Chishima 1

1. Kulihi kunakatuka yuma yeswe yipema, nawa yena muhasa kutongola yuma yacho?

2. Yika yize Zambi atangile chitangu?

3. Mumu liaka mungelo mutangu te mulemu chinji?

4. Lumbununa chize hashi te hapwile ha uputukilo. (Tala ha chizulie.)

5. Kuchi Zambi anakalinga mba alulieke hashi hanga tushitu ni atu atwameho?

Yihula yikwo:

1. Tanga Jeremia 10:12.

   Ndako jika ja Zambi jize jinasoloka ha yitangiwa yenyi? (Iza. 40:26; Roma 11:33)

2. Tanga A-Kolosu 1:15-17.

   Ukwaso uka Yesu anakahana ha kutanga yuma, nawa kuchi yino muyihasa kutwaha ushindakenyo hakutwala kuli iye? (Kolo. 1:15-17)

3. Tanga Uputukilo 1:1-10.

   1. Iya watangile hashi? (Uputu. 1:1)

   2. Yika yinakapwa ha tangwa litangu lia utangilo? (Uputu. 1:3-5)

   3. Lumbununa yize yinakapwa ha tangwa liamuchiali lia utangilo. (Uputu. 1:7, 8)

Chishima 2

1. Yika Zambi anakalinga mba alulieke hashi hanga hapwe chihela chetu?

2. Tongola unji wa tushi eka ni eka waze Zambi anakatanga. (Tala ha chizulie.)

3. Mumu liaka munda wa Endene te chihela chipema?

4. Kuchi Zambi te anazange ngwo hashi heswe hapwe?

Yihula yikwo:

1. Tanga Uputukilo 1:11-25.

   1. Yika Zambi atangile ha tangwa liamuchitatu lia utangilo? (Uputu. 1:12)

   2. Yika yinakapwa ha tangwa liamuchiwana lia utangilo (Uputu. 1:16)

   3. Tushitu aka Zambi atangile ha tangwa liamuchitano ni liamuchisambano? (Uputu. 1:20, 21, 25)

2. Tanga Uputukilo 2:8, 9.

   Mitondo yika yaali yilemu chinji Zambi asele mu munda, nawa yika te mitondo yacho yinalumbunuka?

Chishima 3

1. Kulisa chika chili ha chizulie cha Chishima 3 ni Chishima 2?

2. Iya walingile lunga mutangu, nawa jina lika amuhele?

3. Mulimo uka Zambi anakahana kuli Alama hanga alinge?

4. Mumu liaka Zambi ahanyine tulo anji kuli Alama?

5. Miaka yingahi te Alama ni Eva matwama ni mwono, nawa mulimo uka Yehova te anazange ngwo ayo alinge?

Yihula yikwo:

1. Tanga Masamu 83:18.

   Jina lia Zambi iya, nawa lufuma muka alinenyi wa wika hashi heswe? (Jere. 16:21; Danie. 4:17)

2. Tanga Uputukilo 1:26-31.

   1. Chitanga chika chilemu chize Zambi atangile ha tangwa liamuchisambano, nawa kuchi te chitangiwa chacho chalisa ni tushitu? (Uputu. 1:26)

   2. Yika Yehova anakahana kuli mutu ni kuli tushitu hanga alie? (Uputu. 1:30)

3. Tanga Uputukilo 2:7-25.

   1. Mulimo wa Alama ha kuhana majina kuli tushitu te washi? (Uputu. 2:19)

   2. Kuchi chisoneko cha Uputukilo 2:24 chakutukwasa kunyingika manyonga ja Yehova hakutwala ku umbachiso, kulihandununa ni ha kulakula? (Mateu 19:4-6, 9)

Chishima 4

1. Ha chizulie chino, yika yinapu kuli Alama ni Eva?

2. Mumu liaka Yehova anakaahuma?

3. Yika kapela anakamba kuli Eva?

4. Iya unakatuma kapela hanga ahanjike ni Eva?

5. Mumu liaka Alama ni Eva anakatokesa paraisu yo?

Yihula yikwo:

1. Tanga Uputukilo 2:16, 17 ni 3:1-13, 24.

   1. Kuchi chihula chize kapela anakalinga kuli Eva chinakaneha nyonga lipi hali Yehova? (Uputu. 3:1-5; 1 Yoa. 5:3)

   2. Kuchi Eva anapu chilweza cha utowezo kuli yetwe? (Fwili. 4:8; Tia. 1:14, 15; 1 Yoa. 2:16)

   3. Kuchi Alama ni Eva anakalituna yiteli ya yitanga yo? (Uputu. 3:12, 13)

   4. Kuchi akerupimi waze te anamana ku chivumbuko cha munda wa Endene anakakalila wata wa Yehova? (Uputu. 3:24)

2. Tanga Usolwelo 12:9.

   Kuchi Satana anahasa kupiangula atu ku unguvulu wa Zambi? (1 Yoano 5:19)

Chishima 5

1. Mwono wa Alama ni Eva haze lia munda kuchi te wapwa?

2. Yika yinakaputuka kupwa kuli Alama ni Eva, nawa mumu liaka?

3. Mumu liaka ana ja Alama ni Eva te mapwa tushinakaji nawa mafwa?

4. Nyi te Alama ni Eva kanakononokena kuli Yehova, mwono wo ni wa ana jo te kuchi muupwa?

5. Mumu liaka kwehuka cha Eva chinakamunehena yikola?

6. Kuchi te akuvuluka ana aali atangu ja Alama ni Eva?

7. Ana awa akwo anasoloka ha chizulie aya?

Yihula yikwo:

1. Tanga Uputukilo 3:16-23 ni 4:1, 2.

   1. Kuchi shingo lia mavu linakapinjisa mwono wa Alama? (Uputu. 3:17-19; Roma 8:20, 22)

   2. Mumu liaka jina lia Eva linalumbunuka ngwo “Mukwa Mwono” te linalite? (Uputu. 3:20)

   3. Kuchi Yehova anakasolola ulemeso kuli Alama ni Eva muze ayo te havulumuna? (Uputu. 3:7, 21)

2. Tanga Usolwelo 21:3, 4.

   ‘Yuma yika yikulu’ yize yena unazange hanga ayinongese?

Chishima 6

1. Milimo yika Kene ni Abele te akulinga?

2. Yika Kene ni Abele analambula kuli Yehova?

3. Mumu liaka Yehova anakazanga mulambu wa Abele, alioze wa Kene kakauzangile?

4. Kene te mutu wa mutapu uka, nawa yika Yehova anakalinga hanga amukwase?

5. Yika Kene anakalinga kuli mwana-kwo muze te ayo ali ukawo mu munda?

6. Lumbununa yize yinakapwa kuli Kene muze te iye hashaha mwana-kwo.

Yihula yikwo:

1. Tanga Uputukilo 4:2-26.

   1. Kuchi Yehova anakasolola kapinda wa lamba yoze te Kene ali nenyi? (Uputu. 4:7)

   2. Kuchi Kene anakasolola yitanga ya mu mbunge yenyi? (Uputu. 4:9)

   3. Yika Yehova akunyonga ha kumwanga cha manyinga ja yoze wasamba? (Uputu. 4:10; Iza. 26:21)

2. Tanga 1 Yoano 3:11, 12.

   1. Mumu liaka Kene anakapwa ni ufwatulo unji, nawa kuchi yino yili utowezo kuli yetwe musono? (Uputu. 4:4, 5; Yishi. 14:30; 28:22)

   2. Kuchi Mbimbiliya yinasolola ngwo, chipwe ngwe asoko jetu kanalimika ni Yehova, yetwe mutuhasa kununga ni ungunu wetu? (Samu 27:10; Mateu 10:21, 22)

3. Tanga Yoano 11:25.

   Chilakenyo chika Yehova anahana kuli waze eswe akufwa ha mukunda wa ululi? (Yoa. 5:24)

Chishima 7

1. Kuchi Enoke te alisa ni atu akwo?

2. Mumu liaka atu a ha matangwa ja Enoke te akulinga yuma yipi?

3. Yuma yika yipi atu te akulinga? (Tala ha chizulie.)

4. Mumu liaka Enoke te chamutamba kupwa ni hamu?

5. Ha mashimbu jacho miaka yingahi te atu akakutwama ni mwono, alioze Enoke miaka yingahi anakatwama?

6. Yika yinakapwa hano hashi muze te Enoke hafwa?

Yihula yikwo:

1. Tanga Uputukilo 5:21-24, 27.

   1. Usepa wa Enoke ni Yehova te kuchi wapwa? (Uputu. 5:24)

   2. Nikulita ni Mbimbiliya, lunga muka unakatwama miaka yinji, nawa miaka yingahi iye anakafwa nayo? (Uputu. 5:27)

2. Tanga Uputukilo 6:5.

   Kuchi ungulungulu unakoka hashi muze te Enoke hafwa, nawa kuchi uno unalifu ni wa ha matangwa jetu? (2 Timo. 3:13)

3. Tanga A-Hepreu 11:5.

   Ndako yika ya Enoke ‘yinakapemena kuli Zambi’ nawa kuchi yinakamuyukisa? (Uputu. 5:22)

4. Tanga Yundase 14, 15.

   Kuchi Akwa kristu musono mahasa kwimbulula hamu lia Enoke ha kutoweza atu hakutwala ku jita ya Armagedone yize muyiza? (2 Timo. 4:2; Hepre. 13:6)

Chishima 8

1. Yika yinakapwako muze amwe angelo ja Zambi apanjikile kuli Satana?

2. Mumu liaka amwe angelo ahichikile milimo yo mwilu hanga eze hano hashi?

3. Mumu liaka te chili chipi kuli angelo kwiza hano hashi nawa ni kulialumuna hanga apwe ni mijimba ya musunya?

4. Kulisa chika ana ja angelo apwile nacho ni ana akwo?

5. Ngwe chize yena unamono ha chizulie, yika te ana ja angelo akulinga muze te ayo akupwa yindululu?

6. Muze te Enoke hafwa, lunga muka mupema unakatwama hano hashi, nawa mumu liaka te Zambi akumuzanga?

Yihula yikwo:

1. Tanga Uputukilo 6:1-8.

   Nikulita ni Uputukilo 6:6, kuchi Yehova akwivwa mu mbunge ha yuma yize twakulinga? (Samu 78:40, 41; Yishi. 27:11)

2. Tanga Yundase 6.

   Kuchi angelo waze “kakafungile yihela yo yitangu” ha matangwa ja Noa kali utowezo kuli yetwe? (1 Kori. 3:5-9; 2 Petu. 2:4, 9, 10)

Chishima 9

1. Atu angahi te atwama mu usoko wa Noa, nawa ana jenyi atatu majina jo te aya?

2. Chuma chika chikalu Zambi atumine hanga Noa alinge, nawa mumu liaka?

3. Kuchi enyembo ja Noa te akulinga muze iye te akwalweza hakutwala ku ulungu?

4. Yika Zambi anakamba kuli Noa hanga alingi kuli tushitu?

5. Muze te Zambi hayika chikolo cha ulungu, yika Noa ni asoko jenyi anakalinga?

Yihula yikwo:

1. Tanga Uputukilo 6:9-22.

   1. Yika yinakapwisa Noa mukwa kuwayila kanawa Zambi wamwenemwene? (Uputu. 6:9, 22)

   2. Kuchi Yehova akwivwa ku mbunge ha ungulungulu, nawa kuchi chino muchihasa kutusongwela hanga tusakule kanawa kuheha chetu? (Uputu. 6:11, 12; Samu 11:5)

   3. Kuchi yetwe mutuhasa kwimbulula Noa nyi twatambula jimwe shimbi mu ululikiso wa Yehova? (Uputu. 6:22; 1 Yoa. 5:3)

2. Tanga Uputukilo 7:1-9.

   Ha kunyingika ngwo Noa te chihenge, nihindu Yehova te kakumuzanga ngwe mukwa ululi, kuchi chino chinatutakamisa musono? (Uputu. 7:1; Yishi. 10:16; Iza. 26:7)

Chishima 10

1. Mumu liaka niumwe kakahashile kunjila mu ulungu muze te vula haputuka kunoka?

2. Matangwa ni ufuku ungahi Yehova anakanokesa vula, nawa meya ha usuhwe uka anakaheta?

3. Ulungu kuchi unakapwa muze meya te haputuka kulitanda hashi heswe?

4. Shina yindululu kanakasala ni mwono ha sanga lia meya, nawa yika yinakapwa kuli a tato?

5. Muze te hikwapalika tukweji atano, ulungu kuchi unakapwa?

6. Mumu liaka Noa anakatusula chikwakwalo hanga atuhuke haze lia ulungu?

7. Kuchi Noa anakanyingika ngwo meya hashi hahuwa?

8. Yika Zambi anakamba kuli Noa, muze iye ni asoko jenyi te halinga umwe mwaka ni ndambu mu ulungu?

Yihula yikwo:

1. Tanga Uputukilo 7:10-24.

   1. Unongeso wa akwa mwono hano hashi kulihi unakaheta? (Uputu. 7:23)

   2. Matangwa angahi anakapalika mba meya a Sanga ahuwe? (Uputu. 7:24)

2. Tanga Uputukilo 8:1-17.

   Kuchi Uputukilo 8:17 unasolola ngwo upale utangu wa Yehova hano hashi kuwalumukine? (Uputu. 1:22)

3. Tanga 1 Petulu 3:19, 20.

   1. Muze angelo yihulia ahilukile mu malilu, upatwilo uka ayo anakatambula? (Yunda. 6)

   2. Kuchi sango ja Noa ni asoko jenyi jinakolesa ufulielo wetu kuli Yehova ngwo iye kali ni uhashi wa kulamwina atu jenyi? (2 Petu. 2:9)

Chishima 11

1. Ngwe chize chinasoloka ha chizulie, yika Noa anakalinga chitangu muze atuhukile mu ulungu?

2. Muze te Sanga lia meya hiliapalika yika Zambi atumine kuli Noa ni asoko jenyi hanga alinge?

3. Chilakenyo chika Zambi anakalinga?

4. Muze mutumona kongolo, yika yino chatamba kutwiulula?

Yihula yikwo:

1. Tanga Uputukilo 8:18-22.

   1. Kuchi yetwe musono mutuhasa kuhana “lupembo mupema” kuli Yehova? (Uputu. 8:21; Hepre. 13:15, 16)

   2. Yika Yehova anakamba hakutwala ku yitanga ya mu mbunge ya mutu, ha chino kulifunga chika chatutamba kupwa nacho? (Uputu. 8:21; Mateu 15:18, 19)

2. Tanga Uputukilo 9:9-17.

   1. Usendo uka Yehova anakalinga ni akwa mwono eswe a hano hashi? (Uputu. 9:10, 11)

   2. Ha miaka yingahi usendo wa kongolo muutwama? (Uputu. 9:16)

Chishima 12

1. Nimorote te iya, nawa kuchi te Zambi akunyonga hali iye?

2. Ha chizulie, mumu liaka atu anakumu ndopi?

3. Mumu liaka mulimo wa kutunga kaposhi te unapihila kuli Yehova?

4. Kuchi Zambi anakakwika utungilo wa kaposhi?

5. Mbonge yacho kuchi anakayiluka, nawa jina liacho yika linalumbunuka?

6. Yika yinakapwa kuli atu muze Yehova alumbanganyishine malimi jo?

Yihula yikwo:

1. Tanga Uputukilo 10:1, 8-10.

   Yitanga ya Nimorote te kuchi yapwa, nawa kuchi yino yinapu utowezo kuli yetwe? (Yishi. 3:31)

2. Tanga Uputukilo 11:1-9.

   Mumu liaka ayo anakazanga kutunga kaposhi wacho, nawa mumu liaka utungilo wacho te uli wa ngwaza? (Uputu. 11:4; Yishi. 16:18; Yoa. 5:44)

Chishima 13

1. Atu a mu mbonge ya Ure te kuchi apwa?

2. Au lunga uli ha chizulie iya? Ha mwaka uka iye anakasemuka, nawa kuli te atwama?

3. Yika Zambi anakamba kuli Apalahama hanga alinge?

4. Mumu liaka Apalahama te akumuvuluka ngwo sepa lia Zambi?

5. Iya wayile chimuwika ni Apalahama muze akatukile mu Ure?

6. Yika Zambi ambile kuli Apalahama muze ahetele ku Kanana?

7. Chilakenyo chika Zambi alingile kuli Apalahama muze iye te hapwa ni 99 a miaka?

Yihula yikwo:

1. Tanga Uputukilo 11:27-32.

   1. Apalahama ni Lote te kuchi akulisanyika? (Uputu. 11:27)

   2. Chipwe ngwe Tera mwe unakatutuluka ni asoko jenyi ku Kanana, alioze, kuchi yetwe tunanyingika ngwo Apalahama mwe unakalinga wenyi wacho? Nawa mumu liaka iye anakachilinga? (Uputu. 11:31; Yili. 7:2-4)

2. Tanga Uputukilo 12:1-7.

   Ulumbunwiso uka Yehova ahanyine hakutwala ku usendo wa Apalahama muze Apalahama ahetele ku chifuchi cha Kanana? (Uputu. 12:7)

3. Tanga Uputukilo 17:1-8, 15-17.

   1. Kuchi jina lia Apalama anakalialumuna muze iye te hapwa ni 99 a miaka, mumu liaka? (Uputu. 17:5)

   2. Yiwape yika ya kulutwe lia matangwa Yehova alakenyene kuli Sara? (Uputu. 17:15, 16)

4. Tanga Uputukilo 18:9-19.

   1. Nikulita ni Uputukilo 18:19, yiteli yika yisemi alinayo? (Shi 6:6, 7; Efwe. 6:4)

   2. Kuchi yuma yize yinakapwa kuli Sara yinasolola ngwo tuchikuhasa kusweka nichimwe kuli Yehova? (Uputu. 18:12, 15; Samu 44:21)

Chishima 14

1. Yika Zambi anakalakenya kuli Apalahama, nawa kuchi Zambi anakamanuna chilakenyo chenyi?

2. Ngwe chize tunamono ha chizulie, kuchi Yehova anakeseka ufulielo wa Apalahama?

3. Yika Apalahama anakalinga, chipwe ngwe te kaso kunyingika mumu liaka Zambi anakamutuma kulinga chuma chacho?

4. Yika yinakapwako muze te Apalahama hakwata poko hanga ashahe mwanenyi?

5. Ufulielo wa Apalahama kuli Zambi te unji nyi?

6. Yika Zambi anakahana kuli Apalahama hanga alambule, nawa kuchi yino yinakapwa?

Yihula yikwo:

1. Tanga Uputukilo 21:1-7.

   Mumu liaka Apalahama anakapwisa mwanenyi ngalami ha tangwa liamuchinake? (Uso. 17:10-12; 21:4)

2. Uputukilo 22:1-18.

   Kuchi Izake anakasolola ngwo te kakuzeyela kuli tato, Apalahama, nawa kuchi yino te yinalumbununa yuma yize te muyiza kulutwe lia matangwa? (Uputu. 22:7-9; 1 Kori. 5:7; Fwili. 2:8, 9)

Chishima 15

1. Mumu liaka Apalahama ni Lote anakalihandununa?

2. Mumu liaka Lote anakasakula kutwama ku Sondoma?

3. Atu aku Sondoma te kuchi apwa?

4. Utowezo uka angelo aali anakahana kuli Lote?

5. Mumu liaka pwo lia Lote anakalumuka chingungu cha mungwa?

6. Longeso lika mutuhasa kuwana ha yize yinakapwa kuli pwo lia Lote?

Yihula yikwo:

1. Tanga Uputukilo 13:5-13.

   Ha kusopa milonga ni akwetu, longeso lika mutuhasa kuwana hali Apalahama? (Uputu. 13:8, 9; Roma 12:10; Fwili. 2:3, 4)

2. Tanga Uputukilo 18:20-33.

   Kuchi usepa wa Yehova ni Apalahana unatwehe ujikijilo ngwo Yehova ni Yesu makayula ni ululi? (Uputu. 18:25, 26; Mateu 25:31-33)

3. Tanga Uputukilo 19:1-29.

   1. Yika maliji a mu Mbimbiliya anasolola ha chize Zambi akunyonga ha kulipomba cha malunga ni malunga? (Uputu. 19:5, 13; Ulevi 20:13)

   2. Kulisa chika twamona ha chize Lote ni Apalahama anakakaula shimbi ja Zambi, nawa yika yino yinatulongesa? (Uputu. 19:15, 16, 19, 20; 22:3)

4. Tanga Luka 17:28-32.

   Yitanga yika pwo lia Lote apwile nayo mu mbunge hakutwala ku yuma ya upite, nawa kuchi chino chili utowezo kuli yetwe? (Luka 12:15; 17:31, 32; Mateu 6:19-21, 25)

5. Tanga 2 Petulu 2:6-8.

   Hanga twembulule Lote, ndako yika chatutamba kupwa nayo hakutwala ku yuma ya hano hashi? (Eze. 9:4; 1 Yoa. 2:15-17)

Chishima 16

1. Lunga ni pwo ali ha chizulie aya?

2. Yika Apalahama anakalinga hanga afupile mwanenyi pwo, mumu liaka?

3. Kuchi kulemba cha ndungo wa Apalahama anakachikumbulula?

4. Kuchi Rebeka akumbulwile muze amuhulile ngwo unazange kulimbata ni Izake?

5. Yika yinakaneha nawa uwahililo kuli Izake?

Yihula yikwo:

1. Tanga Uputukilo 24:1-67.

   1. Ndako yika yipema Rebeka anakasolola muze aliwanyine ni ndungo wa Apalahama? (Uputu. 24:17-20; Yishi. 31:17, 31)

   2. Kuchi yuma yize Apalahama anakalinga kuli Izake yinapu chilweza chipema kuli Akwa Kristu eswe musono? (Uputu. 24:37, 38; 1 Kori. 7:39; 2 Kori. 6:14)

   3. Mumu liaka chatutamba kupwa ni mashimbu hanga tupukune, ngwe chize Izake te akulinga? (Uputu. 24:63; Samu 77:12; Fwili. 4:8)

Chishima 17

1. Esau ni Yakomba te aya, nawa kuchi te alisa?

2. Esau ni Yakomba miaka yingahi te alinayo muze kako Apalahama afwile?

3. Yika yize Esau anakalinga mba yineha yinyengo kuli naye ni tato?

4. Mumu liaka Esau anakevwila mwanakwo Yakomba uli unji?

5. Longeso lika Izake anakahana kuli mwanenyi Yakomba?

Yihula yikwo:

1. Tanga Uputukilo 25:5-11, 20-34.

   1. Yika Yehova anakaprofetizala hakutwala kuli ana aali a Rebeka? (Uputu. 25:23)

   2. Yitanga yika yalisa Yakomba ni Esau anakasolola hakutwala ku wata wa kapula-jimo? (Uputu. 25:31-34)

2. Tanga Uputukilo 26:34, 35; 27:1-46; ni 28:1-5.

   1. Kuchi kalengulula ku yuma ya spiritu te akusoloka kuli Esau? (Uputu. 26:34, 35; 27:46)

   2. Yika Izake anakamba hanga Yakomba alinge mba atambule yiwape ya Zambi? (Uputu. 28:1-4)

3. Tanga A-Hepreu 12:16, 17.

   Ngwe chize chinakapwa kuli Esau, yika yakupwa kuli waze eswe akulengulula yuma yisandu?

