Bundɛi 1

1. Nɛɛnɛ toosiaa yɛ nyɛm kɛndɔŋ kpou? A nɔla pa ma chɔm tamasioo?

2. Yɛɛnɛ tase Mɛlɛka toosiaa yɛ?

3. Vɛɛ maalikɛinɔ tasoo wa yɛ teŋgeŋ?

4. Nuawɔ fotueiyo ma tɛɛsiaa mɛɛ chieeŋndo wa o kandɔŋndo yɛ

5. Vɛɛ Mɛlɛka kandu yɛ chieeŋndo toosiaa le waŋnda chieeya vɛlɛa visiaa?

Nyunala chɔɔlaalaŋ:

1. Nuawɔ Chɛlimaya 10:12.

   Ɔɔ Suliŋnda Mɛlɛkalaŋ o nyɛm o toosiaa woŋ niŋ? (Ais. 40:26; Luom. 11:33)

2. Nuawɔ Kolosiaŋnda 1:15-17.

   Kpeŋgii kuɛɛ Chiisu chua yɛ le nyɔŋ toosiaa? Vɛɛ hei mala yɛ naa miŋ chɔm bɛɛleŋ le ndu? (Kol. 1:15-17)

3. Nuawɔ Gɛnɛsi 1:1-10.

   1. Vɛɛ chieeŋndo looku yɛ kandɔŋ? (Gɛn. 1:1)

   2. Teleŋ Mɛlɛka wa chieeŋndo toosiaa wo, yɛɛ yɔŋnuŋ yɛ o paale taseleŋ choo? (Gɛn. 1:3-5)

   3. Tɛɛsiaa wɔ nyɛ yɔŋnuŋ o paale diiŋndɔleŋ choo wo. (Gɛn. 1:7, 8)

Bundɛi 2

1. Vɛɛ Mɛlɛka looku yɛ chieeŋndo toosiaa le naa?

2. Nuawɔ fotueiyo ma chɔm visiaa yɛ yɛ Mɛlɛka toosiaa wa

3. Yɛɛ tosa yɛ kpeloo Idɛŋ teŋgeŋ?

4. Vɛɛ Mɛlɛka ndoo yeema yɛ mi chieeŋndo kpou simnuŋ?

Nyunala chɔɔlaalaŋ:

1. Nuawɔ Gɛnɛsi 1:11-25.

   1. Yɛɛ Mɛlɛka toosiaa yɛ o paale yaandɔleŋ choo? (Gɛn. 1:12)

   2. Yɛɛ ndoo yɔŋnuŋ yɛ o paale hiɔɔluleŋ choo? (Gɛn. 1:16)

   3. Visiaa suu kuɛɛ Mɛlɛka ndoo toosiaa yɛ o paale ŋuɛɛnuleŋ a le ŋɔmpumndeŋ choo? (Gɛn. 1:20, 21, 25)

2. Nuawɔ Gɛnɛsi 2:8, 9.

   Yɔmii teŋgeŋ ŋiiŋ kuɛɛ Mɛlɛka ndoo tɔllɛ o kpeeloo niŋ? Nduyɛ yɛɛ dii sim yɛ le wundu?

Bundɛi 3

1. Yɛɛ cho yɛ teŋgeŋndo o fotuei cho o Bundɛi yaa ve hei niŋnde a o cho o bundɛi diiŋnduɛi niŋnde?

2. Nɛɛ toosiaa yɛ wana pɔnɔ tasoo? Nduyɛ vɛɛ ndoo nɔ yɛ diolaŋ?

3. Wali kuɛɛ Mɛlɛka ndoo ke yɛ Adama le tosaa?

4. Le yɛɛ Mɛlɛka ndoo hivi yɛ Adama o luaŋ puŋ?

5. Le vɛɛ kpɛ Adama nda Ifi ndaa nɔ yɛ mi ndaa wa achal? Nduyɛ, wali yɛɛ Jɛhowa ndoo yeema yɛ mi ndaa tosa?

Nyunala chɔɔlaalaŋ:

1. Nuawɔ Chondoŋ 83:18.

   Vɛɛ Mɛlɛka nɔ yɛ diolaŋ? Nduyɛ, ɔɔ di o nɔ o lɛŋndeŋ ndeŋ choo wo? (Chɛlui. 16:21; Dan. 4:17)

2. Nuawɔ Gɛnɛsi 1:26-31.

   1. Yɛɛ Mɛlɛka mɛɛlu yɛ toosiaa o paale ŋɔmpumndeŋ choo? Nduyɛ, vɛɛ toosiaa hoo wa yɛ teŋgeŋ a visiaa?

   2. Yɛɛ Jɛhowa ndoo ke yɛ wanachioo a visiaa le dio? (Gɛn. 1:30)

3. Nuawɔ Gɛnɛsi 2:7-25.

   1. Yɛɛ Adama tosa yɛ fɛŋ tuupa mbo ke visiaa diolaŋ? (Gɛn. 2:19)

   2. Dimullo wana nya cho o nɔɔ niŋndo aa kɔ pɛŋgi wɔ pɔɔ ɔɔ I kɛɛ num, keŋ chɛlaŋ pa a yiyaŋ Jɛhowaa a mɛɛ Gɛnɛsi 2:24 dimi yɛ? (Mat. 19:4-6, 9)

Bundɛi 4

1. Yɛɛnɛ cho yɛ yɔŋnɔŋndo a Adama nda Ifi o foyueiyo niŋ?

2. Le yɛɛ Jɛhowa tuisi yɛ nda nyɛpalaa choo?

3. Yɛɛ kɛuwo dimullɛ Ifi?

4. Nɛɛ tosa yɛ mi kɛuwo suaa naa Ifi cha?

5. Le yɛɛ chiee kɛndɔɔ hoo hɛluŋ yɛ Adama nda Ifi?

Nyunala chɔɔlaalaŋ:

1. Nuawɔ Gɛnɛsi 2:16, 17 vɛlɛa 3:1-13, 24.

   1. Vɛɛnɛ kɛuwo nyiinduu yɛ Jɛhowa choolaŋ choo a nyuna o nyuna Ifi wo? (Gɛn. 3:1-5; 1 Chɔŋ 5:3)

   2. Vɛɛ tamasi Ifio cho yɛ maa silaa le naa? (Fil. 4:8; Chem. 1:14, 15; 1 Chɔŋ 2:16)

   3. O nɛi kuɛɛ choo Adama nda Ifi viinuŋ yɛ suɛi nda tosa ve? (Gɛn. 3:12, 13)

   4. Vɛɛ maalikɛiyaa Jɛhowa kɛsi o kpeloo Idɛŋ niŋnda tosa yɛ hɛnaŋ ndɔɔ? (Gɛn. 3:24)

2. Nuawɔ Sɔɔŋ Chɔɔmaŋndoŋ 12:9.

   Vɛɛ Setana tiu yɛ hau waŋchieeya ba le masale Mɛlɛkaleŋ mulullo kɔɔ? (1 Chɔŋ 5:19)

Bundɛi 5

1. Mɛɛ nda tou Adama nda Ifi o kpeloo niŋ Idɛŋ, vɛɛ yoomu ndaa wa yɛ?

2. Yɛɛ kandu yɛ yɔnɔŋndo a Adama nda Ifi? Nduyɛ le yɛɛ?

3. Leyɛɛ chuauwaa Adama nda Ifia yuwa yɛ nduyɛ ma vi?

4. Te Adama nda Ifi ndaa diikuŋ pɛ Jɛhowa, vɛɛ yoomoo wa yɛ wa le nda vɛlɛa chuauwaa ndaa?

5. Vɛɛ nila kalula Ifilaŋ la chuu yɛ ndu nyɛpalaa?

6. Vɛɛ chuauwaa tasia ŋiɔɔŋaa Adama nda Ifi velu wa ndaa nɔ yɛ diolaŋ?

7. Chuauwaa cheleŋ kuɛɛ cho yɛ kaŋ o fotueiyo niŋ?

Nyunala chɔɔlaalaŋ:

1. Nuawɔ Gɛnɛsi 3:16-23 vɛlɛa 4:1, 2.

   1. Vɛɛ sendi Mɛlɛka dɔu o lɛŋndeŋ choo wo piiliaŋ yɛ yoomu Adamaa (Gɛn. 3:17-19; Luom. 8:20, 22)

   2. Yɛɛnɛ diola Ifilaŋ la sim yɛ? (Gɛn. 3:20)

   3. Vɛɛ Mɛlɛka chɔm yɛ Adama nda Ifi nyɛiye mi che bɛɛ naa ma tosa hakio? (Gɛn. 3:7, 21)

2. Nuawɔ Sɔɔŋ Chɔɔmaŋndoŋ 21:3, 4.

   Sɔɔŋ paandu kuɛɛ ŋ cho yɛ kɔl maa Mɛlɛka cho hunɔɔ faŋa o chilaŋ niŋ?

Bundɛi 6

1. Walta kuɛɛ Keŋ nda Ebɛl ndaa tosa yɛ?

2. Kela suu kuɛɛ Keŋ nda Ebɛl chuu yɛ Jɛhowa?

3. Le yɛɛ Jɛhowa naŋ yɛ kɔl a ke Ebɛllo, kɛ o niŋ kɔl a o Keŋndo le?

4. Wana suu maa vɛɛ Keŋ wa yɛ? Nduyɛ, vɛɛ Jɛhowa sila yɛ ndu?

5. Yɛɛ Keŋ tosallɛ pɔmbɔ ndɔ mɛɛ nda wa o chiɛi niŋ nda ŋiɔɔŋ kpeele?

6. Tɛɛsiaa wɔ nyɛ yɔŋnuŋ Keŋndo mɛɛ o dii pɔmbɔ ndɔ?

Nyunala chɔɔlaalaŋ:

1. Nuawɔ Gɛnɛsi 4:2-26.

   1. Vɛɛ Jɛhowa tɛɛsiaa yɛ kpundɛ Keŋ wa niŋndo? (Gɛn. 4:7)

   2. Vɛɛ Keŋ chɔɔmuu yɛ nyɛ wa ndu o kɔllo? (Gɛn. 4:9)

   3. Vɛɛ Jɛhowa che yɛ kooma wana chioo tɛɛmboo? (Gɛn. 4:10; Ais. 26:21)

2. Nuawɔ 1 Chɔŋ 3:11, 12.

   1. Le yɛɛ Keŋ tuulu yɛ kɔl? Nduyɛ, vɛɛ hei cho yɛ hau silaa le naa? (Gɛn. 4:4, 5; Tal. 14:30; 28:22)

   2. O yɔŋ bɛɛ mi wanaa naŋ cho o yuŋgoo niŋ nda simul Jɛhowa, vɛɛ Baabuiyo chɔm yɛ naa maa ŋ nɔ miŋ lo o laalaŋndo choo? (Chon. 27:10; Mat. 10:21, 22)

3. Nuawɔ Chɔŋ 11:25

   Tiindaŋ suu kuɛɛ Jɛhowa ke yɛ wanaa lo o sandei choo haa ma vi wa? (Chɔŋ 5:24)

Bundɛi 7

1. Vɛɛ Inɔki ndoo wanuŋ yɛ teŋgeŋ?

2. Le yɛɛ waŋnda ndaa tosa yɛ sɔɔŋ wɔɔŋndoŋ puɛɛ o palɛi Inɔki ve niŋ?

3. Sɔɔŋ wɔɔŋ yɛɛ waŋnda ndaa tosa yɛ? (Nuawɔ o fotueiyo niŋ.)

4. Le yɛɛ Inɔki ndoo yeema yɛ kɔl sikpaa?

5. Vɛɛ kpɛ waŋnda ndaa viau yɛ achal o boondii keŋ niŋ? Kɛ vɛɛ kpɛ Inɔki ndu ndoo viou yɛ achal?

6. Yɛɛ yɔŋnuŋ yɛ o piɔm Inɔkioo kɔɔli?

Nyunala chɔɔlaalaŋ:

1. Nuawɔ Gɛnɛsi 5:21-24, 27.

   1. Chaaŋyɛi kuɛɛnɛ wa yɛ Inɔki tɛɛŋ nda Jɛhowa? (Gɛnɛsi 5:24)

   2. A mɛɛ Baabuiyo dimi yɛ, nɛɛ hiou yɛ viouwɔɔ achal o chieeŋndo choo? Tuupa mbo wu, vɛɛ ndoo chii yɛ wɔsilaŋ? (Gɛn. 5:27)

2. Nuawɔ Gɛnɛsi 6:5.

   O piɔm Inɔkioo kɔɔli, vɛɛ kpɛ yɔŋ wɔɔŋndo ndoo kui yɛ o chieeŋndo choo? Nduyɛ vɛɛ o cho yɛ nyɛ pilɛ a teleŋ naa hoo hau? (2 Tim. 3:13)

3. Nuawɔ Hibuluiya 11:5.

   Suiliŋ kuɛɛ Inɔki ndoo nɔ yɛ mbo “nɛŋi Mɛlɛka kɔl”, nduyɛ yɛɛ wa yɛ fulamakɔɔlio? (Gɛn. 5:22)

4. Nuawɔ Chiud 14, 15.

   Vɛɛ Kilisiɔŋnda hau tuula yɛ kɔl sikpa Inɔkioo le waŋnda silaa a chɔu Amakɛdɔŋ cho hunɔɔ wo okɔɔ? (2 Tim. 4:2; Hibu. 13:6)

Bundɛi 8

1. Mɛɛ maalikɛiyaa Mɛlɛkaa pum yaŋ Setana nilaŋ, yɛɛ ndoo yɔŋnuŋ yɛ?

2. Le yɛɛ maalikɛiyaa Mɛlɛkaa kɛɛ yɛ wali Mɛlɛka ke nda le tosaa o choo choo niŋndo ma tual o lɛŋndeŋ choo naŋ?

3. Le yɛɛ i wa yɛ suɛi wɔɔŋ le mi maalikɛiya huŋ o lɛŋndeŋ choo naŋ ma chua dialuŋ ŋwanachieeyaŋ le ndapila?

4. Vɛɛ chuauwaa maalikɛiya haa waŋnuŋ yɛ teŋgeŋ a chɛlɛkpiaa tuaa?

5. A mɛɛ i cho o fotueiyo niŋ yɛ, yɛɛnɛ chuauwaa maalikɛiya haa ndaa tosa yɛ mɛɛ nda simnuŋ kuubaa dialuŋ kalaa?

6. Mɛɛ Inɔki vi, po kɛndɛ kuɛɛ wa yɛ vɛlɛ o chieeŋndo choo? Nduyɛ le yɛɛ Mɛlɛka ndoo kaala yɛ ndu?

Nyunala chɔɔlaalaŋ:

1. Nuawɔ Gɛnɛsi 6:1-8.

   Vɛɛ kaa naa piliaŋ yɛ Jɛhowa a mɛɛ Gɛnɛsi 6:6 dimi yɛ? (Gɛn. 6:6; Chon. 78:40, 41; Tal. 27:11)

2. Nuawɔ Chiud 6.

   Vɛɛ maalikɛiyaa “mal fondaŋ ndaa” o palɛi Nuuwa ve niŋnde cho yɛ hau maa loonɔŋndo le naa? (1 Kɔl. 3:5-9; 2 Pitɛ 2:4, 9, 10.)

Bundɛi 9

1. Vɛɛ waŋnda wa yɛ o yuŋgu Nuuwa wo niŋ? Nduyɛ vɛɛnɛ puaa nduaa yaa wa ndaa nɔ yɛ diolaŋ?

2. Ɔɔ wali sɛnɛi Mɛlɛka ndoo ke Nuuwa le tosaa wo, nduyɛ le yɛɛ?

3. Mɛɛ Nuuwa dimul chaaŋaa nduaa a dɛndɔɔ okɔɔ, vɛɛ ndaa mulul lɛ ndu?

4. Yɛɛ Mɛlɛka dimullɛ Nuuwa le tosaa a visiaa?

5. Mɛɛ Mɛlɛka baŋ dio dɛndɔɔ Nuuwa a yuŋgu ndɔɔ kɔɔli peŋ, yɛɛ ndaa nɔ yɛ niko ma tosa?

Nyunala chɔɔlaalaŋ:

1. Nuawɔ Gɛnɛsi 6:9-22.

   1. Yɛɛ tosa yɛ mi waŋnda sina Nuuwa maa wana piɛiyaa Mɛlɛka tonyaa o wa ni? (Gɛn. 6:9, 22)

   2. Vɛɛ Jɛhowa che yɛ sɔŋgaa? Nduyɛ te ŋ yeema pɛ yelelaŋndo, chuaŋ chua kuɛɛ naŋ nɔ yɛ miŋ tosa? (Gɛn. 6:11, 12; Chon. 11:5)

   3. Vɛɛ naŋ tuula yɛ Nuuwa te o yɔŋ pɛ miŋ sɔla nɛi chɔmaa o kɔɔna Jɛhowaa niŋ? (Gɛn. 6:22; 1 Chɔŋ 5:3)

2. Nuawɔ Gɛnɛsi 7:1-9.

   Mi che bɛɛ naa Nuuwa wa wana haki, kɛ mi Jɛhowa cha ndu maa wana sakpo. Vɛɛ hei dɛɛniaa yɛ naa hau kɔltaŋ? (Gɛn. 7:1; Tal. 10:16; Ais. 26:7)

Bundɛi 10

1. Mɛɛ piɔɔ kandu siaa, le yɛɛ wana cheleŋ nɔla lɛ luɛiyɔɔ o dɛndɔɔ niŋ te?

2. Le vɛɛnɛ palɛi a nyumndaŋ Jɛhowa tuisi yɛ piɔɔ? Nduyɛ, vɛɛ kpɛ mɛŋndaŋ maa yiŋgila yɛ?

3. Mɛɛ mɛŋndaŋ ma kandu lɛŋndeŋ kumbɔɔ, yɛɛ ndoo yɔŋnuŋ yɛ a dɛndɔɔ?

4. Baa mi kuubaa dialuŋ kalaa ndaa kinda pa? Nduyɛ, yɛɛ ndoo yɔŋnuŋ yɛ a finyaa ndaa?

5. Mɛɛ paŋgoŋ hiou ŋuɛɛnu, yɛɛ ndoo yɔŋnuŋ yɛ a dɛndɔɔ?

6. Le yɛɛ Nuuwa ndoo soli yɛ you tiŋio o dɛndɔɔ niŋ?

7. Vɛɛ Nuuwa looku yɛ sina maa mɛŋndaŋ ma tol o lɛŋndeŋ choo?

8. Mɛɛ Nuuwa a yuŋgu ndɔɔ chii o dɛndɔɔ niŋ le wɔsio pilɛ a nyɛ lechoo, yɛɛ Mɛlɛka ndoo dimullɛ nda?

Nyunala chɔɔlaalaŋ:

1. Nuawɔ Gɛnɛsi 7:10-24.

   1. Vɛɛ kpɛ Mɛlɛka ndoo tɛɛmbuu yɛ yoomulaŋ o chieeŋndo choo? (Gɛn. 7:23)

   2. Vɛɛ kpɛ ndoo chua yɛ teleŋndo le mi mɛŋma Koŋgiaŋ ma tol? (Gɛn. 7:24)

2. Nuawɔ Gɛnɛsi 8:1-17.

   Vɛɛ Gɛnɛsi 8:17 chɔm yɛ maa sabu Mɛlɛkaa le chieeŋndo o siŋgaŋ te? (Gɛn. 1:22)

3. Nuawɔ 2 Pitɛ 2:4, 5.

   1. Mɛɛ maalikɛiyaa nila kaluaa miiŋgu choo choo, yɛɛ Mɛlɛka ndoo tosal lɛ nda? (Chiud 6)

   2. Vɛɛ bundɛi Nuuwa ve a yuŋgu ndɔɔ ke yɛ naa tiindaŋndo maa Jɛhowa tiu ba mbo kiindiaa wanaa nduaa? (2 Pitɛ 2:9)

Bundɛi 11

1. A mɛɛ i cho o fotueiyo niŋ yɛ, yɛɛ fɛŋ Nuuwa ndoo tosa yɛ mɛɛ o fula o dɛndɔɔ niŋ?

2. Yɛɛ Mɛlɛka ndoo dimullɛ Nuuwa a yuŋgu ndɔɔ mɛɛ Mɛŋma koŋgiaŋ ma hiou?

3. Diomnde yɛɛ Mɛlɛka ndoo mɛi yɛ?

4. Te ŋ che pɛ hau niŋginaŋgaa o choo choo niŋ, a yɛɛ o kɔɔ o loonuŋ yɛ naa?

Nyunala chɔɔlaalaŋ:

1. Nuawɔ Gɛnɛsi 8:18-22

   1. Vɛɛ naŋ soli yɛ hau sala chuŋ kɛndɔɔ o Jɛhowa lo? (Gɛn. 8:21; Hibu. 13:15, 16)

   2. Nyɛ yɛɛ Jɛhowa dimi yɛ maa ndu ko cho wana chioo o kɔl lɔɔ lɔɔ fee ni? Nduyɛ, vɛɛ naŋ nɔ yɛ miŋ mandaŋ a hei? (Gɛn. 8:21; Mat. 15:18, 19)

2. Nuawɔ Gɛnɛsi 9:9-17

   1. Kpema yɛɛ Mɛlɛka ndoo yii yɛ a nyɛ o nyɛ yoomaa cho o chieeŋndo choo? (Gɛn. 9:10, 11)

   2. Le vɛɛ kpɛ kpema niŋginaŋgaa hoo cho yɛ wa? (Gɛn. 9:16)

Bundɛi 12

1. Nɛɛ wa yɛ Nimilɔɔ? Nduyɛ, vɛɛ Mɛlɛka ndoo yiyaŋ yɛ a ndu okɔɔ?

2. Nuawɔ fotueiyo, le yɛɛ tosa waŋnda wa yɛ kpilikioŋ lɔɔ?

3. Le yɛɛ Jɛhowa ndoo niŋ yɛ kɔl a wali taŋgulaa koŋ te?

4. Vɛɛ Mɛlɛka looku yɛ wali taŋgulaa koŋ kɛɛlu?

5. Vɛɛ chiee bɛndu kalaa ndoo nɔ yɛ diolaŋ? Nduyɛ yɛɛ diola laŋ la sim yɛ?

6. Mɛɛ Mɛlɛka lakasiaa sɔɔŋ maŋgalaŋ waŋnda o lasondo, yɛɛ ndoo yɔŋnuŋ yɛ nda?

Nyunala chɔɔlaalaŋ:

1. Nuawɔ Gɛnɛsi 10:1, 8-10.

   Kaala suu kuɛɛ Nimilɔɔ ndoo nɔ yɛ? Nduyɛ, sila yɛɛ hoo nɔ yɛ le naa? (Tal. 3:31)

2. Nuawɔ Gɛnɛsi 11:1-9.

   Le yɛɛ nda wa yɛ chiɛi bɛndu koŋ taŋgullo? Nduyɛ le yɛɛ a chii ndu taŋgul te? (Gɛn. 11:4; Tal. 16:18; Chɔŋ 5:44)

Bundɛi 13

1. Wanaa suu kuɛɛ wa yɛ achal Ɔɔ chiee?

2. Fal kuɛɛ cho yɛ koŋ o fotueiyo niŋ? Wɔsi kuɛɛ o veluŋ yɛ, nduyɛ, kuɛɛ o wa yɛ o chaltaŋ?

3. Yɛɛ Mɛlɛka ndoo dimullɛ Ebilaham le tosaa?

4. Le yɛɛ Ebilaham sɔla yɛ veelɔŋndo aa chaaŋ o Mɛlɛka?

5. Mɛɛ Ebilaham wa faŋaŋndo Ɔɔ chiee, nɛɛ waa tol lɛ ndu kɔɔli?

6. Mɛɛ Ebilaham fuuluu o lɛŋnde Kenaŋndeŋ niŋ, yɛɛ Mɛlɛka ndoo dimullɛ ndu?

7. Mɛɛ Ebilaham wa wɔsilaŋ 99, yɛɛ Mɛlɛka ndoo dimi yɛ maa o cho ndu tosal?

Nyunala chɔɔlaalaŋ:

1. Nuawɔ Gɛnɛsi 11:27-32.

   1. Wanayɛi kuɛɛ wa yɛ Ebilaham tɛɛŋ nda Lɔtu? (Gɛn. 11:27)

   2. Mi che bɛɛ naa maa Tɛlah ndoo chua yuŋgu ndɔɔ ni le kɔlaŋ Kensaŋ, vɛɛ naŋ looku yɛ sina maa Ebilaham kɛsɛ kɛsɛ tosa ni ma faŋaŋ Ɔɔ chiee? Nduyɛ, le yɛɛ o tosa yɛ hei? (Gɛn. 11:31; Walta Wanaa Chiisuaa 7:2-4)

2. Nuawɔ Gɛnɛsi 12:1-7.

   Mɛɛ Ebilaham fuuluu o lɛŋnde Kenaŋndeŋ niŋ, kpema bɛndu yɛɛ Jɛhowa ndoo yii yɛ a ndu? (Gɛn. 12:7)

3. Nuawɔ Gɛnɛsi 17:1-8, 15-17.

   1. Mɛɛ Ebilam wa wɔsilaŋ 99, vɛɛ diola ndɔlaŋ la siŋgaŋ yɛ? Nduyɛ le sabu yɛɛ? (Gɛn. 17:5)

   2. Salala kuɛɛ Jɛhowa ndoo mɛi yɛ lediom le Sela maa o cho sɔla o chilaŋ niŋ? (Gɛn. 17:15, 16)

4. Nuawɔ Gɛnɛsi 18:9-19.

   1. A mɛɛ Gɛnɛsi 18:19 dimi yɛ, wali yɛɛ kalaŋchuauwa nɔ yɛ ma tosa? (Dut. 6:6, 7; Ɛfi. 6:4)

   2. Vɛɛ tamasi Sela wo chɔm yɛ naa maa ŋ nɔla miŋ veŋ nyɛ o nyɛ Jɛhowa o hɔl te? (Gɛn. 18:12, 15; Chon. 44:21)

Bundɛi 14

1. Diomnde yɛɛ Mɛlɛka ndoo mɛi yɛ a Ebilaham? Nduyɛ vɛɛnɛ o lo yɛ lechoo?

2. A mɛɛ ŋ che o fotueiyo niŋ yɛ, vɛɛ Mɛlɛka tɔɔndaŋ yɛ laalaŋ Ebilahamndo?

3. Mi che bɛɛ naa Ebilaham bii bila nyɛ Mɛlɛka ndoo dimul ndu le tosaa wo le, kɛ yɛɛ o tosa yɛ?

4. Mɛɛ Ebilaham soli muɛi le po ndɔɔ diyɔɔ, yɛɛ ndoo yɔŋnuŋ yɛ?

5. Vɛɛ kpɛ Ebilaham ndoo nɔ yɛ laalaŋndo o Mɛlɛka niŋ?

6. Yɛɛ Mɛlɛka ndoo ke yɛ Ebilaham le mbo soli Salaa? Nduyɛ vɛɛ o looku yɛ ndu ke?

Nyunala chɔɔlaalaŋ:

1. Nuawɔ Gɛnɛsi 21:1-7.

   Le yɛɛ Ebilaham hivi yɛ po ndɔɔ o chiɛi kɔɔli o paale ŋɔmaaleŋ choo? (Gɛn. 17:10-12; 21:4)

2. Nuawɔ Gɛnɛsi 22:1-18.

   Vɛɛ Aisaki chɔm yɛ diikɔŋndo naa Ebilaham finya ndɔ cha? Nduyɛ, vɛɛ hei vellɛ nyɛ ndoo nɔ le yɔŋnɔŋndo o chilaŋ niŋndo? (Gɛn. 22:7-9; 1 Kɔl. 5:7; Fil. 2:8, 9)

Bundɛi 15

1. Le yɛɛ Ebilaham nda Lɔtu piɔuwaŋ yɛ?

2. Le yɛɛ Lɔtu ndoo chua yɛ le challe Sodɔm?

3. Kaa suu maa vɛɛ waŋnda Sodɔm ndaa nɔ yɛ?

4. Sila kuɛɛ kiilaa ŋiɔɔŋaa Mɛlɛka vem nda ke yɛ Lɔtu?

5. Le yɛɛ Lanɔɔ Lɔtu simnɔŋ yɛ suŋgbule ihɛlteŋ?

6. Yɛɛ naŋ pɛɛku yɛ a lanɔɔ Lɔtu okɔɔ?

Nyunala chɔɔlaalaŋ:

1. Nuawɔ Gɛnɛsi 13:5-13.

   Te o yɔŋ pɛ mi sɛɛŋgiaŋndo luɛi waŋnda tɛɛŋ, vɛɛ tamasi Ebilahamndo mala yɛ naa le miŋ chii sɛɛŋgiaŋ koŋ? (Gɛn. 13:8, 9; Luom. 12:10; Fil. 2:3, 4)

2. Nuawɔ Gɛnɛsi 18:20-33.

   Vɛɛ mɛɛ Jɛhowa bii Ebilaham yɛ ke yɛ naa tiindaŋndo maa Jɛhowa nda Chiisu a cho wanaa kɔɔsa ŋwaŋ o sandei choo? (Gɛn. 18:25, 26; Mat. 25:31-33)

3. Nuawɔ Gɛnɛsi 19:1-29.

   1. Vɛɛ nyɛ dimiŋ o Baabuiyo niŋndo chɔm yɛ naa mɛɛ Mɛlɛka che wanaa tosa hiniei a chaaŋaa ndaa waŋpiaanduaa wa? (Gɛn. 19:5, 13; Lɛf. 20:13)

   2. Ɔɔ teŋgeŋndo Lɔtu tɛɛŋ nda Ebilaham a mɛɛ nda chɛl nɛi chɔmaa Mɛlɛkaa yɛ? Nduyɛ, yɛɛ naŋ pɛɛku yɛ o hei niŋ? (Gɛn. 19:15, 16, 19, 20; 22:3)

4. Nuawɔ Luku 17:28-32.

   Ɔɔ kaa lanɔɔ Lɔtu ndoo nɔ o kɔl le nyɛm kiɔŋndo? Nduyɛ, vɛɛ hoo cho yɛ hau silaa le naa? (Luk. 12:15; 17:31, 32; Mat. 6:19-21, 25)

5. Nuawɔ 2 Pitɛ 2:6-8.

   Te o wa pɛ miŋ wa kaa Lɔtu wo tuulaa, vɛɛ holiaŋ naa nɔ yɛ mbo wa a wanaa cho Jɛhowa piɛi lia? (Ɛsi. 9:4; 1 Chɔŋ 2:15-17)

Bundɛi 16

1. Nɛɛ waa cho yɛ poo a chua cho koŋ o fotueiyo niŋndo?

2. Yɛɛ Ebilaham ndoo tosa yɛ le po ndɔɔ lanɔɔ yillo? Nduyɛ le yɛɛ o tosa yɛ lende?

3. Vɛɛ piɛile buɛi Ebilahamndeŋ le sɔla yɛ mulio?

4. Mɛɛ nda nyuna Lubɛka te o yeema mbo chal Aisaki o ba o nɔɔ niŋ, vɛɛ ndoo muli yɛ?

5. Yɛɛ nɛŋi yɛ vɛlɛ Aisaki kɔl?

Nyunala chɔɔlaalaŋ:

1. Nuawɔ Gɛnɛsi 24:1-67.

   1. Kaala kɛndɛ kuɛɛ Lubɛka chɔm yɛ mɛɛ o komal buɛi Ebilahamndo o sooŋ kuandaa mamɛŋndo? (Gɛn. 24:17-20; Tal. 31:17, 31)

   2. Kɛɛsiaa Ebilaham kɛɛsiaa le po ndɔɔ lanɔɔ yillo wo, vɛɛ o cho yɛ hau tamasi kɛndɛ le Kilisiɔŋnda? (Gɛn. 24:37, 38; 1 Kɔl. 7:39; 2 Kɔl. 6:14)

   3. Le yɛɛ naŋ chua yɛ teleŋndo le yiyaŋndo mɛɛ Aisaki ndoo tosa yɛ? (Gɛn. 24:63; Chon. 77:12; Fil. 4:8)

Bundɛi 17

1. Wanaa suu kuɛɛ Iisɔ nda Chekɔpu wa yɛ? Nduyɛ vɛɛ nda wa yɛ teŋgeŋ?

2. Vɛɛnɛ Iisɔ nda Chekɔpu wa yɛ wɔsilaŋ teleŋ Ebilaham finya nda mama vi wo?

3. Yɛɛ Iisɔ ndoo tosa yɛ mbo tɛɛmbuu kala ndɔ a finya ndɔ kɔl?

4. Le yɛɛ Iisɔ ndoo tuulu yɛ kɔl a Chekɔpu pɔmbɔ ndɔ?

5. Sila yɛɛ Aisaki ndoo ke yɛ Chekɔpu po ndɔ?

Nyunala chɔɔlaalaŋ:

1. Nuawɔ Gɛnɛsi 25:5-11, 20-34.

   1. Tuupa mi Lubɛka vialu pɛnduaa ŋiɔɔŋnda haa, yɛɛ Jɛhowa ndoo dimi yɛ a nda okɔɔ? (Gɛn. 25:23)

   2. Ɔɔ teŋgeŋ Chekɔpu nda Iisɔ chɔm le di vialaa wo? (Gɛn. 25:31-34)

2. Nuawɔ Gɛnɛsi 26:34, 35; 27:1-46; 28:1-5.

   1. Vɛɛ Iisɔ kɛɛ yɛ balika melaa chɔm le sɔɔŋ inyinayaŋ? (Gɛn. 26:34, 35; 27:46)

   2. Le mi Chekɔpu sɔla salala Mɛlɛkalaŋ, yɛɛ Aisaki dimullɛ ndu le mbo tosa fɛŋ? (Gɛn. 28:1-4)

3. Nuawɔ Hibuluiya 12:16, 17

   Maa tamasi Iisɔɔ, yɛɛ wa yɛ fula makɔɔlio le wanaa kɛɛ balika melaa chɔm le sɔɔŋ inyinayaŋndoŋ?

