Aküjalaa 1

1. ¿Jara kaapajalaka wamüin tü kasa anasükat? Püküja süpüshi tü nukumajakat Maleiwa.

2. ¿Kasa nukumajaka Maleiwa palajana?

3. ¿Jamüshi anaka maʼin chi palajachikai aapiee?

4. ¿Kasa eejatka suluʼu tü Mmakat? (Piirakaa sümüin tü ayaakuaakat).

5. ¿Kasa naainjaka Maleiwa süpüla nukumajüin tü Mmakat napüla na mürütkana otta na wayuukana?

Asakiraa sooʼomüin:

1. Paashajeʼera Jeremías 10:12.

   ¿Jara tü nukuwaʼipa Maleiwa jaʼyakat sünain tü kasa nukumajalakat? (Isa. 40:26; Roma 11:33.)

2. Paashajeʼera Colosas 1:15-17.

   ¿Kasa naainjaka Jesús wanaa sümaa sukumajünüin tü kasakalüirua? ¿Jamüinjatü wanüiki nüchiki?

3. Paashajeʼera Génesis 1:1-10.

   1. ¿Jara kakumajalaka tü Mmakat? (Gén. 1:1.)

   2. ¿Kasa akumajünaka soʼu tü palajatkat kaʼi? (Gén. 1:3-5.)

   3. ¿Kasa akumajünaka soʼu tü piamakat kaʼi? (Gén. 1:7, 8.)

Aküjalaa 2

1. ¿Kasa naainjaka Maleiwa süpüla nukumajüin tü Mmakat wapüla?

2. Püküja süpüshi sünülia tü mürüt nukumajakat Maleiwa (Piirakaa sümüin tü ayaakuaakat).

3. ¿Jamüsü anaka maʼin tü mmakat Edén?

4. ¿Jamüinjatü sukuwaʼipa tü Mmakat naashin Maleiwa?

Asakiraa sooʼomüin:

1. Paashajeʼera Génesis 1:11-25.

   1. ¿Kasa nukumajaka Maleiwa soʼu tü apünüinkat kaʼi? (Gén. 1:12.)

   2. ¿Kasa nukumajaka Maleiwa soʼu tü pienchikat kaʼi? (Gén. 1:16.)

   3. ¿Kasa mürüt nukumajaka Maleiwa soʼu tü jaʼraikat otta tü aipiruakat kaʼi? (Gén. 1:20, 21, 25.)

2. Paashajeʼera Génesis 2:8, 9.

   ¿Kasa piamasü wunuʼu niʼitaaka Maleiwa suluʼu tü mma anasükat otta kasapülajatü shia?

Aküjalaa 3

1. ¿Kasa naataka piʼrüin suluʼu tü ayaakuaakat?

2. ¿Jara kakumajalaka chi palajachikai toolo otta kasaichi nünülia?

3. ¿Kasa aluwataanaka anain Adán nutuma Maleiwa?

4. ¿Jamüshi nutunkiraka Jeʼwaa Adán?

5. ¿Kasa keeʼireeka naaʼin Jeʼwaa nüpüleerua Adán otta Eva?

Asakiraa sooʼomüin:

1. Paashajeʼera Salmo 83:18.

   ¿Kasaichi nünülia Maleiwa? ¿Jamüshi niaka miyoʼuin saaʼu tü kasakat süpüshuaʼa? (Jer. 16:21; Dan. 4:17.)

2. Paashajeʼera Génesis 1:26-31.

   1. ¿Kasa nukumajaka Maleiwa soʼu tü aipiruakat kaʼi? ¿Jamüsü naataka nukumajia noulia na mürütkana? (Gén. 1:26.)

   2. ¿Kasa neküinjatka na wayuukana otta na mürütkana naashin Jeʼwaa? (Gén. 1:30.)

3. Paashajeʼera Génesis 2:7-25.

   1. ¿Kasa naainjüinjatka Adán süpüla niʼinaajüin nanülia na mürütkana? (Gén. 2:19.)

   2. ¿Jamüsü nünüiki Jeʼwaa suluʼu Génesis 2:24 süchiki tü kasaalüükat, tü akatajirawaakat otta tü ooʼulaajirawaakat suulia kasaalüü? (Mat. 19:4-6, 9.)

Aküjalaa 4

1. ¿Kasa alataka nümüin Adán sümaa Eva suluʼu tü ayaakuaakat?

2. ¿Jamüshii najünajaanaka nutuma Jeʼwaa?

3. ¿Jamüsü saashajaaka wanee wüi sümüin Eva?

4. ¿Jara aashajeʼeraka tü wüikat?

5. ¿Jamüshi nüjünajaanaka Adán sümaa Eva suluʼujee Edén?

Asakiraa sooʼomüin:

1. Paashajeʼera Génesis 2:16, 17 otta 3:1-13, 24.

   1. ¿Jamüsü sünüiki tü wüikat nüchiki Jeʼwaa? (Gén. 3:1-5; 1 Juan 5:3.)

   2. ¿Kasa shikirajaka anain waya tü alatakat sümüin Eva? (Fil. 4:8; Sant. 1:14, 15; 1 Juan 2:16.)

   3. ¿Jamüsü nünüiki Adán sümaa Eva süchiki tü naainjalakat? (Gén. 3:12, 13.)

   4. ¿Kasa naainjaka na aapieekana süpüla neeʼiyatüin niain Jeʼwaa aluwataainjachin? (Gén. 3:24.)

2. Paashajeʼera Alateetkat Mapeena 12:9.

   ¿Jeʼra wayuu nükayaleʼeraka Satanás suulia nuluwataaya Maleiwa? (1 Juan 5:19.)

Aküjalaa 5

1. ¿Jamüsü nukuwaʼipa Adán sümaa Eva nojuʼitapa suluʼujee Edén?

2. ¿Kasa alataka nümüin Adán sümaa Eva? ¿Jamüsü sülataka tia namüin?

3. ¿Jamüshii laülaainjanaka otta ouktuinjanaka nüchonnii Adán sümaa Eva?

4. Noonoole Adán otta Eva nümüin Jeʼwaa, ¿jamüsüjee nakuwaʼipa otta nakuwaʼipa nachonnii?

5. ¿Kasa alataka sümüin Eva sükajee nnojoluin soonooin nümüin Maleiwa?

6. ¿Kasaichi nünülia chi palajachikai nüchon Adán otta chi nutujeejachikai?

7. ¿Jara kachonniika na wanee tepichi suluʼukana tü ayaakuaakat?

Asakiraa sooʼomüin:

1. Paashajeʼera Génesis 3:16-23 otta 4:1, 2.

   1. ¿Kasa alataka nümüin Adán sükajee sumojujaain sukuwaʼipa tü mmakat? (Gén. 3:17-19; Roma 8:20, 22.)

   2. ¿Jamüsü Eva sümünaka tü jietkat? (Gén. 3:20.)

   3. ¿Kasa naainjaka Jeʼwaa nümüin Adán otta Eva süchikijee kaainjalain naya? (Gén. 3:7, 21.)

2. Paashajeʼera Alateetkat Mapeena 21:3, 4.

   ¿Kasa tü keeʼireekat waaʼin sajaʼlajaain?

Aküjalaa 6

1. ¿Kasa niʼyataaka anain Caín otta Abel?

2. ¿Kasa nüsülajaka Caín otta Abel nümüin Jeʼwaa?

3. ¿Jamüshi talataka Jeʼwaa sümaa nüsülajala Abel suulia nüsülajala Caín?

4. ¿Wayuu anamia Caín? ¿Kasa nuluwataaka anain Jeʼwaa Caín?

5. ¿Kasa naainjaka Caín nümüiwaʼapa nia nümaa chi nuwalakai?

6. ¿Kasa alataka nümüin Caín süchikijee nuʼutuin naaʼin chi nuwalakai?

Asakiraa sooʼomüin:

1. Paashajeʼera Génesis 4:2-26.

   1. Wanaa sümaa mojuin nukuwaʼipa Caín, ¿jamüsü nünüiki Jeʼwaa nümüin? (Gén. 4:7.)

   2. ¿Jamüsü nünüiki Caín nümüin Jeʼwaa nüsakirapa nia nünain Abel? (Gén. 4:9.)

   3. ¿Anasü nümüin Jeʼwaa nuʼutunule aaʼin wanee wayuu eeka maainjalain? (Gén. 4:10; Isa. 26:21.)

2. Paashajeʼera 1 Juan 3:11, 12.

   1. ¿Jamüshi jashichika Caín? ¿Kasa shikirajaka anain waya tia? (Gén. 4:4, 5; Pro. 14:30; 28:22.)

   2. Jashichire wapüshi wamüin, ¿jamüsü sünüiki tü Wiwüliakat süpüla woonooin waneepia nümüin Jeʼwaa? (Sal. 27:10; Mat. 10:21, 22.)

3. Paashajeʼera Juan 11:25.

   ¿Kaseerü alataka namüin na ouktakana sünainjee aainjaa kasa lotusü? (Juan 5:24.)

Aküjalaa 7

1. ¿Jamüshi naatajaika Enoc?

2. ¿Jamüshii mojulaaka maʼin na wayuu kepiakana nüʼütpaʼa Enoc?

3. ¿Kasa mojuka saainjüin tü wayuukalüirua suluʼu tü ayaakuaakat?

4. ¿Jamüshi meimmoluinjachika Enoc?

5. ¿Jeʼra juya katüin noʼu na wayuukana namaiwa? ¿Jeʼra juya katüin noʼu Enoc?

6. ¿Kasa alataka süchikijee ouktuin Enoc?

Asakiraa sooʼomüin:

1. Paashajeʼera Génesis 5:21-24, 27.

   1. ¿Jamüsü nukuwaʼipa Enoc nümaa Jeʼwaa? (Gén. 5:24.)

   2. ¿Jarai chi wayuu kakaliakai katüin noʼu saashin tü Wiwüliakat? ¿Jeʼra nuuyase ouktapa nia? (Gén. 5:27.)

2. Paashajeʼera Génesis 6:5.

   ¿Jamüsü nakuwaʼipa na wayuukana süchikijee ouktuin Enoc? ¿Jamüsü wanaawaka tia sümaa tü alatakat maaʼulu? (2 Tim. 3:13.)

3. Paashajeʼera Hebreokana 11:5.

   ¿Jarat tü nukuwaʼipakat Enoc ‹talataka atuma naaʼin Maleiwa›? ¿Jamüsü nukuwaʼipa sutuma tia? (Gén. 5:22.)

4. Paashajeʼera Judas 14, 15.

   ¿Kasa waainjüinjatka süpüla washatüin nukuwaʼipa Enoc sünain aapiraa süchiki Armagedón? (2 Tim. 4:2; Heb. 13:6.)

Aküjalaa 8

1. ¿Kasa alataka wanaa sümaa noonooin napüshi na aapieekana nümüin Satanás?

2. ¿Jamüsü nooʼulaaka na aapieekana tü naʼyataainkat chaaʼaya iipünaa süpüla wayuuyaain naya Mmapaʼamüin?

3. ¿Jamüsü mojuka maʼin tü naainjakat na aapieekana?

4. ¿Jamüshii naatajannuuka maʼin nachonnii na aapieekana?

5. ¿Kasa naainjaka nachonnii na aapieekana miyoʼuyuupa naya? (Piirakaa sümüin tü ayaakuaakat).

6. ¿Jarai chi wayuu anamiakai süchikijee ouktuin Enoc? ¿Jamüshi aika nia nüpüla Maleiwa?

Asakiraa sooʼomüin:

1. Paashajeʼera Génesis 6:1-8.

   ¿Jamüsü naaʼin Jeʼwaa sutuma tü wakuwaʼipakat saashin Génesis 6:6? (Sal. 78:40, 41; Pro. 27:11.)

2. Paashajeʼera Judas 6.

   ¿Kasa shikirajaka anain waya nakuwaʼipa na aapiee ‹ayouktakana tü eʼitaanakat apüla naya›? (1 Cor. 3:5-9; 2 Ped. 2:4, 9, 10.)

Aküjalaa 9

1. ¿Jeʼrasü nüpüshi Noé? ¿Kasaichi nanülia na nüchonniikana?

2. ¿Kasa aluwataanaka anain Noé nutuma Maleiwa?, ¿jamüsü naainjaka tia?

3. ¿Kasa naainjaka na wayuukana wanaa sümaa nüküjüin Noé süchiki tü anuakat?

4. ¿Kasa naainjüinjatka Noé süka tü mürütkalüirua naashin Maleiwa?

5. ¿Kasa naainjaka Noé sümaa nüpüshi süchikijee nüsürülüin Maleiwa soʼu tü anuakat?

Asakiraa sooʼomüin:

1. Paashajeʼera Génesis 6:9-22.

   1. ¿Jamüsü anaka maʼin nukuwaʼipa Noé nümüin chi Maleiwa shiimainkai? (Gén. 6:9, 22.)

   2. ¿Jamüsü nünüiki Jeʼwaa süchiki tü atkawaakat? ¿Kasa jülüjüinjatka waaʼin washaittüle jee wanajüle wanee kasa? (Gén. 6:11, 12; Sal. 11:5.)

   3. ¿Kasa waainjüinjatka süpüla washatüin nukuwaʼipa Noé waluwataanüle natuma na laülaayuu jülüjakana aaʼin sukuwaʼipa tü anoujaakat? (Gén. 6:22; 1 Juan 5:3.)

2. Paashajeʼera Génesis 7:1-9.

   Mayaapejee kaainjaralin Noé, loto akuwaʼipachi nia naashin Maleiwa. ¿Jamüsü talataka waaʼin sutuma tia? (Gén. 7:1; Pro. 10:16; Isa. 26:7.)

Aküjalaa 10

1. ¿Jamüsü nnojotka süpüla shikerotuin wayuu suluʼu tü anuakat shiʼitapa tü juyakat?

2. ¿Jeʼra kaʼi otta ai shiʼitüin tü juyakat? ¿Kasa siraaka amaa tü wüinkat?

3. ¿Kasa alataka sümüin tü anuakat piratapa wüin tü Mmakat?

4. ¿Kasa alataka namüin na wayuu miyoʼuyuushaatakana otta namüin na nashikana?

5. ¿Kasa alataka sümüin tü anuakat jaʼrai kashi süchikijee tü juyakat?

6. ¿Jamüshi nüjütaka Noé wanee wüchii mütsiiyatai?

7. ¿Kasa nüjütaka Noé süpüla nütüjaain saaʼu josoin tü Mmakat?

8. ¿Jamüsü nünüiki Maleiwa nümüin Noé wanaa sümaa suluʼujachin nia tü anuakat?

Asakiraa sooʼomüin:

1. Paashajeʼera Génesis 7:10-24.

   1. ¿Kasa najaʼttiraka Maleiwa saaʼujee tü Mmakat? (Gén. 7:23.)

   2. ¿Jeʼra kaʼi tü wüinkat saaʼu tü Mmakat? (Gén. 7:24.)

2. Paashajeʼera Génesis 8:1-17.

   ¿Jamüsü sünüiki Génesis 8:17 süchiki tü keeʼireekat naaʼin Maleiwa süpüleerua tü Mmakat? (Gén. 1:22.)

3. Paashajeʼera 1 Pedro 3:19, 20.

   1. ¿Kasa alataka namüin na aapiee mojulaashiikana naleʼejapa sirumatuʼumüin? (Jud. 6.)

   2. ¿Jamüsü weʼitaainjatka waaʼin nünain Jeʼwaa sünainjee tü naainjakat nümüin Noé otta tü nüpüshikat? (2 Ped. 2:9.)

Aküjalaa 11

1. ¿Kasa naainjaka Noé nujuʼitapa suluʼujee tü anuakat? (Piirakaa sümüin tü ayaakuaakat).

2. ¿Jamüsü nünüiki Maleiwa nümüin Noé otta namüin nüpüshi?

3. ¿Kasa tü nnojoluinjatkat naainjüin Maleiwa süchikuaʼa?

4. ¿Kasa sotuinjatka paaʼin piʼrapa wanee kasüpolüin?

Asakiraa sooʼomüin:

1. Paashajeʼera Génesis 8:18-22.

   1. ¿Kasa waainjüinjatka süpüla talatüinjatüin naaʼin Jeʼwaa? (Gén. 8:21; Heb. 13:15, 16.)

   2. ¿Jamüsü nünüiki Jeʼwaa süchiki sukuwaʼipa naaʼin na wayuukana? ¿Kasa tü kanainjatkat waaʼin? (Gén. 8:21; Mat. 15:18, 19.)

2. Paashajeʼera Génesis 9:9-17.

   1. ¿Jamüsü nünüiki Jeʼwaa namüin na wayuukana otta namüin na mürütkana? (Gén. 9:10, 11.)

   2. ¿Jeʼrainjatü kaʼi pansaain tü nümakat Jeʼwaa süchiki tü kasüpolüinkat? (Gén. 9:16.)

Aküjalaa 12

1. ¿Jarai chi wayuu kanüliakai Nimrod? ¿Talatüshi Maleiwa nümaa?

2. ¿Jamüshii nakumajaka na wayuukana wanee piichi miyoʼushaata?

3. ¿Jamüshi nnojoika talatüin Maleiwa sümaa tü piichikat?

4. ¿Kasa naainjaka Maleiwa süpüla nuuʼuleʼerüin na wayuukana suulia akumajaa tü piichikat?

5. ¿Kasaichi sünülia tü mmakat eejatüle sukumajünüin tü piichikat? ¿Jamüsü maka sünülia?

6. ¿Kasa naainjaka na wayuukana süchikijee naatain nanüiki nutuma Maleiwa?

Asakiraa sooʼomüin:

1. Paashajeʼera Génesis 10:1, 8-10.

   ¿Kasa naainjapuʼuka Nimrod? ¿Jamüsü sünüiki tü Wiwüliakat wamüin? (Pro. 3:31.)

2. Paashajeʼera Génesis 11:1-9.

   ¿Jamüsü sukumajünaka tü piichi miyoʼushaatakat? ¿Jamüsü mojuinjatka sukuwaʼipa? (Gén. 11:4; Pro. 16:18; Juan 5:44.)

Aküjalaa 13

1. ¿Kasa naainjapuʼuka na wayuu kepiakana Ur?

2. ¿Jarai chi wayuu suluʼukai tü ayaakuaakat? ¿Joujachi jemein? ¿Jalajachi nia kepiain?

3. ¿Kasa naainjüinjatka Abraham naashin Maleiwa?

4. ¿Jamüshi naʼaleewainka Maleiwa Abraham?

5. ¿Jaralii na oʼunakana nümaa Abraham suluʼujee Ur?

6. ¿Jamüsü nünüiki Jeʼwaa nümüin Abraham nüntapa suluʼumüin tü mmakat Canaán?

7. ¿Jamüsü nünüiki Jeʼwaa nümüin Abraham wanaa sümaa 99 nuuyase?

Asakiraa sooʼomüin:

1. Paashajeʼera Génesis 11:27-32.

   1. ¿Kasa Lot nünain Abraham? (Gén. 11:27.)

   2. ¿Jara oʼuniraka nüpüshi Abraham Canaánmüin? ¿Jamüsü naainjaka tia? (Gén. 11:31; Aluw. 7:2-4.)

2. Paashajeʼera Génesis 12:1-7.

   ¿Jamüsü nünüiki Jeʼwaa nümüin Abraham nüntapa Canaánmüin? (Gén. 12:7.)

3. Paashajeʼera Génesis 17:1-8, 15-17.

   1. ¿Kasaichi nünülia Abraham wanaa sümaa 99 nuuyase? ¿Jamüsü maka nünülia? (Gén. 17:5.)

   2. ¿Kasa naapüinjatka Jeʼwaa sümüin Sara? (Gén. 17:15, 16.)

4. Paashajeʼera Génesis 18:9-19.

   1. ¿Kasa naainjüinjatka na wayuu eekana kachoin saashin Génesis 18:19? (Deu. 6:6, 7; Éfe. 6:4.)

   2. ¿Jamüsü nnojoluinjatka wounjulajüin wanee kasa nuulia Jeʼwaa maʼaka saaʼin Sara? (Gén. 18:12, 15; Sal. 44:21.)

Aküjalaa 14

1. ¿Sotusü paaʼin nünüiki Maleiwa nümüin Abraham? ¿Jamüsü shikeraajia nutuma Maleiwa tü nünüikikat?

2. ¿Kasa nuluwataaka anain Maleiwa Abraham süpüla nütüjaain saaʼu nunoujuin maʼin nünain? (Piirakaa sümüin tü ayaakuaakat).

3. ¿Kasa naainjaka Abraham sümaa nnojoluin nütüjaain saaʼu tü aluwataanakat anain nia nutuma Maleiwa?

4. ¿Kasa alataka wanaa sümaa niyuʼluin Abraham tü rüikat süpüla nuʼutuin naaʼin chi nüchonkai?

5. ¿Anoujushi maʼin Abraham nünain Maleiwa?

6. ¿Kasa nukoʼojeʼeraka Maleiwa sünain wanee wunuʼu süpüla nuʼutuinjatüin saaʼin Abraham?

Asakiraa sooʼomüin:

1. Paashajeʼera Génesis 21:1-7.

   ¿Jamüsü niʼyotooko Abraham nüta chi nüchonkai soʼu tü mekiisatkat kaʼi? (Gén. 17:10-12; 21:4.)

2. Paashajeʼera Génesis 22:1-18.

   ¿Jamüsü shiiʼiyatia nutuma Isaac noonooin nümüin Abraham? ¿Kasa kayaakuaka tia? (Gén. 22:7-9; 1 Cor. 5:7; Fil. 2:8, 9.)

Aküjalaa 15

1. ¿Jamüshi nükatalaaka Abraham nuulia Lot?

2. ¿Jamüshi nukolojooka Lot Sodomamüin?

3. ¿Anamia na wayuu kepiakana Sodoma?

4. ¿Jamüshi nuluwataaka Maleiwa piamashii aapiee nünainmüin Lot?

5. ¿Jamüsü ichiijaaka nuʼwayuuse Lot?

6. ¿Kasa shikirajaka anain waya tü alatakat sümüin nuʼwayuuse Lot?

Asakiraa sooʼomüin:

1. Paashajeʼera Génesis 13:5-13.

   ¿Kasa waainjüinjatka süpüla anain wakuwaʼipa namaa na mojujiraakana amaa waya maʼaka naaʼin Abraham otta Lot? (Gén. 13:8, 9; Roma 12:10; Fil. 2:3, 4.)

2. Paashajeʼera Génesis 18:20-33.

   Sünainjee tü naashajaalakat Abraham nümaa Jeʼwaa, ¿jamüsü lotuinjatka nutuma Jeʼwaa otta Jesús tü naainjüinjatkat najaʼttirapeena tü kasa mojusükat? (Gén. 18:25, 26; Mat. 25:31-33.)

3. Paashajeʼera Génesis 19:1-29.

   1. Saashin tü Wiwüliakat, ¿anasü nümüin Maleiwa nümaʼüjiraale wanee toolo nümaa wanee toolo? (Gén. 19:5, 13; Lev. 20:13.)

   2. ¿Jamüsü naataka nukuwaʼipa Abraham suulia nukuwaʼipa Lot wanaa sümaa naluwataanüin nutuma Maleiwa? ¿Kasa shikirajaka anain waya tia? (Gén. 19:15, 16, 19, 20; 22:3.)

4. Paashajeʼera Lucas 17:28-32.

   ¿Kojutusü maʼin sümüin nuʼwayuuse Lot tü kasa eejatkat shipialuʼu? ¿Kasa shikirajaka anain waya tia? (Luc. 12:15; 17:31, 32; Mat. 6:19-21, 25.)

5. Paashajeʼera 2 Pedro 2:6-8.

   Washateere nukuwaʼipa Lot, ¿kasa waainjüinjatka süpüla nnojoluin sünainpünaain waya tü kasa mojusü naainjakat na manoujuinsaliikana? (Eze. 9:4; 1 Juan 2:15-17.)

Aküjalaa 16

1. ¿Jarai chi wayuukai otta tü jierü suluʼukat tü ayaakuaakat?

2. ¿Jamüsü nünüiki Abraham nümüin wanee aʼyataai nümüin? ¿Jamüsü naainjaka tia?

