Tzolom 1

1. Bʼar kichalk chixjunil li us? Kʼaʼut nakaaye aʼan?

2. Kʼaru kixyoobʼtesi li Yos xbʼeenwa?

3. Kʼaʼut naq li Yos jwal naxra li xbʼeen anjel?

4. Chanru li Ruuchichʼochʼ saʼ xtiklajik? (Chaawil li eetalil.)

5. Chanru kiʼok li Yos xyiibʼankil li Ruuchichʼochʼ?

Chaasume ajwiʼ ebʼ li patzʼom aʼin:

1. Chaawil li naxye Jeremías 10:⁠12.

   Chanru nokooxtenqʼa li yoobʼtesihom chi xnawbʼal ru chiʼus li Yos? (Isa. 40:26; Rom. 11:33.)

2. Chaawil li naxye Colosenses 1:​15-​17.

   Naq li Yos kixbʼaanu chixjunil li kʼaʼaq re ru, kʼaru li kʼanjel kixkʼe re li Jesus? Joʼkan naq, kʼaru nakaakʼoxla chirix li Jesus?

3. Chaawil li naxye Génesis 1:​1-​10.

   1. Ani kiyiibʼank re li Ruuchichʼochʼ? (Gén. 1:⁠1.)

   2. Kʼaru kixyoobʼtesi li Yos saʼ li xbʼeen «kutan»? (Gén. 1:​3-5.)

   3. Kʼaru kixyoobʼtesi li Yos saʼ li xkabʼ «kutan»? (Gén. 1:​7, 8.)

Tzolom 2

1. Chanru kixyiibʼ li Yos li Ruuchichʼochʼ?

2. Yaabʼasi xkʼabʼaʼ ebʼ li xul li nakaanawebʼ ru. (Chaawil li eetalil.)

3. Kʼaʼut chʼinaʼus chaq li Eden?

4. Kʼaru kiraj li Yos chalen saʼ xtiklajik li Ruuchichʼochʼ?

Chaasume ajwiʼ ebʼ li patzʼom aʼin:

1. Chaawil li naxye Génesis 1:​11-​25.

   1. Kʼaru kixyoobʼtesi li Yos saʼ li rox «kutan»? (Gén. 1:12.)

   2. Kʼaru kixbʼaanu li Yos saʼ li xka «kutan»? (Gén. 1:16.)

   3. Kʼaru li xul kixyoobʼtesihebʼ li Yos saʼ li roʼ ut li xwaq «kutan»? (Gén. 1:​20, 21, 25.)

2. Chaawil li naxye Génesis 2:​8, 9.

   Bʼar wank li wiibʼ chi cheʼ kixkʼe li Yos saʼ xyi li Eden ut kʼaru xyaalal?

Tzolom 3

1. Kʼaru xjalanil li eetalil li wank saʼ li xkabʼ ut li rox tzolom?

2. Ani kiyoobʼtesink re li xbʼeen winq? Ani xkʼabʼaʼ li winq aʼin?

3. Kʼaru li kʼanjel kixkʼe li Yos re laj Adan?

4. Kʼaʼut naq li Yos kixwartesi laj Adan?

5. Jarubʼ chihabʼ kiraj li Jehobʼa naq twanq laj Adan ut li xʼEva? Kʼaru li kʼanjel kiraj li Yos naq teʼxbʼaanu?

Chaasume ajwiʼ ebʼ li patzʼom aʼin:

1. Li Santil Hu naxute: ‹Re naq teʼxnaw naq laakʼabʼaʼ aʼan Jehobʼa ut kaʼajwiʼ laaʼat Nim Laawankil saʼ xbʼeen chixjunil li Ruuchichʼochʼ› (Salmo 83:⁠18, NM).

   Ani xkʼabʼaʼ li Yos? Kʼaru naxye li Santil Hu chirix li xwankil li Yos? (Jer. 16:21; Dan. 4:​17.)

2. Chaawil li naxye Génesis 1:​26-​31.

   1. Kʼaru kixyoobʼtesi li Yos saʼ li xwaq kutan? Kʼaʼut naq li winq moko juntaqʼeet ta rikʼin li xul? (Gén. 1:26.)

   2. Kʼaru li tzakahemq kixkʼe li Jehobʼa choʼq re li winq ut choʼq rehebʼ li xul? (Gén. 1:​30.)

3. Chaawil li naxye Génesis 2:​7-​25.

   1. Kʼaru kixbʼaanu laj Adan re xkʼeebʼal xkʼabʼaʼebʼ li xul? (Gén. 2:​19.)

   2. Chanru nokooxtenqʼa Génesis 2:24 chi xnawbʼal kʼaru naxkʼoxla li Yos chirix li sumlaak, li kanabʼank ibʼ ut li xraqbʼal ru li sumlaak? (Mat. 19:​4-6, 9.)

Tzolom 4

1. Chaawil li eetalil, kʼaru keʼxkʼul laj Adan ut xʼEva?

2. Kʼaʼut naq li Jehobʼa inkʼaʼ kixkuy xmaak laj Adan ut xʼEva?

3. Kʼaru kixye li kʼantiʼ re li xʼEva?

4. Ani kikʼehok re chi aatinak li kʼantiʼ?

5. Kʼaʼut kiʼisiik laj Adan ut xʼEva saʼ li naʼajej Eden?

Chaasume ajwiʼ ebʼ li patzʼom aʼin:

1. Chaawil li naxye Génesis 2:​16, 17 ut 3:​1-​13, 24.

   1. Kʼaru kixbʼaanu ut kixye laj Tza naq kixmaajewa li Jehobʼa? (Gén. 3:​1-5; 1 Juan 5:⁠3.)

   2. Chanru nokooxtenqʼa xtzʼilbʼal rix li kixbʼaanu li xʼEva? (Fili. 4:8; Sant. 1:​14, 15; 1 Juan 2:​16.)

   3. Chanru keʼsumenk laj Adan ut xʼEva naq li Jehobʼa kixpatzʼ rehebʼ kʼaʼut naq keʼxlow ru li cheʼ? (Gén. 3:​12, 13.)

   4. Kʼaʼut naq li Jehobʼa kixkʼehebʼ li anjel, querubin xkʼabʼaʼebʼ, chiru li Eden? (Gén. 3:​24.)

2. Chaawil li naxye Apocalipsis 12:⁠9.

   Ma yookebʼ xmaajewankil li Xʼawabʼejilal li Yos ebʼ li poyanam joʼ chanru naraj laj Tza? (1 Juan 5:​19.)

Tzolom 5

1. Chanru xyuʼamebʼ laj Adan ut li xʼEva naq keʼisiik saʼ li Eden?

2. Kʼaru kiʼok xkʼulbʼal laj Adan ut xʼEva ut kʼaʼut?

3. Kʼaʼut naq keʼok chi cheekobʼk ut chi kamk ebʼ li ralal xkʼajol laj Adan ut li xʼEva?

4. Wi laj Adan ut xʼEva keʼxpaabʼ raj li Jehobʼa, chan raj ru xyuʼamebʼ? Ut chan raj ru xyuʼamebʼ li ralal xkʼajol?

5. Kʼaru li rahilal kixkʼul xʼEva naq kixqʼet Raatin li Yos?

6. Chanru xkʼabʼaʼ li xbʼeen ut li xkabʼ ralal laj Adan?

7. Anihebʼ li kokʼal wankebʼ rikʼin laj Adan ut xʼEva? (Chaawil li eetalil.)

Chaasume ajwiʼ ebʼ li patzʼom aʼin:

1. Chaawil li naxye Génesis 3:​16-​23 ut 4:​1, 2.

   1. Kʼaru li chʼaʼajkilal kiʼok xkʼulbʼal laj Adan naq li Yos kixtzʼeqtaana li chʼochʼ? (Gén. 3:​17-​19; Rom. 8:​20, 22.)

   2. Saʼ li aatinobʼaal Hebreo Eva naraj xyeebʼal: «wank li yuʼam». Kʼaʼut naq xkʼulubʼ xʼEva li xkʼabʼaʼej aʼin? (Gén. 3:​20.)

   3. Kʼaʼut naq li Jehobʼa kiroxloqʼihebʼ laj Adan ut li xʼEva usta keʼmaakobʼk chiru? (Gén. 3:​7, 21.)

2. Chaawil li naxye Apocalipsis 21:​3, 4.

   Kʼaru li maaʼusilal taawulaq raj chaawu naq trisi li Yos?

Tzolom 6

1. Kʼaru xkʼanjel laj Cain ut laj Abel?

2. Kʼaru li maatan kixkʼam laj Cain ut laj Abel re li Jehobʼa?

3. Kʼaʼut sa kiril li Jehobʼa li xmaatan laj Abel? Ut, kʼaʼut naq inkʼaʼ sa kiril li xmaatan laj Cain?

4. Chanru xnaʼlebʼ laj Cain? Ut chanru kitenqʼaak xbʼaan li Jehobʼa?

5. Kʼaru kixbʼaanu laj Cain re li riitzʼin?

6. Kʼaru kixkʼul laj Cain naq kixkamsi li riitzʼin?

Chaasume ajwiʼ ebʼ li patzʼom aʼin:

1. Chaawil li naxye Génesis 4:​2-​26.

   1. Kʼaru kixye li Jehobʼa naq tixkʼul laj Cain wi inkʼaʼ tixjal li xnaʼlebʼ? (Gén. 4:⁠7.)

   2. Chanru kixkʼutbʼesi laj Cain naq maaʼus xnaʼlebʼ? (Gén. 4:⁠9.)

   3. Kʼaru naxkʼoxla li Jehobʼa chirix li kamsink? (Gén. 4:​10; Isa. 26:21.)

2. Chaawil li naxye 1 Juan 3:​11, 12.

   1. Kʼaʼut naq kinumtaak xjosqʼil laj Cain? Kʼaʼut us xnawbʼal aʼin? (Gén. 4:​4, 5; Pro. 27:4; Sant. 3:16.)

   2. Ma naru toowanq saʼ tiikilal chiru li Jehobʼa, usta tooʼeʼxtzʼeqtaana li qakomon? (Sal. 27:10; Mat. 10:21, 22.)

3. Chaawil li naxye Juan 11:25.

   Kʼaru tixbʼaanu li Jehobʼa choʼq rehebʼ li nekeʼkamk saʼ xkʼabʼaʼ li tiikilal? (Juan 5:​24.)

Tzolom 7

1. Ma juntaaqʼeet xnaʼlebʼ laj Enoc rikʼinebʼ li poyanam?

2. Kʼaʼut naq kiwank naabʼal li maaʼusilal saʼ xkutankil laj Enoc?

3. Kʼaru li maaʼusilal yookebʼ xbʼaanunkil saʼ li eetalil?

4. Kʼaʼut naq kaw xchʼool laj Enoc chi xyeebʼal resil li Yos?

5. Chiru jarubʼ chihabʼ keʼkamk li poyanam saʼ xkutankil laj Enoc? Jarubʼ chihabʼ wank re laj Enoc naq kikamk?

6. Kʼaru kikʼulmank naq kikamk laj Enoc?

Chaasume ajwiʼ ebʼ li patzʼom aʼin:

1. Chaawil li naxye Génesis 5:​21-​24, 27.

   1. Chanru kixkʼam ribʼ laj Enoc rikʼin li Jehobʼa? (Gén. 5:​24.)

   2. Ani li winq kiwank naabʼal chihabʼ re? Jarubʼ chihabʼ wank re naq kikamk? (Gén. 5:27.)

2. Chaawil li naxye Génesis 6:⁠5.

   Naq kikamk laj Enoc chan chik ru li maaʼusilal? Ma juntaqʼeet li qakutan rikʼin li xkutan laj Enoc? (2 Tim. 3:​13.)

3. Chaawil li naxye Hebreos 11:⁠1.

   Kʼaʼut sa xchʼool li Jehobʼa rikʼin laj Enoc? (Gén. 5:​22.)

4. Chaawil li naxye Judas 14, 15.

   Naq yooqo xyeebʼal naq li Yos traqoq aatin saʼ xbʼeenebʼ li maaʼusebʼ xnaʼlebʼ, chanru tqakʼam qe rikʼin laj Enoc? (2 Tim. 4:2; Heb. 13:⁠6.)

Tzolom 8

1. Kʼaru kikʼulmank naq ebʼ li anjel aʼin keʼxpaabʼ re laj Tza?

2. Kʼaʼut naq ebʼ li anjel aʼin, keʼxkanabʼ chaq li xkʼanjel saʼ choxa ut keʼchalk saʼ Ruuchichʼochʼ?

3. Kʼaʼut inkʼaʼ us naq ebʼ li anjel keʼchalk saʼ Ruuchichʼochʼ ut keʼtibʼeloʼk?

4. Kʼaʼut naq jalanebʼ chiqu ebʼ li ralal xkʼajol ebʼ li anjel aʼin?

5. Kʼaru yookebʼ xbʼaanunkil ebʼ li ralal xkʼajol ebʼ li anjel aʼin saʼ li eetalil?

6. Naq kikamk laj Enoc, ani xkʼabʼaʼ li chaabʼil winq kikanaak saʼ Ruuchichʼochʼ? Kʼaʼut naq raaro chaq xbʼaan li Yos?

Chaasume ajwiʼ ebʼ li patzʼom aʼin:

1. Chaawil li naxye Génesis 6:​1-8.

   Chanru naxkʼut Génesis 6:6 naq li qanaʼlebʼ naru tixsahobʼresi malaj tixrahobʼtesi xchʼool li Jehobʼa? (Sal. 78:​40, 41; Pro. 27:11.)

2. Chaawil li naxye Judas 6.

   Kʼaʼut us xjultikankil naq ebʼ li anjel ‹keʼxkanabʼ chaq xnaʼaj saʼ choxa?› (Sal. 37:​9, 10; 2 Ped. 2:​9.)

Tzolom 9

1. Jarubʼebʼ saʼ xjunkabʼal laj Noe? Ani xkʼabʼaʼebʼ li ralal laj Noe?

2. Kʼaru kixye li Yos naq tixbʼaanu laj Noe ut kʼaʼut?

3. Kʼaru keʼxye li poyanam naq laj Noe kiʼaatinak chirix li jukubʼ kabʼl?

4. Kʼaru kixye li Yos naq tixbʼaanu laj Noe rikʼinebʼ li xul?

5. Naq li Yos kixtzʼap rokebʼaal li jukubʼ kabʼl, kʼaru kixbʼaanu laj Noe ut li xjunkabʼal?

Chaasume ajwiʼ ebʼ li patzʼom aʼin:

1. Chaawil li naxye Génesis 6:​9-​22.

   1. Kʼaʼut naq laj Noe chaabʼil xnaʼlebʼ? (Gén. 6:​9, 22.)

   2. Kʼaru naxkʼoxla li Jehobʼa chirix li raaxiikʼ? Kʼaʼut us naq tqatzʼil rix kʼaru yooko rilbʼal ut xbʼaanunkil naq inkʼaʼ yooko chi kʼanjelak? (Gén. 6:​11, 12; Sal. 11:⁠5.)

   3. Chanru tqakʼam qe rikʼin laj Noe naq li Jehobʼa naxye qe kʼaru tento tqabʼaanu? (Gén. 6:​22; 1 Juan 5:⁠3.)

2. Chaawil li naxye Génesis 7:​1-9.

   Li Jehobʼa kixye naq laj Noe tiik xchʼool usta aj maak, chanru naxkawresi qachʼool aʼin? (Gén. 7:1; Pro. 10:16; Isa. 26:⁠7.)

Tzolom 10

1. Kʼaʼut naq maaʼani chik kiʼok saʼ li jukubʼ kabʼl naq kichalk li habʼ?

2. Chiru jarubʼ kutan ut qʼoqyink kixkʼe li habʼ? Toj bʼar kiwulak li haʼ?

3. Kʼaru kixkʼul li jukubʼ kabʼl naq kibʼutʼunk li Ruuchichʼochʼ?

4. Ma keʼkoleʼk ebʼ li winq li jwal nimebʼ roq naq kibʼutʼunk li Ruuchichʼochʼ? Kʼaru keʼxkʼul li xyuwaʼebʼ li winq aʼin?

5. Kʼaru kikʼulmank rikʼin li jukubʼ kabʼl naq kinumeʼk oobʼ po?

6. Kʼaʼut naq laj Noe kixkʼe chi rupupik jun li qʼeqi xul?

7. Chanru kixnaw laj Noe naq li haʼ ak kikubʼeek?

8. Kʼaru kixye li Yos re laj Noe naq keʼxqʼax jun chihabʼ saʼ li jukubʼ kabʼl?

Chaasume ajwiʼ ebʼ li patzʼom aʼin:

1. Chaawil li naxye Génesis 7:​10-​24.

   1. Anihebʼ keʼkamk saʼ li bʼutʼihaʼ? (Gén. 7:​23.)

   2. Jarubʼ kutan kinumeʼk chalen chaq xtiklajik li bʼutʼihaʼ toj naq kichaqik li Ruuchichʼochʼ? (Gén. 7:​11; 8:13, 14.)

2. Chaawil li naxye Génesis 8:​1-​17.

   Chanru naxkʼut chiqu Génesis 8:​17 naq li Yos moko ak xjal ta xkʼaʼuxl chirix li kiraj chaq saʼ xtiklajik li Ruuchichʼochʼ? (Gén. 1:​22.)

3. Chaawil li naxye 2 Pedro 2:​9.

   1. Kʼaru keʼxkʼul ebʼ li anjel li keʼxqʼet Raatin li Yos naq keʼsutqʼiik saʼ choxa? (Jud. 6.)

   2. Chanru naxkʼojobʼ qachʼool xnawbʼal naq li Jehobʼa wank xwankil re xkolbʼal li xtenamit, joʼ kixbʼaanu rikʼin laj Noe ut li xjunkabʼal? (Heb. 11:⁠7.)

Tzolom 11

1. Kʼaru kixbʼaanu laj Noe naq kiʼelk chaq saʼ li jukubʼ kabʼl?

2. Kʼaru kixye li Yos rehebʼ laj Noe ut li xjunkabʼal naq kinumeʼk li bʼutʼihaʼ?

3. Kʼaru kixye li Yos chirix li bʼutʼihaʼ?

4. Kʼaru nachalk saʼ qachʼool naq naqil li kaqlaaqʼ?

Chaasume ajwiʼ ebʼ li patzʼom aʼin:

1. Chaawil li naxye Génesis 8:​18-​22.

   1. Kʼaru tento tqabʼaanu re naq twulaq chiru li Yos chanru yooko xloqʼoninkil? (Gén. 8:​21; Heb. 13:​15, 16.)

   2. Kʼaru kixkʼe reetal li Jehobʼa naq wank saʼ xchʼool li winq? Ut kʼaʼut us naq tqakʼe reetal kʼaru wank saʼ qachʼool? (Gén. 8:​21; Mat. 15:​18, 19.)

2. Chaawil li naxye Génesis 9:​9-​17.

   1. Kʼaru li sumwank kixbʼaanu li Yos rikʼin li wankebʼ saʼ Ruuchichʼochʼ? (Gén. 9:​10, 11.)

   2. Jarubʼ chihabʼ kixye li Yos naq twanq li sumwank aʼin? (Gén. 9:​16.)

Tzolom 12

1. Ani laj Nemrod? Kʼaru naxkʼoxla li Yos chirix laj Nemrod?

2. Kʼaʼut naq yookebʼ chi kʼanjelak ebʼ li winq? (Chaawil li eetalil.)

3. Kʼaʼut inkʼaʼ kiraj li Jehobʼa naq teʼxyiibʼ li nimla ochoch li kixye laj Nemrod?

4. Kʼaru kixbʼaanu li Yos re naq teʼxkanabʼ xyiibʼankil li ochoch?

5. Chanru keʼxkʼabʼaʼi li tenamit? Kʼaru naraj xyeebʼal li kʼabʼaʼej aʼin?

6. Kʼaru keʼxbʼaanu ebʼ laj Babel naq inkʼaʼ chik keʼxtaw ru li nekeʼxye chiribʼilebʼ ribʼ?

Chaasume ajwiʼ ebʼ li patzʼom aʼin:

1. Chaawil li naxye Génesis 10:​1, 8.

   Chanru xnaʼlebʼ laj Nemrod? Kʼaru naxye li Santil Hu chirix li yiibʼru aj naʼlebʼ? (Pro. 3:​31.)

2. Chaawil li naxye Génesis 11:​1-9.

   Kʼaʼut naq keʼok xyiibʼankil li nimla ochoch? Kʼaʼut naq inkʼaʼ keʼxchoy xyiibʼankil? (Gén. 11:4; Pro. 16:18; Juan 5:​44.)

Tzolom 13

1. Chanru xyuʼamebʼ li wankebʼ saʼ li tenamit Ur?

2. Ani li winq wank saʼ li eetalil? Joqʼe kiyoʼlaak li winq aʼin ut bʼar li xtenamit?

3. Kʼaru kixye li Yos naq tixbʼaanu laj Abrahan?

4. Kʼaʼut naq kikʼabʼaʼiik laj Abrahan choʼq ramiiw li Yos?

5. Ani kohebʼ chirix laj Abrahan naq kiʼelk chaq saʼ li tenamit Ur?

6. Kʼaru kixye li Yos re laj Abrahan naq kiwulak Canaan?

7. Kʼaru kixyeechiʼi li Yos re laj Abrahan naq wank 99 chihabʼ re?

Chaasume ajwiʼ ebʼ li patzʼom aʼin:

1. Chaawil li naxye Génesis 11:​27-​32.

   1. Chanru naqanaw naq laj Lot ut laj Abrahan xkomonebʼ ribʼ? (Gén. 11:27.)

   2. Chanru naqanaw naq laj Abrahan kikʼamok re li xjunkabʼal saʼ li tenamit Canaan ut maawaʼ laj Tare? Ut kʼaʼut naq laj Abrahan kixbʼaanu aʼin? (Gén. 11:31; Hech. 7:​2-4.)

2. Chaawil li naxye Génesis 12:​1-7.

   Naq laj Abrahan kiwulak Canaan, kʼaru chik kiyeechiʼiik re xbʼaan li Jehobʼa? (Gén. 12:⁠7.)

3. Chaawil li naxye Génesis 17:​1-8, 15-​17.

   1. Kʼaru li kʼabʼaʼej kikʼeheʼk re laj Abran naq wank 99 chihabʼ re ut kʼaʼut naq kijalmank xkʼabʼaʼ? (Gén. 17:⁠5.)

   2. Kʼaru li osobʼtesink kixyeechiʼi li Jehobʼa re li xSara? (Gén. 17:​15, 16.)

4. Chaawil li naxye Génesis 18:​9-​19.

   1. Kʼaru kixye li Yos saʼ Génesis 18:​19 chirixebʼ li naʼbʼej yuwaʼbʼej? (Deu. 6:​6, 7; Efe. 6:⁠4.)

   2. Chanru naqanaw naq maakʼaʼ naru tqamuq chiru li Jehobʼa? (Gén. 18:​12, 15; Sal. 44:22.)

Tzolom 14

1. Kʼaru kixyeechiʼi li Yos re laj Abrahan? Ut chanru kixbʼaanu li Yos li kixyeechiʼi re laj Abrahan?

2. Joʼ nakʼutunk saʼ li eetalil, chanru kiyaleʼk rix li xpaabʼal laj Abrahan?

3. Kʼaru kixbʼaanu laj Abrahan, usta inkʼaʼ kixtaw ru kʼaʼut naq li Yos kiraj naq tixkamsi laj Isaac?

4. Kʼaru kikʼulmank naq laj Abrahan kirisi chaq li xchʼiichʼ re xkamsinkil li ralal?

5. Chanru xpaabʼal laj Abrahan?

6. Kʼaru kixkʼe li Yos re laj Abrahan re naq tixmayeja? Chanru kixbʼaanu aʼin li Yos?

Chaasume ajwiʼ ebʼ li patzʼom aʼin:

1. Chaawil li naxye Génesis 21:​1-7.

   Kʼaʼut naq laj Abrahan kixset xtzʼuumal xtzʼejwal li ralal naq waqxaqibʼ kutan xyoʼlajik? (Gén. 17:​10-​12; 21:⁠4.)

2. Chaawil li naxye Génesis 22:​1-​18.

   Chanru kixkʼutbʼesi laj Isaac naq kiʼabʼink chiru li xyuwaʼ? Ut kʼaru kixkʼutbʼesi aʼin? (Gén. 22:​7-9; 1 Cor. 5:7; Fili. 2:​8, 9.)

Tzolom 15

1. Kʼaʼut naq laj Abrahan kixye re laj Lot naq inkʼaʼ chik teʼwanq saʼ jun chi tenamit?

2. Kʼaʼut naq laj Lot kiraj wank saʼ li tenamit Sodoma?

3. Chanruhebʼ li xnaʼlebʼ laj Sodoma?

4. Kʼaru li esil keʼxkʼe ebʼ li anjel re laj Lot?

5. Kʼaʼut naq kikanaak choʼq atzʼam li rixaqil laj Lot?

6. Kʼaru naqatzol chirix li kixkʼul li rixaqil laj Lot?

Chaasume ajwiʼ ebʼ li patzʼom aʼin:

1. Chaawil li naxye Génesis 13:​5-​13.

   Naq wanq qachʼaʼajkilal rikʼin junaq li hermaan malaj rikʼin junaq li qakomon, chanru tqakʼam qe rikʼin laj Abrahan? (Gén. 13:​8, 9; Rom. 12:10; Fili. 2:​3, 4.)

2. Chaawil li naxye Génesis 18:​20-​33.

   Chanru naqanaw naq li Jehobʼa ut li Jesus teʼraqoq aatin chiʼus? (Gén. 18:​25, 26; Mat. 25:​31-​33.)

3. Chaawil li naxye Génesis 19:​1-​29.

   1. Kʼaru naxkʼoxla li Yos naq ebʼ li winq nekeʼxmux ribʼ rikʼin rechwinqilal ut ebʼ li ixq rikʼin rech-ixqilal? (Gén. 19:​5, 13; Lev. 20:13.)

   2. Chanru kiʼabʼink laj Lot chiru li Jehobʼa? Chanru kiʼabʼink laj Abrahan? Ut kʼaru naqatzol chirix li keʼxbʼaanu chaq? (Gén. 19:​15, 16, 19, 20; 22:⁠3.)

4. Chaawil li naxye Lucas 17:​28-​32.

   Kʼaru kixkʼoxla li rixaqil laj Lot chirix li bʼihomal? Ut kʼaru naqatzol chirix aʼin? (Luc. 12:15; 17:​31, 32; Mat. 6:​19-​21, 25.)

5. Chaawil li naxye 2 Pedro 2:​6-8.

   Wi naqaj xkʼambʼal qe rikʼin laj Lot, chanru tqil li maaʼusilal li wank saʼ li Ruuchichʼochʼ? (Eze. 9:4; 1 Juan 2:​15-17.)

Tzolom 16

1. Ani li winq ut li ixq li wankebʼ saʼ li eetalil?

2. Kʼaru kixbʼaanu laj Abrahan re xsikʼbʼal rixaqil li ralal? Kʼaʼut naq kixbʼaanu aʼin?

3. Kʼaru kixbʼaanu li Yos re xsumenkil xtij li xmoos laj Abrahan?

4. Kʼaru kixye xRebeca naq kipatzʼeʼk re ma traj sumlaak rikʼin laj Isaac?

5. Kʼaʼut kisahoʼk wiʼ chik saʼ xchʼool laj Isaac?

Chaasume ajwiʼ ebʼ li patzʼom aʼin:

1. Chaawil li naxye Génesis 24:​1-​67.

   1. Chanru kixkʼutbʼesi xchaabʼilal xRebeca naq kixtaw li xmoos laj Abrahan? (Gén. 24:​17-​20; Pro. 31:​17, 31.)

   2. Naq laj Abrahan kixsikʼ rixaqil laj Isaac, kʼaʼut aʼin jun chaabʼil eetalil choʼq rehebʼ li nekeʼloqʼonink re li Jehobʼa? (Gén. 24:​37, 38; 1 Cor. 7:​39; 2 Cor. 6:​14.)

