10:1-5.

   Cilangililo nshi Yeremia alandilepo pa kulanga ukuti ukucetekela ifilubi kwa fye? (Yere. 10:5; Esa. 46:7; Haba. 2:19)

3. Belengeni Yeremia 26:1-16.

   1.    

   2.     

4. Belengeni 2 Ishamfumu 24:1-17.

   Ilyo Yuda akeene ukumfwila Yehova, fibi nshi ifyacitike? (2 Isha. 24:2-4, 14)

Ilyashi 75

1. Bushe aba abalumendo 4 abali pa cikope ni ba nani, kabili cinshi babelele mu Babiloni?

2. Finshi Nebukadnesari alefwaya abalumendo 4 ukulacita, kabili cinshi aebele ababomfi bakwe?

3. Fya kulya nshi ne fya kunwa Daniele alombele ukuti e fyo balemupeela na banankwe batatu?

4. Pa numa ya kulya umusalu pa nshiku 10, Daniele na banankwe batatu balemoneka shani nga kubalinganya na balumendo bambi?

5. Cinshi calengele Daniele na banankwe batatu ukutendeka ukwikala ku ng’anda ya mfumu, kabili ni muli finshi bacilile bashimapepo nelyo aba mano?

Ifipusho na fimbi:

1. Belengeni Daniele 1:1-21.

   1.     

   2.    

   3.    

Ilyashi 76

1. Nga fintu icikope cilelanga, finshi fyacitike ku musumba wa Yerusalemu na ku bena Israele?

2. Esekiele ali ni nani, kabili finshi ifyabipa ifyo Yehova amulangile?

3. Apo abena Israele tabacindike Yehova, cinshi apangile ukubacita?

4. Cinshi Imfumu Nebukadnesari yacitile ilyo abena Israele baipondokele?

5. Cinshi Yehova alekele abena Israele ukonaulwa?

6. Cinshi calengele icalo ca Israele ukushala umwabula abantu, kabili caikele umwabula abantu pa myaka inga?

Ifipusho na fimbi:

1. Belengeni 2 Ishamfumu 25:1-26.

   1.   

   2.      

2. Belengeni Esekiele 8:1-18.

   Bushe Abena Kristu ba bufi baba shani nga bena Israele bacipondoka, abalepepa akasuba? (Esek. 8:16; Esa. 5:20, 21; Yoh. 3:19-21; 2 Tim. 4:3)

Ilyashi 77

1. Lifunde nshi Nebukadnesari, imfumu ya Babiloni yapeele abantu?

2. Cinshi Daniele na banankwe batatu bashakontamiine icimpashanya ca golde?

3. Ilyo Nebukadnesari aebele abaHebere batatu pa muku wa bubili ukukontamina icimpashanya nga balefwaya, balangile shani ukuti balicetekele Yehova?

4. Cinshi Nebukadnesari aebele abaume ukucita kuli Shadraki, Meshaki na Abednego?

5. Cinshi Nebukadnesari amwene ilyo aloleshe mwi lungu lya mulilo?

6. Cinshi imfumu yalumbanishishe Lesa wa kwa Shadraki, Meshaki na Abednego, kabili finshi twingasambilila kuli aba abalumendo?

Ifipusho na fimbi:

1. Belengeni Daniele 3:1-30.

   1.    

   2.   

Ilyashi 78

1. Cinshi cacitike ilyo imfumu ya Babiloni yali pa mutebeto uukalamba apo balebomfya amakapu ne mbale ifyo bafumishe mwi tempele lya kwa Yehova mu Yerusalemu?

2. Cinshi Belshasari aebele aba mano, lelo cinshi bafililwe ukucita?

3. Cinshi imfumu bayebele ukucita kuli banyina?

4. Ukulingana ne fyo Daniele aebele imfumu, cinshi Lesa atumiine ukuboko ukulemba pa cibumba?

5. Daniele atile ifilembo ifyali pa cibumba fyalolele mwi?

6. Cinshi cacitike ninshi Daniele talapwa no kulanda?

Ifipusho na fimbi:

1. Belengeni Daniele 5:1-31.

   1.    

   2.     

   3.    

Ilyashi 79

1. Dariusi ali nani, kabili alemona shani Daniele?

2. Cinshi abapatile Daniele balengele Dariusi ukucita?

3. Cinshi Daniele acitile ilyo aishibe ukuti kuli ifunde ilipya?

4. Cinshi calengele Dariusi ukumfwa ububi ica kuti afilwa no kulaala, kabili cinshi acitile ulucelo lwakonkelepo?

5. Daniele amwaswike shani Dariusi?

6. Cinshi cacitikiile abaume ababifi abalefwaya ukwipaya Daniele, kabili cinshi Dariusi alembeele abantu bonse mu bufumu bwakwe?

Ifipusho na fimbi:

1. Belengeni Daniele 6:1-28.

   1.     

   2.     

   3.     

Ilyashi 80

1. Nga fintu ulemona pa cikope, finshi abena Israele balecita?

2. Bushe Sailasi afikilishe shani ifyo Yehova aseseme muli Esaya?

3. Cinshi Sailasi aebele abena Israele abafililwe ukubwelela Yerusalemu?

4. Finshi Sailasi apeele ababweleele ku Yerusalemu ukuti basende?

5. Bushe abena Israele baendele imyeshi inga pa kubwelela ku Yerusalemu?

6. Myaka inga yapitilepo ukutula apo umusumba washaliile uwabulamo abantu?

Ifipusho na fimbi:

1. Belengeni Esaya 44:28 na 45:1-4.

   1.   

   2.     

2. Belengeni Esra 1:1-11.

   Nga filya abafililwe ukubwelela ku Yerusalemu bacitile, bushe na ifwe kuti ‘twakosha shani amaboko’ ya baba mu mulimo wa nshita yonse? (Esra 1:4, 6; Rom. 12:13; Kol. 4:12)

Ilyashi 81

1. Bantu banga baendele ulwendo ulutali ukufuma mu Babiloni ukuya ku Yerusalemu, lelo basangile umusumba waba shani?

2. Cinshi abena Israele batendeke ukukuula ilyo bafikile, lelo cinshi abalwani babo bacitile?

3. Bushe Hagai na Sekaria bali ni bani, kabili cinshi baebele abantu?

4. Cinshi Tatinai atumiine kalata ku Babiloni, kabili bamwaswike ati shani?

5. Cinshi Esra acitile ilyo aishibe ukuti abantu balingile ukuwamya itempele lya kwa Lesa?

6. Cinshi Esra pa cikope alepepela e lyo bushe ipepo lyakwe lyayaswikwe shani, kabili cinshi ici ciletusambilisha?

Ifipusho na fimbi:

1. Belengeni Esra 3:1-13.

   Nga twaisanga ku ncende ukushaba icilonganino ca bantu ba kwa Lesa, cinshi tufwile ukutwalilila ukucita? (Esra 3:3, 6; Imil. 17:16, 17; Heb. 13:15)

2. Belengeni Esra 4:1-7.

   Cinshi abantu ba kwa Yehova bengasambilila kuli Serubabele pa kupepela pamo ba mu mipepele imbi? (Ukufu. 34:12; 1 Kor. 15:33; 2 Kor. 6:14-17)

3. Belengeni Esra 5:1-5, 17 na 6:1-22.

   1.   