Bundɛi 18

1. Chuaa laandu kuɛɛ cho yɛ koŋ o fotueiyo niŋ? Nduyɛ yɛɛ Chekɔpu tosa yɛ le ndu?

2. Yɛɛ Chekɔpu ndoo chɛllɛ le tosaa le mbo chua Luechɛl o nɔɔ niŋ?

3. Yɛɛ Lebaŋ tosa yɛ mɛɛ boondei fuuluu le mi Chekɔpu nda Luechɛl chal o nɔɔ niŋ?

4. Yɛɛ Chekɔpu chɛllɛ vɛlɛ le tosaa halikpeŋ mbo sɔla Luechɛl le mbo wa laandɔ?

Nyunala chɔɔlaalaŋ:

1. Nuawɔ Gɛnɛsi 29:1-30.

   1. Mi che bɛɛ naa mi Lebaŋ hui Chekɔpu, vɛɛ o chɔm yɛ maa o cho wana lebɛɛ? Nduyɛ, yɛɛ naŋ pɛɛku yɛ o hei niŋ? (Gɛn. 25:27; 29:26-28; Mat. 5:37)

   2. Vɛɛ tamasi Chekɔpoo chɔm yɛ teŋgeŋndo kaala tonyaa tɛɛŋ a kaala ŋchiŋndo? (Gɛn. 29:18, 20, 30; Chondii Sɔlɔmɔŋnde 8:6)

   3. Waŋlaanduaa hiɔɔluaa kuɛɛ handuŋ yɛ o yuŋgu Chekɔpoo choo nduyɛ ma vilul ndu chuauwa? (Gɛn. 29:23, 24, 28, 29)

Bundɛi 19

1. Vɛɛ puaa ŋɔmpumŋaa tasiaa Chekɔpu velu nda Liya wa nɔ yɛ diolaŋ?

2. Chuauwaa ŋiɔɔŋaa kuɛɛ buɛi laandu Liya wo, Silipa vilullɛ Chekɔpu?

3. Chuauwaa ŋiɔɔŋaa kuɛɛ buɛi laandu Luechɛllo, Biliha vilullɛ Chekɔpu?

4. Ɔɔ diola chuauwaa ŋiɔɔŋaa Luechɛl vilul Chekɔpu wa? Yɛɛ ndoo yɔŋnuŋ yɛ mɛɛ o velu o diiŋndɔɔ?

5. A mɛɛ i cho o fotueiyo niŋ yɛ, vɛɛnɛ Chekɔpu ndoo nɔ yɛ chuauwa? Nduyɛ yɛɛnɛ fula yɛ o nda niŋ?

Nyunala chɔɔlaalaŋ:

1. Nuawɔ Gɛnɛsi 29:32-35; 30:1-26; vɛlɛa 35:16-19.

   A mɛɛ i chɔmnuŋ a chuauwaa 12 Chekɔpuaa yɛ, vɛɛ ndaa ke yɛ puaambuaa Hibuluiya diolaŋ o sindɔɔ niŋ?

2. Nuawɔ Gɛnɛsi 37:35.

   Mi che bɛɛ naa a Daina koni Baabuiyo soo ni, vɛɛ naŋ looku yɛ sina maa Chekɔpu ndoo nɔ chuauwa a laanduaa puɛɛ? (Gɛn. 37:34, 35)

Bundɛi 20

1. Le yɛɛ Ebilaham nda Aisaki kuuna yɛ chuauwaa ndaa le waŋlaanduaa Kenaŋnda chuaa o nɔɔ niŋ?

2. Baa mi Chekɔpu naŋ pa kɔl a chaŋyɛi chua ndɔɔ wa tosaa a chuaa laanduaa Kenaŋnda wa?

3. Po kuɛɛ cho yɛ koŋ Daina nuaa o fotueiyo niŋ? Nduyɛ, suɛi wɔɔŋ kuɛɛ o tosallɛ ndu?

4. Mɛɛ yemaa Dainaa, Simiɔŋ a Livai tuei a nyɛ yɔŋnuŋndo okɔɔ, yɛɛ nda tosa yɛ?

5. Mi Chekɔpu naŋ pa kɔl a nyɛ Simiɔŋ nda Livai kɔ tosa koŋndo?

6. Kpundɛ yuŋgoo hoo kpede, vɛɛ o looku yɛ Kandɔŋ?

Nyunala chɔɔlaalaŋ:

1. Nuawɔ Gɛnɛsi 34:1-31.

   1. Baa lepilɛ kinɛi Daina ndoo kuɛ chuaa laanduaa Kenanaitiiya yilɔɔ ni? Tɛɛsiaa wɔ. (Gɛn. 34:1, NW)

   2. Le yɛɛ Daina nɔ yɛ mbo bii ndupila tɛɛ le mɛɛ nda kpuuwa ndu yɛ? (Kal. 6:7)

   3. Vɛɛ tamasi Daina wo cho yɛ hau silaa le feleŋguaa? (Ta 13:20; 1Kɔl 15:33; 1Chɔŋ 5:19)

Bundɛi 21

1. Le yɛɛ mi Choosɛ bɛndaa nduaa paŋala ndu? Nduyɛ, yɛɛ nda tosallɛ ndu?

2. Yɛɛ bɛnduaa Choosɛa ndaa yeema yɛ ndu tosallo? Kɛ yɛɛnɛ Lubɛŋ ndoo dimi yɛ?

3. Yɛɛ ndoo yɔŋnuŋ yɛ mɛɛ Isimaliiya tosa yulaleŋnda fula loŋ?

4. Yɛɛnɛ bɛnduaa Choosɛa ndaa tosa yɛ le mi finya nda yiyaŋ maa Choosɛ vi?

Nyunala chɔɔlaalaŋ:

1. Nuawɔ Gɛnɛsi 37:1-35.

   1. Vɛɛ kilisiɔŋnda tuula yɛ tamasi Choosiɔɔ te o yɔŋ pɛ ma che suɛi wɔɔŋnde o kundaa niŋ? (Gɛn. 37:2; Lɛf. 5:1; 1 Kɔl. 1:11)

   2. Yɛɛ tosa yɛ mi bɛnduaa Choosɛa tul ndu leyɛ? (Gɛn. 37:11, 18; Tal. 27:4; Chem. 3:14-16)

   3. Yɛɛ Chekɔpu tosa yɛ mbo chɔm maa lende wana bii mɔnɛi ni? (Gɛn. 37:35)

Bundɛi 22

1. Vɛɛ Choosɛ wa yɛ wɔsilaŋ ma pisi ndu Ichipi? Nduyɛ, yɛɛnɛ kɔ yɔŋnuŋ yɛ a ndu loŋ?

2. Vɛɛ Choosɛ looku yɛ la kɔ o chiɛi manyumndo niŋ?

3. Wali yɛɛ nda ke yɛ Choosɛ o chiɛi manyumndo niŋ?

4. Mɛɛ Choosɛ wa o chiɛi manyumndo niŋ, yɛɛ ndoo tosallɛ wana talaa mamuɛi Felo wo a wana ndɔ luamaa beediiyo?

5. Mɛɛ nda soli wana talaa mamuɛi Felo wo o chiɛi manyumndo niŋ, yɛɛ ndoo yɔŋnuŋ yɛ okoŋ kɔɔli?

Nyunala chɔɔlaalaŋ:

1. Nuawɔ Gɛnɛsi 39:1-23.

   Mi che bɛɛ naa Mɛlɛka ndoo dou wɔ sawa suundaa teleŋ Choosiɔɔ le, kɛ le yɛɛ mbo nyaanuŋ lanɔɔ Pɔtifa? (Gɛn. 2:24; 20:3; 39:9)

2. Nuawɔ Gɛnɛsi 40:1-23.

   1. Tɛɛsiaa wɔ lɔma wana talaa mamuɛiyo sɔllaŋ, vɛlɛa mɛɛ Jɛhowa mala Choosɛ le maŋ tɛɛsiaa yɛ? (Gɛn. 40:9-13)

   2. Lɔma yɛɛ wana luamaa beediiyo ndoo sɔllɛ? Nduyɛ, yɛɛ ma sim yɛ? (Gɛn. 40:16-19)

   3. Vɛɛ chɛ laalaŋndo a taasioo cho yɛ hau tamasi Choosiɔɔ tolɔɔ kɔɔli? (Gɛn. 40:8; Chon. 36:9; Chɔŋ 17:17; Walta Wanaa Chiisuaa 17:2, 3)

   4. Vɛɛ Gɛnɛsi 40:20 chɔm yɛ Kilisiɔŋnda maa a nɔ ma tosa dunyɛi le loonɔŋndo a paale nda le vialaŋndeŋ okɔɔ le? (Ikil. 7:1; Mak. 6:21-28)

Bundɛi 23

1. Yɛɛ ndoo yɔŋnuŋ yɛ Felo ichɔl pilɛ?

2. Yɛɛ tosa yɛ mi wana talaa mamuɛiyo loonuŋ o mɛɛlulaŋ kpɔŋ a Choosɛ?

3. A mɛɛ i chɔmnuŋ o fotueiyo niŋ yɛ, lɔma sala tiɔɔŋ kuɛɛ Felo sɔllɛ?

4. Vɛɛ Choosɛ chɔm yɛ nyɛ lɔmasɔlaa mamaŋ ma simndo?

5. Vɛɛ Choosɛ looku yɛ simnɔŋ wana sɔwɛ bɛndu Felo ikɛi o Ichipi niŋ?

6. Le yɛɛ bɛnduaa Choosɛa ndaa hiŋ yɛ Ichipi? Nduyɛ, yɛɛ tosa yɛ a sina ndu le?

7. Lɔmasɔlaa kuɛɛ Choosɛ ndoo loonuŋ yɛ? Nduyɛ, yɛɛnɛ ma mala yɛ ndu mbo bii bila?

Nyunala chɔɔlaalaŋ:

1. Nuawɔ Gɛnɛsi 41:1-57.

   1. Vɛɛ Choosɛ nua yɛ o Jɛhowa lo le malaa? Nduyɛ, vɛɛ Kilisiɔŋnda hau bɛɛ tuula yɛ tamasi ndɔɔ? (Gɛn. 41:16, 25, 28; Mat. 5:16; 1 Pitɛ 2:12)

   2. Vɛɛ wɔsila nyɛdiaa wa o hɔbɛi Ichipi laŋ a wɔsila yiaŋ ma wa vɛlɛ ma hɔbɛi yaŋ la chɔm yɛ teŋgeŋndo nyɛdiaa inyinaya Seiyaa Jɛhowaa cho hau sɔlaa wo tɛɛŋ a kaŋii cheleŋnde? (Gɛn. 41:29, 30; Emɔ. 8:11, 12)

2. Nuawɔ Gɛnɛsi 42:1-8; 50:20.

   I cho pa i wɔɔŋ le mi Sei Jɛhowaa baŋ wulaŋ wana bɛndoo lachi te o yɔŋ pɛ maa naamoo o cho le lɛŋnde leŋ ni? (Gɛn. 42:6)

Bundɛi 24

1. Le yɛɛ Choosɛ dimul lɛ bɛndaa nduaa maa suaŋsuaŋnda nda cho ni?

2. Le yɛɛ Chekɔpu chɛllɛ mbo mal po ndɔ lumndo bɛndaa nduaa kɔɔli ma kua Ichipi?

3. Vɛɛ taala kanii humbu Choosiɔɔ looku yɛ luɛiyɔɔ o bɔlɔ Bɛŋnjamɛŋndo niŋ?

4. Yɛɛnɛ Chuda ndoo tuu yɛ le tosaa halikpeŋ ma mal Bɛŋnjamɛŋ?

5. Vɛɛ bɛnduaa Choosɛa siŋgaŋ yɛ?

Nyunala chɔɔlaalaŋ:

1. Nuawɔ Gɛnɛsi 42:9-38.

   Vɛɛ diomnda Choosɛ soo o Gɛnɛsi 42:18 niŋndaŋ la cho yɛ maa suɛi loonaŋ le wanaa cho hau chilaŋ chuaa o kɔɔna Jɛhowaa niŋnda?

2. Nuawɔ Gɛnɛsi 43:1-34.

   1. Mi che bɛɛ naa Lubɛŋ wa po tasoo ni, kɛ le yɛɛ Chuda simnuŋ yɛ sondo suaa le puaa piliaa nduaa? (Gɛn. 43:3, 8, 9; 44:14, 18; 1 Kol. 5:2)

   2. Vɛɛ Choosɛ looku yɛ bɛndaa nduaa tɔɔndaŋ? Nduyɛ le yɛɛ?

3. Nuawɔ Gɛn. 43:33, 34.

   1. Maa nɛiyo opilɛ le kiɔɔ bɛndaa nduaa chɔɔmɔŋndo, vɛɛ Choosɛ ndoo siiŋguŋ yɛ ndupila? (Gɛn. 44:5, 15; Lɛf. 19:26)

   2. Vɛɛ bɛnduaa Choosɛa chɔm yɛ maa yɛle tolaa ndaa nɔ paandu le pɔmbɔ nda leŋ le chuu? (Gɛn. 44:13, 33, 34)

Bundɛi 25

1. Yɛɛ yɔŋnuŋ yɛ mɛɛ Choosɛ chɔɔmuŋ bɛndaa nduaa?

2. Vɛɛ Choosɛ chɔɔmuŋ yɛ ndupila o bɛndaa nduaa lo o nɛi kaalaa niŋ?

3. Yɛɛnɛ Felo ndoo dimi yɛ mɛɛ o tuei a bɛnduaa Choosɛa okɔɔ?

4. Vɛɛ waŋnda wa yɛ o yuŋgu Chekɔpoo niŋ a boondii nda wa kɔlaŋ Ichipi ve?

5. Vɛɛ ndaa veelu yɛ yuŋgu Chekɔpoo, nduyɛ le yɛɛ?

Nyunala chɔɔlaalaŋ:

1. Nuawɔ Gɛnɛsi 45:1-28.

   Vɛɛ bundɛi Choosɛ ve o Baabuiyo niŋ chɔm yɛ naa maa Jɛhowa tiu ba mbo miŋgi tuu wɔɔŋ waŋnda nɔ le buɛiyaa nduaa wo o kɛndɛ? (Gɛn. 45:5-8; Ais. 8:10; Fil. 1:12-14)

2. Nuawɔ Gɛnɛsi 46:1-27.

   Mɛɛ Chekɔpu wa o nɛi tɛɛŋ le kɔlaŋ Ichipi, diomnde tiindaŋ kuɛɛ Jɛhowa ndoo dimul lɛ ndu? (Gɛn. 46:1-4)

Bundɛi 26

1. Nɛɛnɛ wa yɛ Choobu?

2. Yɛɛnɛ Setana ndoo kindiŋ yɛ le tosaa? Kɛ mi ndoo tiu pa ba?

3. Yɛɛ Jɛhowa ndoo dimullɛ Setana maa o tosa a Choobu, nduyɛ le yɛɛ?

4. Nuawɔ o fotueiyo niŋ, le yɛɛ lanɔɔ Choobu dimullɛ ndu maa o yei Mɛlɛka mbo vi?

5. A mɛɛ i cho o fotuei diiŋndɔɔ niŋ yɛ, vɛɛ Jɛhowa dɔu yɛ Choobu sala? Nduyɛ le yɛɛ?

6. Te naa bɛɛ ŋ laalaŋ pɛ o Jɛhowa niŋ maa Choobu, salala kuɛɛ naŋ sɔla yɛ?

Nyunala chɔɔlaalaŋ:

1. Nuawɔ Choobu 1:1-22.

   Vɛɛ Kilisiɔŋnda hau bɛɛ tuula yɛ Choobu? (Cho. 1:1; Fil. 2:15; 2 Pitɛ 3:14)

2. Nuawɔ Choobu 2:1-13.

   Mɛɛ Setana tɔɔndaŋ Choobu, yɛɛ laandɔ dimi yɛ mbo wa teŋgeŋ a nyɛ ndu Choobu dimi wo? (Cho. 2:9, 10; Tal. 19:3; Mai. 7:7; Mal. 3:14)

3. Nuawɔ Choobu 42:10-17.

   1. Vɛɛ salala Choobu ndoo sɔla le laalaŋ ndɔɔ wo, a la Chiisu bɛɛ sɔla le laalaŋ ndɔɔ wo la velaŋ yɛ? (Cho. 42:12; Fil. 2:9-11)

   2. Ɔɔ kɔl dɛɛniaa naŋ sɔla o salala Choobu sɔla le loo o laalaŋndo choo o Mɛlɛka lo wo? (Cho. 42:10, 12; Hibu. 6:10; Chem. 1:2-4, 12; 5:11)

Bundɛi 27

1. Nɛɛ cho yɛ koŋ a kpatooleŋ o ba o fotueiyo niŋ, nduyɛ nɛɛnɛ o cho yɛ koŋ lɔɔ?

2. O piɔm Choosiɔɔ kɔɔli, yɛɛnɛ ndoo yɔŋnuŋ yɛ a Isɔluɛitiiya?

3. Yɛɛ luei yɛ Ichipiaŋnda sioonde le Isɔluɛitiiya?

4. Sawa yɛɛ Felo ndoo ke yɛ waŋlaanduaa ndaa bii violɔɔ le waŋlaanduaa Isɔluɛitiiya wa?

Nyunala chɔɔlaalaŋ:

1. Nuawɔ Ɛsodɔɔ 1:6-22.

   1. O nɛi kuɛ niŋ Jɛhowa kandu yɛ diomnde o dimul Ebilahamndeŋ peeloo? (Ɛs. 1:7; Gɛn. 12:2; Walta Wanaa Chiisuaa 7:17)

   2. Vɛɛ waŋlaanduaa ndaa bii violɔɔ le waŋlaanduaa Isɔluɛitiiya wa chɔm yɛ bɛɛleŋ le yoomoo? (Ɛs. 1:17; Gɛn. 9:6)

   3. Paawa yɛɛ waŋlaanduaa ndaa bii violɔɔ wa sɔla yɛ le laalaŋ ndaa o Jɛhowa niŋ? (Ɛs. 1:20, 21; Tal. 19:17)

   4. Vɛɛ Setana kindiŋ yɛ le tɛɛmboo tuu Jɛhowaa a kulii Ebilahamnde okɔɔ? (Ɛs. 1:22; Mat. 2:16)

Bundɛi 28

1. Chɛlɛkpɛ kuɛɛ cho yɛ hoo o fotueiyo niŋ, nduyɛ nɛɛ o saa yɛ koŋ suei?

2. Yɛɛ kalaa Muuse tosa yɛ le po ndɔɔ kiindiaa yɔŋi nda di ndu?

3. Chuaambɔ kuɛɛ cho yɛ hoo o fotueiyo niŋ, nduyɛ yɛɛnɛ o tosa yɛ?

4. Mɛɛ chua Feloo saaluŋ chɛlɛkpɔɔ hoo, yɛɛ Meeliaŋ kɛɛsiaa yɛ le tosaa?

5. Yɛɛnɛ chua masaa ndoo dimul lɛ kalaa Muuse?

Nyuna chɔɔlaa:

1. Nuawɔ Ɛsodɔɔ 2:1-10.

   Di kuɛɛ kalaa Muuse ndoo sɔla yɛ le mbo manda Muuse, nduyɛ mbo pɛɛku ndu teleŋ o cho wɔ chuaambɔ wo? Tamasi yɛɛ hoo cho yɛ hau le kalaŋ chuauwa? (Ɛs. 2:9, 10; Dut. 6:6-9; Tal. 22:6; Ɛfi. 6:4; 2 Tim. 3:15)

Bundɛi 29

1. Kuɛɛ Muuse sullɛ? Kɛ yɛɛ ndoo sina yɛ a wanaa velu ndu wa okɔɔ?

2. Mɛɛ Muuse fuuluu wɔsilaŋ 40, yɛɛnɛ o tosa yɛ?

3. Yɛɛnɛ Muuse dimullɛ po Isɔluɛitiinɔ wa sɔŋgɔɔ nda chaaŋ ndɔ wo? Nduyɛ, vɛɛ poo mulullɛ ndu?

4. Le yɛɛ Muuse fula yɛ Ichipi a kiltaŋ?

5. O lɛŋnde kuɛɛ niŋ Muuse nyaanuŋ yɛ, nduyɛ nɛɛnɛ o komal lɛ loŋ?

6. Wɔsiŋ 40 Muuse chii o faŋaŋ ndɔɔ Ichipi kɔɔli woŋ, yɛɛnɛ o wa yɛ tosaa?

Nyunala chɔɔlaalaŋ:

1. Nuawɔ Ɛsodɔɔ 2:11-25.

   Mi che bɛɛ ma pɛɛku Muuse wɔsilaŋ o wɔsilaŋ niŋ a dɛnɛ sinaa Ichipiaŋnda, kɛ vɛɛ o chɔm yɛ lo lechoo wo o Jɛhowa lo vɛlɛa wanaa nduaa?(Ɛs. 2:11, 12; Hibu. 11:24)

2. Nuawɔ Walta Wanaa Chiisuaa 7:22-29.

   Yɛɛ naŋ pɛɛku yɛ o kindiŋ Muuse kindiŋ a bandɔ le Isɔluɛitiiya solio o chɛleŋ niŋ Ichipi wo? (Walta Wanaa Chiisuaa 7:23-25; 1 Pitɛ 5:6, 10)

Bundɛi 30

1. Vɛɛ pembii cho keŋ o fotueiyo niŋnde nɔ yɛ diolaŋ?

2. Tɛɛsiaa wɔ suɛi kaamɛi Muuse che yɔŋnɔŋndo ve mɛɛ o kuɛ a saa nduaa o pembei ikɛi?

3. Yɛɛ diomndo dimi yɛ o bɔɔ wa koŋ ŋɔɔ wo niŋ? Nduyɛ, diom nɛɛ wa yɛ koŋ?

4. Vɛɛ Muuse ndoo muli yɛ mɛɛ Mɛlɛka dimul ndu maa ndu cho lasisi Isɔluɛitiiya lachi ni le nda solio Ichipi?

5. Yɛɛ Mɛlɛka ndoo dimullɛ Muuse le mbo dimi te o yɔŋ pɛ mi waŋnda nyuna ndu le wana vem ndu wo?

6. Vɛɛ Muuse tiu yɛ niŋ ba mbo chɔm waŋnda maa Mɛlɛka vem ndu ni?

Nyunala chɔɔlaalaŋ:

1. Nuawɔ Ɛsodɔɔ 3:1-22.

   Te o yɔŋ pɛ miŋ sɔla wali naŋ yiyaŋ maa ŋ nɔla ndu tosa loo o kundaa niŋ, vɛɛ nyɛ yɔŋnuŋ a Muuse wo chɔm yɛ naa maa Jɛhowa mala naa miŋ tosa ndu? (Ɛs. 3:11, 13; 2 Kɔl. 3:5, 6)

2. Nuawɔ Ɛsodɔɔ 4:1-20

   1. Siŋgaŋ kuɛɛ yɔŋnuŋ yɛ o kaa Muuseo niŋ teleŋ o wa o lɛŋnde Miidiaŋndeŋ niŋ le wɔsilaŋ 40 wo? Nduyɛ, yɛɛnɛ wanaa yeema le hiouwɔɔ lachioo o kunda Lekilisiɔŋndo niŋnda pɛɛku yɛ o hei niŋ? (Ɛs. 2:11, 12; 4:10, 13; Mai. 6:8; 1 Tim. 3:1, 6, 10)

   2. Te o yɔŋ pɛ miŋ benduŋ o kɔɔna Jɛhowaa niŋ nduyɛ ma sila naa, vɛɛ tamasi Muuseo ke yɛ naa kɔl dɛɛniaa? (Ɛs. 4:12-14; Chon. 103:14; Hibu. 12:4-11)

Bundɛi 31

1. Vɛɛ kaamaala Muuse nda Eelɔŋ tosalaŋ la piiliaŋ yɛ Isɔluɛitiiya?

2. Yɛɛ Muuse nda Eelɔŋ dimullɛ Felo, nduyɛ vɛɛnɛ Felo muli yɛ?

3. A mɛɛ i cho o fotueiyo niŋ yɛ, yɛɛnɛ yɔŋnuŋ yɛ mɛɛ Eelɔŋ mal tinda ndɔɔ lɛŋ?

4. Vɛɛ Jɛhowa chɔm yɛ Felo kpaaya ndɔɔ? Nduyɛ vɛɛ Felo muli yɛ?

5. Mɛɛ kpundɛ tɔndɔɔ hiou, yɛɛnɛ yɔŋnuŋ yɛ okoŋ kɔɔli?

Nyunala chɔɔlaalaŋ:

1. Nuawɔ Ɛsodɔɔ 4:27-31; 5:1-23.

   Yɛɛ Felo ndoo yiyaŋ yɛ mɛɛ o dimi aa: “I sina Jɛhowa kposoŋ te”? (Ɛs. 5:2, NW; 1 Sam. 2:12; Luom. 1:21)

2. Nuawɔ Ɛsodɔɔ 6:1-13, 26-30.

   1. O nɛi kuɛɛ niŋ Jɛhowa kɛɛ yɛ ndupila chɔɔmɔŋ o Ebilaham, Aisaki, vɛlɛa Chekɔpu lo?

   2. Mi che bɛɛ naa mi Muuse yiyaŋ maa o tiu ba mbo tosa wali Jɛhowa ke ndu wo le, vɛɛ naa bɛɛ ŋ sinaŋ yɛ, te o yɔŋ pɛ miŋ yiyaŋ a mɛɛ Jɛhowa soliŋ ndu kpeku yɛ? (Ɛs. 6:12, 30; Luk. 21:13-15)

3. Nuawɔ Ɛsodɔɔ 7:1-13.

   1. Vɛɛ kɔl Muuse nda Eelɔŋ bii le Felo dimullo nyɛ Jɛhowa cho ndu tosallo, cho yɛ hau tamasi le buɛiyaa Mɛlɛkaa? (Ɛs. 7:2, 3, 6; Walta Wanaa Chiisuaa 4:29-31)

   2. Vɛɛ Jɛhowa chɔm yɛ maa kpaaya ndɔɔ hiou mɛlɛkaa Ichipiaŋnda? (Ɛs. 7:12; 1 Kol. 29:12)

Bundɛi 32

1. Tofawɔ fotueilaŋ ndaŋ, tɛɛsiaa wɔ kpundɛla yaala tase Jɛhowa tuisi Ichipiaŋnda choo laŋ?

2. Yɛɛ wa yɛ teŋgeŋndo kpundɛla yaala taselaŋ tɛɛŋ a la mɛɛlaalaŋ?

3. La kuɛɛ wa yɛ kpundɛ hiɔɔlundɔɔ, ŋuɛɛnundɔɔ, vɛlɛa ŋɔmpumndɔɔ?

4. Tɛɛsiaa wɔ kpundɛ ŋɔmɛundɔɔ, ŋɔmaandɔɔ, vɛlɛa ŋɔmahiɔɔlundɔɔ.

5. Tuupa mi kpundɛ tɔndɔɔ yɔŋnuŋ, yɛɛ Jɛhowa ndoo dimullɛ Isɔluɛitiiya le ma tosa?

6. Yɛɛ wa yɛ kpundɛ tɔndɔɔ? Nduyɛ yɛɛ yɔŋnuŋ yɛ mɛɛ o hiou fokpi?

Nyunala chɔɔlaalaŋ:

1. Nuawɔ Ɛsodɔɔ 7:19–8:23.

   1. Mi che bɛɛ naa mi wanaa maŋgalaa Ichipiaŋnda bɛɛ tosa kpundɛla tasela tiɔɔŋnda Jɛhowa vem Muuse nda Eelɔŋ tosaalaŋ, kɛ vɛɛ nda sina yɛ maa Jɛhowa hiou nda mɛɛ kpundɛ yaandɔɔ yɔŋnuŋ? (Ɛs. 8:18, 19; Mat. 12:24-28)

   2. Vɛɛ kpundɛ hiɔɔlundɔɔ chɔm yɛ maa Jɛhowa tiu ba mbo kiindiaa wanaa nduaa? Nduyɛ, vɛɛ hei sinaa ke yɛ wanaa Mɛlɛkaa kɔl dɛɛniaa a nyɛpalaa bɛndu cho nda lachi wo? (Ɛs. 8:22, 23; Chɔɔmɔŋndo 7:13, 14; 2 Kol. 16:9)

2. Nuawɔ Ɛsodɔɔ 8:24; 9:3, 6, 10, 11, 14, 16, 23-25; vɛlɛa 10:13-15, 21-23.

   1. Wanaa kundala tiɔɔŋ kuɛɛ kpundɛla tɔ laŋ la chɔm yɛ naa? Nduyɛ, vɛɛ hei mala yɛ naa hau miŋ che kundala tiɔɔŋnda laŋ? (Ɛs. 8:10, 18, 19; 9:14)

   2. Vɛɛ Ɛsodɔɔ 9:16 mala yɛ naa miŋ sina le sabu Jɛhowa chɛl mi Setana wa wɔ tei boondei hei ve? (Luom. 9:21, 22)

3. Nuawɔ Ɛsodɔɔ 12:21-32.

   Vɛɛ Hiouwɔɔ choo wo tosa yɛ mi wanaa bɔɔ bɔɔ sɔla kindaa? Nduyɛ, o yɛɛ Hiouwɔɔ choo wo hoo ndoo yulu yɛ iso? (Ɛs. 12:21-23; Chɔŋ 1:29; Luom. 5:18, 19, 21; 1 Kɔl. 5:7)

Bundɛi 33

1. Puaa Isɔluɛitiiyaa fula Ichipi wa kinɛi, o fula o waŋlaanduaa kɔɔli vɛlɛa chuaambuaa, vɛɛ nda wa yɛ? Nduyɛ nɛɛ waa ndaa tollɛ nda kɔɔli?

