Kukwe ngwantarita Tärä tikwe tä blite Bibliabätä kräke
Kukwe ngwantarita Tärä tikwe tä blite Bibliabätä kräke
Ngöbökwe jondron sribebare
1. ¿Jondron kwin jökrä ye nire biani nie? ¿Mä raba bämike keteiti?
2. ¿Dre sribebare kena Ngöbökwe?
3. ¿Ñobätä ángel kena ye namani bäri tare Ngöbökwe?
4. Dobro nämene ño kena mä raba niere (bämikani ye mike ñärärä).
5. ¿Ngöbökwe Dobro ükaninte ño kena jondron nire aune ni nire kräke?
Kukwe mada ngwantarita:
1. Ñäkädre Jeremías 10:12 yebätä.
Ngöbökwe jondron sribebare, ¿ye kätä dre mike gare nie niara yebätä? (Isa. 40:26; Rom. 11:33.)
2. Ñäkädre Colosenses 1:15-17 yebätä.
Jondron sribebare ye ngwane, ¿sribi meden nuainbare Jesukwe aune kukwe ye käkwe ni töi mikadre ño niara yebätä?
3. Ñäkädre Génesis 1:1-10 yebätä.
a) ¿Ñokänti Dobro ye namani bare? (Gén. 1:1.)
b) Jondron sribebare köbö kena yete, ¿ye ngwane dre namani bare? (Gén. 1:3-5.)
c) Jondron sribebare köbö köböbukäre yete, ¿ye ngwane dre namani bare? (Gén. 1:7, 8.)
Kä bä nuäre krubäte
1. ¿Ngöbökwe Dobro ükaninte ño nikrä?
2. Ngöbökwe jondron nire sribebare kabre. ¿Ye mä raba kädeke ruäre? (Bämikani ye mike ñärärä.)
3. ¿Ñobätä kä Edén ye ñaka namani kä mada ye erere?
4. ¿Kä tibien ye jökrä rabadre ño ie Ngöbö tö namani?
Kukwe mada ngwantarita:
1. Ñäkädre Génesis 1:11-25 yebätä.
a) ¿Köbö köbömäkäre yete Ngöbökwe dre sribebare? (Gén. 1:12.)
b) ¿Köbö köböbäkäkäre te dre namani bare? (Gén. 1:16.)
c) ¿Ngöbökwe jondron nire meden meden sribebare köbö köbörike aune köbötikäre yete? (Gén. 1:20, 21, 25.)
2. Ñäkädre Génesis 2:8, 9 yebätä.
¿Kri meden dobu mikani Ngöbökwe kä bä nuäre yete, aune ye käkwe dre bämikani?
Ni sribebare kena
1. ¿Dre üaita mikani kukwe kira 3 känti abokän ñaka ja erebe kukwe kira 2 yebe?
2. ¿Nirekwe ni brare kena sribebare, aune kädekani ño?
3. ¿Sribi meden biani Ngöbökwe Adán ie?
4. ¿Ñobätä Ngöbökwe Adán mikani ja düke nguseta?
5. ¿Kä kwäbe te Adán bätä Eva käkwe nünandre, aune Jehová tö namani tuai sribi meden nuainne?
Kukwe mada ngwantarita:
1. Ñäkädre Salmo 83:18 yebätä.
¿Ngöbö kä ño? ¿Ñobätä Ngöbö ye aibe bäri ütiäte Kä tibien yebiti? (Jer. 16:21; Dan. 4:17.)
2. Ñäkädre Génesis 1:26-31 yebätä.
a) ¿Köbö köbö ti te Ngöbökwe jondron sribebare yete dre bäri ütiäte sribebare mrä kwe? ¿Ñobätä ye ñaka ja erebe jondron nire sribebare kwe yebe? (Gén. 1:26.)
b) ¿Jehová käkwe dre biani kwetadre ni nire ie aune jondron nire ye ie? (Gén. 1:30.)
3. Ñäkädre Génesis 2:7-25 yebätä.
a) ¿Adán käkwe dre nuaindre jondron nire jökrä ye kädekakäre? (Gén. 2:19.)
b) ¿Ja mika gure, nitre gure tä ja denkä mento bätä nitre gure tä ja tuenmetre ye tuin ño Jehová ie? ¿Génesis 2:24 ye tä ni dimike ño kukwe nebätä? (Mat. 19:4-6, 9.)
Ñobätä kä kwin nianinte kän
1. Jondron bämikani ne mike ñärärä. ¿Dreta nakainkä Adán bätä Eva yebätä?
2. ¿Ñobätä Jehovakwe mikani ja ngie nuin?
3. ¿Kulebra krati käkwe dre niebare Eva ie?
4. ¿Nirekwe kulebra mikani blite Eva yebe?
5. ¿Ñobätä kä bä nuäre nünankrä ye nianinte Adán bätä Eva kän?
Kukwe mada ngwantarita:
1. Ñäkädre Génesis 2:16, 17 bätä 3:1-13, 24 yebätä.
a) ¿Kulebra käkwe kukwe ngwanintari Eva ie yebiti ño Jehová bä mikani käme kwe? (Gén. 3:1-5; 1 Juan 5:3.)
b) ¿Kukwe namani bare Eva yebätä ye kätä dre mike gare ja tökrä nie? (Fili. 4:8; Sant. 1:14, 15; 1 Juan 2:16.)
c) ¿Ñobätä Adán bätä Eva ie ja ñaka namani ruin ngite? (Gén. 3:12, 13.)
d) Angeletre querubin nämene kä bä nuäre Edén ngübarebiti, ¿ye käkwe ja mikani ño Gobran Ngöbökwe yekri? (Gén. 3:24.)
2. Ñäkädre Revelación 12:9 yebätä.
Satana kätä nitre töimike gobran Ngöbökwe rüere, ¿ye köböire dre dre namanina bare? (1 Juan 5:19.)
Namanintre nüne tare
1. Adán bätä Eva juanintari kä Edén bäre ye ngwane, ¿nünanbare ño kwetre?
2. ¿Dre namani bare Adán bätä Eva yebätä aune ñobätä?
3. ¿Ñobätä Adán bätä Eva monsoitre jatani umbre aune krütani?
4. Adán bätä Eva käkwe Jehová mikadre täte akrä, ¿niaratre bätä monsoitre ye käkwe nünandre ño?
5. Eva käkwe ñaka Ngöbö mikani täte, ¿yebätä namani ja tarenike ño?
6. ¿Adán bätä Eva monsoi nibu kena ye kädekani ño?
7. ¿Monsotre kia mada bämikani ye nire?
Kukwe mada ngwantarita:
1. Ñäkädre Génesis 3:16-23 bätä 4:1, 2 yebätä.
a) Ngöbökwe kukwe tare ñäkäbare kä tibien yekrä, ¿yebätä Adán käkwe nünanbare ño? (Gén. 3:17-19; Rom. 8:20, 22.)
b) ¿Ñobätä Eva ye kädekani nitre “nünanka” ye meyere? (Gén. 3:20.)
c) Adán bätä Eva käkwe ja mikani ngite akwa Jehová töi nämene niaratre yebätä, ¿ye bämikani ño kwe? (Gén. 3:7, 21.)
2. Ñäkädre Revelación 21:3, 4 yebätä.
¿“Kukwe käne käne” ye meden ni törba tuai krüte?
Monso iti töi kwin, iti töi käme
1. ¿Caín bätä Abel käkwe sribi meden nuainbare?
2. ¿Caín bätä Abel käkwe dre biani Jehová ie?
3. ¿Ñobätä Jehovakwe jondron Abelkwe ye kani ngäbiti aune ñaka Cainkwe ye kani ngäbiti kwe?
4. ¿Caín ye töi nämene ño aune Jehovakwe dre niebare ie?
5. Caín namani tirete angwane, ¿dre nuainbare kwe eteba yebätä?
6. Caín käkwe eteba mürie ketani ye bitikäre, ¿dre namani bare niara yebätä?
Kukwe mada ngwantarita:
1. Ñäkädre Génesis 4:2-26 yebätä.
a) Caín käkwe ja mikani kukwe tare te, ¿ye Jehová käkwe mikani gare ño? (Gén. 4:7.)
b) ¿Dre nämene Caín brukwäte ye bämikani ño kwe? (Gén. 4:9.)
c) Ni ñaka ngite mürie ketadre, ¿ye tuin ño Jehovai? (Gén. 4:10; Isa. 26:21.)
2. Ñäkädre 1 Juan 3:11, 12 yebätä.
a) ¿Ñobätä Caín namani rubun krubäte aune ye kätä dre mike gare ja tökrä nie? (Gén. 4:4, 5; Pro. 14:30; 28:22.)
b) Ni mräkätre jökrä käkwe ja mikadre Jehová ye rüere, akwa ni raba ja ngwen metre, ¿ye Biblia kätä mike gare ño? (Sal. 27:10; Mat. 10:21, 22.)
3. Ñäkädre Juan 11:25 yebätä.
Nitre mürie ketata kukwe metre nuainbätä, ¿yekrä Jehová kätä dre käbämike? (Juan 5:24.)
Ni itibätä kä jürä ñaka
1. ¿Ñobätä Enoc käkwe ñaka ja ngwani nitre mada erere?
2. ¿Ñobätä nitre Enoc näire nämene kukwe käme nuainne krubäte?
3. ¿Nitre nämene dre käme nuainne? (Bämikani ye mike ñärärä.)
4. ¿Ñobätä Enoc ñaka kä jürä ngwani jabätä?
5. ¿Nitre kä ye ngwane nämene nüne kä kwäbe te, akwa Enoc käkwe nünanbare kä kwäbe te?
6. ¿Enoc krütani ye bitikäre dre namani bare?
Kukwe mada ngwantarita:
1. Ñäkädre Génesis 5:21-24, 27 yebätä.
a) ¿Jehová nämene tuin ño Enoc ie? (Gén. 5:24.)
b) ¿Nirekwe nünanbare bäri nieta Bibliakwe, aune kä nämene kwäbe biti aune krütani? (Gén. 5:27.)
2. Ñäkädre Génesis 6:5 yebätä.
¿Enoc krütani ye bitikäre dre namani bare Kä tibienbätä, aune ye ñobätä ja erebe kä nengwane? (2 Tim. 3:13.)
3. Ñäkädre Hebreos 11:5 yebätä.
¿Drebätä Enoc ye namani tuin kwin Ngöböi, aune ye köböire dre namani bare? (Gén. 5:22.)
4. Ñäkädre Judas 14, 15 yebätä.
Rü kri Ngöbökwe nibira ja ken nita mike gare ye ngwane, ¿ni raba ja ngwen ño Enoc ye erere? (2 Tim. 4:2; Heb. 13:6.)
Ni krikri nämene Kä tibienbätä
1. ¿Angeletre Ngöbökwe ruäre käkwe Satana kukwei mikani täte ye ngwane dre namani bare?
2. ¿Ñobätä angeletre ruäre käkwe sribi kwetre kä kwinbätä ye tuanimetre aune jatani Kä tibienbätä?
3. Angeletre jatani Kä tibienbätä aune ja sribebare kwetre ni erere, ¿ñobätä ye käme?
4. Angeletre monsoi namani, ¿ye ñobätä ñan namani monso mada ye erere?
5. Angeletre monsoi namani krikri ye ngwane, ¿dre nuainbare kwetre? Bämikani ye mä raba mike ñärärä.
6. Enoc ye bitikäre, ¿nire töi kwin käkwe nünanbare Kä tibienbätä aune ñobätä namani tare Ngöbökwe?
Kukwe mada ngwantarita:
1. Ñäkädre Génesis 6:1-8 yebätä.
Génesis 6:6 kätä niere ye erere, ¿nita ja ngwen ye raba mate ño Jehová töibätä? (Sal. 78:40, 41; Pro. 27:11.)
2. Ñäkädre Judas 6 yebätä.
Angeletre “käkwe kä mikaninkä kä kwinbätä”, ¿ye kätä dre mike gare ja tökrä nie? (1 Cor. 3:5-9; 2 Ped. 2:4, 9, 10.)
Noé arka sribebare
1. ¿Noé mräkä nibe aune monsoi nimä ye kädeka nämene ño?
2. ¿Jondron meden ñan tuabare sribedre Noekwe niebare ie Ngöbökwe aune ñobätä?
3. Noé käkwe blitabare arka yebätä angwane, ¿nitre nünanka bäre ye ie namani tuin ño?
4. ¿Noé käkwe jondron nire ye nuaindre niebare ie Ngöbökwe?
5. Ngöbökwe jukwe dikani ye bitikäre, ¿Noé aune mräkätre kwe käkwe dre nuainbare?
Kukwe mada ngwantarita:
1. Ñäkädre Génesis 6:9-22 yebätä.
a) ¿Dre käkwe Noé ye mikani ni ütiäte Ngöbö metre mikaka täte? (Gén. 6:9, 22.)
b) ¿Ni mada nuainta tare ye tuin ño Jehovai, aune ye käkwe ni töi mikadre ño jondron diandre jai ja näkwitara ye ngwane? (Gén. 6:11, 12; Sal. 11:5.)
c) Jehová kätä kukwe niere nie nitre ji ngwanka käne yebiti angwane, ¿Noé ye erere ni raba ja ngwen ño? (Gén. 6:22; 1 Juan 5:3.)
2. Ñäkädre Génesis 7:1-9 yebätä.
Noé ngite akwa Jehová kräke nämene ja ngwen metre, ¿ye raba ni dimike ño? (Gén. 7:1; Pro. 10:16; Isa. 26:7.)
Ñü kri krubäte
1. Ñü jatani näkäin tibien ye ngwane, ¿ñobätä ñaka namanina nändre nitre kräke arkate?
2. ¿Jehová käkwe ñü mikani näkäin köbö kwäbe te aune ñö ririabare nuäi?
3. Kä jatani niken ñöte angwane, ¿dre namani bare arka yebätä?
4. ¿Nitre krikri ye namaninte nire ñü kri ye bitikäre? ¿Dre namani bare niaratre rün yebätä?
5. ¿Sö nikani krärike ta ye bitikäre dre namani bare arka yebätä?
6. ¿Ñobätä Noé käkwe kwerbo ye juani jubäre?
7. Ñö ngrötanina, ¿ye ñokänti namani gare Noé ie?
8. Noé bätä mräkätre käkwe nuabare kä kwati biti bäri, ¿ye bitikäre Ngöbökwe dre niebare ie?
Kukwe mada ngwantarita:
1. Ñäkädre Génesis 7:10-24 yebätä.
a) ¿Jondron jökrä nire Kä tibienbätä ye ganinte? (Gén. 7:23.)
b) ¿Kä nikani nuäi ta aune ñö ye ngrötani? (Gén. 7:24.)
2. Ñäkädre Génesis 8:1-17 yebätä.
Jehová ñaka ja töi kwitani Kä tibien nekrä, ¿ye Génesis 8:17 kätä mike gare ño? (Gén. 1:22.)
3. Ñäkädre 1 Pedro 3:19, 20 yebätä.
a) Angeletre käme nikaninta kä kwinbätä yekrä ¿kukwe meden ñäkäbare? (Jud. 6.)
b) Jehová käkwe Noé bätä mräkätre kwe mikani kwäre, ¿ye kätä ni dimike ño tö ngwankäre ie? (2 Ped. 2:9.)
Mrüträ kena
1. Bämikani ye erere, Noé nämene arkate nikani jubäre ye ngwane, ¿dre nuainbare käne kwe?
2. ¿Ñü kri ye bitikäre Ngöbökwe dre niebare Noé bätä mräkätre ie?
3. ¿Ngöbökwe dre käbämikani?
4. Mrüträ jutuadre nie angwane, ¿nikwe dre ngwandre törö jai?
Kukwe mada ngwantarita:
1. Ñäkädre Génesis 8:18-22 yebätä.
a) ¿Ni raba dre nuainne kä nengwane ne kwe, jondron biandre nikwe ye Jehovakwe kadre ngäbiti? (Gén. 8:21; Heb. 3:15, 16.)
b) ¿Dre mikani ñärärä Jehovakwe nitre kä nebätä brukwäte, aune ñobätä nikwe ja ngübadrebiti? (Gén. 8:21; Mat. 15:18, 19.)
2. Ñäkädre Génesis 9:9-17 yebätä.
a) ¿Kukwe meden ükaninte Jehovakwe jondron jökrä nire Kä nebätä yebe? (Gén. 9:10, 11.)
b) ¿Kukwe ükaninte mrüträ yebiti ye käkwe nuadi kä kwäbe te? (Gén. 9:16.)
Nitre ju mente kwin sribebare
1. ¿Nire abokän Nemrod, aune nämene tuin ño Ngöbö ie?
2. ¿Nitre bämikani ye kätä ladrillo sribere drekäre?
3. ¿Ñobätä ju sribe nämene ye ñaka namani kwin Jehovakrä?
4. ¿Ju kri mente kwin sribe nämene ye ötani ño Ngöbökwe?
5. ¿Juta ye kädekani ño aune ye dre gäräbare?
6. ¿Nitre kukwei kwitani Ngöbökwe ye bitikäre dre nuainbare kwetre?
Kukwe mada ngwantarita:
1. Ñäkädre Génesis 10:1, 8-10 yebätä.
¿Nemrod käkwe ja ngwani ño aune Biblia kätä dre mike gare nie kukwe yebätä? (Pro. 3:31.)
2. Ñäkädre Génesis 11:1-9 yebätä.
¿Drekäre ju kri mente kwin ye sribe nämene, aune ñobätä ñaka namani bare? (Gén. 11:4; Pro. 16:18; Juan 5:44.)
Abrahán... ja ketaka Ngöböbe
1. ¿Nitre töi ño nämene nüne juta Ur känti?
2. ¿Ni üai bämikani ye nire? ¿Därebare ñongwane? ¿Nämene nüne medente?
3. ¿Dre niebare Ngöbökwe Abrahán ie?
4. ¿Ñobätä Abrahán kädekani ja ketamuko Ngöbökwe?
5. ¿Abrahán käkwe kä mikaninkä kä Ur känti ye ngwane nire nikani ben?
6. ¿Abrahán namani kä Canaán känti ye ngwane Ngöbökwe dre niebare ie?
7. ¿Kä namani 99 Abrahán yebiti angwane dre käbämikani Ngöbökwe ie?
Kukwe mada ngwantarita:
1. Ñäkädre Génesis 11:27-32 yebätä.
a) ¿Lot ye Abrahán gere? (Gén. 11:27.)
b) Taré nikani mräkätre ngwena kä Canaán nieta, ¿akwa Abrahán käkwe nitre jie ngwani ye ñokänti gare nie aune ñobätä nuainbare kwe? (Gén. 11:31; Hech. 7:2-4.)
2. Ñäkädre Génesis 12:1-7 yebätä.
Abrahán namani Canaán ye ngwane Jehová käkwe kukwe ükaninte ben, ¿ye nire nire kräke käbämikani kwe arato? (Gén. 12:7.)
3. Ñäkädre Génesis 17:1-8, 15-17 yebätä.
a) ¿Abrán yebiti kä namani 99 angwane kä ye kwitani ño aune ñobätä? (Gén. 17:5.)
b) ¿Jehová dre kwin käbämikani kä ja känenkäre te Sara ie? (Gén. 17:15, 16.)
4. Ñäkädre Génesis 18:9-19 yebätä.
a) Génesis 18:19 yekänti, ¿sribi meden mikani nitre rüne ye kisete nieta? (Deu. 6:6, 7; Efe. 6:4.)
b) ¿Kukwe meden namani bare Sara yebätä, abokän kätä mike gare ni ñaka raba ja üke jire Jehová yebätä? (Gén. 18:12, 15; Sal. 44:21.)
Tödeka Abrahankwe nuaninte
1. ¿Dre käbämikani Ngöbökwe Abrahán ie, aune nuainbare ño kwe?
2. Bämikani ye erere, ¿Ngöbökwe tödeka Abrahankwe ye nuaninte ño?
3. Ngöbö namani kukwe niere ye ñaka nükani gare Abrahán ie, ¿akwa dre nuainbare kwe?
4. Abrahán cuchillo diani monsoi mürie ketakäre ye ngwane, ¿dre namani bare?
5. ¿Abrahán nämene tödeke nuäi Ngöböi?
6. ¿Ngöbökwe dre biani kukwadre Abrahán ie, aune ño?
Kukwe mada ngwantarita:
1. Ñäkädre Génesis 21:1-7 yebätä.
¿Ñobätä Abrahán jondron monsoikwe kwata tikaninkä köbö kwäira te? (Gén. 17:10-12; 21:4.)
2. Ñäkädre Génesis 22:1-18 yebätä.
¿Isaac käkwe rün mikani täte ño, aune ye käkwe kukwe bäri ütiäte ja känenkäre bämikani ño? (Gén. 22:7-9; 1 Cor. 5:7; Fili. 2:8, 9.)
Lot muko nikrabare ja jiebiti
1. ¿Ñobätä Abrahán käkwe ja dianinkä mento Lot yebätä?
2. ¿Ñobätä Lot käkwe ja töimikai nüne Sodoma?
3. ¿Nitre Sodoma nämene ja ngwen ño?
4. ¿Ángel nibu käkwe dre mikani gare Lot ie?
5. ¿Ñobätä Lot muko nikwitani mren jäire?
6. Kukwe namani bare Lot muko yebätä, ¿ye kätä dre mike gare ja tökrä nie?
Kukwe mada ngwantarita:
1. Ñäkädre Génesis 13:5-13 yebätä.
Kukweta nemen nikwe ni madabe jabätä ye ngwane, ¿ni raba ükete ño Abrahán ye erere? (Gén. 13:8, 9; Rom. 12:10; Fili. 2:3, 4.)
2. Ñäkädre Génesis 18:20-33 yebätä.
Jehová blitabare Abrahanbe yebätä nikwe tö bikadre angwane, ¿ñobätä Jehová bätä Jesús käkwe kukwe ükaite metre gare nie? (Gén. 18:25, 26; Mat. 25:31-33.)
3. Ñäkädre Génesis 19:1-29 yebätä.
a) Nitre brare ja erebe nemen jabe, ¿ye tuin ño Jehovai nieta texto nebätä? (Gén. 19:5, 13; Lev. 20:13.)
b) Ngöbökwe kukwe niebare Lot bätä Abrahán ie, ¿yebätä niaratre käkwe dre nuainbare aune ye kätä dre mike gare nie? (Gén. 19:15, 16, 19, 20; 22:3.)
4. Ñäkädre Lucas 17:28-32 yebätä.
¿Lot muko nämene töbike ño jondron kwe yebätä, aune ye kätä dre mike gare ja tökrä nie? (Luc. 12:15; 17:31, 32; Mat. 6:19-21, 25.)
5. Ñäkädre 2 Pedro 2:6-8 yebätä.
Lot ye erere, ¿nikwe ja töi mikadre ño kukwe käme kä nebätä yebätä? (Eze. 9:4; 1 Juan 2:15-17.)
Isaac muko kwin känänbare
1. ¿Ni brare aune meri bämikani ye nire?
2. ¿Abrahán käkwe dre nuainbare monsoi muko känänkäre aune ñobätä?
