Omapuriro wokukonḓonona Embo randje romahungi wOmbeibela
Omapuriro wokukonḓonona Embo randje romahungi wOmbeibela
Ehungi 1
1. Oviṋa avihe oviwa vya za pi, nu mo yenene okuyandja otjihorera?
2. Otjiṋa otjitenga Mukuru tja mema otjikeṋa?
3. Omena ratjike omuengeli omutenga tja ri owapeke?
4. Handjuṋuna ehi kutja rasanene pi kombutiro. (Tara kotjiperendero.)
5. Mukuru wa uta vi okuṱunina ovandu novinamuinyo ehi?
Omapuriro omaweziwa:
1. Lesa Jeremia 10:12.
Ovitjiukwa viṋe vyoundu vyaMukuru mbi munika moviutwa vye? (Jer. 32:17; Rom. 11:33)
2. Lesa Ovakolose 1:15-17.
Jesus wa ri norupa ruṋe moviutwa, nu ihi matji sokuṱuna vi komuano mbu matu tara ku ye? (Kol. 1:15-17)
3. Lesa Genesis 1:1-10.
(a) Ehi ra za pi? (Gen. 1:1)
(b) Pa tjitwa tjike meyuva etenga roviutwa? (Gen. 1:3-5)
(c) Meyuva oritjavari roviutwa pa tjitwa tjike? (Gen. 1:7, 8)
Ehungi 2
1. Mukuru wa rongera vi ehi kutja ri rire omaturiro wetu?
2. Yandja omihoko omingi vyovipuka Mukuru mbya ungura. (Tara kotjiperendero.)
3. Omena ratjike otjikunino tjaEden tji tja ri otjapeke?
4. Mukuru wa vanga kutja ehi arihe ri rire tjike?
Omapuriro omaweziwa:
1. Lesa Genesis 1:11-25.
(a) Mukuru wa mema tjike meyuva oritjatatu roviutwa? (Gen. 1:12)
(b) Pa tjitwa tjike meyuva oritjaine roviutwa? (Gen. 1:16)
(c) Ovinamuinyo viṋe Mukuru mbya ungura meyuva oritjatano noritjahamboumwe? (Gen. 1:20, 21, 25)
2. Lesa Genesis 2:8, 9.
Omiti viṋe vivari nu vyapeke Mukuru mbya twa motjikunino, nu ovyo aavi kuramene po tjike?
Ehungi 3
Omurumendu nomukazendu omutenga
1. Pe nombangu yatjike pokati kotjiperendero tjEhungi 3 notjiperendero tjEhungi 2?
2. Owaṋi ngwa mema omurumendu omutenga, nena romurumendu ra ri tjikwaye?
3. Oviungura viṋe Mukuru mbya yandja ku Adam okuungura?
4. Omena ratjike Mukuru tja rarisa Adam ozomboṱu ozonḓeu?
5. Adam na Eva atja ve hupa orure ndu ṱa pi, nu Jehova aa vanga kutja ve ungure tjike?
Omapuriro omaweziwa:
1. Lesa Epsalme 83:1819 (EEP).
Ena raMukuru otjikwaye, nu otjihako tjiṋe tjapeke tje na tjo kombanda yehi? (Jer. 16:21; Dan. 4:17)
2. Lesa Genesis 1:26-31.
(a) Otjikeṋa otjinanḓengu Mukuru tja mema meyuva oritjahamboumwe, nu ombangu yaye ndja ri pokati kotjiutwa tji novipuka? (Gen. 1:26)
(b) Jehova wa yandja tjike kovandu novipuka? (Gen. 1:30)
3. Lesa Genesis 2:7-25.
(a) Otjiungura tjaAdam tjokuyandja omana kovipuka aatji kamburire mo tjike? (Gen. 2:19)
(b) Genesis 2:24 mari tu vatere vi okuzuva oumune waJehova korukupo, omahaṋikiro nomateyero worukupo? (Mat. 19:4-6, 9)
Ehungi 4
Otjiṋa tji va pandjarera omaturiro wawo
1. Adam na Eva mave tjitwa tjike motjiperendero mba?
2. Omena ratjike Jehova tje ve vera?
3. Onyoka ya tja tjike ku Eva?
4. Owaṋi ngwa tjita kutja onyoka i hungire na Eva?
5. Omena ratjike Adam na Eva tjiva pandjara omaturiro wawo woParadisa?
Omapuriro omaweziwa:
1. Lesa Genesis 2:16, 17 na 3:1-13, 24.
(a) Epuriro ronyoka ku Eva ra raisa vi kutja aai twa Jehova poṋa pe he ri? (Gen. 3:1-5; 1 Joh. 5:3)
(b) Omomuano uṋe otjihorera tjaEva mbu tji ri erakiza kweṱe? (Fil. 4:8; Jak. 1:14, 15; 1 Joh. 2:16)
(c) Omomuano uṋe Adam na Eva mbu ve hina va toora omerizirira wovitjitwa vyawo? (Gen. 3:12, 13)
(d) Ovakerubi mba kuramene komukuma wokomuhuka wotjikunino tjaEden aave yandja vi oruvara komuano waJehova womananeno? (Gen. 3:24)
2. Lesa Omavandururiro 12:9.
Satan wa toṋa pupe ṱa pi okuisa ko ovandu kehi youhanapare waMukuru? (1 Joh. 5:19)
Ehungi 5
1. Ehupo ra ri vi ku Adam na Eva pendje yotjikunino tjaEden?
2. Ovikwaye mbya uta okutjitwa ku Adam na Eva, nu omena ratjike?
3. Omena ratjike ovanatje vaAdam na Eva tja tja ve kurupa nokuṱa?
4. Andaku Adam na Eva va puratena ku Jehova, ehupo ku wo novanatje vawo atja risana pi?
5. Okuhi nonḓuviro kwa Eva kwe mu etera vi omuhihamo?
6. Omana wovazandu vevari ovatenga vaAdam na Eva ya ri ootjikwaye?
7. Ovanatje varwe mbe ri motjiperendero oowaṋi?
Omapuriro omaweziwa:
1. Lesa Genesis 3:16-23 na 4:1, 2.
(a) Osengiro yehi ya ṱuna vi kehupo raAdam? (Gen. 3:17-19; Rom. 8:20, 22)
(b) Omena ratjike ena ndi Eva ndi heya “Ina yaavehe” tji ra pwira ye? (Gen. 3:20)
(c) Jehova wa raisa vi ongendo ku Adam na Eva nandarire kombunda yokukatuka kwawo? (Gen. 3:7, 21)
2. Lesa Omavandururiro 21:3, 4.
Oviṋa viṋe “ovikuru” ove mbi u zera kutja vi isapewe?
Ehungi 6
1. Oviungura viṋe Kain na Abel mbi va toorora?
2. Oviyandjewa vyaye Kain na Abel mbi va eta ku Jehova?
3. Omena ratjike Jehova tja ri nonyuṋe notjiyandjewa tjaAbel, nu omena ratjike tje hina wa ri nonyuṋe notjaKain?
4. Kain wa ri omungendu, nu Jehova wa kondjisa vi okumuronga?
5. Kain wa tjita tjike indu tja ri erike mokuti puna omuangu we?
6. Kahurura kutja pa tjitwa tjike ku Kain tja za nokuzepa omuangu we?
Omapuriro omaweziwa:
1. Lesa Genesis 4:2-26.
(a) Jehova wa raisira vi Kain kutja oumba mau mu yendere? (Gen. 4:7)
(b) Kain wa vandurura vi ongaro yomomutima we? (Gen. 4:9)
(c) Jehova u tara ko vi komatirahiro wombinḓu yovehinandjo? (Gen. 4:10; Jes. 26:21)
2. Lesa 1 Johanes 3:11, 12.
(a) Omena ratjike Kain tja ṱire omazenge tjinene, nu ihi matji rire vi erakiza ku eṱe ndino? (Gen. 4:4, 5; Omiano 14:30; 28:22)
(b) Ombeibela i raisa vi kutja matu yenene okukakatera kousemba, nandarire kutja ouṋepo weṱunḓu retu u pirukira Jehova? (Eps. 27:10; Mat. 10:21, 22)
3. Lesa Johanes 11:25.
Omaundjiro yeṋe Jehova nge yandja ku imba mba ṱa mena rousemba? (Joh. 5:24)
Ehungi 7
1. Pa ri ombangu yatjike pokati kaHenok novandu voruveze rwe?
2. Omena ratjike ovandu momayuva wa Henok tjaave tjiti oviṋa ovivi tjinene nao?
3. Oviṋa ovivi ovandu mbyaave tjiti ovikeṋa? (Tara kotjiperendero.)
4. Omena ratjike Henok tjaa hepa okurira ependa?
5. Ovandu oruveze ndo aave hupu orure ndu ṱa pi, nungwari Henok wa hupa orure ndu ṱa pi?
6. Henok tja za nokuṱa pa tjitwa tjike?
Omapuriro omaweziwa:
1. Lesa Genesis 5:21-24, 27.
(a) Henok wa ri noupanga mbwa sanene pi kuna Jehova? (Gen. 5:24)
(b) Otja kOmbeibela, omurumendu uṋe ngwa hupire ozombura ozengi okukapita varwe, neye wa ṱa nozombura ngapi? (Gen. 5:27)
2. Lesa Genesis 6:5.
Ongaro kombanda yehi ya rira ombi pupe ṱa pi kombunda yonḓiro yaHenok, nu ihi matji sasanekwa vi nongaro yakandino? (2 Tim. 3:13)
3. Lesa Ovaheberi 11:5.
Otjikaro tjiṋe tjaHenok tji tja yandja ‘onyuṋe ku Mukuru’ nu okuzambo ape tjitwa tjike? (Gen. 5:22)
4. Lesa Judas 14, 15.
Ovakriste kundino mave yenene vi okuhorera oupandi waHenok indu tji mave rakiza ovandu ohunga novita vyaArmagedon mbi mavi ya? (2 Tim. 4:2; Hebr. 13:6)
Ehungi 8
1. Pa tjitwa tjike indu ovaengeli tjiva vaMukuru tji va puratena ku Satana?
2. Omena ratjike tjiva vovaengeli tji va isa oviungura vyawo meyuru nave ya kombanda yehi?
3. Omena ratjike tja ri ouposyo kovaengeli okuya kombanda yehi nokuriungurira otutu twovandu?
4. Ovanatje vovaengeli va pangukire vi novandu varwe?
5. Otja tji mo munu motjiperendero, ovanatje vovaengeli va tjita tjike indu tji va rira ovarenaka?
6. Omurumendu omusemba ngwa hupa kombanda yehi kombunda yonḓiro yaHenok owaṋi, nu omena ratjike Jehova tje mu suverere?
Omapuriro omaweziwa:
1. Lesa Genesis 6:1-8.
Genesis 6:6 mari vandurura tjike ohunga nomuano otjikaro tjetu mbu tji ṱuna ku Jehova? (Eps. 78:40, 41; Omiano 27:11)
2. Lesa Judas 6.
Eṱe kundino matu rihongere ko tjike kovaengeli imba “mbe ha karere pu pa yandera ouvara wawo” momayuva waNoa? (1 Kor. 3:5-9; 2 Petr. 2:4, 9, 10)
Ehungi 9
1. Ovandu vengapi mba ri meṱunḓu raNoa, nu omana wovazandu ve vetatu ya ri oowaṋi?
2. Otjikwaye tjapeke Mukuru tja ningira Noa okutjita nu omena ratjike?
3. Ovararanganda vaNoa va raisa ongaro iṋe indu eye tje ve raera ohunga notjitendeze?
4. Mukuru wa raera Noa kutja nga tjite vi novipuka?
5. Noa neṱunḓu re aave sokutjita tjike kombunda yaindu Mukuru tja za nokupata omuvero wotjitendeze?
Omapuriro omaweziwa:
1. Lesa Genesis 6:9-22.
(a) Otjikwaye tji tja tjita kutja Noa ma rire omukarere wapeke waMukuru wouatjiri? (Gen. 6:9, 22)
(b) Jehova u tara ko vi kozondjito zoutwe, nu ihi matji sokuṱuna vi kweṱe tji matu toorora omanyando omayandja nyuṋe? (Gen. 6:11, 12; Eps. 11:5)
(c) Eṱe matu yenene vi okuhorera ku Noa indu tji twa pewa omuhunga okuza kotjira tjaJehova? (Gen. 6:22; 1 Joh. 5:3)
2. Lesa Genesis 7:1-9.
Epu ndi rokutja Jehova wa vara Noa otja omurumendu omusemba nondarire kutja ka ri ohomonena matji tu tunduza vi kundino? (Gen. 7:1; Omiano 10:16; Jes. 26:7)
Ehungi 10
1. Omena ratjike tjipe hina pa ri omundu ngwaa yenene okuhita motjitendeze indu ombura tji ya uta okuroka?
2. Omayuva nomauṱuku yengapi Jehova nga rokisa ombura, nu omeva ya ri omengi pupe ṱa pi?
3. Otjitendeze tja tjita vi indu omeva tjaaye utu okukovera ehi?
4. Ovarenaka va hupire komupupo poo vii, nu ooihe yovarenaka va tjita tjike?
5. Otjitendeze tja tjitwa vi kombunda yomieze vitano?
6. Omena ratjike Noa tja hinda ekwara okuza motjitendeze?
7. Noa aa tjiwa vi kutja omeva kombanda yehi ya yaruka pehi?
8. Mukuru wa tja tjike ku Noa kombunda yaindu eye neṱundu re tji va kara motjitendeze oure wokukapita ombura imwe?
Omapuriro omaweziwa:
1. Lesa Genesis 7:10-24.
(a) Omayandekero yomiinyo kombanda yehi ya ri omengi pupe ṱa pi? (Gen. 7:23)
(b) Omeva yOmupupo ya kambura orure ndu ṱa pi okuwa pehi? (Gen. 7:24)
2. Lesa Genesis 8:1-17.
Genesis 8:17 mari raisa vi kutja ondando yaJehova yokombutiro ohunga nehi kai ya runduruka? (Gen. 1:22)
3. Lesa 1 Petrus 3:19, 20.
(a) Indu ovaengeli imba ovehinanḓuviro tji va yaruka keyuru, va muna ombanguriro iṋe? (Judas 6)
(b) Ehungi raNoa neṱunḓu re mari kurisa vi ongamburiro yetu kutja Jehova u yenena okuyama ovandu ve? (2 Petr. 2:9)
Ehungi 11
1. Otja tji matu raisirwa motjiperendero, otjikwaye otjitenga Noa tja tjita indu tja pita motjitendeze?
2. Erakiza riṋe Mukuru nda yandja ku Noa neṱunḓu re kombunda yomupupo?
3. Omakwizikiro yeṋe Mukuru nga tjita?
4. Eṱe matu sokurizemburuka natjike indu tji twa munu outa wombura?
Omapuriro omaweziwa:
1. Lesa Genesis 8:18-22.
(a) Eṱe ndino matu yenene vi okuyandja “omoro omuwa” ku Jehova? (Gen. 8:21; Hebr. 13:15, 16)
(b) Jehova wa muna tjike ohunga nongaro yomutima womundu, nu mena ranao twa sokukara nomakengezero yeṋe? (Gen. 8:21; Mat. 15:18, 19)
2. Lesa Genesis 9:9-17.
(a) Omerikutiropamwe yeṋe Jehova nga tjita kuna oviutwa avihe vyokombanda yehi? (Gen. 9:10, 11)
(b) Omerikutiropamwe wouta wombura maye kara ko nga ruṋe? (Gen. 9:16)
Ehungi 12
Ovandu mave tungu otjiretundu otjinene
1. Nimrod wa ri omungendu, nu Mukuru ee mu vara vi?
2. Motjiperendero omena ratjike ovandu tjaave ungura ozohima?
3. Omena ratjike Jehova tje ha ri nonyuṋe noviungura vyokutunga?
4. Mukuru wa yandisa vi oviungura vyokutunga otjiretundu?
5. Otjihuro tji aatji isanewa vi, nena ratjo aari heye tjike?
6. Ovandu va tjita tjike indu Jehova tja za nokupambaukisa omaraka wawo?
Omapuriro omaweziwa:
1. Lesa Genesis 10:1, 8-10.
Ovitjiukwa viṋe vyoundu Nimrod mbya raisa, nu ihi matji tu pe erakiza riṋe? (Omiano 3:31)
2. Lesa Genesis 11:1-9.
Ondando yokutunga otjiretundu ya ri iṋe, nu omena ratjike otjiungura tjawo hi tji tja ri ombandjarero? (Gen. 11:4; Omiano 16:18; Joh. 5:44)
Ehungi 13
1. Ovandu mba turire mo tjihuro tjaUr va ri ovangendu?
2. Omurumendu ngu u ri motjiperendero owaṋi, eye wa kwatwa ruṋe, nu eye wa turire pi?
3. Mukuru wa raera Abraham okutjita tjike?
4. Omena ratjike Abraham tjaa isanewa epanga raMukuru?
5. Oowaṋi mba ya puna Abraham tja tjinda okuza mo Ur?
6. Mukuru wa raera tjike ku Abraham tja vaza mehi raKanaan?
7. Omakwizikiro yeṋe Mukuru nga yandja ku Abraham tja ri nozombura 99?
Omapuriro omaweziwa:
1. Lesa Genesis 11:27-32.
(a) Abraham na Lot va ri ovazamumwe vi? (Gen. 11:27)
(b) Nandarire kutja maku za Terak ongwa tjindisa ovazamumwe ve okuyenda ku Kanaan, matu tjiwa vi kutja tjiri Abraham ongwa toora omukambo wokutjinda, nu omena ratjike eye tja tjita nao? (Gen. 11:31; Oviung. 7:2-4)
2. Lesa Genesis 12:1-7.
Jehova we kurisa vi omerikutiropamwe we ku na Abraham, indu Abraham tja vaza mu Kanaan? (Gen. 12:7)
3. Lesa Genesis 17:1-8, 15-17.
(a) Ena raAbram ra rundururwa okurira tjikwaye indu tja ri nozombura 99, nu omena ratjike? (Gen. 17:5)
(b) Ozondaya zeṋe zoruyaveze Jehova nḓa kwizikira Sara? (Gen. 17:15, 16)
4. Lesa Genesis 18:9-19.
(a) Mu Genesis 18:19, omerizirira yeṋe nga yandjwa kovarumendu ovakwate? (Deut. 6:6, 7; Ef. 6:4)
(b) Otjitjitwa tjiṋe tjaSara tji matji raisa kutja eṱe kamaatu yenene okuhoreka otjiṋa ku Jehova? (Gen. 18:12, 15; Eps. 44:21)
Ehungi 14
Mukuru ma roro ongamburiro yaAbraham
1. Omakwizikiro yeṋe Mukuru nga tjita ku Abraham, nu Mukuru wa yenenisa vi omakwizikiro we?
2. Otja tji pa raisiwa motjiperendero, Mukuru wa rora vi ongamburiro yaAbraham?
3. Abraham wa tjita tjike nandarire kutja kaa tjiwa epu Mukuru nde mu rakizira okutjita nao?
4. Pa tjitwa tjike indu Abraham tja nana oruvyo okuzepa omuzandu we?
5. Abraham wa ri nongamburiro ndji ṱa pi mu Mukuru?
6. Mukuru wa yandja tjike ku Abraham okupunguha nu omomuano uṋe?
Omapuriro omaweziwa:
1. Lesa Genesis 21:1-7.
Omena ratjike Abraham tja sukareka omuzandu we meyuva oritjahambondatu? (Gen. 17:10-12; 21:4)
2. Lesa Genesis 22:1-18.
Isak wa raisa vi omeriwisiro kehi yaihe, Abraham, nu ihi tja sasaneka vi otjitjitwa tjoruyaveze otjinanḓengu kombanda yanao? (Gen. 22:7-9; 1 Kor. 5:7; Fil. 2:8, 9)
Ehungi 15
Omukazendu waLot wa taviza kongotwe
1. Omena ratjike Abraham na Lot tji va haṋika?
2. Omena ratjike Lot tja toorora okutura mu Sodom?
3. Ovandu vaSodom va ri nongaro ndja sanene pi?
4. Erakiza riṋe ovaengeli vevari ndi va yandja ku Lot?
5. Omena ratjike omukazendu waLot tja tjituka motjitundu tjomongwa?
6. Eṱe matu rihongere tjike kehungi romukazendu waLot?
Omapuriro omaweziwa:
1. Lesa Genesis 13:5-13.
Ohunga nokutuṋa ozondjakaha pokati kovandu, matu rihongere ko tjike ku Abraham? (Gen. 13:8, 9; Rom. 12:10; Fil. 2:3, 4)
2. Lesa Genesis 18:20-33.
Omuano Jehova mbwa ungura kuna Abraham mau tu pe vi ongamburiro kutja Jehova na Jesus mave pangura mousemba? (Gen. 18:25, 26; Mat. 25:31-33)
3. Lesa Genesis 19:1-29.
(a) Ehungi rOmbeibela ndi mari raisa tjike ohunga noumune waJehova kovarumendu mbe rara povakwao? (Gen. 19:5, 13; Lev. 20:13)
(b) Ombangu iṋe ndji matu munu pokati komiano Lot na Abraham mu va toora omikambo komuhunga Mukuru mbwe ve pa, nu matu rihongere ko tjike ku ihi? (Gen. 19:15, 16, 19, 20; 22:3)
4. Lesa Lukas 17:28-32.
Omukazendu wa Lot wa ri nongaro iṋe yomomutima ohunga noviṋa vyouye, nu ihi erakiza vi kweṱe? (Luk. 12:15; 17:31, 32; Mat. 6:19-21, 25)
5. Lesa 2 Petrus 2:6-8.
Mokuhorera Lot, ongaro yetu mai sokukara vi ohunga nouye ouhangundu mbwi? (Esek. 9:4; 1 Joh. 2:15-17)
Ehungi 16
1. Omurumendu nomukazendu motjiperendero oowaṋi?
2. Abraham wa tjita tjike kutja ma mune omukazendu komuzandu we nu omena ratjike?
3. Ongumbiro yomukarere waAbraham ya zirwa momuhingo uṋe?
4. Rebeka wa zira kutja vi indu tja purwa kutja ma vanga okukupwa i Isak?
5. Otjikeṋa tji tja yandja onyuṋe ku Isak rukwao?
Omapuriro omaweziwa:
1. Lesa Genesis 24:1-67.
(a) Ovikaro viṋe oviwa Rebeka mbya raisa indu tja hakaena nomukarere waAbraham pondjombo? (Gen. 24:17-20; Omiano 31:17, 31)
(b) Omuano Abraham mbwa rongerisa Isak mau yandja otjihorera tjiṋe otjiwa kOvakriste ndino? (Gen. 24:37, 38; 1 Kor. 7:39; 2 Kor. 6:14)
(c) Omena ratjike tji matu sokupaha oruveze rokuripuratena ohunga noviṋa vyaMukuru, tjimuna Isak tja tjita? (Gen. 24:63; Eps. 77:12; Fil. 4:8)
Ehungi 17
Omapaha nga pangukire mombuniko na movitjitwa
1. Esau na Jakob va ri ovangendu, nu pa ri nombangu yatjike pokati kawo?
2. Esau na Jakob va ri nozombura ngapi indu ihe yawo omukururume Abraham tja ṱa?
3. Esau wa tjita tjike tji tja hihamisa omitima vya ihe na ina tjinene?
4. Omena ratjike Esau tja pindikira omuangu we Jakob tjinene?
5. Omarakiza yeṋe Isak nga yandja komuzandu we Jakob?
Omapuriro omaweziwa:
1. Lesa Genesis 25:5-11, 20-34.
(a) Jehova wa hunganeka tjike ohunga novazandu vaRebeka vevari? (Gen. 25:23)
(b) Ombangu yaye ndja ri pokati kongaro yaEsau noyaJakob ohunga nousemba wourumbi? (Gen. 25:31-34)
2. Lesa Genesis 26:34, 35; 27:1-46; na 28:1-5.
(a) Esau wa raisa vi kutja ka ri nombango noviṋa oviyapuke? (Gen. 26:34, 35; 27:46)
(b) Isak wa raera Jakob kutja nga tjite vi indu tji ma vanga kutja Mukuru me mu sere ondaya? (Gen. 28:1-4)
3. Lesa Ovaheberi 12:16, 17.
Otjihorera tjaEsau matji raisa tjike ohunga novikongorereko vyaimba mbu ve ha raisa ondengero koviṋa oviyapuke?