2. Mɛɛ Felo mal Isɔluɛitiiya ma kuaŋnuŋ, ɔɔ yiyaŋ ndoo hiŋ ndu o kɔllo? Nduyɛ yɛɛ ndoo tosa yɛ?

3. Yɔŋi Ichipiaŋnda ndaa huŋ del wanaa nduaa choo, yɛɛ Jɛhowa ndoo tosa yɛ?

4. Mɛɛ Muuse yulu tinda ndɔɔ o Pee Mɛŋma siaŋaa choo, yɛɛ ndoo yɔŋnuŋ yɛ? Nduyɛ yɛɛ Isɔluɛitiiya ndaa tosa yɛ?

5. Mɛɛ Ichipiaŋnda tol Isɔluɛitiiya kɔɔli o peelo, yɛɛ ndoo yɔŋnuŋ yɛ?

6. Vɛɛ Isɔluɛitiiya chɔm yɛ maa a naŋ kɔl nduyɛ ma mel Jɛhowa balika le mɛɛ o kiindiaa nda yɛ?

Nyunala chɔɔlaalaŋ:

1. Nuawɔ Ɛsodɔɔ 12:33-36.

   Vɛɛ Jɛhowa tosa yɛ a sabu mi wanaa nduaa sɔla paawaa le chɛle nda wa Ichipiaŋnda ba bɛŋguleŋ? (Ɛs. 3:21, 22; 12:35, 36)

2. Nuawɔ Ɛsodɔɔ 14:1-31.

   Vɛɛ diomnda Muuse cho la poonyiaa o Ɛsodɔɔ 14: 13, 14 niŋndaŋ la ke yɛ hau wanaa Jɛhowaa kɔl dɛɛniaa le chɔu Amakɛdɔŋ cho hunɔɔ wo? (2 Ko 20:17; Chon 91:8)

3. Nuawɔ Ɛsodɔɔ 15:1-8, 20, 21.

   1. Le yɛɛ buɛiyaa Jɛhowaa saŋgala yɛ ndu a chondoŋ? (Ɛs 15:1, 2; Chon 105:2, 3; Chɔɔmɔŋndo 15:3, 4)

   2. Mɛɛ Meeliaŋ a waŋlaanduaa cheleŋnda taŋ Pee Mɛŋma Siaŋaa, ma saŋgala Jɛhowa a chondoŋ. Tamasi kuɛɛ koŋ cho yɛ hau le waŋlaanduaa Kilisiɔŋnda? (Ɛs. 15:20, 21; Chon. 68:11)

Bundɛi 34

1. Yɛɛ waŋnda cho yɛ chɔuviaa lɛŋ o fotueiyo niŋ? Nduyɛ vɛɛ o nɔ yɛ diolaŋ?

2. Sila yɛɛ Muuse ndoo ke yɛ waŋnda a manɛiyo hoo chɔuviaa okɔɔ?

3. Yɛɛ Jɛhowa ndoo dimullɛ waŋnda le ma tosa o paale ŋɔmpumndeŋ choo? Nduyɛ le yɛɛ?

4. Kaamaa yɛɛ Jɛhowa ndoo tosa yɛ mɛɛ waŋnda kɛsi manɛiyo tei paale ŋɔmmɛuleŋ?

5. Le vɛɛ kpɛ Jɛhowa ndoo ke yɛ Isɔluɛitiiya manɛiyo?

Nyunala chɔɔlaalaŋ:

1. Nuawɔ Ɛsodɔɔ 16:1-36 vɛlɛa Chɔmndo 11:7-9.

   1. Vɛɛ Ɛsodɔɔ 16:8 chɔm yɛ naa maa ŋ nɔ miŋ ke wanaa Jɛhowa yulu iso o kunda Lekilisiɔŋndo niŋnda bɛɛleŋ? (Hibu. 13:17)

   2. Vɛɛ Isɔluɛitiiya wa yɛ loonɔŋndo sɔlaa idii a ichɔl o pollo niŋ le tiindaŋndo dɔuwɔɔ o Jɛhowa niŋ. (Ɛs. 16:14-16, 35; Dut. 8:2, 3)

   3. Vɛɛ Chiisu chɔm yɛ nyɛ manɛiyo simndo? Nduyɛ, vɛɛ naŋ dia yɛ beedii fula hoo choo choo wo tɔnɔ? (Chɔŋ 6:31-35, 40)

2. Nuawɔ Chɔɔsuaa 5:10-12.

   Le vɛɛnɛ wɔsilaŋ Isɔluɛitiiya de yɛ manɛiyo? Vɛɛ hoo wa yɛ tɔɔndaŋndo le nda, nduyɛ yɛɛ nyɛ naŋ pɛɛku o bundɛi hei niŋ? (Ɛs. 16:35; Ch. 11:4-6; 1 Kɔl. 10:10, 11)

Bundɛi 35

1. Mɛɛ o wa niŋ suɛi paŋguŋ muuŋ fula Isɔluɛitiiya Ichipi, kuɛɛ nda kɔ challɛ?

2. Yɛɛ Jɛhowa ndoo dimi yɛ le mi wanaa nduaa tosa? Nduyɛ yɛɛ wa yɛ muli ndaa?

3. Le yɛɛ Jɛhowa ndoo ke yɛ Muuse pouta yɛndɛla tiɔɔŋndaŋ?

4. O fula o Sawala Tɔlaŋ kɔɔli, sawala cheleŋ kuɛɛ Jɛhowa ndoo ke Isɔluɛitiiya?

5. Sawala tiɔɔŋnda kuɛɛ Chiisu dimi yɛ maa laŋ la hiou sawalaŋ kpede?

Nyunala chɔɔlaalaŋ:

1. Nuawɔ Ɛsodɔɔ 19:1-25; 20:1-21; 24:12-18; vɛlɛa 31:18.

   Vɛɛ diomnda cho la poonyiaa o Ɛsodɔɔ 19:8 niŋndaŋ la mala yɛ naa miŋ sina nyɛ yeemaŋ le yɔŋgɔŋ Lekilisiɔŋndo wo? (Mat. 16:24; 1 Pitɛ 4:1-3)

2. Nuawɔ Dutɔlɔnɔmi 6:4-6; Lɛfitikɔɔ 19:18; Maatiu 22:36-40.

   Vɛɛ Kilisiɔŋnda chɔm yɛ kaala ndaa le Mɛlɛka vɛlɛa wanaa cheleŋnda?

Bundɛi 36

1. Yɛɛ waŋnda cho yɛ tosaa o fotueiyo niŋ? Nduyɛ le yɛɛ?

2. Le yɛɛ Jɛhowa dɔunuŋ yɛ tumbe? Nduyɛ yɛɛnɛ Muuse tosa yɛ mɛɛ o che nyɛ waŋnda wa tosaa wo?

3. Yɛɛ Muuse ndoo dimullɛ puaa pum le ma tosa?

4. Tamasi kuɛɛ bundɛi hei pɛɛku yɛ naa?

Nyunala chɔɔlaalaŋ:

1. Nuawɔ Ɛsodɔɔ 32:1-35.

   1. Vɛɛ bundɛi hei mala yɛ naa miŋ sina yiyaŋ Jɛhowaa le muuliaŋndo piɛile tonyaleŋ a piɛile lachoowaleŋ? (Ɛs. 32:18, 19; Ɛfi. 5:15, 16; 1 Chɔŋ 2:15-17)

   2. Sila yɛɛ Kilisiɔŋnda nɔ yɛ ma kɛsiŋ o kɔl le yelelaŋndaŋ, mɛɛ chondoŋ solio a yolaŋ la cho naa yɛ? (Ɛs. 32:18, 19; Ɛfi. 5:15, 16; 1 Chɔŋ 2:15-17)

   3. Vɛɛ kaale Livaileŋ le kɛsi yɛ tamasi kɛndɔɔ le simndaŋ le sakpoyɛi tosaa? (Ɛs. 32:25-28; Chon. 18:25)

Bundɛi 37

1. Vɛɛ taŋgul cho o fotueiyo niŋndo nɔ yɛ diolaŋ? Nduyɛ le yɛɛ nda soliŋ yɛ ndu kpeku?

2. Le yɛɛ Jɛhowa ndoo dimullɛ Muuse maa o toosiaa maaŋndo mɛɛ nda looku mbo wa bɛɛŋ bɛɛŋ le ndu bɛɛŋuu wo yɛ?

3. Kɔfu kuɛɛ cho yɛ o lumui pɔmbɔɔ niŋ o maaŋndo mɛɛlulaŋ? Nduyɛ yɛɛnɛ cho yɛ leniŋ?

4. Nɛɛnɛ Jɛhowa ndoo hɛli yɛ le mbo wa masa wanaa soliaa salaa? Nduyɛ yɛɛnɛ masa wanaa soliaa salaa tosa yɛ?

5. Chɔmndɔ nyɛm sala yaa cho o lumui bɛndu maaŋndo hoo niŋndo?

6. Nyɛm sala tiɔɔŋ kuɛɛ cho yɛ o bɛɛ maaŋndo hoo? Nduyɛ kpeku yɛɛ nda soliŋ yɛ a muŋ?

Nyunala chɔɔlaalaŋ:

1. Nuawɔ Ɛsodɔɔ 25:8-40; 26:1-37; 27:1-8; vɛlɛa 28:1.

   Yɛɛ maalikɛiyaa cho o “kɔfu kpemaa” (NW) choo wa sim yɛ lewundu? (Ɛs. 25:20, 22; Ch. 7:89; 2 Ma. 19:15)

2. Nuawɔ Ɛsodɔɔ 30:1-10, 17-21; 34:1, 2; Hibuluiya 9:1-5.

   1. Le yɛɛ Jɛhowa kindila yɛ maa wanaa soli salaa o maaŋndo niŋnda nɔ ma wa a diandaa walaŋ o dialloŋ niŋ, nduyɛ vɛɛ hei piiliaŋ yɛ naa hau? (Ɛs. 30:18-21; 40:30, 31; Hibu. 10:22)

   2. Teleŋ kiilanɔɔ Pɔɔl poonyial Hibuluiya wo, vɛɛ o chɔm yɛ maa maaŋndo a Sawa kpemaa ve lɛ sawa le Ŋkilisiɔŋ te? (Hibu. 9:1, 9; 10:1)

Bundɛi 38

1. Vɛɛ ŋ tɛɛsiaa yɛ kpɔŋjɔ makpɔŋgbɔtii cho o fotueiyo niŋndo, nduyɛ kuɛɛnɛ nda fula yɛ a ndu?

2. Le yɛɛ Muuse vem yɛ suaŋsuaŋnda 12 o lɛŋnde Kenaŋndeŋ niŋ?

3. Kona yɛɛ suaŋsuaŋaa tɔa dounuŋ yɛ Muuse mɛɛ nda miiŋgu?

4. Vɛɛ suaŋsuaŋaa ŋiɔɔŋnda dɔu yɛ tiindaŋndo o Jɛhowa niŋ, nduyɛ ɔɔ diola ndalaŋ?

5. Le yɛɛ Jɛhowa dɔunuŋ yɛ tumbe, nduyɛ yɛɛ o dimullɛ Muuse?

Nyunala chɔɔlaalaŋ:

1. Nuawɔ Chɔmndo 13:1-33.

   1. Nɛɛ waa ndaa hɛli yɛ le kɔlaŋ lɛŋndeŋ mɛɛdaŋndo, nduyɛ di keŋnaŋ kuɛɛ ndaa sɔla yɛ? (Ch. 13:2, 3, 18-20)

   2. Vɛɛ yiyaŋ Chɔɔsuaa a Kelɛbi wo wa yɛ teŋgeŋ a suaŋsuaŋaa tuaa, nduyɛ yɛɛnɛ hei cho yɛ naa pɛɛkoo? (Ch. 13:28-30; Mat. 17:20; 2 Kɔl. 5:7)

2. Nuawɔ Chɔmndo 14:1-38.

   1. Sila kuɛɛ naŋ nɔ yɛ miŋ bii le ŋɔɔchiaŋndo a wanaa Jɛhowa yulu iso o lɛŋndeŋ choo wa? (Ch. 14:2, 3, 27; Mat. 25:40, 45; 1 Kɔl. 10:10)

   2. Vɛɛ Chɔmndo 14:24 chɔm yɛ naa maa Jɛhowa nɔ yeemɛi le wana o wana cho buɛi ndɔ o lɛŋndeŋ choo?

Bundɛi 39

1. Nɛɛ waa simullɛ Muuse nda Eelɔŋ, nduyɛ yɛɛ ndaa dimullɛ Muuse?

2. Yɛɛ Muuse dimullɛ Kola a ŋwaŋ 250 tol ndu kɔɔli wa le ma tosa?

3. Yɛɛ Muuse dimullɛ waŋnda, nduyɛ yɛɛ yɔŋnuŋ yɛ mɛɛ o mei dɔɔ sondo?

4. Yɛɛ yɔŋnuŋ yɛ Kola a ŋwaŋ 250 tol ndu Kɔɔli wa?

5. Yɛɛnɛ po Eelɔŋndo, Eliyesa tosa yɛ a kumbula chuaa leyiŋ wanaa vi kaŋnda, nduyɛ le yɛɛ?

6. Nuawɔ fotueiyo. Le yɛɛnɛ Jɛhowa tosa yɛ mi tinda Eelɔŋndo wul filawɛilaŋ?

Nyunala chɔɔlaalaŋ:

1. Nuawɔ Chɔmndo 16:1-49.

   1. Yɛɛ Kola a wanaa tol ndu kɔɔli wa tosa yɛ, nduyɛ vɛɛ kaa hoo chɔm yɛ maa Jɛhowa nda simul ni? (Ch. 16:9, 10, 18; Lɛf. 10:1, 2; Tal. 11:2)

   2. Yiyaŋ wɔɔŋ suu kuɛɛ Kola a simlachiaa 250 ndaa nɔ yɛ? (Ch. 16:1-3; Tal. 15:33; Ais. 49:7)

2. Nuawɔ Chɔmndo 17:1-11; 26:10.

   1. Yɛɛ filawɛila vil o tinda Eelɔŋndo laŋ la chɔm yɛ, nduyɛ le yɛɛ Jɛhowa dimi yɛ maa a kɔ kɛsi ndu o kɔfu kpemaa niŋ? (Ch. 17:5, 8, 10)

   2. Yɛɛ naŋ pɛɛku yɛ a filawɛila vil o tinda Eelɔŋndo laŋ? (Ch. 17:10; Walta Wanaa Chiisuaa 20:28; Fil. 2:14; Hibu. 13:17)

Bundɛi 40

1. Vɛɛ Jɛhowa wa yɛ Isɔluɛitiiya mandaa boondii nda wa o pollo niŋnde?

2. Mɛɛ Isɔluɛitiiya fuuluu Kedɛɛsi, ŋɔɔchiaŋ yɛɛ nda wa yɛ?

3. Vɛɛ Jɛhowa looku yɛ mɛŋndaŋ soli le waŋnda vɛlɛa visiaa ndaa?

4. Nuawɔ fotueiyo. Nɛɛ cho yɛ koŋ ndupila suei yulɔŋndo, nduyɛ le yɛɛ o cho yɛ keŋ tosaa?

5. Le yɛɛ Jɛhowa tuulu yɛ kɔl a Muuse vɛlɛa Eelɔŋ? Nduyɛ vɛɛ o sila yɛ nda?

6. Yɛɛ yɔŋnuŋ yɛ o Pembei Hɔɔ, nduyɛ nɛɛ simnuŋ yɛ masa wanaa soliaa sala Isɔluɛitiiya?

Nyunala chɔɔlaalaŋ:

1. Nuawɔ Chɔmndo 20:1-13, 22-29 vɛlɛa Dutɔlɔnɔmi 29:5.

   1. Yɛɛ naŋ pɛɛku yɛ a mɛɛ Jɛhowa manda Isɔluɛitiiya o pollo niŋ yɛ? (Dut. 29:5; Mat. 6:31; Hibu. 13:5; Chem. 1:17)

   2. Vɛɛ Jɛhowa che yɛ siɔwii Muuse nda Eelɔŋ tosa le ndu kiɔɔ saŋgalaa Isɔluɛitiiya o hɔl le? (Ch. 20:12; 1 Kɔl. 10:12; Chɔɔmɔŋndo 4:11)

   3. Mɛɛ Jɛhowa sila Muuse, yɛɛ ndoo tosa yɛ? Nduyɛ yɛɛ naŋ pɛɛku yɛ a mɛɛ o bii sila koŋ yɛ? (Ch. 12:3; 20:12, 27, 28; Dut. 32:4; Hibu. 12:7-11)

Bundɛi 41

1. O fotueiyo niŋ, yɛɛ cho yɛ koŋ o pinda pindaa o yɔmndo? Nduyɛ le yɛɛ Jɛhowa dimullɛ Muuse le mbo heelu ndu loŋ?

2. Vɛɛ waŋnda kɛɛ yɛ balika melaa chɔmndo le nyɛ o nyɛ Mɛlɛka tosal nda?

3. Mɛɛ Jɛhowa yɔŋ kɛuwaa wɔɔŋnda ma wa waŋnda lɔuviaa, yɛɛ nda dimullɛ Muuse le mbo tosal nda?

4. Le yɛɛnɛ Jɛhowa dimullɛ Muuse le mbo toosiaa kɛu chiliŋii siaŋaa?

5. Yɛɛ naŋ pɛɛku yɛ o bundɛi hei niŋ?

Nyunala chɔɔlaalaŋ:

1. Nuawɔ Chɔmndo 21:4-9.

   1. Vɛɛ nyɛdiaa Jɛhowa wa Isɔluɛitiiya kio ma ŋɔɔchiaŋndo cho yɛ hau silaa le naa? (Ch. 21:5, 6; Luom. 2:4)

   2. Mɛɛ wɔsila bɔɔ bɔɔ la hiou, vɛɛ Isɔluɛitiiya ndaa soliŋ yɛ kɛu chiliŋii siaŋaa kpeku? Nduyɛ yɛɛ Masaa Hɛsikaya ndoo tosa yɛ? (Ch. 21:9; 2 Ma. 18:1-4)

2. Nuawɔ Chɔŋ 3:14, 15.

   Vɛɛ kɛu chiliŋii siaŋa nda pinda pinda o yɔmndo choo wo vellɛ baŋɔɔ nda baŋ Chiisu o yɔmndo choo wo? (Kal. 3:13; 1 Pitɛ 2:24)

Bundɛi 42

1. Nɛɛ cho yɛ Balak? Nduyɛ le yɛɛ o vem yɛ waŋnda le ma kɔ veelu Belam?

2. Le yɛɛ sofɛlɛ Belamndo hini yɛ o nɛi?

3. Yɛɛ Belam tuei yɛ sofɛlɔɔ dimio?

4. Yɛɛ maalikɛinɔ Mɛlɛkaa dimullɛ Belam?

5. Mɛɛ Belam kindiŋ le Isɔluɛitiiya Menaa, yɛɛ ndoo yɔŋnuŋ yɛ?

Nyunala chɔɔlaalaŋ:

1. Nuawɔ Chɔmndo 21:21-35.

   Le yɛɛ Isɔluɛitiiya tiu yɛ Saihɔŋ masa Amɔnaitiiya a Ɔgi masaa Bashaŋ ba? (Chɔ. 21:21, 23, 33, 34)

2. Nuawɔ Chɔmndo 22:1-40.

   Le yɛɛ Belam kuɛ yɛ le Isɔluɛitiiya Menaa? Nduyɛ, yɛɛ naŋ ŋ pɛɛku yɛ o hei niŋ? (Ch 22:16, 17; Ta 6:16, 18; 2 Pitɛ 2:15; Chiud 11)

3. Nuawɔ Chɔmndo 23:1-30.

   Mi che bɛɛ naa mi Belam suaa maa wana piɛiyaa Jɛhowa, vɛɛ kaala ndɔlaŋ la chɔm yɛ nyɛ cheleŋ? (Ch. 23:3, 11-14; 1 Sam. 15:22)

4. Nuawɔ Chɔmndo 24:1-25.

   Vɛɛ bundɛi hei o Baabuiyo niŋ kindi yɛ laalaŋ naa a mɛɛ Jɛhowa cho kɔlaŋ a sabula ndɔlaŋ peeloo yɛ? (Ch. 24:10; Ais. 54:17)

Bundɛi 43

1. Nuawɔ fotueiyo, puaa ŋiɔɔŋaa kuɛɛ sim yɛ kaŋ latulu nda Muuse?

2. Yɛɛ Jɛhowa dimullɛ Chɔɔsuaa?

3. Le yɛɛ Muuse hel lɛ o Pembii Nibo ve choo? Nduyɛ, yɛɛ Jɛhowa dimullɛ ndu?

4. Vɛɛnɛ Muuse wa yɛ wɔsilaŋ mbo wu?

5. Le yɛɛ waŋnda ndaa tambu yɛ kɔl? Kɛ le sabu yɛɛ nda wa yɛ vɛlɛ a kɔl kɛndɛ?

Nyunala chɔɔlaalaŋ:

1. Nuawɔ Chɔmndo 27:12-23.

   Kalaŋ lusulɛi kuɛɛ Jɛhowa ndoo ke yɛ Chɔɔsuaa? Nduyɛ vɛɛ Jɛhowa chɔm yɛ hau maa o buulaŋ tau le wanaa nduaa? (Ch. 27:15-19; Walta Wanaa Chiisuaa 20:28; Hibu. 13:7)

2. Nuawɔ Dutɔlɔnɔmi 3:23-29.

   Le yɛɛnɛ Jɛhowa chɛl Muuse nda Eelɔŋ ma kuɛ o lɛŋnde Kenaŋndeŋ niŋ te, nduyɛ yɛɛ naŋ pɛɛku yɛ o hei niŋ? (Dut. 3:25-27; Ch. 20:12, 13)

3. Nuawɔ Dutɔlɔnɔmi 31:1-8, 14-23.

   Vɛɛ choŋgɔŋ Muuse choŋguŋ Isɔluɛitiiya wo chɔm yɛ maa o bii sila Jɛhowa ke ndu wo a lebɛɛ? (Dut. 31:6-8, 23)

4. Nuawɔ Dutɔlɔnɔmi 32:45-52.

   Vɛɛ diom Mɛlɛkaa piiliaŋ yɛ yoomula naalaŋ? (Dut. 32:47; Lɛf. 18:5; Hibu. 4:12)

5. Nuawɔ Dutɔlɔnɔmi 34:1-12.

   Mi che bɛɛ naa Muuse chi Jɛhowa pɛɛŋ a lehɔl te, kɛ vɛɛ Dutɔlɔnɔmi 34:10 chɔm yɛ chaŋyɛi wa ndu tɛɛŋ nda Jɛhowa ve? (Ɛs. 33:11, 20; Ch. 12:8)

Bundɛi 44

1. Chiee kuɛɛ Luehab wa yɛ ichali?

2. Puaa ŋiɔɔŋaa kuɛɛ cho yɛ o fotueiyo niŋ? Nduyɛ le yɛɛ nda cho yɛ Chɛliko?

3. Yɛɛnɛ masaa Chɛliko dimullɛ Luehab le mbo tosa, nduyɛ vɛɛnɛ Luehab mulullɛ ndu?

4. Vɛɛnɛ Luehab mala yɛ puaa ŋiɔɔŋnda, nduyɛ yɛɛnɛ o dimullɛ nda le ma tosal ndu?

5. Diomnde suu kuɛɛ suaŋsuaŋaa ŋiɔɔŋnda mɛi yɛ a Luehab?

Nyunala chɔɔlaalaŋ:

1. Nuawɔ Chɔɔsuaa 2:1-24.

   Vɛɛ diomnda Jɛhowalaŋ o Ɛsodɔɔ 23:28 niŋ la sɔla yɛ peelɔŋndo mɛɛ Isɔluɛitiiya del Chɛliko choo a chɔulabaa? (Chɔ. 2:9-11)

2. Nuawɔ Hibuluiya 11:31.

   Vɛɛ tamasi Luehab wo chɔm yɛ sɔwɛyɛi laalaŋndo? (Luom. 1:17; Hibu. 10:39; Chem. 2:25)

Bundɛi 45

1. Kaamaa yɛɛ Jɛhowa tosa yɛ halikpeŋ mi Isɔluɛitiiya taŋ Pioo Chɔɔdaŋ?

2. Laalaŋ kuɛɛ Isɔluɛitiiya nɔ yɛ ma chɔm halikpeŋ ma taŋ Pioo Chɔɔdaŋ?

3. Le yɛɛ Jɛhowa dimul lɛ Chɔɔsuaa le mbo dii poutaŋ 12 o kɔŋgɔ?

4. Mɛɛ wanaa soliaa salaa hel dɔɔ o kɔŋgɔ, yɛɛ ndoo yɔŋnuŋ yɛ?

Nyunala chɔɔlaalaŋ:

1. Nuawɔ Chɔɔsuaa 3:1-17.

   1. A mɛɛ i chɔmnuŋ o Bundɛi hei niŋ yɛ, yɛɛ naŋ nɔ yɛ miŋ tosa tuupa miŋ sɔla mala Jɛhowaa vɛlɛa sala ndɔɔ? (Chɔ. 3:13, 15; Tal. 3:5; Chem. 2:22, 26)

   2. Tuupa mi Isɔluɛitiiya luɛi o lɛŋnde Kenaŋndeŋ niŋ, vɛɛ mɛŋma Chɔɔdaŋndaŋ ma wa yɛ? Nduyɛ vɛɛ hei tosa yɛ mi diola Jɛhowalaŋ la fula tɔɔ? (Chɔ. 3:15; 4:18; Chon. 66:5-7)

2. Nuawɔ Chɔɔsuaa 4:1-18.

   Le sabu yɛɛ nda soli yɛ poutaŋ 12 Chɔɔdaŋ ma dii laŋ Kilga? (Chɔ. 4:4-7)

Bundɛi 46

1. Yɛɛ Jɛhowa ndoo dimul lɛ puaa chɔuwa a wanaa soliaa salaa le ma tosa le palɛi iŋɔmpum?

2. Yɛɛ puaa haa nɔ yɛ ma tosa o paale ŋɔmmɛuleŋ choo?

3. A mɛɛ ŋ cho chɔɔ o fotueiyo niŋ yɛ, yɛɛ cho yɛ yɔŋnɔŋndo a kpakio Chɛliko?

4. Le yɛɛ kɛi siaŋaa cho yɛ o baa o widɛiyo?

5. Yɛɛ Chɔɔsuaa dimul lɛ puaa nduaa chɔuwa le ma tosa a waŋnda vɛlɛa chioo Chɛliko? Kɛ yɛɛ nda nɔ yɛ ma tosa a kaniŋ humboŋ, kooliiyoŋ, Chiliŋuŋ siaŋaŋ vɛlɛa Chiliŋuŋ suu o suu?

6. Yɛɛ Chɔɔsuaa dimullɛ suaŋsuaŋaa ŋiɔɔŋnda le ma tosa?

Nyunala chɔɔlaalaŋ:

1. Nuawɔ Chɔɔsuaa 6:1-25.

   1. Vɛɛ balɔɔ Isɔluɛitiiya wa Chɛliko o Paale ŋɔmmɛuleŋ choo wo velaŋ yɛ a yooŋgu kɛndɛ Seiyaa Jɛhowaa balu dimio hau o palɛi mɛɛlɛi hei niŋnde? (Chɔ. 6:15, 16; Ais. 60:22; Mat. 24:14; 1 Kɔl. 9:16)

   2. Vɛɛ sɔɔŋ poonyiaŋ o Chɔɔsuaa 6:26 niŋndoŋ sɔla yɛ peelɔŋndo o wɔsila 500 kɔɔli, nduyɛ yɛɛ hei pɛɛku yɛ naa a diom Jɛhowaa okɔɔ? (1 Ma. 16:34; Ais. 55:11)

Bundɛi 47

1. Nuawɔ fotueiyo. Nɛɛ cho yɛ koŋ nyɛm nda chua Chɛliko woŋ tuwɔɔ lɛŋ? Nduyɛ nɛɛ waa cho yɛ kaŋ ndu malaa?

2. Le yɛɛ nyɛ Ekaŋ a yuŋgu ndɔɔ tosa wo cho yɛ haki bɛndu?

3. Mɛɛ Chɔɔsuaa nyuna Jɛhowa le sabu nda kɔ tiu Isɔluɛitiiya ba o chɔuwo Eyai wo, yɛɛ Jɛhowa dimullɛ ndu?

4. Mɛɛ nda hiŋ a Ekaŋ vɛlɛa yuŋgu ndɔɔ naa Chɔɔsuaa cha, yɛɛ yɔŋnuŋ yɛ nda okoŋ kɔɔli?

5. Suɛi sɔwɛ kuɛɛ naŋ pɛɛku yɛ a yamɛi nda kilul Ekaŋ nde?

Nyunala chɔɔlaalaŋ:

1. Nuawɔ Chɔɔsuaa 7:1-26.

   1. Vɛɛ piɛile Chɔɔsuaa leŋ le chɔm yɛ chaŋyɛi nduɛi nda Jɛhowa tɛɛŋ? (Chɔ. 7:7-9; Chon. 119:145; 1 Chɔŋ 5:14)

   2. Yɛɛ tamasi Ekaŋndo chɔm yɛ? Nduyɛ, vɛɛ hei cho yɛ maa silaa le naa? (Chɔ. 7:11, 14, 15; Tal. 15:3; 1 Tim. 5:24; Hibu. 4:13)

2. Nuawɔ Chɔɔsuaa 8:1-29.

   Kalaŋ kuɛɛ naa kpede nɔ yɛ o kunda Lekilisiɔŋndo niŋ hau? (Chɔ. 7:13; Lɛf. 5:1; Tal. 28:13)

Bundɛi 48

1. Vɛɛ wanaa wa Kiibiɔŋnda wa yɛ teŋgeŋ a wanaa wa o chieeŋ wa nda ikɛi o lɛŋnde Kenaŋndeŋ niŋ ndoŋ?

2. A mɛɛ i cho i tuulaŋ o fotueiyo niŋ yɛ, yɛɛnɛ Kiibiɔnaitiiya ndaa tosa yɛ? Nduyɛ le yɛɛ?

3. Kpema yɛɛ Chɔɔsuaa nda simlachiaa Isɔluɛi yii yɛ a Kiibiɔnaitiiya? Kɛ yɛɛ nda sina yɛ o koŋ kɔɔli?

4. Mɛɛ masaa cho o chieeŋ cheleŋndoŋ niŋ nda tuei maa Kiibiɔnaitiiya yii kpemaa le kɔl nyuloo a Isɔluɛitiiya, yɛɛ yɔŋnuŋ yɛ?