Chishima 18

1. Au mwana-pwo uli ha chizulie iya, nawa yika Yakomba amulingila?

2. Yika Yakomba anakatayiza kulinga hanga alimbate ni Rakele?

3. Yika Lapane anakalinga muze te mashimbu a kulimbata cha Yakomba ni Rakele ahetele?

4. Yika Yakomba anakatayiza kulinga hanga Rakele ni neye apwe mukwo-pwo?

Yihula yikwo:

1. Tanga Uputukilo 29:1-30.

   1. Chipwe ngwe kanakamwonga kuli Lapane, kuchi Yakomba anakasolola ngwo iye kali mutu wa ushindakenyo? Nawa longeso lika twawanoho? (Uputu. 25:27; 29:26-28; Mateu 5:37)

   2. Kuchi chilweza cha Yakomba chinasolola kulisa cha zango ni usolo? (Uputu. 29:18, 20, 30; Mwaso 8:6)

   3. Mapwo aka awana anakalinga usoko ni Yakomba hi kulutwe lia matangwa yasema ana? (Uputu. 29:23, 24, 28, 29)

Chishima 19

1. Kuchi te akuvuluka ana asambano waze Yakomba anakasema ni mukwo-pwo mutangu, Liya?

2. Kuchi te akuvuluka ana aali waze ndungo wa Liya, Zelupa, anakasema ni Yakomba?

3. Kuchi te akuvuluka ana aali waze ndungo wa Rakele, Mbila, anakasema ni Yakomba?

4. Kuchi te akuvuluka ana aali waze Rakele anakasema, yika yinakapwa muze mwana wamuchali anakasemuka?

5. Ngwe chize chinasoloka ha chizulie, ana amalunga angahi Yakomba anakapwa no, nawa yika yinakeza muli ayo?

Yihula yikwo:

1. Tanga Uputukilo 29:32-35; 30:1-26; ni 35:16-19.

   Ngwe chize chinasoloka kuli ana 12 a Yakomba, kuchi te akusakula majina ja akweze a Hepreu ku shakulu?

2. Tanga Uputukilo 37:35.

   Chipwe ngwe jina lia Ndina lie anavuluka wika mu Mbimbiliya, kuchi tunanyingika ngwo yakomba kanakapwa ni ana akwo a mapwo? (Uputu. 37:34, 35)

Chishima 20

1. Mumu liaka Apalahama ni Izake te keshi kuzanga hanga ana jenyi alimbate ni atu a mu chifuchi cha Kanana?

2. Yakomba te kakuzanga usepa uze mwanenyi Ndina te akwete ni ana-mapwo a mu Kanana?

3. Ha chizulie lunga muka au unatala kuli Ndina, nawa chuma chika chipi iye anakalinga?

4. Yika Simeone ni Levi, mandu ja Ndina, anakalinga muze anakevwa upi wacho?

5. Shina Yakomba kanakawahilila ha yize Simeone ni Levi anakalinga?

6. Yika yinakaneha kapinda mweswe au mukachi ka usoko?

Yihula yikwo:

1. Tanga Uputukilo 34:1-31.

   1. Shina Ndina kanakameneka ana-mapwo a mu chifuchi cha Kanana kamuwika? Lumbununa. (Uputu. 34:1)

   2. Mumu liaka Ndina te kali ni chitela hakutokesa uvirgem wenyi? (Ngala. 6:7)

   3. Kuchi akweze musono mahasa kusolola ngwo kananyingika kanawa chilweza cha yize yinakapwa kuli Ndina? (Yishi. 13:20; 1 Kori. 15:33; 1 Yoa. 5:19)

Chishima 21

1. Mumu liaka mandumbu ja Yosefwe te akumuvwila ukwa, nawa yika ayo anakamulinga?

2. Yika mandumbu ja Yosefwe anambe kulinga kuli iye, alioze yika Rupene amba?

3. Yika yinakapwako muze A-Ishemali akwa yitanda ejile?

4. Yika mandumbu ja Yosefwe alinga hanga tato anyonge ngwo iye hafwa?

Yihula yikwo:

1. Tanga Uputukilo 37:1-35.

   1. Kuchi akwa Kristu mahasa kwimbulula chilweza cha Yosefwe ha kwambulula yuma yauhenge yize yakupwa ku chikungulwila? (Uputu. 37:2; Ulevi 5:1; 1 Kori. 1:11)

   2. Yika mandumbu ja Yosefwe anakevwa hanga ayo a mulinge upi? (Uputu. 37:11, 18; Yishi. 27:4; Tia. 3:14-16)

   3. Yika Yakomba anakevwa, ngwe chizechene atu eswe akwivwa ni kali ni yinyengo yinji? (Uputu. 37:35)

Chishima 22

1. Miaka yingahi Yosefwe te alinayo muze ayile nenyi mu Engitu, nawa yika yinakapwa muze iye aheteleko?

2. Mumu liaka Yosefwe anakamusa mu zuwo lia ususu?

3. Mulimo uka Yosefwe anakamwaha mu zuwo lia ususu?

4. Mu zuwo lia ususu, yika Yosefwe anakamba kuli mukwa kuhana musenge ni mukwa kulinga mbolo ja Falau?

5. Yika yapwile kuli mukwa kuhana musenge muze amutuswile mu zuwo lia ususu?

Yihula yikwo:

1. Tanga Uputukilo 39:1-23.

   Mumu liaka Yosefwe anakachina pwo lia Potifwa, se ha mashimbu jacho niyimwe shimbi ya Zambi hakutwala ku utanji te yatwamineko? (Uputu. 2:24; 20:3; 39:9)

2. Tanga Uputukilo 40:1-23.

   1. Ni maliji akehe hanjika hakutwala ku chilota cha mukwa kuhana musenge, ni ulumbunwiso uze Yehova anakahana kuli Yosefwe. (Uputu. 40:9-13)

   2. Chilota chika mukwa kulinga mbolo anakapwa nacho, nawa yika te chinalumbunuka? (Uputu. 40:16-19)

   3. Ha matangwa wano, kuchi chizavu cha ndungo wa shishika nawa wakanyama chakwimbulula ndako ya Yosefwe? (Uputu. 40:8; Samu 36:9; Yoa. 17:17; Yili. 17:2, 3)

   4. Kuchi Uputukilo 40:20 unatukwasa kunyingika chize akwa Kristu akunyonga hakutwala ku kwiuluka cha tangwa lia kusemuka? (Chilu. 7:1; Marku 6:21-28)

Chishima 23

1. Yika yinakapwa kuli Falau ha umwe ufuku?

2. Mumu liaka mukwa kuhana musenge eulukile Yosefwe?

3. Ngwe chize chizulie chinasolola, yilota yika yaali Falau anakapwa nayo?

4. Yika Yosefwe ambile ha ulumbunwiso wa yilota?

5. Kuchi Yosefwe anakapwa lunga wamuchiali wa lufuma mu Engitu?

6. Mumu liaka mandumbu ja Yosefwe ayile mu Engitu, nawa mumu liaka ayo kakeulukile Yosefwe?

7. Chilota chika Yosefwe anakeuluka, nawa yika yino yinakamukwasa kunyingika?

Yihula yikwo:

1. Tanga Uputukilo 41:1-57.

   1. Kuchi Yosefwe anakatondekeza lufuma kuli Yehova, nawa kuchi akwa Kristu musono mahasa kwimbulula chilweza chenyi? (Uputu. 41:16, 25, 28; Mateu 5:16; 1 Petu. 2:12)

   2. Kuchi miaka ya kulumbama cha kulia mu Engitu, ni miaka ya kapunga yoze wejileko, yinalite ni kulisa chize chili hakachi ka atu ja Yehova ni akwa Ukristu wa mahuza? (Uputu. 41:29, 30; Amo. 8:11, 12)

2. Tanga Uputukilo 42:1-8 ni 50:20.

   Shina chili uhenge tuvumbi ja Yehova kufulamana kuli umwe lunga mulemu hanga a solole vumbi ni ulemu ha mukunda wa wata wenyi, nyi atu eswe mu chifuchi che akulinga? (Uputu. 42:6)

Chishima 24

1. Mumu liaka Yosefwe amba kuli mandumbu jenyi ngwo kali ngendeshi?

2. Mumu liaka Yakomba echa mwanenyi wa kasula-songo, Mbejamine, hanga aye mu Engitu?

3. Kuchi chapwile mba musenge wa prata wa Yosefwe unjile mu njieke ya Mbejamine?

4. Chawana chika Yunda anakahana hanga eche Mbejamine?

5. Kuchi mandumbu ja Yosefwe anakalumuna mbunge jo?

Yihula yikwo:

1. Tanga Uputukilo 42:9-38.

   Kuchi maliji a Yosefwe mu Uputukilo 42:18 kali cheululo chipema kuli waze akusongwela milimo mu ululikiso wa Yehova ha matangwa wano? (Nehe. 5:15; 2 Kori. 7:1, 2)

2. Tanga Uputukilo 43:1-34.

   1. Chipwe ngwe te Rupene mwe mwana mutangu, yika yinasolola ngwo Yunda mwe te wakuhanjikila mandumbu jenyi. (Uputu. 43:3, 8, 9; 44:14, 18; 1 Sango 5:2)

   2. Kuchi Yosefwe anakeseka mandumbu jenyi, nawa mumu liaka anakalinga chocho? (Uputu. 43:33, 34)

3. Tanga Uputukilo 44:1-34.

   1. Nikulita ni mana waze anakapwa no hanga mandumbu jenyi achine kumumona, kuchi Yosefwe anakalionga kupwa? (Uputu. 44:5, 15; Ulevi 19:26)

   2. Kuchi mandumbu ja Yosefwe anakasolola ngwo kaso kumuvwila nawa chipululu? (Uputu. 44:13, 33, 34)

Chishima 25

1. Yika yapwa muze Yosefwe halisolola kuli mandumbu jenyi?

2. Yika Yosefwe ni umbovu weswe analumbununa kuli mandumbu jenyi?

3. Yika Falau ambile, muze iye evwile hakutwala kuli mandumbu ja Yosefwe?

4. Atu angahi te ali mu usoko wa Yakomba muze ayo ayile mu Engitu?

5. uchi asoko ja Yakomba anakaputuka kwavuluka, nawa mumu liaka?

Yihula yikwo:

1. Tanga Uputukilo 45:1-28.

   Kuchi sango ja mu Mbimbiliya hakutwala kuli Yosefwe jinasolola ngwo, Yehova kakuhasa kupingulula yuma yipi yize akulinga kuli atu jenyi hanga yipwe yipema kuli ayo? (Uputu. 45:5-8; Iza. 8:10; Fwili. 1:12-14)

2. Tanga Uputukilo 46:1-27.

   Chilakenyo chika Yehova anakahana kuli Yakomba muze te anayi mu Engitu? (Uputu. 46:1-4, tala Bíblia com Referências NM.)

Chishima 26

1. Yombi te iya?

2. Yika Satana anakeseka kulinga, shina kanakahasa kuchilinga?

3. Yika Yehova anakecha hanga Satana alinge, mumu liaka?

4. Mumu liaka pwo lia Yombi anakamba kuli iye ngwo ‘shinga Zambi hanga ufwe’? (Tala ha chizulie)

5. Ngwe chize hanasoloka ha chizulie chamuchiali, kuchi Yehova anakawahisa Yombi, nawa mumu liaka?

6. Nyi yetwe, chizechene ngwe Yombi, twafuliela kuli Yehova, yiwape yika mutukatambula?

Yihula yikwo:

1. Tanga Yombi 1:1-22.

   Kuchi akwa Kristu musono mahasa kwimbulula Yombi? (Yombi 1:1; Fwili. 2:15; 2 Petu. 3:14)

2. Tanga Yombi 2:1-13.

   Kulisa chika cha manyonga Yombi ni mukwo-pwo apwile nacho ha yihungumiona ya Satana? (Yombi 2:9, 10; Yishi. 19:3; Mika 7:7; Mala. 3:14)

3. Tanga Yombi 42:10-17.

   1. Kulita chika chili ha yiwape yize Yombi atambwile ni yize Yesu anakatambula ha yitanga yenyi ya ufulielo? (Yombi 42:12; Fwili. 2:9-11)

   2. Kuchi yiwape yize Yombi atambwile ha kununga ni ungunu wenyi kuli Zambi yinatutakamisa? (Yombi 42:10, 12; Hepre. 6:10; Tia. 1:2-4, 12; 5:11)

Chishima 27

1. Ha chizulie, lunga au uli ni chitete iya, nawa iye iya analambe?

2. Muze Yosefwe te hafwa, yika yinakapwa kuli A-Izalele?

3. Mumu liaka A-Engitu anakaputuka kwivwila woma A-Izalele?

4. Utumino uka Falau anakahana kuli yifunguji waze te akukwasa A-Izalele a mapwo kusema ana?

Yihula yikwo:

1. Tanga Kutuhuka 1:6-22.

   1. Kuchi chilakenyo chize Yehova anakalinga kuli Apalahama chinakaputuka kumanunuka? (Kutuhu. 1:7; Uputu. 12:2; Yili. 7:17)

   2. Kuchi yifunguji A-Hepreu anakasolola ngwo mwono uli usandu? (Kutuhu. 1:17; Uputu. 9:6)

   3. Kuchi yifunguji anakawahisa kuli Yehova mumu ha ufulielo wo? (Kutuhu. 1:20, 21; Yishi. 19:17)

   4. Yika Satana anakalinga hanga akwike upale wa Yehova hakutwala kuli mukwa munyachi yoze alakenyene kuli Apalahama? (Kutuhu. 1:22; Mateu 2:16)

Chishima 28

1. Mwana-kemba au uli ha chizulie iya, nawa ku munwe waya iye anakwata?

2. Yika naye ya Mose anakalinga hanga alamwine mwanenyi ku ufwe?

3. Kanuke au wa pwo uli ha chizulie iya, nawa yika iye alinga?

4. Muze mwana wa Falau wa pwo, awanyine mwana-kemba, yika Miriame anakamba?

5. Yika mwana wa Falau wa pwo ambile kuli naye ya Mose?

Yihula yikwo:

1. Tanga Kutuhuka 2:1-10.

   Uhashi uka naye ya Mose anakapwa nawo hanga afumbe Mose muze te uchili kanuke? Nawa kuchi chino muchihasa kupwa chilweza kuli yisemi eswe mosono? (Kutuhu. 2:9, 10; Shi 6:6-9; Yishi. 22:6; Efwe. 6:4; 2 Timo. 3:15)

Chishima 29

1. Kulihi Mose anakakolela, nawa yika te iye ananyingika hakutwala kuli yesemi jenyi?

2. Yika Mose anakalinga muze te hapwa ni 40 a miaka?

3. Yika Mose anakamba kuli umwe Ka-Izalele yoze te unalilamba ni mukwo, nawa kuchi lunga wacho anakamukumbulula?

4. Mumu liaka Mose anakatuhuka mu Engitu yachina?

5. Kulihi Mose anakachinyina, nawa iya anakalinyingika nenyi kuzekwene?

6. Yika Mose anakalinga ha 40 a miaka chize muze achinyine ku Engitu?

Yihula yikwo:

1. Tanga Kutuhuka 2:11-25.

   Chipwe ngwe miaka yinji ya fumbo lia mana a mu Engitu lize amuhele, kuchi Mose anakasolola ushishiko wenyi kuli Yehova ni kuli atu jenyi? (Kutuhu. 2:11, 12; Hepre. 11:24)

2. Tanga Yilinga 7:22-29.

   Longeso lika mutuhasa kuwana ha chize Mose anakeseka kulamwina Izalele ku tachi jenyi? (Yili. 7:23-25; 1 Petu. 5:6, 10)

Chishima 30

1. Mulundu au unasoloka ha chizulie kuchi akuuvuluka?

2. Lumbununa chikomokeso chize Mose anakamona ku mulundu muze ayileko ni mapanga jenyi.

3. Liji linakakatuka mu chiputa cha mulengi wa kahia yika linakamba, nawa liji liacho te liaya?

4. Kuchi Mose anakakumbulula muze Zambi anakamwamba ngwo iye masongwela atu jenyi hanga afwambuke mu Engitu?

5. Yika Zambi anakamba kuli Mose hanga akumbulule nyi te atu mamuhula ngwo iya wakutuma?

6. Kuchi te Mose mahasa kusolola ngwo Zambi mwe unakamutuma?

Yihula yikwo:

1. Tanga Kutuhuka 3:1-22.

   Kuchi yuma yize yinakapwa kuli Mose yinatwehe ushindakenyo ngwo chipwe ngwe tushi ni mana akulinga noo umwe mulimo wa Zambi, Yehova mahasa kutukwasa kuulinga? (Kutuhu. 3:11, 13; 2 Kori. 3:5, 6)

2. Tanga Kutuhuka 4:1-20.

   1. Yitanga yika yinakalumuka kuli Mose ha 40 a miaka yize anakatwama ku Mindiane, nawa yika yino muyihasa kulongesa kuli waze anafupu yiteli mu chikungulwila? (Kutuhu. 2:11, 12; 4:10, 13; Mika 6:8; 1 Timo. 3:1, 6, 10)

   2. Chipwe ngwe Yehova matwaha limwe fumbo, mukachi ka ululikiso wenyi, ujikizo uka chilweza cha Mose muchihasa kutwaha? (Kutuhu. 4:12-14; Samu 103:14; Hepre. 12:4-11)

Chishima 31

1. A-Izalele kuchi anakanyonga ha yikomokeso yize Mose ni Arone alingile?

2. Yika Mose ni Arone anakamba kuli Falau, nawa kuchi Falau anakakumbulula?

3. Ngwe chize chinasoloka ha chizulie, yika yapwileko muze Arone yakonga mukombo wenyi hashi?

4. Longeso lika Yehova anakahana kuli Falau, nawa kuchi iye anakakumbulula?

5. Yika yinakapwako kulutwe lia lamba liamuchikumi?

Yihula yikwo:

1. Tanga Kutuhuka 4:27-31 ni 5:1-23.

   Yika maliji ja Falau analumbunuka muze iye ambile ngwenyi: “Ami chanyingikine Yehova”? (Kutuhu. 5:2; 1 Samue. 2:12; Roma 1:21)

2. Tanga Kutuhuka 6:1-13, 26-30.

   1. Yika chinalumbunuka ngwo Yehova kakalisololwe kuli Apalahama, Izake ni kuli Yakomba? (Kutuhu. 3:13, 14; 6:3; Uputu. 12:8)

   2. Kuchi yetwe twakwivwa ha kunyingika ngwo Yehova te kakutuma Mose, chipwe ngwe te iye kanakanyonga ngwo kaso kujama hanga alinge mulimo wacho? (Kutuhu. 6:12, 30; Luka 21:13-15)

3. Tanga Kutuhuka 7:1-13.

   1. Chilweza chika Mose ni Arone ahichikile kuli tuvumbi twa Zambi musono, ha kwambujola ni hamu lieswe upatwilo wa Yehova kuli Falau? (Kutuhu. 7:2, 3, 6; Yili. 4:29-31)

   2. Kuchi Yehova anakasolola ndundo jenyi kuli tuzambi a mu Engitu? (Kutuhu. 7:12; 1 Sango 29:12)

Chishima 32

1. Nikulita ni yizulie yinasoloka hano, lumbununa lamba lika litangu litatu lize Yehova anakaneha mu Engitu?

2. Kulituchika chika chapwile mukachi ka lamba litangu litatu ni likwo lize linakasuloho?

3. Lamba liamuchiwana, liamuchitano ni liamuchisambano, te yika?

4. Lumbununa lamba liamuchishimbiali, liamuchinake ni liamuchilivwa.

5. Yika Yehova amba kuli A-Izalele hanga alinge muze te lamba liamuchikumi kanda lichiza?

6. Lamba liamuchikumi te yika, nawa yika yinakapwa ha kupalika cha lamba liacho?

Yihula yikwo:

1. Tanga Kutuhuka 7:19–8:23.

   1. Chipwe ngwe asasendote yimbanda a mu Engitu kanakahasa kwimbulula lamba litangu liaali lia Yehova, yika ayo anakanyonga ha lamba liamuchitatu? (Kutuhu. 8:18, 19; Mateu 12:24-28)

   2. Kuchi lamba liamuchiwana linakasolola tachi ja Yehova ja kufunga najo atu jenyi? Ha kunyingika chino kuchi atu ja Zambi akwivwa ha kushimbwila uprofeto wa “luyinda munene”? (Kutuhu. 8:22, 23; Uso. 7:13, 14; 2 Sango 16:9)

2. Tanga Kutuhuka 8:24; 9:3, 6, 10, 11, 14, 16, 23-25; ndo 10:13-15, 21-23.

   1. Yizavu yika yiali yalisa yize kumi lia lamba linakasolola, nawa kuchi kulisa chacho chakutukwasa kunyonga yizavu yacho musono? (Kutuhu. 8:10, 18, 19; 9:14)

   2. Kuchi mukanda wa Kutuhuka 9:16 unatukwasa hanga tunyingike mumu liaka Yehova aneche Satana ndo haliapwila? (Roma 9:21, 22)

3. anga Kutuhuka 12:21-32.