Ehungi 18
1. Omusuko ngu ri motjiperendero owaṋi, nu Jakob we mu tjitira tjike?
2. Jakob wa ri nonḓero yokutjita tjike kokutja ma kupe Rahel?
3. Laban wa tjita tjike oruveze tji rwa tumbuka ku Jakob okukupa Rahel?
4. Jakob wa itavera okutjita tjike kokutja ma pewe Rahel okurira omukazendu we?
Omapuriro omaweziwa:
1. Lesa Genesis 29:1-30.
(a) Jakob wa raisa vi kutja omundu wondengero nandarire kutja Laban we mu tjita otjineya, nu matu rihongere ko tjike ku ihi? (Gen. 25:27; 29:26-28; Mat. 5:37)
(b) Jakob wa raisa vi ombangu pokati korusuvero noruhuro? (Gen. 29:18, 20, 30; Eimb. Rom. 8:6)
(c) Ovakazendu veṋe vane mba karira oveṱundu raJakob nu mbe ke mu pandukira ovanatje ovazandu? (Gen. 29:23, 24, 28, 29)
Ehungi 19
1. Omana yovazandu hamboumwe vaJakob mba za momukazendu we omutenga, Lea, oowaṋi?
2. Ovazandu veṋe vevari omukarere omusuko waLea, Silpa, mba pandukira Jakob?
3. Omana yovazandu vevari omukarere omusuko waRahel, Bilha, mba pandukira Jakob ya ri oowaṋi?
4. Ovazandu veṋe vevari Rahel mba panduka, nu pa tjitwa tjike omuzandu omutjavari tja pandukwa?
5. Otja kotjiperendero, Jakob wa ri novazandu vengapi, nu mu wo mwa za tjike?
Omapuriro omaweziwa:
1. Lesa Genesis 29:32-35; 30:1-26; na 35:16-19.
Otja tji pa raisiwa ohunga novazandu 12 vaJakob, ouzandona wOvaheberi aa urukwa vi omana moruveze rwarukuru?
2. Lesa Genesis 37:35.
Nandarire kutja Dina erike ongwa tamunwa mOmbeibela, matu tjiwa vi kutja Jakob wa ri novanatje varwe ovakazona? (Gen. 37:34, 35)
Ehungi 20
1. Omena ratjike Abraham na Isak tji ve hina aave vanga ovanatje vawo okukupa novandu vehi raKanaan?
2. Jakob wa ri nonyuṋe indu omusuko we tja pangasanene novakazona vaKanaan?
3. Omurumendu ngu ma tara Dina motjiperendero owaṋi, nu otjitjitwa tjiṋe otjivi tja tjita?
4. Ovaṱena vaDina, Simeon na Levi, va tjita tjike tjiva zuva ohunga notjiṋa tji tja tjitwa?
5. Jakob wa yakura imbi Simeon na Levi mbi va tjita?
6. Omauzeu ayehe weṱunḓu ndi ya uta vi?
Omapuriro omaweziwa:
1. Lesa Genesis 34:1-31.
(a) Oupanga waDina novasuko vehi raKanaan tja ri otjitjitwa tjeyuva rimwe uriri? Kahurura. (Gen. 34:1, sasaneka NW.)
(b) Omena ratjike Dina tja sokutjinda omuini omerizirira mena rokupandjara oukazendu we? (Gal. 6:7)
(c) Omitanda ndino mavi raisa vi kutja vi yandja ombango kerakiza rotjihorera tjaDina? (Omiano 13:20; 1 Kor. 15:33; 1 Joh. 5:19)
Ehungi 21
Omarumbi waJosef maye mu tondo
1. Omena ratjike omarumbi waJosef tjaave ṱeruru naye nowo va tjita tjike?
2. Omarumbi waJosef aave vanga okutjita tjike ku ye, nu Ruben wa tja tjike?
3. Pa tjitwa tjike indu ovarandise Ovaismael tji ve ya?
4. Omarumbi waJosef va tjita tjike kutja ihe me ripure kutja Josef wa ṱu?
Omapuriro omaweziwa:
1. Lesa Genesis 37:1-35.
(a) Ovakriste mave yenene vi okuhorera otjihorera tjaJosef tjokuhorora ovitjitwa vyourunde mombongo? (Gen. 37:2; Lev. 5:1; 1 Kor. 1:11)
(b) Ovikeṋa mbya tjitisa omarumbi waJosef kutja ve mu tjite ouvi? (Gen. 37:11, 18; Omiano 27:4; Jak. 3:14-16)
(c) Jakob wa raisa vi oruhoze rwe otja ovandu ovengi tji ve tjita kundino? (Gen. 37:35)
Ehungi 22
1. Josef wa ri nozombura ngapi indu tja twarewa koEngipte, nu ingo wa katjitwa tjike?
2. Pe ya vi Josef ma kakare mondeko?
3. Josef wa pewa ourizirira watjike mondeko?
4. Indu Josef tja ri mondeko, omutye omunene womavinu nomutereke wozomboroto vaFarao we ve tjitira tjike?
5. Pa tjitwa tjike indu omunene womavinu tja za nokukuturwa mondeko?
Omapuriro omaweziwa:
1. Lesa Genesis 39:1-23.
Nandarire kutja kapa ri etwako nda tjangwa i Mukuru okutjaera omakatukiro worukupo moruveze rwaJosef, otjikeṋa tji tja tunduza Josef ma tupuke okuza po pomukazendu waPotifar? (Gen. 2:24; 20:3; 39:9)
2. Lesa Genesis 40:1-23.
(a) Handjuṋuna oruroto rwomunene womavinu nomamangururiro Jehova nga yandja ku Josef. (Gen. 40:9-13)
(b) Omutereke wozomboroto wa rota tjike nu oruroto rwe aaru heye tjike? (Gen. 40:16-19)
(c) Omukarere omuṱakame nomunazondunge u kongorera vi ongaro yaJosef ndino? (Gen. 40:8; Eps. 36:9; Joh. 17:17; Oviung. 17:2, 3)
(d) Genesis 40:20 mari yerisa vi oumune Omukriste mbu ma sokukara nawo ohunga nomikandi vyomayuva wongatero? (Omuzuv. 7:1; Mar. 6:21-28)
Ehungi 23
1. Kwa tjitwa tjike ku Farao ouṱuku umwe?
2. Omena ratjike omunene womavinu tja ka zemburuka Josef korusenina?
3. Otja tji matu munu motjiperendero, Farao wa rota oturoto twa tjike tuvari?
4. Josef wa mangurura vi oturoto two?
5. Pe ya vi Josef me yekurira omurumendu omunanḓengu tjinene okukongorera ku Farao?
6. Omarumbi waJosef va ira tjike koEngipte nu omena ratjike tjive ha ri amave mu zemburuka?
7. Josef wa zemburuka oruroto ruṋe nu oro rwe mu vatera okuzuva epu riṋe?
Omapuriro omaweziwa:
1. Lesa Genesis 41:1-57.
(a) Josef wa yandja vi ohiviriko ku Jehova, nu omomuano uṋe Ovakriste ndino mu mave yenene okuhorera otjihorera tje? (Gen. 41:16, 25, 28; Mat. 5:16; 1 Petr. 2:12)
(b) Ozombura zovikurya ovingi mu Engipte nḓa kongorerwa i inḓa zourumbu ze twa po vi ombangu nawanawa pokati kongaro yombepo yovandu vaJehova na indji yaimba mbe ritja Ovakriste? (Gen. 41:29, 30; Amos 8:11, 12)
2. Lesa Genesis 42:1-8 na 50:20.
Otjiṋa otjivi kovakarere vaJehova okurikotamena komundu mokuraisa ondjozikiro nondengero kotjihako tje otja kombazu yehi? (Gen. 42:6)
Ehungi 24
1. Omena ratjike Josef tja kuminina omarumbi we kutja ozohoze?
2. Omena ratjike Jakob tja yandjera ongero ye, Benjamin, okuyenda koEngipte?
3. Ekopi raJosef rosilveri pe ya vi ri yekukara mondjaṱu yaBenjamin?
4. Juda we riyandjera okutjita tjike kutja Benjamin ma isiwe?
5. Omarumbi waJosef va runduruka vi?
Omapuriro omaweziwa:
1. Lesa Genesis 42:9-38.
Omambo waJosef nge ri mu Genesis 42:18, otjizemburukiro otjiwa vi ku imba mbe nourizirira motjiwaṋa tjaJehova kundino? (Neh. 5:15; 2 Kor. 7:1, 2)
2. Lesa Genesis 43:1-34.
(a) Nandarire kutja Ruben ongwa ri otjiveri, mape raisiwa vi kutja Juda ongwe yokurira omuhungirirepo womarumbi novangu ve? (Gen. 43:3, 8, 9; 44:14, 18; 1 Ekuruh. 5:2)
(b) Otja tji mape raisiwa, Josef wa rora vi omarumbi we nu omena ratjike? (Gen. 43:33, 34)
3. Lesa Genesis 44:1-34.
(a) Otjomuano wokurihoreka omuini komarumbi we, Josef wa tjita tjike? (Gen. 44:5, 15; Lev. 19:26)
(b) Omarumbi waJosef va raisa vi kutja eruru ndi va ri naro ku nomuangu wawo kave naro rukwao? (Gen. 44:13, 33, 34)
Ehungi 25
Eṱunḓu mari tjindire koEngipte
1. Pa tjitwa tjike indu Josef tja raera omarumbi we kutja eye owaṋi?
2. Josef wa kahurura tjike momuano omuwa komarumbi we?
3. Indu Farao tja zuva ohunga nomarumbi waJosef eye wa tja tjike?
4. Eṱunḓu raJakob ra ṱekire pi indu tji va tjindira koEngipte?
5. Eṱunḓu raJakob ra uta okuisanewa vi, nu omena ratjike?
Omapuriro omaweziwa:
1. Lesa Genesis 45:1-28.
Ehungi raJosef rOmbeibela mari raisa vi kutja Jehova ma yenene okutanaura oviṋa mbya rongererwa okuhihamisa ovakarere ve kutja vi kare novikongorereko oviwa? (Gen. 45:5-8; Jes. 8:10; Fil. 1:12-14)
2. Lesa Genesis 46:1-27.
Omakwizikiro yeṋe Jehova nga yandja ku Jakob mondjira ye okuyenda koEngipte? (Gen. 46:1-4)
Ehungi 26
1. Job wa ri omungendu?
2. Satan wa kondjisa okutjita tjike, neye wa toṋa?
3. Jehova wa yandjera Satan okutjita tjike nu omena ratjike?
4. Omena ratjike omukazendu waJob tje mu raera kutja nga ‘yamburure Mukuru ma ṱokukoka’? (Tara motjiperendero.)
5. Otja tji mo munu motjiperendero otjitjavari, Jehova wa sera vi Job ondaya nu omena ratjike?
6. Indu eṱe tji twa ṱakama ku Jehova tjimuna Job, matu munu ozondaya zatjike?
Omapuriro omaweziwa:
1. Lesa Job 1:1-22.
Ovakriste vandino mave kongorere vi otjihorera tjaJob? (Job 1:1; Fil. 2:15; 2 Petr. 3:14)
2. Lesa Job 2:1-13.
Job nomukazendu we va pangukire momiano viṋe vivari indu tji va rorwa i Satan? (Job 2:9, 10; Omiano 19:3; Mika 7:7; Mal. 3:14)
3. Lesa Job 42:10-17.
(a) Ondjambi Job ndja muna na indji Jesus ndja muna mena rouṱakame wawo za sana momiano viṋe? (Job 42:12; Fil. 2:9-11)
(b) Ozondaya Job nḓa muna mena rouṱakame we ku Mukuru maze tu tunduza vi?
Ehungi 27
Ombara ombi ndjaai honaparere Engipte
1. Motjiperendero, omurumendu nguna ongora omukwaye komuhoko, nu ma tono omungendu?
2. Kombunda yonḓiro yaJosef pa tjitwa tjike kOvaisrael?
3. Ongwaye Ovaengipte tji va kauta okutira Ovaisrael?
4. Erakiza riṋe Farao nda yandja kovakazendu mbaave vatere ovakazendu wOvaisrael okupanduka?
Omapuriro omaweziwa:
1. Lesa Eksodus 1:6-22.
(a) Omomuano uṋe Jehova ma uta okuyenenisa omakwizikiro we ku Abraham? (Eks. 1:7; Gen. 12:2; Oviung. 7:17)
(b) Ovapandukise vOvaheberi va raisa vi ondengero komayapuriro womuinyo? (Eks. 1:17; Gen. 9:6)
(c) Ovapandukise va sutwa vi kouṱakame wawo ku Jehova? (Eks. 1:20, 21; Omiano 19:17)
(d) Satan wa kondja vi okupirukira ondando yaJehova ohunga nOrukwato ndwa kwizikwa rwaAbraham? (Eks. 1:22; Mat. 2:16)
Ehungi 28
Omuano okanatje Moses mbu ka yamwa
1. Okanatje ku ke ri motjiperendero otjikwaye, nu omunue wa uṋe mbu ka handa ko?
2. Ina yaMoses wa tjita tjike kutja aha zepewa?
3. Okanatje okakazona okaṱiṱi motjiperendero otjikwaye, noko ka tjita tjike?
4. Indu omusuko waFarao tja muna okanatje, Miriam wa tja ngape tjitwe tjike?
5. Omusuko wombara wa tja vi ku ina yaMoses?
Epuriro eweziwa:
1. Lesa Eksodus 2:1-10.
Oruveze ruṋe ina yaMoses ndwa ri naro okuronga nokuhonga Moses mouṱiṱi we, nu matji yandja otjihorera tjiṋe kovanene ndinondi? (Eks. 2:9, 10; Deut. 6:6-9; Omiano 22:6; Ef. 6:4; 2 Tim. 3:15)
Ehungi 29
1. Moses we kurira pi, nungwari aa tjiwa tjike ohunga novanene ve?
2. Moses wa tjita tjike indu tja ri nozombura 40?
3. Moses wa tja tjike komurumendu Omuisrael ngwaa ru, nu eziriro riṋe omurumendu nda yandja?
4. Omena ratjike Moses tja tupuka okupita moEngipte?
5. Moses wa tupuka okuyenda pi, nu wa kahakaena na uṋe ngo?
6. Moses aa ungura ye oure wozombura 40 tja za nokutaura moEngipte?
Omapuriro omaweziwa:
1. Lesa Eksodus 2:11-25.
Nandarire kutja Moses wa hongerwe ozombura ozengi mounongo wOvaengipte, eye wa raisa vi ouṱakame we ku Jehova na kovandu ve? (Eks. 2:11, 12; Hebr. 11:24)
2. Lesa Oviungura 7:22-29.
Eṱe matu rihongere tjike kongondjero yaMoses yokuvanga okuyama Ovaisrael kouhura wOvaengipte momuano we muini? (Oviung. 7:23-25; 1 Petr. 5:6, 10)
Ehungi 30
1. Ondundu ndji ri motjiperendero i isanewa vi?
2. Otjiṋa tjiṋe otjihimise Moses tja muna indu tja ire kondundu nozonḓu ze?
3. Eraka nda zire motjimbuku tjaatji pi ra tja vi, nu ra ri eraka rauṋe?
4. Indu Mukuru tja raera Moses kutja ma hongora ovandu vaMukuru okupita moEngipte, Moses we mu zira vi?
5. Mukuru wa raera Moses kutja nga tje tjike indu ovandu tji ve mu pura kutja owaṋi ngwe mu hindi?
6. Moses aa sokuraisa vi kutja Mukuru ongwe mu hinda?
Omapuriro omaweziwa:
1. Lesa Eksodus 3:1-22.
Oviṋa Moses mbya kayenda mo, mavi tu pe vi ongamburiro kutja Jehova me tu yeura nandarire kutja matu rimunu kutja katu ya pwira okuyenenisa oviungura vye? (Eks. 3:11, 13; 2 Kor. 3:5, 6)
2. Lesa Eksodus 4:1-20.
(a) Omarundurukiro yeṋe nga tjitwa mongaro yaMoses mozombura 40 nḓa ri mu Midian, nu imba mbu mave ramangere otjiungura tjourizirira mombongo mave rihongere ko tjike? (Eks. 2:11, 12; 4:10, 13; Mika 6:8; 1 Tim. 3:1, 6, 10)
(b) Eṱe matu rihongere tjike kotjihorera tjaMoses indu tji twa vyuurwa i Jehova okupitira motjira tje? (Eks. 4:12-14; Eps. 103:14; Hebr. 12:4-11)
Ehungi 31
Moses na Aron komurungu waFarao
1. Ovihimise Moses na Aron mbi va tjita vya ṱuna vi kOvaisrael?
2. Moses na Aron va raera tjike ku Farao, nu eziriro raFarao ra ri riṋe?
3. Otja tji pa raisiwa motjiperendero, pa kayenda tjike Aron tja yumbire okati ke pehi?
4. Jehova wa honga vi Farao ehongwa, nu Farao wa nyamukura vi?
5. Pa kayenda ye kombunda yotjiwonga otjitjamurongo?
Omapuriro omaweziwa:
1. Lesa Eksodus 4:27-31 na 5:1-23.
Farao aa heye tjike tja tjere: ‘Ami hina kutjiwa Jehova kaparukaze’? (Eks. 5:2; 1 Sam. 2:12; Rom. 1:21)
2. Lesa Eksodus 6:1-13, 26-30.
(a) Omomuano uṋe Jehova mbwe hi na we ritjiukisa omuini ku Abraham, Isak na Jakob? (Eks. 3:13, 14; 6:3; Gen. 12:8)
(b) Eṱe matu munu ko vi kokutja Jehova wa ungurisa Moses, nandarire kutja Moses ee rimunu kutja ka ri omupyuke okuungura otjiungura tja perwe? (Eks. 6:12, 30, NW; Luk. 21:13-15)
3. Lesa Eksodus 7:1-13.
(a) Ovakarere vaMukuru kundino mave rihongere tjike kotjihorera tjaMoses na Aron tjokutwara ombuze yombanguriro yaJehova ku Farao nouvanḓe? (Eks. 7:2, 3, 6; Oviung. 4:29-31)
(b) Jehova wa raisa vi ouvara we kombanda yoomukuru vaEngipte? (Eks. 7:12; 1 Ekuruh. 29:12)
Ehungi 32
1. Mokuungurisa otjiperendero tji tja raisiwa imba, handjuṋuna oviwonga vitatu ovitenga Jehova mbya eta koEngipte.
2. Ombangu iṋe ndja ri pokati koviwonga imbi vitatu ovitenga noviwonga mbi mbya kongorera ko?
3. Otjiwonga otjitjaine, otjitjatano, notjitjahamboumue vya ri ovyatjike?
4. Handjaura otjiwonga otjitjahambombari, otjitjahambondatu, notjitjamuvyu.
5. Jehova wa tja Ovaisrael ngave tjite tjike komurungu wotjiwonga otjitjamurongo?
6. Otjiwonga otjitjamurongo tja ri tjiṋe, nu pa kayenda ye kombunda yatjo?
Omapuriro omaweziwa:
1. Lesa Eksodus 7:19–8:23.
(a) Nandarire kutja ovapristeri ozondjai vaEngipte aave yenene okuhorera oviwonga vivari ovitenga vyaJehova owo va ṋini̭kiziwa okutjiwa tjike kombunda yotjiwonga otjitjatatu? (Eks. 8:18, 19; Mat. 12:24-28)
(b) Otjiwonga otjitjaine tja raisa vi kutja Jehova u yenena okutjevera ovandu ve, nu okutjiwa mbi mavi ṱunu vi kovandu vaMukuru otja tji mave yendere “ondatumisire ondirise” ndja hunganekwa? (Eks. 8:22, 23; Omavan. 7:13, 14; 2 Ekuruh. 16:9)
2. Lesa Eksodus 8:24; 9:3, 6, 10, 11, 14, 16, 23-25; na 10:13-15, 21-23.
(a) Oviwonga Omurongo vya vandurura ovimbumba viṋe vivari, nu ihi matji ṱunu vi koumune wetu ohunga novimbumba vivari mbi ndinondi? (Eks. 8:10, 18, 19; 9:14)
(b) Eksodus 9:16 mari tu vatere vi okuzuva kutja ongwaye Jehova tja yandjera Satan okukara ko nga kunai? (Rom. 9:21, 22)
3. Lesa Eksodus 12:21-32.
Opaska ya tjita vi kutja ovandu ovengi ve yamwe, nu oyo ya sasaneka tjike? (Eks. 12:21-23; Joh. 1:29; Rom. 5:18, 19, 21; 1 Kor. 5:7)
