Isteqsiyen i tɣuri n Teqsiḍin n Wedlis Iqedsen
Isteqsiyen i tɣuri n Teqsiḍin n Wedlis Iqedsen
Taqsiṭ tamezwarut
1. Anwa i ɣ-d-ifkan leḥwayeǧ-agi yakk yelhan? Tzemreḍ a d-tefkeḍ yiwen n lemtel seg-sent?
2. Anwa i d-ixleq Ṛebbi d amezwaru?
3. Acuɣer lmelk amezwaru yesɛa azal ameqran?
4. Ini-d amek i tga lqaɛa di tazwara. (Wali ţţeswiṛa.)
5. Amek i gṣeggem Ṛebbi lqaɛa i lḥiwan d yemdanen?
Isteqsiyen nniḍen:
1. Ɣer Irmiya 10:12.
Anti ṣṣifat n Ṛebbi i d-ibanen deg wayen i d-ixleq? (Icɛa. 40:26; Ṛuma 11:33)
2. Ɣer At Kulus 1:15-17.
Acu n ccɣel i gexdem Ɛisa deg wayen yeɛnan taxelqit, yerna amek i glaq a t-neḥseb ɛlaḥsab n wayen i nwala? (Kulus 1:15-17)
3. Ɣer Laṣel n ddunit 1:1-10.
(a) Ansi i d-tekka lqaɛa? (Laṣel 1:1)
(b) Acu i geḍran deg wass amezwaru n txelqit? (Laṣel 1:3-5)
(c) Ḥku-d acu i geḍran deg wass wis sin n txelqit. (Laṣel 1:7, 8)
Taqsiṭ tis 2
1. Amek i ghegga Ṛebbi lqaɛa akken a nizmir a nɛic fell-as?
2. Ader-ed kra n lḥiwan ger wid i d-ixleq Ṛebbi. (Wali ţţeswiṛa.)
3. Acuɣer leǧnan n Ɛidin d amkan ur necbi wayeḍ?
4. Amek i gebɣa Ṛebbi aţ-ţuɣal lqaɛa meṛṛa?
Isteqsiyen nniḍen:
1. Ɣer Laṣel n ddunit 1:11-25.
(a) Acu i d-yexleq Ṛebbi deg wass wis tlata? (Laṣel 1:12)
(b) Acu i yeḍran deg wass wis ṛebɛa? (Laṣel 1:16)
(c) Anwi leṣnuf n lḥiwan i d-yexleq Ṛebbi ass wis xemsa d wis seţţa? (Laṣel 1:20, 21, 25)
2. Ɣer Laṣel n ddunit 2:8, 9.
Efk-ed ismawen n snat-nni n ttjuṛ yemxalafen ɣef tiyaḍ, i d-issemɣi Ṛebbi di lǧennet. Acu i d lmeɛna-nsent?
Taqsiṭ tis 3
1. Anwa lxilaf yellan ger ţţeswiṛa n teqsiṭ tis 3 ţ-ţin n teqsiṭ tis 2?
2. Anwa i d-ixelqen argaz amezwaru? Anwa i d isem n wergaz-agi?
3. Anwa ccɣel i gefka Ṛebbi i Adam?
4. Acuɣer i d-isseɣli Ṛebbi yiwen n nadam d ameqran ɣef Adam?
5. Acḥal n lweqt i zemren ad ɛicen Adam d Ḥewwa? Acu n ccɣel i sen-yefka Yahwa a t-xedmen?
Isteqsiyen nniḍen:
1. Ɣer Ahellil 83:18.
Anwa i d isem n Ṛebbi? Ini-d acḥal meqqer wemkan i gesɛa Ṛebbi ɣef ddunit meṛṛa. (Irm. 16:21; Dan. 4:17)
2. Ɣer Laṣel n ddunit 1:26-31.
(a) Anta lḥaǧa taneggarut i d-yexleq Ṛebbi ass wis seţţa, yerna deg wacu i temxalaf lexliqa-ya d lḥiwan? (Laṣel 1:26)
(b) Acu i gefka Yahwa ama i yemdanen ama i lḥiwan? (Laṣel 1:30)
3. Ɣer Laṣel n ddunit 2:7-25.
(a) Acu i glaq a t-yexdem Adam uqbel ad yefk ismawen i lḥiwan? (Laṣel 2:19)
(b) Amek i ɣ-iţɛawan Laṣel n ddunit 2:24 a nefhem tamuɣli yesɛa Yahwa ɣef zzwaǧ, lefraq d berru? (Matta 19:4-6, 9)
Taqsiṭ tis 4
1. Acu akka yeḍran d Adam akk-d Ḥewwa di ţţeswiṛa-yagi?
2. Acuɣer i ten-iɛuqeb Yahwa?
3. Acu i genna yiwen wezrem i Ḥewwa?
4. Anwa i d-issenṭqen azrem-nni i ghedṛen i Ḥewwa?
5. Acimi i sen-tṛuḥ tnezduɣt-nsen i Adam d Ḥewwa di lǧennet?
Isteqsiyen nniḍen:
1. Ɣer Laṣel n ddunit 2:16, 17 akk-d 3:1-13, 24.
(a) Acuɣer asteqsi i gefka wezrem i Ḥewwa ur d-isban ara Yahwa akken yella s ṣṣeḥ? (Laṣel 3:1-5; 1 Yuḥ. 5:3)
(b) Amek i gezmer a ɣ-iɛiwen lemtel n Ḥewwa akken a neţḥadar iman-nneɣ? (Filib. 4:8; Yeɛ. 1:14, 15; 1 Yuḥ. 2:16)
(c) Amek i d-sbanen Adam akk-d Ḥewwa belli ugin ad qeblen lɣelṭat-nsen? (Laṣel 3:12, 13)
(d) Amek i dufɛen ɣef leḥkem n Yahwa ikerruben-nni (lmalayekkat) ibedden ɣer tama n ccerq n leǧnan n Ɛidin? (Laṣel 3:24)
2. Ɣer Aweḥḥi 12:9.
Acu i d-isbeggnen belli Cciṭan idemmer lɣaci ad xaṣmen leḥkem n Ṛebbi? (1 Yuḥ. 5:19)
Taqsiṭ tis 5
1. Amek i ţɛicin Adam d Ḥewwa di beṛṛa n leǧnan n Ɛidin?
2. Acu i gebdan iḍerru d Adam akk-d Ḥewwa, yerna acuɣer?
3. Ayɣer dderya n Adam akk-d Ḥewwa ţţiwsiren yerna ţmeţţaten?
4. Lukan Adam d Ḥewwa uɣen awal i Yahwa, amek ara ɛicen nutni akk-d dderya-nsen?
5. Anta lexsaṛa yesseḥzanen i temmuger Ḥewwa imi ur tuɣ ara awal?
6. Amek i ţţusemman warrac imezwura n Adam akk-d Ḥewwa?
7. Wi ten-ilan warrac ţ-ţullas-agi nniḍen di ţţeswiṛa?
Isteqsiyen nniḍen:
1. Ɣer Laṣel n ddunit 3:16-23 akk-d 4:1, 2.
(a) Amek deɛwessu i d-yeɣlin ɣef lqaɛa tḥuza tudert n Adam? (Laṣel 3:17-19; Ṛuma 8:20, 22)
(b) Imi lmeɛna n yisem n Ḥewwa “ţ-ţin iddren”, acuɣer yerna yisem-agi fell-as? (Laṣel 3:20)
(c) Amek i d-isban Yahwa belli yefka lḥeṛma i Adam d Ḥewwa, ɣas akken denben? (Laṣel 3:7, 21)
2. Ɣer Aweḥḥi 21:3, 4.
Anti “leḥwayeǧ” n zik i tḥarem ad ţwakksent?
Taqsiṭ tis 6
1. Anta i d lxedma n Kayin d Habil?
2. Anti lweɛdat i wwin Kayin d Habil i Yahwa?
3. Acimi lweɛda n Habil teɛǧeb i Yahwa ma ţ-ţin n Kayin ur s-teɛǧib ara?
4. Amek i tga ṭṭbiɛa n Kayin, yerna amek i geɛreḍ Yahwa a t-iɛiwen akken ad ibeddel tikli?
5. D acu i gexdem Kayin mi gella weḥd-es di lexla neţţa d gma-s?
6. Ini-d d acu yeḍran d Kayin mi genɣa gma-s.
Isteqsiyen nniḍen:
1. Ɣer Laṣel n ddunit 4:2-26.
(a) Amek i d-isban Yahwa i Kayin belli deg webrid n lexsaṛa i gella? (Laṣel 4:7)
(b) Amek i d-ibeggen Kayin ayen yellan deg wul-is? (Laṣel 4:9)
(c) Acu yeţxemmim Yahwa ɣef wid yessazzalen idammen n wid ur nexdim acemma? (Laṣel 4:10; Icɛa. 26:21)
2. Ɣer 1 Yuḥenna 3:11, 12.
(a) Ayɣer Kayin yezɛef aṭas? Amek i gezmer a ɣ-iɛiwen wayen i s-iḍran? (Laṣel 4:4, 5; Lem. 14:30; 28:22)
(b) Amek i d-isban Wedlis Iqedsen belli nezmer a neqqim d unṣiḥen ɣer Yahwa ɣas yella uxaṣem di twacult-nneɣ? (Ahel. 27:10; Matta 10:21, 22)
3. Ɣer Lecɣal 24:15.
Anta ṭṭmana i gefka Yahwa i wid akk yeţmeţţaten ɣef ddemma n lḥeqq? (Yuḥ. 5:24)
Taqsiṭ tis 7
1. Deg wacu yemxalaf Ḥanux d yergazen nniḍen?
2. Acuɣer imdanen n zzman n Ḥanux xeddmen aṭas n leḥwayeǧ n diri?
3. Anti leḥwayeǧ n diri i xeddmen yemdanen-nni? (Wali ţţeswiṛa.)
4. Acimi i glaq i Ḥanux ad isɛu tirrugza?
5. Acḥal n iseggasen i ţɛicin yemdanen di zzman-nni, lameɛna acḥal n iseggasen i gɛac Ḥanux?
6. Acu yeḍran mbeɛd lmut n Ḥanux?
Isteqsiyen nniḍen:
1. Ɣer Laṣel n ddunit 5:21-24, 27.
(a) Amek i gant lɛalaqat yesɛa Ḥanux neţţa d Yahwa? (Laṣel 5:24)
(b) Ɛlaḥsab n Wedlis Iqedsen, anwa argaz i gɛacen akteṛ akk n wiyaḍ, yerna acḥal n sna di leɛmeṛ-is asmi yemmut? (Laṣel 5:27)
2. Ɣer Laṣel n ddunit 6:5.
Sani yewweḍ cceṛ ɣef lqaɛa mbeɛd lmut n Ḥanux? Amek i nezmer a nmettel liḥala-nsen ɣer tin-nneɣ? (2 Tim. 3:13)
3. Ɣer Iɛebṛaniyen 11:1.
Anta ṣṣifa yesɛa Ḥanux i “gɛeǧben i Ṛebbi”, yerna acu i d-iwwi wannect-a? (Laṣel 5:22)
4. Ɣer Yuda 14, 15.
Amek i zemren imasiḥiyen ass-agi ad ɛanden tirrugza n Ḥanux m’ara ţɛegginen lɣaci ɣef imenɣi n Harmagidun i d-iteddun? (2 Tim. 4:2; Iɛeb. 13:6)
Taqsiṭ tis 8
1. Acu yeḍran asmi i ḥessent kra n lmalayekkat n Ṛebbi i Cciṭan?
2. Acimi i ǧǧant kra n lmalayekkat ccɣel i sent-yefka Ṛebbi deg igenni akken a d-ṣubbent ɣer lqaɛa?
3. Ayɣer d ayen n diri i xedment lmalayekkat-agi mi d-ṣubbent ɣer lqaɛa yerna lsant lǧeţţa n wemdan?
4. Deg wacu i temxalaf dderya n lmalayek d dderya nniḍen?
5. Akken i teţwaliḍ di ţţeswiṛa-ya, acu i xedmen warraw n lmalayek mi uɣalen d leɣwal?
6. Mbeɛd Ḥanux, anwa argaz ilhan i gɛacen ɣef lqaɛa, yerna acimi i t-iḥemmel Ṛebbi?
Isteqsiyen nniḍen:
1. Ɣer Laṣel n ddunit 6:1-8.
Amek i d-iban di Laṣel n ddunit 6:6 belli tikli-nneɣ tezmer aţ-ţessefṛeḥ neɣ aţ-ţesseḥzen Yahwa? (Ahel. 78:40, 41; Lem. 27:11)
2. Ɣer Yuda 6.
Amek i gezmer a ɣ-iɛiwen lemtel n lmalayek “ur neṭṭif ara di ccan i sent-id-iţţunefken” deg wussan n Nuḥ akken a nexḍu i yir tikli? (1 Kurin. 3:5-9; 2 Buṭ. 2:4, 9)
Taqsiṭ tis 9
1. Acḥal n iɛeggalen i gellan di twacult n Nuḥ, yerna amek i ţţusemman tlata warrac-is?
2. Anta lḥaǧa yessewhamen i geḍleb Ṛebbi i Nuḥ a ţ-yexdem, yerna acuɣer?
3. Acu i xedmen lɣaci mi sen-yehdeṛ Nuḥ ɣef lbabuṛ-nni?
4. Acu i gumeṛ Ṛebbi i Nuḥ ɣef wayen yeɛnan lḥiwan?
5. Mi yeɣleq Ṛebbi tawwurt n lbabuṛ-nni, acu i xedmen Nuḥ ţ-ţwacult-is?
Isteqsiyen nniḍen:
1. Ɣer Laṣel n ddunit 6:9-22.
(a) Acu yerran Nuḥ d aqeddac igerrzen n Ṛebbi n ṣṣeḥ? (Laṣel 6:9, 22)
(b) Acu yeţxemmim Yahwa ɣef leqher? Amek ara ɣ-yawi waya akken a nḥader ɣef lxetyaṛ-nneɣ di zzhu? (Laṣel 6:11, 12; Ahel. 11:5)
(c) Amek i nezmer a nɛaned Nuḥ m’ara ɣ-d-tefk tuddsa n Yahwa lewṣayat? (Laṣel 6:22; 1 Yuḥ. 5:3)
2. Ɣer Laṣel n ddunit 7:1-9.
Amek i neţţuṣebber imi neẓra Yahwa yeḥseb Nuḥ d aḥeqqi ɣas akken d amednub i gella? (Laṣel 7:1; Lem. 10:16; Icɛa. 26:7)
Taqsiṭ tis 10
1. Acuɣer ur yezmir yiwen ad ikcem ɣer lbabuṛ asmi i tebda tekkat lehwa?
2. Acḥal n wussan d wuḍan i d-iwet ugeffur s lqeḍra n Yahwa? Sani i wwḍen waman-nni?
3. Acu yeḍran d lbabuṛ-nni asmi i ɣummen waman lqaɛa?
4. Menɛen leɣwal-nni di lḥemla n waman? Acu yeḍran d ibabaten-nsen?
5. Acu yeḍran d lbabuṛ-nni mi ɛeddan xemsa wagguren?
6. Acimi i gserreḥ Nuḥ i tgerfa ɣer beṛṛa n lbabuṛ-nni?
7. Amek i geẓra Nuḥ belli wexxṛen waman ɣef lqaɛa?
8. Acu yenna Ṛebbi i Nuḥ ţ-ţwacult-is asmi i sɛeddan akteṛ n useggas di lbabuṛ-nni?
Isteqsiyen nniḍen:
1. Ɣer Laṣel n ddunit 7:10-24.
(a) S wacu i tegla lḥemla-nni n waman? (Laṣel 7:23)
(b) Acḥal n wussan i gɛeddan d wamek i neqsen waman ɣef lqaɛa? (Laṣel 7:24)
2. Ɣer Laṣel n ddunit 8:1-17.
Amek i d-isbeggen Laṣel n ddunit 8:17 belli ur ibeddel ara lebɣi n Yahwa ɣef wayen yeɛnan lqaɛa? (Laṣel 1:22)
3. Ɣer 1 Buṭrus 3:19, 20.
(a) Amek i gḥuseb Ṛebbi lmalayek-nni i t-iɛuṣan, asmi i uɣalent s igenni? (Yuda 6)
(b) Yahwa izmer ad isellek iqeddacen-is. Amek taqsiṭ n Nuḥ ţ-ţwacult-is tesseǧhad liman-nneɣ deg wannect-a? (2 Buṭ. 2:9)
Taqsiṭ tis 11
Asmi i d-teḍher teslit n wanẓar
1. Akken i d-iban di ţţeswiṛa-yagi, anta lḥaǧa tamezwarut i gexdem Nuḥ asmi i d-iffeɣ si lbabuṛ?
2. Acu i gumeṛ Ṛebbi i Nuḥ ţ-ţwacult-is asmi i gɛedda uḥemmal-nni n waman?
3. Anta lemɛahda i gefka Ṛebbi?
4. Acu i glaq a d-nemmekti m’ara nwali tislit n wanẓar?
Isteqsiyen nniḍen:
1. Ɣer Laṣel n ddunit 8:18-22.
(a) Amek i nezmer a nefk ass-agi “rriḥa” ara iɛeǧben i Yahwa? (Laṣel 8:21; Iɛeb. 13:15, 16)
(b) Amek i d-iweṣṣef Yahwa ul n yemdanen? Ɣef wacu i glaq a nḥader? (Laṣel 8:21; Matta 15:18, 19)
2. Ɣer Laṣel n ddunit 9:9-17.
(a) Anwa leɛqed i gexdem Yahwa neţţa d lexliqat meṛṛa n lqaɛa? (Laṣel 9:10, 11)
(b) Acḥal n lweqt ara yeqqim leɛqed n teslit n wanẓar? (Laṣel 9:16)
Taqsiṭ tis 12
1. Anwa i d Nimrud? Acu i geţxemmim Ṛebbi fell-as?
2. Akken i teţwaliḍ di ţţeswiṛa-ya, acimi i xeddmen yemdanen-agi llajuṛ?
3. Acuɣer ur s-yeɛǧib ara lebni-nni i Yahwa?
4. Amek i geḥbes Yahwa lebni n lbeṛǧ-nni?
5. Anwa i d isem n temdint-nni? Acu i d lmeɛna n yisem-agi?
6. Acu i xedmen yemdanen asmi i gessexṛeb Ṛebbi lluɣat-nsen?
Isteqsiyen nniḍen:
1. Ɣer Laṣel n ddunit 10:1, 8-10.
Anta ṭṭbiɛa i gesɛa Nimrud? Amek ara ɣ-iɛiwen wannect-a akken a nḥader iman-nneɣ? (Lem. 3:31)
2. Ɣer Laṣel n ddunit 11:1-9.
Acu i gewwin lɛibad ad bnun lbeṛǧ-nni? Acuɣer ur wwiḍen ara ɣer lebɣi-nsen di lebni-nni? (Laṣel 11:4; Lem. 16:18; Yuḥ. 5:44)
Taqsiṭ tis 13
1. Amek i gan lɣaci i gɛacen di temdint n Ur?
2. Anwa-t wergaz-agi i teţwaliḍ di ţţeswiṛa? Anda i glul d wanda i gɛac?
3. Acu i geḍleb Ṛebbi i Abṛaham a t-yexdem?
4. Acuɣer i geţţusemma Abṛaham “aḥbib n Ṛebbi”?
5. Anwa i geddan d Abṛaham asmi i geǧǧa tamdint n Ur?
6. Acu i genna Ṛebbi i Abṛaham asmi i gewweḍ ɣer tmurt n Kanɛan?
7. Acu i gewɛed Ṛebbi i Abṛaham asmi i gesɛa 99 n sna di leɛmeṛ-is?
Isteqsiyen nniḍen:
1. Ɣer Laṣel n ddunit 11:27-32.
(a) D acu-yas-t Luṭ i Abṛaham? (Laṣel 11:27)
(b) Ɣas yura deg Wedlis Iqedsen belli d Tiraḥ i gewwin tawacult-is ɣer tmurt n Kanɛan, amek i neẓra belli d Abṛaham i geṭṭfen leqrar n ṛṛwaḥ-agi? Acimi i gexdem annect-a? (Laṣel 11:31; Lec. 7:2-4)
2. Ɣer Laṣel n ddunit 12:1-7.
Amek i gessewseɛ Yahwa leɛqed i gefka i Abṛaham asmi i gekcem tamurt n Kanɛan? (Laṣel 12:7)
3. Ɣer Laṣel n ddunit 17:1-8, 15-17.
(a) Yeţţubeddel yisem n Abṛam asmi i gesɛa 99 n sna. Anwa i d isem-agi? Teẓriḍ acuɣer? (Laṣel 17:5)
(b) Anti lbaṛakat i gewɛed Yahwa i Ṣara? (Laṣel 17:15, 16)
4. Ɣer Laṣel n ddunit 18:9-19.
(a) Ɛlaḥsab n Laṣel n ddunit 18:19, acu i gersen ɣef tuyat n ibabaten? (Asmek. 6:6, 7; Ifas. 6:4)
(b) Acu i texdem Ṣara i d-ibeggnen belli ur yelli wayen i nezmer a neffer i Yahwa? (Laṣel 18:12, 15; Ahel. 44:21)
Taqsiṭ tis 14
1. Anta lemɛahda i gefka Ṛebbi i Abṛaham? Amek i geṭṭef Ṛebbi deg wawal-is?
2. Akken i t-teţwaliḍ di ţţeswiṛa, amek i gjeṛṛeb Ṛebbi liman n Abṛaham?
3. Acu i gexdem Abṛaham ɣas akken ur yefhim ara ayen i s-d-yeḍleb Ṛebbi?
4. Acu i geḍran m’akken yekker Abṛaham ad ineɣ mmi-s s lmus?
5. Acḥal i meqqer liman yesɛa Abṛaham di Ṛebbi?
6. Acu i s-d-ijuba Ṛebbi i Abṛaham akken a t-imudd d asfel, yerna amek?
Isteqsiyen nniḍen:
1. Ɣer Laṣel n ddunit 21:1-7.
Ayɣer i gesseḍher Abṛaham i mmi-s ass wis tmanya? (Laṣel 17:10-12; 21:4)
2. Ɣer Laṣel n ddunit 22:1-18.
Amek i d-isbeggen Isḥaq ṭṭaɛa-ines ɣer baba-s Abṛaham? Amek i d-imettel wannect-a lḥaǧa ara yeḍrun ɣer zdat yesɛan azal akteṛ? (Laṣel 22:7-9; 1 Kurin. 5:7; Filib. 2:8, 9)
Taqsiṭ tis 15
1. Acuɣer i mfaraqen Abṛaham d Luṭ?
2. Ayɣer i gextaṛ Luṭ ad iɛic di Sudum?
3. Amek i gan imezdaɣ n Sudum?
4. Acu i nnant snat lmalayekkat i Luṭ?
5. Acimi i tuɣal tmeṭṭut n Luṭ ţ-ţigejdit n lemleḥ?
6. Amek i nezmer a nestenfeɛ swayen yeḍran ţ-ţmeṭṭut n Luṭ?
Isteqsiyen nniḍen:
1. Ɣer Laṣel n ddunit 13:5-13.
Bac a nefru iɣeblan gar-aneɣ, acu i nezmer a nelmed deg wayen yexdem Abṛaham? (Laṣel 13:8, 9; Ṛuma 12:10; Filib. 2:3, 4)
2. Ɣer Laṣel n ddunit 18:20-33.
Deg wayen i genna Yahwa i Abṛaham, acu i ɣ-d-yefkan ṭṭmana belli Ɛisa d Baba-s ad ḥasben s lḥeqq? (Laṣel 18:25, 26; Matta 25:31-33)
3. Ɣer Laṣel n ddunit 19:1-29.
(a) Ɛlaḥsab n Wedlis Iqedsen, amek i geḥseb Ṛebbi irgazen yegganen d yergazen nniḍen? (Laṣel 19:5, 13; Lewwi 20:13)
(b) Deg wayen yeɛnan tiɣin n wawal i lewṣayat n Ṛebbi, acu n lxilaf yellan ger Abṛaham d Luṭ? Acu i ɣ-isselmad wannect-a? (Laṣel 19:15, 16, 19, 20; 22:3)
4. Ɣer Luqa 17:28-32.
Amek i teḥseb cci tmeṭṭut n Luṭ deg wul-is? I nekni, amek i glaq a nḥader iman-nneɣ deg wannect-a? (Luqa 12:15; 17:31, 32; Matta 6:19-21, 25)
5. Ɣer 2 Buṭrus 2:6-8.