   2.     

4. Belengeni Esra 8:21-23, 28-36.

   Cinshi Esra acitile ico tufwile ukukonka ilyo tulefwaya ukucita icintu cimo? (Esra 8:23; Amalu. 127:1; Amapi. 10:22; Yako. 4:13-15)

Ilyashi 82

1. Bushe Mordekai na Estere bali ni bani?

2. Cinshi Imfumu Ahasuerusi yalefwaila umukashi umbi, kabili nani yasalile?

3. Hamani ali nani, kabili cinshi akalipiile sana?

4. Lifunde nshi lyapangilwe, kabili cinshi Estere acitile ilyo aumfwile amashiwi ayo Mordekai alandile?

5. Cinshi cacitikiile Hamani, kabili cinshi cacitike kuli Mordekai?

6. Bushe abena Israele babapuswishe shani ku balwani babo?

Ifipusho na fimbi:

1. Belengeni Estere 2:12-18.

   Bushe Estere alangile shani ukuti “umutima uwaikala tondolo kabili uwafuuka” walicindama? (Este. 2:15; 1 Pet. 3:1-5)

2. Belengeni Estere 4:1-17.

   Nga filya fine Estere apeelwe inshita ya kucita ifyali no kulanga ukuti alitemenwe ukupepa kwa cine, inga ifwe lishuko nshi twakwata ilya kulanga ukuipeela kwesu kuli Yehova na bucishinka? (Este. 4:13, 14; Mat. 5:14-16; 24:14)

3. Belengeni Estere 7:1-6.

   Nga filya cali kuli Estere, finshi abantu ba kwa Lesa pali lelo bacita ifingalenga abantu ukulabacusha? (Este. 7:4; Mat. 10:16-22; 1 Pet. 2:12)

Ilyashi 83

1. Bushe abena Israele baleumfwa shani ilyo umusumba wa Yerusalemu ushakwete ifibumba?

2. Nehemia ali nani?

3. Mulimo nshi Nehemia alebomba, kabili cinshi uyu mulimo wacindamine?

4. Lyashi nshi lyalengele Nehemia abe no bulanda, kabili cinshi acitile?

5. Bushe imfumu Artakishashete yalangile shani icikuuku kuli Nehemia?

6. Bushe Nehemia acitile shani pa kuti abalwani ba bena Israele bekaanya abantu ukukuula?

Ifipusho na fimbi:

1. Belengeni Nehemia 1:4-6 na 2:1-20.

   Bushe Nehemia acitile shani pa kuti Yehova amutungulule? (Nehe. 2:4, 5; Rom. 12:12; 1 Pet. 4:7)

2. Belengeni Nehemia 3:3-5.

   Bushe baeluda na babomfi batumikila kuti basambililako cinshi ku bupusano bwali pa bena Tekoa na “bashimucindikwa?” (Nehe. 3:5, 27; 2 Tes. 3:7-10; 1 Pet. 5:5)

3. Belengeni Nehemia 4:1-23.

   1.     

   2.  

4. Belengeni Nehemia 6:15.

   Bushe filya abena Israele bapwishishe ukukuula ifibumba fya Yerusalemu mu myeshi fye ibili kwalangile shani ukuti bali ne citetekelo? (Amalu. 56:3, 4; Mat. 17:20; 19:26)

Ilyashi 84

1. Bushe umwanakashi uuli pa cikope nani?

2. Cinshi Gabriele aebele Maria?

3. Bushe Gabriele alondolwelele shani Maria ukuti akakwata umwana nangu taleikala no mwaume?

4. Cinshi cacitike ilyo Maria aile mu kumona lupwa lwakwe, Elisabete?

5. Cinshi Yosefe afwaile ukucita ilyo aishibe ukuti Maria ali no kukwata umwana, lelo cinshi abweseshemo umutima?

Ifipusho na fimbi:

1. Belengeni Luka 1:26-56.

   1.       

   2.  

   3.     

2. Belengeni Mateo 1:18-25.

   Nangu ca kutila Yesu tabamwinike ukuti Imanuele, bushe umulimo abombele walingene shani no mo ili ishina lyalola? (Mat. 1:22, 23; Yoh. 14:8-10; Heb. 1:1-3)

Ilyashi 85

1. Bushe uyu umwana uuli pa cikope ni nani, kabili ni mwi umu Maria amulaalike?

2. Cinshi Yesu afyalilwe mwi tanga umwali inama?

3. Bushe abaume abali pa cikope abaleingila mwi tanga ni bani, kabili cinshi malaika abebele?

4. Cinshi Yesu acindamina sana?

5. Cinshi Yesu etilwa ati Umwana wa kwa Lesa?

Ifipusho na fimbi:

1. Belengeni Luka 2:1-20.

   1.   

   2.      

   3.     

Ilyashi 86

1. Bushe abaume abali pa cikope ni bani, kabili cinshi umo pali bena alesontela ulutanda ulwasanike sana?

2. Cinshi Imfumu Herode yafulilwe, kabili cinshi yacitile?

3. Ni kwi ulutanda ulwasanike sana lwatungulwile abaume, lelo cinshi babomfeeshe inshila imbi pa kubwelela ku calo cabo?

4. Cinshi Herode aebele abantu ukucita, kabili cinshi alandiile ifyo?

5. Cinshi Yehova aebele Yosefe ukucita?

6. Nani alengele lulya lutanda ukubengeshima sana, kabili mulandu nshi?

Icipusho cimbi:

1. Belengeni Mateo 2:1-23.

   Bushe Yesu ali akanya ilyo ababukila ku ntanda baile mu kumumona kabili ni kwi aleikala ilyo bailemumona? (Mat. 2:1, 11, 16)

Ilyashi 87

1. Pa cikope, bushe Yesu ali ne myaka inga, kabili ali kwi?

2. Cinshi Yosefe no lupwa lwakwe balecita cila mwaka?

3. Pa numa ya kwenda ubushiku bumo ukubwelelamo ku ng’anda, cinshi calengele Yosefe na Maria ukubwelela ku Yerusalemu?

4. Ni kwi Yosefe na Maria basangile Yesu, kabili cinshi abantu abali nankwe balepapila?

5. Cinshi Yesu aebele banyina, ba Maria?

6. Kuti twacita shani nga tulefwaya ukusambilila pali Lesa nga filya Yesu acitile?

Ifipusho na fimbi:

1. Belengeni Luka 2:41-52.

   1.     