Nyunala chɔɔlaalaŋ:

1. Nuawɔ Chɔɔsuaa 9:1-27.

   1. Mi Jɛhowa dimul Isɔluɛitiiya maa a diu wana o wana cho o lɛŋnde leŋ niŋ, kɛ ma kiindiaa Kiibiɔnaitiiya. Suliŋnda kuɛɛ Jɛhowa la chɔmnuŋ o hei niŋ? (Chɔ. 9:22, 24; Mat. 9:13; Walta Wanaa Chiisuaa 10:34, 35; 2 Pitɛ 3:9)

   2. A mɛɛ Chɔɔsuaa lo o lediom a kpema o yii nda Kiibiɔnaitiiya wo yɛ, vɛɛ o kɛsi yɛ tamaselii kɛndɔɔ le Kilisiɔŋnda hau? (Chɔ. 9:18, 19; Mat. 5:37; Ɛfi. 4:25)

2. Nuawɔ Chɔɔsuaa 10:1-5.

   Vɛɛ faŋga chuu chɔm tia hau tuula yɛ Kiibiɔnaitiiya? Nduyɛ, yaamɔɔnɔ nɛɛ nda simnuŋ yɛ? (Chɔ. 10:4; Sɛk. 8:23; Mat. 25:35-40; Chɔɔmɔŋndo 12:17)

Bundɛi 49

1. O fotueiyo niŋ, yɛɛ Chɔɔsuaa cho yɛ dimio, nduyɛ le yɛɛ?

2. Vɛɛ Jɛhowa mala yɛ Chɔɔsuaa a puaa nduaa Chɔuwa?

3. Vɛɛnɛ masaa yaamɔɔwaa Chɔɔsuaa tiu ba wa ndaa wa yɛ bolle pilɛ? Nduyɛ, vɛɛ kpɛ o chua yɛ wɔsilaŋ le mbo tiu nda ba?

4. Le yɛɛ Chɔɔsuaa piɔu yɛ lɛŋnde Kenaŋndeŋ tɛɛŋ?

5. Vɛɛ Chɔɔsuaa wa yɛ wɔsilaŋ mbo wu? Nduyɛ, yɛɛ yɔŋnuŋ yɛ a waŋnda o piɔm ndɔɔ kɔɔli?

Nyunala chɔɔlaalaŋ:

1. Nuawɔ Chɔɔsuaa 10:6-15.

   Vɛɛ Paale a Paŋgii Jɛhowa simi yi le Isɔluɛitiiya wo ke yɛ naa hau tiindaŋndo? (Chɔ 10:8, 10, 12, 13; Chon 18:3; Ta 18:10)

2. Nuawɔ Chɔɔsuaa 12:7-24.

   Nɛɛ kpeekpei tosa yɛ mi Chɔɔsuaa tiu masaa 31 ba o lɛŋnde Kenaŋndeŋ niŋ? Nduyɛ, le yɛɛ hei cho yɛ suɛi sɔwɛ le naa hau?

3. Nuawɔ Chɔɔsuaa 14:1-5.

   Vɛɛ nda piɔu yɛ lɛŋndeŋ kaalaŋ Isɔluɛi tɛɛŋ? Nduyɛ vɛɛ hei chɔm yɛ a nyɔŋ nɔɔ o Kpele hɛnɛkiɔɔ niŋ? (Chɔ. 14:2; Ais. 65:21; Ɛsi. 47:21-23; 1 Kɔl. 14:33)

4. Nuawɔ Wanaa Kialaa Ŋyamaa 2:8-13.

   A mɛɛ Chɔɔsuaa wa Isɔluɛi yɛ, nɛɛ waa simullɛ hau piɛile lachoowa leŋ? (Wky. 2:8, 10, 11; Mat. 24:45-47; 2 Tɛs. 2:3-6; Tai. 1:7-9; Chɔɔmɔŋndo 1:1; 2:1, 2)

Bundɛi 50

1. Nɛɛ waa cho yɛ wanaa kialaa ŋyamaa? Nduyɛ, vɛɛnɛ apum diolaŋ?

2. Ɔɔ wali teŋgeŋ Dɛbola ndoo tosa wo? Nduyɛ yɛɛ ndoo yeemaŋ yɛ o wali koŋ niŋ?

3. Mɛɛ masaa Chabiŋ a masa puaa nduaa chɔuwa Sisila kɔŋgɔlaŋ Isɔluɛitiiya, yooŋgu yɛɛ Jɛhowa ndoo dimullɛ Dɛbola le mbo dimul masaa Belak? Nduyɛ, nɛɛ ndoo dimi yɛ maa o cho tɔɔ sɔla?

4. Vɛɛ Cheyɛl chɔm yɛ maa o cho wana lanɔ kɔl sikpa?

5. Yɛɛ yɔŋnuŋ yɛ o piɔm masaa Chabiŋndo kɔɔli?

Nyunala chɔɔlaalaŋ:

1. Nuawɔ Wanaa Kialaa Ŋyamaa 2:14-22.

   Vɛɛ Isɔluɛitiiya tuisiŋ yɛ tumbe Jɛhowaa ndapila choo? Nduyɛ, yɛɛ naŋ pɛɛku yɛ o hei niŋ? (Wky. 2:20; Tal. 3:1, 2; Ɛsi. 18:21-23)

2. Nuawɔ Wanaa Kialaa Ŋyamaa 4:1-24.

   Yɛɛ waŋlaanduaa Kilisiɔŋnda hau pɛɛku yɛ o tamasi Cheyɛllo vɛlɛa Dɛbolaa le nɔɔ laalaŋndo vɛlɛa kɔl sikpaa? (Wky. 4:4, 8, 9, 14, 21, 22; Tal. 31:30; 1 Kɔl. 16:13)

3. Nuawɔ Wanaa Kialaa Ŋyamaa 5:1-31.

   Vɛɛ chondii Belak a Dɛbola soli le chɔu nda yemndo vellɛ hau Piɛileŋ le chɔu Amakɛdɔŋ cho hunɔɔ wo? (Wky. 5:3, 31; 1 Kol. 16:8-10; Chɔɔmɔŋndo 7:9, 10; 16:16; 19:19-21)

Bundɛi 51

1. Vɛɛ Nawomi looku yɛ hunɔɔ o lɛŋnde Moabileŋ niŋ?

2. Wanaa suu maa vɛɛ Lutu nda Ɔpa wa yɛ?

3. Mɛɛ Nawomi dimul Lutu nda Ɔpa le ma miiŋgu o wanaa ndaa lo, vɛɛ o kɛ kɛ fee mulul lɛ ndu?

4. Nɛɛnɛ cho yɛ Bowaa? Nduyɛ vɛɛnɛ o mala yɛ Lutu nda Nawomi?

5. Vɛɛ chɛlɛkpɛ Lutu nda Bowaa velu wo nɔ yɛ diolaŋ? Nduyɛ le yɛɛ naŋ loonuŋ yɛ a ndu?

Nyunala chɔɔlaalaŋ:

1. Nuawɔ Lutu 1:1-17.

   1. Diomnda kɛndɛ yɛɛ Lutu soo yɛ mbo chɔm maa o nɔ kaala kpeekpeiyo? (Lutu 1:16, 17)

   2. Vɛɛ kaa Lutu chɔmndo a diomnda o soolaŋ la vellɛ kaa ‘saa cheleŋnda’ chɔm le chiaa laalaŋnda o lɛŋndeŋ choo hau wo? (Chɔŋ 10:16; Sɛk. 8:23)

2. Nuawɔ Lutu 2:1-23.

   Vɛɛ Lutu kɛsi yɛ tamasi kɛndɔɔ le waŋlaanduaa feleŋguaa hau? (Lutu 2:17, 18; Tal. 23:22; 31:15)

3. Nuawɔ Lutu 3:5-13.

   1. Yɔŋi Lutu chal chua piaandoo o ba, mbo chal Bowaa o ba o nɔɔ niŋ. Vɛɛ Bowaa che yɛ yeemɛi Lutu chɔm keŋ nde?

   2. Yɛɛ kaa Lutoo pɛɛku yɛ naa a kaala kpeekpeiyo okɔɔ? (Lutu 3:10; 1 Kɔl. 13:4, 5)

4. Nuawɔ Lutu 4:7-17.

   Vɛɛ puaa Kilisiɔŋnda hau bɛɛ nɔ yɛ ma wa maa Bowaa? (Lutu 4:9, 10; 1 Tim. 3:1, 12, 13; 5:8.)

Bundɛi 52

1. Vɛɛ Isɔluɛitiiya wa yɛ o kpundɔɔ niŋ, nduyɛ le yɛɛ?

2. Le yɛɛ Jɛhowa dimullɛ Kiidiɔŋ maa o nɔ bɔɔ puaa chɔuwa?

3. Mɛɛ Kiidiɔŋ dimul puaa nɔ sioonde wa maa a miiŋgu chiee, vɛɛ puaa chɔuwa ndaa lo yɛ?

4. Nuawɔ fotueiyo. Tɛɛsiaa wɔ mɛɛ Jɛhowa looku puaa chɔuwaa Kiidiɔŋnda dɔɔniaa ma lo 300 kinɛi yɛ?

5. Vɛɛ Kiidiɔŋ kɔɔniaa yɛ puaa nduaa 300 wa, nduyɛ vɛɛ Isɔluɛitiiya looku yɛ chɔuwo yomɔɔ?

Nyunala chɔɔlaalaŋ:

1. Nuawɔ Wanaa Kialaa Ŋyamaa 6:36-40.

   1. Vɛɛ Kiidiɔŋ tosa yɛ hɛnaŋ Jɛhowaa?

   2. Vɛɛ naa bɛɛ ŋ looku yɛ sina nyɛ cho hɛnaŋ Jɛhowaa wo? (Tal. 2:3-6; Mat. 7:7-11; 2 Tim. 3:16, 17)

2. Nuawɔ Wanaa Kialaa Ŋyamaa 7:1-25.

   1. Yɛɛ naŋ pɛɛku yɛ o puaa 300 lo haa yekeŋnda tɛɛŋ a wanaa chɔm dialuŋ vilɛiyoŋnda? (Wky. 7:3, 6; Luom. 13:11, 12; Ɛfi. 5:15-17)

   2. A mɛɛ puaa 300 sɔla kɔlkaloo le nua nda wa Kiidiɔŋndo yɛ, vɛɛ naa bɛɛ ŋ nua yɛ hau Kiidiɔŋ Bɛndoo, Chiisu Kiliti? (Wky. 7:17; Mat. 11:29, 30; 28:19, 20; 1 Pitɛ 2:21)

   3. Vɛɛ Wanaa Kialaa Ŋyamaa 7:21 mala yɛ naa miŋ sina maa ŋ nɔ miŋ hini kɔl a nyɛ o nyɛ nda ke naa le tosaa o kɔɔna Jɛhowaa niŋ? (1 Kɔl. 4:2; 12:14-18; Chem. 4:10)

3. Nuawɔ Wanaa Kialaa Ŋyamaa 8:1-3.

   Te kɛɛ sina lapɛŋgoo yɔŋnuŋ puaa pilɛnɔɔ nda nde pilɛnɔɔ tɛɛŋ pɛ, yɛɛ naŋ pɛɛku yɛ o nyɛ Kiidiɔŋ tosa le chiiyo sɛɛŋgiaŋ wa nda tɛɛŋ nda Ifilemaitiiya wa? (Tal. 15:1; Mat. 5:23, 24; Luk. 9:48)

Bundɛi 53

1. Nɛɛnɛ wa yɛ Chɛfita? Nduyɛ a boondii kuɛɛ o wa yɛ achal?

2. Buŋgɛi yɛɛ o chua yɛ o Jɛhowa lo?

3. Mɛɛ Chɛfita yem chɔuwo Amɔnaitiiya choo mbo miiŋgu chiee, le yɛɛ o tambu yɛ kɔl?

4. Yɛɛ chua Chɛfitaa ndoo tosa yɛ mɛɛ o tuei a buŋgɛi finya ndɔ chua ve okɔɔ?

5. Le yɛɛ waŋnda ndaa kaala yɛ chua Chɛfitaa?

Nyunala chɔɔlaalaŋ:

1. Nuawɔ Wanaa Kialaa Ŋyamaa 10:6-18.

   Sila yɛɛ naŋ nɔ yɛ miŋ bii o kɔl a mɛɛ Isɔluɛitiiya kɛɛ sandei chɔmndo o Jɛhowa lo yɛ? (Wky. 10:6, 15, 16; Luom. 15:4; Chɔɔmɔŋndo 2:10)

2. Nuawɔ Wanaa Kialaa Ŋyamaa 11:1-11, 29-40.

   1. Vɛɛ naŋ looku yɛ sina maa yɔŋgu Chɛfita yɔŋgu chuandɔɔ “maa sala luamaa wo” (NW) chɔm naa maa a yiŋndeŋ te o soli ndu sala le? (Wky. 11:31; Lɛf. 16:24; Dut. 18:10, 12)

   2. O nɛi kuɛɛ choo Chɛfita yɔŋgu yɛ chua ndɔɔ maa sala soliaa?

   3. Yɛɛ naŋ pɛɛku yɛ a nyɛ Chɛfita tosa le buŋgɛi o chua o Jɛhowa lo ve? (Wky. 11:35, 39; Ikil. 5:4, 5; Mat. 16:24)

   4. Vɛɛ feleŋguaa Kilisiɔŋnda hau tuula yɛ tamasi chua Chɛfitaa le wali lɔɔ lɔɔ wo tosaa o kɔɔna Jɛhowaa niŋ? (Wky. 11:36; Mat. 6:33; Fil. 3:8)

Bundɛi 54

1. Vɛɛ po wa achal mbo nɔ kpaayaa le chieeŋndo kpede wo ndoo nɔ yɛ diolaŋ?

2. A mɛɛ i cho o fotueiyo niŋ yɛ, yɛɛnɛ Samsiŋ ndoo tosa yɛ paale pilɛ a kpɔkuŋndo?

3. O fotueiyo niŋ, suɛi yɛɛ Samsiŋ cho yɛ Dilaila dimullo, nduyɛ vɛɛ hei tosa yɛ mi Filitiaŋnda nɔla ndu biyɔɔ?

4. O paale Samsiŋ vileŋ choo, vɛɛ o looku yɛ Filitiaŋaa 3000 diyɔɔ?

Nyunala chɔɔlaalaŋ:

1. Nuawɔ Wanaa Kialaa Ŋyamaa 13:1-14.

   Vɛɛ Manua nda laandɔ kɛsi yɛ tamasi kɛndɔɔ le kalaŋchuauwa a mɛɛ nda nɔ ma manda hau chuauwaa ndaa yɛ? (Wky. 13:8; Chon. 127:3; Ɛfi. 6:4)

2. Nuawɔ Wanaa Kialaa Ŋyamaa 14:5-9; 15:9-16.

   1. Te ŋ yiyaŋ pɛ a mɛɛ Samsiŋ dii kpɔkuŋndo yɛ, mbo kialu yoole sɛnɛile nda yii ndu leŋ, vɛlɛa mɛɛ o soliŋ taaye sofɛlɔɔ kpeku mbo diu puaa 1000 yɛ, vɛɛ koŋ chɔm yɛ naa a mɛɛ nyina Jɛhowaa tosa wallo yɛ?

   2. Vɛɛ nyina Jɛhowaa mala yɛ naa hau? (Wky. 14:6; 15:14; Sɛk. 4:6; Walta Wanaa Chiisuaa 4:31)

3. Nuawɔ Wanaa Kialaa Ŋyamaa 16:18-31.

   Vɛɛ chaŋyɛi wɔɔŋ Samsiŋ tosa ve paaliaŋ yɛ ndu? Nduyɛ, yɛɛ naŋ pɛɛku yɛ o hei niŋ? (Wky. 16:18, 19; 1 Kɔl. 15:33)

Bundɛi 55

1. Vɛɛ poombɔɔ cho o fotueiyo niŋndo nɔ yɛ diolaŋ, nduyɛ nɛɛ waa cho yɛ kaŋ ndu ikɛi?

2. Mɛɛ Hana kuɛ paale pilɛ o Maaŋ Jɛhowaa niŋ, le yɛɛ ndoo piɛi yɛ o Jɛhowa lo, nduyɛ vɛɛ Jɛhowa muli yɛ piɛile ndɔ leŋ?

3. Vɛɛ Samiɔŋ wa yɛ wɔsilaŋ ma kua a ndu o maaŋ Jɛhowaa niŋ le Jɛhowa biiloo? Nduyɛ, yɛɛ kala ndɔ ndoo tosa yɛ le ndu wɔsi o wɔsi fee?

4. Vɛɛ puaa Ilai wa nɔ yɛ diolaŋ, nduyɛ kaa suu kuɛɛ ndaa nɔ yɛ?

5. Vɛɛnɛ kpɛ Jɛhowa ndoo veelu yɛ Samiɔŋ, nduyɛ yooŋgu yɛɛ o dimullɛ ndu?

6. Mɛɛ Samiɔŋ sul kaasoŋnɔ, wana suu maa vɛɛ o simnuŋ yɛ? Nduyɛ, yɛɛnɛ ndoo yɔŋnuŋ yɛ mɛɛ o yuuwa?

Nyunala chɔɔlaalaŋ:

1. Nuawɔ 1 Samiɔŋ 1:1-28.

   1. Vɛɛ Ɛlikana kɛsi yɛ tamasi kɛndɔɔ le wanaa cho chilaŋ chuaa o yuŋgoo niŋnda le piɛile tonya leŋ? (1 Sam. 1:3, 21; Mat. 6:33; Fil. 1:10)

   2. Yɛɛ naŋ pɛɛku yɛ o tamasi Ɛlikanaa te o yɔŋ pɛ mi bahawɛi kala kalaa komal naa? (1 Sam. 1:10, 11; Chon. 55:22; Luom. 12:12)

2. Nuawɔ 1 Samiɔŋ 2:11-36.

   Vɛɛ Ilai biilu yɛ chuauwaa nduaa mbo hiau Jɛhowa? Nduyɛ, vɛɛ hei cho yɛ maa silaa le naa? (1 Sam. 2:22-24, 27, 29; Dut. 21:18-21; Mat. 10:36, 37)

3. Nuawɔ 1 Samiɔŋ 4:16-18.

   Ɔɔ yooŋgu kpundɛ nda tuei a nyɛ kɔ yɔŋnuŋ o chɔuwo wo, nduyɛ vɛɛ o piiliaŋ yɛ Ilai?

4. Nuawɔ 1 Samiɔŋ 8:4-9.

   Vɛɛ Isɔluɛitiiya tɛɛmbuu yɛ Jɛhowa kɔl, nduyɛ vɛɛ naŋ chɔm yɛ maa ŋ cho hau masale ndɔleŋ tooloo? (1 Sam. 8:5, 7; Chɔŋ 17:16; Chem. 4:4)

Bundɛi 56

1. Yɛɛnɛ Samiɔŋ cho yɛ tosaa o fotueiyo niŋ, nduyɛ le yɛɛ?

2. Le yɛɛ Jɛhowa ndoo hɛnaŋ yɛ a Sɔɔl? Nduyɛ, wana pɔnɔ suu maa vɛɛ o wa yɛ?

3. Vɛɛ po Sɔɔllo ndoo nɔ yɛ diolaŋ? Nduyɛ, yɛɛ ndoo tosa yɛ?

4. Le yɛɛ Sɔɔl ndoo soli yɛ salaa o chum Samiɔŋ te?

5. Yɛɛ naŋ pɛɛku yɛ a bundɛi Sɔɔl le okɔɔ?

Nyunala chɔɔlaalaŋ:

1. Nuawɔ 1 Samiɔŋ 9:15-21 vɛlɛa 10:17-27.

   Vɛɛ kaa tuisiaŋ Sɔɔllo kɛɛlu yɛ ndu sɔŋgɔɔ a wanaa wa diomnda wɔŋndaŋ dimio a ndu okɔɔ wa? (1 Sam. 9:21; 10:21, 22, 27; Tal. 17:27)

2. Nuawɔ 1 Samiɔŋ 13:5-14.

   Haki yɛɛ Sɔɔl ndoo tosa yɛ Kilga? (1 Sam. 10:8; 13:8, 9, 13)

3. Nuawɔ 1 Samiɔŋ 15:1-35.

   1. Ɔɔ nyɛ Sɔɔl ndoo kɛɛ le tosaa a Aga wo, masaa Amɛlɛk? (1 Sam. 15:2, 3, 8, 9, 22)

   2. Vɛɛ Sɔɔl kindiŋ yɛ le waŋnda tɔɔyaŋndo biyɔɔ le nyɛ o tosa wo? (1 Sam. 15:24)

   3. Tamasi kuɛɛ naŋ tuallɛ hau kɔɔli te o yɔŋ pɛ ma sila naa? (1 Sam. 15:19-21; Chon. 141:5; Tal. 9:8, 9; 11:2)

Bundɛi 57

1. Vɛɛ poombɔɔ koŋ o fotueiyo niŋ nɔ yɛ diolaŋ? Nduyɛ, vɛɛ naŋ looku yɛ sina maa o nɔ kɔl sikpaa?

2. Kuɛɛnɛ Deeve wa yɛ o chaltaŋ? Nduyɛ, vɛɛ finya ndɔ a finya ndɔ mama ndaa nɔ yɛ diolaŋ?

3. Le yɛɛ Jɛhowa vem yɛ Samiɔŋ le mbo kuɛ o Chɛse lo chiɛiniŋ Bɛtilihɛm?

4. Yɛɛ ndoo yɔŋnuŋ yɛ mɛɛ Chɛse hiŋ a puaa nduaa nda ŋɔmmɛu naa Samiɔŋ cha?

5. Mɛɛ nda hiŋ a Deeve, yɛɛnɛ Jɛhowa ndoo dimullɛ Samiɔŋ?

Nyunala chɔɔlaalaŋ:

1. Nuawɔ 1 Samiɔŋ 17:34, 35.

   Vɛɛ suɛi yɔŋnuŋ hei ve chɔm yɛ kɔl sikpa vɛlɛa tiindaŋ Deeve ndoo dɔu o Jɛhowa niŋndo? (1 Sam. 17:37)

2. Nuawɔ 1 Samiɔŋ 16:1-14.

   1. Vɛɛ diomnda Jɛhowa laŋ o 1 Samiɔŋ 16:7 chɔm yɛ naa maa ŋ nɔ miŋ wa wanaa hɛliaa le? Nduyɛ, vɛɛ la mala yɛ naa ŋ chi dɔɔ waŋndo miŋ kelu yamɛi nduɛi le? (Walta Wanaa Chiisuaa 10:34, 35; 1 Tim. 2:4)

   2. Vɛɛ tamasi Sɔɔllo chɔm yɛ naa maa te Jɛhowa faŋa pɛ waŋndo nyina ndɔ diandaa kɔɔli, yiyaŋnda wɔɔŋndaŋ suee la huŋ ndu niŋ o kɔl le i wɔɔŋnde tosaa ni? (1 Sam. 16:14; Mat. 12:43-45; Kal. 5:16)

Bundɛi 58

1. Vɛɛ Koolaya kɔ simullɛ sowɛiyaa Isɔluɛitiiya?

2. Vɛɛ kpɛ Koolaya ndoo nɔ yɛ dialloŋ? Nduyɛ, yɛɛ Masaa Sɔɔl ndoo dimi yɛ maa o cho wana cho Koolaya diyɔɔ wo ke?

3. Yɛɛ Deeve ndoo dimi yɛ mɛɛ Sɔɔl dimul ndu maa o cho wɔ bɔɔ chuaambɔɔ pɔmbɔ le sɔŋgaa a Koolaya?

4. Vɛɛ Deeve chɔm yɛ tiindaŋ ndɔɔ o Jɛhowa niŋ a mɛɛ o mulul Koolaya yɛ?

5. A mɛɛ ŋ cho chɔɔ o fotueiyo niŋ yɛ, a yɛɛ Deeve dii yɛ Koolaya? Nduyɛ, yɛɛ yɔŋnuŋ yɛ a Filitiaŋnda mɛɛ Koolaya vi?

Nyunala chɔɔlaalaŋ:

1. Nuawɔ 1 Samiɔŋ 17:1-54.

   1. O nɛɛ niŋ Deeve ndoo tiindaŋ yɛ? Nduyɛ, vɛɛ naŋ tual lɛ hau kɔl ndɔ sikpaa kɔɔli? (1 Sam. 17:37, 45; Ɛfi. 6:10, 11)

   2. Vɛɛ naa Kilisiɔŋnda faŋaŋ yɛ kaa Koolaya wo kɔɔli le lɔɔnɔŋndo takpa maa mɛɛ mi i tosa mi i hiou num te o yɔŋ pɛ miŋ wa pisultaŋ? (1 Sam. 17:8; Kal. 5:26; 1 Tim. 4:8)

   3. Vɛɛ nyɛ Deeve dimi wo chɔm yɛ maa ndoo nɔ tiindaŋndo o mala Mɛlɛkaa niŋ? (1 Sam. 17:45-47; 2 Kol. 20:15)

   4. O cho ko le tɛɛsiaa chɔu wa kuubaa ŋiɔɔŋnda tɛɛŋndo le, vɛɛ bundɛi hei chɔm yɛ maa chɔulabaa hoo mɛlɛkaa lachoowaa a Jɛhowa Mɛlɛka tonyaa tɛɛŋ o wa ni? (1 Sam. 17:43, 46, 47)

   5. Vɛɛ chɛ laalaŋndo a taasioo tollɛ hau tamasi Deeveo kɔɔli le tiindaŋndo dɔuwɔɔ o Jɛhowa niŋ? (1 Sam. 17:37; Chɛ. 1:17-19; Chɔɔmɔŋndo 12:17)

Bundɛi 59

1. Le yɛɛ Sɔɔl ndoo paŋala yɛ Deeve? Kɛ vɛɛ po Sɔɔllo Chɔnataŋ, ndu waŋnuŋ yɛ teŋgeŋ?

2. Mɛɛ Deeve wa paale pilɛ towaa lɔɔ le Sɔɔl, yɛɛ ndoo yɔŋnuŋ yɛ?

3. Yɛɛ Sɔɔl ndoo dimi yɛ maa Deeve tosal ndu tuupa mbo ke ndu Maika chua ndɔ le mbo wa laandɔ, nduyɛ le yɛɛ o dimi yɛ lende?

4. Mɛɛ Deeve wa towaa lɔɔ le Sɔɔl o teleŋ yaa ndɔɔ, yɛɛ Sɔɔl ndoo tosallɛ ndu a mɛɛ i cho o fotueiyo niŋ yɛ?

5. Vɛɛ Maika looku yɛ Deeve kiindiaa? Yɛɛ Deeve nɔ yɛ niko mbo tosa le wɔsioŋ ŋɔmmɛu?

Nyunala chɔɔlaalaŋ:

1. Nuawɔ 1 Samiɔŋ 18:1-30.

   1. Vɛɛ kaala kpeekpei Chɔnataŋ ndoo nɔ le Deeve wo o vellɛ kaala kpeekpei cho ‘saa cheleŋnda’ tɛɛŋ nda saa ‘kunda pɔmbɔɔ’ wo? (1 Sam. 18:1; Chɔŋ 10:16; Luk. 12:32; Sɛk. 8:23)

   2. Mi che bɛɛ naa maa Chɔnataŋ ndoo nɔ le miiŋgoo o foofo lemasa finya ndɔ wo choo ni, kɛ vɛɛ 1 Samiɔŋ 18:4. chɔm yɛ diikɔŋ Chɔnataŋndo le wana Jɛhowa hɛli le waa masa wo?

   3. Vɛɛ tamasi Sɔɔllo chɔm yɛ naa maa paŋalaa nyindu wana le haki wɔɔŋ wɔɔndo tosaa? Nduyɛ, sila yɛɛ hoo ke yɛ naa hau? (1 Sam. 18:7-9, 25; Chem. 3:14-16)

2. Nuawɔ 1 Samiɔŋ 19:1-17

   Mɛɛ Chɔnataŋ wa suɛi o Sɔɔllo, vɛɛ o wou yɛ yoomu ndɔɔ o kpundɔɔ niŋ? (1 Sam. 19:1, 4-6; Tal. 16:14)

Bundɛi 60

1. Vɛɛnɛ chua cho koŋ hunɔɔ Deeve komallo o fotueiyo niŋndo nɔ yɛ diolaŋ? Nduyɛ wana suu maa vɛɛ o cho yɛ?

2. Nɛɛ wa yɛ Nebal?

3. Le yɛɛ Deeve ndoo vem yɛ puaa nduaa apum naa Nebal cha?

4. Vɛɛ Nebal ndoo mulul lɛ puaa Deeve ndoo vem nda, nduyɛ yɛɛ Deeve ndoo tosa yɛ?

5. Vɛɛ Abikɛɛ chɔm yɛ maa wana lanɔ taasioo o cho ni?

Nyunala chɔɔlaalaŋ:

1. Nuawɔ 1 Samiɔŋ 22:1-4.

   Vɛɛ yuŋgu Deeveo kɛsul lɛ naa tamasi kɛndɔɔ a mɛɛ naŋ looku miŋ mala opilɛ a o cheleŋndo o kunda Lekilisiɔŋndo niŋ yɛ? (Tal. 17:17; 1 Tɛs. 5:14)

2. Nuawɔ 1 Samiɔŋ 25:1-43.

   1. Le yɛɛ nda dimi yɛ maa wana kakaa Nebal wa ni? (1 Sam. 25:2-5, 10, 14, 21, 25)

   2. Vɛɛ waŋlaanduaa Kilisiɔŋnda tuallɛ hau tamasi Abikɛɛ wo kɔɔli? (1 Sam. 25:32, 33; Tal. 31:26; Ɛfi. 5:24)

   3. Sɔɔŋ wɔɔŋ sala tiɔɔŋ kuɛɛ Abikɛɛ kuuna yɛ Deeve tosaa? (1 Sam. 25:31, 33; Luom. 12:19; Ɛfi. 4:26)

   4. Mɛɛ Deeve diikuŋ nyɛ Abikɛɛ dimul ndu wo yɛ, vɛɛ koŋ mala yɛ hau waŋpiaanduaa ma che waŋlaanduaa mɛɛ Jɛhowa che nda yɛ? (Walta Wanaa Chiisuaa 21:8, 9; Luom. 2:11; 1 Pitɛ 3:7)

Bundɛi 61

1. Mɛɛ Deeve nda Abisha komal Sɔɔl o luaŋ o kampii ndɔɔ niŋ, yɛɛ ndaa tosa yɛ?

2. Nyunala suu kuɛɛ Deeve ndoo nyuna yɛ Sɔɔl?

3. Mɛɛ Deeve faŋaŋ Sɔɔl o hɔl, kuɛɛ ndoo kuɛ yɛ?

4. Yɛɛ ndoo tɛɛmbuu yɛ Deeve kɔl mbo soli chondei?

5. Teleŋ Deeve sul masaa Hibulɔŋ ndo, vɛɛ ndoo wa yɛ wɔsilaŋ? Nduyɛ, vɛɛnɛ chuaa nduaa piaanduaa pum nɔ yɛ diolaŋ?

6. Mɛɛ o faŋaŋ Hibulɔŋ, kuɛɛnɛ o wa yɛ niŋ o masaleŋ choo?

Nyunala chɔɔlaalaŋ:

1. Nuawɔ 1 Samiɔŋ 26:1-25.

   1. Vɛɛ Deeve chɔm yɛ bɛɛleŋ le kɛɛsiaa Jɛhowaa a nyɛ o dimi o 1 Samiɔŋ 26:11 niŋndo? (Chon. 37:7; Luom. 13:2)

   2. Te o yɔŋ pɛ miŋ kindiŋ le waŋndo kaalaa chɔmndo, kɛ mbo ve wana sina ikɛndɛ le, vɛɛ diomnda Deeve dimi o 1 Samiɔŋ 26:23 niŋndo mala yɛ naa miŋ lo o kaalaa choo? (1 Ma. 8:32; Chon. 18:20)

2. Nuawɔ 2 Samiɔŋ 1:26.

   Vɛɛ Kilisiɔŋnda hau chɔm yɛ kaala kpeekpeiyo le o pilɛ a o cheleŋndo mɛɛ Deeve nda Chɔnataŋ wa naa yɛ? (1 Pitɛ 4:8; Kol. 3:14; 1 Chɔŋ 4:12)

3. Nuawɔ 2 Samiɔŋ 5:1-10.

   1. Le vɛɛnɛ wɔsilaŋ Deeve wa yɛ masa? Nduyɛ, vɛɛ wɔsilaŋndaŋ la wa yɛ la piɔuwaalaŋ? (2 Sam. 5:4, 5)

   2. Nɛɛnɛ ke yɛ Deeve batiuwaa? Nduyɛ, vɛɛ hei cho yɛ hau maa suɛi loonaŋ le naa? (2 Sam. 5:10; 1 Sam. 16:13; 1 Kɔl. 1:31; Fil. 4:13)

Bundɛi 62

1. A mala Jɛhowaa, yɛɛ ndoo yɔŋnuŋ yɛ a lɛŋnde Kenaŋndeŋ?

2. Yɛɛ ndoo yɔŋnuŋ yɛ ichɔl pilɛ mɛɛ Deeve wa o chiɛi ndɔ choo choo wo a maluaŋ?

3. Le yɛɛ Jɛhowa ndoo tuulu yɛ kɔl ŋama ŋama a Deeve?

4. O fotueiyo niŋ, nɛɛ Jɛhowa ndoo vem yɛ le mbo dimul Deeve a haki o tosa wo okɔɔ? Nduyɛ, yɛɛnɛ fal koŋ ndoo dimi yɛ maa o cho Deeve yɔŋnɔŋ?