Am Luṭ, acu i glaq a nḥuss ɣef wayen yeɛnan ddunit ijehlen i ɣ-d-yezzin? (Ḥizq. 9:4; 1 Yuḥ. 2:15-17)
Taqsiṭ tis 16
1. Anwa-ten wergaz ţ-ţmeṭṭut-agi i teţwaliḍ di ţţeswiṛa?
2. Acu i gexdem Abṛaham akken a d-yaf tameṭṭut i mmi-s Isḥaq? Acuɣer i gexdem annect-a?
3. Amek i teţwaqbel tẓallit n uqeddac n Abṛaham?
4. Acu i sen-terra Ribka asmi i s-ḍelben ma tebɣa aţ-ţaɣ Isḥaq?
5. Acu i d-yerran lfeṛḥ i Isḥaq?
Isteqsiyen nniḍen:
1. Ɣer Laṣel n ddunit 24:1-67.
(a) Anti ṣṣifat yelhan i d-tesbeggen Ribka asmi i d-temmuger aqeddac n Abṛaham ɣer tama n lbir? (Laṣel 24:17-20; Lem. 31:17, 31)
(b) Acu i zemren ad lemden imasiḥiyen n tura deg wayen yexdem Abṛaham i Isḥaq? (Laṣel 24:37, 38; 1 Kurin. 7:39; 2 Kurin. 6:14)
(c) Acuɣer i glaq a neɛzel lweqt i umeyyez akken yexdem Isḥaq? (Laṣel 24:63; Ahel. 77:12; Filib. 4:8)
Taqsiṭ tis 17
1. Anwi i d Ɛisu d Yeɛqub? Deg wacu i mxalafen?
2. Acḥal di leɛmeṛ n Ɛisu d Yeɛqub asmi i gemmut jeddi-tsen Abṛaham?
3. Acu i gexdem Ɛisu i gesseḥznen aṭas imawlan-is?
4. Ayɣer i gezɛef aṭas Ɛisu ɣef gma-s Yeɛqub?
5. Anwa lameṛ i gefka Isḥaq i mmi-s Yeɛqub?
Isteqsiyen nniḍen:
1. Ɣer Laṣel n ddunit 25:5-11, 20-34.
(a) Acu i d-yenna Yahwa uqbel talalit n sin warrac n Ribka? (Laṣel 25:23)
(b) Acu n lxilaf yellan ger lɛeqliya n Yeɛqub ţ-ţin n Ɛisu ɣef wayen yeɛnan “lḥeqq n umenzu”? (Laṣel 25:31-34)
2. Ɣer Laṣel n ddunit 26:34, 35; 27:1-46; d 28:1-5.
(a) Amek i d-iban belli Ɛisu yeḥqer leḥwayeǧ yeɛnan Ṛebbi? (Laṣel 26:34, 35; 27:46)
(b) Akken lbaṛaka n Ṛebbi a d-tṣaḥ Yeɛqub, acu i s-yenna Isḥaq a t-ixdem? (Laṣel 28:1-4)
3. Ɣer Iɛebṛaniyen 12:16, 17.
Acu i gḍerrun i wid ur neţţak ara lɛezz i leḥwayeǧ iqedsen am wakken i t-nwala di lemtel n Ɛisu?
Taqsiṭ tis 18
1. Anta-ţ teqcict-agi i teţwaliḍ di ţţeswiṛa? Deg wacu i ţ-iɛawen Yeɛqub?
2. Acu i geqbel ad yexdem Yeɛqub akken ad yaɣ Ṛaḥil?
3. Acu i gexdem Laban mi d-yeḥdeṛ zzwaǧ n Yeɛqub d Ṛaḥil?
4. Acu i geqbel ad yexdem daɣen Yeɛqub iwakken aţ-ţuɣal Ṛaḥil ţ-ţameṭṭut-is?
Isteqsiyen nniḍen:
1. Ɣer Laṣel n ddunit 29:1-30.
(a) Ɣas akken Laban ikellex ɣef Yeɛqub, amek i t-iquder Yeɛqub? Acu i nezmer a nelmed deg wannect-a? (Laṣel 25:27; 29:26-28; Matta 5:37)
(b) Amek i d-yesbeggen lemtel n Yeɛqub lxilaf yellan ger leḥmala n ṣṣeḥ d leɛceq ur neţdumu ara? (Laṣel 29:18, 20, 30; Ccna 8:6)
(c) Anta-tent ṛebɛa tlawin-nni i gɛemmṛen axxam n Yeɛqub s warrac? (Laṣel 29:23, 24, 28, 29)
Taqsiṭ tis 19
1. Anwi i d ismawen n seţţa warrac n Yeɛqub i s-d-tefka tmeṭṭut-is tamezwarut Liya?
2. Anwi i d sin warrac i d-tesɛa Zilfa, taqeddact n Liya, i Yeɛqub?
3. Anwi i d ismawen n sin warrac i d-tesɛa Bilha, taqeddact n Ṛaḥil, i Yeɛqub?
4. Anwi i d ismawen n sin warrac n Ṛaḥil? Acu yeḍran mi d-ilul wis sin?
5. Akken i teţwaliḍ di ţţeswiṛa, acḥal n warrac i gesɛa Yeɛqub? Anwa lǧens i d-yekkan seg-sen?
Isteqsiyen nniḍen:
1. Ɣer Laṣel n ddunit 29:32-35; 30:1-26; d 35:16-19.
Akken i d-iban di lemtel n 12 n warraw n Yeɛqub, amek i ţţextiṛin zik Iɛibṛaniyen ismawen n warrac-nsen?
2. Ɣer Laṣel n ddunit 37:35.
Ɣas yemmeslay-ed Wedlis Iqedsen ḥaca ɣef yisem n Dina, amek i neẓra belli Yeɛqub yesɛa tullas nniḍen? (Laṣel 37:34, 35)
Taqsiṭ tis 20
1. Acuɣer Abṛaham d Isḥaq ur bɣin ara ad zewǧen warraw-nsen nutni ţ-ţullas n Kanɛan?
2. Yefṛeḥ Yeɛqub imi i tesɛa yelli-s tiḥbibin si tullas n Kanɛan?
3. Sked ţţeswiṛa. Anwa-t wergaz-agi yeţmuqulen Dina? Anta lḥaǧa icemten i gexdem?
4. Acu i xedmen Cimɛun d Lewwi, atmaten n Dina, asmi i slan swayen yeḍran?
5. Yeqbel Yeɛqub ayen i xedmen Cimɛun d Lewwi?
6. Amek i d-bdan iɣeblan meṛṛa n twacult n Yeɛqub?
Isteqsiyen nniḍen:
1. Ɣer Laṣel n ddunit 34:1-31.
(a) Ḥaca yiwet n tikkelt i temlal Dina neţţat ţ-ţullas n Kanɛan? Ssefhem-ed. (Laṣel 34:1)
(b) Amek i teţţekka Dina di tukksa n sser-ines? (Gal. 6:7)
(c) Amek i zemren yelmeẓyen n wass-a a d-beggnen belli stenfɛen swayen i geḍran d Dina? (Lem. 13:20; 1 Kurin. 15:33; 1 Yuḥ. 5:19)
Taqsiṭ tis 21
1. Acuɣer i ţţasmen watmaten n Yusef deg-s? D acu i xedmen?
2. Acu i bɣan watmaten n Yusef a s-t-xedmen? Lameɛna acu i sen-yenna Rawubin?
3. Acu i geḍran m’akken i d-leḥqen wat Ismaɛil?
4. Acu i xedmen watmaten n Yusef akken ad iɣil baba-tsen belli yemmut Yusef?
Isteqsiyen nniḍen:
1. Ɣer Laṣel n ddunit 37:1-35.
(a) Amek i zemren imasiḥiyen ad tebɛen lemtel n Yusef deg wayen yeɛnan asbanay (akcaf) n ddnub di tejmaɛt? (Laṣel 37:2; Lewwi 5:1; 1 Kurin. 1:11)
(b) Acu i gdemmren atmaten n Yusef akken a t- xedɛen? (Laṣel 37:11, 18; Lem. 27:4; Yeɛ. 3:14-16)
(c) Acu i gexdem Yeɛqub i d-isbeggnen belli meɛduṛ leḥzen-ines? (Laṣel 37:35)
Taqsiṭ tis 22
1. Acḥal i gesɛa Yusef di leɛmeṛ-is asmi i t-wwin ɣer Maṣer? Acu yeḍran yid-es mi gewweḍ ɣer dinna?
2. Acimi i gekcem Yusef ɣer lḥebs?
3. Anwa ccɣel i geţţunefken i Yusef di lḥebs?
4. Acu i gexdem Yusef di lḥebs ɣef ddemma n lewkil n tissit n Ferɛun d win i s-iferrqen aɣrum?
5. Acu yeḍran asmi i d-yeffeɣ lewkil n tissit si lḥebs?
Isteqsiyen nniḍen:
1. Ɣer Laṣel n ddunit 39:1-23.
Ɣas ur yeţwakteb ara di zzman n Yusef lqanun n Ṛebbi i gḥeṛṛmen lexdeɛ di zzwaǧ (zzna), acu i t-idemmren ad yerwel ɣef tmeṭṭut n Futifaṛ? (Laṣel 2:24; 20:3; 39:9)
2. Ɣer Laṣel n ddunit 40:1-23.
(a) Ḥku-d s kra n imeslayen targit-nni n lewkil n tissit d wamek i ţ-id-issefra Yahwa i Yusef. (Laṣel 40:9-13)
(b) Acu i yurga win akken iferrqen aɣrum, yerna acu i d lmeɛna n targit-is? (Laṣel 40:16-19)
(c) Amek i teţɛanad ass-a terbaɛt n wakli aɛeqli unṣiḥ tikli n Yusef? (Laṣel 40:8; Ahel. 36:9; Yuḥ. 17:17; Lec. 17:2, 3)
(d) Anta lefhama i d-yefka Laṣel n ddunit 40:20 ɣef tmuɣli i glaq ad sɛun imasiḥiyen ɣef lɛid n wesmekti n tlalit? (Amus. 7:1; Mar. 6:21-28)
Taqsiṭ tis 23
1. Acu yeḍran d Ferɛun yiwen yiḍ?
2. Acu yewwin lewkil-nni n tissit a d-yemmekti Yusef ɣer taggara?
3. Akken i t-teţwaliḍ di ţţeswiṛa, acu yurga Ferɛun?
4. Acu i d-yenna Yusef ɣef lmeɛna n tirga-nni?
5. Amek i guɣal Yusef di tmurt n Maṣer d argaz yugaren akk wiyaḍ mbeɛd Ferɛun?
6. Acimi i d-ṛuḥen watmaten n Yusef ɣer Maṣer, yerna acuɣer ur t-ɛqilen ara?
7. Anta targit i d-yemmekta Yusef, yerna d acu i t-tɛawen ad yefhem?
Isteqsiyen nniḍen:
1. Ɣer Laṣel n ddunit 41:1-57.
(a) Amek i gejbed Yusef tamuɣli-nneɣ ɣef Yahwa? Amek i zemren a t-ɛanden imasiḥiyen ass-a? (Laṣel 41:16, 25, 28; Matta 5:16; 1 Buṭ. 2:12)
(b) Amek i d-weṣṣfen iseggasen-nni n tawant i d-ḍefren leɛwam-nni n laẓ lxilaf yellan ger liḥala n wegdud n Ṛebbi di leḥwayeǧ n ṛṛuḥ ass-a, ţ-ţin ideg i tella ddunit tamasiḥit? (Laṣel 41:29, 30; Ɛamus 8:11, 12)
2. Ɣer Laṣel n ddunit 42:1-8 d 50:20.
Lɛebd yuklalen leqder d lɛezz imi yeṭṭef amkan ameqran, zemren ad knun zdat-es iqeddacen n Yahwa ma yella d lɛadda wannect-a di tmurt-nsen? (Laṣel 42:6)
Taqsiṭ tis 24
1. Acimi yenna Yusef i watmaten-is d ixbaṛǧiyen i llan?
2. Acuɣer i geǧǧa Yeɛqub mmi-s amaẓuẓ Binyamin ad iṛuḥ ɣer Maṣer?
3. Amek armi i ufan taqbuct-nni n lfeṭṭa n Yusef di tcekkaṛt n Binyamin?
4. Acu i geqbel Yahuda a t-yexdem akken ad serrḥen i gma-s Binyamin?
5. Deg wacu i beddlen watmaten n Yusef?
Isteqsiyen nniḍen:
1. Ɣer Laṣel n ddunit 42:9-38.
Amek imeslayen n Yusef di Laṣel n ddunit 42:18 llan d asmekti igerrzen i yemḍebbren n wass-a di tuddsa n Yahwa? (Naḥam. 5:15; 2 Kurin. 7:1, 2)
2. Ɣer Laṣel n ddunit 43:1-34.
(a) Ɣas d Rawubin i d amenzu, acu i d-ibeggnen belli Yahuda immeslay-ed s yisem n watmaten-is? (Laṣel 43:3, 8, 9; 44:14, 18; 1 Amez. 5:2)
(b) Amek i gjeṛṛeb Yusef atmaten-is, yerna acuɣer? (Laṣel 43:33, 34)
3. Ɣer Laṣel n ddunit 44:1-34.
(a) D acu i gerra iman-is Yusef m’akken yexdem tiḥila i watmaten-is akken ad yeffer wi t-ilan? (Laṣel 44:5, 15; Lewwi 19:26)
(b) Amek i d-sseknen watmaten n Yusef belli kksent-asen tismin-nni i sɛan zik ɣur-es? (Laṣel 44:13, 33, 34)
Taqsiṭ tis 25
1. Acu yeḍran mi genna Yusef i watmaten-is wi t-ilan?
2. Acu yessefhem Yusef i watmaten-is s leḥnana?
3. Acu yenna Ferɛun mi gesla usan-d watmaten n Yusef?
4. Yeɛqub ţ-ţwacult-is ṣubben ɣer Maṣer. Deg acḥal yid-sen?
5. Amek i teţţusemma twacult n Yeɛqub, yerna acuɣer?
Isteqsiyen nniḍen:
1. Ɣer Laṣel n ddunit 45:1-28.
Amek i d-issken wayen i d-yeḥka Wedlis Iqedsen ɣef Yusef belli Yahwa izmer ad yerr d lbaṛaka ccedda ara d-yeɣlin ɣef iqeddacen-is? (Laṣel 45:5-8; Icɛa. 8:10; Filib. 1:12-14)
2. Ɣer Laṣel n ddunit 46:1-27.
Anta ṭṭmana i gefka Yahwa i Yeɛqub m’akken iteddu ɣer Maṣer? (Laṣel 46:1-4, wali tirawt yeɛnan ifyar-agi.)
Taqsiṭ tis 26
1. Anwa i d Yub?
2. Acu i geɛreḍ a t-yexdem Cciṭan? Yewweḍ ɣer lebɣi-s?
3. Acu yeǧǧa Yahwa i Cciṭan a t-yexdem, yerna acimi?
4. Ayɣer i s-tenna i Yub tmeṭṭut-is “nɛel Ṛebbi temmteḍ”? (Wali ţţeswiṛa.)
5. Akken i t-teţwaliḍ di ţţeswiṛa tis snat, amek i gburek Yahwa aqeddac-is Yub, yerna acuɣer?
6. Ma neqqim d unṣiḥen ɣer Yahwa am Yub, anti lbaṛakat ara ɣ-d-iṣaḥen?
Isteqsiyen nniḍen:
1. Ɣer Yub 1:1-22.
Amek i zemren ad ɛanden Yub imasiḥiyen n wass-a? (Yub 1:1; Filib. 2:15; 2 Buṭ. 3:14)
2. Ɣer Yub 2:1-13.
Yub ţ-ţmeṭṭut-is mxalafen akken i qublen aqhar n Cciṭan. Teẓriḍ amek? (Yub 2:9, 10; Lem. 19:3; Mixa 7:7; Mal. 3:14)
3. Ɣer Yub 42:10-17.
(a) Deg wacu i ţţemcabint lbaṛakat i gefka Ṛebbi i Yub ţ-ţigad yeţţunefken i Ɛisa imi yeqqim d unṣiḥ ṭṭul n leɛmeṛ-is? (Yub 42:12; Filib. 2:9-11)
(b) Amek i ɣ-sseǧhdent lbaṛakat yeţţunefken i Yub imi geṭṭef di Ṛebbi? (Yub 42:10, 12; Iɛeb. 6:10; Yeɛ. 1:2-4, 12; 5:11)
Taqsiṭ tis 27
1. Anwa-t wergaz-agi yeṭṭfen ajelkaḍ di ţţeswiṛa? Anwa akka i gekkat?
2. Si lmut n Yusef d asawen, acu yeḍran d wat Isṛayil?
3. Acimi i ugaden Imaṣriyen At Isṛayil?
4. Anwa lameṛ i gefka Ferɛun i lqiblat?
Isteqsiyen nniḍen:
1. Ɣer Tuffɣa 1:6-22.
(a) Yahwa yeṭṭef deg wawal-is ɣef wayen yeɛnan lemɛahda i gefka i Abṛaham. Melmi i d-iban wannect-a? (Tuf. 1:7; Laṣel 12:2; Lec. 7:17)
(b) Amek i d-beggnent lqiblat-nni tiɛibṛaniyin belli ţqadarent tudert? (Tuf. 1:17; Laṣel 9:6)
(c) Amek i gburek Yahwa lqiblat-nni ɣef ddemma n nnṣaḥa-nsent? (Tuf. 1:20, 21; Lem. 19:17)
(d) Amek i gnuda Cciṭan ad ixaṣem leqsed n Yahwa yeɛnan zzerriɛa i gewɛed i Abṛaham? (Tuf. 1:22; Matta 2:16)
Taqsiṭ tis 28
1. Anwa-t llufan-agi di ţţeswiṛa, yerna wi t-ilan uḍad-agi i geṭṭef?
2. Acu i texdem yemma-s n Musa akken a t-tsellek si lmut?
3. Anta-ţ teqcict-agi tamecṭuḥt di ţţeswiṛa yerna acu i texdem?
4. Asmi i tufa yelli-s n Ferɛun llufan-nni, acu i s-tenna Meryem?
5. Acu i tessuter yelli-s n Ferɛun i yemma-s n Musa?
Isteqsiyen nniḍen:
1. Ɣer Tuffɣa 2:1-10.
Amek i tufa abrid yemma-s n Musa akken a t-tṛebbi w’a t-tesɣer asmi yella d amecṭuḥ? Amek i zemren imawlan n wass-a ad tebɛen lemtel i d-teǧǧa? (Tuf. 2:9, 10; Asmek. 6:6-9; Lem. 22:6; Ifas. 6:4; 2 Tim. 3:15)
Taqsiṭ tis 29
1. Anda i d-yekker Musa, lameɛna acu i geẓra ɣef imawlan-is?
2. Acu i gexdem Musa asmi i gewweḍ 40 n sna?
3. Acu yenna Musa i yiwen Uɛibṛani i geţnaɣen? Acu i s-d-yerra?
4. Ayɣer i gerwel Musa si Maṣer?
5. Sani i gerwel Musa? Anwa i d-immuger dinna?
6. Acu yexdem Musa di 40 iseggasen i d-itebɛen tarewla-s si Maṣer?
Isteqsiyen nniḍen:
1. Ɣer Tuffɣa 2:11-25.
Ɣas yeɣra acḥal d aseggas di lekyasa n Imaṣriyen, amek i d-issken Musa nnṣaḥa-ines i Yahwa akk-d wegdud-is? (Tuf. 2:11, 12; Iɛeb. 11:24)
2. Ɣer Lecɣal 7:22-29.
Acu i nezmer a nelmed deg wayen yeḍran d Musa m’akken yeɛreḍ ad yessufeɣ s iɣallen-is kan At Isṛayil seg uzaglu n Imaṣriyen? (Lec. 7:23-25; 1 Buṭ. 5:6, 10)
Taqsiṭ tis 30
1. Amek i s-qqaren i wedrar-agi i teţwaliḍ di ţţeswiṛa?
2. Ḥku-d leɛǧeb i gwala Musa m’akken i gṛuḥ ɣer wedrar neţţa d wulli-ines.
3. Acu i d-yenna ṣṣut-nni i d-ikkan seg inijel, wi t-ilan ṣṣut-nni?
4. Acu i s-yerra Musa m’akken i s-yenna Ṛebbi ad issufeɣ agdud-is si Maṣer?
5. Acu yenna Ṛebbi i Musa a t-yini ma yella yesteqsa-t wegdud-is anwa i t-iceggɛen?
6. Amek i gezmer Musa ad yefk ţţbut belli d Ṛebbi i t-iceggɛen?
Isteqsiyen nniḍen:
1. Ɣer Tuffɣa 3:1-22.
Ɣas nɣil ur nezmir ara i ccɣel ara ɣ-iţţunefken di tuddsa n Ṛebbi, amek ayen ijeṛṛeb Musa yeţţak-aɣ ṭṭmana belli ur ɣ-yeţţaǧǧa ara Yahwa? (Tuf. 3:11, 13; 2 Kurin. 3:5, 6)
2. Ɣer Tuffɣa 4:1-20.
(a) Acu i gbeddlen di ṭṭbiɛa n Musa m’akken i gɛac 40 iseggasen di Midyan? Acu i zemren ad lemden wid yeţmennin ad sɛun lemzeyyat di tejmaɛt? (Tuf. 2:11, 12; 4:10, 13; Mixa 6:8; 1 Tim. 3:1, 6, 10)
(b) Ɣas iţṛebbi-yaɣ (iţṣewwib-aɣ) Yahwa s tuddsa-ines, anta ṭṭmana i ɣ-d-yeţţak lemtel n Musa? (Tuf. 4:12-14; Ahel. 103:14; Iɛeb. 12:4-11)
Taqsiṭ tis 31
1. Acu xedmen wat Isṛayil asmi i xedmen Musa d Haṛun lbeṛhanat zdat-sen?
2. Acu nnan Musa d Haṛun i Ferɛun, yerna acu i sen-yerra?
3. Akken i teţwaliḍ di ţţeswiṛa, acu yeḍran m’akken iḍegger Haṛun aɛekkaz-is ɣer lqaɛa?
4. Acu yessexdem Yahwa akken ad issefhem i Ferɛun ayen akk ur izmir ad yeţţu? Acu yexdem Ferɛun?
5. Acu yeḍran mi tɛedda lmuṣiba tis ɛecṛa?
Isteqsiyen nniḍen:
1. Ɣer Tuffɣa 4:27-31 d 5:1-23.
Acu i gebɣa a d-yini Ferɛun m’akken i d-yenna belli ur yessin ara Yahwa? (Tuf. 5:2; 1 Cam. 2:12; Ṛuma 1:21)
2. Ɣer Tuffɣa 6:1-13, 26-30.
(a) Acu yebɣa a d-yini Yahwa asmi i genna belli mačči s yisem-is i t-ssnen Abṛaham, Isḥaq d Yeɛqub? (Tuf. 3:13, 14; 6:3; Laṣel 12:8)
(b) Acu i neţḥussu imi neẓra belli Yahwa yesseqdec Musa ɣas neţţa iḥqer iman-is m’akken yeţţuceggeɛ? (Tuf. 6:12, 30; Luqa 21:13-15)
3. Ɣer Tuffɣa 7:1-13.
(a) Asmi i nnan s tirrugza lḥisab n Yahwa i Ferɛun, anwa lemtel i d-ǧǧan Musa d Haṛun i iqeddacen n Ṛebbi n wass-a? (Tuf. 7:2, 3, 6; Lec. 4:29-31)
(b) Amek i d-ibeggen Yahwa belli lɛaḍima-s tugar tin n iṛebbiten n Maṣer? (Tuf. 7:12; 1 Amez. 29:12)
Taqsiṭ tis 32
1. Muqel ţţeswiṛat-agi teḥkuḍ-d tlata n lmuṣibat timezwura i d-yesseɣli Yahwa ɣef Maṣer.
2. Acu n lxilaf yellan ger tlata n lmuṣibat timezwura d sebɛa n lmuṣibat-nni nniḍen?
3. Ḥku-d lmuṣiba tis ṛebɛa, tis xemsa ţ-ţis seţţa.
4. Mel-ed amek i tga lmuṣiba tis sebɛa, tis tmanya ţ-ţis tesɛa.
5. Acu yeḍleb Yahwa i wat Isṛayil a t-xedmen uqbel lmuṣiba tis ɛecṛa?
6. Anta i d lmuṣiba tis ɛecṛa, yerna acu yeḍran umbeɛd?
Isteqsiyen nniḍen:
1. Ɣer Tuffɣa 7:19–8:23.
(a) Ɣas zemren iseḥḥaren n Maṣer ad xedmen ula d nutni snat lmuṣibat-nni timezwura, s wacu i sen-ilaq ad steɛṛfen mi tɛedda lmuṣiba tis tlata? (Tuf. 8:18, 19; Matta 12:24-28)
(b) Amek i d-tbeggen lmuṣiba tis ṛebɛa belli yezmer Yahwa ad iḥunn ɣef wegdud-is? Amek i geḍmen wannect-a agdud n Ṛebbi yeţṛaǧun “leqheṛ d ameqqran”? (Tuf. 8:22, 23; Aweḥ. 7:13, 14; 2 Amez. 16:9)
2. Ɣer Tuffɣa 8:24; 9:3, 6, 10, 11, 14, 16, 23-25; d 10:13-15, 21-23.