   Kuchi chizomboka chinakapwa ulamwino kuli atu anji, nawa yika te chinalumbunuka? (Kutuhu. 12:21-23; Yoa. 1:29; Roma 5:18, 19, 21; 1 Kori. 5:7)

Chishima 33

1. Malunga, mapwo ni ana waze atuhukile mu Engitu kapwile angahi, nawa aya ayile hamwe ni ayo?

2. Kuchi Falau anakevwa muze iye echele A-Izalele hanga aye, nawa yika iye anakalinga?

3. Yika Yehova anakalinga hanga akwike A-Engitu achine kukwata atu jenyi?

4. Yika yinakapwako muze Mose olwele mukombo wenyi helu lia Kalunga-lwiji Muchila, nawa yika A-Izalele anakalinga?

5. Yika yinakapwako muze A-Engitu anjilile mu kalunga-lwiji ha kukaula A-Izalele?

6. Yika A-Izalele anakalinga hanga asolole ngwo kali ni chiseke nawa kanasakwilila kuli Yehova ha kwaalamwina?

Yihula yikwo:

1. Tanga Kutuhuka 12:33-36.

   Yika Yehova anakalinga mba atu jenyi atambule yimwe yuma ha mukunda wa miaka yeswe yize ayo apwile ngwe ndungo A-Engitu? (Kutuhu. 3:21, 22; 12:35, 36)

2. Tanga Kutuhuka 14:1-31.

   Maliji wano a Mose ali mu Kutuhuka 14:13, 14 kuchi anakwasa tuvumbi twa Yehova musono waze anamanyima jita ya Armagedone? (2 Sango 20:17; Samu 91:8)

3. Tanga Kutuhuka 15:1-8, 20, 21.

   1. Mumu liaka tuvumbi twa Yehova chatamba kuhalisa Yehova ni miaso? (Kutuhu. 15:1, 2; Samu 105:2, 3; Uso. 15:3, 4)

   2. Chilweza chika cha kuhalisa Yehova Miriame ni mapwo akwo kusesa lia Kalunga-lwiji Muchila anakahichikila mapwo akwa Kristu musono? (Kutuhu. 15:20, 21; Samu 68:11)

Chishima 34

1. Ha chizulie, yika atu anatongona hashi, nawa kuchi te akuyivuluka?

2. Shimbi jika Mose anakahana kuli atu hakutwala ku manaa waze te chatamba kutongona?

3. Yika Yehova anakatuma atu hanga alinge ha tangwa liamuchisambano, nawa mumu liaka?

4. Chikomokeso chika Yehova te akulinga muze ayo te akutulika manaa ndo ha tangwa liamuchishimbiali?

5. Ha matangwa angahi Yehova anakalisa atu manaa?

Yihula yikwo:

1. Tanga Kutuhuka 16:1-36 ni Kwalula 11:7-9.

   1. Kuchi mukanda wa Kutuhuka 16:8 unatulweza chize chatutamba kwononokena ku milimo ya Zambi mu chikungulwila cha akwa Kristu? (Hepre. 13:17)

   2. Mu puya, kuchi A-Izalele te a kweulula tangwa ha tangwa kushimbwila cho kuli Yehova? (Kutuhu. 16:14-16, 35; Shimbi 8:2, 3)

   3. Ulumbunwiso uka wa manaa Yesu anakahana, nawa yetwe kuchi mutuyuka ni “mbolo ya mwilu”? (Yoa. 6:31-35, 40)

2. Tanga Yoshua 5:10-12.

   Ha miaka yingahi yize A-Izalele anakalia manaa, kuchi chino chinakapwa cheseko kuli ayo? Yika yetwe twalilongesa ha sango jino? (Kutuhu. 16:35; Kwa. 11:​4-6; 1 Kori. 10:10, 11)

Chishima 35

1. Kulutwe lia tukweji aali ha kutuhuka cha A-Izalele mu Engitu hali anakatungila chilombo?

2. Yika Yehova anazanga hanga atu alinge, nawa kuchi ayo akumbulula?

3. Mumu liaka Yehova anahana yihanda yaali ya mawe kuli Mose?

4. Kuchiza Kumi lia Shimbi, shimbi jika jikwo Yehova anakahana kuli A-Izalele?

5. Nikulita ni chize Yesu Kristu ambile shimbi jika jaali jilemu chinji?

Yihula yikwo:

1. Tanga Kutuhuka 19:1-25; 20:1-21; 24:12-18; ni 31:18.

   Kuchi maliji waze ali mu Kutuhuka 19:8 anatukwasa kunyingika chize chinalumbunuka kulihana chetu cha Ukristu? (Mateu 16:24; 1 Petu. 4:1-3)

2. Tanga Shimbi Yamuchiali 6:4-6; Ulevi 19:18; ni Mateu 22:36-40.

   Kuchi akwa Kristu akusolola zango lia Zambi kuli enyembo jo? (Marku 6:34; Yili. 4:20; Roma 15:2)

Chishima 36

1. Ha chizulie, yika atu analinga, nawa mumu liaka?

2. Mumu liaka Yehova anakevwa uli, nawa yika Mose anakalinga muze iye amwene yize te atu analinga?

3. Yika Mose anakamba kuli amwe malunga hanga alinge?

4. Longeso lika chishima chino chinatulongesa?

Yihula yikwo:

1. Tanga Kutuhuka 32:1-35.

   1. Kuchi maliji wano anasolola chize Yehova akwivwa ha kuchinga ulembelo wa mahuza ni wamwenemwene? (Kutuhu. 32:4-6, 10; 1 Kori. 10:7, 11)

   2. Yika akwa Kristu chatamba kulinga ha kusakula kuheha, kwimba ni kuhangana? (Kutuhu. 32:18, 19; Efwe. 5:15, 16; 1 Yoa. 2:15-17)

   3. Kuchi munyachi wa A-Levi unakasolola chilweza chipema hakupwa sali lia ululi? (Kutuhu. 32:25-28; Samu 18:25)

Chishima 37

1. Kuchi akuvuluka zuwo lili ha chizulie chino, nawa yika te akulingilamo?

2. Mumu liaka Yehova ambile kuli Mose ngwo atunge mbalaka yize te muyipwa yashi ni kuyitutulula?

3. Mushete uka uli mu chipatulo chikehe kumbango lia mbalaka, nawa yika yilimo?

4. Iya yoze Yehova anakasakula ngwe sasendote wa lutwe, nawa yika te iye akulinga?

5. Tongola majina ja yuma yitatu yize yili mu chipatulo chinene cha mbalaka?

6. Yuma yika yaali yize yili mu chipanga cha tabernakulu, nawa yika te akuyilingila?

Yihula yikwo:

1. Tanga Kutuhuka 25:8-40; 26:1-37; 27:1-8; ni 28:1.

   Akerupimi ali helu lia “mushete wa shindakenyo” yika analumbunuka? (Kutuhu. 25:20, 22; Kwa. 7:89; 2 Mia. 19:15)

2. Tanga Kutuhuka 30:1-10, 17-21; 34:1, 2; ni A-Hepreu 9:1-5.

   1. Mumu liaka Yehova anakamba ngwo chili chilemu chinji asasendote waze te a kuvumbika mu tabernakulu ndo te alinange? Nawa kuchi shimbi yino muyihasa kutukwasa musono? (Kutuhu. 30:18-21; 40:30, 31; Hepre. 10:22)

   2. Kuchi postolo Paulu anasolola ngwo tabernakulu ni usendo wa shimbi te ushi nawa ni ulemu ha mashimbu waze iye asonekene mukanda wenyi kuli akwa Kristu a mu Hepreu? (Hepre. 9:1, 9; 10:1)

Chishima 38

1. Kuchi yena unamono chisunge achi cha uva chinasoloka ha chizulie, nawa kulihi aneza nacho?

2. Mumu liaka Mose anakatuma 12 a ngendeshi mu chifuchi cha Kanana?

3. Muze ayo anakafuna, yika kumi lia ngendeshi anakalweza kuli Mose?

4. Kuchi ngendeshi aali anakasolola ujikijilo wo kuli Yehova, nawa majina jo aya?

5. Mumu liaka Yehova yevwa uli, nawa yika iye anakalweza kuli Mose?

Yihula yikwo:

1. Tanga Kwalula 13:1-33.

   1. Iya yoze anakasakula hanga atale chifuchi, nawa uhashi uka unene ayo anakapwa nawo? (Kwa. 13:2, 3, 18-20)

   2. Mumu liaka nyonga lia Yoshua ni Kalemba te linalisa ni lia ngendeshi akwo, nawa yika yino yinatulongesa? (Kwa. 13:28-30; Mateu 17:20; 2 Kori. 5:7)

2. Tanga Kwalula 14:1-38.

   1. Utowezo uka yetwe chatutamba kuzeyela hakutwala ku chikuma cha kulinyenyeta kuli tusongwelo twa Yehova? (Kwa. 14:2, 3, 27; Mateu 25:40, 45; 1 Kori. 10:10)

   2. Kuchi mukanda wa Kwalula 14:24 unasolola ngwo Yehova kakuzanga kavumbi kenyi mweswao? (1 Mia. 19:18; Yishi. 15:3)

Chishima 39

1. Aya anakalimika ha usongwelo wa Mose ni Arone, nawa yika ayo anakamba kuli Mose?

2. Yika Mose anakamba hanga Kora ni tumbaji twenyi 250 alinge?

3. Yika Mose anakamba kuli atu, nawa yika yinakapwa ko muze iye te hamanyisa kuhanjika?

4. Yika yinakapwa kuli Kora ni tumbaji twenyi 250?

5. Yika Eleazare mwana wa Arone anakalinga ni yikwachilo ya kahia ya atu waze anakafwa, nawa mumu liaka?

6. Mumu liaka Yehova anakasokesa yitemo ku mukombo wa Arone? (Tala ha chizulie)

Yihula yikwo:

1. Tanga Kwalula 16:1-49.

   1. Yika Kora ni tumbaji twenyi anakalinga, nawa mumu liaka yitanga yino te uhuka kuli Yehova? (Kwa. 16:9, 10, 18; Ulevi 10:1, 2; Yishi. 11:2)

   2. Nyonga lika lipi Kora ni “250 miata a chikungulwila” anakapwa nalio? (Kwa. 16:​1-3; Yishi. 15:33; Iza. 49:7)

2. Tanga Kwalula 17:1-11 ni 26:10.

   1. Kusoka cha yitemo ku mukombo wa Arone yika chinasolola? Mumu liaka Yehova anakatuma hanga atulike mukombo mu mbalaka? (Kwa. 17:5, 8, 10)

   2. Longeso lika lilemu yetwe mutuhasa kulilongesa ha chilayi chize mukombo wa Arone unakahichika? (Kwa. 17:10; Yili. 20:28; Fwili. 2:14; Hepre. 13:17)

Chishima 40

1. Kuchi Yehova anakafunga A-Izalele muze ayo apwile mu puya?

2. Mumu liaka A-Izalele anakalinyenyeta muze apwile mu chilombo cha Kandeshe?

3. Yika Yehova anakalinga hanga ahane meya kuli atu ni kuli yimuna?

4. Ha chizulie, lunga muka au unalimika mwene, nawa mumu liaka iye analinga chino?

5. Mumu liaka Yehova anakevwila Mose ni Arone uli, nawa lamba lika anakamba ngwo mapwa nalio?

6. Yika yinakapwa ku mulundu wa Hore, nawa iya unakapwa sasendote wa lutwe wa Izalele?

Yihula yikwo:

1. Tanga Kwalula 20:1-13, 22-29 ni Shimbi Yamuchiali 29:5.

   1. Yika twalilongesa ha chize Yehova anakafunga A-Izalele mu puya? (Shimbi 29:5; Mateu 6:31; Hepre. 13:5; Tia. 1:17)

   2. Kuchi Yehova anakanyonga ha uhenge wa Mose ni Arone hakuhona kumusela kumeso ja Izalele? (Kwa. 20:12; 1 Kori. 10:12; Uso. 4:11)

   3. Yika yetwe mutuhasa kulilongesa ha chize Mose anakanyonga ha fumbo lize Yehova anakamwaha? (Kwa. 12:3; 20:12, 27, 28; Shimbi 32:4; Hepre. 12:7-11)

Chishima 41

1. Ha chizulie, chuma chika achi chinalilimba ku mutondo, nawa mumu liaka Yehova amba kuli Mose hanga achise ko?

2. Kuchi atu anakahona kusakwila ha yuma yeswe yize Zambi anakaalingila?

3. Yika atu anakamba kuli Mose hanga alinge muze te Yehova hatuma tupela a ulembe upi hanga aasume?

4. Mumu liaka Yehova anakamba kuli Mose ngwo alinge kapela wa unengu?

5. Yika chishima chacho chinatulongesa?

Yihula yikwo:

1. Tanga Kwalula 21:4-9.

   1. Kuchi kulinyenyeta cha Izalele hakutwala ku ukwaso uze Yehova anakaha chili utowezo kuli yetwe? (Kwa. 21:5, 6; Roma 2:4)

   2. Ha kupalika cha sekulu, yika te A-Izalele akulinga ni kapela wa unengu, nawa yika Mwanangana Hezekia anakamulingila? (Kwa. 21:9; 2 Mia. 18:1-4)

2. Tanga Yoano 3:14, 15.

   Kuchi kapela wa unengu yoze anakalimba ku mutondo kali ngwe chilayi cha Yesu wakuzezeleka ha mutundo? (Ngala. 3:13; 1 Petu. 2:24)

Chishima 42

1. Mbalake te iya? Mumu liaka iye anatuma kusanyika Mbalau?

2. Mumu liaka chimbulu wa Mbalau yautama hashi?

3. Yika chimbulu anakamba kuli Mbalau?

4. Yika umwe mungelo anakamba kuli Mbalau?

5. Yika yinakapwako muze Mbalau anakeseka kushinga Izalele?

Yihula yikwo:

1. Tanga Kwalula 21:21-35.

   Mumu liaka Izalele anakanongesa Mwanangana Sahone wa A-Amore ni Mwanangana Oge wa Mbashane? (Kwa. 21:21, 23, 33, 34)

2. Tanga Kwalula 22:1-40.

   Yika yinakazangisa Mbalau hanga eseke kushinga Izalele, nawa fumbo lika yetwe mutuhasa kulilongesa? (Kwa. 22:16, 17; Yishi. 6:16, 18; 2 Petu. 2:15; Yunda. 11)

3. Tanga Kwalula 23:1-30.

   Chipwe Mbalau kanakahanjika ngwe umwe kavumbi wa Yehova, kuchi yitanga yenyi yinakamulumbanganyisa? (Kwa. 23:3, 11-14; 1 Samue. 15:22)

4. Tanga Kwalula 24:1-25.

   Kuchi maliji wano a Mbimbiliya anakolesa ufulielo wetu ha kumanunuka cha upale wa Yehova? (Kwa. 24:10; Iza. 54:17)

Chishima 43

1. Ha chizulie, malunga wano aali anamane hamwe ni Mose aya?

2. Yika Yehova anakamba kuli Yoshua?

3. Mumu liaka Mose anakanyina helu lia mulundu Nebo, nawa yika Yehova anakamulweza?

4. Miaka yingahi Mose anakafwa nayo?

5. Mumu liaka atu ali ni yinyengo, nawa chitela chika ayo alinacho hanga awahilile?

Yihula yikwo:

1. Tanga Kwalula 27:12-23.

   Chiteli chika chikalu Yoshua anakatambula kuli Yehova? Kuchi Yehova akusolola zango kuli atu jenyi musono? (Kwa. 27:15-19; Yili. 20:28; Hepre. 13:7)

2. Tanga Shimbi Yamuchiali 3:23-29.

   Mumu liaka Yehova kakechele Mose ni Arone hanga anjile mu chifuchi cha chilakenyo, nawa fumbo lika yetwe mutuhasa kulilongesa ha yino? (Shimbi 3:25-27; Kwa. 20:12, 13)

3. Tanga Shimbi Yamuchiali 31:1-8, 14-23.

   Kuchi maliji waze Mose anakalishika no ni Izalele anasolola ngwo iye ni kulikehesa cheswe kanakatayiza fumbo lia Yehova? (Shimbi 31:6-8, 23)

4. Tanga Shimbi Yamuchiali 32:45-52.

   Kuchi Liji lia Zambi mulihasa kululieka mwono wetu? (Shimbi 32:47; Ulevi 18:5; Hepre. 4:12)

5. Tanga Shimbi Yamuchiali 34:1-12.

   Chipwe Mose kakamwene Yehova ngwe chize twakumona mutu, kuchi Shimbi Yamuchiali 34:10 yinambe hakutwala ha usepa wenyi ni Yehova? (Kutuhu. 33:11, 20; Kwa. 12:8)

Chishima 44

1. Kulihi Rahape te atwama?

2. Malunga wano ali ha chizulie aya, nawa mumu liaka ayo ali mu Yeriku?

3. Shimbi yika Mwanangana wa Yeriku anakatuma hanga Rahape alinge, nawa kumbululo lika iye anakahana?

4. Kuchi Rahape anakakwasa malunga waze aali, nawa ukwaso uka iye anaketa kuli ayo?

5. Yika ngendeshi wano aali anakalakenya kuli Rahape?

Yihula yikwo:

1. Tanga Yoshua 2:1-24.

   Muze A-Izalele anakaya ni kwasa jita ni Yeriku kuchi chilakenyo cha Yehova chize chili mu mukanda wa Kutuhuka 23:28 chinakamanunuka? (Yoshu. 2:9-11)

2. Tanga A-Hepreu 11:31.

   Kuchi chilweza cha Rahape chinasolola ulemu wa kupwa ni ufulielo? (Roma 1:17; Hepre. 10:39; Tia. 2:25)

Chishima 45

1. Chikomokeso chika Yehova alinga hanga A-Izalele ahase kuzauka Lwiji Yordau?

2. Yika A-Izalele te chaatamba kulinga hanga azauke Lwiji Yordau, mba asolole ufulielo wo?

3. Mumu liaka Yehova amba kuli Yoshua hanga ande mawe anene-anene 12 ha mashima lia lwiji?

4. Yika yinakapwa ko muze asasendote anakatuhuka mu Yordau?

Yihula yikwo:

1. Tanga Yoshua 3:1-17.

   1. Nikulita ni sango jino, yika yetwe chatutamba kulinga hanga tupwe ni ukwaso wa Yehova nawa ni yiwape yenyi? (Yoshu. 3:13, 15; Yishi. 3:5; Tia. 2:22, 26)

   2. Lwiji Yordau te kuchi anapu muze A-Izalele anakamuzauka hanga anjile mu chifuchi cha chilakenyo? Nawa kuchi chino chinakanangamisa jina lia Yehova (Yoshu. 3:15; 4:18; Samu 66:5-7)

2. Tanga Yoshua 4:1-18.

   Mawe 12 waze anakanda mu Yordau nawa anakatumbika ha Ngilingali yika te analumbunuka? (Yoshu. 4:4-7)

Chishima 46

1. Yika Yehova anakamba kuli maswalale ni asasendote hanga alinge ha matangwa asambano?

2. Yika te malunga jacho malinga ha tangwa liamuchishimbiali?

3. Ngwe chize yena unamono ha chizulie, yika yinapu ku yipanga ya Yeriku?

4. Mumu liaka kuli umwe lungoji muchila wakuzezeleka ha kapenda?

5. Shimbi yika Yoshua anakahana kuli maswalale hanga alinge kuli atu ni mbonge? Mba alioze yika te malinga hakutwala ku prata, oru, unengu ni chikungo?

6. Yika ngendeshi aali anakalweza hanga alinge?

Yihula yikwo:

1. Tanga Yoshua 6:1-25.

   1. Kuchi kujinguluka cha A-Izalele ku Yeriku ha tangwa liamuchishimbiali, chinalita ni mulimo wa sango jipema wa Yela ja Yehova ku matangwa wano a kusula? (Yoshu. 6:15, 16; Iza. 60:22; Mateu 24:14; 1 Kori. 9:16)

   2. Kuchi uprofeto wa Yoshua 6:26 unakamanunuka ha 500 ja miaka kulutwe, yika yino yinatulongesa hakutwala ku liji lia Yehova? (1 Mia. 16:34; Iza. 55:11)

Chishima 47

1. Ha chizulie, lunga yono unavumbika yuma yandando yinji yize anakanda mu Yeriku iya, nawa aya waze anamukwase?

2. Mumu liaka yitanga ya Akane ni asoko jenyi yinakapwa yipi chinji?

3. Kuchi Yehova anakakumbulula muze Yoshua amuhulile ngwo mumu liaka A-Izalele aakumbanga kuli akwa Ayi?

4. Muze Akane ni asoko jenyi aatwalile kuli Yoshua, yika yinakapwa kuli ayo?

5. Longeso lika lilemu upatwilo wa Akane unatulongesa?

Yihula yikwo:

1. Tanga Yoshua 7:1-26.

   1. Kuchi yilemba ya Yoshua yinasolola usepa wenyi kuli Sakatanga? (Yoshu. 7:7-9; Samu 119:145; 1 Yoa. 5:14)

   2. Yika chilweza cha Akane chinasolola, nawa kuchi chino chili utowezo kuli yetwe? (Yoshu. 7:11, 14, 15; Yishi. 15:3; 1 Timo. 5:24; Hepre. 4:13)

2. Tanga Yoshua 8:1-29.

   Chiteli chika yetwe eswe tulinacho mu chikungulwila cha akwa Kristu musono? (Yoshu. 7:13; Ulevi 5:1; Yishi. 28:13)

Chishima 48

1. Kuchi atu a mu Ngibeone te alisa ni akwa Kanana a mambonge ja wenyembo?

2. Ngwe chize chili ha chizulie, yika akwa Ngibeone alinga, nawa mumu liaka?

3. Chilakenyo chika Yoshua ni tusongwelo A-Izalele anakahana kuli A-Ngibeone, alioze yika ayo anakanyingika muze te hikwapalika matangwa atatu?