   3. Kʼaʼut tento naq tqakʼe qachʼool chi kʼoxlak chirix li xbʼaanuhom li Yos joʼ kixbʼaanu laj Isaac? (Gén. 24:63; Sal. 77:13; Fili. 4:⁠8.)

Tzolom 17

1. Ani laj Esau ut laj Jacob? Chanru xnaʼlebʼ laj Esau ut laj Jacob?

2. Jarubʼ chihabʼ wank re laj Esau ut laj Jacob naq kikamk laj Abrahan?

3. Kʼaʼut naq keʼrahoʼk saʼ xchʼool li xnaʼ xyuwaʼ laj Esau?

4. Kʼaʼut naq kijosqʼoʼk laj Esau rikʼin laj Jacob?

5. Kʼaru naʼlebʼ kixkʼe laj Isaac re laj Jacob?

Chaasume ajwiʼ ebʼ li patzʼom aʼin:

1. Chaawil li naxye Génesis 25:​5-​11, 20-​34.

   1. Kʼaru kixye li Jehobʼa naq tixkʼul laj Jacob ut laj Esau? (Gén. 25:23.)

   2. Najter ebʼ li xbʼeen alalbʼej osobʼtesinbʼilebʼ xbʼaanebʼ li yuwaʼbʼej. Kʼaru kixkʼoxla laj Esau ut laj Jacob chirix li osobʼtesink aʼin? (Gén. 25:​31-​34.)

2. Chaawil li naxye Génesis 26:​34, 35; 27:​1-​46 ut 28:​1-5.

   1. Chanru kixkʼutbʼesi laj Esau naq inkʼaʼ kiroxloqʼi ebʼ li maatan kixkʼe li Yos? (Gén. 26:​34, 35; 27:46.)

   2. Kʼaru kixye laj Isaac naq tento tixbʼaanu laj Jacob re naq t-osobʼtesiiq xbʼaan li Yos? (Gén. 28:​1-4.)

3. Chaawil li naxye Hebreos 12:​16, 17.

   Kʼaru teʼxkʼul li nekeʼtzʼeqtaanank re chixjunil li nachalk rikʼin li Yos joʼ li chʼutam, li tijok...?

Tzolom 18

1. Chaawil li eetalil, ani li ixqaʼal yook chaq chi chalk rikʼinebʼ li karneer? Ut chanru kitenqʼank laj Jacob naq kiril li ixqaʼal?

2. Kʼaru kixsume xbʼaanunkil laj Jacob re naq tsumlaaq rikʼin xRaquel?

3. Kʼaru kixbʼaanu laj Laban naq kiwulak xkutankil xsumlajik laj Jacob ut li xRaquel?

4. Kʼaru kixye laj Jacob naq tixbʼaanu re naq tsumlaaq rikʼin xRaquel?

Chaasume ajwiʼ ebʼ li patzʼom aʼin:

1. Chaawil li naxye Génesis 29:​1-​30.

   1. Chanru kixkʼutbʼesi laj Jacob naq chaabʼil xnaʼlebʼ, usta kibʼalaqʼiik xbʼaan laj Laban? Ut chanru tqakʼam qe rikʼin laj Jacob? (Gén. 25:27; 29:​26-​28; Mat. 5:​37.)

   2. Rikʼin li kixbʼaanu laj Jacob, chanru naqanaw kʼaru li tzʼaqal rahok ut kʼaru maawaʼ tzʼaqal rahok? (Gén. 29:​18, 20, 30; Cant. de Cant. 8:⁠6.)

   3. Anihebʼ li kaahibʼ chi ixq keʼwank xkʼuulaʼal rikʼin laj Jacob? (Gén. 29:​23, 24, 28, 29.)

Tzolom 19

1. Anihebʼ li waqibʼ chi ralal laj Jacob kiwank rikʼin xLea?

2. Anihebʼ li wiibʼ chi ralal laj Jacob kiwank rikʼin xZilpa?

3. Anihebʼ li wiibʼ chi ralal laj Jacob kiwank rikʼin xBilha?

4. Anihebʼ li wiibʼ chi ralal laj Jacob kiwank rikʼin li xRaquel? Kʼaru kixkʼul li xRaquel naq kiyoʼlaak laj Benjamin?

5. Jarubʼebʼ li ralal laj Jacob nekeʼkʼutunk saʼ li eetalil? Kʼaru xkʼabʼaʼ li tenamit kichalk saʼ xkʼabʼaʼebʼ li ralal laj Jacob?

Chaasume ajwiʼ ebʼ li patzʼom aʼin:

1. Chaawil li naxye Génesis 29:​32-​35; 30:​1-​26 ut 35:16-19.

   Chanru keʼxsikʼ chaq junxil xkʼabʼaʼebʼ li ralal xkʼajol ebʼ laj Hebreo?

2. Chaawil li naxye Génesis 37:⁠35.

   Usta kaʼajwiʼ xkʼabʼaʼ li xDina wank saʼ li Santil Hu, chanru naqanaw naq laj Jacob moko kiwank ta jun ajwiʼ xrabʼin? (Gén. 37:​34, 35.)

Tzolom 20

1. Kʼaʼut naq laj Abrahan ut laj Isaac inkʼaʼ keʼraj naq ebʼ li ralal xkʼajol teʼsumlaaq rikʼinebʼ laj Canaan?

2. Ma kiwulak chiru laj Jacob naq li xrabʼin yook rochbʼeeninkil ebʼ li ixqaʼal aj Canaan?

3. Ani li winq yook chi ilok re xDina? (Chaawil li eetalil.) Ut kʼaru li yiibʼru aj naʼlebʼ kixbʼaanu re xDina?

4. Kʼaru kixbʼaanu laj Simeon ut laj Levi naq keʼrabʼi li kixkʼul xDina?

5. Kʼaru kixye laj Jacob naq kirabʼi li keʼxbʼaanu chaq laj Simeon ut laj Levi?

6. Chanru kitikla chaq li chʼaʼajkilal saʼ li xjunkabʼal laj Jacob?

Chaasume ajwiʼ ebʼ li patzʼom aʼin:

1. Chaawil li naxye Génesis 34:​1-​31.

   Gén. 34:⁠1 naxye naq ‹xDina, xrabʼin laj Jacob, rajlal sut kiwulak chi rilbʼalebʼ li rech-ixqilal saʼ li tenamit Canaan›. (Li Santil Hu saʼ kaxlan aatin Traducción del Nuevo Mundo.)

1. Jarubʼ sut kiwulak xDina saʼ li tenamit Canaan?.

2. Kʼaʼut naru naqaye naq xDina wank ajwiʼ re naq kixsach li xtuqʼixqilal? (Gál. 6:⁠7.)

3. Chanru teʼxkʼut ebʼ li saaj naq inkʼaʼ nekeʼxkʼam re rikʼin xDina? (Pro. 13:20; 1 Cor. 15:33; 1 Juan 5:19.)

Tzolom 21

1. Kʼaʼut naq ebʼ li ras laj Jose keʼxkaqali ut kʼaru keʼxbʼaanu re?

2. Kʼaru keʼraj xbʼaanunkil rikʼin laj Jose? Abʼan, kʼaru kixye laj Ruben?

3. Kʼaru keʼxbʼaanu ebʼ li ras laj Jose naq keʼnumeʼk laj Ismael?

4. Re naq laj Jacob tixkʼoxla naq kikamk laj Jose, kʼaru keʼxbʼaanu ebʼ li ralal?

Chaasume ajwiʼ ebʼ li patzʼom aʼin:

1. Chaawil li naxye Génesis 37:​1-​35.

   1. Chanru tqakʼam qe rikʼin laj Jose naq ebʼ li hermaan inkʼaʼ yookebʼ xbʼaanunkil li us? (Gén. 37:2; Lev. 5:1; 1 Cor. 1:​11.)

   2. Kʼaʼut naq ebʼ li ras laj Jose keʼxbʼaanu li maaʼusilal re? (Gén. 37:​11, 18; Pro. 27:4; Sant. 3:14-​16.)

   3. Kʼaru kixbʼaanu laj Jacob naq kixkʼoxla naq kikamk laj Jose ut ma xutaanal li kixbʼaanu? (Gén. 37:35.)

Tzolom 22

1. Jarubʼ chihabʼ wank re laj Jose naq kikʼameʼk Egipto? Kʼaru kixkʼul laj Jose naq kiwulak Egipto?

2. Kʼaʼut wank saʼ tzʼalam laj Jose?

3. Kʼaru li kʼanjel kixbʼaanu laj Jose saʼ tzʼalam?

4. Naq laj Jose wank saʼ tzʼalam, chanru kixtenqʼa laj kʼehol ukʼaʼ ut laj yiibʼanel kaxlan wa?

5. Kʼaru kixkʼul laj kʼehol ukʼaʼ naq kiʼelk chaq saʼ tzʼalam?

Chaasume ajwiʼ ebʼ li patzʼom aʼin:

1. Chaawil li naxye Génesis 39:​1-​23.

   Saʼ xqʼehil laj Jose moko ak wank ta chaq li xchaqʼrabʼ li Yos chirix li muxuk ibʼ. Abʼan, kʼaʼut naq kiʼelelik laj Jose chiru li rixaqil laj Potifar? (Gén. 2:​24; 20:3; 39:⁠9.)

2. Chaawil li naxye Génesis 40:​1-​23.

   1. Kʼaru kixmatkʼe laj kʼehol ukʼaʼ ut kʼaru xyaalal? (Gén. 40:​9-​13.)

   2. Kʼaru kixmatkʼe laj yiibʼanel kaxlan wa ut kʼaru xyaalal? (Gén. 40:​16-​19.)

   3. Chanru naxkʼam re li moosej tiik xchʼool rikʼin laj Jose? (Gén. 40:8; Sal. 36:10; Juan 17:17; Hech. 17:​2, 3.)

   4. Chanru nokooxtenqʼa Génesis 40:20 chi rilbʼal ma us naq tqaninqʼehi ru xkutankil qayoʼlajik? (Ecl. 7:1; Mar. 6:​21-28.)

Tzolom 23

1. Kʼaru kixkʼul laj Faraon saʼ jun qʼoqyink?

2. Kʼaʼut kijultikoʼk re laj kʼehol ukʼaʼ naq laj Jose wank saʼ tzʼalam?

3. Kʼaru kixmatkʼe laj Faraon? (Chaawil li eetalil.)

4. Kʼaru xyaalal li kixmatkʼe laj Faraon?

5. Chanru kiwank xwankil laj Jose saʼ li tenamit Egipto?

6. Kʼaʼut naq keʼwulak Egipto ebʼ li ras laj Jose? Kʼaʼut naq inkʼaʼ chik keʼxnaw ru laj Jose?

7. Kʼaru kixmatkʼe laj Jose naq kachʼinaq chaq ut kʼaru kixkʼe reetal chirix li matkʼ aʼin?

Chaasume ajwiʼ ebʼ li patzʼom aʼin:

1. Chaawil li naxye Génesis 41:​1-​57.

   1. Chanru kixkʼe laj Jose xloqʼal li Yos? Ut chanru tqakʼam qe rikʼin? (Gén. 41:​16, 25, 28; Mat. 5:​16; 1 Ped. 2:​12.)

   2. Chanru tqajuntaqʼeeta li rosobʼtesihom li xtenamit li Jehobʼa rikʼin xkʼihal li tzakahemq li kiwank Egipto? Ut chanru tqajuntaqʼeeta li weʼej li kiwank Egipto rikʼin li bʼalaqʼil paabʼal? (Gén. 41:​29, 30; Amós 8:​11, 12.)

2. Chaawil li naxye Génesis 42:​1-8 ut 50:⁠20.

   Wi saʼ jun li tenamit kʼaynaqebʼ xwiqʼibʼankil ribʼ chiru junaq winq re xkʼutbʼesinkil naq oxloqʼ chiruhebʼ, ma us naq teʼxbʼaanu ajwiʼ aʼan li nekeʼxloqʼoni li Jehobʼa? (Gén. 42:⁠6.)

Tzolom 24

1. Kʼaʼut kixye laj Jose rehebʼ li ras naq ebʼ aj chʼuuk?

2. Kʼaʼut naq laj Jacob kixkanabʼ chi xik laj Benjamin saʼ li tenamit Egipto?

3. Kʼaʼut naq wank li sekʼ re plaat saʼ li riiq laj Benjamin?

4. Kʼaru kixye laj Juda re naq laj Jose tixkanabʼ chi xik laj Benjamin?

5. Chanru keʼxjal xnaʼlebʼ ebʼ li ras laj Jose?

Chaasume ajwiʼ ebʼ li patzʼom aʼin:

1. Chaawil li naxye Génesis 42:​9-​38.

   Chanru naqanaw naq laj Juda kiʼaatinak saʼ xkʼabʼaʼebʼ li ras ut ebʼ li riitzʼin, usta maawaʼ aʼan li asbʼej saʼ xyanqebʼ li ralal laj Jacob? (Gén. 43:​3, 8, 9; 44:​14, 18; 1 Cró. 5:⁠2.)

2. Chaawil li naxye Génesis 44:​1-​34.

   1. Chanru naqanaw naq laj Juda kiʼaatinak saʼ xkʼabʼaʼebʼ li ras ut ebʼ li riitzʼin, usta maawaʼ aʼan li asbʼej saʼ xyanqebʼ li ralal laj Jacob? (Gén. 43:​3, 8, 9; 44:​14, 18; 1 Cró. 5:⁠2.)

   2. Chanru kixyalebʼ rix ebʼ li ras laj Jose? Ut kʼaʼut naq kixbʼaanu laj Jose aʼin? (Gén. 43:​33, 34.)

3. Chaawil li naxye Génesis 44:​1-​34.

   1. Re naq inkʼaʼ tnaweʼq ru laj Jose xbʼaanebʼ li ras, kʼaru kixye rehebʼ? (Gén. 44:​5, 15; Lev. 19:26.)

   2. Chanru keʼxkʼutbʼesi ebʼ li ras laj Jose naq keʼxjal xnaʼlebʼ? (Gén. 44:​13, 33, 34.)

Tzolom 25

1. Kʼaru kikʼulmank naq laj Jose kixye xyaalal rehebʼ li ras?

2. Kʼaru kixchʼolobʼ laj Jose saʼ tuulanil chiruhebʼ li ras?

3. Kʼaru kixye laj Faraon naq kirabʼi naq ebʼ li ras laj Jose wankebʼ Egipto?

4. Chanru xnimal li xjunkabʼal laj Jacob li xko chirix saʼ li tenamit Egipto?

5. Kʼaru li kʼabʼaʼej kikʼeheʼk re li xjunkabʼal laj Jacob? Ut kʼaʼut naq keʼreechani li kʼabʼaʼej aʼin?

Chaasume ajwiʼ ebʼ li patzʼom aʼin:

1. Chaawil li naxye Génesis 45:​1-​28.

   Chanru naqanaw naq li Jehobʼa naru tooxtenqʼa naq yooqebʼ qarahobʼtesinkil? (Gén. 45:​5-8; Isa. 8:​10; Fili. 1:​12-​14.)

2. Chaawil li naxye Génesis 46:​1-​27.

   Naq laj Jacob xko Egipto, chanru kiwaklesiik xchʼool xbʼaan li Jehobʼa? (Chaawil Gén. 46:​1-4.)

Tzolom 26

1. Ani laj Job?

2. Kʼaru kixyal xbʼaanunkil laj Tza? Ut ma kiru xbʼaanunkil?

3. Kʼaru kixkanabʼ li Jehobʼa naq tixbʼaanu laj Tza? Ut kʼaʼut naq li Jehobʼa kixkanabʼ naq laj Tza tixbʼaanu aʼin?

4. Kʼaʼut naq li rixaqil laj Job kixye: ‹Maajewa li Yos ut tatkamq?› (Chaawil li eetalil.)

5. Chanru kiʼosobʼtesiik laj Job? Kʼaʼut naq kiʼosobʼtesiik? (Chaawil li jun chik eetalil.)

6. Wi tiikaq qachʼool chiru li Jehobʼa joʼ kixbʼaanu laj Job, kʼaru li osobʼtesiik tqakʼul?

Chaasume ajwiʼ ebʼ li patzʼom aʼin:

1. Chaawil li naxye Job 1:​1-​22.

   Chanru tooruuq xkʼambʼal qe rikʼin laj Job? (Job 1:1; Fili. 2:​15; 2 Ped. 3:​14.)

2. Chaawil li naxye Job 2:1-13.

   Kʼaru kixbʼaanu laj Job naq laj tza kixyal rix? Ut kʼaru kixye li rixaqil laj Job naq kiril li rahilal aʼin? (Job 2:​9, 10; Pro. 19:3; Miq. 7:7; Mal. 3:​14.)

3. Chaawil li naxye Job 42:10-17.

   1. Kʼaru xjuntaqʼetalil li osobʼtesink kixkʼul laj Job rikʼin li kixkʼul li Jesus xbʼaan naq tiikebʼ xchʼool? (Job 42:12; Fili. 2:9-11.)

   2. Chanru naxkawresi qachʼool naq laj Job kiʼosobʼtesiik xbʼaan naq tiik xchʼool? (Job 42:​10, 12; Heb. 6:​10; Sant. 1:​2-4, 12; 5:​11.)

Tzolom 27

1. Ani li winq yook chi sakʼok ut ani yook xsakʼbʼal? (Chaawil li eetalil.)

2. Kʼaru keʼxkʼul ebʼ laj Israel naq kikamk laj Jose?

3. Kʼaʼut naq ebʼ laj Egipto keʼok chi xuwak xbʼaanebʼ laj Israel?

4. Kʼaru kixye laj Faraon rehebʼ laj xokol kʼuulaʼal?

Chaasume ajwiʼ ebʼ li patzʼom aʼin:

1. Chaawil li naxye Éxodo 1:​6-​22.

   1. Chanru kiʼok xbʼaanunkil li Jehobʼa li kixyeechiʼi re laj Abrahan? (Éxo. 1:7; Gén. 12:2; Hech. 7:​17.)

   2. Chanru keʼxkʼutbʼesi laj xokol kʼuulaʼal naq oxloqʼ li yuʼam chiruhebʼ? (Éxo. 1:​17; Gén. 9:⁠6.)

   3. Chanru keʼosobʼtesiik ebʼ laj xokol kʼuulaʼal xbʼaan naq tiikebʼ xchʼool chiru li Jehobʼa? (Éxo. 1:​20, 21; Pro. 19:17.)

   4. Kʼaru kixbʼaanu laj Tza re naq inkʼaʼ tyoʼlaaq li ralal laj Abrahan li t-osobʼtesinq re chixjunil li Ruuchichʼochʼ? (Éxo. 1:​22; Mat. 2:​16.)

Tzolom 28

1. Ani li kʼuulaʼal wank saʼ li eetalil? Ani aj ruʼuj uqʼ yook xchapbʼal li kʼuulaʼal?

2. Re naq inkʼaʼ tkamsiik laj Moises, kʼaru kixbʼaanu li xnaʼ?

3. Ani li chʼina ixqaʼal wank saʼ li eetalil ut kʼaru kixbʼaanu?

4. Kʼaru kixye li xMiriam naq li xrabʼin laj Faraon kixtaw li kʼuulaʼal?

5. Kʼaru kixye xrabʼin laj Faraon re li xnaʼ laj Moises?

Chaasume ajwiʼ li patzʼom aʼin:

1. Chaawil li naxye Éxodo 2:​1-​10.

   Chanru kiru li xnaʼ laj Moises xkʼirisinkil ut xkʼeebʼal xnaʼlebʼ li xkʼuulaʼal? Kʼaʼut naq li xnaʼ laj Moises kixkanabʼ jun chaabʼil eetalil choʼq rehebʼ li naʼbʼej yuwaʼbʼej? (Éxo. 2:​9, 10; Deu. 6:​6-9; Pro. 22:6; Efe. 6:4; 2 Tim. 3:​15.)

Tzolom 29

1. Bʼar kikʼiik laj Moises? Ut kʼaru naxnaw chirixebʼ li xnaʼ xyuwaʼ?

2. Kʼaru kixbʼaanu laj Moises naq wank 40 chihabʼ re?

3. Naq wiibʼebʼ laj Israel yookebʼ chi pleetik, kʼaru kixye laj Moises rehebʼ? Chanru kichaqʼok laj Israel li yook chi sakʼok?

4. Kʼaʼut kiʼelelik laj Moises?

5. Saʼ kʼaru tenamit kiwulak laj Moises naq kiʼelk chaq Egipto? Ani kixnawebʼ chaq ru aran?

6. Kʼaru kixbʼaanu laj Moises chiru li 40 chihabʼ naq kiwank chaq Madian?

Chaasume ajwiʼ ebʼ li patzʼom aʼin:

1. Chaawil li naxye Éxodo 2:​11-​25.

   Usta laj Moises kikʼiik saʼ rochoch laj Faraon, chanru kixkʼutbʼesi naq tiik xchʼool chiru li Jehobʼa ut chiruhebʼ laj Israel? (Éxo. 2:​11, 12; Heb. 11:24.)

2. Chaawil li naxye Hechos 7:​22-​29.

   Kʼaru naqatzol chirix laj Moises naq kixtaqla ribʼ xjunes chi xkolbʼalebʼ laj Israel saʼ ruqʼebʼ laj Egipto? (Hech. 7:​23-​25; 1 Ped. 5:​6, 10.)

Tzolom 30

1. Chanru xkʼabʼaʼ li tzuul li wank saʼ li eetalil?

2. Kʼaru kiril laj Moises naq kiwulak saʼ li tzuul?

3. Ani kiʼaatinak chaq saʼ li cheʼ li yook xxamlel? Kʼaru kiyeheʼk re laj Moises?

4. Kʼaru kixye laj Moises naq kitaqlaak xbʼaan li Yos chi risinkilebʼ laj Israel saʼ li tenamit Egipto?

5. Naq tpatzʼeʼq re laj Moises ani kitaqlank chaq re, chanru kixye li Yos naq tixsumehebʼ laj Israel?

6. Kʼaru kixbʼaanu laj Moises re xkʼutbʼesinkil naq li Yos kitaqlank re Egipto?

Chaasume ajwiʼ ebʼ li patzʼom aʼin:

1. Chaawil li naxye Éxodo 3:​1-​22.

   Maare tqakʼoxla naq inkʼaʼ tooruuq xbʼaanunkil junaq li kʼanjel saʼ li chʼuut, abʼan chanru naxkawresi qachʼool xnawbʼal naq li Jehobʼa kixtenqʼa laj Moises? (Éxo. 3:​11, 13; 2 Cor. 3:​5, 6.)

2. Chaawil li naxye Éxodo 4:​1-​20.

   1. Chanru kijalaak xnaʼlebʼ laj Moises chiru li kaʼkʼaal chihabʼ naq kiwank chaq Madian? Ut kʼaru tento teʼxtzol li nekeʼraj kʼanjelak saʼ li chʼuut? (Éxo. 2:​11, 12; 4:​10, 13; Miq. 6:8; 1 Tim. 3:​1, 6, 10.)

   2. Naq tooʼeʼxqʼus saʼ li chʼuut, chanru naxkawresi qachʼool li kixbʼaanu li Jehobʼa rikʼin laj Moises? (Éxo. 4:​12-​14; Sal. 103:14; Heb. 12:​4-​11.)

Tzolom 31

1. Kʼaru keʼxye laj Israel naq keʼril ebʼ li sachbʼachʼoolej li keʼxbʼaanu laj Moises ut laj Aaron?

2. Kʼaru kixye laj Aaron ut laj Moises re laj Faraon? Kʼaru kixye laj Faraon naq kirabʼi aʼin?

3. Kʼaru kikʼulmank naq laj Aaron kixkut li xxuqʼ saʼ chʼochʼ? (Chaawil li eetalil.)

4. Chanru kixkʼut xjosqʼil li Jehobʼa chiru laj Faraon? Kʼaru kixbʼaanu laj Faraon naq kiril aʼin?

5. Kʼaru kikʼulmank naq keʼnumeʼk li lajeebʼ chi rahilal?

Chaasume ajwiʼ ebʼ li patzʼom aʼin:

1. Chaawil li naxye Éxodo 4:​27-​31 ut 5:​1-​23.

   Kʼaru naraj xyeebʼal naq laj Faraon kixye: ‹Inkʼaʼ ninnaw ru li Jehobʼa?› (Éxo. 5:2; 1 Sam. 2:​12; Rom. 1:​21.)

2. Chaawil li naxye Éxodo 6:​1-​13, 26-​30.

   1. Kʼaru naraj xyeebʼal naq li Jehobʼa inkʼaʼ kixkʼe ribʼ chi naweʼk chiru laj Abrahan, laj Isaac ut laj Jacob? (Éxo. 3:​13, 14; 6:3; Gén. 12:⁠8.)

   2. Kʼaru naqakʼoxla naq li Jehobʼa kixtaqla laj Moises chi xbʼaanunkil jun li kʼanjel usta inkʼaʼ naxnaw chanru tixbʼaanu? (Éxo. 6:​12, 30; Luc. 21:​13-​15.)

3. Chaawil li naxye Éxodo 7:​1-​13.

   1. Chanru keʼxkanabʼ jun li eetalil choʼq qe laj Moises ut laj Aaron, naq keʼxye re laj Faraon naq li Jehobʼa traqoq aatin saʼ xbʼeenebʼ? (Éxo. 7:​2, 3, 6; Hech. 4:​29-​31.)

   2. Chanru kixkʼutbʼesi li Jehobʼa naq nim xwankil chiruhebʼ li xyosebʼ laj Egipto? (Éxo. 7:​12; 1 Cró. 29:12.)

Tzolom 32

1. Yaabʼasi li xbʼeen, li xkabʼ ut li rox rahilal li kixtaqla chaq li Jehobʼa saʼ xbʼeenebʼ laj Egipto. (Chaawil li eetalil.)

2. Kʼaʼut naq moko juntaqʼeeta li oxibʼ chi rahilal rikʼin li wuqubʼ chik?

3. Yaabʼasi li xka, li roʼ ut li xwaq rahilal.

4. Yaabʼasi li xwuq, li xwaqxaq ut li xbʼele rahilal.

5. Naq ak tiklaak re li xlaje rahilal, kʼaru kixye li Jehobʼa naq tento teʼxbʼaanu ebʼ laj Israel?

6. Kʼaru kikʼulmank saʼ li xlaje li rahilal? Kʼaru kikʼulmank chirix chik aʼan?

Chaasume ajwiʼ ebʼ li patzʼom aʼin:

1. Chaawil li naxye Éxodo 7:⁠19– 8:​23.

   1. Usta ebʼ laj qʼe keʼru ajwiʼ xbʼaanunkil li xbʼeen ut li xkabʼ rahilal, kʼaru keʼxye naq kiraqeʼk li rox rahilal? (Éxo. 8:​18, 19; Mat. 12:​24-​28.)

   2. Chanru kixkʼutbʼesi li Yos rikʼin li xka rahilal naq naru xkolbʼal li xtenamit? Chanru nokooxtenqʼa aʼin naq tchalq li nimla rahilal saʼ qabʼeen? (Éxo. 8:​22, 23; Apoc. 7:​13, 14; 2 Cró. 16:⁠9.)