3. ¿Ni sribikä Abrahán kräke käkwe orabare ye mikani gare ño ie?
4. Rebeca tö namani ja mikai gure Isaac yebe ngwanintari ie ye ngwane, ¿dre niebare kwe?
5. ¿Dre käkwe kä mikaninta juto Isaac yebätä?
Kukwe mada ngwantarita:
1. Ñäkädre Génesis 24:1-67 yebätä.
a) Ni sribikä Abrahán kräke ben Rebeca ngätäni ño okwä känti ye ngwane, ¿kukwe meden kwin nuainbare kwe? (Gén. 24:17-20; Pro. 31:17, 31.)
b) ¿Abrahán käkwe dre kwin nuainbare Isaac kräke, aune ye kätä dre bämike nitre kristiano kräke? (Gén. 24:37, 38; 1 Cor. 7:39; 2 Cor. 6:14.)
c) ¿Ñobätä nikwe kä diandrekä jai töbikakäre Isaac nämene nuainne ye erere? (Gén. 24:63; Sal. 77:12; Fili. 4:8.)
Mukin töi ñaka ja erebe
1. ¿Esaú bätä Jacob ye abokän nire, aune drebätä ñaka ja erebe?
2. ¿Esaú aune Jacob yebiti kä nämene kwäbe angwane ruai Abrahán ye krütani?
3. ¿Esaú käkwe dre nuainbare abokän käkwe rün mikani ulire krubäte?
4. ¿Ñobätä Esaú namani rubun krubäte Jacob kräke?
5. ¿Isaac käkwe dre niebare Jacob ie?
Kukwe mada ngwantarita:
1. Ñäkädre Génesis 25:5-11, 20-34 yebätä.
a) ¿Jehovakwe dre niebare Rebeca monsoi nibu yebätä? (Gén. 25:23.)
b) ¿Jacob bätä Esaú töi nämene ño jondron rünkwe biandre monso mubai ie yebätä? (Gén. 25:31-34.)
2. Ñäkädre Génesis 26:34, 35; 27:1-46, bätä 28:1-5 yebätä.
a) Jondron ja üaire ñaka nämene ütiäte Esaú kräke, ¿ye bämikani ño kwe? (Gén. 26:34, 35; 27:46.)
b) Ngöbökwe jondron kwin biandre Jacob ie yekäre, ¿dre nuaindre kwe niebare ie Isaackwe? (Gén. 28:1-4.)
3. Ñäkädre Hebreos 12:16, 17 yebätä.
Esaú ye erere, ¿nitre ñaka kukwe ja üaire mike ütiäte jai yebätä dre rabai bare?
Jacob nikani Harán
1. ¿Meri bati bämikani ye nire, aune Jacob käkwe dre nuainbare ütiäre?
2. ¿Jacobkwe ja töi mikani dre nuainne ja mikakäre gure Raquel ben?
3. Kä nükani Jacob ie ja mikakäre gure Raquel ben ye ngwane, ¿Labán käkwe dre nuainbare?
4. ¿Jacob käkwe dre nuainbare mada ja mikakäre gure Raquel ben?
Kukwe mada ngwantarita:
1. Ñäkädre Génesis 29:1-30 yebätä.
a) Labán käkwe Jacob ngökani akwa, ¿niara ie tö ngwan raba ye bämikani ño kwe aune ye kätä dre mike gare nie? (Gén. 25:27; 29:26-28; Mat. 5:37.)
b) Jacob nämene Raquel tarere metre aune ñaka nämene ja bämike jerekäbe, ¿ye bämikani ño kwe? (Gén. 29:18, 20, 30; Cant. de Cant. 8:6.)
c) ¿Meri meden nibäkä namani Jacob yebe aune monsoi namani arato? (Gén. 29:23, 24, 28, 29.)
Jacob mräkätre kwati
1. ¿Jacob muko kena monsoi namani ni ti ye kädekani ño?
2. ¿Jacob muko Zilpá sribikä Lea kräke monsoi namani nibu ye kädekani ño?
3. ¿Jacob muko Bilhá sribikä Raquel kräke monsoi namani nibu ye kädekani ño?
4. ¿Raquel monsoi meden namani nibu, akwa nibukäre därebare ye ngwane dre namani bare?
5. Bämikani ye erere, ¿Jacob monsoi namani nibe, aune niaratre köböire juta meden namani?
Kukwe mada ngwantarita:
1. Ñäkädre Génesis 29:32-35; 30:1-26 bätä 35:16-19 yebätä.
Jacob monsoi ni jätäbiti nibu kädekani ye erere, ¿kirabe monsotre kia hebreo ye kädeka nämene ño?
2. Ñäkädre Génesis 37:35 yebätä.
Biblia kätä Dina aibe kädriere akwa, ¿Jacob ngängän mada namani ye ñokänti gare nie? (Gén. 37:34, 35.)
Dina ja mikani kukwe tare te
1. ¿Ñobätä Abrahán bätä Isaac ñaka tö namani monsotre kwe tuai ja mike gure nitre Canaán yebe?
2. Jacob ngängän käkwe ja ketadre meritre Canaán yebe, ¿ye namani kwin kräke?
3. ¿Ni bämikani kätä nikren Dinabätä ye nire, aune dre käme nuainbare kwe?
4. Kukwe namani bare Dinabätä ye namani gare ngwai Simeón bätä Leví ye ie angwane, ¿dre nuainbare kwetre?
5. Simeón bätä Leví käkwe kukwe nuainbare, ¿ye namani kwin Jacob kräke?
6. ¿Ñokänti kukwe tare namani Jacob mräkä yebätä?
Kukwe mada ngwantarita:
1. Ñäkädre Génesis 34:1-31 yebätä.
a) ¿Nane nane Dina ye nämene nemen meritre Canaán yekänti? Mä raba niere (Gén. 34:1).
b) ¿Ñobätä Dina ngite arato mikani nemen jabe yebätä? (Gál. 6:7.)
c) Kukwe namani bare Dinabätä, ¿ye monsotre bati kätä mike ja tökrä jai raba bämike ño? (Pro. 13:20; 1 Cor. 15:33; 1 Juan 5:19.)
José etebatre ja mikani rüere
1. ¿Ñobätä José etebatre namani ja rüere ben, aune dre nuainbare kwetre?
2. ¿José etebatre tö namani dre nuaindi José yebätä, akwa Rubén käkwe dre niebare?
3. Nitre Ismael jondron kökaka nükani angwane, ¿dre namani bare?
4. José krütani nütüdre rünkwe gäre, ¿etebatre käkwe dre nuainbare?
Kukwe mada ngwantarita:
1. Ñäkädre Génesis 37:1-35 yebätä.
a) ¿Kukwe käme nuainta konkrekasionte ye ngwane nitre kristiano käkwe dre nuaindre José erere? (Gén. 37:2; Lev. 5:1; 1 Cor. 1:11.)
b) ¿Dre käkwe José etebatre töi mikani José rürübäine? (Gén. 37:11, 18; Pro. 27:4; Sant. 3:14-16.)
c) ¿Ni mräkätre tä krüte ye ngwane jata nemen ruin ño nie, ye erere ja namani ruin ño Jacob ie? (Gén. 37:35.)
José kitani ngite
1. ¿Kä nämene kwäbe José yebiti angwane jänikani Egipto, aune niara namani ye ngwane dre namani bare?
2. ¿Ñobätä José kitani ngite?
3. ¿José nämene ngite ye ngwane sribi meden biani ie?
4. Ni dö bianka bätä ni ban sribekä Faraón kräke, ¿yekrä dre nuainbare Josekwe nämene ngite ye ngwane?
5. Ni dö bianka mikani kwäre ye bitikäre, ¿dre namani bare?
Kukwe mada ngwantarita:
1. Ñäkädre Génesis 39:1-23 yebätä.
José näire Ngöbö kukwei ñaka nämene tikani ni niena gure rabadre ni madabe ye ñäkäikäre, ¿akwa dre käkwe töimikani ngitie Potifar muko yebätä? (Gén. 2:24; 20:3; 39:9.)
2. Ñäkädre Génesis 40:1-23 yebätä.
a) Ni dö bianka käkwe dre köböibare aune ye dre gäräbare mikani gare Jehovakwe José ie, ye mä raba niere jötrö ngwarbe (Gén. 40:9-13).
b) ¿Ni ban sribekä käkwe dre köböibare aune ye dre gäräbare? (Gén. 40:16-19.)
c) ¿Nitre sribikä täte metre bätä töbätä tä ja töi mike ño José erere kä nengwane? (Gén. 40:8; Sal. 36:9; Juan 17:17; Hech. 17:2, 3.)
d) ¿Nitre kristiano töi ño kumpleaño sribeta yebätä ye mikata gare ño Génesis 40:20 yekänti? (Ecl. 7:1; Mar. 6:21-28.)
Faraón käkwe köböbare
1. ¿Dre namani bare deu Faraón yebätä?
2. ¿Ñobätä ni dö bianka ie José nükani törö mrä?
3. Bämikani ye erere, ¿Faraón käkwe dre tuani bobu köböre?
4. Faraón käkwe köböbare, ¿ye dre gäräbare niebare Josekwe?
5. ¿Ñokänti José namani bäri ütiäte Egipto Faraón ye bitikäre?
6. ¿Ñobätä José etebatre nikani Egipto, aune ñobätä niara ñaka nükaninta gare ietre?
7. ¿Köbö meden nükaninta törö José ie, aune dre käkwe mikani nüke gare ie?
Kukwe mada ngwantarita:
1. Ñäkädre Génesis 41:1-57 yebätä.
a) ¿José käkwe Jehová mikani ño käne, aune ye erere nitre kristiano raba nuainne ño? (Gén. 41:16, 25, 28; Mat. 5:16; 1 Ped. 2:12.)
b) Kä Egipto känti mrö namani krubäte akwa biti mrö nikani krubäte ye erere, ¿juta Ngöbökwe tä ño kukwe ja üaire yebiti nitre kukwe ngwarbe mikaka täte yebe? (Gén. 41:29, 30; Amós 8:11, 12.)
2. Ñäkädre Génesis 42:1-8 bätä 50:20 yebätä.
Ni iti kädekata kri yebätä nitre juta yekänti tä nemen ngüdokwäre mikakäre ütiäte jai, ¿ye erere nitre Jehová mikaka täte raba nuainne? (Gén. 42:6.)
José etebatre töi gani
1. ¿Ñobätä Josekwe etebatre kädekani ni kä tuabitikä erere?
2. ¿Ñobätä Jacob käkwe monsoi mrä, Benjamín, tuanimetre niken Egipto?
3. Copa sribebare ngwiane nämene Josekwe ye, ¿ñokänti namani Benjamín sakoi yete?
4. ¿Judá tö namani dre nuain Benjamín mikakäre kwäre?
5. ¿Kukwe medenbätä José etebatre käkwe ja töi kwitani?
Kukwe mada ngwantarita:
1. Ñäkädre Génesis 42:9-38 yebätä.
Josekwe kukwe niebare Génesis 42:18 känti, ¿ye ñobätä ütiäte kä nengwane nitre ji ngwanka käne konkrekasionte yekrä? (Neh. 5:15; 2 Cor. 7:1, 2.)
2. Ñäkädre Génesis 43:1-34 yebätä.
a) Rubén ye mubai akwa, ¿Judá käkwe blitabare eteba kräke ye ñokänti gare nie? (Gén. 43:3, 8, 9; 44:14, 18; 1 Cró. 5:2.)
b) ¿Dre nuainbare Josekwe etebatre töi mikakäre gare jai aune ñobätä? (Gén. 43:33, 34.)
3. Ñäkädre Génesis 44:1-34 yebätä.
a) ¿Josekwe ja bä mikani nire erere etebatre ye ngökakäre? (Gén. 44:5, 15; Lev. 19:26.)
b) José etebatre ñaka namanina ja rüere ben käne erere, ¿ye bämikani ño kwetre? (Gén. 44:13, 33, 34.)
José mräkätre nikani Egipto
1. Josekwe ja mikani gare etebatre ie ye ngwane, ¿dre namani bare?
2. ¿Töi kwinbiti Josekwe dre mikani gare etebatre ie?
3. José mräkätre nükani namani gare Faraón ie angwane, ¿dre niebare kwe?
4. ¿Jacob ye mräkätre nibe nikani nüne Egipto?
5. ¿Jacob mräkätre ye kädekani ño aune ñobätä?
Kukwe mada ngwantarita:
1. Ñäkädre Génesis 45:1-28 yebätä.
Kukwe tare nuain törbadre nibätä akwa, ye köböire Jehová raba kukwe kwin mike nemen bare mrä ni mikaka täte kräke, ¿ye kukwe namani bare Josebätä kätä mike gare ño? (Gén. 45:5-8; Isa. 8:10; Fili. 1:12-14.)
2. Ñäkädre Génesis 46:1-27 yebätä.
¿Jacob nikani Egipto ye ngwane Jehovakwe dimikani ño? (Gén. 46:1-4, nota.)
Job Ngöbö mikani täte metre
1. ¿Nire abokän Job?
2. ¿Satana tö namani dre nuain? ¿Namani bare ie?
3. ¿Jehovakwe Satana tuanimetre dre nuainne, aune ñobätä?
4. ¿Ñobätä Job muko käkwe niebare ie, “ñäke tare Ngöbö rüere aune mä gata”? (Bämikani ye mike ñärärä.)
5. Bämikani kwäräkri ye erere, ¿Jehovakwe dre kwin biani Job ie, aune ñobätä?
6. Nikwe Jehová mikai täte metre Job erere angwane, ¿dre dre kwin rabai nikwe?
Kukwe mada ngwantarita:
1. Ñäkädre Job 1:1-22 yebätä.
¿Ni kristiano raba ja ngwen ño Job ye erere kä nengwane? (Job 1:1; Fili. 2:15; 2 Ped. 3:14.)
2. Ñäkädre Job 2:1-13 yebätä.
Satana käkwe ja mikani Job rüere ye ngwane, ¿niara aune muko kwe käkwe ja töi mikani ño kukwe yebätä? (Job 2:9, 10; Pro. 19:3; Miq. 7:7; Mal. 3:14.)
3. Ñäkädre Job 42:10-17 yebätä.
a) ¿Job aune Jesús käkwe Ngöbö mikani täte metre, köböire kukwe kwin namani kwetre ye drebätä bä ja erebe? (Job 42:12; Fili. 2:9-11.)
b) ¿Job käkwe Ngöbö mikani täte metre köböire jondron kwin namani kwe gare nie ye raba ni dimike ño? (Job 42:10, 12; Heb. 6:10; Sant. 1:2-4, 12; 5:11.)
Rei käme namani gobrane Egipto
1. ¿Ni kätä ni mada kwata mete bämikani ye abokän nire, aune tä nire kwata mete?
2. ¿José krütani ye bitikäre dre namani bare nitre Israel yebätä?
3. ¿Ñobätä nitre Egipto yebätä nitre Israel ye jürä namani?
4. Meritre Egipto nämene meritre Israel dimike ja ngübare, ¿ye ie Faraón käkwe dre niebare?
Kukwe mada ngwantarita:
1. Ñäkädre Éxodo 1:6-22 yebätä.
a) ¿Jehovakwe kukwe käbämikani Abrahán ie ye mikani nemen bare ño kwe? (Éxo. 1:7; Gén. 12:2; Hech. 7:17.)
b) Meritre hebreo nämene meritre mada dimike ja ngübare, ¿ye kräke ja nire ye deme bä mikani ño kwetre? (Éxo. 1:17; Gén. 9:6.)
c) Meritre nämene meritre mada dimike ja ngübare käkwe Jehová mikani täte metre, ¿ye köböire dre kwin namani kwetre? (Éxo. 1:20, 21; Pro. 19:17.)
d) Jehovakwe monso käbämikani Abrahán ie ye ñaka rabadre bare gäre, ¿Satana käkwe dre nuainbare? (Éxo. 1:22; Mat. 2:16.)
Monso chi Moisés ye dianintari
1. ¿Monso chi bämikani ye abokän nire, aune tä nire kain kisebiti?
2. ¿Moisés ñaka kämikadre gäre meye käkwe dre nuainbare?
3. ¿Monso chi merire bämikani ye abokän nire, aune dre nuainbare kwe?
4. Faraón ngängän ie monso chi kwani ye ngwane, ¿Míriam käkwe dre niebare ie?
5. ¿Faraón ngängän käkwe dre niebare Moisés meye ie?
Kukwe mada ngwantarita:
1. Ñäkädre Éxodo 2:1-10 yebätä.
Moisés nämene chi ngwane meye käkwe tötikani, ¿ye kätä dre mike gare nitre rüne kä nengwane kräke? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)
Ñobätä Moisés ngitiani
1. ¿Kä meden känti Moisés ririabare, akwa dre nämene gare ie rün bätä meye yebätä?
2. Kä namani 40 Moisés yebiti angwane, ¿dre nuainbare kwe?
3. Ni Israel kwani nibu ja mete Moisés ie ye ngwane, ¿dre niebare kwe ie aune ni ye käkwe dre niebare Moisés ie?
4. ¿Ñobätä Moisés ngitiani mento kä Egipto yebätä?
5. ¿Kä meden känti Moisés ngitiani, aune nire namani gare ie kä yekänti?
6. ¿Kä mada 40 nikani ta yete Moisekwe dre nuainbare?
Kukwe mada ngwantarita:
1. Ñäkädre Éxodo 2:11-25 yebätä.
Moisés tötikani Egipto akwa, ¿niara nämene Jehová bätä mräkätre tarere metre ye bämikani ño kwe? (Éxo. 2:11, 12; Heb. 11:24.)
2. Ñäkädre Hechos 7:22-29 yebätä.
Moisés tö namani nitre Israel mikai kwäre Egipto ja di jeñebiti, ¿ye kätä dre mike gare ja tökrä nie? (Hech. 7:23-25; 1 Ped. 5:6, 10.)
Kri jutra ngitiekä
1. ¿Kä tokwä bä mikani ye kädekata ño?
2. Moisés nikani obeja kwe yebe kä tokwä yekänti angwane, ¿jondron meden ñan tuabare tuani kwe?
3. ¿Kri chi jutra ngitiekä yete nirekwe blitabare, aune dre niebare kwe?
4. Ngöbökwe Moisés juani juta Kwe mike kwäre Egipto ye ngwane, ¿Moisekwe dre niebare?
5. Nirekwe Moisés juani ngwandretari ie angwane, ¿dre niedre kwe niebare ie Ngöbökwe?
6. ¿Ngöbökwe Moisés juani ye mikani gare ño kwe?
Kukwe mada ngwantarita:
1. Ñäkädre Éxodo 3:1-22 yebätä.
Ja ñaka rabadre ruin töbätä nie sribi konkrekasionte nuainkäre akwa, Jehová raba ni dimike ie nikwe tö ngwandre, ¿kukwe namani bare Moisebätä kätä mike gare ño nie? (Éxo. 3:11, 13; 2 Cor. 3:5, 6.)
2. Ñäkädre Éxodo 4:1-20 yebätä.
a) Kä 40 te Moisés nämene kä Madián känti ye ngwane, ¿ja töi kwitani ño kwe? ¿Aune ye kätä dre mike gare ni tö sribidi konkrekasionte ie? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)
b) Jehovakwe mäträdre nibätä konkrekasion yebiti akwa, ¿kukwe namani bare Moisebätä ye raba ni töimike ño jäme? (Éxo. 4:12-14; Sal. 103:14; Heb. 12:4-11.)
Moisés, Aarón juani Faraón ie
1. ¿Moisés bätä Aarón jondron ñan tuabare nuainbare ye käkwe nitre Israel töimikani ño?
2. ¿Moisés bätä Aarón dre niebare Faraón ie, aune Faraón dre niebare ietre?
3. Bämikani ye erere, Aarón krimana kwe kitani tibien ye ngwane, ¿dre namani bare?
4. ¿Kukwe meden ja tökrä Jehová driebare Faraón ie, aune Faraón ja töimikani ño?
5. ¿Kukwe tare keta jätä ye bitikäre dre namani bare?
Kukwe mada ngwantarita:
1. Ñäkädre Éxodo 4:27-31 bätä 5:1-23 yebätä.
“Jehová ñaka gare tie jire chi” Faraón niebare, ¿ye dre gäräbare kwe? (Éxo. 5:2; 1 Sam. 2:12; Rom. 1:21.)
2. Ñäkädre Éxodo 6:1-13, 26-30 yebätä.
a) ¿Ñokänti Jehová ñaka ja mikani gare Abrahán, Isaac bätä Jacob ie? (Éxo. 3:13, 14; 6:3; Gén. 12:8.)
b) Sribi biani Moisés ie yekrä ja ñan namani ruin töbätä ie akwa Jehová mikani nuainne, ¿ye tä ni töimike ñö? (Éxo. 6:12, 30; Luc. 21:13-15.)
3. Ñäkädre Éxodo 7:1-13 yebätä.
a) Moisés bätä Aarón ñan kä jürä ngwani jabätä kukwe tare Ngöbökwe ye mike gare Faraón ie, ¿ye ngwane kukwe meden bämikani kwetre nitre Ngöbö mikaka täte kä nengwane kräke? (Éxo. 7:2, 3, 6; Hech. 4:29-31.)
b) Jehová bäri dite ngöbö nitre Egiptokwe kräke, ¿ye bämikani ño kwe? (Éxo. 7:12; 1 Cró. 29:12.)
Kukwe 10 tare
1. Bämikani yekänti, kukwe meden tare ketamä Jehová mikani kena nitre Egipto yebiti mä raba niere.
2. ¿Kukwe tare ketamä kena ye ñobätä ñaka namani ja erebe mada yebe?
3. ¿Kukwe meden tare ketabäkä, ketarike bätä ketati?
4. ¿Kukwe meden tare keta kükü, keta kwä bätä keta ökän?
5. Kukwe tare mrä ye känenkri, ¿nitre Israel käkwe dre nuaindre Jehová niebare ietre?
6. ¿Kukwe meden tare namani bare mrä, aune ye bitikäre dre namani bare?
Kukwe mada ngwantarita:
1. Ñäkädre Éxodo 7:19–8:23 yebätä.
a) Jehová kukwe tare ketebu mikani nemen bare kena ye erere nitre sukiare nuainbare arato, akwa ¿kukwe tare ketamä ye bitikäre dre niebare kwetre? (Éxo. 8:18, 19; Mat. 12:24-28.)
b) ¿Jehová die kri juta kwe kriemikakäre ye bämikani ño kwe kukwe tare ketabokä yebiti, aune kukwe ne tä juta Ngöbökwe töimike ño ‘kukwe tare krubäte’ rabai bare yebätä? (Éxo. 8:22, 23; Rev. 7:13, 14; 2 Cró. 16:9.)
2. Ñäkädre Éxodo 8:24; 9:3, 6, 10, 11, 14, 16, 23-25, bätä 10:13-15, 21-23 yebätä.
a) ¿Nitre meden ketebu namani gare kukwe tare Keta Jätä namani bare ye ngwane, aune ye tä ni töimike ño nitre ketebu yebätä kä nengwane? (Éxo. 8:10, 18, 19; 9:14.)
b) ¿Ñobätä Jehová tä Satana tuenmetre nüne jankunu ye Éxodo 9:16 tä mike gare ño nie? (Rom. 9:21, 22.)