4. Yika yinakapwako muze mianangana a mambonge akwo anakanyingika ngwo A-Ngibeone halinga ukulungunga ni Izalele?

Yihula yikwo:

1. Tanga Yoshua 9:1-27.

   1. Yehova kanakahana shimbi kuli vungu lia Izalele ngwo “akanongese akwa chifuchi eswe,” alioze ndako jika iye anakasolola ha kwecha A-Ngibeone? (Yoshu. 9:22, 24; Mateu 9:13; Yili. 10:34, 35; 2 Petu. 3:9)

   2. Ha kufunga usendo uze anakalinga ni A-Ngibeone, kuchi Yoshua anakahichika chilweza chipema kuli Akwa Kristu musono? (Yoshu. 9:18, 19; Mateu 5:37; Efwe. 4:25)

2. Tanga Yoshua 10:1-5.

   Kuchi mbunga yinene ya atu musono yinembulula akwa Ngibeone? Ha mukunda wa chino, yika yinakapwa kuli ayo? (Yoshu. 10:4; Zeka. 8:23; Mateu 25:35-40; Uso. 12:17)

Chishima 49

1. Ha chizulie, yika Yoshua anambe, nawa mumu liaka?

2. Kuchi Yehova anakakwasa Yoshua ni maswalale jenyi?

3. Mianangana akwa kole angahi Yoshua anakanongesa, nawa miaka yingahi yino yinakalinga?

4. Mumu liaka Yoshua anakateta chifuchi cha Kanana?

5. Miaka yingahi Yoshua anakafwa nayo, nawa yika atu apwile ni kulinga kulutwe lia ufwe wenyi?

Yihula yikwo:

1. Tanga Yoshua 10:6-15.

   Kunyingika ngwo Yehova kanakamanyisa tangwa ni kakweji ha mukunda wa Izalele, ujikijilo uka yino yinatwaha musono? (Yoshu. 10:8, 10, 12, 13; Samu 18:3; Yishi. 18:10)

2. Tanga Yoshua 12:7-24.

   Iya chamwenemwene unakongesa Mianangana 31 a mu Kanana, nawa mumu liaka chino chili ni ulemu unji? (Yoshu. 12:7; 24:11-13; Shimbi 31:8; Luka 21:9, 25-28)

3. Tanga Yoshua 14:1-5.

   Kuchi chifuchi anakachiteta mukachi ka minyachi ya Izalele? Chino yika chinasolola hakutwala ku kuhinga cha paraisu? (Yoshu. 14:2; Iza. 65:21; Eze. 47:21-23; 1 Kori. 14:33)

4. Tanga Akwa Kuyula 2:8-13.

   Ngwe Yoshua mu Izalele, musono iya unatukwasa hanga yitanganyanyi achine kutupiangula? (Kuyu. 2:8, 10, 11; Mateu 24:45-47; 2 Tesa. 2:3-6; Titu 1:7-9; Uso. 1:1; 2:1, 2)

Chishima 50

1. Akwa kuyula te aya, nawa majina ja amwe a kuli ayo te aya?

2. Mulimo uka upema Debola te akulinga, nawa yika uno unalumbunuka?

3. Muze te A-Izalele anaapinjisa kuli mwanangana Jabini ni kuli kapitau wa maswalale jenyi, Sisera, sango jika ja Yehova Debola anakalumbununa kuli mukwa kuyula Mbarake? Nawa iya yoze iye anakamba ngwo te matambula lufuma wa kukumba?

4. Kuchi Jaele anasoloka ngwo kali umwe pwo wa hamu?

5. Yika yinakapwa ko muze Mwanangana Jabini anakafwa?

Yihula yikwo:

1. Tanga Akwa Kuyula 2:14-22.

   Kuchi A-Izalele anakasunga ufwatulo wa Yehova hali ayo, nawa fumbo lika yetwe mutuhasa kulilongesa ha chino? (Kuyu. 2:20; Yishi. 3:1, 2; Eze. 18:21-23)

2. Tanga Akwa Kuyula 4:1-24.

   Longeso lika lia ufulielo ni hamu mapwo akwa Kristu a musono mahasa kulilongesa ha chilweza cha Debola ni Jaele? (Kuyu. 4:4, 8, 9, 14, 21, 22; Yishi. 31:30; 1 Kori. 16:13)

3. Tanga Akwa Kuyula 5:1-31.

   Kuchi mwaso wa kukumba wa Mbarake ni Debola muuhasa kulita ni kulemba cha kwiza cha jita ya Armagedone? (Kuyu. 5:3, 31; 1 Sango 16:8-10; Uso. 7:9, 10; 16:16; 19:19-21)

Chishima 51

1. Mumu liaka Noemi anakaya ku chifuchi cha Moape?

2. Rute ni Orpa ayo te aya?

3. Kuchi Rute ni Orpa anakakumbulula muze Noemi anakaamba hanga ayo afune kuli asoko jo?

4. Mboaze te iya, nawa kuchi iye anakakwasa Rute ni Noemi?

5. Jina lia mwana wa Mboaze ni Rute te iya, nawa mumu liaka chatutamba kumweuluka?

Yihula yikwo:

1. Tanga Rute 1:1-17.

   1. Maliji aka apema nawa a zango liamwenemwene Rute ambile? (Rute 1:16, 17)

   2. Kuchi nyonga lia Rute linasolola kanawa nyonga lia “mbunga yikwo ya mapanga” hakutwala kuli mandumbu akuwahisa waze achili hano hashi? (Yoa. 10:16; Zeka. 8:23)

2. Tanga Rute 2:1-23.

   Kuchi Rute ali chilweza chipema kuli ana-mapwo musono? (Rute 2:17, 18; Yishi. 23:22; 31:15)

3. Tanga Rute 3:5-13.

   1. Kuchi Mboaze anakamona kulihana chipema cha Rute hanga alimbate nenyi, shimbu te alimbate ni umwe mukweze?

   2. Yika yitanga ya Rute muyitulongesa hakutwala ku zango liamwenemwene? (Rute 3:10; 1 Kori. 13:4, 5)

4. Tanga Rute 4:7-17.

   Kuchi akwa Kristu a malunga musono mahasa kupwa ngwe Mboaze? (Rute 4:9, 10; 1 Timo. 3:1, 12, 13; 5:8)

Chishima 52

1. Mumu liaka A-Izalele ali mu kapinda mupwahaha?

2. Mumu liaka Zambi ambila kuli Ngideone ngwo iye kali ni maswalale anji?

3. Malunga angahi anakasaloho muze Ngideone ambile kuli waze te anevu woma hanga afune ku zuwo?

4. Tala ha chizulie hanga ulumbunune chize Yehova anakalinga mba atepulule maswalale a Ngideone mu 300 a malunga.

5. Kuchi Ngideone anakalulieka 300 a malunga, nawa kuchi A-Izalele anakakumba jita?

Yihula yikwo:

1. Tanga Akwa Kuyula 6:36-40.

   1. Kuchi Ngideone anakalinga hanga apwe ni ushindakenyo wa upale wa Zambi?

   2. Musono, yetwe kuchi twakunyngika upale wa Zambi? (Yishi. 2:3-6; Mateu 7:7-11; 2 Timo. 3:16, 17)

2. Tanga Akwa Kuyula 7:1-25.

   1. Yika twalilongesa kuli 300 a malunga waze te anatalatala ni kuli waze te kasokutalatala? (Kuyu. 7:3, 6; Roma 13:11, 12; Efwe. 5:15-17)

   2. Chizechene ngwe 300 a malunga waze anakalilongesa hakutala kuli Ngideone ni yetwe kuchi mutulilongesa hakutala kuli Ngideone Munene, mwe Yesu Kristu? (Kuyu. 7:17; Mateu 11:29, 30; 28:19, 20; 1 Petu. 2:21)

   3. Kuchi Akwa Kuyula 7:21 wakutukwasa kupwa ni chiseke ha kukalakala heswaho matusa, mu ululikiso wa Yehova? (1 Kori. 4:2; 12:14-18; Tia. 4:10)

3. Tanga Akwa Kuyula 8:1-3.

   Nyi mukupwa umwe kapinda mukachi ka mandumbu, yika twalilongesa hali Ngideone ha kusopa milonga ni A-Eframe? (Yishi. 15:1; Mateu 5:23, 24; Luka 9:48)

Chishima 53

1. Jefeta te iya, nawa ha mashimbu aka iye anakatwama?

2. Chilakenyo chika Jefeta anakalinga kuli Yehova?

3. Mumu liaka Jefeta anakevwa chinyongo chinji ha kufuna ku zuwo muze te hakumba A-Amone?

4. Yika mwana wa Jefeta anakamba muze iye anyingikine chilakenyo cha tato?

5. Mumu liaka atu te akuzanga mwana wa Jefeta?

Yihula yikwo:

1. Tanga Akwa Kuyula 10:6-18.

   Utowezo uka yetwe chatamba kukaula hakutala uhenge uze A-Izalele anakalinga kuli Yehova? (Kuyu. 10:6, 15, 16; Roma 15:4; Uso. 2:10)

2. Tanga Akwa Kuyula 11:1-11, 29-40.

   1. Chipwe ngwe tunanyngika ngwo, Jefeta kanakahana mwanenyi ngwe ‘mulambu wa kwocha’ shina chino chinalumbunuka ngwo iye kanakahana mwanenyi hanga amwoche? (Kuyu. 11:31; Ulevi 16:24; Yoshu. 18:10, 12)

   2. Kuchi chinalumbunuka ngwo Jefeta yahana mwanenyi ngwe mulambu?

   3. Yika twalilongesa ha nyonga lia Jefeta ha chilakenyo chize alingile kuli Yehova? (Kuyu. 11:35, 39; Chilu. 5:4, 5; Mateu 16:24)

   4. Kuchi mwana wa Jefeta ali chilweza chipema kuli akweze akwa Kristu waze akufupa milimo ya Zambi ya mashimbu eswe? (Kuyu. 11:36; Mateu 6:33; Fwili. 3:8)

Chishima 54

1. Lunga mukwa tachi jinji jina lienyi te iya, nawa iya unakamwaha tachi jacho?

2. Yika limwe tangwa Samasone anakalinga kuli umwe ndumba munene, ngwe chize chinasoloka ha chizulie?

3. Ha chizulie chijimbikilo chika Samasone analweza kuli Ndelila, nawa kuchi chino yichipwa chashi kumukwata kuli A-Filistea?

4. Kuchi chinakapwa mba Samasone ashehe 3,000 A-Filistea akwa kole ha tangwa lia ufwe wenyi?

Yihula yikwo:

1. Tanga Akwa Kuyula 13:1-14.

   Mumu liaka Manoa ni mukwo-pwo kali chilweza chipema kuli yisemi ha kulela ana jo? (Kuyu. 13:8; Samu 127:3; Efwe. 6:4)

2. Akwa Kuyula 14:5-9 ni 15:9-16.

   1. Sango ja Samasone ha kushaha ndumba, kutusuka mu ngoji jaha te anamukasa, ni kushaha 1,000 ka malunga ni mbangachi ja chimbulu, yika jinasolola hakutwala ku kukalakala cha spiritu musandu wa Zambi?

   2. Kuchi spiritu musandu yakutukwasa musono? (Kuyu. 14:6; 15:14; Zeka. 4:6; Yili. 4:31)

3. Tanga Akwa Kuyula 16:18-31.

   Kuchi usepa upi unakapihisa ndako ja Samasone, nawa yika mutulilongesa ha chino? (Kuyu. 16:18, 19; 1 Kori. 15:33)

Chishima 55

1. Kanuke au ha chizulie jina lienyi iya, nawa atu awa ali no aya?

2. Yika Hana ambile mu yilemba yenyi limwe tangwa muze ayile ku tabernakulu ya Yehova, nawa kuchi Yehova anakamukumbulula?

3. Miaka yingahi te Samuele alinayo muze ayile ni kulingila Yehova mu tambernakulu, nawa yika te naye akumulingila ha miaka yeswe?

4. Kuchi te akuvuluka ana ja Eli, nawa ndako jika malunga jacho te akwete?

5. Yika Yehova anakalweza Samuele, nawa shimbi yika Iye amuhele?

6. Muze Samuele te hakola, yika iye anakalinga, nawa yika yikanapwa ko muze iye te hapwa kashinakaji?

Yihula yikwo:

1. Tanga 1 Samuele 1:1-28.

   1. Chilweza chika chipema Elekana anakahichika kuli tusongwelo a usoko hakutwala ku ulembelo wamwenemwene? (1 Samue. 1:3, 21; Mateu 6:33; Fwili. 1:10)

   2. Longeso lika yetwe mutuhasa kupwa nalio ha chilweza chize Hana ahichikile ha kupwa ni umwe kupinda mukalu? (1 Samue. 1:10, 11; Samu 55:22; Roma 12:12)

2. Tanga 1 Samuele 2:11-36.

   Mumu liaka yetwe mutuhasa kwamba ngwo Eli te kakulemesa chinji ana jenyi kuhanyasa Yehova yika mutuhasa kulilongesa ha chino? (1 Samue. 2:22-24, 27, 29; Shimbi 21:18-21; Mateu 10:36, 37)

3. Tanga 1 Samuele 4:16-18.

   Lusango muka unakeza ku jita yoze unakasolola luyinda muwana, nawa lusango wacho yika anakalinga kuli Eli?

4. Tanga 1 Samuele 8:4-9.

   Chuma chika A-Izalele anakalinga chinakatuka Yehova, nawa kuchi yetwe mutuhasa kukwasa ni umwenemwene weswe Wanangana wenyi musono? (1 Samue. 8:5, 7; Yoa. 17:16; Tia. 4:4)

Chishima 56

1. Ha chizulie yika Samuele analinga, nawa mumu liaka anachilinga?

2. Mumu liaka Yehova te akuzanga Saulu, nawa Saulu te lunga wa mutapu uka?

3. Mwana wa Saulu jina lienyi iya, nawa yika mwana wacho anakalinga?

4. Mumu liaka Saulu anakalipupula kuhana mulambu shimbu te ashimbwile Samuele aulambule?

5. Fumbo lika twalilongesa ha sango jize jinahanjika hakutwala kuli Saulu?

Yihula yikwo:

1. Tanga 1 Samuele 9:15-21 ni 10:17-27.

   Kuchi kulihumikiza cha Saulu chinakamukwasa kuchina kulipupula kulinga chimwe chuma chipi, muze amwe malunga amuhonene vumbi? (1 Samue. 9:21; 10:21, 22, 27; Yishi. 17:27)

2. Tanga 1 Samuele 13:5-14.

   Shili yika Saulu anakalinga ha Ngilingali? (1 Samue. 10:8; 13:8, 9, 13)

3. Tanga 1 Samuele 15:1-35.

   1. Shili yika Saulu anakalinga hakutwala kuli Agage, mwanangana wa A-Amaleke? (1 Samue. 15:2, 3, 8, 9, 22)

   2. Kuchi Saulu anakamba kulikalila ha yitanga yenyi hanga achine mulonga wenyi? (1 Samue. 15:24)

   3. Utowezo uka yetwe chatutamba kweuluka musono, muze matwaha chiyulo? (1 Samue. 15:19-21; Samu 141:5; Yishi. 9:8, 9; 11:2)

Chishima 57

1. Mukweze au uli ha chizulie jina lienyi iya, nawa mumu liaka tunanyingika ngwo iye kali ni hamu linji?

2. Kulihi Ndawichi te atwama, nawa tato ni kako majina jo aya?

3. Mumu liaka Yehova anakamba kuli Samuele hanga aye ku zuwo lia Yese, ku Mbeteleme?

4. Yika yinakapwa muze Yese anehene ana jenyi shimbiali kuli Samuele?

5. Muze Ndawichi ahetele, yika Yehova ambile kuli Samuele?

Yihula yikwo:

1. Tanga 1 Samuele 17:34, 35.

   Kuchi sango jino jinasolola hamu lia Ndawichi ni ujikijilo wenyi kuli Yehova? (1 Samue. 17:37)

2. Tanga 1 Samuele 16:1-14.

   1. Kuchi maliji a Yehova ha 1 Samuele 16:7 akutukwasa kuchina kupwa ni katonde nawa ni manyonga akutala wika ku meso ja mutu? (Yili. 10:34, 35; 1 Timo. 2:4)

   2. Kuchi chilweza cha Saulu chinasolola ngwo nyi Yehova machiza spiritu musandu yenyi hali umwe mutu, mutu wacho mahasa kupwa ni spiritu yipi hanji kupwa ni manyonga akulinga yuma yipi? (1 Samue. 16:14; Mateu 12:43-45; Ngala. 5:16)

Chishima 58

1. Kuchi Ngoliate anakahamwisa chilombo cha maswalele a A-Izalele?

2. Ngoliate utohwe uka te akwete, nawa yika Mwanangana Saulu anakalakenya kuhana kuli lunga yoze te mashaha Ngoliate?

3. Kuchi Ndawichi akumbulwile kuli Saulu muze iye amulwezele ngwo iye kechi kuhasa kulilamba ni Ngoliate mumu te uchili mukweze chinji?

4. Hakukumbulula kuli Ngoliate, kuchi Ndawichi anakasolola ujikijilo wenyi kuli Yehova?

5. Yena unamono ha chizulie chuma chize Ndawichi anakashaha nacho Ngoliate, mba ha chino yika yinakpwa kuli A-Filistea?

Yihula yikwo:

1. Tanga 1 Samuele 17:1-54.

   1. Mumu liaka Ndawichi te akwete hamu, nawa kuchi mutuhasa kumwimbulula? (1 Samue. 17:37, 45; Efwe. 6:10, 11)

   2. Mumu liaka akwa Kristu chaatamba kwecha spiritu ya kuhala ngwe ya Ngoliate muze ali ha chimwe chiheho hanji ha chiwanyino? (1 Samue. 17:8; Ngala. 5:26; 1 Timo. 4:8)

   3. Kuchi maliji a Ndawichi anasolola ngwo iye te kakwete ujikijilo mu ukwaso wa Zambi? (1 Samue. 17:45-47; 2 Sango 20:15)

   4. Kuchi sango jino jiso kulumbunuka wika kuliasa cha Izalele ni maswalele akwa kole, alioze te jita ya tuzambi amahuza ni Zambi wamwenemwene, mwe Yehova? (1 Samue. 17:43, 46, 47)

   5. Kuchi masalila akuwahisa anembulula Ndawichi ha kujikijila kuli Yehova? (1 Samue. 17:37; Jere. 1:17-19; Uso. 12:17)

Chishima 59

1. Mumu liaka Saulu anakevwila Ndawichi ukwa, alioze mumu liaka Jonata mwana wa Saulu te keshi kumuvwila ukwa?

2. Yika yapwileko limwe tangwa muze te Ndawichi anembila Saulu kalialia?

3. Yika Saulu ambile kuli Ndawichi hanga alinge chitangu mba amwehe mwanenyi Mikale, nawa mumu liaka Saulu ambile chocho?

4. Muze te Ndawichi anembila Saulu kalialia, yika yinakapwako ha chisuho chamuchitatu, ngwe chize chinasoloka ha chizulie?

5. Kuchi Mikale anakakwasa kulamwina mwono wa Ndawichi, nawa yika Ndawichi anakalinga ha miaka shimbiali?

Yihula yikwo:

1. Tanga 1 Samuele 18:1-30.

   1. Kuchi zango lingunu lia Jonata hali Ndawichi linasolola zango lize “mapanga akwo” alinalio hali mbunga “yikepe ya mapanga”? (1 Samue. 18:1; Yoa. 10:16; Luka 12:32; Zeka. 8:23)

   2. Chipwe ngwe te Jonata mwe chihinga cha wata wa tato Saulu, alioze, kuchi 1 Samuele 18:4 unasolola kuzeya cha Jonata hali yoze te wakusakula kulu ngwe mwanangana?

   3. Kuchi chilweza cha Saulu chinasolola ngwo ukwa muuhasa kusongwela ku shili yinene, nawa utowezo uka ulioho kuli yetwe? (1 Samue. 18:7-9, 25; Tia. 3:14-16)

2. Tanga 1 Samuele 19:1-17.

   Muze anakaliwana ni Saulu, kuchi Jonata anakasa mwono wenyi mu utoji? (1 Samue. 19:1, 4-6; Yishi. 16:14)

Chishima 60

1. Ha chizulie pwo au uneza ni kuliwana ni Ndawichi jina lienyi iya nawa kuchi iye te apwa?

2. Nabale te iya?

3. Mumu liaka Ndawichi anakatuma amwe a kuli malunga jenyi kuli Nabale hanga ete umwe ukwaso?

4. Kuchi Nabale anakamba kuli malunga a Nadawichi nawa yika Ndawichi anakalinga?

5. Kuchi Abigale anakasolola ngwo kali umwe pwo wa mana?

Yihula yikwo:

1. Tanga 1 Samuele 22:1-4.

   Mumu liaka usoko wa Ndawichi unasolola chimwe chilweza chipema cha chize mutuhasa kulikwasa umwe ni mukwo mu zango lietu lia Ukristu? (Yishi. 17:17; 1 Tesa. 5:14)

2. Tanga 1 Samuele 25:1-43.

   1. Mumu liaka Nabale anamusolola ngwe mutu wa ngwaza? (1 Samue. 25:2-5, 10, 14, 21, 25)

   2. Yika mapwo akwa Kristu musono mahasa kulilongesa ha chilweza cha Abigale? (1 Samue. 25:32, 33; Yishi. 31:26; Efwe. 5:24)

   3. Yuma yika yaali yipi yize Abigale anakakanjisa Ndawichi kulinga? (1 Samue. 25:31, 33; Roma 12:19; Efwe. 4:26)

   4. Kuchi yitanga ya Ndawichi ha maliji a Abigale musono mahasa kukwasa malunga kupwa ni nyonga lia Yehova hakutwala kuli mapwo? (Yili. 21:8, 9; Roma 2:11; 1 Petu. 3:7)

Chishima 61

1. Yika Ndawichi ni Abishai anakalinga muze te Saulu anapombo mu chilombo chenyi?

2. Yihula yika Ndawichi anakalinga kuli Saulu?

3. Muze te hahichika Saulu, kulihi Ndawichi anakaya?

4. Yika yinakaneha yinyengo yinji kuli Ndawichi mba hi yasoneka umwe mwaso upema?

5. Miaka yingahi Ndawichi te alinayo muze apwile mwanagana mu Heprone, nawa majina ja ana jenyi te aya?

6. Kulihi nawa Ndawichi anakayula ngwe mwanangana?

Yihula yikwo:

1. Tanga 1 Samuele 26:1-25.

   1. Maliji a Ndawichi waze ali mu 1 Samuele 26:11 manyonga aka anasoloka hakutwala ku ululikiso wa Zambi? (Samu 37:7; Roma 13:2)

   2. Muze mutulikolweza ni umwenemwene weswe hanga tusolole upeme, alioze muze mutumona kaleleso wa atu, kuchi maliji a Ndawichi ha 1 Samuele 26:23 mahasa kutukwasa kupwa ni nyonga lipema? (1 Mia. 8:32; Samu 18:20)

2. Tanga 2 Samuele 1:26.

   Kuchi musono akwa Kristu mahasa kupwa ni zango linji hali umwe ni mukwo, ngwe lize Ndawichi ni Jonata apwile nalio? (1 Petu. 4:8; Kolo. 3:14; 1 Yoa. 4:12)

3. Tanga 2 Samuele 5:1-10.

   1. Miaka yingahi Ndawichi anakayula, nawa kuchi mashimbu jacho anateta? (2 Samue. 5:4, 5)

   2. Ulemu wa Ndawichi kulihi unakatuka, nawa kuchi chino chili cheulukiso kuli yetwe musono? (2 Samue. 5:10; 1 Samue. 16:13; 1 Kori. 1:31; Fwili. 4:13)

Chishima 62

1. Ni ukwaso wa Yehova, yika yinakapwa ku chifuchi cha Kanana?

2. Yika yanakapwa ha umwe ufuku muze te Ndawichi ali ku chipatulo cha kwilu ku zuwo lienyi?

3. Mumu liaka Yehova anakevwila Ndawichi uli unji?

4. Ha chizulie, iya yoze Yehova anakatuma hanga ambe kuli Ndawichi ha shili yenyi, nawa lunga wacho yika anambe yize muyikapwa kuli Ndawichi?