2. Chaawil li naxye Éxodo 8:​24; 9:​3, 6, 10, 11, 14, 16, 23-​25 ut 10:​13-​15, 21-​23.

   1. Anihebʼ li wiibʼ chi chʼuut keʼilok re li lajeebʼ chi rahilal? Chanru nokooxtenqʼa xnawbʼal li keʼxkʼul chaq ebʼ li wiibʼ chi chʼuut aʼin? (Éxo. 8:​10, 18, 19; 9:​14.)

   2. Chanru nokooxtenqʼa Éxodo 9:16 chi xtawbʼal ru chiʼus kʼaʼut naq li Jehobʼa toj maajiʼ naxsach laj Tza? (Rom. 9:​21, 22.)

3. Chaawil li naxye Éxodo 12:​21-​32.

   Kʼaʼut naabʼal keʼkoleʼk xbʼaan li Paswa? Kʼaru kixkʼutbʼesi li Paswa? (Éxo. 12:​21-​23; Juan 1:​29; Rom. 5:​18, 19, 21; 1 Cor. 5:⁠7.)

Tzolom 33

1. Jarubʼebʼ li winq aj Israel keʼelk chaq Egipto? Anihebʼ chik keʼelk rikʼinebʼ li winq aj Israel?

2. Kʼaru kixye laj Faraon naq ak kohebʼ laj Israel? Chirix chik aʼan, kʼaru kixbʼaanu laj Faraon?

3. Kʼaru kixbʼaanu li Jehobʼa re xkolbʼal li xtenamit?

4. Kʼaru kikʼulmank naq laj Moises kixyeʼ li xxuqʼ saʼ bʼeen li palaw? Kʼaru keʼxbʼaanu laj Israel?

5. Kʼaru keʼxkʼul ebʼ laj Egipto naq keʼok saʼ li palaw?

6. Kʼaru keʼxbʼaanu ebʼ laj Israel naq li Jehobʼa kixkolebʼ?

Chaasume ajwiʼ ebʼ li patzʼom aʼin:

1. Chaawil li naxye Éxodo 12:​33-​36.

   Chanru kirosobʼtesi li Jehobʼa li xtenamit xbʼaan naq ra keʼxkʼul chaq Egipto? (Éxo. 3:​21, 22; 12:​35, 36.)

2. Chaawil li naxye Éxodo 14:​1-​31.

   Chanru nokooxtenqʼa Éxodo 14:​13, 14 naq tchalq li Armagedon? (2 Cró. 20:17; Sal. 91:⁠8.)

3. Chaawil li naxye Éxodo 15:​1-8, 20, 21.

   1. Kʼaʼut us naq li nekeʼpaabʼank re li Jehobʼa tento naq teʼbʼichanq chiru? (Éxo. 15:​1, 2; Sal. 105:​2, 3; Apoc. 15:​3, 4.)

   2. Chanru keʼxkanabʼ jun chaabʼil eetalil li xMiriam ut li rech-ixqilal choʼq rehebʼ li ixq li nekeʼxpaabʼ li Jehobʼa? (Éxo. 15:​20, 21; Sal. 68:12.)

Tzolom 34

1. Kʼaru yookebʼ xokbʼal chiru li chʼochʼ ebʼ li qas qiitzʼin ut kʼaru xkʼabʼaʼ? (Chaawil li eetalil.)

2. Chanru tento xokbʼal li mana naq kixye laj Moises?

3. Kʼaru kixye li Jehobʼa naq teʼxbʼaanu chiru li xwaq kutan ut kʼaʼut naq kixye aʼin?

4. Kʼaru li sachbʼachʼoolej kixbʼaanu li Jehobʼa naq keʼxxok li mana choʼq re li xwuq kutan?

5. Chiru jarubʼ chihabʼ keʼxtzaka li mana ebʼ laj Israel?

Chaasume ajwiʼ ebʼ li patzʼom aʼin:

1. Chaawil li naxye Éxodo 16:​1-​36 ut Números 11:​7-9.

   1. Chanru naxkʼut Éxodo16:8 naq tento tqoxloqʼi li nekeʼkʼamok bʼe saʼebʼ li chʼuut? (Heb. 13:17.)

   2. Naq ebʼ laj Israel keʼwank saʼ li chaqichʼochʼ, chanru kixkʼut li Jehobʼa naq kaʼajwiʼ aʼan naru xtenqʼankilebʼ? (Éxo. 16:​14-​16, 35; Deu. 8:​2, 3.)

   3. Kʼaru kixye li Jesus naq kiʼaatinak chirix li mana ut chanru nokooxtenqʼa? (Juan 6:​31-​35, 40.)

2. Chaawil li naxye Josué 5:​10-​12.

   Chiru jarubʼ chihabʼ keʼxwaʼ li mana ebʼ laj Israel? Chanru keʼyaleʼk rix rikʼin li mana? Ut kʼaru naqatzol chirix aʼin? (Éxo. 16:35; Núm. 11:​4-6; 1 Cor. 10:​10, 11.)

Tzolom 35

1. Naq ak wiibʼ po relikebʼ laj Israel saʼ li tenamit Egipto, bʼar keʼkanaak?

2. Kʼaru kiraj li Jehobʼa naq teʼxbʼaanu laj Israel? Ut kʼaru kixye li tenamit?

3. Kʼaʼut naq li Jehobʼa kixkʼe re laj Moises li wiibʼ chi perpookil pek?

4. Chanru naqanaw naq moko kaʼaj tawiʼ li lajeebʼ chi chaqʼrabʼ kixkʼe li Yos re li xtenamit?

5. Bʼar wank li wiibʼ xnimal ru chaqʼrabʼ kixye li Jesus?

Chaasume ajwiʼ ebʼ li patzʼom aʼin:

1. Chaawil li naxye Éxodo 19:​1-​25; 20:​1-​21; 24:​12-​18 ut 31:⁠18.

   Chanru nokooxtenqʼa Éxodo 19:8 chi xtawbʼal kʼaru naraj xyeebʼal xqʼaxtesinkil qayuʼam chiru li Yos? (Mat. 16:24; 1 Ped. 4:​1-3.)

2. Chaawil li naxye Deuteronomio 6:​4-6; Levítico 19:​18 ut Mateo 22:​36-​40.

   Chanru nekeʼxkʼut ebʼ li tzʼaqal aj paabʼanel naq nekeʼxra li Yos ut ebʼ li ras riitzʼin? (Mar. 6:​34; Hech. 4:​20; Rom. 15:⁠2.)

Tzolom 36

1. Kʼaru yookebʼ xbʼaanunkil saʼ li eetalil? Ut kʼaʼut naq yookebʼ xbʼaanunkil aʼin?

2. Kʼaʼut naq kichalk xjosqʼil li Jehobʼa? Kʼaru kixbʼaanu laj Moises naq kiril naq ebʼ laj Israel yookebʼ xloqʼoninkil li pechʼbʼil yos?

3. Kʼaru kixye laj Moises re jun chʼuut chi winq?

4. Kʼaru naxkʼut chiqu li tzolom aʼin?

Chaasume ajwiʼ ebʼ li patzʼom aʼin:

1. Chaawil li naxye Éxodo 32:​1-​35.

   1. Kʼaru naxkʼoxla li Jehobʼa chirix xjunajinkil li bʼalaqʼil paabʼal rikʼin li tzʼaqal paabʼal? (Éxo. 32:​4-6, 10; 1 Cor. 10:​7, 11.)

   2. Kʼaru tento teʼxkʼe reetal ebʼ laj paabʼanel naq yookebʼ rabʼinkil li bʼich malaj yookebʼ chi xajok? (Éxo. 32:​18, 19; Efe. 5:​15, 16; 1 Juan 2:​15-17.)

   3. Chanru keʼxkanabʼ jun chaabil eetalil choʼq qe ebʼ li ralal xkʼajol laj Levi chirix li tiikilal? (Éxo. 32:​25-​28; Sal. 18:26.)

Tzolom 37

1. Kʼaru wank saʼ li eetalil ut choʼq re kʼaru naʼoksimank?

2. Kʼaʼut kixye li Jehobʼa naq moko chʼaʼaj ta teʼxyiibʼ li ochoch?

3. Kʼaru xkʼabʼaʼ li kaax li wank wiibʼ li anjel saʼ xbʼeen? Ut kʼaru wank chisaʼ li kaax?

4. Ani kixsikʼ li Jehobʼa choʼq xyuwaʼil aj tij? Kʼaru li kʼanjel kixbʼaanu li xyuwaʼil aj tij?

5. Kʼaru wank saʼ li nimla naʼaj re li Rochoch li Yos?

6. Kʼaru wank saʼ xmuhebʼaal li Rochoch li Yos ut kʼaru aj e?

Chaasume ajwiʼ ebʼ li patzʼom aʼin:

1. Chaawil li naxye Éxodo 25:​8-​40; 26:​1-​37; 27:​1-8 ut 28:⁠1.

   Kʼaru naraj xyeebʼal li wiibʼ chi anjel li wankebʼ saʼ xbʼeen xkaaxil li sumwank? (Éxo. 25:​20, 22; Núm. 7:​89; 2 Rey. 19:15.)

2. Chaawil li naxye Éxodo 30:​1-​10, 17-​21; 34:​1, 2 ut Hebreos 9:​1-5.

   1. Kʼaʼut kixye li Jehobʼa naq teʼxchʼaj ribʼebʼ laj tij naq teʼkʼanjelaq saʼ Rochoch li Yos? Ut kʼaru naqatzol chirix aʼin? (Éxo. 30:​18-​21; 40:​30, 31; Heb. 10:22.)

   2. Chanru kixchʼolobʼ li apostol Pablo naq li Rochoch li Yos ut li chaqʼrabʼ li kikʼeheʼk re laj Moises maakʼaʼ chik xwankil? (Heb. 9:​1, 9; 10:⁠1.)

Tzolom 38

1. Kʼaru nakaakʼoxla naq nakaawil li uubʼ li wank saʼ li eetalil? Bʼar keʼxkʼam chaq ru li awimq aʼin?

2. Kʼaʼut naq laj Moises kixtaqla 12 chi winq saʼ li tenamit Canaan?

3. Kʼaru keʼxye re laj Moises ebʼ li 10 chi winq naq keʼsutqʼiik chaq chi rilbʼal li tenamit Canaan?

4. Chanru keʼxkʼutbʼesi wiibʼ chi winq naq kʼojkʼookebʼ xchʼool rikʼin li Jehobʼa ut chanru xkʼabʼaʼebʼ li winq aʼin?

5. Kʼaʼut kichalk xjosqʼil li Jehobʼa ut kʼaru kixye re laj Moises?

Chaasume ajwiʼ ebʼ li patzʼom aʼin:

1. Chaawil li naxye Números 13:​1-​33.

   1. Anihebʼ keʼsikʼeʼk ru re naq teʼril chaq li tenamit Canaan? Kʼaru rusilal li tenamit keʼril chaq? (Núm. 13:​2, 3, 18-​20.)

   2. Kʼaʼut naq laj Josue ut laj Caleb jalan xkʼaʼuxebʼ chiruhebʼ li lajeebʼ li keʼilok chaq re li tenamit? Kʼaru naqatzol chirix aʼin? (Núm. 13:​28-​30; Mat. 17:20; 2 Cor. 5:⁠7.)

2. Chaawil li naxye Números 14:​1-​38.

   1. Kʼaru naxye li Santil Hu chirix xweechʼinkilebʼ malaj aatinak chirixebʼ laj kʼamol bʼe saʼ li xtenamit li Jehobʼa? (Núm. 14:​2, 3, 27; Mat. 25:​40, 45; 1 Cor. 10:10.)

   2. Chanru naxkʼut Números 14:24 naq li Jehobʼa naxkʼe xchʼool chirixebʼ li junjunq li nekeʼkʼanjelak chiru? (1 Rey. 19:18; Pro. 15:⁠3.)

Tzolom 39

1. Ani inkʼaʼ keʼraj naq laj Moises ut laj Aaron teʼjolominq? Kʼaru keʼxye re laj Moises?

2. Kʼaru kixye laj Moises re laj Core ut ebʼ li 250 chi winq?

3. Kʼaru kixye laj Moises re li tenamit ut kʼaru kikʼulmank naq kiraqeʼk chi aatinak?

4. Kʼaru kixkʼul laj Core ut ebʼ li 250 chi winq?

5. Kʼaru kixbʼaanu laj Eleazar rikʼin xnaʼajebʼ xpom li kamenaq? Kʼaʼut naq kixbʼaanu aʼin laj Eleazar?

6. Kʼaʼut naq li Jehobʼa kixkʼe chi atzʼumak li xxuqʼ laj Aaron? (Chaawil li eetalil.)

Chaasume ajwiʼ ebʼ li patzʼom aʼin:

1. Chaawil li naxye Números 16:​1-​49.

   1. Kʼaru kixbʼaanu laj Core ut ebʼ li keʼtzʼaqonk chirix? Ut kʼaʼut naqaye naq rikʼin li keʼxbʼaanu keʼxkʼutbʼesi naq keʼxqʼet ribʼ chiru li Jehobʼa? (Núm. 16:​9, 10, 18; Lev. 10:​1, 2; Pro. 11:⁠2.)

   2. Kʼaru kixkʼoxla laj Core ut ebʼ li 250 chi winq chirix li jolomink? (Núm. 16:​1-3; Pro. 15:33; Isa. 49:⁠7.)

2. Chaawil li naxye Números 17:​1-​11 ut 26:⁠10.

   1. Kʼaru kixkʼutbʼesi li xxuqʼ laj Aaron naq kiʼatzʼumak ru? Kʼaʼut naq li Jehobʼa kixye naq txokmanq li xxuqʼ laj Aaron saʼ xkaaxil li sumwank? (Núm. 17:​5, 8, 10.)

   2. Kʼaru naqatzol naq li xxuqʼ laj Aaron kiʼatzʼumak ru? (Núm. 17:10; Hech. 20:28; Fili. 2:​14; Heb. 13:⁠17.)

Tzolom 40

1. Chanru kixkʼaakʼale li Jehobʼa li xtenamit naq wankebʼ saʼ li chaqichʼochʼ?

2. Kʼaru keʼok xyeebʼal laj Israel naq wankebʼ chaq Qades?

3. Chanru kixbʼaanu li Jehobʼa re xkʼeebʼal xhaʼ li tenamit ut ebʼ li ketomq?

4. Ani li winq yook xtiikankil ruqʼ chire xchʼool? Kʼaʼut yook xbʼaanunkil chi joʼkan?

5. Kʼaʼut kichalk xjosqʼil li Jehobʼa rikʼin laj Moises ut laj Aaron ut kʼaru kixye rehebʼ?

6. Kʼaru kikʼulmank naq ebʼ laj Israel keʼwulak saʼ li tzuul Hor? Ani chik kikanaak choʼq xyuwaʼil aj tij saʼ xyanqebʼ laj Israel?

Chaasume ajwiʼ ebʼ li patzʼom aʼin:

1. Chaawil li naxye Números 20:​1-​13, 22-​29 ut Deuteronomio 29:⁠5.

   1. Kʼaru naqatzol naq li Jehobʼa kirilebʼ chiʼus ebʼ laj Israel saʼ li chaqichʼochʼ? (Deu. 29:5; Mat. 6:​31; Heb. 13:⁠5; Sant. 1:​17.)

   2. Kʼaru kixkʼoxla li Jehobʼa naq laj Moises ut laj Aaron inkʼaʼ keʼxkʼe xloqʼal chiruhebʼ laj Israel? (Núm. 20:12; 1 Cor. 10:12; Apoc. 4:​11.)

   3. Kʼaru naqatzol chirix laj Moises naq kiqʼuseʼk xbʼaan li Jehobʼa? (Núm. 12:3; 20:​12, 27, 28; Deu. 32:4; Heb. 12:​7-​11.)

Tzolom 41

1. Kʼaru wank chiru li cheʼ? Kʼaʼut naq li Jehobʼa kixye re laj Moises naq tixkʼe aʼin chiru li cheʼ?

2. Chanru keʼxkʼut ebʼ laj Israel naq inkʼaʼ keʼroxloqʼi li kixbʼaanu li Jehobʼa chirixebʼ?

3. Kʼaru keʼxye laj Israel re laj Moises naq li Jehobʼa kixtaqla ebʼ li kʼantiʼ saʼ xyanqebʼ?

4. Kʼaʼut naq li Jehobʼa kixye re laj Moises naq tixyiibʼ jun li kʼantiʼ re chʼiichʼ?

5. Kʼaru naqatzʼol chirix li tzolom aʼin?

Chaasume ajwiʼ ebʼ li patzʼom aʼin:

1. Chaawil li naxye Números 21:​4-9.

   1. Kʼaru naxkʼut chiqu naq ebʼ laj Israel keʼxweechʼi rix li kʼeebʼil rehebʼ xbʼaan li Jehobʼa? (Núm. 21:​5, 6; Rom. 2:⁠4.)

   2. Naq keʼnumeʼk li chihabʼ, chanru keʼroksi li kʼantiʼ aʼin ebʼ laj Israel? Kʼaru kixbʼaanu laj Ezequias naq kiril li yookebʼ xbʼaanunkil rikʼin li eetalil aʼin? (Núm. 21:9; 2 Rey. 18:​1-4.)

2. Chaawil li naxye Juan 3:​14, 15.

   Naq li kʼantiʼ kikʼeheʼk chiru li cheʼ, chanru kixkʼutbʼesi aʼin naq joʼkan ajwiʼ tixkʼul li Jesus? (Gál. 3:​13; 1 Ped. 2:​24.)

Tzolom 42

1. Ani laj Balac? Kʼaʼut naq laj Balac kixtaqla sikʼbʼal laj Balaam?

2. Kʼaʼut naq kixbʼuchubʼ ribʼ li bʼuur?

3. Kʼaru kixye li bʼuur re laj Balaam?

4. Kʼaru kixye li anjel re laj Balaam?

5. Kʼaru kikʼulmank naq laj Balaam kixyal xmaajewankil li tenamit Israel?

Chaasume ajwiʼ ebʼ li patzʼom aʼin:

1. Chaawil li naxye Números 21:​21-​35.

   Kʼaʼut naq ebʼ laj Israel keʼelk chi ubʼej chiru laj Sehon, li awabʼej rehebʼ laj Amorreos ut chiru laj Og, li awabʼej rehebʼ laj Basan? (Núm. 21:​21, 23, 33, 34.)

2. Chaawil li naxye Números 22:​1-​40.

   Kʼaʼut naq laj Balaam kiraj xmaajewankilebʼ laj Israel? Kʼaru naqatzol chirix aʼin? (Núm. 22:​16, 17; Pro. 6:​16, 18; 2 Ped. 2:​15; Jud. 11.)

3. Chaawil li naxye Números 23:​1-​30.

   Chanru kixkʼutbʼesi laj Balaam naq moko tzʼaqal tiik ta xchʼool chiru li Jehobʼa? (Núm. 23:​3, 11-​14; 1 Sam. 15:22.)

4. Chaawil li naxye Números 24:1-25.

   Chanru naxkawresi qapaabʼal li naxye li Santil Hu naq li Jehobʼa tixbʼaanu li naxyeechiʼi qe? (Núm. 24:10; Isa. 54:17.)

Tzolom 43

1. Anihebʼ li wiibʼ chi winq wankebʼ rikʼin laj Moises saʼ li eetalil?

2. Kʼaru kixye li Jehobʼa re laj Josue?

3. Kʼaʼut naq xko laj Moises saʼ li tzuul Nebo ut kʼaru kiyeheʼk re xbʼaan li Jehobʼa?

4. Jarubʼ chihabʼ wank re laj Moises naq kikamk?

5. Kʼaʼut keʼrahoʼk saʼ xchʼool ebʼ laj Israel ut kʼaru kisahobʼresink re xchʼoolebʼ?

Chaasume ajwiʼ ebʼ li patzʼom aʼin:

1. Chaawil li naxye Números 27:12-23.

   Kʼaru xnimal ru kʼanjel kixkʼe li Jehobʼa re laj Josue? Saʼebʼ li qakutan, chanru naxkʼut li Jehobʼa naq naxra li xtenamit? (Núm. 27:​15-​19; Hech. 20:28; Heb. 13:⁠7.)

2. Chaawil li naxye Deuteronomio 3:23-29.

   Kʼaʼut naq li Jehobʼa inkʼaʼ kixkanabʼ chi ok laj Moises ut laj Aaron saʼ li tenamit Canaan? Kʼaru naqatzol chirix li keʼxkʼul laj Moises ut laj Aaron? (Deu. 3:​25-​27; Núm. 20:​12, 13.)

3. Chaawil li naxye Deuteronomio 31:​1-8, 14-​23.

   Naq laj Moises kixchaqʼrabʼihebʼ laj Israel, chanru kixkʼutbʼesi naq kixkʼulubʼa li xqʼusbʼal chiru li Jehobʼa? (Deu. 31:​6-8, 23.)

4. Chaawil li naxye Deuteronomio 32:​45-​52.

   Chanru nokooxtenqʼa li Raatin li Yos saʼ li qayuʼam? (Deu. 32:47; Lev. 18:5; Heb. 4:​12.)

5. Chaawil li naxye Deuteronomio 34:​1-​12.

   Usta laj Moises maajunwa kiril ru li Jehobʼa, kʼaru naxchʼolobʼ Deuteronomio 34:10 chirixebʼ? (Éxo. 33:​11, 20; Núm. 12:⁠8.)

Tzolom 44

1. Bʼar wank rochoch li xRahab?

2. Anihebʼ li winq wankebʼ saʼ li eetalil? Kʼaʼut wankebʼ chaq saʼ li tenamit Jerico?

3. Kʼaru kixtaqla xyeebʼal li awabʼej re li xRahab? Chanru kichaqʼok li xRahab?

4. Chanru kixtenqʼahebʼ li wiibʼ chi winq li xRahab? Kʼaru usilal kixpatzʼ li xRahab rehebʼ li wiibʼ chi winq?

5. Kʼaru keʼxye ebʼ li winq naq li xRahab kixpatzʼ usilal rehebʼ?

Chaasume ajwiʼ ebʼ li patzʼom aʼin:

1. Chaawil li naxye Josué 2:​1-​24.

   Chanru kitzʼaqlok ru li kixye li Jehobʼa saʼ Éxodo 23:28 naq ebʼ laj Israel keʼwulak chi yalok rikʼinebʼ laj Jerico? (Jos. 2:​9-​11.)

2. Chaawil li naxye Hebreos 11:⁠31.

   Chanru kixkʼutbʼesi li xRahab naq tento kawaq li qapaabʼal? (Rom. 1:​17; Heb. 10:39; Sant. 2:​25.)

Tzolom 45

1. Kʼaru kixbʼaanu li Jehobʼa re naq ebʼ laj Israel teʼruuq chi numeʼk saʼ li nimaʼ Jordan?

2. Re naq ebʼ laj Israel teʼnumeʼq saʼ li nimaʼ, kʼaru keʼxbʼaanu re xkʼutbʼesinkil naq kawebʼ li xpaabʼal?

3. Kʼaʼut kixye li Jehobʼa re laj Josue naq tixxok 12 chi pek saʼ li nimaʼ?

4. Kʼaru kikʼulmank naq ebʼ laj tij keʼelk chaq saʼ li nimaʼ?

Chaasume ajwiʼ ebʼ li patzʼom aʼin:

1. Chaawil li naxye Josué 3:​1-​17.

   1. Joʼ xqil saʼ li tzolom aʼin, kʼaru tento tqabʼaanu re naq li Jehobʼa tooxtenqʼa ut toorosobʼtesi? (Jos. 3:​13, 15; Pro. 3:5; Sant. 2:​22, 26.)

   2. Kʼaru kixkʼul li nimaʼ naq ebʼ laj Israel keʼnumeʼk chisaʼ? Ut chanru kixnima aʼin li xkʼabʼaʼ li Jehobʼa? (Jos. 3:​15; 4:​18; Sal. 66:​5-7.)

2. Chaawil li naxye Josué 4:​1-​18.

   Kʼaru xyaalal ebʼ li 12 chi pek li keʼrisi chaq saʼ li nimaʼ ut keʼxkʼe saʼ li naʼaj Guilgal? (Jos. 4:​4-7.)

Tzolom 46

1. Kʼaru kixye li Jehobʼa naq teʼxbʼaanu chiru waqibʼ kutan ebʼ laj puubʼ ut ebʼ laj tij?

2. Kʼaru tento teʼxbʼaanu saʼ li xwuq kutan?

3. Kʼaru yook xkʼulbʼal li xnubʼaal li tenamit Jerico? (Chaawil li eetalil.)

4. Kʼaʼut naq wank jun li kaqi kʼaam chiru xbʼentaan li xRahab?

5. Kʼaru kixye laj Josue naq teʼxbʼaanu laj puubʼ rehebʼ laj Jerico ut re li tenamit? Abʼan, kʼaru teʼxbʼaanu rikʼin li plaat, li oor, li kaqi chʼiichʼ ut chixjunil li chʼiichʼ li teʼxtaw?

6. Kʼaru kixye laj Josue naq teʼxbʼaanu li wiibʼ aj Israel rikʼin li xRahab?

Chaasume ajwiʼ ebʼ li patzʼom aʼin:

1. Chaawil li naxye Josué 6:​1-​25.

   1. Rikʼin li keʼxbʼaanu laj Israel saʼ xwuq li kutan, chanru naxjuntaqʼeeta ribʼ aʼin rikʼinebʼ laj Testiiw re li Jehobʼa naq nekeʼxpuktesi li chaabʼil esilal saʼebʼ li qakutan? (Jos. 6:​15, 16; Isa. 60:22; Mat. 24:14; 1 Cor. 9:​16.)

   2. Naq keʼnumeʼk tana 500 chihabʼ, chanru kitzʼaqlok ru Josué 6:26? Kʼaru naxkʼut aʼin chirix li Santil Hu? (1 Rey. 16:34; Isa. 55:11.)

Tzolom 47

1. Ani li winq yook xmuqbʼal li kʼaʼaq re ru saʼ chʼochʼ? Anihebʼ yookebʼ chi tenqʼank re?

2. Kʼaʼut naq nimla maak kixbʼaanu laj Acan ut li xjunkabʼal?

3. Kʼaru kixye li Jehobʼa naq laj Josue kixpatzʼ re, kʼaʼut inkʼaʼ keʼelk chiʼus naq keʼyalok saʼ xbʼeenebʼ laj Hai?

4. Kʼaru kixkʼul laj Acan ut li xjunkabʼal naq keʼkʼameʼk chiru laj Josue?

5. Kʼaru naqatzol chirix li kixkʼul laj Acan?

Chaasume ajwiʼ ebʼ li patzʼom aʼin:

1. Chaawil li naxye Josué 7:​1-​26.

   1. Naq laj Josue kitijok chiru li Jehobʼa, chanru kixkʼutbʼesi naq wank saʼ amiiwil rikʼin? (Jos. 7:​7-9; Sal. 119:145; 1 Juan 5:​14.)

   2. Kʼaru naxkʼutbʼesi li kixbʼaanu laj Acan? Chanru nokooxtenqʼa xnawbʼal aʼin? (Jos. 7:​11, 14, 15; Pro. 15:3; 1 Tim. 5:​24; Heb. 4:​13.)

2. Chaawil li naxye Josué 8:​1-​29.

   Kʼaru tento tqabʼaanu qajunqal naq wank ani namaakobʼk saʼ li chʼuut? (Jos. 7:​13; Lev. 5:1; Pro. 28:13.)

Tzolom 48

1. Kʼaʼut naq moko juntaqʼeet ta xnaʼlebʼebʼ laj Gabaon rikʼinebʼ li tenamit Canaan?

2. Kʼaru yookebʼ xbʼaanunkil ebʼ laj Gabaon saʼ li eetalil? Ut kʼaʼut naq keʼxbʼaanu aʼan?

3. Kʼaru kixye laj Josue ut ebʼ laj jolominel re Israel naq keʼwulak laj Gabaon rikʼinebʼ? Kʼaru keʼxnaw ebʼ laj Israel naq kinumeʼk oxibʼ kutan?