(a) Ɛecṛa-nni n lmuṣibat sbanent-ed snat n trebbuɛa n lɛibad. Anta-tent? Amek i glaq a nwali snat n trebbuɛa-yagi ass-a? (Tuf. 8:10, 18, 19; 9:14)
(b) Amek i ɣ-iţɛawan wayen yuran di Tuffɣa 9:16 a nefhem acimi yeǧǧa Yahwa ad yidir Cciṭan armi ţ-ţura? (Ṛuma 9:21, 22)
3. Ɣer Tuffɣa 12:21-32.
Amek i ţţusellken waṭas n yemdanen s Lɛid n Usuref (iwumi qqaren kra Tafaska)? Acu i d-imettel lɛid-agi? (Tuf. 12:21-23; Yuḥ. 1:29; Ṛuma 5:18, 19, 21; 1 Kurin. 5:7)
Taqsiṭ tis 33
1. Acḥal n yergazen n wat Isṛayil i geffɣen si Maṣer mebla leḥsab n tlawin d imecṭaḥ? Anwi i geddan yid-sen?
2. Acu i gḥuss Ferɛun asm’akken yeǧǧa At Isṛayil ad ṛuḥen? Acu yexdem?
3. Acu yexdem Yahwa akken ur ẓeddmen ara Imaṣriyen ɣef wegdud-is?
4. Acu yeḍran asm’akken yeẓẓel Musa aɛekkaz-is ɣer lebḥeṛ Azeggaɣ? D acu i xedmen wat Isṛayil?
5. Acu yeḍran m’akken Imaṣriyen tebɛen At Isṛayil di lebḥeṛ?
6. Amek i d-sbeggnen wat Isṛayil belli feṛḥen yerna steɛṛfen imi i ten-isellek Yahwa?
Isteqsiyen nniḍen:
1. Ɣer Tuffɣa 12:33-36.
Acu yexdem Yahwa akken ad ţţuxellṣen wat Isṛayil ɣef iseggasen-nni ideg i llan ddaw ufus n Imaṣriyen? (Tuf. 3:21, 22; 12:35, 36)
2. Ɣer Tuffɣa 14:1-31.
Acu ara ḥussen iqeddacen n Yahwa n wass-a, ara iwalin lgirra n Harmagidun i d-iteddun, m’ara ɣren imeslayen n Musa di Tuffɣa 14:13, 14? (2 Amez. 20:17; Ahel. 91:8)
3. Ɣer Tuffɣa 15:1-8, 20, 21.
(a) Ayɣer i glaq iqeddacen n Yahwa ad ḥemden Ṛebbi? (Tuf. 15:1, 2; Ahel. 105:2, 3; Aweḥ. 15:3, 4)
(b) Anwa lemtel i d-teǧǧa Meryem ţ-ţlawin nniḍen i tmasiḥiyin n lweqt-nneɣ asmi i ḥemdent Yahwa di lebḥeṛ Azeggaɣ? (Tuf. 15:20, 21; Ahel. 68:11)
Taqsiṭ tis 34
1. Acu akka i jemmɛen lɣaci-yagi di ţţeswiṛa, yerna isem-is?
2. Acu yenna Musa i wegdud ɣef wayen yeɛnan ajmaɛ n tmana?
3. Acu yenna Yahwa i wegdud a t-ixdem ass wis seţţa, yerna acuɣer?
4. Anwa lbeṛhan i gxeddem Yahwa m’akken i jemmɛen wat Isṛayil tamana i wass wis sebɛa?
5. Acḥal n lweqt i gessečč Yahwa agdud-is s tmana?
Isteqsiyen nniḍen:
1. Ɣer Tuffɣa 16:1-36 d Uneẓruf 11:7-9.
(a) Acu i d-yessken wayen yuran di Tuffɣa 16:8 ɣef leqder i ɣ-ilaq a nesɛu m’ara ţţunefkent lemzeyyat di tejmaɛt tamasiḥit? (Iɛeb. 13:17)
(b) Deg uneẓruf, amek i d-ţmektayen wat Isṛayil yal ass belli ḥwaǧen Yahwa? (Tuf. 16:14-16, 35; Asmek. 8:2, 3)
(c) Anta lmeɛna i gefka Ɛisa i tmana? Amek i nezmer a nesfaydi s “[we]ɣṛum i d-yekkan seg igenni”? (Yuḥ. 6:31-35, 40)
2. Ɣer Yacuɛa 5:10-12.
Acḥal iseggasen i ččan wat Isṛayil tamana? Amek i ten-ijeṛṛeb wannect-a? Acu i nezmer a nelmed s temsalt-a? (Tuf. 16:35; Aneẓ. 11:4-6; 1 Kurin. 10:10, 11)
Taqsiṭ tis 35
1. Anda i sbedden wat Isṛayil iqiḍunen-nsen sin wagguren mbeɛd tuffɣa-nsen si Maṣer?
2. Acu i gumeṛ Yahwa i wegdud a t-yexdem, acu i s-d-yerra?
3. Acuɣer i gefka Yahwa snat n teblaḍin n weẓru i Musa?
4. Anwi leqwanen nniḍen i gefka Yahwa i wat Isṛayil yellan d zzayed ɣef Ɛecṛa n Lumuṛ?
5. Ɛlaḥsab n Ɛisa, anwi i d sin leqwanen yugaren akk wiyaḍ?
Isteqsiyen nniḍen:
1. Ɣer Tuffɣa 19:1-25; 20:1-21; 24:12-18; d 31:18.
Amek i ɣ-ţɛawanen imeslayen n Tuffɣa 19:8 a nefhem acu i d lmeɛna n ubuddu n yiman-nneɣ i Yahwa? (Matta 16:24; 1 Buṭ. 4:1-3)
2. Ɣer Asmekti 6:4-6; At Lewwi 19:18; d Matta 22:36-40.
Amek i d-sbanayen Imasiḥiyen belli ḥemmlen Yahwa d lɣir-nsen? (Mar. 6:34; Lec. 4:20; Ṛuma 15:2)
Taqsiṭ tis 36
1. Acu i gxeddem wegdud di ţţeswiṛa-ya, yerna acuɣer?
2. Acimi yerfa Yahwa? Acu yexdem Musa mi gwala tikli n wegdud?
3. Acu i gumeṛ Musa i kra n yergazen?
4. Acu i ɣ-tesɣaray teqsiṭ-agi?
Isteqsiyen nniḍen:
1. Ɣer Tuffɣa 32:1-35.
(a) Amek i d-tessken teḥkayt-agi tamuɣli yesɛa Yahwa ɣef wexlaḍ yellan ger ddin n lekdeb d leɛbada n ṣṣeḥ? (Tuf. 32:4-6, 10; 1 Kurin. 10:7, 11)
(b) Acu i glaq ad ḥadren imasiḥiyen m’ara ţţextiṛin zzhu-nsen, am ccna d ccḍeḥ? (Tuf. 32:18, 19; Ifas. 5:15, 16; 1 Yuḥ. 2:15-17)
(c) Amek i d-yeǧǧa lɛeṛc n Lewwi lemtel itɛeddan deg wayen yeɛnan adafeɛ ɣef lḥeqq? (Tuf. 32:25-28; Ahel. 18:25)
Taqsiṭ tis 37
1. Amek i geţţusemma lebni i teţwaliḍ di ţţeswiṛa, yerna i wacu i t-ssexdamen?
2. Ayɣer i gessuter Yahwa i Musa ad bnun aqiḍun-nni akken a sen-yishil a t-fessin?
3. D acu-ţ tsenduqt-nni yellan zdaxel n texxamt tamecṭuḥt n uqiḍun? Acu yellan zdaxel-is?
4. Anwa i gextaṛ Yahwa ad yili d lmuqeddem ameqran, yerna acu i d lxedma-s?
5. Ini-d tlata-nni n leḥwayeǧ yellan di texxamt tameqrant.
6. D acu-tent snat n tɣawsiwin yellan deg wefrag i d-yezzin i uqiḍun, yerna i wacu i tent-ssexdamen?
Isteqsiyen nniḍen:
1. Ɣer Tuffɣa 25:8-40; 26:1-37; 27:1-8; d 28:1.
Acu i d lmeɛna n ikerruben-nni yellan nnig “usenduq n cchada”? (Tuf. 25:20, 22; Aneẓ. 7:89; 2 Igel. 19:15)
2. Ɣer Tuffɣa 30:1-10, 17-21; 34:1, 2 d Iɛebṛaniyen 9:1-5.
(a) Acimi yefka Yahwa azal ameqran i ṣṣfawa n lǧeţţa i glaq ad sɛun lmuqeddmin i gqeddcen deg uqiḍun imqeddes? Amek i glaq ad idemmer wannect-a tikli-nneɣ? (Tuf. 30:18-21; 40:30, 31; Iɛeb. 10:22)
(b) Amek i d-yessken wemceggeɛ Bulus belli aqiḍun imqeddes akk-d leɛqed n Lqanun futen di zzman anda yura tabṛaţ i imasiḥiyen iɛibṛaniyen? (Iɛeb. 9:1, 9; 10:1)
Taqsiṭ tis 38
1. Acu i tzemreḍ a d-tiniḍ ɣef ugazu n waḍil i teţwaliḍ di ţţeswiṛa, yerna ansi i d-yekka?
2. Acimi i gceggeɛ Musa 12 n yexbaṛǧiyen ɣer tmurt n Kanɛan?
3. Acu i d-nnan ɛecṛa n yexbaṛǧiyen-nni i Musa m’akken i d-uɣalen si Kanɛan?
4. Amek i d-beggnen sin n yexbaṛǧiyen belli ţeklen ɣef Yahwa? Ismawen-nsen?
5. Acuɣer i gerfa Yahwa, yerna acu i genna i Musa?
Isteqsiyen nniḍen:
1. Ɣer Aneẓruf 13:1-33.
(a) Anwi i geţwaxtaṛen akken ad ssenqden tamurt? Anta lemzeyya i sen-iţţunefken? (Aneẓ. 13:2, 3, 18-20)
(b) Acimi i temxalaf tmuɣli n Kalib d Yacuɛa ɣef tin n yexbaṛǧiyen-nni nniḍen? Acu i ɣ-yesselmad wannect-a? (Aneẓ. 13:28-30; Matta 17:20; 2 Kurin. 5:7)
2. Ɣer Aneẓruf 14:1-38.
(a) Amek i ɣ-d-iɛeggen Yahwa belli ur ilaq ara a nlumm wid yesbedd di tejmaɛt tamasiḥit? (Aneẓ. 14:2, 3, 27; Matta 25:40, 45; 1 Kurin. 10:10)
(b) Amek i d-yessken wayen yuran deg Uneẓruf 14:24 belli Yahwa yeţţak ccan ameqran i mkul yiwen deg iqeddacen-is? (1 Igel. 19:18; Lem. 15:3)
Taqsiṭ tis 39
1. Anwa i gɛuṣan amkan yefka Yahwa i Musa d Haṛun, yerna acu i nnan i Musa?
2. Musa yenna i Quraḥ d 250 n yergazen yeddan yid-es ad xedmen yiwet n lḥaǧa. Tecfiḍ d acu-ţ?
3. Acu i genna Musa i wegdud? Acu i geḍran akken kan i gfukk ameslay?
4. Acu yeḍran d Quraḥ akk-d 250 n yergazen-nni i t-itebɛen?
5. Acu yexdem Ilɛaẓar, mmi-s n Haṛun, s tembexṛin-nni n lmeggtin, yerna acuɣer?
6. Acimi yesǧuǧeg Yahwa aɛekkaz n Haṛun? (Wali ţţeswiṛa.)
Isteqsiyen nniḍen:
1. Ɣer Aneẓruf 16:1-49.
(a) Acu i xedmen Quraḥ ţ-ţerbaɛt-is? Amek i d-sseknen s wannect-a belli ɛuṣan Yahwa? (Aneẓ. 16:9, 10, 18; Lewwi 10:1, 2; Lem. 11:2)
(b) Anwa axemmem n diri i d-beggnen mitin uxemsin-nni “iqerra ɣef tejmaɛt”? (Aneẓ. 16:1-3; Lem. 15:33; Icɛa. 49:7)
2. Ɣer Aneẓruf 17:1-11 d 26:10.
(a) Acu d lmeɛna n uǧuǧǧeg uɛekkaz n Haṛun? Ayɣer i gumeṛ Yahwa a t-xeznen deg usenduq n leɛqed? (Aneẓ. 17:5, 8, 10)
(b) Acu i ɣ-yesselmad wayen yeḍran d uɛekkaz n Haṛun? (Aneẓ. 17:10; Lec. 20:28; Filib. 2:14; Iɛeb. 13:17)
Taqsiṭ tis 40
1. Amek i gḥuder Yahwa At Isṛayil asm’akken llan deg uneẓruf?
2. Ɣef wacu i cetkan wat Isṛayil mi llan di Qadic?
3. Amek i d-ijuba Yahwa aman i wegdud d lmal-is?
4. Akken i teţwaliḍ di ţţeswiṛa, anwa-t wergaz-agi yeţwehhin iman-is s uḍad, yerna acuɣer i gexdem aya?
5. Acimi i gerfa Yahwa ɣef Musa d Haṛun, yerna amek i ten-iɛuqeb?
6. Acu yeḍran deg wedrar n Hur, yerna anwa i guɣalen d lmuqeddem ameqran n wat Isṛayil?
Isteqsiyen nniḍen:
1. Ɣer Aneẓruf 20:1-13, 22-29; d Wesmekti 29:5.
(a) Yahwa iḥuder At Isṛayil deg uneẓruf. Acu i ɣ-yesselmad wannect-a? (Asmek. 29:5; Matta 6:31; Iɛeb. 13:5; Yeɛ. 1:17)
(b) Acu i gxemmem Yahwa asmi Musa d Haṛun ur s-fkin ara lɛaḍima zdat n wat Isṛayil? (Aneẓ. 20:12; 1 Kurin. 10:12; Aweḥ. 4:11)
(c) Acu i nezmer a nelmed deg wayen ixdem Musa mi t-iɛuqeb Yahwa? (Aneẓ. 12:3; 20:12, 27, 28; Asmek. 32:4; Iɛeb. 12:7-11)
Taqsiṭ tis 41
1. Akken i teţwaliḍ di ţţeswiṛa, acu akka i gdewwṛen i tgejdit, yerna ayɣer i genna Yahwa i Musa a t-yerr fell-as?
2. Amek i genkeṛ wegdud leḥsan meṛṛa i s-yexdem Yahwa?
3. Acu nnan wat Isṛayil i Musa a t-ixdem m’akken i ten-iɛuqeb Yahwa s izerman iteqqsen?
4. Acimi yenna Yahwa i Musa ad ixdem azrem n nnḥas?
5. Acu i nezmer a nelmed s temsalt-agi?
Isteqsiyen nniḍen:
1. Ɣer Aneẓruf 21:4-9.
(a) Amek ara nḥader iman-nneɣ akken ur nettabaɛ ara lemtel n wat Isṛayil yeţcetkin ɣef ţţawilat i gesbedd Yahwa? (Aneẓ. 21:5, 6; Ṛuma 2:4)
(b) Di kra n leqrun i d-itebɛen, amek i ssexdmen wat Isṛayil azrem-nni n nnḥas? Acu yexdem ugellid Ḥizqiyahu? (Aneẓ. 21:9; 2 Igel. 18:1-4)
2. Ɣer Yuḥenna 3:14, 15.
Amek i d-iweṣṣef wezrem-nni n nnḥas iţţuɛellqen ɣef tgejdit lmut n Ɛisa ɣef wejgu? (Gal. 3:13)
Taqsiṭ tis 42
1. Anwa i d Balaq, yerna acimi i gessawel i Bilɛam?
2. Acuɣer i tebrek teɣyult-nni n Bilɛam deg webrid?
3. Acu tenna teɣyult-is i Bilɛam?
4. Acu yenna lmelk-nni i Bilɛam?
5. Acu yeḍran asmi yeɛreḍ Bilɛam ad inɛel Isṛayil?
Isteqsiyen nniḍen:
1. Ɣer Aneẓruf 21:21-35.
Ayɣer i gerna Isṛayil Siḥun yellan d agellid n Imuriyen, akk-d Ɛug, agellid n Bacan? (Aneẓ. 21:21, 23, 33, 34)
2. Ɣer Aneẓruf 22:1-40.
Acu yeḍmeɛ Bilɛam m’akken yeɛreḍ ad inɛel Isṛayil? Acu i nezmer a nelmed seg wannect-a? (Aneẓ. 22:16, 17; Lem. 6:16, 18; 2 Buṭ. 2:15; Yuda 11)
3. Ɣer Aneẓruf 23:1-30.
Ɣas yesteɛmel Bilɛam s imeslayen-is belli iţɛebbid Yahwa, amek i d-beggnen lexdayem-is belli d lekdeb? (Aneẓ. 23:3, 11-14; 1 Cam. 15:22)
4. Ɣer Aneẓruf 24:1-25.
Yahwa yeţţaweḍ dima ɣer lmerɣub-is. Amek i tesseǧhad teqsiṭ-agi liman-nneɣ deg wannect-a? (Aneẓ. 24:10; Icɛa. 54:17)
Taqsiṭ tis 43
1. Am wakka i teţwaliḍ di ţţeswiṛa, anwa-ten sin yergazen-agi ibedden ɣer tama n Musa?
2. D acu yenna Yahwa i Yacuɛa?
3. Ayɣer yuli Musa ɣer yixef n wedrar n Nabu? Acu i s-yenna imir Yahwa?
4. Acḥal yesɛa Musa di leɛmeṛ-is asmi i gemmut?
5. D acu i gesseḥznen agdud? Meɛna d acu i t-issefṛḥen?
Isteqsiyen nniḍen:
1. Ɣer Aneẓruf 27:12-23.
Anwa ccɣel ameqran i gessers Yahwa ɣef tuyat n Yacuɛa? Amek i d-iban belli yelha-d Yahwa d wegdud-is di zzman-nneɣ? (Aneẓ. 27:15-19; Lec. 20:28; Iɛeb. 13:7)
2. Ɣer Asmekti 3:23-29.
Acimi Yahwa ur yeǧǧi ara Musa d Haṛun ad kecmen ɣer tmurt i gewɛed? Acu ara nelmed seg wannect-a? (Asmek. 3:25-27; Aneẓ. 20:12, 13)
3. Ɣer Asmekti 31:1-8, 14-23.
Amek i d-sbeggnen imeslayen ineggura yenna Musa i Isṛayil belli yeqbel s wannuz aɛaqeb neɣ ţṛebga n Yahwa? (Asmek. 31:6-8, 23)
4. Ɣer Asmekti 32:45-52.
Amek i glaq ad iwelleh Wawal n Ṛebbi tamɛict-nneɣ? (Asmek. 32:47; Lewwi 18:5; Iɛeb. 4:12)
5. Ɣer Asmekti 34:1-12.
Xas Musa leɛmeṛ iwala Yahwa s wallen-is, acu i d-issken Wesmekti 34:10 ɣef wayen yeɛnan lɛalaqat yekseb d Yahwa? (Tuf. 33:11, 20; Aneẓ. 12:8)
Taqsiṭ tis 44
1. Anda i tezdeɣ Raḥab?
2. Anwa-ten sin yergazen-agi yellan di ţţeswiṛa, yerna acu i xeddmen di Yariḥu?
3. Acu i gumeṛ ugellid n Yariḥu i Raḥab aţ-ţexdem? Acu i s-terra?
4. Amek i tɛawen Raḥab sin yergazen-nni? Anta lemzeyya i sen-teḍleb?
5. Acu i weɛden sin yergazen-nni i Raḥab?
Isteqsiyen nniḍen:
1. Ɣer Yacuɛa 2:1-24.
Amek i d-yeḍra wayen yewɛed Ṛebbi di Tuffɣa 23:28 m’akken ẓedmen wat Isṛayil ɣef Yariḥu? (Yac. 2:9-11)
2. Ɣer Iɛebṛaniyen 11:31.
Amek i d-yessken lemtel n Raḥab azal ameqran yesɛa liman? (Ṛuma 1:17; Iɛeb. 10:39; Yeɛ. 2:25)
Taqsiṭ tis 45
1. Anwa lbeṛhan i gexdem Yahwa akken ad ɛeddin wat Isṛayil deg wasif n Uṛdun?
2. Amek i glaq ad yili liman n wat Isṛayil akken ad zegren asif n Uṛdun?
3. Acuɣer i genna Yahwa i Yacuɛa a d-ijmeɛ 12 n yeẓra seg wasif n Uṛdun?
4. Acu yeḍran akken kan i d-ffɣen lmuqeddmin seg wasif n Uṛdun?
Isteqsiyen nniḍen:
1. Ɣer Yacuɛa 3:1-17.
(a) Akken i t-nwala di teqsiṭ-agi, acu i glaq a t-nexdem akken a ɣ-d-tṣaḥ lemɛawna d lbaṛaka n Yahwa? (Yac. 3:13, 15; Lem. 3:5; Yeɛ. 2:17, 22)
(b) Amek i gella wasif n Uṛdun asmi i ɛeddan fell-as wat Isṛayil ɣer Tmurt i sen-iwɛed Yahwa? Amek i gefka wannect-a lɛaḍima i yisem n Yahwa? (Yac. 3:15; 4:18; Ahel. 66:5-7)
2. Ɣer Yacuɛa 4:1-18.
Acuɣer i d-ţwaddmen 12 n yeẓra seg wasif n Uṛdun akken a ten-rren d aɛemmuṛ di temdint n Gilgal? (Yac. 4:4-7)
Taqsiṭ tis 46
1. Acu yenna Yahwa i lmuqeddmin d yergazen yessawḍen i lgirra a t-xedmen seţţa wussan?
2. Acu i sen-ilaq a t-xedmen ass wis sebɛa?
3. Akken i teţwaliḍ di ţţeswiṛa, acu yeḍran d leṣwar n Yariḥu?
4. Acimi i d-iɛelleq wemrar azeggaɣ si ṭṭaq?
5. Acu yumeṛ Yacuɛa i yergazen-nni yessawḍen i lgirra a t-xedmen i temdint d imezdaɣ-is? Acu yenna diɣen ɣef lfeṭṭa, ddheb, nnḥas d wuzzal?
6. Acu i geţwaḍelben i sin yexbaṛǧiyen-nni a t-xedmen?
Isteqsiyen nniḍen:
1. Ɣer Yacuɛa 6:1-25.
(a) At Isṛayil dewwṛen i temdint n Yariḥu sebɛa tikkal ass wis sebɛa. Deg wacu i gcuba wannect-agi aberreḥ n Inagan n Yahwa deg wussan-a ineggura? (Yac. 6:15, 16; Icɛa. 60:22; Matta 24:14; 1 Kurin. 9:16)
(b) Amek i ḍran imeslayen yuran di Yacuɛa 6:26 azal n xemsa leqrun mbeɛd? Acu i ɣ-isselmad waya ɣef wawal n Yahwa? (1 Igel. 16:34; Icɛa. 55:11)
Taqsiṭ tis 47
1. Anwa-t wergaz-agi di ţţeswiṛa iţeffren igerrujen i d-yekkan si temdint n Yariḥu? Wi ten-ilan wigad-agi i t-iţɛawanen?
2. Ayɣer yecmet nezzeh wayen yexdem Ɛaxan d iɛegallen n wexxam-is?
3. Acu i d-iǧuweb Yahwa i Yacuɛa m’akken i t-yesteqsa acimi i xesṛen wat Isṛayil deg umenɣi nutni d wat Ɛay?
4. Acu yeḍran d Ɛaxan ţ-ţwacult-is m’akken i ten-wwin zdat n Yacuɛa?
5. Acu i nestenfeɛ si lḥisab n Ɛaxan?
Isteqsiyen nniḍen:
1. Ɣer Yacuɛa 7:1-26.
(a) Acu i d-beggnent tẓilla n Yacuɛa ɣef lɛalaqat yesɛa neţţa d Uxellaq-is? (Yac. 7:7-9; Ahel. 119:145; 1 Yuḥ. 5:14)
(b) Acu i d-yessken lemtel n Ɛaxan? Amek ara nḥader iman-nneɣ akken ur nettabaɛ ara lateṛ-is? (Yac. 7:11, 14, 15; Lem. 15:3; 1 Tim. 5:24; Iɛeb. 4:13)
2. Ɣer Yacuɛa 8:1-29.
Anwa lfeṛḍ yellan ɣef yal yiwen deg-nneɣ zdat n tejmaɛt tamasiḥit? (Yac. 7:13; Lewwi 5:1; Lem. 28:13)
Taqsiṭ tis 48
1. Deg wacu i mxalafen wat Gibɛun akk-d Ikanɛaniyen n temdinin ur nebɛid ara ɣef Isṛayil?
2. Akken i teţwaliḍ di ţţeswiṛa, acu i xeddmen wat Gibɛun, yerna acuɣer?
3. Acu weɛden Yacuɛa d wat Isṛayil i wat Gibɛun, lameɛna acu i fehmen mi ɛeddan tlata wussan?
4. Acu yeḍran mi slan igelliden n temdinin nniḍen belli At Gibɛun xedmen lehna d wat Isṛayil?
Isteqsiyen nniḍen:
1. Ɣer Yacuɛa 9:1-27.