Ehungi 33
1. Ovarumendu vengapi Ovaisrael, puna ovakazendu novanatje, mba zire moEngipte, nu ovangendu mba za mo puna wo?
2. Farao wa muna ko vi indu tja za nokuisa Ovaisrael ve yende, nu eye wa tjita tjike?
3. Jehova wa tjita tjike okutjaera Ovaengipte kutja ave ha wire ovandu ve?
4. Pa kayenda tjike indu Moses tja roporora okati ke kombanda yOmurongawotuu, nu Ovaisrael va tjitire tjike?
5. Pa kayenda tjike indu Ovaengipte tji va hakahana okuhita momuronga okukongorera Ovaisrael?
6. Ovaisrael va raisa vi kutja va ri nonyuṋe nondangu ku Jehova indu tje ve yama?
Omapuriro omaweziwa:
1. Lesa Eksodus 12:33-36.
Jehova wa tjitisa vi kutja ovandu ve ve sutwe kozombura zawo azehe zouhuura kehi yOvaengipte? (Eks. 3:21, 22; 12:35, 36)
2. Lesa Eksodus 14:1-31.
Omambo yaMoses nga tjangwa mu Eksodus 14:13, 14, ye ṱuna vi kovakarere vaJehova ndinondi otja tji mave yendere ovita vyaArmagedon? (2 Ekuruh. 20:17; Eps. 91:8)
3. Lesa Eksodus 15:1-8, 20, 21.
(a) Ongwaye ovakarere vaJehova tji mave sokumuimburira omatangero wondjozikiro? (Eks. 15:1, 2; Eps. 105:2, 3; Omavan. 15:3, 4)
(b) Otjihorera tjiṋe tjokutanga Jehova Miriam novakazendu pOmurongawotuu tji va twapo kovakazendu Ovakriste ndinondi? (Eks. 15:20, 21; Eps. 68:11 NW)
Ehungi 34
1. Motjiperendero, ovandu mave wongo tjike pehi, nu ovyo vi isanewa vi?
2. Moses wa raera tjike kovandu ohunga nomawongero omana?
3. Jehova wa raera ovandu kutja ngave tjite tjike meyuva oritjahamboumwe, nu omena ratjike?
4. Otjihimise tjiṋe Jehova tja tjita indu omana tji vya pwikwa ngandu keyuva oritjahambombari?
5. Jehova ovandu we ve parura oure mbu ṱa pi nomana?
Omapuriro omaweziwa:
1. Lesa Eksodus 16:1-36 na Numeri 11:7-9.
(a) Eksodus 16:8 mari raisa vi ounahepero wokuyozika imba mba zikwa i Mukuru mombongo yOvakriste? (Hebr. 13:17)
(b) Mokuti onguza, Ovaisrael aave zemburukisiwa vi kutja owo aruhe aave hepa Jehova? (Eks. 16:14-16, 35; Deut. 8:2, 3)
(c) Omaheyero weṋe wotjisasanekero Jesus nga yandja komana, neṱe matu munu vi ouwa okuza “komboroto ndja zira meyuru”? (Joh. 6:31-35, 40)
2. Lesa Josua 5:10-12
Oure wozombura ngapi Ovaisrael nḓu va rya omana, nu ihi tja rora vi ongamburiro yawo, neṱe matu rihongere tjike kehungi ndi? (Eks. 16:35; Num. 11:4-6; 1 Kor. 10:10, 11)
Ehungi 35
1. Kombunda yomieze vivari okuza nokupita moEngipte, Ovaisarel va katona pi ozondanda zawo?
2. Jehova wa tja ma vanga kutja ovandu ve tjite tjike, nu eziriro rawo rari riṋe?
3. Ongwaye Jehova tja yandja omawe yevari omapapi ku Moses?
4. Pendje yOmatwako Omurongo, omatwako yeṋe yarwe Jehova nga yandja kOvaisrael?
5. Omatwako yeṋe yevari Jesus nga tja omanenenene?
Omapuriro omaweziwa:
1. Lesa Eksodus 19:1-25; 20:1-21; 24:12-18; na 31:18.
Omambo nga tjangwa mu Eksodus 19:8 maye tu vatere vi okutjiwa kutja ovikeṋa mbi mavi kamburirwa mo indu omundu tji me riyandja omuini otjOmukriste ku Mukuru? (Mat. 16:24; 1 Petr. 4:1-3)
2. Lesa Deuteronomium 6:4-6; Levitikus 19:18; na Mateus 22:36-40.
Ovakriste ve raisa vi orusuvero rwawo ku Mukuru na kovakwawo? (Mar. 6:34; Oviung. 4:20; Rom. 15:2)
Ehungi 36
1. Motjiperendero, ovandu mave ungura tjike, nu omena ratjike?
2. Omena ratjike Jehova tja pindikire, nu Moses wa tjita tjike indu tjamuna imbi ovandu mbyaa ve tjiti?
3. Ovikeṋa Moses mbya raera ku tjiva vovarumendu okutjita?
4. Ehungi ndi mari tu hongo tjike?
Omapuriro omaweziwa:
1. Lesa Eksodus 32:1-35.
(a) Ehungi ndi mari raisa vi omuano Jehova mbwe tara komerikutiropamwe nomawaneno wongamburiro yoposyo noyouatjiri? (Eks. 32:4-6, 10; 1 Kor. 10:7, 11)
(b) Omakengezero weṋe Ovakriste ngu mave sokukara nawo indu tji mave toorora omanyando, tjimuna okuimbura nokupunda? (Eks. 32:18, 19; Ef. 5:15, 16; 1 Joh. 2:15-17)
(c) Omuhoko wOvalevi wa yandja vi otjihorera otjiwa tjokusekamena ousemba? (Eks. 32:25-28; Eps. 18:25)
Ehungi 37
1. Omatungiro nge ri motjiperendero ye isanewa vi, nu aaye ungurisiwa ku tjike?
2. Omena ratjike Jehova tja raera Moses okuungura ondanda momuano wokutja i rire ombumbu okuhaṋaura?
3. Otjikesa tji tji ri mokatuwo okaṱiṱi komaandero wondanda tji isanewa vi, nu mu tjo aamu ṱizirwa tjike?
4. Jehova wa toorora aṋi okurira omupristeri omunene, nu omupristeri omunene aa ungura tjike?
5. Tamuna oviṋa vitatu mbi ri metuwo ndi enene rondanda.
6. Oviṋa viṋe vivari mbi ri morumbo rwondanda yomerikotameno nu ovyo aavi ungurisiwa ku tjike?
Omapuriro omaweziwa:
1. Lesa Eksodus 25:8-40; 26:1-37; 27:1-8; na 28:1.
Ovakerubi mbe ri kombanda “yotjipwikiro tjomerikutiropamwe” aave kuramene po tjike? (Eks. 25:20, 22; Num. 7:89; 2 Ozomb. 19:15)
2. Lesa Eksodus 30:1-10, 17-21; 34:1, 2; nOvaheberi 9:1-5.
(a) Omena ratjike Jehova tja zeuparisa ounanḓengu woukohoke wokorutu kovapristeri mbaave karere pondanda yomerikotameno, nu ihi matji sokutuṱuna vi kundino? (Eks. 30:18-21; 40:30, 31; Hebr. 10:22)
(b) Omuapostele Paulus wa raisa vi kutja ondanda yomerikotameno nomerikutiropamwe wOmatwako kavya ri ohepero oruveze ndwi ndwa tjanga orutuu rwe kOvakriste wOvaheberi? (Hebr. 9:1, 9; 10:1)
Ehungi 38
1. Ove mo munu tjike ohunga nomandjembere nge ri motjiperendero, nowo ya zire pi?
2. Ongwaye Moses tja hinda ozohoze 12 mehi raKanaan?
3. Indu ozohoze omurongo tji za kotoka, ozo za tja vi ku Moses?
4. Ozohoze mba ri za raisa vi ongamburiro mu Jehova, nu omana wawo ya ri oowaṋi?
5. Omena ratjike Jehova tja pindikire, nu wa raera tjike ku Moses?
Omapuriro omaweziwa:
1. Lesa Numeri 13:1-33.
(a) Oowaṋi mba toororerwe okukakonḓonona ehi, nu ouyara uṋe ounene mbu va ri nawo? (Num. 13:2, 3, 18-20)
(b) Omena ratjike oumune waKaleb na Josua tji wa haṋikire na imbwi wozohoze inḓa ozarwe, nu imbi mavi tu hongo tjike? (Num. 13:28-30; Mat. 17:20; 2 Kor. 5:7)
2. Lesa Numeri 14:1-38.
(a) Erakiza riṋe ohunga nokuunaunina ovakuramene po vaJehova ndi matu sokuṱakamisa? (Num. 14:2, 3, 27; Mat. 25:40, 45; 1 Kor. 10:10)
(b) Numeri 14:24 mari raisa vi kutja Jehova u nombango mu kangamwa auhe wovakarere ve? (1 Ozomb. 19:18; Omiano 15:3)
Ehungi 39
Okati kaAron make hapa ozongara
1. Oowaṋi mbaave pirukire ouvara waMoses na Aron, nowo va tja tjike ku Moses?
2. Moses wa raera tjike ku Korak novakongorere ve 250?
3. Moses wa tja tjike kovandu, nu tjimanga pa tjitwa tjike indu Moses tja mana okuhungira?
4. Kwa tjitwa tjike ku Korak novakongorere ve 250?
5. Omuzandu waAron, Eleasar, wa tjita tjike novikangero vyokutwimisa omuriro vyovarumendu ovaṱi nu omena ratjike?
6. Ongwaye Jehova tja hapisa ozongara kokati kaAron? (Tara kotjiperendero.)
Omapuriro omaweziwa:
1. Lesa Numeri 16:1-49.
(a) Korak novakongorere ve va tjita tjike, nu ongwaye tja ri ondjito yokupirukira Jehova? (Num. 16:9, 10, 18; Lev. 10:1, 2; Omiano 11:2)
(b) Oumune uṋe woposyo Korak “novarumendu ovatjiukwa” 250 mbu va ri nawo? (Num. 16:1-3; Omiano 15:33; Jes. 49:7)
2. Lesa Numeri 17:1-11 na 26:10.
(a) Omanyomokero wokati kaAron aaye raisa tjike, nu ongwaye Jehova tja rakiza kutja ngake tuwe motjipwikiro? (Num. 17:5, 8, 10)
(b) Ehongwa riṋe enanḓengu eṱe ndi matu rihongere kotjiraisiro tjokati kaAron? (Num. 17:10; Oviung. 20:28; Fil. 2:14; Hebr. 13:17)
Ehungi 40
1. Jehova wa tjevera vi Ovaisrael ngunda ava ri mokuti onguza?
2. Ovaisrael va unaunina tjike indu tji va tonene ozondanda zawo moKades?
3. Jehova wa yandjere vi omeva kovandu na kovinamuinyo?
4. Motjiperendero, omurumendu ngu me riurike omuini otjikwaye, nu ongwaye tji ma tjiti nao?
5. Omena ratjike Jehova tja pindikira Moses na Aron, nowo va verwa vi?
6. Pa kayenda tjike pondundu Hor, nu ouṋe ngwa rira omupristeri omunene waIsrael?
Omapuriro omaweziwa:
1. Lesa Numeri 20:1-13, 22-29 na Deuteronomium 29:5.
(a) Eṱe matu rihongere tjike komuano Jehova mbwaa tjevere Ovaisrael mokuti onguza? (Deut. 29:5; Mat. 6:31; Hebr. 13:5; Jak. 1:17)
(b) Jehova wa ri noumune uṋe ohunga nondataiziro yaMoses na Aron yokuhina okumuyapura komurungu wOvaisrael? (Num. 20:12; 1 Kor. 10:12; Omavan. 4:11)
(c) Eṱe matu rihongere tjike kongaro Moses ndja ri nayo komavyuriro nga zire ku Jehova? (Num. 12:3; 20:12, 27, 28; Deut. 32:4; Hebr. 12:7-11)
Ehungi 41
1. Motjiperendero, otjikeṋa tji tja mangwa motjihenḓe, nu omena ratjike Jehova tja raera Moses okutjitwa mbo?
2. Ovandu va raisa vi kutja kava ri nondangi koviṋa avihe Mukuru mbye ve tjitira?
3. Ovandu va ningira Moses okutjita tjike kombunda yaindu Jehova tja hinda ozonyoka ozonawanga okuvevera?
4. Omena ratjike Jehova tja raera Moses okuungura onyoka yongoporo?
5. Eṱe matu rihongere ko tjike kehungi ndi?
Omapuriro omaweziwa:
1. Lesa Numeri 21:4-9.
(a) Omaunaunino wOvaisrael ohunga noviṋa mbi va pewa i Jehova maye tu pe erakiza riṋe? (Num. 21:5, 6; Rom. 2:4)
(b) Omaserewondo yokombunda, Ovaisrael va ungurisa vi onyoka yongoporo, nu ombara Hiskija ya toora omikambo viṋe? (Num. 21:9; 2 Ozomb. 18:1-4)
2. Lesa Johanes 3:14, 15.
Omatwirikiro wonyoka yongoporo kotjihenḓe ya sasaneka vi nawa omapambarero waJesus Kristus kotjihenḓe? (Gal. 3:13; 1 Petr. 2:24, NW)
Ehungi 42
1. Balak eye owaṋi, nu omena ratjike tja isanisa Bileam?
2. Omena ratjike okasino kaBileam tji ka rara mondjira?
3. Bileam wa zuva okasino amake tja tjike?
4. Omuengeli wa tja tjike ku Bileam?
5. Pa tjitwa tjike indu Bileam tja kondjisa okusenga Ovaisrael?
Omapuriro omaweziwa:
1. Lesa Numeri 21:21-35.
Omena ratjike Ovaisrael tji va toṋa motjirwa ku na ombara Sihon yOvaammori nombara Og yaBasan?
2. Lesa Numeri 22:1-40.
Epu raBileam rokukondjisa okusenga Ovaisrael ra ri oraye, neṱe matu rihongere ko tjike ku ihi? (Num. 22:16, 17; Omiano 6:16, 18; 2 Petr. 2:15; Judas 11)
3. Lesa Numeri 23:1-30.
Nandarire kutja Bileam aa hungire aayo wa ri omukarere waJehova, ovitjitwa vye vya raisa vi kutja katji pe ri? (Num. 23:3, 11-14; 1 Sam. 15:22)
4. Lesa Numeri 24:1-25.
Ehungi rOmbeibela ndi, mari zeuparisa vi ongamburiro yetu momayenenisiro wondando yaJehova? (Num. 24:10; Jes. 54:17)
Ehungi 43
1. Motjiperendero, ovarumendu vevari mba kurama puna Moses ootjikwaye?
2. Jehova wa raera Josua kutja vi?
3. Omena ratjike Moses tja ronda kondomba yondundu Nebo, nu Jehova wa tja tjike ku ye?
4. Moses wa ri nozombura ngapi indu tja ṱa?
5. Omena ratjike otjiwaṋa tji tja ṱire oruhoze, nungwari otjikeṋa tji tje ve nyaṋukisa?
Omapuriro omaweziwa:
1. Lesa Numeri 27:12-23.
Otjiungura tjiṋe otjinene Josua tja pewa i Jehova, nu Jehova u tjevera vi ovandu ve ndino? (Num. 27:15-19; Oviung. 20:28; Hebr. 13:7)
2. Lesa Deuteronomium 3:23-29.
Omena ratjike Jehova tje hi na wa yandjera Moses na Aron okuhita mehi romakwizikiro, neṱe matu rihongere ko tjike kehungi ndi? (Deut. 3:25-27; Num. 20:12, 13)
3. Lesa Deuteronomium 31:1-8, 14-23.
Omambo waMoses omasenina kOvaisrael maye raisa vi kutja eye wa yakura omavyuriro waJehova nomerisusuparisiro? (Deut. 31:6-8, 23)
4. Lesa Deuteronomium 32:45-52.
Embo raMukuru ra sokuṱuna vi komiinyo vyetu? (Deut. 32:47; Lev. 18:5; Hebr. 4:12)
5. Lesa Deuteronomium 34:1-12.
Nandarire kutja Moses kena pa muna Jehova keho, Deuteronomium 34:10 mari raisa tjike ohunga noupanga we na Jehova? (Eks. 33:11, 20; Num. 12:8)
Ehungi 44
1. Rahab wa turire pi?
2. Ovarumendu vevari mbe ri motjiperendero oowaṋi, nu omena ratjike tji ve ri mu Jeriko?
3. Ombara yaJeriko ya rakiza Rahab ma tjite tjike, nu Rahab wa zira vi?
4. Rahab wa vatera vi ovarumendu mba vevari, neye wa ningira ombatero yaye?
5. Omakwizikiro yeṋe ozohoze mbari ngu va kwizikira Rahab?
Omapuriro omaweziwa:
1. Lesa Josua 2:1-24.
Omakwizikiro waJehova nga tjangwa mu Exodus 23:28 ya yenenisiwa vi indu Ovaisrael tji va rwisa Jeriko? (Jos. 2:9-11)
2. Lesa Ovaheberi 11:31.
Otjihorera tjaRahab matji raisa vi ounanḓengu wongamburiro? (Rom. 1:17; Hebr. 10:39; Jak. 2:25)
Ehungi 45
1. Otjihimise tjiṋe Jehova tja tjita kokutja Ovaisrael ve konde onḓonḓu yaJordan?
2. Otjitjitwa tjiṋe tjongamburiro Ovaisrael tji va ri amave sokutjita kokutja ve konde onḓonḓu yaJordan?
3. Ongwaye Jehova tja raera Josua okuwonga omawe omanene 12 mokati konḓonḓu?
4. Pa tjitwa tjike tjimanga indu ovapristeri tji va za nokuronda okupita mu Jordan?
Omapuriro omaweziwa:
1. Lesa Josua 3:1-17.
(a) Otja tji pa raisiwa kehungi ndi, eṱe matu sokutjita tjike indu tji matu vanga okuvaterwa nokuserwa ondaya i Jehova? (Jos. 3:13, 15; Omiano 3:5; Jak. 2:22, 26)
(b) Onḓonḓu yaJordan ya ri mongaro iṋe indu Ovaisrael tji va konda okuhita mEhi rOmakwizikiro, nu ihi tja hivirika vi ena raJehova? (Jos. 3:15; 4:18; Eps. 66:5-7)
2. Lesa Josua 4:1-18.
Omawe 12 nga toorwa monḓonḓu yaJordan naye tuwa mu Gilgal, ya ri nondando yatjike? (Jos. 4:4-7)
Ehungi 46
1. Jehova wa tja ovarwe novapristeri ngave ungure tjike oure womayuva hamboumwe?
2. Ovarumendu aave sokutjita tjike meyuva oritjahambombari?
3. Otja tji mo munu motjiperendero, mape tjitwa tjike komakuma waJeriko?
4. Ongwaye tji pe nongoze oserandu ndji mai rekareka moruiho?
5. Josua wa tja ovarwe ngave tjite vi kovandu notjihuro, nungwari ovisilveri, ovingoldo, ongoporo novitenda aave sokuvitjita vi?
6. Ozohoze mbari za raerwa kutja ngaze tjite vi?
Omapuriro omaweziwa:
1. Lesa Josua 6:1-25.
(a) Omakondorokero waJeriko i Ovaisrael meyuva oritjahambombari ya sana vi koviungura vyokuzuvarisa vyOvahongonone vaJehova momayuva nga omasenina? (Jos. 6:15, 16; Jes. 60:22; Mat. 24:14; 1 Kor. 9:16)
(b) Omahunganekero nga tjangwa mu Josua 6:26 ya yenenisiwa vi ape ozombura 500 zokombunda, nu ihi matji tu hongo tjike ohunga nembo raJehova? (1 Ozomb. 16:34; Jes. 55:11)
Ehungi 47
1. Motjiperendero, omurumendu ngu ma pwike omautumbe nga za mu Jeriko otjikwaye, nu imba mbu mave mu vatere oowaṋi?
2. Ongwaye ondjito yaAkan neṱunḓu re tji ya ri ondjo onene?
3. Jehova wa tja tjike indu Josua tje mu pura kutja ongwaye Ovaisrael tji va taarwa motjirwa mu Ai?
4. Indu Akan neṱunḓu re tji va za nokuetwa ku Josua, owo va tjitwa tjike?
5. Ehongwa riṋe enanḓengu ndi matu rihongere kombanguriro yaAkan?
Omapuriro omaweziwa:
1. Lesa Josua 7:1-26.
(a) Ozongumbiro zaJosua za vandurura tjike ohunga noupanga we nOmuute we? (Jos. 7:7-9; Eps. 119:145; 1 Joh. 5:14)
(b) Otjihorera tjaAkan matji raisa tjike, nu ihi matji tu rakiza tjike? (Jos. 7:11, 14, 15; Omiano 15:3; 1 Tim. 5:24; Hebr. 4:13)
2. Lesa Josua 8:1-29.
OtjOvakriste, auhe wetu u na ourizirira uṋe kombongo yOukriste kundino? (Jos. 7:13; Lev. 5:1; Omiano 28:13)
Ehungi 48
1. Ovandu vaGibeon va panguka vi kOvakanaan vomovihuro vyopopezu?
2. Otja tji mape raisiwa motjiperendero, Ovagibeon mave ungura tjike, nu omena ratjike?
3. Omakwizikiro yeṋe Josua novanane vaIsrael ngu va tjita kOvagibeon, nungwari va konḓonona tjike kombunda yomayuva yetatu?