4. Kʼaru kikʼulmank naq ebʼ li oobʼ chi awabʼej keʼrabʼi naq ebʼ laj Gabaon keʼxkʼe ribʼ saʼ aatin rikʼinebʼ laj Israel?

Chaasume ajwiʼ ebʼ li patzʼom aʼin:

1. Chaawil li naxye Josué 9:1-27.

   1. Li Jehobʼa kixye rehebʼ laj Israel naq teʼxkamsi li wankebʼ saʼ li tenamit Canaan, kʼaru kixkʼutbʼesi li Jehobʼa naq inkʼaʼ kixkamsihebʼ laj Gabaon? (Jos. 9:​22, 24; Mat. 9:​13; Hech. 10:​34, 35; 2 Ped. 3:⁠9.)

   2. Chanru kixkanabʼ jun chaabʼil eetalil choʼq qe laj Josue naq inkʼaʼ kixqʼet rix li kixye rehebʼ laj Gabaon? (Jos. 9:​18, 19; Mat. 5:​37; Efe. 4:​25.)

2. Chaawil li naxye Josué 10:1-5.

   Saʼebʼ li qakutan, chanru nekeʼxkʼam rehebʼ li kʼiila tenamit li nekeʼxloqʼoni li Jehobʼa rikʼinebʼ laj Gabaon? Kʼaru naxkʼul li xtenamit li Jehobʼa? (Jos. 10:4; Zac. 8:​23; Mat. 25:​35-​40; Apoc. 12:17.)

Tzolom 49

1. Kʼaru yook xyeebʼal laj Josue re li Saqʼe? Ut kʼaʼut kixye aʼin?

2. Naq laj Josue ut ebʼ laj puubʼ kohebʼ chi yalok, chanru keʼtenqʼaak xbʼaan li Jehobʼa?

3. Jarubʼebʼ li awabʼej kixqʼaxebʼ ru laj Josue? Ut chiru jarubʼ chihabʼ kiru xbʼaanunkil aʼin?

4. Kʼaʼut naq laj Josue kixjekʼi li chʼochʼ re Canaan?

5. Jarubʼ chihabʼ wank re laj Josue naq kikamk? Chanru xyuʼamebʼ laj Israel naq ak kamenaq chik laj Josue?

Chaasume ajwiʼ ebʼ li patzʼom aʼin:

1. Chaawil li naxye Josué 10:6-15.

   Chanru naxkʼojobʼ qachʼool xnawbʼal naq li Jehobʼa kixxaqabʼ li Saqʼe ut li Po saʼ xkʼabʼaʼebʼ laj Israel? (Jos. 10:​8, 10, 12, 13; Sal. 18:3; Pro. 18:10.)

2. Chaawil li naxye Josué 12:7-24.

   Ani tzʼaqal kisachok rehebʼ li 31 chi awabej re Canaan? Kʼaʼut wank xwankil aʼin choʼq qe? (Jos. 12:7; 24:​11-​13; Deu. 31:8; Luc. 21:​9, 25-​28.)

3. Chaawil li naxye Josué 14:1-5.

   Chanru kijekʼimank li chʼochʼ re Canaan saʼ xyanqebʼ laj Israel? Kʼaru naxkʼut chiqu aʼin chirix li chʼochʼ li tqakʼul saʼ li Sahilal Naʼajej? (Jos. 14:2; Isa. 65:21; Eze. 47:​21-​23; 1 Cor. 14:33.)

4. Chaawil li naxye Jueces 2:8-13.

   Joʼ kixbʼaanu laj Josue, saʼebʼ li qakutan anihebʼ inkʼaʼ nekeʼxkanabʼ naq teʼxbʼalaqʼi li xtenamit li Yos? (Jue. 2:​8, 10, 11; Mat. 24:​45-​47; 2 Tes. 2:​3-6; Tito 1:​7-9; Apoc. 1:1; 2:​1, 2.)

Tzolom 50

1. Anihebʼ laj raqol aatin ut chanru xkʼabʼaʼebʼ?

2. Kʼaru li chaabʼil kʼanjel kʼeebʼil re xDebora? Chanru kixbʼaanu li kʼanjel aʼin?

3. Naq ebʼ laj Israel wankebʼ saʼ chʼaʼajkilal chiru laj Jabin ut chiru laj Sisara, kʼaru li esil kixkʼe li Jehobʼa re xDebora re naq tixye re laj Barac? Ani kixye xDebora naq tkʼeheʼq xloqʼal?

4. Chanru kixkʼutbʼesi li xJael naq inkʼaʼ naxxuwak?

5. Kʼaru kikʼulmank naq kikamk laj Jabin?

Chaasume ajwiʼ ebʼ li patzʼom aʼin:

1. Chaawil li naxye Jueces 2:​14-​22.

   Kʼaʼut naq kijosqʼoʼk li Jehobʼa rikʼinebʼ laj Israel ut kʼaru naqatzol chirix aʼin? (Jue. 2:​20; Pro. 3:​1, 2; Eze. 18:​21-​23.)

2. Chaawil li naxye Jueces 4:1-24.

   Kʼaru tento teʼxtzol ebʼ li ixq li nekeʼpaabʼank re li Jehobʼa rikʼin li xDebora ut li xJael naq inkʼaʼ keʼxxuwak ut kawebʼ li xpaabʼal? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Chaawil li naxye Jueces 5:1-31.

   Laj Barac ut xDebora keʼbʼichank xbʼaan naq us keʼelk saʼ li yalok, chanru tqakʼam qe rikʼinebʼ naq nokootijok chirix li raqok aatin li tixkʼam chaq li Jehobʼa? (Jue. 5:​3, 31; 1 Cró. 16:​8-​10; Apoc. 7:​9, 10; 16:16; 19:​19-​21.)

Tzolom 51

1. Kʼaʼut naq xko xNoemi saʼ li tenamit Moab?

2. Ani li xRut ut li xʼOrpa?

3. Kʼaru kixye li xRut ut li xʼOrpa naq li xNoemi kixye rehebʼ naq teʼsutqʼiiq saʼ li xtenamitebʼ?

4. Ani laj Boaz ut chanru kixtenqʼahebʼ li xRut ut li xNoemi?

5. Ani xkʼabʼaʼ li ralal laj Boaz ut kʼaʼut us naq tqajultika?

Chaasume ajwiʼ ebʼ li patzʼom aʼin:

1. Chaawil li naxye Rut 1:1-17.

   1. Kʼaru li chʼinaʼusil aatin chirix li rahok kixye li xRut? (Rut 1:​16, 17.)

   2. Chanru nekeʼxkʼut ebʼ li junchʼol chi karneer naq nekeʼraj xtenqʼankilebʼ li yulbʼilebʼ ru rikʼin li santil musiqʼej, joʼ kixbʼaanu li xRut? (Juan 10:16; Zac. 8:23.)

2. Chaawil li naxye Rut 2:1-23.

   Chanru kixkanabʼ li xRut jun chaabʼil eetalil choʼq rehebʼ li ixqaʼal? (Rut 2:​17, 18; Pro. 23:22; 31:15.)

3. Chaawil li naxye Rut 3:5-13.

   1. Kʼaru kixkʼoxla laj Boaz naq li xRut kixsume sumlaak rikʼin ut inkʼaʼ rikʼin jun saajil winq?

   2. Kʼaru naxkʼut chiqu li xnaʼlebʼ li xRut chirix li tzʼaqal rahok? (Rut 3:​10; 1 Cor. 13:​4, 5.)

4. Chaawil li naxye Rut 4:7-17.

   Chanru teʼxkʼam rehebʼ li saajil al aj paabʼanel rikʼin laj Boaz? (Rut 4:​9, 10; 1 Tim. 3:​1, 12, 13; 5:⁠8.)

Tzolom 52

1. Saʼ kʼaru chʼaʼajkilal wankebʼ laj Israel? Kʼaʼut naq wankebʼ saʼ chʼaʼajkilal?

2. Kʼaʼut li Jehobʼa kixye re laj Gedeon naq naabʼalebʼ laj puubʼ kixchʼutubʼ?

3. Naq laj Gedeon kixtaqlahebʼ saʼ rochoch li yookebʼ xxiw, jarubʼebʼ li winq keʼkanaak rikʼin?

4. Kʼaru kixbʼaanu li Jehobʼa re naq teʼkanaaq kaʼajwiʼ 300 chi winq chiru laj Gedeon? (Chaawil li eetalil.)

5. Chanru kixjekʼi laj Gedeon li 300 chi winq? Chanru keʼelk chi ubʼej ebʼ laj Israel saʼ li yalok?

Chaasume ajwiʼ ebʼ li patzʼom aʼin:

1. Chaawil li naxye Jueces 6:36-40.

   1. Chanru kixnaw laj Gedeon kʼaru li rajom li Jehobʼa?

   2. Chanru tooruuq ajwiʼ laaʼo xnawbʼal kʼaru li rajom li Jehobʼa? (Pro. 2:​3-6; Mat. 7:​7-​11; 2 Tim. 3:​16, 17.)

2. Chaawil li naxye Jueces 7:1-25.

   1. Kʼaru naqatzol chirixebʼ li 300 chi winq li inkʼaʼ keʼxkubʼsi xjolom naq keʼukʼak? (Jue. 7:​3, 6; Rom. 13:​11, 12; Efe. 5:​15-​17.)

   2. Ebʼ li 300 chi winq keʼxkʼam rehebʼ rikʼin rilbʼal laj Gedeon, chanru naqatzol ajwiʼ qe rikʼin li Jesus? (Jue. 7:​17; Mat. 11:​29, 30; 28:​19, 20; 1 Ped. 2:​21.)

   3. Chanru nokooxtenqʼa li naxye Jueces 7:21 naq li xmolam li Jehobʼa tooxtaqla saʼ junaq naʼajej chi xbʼaanunkil junaq li kʼanjel? (1 Cor. 4:2; 12:​14-18; Sant. 4:​10.)

3. Chaawil li naxye Jueces 8:1-3.

   Naq wanq qachʼaʼajkilal rikʼin junaq qahermaan, kʼaru naqatzol chirix chanru kixtuqubʼ li chʼaʼajkilal laj Gedeon rikʼinebʼ laj Efraim? (Pro. 15:1; Mat. 5:​23, 24; Luc. 9:​48.)

Tzolom 53

1. Ani laj Jefte? Saʼ kʼaru kutankil kiwank laj Jefte?

2. Kʼaru kixyeechiʼi laj Jefte re li Jehobʼa?

3. Kʼaʼut naq kirahoʼk saʼ xchʼool laj Jefte naq kiwulak saʼ rochoch?

4. Kʼaru kixye li xrabʼin laj Jefte naq kixnaw kʼaru li xyeechihom li xyuwaʼ?

5. Kʼaʼut naq ebʼ laj Israel keʼxra li xrabʼin laj Jefte?

Chaasume ajwiʼ ebʼ li patzʼom aʼin:

1. Chaawil li naxye Jueces 10:6-18.

   Ebʼ laj Israel keʼxkanabʼ xloqʼoninkil li Jehobʼa, kʼaʼut us naq inkʼaʼ tsachq saʼ qachʼool aʼin? (Jue. 10:​6, 15, 16; Rom. 15:4; Apoc. 2:​10.)

2. Chaawil li naxye Jueces 11:1-11, 29-40.

   1. Chanru naqanaw naq laj Jefte moko kixyeechiʼi ta li xrabʼin choʼq kʼatbʼil mayej? (Jue. 11:31; Lev. 16:24; Deu. 18:​10, 12.)

   2. Kʼaru naraj xyeebʼal naq laj Jefte kixyeechiʼi li xrabʼin chiru li Jehobʼa?

   3. Kʼaru naqatzol naq laj Jefte kixyeechiʼi li xrabʼin re li Jehobʼa? (Jue. 11:​35, 39; Ecl. 5:​4, 5; Mat. 16:24.)

   4. Chanru nekeʼxkʼam rehebʼ li saaj rikʼin li xrabʼin laj Jefte naq nekeʼxkʼe naabʼal li xhoonal re kʼanjelak chiru li Jehobʼa? (Jue. 11:​36; Mat. 6:​33; Fili. 3:⁠8.)

Tzolom 54

1. Ani xkʼabʼaʼ li winq jwal kaw xmetzʼew? Ani kikʼehok re xmetzʼew li winq aʼin?

2. Kʼaru kixbʼaanu laj Sanson naq kixtaw jun li kaqkoj?

3. Kʼaru yook xyeebʼal laj Sanson re xDalila ut kʼaʼut naq xmaak aʼin kichapeʼk xbʼaanebʼ laj Filisteo?

4. Saʼ li kutan naq kikamk laj Sanson, kʼaru kixbʼaanu re xkamsinkilebʼ 3.000 aj Filisteo?

Chaasume ajwiʼ ebʼ li patzʼom aʼin:

1. Chaawil li naxye Jueces 13:1-14.

   Kʼaʼut naq laj Manoah ut li rixaqil chaabʼilebʼ eetalil choʼq rehebʼ li naʼbʼej yuwaʼbʼej? (Jue. 13:8; Sal. 127:3; Efe. 6:⁠4.)

2. Chaawil li naxye Jueces 14:​5-9; ut 15:​9-​16.

   1. Kʼaru naxkʼutbʼesi li xsantil musiqʼej li Yos naq laj Sanson kixkamsi jun li kaqkoj, naq kixtʼup jun li akʼ kʼaam rikʼin li kibʼakʼeʼk wiʼ ut naq kixkamsihebʼ 1.000 chi winq rikʼin xkalam e jun li bʼuur?

   2. Chanru nokooxtenqʼa anaqwan li santil musiqʼej? (Jue. 14:6; 15:14; Zac. 4:6; Hech. 4:​31.)

3. Chaawil li naxye Jueces 16:18-31.

   Kʼaru kixkʼul laj Sanson naq kiwank choʼq ramiiwebʼ li inkʼaʼ nekeʼxpaabʼ li Jehobʼa? Kʼaru naqatzol chirix aʼin? (Jue. 16:​18, 19; 1 Cor. 15:33.)

Tzolom 55

1. Ani xkʼabʼaʼ li chʼinaʼal li wank saʼ li eetalil ut ani wankebʼ rikʼin?

2. Kʼaru kixye xʼAna saʼ li xtij naq kiwulak saʼ Rochoch li Yos? Chanru kixsume li Jehobʼa li xtij li xʼAna?

3. Jarubʼ chihabʼ wank re laj Samuel naq kikʼameʼk chi kʼanjelak saʼ Rochoch li Jehobʼa? Kʼaru naxkʼam li xʼAna re laj Samuel rajlal chihabʼ?

4. Anihebʼ xkʼabʼaʼ ebʼ li ralal laj Eli? Chanru xnaʼlebʼebʼ li ralal laj Eli?

5. Kʼaru kixbʼaanu li Jehobʼa oxibʼ sut re laj Samuel? Kʼaru li esil kixkʼe li Jehobʼa re laj Samuel?

6. Kʼaru xkʼanjel laj Samuel naq kiwinqiloʼk? Kʼaru keʼxye ebʼ laj Israel re laj Samuel naq kicheekobʼk?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 1:1-28.

   1. Chanru kixkanabʼ jun chaabʼil eetalil laj Elqana choʼq rehebʼ li yuwaʼbʼej re xloqʼoninkil li Jehobʼa? (1 Sam. 1:​3, 21; Mat. 6:​33; Fili. 1:​10.)

   2. Kʼaru naqatzol chirix li kixbʼaanu li xʼAna naq ra saʼ xchʼool? (1 Sam. 1:​10, 11; Sal. 55:23; Rom. 12:12.)

2. Chaawil li naxye 1 Samuel 2:11-36.

   Chanru kixkʼutbʼesi laj Eli naq kixkʼe xwankil ebʼ li ralaj ut inkʼaʼ kixkʼe xwankil li Jehobʼa? Ut kʼaru naxkʼut chiqu aʼin? (1 Sam. 2:​22-​24, 27, 29; Deu. 21:​18-​21; Mat. 10:​36, 37.)

3. Chaawil li naxye 1 Samuel 4:16-18.

   Kʼaru kaahibʼ rahilal kikʼulmank saʼ li yalok? Kʼaru kixkʼul laj Eli naq kirabʼi li esil aʼin?

4. Chaawil li naxye 1 Samuel 8:4-9.

   Chanru keʼxmaajewa li Yos ebʼ laj Israel? Chanru naqakʼut naq naqakʼe xwankilal li Xʼawabʼejilal li Yos chi anchal qachʼool? (1 Sam. 8:​5, 7; Juan 17:16; Sant. 4:⁠4.)

Tzolom 56

1. Kʼaru yook xbʼaanunkil laj Samuel saʼ li eetalil ut kʼaʼut kixbʼaanu aʼin?

2. Kʼaʼut naq kiwulak chiru li Jehobʼa li xnaʼlebʼ laj Saul? Chanru laj Saul?

3. Ani xkʼabʼaʼ li ralal laj Saul? Kʼaru kixbʼaanu li ralal laj Saul?

4. Kʼaʼut laj Saul inkʼaʼ kiroybʼeeni naq laj Samuel tmayejaq chiru li Jehobʼa?

5. Kʼaru naqatzol chirix laj Saul?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 9:​15-​21 ut 10:​17-​27.

   Kʼaʼut naq li kubʼsink ibʼ kitenqʼank re laj Saul re naq inkʼaʼ tchalq xjosqʼil saʼ junpaat saʼ xbʼeenebʼ li inkʼaʼ keʼroxloqʼi ru? (1 Sam. 9:​21; 10:​21, 22, 27; Pro. 17:27.)

2. Chaawil li naxye 1 Samuel 13:​5-​14.

   Chanru kimaakobʼk laj Saul saʼ li naʼajej Guilgal? (1 Sam. 10:8; 13:​8, 9, 13.)

3. Chaawil li naxye 1 Samuel 15:1-35.

   1. Chanru kimaakobʼk laj Saul naq kikʼeheʼk re jun li kʼanjel chirix li awabʼej re Amaleq? (1 Sam. 15:​2, 3, 8, 9, 22.)

   2. Kʼaru kixye laj Saul naq kimaakobʼk? (1 Sam. 15:24.)

   3. Kʼaru us tqajultika naq teʼxkʼe qanaʼlebʼ? (1 Sam. 15:​19-​21; Sal. 141:5; Pro. 9:​8, 9; 11:⁠2.)

Tzolom 57

1. Ani xkʼabʼaʼ li chʼinaʼal li wank saʼ li eetalil? Chanru naqanaw naq kaw ribʼ li chʼinaʼal?

2. Bʼar li xtenamit laj David? Ani xkʼabʼaʼ li xyuwaʼ ut li xyuwaʼchin laj David?

3. Kʼaʼut li Jehobʼa kixtaqla laj Samuel saʼ rochoch laj Jese?

4. Kʼaru kixye laj Samuel naq laj Jese kixkʼam li wuqubʼ chi ralal chiru?

5. Kʼaru kixye li Jehobʼa re laj Samuel naq keʼxkʼam laj David chiru?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 17:​34, 35.

   Naq laj David kixkamsihebʼ li xul, chanru kixkʼutbʼesi naq maakʼaʼ xxiw ut kʼojkʼo xchʼool rikʼin li Jehobʼa? (1 Sam. 17:37.)

2. Chaawil li naxye 1 Samuel 16:1-14.

   1. Chanru nokooxtenqʼa li kixye li Jehobʼa saʼ 1 Samuel 16:7 re naq juntaqʼeet tqil chixjunilebʼ? (Hech. 10:​34, 35; 1 Tim. 2:⁠4.)

   2. Naq li Jehobʼa kirisi li xsantil musiqʼej saʼ xbʼeen laj Saul, chanru naxkʼutbʼesi aʼin naq li maaʼus aj musiqʼej naru t-eechaninq qe naq maakʼaʼ chik xsantil musiqʼej li Yos qikʼin? (1 Sam. 16:14; Mat. 12:​43-​45; Gál. 5:​16.)

Tzolom 58

1. Kʼaru kixye laj Goliat rehebʼ laj Israel?

2. Chanru xnajtil roq laj Goliat? Kʼaru tixkʼe laj Saul re li winq li tkamsinq re laj Goliat?

3. Kʼaru kixye laj David naq laj Saul kixye re naq toj kachʼin joʼkan naq inkʼaʼ truuq chi yalok rikʼin laj Goliat?

4. Chanru kixkʼut laj David naq kʼojkʼo xchʼool rikʼin li Jehobʼa naq kiʼaatinak rikʼin laj Goliat?

5. Kʼaru kiroksi laj David re xkamsinkil laj Goliat? Kʼaru keʼxbʼaanu ebʼ laj Filisteo naq kikamk laj Goliat?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 17:1-54.

   1. Kʼaʼut naq laj David inkʼaʼ kixuwak ut chanru tqakʼam qe rikʼin? (1 Sam. 17:​37, 45; Efe. 6:​10, 11.)

   2. Kʼaʼut naq ebʼ li nekeʼxloqʼoni li Jehobʼa tento naq inkʼaʼ teʼyaloq u re rilbʼal ani t-elq chiʼus saʼ li bʼatzʼunk? (1 Sam. 17:8; Gál. 5:​26; 1 Tim. 4:⁠8.)

   3. Chanru kixkʼutbʼesi laj David naq chʼolchʼo chiru naq li Jehobʼa ttenqʼanq re? (1 Sam. 17:​45-​47; 2 Cró. 20:15.)

   4. Chanru naxkʼut li Santil Hu naq li Jehobʼa ut ebʼ li pechʼbʼil yos keʼyalok ut maawaʼebʼ laj Filisteo ut ebʼ laj Israel? (1 Sam. 17:​43, 46, 47.)

   5. Chanru nekeʼxkʼam rehebʼ rikʼin laj David ebʼ li yulbʼilebʼ ru rikʼin santil musiqʼej? (1 Sam. 17:37; Jer. 1:​17-​19; Apoc. 12:​17.)

Tzolom 59

1. Kʼaʼut laj Saul kixkaqali laj David? Abʼan, chanru xnaʼlebʼ laj Jonatan?

2. Kʼaru kixbʼaanu laj Saul naq laj David yook xchʼeebʼal li aarp?

3. Kʼaru kixye laj Saul re laj David re naq truuq sumlaak rikʼin li xMical? Kʼaʼut naq laj Saul kiraj naq laj David tixbʼaanu aʼan?

4. Kʼaru kixbʼaanu laj Saul saʼ rox sut naq laj David yook xchʼeebʼal li aarp? (Chaawil li eetalil.)

5. Kʼaru kixbʼaanu li xMical re xkolbʼal laj David? Kʼaru kixbʼaanu laj David chiru wuqubʼ chihabʼ?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 18:​1-​30.

   1. Naq laj Jonatan kixra laj David chi anchal xchʼool, chanru kixkʼutbʼesi aʼin naq chi joʼkan teʼxra ribʼ ebʼ li ‹jun chʼol chi karneer› ut ebʼ li yulbʼilebʼ ru rikʼin santil musiqʼej? (1 Sam. 18:1; Juan 10:⁠16; Luc. 12:32; Zac. 8:​23.)

   2. Kʼaru naxchʼolobʼ 1 Samuel 18:4 chirix li xnaʼlebʼ laj Jonatan naq kisikʼeʼk choʼq awabʼej laj David?

   3. Chanru nokooxtenqʼa xnawbʼal naq li kaqalink naru tooxkʼe chi maakobʼk joʼ kixbʼaanu laj Saul? (1 Sam. 18:​7-9, 25; Sant. 3:​14-​16.)

2. Chaawil li naxye 1 Samuel 19:1-17.

   Naq laj Jonatan kiʼaatinak chiʼus chirix laj David, chanru kixkʼe ribʼ saʼ chʼaʼajkilal chiru laj Saul? (1 Sam. 19:1, 4-6; Pro. 16:14)

Tzolom 60

1. Ani xkʼabʼaʼ li ixqaʼal li yook chi chalk chiru laj David? Chanru li ixqaʼal aʼin?

2. Ani laj Nabal?

3. Kʼaʼut naq laj David kixtaqlahebʼ li winq chi xpatzʼbʼal usilal chiru laj Nabal?

4. Kʼaru kixye laj Nabal rehebʼ li winq li kixtaqlahebʼ laj David? Kʼaru kixbʼaanu laj David naq kirabʼi li kixbʼaanu laj Nabal?

5. Chanru kixkʼutbʼesi li xʼAbigail naq wank xnaʼlebʼ?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 22:​1-4.

   Kʼaru chaabʼil eetalil keʼxkanabʼ li xjunkabʼal laj David re naq tqatenqʼa qibʼ saʼ li xtenamit li Jehobʼa? (Pro. 17:17; 1 Tes. 5:​14.)

2. Chaawil li naxye 1 Samuel 25:1-43.

   1. Kʼaʼut kiyeemank naq laj Nabal maakʼaʼ xnaʼlebʼ? (1 Sam. 25:​2-5, 10, 14, 21, 25.)

   2. Kʼaru tento teʼxtzol ebʼ li ixaqilbʼej chirix li xʼAbigail? (1 Sam. 25:​32, 33; Pro. 31:26; Efe. 5:⁠24.)

   3. Kʼaru wiibʼ chi maak kixbʼaanu raj laj David wi li xʼAbigail inkʼaʼ raj kixtenqʼa? (1 Sam. 25:​31, 33; Rom. 12:​19; Efe. 4:⁠26.)

   4. Chanru teʼxkʼam rehebʼ li winq rikʼin li Jehobʼa naq naroxloqʼihebʼ li ixq joʼ kixbʼaanu laj David rikʼin li xʼAbigail? (Hech. 21:​8, 9; Rom. 2:​11; 1 Ped. 3:⁠7.)

Tzolom 61

1. Kʼaru kixbʼaanu laj David ut laj Abisai naq yook chi wark laj Saul?

2. Kʼaru kixye laj David re laj Saul naq ak wank saʼ xbʼeen li tzuul?

3. Bʼar xko laj David naq kiraqeʼk chi aatinak rikʼin laj Saul?

4. Kʼaʼut naq kirahoʼk saʼ xchʼool laj David ut kixtzʼiibʼa jun li bʼich?

5. Jarubʼ chihabʼ wank re laj David naq kikanaak choʼq awabʼej saʼ li tenamit Hebron? Anihebʼ xkʼabʼaʼ wiibʼ oxibʼ rehebʼ li ralal laj David?

6. Saʼ kʼaru chik tenamit kiʼok chi awabʼejink laj David?

Chaasume ajwiʼ ebʼ li patzʼom aʼin:

1. Chaawil li naxye 1 Samuel 26:1-25.

   1. Rikʼin li kixye laj David saʼ 1 Samuel 26:11, chanru tento tqil naq li Jehobʼa naxkʼe junaq li hermaan chi kʼamok bʼe? (Sal. 37:7; Rom. 13:⁠2.)

   2. Wi yooko xkʼeebʼal qachʼool chi xbʼaanunkil li chaabʼilal ut maaʼani naxkʼe saʼ xchʼool li naqabʼaanu chirixebʼ, chanru tooxtenqʼa li kixye laj David saʼ 1 Samuel 26:23 re naq inkʼaʼ tchʼinaaq qachʼool? (1 Rey. 8:​32; Sal. 18:21.)

2. Chaawil li naxye 2 Samuel 1:26.

   Chanru teʼxra ribʼ chiribilebʼ ribʼ ebʼ laj paabʼanel joʼ keʼxra ribʼ chi anchal xchʼool laj David ut laj Jonatan? (1 Ped. 4:⁠8; Col. 3:​14; 1 Juan 4:​12.)