(a) Imi i genna Yahwa i wat Isṛayil ad ssengren imezdaɣ meṛṛa n tmurt, anti ṣṣifat i d-issken asm’akken yemneɛ At Gibɛun? (Yac. 9:22, 24; Matta 9:13; Lec. 10:34, 35; 2 Buṭ. 3:9)
(b) Imi i geṭṭef di lemɛahda i gefka i wat Gibɛun, anwa lemtel ifazen i d-yeǧǧa Yacuɛa i imasiḥiyen n wass-a? (Yac. 9:18, 19; Matta 5:37; Ifas. 4:25)
2. Ɣer Yacuɛa 10:1-5.
Ass-a, amek i ţɛanaden izumal n lɣaci At Gibɛun? Annect-a yewwi-ten ad sɛun aɛdaw. Teẓriḍ anwa-t? (Yac. 10:4; Zaxar. 8:23; Matta 25:35-40; Aweḥ. 12:17)
Taqsiṭ tis 49
1. Akken i teţwaliḍ di ţţeswiṛa, acu yeqqar Yacuɛa yerna acuɣer?
2. Amek i gsellek Yahwa Yacuɛa d yergazen yeddan yid-es?
3. Acḥal igelliden yellan d iɛdawen i geɣleb Yacuɛa? Acḥal n lweqt i s-ilaqen akken ad ixdem ayagi?
4. Ayɣer yefreq Yacuɛa tamurt n Kanɛan?
5. Acḥal di leɛmeṛ-is Yacuɛa asmi yemmut? Amek i teḍra d wegdud ssyin d asawen?
Isteqsiyen nniḍen:
1. Ɣer Yacuɛa 10:6-15.
Imi neẓra belli yesseḥbes Yahwa iṭij d waggur deg igenni ɣef ddemma n Isṛayil, s wacu i netḥeqqeq ass-a? (Yac. 10:8, 10, 12, 13; Ahel. 18:3; Lem. 18:10)
2. Ɣer Yacuɛa 12:7-24.
Di tin n ṣṣeḥ, anwa i gefkan tazmert i wat Isṛayil akken ad ɣelben 31 igelliden-nni n Kanɛan? Acimi yesɛa azal wannect-a? (Yac. 12:7; 24:11-13; Asmek. 31:8; Luqa 21:9, 25-28)
3. Ɣer Yacuɛa 14:1-5.
Amek i teţwafreq tmurt i leɛṛac n Isṛayil? Acu i d-ibeggen waya ɣef tferkiwin (akal) ara yeţţunefken d lweṛt di Lǧennet? (Yac. 14:2; Icɛa. 65:21; Ḥizq. 47:21-23; 1 Kurin. 14:33)
4. Ɣer Inezzurfa 2:8-13.
Am Yacuɛa di Isṛayil, anwa i gellan ass-a d ṣṣur ara ɣ-iḥadren ɣef imeɛzulen (wid inekṛen liman)? (Inez. 2:8, 10, 11; Matta 24:45-47; 2 Tiṣal. 2:3-6; Tit 1:7-9; Aweḥ. 1:1; 2:1, 2)
Taqsiṭ tis 50
1. Acimi i d-yefka Ṛebbi leqwaḍi zik-nni? Ini-d ismawen n kra seg-sen.
2. Anta lemzeyya tameqrant i tesɛa Dabuṛa? Acu i d ccɣel-is?
3. M’akken agellid Yabin akk-d uqerru n lɛeskeṛ-is yeţţusemman Sisara ţgallan di Isṛayil, anwa lexbaṛ, i d-yekkan sɣur Yahwa, i tessaweḍ Dabuṛa i lqaḍi Baraq? Ɛlaḥsab n Dabuṛa, anwa ara yawin cciɛa?
4. Amek i d-tbeggen Yaɛil belli tella ţ-ţameṭṭut yesɛan tirrugza?
5. Acu yeḍran mbeɛd lmut n Yabin?
Isteqsiyen nniḍen:
1. Ɣer Inezzurfa 2:14-22.
Acuɣer i sserfayen wat Isṛayil Yahwa? Acu i nelmed seg wannect-a? (Inez. 2:20; Lem. 3:1, 2; Ḥizq. 18:21-23)
2. Ɣer Inezzurfa 4:1-24.
Acu zemrent tmasiḥiyin n wass-a ad ḥefḍent si lemtel n Dabuṛa akk-d Yaɛil deg wayen yeɛnan liman ţ-ţirrugza? (Inez. 4:4, 8, 9, 14, 21, 22; Lem. 31:30; 1 Kurin. 16:13)
3. Ɣer Inezzurfa 5:1-31.
Baraq d Dabuṛa ccnan asmi i rebḥen lgirra. Amek i gezmer ccna-yagi ad yili ţ-ţaẓallit i lfetna n Harmagidun i d-iteddun? (Inez. 5:3, 31; 1 Amez. 16:8-10; Aweḥ. 7:9, 10; 16:16; 19:19-21)
Taqsiṭ tis 51
1. Acu yewwin Naɛumi ɣer tmurt n Muwab?
2. Anti i d Rut akk-d Ɛurfa?
3. Acu i ǧuwbent Rut akk-d Ɛurfa m’akken i sent-tenna Naɛumi ad uɣalent ɣer wegdud-nsent?
4. Anwa i d Buɛaz? Amek i gexdem lxiṛ i Rut akk-d Naɛumi?
5. Isem-is weqcic-nni i d-sɛan Buɛaz d Rut? Ayɣer i ɣ-ilaq a necfu fell-as?
Isteqsiyen nniḍen:
1. Ɣer Rut 1:1-17.
(a) Amek i d-tessken Rut leḥmala-s i Naɛumi? (Rut 1:16, 17)
(b) Amek lɛeqliya n Rut i tecba swaswa tin i sɛant “wulli nniḍen” ɣer imasiḥiyen n wass-a yesɛan asirem ad ḥekmen deg igenni? (Yuḥ. 10:16; Zaxar. 8:23)
2. Ɣer Rut 2:1-23.
Anwa lemtel ifazen i d-teǧǧa Rut i telmeẓyin n wass-a? (Rut 2:17, 18; Lem. 23:22; 31:15)
3. Ɣer Rut 3:5-13.
(a) Rut teqbel aţ-ţezweǧ d Buɛaz wala d ilemẓi. Acu i gxemmem Buɛaz ɣef wannect-a?
(b) Acu i ɣ-tesselmad ṭṭbiɛa n Rut ɣef leḥmala? (Rut 3:10; 1 Kurin. 13:4, 5)
4. Ɣer Rut 4:7-17.
Amek i zemren yergazen imasiḥiyen n wass-a ad ɛanden Buɛaz? (Rut 4:9, 10; 1 Tim. 3:1, 12, 13; 5:8)
Taqsiṭ tis 52
1. Anta yir liḥala ideg i llan wat Isṛayil, yerna acuɣer?
2. Acimi i genna Yahwa i Gidɛun belli bezzaf n iɛsekṛiwen i gesɛa?
3. Acḥal i d-yegran n iɛsekṛiwen mi gerra Gidɛun s ixxamen-nsen wid-nni yugaden?
4. Akken i teţwaliḍ di ţţeswiṛa, amek i gexdem Yahwa akken ad yessenqes leḥsab n iɛsekṛiwen n Gidɛun akken a d-qqimen kan 300?
5. Amek i gessewjed Gidɛun 300 n yergazen-nni? Amek i rebḥen wat Isṛayil lgirra?
Isteqsiyen nniḍen:
1. Ɣer Inezzurfa 6:36-40.
(a) Amek i getḥeqqeq Gidɛun s lebɣi n Yahwa?
(b) Amek i nezmer ass-a a nissin lebɣi n Yahwa? (Lem. 2:3-6; Matta 7:7-11; 2 Tim. 3:16, 17)
2. Ɣer Inezzurfa 7:1-25.
(a) Acu i nezmer a nelmed si lemtel n telt meyya-nni n yergazen i gḥezzben m’ara ten-nmettel ɣer wid-nni ur nḥebbeṛ ara? (Inez. 7:3, 6; Ṛuma 13:11, 12; Ifas. 5:15-17)
(b) Am telt meyya-nni n yergazen i gḥefḍen ɣef Gidɛun m’akken i t-ţmuqulen, amek i nḥeffeḍ ula d nekni m’ara neţmuqul Gidɛun Ameqran, yeɛni Ɛisa Lmasiḥ? (Inez. 7:17; Matta 11:29, 30; 28:19, 20; 1 Buṭ. 2:21)
(c) Amek i ɣ-iţɛawan wayen yuran deg Inezzurfa 7:21 akken a naf lfeṛḥ di mkul leqdic i ɣ-d-iţţunefken di tuddsa n Yahwa? (1 Kurin. 4:2; 12:14-18; Yeɛ. 4:10)
3. Ɣer Inezzurfa 8:1-3.
Gidɛun yefra amennuɣ yekkren d wat Ifrayim. Acu i nezmer a nelmed si temsalt-a m’ara nebɣu a nefru ccwal i nesɛa nekni d gma-tneɣ neɣ d weltma-tneɣ? (Lem. 15:1; Matta 5:23, 24; Luqa 9:48)
Taqsiṭ tis 53
1. Anwa i d Iftaḥ? Anwa zzman ideg i gɛac?
2. Acu i gɛuhed Iftaḥ i Yahwa?
3. Acu i gesseḥznen Iftaḥ asmi i d-yuɣal s axxam-is mi gerbeḥ lgirra i gexdem d wat Ɛamun?
4. Acu tenna yelli-s n Iftaḥ asmi i tesla s lemɛahda yefka baba-s?
5. Acimi i gḥemmel wegdud yelli-s n Iftaḥ?
Isteqsiyen nniḍen:
1. Ɣer Inezzurfa 10:6-18.
Agdud n Isṛayil yeffeɣ i webrid n Yahwa acḥal n tikkal. Amek i nezmer a nɛass iman-nneɣ akken ur nettabaɛ ara lemtel-is? (Inez. 10:6, 15, 16; Ṛuma 15:4; Aweḥ. 2:10)
2. Ɣer Inezzurfa 11:1-11, 29-40.
(a) Amek i neẓra yefhem Iftaḥ belli tikci n yelli-s d “asfel yerɣan” mačči d asfel n ṣṣeḥ di tmes? (Inez. 11:31; Lewwi 16:24; Asmek. 18:10, 12)
(b) Iftaḥ yefka yelli-s d asfel. Acu i d lmeɛna n wannect-a?
(c) Acu i nezmer a nelmed si ṭṭbiɛa n Iftaḥ deg wayen yeɛnan lemɛahda i gexdem i Yahwa? (Inez. 11:35, 39; Amus. 5:4, 5; Matta 16:24)
(d) Yelli-s n Iftaḥ teqdec ɣef Yahwa lweqt-is meṛṛa. Amek i zemren yelmeẓyen imasiḥiyen ad rren leqdic i ţţaken i Yahwa d lɣerḍ n ddunit-nsen am neţţat? (Inez. 11:36; Matta 6:33; Filib. 3:8)
Taqsiṭ tis 54
1. Anwa i d argaz i gɣelben akk wiyaḍ seg wasmi i d-texleq ddunit? Anwa i s-yefkan lǧehd-agi?
2. Akken i teţwaliḍ di ţţeswiṛa, acu yexdem Cimcun yiwen wass i yizem ameqran?
3. Akken i teţwaliḍ di ţţeswiṛa, anta lbaḍna i genna Cimcun i Dalila? Amek i t-yesseɣli wannect-a ger ifassen n Ifilistiyen?
4. Amek i genɣa Cimcun 3000 n Ifilistiyen ass ideg yemmut ula d neţţa?
Isteqsiyen nniḍen:
1. Ɣer Inezzurfa 13:1-14.
Ɣef wayen yeɛnan ţṛebga n dderya, anwa lemtel yelhan i d-ǧǧan Manuwaḥ ţ-ţmeṭṭut-is i imawlan? (Inez. 13:8; Ahel. 127:3; Ifas. 6:4)
2. Ɣer Inezzurfa 14:5-9 d 15:9-16.
(a) Cimcun yenɣa izem, yesseɣres imurar ijdiden i t-icudden, yenɣa 1000 n yemdanen s uɣesmar n weɣyul. D acu i d-sbeggnent teḥkayin-a ɣef tezmert n ṛṛuḥ iqedsen?
(b) Amek i ɣ-iţɛawan ass-a ṛṛuḥ iqedsen? (Inez. 14:6; 15:14; Zaxar. 4:6; Lec. 4:31)
3. Ɣer Inezzurfa 16:18-31.
Acu i s-d-tewwi yir lemɛacṛa i Cimcun? Acu ɣ-isselmad wannect-a? (Inez. 16:18, 19; 1 Kurin. 15:33)
Taqsiṭ tis 55
1. Isem-is weqcic-agi i teţwaliḍ di ţţeswiṛa? Anwa-ten wigad-agi yellan ɣer tama-s?
2. Anta taẓallit i texdem Ḥana asmi i tella deg uqiḍun imqeddes? Amek i s-d-yerra Yahwa?
3. Acḥal di leɛmeṛ n Camwil mi t-wwin imawlan-is ad iqdec deg uqiḍun n Yahwa? Acu i s-txeddem yemma-s mkul aseggas?
4. Ini-d ismawen n warraw n Ɛili. Amek i gan yergazen-agi?
5. Amek i gessawel Yahwa i Camwil? Ɣef wacu i t-ixebbeṛ?
6. Anwa ccɣel i geţţunefken i Camwil mi guɣal d argaz? Acu yeḍran asmi yuɣal d amɣar?
Isteqsiyen nniḍen:
1. Ɣer 1 Camwil 1:1-28.
(a) Anwa lemtel ifazen i d-yeǧǧa Ilqana i iqerra n twaculin deg wayen yeɛnan awelleh di leɛbada n ṣṣeḥ? (1 Cam. 1:3, 21; Matta 6:33; Filib. 1:10)
(b) Ḥana tefra yiwen weɣbel ameqran. Acu i nezmer a nelmed si lemtel-ines? (1 Cam. 1:10, 11; Ahel. 55:22; Ṛuma 12:12)
2. Ɣer 1 Camwil 2:11-36.
Amek i gɛuzz Ɛili arraw-is akteṛ n Yahwa? Amek yezmer a ɣ-iɛiwen wannect-a akken a nḥader iman-nneɣ? (1 Cam. 2:22-24, 27, 29; Asmek. 21:18-21; Matta 10:36, 37)
3. Ɣer 1 Camwil 4:16-18.
Anwi i d ṛebɛa n lexbaṛat yesseḥzanen i d-yewwḍen seg wemḍiq anda i ţnaɣen? Acu yeḍran d Ɛili mi sen-yesla?
4. Ɣer 1 Camwil 8:4-9.
Amek i sserfan wat Isṛayil Yahwa? Amek i nezmer ass-a a ndafeɛ s nnṣaḥa ɣef Tgelda-s? (1 Cam. 8:5, 7; Yuḥ. 17:16; Yeɛ. 4:4)
Taqsiṭ tis 56
1. Acu i gxeddem Camwil di ţţeswiṛa, yerna acuɣer?
2. Acimi i gḥemmel Yahwa Cawul? Amek i iga Cawul?
3. Isem-is mmi-s n Cawul? Acu yexdem?
4. Ayɣer yefka Cawul asfel deg wemkan n Camwil mebla ma yuṛǧa-t?
5. Anti leḥwayeǧ i nezmer a nelmed si teḥkayt n Cawul?
Isteqsiyen nniḍen:
1. Ɣer 1 Camwil 9:15-21 d 10:17-27.
Amek i gɛawen wannuz Cawul ad iḥkem iman-is akken ur ixeddem ara lexsaṛa m’akken i hedṛen fell-as kra n yergazen mebla leqder? (1 Cam. 9:21; 10:21, 22, 27; Lem. 17:27)
2. Ɣer 1 Camwil 13:5-14.
Anwa ddnub i gexdem Cawul di Gilgal? (1 Cam. 10:8; 13:8, 9, 13)
3. Ɣer 1 Camwil 15:1-35.
(a) Anwa ddnub ameqran i gexdem Cawul di temsalt n Agag, agellid n Ɛamaliq? (1 Cam. 15:2, 3, 8, 9, 22)
(b) Amek i geɛreḍ Cawul a d-yessukkes iman-is si ddnub yexdem, yerna ad isbibb ayen yexdem i wiyaḍ? (1 Cam. 15:24)
(c) Ɣef wacu i glaq a nqareɛ iman-nneɣ m’ara ɣ-teţţunefk lewṣaya? (1 Cam. 15:19-21; Ahel. 141:5; Lem. 9:8, 9; 11:2)
Taqsiṭ tis 57
1. Anwa-t weqcic-agi yellan di ţţeswiṛa? Amek i neẓra belli yeẓwer?
2. Anda yezdeɣ Dawed? Ini-d ismawen n baba-s d jeddi-s.
3. Acimi i gessuter Yahwa i Camwil ad iṛuḥ ɣer wexxam n Icay yellan di Bit-Liḥim?
4. Acu yeḍran asmi i d-yessken Icay i Camwil sebɛa warrac ger warraw-is?
5. Acu yenna Yahwa i Camwil m’akken i d-yusa Dawed?
Isteqsiyen nniḍen:
1. Ɣer 1 Camwil 17:34, 35.
Amek i d-ibeggen wayen yeḍran belli Dawed yesɛa tirrugza yerna yeţkel ɣef Yahwa? (1 Cam. 17:37)
2. Ɣer 1 Camwil 16:1-14.
(a) Amek i ɣ-ţɛawanen imeslayen n Yahwa yuran di 1 Camwil 16:7 akken ur nxeddem ara lxilaf ger lɛibad yerna ur neţḥasab ara wiyaḍ ɣef wayen kan i d-ibanen i wallen? (Lec. 10:34, 35; 1 Tim. 2:4)
(b) Amek i d-ibeggen lemtel n Cawul belli m’ara yekkes Yahwa ṛṛuḥ-is iqedsen i wemdan, izmer ad yekcem ṛṛuḥ n diri, yeɛni lebɣi iǧehden n wayen n diri, ɣer wemkan-nni yeqqimen d ilem? (1 Cam. 16:14; Matta 12:43-45; Gal. 5:16)
Taqsiṭ tis 58
1. Amek i gecqarrew Gulyat iɛsekṛiwen n Isṛayil?
2. Acḥal yesɛa di lqedd-is Gulyat? Acu i gɛuhed ad yefk ugellid Cawul i wergaz ara yenɣen Gulyat?
3. Acu i s-yerra Dawed m’akken i s-yenna Cawul belli ur yezmir ara ad yennaɣ d Gulyat axaṭer d aqcic kan i gella?
4. Di lǧawab i gerra i Gulyat, amek i d-yessken Dawed belli yeţkel ɣef Yahwa?
5. Akken i teţwaliḍ di ţţeswiṛa, acu yessexdem Dawed akken ad ineɣ Gulyat? Amek i teḍra umbeɛd d Ifilistiyen?
Isteqsiyen nniḍen:
1. Ɣer 1 Camwil 17:1-54.
(a) Ansi i s-d-tekka tirrugza-ines i Dawed? Amek i nezmer a t-nɛaned? (1 Cam. 17:37, 45; Ifas. 6:10, 11)
(b) Acimi i glaq ad xḍun imasiḥiyen i temḥizwert, i d-ibeggen Gulyat, di llɛeb neɣ di zzhu? (1 Cam. 17:8; Gal. 5:26; 1 Tim. 4:8)
(c) Amek i d-sseknen imeslayen n Dawed belli yeţkel di lemɛawna n Ṛebbi? (1 Cam. 17:45-47; 2 Amez. 20:15)
(d) Acu i d-ibeggnen di teḥkayt-agi belli lgirra ur telli ara kan ger sin leṣfuf yeţţemxaṣamen, lameɛna d lfetna ger iṛebbiten n lekdeb d Yahwa, Ṛebbi n ṣṣeḥ? (1 Cam. 17:43, 46, 47)
(e) Amek imasiḥiyen yesɛan asirem ad ḥekmen deg igenni, i d-yeqqimen ɣef lqaɛa, i ţɛanaden leţkal yesɛa Dawed di Yahwa? (1 Cam. 17:37; Irm. 1:17-19; Aweḥ. 12:17)
Taqsiṭ tis 59
1. Ayɣer yusem Cawul di Dawed? Lameɛna deg waydeg i t-ixulef mmi-s Yunatan?
2. Acu yeḍran yiwen wass asmi yekkat Dawed snitra i Cawul?
3. Acu yeḍleb Cawul i Dawed a t-yexdem akken a s-yefk yelli-s Mixal? Acuɣer i s-yessuter annect-a?
4. Akken i teţwaliḍ di ţţeswiṛa, acu yeḍran tikkelt tis tlata m’akken yekkat Dawed snitra i Cawul?
5. Amek i tɛawen Mixal argaz-is Dawed akken ad yemneɛ aqerru-s? Acu yeţţuḥettem ad yexdem Dawed sebɛa iseggasen?
Isteqsiyen nniḍen:
1. Ɣer 1 Camwil 18:1-30.
(a) Amek leḥmala lqayen i gessken Yunatan i Dawed teţmettil tin yellan ger “tqeḍɛit tamecṭuḥt” d “wulli nniḍen”? (1 Cam. 18:1; Yuḥ. 10:16; Luqa 12:32; Zaxar. 8:23)
(b) Xas akken yestahel Yunatan lweṛt n Cawul, amek 1 Camwil 18:4 i d-yessken ṭṭaɛa tameqrant n Yunatan i win yeţwaxtaṛen ad yuɣal d agellid?
(c) Amek i d-tesbeggen tikli n Cawul belli tismin zemrent ad awint yiwen ɣer ddnub ameqran? Amek i nezmer a nḥader iman-nneɣ ɣef waya? (1 Cam. 18:7-9, 25; Yeɛ. 3:14-16)
2. Ɣer 1 Camwil 19:1-17.
M’akken i gqubel Yunatan Cawul, amek i d-yesken belli yeqbel ad immet ula d lmut? (1 Cam. 19:1, 4-6; Lem. 16:14)
Taqsiṭ tis 60
1. Isem-is tmeṭṭut-agi ileḥḥun ɣer Dawed di ţţeswiṛa? Amek i teţwassen?
2. Anwa i d Nabal?
3. Acuɣer i gceggeɛ Dawed kra n iqeddacen-is akken ad ssutren lemzeyya i Nabal?
4. Acu yenna Nabal i wid iceggeɛ Dawed ɣur-es? Acu yexdem imiren Dawed?
5. Amek i d-tesbeggen Abigayil lekyasa-ines?
Isteqsiyen nniḍen:
1. Ɣer 1 Camwil 22:1-4.
Anwa lemtel yelhan i d-teǧǧa twacult n Dawed deg wayen yeɛnan lemɛawna i glaq a nemyefk ger watmaten ţ-ţyessetmatin imasiḥiyen? (Lem. 17:17; 1 Tiṣal. 5:14)
2. Ɣer 1 Camwil 25:1-43.
(a) Acimi i d-iţţuweṣṣef Nabal am win ijehlen? (1 Cam. 25:2-5, 10, 14, 21, 25)
(b) Acu yesselmad lemtel n Abigayil i tmasiḥiyin izewǧen? (1 Cam. 25:32, 33; Lem. 31:26; Ifas. 5:24)
(c) Abigayil teḥbes afus n Dawed akken ur ixeddem ara snat n leḥwayeǧ n diri. Teẓriḍ d acu-tent? (1 Cam. 25:31, 33; Ṛuma 12:19; Ifas. 4:26)
(d) Amek tikli n Dawed zdat n imeslayen n Abigayil tezmer aţ-ţɛiwen irgazen n lweqt-nneɣ ad sɛun tamuɣli n Yahwa ɣef tlawin? (Lec. 21:8, 9; Ṛuma 2:11; 1 Buṭ. 3:7)
Taqsiṭ tis 61
1. D acu yexdem Dawed neţţa d Abicay m’akken yeṭṭeṣ Cawul deg wegrur?
2. Anwi isteqsiyen yefka Dawed i Cawul?
3. Sani i gṛuḥ Dawed mi geǧǧa Cawul?
4. Dawed yeḥzen aṭas, dɣa yexdem yiwen usefru icebḥen. Teẓriḍ acuɣer?
5. Acḥal di leɛmeṛ n Dawed asmi yuɣal d agellid di Ḥibṛun? Ini-d ismawen n kra n warrac i d-yesɛa.
6. Anda i geḥkem umbeɛd Dawed?
Isteqsiyen nniḍen:
1. Ɣer 1 Camwil 26:1-25.