3. Ñäkädre Éxodo 12:21-32 yebätä.
¿Ñokänti Paskwa ye köböire nitre kwati dianintari, aune dre bämikani kukwe yebiti? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)
Nitre nikani mren Tain yete ta
1. ¿Nitre Israel nibe brare, merire, aune monso kia kä mikaninkä Egipto, bätä nire nikani bentre arato?
2. ¿Faraón nitre Israel tuanimetre nikenta ye bitikäre ja namani ruin ño ie, aune dre nuainbare kwe?
3. ¿Jehová dre nuainbare ne kwe nitre Egipto käkwe ñaka rüdre juta kwe yebe?
4. ¿Moisés krimana kwe ngökaninte mren Tain yebiti angwane dre namani bare, aune nitre Israel käkwe dre nuainbare?
5. ¿Nitre Egipto nikani mrente ta nitre Israel jiebiti ye ngwane dre namani bare?
6. ¿Jehová nitre Israel mikani kwäre ye käi namani juto niaratre yebätä aune debe biani kwe ie ye bämikani ño kwetre?
Kukwe mada ngwantarita:
1. Ñäkädre Éxodo 12:33-36 yebätä.
¿Nitre Israel mikani klabore kä kwati krubäte te Egipto, yebätä Jehová dre nuainbare ne kwe ütiä biandre ietre? (Éxo. 3:21, 22; 12:35, 36.)
2. Ñäkädre Éxodo 14:1-31 yebätä.
Rü Armagedón nibira ja ken yebätä, Moisés kukwe niebare Éxodo 14:13, 14 känti, ¿ye tä nitre Jehová mikaka täte kä nengwane töimike ño? (2 Cró. 20:17; Sal. 91:8.)
3. Ñäkädre Éxodo 15:1-8, 20, 21 yebätä.
a) ¿Ñobätä nitre Jehová mikaka täte käkwe kantadre ie? (Éxo. 15:1, 2; Sal. 105:2, 3; Rev. 15:3, 4.)
b) Ja ngwaitre rabadre kantare Jehovai, ¿ye Mirían aune meritre mräkä käkwe bämikani ño mren Tain yete? (Éxo. 15:20, 21; Sal. 68:11.)
Mrö mrä
1. ¿Nitre bämikani ye tä dre ükökrö, aune jondron ye kä ño?
2. ¿Maná ükadrekrö yebätä Moisés dre niebare nitre Israel ie?
3. ¿Köbö kwä ti yete nitre Israel dre nuaindre Jehová niebare, aune ñobätä?
4. Maná mika nämene kwin nemen köbö kwä kükü te, ¿ye ngwane dre ñan tuabare Jehová nämene nuainne?
5. ¿Kä kwäbe te Jehová nitre Israel bukani maná yete?
Kukwe mada ngwantarita:
1. Ñäkädre Éxodo 16:1-36 bätä Números 11:7-9 yebätä.
a) Nitre kädekata ji ngwanka konkrekasionte ye nikwe mikadre ütiäte jai, ¿ye mikata gare ño Éxodo 16:8 känti? (Heb. 13:17.)
b) ¿Nitre Israel nämene nire Jehová köböire ye ngwani törö ño mantre jetebe ietre nämene kä nötare yekänti ye ngwane? (Éxo. 16:14-16, 35; Deu. 8:2, 3.)
c) ¿Jesús käkwe dre bämikani maná yebiti, aune ‘ban kä kwinbätä’ ye köböire dre kwin raba nemen nikwe? (Juan 6:31-35, 40.)
2. Ñäkädre Josué 5:10-12 yebätä.
¿Kä kwäbe te nitre Israel käkwe maná ye kwetani? ¿Ñokänti kukwe yebiti niaratre töi gani aune kukwe ye tä dre driere nie? (Éxo. 16:35; Núm. 11:4-6; 1 Cor. 10:10, 11.)
Jehová ja kukwei biani
1. Nitre Israel kä mikaninkä Egipto ye bitikäre kä nikani sö krobu ta ye ngwane, ¿medente namani nünentubu?
2. ¿Jehová tö namani juta kwe ye tuai dre nuainne, aune niaratre käkwe dre niebare?
3. ¿Ñobätä Jehová jä kwatare biani kubu Moisés ie?
4. Kukwe keta Jätä ye bitikäre, ¿kukwe meden mada Jehová biani nitre Israel ie?
5. ¿Kukwe meden ketebu bäri ütiäte Jesukristo niebare?
Kukwe mada ngwantarita:
1. Ñäkädre Éxodo 19:1-25; 20:1-21; 24:12-18, bätä 31:18 yebätä.
¿Ja diandrekä Jehová mikakäre täte yekäre dre ribeta nibätä, ye Éxodo 19:8 tä mike gare ño nie? (Mat. 16:24; 1 Ped. 4:1-3.)
2. Ñäkädre Deuteronomio 6:4-6; Levítico 19:18, bätä Mateo 22:36-40 yebätä.
¿Nitre kristiano tä Ngöbö aune ni mada tarere ye tätre bämike ño? (Mar. 6:34; Hech. 4:20; Rom. 15:2.)
Nibi ngäbä sribebare orore
1. ¿Nitre bämikani ye tä dre nuainne, aune ñobätä?
2. ¿Ñobätä Jehová namani rubun, aune nitre nämene kukwe nuainne ye jutuabare Moisés ie aune dre nuainbare kwe?
3. ¿Nitre ruäre käkwe dre nuaindre Moisés niebare ietre?
4. ¿Kukwe kira nebätä kukwe meden ja tökrä drieta nie?
Kukwe mada ngwantarita:
1. Ñäkädre Éxodo 32:1-35 yebätä.
a) ¿Kukwe ngwarbe drieta ye mritadre kukwe metre yebe, ye tuin ño Jehovai mikata gare kukwe kira nebätä? (Éxo. 32:4-6, 10; 1 Cor. 10:7, 11.)
b) Nitre kristiano käkwe musika o baile diandre ja näkwitara ye ngwane, ¿drebätä töbikadre käne kwetre? (Éxo. 32:18, 19; Efe. 5:15, 16; 1 Juan 2:15-17.)
c) ¿Nitre Leví mräkä ye käkwe kukwe kwin bämikani ño, kukwe metre nuainbare kwetre ye ngwane? (Éxo. 32:25-28; Sal. 18:25.)
Ju Ngöbö mikakäre täte
1. ¿Ju bämikani ye kädekata ño, aune dre nuainta te?
2. ¿Ñobätä ju ye sribedre ne kwe diandrekä jötrö ngwarbe jabätä niebare Jehovakwe Moisés ie?
3. ¿Kä teri kwarto chi yete kaja tä ye dre aune dreta te?
4. ¿Jehová nire kädekani sacerdote bäri kri, aune sribi meden mikani kisete?
5. ¿Kwarto bäri kri yete dre ketamä tä mikani?
6. ¿Tabernáculo yekänti jubäre dreta mikani ketebu, aune ye drekäre?
Kukwe mada ngwantarita:
1. Ñäkädre Éxodo 25:8-40; 26:1-37; 27:1-8, bätä 28:1 yebätä.
¿Angeletre kerubín nämene “arka deme” yebiti, ye nämene dre bämike? (Éxo. 25:20, 22; Núm. 7:89; 2 Rey. 19:15.)
2. Ñäkädre Éxodo 30:1-10, 17-21; 34:1, 2, bätä Hebreos 9:1-5 yebätä.
a) ¿Ñobätä nitre sacerdote sribikä tabernáculo yete käkwe ja sribedre kwin ngrabare Jehová niebare ietre, aune kukwe ne käkwe ni töimikadre ño? (Éxo. 30:18-21; 40:30, 31; Heb. 10:22.)
b) Pablo käkwe tärä tikabare nitre hebreo ie ye ngwane, ¿dre niebare kwe tabernáculo bätä Kukwe biani Ngöbökwe yebätä nitre kristiano ie? (Heb. 9:1, 9; 10:1.)
Nitre 12 kä tuabitikä
1. ¿Uva küdei ere bämikani ye tuin ño mäi? ¿Kä medenkänti jäntäni?
2. ¿Ñobätä Moisés käkwe nitre 12 juani kä Canaán ye tuinbiti?
3. ¿Nitre 10 kä tuabitikä nükaninta ye käkwe dre niebare Moisés ie?
4. ¿Nitre kä tuabitikä nibu nämene tö ngwen Jehová ie, ye bämikani ño kwetre aune kädekata ño?
5. ¿Ñobätä Jehová namani rubun, aune dre niebare kwe Moisés ie?
Kukwe mada ngwantarita:
1. Ñäkädre Números 13:1-33 yebätä.
a) ¿Nire nire dianinkä kä tuabitikäre, aune ñobätä sribi namani kisete ye ütiäte krubäte? (Núm. 13:2, 3, 18-20.)
b) ¿Ñobätä Josué bätä Caleb töi ñaka namani ja erebe nitre mräkä kä tuabitikä ye erere, aune ye tä dre driere nie? (Núm. 13:28-30; Mat. 17:20; 2 Cor. 5:7.)
2. Ñäkädre Números 14:1-38 yebätä.
a) ¿Jehová nitre mikani ji ngwanka käne Kä tibienbätä ye rüere ñäkädre, yebätä nikwe dre ngwandre törö jai? (Núm. 14:2, 3, 27; Mat. 25:40, 45; 1 Cor. 10:10.)
b) Jehová töita metre ni itire itire niara mikaka täte yebätä, ¿ye Números 14:24 tä mike gare ño? (1 Rey. 19:18; Pro. 15:3.)
Krimana Aaronkwe blü namani
1. ¿Moisés bätä Aarón mikani ji ngwanka yebätä nirekwe ja mikani rüere, aune dre niebare kwetre Moisés ie?
2. ¿Moisés dre käräbare Coré bätä nitre 250 nänkä ben ye ie?
3. ¿Moisés dre niebare nitre ie, aune blitabare täte kwe angwane dre namani bare?
4. ¿Coré bätä nitre 250 nänkä ben yebätä dre namani bare?
5. ¿Eleazar Aarón monsoi, käkwe dre nuainbare jondron rä mane ngwä nitre kämikani yekwe yebiti, aune ñobätä?
6. ¿Ñobätä Jehová krimana Aaronkwe ye mikani blü nemen? (Bämikani mike ñärärä.)
Kukwe mada ngwantarita:
1. Ñäkädre Números 16:1-49 yebätä.
a) ¿Coré bätä nitre nänkä ben dre nuainbare, aune ñobätä kukwe yebiti ja mikani kwetre Jehová rüere? (Núm. 16:9, 10, 18; Lev. 10:1, 2; Pro. 11:2.)
b) ¿Coré bätä nitre 250 “bäri ütiäte” ye käkwe dre niebare abokän ñaka kwin? (Núm. 16:1-3; Pro. 15:33; Isa. 49:7.)
2. Ñäkädre Números 17:1-11 bätä 26:10 yebätä.
a) ¿Krimana Aaronkwe mikani blü nemen ye tä dre mike gare nie, aune ñobätä mikadre arka yete Jehová niebare? (Núm. 17:5, 8, 10.)
b) ¿Krimana Aaronkwe biti kukwe bämikani ye tä kukwe meden ütiäte driere ja tökrä nie? (Núm. 17:10; Hech. 20:28; Fili. 2:14; Heb. 13:17.)
Moisés käkwe jä metani
1. ¿Nitre Israel nämene kä ngwarbe nötare känti angwane Jehová ngübabare ño?
2. ¿Nitre Israel namani Qadés ye ngwane drebätä namanintre blite Ngöbö rüere?
3. ¿Jehová dre nuainbare ñö biankäre nitre bätä jondron nire ye ie?
4. ¿Ni iti bämikani kisekite jabätä ye nire, aune ñobätä tä nuainne?
5. ¿Ñobätä Jehová namani rubun Moisés bätä Aarón kräke, aune mikani ja ngie nuin ño kwe?
6. ¿Dre namani bare kä Hor känti, aune nire kädekani sacerdote bäri kri Israel?
Kukwe mada ngwantarita:
1. Ñäkädre Números 20:1-13, 22-29 bätä Deuteronomio 29:5 yebätä.
a) ¿Jehová nitre Israel ngübabare kä ngwarbe nötare känti, ye tä dre mike gare nie? (Deu. 29:5; Mat. 6:31; Heb. 13:5; Sant. 1:17.)
b) ¿Moisés bätä Aarón käkwe ñan Jehová käikitaninkä nitre Israel okwäbiti, ye namani tuin ño ie? (Núm. 20:12; 1 Cor. 10:12; Rev. 4:11.)
c) Jehová mäträbare Moisebätä ye niarakwe kani ngäbiti, ¿ye tä dre driere nie? (Núm. 12:3; 20:12, 27, 28; Deu. 32:4; Heb. 12:7-11.)
Kulebra cobrere
1. ¿Dreta bämikani kribätä, aune ñobätä Moisés mikadre yete Jehová niebare ie?
2. ¿Ngöbökwe jondron nuainbare nitre kräke yebätä niaratre ñaka debe biani ie ye bämikani ño kwetre?
3. Jehová kulebra käme juani nitre mikakäre ja ngie nuin ye ngwane, ¿niaratre käkwe dre käräbare Moisés ie?
4. ¿Ñobätä Moisés kulebra cobrere sribedre Jehová niebare ie?
5. ¿Dre drieta ja tökrä nie kukwe kira nebiti?
Kukwe mada ngwantarita:
1. Ñäkädre Números 21:4-9 yebätä.
a) Jehová jondron biani nitre Israel ie yebätä niaratre namani ñäke, ¿dre mikata gare kukwe yebiti nie? (Núm. 21:5, 6; Rom. 2:4.)
b) ¿Siklo bitikäre, nitre Israel käkwe dre nuainbare kulebra cobrere yebiti, aune rei Ezequías käkwe dre nuainbare? (Núm. 21:9; 2 Rey. 18:1-4.)
2. Ñäkädre Juan 3:14, 15 yebätä.
¿Jesukristo mürie ketadre ye bämikani ño kulebra cobrere mikani kribätä tuakäre yebiti? (Gál. 3:13; 1 Ped. 2:24.)
Mula käkwe blitabare
1. ¿Balac ye abokän nire, aune ñobätä Balaam käräbare kwe?
2. ¿Ñobätä mula Balaamkwe ye käkwe ja kitani tibien jite?
3. ¿Mula käkwe dre niebare Balaam ie?
4. ¿Ángel käkwe dre niebare Balaam ie?
5. ¿Balaam tö namani kukwe tare niedi Israel rüere ye ngwane dre namani bare?
Kukwe mada ngwantarita:
1. Ñäkädre Números 21:21-35 yebätä.
¿Ñobätä Israel käkwe Sehón rei nitre amorreo kwe, bätä Og rei Basán kwe ye ganainbare? (Núm. 21:21, 23, 33, 34.)
2. Ñäkädre Números 22:1-40 yebätä.
¿Ñobätä Balaam tö namani kukwe tare niedi Israel rüere, aune kukwe meden ja tökrä drieta nie? (Núm. 22:16, 17; Pro. 6:16, 18; 2 Ped. 2:15; Jud. 11.)
3. Ñäkädre Números 23:1-30 yebätä.
Ni Ngöbö mikaka täte erere Balaam namani blite, ¿akwa kukwe nuainbare kwe ye käkwe dre mikani gare? (Núm. 23:3, 11-14; 1 Sam. 15:22.)
4. Ñäkädre Números 24:1-25 yebätä.
Jehová tö dre nuain ye erere rabai bare, ¿kukwe Bibliabätä ne tä ni dimike ño tödeke ie? (Núm. 24:10; Isa. 54:17.)
Josué mikani ji ngwen käne
1. ¿Nitre nibu tä Moisebe bämikani ye nire?
2. ¿Jehová dre niebare Josué ie?
3. ¿Ñobätä Moisés nikani ngutuä Nebo yebiti kwin, aune Jehová dre niebare ie?
4. ¿Kä nämene kwäbe Moisebiti aune krütani?
5. ¿Ñobätä nitre namani ulire, akwa drebätä kä namani jutobätä?
Kukwe mada ngwantarita:
1. Ñäkädre Números 27:12-23 yebätä.
¿Sribi meden ütiäte Jehová biani Josué ie, aune kä nengwane Jehová töita juta Kwe yebätä tä bämike ño? (Núm. 27:15-19; Hech. 20:28; Heb. 13:7.)
2. Ñäkädre Deuteronomio 3:23-29 yebätä.
¿Ñobätä Jehová ñaka Moisés bätä Aarón tuanimetre niken kä käbämikani kwe yete, aune kukwe ye tä dre driere ja tökrä nie? (Deu. 3:25-27; Núm. 20:12, 13.)
3. Ñäkädre Deuteronomio 31:1-8, 14-23 yebätä.
¿Jehová mäträbare Moisebätä ye kani ngäbiti töi bobrebiti kwe, ye bämikani ño kwe kukwe niebare mrä kwe nitre Israel ie yebiti? (Deu. 31:6-8, 23.)
4. Ñäkädre Deuteronomio 32:45-52 yebätä.
¿Kukwe Ngöbökwe ye käkwe ni töimikadre ño? (Deu. 32:47; Lev. 18:5; Heb. 4:12.)
5. Ñäkädre Deuteronomio 34:1-12 yebätä.
Moisés ñaka Jehová tuabare metre, ¿akwa Deuteronomio 34:10 ye tä dre mike gare niara nämene ja mäke ño Ben yebätä? (Éxo. 33:11, 20; Núm. 12:8.)
Rahab nitre kä tuabitikä ükani
1. ¿Rahab tä nüne medente?
2. ¿Nitre nibu bämikani ye nire, aune ñobätä tä Jericó?
3. ¿Rei Jericó käkwe dre niebare Rahab ie, aune Rahab dre niebare ie?
4. ¿Rahab käkwe nitre nibu ye dimikani ño, aune dre käräbare kwe ie?
5. ¿Nitre nibu kä tuabitikä dre käbämikani Rahab ie?
Kukwe mada ngwantarita:
1. Ñäkädre Josué 2:1-24 yebätä.
¿Nitre Israel nikani Jericó rüere ye ngwane, Jehová kukwe käbämikani Éxodo 23:28 ye namani bare ño? (Jos. 2:9-11.)
2. Ñäkädre Hebreos 11:31 yebätä.
¿Tödekadre ye ütiäte krubäte ye Rahab käkwe bämikani ñö? (Rom. 1:17; Heb. 10:39; Sant. 2:25.)
Nitre nikani ñö Jordante ta
1. ¿Jehová dre ñan tuabare nuainbare ne kwe nitre Israel rikadre ñö Jordán yete ta?
2. ¿Nitre Israel käkwe dre nuaindre tödeka bämikakäre ne kwe rikadre ñö Jordán yete ta?
3. ¿Ñobätä Josué jä krikri ükadrekrö kwäjätä biti kubu ño yete Jehová niebare ie?
4. ¿Nitre sacerdote nikani jate ñö Jordán yete angwane dre namani bare?
Kukwe mada ngwantarita:
1. Ñäkädre Josué 3:1-17 yebätä.
a) Kukwe ne tä mike gare erere, ¿nikwe dre nuaindre ne kwe Jehová ni dimikadre aune kukwe kwin nuaindre kwe nikrä? (Jos. 3:13, 15; Pro. 3:5; Sant. 2:22, 26.)
b) ¿Kä Käbämikani nitre Israel ie yekwäre nikanintre ñö Jordán yete ta angwane, ñö ye nämene ño aune kukwe ye käkwe Jehová käikitaninkä ño? (Jos. 3:15; 4:18; Sal. 66:5-7.)
2. Ñäkädre Josué 4:1-18 yebätä.
¿Drekäre jä kwäjätä biti kubu ñö Jordán yete ükaninkrö aune mikani Guilgal? (Jos. 4:4-7.)
Ki mikani Jericó yebiti
1. ¿Nitre rükä bätä sacerdote käkwe dre nuaindre köbö ti yete Jehová niebare ie?
2. ¿Nitre käkwe dre nuainbare köbö kükü te?
3. Bämikani ye erere, ¿dre namani bare ki Jericó yebätä?
4. ¿Ñobätä kö tain tä mäkäni ventana yebätä?
5. ¿Nitre rükä ye käkwe dre nuaindre nitre bätä juta yebätä Josué niebare, aune ngwian, oro, cobre bätä hierro ye nuaindre kwetre?
6. ¿Nitre kä tuabitikä nibu ye käkwe dre nuaindre niebare ietre?
Kukwe mada ngwantarita:
1. Ñäkädre Josué 6:1-25 yebätä.
a) ¿Köbö kükükäre te nitre Israel käkwe nänbare Jericó bäreta, ye ñobätä bä ja erebe nitre testiko Jehovakwe tä kukwe driere kä krüte te yebe? (Jos. 6:15, 16; Isa. 60:22; Mat. 24:14; 1 Cor. 9:16.)
b) ¿Ngöbökwe kukwe niebare Josué 6:26 ye namani bare ño kä nikani 500 ta ye bitikäre, aune ye tä dre mike gare nie Jehová kukwei yebätä? (1 Rey. 16:34; Isa. 55:11.)
Ni iti gokä Israel
1. ¿Ni iti tä jondron ütiäte Jericó doboi mete bämikani ye nire, aune nire nire tä dimike?
2. ¿Ñobätä Acán bätä mräkätre käkwe kukwe nuainbare ye käme krubäte?
3. ¿Ñobätä nitre Israel ye ganainbare kä Hai känti Josué ngwanintari angwane Jehová dre niebare?
4. ¿Acán bätä mräkätre jänikani Josué känti ye ngwane dre namani barebätä?
5. ¿Kukwe namani bare Acanbätä yebiti kukwe meden ja tökrä drieta nie?
Kukwe mada ngwantarita:
1. Ñäkädre Josué 7:1-26 yebätä.
a) ¿Josué nämene ja mäke Ngöböbe ye mikani gare ño kwe orasion yebiti? (Jos. 7:7-9; Sal. 119:145; 1 Juan 5:14.)
b) ¿Acán kukwe nuainbare ye tä dre mike gare, aune ñobätä ye tä ja tökrä nie? (Jos. 7:11, 14, 15; Pro. 15:3; 1 Tim. 5:24; Heb. 4:13.)
2. Ñäkädre Josué 8:1-29 yebätä.
¿Kukwe meden tä ni itire itire kisete kä nengwane konkrekasion yebätä? (Jos. 7:13; Lev. 5:1; Pro. 28:13.)
Nitre Gabaón töbätä
1. ¿Ñobätä nitre Gabaón ye ñan ja erebe nitre juta kabre Canaán yebe?
2. Bämikani ye erere, ¿nitre Gabaón dre nuainbare, aune ñobätä?
3. ¿Josué bätä nitre ji ngwanka Israel käkwe dre käbämikani nitre Gabaón ie, akwa köbömäkäre dre gani kwetre?