   2.     

2. Belengeni Mateo 13:53-56.

   Bamunyina ba kwa Yesu 4 abalumbulwa mu Baibolo ni bani, kabili milimo nshi babili pali aba balebomba mu cilonganino ca Bwina Kristu? (Mat. 13:55; Imil. 12:17; 15:6, 13; 21:18; Gal. 1:19; Yako. 1:1; Yuda 1)

Ilyashi 88

1. Bushe aba baume babili abali pa cikope ni bani?

2. Bushe umuntu abatishiwa shani?

3. Bantu ba musango nshi Yohane ilingi line alebatisha?

4. Cinshi calengele ukuti Yesu ebe Yohane ukumubatisha?

5. Bushe Lesa acitile shani pa kulanga ukuti alitemenwe ilyo Yesu abatishiwe?

6. Cinshi cacitike ilyo Yesu aile ku cifulo uko ali eka pa nshiku 40?

7. Bushe abasambi ba kwa Yesu bamo aba kubalilapo bali ni bani, kabili cipesha mano nshi ica kubalilapo ico acitile?

Ifipusho na fimbi:

1. Belengeni Mateo 3:13-17.

   Bushe ulubatisho lwa kwa Yesu lwalangile ukuti cinshi abasambi bakwe bafwile ukubatishiwilwa? (Amalu. 40:7, 8; Mat. 28:19, 20; Luka 3:21, 22)

2. Belengeni Mateo 4:1-11.

   Bushe filya Yesu aishibe bwino ukulondolola Amalembo fitukoselesha shani ukubelenga Baibolo lyonse? (Mat. 4:5-7; 2 Pet. 3:17, 18; 1 Yoh. 4:1)

3. Belengeni Yohane 1:29-51.

   Ni kuli nani Yohane Kabatisha atungulwile abasambi bakwe, kabili kuti twamupashanya shani? (Yoh. 1:29, 35, 36; 3:30; Mat. 23:10)

4. Belengeni Yohane 2:1-12.

   Bushe icipesha amano ca kubalilapo ico Yesu acitile cilanga shani ukuti Yehova tatana cisuma ku babomfi bakwe? (Yoh. 2:9, 10; Amalu. 84:11; Yako. 1:17)

Ilyashi 89

1. Cinshi abantu baleshitishisha inama pe tempele?

2. Cinshi Yesu akalipiile?

3. Nge fyo ulemona pa cikope, cinshi Yesu alecita, kabili cinshi ale-eba abaleshitisha inkunda?

4. Ilyo abasambi ba kwa Yesu bamwene ifyo acitile, cinshi baibukishe?

5. Ni mu citungu nshi Yesu apitile pa kubwelela ku Galili?

Icipusho na cimbi:

1. Belengeni Yohane 2:13-25.

   Apo natusambilila ukuti Yesu alikalipile abaleshitisha pe tempele, bushe kuti twatila ukucita amakwebo pa Ng’anda ya Bufumu kwaliba fye bwino? (Yoh. 2:15, 16; 1 Kor. 10:24, 31-33)

Ilyashi 90

1. Cinshi Yesu ailiile pa cishima mu Samaria, kabili cinshi ale-eba umwanakashi?

2. Cinshi umwanakashi apapiile lelo cinshi Yesu amwebele, kabili mulandu nshi amwebeele ifyo?

3. Bushe umwanakashi alemona kwati Yesu alelanda pa menshi ya musango nshi, lelo bushe menshi nshi alelandapo?

4. Cinshi umwanakashi apapiile pa fyo Yesu aishibe pali ena, kabili cinshi calengele eshibe?

5. Finshi twingasambilila ku lyashi lya mwanakashi uwali pa cishima?

Ifipusho na fimbi:

1. Belengeni Yohane 4:5-43.

   1.     

   2.    

   3.     

Ilyashi 91

1. Pa cikope, ni kwi Yesu ali ilyo alesambilisha abantu, kabili ni bani bekele mupepi sana nankwe?

2. Lumbula amashina ya batumwa 12.

3. Bushe Ubufumu ubo Yesu alelandapo ni cinshi?

4. Finshi Yesu asambilishe abantu ukupepela?

5. Bushe Yesu atile abantu bafwile ukwikala shani na banabo?

Ifipusho na fimbi:

1. Belengeni Mateo 5:1-12.

   Ni muli finshi twingalanga ukuti twalibika amano ku fya kwa Lesa? (Mat. 5:3; Rom. 10:13-15; 1 Tim. 4:13, 15, 16)

2. Belengeni Mateo 5:21-26.

   Bushe ilembo lya kwa Mateo 5:23, 24 lilanga shani ukuti ifyo tucita kuli bamunyinefwe filakuma bucibusa bwesu na Yehova? (Mat. 6:14, 15; Amalu. 133:1; Kol. 3:13; 1 Yoh. 4:20)

3. Belengeni Mateo 6:1-8.

   Finshi fimo ifilanga ukuti umuntu aleilungamika ifyo Abena Kristu bafwile ukutaluka? (Luka 18:11, 12; 1 Kor. 4:6, 7; 2 Kor. 9:7)

4. Belengeni Mateo 6:25-34.

   Finshi Yesu asambilishe pa busuma bwa kucetekela ukuti Yehova akalatupeela ifyo tukabila? (Ukufu. 16:4; Amalu. 37:25; Fil. 4:6)

5. Belengeni Mateo 7:1-11.

   Bushe icilangililo icalembwa pali Mateo 7:5 citusambilisha cinshi? (Amapi. 26:12; Rom. 2:1; 14:10; Yako. 4:11, 12)