3. Chaawil li naxye 2 Samuel 5:​1-​10.

   1. Chiru jarubʼ chihabʼ kiʼawabʼejink laj David? Ut bʼar kiʼawabʼejink chiruhebʼ li chihabʼ aʼin? (2 Sam. 5:​4, 5.)

   2. Chiru li tenamit, laj David wank xwankil abʼan ani kitenqʼank re naq tnimanq xwankil? Ut chanru nokooxtenqʼa anaqwan xnawbʼal aʼin? (2 Sam. 5:​10; 1 Sam. 16:13; 1 Cor. 1:​31; Fili. 4:​13.)

Tzolom 62

1. Kʼaru kikʼulmank rikʼin li tenamit Canaan xbʼaan naq li Jehobʼa kixtenqʼahebʼ laj Israel?

2. Kʼaru kixbʼaanu laj David naq yook chi bʼeek saʼ xmuhebʼaal li rochoch?

3. Kʼaʼut naq kichalk xjosqʼil li Jehobʼa saʼ xbʼeen laj David?

4. Ani kixtaqla li Jehobʼa chi xyeebʼal re laj David li maak? Ut kʼaru kixye li winq aʼin naq tixkʼul laj David?

5. Kʼaru li rahilal kichalk saʼ xbʼeen laj David?

6. Naq kikamk laj David, ani chik kikanaak choʼq awabʼej saʼ li tenamit Israel?

Chaasume ajwiʼ ebʼ li patzʼom aʼin:

1. Chaawil li naxye 2 Samuel 11:​1-​27.

   1. Laj David kimaakobʼk rikʼin li xBat-seba naq inkʼaʼ xko chi yalok, kʼaʼut us naq junelik yooqo chi kʼanjelak chiru li Jehobʼa?

   2. Kʼaʼut naq laj David kimaakobʼk? Joʼ aj paabʼanel, chanru tooxtenqʼa xnawbʼal aʼin? (2 Sam. 11:2; Mat. 5:​27-29; 1 Cor. 10:12; Sant. 1:​14, 15.)

2. Chaawil li naxye 2 Samuel 12:1-18.

   1. Kʼaru teʼxtzol li naʼbʼej yuwaʼbʼej ut ebʼ li nekeʼkʼamok bʼe saʼebʼ li chʼuut, naq laj Natan kixkʼe xnaʼlebʼ laj David? (2 Sam. 12:​1-4; Pro. 12:18; Mat. 13:34.)

   2. Kʼaʼut naq li Jehobʼa kixkuy xmaak laj David? (2 Sam. 12:13; Sal. 32:5; 2 Cor. 7:​9, 10.)

Tzolom 63

1. Kʼaru kixye li Jehobʼa re laj Salomon naq yook chi wark? Kʼaru kixye laj Salomon naq li Jehobʼa kiʼaatinank re?

2. Li Jehobʼa kiwulak chiru li kixpatzʼ laj Salomon joʼkan naq, kʼaru kixyeechiʼi re?

3. Kʼaru li chʼaʼajkilal keʼxye chaq ebʼ li ixq re laj Salomon?

4. Chanru kixtuqubʼ ru li chʼaʼajkilal laj Salomon?

5. Chanru kiʼawabʼejink laj Salomon? Ut kʼaʼut kiʼawabʼejink chi joʼkan?

Chaasume ajwiʼ ebʼ li patzʼom aʼin:

1. Chaawil li naxye 1 Reyes 3:​3-​28.

   1. Kʼaru li chaabʼil naʼlebʼ kixkanabʼ laj Salomon saʼ 1 Reyes 3:7 choʼq rehebʼ li nekeʼkʼamok bʼe saʼ li xtenamit li Jehobʼa? (Sal. 119:105; Pro. 3:​5, 6.)

   2. Kʼaʼut naq chixjunil li kixye laj Salomon re li Jehobʼa, aʼan jun chaabʼil eetalil naq tootijoq? (1 Rey. 3:​9, 11; Pro. 30:​8, 9; 1 Juan 5:⁠14.)

   3. Laj Salomon kixnaw xtuqubʼankil li xchʼaʼajkilalebʼ li ixq, chanru naxkʼojobʼ qachʼool aʼin naq li Jesus t-awabʼejinq? (1 Rey. 3:28; Isa. 9:​6, 7; 11:​2-4.)

2. Chaawil li naxye 1 Reyes 4:​29-​34.

   1. Kʼaru kixbʼaanu li Jehobʼa naq laj Salomon kixye naq traj abʼink chiru? (1 Rey. 4:​29.)

   2. Li tenamit kixkʼe xchʼool chi rabʼinkil li xnimal naʼlebʼ laj Salomon, chanruhaq qakʼaʼuxl chirix xtzolbʼal li naxye li Santil Hu? (1 Rey. 4:​29, 34; Juan 17:3; 2 Tim. 3:​16.)

Tzolom 64

1. Chiru jarubʼ chihabʼ kixchoy laj Salomon xyiibʼankil li Rochoch li Jehobʼa? Ut kʼaʼut terto kiʼelk li Rochoch li Yos?

2. Jarubʼ jachal li naʼaj keʼxkʼe saʼ li Rochoch li Yos? Kʼaru keʼxkʼe saʼ jun rehebʼ li naʼaj aʼin?

3. Kʼaru kixye laj Salomon saʼ li xtij naq kiraqeʼk xyiibʼankil li Rochoch li Yos?

4. Chanru kixkutbʼesi li Jehobʼa naq kiwulak chiru li xtij laj Salomon?

5. Kʼaru keʼxbʼaanu ebʼ li rixaqil laj Salomon re naq tmaakobʼq? Ut Kʼaru kixkʼul laj Salomon naq kixbʼaanu aʼin?

6. Kʼaʼut kichalk xjosqʼil li Jehobʼa rikʼin laj Salomon? Kʼaru kixye li Jehobʼa re laj Salomon?

Chaasume ajwiʼ ebʼ li patzʼom aʼin:

1. Chaawil li naxye 1 Crónicas 28:​9, 10.

   Rikʼin li kixye laj David saʼ 1 Crónicas 28:9, 10, kʼaru tento tqabʼaanu saʼ li qayuʼam? (Sal. 19:15; Fili. 4:​8, 9.)

2. Chaawil li naxye 2 Crónicas 6:​12-​21, 32-​42.

   1. Kʼaru kixye laj Salomon re xkʼutbʼesinkil naq maajun rehebʼ li ochoch li yiibʼanbʼil xbʼaan li winq naru nakanaak li Jehobʼa chisaʼ? (2 Cró. 6:​18; Hech. 17:​24, 25.)

   2. Kʼaru naqatzol chirix li Jehobʼa rikʼin li kixye laj Salomon saʼ 2 Crónicas 6:32, 33? (Hech. 10:​34, 35; Gál. 2:⁠6.)

3. Chaawil li naxye 2 Crónicas 7:​1-5.

   Ebʼ laj Israel keʼxloqʼoni ru li Jehobʼa naq keʼril li xloqʼal, kʼaru tento tqabʼaanu naq naqil chanru li Jehobʼa yook rosobʼtesinkil li xtenamit (2 Cró. 7:3; Sal. 22:23; 34:2; 96:⁠2.)

4. Chaawil li naxye 1 Reyes 11:​9-​13.

   Chanru naxkʼut li xyuʼam laj Salomon naq aajel ru naq junelik tiikaq qachʼool chiru li Jehobʼa? (1 Rey. 11:​4, 9; Mat. 10:22; Apoc. 2:​10.)

Tzolom 65

1. Anihebʼ xkʼabʼaʼ li wiibʼ chi winq li wankebʼ saʼ li eetalil? Kʼaru xkʼanjelebʼ li winq aʼin?

2. Kʼaru kixbʼaanu laj Ahiya rikʼin li raqʼ? Kʼaru xyaalal naq laj Ahiya kixbʼaanu aʼin?

3. Kʼaru kiraj xbʼaanunkil laj Salomon re laj Jeroboan?

4. Kʼaʼut naq ebʼ laj Israel keʼxkʼe laj Jeroboan chi xjolominkil li 10 chi teep?

5. Kʼaʼut naq laj Jeroboan kixyiibʼ wiibʼ li pechʼbʼil yos re oor? Kʼaru kikʼulmank chirix chik aʼan?

6. Chanru wank li xteep laj Benjamin ut li xteep laj Juda? Ut kʼaru kikʼulmank rikʼin li Rochoch li Jehobʼa li wank chaq Jerusalen?

Chaasume ajwiʼ ebʼ li patzʼom aʼin:

1. Chaawil li naxye 1 Reyes 11:​26-​43.

   Chanru xnaʼlebʼ laj Jeroboan? Kʼaru kixye li Jehobʼa re laj Jeroboan wi tixbʼaanu li naxye li xchaqʼrabʼ? (1 Rey. 11:​28, 38.)

2. Chaawil li naxye 1 Reyes 12:​1-​33.

   1. Kʼaru naru teʼxtzol li naʼbʼej yuwaʼbʼej ut ebʼ li cheekel winq li nekeʼkʼamok bʼe saʼebʼ li chʼuut, naq laj Rehoboam kinumtaak xwankil saʼ xbʼeen li tenamit? (1 Rey. 12:13; Ecl. 7:7; 1 Ped. 5:⁠2, 3.)

   2. Rikʼin ani tento teʼxpatzʼ xnaʼlebʼ ebʼ li saajil poyanam? (1 Rey. 12:​6, 7; Pro. 1:​8, 9; 2 Tim. 3:​16, 17; Heb. 13:⁠7.)

   3. Kʼaʼut naq laj Jeroboan kixyiibʼ wiibʼ li naʼaj re xloqʼoninkilebʼ li pechʼbʼil yos? Kʼaʼut naq aʼin kixkʼutbʼesi naq laj Jeroboan moko kaw ta chik xpaabʼal chirix li Jehobʼa? (1 Rey. 11:​37; 12:26-28.)

   4. Ani kikʼamok bʼe saʼ li lajeebʼ chi teep re Israel re xtzʼeqtaanankil li Jehobʼa? (1 Rey. 12:​32, 33.)

Tzolom 66

1. Ani li xJezabel?

2. Kʼaʼut naq saʼ jun kutan kirahoʼk saʼ xchʼool laj Acab?

3. Kʼaru kixbʼaanu li xJezabel re naq laj Acab tireechani li xchʼochʼ laj Nabot?

4. Ani kixtaqla li Jehobʼa re naq li xJezabel tixtoj rix li xmaak?

5. Kʼaru kixbʼaanu laj Jehu naq kiwulak saʼ rochoch li awabʼej?

Chaasume ajwiʼ ebʼ li patzʼom aʼin:

1. Chaawil li naxye 1 Reyes 16:​29-​33 ut 18:​3, 4.

   Chanru li maaʼusilal naq yook chi awabʼejink laj Acab? (1 Rey. 16:33.)

2. Chaawil li naxye 1 Reyes 21:​1-​16.

   1. Chanru kixkʼutbʼesi laj Nabot naq tiik xchʼool chiru li Jehobʼa? (1 Rey. 21:​1-3; Lev. 25:​23-​28.)

   2. Kʼaru naqatzol rikʼin laj Acab naq inkʼaʼ nokooru xtawbʼal li naqaj? (1 Rey. 21:4; Rom. 5:​3-5.)

3. Chaawil li naxye 2 Reyes 9:​30-​37.

   Kʼaru naqatzol naq laj Jehu kixbʼaanu chi anchal xchʼool li kixye li Jehobʼa? (2 Rey. 9:​4-​10; 2 Cor. 9:​1, 2; 2 Tim. 4:⁠2.)

Tzolom 67

1. Ani laj Jehosafat? Saʼ kʼaru kutankil kiwank laj Jehosafat?

2. Kʼaʼut naq yookebʼ xxiw ebʼ laj Israel ut kʼaru keʼxbʼaanu?

3. Chanru kichaqʼok li Jehobʼa naq kitijok laj Jehosafat chiru?

4. Kʼaru kixbʼaanu li Jehobʼa naq toj maajiʼ nekeʼok chi yalok ebʼ laj Israel?

5. Kʼaru naqatzol chirix laj Jehosafat?

Chaasume ajwiʼ ebʼ li patzʼom aʼin:

1. Chaawil li naxye 2 Crónicas 20:​1-​30.

   1. Chanru teʼxkʼam rehebʼ laj paabʼanel rikʼin laj Jehosafat naq wanqebʼ saʼ chʼaʼajkilal? (2 Cró. 20:12; Sal. 25:15; 62:⁠2.)

   2. Saʼebʼ li qakutan, chanru naʼaatinak li Jehobʼa rikʼin li xtenamit? (2 Cró. 20:​14, 15; Mat. 24:​45-​47; Juan 15:15.)

   3. Naq li Jehobʼa tixkʼam chaq li nimla yalok u, chanru tqajuntaqʼeeta li kixkʼul laj Jehosafat rikʼin li tqakʼul saʼ li kutan aʼan? (2 Cró. 20:​15, 17; 32:8; Apoc. 16:​14, 16.)

   4. Joʼ keʼxbʼaanu ebʼ laj levitas chanru nekeʼtenqʼank ebʼ laj precursores ut ebʼ laj misioneros chi xpuktesinkil li chaabʼil esilal saʼ chixjunil li Ruuchichʼochʼ? (2 Cró. 20:19, 21; Rom. 10:​13-​15; 2 Tim. 4:2.)

Tzolom 68

1. Anihebʼ wankebʼ saʼ li eetalil? Kʼaru kixkʼul li chʼinaʼal li wank saʼ li eetalil?

2. Kʼaru kixye laj Elias naq kitijok chirix li chʼinaʼal? Kʼaru kikʼulmank naq laj Elias kiraqeʼk chi tijok?

3. Chanru xkʼabʼaʼ li winq li kitenqʼank re laj Elias?

4. Kʼaʼut naq kitaqlaak laj Eliseo saʼ rochoch jun li ixq saʼ li tenamit Sunem?

5. Kʼaru kixbʼaanu laj Eliseo naq kikamk li chʼinaʼal? Rikʼin li kixbʼaanu laj Eliseo, kʼaru kixkʼul li chʼinaʼal?

6. Naq li Jehobʼa kixkʼe xwankil laj Elias ut laj Eliseo, kʼaru naxkʼut chiqu aʼin chirix li xwankil li Jehobʼa?

Chaasume ajwiʼ ebʼ li patzʼom aʼin:

1. Chaawil li naxye 1 Reyes 17:​8-​24.

   1. Chanru kiyaleʼk rix li xpaabʼal laj Elias? (1 Rey. 17:9; 19:​1-4, 10.)

   2. Kʼaʼut nim xpaabʼal li malkaʼan re li tenamit Sarepta? (1 Rey. 17:​12-​16; Luc. 4:​25, 26.)

   3. Kʼaru naxye Mateo 10:​41, 42 chirix li tqakʼul wi yooko xbʼaanunkil joʼ li malkaʼan? (1 Rey. 17:​10-​12, 17, 23, 24.)

2. Chaawil li naxye 2 Reyes 4:8-37.

   1. Kʼaru naxkʼut chiqu naq li ixq re Sunem kixkʼul laj Eliseo saʼ rochoch? (2 Rey. 4:8; Luc. 6:​38; Rom. 12:13; 1 Juan 3:​17.)

   2. Kʼaru tento tqabʼaanu re xtenqʼankilebʼ li nekeʼpaabʼank re li Jehobʼa? (Hech. 20:35; 28:​1, 2; Gál. 6:​9, 10; Heb. 6:​10.)

Tzolom 69

1. Kʼaru yook xyeebʼal li chʼina ixqaʼal re jun li ixq?

2. Ani li ixq wank saʼ li eetalil? Kʼaʼut naq li chʼina ixqaʼal wank saʼ rochoch li ixq aʼin?

3. Kʼaru kixye laj Eliseo re li xmoos naq tixye re laj Naaman? Kʼaʼut naq kichalk xjosqʼil laj Naaman?

4. Kʼaru kixbʼaanu laj Naaman naq kiraqeʼk chi rabʼinkilebʼ li xmoos?

5. Kʼaʼut naq laj Eliseo inkʼaʼ kiraj li maatan li kixkʼam chaq laj Naaman? Kʼaru kixbʼaanu laj Guehazi naq kirabʼi naq keʼxkʼam chaq li maatan?

6. Kʼaru kixkʼul laj Guehazi ut kʼaru naqatzol chirix aʼin?

Chaasume ajwiʼ ebʼ li patzʼom aʼin:

1. Chaawil li naxye 2 Reyes 5:​1-​27.

   1. Chanru naxkawresihebʼ xchʼool ebʼ li toj saaj xnawbʼal li kixbʼaanu li chʼina ixqaʼal aj Israel? (2 Rey. 5:3; Sal. 8:3; 148:​12, 13.)

   2. Naq teʼxkʼe qanaʼlebʼ rikʼin li Santil Hu, kʼaʼut us naq tqajultika laj Naaman? (2 Rey. 5:​15; Heb. 12:​5, 6; Sant. 4:⁠6.)

   3. Kʼaru naqatzol chirix li xnaʼlebʼ laj Eliseo ut chirix laj Guehazi? (2 Rey. 5:​9, 10, 14-​16, 20; Mat. 10:8; Hech. 5:​1-5; 2 Cor. 2:​17.)

Tzolom 70

1. Ani laj Jonas ut kʼaru kitaqlaak xbʼaanunkil xbʼaan li Jehobʼa?

2. Kʼaru kixbʼaanu laj Jonas naq li Jehobʼa kixtaqla Ninive?

3. Kʼaru kixye laj Jonas rehebʼ li yookebʼ xbʼeeresinkil li jukubʼ?

4. Kʼaru kixkʼul laj Jonas naq xko rubʼel haʼ?

5. Jarubʼ kutan ut qʼoqyink kiwank laj Jonas saʼ li xsaʼ li kar? Kʼaru kixbʼaanu laj Jonas naq wank saʼ li xsaʼ li kar?

6. Bʼar xko laj Jonas naq kiʼelk chaq saʼ li xsaʼ li kar ut kʼaru naqatzol chirix aʼin?

Chaasume ajwiʼ ebʼ li patzʼom aʼin:

1. Chaawil li naxye Jonás 1:​1-​17.

   Kʼaru kixkʼoxla laj Jonas naq kitaqlaak chi xpuktesinkil li chaabʼil esilal saʼ xyanqebʼ laj Ninive? (Jon. 1:​2, 3; Pro. 3:7; Ecl. 8:​12, 13.)

2. Chaawil li naxye Jonás 2:​1, 2, 10.

   Rikʼin li kixkʼul laj Jonas, chanru naxkʼut chiqu aʼin naq li Jehobʼa tooxsume naq tootijoq chiru? (Sal. 22:25; 34:7; 1 Juan 5:​14.)

3. Chaawil li naxye Jonás 3:​1-​10.

   1. Chanru naxkawresi qachʼool xnawbʼal naq li Jehobʼa kixkʼe wiʼ chik xkʼanjel laj Jonas usta saʼ xtiklajik li xkʼanjel inkʼaʼ kiʼabʼink chiru? (Sal. 103:14; 1 Ped. 5:​10.)

   2. Kʼaru naqatzol chirix laj Jonas ut ebʼ laj Ninive naq yooqo xpuktesinkil li chaabʼil esilal? (Jon. 3:​6-9; Ecl. 11:6; Hech. 13:48.)

Tzolom 71

1. Ani laj Isaias? Joqʼe kiwank laj Isaias? Kʼaru kixkʼut li Jehobʼa chiru laj Isaias?

2. Chanru li naʼajej li wank saʼ li eetalil? Kʼaru najultikoʼk aawe naq nakaawil li naʼajej aʼin?

3. Kʼaru kixye li Jehobʼa naq tixtzʼiibʼa laj Isaias chirix li akʼ Ruuchichʼochʼ?

4. Kʼaʼut naq laj Adan ut xʼEva keʼxsach li chʼinaʼusil naʼajej?

5. Kʼaru naxyeechiʼi li Yos rehebʼ li nekeʼpaabʼank re?

Chaasume ajwiʼ ebʼ li patzʼom aʼin:

1. Chaawil li naxye Isaías 11:​6-9.

   1. Kʼaru naxye li Santil Hu chirix li tuqtuukilal li twanq saʼ xyanqebʼ li xul ut ebʼ li qas qiitzʼin saʼ li akʼ Ruuchichʼochʼ? (Sal. 148:​10, 13; Isa. 65:25; Eze. 34:25.)

   2. Chanru yook chi tzʼaqlok ru li raatin laj Isaias chirix li xtenamit li Jehobʼa? (Rom. 12:2; Efe. 4:​23, 24.)

   3. Ani wank xkʼulubʼ re naq tqaloqʼoni ru xbʼaan naq yook xjalbʼal qanaʼlebʼ anaqwan ut tixbʼaanu ajwiʼ saʼ li akʼ Ruuchichʼochʼ? (Isa. 48:​17, 18; Gál. 5:​22, 23; Fili. 4:⁠7.)

2. Chaawil li naxye Apocalipsis 21:​3, 4.

   1. Naq li Santil Hu naxye naq li Yos twanq qikʼin, ma naraj xyeebʼal naq twanq saʼ tibʼelej malaj saʼ musiqʼej? (Lev. 26:​11, 12; 2 Cró. 6:​18; Isa. 66:1; Apoc. 21:​2, 3, 22-​24.)

   2. Kʼaru li rahilal trisi li Yos? (Luc. 8:​49-​52; Rom. 8:​21, 22; Apoc. 21:⁠4.)

Tzolom 72

1. Ani li winq wank saʼ li eetalil? Kʼaʼut naq li winq aʼin wank saʼ chʼaʼajkilal?

2. Kʼaru li esil hu kixkʼe laj Ezequias chiru li Yos? Kʼaru kixtzʼaama laj Ezequias chiru li Jehobʼa naq kitijok?

3. Chanru kiʼawabʼejink laj Ezequias? Naq laj Isaias kiwulak rikʼin laj Ezequias, kʼaru kitaqlaak xyeebʼal re xbʼaan li Jehobʼa?

4. Kʼaru kixbʼaanu li xʼanjel li Jehobʼa rikʼinebʼ laj puubʼ re Asiria? (Chaawil li eetalil.)

5. Naq kikamk laj Ezequias, kʼaru kixkʼul li wiibʼ chi teep li yook xjolominkil?

Chaasume ajwiʼ ebʼ li patzʼom aʼin:

1. Chaawil li naxye 2 Reyes 18:​1-​36.

   1. Kʼaru kixye laj Rabsaque, li xmoos li awabʼej re Asiria, re naq ebʼ laj Israel teʼxkanabʼ li xpaabʼal? (2 Rey. 18:​19, 21; Éxo. 5:2; Sal. 64:⁠4.)

   2. Naq ebʼ laj Testiiw re li Jehobʼa inkʼaʼ kʼulbʼilebʼ chi xpuktesinkil li chaabʼil esilal, chanru nekeʼxkʼam rehebʼ rikʼin laj Ezequias? (2 Rey. 18:36; Sal. 39:2; Pro. 26:4; 2 Tim. 2:​24.)

2. Chaawil li naxye 2 Reyes 19:​1-​37.

   1. Naq li xtenamit li Jehobʼa yook xkʼaʼuxl chirix junaq li rahilal, chanru nekeʼxkʼam rehebʼ rikʼin laj Ezequias? (2 Rey. 19:​1, 2; Pro. 3:​5, 6; Heb. 10:​24, 25; Sant. 5:​14, 15.)

   2. Yaabʼasi li oxibʼ chi xutaan li kinumeʼk wiʼ li awabʼej Senaquerib. Naq li Santil Hu kiʼaatinak chirix laj Senaquerib, ani tzʼaqal kixkʼutbʼesi li winq aʼin? (2 Rey. 19:​32, 35, 37; Apoc. 20:​2, 3.)

3. Chaawil li naxye 2 Reyes 21:​1-6, 16.

   Wiibʼ oxibʼ rehebʼ li keʼawabʼejink saʼ li tenamit Jerusalen maaʼusebʼ xnaʼlebʼ, abʼan kʼaʼut nayeemank naq laj Manases kinumtaak li xmaaʼusilal naq kiʼawabʼejink? (2 Cró. 33:⁠4-6, 9.)

Tzolom 73

1. Jarubʼ chihabʼ wank re laj Josias naq kiʼok chi awabʼejink? Kʼaru kixbʼaanu laj Josias naq ak wuqubʼ chihabʼ rokik chi awabʼejink?

2. Kʼaru yook xbʼaanunkil laj Josias saʼ li xbʼeen eetalil?

3. Kʼaru kixtaw li xbʼeenil laj tij naq yookebʼ xyiibʼankil li Rochoch li Yos?

4. Kʼaʼut naq kixpej li raqʼ laj Josias?

5. Kʼaru li esil kixtaqla li Jehobʼa chirix li xHulda choʼq re laj Josias?

Chaasume ajwiʼ ebʼ li patzʼom aʼin:

1. Chaawil li naxye 2 Crónicas 34:​1-​28.

   1. Kʼaru li eetalil kixkanabʼ laj Josias choʼq rehebʼ li inkʼaʼ keʼxyal xsahil li xkachʼinalebʼ? (2 Cró. 33:​21-​25; 34:​1, 2; Sal. 27:⁠10.)

   2. Naq laj Josias yook chi awabʼejink chiruhebʼ li chihabʼ waqxaqibʼ, kablaju ut waqxaqlaju, kʼaru kixbʼaanu re naq teʼxloqʼoni wiʼ chik li Jehobʼa? (2 Cró. 34:​3, 8.)

   3. Kʼaru naqatzol naq laj Josias ut laj Hilquias keʼkʼanjelak re xyiibʼankil li Rochoch li Jehobʼa? (2 Cró. 34:​9-​13; Pro. 11:14; 1 Cor. 10:31.)

Tzolom 74

1. Ani li winq yookebʼ xseʼenkil?

2. Kʼaru kixkʼoxla laj Jeremias naq li Jehobʼa kixye re naq tkanaaq choʼq aj kʼanjel chiru?

3. Kʼaru esil yook xkʼeebʼal laj Jeremias rehebʼ laj Jerusalen?

4. Kʼaru keʼxbʼaanu ebʼ laj tij re naq laj Jeremias inkʼaʼ chik t-aatinaq chirix li Jehobʼa? Chanru kixkʼutbʼesi laj Jeremias naq inkʼaʼ naxuwak?

5. Kʼaru keʼxkʼul ebʼ laj Israel naq inkʼaʼ keʼxkanabʼ xbʼaanunkil li maaʼusilal?

Chaasume ajwiʼ ebʼ li patzʼom aʼin:

1. Chaawil li naxye Jeremías 1:​1-8.

   1. Rikʼin li eetalil li kixkanabʼ laj Jeremias, kʼaru ttenqʼanq re junaq li poyanam re naq tkʼanjelaq chiru li Jehobʼa? (2 Cor. 3:​5, 6.)

   2. Rikʼin li kixbʼaanu laj Jeremias, chanru naxkawresihebʼ xchʼool ebʼ li toj saajebʼ? (Ecl. 12:1; 1 Tim. 4:12.)

2. Chaawil li naxye Jeremías 10:​1-5.

   Kʼaru eetalil kixkʼe laj Jeremias re xkʼutbʼesinkil naq maakʼaʼ nekeʼok wiʼ ebʼ li pechʼbʼil yos? (Jer. 10:5; Isa. 46:7; Hab. 2:⁠19.)

3. Chaawil li naxye Jeremías 26:​1-​16.

   1. Li Jehobʼa kixye re laj Jeremias naq maajun li aatin tixmuq naq tixkʼe li esil rehebʼ laj Israel, chanru nekeʼxkʼam rehebʼ rikʼin laj Jeremias ebʼ li yulbʼilebʼ ru rikʼin santil musiqʼej? (Jer. 26:2; Deu. 4:2; Hech. 20:27.)