5. Kapinda muka Ndawichi anakapwa nenyi?

6. Muze Ndawichi te hafwa, iya unakapwa mwanangana mu Izalele?

Yihula yikwo:

1. Tanga 2 Samuele 11:1-27.

   1. Mumu liaka kuhondangana mu milimo ya Yehova chili ufunge kuli yetwe?

   2. Yika yinakatwala Ndawichi mba alinge shili, nawa utowezo uka yino yinahana kuli tuvumbi ja Yehova musono? (2 Samue. 11:2; Mateu 5:27-29; 1 Kori. 10:12; Tia. 1:14, 15)

2. Tanga 2 Samuele 12:1-18.

   1. Longeso lika tufunga ni yisemi mahasa kwanda ha chize Natane ahanyine chiyulo kuli Ndawichi? (2 Samue. 12:1-4; Yishi. 12:18; Mateu 13:34)

   2. Mumu liaka Yehova anakevwila Ndawichi keke? (2 Samue. 12:13; Samu 32:5; 2 Kori. 7:9, 10)

Chishima 63

1. Yika Yehova anakahula kuli Solomone, nawa kuchi Solomone anakakumbulula?

2. Muze Yehova anakawahilila ni kwita cha Solomone, yika iye anakalakenya kumwaha?

3. Mulonga uka ukalu mapwo aali yatwala kuli Solomone?

4. Yena muhasa kumona ha chizulie, chize Solomone anayula mulonga wacho?

5. Yika mututesa nayo kuyula cha Solomone, nawa mumu liaka?

Yihula yikwo:

1. Tanga 1 Mianangana 3:3-28.

   1. Yika malunga waze ali ni yiteli mu ululikiso wa Zambi mahasa kulilongesa ha maliji amwenemwene a Solomone mu 1 Mianangana 3:7? (Samu 119:105; Yishi. 3:5, 6)

   2. Kuchi kwita cha Solomone chili chilweza chipema ha yuma yize chatamba kulemba? (1 Mia. 3:9, 11; Yishi. 30:8, 9; 1 Yoa. 5:14)

   3. Ushindakenyo uka tuli nawo ha chize Solomone anakapatula mulonga wa mapwo waze aali, hakutwala kuli Solomone Munene Yesu Kristu, yoze makayula kulutwe? (1 Mia. 3:28; Iza. 9:6, 7; 11:2-4)

2. Tanga 1 Mianangana 4:29-34.

   1. Kuchi Yehova anakakumbulula kwita cha Solomone ha kupwa ni yimwe mbunge yakwononoka? (1 Mia. 4:29)

   2. Ha kutala tachi jize atu te akusa hanga evwe mana a Solomone, nyonga lika yetwe chatutamba kupwa nalio ha longeso lia Liji lia Zambi? (1 Mia. 4:29, 34; Yoa. 17:3; 2 Timo. 3:16)

Chishima 64

1. Mashimbu angahi Solomone anakalinga ha kutunga tembele ya Yehova, nawa mumu liaka utungilo wacho unakafika mbongo jinji?

2. Yipatulo yingahi yili mu tembele, nawa yika yili muchima lia chipatulu?

3. Yika Solomone anakamba mu yilemba yenyi muze ahwishile kutunga tembele?

4. Kuchi Yehova anakasolola ngwo kanakawahilila ni yilemba ya Solomone?

5. Yika mapwo ja Solomone anakamushinjila kulinga, nawa yika yinakapwa kuli Solomone?

6. Mumu liaka Yehova anakevwila Solomone uli, nawa yika iye anakamwamba?

Yihula yikwo:

1. Tanga 1 Sango ja Mianangana 28:9, 10.

   Nikulita ni maliji waze ali ha 1 Sango ja Mianangana 28:9,10, mumu liaka chatutamba kusa tachi matangwa eswe mu mwono wetu? (Samu 19:14; Fwili. 4:8, 9)

2. Tanga 2 Sango ja Mianangana 6:12-21, 32-42.

   1. Kuchi Solomone anakasolola ngwo niumwe mutu mahasa kutunga limwe zuwo hanga Zambi Chitunda atwamemo wakwihi? (2 Sango 6:18; Yili. 17:24, 25)

   2. Yika maliji a Solomone waze ali mu 2 Sango ja Mianangana 6:32, 33, anasolola hakutwala kuli Yehova? (Yili. 10:34, 35; Ngala. 2:6)

3. Tanga 2 Sango ja Mianangana 7:1-5.

   Ngwe chizechene A-Izalele achichimiekene Yehova ni miaso ha kumona uhenya wenyi, kuchi ni yetwe chatutamba kulinga ha kumona yiwape ya Yehova hali atu jenyi? (2 Sango 7:3; Samu 22:22; 34:1; 96:2)

4. Tanga 1 Sango ja Mianangana 11:9-13.

   Kuchi mwono wa Solomone unasolola ngwo chili chilemu chinji kunyongonona mu ufulielo ndo kusongo? (1 Mia. 11:​4, 9; Mateu 10:22; Uso. 2:10)

Chishima 65

1. Malunga awa ali ha chizulie majina jo aya, nawa ayo aya?

2. Yika Ahija analinga ni chikuto chenyi chize te anazala, nawa yika chino chinalumbunuka?

3. Yika Solomone anakamba kulinga kuli Jeroboame?

4. Mumu liaka atu anakapwisa Jeroboame mwanangana wa kumi lia minyachi?

5. Mumu liaka Jeroboame anakalinga ana-ngombe aali a oru, nawa yika yinakapwa mu chifuchi?

6. Yika yinakapwa ku wanangana wa minyachi yaali, ni ku tembele ya Yehova ku Yerusaleme?

Yihula yikwo:

1. Tanga 1 Mianangana 11:26-43.

   Mwanangana Jeroboame kuchi te apwa, nawa yika Yehova anakamulakenya ni te iye makaula shimbi ja Zambi? (1 Mianangana 11:28, 38)

2. Tanga 1 Mianangana 12:1-33.

   1. Yika yisemi ni tufunga munuhasa kulilongesa ha chilweza chipi cha Rehoboame ha wata wenyi? (1 Mia. 12:13; Chilu. 7:7; 1 Petu. 5:2, 3)

   2. Kuli iya akweze a mashimbu wano chatamba kufupa usongwelo ungunu, muze makwata chiyulo ku mwono wo? (1 Mia. 12:6, 7; Yishi. 1:8, 9; 2 Timo. 3:16, 17; Hepre. 13:7)

   3. Yika yinakatwala Jeroboame kusa yihela yaali ya ulembelo wa ana-ngombe? Nawa kuchi chino chinasolola kuhona cha ufulielo kuli Yehova? (1 Mia. 11:37; 12:26-28)

   4. Iya unakasongwela atu a ku wanangana wa kumi lia minyachi hanga alimike ni ulembelo wamwenemwene? (1 Mia. 12:32, 33)

Chishima 66

1. Jezebele te iya?

2. Mumu liaka limwe tangwa Mwanangana Ahabe te ananyenganyana chinji?

3. Yika Jezebele anakalinga mba atambule munda wa uvwa wa Nabote hanga auhane kuli mukwo-lunga, Ahabe?

4. Iya Yehova anakatuma hanga amwese Jezebele lamba?

5. Nikulita ni chize unamono ha chizulie, yika yinakapwako muze Jehu ahetele ku zuwo lia Jezebele?

Yihula yikwo:

1. Tanga 1 Mianangana 16:29-33 ni 18:3, 4.

   Kuchi yuma yinakapihia chinji mu Izalele ha mashimbu a mwanangana Ahabe? (1 Mia. 14:9)

2. Tanga 1 Mianangana 21:1-16.

   1. Kuchi Nabote anakasolola hamu ni ungunu kuli Yehova (1 Mia. 21:1-3; Ulevi 25:23-28)

   2. Yika twalilongesa ha chilweza cha Ahabe, nyi chimwe chuma muchitunehena yinyengo? (1 Mia. 21:4; Roma 5:3-5)

3. Tanga 2 Mianangana 9:30-37.

   Yika yetwe twalilongesa ha kulihana cha Jehu ni mbunge yeswe ha kulinga upale wa Yehova? (2 Mia. 9:4-10; 2 Kori. 9:1, 2; 2 Timo. 4:2)

Chishima 67

1. Yohosofate te iya, nawa ha mashimbu aka iye anakatwama?

2. Mumu liaka A-Izalele anakevwa woma, nawa yika anji anakalinga?

3. Ukumbululo uka Yehova ahanyine kuli Yohosofate ha kulemba chenyi?

4. Yika Yehova anakalinga muze jita te kanda yichiputuka?

5. Yika mutuhasa kulilongesa hali Yohosofate?

Yihula yikwo:

1. Tanga 2 Sango ja Mianangana 20:1-30.

   1. Kuchi Yohosofate anakasolola yize tuvumbi ashishika a Zambi chatamba kulinga ha mashimbu akalu? (2 Sango 20:12; Samu 25:15; 62:1)

   2. Yehova te kakwete chimwe chizavu chize te akusongwela nacho atu jenyi, musono chizavu chika iye anasongwela nacho atu jenyi? (2 Sango 20:14, 15; Mateu 24:45-47; Yoa. 15:15)

   3. Muze Yehova makaputuka ni “jita ya tangwa linene lia Zambi Mukwa-Ndundo-Jeswe,” kuchi mwono wetu muukapwa ngwe wa Yohosofate? (2 Sango 20:15, 17; 32:8; Uso. 16:14, 16)

   4. Ha kwimbulula A-Levi, kuchi matetekeli ni mishionaliu akukwasa musono milimo ya kwambujola sango jipema hashi heswe? (2 Sango 20:19, 21; Roma 10:13-15; 2 Timo. 4:2)

Chishima 68

1. Atu awa atatu ali ha chizulie aya, nawa yika yapwa kuli kanuke?

2. Kulemba chika Eliya anakalinga hali kanuke, nawa yika yinakapwako?

3. Chikwashi wa Eliya jina lienyi te iya?

4. Mumu liaka Elisha amusanyikine ku zuwo lia umwe pwo, ku Shuneme?

5. Yika Elisha anakalinga, nawa yika yinakapwa kuli mwana yoze te hafwa kulu?

6. Ndundo jika Yehova alinajo, ngwe chize twamona ha yuma yize iye anakalinga ni ushashi wa Eliya ni Elisha?

Yihula yikwo:

1. Tanga 1 Mianangana 17:8-24.

   1. Kuchi kwononoka ni ufulielo wa Eliya anakaweseka? (1 Mia. 17:9; 19:1-4, 10)

   2. Mumu liaka twamishi wa Zarafata te akwete ufulielo unji? (1 Mia. 17:12-16; Luka 4:25, 26)

   3. Kuchi yuma yize twamishi wa Zarafata amwene yinasalola umwenemwene wa maliji waze ali mu Mateu 10:41, 42? (1 Mia. 17:10-12, 17, 23, 24)

2. Tanga 2 Mianangana 4:8-37.

   1. Yika pwo yono wa ku Shuneme anatulongesa ha chikuma cha kuzumbula ngeji? (2 Mia. 4:8; Luka 6:38; Roma 12:13; 1 Yoa. 3:17)

   2. Kuchi yetwe mutuhasa kusolola upeme kuli tuvumbi twa Zambi a mu musono? (Yili. 20:35; 28:1, 2; Ngala. 6:9, 10; Hepre. 6:10)

Chishima 69

1. Ha chizulie, yika kanuke au wa pwo analweze kuli pwo au?

2. Pwo au uli ha chizulie iya, nawa kanuke au wa pwo yika analinga ku zuwo lienyi?

3. Yika Elisha alwezele kuli kavumbi kenyi hanga alumbunune kuli Naamane, nawa mumu liaka Naamane evwile uli unji?

4. Yika yinakapwako muze Naamane anakapanjika tuvumbi twenyi?

5. Mumu liaka Elisha alitunyine chawana cha Naamane, mba alioze yika Ngehaze anakalinga?

6. Yika yinakapwa kuli Ngehaze, nawa yika mutuhasa kulilongesa ha chino?

Yihula yikwo:

1. Tanga 2 Mianangana 5:1-27.

   1. Kuchi chilweza cha kanuke wa pwo wa A-Izalele muchihasa kutakamisa akweze musono? (2 Mia. 5:3; Samu 8:2; 148:12, 13)

   2. Mumu liaka chili chipema kweuluka chilweza cha Naamane muze mututambula chiyulo cha mu Mbimbiliya? (2 Mia. 5:15; Hepre. 12:5, 6; Tia. 4:6)

   3. Malongeso aka mutuhasa kupwa no ha yilweza yalisa ya Elisha ni Ngehaze? (2 Mia. 5:9, 10, 14-16, 20; Mateu 10:8; Yili. 5:1-5; 2 Kori. 2:17)

Chishima 70

1. Yona te iya, nawa yika Yehova anakamwita hanga alinge?

2. Yika Yona anakalinga, muze te kaso kuzanga kuya kuze Yehova anakamutuma?

3. Yika Yona anakamba kuli akwa kwendesa ulungu hanga alinge mba fuji yihwe?

4. Ngwe chize unamono ha chizulie, yika yinakapwako muze Yona ashimbamine mu meya?

5. Matangwa angahi Yona anakalinga mujimo lia yishi munene, yika iye anakalinga muzemwene?

6. Kulihi Yona anakaya muze iye atuhukile mu jimo lia yishi munene, nawa yika yino yinatulongesa?

Yihula yikwo:

1. Tanga Yona 1:1-17.

   Kuchi Yona te akwivwa ha mulimo wenyi wa kwambujola kuli A-Ninive? (Yona 1:2, 3; Yishi. 3:7; Chilu. 8:12)

2. Tanga Yona 2:1, 2, 10.

   Kuchi chilweza cha Yona chinatwehe ujikijilo muli Yehova ngwo iye mahasa kukumbulula yilemba yetu? (Samu 22:24; 34:6; 1 Yoano 5:14)

3. Tanga Yona 3:1-10.

   1. Utakamiso uka mutuhasa kupwa nawo ha chize Yehova anakecha Yona hanga amulingile, chipwe ngwe iye chitangu kanakehuka kulinga mulimo wenyi? (Samu 103:14; 1 Petu. 5:10)

   2. Yika chilweza cha Yona hakutwala kuli A-Ninive chinatulongesa ha chize twakunyonga hali atu waze ali mu ngiza yetu? (Yona 3:6-9; Chilu. 11:6; Yili. 13:48)

Chishima 71

1. Izaia te iya, ha mashimbu aka anakatwama, nawa yika Yehova anakasolola kuli iye?

2. Liji “paraisu” yika linalumbunuka, nawa yika yinakweulula?

3. Yika Yehova anakatuma Izaia kusoneka hakutwala ku paraisu yaha?

4. Mumu liaka Alama ni Eva atokesele chihela cho chipema?

5. Yika Yehova analakenya kuli waze akumuzanga?

Yihula yikwo:

1. Tanga Izaia 11:6-9.

   1. Kuchi liji lia Zambi linasolola sambukila yize muyikapwa mukachi ka atu ni tushitu hashi haha? (Samu 148:10, 13; Iza. 65:25; Eze. 34:25)

   2. Ni nyonga lia ufulielo kuchi maliji a Izaia anamanunuka hali atu ja Zambi musono? (Roma 12:2; Efwe. 4:23, 24)

   3. Iya watela lufuma ha kwalumuna cha yitanga ya atu musono chipwe hashi haha? (Iza. 48:17, 18; Ngala. 5:22, 23; Fwili. 4:7)

2. Tanga Usolwelo 21:3, 4.

   1. Kuchi yisoneko yinasolola ngwo kutwama cha Zambi ni atu, chiso kulumbunuka ngwo iye makatunga hano hashi ni mujimba wa musunya? (Ulevi 26:11, 12; 2 Sango 6:18; Iza. 66:1; Uso. 21:2, 3, 22-24)

   2. Masoji aka ni miteto, waze kechi kapwako nawa? (Luka 8:49-52; Roma 8:21, 22; Uso. 21:4)

Chishima 72

1. Lunga au uli ha chizulie iya, nawa mumu liaka iye ali mu mulonga unene?

2. Mikanda yika ayi Hezekia anasolola kuli Zambi, nawa yika Hezekia te anechi mu yilemba yenyi?

3. Kuchi te apwa mwanangana Hezekia, nawa sango jika Yehova anakamutumina kuli profeta Izaia?

4. Ngwe ni chize chinasoloka ha chizulie, yika mungelo wa Yehova anakalinga kuli Asuria?

5. Chipwe ngwe wanangana wa minyachi yaali unakapwa ni sambukila ha mashimbu akehe, alioze yika yinakapwako muze te Hezekia hafwa?

Yihula yikwo:

1. Tanga 2 Mianangana 18:1-36.

   1. Kuchi Rabeshaka mukeji wa Asuria, anakafupa kukokolola ufulielo wa A-Izalele? (2 Mia. 18:19, 21; Kutuhu. 5:2; Samu 64:3)

   2. Ha kupinda ni akwa kulimika, kuchi Yela ja Yehova akwimbulula chilweza cha Hezekia? (2 Mia. 18:36; Samu 39:1; Yishi. 26:4; 2 Timo. 2:24)

2. Tanga 2 Mianangana 19:1-37.

   1. Kuchi atu ja Yehova akwimbulula Hezekia ha mashimbu a kapinda? (2 Mia. 19:1, 2; Yishi. 3:5, 6; Hepre. 10:24, 25; Tia. 5:14, 15)

   2. Kuchi Mwanangana Senakeribe anakamukumba katatu keswe, nawa iye yika analumbunuka ha uprofeto musono? (2 Mia. 19:32, 35, 37; Uso. 20:2, 3)

3. Tanga 2 Mianangana 21:1-6, 16.

   Mumu liaka mutuhasa kwamba ngwo Manase kapwile mwanangana mupi chinji kuhinyisa akwo eswe waze anakayula mu Yerusaleme? (2 Sango 33:4-6, 9)

Chishima 73

1. Miaka yingahi te Josia alinayo muze apwile mwanangana, nawa yika iye anakaputuka kulinga muze te hakumbanyisa miaka shimbiali ngwe mwanangana?

2. Yika yena unamonono ha chizulie chitangu Josia analinga?

3. Yika sasendote wa lutwe awanyine muze malunga te analulieka tembele?

4. Mumu liaka Josia anaswa chikuto chenyi?

5. Sango jika ja Yehova Huleda profeta wa pwo ahanyine kuli Josia?

Yihula yikwo:

1. Tanga 2 Sango ja Mianangana 34:1-28.

   1. Chilweza chika Josia anakahichika kuli waze anakapwa ni wanuke ukalu chinji? (2 Sango 33:21-25; 34:1, 2; Samu 27:10)

   2. Chuma chika chilemu Josia anakalinga mba atwale kulutwe ulembelo wamwenemwene ha miaka 8, 12 ni 18 ya kuyula chenyi? (2 Sango 34:3, 8)

   3. Malongeso aka hakutwala ku kululieka yihela yetu ya uwayilo mutuhasa kulilongesa ku yilweza yize Mwanangana Josia ni Sasendote Hilekia ahichikile? (2 Sango 34:9-13; Yishi. 11:14; 1 Kori. 10:31)

Chishima 74

1. Mukweze au uli ha chizulie iya?

2. Kuchi Jeremia anakanyonga muze hanyingika ngwo iye ku mapwa profeta, alioze yika Yehova anakamulweza?

3. Sango jika Jeremia anungine ni kwambujola kuli atu?

4. Kuchi asasendote anakamba kuholesa Jeremia, alioze kuchi iye anakasolola ngwo te keshi woma?

5. Yika yinakapwako muze A-Izalele kakalumwine ndako jo jipi?

Yihula yikwo:

1. Tanga Jeremia 1:1-8.

   1. Kuchi chilweza cha Jeremia chinasolola yize yakujamisa mutu mu milimo ya Yehova? (2 Kori. 3:5, 6)

   2. Utakamiso uka akweze akwa Kristu musono mahasa kuwana ha chilweza cha Jeremia? (Chilu. 12:1; 1 Timo. 4:12)

2. Tanga Jeremia 10:1-5.

   Chilweza chika cha ushindakenyo Jeremia anakamba hanga asolole ngwo chili uhepuke kufuliela mahamba? Jere. 10:5; Iza. 46:7; Haba. 2:19)

3. Tanga Jeremia 26:1-16.

   1. Ha kwambujola sango ja utowezo musono, kuchi masalila akuwahisa akusa ulemu ha utumino wa Yehova kuli Jeremia ngwo kanda ‘achiza ni limwe liji limuwika’? (Jere. 26:2; Shimbi 4:2; Yili. 20:27)

   2. Chilweza chika chipema Jeremia anakahichikila Yela ja Yehova a musono ha kwambujola sango ja utowezo ja Yehova kuli mavungu? (Jere. 26:8, 12, 14, 15; 2 Timo. 4:1-5)

4. Tanga 2 Mianangana 24:1-17.

   Upi uka unakapwa ha mukunda wa shili ya A-Yunda hali Yehova? (2 Mia. 24:2-4, 14)

Chishima 75

1. Akweze awa awana ali ha chizulie aya, nawa mumu liaka ayo ali mu Babilonia?

2. Manyonga aka ali no Nabukanezore hali akweze awa awana, nawa shimbi yika iye anakahana kuli tuvumbi twenyi?

3. Yika Daniele ni masepa jenyi anaketa hanga alie ni kunwa?

4. Muze te hakumbanyisa kumi lia matangwa ni kulia yilimalima, kuchi Daniele ni masepa jenyi te anakapwa ha kwatesa ni akweze akwo?