4. Pa tjitwa tjike indu ozombara movihuro vyarwe tji va zuva kutja Ovagibeon va tjita ohange nOvaisrael?
Omapuriro omaweziwa:
1. Lesa Josua 9:1-27.
(a) Otja tji matu munu kutja Jehova wa raera otjiwaṋa tjaIsrael ‘okunyona ovandu avehe mba tura mehi ndo’ otjikaṋena tjiṋe tja raisa mokuyama Ovagibeon? (Jos. 9:22, 24; Mat. 9:13; Oviung. 10:34, 35; 2 Petr. 3:9)
(b) Mokuṱakamisa omakwizikiro nga tjita ku nOvagibeon, Josua wa twapo otjihorera tjiṋe otjiwa kOvakriste ndino? (Jos. 9:18, 19; Mat. 5:37; Ef. 4:25)
2. Lesa Josua 10:1-5.
Otjimbumba otjinene tji horera vi kOvagibeon, nu ihi matji tjiti kutja ve wirwe i tjike? (Jos. 10:4; Sak. 8:23; Mat. 25:35-40; Omavan. 12:17)
Ehungi 49
1. Motjiperendero, Josua ma tja vi, nu omena ratjike?
2. Jehova wa vatera vi Josua novarwe ve vovita?
3. Josua wa taara ozombara ovanavita vengapi, nu pa kambura orure ndu ṱa pi?
4. Omena ratjike Josua tja haṋa ehi raKanaan?
5. Josua wa ṱa nozombura ngapi, nu pa tjitwa tjike kovandu kombunda yanao?
Omapuriro omaweziwa:
1. Lesa Josua 10:6-15.
Okutjiwa kutja Jehova wa tjita kutja eyuva nomueze vi kurame kOvaisrael, matji tu pe ongamburiro yatjike ndino? (Jos. 10:8, 10, 12, 13; Eps. 18:3; Omiano 18:10)
2. Lesa Josua 12:7-24.
Owaṋi mouatjiri ngwa taara ozombara 31 mu Kanaan, nu ongwaye ihi tji tji ri otjinanḓengu kweṱe ndino? (Jos. 12:7; 24:11-13; Deut. 31:8; Luk. 21:9, 25-28)
3. Lesa Josua 14:1-5.
Ehi ra haṋenwe vi mokati komihoko vyaIsrael, nu ihi matji raisa tjike ohunga novirumatwa mOparadisa? (Jos. 14:2; Jes. 65:21; Esek. 47:21-23; 1 Kor. 14:33)
4. Lesa Ovapangure 2:8-13.
Otja Josua mu Israel, oowaṋi mbe tjevera ovandu ndino kutja ave ha isa omerikotameno wouatjiri? (Ovapan. 2:8, 10, 11; Mat. 24:45-47; 2 Tes. 2:3-6; Tit. 1:7-9; Omavan. 1:1; 2:1, 2)
Ehungi 50
1. Ovapangure va ri ovangendu, nu omana watjiva vawo oowaṋi?
2. Debora wa ri notjiungura tjaye tjapeke, notjo aatji kamburire mo ye?
3. Indu Israel tji tja tirisirwe i ombara Jabin nomuhongore we omunene wovita, Sisera, ombuze iṋe okuza ku Jehova Debora ndja yandja komupangure Barak, nu Debora wa tja owaṋi ngu ma munu ohiviro youṱoni?
4. Jael wa raisa vi kutja eye omukazendu ombanḓe?
5. Pa tjitwa tjike kombunda yonḓiro yombara Jabin?
Omapuriro omaweziwa:
1. Lesa Ovapangure 2:14-22.
Ovaisrael ve rietera vi oveni omazenge waJehova, nu ehongwa riṋe ndi matu rihongere ko ku ihi? (Ovapan. 2:20; Omiano 3:1, 2; Esek. 18:21-23)
2. Lesa Ovapangure 4:1-24.
Ovakazendu Ovakriste kundino mave rihongere tjike kotjihorera tjaDebora notjaJael ohunga nongamburiro nouvanḓe? (Ovapan. 4:4, 8, 9, 14, 21, 22; Omiano 31:30; 1 Kor. 16:13)
3. Lesa Ovapangure 5:1-31.
Omambo weimburiro rondoṋeno raBarak na Debora maye yenene okuungurisiwa vi indu tji matu kumbu ohunga novita mbi mavi ya vyaArmagedon? (Ovapan. 5:3, 31; 1 Ekuruh. 16:8-10; Omavan. 7:9, 10; 16:16; 19:19-21)
Ehungi 51
1. Pe ya vi Naomi ma kature mehi raMoab?
2. Rut na Orpa oowaṋi?
3. Rut na Orpa va nyamukura vi indu Naomi tje ve raera kutja ngave yaruke kotjiwana tjawo?
4. Boas owaṋi, neye wa vatera vi ooRut na Naomi?
5. Ena romuatje ngwa kwatwa i ooBoas na Rut otjikwaye nu ongwaye tji matu sokumuzemburuka?
Omapuriro omaweziwa:
1. Lesa Rut 1:1-17.
(a) Rut wa hungira omambo yeṋe omawa yokuraisa orusuvero oruṱakame? (Rut 1:16, 17)
(b) Ongaro yomeripuriro yaRut mai raisa vi nawa ongaro “ozonḓu zarwe” nḓu ve nayo kuna ovatwirisiwa kombanda yehi ndino? (Joh. 10:16; Sak. 8:23)
2. Lesa Rut 2:1-23.
Omomuano uṋe Rut mbwa yandja otjihorera otjiwa kovakazendu omitanda ndino? (Rut 2:17, 18; Omiano 23:22; 31:15)
3. Lesa Rut 3:5-13.
(a) Boas wa ri noumune uṋe ohunga nombango yaRut okukupwa i ye moruveze rokukupwa i omurumendu omutanda?
(b) Otjikaro tjaRut matji tu hongo tjike ohunga norusuvero oruṱakame? (Rut 3:10; 1 Kor. 13:4, 5)
4. Lesa Rut 4:7-17.
Ovarumendu Ovakriste ndino mave yenene vi okukara otja Boas? (Rut 4:9, 10; 1 Tim. 3:1, 12, 13; 5:8)
Ehungi 52
1. Omomuano uṋe nu omena ratjike Ovaisrael tji ve ri moumba ounene?
2. Ongwaye Jehova tja raera Gideon kutja u na ovarumendu ovengi motjimbumba tje tjovita?
3. Ovarwe vengapi mba sewa po indu Gideon tja za nokuhinda ovarumendu ovimumandu okuyaruka konganda?
4. Tara kotjiperendero nu u kahurure omuano Jehova mbwa isako otjivaro tjovarwe vaGideon nga kovarumendu 300 uriri.
5. Gideon wa rongerisa vi ovarwe ve 300, nu Israel tja taara vi ovita?
Omapuriro omaweziwa:
1. Lesa Ovapangure 6:36-40.
(a) Gideon wa kondja vi okutjiwa ohunga nombango yaJehova?
(b) Eṱe ndino matu yenene vi okutjiwa ombango yaJehova? (Omiano 2:3-6; Mat. 7:7-11; 2 Tim. 3:16, 17)
2. Lesa Ovapangure 7:1-25.
(a) Eṱe matu rihongere ko tjike kombangu ndji ri pokati kaimba 300 mba ri katumba naimba mba raisa okuhinakunatja? (Ovapan. 7:3, 6; Rom. 13:11, 12; Ef. 5:15-17)
(b) Otja ovarwe 300 tji ve rihongera pokutarera Gideon, eṱe matu rihongo vi mokutarera Gideon Omunene, Jesus Kristus? (Ovapan. 7:17; Mat. 11:29, 30; 28:19, 20; 1 Petr. 2:21)
(c) Ovapangure 7:21 mari tu vatere vi okukarera ngamwa apehe pu twa pewa otjiungura motjira tjaJehova? (1 Kor. 4:2; 12:14-18; Jak. 4:10)
3. Lesa Ovapangure 8:1-3.
Indu tji matu vanga okuisapo ozondjakaha pokati ketu nomukambure omukwetu, eṱe matu rihongere ko tjike komuano Gideon mbwa ṱuna otjiposa pokati ke nOvaefraim? (Omiano 15:1; Mat. 5:23, 24; Luk. 9:48)
Ehungi 53
1. Jefta owaṋi nu wa hupire moruveze ruṋe?
2. Omakwizikiro yeṋe Jefta nga tjita ku Jehova?
3. Ongwaye Jefta tja ri noruhoze indu tja kotoka konganda okuza nokukatoṋa movita ku nOvaamoni?
4. Omusuko waJefta tja zuva ohunga nomakwizikiro waihe eye wa tja tjike?
5. Ongwaye ovandu tji va suverere omusuko waJefta?
Omapuriro omaweziwa:
1. Lesa Ovapangure 10:6-18.
Erakiza riṋe ndi matu sokuyandja ko ombango okuza kovitjitwa vyaIsrael vyouhaṱakame ku Jehova? (Ovapan. 10:6, 15, 16; Rom. 15:4; Omavan. 2:10)
2. Lesa Ovapangure 11:1-11, 29-40.
(a) Eṱe matu tjiwa vi kutja indu Jefta tja tja ma yandja omukazona we otja “ombunguhiro oningiririsiwa” eye kaa heye kutja me mu punguha momuriro otjombunguhiro yomundu? (Ovapan. 11:31; Lev. 16:24; Deut. 18:10, 12)
(b) Omomuano uṋe Jefta mbwa punguha omuatje we omusuko?
(c) Ete matu rihongere tjike komuano Jefta mbwa tjinda oruyano rwe kuna Jehova? (Ovapan. 11:35, 39; Omuzuv. 5:4, 5; Mat. 16:24)
(d) Omusuko waJefta wa yandja vi otjihorera otjiwa kOvakriste omitanda ohunga nokutwapo ozondando zokukarera Mukuru oruveze aruhe? (Ovapan. 11:36; Mat. 6:33; Fil. 3:8)
Ehungi 54
1. Ena romurumendu omunamasa tjinene ngwa hupire otjikwaye, nu owaṋi ngwe mu pa omasa?
2. Otjikando tjimwe, Simson wa tjita tjike kongeyama onene otja tji mo munu motjiperendero?
3. Otjiundikwa tjiṋe Simson tji ma raere Delila motjiperendero, nu ihi tja tjita vi kutja ma kamburwe i Ovafilisti?
4. Simson wa zepa vi Ovafilisti ovanavita 3 000 meyuva eye nda ṱa?
Omapuriro omaweziwa:
1. Lesa Ovapangure 13:1-14.
Omomuano uṋe Manoak nomukazendu we mu va yandja otjihorera otjiwa kovanene tjokukurisa ovanatje? (Ovapan. 13:8; Eps. 127:3; Ef. 6:4)
2. Lesa Ovapangure 14:5-9 na 15:9-16.
(a) Ovitjitwa vyaSimson vyokuzepa ongeyama, nokupora ozongoze nḓa pandekerwe nazo nokuungurisa eṱupa roruyeo rwokasino okuzepa ovarumendu 1 000 mavi vandurura ye ohunga nomaunguriro wombepo ondjapuke yaJehova?
(b) Ombepo ondjapuke i tu vatera vi ndino? (Ovapan. 14:6; 15:14; Sak. 4:6; Oviung. 4:31)
3. Lesa Ovapangure 16:18-31.
Ehore evi ra ṱuna vi ku Simson, neṱe matu rihongere ko tjike ku ihi? (Ovapan. 16:18, 19; 1 Kor. 15:33)
Ehungi 55
Okazandona okaṱiṱi kaake karere Mukuru
1. Ena rokazandona okaṱiṱi motjiperendero otjikwaye nu imba ovarwe oowaṋi?
2. Ongumbiro iṋe Hana ndja kumbire eyuva rimwe eye tja karyangere kondanda yomahakaeneno yaJehova, nu Jehova we mu zira vi?
3. Samuel wa ri nozombura ngapi indu tja twarewa okukakarera pondanda yaJehova, nu ina ee mu tjitire tjike ombura aihe?
4. Omana wovazandu vaEli ya ri ootjikwaye nowo va ri ovangendu?
5. Jehova wa isana Samuel vi, nu ombuze iṋe ndje mu pa?
6. Indu Samuel tje kurire eye wa karira ye, nu pa tjitwa tjike indu tja kurupire?
Omapuriro omaweziwa:
1. Lesa 1 Samuel 1:1-28.
(a) Otjihorera tjiṋe otjiwa Elkana tja yandja koviuru vyomaṱunḓu mokuhongora momerikotameno wouatjiri? (1 Sam. 1:3, 21; Mat. 6:33; Fil. 1:10)
(b) Ehongwa riṋe ndi matu rihongere kotjihorera tjaHana tjokutjinda omauzeu omakurungise? (1 Sam. 1:10, 11; Eps. 55:22; Rom. 12:12)
2. Lesa 1 Samuel 2:11-36.
Eli wa yozikire vi ovanatje ve kombanda yokuyozika Jehova, nu ihi matji rire vi erakiza kweṱe? (1 Sam. 2:22-24, 27, 29; Deut. 21:18-21; Mat. 10:36, 37)
3. Lesa 1 Samuel 4:16-18.
Ozombuze zeṋe ine zotjiwonga nḓa za kovita, nozo za ṱuna vi ku Eli?
4. Lesa 1 Samuel 8:4-9.
Ovaisrael va pindikisire Jehova vi, neṱe matu yenene okuyandja vi oruvara kOuhona waJehova ndino? (1 Sam. 8:5, 7; Joh. 17:16; Jak. 4:4)
Ehungi 56
1. Motjiperendero, Samuel ma ungura tjike, nu omena ratjike?
2. Omena ratjike Jehova tja suverere Saul, neye wa ri omurumendu ngwa sanene pi?
3. Ena romuzandu waSaul otjikwaye, nu omuzandu we wa tjita tjike?
4. Omena ratjike Saul tja tjita ombunguhiro poruveze rokuundja Samuel?
5. Eṱe matu rihongere ko tjike kehungi raSaul?
Omapuriro omaweziwa:
1. Lesa 1 Samuel 9:15-21 nekondwa 10:17-27.
Ongaro yaSaul yomerisusuparisiro ye mu vatera vi okuhina okutoora omukambo omuvi indu ovarumendu worive tji va hungira ohunga naye mongaro yomanyengu? (1 Sam. 9:21; 10:21, 22, 27; Omiano 17:27)
2. Lesa 1 Samuel 13:5-14.
Saul wa tura ondjo yatjike indu tja ri koGilgal? (1 Sam. 10:8; 13:8, 9, 13)
3. Lesa 1 Samuel 15:1-35.
(a) Ourunde uṋe ounene Saul mbwa tjita ohunga na Agag, ombara yaAmalek? (1 Sam. 15:2, 3, 8, 9, 22)
(b) Saul wa kondjisa vi okuraisa aayo wa ri nepu esemba kovitjitwa vye nu wa kondjisa vi okuyandja ondjo ku varwe? (1 Sam. 15:24)
(c) Erakiza riṋe ndino ndi twa sokuṱakamisa indu tji twa pewa ondunge? (1 Sam. 15:19-21; Eps. 141:5; Omiano 9:8, 9; 11:2)
Ehungi 57
1. Ena romuzandona ngu ri motjiperendero hi owaṋi, nu eṱe matu tjiwa vi kutja eye ependa?
2. David wa turire pi, nu omana waihe na ihe munene ootjikwaye?
3. Omena ratjike Jehova tja raera Samuel kutja a yende konganda yaIsai mu Betlehem?
4. Pa tjitwa tjike indu Isai tja eta ovazandu ve hambombari ku Samuel?
5. Indu David tja ka etwa, Jehova wa tja tjike ku Samuel?
Omapuriro omaweziwa:
1. Lesa 1 Samuel 17:34, 35.
Ovitjitwa mbi mavi zeuparisa vi oupenda waDavid nomeriyamekero we ku Jehova? (1 Sam. 17:37)
2. Lesa 1 Samuel 16:1-14.
(a) Omambo waJehova mu 1 Samuel 16:7 maye tu vatere vi kutja atu ha kara nombangu nokutja atu ha pukisiwa i ombunikiro yomuhapo womundu? (Oviung. 10:34, 35; 1 Tim. 2:4)
(b) Otjihorera tjaSaul matji tu raisire vi kutja indu Jehova tja isa ko ombepo ye ondjapuke komundu, pe ya ai pingenwa i ombepo ombi poo i ozonḓuma zokutjita ouvi? (1 Sam. 16:14; Mat. 12:43-45; Gal. 5:16)
Ehungi 58
1. Goliat wa toka vi ovarwe vovita vaIsrael?
2. Goliat u ṱeki pi, nu Saul wa kwizika okuyandja ondjambi yatjike komurumendu ngu ma zepa Goliat?
3. David wa tja vi ku Saul indu eye tje mu raera kutja eye kamaa yenene okurwisa Goliat mena rokutja eye ngunda omuzandona?
4. David wa raisa vi kutja u nongamburiro mu Jehova, momwano we mbwa zira Goliat?
5. Otja tji mo munu motjiperendero, David wa ungurisa tjike okuzepa Saul nu kwa tjitwa tjike kOvafilisti kombunda yanao?
Omapuriro omaweziwa:
1. Lesa 1 Samuel 17:1-54.
(a) Otjikeṋa tji tja tjita kutja David ma kare nokuhina emuma nu eṱe matu yenene vi okuhorera ouvanḓe we? (1 Sam. 17:37, 45; Ef. 6:10, 11)
(b) Omena ratjike Ovakriste tjive ha sokukara nombepo yombatasaneno tjimuna Goliat indu tji tu ri momahore poo momanyando omakuturise worutu? (1 Sam. 17:8; Gal. 5:26; 1 Tim. 4:8)
(c) Omambo waDavid maye raisa vi kutja eye wa ri nongamburiro kutja Jehova me mu vatere? ( 1 Sam. 17:45-47; 2 Ekuruh. 20:15)
(d) Ehungi ndi mari urike vi kutja ombata ndji kaya ri pokati kovimbumba vivari vyovita porwe nungwari tjiri ya ri ombata pokati koomukuru wovisenginina na Jehova, Mukuru wouatjiri? (1 Sam. 17:43, 46, 47)
(e) Otjihupe tjovatwirisiwa ve kongorera vi otjihorera tjaDavid mokuriyameka ku Jehova? (1 Sam. 17:37; Jer. 1:17-19; Omavan. 12:17)
Ehungi 59
1. Omena ratjike Saul tja ri neruru na David, nu omuzandu waSaul, Jonatan wa pangukire momuano uṋe?
2. Pa tjitwa tjike eyuva rimwe indu David tjaa nyandere Saul otjiharpe?
3. Saul wa tja David nga tjite tjike komurungu wokupewa omusuko we Mikal ma rire omukazendu we, nu omena ratjike Saul tja tja nao?
4. David ngunda ama nyandere Saul otjiharpe, pa tjitwa tjike otjikando otjitjatatu, otja otjiperendero tji matji raisa?
5. Mikal wa vatera vi okuyama omuinyo waDavid, nu David aa sokutjita tjike oure wozombura hambombari?
Omapuriro omaweziwa:
1. Lesa 1 Samuel 18:1-30.
(a) Orusuvero orukarere ndwa ri pokati ka Jonatan na David rwa urika vi korusuvero ndu maru kara pokati “kozonḓu zarwe” ‘nokarupanda okaṱiṱi’? (1 Sam. 18:1; Joh. 10:16; Luk. 12:32; Sak. 8:23)
(b) Tji twa tara kepu ndi rokutja Jonatan kohapo atja rira omurumate wowini waSaul, 1 Samuel 18:4 mari raisa vi omeriwisiro waJonatan wapeke ku ingwi ngwa toororwa otja ombara?
(c) Otjihorera tjaSaul matji raisa vi kutja eruru ri twara kourunde ounene, nu ihi matji tu rakiza tjike? (1 Sam. 18:7-9, 25; Jak. 3:14-16)
2. Lesa 1 Samuel 19:1-17.
Jonatan wa twa vi omuinyo we moumba indu tja hungira na Saul ohunga na David? (1 Sam. 19:1, 6; Omiano 16:14)
Ehungi 60
1. Ena romukazendu ngu ma kahakaena na David motjiperendero otjikwaye, nu eye omundu wotjikaro tji tja sana pi?
2. Nabal eye owaṋi?
3. Omena ratjike David tja hinda ovandu ve tjiva okukaningira ombatero ku Nabal?
4. Nabal wa tja tjike kovandu vaDavid, nu kunao David wa tjita tjike?
5. Abigajil wa raisa vi kutja eye omukazendu onongo?
Omapuriro omaweziwa:
1. Lesa 1 Samuel 22:1-4.
Eṱunḓu raDavid ra raisa vi otjihorera otjiwa kutja tu sokuvaterasana moungu nourumbi wOukriste? (Omiano 17:17; 1 Tes. 5:14)
2. Lesa 1 Samuel 25:1-43.
(a) Omena ratjike Nabal tji ma hungirwa mongaro yokuhi nondengero? (1 Sam. 25:2-5, 10, 14, 21, 25)
(b) Ovakazendu Ovakriste ndino mave rihongere tjike kotjihorera tjaAbigajil? (1 Sam. 25:32, 33; Omiano 31:26; Ef. 5:24)
(c) Abigajil wa tjaera David kutja aha tjiti oviṋa viṋe vivari ovivi? (1 Sam. 25:31, 33; Rom. 12:19; Ef. 4:26)
(d) Otjikaro David tja raisa komambo waAbigajil matji vatere vi ovarumendu ndino okuvara ovakazendu otja Jehova tje ve vara? (Oviung. 21:8, 9; Rom. 2:11; 1 Petr. 3:7)
Ehungi 61
1. David na Abisai va tjita tjike indu Saul tja rarere mondanda ye?
2. David wa pura Saul omapuriro yeṋe?
3. Kombunda yokuisa Saul, David wa ya pi?
4. Otjikeṋa tji tja hihamisa David omutima tjinene, nga tja vaza okutjanga eimburiro ewa?
5. David wa ri nozombura ngapi indu tja zikwa otjombara mu Hebron, nu omana watjiva wovanatje ve ootjikwaye?
6. David kombunda wa kahonaparera pi otjombara?
Omapuriro omaweziwa:
1. Lesa 1 Samuel 26:1-25.
(a) Omambo waDavid nga tjangwa mu 1 Samuel 26:11 maye raisa ongaro iṋe ohunga nomuano waMukuru womananeno? (Eps. 37:7; Rom. 13:2)
(b) Omambo waDavid nga tjangwa mu 1 Samuel 26:23 maye tu vatere vi okukara noumune ouwa indu tji matu kondjo pu twa yenena okuyarisa otjikaro tjorusuvero ku varwe, tjazumbo otjikaro tjetu otjiwa hi atji ha yakurwa nawa? (1 Ozomb. 8:32; Eps. 18:20)
2. Lesa 2 Samuel 1:26.
Ovakriste ndino mave yenene vi “okusuverasana norusuvero orunamasa tjinene” otja indwi David na Jonatan ndu va ri naro? (1 Petr. 4:8; Kol. 3:14; 1 Joh. 4:12)
3. Lesa 2 Samuel 5:1-10.
(a) David wa honapara oure wozombura ngapi otjombara, nu oruveze ndwi rwa haṋwa momwano uṋe? (2 Samuel 5:4, 5)
(b) Owaṋi ngwa tjita David kutja a rire omunamasa, nu eṱe matu rihongere tjike ku ihi? (2 Sam. 5:10; 1 Sam. 16:13; 1 Kor. 1:31; Fil. 4:13)
Ehungi 62
1. Nombatero yaJehova, otjikeṋa tji tja tjitwa kehi raKanaan?
2. Pa tjitwa tjike ongurova imwe David tja ri komututu wondjuwo ye youhona?
3. Omena ratjike Jehova tja pindikira David tjinene?
4. Motjiperendero, Jehova wa hinda aṋi okukaraera David ohunga nourunde we, nu omurumendu ngwi wa tja maku tjitwa tjike ku David?