Ilyashi 92

1. Bushe bawishi ba uyu umwaice ali pa cikope ni bani, kabili cinshi bawishi na banyina basakamanine sana?

2. Cinshi Yairo acitile ilyo asangile Yesu?

3. Cinshi cacitike ilyo Yesu aleya ku ng’anda ya kwa Yairo, kabili lyashi nshi Yairo bamwebele ilyo ali mu nshila?

4. Cinshi abantu abali mu ng’anda ya kwa Yairo basekeele Yesu?

5. Ilyo asendele abatumwa batatu na bawishi na banyina ba mukashana ku muputule wa mukashana, cinshi Yesu acitile?

6. Ni bani bambi abo Yesu abuushishe ku bafwa, kabili ici cilangilila cinshi?

Ifipusho na fimbi:

1. Belengeni Luka 8:40-56.

   Bushe Yesu alangile shani inkumbu ku mwanakashi uwalefuma umulopa, kabili cinshi baeluda bengasambilila kuli ici? (Luka 8:43, 44, 47, 48; Lebi 15:25-27; Mat. 9:12, 13; Kol. 3:12-14)

2. Belengeni Luka 7:11-17.

   Bushe ifyo Yesu ayaswike mukamfwilwa wa ku Naini kuti fyasansamusha shani abafwilwa abantu babo? (Luka 7:13; 2 Kor. 1:3, 4; Heb. 4:15)

3. Belengeni Yohane 11:17-44.

   Bushe Yesu alangile shani ukuti tacabipa ukulila umuntu wesu nga afwa? (Yoh. 11:33-36, 38; 2 Sam. 18:33; 19:1-4)

Ilyashi 93

1. Cinshi cacitikiile Yohane Kabatisha icibi sana, kabili calengele Yesu ukumfwa shani?

2. Bushe Yesu acitile shani pa kuti aliishe abantu abengi abalemukonka, kabili ifya kulya fyashele fyali imiseke inga?

3. Cinshi abasambi batiinine mu nshita ya bushiku, kabili cinshi cacitike kuli Petro?

4. Bushe Yesu acitile shani pa kuliisha abantu abengi pa muku wa bubili?

5. Cinshi ifintu fikawamina ilyo Yesu akalateka mu bufumu bwa kwa Lesa?

Ifipusho na fimbi:

1. Belengeni Mateo 14:1-32.

   1.  

   2.        

2. Belengeni Mateo 15:29-38.

   Bushe Yesu alangile shani ukuti alicindike ifyo Wishi alemupeela? (Mat. 15:37; Yoh. 6:12; Kol. 3:15)

3. Belengeni Yohane 6:1-21.

   Bushe Abena Kristu kuti bapashanya shani Yesu mu fyo bamona ubuteko? (Yoh. 6:15; Mat. 22:21; Rom. 12:2; 13:1-4)

Ilyashi 94

1. Finshi abatumwa baletaalikaninapo mu nshila ilyo balebwela pa lwendo lutali?

2. Cinshi Yesu aitiile umwana umunono no kumwiminika pa ntanshi ya batumwa?

3. Bushe abatumwa balingile ukusambilila ukuba nga abana mu nshila nshi?

4. Bushe ilyo papitile imyeshi iinono, Yesu alangile shani ukuti alitemenwe abana?

Ifipusho na fimbi:

1. Belengeni Mateo 18:1-4.

   Cinshi Yesu alebomfesha ifilangililo pa kusambilisha? (Mat. 13:34, 36; Marko 4:33, 34)

2. Belengeni Mateo 19:13-15.

   Mibele nshi abana abanono bakwata iyo tufwile ukupashanya nga tulefwaya ukwisaba mu Bufumu? (Amalu. 25:9; 138:6; 1 Kor. 14:20)

3. Belengeni Marko 9:33-37.

   Cinshi Yesu asambilishe abasambi bakwe pa kufwaya ukulumbuka? (Marko 9:35; Mat. 20:25, 26; Gal. 6:3; Fil. 2:5-8)

4. Belengeni Marko 10:13-16.

   Bushe abantu calebangukila ukuya kuli Yesu kabili cinshi baeluda bengasambililako ku fyo Yesu aali? (Marko 6:30-34; Fil. 2:1-4; 1 Tim. 4:12)

Ilyashi 95

1. Cinshi umuntu umo aipwishe Yesu, kabili cinshi calengele epushe?

2. Cinshi Yesu limo alecita pa kusambilisha, kabili finshi twasambilile pa baYuda na bena Samaria?

3. Mu lyashi Yesu ashimike, cinshi cacitikiile umuYuda ilyo aleya ku Yeriko?

4. Cinshi cacitike ilyo shimapepo umuYuda no mwina Lebi bamusangile?

5. Pa cikope, nani uuleafwa umuYuda uo bapumine?

6. Ilyo Yesu apwishishe ukushimika, cipusho nshi aipwishe, kabili bushe umwaume ayaswike shani?

Ifipusho na fimbi:

1. Belengeni Luka 10:25-37.

   1.   

   2.    

Ilyashi 96

1. Cinshi Yesu alecita ilyo alepita mu misumba?

2. Cinshi Yesu aebele abatumwa bakwe ilyo papitile imyaka itatu ukufuma apo abatishiwilwe?

3. Ni bani bali pa cikope, kabili cinshi Yesu acitiile umwanakashi?

4. Cinshi Yesu ayaswike bashimapepo icalengele bomfwe insoni?

5. Ilyo Yesu na batumwa bali mupepi sana na Yeriko, cinshi acitiile impofu shibili ishalelombelesha?

6. Cinshi Yesu alecitila ifipesha mano?

Ifipusho na fimbi:

1. Belengeni Mateo 15:30, 31.

   Bushe amaka ya kwa Yehova aya kupapusha yamonekeele shani muli Yesu, kabili bushe ici kuti catwafwa shani ukumfwikisha ico Yehova alaya ukucita mu calo cipya? (Amalu. 37:29; Esa. 33:24)

2. Belengeni Luka 13:10-17.

   Bushe ifi Yesu acitile ifipesha mano fimo ifikalamba pe Sabata, cilanga shani ifyo akasansamusha abantu mu Myaka Ikana Limo (1,000)? (Luka 13:10-13; Amalu. 46:9; Mat. 12:8; Kol. 2:16, 17; Ukus. 21:1-4)

3. Belengeni Mateo 20:29-34.

   Bushe ili lyashi lilanga shani ukutila Yesu aleafwa abantu nangu ali ne fya kucita ifingi, kabili cinshi twingasambilila kuli ici? (Amala. 15:7; Yako. 2:15, 16; 1 Yoh. 3:17)

Ilyashi 97

1. Ilyo Yesu aile mu mushi uunono uwali mupepi na Yerusalemu, cinshi aebele abasambi bakwe ukucita?

2. Pa cikope, cinshi cacitike ilyo Yesu ali mupepi no musumba wa Yerusalemu?

3. Cinshi abaice bacitile ilyo bamwene Yesu aleundapa impofu na balemana?

4. Cinshi Yesu aebele bashimapepo abakalipe?

5. Kuti twaba shani nga abana abanono abalelumbanya Yesu?

6. Finshi abasambi balefwaya ukwishiba?

Ifipusho na fimbi:

1. Belengeni Mateo 21:1-17.

   1.     