5. Kpundɛ suu kuɛɛ ndoo komal lɛ Deeve?

6. O nɛɛnɛ ndoo miiŋgu yɛ masaa le Isɔluɛi o Deeve kɔɔli?

Nyunala chɔɔlaalaŋ:

1. Nuawɔ 2 Samiɔŋ 11:1-27.

   1. Vɛɛ hoo chuu yɛ naa pioŋɔɔ te ŋ kɛsiŋ pɛ naa pila lɔɔ lɔɔ o wali Jɛhowaa niŋ?

   2. Vɛɛ Deeve looku yɛ luɛiyɔɔ o hakio niŋ? Nduyɛ, vɛɛ o cho yɛ hau maa silaa le buɛiyaa Jɛhowaa? (2 Sam. 11:2; Mat. 5:27-29; 1 Kɔl. 10:12; Chem. 1:14, 15)

2. Nuawɔ 2 Samiɔŋ 12:1-18.

   1. Tamasi kuɛɛ kalaŋchuauwa a bɛnduaa o kundala Lekilisiɔŋndaŋ niŋ pɛɛku yɛ a mɛɛ Netaŋ komal Deeve le ndu silaa yɛ? (2 Sam. 12:1-4; Tal. 12:18; Mat. 13:34)

   2. Le yɛɛ Jɛhowa tuinuŋ yɛ Deeve inyɛɛ? (2 Sam. 12:13; Chon. 32:5; 2 Kɔl. 7:9, 10)

Bundɛi 63

1. Yɛɛ Jɛhowa ndoo nyuna yɛ Sɔlɔmɔŋ? Nduyɛ, vɛɛ ndoo mulul lɛ ndu?

2. Le mɛɛ Jɛhowa ndoo hini kɔl a nyɛ Sɔlɔmɔŋ ndoo nyuna ndu wo yɛ, yɛɛ Jɛhowa ndoo dimi yɛ maa o cho vɛlɛ Sɔlɔmɔŋ ke?

3. Bahawɛi kala kala kuɛɛ waŋlaanduaa ŋiɔɔŋaa pum ndaa chuu yɛ Sɔlɔmɔŋ?

4. A mɛɛ i cho o fotueiyo niŋ yɛ, vɛɛ Sɔlɔmɔŋ ndoo soli yɛ bahawɛi koŋ?

5. Vɛɛ masale Sɔlɔmɔŋndeŋ le wa yɛ? Nduyɛ le yɛɛ?

Nyunala chɔɔlaalaŋ:

1. Nuawɔ 1 Masaa 3:3-28.

   1. Yɛɛnɛ wanaa sɔla wali kenaŋndo o kɔɔna Mɛlɛkaa niŋnda pɛɛku yɛ o tamasi Sɔlɔmɔŋndo a mɛɛ o dimi o 1 Masaa 3:7 yɛ? (Chon. 119:105; Tal. 3:5, 6)

   2. Te ŋ wa Jɛhowa piɛiyo pɛ, vɛɛ nyɛ Sɔlɔmɔŋ nyuna Jɛhowa le ndu wo cho yɛ tamasi kɛndɛ le naa? (1 Ma. 3:9, 11; Tal. 30:8, 9; 1 Chɔŋ 5:14)

   3. A mɛɛ Sɔlɔmɔŋ dimi suɛi waŋlaanduaa ŋiɔɔŋnda tɛɛŋ yɛ, tiindaŋ kuɛɛ hoo ke yɛ naa le masale Sɔlɔmɔŋ bɛndoo o chilaŋ niŋ, Chiisu Kiliti? (1 Ma. 3:28; Ais. 9:6, 7; 11:2-4)

2. Nuawɔ 1 Masaa 4:29-34.

   1. Vɛɛ Jɛhowa ndoo muli yɛ piɛile kɔl diikaŋ Sɔlɔmɔŋndeŋ? (1 Ma. 4:29)

   2. A mɛɛ waŋnda wou sɛmbɔɔ le nilaŋ yaŋɔɔ o diomnda taasi la Sɔlɔmɔŋ wa dimio laŋ yɛ, vɛɛ hei mala yɛ naa le miŋ dɔu sɛmbɔɔ le Baabuiyo pɛɛkoo? (1 Ma. 4:29, 34; Chɔŋ 17:3; 2 Tim. 3:16)

Bundɛi 64

1. Vɛɛ o chua yɛ Sɔlɔmɔŋ wɔsilaŋ le chiiyo maaŋ Jɛhowaa taŋgul lo? Nduyɛ, le yɛɛ nda soliŋ yɛ kanioŋ kpeku tau?

2. Vɛɛnɛ kpɛ ndoo nɔ yɛ lumuilaŋ? Nduyɛ, lumui wa le niŋ di wo, yɛɛ ndaa kɛsi yɛ loŋ?

3. Mɛɛ maaŋndo chuu taŋgulɔŋ, yɛɛnɛ Sɔlɔmɔŋ ndoo dimi yɛ o piɛileŋ niŋ?

4. Vɛɛ Jɛhowa ndoo chɔm yɛ maa o hini kɔl a piɛile Sɔlɔmɔŋndeŋ?

5. O yɛɛ laanduaa Sɔlɔmɔŋnda tiu yɛ ndu ba le tosaa? Nduyɛ, yɛɛ ndoo yɔŋnuŋ yɛ a Sɔlɔmɔŋ?

6. Le yɛɛ Jɛhowa dɔunuŋ yɛ tumbe a Sɔlɔmɔŋ? Nduyɛ, yɛɛnɛ Jɛhowa ndoo dimul lɛ ndu?

Nyunala chɔɔlaalaŋ:

1. Nuawɔ 1 Koloniku 28:9, 10.

   A mɛɛ diomnda Deeve laŋ la cho o 1 Koloniku 28:9, 10 yɛ, yɛɛ naŋ kindiŋ yɛ le miŋ tosa lepaa o lepaa fee? (Chon. 19:14; Fil. 4:8, 9)

2. Nuawɔ 2 Koloniku 6:12-21, 32-42.

   1. Vɛɛ Sɔlɔmɔŋ chɔm yɛ maa chiɛi wanachioo taŋgul lo o cho nyɛ o nyɛ Mɛlɛka Filioŋndo o hɔl te? (2 Kol. 6:18; Walta Wanaa Chiisuaa 17:24, 25)

   2. Vɛɛ diomnda Sɔlɔmɔŋndaŋ o 2 Koloniku 6:32, 33 chɔm yɛ a Jɛhowa okɔɔ? (Walta Wanaa Chiisuaa 10:34, 35; Kal. 2:6)

3. Nuawɔ 2 Koloniku 7:1-5.

   A mɛɛ Isɔluɛitiiya wa a nyaale le Jɛhowa saŋgalaa yɛ mɛɛ nda che tɔɔmayɛi nduɛi, vɛɛ hei piiliaŋ yɛ naa hau te ŋ wa pɛ yiyaŋndo a salala Jɛhowa duau wanaa nduaa laŋ? (2 Kol. 7:3; Chon. 22:22; 34:1; 96:2)

4. Nuawɔ 1 Masaa 11:9-13.

   Vɛɛ kaa Sɔlɔmɔŋndo chɔm yɛ naa maa o cho suɛi sɔwɛ le loo o laalaŋndo choo tei o mɛɛlulaŋ? (1 Ma. 11:4, 9; Mat. 10:22; Chɔɔmɔŋndo 2:10)

Bundɛi 65

1. Vɛɛ puaa ŋiɔɔŋaa cho o fotueiyo niŋ nda nɔ yɛ diolaŋ? Nduyɛ, wanaa suu maa vɛɛ nda cho yɛ?

2. Yɛɛ Ahicha tosa yɛ a doma wa ndu lekɔɔ wo? Nduyɛ, yɛɛ nyɛ o tosa koŋ ndo sim yɛ?

3. Yɛɛnɛ Sɔlɔmɔŋ ndoo kindiŋ yɛ le Chɛloboam tosal lo?

4. Le yɛɛ waŋnda siiŋguu yɛ Chɛloboam masaa le kayii tɔɛi Isɔluɛi?

5. Le yɛɛ Chɛloboam ndoo toosiaa yɛ piɔmaa ŋkooliiya a ŋiɔɔŋ? Nduyɛ, yɛɛ ndoo yɔŋnuŋ yɛ o koŋ kɔɔli o lɛŋnde leŋ niŋ?

6. Yɛɛ ndoo yɔŋnuŋ yɛ a masale kayii ŋiinde vɛlɛa maaŋ Jɛhowaa Chulusalɛm?

Nyunala chɔɔlaalaŋ:

1. Nuawɔ 1 Masaa 11:26-43.

   Wana maa vɛɛ Chɛloboam wa yɛ? Nduyɛ, yɛɛ Jɛhowa ndoo dimi yɛ le ndu tosal lo te o bii sawala ndɔlaŋ pɛ? (1 Ma. 11:28, 38)

2. Nuawɔ 1 Masaa 12:1-33.

   1. Vɛɛ tamasi wɔɔŋ Lihoboamndo cho yɛ hau maa silaa le kalaŋchuauwa vɛlɛa bɛnduaa o kunda Lekilisiɔŋndo niŋ? (1 Ma. 12:13; Ikil. 7:7; 1 Pitɛ 5:2, 3)

   2. Te feleŋguaa wa hau pɛ kɛɛsiaa tosaa o yoomu ndaa niŋ, o nɛɛnɛ lo nda nɔ yɛ ma tofa le malaa? (1 Ma. 12:6, 7; Tal. 1:8, 9; 2 Tim. 3:16, 17; Hibu. 13:7)

   3. Yɛɛ nyindu yɛ Chɛloboam mbo kɛsi piɔmnda a ŋiɔɔŋ o fondala yɛyɛlaŋ le nda sooluu wo? Nduyɛ, vɛɛ hei chɔm yɛ kɛɛ laalaŋndo nɔɔ o Jɛhowa niŋ? (1 Ma. 11:37; 12:26-28)

   4. Nɛɛ ndoo tosa yɛ mi waŋnda kɛɛ Mɛlɛka tonyaa piɛiyo o masale kayii tɔɛi niŋ? (1 Ma. 12:32, 33)

Bundɛi 66

1. Nɛɛ wa yɛ Chɛsibɛl?

2. Yɛɛ tosa yɛ mi masaa Ehaabi wa paale pilɛ yɔluŋ?

3. Yɛɛ Chɛsibɛl ndoo tosa yɛ le kpele Nebɔɔ wo chuaa mbo ke Ehaabi pɔnɔ ndɔ?

4. Nɛɛnɛ Jɛhowa ndoo vem yɛ le Chɛsibɛl nyɛpalaa tuisio choo?

5. A mɛɛ ŋ cho chɔɔ o fotueiyo niŋ yɛ, yɛɛ ndoo yɔŋnuŋ yɛ mɛɛ Chehu fuuluu o Chɛsibɛllo bɛɛ?

Nyunala chɔɔlaalaŋ:

1. Nuawɔ 1 Masaa 16:29-33; 18:3, 4.

   Boondii masaa Ehaabi wa o masaleŋ choo ve, vɛɛ kpɛ yɔŋwɔɔŋndo wa yɛ Isɔluɛi? (1 Ma. 14:9)

2. Nuawɔ 1 Masaa 21:1-16.

   1. Vɛɛ Nebɔɔ chɔm yɛ kɔl simulaa a lo lechoo wo o Jɛhowa lo? (1 Ma. 21:1-3; Lɛf. 25:23-28)

   2. Yɛɛ naŋ pɛɛku yɛ o tamasi Ehaabi wo le miŋ biunuŋ te waŋndo o hui naa pɛ? (1 Ma. 21:4; Luom. 5:3-5)

3. Nuawɔ 2 Masaa 9:30-37.

   Yɛɛ naŋ pɛɛku yɛ a mɛɛ Chehu ndoo nɔ yoomuma fulaŋ le hɛnaŋ Jɛhowaa tosaa yɛ? (2 Ma. 9:4-10; 2 Kɔl. 9:1, 2; 2 Tim. 4:2.)

Bundɛi 67

1. Nɛɛ wa yɛ Chɛhosiafa? Nduyɛ, a boondii kuɛɛ o wa yɛ achal?

2. Le yɛɛ sioonde ndii bii yɛ Isɔluɛitiiya? Nduyɛ yɛɛnɛ a siaama tosa yɛ?

3. Vɛɛ Jɛhowa muli yɛ piɛile Chɛhosiafaa leŋ?

4. Yɛɛ Jɛhowa tosa yɛ mbo yɔŋnuŋ tuupa mi chɔulabaa kanduŋ?

5. Yɛɛ sɔwɛ naŋ pɛɛku yɛ a Chɛhosiafa okɔɔ?

Nyunala chɔɔlaalaŋ:

1. Nuawɔ 2 Koloniku 20:1-30.

   1. Vɛɛ Chɛhosiafa chɔm yɛ nyɛ buɛi laalaŋ Mɛlɛkaa nɔ mbo tosa wo te o wa pɛ mi sɔɔŋ kpɔkɔsioŋ komal ndu? (2 Kol. 20:12; Chon. 25:15; 62:1)

   2. Chɔŋ o sindɔɔ niŋ, Jɛhowa nɔ nɛi o suukaŋ a wanaa nduaa wo. Ɔɔ nɛi o cho hau soliŋndo kpeku le suukaŋndo a wanaa nduaa wo? (2 Kol. 20:14, 15; Mat. 24:45-47; Chɔŋ 15:15)

   3. Te o wa pɛ mi “Mɛlɛka nɔ kpaayaa kpou wo” hiŋ a “paale ndɔleŋ”, ndu cho ni maa chɔu ndɔ bɛndoo, vɛɛ boondii nɛi keŋ i va yɛ niŋ maa boondii Chɛhosiafa ve? (2 Kol. 20:15, 17; 32:8; Chɔɔmɔŋndo 16:14, 16)

   4. Mɛɛ Livaitiiya wa naa yɛ, vɛɛ kɔɔfaa lɔɔlɔɔ wa a wanaa nda viam o lɛŋnde kɔɔli wa toolu yɛ hau wali dimiaa yooŋgu kɛndɔɔ hoo? (2 Kol. 20:19, 21; Luom. 10:13-15; 2 Tim. 4:2)

Bundɛi 68

1. Wanaa yaa cho kaŋ o fotueiyo niŋ nda, nɛɛ waa nda cho yɛ? Nduyɛ, yɛɛ ndoo yɔŋnuŋ yɛ a poombɔ pɔmbɔ koŋ?

2. Le yɛɛ Ilaicha piɛi yɛ o Jɛhowa lo le poombɔɔ? Nduyɛ, yɛɛ ndoo yɔŋnuŋ yɛ o koŋ kɔɔli?

3. Vɛɛnɛ wana ndoo mala Ilaicha wo diolaŋ?

4. Le yɛɛ nda veelu yɛ Ilaisia o chiɛi chua pumndo Sunɛm?

5. Yɛɛ Ilaisia tosa yɛ? Nduyɛ, yɛɛ ndoo yɔŋnuŋ yɛ a poombɔ vilɛiyo?

6. Vɛɛ kpaaya Jɛhowaa chɔmnuŋ yɛ kpendekele o nyɛ Ilaicha a Ilaisia tosa wo niŋ?

Nyunala chɔɔlaalaŋ:

1. Nuawɔ 1 Masaa 17:8-24.

   1. Vɛɛ Mɛlɛka tɔɔndaŋ yɛ diikɔŋ a laalaŋ Ilaicha wo? (1 Ma. 17:9; 19:1-4, 10)

   2. Vɛɛ chua viikuu pɔnɔɔ Salɛfaa chiee wo chɔm yɛ laalaŋ ndɔɔ kpendekele? (1 Ma. 17:12-16; Luk. 4:25, 26)

   3. Vɛɛ nyɛ yɔŋnuŋ a chua viikuu pɔnɔɔ Salɛfaa chiee wo bii yɛ diomnda Chiisu dimi o Maatiu 10:41, 42 niŋndaŋ tonya? (1 Ma. 17:10-12, 17, 23, 24)

2. Nuawɔ 2 Masaa 4:8-37.

   1. Yɛɛ chua wa Sunɛm chiee wo pɛɛku yɛ naa a kɛndɛi okɔɔ? (2 Ma. 4:8; Luk. 6:38; Luom. 12:13; 1 Chɔŋ 3:17)

   2. Vɛɛ naŋ chɔm yɛ hau kɛndɛi o buɛiyaa laalaŋaa Mɛlɛkaa lo? (Walta Wanaa Chiisuaa 20:35; 28:1, 2; Kal. 6:9, 10; Hibu. 6:10)

Bundɛi 69

1. O fotueiyo niŋ, yɛɛ chuaambɔɔ cho yɛ chuaa dimullo?

2. Nɛɛ cho yɛ chua koŋ o fotueiyo niŋ? Nduyɛ, yɛɛ chuaambɔɔ cho yɛ tosaa o chuaa lo chiɛiniŋ?

3. Yɛɛ Ilaisia dimul lɛ buɛi ndɔɔ le mbo dimul Nemaŋ? Nduyɛ, le yɛɛ Nemaŋ dɔunuŋ yɛ tumbe?

4. Yɛɛ yɔŋnuŋ yɛ mɛɛ Nemaŋ yaŋ buɛiyaa nduaa nilaŋ?

5. Le yɛɛ Ilaisia kɛɛ yɛ kela Nemaŋ chuu ndu laŋ? Kɛ, yɛɛ Kɛhasi tosa yɛ?

6. Yɛɛ yɔŋnuŋ yɛ a Kɛhasi, nduyɛ, yɛɛ naŋ pɛɛku yɛ o hei niŋ?

Nyunala chɔɔlaalaŋ:

1. Nuawɔ 2 Masaa 5:1-27.

   1. Vɛɛ tamasi chuaambɔ Isɔluɛitiinɔɔ kɛsi wo dɛɛniaa yɛ hau feleŋguaa kɔltaŋ le tasaa? (2 Ma. 5:3; Chon 8:2; 148:12, 13)

   2. Le yɛɛ o bɛnda yɛ miŋ kɛsiŋ tamasi Nemaŋndo o kɔl te o yɔŋ pɛ miŋ sɔla silaa o Baabuiyo niŋ? (2 Ma. 5:15; Hibu 12:5, 6; Chemi. 4:6)

   3. Yɛɛ naŋ pɛɛku yɛ te o yɔŋ pɛ miŋ tuu tamasi Kɛhasi wo a o Ilaisiaa? (2 Ma. 5:9, 10, 14-16, 20; Mat. 10:8; Walta Wanaa Chiisuaa 5:1-5; 2 Kɔl. 2:17)

Bundɛi 70

1. Nɛɛ wa yɛ Chona? Nduyɛ yɛɛnɛ Jɛhowa ndoo dimul lɛ ndu le tosaa?

2. Yɛɛ Chona ndoo tosa yɛ mɛɛ o kɛɛ le kɔlaŋ viomɔɔ Jɛhowaa?

3. Le mi hueiye pɛŋgi hɔŋndo, yɛɛ Chona ndoo dimullɛ wanaa wa kɔlaŋ a dɛndɔɔ wa le ma tosa?

4. A mɛɛ ŋ cho naa chɔɔ o fotueiyo niŋ yɛ, yɛɛ yɔŋnuŋ yɛ mɛɛ Chona wa tolɔɔ o mɛŋndaŋ bɛŋgu?

5. Le vɛɛnɛ palɛi Chona wa yɛ suuwo o dembe, nduyɛ yɛɛ o wa yɛ tosaa loŋ?

6. Mɛɛ suuwo kuisi Chona o kɔŋgɔ, kuɛɛ ndoo kuɛ yɛ? Nduyɛ yɛɛnɛ hoo cho yɛ naa pɛɛkoo?

Nyunala chɔɔlaalaŋ:

1. Nuawɔ Chona 1:1-17.

   O kpeekpei niŋ, vɛɛ Chona ndoo yiyaŋ yɛ a viomɔɔ Jɛhowa vem ndu le kɔlaŋ yooŋgu kɛndɔɔ dimio Ninivɛ chiee wo? (Chona 1:2, 3; Tal. 3:7; Ikil. 8:12)

2. Nuawɔ Chona 2:1, 2, 10.

   Vɛɛ tamasi Chona wo ke yɛ naa tiindaŋndo maa Jɛhowa muli piɛile naa leŋ? (Chon. 22:24; 34:6; 1 Chɔŋ 5:14)

3. Nuawɔ Chona 3:1-10.

   1. Kɔl dɛɛniaa yɛɛ naŋ sɔla yɛ a mɛɛ Jɛhowa soliŋ Chona kpeku yɛ mi che bɛɛ naa mi ndoo kɛɛ viomɔɔ ndɔɔ o tasela ndɔ laŋ? (Chon. 103:14; 1 Pitɛ 5:10)

   2. Yɛɛ nyɛ yɔŋnuŋ Chona le waŋnda Ninivɛ chiee wo chɔm yɛ naa maa ŋ nɔ miŋ kilul waŋnda yamɛi o tanda naa dimiaa yooŋgu kɛndɔɔ niŋ te? (Chona 3:6-9; Ikil. 11:6; Walta Wanaa Chiisuaa 13:48)

Bundɛi 71

1. Nɛɛ wa yɛ Aisaiya? A boondii kuɛɛ o wa yɛ achal, nduyɛ yɛɛ Jɛhowa ndoo chɔm yɛ ndu?

2. Yɛɛ diomndo hoo “kpele hɛnɛkiɔɔ” sim yɛ, nduyɛ a yɛɛ o cho yɛ num yiyalaŋndo?

3. Yɛɛ Jɛhowa ndoo dimullɛ Aisaiya le mbo poonyiaa a Kpele Hɛnɛkɛ sɛnɛiyo okɔɔ?

4. Le yɛɛ mi chiee kɛndɛ bɛndoo hialuŋ Adama nda Ifi?

5. Diomnde yɛɛ Jɛhowa mɛi yɛ le wanaa kaala ndu wa?

Nyunala chɔɔlaalaŋ:

1. Nuawɔ Aisaiya 11:6-9.

   1. Vɛɛ Diom Mɛlɛkaa chɔm yɛ mɛɛ kɔl nyuloo wa niŋ waŋchieeya tɛɛŋ a visiaa o chieeŋ sɛnɛiyo niŋ yɛ? (Chon. 148:10, 13; Ais. 65:25; Ɛsi. 34:25)

   2. Vɛɛ diomnda Aisaiya dimi laŋ la cho yɛ hau peelɔŋndo wanaa Mɛlɛkaa tɛɛŋ? (Luom. 12:2; Ɛfi. 4:23, 24)

   3. Te wana chioo siŋga pɛ kaala ndɔlaŋ wɔɔŋndaŋ o suŋ suŋ ndo hoo niŋ vɛlɛ a o chieeŋ sɛnɛiyo niŋ, nɛɛnɛ nɔ yɛ mbo sɔla saŋgalaa? (Ais. 48:17, 18; Kal. 5:22, 23; Fil. 4:7)

2. Nuawɔ Sɔɔŋ Chɔɔmaŋndoŋ 21:3, 4.

   1. Vɛɛ Baabuiyo chɔm yɛ naa maa Mɛlɛka wa niŋ a waŋnda chieeya latulu chɔm naa maa ŋ cha niŋ ndu a lehɔl te? (Lɛf. 26:11, 12; 2 Kol. 6:18; Ais. 66:1; Chɔɔmɔŋndo 21:2, 3, 22-24)

   2. Ma mɛmɛ a nyɛ nɛiyaa suu kuɛɛ Mɛlɛka cho yɛ hunɔɔ wɔɔsuu? (Luk. 8:49-52; Luom. 8:21, 22; Chɔɔmɔŋndo 21:4)

Bundɛi 72

1. Nɛɛ cho yɛ fal koŋ o fotueiyo niŋ? Nduyɛ le yɛɛ o cho yɛ o buulaŋndo niŋ tau?

2. Yaula kuɛɛ Hɛsikaya yɛɛmbuu yɛ laŋ o maŋ Mɛlɛkaa lachi? Nduyɛ, le yɛɛ Hɛsikaya piɛi yɛ?

3. Masa suu kuɛɛ Hɛsikaya wa yɛ? Nduyɛ, yooŋgu kuɛɛ ndoo sɔla yɛ a Aisaiya, wana ndoo suaa le Mɛlɛka wo?

4. A mɛɛ i chɔmnuŋ o fotueiyo niŋ yɛ, yɛɛ maalikɛinɔ Jɛhowaa tosa yɛ a puaa chɔuwaa Asiiliaŋnda?

5. Mi che bɛɛ naa mi masale kayii ŋiiŋnde le sɔla kɔl nyuloo le boondii biŋgi, kɛ yɛɛ ndoo yɔŋnuŋ yɛ mɛɛ Hɛsikaya vi?

Nyunala chɔɔlaalaŋ:

1. Nuawɔ 2 Masaa 18:1-36.

   1. Vɛɛ Labsakɛ, wana ndoo suaa le Asiiliaŋnda wo kindiŋ yɛ le laalaŋ Isɔluɛitiiya hiiluu wo? (2 Ma. 18:19, 21; Ɛs. 5:2; Chon. 64:3)

   2. Te o yɔŋ pɛ mi waŋnda simul naa, vɛɛ Seiyaa Jɛhowaa tuula yɛ tamasi Hɛsikaya wo? (2 Ma. 18:36; Chon. 39:1; Tal. 26:4; 2 Tim. 2:24)

2. Nuawɔ 2 Masaa 19:1-37.

   1. O Teleŋ nyɛ kindilaa niŋ, vɛɛ Seiyaa Jɛhowaa tuula yɛ tamasi Hɛsikaya wo? (2 Ma. 19:1, 2; Tal. 3:5, 6; Hibu. 10:24, 25; Chem. 5:14, 15)

   2. Nyɛm sala yaa kuɛɛ yɔŋnuŋ yɛ masaa Sinakɛlib? Nduyɛ, nɛɛnɛ o vellɛ o hei niŋ? (2 Ma. 19:32, 35, 37; Chɔɔmɔŋndo 20:2, 3)

3. Nuawɔ 2 Masaa 21:1-6, 16.

   Le yɛɛ i dimiŋ yɛ maa Manaasɛ ndoo hiou masaa Chulusalɛm kpou wɔuleŋ? (2 Kol. 33:4-6, 9)

Bundɛi 73

1. Vɛɛ Chosaya wa yɛ wɔsilaŋ mbo simnuŋ masa? Nduyɛ, yɛɛ ndoo kandu yɛ tosaa mɛɛ o chii o masaleŋ choo wɔsilaŋ la ŋɔmmɛu?

2. Yɛɛnɛ ŋ cho yɛ koŋ chɔɔ Chosaya tosaa o fotueiyo niŋ?

3. Yɛɛ masa wanaa soliaa salaa saaluŋ yɛ mɛɛ puaa wa maaŋ le piɛi Jɛhowaa toosiaa?

4. Le yɛɛ Chosaya sɛɛsiaŋ yɛ nyɛlaŋ lekɔɔ?

5. Yooŋgu kuɛɛ Huuda, wana lanɔ ndoo suaa le Mɛlɛka wo ke yɛ Chosaya?

Nyunala chɔɔlaalaŋ:

1. Nuawɔ 2 Koloniku 34:1-28.

   1. Te o yɔŋ pɛ mi kpɔkɔsio komal num o ichuaambɔya, vɛɛ tamasi Chosaya wo mala yɛ num ma biunuŋ? (2 Kol. 33:21-25; 34:1, 2; Chon. 27:10)

   2. Le piɛi le diandaa le Mɛlɛka leŋ hivio lachi, sɔɔŋ sɔwɛ kuɛɛ Chosaya tosa yɛ o wɔsila 8, 12 a 18 o tosa o masaleŋ choo laŋ?

   3. Tamasi sɔwɛ kuɛɛ naŋ pɛɛku yɛ masaa Chosaya a Hilikaya o ba te o hiŋ pɛ le fondaŋ naa le piɛiyo toosiaa? (2 Kol. 34:9-13; Tal. 11:14; 1 Kɔl. 10:31)

Bundɛi 74

1. Chua piaandu kuɛɛ cho yɛ koŋ o fotueiyo niŋ?

2. Mɛɛ Mɛlɛka dimul Chɛlimaya le mbo wa wana ndɔ suaa, vɛɛ ndoo yiyaŋ yɛ a hei okɔɔ? Kɛ yɛɛ Jɛhowa ndoo dimul lɛ ndu?

3. Yooŋgu kuɛɛ Chɛlimaya ndoo lambaŋ yɛ waŋnda dimullo?

4. Vɛɛ wanaa soliaa salaa ndaa kindiŋ yɛ le Chɛlimaya kuunaa? Kɛ vɛɛ o chɔm yɛ maa o nɔ isiooŋ te?

5. Mɛɛ Isɔluɛitiiya kɛɛ le kaala ndala wɔɔŋ ndaŋ siŋgaa, yɛɛ ndoo yɔŋnuŋ yɛ?

Nyunala chɔɔlaalaŋ:

1. Nuawɔ Chɛlimaya 1:1-8.

   1. A mɛɛ tamasi Chɛlimaya wo chɔm naa yɛ, suliŋnda kuɛɛ waŋndo chɔm yɛ le mbo bɛnda le baala Jɛhowaa?

   2. Kɔl dɛɛniaa yɛɛ tamasi Chɛlimaya wo ke yɛ feleŋguaa Kilisiɔŋnda hau? (Ikil. 12:1; 1 Tim. 4:12)

2. Nuawɔ Chɛlimaya 10:1-5.

   Vɛɛ Chɛlimaya chɔm yɛ maa tiindaŋndo dɔuwɔɔ o piɔmnda niŋ nyɛ fondo fuu o cho ni? (Chɛ. 10:5; Ais. 46:7; Hab. 2:19)

3. Nuawɔ Chɛlimaya 26:1-16.

   1. Te o hiŋ pɛ le waŋnda hau dimullo yooŋgu Jɛhowaa, vɛɛnɛ chɛ laalaŋndo a taasioo tual lɛ diomnda Jɛhowa dimul Chɛlimaya laŋ kɔɔli maa ‘diomndo o pilɛ bɛɛ o faŋa lechoo le’? (Chɛ. 26:2, NW; Dut. 4:2; Walta Wanaa Chiisuaa 20:27)

   2. Tamasi kɛndɛ kuɛɛ Chɛlimaya kɛsi yɛ le Seiyaa Jɛhowaa hau te o hiŋ pɛ le dimullo waŋnda yooŋgu Jɛhowaa? (Chɛ. 26:8, 12, 14, 15; 2 Tim. 4:1-5)

4. Nuawɔ 2 Masaa 24:1-17.

   Le mɛɛ kaaleŋ Chuda kɛɛ laalaŋndo nɔɔ o Jɛhowa niŋ yɛ, fula makɔɔli wɔɔŋ kuɛɛ le sɔla yɛ? (2 Ma. 24:2-4, 14)

Bundɛi 75

1. Puaambuaa hiɔɔluaa kuɛɛ cho yɛ kaŋ o fotueiyo niŋ? Nduyɛ, le yɛɛ nda cho yɛ Babilɔŋ?

2. Tuu yɛɛ Nɛbukanɛɛsa ndoo tuu yɛ le puaambuaa hiɔɔluaa haa? Nduyɛ, sawa yɛɛ ndoo dou yɛ buɛiyaa nduaa?

3. Yɛɛ Daniɛl ndoo nyɔɔlu yɛ le ndu pila vɛlɛa chaaŋaa nduaa yaa wa a nyɛdiaa nda ke nda wo okɔɔ?

4. Mɛɛ Daniɛl nda chaaŋaa nduaa yaa wa de kpaŋja kuumbaa le palɛi tɔ, teŋgeŋ kuɛɛ wa yɛ nda tɛɛŋ a feleŋguaa tuaa wa nyɛdiaa masaa dio wa?