5. David wa munine oumba wa tjike?
6. Kombunda yaDavid, owaṋi ngwa rira ombara yaIsrael?
Omapuriro omaweziwa:
1. Lesa 2 Samuel 11:1-27.
(a) Okukara moviungura vyaJehova ondjeverero vi kweṱe?
(b) David wa hemenwa vi i ourunde, nu ihi matji yandja erakiza riṋe kovakarere vaJehova ndino? (2 Sam. 11:2; Mat. 5:27-29; 1 Kor. 10:12; Jak. 1:14,15)
2. Lesa 2 Samuel 12:1-18.
(a) Ovanane vombongo novanene mave rihongere tjike komuano Natan mbwa wondjera David okumupa omavyuriro? (2 Sam. 12:1-4; Omiano 12:18; Mat. 13:34)
(b) Omena ratjike Jehova tja ṱotjari na David? (2 Sam. 12:13; Eps. 32:5; 2 Kor. 7:9, 10)
Ehungi 63
1. Otjikeṋa Jehova tja pura Salomo, nu Salomo we mu zira vi?
2. Indu Jehova tja ri nonyuṋe na imbi Salomo mbya ningira, Eye we mu kwizikira okumupa tjike?
3. Ouzeu watjike ounene ovakazendu vevari mbu va eta ku Salomo?
4. Otja tji mo munu motjiperendero, Salomo wa zengurura vi ouzeu mbo?
5. Ouhonapare waSalomo wa sanene pi, nu omena ratjike?
Omapuriro omaweziwa:
1. Lesa 1 Ozombara 3:3-28.
(a) Ovarumenda mbe nomerizirira motjira tjaMukuru ndino mave yenene okurihongera tjike komambo waSalomo omaṱune wokomutima nga tjangwa mu 1 Ozombara 3:7? (Eps. 119:105; Omiano 3:5, 6)
(b) Omomuano uṋe omaningiriro waSalomo mbu ye ri otjihorera otjiwa kweṱe ohunga noviṋa ovisemba mbi matu sokukumbira? (1 Ozomb. 3:9, 11; Omiano 30:8, 9; 1 Joh. 5:14)
(c) Omuano Salomo mbwa zengurura ombata ndja ri pokati kovakazendu vevari mau tu pe ongamburiro yatjike ohunga nouhonapare woruyaveze waSalomo Omunene, Jesus Kristus? (1 Ozomb. 3:28; Jesaja 9:6, 7; 11:2-4)
2. Lesa 1 Ozombara 4:29-34.
(a) Indu Salomo tje mu ningira okutjita oviṋa ovisemba, Jehova we mu zira vi? (1 Ozomb. 4:29)
(b) Matu sokuraisa otjikaro tjiṋe ohunga nomakonḓononeno wEmbo raMukuru, indu tji twa tara kozongondjero nḓa tjitwa i ovandu kutja ve zuve ounongo wa Salomo? (1 Ozomb. 4:29, 34; Joh. 17:3; 2 Tim. 3:16)
Ehungi 64
1. Salomo wa kambura orure ndu ṱa pi okumana okutunga ondembeli yaJehova, nu omena ratjike tji ya kosa ovimariva ovingi nao?
2. Mondembeli mwa ri nomatuwo yengapi omanenenene, nu metuwo romoukoto mwa tuwa tjike?
3. Salomo wa tja tjike mongumbiro ye indu ondembeli tji ya manuka okutungwa?
4. Jehova wa raisa vi kutja wa ri nohange nongumbiro yaSalomo?
5. Ovakazendu vaSalomo va tjita kutja ma tjite tjike, nu Salomo wa tjitwa tjike?
6. Omena ratjike Jehova tja pindikira Salomo, nu Jehova we mu raera tjike?
Omapuriro omaweziwa:
1. Lesa 1 Ekuruhungi 28:9, 10.
Tji twa tara komambo yaDavid nga tjangwa me 1 Ekuruhungi 28:9, 10, otjikeṋa tji matu sokukondjisa okutjita eyuva arihe mehupo retu? (Eps. 19:14; Fil. 4:8, 9)
2. Lesa 2 Ekuruhungi 6:12-21, 32-42.
(a) Salomo wa raisa vi kutja kapena ondjuwo ndja tungwa nomake wovandu ndji mai yenene ku Mukuru wokombandambanda? (2 Ekuruh. 6:18; Oviung. 17:24, 25)
(b) Omambo waSalomo nga tjangwa me 2 Ekuruhungi 6:32, 33, maye raisa tjike ohunga na Jehova? (Oviung. 10:34, 35; Gal. 2:6)
3. Lesa 2 Ekuruhungi 7:1-5.
Otja tjimuna otjiwaṋa tjaIsrael tji tja uta okutanga Jehova indu tji tja za nokumuna ongeṋangeṋeno ye, ihi matji sokutuhinga okutjita tjike indu tji matu ripurire komwano Jehova mbwe sera ondaya otjiwaṋa tje ndino? (2 Ekuruh. 7:3; Eps. 22:22; 34:1; 96:2)
4. Lesa 1 Ozombara 11:9-13.
Ongaro yehupo raSalomo mai tu raisire vi ounanḓengu wokukara ovaṱakame nga komaandero? (1 Ozomb. 11:4, 9; Mat. 10:22; Omavan. 2:10)
Ehungi 65
1. Omana wovarumendu vevari mbu ve ri motjiperendero ootjikwaye, nowo ovangendu?
2. Ahija wa tjita tjike nombanda yokombanda ndja hwikikire, nu otjitjitwa tjo aatji heye tjike?
3. Salomo wa kondjisa okutjita tjike ku Jerobeam?
4. Omena ratjike otjiwaṋa tji tja tjita kutja Jerobeam ma rire ombara yomihoko omurongo?
5. Omena ratjike Jerobeam tja ungura ozondana mbari zongoldo, nu tjimanga kombunda yanao kwa tjitwa tjike kehi?
6. Kwa tjitwa tjike kouhona womihoko vivari na wina kondembeli yaJehova mu Jerusalem?
Omapuriro omaweziwa:
1. Lesa 1 Ozombara 11:26-43.
Jerobeam omundu ngwa sanene pi, nu Jehova we mu kwizikira tjike indu eye tja ṱakamisa omatwako waMukuru? (1 Ozomb. 11:28, 38)
2. Lesa 1 Ozombara 12:1-33.
(a) Ovanene novanane vombongo mave rihongere tjike kotjihorera otjivi tjaRehabeam tjomaungurisiro omavi wousemba? (1 Ozomb. 12:13; Omuzuv. 7:7; 1 Petr. 5:2, 3)
(b) Omitanda ndino vya sokupaha pi omirari omiṱakame indu tji mave vanga okutoora omikambo ominanḓengu ohunga nehupo rawo? (1 Ozomb. 12:6, 7; Omiano 1:8, 9; 2 Tim. 3:16, 17; Hebr. 13:7)
(c) Otjikeṋa tji tja hinga Jerobeam kutja ma twapo otuveze tuvari twomerikotameno wokozondana, nu ihi matji raisa vi okuhena ongamburiro mu Jehova? (1 Ozomb. 11:37; 12:26-28)
(d) Owaṋi ngwa tjita kutja otjiwaṋa tjouhona womihoko omurongo tji pirukire omerikotameno uatjiri? (1 Ozomb. 12:32, 33)
Ehungi 66
Isebel—ombara oserekaze omurunde
1. Isebel eye wa ri aṋi?
2. Omena ratjike ombara Ahab tja ri a yumana eyuva rimwe?
3. Isebel wa tjita tjike kokutja ma kamburire omurumendu we, Ahab, otjikunino tjaNabot tjomivite?
4. Jehova wa hinda uṋe okuvera Isebel?
5. Otja tji mo munu motjiperendero, pa tjitwa tjike indu Jehu tja vaza pondjuwo yaIsebel youhona?
Omapuriro omaweziwa:
1. Lesa 1 Ozombara 16:29-33 nekondwa 18:3, 4.
Ongaro mu Israel ya ri ombi pupe ṱa pi moruveze rouhonapare wombara Ahab? (1 Ozomb. 14:9)
2. Lesa 1 Ozombara 21:1-16.
(a) Nabot wa raisa vi oupenda nouṱakame mu Jehova? (1 Ozomb. 21:1-3; Lev. 25:23-28)
(b) Okuza kotjihorera tjaAhab, matu rihongere ko tjike ohunga nokutjinda omuhihamwatima? (1 Ozomb. 21:4; Rom. 5:3-5)
3. Lesa 2 Ozombara 9:30-37.
Matu rihongere tjike koupandi Jehu mbwa ri nawo mokutjita ombango yaJehova? (2 Ozomb. 9:4-10; 2 Kor. 9:1, 2; 2 Tim. 4:2)
Ehungi 67
1. Josafat wa ri omungendu, nu aa hupu moruveze ruṋe?
2. Omena ratjike Ovaisrael tji va mumaparere, nu otjingi tjawo va tjita tjike?
3. Eziriro riṋe Jehova nda yandja kongumbiro yaJosafat?
4. Jehova wa tjita kutja pe tjitwe tjike komurungu wotjirwa?
5. Eṱe matu rihongere tjike ku Josafat?
Omapuriro omaweziwa:
1. Lesa 2 Ekuruhungi 20:1-30.
(a) Josafat wa raisa vi imbi ovakarere vaMukuru ovaṱakame mbi mave sokutjita indu tji va kuramenwa i ozongaro ozondirise? (2 Ekuruh. 20:12; Eps. 25:15; 62:1)
(b) Jehova aruhe aa ungurisa omurari wokuhungira novandu ve, nu omurari uṋe eye mbwe ungurisa ndino? (2 Ekuruh. 20:14, 15; Mat. 24:45-47; Joh. 15:15)
(c) Indu Jehova tji ma eta ‘ovita vyeyuva enene raMukuru Omunamasaaehe,’ ongaro yetu mai sana vi kuna indji oyaJosafat? (2 Ekuruh. 20:15, 17; 32:8; Omavan. 16:14, 16)
(d) Mokuhorera Ovalevi, ozopionira novahindwa, ndino ve ryamisa vi oviungura vyokuzuvarisa mouye auhe? (2 Ekuruh. 20:19, 21; Rom. 10:13-15; 2 Tim. 4:2)
Ehungi 68
Ouzandona uvari mbwa kara nomuinyo rukwao
1. Ovandu vetatu mbe ri motjiperendero oowaṋi, nu otjikwaye tji tja tjitwa kokazandu ngo?
2. Elia wa kumba kutja tjike ohunga nokazandu, nu okuzambo otjikeṋa tji tja tjitwa?
3. Ena romuvatere waElisa otjikwaye?
4. Omena ratjike Elisa tja isanewa kondjuwo yomukazendu umwe mu Sunem?
5. Elisa wa tjita tjike, nu okanatje ku ka ri aka koka ka tjita vi?
6. Jehova u nomasa wokutjita tjike otja tji pa raisiwa ku Elia na Elisa?
Omapuriro omaweziwa:
1. Lesa 1 Ozombara 17:8-24.
(a) Onḓuviro nongamburiro yaElia ya rorwa vi? (1 Ozomb. 17:9; 19:1-4, 10)
(b) Omena ratjike ongamburiro yomuhepundu waSerapta tji i ri oyapeke? (1 Ozomb. 17:12-16; Luk. 4:25, 26)
(c) Ehungi romuhepundu wa Serapta mari raisa vi ouatjiri womambo waJesus nga tjangwa mu Mateus 10:41, 42? (1 Ozomb. 17:10-12, 17, 23, 24)
2. Lesa 2 Ozombara 4:8-37.
(a) Omukazendu waSunem me tu hongo tjike ohunga nomasekirisiro wovayenda? (2 Ozomb. 4:8; Luk. 6:38; Rom. 12:13; 1 Joh. 3:17)
(b) Omomiano viṋe mu matu yenene okutjitira ovakarere vaMukuru oviṋa oviwa ndino? (Oviung. 20:35; 28:1, 2; Gal. 6:9, 10; Hebr. 6:10)
Ehungi 69
Okakazona make vatere omurumendu omunene nomunanḓengu
1. Motjiperendero, okakazona make raere tjike komukazendu ngo?
2. Omukazendu ngu ri motjiperendero owaṋi, nu okakazona make ungura tjike mondjuwo yomukazendu ngo?
3. Otjikeṋa Elisa tja raera omukarere we ma raere Naaman, nu omena ratjike Naaman tja pindika?
4. Pa tjitwa tjike indu Naaman tja puratena kovakarere ve?
5. Omena ratjike Elisa tja panḓa okukambura otjiyandjewa tjaNaaman, nungwari Gehasi wa tjita tjike?
6. Gehasi wa tjitwa tjike, nu eṱe matu rihongere ko tjike kotjiṋa hi?
Omapuriro omaweziwa:
1. Lesa 2 Ozombara 5:1-27.
(a) Otjihorera tjokakazona kaIsrael matji tunduza vi omitanda ndino? (2 Ozomb. 5:3; Eps. 8:2; 148:12, 13)
(b) Omena ratjike tje ri nawa kweṱe okuzemburuka otjihorera tjaNaaman indu tjitwa pewa omavyuriro okuza mOmatjangwa? (2 Ozomb. 5:15; Hebr. 12:5, 6; Jak. 4:6)
(c) Oviṋa viṋe mbi matu yenene okurihonga indu tji twa sasaneke otjihorera tjaElisa kuna ihi otjaGehasi? (2 Ozomb. 5:9, 10, 14-16, 20; Mat. 10:8; Oviung. 5:1-5; 2 Kor. 2:17)
Ehungi 70
1. Jona wa ri omungendu, nu Jehova we mu raera kutja nga tjite tjike?
2. Mena rokutja Jona kaa vanga okuyenda Jehova ke mu hinda, eye wa tjita tjike?
3. Jona wa tja ovaungure womoskepi ngave tjite vi kutja otjivepo tji we pehi?
4. Otja tji mo munu motjiperendero, pa tjitwa tjike indu Jona tja ṱomwina momeva?
5. Jona wa ri orure ndu ṱa pi mezumo rehundju enene, neye wa tjita tjike ngunda e ri mo?
6. Indu Jona tja pita mehundju enene wa ya pi, nu ihi matji tu hongo tjike?
Omapuriro omaweziwa:
1. Lesa Jona 1:1-17.
Otja tji pa raisiwa, Jona wa ri noumune uṋe ohunga notjiungura tje tjokuzuvarisira Ovaninive? (Jona 1:2, 3; Omiano 3:7; Omuzuv. 8:12)
2. Lesa Jona 2:1, 2, 10.
Indu tji matu tara ku imbi mbya tjitwa ku Jona, mavi tu pe vi ouatjiri kutja Jehova u zuvira ozongumbiro zetu? (Eps. 22:24; 34:6; 1 Joh. 5:14)
3. Lesa Jona 3:1-10.
(a) Matu yanḓiparisiwa vi i omuano Jehova mbwa kayenda komurungu okuungurisa Jona nandarire kutja eye rutenga wa panḓa okuungura otjiungura tje? (Eps. 103:14; 1 Petr. 5:10)
(b) Omuano Ovaninive mbu va toora omikambo tji va zuva ombuze yaJona, mau tu hongo vi kutja ngaatu ripura komurungu woruveze kutja ovandu momaturiro wetu kave nokupuratena kweṱe ngunda atu hiye ve zuvarisira? (Jona 3:6-9; Omuzuv. 11:6; Oviung. 13:48)
Ehungi 71
1. Jesaja wa ri omungendu, eye wa hupire oruveze ruṋe, nu Jehova we mu urikira tjike?
2. Embo ndi “paradisa” ri heya tjike, nu ihi matji ku zemburukisa na tjike?
3. Jehova wa raera Jesaja kutja nga tjange tjike ohunga nOparadisa ombe?
4. Omena ratjike Adam na Eva tji va pandjara omaturiro wawo omawa?
5. Jehova wa kwizika tjike ku imba mbe mu suvera?
Omapuriro omaweziwa:
1. Lesa Jesaja 11:6-9.
(a) Embo raMukuru mari raisa vi ohange ndji mai kakara pokati kovandu novipuka mouye oupe? (Eps. 148:10, 13; Jes. 65:25; Esek. 34:25)
(b) Omayenenisiro yeṋe yopombepo yomambo waJesaja nge tjitwa ndino mokati kovandu vaJehova? (Rom. 12:2; Ef. 4:23, 24)
(c) Owaṋi ngwa pwira ohiviriko komarundurukiro yongaro yovandu moruveze rwanambano na mouye oupe? (Jes. 48:17, 18; Gal. 5:22, 23; Fil. 4:7)
2. Lesa Omavandururiro 21:3, 4.
(a) Omatjangwa maye raisa vi kutja okukara po kwaMukuru punovandu kombanda yehi maku heye okukara po mohamunika, nu kaye nakuheya okukara po kwe omuini mongaro youndu? (Lev. 26:11, 12; 2 Ekuruh. 6:18; Jes. 66:1; Omavan. 21:2, 3, 22-24)
(b) Omahoze waye nomihihamo mbi mavi ka isapewa? (Luk. 8:49-52; Rom. 8:21, 22; Omavan. 21:4)
Ehungi 72
Mukuru ma vatere ombara Hiskija
1. Omurumendu ngu ri motjiperendero owaṋi, nu omena ratjike eye tje ri moumba ounene nao?
2. Otutuu twatjike Hiskija twa twa komurungu waMukuru, nu Hiskija aa ningire tjike mongumbiro ye?
3. Hiskija wa ri ombara ndja ri vi, nu ombuze yatjike Jehova ndje mu hindira mokupitira momuprofete Jesaja?
4. Otja tji pa raisiwa motjiperendero, omuengeli waJehova wa tjita tjike kOvaasur?
5. Nandarire kutja ouhona womihoko vivari wa ri nohange okaruveze okasupi, pa tjitwa tjike kombunda yonḓiro yaHiskija?
Omapuriro omaweziwa:
1. Lesa 2 Ozombara 18:1-36.
(a) Omuhungirirepo waAsur Rabsake wa kondjisa vi okungundiparisa ongamburiro yOvaisrael? (2 Ozomb. 18:19, 21; Eks. 5:2; Eps. 64:3)
(b) Ovahongonone vaJehova ve kongorera vi otjihorera tjaHiskija indu tji va hakaene novevepirukire? (2 Ozomb. 18:36; Eps. 39:1; Omiano 26:4; 2 Tim. 2:24)
2. Lesa 2 Ozombara 19:1-37.
(a) Ovandu vaJehova ndino ve kongorera vi Hiskija indu tji ve ri motuveze twombameno? (2 Ozomb. 19:1, 2; Omiano 3:5, 6; Hebr. 10:24, 25; Jak. 5:14, 15)
(b) Ombara Sanherib ya taarwa vi povikando vitatu, nu omataarero ngo ya sasaneka uṋe momaprofetero? (2 Ozomb. 19:32, 35, 37; Omavan. 20:2, 3)
3. Lesa 2 Ozombara 21:1-6, 16.
Omena ratjike tji matu yenene okutja Manasse ongwa ri umwe wozombara ozombi tjinenenene kombanda yozombara azehe mu Jerusalem? (2 Ekuruh. 33:4-6, 9)
Ehungi 73
Ombara yaIsrael osenina nu ombwa
1. Josija wa ri nozombura ngapi tja rira ombara, neye wa uta okutjita tjike kombunda yozombura hambombari zouhonapare we?
2. Otja tji mo munu motjiperendero otjitenga Josija ma ungura tjike?
3. Otjikeṋa omupristeri omunene tja muna indu ovarumendu tjaave ṱunu ondembeli?
4. Omena ratjike Josija tja nyondorora ozombanda ze?
5. Ombuze iṋe okuza ku Jehova omukazendu omuprofete Hulda ndja yandja ku Josija?
Omapuriro omaweziwa:
1. Lesa 2 Ekuruhungi 34:1-28.
(a) Otjihorera tjiṋe Josija tja yandja ku imba ngahino mba munine otuveze otuzeu mouṱiṱi wawo? (2 Ekuruh. 33:21-25; 34:1, 2; Eps. 27:10)
(b) Omikambo viṋe ominanḓengu Josija mbya toora mokuryamisa omerikotameno wouatjiri komurungu mombura oitja-8, oitja-12, noitja-18 zouhonapare we? (2 Ekuruh. 34:3, 8)
(c) Otjihorera tjombara Josija notjomupristeri omunene Hilkija mavi tu hongo tjike ohunga nokuṱiza otuveze twetu twomerikotameno mongaro ombwa? (2 Ekuruh. 34:9-13; Omiano 11:14; 1 Kor. 10:31)
Ehungi 74
1. Omurumendu omutanda ngu ri motjiperendero owaṋi?
2. Jeremia aa munu ko vi indu tja pewa otjiungura tjokurira omuprofete, nungwari Jehova we mu raera tjike?
3. Ombuze iṋe Jeremia ndjaa raere kovandu?
4. Ovapristeri va kondjisa vi okutjaera Jeremia, nungwari eye wa raisa vi kutja ka ri nemuma?
5. Pa tjitwa tjike indu Ovaisrael tji ve hina va rundurura ozongaro zawo ozombi?
Omapuriro omaweziwa:
1. Lesa Jeremia 1:1-8.
(a) Otja otjihorera tjaJeremia tji matji raisa, otjikwaye tji tji yandja omasorero komundu okuungura otjiungura tjaJehova? (2 Kor. 3:5, 6)
(b) Otjihorera tjaJeremia matji zeuparisa vi omitanda vyOvakriste ndino? (Omuzuv. 12:1; 1 Tim. 4:12)
2. Lesa Jeremia 10:1-5.
Jeremia wa ungurisa otjisanekero tjaye otjinamasa okuraisa kutja okuriyameka movisenginina omungandjo? (Jer. 10:5; Jes. 46:7; Hab. 2:19)
3. Lesa Jeremia 26:1-16.
(a) Indu otjihupe tjovatwirisiwa tji mave twara ombuze yomarakiziro ndino, omomuano uṋe mbu ve yandja ombakatwi kerakiza raJehova ku Jeremia ndi mari tja ‘o isa embo nangarire rimwe’? (Jer. 26:2; Deut. 4:2; Oviung. 20:27)
(b) Otjihorera tjiṋe otjiwa Jeremia tja yandja kOvahongonone vaJehova indu tji mave twara omarakiza koviwaṋa ndino? (Jer. 26:8, 12, 14, 15; 2 Tim. 4:1-5)
4. Lesa 2 Ozombara 24:1-17.
Ovikongorereko viṋe ovivi mbye ya ku Juda mena rokuhi nouṱakame kwatjo? (2 Ozomb. 24:2-4, 14)
Ehungi 75
1. Ovazandu vane mbe ri motjiperendero hi oowaṋi, nu omena ratjike owo tji ve ri mu Babilon?
2. Nebukadnesar wa ri nondando yatjike kovazandu vane mba, nu omarakiza yeṋe nga yandja kovakarere ve?
3. Omaningiriro yeṋe Daniel nga tjita ohunga novikurya ku ye nomapanga we yetatu?
4. Kombunda yaindu Daniel nomapanga we yetatu tji va rya ovikunwa oure womayuva omurongo, pa ri nombangu yatjike pokati kawo novarumendu varwe omitanda?