   2.        

2. Belengeni Yohane 12:12-16.

   Bushe imisambo ya tuncindu iyo abalelumbanya Yesu baikete imininako cinshi? (Yoh. 12:13; Fil. 2:10; Ukus. 7:9, 10)

Ilyashi 98

1. Pa bali pa cikope, Yesu ni wisa, kabili ali na ba nani?

2. Cinshi bashimapepo balefwaya ukucita kuli Yesu mwi tempele, kabili cinshi abebele?

3. Finshi abatumwa baipwishe Yesu?

4. Cinshi Yesu aebeele abatumwa bakwe fimo fimo ifikalacitika pe sonde ilyo akalateka mu muulu?

5. Finshi Yesu atile e fikalacitika ilyo talafumyapo ububifi bonse pe sonde?

Ifipusho na fimbi:

1. Belengeni Mateo 23:1-39.

   1.      

   2.      

2. Belengeni Mateo 24:1-14.

   1.  

   2.      

3. Belengeni Marko 13:3-10.

   Mashiwi nshi ayaba pali Marko 13:10 ayalanga ukutila tufwile ukubika sana amano ku kubila imbila nsuma, kabili bushe aya amashiwi Yesu alandile yatwafwa shani? (Rom. 13:11, 12; 1 Kor. 7:29-31; 2 Tim. 4:2)

Ilyashi 99

1. Nga fintu ulemona pa cikope, cinshi Yesu na batumwa 12 babeleele mu muputule ukalamba uwa pa muulu?

2. Bushe umwaume uulefuma nani, kabili cinshi aya ku kucita?

3. Ca kulya nshi Yesu atendeke ilyo ica Kucilila capwile?

4. Ica Kucilila calengele abena Israele ukwibukisha cinshi, kabili cilenga abasambi ba kwa Yesu ukwibukisha cinshi?

5. Pa numa ya kulya Umulaalilo wa kwa Shikulu, cinshi Yesu aebele abasambi bakwe, kabili cinshi bacitile?

Ifipusho na fimbi:

1. Belengeni Mateo 26:14-30.

   1.  

   2.     

2. Belengeni Luka 22:1-39.

   Bushe filya Baibolo itila Satana aingile muli Yuda, calola mwi? (Luka 22:3; Yoh. 13:2; Imil. 1:24, 25)

3. Belengeni Yohane 13:1-20.

   1.       

   2.    

4. Belengeni Yohane 17:1-26.

   Ni mwi Yesu aloseshe ilyo apepele ukuti abasambi bakwe “babe umo”? (Yoh. 17:11, 21-23; Rom. 13:8; 14:19; Kol. 3:14)

Ilyashi 100

1. Ilyo Yesu na batumwa bakwe bafumine mu muputule wa pa muulu, ni kwi baile, kabili cinshi abebele ukucita?

2. Cinshi Yesu asangile ilyo abweleele ku batumwa, kabili miku inga ici cacitike?

3. Ni bani bambi abaile ku Getsemane kabili cinshi Yuda Iskariote acitile nga fintu icikope cilelanga?

4. Cinshi Yuda atomwenene Yesu, kabili cinshi Petro acitile?

5. Cinshi Yesu aebele Petro, kabili cinshi talombeele Lesa ukutuma bamalaika?

Ifipusho na fimbi:

1. Belengeni Mateo 26:36-56.

   1.      

   2.    

2. Belengeni Luka 22:39-53.

   Bushe icalengele malaika ukuya kuli Yesu mu Getsemane ku kumukosha, ni co icitetekelo cakwe caleya cilepwa? Londololeni. (Luka 22:41-43; Esa. 49:8; Mat. 4:10, 11; Heb. 5:7)

3. Belengeni Yohane 18:1-12.

   Bushe Yesu acingilile shani abasambi bakwe ku balwani, kabili cinshi twingasambilila kuli ici? (Yoh. 10:11, 12; 18:1, 6-9; Heb. 13:6; Yako. 2:25)

Ilyashi 101

1. Nani walengele ukuti Yesu bamwipaye?

2. Cinshi abatumwa bacitile ilyo Yesu bamusendele kuli bashimapepo?

3. Cinshi cacitike pa ng’anda ya kwa Kayafa, shimapepo mukalamba?

4. Cinshi Petro afumiine pa bantu no kuyalila?

5. Ilyo Yesu bamubweseshe kuli Pilato, cinshi shimapepo mukalamba alandile mu bukali?

6. Cinshi cacitikile Yesu pali Cisano akasuba, kabili cinshi alaile icipondo cimo ico bapoopeele mupepi na o?

7. Bushe Paradaise iyo Yesu alandilepo ikaba kwi?

Ifipusho na fimbi:

1. Belengeni Mateo 26:57-75.

   Cinshi aba mu cilye cikalamba ica baYuda bacitile icalangile ukuti bali ni mbifi? (Mat. 26:59, 67, 68)

2. Belengeni Mateo 27:1-50.

   Cinshi twingalandila ukuti ubulanda Yuda akwete bwali bwa bufi fye? (Mat. 27:3, 4; Marko 3:29; 14:21; 2 Kor. 7:10, 11)

3. Belengeni Luka 22:54-71.

   Cinshi twingasambilila kuli filya Petro akeene Yesu pa bushiku bamufutwike no kumwikata? (Luka 22:60-62; Mat. 26:31-35; 1 Kor. 10:12)

4. Belengeni Luka 23:1-49.

   Bushe Yesu acitile shani ilyo bamufyengele, kabili cinshi twingasambilila kuli ici? (Luka 23:33, 34; Rom. 12:17-19; 1 Pet. 2:23)

5. Belengeni Yohane 18:12-40.

   Cinshi tusambilila kuli filya Petro inshita imo atiinine abantu, e lyo pa numa akosa no kuba umutumwa wacetekelwa? (Yoh. 18:25-27; 1 Kor. 4:2; 1 Pet. 3:14, 15; 5:8, 9)

6. Belengeni Yohane 19:1-30.

   1.      

   2.     