3. ¿Jara antaka sünain ajaʼitaa süpüla shikeraajüin tü nuchuntakat chi aʼyataaikai nümüin Abraham?

4. ¿Jamüsü sünüiki Rebeca süsakinnapa süpüla kasaalüin shia nümaa Isaac?

5. ¿Jamüshi talataka Isaac nüchikuaʼa?

Asakiraa sooʼomüin:

1. Paashajeʼera Génesis 24:1-67.

   1. ¿Kasa akuwaʼipa shiiʼiyataka Rebeca süntiraapa nümaa chi aʼyataaikai nümüin Abraham? (Gén. 24:17-20; Pro. 31:17, 31.)

   2. ¿Kasa shikirajaka anain waya tü naainjakat Abraham nümüin Isaac? (Gén. 24:37, 38; 1 Cor. 7:39; 2 Cor. 6:14.)

   3. ¿Jamüshii wakatalüinjanaka kaʼi süpüla wasakirüin waaʼin maʼaka nutuma Isaac? (Gén. 24:63; Sal. 77:12; Fil. 4:8.)

Aküjalaa 17

1. ¿Jarai chi wayuu kanüliakai Esaú otta Jacob? ¿Jamüshi naatajaika Esaú nuulia Jacob?

2. ¿Jeʼra nouyase na senkeyuukana wanaa sümaa ouktuin Abraham?

3. ¿Jamüsü mojuka naaʼin Isaac otta Rebeca nutuma Esaú?

4. ¿Jamüshi jashichika maʼin Esaú nümüin Jacob?

5. ¿Jamüsü nünüiki Isaac nümüin Jacob?

Asakiraa sooʼomüin:

1. Paashajeʼera Génesis 25:5-11, 20-34.

   1. ¿Jamüsü nünüiki Jeʼwaa nachiki na süchonniikana Rebeca? (Gén. 25:23.)

   2. ¿Kojutusü nümüin Esaú otta Jacob tü kasa anteetkat sünainjee eʼirumaain wanee wayuu? (Gén. 25:31-34.)

2. Paashajeʼera Génesis 26:34, 35; 27:1-46 otta 28:1-5.

   1. ¿Jamüsü watüjaaka saaʼu mojutuin nümüin Esaú tü kasa nümaʼanajeejatkat Jeʼwaa? (Gén. 26:34, 35; 27:46.)

   2. ¿Kasa naainjüinjatka Jacob naashin Isaac süpüla anainjatüin nukuwaʼipa nutuma Maleiwa? (Gén. 28:1-4.)

3. Paashajeʼera Hebreokana 12:16, 17.

   ¿Kasa alatajatka namüin na mojutukana amüin tü kasa nümaʼanajeejatkat Jeʼwaa?

Aküjalaa 18

1. ¿Jarat tü jierü suluʼukat tü ayaakuaakat? ¿Kasa naainjaka Jacob niʼrapa shia?

2. ¿Kasa naainjaka Jacob süpüla kasaalüin nia sümaa Raquel?

3. ¿Pütüjaa aaʼu tü alatakat wanaa sümaa kasaalüinjachin Jacob?

4. ¿Kasa naainjaka Jacob nüchikuaʼa süpüla kasaalüin nia sümaa Raquel?

Asakiraa sooʼomüin:

1. Paashajeʼera Génesis 29:1-30.

   1. ¿Kasa naainjaka Jacob süpüla niiʼiyatüin lotuin nukuwaʼipa wanaa sümaa nimeejünüin nutuma Labán? ¿Kasa shikirajaka anain waya tia? (Gén. 25:27; 29:26-28; Mat. 5:37.)

   2. ¿Jamüsü shiiʼiyatia nutuma Jacob alin maʼin nüpüla Raquel sümaa nnojoluin naʼalain shia? (Gén. 29:18, 20, 30; Cant. de Cant. 8:6.)

   3. ¿Kasaichi sünülia tü pienchisükat jieyuu nuʼwayuuseka Jacob? (Gén. 29:23, 24, 28, 29.)

Aküjalaa 19

1. ¿Kasaichi nanülia na nüchonniikana Jacob sümüin Lea?

2. ¿Kasaichi nanülia na nüchonniikana Jacob sümüin Zilpa?

3. ¿Kasaichi nanülia na nüchonniikana Jacob sümüin Bilha?

4. ¿Kasaichi nanülia na süchonniikana Raquel? ¿Kasa alataka sümüin jemeyutpa shia nümaa Benjamín?

5. ¿Jeʼrashii na nüchonniikana Jacob? (Piirakaa sümüin tü ayaakuaakat). ¿Jaralii na eekana nanainjee?

Asakiraa sooʼomüin:

1. Paashajeʼera Génesis 29:32-35; 30:1-26 otta 35:16-19.

   ¿Jalejeejatü ayuʼluushin sümaiwa nanülia na Hebreokana maʼaka naaʼin nüchonnii Jacob?

2. Paashajeʼera Génesis 37:35.

   ¿Jamüsü watüjaaka saaʼu nnojoluin waneesiain jierü nüchon Jacob? (Gén. 37:34, 35.)

Aküjalaa 20

1. ¿Jamüsü nnojotka nücheküin Abraham otta Isaac kasaalüin na nachonniikana namaa na jieyuu kepiakana Canaán?

2. ¿Anasüche nümüin Jacob aleewain tü nüchonkat namaa na jieyuu kepiakana Canaán?

3. ¿Jarai chi wayuu ananajakai maʼin Dina? (Piirakaa sümüin tü ayaakuaakat). ¿Jamüsü Dina nutuma?

4. ¿Kasa naainjaka Simeón otta Leví natüjaapa saaʼu tü alatakat sümüin Dina?

5. ¿Talatüshi Jacob sümaa tü naainjakat na nüchonniikana?

6. ¿Jamüsü sülataka tia sümüin nüpüshi Jacob?

Asakiraa sooʼomüin:

1. Paashajeʼera Génesis 34:1-31.

   1. ¿Jamüsü sütaüjaanaka Dina? (Gén. 34:1.)

   2. ¿Jamüsü süchajaalaka Dina sütaüjaanüin? (Gal. 6:7.)

   3. ¿Kasa naainjüinjatka na jimaʼaliikana otta na majayünnüükana süpüla nnojoluin sülatüin namüin tü alatakat sümüin Dina? (Pro. 13:20; 1 Cor. 15:33; 1 Juan 5:19.)

Aküjalaa 21

1. ¿Jamüshii nachunjaka na nuwalayuukana José? ¿Kasa naainjaka nüka?

2. ¿Jamüinjachi José natuma na nuwalayuukana? ¿Jamüsü nünüiki Rubén?

3. ¿Kasa naainjaka na nuwalayuukana José neʼrapa alatüin na ismaeliitakana?

4. ¿Kasa naainjaka na nuwalayuukana José süpüla naküjüin tü alatakat nümüin chi nashikai?

Asakiraa sooʼomüin:

1. Paashajeʼera Génesis 37:1-35.

   1. ¿Kasa waainjüinjatka süpüla washatüin nukuwaʼipa José weʼrüle wanee wawala sünain aainjaa kasa mojusü? (Gén. 37:2; Lev. 5:1; 1 Cor. 1:11.)

   2. ¿Jamüshii naainjaka kasa mojusü nümüin José na nuwalayuukana? (Gén. 37:11, 18; Pro. 27:4; Sant. 3:14-16.)

   3. ¿Kasa naainjaka Jacob wanaa sümaa ouktayaain naaʼinruʼu chi nüchonkai? (Gén. 37:35.)

Aküjalaa 22

1. ¿Jeʼra nuuyase José nüntapa Egiptomüin? ¿Kasa alataka nümüin?

2. ¿Jamüshi püreesaka José?

3. ¿Kasa eʼitaanaka apüla José nutuma chi aaʼinmajüikai tü kaatsetkat?

4. ¿Jamüsü nünüiki José nümüin chi aapajüikai nüsüin Faraón otta chi aainjüikai pan?

5. ¿Kasa alataka niʼyataapa nüchikuaʼa chi aapajüikai nüsüin Faraón?

Asakiraa sooʼomüin:

1. Paashajeʼera Génesis 39:1-23.

   Mayaapejee nnojoluin niʼitaain paala Jeʼwaa mojuin tü amaʼüjirawaakat sümaa wayuu eeka nnojoluin aʼwayuuseein, ¿jamüshi nnojoika noonooin José sümüin nuʼwayuuse Potifar? (Gén. 2:24; 20:3; 39:9.)

2. Paashajeʼera Génesis 40:1-23.

   1. ¿Kasa nüʼlapüinka chi aapajüikai nüsüin Faraón? ¿Jamaluʼulu tia? (Gén. 40:9-13.)

   2. ¿Kasa nüʼlapüinka chi aainjüikai pan? ¿Jamaluʼulu tia? (Gén. 40:16-19.)

   3. ¿Kasa naainjaka maaʼulu chi achepchiee oonookai otta kekiikai maʼin süpüla nüshatüin nukuwaʼipa José? (Gén. 40:8; Sal. 36:9; Juan 17:17; Aluw. 17:2, 3.)

   4. ¿Jamüsü sünüiki Génesis 40:20 süchiki tü miʼiraa aainjünakat wanaa sümaa shikeraajüin suuyase wanee wayuu? (Ecl. 7:1; Mar. 6:21-28.)

Aküjalaa 23

1. ¿Kasa alataka nümüin Faraón wanaa sümaa nutunkuin?

2. ¿Jamüshi sotoka José naaʼin chi aapajüikai nüsüin Faraón?

3. ¿Kasa nüʼlapüjaaka amaa Faraón? (Piirakaa sümüin tü ayaakuaakat).

4. ¿Jamaluʼulu tü lapükat naashin José?

5. ¿Jamüshi kojutuka maʼin José nüchikijee Faraón?

6. ¿Jamüshii naluwataanaka Egiptomüin na nuwalayuukana José? ¿Jamüshi nnojoika nia nayaawatüin?

7. ¿Kasa lapü sotoka naaʼin José? ¿Kasa niyaawataka José sutuma tia?

Asakiraa sooʼomüin:

1. Paashajeʼera Génesis 41:1-57.

   1. ¿Jarai chi aküjüinjachikai tü nüʼlapüinkat Faraón naashin José? ¿Kasa waainjüinjatka süpüla washatüin nukuwaʼipa José? (Gén. 41:16, 25, 28; Mat. 5:16; 1 Ped. 2:12.)

   2. Sünainjee tü alatakat Egipto, ¿jamüsü naataka wakuwaʼipa suulia nakuwaʼipa na suluʼukana tü iküleesia nnojotkat shiimain? (Gén. 41:29, 30; Amós 8:11, 12.)

2. Paashajeʼera Génesis 42:1-8 otta 50:20.

   ¿Mojusü wejepülaale nümülatuʼumüin wanee wayuu süpüla kojutuin nia watuma? (Gén. 42:6.)

Aküjalaa 24

1. ¿Jamüshii ajayajüliika naashin José na nuwalayuukana?

2. ¿Jamüshi nüjütaka Jacob Benjamín namaa na nuwalayuukana?

3. ¿Jamakuwaʼipat niitain José suluʼu nütoleekase Benjamín?

4. ¿Jamüsü nünüiki Judá süpüla nuuʼulaanüin nuʼunuin Benjamín?

5. ¿Kasa nütüjaaipaka aaʼu José nachiki na nuwalayuukana?

Asakiraa sooʼomüin:

1. Paashajeʼera Génesis 42:9-38.

   ¿Jamüsü anaka maʼin tü süküjakat Génesis 42:18 süpüla nashatüin na shikiishiikana tü aʼyatawaakat nümüin Jeʼwaa? (Neh. 5:15; 2 Cor. 7:1, 2.)

2. Paashajeʼera Génesis 43:1-34.

   1. ¿Jamüsü watüjaaka saaʼu pütcheʼejuchin Judá sümaa nnojoluin eʼirumaain nia? (Gén. 43:3, 8, 9; 44:14, 18; 1 Cró. 5:2.)

   2. ¿Kasa naainjaka José süpüla nuuʼulaküin naaʼin na nuwalayuukana? ¿Jamüsü naainjaka tia? (Gén. 43:33, 34.)

3. Paashajeʼera Génesis 44:1-34.

   1. ¿Kasa naainjaka José süpüla nnojoluin niyaawatünüin natuma na nuwalayuukana? (Gén. 44:5, 15; Lev. 19:26.)

   2. ¿Kasa naainjaka na nuwalayuukana José süpüla neeʼiyatüin nnojoluin nachunjüin? (Gén. 44:13, 33, 34.)

Aküjalaa 25

1. ¿Jamüsü naaʼin na nuwalayuukana José wanaa sümaa nümüin namüin: ‹Taya chi Josékai›?

2. ¿Jamüsü nünüiki José namüin na nuwalayuukana sümaa kamaneein nia?

3. ¿Jamüsü nünüiki Faraón naapapa nachiki na nuwalayuukana José?

4. ¿Jeʼrashii nüpüshi Jacob nantapa Egiptomüin?

5. ¿Kasaichi nanülia na nüpüshikana Jacob? ¿Jamüsü maka nanülia?

Asakiraa sooʼomüin:

1. Paashajeʼera Génesis 45:1-28.

   Sünainjee tü alatakat nümüin José, ¿eesü süpüla anain nutuma Jeʼwaa nakuwaʼipa na aʼyataashiikana nümüin wanaa sümaa sülatüin kasa mojusü namüin? (Gén. 45:5-8; Isa. 8:10; Fil. 1:12-14.)

2. Paashajeʼera Génesis 46:1-27.

   ¿Jamüsü nünüiki Jeʼwaa nümüin Jacob süpüla nütütüleʼerüin naaʼin wanaa sümaa nuʼunuin Egiptomüin? (Gén. 46:1-4.)

Aküjalaa 26

1. ¿Jarai chi wayuu kanüliakai Job?

2. ¿Kasa naainjeeka Satanás naka na wayuukana? ¿Naainjüin tia?

3. ¿Kasa naainjüinjatka Satanás nümüin Job? ¿Jamüshi nuuʼulaaka Jeʼwaa müliain Job nutuma Satanás?

4. ‹Moju pünüiki nümüin Maleiwa jee oukta mata pia›, ¿jamüsü sümaka nuʼwayuuse Job nümüin? (Piirakaa sümüin tü ayaakuaakat).

5. ¿Jamüsü nukuwaʼipa Job nutuma Jeʼwaa? (Piirakaa sümüin tü ayaakuaakat). ¿Jamüsü maka nukuwaʼipa nutuma?

6. ¿Jameerü wakuwaʼipa müle waya maʼaka naaʼin Job?

Asakiraa sooʼomüin:

1. Paashajeʼera Job 1:1-22.

   ¿Kasa waainjüinjatka süpüla washatüin nukuwaʼipa Job? (Job 1:1; Fil. 2:15; 2 Ped. 3:14.)

2. Paashajeʼera Job 2:1-13.

   ¿Jamüsü nnojotka wanaawain nukuwaʼipa Job sümaa tü nuʼwayuusekat wanaa sümaa müliain naya nutuma Satanás? (Job 2:9, 10; Pro. 19:3; Miq. 7:7; Mal. 3:14.)

3. Paashajeʼera Job 42:10-17.

   1. ¿Jamüsü wanaawaka tü aapünakat nümüin Job sümaa tü aapünakat nümüin Jesús sünainjee noonooin waneepia? (Job 42:12; Fil. 2:9-11.)

   2. ¿Jamüsü sütütüleʼeraka waaʼin tü kasa aapünakat nümüin Job sünainjee noonooin waneepia? (Job 42:10, 12; Heb. 6:10; Sant. 1:2-4, 12; 5:11.)

Aküjalaa 27

1. ¿Jarai chi aʼyaajakai chi wayuukai? (Piirakaa sümüin tü ayaakuaakat). ¿Jarai chi niʼyaajakai?

2. ¿Kasa alataka namüin na israeliitakana süchikijee ouktuin José?

3. ¿Jamüshii mmotka na egipciokana neema na israeliitakana?

4. ¿Jamüsü nünüiki Faraón namüin na jieyuu eemeijüliikana na israeliitakana?

Asakiraa sooʼomüin:

1. Paashajeʼera Éxodo 1:6-22.

   1. ¿Kasa naainjaka Maleiwa süpüla nikeraajirüin tü nümakalinkat nümüin Abraham? (Éxo. 1:7; Gén. 12:2; Aluw. 7:17.)

   2. ¿Kasa naainjaka na eemeijüliikana süka kojutuin namüin tü kataakat oʼu? (Éxo. 1:17; Gén. 9:6.)

   3. ¿Kasa naapaka Jeʼwaa namüin na eemeijüliikana sükajee noonooin nümüin? (Éxo. 1:20, 21; Pro. 19:17.)

   4. ¿Kasa naainjaka Satanás shiiʼiree nuʼutuin naaʼin chi nuuʼuliwoʼukai Abraham? (Éxo. 1:22; Mat. 2:16.)

Aküjalaa 28

1. ¿Jarai chi joʼuu suluʼukai tü ayaakuaakat? ¿Jarat tü nüchecheraakat anain ajapü?

2. ¿Kasa saainjaka tü niikat Moisés süpüla nnojoluin nuʼutunuin aaʼin?

3. ¿Jarat tü jintut suluʼukat tü ayaakuaakat? ¿Kasa saainjaka nüpüleerua Moisés?

4. ¿Jamüsü sünüiki Míriam wanaa sümaa suusütüin nüchon Faraón chi joʼuukai?

5. ¿Jamüsü sünüiki nüchon Faraón sümüin tü niikat Moisés?

Asakiraa sooʼomüin:

1. Paashajeʼera Éxodo 2:1-10.

   ¿Kasa shikirajaka anain Moisés tü niikat joʼuuiwaʼaya nia? ¿Kasa shikirajaka anain na kachonshiikana tia? (Éxo. 2:9, 10; Deu. 6:6-9; Pro. 22:6; Éfe. 6:4; 2 Tim. 3:15.)

Aküjalaa 29

1. ¿Jalajachi miyoʼuin Moisés? ¿Kasa nütüjaaka aaʼu nüchiki chi nüshikai otta tü niikat?

2. ¿Kasa naainjaka Moisés wanaa sümaa 40 nuuyase?

3. ¿Jamüsü nünüiki Moisés nümüin wanee israeliita atkaashi? ¿Jamüsü nünüiki chi wayuukai nümüin?

4. ¿Jamüshi nuʼluwataaka Moisés Egiptojee?

5. ¿Jalamüinshi antüin Moisés? ¿Jara niʼraajaka chaaʼaya?

6. ¿Kasa naainjaka Moisés soʼu 40 juya chaaʼaya Madián?

Asakiraa sooʼomüin:

1. Paashajeʼera Éxodo 2:11-25.

   Mayaapejee nikirajünüin Moisés natuma na egipciokana, ¿kasa naainjaka süpüla niiʼiyatüin noonooin waneepia nümüin Jeʼwaa? (Éxo. 2:11, 12; Heb. 11:24.)

2. Paashajeʼera Aluwataaushikana 7:22-29.

   ¿Kasa shikirajaka anain waya tü naainjakat Moisés napüleerua na israeliitakana? (Aluw. 7:23-25; 1 Ped. 5:6, 10.)

Aküjalaa 30

1. ¿Kasaichi sünülia tü uuchi suluʼukat tü ayaakuaakat?

2. ¿Kasa niʼraka Moisés nüntapa eemüin tü uuchikat Horeb?

3. ¿Kasa pütchi naapaka Moisés nürütkaapa nünainmüin chi wunuʼukai? ¿Jarai chi aashajaakai nümüin?

4. ¿Jamüsü nünüiki Moisés wanaa sümaa nuluwataain nia Jeʼwaa sünain ayuʼlaa na israeliitakana?

5. ¿Jamüinjatü nünüiki Moisés nüsakinnüle jaralin kaluwataalain nia?

6. ¿Kasa naainjüinjatka Moisés süpüla nanoujuin na israeliitakana nuluwataalain nia Maleiwa?

Asakiraa sooʼomüin:

1. Paashajeʼera Éxodo 3:1-22.

   ¿Jamüsü sütütüleʼeraka waaʼin tü alatakat nümüin Moisés wanaa sümaa isain wachiki wanee aʼyatawaa nümüinjatü Jeʼwaa? (Éxo. 3:11, 13; 2 Cor. 3:5, 6.)

2. Paashajeʼera Éxodo 4:1-20.

   1. ¿Jamüsü nukuwaʼipa Moisés soʼu 40 juya chaaʼaya Madián? ¿Kasa shikirajaka anain tia na aʼyataweekana suluʼu tü outkajaaleekat? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Wachiajaanüle nutuma Jeʼwaa nakajee na wawalayuukana, ¿kasa waainjüinjatka süpüla washatüin nukuwaʼipa Moisés? (Éxo. 4:12-14; Sal. 103:14; Heb. 12:4-11.)

Aküjalaa 31

1. ¿Kasa nanoujaka anain na israeliitakana sutuma tü kasa pülasü naainjaka Moisés otta Aarón?

2. ¿Jamüsü nünüiki Moisés otta Aarón nümüin Faraón? ¿Jamüsü nünüiki Faraón namüin?

3. ¿Kasa alataka sümüin nunuʼuse Aarón nujutapa shia mmoluʼumüin? (Piirakaa sümüin tü ayaakuaakat).

4. ¿Kasa alataka nümüin Faraón nutuma Jeʼwaa? ¿Kasa naainjaka Faraón sutuma tia?

5. ¿Kasa naainjaka Faraón süchikijee tü chiiruaajatkat kasa mojusü alataka nümüin?

Asakiraa sooʼomüin:

1. Paashajeʼera Éxodo 4:27-31 otta 5:1-23.

   ‹Nnojoishi teʼraajüin Jeʼwaa›, ¿jamüshi nümaka Faraón nümüin Jeʼwaa? (Éxo. 5:2; 1 Sam. 2:12; Roma 1:21.)

2. Paashajeʼera Éxodo 6:1-13, 26-30.

   1. ¿Kasa tü nnojotkat niʼraajirüin Jeʼwaa nümüin Abraham, Isaac otta Jacob? (Éxo. 3:13, 14; 6:3; Gén. 12:8.)

   2. Mayaapejee isain nüchiki Moisés tü nümakat Jeʼwaa, ¿jamüsü waaʼin sutuma nuluwataanüin nutuma? (Éxo. 6:12, 30; Luc. 21:13-15.)

3. Paashajeʼera Éxodo 7:1-13.

   1. ¿Kasa shikirajaka anain waya meimmoluin Moisés otta Aarón sünain aküjaa nünüiki Jeʼwaa nümüin Faraón? (Éxo. 7:2, 3, 6; Aluw. 4:29-31.)

   2. ¿Jamüsü shiiʼiyatia nutuma Jeʼwaa katchinreein nia suulia namaleiwase na egipciokana? (Éxo. 7:12; 1 Cró. 29:12.)

Aküjalaa 32

1. ¿Jarat tü palajatkat, tü piamakat otta tü apünüinkat kasa mojusü alatakat sümüin Egipto? (Piirakaa sümüin tü ayaakuaakat).

2. ¿Jamüsü naataka tü palajatkat, tü piamakat otta tü apünüinkat kasa mojusü suulia tü waneeirua?

3. ¿Jarat tü pienchikat, tü jaʼraikat otta tü aipiruakat kasa mojusü?

4. ¿Jarat tü akaratshikat, tü mekiisatkat otta tü mekietsatkat kasa mojusü?

5. ¿Kasa nuluwataaka anain Maleiwa na israeliitakana süpülapünaa tü poloosükat kasa mojusü?

6. ¿Jarat tü poloosükat kasa mojusü? ¿Kasa alataka süchikijee?

Asakiraa sooʼomüin:

1. Paashajeʼera Éxodo 7:19–8:23.

   1. Mayaapejee naainjüin na ooʼulaküliikana tü palajatkat kasa mojusü, ¿jamüsü nanüiki süchikijee tü apünüinkat? (Éxo. 8:18, 19; Mat. 12:24-28.)