5. Daniel nomapanga we yetatu pe ya vi ve kakare mondjuwo yombara, nu omomuano uṋe owo mu va ri ovasemba kombanda yovapristeri nozombuke?
Omapuriro omaweziwa:
1. Lesa Daniel 1:1-21.
(a) Ozongondjero zeṋe nḓu matu hepa indu tji matu vanga okupirukira omarorero nomaungundi wonyama? (Dan. 1:8; Gen. 39:7, 10; Gal. 6:9)
(b) Omomuano uṋe omitanda ndino porumwe pu mape ya ave rorerwa poo okuṋiṋikizirwa movitjitwa mbi vi varwa kutja oviwa i ovandu tjiva? (Dan. 1:8; Omiano 20:1; 2 Kor. 6:17–7:1)
(c) Ehungi rOmbeibela ohunga nomitanda vine vyOvaheberi mari tu vatere okukara noumune uṋe ohunga nomahongero wouye? (Dan. 1:20; Jes. 54:13; 1 Kor. 3:18-20)
Ehungi 76
1. Ovikwaye mbi mavi tjitwa ku Jerusalem na kOvaisrael otja tji pa raisiwa motjiperendero?
2. Esekiel wa ri omungendu, nu ovikwaye ovihimise Jehova mbye mu raisira?
3. Mena rokutja Ovaisrael kava ri nondengero ku Jehova, eye wa kwizika tjike?
4. Ombara Nebukadnesar ya tjita tjike kombunda yaindu Ovaisrael tji ve mu sekamena?
5. Omena ratjike Jehova tja yandjera omayandekero omahimise nga ye tjitwe kOvaisrael?
6. Ehi raIsrael ra sewa vi nokuhi novandu, nu orure ndu ṱa pi?
Omapuriro omaweziwa:
1. Lesa 2 Ozombara 25:1-26.
(a) Sidkija wa ri omungendu, pa tjitwa tjike ku ye, nu ihi tja yenenisa vi omaprofetero wOmbeibela? (2 Ozomb. 25:5-7; Esek. 12:13-15)
(b) Jehova wa yandja ondjo ku uṋe mena rouhaṱakame wOvaisrael? (2 Ozomb. 25:9, 11, 12, 18, 19; 2 Ekuruh. 36:14, 17)
2. Lesa Esekiel 8:1-18.
Imba mbe ritja Ovakriste ndino ve horera vi otjihorera tjOvaisrael mba pokere ku Mukuru nu mbaave rikotamene keyuva? (Esek. 8:16; Jes. 5:20, 21; Joh. 3:19-21; 2 Tim. 4:3)
Ehungi 77
Owo va panḓa okurikotamena kotjiserekarera
1. Ombara yaBabilon Nebukadnesar wa yandja omarakiza yeṋe kovandu?
2. Omena ratjike omapanga waDaniel yetatu tji ya panḓa okurikotamena kotjiserekarera tjotjingoldo?
3. Indu Nebukadnesar tja yandja oruveze rwarwe kOvaheberi vetatu okurikotamena kotjiserekarera, owo va raisa vi kutja ve nongamburiro mu Jehova?
4. Nebukadnesar wa raera kovarumendu ve kutja ngave tjite vi ku Sadrak, Mesak na Abed-Nego?
5. Nebukadnesar wa muna tjike indu tja tara mezuko?
6. Omena ratjike ombara tji ya hivirika Mukuru wooSadrak, Mesak na Abed-Nego, nu owo mave tu pe otjihorera tjaye?
Omapuriro omaweziwa:
1. Lesa Daniel 3:1-30.
(a) Otjikaro tjiṋe tji tja raisiwa i omitanda vyOvaheberi, ovakarere vaMukuru tji mave sokuhorera indu ongamburiro yawo tji mai rorwa? (Dan. 3:17, 18; Mat. 10:28; Rom. 14:7, 8)
(b) Otjikwaye otjinanḓengu Jehova Mukuru tja honga Nebukadnesar? (Dan. 3:28, 29; 4:34, 35)
Ehungi 78
Omatjangero weke kekuma rondjuwo
1. Pa tjitwa tjike indu ombara yaBabilon tji ya ri nomukandi omunene nave ungurisa ovinwino noviyaha mbya toorerwe mondembeli yaJehova muJerusalem?
2. Belsasar wa tja tjike kovarumendu ovayandjandunge ve, nungwari ovikwaye mbye ve urire okutjita?
3. Ina yombara we mu raera kutja nga tjite vi?
4. Otja Daniel pa raera kombara, omena ratjike Jehova tja hinda eke ri tjange kekuma rondjuwo?
5. Daniel wa kahurura vi omaheyero womambo kekuma rondjuwo?
6. Pa tjitwa tjike ngunda Daniel ama hungire?
Omapuriro omaweziwa:
1. Lesa Daniel 5:1-31.
(a) Sasaneka ondira kuMukuru ku nomburuma Belsasar ndja ri nayo indu tja munine omatjangero wekekuma rondjuwo? (Dan. 5:6, 7; Eps. 19:9; Rom. 8:35-39)
(b) Daniel wa raisa vi ouvanḓe indu tjaa hungire na Belsasar novarumendu ve ovatengwa? (Dan. 5:17, 18, 22, 26-28; Oviung. 4:29)
(c) Daniel ekondwa 5 mari ṋunisa vi ousemba waJehova womananeno waavihe? (Dan. 4:17, 25; 5:21)
Ehungi 79
1. Darius wa ri omungendu, neye wa ri noumune uṋe ohunga na Daniel?
2. Ovarumendu tjiva mba ri neruru na Daniel va tjita kutja Darius ma tjite tjike?
3. Daniel wa tjita tjike indu tja zuva ohunga netwako epe?
4. Omena ratjike Darius tja kurungisirwe tjinene nao nga tje hina aa sora okurara, neye wa tjita tjike menyunguhuka?
5. Daniel wa zira Darius vi?
6. Ovarumendu ovarunde mba kondjisa okuzepa Daniel va tjitwa tjike, nu Darius wa tjanga orutuu ndu maru tja vi kovandu avehe vouhona we?
Omapuriro omaweziwa:
1. Lesa Daniel 6:1-28.
(a) Ozongondjero zokupirukira Daniel maze tu zemburukisa vi ohunga na imbi ovapirukire vOvahongonone vaJehova moruveze rwanambano mbi va tjita mokukondjisa okuyandisa oviungura vyawo? (Dan. 6:7; Eps. 94:20; Jes. 10:1; Rom. 8:31)
(b) Ovakarere vaMukuru ndino mave yenene vi okuhorera ku Daniel mokukara overiwise vokehi “youhonapare”? (Dan. 6:5, 10; Rom. 13:1; Oviung. 5:29)
(c) Matu yenene vi okuhorera otjihorera tjaDaniel tjokukarera Jehova “nouṱakame”? (Dan. 6:16, 20; Fil. 3:16; Omavan. 7:15)
Ehungi 80
Otjiwaṋa tjaMukuru matji piti mu Babilon
1. Otja tji pa raisiwa motjiperendero, Ovaisrael mave ungura tjike?
2. Kirus wa yenenisa vi imbi Jehova mbya hunganeka mokupitira momuprofete Jesaja?
3. Kirus wa raera tjike kOvaisrael imba mbaave ha yenene okuyaruka ku Jerusalem?
4. Kirus wa yandja tjike kovandu okutwaerera ku Jerusalem?
5. Ovaisrael va kambura orure ndu teki pi okukavaza ku Jerusalem?
6. Ozombura ngapi nḓa kapita kombunda yaindu ehi tji ra isirwe nokuhinovandu kaparukaze?
Omapuriro omaweziwa:
1. Lesa Jesaja 44:28 nekondwa 45:1-4.
(a) Jehova wa tjita vi ongahukiro yomayenenisiro yomahunganekero ohunga na Kirus? (Jes. 55:10, 11; Rom. 4:17)
(b) Omahunganekero waJesaja ohunga na Kirus maye raisa tjike ohunga nokutja Jehova Mukuru u yenena okutjivisa imbi mbi mavi katjitwa moruyaveze? (Jes. 42:9; 45:21; 46:10, 11; 2 Petr. 1:20)
2. Lesa Esra 1:1-11.
Mokuhorera kotjihorera tjaimba mbe hina aave yenene okuyaruka ku Jerusalem, eṱe ndino matu yenene vi ‘okuvatera’ imba mbu mave yenene okukarera Jehova noruveze rwawo aruhe? (Esra 1:4, 6; Rom. 12:13; Kol. 4:12)
Ehungi 81
Omeriyamekero kombatero yaMukuru
1. Ovandu vengapi mba toora ouyenda oure okuza ku Babilon okuyenda ku Jerusalem, nungwari owo va kamuna tjike indu tji va kavaza?
2. Ovaisrael tji va vaza va uta okutunga tjike, nu ovanavita nawo va tjita tjike?
3. Hagai na Sakarja va ri ovangendu, nowo va raera tjike kovandu?
4. Omena ratjike Tatenai tja tuma orutuu ku Babilon, neye wa pewa eziriro riṋe?
5. Indu Esra tja zuva ohunga nounahepero wokuṱuna ondembeli, eye wa tjita vi?
6. Otja tji matu munu motjiperendero mba, Esra ma kumbire tjike nu ongumbiro ndjo ya zirwa vi, nu ihi matji tu hongo tjike?
Omapuriro omaweziwa:
1. Lesa Esra 3:1-13.
Indu tji twa i kotuveze ku ku hina ombongo yovandu vaMukuru, matu sokukayenda komurungu okutjita tjike? (Esra 3:3, 6; Oviung. 17:16, 17; Hebr. 13:15)
2. Lesa Esra 4:1-7.
Otjihorera tjiṋe Serubabel tja twa po kovandu vaJehova ohunga nokurikuta kuna ozongamburiro zarwe? (Eks. 34:12; 1 Kor. 15:33; 2 Kor. 6:14-17)
3. Lesa Esra 5:1-5, 17 nekondwa 6:1-22.
(a) Omena ratjike ovapirukire tji ve hina va toṋa okuyandisa oviungura vyokutunga ondembeli? (Esra 5:5; Jes. 54:17)
(b) Omikambo mbya toorwa i ovarumendu ovanene vOvajuda mavi tunduza vi ovanene vombongo okupaha ombatero yaJehova indu tji mave munu omapirukiro? (Esra 6:14; Eps. 32:8; Rom. 8:31; Jak. 1:5)
4. Lesa Esra 8:21-23, 28-36.
Otjihorera tjiṋe tjaEsra tji matji rire otjiṋa otjiwa kweṱe okuhorera indu eṱe tji matu ripurire kokutoora omukambo ohunga notjiṋa kangamwa atjihe? (Esra 8:23; Eps. 127:1; Omiano 10:22; Jak. 4:13-15)
Ehungi 82
1. Mordekai na Ester oowaṋi?
2. Omena ratjike ombara Ahasveros (Kerkes) tjaai vanga omukazendu omupe, nu oyo ya toorora uṋe?
3. Haman wa ri omungendu, nu otjikwaye tji tje mu pindikisa?
4. Etwako riṋe nda zikamisiwa, nu Ester wa tjita tjike tja za nokumuna ombuze okuza ku Mordekai?
5. Haman wa tjitwa tjike, nu Mordekai wa tjitwa vi?
6. Ovaisrael va yamwa vi kovanavita nawo?
Omapuriro omaweziwa:
1. Lesa Ester 2:12-18.
Ester wa raisa vi ounanḓengu wokukara “nombepo ondarazu ndja pora”? (Ester 2:15; 1 Petr. 3:1-5)
2. Lesa Ester 4:1-17.
Otja Ester tja pewa oruveze rokukuramena po ongamburiro youatjiri, oruveze ruṋe ndino eṱe ndu twa pewa okuraisa omeriyandjero nouṱakame wetu ku Jehova? (Ester 4:13,14; Mat. 5:14-16; 24:14)
3. Lesa Ester 7:1-6.
Otjingi tjovandu vaJehova ndino va twa vi omiinyo vyawo moumba mena rokukongorerwa, otja Ester tja tjita? (Ester 7:4; Mat. 10:16-22; 1 Petr. 2:12)
Ehungi 83
1. Ovaisrael aave munu ko vi okuhina omakuma ongondoroka yotjihuro tjawo Jerusalem?
2. Nehemia wa ri omungendu?
3. Nehemia wa ri noviungura vya ye, nu omena ratjike tji vya ri oviungura ovinanḓengu?
4. Ombuze iṋe ndja kurungisa Nehemia, neye wa tjita tjike?
5. Otjikwaye otjiwa ombara Artakerkes tji ya tjitira Nehemia?
6. Nehemia wa ṱuna vi oviungura vyokutunga kutja ovanavita vOvaisrael ave he ve tjaere okutunga?
Omapuriro omaweziwa:
1. Lesa Nehemia 1:4-6 nekondwa 2:1-20.
Nehemia wa paha vi omuhunga waJehova? (Neh. 2:4, 5; Rom. 12:12; 1 Petr. 4:7)
2. Lesa Nehemia 3:3-5.
Ovarumendu ovanene vombongo mave yenene okurihongera tjike kombangu ndji ri pokati kovarumendu vaTekoa “novarumendu ovatjiukwa”? (Neh. 3:5, 27; 2 Tes. 3:7-10; 1 Petr. 5:5)
3. Lesa Nehemia 4:1-23.
(a) Otjikwaye tji tja yanḓiparisa Ovaisrael kutja ve kayende komurungu nokutunga nandarire kutja pa ri nomapirukiro omazeu? (Neh. 4:6, 8, 9; Eps. 50:15; Jes. 65:13, 14)
(b) Otjihorera tjOvaisrael matji tu panḓiparisa momuano uṋe ndino?
4. Lesa Nehemia 6:15.
Epu ndi rokutja omakuma waJerusalem ya manuka okutungwa momieze vivari matji raisa tjike ohunga nomasa wongamburiro? (Eps. 56:3, 4; Mat. 17:20; 19:26)
Ehungi 84
1. Omukazendu ngu ri motjiperendero tji owaṋi?
2. Otjikwaye Gabriel tja raera ku Maria?
3. Gabriel wa kahururira Maria vi kutja eye ma panduka omuatje nandarire kutja kena indu pa hakaenene nomurumendu?
4. Pa tjitwa tjike indu Maria tja karyangera omuzamumwe we Elisabet?
5. Josef we ripura tjike indu tja zuva kutja Maria otjingundi, nungwari omena ratjike eye tja rundurura omeripura we?
Omapuriro omaweziwa:
1. Lesa Lukas 1:26-56.
(a) Lukas 1:35 mari raisa vi kutja ouhahomonena kangamwa waAdam kau ṱunine kezumo raMaria indu omuinyo wOmuna waMukuru tji wa tanaurirwa mu ye okuza komaturiro wozombepo? (Hag. 2:11-13; Joh. 6:69; Hebr. 7:26; 10:5)
(b) Jesus wa muna vi ondjozikiro nandarire komurungu wongwatero ye? (Luk. 1:41-43)
(c) Otjihorera tjiṋe otjiwa Maria tja raisa kOvakriste ndino mba muna omaingonaparero moviungura vyokukarera Mukuru? (Luk. 1:38, 46-49; 17:10; Omiano 11:2)
2. Lesa Mateus 1:18-25.
Nandarire kutja Jesus kaa isanewa ena ndi Imanuel, ongaro ye otjomundu ya yenenisa vi omaheero wena ndo? (Mat. 1:22, 23; Joh. 14:8-10; Hebr. 1:1-3)
Ehungi 85
1. Okanatje okaṱiṱi ku ke ri motjiperendero otjikwaye, nu Maria me ke rareke mu ye?
2. Omena ratjike Jesus tja pandukirwa motjunda pu novinamuinyo?
3. Motjiperendero, ovarumendu mbu mave yekuhita motjunda oowaṋi, nu omuengeli wa zu nokuveraera tjike?
4. Omena ratjike Jesus tje ri omundu wapeke?
5. Omena ratjike Jesus tji ma yenene okuisanewa Omuna waMukuru?
Omapuriro omaweziwa:
1. Lesa Lukas 2:1-20.
(a) Omukesare Augustus wa ri norupa ruṋe momayenenenisiro womahunganekero ohunga nongwatero yaJesus? (Luk. 2:1-4; Mika 5:2)
(b) Omundu mape ya a varerwa vi mokati kaimba mbu kuza ‘ovandu ovananyuṋe’? (Luk. 2:14; Mat. 16:24; Joh. 17:3; Oviung. 3:19; Hebr. 11:6)
(c) Ndoovazu ovarise vaJudea overisusuparise va ri nonyuṋe mena rongwatero yOmukuture, epu riṋe enene rondjoroka ovakarere vaMukuru ndu ve naro ndino? (Luk. 2:10, 11; Ef. 3:8, 9; Omavan. 11:15; 14:6)
Ehungi 86
1. Ovarumendu mbe ri motjiperendero oowaṋi, nu omena ratjike umwe wawo tji ma urike konyose ondjere?
2. Omena ratjike ombara Herodes tja pindika, neye wa tjita tjike?
3. Onyose ondjere ya hongerera ovarumendu mba ngandu pi, nu omena ratjike owo tji va yaruka kehi rawo nondjira yarwe?
4. Erakiza riṋe Herodes nda yandja, nomena ratjike?
5. Jehova wa raera Josef kutja nga tjite tjike?
6. Owaṋi ngwa tjita kutja onyose ombe i yere, nomena ratjike?
Epuriro eweziwa:
1. Lesa Mateus 2:1-23.
Jesus wa ri nozombura ngapi nu aa kara pi indu ovatjiwe vozonyose tji ve yekumutara? (Mat. 2:1, 11, 16)
Ehungi 87
1. Otja tji mo munu motjiperendero, Jesus wa ri nozombura ngapi, nu wa ri porungee veze?
2. Josef neṱundu re aave tjiti tjike ombura aihe?
3. Kombunda ye yuva rimwe owo tji va ri mouyenda okuyaruka konganda, Josef na Maria va yarukira tjike ku Jerusalem?
4. Josef na Maria va kavaza Jesus pi, nu omena ratjike ovandu tji va himinwe?
5. Jesus wa tja tjike ku ina, Maria?
6. Eṱe matu yenene vi okukara otja Jesus mokurihonga ohunga na Mukuru?
Omapuriro omaweziwa:
1. Lesa Lukas 2:41-52.
(a) Nandarire kutja otja kOmatwako yaMoses, ovarumendu aveyerike ombaave undjirwako okuyenda komikandi vyombura aihe, Josef na Maria va raisa otjihorera tjiṋe otjiwa kovanene ndino? (Luk. 2:41; Deut. 16:16; 31:12; Omiano 22:6)
(b) Jesus wa raisa vi otjihorera otjiwa komitanda vyandino ohunga nokukara nonḓuviro kovanene vawo? (Luk. 2:51; Deut. 5:16; Omiano 23:22; Kol. 3:20)
2. Lesa Mateus 13:53-56.
Ovangu vaJesus veṋe vane mba tamunwa mOmbeibela, nu vevari vawo kombunda va ka ungurisiwa vi mombongo yOukriste? (Mat. 13:55; Oviung. 12:17; 15:6, 13; 21:18; Gal. 1:19; Jak. 1:1; Judas 1)
Ehungi 88
1. Ovarumendu vevari mbe ri motjiperendero oowaṋi?
2. Omundu u papitisiwa vi?
3. Johanes kohapo aa papitisa ovandu veṋe?
4. Epu riṋe rapeke Jesus nda ningirira Johanes kutja me mu papitise?
5. Mukuru wa raisa vi kutja wa ri nonyuṋe Jesus tja papitisiwa?
6. Pa tjitwa tjike indu Jesus tja ya koruzeve ka ri erike oure womayuva 40?
7. Ovakongorere ovatenga poo ovahongewa tjiva vaJesus va ri ootjikwaye, nu otjikumise tjiṋe otjitenga eye tja tjita?
Omapuriro omaweziwa:
1. Lesa Mateus 3:13-17.
Otjihorera tjiṋe Jesus tja raisa ohunga nombapitisimo yovahongewa ve? (Eps. 40:7, 8; Mat. 28:19, 20; Luk. 3:21, 22)
2. Lesa Mateus 4:1-11.
Omuano omupyuke Jesus mbwaa ungurisa Omatjangwa, mau tu tunduza vi okukonḓonona Ombeibela aruhe? (Mat. 4:5-7; 2 Petr. 3:17,18; 1 Joh. 4:1)
3. Lesa Johanes 1:29-51.
Johanes Omupapitise ombango yovahongewa ve wa hungamisa ku uṋe, neṱe ndino matu yenene vi okumuhorera? (Joh. 1:29, 35, 36; 3:30; Mat. 23:10)
4. Lesa Johanes 2:1-12.
Otjikumise tjaJesus otjitenga matji raisa vi kutja Jehova ka rurupara oviṋa oviwa kovakarere ve? (Joh. 2:9, 10; Eps. 84:11; Jak. 1:17)
Ehungi 89
1. Omena ratjike ovinamuinyo tjaavi randisirwa mondembeli?
2. Otjikwaye tji tja pindikisa Jesus?
3. Otja tji mo munu motjiperendero, Jesus aa ungura tjike, nerakiza riṋe eye nda yandja kovarumendu mbaave randisa ozonguti?