Ilyashi 102

1. Bushe umwanakashi na baume babili abali pa cikope ni bani, kabili ni kwi bali?

2. Cinshi Pilato aebeele bashimapepo ukutuma abashilika ukuyalonda imanda ya kwa Yesu?

3. Cinshi malaika acitile ulucelo pa bushiku bwalenga shitatu ukutula apo Yesu afwilile, lelo cinshi bashimapepo bacitile?

4. Cinshi abanakashi abaile ku manda ya kwa Yesu bapapiile?

5. Cinshi Petro na Yohane babutukiile ku manda ya kwa Yesu, kabili cinshi basangile?

6. Cinshi cacitike ku mubili wa kwa Yesu, lelo cinshi acitile ku kulanga abasambi bakwe ukuti ali no mweo na kabili?

Ifipusho na fimbi:

1. Belengeni Mateo 27:62-66 na 28:1-15.

   Ilyo Yesu alebuushiwa, bushe bashimapepo, abaFarise, na bakalamba babembukile shani umupashi wa mushilo? (Mat. 12:24, 31, 32; 28:11-15)

2. Belengeni Luka 24:1-12.

   Bushe ilyashi lya kubuuka kwa kwa Yesu lilanga shani ukuti abanakashi ni nte sha cishinka kuli Yehova? (Luka 24:4, 9, 10; Mat. 28:1-7)

3. Belengeni Yohane 20:1-12.

   Bushe pali Yohane 20:8, 9 patulanga shani ukuti cisuma ukutekanya nga tatumfwikishe ifyo ukusesema kwa mu Baibolo kwafikilishiwa? (Amapi. 4:18; Mat. 17:22, 23; Luka 24:5-8; Yoh. 16:12)

Ilyashi 103

1. Cinshi Maria aebele umwaume uo amwene kwati mulimi, nomba cinshi calengele Maria ukwishiba ukuti uyu muntu ali ni Yesu?

2. Cinshi cacitike ku basambi babili abaleya ku mushi wa Emao?

3. Cinshi ica kupapusha icacitike ilyo abasambi babili bale-eba abatumwa ukuti bacimona Yesu?

4. Miku inga Yesu amonekeele ku basambi bakwe?

5. Cinshi Toma acitile ilyo aumfwile ukuti abasambi nabamona Shikulu, e lyo cinshi cacitike pa numa ya nshiku 8?

Ifipusho na fimbi:

1. Belengeni Yohane 20:11-29.

   Bushe pali Yohane 20:23, Yesu alelanda ukuti abantu balipeelwa amaka ya kulekelela imembu? Londololeni. (Amalu. 49:2, 7; Esa. 55:7; 1 Tim. 2:5, 6; 1 Yoh. 2:1, 2)

2. Belengeni Luka 24:13-43.

   Bushe kuti twateyanya shani umutima pa kuti ulepokelela icine ca mu Baibolo? (Luka 24:32, 33; Esra 7:10; Mat. 5:3; Imil. 16:14; Heb. 5:11-14)

Ilyashi 104

1. Bushe basambi banga bamwene Yesu pa nshita imo, kabili cinshi alandilepo?

2. Bushe Ubufumu bwa kwa Lesa cinshi, kabili bushe abantu bakekala shani ilyo Yesu akateka pa myaka 1,000?

3. Ni nshiku shinga Yesu amonekeele ku basambi bakwe, lelo cinshi cacitike pa numa ya isho inshiku?

4. Cinshi Yesu aebele abasambi bakwe ilyo talaya ku muulu?

5. Finshi filecitika pali ici cikope, kabili cinshi calengele Yesu ukuleka ukumoneka?

Ifipusho na fimbi:

1. Belengeni 1 Abena Korinti 15:3-8.

   Mulandu nshi umutumwa Paulo ashaletwishikila ilyo alelanda pa kubuuka kwa kwa Yesu, kabili finshi Abena Kristu bengalandapo ifyo bashininkisha ukuti fikacitika? (1 Kor. 15:4, 7, 8; Esa. 2:2, 3; Mat. 24:14; 2 Tim. 3:1-5)

2. Belengeni Imilimo 1:1-11.

   Nge fyo Imilimo 1:8 yasobeele, bushe abasambi bashimikile ukufika kwi? (Imil. 6:7; 9:31; 11:19-21; Kol. 1:23)

Ilyashi 105

1. Nga fintu ulemona pa cikope, cinshi cacitike ku basambi ba kwa Yesu abalelolela mu Yerusalemu?

2. Cinshi capapwishe abaile ku Yerusalemu?

3. Cinshi Petro alondolwelele abantu?

4. Ilyo abantu bakutike ku fyo Petro alandile, baumfwile shani, kabili cinshi abebele ukucita?

5. Bantu banga ababatishiwe pa Pentekoste, mu 33 C.E.?

Ifipusho na fimbi:

1. Belengeni Imilimo 2:1-47.

   1.     

   2.       

   3.     

Ilyashi 106

1. Cinshi cacitikile Petro na Yohane akasuba ilyo baleya kwi tempele?

2. Cinshi Petro aebele uwalemana, kabili cinshi amucitiile icacindeme ukucila indalama?

3. Cinshi bashimapepo bakalipiile, kabili cinshi bacitile kuli Petro na Yohane?

4. Cinshi Petro aebele bashimapepo, kabili abatumwa babasokele ati shani?

5. Cinshi bashimapepo bakalipiile, lelo cinshi cacitike ilyo babikile abatumwa mu cifungo umuku wa bubili?

6. Bushe abatumwa bayaswike shani ilyo babatwele ku Sanhedrini?

Ifipusho na fimbi:

1. Belengeni Imilimo 3:1-10.

   Nangu ca kuti tatwapeelwa amaka ya kucita ifipesha amano, bushe amashiwi ya kwa Petro ayalembwa pa Imilimo 3:6 kuti yatwafwa shani ukwishiba ukuti ubukombe bwa Bufumu bwalicindama? (Yoh. 17:3; 2 Kor. 5:18-20; Fil. 3:8)

2. Belengeni Imilimo 4:1-31.

   Nga kuli abaletukaanya mu mulimo, kuti twapashanya shani Abena Kristu mu nshita ya batumwa? (Imil. 4:29, 31; Efes. 6:18-20; 1 Tes. 2:2)

3. Belengeni Imilimo 5:17-42.

   Bushe ku kale na muno nshiku, bamo balanga shani ukuti balicindika umulimo wa kushimikila nangu te ba Nte? (Imil. 5:34-39)

Ilyashi 107

1. Bushe Stefani ali ni nani, kabili cinshi Lesa amwafwile ukucita?

2. Cinshi Stefani alandile icalengele bashimapepo ukufulwa sana?

3. Ilyo abantu bafumishe Stefani ku nse ya musumba, cinshi bamucitile?

4. Bushe uwiminine mupepi na malaya pa cikope nani?

5. Ilyo Stefani ashilafwa, apepele ati shani kuli Yehova?

6. Nga tulefwaya ukupashanya Stefani, finshi tatulingile ukucita umuntu nga atulufyanya?

Ifipusho na fimbi:

1. Belengeni Imilimo 6:8-15.

   Finshi bashimapepo bacita mu bucenjeshi pa kulesha Inte sha kwa Yehova ukushimikila? (Imil. 6:9, 11, 13)

2. Belengeni Imilimo 7:1-60.

   1.     