(a) Ayen i d-yenna Dawed di 1 Camwil 26:11 ibeggen-ed lɛeqliya yesɛa ɣef wayen yeɛnan ţţawil isbedday Ṛebbi. Teẓriḍ anta-ţ? (Ahel. 37:7; Ṛuma 13:2)
(b) Amek i ɣ-ţɛawanen imeslayen n Dawed yellan di 1 Camwil 26:23 akken a nkemmel a nxeddem lxiṛ xas akken neţmager ala wid ur nesteɛṛif ara s leḥsan i sen-nxeddem? (1 Igel. 8:32; Ahel. 18:20)
2. Ɣer 2 Camwil 1:26.
Ass-a, amek i zemren a d-sbeggnen imasiḥiyen leḥmala lqayen wway gar-asen am tin icudden Dawed ɣer Yunatan? (1 Buṭ. 4:8; Kulus 3:14; 1 Yuḥ. 4:12)
3. Ɣer 2 Camwil 5:1-10.
(a) Acḥal iseggasen i geḥkem Dawed? Dawed yeḥkem di sin imeḍqan. Teẓriḍ anda, yerna acḥal iseggasen i geḥkem di mkul amkan? (2 Cam. 5:4, 5)
(b) Anwa i gellan deffir temɣer n Dawed? Acu i ɣ-d-yesmektay wannect-a ass-a? (2 Cam. 5:10; 1 Cam. 16:13; 1 Kurin. 1:31; 2 Kurin. 4:7)
Taqsiṭ tis 62
1. Ɣer taggara, amek i teḍra ţ-ţmurt n Kanɛan s lemɛawna n Yahwa?
2. Acu yeḍran yiwet n tmeddit m’akken yella Dawed ɣef ṣṣdeḥ n wexxam-is?
3. Acimi yerfa Yahwa ɣef Dawed?
4. Akken i teţwaliḍ di ţţeswiṛa, anwa i gceggeɛ Yahwa ɣer Dawed akken a s-yemmeslay ɣef ddnubat-is? Acu yenna i Dawed ɣef wayen i t-iţṛaǧun ɣer zdat?
5. Anwi iɣeblan i gemmuger Dawed?
6. Anwa i guɣalen d agellid n Isṛayil mbeɛd Dawed?
Isteqsiyen nniḍen:
1. Ɣer 2 Camwil 11:1-27.
(a) Amek ara nili ddaw n leɛnaya n Yahwa ma nceɣɣel dima di leqdic-is?
(b) Acu yewwin Dawed ɣer ddnub? Anwa aɛeggen iwumi ilaq ad ḥessen iqeddacen n Yahwa ass-a? (2 Cam. 11:2; Matta 5:27-29; 1 Kurin. 10:12; Yeɛ. 1:14, 15)
2. Ɣer 2 Camwil 12:1-18.
(a) Amek i zemren ad stenfɛen lecyux d imawlan s webrid i d-iwwi Natan akken ad iweṣṣi Dawed? (2 Cam. 12:1-4; Lem. 12:18; Matta 13:34)
(b) Acuɣer i gsemmeḥ Yahwa i Dawed? (2 Cam. 12:13; Ahel. 32:5; 2 Kurin. 7:9, 10)
Taqsiṭ tis 63
1. Acu yessuter Yahwa i Sliman? Acu i s-yerra Sliman?
2. Imi s-yeɛǧeb wayen yessuter Sliman, acu yewɛed Yahwa a s-t-yefk?
3. Anwa aɣbel ameqran i ḍelbent snat n tlawin i Sliman ad ifru?
4. Akken i t-neţwali di ţţeswiṛa, amek i yefra Sliman tamsalt-agi?
5. Amek i tella temɛict ddaw n leḥkem n Sliman? Ayɣer?
Isteqsiyen nniḍen:
1. Ɣer 1 Igelliden 3:3-28.
(a) Ɛlaḥsab n imeslayen i d-ikkan seg wul n Sliman yuran deg 1 Igelliden 3:7, d acu i zemren ad lemden yergazen n wass-a iwumi i d-ţţunefkent lemzeyyat di tuddsa n Yahwa? (Ahel. 119:105; Lem. 3:5, 6)
(b) Amek i d-yeǧǧa lemtel yelhan Sliman ɣef wayen yeɛnan leḥwayeǧ i ɣ-ilaq a neḍleb di tẓallit? (1 Igel. 3:9, 11; Lem. 30:8, 9; 1 Yuḥ. 5:14)
(c) M’ara nxemmem ɣef wamek yefra Sliman ccwal yellan ger snat n tlawin-nni, anwa leţkal i nesɛa di leḥkem n Sliman Ameqran, yeɛni Ɛisa Lmasiḥ? (1 Igel. 3:28; Icɛa. 9:6, 7; 11:2-4)
2. Ɣer 1 Igelliden 4:29-34.
(a) Amek i d-yerra Yahwa i tẓallit n Sliman anda yessuter ul yeţḥessisen? (1 Igel. 4:29)
(b) M’ara nxemmem ɣer lmeǧhudat meṛṛa i xedmen lɣaci akken ad slen i lekyasa n Sliman, amek i ɣ-ilaq a neḥseb taɣuri n Wawal n Ṛebbi? (1 Igel. 4:29, 34; Yuḥ. 17:3; 2 Tim. 3:16)
Taqsiṭ tis 64
1. Acḥal n lweqt i glaqen i Sliman akken ad ikfu lebni n lemqam n Yahwa? Ayɣer i s-d-yusa ɣlay lebni-yagi?
2. Acḥal n texxamin i gellan di lemqam? Acu i rran ɣer texxamt taqernit?
3. Acu yenna Sliman di tẓallit-is asmi yekfa lebni n lemqam?
4. Amek i d-yessken Yahwa belli yeqbel taẓallit n Sliman?
5. Tilawin n Sliman wwint-eţ ad ixdem yiwet n lḥaǧa. Teẓriḍ d acu-ţ? Acu yeḍran d Sliman mbeɛd?
6. Acimi yezɛef Yahwa ɣef Sliman? Acu i s-yenna Yahwa?
Isteqsiyen nniḍen:
1. Ɣer 1 Amezruy 28:9, 10.
Am wakken i t-id-yessefhem Dawed deg 1 Amezruy 28:9, 10, acu i glaq a nnadi a nexdem mkul ass? (Ahel. 19:14; Filib. 4:8, 9)
2. Ɣer 2 Amezruy 6:12-21, 32-42.
(a) Amek i d-yessken Sliman belli lebni yexdem wemdan ur yezmir ara ad yawi Ṛebbi Aɛlayan? (2 Amez. 6:18; Lec. 17:24, 25)
(b) Acu i d-sseknen imeslayen n Sliman yellan deg 2 Amezruy 6:32, 33 ɣef Yahwa? (Lec. 10:34, 35; Gal. 2:6)
3. Ɣer 2 Amezruy 7:1-5.
Am wat Isṛayil i geţţudemmren ad ḥemden Yahwa asmi i walan lɛaḍima-s, ɣer wacu ara ɣ-tdemmer ula d nekni lbaṛaka n Yahwa i neţwali deg wegdud-is? (2 Amez. 7:3; Ahel. 22:22; 34:1; 96:2)
4. Ɣer 1 Igelliden 11:9-13.
Amek i d-tessken tudert n Sliman belli yesɛa azal a neqqim d unṣiḥen alamma ţ-ţaggara? (1 Igel. 11:4, 9; Matta 10:22; Aweḥ. 2:10)
Taqsiṭ tis 65
1. Efk-ed ismawen n sin yergazen-agi yellan di ţţeswiṛa. Anwa-ten?
2. Acu yexdem Aḥyah s ujellab-agi-ines? D acu i d lmeɛna-s?
3. Acu yeɛreḍ ad yexdem Sliman i Yarubɛam?
4. Acimi yesbedd wegdud Yarubɛam d agellid ɣef ɛecṛa n leɛṛac?
5. Ayɣer i gexdem Yarubɛam sin iɛejmiyen n ddheb? Acu yeḍran s lemɣawla di tmurt?
6. Acu yeḍran ţ-ţgelda n sin leɛṛac d lemqam n Yahwa di Yarucalim?
Isteqsiyen nniḍen:
1. Ɣer 1 Igelliden 11:26-43.
Amek i iga Yarubɛam? Acu i s-iwɛed Yahwa ma yella yeṭṭef di lumuṛ-is? (1 Igel. 11:28, 38)
2. Ɣer 1 Igelliden 12:1-33.
(a) Raḥabɛam yeḥkem s lḥerṣ ɣef wegdud-is. Acu i zemren ad lemden imawlan d lecyux si yir lemtel-agi-ines? (1 Igel. 12:13; Amus. 7:7; 1 Buṭ. 5:2, 3)
(b) Ass ideg ilaq ad ṭṭfen ṛṛay ameqran di tudert-nsen, ɣer wuɣur i glaq ad zzin yelmeẓyen n wass-a akken ad afen lewṣayat? (1 Igel. 12:6, 7; Lem. 1:8, 9; 2 Tim. 3:16, 17; Iɛeb. 13:7)
(c) D acu yewwin Yarubɛam ad yesbedd sin imeḍqan i leɛbada n uɛejmi? Amek i d-isbeggen waya belli Yarubɛam ixuṣṣ mliḥ liman di Yahwa? (1 Igel. 11:37; 12:26-28)
(d) Anwa i gewwin agdud n tgelda n ɛecṛa leɛṛac ad iɛaṣi leɛbada n ṣṣeḥ? (1 Igel. 12:32, 33)
Taqsiṭ tis 66
1. Anta i d Izabal?
2. Acimi yeḥzen yiwen wass ugellid Aḥab?
3. Acu i texdem Izabal akken ad yekseb wergaz-is Aḥab tafeṛṛant n Nabut?
4. Anwa i gceggeɛ Yahwa akken ad iɛaqeb Izabal?
5. Akken i teţwaliḍ di ţţeswiṛa, acu yeḍran mi gewweḍ Yihu ɣer wexxam n Izabal?
Isteqsiyen nniḍen:
1. Ɣer 1 Igelliden 16:29-33 d 18:3, 4.
Ini-d acḥal i tewɛeṛ temɛict di Isṛayil m’akken yeḥkem ugellid Aḥab. (1 Igel. 14:9)
2. Ɣer 1 Igelliden 21:1-16.
(a) Amek i d-issken Nabut tirrugza d nnṣaḥa ɣer Yahwa? (1 Igel. 21:1-3; Lewwi 25:23-28)
(b) Akken ur nettabaɛ ara lemtel n Aḥab, amek i glaq a nqabel taswiɛt ur d-nusi ara akken i ţ-nenwa? (1 Igel. 21:4; Ṛuma 5:3-5)
3. Ɣer 2 Igelliden 9:30-37.
Yihu yexdem lebɣi n Yahwa s ẓẓwara. Acu i nezmer a neḥfeḍ si lemtel-is? (2 Igel. 9:4-10; 2 Kurin. 9:1, 2; 2 Tim. 4:2)
Taqsiṭ tis 67
1. Anwa i d Yahucafat? Melmi i gɛac?
2. Acimi i ugaden wat Isṛayil? Acu i xedmen waṭas seg-sen?
3. Acu i d-yerra Yahwa i tẓallit n Yahucafat?
4. Acu yexdem Yahwa uqbel ad yebdu imenɣi?
5. Acu i nezmer a nelmed ɣef Yahucafat?
Isteqsiyen nniḍen:
1. Ɣer 2 Amezruy 20:1-30.
(a) Amek i d-yessken Yahucafat ayen i glaq ad xedmen iqeddacen unṣiḥen n Ṛebbi m’ara mmagren tiswiɛin iweɛṛen? (2 Amez. 20:12; Ahel. 25:15; 62:1)
(b) Si zik Yahwa yessexdam ţţawil akken ad yehdeṛ d wegdud-is. Anwa ţţawil i gessexdam ass-a? (2 Amez. 20:14, 15; Matta 24:45-47; Yuḥ. 15:15)
(c) Asm’ara d-yesseɣli Yahwa “imenɣi n wass ameqqran n Sidi Ṛebbi Bab n tezmert”, amek ara tcabi liḥala-nneɣ tin n Yahucafat? (2 Amez. 20:15, 17; 32:8; Aweḥ. 16:14, 16)
(d) Am lemtel n wat Lewwi, anta lemɛawna i ţţaken ass-a inaramen d yemceggɛen i ccɣel n uberreḥ di ddunit meṛṛa? (2 Amez. 20:19; Ṛuma 10:13-15; 2 Tim. 4:2)
Taqsiṭ tis 68
1. Anwa-ten wigad-agi i teţwaliḍ di ţţeswiṛa? Acu yeḍran d weqcic-agi amecṭuḥ?
2. Acu yeḍleb Ilyahu di tẓallit i Yahwa ɣef ddemma n weqcic-nni amecṭuḥ? Acu yeḍran ihi umbeɛd?
3. Isem-is wemɛiwen n Ilyahu?
4. Acuɣer i gṛuḥ Ilicaɛ ɣer wexxam n yiwet tmeṭṭut n Cunim?
5. Acu yexdem Ilicaɛ? Amek i teḍra d weqcic-nni yemmuten?
6. Acu yezmer ad yexdem Yahwa akken i t-id-yessken s lbeṛhanat i xedmen Ilicaɛ d Ilyahu?
Isteqsiyen nniḍen:
1. Ɣer 1 Igelliden 17:8-24.
(a) Amek i ţţujeṛṛben ṭṭaɛa d liman n Ilyahu? (1 Igel. 17:9; 19:1-4, 10)
(b) Amek i d-tbeggen taǧǧalt-nni n Ṣurfat liman itɛeddan? (1 Igel. 17:12-16; Luqa 4:25, 26)
(c) Amek i d-ibeggen wayen yeḍran ţ-ţaǧǧalt n Ṣurfat belli ṣeḥḥan imeslayen n Ɛisa yuran di Matta 10:41, 42? (1 Igel. 17:10-12, 17, 23, 24)
2. Ɣer 2 Igelliden 4:8-37.
(a) Acu i ɣ-tesɣer tmeṭṭut-nni n Cunim ɣef wayen yeɛnan asṭerḥeb? (2 Igel. 4:8; Luqa 6:38; Ṛuma 12:13; 1 Yuḥ. 3:17)
(b) Amek i nezmer ass-a a nexdem leḥsan i iqeddacen n Ṛebbi? (Lec. 20:35; 28:1, 2; Gal. 6:9, 10; Iɛeb. 6:10)
Taqsiṭ tis 69
1. Acu i teqqar teqcict-a tamecṭuḥt i tmeṭṭut-agi yellan di ţţeswiṛa?
2. Anta-ţ tmeṭṭut-a yellan di ţţeswiṛa? Acu i gewwin taqcict-agi ɣer wexxam-is?
3. Ilicaɛ iceggeɛ aqeddac-is ad yefk lewṣaya i Naɛaman. Teẓriḍ acu i s-yenna? Acuɣer yezɛef Naɛaman?
4. Acu yeḍran asmi yessemḥess Naɛaman i iqeddacen-is?
5. Acimi yugi Ilicaɛ tikci n Naɛaman? Ma d Giyḥazi, acu yexdem?
6. Acu yeḍran d Giyḥazi? Acu i nezmer a neḥfeḍ seg waya?
Isteqsiyen nniḍen:
1. Ɣer 2 Igelliden 5:1-27.
(a) Amek i gezmer ad yefk afud i yelmeẓyen n zzman-nneɣ lemtel n teqcict-nni taɛibṛanit? (2 Igel. 5:3; Ahel. 8:2; 148:12, 13)
(b) Ayɣer yelha ma nemmekta-d lemtel n Naɛaman m’ara ɣ-d-teţţunefk lewṣaya yersen ɣef Wedlis Iqedsen? (2 Igel. 5:15; Iɛeb. 12:5, 6; Yeɛ. 4:6)
(c) Ilicaɛ d Giyḥazi mxalafen di ṭṭbiɛa. Acu i nezmer a nelmed si tikli n yal yiwen seg-sen? (2 Igel. 5:9, 10, 14-16, 20; Matta 10:8; Lec. 5:1-5; 2 Kurin. 2:17)
Taqsiṭ tis 70
1. Anwa i d Yuna? Acu i s-yenna Yahwa a t-ixdem?
2. Yuna ur ibɣi ara ad iṛuḥ ɣer wanda i t-iceggeɛ Yahwa. Acu yexdem ihi?
3. Acu yumeṛ Yuna i ibeḥṛiyen-nni n lbabuṛ a t-xedmen akken aţ-ţers tbuciḍant?
4. Akken i teţwaliḍ di ţţeswiṛa, acu yeḍran d Yuna m’akken yezder di lebḥeṛ?
5. Acḥal n lweqt i geqqim Yuna deg uɛebbuḍ n uḥutiw-nni ameqran? Acu yexdem dinna?
6. Sani i gṛuḥ Yuna asmi i d-yeffeɣ seg uɛebbuḍ n uḥutiw-nni? Acu i ɣ-isselmad waya?
Isteqsiyen nniḍen:
1. Ɣer Yuna 1:1-17.
Am wakka i d-iban, amek i geḥseb Yuna ccɣel n uberreḥ i wat Ninib? (Yuna 1:2, 3; Lem. 3:7; Amus. 8:12)
2. Ɣer Yuna 2:1, 2, 10.
Amek i ɣ-d-yefka ṭṭmana wayen i gɛac Yuna belli Yahwa a d-yerr lǧawab i tẓilla-nneɣ? (Ahel. 22:24; 34:6; 1 Yuḥ. 5:14)
3. Ɣer Yuna 3:1-10.
(a) Yahwa ikemmel yesseqdec Yuna xas akken ur yexdim ara ccɣel-is akken i glaq di tazwara. Amek i ɣ-yeţţak tirrugza wannect-a? (Ahel. 103:14; 1 Buṭ. 5:10)
(b) Acu i ɣ-tesselmad ṭṭbiɛa i d-yesbeggen Yuna i wat Ninib ɣef wayen yeɛnan yir ţţexmim i nezmer a nesɛu ɣer wid imi neţberriḥ? (Yuna 3:6-9; Amus. 11:6; Lec. 13:48)
Taqsiṭ tis 71
1. Anwa i d Icɛaya? Melmi i gɛac, d acu i s-d-issken Yahwa?
2. D acu i d lmeɛna n umeslay-agi “lǧennet”? Acu i k-d-ismektay waya?
3. Acu yeḍleb Yahwa i Icɛaya a t-yaru ɣef lǧennet i d-iteddun?
4. Ayɣer i sen-tṛuḥ i Adam d Ḥewwa tnezduɣt-nsen ifazen?
5. Acu yewɛed Yahwa i wid i t-iḥemmlen?
Isteqsiyen nniḍen:
1. Ɣer Icɛaya 11:6-9.
(a) Amek i d-iweṣṣef Wawal n Ṛebbi lehna ara yilin di ddunit tajdiṭ ger lɛibad d lḥiwan? (Ahel. 148:10, 13; Icɛa. 65:25; Ḥizq. 34:25)
(b) Amek i ḍran ass-a imeslayen n Icɛaya di leḥwayeǧ n ṛṛuḥ ger iqeddacen n Yahwa? (Ṛuma 12:2; Kulus 3:9, 10)
(c) Anwa i glaq a ncekkeṛ ɣef ubeddel n lɛeqliya n yemdanen i neţwali ass-a yerna ara nwali di ddunit tajdiṭ? (Icɛa. 48:17, 18; Gal. 5:22, 23; Filib. 4:7)
2. Ɣer Aweḥḥi 21:3, 4.
(a) M’ara d-ţmeslayent Tira Iqedsen ɣef tnezduɣt n Ṛebbi d yemdanen ɣef lqaɛa, amek i d-sseknent belli aneḥduṛ-ines mačči d win ara nwali s tiṭ lameɛna d lemtel kan? (Lewwi 26:11, 12; 2 Amez. 6:18; Icɛa. 66:1; Aweḥ. 21:2, 3, 22-24)
(b) Anwi imeṭṭawen d lqerḥ ara yeţwakksen? (Luqa 8:49-52; Ṛuma 8:21, 22; Aweḥ. 21:4)
Taqsiṭ tis 72
1. Anwa-t wemdan-agi yellan di ţţeswiṛa? Acimi yetḥeyyeṛ aṭas?
2. D acu-tent tebṛatin-a i gessa Ḥizqiyahu zdat n Ṛebbi? Acimi yeţẓalla?
3. Amek i iga ugellid Ḥizqiyahu? Yahwa yessexdem nnbi Icɛaya akken ad iceggeɛ lexbaṛ i Ḥizqiyahu. Acu-t lexbaṛ-agi?
4. Acu yexdem lmelk n Yahwa i wat Acur akken i t-teţwaliḍ di ţţeswiṛa?
5. Xas akken tɛac di lehna tgelda n sin leɛṛac kra n lweqt, acu yeḍran si lmut n Ḥizqiyahu d asawen?
Isteqsiyen nniḍen:
1. Ɣer 2 Igelliden 18:1-36.
(a) Amek i gnuda Ṛabcaqi, i ghedṛen s yisem n tmurt n Acur, ad issefcel liman n wat Isṛayil? (2 Igel. 18:19, 21; Tuf. 5:2; Ahel. 64:3)
(b) Amek i ttabaɛen Inagan n Yahwa lemtel n Ḥizqiyahu m’ara ţmagaren axaṣem? (2 Igel. 18:36; Ahel. 39:1; Lem. 26:4; 2 Tim. 2:24)
2. Ɣer 2 Igelliden 19:1-37.
(a) Di lweqt-nneɣ, amek i ttabaɛen iqeddacen n Yahwa lemtel n Ḥizqiyahu di teswiɛin n ccedda? (2 Igel. 19:1, 2; Lem. 3:5, 6; Iɛeb. 10:24, 25; Yeɛ. 5:14, 15)
(b) Amek i geţwaɣleb ugellid Sancirib tlata iberdan? Ɣer wuɣur yefka lewhi wannect-a? (2 Igel. 19:32, 35, 37; Aweḥ. 20:2, 3)
3. Ɣer 2 Igelliden 21:1-6, 16.
Ayɣer i nezmer a d-nini belli Manaci d yiwen si yir akk igelliden i gḥekmen ɣef Yarucalim? (2 Amez. 33:4-6, 9)
Taqsiṭ tis 73
1. Acḥal di leɛmeṛ-is Yucyahu asmi yuɣal d agellid? Acu yebda ixeddem deg useggas wis tmanya n leḥkem-is?
2. D acu i gxeddem ugellid Yucyahu di ţţeswiṛa tazelmaṭ?
3. Acu yufa lmuqeddem ameqran asm’akken i ţṣeggimen lemqam?
4. Acimi i gcerreg Yucyahu llebsa-ines?
5. Anwa lexbaṛ i tewwi i Yucyahu yiwet ger lanbeyya iţţusemman Ḥulda?
Isteqsiyen nniḍen:
1. Ɣer 2 Amezruy 34:1-28.
(a) Anwa lemtel i d-iǧǧa Yucyahu i wid isɛeddan temẓi iweɛṛen? (2 Amez. 33:21-25; 34:1, 2; Ahel. 27:10)
(b) Anti leḥwayeǧ timeqranin i gexdem Yucyahu akken ad isseǧhed leɛbada n ṣṣeḥ deg useggas wis 8, wis 12 akk-d wis 18 n leḥkem-is? (2 Amez. 34:3, 8)
(c) Anwa lemtel i ɣ-d-ǧǧan ugellid Yucyahu d lmuqeddem Ḥilqiyahu deg wayen yeɛnan azizdeg n imukan-nneɣ n leɛbada? (2 Amez. 34:9-13; Lem. 11:14; 1 Kurin. 10:31)
Taqsiṭ tis 74
1. Anwa-t wergaz-agi yellan di ţţeswiṛa?
2. Ṛebbi yerra Irmiya d nnbi. Amek i geḥseb Irmiya ccɣel-agi? Lameɛna amek i t-iḍmen Ṛebbi?
3. Acu yeqqar Irmiya i wegdud?
4. Amek i ɛerḍen lmuqeddmin a s-ɣelqen imi i Irmiya? Lameɛna amek i d-isban belli ur yugad ara?
5. Acu yeḍran d wat Isṛayil imi ur beddlen ara yir tikli i d-wwin?
Isteqsiyen nniḍen:
1. Ɣer Irmiya 1:1-8.
(a) Am wakken i t-id-issken lemtel n Irmiya, anwa i geţţarran albeɛḍ d win izemren ad yeqdec ɣef Yahwa? (2 Kurin. 3:5)
(b) Ass-a, amek i d-iţţak lemtel n Irmiya tirrugza i yelmeẓyen imasiḥiyen? (Amus. 12:1; 1 Tim. 4:12)
2. Ɣer Irmiyah 10:1-5.