   2. Kʼaru chaabʼil eetalil kixkanabʼ laj Jeremias choʼq rehebʼ laj Testiiw re li Jehobʼa naq nekeʼxkʼe resil li teʼxkʼul li maaʼusebʼ xnaʼlebʼ? (Jer. 26:​8, 12, 14, 15; 2 Tim. 4:​1-5.)

4. Chaawil li naxye 2 Reyes 24:1-17.

   Kʼaru li rahilal keʼxkʼul ebʼ laj Juda xbʼaan naq inkʼaʼ tiikebʼ xchʼool chiru li Jehobʼa? (2 Rey. 24:​2-4, 14.)

Tzolom 75

1. Anihebʼ li saaj al li wankebʼ saʼ li eetalil? Kʼaʼut wankebʼ li saaj al saʼ li tenamit Babilonia?

2. Kʼaru kiraj laj Nabucodonosor choʼq rehebʼ li kaahibʼ chi saaj al? Joʼkan naq, kʼaru kixye rehebʼ li xmoos?

3. Kʼaru kixye laj Daniel chirix li tzakahemq ut li ukʼaʼ li tkʼeheʼq re saʼ li rochoch li awabʼej?

4. Naq keʼxwaʼ ru li awimq, li ichaj ut li haʼ chiru 10 kutan, chanru rilbʼal laj Daniel ut ebʼ li ramiiw chiruhebʼ li junchʼol chi saaj al?

5. Kʼaʼut naq kikʼameʼk laj Daniel ut ebʼ li ramiiw saʼ rochoch laj Nabucodonosor? Kʼaʼut jwal chaabʼil laj Daniel ut ebʼ li ramiiw chiruhebʼ laj tij ut ebʼ laj qʼe?

Chaasume ajwiʼ ebʼ li patzʼom aʼin:

1. Chaawil li naxye Daniel 1:​1-​21.

   1. Kʼaru tento tqabʼaanu re naq inkʼaʼ tootʼaneʼq saʼ li aaleek ut saʼ li maak? (Dan. 1:8; Gén. 39:​7, 10; Gál. 6:⁠9.)

   2. Chanru naru teʼtʼaneʼq saʼ li aalek ebʼ li saaj naq nekeʼril li naxyeechiʼi li Ruuchichʼochʼ? (Dan. 1:8; Pro. 20:1; 2 Cor. 6:⁠17–7:⁠1.)

   3. Kʼaru naqatzol chirix li tzolom li kiwank re laj Daniel ut ebʼ li ramiiw? (Dan. 1:​20; Isa. 54:13; 1 Cor. 3:​18-​20.)

Tzolom 76

1. Kʼaru keʼxkʼul ebʼ laj Israel ut li tenamit Jerusalen?

2. Ani laj Ezequiel? Kʼaru kixkʼut li Jehobʼa chiru laj Ezequiel?

3. Kʼaru kixye li Jehobʼa naq teʼxkʼul ebʼ laj Israel xbʼaan naq inkʼaʼ keʼroxloqʼi ru?

4. Kʼaru kixbʼaanu laj Nabucodonosor naq ebʼ laj Israel keʼxqʼet ribʼ chiru?

5. Kʼaʼut naq li Jehobʼa kixkanabʼ naq ebʼ laj Israel teʼxkʼul li rahilal?

6. Kʼaʼut naq maaʼani chik kikanaak saʼ li tenamit Israel? Chiru jarubʼ chihabʼ kikanaak chi maakʼaʼ xsaʼ li tenamit Israel?

Chaasume ajwiʼ ebʼ li patzʼom aʼin:

1. Chaawil li naxye 2 Reyes 25:​1-​26.

   1. Ani laj Sedequias? Kʼaru kixkʼul laj Sedequias? Chanru kitzʼaqlok ru li naxye li Santil Hu rikʼin li kixkʼul laj Sedequias? (2 Rey. 25:​5-7; Eze. 12:​13-​15.)

   2. Ani kixye li Jehobʼa naq wank re, naq ebʼ laj Israel keʼxbaanu li maaʼusilal? (2 Rey. 25:​9, 11, 12, 18, 19; 2 Cró. 36:​14, 17.)

2. Chaawil li naxye Ezequiel 8:​1-​18.

   Chanru nekeʼxkʼam rehebʼ li bʼalaqʼil paabʼal rikʼinebʼ laj Israel li keʼxqʼet xchaqʼrabʼ li Jehobʼa ut keʼxloqʼoni li Saqʼe? (Eze. 8:​16; Isa. 5:​20, 21; Juan 3:​19-​21; 2 Tim. 4:⁠3.)

Tzolom 77

1. Kʼaru li chaqʼrabʼ kixkʼe laj Nabucodonosor, li awabʼej re Babilonia?

2. Kʼaʼuʼt naq ebʼ li oxibʼ chi ramiiw laj Daniel inkʼaʼ keʼxwiqʼibʼ ribʼ chiru li pechʼbʼil yos re oor?

3. Chanru keʼxkʼutbʼesi li oxibʼ chi saaj al naq kʼojkʼookebʼ xchʼool rikʼin li Jehobʼa naq keʼtaqlaak chi xloqʼoninkil li pechʼbʼil yos?

4. Kʼaru kixtaqla xbʼaanunkil laj Nabucodonosor rehebʼ laj Sadrac, laj Mesac ut laj Abednego?

5. Kʼaru kiril laj Nabucodonosor saʼ li xaml?

6. Kʼaʼut naq laj Nabucodonosor kixkʼe xloqʼal li xYos laj Sadrac, laj Mesac ut laj Abednego? Kʼaru chaabʼil eetalil keʼxkanabʼ ebʼ li saaj al aʼin?

Chaasume ajwiʼ ebʼ li patzʼom aʼin:

1. Chaawil li naxye Daniel 3:​1-​30.

   1. Naq yook chi yaleʼk rix li qapaabʼal, kʼaru li chaabʼil naʼlebʼ tqakʼam qe rikʼinebʼ li ramiiw laj Daniel? (Dan. 3:​17, 18; Mat. 10:28; Rom. 14:​7, 8.)

   2. Kʼaru kixkʼut li Jehobʼa chiru laj Nabucodonosor? (Dan. 3:​28, 29; 4:​29, 33-35.)

Tzolom 78

1. Kʼaru kikʼulmank naq li awabʼej re Babilonia kixbʼaanu jun li ninqʼe ut kiroksi ebʼ li sekʼ li wank saʼ Rochoch li Jehobʼa?

2. Kʼaru kixye laj Belsasar rehebʼ laj qʼe? Kʼaru inkʼaʼ keʼru xbʼaanunkil ebʼ laj qʼe?

3. Kʼaru kiyeheʼk re laj Belsasar xbʼaan li xnaʼ?

4. Kʼaʼut naq li Yos kixbʼaanu naq jun li uqʼ ttzʼiibʼaq chiru li tzʼak?

5. Chanru kixchʼolobʼ laj Daniel xyaalal ebʼ li aatin?

6. Kʼaru kikʼulmank naq laj Daniel yook xchʼolobʼankil xyaalal ebʼ li aatin?

Chaasume ajwiʼ ebʼ li patzʼom aʼin:

1. Chaawil li naxye Daniel 5:1-31.

   1. Ma juntaqʼeet xuwankil li Jehobʼa rikʼin li kireekʼa laj Belsasar naq kiril jun li uqʼ chiru li tzʼak? (Dan. 5:​6, 7; Sal. 19:10; Rom. 8:​35-​39.)

   2. Chanru kixkʼutbʼesi laj Daniel xkawilal xchʼool naq kiʼaatinak chiru laj Belsasar ut chiruhebʼ li ninqebʼ xwankil saʼ li tenamit? (Dan. 5:​17, 18, 22, 26-​28; Hech. 4:​29.)

   3. Chanru naxkʼutbʼesi Daniel 5 naq li Jehobʼa najolomink re li Ruuchichʼochʼ? (Dan. 4:​17, 25; 5:​21.)

Tzolom 79

1. Ani laj Dario ut chanru naril laj Daniel?

2. Kʼaru kixtzʼiibʼa laj Dario xbʼaanebʼ li xikʼ nekeʼilok re laj Daniel?

3. Kʼaru kixbʼaanu laj Daniel naq keʼxkʼe jun li chaqʼrabʼ?

4. Kʼaʼut kirahoʼk saʼ xchʼool laj Dario ut kʼaru kixbʼaanu naq kisaqewk?

5. Kʼaru kixye laj Daniel naq laj Dario kiwulak chi rilbʼal saʼ xyanqebʼ li kaqkoj?

6. Kʼaru keʼxkʼul li xikʼ nekeʼilok re laj Daniel? Kʼaru li chaqʼrabʼ kixkʼe laj Dario re li xtenamit?

Chaasume ajwiʼ ebʼ li patzʼom aʼin:

1. Chaawil li naxye Daniel 6:1-28.

   1. Joʼ kixkʼul chaq laj Daniel, kʼaru nekeʼxkʼul ajwiʼ ebʼ laj Testiiw re li Jehobʼa re naq inkʼaʼ chik teʼxpuktesi li chaabʼil esilal? (Dan. 6:7; Sal. 94:20; Isa. 10:1; Rom. 8:​31.)

   2. Chanru teʼxkʼam rehebʼ laj Testiiw re li Jehobʼa rikʼin laj Daniel naq teʼkʼameʼq chiruhebʼ li nekeʼjolomink re li tenamit? (Dan. 6:​5, 10; Rom. 13:1; Hech. 5:​29.)

   3. Chanru tookʼanjelaq chi junelik chiru li Jehobʼa joʼ kixbʼaanu laj Daniel? (Dan. 6:​16, 20; Fili. 3:​16; Apoc. 7:​15.)

Tzolom 80

1. Kʼaru yookebʼ xbʼaanunkil ebʼ laj Israel?

2. Chanru kitzʼaqlok ru li raatin li Jehobʼa rikʼin laj Ciro?

3. Kʼaru kixye laj Ciro rehebʼ li inkʼaʼ keʼru chi xik Jerusalen?

4. Kʼaru kixkʼe laj Ciro rehebʼ laj Israel naq kohebʼ Jerusalen?

5. Chiru jarubʼ po keʼwulak ebʼ laj Israel saʼ li tenamit Jerusalen?

6. Jarubʼ chihabʼ kinumeʼk re naq teʼsutqʼiiq ebʼ laj Israel saʼebʼ li xtenamit?

Chaasume ajwiʼ ebʼ li patzʼom aʼin:

1. Chaawil li naxye Isaías 44:28 ut 45:​1-4.

   1. Chanru kixchʼolobʼ li Jehobʼa naq chirix laj Ciro ttzʼaqloq ru li Raatin? (Isa. 55:​10, 11; Rom. 4:​17.)

   2. Naq kitzʼaqlok ru li Raatin li Jehobʼa chirix laj Ciro, chanru naxkʼutbʼesi aʼin naq li Jehobʼa naxnaw kʼaru tkʼulmanq saʼ li kutan chaalel? (Isa. 42:9; 45:21; 46:​10, 11; 2 Ped. 1:​20.)

2. Chaawil li naxye Esdras 1:​1-​11.

   Wi naqaj xkʼambʼal qe rikʼin li inkʼaʼ keʼru chi sutqʼiik saʼ li tenamit Jerusalen, kʼaru tento tqabʼaanu re xtenqʼankilebʼ li nekeʼraj kʼanjelak chiru li Yos joʼ precursor? (Esd. 1:​4, 6; Rom. 12:13; Col. 4:​12.)

Tzolom 81

1. Jarubʼebʼ laj Israel keʼelk chaq Babilonia? Chanru keʼxtaw li tenamit Jerusalen?

2. Kʼaru keʼok xyiibʼankil ebʼ laj Israel naq keʼwulak saʼ li xtenamitebʼ? Kʼaru keʼxbʼaanu ebʼ li xikʼ nekeʼilok rehebʼ laj Israel?

3. Ani laj Ageo ut laj Zacarias ut kʼaru keʼok xyeebʼal re li tenamit?

4. Kʼaʼut naq laj Tatenai kixtaqla jun li hu saʼ li tenamit Babilonia? Kʼaru kitaqlaak xyeebʼal re laj Tatenai xbʼaan li awabʼej re Babilonia?

5. Kʼaru kixbʼaanu laj Esdras naq kirabʼi naq aajel ru xyiibʼankil li Rochoch li Yos?

6. Chaawil li eetalil, kʼaru kixpatzʼ laj Esdras re li Jehobʼa? Chanru kixsume li Jehobʼa li xtij laj Esdras? Kʼaru naqatzol chirix li tzolom aʼin?

Chaasume ajwiʼ ebʼ li patzʼom aʼin:

1. Chaawil li naxye Esdras 3:1-13.

   Kʼaru inkʼaʼ tqakanabʼ xbʼaanunkil usta wanko saʼ junaq naʼajej bʼarwiʼ maakʼaʼ junaq li chʼuut re xloqʼoninkil li Jehobʼa? (Esd. 3:​3, 6; Hech. 17:​16, 17; Heb. 13:15.)

2. Chaawil li naxye Esdras 4:​1-7.

   Kʼaru li chaabʼil eetalil kixkanabʼ qe laj Zorobabel chirix chanru xloqʼoninkil li Jehobʼa? (Éxo. 34:12; 1 Cor. 15:​33; 2 Cor. 6:​14-​17.)

3. Chaawil li naxye Esdras 5:​1-5, 17 ut 6:​1-​22.

   1. Kʼaʼut naq ebʼ li xikʼ nekeʼilok inkʼaʼ keʼru xbʼaanunkil naq ebʼ laj Israel teʼxkanabʼ xyiibʼankil li Rochoch li Yos? (Esd. 5:5; Isa. 54:17.)

   2. Chanru nekeʼkawresiik xchʼool ebʼ li cheekel winq saʼebʼ li chʼuut, xnawbʼal li keʼxbʼaanu chaq ebʼ li keʼkʼamok bʼe saʼ li tenamit Israel naq inkʼaʼ keʼkanabʼaak chi xyiibʼankil li Rochoch li Jehobʼa? (Esd. 6:​14; Sal. 32:⁠8; Rom. 8:​31; Sant. 1:⁠5.)

4. Chaawil li naxye Esdras 8:​21-​23, 28-​36.

   Joʼ kixbʼaanu laj Esdras, kʼaru raj us tqabʼaanu naq ok qe xbʼaanunkil junaq li nimla kʼanjel? (Esd. 8:​23; Sal. 127:1; Pro. 10:22; Sant. 4:​13-​15.)

Tzolom 82

1. Ani laj Mardoqueo ut li xʼEster?

2. Kʼaʼut laj Asuero kixjal rixaqil? Ani kixsikʼ choʼq rixaqil?

3. Ani laj Haman ut kʼaʼut naq kichalk xjosqʼil?

4. Kʼaru li chaqʼrabʼ kixtzʼiibʼa li awabʼej? Kʼaru kixbʼaanu li xʼEster naq kirabʼi li kitaqlaak xyeebʼal re xbʼaan laj Mardoqueo?

5. Kʼaru kixkʼul laj Haman? Kʼaru kixkʼul laj Mardoqueo?

6. Chanru keʼkoleʼk laj Israel chiruhebʼ li xikʼ nekeʼilok rehebʼ?

Chaasume ajwiʼ ebʼ li patzʼom aʼin:

1. Chaawil li naxye Ester 2:​12-​18.

   Chanru kixkʼutbʼesi li xʼEster naq aajel naq qʼunaq ut tuqtuuq qachʼool? (Est. 2:​15; 1 Ped. 3:​1-5.)

2. Chaawil li naxye Ester 4:​1-​17.

   Joʼ kixbʼaanu li xʼEster naq kiʼaatinak chirix li xtenamit, saʼebʼ li qakutan joqʼe naru tqakʼutbʼesi naq naqapaabʼ li Jehobʼa ut tiik qachʼool chiru? (Est. 4:​13, 14; Mat. 5:​14-​16; 24:14.)

3. Chaawil li naxye Ester 7:​1-6.

   Joʼ kixkʼul chaq li xʼEster, kʼaʼut nekeʼajeʼk xkamsinkil ebʼ li nekeʼloqʼonink re li Jehobʼa? (Est. 7:4; Mat. 10:​16-​22; 1 Ped. 2:​12.)

Tzolom 83

1. Chanru wankebʼ laj Israel naq maakʼaʼ xnubʼaal li tenamit Jerusalen?

2. Ani laj Nehemias?

3. Kʼaru xkʼanjel laj Nehemias? Kʼaʼut wank xwankil li xkʼanjel laj Nehemias?

4. Kʼaru kirahoʼk wiʼ xchʼool laj Nehemias ut kʼaru kixbʼaanu?

5. Chanru kixkʼutbʼesi laj Artajerjes naq chaabʼil rikʼin laj Nehemias?

6. Kʼaru kixbʼaanu laj Nehemias re naq ebʼ li xikʼ nekeʼilok rehebʼ laj Israel inkʼaʼ teʼxxaqabʼ li kʼanjel?

Chaasume ajwiʼ ebʼ li patzʼom aʼin:

1. Chaawil li naxye Nehemías 1:​4-6 ut 2:​1-​20.

   Kʼaru kixbʼaanu laj Nehemias re naq ttenqʼaaq xbʼaan li Jehobʼa? (Neh. 2:​4, 5; Rom. 12:12; 1 Ped. 4:⁠7.)

2. Chaawil li naxye Nehemías 3:​3-5.

   Kʼaru teʼxtzol ebʼ li cheekel winq li nekeʼkʼamok bʼe ut li nekeʼtenqʼank saʼ li chʼuut chirix chanru keʼkʼanjelak ebʼ laj teqoitas ut ebʼ li wankebʼ xwankil? (Neh. 3:​5, 27; 2 Tes. 3:​7-​10; 1 Ped. 5:⁠5.)

3. Chaawil li naxye Nehemías 4:​1-​23.

   1. Kʼaru kiwaklesink re xchʼool li tenamit Israel, usta ebʼ li xikʼ nekeʼilok rehebʼ inkʼaʼ keʼraj naq teʼxchoy xbʼaanunkil li kʼanjel? (Neh. 4:​6, 8, 9; Sal. 50:15; Isa. 65:​13, 14.)

   2. Chanru naxwaklesi qachʼool li keʼxbʼaanu chaq ebʼ laj Israel?

4. Chaawil li naxye Nehemías 6:15.

   Maajiʼ wiibʼ po naq kichoymank xyiibʼankil li xnubʼaal li tenamit Jerusalen, kʼaru naxkʼut chiqu chirix aʼin naq kawaq qapaabʼal chiru li Yos? (Sal. 56:​4, 5; Mat. 17:20; 19:26.)

Tzolom 84

1. Ani li ixq li wank saʼ li eetalil?

2. Kʼaru kixye li anjel Gabriel re li xMaria?

3. Chanru kixchʼolobʼ li anjel re xMaria naq twanq jun xkʼuulaʼal usta maajiʼ nawank rikʼin winq?

4. Kʼaru kikʼulmank naq li xMaria kiwulak saʼ rochoch li xʼElisabet?

5. Kʼaru kixye laj Jose naq kixnaw naq li xMaria twanq xkʼuulaʼal? Kʼaʼut laj Jose kisumlaak rikʼin li xMaria usta twanq xkʼuulaʼal?

Chaasume ajwiʼ ebʼ li patzʼom aʼin:

1. Chaawil li naxye Lucas 1:​26-​56.

   1. Kʼaʼut li Jesus inkʼaʼ kireechani li maak usta kiyoʼlaak rikʼin li xMaria? (Ageo 2:​11-​13; Luc. 1:35; Juan 6:​69; Heb. 7:​26; 10:⁠5.)

   2. Chanru kikʼeheʼk xloqʼal li Jesus naq toj maajiʼ nayoʼlaak? (Luc. 1:​41-​43.)

   3. Kʼaru chaabʼil naʼlebʼ kixkanabʼ li xMaria choʼq rehebʼ li nekeʼxkʼul xkʼanjel saʼ li xmolam li Jehobʼa? (Luc. 1:​38, 46-​49; 17:10; Pro. 11:⁠2.)

2. Chaawil li naxye Mateo 1:​18-​25.

   Usta inkʼaʼ keʼxkʼe choʼq Emmanuel li Jesus, chanru kixkʼutbʼesi naq kixyuʼami li kʼabʼaʼej aʼin naq kiwank saʼ li Ruuchichʼochʼ? (Mat. 1:​22, 23; Juan 14:​8-​10; Heb. 1:​1-3.)

Tzolom 85

1. Ani li kʼuulaʼal wank saʼ li eetalil? Bʼar kixkʼe li xkʼuulaʼal li xMaria naq kiyoʼlaak?

2. Kʼaʼut naq li Jesus kiyoʼlaak saʼ xnaʼajebʼ li xul?

3. Anihebʼ li winq li kohebʼ chi rilbʼal li Jesus? Kʼaru kixye li anjel rehebʼ li winq aʼin?

4. Kʼaʼut naq li Jesus moko juntaqʼeet ta qikʼin?

5. Kʼaʼut us xyeebʼal naq li Jesus, Ralal li Yos?

Chaasume ajwiʼ ebʼ li patzʼom aʼin:

1. Chaawil li naxye Lucas 2:​1-​20.

   1. Kʼaru li kʼanjel kixbʼaanu laj Cesar Augusto re naq ttzʼaqloq ru li kixye li Jehobʼa chirix xyoʼlajik li Jesus? (Luc. 2:​1-4; Miq. 5:⁠2.)

   2. Kʼaru tento tqabʼaanu re naq toowanq saʼ xyanqebʼ li wankebʼ rusilal li Yos rikʼinebʼ? (Mat. 16:24; Juan 17:3; Hech. 3:​19; Heb. 11:⁠6.)

   3. Wi keʼsahoʼk saʼ xchʼool ebʼ laj kʼaakʼalenel karneer re Judea naq kiyoʼlaak li Jesus, kʼaʼut naq ebʼ li nekeʼloqʼonink re li Jehobʼa tento naq sahaqebʼ ajwiʼ saʼ xchʼool? (Luc. 2:​10, 11; Efe. 3:​8, 9; Apoc. 11:15; 14:⁠6.)

Tzolom 86

1. Anihebʼ li winq li wankebʼ saʼ li eetalil? Kʼaʼut ebʼ li winq yookebʼ rilbʼal li chahim?

2. Kʼaʼut kiʼok xkʼaʼuxl laj Herodes ut kʼaru kixbʼaanu?

3. Bʼar kixkʼe ribʼ li chahim? Kʼaʼut ebʼ li winq keʼxjal xbʼe naq kohebʼ saʼ li xtenamitebʼ?

4. Naq ebʼ li winq inkʼaʼ keʼsutqʼiik rikʼin laj Herodes, kʼaru kixtaqla xbʼaanunkil laj Herodes ut kʼaʼut?

5. Kʼaru kixye li Jehobʼa re laj Jose?

6. Ani kibʼaanunk re naq li chahim tixkʼut ribʼ chiruhebʼ li winq ut kʼaʼut?

Chaasume ajwiʼ li patzʼom aʼin:

1. Chaawil li naxye Mateo 2:​1-​23.

   Jarubʼ chihabʼ wank re li Jesus ut bʼar wank naq keʼwulak ebʼ laj ilol chahim? (Mat. 2:​1, 11, 16.)

Tzolom 87

1. Jarubʼ chihabʼ wank re li Jesus? Ut bʼar wank? (Chaawil li eetalil.)

2. Kʼaru keʼxbʼaanu rajlal chihabʼ laj Jose ut li xjunkabʼal?

3. Kʼaʼut naq laj Jose ut xMaria keʼsutqʼiik saʼ li tenamit Jerusalen?

4. Bʼar keʼxtaw li Jesus naq yookebʼ xsikʼbʼal? Kʼaʼut naq ebʼ li keʼkʼutuk saʼ li Rochoch li Yos keʼsach xchʼool naq keʼrabʼi li Jesus?

5. Kʼaru kixye li Jesus re li xnaʼ?

6. Chanru tqakʼam qe rikʼin li Jesus naq nokootzolok chirix li Yos?

Chaasume ajwiʼ ebʼ li patzʼom aʼin:

1. Chaawil li naxye Lucas 2:​41-​52.

   1. sta li chaqʼrabʼ kixye naq kaʼajwiʼ ebʼ li winq teʼxik xnimankil li Paswa, kʼaru li chaabʼil eetalil keʼxkanabʼ laj Jose ut li xMaria choʼq rehebʼ li naʼbʼej yuwaʼbʼej? (Luc. 2:​41; Deu. 16:16; 31:12; Pro. 22:⁠6.)

   2. Kʼaru li chaabʼil eetalil kixkanabʼ li Jesus choʼq rehebʼ li saaj al ut ixqaʼal chirix xpaabʼankil li naʼbʼej yuwaʼbʼej? (Luc. 2:​51; Deu. 5:​16; Pro. 23:22; Col. 3:​20.)

2. Chaawil li naxye Mateo 13:​53-​56.

   Anihebʼ xkʼabʼaʼ ebʼ li 4 chi riitzʼin li Jesus? Chanru keʼok chi kʼanjelak saʼebʼ li chʼuut, wiibʼ rehebʼ li riitzʼin li Jesus? (Mat. 13:​55; Hech. 12:17; 15:​6, 13; 21:18; Gál. 1:​19; Sant. 1:1; Jud. 1.)

Tzolom 88

1. Anihebʼ li winq li wankebʼ saʼ li eetalil?

2. Chanru naʼuxmank li subʼeʼk saʼ haʼ?

3. Ani kixsubʼebʼ laj Juan saʼ haʼ?

4. Kʼaʼut li Jesus kiraj naq laj Juan tsubʼuq re saʼ haʼ?

5. Chanru kixkʼutbʼesi li Yos naq kiwulak chiru naq kisubʼeʼk saʼ haʼ li Jesus?

6. Kʼaru kixkʼul li Jesus naq xko chi kʼoxlak saʼ li chaqichʼochʼ chiru 40 kutan?

7. Anihebʼ li xbʼeen xtzolom li Jesus? Kʼaru kixbʼaanu li Jesus saʼ li xbʼeen sachbʼachʼoolej?

Chaasume ajwiʼ ebʼ li patzʼom aʼin:

1. Chaawil li naxye Mateo 3:​13-​17.

   Kʼaru li eetalil kixkanabʼ li Jesus chirix li subʼeʼk saʼ haʼ? (Sal. 40:​8, 9; Mat. 28:​19, 20; Luc. 3:​21, 22.)

2. Chaawil li naxye Mateo 4:​1-​11.

   Xnawbʼal naq li Jesus kiroksi chiʼus li Santil Hu, chanru naxkawresi qachʼool xtzolbʼal wulaj wulaj li naxye li Santil Hu? (Mat. 4:​5-7; 2 Ped. 3:​17, 18; 1 Juan 4:⁠1.)

3. Chaawil li naxye Juan 1:​29-​51.

   Chirix ani kixtaqla laj Juan ebʼ li xtzolom? Chanru tqakʼam qe rikʼin laj Juan? (Juan 1:​29, 35, 36; 3:30; Mat. 23:10.)

4. Chaawil li naxye Juan 2:​1-​12.

   Chanru naxkʼut li xbʼeen sachbʼachʼoolej li kixbʼaanu Jesus naq li Jehobʼa maakʼaʼ naxkol chiruhebʼ li nekeʼloqʼonink re? (Juan 2:​9, 10; Sal. 84:12; Sant. 1:​17.)