   2.    

Ilyashi 108

1. Ilyo Stefani bamwipeye, cinshi Sauli atendeke ukucita?

2. Ilyo Sauli aleya ku Damaseke, ca kupapusha nshi icacitike?

3. Cinshi Yesu aebele Sauli ukucita?

4. Cinshi Yesu aebele Anania ukucita, kabili cali shani pa kuti Sauli atendeke ukumona na kabili?

5. Bushe Sauli batendeke ukumwita ati nani, kabili mulimo nshi abombele?

Ifipusho na fimbi:

1. Belengeni Imilimo 8:1-4.

   Bushe ukucusha Abena Kristu mu cilonganino icipya kwalengele shani ifyo balesambilisha fifike na mu fyalo fimbi, kabili cinshi icapalako icicitika muno nshiku? (Imil. 8:4; Esa. 54:17)

2. Belengeni Imilimo 9:1-20.

   Misango nshi itatu iya bantu abo Yesu alefwaya Sauli ukuyashimikila? (Imil. 9:15; 13:5; 26:1; 27:24; Rom. 11:13)

3. Belengeni Imilimo 22:6-16.

   Kuti twapashanya shani Anania, kabili cinshi ico cacindamina? (Imil. 22:12; 1 Tim. 3:7; 1 Pet. 1:14-16; 2:12)

4. Belengeni Imilimo 26:8-20.

   Bushe filya Sauli apilibwike no kuba Umwina Kristu kuti fyakoselesha shani abakwata abena mwabo abashasumina? (Imil. 26:11; 1 Tim. 1:14-16; 2 Tim. 4:2; 1 Pet. 3:1-3)

Ilyashi 109

1. Bushe umwaume uukontamine Petro pa cikope nani?

2. Cinshi malaika aebele Korneli?

3. Cinshi Lesa alengele Petro ukumona ilyo ali pa mutenge wa ng’anda ya kwa Simone mu Yopa?

4. Cinshi Petro aebele Korneli ukuti tafwile ukumukontamina no kumupepa?

5. Cinshi abasambi abaYuda abaali na Petro bapapiile?

6. Lisambililo nshi ilikankaala tufwile ukusambilila ku fyacitike ilyo Petro atandalile Korneli?

Ifipusho na fimbi:

1. Belengeni Imilimo 10:1-48.

   Bushe ifyo Petro alandile ifyaba pa Imilimo 10:42 filanga cinshi pa mulimo wa kubila imbila nsuma iya Bufumu? (Mat. 28:19; Marko 13:10; Imil. 1:8)

2. Belengeni Imilimo 11:1-18.

   Bushe Petro acitile shani ilyo Yehova amwebele ifya kucita ku bena Fyalo, kabili kuti twamupashanya shani? (Imil. 11:17, 18; 2 Kor. 10:5; Efes. 5:17)

Ilyashi 110

1. Bushe umulumendo uuli pa cikope nani, kabili ni kwi aleikala, e lyo bushe banyina na banakulu bali ni bani?

2. Finshi Timote alandile ilyo Paulo amwebele ukuya na ena e lyo na Sila mu kushimikila mu fifulo fya kutali?

3. Ni kwi uko abasambi ba kwa Yesu babalilepo ukulaitwa ati Abena Kristu?

4. Ilyo Paulo na Barnaba bafumine mu Antioke, misumba nshi batandalile?

5. Bushe Timote aleyafwa shani Paulo, kabili cipusho nshi abacaice bafwile ukuipusha?

Ifipusho na fimbi:

1. Belengeni Imilimo 9:19-30.

   Bushe umutumwa Paulo alangile shani ukuti ali uwa mano ilyo balemukaanya ukubila imbila nsuma? (Imil. 9:22-25, 29, 30; Mat. 10:16)

2. Belengeni Imilimo 11:19-26.

   Bushe ifyaba pa Imilimo 11:19-21, 26 filanga shani ukuti umupashi wa kwa Yehova ulatungulula abantu mu mulimo wa kushimikila?

3. Belengeni Imilimo 13:13-16, 42-52.

   Bushe ilembo lya Imilimo 13:51, 52 lilanga shani ukuti abasambi tabanenwike ilyo balebakaanya? (Mat. 10:14; Imil. 18:6; 1 Pet. 4:14)

4. Belengeni Imilimo 14:1-6, 19-28.

   Bushe amashiwi ya kuti “babapeele kuli Yehova” yatwafwa shani ukukanasakamikwa ilyo tuleafwa abapya? (Imil. 14:21-23; 20:32; Yoh. 6:44)

5. Belengeni Imilimo 16:1-5.

   Bushe filya Timote asumine ukusembululwa filanga shani ukuti calicindama ukucitila ‘ifintu fyonse imbila nsuma’? (Imil. 16:3; 1 Kor. 9:23; 1 Tes. 2:8)

6. Belengeni Imilimo 18:1-11, 18-22.

   Bushe ilembo lya Imilimo 18:9, 10 litulanga shani ukuti Yesu umwine e utungulula umulimo wa kushimikila, kabili bushe ici citukoselesha shani? (Mat. 28:20)

Ilyashi 111

1. Bushe cinshi cacitike ku mulumendo ali pa cikope, uuleele pa nshi?

2. Cinshi Paulo acitile ilyo aishibe ukuti umulumendo nafwa?

3. Bushe Paulo na Timote, na bo bali nabo baleya kwi, kabili cinshi cacitike ilyo bafikile pa Milete?

4. Cinshi kasesema Agabu asokele Paulo, kabili bushe ifyo alandile fyacitike shani?

Ifipusho na fimbi:

1. Belengeni Imilimo 20:7-38.

   1.     

   2.     