   2. ¿Kasa naainjaka Jeʼwaa süpüla naaʼinmajüin na israeliitakana suulia tü pienchikat kasa mojusü? ¿Jamüsü waaʼin sutuma tia süka sülüʼülüin tü müliaa antajateetkat? (Éxo. 8:22, 23; Alat. Map. 7:13, 14; 2 Cró. 16:9.)

2. Paashajeʼera Éxodo 8:24; 9:3, 6, 10, 11, 14, 16, 23-25 otta 10:13-15, 21-23.

   1. ¿Kasa shiiʼiyataka tü poloosükat kasa mojusü nachiki na nümaajanakana Jeʼwaa otta Faraón? ¿Jamüsü waaʼin sutuma tia? (Éxo. 8:10, 18, 19; 9:14.)

   2. ¿Jamüshi ayataka eein Satanás nutuma Jeʼwaa saashin Éxodo 9:16? (Roma 9:21, 22.)

3. Paashajeʼera Éxodo 12:21-32.

   ¿Jamüsü kataka noʼu na israeliitakana sutuma tü Pascuakat? ¿Kasa kayaakuaka tü Pascuakat? (Éxo. 12:21-23; Juan 1:29; Roma 5:18, 19, 21; 1 Cor. 5:7.)

Aküjalaa 33

1. ¿Jeʼrashii na tooloyuu oʼunakana namaa na jieyuukana otta na tepichikana Egiptojee? ¿Jaralii na wayuu oʼunakana namaa?

2. ¿Jamüsü naaʼin Faraón sükajee nüjütüin na israeliitakana? ¿Kasa naainjaka sutuma tia?

3. ¿Kasa niʼitaaka Jeʼwaa süpüla nnojoluin neʼrüin na egipciokana na israeliitakana?

4. ¿Kasa alataka wanaa sümaa niyalerüin Moisés tü nunuʼusekat saaʼu tü palaa ishosükat? ¿Kasa naainjaka na israeliitakana süchikijee tia?

5. ¿Kasa alataka namüin na egipciokana noushikaapa nachiirua na israeliitakana pasanainpünaa sünain tü palaakat?

6. ¿Kasa naainjaka na israeliitakana sükajee talatüin jee katüin noʼu nutuma Jeʼwaa?

Asakiraa sooʼomüin:

1. Paashajeʼera Éxodo 12:33-36.

   ¿Kasa naainjaka Jeʼwaa süpüla nawalaajünüin na israeliitakana saaʼu achepchieein naya Egipto? (Éxo. 3:21, 22; 12:35, 36.)

2. Paashajeʼera Éxodo 14:1-31.

   ¿Jamüsü waaʼin sutuma tü süküjakat Éxodo 14:13, 14 süka sülüʼülüin Armagedón? (2 Cró. 20:17; Sal. 91:8.)

3. Paashajeʼera Éxodo 15:1-8, 20, 21.

   1. ¿Jamüshii weeʼirajüinjanaka nümüin Jeʼwaa? (Éxo. 15:1, 2; Sal. 105:2, 3; Alat. Map. 15:3, 4.)

   2. ¿Kasa shikirajaka anain na jieyuukana maaʼulu tü saainjakat Míriam otta tü naainjakat na wanee jieyuukana? (Éxo. 15:20, 21; Sal. 68:11.)

Aküjalaa 34

1. ¿Kasa nakotchojaka na wayuu suluʼukana tü ayaakuaakat? ¿Kasaichi sünülia natuma?

2. ¿Jamüsü nünüiki Moisés namüin na israeliitakana süpüla nakotchojüin tü manákat?

3. ¿Kasa naainjüinjatka na israeliitakana soʼu tü aipiruakat kaʼi naashin Jeʼwaa? ¿Jamüsü naainjüinjatka tia?

4. ¿Kasa alataka sümüin tü maná nanaajaakat na israeliitakana süchikijee tü aipiruakat kaʼi?

5. ¿Jeʼra kaʼi neküin maná na israeliitakana wanaa sümaa chajanain naya isashiipaʼa?

Asakiraa sooʼomüin:

1. Paashajeʼera Éxodo 16:1-36 otta Números 11:7-9.

   1. ¿Jamüshii kojutuinjanaka wamüin na laülaashiikana suluʼu tü outkajaaleekat saashin Éxodo 16:8? (Heb. 13:17.)

   2. ¿Kasa aapünaka namüin na israeliitakana süpüla sotuinjatüin naaʼin niain neʼe Jeʼwaa akaaliinjaka naya? (Éxo. 16:14-16, 35; Deu. 8:2, 3.)

   3. ¿Kasa kayaakuaka tü manákat naashin Jesús? ¿Kasa waainjüinjatka süpüla anain wakuwaʼipa sutuma tü ‹pan iipünaajeejatkat›? (Juan 6:31-35, 40.)

2. Paashajeʼera Josué 5:10-12.

   ¿Jeʼra juya neküin Maná na israeliitakana? ¿Jamüsü nanüiki süchiki tia? ¿Kasa shikirajaka anain waya tia? (Éxo. 16:35; Núm. 11:4-6; 1 Cor. 10:10, 11.)

Aküjalaa 35

1. ¿Jalashii antüin na israeliitakana piama kashi süchikijee noʼunuin Egiptojee?

2. ¿Kasa naainjüinjatka na israeliitakana naashin Jeʼwaa? ¿Jamüsü nanüiki sutuma tia?

3. ¿Kasapülajatü tü piamasükat ipa naapaka Jeʼwaa nümüin Moisés?

4. ¿Kasa nuluwataaka anain Maleiwa na israeliitakana süchikijee tü poloosükat pütchi?

5. ¿Jarat tü piamasü pütchi nikirajakat Jesús alanaʼleeka sünainjee tü aluwataanakat anain na israeliitakana?

Asakiraa sooʼomüin:

1. Paashajeʼera Éxodo 19:1-25; 20:1-21; 24:12-18 otta 31:18.

   ¿Kasa waainjüinjatka waapüle waaʼin nümüin Jeʼwaa saashin Éxodo 19:8? (Mat. 16:24; 1 Ped. 4:1-3.)

2. Paashajeʼera Deuteronomio 6:4-6; Levítico 19:18 otta Mateo 22:36-40.

   ¿Kasa waainjüinjatka aire wapüla Maleiwa otta na wayuukana? (Mar. 6:34; Aluw. 4:20; Roma 15:2.)

Aküjalaa 36

1. ¿Kasa naainjaka na wayuu suluʼukana tü ayaakuaakat? ¿Jamüsü naainjaka tia?

2. ¿Jamüshi jashichika maʼin Jeʼwaa? ¿Kasa naainjaka Moisés niʼrapa tü naainjakat na israeliitakana?

3. ¿Kasa nuluwataaka anain Moisés na wayuu kamaʼanakana chajaruuta?

4. ¿Kasa shikirajaka anain waya tü naainjakat na israeliitakana?

Asakiraa sooʼomüin:

1. Paashajeʼera Éxodo 32:1-35.

   1. ¿Jamüsü nünüiki Jeʼwaa waaʼinrüle tü saaʼinrakat tü iküleesia nnojotkat shiimain? (Éxo. 32:4-6, 10; 1 Cor. 10:7, 11.)

   2. ¿Kasa kanainjatka waaʼin süpüla waneeküin tü anakat süpüla weeʼirajüin otta wayonnajüin? (Éxo. 32:18, 19; Éfe. 5:15, 16; 1 Juan 2:15-17.)

   3. ¿Kasa naainjaka na leviitakana süpüla kojutuin namüin tü lotookat akuwaʼipa? (Éxo. 32:25-28; Sal. 18:25.)

Aküjalaa 37

1. ¿Kasapülajatü tü piichi suluʼukat tü ayaakuaakat?

2. ¿Jamüsü sütsajünawalinjatka tü piichikat?

3. ¿Kasa suluʼuka tü jurasükeerü eekat suluʼu sütaüjiachon tü piichikat?

4. ¿Jarai chi aneekünakai nutuma Jeʼwaa süpüla laülaainjachin napüleerua na sacerdotekana? ¿Kasa naainjüinjatka?

5. ¿Kasa eeka suluʼu tü sütaüjia miyoʼukat maʼin?

6. ¿Kasa eeka suluʼu tü paatiakat? ¿Kasapülajatü shia?

Asakiraa sooʼomüin:

1. Paashajeʼera Éxodo 25:8-40; 26:1-37; 27:1-8 otta 28:1.

   ¿Kasapülajana na piamashiikana aapiee saaʼuka tü kaajakat? (Éxo. 25:20, 22; Núm. 7:89; 2 Rey. 19:15.)

2. Paashajeʼera Éxodo 30:1-10, 17-21; 34:1, 2 otta Hebreokana 9:1-5.

   1. ¿Jamüshii wuleinjanaka naashin Jeʼwaa na sacerdote aʼyataakana suluʼu tü aʼwaajüleekat? ¿Kasa waainjüinjatka sutuma tia? (Éxo. 30:18-21; 40:30, 31; Heb. 10:22.)

   2. ¿Jamüsü nünüiki Pablo süchiki tü piichi aʼwaajüleekat otta tü nuluwataakat anain Maleiwa na israeliitakana? (Heb. 9:1, 9; 10:1.)

Aküjalaa 38

1. ¿Jamüsü saaʼin pümüin tü uuwa suluʼukat tü ayaakuaakat? ¿Jalejeekuwat shia?

2. ¿Jamüshii nuluwataaka Moisés 12 ajayajülii Canaánmüin?

3. ¿Jamüsü nanüiki polooshii ajayajülii?

4. ¿Jamüsü nanüiki piamashii ajayajülii süka neʼitaain naaʼin nünain Jeʼwaa? ¿Kasaichi nanülia?

5. ¿Jamüshi jashichika maʼin Jeʼwaa? ¿Jamüsü nünüiki nümüin Moisés?

Asakiraa sooʼomüin:

1. Paashajeʼera Números 13:1-33.

   1. ¿Jaralii na aneekünakana süpüla neʼrajaain tü mmakat? ¿Kasa neʼraka suluʼu? (Núm. 13:2, 3, 18-20.)

   2. ¿Jamüsü naataka nukuwaʼipa Josué nümaa Caleb noulia na waneeinua? ¿Kasa shikirajaka anain waya tia? (Núm. 13:28-30; Mat. 17:20; 2 Cor. 5:7.)

2. Paashajeʼera Números 14:1-38.

   1. ¿Kasa kanainjatka waaʼin süpüla nnojoluinjatüin mojuin wanüiki namüin na laülaashiikana wapüleerua nutuma Jeʼwaa? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Jamüshii naaʼinmajaka waya Jeʼwaa saashin Números 14:24? (1 Rey. 19:18; Pro. 15:3.)

Aküjalaa 39

1. ¿Jaralii na nnojoliikana acheküin Moisés süpüla nekiipuʼuin otta Aarón süpüla laülaain napüleerua na sacerdotekana? ¿Jamüsü nanüiki nümüin Moisés?

2. ¿Jamüsü nünüiki Moisés nümüin Coré otta na 250 nümaajanakana?

3. ¿Jamüsü nünüiki Moisés namüin na wanee israeliitakana? ¿Kasa alataka kettaapa nünüiki Moisés?

4. ¿Kasa alataka nümüin Coré otta na 250 nümaajanakana?

5. ¿Kasa naainjaka Eleazar süka naʼajia na ouktushiikana? ¿Kasapülajatü tia?

6. ¿Jamüsü kasiika nunuʼuse Aarón nutuma Jeʼwaa? (Piirakaa sümüin tü ayaakuaakat).

Asakiraa sooʼomüin:

1. Paashajeʼera Números 16:1-49.

   1. ¿Kasa naainjaka Coré otta na nümaajanakana nümüin Moisés? ¿Jamüsü eʼraaka wayumüin tia nümüin Jeʼwaa? (Núm. 16:9, 10, 18; Lev. 10:1, 2; Pro. 11:2.)

   2. ¿Jamüsü nünüiki Coré otta na 250 shikiipuʼujanakana napüshi? (Núm. 16:1-3; Pro. 15:33; Isa. 49:7.)

2. Paashajeʼera Números 17:1-11 otta 26:10.

   1. ¿Jamüsü kasiika otta kachonka nunuʼuse Aarón? ¿Jamüsü sünaajaanüinjatka suluʼu tü jurasükeetkat? (Núm. 17:5, 8, 10.)

   2. ¿Kasa shikirajaka anain waya tü alatakat sümüin nunuʼuse Aarón? (Núm. 17:10; Aluw. 20:28; Fil. 2:14; Heb. 13:17.)

Aküjalaa 40

1. ¿Kasa naainjaka Jeʼwaa süpüla naaʼinmajüin na israeliitakana isashiipaʼa?

2. ¿Jamüsü mojuka nanüiki na israeliitakana nümüin Moisés chaaʼaya Cades?

3. ¿Jamüsü süpüla eeinjatüin wüin nasüin na wayuukana otta na mürütkana nutuma Jeʼwaa?

4. ¿Jarai chi wayuu eeʼiyatiraakai suluʼu tü ayaakuaakat? ¿Jamüsü naainjaka tia?

5. ¿Jamüshi jashichika Jeʼwaa nümüin Moisés otta Aarón? ¿Jamüsü nünüiki Jeʼwaa namüin?

6. ¿Kasa alataka nantapa na israeliitakana eemüin tü uuchikat Hor? ¿Jarai chi laülaaka napüleerua na sacerdotekana?

Asakiraa sooʼomüin:

1. Paashajeʼera Números 20:1-13, 22-29 otta Deuteronomio 29:5.

   1. ¿Kasa shikirajaka anain waya tü naainjakat Jeʼwaa napüleerua na israeliitakana chaaʼaya isashiipaʼa? (Deu. 29:5; Mat. 6:31; Heb. 13:5; Sant. 1:17.)

   2. ¿Jamüsü nünüiki Jeʼwaa sutuma nnojoluin nuʼwaajünüin nutuma Moisés otta Aarón noʼupala na israeliitakana? (Núm. 20:12; 1 Cor. 10:12; Alat. Map. 4:11.)

   3. ¿Kasa shikirajaka anain waya tü naainjakat Moisés wanaa sümaa nüchiaanüin nutuma Jeʼwaa? (Núm. 12:3; 20:12, 27, 28; Deu. 32:4; Heb. 12:7-11.)

Aküjalaa 41

1. ¿Kasa sünainka tü wunuʼu suluʼukat tü ayaakuaakat? ¿Jamüsü niʼitaainjatka shia Moisés sünain wanee wunuʼu naashin Jeʼwaa?

2. ¿Jamüsü nanüiki na israeliitakana sükajee nnojoluin talatüin naya sümaa tü naainjakat Jeʼwaa napüleerua?

3. ¿Jamüsü nanüiki na israeliitakana nümüin Moisés wanaa sümaa nuluwataain Jeʼwaa wüi jashichi nanainmüin?

4. ¿Jamüshi nuluwataanaka Moisés nutuma Jeʼwaa sünain aainjaa shiyaakua wanee wüi süka cobre?

5. ¿Kasa shikirajaka anain waya tü alatakat namüin na israeliitakana?

Asakiraa sooʼomüin:

1. Paashajeʼera Números 21:4-9.

   1. ¿Kasa shikirajaka anain waya nnojoluin talatüin na israeliitakana sükajee tü naainjakat Jeʼwaa napüleerua? (Núm. 21:5, 6; Roma 2:4.)

   2. ¿Kasa naainjaka mapa na israeliitakana süka shiyaakua tü wüikat? ¿Kasa naainjaka Ezequías süka? (Núm. 21:9; 2 Rey. 18:1-4.)

2. Paashajeʼera Juan 3:14, 15.

   ¿Jamüsü niyaakuayaaka Jesucristo tü wüi aainjuushikat süka Cobre? (Gal. 3:13; 1 Ped. 2:24.)

Aküjalaa 42

1. ¿Jarai chi wayuu kanüliakai Balac? ¿Jamüshi nüsaajitka wanee wayuu kanüliashi Balaam?

2. ¿Jamüsü süikkalaaka nüpüliise Balaam suluʼu tü wopukot?

3. ¿Jamüsü sünüiki tü püliikukat nümüin Balaam?

4. ¿Jamüsü nünüiki chi aapieekai nümüin Balaam?

5. ¿Kasa alataka wanaa sümaa ayatüin nuʼulejeein Balaam na israeliitakana?

Asakiraa sooʼomüin:

1. Paashajeʼera Números 21:21-35.

   ¿Jamüshi nükanajuuka natuma na israeliitakana Sehón chi aluwataaikai naaʼu na amoreokana otta Og chi aluwataaikai saaʼu Basán? (Núm. 21:21, 23, 33, 34.)

2. Paashajeʼera Números 22:1-40.

   ¿Jamüshi nuʼulejeeka Balaam na israeliitakana? ¿Kasa shikirajaka anain waya tia? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Paashajeʼera Números 23:1-30.

   Mayaapejee naashajaain Balaam maʼaka naaʼin wanee anoujushi nünain Jeʼwaa, ¿jamüsü nnojotka shiimain tia? (Núm. 23:3, 11-14; 1 Sam. 15:22.)

4. Paashajeʼera Números 24:1-25.

   ¿Jamüsü weʼitaaka waaʼin sünain tü naainjüinjatkat Jeʼwaa sutuma tü alatakat namüin na israeliitakana? (Núm. 24:10; Isa. 54:17.)

Aküjalaa 43

1. ¿Jaralii na wayuu nümaakana Moisés suluʼu tü ayaakuaakat?

2. ¿Jamüsü nünüiki Jeʼwaa nümüin Josué?

3. ¿Jamüshi noʼotooka Moisés saaʼumüin tü uuchikat Nebo? ¿Jamüsü nünüiki Jeʼwaa nümüin chaaʼaya?

4. ¿Jeʼra nuuyase Moisés ouktapa nia?

5. ¿Jamüsü mojuka maʼin naaʼin na israeliitakana? ¿Jamüshii talataka naya?

Asakiraa sooʼomüin:

1. Paashajeʼera Números 27:12-23.

   ¿Kasa eʼitaanaka apüla Josué nutuma Jeʼwaa? ¿Jaralii na niʼitaakana Jeʼwaa napüleerua na anoujashiikana maaʼulu? (Núm. 27:15-19; Aluw. 20:28; Heb. 13:7.)

2. Paashajeʼera Deuteronomio 3:23-29.

   ¿Jamüshi nnojoika nüntirüin Jeʼwaa Moisés otta Aarón Canaánmüin? ¿Kasa shikirajaka anain waya tia? (Deu. 3:25-27; Núm. 20:12, 13.)

3. Paashajeʼera Deuteronomio 31:1-8, 14-23.

   ¿Jamüsü watüjaaka saaʼu anain nümüin Moisés nüchiaain nia Jeʼwaa? (Deu. 31:6-8, 23.)

4. Paashajeʼera Deuteronomio 32:45-52.

   ¿Jamüinjatü wakuwaʼipa sutuma nünüiki Maleiwa? (Deu. 32:47; Lev. 18:5; Heb. 4:12.)

5. Paashajeʼera Deuteronomio 34:1-12.

   Mayaapejee nnojoluin niʼrüin Moisés Jeʼwaa, ¿jamüsü sünüiki Deuteronomio 34:10 süchiki tü nukuwaʼipakat nümaa Jeʼwaa? (Éxo. 33:11, 20; Núm. 12:8.)

Aküjalaa 44

1. ¿Jalasü kepiain Rahab?

2. ¿Jaralii na tooloyuu suluʼukana tü ayaakuaakat? ¿Jamüshi chaka naya Jericó?

3. ¿Jamüsü nünüiki chi aluwataaikai Jericó sümüin Rahab naka wanee wayuuinnua? ¿Jamüsü sünüiki namüin?

4. ¿Kasa saainjaka Rahab süpüla sükaaliinjüin na ajayajüliikana? ¿Kasa suchuntaka namüin?

5. ¿Jamüsü nanüiki na ajayajüliikana sümüin Rahab?

Asakiraa sooʼomüin:

1. Paashajeʼera Josué 2:1-24.

   ¿Jamüsü shikeraajia nutuma Jeʼwaa tü nümakat suluʼu Éxodo 23:28 wanaa sümaa nashutuin na israeliitakana saaʼu Jericó? (Jos. 2:9-11.)

2. Paashajeʼera Hebreokana 11:31.

   ¿Jamüsü shiiʼiyatia sutuma Rahab anain maʼin tü anoujaakat nünain Maleiwa? (Roma 1:17; Heb. 10:39; Sant. 2:25.)

Aküjalaa 45

1. ¿Kasa naainjaka Jeʼwaa süpüla nalatajanain na israeliitakana tü süchikat Jordán?

2. ¿Kasa naainjüinjatka na israeliitakana süpüla nalatüin tü süchikat Jordán?

3. ¿Jamüsü sükotchojunajatka 12 ipa naashin Jeʼwaa?

4. ¿Kasa alataka nojuʼitapa na sacerdotekana shirokujee tü süchikat Jordán?

Asakiraa sooʼomüin:

1. Paashajeʼera Josué 3:1-17.

   1. ¿Kasa waainjüinjatka süpüla nükaaliinjüin otta naapüin kasa anasü wamüin Jeʼwaa? (Jos. 3:13, 15; Pro. 3:5; Sant. 2:22, 26.)

   2. ¿Kasa alataka sümüin tü süchikat Jordán wanaa sümaa nalatüin na israeliitakana? ¿Jamüsü yaletaka nünülia Jeʼwaa sutuma tia? (Jos. 3:15; 4:18; Sal. 66:5-7.)

2. Paashajeʼera Josué 4:1-18.

   ¿Jamüsü sükotchojünaka 12 ipa shirokujee tü süchikat Jordán süpüla shiʼitaanüin Guilgalmüin? (Jos. 4:4-7.)

Aküjalaa 46

1. ¿Kasa naainjüinjatka na surulaatkana otta na sacerdotekana soʼu aipirua kaʼi naashin Jeʼwaa?

2. ¿Kasa naainjüinjatka na wayuukana soʼu tü akaratshikat kaʼi?

3. ¿Kasa alataka sümüin süsepü Jericó? (Piirakaa sümüin tü ayaakuaakat).

4. ¿Jamüsü kachetaka wanee jiiku sünain tü wentaanakat?

5. ¿Kasa aainjünajatka naka na wayuu kepiakana Jericó naashin Josué? ¿Kasa aainjünajatka süka tü pülaatakat, tü oorokat, tü cobrekat otta tü kachuweerakat?

6. ¿Jamüsü nünüiki Josué namüin na piamashiikana ajayajülii?

Asakiraa sooʼomüin:

1. Paashajeʼera Josué 6:1-25.

   1. ¿Jamüsü wanaawaka tü aküjaakat pütchi sümaa tü naainjakat na israeliita aʼleeyatakana Jericó? (Jos. 6:15, 16; Isa. 60:22; Mat. 24:14; 1 Cor. 9:16.)

   2. ¿Jamüsü shikeraajia Josué 6:26, 500 juya süchikijee süshajünüin? ¿Kasa shikirajaka anain waya süchiki tü nünüikikat Jeʼwaa? (1 Rey. 16:34; Isa. 55:11.)

Aküjalaa 47

1. ¿Jarai chi wayuu ojoitakai nipialuʼu wanee kuluulu anashaatasü, ooro otta pülaata? ¿Jaralii na nümaakana? (Piirakaa sümüin tü ayaakuaakat).

2. ¿Jamüsü mojuka maʼin tü naainjakat Acán sümaa nüpüshi?

3. ¿Jamüsü nünüiki Jeʼwaa nümüin Josué wanaa sümaa nakanajuuin na israeliitakana natuma na wayuu chajanakana Hai?

4. ¿Kasa alataka nümüin Acán otta nüpüshi nuutkajeʼerapa Josué na israeliitakana?

5. ¿Kasa shikirajaka anain waya tü alatakat nümüin Acán?

Asakiraa sooʼomüin:

1. Paashajeʼera Josué 7:1-26.

   1. Sünainjee tü nünüikikat Josué, ¿jamüsü watüjaaka saaʼu anain nukuwaʼipa nümaa Jeʼwaa? (Jos. 7:7-9; Sal. 119:145; 1 Juan 5:14.)

   2. ¿Kasa shiiʼiyataka wamüin tü naainjakat Acán? ¿Jamüsü nnojoluinjatka waainjüin shia? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Paashajeʼera Josué 8:1-29.