4. Nitre Gabaón käkwe ja mäkäbare nitre Israel ben namani gare rei juta madate ie angwane, ¿dre namani bare?
Kukwe mada ngwantarita:
1. Ñäkädre Josué 9:1-27 yebätä.
a) “Nitre kä Canaán ye kämikadre jökrä” Jehová niebare nitre Israel ie, akwa ¿nitre Gabaón ñaka kämikani ye ngwane niara töi meden kwin mikani gare kwe? (Jos. 9:22, 24; Mat. 9:13; Hech. 10:34, 35; 2 Ped. 3:9.)
b) Josué kukwe ükaninte nitre Gabaón ben ye erere nuainbare kwe, ¿yebiti kukwe meden kwin bämikani kwe nitre kristiano kä nengwane kräke? (Jos. 9:18, 19; Mat. 5:37; Efe. 4:25.)
2. Ñäkädre Josué 10:1-5 yebätä.
¿Ni kwati krubäte Ngöbö mikaka täte kä nengwane ye tä ja ngwen ño nitre Gabaón erere, aune ye köböire mikata tuin ño jai? (Jos. 10:4; Zac. 8:23; Mat. 25:35-40; Rev. 12:17.)
Ñänä namani kwekebe
1. ¿Josué bämikani yekänti tä dre niere aune ñobätä?
2. ¿Jehovakwe Josué bätä nitre rükä kwe ye dimikani ño?
3. ¿Josué käkwe rei nibe ganainbare aune kä kwäbe te?
4. ¿Ñobätä Josué kä Canaán ye döräibare?
5. ¿Kä namani kwäbe Josué yebiti angwane krütani, aune ye bitikäre nitre käkwe dre nuainbare?
Kukwe mada ngwantarita:
1. Ñäkädre Josué 10:6-15 yebätä.
¿Jehová Ñänä bätä Sö mikani nünenkä nitre Israel köböire ye tä ni töimike ño? (Jos. 10:8, 10, 12, 13; Sal. 18:3; Pro. 18:10.)
2. Ñäkädre Josué 12:7-24 yebätä.
¿Nirekwe nitre 31 reire kä Canaán känti ye ganainbare metrere, aune ñobätä ye ütiäte nikrä kä nengwane? (Jos. 12:7; 24:11-13; Deu. 31:8; Luc. 21:9, 25-28.)
3. Ñäkädre Josué 14:1-5 yebätä.
¿Nitre Israel yebiti kä ye ñäkäninbiti ño, aune ye kätä dre mike gare Kä bä nuäre käbämikata yebätä? (Jos. 14:2; Isa. 65:21; Eze. 47:21-23; 1 Cor. 14:33.)
4. Ñäkädre Jueces 2:8-13 yebätä.
Josué nämene Israel ye erere, ¿kä nengwane nire tä ja mike kukwe ngwarbe drieta ye rüere? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2.)
Meri nibubätä kä jürä ñaka
1. ¿Nire nire kukwe ükatekä aune rüäretre kädekani ño?
2. ¿Sribi meden ütiäte nämene Débora kisete aune yebätä dre nämene nuaindre ie?
3. Rei Jabín bätä Sísara nitre rükä däkien ye namani nitre Israel rä ötö angwane, ¿Débora käkwe Jehová kukwei meden mikani gare Barac kukwe ükatekä ie aune nire käikitaikä niebare kwe?
4. Jael yebätä kä jürä ñaka nämene, ¿ye bämikani ño kwe?
5. ¿Rei Jabín kämikani ye bitikäre dre namani bare?
Kukwe mada ngwantarita:
1. Ñäkädre Jueces 2:14-22 yebätä.
¿Ñobätä Jehová namani rubun nitre Israel yekrä, aune kukwe ye tä dre driere ja tökrä nie? (Jue. 2:20; Pro. 3:1, 2; Eze. 18:21-23.)
2. Ñäkädre Jueces 4:1-24 yebätä.
Débora bätä Jael nämene tödeke aune ñaka nämene kä jürä ngwen jabätä, ¿ye tä dre driere ja ngwaitre ie? (Jue. 4:4, 8, 9, 14, 21, 22; Pro. 31:30; 1 Cor. 16:13.)
3. Ñäkädre Jueces 5:1-31 yebätä.
Barac bätä Débora gananbare ye ngwane kantabare kwetre, ¿ye erere rü Har–Magedón jatai yebätä ni raba dre kärere orasionte? (Jue. 5:3, 31; 1 Cró. 16:8-10; Rev. 7:9, 10; 16:16; 19:19-21.)
Rut bätä Noemí
1. ¿Ñobätä Noemí nikani kä Moab känti?
2. ¿Rut bätä Orpá ye nire?
3. ¿Noemí käkwe Rut bätä Orpá juaninta ja jiebiti ye ngwane dre niebare kwetre?
4. ¿Nire Boaz aune Rut bätä Noemí dimikani ño kwe?
5. ¿Boaz bätä Rut monsoi kädekani ño, aune ñobätä nikwe ngwandre törö jai?
Kukwe mada ngwantarita:
1. Ñäkädre Rut 1:1-17 yebätä.
a) ¿Rut nämene Noemí tarere metre ye bämikani ño kwe kukwe niebare kwe yebiti? (Rut 1:16, 17.)
b) ¿Rut töi nämene ye erere “obeja mada” ye töita ño nitre braibe dianinkä nänkäre kä kwinbiti yekrä? (Juan 10:16; Zac. 8:23.)
2. Ñäkädre Rut 2:1-23 yebätä.
¿Rut käkwe kukwe meden kwin bämikani monsotre kä nengwane yekrä? (Rut 2:17, 18; Pro. 23:22; 31:15.)
3. Ñäkädre Rut 3:5-13 yebätä.
a) Rut tö namani ja mikai gure Boaz ben aune ñaka monso bati ben, ¿ye namani tuin ño Boaz ie?
b) Rut töinämene ja tarere erametre, ¿ye tä dre driere nie? (Rut 3:10; 1 Cor. 13:4, 5.)
4. Ñäkädre Rut 4:7-17 yebätä.
¿Nitre kristiano brare raba ja ngwen ño Boaz erere? (Rut 4:9, 10; 1 Tim. 3:1, 12, 13; 5:8.)
Gedeón bätä nitre 300 rükä
1. ¿Kukwe meden tare namani bare nitre Israel yebätä, aune ñobätä?
2. ¿Ñobätä Jehovakwe niebare Gedeón ie nitre rükä nämene kwati krubäte kwe?
3. Nitre rükäbätä kä jürä namani Gedeón juaninta gwi, ¿ye bitikäre ni namani nibe?
4. Tä bämikani erere, ¿Jehová dre nuainbare ne kwe nitre rükä Gedeonkwe rabadre 300 aibe?
5. ¿Gedeón käkwe nitre 300 ye ükaninte ño rükäre, aune Israel käkwe gananbare ño?
Kukwe mada ngwantarita:
1. Ñäkädre Jueces 6:36-40 yebätä.
a) ¿Jehová tö namani dre nuaindi ye Gedeón käkwe mikani gare ño jai?
b) ¿Jehová tö dre ie ye raba nemen gare ño nie kä nengwane? (Pro. 2:3-6; Mat. 7:7-11; 2 Tim. 3:16, 17.)
2. Ñäkädre Jueces 7:1-25 yebätä.
a) ¿Nitre 300 käkwe ja ngwani mokre erere mräkä käkwe ñaka nuainbare, ye tä dre driere ja tökrä nie? (Jue. 7:3, 6; Rom. 13:11, 12; Efe. 5:15-17.)
b) Nitre 300 käkwe ja tötikabare Gedeón yebätä, ¿ye erere ni raba ja tötike ño Gedeón Bäri Kri, Jesukristo yebätä? (Jue. 7:17; Mat. 11:29, 30; 28:19, 20; 1 Ped. 2:21.)
c) ¿Jueces 7:21 ye raba ni dimike ño ja töi mikakäre sribi Jehovakwe nuainne, ni juandre sribire medente ye erere känti? (1 Cor. 4:2; 12:14-18; Sant. 4:10.)
3. Ñäkädre Jueces 8:1-3 yebätä.
Gedeón käkwe kukwe ükaninte nitre Efraín ben, ¿ye raba ni dimike ño kukwe ükete ni mräkätre ben? (Pro. 15:1; Mat. 5:23, 24; Luc. 9:48.)
Jefté kukwe käbämikani
1. ¿Jefté ye abokän nire aune kä meden ngwane nünanbare kwe?
2. ¿Jefté käkwe dre käbämikani Jehovai?
3. ¿Jefté käkwe nitre Amón ganainbare biti nükaninta ja gwirete ye ngwane ñobätä namani ulire?
4. ¿Jefté Ngängän ie rünkwe kukwe käbämikani namani gare ye ngwane dre niebare kwe?
5. ¿Ñobätä nitre namani Jefté ngängän tarere?
Kukwe mada ngwantarita:
1. Ñäkädre Jueces 10:6-18 yebätä.
¿Kirabe nitre Israel käkwe ñaka Jehová mikani täte metre, ye tä dre mike gare ja tökrä nie? (Jue. 10:6, 15, 16; Rom. 15:4; Rev. 2:10.)
2. Ñäkädre Jueces 11:1-11, 29-40 yebätä.
a) Jefté ngängän “biani jondron kukwadre” kwrere akwa ñaka biani kwe kämikadre jondron nire kwrere, ¿ye ñokänti gare nie? (Jue. 11:31; Lev. 16:24; Deu. 18:10, 12.)
b) ¿Jefté käkwe ngängän biani kämikadre kwrere, ye abokän dre gärätä?
c) ¿Jefté käkwe kukwe käbämikani Jehovai, yebätä ja töimikani ño kwe aune ye tä dre driere nie? (Jue. 11:35, 39; Ecl. 5:4, 5; Mat. 16:24.)
d) ¿Monsotre kristiano raba ja ngwen ño Jefté ngängän ye erere sribi Ngöbökwe nuainkäre köbö täte? (Jue. 11:36; Mat. 6:33; Fili. 3:8.)
Ni iti bäri dite
1. ¿Ni iti bäri dite käkwe nünanbare ye kädekata ño, aune nirekwe ja di biani ie?
2. ¿Tä bämikani ye erere, Sansón käkwe dre nuainbare lion yebätä?
3. ¿Sansón bämikani yekänti tä kukwe meden bäin mike gare Dalila ie, aune ye köböire nitre filisteo käkwe nuainbare?
4. ¿Sansón käkwe nitre filisteo 3.000 ye kämikani ño jabe gwaire?
Kukwe mada ngwantarita:
1. Ñäkädre Jueces 13:1-14 yebätä.
¿Ñobätä Manóah bätä muko kwe kukwe kwin bämikani nitre rüne kräke monsotre ngübakäre? (Jue. 13:8; Sal. 127:3; Efe. 6:4.)
2. Ñäkädre Jueces 14:5-9 bätä 15:9-16 yebätä.
a) Ngöbö die yebiti Sansón käkwe lion kämikani, kö mrä biti niara mäkäninte ye ötaninte kwe bätä mula krärä yebiti nitre 1.000 kämikani kwe, ¿kukwe ne tä dre mike gare nie Ngöbö üai deme yebätä?
b) ¿Ngöbö üai deme ye tä ni dimike ño kä nengwane? (Jue. 14:6; 15:14; Zac. 4:6; Hech. 4:31.)
3. Ñäkädre Jueces 16:18-31 yebätä.
¿Sansón ja ketamuko käme känänbare yebätä dre namani bare niarabätä, aune ye tä dre driere nie? (Jue. 16:18, 19; 1 Cor. 15:33.)
Monso chi Ngöbö mikaka täte
1. ¿Monso chi bämikani ye kädekata ño, aune nitre mräkä ye nire?
2. ¿Bati Ana janamene tabernáculo yete angwane dre käräbare kwe orasion yebiti, aune Jehová käkwe kukwe nuabare ño?
3. ¿Kä nämene kwäbe Samuel yebiti angwane jänikani ju Jehovakwe yete, aune meye nämene dre nuainne kräke kä kwatire kwatire te?
4. ¿Elí monsoi kädekani ño, aune niaratre nämene ja ngwen ñö?
5. ¿Jehová käkwe blitabare ño Samuel ben, aune dre niebare kwe ie?
6. ¿Samuel ririabare ye ngwane sribi meden nuainbare kwe, aune namanina umbre ye ngwane dre namani bare?
Kukwe mada ngwantarita:
1. Ñäkädre 1 Samuel 1:1-28 yebätä.
a) Elqaná ja töimikani ji ngwen käne Ngöbö mikakäre täte, ¿yebiti kukwe meden kwin bämikani kwe nitre rüne ye kräke? (1 Sam. 1:3, 21; Mat. 6:33; Fili. 1:10.)
b) Ana ja tuabare kukwe tare ñaka nuäre ben, ¿ye tä dre driere ja tökrä nie? (1 Sam. 1:10, 11; Sal. 55:22; Rom. 12:12.)
2. Ñäkädre 1 Samuel 2:11-36 yebätä.
¿Ño Elí käkwe monsotre kwe ye mikani tuin bäri ütiäte jai Jehová ye kräke, aune kukwe ne tä ni mike mokre kukwe medenbätä? (1 Sam. 2:22-24, 27, 29; Deu. 21:18-21; Mat. 10:36, 37.)
3. Ñäkädre 1 Samuel 4:16-18 yebätä.
¿Kukwe meden ketabäkä namani bare rübätä abokän mikani gare, aune kukwe ye matani ño Elí yebätä?
4. Ñäkädre 1 Samuel 8:4-9 yebätä.
¿Nitre Israel dre nuainbare abokän käkwe Jehová mikani rubun, aune ño ni raba ja mike metre Gobran kwe yekri kä nengwane? (1 Sam. 8:5, 7; Juan 17:16; Sant. 4:4.)
Saúl rei kena Israel
1. ¿Samuel bämikani ye tä dre nuainne, aune ñobätä?
2. ¿Ñobätä Saúl namani tuin kwin Jehovai aune niara ye töi ño?
3. ¿Saúl monsoi ye kädekani ño, aune dre nuainbare kwe?
4. ¿Ñobätä Saúl käkwe jondron kukwani aune ñaka Samuel ngübabare nuainne kwe?
5. ¿Kukwe namani bare Saúl yebätä ye tä dre driere ja tökrä nie?
Kukwe mada ngwantarita:
1. Ñäkädre 1 Samuel 9:15-21 bätä 10:17-27 yebätä.
¿Nitre ruäre käkwe blitabare tare Saúl rüere ye ngwane niara töi bobre ye käkwe dimikani ño ne kwe ñaka kukwe käme nuaindre jötrö ngwarbe kwe? (1 Sam. 9:21; 10:21, 22, 27; Pro. 17:27.)
2. Ñäkädre 1 Samuel 13:5-14 yebätä.
¿Saúl käkwe kukwe meden käme nuainbare Guilgal? (1 Sam. 10:8; 13:8, 9, 13.)
3. Ñäkädre 1 Samuel 15:1-35 yebätä.
a) ¿Saúl käkwe ñaka dre nuainbare Agag rei Amaleq yebätä aune ñobätä ja mikani ngite kwe kukwe yebiti? (1 Sam. 15:2, 3, 8, 9, 22.)
b) ¿Saúl käkwe kukwe mikani ño jabiti aune nitre mada mikani ño ngite kwe? (1 Sam. 15:24.)
c) ¿Mäträdre nibätä ye ngwane kukwe medenbätä nikwe töbikadre kwin? (1 Sam. 15:19-21; Sal. 141:5; Pro. 9:8, 9; 11:2.)
Ngöbö David mikani reire
1. ¿Monso bämikani ye kädekata ño aune niara yebätä kä jürä ñaka ye ñokänti gare nie?
2. ¿David nämene nüne medente aune niara rün bätä ruai ye kädekata ño?
3. ¿Ñobätä Jehová Samuel juani Belén Jesé gwirete?
4. ¿Jesé nikani monsoi ni kükü ngwena Samuel ie ye ngwane dre namani bare?
5. ¿David jänikani Samuel ie ye ngwane dre niebare Jehovakwe ie?
Kukwe mada ngwantarita:
1. Ñäkädre 1 Samuel 17:34, 35 yebätä.
David yebätä kä jürä ñaka aune nämene tö ngwen Jehová ie, ¿kukwe namani bare ye tä mike gare ño? (1 Sam. 17:37.)
2. Ñäkädre 1 Samuel 16:1-14 yebätä.
a) ¿Jehová kukwe niebare 1 Samuel 16:7 känti ye tä ni dimike ño ne kwe nikwe ja töimikadre ni jökrä kain ngäbiti aune ñaka töbikadre ni bä ye aibebätä? (Hech. 10:34, 35; 1 Tim. 2:4.)
b) Jehová tä üai deme kwe denkä nibätä ye ngwane ni töi raba nemen kukwe käme nuainne, ¿kukwe namani bare Saulbätä ye tä mike gare ño? (1 Sam. 16:14; Mat. 12:43-45; Gál. 5:16.)
David bätä Goliat
1. ¿Goliat käkwe dre ribebare nitre rükä Israel ie?
2. ¿Goliat ye nemen ngraba nuäi kwin, aune Saúl käkwe dre biandre ni käkwe kämikadre ye ie?
3. Mä monso chi yebätä mä ñaka raba rüre Goliat ben, Saúl niebare David ie ye ngwane, ¿David dre niebare?
4. ¿David tö ngwani Jehová ie ye bämikani ño kwe kukwe niebare kwe Goliat ie yebiti?
5. Bämikani ye erere, ¿drebiti David Goliat kämikani aune dre namani bare nitre filisteo yebätä?
Kukwe mada ngwantarita:
1. Ñäkädre 1 Samuel 17:1-54 yebätä.
a) ¿Ñobätä kä jürä ñaka namani David yebätä aune ni raba ja ngwen ño niara erere? (1 Sam. 17:37, 45; Efe. 6:10, 11.)
b) ¿Ni kristiano tä ja denkä ye ngwane ñobätä ni ñaka raba ja töimike ja gabätä Goliat ye erere? (1 Sam. 17:8; Gál. 5:26; 1 Tim. 4:8.)
c) Ngöbökwe David dimikai ie namani tö ngwen, ¿kukwe niebare kwe ye tä mike gare ño? (1 Sam. 17:45-47; 2 Cró. 20:15.)
d) Juta ketebu ñan aibe nämene rüre jabe, ñakare aune ngöbö ngwarbe nämene rüre Jehová Ngöbö metre ye rüere, ¿kukwe namani bare ye tä mike gare ño? (1 Sam. 17:43, 46, 47.)
e) ¿David tö ngwani Jehová ie ye erere nitre dianinkä nänkäre kä kwinbiti ye tä nuainne ño? (1 Sam. 17:37; Jer. 1:17-19; Rev. 12:17.)
Ñobätä David ngitiani
1. ¿Ñobätä Saúl nämene bätä ngwen David yebätä, akwa monsoi Jonatán ye töi nämene ño?
2. ¿Bati David nämene arpa täke Saúl kräke ye ngwane dre namani bare?
3. ¿David jämi ja mike gure Mical yebe känenkri rabadre dre nuainne Saúl niebare, aune ñobätä ye niebare kwe?
4. Bämikani ye erere, ¿David nämene arpa täke Saúl kräke ye ngwane dre namani bare bämäkäre?
5. ¿Mical käkwe David kriemikani ño ne kwe ñaka kämikadre, aune David käkwe dre nuainbare kä kwä kükü te?
Kukwe mada ngwantarita:
1. Ñäkädre 1 Samuel 18:1-30 yebätä.
a) Nitre “obeja mräkä” bätä “obeja braibe” yekwe ja tare, ¿ye Jonatán bätä David käkwe bämikani ño nämene ja tarere metre yebiti? (1 Sam. 18:1; Juan 10:16; Luc. 12:32; Zac. 8:23.)
b) Jonatán ye käkwe gobrandre metrere Saúl ye täte, akwa ni dianinkä reire ye niara nämene mike ütiäte krubäte jai, ¿ye 1 Samuel 18:4 tä mike gare ño?
c) Ni bätä ngwen ye raba ni töimike kukwe käme nuainne, ¿kukwe namani bare Saúl yebätä ye tä mike gare ño aune kukwe ye tä dre mike gare ja tökrä nie? (1 Sam. 18:7-9, 25; Sant. 3:14-16.)
2. Ñäkädre 1 Samuel 19:1-17 yebätä.
Jonatán käkwe Saúl ketaninbätä ye ngwane, ¿ñobätä kukwe tare känänbare kwe jakrä? (1 Sam. 19:1, 4-6; Prov.16:14.)
Abigail bätä David
1. ¿Meri bämikani tä näin David kokwäre ye kä ño, aune niara ye töi ño?
2. ¿Nabal ye nire?
3. ¿Ñobätä David käkwe nitre ruäre juani ja di kärere Nabal ie?
4. ¿David nitre juani ye ie Nabal dre niebare, aune matani ño Davibätä?
5. ¿Abigail ye meri töbätä bämikani ño kwe?
Kukwe mada ngwantarita:
1. Ñäkädre 1 Samuel 22:1-4 yebätä.
¿Ni kristiano käkwe ja dimikadre kwärikwäri, ye David mräkätre käkwe bämikani ño nikrä? (Pro. 17:17; 1 Tes. 5:14.)
2. Ñäkädre 1 Samuel 25:1-43 yebätä.
a) ¿Ñobätä Nabal ye kädrieta käme krubäte? (1 Sam. 25:2-5, 10, 14, 21, 25.)
b) ¿Meritre kristiana gure ye raba ja tötike ño Abigail yebätä? (1 Sam. 25:32, 33; Pro. 31:26; Efe. 5:24.)
c) ¿Abigail käkwe David töimikani ñaka kukwe meden ketebu käme nuainne? (1 Sam. 25:31, 33; Rom. 12:19; Efe. 4:26.)
d) Abigail kukwe niebare ye David käkwe kukwe nuabare, ¿ye tä ni brare dimike meri mike tuin ño jai Jehová ye erere? (Hech. 21:8, 9; Rom. 2:11; 1 Ped. 3:7.)
David mikani reire
1. ¿Saúl nämene kübani ye ngwane David bätä Abisai käkwe dre nuainbare känti?
2. ¿David käkwe dre ngwanintari Saúl ie?
3. ¿David blitabare Saúl ben ye bitikäre nikani medente?
4. ¿Ñobätä David namani ulire krubäte aune kansion nuäre tikani kwe?
5. ¿Kä nämene kwäbe Davibiti angwane mikani reire Hebrón, aune monsoi ruäre kädekani ño?
6. ¿Ye bitikäre medente David käkwe gobranbare?
Kukwe mada ngwantarita:
1. Ñäkädre 1 Samuel 26:1-25 yebätä.
a) ¿Ngöbö kukwe ükaninte ni jie ngwankäre ye mikadre tuin ño jai, David kukwe niebare 1 Samuel 26:11 tä mike gare ño? (Sal. 37:7; Rom. 13:2.)
b) Nikwe ja di ngwandre metre jondron kwin nuainne ni madakrä akwa ñaka debe biandre nie, ¿ye ngwane David käkwe kukwe niebare 1 Samuel 26:23 känti ye raba ni dimike ño töbike metre kukwe yebätä? (1 Rey. 8:32; Sal. 18:20.)