Tzolom 89

1. Kʼaʼut yookebʼ xkʼayinkil ebʼ li xul saʼ li Rochoch li Yos?

2. Kʼaʼut kichalk xjosqʼil li Jesus?

3. Kʼaru yook xbʼaanunkil li Jesus saʼ li eetalil? Kʼaru kixye li Jesus rehebʼ laj kʼay mukuy?

4. Kʼaru keʼjultikoʼk rehebʼ li apostol naq keʼril li kixbʼaanu li Jesus saʼ Rochoch li Yos?

5. Kʼaru xkʼabʼaʼ li teep bʼarwiʼ kinumeʼk li Jesus naq xko Galilea?

Pregunta adicional:

1. Chaawil li naxye Juan 2:​13-​25.

   Li Jesus kichalk xjosqʼil naq kirilebʼ laj kʼay saʼ li Rochoch li Xyuwaʼ, chanru tqil li kʼayink saʼ li Chʼutlebʼaal Kabʼl rehebʼ laj Testiiw re li Jehobʼa? (Juan 2:​15, 16; 1 Cor. 10:​24, 31-​33.)

Tzolom 90

1. Kʼaʼut naq li Jesus kikanaak chi xkʼatq jun li bʼekbʼil haʼ? Kʼaru kixye li Jesus re jun li ixq li kiwulak chi risinkil xhaʼ?

2. Kʼaʼut sachso xchʼool kikanaak li ixq naq li Jesus kiʼaatinank re? Kʼaru kixye li Jesus re li ixq ut kʼaʼut?

3. Kʼaru kixkʼoxla li ixq naq li Jesus kiʼaatinak chirix li haʼ? Chirix kʼaru tzʼaqal kiʼaatinak li Jesus?

4. Kʼaʼut kisach xchʼool li ixq naq li Jesus kixye re chanru li xyuʼam ut chanru kixnaw aʼin li Jesus?

5. Kʼaru naqatzol chirix li tzolom aʼin?

Chaasume ajwiʼ ebʼ li patzʼom aʼin:

1. Chaawil li naxye Juan 4:​5-​43.

   1. Chanru tento tqilebʼ li qas qiitzʼin, li nekeʼchalk saʼ jalan chik tenamit, wi naqaj xkʼambʼal qe rikʼin li Jesus? (Juan 4:9; 1 Cor. 9:​22; 1 Tim. 2:​3, 4; Tito 2:11.)

   2. Kʼaru li qʼajkamunkil nekeʼxkʼul ebʼ li nekeʼok choʼq xtzolom li Jesus? (Juan 4:​14; Isa. 58:11; 2 Cor. 4:​16.)

   3. Chanru tqakʼam qe rikʼin li ixq aj Samaria naq kixye chaq li chaabʼil esil li kiʼrabʼi rikʼin li Jesus? (Juan 4:​7, 8, 28; Mat. 6:​33; Luc. 10:​40-​42.)

Tzolom 91

1. Bʼar yook chi kʼutuk li Jesus? Anihebʼ li winq wankebʼ chi xkʼatq li Jesus?

2. Anihebʼ xkʼabʼaʼ li 12 chi apostol?

3. Kʼaru li Nimajwal Awabʼejilal chirix li kiʼaatinak wiʼ li Jesus?

4. Kʼaru kixye li Jesus naq tqatzʼaama naq tootijok?

5. Chanru kixye li Jesus naq tento teʼril ribʼebʼ li qas qiitzʼin?

Chaasume ajwiʼ ebʼ li patzʼom aʼin:

1. Chaawil li naxye Mateo 5:​1-​12.

   Chanru tqakʼutbʼesi naq tchaqiq qe chi sikʼbʼal li Yos? (Mat. 5:6; Rom. 10:​13-​15; 1 Tim. 4:​13, 15, 16.)

2. Chaawil li naxye Mateo 5:​21-​26.

   Chanru naxkʼut Mateo 5:​23, 24 naq moko us ta toowanq chiru li Jehobʼa, wi inkʼaʼ sa naqilebʼ li qahermaan? (Mat. 6:​14, 15; Sal. 133:​1; Col. 3:​13; 1 Juan 4:​20.)

3. Chaawil li naxye Mateo 6:​1-8.

   Kʼaru li yiibʼru aj naʼlebʼ keʼxbʼaanu ebʼ laj Fariseo ut inkʼaʼ us naq teʼxbʼaanu rehebʼ li nekeʼloqʼonink re li Jehobʼa? (Luc. 18:​11, 12; 1 Cor. 4:​6, 7; 2 Cor. 9:⁠7.)

4. Chaawil li naxye Mateo 6:​25-​34.

   Chanru kixkʼut li Jesus naq tento tqakʼojobʼ qachʼool rikʼin li Jehobʼa xbʼaan naq aʼan naxkʼe qe li naqaj? (Éxo. 16:4; Sal. 37:25; Fili. 4:⁠6.)

5. Chaawil li naxye Mateo 7:​1-​11.

   Kʼaru naxkʼut chiqu li eetalil li kixkʼe li Jesus saʼ Mateo 7:5? (Pro. 26:12; Rom. 2:1; 14:10; Sant. 4:​11, 12.)

Tzolom 92

1. Ani xkʼabʼaʼ xyuwaʼ li chʼina ixqaʼal li wank saʼ li eetalil? Kʼaʼut yookebʼ xkʼaʼuxl li xnaʼ xyuwaʼ li chʼina ixqaʼal?

2. Kʼaru kixbʼaanu laj Jairo naq kiwulak rikʼin li Jesus?

3. Kʼaru kixkʼul li Jesus naq kiʼelk chaq saʼ xyanq li tenamit ut xko chirix laj Jairo? Kʼaru kixye jun li winq naq laj Jairo yook chaq chi chalk rikʼin li Jesus?

4. Kʼaʼut keʼxseʼe li Jesus naq kiwulak chi rilbʼal li xrabʼin laj Jairo?

5. Kʼaru kixbʼaanu li Jesus naq kiʼok bʼarwiʼ wank li chʼina ixqaʼal, li kikamk?

6. Anihebʼ chik kixwaklesihebʼ wiʼ chik chi yoʼyo li Jesus ut kʼaru naqatzol chirix aʼin?

Chaasume ajwiʼ ebʼ li patzʼom aʼin:

1. Chaawil li naxye Lucas 8:​40-​56.

   Chanru kixkʼutbʼesi li Jesus naq chaabʼil rikʼin li ixq naq kichʼeheʼk li raqʼ? Chanru teʼxkʼam rehebʼ li cheekel winq, li nekeʼkʼamok bʼe saʼebʼ li chʼuut, rikʼin li Jesus? (Luc. 8:​43, 44, 47, 48; Lev. 15:​25-​27; Mat. 9:​12, 13; Col. 3:​12-​14.)

2. Chaawil li naxye Lucas 7:​11-​17.

   Naq tkamq junaq qakomon, chanru tixkawresi qachʼool xnawbʼal li kixbʼaanu li Jesus naq kikamk li xyum li malkaʼan re Nain? (Luc. 7:​13; 2 Cor. 1:​3, 4; Heb. 4:​15.)

3. Chaawil li naxye Juan 11:​17-​44.

   Chanru kixkʼutbʼesi li Jesus naq moko xutaanal ta yaabʼak chirix junaq kamenaq? (Juan 11:​33-​36, 38; 2 Sam. 18:33; 19:​1-4.)

Tzolom 93

1. Kʼaru keʼxbʼaanu re laj Juan? Kʼaru kixye li Jesus naq kirabʼi li keʼxbʼaanu re laj Juan?

2. Chanru kixkʼehebʼ chi waʼak li Jesus ebʼ li tenamit li keʼtaqenk re? Joʼnimal li tzakahemq kikanaak naq li tenamit kiraqeʼk chi waʼak?

3. Kʼaʼut naq keʼxuwak ebʼ li xtzolom li Jesus naq yookebʼ chi xik chiru haʼ ut kʼaru kixkʼul laj Pedro?

4. Chanru kixkʼehebʼ wiʼ chik chi waʼak li Jesus ebʼ li tenamit?

5. Kʼaʼut chaabʼil t-awabʼejinq li Jesus saʼ li Ruuchichʼochʼ?

Chaasume ajwiʼ ebʼ li patzʼom aʼin:

1. Chaawil li naxye Mateo 14:​1-​32.

   1. Kʼaru naxye Mateo 14:​23-​32 chirix li xnaʼlebʼ laj Pedro?

   2. Chanru naxchʼolobʼ li Santil Hu naq laj Pedro us kikʼoxlak ut kixjal xnaʼlebʼ? (Mat. 14:​27-​30; Juan 18:10; 21:7; Hech. 2:​14, 37-40; 1 Ped. 5:​6, 10.)

2. Chaawil li naxye Mateo 15:​29-​38.

   Chanru kixkʼutbʼesi li Jesus naq oxloqʼ chiru li kikʼeheʼk re xbʼaan li Xyuwaʼ? (Mat. 15:37; Juan 6:​12; Col. 3:​15.)

3. Chaawil li naxye Juan 6:​1-​21.

   Li Jesus kiroxloqʼihebʼ li nekeʼtaqlank saʼ li tenamit, chanru teʼxkʼam rehebʼ rikʼin li Jesus li nekeʼloqʼonink re li Jehobʼa? (Juan 6:​15; Mat. 22:21; Rom. 12:2; 13:​1-4.)

Tzolom 94

1. Kʼaʼut keʼxweechʼi ribʼ li xʼapostol li Jesus naq yookebʼ chaq chiru bʼe?

2. Kʼaʼut li Jesus kixxaqabʼ jun chʼinaʼal chiruhebʼ li xtzolom?

3. Chanru naq ebʼ li xʼapostol li Jesus joʼkaqebʼ li kokʼal?

4. Chanru kixkʼutbʼesi li Jesus naq moko jun sut ajwiʼ kixrahebʼ li kokʼal?

Chaasume ajwiʼ ebʼ li patzʼom aʼin:

1. Chaawil li naxye Mateo 18:1-4.

   Kʼaʼut li Jesus kiroksi li jaljookil ru aatin naq kikʼutuk? (Mat. 13:​34, 36; Mar. 4:​33, 34.)

2. Chaawil li naxye Mateo 19:​13-​15.

   Kʼaru tento tqatzol chirixebʼ li kokʼal wiʼ naqaj naq li Xnimajwal Awabʼejilal li Yos toorosobʼtesi? (Sal. 25:9; 138:6; 1 Cor. 14:20.)

3. Chaawil li naxye Marcos 9:​33-​37.

   Kʼaru kixye li Jesus rehebʼ li xtzolom chirix rahinkil li wankilal? (Mar. 9:​35; Mat. 20:​25, 26; Gál. 6:3; Fili. 2:​5-8.)

4. Chaawil li naxye Marcos 10:​13-​16.

   Chanru kixkʼutbʼesi li Jesus naq kixkʼe xhoonal rehebʼ li qas qiitzʼin? Kʼaru teʼxtzol rikʼin li Jesus ebʼ li cheekel winq li nekeʼkʼamok bʼe saʼebʼ li chʼuut? (Mar. 6:​30-​34; Fili. 2:​1-4; 1 Tim. 4:​12.)

Tzolom 95

1. Kʼaru kixpatzʼ jun li winq re li Jesus ut kʼaʼut?

2. Chanru kikʼutuk li Jesus? Kʼaru xqatzol chirixebʼ laj Judio ut ebʼ laj Samaria?

3. Chirix li kixseeraqʼi li Jesus, kʼaru kixkʼul jun aj Judio naq yook chi xik saʼ li tenamit Jerico?

4. Kʼaru kixbʼaanu laj tij ut laj Levita naq keʼril li winq chi tʼantʼo?

5. Ani kitenqʼank re laj Judio li keʼxteni?

6. Kʼaru kixye li Jesus naq kiraqeʼk xseeraqʼinkil li jaljookil ru aatin? Ut chanru kisumenk li winq?

Chaasume ajwiʼ ebʼ li patzʼom aʼin:

1. Chaawil li naxye Lucas 10:​25-​37.

   1. Chanru kixtenqʼa li Jesus jun li winq aj nahol chaqʼrabʼ re naq tnaʼlebʼaq? (Luc. 10:26; Mat. 16:​13-​16.)

   2. Chanru kiroksi li Jesus ebʼ li eetalil re naq ebʼ li qas qiitzʼin teʼxjal xnaʼlebʼ malaj xkʼaʼuxl? (Luc. 10:​36, 37; 18:​9-​14; Tito 1:⁠9.)

Tzolom 96

1. Kʼaru kixbʼaanu li Jesus re xtenqʼankilebʼ li qas qiitzʼin?

2. Kʼaru kixye li Jesus rehebʼ li xʼapostol naq kinumeʼk oxibʼ chihabʼ naq kisubʼeʼk saʼ haʼ?

3. Anihebʼ li wankebʼ rikʼin li Jesus? Kʼaru kixbʼaanu li Jesus re xtenqʼankil li ixq? (Chaawil li eetalil.)

4. Kʼaʼut naq keʼxutaanak ebʼ laj kʼamol bʼe naq keʼrabʼi li kixye li Jesus?

5. Kʼaru kixbʼaanu li Jesus rehebʼ li wiibʼ chi mutzʼ?

6. Kʼaʼut kixbʼaanu naabʼal li sachbʼachʼoolej li Jesus?

Chaasume ajwiʼ ebʼ li patzʼom aʼin:

1. Chaawil li naxye Mateo 15:​30, 31.

   Chanru kixkʼutbʼesi li Jesus li xwankil li Jehobʼa? Chanru nokooxtenqʼa xnawbʼal li tixbʼaanu li Jehobʼa saʼ li akʼ Ruuchichʼochʼ? (Sal. 37:29; Isa. 33:24.)

2. Chaawil li naxye Lucas 13:​10-​17.

   Li Jesus kixtenqʼahebʼ li qas qiitzʼin saʼ li kutan Sabado, chanru kixkʼutbʼesi aʼin chixjunil li tixbʼaanu li Jesus naq t-awabʼejinq chiru jun mil chihabʼ? (Luc. 13:​10-​13; Sal. 46:10; Mat. 12:8; Col. 2:​16, 17; Apoc. 21:​1-4.)

3. Chaawil li naxye Mateo 20:​29-​34.

   Chanru kixkʼutbʼesi li Jesus naq kixtenqʼahebʼ li qas qiitzʼin usta naabʼal xkʼanjel? Kʼaru naqatzol chirix aʼin? (Deu. 15:7; Sant. 2:​15, 16; 1 Juan 3:​17.)

Tzolom 97

1. Naq li Jesus kiwulak saʼ jun li kʼalebʼaal nachʼ chiru Jerusalen, kʼaru kixye rehebʼ li xtzolom?

2. Kʼaru keʼxbʼaanu ebʼ li qas qiitzʼin naq li Jesus yook chi ok saʼ li tenamit Jerusalen?

3. Kʼaru keʼxbʼaanu ebʼ li kokʼal naq li Jesus kixkʼirtasihebʼ li mutzʼ ut ebʼ li sik?

4. Kʼaru kixye li Jesus naq keʼjosqʼoʼk ebʼ laj tij?

5. Chanru tqakʼam qe rikʼinebʼ li kokʼal li keʼxkʼe xloqʼal li Jesus?

6. Kʼaru keʼraj xnawbʼal ebʼ li xtzolom li Jesus?

Chaasume ajwiʼ ebʼ li patzʼom aʼin:

1. Chaawil li naxye Mateo 21:​1-​17.

   1. Joʼ chanru kiʼok li Jesus saʼ li tenamit Jerusalen, ma joʼkan ajwiʼ keʼok ebʼ laj Roma naq keʼelk chiʼus saʼebʼ li yalok? (Mat. 21:​4, 5; Zac. 9:9; Fili. 2:​5-8; Col. 2:​15.)

   2. Kʼaru tento teʼxtzol ebʼ li saaj al ut saaj ixqaʼal rikʼinebʼ li kokʼal aj Israel naq li Jesus kiʼok saʼ li Rochoch li Yos, joʼ naxye saʼ li Salmo 118? (Mat. 21:​9, 15; Sal. 118:​25, 26; 2 Tim. 3:​15; 2 Ped. 3:​18.)

2. Chaawil li naxye Juan 12:​12-​16.

   Kʼaru xyaalal naq li tenamit kixkʼe xaq li cheʼ saʼ li bʼe re naq li Jesus t-oq saʼ li tenamit Jerusalen? (Juan 12:13; Fili. 2:​10; Apoc. 7:​9, 10.)

Tzolom 98

1. Saʼ xyanq ebʼ li winq li wank saʼ li eetalil, ani li Jesus? Anihebʼ li wankebʼ rikʼin li Jesus?

2. Kʼaru keʼraj xbʼaanunkil ebʼ laj tij re li Jesus naq wank saʼ li Rochoch li Yos ut kʼaru kixye rehebʼ?

3. Kʼaru keʼxpatzʼ re li Jesus ebʼ li xtzolom?

4. Kʼaʼut li Jesus kiʼaatinak rikʼinebʼ li xtzolom chirix li tkʼulmanq saʼ li Ruuchichʼochʼ naq yooq chi awabʼejink saʼ choxa?

5. Li Jesus trisi li maaʼusilal saʼ li Ruuchichʼochʼ, abʼan kʼaru tkʼulmanq xbʼeenwa?

Chaasume ajwiʼ ebʼ li patzʼom aʼin:

1. Chaawil li naxye Mateo 23:​1-​39.

   1. Usta li Santil Hu naʼaatinak chirix roksinkil li ruuchil kʼabʼaʼej, abʼan kʼaru kixye li Jesus saʼ Mateo 23:8-11 chirix li kʼabʼaʼej re xkʼeebʼal xwankil li nekeʼkʼamok bʼe saʼebʼ li chʼuut? (Hech. 26:25; Rom. 13:7; 1 Ped. 2:​13, 14.)

   2. Kʼaru keʼxbʼaanu ebʼ laj Fariseo re naq ebʼ li poyanam inkʼaʼ teʼpaabʼanq? Ut chanru yookebʼ ajwiʼ xbʼaanunkil aʼin, saʼebʼ li qakutan ebʼ li nekeʼkʼamok bʼe saʼebʼ li paabʼal? (Mat. 23:13; Luc. 11:52; Juan 9:​22; 12:42; 1 Tes. 2:​16.)

2. Chaawil li naxye Mateo 24:​1-​14.

   1. Kʼaru naxye Mateo 24:13 chirix li kuyum?

   2. Kʼaru naraj xyeebʼal Mateo 24:13 naq naʼaatinak chirix ‹li rosoʼjik›? (Mat. 16:27; Rom. 14:​10-​12; 2 Cor. 5:​10.)

3. Chaawil li naxye Marcos 13:​3-​10.

   Chanru naxkʼutbʼesi Marcos 13:10 naq aajel ru xpuktesinkil li chaabʼil esilal ut chanru tento tqil li kixye li Jesus saʼ li raqal aʼin? (Rom. 13:​11, 12; 1 Cor. 7:​29-​31; 2 Tim. 4:⁠2.)

Tzolom 99

1. Kʼaʼut li Jesus ut ebʼ li xtzolom wankebʼ saʼ jun li ochoch?

2. Ani li winq yook chi elk saʼ li ochoch ut bʼar yook chi xik?

3. Kʼaru jun chik xnimal waʼak kixbʼaanu li Jesus, naq keʼraqeʼk xnimankil li Paswa?

4. Kʼaru keʼxjultika ebʼ laj Israel naq keʼxnima li Paswa? Ut kʼaru najultikoʼk qe naq naqanima li waʼak li kixbʼaanu li Jesus rikʼinebʼ li xtzolom?

5. Naq keʼraqeʼk xnimankil li waʼak, kʼaru kixye li Jesus rehebʼ li xtzolom ut kʼaru keʼxbʼaanu aʼanebʼ?

Chaasume ajwiʼ ebʼ li patzʼom aʼin:

1. Chaawil li naxye Mateo 26:​14-​30.

   1. Chanru naxchʼolobʼ Mateo 26:15 naq laj Judas naxnaw naq nimla maak kixbʼaanu re li Jesus?

   2. Kʼaru wiibʼ xyaalal li xkikʼel li Jesus? (Mat. 26:​27, 28; Jer. 31:​31-​33; Efe. 1:7; Heb. 9:​19, 20.)

2. Chaawil li naxye Lucas 22:​1-​39.

   Kʼaru naraj xyeebʼal naq laj Tza kiʼok rikʼin laj Judas? (Luc. 22:3; Juan 13:2; Hech. 1:​24, 25.)

3. Chaawil li naxye Juan 13:​1-​20.

   1. Li Santil Hu naxye saʼ Juan 13:2 naq laj Tza kixkʼe saʼ xchʼool laj Judas xkʼayinkil li Jesus, ma wank xmaak laj Judas naq kixbʼaanu aʼin? Kʼaru tento teʼxtzol ebʼ li nekeʼloqʼonink re li Jehobʼa chirix aʼin? (Gén. 4:7; 2 Cor. 2:​11; Gál. 6:⁠1; Sant. 1:​13, 14.)

   2. Kʼaru kixye li Jesus naq tento tqabʼaanu? (Juan 13:15; Mat. 23:11; 1 Ped. 2:​21.)

4. Chaawil li naxye Juan 17:​1-​26.

   Kʼaru kiraj xyeebʼal li Jesus naq kixye rehebʼ li xtzolom naq ‹junajaqebʼ›? (Juan 17:​11, 21-​23; Rom. 13:8; 14:19; Col. 3:​14.)

Tzolom 100

1. Bʼar xko li Jesus ut ebʼ li xʼapostol naq keʼelk saʼ li ochoch bʼarwiʼ keʼxnima li waʼak? Ut kʼaru kixye li Jesus naq teʼxbʼaanu ebʼ li xtzolom?

2. Kʼaru yookebʼ xbʼaanunkil ebʼ li xʼapostol li Jesus naq kiwulak chi rilbʼalebʼ ut jarubʼ sut kixtawebʼ chi joʼkan?

3. Anihebʼ kohebʼ chi xtawbʼal li Jesus aran Getsemani ut kʼaru kixbʼaanu laj Judas Iscariote?

4. Kʼaʼut naq laj Judas kixtzʼubʼ ru li Jesus ut kʼaru kixbʼaanu laj Pedro?

5. Kʼaru kixye li Jesus re laj Pedro? Kʼaʼut naq li Jesus inkʼaʼ kixpatzʼ re li Yos naq tkoleʼq xbʼaan junaq li anjel?

Chaasume ajwiʼ ebʼ li patzʼom aʼin:

1. Chaawil li naxye Mateo 26:​36-​56.

   1. Li Jesus kixkʼehebʼ xnaʼlebʼ li xtzolom, kʼaʼut naq aʼin jun chaabʼil eetalil choʼq rehebʼ li cheekel winq, li nekeʼkʼamok bʼe saʼebʼ li chʼuut? (Mat. 20:​25-​28; 26:​40, 41; Gál. 5:​17; Efe. 4:​29, 31, 32.)

   2. Kʼaru kixkʼoxla li Jesus naq laj Pedro kirisi chaq xchʼiichʼ? (Mat. 26:52; Luc. 6:​27, 28; Juan 18:36.)

2. Chaawil li naxye Lucas 22:​39-​53.

   Jun li anjel kiwulak Getsemani chi xkawresinkil xchʼool li Jesus, ma naraj xyeebʼal aʼin naq li Jesus inkʼaʼ kaw xpaabʼal? (Luc. 22:​41-​43; Isa. 49:8; Mat. 4:​10, 11; Heb. 5:⁠7.)

3. Chaawil li naxye Juan 18:​1-​12.

   Chanru kixkolebʼ li xtzolom li Jesus chiruhebʼ li xikʼ keʼilok rehebʼ ut kʼaru tqatzol chirix li xnaʼlebʼ li Jesus? (Juan 10:​11, 12; 18:​1, 6-9; Heb. 13:6; Sant. 2:​25.)

Tzolom 101

1. Ani tzʼaqal kikamsink re li Jesus?

2. Naq ebʼ li xbʼeenil laj tij keʼxkʼam li Jesus, kʼaru keʼxbʼaanu ebʼ li xtzolom?

3. Kʼaru kixkʼul li Jesus saʼ rochoch laj Caifas?

4. Kʼaʼut kiʼelk laj Pedro chiru li Jesus ut kiʼok chi yaabʼak?

5. Kʼaru keʼxye li xbʼeenil laj tij naq keʼxkʼam wiʼ chik li Jesus rikʼin laj Pilato?

6. Kʼaru keʼxbʼaanu re li Jesus saʼ li Viernes ewuuk? Kʼaru kixye li Jesus re laj elqʼ?

7. Bʼar twanq li Sahilal Naʼajej chirix li kiʼaatinak li Jesus?

Chaasume ajwiʼ ebʼ li patzʼom aʼin:

1. Chaawil li naxye Mateo 26:​57-​75.

   Chanru keʼxkʼutbʼesi ebʼ laj raqol aatin naq wank maaʼusilal saʼebʼ li raanm? (Mat. 26:​59, 67, 68.)

2. Chaawil li naxye Mateo 27:​1-​50.

   Kʼaʼut naq moko yaal ta naq kiyotʼeʼk xchʼool laj Judas naq kixqʼaxtesi li Jesus? (Mat. 27:​3, 4; Mar. 3:​29; 14:21; 2 Cor. 7:​10, 11.)

3. Chaawil li naxye Lucas 22:​54-​71.

   Kʼaru naqatzol chirix laj Pedro naq yookebʼ chi raqok aatin chirix li Jesus? (Luc. 22:​60-​62; Mat. 26:​31-​35; 1 Cor. 10:12.)

4. Chaawil li naxye Lucas 23:​1-​49.

   Kʼaru kixbʼaanu li Jesus naq yookebʼ xrahobʼtesinkil ut kʼaru naqatzol chirix aʼin? (Luc. 23:​33, 34; Rom. 12:​17-​19; 1 Ped. 2:​23.)

5. Chaawil li naxye Juan 18:​12-​40.

   Kʼaru naqatzol chirix laj Pedro naq kikʼanjelak chiʼus choʼq apostol, usta kixuwak chiruhebʼ li xikʼ keʼilok re li Jesus? (Juan 18:​25-​27; 1 Cor. 4:2; 1 Ped. 3:​14, 15; 5:​8, 9.)

6. Chaawil li naxye Juan 19:​1-​30.

   1. Kʼaru kixkʼoxla li Jesus chirix li bʼihomal? (Juan 2:​1, 2, 9, 10; 19:​23, 24; Mat. 6:​31, 32; 8:​20.)

   2. Naq ak kamk re li Jesus, chanru kixkʼutbʼesi naq li Jehobʼa wank xkʼulubʼ re naq t-awabʼejinq saʼ qabʼeen? (Juan 16:33; 19:30; 2 Ped. 3:​14; 1 Juan 5:⁠4.)

Tzolom 102

1. Ani li ixq li wank saʼ li eetalil? Anihebʼ li winq li wankebʼ saʼ li eetalil ut bʼar wankebʼ?

2. Kʼaʼut kixye laj Pilato rehebʼ laj tij naq teʼxtaqla ebʼ laj puubʼ chi xkʼaakʼalenkil li jul?

3. Kʼaru kixbʼaanu jun li anjel chire li bʼekbʼil jul naq ak oxibʼ kutan xkamik li Jesus? Kʼaru keʼxbʼaanu ebʼ laj tij?

4. Kʼaʼut keʼsach xchʼool ebʼ li ixq naq kohebʼ chi rilbʼal li Jesus saʼ li jul?

5. Kʼaʼut laj Pedro ut laj Juan kohebʼ rilbʼal li bʼekbʼil jul bʼarwiʼ kikʼeheʼk li Jesus?

6. Kʼaru kikʼulmank rikʼin xtibʼel li Jesus naq kiwakliik wiʼ chik chi yoʼyo? Kʼaru kixbʼaanu li Jesus re xkʼutbʼesinkil ribʼ chiruhebʼ li xtzolom?