   ¿Kasa waainjüinjatka kaainjarale waya otta kaainjarale wanee wawala? (Jos. 7:13; Lev. 5:1; Pro. 28:13.)

Aküjalaa 48

1. ¿Jamüsü naataka nakuwaʼipa na wayuu kepiakana Gabaón noulia na kepiakana Canaán?

2. ¿Kasa naainjaka na gabaoniitakana? (Piirakaa sümüin tü ayaakuaakat). ¿Jamüsü naainjaka tia?

3. ¿Kasa tü nnojoluinjatkat naainjüin Josué otta na wanee ekiipuʼujanakana namüin na gabaoniitakana? ¿Kasa natüjaaka aaʼu apünüin kaʼi süchikijee tia?

4. ¿Kasa naainjaka na wanee aluwataaliikana sükajee anajiraain na gabaoniitakana namaa na israeliitakana?

Asakiraa sooʼomüin:

1. Paashajeʼera Josué 9:1-27.

   1. Mayaapejee ‹ouktajanain napüshuaʼa na kepiakana Canaán› naashin Jeʼwaa, ¿jarat tü nukuwaʼipa niiʼiyatakat süka nnojoluin nuʼutuin naaʼin na gabaoniitakana? (Jos. 9:22, 24; Mat. 9:13; Aluw. 10:34, 35; 2 Ped. 3:9.)

   2. ¿Kasa shikirajaka anain waya nikeraajüin nünüiki Josué namüin na gabaoniitakana? (Jos. 9:18, 19; Mat. 5:37; Éfe. 4:25.)

2. Paashajeʼera Josué 10:1-5.

   ¿Kasa naainjaka na kepiainjanakana saaʼu tü mmakat süpüla nashatüin nakuwaʼipa na gabaoniitakana? ¿Jara aʼürülaaka naya? (Jos. 10:4; Zac. 8:23; Mat. 25:35-40; Alat. Map. 12:17.)

Aküjalaa 49

1. ¿Jamüinjachi chi kaʼikai naashin Josué? (Piirakaa sümüin tü ayaakuaakat). ¿Jamüsü maka nünüiki?

2. ¿Kasa naainjaka Jeʼwaa süpüla nükaaliinjüin Josué otta na nusurulaatsekana?

3. ¿Jeʼrashii aluwataalii nükanajaka Josué? ¿Jeʼra juya nia sünain atkawaa?

4. ¿Jamüsü niitajaka Josué tü mmakat Canaán?

5. ¿Jeʼra nuuyase Josué wanaa sümaa ouktuin nia? ¿Kasa naainjaka na wayuukana ouktapa nia?

Asakiraa sooʼomüin:

1. Paashajeʼera Josué 10:6-15.

   ¿Jamüsü weʼitaainjatka waaʼin nünain Jeʼwaa sükajee jimatüin nutuma chi Kaʼikai otta chi Kashikai? (Jos. 10:8, 10, 12, 13; Sal. 18:3; Pro. 18:10.)

2. Paashajeʼera Josué 12:7-24.

   ¿Jara akanajaka na 31 aluwataalii chajanakana Canaán? ¿Jamüsü kojutuinjatka tia wamüin? (Jos. 12:7; 24:11-13; Deu. 31:8; Luc. 21:9, 25-28.)

3. Paashajeʼera Josué 14:1-5.

   ¿Jamüsü shiitajia tü mmakat namüin na israeliitakana? ¿Kasa aainjünajatka süka tü mmakat paraiisüpa shia? (Jos. 14:2; Isa. 65:21; Eze. 47:21-23; 1 Cor. 14:33.)

4. Paashajeʼera Jueces 2:8-13.

   ¿Jaralii na ashatakana nukuwaʼipa Josué maaʼulu nnojoluin nooʼulaain shikirajünüin alawaa suluʼu tü outkajaaleekat? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Alat. Map. 1:1; 2:1, 2.)

Aküjalaa 50

1. ¿Jaralii na nekiipuʼujanakana na israeliitakana?

2. ¿Kasa shiʼyataaka anain Débora?

3. ¿Jamüsü nünüiki Jeʼwaa nümüin Barac saashin Débora wanaa sümaa nushuteein Jabín otta Sísara naaʼu na israeliitakana? ¿Jara yaletüinjatka anülia sutuma ouktuin Sísara?

4. ¿Kasa saainjaka Jael sükajee meimmoluin shia?

5. ¿Kasa nnojotka naainjüin na israeliitakana ouktapa Jabín?

Asakiraa sooʼomüin:

1. Paashajeʼera Jueces 2:14-22.

   ¿Jamüshi jashichijaaka Jeʼwaa namüin na israeliitakana? ¿Kasa shikirajaka anain waya tia? (Jue. 2:20; Pro. 3:1, 2; Eze. 18:21-23.)

2. Paashajeʼera Jueces 4:1-24.

   ¿Kasa shikirajaka anain na jieyuu aʼyataakana nümüin Jeʼwaa sukuwaʼipa Débora otta Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Paashajeʼera Jueces 5:1-31.

   Maʼaka saaʼin Débora otta Barac, ¿kasa wachuntuinjatka süpüla tü kaʼi kanüliakat Armagedón? (Jue. 5:3, 31; 1 Cró. 16:8-10; Alat. Map. 7:9, 10; 16:16; 19:19-21.)

Aküjalaa 51

1. ¿Jamüsü sükolojooka Noemí suluʼumüin tü mmakat Moab?

2. ¿Jaralii na jieyuu kanüliakana Rut otta Orpá?

3. ¿Kasa saainjaka Rut otta Orpá wanaa sümaa naleʼejeʼenneein sutuma Noemí?

4. ¿Jarai chi wayuu kanüliakai Booz? ¿Kasa naainjaka süpüla nükaaliinjüin Rut otta Noemí?

5. ¿Kasaichi nünülia chi palajaikai nüchon Booz sümüin Rut? ¿Jamüshi sotuinjachika nia waaʼin?

Asakiraa sooʼomüin:

1. Paashajeʼera Rut 1:1-17.

   1. ¿Jamüsü sünüiki Rut sükajee alin maʼin Noemí süpüla? (Rut 1:16, 17.)

   2. Maʼaka saaʼin Rut, ¿kasa naainjaka na kepiainjanakana saaʼu tü mmakat namüin na chainjanakana aluwataain iipünaa? (Juan 10:16; Zac. 8:23.)

2. Paashajeʼera Rut 2:1-23.

   ¿Kasa shikirajaka anain na majayünnüükana tü saainjakat Rut? (Rut 2:17, 18; Pro. 23:22; 31:15.)

3. Paashajeʼera Rut 3:5-13.

   1. ¿Jamüsü nünüiki Booz sükajee kasaalüin Rut nümaa nuulia wanee jimaʼai?

   2. ¿Kasa shikirajaka anain waya aipüralüin maʼin Rut? (Rut 3:10; 1 Cor. 13:4, 5.)

4. Paashajeʼera Rut 4:7-17.

   ¿Kasa naainjüinjatka na tooloyuukana süpüla nashatüin nukuwaʼipa Booz? (Rut 4:9, 10; 1 Tim. 3:1, 12, 13; 5:8.)

Aküjalaa 52

1. ¿Jamüsü nakuwaʼipa na israeliitakana nachikuaʼa? ¿Jamüsü mojuka nakuwaʼipa?

2. ‹Wainma wayuu pümaa›, ¿jamüsü maka nünüiki Jeʼwaa nümüin Gedeón?

3. ¿Jeʼrashii wayuu apütüüka nüleʼejeʼerapa Gedeón nepialuʼumüin na wayuu eekana mmoluin?

4. ¿Kasa nuluwataaka anain Jeʼwaa Gedeón süpüla süpütüüin 300 wayuu nümaa? (Piirakaa sümüin tü ayaakuaakat).

5. ¿Kasa naainjaka Gedeón natkaainjanapa na wayuukana? ¿Jamüshii nakanajaka na israeliitakana?

Asakiraa sooʼomüin:

1. Paashajeʼera Jueces 6:36-40.

   1. ¿Kasa naainjaka Gedeón süpüla nütüjaain saaʼu tü keeʼireekat naaʼin Jeʼwaa?

   2. ¿Kasa waainjüinjatka süpüla watüjaain saaʼu tü keeʼireekat naaʼin Jeʼwaa? (Pro. 2:3-6; Mat. 7:7-11; 2 Tim. 3:16, 17.)

2. Paashajeʼera Jueces 7:1-25.

   1. ¿Kasa shikirajaka anain waya nakuwaʼipa na 300 wayuu eejakana aaʼin? (Jue. 7:3, 6; Roma 13:11, 12; Éfe. 5:15-17.)

   2. Maʼaka nashatüin nukuwaʼipa Gedeón na 300 wayuu eejakana aaʼin, ¿kasa waainjüinjatka süpüla washatüin nukuwaʼipa chi Gedeón miyoʼushikai, Jesucristo? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Jamüsü sünüiki Jueces 7:21 süpüla waʼyataainjanain eepünaale niʼitaain waya Jeʼwaa? (1 Cor. 4:2; 12:14-18; Sant. 4:10.)

3. Paashajeʼera Jueces 8:1-3.

   ¿Kasa waainjüinjatka süpüla anain wakuwaʼipa nümaa wanee wawala mojujiraaka amaa waya maʼaka naainjüin shia Gedeón namaa na efraimiitakana? (Pro. 15:1; Mat. 5:23, 24; Luc. 9:48.)

Aküjalaa 53

1. ¿Jarai chi wayuu kanüliakai Jefté? ¿Kasa naainjaka na israeliitakana soʼu nükalia Jefté?

2. ¿Jamüsü nünüiki Jefté nümüin Jeʼwaa?

3. ¿Jamüsü mojuka naaʼin Jefté nüleʼejapa sünainjee atkawaa?

4. ¿Jamüsü sünüiki tü nüchonkat Jefté sütüjaapa saaʼu tü nünüikikat nümüin Jeʼwaa?

5. ¿Jamüsü aika maʼin napüla na wayuukana tü nüchonkat Jefté?

Asakiraa sooʼomüin:

1. Paashajeʼera Jueces 10:6-18.

   ¿Kasa shikirajaka anain waya nnojoluin noonooin na israeliitakana nümüin Jeʼwaa? (Jue. 10:6, 15, 16; Roma 15:4; Alat. Map. 2:10.)

2. Paashajeʼera Jueces 11:1-11, 29-40.

   1. ¿Jamüsü watüjaaka saaʼu nnojoluin naʼajüinjatüin Jefté tü nüchonkat wanaa sümaa naapüin shia nümüin Jeʼwaa? (Jue. 11:31; Lev. 16:24; Deu. 18:10, 12.)

   2. ¿Kasa naapaka apüla Jefté tü nüchonkat nümüin Jeʼwaa?

   3. ¿Kasa shikirajaka anain waya nikeraajirüin nünüiki Jefté nümüin Jeʼwaa? (Jue. 11:35, 39; Ecl. 5:4, 5; Mat. 16:24.)

   4. ¿Kasa naainjüinjatka eeka jimaʼalin otta majayülüin süpüla nashatüin sukuwaʼipa nüchon Jefté? (Jue. 11:36; Mat. 6:33; Fil. 3:8.)

Aküjalaa 54

1. ¿Kasaichi nünülia chi wayuu katchinkai maʼin? ¿Jara katchinka atuma nia?

2. ¿Kasa naainjaka Sansón nüka wanee wasashi? (Piirakaa sümüin tü ayaakuaakat).

3. ¿Kasa nüküjaka Sansón sümüin Dalila suluʼu tü ayaakuaakat? ¿Jamüshi nütaʼünaka Sansón natuma na filisteokana?

4. ¿Kasa naainjaka Sansón süpüla nuʼutuin naaʼin 3.000 filisteo?

Asakiraa sooʼomüin:

1. Paashajeʼera Jueces 13:1-14.

   ¿Kasa shikirajaka anain na wayuu kachonshiikana tü naainjakat Manóah otta tü nuʼwayuusekat? (Jue. 13:8; Sal. 127:3; Éfe. 6:4.)

2. Paashajeʼera Jueces 14:5-9 otta 15:9-16.

   1. ¿Jamüsü watüjaaka saaʼu sükajatüin nütchin Jeʼwaa tü naainjakat Sansón nuʼutuin naaʼin wanee wasashi, nüchoujeʼerüin tü ejittaanakat aka nia otta nuʼutuin naaʼin 1.000 wayuu süka suwalainse püliiku?

   2. ¿Kasa nükaaliinjaka aka waya maaʼulu chi naaʼinkai Maleiwa? (Jue. 14:6; 15:14; Zac. 4:6; Aluw. 4:31.)

3. Paashajeʼera Jueces 16:18-31.

   ¿Kasa alataka nümüin Sansón sutuma aleewain nia sümaa wayuu manoujuinsat? ¿Kasa shikirajaka anain waya tia? (Jue. 16:18, 19; 1 Cor. 15:33.)

Aküjalaa 55

1. ¿Kasaichi nünülia chi jintüi suluʼukai tü ayaakuaakat? ¿Jaralii na nümaakana?

2. ¿Jamüsü sünüiki Ana nümüin Jeʼwaa wanaa sümaa chajatüin shia suluʼu tü aʼwaajüleekat? ¿Kasa naapaka Jeʼwaa mapa sümüin Ana?

3. ¿Jeʼra nuuyase Samuel niʼikajaanapa suluʼumüin tü aʼwaajüleekat süpüla niʼyataain nümüin Jeʼwaa? ¿Kasa sülüʼüjaka Ana juyawai nümüin Samuel?

4. ¿Kasaichi nanülia na nüchonniikana Elí? ¿Kasa naainjaka?

5. ¿Kasa naainjaka Jeʼwaa süpüla naashajaain nümaa Samuel? ¿Kasa nüküjaka Jeʼwaa nümüin Samuel?

6. ¿Kasa niʼyataaka anain Samuel mapa? ¿Jamüsü nanüiki na israeliitakana nümüin Samuel laülaapa nia?

Asakiraa sooʼomüin:

1. Paashajeʼera 1 Samuel 1:1-28.

   1. ¿Kasa shikirajaka anain na shikiishiikana napüshi tü naainjakat Elqaná? (1 Sam. 1:3, 21; Mat. 6:33; Fil. 1:10.)

   2. ¿Kasa shikirajaka anain waya tü saainjakat Ana wanaa sümaa mojuin saaʼin? (1 Sam. 1:10, 11; Sal. 55:22; Roma 12:12.)

2. Paashajeʼera 1 Samuel 2:11-36.

   ¿Kasa naainjaka Elí süpüla kojutuin nümüin na nüchonniikana nuulia Jeʼwaa? ¿Kasa shikirajaka anain waya tia? (1 Sam. 2:22-24, 27, 29; Deu. 21:18-21; Mat. 10:36, 37.)

3. Paashajeʼera 1 Samuel 4:16-18.

   ¿Kasa aküjünaka nümüin Elí? ¿Kasa alataka nümüin sutuma tia?

4. Paashajeʼera 1 Samuel 8:4-9.

   ¿Jamüsü mojuka naaʼin Jeʼwaa natuma na israeliitakana? ¿Kasa waainjüinjatka süpüla kojutuin wamüin tü nuluwataayakat Jeʼwaa? (1 Sam. 8:5, 7; Juan 17:16; Sant. 4:4.)

Aküjalaa 56

1. ¿Kasa naainjaka Samuel suluʼu tü ayaakuaakat? ¿Jamüsü naainjaka tia?

2. ¿Jamüshi talataka Jeʼwaa nümaa Saúl? ¿Kasa aküjünaka nüchiki Saúl?

3. ¿Kasaichi nünülia nüchon Saúl? ¿Kasa nükaaliinjaka anain Saúl?

4. ¿Jamüsü naainjaka Saúl tü naainjüinjatkat Samuel?

5. ¿Kasa shikirajaka anain waya tü naainjakat Saúl?

Asakiraa sooʼomüin:

1. Paashajeʼera 1 Samuel 9:15-21 otta 10:17-27.

   ¿Jamüshi nnojoika jashichijaain Saúl wanaa sümaa mojuin nanüiki wanee wayuuinnua nümüin? (1 Sam. 9:21; 10:21, 22, 27; Pro. 17:27.)

2. Paashajeʼera 1 Samuel 13:5-14.

   ¿Kasa tü mojukat naainjüin Saúl chaaʼaya Guilgal? (1 Sam. 10:8; 13:8, 9, 13.)

3. Paashajeʼera 1 Samuel 15:1-35.

   1. ¿Kasa naainjaka Saúl nümüin Agag nnojotka anain? (1 Sam. 15:2, 3, 8, 9, 22.)

   2. ¿Jamüsü nünüiki Saúl süpüla nunjulajüin tü kasa mojusü naainjakat? (1 Sam. 15:24.)

   3. ¿Kasa kanainjatka waaʼin wachiajaanüle? (1 Sam. 15:19-21; Sal. 141:5; Pro. 9:8, 9; 11:2.)

Aküjalaa 57

1. ¿Jarai chi jintüi suluʼukai tü ayaakuaakat? ¿Jamüshi meimmoluinka nia?

2. ¿Jalashi kepiain David? ¿Kasaichi nünülia chi nüshikai otta chi nutuushikai?

3. ¿Jamüshi nuluwataaka Jeʼwaa Samuel nipialuʼumüin Jesé?

4. ¿Kasa nnojotka naainjüin Jeʼwaa nüntirapa Jesé 7 nüchonnii?

5. ¿Jamüsü nünüiki Jeʼwaa nümüin Samuel nüntinnapa David?

Asakiraa sooʼomüin:

1. Paashajeʼera 1 Samuel 17:34, 35.

   ¿Jamüsü watüjaaka saaʼu meimmoluin otta niʼitaain naaʼin David nünain Jeʼwaa? (1 Sam. 17:37.)

2. Paashajeʼera 1 Samuel 16:1-14.

   1. ¿Jamüsü nünüiki Jeʼwaa suluʼu 1 Samuel 16:7 süpüla wanaawain wamüin wayuu otta nnojoluin mojuin wanüiki namüin sümaa nnojoluin weʼraajüin naya? (Aluw. 10:34, 35; 1 Tim. 2:4.)

   2. ¿Kasa alataka wanaa sümaa nüsünneʼerüin Jeʼwaa chi naaʼinkai nuulia wanee wayuu maʼaka naaʼin Saúl? (1 Sam. 16:14; Mat. 12:43-45; Gal. 5:16.)

Aküjalaa 58

1. ¿Jamüsü nünüiki Goliat namüin na israeliitakana?

2. ¿Jeʼra meetüro Goliat? ¿Kaseerü naapaka Saúl nümüin chi eekai nuʼutuin naaʼin Goliat?

3. ¿Jamüsü nünüiki David nümüin Saúl süka jintülin nia süpüla atkawaa?

4. ¿Jamüsü shiiʼiyatia nutuma David niʼitaain naaʼin nünain Jeʼwaa?

5. ¿Kasa nülüʼüjaka David süpüla nütkaain nümaa Goliat? (Piirakaa sümüin tü ayaakuaakat). ¿Kasa naainjaka na filisteokana neʼrapa ouktuin Goliat?

Asakiraa sooʼomüin:

1. Paashajeʼera 1 Samuel 17:1-54.

   1. ¿Jamüshi nnojoika mmoluin David? ¿Kasa waainjüinjatka süpüla washatüin nukuwaʼipa? (1 Sam. 17:37, 45; Éfe. 6:10, 11.)

   2. ¿Jamüshii nnojoluinjanaka wayoujiraain wanaa sümaa washaittüin? (1 Sam. 17:8; Gal. 5:26; 1 Tim. 4:8.)

   3. ¿Jamüsü nünüiki David süka niʼitaain naaʼin nünain Jeʼwaa? (1 Sam. 17:45-47; 2 Cró. 20:15.)

   4. Mayaapejee natkaain na israeliitakana namaa na filisteokana, ¿jamüshi niaka Jeʼwaa atkaain namaa na maleiwayaashiikana? (1 Sam. 17:43, 46, 47.)

   5. ¿Kasa naainjaka na chainjanakana aluwataain iipünaa süpüla neʼitaain naaʼin nünain Jeʼwaa maʼaka naaʼin David? (1 Sam. 17:37; Jer. 1:17-19; Alat. Map. 12:17.)

Aküjalaa 59

1. ¿Jamüshi nuchunjaka Saúl? ¿Jamüshi naataka Jonatán chi nüchonkai Saúl?

2. ¿Kasa naainjaka Saúl soʼu wanee kaʼi wanaa sümaa nütalejüin David tü arpakat?

3. ¿Kasa naainjüinjatka David süpüla naapüin Saúl tü nüchonkat nümüin? ¿Jamüshi nuluwataaka nia sünain tia?

4. ¿Kasa tü apünüintuakat naainjüin Saúl wanaa sümaa nütalejüin David tü arpakat? (Piirakaa sümüin tü ayaakuaakat).

5. ¿Kasa saainjaka Mical süpüla sükaaliinjüin David? ¿Kasa naainjüinjatka David soʼu 7 juya?

Asakiraa sooʼomüin:

1. Paashajeʼera 1 Samuel 18:1-30.

   1. ¿Jamüshii wanaawaka Jonatán otta David namaa na kepiainjanakana saaʼu tü mmakat otta na chainjanakana aluwataain iipünaa? (1 Sam. 18:1; Juan 10:16; Luc. 12:32; Zac. 8:23.)

   2. Mayaapejee niain Jonatán chi aluwataainjachikai nüchikijee Saúl, ¿kasa naainjaka süpüla kojutuin nümüin David saashin 1 Samuel 18:4?

   3. ¿Jamüshii eeka süpüla waainjüin kasa mojusü sutuma tü achunjaakat? ¿Kasa shikirajaka anain waya tü nukuwaʼipakat Saúl? (1 Sam. 18:7-9, 25; Sant. 3:14-16.)

2. Paashajeʼera 1 Samuel 19:1-17.

   ¿Jamüshi eeka süpüla ouktuin Jonatán sünainjee naashaajain nümaa Saúl nüpüleerua David? (1 Samuel 19:1, 4-6; Proverbios 16:14.)

Aküjalaa 60

1. ¿Kasaichi sünülia tü wayuu antakat nünainmüin David suluʼu tü ayaakuaakat? ¿Kasa aküjünaka süchiki?

2. ¿Jarai chi wayuu kanüliakai Nabal?

3. ¿Jamüshii nuluwataaka David wanee wayuuinnua eemüin Nabal?

4. ¿Jamüsü nünüiki Nabal namüin na wayuu nuluwataakana David? ¿Kasa naainjaka David süküjünapa nümüin tia?

5. ¿Jamüsü kekiika maʼin Abigail?

Asakiraa sooʼomüin:

1. Paashajeʼera 1 Samuel 22:1-4.

   ¿Kasa waainjüinjatka süpüla wakaaliinjüin na wawalayuukana maʼaka saaʼin nüpüshi David? (Pro. 17:17; 1 Tes. 5:14.)

2. Paashajeʼera 1 Samuel 25:1-43.

   1. ¿Jamüsü mojuka pütchi nüchiki Nabal? (1 Sam. 25:2-5, 10, 14, 21, 25.)

   2. ¿Kasa shikirajaka anain na jieyuu kaʼwayuuseshiikana sukuwaʼipa Abigail? (1 Sam. 25:32, 33; Pro. 31:26; Éfe. 5:24.)

   3. ¿Kasa nnojotka naainjüin David sutuma Abigail? (1 Sam. 25:31, 33; Roma 12:19; Éfe. 4:26.)

   4. ¿Kasa shikirajaka anain na tooloyuukana tü naainjakat David sutuma sünüiki Abigail? (Aluw. 21:8, 9; Roma 2:11; 1 Ped. 3:7.)

Aküjalaa 61

1. ¿Kasa naainjaka David otta Abisai wanaa sümaa nutunkuin Saúl?

2. ¿Jamüsü nünüiki David nümüin Saúl?

3. ¿Jalamüinshi aʼluwataain David süchikijee naashajaain nümaa Saúl?

4. ¿Jamüsü mojuka maʼin naaʼin David sümaa niiʼirajüin?