2. Ñäkädre 2 Samuel 1:26 yebätä.
¿David bätä Jonatán käkwe “ja tarebare krubäte kwärikwäri” ye erere ni kristiano raba ja töimike nuainne ño? (1 Ped. 4:8; Col. 3:14; 1 Juan 4:12.)
3. Ñäkädre 2 Samuel 5:1-10 yebätä.
a) ¿Kä kwäbe te David gobranbare, aune gobran kwe ñäkäninbiti kä kwäbe te? (2 Sam. 5:4, 5.)
b) ¿Dre köböire David namani ütiäte kri, aune ye tä dre ngwen törö nie kä nengwane? (2 Sam. 5:10; 1 Sam. 16:13; 1 Cor. 1:31; Fili. 4:13.)
Kukwe tare David gwirete
1. Jehová ye köböire, ¿dre namani bare mrä kä Canaán yekänti?
2. Bati David nämene dere ju gobrankäre yete angwane, ¿dre namani bare?
3. ¿Ñobätä Jehová namani rubun krubäte David kräke?
4. ¿David ja mikani ngite ye niekäre ie Jehovakwe ni juani iti bämikani ye nire, aune dre rabai bare Davibätä niebare kwe?
5. ¿Kukwe meden tare namani bare Davibätä?
6. ¿David ye bitikäre nire namani reire Israel?
Kukwe mada ngwantarita:
1. Ñäkädre 2 Samuel 11:1-27 yebätä.
a) ¿Nikwe käre sribi Ngöbökwe nuaindre ye tä ni kriemike ño?
b) ¿Dre käkwe David töimikani ja mike ngite, aune kukwe namani bare niarabätä ye tä dre driere ja tökrä kä nengwane ni Jehová mikaka täte ie? (2 Sam. 11:2; Mat. 5:27-29; 1 Cor. 10:12; Sant. 1:14, 15.)
2. Ñäkädre 2 Samuel 12:1-18 yebätä.
a) ¿Natán käkwe mräträbare Davibätä ye tä dre driere ja tökrä nitre umbre konkrekasionte bätä nitre rüne ie? (2 Sam. 12:1-4; Pro. 12:18; Mat. 13:34.)
b) ¿Ñobätä Jehovakwe David mikani tuin bobre jai? (2 Sam. 12:13; Sal. 32:5; 2 Cor. 7:9, 10.)
Salomón rei töbätä
1. ¿Jehová käkwe dre ngwanintari Salomón ie, aune Salomón dre niebare?
2. Salomón jondron käräbare ye namani kwin Jehovakrä, ¿yebätä dre käbämikani kwe ie?
3. ¿Kukwe meden ñaka nuäre meri nibu käkwe mikani gare Salomón ie?
4. Tä bämikani ye erere, ¿Salomón käkwe kukwe ye ükaninte ño?
5. ¿Salomón gobranbare ño, aune ñobätä?
Kukwe mada ngwantarita:
1. Ñäkädre 1 Reyes 3:3-28 yebätä.
a) Salomón käkwe kukwe niebare 1 Reyes 3:7, ¿ye tä dre driere ja tökrä nitre kädekani ji ngwanka käne konkrekasionte ye ie? (Sal. 119:105; Pro. 3:5, 6.)
b) ¿Drebätä nikwe oradre metrere, aune ñobätä Salomón käkwe bämikani kwin jondron käräbare kwe yebiti? (1 Rey. 3:9, 11; Pro. 30:8, 9; 1 Juan 5:14.)
c) ¿Salomón kukwe ükaninte meri nibu kräke, kätä dre mike gare nie Jesukristo Salomón Bäri kri rabai gobrane yebätä? (1 Rey. 3:28; Isa. 9:6, 7; 11:2-4.)
2. Ñäkädre 1 Reyes 4:29-34 yebätä.
a) ¿Jehová käkwe Salomón brukwä mikadre niara mike täte käräbare kwe ie, yebätä Jehovakwe dre nuainbare? (1 Rey. 4:29.)
b) Salomón töbätä yebätä nitre käkwe ja di ngwani kukwe nuin, ¿ye käkwe ni töimikadre ño ja tötike Kukwe Ngöbökwe yebätä? (1 Rey. 4:29, 34; Juan 17:3; 2 Tim. 3:16.)
Salomón templo sribebare
1. ¿Kä kwäbe te Salomón käkwe templo Jehovakwe ye sribebare, aune ñobätä ngwian ribebare krubäte kräke?
2. ¿Kwarto ütiäte nämene kwäbe templo yete, aune dre mikani kwarto ye teri?
3. ¿Templo ye sribebare täte angwane Salomón dre niebare orasion yete?
4. ¿Salomón orabare ye käi namani juto Jehovabätä bämikani ño kwe?
5. ¿Salomón muko käkwe töimikani dre nuainne, aune dre namani bare?
6. ¿Ñobätä Jehová namani rubun Salomón kräke, aune dre niebare kwe ie?
Kukwe mada ngwantarita:
1. Ñäkädre 1 Crónicas 28:9, 10 yebätä.
David käkwe kukwe niebare 1 Crónicas 28:9, 10 känti, ¿yebätä nikwe ja di ngwandre dre nuainne mantre jetebe? (Sal. 19:14; Fili. 4:8, 9.)
2. Ñäkädre 2 Crónicas 6:12-21, 32-42 yebätä.
a) Ni kä nebätä käkwe ju sribedre yete Ngöbö Kri ye ñaka raba nüne jire, ¿ye Salomón käkwe mikani gare ño? (2 Cró. 6:18; Hech. 17:24, 25.)
b) ¿Salomón käkwe kukwe niebare 2 Crónicas 6:32, 33 känti, ye tä dre driere Jehová yebätä nie? (Hech. 10:34, 35; Gál. 2:6.)
3. Ñäkädre 2 Crónicas 7:1-5 yebätä.
¿Jehová trä jutuabare nitre Israel ie angwane tönamani käikitaikä, ye erere Jehová tä jondron kwin mike nemen bare juta kwe yekrä tuin nie, ye käkwe ni töimikadre dre nuainne? (2 Cró. 7:3; Sal. 22:22; 34:1; 96:2.)
4. Ñäkädre 1 Reyes 11:9-13 yebätä.
Nikwe Ngöbö mikadre metre täte nememe mrä ye ütiäte krubäte, ¿kukwe namani bare Salomón yebätä ye tä mike gare ño? 1 Rey. 11:4, 9; Mat. 10:22; Rev. 2:10.)
Gobran ñäkäninbiti
1. ¿Ni nibu tä bämikani ye nire, aune kädekata ño?
2. ¿Ahías dre nuainbare dän kwe yebiti, aune jondron nuainbare kwe yebiti dre bämikani?
3. ¿Salomón tönamani dre nuain Jeroboán yebätä?
4. ¿Ñobätä nitre käkwe Jeroboán mikani reire juta 10 nitre israelkwe yebiti?
5. ¿Ñobätä Jeroboán käkwe nibi ngäbä orore sribebare krobu, aune ye bitikäre dre namani bare juta yebätä?
6. ¿Juta ketebu nitre israelkwe bätä templo Jehovakwe nämene Jerusalén yebätä dre namani bare?
Kukwe mada ngwantarita:
1. Ñäkädre 1 Reyes 11:26-43 yebätä.
¿Jeroboán ye ja ngwani ño, aune Jehová dre käbämikani ie kukwe Kwe mikabätä täte? (1 Rey. 11:28, 38.)
2. Ñäkädre 1 Reyes 12:1-33.
a) ¿Rehoboam ni mada mikani tuin ngwarbe jai, kätä dre driere nitre rüne bätä nitre umbre konkrekasionte ie kukwe nebätä? (1 Rey. 12:13; Ecl. 7:7; 1 Ped. 5:2, 3.)
b) ¿Monsotre bati tö rabadre kukwe ütiäte nuaindi ye ngwane nirei ja di kärädre kwetre? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)
c) ¿Ñobätä Jeroboán käkwe kä ükaninte ketebu nibi ngäbä sribebare ye mikakäre ngöböre jai, aune ñaka namanina tödeke Jehová ie bämike ño kwe? (1 Rey. 11:37; 12:26-28.)
d) ¿Nirekwe juta 10 israelkwe ye jie ngwani ja mike kukwe metre Ngöbökwe ye rüere? (1 Rey. 12:32, 33.)
Jezabel reina käme
1. ¿Nire abokän Jezabel?
2. ¿Ñobätä bati rei Acab ye namani ulire?
3. ¿Jezabel dre nuainbare ne kwe muko kwe Acab käkwe viña Nabotkwe ye diandre jai?
4. ¿Jehová nire juani Jezabel mikakäre ja ngie nuin?
5. Tä bämikani ye erere, ¿Jehú namani Jezabel gwirete ye ngwane dre namani bare?
Kukwe mada ngwantarita:
1. Ñäkädre 1 Reyes 16:29-33 bätä 18:3, 4 yebätä.
¿Acab nämene reire Israel ye ngwane nitre nämene ja ngwen ño? (1 Rey. 14:9.)
2. Ñäkädre 1 Reyes 21:1-16 yebätä.
a) ¿Nabot yebätä kä jürä ñaka nämene bätä nämene Jehová mike täte metre ye bämikani ño kwe? (1 Rey. 21:1-3; Lev. 25:23-28.)
b) ¿Nita nemen ulire ye ngwane ni raba ja tuin ño kukwe yebe, kukwe namani bare Acab yebätä ye tä dre driere nie? (1 Rey. 21:4; Rom. 5:3-5.)
3. Ñäkädre 2 Reyes 9:30-37 yebätä.
¿Jehú ja töimikani kwatibe kukwe Jehovakwe ye nuainne ye tä dre driere nie? (2 Rey. 9:4-10; 2 Cor. 9:1, 2; 2 Tim. 4:2.)
Jehosafat tö ngwani Jehovai
1. ¿Nire abokän Jehosafat, aune kä ñongwane nünanbare kwe?
2. ¿Ñobätä kä jürä namani nitre Israel yebätä, aune kwati käkwe dre nuainbare?
3. ¿Jehosafat orabare yebätä Jehová dre nuainbare?
4. ¿Nitre jämi rüre ye känenkri Jehová dre mikani nemen bare?
5. ¿Jehosafat tä dre driere ja tökrä nie?
Kukwe mada ngwantarita:
1. Ñäkädre 2 Crónicas 20:1-30 yebätä.
a) ¿Nitre Ngöbö mikaka täte rüe rabadre angwane, dre nuaindre kwetre ye Jehosafat bämikani ño? (2 Cró. 20:12; Sal. 25:15; 62:1.)
b) Jehová käre kukwe ükete blitakäre juta kwe yebe, ¿drebiti tä nuainne kä nengwane? (2 Cró. 20:14, 15; Mat. 24:45-47; Juan 15:15.)
c) “Rü Ngöbö Bäri Di Kri köböi kri” yete Jehovakwe rüdi angwane, ¿Jehosafat ye erere dre rabai bare nikrä? (2 Cró. 20:15, 17; 32:8; Rev. 16:14, 16.)
d) Nitre Leví mräkä ye erere, ¿nitre prekursor bätä misionero ye tä kukwe driere ño kä jökräbiti tibien? (2 Cró. 20:19, 21; Rom. 10:13-15; 2 Tim. 4:2.)
Monso nibu mikaninta nire
1. ¿Nitre nimä bämikani ye nire, aune bati dre namani bare monso chi yebätä?
2. ¿Monso chi yebätä Elías käkwe dre ribebare orasionte aune ye biti dre namani bare?
3. ¿Ni Elías dimikaka ye kädekata ño?
4. ¿Ñobätä Eliseo juani meri iti Sunem ye gwirete?
5. ¿Eliseo käkwe dre nuainbare aune dre namani bare monso chi krütani yebätä?
6. Elías bätä Eliseo käkwe bämikani ye erere, ¿Jehová die tärä dre nuainkäre?
Kukwe mada ngwantarita:
1. Ñäkädre 1 Reyes 17:8-24 yebätä.
a) ¿Elías nämene Ngöbö mike täte aune tödeka kwe ye nuaninte ño? (1 Rey. 17:9; 19:1-4, 10.)
b) ¿Meri kän muko krütani yekwe tödekabare krubäte ye bämikani ño kwe? (1 Rey. 17:12-16; Luc. 4:25, 26.)
c) Meri Sarepta kän muko krütani yebätä kukwe namani bare metre, ¿Jesús kukwe niebare Mateo 10:41, 42 ye tä mike gare ño? (1 Rey. 17:10-12, 17, 23, 24.)
2. Ñäkädre 2 Reyes 4:8-37 yebätä.
a) ¿Meri Sunem ye tä dre driere nie ja mikadre mantiame yebätä? (2 Rey. 4:8; Luc. 6:38; Rom. 12:13; 1 Juan 3:17.)
b) ¿Ni raba dre dre kwin nuainne nitre Ngöbö mikaka täte kä nengwane yekrä? (Hech. 20:35; 28:1, 2; Gál. 6:9, 10; Heb. 6:10.)
Monso chi ni ütiäte dimikani
1. ¿Monso chi bämikani ye tä dre niere meri umbre ye ie?
2. ¿Meri umbre bämikani ye nire, aune ñobätä monso chi ye tä gwirete?
3. ¿Eliseo käkwe ni sribikä kräke ye juani dre niere Naamán ie, aune ñobätä Naamán namani rubun?
4. ¿Naamán ni sribikä kwe ye kukwe mikani täte angwane dre namani bare?
5. ¿Naamán jondron biani Eliseo ie ye ñobätä ñaka kani ngäbiti kwe, akwa Guehazí dre nuainbare?
6. ¿Dre namani bare Guehazí yebätä, aune kukwe ye tä dre driere nie?
Kukwe mada ngwantarita:
1. Ñäkädre 2 Reyes 5:1-27 yebätä.
a) ¿Monso chi merire Israel ye raba monsotre dimike ño? (2 Rey. 5:3; Sal. 8:2; 148:12, 13.)
b) ¿Kukwe Bibliabätä yebiti mäträdre nibätä angwane, ñobätä kukwe namani bare Naamán yebätä ye nikwe ngwandre törö jai? (2 Rey. 5:15; Heb. 12:5, 6; Sant. 4:6.)
c) ¿Eliseo bätä Guehazí käkwe ñaka ja ngwani ja erebe ye tä dre driere ja tökrä nie? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)
Jonás bätä gwa kri
1. ¿Nire abokän Jonás, aune dre nuaindre kwe Jehová niebare ie?
2. Jehovakwe Jonás juani yekänti ñan tö namani näin, ¿yebätä dre nuainbare kwe?
3. ¿Jonás käkwe dre ribebare nitre ru ngwanka ye ie ne kwe mürie dite ye rabadre kwekebe?
4. Tä bämikani ye erere, ¿Jonás nikani ñöte nguse ye ngwane dre namani bare?
5. ¿Jonás nuabare nuäi gwa kri ye teri, aune dre nuainbare kwe yete?
6. ¿Gwa kri käkwe Jonás yaibare ye bitikäre nikani medente, aune ye tä dre driere nie?
Kukwe mada ngwantarita:
1. Ñäkädre Jonás 1:1-17 yebätä.
¿Jonás juani kukwe driere nitre Nínive ie ye namani tuin ño ie? (Jon. 1:2, 3; Pro. 3:7; Ecl. 8:12.)
2. Ñäkädre Jonás 2:1, 2, 10 yebätä.
Jehová käkwe orasion nikwe kukwe nuai ye ie nikwe tö ngwandre, ¿kukwe namani bare Jonás yebätä ye tä mike gare ño nie? (Sal. 22:24; 34:6; 1 Juan 5:14.)
3. Ñäkädre Jonás 3:1-10 yebätä.
a) Jonás ie sribi biani ye ñaka nuainbare kena kwe akwa Jehová sribi biani jankunu ie, ¿kukwe ye tä ni dimike ño? (Sal. 103:14; 1 Ped. 5:10.)
b) Jonás käkwe ñaka töbikabare kwin nitre Nínive yebätä, ¿ye tä dre driere nie nitre ie nita kukwe driere yebätä? (Jon. 3:6-9; Ecl. 11:6; Hech. 13:48.)
Ngöböta paraíso käbämike
1. ¿Nire Isaías, nünanbare medente kwe, aune Jehová dre mikani tuare ie?
2. ¿Kukwe paraíso ye dre gärätä, aune tä dre ngwen törö nie?
3. ¿Paraíso mrä yebätä Isaías käkwe dre tikadre niebare Jehovakwe ie?
4. ¿Ñobätä kä bä nuäre ye nianinte Adán bätä Eva kän?
5. ¿Nitre tä Jehová tarere ye ie niarata dre käbämike?
Kukwe mada ngwantarita:
1. Ñäkädre Isaías 11:6-9 yebätä.
a) Kä mrä yete nitre käkwe nünandi jäme jondron nire känsenta yebe, ¿Kukwe Ngöbökwe ye tä mike gare ño? (Sal. 148:10, 13; Isa. 65:25; Eze. 34:25.)
b) ¿Isaías kukwe niebare ye tä nemen bare ño ja üairebiti juta Jehovakwe yete? (Rom. 12:2; Efe. 4:23, 24.)
c) Ni töi kwitata kä nengwane bätä nuaindi kä mrä yete, ¿yebätä nire mikadre ütiäte kri? (Isa. 48:17, 18; Gál. 5:22, 23; Fili. 4:7.)
2. Ñäkädre Revelación 21:3, 4 yebätä.
a) Ngöbö tä nüne ni Kä nebätä ben nieta ye abokän ja üairebiti gärätä aune ñaka metre, ¿Biblia tä kukwe ye mike gare ño? (Lev. 26:11, 12; 2 Cró. 6:18; Isa. 66:1; Rev. 21:2, 3, 22-24.)
b) ¿Ni okwä ñöi bätä ja tarenika meden diainkä? (Luc. 8:49-52; Rom. 8:21, 22; Rev. 21:4.)
Ngöbö Ezequías dimikani
1. ¿Ni brare bämikani ye nire, aune ñobätä kukwe kri tä kisete?
2. ¿Ezequías käkwe tärä ño mikani Ngöbö ngwärekri, aune dre käräbare kwe orasionte ie?
3. ¿Rei Ezequías ye töi ño, aune Jehová käkwe Isaías juani dre niere ie?
4. ¿Angel Jehovakwe ye käkwe dre nuainbare nitre Asiria yebätä, tä bämikani ye erere?
5. Gobran juta ketebu nitre israelkwe ye namaninta nüne jäme, ¿akwa Ezequías krütani ye bitikäre dre namani bare?
Kukwe mada ngwantarita:
1. Ñäkädre 2 Reyes 18:1-36 yebätä.
a) ¿Rabsaqué, ni Asiria kukwe mikaka gare, ye tönamani nitre Israel di ngwain nekä ño? (2 Rey. 18:19, 21; Éxo. 5:2; Sal. 64:3.)
b) ¿Nitre testiko Jehovakwe tä ja ngwen ño Ezequías erere, nitre tä ja mike rüere ye ngwane? (2 Rey. 18:36; Sal. 39:1; Pro. 26:4; 2 Tim. 2:24.)
2. Ñäkädre 2 Reyes 19:1-37 yebätä.
a) ¿Kukwe tare tä nemen bare ye ngwane, juta Jehovakwe tä ja ngwen ño Ezequías ye erere? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)
b) ¿Senaquerib ye nianinte ño kukwe ketamäbiti, aune nire bämikani kä ja känenkäre te? (2 Rey. 19:32, 35, 37; Rev. 20:2, 3.)
3. Ñäkädre 2 Reyes 21:1-6, 16 yebätä.
¿Ñobätä Manasés ye rei iti bäri käme käkwe gobranbare Jerusalén ni raba niere? (2 Cró. 33:4-6, 9.)
Rei kwin namani mrä Israel
1. ¿Kä kwäbe Josías yebiti angwane namani reire, aune gobranbare kä kwä kükü kwe ye bitikäre dre nuainbare kwe?
2. ¿Josías bämikani kena yekänti tä dre nuainne?
3. ¿Templo ye ükate nämene angwane dre kwani sacerdote bäri kri ye ie?
4. ¿Ñobätä Josías dän ötaninte jabätä?
5. ¿Profetisa Huldá ye käkwe Jehová kukwei meden mikani gare Josías ie?
Kukwe mada ngwantarita:
1. Ñäkädre 2 Crónicas 34:1-28 yebätä.
a) Ni ruäre nämene chi angwane kukwe ñaka nuäre ben ja tuani kwe, ¿ye kräke Josías käkwe kukwe meden kwin bämikani? (2 Cró. 33:21-25; 34:1, 2; Sal. 27:10.)
b) ¿Kä 8, 12 bätä 18 te Josías gobranbare yete dre nuainbare kwe kukwe metre Ngöbökwe ye nuainkäre? (2 Cró. 34:3, 8.)
c) ¿Rei Josías bätä sacerdote bäri kri Hilquías käkwe kukwe meden kwin bämikani ja tökrä nie ju Ngöbö mikakäre täte ye ngübakäre kwin? (2 Cró. 34:9-13; Pro. 11:14; 1 Cor. 10:31.)
Ni itibätä kä jürä ñaka
1. ¿Monso bati bämikani ye nire?
2. ¿Jeremías rabadre profeta ye namani tuin ño ie, akwa Jehová dre niebare ie?
3. ¿Jeremías kukwe meden mikani gare jankunu nitre ie?
4. ¿Nitre sacerdote tönamani Jeremías ketaibätä ño, akwa kä jürä ñakabätä bämikani ño kwe?
5. ¿Nitre Israel ñaka kukwe käme tuanimetre yebätä dre namani barebätä?
Kukwe mada ngwantarita:
1. Ñäkädre Jeremías 1:1-8 yebätä.
a) Kukwe namani bare Jeremías yebätä erere, ¿dreta ni tötike sribi Jehovakwe nuainkäre kwin? (2 Cor. 3:5, 6.)
b) ¿Jeremías kukwe bämikani ye tä monsotre kristiano dimike ño? (Ecl. 12:1; 1 Tim. 4:12.)
2. Ñäkädre Jeremías 10:1-5 yebätä.
Jondron ngwarbe üai sribebare ngöböre ye ie tö ngwandre ye abokän töbikata ngwarbe, ¿Jeremías käkwe ye bämikani ño? (Jer. 10:5; Isa. 46:7; Hab. 2:19.)
3. Ñäkädre Jeremías 26:1-16 yebätä.
a) Jeremías käkwe kukwe Jehovakwe ‘niedre täte’ niebare ie, ¿ye erere nitre braibe dianinkä Ngöbökwe kätä kukwe kwe mike gare ye ngwane, tätre nuainne ño? (Jer. 26:2; Deu. 4:2; Hech. 20:27.)
b) Jeremías käkwe kukwe Jehovakwe mikani gare nitre ie, ¿yebiti kukwe meden kwin bämikani kwe nitre testiko Jehovakwe kräke kä nengwane? (Jer. 26:8, 12, 14, 15; 2 Tim. 4:1-5.)