Chaasume ajwiʼ ebʼ li patzʼom aʼin:

1. Chaawil li naxye Mateo 27:​62-​66 ut 28:​1-​15.

   Chanru keʼmaakobʼk chiru li santil musiqʼej ebʼ li xbʼeenilebʼ laj tij, ebʼ laj Fariseo ut ebʼ li cheekel winq? (Mat. 12:​24, 31, 32; 28:​11-​15.)

2. Chaawil li naxye Lucas 24:​1-​12.

   Chanru kixkʼutbʼesi li Jehobʼa naq oxloqʼ chiru ebʼ li ixq, naq kiwaklesiik wiʼ chik chi yoʼyo li Jesus? (Luc. 24:​4, 9, 10; Mat. 28:​1-7.)

3. Chaawil li naxye Juan 20:​1-​12.

   Chanru tooxtenqʼa li naxye Juan 20:​8, 9 naq inkʼaʼ naqataw ru li naxye li Santil Hu? (Pro. 4:​18; Mat. 17:​22, 23; Luc. 24:​5-8; Juan 16:12.)

Tzolom 103

1. Naq li xMaria kiʼilok chirix naq wank saʼ li muqlebʼaal, kʼaru kixye jun li winq re li xMaria? Chanru kixkʼe reetal li xMaria naq li winq aʼan li Jesus?

2. Kʼaru keʼxkʼul wiibʼ li xtzolom li Jesus naq yookebʼ chi xik Emaus?

3. Naq ebʼ li tzolom keʼxye rehebʼ li apostol naq keʼril ru li Jesus, kʼaru kikʼulmank?

4. Jarubʼ sut kixkʼut ribʼ li Jesus?

5. Kʼaru kixye laj Tomas naq keʼxye re naq keʼril ru li Jesus ut kʼaru kikʼulmank naq kinumeʼk waqxaqibʼ kutan?

Chaasume ajwiʼ ebʼ li patzʼom aʼin:

1. Chaawil li naxye Juan 20:​11-​29.

   Ma kiraj xyeebʼal li Jesus saʼ Juan 20:23 naq tenebʼanbʼil saʼ qabʼeen li kuyuk maak? (Sal. 49:​3, 8; Isa. 55:7; 1 Tim. 2:​5, 6; 1 Juan 2:​1, 2.)

2. Chaawil li naxye Lucas 24:​13-​43.

   Kʼaru tento tqabʼaanu re naq tqataw ru li naxye li Santil hu? (Luc. 24:​32, 33; Esd. 7:​10; Mat. 5:3; Hech. 16:14; Heb. 5:​11-​14.)

Tzolom 104

1. Chiru jun sut ajwiʼ, jarubʼebʼ li xtzolom li Jesus keʼril ru? Kʼaru kixye li Jesus rehebʼ?

2. Kʼaru li Nimajwal Awabʼejilal chirix li kiʼaatinak li Jesus? Chanruhaq li yuʼam saʼ li Ruuchichʼochʼ naq li Jesus t-awabʼejinq chiru li jun mil chihabʼ?

3. Chiru jarubʼ kutan kixkʼut ribʼ li Jesus chiruhebʼ li xtzolom? Kʼaru li hoonal ak yook chi nachʼok chiru li Jesus?

4. Kʼaru kixye li Jesus rehebʼ li xtzolom naq ok re xkanabʼankilebʼ?

5. Kʼaru yook chi kʼulmank saʼ li eetalil ut kʼaru kimuquk re li Jesus?

Chaasume ajwiʼ ebʼ li patzʼom aʼin:

1. Chaawil li naxye 1 Corintios 15:​3-8.

   Kʼaʼut chʼolchʼo chiru laj Pablo naq kixye naq li Jesus kiwakliik wiʼ chik chi yoʼyo? Saʼebʼ li qakutan, chirix kʼaru teʼaatinaq ebʼ li nekeʼpaabʼank re li Jehobʼa? (1 Cor. 15:​4, 7, 8; Isa. 2:​2, 3; Mat. 24:​14; 2 Tim. 3:​1-5.)

2. Chaawil li naxye Hechos 1:​1-​11.

   Joʼ naxye Hechos 1:​8, toj bʼar kiwulak resil li chaabʼil esilal? (Hech. 6:7; 9:​31; 11:​19-​21; Col. 1:​23.)

Tzolom 105

1. Kʼaru keʼxkʼul ebʼ li xtzolom li Jesus naq keʼkanaak chi oybʼenink saʼ li tenamit Jerusalen?

2. Kʼaʼut sachsookebʼ xchʼool keʼkanaak ebʼ li qas qiitzʼin naq keʼrabʼi li kiʼeekʼank chaq saʼ li ochoch?

3. Kʼaru kixchʼolobʼ laj Pedro chiruhebʼ li qas qiitzʼin?

4. Kʼaru keʼreekʼa ebʼ li qas qiitzʼin naq keʼrabʼi laj Pedro ut kʼaru keʼxbʼaanu?

5. Jarubʼebʼ keʼxsubʼ ribʼ saʼ haʼ saʼ li Pentecostes re li chihabʼ 33?

Chaasume ajwiʼ ebʼ li patzʼom aʼin:

1. Chaawil li naxye Hechos 2:​1-​47.

   1. Chanru kixchʼolobʼ laj Pedro saʼ Hechos 2:23, 36 naq ebʼ laj Judio wankebʼ re, naq kikamk li Jesus? (1 Tes. 2:​14, 15.)

   2. Kʼaru li chaabʼil eetalil kixkanabʼ laj Pedro chirix roksinkil chiʼus li Santil Hu? (Hech. 2:​16, 17, 29, 31, 36, 39; Col. 4:⁠6.)

   3. Chanru kiroksi laj Pedro li ‹law› li kiyeechiʼiik re xbʼaan li Jesus? (Hech. 2:​14, 22-​24, 37, 38; Mat. 16:19.)

Tzolom 106

1. Kʼaru kixkʼul laj Pedro ut laj Juan naq yookebʼ chi ok saʼ li Rochoch li Yos?

2. Kʼaru kixye laj Pedro re li sik? Kʼaru kixkʼe laj Pedro re li sik?

3. Kʼaʼut naq keʼchalk xjosqʼil li xbʼeenil laj tij ut kʼaru keʼxbʼaanu re laj Pedro ut laj Juan?

4. Kʼaru kixye laj Pedro rehebʼ li xbʼeenil laj tij? Kʼaru keʼxye li xbʼeenil laj tij rehebʼ li apostol?

5. Kʼaʼut naq keʼkaqaliik ebʼ li apostol? Kʼaru kikʼulmank naq keʼkʼeheʼk saʼ tzʼalam saʼ xkabʼ sut?

6. Kʼaru keʼxye ebʼ li apostol naq keʼkʼameʼk saʼ li Sanedrin, bʼarwiʼ nekeʼraqok aatin?

Chaasume ajwiʼ ebʼ li patzʼom aʼin:

1. Chaawil li naxye Hechos 3:​1-​10.

   Usta inkʼaʼ nokooru xbʼaanunkil li sachbʼachʼoolej, chanru nokooxtenqʼa li kixye laj Pedro saʼ Hechos 3:6 chi roxloqʼinkil li esil chirix li Xnimajwal Awabʼejilal li Yos? (Juan 17:3; 2 Cor. 5:​18-​20; Fili. 3:⁠8.)

2. Chaawil li naxye Hechos 4:​1-​31.

   Naq inkʼaʼ sa nokooʼeʼxkʼul naq yooko xpuktesinkil li chaabʼil esilal, chanru tqakʼam qe rikʼinebʼ li keʼwank chaq saʼ li qʼe kutan? (Hech. 4:​29, 31; Efe. 6:​18-​20; 1 Tes. 2:⁠2.)

3. Chaawil li naxye Hechos 5:​17-​42.

   Chanru keʼxkʼutbʼesi li keʼwank chaq najter ut li wankebʼ saʼebʼ li qakutan naq oxloqʼ chiruhebʼ li chaabʼil esilal, usta inkʼaʼ nekeʼxloqʼoni li Jehobʼa? (Hech. 5:​34-​39.)

Tzolom 107

1. Ani laj Esteban? Kʼaru kixbʼaanu laj Esteban xbʼaan naq li Yos kitenqʼank re?

2. Kʼaru kixye laj Esteban naq keʼchalk xjosqʼil ebʼ li xbʼeenil laj tij?

3. Kʼaru keʼxbʼaanu re laj Esteban naq keʼrisi saʼ li tenamit?

4. Ani li saaj al li keʼxkanabʼ li tʼikr chi roq?

5. Kʼaru kixpatzʼ laj Esteban re li Jehobʼa naq ak kamk re?

6. Chanru tqakʼam qe rikʼin laj Esteban naq teʼxbʼaanu qe li maaʼusilal?

Chaasume ajwiʼ ebʼ li patzʼom aʼin:

1. Chaawil li naxye Hechos 6:​8-​15.

   Kʼaru nekeʼxbʼaanu ebʼ li nekeʼkʼamok bʼe saʼebʼ li paabʼal re naq ebʼ laj Testiiw re li Jehobʼa teʼxkanabʼ xpuktesinkil li chaabʼil esilal? (Hech. 6:​9, 11, 13.)

2. 1. Chaawil li naxye Hechos 7:​1-​60. Kʼaru kitenqʼank re laj Esteban chi xkolbʼal rix li chaabʼil esilal chiru li Sanedrin ut kʼaru naqatzol chirix aʼin? (Hech. 7:​51-​53; Rom. 15:4; 2 Tim. 3:​14-​17; 1 Ped. 3:​15.)

   2. Kʼaru tento tqabʼaanu naq ebʼ li qas qiitzʼin inkʼaʼ tooʼeʼxkanabʼ chi xpuktesinkil li chaabʼil esilal? (Hech. 7:​58-​60; Mat. 5:​44; Luc. 23:​33, 34.)

Tzolom 108

1. Kʼaru kixbʼaanu laj Saulo naq ak kamenaq chik laj Esteban?

2. Kʼaru kixkʼul laj Saulo naq xko Damasco?

3. Kʼaru kixye li Jesus re laj Saulo?

4. Kʼaru kixye li Jesus re laj Ananias? Chanru kiʼilok wiʼ chik laj Saulo?

5. Kʼaru li kʼabʼaʼej kikʼeheʼk re laj Saulo? Kʼaru li kʼanjel kixbʼaanu laj Saulo?

Chaasume ajwiʼ ebʼ li patzʼom aʼin:

1. Chaawil li naxye Hechos 8:​1-4.

   Naq ebʼ li xtzolom li Jesus keʼrahobʼtesiik, chanru kitenqʼank aʼin re xpuktesinkil li chaabʼil esilal saʼ jalan chik tenamit? Chanru yook chi kʼulmank aʼin saʼebʼ li qakutan? (Hech. 8:4; Isa. 54:17.)

2. Chaawil li naxye Hechos 9:​1-​20.

   Bʼar wank re li oxibʼ chi kʼanjel kixkʼe li Jesus re laj Saulo? (Hech. 9:​15; 13:⁠5; 26:​1; 27:24; Rom. 11:13.)

3. Chaawil li naxye Hechos 22:​6-​16.

   Chanru tqakʼam qe rikʼin laj Ananias ut kʼaʼut aajel ru naq tqabʼaanu aʼin? (Hech. 22:12; 1 Tim. 3:7; 1 Ped. 1:​14-​16; 2:​12.)

4. Chaawil li naxye Hechos 26:​8-​20.

   Laj Saulo kixjal xnaʼlebʼ ut kiʼok xpaabʼankil li Jehobʼa, chanru naxkawresihebʼ xchʼool aʼin, ebʼ li sumsuukebʼ rikʼin li inkʼaʼ nekeʼxloqʼoni li Jehobʼa? (Hech. 26:11; 1 Tim. 1:​14-​16; 2 Tim. 4:2; 1 Ped. 3:​1-3.)

Tzolom 109

1. Ani li winq yook xwiqʼibʼankil ribʼ?

2. Kʼaru kixye jun li anjel re laj Cornelio?

3. Kʼaru kixkʼut li Yos chiru laj Pedro naq wank saʼ rochoch laj Simon aran Jope?

4. Kʼaʼut kixye laj Pedro re laj Cornelio naq inkʼaʼ tixwiqʼibʼ ribʼ chiru, chi moko tixkʼe ta xloqʼal?

5. Kʼaʼut naq sachso xchʼool keʼkanaak ebʼ laj Judio, li wankebʼ rikʼin laj Pedro?

6. Kʼaru tento tqatzol naq laj Pedro kiwulak rikʼin laj Cornelio?

Chaasume ajwiʼ ebʼ li patzʼom aʼin:

1. Chaawil li naxye Hechos 10:​1-​48.

   Kʼaru naxkʼut chiqu li kixye laj Pedro saʼ Hechos 10:42 chirix xpuktesinkil li chaabʼil esilal? (Mat. 28:19; Mar. 13:10; Hech. 1:⁠8.)

2. Chaawil li naxye Hechos 11:​1-​18.

   Kʼaru kixbʼaanu laj Pedro naq li Yos kixtaqla rikʼinebʼ li maawaʼebʼ aj Judio? Chanru tqakʼam qe rikʼin laj Pedro? (Hech. 11:​17, 18; 2 Cor. 10:5; Efe. 5:​17.)

Tzolom 110

1. Ani xkʼabʼaʼ li saaj al li wank saʼ li eetalil ut bʼar kiyoʼlaak chaq? Ani xkʼabʼaʼ li xnaʼ ut li xnaʼchin li saaj al?

2. Kʼaru kixye laj Timoteo naq laj Pablo kixye re naq ma traj xik chirix ut chirix laj Silas chi xpuktesinkil li chaabʼil esilal?

3. Saʼ kʼaru chi tenamit wankebʼ li xtzolom li Jesus naq keʼkʼeheʼk xkʼabʼaʼ choʼq aj paabʼanel?

4. Kʼaru xkʼabʼaʼ ebʼ li tenamit bʼarwiʼ keʼwulak laj Pablo, laj Silas ut laj Timoteo naq keʼelk chaq Listra?

5. Chanru kitenqʼaak laj Pablo xbʼaan laj Timoteo? Kʼaru li patzʼom tento teʼxbʼaanu ebʼ li saaj al ut ixqaʼal?

Chaasume ajwiʼ ebʼ li patzʼom aʼin:

1. Chaawil li naxye Hechos 9:​19-​30.

   Chanru kixkʼutbʼesi laj Pablo naq inkʼaʼ kixkʼe ribʼ saʼ rahilal naq kixpuktesi li chaabʼil esilal saʼ xyanqebʼ li xikʼ keʼilok re? (Hech. 9:​22-​25, 29, 30; Mat. 10:16.)

2. Chaawil li naxye Hechos 11:​19-​26.

   Chanru naxchʼolobʼ Hechos 11:​19-​21, 26 naq li xsantil musiqʼej li Jehobʼa yook chi xbʼeeresinkil li kʼanjel re xpuktesinkil li chaabʼil esilal?

3. Chaawil li naxye Hechos 13:​13-​16, 42-​52.

   Chanru naxkʼutbʼesi Hechos 13:​51, 52 naq ebʼ li xtzolom li Jesus inkʼaʼ keʼrahoʼk saʼ xchʼool naq keʼrahobʼtesiik? (Mat. 10:14; Hech. 18:⁠6; 1 Ped. 4:​14.)

4. Chaawil li naxye Hechos 14:​1-6, 19-​28.

   Chanru nokooxtenqʼa xnawbʼal li naxye li Santil Hu ‹keʼxqʼaxtesihebʼ saʼ ruqʼ li Jehobʼa› naq yook qakʼaʼuxl chirix xtenqʼankilebʼ li toj yookebʼ chi ok saʼ li paabʼal? (Hech. 14:​21-​23; 20:32; Juan 6:​44.)

5. Chaawil li naxye Hechos 16:​1-5.

   Naq laj Timoteo kixkʼul li circuncision, chanru kixkʼutbʼesi aʼin naq aajel ru xbʼaanunkil chixjunil saʼ xkʼabʼaʼ li chaabʼil esilal? (Hech. 16:3; 1 Cor. 9:​23; 1 Tes. 2:⁠8.)

6. Chaawil li naxye Hechos 18:​1-​11, 18-​22.

   Chanru naxkʼut Hechos 18:​9, 10 naq li Jesus yook xkʼeebʼal xchʼool chi xjolominkil li kʼanjel re xpuktesinkil li chaabʼil esilal? Chanru naxkʼojobʼ qachʼool xnawbʼal aʼin? (Mat. 28:20.)

Tzolom 111

1. Ani li chʼinaʼal wank chiru chʼochʼ ut kʼaru kixkʼul?

2. Kʼaru kixbʼaanu laj Pablo naq kikamk li chʼinaʼal?

3. Bʼar xko laj Pablo, laj Timoteo ut ebʼ li yookebʼ chi ochbʼeenink re? Kʼaru kikʼulmank naq keʼwulak Mileto?

4. Kʼaru kixye laj Agabo, laj kʼanjel chiru li Yos, re laj Pablo? Chanru kitzʼaqlok ru li kixye laj Agabo?

Chaasume ajwiʼ ebʼ li patzʼom aʼin:

1. Chaawil li naxye Hechos 20:​7-​38.

   1. Chanru maakʼaʼaq qamaak chirixebʼ li xkikʼel li qas qiitzʼin joʼ naxye saʼ Hechos 20:26, 27? (Eze. 33:8; Hech. 18:​6, 7.)

   2. Kʼaʼut ebʼ li cheekel winq, li nekeʼkʼamok bʼe saʼebʼ li chʼuut, tento naq teʼkʼutuq rikʼin li Santil Hu? (Hech. 20:​17, 29, 30; Tito 1:​7-9; 2 Tim. 1:​13.)

2. Chaawil li naxye Hechos 26:​24-​32.

   Chanru kixbʼaanu laj Pablo re xpuktesinkil li chaabʼil esilal xbʼaan naq aj Roma? (Hech. 9:​15; 16:​37, 38; 25:​11, 12; 26:32; Luc. 21:​12, 13.)

Tzolom 112

1. Kʼaru kixkʼul li jukubʼ bʼarwiʼ yook chi xik laj Pablo naq wankebʼ nachʼ saʼ li naʼaj Creta?

2. Kʼaru kixye laj Pablo rehebʼ li wankebʼ rochbʼeen saʼ li jukubʼ?

3. Kʼaʼut naq kijukʼeʼk li jukubʼ?

4. Kʼaru kixye laj jolominel aj puubʼ rehebʼ li wankebʼ saʼ li jukubʼ ut jarubʼebʼ keʼkoleʼk?

5. Kʼaru xkʼabʼaʼ li naʼaj bʼarwiʼ keʼkoleʼk? Kʼaru keʼxbʼaanu rikʼin laj Pablo naq kiʼchaabʼiloʼk ru li kutan?

Chaasume ajwiʼ ebʼ li patzʼom aʼin:

1. Chaawil li naxye Hechos 27:​1-​44.

   Naq kitzʼiibʼamank li kixkʼul chaq laj Pablo, chanru naxkawresi qachʼool aʼin chirix li Santil Hu? (Hech. 27:​16-​19, 27-​32; Luc. 1:3; 2 Tim. 3:​16, 17.)

2. Chaawil li naxye Hechos 28:​1-​14.

   Li wankebʼ saʼ li naʼajej Malta inkʼaʼ nekeʼxloqʼoni li Yos, abʼan keʼxtenqʼa laj Pablo ut ebʼ li wankebʼ rochbʼeen, naq naqil aʼin, kʼaru raj tento tqabʼaanu laaʼo ut chanru raj ru us tqabʼaanu? (Hech. 28:​1, 2; Heb. 13:​1, 2; 1 Ped. 4:​9.)

Tzolom 113

1. Rehebʼ ani kixpuktesi li chaabʼil esilal laj Pablo naq kiwank saʼ tzʼalam?

2. Ani li winq wank rikʼin laj Pablo ut kʼaru yook xbʼaanunkil?

3. Ani laj Epafrodito? Kʼaru kixkʼam laj Epafrodito naq kisutqʼiik Filipos?

4. Kʼaʼut naq laj Pablo kixtzʼiibʼa jun li esil hu choʼq re laj Filemon, li ramiiw?

5. Kʼaru kixbʼaanu laj Pablo naq kiʼelk chaq saʼ tzʼalam? Kʼaru kixkʼul wiʼ chik laj Pablo?

6. Ani kiroksi li Jehobʼa re xtzʼiibʼankil ebʼ li xkomon li tasal hu? Chirix kʼaru naʼaatinak li hu Apocalipsis?

Chaasume ajwiʼ ebʼ li patzʼom aʼin:

1. Chaawil li naxye Hechos 28:​16-​31 ut Filipenses 1:​13.

   Kʼaru yook xbʼaanunkil laj Pablo naq kiwank saʼ tzʼalam aran Roma? Chanru kixtenqʼahebʼ li rech aj paabʼanel laj Pablo naq inkʼaʼ kixkanabʼ xpaabʼankil li Yos? (Hech. 28:​23, 30; Fili. 1:​14.)

2. Chaawil li naxye Filipenses 2:​19-​30.

   Kʼaru li chaabʼil aatin kixtzʼiibʼa laj Pablo chirix laj Timoteo ut laj Epafrodito? Kʼaru tento tqabʼaanu re xkʼambʼal qe rikʼin laj Pablo? (Fili. 2:​20, 22, 25, 29, 30; 1 Cor. 16:18; 1 Tes. 5:​12, 13.)

3. Chaawil li naxye Filemón 1-25.

   1. Kʼaru kixye laj Pablo naq ttenqʼanq re laj Filemon chi xbʼaanunkil li us? Chanru teʼxkʼam xnaʼlebʼ laj Pablo ebʼ li cheekel winq li nekeʼkʼamok bʼe saʼebʼ li chʼuut? (File. 9; 2 Cor. 8:8; Gál. 5:​13.)

   2. Chanru naxkʼut Filemón 13, 14 naq laj Pablo inkʼaʼ kixbʼaanu junaq li naʼlebʼ wi maajiʼ naxnaw kʼaru nekeʼxkʼoxla li rech aj paabʼanel? (1 Cor. 8:​7, 13; 10:​31-​33.)

4. Chaawil li naxye 2 Timoteo 4:7-9.

   Kʼaʼut naqanaw naq li Jehobʼa toorosobʼtesi wi junelik tiik qachʼool chiru joʼ kixbʼaanu laj Pablo? (Mat. 24:13; Heb. 6:​10.)

Tzolom 114

1. Kʼaʼut naʼaatinak li Santil Hu chirixebʼ li kawaay saʼ choxa?

2. Chanru xkʼabʼaʼ li yalok u li tixkʼam chaq li Yos saʼ xbʼeen li Ruuchichʼochʼ? Kʼaʼut naq li Yos tixkʼam chaq li yalok aʼin?

3. Joʼ nakʼutunk saʼ li eetalil, ani tjolominq re li yalok aʼin ut kʼaʼut wank xkooron? Kʼaru xyaalal li jutzʼ chʼiichʼ?

4. Li tzolom 10, 15 ut 33 naxkʼut naq li Yos tixsach li maaʼusebʼ xnaʼlebʼ, kʼaʼut inkʼaʼ tooxuwaq rabʼinkil aʼin?

5. Chanru nekeʼxkʼutbʼesi li tzolom 36 ut 76 naq li Yos tixsach li maaʼusebʼ xnaʼlebʼ usta teʼxye naq nekeʼxloqʼoni ru li Yos?

Chaasume ajwiʼ ebʼ li patzʼom aʼin:

1. Chaawil li naxye Apocalipsis 19:​11-​16.

   1. Chanru naxkʼut li Santil Hu naq li winq li wank saʼ xbʼeen li saqi kawaay aʼan li Jesus? (Apoc. 1:5; 3:​14; 19:11; Isa. 11:⁠4.)

   2. Chanru naxkʼutbʼesi li kikʼ li wank chiru li raqʼ li Jesus naq t-elq chiʼus naq tyaloq? (Apoc. 14:​18-​20; 19:13.)

   3. Ani teʼochbʼeeninq re li Jesus naq tyaloq? (Apoc. 12:​7; 19:14; Mat. 25:​31, 32.)

Tzolom 115

1. Chanruhaq li akʼ Ruuchichʼochʼ?

2. Kʼaru naxyeechiʼi li Santil Hu choʼq rehebʼ li teʼwanq saʼ li akʼ Ruuchichʼochʼ?

3. Joqʼe tchalq li akʼ Ruuchichʼochʼ?

4. Kʼaru kixbʼaanu li Jesus re xkʼutbʼesinkil li tixbʼaanu naq t-awabʼejinq saʼ li Xʼawabʼejilal li Yos?

5. Kʼaru tixbʼaanu li Jesus ut li teʼawabʼejinq rochbʼeen saʼ li choxa?

Chaasume ajwiʼ ebʼ li patzʼom aʼin:

1. Chaawil li naxye Apocalipsis 5:​9, 10.

   Chanru naqanaw naq chaabʼilebʼ ut ebʼ aj uxtanaan li teʼawabʼejinq rikʼin li Jesus chiru li jun mil chihabʼ? (Efe. 4:​20-​24; 1 Ped. 1:7; 3:⁠8; 5:​6-​10.)

2. Chaawil li naxye Apocalipsis 14:​1-3.

   Kʼaru naraj xyeebʼal naq ebʼ li 144.000 tzʼiibʼanbʼil chiru xpekemebʼ li xkʼabʼaʼ li yuwaʼbʼej ut xkʼabʼaʼ li karneer? (1 Cor. 3:​23; 2 Tim. 2:⁠19; Apoc. 3:​12.)

Tzolom 116

1. Kʼaru tento tqatzol wi naqaj qayuʼam chi junelik?

2. Chanru tqanaw ru li Jehobʼa ut li Jesus joʼ yookebʼ xbʼaanunkil li chʼina ixqaʼal ut ebʼ li ramiiw li wankebʼ sa li eetalil?

3. Chanru xkʼabʼaʼ li tasal hu li wank chiru chʼochʼ? (Chaawil li eetalil.) Kʼaʼut tento naq tqatzol wulaj wulaj li tasal hu aʼin?

4. Usta tootzoloq chirix li Jehobʼa ut li Jesus, kʼaru chik tento tqabʼaanu re naq twanq qayuʼam chi junelik?

5. Kʼaru xqatzol saʼ li tzolom 69?

6. Kʼaru naqatzol chirix laj chʼina Samuel saʼ li tzolom 55?

7. Chanru tqakʼam qe rikʼin li Jesus? Wi joʼkan tqabʼaanu, kʼaru li osobʼtesihom tqakʼul saʼ li kutan chaalel?

Chaasume ajwiʼ ebʼ li patzʼom aʼin:

1. Chaawil li naxye Juan 17:⁠3.

   Chanru naxkʼut li Santil Hu naq usta wank qanawom chirix li Jehobʼa ut li Jesus, moko naraj ta xyeebʼal naq yal tqaxok li naʼlebʼ aʼin saʼ li qakʼaʼuxl? (Mat. 7:​21; Sant. 2:​18-​20; 1 Juan 2:​17.)

2. Chaawil li naxye Salmo 145:​1-​21.

   1. Kʼaʼut tento tqaloqʼoni ru li Jehobʼa? (Sal. 145:​8-​11; Apoc. 4:​11.)

   2. Chanru naxkʼutbʼesi li Jehobʼa naq chaabʼil rikʼin chixjunilebʼ? Chanru nokooxtenqʼa aʼin re naq toowanq choʼq ramiiw li Yos? (Sal. 145:9; Mat. 5:​43-​45.)

   3. Wi naqara li Jehobʼa, kʼaru tento tqabʼaanu? (Sal. 119:​171, 172, 175; 145:​11, 12, 21.)