Anwa lemtel ifazen i gessexdem Irmiya akken ad issken belli ur yenfiɛ ara maḍi leţkal di lmeṣnuɛat? (Irm. 10:5; Icɛa. 46:7; Ḥabaq. 2:19)
3. Ɣer Irmiyah 26:1-16.
(a) Yahwa yumeṛ i Irmiya: ‘Ur tekkes ula d yiwen wawal’. M’ara ţberriḥen, amek i ţţaken azal i lameṛ-agi wid ara iḥekmen deg igenni, i d-yegran ass-a ɣef lqaɛa? (Irm. 26:2; Asmek. 4:2; Lec. 20:27)
(b) Amek i d-iǧǧa Irmiya lemtel yelhan i Inagan n Yahwa deg wayen yeɛnan aɛeggen i leǧnas meṛṛa? (Irm. 26:8, 12, 14, 15; 2 Tim. 4:1-5)
4. Ɣer 2 Igelliden 24:1-17.
Anti lexsaṛat i d-tewwi tgelda n Yahuda imi ur teqqim ara ţ-ţunṣiḥt ɣer Yahwa? (2 Igel. 24:2-4, 14)
Taqsiṭ tis 75
1. Anwa-ten ṛebɛa yelmeẓyen-agi i teţwaliḍ di ţţeswiṛa, yerna acu i ten-yewwin ɣer Babil?
2. Acu i d-ihegga Nabuxadnuẓur i ṛebɛa yelmeẓyen-nni? Anwi lumuṛ i gefka i iqeddacen-is?
3. D acu yeḍleb Danyil i yiman-is d tlata yerfiqen-is ɣef wayen yeɛnan lmakla ţ-ţissit?
4. Mbeɛd mi ččan lxedṛa azal n ɛecṛa wussan, amek i d-banen Danyil d tlata yemdukkal-is zdat n yelmeẓyen nniḍen?
5. Amek Danyil d tlata yemdukkal-is i d-ufan iman-nsen deg wexxam ugellid? Deg wacu i ifen lmuqeddmin d iseḥḥaren n Babil?
Isteqsiyen nniḍen:
1. Ɣer Danyil 1:1-21.
(a) Anwi lmeǧhudat i glaq a d-nesbeggen ma nebɣa a nqabel ajeṛṛeb neɣ a neɣleb lxiṣas-nneɣ? (Dan. 1:8; Laṣel 39:7, 10; Gal. 6:9)
(b) Amek ayen teḥseb ddunit ass-a d ayen yelhan, yezmer ad yili d ajeṛṛeb neɣ d lḥerṣ ɣef yelmeẓyen? (Dan. 1:8; Lem. 20:1; 2 Kurin. 6:17–7:1)
(c) Acu i ɣ-tesselmad teḥkayt-agi n ṛebɛa Iɛibṛaniyen ɣef wayen yeɛnan tamusni i d-yekkan si ddunit? (Dan. 1:20; Icɛa. 54:13; 1 Kurin. 3:18-20)
Taqsiṭ tis 76
1. Akken i teţwaliḍ di ţţeswiṛa, acu yeḍran d Yarucalim akk-d wat Isṛayil?
2. Anwa i d Ḥizqiyal? Anti leḥwayeǧ icemten i s-d-yessken Yahwa?
3. Acu i gɛuhed Yahwa i wat Isṛayil imi ur t-ţqadaren ara?
4. Acu yexdem ugellid Nabuxadnuẓur mbeɛd mi t-ɛuṣan wat Isṛayil?
5. Acimi i gɛemmed Yahwa a d-yeɣli nnger ɣef wat Isṛayil?
6. Amek armi i tuɣal tmurt n wat Isṛayil mebla imezdaɣ? Acḥal n lweqt i teqqim akken?
Isteqsiyen nniḍen:
1. Ɣer 2 Igelliden 25:1-26.
(a) Anwa i d Ṣidqiyahu? Acu yeḍran yid-es? Amek yesseḍra wannect-a ayen i d-inna Wawal n Ṛebbi uqbel? (2 Igel. 25:5-7; Ḥizq. 12:13-15)
(b) Anwa i gesseḍlem Yahwa ɣef wayen n diri meṛṛa i xedmen wat Isṛayil? (2 Igel. 25:9, 11, 12, 18, 19; 2 Amez. 36:14, 17)
2. Ɣer Ḥizqiyal 8:1-18.
Amek ddunit tamasiḥit i tɛuned At Isṛayil i gɛebden iṭij? (Ḥizq. 8:16; Icɛa. 5:20, 21; Yuḥ. 3:19-21; 2 Tim. 4:3)
Taqsiṭ tis 77
1. Anwa lameṛ i gefka ugellid Nabuxadnuẓur i wegdud?
2. Acimi ur knin ara zdat n lmeṣnuɛ tlata-nni yemdukkal n Danyil?
3. M’akken i gumeṛ tikkelt nniḍen Nabuxadnuẓur i tlata-nni Iɛibṛaniyen ad knun zdat n lmeṣnuɛ, amek i d-sseknen belli ţeklen ɣef Yahwa?
4. Acu yenna Nabuxadnuẓur i iqeddacen-is a t-xedmen i Cadrax, Micax akk-d Ɛabdnaɣu?
5. Acu i gwala Nabuxadnuẓur m’akken i gmuqel ɣer daxel n ufurnu-nni n tmes?
6. Ayɣer i geḥmed ugellid Nabuxadnuẓur Ṛebbi n Cadrax, Micax akk-d Ɛabdnaɣu? Anwa lemtel i ɣ-d-ǧǧan?
Isteqsiyen nniḍen:
1. Ɣer Danyil 3:1-30.
(a) Tlata-nni Iɛibṛaniyen ţţujeṛṛben di nnṣaḥa-nsen. Am nutni, anta tikli i glaq ad sɛun iqeddacen meṛṛa n Ṛebbi m’ara ţţujeṛṛben? (Dan. 3:17, 18; Matta 10:28; Ṛuma 14:7, 8)
(b) Acu yesselmed Yahwa Ṛebbi i Nabuxadnuẓur? (Dan. 3:28, 29; 4:34, 35)
Taqsiṭ tis 78
1. Acu yeḍran di tmeɣra tameqrant m’akken i gessexdem ugellid n Babil tiqbucin d ifenǧalen i d-yeţwaddmen si lemqam n Yarucalim?
2. Acu yenna Belcatsar i iseḥḥaren-is? Lameɛna acu ur wwiḍen ara a t-xedmen?
3. Acu i s-tenna yemma-s i Belcatsar?
4. Ɛlaḥsab n wayen yenna Danyil i ugellid, acuɣer i d-iceggeɛ Ṛebbi afus-nni iwakken ad yaru ɣef lḥiḍ?
5. Amek i d-yessefhem Danyil imeslayen-nni yuran ɣef lḥiḍ?
6. Acu yeḍran m’akken yella iheddeṛ Danyil?
Isteqsiyen nniḍen:
1. Ɣer Danyil 5:1-31.
(a) Acu n lxilaf yellan ger tugdi n Ṛebbi ţ-ţugdi i gḥuss Belcatsar m’akken i gwala tira-nni ɣef lḥiḍ? (Dan. 5:6, 7; Ahel. 19:9; Ṛuma 8:35-39)
(b) Amek i d-isbeggen Danyil tirrugza m’akken i gehdeṛ i ugellid d imeqranen-is? (Dan. 5:17, 18, 22, 26-28; Lec. 4:29)
(c) Amek i d-yessken wayen yuran di Danyil ixef 5 belli Yahwa d Aneḥkam ameqran ɣef txelqit meṛṛa? (Dan. 4:17, 25; 5:21)
Taqsiṭ tis 79
1. Anwa i d Daryabic? Acu i geţxemmim ɣef Danyil?
2. Acu wwin ad yexdem ugellid wid yusmen di Danyil?
3. Acu yexdem Danyil asmi yesla yeffeɣ-ed lqanun-nni ajdid?
4. Acuɣer yetqelleq Daryabic armi i s-iṛuḥ yiḍeṣ? Acu yexdem azekka-nni ṣṣbeḥ?
5. Anwa lǧawab i gerra Danyil i Daryabic?
6. Acu yeḍran d yemcumen-nni i gɛerḍen ad nɣen Danyil? Acu yura Daryabic i imezdaɣ meṛṛa n tgelda-s?
Isteqsiyen nniḍen:
1. Ɣer Danyil 6:1-28.
(a) Kra n yergazen mcawaṛen akken ad nɣen Danyil. Amek i ɣ-d-yesmektay waya ayen i xedmen di zzman-nneɣ yexṣimen akken ad ḥebsen ccɣel n Inagan n Yahwa? (Dan. 6:7; Ahel. 94:20; Icɛa. 10:1; Ṛuma 8:31)
(b) Amek i zemren iqeddacen n Ṛebbi ad ɛanden Danyil deg wayen yeɛnan ṭṭaɛa i lḥukumat n ddunit? (Dan. 6:5, 10; Ṛuma 13:1; Lec. 5:29)
(c) Danyil yezga iqeddec ɣef Yahwa. Amek i nezmer a nɛaned lemtel-is? (Dan. 6:16, 20; Filib. 3:16; Aweḥ. 7:15)
Taqsiṭ tis 80
1. Akken i twalaḍ di ţţeswiṛa, acu akka i xeddmen wat Isṛayil?
2. Amek i gessaweḍ Sirus ayen i d-yenna Yahwa seg yimi n Icɛaya?
3. Acu yumeṛ Sirus i wat Isṛayil ur nezmir ara ad uɣalen ɣer Yarucalim?
4. Acu yefka Sirus i wegdud akken a t-yawi ɣer Yarucalim?
5. Acḥal n lweqt i qqimen wat Isṛayil deg webrid uqbel ad awḍen ɣer Yarucalim?
6. Acḥal n lweqt i teqqim texla tmurt?
Isteqsiyen nniḍen:
1. Ɣer Icɛaya 44:28 d 45:1-4.
(a) Amek i d-yefka Yahwa ṭṭmana belli ayen i d-yenna ɣef Sirus ad yeḍru mebla ccekk? (Icɛa. 55:10, 11; Ṛuma 4:17)
(b) Amek i d-ibeggen wayen i d-yenna Icɛaya ɣef Sirus belli d Yahwa i gzemren a d-imel ayen ara yeḍrun ɣer zdat? (Icɛa. 42:9; 45:21; 46:10, 11; 2 Buṭ. 1:20)
2. Ɣer Ɛazra 1:1-11.
Am wid-nni ur nuɣal ara ɣer Yarucalim, amek i nezmer ass-a a nɛiwen wid i zemren ad ilin di leqdic n Yahwa lweqt kamel? (Ɛazra 1:4, 6; Ṛuma 12:13; Kulus 4:12)
Taqsiṭ tis 81
1. Acḥal n yemdanen i guɣalen si Babil ɣer Yarucalim? Acu i ufan asmi i wwḍen ɣer dinna?
2. Acu i bdan bennun wat Isṛayil m’akken kan i wwḍen? Lameɛna acu i xedmen yeɛdawen-nsen?
3. Anwi i d Ḥagay d Zaxaryah? Acu i nnan i wegdud?
4. Acimi i gceggeɛ Tatnay tabṛaţ ɣer Babil? Acu i s-d-rran?
5. Acu yexdem Ɛazra asmi i t-id-yewweḍ lexbaṛ belli yeḥwaǧ azewweq lemqam n Ṛebbi?
6. Akken i teţwaliḍ di ţţeswiṛa, ɣef wacu yeẓẓull Ɛazra? Amek i teţwaqbel tẓallit-is? Acu i ɣ-yesselmad waya?
Isteqsiyen nniḍen:
1. Ɣer Ɛazra 3:1-13.
Lukan a ɣ-d-yaf lḥal deg wemkan anda ulac ula d yiwet n tejmaɛt n wegdud n Ṛebbi, acu i glaq a nkemmel a t-nxeddem? (Ɛazra 3:3, 6; Lec. 17:16, 17; Iɛeb. 13:15)
2. Ɣer Ɛazra 4:1-7.
Zarubabil yugi i wat Isṛayil ad ɛacṛen wid i ten-ixulfen di ddin. Anwa lemtel i d-yeǧǧa i wegdud n Yahwa deg wayen yeɛnan axlaḍ n ddyanat? (Tuf. 34:12; 1 Kurin. 15:33; 2 Kurin. 6:14-17)
3. Ɣer Ɛazra 5:1-5, 17 d 6:1-22.
(a) Acuɣer ur wwiḍen ara yeɛdawen n wat Isṛayil ad ḥebsen lebni n lemqam? (Ɛazra 5:5; Icɛa. 54:17)
(b) Deg wacu yefka afud wayen i xedmen imeqranen n Isṛayil i lecyux n tejmaɛt tamasiḥit akken ad nadin awelleh n Yahwa zdat n yexṣimen-nsen? (Ɛazra 6:14; Ahel. 32:8; Ṛuma 8:31; Yeɛ. 1:5)
4. Ɣer Ɛazra 8:21-23, 28-36.
Uqbel a neṭṭef ṛṛay di yiwet n temsalt, deg wacu i glaq a nɛaned Ɛazra? (Ɛazra 8:23; Ahel. 127:1; Lem. 10:22; Yeɛ. 4:13-15)
Taqsiṭ tis 82
1. Anwi i d Murdaxay d Istir?
2. Acuɣer yebɣa ugellid Aḥacwiruc tameṭṭut nniḍen? Anta i gextaṛ?
3. Anwa i d Haman? Acu i t-yesserfan?
4. Anwa lqanun i d-yeffɣen? Acu i texdem Istir asmi i ţ-yewweḍ lexbaṛ n Murdaxay?
5. Acu yeḍran d Haman akk-d Murdaxay?
6. Amek i menɛen wat Isṛayil seg ufus n yexṣimen-nsen?
Isteqsiyen nniḍen:
1. Ɣer Istir 2:12-18.
Amek i d-tbeggen Istir belli lɛeqliya n “lehna d leḥnana” tesɛa azal? (Istir 2:15; 1 Buṭ. 3:1-5)
2. Ɣer Istir 4:1-17.
Istir texdem ayen ilaqen ɣef ddemma n leɛbada n ṣṣeḥ. Amek i nezmer di zzman-nneɣ a d-nbeggen nnṣaḥa-nneɣ ţ-ţuṭṭfa-nneɣ di Yahwa am Istir? (Istir 4:13, 14; Matta 5:14-16; 24:14)
3. Ɣer Istir 7:1-6.
Am Istir, amek i qeblen waṭas n iqeddacen n Ṛebbi ad ţwaqehren di zzman-nneɣ? (Istir 7:4; Matta 10:16-22; 1 Buṭ. 2:12)
Taqsiṭ tis 83
1. Imi ur s-d-zzin ara leṣwar i Yarucalim, acu i ţḥussun wat Isṛayil?
2. Anwa i d Naḥamya?
3. Anta i d lxedma n Naḥamya? Acuɣer i tesɛa azal lxedma-s?
4. Anwi lexbaṛat i gesseḥznen Naḥamya? Acu yexdem imiren?
5. Amek i gexdem lxiṛ Artaḥcasta i Naḥamya?
6. Amek i ghegga Naḥamya ccɣel n lebni n leṣwar akken ur ḥebbsen ara lebni-yagi yexṣimen n wat Isṛayil?
Isteqsiyen nniḍen:
1. Ɣer Naḥamya 1:4-6 d 2:1-20.
Amek i gnuda Naḥamya awelleh n Yahwa? (Naḥam. 2:4, 5; Ṛuma 12:12; 1 Buṭ. 4:7)
2. Ɣer Naḥamya 3:3-5.
Acu i zemren ad lemden lecyux d yemɛawnen di tejmaɛt si lemxalfa yellan ger wat Taquwaɛ d imeqranen-nsen? (Naḥam. 3:5, 27; 2 Tiṣal. 3:7-10; 1 Buṭ. 5:5)
3. Ɣer Naḥamya 4:1-23.
(a) Acu yewwin At Isṛayil ad kemmlen lebni ɣas akken mmugren leqher ameqran? (Naḥam. 4:6, 8, 9; Ahel. 50:15; Icɛa. 65:13, 14)
(b) Amek i ɣ-d-yeţţak tirrugza lemtel n wat Isṛayil?
4. Ɣer Naḥamya 6:15.
Ur wwiḍen ara sin wagguren mi gekfa lebni n leṣwar. Acu i d-ibeggen wannect-agi ɣef lqewwa yesɛa liman? (Ahel. 56:3, 4; Matta 17:20; 19:26)
Taqsiṭ tis 84
1. Anta-ţ tmeṭṭut-agi yellan di ţţeswiṛa?
2. Acu yenna Jebrayil i Meryem?
3. Amek i gessefhem Jebrayil i Meryem belli a d-tesɛu aqcic ɣas ur tezwiǧ ara?
4. Acu yeḍran asmi i tṛuḥ Meryem aţ-ţẓer Ilicaba i s-yeţţilin?
5. Acu i gxemmem Yusef asmi i d-yewwi lexbaṛ belli s tadist i tella Meryem? Acu i t-yewwin ad ibeddel ṛṛay?
Isteqsiyen nniḍen:
1. Ɣer Luqa 1:26-56.
(a) Acimi ur yewṛit ara Ɛisa ddnub m’akken i d-iceggeɛ Ṛebbi tudert-is ɣer tɛebbuṭ n Meryem? (Ḥagay 2:11-13; Luqa 1:35; Yuḥ. 6:69; Iɛeb. 7:26; 10:5)
(b) Amek i geţţunefk ccan i Ɛisa uqbel akk a d-ilal? (Luqa 1:41-43)
(c) Anwa lemtel ifazen i d-teǧǧa Meryem i imasiḥiyen iwumi ţţunefkent lemzeyyat di leqdic? (Luqa 1:38, 46-49; 17:10; Lem. 11:2)
2. Ɣer Matta 1:18-25.
Ɣas Ɛisa ur yeţţusemma ara Imanuwil, amek ayen yexdem yeddukkel d lmeɛna n yisem-agi? (Matta 1:22, 23; Yuḥ. 16:27, 28; Iɛeb. 1:1-3)
Taqsiṭ tis 85
1. Anwa-t llufan-agi yellan di ţţeswiṛa? Anda i tṛuḥ a t-tesgen Meryem?
2. Acimi i d-ilul Ɛisa deg udaynin ger lmal?
3. Akken i teţwaliḍ di ţţeswiṛa, anwa-ten yergazen-inna i d-yusan s adaynin? Acu i sen-yenna yiwen n lmelk?
4. Ayɣer yesɛa Ɛisa azal ameqran?
5. Acuɣer i nezmer a d-nini belli Ɛisa d Mmi-s n Ṛebbi?
Isteqsiyen nniḍen:
1. Ɣer Luqa 2:1-20.
(a) Qayṣer yexdem yiwet lḥaǧa yesseḍran ayen i d-yenna Wedlis Iqedsen ɣef tlalit n Ɛisa. Teẓriḍ d acu-ţ? (Luqa 2:1-4; Mixa 5:2)
(b) Amek i gezmer bnadem ad yeţwaḥseb ger “yemdanen eɛzizen” ɣef Ṛebbi? (Luqa 2:14; Matta 16:24; Yuḥ. 17:3; Lec. 3:19; Iɛeb. 11:6)
(c) Imeksawen n Yahuda yesɛan annuz feṛḥen s tlalit n wemsellek. Acuɣer i zemren ad feṛḥen akteṛ-nsen iqeddacen n Ṛebbi n wass-a? (Luqa 2:10, 11; Ifas. 3:8, 9; Aweḥ. 11:15; 14:6)
Taqsiṭ tis 86
1. Anwa-ten yergazen-agi i teţwaliḍ di ţţeswiṛa?
2. Acimi yetḥeyyeṛ mliḥ ugellid Hiṛudus? Acu yexdem?
3. Sani yewwi yetri-nni yeţfeǧǧiǧen irgazen-nni? Lameɛna acuɣer uɣalen ɣer tmurt-nsen seg webrid nniḍen?
4. Anwa lameṛ i gefka Hiṛudus, yerna acuɣer?
5. Acu yenna Yahwa i Yusef a t-yexdem?
6. Anwa i gewwin itri-nni ad icceɛceɛ, yerna acimi?
Isteqsiyen nniḍen:
1. Ɣer Matta 2:1-23.
Acḥal di leɛmeṛ n Ɛisa asmi i rzan imkucaf-nni fell-as? Anda yezdeɣ imiren-nni? (Matta 2:1, 11, 16)
Taqsiṭ tis 87
1. Ɛlaḥsab n ţţeswiṛa, acḥal di leɛmeṛ n Ɛisa? Anida yella?
2. Acu i gxeddem Yusef neţţa ţ-ţwacult-is mkul aseggas?
3. Yusef d Meryem lḥan ass kamel akken ad uɣalen s axxam-nsen. Lameɛna, acuɣer i d-uɣalen ɣer Yarucalim?
4. Anda i ufan Ɛisa Yusef d Meryem? Acuɣer i wehmen lɣaci?
5. Acu yenna Ɛisa i yemma-s Meryem?
6. Amek i nezmer a neḥfeḍ leḥwayeǧ ɣef Ṛebbi am Ɛisa?
Isteqsiyen nniḍen:
1. Ɣer Luqa 2:41-52.
(a) Di Lqanun, d lfeṛḍ ɣef yergazen kan ad ḥedṛen i leɛwayed n yal aseggas. Anwa lemtel ifazen i d-ǧǧan Yusef d Meryem i imawlan n zzman-nneɣ? (Luqa 2:41; Asmek. 16:16; 31:12; Lem. 22:6)
(b) Amek i d-yeǧǧa Ɛisa lemtel ifazen i yelmeẓyen n wass-a deg wayen yeɛnan tiɣin n wawal i imawlan? (Luqa 2:51; Asmek. 5:16; Lem. 23:22; Kulus 3:20)
2. Ɣer Matta 13:53-56.
Anwa-ten ṛebɛa watmaten n Ɛisa iɣef i d-immeslay Wedlis Iqedsen? Sin i gqedcen di tejmaɛt tamasiḥit. Teẓriḍ anwa-ten? (Matta 13:55; Lec. 12:17; 15:6, 13; 21:18; Gal. 1:19; Yeɛ. 1:1; Yuda 1)
Taqsiṭ tis 88
1. Anwa-ten sin yergazen-agi i teţwaliḍ di ţţeswiṛa?
2. Amek i nesseɣḍas albeɛḍ?
3. Anwi i guɣ tannumi yesseɣḍas Yeḥya?
4. Acuɣer i geḍleb Ɛisa i Yeḥya a t-yesseɣḍes?
5. Amek i d-ibeggen Ṛebbi belli yeɛǧeb-as weɣḍas n Ɛisa?
6. Acu yeḍran asmi i gṛuḥ Ɛisa 40 wussan ɣer yiwen wemkan yexlan?
7. Ini-d ismawen n kra n inelmaden imezwura n Ɛisa. Anwa lbeṛhan amezwaru i gexdem Ɛisa?
Isteqsiyen nniḍen:
1. Ɣer Matta 3:13-17.
Anwa lemtel i d-yeǧǧa Ɛisa deg wayen yeɛnan aɣḍas n inelmaden-is? (Ahel. 40:7, 8; Matta 28:19, 20; Luqa 3:21, 22)
2. Ɣer Matta 4:1-11.
Ɛisa yessexdam akken i glaq Adlis Iqedsen. Amek i ɣ-iţdemmir waya akken a neqqar daymen Adlis Iqedsen? (Matta 4:5-7; 2 Buṭ. 3:17, 18; 1 Yuḥ. 4:1)
3. Ɣer Yuḥenna 1:29-51.
Ɣer wuɣur i gwelleh Yeḥya aɣeṭṭas inelmaden-is? Amek i nezmer a t-nɛaned? (Yuḥ. 1:29, 35, 36; 3:30; Matta 23:10)
4. Ɣer Yuḥenna 2:1-12.
Amek i d-yessken lbeṛhan amezwaru n Ɛisa belli Yahwa ur itekkes ara ayen yelhan i iqeddacen-is? (Yuḥ. 2:9, 10; Ahel. 84:11; Yeɛ. 1:17)
Taqsiṭ tis 89
1. Acimi i ţnuzun lḥiwan di lemqam?
2. Acu yesserfan Ɛisa?
3. Akken i teţwaliḍ di ţţeswiṛa, acu i gxeddem Ɛisa? Acu yumeṛ i wid yeznuzuyen itbiren?
4. Mi walan ayen yexdem Ɛisa, acu i d-mmektan inelmaden-is?
5. Ansi i gɛedda Ɛisa akken ad yuɣal ɣer tmurt n Jlili?
Isteqsiyen nniḍen:
1. Ɣer Yuḥenna 2:13-25.