4. Ñäkädre 2 Reyes 24:1-17 yebätä.
¿Judá käkwe ñaka Jehová mikani täte yebätä kukwe meden tare namani barebätä? (2 Rey. 24:2-4, 14.)
Monso nibokä tä Babilonia
1. ¿Monso nibokä bämikani ye nire, aune ñobätä tä Babilonia?
2. ¿Nabucodonosor töinämene ño monsotre nibokä yekrä, aune nitre sribikä kräke dre nuaindre niebare kwe ie?
3. ¿Mrö bätä ñö biani Daniel aune ja ketamuko nimä kwe ie, yebätä dre käräbare kwe?
4. Daniel bätä ja ketamuko nimä kwe käkwe jondron kwetadre nökata kwetani köbö jätä te ye bitikäre, ¿niaratre ye kwani ño monsotre mräkä yebätä?
5. ¿Ñobätä Daniel bätä ja ketamuko nimä kwe ye jänikani rei gwirete, aune ñobätä niaratre namani bäri töbätä sacerdote aune nitre töbätä yekrä?
Kukwe mada ngwantarita:
1. Ñäkädre Daniel 1:1-21 yebätä.
a) ¿Ni nuateta bätä ni töita nemen kukwe käme nuainne ye ngwane, nikwe ja di ngwandre dre nuainne kä ngwankäre nüke jai? (Dan. 1:8; Gén. 39:7, 10; Gál. 6:9.)
b) ¿Ñokänti monsotre bati ye töi raba nemen “jondron kwin” ni ruäre kräke ye känene arato? (Dan. 1:8; Pro. 20:1; 2 Cor. 6:17–7:1.)
c) ¿Monsotre hebreo nibokä kädrieta Bibliakwe ye tä dre mike gare nie, ja tötikadre sribi ruäre nuainkäre yebätä? (Dan. 1:20; Isa. 54:13; 1 Cor. 3:18-20.)
Jerusalén ganinte
1. ¿Dreta nakainkä Jerusalén bätä nitre Israel yebätä bämikani yekänti?
2. ¿Nire Ezequiel, aune dre käme krubäte mikani tuare Jehovakwe ie?
3. Nitre Israel ñaka Jehová mikani ütiäte, ¿yebätä dre käbämikani niarakwe?
4. Nitre Israel ja mikani rei Nabucodonosor rüere ye bitikäre, ¿niarakwe dre nuainbare?
5. ¿Ñobätä Jehovakwe kukwe tare tuanimetre nemen bare nitre Israel yebätä?
6. ¿Ñobätä nitre ñaka namanina nüne kä Israel yekänti, aune kä kwäbe te?
Kukwe mada ngwantarita:
1. Ñäkädre 2 Reyes 25:1-26 yebätä.
a) ¿Nire Sedequías, aune dre namani barebätä, aune kukwe yebiti Ngöbökwe kukwe niebare ye namani bare ño? (2 Rey. 25:5-7; Eze. 12:13-15.)
b) ¿Nitre Israel käkwe kukwe käme nuainbare Ngöbö rüere yebätä nire mikani ngite Ngöbökwe? (2 Rey. 25:9, 11, 12, 18, 19; 2 Cró. 36:14, 17.)
2. Ñäkädre Ezequiel 8:1-18 yebätä.
¿Nitre Israel käkwe Ngöbö tuanimetre Ñänä mikakäre täte, ye erere nitre kukwe ngwarbe mikaka täte tä nuainne ño? (Eze. 8:16; Isa. 5:20, 21; Juan 3:19-21; 2 Tim. 4:3.)
Ñaka mikani täte kwetre
1. ¿Nabucodonosor rei Babilonia, ye käkwe dre nuain manabare?
2. ¿Ñobätä ja ketamuko nimä Danielkwe ñaka ja mikete kuintubu jondron üai orore ye känenkri?
3. Nabucodonosor monsotre nimä hebreo töimikani bobukäre ja mikete kuintubu ye ngwane, niaratre nämene tö ngwen Jehovai ¿bämikani ño kwetre?
4. ¿Nabucodonosor nitre juani dre nuainne Sadrac, Mesac bätä Abednego yebätä?
5. ¿Nabucodonosor nikrabare ñukwäte angwane dre jutuabare ie?
6. ¿Ñobätä reikwe Sadrac, Mesac bätä Abednego Ngöböi ye, käikitaninkä aune niaratre kukwe meden bämikani nikrä?
Kukwe mada ngwantarita:
1. Ñäkädre Daniel 3:1-30 yebätä.
a) Nitre Ngöbö mikaka täte töimikadre kukwe käme nuainne Ngöbö rüere angwane, ¿raba ja töimike ño monsotre nimä hebreo ye erere? (Dan. 3:17, 18; Mat. 10:28; Rom. 14:7, 8.)
b) ¿Ngöbö Jehová käkwe kukwe meden ütiäte ja tökrä driebare Nabucodonosor ie? (Dan. 3:28, 29; 4:34, 35.)
Tärä okwä tikani kibätä
1. Rei Babilonia käkwe bieta kri nuainbare aune baso bätä jondron ngwä sribebare nämene templo Jehovakwe Jerusalén yete yebiti jondron ñabare kwe, ¿ye ngwane dre namani bare?
2. ¿Belsasar dre niebare nitre töbätä kwe ie akwa niaratre ñaka dre nuainbare?
3. ¿Belsasar ie meye käkwe dre käräbare?
4. Daniel niebare rei ie erere, ¿ñobätä Ngöbökwe ni kise mikani tärä tike kibätä?
5. ¿Kukwe tikani kibätä ye dre gäräbare ye Daniel käkwe mikani gare ño?
6. ¿Daniel nämene blite ye ngwane dre namani bare?
Kukwe mada ngwantarita:
1. Ñäkädre Daniel 5:1-31 yebätä.
a) Ngöbö jürä ngwandre metre jabätä bätä tärä okwä tikani kibätä jutuabare Belsasar ie ye ngwane kä jürä namani niarabätä, ¿ye ja erebe mä raba niere? (Dan. 5:6, 7; Sal. 19:9; Rom. 8:35-39).
b) ¿Daniel ñaka kä jürä ngwani jabätä blitakäre Belsasar bätä nitre krikri kwe yebe ye bämikani ño kwe? (Dan. 5:17, 18, 22, 26-28; Hech. 4:29.)
c) Jehová ye aibe gobranka kri kä jökräbiti tibien, ¿ye mikata gare ño Daniel kapitulo 5 yekänti? (Dan. 4:17, 25; 5:21.)
Daniel tä lion ngätäite
1. ¿Nire abokän Darío, aune töinämene ño Daniel yekrä?
2. ¿Nitre töi käme käkwe Darío töimikani dre nuainne?
3. ¿Kukwe mrä ükaninte ye namani gare Daniel ie angwane dre nuainbare kwe?
4. ¿Ñobätä Darío namani ulire aune ñaka namani küben, aune jädrinaine dre nuainbare kwe?
5. ¿Daniel dre niebare Darío ie?
6. ¿Nitre töi käme tönamani Daniel kämikai yebätä dre namani bare, aune Darío kukwe meden tikani nitre jökrä gobran kwete ye ie?
Kukwe mada ngwantarita:
1. Ñäkädre Daniel 6:1-28 yebätä.
a) Nitre testiko Jehovakwe tä kukwe driere kä nengwane ye nitre rüere töta nemen ketaibätä, ¿nitre käkwe ja mikani Daniel rüere ye tä dre ngwen törö nie kukwe yebätä? (Dan. 6:7; Sal. 94:20; Isa. 10:1; Rom. 8:31.)
b) ¿Ni Ngöbö mikaka täte raba ja ngwen ño Daniel erere “gobran krikri” ye ngwärekri? (Dan. 6:5, 10; Rom. 13:1; Hech. 5:29.)
c) ¿Ño ni raba Ngöbö mike täte “käre” Daniel nuainbare ye erere? (Dan. 6:16, 20; Fili. 3:16; Rev. 7:15.)
Israel kä mikaninkä Babilonia
1. Bämikani ye erere, ¿nitre Israel tätre dre nuainne?
2. ¿Jehovakwe kukwe niebare Isaías yebiti ye Ciro käkwe mikani nemen bare ño?
3. ¿Nitre Israel ñaka nikaninta Jerusalén ye ie Ciro käkwe dre niebare?
4. ¿Ciro käkwe dre biani ngwandre Jerusalén nitre ie?
5. ¿Nitre Israel nuabare nuäi rabakäre Jerusalén?
6. ¿Kä namaninkä ngwarbe juta yekänti ye bitikäre kä nikani kwäbe ta?
Kukwe mada ngwantarita:
1. Ñäkädre Isaías 44:28 bätä 45:1-4 yebätä.
a) ¿Jehovakwe kukwe niebare Ciro yebätä ye rabai bare metre ye mikani gare ño kwe? (Isa. 55:10, 11; Rom. 4:17.)
b) Kukwe rabai bare kä ja känenkäre te ye Jehová raba mike gare, ¿Isaías Ngöbö kukwei niebare Ciro yebätä ye tä mike gare ño? (Isa. 42:9; 45:21; 46:10, 11; 2 Ped. 1:20.)
2. Ñäkädre Esdras 1:1-11 yebätä.
Nitre ñaka nikaninta Jerusalén ye erere, ¿kä nengwane nitre raba sribi Ngöbökwe nuainne köbö täte te ye abokän ni raba ‘dimike’ ño? (Esd. 1:4, 6; Rom. 12:13; Col. 4:12.)
Tö ngwani kwetre Ngöböi
1. ¿Ni nibe käkwe nänbare mente Babilonia nemen Jerusalén, akwa namani yete aune dre kwani ietre?
2. ¿Nitre Israel namaninta angwane dre sribebare kwetre, akwa nitre rüere käkwe dre nuainbare?
3. ¿Nire Ageo bätä Zacarías, aune dre niebare kwetre nitre ie?
4. ¿Ñobätä Tattenay käkwe tärä juani Babilonia, aune dre niebare ie?
5. ¿Templo Ngöbökwe ye ükadrete namani gare Esdras ie angwane dre nuainbare kwe?
6. Tä bämikani ye erere, ¿Esdras dre käräbare Jehová ie? ¿Niara orabare ye mikani nemen bare ño? ¿Aune ye tä dre driere nie?
Kukwe mada ngwantarita:
1. Ñäkädre Esdras 3:1-13 yebätä.
Kä ruäre känti konkrekasion ñakare, ¿kä yekänti ni tädre angwane nikwe dre nuaindre jankunu? (Esd. 3:3, 6; Hech. 17:16, 17; Heb. 13:15.)
2. Ñäkädre Esdras 4:1-7 yebätä.
¿Zorobabel käkwe kukwe meden bämikani juta Jehovakwe kräke ja mritadre kukwe mada mikata täte ben yebätä? (Éxo. 34:12; 1 Cor. 15:33; 2 Cor. 6:14-17.)
3. Ñäkädre Esdras 5:1-5, 17 bätä 6:1-22 yebätä.
a) Nitre Israel nämene templo sribere, ¿ñobätä nitre rüere käkwe ñaka sribi ye ötani? (Esd. 5:5; Isa. 54:17.)
b) ¿Nitre judío umbre kukwe bämikani ye raba nitre kristiano umbre dimike ño, ne kwe rüe rabadre ye ngwane ja di kärädre kwetre Jehová ie? (Esd. 6:14; Sal. 32:8; Rom. 8:31; Sant. 1:5.)
4. Ñäkädre Esdras 8:21-23, 28-36 yebätä.
Ni jämi ja töimike kukwe ütiäte nuainne ye ngwane, ¿ni raba dre nuainne Esdras ye erere? (Esd. 8:23; Sal. 127:1; Pro. 10:22; Sant. 4:13-15.)
Mardoqueo bätä Ester
1. ¿Nire Mardoqueo bätä Ester?
2. ¿Ñobätä rei Asuero tönamani muko mada mrä ie, aune nire dianinkä kwe?
3. ¿Nire Hamán aune ñobätä namani rubun?
4. ¿Kukwe meden ükaninte, aune Mardoqueo käkwe kukwe juani Ester ie ye ngwane dre nuainbare kwe?
5. ¿Dre namani bare Hamán bätä Mardoqueo yebätä?
6. ¿Ñokänti nitre Israel ye namani kwäre rüe ye kisete?
Kukwe mada ngwantarita:
1. Ñäkädre Ester 2:12-18 yebätä.
Nikwe ja “töimikadre jäme” ye ütiäte krubäte, ¿ye Ester käkwe bämikani ño? (Est. 2:15; 1 Ped. 3:1-5.)
2. Ñäkädre Ester 4:1-17 yebätä.
Ester mikani sribire kukwe metre Ngöbökwe ye ütiäre, ¿ye erere ni tö Jehová mikai täte metre ye ni raba mike gare ño kä nengwane? (Est. 4:13, 14; Mat. 5:14-16; 24:14.)
3. Ñäkädre Ester 7:1-6 yebätä.
Ester ye erere, ¿nitre Ngöbö mikaka täte ye tätre ja tuin ño nitre rüere yebe kä nengwane? (Est. 7:4; Mat. 10:16-22; 1 Ped. 2:12.)
Ki Jerusalén yebiti
1. Ki ñaka nämene juta Jerusalén yebiti angwane, ¿ja nämene ruin ño nitre Israel ie?
2. ¿Nire abokän Nehemías?
3. ¿Nehemías nämene sribi meden nuainne, aune ñobätä ye ütiäte?
4. ¿Kukwe meden käkwe Nehemías mikani ulire, aune dre nuainbare kwe?
5. ¿Rei Artajerjes käkwe ja töimikani ño kwin Nehemías kräke?
6. ¿Ki sribe nämene angwane Nehemías dre nuainbare ne kwe nitre Israel rüe ye käkwe ñaka sribi ye ötadre?
Kukwe mada ngwantarita:
1. Ñäkädre Nehemías 1:4-6 bätä 2:1-20 yebätä.
¿Nehemías ja di käräbare ño Jehovai? (Neh. 2:4, 5; Rom. 12:12; 1 Ped. 4:7.)
2. Ñäkädre Nehemías 3:3-5 yebätä.
¿Nitre teqoítas käkwe ñaka ja ngwani ja erebe “nitre ütiäte” yebe ye kätä dre driere nitre umbre bätä nitre sribikä konkrekasionte ye ie? (Neh. 3:5, 27; 2 Tes. 3:7-10; 1 Ped. 5:5.)
3. Ñäkädre Nehemías 4:1-23 yebätä.
a) ¿Nitre Israel rüe namani akwa dre käkwe töimikani sribere jankunu? (Neh. 4:6, 8, 9; Sal. 50:15; Isa. 65:13, 14.)
b) ¿Nitre Israel kukwe bämikani ye tä ni dimike ño kä nengwane?
4. Ñäkädre Nehemías 6:15 yebätä.
Ki Jerusalén yebiti namani bare sö krobu känenkri, ¿ye tä dre mike gare tödeka yebätä? (Sal. 56:3, 4; Mat. 17:20; 19:26.)
Ángel iti María tuaninbiti
1. ¿Meri bämikani ye nire?
2. ¿Gabriel käkwe dre niebare María ie?
3. María ñaka gure akwa monsoi rabai, ¿ye Gabriel käkwe mikani gare ño ie?
4. ¿María nikani mräkä kwe Elisabet yekänti angwane dre namani bare?
5. ¿María monsoi rabai namani gare José ie ye ngwane töbikabare ño kwe, akwa ñobätä ja töi kwitani kwe?
Kukwe mada ngwantarita:
1. Ñäkädre Lucas 1:26-56 yebätä.
a) Lucas 1:35 tä mike gare ye erere, ¿ñobätä Jesús ñaka därebare ngite, Jehovakwe mikani därere Mariabätä ye ngwane? (Ageo 2:11-13; Juan 6:69; Heb. 7:26; 10:5.)
b) Jesús jämi därere ye känenkri, ¿ñokänti mikani ütiäte kri? (Luc. 1:41-43.)
c) ¿Nitre kristiano kisete sribi ütiäte mikata yekrä María käkwe kukwe meden kwin bämikani? (Luc. 1:38, 46-49; 17:10; Pro. 11:2.)
2. Ñäkädre Mateo 1:18-25 yebätä.
Jesús ñaka kädekani Emmanuel akwa, ¿Emmanuel ye dre gäräbare bämikani ño kwe nämene kä tibienbätä ye ngwane? (Mat. 1:22, 23; Juan 14:8-10; Heb. 1:1-3.)
Jesús därebare establo känti
1. ¿Monso chi bämikani ye nire aune María tä mike medente?
2. ¿Ñobätä Jesús därebare establo yete jondron nire yebe?
3. ¿Nitre tä näin gwä establo känti ye nire aune ángel iti käkwe dre niebare ietre?
4. ¿Ñobätä Jesús ye ütiäte kri?
5. ¿Ñobätä Jesús ye kädeka raba Ngöbö Monsoi?
Kukwe mada ngwantarita:
1. Ñäkädre Lucas 2:1-20 yebätä.
a) ¿Ngöbökwe kukwe mikani gare Jesús däredi yebätä ye César Augusto kukwe ükaninte yebiti kukwe ye namani bare ño? (Luc. 2:1-4; Miq. 5:2.)
b) ¿Ñokänti ni raba nemen ‘nitre kan ngäbitita Ngöbökwe’ ye ngätäite? (Luc. 2:14; Mat. 16:24; Juan 17:3; Hech. 3:19; Heb. 11:6.)
c) Nitre bobre obeja ngübaka kä Judea känti yebätä ni ni Diantarikä därebare ye käi namani juto, ¿ñobätä ni Ngöbö mikaka täte kä nengwane yebätä kä rabadre bäri juto? (Luc. 2:10, 11; Efe. 3:8, 9; Rev. 11:15; 14:6.)
Nikanintre muke jiebiti
1. ¿Nitre bämikani ye nire, aune ñobätä iti tä kisekite muke trä ngitiekä yebätä?
2. ¿Ñobätä rei Herodes namani töbike kri, aune dre nuainbare kwe?
3. ¿Muke trä ngitiekä ye nikani nitre ngwena kä meden känti, akwa ñobätä niaratre nikani ja käite ji mada yebiti?
4. ¿Herodes käkwe dre niebare, aune ñobätä?
5. ¿Jehovakwe dre niebare José ie?
6. ¿Nirekwe muke mrä ye mikani trä ngitiekä, aune ñobätä?
Kukwe mada ngwantarita:
1. Ñäkädre Mateo 2:1-23 yebätä.
¿Kä nämene nuäi Jesús yebiti, bätä nitre ja tötikaka mukebätä nükani tuinbiti ye ngwane nämene nüne medente? (Mat. 2:1, 11, 16.)
Jesús monsore templo te
1. Bämikani nekänti, ¿kä kwäbe Jesubiti bätä tä medente?
2. ¿Kä kwatire kwatire te José nämene dre nuainne mräkätre yebe?
3. José bätä María nänbare köböiti ju kwe kokwäre ye bitikäre, ¿ñobätä nikaninta Jerusalén?
4. ¿Jesús kwani medente José bätä María ie, aune ñobätä nitre töinamani ñan krütare?
5. ¿Jesús dre niebare meye María ie?
6. ¿Jesús ye erere ni raba ja tötike ño Ngöböbätä?
Kukwe mada ngwantarita:
1. Ñäkädre Lucas 2:41-52 yebätä.
a) Bieta kä kwatire kwatire yete nitre brare aibe rikadre niebare Ngöbö Kukwei yebätä, ¿akwa José bätä María käkwe kukwe meden kwin bämikani nitre rüne kä nengwane kräke? (Luc. 2:41; Deu. 16:16; 31:12; Pro. 22:6.)
b) Ni rün bätä ni meye mikadre täte, ¿ye erere Jesús kukwe meden kwin bämikani monsotre kä nengwane kräke? (Luc. 2:51; Deu. 5:16; Pro. 23:22; Col. 3:20.)
2. Ñäkädre Mateo 13:53-56 yebätä.
¿Jesús eteba meden nibokä kädrieta Bibliabätä, aune nibu ie sribi meden biani nuaindre ja känenkäre konkrekasion yete? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)
Juan käkwe Jesús ngökani ñöte
1. ¿Nitre nibu bämikani ye nire?
2. ¿Ño ni ngökata ñöte?
3. ¿Juan nämene nire nire ngökö ñöte?
4. ¿Kukwe meden ütiätebätä Juan käkwe Jesús ngökadre ñöte käräbare kwe ie?
5. ¿Jesús ja ngökani ñöte ye namani kwin Ngöbökrä bämikani ño kwe?
6. Jesús nikani kä kaibe känti köbö 40 te, ¿ye ngwane dre namani bare?
7. ¿Nire nire käkwe ja mikani nänkä Jesube o ja tötikaka kwe, aune kukwe meden ñan tuabare nuainbare kena kwe?
Kukwe mada ngwantarita:
1. Ñäkädre Mateo 3:13-17 yebätä.
¿Ja ngökadre ñöte ye Jesús bämikani ño nitre ja tötikaka kwe yekrä? (Sal. 40:7, 8; Mat. 28:19, 20; Luc. 3:21, 22.)
2. Ñäkädre Mateo 4:1-11 yebätä.
Jesús nämene kukwe driere kwin Kukwe Ngöbökwe yebiti, ¿ye tä ni dimike ño ja tötike mantre jetebe Bibliabätä? (Mat. 4:5-7; 2 Ped. 3:17, 18; 1 Juan 4:1.)
3. Ñäkädre Juan 1:29-51 yebätä.
¿Juan ni Ngökaka ñöte käkwe nitre ja tötikaka ben ye jie ngwani nire kokwäre, aune ni raba nuainne ño niara erere? (Juan 1:29, 35, 36; 3:30; Mat. 23:10.)
4. Ñäkädre Juan 2:1-12 yebätä.
Jehová tä jondron kwin ye bien nitre Niara mikaka täte ie, ¿Jesús jondron ñan tuabare nuainbare kena yebiti bämikani ño? (Juan 2:9, 10; Sal. 84:11; Sant. 1:17.)
Jesús templo yete
1. ¿Ñobätä jondron nire rürübäinta templo yete?
2. ¿Ñobätä Jesús namani rubun?
3. Bämikani ye erere, ¿Jesús dre nuainbare aune nitre ütü rürübäinkä ye käkwe dre nuaindre niebare kwe ietre?
4. ¿Jesús kukwe nuainbare yebätä dre nükani törö nitre nänkä ben ye ie?
5. ¿Jesús nikaninta Galilea ye ngwane kä meden känti ta nikani?
Kukwe mada ngwantarita:
1. Ñäkädre Juan 2:13-25 yebätä.
Nitre nämene jondron rürübäine templo yete yekrä Jesús namani rubun, ¿ye tä dre mike gare jondron rürübäindre Ju ja Ükarakrö yete yebätä? (Juan 2:15, 16; 1 Cor. 10:24, 31-33.)