2. Belengeni Imilimo 26:24-32.

   Bushe Paulo abomfeshe shani ishuko lya kuba umwina Roma ku kubomba umulimo wa kushimikila uo Yesu amupeele? (Imil. 9:15; 16:37, 38; 25:11, 12; 26:32; Luka 21:12, 13)

Ilyashi 112

1. Cinshi cacitike ku bwato Paulo anininemo ilyo bapitile mupepi ne cishi ca Krete?

2. Cinshi Paulo aebele abo ali nabo mu bwato?

3. Cinshi calengele ubwato ukupandauka?

4. Finshi umukalamba wa bashilika aebele abantu ukucita, kabili ni banga abantu abafikile ku mulundu abatuntulu?

5. Bushe icishi apo bafikilile citwa ati shani, kabili cinshi cacitike kuli Paulo ilyo umwela walekele ukupuupa?

Ifipusho na fimbi:

1. Belengeni Imilimo 27:1-44.

   Bushe ukubelenga pa lwendo lwa kwa Paulo ulwa ku Roma, kutwafwa shani ukucetekela ukuti ifyo Baibolo fya cine? (Imil. 27:16-19, 27-32; Luka 1:3; 2 Tim. 3:16, 17)

2. Belengeni Imilimo 28:1-14.

   Ukwishiba ukuti abekashi ba pa Melita abashalepepa Lesa wa cine ‘balitangete sana’ umutumwa Paulo na banankwe, kufwile ukulenga Abena Kristu ukwafwa shani abanabo, maka maka muli finshi? (Imil. 28:1, 2; Heb. 13:1, 2; 1 Pet. 4:9)

Ilyashi 113

1. Ni bani Paulo ashimikileko ilyo ali mu cifungo mu Roma?

2. Bushe umweni ali pa cikope, uulelemba fimo ni nani, kabili cinshi alecitila Paulo?

3. Bushe Epafroditi ali nani, kabili finshi asendele ilyo abwelelemo ku Filipi?

4. Cinshi Paulo alembeele kalata kuli Filemone, umunankwe sana?

5. Cinshi Paulo acitile ilyo bamufumishe mu cifungo, kabili cinshi camucitikile pa numa?

6. Nani Yehova abomfeshe ukulemba ibuuku lya kulekelesha ilya mu Baibolo, kabili cinshi ibuuku lya Ukusokolola lilandapo?

Ifipusho na fimbi:

1. Belengeni Imilimo 28:16-31 na Abena Filipi 1:13.

   Finshi Paulo alecita ilyo aali mu cifungo mu Roma, kabili bushe icitetekelo cakwe icakosa ca-afwile shani icilonganino ca Bena Kristu? (Imil. 28:23, 30; Fil. 1:14)

2. Belengeni Abena Filipi 2:19-30.

   Finshi Paulo alandile pa kutasha Timote na Epafroditi, kabili bushe kuti twamupashanya shani? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Belengeni Filemone 1-25.

   1.    

   2.      

4. Belengeni 2 Timote 4:7-9.

   Nga filya cali ku mutumwa Paulo, cinshi cingatwafwa ukucetekela sana ukuti Yehova akatulambula nga twatwalilila ukuba aba cishinka ukufika na ku mpela? (Mat. 24:13; Heb. 6:10)

Ilyashi 114

1. Cinshi Baibolo yalandila pali bakabalwe abalefuma mu muulu?

2. Bushe inkondo ya kwa Lesa iya kulwisha abantu babipa pe sonde itwa ati shani, kabili cinshi iyi inkondo ikeshila?

3. Nga wamona pa cikope, nani akatungulula mu nkondo, e lyo cinshi afwalile icisote ca bufumu, kabili ulupanga lwakwe lulangilila cinshi?

4. Nga twatontonkanya pa fyaba mu lyashi 10 na 15, cinshi tushingapapila pali ifi Lesa akonaula abantu babipa?

5. Bushe Amalyashi 33, 36, na 76 yalanga shani ukuti Lesa akonaula abantu babipa nangu batila balamupepa?

Ifipusho na fimbi:

1. Belengeni Ukusokolola 19:11-16.

   1.     

   2.    

   3.    

Ilyashi 115

1. Bushe Baibolo itila Paradaise pe sonde ikaba shani?

2. Cinshi Baibolo yalaya abakekala mu Paradaise?

3. Ni lilali Yesu akalenga isonde ukuba Paradaise?

4. Ilyo Yesu ali pano calo, cinshi acitile ku kulanga ico akacita ilyo akaba Imfumu mu Bufumu bwa kwa Lesa?

5. Finshi Yesu na bakateka banankwe abakalatekela ku muulu bakacitila abantu pa calo?

Ifipusho na fimbi:

1. Belengeni Ukusokolola 5:9, 10.

   Cinshi twingacetekelela ukuti ishamfumu kabili bashimapepo abakateka isonde pa Myaka Ikana Limo bakaba aba cikuuku kabili aba luse? (Efes. 4:20-24; 1 Pet. 1:7; 3:8; 5:6-10)

2. Belengeni Ukusokolola 14:1-3.

   Bushe filya ishina lya Mwana wa Mpanga ne shina lya kwa Wishi fyalembwa pa mpumi sha ba 144,000, calola mwi? (1 Kor. 3:23; 2 Tim. 2:19; Ukus. 3:12)

Ilyashi 116

1. Ni bani tufwile ukwishiba nga tulefwaya ukwikala umuyayaya?

2. Nga fintu ulemona ku mwaice na banankwe pa cikope, kuti twasambilila shani pali Yehova Lesa na Yesu?

3. Libuuku nshi limbi ilili pa cikope, kabili cinshi tufwile ukulalibelengela lyonse?

4. Ukulunda pa kusambilila pali Yehova na Yesu, cinshi cimbi icifwaikwa pa kuti tukekale umuyayaya?

5. Finshi twingasambilila mu Lyashi 69?

6. Finshi twingasambilila ku fisuma ifyo umwaice Samwele acitile ifyalandwapo mu Lyashi 55?

7. Bushe kuti twapashanya shani Yesu Kristu, e lyo bushe nga twacita ifyo, cikaba shani kuli ifwe ku ntanshi?

Ifipusho na fimbi:

1. Belengeni Yohane 17:3.

   Bushe Amalembo yalanga shani ukuti ukwishiba Yehova Lesa na Yesu Kristu te kusungila fye ifishinka ku mutwe? (Mat. 7:21; Yako. 2:18-20; 1 Yoh. 2:17)

2. Belengeni Amalumbo 145:1-21.

   1.   

   2.   

   3.