5. Vɛɛ Daniɛl nda chaaŋaa nduaa yaa wa looku yɛ hunɔɔ wa o chiɛi le masaa niŋ? Nduyɛ, o nɛi kuɛɛ niŋ ndaa hiou yɛ bɛnda mbo hiau wanaa soliaa salaa a laŋgbaa taasiaa Babilɔŋ?

Nyunala chɔɔlaalaŋ:

1. Nuawɔ Daniɛl 1:1-21.

   1. Sɛmbɛ yɛɛ naŋ nɔ yɛ miŋ dɔu te o wa pɛ miŋ yeema le tɔɔdaŋndaŋ simullo? (Dan. 1:8; Gɛn. 39:7, 10; Kal. 6:9)

   2. O nɛila kuɛɛ choo feleŋguaa sɔla yɛ hau kindilaa le balaŋ lueiyo o yelelaŋnda wɔɔŋndaŋ niŋ? (Dan. 1:8; Tal. 20:1; 2 Kɔl. 6:17–7:1)

   3. Vɛɛ bundɛi puaambuaa hiɔɔluaa o Baabuiyo niŋ mala yɛ naa miŋ sina tɔnɔ dɛnɛ sinaa? (Dan. 1:20; Ais. 54:13; 1 Kɔl. 3:18-20)

Bundɛi 76

1. A mɛɛ i cho o fotueiyo niŋ yɛ, yɛɛ cho yɛ yɔŋnɔŋndo a Chulusalɛm vɛlɛa Isɔluɛitiiya?

2. Nɛɛ wa yɛ Ɛsikiɛl? Nduyɛ, sɔɔŋ wɔɔŋ kuɛɛ Jɛhowa chɔm yɛ ndu o yilɛŋnde niŋ?

3. Le mɛɛ Isɔluɛitiiya ndaa nɔ le bɛɛ le Jɛhowa le yɛ, yɛɛ Jɛhowa ndoo dimi yɛ maa o cho nda yɔŋnɔŋ?

4. Mɛɛ Isɔluɛitiiya simul masaa Nɛbukanɛɛsa, yɛɛ ndoo tosa yɛ?

5. Le yɛɛ Jɛhowa chɛllɛ mi Isɔluɛitiiya sɔla tambii bɛndii waa naa?

6. Vɛɛ lɛŋnde Isɔluɛitiiya looku yɛ loŋnɔŋ fondo fuu? Nduyɛ, le vɛɛ kpɛ le wa yɛ fondo?

Nyunala chɔɔlaalaŋ:

1. Nuawɔ 2 Masaa 25:1-26.

   1. Nɛɛ wa yɛ Sɛdikaya? Yɛɛ yɔŋnuŋ yɛ a ndu? Vɛɛ hei peelu yɛ nyɛ Baabuiyo dimi wo? (2 Ma. 25:5-7; Ɛsi. 12:13-15)

   2. Nɛɛ Jɛhowa ndoo bii yɛ tɔɔyaŋ le kɛɛ laalaŋ Isɔluɛitiiya chɔm o ndu lo wo? (2 Ma. 25:9, 11, 12, 18, 19; 2 Kol. 36:14, 17)

2. Nuawɔ Ɛsikiɛl 8:1-18.

   Vɛɛ Kilisiɔŋaa lachoowaa tollɛ hau Isɔluɛitiiyaa wa paaleŋ sooluu wo wa kɔɔli? (Ɛsi. 8:16; Ais. 5:20, 21; Chɔŋ 3:19-21; 2 Tim. 4:3)

Bundɛi 77

1. Sawa kuɛɛ Nɛbukanɛɛsa, masaa Babilɔŋ ndoo dou yɛ waŋnda?

2. Le yɛɛ chaaŋaa yaa Daniɛl wa beŋ wulaŋ le piɔm ŋkooliiyo sooluu le?

3. Vɛɛ puaambuaa Hibuluiyaa yaa wa chɔm yɛ laalaŋ ndaa mɛɛ Nɛbukanɛɛsa ke nda vɛlɛ teleŋndo le ma baŋ wulaŋ?

4. Yɛɛ Nɛbukanɛɛsa ndoo dimul lɛ laŋgbaa nduaa kalaa le ma tosa a Sedaaki, Misiaki vɛlɛa Bɛniŋgo?

5. Mɛɛ Nɛbukanɛɛsa nua o yiŋnde tondoleŋ niŋ, yɛɛ ndoo che yɛ?

6. Le yɛɛ masaa saŋgala yɛ Mɛlɛka Sedaaki, Misiaki vɛlɛa Bɛniŋgo wo? Nduyɛ, tamasi yɛɛ nda kɛsi yɛ le naa?

Nyunala chɔɔlaalaŋ:

1. Nuawɔ Daniɛl 3:1-30.

   1. Vɛɛ buɛiyaa Mɛlɛkaa tuula yɛ tamasi puaambuaa Hibuluiya yaa wa te o yɔŋ pɛ miŋ sɔla tɔɔndaŋndo le laalaŋ naa?

   2. Vɛɛ Jɛhowa ndoo chɔm yɛ Nɛbukanɛɛsa kpaaya ndɔɔ?

Bundɛi 78

1. Mɛɛ masaa Babilɔŋ wa dunyɛi bɛnduei tosaa a taalala vɛlɛa hɛŋgɛila nda kɔ chua o maaŋ Jɛhowaa niŋ Chulusalɛmndaŋ, yɛɛ ndoo yɔŋnuŋ yɛ?

2. Yɛɛnɛ Bɛsiasa ndoo dimul lɛ laŋgbaa nduaa kɔlkaluaa? Kɛ yɛɛ nda nɔla yɛ tosa le?

3. Yɛɛnɛ kalaa masaa ndoo dimul lɛ po ndɔɔ le mbo tosa?

4. A mɛɛ Daniɛl ndoo dimul masaa yɛ, le yɛɛ Mɛlɛka yɔŋ yɛ baa mbo wa poonyiaa o chiɛiyo?

5. Vɛɛ Daniɛl tɛɛsiaa yɛ nyɛ baa poonyiaa o chiɛiyo wo?

6. Yɛɛ ndoo yɔŋnuŋ yɛ teleŋ Daniɛl wa wɔ suɛiyo?

Nyunala Chɔɔlaalaŋ:

1. Nuawɔ Daniɛl 5:1-31.

   1. Ɔɔ teŋgeŋndo siooŋii Mɛlɛkɛi tɛɛŋ a siooŋii ndii bii Bɛsiasa ve mɛɛ o che baa poonyiaa o chiɛiyo? (Dan. 5:6, 7; Chon. 19:9; Luom. 8:35-39)

   2. Vɛɛ Daniɛl ndoo chɔm yɛ kɔl sikpaa teleŋ o wa suɛi naa Bɛsiasa cha wo vɛlɛa wanaa nduaa bɛnduaa? (Dan. 5:17, 18, 22, 26-28; Walta Wanaa Chiisuaa 4:29)

   3. O nɛi kuɛɛ niŋ Daniɛl bolle 5 chɔm yɛ di Mɛlɛkaa le mbo wa Masa le chieeŋndo kpede? (Dan. 4:17, 25; 5:21)

Bundɛi 79

1. Nɛɛ wa yɛ Daliɔɔ? Nduyɛ, yiyaŋ yɛɛ ndoo nɔ yɛ a Daniɛl?

2. Yɛɛnɛ puaa paŋalɛiya apum tiu yɛ Daliɔɔ ba le tosaa?

3. Mɛɛ Daniɛl sina a sawa sɛnɛi nda dou wo okɔɔ, yɛɛ o tosa yɛ?

4. Le yɛɛ Daliɔɔ ndoo tambu yɛ kɔl o nɔla mbo lɔl ichɔl koŋ te? Nduyɛ, yɛɛnɛ o tosa yɛ diimandɔɔ?

5. Vɛɛ Daniɛl ndoo mulullɛ Daliɔɔ?

6. Yɛɛnɛ ndoo yɔŋnuŋ yɛ a puaa wɔɔŋaa wa kindiŋndo le Daniɛl diyɔɔ wa? Nduyɛ, yɛɛ Daliɔɔ ndoo poonyiaa yɛ o waŋnda lo kpede o masale ndɔleŋ niŋ?

Nyunala chɔɔlaalaŋ:

1. Nuawɔ Daniɛl 6:1-28.

   1. Yɛɛ yɛle ndaa tul Daniɛl leŋ le yiyaŋ yɛ naa a mɛɛ waŋnda simul Seiyaa Jɛhowaa le wali dimiaa yooŋgu kɛndɔɔ hau yɛ? (Dan. 6:7; Chon. 94:20; Ais. 10:1; Luom. 8:31)

   2. Vɛɛ buɛiyaa Mɛlɛkaa hau tuula yɛ Daniɛl le diikɔŋndo wanaa cho o Masaleŋ choo wa? (Dan. 6:5, 10; Luom. 13:1; Walta Wanaa Chiisuaa 5:29)

   3. Vɛɛ naŋ tuula yɛ tamasi Daniɛllo le loo lechoo o kala kpoke le Jɛhowa piɛiyo? (Dan. 6:16, 20; Fil. 3:16; Chɔɔmɔŋndo 7:15)

Bundɛi 80

1. A mɛɛ i cho i chɔmnaŋ o fotueiyo niŋ yɛ, yɛɛ Isɔluɛitiiya cho yɛ tosaa?

2. Vɛɛ Sailɔɔ peelu yɛ diomnda Jɛhowa dimul wana ndɔ suaa laŋ, Aisaiya?

3. Yɛɛ Sailɔɔ ndoo dimullɛ Isɔluɛitiiyaa ndaa nɔla miiŋgoo Chulusalɛm tia?

4. Yɛɛnɛ Sailɔɔ ndoo ke yɛ wanaa wa miiŋgoo Chulusalɛmnda?

5. Vɛɛ kpɛ o chua yɛ Isɔluɛitiiya teleŋndo le fuuloo Chulusalɛm?

6. Vɛɛ wɔsilaŋ laa hiou yɛ wanachiee ve o lɛŋndeŋ niŋ te?

Nyunala chɔɔlaalaŋ:

1. Nuawɔ Aisaiya 44:28; 45:1-4.

   1. Vɛɛ Jɛhowa kindila yɛ maa nyɛ o dimi a Sailɔɔ okɔɔ wo cho yɔŋnɔŋ lekɛndɛi? (Ais. 55:10, 11; Luom. 4:17)

   2. Vɛɛ nyɛ Jɛhowa dimul Aisaiya a Sailɔɔ okɔɔ wo chɔm yɛ maa Jɛhowa nɔla mbo chɔm siɔdii lachioo? (Ais. 42:9; 45:21; 46:10, 11; 2 Pitɛ 1:20)

2. Nuawɔ Ɛsɛla 1:1-11.

   Te ŋ yeema pɛ miŋ tol tamasi wanaa tiu ba le miiŋgoo Chulusalɛm tia kɔɔli, vɛɛ naa bɛɛ ŋ mala yɛ hau wanaa cho o wali lɔɔ lɔɔ Jɛhowaa niŋnda? (Ɛsɛ. 1:4, 6; Luom. 12:13; Kol. 4:12)

Bundɛi 81

1. Vɛɛnɛ Isɔluɛitiiyaa mal Babilɔŋ le miiŋgoo Chulusalɛmnda wa yɛ diom pilɛ? Kɛ yɛɛnɛ nda komal lɛ mɛɛ nda fuuluu?

2. Yɛɛnɛ Isɔluɛitiiya kandu yɛ taŋgullo mɛɛ nda fuuluu? Kɛ yɛɛnɛ yaamɔwaa ndaa tosa yɛ?

3. Haka nda Sɛkalaya, nɛɛ waa nda wa yɛ? Nduyɛ yɛɛnɛ ndaa dimullɛ waŋnda?

4. Le yɛɛnɛ Tatinai poonyiaa yɛ yauwo Babilɔŋ? Nduyɛ muli yɛɛ ndoo sɔla yɛ?

5. Mɛɛ Ɛsɛla sina maa maaŋ Mɛlɛkaa yeema toosiaŋndo, yɛɛ ndoo tosa yɛ?

6. A mɛɛ ŋ cho chɔɔ o fotueiyo niŋ yɛ, le yɛɛ Ɛsɛla cho yɛ piɛileŋ? Vɛɛ Mɛlɛka muli yɛ piɛile ndɔleŋ, nduyɛ yɛɛ naŋ pɛɛku yɛ o hei niŋ?

Nyunala chɔɔlaalaŋ:

1. Nuawɔ Ɛsɛla 3:1-13.

   Te o yɔŋ pɛ miŋ wa o fonda kunda Lekilisiɔŋ cho loo, yɛɛ naŋ nɔ yɛ miŋ hiou lachi a tosaa? (Ɛsɛ. 3:3, 6; Walta Wanaa Chiisuaa 17:16, 17; Hibu. 13:15)

2. Nuawɔ Ɛsɛla 4:1-7.

   Tamasi yɛɛ Sɛlubabɛl kɛsi yɛ le wanaa cho Jɛhowa piɛiyo wa mɛɛ nda nɔ ma che piɛile lachoowaleŋ yɛ? (Ɛs. 34:12; 1 Kɔl. 15:33; 2 Kɔl. 6:14-17)

3. Nuawɔ Ɛsɛla 5:1-5, 17; vɛlɛa 6:1-22.

   1. Le yɛɛnɛ yaamɔɔwa tiu ba ma kuuna wanaa Mɛlɛkaa taŋgullo le? (Ɛsɛ. 5:5; Ais. 54:17)

   2. Te o yɔŋ pɛ mi simultaŋ la komal hau bɛnduaa o kunda Lekilisiɔŋndo niŋ, vɛɛ nyɛ laŋgbaa kalaa Chuuwa tosa wo ke yɛ nda kɔl dɛɛniaa le ma tofa o Jɛhowa lo le nɛi chɔmaa? (Ɛsɛ. 6:14; Chon. 32:8; Luom. 8:31; Chem. 1:5)

4. Nuawɔ Ɛsɛla 8:21-23, 28-36.

   Tuupa miŋ kandu isɔɔ o isɔɔ tosa, le yɛɛ o bɛnda yɛ miŋ tuula tamasi kɛndɛ Ɛsɛla kɛsi wo? (Ɛsɛ. 8:23; Chon. 127:1; Tal. 10:22; Chem. 4:13-15)

Bundɛi 82

1. Wanaa maa vɛɛ Mɔdikaya nda Ɛsta wa yɛ?

2. Le yɛɛ Masaa Ahasaliɔɔ ndoo kɛɛ yɛ lanɔ tase wa ndu o ba wo mbo yeema lanɔ cheleŋ? Nduyɛ o nɛɛnɛ ndoo kaala yɛ?

3. Nɛɛnɛ wa yɛ Hemaŋ? Nduyɛ yɛɛnɛ tosa yɛ mbo tuulu kɔl ŋama ŋama?

4. Sawa kuɛɛ ndaa dɔu yɛ? Nduyɛ yɛɛ Ɛsta tosa yɛ mɛɛ o tuei yooŋgu chɛŋ o Mɔdikaya lo wo?

5. Yɛɛ ndoo yɔŋnuŋ yɛ Hemaŋ vɛlɛa Mɔdikaya?

6. Vɛɛ Isɔluɛitiiya sɔla yɛ kindaa yaamɔwaa ndaa o ba?

Nyunala chɔɔlaalaŋ:

1. Nuawɔ Ɛsta 2:12-18.

   Vɛɛ Ɛsta chɔm yɛ kaa “mɔɔsɔlɔɔ wo”? (Ɛst. 2:15; 1 Pitɛ 3:1-5)

2. Nuawɔ Ɛsta 4:1-17.

   Mɛɛ Ɛsta ndoo sɔla fondaa le simndaŋ le piɛile tonya leŋ yɛ, naa bɛɛ fonda yɛɛ cho yɛ naa hau o Kenaŋ le miŋ chɔm yɔŋgɔŋ naa vɛlɛa lo lechoo wo o Jɛhowa lo? (Ɛst. 4:13, 14; Mat. 5:14-16; 24:14)

3. Nuawɔ Ɛsta 7:1-6.

   Vɛɛ wanaa Mɛlɛkaa bɔɔ bɔɔ lueiyɛ hau yoomula ndalaŋ o kpundɔɔ niŋ maa Ɛsta? (Ɛst. 7:4; Mat. 10:16-22; 1 Pitɛ 2:12)

Bundɛi 83

1. Ɔɔ buulaŋ Isɔluɛitiiya wa niŋndo teleŋ Chulusalɛm ndoo nɔ wɔ kpaki loo?

2. Nɛɛ wa yɛ Nɛhimaya?

3. Wali yɛɛ Nɛhimaya ndoo tosa yɛ? Nduyɛ le yɛɛ o wa yɛ wali sɔwɛ?

4. Yooŋgu yɛɛ tosa yɛ Nɛhimaya yɔluŋ? Nduyɛ yɛɛ ndoo tosa yɛ?

5. Vɛɛ Masaa Atasasi chɔm yɛ Nɛhimaya kɛndɛi?

6. Vɛɛ Nɛhimaya kɛɛsiaa yɛ le mi wali taŋgulaa tosaŋ hali kpeŋ yaamɔwaa ndaa kuuna ndu le?

Nyunala chɔɔlaalaŋ:

1. Nuawɔ Nɛhimaya 1:4-6; vɛlɛa 2:1-20.

   Vɛɛ Nɛhimaya nuuviaa yɛ nɛi chɔmaa Jɛhowaa? (Nɛh. 2:4, 5; Luom. 12:12; 1 Pitɛ 4:7)

2. Nuawɔ Nɛhimaya 3:3-5.

   Yɛɛnɛ bɛnduaa a buɛiyaa malalaŋnda o kundaa niŋ pɛɛku yɛ o teŋgeŋ wa Tekoatiiya tɛɛŋ a wanaa ndaa bɛnduaa wo? (Nɛh. 3:5, 27; 2 Tɛs. 3:7-10; 1 Pitɛ 5:5)

3. Nuawɔ Nɛhimaya 4:1-23.

   1. Mi che bɛɛ naa tɔɔndaŋ kala kalaa wa Isɔluɛitiiya choo, yɛɛ nyindu yɛ nda ma hiau lachi a taŋgullo? (Nɛh. 4:6, 8, 9; Chon. 50:15; Ais. 65:13, 14)

   2. Vɛɛ tamasi Isɔluɛitiiya ke yɛ naa hau kɔl dɛɛniaa?

4. Nuawɔ Nɛhimaya 6:15.

   O paŋguŋ muuŋ bɛŋgu mi kpakio Chulusalɛm chuu taŋgul. Vɛɛ hoo chɔm yɛ maa laalaŋndo nɔ kpaayaa? (Chon. 56:3, 4; Mat. 17:20; 19:26)

Bundɛi 84

1. Nɛɛ cho yɛ chua koŋ o fotueiyo niŋ?

2. Yɛɛnɛ Kebilɛl dimullɛ Meele?

3. Vɛɛ Kebilɛl tɛɛsial lɛ Meele maa o cho poo violɔɔ mi che bɛɛ naa ndoo sina wɔ suɛi wana pɔnɔ le?

4. Yɛɛ ndoo yɔŋnuŋ yɛ mɛɛ Meele kuɛ Lisabɛɛ wanayɛi nduɛi yilɔɔ?

5. Yɛɛ Choosɛ ndoo tuu yɛ le tosaa mɛɛ o sina maa Meele cho a folio? Kɛ yɛɛ tosa yɛ mbo siŋga kɔllo?

Nyunala Chɔɔlaalaŋ:

1. Nuawɔ Luku 1:26-56.

   1. Te o wa pɛ mi Mɛlɛka yɔŋ yoomu Po ndɔɔ Meele o dembe o inyinaya, vɛɛ Luku 1:35 chɔm yɛ maa haki Adama cho o dembe Meele wo niŋndo pilaŋ niŋ Po koŋ te? (Hak. 2:11-13; Chɔŋ 6:69; Hibu. 7:26; 10:5)

   2. Vɛɛ Chiisu sɔla yɛ bɛɛleŋ tuupa mbo vialuŋ? (Luk. 1:41-43)

   3. Tamasi kɛndɛ kuɛɛ Meele kɛsi yɛ le Kilisiɔŋnda hau a sɔla wali teŋgeŋndo o kɔɔna Jɛhowaa niŋnda? (Luk. 1:38, 46-49; 17:10; Tal. 11:2)

2. Nuawɔ Maatiu 1:18-25.

   Mi che bɛɛ naa a ke Chiisu diolaŋ aa Imaanuɛl le, kɛ vɛɛ nyɛ o tosa wo vellɛ nyɛ diola laŋ la simndo? (Mat. 1:22, 23; Chɔŋ 14:8-10; Hibu. 1:1-3)

Bundɛi 85

1. Chɛlɛkpɛ lende kuɛɛ nda bii yɛ koŋ o fotueiyo niŋ? Nduyɛ kuɛɛ Meele cho yɛ ndu yambɔɔ?

2. Le yɛɛ nda velu yɛ Chiisu naa mandaa ŋchɔluaa?

3. O fotueiyo niŋ, nɛɛ waa cho yɛ kaŋ hunɔɔ naa nda velu Chiisu wa? Nduyɛ yɛɛ kiilanɔ Mɛlɛkaa ndoo dimullɛ nda?

4. Le yɛɛ Chiisu cho yɛ teŋgeŋ?

5. Le yɛɛ Chiisu sɔla yɛ veelɔŋndo aa Po Mɛlɛkaa?

Nyunala chɔɔlaalaŋ:

1. Nuawɔ Luku 2:1-20.

   1. Yɛɛ Siisa Ɔkɔstɔɔ ndu tosa yɛ le peeloo diomnda dimiŋ a violɔŋ Chiisoo okɔɔ laŋ? (Luk. 2:1-4; Mai. 5:2)

   2. Vɛɛ waŋndo looku yɛ luɛiyɔɔ wanaa Mɛlɛka hini kɔlla tɛɛŋ? (Luk. 2:14; Mat. 16:24; Chɔŋ 17:3; Walta Wanaa Chiisuaa 3:19; Hibu. 11:6)

   3. Te wanaa mandaa lasaa Chudiaa nda naŋ pɛ kɔl le violɔŋ Chiisoo maa wana piŋiaa, sabu bɛndu yɛɛ wanaa Mɛlɛkaa nda nɔ hau le nyaaloo? (Luk. 2:10, 11; Ɛfi. 3:8, 9; Chɔɔmɔŋndo 11:15; 14:6)

Bundɛi 86

1. Puaa kuɛɛ cho yɛ kaŋ o fotueiyo niŋ? Nduyɛ le yɛɛnɛ opilɔɔ cho yɛ suei yulɔɔ o luei diandɛi?

2. Le yɛɛ Masaa Hɛlɔɔ dɔunuŋ yɛ tumbe? Nduyɛ yɛɛnɛ ndoo tosa yɛ?

3. Kuɛɛnɛ luei diandɛi kuɛ yɛ a puaa haa? Kɛ le yɛɛ nda keeku yɛ a nɛi cheleŋ mɛɛ nda wa miiŋgoo o lɛŋnde ndaleŋ niŋ?

4. Sawa yɛɛ Hɛlɔɔ ndoo dɔu yɛ, nduyɛ le yɛɛ?

5. Yɛɛ Jɛhowa ndoo dimullɛ Choosɛ le tosaa?

6. Nɛɛ ndoo tosa yɛ mi luei diandu diondɔɔ bɛndu koŋ, nduyɛ le yɛɛ?

Nyuna chɔɔlaa:

1. Nuawɔ Maatiu 2:1-23.

   Teleŋ wanaa pɛɛku a looŋ okɔɔ wa kuɛ Chiisu yilɔɔ wo, vɛɛnɛ ndoo wa yɛ wɔsilaŋ, nduyɛ kuɛɛnɛ o wa yɛ ma kɔ yil ndu? (Mat. 2:1, 11, 16)

Bundɛi 87

1. Vɛɛnɛ Chiisu cho yɛ wɔsilaŋ o fotueiyo niŋ? Nduyɛ kuɛɛnɛ o cho yɛ?

2. Wɔsi o wɔsi fee kuɛɛ Choosɛ ndoo kua yɛ a yuŋgu ndɔɔ?

3. Mɛɛ nda wa miiŋgɔŋndo o ndalo chiee ma kua le paaleŋ kpɛŋ, le yɛɛ Choosɛ nda Meele miiŋgu yɛ vɛlɛ Chulusalɛm?

4. Kuɛɛnɛ Choosɛ nda Meele saaluŋ yɛ Chiisu? Nduyɛ le yɛɛ kɔndɔfillo bii yɛ wanaa wa loŋnda?

5. Yɛɛ Chiisu dimullɛ Meele kala ndɔ?

6. Vɛɛ naŋ wa yɛ maa Chiisu le pɛɛkoo a Mɛlɛka okɔɔ?

Nyunala chɔɔlaalaŋ:

1. Nuawɔ Luku 2:41-52.

   1. Mi che bɛɛ naa mi sawaa ndoo dimi maa puaa koni ndaa nɔ ni ma bii bɔŋaŋ wɔsio, kɛ tamasi kuɛɛ Choosɛ nda Meele kɛsi yɛ hau le kalaŋ chuauwa? (Luk. 2:41; Dut. 16:16; 31:12; Tal. 22:6)

   2. Tamasi yɛɛ Chiisu kɛsi yɛ le feleŋguaa hau mɛɛ nda looku ma tuei wanaa velu nda wa diom yɛ? (Luk. 2:51; Dut. 5:16; Tal. 23:22; Kol. 3:20)

2. Nuawɔ Maatiu 13:53-56.

   Pɔmbuaa hiɔɔluaa Chiisuaa kuɛɛ Baabuiyo chɔm yɛ diolaŋ? Nduyɛ vɛɛnɛ nda soliŋ yɛ a ŋiɔɔŋ nda tɛɛŋ kpeku o kunda Lekilisiɔŋndo niŋ? (Mat. 13:55; Walta Wanaa Chiisuaa 12:17; 15:6, 13; 21:18; Kal. 1:19; Chem. 1:1; Chiud 1)

Bundɛi 88

1. Puaa ŋiɔɔŋaa kuɛɛ cho yɛ kaŋ o fotueiyo niŋ?

2. Vɛɛ nda yiŋ yɛ waŋndo?

3. Nɛɛnɛ waa kpeekpei Chɔŋ ndoo yiŋ yɛ?

4. Le sabu cheleŋ kuɛɛ teŋgeŋ Chiisu ndoo dimullɛ Chɔŋ maa o yiŋ ndu?

5. Vɛɛ Mɛlɛka ndoo chɔm yɛ maa o hini kɔl a yiŋɔɔ Chiisu yiŋndo?

6. Yɛɛ ndoo yɔŋnuŋ yɛ mɛɛ Chiisu kuɛ o fondɛi yololɛi le palɛi 40?

7. Nɛɛ waa wa yɛ buɛiyaa tasiaa Chiisuaa apum? Nduyɛ yɛɛ wa yɛ kaamaa ndɔ tasoo?

Nyunala chɔɔlaalaŋ:

1. Nuawɔ Maatiu 3:13-17.

   Tamasi yɛɛ Chiisu kɛsi yɛ a mɛɛ buɛiyaa nduaa nɔ ma yiŋ yɛ? (Chon. 40:7, 8; Mat. 28:19, 20; Luk. 3:21, 22)

2. Nuawɔ Maatiu 4:1-11.

   Dɛɛniaa yɛɛ naŋ sɔla yɛ hau le Baabuiyo pɛɛkoo lɔɔ lɔɔ a mɛɛ Chiisu ndoo chaa Baabuiyo soliŋ kpeku yɛ? (Mat. 4:5-7; 2 Pitɛ 3:17, 18; 1 Chɔŋ 4:1)

3. Nuawɔ Chɔŋ 1:29-51.

   O nɛɛ lo Chɔŋ wana yiŋaa ndoo chɔm yɛ buɛiyaa nduaa nɛiyo? Nduyɛ vɛɛ naŋ tuula yɛ ndu hau? (Chɔŋ 1:29, 35, 36; 3:30; Mat. 23:10)

4. Nuawɔ Chɔŋ 2:1-12.

   Vɛɛ kaamaa tase Chiisoo chɔm yɛ maa Jɛhowa kuunaŋ nyɛ o nyɛ kɛndɛ choo le buɛiyaa nduaa le? (Chɔŋ 2:9, 10; Chon. 84:11; Chem. 1:17)

Bundɛi 89

1. Le yɛɛ ndaa pisi yɛ visiaa o maaŋndo niŋ?

2. Yɛɛ ndoo tosa yɛ mi Chiisu tuulu kɔl?

3. A mɛɛ ŋ cho chɔɔ o fotueiyo niŋ yɛ, yɛɛnɛ Chiisu ndoo tosa yɛ? Nduyɛ yɛɛ ndoo dimullɛ puaa wa kangbuaa pisioo wa?

4. Mɛɛ buɛiyaa Chiisuaa che nyɛ o wa tosaa wo, yɛɛ nda loonuŋ yɛ?

5. O lɛŋnde ibuŋga le kuɛɛ Chiisu ndoo kei yɛ mɛɛ o wa miiŋgoo Kalili?

Nyunala chɔɔlaalaŋ:

1. Nuawɔ Chɔŋ 2:13-25.

   Te ŋ yiyaŋ pɛ a mɛɛ Chiisu dɔunuŋ tumbe a wanaa siŋgaa ŋkaniaa o maaŋndo niŋ yɛ, yɛɛ naa bɛɛ nɔ yɛ miŋ tosa te ŋ che pɛ waŋndo yulaleŋ tosaa o toŋgo naŋ piɛi Jɛhowa wo niŋ? (Chɔŋ 2:15, 16; 1 Kɔl. 10:24, 31-33)

Bundɛi 90

1. Le yɛɛ Chiisu chal lɛ o sooŋndo Sameelia? Nduyɛ, yɛɛnɛ o cho yɛ chuaa dimullo?

2. Le yɛɛ kɔndɔfillo bii yɛ chuaa? Yɛɛ Chiisu dimullɛ ndu, nduyɛ le yɛɛ?

3. Mɛŋma suu kuɛɛ chuaa ndoo yiyaŋ yɛ maa a maŋ Chiisu wa suɛi ni? Kɛ a ma kuɛɛ kpeekpei Chiisu ndu wa yɛ suɛi?

4. Le yɛɛ kɔndɔfillo ndoo bii yɛ chuaa le nyɛ Chiisu sina a ndu okɔɔ wo? Vɛɛ Chiisu looku yɛ muŋ kpou sina a chuaa hoo okɔɔ?