5. ¿Jeʼra nuuyase David wanaa sümaa nuluwataain Hebrón? ¿Kasaichi nanülia napüshi na nüchonniikana?

6. ¿Jalashi aluwataain David mapa?

Asakiraa sooʼomüin:

1. Paashajeʼera 1 Samuel 26:1-25.

   1. ¿Jamüsü nünüiki David suluʼu 1 Samuel 26:11 sükajee kojutuin nümüin tü kasa niʼinaajalakat Jeʼwaa? (Sal. 37:7; Roma 13:2.)

   2. ¿Jamüsü sünüiki 1 Samuel 26:23 süchiki tü wakuwaʼipainjatkat nnojorüle saapünüin wamüin analuʼulu sükajee tü kasa anasü waainjakat? (1 Rey. 8:32; Sal. 18:20.)

2. Paashajeʼera 2 Samuel 1:26.

   ¿Kasa waainjüinjatka süpüla aijiraainjanain waya maʼaka naaʼin David otta Jonatán? (1 Ped. 4:8; Col. 3:14; 1 Juan 4:12.)

3. Paashajeʼera 2 Samuel 5:1-10.

   1. ¿Jeʼra juya nuluwataain David? ¿Jeʼrasü mma nuluwataaka aluʼu? (2 Sam. 5:4, 5.)

   2. ¿Jamüsü anaka maʼin nuluwataaya David? ¿Kasa sotoka waaʼin sutuma tia? (2 Sam. 5:10; 1 Sam. 16:13; 1 Cor. 1:31; Fil. 4:13.)

Aküjalaa 62

1. ¿Kasa aapünaka namüin na israeliitakana sükajee nakaaliinjünüin nutuma Jeʼwaa?

2. ¿Kasa niʼraka David wanaa sümaa chajachin nia nipialuʼu?

3. ¿Jamüshi jashichika maʼin Jeʼwaa nümüin David?

4. ¿Jarai chi wayuu aashajaakai nümaa David suluʼu tü ayaakuaakat? ¿Jamüsü nünüiki Jeʼwaa nümüin David?

5. ¿Kasa alataka sümüin nüpüshi David?

6. ¿Jara aluwataaka nüchikumüin David?

Asakiraa sooʼomüin:

1. Paashajeʼera 2 Samuel 11:1-27.

   1. ¿Jamüsü anaka wakuwaʼipa waʼyataale maʼin nümüin Jeʼwaa?

   2. ¿Jamüshi kaainjalaka David? ¿Kasa shikirajaka anain waya tia? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Paashajeʼera 2 Samuel 12:1-18.

   1. ¿Kasa shikirajaka anain na laülaashiikana suluʼu tü outkajaaleekat otta na kachonshiikana sukuwaʼipa nünüiki Natán nümüin David? (2 Sam. 12:1-4; Pro. 12:18; Mat. 13:34.)

   2. ¿Jamüshi nümüliajaka Jeʼwaa David? (2 Sam. 12:13; Sal. 32:5; 2 Cor. 7:9, 10.)

Aküjalaa 63

1. ¿Jamüsü nünüiki Jeʼwaa nümüin Salomón? ¿Jamüsü nünüiki Salomón?

2. ¿Jamüsü nünüiki Jeʼwaa nümüin Salomón sükajee talatüin nia sümaa tü nuchuntakat?

3. ¿Kasa alataka namüin na piamashii jieyuu antakana nünainmüin Salomón?

4. ¿Kasa naainjaka Salomón süpüla nükaaliinjüin na jieyuukana? (Piirakaa sümüin tü ayaakuaakat).

5. ¿Jamüsü nakuwaʼipa na israeliitakana wanaa sümaa nuluwataain Salomón?

Asakiraa sooʼomüin:

1. Paashajeʼera 1 Reyes 3:3-28.

   1. ¿Kasa shikirajaka anain na shikiishiikana tü aʼyatawaakat nümüin Jeʼwaa tü nüküjakat Salomón suluʼu 1 Reyes 3:7? (Sal. 119:105; Pro. 3:5, 6.)

   2. ¿Kasa tü anakat süpüla wachuntuin nümüin Maleiwa maʼaka saaʼin tü nuchuntakat Salomón? (1 Rey. 3:9, 11; Pro. 30:8, 9; 1 Juan 5:14.)

   3. Sünainjee tü naainjakat Salomón namüin na piamashiikana jieyuu, ¿jamüsü weʼitaainjatka waaʼin sünain nuluwataaya chi Salomón Miyoʼushikai Jesucristo? (1 Rey. 3:28; Isa. 9:6, 7; 11:2-4.)

2. Paashajeʼera 1 Reyes 4:29-34.

   1. ¿Kasa naapaka Jeʼwaa nümüin Salomón süka nuchuntuin noonooin nümüin? (1 Rey. 4:29.)

   2. Sükajee wainmain wayuu aapajeeka maʼin nünüiki Salomón, ¿jamüinjatü waaʼin wanaa sümaa wekirajaain sünain tü Wiwüliakat? (1 Rey. 4:29, 34; Juan 17:3; 2 Tim. 3:16.)

Aküjalaa 64

1. ¿Jeʼra juya Salomón sünain akumajaa tü aʼwaajüleekat? ¿Jamüsü kojutuka maʼin shia?

2. ¿Jeʼra sütaüjia tü aʼwaajüleekat? ¿Kasa eʼitaanaka suluʼu tü sütaüjia miyoʼukat?

3. ¿Jamüsü nünüiki Salomón nümüin Jeʼwaa kettaapa tü piichikat?

4. ¿Kasa naainjaka Jeʼwaa süpüla niiʼiyatüin talatüin nia sümaa nünüiki Salomón?

5. ¿Kasa nunoujaka anain Salomón sutuma tü nuʼwayuusekalüirua? ¿Jamüshi nia sutuma tia?

6. ¿Jamüshi jashichika Jeʼwaa nümüin Salomón? ¿Jamüsü nünüiki Jeʼwaa nümüin?

Asakiraa sooʼomüin:

1. Paashajeʼera 1 Crónicas 28:9, 10.

   ¿Kasa waainjüinjatka waneepia naashin David suluʼu 1 Crónicas 28:9, 10? (Sal. 19:14; Fil. 4:8, 9.)

2. Paashajeʼera 2 Crónicas 6:12-21, 32-42.

   1. ¿Jamüsü nünüiki Salomón sükajee nnojoluin süpüla kepiain Maleiwa suluʼu piichi sukumajala wayuu? (2 Cró. 6:18; Aluw. 17:24, 25.)

   2. ¿Kasa shikirajaka anain waya nüchiki Jeʼwaa tü nümakat Salomón suluʼu 2 Crónicas 6:32, 33? (Aluw. 10:34, 35; Gal. 2:6.)

3. Paashajeʼera 2 Crónicas 7:1-5.

   Maʼaka naʼwaajüin Jeʼwaa na israeliita sutuma neʼrüin chuwatuulin tü aʼwaajüleekat, ¿kasa waainjüinjatka sutuma tü kasa anasü naapakat wamüin? (2 Cró. 7:3; Sal. 22:22; 34:1; 96:2.)

4. Paashajeʼera 1 Reyes 11:9-13.

   Sünainjee tü alatakat nümüin Salomón, ¿jamüsü anaka maʼin wachecherüle waaʼin sünain anoujaa waneepia? (1 Rey. 11:4, 9; Mat. 10:22; Alat. Map. 2:10.)

Aküjalaa 65

1. ¿Kasaichi nanülia na wayuu suluʼukana tü ayaakuaakat? ¿Kasa aküjünaka nachiki?

2. ¿Kasa naainjaka Ahíya süka tü nüsheʼinkat? ¿Jamüsü naainjaka tia?

3. ¿Kasa naainjeeka Salomón nüka Jeroboán?

4. ¿Jamüshi nuluwataaka Jeroboán natuma na wayuukana saaʼu 10 eʼirukuu?

5. ¿Jamüsü naainjaka Jeroboán piamasü shiyaakua paaʼa? ¿Kasa naainjaka maʼin na wayuukana mapa?

6. ¿Kasa alataka sümüin tü piamasükat eʼirukuu otta tü aʼwaajüleekat?

Asakiraa sooʼomüin:

1. Paashajeʼera 1 Reyes 11:26-43.

   ¿Kasa aküjünaka nüchiki Jeroboán? ¿Kasa naapüinjatka Jeʼwaa nümüin noonoole waneepia? (1 Rey. 11:28, 38.)

2. Paashajeʼera 1 Reyes 12:1-33.

   1. ¿Kasa shikirajaka anain na kachonshiikana otta na laülaashiikana suluʼu tü outkajaaleekat tü nukuwaʼipakat Rehoboam? (1 Rey. 12:13; Ecl. 7:7; 1 Ped. 5:2, 3.)

   2. ¿Jaralii naashajaainjanaka amaa eeka jimaʼalin otta majayülüin süpülapünaa naainjüin wanee kasa? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Jamüsü nukumajaka Jeroboán piamasü shiyaakua paaʼa? ¿Jamüsü mojuka tia nümüin Jeʼwaa? (1 Rey. 11:37; 12:26-28.)

   4. ¿Jarai chi ooʼuleʼerakai tü poloosükat eʼirukuu suulia aʼwaajaa Jeʼwaa? (1 Rey. 12:32, 33.)

Aküjalaa 66

1. ¿Jarat tü wayuu kanüliakat Jezabel?

2. ¿Jamüsü mojuka naaʼin Acab soʼu wanee kaʼi?

3. ¿Kasa saainjaka Jezabel süpüla saapüinjatüin naʼapainse Nabot nümüin Acab?

4. ¿Jarai chi nuluwataakai Jeʼwaa süpüla nuʼutuin saaʼin Jezabel?

5. ¿Kasa alataka nüntapa Jehú eemüin Jezabel? (Piirakaa sümüin tü ayaakuaakat).

Asakiraa sooʼomüin:

1. Paashajeʼera 1 Reyes 16:29-33 otta 18:3, 4.

   ¿Kasa tü aainjünakat Israel wanaa sümaa nuluwataain Acab? (1 Rey. 14:9.)

2. Paashajeʼera 1 Reyes 21:1-16.

   1. ¿Kasa naainjaka Nabot sükajee meimmoluin otta noonooin waneepia nümüin Jeʼwaa? (1 Rey. 21:1-3; Lev. 25:23-28.)

   2. ¿Kasa shikirajaka anain waya tü naainjakat Acab wanaa sümaa nnojoluin wousütuin tü keeʼireekat waaʼin? (1 Rey. 21:4; Roma 5:3-5.)

3. Paashajeʼera 2 Reyes 9:30-37.

   ¿Kasa shikirajaka anain waya naainjamaatüin Jehú tü keeʼireekat naaʼin Jeʼwaa? (2 Rey. 9:4-10; 2 Cor. 9:1, 2; 2 Tim. 4:2.)

Aküjalaa 67

1. ¿Jarai chi wayuu kanüliakai Jehosafat? ¿Jaralii na aluwataakana wanaa sümaa eejachin nia?

2. ¿Jamüshii mmotka na israeliitakana? ¿Kasa naainjaka sutuma tia?

3. ¿Jamüsü nünüiki Jeʼwaa nümüin Jehosafat nüka wanee wayuu?

4. ¿Kasa alataka nutuma Jeʼwaa nalüʼütpa süpüla atkawaa na israeliitakana?

5. ¿Kasa shikirajaka anain waya nukuwaʼipa Jehosafat?

Asakiraa sooʼomüin:

1. Paashajeʼera 2 Crónicas 20:1-30.

   1. ¿Kasa waainjüinjatka sülatüle wamüin kasa mojusü maʼaka naaʼin Jehosafat? (2 Cró. 20:12; Sal. 25:15; 62:1.)

   2. ¿Jaralii na niʼitaakana Jeʼwaa maaʼulu süpüla naküjüin nünüiki maʼaka naainjapuʼuin shia sümaiwa? (2 Cró. 20:14, 15; Mat. 24:45-47; Juan 15:15.)

   3. ¿Jamüsü meetka wakuwaʼipa maʼaka naaʼin Jehosafat nütkaapeena Jeʼwaa soʼu Armagedón? (2 Cró. 20:15, 17; 32:8; Alat. Map. 16:14, 16.)

   4. ¿Jamüsü wanaawaka nakuwaʼipa namaa na leviitakana na aküjüliikana pütchi waneepia otta na aküjakana pütchi suluʼu wanee mma naata? (2 Cró. 20:19, 21; Roma 10:13-15; 2 Tim. 4:2.)

Aküjalaa 68

1. ¿Jaralii na wayuu suluʼukana tü ayaakuaakat? ¿Kasa alataka nümüin chi jintüikai soʼu wanee kaʼi?

2. ¿Kasa nuchuntaka Elías nümüin Jeʼwaa nüpüleerua chi jintüikai? ¿Kasa alataka mapa?

3. ¿Kasaichi nünülia chi akaaliinjakai Elías?

4. ¿Jamüshi süsaajaka Eliseo tü wayuu chejeʼewatkat Sunem?

5. ¿Kasa naainjaka Eliseo nüka chi ouktushikai? ¿Kasa alataka nümüin chi jintüikai?

6. ¿Kasa eeka süpüla naainjüin Jeʼwaa maʼaka naainjüin shia nükajee Elías otta Eliseo?

Asakiraa sooʼomüin:

1. Paashajeʼera 1 Reyes 17:8-24.

   1. ¿Kasa alataka nümüin Elías sutuma nunoujuin otta noonooin nümüin Maleiwa?(1 Rey. 17:9; 19:1-4, 10.)

   2. ¿Kasa saainjaka tü wayuu chejeʼewatkat Sarepta sükajee sunoujuin maʼin nünain Maleiwa? (1 Rey. 17:12-16; Luc. 4:25, 26.)

   3. ¿Jamüsü shiimainka tü nümakat Jesús suluʼu Mateo 10: 41, 42 sutuma tü alatakat sümüin tü wayuu chejeʼewatkat Sarepta? (1 Rey. 17:10-12, 17, 23, 24.)

2. Paashajeʼera 2 Reyes 4:8-37.

   1. ¿Kasa shikirajaka anain waya sukuwaʼipa tü wayuu chejeʼewatkat Sunem? (2 Rey. 4:8; Luc. 6:38; Roma 12:13; 1 Juan 3:17.)

   2. ¿Kasa eeka süpüla waainjüin napüleerua na aʼyataakana nümüin Maleiwa maaʼulu? (Aluw. 20:35; 28:1, 2; Gal. 6:9, 10; Heb. 6:10.)

Aküjalaa 69

1. ¿Kasa saashajaaka achiki tü jintut suluʼukat tü ayaakuaakat?

2. ¿Jarat tü wayuu suluʼukat tü ayaakuaakat? ¿Jamakuwaʼipat tü jintutkat shipialuʼu?

3. ¿Kasa nüküjaka chi nüchepchiakai Eliseo nümüin Naamán? ¿Jamüshi jashichika maʼin Naamán?

4. ¿Kasa alataka nümüin Naamán noonoopa nümüin chi nüchepchiakai?

5. ¿Jamüsü nnojotka naapaain Eliseo nukoloin Naamán? ¿Kasa naainjaka Guehazí?

6. ¿Kasa alataka nümüin Guehazí? ¿Kasa shikirajaka anain waya tia?

Asakiraa sooʼomüin:

1. Paashajeʼera 2 Reyes 5:1-27.

   1. ¿Kasa shikirajaka anain na tepichikana sukuwaʼipa tü jintut israeliitakat? (2 Rey. 5:3; Sal. 8:2; 148:12, 13.)

   2. ¿Jamüsü sotuinjatka waaʼin nukuwaʼipa Naamán wachiaanüle sükajee tü Wiwüliakat? (2 Rey. 5:15; Heb. 12:5, 6; Sant. 4:6.)

   3. ¿Kasa shikirajaka anain waya nukuwaʼipa Eliseo otta Guehazí? (2 Rey. 5:9, 10, 14-16, 20; Mat. 10:8; Aluw. 5:1-5; 2 Cor. 2:17.)

Aküjalaa 70

1. ¿Jarai chi wayuu kanüliakai Jonás? ¿Jamüsü nünüiki Jeʼwaa nümüin?

2. ¿Kasa naainjaka Jonás sükajee nnojoluin nuʼuneein Nínivemüin?

3. ¿Jamüsü nünüiki Jonás namüin na anuwapuʼukana süpüla shiimalaain tü juyakat?

4. ¿Kasa alataka nümüin Jonás nimerotopa shiroku tü palaakat? (Piirakaa sümüin tü ayaakuaakat).

5. ¿Jeʼra kaʼi Jonás süleʼeruʼu tü jimekat? ¿Kasa naainjaka sutuma tia?

6. ¿Jalashi oʼunuin Jonás süchikijee seetüin nia tü jimekat? ¿Kasa shikirajaka anain waya tia?

Asakiraa sooʼomüin:

1. Paashajeʼera Jonás 1:1-17.

   ¿Jamüshi nnojoika nuʼunuin Jonás sünain aküjaa pütchi Nínivemüin? (Jon. 1:2, 3; Pro. 3:7; Ecl. 8:12.)

2. Paashajeʼera Jonás 2:1, 2, 10.

   ¿Jamüsü watüjaaka saaʼu naapeerüin wanüiki Jeʼwaa maʼaka naapüin nünüiki Jonás? (Sal. 22:24; 34:6; 1 Juan 5:14.)

3. Paashajeʼera Jonás 3:1-10.

   1. ¿Jamüsü waaʼin sutuma niʼyateʼerüin Jeʼwaa Jonás nüchikuaʼa sümaa nnojoluin noonooin paala? (Sal. 103:14; 1 Ped. 5:10.)

   2. ¿Jamüsü sotuinjatka waaʼin tü alatakat nümüin Jonás otta na níniviitakana süpüla nnojoluin mojuin wanüiki nachiki na wayuu waküjakana amüin pütchi? (Jon. 3:6-9; Ecl. 11:6; Aluw. 13:48.)

Aküjalaa 71

1. ¿Jarai chi wayuu kanüliakai Isaías? ¿Jara kachikumüinka nia? ¿Kasa niiʼiyataka Jeʼwaa nümüin?

2. ¿Kasa wayuu tü paraiisükat? ¿Kasa sotoka paaʼin sutuma?

3. ¿Kasa nüshajiraka Jeʼwaa Isaías süchiki tü mma anasükat?

4. ¿Jamüshii najünajaanaka Adán otta Eva suluʼujee tü mma anasükat?

5. ¿Kasa naapüinjatka Jeʼwaa namüin na aikana apüla nia?

Asakiraa sooʼomüin:

1. Paashajeʼera Isaías 11:6-9.

   1. ¿Jamüsü sünüiki tü Wiwüliakat süchiki tü nakuwaʼipainjatkat na wayuukana otta na mürütkana suluʼu tü mma anasükat? (Sal. 148:10, 13; Isa. 65:25; Eze. 34:25.)

   2. ¿Jamüsü shikeraajia nanain na anoujashiikana tü nüküjakat Isaías? (Roma 12:2; Éfe. 4:23, 24.)

   3. ¿Jarai chi kojutuinjachikai sükajee shiiʼiranajaain nakuwaʼipa na wayuukana maaʼulu otta suluʼu tü mma anasükat? (Isa. 48:17, 18; Gal. 5:22, 23; Fil. 4:7.)

2. Paashajeʼera Alateetkat Mapeena 21:3, 4.

   1. Eeinjachi Maleiwa sümaa wayuu saashin tü Wiwüliakat, ¿jamaluʼulu tia? (Lev. 26:11, 12; 2 Cró. 6:18; Isa. 66:1; Alat. Map. 21:2, 3, 22-24.)

   2. ¿Kasa tü najaʼlajeʼerüinjatkat Maleiwa? (Luc. 8:49-52; Roma 8:21, 22; Alat. Map. 21:4.)

Aküjalaa 72

1. ¿Jarai chi wayuu suluʼukai tü ayaakuaakat? ¿Jamüsü sülataka kasa mojusü nümüin?

2. ¿Jara kakaraloukseka tü niʼitaakat Ezequías eeka tü aʼwaajüleekat? ¿Jamüsü nünüiki Ezequías nümüin Maleiwa?

3. ¿Kasa aküjünaka nüchiki Ezequías? ¿Jamüsü nünüiki Jeʼwaa nümüin nükajee Isaías?

4. ¿Jamüshii na asiriajeʼewaliikana nutuma wanee aapiee? (Piirakaa sümüin tü ayaakuaakat).

5. Mayaapejee nnojoluin sütkaain tü piamasükat eʼirukuu, ¿kasa alataka ouktapa Ezequías?

Asakiraa sooʼomüin:

1. Paashajeʼera 2 Reyes 18:1-36.

   1. ¿Kasa naainjaka Rabsaqué süpüla nooʼulaain na israeliitakana suulia anoujaa nünain Jeʼwaa? (2 Rey. 18:19, 21; Éxo. 5:2; Sal. 64:3.)

   2. ¿Kasa naainjaka na aküjüliikana pütchi nüchiki Jeʼwaa müliale naya atumawaa maʼaka naaʼin Ezequías? (2 Rey. 18:36; Sal. 39:1; Pro. 26:4; 2 Tim. 2:24.)

2. Paashajeʼera 2 Reyes 19:1-37.

   1. ¿Kasa waainjüinjatka sülatüle kasa mojusü wamüin maʼaka naaʼin Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Kasa alataka nümüin Senaquerib? ¿Jara kayaakuayaaka nia? (2 Rey. 19:32, 35, 37; Alat. Map. 20:2, 3.)

3. Paashajeʼera 2 Reyes 21:1-6, 16.

   ¿Jamüshi niaka Manasés wanee aluwataai mojulaashi maʼin? (2 Cró. 33:4-6, 9.)

Aküjalaa 73

1. ¿Jeʼra nuuyase Josías nuluwataapa? ¿Kasa naainjaka nuluwataapa soʼu 7 juya?

2. ¿Kasa naainjaka Josías suluʼu tü palajatkat ayaakuaa?

3. ¿Kasa nuusütaka Hilquías wanaa sümaa sukumajünüin tü aʼwaajüleekat Jeʼwaa?

4. ¿Jamüsü nüchatajaaka nüsheʼin Josías?

5. ¿Kasa pütchi nümüinjatü Josías süküjaka Huldá?

Asakiraa sooʼomüin:

1. Paashajeʼera 2 Crónicas 34:1-28.

   1. ¿Kasa shikirajaka anain nukuwaʼipa Josías na wayuu mojukana akuwaʼipa tepichiiwaʼaya naya? (2 Cró. 33:21-25; 34:1, 2; Sal. 27:10.)

   2. ¿Kasa naainjaka Josías nuluwataapa soʼu 8, 12 otta 18 juya süpüla kojutuinjatüin tü aʼwaajaakat Jeʼwaa? (2 Cró. 34:3, 8.)

   3. ¿Kasa shikirajaka anain waya tü naainjakat Josías otta Hilquías süka tü aʼwaajüleekat Jeʼwaa? (2 Cró. 34:9-13; Pro. 11:14; 1 Cor. 10:31.)

Aküjalaa 74

1. ¿Jarai chi jimaʼai suluʼukai tü ayaakuaakat?

2. ¿Jamüsü nünüiki Jeremías nüneekapa Jeʼwaa nia süpüla nünüikimaainjachin? ¿Jamüsü nünüiki Jeʼwaa nümüin?

3. ¿Kasa pütchi ayataka nüküjüin Jeremías namüin na wayuukana?

4. ¿Kasa naainjaka na sacerdotekana süpüla nooʼuleʼerüin Jeremías suulia aküjaa pütchi? ¿Jamüsü nünüiki Jeremías süka nnojoluin mmoluin nia?

5. ¿Kasa alataka mapa namüin na israeliitakana sükajee ayatüin naainjüin kasa mojusü?

Asakiraa sooʼomüin:

1. Paashajeʼera Jeremías 1:1-8.

   1. ¿Jarai chi akaaliinjaka waya süpüla waʼyataain nümüin Jeʼwaa maʼaka naaʼin Jeremías? (2 Cor. 3:5, 6.)