5. Kuchi Daniele ni masepa jenyi atatu ahetele ku zuwo lia mwanangana, mba mu mutapu uka ayo apemene kuhiana asasendote ni malunga akwa-mama?

Yihula yikwo:

1. Tanga Daniele 1:1-21.

   1. Tachi jika chatamba kulinga nyi tunazange kulimika ni yeseko ni kukumba ulelu? (Danie. 1:8; Uputu. 39:7, 10; Ngala. 6:9)

   2. Kuchi akweze a musono mahasa kweeseka hanji kwaashinjila hanga alinge yuma yize anamono ngwe ‘yipema’ hanga aliyukise ene? (Danie. 1:8; Yishi. 20:1; 2 Kori. 6:17–7:1)

   3. Yika sango ja Mbimbiliya ja akweze awana A-Hepreu mujitukwasa kunyingika nyi tunazange kupwa ni yinyingi ya hashi? (Danie. 1:20; Iza. 54:13; 1 Kori. 3:18-20)

Chishima 76

1. Ngwe chize chinasoloka ha chizulie yika yapwa ku Yerusaleme ni kuli a A-Izalele?

2. Ezekiele iya, nawa yuma yika yipi Yehova anakamusolwela?

3. A-Izalele te keshi vumbi kuli Yehova, ha chino yika Yehova anakalakenya kulinga?

4. Yika mwanangana Nabukanezore alingile muze A-Izalele ehukile kuli iye?

5. Mumu liaka Yehova echele kwonona chipwahaha chilingiwe kuli A-Izalele?

6. Mumu liaka chifuchi cha Izalele chinakasala cha hululu, nawa miaka yingahi yino yinakalinga?

Yihula yikwo:

1. Tanga 2 Mianangana 25:1-26.

   1. Zedekia te iya, yika yinakapwa kuli iye, nawa kuchi chino chinakamanununa uprofeto wa mu Mbimbiliya? (2 Mia. 25:5-7; Eze. 12:13-15)

   2. Iya Yehova anakashata mulonga wa uhenge uze A-Izalele anakalinga? (2 Mia. 25:9, 11, 12, 18, 19; 2 Sango 36:14, 17)

2. Tanga Ezekiele 8:1-18.

   Kuchi a akwa Kristu a mahuza akwimbulula A-Izalele yitanganyanyi waze te akuwayila tangwa? (Eze. 8:16; Iza. 5:20, 21; Yoa. 3:19-21; 2 Timo. 4:3)

Chishima 77

1. Yika mwanangana wa Babilonia, Nabukanezore, anakatuma atu kulinga?

2. Mumu liaka masepa atatu a Daniele kakafulamanyine ku lukaponya lwa oru?

3. Muze Nabukanezore ashinjilile kamuchiali A-Hepreu atatu hanga afulamane, kuchi ayo asolwele ujikijilo wo kuli Yehova?

4. Yika Nabukanezore anakatuma malunga jenyi kulinga kuli Shadrake, Meshake ni Abedenego?

5. Yika Nabukanezore anakamona ha kutala mu lutengo wa kahia?

6. Mumu liaka Mwanangana anakahalisa Zambi wa Shadrake, Meshake ni Abedenego, nawa chilweza chika ayo anakatuhichikila?

Yihula yikwo:

1. Tanga Daniele 3:1-30.

   1. Yitanga yika A-Hepreu atatu anakasolola yize chatamba tuvumbi eswe a Zambi kwimbulula muze mamona yimwe yeseko mu ufulielo? (Danie. 3:17, 18; Mateu 10:28; Roma 14:7, 8)

   2. Fumbo lika lilemu Yehova anakahana kuli Nabukanezore? (Danie. 3:28, 29; 4:34, 35)

Chishima 78

1. Yika yinakapwako muze mwanangana wa Babilonia alingile chimwe chiwanyino chinene ni kunwina mu misenge ni kulila ha mambashila, yuma yize achijile mu tembele ya Yehova mu Yerusaleme?

2. Yika Beleshazare anakalweza kuli akwa mana, nawa yika ayo kakahashile kulinga?

3. Yika naye ya mwanangana anakamwamba hanga iye alinge?

4. Ngwe chize Daniele anambe, mumu liaka Zambi atuma kwoko lisoneke ku chikalakala?

5. Ulumbunwiso uka Daniele anakahana hakutwala ku maliji waze te ali ku chikalakala?

6. Yika yinakapwako muze te Daniele machihanjika?

Yihula yikwo:

1. Tanga Daniele 5:1-31.

   1. Kulisa chika chilioho ha kwivwa woma wa Zambi ni mwongo uze Beleshazare anakevwa muze amwene chisoneko ku chikalakala? (Danie. 5:6, 7; Samu 19:9; Roma 8:35-39)

   2. Mumu liaka mutuhasa kwamba ngwo Daniele kapwile ni hamu ha kuhanjika ni Beleshazare ni miata akwo a mu nguvulu wenyi? (Danie. 5:17, 18, 22, 26-28; Yili. 4:29)

   3. Kuchi kapitulu 5 wa Daniele analemesa wanangana weswe wa Yehova? (Danie. 4:17, 25; 5:21)

Chishima 79

1. Dariu iya, nawa nyonga lika te iye ali nalio hali Daniele?

2. Yika amwe malunga a chipululu anakashinjila Dariu kulinga?

3. Yika Daniele anakalinga muze anyingikine shimbi yaha?

4. Mumu liaka Dariu anakalipikala chinji ha ufuku, nawa yika iye anakalinga ha chimene chize chinakasuloho?

5. Kuchi Daniele anakakumbulula kuli Dariu?

6. Yika yinakapwa kuli malunga api waze anakamba kushaha Daniele, nawa yika Dariu anakasoneka kuli atu eswe mu wanangana wenyi?

Yihula yikwo:

1. Tanga Daniele 6:1-28.

   1. Kuchi punga yize anakatwamina Daniele yinatweulula yize akwa kulimika akulinga hanga akanjise milimo ya Yela ja Yehova musono? (Danie. 6:7; Samu 94:20; Iza. 10:1; Roma 8:31)

   2. Kuchi tuvumbi twa Zambi musono mahasa kwimbulula Daniele ha kwononokena manguvulu waze ali ni ‘yiyulo ya kuyula?’ (Danie. 6:5, 10; Roma 13:1; Yili. 5:29)

   3. Kuchi mutuhasa kwimbulula Daniele hanga tulingile Yehova ‘matangwa eswe?’ (Danie. 6:16, 20; Fwili. 3:16; Uso. 7:15)

Chishima 80

1. Ngwe chize chinasoloka ha chizulie, yika A-Izalele analinga?

2. Mumu liaka mutuhasa kwamba ngwo Siru kanakamanununa uprofeto uze Yehova alwezele kuli Izaia?

3. Yika Siru ambile kuli A-Izalele waze te kechi kufuna ku Yerusaleme?

4. Yika Siru anakahana kuli atu hanga ayihilwise ku Yerusaleme?

5. Mashimbu angahi A-Izalele anakalinga hanga ahete ku Yerusaleme?

6. Miaka yingahi yinakapalikako chize muze chifuchi chasalile cha hululu?

Yihula yikwo:

1. Tanga Izaia 44:28 ni 45:1-4.

   1. Kuchi Yehova anakashindakenya ngwo ndo te kupwe ushindakenyo wa umanunuko wa uprofeto hakutwala kuli Siru? (Iza. 55:10, 11; Roma 4:17)

   2. Kuchi uprofeto wa Izaia hakutwala kuli Siru unasolola ngwo Yehova Zambi kali ni uhashi wa kwambujola yuma yize muyiza kulutwe lia matangwa? (Iza. 42:9; 45:21; 46:10, 11; 2 Petu. 1:20)

2. Tanga Ezera 1:1-11.

   Hakukaula chilweza cha waze kakahashile kufuna ku Yerusaleme, kuchi mutuhasa ‘kutakamisa moko’ ja waze majama kunjila mu mulimo wa mashimbu eswe? (Ezera 1:4, 6; Roma 12:13; Kolo. 4:12)

Chishima 81

1. Atu angahi anakalinga wenyi chize ku Babilonia ndo ku Yerusaleme, nawa muze ayo ahetele yika anakawana ko?

2. Yika A-Izalele anakaputuka kutunga muze ahetele, alioze yika akwa kole jo anakalinga?

3. Hagaia ni Zekaria aya, nawa yika ayo anakalweza kuli atu?

4. Mumu liaka Tatenai anakatuma umwe mukanda ku Babilonia, nawa kumbululo lika iye anakatambula?

5. Yika Ezera anakalinga muze evwile lusango wa kuhona cha kululieka tembele ya Zambi?

6. Ha chizulie yika Ezera anechi mu yilemba, nawa yika yino yinatulongesa?

Yihula yikwo:

1. Tanga Ezera 3:1-13.

   Nyi tangwa likwo mutupwa kumwe kuma kuze kushi nichimwe chikungulwila cha atu ja Yehova, yika chatutamba kununga ni kulinga? (Ezera 3:3, 6; Yili. 17:16, 17; Hepre. 13:15)

2. Tanga Ezera 4:1-7.

   Chilweza chika Zorobabele anakahichika kuli tuvumbi a Yehova, hakutwala ku kuchinga cha ulembelo weka ni weka? (Kutuhu. 34:12; 1 Kori. 15:33; 2 Kori. 6:14-17)

3. Tanga Ezera 5:5:1-5, 17 ni 6:1-22.

   1. Mumu liaka akwa kulimika kakahashile kukanjisa milimo ya kutunga tembele? (Ezera 5:5; Iza. 54:17)

   2. Kuchi yitanga ya makulwana A-Yunda yinatakamisa makulwana akwa Kristu musono ha kufupa usongwelo wa Yehova muze malitakana ni akwa kulimika? (Ezera 6:14; Samu 32:8; Roma 8:31; Tia. 1:5)

4. Tanga Ezera 8:21-23, 28-36.

   Muze kanda tuchilinga ni chimwe chuma chilemu, chilweza chika cha Ezera chatutamba kukaula? (Ezera 8:23; Samu 127:1; Yishi. 10:22; Tia. 4:13-15)

Chishima 82

1. Mordekai ni Estere, te aya?

2. Mumu liaka Mwanangana Ahashueru anakazanga pwo mwaha, mba iya yoze iye anakasakula?

3. Hamane kali iya, nawa mumu liaka iye evwile uli unji?

4. Shimbi yika anakahana, nawa yika Estere anakalinga muze evwile maliji a Mordekai?

5. Yika yinakapwa kuli Hamane ni Mordekai?

6. Kuchi A-Izalele anakaalamwina ku kwoko lia akwa kole jo?

Yihula yikwo:

1. Tanga Estere 2:12-18.

   Kuchi Estere anakasolola ulemu wa kupwa ni ‘spiritu ya uhomboloji ni uhumikizo?’ (Estere 2:15; 1 Petu. 3:1-5)

2. Tanga Estere 4:1-17.

   Chizechene ngwe Estere apwile ni uhashi wa kukwasa uwayilo wamwenemwene, ni yetwe uhashi uka tulinawo wa kusolola kulihana chetu cheswe ni ungunu kuli Yehova? (Estere 4:13, 14; Mateu 5:14-16; 24:14)

3. Tanga Estere 7:1-6.

   Kuchi atu ja Zambi musono akusa mwono wo mu utoji ha kwahungumiona, ngwe chize chapwile kuli Estere? (Estere 7:4; Mateu 10:16-22; 1 Petu. 2:12)

Chishima 83

1. Kuchi A-Izalele te akwivwa muze mbonge ya Yerusaleme te yishi yipanga?

2. Nehemia te iya?

3. Mulimo uka te Nehemia akulinga, nawa mumu liaka te ulemu?

4. Sango jika jinakaneha yinyengo kuli Nehemia, nawa yika iye anakalinga?

5. Kuchi mwanangana Artasherke anakasolola umbovu kuli Nehemia?

6. Yika Nehemia anakalinga hanga akwa kole ja A-Izalele achine kukwika milimo ya kutungulula?

Yihula yikwo:

1. Tanga Nehemia 1:4-6 ni 2:1-20.

   Kuchi Nehemia anakafupa usongwelo wa Yehova? (Nehe. 2:4, 5; Roma 12:12; 1 Petu. 4:7)

2. Tanga Nehemia 3:3-5.

   Yika makulwana ni tuvumbi mahasa kulilongesa ha kulisa cha A-Tekoa ni “alemu jo?” (Nehe. 3:5, 27; 2 Tesa. 3:7-10; 1 Petu. 5:5)

3. Tanga Nehemia 4:1-23.

   1. Yika yinakakwasa A-Izalele hanga anunge ni utungilo, chipwe ngwe te kanapinda ni yihungumiona ya akwa kole? (Nehe. 4:6, 8, 9; Samu 50:15; Iza. 65:13, 14)

   2. Kuchi chilweza cha A-Izalele chinatutakamisa musono?

4. Tanga Nehemia 6:15.

   Kuhwa cha yipanga ya Yerusaleme ha kakweji umuwika ni amwe matangwa, kuchi chinasolola tachi ja ufulielo? (Samu 56:3, 4; Mateu 17:20; 19:26)

Chishima 84

1. Pwo au uli ha chizulie iya?

2. Yika Gabriele ambile kuli Maria?

3. Kuchi Gabriele anakalumbununa kuli Maria ngwo iye makapwa ni umwe mwana, chipwe ngwe iye te kanda achilimona kama ni umwe lunga?

4. Yika yinakapwako muze Maria ayile ni kumeneka usoko wenyi Izabele?

5. Yika Yosefwe anakanyonga hakunyingika ngwo Maria mapwa ni umwe mwana, alioze mumu liaka Yosefwe anakalumuna manyonga jenyi?

Yihula yikwo:

1. Tanga Luka 1:26-56.

   1. Yika Luka 1:35 unasolola hakutwala ku umwe kapalia wa Alama mu chingoji cha Maria, muze atutulwile mwono wa mwana wa Zambi mu malilu ni kuusa mu jimo lia Maria? (Haga. 2:11-13; Yoa. 6:69; Hepre. 7:26; 10:5)

   2. Kuchi Yesu amuchichimiekene muze te kanda achisemuka? (Luka 1:41-43)

   3. Chilweza chika chipema Maria anakahichika kuli akwa Kristu a musono, waze akutambula milimo yilemu? (Luka 1:38, 46-49; 17:10; Yishi. 11:2)

2. Tanga Mateu 1:18-25.

   Chipwe ngwe Yesu kakamulukile jina lia Emanuele, alioze kuchi mulimo wenyi wa ulunga te unalita ni ulumbunwiso wa jina liacho? (Mateu 1:22, 23; Yoa. 14:8-10; Hepre. 1:1-3)

Chishima 85

1. Mwana-kemba au uli ha chizulie iya, nawa hali hazehene Maria anamupombesa?

2. Mumu liaka Yesu anakasemukina mu tanga hamwe ni yimuna?

3. Ha chizulie, malunga awa ananjila mu tanga aya, nawa yika mungelo anakamba kuli ayo?

4. Mumu liaka Yesu ali mulemu?

5. Mumu liaka Yesu akumuvuluka ngwo mwana wa Zambi?

Yihula yikwo:

1. Tanga Luka 2:1-20.

   1. Ulemu uka Sesare Augustu anakapwa nawo ha kumanunuka cha uprofeto wa kusemuka cha Yesu? (Luka 2:1-4; Mika 5:2)

   2. Kuchi mutu mahasa kupwa mukachi ka waze anavuluka ngwo ‘atu a upale upema?’ (Luka 2:14; Mateu 16:24; Yoa. 17:3; Yili. 3:19; Hepre. 11:6)

   3. Akwa kulikehesa a tufunga mapanga A-Yunda kanakawahilila chinji ha kusemuka cha Chilamwina, nawa uwahililo uka ulemu uze alinawo tuvumbi twa Zambi musono? (Luka 2:10, 11; Efwe. 3:8, 9; Uso. 11:15; 14:6)

Chishima 86

1. Malunga awa ali ha chizulie aya, nawa mumu liaka mukwo anamika munye kuli katongonoshi yoze unahenya?

2. Mumu liaka mwanangana Heronde anakalipikala, nawa yika iye anakalinga?

3. Ndo kulihi katongonoshi anakasongwela malunga jacho, alioze mumu liaka ayo anakafuna ku chifuchi cho mu jila yakacheka?

4. Yika Heronde anakatuma kulinga, nawa mumu liaka?

5. Yika Yehova anakatoweza Yosefwe hanga alinge?

6. Iya unakahenyesa katongonoshi wacho mwaha, nawa mumu liaka?

Yihula yikwo:

1. Tanga Mateu 2:1-23.

   Miaka yingahi te Yesu alinayo muze akwa mana ejile ni kumumeneka, nawa te kulihi atwama? (Mateu 2:1, 11, 16)

Chishima 87

1. Ha chizulie achi, miaka yingahi te Yesu ali nayo, nawa kulihi kuzekwene iye ali?

2. Yika Yosefwe ni asoko jenyi te a kulinga ha miaka yeswe?

3. Muze te halinga wenyi wa tangwa limuwika ha kufuna ku zuwo, mumu liaka Yosefwe ni Maria anakahiluka ku Yerusaleme?

4. Kulihi Yosefwe ni Maria anakawana Yesu, nawa mumu liaka atu wano te anakomoka?

5. Kumbululo lika Yesu anakahana kuli naye Maria?

6. Kuchi yetwe mutuhasa kwimbulula Yesu ha kulilongesa hakutwala kuli Zambi?

Yihula yikwo:

1. Tanga Luka 2:41-52.

   1. Chipwe ngwe shimbi te yakwamba ngwo malunga wika e maya ku chiwanyino cha mwaka, chilweza chika Yosefwe ni Maria ahichikila kuli yisemi musono? (Luka 2:41; Shimbi 16:16; 31:12; Yishi. 22:6)

   2. Chilweza chika chipema Yesu anakahichikila akweze musono ha kuzeyela kuli yisemi jo? (Luka 2:51; Shimbi 5:16; Yishi. 23:22; Kolo. 3:20)

2. Tanga Mateu 13:53-56.

   Mandumbu aka awana a Yesu a musunya waze majina jo ali mu Mbimbiliya, nawa kuchi aali akuli ayo anakalingila mu chikungulwila cha akwa Kristu? (Mateu 13:55; Yili. 12:17; 15:6, 13; 21:18; Ngala. 1:19; Tia. 1:1; Yunda. 1)

Chishima 88

1. Malunga wano aali ali ha chizulie aya?

2. Mutu kuchi akumupapachisa?

3. Atu amutapu uka te Yoano akupapachisa?

4. Chitela chika chipema Yesu te ali nacho ha kwita kuli Yoano hanga amupapachise?

5. Kuchi Zambi anakasolola ngwo iye kanakawahilila ni upapachiso wa Yesu?

6. Yika yinakapwako muze Yesu ayile ku chimwe chihela chahola ha 40 a matangwa?

7. Aya te amwe tumbaji atangu a Yesu hanji akwa kumukaula, nawa chikomokeso chenyi chitangu te yika?

Yihula yikwo:

1. Tanga Mateu 3:13-17.

   Chilweza chika cha upapachiso Yesu anakahichikila tumbaji twenyi? (Samu 40:7, 8; Mateu 28:19, 20; Luka 3:21, 22)

2. Tanga Mateu 4:1-11.

   Kuchi ndako yize Yesu apwile nayo ha kulumbununa Yisoneko yinatukolweza kulilongesa Mbimbiliya matangwa eswe? (Mateu 4:5-7; 2 Petu. 3:17, 18; 1 Yoa. 4:1)

3. Tanga Yoano 1:29-51.

   Kuli iya Yoano Chipapachisa anakatwala tumbaji twenyi, nawa kuchi yetwe mutuhasa kumwimbulula musono? (Yoa. 1:29, 35, 36; 3:30; Mateu 23:10)

4. Tanga Yoano 2:1-12.

   Kuchi chikomokeso chitangu cha Yesu chinasolola ngwo Yehova keshi kuswekela tuvumbi twenyi yuma yipema? (Yoa. 2:9, 10; Samu 84:11; Tia. 1:17)

Chishima 89

1. Mumu liaka te akulanjishila tushitu mu tembele?

2. Mumu liaka Yesu anakevwa uli?

3. Ngwe chize muuhasa kumona ha chizulie, yika Yesu analinga, nawa yika iye atuma hanga malunga waze te analanjisa membe alinge?