Meri ben ñö okwä känti
1. ¿Ñobätä Jesús namani ja düke Samaria ñö okwä ken, aune meri janamene yete ye ie dre niebare kwe?
2. ¿Ñobätä meri ye nikaninkä, Jesús dre niebare ie aune ñobätä?
3. ¿Ñö medenbätä Jesús nämene blite namani ruin meri ye ie, akwa ñö medenbätä niara nämene blite metrere?
4. Kukwe meri yebätä nämene gare Jesús ie, ¿ñobätä ye käkwe meri ye ngwani nikenkä, aune kukwe ye namani gare ño Jesús ie?
5. ¿Kukwe kädrieta ne tä dre driere ja tökrä nie?
Kukwe mada ngwantarita:
1. Ñäkädre Juan 4:5-43 yebätä.
a) Jesús nuainbare erere, ¿nikwe ja töimikadre ño nitre kwata bä jene o blite kukwe madabiti yekrä? (Juan 4:9; 1 Cor. 9:22; 1 Tim. 2:3, 4; Tito 2:11.)
b) ¿Nitre tä ja mike ja tötikaka Jesube ye kwe dre kwin tä nemen ja üaire? (Juan 4:14; Isa. 58:11; 2 Cor. 4:16.)
c) ¿Meri Samaria ie kukwe namani gare ye tönamani mikai gare ni mada ie, ye erere ni raba nuainne ño arato? (Juan 4:7, 28; Mat. 6:33; Luc. 10:40-42.)
Jesús diribare ngudrebiti
1. Tä bämikani ye erere, ¿medente Jesús tä kukwe driere, aune nire nire tä täkäni niara ken?
2. ¿Nitre apóstol ni jätä biti nibu ye kädekata ño?
3. ¿Gobran medenbätä Jesús nämene kukwe driere?
4. ¿Nitre käkwe dre kärädre orasionte Jesukwe driebare ietre?
5. ¿Nitre käkwe ja ngwandre ño kwärikwäri Jesús niebare?
Kukwe mada ngwantarita:
1. Ñäkädre Mateo 5:1-12 yebätä.
¿Nita kukwe ja üaire ye ribere jai ye ni raba bämike ño? (Mat. 5:3; Rom. 10:13-15; 1 Tim. 4:13, 15, 16.)
2. Ñäkädre Mateo 5:21-26 yebätä.
Nita ja mäke ño ni mräkätre kukwebätä ben ye ütiäte Jehovakrä, ¿Mateo 5:23, 24 tä ye mike gare ño? (Mat. 6:14, 15; Sal. 133:1; Col. 3:13; 1 Juan 4:20.)
3. Ñäkädre Mateo 6:1-8 yebätä.
¿Nitre fariseo nämene ja ngwen ño erere nitre kristiano ñaka ja ngwandre? (Luc. 18:11, 12; 1 Cor. 4:6, 7; 2 Cor. 9:7.)
4. Ñäkädre Mateo 6:25-34 yebätä.
Jondron ribeta jai ye Jehovakwe biain nie ie nikwe tö ngwandre, ¿dre driebare Jesukwe kukwe yebätä? (Éxo. 16:4; Sal. 37:25; Fili. 4:6.)
5. Ñäkädre Mateo 7:1-11 yebätä.
¿Jesús kukwe bämikani metre Mateo 7:5 känti ye tä dre driere nie? (Pro. 26:12; Rom. 2:1; 14:10; Sant. 4:11, 12.)
Jesús nitre krütani ganinkröta
1. ¿Monso chi bämikani nete ye rün kädekata ño, aune ñobätä niara bätä muko kwe tä töbike krubäte?
2. ¿Jesús kwani Jairo ie angwane dre nuainbare kwe?
3. ¿Jesús nikani Jairo gwirete ye ngwane dre namani bare, aune kukwe meden mikani gare ji ngrabare Jairo ie?
4. ¿Nitre nämene Jairo gwirete ye ñobätä namani Jesús kötaire?
5. Jesús nikani kä teri monso chi yekänti apóstol nimä ben aune monso ye rün bätä meye ben, ¿ye bitikäre dre nuainbare kwe?
6. ¿Nire nire krütanina Jesukwe ganinkröta, aune ye tä dre mike gare?
Kukwe mada ngwantarita:
1. Ñäkädre Lucas 8:40-56 yebätä.
Meri nämene bren tare ye namani tuin bobre Jesús ie aune ja töimikani kwin kwe kräke, ¿ñobätä ni raba ye niere aune kukwe ne tä dre driere nitre umbre konkrekasionte ie? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)
2. Ñäkädre Lucas 7:11-17 yebätä.
Meri Naín kän muko krütani ye namani tuin bobre Jesús ie, ¿kukwe ye raba nitre kän mräkätre krütanina ye dimike ño? (Luc. 7:13; 2 Cor. 1:3, 4; Heb. 4:15.)
3. Ñäkädre Juan 11:17-44 yebätä.
Ni mräkätre tä krüte muaidre ye abokän nierare, ¿ye Jesukwe bämikani ño? (Juan 11:33-36, 38; 2 Sam. 18:33; 19:1-4.)
Jesukwe nitre kwati bukani
1. ¿Kukwe meden tare namani bare Juan ni Ngökaka ñöte yebätä, aune ja namani ruin ño Jesús ie?
2. ¿Nitre kwati nikani Jesús jiebiti ye bukani ño kwe, aune mrö namaninte nuäi?
3. ¿Ñobätä kä jürä namani nitre ja tötikaka Jesukwe yebätä deu, aune dre namani bare Pedro yebätä?
4. ¿Jesús nitre kwati ye bukani ño bobukäre?
5. Ngöbökwe Jesús dianinkä Reire, niara gobrandi Kä tibien nebiti ye ngwane, ¿ñobätä ye rabai kwin krubäte?
Kukwe mada ngwantarita:
1. Ñäkädre Mateo 14:1-32 yebätä.
a) ¿Kukwe kädrieta Mateo 14:23-32 ye tä dre mike gare Pedro nämene ja ngwen ño yebätä?
b) ¿Pedro ja töi ükaninte ye Biblia tä mike gare ño? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)
2. Ñäkädre Mateo 15:29-38 yebätä.
Jesús Rün käkwe mrö biani ye niarakwe mikani tuin ütiäte jai, ¿bämikani ño kwe? (Mat. 15:37; Juan 6:12; Col. 3:15.)
3. Ñäkädre Juan 6:1-21 yebätä.
¿Jesús nämene gobran ye mike tuin ño jai aune ni kristiano raba ja ngwen ño niara erere? (Juan 6:15; Mat. 22:21; Rom. 12:2; 13:1-4.)
Jesús nämene monso kia tarere
1. ¿Nitre apóstol nämene mente jataninta ja jiebiti ye ngwane drebätä ñäkäbare kwetre jai?
2. ¿Ñobätä Jesús monso chi käräbare aune mikani kwe nitre apóstol ye ngätäite?
3. ¿Nitre apóstol ja ngwandre ño monsotre kia ye erere?
4. Sö nikani ruäre ta ye bitikäre, ¿monsotre kia ye tare Jesukwe bämikani ño kwe?
Kukwe mada ngwantarita:
1. Ñäkädre Mateo 18:1-4 yebätä.
¿Ñobätä Jesús nämene kukwe bämike ni mada tötikakäre? (Mat. 13:34, 36; Mar. 4:33, 34.)
2. Ñäkädre Mateo 19:13-15 yebätä.
¿Monsotre töi ño erere nikwe ja ngwandre ne kwe Gobran Ngöbökwe kukwei kwin ye rabadre nikwe? (Sal. 25:9; 138:6; 1 Cor. 14:20.)
3. Ñäkädre Marcos 9:33-37 yebätä.
¿Ni tö rabadre ja tuai ütiäte yebätä Jesús dre driebare nitre ja tötikaka kwe ie? (Mar. 9:35; Mat. 20:25, 26; Gál. 6:3; Fili. 2:5-8.)
4. Ñäkädre Marcos 10:13-16 yebätä.
¿Nire nire kräke Jesús nämene ja töimike jäme, aune niarakwe kukwe bämikani ye tä dre driere nitre umbre konkrekasionte ie? (Mar. 6:30-34; Fili. 2:1-4; 1 Tim. 4:12.)
Jesukwe diribare ño
1. ¿Ni iti käkwe dre ngwanintari Jesús ie, aune ñobätä?
2. ¿Kukwe medenbiti Jesús nämene nitre tötike ruäre, aune dre niena gare nie nitre judío bätä samaritano yebätä?
3. Jesús kukwe kädriebare yekänti, ¿ni judío nikani ji ngrabare kä Jericó kokwäre yebätä dre namani bare?
4. ¿Ni iti sacerdote judío bätä levita nikani ji yebiti ye ngwane dre namani bare?
5. Bämikani ye erere, ¿nireta ni judío nuainbare tare ye dimike?
6. Jesús kukwe kädriebare täte angwane, ¿dre ngwanintari kwe aune ni ye dre niebare ie?
Kukwe mada ngwantarita:
1. Ñäkädre Lucas 10:25-37 yebätä.
a) Ni iti ie Kukwe Ngöbökwe gare ye ie Jesukwe ñaka kukwe mikani gare metre ta, ¿dre nuainbare kwe ni ye ngwankäre töbike metre? (Luc. 10:26; Mat. 16:13-16.)
b) Jesús nämene kukwe bämike yebiti, ¿nitre niara kukwe nuaka abokän ñaka nitre juta madate kain ngäbiti ye nämene töi kwite ño? (Luc. 10:36, 37; 18:9-14; Tito 1:9.)
Jesús nitre bren mikaninta kwin
1. ¿Jesús nämene dikekä käbiti tibien ye ngwane dre nuainbare kwe?
2. Jesús ngökani ñöte ye bitikäre kä nikani komä ta, ¿ye ngwane dre niebare kwe nitre apóstol kwe ye ie?
3. ¿Nitre bämikani ye nire, aune Jesús dre nuainbare meri yekrä?
4. ¿Ñobätä Jesús kukwe niebare ye käkwe nitre ji ngwanka kukwebätä mikani ja gaire?
5. Jesús bätä nitre apóstol kwe namani Jericó ken ye ngwane, ¿nitre nibu jondron käräkä ie kä ñaka tuin ye kräke dre nuainbare kwe?
6. ¿Ñobätä Jesús nämene jondron ñan tuabare nuainne?
Kukwe mada ngwantarita:
1. Ñäkädre Mateo 15:30, 31 yebätä.
¿Jehová ye die kri krubäte ye bämikani ño Jesús yebiti, aune Jehová tä jondron käbämike kä mrä kräke yebätä nikwe töbikadre ño? (Sal. 37:29; Isa. 33:24.)
2. Ñäkädre Lucas 13:10-17 yebätä.
Jesús Gobrandi kä Mil krati ye ngwane jondron kwin nuaindi kwe nitre kä tibienbätä kräke, ¿niara jondron ñan tuabare nuainbare köbö sábado te, ye tä mike gare ño? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4.)
3. Ñäkädre Mateo 20:29-34 yebätä.
Jesús nämene käre kä denkä jai nitre dimikakäre, ¿ye mikata gare ño kukwe kädrieta nekänti aune ye tä dre driere nie? (Deu. 15:7; Sant. 2:15, 16; 1 Juan 3:17.)
Jesús nükani reire
1. Jerusalén ye ken Jesús nükani juta chi känti angwane, ¿nitre ja tötikaka kwe ye juani dre nuainne kwe?
2. Tä bämikani ye erere, ¿Jesús nikani nemen juta Jerusalén ye ken angwane dre nakaninkä?
3. ¿Nitre ie kä ñaka tuin bätä nitre nakwaninkä Jesukwe mikaninta kwin, monsotre kia ye tuani angwane dre nuainbare kwetre?
4. ¿Nitre sacerdote namani rubun yei Jesukwe dre niebare?
5. ¿Ñokänti ni raba ja ngwen monsotre kia käkwe Jesús käikitaninkä ye erere?
6. ¿Nitre ja tötikaka Jesukwe tönamani dre mikai gare jai?
Kukwe mada ngwantarita:
1. Ñäkädre Mateo 21:1-17 yebätä.
a) ¿Jesús nükani reire Jerusalén ye ngwane, ñobätä ñaka nuainbare kwe, gobran krikri juta Roma känti nämene nuainne ye erere? (Mat. 21:4, 5; Zac. 9:9; Fili. 2:5-8; Col. 2:15.)
b) ¿Jesús namani templo te angwane monsotre kia Israel käkwe kukwe Salmo 118 känti niebare, ye tä dre driere monsotre bati ie? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)
2. Ñäkädre Juan 12:12-16 yebätä.
¿Nitre käkwe Jesús käikitaninkä palma kä yebiti ye tä dre bämike? (Juan 12:13; Fili. 2:10; Rev. 7:9, 10.)
Jesús ngutuä Olibo känti
1. ¿Nitre tä bämikani ye meden abokän Jesús, aune nitre tä ben ye nire?
2. ¿Nitre sacerdote tönamani dre nuain Jesubätä templo yete, aune Jesús dre niebare ietre?
3. ¿Nitre apóstol dre ngwanintari Jesús ie?
4. ¿Jesús rabai gobrane kä kwinbiti ye ngwane kukwe ruäre rabai bare Kä tibienbätä, ye ñobätä mikani gare kwe nitre apóstol ye ie?
5. ¿Jesús jämi kukwe käme jökrä denkä Kä tibienbätä känenkri dre rabai bare niebare kwe?
Kukwe mada ngwantarita:
1. Ñäkädre Mateo 23:1-39 yebätä.
a) Ni kädekadre ütiäte ye ruäre ñaka käme nieta Bibliakwe, akwa ¿konkrekasionte ni kädekadre bäri ütiäte yebätä dre mikani gare Jesukwe Mateo 23:8-11 yekänti? (Hech. 26:25; Rom. 13:7; 1 Ped. 2:13, 14.)
b) ¿Nitre fariseo käkwe dre nuainbare ne kwe nitre ñaka ja mikadre kristiano, aune ye erere nitre ji ngwanka kukwebätä tä dre nuainne nengwane arato? (Mat. 23:13; Luc. 11:52; Juan 9:22; 12:42; 1 Tes. 2:16.)
2. Ñäkädre Mateo 24:1-14 yebätä.
a) ¿Kä ngwandre nüke jai ye ütiäte krubäte mikata gare ño Mateo 24:13 yekänti?
b) ¿Kukwe “kä krüte” nieta Mateo 24:13 ye dre gärätä? (Mat. 16:27; Rom. 14:10-12; 2 Cor. 5:10.)
3. Ñäkädre Marcos 13:3-10 yebätä.
¿Kukwe meden nieta Marcos 13:10 kätä mike gare kukwe kwin ye driedre jötrö ngwarbe, aune Jesús kukwe niebare ye käkwe ni töimikadre ño? (Rom. 13:11, 12; 1 Cor. 7:29-31; 2 Tim. 4:2.)
Kwarto mobe kwin känti
1. Bämikani ye erere, ¿ñobätä Jesús bätä nitre apóstol ni jätäbiti nibu ye tä kwarto kri mobe kwin yekänti?
2. ¿Nire tä kä mikekä, aune näin dre nuainne?
3. ¿Paskwa te mröbare mrä ye bitikäre mrö meden ütiäte kömikani Jesukwe?
4. ¿Nitre Israel nämene dre ngwen törö jai Paskwa yete, aune mrö ütiäte ye käkwe dre ngwain törö nitre nänkä Jesús jiebiti ie?
5. Ni Dänkien Mröbare ye bitikäre, ¿Jesús dre niebare nitre nänkä niara jiebiti ye ie aune niaratre käkwe dre nuainbare?
Kukwe mada ngwantarita:
1. Ñäkädre Mateo 26:14-30 yebätä.
a) ¿Judas töbikabare käne Jesús kite ngise ye Mateo 26:15 tä mike gare ño?
b) ¿Jesús därie yebiti kukwe meden ketebu mikai nemen bare? (Mat. 26:27, 28; Jer. 31:31-33; Efe. 1:7; Heb. 9:19, 20.)
2. Ñäkädre Lucas 22:1-39 yebätä.
¿Ñokänti Satana ye käkwe ja töimikani Judas ye töite? (Luc. 22:3; Juan 13:2; Hech. 1:24, 25.)
3. Ñäkädre Juan 13:1-20 yebätä.
a) Juan 13:2, tä kukwe niere yebätä, ¿Judas kukwe nuainbare yebätä niara ngite nie raba, aune ni Ngöbö mikaka täte ye ie kukwe meden drieta ja tökrä? (Gén. 4:7; 2 Cor. 2:11; Gál. 6:1; Sant. 1:13, 14.)
b) ¿Kukwe meden ütiäte ja tökrä Jesús driebare? (Juan 13:15; Mat. 23:11; 1 Ped. 2:21.)
4. Ñäkädre Juan 17:1-26 yebätä.
Nitre nänkä Jesube ye ja ngwandre “ni itibe” kwrere käräbare kwe ietre, ¿ye ngwane dre gäräbare kwe? (Juan 17:11, 21-23; Rom. 13:8; 14:19; Col. 3:14.)
Jesús kä Getsemaní känti
1. ¿Jesús bätä nitre apóstol kwe nikani mento kwarto yekänti, ye bitikäre nikani medente aune dre nuaindre kwetre niebare kwe ie?
2. ¿Jesús nükaninta nitre apóstol känti ye ngwane kwani ño ie, aune bäbe ye namani bare?
3. Tä bämikani ye erere, ¿nire nire nikani kä Getsemaní yekänti, aune Judas Iscariote dre nuainbare?
4. ¿Ñobätä Judas käkwe Jesús demainbare, aune Pedro dre nuainbare?
5. ¿Jesús dre niebare Pedro ie, aune ñobätä Jesús ñaka ángel käräbare Ngöbö ie?
Kukwe mada ngwantarita:
1. Ñäkädre Mateo 26:36-56 yebätä.
a) ¿Jesús mäträbare ño nitre ja tötikaka kwe yebätä, aune ñobätä kukwe kwin bämikani kwe nitre umbre konkrekasionte yekrä? (Mat. 20:25-28; 26:40, 41; Gál. 5:17; Efe. 4:29, 31, 32.)
b) ¿Ngitra diandre ni mräkä rüere ye nämene tuin ño Jesús ie? (Mat. 26:52; Luc. 6:27, 28; Juan 18:36.)
2. Ñäkädre Lucas 22:39-53 yebätä.
¿Tödeka Jesukwe ye ñaka nämene dite aibätä ángel iti namani känti dimikakäre kä Getsemaní yekänti? Mikadre gare (Luc. 22:41-43; Isa. 49:8; Mat. 4:10, 11; Heb. 5:7).
3. Ñäkädre Juan 18:1-12 yebätä.
¿Jesús nitre ja tötikaka kwe ye kriemikani ño rüe ye kisete, aune kukwe bämikani kwe ye tä dre driere nie? (Juan 10:11, 12; 18:1, 6-9; Heb. 13:6; Sant. 2:25.)
Jesús kämikani
1. ¿Nire köböire metrere Jesús kämikani?
2. ¿Nitre ji ngwanka kukwebätä nikani Jesús ngwena ye ngwane nitre apóstol käkwe dre nuainbare?
3. ¿Caifás sacerdote bäri kri ye gwirete dre namani bare?
4. ¿Ñobätä Pedro nikani mento aune namani ngetrekä?
5. Jesús jänikaninta Pilato ie angwane, ¿nitre sacerdote bäri ütiäte namani dre niere ja dibiti?
6. ¿Dre namani bare Jesubätä bierne dere, aune ni iti ni kämikaka metani kribätä niara ken ye ie dre käbämikani kwe?
7. ¿Kä bä nuäre niebare Jesukwe ye täi medente?
Kukwe mada ngwantarita:
1. Ñäkädre Mateo 26:57-75 yebätä.
¿Nitre judío kukwe ükatekä bäri kri töi käme ye bämikani ño kwetre? (Mat. 26:59, 67, 68.)
2. Ñäkädre Mateo 27:1-50 yebätä.
Judas ie ja namani ruin ngite, ¿ñobätä ye ñaka metre ni raba niere? (Mat. 27:3, 4; Mar. 3:29; 14:21; 2 Cor. 7:10, 11.)
3. Ñäkädre Lucas 22:54-71 yebätä.
Jesús kani ngite deu ye ngwane niara ñaka gare Pedro ie niebare kwe, ¿ye tä dre driere nie? (Luc. 22:60-62; Mat. 26:31-35; 1 Cor. 10:12.)
4. Ñäkädre Lucas 23:1-49 yebätä.
¿Jesús ñaka ngite akwa nuainbare tare ye ngwane dre nuainbare kwe aune ye tä dre driere ja tökrä nie? (Luc. 23:33, 34; Rom. 12:17-19; 1 Ped. 2:23.)
5. Ñäkädre Juan 18:12-40 yebätä.
Nitre mada jürä namani Pedro yebätä akwa biti niara ja di ngwani aune namani apóstol kwin krubäte, ¿ye tä dre mike gare? (Juan 18:25-27; 1 Cor. 4:2; 1 Ped. 3:14, 15; 5:8, 9.)
6. Ñäkädre Juan 19:1-30 yebätä.
a) ¿Jondron ütiäte kä nebätä ye nämene tuin ño Jesús ie? (Juan 2:1, 2, 9, 10; 19:23, 24; Mat. 6:31, 32; 8:20.)
b) ¿Jesús ja mikani metre Jehová gobrain yekri ye mikani gare ño kwe kukwe niebare mrä kwe yebiti? (Juan 16:33; 19:30; 2 Ped. 3:14; 1 Juan 5:4.)
Jesús tä nire
1. ¿Meri bämikani ye nire, nitre brare nibu ye nire, aune tätre medente?
2. ¿Ñobätä nitre sacerdote käkwe guardia mikadre Jesús doboi ye ngübarebiti Pilato niebare ietre?
3. ¿Jesús kämikani ye köböimäkäre dekä ángel iti käkwe dre nuainbare, akwa nitre sacerdote dre nuainbare?
4. ¿Meritre nikani Jesús doboi tuinbiti ye ñobätä nikaninkä?
5. ¿Ñobätä Pedro bätä Juan nikani betekä Jesús doboibiti, aune dre kwani ietre?
6. ¿Dre namani bare Jesús ngwaka yebätä, aune niara nämene nire ye mikakäre gare nitre ja tötikaka ie dre nuainbare kwe?
Kukwe mada ngwantarita:
1. Ñäkädre Mateo 27:62-66 bätä 28:1-15 yebätä.
¿Jesús ganinkröta ye ngwane, nitre sacerdote bäri ütiäte, nitre fariseo bätä nitre umbre käkwe ja mikani ngite ño üai deme ye rüere? (Mat. 12:24, 31, 32; 28:11-15.)
2. Ñäkädre Lucas 24:1-12 yebätä.
Jehová yekrä meritre ye ie tö ngwan raba kukwe mikakäre gare, ¿Jesús ganinkröta kädrieta ye tä mike gare ño? (Luc. 24:4, 9, 10; Mat. 28:1-7.)