   2. ¿Kasa shikirajaka anain eeka jimaʼalin otta majayülüin tü nukuwaʼipakat Jeremías? (Ecl. 12:1; 1 Tim. 4:12.)

2. Paashajeʼera Jeremías 10:1-5.

   ¿Kasa niiʼiyataka aka Jeremías mojuin anoujaa sünain tü maleiwayaasükat? (Jer. 10:5; Isa. 46:7; Hab. 2:19.)

3. Paashajeʼera Jeremías 26:1-16.

   1. ¿Kasa naainjaka na chainjanakana iipünaa süpüla noonooin sümüin tü pütchi aküjünakat nümüin Jeremías nnojoluinjatüin nüsünneʼerüin süpüshi tü pütchikat? (Jer. 26:2; Deu. 4:2; Aluw. 20:27.)

   2. ¿Kasa shikirajaka anain na aküjüliikana pütchi nüchiki Jeʼwaa tü nukuwaʼipakat Jeremías sünain aküjaa pütchi? (Jer. 26:8, 12, 14, 15; 2 Tim. 4:1-5.)

4. Paashajeʼera 2 Reyes 24:1-17.

   ¿Kasa alataka namüin na nüpüshikana judá sükajee nnojoluin noonooin nümüin Jeʼwaa? (2 Rey. 24:2-4, 14.)

Aküjalaa 75

1. ¿Kasaichi nanülia na jimaʼalii suluʼukana tü ayaakuaakat? ¿Jamüshii chaka naya Babilonia?

2. ¿Jamüshii nümaaka Nabucodonosor na jimaʼaliikana Babiloniamüin? ¿Kasa nuluwataaka anain na aʼyataashiikana nümüin?

3. ¿Jamüsü nünüiki Daniel nümüin chi eʼrajüikai naaʼu nutuma Aspenaz?

4. ¿Jamüshi Daniel otta na naʼaleewainkana sülatapa 10 kaʼi sünain neküin süchon wunuʼu?

5. ¿Jamüshii neʼikajaanaka na jimaʼaliikana eemüin Nabucodonosor? ¿Jamüshii kekiika maʼin naya noulia na sacerdotekana otta na ooʼulaküliikana?

Asakiraa sooʼomüin:

1. Paashajeʼera Daniel 1:1-21.

   1. ¿Kasa waainjüinjatka süpüla wachecherüin waaʼin suulia aainjaa kasa mojusü otta wasünneʼerüin shia woulia? (Dan. 1:8; Gén. 39:7, 10; Gal. 6:9.)

   2. ¿Kasa tü ooʼulakünakat aka naaʼin eeka jimaʼalin otta majayülüin? (Dan. 1:8; Pro. 20:1; 2 Cor. 6:17–7:1.)

   3. ¿Kasa shikirajaka anain waya nakuwaʼipa na pienchishiikana jimaʼalii kekiiweere waya nanainjee na manoujuinsaliikana? (Dan. 1:20; Isa. 54:13; 1 Cor. 3:18-20.)

Aküjalaa 76

1. ¿Kasa alataka sümüin Jerusalén otta na israeliita suluʼukana tü ayaakuaakat?

2. ¿Jarai chi wayuu kanüliakai Ezequiel? ¿Kasa niiʼiyataka Jeʼwaa nümüin?

3. ¿Kasa alatajatka namüin na israeliitakana süka nnojoluin kojutuin Jeʼwaa namüin?

4. ¿Kasa naainjaka Nabucodonosor sükajee eʼrüliijaain wayumüin na israeliitakana nümüin?

5. ¿Jamüshii nuuʼulaaka Jeʼwaa püreesain na israeliitakana otta saʼajünüin Jerusalén?

6. ¿Jamüsü nnojotka wayuu suluʼu tü mmakat Israel? ¿Jeʼrainjatü juya müin shia?

Asakiraa sooʼomüin:

1. Paashajeʼera 2 Reyes 25:1-26.

   1. ¿Jarai chi wayuu kanüliakai Sedequías? ¿Kasa alataka nümüin? ¿Kasa pütchi ekeraajaka nutuma? (2 Rey. 25:5-7; Eze. 12:13-15.)

   2. ¿Jarai chi aainjirakai na israeliitakana kasa mojusü naashin Jeʼwaa? (2 Rey. 25:9, 11, 12, 18, 19; 2 Cró. 36:14, 17.)

2. Paashajeʼera Ezequiel 8:1-18.

   ¿Jamüsü süshataka tü iküleesia nnojotkat shiimain na israeliita aʼwaajakana chi Kaʼikai? (Eze. 8:16; Isa. 5:20, 21; Juan 3:19-21; 2 Tim. 4:3.)

Aküjalaa 77

1. ¿Jamüsü nünüiki Nabucodonosor namüin na wayuu neenajirakana?

2. ¿Jamüshii nnojoliika nasapainkain na apünüinshiikana jimaʼalii?

3. ¿Jamüsü nanüiki na apünüinshiikana jimaʼalii nuluwataapa naya Nabucodonosor nachikuaʼa süpüla nasapainkain?

4. ¿Kasa naainjüinjatka na wayuu katchinkana maʼin nüka Sadrac, Mesac otta Abednego naashin Nabucodonosor?

5. ¿Kasa niʼraka chi aluwataaikai niirakaapa sümüin tü sikikat?

6. ¿Jamüshi nuʼwaajaka Nabucodonosor Nümaleiwase Sadrac, Mesac otta Abednego? ¿Kasa shikirajaka anain waya tia?

Asakiraa sooʼomüin:

1. Paashajeʼera Daniel 3:1-30.

   1. ¿Kasa shikirajaka anain waya nakuwaʼipa na apünüinshiikana jimaʼalii wanaa sümaa suuʼulakünüin waaʼin? (Dan. 3:17, 18; Mat. 10:28; Roma 14:7, 8.)

   2. ¿Jamüsü nünüiki Nabucodonosor nüchiki Jeʼwaa? (Dan. 3:28, 29; 4:34, 35.)

Aküjalaa 78

1. ¿Kasa eejaaka wanaa sümaa nikaain otta nüsaain chi aluwataaikai Babilonia suluʼu tü iita chajatkat suluʼu tü aʼwaajüleekat Jeʼwaa?

2. ¿Jamüsü nünüiki Belsasar namüin na ooʼulaküliikana? ¿Kasa isaka nachiki na ooʼulaküliikana?

3. ¿Jamüsü sünüiki nii Belsasar?

4. ¿Jamüsü nüshajiraka Maleiwa tü pütchikat naashin Daniel?

5. ¿Jamaluʼulu tü pütchikat naashin Daniel?

6. ¿Kasa alataka naashajaaiwaʼaya Daniel?

Asakiraa sooʼomüin:

1. Paashajeʼera Daniel 5:1-31.

   1. ¿Jamüsü naataka tü mmoluukat neema Jeʼwaa suulia tü alatakat nümüin Belsasar wanaa sümaa niʼrüin tü pütchi ashajünakat? (Dan. 5:6, 7; Sal. 19:9; Roma 8:35-39.)

   2. ¿Jamüsü nünüiki Daniel sükajee meimmoluin nia sünain aashajawaa nümüin Belsasar otta na nümaajanakana? (Dan. 5:17, 18, 22, 26-28; Aluw. 4:29.)

   3. ¿Jamüsü kojutuka nuluwataaya Jeʼwaa saashin tü karalouktakat Daniel kapiitulo 5? (Dan. 4:17, 25; 5:21.)

Aküjalaa 79

1. ¿Jarai chi wayuu kanüliakai Darío? ¿Jamüshi talataka nia nümaa Daniel?

2. ¿Kasa nüshajaka Darío natuma wanee wayuu mojulaashii?

3. ¿Kasa naainjaka Daniel naapapa süchiki tü pütchi nüshajakat Darío?

4. ¿Jamüsü mojuka maʼin naaʼin Darío? ¿Kasa naainjaka waneemüin kaʼi?

5. ¿Jamüsü nünüiki Daniel nümüin Darío?

6. ¿Kasa alataka namüin na wayuu oʼuteekana naaʼin Daniel? ¿Jamüsü nünüiki Darío namüin napüshuaʼa na wayuukana?

Asakiraa sooʼomüin:

1. Paashajeʼera Daniel 6:1-28.

   1. ¿Kasa aainjünaka maaʼulu namüin na aküjüliikana pütchi nüchiki Jeʼwaa maʼaka tü aainjünakat nümüin Daniel? (Dan. 6:7; Sal. 94:20; Isa. 10:1; Roma 8:31.)

   2. ¿Kasa shikirajaka anain waya nukuwaʼipa Daniel wanaa sümaa nuluwataanüin nutuma chi sülaülakai mma? (Dan. 6:5, 10; Roma 13:1; Aluw. 5:29.)

   3. ¿Kasa waainjüinjatka süpüla waʼyataain waneepia nümüin Jeʼwaa maʼaka naaʼin Daniel? (Dan. 6:16, 20; Fil. 3:16; Alat. Map. 7:15.)

Aküjalaa 80

1. ¿Kasa naainjaka na israeliitakana suluʼu tü ayaakuaakat?

2. ¿Naainjüin Ciro tü nüküjakat Jeʼwaa nümüin Isaías?

3. ¿Jamüsü nünüiki Ciro namüin na nnojoliikana oʼunuin Jerusalénmüin?

4. ¿Kasa naapaka Ciro namüin na oʼunakana Jerusalénmüin?

5. ¿Jeʼra kashi süpüla nantüin na israeliitakana Jerusalénmüin?

6. ¿Jeʼra juya alatüsü süchikijee nnojoluin wayuu suluʼu Jerusalén?

Asakiraa sooʼomüin:

1. Paashajeʼera Isaías 44:28 otta 45:1-4.

   1. ¿Jamüsü nünüiki Jeʼwaa süchiki tü pütchi ekeraajakat nutuma Ciro? (Isa. 55:10, 11; Roma 4:17.)

   2. ¿Jamüsü shiiʼiyatia nutuma Jeʼwaa nükajee Ciro eein süpüla nüküjüin tü alatajatkat mapeena? (Isa. 42:9; 45:21; 46:10, 11; 2 Ped. 1:20.)

2. Paashajeʼera Esdras 1:1-11.

   Maʼaka naaʼin na nnojoliikana oʼunuin Jerusalénmüin, ¿kasa waainjüinjatka süpüla wakaaliinjüin na aʼyataakana waneepia nümüin Jeʼwaa? (Esd. 1:4, 6; Roma 12:13; Col. 4:12.)

Aküjalaa 81

1. ¿Jeʼrashii israeliita oʼunaka Jerusalénmüin? ¿Kasa nnojotka napüla nantapa chamüin?

2. ¿Kasa nakumajaka palajana na israeliitakana? ¿Kasa naainjaka na naʼünüükana?

3. ¿Jaralii na wayuu kanüliakana Ageo otta Zacarías? ¿Jamüsü nanüiki namüin na wayuukana?

4. ¿Jamüsü nuluwataaka Tatenai wanee karaloukta Babiloniamüin? ¿Kasa aküjünaka suluʼu tü karaloukta aluwataanakat nümüin?

5. ¿Kasa naainjaka Esdras naapapa nnojoluin anain maʼin tü aʼwaajüleekat Jeʼwaa?

6. ¿Kasa nuchuntaka Esdras nümüin Jeʼwaa suluʼu tü ayaakuaakat? ¿Naapüin Jeʼwaa nünüiki Esdras? ¿Kasa shikirajaka anain waya tia?

Asakiraa sooʼomüin:

1. Paashajeʼera Esdras 3:1-13.

   ¿Kasa ayatüinjatka waainjüin suluʼule waya wanee mma eere nnojoluin na anoujashiikana nünain Maleiwa? (Esd. 3:3, 6; Aluw. 17:16, 17; Heb. 13:15.)

2. Paashajeʼera Esdras 4:1-7.

   ¿Jamüshii nnojoluinjanaka waya paaʼinwajiraain namaa na naatakana anoula maʼaka naainjüin shia Zorobabel? (Éxo. 34:12; 1 Cor. 15:33; 2 Cor. 6:14-17.)

3. Paashajeʼera Esdras 5:1-5, 17 otta 6:1-22.

   1. ¿Jamüshii nnojoliika nooʼulaain na israeliitakana suulia aainjaa tü aʼwaajüleekat natuma na naʼünüükana? (Esd. 5:5; Isa. 54:17.)

   2. ¿Kasa naainjüinjatka na laülaashiikana suluʼu tü outkajaaleekat sülatüle kasa mojusü namüin maʼaka naaʼin na laülaashiikana napüleerua na Judíokana? (Esd. 6:14; Sal. 32:8; Roma 8:31; Sant. 1:5.)

4. Paashajeʼera Esdras 8:21-23, 28-36.

   ¿Kasa waainjüinjatka süpülapünaa waainjüin wanee kasa maʼaka naaʼin Esdras? (Esd. 8:23; Sal. 127:1; Pro. 10:22; Sant. 4:13-15.)

Aküjalaa 82

1. ¿Jaralii na wayuu kanüliakana Mardoqueo otta Ester?

2. ¿Jamüsü nüneekaka Asuero wanee jiet süpüla nuʼwayuusein? ¿Jara nüneekaka?

3. ¿Jarai chi wayuu kanüliakai Hamán? ¿Jamüshi jashichika maʼin nia?

4. ¿Kasa aküjünaka suluʼu tü karaloukta nüshajakat Asuero? ¿Kasa saainjaka Ester süchikijee nuluwateʼerüin nünüiki Mardoqueo sümüin?

5. ¿Kasa alataka nümüin Hamán otta Mardoqueo?

6. ¿Jamüshii nakanajuuka naʼünüü na israeliitakana?

Asakiraa sooʼomüin:

1. Paashajeʼera Ester 2:12-18.

   ¿Kasa saainjaka Ester süka anamiain shia? (Est. 2:15; 1 Ped. 3:1-5.)

2. Paashajeʼera Ester 4:1-17.

   ¿Kasa waainjüinjatka süpüla waʼwaajüin otta woonooin waneepia nümüin Jeʼwaa maʼaka saaʼin Ester? (Est. 4:13, 14; Mat. 5:14-16; 24:14.)

3. Paashajeʼera Ester 7:1-6.

   ¿Kasa alataka namüin na aʼyataashiikana nümüin Maleiwa maʼaka sülatüin sümüin Ester? (Est. 7:4; Mat. 10:16-22; 1 Ped. 2:12.)

Aküjalaa 83

1. ¿Jamüsüche naaʼin na israeliitakana süka masepüin Jerusalén?

2. ¿Jarai chi wayuu kanüliakai Nehemías?

3. ¿Kasa niʼyataaka anain Nehemías? ¿Jamüsü anaka maʼin tü niʼyataainkat?

4. ¿Jamüsü mojuka maʼin naaʼin Nehemías? ¿Kasa naainjaka süchikijee tia?

5. ¿Kasa naainjaka Artajerjes süka anamiain maʼin nia?

6. ¿Kasa naainjaka Nehemías süpüla nnojoluin nooʼuleʼennüin na israeliitakana suulia aʼyatawaa natuma na naʼünüükana?

Asakiraa sooʼomüin:

1. Paashajeʼera Nehemías 1:4-6 otta 2:1-20.

   ¿Kasa naainjaka Nehemías süpüla nükaaliinjüin nia Jeʼwaa? (Neh. 2:4, 5; Roma 12:12; 1 Ped. 4:7.)

2. Paashajeʼera Nehemías 3:3-5.

   ¿Kasa shikirajaka anain na laülaashiikana suluʼu tü outkajaaleekat otta na akaaliinjakana naya nakuwaʼipa na teqoiitakana otta na teqoiita yaletakana aaʼin? (Neh. 3:5, 27; 2 Tes. 3:7-10; 1 Ped. 5:5.)

3. Paashajeʼera Nehemías 4:1-23.

   1. ¿Jamüshii ayataka na israeliitakana sünain akumajaa süsepü Jerusalén sümaa natkaweein na naʼünüükana namaa? (Neh. 4:6, 8, 9; Sal. 50:15; Isa. 65:13, 14.)

   2. ¿Jamüsü sütütüleʼeraka waaʼin nakuwaʼipa na israeliitakana?

4. Paashajeʼera Nehemías 6:15.

   ¿Kasa shikirajaka anain waya kettaain süsepü Jerusalén natuma na israeliitakana süpülapünaa 2 kashi? (Sal. 56:3, 4; Mat. 17:20; 19:26.)

Aküjalaa 84

1. ¿Kasaichi sünülia tü jiet suluʼukat tü ayaakuaakat?

2. ¿Jamüsü nünüiki Gabriel sümüin María?

3. ¿Jamüinjatü sukuwaʼipa María süpüla kachoinjatüin shia naashin Gabriel sümaa nnojoluin nünainpünaain shia wanee wayuu toolo?

4. ¿Kasa alataka saapaiwaʼaya Elisabet sünüiki María?

5. ¿Kasa nnojotka naainjeein José nütüjaapa saaʼu ipuoluin María? ¿Jamüsü nnojotka naainjüin tia?

Asakiraa sooʼomüin:

1. Paashajeʼera Lucas 1:26-56.

   1. ¿Jamüshi nnojoika kaainjaralin Jesús sümaa kaainjaralüin tü niikat saashin tü karalouktakat Lucas 1:35? (Ageo 2:11-13; Juan 6:69; Heb. 7:26; 10:5.)

   2. ¿Jamüsü pütchi nüchiki Jesús nnojoliiwaʼaya nia jemein? (Luc. 1:41-43.)

   3. ¿Kasa shikirajaka anain sukuwaʼipa María na aneekünakana süpüla aʼyatawaa nümüin Jeʼwaa? (Luc. 1:38, 46-49; 17:10; Pro. 11:2.)

2. Paashajeʼera Mateo 1:18-25.

   Mayaapejee nnojoluin Emanuel nünülia Jesús, ¿jamüsü wanaawaka nukuwaʼipa sümaa tia anülieekat? (Mat. 1:22, 23; Juan 14:8-10; Heb. 1:1-3.)

Aküjalaa 85

1. ¿Kasaichi nünülia chi joʼuu suluʼukai tü ayaakuaakat? ¿Jalashi nia shiʼitaain María?

2. ¿Jamüshi jemeika Jesús suluʼu shipia mürüt?

3. ¿Jaralii na wayuu antakana? ¿Jamüsü nünüiki wanee aapiee namüin?

4. ¿Jamüshi anaka maʼin Jesús?

5. ¿Jamüshi nüchonka Maleiwa Jesús?

Asakiraa sooʼomüin:

1. Paashajeʼera Lucas 2:1-20.

   1. ¿Kasa naainjaka César Augusto süpüla jemeijachin Jesús Belén pansaa sümaa tü aküjünakat paala? (Luc. 2:1-4; Miq. 5:2.)

   2. ¿Kasa waainjüinjatka süpüla naʼakain waya na wayuu ‹anajiraakana nümaa Maleiwa›? (Luc. 2:14; Mat. 16:24; Juan 17:3; Aluw. 3:19; Heb. 11:6.)

   3. Talatüshii na arüleejüliikana süka jemein chi oʼtteʼerüikai, ¿kasa talataleeka atuma waya maaʼulu? (Luc. 2:10, 11; Éfe. 3:8, 9; Alat. Map. 11:15; 14:6.)

Aküjalaa 86

1. ¿Jaralii na wayuu suluʼukana tü ayaakuaakat? ¿Jamüsü niiʼiyataka chi wayuukai tü jolotsükat?

2. ¿Jamüsü mojuka naaʼin Herodes? ¿Jamüsü nünüiki namüin na wayuu wüinpüjeʼewaliikana?

3. ¿Jalamüinsü oʼunuin tü jolotsükat napüleerua na wayuukana? ¿Jamüshii noʼunaka suluʼupünaa wanee wopu naata?

4. ¿Kasa naainjaka Herodes naka na tepichikana? ¿Jamüsü naainjaka tia?

5. ¿Kasa naapiraka achiki Jeʼwaa José?

6. ¿Jara chuwataka atuma tü jolotsükat? ¿Jamüsü naainjaka tia?

Asakiraa sooʼomüin:

1. Paashajeʼera Mateo 2:1-23.

   ¿Jeʼra nuuyase Jesús wanaa sümaa nantüin na wayuu wüinpüjeʼewaliikana? ¿Jalajachi nia kepiain? (Mat. 2:1, 11, 16.)

Aküjalaa 87

1. ¿Jeʼra nuuyase Jesús suluʼu tü ayaakuaakat? ¿Jalashi nia aashajaain namaa na ekirajüliikana?

2. ¿Kasa naainjaka José sümaa nüpüshi juyawai?

3. ¿Jamüshi nüleʼejaka José sümaa María Jerusalénmüin?

4. ¿Jalashi Jesús nousütüin José sümaa María? ¿Jamüshi ponoko saaʼin wayuu Jesús?

5. ¿Jamüsü nünüiki Jesús sümüin tü niikat?

6. ¿Kasa waainjüinjatka süpüla müinjanain waya maʼaka naaʼin Jesús?

Asakiraa sooʼomüin:

1. Paashajeʼera Lucas 2:41-52.

   1. Mayaapejee nayain na tooloyuukana oʼunuin sünain tü Pascuakat, ¿kasa shikirajaka anain na kachonshiikana tü naainjakat José otta María? (Luc. 2:41; Deu. 16:16; 31:12; Pro. 22:6.)

   2. ¿Kasa nashatüinjatka na tepichikana nünainjee Jesús? (Luc. 2:51; Deu. 5:16; Pro. 23:22; Col. 3:20.)

2. Paashajeʼera Mateo 13:53-56.

   ¿Kasaichi nanülia na pienchishiikana nuwalayuu Jesús aküjünaka achiki suluʼu tü Wiwüliakat? ¿Kasa naainjaka piamashii suluʼu tü outkajaaleekat? (Mat. 13:55; Aluw. 12:17; 15:6, 13; 21:18; Gal. 1:19; Sant. 1:1; Jud. 1.)

Aküjalaa 88

1. ¿Jaralii na wayuu suluʼukana tü ayaakuaakat?

2. ¿Jamüsü suwoutisaajia wanee wayuu?

3. ¿Jaralii na nuwoutisaajakana Juan?

4. ¿Jamüshi nuchuntaka Jesús nuwoutisaajüin nia Juan?

5. ¿Jamüsü shiiʼiyatia nutuma Maleiwa anain nümüin nuwoutisaajünüin Jesús?

6. ¿Kasa alataka nümüin Jesús nuʼunapa isashiipaʼamüin soʼu 40 kaʼi?

7. ¿Kasaichi nanülia na nikirajüinkana Jesús? ¿Jarat tü palajatkat kasa pülasü naainjaka Jesús?

Asakiraa sooʼomüin:

1. Paashajeʼera Mateo 3:13-17.

   ¿Jamüinjatü nawoutisaajia na nikirajüinkana Jesús? (Sal. 40:7, 8; Mat. 28:19, 20; Luc. 3:21, 22.)

2. Paashajeʼera Mateo 4:1-11.

   ¿Jamüsü waashajeʼerüinjatka waneepia tü Wiwüliakat maʼaka naainjüin shia Jesús? (Mat. 4:5-7; 2 Ped. 3:17, 18; 1 Juan 4:1.)

3. Paashajeʼera Juan 1:29-51.

   ¿Jara nuʼuniraka anainmüin Juan na nikirajüinkana? ¿Kasa waainjüinjatka süpüla washatüin nukuwaʼipa? (Juan 1:29, 35, 36; 3:30; Mat. 23:10.)

4. Paashajeʼera Juan 2:1-12.

   ¿Jamüsü watüjaaka saaʼu nnojoluin naʼalijirüin Jeʼwaa kasa anasü noulia na aʼyataashiikana nümüin? (Juan 2:9, 10; Sal. 84:11; Sant. 1:17.)

Aküjalaa 89

1. ¿Jamüshii noikkaka mürüt na wayuukana suluʼu tü aʼwaajüleekat?

2. ¿Jamüshi jashichika Jesús?

3. ¿Kasa naainjaka Jesús suluʼu tü ayaakuaakat? ¿Jamüsü nünüiki namüin na oikkaashiikana toomasü?

4. ¿Kasa sotoka naaʼin na nikirajüinkana Jesús wanaa sümaa neʼrüin tü naainjakat?