4. Indu ovahongewa vaJesus tji va muna imbi mbyaa tjiti, owo ve rizemburuka na tjike?
5. Indu Jesus tja yaruka ku Galilea, eye wa pitira morukondwa ruṋe?
Epuriro eweziwa:
1. Lesa Johanes 2:13-25.
Indu tji twa tara komuano Jesus mbwa pindikire mena rovandu mbaave pimbasana ovimariva mondembeli, oumune uṋe mbu matu sokukara nawo ohunga novitjitwa vyomarandisiro pEtuwo rOuhona? (Joh. 2:15, 16; 1 Kor. 10:24, 31-33)
Ehungi 90
1. Omena ratjike Jesus tja kakurama pondjombo mu Samaria, neye aa tja tjike komukazendu ngo?
2. Omena ratjike omukazendu tja temenwe, Jesus wa tja tjike ku ye, nomena ratjike?
3. Omukazendu ee ripura kutja Jesus ma hungire ohunga nomangee meva, nungwari eye tjiri aa hungire ohunga nomeva yeṋe?
4. Omena ratjike omukazenda tja himinwe ohunga na imbi Jesus mbyaa tjiwa ohunga naye, neye ondjiviro ndji wa isire pi?
5. Eṱe matu rihongere ko tjike kehungi romukazendu pondjombo?
Omapuriro omaweziwa:
1. Lesa Johanes 4:5-43.
(a) Mokukongorera otjihorera tjaJesus, eṱe twa sokukara nongaro iṋe ku novandu vomihoko pekepeke poo mba haṋika na eṱe momihingo vyarwe? (Joh. 4:9; 1 Kor. 9:22; 1 Tim. 2:3, 4; Titus 2:11)
(b) Omauwa yeṋe wopombepo ngu ye ya komundu ngu ma rire omuhongewa waJesus? (Joh. 4:14; Jes. 58:11; 2 Kor. 4:16)
(c) Eṱe matu raisa vi ondangu tjimuna omukazendu Omusamaria ngwa ri nonḓero yokuraera varwe imbi mbye rihonga? (Joh. 4:7, 28; Mat. 6:33; Luk. 10:40-42)
Ehungi 91
Jesus ma hongo ovandu kondundu
1. Motjiperendero, Jesus ma hongere poruveze ruṋe, nu imbo mba haama popezu na ye oowaṋi?
2. Omana yovaapostele vaJesus 12 ootjikwaye?
3. Ouhona Jesus mbwaa zuvarisa otjikeṋa?
4. Jesus wa honga ovandu okukumba ohunga natjike?
5. Jesus wa tja ovandu mave sokutjindasana vi?
Omapuriro omaweziwa:
1. Lesa Mateus 5:1-12.
Omomiano viṋe mu matu yenene okuraisa kutja tu rikendera kovihepwa vyetu vyombepo? (Mat. 5:3, NW; Rom. 10:13-15; 1 Tim. 4:13, 15, 16)
2. Lesa Mateus 5:21-26.
Mateus 5:23, 24 mari ṋunisa vi kutja oupanga wetu ku nomarumbi novaṱena kwetu u ṱuna koupanga wetu na Jehova? (Mat. 6:14, 15; Eps. 133:1; Kol. 3:13; 1 Joh. 4:20)
3. Lesa Mateus 6:1-8.
Omiano viṋe vyokurimuna ousemba oveni, Ovakriste mbi va sokunakaura? (Luk. 18:11, 12; 1 Kor. 4:6, 7; 2 Kor. 9:7)
4. Lesa Mateus 6:25-34.
Jesus wa honga tjike ohunga nounahepero wokuriyameka ku Jehova okutupa ovihepwa vyetu vyotutu? (Eks. 16:4; Eps. 37:25; Fil. 4:6)
5. Lesa Mateus 7:1-11.
Eṱe matu rihongere tjike kotjisanekero tjaJesus otjikahu tji tji ri mu Mateus 7:5? (Omiano 26:12; Rom. 2:1; 14:10; Jak. 4:11, 12)
Ehungi 92
1. Ihe yomukazona ngu ri motjiperendero owaṋi, nu omena ratjike eye nomukazendu we tji ve nongendo tjinene nao?
2. Jairus wa tjita tjike indu tja hakaena na Jesus?
3. Pa tjitwa tjike indu Jesus tja ri mondjira okuyenda konganda yaJairus, nu ombuze iṋe Jairus ndja eterwa ngunda a ri mondjira?
4. Omena ratjike ovandu mondjuwo yaJairus tji va yora Jesus?
5. Indu Jesus tja za nokutwara ovaapostele ve vetatu na ihe na ina yomukazona ketuwo ku kwa ri omukazona, eye wa tjita tjike?
6. Oowaṋi varwe Jesus mba pendura movakoke, nu ihi matji raisa tjike?
Omapuriro omaweziwa:
1. Lesa Lukas 8:40-56.
Jesus wa raisa vi otjari noupore komukazendu ngwa verere oruandara, nu ovarumendu ovanene vombongo yOukriste ndino mave yenene okurihongera ko tjike? (Luk. 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Lesa Lukas 7:11-17.
Omena ratjike imba mba zepaisa ovasuverwa vawo tji mave yenene okuhuhumiṋwa tjinene i omikambo Jesus mbya toora okuvatera omuhepundu waNain? (Luk. 7:13; 2 Kor. 1:3, 4; Hebr. 4:15)
3. Lesa Johanes 11:17-44.
Jesus wa raisa vi kutja katjiṋa otjikumise komundu okukara noruhoze mena ronḓiro yomusuverwa? (Joh. 11:33-36, 38; 2 Sam. 18:33; 19:1-4)
Ehungi 93
1. Otjikwaye otjitirise tji tja tjitwa ku Johanes Omupapitise, nu tja ṱuna vi ku Jesus?
2. Jesus wa parura vi otjimbumba tjaatji mu kongorere, nu kwa hupa ovikurya mbi ṱa pi?
3. Omena ratjike ovahongewa tji va ri nomburuma mokati kouṱuku, nu Petrus wa tjitwa tjike?
4. Jesus wa parura vi ovandu omayovi otjikando otjitjavari?
5. Omena ratjike tji matji rire otjiṋa otjiwa Jesus tji ma kahonapara otjOmbara yaMukuru kombanda yehi?
Omapuriro omaweziwa:
1. Lesa Mateus 14:1-32.
(a) Ehungi ndi ri mu Mateus 14:23-32, mari vandurura tjike ohunga na Petrus otjomundu?
(b) Omatjangwa maye raisa vi kutja Petrus we kura na isa ovikaro vye vyokupurukutira moviṋa? (Mat. 14:27-30; Joh. 18:10; 21:7; Oviung. 2:14, 37-40; 1 Petr. 5:6, 10)
2. Lesa Mateus 15:29-38.
Jesus wa raisa vi ondengero koviyandjewa vyorutu mbi za ku Ihe? (Mat. 15:37; Joh. 6:12; Kol. 3:15)
3. Lesa Johanes 6:1-21.
Ovakriste ndino mave yenene vi okukongorera otjihorera tjaJesus ohunga noviṋa mbi mavi tjama nohoromende? (Joh. 6:15; Mat. 22:21; Rom. 12:2; 13:1-4)
Ehungi 94
1. Indu ovaapostele tji va ri mondjira okuza kouyenda wawo oure, owo va ri nombata yatjike?
2. Omena ratjike Jesus tja isana okanatje ne ke kuramisa mokati kovaapostele?
3. Omomuano uṋe ovaapostele mu mave sokurihonga okukara tjimuna ovanatje?
4. Kombunda yomieze oviṱiṱi tji vya kapita, Jesus wa raisa vi kutja eye wa suverere ovanatje?
Omapuriro omaweziwa:
1. Lesa Mateus 18:1-4.
Omena ratjike Jesus tjaa ungurisa ovisanekero indu tjaa hongo ovandu? (Mat. 13:34, 36; Mar. 4:33, 34)
2. Lesa Mateus 19:13-15.
Ovitjiukwa viṋe vyoundu mbi ri movanatje eṱe mbi matu sokuhorera indu tji matu vanga okukara norupa mozondaya zOuhona? (Eps. 25:9; 138:6; 1 Kor. 14:20)
3. Lesa Markus 9:33-37.
Otjikeṋa Jesus tja honga ovahongewa ve ohunga nokupaha ovihako poo ozondondo zokombanda? (Mar. 9:35; Mat. 20:25, 26; Gal. 6:3; Fil. 2:5-8)
4. Lesa Markus 10:13-16.
Jesus wa ri omundu omupupu vi kovandu okuya ku ye, nu ovarumendu ovanene vombongo yOukriste mave yenene okurihongera tjike kotjihorera tje? (Mar. 6:30-34; Fil. 2:1-4; 1 Tim. 4:12)
Ehungi 95
Omuano Jesus mbwaa hongo ovandu
1. Epuriro riṋe omurumendu umwe nda pura Jesus, nu omena ratjike?
2. Jesus otuveze tjiva aa ungurisa tjike okuhonga ovandu, neṱe rukuru twe rihonga tjike ohunga nOvajuda nOvasamaria?
3. Mehungi Jesus nda serekarera, pa tjitwa tjike kOmujuda ngwa ri mondjira okuyenda koJeriko?
4. Pa tjitwa tjike indu omupristeri Omujuda nOmulevi tji va kayenda mondjira?
5. Otja tji matu munu motjiperendero, owaṋi ngwa vatera Omujuda ngwa tonenwe?
6. Indu Jesus tja mana okuserekarera ehungi, eye wa pura epuriro riṋe, nu omurumendu we mu zira kutja tjike?
Omapuriro omaweziwa:
1. Lesa Lukas 10:25-37.
(a) Komurungu wokuyandja eziriro ohungamo, Jesus wa vatera vi omurumendu ngwaa tjiwa omatwako nawa okuripurira kepu rorive? (Luk. 10:26; Mat. 16:13-16)
(b) Jesus wa ungurisa vi omasanekero okuisapo ondoorora okuza kovapuratene ve? (Luk. 10:36, 37; 18:9-14; Titus 1:9)
Ehungi 96
1. Jesus wa tjita tjike indu tjaa ryanga mehi arihe?
2. Ozombura ape ndatu kombunda yaindu Jesus tja za nokupapitisiwa, eye wa raera tjike kovaapostele ve?
3. Ovandu mbe ri motjiperendero oowaṋi, nu otjikwaye Jesus tja tjitira omukazendu?
4. Omena ratjike omuano Jesus mbwa pimba komatokero wovanane vombongo tji we ve ṱisa ohoṋi?
5. Indu Jesus novaapostele ve tji va ri popezu na Jeriko, otjikeṋa Jesus tja tjitira ovapoṱu vevari mba haamene meṋe yondjira?
6. Omena ratjike Jesus tjaa tjiti ovihimise?
Omapuriro omaweziwa:
1. Lesa Mateus 15:30, 31.
Oviraisiro viṋe oviwa vyomasa waJehova mbya tjiukisirwa mu Jesus, nu mavi sokuṱuna vi kokuzuva kwetu kwaimbi Jehova mbya kwizika kouye oupe? (Eps. 37:29; Jes. 33:24)
2. Lesa Lukas 13:10-17.
Ouatjiri wokutja Jesus wa tjita ovikumise vye vyapeke mEsabata mau raisa vi onguturiro eye ndji ma eta kovandu mouhonapare we wozombura eyovi? (Luk. 13:10-13; Eps. 46:9; Mat. 12:8; Kol. 2:16, 17; Omavan. 21:1-4)
3. Lesa Mateus 20:29-34.
Ehungi ndi mari tu raisire vi kutja Jesus aa kondjo okupaha oruveze rwokuvatera ovandu nandarire kutja wa ri noviungura ovingi tjinene, neṱe matu rihongere ko tjike? (Deut. 15:7; Jak. 2:15, 16; 1 Joh. 3:17)
Ehungi 97
1. Indu Jesus tje ya kokarongo kopopezu na Jerusalem, eye wa raera kovahongewa ve kutja ngave tjite tjike?
2. Otja tji matu munu motjiperendero, pa tjitwa tjike indu Jesus tja vaza popezu na Jerusalem?
3. Ovanatje ouṱiṱi va tjita tjike indu tji va muna Jesus ama verura ovandu mba ri ovapoṱu novirema?
4. Jesus wa tja tjike kovapristeri mba pindikire?
5. Eṱe matu yenene vi okukara tjimuna ovanatje mbaave tanga Jesus?
6. Ovahongewa aave vanga okutjiwa tjike?
Omapuriro omaweziwa:
1. Lesa Mateus 21:1-17.
(a) Omahitiro waJesus mu Jerusalem otjOmbara ya haṋikire vi na inga wovataare wovita woruveze rwOvaroma? (Mat. 21:4, 5; Sak. 9:9; Fil. 2:5-8; Kol. 2:15)
(b) Omitanda mavi yenene okurihongera tjike kovazandu vOvaisrael mba yarukirapo omambo yEpsalme 118 indu Jesus tja hita mondembeli? (Mat. 21:9, 15; Eps. 118:25, 26; 2 Tim. 3:15; 2 Petr. 3:18)
2. Lesa Johanes 12:12-16.
Omaungurisiro wotutavi twomavare i ovandu mbaave tanga Jesus aaku kuramene po tjike? (Joh. 12:13; Fil. 2:10; Omavan. 7:9, 10)
Ehungi 98
1. Omurumendu uṋe motjiperendero ngu ri Jesus, nu oowaṋi mbu ve ri puna ye?
2. Ovapristeri va kondjisa okutjita tjike ku Jesus mondembeli, neye wa tja tjike ku wo?
3. Ovaapostele va pura tjike ku Jesus?
4. Omena ratjike Jesus tja raera ovaapostele ve ohunga noviṋa tjiva mbi mavi katjitwa kombanda yehi indu eye tji ma kahonapara otjOmbara meyuru?
5. Jesus wa tja ovikwaye mbi mavi tjitwa rutenga ngunda ee hi ya yandeka omauvi aehe kombanda yehi?
Omapuriro omaweziwa:
1. Lesa Mateus 23:1-39.
(a) Nandarire kutja Omatjangwa ye raisa kutja kauposyo okuungurisa omana wondjozikiro, omambo waJesus mu Mateus 23:8-11 maye raisa tjike ohunga nomaungurisiro womaisaneno wondjozikiro mombongo yOukriste? (Oviung. 26:25; Rom. 13:7; 1 Petr. 2:13, 14)
(b) Ovafarisei va ungurisa tjike mokukondjisa okutjaera ovandu okurira Ovakriste, nu ovanane vozombongo ndino ve ungurisa vi ovikaro otja imbyo? (Mat. 23:13; Luk. 11:52; Joh. 9:22; 12:42; 1 Tes. 2:16)
2. Lesa Mateus 24:1-14.
(a) Ounanḓengu wonḓaro orure wa raisiwa vi mu Mateus 24:13?
(b) Embo ndi “omaandero” ndi ri mu Mateus 24:13 ri heya tjike? (Mat. 16:27; Rom. 14:10-12; 2 Kor. 5:10)
3. Lesa Markus 13:3-10.
Omambo yeṋe mu Markus 13:10 ngu maye raisa ohakahana yokuzuvirisa ombuze ombwa, nu omambo waJesus ngo maye sokuṱuna vi kweṱe? (Rom. 13:11, 12; 1 Kor. 7:29-31; 2 Tim. 4:2)
Ehungi 99
Jesus novaapostele ve ve ri metuwo rokombanda
1. Otja tji mape raisiwa motjiperendero, omena ratjike Jesus novaapostele ve 12 tji va ri metuwo enene rokombanda?
2. Omurumendu ngu ma piti pomuvero owaṋi, neye ma katjita tjike?
3. Kombunda yeriro rOpaska tji ra manuka, Jesus wa uta neriro riṋe rapeke?
4. Opaska aai zemburukisa Ovaisrael ohunga notjitjitwa tjiṋe, nu Omariro omayapuke waMuhona ye zemburukisa ovakongorere vaJesus ohunga na tjike?
5. Kombunda yOmariro omayapuke waMuhona, Jesus wa raera tjike kovaapostele ve, nowo va tjita tjike?
Omapuriro omaweziwa:
1. Lesa Mateus 26:14-30.
(a) Mateus 26:15 mari raisa vi kutja indu Judas tja horora Jesus, otjiṋa tja tjitira owina?
(b) Omatirahiro wombinḓu yaJesus ya kuramenapo omapu yeṋe yevari? (Mat. 26:27, 28; Jer. 31:31-33; Ef. 1:7; Hebr. 9:19, 20)
2. Lesa Lukas 22:1-39.
Omomuano uṋe Satan mbwa hita mu Judas? (Luk. 22:3; Joh. 13:2; Oviung. 1:24, 25)
3. Lesa Johanes 13:1-20.
(a) Tjitwa tara kehungi ndi ri mu Johanes 13:2, Judas ma yenene okupewa ondjo kotjiṋa tja tjita, novakarere vaMukuru mave yenene okurihongera tjike ku ihi? (Gen. 4:7; 2 Kor. 2:11; Gal. 6:1; Jak. 1:13, 14)
(b) Ehongwa riṋe enanḓengu Jesus nda honga na raisa movitjitwa? (Joh. 13:15; Mat. 23:11; 1 Petr. 2:21)
4. Lesa Johanes 17:1-26.
Indu Jesus tja kumbira ovahongewa ve kutja ve “rire vemwe”, aa heye kutja ve rire vemwe momuano uṋe? (Joh. 17:11, 21-23; Rom. 13:8; 14:19; Kol. 3:14)
Ehungi 100
Jesus motjikunino tjaGetsemane
1. Jesus novaapostele ve va ya pi kombunda yaindu owo tji va za metuwo rokombanda, neye we ve raera kutja ngave tjite tjike?
2. Jesus wa muna tjike indu tja kotoka koruveze ku kwa ri ovaapostele ve, nu ihi tja tjitwa povikando vingapi?
3. Oowaṋi mba hita motjikunino, nu Judas Iskariot wa tjita tjike, otja tji mo munu motjiperendero?
4. Omena ratjike Judas tja hupita Jesus, nu Petrus wa tjita tjike?
5. Jesus wa tja tjike ku Petrus, nungwari omena ratjike Jesus tje hina wa ningira Mukuru okumuhindira kangamwa ovaengeli?
Omapuriro omaweziwa:
1. Lesa Mateus 26:36-56.
(a) Omuano Jesus mbwa ronga ovaapostele ve otjihorera otjiwa vi kovarumendu ovanene vombongo ndino? (Mat. 20:25-28; 26:40, 41; Gal. 5:17; Ef. 4:29, 31, 32)
(b) Jesus wa ri noumune uṋe ohunga nokuungurisa ovirwise kovakwetu? (Mat. 26:52; Luk. 6:27, 28; Joh. 18:36)
2. Lesa Lukas 22:39-53.
Indu omuengeli tje rimunikisa ku Jesus motjikunino tjaGetsemane okumuzeuparisa, ihi tja raisa kutja Jesus aa teratera mongamburiro ye? Kahurura (Luk. 22:41-43; Jes. 49:8; Mat. 4:10, 11; Hebr. 5:7)
3. Lesa Johanes 18:1-12.
Jesus wa tjevera vi ovahongewa ve kovemupirukire, neṱe matu rihongere tjike kotjihorera tji? (Joh. 10:11, 12; 18:1, 6-9; Hebr. 13:6; Jak. 2:25)
Ehungi 101
1. Ouṋe tjinenenene ngu nondjo yonḓiro yaJesus?
2. Ovaapostele va tjita tjike indu Jesus tja kamburwa kovanane vozombongo?
3. Pondjuwo yaKajafas, omupristeri omunene, pa tjitwa tjike?
4. Omena ratjike Petrus tja ya na karira?
5. Jesus tja za nokukotorwa ku Pilatus, ovapristeri oviuru va ravaera okutja tjike?
6. Jesus wa tjitwa tjike rukuru mapeta waRitjatano, nomakwizikiro yeṋe eye nga yandja komurumendu omurunde ngwa papererwe meṋe ye kotjihenḓe?
7. Oparadisa Jesus ndjaa hungire mai kakara pi?
Omapuriro omaweziwa:
1. Lesa Mateus 26:57-75.
Omomuano uṋe ouṋepo wotjombanguriro otjinene tjOvajuda mu va raisa kutja omitima vyawo vya ri ovivi? (Mat. 26:59, 67, 68)
2. Lesa Mateus 27:1-50.
Omena ratjike tji matu yenene okutja omuhihamwatima waJudas kawa ri watjiri? (Mat. 27:3, 4; Mar. 3:29; 14:21; 2 Kor. 7:10, 11)
3. Lesa Lukas 22:54-71.
Eṱe matu yenene okurihongera tjike komuano Petrus mbwa pataṋa Jesus mongurova yomahororero nomakamburiro we? (Luk. 22:60-62; Mat. 26:31-35; 1 Kor. 10:12)
4. Lesa Lukas 23:1-49.
Jesus wa raisa otjikaro tjiṋe ohunga nomauhasemba nga tjitwa ku ye, neṱe matu yenene okurihongera tjike ku ihi? (Luk. 23:33, 34; Rom. 12:17-19; 1 Petr. 2:23)
5. Lesa Johanes 18:12-40.
Nandarire kutja Petrus okaruveze okasupi wa raisa emuma mena rokutira ovandu, eṱe matu raisirwa tjike komwano eye mbwa kakukuta na karira omuapostele omunene? (Joh. 18:25-27; 1 Kor. 4:2; 1 Petr. 3:14, 15; 5:8, 9)
6. Lesa Johanes 19:1-30.
(a) Oumune uṋe ouwa Jesus mbwa ri nawo ohunga novihepwa vyorutu? (Joh. 2:1, 2, 9, 10; 19:23, 24; Mat. 6:31, 32; 8:20)
(b) Omomuano uṋe omambo waJesus nga hungira tja ri pookukoka mu ya tjivisa ondoṋeno yokutja eye wa yerurura omasa waJehova womananeno? (Joh. 16:33; 19:30; 2 Petr. 3:14; 1 Joh. 5:4)
Ehungi 102
1. Omukazendu novarumendu vevari mbe ri motjiperendero oowaṋi, nu ve ri pi?
2. Omena ratjike Pilatus tja raera kovapristeri kutja ngave hinde ovarwe ve katjevere eyendo raJesus?
3. Omuengeli wa tjita tjike omuhuka omunene weyuva oritjatatu kombunda yonḓiro yaJesus, nungwari ovapristeri va tjita tjike?
4. Omena ratjike ovakazendu tjiva tji va himinwe indu owo tjiva ya keyendo raJesus?
5. Omena ratjike Petrus na Johanes tjiva tupuka keyendo raJesus, nowo va kavaza ko tjike?
6. Orutu rwaJesus rwonyama rwa tjitwa tjike, nungwari eye wa tjita tjike okuraisira ovahongewa ve kutja eye wa penduka movakoke?
Omapuriro omaweziwa:
1. Lesa Mateus 27:62-66 na 28:1-15.
Poruveze rombendukiro yaJesus, ovapristeri oviuru nOvafarisei, novarumendu ovanene va yamburura vi ombepo ondjapuke? (Mat. 12:24, 31, 32; 28:11-15)
2. Lesa Lukas 24:1-12.
Ehungi ohunga nombendukiro yaJesus mari tu raisire vi kutja Jehova u vara ovakazendu otja ovahongonone ovaṱakame? (Luk. 24:4, 9, 10; Mat. 28:1-7)
3. Lesa Johanes 20:1-12.
Johanes 20:8, 9, maye tu vatere vi okumuna ounahepero wokukara nomuretima indu tji tu hi nokuzuva nawa omayenenenisiro womaprofetero wOmbeibela? (Omiano 4:18; Mat. 17:22, 23; Luk. 24:5-8; Joh. 16:12)
Ehungi 103
Jesus me rimunikisa kovahongewa ve metuwo nda paterwe
1. Maria wa tja tjike komurumendu eye ngwee ripura kutja omutarere wotjikunino, nungwari otjikeṋa tji tja tjita kutja ma mune kutja eye tjiri oJesus?