Ɛisa yezɛef asmi i d-yufa wid yeţbeddilen idrimen di lemqam. Amek i glaq a neḥseb ttjaṛa daxel n Tzeqqa n Tgelda? (Yuḥ. 2:15, 16; 1 Kurin. 10:24, 31-33)
Taqsiṭ tis 90
1. Acimi yeḥbes Ɛisa ɣer tama n yiwen n lbir yellan di tmurt n Cumrun? Acu yenna i tmeṭṭut-nni i d-iṛuḥen aţ-ţagem aman?
2. Ayɣer i tedhec tmeṭṭut-nni? Acu i s-yenna Ɛisa, yerna acimi?
3. Ɛisa ihdeṛ i tmeṭṭut-nni ɣef waman. Anwa aman wuɣur i txemmem? Lameɛna di tin n ṣṣeḥ, anwa aman iɣef i d-immeslay?
4. Ayɣer i tewhem tmeṭṭut-nni mi twala ayen akk yessen fell-as Ɛisa? Amek i geẓra annect-a meṛṛa?
5. Acu i nezmer a nelmed si teḥkayt-agi n tmeṭṭut n wat Cumrun?
Isteqsiyen nniḍen:
1. Ɣer Yuḥenna 4:5-43.
(a) Am Ɛisa, amek i glaq aţ-ţili tikli-nneɣ zdat n wid i ɣ-ixulfen ama di ccetla ama di ssɛaya? (Yuḥ. 4:9; 1 Kurin. 9:22; 1 Tim. 2:3, 4; Tit 2:11)
(b) Anti lfaydat di leḥwayeǧ n ṛṛuḥ i geţṛaǧun win ara yuɣalen d anelmad n Ɛisa? (Yuḥ. 4:14; Icɛa. 58:11; 2 Kurin. 4:16)
(c) Amek i nezmer a d-nbeggen asteɛṛef am tmeṭṭut-nni n Cumrun i ghedṛen s lfeṛḥ ɣef wayen i tesla? (Yuḥ. 4:7, 28; Matta 6:33; Luqa 10:40-42)
Taqsiṭ tis 91
1. Akken i teţwaliḍ di ţţeswiṛa, anda i gesɣaray Ɛisa? Anwa-ten wigad-agi yeqqimen ɣer tama-s?
2. Ini-d ismawen n 12 n yemceggɛen n Ɛisa.
3. Anta-ţ tgelda-yagi iɣef yeţberriḥ Ɛisa?
4. Ɣef wacu yesselmed Ɛisa ad ẓẓallen lɣaci?
5. Acu i d-yenna Ɛisa ɣef tikli i glaq a nesɛu ɣer wiyaḍ?
Isteqsiyen nniḍen:
1. Ɣer Matta 5:1-12.
Amek i nezmer a d-nessken belli nesteɛṛef d igellilen i nella di leḥwayeǧ n ṛṛuḥ? (Luqa 11:28; Ṛuma 10:13-15; 1 Tim. 4:13, 15, 16)
2. Ɣer Matta 5:21-26.
Amek i d-issken Matta 5:23, 24 belli lɛalaqat i nesɛa d watmaten-nneɣ zemrent ad ḥazent lɛalaqat i nesɛa d Yahwa? (Matta 6:14, 15; Ahel. 133:1; Kulus 3:13; 1 Yuḥ. 4:20)
3. Ɣer Matta 6:1-8.
Lḥeqq n tkerkas yesɛa aṭas n wudmawen iɣef i glaq ad beɛden imasiḥiyen. Teẓriḍ anwa-ten? (Luqa 18:11, 12; 1 Kurin. 4:6, 7; 2 Kurin. 9:7)
4. Ɣer Matta 6:25-34.
Amek i gesselmed Ɛisa belli ilaq a neţkel ɣef Yahwa akken ad iqenneɛ lmeḥwiǧat-nneɣ deg wayen yeɛnan cci? (Tuf. 16:4; Ahel. 37:25; Filib. 4:6)
5. Ɣer Matta 7:1-11.
Acu i ɣ-isselmad lemtel yessewhamen i d-yefka Ɛisa di Matta 7:5? (Lem. 26:12; Ṛuma 2:1; 14:10; Yeɛ. 4:11, 12)
Taqsiṭ tis 92
1. Anwa i d baba-s n teqcict-agi i neţwali di ţţeswiṛa? Acimi i t-tekcem tugdi neţţa ţ-ţmeṭṭut-is?
2. Acu yexdem Jayṛus asmi i gufa Ɛisa?
3. Acu yeḍran asm’akken ileḥḥu Ɛisa ɣer wexxam n Jayṛus? Acu n lexbaṛ i s-d-ssawḍen i Jayṛus?
4. Ayɣer i ţmesxiṛen ɣef Ɛisa lɣaci-nni yellan deg wexxam n Jayṛus?
5. Acu yexdem Ɛisa mi gessekcem tlata seg yemceggɛen-is d imawlan n teqcict-nni ɣer texxamt anda tella?
6. Iwumi diɣen i d-yerra Ɛisa tudert? Acu i d-isbeggen wannect-a?
Isteqsiyen nniḍen:
1. Ɣer Luqa 8:40-56.
Amek i d-ibeggen Ɛisa lemɣiḍa akk-d lmizan i tmeṭṭut-nni isaqen d idammen? Acu i zemren ad lemden si temsalt-a lecyux di tjemmuyaɛ? (Luqa 8:43, 44, 47, 48; Lewwi 15:25-27; Matta 9:12, 13; Kulus 3:12-14)
2. Ɣer Luqa 7:11-17.
Ayɣer wigad iwumi yemmut win ɛzizen fell-asen, zemren ad afen aṣebber di lǧawab i gerra Ɛisa i taǧǧalt n Naɛin? (Luqa 7:13; 2 Kurin. 1:3, 4; Iɛeb. 4:15)
3. Ɣer Yuḥenna 11:17-44.
Amek i d-yessken Ɛisa belli meɛduṛ ma nru ɣef win i ɣ-yemmuten? (Yuḥ. 11:33-36, 38; 2 Cam. 18:33; 19:1-4)
Taqsiṭ tis 93
1. Acu yeḍran d Yeḥya aɣeṭṭas? Acu i gḥuss Ɛisa?
2. Amek i gessečč Ɛisa lɣaci-nni i t-ittabaɛen? Acḥal n lmakla i d-yegran?
3. Acu yessagden inelmaden n Ɛisa yiwen yiḍ? Acu yuɣen Buṭrus?
4. Amek i gessečč Ɛisa luluf n lɣaci abrid wis sin?
5. Ṛebbi yextaṛ Ɛisa akken ad yili d agellid ɣef lqaɛa. Anti leḥwayeǧ ifazen ara yilin m’ara iḥkem di lweqt-nni?
Isteqsiyen nniḍen:
1. Ɣer Matta 14:1-32.
(a) Acu i d-ibeggen wayen yuran di Matta 14:23-32 ɣef lɛeqliya n Buṭrus?
(b) Amek i d-sseknent Tira Iqedsen belli Buṭrus yegma di leɛqel-is yerna iɣleb ṭṭbiɛa-s iḥemqen? (Matta 14:27-30; Yuḥ. 18:10; 21:7; Lec. 2:14, 37-40; 1 Buṭ. 5:6, 10)
2. Ɣer Matta 15:29-38.
Amek i d-ibeggen Ɛisa belli iquder lerẓaq i s-d-yefka Baba-s? (Matta 15:37; Yuḥ. 6:12; Kulus 3:15)
3. Ɣer Yuḥenna 6:1-21.
Ɛisa iquder lḥukumat. Deg wussan-nneɣ, amek i ţɛanaden imasiḥiyen lemtel-is? (Yuḥ. 6:15; Matta 22:21; Ṛuma 12:2; 13:1-4)
Taqsiṭ tis 94
1. Ɣef wacu i heddṛen yemceggɛen n Ɛisa m’akken i d-uɣalen si lebɛid?
2. Acuɣer yessawel Ɛisa i weqcic amecṭuḥ i gesbedd zdat n yemceggɛen?
3. Deg wacu i glaq ad ɛanden yemceggɛen igurdan?
4. Mi ɛeddan kra n wagguren, amek i d-ibeggen Ɛisa belli iḥemmel imecṭaḥ?
Isteqsiyen nniḍen:
1. Ɣer Matta 18:1-4.
Acimi yessexdem Ɛisa lemtul akken ad yesɣer lɣaci? (Matta 13:34, 36; Mar. 4:33, 34)
2. Ɣer Matta 19:13-15.
Anti ṣṣifat i sɛan warrac imecṭaḥ i glaq a nessexdem ma nebɣa a nesɛu lbaṛakat yeɛnan Tagelda? (Ahel. 25:9; 138:6; 1 Kurin. 14:20)
3. Ɣer Marqus 9:33-37.
Acu yesɣer Ɛisa i inelmaden-is ɣef wid yebɣan amkan mechuṛen? (Mar. 9:35; Matta 20:25, 26; Gal. 6:3; Filib. 2:5-8)
4. Ɣer Marqus 10:13-16.
Amek i d-ibeggen Ɛisa belli zemren lɣaci ad qerrben ɣur-es? Amek i zemren lecyux imasiḥiyen ad stenfɛen s lemtel-is? (Mar. 6:30-34; Filib. 2:1-4; 1 Tim. 4:12)
Taqsiṭ tis 95
1. Acu i gessuter yiwen n wergaz i Ɛisa, yerna acuɣer?
2. Acu yessexdam tikwal Ɛisa akken ad yesɣer lɣaci? Acu i neẓra ɣef Wudayen d wat Cumrun?
3. Di teqsiṭ i d-yeḥka Ɛisa, amek i teḍra d yiwen n Wuday ileḥḥun deg webrid yeţţawin ɣer Yariḥu?
4. Acu yeḍran m’akken i d-iɛedda syenna yiwen n Wuday yellan d lmuqeddem akk-d yiwen wergaz n wat Lewwi?
5. Akken i teţwaliḍ di ţţeswiṛa, anwa i gɛawnen Uday-nni ijerḥen?
6. Mi gekfa taqsiṭ-nni i d-yeḥka, acu yessuter Ɛisa i wergaz-nni i t-isteqsan? Acu i s-yerra?
Isteqsiyen nniḍen:
1. Ɣer Luqa 10:25-37.
(a) Wala ad yerr Ɛisa lǧawab i westeqsi n yiwen yellan d lɛalem n Ccariɛa, amek i t-iɛawen ad imeyyez s yiman-is ɣef yiwen weɣbel? (Luqa 10:26; Matta 16:13-16)
(b) Amek i gessexdem Ɛisa lemtul akken ad iɛiwen ad beddlen tikli wid yekkaten deg wiyaḍ bla ma ssnen-ten? (Luqa 10:36, 37; 18:9-14; Tit 1:9)
Taqsiṭ tis 96
1. D acu i gxeddem Ɛisa m’akken iɛedda tamurt meṛṛa?
2. Acu yenna Ɛisa i yemceggɛen-is asmi i ɛeddan wazal n tlata iseggasen seg wasmi yeţwaɣḍes?
3. Anwa-ten yemdanen-agi yellan di ţţeswiṛa? D acu yexdem Ɛisa i tmeṭṭut-a?
4. Lɛulama n ddin lummen Ɛisa. Acuɣer i ten-isneḥcam wayen i sen-yerra?
5. Acu yexdem Ɛisa i sin iderɣalen asm’akken yella neţţa d yemceggɛen-is ɣer tama n Yariḥu?
6. Acimi yexdem Ɛisa lbeṛhanat-agi meṛṛa?
Isteqsiyen nniḍen:
1. Ɣer Matta 15:30, 31.
Acu i d-isbeggen Ɛisa s lecɣal-is ɣef lqeḍra n Yahwa? Amek i ɣ-iţɛawan wannect-a akken a nefhem lemɛahdat n Yahwa ara yeḍrun di ddunit tajdiṭ? (Ahel. 37:29; Icɛa. 33:24)
2. Ɣer Luqa 13:10-17.
Imi yexdem Ɛisa kra n lbeṛhanat yessewhamen ass n westeɛfu, acu i ɣ-isselmad waya ɣef ḥellu ara d-yawi i lɣaci asm’ara yeḥkem alef iseggasen? (Luqa 13:10-13; Ahel. 46:9; Matta 12:8; Kulus 2:16, 17; Aweḥ. 21:1-4)
3. Ɣer Matta 20:29-34.
Amek i ɣ-d-tessken teqsiṭ-a belli Ɛisa yeţţaf-ed dima lweqt akken ad iɛiwen wiyaḍ? Acu ara nelmed deg wannect-a? (Asmek. 15:7; Yeɛ. 2:15, 16; 1 Yuḥ. 3:17)
Taqsiṭ tis 97
1. M’akken qrib ad yaweḍ Ɛisa ɣer yiwet n taddart iqerben Yarucalim, acu yenna i inelmaden-is ad xedmen?
2. Ɛlaḥsab n ţţeswiṛa, acu yeḍran m’akken qrib ad yaweḍ Ɛisa ɣer temdint n Yarucalim?
3. D acu i xedmen warrac imecṭaḥ mi walan isseḥla Ɛisa iderɣalen d iquḍaren?
4. Acu iǧuweb Ɛisa i lmuqeddmin-nni izeɛfen?
5. Amek i nezmer a nɛaned arrac-nni imecṭaḥ i gḥemden Ɛisa?
6. D acu i nudan ad fehmen inelmaden n Ɛisa?
Isteqsiyen nniḍen:
1. Ɣer Matta 21:1-17.
(a) Amek anekcum n Ɛisa am ugellid ɣer Yarucalim yemxalaf d win n lqebṭanat n Ṛuma mi d-ţţuɣalen seg imenɣi? (Matta 21:4, 5; Zaxar. 9:9; Filib. 2:5-8; Kulus 2:15)
(b) Acu i zemren ad lemden yelmeẓyen n wass-a deg warrac n wat Isṛayil i d-ibedren Ahellil 118 asm’akken yekcem Ɛisa ɣer lemqam? (Matta 21:9, 15; Ahel. 118:25, 26; 2 Tim. 3:15; 2 Buṭ. 3:18)
2. Ɣer Yuḥenna 12:12-16.
D acu i d lmeɛna n tseḍwa n tezdayt i ssexdmen wid i cekkṛen Ɛisa? (Yuḥ. 12:13; Filib. 2:10; Aweḥ. 7:9, 10)
Taqsiṭ tis 98
1. Anda yella Ɛisa di ţţeswiṛa, yerna anwa-ten wigi i s-d-yezzin?
2. Acu i ɛerḍen a t-xedmen lmuqeddmin i Ɛisa di lemqam? Acu i sen-yenna?
3. Imceggɛen steqsan Ɛisa. Teẓriḍ ɣef wacu?
4. Acuɣer i gxebbeṛ Ɛisa imceggɛen-is ɣef kra n leḥwayeǧ ara yeḍrun ɣef lqaɛa m’ara yeḥkem deg igenni?
5. Ɛlaḥsab n Ɛisa, acu ara yeḍrun ɣef lqaɛa uqbel ad yekkes cceṛ meṛṛa yellan fell-as?
Isteqsiyen nniḍen:
1. Ɣer Matta 23:1-39.
(a) Ɣas ur iḥeṛṛem ara Wedlis Iqedsen a nessken leqder i wigad yesɛan ccan ameqran, acu i nezmer a nefhem seg imeslayen n Ɛisa yuran di Matta 23:8-11 ɣef wesqizzeb i wigad yellan d iqerra di tejmaɛt tamasiḥit? (Lec. 26:25; Ṛuma 13:7; 1 Buṭ. 2:13, 14)
(b) Acu i ssexdmen Ifariziyen akken ur ţţuɣalen ara yemdanen d imasiḥiyen? Anti tiḥila icuban tid n Ifariziyen i ssexdmen lɛulama n ddin n zzman-nneɣ? (Matta 23:13; Luqa 11:52; Yuḥ. 9:22; 12:42; 1 Tiṣal. 2:16)
2. Ɣer Matta 24:1-14.
(a) Amek i gefka azal i ulawi (ṣṣber) wayen yuran di Matta 24:13?
(b) Acu i d lmeɛna n “taggara” iɣef i d-immeslay Matta 24:13? (Matta 16:27; Ṛuma 14:10-12; 2 Kurin. 5:10)
3. Ɣer Marqus 13:3-10.
Acu i d-yenna Ɛisa di Marqus 13:10 i d-ibeggnen belli ilaq a nberreḥ s lḥir lexbaṛ n lxiṛ? Amek i glaq a ɣ-ɛnun imeslayen-agi? (Ṛuma 13:11, 12; 1 Kurin. 7:29-31; 2 Tim. 4:2)
Taqsiṭ tis 99
1. Akken i t-teţwaliḍ di ţţeswiṛa, acimi i gennejmaɛ Ɛisa neţţa d 12 yemceggɛen-is deg yiwet n tɣurfeţ tameqrant?
2. Anwa-t wergaz-nni yekkren ad iṛuḥ? Acu ara yexdem?
3. Anwa imensi, ur necbi wayeḍ, i gebda Ɛisa mi gfukk imensi n Lɛid n Usuref?
4. Acu i d-ţmektayen wat Isṛayil m’ara teţţen imensi n Lɛid n Usuref? Acu ara d-yesmekti imensi-yagi ajdid i inelmaden n Ɛisa?
5. Acu yenna Ɛisa i inelmaden-is mi gfukk Imensi n Wesmekti? Acu i xedmen umbeɛd?
Isteqsiyen nniḍen:
1. Ɣer Matta 26:14-30.
(a) Amek i d-ibeggen wayen yuran di Matta 26:15 belli Yudas yexdeɛ Ɛisa s lebɣi n wul-is?
(b) Idammen n Ɛisa ldin abrid i snat leḥwayeǧ. Teẓriḍ anti? (Matta 26:27, 28; Irm. 31:31-33; Ifas. 1:7; Iɛeb. 9:19, 20)
2. Ɣer Luqa 22:1-39.
Amek i glaq a nefhem imeslayen-agi n Wedlis Iqedsen: Yudas “ikcem-it Cciṭan”? (Luqa 22:3; Yuḥ. 13:2; Lec. 1:24, 25)
3. Ɣer Yuḥenna 13:1-20.
(a) Ɛlaḥsab n wayen yuran di Yuḥenna 13:2, yeḍlem Yudas deg wayen yexdem? Acu i zemren ad lemden iqeddacen n Ṛebbi si temsalt-agi? (Laṣel 4:7; 2 Kurin. 2:11; Gal. 6:1; Yeɛ. 1:13, 14)
(b) Anta lḥaǧa yesɛan azal ameqran i ɣ-isselmed Ɛisa? (Yuḥ. 13:15; Matta 23:11; 1 Buṭ. 2:21)
4. Ɣer Yuḥenna 17:1-26.
Ɛisa yeẓẓull Ṛebbi ɣef inelmaden-is. Acu yebɣa a d-yini s imeslayen-agi: “ad uɣalen d yiwen”? (Yuḥ. 17:11, 21-23; Ṛuma 13:8; 14:19; Kulus 3:14)
Taqsiṭ tis 100
1. Sani i ṛuḥen Ɛisa d yemceggɛen-is mi d-ffɣen si tɣurfeţ-nni? Acu i sen-yumeṛ?
2. Amek i d-yufa Ɛisa imceggɛen-is m’akken i guɣal ɣur-sen? Acḥal iberdan i d-yeḍra waya?
3. Anwa i gkecmen ɣer tmazirt? Akken i teţwaliḍ di ţţeswiṛa, acu yexdem Yudas n Qeryut?
4. Ayɣer Yudas yessuden Ɛisa, yerna acu yexdem Buṭrus?
5. Acu yenna Ɛisa i Buṭrus? Acimi ur yessuter ara i Ṛebbi a s-d-iceggeɛ lmalayekkat akken ad ḥarbent fell-as?
Isteqsiyen nniḍen:
1. Ɣer Matta 26:36-56.
(a) Amek ţţawil yessexdem Ɛisa akken ad inhu inelmaden-is yella d lemtel ifazen i lecyux di tjemmuyaɛ di lweqt-nneɣ? (Matta 20:25-28; 26:40, 41; Gal. 5:17; Ifas. 4:29, 31, 32)
(b) Amek i geţwali Ɛisa arfad n leslaḥ ɣef bunadem? (Matta 26:52; Luqa 6:27, 28; Yuḥ. 18:36)
2. Ɣer Luqa 22:39-53.
Iḍher-ed lmelk i Ɛisa di tmazirt n Jitsimani akken a t-isseǧhed. Ma ibeggen-ed wannect-a belli ixuṣṣ Ɛisa di liman? Ssefhem-ed. (Luqa 22:41-43; Icɛa. 49:8; Matta 4:10, 11; Iɛeb. 5:7)
3. Ɣer Yuḥenna 18:1-12.
Amek i gḥureb Ɛisa ɣef inelmaden-is zdat n yeɛdawen-is? Acu i ɣ-yesselmed lemtel-agi? (Yuḥ. 10:11, 12; 18:1, 6-9; Iɛeb. 13:6; Yeɛ. 2:25)
Taqsiṭ tis 101
1. Anwa i gellan deffir n lmut n Ɛisa?
2. Acu i xedmen yemceggɛen mi walan belli ineḥkamen-nni n ddin ṭṭfen Ɛisa?
3. Acu yeḍran deg wexxam n Kayef, lmuqeddem ameqran?
4. Acuɣer i geffeɣ Buṭrus ɣer beṛṛa, yeṭṭerḍeq d imeṭṭi?
5. Mbeɛd mi ceggɛen Ɛisa i Bilaṭus, acu i ɛeggḍen imeqranen n lmuqeddmin?
6. Acu yeḍran d Ɛisa ass-nni n lǧemɛa mi tɛedda ṭṭnac n uzal? Acu i gɛuhed i wemcum-nni iţţusemmṛen ɣer tama-s ɣef tgejdit?
7. Anda ara tili Lǧennet iɣef i d-yehdeṛ Ɛisa?
Isteqsiyen nniḍen:
1. Ɣer Matta 26:57-75.
Amek i d-beggnen yemḍebbren n ccṛeɛ ameqran n Wudayen belli qquren wulawen-nsen? (Matta 26:59, 67, 68)
2. Ɣer Matta 27:1-50.
Ayɣer i nezmer a d-nini belli nndama n Yudas ur d-tekki ara seg wul-is? (Matta 27:3, 4; Mar. 3:29; 14:21; 2 Kurin. 7:10, 11)
3. Ɣer Luqa 22:54-71.
Buṭrus yenkeṛ Ɛisa deg yiḍ-nni ideg iţwaḥbes. Acu i nezmer a nelmed si temsalt-a? (Luqa 22:60-62; Matta 26:31-35; 1 Kurin. 10:12)
4. Ɣer Luqa 23:1-49.
Acu i gḥuss Ɛisa ɣef lbaṭel i s-xedmen? Acu i ɣ-isselmad wannect-a? (Luqa 23:33, 34; Ṛuma 12:17-19; 1 Buṭ. 2:23)
5. Ɣer Yuḥenna 18:12-40.
Ɣas tugdi n yemdanen tesskew ifadden n Buṭrus kra n lweqt, mbeɛd yuɣal-it-id lǧehd, yuɣal d amceggeɛ ifazen. Acu i d-ibeggen waya? (Yuḥ. 18:25-27; 1 Kurin. 4:2; 1 Buṭ. 3:14, 15; 5:8, 9)
6. Ɣer Yuḥenna 19:1-30.
(a) Anta tamuɣli yelhan i gesɛa Ɛisa ɣef leḥwayeǧ n cci? (Yuḥ. 2:1, 2, 9, 10; 19:23, 24; Matta 6:31, 32; 8:20)
(b) Amek i d-beggnen imeslayen i d-yenna Ɛisa uqbel ad yemmet belli yerbeḥ deg udafeɛ i gdufeɛ ɣef leḥkem n Yahwa? (Yuḥ. 16:33; 19:30; 2 Buṭ. 3:14; 1 Yuḥ. 5:4)
Taqsiṭ tis 102
1. Anta-ţ tmeṭṭut-a d sin yergazen-agi yellan di ţţeswiṛa? Anda i llan?
2. Ayɣer i genna Bilaṭus i lmuqeddmin ad ceggɛen iɛsekṛiwen akken ad ɛassen aẓekka n Ɛisa?
3. Acu yexdem yiwen n lmelk ṣṣbeḥ zik ass wis tlata mbeɛd lmut n Ɛisa? Meɛna, acu i xedmen lmuqeddmin?
4. Acu i gessewhmen tilawin-nni i gṛuḥen ɣer uẓekka n Ɛisa?
5. Acimi i uzzlen Yuḥenna d Buṭrus ɣer uẓekka n Ɛisa, yerna anwa i ufan dinna?
6. Amek i teḍra d lǧeţţa n Ɛisa? Lameɛna, amek i d-ibeggen Ɛisa i inelmaden-is belli yedder?
Isteqsiyen nniḍen:
1. Ɣer Matta 27:62-66 d 28:1-15.
Di lweqt-nni ideg i d-yeḥya Ɛisa, amek imeqranen n lmuqeddmin d Ifariziyen akk-d lecyux i denben ɣef ṛṛuḥ iqedsen? (Matta 12:24, 31, 32; 28:11-15)
2. Ɣer Luqa 24:1-12.