5. ¿Jalapünaashi alatüin Jesús nuʼunapa Galileamüin?

Asakiraa sooʼomüin:

1. Paashajeʼera Juan 2:13-25.

   Sünainjee tü naainjakat Jesús namüin na oikkaaliikana, ¿jamüshii nnojoluinjanaka woikkaain suluʼu tü outkajaaleekat? (Juan 2:15, 16; 1 Cor. 10:24, 31-33.)

Aküjalaa 90

1. ¿Jamüshi nujuntapünaaka Jesús eeka wanee ishi chaaʼaya Samaria? ¿Jamüsü nünüiki sümüin tü jietkat?

2. ¿Jamüshi ponoko saaʼin Jesús tü jietkat? ¿Jamüsü nünüiki sümüin? ¿Jamüsü maka nünüiki?

3. ¿Kasa wüin naashajaaka achiki Jesús saashin tü jietkat? ¿Kasa wüin naashajaaka achiki Jesús?

4. ¿Jamüsü süinkuuka aaʼin tü jietkat sutuma tü nümakat Jesús? ¿Jamüsü nütüjaaka saaʼu Jesús tia?

5. ¿Kasa shikirajaka anain waya tü naainjakat Jesús?

Asakiraa sooʼomüin:

1. Paashajeʼera Juan 4:5-43.

   1. ¿Jamüinjatü wakuwaʼipa namüin na wayuu naatakana eʼirukuu maʼaka naainjüin shia Jesús? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Jamüsü nakuwaʼipa na nikirajüinkana Jesús? (Juan 4:14; Isa. 58:11; 2 Cor. 4:16.)

   3. ¿Kasa waainjüinjatka süpüla washatüin tü saainjakat tü wayuu samariajeʼewatkat süchikijee nikirajüin shia Jesús? (Juan 4:7, 28; Mat. 6:33; Luc. 10:40-42.)

Aküjalaa 91

1. ¿Jalashi ekirajüin Jesús? (Piirakaa sümüin tü ayaakuaakat). ¿Jaralii na pejekana nünain?

2. ¿Kasaichi nanülia na aluwataaushiikana?

3. ¿Kasa tü aluwataaya nüküjakat achiki Jesús?

4. ¿Jamüinjatü nanüiki na wayuukana nachuntapa nümüin Maleiwa naashin Jesús?

5. ¿Jamüsü nünüiki Jesús namüin na wayuukana süchiki tü nakuwaʼipainjatkat namaa waneeinua?

Asakiraa sooʼomüin:

1. Paashajeʼera Mateo 5:1-12.

   ¿Jamüinjatü shiiʼiyatia watuma choʼujaain wamüin Maleiwa? (Mat. 5:3; Roma 10:13-15; 1 Tim. 4:13, 15, 16.)

2. Paashajeʼera Mateo 5:21-26.

   ¿Jamüsü sünainpünaaka wakuwaʼipa nümaa Jeʼwaa tü wakuwaʼipakat namaa na wawalayuukana saashin Mateo 5:23, 24? (Mat. 6:14, 15; Sal. 133:1; Col. 3:13; 1 Juan 4:20.)

3. Paashajeʼera Mateo 6:1-8.

   ¿Kasa tü nnojoluinjatka washatüin nanainjee na fariseokana? (Luc. 18:11, 12; 1 Cor. 4:6, 7; 2 Cor. 9:7.)

4. Paashajeʼera Mateo 6:25-34.

   ¿Jamüsü eeka süpüla naapüin Jeʼwaa tü choʼujaakat wamüin naashin Jesús? (Éxo. 16:4; Sal. 37:25; Fil. 4:6.)

5. Paashajeʼera Mateo 7:1-11.

   ¿Kasa shikirajaka anain waya tü nüküjakat Jesús suluʼu Mateo 7:5? (Pro. 26:12; Roma 2:1; 14:10; Sant. 4:11, 12.)

Aküjalaa 92

1. ¿Jarai süshika tü jintut suluʼukat tü ayaakuaakat? ¿Jamüsü mojuka maʼin naaʼin otta tü nuʼwayuusekat?

2. ¿Kasa naainjaka Jairo nüntapa eemüin Jesús?

3. ¿Kasa alataka nuʼunapa Jesús nipialuʼumüin Jairo? ¿Jamüsü nünüiki wanee wayuu nümüin Jairo süchiki tü nüchonkat?

4. ¿Jamüshii nasirajaka na wayuukana nüka Jesús?

5. ¿Kasa naainjaka Jesús nikerotapa eemüin tü jintutkat nümaa chi süshikai, tü shiikat otta apünüinshii aluwataaushii?

6. ¿Jaralii na nüsoʼireʼerakana aaʼin Jesús? ¿Kasa naainjüinjatka Jesús nuluwataapa?

Asakiraa sooʼomüin:

1. Paashajeʼera Lucas 8:40-56.

   ¿Kasa naainjaka Jesús süka nümülialaain saalii tü jiet ayuuisükat? ¿Kasa shikirajaka anain tia na laülaashiikana suluʼu tü outkajaaleekat? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Paashajeʼera Lucas 7:11-17.

   Ouktule wapüshi, ¿jamüsü sütütüleʼeraka waaʼin tü naainjakat Jesús süka tü wayuu kepiakat Naín? (Luc. 7:13; 2 Cor. 1:3, 4; Heb. 4:15.)

3. Paashajeʼera Juan 11:17-44.

   Sükajee tü alatakat nümüin Jesús, ¿jamüsü nnojotka mojuin waʼyalajüle nüchiirua wanee wapüshi eeka ouktuin? (Juan 11:33-36, 38; 2 Sam. 18:33; 19:1-4.)

Aküjalaa 93

1. ¿Kasa alataka nümüin Juan chi awoutisaajüikai? ¿Jamüsü naaʼin Jesús sutuma tia?

2. ¿Kasa naainjaka Jesús süpüla nikirüin na wayuu oʼunakana nüchiirua? ¿Jeʼra iita sümaajatü eküülü apütaasü?

3. ¿Jamüshii mmotka na nikirajüinkana Jesús? ¿Kasa alataka nümüin Pedro?

4. ¿Kasa naainjaka Jesús süpüla nikirüin wainma wayuu süchikuaʼa?

5. ¿Jameerü waaʼin nuluwataapa Jesús saaʼu tü Mmakat?

Asakiraa sooʼomüin:

1. Paashajeʼera Mateo 14:1-32.

   1. ¿Kasa aküjünaka süchiki nukuwaʼipa Pedro suluʼu Mateo 14:23-32?

   2. ¿Jamüsü watüjaaka saaʼu shiiʼiranajaain nukuwaʼipa Pedro? (Mat. 14:27-30; Juan 18:10; 21:7; Aluw. 2:14, 37-40; 1 Ped. 5:6, 10.)

2. Paashajeʼera Mateo 15:29-38.

   ¿Jamüsü shiiʼiyatia nutuma Jesús kojutuin nümüin tü kasa naapakat Jeʼwaa? (Mat. 15:37; Juan 6:12; Col. 3:15.)

3. Paashajeʼera Juan 6:1-21.

   ¿Kasa shikirajaka anain waya nukuwaʼipa Jesús namaa na sülaülashiikana mma? (Juan 6:15; Mat. 22:21; Roma 12:2; 13:1-4.)

Aküjalaa 94

1. ¿Jamüshii naʼülüjiraaka wopuluʼu na aluwataaushiikana?

2. ¿Jamüshi neenajaka Jesús wanee jintüi sümaa niʼitaain nia pasanain nanain na aluwataaushiikana?

3. ¿Jamüsü nashatüinjatka na aluwataaushiikana nakuwaʼipa na tepichikana?

4. ¿Jamüsü shiiʼiyatia nutuma Jesús alin napüla na tepichikana sülatapa wainma kashi?

Asakiraa sooʼomüin:

1. Paashajeʼera Mateo 18:1-4.

   ¿Jamüshi nikirajaka Jesús süka sukuwaʼipa tü kasa eʼnnakat sainküin mma? (Mat. 13:34, 36; Mar. 4:33, 34.)

2. Paashajeʼera Mateo 19:13-15.

   ¿Kasa washatüinjatka nanainjee na tepichikana aneere wakuwaʼipa suluʼu nuluwataaya Maleiwa? (Sal. 25:9; 138:6; 1 Cor. 14:20.)

3. Paashajeʼera Marcos 9:33-37.

   ¿Jamüsü nünüiki Jesús namüin na nikirajüinkana nüchiki eeka kojuteein noulia na waneeinua? (Mar. 9:35; Mat. 20:25, 26; Gal. 6:3; Fil. 2:5-8.)

4. Paashajeʼera Marcos 10:13-16.

   ¿Jamüsü nukuwaʼipa Jesús namüin na wayuukana? ¿Kasa shikirajaka anain tia na laülaashiikana suluʼu tü outkajaaleekat? (Mar. 6:30-34; Fil. 2:1-4; 1 Tim. 4:12.)

Aküjalaa 95

1. ¿Jamüsü nünüiki wanee wayuu nümüin Jesús? ¿Jamüsü nüsakiraka süchiki tia?

2. ¿Kasa tü wanee nikirajaka aka Jesús? ¿Kasa watüjaaipaka aaʼu nachiki na judíokana otta na samariajeʼewaliikana?

3. ¿Kasa alataka naashin Jesús nümüin wanee judío oʼunaka Jericómüin?

4. ¿Kasa naainjaka wanee sacerdote otta wanee leviita neʼrapa chi wayuu asheʼejünüshikai?

5. ¿Jara akaaliinjaka chi wayuu asheʼejünüshikai? (Piirakaa sümüin tü ayaakuaakat).

6. ¿Jamüsü nünüiki Jesús nümüin chi wayuu asakitkai nia kettaapa nutuma tü nüküjalakat? ¿Jamüsü nünüiki chi wayuukai nümüin?

Asakiraa sooʼomüin:

1. Paashajeʼera Lucas 10:25-37.

   1. ¿Kasa naashajaaka achiki Jesús süpüla nusouktuin shiʼipajee tü nüsakitkat anain chi karalouktamaajachikai? (Luc. 10:26; Mat. 16:13-16.)

   2. ¿Kasa naainjaka Jesús süpüla niiʼiranajeʼerüin nakuwaʼipa na wayuukana sükajee tü kasa eʼnnakat sainküin mma? (Luc. 10:36, 37; 18:9-14; Tito 1:9.)

Aküjalaa 96

1. ¿Kasa naainjaka Jesús wanaa sümaa waraittüin nia sainküin mma?

2. ¿Kasa nüküjaka Jesús namüin na aluwataaushiikana 3 juya süchikijee nuwoutisaajüin?

3. ¿Jaralii na wayuu suluʼukana tü ayaakuaakat? ¿Jamüsü nutuma Jesús tü jietkat?

4. ¿Jamüshii japüika na laülaashiikana suluʼu tü ekirajüleekat sutuma nünüiki Jesús?

5. ¿Jamüshii nutuma Jesús piamashii moʼusalii?

6. ¿Jamüshi naainjaka Jesús kasa pülasü?

Asakiraa sooʼomüin:

1. Paashajeʼera Mateo 15:30, 31.

   ¿Kasa naainjaka Jesús süpüla niiʼiyatüin pülain Jeʼwaa? ¿Jamüinjatü waaʼin sünain tü naainjüinjatkat Jeʼwaa suluʼu tü mma anasükat? (Sal. 37:29; Isa. 33:24.)

2. Paashajeʼera Lucas 13:10-17.

   ¿Kasa naainjüinjatka Jesús nuluwataapeena saaʼu tü mmakat sükajee naainjüin kasa pülasü soʼu tü kaʼi neemeraakat oʼu na judíokana? (Luc. 13:10-13; Sal. 46:9; Mat. 12:8; Col. 2:16, 17; Alat. Map. 21:1-4.)

3. Paashajeʼera Mateo 20:29-34.

   ¿Jamüsü watüjaaka saaʼu nükaaliinjüin maʼin Jesús na wayuukana? ¿Kasa shikirajaka anain waya tia? (Deu. 15:7; Sant. 2:15, 16; 1 Juan 3:17.)

Aküjalaa 97

1. ¿Jamüsü nünüiki Jesús namüin 2 aluwataaushii nantapa eeka wanee pueulo süʼütpaʼasü Jerusalén?

2. ¿Kasa alataka nürütkaapa Jesús Jerusalénmüin? (Piirakaa sümüin tü ayaakuaakat).

3. ¿Kasa naainjaka na tepichikana wanaa sümaa neʼrüin Jesús sünain eiyajaa wayuu eeka ouktuin süsaʼa otta moʼuin?

4. ¿Jamüsü nünüiki Jesús namüin na sacerdote jashichikana?

5. ¿Kasa waainjüinjatka süpüla washatüin nakuwaʼipa na tepichi aʼwaajakana Jesús?

6. ¿Kasa natüjaweeka aaʼu na aluwataaushiikana?

Asakiraa sooʼomüin:

1. Paashajeʼera Mateo 21:1-17.

   1. ¿Jamüsü naataka nukuwaʼipa Jesús wanaa sümaa nüntüin Jerusalénmüin suulia nakuwaʼipa na shikiipuʼukana surulaat romajeʼewalii? (Mat. 21:4, 5; Zac. 9:9; Fil. 2:5-8; Col. 2:15.)

   2. ¿Kasa shikirajaka anain na tepichikana tü naainjakat na tepichi aküjakana tü sümakat Salmo 118? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Paashajeʼera Juan 12:12-16.

   ¿Jamüshii neʼitaaka alana na wayuukana nüpüleerua Jesús? (Juan 12:13; Fil. 2:10; Alat. Map. 7:9, 10.)

Aküjalaa 98

1. ¿Jarai chi wayuu kanüliakai Jesús suluʼu tü ayaakuaakat? ¿Jaralii na nümaakana?

2. ¿Kasa naainjeeka na sacerdotekana nüka Jesús eeka tü aʼwaajüleekat? ¿Jamüsü nünüiki Jesús namüin?

3. ¿Kasa nasakiraka anain Jesús na aluwataashiikana?

4. ¿Jamüsü nüküjaka Jesús namüin na aluwataaushiikana tü kasa eeinjatkat Mmapaʼa nuluwataapa sirumatuʼu?

5. ¿Kasa eeinjatka naashin Jesús süpülapünaa najaʼttirüin tü kasa mojusü eekat Mmapaʼa?

Asakiraa sooʼomüin:

1. Paashajeʼera Mateo 23:1-39.

   1. Mayaapejee anain saashin tü Wiwüliakat kanüliayaale wanee wayuu, ¿jamüsü nünüiki Jesús suluʼu Mateo 23:8-11 kanüliayaale waya suluʼu tü outkajaaleekat? (Aluw. 26:25; Roma 13:7; 1 Ped. 2:13, 14.)

   2. ¿Kasa naainjaka na fariseokana süpüla nnojoluin nanoujuin na wayuukana nünain Jesús? ¿Kasa naainjaka maaʼulu na shikiipuʼukana tü iküleesia nnojotkat shiimain? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Paashajeʼera Mateo 24:1-14.

   1. ¿Jamüsü choʼujaaka maʼin wachecherüin waaʼin saashin Mateo 24:13?

   2. ¿Jeʼrainjatü wakalia sünain ‹wachecherüin waaʼin suʼunnaa tü müliaakat› saashin Mateo 24:13? (Mat. 16:27; Roma 14:10-12; 2 Cor. 5:10.)

3. Paashajeʼera Marcos 13:3-10.

   ¿Jarat tü pütchi suluʼukat Marcos 13:10 eeʼiyataka süküjünajatüin maʼin pütchi nüchiki Maleiwa? ¿Kasa waainjüinjatka sutuma tü nünüikikat Jesús? (Roma 13:11, 12; 1 Cor. 7:29-31; 2 Tim. 4:2.)

Aküjalaa 99

1. ¿Jamüshi nüntaka Jesús namaa na 12 aluwataaushiikana eemüin wanee paü? (Piirakaa sümüin tü ayaakuaakat).

2. ¿Jarai chi ojuʼitaakai? ¿Kasa nüküjüinjatka achiki?

3. ¿Kasaichi sünülia tü ekawaa anaka maʼin eeka nutuma Jesús süchikijee tü Pascuakat?

4. ¿Jamüshii nekaapuʼuka na israeliitakana soʼu tü Pascuakat? ¿Kasa sotuinjatka naaʼin na nikirajüinkana Jesús sutuma tü ekawaa naainjakat?

5. ¿Jamüsü nünüiki Jesús namüin na aluwataaushiikana süchikijee tü ekawaakat? ¿Kasa naainjaka süchikijee tia?

Asakiraa sooʼomüin:

1. Paashajeʼera Mateo 26:14-30.

   1. ¿Jamüsü sünüiki tü karalouktakat Mateo 26:15 süchiki nukumajalain Judas naapüinjatüin nikii Jesús?

   2. ¿Kasapülajatü amülain nüsha Jesús? (Mat. 26:27, 28; Jer. 31:31-33; Éfe. 1:7; Heb. 9:19, 20.)

2. Paashajeʼera Lucas 22:1-39.

   ¿Jamüshi jüüjüüka Judas nümüin Satanás? (Luc. 22:3; Juan 13:2; Aluw. 1:24, 25.)

3. Paashajeʼera Juan 13:1-20.

   1. ¿Süsalainjachi Judas tü naainjakat nümüin Jesús maʼaka süküjüin shia Juan 13:2? ¿Kasa shikirajaka anain waya tia? (Gén. 4:7; 2 Cor. 2:11; Gal. 6:1; Sant. 1:13, 14.)

   2. ¿Kasa tü nikirajakat anain Jesús? (Juan 13:15; Mat. 23:11; 1 Ped. 2:21.)

4. Paashajeʼera Juan 17:1-26.

   ¿Kasa naainjüinjatka na nikirajüinkana Jesús süpüla ‹wanaawainjatüin naaʼin›? (Juan 17:11, 21-23; Roma 13:8; 14:19; Col. 3:14.)

Aküjalaa 100

1. ¿Jalashi antüin Jesús namaa na aluwataaushiikana süchikijee nojuʼitüin suluʼujee tü paükat? ¿Kasa naainjüinjatka naashin Jesús?

2. ¿Kasa naainjaka na aluwataaushiikana nüpüla Jesús? ¿Jeʼratua nümüin Jesús nnojoluinjanain natunkuin?

3. ¿Jaralii na antakana Getsemanímüin? ¿Kasa naainjaka Judas Iscariote? (Piirakaa sümüin tü ayaakuaakat).

4. ¿Jamüshi nutuʼlaka Judas Jesús? ¿Kasa naainjaka Pedro?

5. ¿Jamüsü nünüiki Jesús nümüin Pedro? ¿Jamüshi nnojoika nuchuntuin Jesús nümüin Maleiwa wainma aapiee?

Asakiraa sooʼomüin:

1. Paashajeʼera Mateo 26:36-56.

   1. ¿Jamüsü anaka maʼin süpüla nashatüin na laülaashiikana suluʼu tü outkajaaleekat nukuwaʼipa Jesús wanaa sümaa nüchiajaain na nikirajüinkana? (Mat. 20:25-28; 26:40, 41; Gal. 5:17; Éfe. 4:29, 31, 32.)

   2. ¿Jamüsü nünüiki Jesús süchiki kaʼapülaa sooʼomüin wayuu? (Mat. 26:52; Luc. 6:27, 28; Juan 18:36.)

2. Paashajeʼera Lucas 22:39-53.

   ¿Antüshiche chi aapieekai Getsemanímüin süka nuuʼulaweein Jesús suulia anoujaa? ¿Jamüsü maka pünüiki? (Luc. 22:41-43; Isa. 49:8; Mat. 4:10, 11; Heb. 5:7.)

3. Paashajeʼera Juan 18:1-12.

   ¿Kasa naainjaka Jesús süpüla naaʼinmajüin na nikirajüinkana noulia na naʼünüükana? ¿Kasa shikirajaka anain waya tia? (Juan 10:11, 12; 18:1, 6-9; Heb. 13:6; Sant. 2:25.)

Aküjalaa 101

1. ¿Jara oʼutiraka naaʼin Jesús?

2. ¿Kasa naainjaka na aluwataaushiikana nütaʼünapa Jesús?

3. ¿Kasa alataka nipialuʼu Caifás?

4. ¿Jamüshi nujuʼitaaka Pedro sümaa niʼyalajüin?

5. ¿Jamüsü nanüiki na laülaashiikana naʼakajee na sacerdotekana niʼikajaanapa Jesús nüchikuaʼa eemüin Pilato?

6. ¿Kasa aainjünaka nüka Jesús piennoʼu aliika? ¿Jamüsü nünüiki Jesús nümüin wanee kaainjarai akachennüshi naʼatoʼu?

7. ¿Jalainjatü tü paraiisü naashajaakat achiki Jesús?

Asakiraa sooʼomüin:

1. Paashajeʼera Mateo 26:57-75.

   ¿Kasa naainjaka na laülaashiikana naʼakajee na sacerdotekana sükajee mojulaain naya? (Mat. 26:59, 67, 68.)

2. Paashajeʼera Mateo 27:1-50.

   ¿Jamüsü nnojotka shiimain mojuin naaʼin Judas saalii naapüin nikii Jesús? (Mat. 27:3, 4; Mar. 3:29; 14:21; 2 Cor. 7:10, 11.)

3. Paashajeʼera Lucas 22:54-71.

   ¿Kasa shikirajaka anain waya tü naainjakat Pedro nunjulajüin nüchiki Jesús? (Luc. 22:60-62; Mat. 26:31-35; 1 Cor. 10:12.)

4. Paashajeʼera Lucas 23:1-49.

   ¿Kasa naainjaka Jesús wanaa sümaa müliain nia atumawaa? ¿Kasa shikirajaka anain waya tia? (Luc. 23:33, 34; Roma 12:17-19; 1 Ped. 2:23.)

5. Paashajeʼera Juan 18:12-40.

   ¿Kasa shiiʼiyataka tü alatakat nümüin Pedro anain nukuwaʼipa sünain aküjaa pütchi süchikijee mmoluin nia seema wayuu? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Paashajeʼera Juan 19:1-30.

   1. ¿Jamüsü nünüiki Jesús süchiki tü kasa choʼujaakat wamüin? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Jamüsü watüjaaka saaʼu yaletüin nuluwataaya Jeʼwaa nutuma Jesús süpülapünaa ouktuin nia? (Juan 16:33; 19:30; 2 Ped. 3:14; 1 Juan 5:4.)

Aküjalaa 102

1. ¿Jaralii na wayuu suluʼukana tü ayaakuaakat? ¿Jalashii naya?

2. ¿Jamüshi nachuntaka surulaat na sacerdotekana nümüin Pilato?

3. ¿Kasa naainjaka wanee aapiee 3 kaʼi süchikijee ouktuin Jesús? ¿Kasa naainjaka na sacerdotekana?

4. ¿Jamüsü tü woowirakat napüla wanee jieyuu?

5. ¿Jamüshi nuwataaka Pedro otta Juan eemüin tü woowirakat? ¿Jamüsü tü woowirakat napüla?

6. ¿Kasa alataka nümüin Jesús? ¿Kasa naainjaka Jesús süpüla niiʼiyatüin namüin na nikirajüinkana süsoʼiraain naaʼin?

Asakiraa sooʼomüin:

1. Paashajeʼera Mateo 27:62-66 otta 28:1-15.

   ¿Kasa naainjaka mojuin nümüin chi naaʼinkai Maleiwa na laülaashiikana naʼakajee na sacerdotekana, na fariseokana otta na wanee laülaayuukana waana sümaa nüsoʼiraain aaʼin Jesús? (Mat. 12:24, 31, 32; 28:11-15.)

2. Paashajeʼera Lucas 24:1-12.

   ¿Jamüsü watüjaaka saaʼu anain nümüin Jeʼwaa na jieyuukana süpüla aküjünaa amüin wanee pütchi? (Luc. 24:4, 9, 10; Mat. 28:1-7.)

3. Paashajeʼera Juan 20:1-12.

   ¿Kasa waainjüinjatka saashin Juan 20:8, 9 süpüla nnojoluin washapajaain nnojorüle watüjaain saaʼu shikeraajia wanee pütchi suluʼu tü Wiwüliakat? (Pro. 4:18; Mat. 17:22, 23; Luc. 24:5-8; Juan 16:12.)