4. Muze tumbaji twa Yesu amwene yize te iye analinga, yika ayo anakeuluka?

5. Kuchi akuvuluka mbonge yize te Yesu apalikile ha kufuna chenyi ku Ngalileya?

Yihula yikwo:

1. Tanga Yoano 2:13-25.

   Ni twatala uli wa Yesu kuli waze apwile ni kulanjishila mu tembele, yika yetwe chatutamba kunyonga hakutwala ku mingoso mu Zuwo lia Wanangana? (Yoa. 2:15, 16; 1 Kori. 10:24, 31-33)

Chishima 90

1. Mumu liaka Yesu anakamana ha shima lia meya mu Samaria, nawa yika te iye anambe kuli pwo yono?

2. Mumu liaka pwo wacho anakakomoka, ha yize te Yesu anambe kuli iye, nawa Mumu liaka?

3. Meya amutapu uka pwo wacho te ananyonga ngwo Yesu anambe, alioze iye te kanahanjika hakutwala ku meya a mutapu uka?

4. Mumu liaka pwo wacho anakakomoka ha yuma yize te Yesu anambe hakutwala kuli iye, nawa kuchi Yesu te ananyingika yuma yacho?

5. Yika yetwe mutuhasa kulilongesa ha sango ja pwo wacho ku shima lia meya?

Yihula yikwo:

1. Tanga Yoano 4:5-43.

   1. Ha kukaula chilweza cha Yesu, nyonga lika chatutamba kupwa nalio kuli atu a minyachi hanji a mianda yeka ni yeka? (Yoa 4:9; 1 Kori. 9:22; 1 Timo. 2:3, 4; Titu 2:11)

   2. Yiwape yika ya ufulielo akupwa nayo mutu yoze mapwa kambaji ka Yesu? (Yoa. 4:14; Iza. 58:11; 2 Kori. 4:16)

   3. Kuchi yetwe mutuhasa kusolola zango ngwe lia pwo Ka-Samaria, yoze unakapwa ni usona wa kuhanjika ni akwo yuma yize anakalilongesa? (Yoa. 4:7, 28; Mateu 6:33; Luka 10:40-42)

Chishima 91

1. Ha chizulie, kuli Yesu analongesela, nawa awa anatwama hakamwihi ni iye aya?

2. Majina ja Apostolo 12 te aya?

3. Wanangana uka te Yesu apwile ni kwambujola?

4. Yika Yesu analongesa atu hanga alembe?

5. Kuchi Yesu anakamba hakutwala ha chize atu chatamba kulifunga umwe ni mukwo?

Yihula yikwo:

1. Tanga Mateu 5:1-12.

   Kuchi mutuhasa kusolola ngwo yetwe tunahono mu spiritu? (Mateu 5:3; Roma 10:13-15; 1 Timo. 4:13, 15, 16)

2. Tanga Mateu 5:21-26.

   Kuchi mukanda wa Mateu 5:23, 24 unasolola ngwo usepa ni mandumbu jetu uli ni ulemu ha mukunda wa usepa wetu ni Yehova? (Mateu 6:14, 15; Samu 133:1; Kolo. 3:13; 1 Yoa. 4:20)

3. Tanga Mateu 6:1-8.

   Mumu liaka akwa Kristu chaatambile kulipwisa akwa ululi ene? (Luka 18:11, 12; 1 Kori. 4:6, 7; 2 Kori. 9:7)

4. Tanga Mateu 6:25-34.

   Yika Yesu anakalongesa hakutwala ku kujikijila kuli Yehova ha kufupa yuma yetu yamusunya? (Kutuhu. 16:4; Samu 37:25; Fwili. 4:6)

5. Tanga Mateu 7:1-11.

   Yika chishima chili mu Mateu 7:5 chinatulongesa? (Yishi. 26:12; Roma 2:1; 14:10; Tia. 4:11, 12)

Chishima 92

1. Tato ya kanuke au wa pwo uli ha chizulie iya, nawa mumu liaka iye ni mukwo-pwo te analipikala?

2. Yika Yaru anakalinga muze iye awanyine Yesu?

3. Yika yinakapwako muze Yesu te anayi ku zuwo lia Yaru, nawa sango jika Yaru anakatambula mujila?

4. Mumu liaka atu waze apwile ku zuwo lia Yaru te anasehe Yesu?

5. Yika Yesu anakalinga muze ayile ni apostolo atatu hamwe ni yisemi ja mwana wacho mu chipatulo chenyi?

6. Iya nawa Yesu anakahindwisa ku ufwe, nawa yika yino yinatusolwela?

Yihula yikwo:

1. Tanga Luka 8:40-56.

   Kuchi Yesu anakasolola keke ni umbovu kuli pwo yoze te uli ni musongo wa kuhita manyinga, nawa yika makulwana a chikungulwila cha akwa Kristu musono mahasa kulilongesa ha chikuma chacho? (Luka 8:43, 44, 47, 48; Ulevi 15:25-27; Mateu 9:12, 13; Kolo. 3:12-14)

2. Tanga Luka 7:11-17.

   Mumu liaka waze hanatokesa atu ku ufwe mahasa kupwa ni utakamiso ha chize Yesu anakalinga kuli twamishi wa mu Naine? (Luka 7:13; 2 Kori. 1:3, 4; Hepre. 4:15)

3. Tanga Yoano 11:17-44.

   Kuchi Yesu anakasolola ngwo hi chipi ko kulila nyi mutu yoze twakuzanga chinji hafwa? (Yoa. 11:33-36, 38; 2 Samue. 18:33; 19:1-4)

Chishima 93

1. Chuma chika chipi chinakapwa kuli Yoano Chipapachisa, nawa kuchi Yesu anakevwa ha chino?

2. Yika Yesu anakalinga mba alise mbunga ya atu waze te anamukaula, nawa kulia chingahi chinakasaloho?

3. Mumu liaka tumbaji apwile ni woma ha ufuku, nawa yika yinakapwa kuli Petulu?

4. Kuchi Yesu anakalisa tununu twa atu ha chisuho chamuchiali?

5. Mumu liaka muchikapwa chipema chinji muze Yesu makayula hashi ngwe mwanangana mu wanangana wa Zambi?

Yihula yikwo:

1. Tanga Mateu 14:1-32.

   1. Sango ja mu Mateu 14:23-32 yika jinatukwasa kunyingika hakutwala ku utu wa Petulu?

   2. Kuchi Yisoneko yinasolola chize Petulu anakakola mu spiritu nawa anakecha pami? (Mateu 14:27-30; Yoa. 18:10; 21:7; Yili. 2:14, 37-40; 1 Petu. 5:6, 10)

2. Tanga Mateu 15:29-38.

   Kuchi Yesu anakasolola vumbi ha kulia cha musunya chize chinakeza kuli Tato? (Mateu 15:37; Yoa. 6:12; Kolo. 3:15)

3. Tanga Yoano 6:1-21.

   Kuchi Akwa Kristu a musono mahasa kukaula chilweza cha Yesu hakutwala kuli nguvulu? (Yoa. 6:​15; Mateu 22:21; Roma 12:2; 13:1-4)

Chishima 94

1. Yika apostolo anakazwelela muze te ayo anafuna ku wenyi wo usuku?

2. Mumu liaka Yesu yasanyika umwe kanuke nawa yamusa kulutwe lia apostolo?

3. Mumu liaka apostolo te chaatamba kupwa ngwe twanuke?

4. Kuchi Yesu anakasolola kulutwe lia amwe tukweji ngwo iye te kakuzanga twanuke?

Yihula yikwo:

1. Tanga Mateu 18:1-4.

   Mumu liaka Yesu te akulongesa ni yishima? (Mateu 13:34, 36; Marku 4:33, 34)

2. Tanga Mateu 19:13-15.

   Ndoko jika ja twanuke yetwe chatutamba kwimbulula nyi tunazange kutambula yiwape ya wanangana? (Samu 25:9; 138:6; 1 Kori. 14:20)

3. Tanga Marku 9:33-37.

   Yika Yesu anakalongesa kuli tumbaji twenyi hakutwala ku nyonga lia kulipwisa atu alemu? (Marku 9:35; Mateu 20:25, 26; Ngala. 6:3; Fwili. 2:5-8)

4. Tanga Marku 10:​13-​16.

   Mumu liaka mutwamba ngwo Yesu te chihomboloji, nawa kuchi makulwana a chikungulwila cha akwa Kristu mahasa kukaula chilweza chenyi? (Marku 6:30-34; Fwili. 2:1-4; 1 Timo. 4:12)

Chishima 95

1. Yika umwe lunga ahulile kuli Yesu, nawa Mumu liaka?

2. Yika te Yesu akulongesa nayo, nawa yika yetwe twalilongesa hakutwala kuli A-Yunda ni A-Samaria?

3. Ha chishima chize Yesu anakata, yika yinakapwa kuli Ka-Yunda yoze te unalinga wenyi mu jila ya kuya ku Yeriku?

4. Yika yinakapwa muze umwe sasendote Ka-Yunda ni Ka-Levi apalikile mu jila yacho?

5. Ha chizulie chino, iya unakwasa Ka-Yunda yoze anakalamba?

6. Muze Yesu amanyine kuta chishima chacho, chihula chika iye alingile, nawa kuchi lunga wacho anakakumbulula?

Yihula yikwo:

1. Tanga Luka 10:25-37.

   1. Shimbu te akumbulule pundu, kuchi Yesu anakakwasa umwe longeshi wa shimbi hanga anyongonone ha chimwe chikuma? (Luka 10:26; Mateu 16:13-16)

   2. Kuchi Yesu te akulingila yishima hanga akwase atu waze te akwete manyonga api? (Luka 10:36, 37; 18:9-14; Titu 1:9)

Chishima 96

1. Yika te Yesu akulinga muze iye te akwendangana mu chifuchi cheswe?

2. Ha kupalika cha miaka yitatu chize muze Yesu amupapachishile, yika iye ambile kuli apostolo jenyi?

3. Atu wano ali ha chizulie aya, nawa yika Yesu alinga kuli pwo au?

4. Mumu liaka makumbululo ja Yesu hakutwala ku yikuma ya mangana a ulembelo te kakwevwisa sonyi?

5. Muze Yesu ni apostolo jenyi te haheta hakamwihi ni Yeriku, yika Yesu anakalinga kuli tupuputa aali?

6. Mumu liaka Yesu te akulinga yikomokeso?

Yihula yikwo:

1. Tanga Mateu 15:30, 31.

   Ukomokeso uka wa ndundo ja Yehova jize jinakasoloka muli Yesu, nawa kuchi chino muchihasa kutukwasa ku yinyingi yetu ha yize Yehova analakenya hashi haha? (Samu 37:29; Iza. 33:24)

2. Tanga Luka 13:10-17.

   Yesu kanakalinga yimwe yikomokeso yinene ha tangawa lia sambata, kuchi yino yinasolola utuswilo uze iye makaneha kuli atu muze makayula ha kanunu wa miaka? (Luka 13:10-13; Samu 46:9; Mateu 12:8; Kolo. 2:16, 17; Uso. 21:1-4)

3. Tanga Mateu 20:29-34.

   Kuchi sango jino jinasolola ngwo Yesu te keshi kwecha milimo yinji hanga yimukwike kukwasa atu, nawa yika yetwe mutuhasa kulilongesa ha chino? (Shimbi 15:7; Tia. 2:​15, 16; 1 Yoa. 3:17)

Chishima 97

1. Muze Yesu ahetele ha chimwe chihunda chikehe hakamwihi ni Yerusaleme, yika iye etele kuli tumbaji twenyi hanga alinge?

2. Ha chizulie, yika yinapuko muze Yesu ahetele hakamwihi ni mbonge ya Yerusaleme?

3. Yika twanuke anakalinga muze amwene Yesu kanauka tupuputa ni yitonji?

4. Yika Yesu anakamba kuli asasendote a ufwatulo?

5. Kuchi yetwe mutuhasa kupwa ngwe twanuke waze anakahalisa Yesu?

6. Yika tumbaji anakazanga kunyingika?

Yihula yikwo:

1. Tanga Mateu 21:1-17.

   1. Kuchi kunjila cha Yesu ngwe Mwanangana mu Yerusaleme te chinalisa ni cha manguvulu A-Roma a shakulu? (Mateu 21:4, 5; Zeka. 9:9; Fwili. 2:5-8; Kolo. 2:15)

   2. Fumbo lika akweze mahasa kulilongesa hali twanuke A-Izalele waze atongwele Masamu 118 muze Yesu te ananjila mu tembele? (Mateu 21:9, 15; Samu 118:25, 26; 2 Timo. 3:15; 2 Petu. 3:18)

2. Tanga Yoano 12:12-16.

   Mitango ya mingaji yize atu ayile ni kupatwiza nayo Yesu yika yinalumbunuka? (Yoa. 12:13; Fwili. 2:10; Uso. 7:9, 10)

Chishima 98

1. Ha chizulie, Yesu yoli, nawa wano ali hamwe nenyi aya?

2. Yika asasendote anakeseka kulinga kuli Yesu mu tembele, nawa yika Yesu anakamba?

3. Yika apostolo anakahula kuli Yesu?

4. Mumu liaka Yesu anakalweza kuli apostolo jenyi yuma yize te muyipwa hano hashi muze iye te maputuka kuyula ngwe Mwanangana mu malilu?

5. Yika Yesu anakamba te muyikapwako chitangu muze songo lia yuma yeswe yipi kanda lichiheta hano hashi?

Yihula yikwo:

1. Tanga Mateu 23:1-39.

   1. Chipwe ngwe Yisoneko yinambe ngwo hi chipi ko kuvuluka amwe majina a lufuma, mba alioze yika maliji a Yesu mu Mateu 23:8-11 anasolola hakutwala kukuvuluka cha majina jacho mu chikungulwila cha akwa Kristu? (Yili. 26:25; Roma 13:7; 1 Petu. 2:13, 14)

   2. Yika A-Fwariseu te akweseka kulinga hanga akinjise atu achine kupwa akwa Kristu, kuchi mangana a mangeleja a musono no akulinga yitanga yacho? (Mateu 23:13; Luka 11:52; Yoa. 9:22; 12:42; 1 Tesa. 2:16)

2. Tanga Mateu 24:1-14.

   1. Kuchi ulemu wa kunyongonona anausolola mu Mateu 24:13?

   2. Liji lino ngwo, “songo” lize lili mu Mateu 24:13 yika linalumbunuka? (Mateu 16:27; Roma 14:10-12; 2 Kori. 5:10)

3. Tanga Marku 13:3-10.

   Liji lika lili mu Marku 13:10 linasolola matambu a kwambujola sango jipema, nawa mumu liaka maliji wano a Yesu chatamba kwakaula? (Roma 13:​11, 12; 1 Kori. 7:​29-​31; 2 Timo. 4:2)

Chishima 99

1. Ngwe chize chinasoloka ha chizulie, mumu liaka Yesu ni apostolo 12 te ali mu chimwe chipatulo chinene cha kwilu?

2. Lunga auze unatuhuka haze iya, nawa yika iye anayi ni kulinga?

3. Chiwanyino chika chilemu Yesu anakaputuka muze te kulia cha Chizomboka hi chahwa?

4. Chizomboka yika te chakwiulula kuli A-Izalele, nawa yika chiwanyino cha mwene chakweulula kuli tumbaji twa Yesu?

5. Muze te Chiwanyino cha Mwene cha Ufuku hichahwa, yika Yesu anakamba kuli tumbaji twenyi, nawa yika ayo anakalinga?

Yihula yikwo:

1. Tanga Mateu 26:14-30.

   1. Kuchi Mateu 26:15 unasolola ngwo ukunjiko wa Yundase hali Yesu unakapwa wa kunyonga lienyi?

   2. Ha kumwangana cha manyinga ja Yesu upale uka waali anakalinga? (Mateu 26:27, 28; Jere. 31:31-33; Efwe. 1:7; Hepre. 9:19, 20)

2. Tanga Luka 22:1-39.

   Yika chinalumbunuka ngwo Satana kanakanjila muli Yundase? (Luka 22:3; Yoa. 13:2; Yili. 1:24, 25)

3. Tanga Yoano 13:1-20.

   1. Ni kulita ni maliji waze ali mu Yoano 13:2, Yundase te mahasa kumuhisa ha yize anakalinga, nawa longeso lika tuvumbi twa Zambi malilongesa ha yino? (Uputu. 4:7; 2 Kori. 2:11; Ngala. 6:1; Tia. 1:13, 14)

   2. Chilweza chika cha tachi nawa cha pundu chize Yesu anakahichika? (Yoa. 13:15; Mateu 23:11; 1 Petu. 2:21)

4. Tanga Yoano 17:1-26.

   Kuchi chinalumbunuka muze Yesu anakalemba ngwo tumbaji twenyi “akapwe umuwika?” (Yoa. 17:11, 21-23; Roma 13:8; 14:19; Kolo. 3:14)

Chishima 100

1. Kulihi Yesu ni apostolo jenyi anakaya muze ayo afwambukile mu chipatulo cha kwilu, nawa yika iye anakamba kuli ayo hanga alinge?

2. Yika Yesu anakawana muze iye te anafuna mu chihela muze te muli apostolo, nawa chino chinakalingiwa ha yisuho yingahi?

3. Aya anakanjila mu Ngetesemane, nawa yika Yundase Ka-keriote anakalinga, ngwe chize tunamono ha chizulie?

4. Mumu liaka Yundase anakambejala Yesu, nawa yika Petulu anakalinga?

5. Yika Yesu anakamba kuli Petulu, alioze Mumu liaka Yesu kakechile kuli Zambi hanga amutumine angelo?

Yihula yikwo:

1. Tanga Mateu 26:36-56.

   1. Kuchi, chize Yesu apwile ni kuhana chiyulo kuli tumbaji twenyi chili chilweza chipema kuli Makulwana a chikungulwila musono? (Mateu 20:25-28; 26:40, 41; Ngala. 5:17; Efwe. 4:29, 31, 32)

   2. Kuchi Yesu te akunyonga hakutwala ku mata akusha no atu? (Mateu 26:52; Luka 6:27, 28; Yoa. 18:36)

2. Tanga Luka 22:39-53.

   Shina kusoloka cha mungelo kuli Yesu mu Ngetesemane hanga amutakamise, chinalumbunuka ngwo Yesu te kanahongo mu ufulielo? Lumbununa. (Luka 22:41-43; Iza. 49:8; Mateu 4:10, 11; Hepre. 5:7)

3. Tanga Yoano 18:1-12.

   Kuchi Yesu anakafunga tumbaji twenyi ku upi wa akwa kole, nawa yika yetwe mutuhasa kulilongesa ha chilweza chacho? (Yoa. 10:11, 12; 18:1, 6-9; Hepre. 13:6; Tia. 2:25)

Chishima 101

1. Mutu mutangu iya yoze anakunjika chitela cha ufwe wa Yesu?

2. Yika apostolo anakalinga muze mangana a ulembelo ambachile Yesu?

3. Yika yinakapwa ku zuwo lia Kayafwa, sasendote mukwa Lutwe?

4. Mumu liaka Petulu anakatuhuka haze ni kulila?

5. Muze Yesu amuhilwishile cheka kuli Pilatu, kuchi asasendote akwa lutwe anakakololoka?

6. Yika yinakapwa kuli Yesu ha tangwa liamatano ha chingoloshi, nawa chilakenyo chika iye anakahana kuli umwe mutu mupi yoze te uli ha mutondo sali lienyi?

7. Kulihi mukukapwa Paraisu yize Yesu anakamba?

Yihula yikwo:

1. Tanga Mateu 26:57-75.

   Kuchi akwa kuyula ja A-Yunda anakasolola ngwo mbunge jipi te akwete? (Mateu 26:59, 67, 68)

2. Tanga Mateu 27:1-50.

   Mumu liaka yetwe mutuhasa kwamba ngwo kulikonekena cha Yundase te chamahuza? (Mateu 27:3, 4; Marku 3:29; 14:21; 2 Kori. 7:10, 11)

3. Tanga Luka 22:54-71.

   Fumbo lika mutuhasa kulilongesa hali Petulu muze anakalikala ngwo kaso kunyingika Yesu, ha ufuku uze amukwachile? (Luka 22:60-62; Mateu 26:31-35; 1 Kori. 10:12)

4. Tanga Luka 23:1-49.

   Yika Yesu alingile ha uhenge uze iye amwene, nawa yika yetwe twalilongesa ha chino? (Luka 23:33, 34; Roma 12:17-19; 1 Petu. 2:23)

5. Tanga Yoano 18:12-40.

   Ushindakenyo uka unasolola ngwo Petulu kanakalikolweza kupwa umwe postolo mupema, chipwe ngwe kanakevwa woma wa atu? (Yoa. 18:25-27; 1 Kori. 4:2; 1 Petu. 3:14, 15; 5:8, 9)

6. Tanga Yoano 19:1-30.

   1. Kuchi Yesu anakasolola ngwo kapwile ni manyonga alita hakutwala ku yuma ya musunya? (Yoa. 2:1, 2, 9, 10; 19:23, 24; Mateu 6:31, 32; 8:20)

   2. Kuchi maliji akasula a kukumba cha Yesu anasolola ngwo iye kanakakalila Wata wa Yehova? (Yoa. 16:33; 19:30; 2 Petu. 3:14; 1 Yoa. 5:4)

Chishima 102

1. Pwo au ni malunga awa aali ali ha chizulie aya, nawa kulihi kuzekwene ayo ali?

2. Mumu liaka Pilatu ambile kuli asasendote hanga atume maswalale afunge fuka lia Yesu?

3. Yika mungelo anakalinga ha chimenemene, ha tangwa liamuchitatu muze te Yesu hafwa kulu, nawa yika asasendote anakalinga?

4. Mumu liaka mapwo waze ayile ni kutala fuka lia Yesu anakakomoka?

5. Mumu liaka Petulu ni Yoano anazomboka ndo ku fuka lia Yesu, nawa yika ayo anakawana ko?

6. Mujimba wa Yesu kulihi unakaya, nawa yika iye anakalinga hanga asolole kuli tumbaji twenyi ngwo kali ni mwono?

Yihula yikwo:

1. Tanga Mateu 27:62-66 ni 28:1-15.

   Kuchi asasendote, A-Fwariseu ni makulwana anakashililika spiritu musandu ha mashimbu ja uhindukilo wa Yesu mu ufwe? (Mateu 12:24, 31, 32; 28:11-15)

2. Tanga Luka 24:1-12.

   Kuchi sango ja uhindukilo wa Yesu mu ufwe jinasolola ngwo Yehova kakulemesa mapwo ngwe yela amwenemwene? (Luka 24:4, 9, 10; Mateu 28:1-7)

3. Tanga Yoano 20:1-12.

   Kuchi Yoano 20:8, 9 unatukwasa kumona chize chatutamba kupwa ni uhumikizo nyi tuso kunyingika kanawa umanunuko wa umwe uprofeto wa mu Mbimbiliya? (Yishi. 4:18; Mateu 17:22, 23; Luka 24:5-8; Yoa. 16:12)

Chishima 103

1. Yika Maria anakamba kuli umwe lunga yoze iye te ananyongena ngwo kali njimi, alioze yika yinakamunyingikisa ngwo chamwenemwene auze te Yesu?