5. Sɔɔŋ kuɛɛ naŋ pɛɛku yɛ o bundɛi hei niŋ?

Nyunala chɔɔlaalaŋ:

1. Nuawɔ Chɔŋ 4:5-43.

   1. Te ŋ yeema pɛ le tamasi Chiisoo tolɔɔ kɔɔli, kaa yɛɛ naŋ nɔ yɛ miŋ chɔm o wanaa naŋ cho kaale pilɛ le wa lo? (Chɔŋ 4:9; 1 Kɔl. 9:22; 1 Tim. 2:3, 4; Tai. 2:11)

   2. Tɔnɔ kuɛɛ waŋndo sɔla yɛ te o siŋgaŋ pɛ mbo huŋ simnuŋ buɛi Chiisoo? (Chɔŋ 4:14; Ais. 58:11; 2 Kɔl. 4:16)

   3. Vɛɛ naŋ chɔm yɛ balika melaa maa chua Sameelianɔ koŋ, o ndoo nɔ yeemɛi le a cheleŋnda dimullo nyɛ ndoo pɛɛku wo? (Chɔŋ 4:7, 28; Mat. 6:33; Luk. 10:40-42)

Bundɛi 91

1. O fotueiyo niŋ, kuɛɛ Chiisu cho yɛ pɛɛkoo? Nduyɛ nɛɛ waa chal lɛ kaŋ ndu ikɛi kpɛɛluŋ?

2. Vɛɛ buɛiyaa 12 Chiisuaa nɔ yɛ diolaŋ?

3. A Masale kuɛɛ okɔɔ Chiisu cho yɛ waŋnda pɛɛkoo?

4. A yɛɛ okɔɔ Chiisu pɛɛku yɛ waŋnda le ma piɛi?

5. Yɛɛ Chiisu dimi yɛ a mɛɛ waŋnda nɔ ma bii o pilɛ a o cheleŋndo yɛ?

Nyunala chɔɔlaalaŋ:

1. Nuawɔ Maatiu 5:1-12.

   O nɛila kuɛɛ choo naŋ chɔm yɛ maa ŋ buulaŋ le suɛi Mɛlɛkɛi? (Mat. 5:3; Luom. 10:13-15; 1 Tim. 4:13, 15, 16)

2. Nuawɔ Maatiu 5:21-26.

   Vɛɛ Maatiu 5:23, 24 kindila yɛ maa chaŋyɛi a puaa piliaa naa i piiliaŋ chaŋyɛi nɛi a Jɛhowa? (Mat. 6:14, 15; Chon. 133:1; Kol. 3:13; 1 Chɔŋ 4:20)

3. Nuawɔ Maatiu 6:1-8.

   Le yɛɛ Kilisiɔŋnda nɔ yɛ ma mal kaa chuaŋnaŋndo maa nda hiou isandu? (Luk. 18:11, 12; 1 Kɔl. 4:6, 7; 2 Kɔl. 9:7)

4. Nuawɔ Maatiu 6:25-34.

   Yɛɛ Chiisu pɛɛku yɛ a tiindaŋndo dɔuwɔɔ o Mɛlɛka niŋ le naa kioo nyɛm naŋ hau ba woŋ? (Ɛs. 16:4; Chon. 37:25; Fil. 4:6)

5. Nuawɔ Maatiu 7:1-11.

   Yɛɛ tale Chiisu dimi o Maatiu 7:5 niŋndo pɛɛku yɛ naa? (Tal. 26:12; Luom. 2:1; 14:10; Chem. 4:11, 12)

Bundɛi 92

1. Nɛɛ cho yɛ finyaa chuaambɔɔ o fotueiyo niŋ? Nduyɛ le yɛɛ ndu a laandɔ wa yɛ o buulaŋndo niŋ?

2. Mɛɛ Chaaliɔɔ saaluŋ Chiisu, yɛɛ ndoo tosa yɛ?

3. Mɛɛ Chiisu wa kɔlaŋ o chiɛi Chaaliɔɔ wo, yɛɛ ndoo yɔŋnuŋ yɛ? Nduyɛ yooŋgu yɛɛ ndaa chuu yɛ Chaaliɔɔ nɛi tɛɛŋ?

4. Le yɛɛ wanaa wa o Chaaliɔɔ lo bɛɛ wa mam yɛ Chiisu?

5. Mɛɛ Chiisu luɛi chiɛiniŋ a buɛiyaa nduaa a yaa vɛlɛa finyaa a kalaa chuaambɔɔ, yɛɛ Chiisu ndoo tosa yɛ?

6. Nɛɛ Chiisu ndoo miŋgi yɛ vɛlɛ yoomu? Nduyɛ, yɛɛ hoo chɔm yɛ?

Nyunala chɔɔlaalaŋ:

1. Nuawɔ Luku 8:40-56.

   Vɛɛ Chiisu ndoo chɔm yɛ nyɛiye a sina lapɛŋgoo o chua ndoo nɔ naa ŋwaŋ laandoo pumndo? Nduyɛ yɛɛ bɛnduaa cho o kundala Lekilisiɔŋndaŋ niŋ nda nɔ yɛ ma pɛɛku o hei niŋ? (Luk. 8:43, 44, 47, 48; Lɛf. 15:25-27; Mat. 9:12, 13; Kol. 3:12-14)

2. Nuawɔ Luku 7:11-17.

   Vɛɛ wanaa ndaa kaala wanaa ndaa vi wa sɔla yɛ kɔl dɛɛniaa o diomnda Chiisu ndoo dimi o chua ndoo viikuu pɔnɔɔ Neiŋ chiee wo lo? (Luk. 7:13; 2 Kɔl. 1:3, 4; Hibu. 4:15)

3. Nuawɔ Chɔŋ 11:17-44.

   Vɛɛ Chiisu chɔm yɛ maa i cho suɛi sɔwɛ le mi waŋndo chaŋ wana ndɔ vi wo? (Chɔŋ 11:33-36, 38; 2 Sam. 18:33; 19:1-4)

Bundɛi 93

1. Suɛi kpundɛ kuɛɛ yɔŋnuŋ yɛ a Chɔŋ wana yiŋaa? Nduyɛ vɛɛ hei tɛɛmbuu yɛ Chiisu kɔl?

2. Vɛɛ Chiisu ke yɛ faŋga tol ndu kɔɔli wo nyɛdiaa? Nduyɛ vɛɛ o ndaa dema wo wa yɛ kambɛilaŋ?

3. Le yɛɛ sioonde ndii bii yɛ buɛiyaa nduaa o nyumndaŋ niŋ? Nduyɛ yɛɛ ndoo yɔŋnuŋ yɛ a Pitɛ?

4. Vɛɛ Chiisu looku yɛ vɛlɛ waŋnda o waalaŋ niŋ nyɛdiaa ke?

5. Vɛɛ nyɔŋ wa yɛ niŋ te Chiisu o Mɛlɛka kɛsi masa wo hiŋ pɛ a masale ndɔleŋ o lɛŋndeŋ choo?

Nyunala chɔɔlaalaŋ:

1. Nuawɔ Maatiu 14:1-32.

   1. Vɛɛ Maatiu 14:23-32 chɔm yɛ naa suiliŋ Pitɛ wo?

   2. Vɛɛ bolii Baabuiye chɔm yɛ naa maa mi Pitɛ simul kɔl, okoŋ mbo mal kaa ichuaambɔyaa? (Mat. 14:27-30; Chɔŋ 18:10; 21:7; Walta Wanaa Chiisuaa 2:14, 37-40; 1 Pitɛ 5:6, 10)

2. Nuawɔ Maatiu 15:29-38.

   Vɛɛ Chiisu chɔm yɛ bɛɛleŋ le nyɛm finya ndɔ wa yɔŋgoo woŋ? (Mat. 15:37; Chɔŋ 6:12; Kol. 3:15)

3. Nuawɔ Chɔŋ 6:1-21.

   Vɛɛ Kilisiɔŋnda tual lɛ hau tamasi Chiisoo kɔɔli te o hiŋ pɛ le masaa chieeŋnda bɛɛleŋ kio? (Chɔŋ 6:15; Mat. 22:21; Luom. 12:2; 13:1-4)

Bundɛi 94

1. Mɛɛ nda wa miiŋgoo, o yɛɛ choo buɛiyaa Chiisuaa wa yɛ diomndaŋ hiŋaŋndo nɛi tɛɛŋ?

2. Le yɛɛnɛ Chiisu veelu yɛ chuaambɔ pɔmbɔɔ mbo simi ndu buɛiyaa nduaa lachi?

3. O nɛi kuɛɛ choo buɛiyaa Chiisuaa nɔ yɛ ma wa maa chuaambuaa pɔmbuaa?

4. Mɛɛ paŋgoŋ hiou ŋtiŋ o koŋ kɔɔli, vɛɛ Chiisu ndoo chɔm yɛ vɛlɛ maa o kaala bɔɔ chuaambuaa pɔmbuaa?

Nyunala chɔɔlaalaŋ:

1. Nuawɔ Maatiu 18:1-4.

   Le yɛɛnɛ Chiisu ndoo pɛɛku yɛ o talelaŋ niŋ? (Mat. 13:34, 36; Mak. 4:33, 34)

2. Nuawɔ Maatiu 19:13-15.

   Te ŋ yeema pɛ miŋ huŋ sɔla salala cho wa o masale Mɛlɛkaleŋ niŋ ndaŋ, suliŋnda chuaambuaa pɔmbuaa kuɛɛ naŋ nɔ yɛ miŋ tuula? (Chon. 25:9; 138:6; 1 Kɔl. 14:20)

3. Nuawɔ Maki 9:33-37.

   Yɛɛ Chiisu pɛɛku yɛ buɛiyaa nduaa a yeemɛi le fondala lebɛɛlaŋ sɔlaa okɔɔ? (Mak. 9:35; Mat. 20:25, 26; Kal. 6:3; Fil. 2:5-8)

4. Nuawɔ Maki 10:13-16.

   Vɛɛ i cho yɛ maa mi Chiisu ndoo chɛl mi waŋnda ndaa sɔɔŋguu ndu machɛlu? Nduyɛ yɛɛ bɛnduaa o kundala Lekilisiɔŋndaŋ niŋ pɛɛku yɛ o tamasi ndɔɔ hoo niŋ? (Mak. 6:30-34; Fil. 2:1-4; 1 Tim. 4:12)

Bundɛi 95

1. Nyuna yɛɛ poo nyuna yɛ Chiisu? Le yɛɛ o nyuna yɛ ndu?

2. O yɛɛ niŋ Chiisu ndoo pɛɛku yɛ le pum? Nduyɛ, yɛɛnɛ naŋ sina yɛ Chuuwa tɛɛŋ a Sameeliaŋnda?

3. O bundɛi Chiisu dimi ve niŋ, yɛɛ ndoo yɔŋnuŋ yɛ nɛi tɛɛŋ a Chuunɔ wa kɔlaŋ Chɛliko wo?

4. Yɛɛ yɔŋnuŋ yɛ mɛɛ masa wanaa soliaa salaa le Chuuwa a Livainɔɔ keeku a nɛi koŋ?

5. O fotueiyo niŋ, nɛɛnɛ cho yɛ Chuunɔ nda lɔɔ koŋ ndo malaa?

6. Mɛɛ Chiisu chii bundɛi dimi, nyuna yɛɛ ndoo nyuna yɛ po nyuna ndu wo? Nduyɛ vɛɛ poo mulul lɛ ndu?

Nyunala chɔɔlaalaŋ:

1. Nuawɔ Luku 10:25-37.

   1. Tuupa mi ndoo mulul ndu sakpo, vɛɛ Chiisu mala yɛ po sinaa lasawaa hoo le mbo yiyaŋ o suɛi hei choo? (Luk. 10:26; Mat. 16:13-16)

   2. Vɛɛ talela Chiisu soliŋ kpeku laŋ la mala yɛ wanaa wa ndu nilaŋ yaŋɔɔ wa le ma mal waŋnda hɛlioo? (Luk. 10:36, 37; 18:9-14; Tai. 1:9)

Bundɛi 96

1. Balɔɔ Chiisu wa o lɛŋndeŋ choo kpou wo, yɛɛ ndoo tosa yɛ?

2. Mɛɛ wɔsilaŋ la hiou layaa o yiŋɔɔ Chiisoo kɔɔli, yɛɛ oo dimul lɛ buɛiyaa nduaa?

3. Nɛɛ waa cho yɛ kaŋ o fotueiyo niŋ, nduyɛ yɛɛnɛ Chiisu tosal lɛ chua koŋ?

4. Vɛɛ muli Chiisu mulul simlachiaa lepiɛiya wo tuisi yɛ nda siɔmbulaŋ?

5. Mɛɛ Chiisu nda buɛiyaa nduaa wa hiouwɔɔ Chɛliko, yɛɛ ndoo tosallɛ puaa sumɛiyaa ŋiɔɔnda?

6. Le yɛɛ Chiisu ndoo tosa yɛ kaamaalaŋ?

Nyunala chɔɔlaalaŋ:

1. Nuawɔ Maatiu 15:30, 31.

   Vɛɛ kpaaya bɛndu Jɛhowaa chɔmnuŋ yɛ sanaa o Chiisu niŋ? Nduyɛ vɛɛ hoo ke yɛ naa sinalapɛŋgoo a diomnde Jɛhowa mɛi le chieeŋ sɛnɛiyo wo? (Chon. 37:29; Ais. 33:24)

2. Nuawɔ Luku 13:10-17.

   Vɛɛ kaamaala Chiisu tosa o paale pɛŋgiaa le Chuuwa choo leŋ chɔm yɛ saaŋgiaala Chiisu cho hunɔɔ faŋga waŋnda chieeya choo laŋ te o huŋ wa pɛ masaa le wɔsioŋ waa pilɛ? (Luk. 13:10-13; Chon. 46:9; Mat. 12:8; Kol. 2:16, 17; Chɔɔmɔŋndo 21:1-4)

3. Nuawɔ Maatiu 20:29-34.

   Vɛɛ bundɛi hei chɔm yɛ naa maa nyɛ o nyɛ heu Chiisu le waŋnda malaa le? Nduyɛ yɛɛ naŋ pɛɛku yɛ o hei niŋ? (Dut. 15:7; Chem. 2:15, 16; 1 Chɔŋ 3:17)

Bundɛi 97

1. Mɛɛ Chiisu hiŋ o sɔndɔkɔlɔɔ pum Chulusalɛm ikɛi, yɛɛ ndoo dimul lɛ buɛiyaa nduaa le ma tosa?

2. O fotueiyo niŋ, yɛɛ yɔŋnuŋ yɛ mɛɛ Chiisu fuuluu Chulusalɛm chiee lekɔɔ?

3. Yɛɛ chuaambuaa pɔmbuaa tosa yɛ mɛɛ nda che mi Chiisu siŋgi wanaa sumɛiya vɛlɛa wanaa bɛvɛiya?

4. Yɛɛ Chiisu dimullɛ wanaa soliaa salaa nɔ haa nɛyɔŋndo wa?

5. Vɛɛ naŋ tuula yɛ chuaambuaa wa haa Chiisu saŋgalaa wa?

6. Yɛɛ buɛiyaa Chiisuaa yeema yɛ ma sina?

Nyunala chɔɔlaalaŋ:

1. Nuawɔ Maatiu 21:1-17.

   1. Vɛɛ luɛiyɔɔ Chiisoo Chulusalɛm maa masa wa yɛ teŋgeŋ a mɛɛ kuubaa maLuomaŋnda ndaa luɛi o sindɔɔ niŋ yɛ? (Mat. 21:4, 5; Sɛk. 9:9; Fil. 2:5-8; Kol. 2:15)

   2. Yɛɛ feleŋguaa hau pɛɛku yɛ o diomnda puaambuaa Isɔluɛitiiya dimi o Chondoŋ 118 niŋ ndo teleŋ Chiisu luɛi o maaŋndo niŋ ndo? (Chon. 118; Mat. 21:9, 15; Chon. 118:25, 26; 2 Tim. 3:15; 2 Pitɛ 3:18)

2. Nuawɔ Chɔŋ 12:12-16.

   Yɛɛ siɔɔla waula waŋnda soliŋ kpeku le Chiisu saŋgalaa laŋ la sim yɛ le wundu? (Chɔŋ 12:13; Fil. 2:10; Chɔɔmɔŋndo 7:9, 10)

Bundɛi 98

1. Nɛɛ cho yɛ Chiisu o fotueiyo niŋ? Nduyɛ, nɛɛ waa cho yɛ kaŋ latulu a ndu?

2. Yɛɛ wanaa soliaa salaa kindiŋ yɛ le Chiisu tosallo o maaŋndo niŋ? Nduyɛ yɛɛ o dimul lɛ nda?

3. Yɛɛ buɛiyaa Chiisuaa ndaa nyuna yɛ ndu?

4. Le yɛɛ Chiisu ndoo dimul lɛ buɛiyaa nduaa a nyɛm cho wa yɔŋnɔŋndo o lɛŋndeŋ choo naŋ ndoŋ, teleŋ o wa niŋ o masale ndɔleŋ choo o choo choo niŋ ndo?

5. Tuupa mi Chiisu huŋ chii yɔɔŋ wɔɔŋndo o lɛŋndeŋ choo, yɛɛ ndoo dimi yɛ maa o cho yɔŋnɔŋ?

Nyunala chɔɔlaalaŋ:

1. Nuawɔ Maatiu 23:1-39.

   1. Mi che bɛɛ naa Baabuiyo kuuna waŋndo veeloo diola lebɛɛlaŋ te, kɛ vɛɛ diomnda Chiisu dimi o Maatiu 23:8-11 niŋ ndaŋ la chɔm yɛ naa mɛɛ naŋ nɔ miŋ veelu waŋnda o kunda Lekilisiɔŋndo niŋ yɛ? (Walta Wanaa Chiisuaa 26:25; Luom. 13:7; 1 Pitɛ 2:13, 14)

   2. Yɛɛ Falesiiya soliŋ yɛ kpeku le waŋnda kuunaa simnɔŋndo Kilisiɔŋnda? Nduyɛ, vɛɛ simlachiaa lepiɛiya hau bɛɛ cho yɛ nyɛ pilɛ koŋ kpe tosaa? (Mat. 23:13; Luk. 11:52; Chɔŋ 9:22; 12:42; 1 Tɛs. 2:16)

2. Nuawɔ Maatiu 24:1-14.

   1. Vɛɛ biuwɔŋndo cho yɛ nyɛ sɔwɛ a mɛɛ Maatiu 24:13 kindila ndi yɛ?

   2. Yɛɛ diomndo hoo “mɛɛlulaŋ” o Maatiu 24:13 niŋ sim yɛ? (Mat.16:27; Luom. 14:10-12; 2 Kɔl. 5:10)

3. Nuawɔ Maki 13:3-10.

   Diom kuɛɛ cho yɛ o Maki 13:10 niŋ o chɔm maa yooŋgu kɛndɔɔ nɔ mbo dimiŋ chɔ chɔ wo? Nduyɛ, vɛɛ diomnda Chiisu laŋ la piiliaŋ yɛ naa? (Mak. 13:10; Luom. 13:11, 12; 1 Kɔl. 7:29-31; 2 Tim. 4:2)

Bundɛi 99

1. A mɛɛ i cho i chɔmnaŋ o fotueiyo niŋ yɛ, le yɛɛ Chiisu a buɛiyaa nduaa 12 nda cho yɛ o chiɛi choo choo niŋ?

2. Nɛɛ cho yɛ koŋ fulaŋndo o bɛɛ? Nduyɛ, yɛɛ o cho yɛ kɔlaŋ tosaa?

3. Nyɛdiaa suu cheleŋ teŋgeŋ kuɛɛ Chiisu nda buɛiyaa nduaa kandu yɛ dio mɛɛ nda chii bɔŋaŋ loonaŋndo a hiouwɔɔ choo wo biyɔɔ?

4. A yɛɛ bɔŋaŋ loonaŋndo a hiouwɔɔ choo wo okɔɔ ndoo loonuŋ yɛ Isɔluɛitiiya? Nduyɛ, yɛɛ nyɛdiaa cheleŋ teŋgeŋ ndo hoo loonuŋ yɛ buɛiyaa Chiisuaa?

5. Mɛɛ nda chii nyɛdiaa Salamanɔɔ dio, yɛɛ Chiisu ndoo dimul lɛ buɛiyaa nduaa? Nduyɛ, yɛɛ ndaa tosa yɛ?

Nyunala chɔɔlaalaŋ:

1. Nuawɔ Maatiu 26:14-30.

   1. Vɛɛ Maatiu 26:16 chɔm yɛ maa a hɔlta vesɛi sɛɛŋ Chuda pisi Chiisu ni?

   2. Sɔɔŋ sala tiɔŋ kuɛɛ peeluŋ yɛ mɛɛ Chiisu sɔla piɔmndo? (Mat. 26:27, 28; Chɛ. 31:31-33; Ɛfi. 1:7; Hibu. 9:19, 20)

2. Nuawɔ Luku 22:1-39.

   O nɛi kuɛɛ choo Setana luɛi yɛ Chuda Isikaliɔɔ niŋ? (Luk. 22:3; Chɔŋ 13:2; Walta Wanaa Chiisuaa 1:24, 25)

3. Nuawɔ Chɔŋ 13:1-20.

   1. Baa Chuda Isikaliɔɔ nɔ pa mbo sɔla tɔɔyaŋ ndo le nyɛ o tosa wo a mɛɛ Chɔŋ 13:2 dimi yɛ? Nduyɛ, yɛɛ buɛiyaa Mɛlɛkaa pɛɛku yɛ o hei niŋ? (Gɛn. 4:7; 2 Kɔl. 2:11; Kal. 6:1; Chem. 1:13, 14)

   2. Tamasi kɛndɛ kuɛɛ Chiisu kɛsul lɛ naa? (Chɔŋ 13:15; Mat. 23:11; 1 Pitɛ 2:21)

4. Nuawɔ Chɔŋ 17:1-26.

   Le yɛɛ Chiisu piɛi yɛ le mi buɛiyaa nduaa wa “diom pilɛ”? (Chɔŋ 17:11, 21-23; Luom. 13:8; 14:19; Kol. 3:14)

Bundɛi 100

1. Mɛɛ Chiisu nda buɛiyaa nduaa faŋaŋ o chiɛi choo choo niŋ, kuɛɛ ndaa kuɛ yɛ? Nduyɛ, yɛɛ ndoo dimullɛ nda le ma tosa?

2. Yɛɛ Chiisu komal lɛ buɛiyaa nduaa tosaa mɛɛ o miiŋgu naa o mɛi nda wa? Nduyɛ le vɛɛ kpɛ hei yɔŋnuŋ yɛ?

3. Nɛɛ waa cheleŋ luɛi yɛ o kpeloo niŋ? Nduyɛ, yɛɛ Chuda Isikaliɔɔ ndoo tosa yɛ a mɛɛ i cho o fotueiyo niŋ yɛ?

4. Le yɛɛ Chuda Isikaliɔɔ sɔsa yɛ Chiisu kuuwo? Nduyɛ yɛɛ Pitɛ ndoo tosa yɛ?

5. Yɛɛ Chiisu ndoo dimul lɛ Pitɛ? Nduyɛ le yɛɛ Chiisu nyuna Mɛlɛka mbo yɔŋ ndu ŋkiila le?

Nyunala chɔɔlaalaŋ:

1. Nuawɔ Maatiu 26:36-56.

   1. Vɛɛ mɛɛ Chiisu sila buɛiyaa nduaa yɛ cho yɛ hau tamasi kɛndɛ le bɛnduaa o kunda Lekilisiɔŋndo niŋ? (Mat. 20:25-28; 26:40, 41; Kal. 5:17; Ɛfi. 4:29, 31, 32)

   2. Vɛɛ Chiisu dimi yɛ a wanaa soliŋ nyɛm piaandoŋ kpeku le chaanda chɔulabaa wa? (Mat. 26:52; Luk. 6:27, 28; Chɔŋ 18:36)

2. Nuawɔ Luku 22:39-53.

   Mɛɛ kiilanɔ Mɛlɛkaa hiŋ o kpeloo Kɛsɛmani niŋ le Chiisu kɔllo dɛɛniaa, baa koŋ chɔm ni maa Chiisu ndoo nɔ laalaŋndo o kala kpiŋ te? Tɛɛsiaa wɔ. (Luk. 22:41-43; Ais. 49:8; Mat. 4:10, 11; Hibu. 5:7)

3. Nuawɔ Chɔŋ 18:1-12.

   Vɛɛ Chiisu kiindiaa yɛ buɛiyaa nduaa yaamɔwaa nduaa o ba, nduyɛ yɛɛ naŋ pɛɛku yɛ o hei niŋ? (Chɔŋ 10:11, 12; 18:1, 6-9; Hibu. 13:6; Chem. 2:25)

Bundɛi 101

1. Nɛɛ kpeekpei naŋ nɔ yɛ miŋ bii tɔɔyaŋ le piɔm Chiisu wo?

2. Yɛɛ buɛiyaa Chiisuaa tosa yɛ mɛɛ simlachiaa lepiɛiya bii Chiisu?

3. Yɛɛ ndoo yɔŋnuŋ yɛ o chiɛi Kayafaa wo o wa masa wanaa soliaa salaa wo?

4. Yɛɛ tosa yɛ mi Pitɛ kɔ wa chaŋndo?

5. Mɛɛ nda miiŋgu a Chiisu naa Paile cha, yɛɛ masaa wanaa soliaa salaa ndaa dimi yɛ maa a tosal Chiisu?

6. Yɛɛ ndoo yɔŋnuŋ yɛ a Chiisu o Chimɛiyo choo ipalaa? Nduyɛ diomnde yɛɛ ndoo dimul lɛ po yɔŋ wɔɔŋ pum, o wa o baŋaa latulu a ndu o yɔmndo choo wo?

7. Kuɛɛnɛ kpele kɛndɛ Chiisu ndoo dimi koŋ ndo cho yɛ wa?

Nyunala chɔɔlaalaŋ:

1. Nuawɔ Maatiu 26:57-75.

   O nɛi kuɛɛ choo wanaa kialaa ŋyamaa le Chuuwa chɔm yɛ maa dɛnɛwɔɔŋndo nda o piaa cha o lakɔl? (Mat. 26:59, 67, 68)

2. Nuawɔ Maatiu 27:1-50.

   Le yɛɛ naŋ dimi yɛ maa mɔnɛi Chuda bii le nyɛ o tosa wo ve o tonya choo le? (Mat. 27:3, 4; Mak. 3:29; 14:21; 2 Kɔl. 7:10, 11)

3. Nuawɔ Luku 22:54-71.

   Yɛɛ naŋ pɛɛku yɛ o viinɔŋ Pitɛ viinuŋ Chiisu ichɔl nda bii Chiisu wo? (Luk. 22:60-62; Mat. 26:31-35; 1 Kɔl. 10:12)

4. Nuawɔ Luku 23:1-49.

   Yɛɛ Chiisu tosa yɛ a biyɔɔ wɔɔŋ nda bii ndu wo? Nduyɛ yɛɛ naa bɛɛ pɛɛku yɛ o hei niŋ? (Luk. 23:33, 34; Luom. 12:17-19; 1 Pitɛ 2:23)

5. Nuawɔ Chɔŋ 18:12-40.

   Mi che bɛɛ naa mi siooŋii waŋ chieeya ndii bii Pitɛ, kɛ yɛɛ naŋ sina yɛ a Pitɛ okɔɔ mɛɛ sioonde fula ndu o kɔl mbo simnuŋ buɛi kala kalaa le Chiisu? (Chɔŋ 18:25-27; 1 Kɔl. 4:2; 1 Pitɛ 3:14, 15; 5:8, 9)

6. Nuawɔ Chɔŋ 19:1-30.

   1. Kpeŋ kpeŋ yɛɛ Chiisu ndoo nɔ yɛ le nyɛm kiɔɔŋ? (Chɔŋ 2:1, 2, 9, 10; 19: 23, 24; Mat. 6: 31, 32; 8: 20)

   2. Mɛɛ Chiisu hiŋ le malnɔŋndo kɔl, vɛɛ diomnda o dimi laŋ la chɔm yɛ maa mbo sim o kala kpoke le masale Jɛhowaleŋ? (Chɔŋ 16:33; 19:30; 2 Pitɛ 3:14; 1 Chɔŋ 5:4)

Bundɛi 102

1. Chua kuɛɛ cho yɛ koŋ o fotueiyo niŋ? Nɛɛ waa cho yɛ puaa ŋiɔɔŋaa kaŋ, nduyɛ kuɛɛ nda cho yɛ?

2. Le yɛɛ Paile ndoo dimullɛ wanaa soliaa salaa le ma yɔŋ puaa chɔuwaa le ma kɔ wa sɛi ndaa chɔ Chiisu wo lehɔl?

3. O piɔm Chiisoo kɔɔli, yɛɛ kiilanɔ Mɛlɛkaa ndoo tosa yɛ o paale yaa ndɔ leŋ choo? Kɛ yɛɛ wanaa soliaa salaa ndaa tosaa yɛ?

4. Le yɛɛ kɔndɔfillo ndoo bii yɛ waŋlaanduaa apum mɛɛ nda kuɛ o sɛi nda chɔ Chiisu wo?

5. Le yɛɛ Pitɛ nda Chɔŋ nyaanuŋ yɛ o sɛi ndaa chɔ Chiisu wo? Nduyɛ, yɛɛ nda saaluŋ yɛ?

6. Yɛɛ ndoo yɔŋnuŋ yɛ a dialuŋ Chiisu woŋ? Kɛ yɛɛ ndoo tosa yɛ le chɔɔmɔŋndo o buɛiyaa nduaa lo maa o miiŋgu yoomu kpeekpei?

Nyunala chɔɔlaalaŋ:

1. Nuawɔ Maatiu 27:62-66; 28:1-15.

   A boondii Chiisu fula o sɛiyo niŋ nde, vɛɛ masaa wanaa soliaa salaa, Falesiiya, vɛlɛa laŋgbaa kalla tosa yɛ hakio a nyina diandaa Mɛlɛkaa? (Mat. 12:24, 31, 32; 28:11-15)

2. Nuawɔ Luku 24:1-12.

   Vɛɛ bundɛi a fula sɛi niŋ Chiisoo chɔm yɛ maa Jɛhowa che waŋlaanduaa maa Seiyaa kɛndɛ kɛndɛ nda cho ni? (Luk. 24:4, 9, 10; Mat. 28:1-7)

3. Nuawɔ Chɔŋ 20:1-12.

   Te nyɛ Baabuiyo dimi wo yɔŋnuŋ pɛ miŋ sina ndu la pɛŋgu le, vɛɛ Chɔŋ 20: 8, 9 mala yɛ naa miŋ biunuŋ tei miŋ sina? (Tal. 4:18; Mat. 17:22, 23; Luk. 24:5-8; Chɔŋ 16:12)

Bundɛi 103

1. Yɛɛ Meele ndoo dimullɛ po ndoo yiyaŋ maa ndu cho wana kpeloo wo ni? Kɛ vɛɛ o looku yɛ niko kpeekpei sina maa Chiisu ni?

2. Yɛɛ ndoo yɔŋnuŋ yɛ nɛi tɛɛŋ mɛɛ buɛiyaa ŋiɔɔŋnda apum wa kɔlaŋ o sɔndɔkɔlɔɔ diolaŋ Ɛmayɔɔ?

3. Suɛi kaamɛi kuɛɛ ndii yɔŋnuŋ yɛ mɛɛ buɛiyaa ŋiɔɔŋ nda haa kɔ dimul buɛiyaa Chiisuaa maa a che Chiisu?

4. Le vɛɛnɛ kpɛ Chiisu ndoo fula yɛ buɛiyaa nduaa o hɔl?

5. Yɛɛ Tɔmɔsi ndoo dimi yɛ mɛɛ chaaŋaa nduaa dimul ndu maa a che Chiisu? Kɛ yɛɛ ndoo yɔŋnuŋ yɛ o palɛi ŋɔmaa kɔɔli?

Nyunala chɔɔlaalaŋ:

1. Nuawɔ Chɔŋ 20:11-29.

   Baa nyɛ Chiisu dimi o Chɔŋ 20:23 niŋ ndo chɔm ni maa waŋchieeya nɔ kpaayaa le ma mal waŋnda haki? Tɛɛsiaa wɔ. (Chon. 49:2, 7; Ais. 55:7; 1 Tim. 2:5, 6; 1 Chɔŋ 2:1, 2)

2. Nuawɔ Luku 24:13-43.

   Vɛɛ naŋ bɛɛndiaa yɛ kɔlta naalaŋ le tonya cho o Baabuiyo niŋndo chɛlɔɔ? (Luk. 24:32, 33; Ɛsɛ. 7:10; Mat. 5:3; Walta Wanaa Chiisuaa 16:14; Hibu. 5:11-14)

Bundɛi 104

1. O paale pilɛ choo, vɛɛ kpɛ buɛiyaa che Chiisu wa wa yɛ? Nduyɛ, a yɛɛnɛ okɔɔ o soo yɛ naa nda cha?

2. Yɛɛ cho yɛ masale Mɛlɛka leŋ? Nduyɛ, vɛɛ yoomoo wa yɛ niŋ o chieeŋndo choo te Chiisu o Mɛlɛka kɛsi masa wo huŋ wa pɛ masa le wɔsioŋ waa pilɛ?