Aküjalaa 103

1. ¿Jamüsü sünüiki María nümüin wanee wayuu aʼyataaiyaa saaʼinruʼu suluʼu tü apainkat? ¿Jamüshi shiyaawataka niain Jesús chi wayuukai?

2. ¿Kasa alataka namüin piamashii nikirajüin Jesús oʼunaka eemüin tü mmakat Emaús?

3. ¿Kasa alataka wanaa sümaa naküjüin na piamashiikana nikirajüin niiʼiyataain Jesús wopuluʼu?

4. ¿Jeʼratuaichi eeʼiyataain Jesús?

5. ¿Jamüsü nünüiki Tomás naküjapa na waneeinua nümüin neʼrüin chi Senyotkai? ¿Kasa alataka 8 kaʼi süchikijee tia?

Asakiraa sooʼomüin:

1. Paashajeʼera Juan 20:11-29.

   ¿Eʼitaanüshii na wayuukana süpüla nalatirüin saainjala wayuu naashin Jesús suluʼu Juan 20:23? ¿Jamüsü maka pünüiki? (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2.)

2. Paashajeʼera Lucas 24:13-43.

   ¿Kasa waainjüinjatka süpüla süntüin suluʼumüin waaʼin tü shiimain süküjakat tü Wiwüliakat? (Luc. 24:32, 33; Esd. 7:10; Mat. 5:3; Aluw. 16:14; Heb. 5:11-14.)

Aküjalaa 104

1. ¿Jeʼrashii na wayuu eʼrakana Jesús soʼu wanee kaʼi? ¿Kasa naashajaaka achiki Jesús?

2. ¿Kasa tü nuluwataayakat Maleiwa? ¿Jamüinjatü tü Mmakat nuluwataapa Jesús soʼu 1.000 juya?

3. ¿Jeʼra kaʼi niiʼiyataain Jesús namüin na nikirajüinkana? ¿Kasa naainjüinjatka jooluʼu?

4. ¿Jamüsü nünüiki Jesús namüin na nikirajüinkana süpülapünaa nuʼunuin sirumatuʼumüin?

5. ¿Kasa piʼraka suluʼu tü ayaakuaakat? ¿Jamüshi nnojoika neʼrüin Jesús na nikirajüinkana?

Asakiraa sooʼomüin:

1. Paashajeʼera 1 Corinto 15:3-8.

   ¿Jamüshi naashajaaka Pablo süchiki süsoʼiraain naaʼin Jesús sümaa shiimain shia nümüin? ¿Kasa tü waashajaainjatkat achiki sümaa shiimain shia wamüin? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Paashajeʼera Aluwataaushikana 1:1-11.

   ¿Jalamüinsü aküjünüin pütchi nüchiki Maleiwa saashin Aluwataaushikana 1:8? (Aluw. 6:7; 9:31; 11:19-21; Col. 1:23.)

Aküjalaa 105

1. ¿Kasa alataka namüin na nikirajüinkana Jesús wanaa sümaa nnojoluin noʼunuin Jerusalénjee? (Piirakaa sümüin tü ayaakuaakat).

2. ¿Kasa ponoko naaʼin na wayuu wattajeʼewaliikana?

3. ¿Kasa nüküjaka achiki Pedro namüin na wayuukana?

4. ¿Jamüsü naaʼin na wayuukana kettaapa nünüiki Pedro? ¿Kasa naaʼinrüinjatka?

5. ¿Jeʼrashii na wayuu awoutisaajünakana sünain tü miʼiraakat Pentecostés soʼu tü juyakat 33 soʼu wakalia?

Asakiraa sooʼomüin:

1. Paashajeʼera Aluwataaushikana 2:1-47.

   1. ¿Jamüshii noʼutiraka naaʼin Jesús napüshuaʼa na judíokana naashin Pedro suluʼu Aluwataaushikana 2:23, 36? (1 Tes. 2:14, 15.)

   2. ¿Kasa naainjaka Pedro süpüla naashajaain namaa na wayuukana sükajee tü Wiwüliakat? (Aluw. 2:16, 17, 29, 31, 36, 39; Col. 4:6.)

   3. ¿Kasa naainjaka Pedro süka tü palajatkat yaawe naapaka Jesús nümüin? (Aluw. 2:14, 22-24, 37, 38; Mat. 16:19.)

Aküjalaa 106

1. ¿Kasa alataka nümüin Pedro otta Juan eeka tü aʼwaajüleekat?

2. ¿Jamüsü nünüiki Pedro nümüin chi masaʼasaikai? ¿Kasa naainjaka Pedro nümüin kojutuka maʼin suulia nneerü?

3. ¿Jamüshii jashichika na laülaashiikana naʼakajee na sacerdotekana? ¿Jamüshi Pedro otta Juan natuma?

4. ¿Jamüsü nünüiki Pedro namüin na laülaashiikana naʼakajee na sacerdotekana? ¿Jamüsü nanüiki namüin na aluwataaushiikana?

5. ¿Jamüshii nachunjaka na laülaashiikana naʼakajee na sacerdotekana? ¿Kasa alataka püreesapa piantua na aluwataaushiikana?

6. ¿Jamüsü nanüiki na aluwataaushiikana namüin na laülaashiikana naʼakajee na sacerdotekana?

Asakiraa sooʼomüin:

1. Paashajeʼera Aluwataaushikana 3:1-10.

   Mayaapejee nnojoluin waainjüin kasa pülasü, ¿jamüsü kojutuinjatka wamüin aashajawaa süchiki Nuluwataaya Maleiwa naashin Pedro suluʼu Aluwataaushikana 3:6? (Juan 17:3; 2 Cor. 5:18-20; Fil. 3:8.)

2. Paashajeʼera Aluwataaushikana 4:1-31.

   ¿Kasa waainjüinjatka müliale waya atumawaa sünain aküjaa pütchi maʼaka naaʼin na wawalayuu namaiwajanakana? (Aluw. 4:29, 31; Éfe. 6:18-20; 1 Tes. 2:2.)

3. Paashajeʼera Aluwataaushikana 5:17-42.

   ¿Jamüsü nanüiki süchiki tü aküjaakat pütchi na wayuu nnojoliikana aʼyataain nümüin Jeʼwaa sümaiwa otta na nnojoliikana aʼyataain maaʼulu? (Aluw. 5:34-39.)

Aküjalaa 107

1. ¿Jarai chi wayuu kanüliakai Esteban? ¿Kasa nükaaliinjaka anain nia Maleiwa?

2. ¿Kasa nüküjaka Esteban jashichika atuma na laülaashiikana naʼakajee na sacerdotekana?

3. ¿Kasa aainjünaka nüka Esteban najarattünapa anooipaʼamüin?

4. ¿Jarai chi aaʼinmajakai nasheʼin na wayuu suluʼukana tü ayaakuaakat?

5. ¿Kasa nuchuntaka Esteban nümüin Jeʼwaa süpülapünaa ouktuin nia?

6. ¿Kasa waainjüinjatka saainjünüle kasa mojusü wamüin maʼaka naaʼin Esteban?

Asakiraa sooʼomüin:

1. Paashajeʼera Aluwataaushikana 6:8-15.

   ¿Kasa naainjaka na shikiipuʼukana tü iküleesia nnojotkat shiimain süpüla wooʼulaain suulia aküjaa pütchi? (Aluw. 6:9, 11, 13.)

2. Paashajeʼera Aluwataaushikana 7:1-60.

   1. ¿Kasa akaaliinjaka Esteban süpüla anainjatüin maʼin süküjia nutuma tü pütchikat namüin na laülaashiikana naʼakajee na sacerdotekana? ¿Kasa shikirajaka anain waya tia? (Aluw. 7:51-53; Roma 15:4; 2 Tim. 3:14-17; 1 Ped. 3:15.)

   2. ¿Kasa waainjüinjatka napüleerua na nnojoliikana acheküin waküjüin pütchi? (Aluw. 7:58-60; Mat. 5:44; Luc. 23:33, 34.)

Aküjalaa 108

1. ¿Kasa naainjaka Saulo süchikijee ouktuin Esteban?

2. ¿Kasa alataka nümüin Saulo wopuluʼupa nia Damascomüin?

3. ¿Kasa nuluwataaka anain Jesús Saulo?

4. ¿Jamüsü nünüiki Jesús nümüin Ananías? ¿Jamüshi süpüla koʼuin Saulo nüchikuaʼa?

5. ¿Kasaichi nünülia Saulo mapa? ¿Kasa naainjaka maʼin Pablo?

Asakiraa sooʼomüin:

1. Paashajeʼera Aluwataaushikana 8:1-4.

   ¿Kasa aküjünaka sainküin tü mmakat sutuma müliain atumawaa na nikirajüinkana Jesús? ¿Kasa alataka maaʼulu maʼaka saaʼin sümaiwa? (Aluw. 8:4; Isa. 54:17.)

2. Paashajeʼera Aluwataaushikana 9:1-20.

   ¿Jarat tü apünüinsükat kasa nüneekaka apüla Jesús Saulo? (Aluw. 9:15; 13:5; 26:1; 27:24; Roma 11:13.)

3. Paashajeʼera Aluwataaushikana 22:6-16.

   ¿Kasa waainjüinjatka süpüla washatüin nukuwaʼipa Ananías? ¿Jamüsü anaka maʼin tia? (Aluw. 22:12; 1 Tim. 3:7; 1 Ped. 1:14-16; 2:12.)

4. Paashajeʼera Aluwataaushikana 26:8-20.

   ¿Jamüsü sütütüleʼeraka naaʼin na wayuu nnojoliikana anoujuin aʼwayuuse tü nukuwaʼipakat Saulo? (Aluw. 26:11; 1 Tim. 1:14-16; 2 Tim. 4:2; 1 Ped. 3:1-3.)

Aküjalaa 109

1. ¿Jarai chi nüsapainkakai suluʼu tü ayaakuaakat?

2. ¿Jamüsü nünüiki wanee aapiee nümüin Cornelio?

3. ¿Kasa niʼraka Pedro nutuma Maleiwa nipialuʼu Simón?

4. ¿Jamüshi nnojoluinjachika nüsapainkain Cornelio naashin Pedro?

5. ¿Jamüsü ponoko naaʼin na nümaajanakana Pedro tü alatakat nipialuʼu Cornelio?

6. ¿Kasa shikirajaka anain waya nüntüin Pedro nipialuʼumüin Cornelio?

Asakiraa sooʼomüin:

1. Paashajeʼera Aluwataaushikana 10:1-48.

   ¿Jamüsü nünüiki Pedro suluʼu Aluwataaushikana 10:42 süchiki tü aküjaakat pütchi? (Mat. 28:19; Mar. 13:10; Aluw. 1:8.)

2. Paashajeʼera Aluwataaushikana 11:1-18.

   ¿Jamüsü nünüiki Pedro süka nücheküin Jeʼwaa na wayuu nnojoliikana judíoin? ¿Kasa waainjüinjatka süpüla washatüin nukuwaʼipa? (Aluw. 11:17, 18; 2 Cor. 10:5; Éfe. 5:17.)

Aküjalaa 110

1. ¿Jarai chi jimaʼai suluʼukai tü ayaakuaakat? ¿Jalashi nia kepiain? ¿Kasaichi sünülia tü niikat otta tü noushukot?

2. ¿Jamüsü nünüiki Timoteo wanaa sümaa nuunejaain nia Pablo sünain aküjaa pütchi sainküin mma?

3. ¿Kasaichi sünülia tü mmakat eejanale ‹na nümaajanakana Cristo› namünüin na nikirajüinkana Jesús?

4. ¿Jalamüinshi oʼunuin Pablo, Silas otta Timoteo sünain aküjaa pütchi süchikijee noʼunuin Listrajee?

5. ¿Kasa nükaaliinjaka anain Timoteo Pablo? ¿Kasa nasakiraainjatka anain na tepichikana?

Asakiraa sooʼomüin:

1. Paashajeʼera Aluwataaushikana 9:19-30.

   ¿Kasa naainjaka Pablo süka kekiin maʼin nia wanaa sümaa nuʼutuneein aaʼin sünainjee aküjaa pütchi? (Aluw. 9:22-25, 29, 30; Mat. 10:16.)

2. Paashajeʼera Aluwataaushikana 11:19-26.

   Sünainjee tü aküjünakat suluʼu Aluwataaushikana 11:19-21, 26, ¿jamüshi niaka chi naaʼinkai Maleiwa oʼuniraka sukuwaʼipa tü aküjaakat pütchi?

3. Paashajeʼera Aluwataaushikana 13:13-16, 42-52.

   ¿Jamüsü watüjaaka saaʼu sutuma Aluwataaushikana 13:51, 52 nnojoluin nooʼulaain suulia aküjaa pütchi na nikirajüinkana Jesús wanaa sümaa müliain naya atumawaa? (Mat. 10:14; Aluw. 18:6; 1 Ped. 4:14.)

4. Paashajeʼera Aluwataaushikana 14:1-6, 19-28.

   ‹Neʼitaain naya najapuluʼu Jeʼwaa›, ¿jamüsü anaka waaʼin sutuma tia pütchikat süpüla wakaaliinjüin na jekennuukana? (Aluw. 14:21-23; 20:32; Juan 6:44.)

5. Paashajeʼera Aluwataaushikana 16:1-5.

   ¿Jamüsü waainjüinjatka süpüshuaʼa tü kasakalüirua süpüla waküjüin pütchi maʼaka saaʼin tü naainjakat Timoteo niʼyoteʼerüin nüta? (Aluw. 16:3; 1 Cor. 9:23; 1 Tes. 2:8.)

6. Paashajeʼera Aluwataaushikana 18:1-11, 18-22.

   ¿Jamüsü nünüiki Jesús suluʼu Aluwataaushikana 18:9, 10 süka niain oʼunirüin sukuwaʼipa tü aküjaakat pütchi? ¿Jamüsü waaʼin sutuma tia? (Mat. 28:20.)

Aküjalaa 111

1. ¿Kasaichi nünülia chi jintüi palasütakai? ¿Kasa alataka nümüin?

2. ¿Kasa naainjaka Pablo niʼrapa ouktuin chi jintüikai?

3. ¿Jalainjachi oʼunuin Pablo, Timoteo otta na nümaajanakana? ¿Kasa naainjaka Pablo nüntapa Miletomüin?

4. ¿Kasa nüküjaka achiki Agabo nümüin Pablo? ¿Jamüsü shikeraajia tü nümakat Agabo?

Asakiraa sooʼomüin:

1. Paashajeʼera Aluwataaushikana 20:7-38.

   1. ¿Kasa waainjüinjatka naashin Pablo suluʼu Aluwataaushikana 20:26, 27 süpüla nnojoluinjatüin wasirüin ouktuin wanee wayuu? (Eze. 33:8; Aluw. 18:6, 7.)

   2. ¿Jamüshii ‹icheinjanaka sünain tü shiimainkat› na laülaashiikana suluʼu tü outkajaaleekat wanaa sümaa nekirajüin? (Aluw. 20:17, 29, 30; Tito 1:7-9; 2 Tim. 1:13.)

2. Paashajeʼera Aluwataaushikana 26:24-32.

   ¿Jamüsü nukuwaʼipa Pablo sünain aküjaa pütchi süka romajeʼewalin nia? (Aluw. 9:15; 16:37, 38; 25:11, 12; 26:32; Luc. 21:12, 13.)

Aküjalaa 112

1. ¿Kasa alataka sümüin tü anua kaluʼukat Pablo süʼütpaʼa tü mmakat Creta?

2. ¿Jamüsü nünüiki Pablo namüin na wayuu nümaakana suluʼu tü anuakat?

3. ¿Jamüsü sujuichijaaka tü anuakat?

4. ¿Jamüsü nünüiki chi sülaülashikai surulaat namüin na wayuukana? ¿Jeʼrashii na wayuu katakana oʼu?

5. ¿Kasaichi sünülia tü mmakat eere nantüin na wayuukana? ¿Kasa aainjünaka nüka Pablo sajaʼttapa tü juyakat?

Asakiraa sooʼomüin:

1. Paashajeʼera Aluwataaushikana 27:1-44.

   ¿Jamüsü weʼitaainjatka waaʼin sünain tü süküjakat tü Wiwüliakat sutuma tü alatakat nümüin Pablo wanaa sümaa nuʼunuin Romamüin? (Aluw. 27:16-19, 27-32; Luc. 1:3; 2 Tim. 3:16, 17.)

2. Paashajeʼera Aluwataaushikana 28:1-14.

   ¿Kasa waainjüinjatka sutuma tü naainjakat nümüin Pablo na wayuu kepiakana Malta? ¿Jamüinjatü saainjia watuma tia? (Aluw. 28:1, 2; Heb. 13:1, 2; 1 Ped. 4:9.)

Aküjalaa 113

1. ¿Jaralii na nüküjakana amüin pütchi Pablo wanaa sümaa püreesain nia Roma?

2. ¿Jarai chi joyotokoi? ¿Kasa nükaaliinjaka anain Pablo?

3. ¿Jarai chi wayuu kanüliakai Epafrodito? ¿Kasa nülüʼüjaka nuʼunapa Filiposmüin?

4. ¿Jamüsü nüshajaka karaloukta Pablo nümüin Filemón chi naʼaleewainkai?

5. ¿Kasa naainjaka Pablo nüjütünapa achiki? ¿Kasa alataka nümüin mapa?

6. ¿Jara nuluwataaka Jeʼwaa sünain ashajaa waneeirua karaloukta suluʼu tü Wiwüliakat? ¿Kasa saashajaaka achiki Alateetkat Mapeena?

Asakiraa sooʼomüin:

1. Paashajeʼera Aluwataaushikana 28:16-31 otta Filipos 1:13.

   ¿Kasa naainjaka Pablo wanaa sümaa püreesain nia Roma? ¿Jamüsü naaʼin na nuwalayuukana sutuma tü naainjakat Pablo? (Aluw. 28:23, 30; Fil. 1:14.)

2. Paashajeʼera Filipos 2:19-30.

   ¿Jamüsü nünüiki Pablo nüchiki Timoteo otta Epafrodito? ¿Kasa waainjüinjatka süpüla washatüin nukuwaʼipa Pablo? (Fil. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Paashajeʼera Filemón 1-25.

   1. ¿Kasa nüküjaka achiki Pablo nümüin Filemón süpüla naaʼinrüinjatüin tü analuʼukat? ¿Kasa shikirajaka anain tia na laülaashiikana suluʼu tü outkajaaleekat? (File. 8-10; 2 Cor. 8:8; Gal. 5:13.)

   2. ¿Jamüsü shiiʼiyatia nutuma Pablo suluʼu tü karalouktakat Filemón 13, 14 kojutuin nümüin nanüiki na nuwalayuukana? (1 Cor. 8:7, 13; 10:31-33.)

4. Paashajeʼera 2 Timoteo 4:7-9.

   Maʼaka naaʼin Pablo, ¿jamüsü weʼitaainjatka waaʼin sünain naapeerüin kasa anasü Jeʼwaa wamüin waainjüle waneepia tü nümakat? (Mat. 24:13; Heb. 6:10.)

Aküjalaa 114

1. ¿Jamüsü eeka ama chaaʼaya sirumatuʼu saashin tü Wiwüliakat?

2. ¿Kasaichi sünülia tü kaʼi nütkaainjatkat oʼu Maleiwa namaa na mojulaashiikana? ¿Kasapülajatü tia atkawaakat?

3. ¿Jara shikiipuʼuinjachika tia atkawaakat? (Piirakaa sümüin tü ayaakuaakat). ¿Jamüsü eeka sünain nikii wanee müsü aka saaʼin kotse? ¿Jamüshi nülüʼüjaka wanee chajaruuta?

4. Sünainjee tü Aküjalaakat 10, 15 otta 33, ¿jamüsü nnojoluinjatka ponuin waaʼin najaʼttirüinjanain Maleiwa na wayuu mojulaashiikana?

5. ¿Kasa alataka suluʼu tü aküjalaakat 36 otta 76 eeʼiyataka najaʼttirüinjanain Maleiwa na mojulaashii anoujayaakana nünain?

Asakiraa sooʼomüin:

1. Paashajeʼera Alateetkat Mapeena 19:11-16.

   1. ¿Jamüshi niaka Jesucristo chi naajuchikai chi ama kasuutaikai saashin tü Wiwüliakat? (Alat. Map. 1:5; 3:14; 19:11; Isa. 11:4.)

   2. Sünainjee ajüjüüshin nüsheʼin Jesús süka isha, ¿jamüsü watüjaaka saaʼu nükanajüinjachin? (Alat. Map. 14:18-20; 19:13.)

   3. ¿Jara na surulaat nümaakana Jesús süpüla atkawaa? (Alat. Map. 12:7; 19:14; Mat. 25:31, 32.)

Aküjalaa 115

1. ¿Kasa eeinjatka suluʼu tü Paraiisükat saashin tü Wiwüliakat?

2. ¿Jamüsü sünüiki tü Wiwüliakat namüin na kepiainjanakana suluʼu tü Paraiisükat?

3. ¿Joujainjatü nikeraajiraka Jesús tü süküjakat tü Wiwüliakat?

4. ¿Kasa naainjaka Jesús wanaa sümaa yaajachin nia Mmapaʼa süpüla niiʼiyatüin tü naainjüinjatkat nuluwataapa saaʼu tü Mmakat?

5. ¿Kasa jülüjüinjatka naaʼin Jesús nuluwataapa sirumatuʼujee namaa wanee wayuuinnua?

Asakiraa sooʼomüin:

1. Paashajeʼera Alateetkat Mapeena 5:9, 10.

   ¿Jamüsü watüjaaka naaʼu anamiainjanain otta amüliajüliinjanain na sacerdoteinjanakana otta na aluwataainjanakana soʼu 1000 juya? (Éfe. 4:20-24; 1 Ped. 1:7; 3:8; 5:6-10.)

2. Paashajeʼera Alateetkat Mapeena 14:1-3.

   ¿Jamüsü süshajünaka neʼipoʼunain na 144.000 nünülia Jeʼwaa otta Jesús? (1 Cor. 3:23; 2 Tim. 2:19; Alat. Map. 3:12.)

Aküjalaa 116

1. ¿Jaralii na wekirajaainjanakana anain kateere woʼu waneepia?

2. ¿Kasa waainjüinjatka süpüla wekirajaain nünain Jeʼwaa otta Jesús? (Piirakaa sümüin tü ayaakuaakat).

3. ¿Jarat tü karaloukta palasütakat mmoluʼu? ¿Jamüsü waashajeʼerüinjatka shia waneepia?

4. Süchikijee wekirajaain nünain Jeʼwaa otta Jesús, ¿kasa tü wanee waainjüinjatkat süpüla katüin woʼu waneepia?

5. ¿Kasa shikirajaka anain waya tü aküjalaakat 69?

6. ¿Kasa shikirajaka anain waya nukuwaʼipa Samuel suluʼu tü aküjalaakat 55?

7. ¿Kasa waainjüinjatka süpüla washatüin nukuwaʼipa Jesús? ¿Jameena waya waainjüle tia?

Asakiraa sooʼomüin:

1. Paashajeʼera Juan 17:3.

   ¿Jamüsü shiiʼiyatia sutuma tü Wiwüliakat nnojoluinjatüin wanaajüin mülee suluʼu wekii tü ekirajünakat nüchiki Jeʼwaa otta Jesucristo? (Mat. 7:21; Sant. 2:18-20; 1 Juan 2:17.)

2. Paashajeʼera Salmo 145:1-21.

   1. ¿Jamüshi waʼwaajüinjachika Jeʼwaa? (Sal. 145:8-11; Alat. Map. 4:11.)

   2. ¿Kasa naainjaka Jeʼwaa süka ‹anamiain nia namüin napüshuaʼa na wayuukana›? ¿Jamüshii warütkaainjanaka nünainmüin sutuma tia? (Sal. 145:9; Mat. 5:43-45.)

   3. ¿Kasa waainjüinjatka aire wapüla Jeʼwaa? (Sal. 119:171, 172, 175; 145:11, 12, 21.)