2. Yika yinakapwa kuli tumbaji aali waze te anaya ku limbo lia Emeu?

3. Chuma chika cha kukomoka chinakapwako muze tumbaji waze aali te anahanjika ni apostolo ngwo ayo kamona Yesu?

4. Ha yisuho yingahi te Yesu hasoloka kuli tumbaji twenyi?

5. Yika Tomase anakamba muze iye evwile ngwo tumbaji kamona Mwene, nawa yika yinakapwa kulutwe lia matangwa nake?

Yihula yikwo:

1. Tanga Yoano 20:11-29.

   Shina mu Yoano 20:23, Yesu kanakamba ngwo atu kali ni chiyulo cha kukonekena shili? Lumbununa. (Samu 49:2, 7; Iza. 55:7; 1 Timo. 2:5, 6; 1 Yoa. 2:1, 2)

2. Tanga Luka 24:13-43.

   Kuchi yetwe mutuhasa kululieka mbunge jetu hanga yitambule umwenemwene wa mu Mbimbiliya? (Luka 24:32, 33; Ezera 7:10; Mateu 5:3; Yili. 16:14; Hepre. 5:11-14)

Chishima 104

1. Tumbaji angahi waze anakamona Yesu ha chimwe chisuho, nawa yika iye anakalweza?

2. Wanangana wa Zambi yika, nawa kuchi mwono muukapwa hano hashi muze Yesu mayula ngwe Mwanangana ha kanunu umuwika wa miaka?

3. Ha matangwa angahi waze Yesu anakasoloka kuli tumbaji twenyi, alioze haliapwila mashimbu te haheta hanga iye alinge yika?

4. Muze te Yesu kanda achiya, yika iye anakalweza kuli tumbaji twenyi hanga alinge?

5. Yika yinasoloka ha chizulie, nawa kuchi Yesu anatoko kumeso ja atu waze aliho?

Yihula yikwo:

1. Tanga 1 A-Korindu 15:3-8.

   Mumu liaka postolo Paulu anakahanjika ni ushindakenyo weswe hakutwala ku uhindukilo wa Yesu mu ufwe, nawa yuma yika akwa Kristu musono mahasa kuhanjika ni ushindakenyo weswe? (1 Kori. 15:4, 7, 8; Iza. 2:2, 3; Mateu 24:14; 2 Timo. 3:1-5)

2. Tanga Yilinga 1:1-11.

   Mulimo wa kwambujola sango jipema hi waheta kuli, ngwe chize hanauprofetizala mu Yilinga 1:8? (Yili. 6:7; 9:31; 11:19-21; Kolo. 1:23)

Chishima 105

1. Ngwe chize chinasolola ha chizulie, yika yinakapwa kuli tumbaji twa Yesu waze te anashimbwila mu Yerusaleme?

2. Kukomoka chika ngeji waze ejile mu Yerusaleme anakapwa nacho?

3. Yika Petulu anakalumbununa kuli atu?

4. Kuchi atu anakevwa muze anakapanjika Petulu, nawa yika iye anakalweza hanga ayo alinge?

5. Atu angahi anakalipapachisa ha tangwa lia Pentekoste ya 33 ha M.J. mashimbu jetu?

Yihula yikwo:

1. Tanga Yilinga 2:1-47.

   1. Kuchi maliji a Petulu waze ali mu Yilinga 2:23, 36 anasolola ngwo vungu lieswe lia Yunda liapwile ni chitela cha ufwe wa Yesu? (1 Tesa. 2:14, 15)

   2. Kuchi Petulu anakahichika chilweza chipema ha kulumbununa kanawa Yisoneko? (Yili. 2:16, 17, 29, 31, 36, 39; Kolo. 4:6)

   3. Kuchi Petulu anakakalakala ni ‘sapi jitangu ja wanangana wa mu malilu’ jize Yesu anakalakenya ku mwaha? (Yili. 2:14, 22-24, 37, 38; Mateu 16:19)

Chishima 106

1. Yika yinakapwa kuli Petulu ni Yoano ha chimwe chingoloshi muze ayo ayile ku tembele?

2. Yika Petulu ambile kuli umwe lunga, chitonji, nawa yika Petulu amwehele yize te yinahiana falanga?

3. Mumu liaka mangana a ulembelo anakevwa uli, nawa yika ayo anakalinga kuli Petulu ni Yoano?

4. Yika Petulu anakamba kuli mangana a ulembelo, nawa utowezo uka ayo anakahana kuli apostolo?

5. Mumu liaka mangana a ulembelo te anevu ukwa, nawa yika yinakapwako muze ayo anakasa apostolo mu zuwo lia ususu ha chisuho chamuchiali?

6. Kuchi apostolo anakakumbulula muze ayo anakatwala ku chipatulo cha Sinedrio?

Yihula yikwo:

1. Tanga Yilinga 3:1-10.

   Chipwe ngwe musono tushi ni ndundo ja kulinga yikomokeso, kuchi maliji a Petulu waze ali mu Yilinga 3:6 mahasa kutukwasa hanga tuse ulemu ku sango ja Wanangana? (Yoa. 17:3; 2 Kori. 5:18-20; Fwili. 3:8)

2. Tanga Yilinga 4:1-31.

   Nyi yetwe mutupwa ni ukwiko mu milimo ya sango jipema, kuchi mutuhasa kwimbulula mandumbu jetu akwa Kristu a kusekulu yitangu? (Yili. 4:29, 31; Efwe. 6:18-20; 1 Tesa. 2:2)

3. Tanga Yilinga 5:17-42.

   Kuchi amwe waze hi Yela ja Yehova ko, a ku matangwa a kunyima ni a musono akusolola umbovu ku mulimo wa kwambujola sango jipema? (Yili. 5:34-39)

Chishima 107

1. Eshetevau iya, nawa yika iye anakalinga ni ukwaso wa Zambi?

2. Yika Eshetevau anakamba yize yinakaneha uli unji kuli mangana a ulembelo?

3. Malunga waze atuhukile ni Eshetevau haze lia mbonge, yika ayo anakamulinga?

4. Ha chizulie, mukweze au iya unamane hakamwihi ni mahina?

5. Muze te iye kanda achifwa, kuchi Eshetevau anakalemba kuli Yehova?

6. Ha kukaula chilweza cha Eshetevau, yika yetwe chatutamba kulinga muze umwe mutu matulinga upi?

Yihula yikwo:

1. Tanga Yilinga 6:8-15.

   Yitanga yika yamahuza mangana a mangeleja akulinga hanga eseke kukwika mulimo wa kwambujola sango jipema wa Yela ja Yehova? (Yili. 6:9, 11, 13)

2. Tanga Yilinga 7:1-60.

   1. Yika yinakakwasa Eshetevau hanga akalile sango jipema ni hamu lieswe kulutwe lia Sinedrio, nawa yika yetwe mutuhasa kulilongesa ha chilweza chenyi? (Yili. 7:51-53; Roma 15:4; 2 Timo. 3:14-17; 1 Petu. 3:15)

   2. Manyonga aka yetwe chatutamba kupwa no hali waze keshi kuzanga mulimo wetu? (Yili. 7:58-60; Mateu 5:44; Luka 23:33, 34)

Chishima 108

1. Yika Saulu anakalinga muze te Eshetevau hamushaha?

2. Muze te Saulu ali mu jila ya Ndamaseku, chikomokeso chika chinakapwako?

3. Yika Yesu anakamba kuli Saulu hanga alinge?

4. Shimbi yika Yesu anakahana kuli Ananiya, nawa kuchi Saulu anakahasa kumona cheka?

5. Jina lika Saulu anakaputuka kumuvuluka, nawa mulimo uka iye te akulinga?

Yihula yikwo:

1. Tanga Yilinga 8:1-4.

   Kuchi yihungumiona yize yapwile ku chikungulwila chaha cha akwa Kristu yinakakwasa kumwangashana cha ufulielo wa akwa Kristu, nawa kuchi yino yinalita ni yize yinalingiwa ha matangwa wano? (Yili. 8:4; Iza. 54:17)

2. Tanga Yilinga 9:1-20.

   Milimo yika yitatu te Saulu matambula ngwe chize Yesu anakamusolwela? (Yili. 9:15; 13:5; 26:1; 27:24; Roma 11:13)

3. Tanga Yilinga 22:6-16.

   Kuchi yetwe mutuhasa kupwa ngwe Ananiya, nawa mumu liaka chino chili chilemu? (Yili. 22:12; 1 Timo. 3:7; 1 Petu. 1:14-16; 2:12)

4. Tanga Yilinga 26:8-20.

   Kuchi kwalumuka cha utu wa Saulu mu Ukristu muchihasa kutakamisa musono waze alimbata ni atu waze hi Yela ja Yehova ko? (Yili. 26:11; 1 Timo. 1:14-16; 2 Timo. 4:2; 1 Petu. 3:1-3)

Chishima 109

1. Ha chizulie lunga muka au unafulamana hashi?

2. Yika umwe mungelo anakamba kuli Koneliu?

3. Yika Zambi anakasolwela Petulu muze iye te ali ku chipatulo cha kwilu, mu zuwo lia Semone ku Yopa?

4. Mumu liaka Petulu anakamba kuli Koneliu ngwo chatambile kufulamana ni kumuwayila?

5. Mumu liaka tumbaji A-Yunda waze te ali ni Petulu anakakomoka?

6. Fumbo lika lilemu chatutamba kulilongesa muze Petulu amenekene Koneliu?

Yihula yikwo:

1. Tanga Yilinga 10:1-48.

   Maliji wano a Petulu ali mu Yilinga 10:42 yika anasolola hakutwala ku mulimo wa kwambujola sango jipema ja Wanangana? (Mateu 28:19; Marku 13:10; Yili. 1:8)

2. Tanga Yilinga 11:1-18.

   Kuchi Petulu anakalumuna manyonga jenyi hakutwala ku shimbi ya Yehova hali akwa mavungu, nawa kuchi yetwe mutuhasa kukaula chilweza chenyi? (Yili. 11:17, 18; 2 Kori. 10:5; Efwe. 5:17)

Chishima 110

1. Mukweze au uli ha chizulie iya, kulihi te atunga, nawa naye ni kako te kuchi akwavuluka?

2. Kuchi Timoteu anakakumbulula muze Paulu anakamuhula nyi te kanazange kuya ni kwambujola sango jipema kuli atu akusuku hamuwika ni Saila ni Paulu?

3. Kuchihela chika anakaputuka chitangu kuvuluka tumbaji twa Yesu ngwo akwa Kristu?

4. Mbonge jika Paulu, Saila ni Timoteu ayile ni kumeneka, muze ayo ahichikile Lisetra?

5. Kuchi Timoteu anakakwasa Paulu, nawa yika akweze a musono chaatamba kulihula ene?

Yihula yikwo:

1. Tanga Yilinga 9:19-30.

   Kuchi postolo Paulu anakasolola mana ha kupinda ni ukanjiso ha mukunda wa sango jipema? (Yili. 9:22-25, 29, 30; Mateu 10:16)

2. Tanga Yilinga 11:19-26.

   Kuchi maliji waze ali mu Yilinga 11:19-21, 26 anasolola ngwo spiritu ya Yehova yakusongwela ni kutambwisa mulimo wa kwambujola sango jipema?

3. Tanga Yilinga 13:13-16, 42-52.

   Kuchi Yilinga 13:51, 52 unasolola ngwo tumbaji kakechele ukanjiso hanga wachize chiseke? (Mateu 10:14; Yili. 18:6; 1 Petu. 4:14)

4. Tanga Yilinga 14:1-6, 19-28.

   Kuchi maliji wano ngwo, ‘ayo yaakunjika kuli Yehova’ anatukwasa ha yipikalo yize tunamono ha kukwasa mandumbu aha? (Yili. 14:21-23; 20:32; Yoa. 6:44)

5. Tanga Yilinga 16:1-5.

   Kuchi kulihana cha Timoteu ha kumupwisa ngalami chinahana ulemu ha kulinga “yuma yeswe mumu ha Sango jipema?” (Yili. 16:3; 1 Kori. 9:23; 1 Tesa. 2:8)

6. Tanga Yilinga 18:1-11, 18-22.

   Kuchi mukanda wa Yilinga 18:9, 10 unasolola kulihana cheswe cha Yesu mu mulimo wa kwambujola sango jipema, nawa ujikijilo uka chino chinatwehe musono? (Mateu 28:20)

Chishima 111

1. Ha chizulie, mukweze au waholoka hashi iya, nawa yika yapwa kuli iye?

2. Yika Paulu anakalinga muze iye hamona ngwo mukweze te hafwa?

3. Kulihi Paulu, Timoteu ni waze anakalinga no wenyi te anayi, nawa yika yinakapwa kuli ayo muze anakaheta ku Miletu?

4. Utowezo uka profeta Angavu anakahana kuli Paulu, nawa kuchi yuma yinakalingiwa pundu ngwe chize iye ambile?

Yihula yikwo:

1. Tanga Yilinga 20:7-38.

   1. Kuchi yetwe mutuhasa kusamba “ku manyinga ja atu eswe,” ngwe chize anambe maliji ja Paulu waze ali mu Yilinga 20:26, 27? (Eze. 33:8; Yili. 18:6, 7)

   2. Mumu liaka makulwana a chikungulwila chaatamba ku “lalaminya ku cheseko cha maliji angunu” ha kulongesa? (Yili. 20:17, 29, 30; Titu 1:7-9; 2 Timo. 1:13)

2. Tanga Yilinga 26:24-32.

   Kuchi Paulu anakalingila usemuko wenyi ngwe Ka-Roma hanga akumbanyise mulimo wa kwambujola sango jipema jize Yesu anakamwaha? (Yili. 9:15; 16:37, 38; 25:11, 12; 26:32; Luka 21:12, 13)

Chishima 112

1. Yika yapwa ku ulungu uze te muli Paulu, muze te ayo haheta hakamwihi ni tungu lia Kreta?

2. Yika Paulu anakamba kuli atu waze te ali no mu ulungu?

3. Mumu liaka ulungu unakapaluka mu yihanda?

4. Shimbi yika kapitau wa chizavu cha maswalale anakahana, nawa atu angahi anakaheta ku ngenge kanawa?

5. Kuchi te akuvuluka tungu liacho kuze ayo anakamana, nawa yika yinakapwa kuli Paulu muze te kwilu hikwapema?

Yihula yikwo:

1. Tanga Yilinga 27:1-44.

   Kuchi ujikijilo wetu ku umwenemwene wa Mbimbiliya wakukola muze twakutanga hakutwala ku wenyi wa Paulu ku Roma? (Yili. 27:16-19, 27-32; Luka 1:3; 2 Timo. 3:16, 17)

2. Tanga Yilinga 28:1-14.

   Chipwe ngwe Akwa Melita te keshi kufuliela alioze ayo ‘kanakasolola utu upema’ kuli postolo Paulu ni hali waze te ali no mu luyinda, ha chino kuchi akwa Kristu mahasa kuchimbulula, nawa kuchi mahasa kuchilinga? (Yili. 28:1, 2; Hepre. 13:1, 2; 1 Petu. 4:9)

Chishima 113

1. Kuli aya Paulu te akwambujola muze iye apwile mu ufunge ku Roma?

2. Ha chizulie, ngeji muka au unatwama ku meza, nawa yika iye analingila Paulu?

3. Epafwonditu te iya, nawa yika iye anakambata muze anakahiluka ku Fwilipu?

4. Mumu liaka Paulu anakasonekena mukanda sepa lienyi Fwilimu?

5. Yika Paulu anakalinga muze anakamutusula, nawa yika yinakapwa kuli iye kulutwe lia matangwa?

6. Iya Yehova anakatuma hanga asoneke mikanda ya kasula ya Mbimbiliya, nawa yika mukanda wa Usolwelo wa kuhanjika?

Yihula yikwo:

1. Tanga Yilinga 28:16-31 ni A-Fwilipu 1:13.

   Kuchi Paulu anakalingila mashimbu jenyi muze apwile mu ufunge ku Roma, nawa yika ufulielo wenyi wajikiza unakaneha mu chikungulwila cha akwa Kristu? (Yili. 28:23, 30; Fwili. 1:14)

2. Tanga A-Fwilipu 2:19-30.

   Maliji aka Paulu anakamba, waze anakasolola zango lienyi kuli Timoteu ni Epafwonditu, nawa kuchi yetwe mutuhasa kukaula chilweza cha Paulu? (Fwili. 2:20, 22, 25, 29, 30; 1 Kori. 16:18; 1 Tesa. 5:12, 13)

3. Tanga Fwilimu 1-25.

   1. Mulihi Paulu anakatesela chiyulo chize anakakwasa nacho Fwilimu hanga alinge yuma yalita, nawa kuchi chino muchihasa kupwa chilweza kuli makulwana a chikungulwila musono? (Fwim. 9; 2 Kori. 8:8; Ngala. 5:13)

   2. Kuchi maliji a Paulu waze ali mu Fwilimu 13, 14 anasolola ngwo iye te kakusa vumbi ku manyonga ja akwo mu chikungulwila? (1 Kori. 8:​7, 13; 10:31-33)

4. Tanga 2 Timoteu 4:7-9.

   Chizechene ngwe postolo Paulu, kuchi yetwe mutuhasa kufuliela ngwo Yehova makatulamwina nyi twanyongonona mu ufulielo ndo ku songo? (Mateu 24:13; Hepre. 6:10)

Chishima 114

1. Mumu liaka Mbimbiliya yinahanjika hakutwala kuli tuvwalu mu malilu?

2. Kuchi akuvuluka jita yize Zambi makaneha hali atu api hano hashi, nawa mumu liaka?

3. Ngwe chize hali ha chizulie, iya makasongwela jita yacho, nawa chipangula ni mukwale uze iye alinawo yika unalumbunuka?

4. Nyi twatala Yishima 10, 15 ni 33 mumu liaka yetwe chatutambile kukomoka ngwo Zambi makanongesa atu eswe api?

5. Kuchi Yishima 36 ni 76 yinasolola ngwo Zambi makanongesa atu api chipwe ngwe ayo kakwamba ngwo kanamuwayila?

Yihula yikwo:

1. Tanga Usolwelo 19:11-16.

   1. Kuchi Yisoneko yinasolola pundu ngwo Yesu Kristu mwe unatwama ha kavwalu mutoma? (Uso. 1:5; 3:​14; 19:11; Iza. 11:4)

   2. Kuchi yipeka ya manyinga yize yili ku mazalo ja Yesu yinasolola ngwo kukumba chenyi chili chamwenemwene nawa cha pundu? (Uso. 14:18-20; 19:13)

   3. Aya waze analinga chihanda cha chizavu cha tujita anakaula Yesu ha kavwalu wenyi mutoma? (Uso. 12:7; 19:14; Mateu 25:31, 32)

Chishima 115

1. Ni kulita ni Mbimbiliya yuma yika ya chiseke mutukapwa nayo mu paraisu hano hashi?

2. Yika Mbimbiliya yinalakenya kuli waze makatwama mu paraisu?

3. Shimbu yika Yesu makasela ushindakenyo hanga yuma yacho yilingiwe?

4. Yika Yesu anakalinga muze apwile hano hashi, hanga asolole yize iye makalinga ngwe Mwanangana mu wanangana wa Zambi?

5. Yika Yesu ni atu jenyi akusakula analakenya kulinga muze ayo mu malilu mayula hano hashi?

Yihula yikwo:

1. Tanga Usolwelo 5:9, 10.

   Mumu liaka tuli ni ushindakenyo ngwo akwa kuyula hano hashi ha kanunu umuwika wa miaka makapwa mianangana ni asasendote apema? (Efwe. 4:20-24; 1 Petu. 1:7; 3:8; 5:6-10)

2. Tanga Usolwelo 14:1-3.

   Kusonewa cha jina lia Tata ni lia Mwana-panga ha mahuma ja 144,000 yika chinalumbunuka? (1 Kori. 3:23; 2 Timo. 2:19; Uso. 3:12)

Chishima 116

1. Yika chatutamba kunyingika nyi tunazange kutwama ku miaka yeswe?

2. Kuchi mutuhasa kulilongesa hakutwala kuli Yehova Zambi ni Yesu, ngwe chize kanuke au ni masepa jenyi analingi ha chizulie?

3. Mukanda ukwo uka unamono ha chizulie, nawa mumu liaka yetwe chatutamba ku utanga mashimbu eswe?

4. Chipwe ngwe mutulilongesa hakutwala kuli Yehova ni Yesu, yika nawa chatamba kulinga mba tukapwe ni mwono wa mutolo?

5. Fumbo lika twalilongesa mu Chishima 69?

6. Chilweza chika chipema cha kanuke Samuele chili mu Chishima 55?

7. Kuchi mutuhasa kukaula chilweza cha Yesu Kristu, nawa nyi yetwe twalinga chino, yika mutukapwa nayo kulutwe lia matangwa?

Yihula yikwo:

1. Tanga Yoano 17:3.

   Kuchi Yisoneko yinasolola ngwo kupwa ni chinyingi cha Yehova Zambi ni cha Yesu Kristu chiso kulumbunuka wika kupwa ni mana a yikuma? (Mateu 7:21; Tia. 2:18-20; 1 Yoa. 2:17)

2. Tanga Masamu 145:1-21.

   1. Yitela yika yikwo yize tulinayo hanga tuhalise Yehova? (Samu 145:8-11; Uso. 4:11)

   2. Kuchi Yehova kali “mupema kuli eswe” nawa mumu liaka yetwe chatutamba kukundama kuli iye? (Samu 145:9; Mateu 5:43-45)

   3. Nyi tunazange Yehova ni mbunge yetu yeswe, yika mutuhasa kulinga? (Samu 119:171, 172, 175; 145:11, 12, 21)