3. Le vɛɛ kpɛ Chiisu ndoo fula yɛ buɛiyaa nduaa o hɔl mɛɛ o fula o sɛiyo niŋ? Yɛɛ o nɔ yɛ niko mbo tosa?

4. Tuupa mi Chiisu mɛi buɛiyaa nduaa mbo helnuŋ choo choo, yɛɛ ndoo dimul lɛ nda le ma tosa?

5. Yɛɛ cho yɛ yɔŋnɔŋndo o fotueiyo niŋ? Nduyɛ yɛɛ tosa yɛ buɛiyaa nduaa nɔla lɛ ndu chɔ le?

Nyunala chɔɔlaalaŋ:

1. Nuawɔ 1 Kɔliŋtiaŋ 15:3-8.

   Le yɛɛ kiisaŋ ve kiilanɔɔ Pɔɔl le suɛi a fula sɛiniŋ Chiisoo le? Nduyɛ, a nyɛm yɛɛ okɔɔ Kilisiɔŋnda hau bɛɛ kiisaŋ le suɛi a muŋ te? (1 Kɔl. 15:4, 7, 8; Ais. 2:2, 3; Mat. 24:14; 2 Tim. 3:1-5)

2. Nuawɔ Walta Wanaa Chiisuaa 1:1-11.

   Vɛɛ kpɛ wali dimiaa yooŋgu kɛndɔɔ tiu yɛ ba o ba fee a mɛɛ Walta Wanaa Chiisuaa 1: 8 dimi yɛ? (Walta Wanaa Chiisuaa 6:7; 9:31; 11:19-21; Kol. 1:23)

Bundɛi 105

1. A mɛɛ i cho o fotueiyo niŋ yɛ, yɛɛ ndoo yɔŋnuŋ yɛ buɛiyaa Chiisuaa mɛɛ nda wa chumndo Chulusalɛm?

2. Suɛi kɔndɔfili kuɛɛ wanaa kuɛ yilɔɔ Chulusalɛmnda che yɛ?

3. Yɛɛ Pitɛ ndoo tɛɛsial lɛ waŋnda?

4. Mɔnɛi kuɛɛ ndaa bii yɛ mɛɛ nda yaŋ nilaŋ o nyɛ Pitɛ wa nda dimullo wo? Nduyɛ, yɛɛ ndoo dimullɛ nda le ma tosa?

5. O paale Pɛntikɔɔsileŋ choo wɔsila 33, vɛɛ kpɛ waŋnda ndaa yiŋ yɛ?

Nyunala chɔɔlaalaŋ:

1. Nuawɔ Walta Wanaa Chiisuaa 2:1-47.

   1. Vɛɛ diomnda Pitɛ dimi o yau Walta Wanaa Chiisuaa 2:23, 36 niŋ chɔm yɛ maa kaale Chuuwa kpou wou balaŋ ni le piɔm Chiisoo? (1 Tɛs. 2:14, 15)

   2. Vɛɛ Pitɛ kɛsi yɛ tamasi kɛndɔɔ le suukaŋndo a waŋnda o Baabuiyo niŋ? (Walta Wanaa Chiisuaa 2:16, 17, 29, 31, 36, 39; Kol. 4:6)

   3. Vɛɛ Pitɛ soliŋ yɛ “Kiyii tasei le masale Mɛlɛkaleŋ choo choo” kpeku i Chiisu ndoo dimi maa o cho ndu ke ve? (Walta Wanaa Chiisuaa 2:14, 22-24, 37, 38; Mat. 16:19)

Bundɛi 106

1. Yɛɛ ndoo yɔŋnuŋ yɛ Pitɛ nda Chɔŋ mɛɛ nda wa kɔlaŋ o maaŋndo niŋ ipalaa pum?

2. Yɛɛ Pitɛ ndoo dimullɛ po bɛvɛiyo? Nduyɛ, vɛɛ nyɛ o tosal ndu wo wa yɛ nyɛ sɔwɛ mbo hiau kaniei?

3. Le yɛɛ simlachiaa lepiɛiya dɔunuŋ yɛ tumbe? Nduyɛ, yɛɛ ndaa tosal lɛ Pitɛ nda Chɔŋ?

4. Yɛɛ Pitɛ ndoo dimi yɛ naa simlachiaa lepiɛiya cha? Nduyɛ, sila kpau kpau kuɛɛ nda ke yɛ buɛiyaa Chiisuaa?

5. Yɛɛ tosa yɛ mi simlachiaa lepiɛiya paŋala Pitɛ nda Chɔŋ? Kɛ mɛɛ nda dɔu buɛiyaa Chiisuaa dɔuwɔɔ diiŋndɔɔ o chiɛi manyumndo niŋ, yɛɛ ndoo yɔŋnuŋ yɛ?

6. Vɛɛ Pitɛ nda Chɔŋ ndaa mulullɛ simlachiaa lepiɛiya mɛɛ nda hiŋ a nda o toŋgo nda kialaa ŋyamaa niŋ?

Nyunala chɔɔlaalaŋ:

1. Nuawɔ Walta Wanaa Chiisuaa 3:1-10.

   Mi che bɛɛ naa ŋ nɔ kpaaya le miŋ tosa hau la kamaa le, kɛ vɛɛ diomnda Pitɛ laŋ o yau Walta Wanaa Chiisuaa 3:6 mala yɛ naa miŋ naŋ kɔl a tɔnɔ yooŋgu le masaa? (Chɔŋ 17:3; 2 Kɔl. 5:18-20; Fil. 3:8)

2. Nuawɔ Walta Wanaa Chiisuaa 4:1-31.

   Te simultaŋ la komal naa pɛ o wali pollo niŋ, o nɛi kuɛɛ choo naŋ tuula yɛ tamasi Kilisiɔŋaa tasiaa o sindɔɔ niŋ? (Walta Wanaa Chiisuaa 4:29, 31; Ɛfi. 6:18-20; 1 Tɛs. 2:2)

3. Nuawɔ Walta Wanaa Chiisuaa 5:17-42.

   Vɛɛ wanaa cho ŋsei Jɛhowa lia o paandoo niŋ vɛlɛa hau chɔm yɛ maa a chɛl wali dimiaa yooŋgu kɛndɔɔ hoo? (Walta Wanaa Chiisuaa 5:34-39)

Bundɛi 107

1. Nɛɛ wa yɛ Tiiviŋ? Nduyɛ, yɛɛ Mɛlɛka mala yɛ ndu mbo tosa?

2. Yɛɛnɛ Tiiviŋ ndoo dimi yɛ mi simlachiaa lepiɛiya duaunuŋ tumbe?

3. Mɛɛ puaa naŋ Tiiviŋ kuu ma soli ndu o kpaki chioo kɔɔli faŋ, yɛɛ ndaa tosa lɛ ndu?

4. O fotueiyo niŋ, po chua piaandu kuɛɛ sim yɛ koŋ o domalaŋ ikɛi?

5. Le yɛɛ Tiiviŋ ndoo piɛiyɛ naa Jɛhowa cha tuupa mbo malnuŋ kɔl?

6. Vɛɛ naŋ tuula yɛ Tiiviŋ te waŋndo tosal naa pɛ suɛi wɔɔŋnde?

Nyunala chɔɔlaalaŋ:

1. Nuawɔ Walta Wanaa Chiisuaa 6:8-15.

   Kaala wɔɔŋ kuɛɛ simlachiaa lepiɛiya ndaa soliŋ yɛ kpeku le hali kpe ma kuuna Seiyaa Jɛhowaa wali dimiaa yooŋgu kɛndɔɔ? (Walta Wanaa Chiisuaa 6:9, 11, 13)

2. Nuawɔ Walta Wanaa Chiisuaa 7:1-60.

   1. Yɛɛ mala yɛ Tiiviŋ le seileŋ tiimbioo a yooŋgu kɛndɔɔ okɔɔ o toŋgo dimiaa ŋsɔɔ Chuuwa niŋ? Nduyɛ, yɛɛ naŋ pɛɛku yɛ o tamasi ndɔɔ niŋ? (Walta Wanaa Chiisuaa 7:51-53; Luom. 15:4; 2 Tim. 3:14-17; 1 Pitɛ 3:15)

   2. Kaa yɛɛ naŋ nɔ yɛ miŋ chɔm o wanaa simul wali naa wa lo? (Walta Wanaa Chiisuaa 7:58-60; Mat. 5:44; Luk. 23:33, 34)

Bundɛi 108

1. Mɛɛ nda dii Tiiviŋ, yɛɛnɛ Sɔɔl ndoo tosa yɛ vɛlɛ?

2. Mɛɛ Sɔɔl wa nɛi tɛɛŋ le kɔlaŋ Damasikɔɔ, suɛi kaamɛi kuɛɛ ndii yɔŋnuŋ yɛ?

3. Yɛɛ Chiisu ndoo dimullɛ Sɔɔl le mbo tosa?

4. Yɛɛ Chiisu ndoo chɔm yɛ Ananaaya? Nduyɛ, vɛɛ Sɔɔl looku yɛ vɛlɛ chɔ?

5. Diola kuɛɛ ndaa veelu yɛ niŋ Sɔɔl? Nduyɛ, vɛɛ Chiisu soliŋ yɛ ndu kpeku?

Nyunala chɔɔlaalaŋ:

1. Nuawɔ Walta Wanaa Chiisuaa 8:1-4.

   Mɛɛ tɔɔndaŋndaŋ la puusiaa kundala Lekilisiɔŋnda sɛnɛi kilaŋ ndaŋ, vɛɛ koŋ tosa yɛ mi laalaŋ Lekilisiɔŋndo tiu ba o ba fee? Nduyɛ, vɛɛ nyɛ pilɛ koŋ kpe cho yɛ hau yɔŋnɔŋndo? (Walta Wanaa Chiisuaa 8:4; Ais. 54:17)

2. Nuawɔ Walta Wanaa Chiisuaa 9:1-20.

   Wali viamaa sala yaa kuɛɛ Chiisu ndoo nɔ yɛ o kɔl le Sɔɔl chɔmndo? (Walta Wanaa Chiisuaa 9:15; 13:5; 26:1; 27:24; Luom. 11:13)

3. Nuawɔ Walta Wanaa Chiisuaa 22:6-16.

   Vɛɛ naa bɛɛ wa yɛ maa Ananaaya? Nduyɛ, le yɛɛ i cho yɛ suɛi sɔwɛ? (Walta Wanaa Chiisuaa 22:12; 1 Tim. 3:7; 1 Pitɛ 1:14-16; 2:12)

4. Nuawɔ Walta Wanaa Chiisuaa 26:8-20.

   Vɛɛnɛ simnɔŋ Sɔɔl simnuŋ Kilisiɔŋnɔ wo chuu yɛ hau kɔl dɛɛniaa le wanaa wana nda cho o tonya niŋ tia? (Walta Wanaa Chiisuaa 26:11; 1 Tim. 1:14-16; 2 Tim. 4:2; 1 Pitɛ 3:1-3)

Bundɛi 109

1. Po kuɛɛ baŋ yɛ koŋ wulaŋ o fotueiyo niŋ?

2. Yɛɛ kiilanɔ Mɛlɛkaa dimullɛ Kɔniliɔɔ?

3. Yɛɛ Mɛlɛka tosa yɛ mi Pitɛ cha mɛɛ o wa o chiɛi Saimɔŋndo choo Chopa?

4. Lɛ yɛɛ Pitɛ dimullɛ Kɔniliɔɔ maa o beŋ ndu wulaŋ mbo piɛi ndu le?

5. Le yɛɛ kɔndɔfillo bii yɛ buɛiyaa Chuuwaa hiŋ a Pitɛ latulu wa?

6. Tamasi sɔwɛ yɛɛ naŋ pɛɛku yɛ o kɔla Pitɛ kuɛ o Kɔniliɔɔ lo laŋ?

Nyunala chɔɔlaalaŋ:

1. Nuawɔ Walta Wanaa Chiisuaa 10:1-48.

   Vɛɛ diomnda Pitɛ dimi o yau Walta Wanaa Chiisuaa 10:42 niŋndaŋ la chɔm yɛ naa maa mɛɛ miŋ dimi yooŋgu kɛndɔɔ a Masale Mɛlɛkaleŋ okɔɔ o waŋnda lo? (Mat. 28:19; Mak. 13:10; Walta Wanaa Chiisuaa 1:8)

2. Nuawɔ Walta Wanaa Chiisuaa 11:1-18.

   Kaa yɛɛ Pitɛ ndoo chɔm yɛ mɛɛ Jɛhowa chɔm ndu yiyaŋ ndɔɔ le wanaa ve ŋ Chuu lia? Nduyɛ vɛɛ naa bɛɛ ŋ tuula yɛ tamasi ndɔɔ? (Walta Wanaa Chiisuaa 11:17, 18; 2 Kɔl. 10:5; Ɛfi. 5:17)

Bundɛi 110

1. Chua piaandu kuɛɛ cho yɛ koŋ o fotueiyo niŋ? Kuɛɛnɛ o chɛŋ yɛ, nduyɛ vɛɛnɛ kala ndɔ a mama ndɔ nɔ yɛ diolaŋ?

2. Vɛɛ Timotii ndoo muli yɛ mɛɛ Pɔɔl nyuna ndu te o yeema pɛ mbo liila nda yooŋgu kɛndɔɔ dimio o lɛŋii landaŋ landaŋnde niŋ?

3. Kuɛɛnɛ fɛŋ buɛiyaa Chiisuaa sɔla yɛ veelɔŋndo aa Kilisiɔŋnda?

4. Mɛɛ Pɔɔl, Silas nda Timotii faŋaŋ Lista, ɔɔ chieeŋ ndaa kuɛ woŋ?

5. Vɛɛ Timotii mala yɛ Pɔɔl? Nduyɛ nyuna yɛɛ feleŋguaa nɔ yɛ ma nyunaŋ nda pila?

Nyunala chɔɔlaalaŋ:

1. Nuawɔ Walta Wanaa Chiisuaa 9:19-30.

   Taasi yɛɛ Pɔɔl tosa yɛ mɛɛ simullo komal ndu le yooŋgu kɛndɛ o wa dimio wo? (Walta Wanaa Chiisuaa 9:22-25, 29, 30; Mat. 10:16)

2. Nuawɔ Walta Wanaa Chiisuaa 11:19-26.

   Vɛɛ nyɛ dimiŋ o yau Walta Wanaa Chiisuaa 11:19-21, 26 niŋndo chɔm yɛ naa maa nyina Jɛhowaa cho wali dimiaa yooŋgu kɛndɔɔ hoo kɔɔli?

3. Nuawɔ Walta Wanaa Chiisuaa 13:13-16, 42-52.

   Vɛɛ nyɛ dimiŋ o yau Walta Wanaa Chiisuaa 13:51, 52 niŋndo chɔm yɛ maa buɛiyaa Chiisuaa chɛl mi simultaŋ la tɛɛmbuu nda kɔl te? (Mat. 10:14; Walta Wanaa Chiisuaa 18:6; 1 Pitɛ 4:14)

4. Nuawɔ Walta Wanaa Chiisuaa 14:1-6, 19-28.

   Vɛɛ dimio hoo “a mal nda Masanɔɔ Mɛlɛka o ba” soli yɛ naa o kɔl landɛiyo niŋ te ŋ wa pɛ a sɛnɛiya malaa? (Walta Wanaa Chiisuaa 14:21-23; 20:32; Chɔŋ 6:44)

5. Nuawɔ Walta Wanaa Chiisuaa 16:1-5.

   Vɛɛ chɛlɔɔ Timotii chɛl le hivi chiɛi kɔɔlio wo chɔm yɛ naa maa i cho i sɔwɛ le tosaa “nyɛ o nyɛ fee le sabu yooŋgu kɛndɔɔ”? (Walta Wanaa Chiisuaa 16:3; 1 Kɔl. 9:23; 1 Tɛs. 2:8)

6. Nuawɔ Walta Wanaa Chiisuaa 18:1-11, 18-22.

   Vɛɛ yau Walta Wanaa Chiisuaa 18:9, 10 chɔm yɛ maa Chiisu pila kpeekpei wou balaŋ ni le wali dimiaa yooŋgu kɛndɔɔ hoo? Nduyɛ, kɔl dɛɛniaa kuɛɛ hei ke yɛ naa hau? (Mat. 28:20)

Bundɛi 111

1. O fotueiyo niŋ, poombɔɔ kuɛɛ cho yɛ koŋ i hini lɛŋ? Nduyɛ, yɛɛnɛ yɔŋnuŋ yɛ ndu?

2. Yɛɛnɛ kiilanɔɔ Pɔɔl ndoo tosa yɛ mɛɛ o che maa poombɔɔ vi?

3. Kuɛɛnɛ kiilanɔɔ Pɔɔl, Timotii, vɛlɛa wanaa cho a nda latulu wa cho yɛ kɔlaŋ? Nduyɛ, yɛɛ ndoo yɔŋnuŋ yɛ mɛɛ nda fuuluu Miletɔɔ?

4. Sila kuɛɛ wana suaa le Mɛlɛka wo, Akabɔɔ, ndoo ke yɛ kiilanɔɔ Pɔɔl? Nduyɛ, yɛɛ ndoo yɔŋnuŋ yɛ a mɛɛ Akabɔɔ dimi yɛ?

Nyunala chɔɔlaalaŋ:

1. Nuawɔ Walta Wanaa Chiisuaa 20:7-38.

   1. Vɛɛ naŋ lo yɛ o “diandaa walaŋ ŋ nɔ tɔɔyaŋ le kooma wana o wana le” a mɛɛ diomnda kiilanɔɔ Pɔɔl dimi o yau Walta Wanaa Chiisuaa 20:26, 27 niŋ yɛ? (Ɛsi. 33:8; Walta Wanaa Chiisuaa 18:6, 7)

   2. Le yɛɛ bɛnduaa o kunda Lekilisiɔŋndo niŋ nɔ yɛ “ma bii diomnda tonyalaŋ kpiŋ” te a wa pɛ waŋnda pɛɛkoo? (Walta Wanaa Chiisuaa 20:17, 29, 30; Tai. 1:7-9; 2 Tim. 1:13)

2. Nuawɔ Walta Wanaa Chiisuaa 26:24-32.

   Vɛɛ kiilanɔɔ Pɔɔl soliŋ yɛ pilachieeyɛi nduɛi maLuomaŋnde kpeku le peeloo wali dimiaa yooŋgu kɛndɛ Chiisu ke ndu wo? (Walta Wanaa Chiisuaa 9:15; 16:37, 38; 25:11, 12; 26:32; Luk. 21:12, 13)

Bundɛi 112

1. Yɛɛ ndoo yɔŋnuŋ yɛ a dɛndɛ Pɔɔl wa kɔlaŋ leniŋndo mɛɛ nda keeku o lɛŋnde ibuŋgaleŋ ikɛi Kileti?

2. Yɛɛ Pɔɔl ndoo dimullɛ wanaa wa o dɛndɔɔ niŋnda?

3. Vɛɛ dɛndɔɔ looku yɛ yomi yomi a buŋgaŋ?

4. Sila yɛɛ masa Sowɛiya ndoo ke yɛ nda? Nduyɛ, vɛɛ wanaa hel o kɔŋgɔ wa ndaa wa yɛ fau fau?

5. Vɛɛ lɛŋnde ibuŋgale nda fuuluu leŋndeŋ le nɔ yɛ diolaŋ? Nduyɛ, yɛɛ ndoo yɔŋnuŋ yɛ a Pɔɔl mɛɛ boondii wɔɔŋii keŋ i hiou?

Nyunala chɔɔlaalaŋ:

1. Nuawɔ Walta Wanaa Chiisuaa 27:1-44.

   Vɛɛ tonya cho o Baabuiyo niŋndo kindi yɛ naa te o yɔŋ pɛ miŋ nua bundɛi Pɔɔl le o Baabuiyo niŋ teleŋ nda kuɛ a ndu Luomndo? (Walta Wanaa Chiisuaa 27:16-19, 27-32; Luk. 1:3; 2 Tim. 3:16, 17)

2. Nuawɔ Walta Wanaa Chiisuaa 28:1-14.

   Te wanaa ndaa sina a Mɛlɛka okɔɔ le wa o lɛŋnde ibuŋgaleŋ Malta bii pɛ Pɔɔl a wanaa cheleŋ wa o dɛndɔɔ niŋ nda biyɔɔ kɛndɔɔ teleŋ dɛndɔɔ kɔɔlu wo, yɛɛ hei nyindu yɛ hau Kilisiɔŋnda le ma tosa, nduyɛ o nɛi kuɛɛ choo? (Walta Wanaa Chiisuaa 28:1, 2; Hibu. 13:1, 2; 1 Pitɛ 4:9)

Bundɛi 113

1. O nɛɛnɛ waa lo Pɔɔl ndoo dimi yɛ yooŋgu kɛndɔɔ teleŋ o wa o chiɛi manyumndo niŋ Luomndo?

2. O fotueiyo niŋ, nɛɛnɛ cho yɛ wana yilaa chal koŋ o tibiiyo wo? Nduyɛ, yɛɛ o cho yɛ tosaa le Pɔɔl?

3. Nɛɛnɛ wa yɛ Ɛpafulodaitɔɔ? Nduyɛ, yɛɛ ndoo kuɛɛ yɛ o ba mɛɛ o wa miiŋgoo Filipi?

4. Le yɛɛ Pɔɔl ndoo poonyiaa yɛ yauwo naa Filɛmɔŋ chaaŋ ndɔ cha?

5. Yɛɛ Pɔɔl ndoo tosa yɛ mɛɛ nda mal ndu? Nduyɛ, yɛɛ ndoo yɔŋnuŋ yɛ ndu vɛlɛ mɛɛ nyɔɔ hiou chobe?

6. Nɛɛnɛ Jɛhowa ndoo soliŋ yɛ kpeku le poonyiaa yaula mɛɛlaalaŋ o Baabuiyo niŋ? Nduyɛ, a yɛɛ okɔɔ yau Sɔɔŋ Chɔɔmaŋndoŋ o soo yɛ?

Nyunala chɔɔlaalaŋ:

1. Nuawɔ Walta Wanaa Chiisuaa 28: 16-31 Filipiaŋnda 1:13.

   Vɛɛ Pɔɔl soliŋ yɛ teleŋ ndɔɔ kpeku mɛɛ o wa o chiɛi manyumndo niŋ Luom? Nduyɛ, vɛɛ laalaŋ ndɔ kpiŋ koŋ piiliaŋ yɛ kunda Lekilisiɔŋndo? (Walta Wanaa Chiisuaa 28:23, 30; Fil. 1:14)

2. Nuawɔ Filipiaŋnda 2:19-30.

   Balika melaa kuɛɛ Pɔɔl chɔm yɛ le Timotii nda Ɛpafulodaitɔɔ? Nduyɛ, vɛɛ naa bɛɛ ŋ tuula yɛ hau tamasi ndɔɔ? (Fil. 2:20, 22, 25, 29, 30; 1 Kɔl. 16:18; 1 Tɛs. 5:12, 13)

3. Nuawɔ Filɛmɔŋ 1-25.

   1. Le yɛɛ Pɔɔl ndoo nyɔɔlu yɛ Filɛmɔŋ? Nduyɛ, vɛɛnɛ hoo cho yɛ hau maa silaa le bɛnduaa o kunda Lekilisiɔŋndo niŋ? (Filɛm. 9; 2 Kɔl. 8:8; Kal. 5:13)

   2. Vɛɛ diomnda Pɔɔl dimi o Filɛmɔŋ 13, 14 niŋndo chɔm yɛ maa ndoo nɔ bɛɛleŋ le kɔliyama wanaa cheleŋ o kundaa Lekilisiɔŋndo niŋ? (1 Kɔl. 8:7, 13; 10:31-33)

4. Nuawɔ 2 Timotii 4:7-9.

   Maa kiilanɔɔ Pɔɔl, vɛɛ naa bɛɛ nɔ yɛ hau tiindaŋndo maa Jɛhowa cho naa paawa te ŋ loo pɛ o laalaŋndo choo tei o mɛɛlulaŋ? (Mat. 24:13; Hibu. 6:10)

Bundɛi 114

1. Le yɛɛ Baabuiyo soo yɛ a suaa choo choo?

2. Chɔu Mɛlɛka cho hunɔɔ wanaa wɔɔŋnda chii o chieeŋndo choo wo, vɛɛ o nɔ yɛ diolaŋ? Nduyɛ, le sabu yɛɛ?

3. A mɛɛ ŋ cho chɔɔ o fotueiyo niŋ yɛ, nɛɛnɛ wa yɛ niŋ chɔuwo hoo chilaŋ? Le yɛɛ o wounuŋ yɛ mɔsil lo, nduyɛ, yɛɛ muɛi nduɛi keŋ sim yɛ lewundu?

4. Te ŋ nua pɛ Bundɛi 10, 15 vɛlɛa 33 ve a makɔɔ dika, le yɛɛ kɔndɔfili nɔ mbo bii naa le tɛɛmbuu Mɛlɛka cho hunɔɔ wanaa wɔɔŋnda wo le?

5. Vɛɛ nyɛ yɔŋnuŋ o Bundɛi 36 vɛlɛa 76 niŋnde chɔm yɛ naa maa Mɛlɛka cho hunɔɔ wanaa wɔɔŋnda tɛɛmbuu mi che bɛɛ ma wa chɔmndo maa ndu nda cho piɛiyo ni?

Nyunala chɔɔlaalaŋ:

1. Nuawɔ Sɔɔŋ Chɔɔmaŋndoŋ 19:11-16.

   1. Vɛɛ Baabuiyo chɔm yɛ kpendekele maa Chiisu Kiliti cho nyaanɔŋndo o so humboo choo ni? (Chɔɔmɔŋndo 1:5; 3:14; 19:11; Ais. 11:4)

   2. Vɛɛ kooma suinuŋ o doma Chiisoo waŋ ma chɔm yɛ kpeekpei maa Chiisu tiu niŋ chɔulaba hoo ba nduyɛ mbo yem ndu? (Chɔɔmɔŋndo 14:18-20; 19:13)

   3. Nɛɛ waa tol lɛ kaŋ Chiisu Kiliti kɔɔli o so ndɔ humboo choo le chɔuwo hoo? (Chɔɔmɔŋndo 12:7; 19:14; Mat. 25:31, 32)

Bundɛi 115

1. Vɛɛ naŋ tuɛi yɛ niŋ yoomoo yeela o Kpele hɛnɛkiɔɔ niŋ a mɛɛ Baabuiyo dimi yɛ?

2. Diomnda yɛɛ Baabuiyo mɛi yɛ le wanaa cho wa o Kpele hɛnɛkiɔɔ niŋ nda?

3. Teleŋ kuɛɛ Chiisu cho yɛ chɔ maa nyɛ Baabuiyo dimi wo yɔŋnuŋ?

4. Boondii Chiisu wa o chieeŋndo choo ve, yɛɛ ndoo tosa yɛ le chɔm ndo nyɛ o tosa niŋ teleŋ o cho hunɔɔ wa masa o masale Mɛlɛkaleŋ choo wo?

5. O yɛɛnɛ Chiisu nda wanaa o hɛli o chieeŋndo choo le waa masa a ndu latulu o choo choo niŋ nda cho yɛ tosa le mbo yɔŋnuŋ o chieeŋndo hoo choo?

Nyunala chɔɔlaalaŋ:

1. Nuawɔ Sɔɔŋ Chɔɔmaŋndoŋ 5:9, 10.

   Le yɛɛ naŋ dimi yɛ maa wanaa cho wa haa o masaleŋ choo latulu a Chiisu le wɔsioŋ waa pilɛ wa cho wa masaa tuinuŋ niŋ waŋ chieeya inyɛɛ? (Ɛfi. 4:20-24; 1 Pitɛ 1:7; 3:8; 5:6-10)

2. Nuawɔ Sɔɔŋ Chɔɔmaŋndoŋ 14:1-3.

   Te i dimiŋ pɛ maa diola Finyaa a diola Saa Fɔŋndɔɔ la cho la poonyiaa laŋ waŋ 144,000 o ŋtendu, yɛɛ koŋ sim yɛ lewundu? (1 Kɔl. 3:23; 2 Tim. 2:19; Chɔɔmɔŋndo 3:12)

Bundɛi 116

1. Yɛɛ naŋ nɔ yɛ miŋ sina te ŋ yeema pɛ miŋ wa achal le fafɛɛŋ?

2. Vɛɛ naŋ pɛɛku yɛ a Jɛhowa vɛlɛa Chiisu Kiliti okɔɔ a mɛɛ i cho i chɔmnaŋ a chuaambɔ pɔmbɔɔ vɛlɛa chaaŋaa nduaa o fotueiyo niŋ yɛ?

3. Yau cheleŋ kuɛɛ ŋ che yɛ o fotueiyo niŋ? Nduyɛ, le yɛɛ naŋ nɔ yɛ miŋ wa nuaa leniŋ lɔɔ lɔɔ?

4. O fula wɔ le pɛɛkoo a Jɛhowa vɛlɛa Chiisu okɔɔ, yɛɛ cheleŋ yeemaŋ yɛ vɛlɛ le yoomu fafɛɛŋndo sɔlaa?

5. Yɛɛ naŋ pɛɛku yɛ o Bundɛi 69 niŋ?

6. O Bundɛi 55 ve niŋ, yɛɛ tamasi kɛndɛ Samiɔŋ pɔmbɔɔ chɔm yɛ naa?

7. Vɛɛ naŋ tual lɛ tamasi Chiisoo kɔɔli? Te ŋ tol lɛ pɛ ndu kɔɔli, yɛɛ naŋ cho yɛ hunɔɔ sɔla siɔdii lachioo?

Nyunala chɔɔlaalaŋ:

1. Nuawɔ Chɔŋ 17:3.

   Vɛɛ Baabuiyo chɔm yɛ naa maa sinaa a Jɛhowa vɛlɛa Chiisu okɔɔ o hiou dimio a Sondo maa ya bɛɛ wana Mɛlɛkaa ya cho ni? (Mat. 7:21; Chem. 2:18-20; 1 Chɔŋ 2:17)

2. Nuawɔ Chondoŋ 145:1-21.

   1. Sabula kuɛɛ naŋ nɔ yɛ le Jɛhowa saŋgalaa? (Chon. 145:8-11; Chɔɔmɔŋndo 4:11)

   2. Vɛɛ Jɛhowa cho yɛ Mɛlɛka “kɛndɛ o wana o wana lo?” Nduyɛ, vɛɛ hei naŋ yɛ naa machɛlu kpɛɛluŋ o ndu lo? (Chon. 145:9; Mat. 5:43-45)

   3. Te kaala Jɛhowaa cho naa pɛ o kɔl, yɛɛ koŋ nyindu yɛ naa le miŋ tosa? (Chon. 119:171, 172, 175; 145:11, 12, 21)