Amek i d-tesbeggen teḥkayt i d-ihedṛen ɣef ḥeggu n Ɛisa belli ɣer Yahwa tilawin llant ţ-ţinagatin iɣef i nezmer a neţkel? (Luqa 24:4, 9, 10; Matta 28:1-7)
3. Ɣer Yuḥenna 20:1-12.
Amek i d-ibeggen wayen yuran di Yuḥenna 20:8, 9 belli ilaq a nesɛu ṣṣber ma yella ur nefhim ara s lekmal amek i teḍra neɣ ara teḍru yiwet licaṛa n Wedlis Iqedsen? (Lem. 4:18; Matta 17:22, 23; Luqa 24:5-8; Yuḥ. 16:12)
Taqsiṭ tis 103
Ɛisa iḍher-ed i inelmaden-is
1. Acu i tenna Meryem i wergaz-nni i tɣil d abeḥḥar? Lameɛna, amek i d-tewwi s lexbaṛ belli d Ɛisa?
2. Acu yeḍran d sin inelmaden n Ɛisa i gleḥḥun ɣer taddart n Amawes?
3. Acu yeḍran m’akken i llan ḥekkun sin inelmaden-nni i yemceggɛen amek i sen-d-yeḍher Ɛisa?
4. Acḥal iberdan i d-yeḍher Ɛisa i inelmaden-is?
5. Acu yenna Ṭuma mi gesla belli Ɛisa isbeggen-ed iman-is i inelmaden? Acu yeḍran mi ɛeddan tmanya wussan?
Isteqsiyen nniḍen:
1. Ɣer Yuḥenna 20:11-29.
Eɛni di Yuḥenna 20:23, Ɛisa yebɣa a d-yini belli imdanen zemren ad sefḍen ddnubat n wiyaḍ? Ssefhem-ed. (Ahel. 49:2, 7; Icɛa. 55:7; 1 Tim. 2:5, 6; 1 Yuḥ. 2:1, 2)
2. Ɣer Luqa 24:13-43.
Amek i nezmer a nessewǧed ul-nneɣ bac akken ad yerr ddehn-is ɣer tideţ yellan deg Wedlis Iqedsen? (Luqa 24:32, 33; Ɛazra 7:10; Matta 5:3; Lec. 16:14; Iɛeb. 5:11-14)
Taqsiṭ tis 104
1. Yiwen wass, acḥal n inelmaden i gwalan Ɛisa? Ɣef wacu i sen-d-iţmeslay?
2. Acu i ţ-ţagelda n Ṛebbi? Amek ara tili temɛict ɣef lqaɛa m’ara yeḥkem Ɛisa alef iseggasen?
3. Acḥal n wussan i d-yeḍher Ɛisa i inelmaden-is? Lameɛna acu i s-ilaq ad yexdem tura?
4. Acu yenna Ɛisa i inelmaden-is uqbel a ten-yeǧǧ?
5. Acu i teţwaliḍ di ţţeswiṛa? Amek i gɣab Ɛisa ɣef wallen n inelmaden-is?
Isteqsiyen nniḍen:
1. Ɣer 1 At Kurintus 15:3-8.
Acimi i geţţuqenneɛ Bulus m’akken i d-iheddeṛ ɣef ḥeggu n Ɛisa? Ɣef wacu i zemren a d-hedṛen s leqniɛa imasiḥiyen n wass-a? (1 Kurin. 15:4, 7, 8; Icɛa. 2:2, 3; Matta 24:14; 2 Tim. 3:1-5)
2. Ɣer Lecɣal 1:1-11.
Akken yura di Lecɣal 1:8, amek i gennerna ccɣel n uberreḥ? (Lec. 6:7; 9:31; 11:19-21; Kulus 1:23)
Taqsiṭ tis 105
1. Akken i d-iban di ţţeswiṛa, amek i teḍra d inelmaden n Ɛisa yeţṛaǧun di temdint n Yarucalim?
2. D acu yessewhmen ibeṛṛaniyen-nni i d-yusan ɣer Yarucalim?
3. Acu yessefhem Buṭrus i lɣaci?
4. Acu i ḥussen lɣaci mi slan i imeslayen n Buṭrus, yerna acu i sen-yenna ad xedmen?
5. Acḥal n yemdanen i geţwaɣeḍsen ass-nni n lɛid n wass wis xemsin?
Isteqsiyen nniḍen:
1. Ɣer Lecɣal 2:1-47.
(a) Amek i d-issken wayen i d-inna Buṭrus di Lecɣal 2:23, 36 belli agdud meṛṛa n Wudayen iţekka di lmut n Ɛisa? (1 Tiṣal. 2:14, 15)
(b) Amek i d-yeǧǧa Buṭrus lemtel ilhan deg wayen yeɛnan asexdem n Tira Iqedsen iwakken ad immeslay s ṣṣwab neţţa d lɣaci? (Lec. 2:16, 17, 29, 31, 36, 39; Kulus 4:6)
(c) Amek i gessexdem Buṭrus tasaruţ tamezwarut si “tsura n Tgelda n igenwan”, i gewɛed Ɛisa a s-tent-yefk? (Lec. 2:14, 22-24, 37, 38; Matta 16:19)
Taqsiṭ tis 106
1. Acu yeḍran yiwet n tmeddit, mi ţţalin Buṭrus d Yuḥenna ɣer lemqam?
2. Acu yenna Buṭrus i yiwen uɛiban, yerna anta lḥaǧa i s-ifka i geswan akteṛ n yedrimen?
3. Ayɣer ur fṛiḥen ara lɛulama-nni n ddin? D acu i xedmen i Buṭrus d Yuḥenna?
4. Acu yenna Buṭrus i lɛulama n ddin? Acu i ḥeṛṛmen lɛulama-yagi i yemceggɛen?
5. Anta i d ssebba n tismin n ineḥkamen n ddin? Acu yeḍran tikkelt-nni tis snat ideg i rran imceggɛen ɣer lḥebs?
6. Acu i ǧuwben yemceggɛen mi ten-wwin ɣer wexxam n Sanhedrin?
Isteqsiyen nniḍen:
1. Ɣer Lecɣal 3:1-10.
Ɣas ur nesɛi ara tazmert akken a nesseḥlu lɣaci, amek i ɣ-ţɛawanen imeslayen n Buṭrus yuran di Lecɣal 3:6 a nesteɛṛef s wazal yesɛa lexbaṛ n Tgelda? (Yuḥ. 17:3; 2 Kurin. 5:18-20; Filib. 3:8)
2. Ɣer Lecɣal 4:1-31.
M’ara neţmagar leqher deg uberreḥ-nneɣ, amek i glaq a nɛaned atmaten-nneɣ imasiḥiyen n lqern amezwaru? (Lec. 4:29, 31; Ifas. 6:18-20; 1 Tiṣal. 2:2)
3. Ɣer Lecɣal 5:17-42.
Am yiḍelli am wass-a, amek i d-beggnen kra n lɛibad ur nelli ara d Inagan n Yahwa belli sɛan tamuɣli tuṣwibt ɣef wayen yeɛnan ccɣel n uberreḥ? (Lec. 5:34-39)
Taqsiṭ tis 107
1. Anwa i d Stifan? Acu yexdem s tezmert n Ṛebbi?
2. Acu i d-yenna Stifan i gesserfan lɛulama n ddin?
3. M’akken i wwin yergazen-nni Stifan beṛṛa n temdint, acu i s-xedmen?
4. Anwa-t wergaz-inna di ţţeswiṛa iţɛassan ibeṛnyas?
5. Uqbel ad immet, acu yenna Stifan di tẓallit i Yahwa?
6. Am Stifan, acu i glaq a t-nexdem m’ara ɣ-iḍurr walbeɛḍ?
Isteqsiyen nniḍen:
1. Ɣer Lecɣal 6:8-15.
Anwi leɣrur i ssexdmen lɛulama n ddin iwakken ad ɛerḍen ad ḥebsen ccɣel n uberreḥ n Inagan n Yahwa? (Lec. 6:9, 11, 13)
2. Ɣer Lecɣal 7:1-60.
(a) Acu i gɛawnen Stifan ad idafeɛ akken ilaq ɣef lexbaṛ n lxiṛ zdat n Sanhedrin? Acu i nezmer a nelmed si lemtel-is? (Lec. 7:51-53; Ṛuma 15:4; 2 Tim. 3:14-17; 1 Buṭ. 3:15)
(b) Amek i glaq a nwali wid iţxaṣamen ccɣel-nneɣ? (Lec. 7:58-60; Matta 5:44; Luqa 23:33, 34)
Taqsiṭ tis 108
1. Acu yexdem Caɛul mbeɛd lmut n Stifan?
2. Anta lḥaǧa yessewhamen i geḍran m’akken ileḥḥu Caɛul deg webrid ɣer Dimecq?
3. Acu yenna Ɛisa i Caɛul a t-yexdem?
4. Acu yumeṛ Ɛisa i Ananyas, yerna amek i s-d-yuɣal yeẓri i Caɛul?
5. Anwa i d isem wis sin is i geţwassen Caɛul? Anwa ccɣel i s-yeţţunefken?
Isteqsiyen nniḍen:
1. Ɣer Lecɣal 8:1-4.
Leqher ihubb-ed am waḍu ɣef tejmaɛt tajdiṭ n Imasiḥiyen. Amek i gewwi leqher-agi ad iwezzeɛ liman tamasiḥit? Anta liḥala yecban tagi i d-yeḍran di zzman-nneɣ? (Lec. 8:4; Icɛa. 54:17)
2. Ɣer Lecɣal 9:1-20.
Ɛisa yefka tlata n lecɣal i Caɛul. Ini-d anwa-ten. (Lec. 9:15; 13:5; 26:1; 27:24; Ṛuma 11:13)
3. Ɣer Lecɣal 22:6-16.
Amek i nezmer a nili am Ananyas? Acimi yesɛa wannect-a azal? (Lec. 22:12; 1 Tim. 3:7; 1 Buṭ. 1:14-16; 2:12)
4. Ɣer Lecɣal 26:8-20.
Caɛul ibeddel ddin, yuɣal d amasiḥi. Amek i gezmer ubeddel-agi-ines ad yefk tirrugza i wid yesɛan argaz neɣ tameṭṭut ur nelli ara ger Inagan n Yahwa? (Lec. 26:11; 1 Tim. 1:14-16; 2 Tim. 4:2; 1 Buṭ. 3:1-3)
Taqsiṭ tis 109
1. Anwa-t wergaz-agi yeɣlin ɣef tgecrar di ţţeswiṛa?
2. Acu yenna yiwen n lmelk i Kurnilyus?
3. Acu yessken Ṛebbi i Buṭrus m’akken yella ɣef ṣṣdeḥ n wexxam n Semɛun di Yafu?
4. Ayɣer yenna Buṭrus i Kurnilyus belli ur ilaq ara ad yeknu zdat-es iwakken a t-yeɛbed?
5. Acu i gessewhmen mliḥ inelmaden yellan d Udayen i d-yeddan d Buṭrus?
6. Buṭrus iṛuḥ ɣer Kurnilyus. Acu i glaq a nelmed seg wannect-a?
Isteqsiyen nniḍen:
1. Ɣer Lecɣal 10:1-48.
Acu i d-beggnen imeslayen n Buṭrus yuran di Lecɣal 10:42 ɣef uberreḥ n lexbaṛ n lxiṛ n Tgelda? (Matta 28:19; Mar. 13:10; Lec. 1:8)
2. Ɣer Lecɣal 11:1-18.
Acu i gexdem Buṭrus asmi i d-iban bla ccekk uwelleh n Yahwa yeɛnan “imdanen ur nelli ara d Udayen”? Amek i nezmer a netbeɛ lemtel-is? (Lec. 11:17, 18; 2 Kurin. 10:5; Ifas. 5:17)
Taqsiṭ tis 110
1. Anwa-t ilemẓi-yagi yellan di ţţeswiṛa? Anda yezdeɣ? Ini-d ismawen n yemma-s akk-d jida-s.
2. Acu i gerra Timuti i Bulus asmi i s-yeḍleb ad iddu yid-es d Silas akken ad berrḥen di temdinin ibeɛden?
3. Anda i ţţusemman inelmaden n Ɛisa “imasiḥiyen” tikkelt tamezwarut?
4. Anti timdinin nniḍen iɣer i ṛuḥen Bulus, Silas d Timuti mi ǧǧan tamdint n Listra?
5. Amek i gɛawen Timuti amceggeɛ Bulus? Ɣef wacu i glaq ad steqsin iman-nsen yelmeẓyen n wass-a?
Isteqsiyen nniḍen:
1. Ɣer Lecɣal 9:19-30.
Amek i gḥuder iman-is Bulus m’akken i gemmuger leqher deg uberreḥ n lexbaṛ n lxiṛ? (Lec. 9:22-25, 29, 30; Matta 10:16)
2. Ɣer Lecɣal 11:19-26.
Amek i d-yefka ţţbut wayen yuran di Lecɣal 11:19-21, 26 belli ṛṛuḥ n Yahwa yeţwellih yerna inehheṛ ccɣel n uberreḥ?
3. Ɣer Lecɣal 13:13-16, 42-52.
Amek i d-ibeggen wayen yuran di Lecɣal 13:51, 52 belli inelmaden ur ǧǧin ara a ten-issefcel leqher? (Matta 10:14; Lec. 18:6; 1 Buṭ. 4:14)
4. Ɣer Lecɣal 14:1-6, 19-28.
Yura deg wedlis n Lecɣal: “ǧǧan-ten seddaw leɛnaya n Sidi Ṛebbi”. Amek i ɣ-ţɛawanen imeslayen-agi akken a nekkes tugdi i nesɛa m’ara neţɛawan ijdiden? (Lec. 14:21-23; 20:32; Yuḥ. 6:44)
5. Ɣer Lecɣal 16:1-5.
Timuti yeqbel ad ixten (iḍher). Amek i d-ibeggen wannect-a belli yesɛa azal a nxeddem kullec “ɣef ddemma n lexbaṛ n lxiṛ”? (Lec. 16:3; 1 Kurin. 9:23; 1 Tiṣal. 2:8)
6. Ɣer Lecɣal 18:1-11, 18-22.
Acu i d-ibeggen wayen yuran di Lecɣal 18:9, 10 ɣef wemkan yeṭṭef Ɛisa deg uwelleh n ccɣel n uberreḥ? Anta ṭṭmana i ɣ-d-yeţţak wannect-a di lweqt-nneɣ? (Matta 28:20)
Taqsiṭ tis 111
1. Di ţţeswiṛa-yagi, anwa-t weqcic-agi yeẓẓlen di lqaɛa? Acu yeḍran yid-es?
2. Acu yexdem Bulus mi gwala yemmut weqcic-nni?
3. Sani i gṛuḥ Bulus neţţa d Timuti d wid yeddan yid-sen? Acu yeḍran asmi i ḥebsen di temdint n Mili?
4. Anwa lexbaṛ i gewwi nnbi Agabus i Bulus? Amek i d-iḍra wayen i d-yenna?
Isteqsiyen nniḍen:
1. Ɣer Lecɣal 20:7-38.
(a) Ɛlaḥsab n wayen yura Bulus di Lecɣal 20:26, 27, amek ara nberri deg idammen n lɣaci meṛṛa? (Ḥizq. 33:8; Lec. 18:6, 7)
(b) Acuɣer i sen-ilaq i lecyux ‘ad ṭṭfen deg wawal yellan ţ-ţideţ’ m’ara sɣarayen? (Lec. 20:17, 29, 30; Tit 1:7-9; 2 Tim. 1:13)
2. Ɣer Lecɣal 26:24-32.
Amek i gessexdem Bulus laṣel-is n Uṛumani akken ad ixdem akken ilaq ccɣel n uberreḥ iɣef i t-iwekkel Ɛisa? (Lec. 9:15; 16:37, 38; 25:11, 12; 26:32; Luqa 21:12, 13)
Taqsiṭ tis 112
1. M’akken i llan leḥḥun rrif rrif n tegzirt n Kritus, acu yeḍran d lbabuṛ-nni iɣef yerkeb Bulus?
2. Acu yenna Bulus i wid-nni yellan di lbabuṛ?
3. Amek i gṛuḥ d iceqfan lbabuṛ-nni?
4. Anwa lameṛ i gefka lqebṭan, yerna acḥal i gmenɛen seg wid yellan di lbabuṛ-nni?
5. Anta tigzirt iɣer i leḥqen, yerna amek i teḍra d Bulus asmi i geqɛed lḥal?
Isteqsiyen nniḍen:
1. Ɣer Lecɣal 27:1-44.
Amek i tesseǧhed temsalt-agi n uṣafer n Bulus ɣer Ṛuma leţkal-nneɣ di tideţ n Wedlis Iqedsen? (Lec. 27:16-19, 27-32; Luqa 1:3; 2 Tim. 3:16, 17)
2. Ɣer Lecɣal 28:1-14.
Ma yella imezdaɣ n Malṭa, ur nelli ara d imasiḥiyen, beggnen-d ṛṛeḥma tameqrant i Bulus d yemdukkal iɣerqen yid-es, acu i glaq a d-beggnen imasiḥiyen yerna deg wacu? (Lec. 28:1, 2; Iɛeb. 13:1, 2; 1 Buṭ. 4:9)
Taqsiṭ tis 113
1. Iwumi i gberreḥ Bulus asmi i gella di lḥebs di temdint n Ṛuma?
2. Anwa-t wergaz-agi yeţţarun di ţţeswiṛa? Acu i gexdem akken ad iɛiwen Bulus?
3. Anwa i d Ibafrudit? Acu ara yawi asm’ara yuɣal ɣer temdint n Filibus?
4. Acimi i gura Bulus i weḥbib-is Filimun?
5. Acu yexdem Bulus asmi i d-yeffeɣ si lḥebs? Acu yeḍran yid-es ɣer zdat?
6. Anwa i gessexdem Yahwa akken ad yaru tiktabin tineggura n Wedlis Iqedsen? Ɣef wacu i d-teţmeslay tektabt n Uweḥḥi?
Isteqsiyen nniḍen:
1. Ɣer Lecɣal 28:16-31 d wat Filibus 1:13.
Amek i gessexdem lweqt-is Bulus m’akken yella di lḥebs di temdint n Ṛuma? Anta lfayda i d-yewwi liman-is iǧehden i tejmaɛt tamasiḥit? (Lec. 28:23, 30; Filib. 1:14)
2. Ɣer At Filibus 2:19-30.
Amek i d-issken Bulus deg imeslayen-is belli yesteɛṛef swayen meṛṛa i s-xedmen Timuti d Ibafrudit? Amek i nezmer a t-nɛaned? (Filib. 2:20, 22, 25, 29, 30; 1 Kurin. 16:18; 1 Tiṣal. 5:12, 13)
3. Ɣer Filimun 1-25.
(a) Bulus inha Filimun ad ixdem ayen iwulmen. Anta ṣṣifa iɣef i greṣṣa nehhu-yagi-ines? Amek i gella wannect-a d lemtel ara tebɛen lecyux? (Filim. 9; 2 Kurin. 8:8; Gal. 5:13)
(b) Amek i d-beggnen imeslayen yessexdem Bulus di Filimun 13, 14 belli iţqadar ayen i ţxemmimen wiyaḍ di tejmaɛt tamasiḥit? (1 Kurin. 8:7, 13; 10:31-33)
4. Ɣer 2 Timuti 4:7-9.
Am wemceggeɛ Bulus, amek i nezmer a neţkel belli a ɣ-iǧazi Yahwa ma neqqim d unṣiḥen almi ţ-ţaggara? (Matta 24:13; Iɛeb. 6:10)
Taqsiṭ tis 114
1. Acuɣer i d-iheddeṛ Wedlis Iqedsen ɣef iɛawdiwen deg igenni?
2. Isem-is lgirra-nni ara yexdem Ṛebbi neţţa d yemcumen ɣef lqaɛa? Acu ara d-yawi wannect-a?
3. Akken i t-neţwali di ţţeswiṛa, anwa ara yezwiren di lgirra-yagi, acimi i gelsa taɛeṣṣabt, yerna acu i d lmeɛna n ssif i geṭṭef?
4. Akken i t-nwala di teqsiḍin tis 10, tis 15 akk-d tis 33, ayɣer ur ilaq ara a newhem imi geqsed Ṛebbi ad ikkes imcumen?
5. Amek i d-sseknent teqsiḍin 36 d 76 belli Ṛebbi ad issenger imcumen, xas nutni qqaren ţɛebbiden-t?
Isteqsiyen nniḍen:
1. Ɣer Aweḥḥi 19:11-16.
(a) Amek i d-sskanayent Tira Iqedsen belli amnay-nni irekben aɛawdiw amellal d Ɛisa? (Aweḥ. 1:5; 3:14; 19:11; Icɛa. 11:4)
(b) Amek i d-beggnen idammen-nni iṛuccen llebsa n Ɛisa belli ad yeɣleb ixṣimen-is s lekmal? (Aweḥ. 14:18-20; 19:13; Icɛa. 63:1-6)
(c) Anwi i gţekkan ahat di lɛeskeṛ ittabaɛen Ɛisa, i grekben ɣef uɛawdiw amellal? (Aweḥ. 12:7; 19:14; Matta 25:31, 32)
Taqsiṭ tis 115
1. Ɛlaḥsab n Wedlis Iqedsen, amek ara tili temɛict di Lǧennet ɣef lqaɛa?
2. Acu i gewɛed Wedlis Iqedsen i wid ara iɛicen di Lǧennet?
3. Melmi ara yessiweḍ Ɛisa lemɛahdat-agi ifazen?
4. Acu yexdem Ɛisa asm’akken yella di lqaɛa iwakken a d-issken acu ara yexdem m’ara yuɣal d Agellid n Tgelda n Ṛebbi?
5. D acu ara yexdem Ɛisa neţţa d wid ara iḥekmen yid-es deg igenni?
Isteqsiyen nniḍen:
1. Ɣer Aweḥḥi 5:9, 10.
Ayɣer i nezmer a neţkel belli wid ara iḥekmen lqaɛa di Tgeldit-nni n walef iseggasen, ad ilin d igelliden akk-d lmuqeddmin ara isɛun ṛṛeḥma d leḥnana? (Kulus 3:9, 10; 1 Buṭ. 1:7; 3:8; 5:6-10)
2. Ɣer Aweḥḥi 14:1-3.
Isem n Ubabat d yisem n Izimer ţwaketben ɣef yenyiren n 144 000 n ineḥkamen-nni. Acu i d lmeɛna n wayagi? (1 Kurin. 3:23; 2 Tim. 2:19; Aweḥ. 3:12)
Taqsiṭ tis 116
Amek ara ɣ-d-tṣaḥ tudert n dayem
1. Acu i glaq a nissin iwakken a ɣ-d-tṣaḥ tudert n dayem?
2. Akken i t-id-tessken teqcict-nni tamecṭuḥt d yemdukkal-is di ţţeswiṛa, amek i nezmer a nissin Yahwa Ṛebbi akk-d Ɛisa?
3. Anta-ţ tektabt-agi nniḍen i teţwaliḍ di ţţeswiṛa, yerna ayen i glaq a ţ-neqqar daymen?
4. Iwakken a nekseb tudert n dayem, ilaq a nissin Yahwa d Ɛisa. Lameɛna tella lḥaǧa nniḍen i glaq a nexdem. D acu-ţ?
5. Acu i ɣ-tesɣer teqsiṭ tis 69?
6. Acu i ɣ-d-issken lemtel ifazen i d-yeǧǧa Camwil-nni amecṭuḥ, i nwala di teqsiṭ tis 55?
7. Amek i nezmer a nɛaned Ɛisa Lmasiḥ? Ma nexdem aya, amek ara teḍru yid-nneɣ ɣer zdat?
Isteqsiyen nniḍen:
1. Ɣer Yuḥenna 17:3.
Amek i d-ibeggen Wedlis Iqedsen belli ur ilaq ara kan a necfu ɣef kra n leḥwayeǧ yeɛnan Yahwa Ṛebbi d Ɛisa iwakken a d-nini nessen-iten? (Matta 7:21; Yeɛ. 2:18-20; 1 Yuḥ. 2:17)
2. Ɣer Ahellil 145:1-21.
(a) Llant waṭas n ssebbat timeqranin i ɣ-yeţţawin a neḥmed Yahwa. Ini-d kra seg-sent. (Ahel. 145:8-11; Aweḥ. 4:11)
(b) Amek i d-ibeggen Yahwa belli “yelha ɣer yemdanen meṛṛa”? Amek i glaq a ɣ-isseqreb akteṛ ɣur-es wannect-a? (Ahel. 145:9; Matta 5:43-45)
(c) Ma yella ɛziz fell-aɣ Yahwa, acu a ɣ-idemmer wul-nneɣ a t-nexdem? (Ahel. 119:171, 172, 175; 145:11, 12, 21)