3. Ñäkädre Juan 20:1-12 yebätä.
Kukwe ruäre Bibliabätä rabai bare ño ye ñaka nüke gare täte nie, akwa ja känenkäre rabai gare nie nikwe ngübadre ye ütiäte krubäte, ¿Juan 20:8, 9 tä mike gare ño nie? (Pro. 4:18; Mat. 17:22, 23; Luc. 24:5-8; Juan 16:12.)
Kä teri kwarto dikani te
1. ¿Ni kä ükatekä namani ruin María ie ye ie dre niebare kwe, akwa ñokänti ni ye Jesús namani gare ie?
2. ¿Nitre ja tötikaka nibu nikani jutate Emaus yebätä dre namani bare?
3. ¿Nitre ja tötikaka nibu käkwe Jesús tuani niebare kwetre nitre apóstol ie ye ngwane dre ñan tuabare namani bare?
4. ¿Jesús ja mikani tuare bäbe nitre nänkä niara jiebiti ie?
5. ¿Nitre ja tötikaka käkwe ni Dänkien tuani niebare kwetre Tomás ie angwane dre niebare kwe, akwa kä nikani köbö kwä ta yete dre namani bare?
Kukwe mada ngwantarita:
1. Ñäkädre Juan 20:11-29 yebätä.
Ni kä tibienbätä raba ngite juen ta ni madabiti, ¿ye ai gäräbare Jesukwe Juan 20:23 yekänti? Mikadre gare (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).
2. Ñäkädre Lucas 24:13-43 yebätä.
¿Ni raba ja brukwä ükete ño kukwe metre Bibliabätä ye kan ngäbitikäre? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)
Jesús nikaninta kä kwinbätä
1. ¿Bati nitre ja tötikaka nibe käkwe Jesús tuani, aune drebätä blitabare kwe bentre?
2. ¿Dre abokän Gobran Ngöbökwe, aune Jesús gobrandi kä mil krati te ye ngwane nünain ño Kä tibienbätä?
3. ¿Köbö kwäbe te Jesús ja mikani tuare nitre ja tötikaka kwe ie, akwa dre köböi nükani?
4. ¿Jesús jämi nitre ja tötikaka kwe tuenmetre känenkri dre nuaindre kwetre niebare kwe ietre?
5. Bämikani nete ye erere, ¿dreta nemen bare aune Jesús nianinkä ño nitre ye okwäte?
Kukwe mada ngwantarita:
1. Ñäkädre 1 Corintios 15:3-8 yebätä.
¿Ñobätä Pablo blitabare metre Jesús ganinkröta yebätä, aune kukwe medenbätä ni kristiano raba blite metre kä nengwane? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)
2. Ñäkädre Hechos 1:1-11 yebätä.
Kukwe rabai bare niebare Hechos 1:8, känti ye erere, ¿nemen kä medenkänti kukwe driebare? (Hech. 6:7; 9:31; 11:19-21; Col. 1:23.)
Nämene ngübare Jerusalén
1. Tä bämikani ye erere, ¿nitre nänkä Jesube nämene ngübare Jerusalén yebätä dre namani bare?
2. ¿Nitre kä madabiti nükani Jerusalén ye okwäbiti dre ñan tuabare namani bare?
3. ¿Pedro dre mikani gare nitre ie?
4. ¿Nitre käkwe Pedro kukwe nuabare ye bitikäre ja namani ruin ño ietre, aune dre nuaindre kwetre?
5. ¿Bieta Pentecostés kä 33 yete ni nibe ja ngökani ñöte?
Kukwe mada ngwantarita:
1. Ñäkädre Hechos 2:1-47 yebätä.
a) Jesús kämikani ye ngie nikani nitre Judío ye jökräbiti, ¿Pedro kukwe niebare Hechos 2:23, 36 ye tä mike gare ño? (1 Tes. 2:14, 15.)
b) ¿Pedro blitabare Kukwe Ngöbökwe yebiti, kukwe meden kwin bämikani kwe? (Hech. 2:16, 17, 29, 31, 36, 39; Col. 4:6.)
c) Jesús “yabe gobran kä kwinbätä kräke” käbämikani Pedro ie, ¿yabe kena yebiti Pedro dre nuainbare? (Hech. 2:14, 22-24, 37, 38; Mat. 16:19.)
Mikani kwäre
1. ¿Bati dere Pedro bätä Juan nikani templo yete angwane dre namani barebätä?
2. ¿Pedro dre niebare ni bren nikraninkä ye ie, aune Pedro dre biani ie abokän bäri ütiäte ngwian yekrä?
3. ¿Drebätä nitre ji ngwanka kukwebätä ye namani rubun, aune dre nuainbare kwetre Pedro bätä Juan yebätä?
4. ¿Pedro dre niebare nitre ji ngwanka kukwebätä ie, aune niaratre käkwe dre niebare nitre apóstol ye ie?
5. ¿Ñobätä nitre ji ngwanka kukwebätä brukwä namani nitre apóstol yekrä, akwa nitre apóstol mikani ngite bobukäre kwetre ye ngwane dre namani bare?
6. ¿Nitre apóstol jänikani nitre umbre kukwe Ükatekä ni judío kräke känti ye ngwane dre niebare kwetre?
Kukwe mada ngwantarita:
1. Ñäkädre Hechos 3:1-10 yebätä.
Kä nengwane ni ñaka raba jondron ñan tuabare nuainne, akwa ¿Pedro kukwe niebare Hechos 3:6 ye raba ni dimike ño Gobran Ngöbökwe kukwei ye mike ütiäte jai? (Juan 17:3; 2 Cor. 5:18-20; Fili. 3:8.)
2. Ñäkädre Hechos 4:1-31 yebätä.
Nita kukwe driere yebätä ni rüe rabadre ye ngwane, ¿ni raba ja ngwen ño ja mräkätre kristiano siglo kena ye erere? (Hech. 4:29, 31; Efe. 6:18-20; 1 Tes. 2:2.)
3. Ñäkädre Hechos 5:17-42 yebätä.
¿Nitre kirabe bätä nitre kä nengwane ñaka kukwebätä ye kätä töbike metre kukwe drieta yebätä, ye tätre bämike ño? (Hech. 5:34-39.)
Esteban kämikani jäbiti
1. ¿Esteban ye nire, aune Ngöbökwe dimikani dre nuainne?
2. ¿Esteban dre niebare käkwe nitre ji ngwanka kukwebätä mikani rubun krubäte?
3. Esteban jäkäbare tibienta nemen juta ye bäre, ¿ye bitikäre dre nuainbare niarabätä?
4. ¿Monso bati tä bämikani dän ken ye nire?
5. ¿Esteban jämi krüte ye känenkri dre käräbare kwe Jehová ie?
6. Nitre ruäre tä kukwe käme nuainne nibätä ye ngwane, ¿ni raba ja ngwen ño Esteban erere?
Kukwe mada ngwantarita:
1. Ñäkädre Hechos 6:8-15 yebätä.
Nitre testiko Jehovakwe tä kukwe driere ye ötakäre, ¿nitre ji ngwanka kukwebätä tä dre nuainne? (Hech. 6:9, 11, 13.)
2. Ñäkädre Hechos 7:1-60 yebätä.
a) ¿Drekwe Esteban dimikani blite kwin kukwe Ngöbökwe yebätä nitre umbre kukwe Ükatekä nitre judío kräke ye ngwärekri, aune kukwe bämikani kwe ye tä dre driere nie? (Hech. 7:51-53; Rom. 15:4; 2 Tim. 3:14-17; 1 Ped. 3:15.)
b) ¿Nitre tä ja mike kukwe drieta nikwe rüere yekrä nikwe ja töimikadre ño? (Hech. 7:58-60; Mat. 5:44; Luc. 23:33, 34.)
Jibiti Damasco kokwäre
1. ¿Esteban kämikani ye bitikäre Saulo dre nuainbare?
2. ¿Saulo nikani jibiti Damasco kokwäre ye ngwane dre ñan tuabare namani bare?
3. ¿Saulo dre nuaindre Jesukwe niebare ie?
4. ¿Jesukwe dre niebare Ananías ie, aune ñokänti kä namani tuinta bobukäre Saulo ie?
5. ¿Saulo ye kädekani ño, aune ñobätä niara namani ütiäte?
Kukwe mada ngwantarita:
1. Ñäkädre Hechos 8:1-4 yebätä.
Konkrekasion ükaninte mrä kena ye rüe namani krubäte, ¿ye köböire kukwe Ngöbökwe ye mikani gare ño käbiti tibien aune ye kwrere tä nemen bare ño ni näire? (Hech. 8:4; Isa. 54:17.)
2. Ñäkädre Hechos 9:1-20 yebätä.
¿Sribi meden ketamä nämene Jesukwe Saulo kräke? (Hech. 9:15; 13:5; 26:1; 27:24; Rom. 11:13.)
3. Ñäkädre Hechos 22:6-16 yebätä.
¿Ni raba ja ngwen ño Ananías ye erere, aune ñobätä ye ütiäte? (Hech. 22:12; 1 Tim. 3:7; 1 Ped. 1:14-16; 2:12.)
4. Ñäkädre Hechos 26:8-20 yebätä.
¿Saulo ja mikani kukwebätä, ye raba nitre ruäre muko ñaka kukwebätä ye dimike ño? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)
Pedro nikani Cornelio känti
1. ¿Ni iti bämikani ja mikete kuintubu ye nire?
2. ¿Ángel iti käkwe dre niebare Cornelio ie?
3. ¿Pedro nämene Jope Simón gwirete ju dokwä kwatare yebiti ye ngwane Ngöbökwe dre mikani tuare ie?
4. ¿Ñobätä Cornelio ñaka rabadre ja mikete kuintubu aune Pedro mike Ngöböre jai niebare kwe ie?
5. ¿Ñobätä nitre judío ja tötikaka nämene Pedro ben ye töinamani ñan krütare?
6. ¿Pedro janamene Cornelio känti ye tä kukwe meden ütiäte ja tökrä driere nie?
Kukwe mada ngwantarita:
1. Ñäkädre Hechos 10:1-48 yebätä.
¿Pedro kukwe niebare Hechos 10:42 känti ye tä dre mike gare Gobran Ngöbökwe kukwei drieta yebätä? (Mat. 28:19; Mar. 13:10; Hech. 1:8.)
2. Ñäkädre Hechos 11:1-18 yebätä.
¿Jehová nitre juta madate kani ngäbiti namani gare Pedro ie angwane ja töimikani ño kwe, aune ni raba ja ngwen ño niara erere? (Hech. 11:17, 18; 2 Cor. 10:5; Efe. 5:17.)
Timoteo Pablo dimikaka
1. ¿Monso bati bämikani ye nire, nüne medente, aune meye bätä mölöi kä ño?
2. ¿Pablo käkwe Timoteo nübaibare kukwe driere nitre kä mente känti ie niarabe bätä Silas ben ye ngwane, dre niebare kwe?
3. ¿Medente nitre nänkä Jesube ye kädekani kena kristiano?
4. Pablo, Silas bätä Timoteo nämene Listra biti nikani mento, ye bitikäre, ¿juta meden meden tuaninbiti kwetre?
5. ¿Timoteo käkwe Pablo dimikani ño, aune monsotre bati käkwe kukwe meden ngwandretari jai kä nengwane?
Kukwe mada ngwantarita:
1. Ñäkädre Hechos 9:19-30 yebätä.
Pablo nämene kukwe driere yebätä nitre ja mikani rüere, ¿ye ngwane ja ngwani ño töbätä kwe? (Hech. 9:22-25, 29, 30; Mat. 10:16.)
2. Ñäkädre Hechos 11:19-26 yebätä.
Kukwe drieta ye Jehová tä jie ngwen üai kwe yebiti, ¿kukwe kädrieta Hechos 11:19-21, 26 känti ye tä mike gare ño?
3. Ñäkädre Hechos 13:13-16, 42-52 yebätä.
Nitre ja tötikaka Jesukwe ye rüe namani akwa ñaka ja di ngwani nekä kwetre, ¿Hechos 13:51, 52 ye tä mike gare ño? (Mat. 10:14; Hech. 18:6; 1 Ped. 4:14.)
4. Ñäkädre Hechos 14:1-6, 19-28 yebätä.
¿Kukwe “mikani Jehová kisete” nieta ye tä ni dimike ño ne kwe nikwe ñaka töbikadre krubäte nitre mrä kukwebätä dimikata ye ngwane? (Hech. 14:21-23; 20:32; Juan 6:44.)
5. Ñäkädre Hechos 16:1-5 yebätä.
Nikwe “jondron jökrä nuaindre kukwe Ngöbökwe ye köböire” ye ütiäte krubäte, ¿jondron ni brarekwe kwata tikaka nämene erere Timoteo ja töimikani nuainne ye tä mike gare ño? (Hech. 16:3; 1 Cor. 9:23; 1 Tes. 2:8.)
6. Ñäkädre Hechos 18:1-11, 18-22 yebätä.
¿Kukwe drieta ye Jesús tä jie ngwen akwle ye Hechos 18:9, 10 tä mike gare ño, aune ye tä ni töimike ño jäme kä nengwane? (Mat. 28:20.)
Monso chi nikani küben
1. ¿Monso chi tä tibien ye nire, aune dre namani barebätä?
2. ¿Monso chi ye nämene ngwakare jutuabare Pablo ie angwane, dre nuainbare kwe?
3. ¿Pablo, Timoteo bätä nitre nämene näin ben ye nikani medente, aune nünankabare Mileto kwetre ye ngwane dre namani bare?
4. ¿Profeta Ágabo käkwe kukwe meden mikani gare Pablo ie, aune profeta kukwe niebare ye namani bare ño?
Kukwe mada ngwantarita:
1. Ñäkädre Hechos 20:7-38 yebätä.
a) Pablo kukwe niebare Hechos 20:26, 27 känti ye erere, ¿ñokänti “nitre jökrä ye därie” ngie ñaka raba niken nibiti? (Eze. 33:8; Hech. 18:6, 7.)
b) ¿Ñobätä nitre umbre konkrekasionte käkwe kukwe driedre ye ngwane, “kukwe metre tä tikani” ye erere driedre kwetre? (Hech. 20:17, 29, 30; Tito 1:7-9; 2 Tim. 1:13.)
2. Ñäkädre Hechos 26:24-32 yebätä.
Jesukwe sribi biani Pablo ie kukwe driekäre, ¿Pablo nämene nüne Roma ye köböire sribi ye nuainbare ño kwe? (Hech. 9:15; 16:37, 38; 25:11, 12; 26:32; Luc. 21:12, 13.)
Namani kwäre ngutuä mrente
1. Pablo nikani rute ngutuä mrente Creta känti ta angwane, ¿dre namani bare ru yebätä?
2. ¿Nitre nämene näin rute ie Pablo dre niebare?
3. ¿Ñobätä ru ye ngidianinte kia kia?
4. ¿Nitre dre nuaindre niebare ni rükä nämene ji ngwen käne käkwe, aune nitre nibe namani kwäre ümanbiti?
5. ¿Ngutuä mrente känti nitre namani ye kädekata ño, aune kä namani moren ye ngwane Pablo jänikani medente?
Kukwe mada ngwantarita:
1. Ñäkädre Hechos 27:1-44 yebätä.
¿Pablo nänbare nemen Roma mikata gare, ye tä ni dimike ño tö ngwen kukwe metre tä tikani Bibliabätä ie? (Hech. 27:16-19, 27-32; Luc. 1:3; 2 Tim. 3:16, 17.)
2. Ñäkädre Hechos 28:1-14 yebätä.
Nitre nünanka Malta, ñaka kukwebätä akwa “ja töimikani kwin krübäte kwetre” apóstol Pablo bätä nitre mada nämene näin rute ben yekrä, ¿ni kristiano rabadre ja töimike dre nuainne, aune kukwe meden känti nuaindre metrere? (Hech. 28:1, 2; Heb. 13:1, 2; 1 Ped. 4:9.)
Pablo namani Roma
1. ¿Pablo nämene ngite Roma ye ngwane nirei kukwe driebare kwe?
2. ¿Ni iti nükani Pablo tuinbiti tä täkäni mesabätä ye nire, aune tä dre nuainne kräke?
3. ¿Epafrodito ye nire, aune nikaninta Filipos ye ngwane dre jänikani kwe?
4. ¿Ñobätä Pablo tärä tikani keteiti ja ketamuko kwin kwe Filemón ye ie?
5. ¿Pablo mikani kwäre ye ngwane dre nuainbare kwe, aune ye bitikäre dre namani barebätä?
6. ¿Jehovakwe nire mikani tärä mrä ruäre Bibliabätä ye tike, aune tärä Revelación tä blite drebätä?
Kukwe mada ngwantarita:
1. Ñäkädre Hechos 28:16-31 aune Filipenses 1:13 yebätä.
¿Pablo nämene ngite Roma ye ngwane kä nämene nemente ie yebiti dre nuainbare kwe, aune tödeka kwe nämene dite krubäte ye matani ño nitre kristiano konkrekasionte yebätä? (Hech. 28:23, 30; Fili. 1:14.)
2. Ñäkädre Filipenses 2:19-30 yebätä.
¿Pablo kukwe meden kwin tikani Timoteo bätä Epafrodito yebätä, aune ni raba ja ngwen ño apóstol ye erere? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)
3. Ñäkädre Filemón 1-25 yebätä.
a) ¿Kukwe medenbiti Timoteo jondron kwin nuaindre Pablo niebare ie, aune kä nengwane ye tä ja tökrä ño ni umbre konkrekasionte ie? (File. 9; 2 Cor. 8:8; Gál. 5:13.)
b) Ja mräkätre mada konkrekasionte töinämene ñö ye Pablo nämene mike ütiäte jai, ¿Filemón 13, 14 ye tä mike gare ño? (1 Cor. 8:7, 13; 10:31-33.)
4. Ñäkädre 2 Timoteo 4:7-9 yebätä.
Apóstol Pablo erere, ¿nikwe Jehová mikai täte metre nememe kä krüte te angwane niarakwe ütiä biain nie ye ñobätä nikwe tö ngwandre ie? (Mat. 24:13; Heb. 6:10.)
Kukwe käme jökrä mikai krüte
1. ¿Ñobätä Biblia tä blite mädä kä kwinbiti yebätä?
2. ¿Rü Ngöbökwe nitre käme Kä tibienbätä rüere ye kädekata ño, aune drekäre rü ye nuaindi?
3. Tä bämikani ye erere, ¿nirekwe rü ye jie ngwandi, ñobätä tä korona ngwen dokwäbiti, bätä tä ngitra ngwen ye dre gärätä?
4. Kukwe kira 10, 15 bätä 33 ye ngwandre törö jai angwane, ¿Ngöbökwe nitre käme gaite ñobätä ye käkwe ñaka ni ngwandre nikenkä?
5. Nitre käme tä Ngöbö mike täte tätre niere akwa Ngöbökwe gaite, ¿kukwe kira 36 bätä 76 ye tä mike gare ño?
Kukwe mada ngwantarita:
1. Ñäkädre Revelación 19:11-16 yebätä.
a) Ni nänkä mädä ngwen yebiti ye Jesukristo, ¿ye mikata gare metre ño Bibliabätä? (Rev. 1:5; 3:14; 19:11; Isa. 11:4.)
b) Jesukwe rüdi ye ngwane ganain täte kwe, ¿däri metani dän kwe yebätä ye tä mike gare ño? (Rev. 14:18-20; 19:13.)
c) Nitre rükä tä näin Jesús jiebiti mädä ngwen yebiti, ¿nire nire diainkä arato nänkäre nitre yebe? (Rev. 12:7; 19:14; Mat. 25:31, 32.)
Kä mrä bä nuäre kä tibienbätä
1. Biblia tä niere ye erere, ¿nikwe nünain ño kä Bä nuäre kä tibienbätä yete?
2. ¿Biblia tä dre käbämike nitre käkwe nünain kä Bä nuäre te yekrä?
3. ¿Ñongwane Jesukwe ne mikai nemen bare?
4. Jesús rabai reire Gobran Ngöbökwe yete ye ngwane dre nuaindi kwe, ¿ye bämikani ño kwe nämene Kä tibienbätä ye ngwane?
5. ¿Jesús bätä nitre käkwe gobrandi ben kä kwinbätä ye käkwe dre nuaindi Kä tibienbätä?
Kukwe mada ngwantarita:
1. Ñäkädre Revelación 5:9, 10 yebätä.
Kä Mil krati te nitre reire bätä nitre sacerdote käkwe Gobrandi Kä tibien nebiti, nitre ye rabai töbike kwin nikrä bätä ni mike tuin bobre jai, ¿ñobätä ni raba tö ngwen ie? (Efe. 4:20-24; 1 Ped. 1:7; 3:8; 5:6-10.)
2. Ñäkädre Revelación 14:1-3 yebätä.
Nitre 144.000 ye kübenbätä Ngöbö bätä Kordero kätä tikani, ¿ye dre gärätä? (1 Cor. 3:23; 2 Tim. 2:19; Rev. 3:12.)
Ñokänti nüna raba kärekäre
1. ¿Ni tö nünain kärekäre angwane, drebätä nikwe ja tötikadre?
2. ¿Ño ni raba ja tötike Ngöbö Jehová bätä Jesús yebätä, monso chi merire bämikani bätä ja ketamuko kwe tä nuainne ye erere?
3. ¿Tärä meden tä bämikani yete arato, aune ñobätä nikwe ñäkädre kärebätä?
4. Nikwe ja tötikadre Jehová bätä Jesús yebätä, ¿akwa dre mada ribeta ne kwe ja nire käre rabadre nikwe?
5. ¿Kukwe meden ja tökrä drieta nie kukwe kira 69 yekänti?
6. ¿Monso chi Samuel kukwe kwin bämikani ye tä dre driere nie, kukwe kira 55 yekänti?
7. ¿Ni raba ja ngwen ño Jesukristo ye erere, aune erere nikwe nuaindi angwane, dre rabai bare ja känenkäre nikrä?
Kukwe mada ngwantarita:
1. Ñäkädre Juan 17:3 yebätä.
Nikwe ja tötikadre Ngöbö Jehová bätä Jesukristo yebätä, ye abokän kukwe ruäre rabadre gare ja töbätä nie ye ñan aibe gärätä, ¿Biblia tä kukwe ye mike gare ño? (Mat. 7:21; Sant. 2:18-20; 1 Juan 2:17.)
2. Ñäkädre Salmo 145:1-21 yebätä.
a) Kukwe keta kabrebätä Jehová käikitadrekä, ¿kukwe meden ruärebätä ni raba nuainne? (Sal. 145:8-11; Rev. 4:11.)
b) ¿Ño Jehová ye “töi kwin ni jökrä kräke”, aune ñobätä kukwe ye käkwe ni töimikadre nökrö bäri niara ken? (Sal. 145:9; Mat. 5:43-45.)
c) Jehová tare nikwe angwane, ¿ye käkwe ni töimikai dre nuainne? (Sal. 119:171, 172, 175; 145:11, 12, 21.)