2. Pa tjitwa tjike indu ovahongewa vevari tji va ri mondjira okuyenda kotjirongo tjaEmaus?
3. Otjikeṋa otjihimise tji tja tjitwa indu ovahongewa vevari mba tji va raera kovaapostele kutja owo va muna Jesus?
4. Jesus we rimunikisa ovikando vingapi kovahongewa ve?
5. Indu Tomas tja zuva kutja ovahongewa va munu Muhona, eye wa tja tjike, nungwari pa tjitwa tjike kombunda yomayuva hambondatu?
Omapuriro omaweziwa:
1. Lesa Johanes 20:11-29.
Indu Jesus tjaa hungire omambo nge ri mu Johanes 20:23, eye aa tja ovandu va pewa ousemba wokuisira ozondjo? Kahurura. (Eps. 49:2, 7; Jes. 55:7; 1 Tim. 2:5, 6; 1 Joh. 2:1, 2)
2. Lesa Lukas 24:13-43.
Eṱe matu yenene vi okurongerisa omitima vyetu kokutja vi yenene okuyakura ouatjiri wOmbeibela? (Luk. 24:32, 33; Esra 7:10; Mat. 5:3, NW; Oviung. 16:14; Hebr. 5:11-14)
Ehungi 104
1. Ovahongewa vengapi mba muna Jesus potjikando tjimwe, neye wa hungira tjike kuna wo?
2. Ouhona waMukuru otjikeṋa, nu ongaro yehupo kombanda yehi mai sana pi indu Jesus tji ma kahonapara otja Ombara oure wozombura eyovi?
3. Jesus we rimunikisa oure womayuva yengapi kovahongewa ve, nungwari okuzambo ya ri oruveze ku ye okuungura tjike?
4. Jesus wa raera kovahongewa ve kutja ngave tjite tjike, komurungu wokuzapo pu wo?
5. Motjiperendero hi mape tjitwa tjike, nu Jesus wa horekwa vi kutja a ha munika kovahongewa ve?
Omapuriro omaweziwa:
1. Lesa 1 Ovakorinte 15:3-8.
Omena ratjike omuapostele Paulus tjaa hungire ohunga nombendukiro yaJesus nouatjiri mbu ṱa mbo, nu ohunga noviṋa viṋe Ovakriste ndino mu mave yenene okuhungira nouatjiri? (1 Kor. 15:4, 7, 8; Jes. 2:2, 3; Mat. 24:14; 2 Tim. 3:1-5)
2. Lesa Oviungura 1:1-11
Oviungura vyokuzuvarisa vya handjaukire pupe ṱa pi, otja tji pa hunganekwa mOviungura 1:8? (Oviung. 6:7; 9:31; 11:19-21; Kol. 1:23)
Ehungi 105
Ovahongewa vaJesus mave undjire mu Jerusalem
1. Otja otjiperendero tji matji raisa, pa tjitwa tjike kovahongewa vaJesus mbaave undjire mu Jerusalem?
2. Otjikeṋa tji tja kumisa ovaryange mbe ere koJerusalem?
3. Ovikwaye Petrus mbya kahururira ovandu?
4. Indu ovandu tji vaza nokupuratena ku Petrus, omambo we ye ve ṱuna vi, neye we ve raera kutja ngave tjite vi?
5. Ovandu vengapi mba papitisiwa meyuva ndo raPentekoste, 33 O.Z?
Omapuriro omaweziwa:
1. Lesa Oviungura 2:1-47.
(a) Omambo waPetrus nge ri mOviungura 2:23, 36 maye raisa vi kutja otjiwaṋa atjihe tjOvajuda tja ri nondjo momazepero waJesus? (1 Tes. 2:14, 15)
(b) Petrus wa raisa vi otjihorera otjiwa tjokuzira okuza mOmatjangwa? (Oviung. 2:16, 17, 29, 31, 36, 39; Kol. 4:6)
(c) Omomuano uṋe omutenga Petrus mbwa ungurisa ‘ovipaturure vyouhona womayuru,’ imbi Jesus mbya kwizika kutja me mu pe? (Oviung. 2:14, 22-24, 37, 38; Mat. 16:19, EEP)
Ehungi 106
Ovaapostele mave kuturwa okuza mondeko
1. Petrus na Johanes va tjitwa tjike omutenya umwe owo tjaave hiti mondembeli?
2. Petrus wa tja tjike komurumendu ngwa remanene, nu we mu pa tjike tji tja ri nonḓengu kombanda yovimariva?
3. Omena ratjike ovanane vozongamburiro tji va pindikire, nowo va tjita tjike ku Petrus na Johanes?
4. Petrus wa tja tjike kovanane vozongamburiro, nu ovanane vozongamburiro ve ve rakiza kutja ave ha tjiti tjike?
5. Omena ratjike ovanane vozongamburiro tjaave ṱeruru, nungwari pa tjitwa tjike indu ovaapostele tji va tuwa mondeko otjikando otjitjavari?
6. Ovaapostele va zira kutja vi indu tji va etwa ketuwo rOtjira tjOvajuda?
Omapuriro omaweziwa:
1. Lesa Oviungura 3:1-10.
Nandarire kutja eṱe ndino katu ya pewa omasa wokutjita ovikumise, omambo waPetrus mOviungura 3:6 maye tu vatere vi okumuna ounanḓengu wombuze yOuhona? (Joh. 17:3; 2 Kor. 5:18-20; Fil. 3:8)
2. Lesa Oviungura 4:1-31.
Indu tji matu munu omapirukiro moviungura vyokuzuvarisa, omomuano uṋe mu matu sokuhorera Ovakriste ovakwetu veserewondo etenga? (Oviung. 4:29, 31; Ef. 6:18-20; 1 Tes. 2:2)
3. Lesa Oviungura 5:17-42.
Ovandu tjiva mbe he ri Ovahongonone, voruveze orukuru navoruveze rwetu, va raisa vi oumune ouwa ohunga noviungura vyokuzuvarisa? (Oviung. 5:34-39)
Ehungi 107
1. Stefanus wa ri omungendu, nu Mukuru we mu vatera okutjita tjike?
2. Stefanus wa hungira tjike tji tja pindikisa ovanane vozongamburiro tjinene?
3. Indu ovarumendu tji va nanena Stefanus pendje yotjihuro, ve ke mu tjita tjike?
4. Omurumendu omutanda ngwa kurama motjiperendero meṋe yozombanda owaṋi?
5. Stefanus wa kumba okutjavi ku Jehova, komurungu wonḓiro ye?
6. Ete matu yenene okuhorera vi Stefanus, indu omundu worive tje tu tjiti otjiṋa otjivi?
Omapuriro omaweziwa:
1. Lesa Oviungura 6:8-15.
Omomiano viṋe vyovineya ovanane vozongamburiro mu va kondjisa okuyandisa oviungura vyOvahongonone vaJehova vyokuzuvarisa? (Oviung. 6:9, 11, 13)
2. Lesa Oviungura 7:1-60.
(a) Otjikeṋa tji tja vatera Stefanus kutja a rwire ombuze ombwa komurungu wOtjira tjOvajuda, neṱe matu rihongere ko tjike kotjihorera hi? (Oviung. 7:51-53; Rom. 15:4; 2 Tim. 3:14-17; 1 Petr. 3:15)
(b) Eṱe matu sokukara notjikaro tjiṋe kuna imba mbe pirukira oviungura vyetu? (Oviung. 7:58-60; Mat. 5:44; Luk. 23:33, 34)
Ehungi 108
1. Saulus wa tjita tjike Stefanus tja za nokuzepewa?
2. Indu Saul tja ri mondjira okuyenda koDamaskus, otjikeṋa otjihimise tji tja tjitwa?
3. Jesus wa raera Saulus kutja nga tjite tjike?
4. Jesus wa rakiza Ananias okutjita ye, nu pa tjitwa tjike kutja Saulus ma yenene okumuna rukwao?
5. Saulus wa rira tjikwaye, neye wa ungurisiwa momuano uṋe?
Omapuriro omaweziwa:
1. Lesa Oviungura 8:1-4.
Ondatumisire ndje ya kombanda yombongo ombe yOvakriste ya tandavarisa vi ongamburiro yOukriste, nu otjiṋa tjiṋe ohamukwao na ihi tji tja tjitwa moruveze rwanambano? (Oviung. 8:4; Jes. 54:17)
2. Lesa Oviungura 9:1-20.
Oviungura viṋe vyotupa tutatu Jesus mbya rongerera Saulus? (Oviung. 9:15; 13:5; 26:1; 27:24; Rom. 11:13)
3. Lesa Oviungura 22:6-16.
Eṱe matu yenene vi okukara tjimuna Ananias, nu omena ratjike tje ri otjiṋa otjinanḓengu? (Oviung. 22:12; 1 Tim. 3:7; 1 Petr. 1:14-16; 2:12)
4. Lesa Oviungura 26:8-20.
Ondanaukiro yaSaulus kOukriste mai yenene vi okutunduza imba mba kupa ku novahakambura ndino? (Oviung. 26:11; 1 Tim. 1:14-16; 2 Tim. 4:2; 1 Petr. 3:1-3)
Ehungi 109
1. Omurumendu ngwe ri pete motjiperendero owaṋi?
2. Omuengeli wa tja tjike ku Kornelius?
3. Mukuru wa tjita kutja Petrus ma mune tjike indu eye tja ri komututu wondjuwo yaSimon mu Jope?
4. Omena ratjike Petrus tja tjaera Kornelius kutja e he ri petere ku ye nokurikotamena ku ye?
5. Omena ratjike ovahongewa wOvajuda mba ri puna Petrus tji va temenwe?
6. Ehongwa riṋe enanḓengu ndi matu yenene okurihongera komavaruriro waPetrus ku Kornelius?
Omapuriro omaweziwa:
1. Lesa Oviungura 10:1-48.
Omambo yaPetrus nge ri mOviungura 10:42 maye raisa tjike ohunga noviungura vyokuzuvarisa ombuze ombwa yOuhona? (Mat. 28:19; Mar. 13:10; Oviung. 1:8)
2. Lesa Oviungura 11:1-18.
Petrus wa raisa otjikaro tjiṋe indu Jehova tje mu raisira oumune we ohunga noviwaṋa ovinavisenginina, neṱe matu yenene vi okukongorera otjihorera tje? (Oviung. 11:17, 18; 2 Kor. 10:5; Ef. 5:17)
Ehungi 110
Timoteus—omuvatere waPaulus omupe
1. Omurumendu omutanda ngu ri motjiperendero owaṋi, nu wa tura pi, nu omana waina naina omukurukaze oowaṋi?
2. Timoteus wa nyamukura vi indu Paulus tje mu pura kutja ma vanga okuyenda puna ye na Silas okukazuvarisa ombuze kovandu wokomahi wokokure?
3. Opi ovakongorere vaJesus ku va uta okuisanewa Ovakriste otjikando otjitenga?
4. Ovihuro viṋe tjiva Paulus na Silas na Timoteus mbi va kavarura, indu tji va za moListra?
5. Timoteus wa vatera vi Paulus, nu epuriro riṋe omitanda ndino ndi mave sokuripura oveni?
Omapuriro omaweziwa:
1. Lesa Oviungura 9:19-30.
Paulus wa ungurisa vi omakengezero indu tja munine omapirukiro mena rombuze ombwa? (Oviung. 9:22-25, 29, 30; Mat. 10:16)
2. Lesa Oviungura 11:19-26.
Ehungi ndi ri mOviungura 11:19-21, 26 mari raisa vi kutja ombepo yaJehova i hongorera po nokuṱika oviungura vyokuzuvarisa?
3. Lesa Oviungura 13:13-16, 42-52.
Oviungura 13:51, 52 mari raisa vi kutja ovahongewa kave yandjerere omapirukiro okuveisako ombango? (Mat. 10:14; Oviung. 18:6; 1 Petr. 4:14)
4. Lesa Oviungura 14:1-6, 19-28.
Omambo nga “ve ve yandja ku Muhona” maye tu vatere vi kutja atu he rikende tjinene indu tji matu vatere ovahongewa ovape? (Oviung. 14:21-23; 20:32; Joh. 6:44)
5. Lesa Oviungura 16:1-5.
Okuriyandjera kwaTimoteus kutja ma sukarekwe maku raisa vi ounanḓengu ‘wokutjita avihe mena rombuze ombwa’? (Oviung. 16:3; 1 Kor. 9:23; 1 Tes. 2:8)
6. Lesa Oviungura 18:1-11, 18-22.
Oviungura 18:9, 10 mari urike tjike ohunga norupa rwaJesus mokuhongorerapo oviungura vyokuzuvarisa, nu ihi matji tu pe vi ongamburiro ndino? (Mat. 28:20)
Ehungi 111
1. Omuzandona ngwa rara pehi owaṋi, nu wa hapa vi? (Tara motjiperendero.)
2. Paulus wa tjita tjike indu tja muna kutja omuzandona wa ṱu?
3. Paulus, Timoteus na avehe mba ri mouyenda puna wo aave i pi, nu pa tjitwa tjike indu owo tji va kurama moMilete?
4. Omuprofete Agabus wa yandja omarakiza yeṋe ku Paulus, nu Paulus wa tjitwa tjike otja omuprofete pa heya?
Omapuriro omaweziwa:
1. Lesa Oviungura 20:7-38.
(a) Eṱe matu yenene vi “okuhinakukara ko nomerizirira,” otja komambo waPaulus nge ri mOviungura 20:26, 27? (Esek. 33:8; Oviung. 18:6, 7)
(b) Omena ratjike ovarumendu ovanene vombongo tji mave “sokukakatera kembo rouatjiri eṱakame” indu tji mave hongo? (Oviung. 20:17, 29, 30; Tit. 1:7-9; 2 Tim. 1:13)
2. Lesa Oviungura 26:24-32.
Paulus wa ungurisa vi oukwatera we waRoma okuyenenisa erakiza rokuzuvarisa ombuze nda pewa i Jesus? (Oviung. 9:15; 16:37, 38; 25:11, 12; 26:32; Luk. 21:12, 13)
Ehungi 112
1. Kwa tjitwa tjike koskepi mu mwa ri Paulus indu tji ya kapita popezu nekoverwahi raKrete?
2. Paulus wa tja tjike ku imba mba ri puna ye moskepi?
3. Oskepi pe ya vi i teke moutupa?
4. Omuhongore wovita wa yandja omarakiza yeṋe, nu ovandu vengapi mba vaza komukuro nokuhinotjipo?
5. Ena rekoverwahi owo ku va kaherukira otjikwaye, nu Paulus wa tjitwa tjike indu otjivepo tji tja wa pehi?
Omapuriro omaweziwa:
1. Lesa Oviungura 27:1-44.
Ongamburiro yetu mai kurisiwa vi i omahungi wOmbeibela wouatjiri indu tji matu lese ehungi rouyenda waPaulus koRoma? (Oviung. 27:16-19, 27-32; Luk. 1:3; 2 Tim. 3:16, 17)
2. Lesa Oviungura 28:1-14.
Ndovazu ovature ovanavisenginina vaMalta va yenena okutjinda omuapostele Paulus novakwao mba ri moskepi ndja tekere ‘nounyaṋutima ouingi,’ ihi matji sokuhinga Ovakriste okutjita tjike nu tjinenenene momuano uṋe? (Oviung. 28:1, 2; Hebr. 13:1, 2; 1 Petr. 4:9)
Ehungi 113
1. Paulus aa zuvarisire ovangendu indu eye tja ri omukamburwa moRoma?
2. Owaṋi ngo motjiperendero ngu ri potjiriro nu ngwe yekuryangera Paulus, nu ovikwaye mbi ma ungurire Paulus?
3. Epafroditus wa ri omungendu, neye wa twaerera tjike indu tja yaruka koFilipi?
4. Omena ratjike Paulus tja tjanga orutuu kepanga re roposengo Filemon?
5. Paulus tja kuturwa okuza mondeko wa tjita tjike, neye kombunda wa tjitwa vi?
6. Jehova wa ungurisa aṋi okutjanga omambo omasenina wOmbeibela, nembo rOmavandururiro ri hungira ohunga na tjike?
Omapuriro omaweziwa:
1. Lesa Oviungura 28:16-31 nOvafilipi 1:13.
Paulus wa ungurisa vi oruveze rwe indu tja ri omukamburwa moRoma, nu ongamburiro ye ndji hateraterere ya ṱuna vi kombongo yOvakriste? (Oviung. 28:23, 30; Fil. 1:14)
2. Lesa Ovafilipi 2:19-30.
Omambo yeṋe yondangu Paulus nga hungira ohunga na Timoteus na Epafroditus, neṱe matu yenene vi okuhorera ku Paulus? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Lesa Filemon 1-25.
(a) Omena rotjikaṋena tjiṋe Paulus tja rakizira Filemon okutjita ihi tji tjiri otjisemba, nu ihi matji yandja omuhunga uṋe kovarumendu ovanene vombongo ndino? (Filem. 9; 2 Kor. 8:8; Gal. 5:13)
(b) Omambo waPaulus mu Filemon 13, 14 maye raisa vi kutja eye wa tengere omeritjiviro womomutima wovakwao mombongo? (1 Kor. 8:7, 13; 10:31-33)
4. Lesa 2 Timoteus 4:7-9.
Matu yenene vi okukara nongamburiro tjimuna Paulus kutja Jehova me tu pe ondjambi indu tjitwa panḓere pongamburiro nga komaandero? (Mat. 24:13; Hebr. 6:10)
Ehungi 114
1. Omena ratjike Ombeibela tji i hungira ohunga noukambe meyuru?
2. Ena rovita vyaMukuru kuna ovarunde kombanda yehi ri isanewa vi, nu ondando yovita mbi oyatjike?
3. Tji wa tara motjiperendero, owaṋi ngu ma hongorere po ovita, nu omena ratjike eye tja zara ekori rouhona, nengaruvyo re mari heye tjike?
4. Tji twa yaruka ombunda kEhungi 10 na 15 na 33, omena ratjike ihi tji tji ha sere okurira otjikumise kweṱe kutja Mukuru ma kayandeka ovandu ovarunde?
5. Ehungi 36 nEhungi 76 maye raisa vi kutja Mukuru ma yandeke ovandu ovavi nandarire kutja owo ve ritja ve rikotamena ku ye?
Omapuriro omaweziwa:
1. Lesa Omavandururiro 19:11-16.
(a) Omatjangwa maye raisa vi oukahu kutja Jesus Kristus ongu ri omukavire ngu ri kokakambe okavapa? (Omavan. 1:5; 3:14; 19:11; Jes. 11:4)
(b) Ombinḓu ndja rimbarerwe kombanda yaJesus mai ṋunisa vi epu rokutja ondoṋeno ye ya tyewa kaparukaze? (Omavan. 14:18-20; 19:13)
(c) Oowaṋi mbu mape ya ave kara mokati kaimba mbe ri motjimbumba tji matji kongorere Jesus kokakambe ke okavapa? (Omavan. 12:7; 19:14; Mat. 25:31, 32)
Ehungi 115
1. Ombeibela i raisa kutja matu kavyarera ozongaro nḓa sana pi mOparadisa kombanda yehi?
2. Ombeibela mai hunganeke tjike ku imba mbu mave katura mOparadisa?
3. Oruṋe Jesus tji ma tjiti kutja oviṋa oviwa mbi vi yenenisiwe?
4. Indu Jesus tja ri kombanda yehi, ovikwaye mbya tjita mbi vi raisa imbi mbi ma katjita indu tji ma rire Ombara yOuhona waMukuru?
5. Ovikwaye Jesus novahonapare va puna ye vomeyuru mbi mave katjita indu tji mave kahonaparera ehi okuza meyuru?
Omapuriro omaweziwa:
1. Lesa Omavandururiro 5:9, 10.
Omena ratjike tji matu yenene okukara nongamburiro kutja imba mbu mave kahonapara mozombura inḓo eyovi mave karira ovapristeri nozombara zotjari novanandjenda? (Ef. 4:20-24; 1 Petr. 1:7; 3:8; 5:6-10)
2. Lesa Omavandururiro 14:1-3.
Epu indi rokutja ena raIhe nena rOndjona ra tjangwa kovipara vyaimba 144 000, ri heya tjike? (1 Kor. 3:23; 2 Tim. 2:19; Omavan. 3:12)
Ehungi 116
Matu yenene vi okuhupa nga aruhe?
1. Eṱe matu sokutjiwa tjike indu tji matu vanga okuhupa ngaaruhe?
2. Matu yenene vi okurihonga ohunga na Jehova Mukuru na Jesus, otja tji twa raisirwa kokakazona noupanga wako motjiperendero?
3. Embo riṋe rarwe ove ndu mo munu motjiperendero, nomena ratjike tji matu sokurilesa aruhe?
4. Pendje nokurihonga ohunga na Jehova na Jesus, otjikeṋa tjarwe tji tji hepwa kutja tu mune omuinyo waaruhe?
5. Matu rihongere tjike kEhungi 69?
6. Otjihorera otjiwa tjaSamuel tja ri omuṱiṱi tji tji ri mEhungi 55, matji raisa tjike?
7. Eṱe matu yenene vi okuhorera otjihorera tjaJesus Kristus, nu tji twa tjiti nao, matu yenene okutjita tjike moruyaveze?
Omapuriro omaweziwa:
1. Lesa Johanes 17:3.
Omatjangwa maye raisa vi kutja okumuna ondjiviro ohunga na Jehova Mukuru na Jesus Kristus katjiṋa tjokukara nondjiviro youruvi porwawo uriri? (Mat. 7:21; Jak. 2:18-20; 1 Joh. 2:17)
2. Lesa Epsalme 145:1-21.
(a) Omapu yeṋe tjiva eṱe ngu tu nayo yokutanga Jehova? (Eps. 145:8-11; Omavan. 4:11)
(b) Jehova “omuwa kovandu avehe” momuano uṋe, nu ihi matji sokututumbukisa vi popezu naye? (Eps. 145:9; Mat. 5:43-45)
(c) Indu eṱe tji twa suvera Jehova tjinene, ihi matji tu hingi okutjita tjike? (Eps. 119:171, 172, 175; 145:11, 12, 21)
