Zita Ma Buku A’diko Biblia ma Alea ’Diyi Niri Onizu ’Diyi
Zita Ma Buku A’diko Biblia ma Alea ’Diyi Niri Onizu ’Diyi
A’diko 1
1. Afa onyiru ’diyi engaki dria ngoa, mi eco eceta alu ni fe ra ya?
2. Afa ndra Munguni o’ba okokele ri a’duni ya?
3. Malaika okokeleri aga ndra azi ’diyi dria ra asisile ngosi ya?
4. Mi o’bi nga nyaku ndra okokele risi ngoni yari ece. (Mi ne i’da.)
5. Mungu e’do ndra nyaku ede gonde anyapa yini ’ba ada pie ngoni ngoni ya?
Zita azi ’dayi pi ma dria ’diyi:
1. Mi la Yeremia 10:12.
E’yo Munguni ’bani eco nele ku eyi e’dapi o’bataa ma alea ’diyi ngoki ya? (Isa. 40:26; Rum. 11:33)
2. Mi la ’Ba Kolosaia ’Diyi 1:15-17.
Sawa o’bataa vurisi Yesu ’ye ndra a’du afa ni, ani le di ama ma ne eri ngoni ya? (Kol. 1:15-17)
3. Mi la E’doza 1:1-10.
(a) Nyaku enga ndra ngoa ya? (E’do. 1:1)
(b) A’du afa ’ye ndra ’i o’du o’bataa vu okorisi ni ya? (E’do. 1:3-5)
(c) Mi ece nga afa ndra ’i yepi o’du irizu o’bataa vurisi ri. (E’do. 1:7, 8)
A’diko 2
1. Mungu ede ndra nyakuni ovuzu ama aku ru ngoni ngoni ya?
2. Mi o’bi nga suruti anyapa ni kakua Munguni o’ba ’diyi ki ece. (Mi ne i’da.)
3. Amvu Edenia ri ici ndra i azi ’diyi be ku a’du e’yo si ya?
4. Mungu le ndra nyaku ’di ma eca dria a’du ru ya?
Zita azi ’dayi pi ma dria ’diyi:
1. Mi la E’doza 1:11-25.
(a) Afa ndra Munguni o’ba o’du nazuri siri a’du ni ya? (E’do. 1:12)
(b) A’du ’ye ndra i o’du afa o’bazu suzu risi ni ya? (E’do. 1:16)
(c) Anyapa suruti ndundu ndra Munguni ede o’du towizu risi azini aziazu risi ’diyi ngoki ya? (E’do. 1:20, 21, 25)
2. Mi la E’doza 2:8, 9.
Pati iri yi ijipi azi ’diyi pie ku ndra Munguni ’ba amvu ’da ma alea ’diyi ngoki, azini soki ndra pa a’du ma paria ya?
A’diko 3
1. I’da a’diko 3 ma aleari iji i i’da a’diko 2 ma aleri be ku ngoni ngoni?
2. A’di o’ba ndra agupo oko ri ni, azini agupi nderi ma ru ndra a’di i ya?
3. Mungu fe ndra Adamu ni azi ngo i nga ya?
4. Mungu fe ndra o’du ali nini Adamu ni ’be a’du e’yo siya?
5. Adamu pi ndra o’a Eva be eli si, azini Yehova le ndra ma ’yeki a’du ni ya?
Zita azi ’aiyi pi ma dria ’aiyi:
1. Mi la Zaburi 83:18.
Mungu ma ru a’di ’i, azini eri ma pari ndu tu ’bani eco o’bi afa azi nyakua ’dia ni be ku ri ngo i ya? (Yer. 16:21; Dan. 4:17)
2. Mi la E’doza 1:26-31.
(a) Afa ndra Munguni o’ba asizu o’du azia zuri si ri a’duni, azini afa o’baza ’di ndra anyapa le ku geri ngosi ya? (E’do. 1:26)
(b) Afa ndra Yehova ni fe ’ba adani anyapa be ri a’du ni ya? (E’do. 1:30)
3. Mi la E’doza 2:7-25.
(a) Afa ndra ovupi azi ’bani fe Adamu ni anyapa ma ru o’dazu ri ma dria indi ri a’duni ya? (E’do. 2:19)
(b) E’doza 2:24 eco ama aza ko geri Yehova ni oku jeza, awata azini oku droza nezuri vazu ngoni ngoni ya? (Mat. 19:4-6, 9)
A’diko 4
Asisile Yini Eyima Aku Avizuri
1. I’da ’di ma alea, a’du afa ni i ’ye Adamu pi ma rua Eva be ni ya?
2. Yehova fe ndra eyini panga a’du e’yo si ya?
3. Ori ’yo ndra Eva ni ngoni Ya?
4. A’di fe ndra ori nderi ni e’yo nzezu Eva be ni ya?
5. Adamu pi aviki ndra eyima aku ndrizari Eva be ri a’du si ya?
Zita azi ’dayi pi ma dria ’diyi:
1. Mi la E’doza 2:16, 17 azini 3:1-13, 24.
(a) Zita ndra Satani ni Eva ni zizuri eza ndra Mungu ma ru ngoni ngoni ya? (E’do. 3:1-5; 1 Yoh. 5:3)
(b) E’yo yepiru Eva ma rua ri di amani bilenduliza ru ngoni ngoni ya? (Fil. 4:8; Yak. 1:14, 15; 1 Yoh. 2:16)
(c) Geri ndra Adamu pini Eva be e’yo eyini ’ye ’bo ri gazu a’iko si ri ngoni ya? (E’do. 3:12, 13)
(d) Kerubi ndra ’bani ’bale amvu Edeniari ma kala etuni efuria leru ’diyi atiki ndra dri ceza Yehova ni ri ngoni ngoni ya? (E’do. 3:24)
2. Mi la E’yo Eceza 12:9.
Satani ebi ’ba ada ki oja opi nyaza Munguni ria risi cazu kpere ngoa ya? (1 Yoh. 5:19)
A’diko 5
1. Idri ndra Adamu pini o’azu Eva be eyini efuzu amvu Edeni ma alearisi ’bori ma vutia ri ndra ngole ya?
2. A’du afa e’do ndra i ’ye yi ma rua ni azini a’du e’yo si ya?
3. Anzi Adamu pini Eva be ’diyi ndra de azini odra a’du e’yo si ya?
4. Adamu pi kaki ndra Yehova ma ti eri Eva be ra, idri ndra ovu yini anzipika yini pie ngoni ya?
5. Bileako Eva niri eji ndra erini rua suza ngoni ni ru ya?
6. Agupianzi oko iri Adamu pini Eva be ’diyi ma ru ndra a’di pi ki ya?
7. Anzi azi e’da ma alea ’diyi a’di piki ya?
Zita azi ’dayi pi ma dria ’diyi:
1. Mi la E’doza 3:16-23 azini 4:1, 2.
(a) Trita ’bani ndra nyaku trizuri bi ndra i Adamu ma idri be ngoni ngoni ya? (E’do. 3:17-19; Rum. 8:20, 22)
(b) Ru Eva i ’di ma ifi “idriru i” ’yeke a’du e’yo si ya? (E’do. 3:20)
(c) Yehova ega ndra e’yo Adamu pi ma aza kozu Eva be sawa eyini e’yo ezazu ’bori ma vutiarisi geri ngoni le risi ya? (E’do. 3:7, 21)
2. Mi la E’yo Eceza 21:3, 4.
“E’yo oko” mini ta le ne ma deki eyi ra ’diyi ngoki yi ya?
A’diko 6
1. Kaini pi Habili be azi a’duni nga ya?
2. Kaini pi ijiki Habili be Yehova ni afa feza ngoki ya?
3. Yehova o’a ayikosi feta Habili vuri si te o’ani ayikosi Kaini vuri si ku a’du e’yo si ya?
4. Kaini ni ’ba ngole ni azini Yehova o’bi eri otu ngoni ngoni ya?
5. Kaini ni ovuzu ima adripi be amvua ’dale a’dule ria, ’ye a’du afa ni ya?
6. Mi o’bi nga a’du afa ’ye i Kaini be ni erini ima adripi ni ’dizu ’bori ma vutia ri ece.
Zita azi ’dayi pi ma dria ’diyi:
1. Mi la E’doza 4:2-26.
(a) Yehova ece ndra Kaini ni eri pari onzi ’dinile ri ma aleari ngoni ru ya? (E’do. 4:7)
(b) Kaini e’da ndra e’yo ima asi ni le ’yeri ngoni ngoni ya? (E’do. 4:9)
(c) Yehova ne ari adaza ’ba e’yere e’yo kokoru ’diyi niri ngoni ya? (E’do. 4:10; Isa. 26:21)
2. Mi la 1 Yohana 3:11, 12.
(a) Kaini eca ndra aokosi tu a’du e’yo si, azini ’di eco ovu amani bilenduliza ru andrusi ngoni ngoni ya? (E’do. 4:4, 5; O’be. 14:30; 28:22)
(b) Biblia ece kini ’ba amavu akua ’diyi kaki tro Yehovani ga dria si ti, ama ecoki awi a’ita si ngoni ngoni ya? (Zab. 27:10; Mat. 10:21, 22)
3. Mi la Yohana 11:25.
Asi omiza Yehovani fe ’ba dria odrapi e’yo kilili ma yeza si ’diyi ni ri ngoni ya? (Yoh. 5:24)
A’diko 7
1. Enoka ni ndra ndu ru ngoni ngoni ya?
2. ’Ba ewu Enoka vu risi ’diyi ndra e’yo onzi kakua ru ’ye a’du e’yo si ya?
3. ’Ba ’diyi ndra e’yo onzi ngoki ’ye ya? (Mi ne i’de.)
4. Le ndra Enoka ma ovu uri koko a’du e’yo si ya?
5. ’Ba ewu ’dasi ’diyi ndra o’a eli si, te Enoka ‘oa ndra eli si ya?
6. A’du afe ’ye ndra i Enoka ni drazu ’bori ma vutia ni ya?
Zita azi ’dayi pi ma dria ’diyi:
1. Mi la E’doza 5:21-24, 27.
(a) Enoka ma agyi Yehova be ri ndra ngoni ya? (E’do. 5:24)
(b) Biblia ni ecele risi, agu ndra o’api idriru eli angiri ndeni ri a’di i, azini erini draria erima eli ndra si ya? (E’do. 5:27)
2. Mi la E’doza 6:5.
Enoka ni drazu ’bori ma vutia, e’yo nyakua ’diyi eca ndra onzikanya ru ngonile, azini ’di iji i ewu amavu ’di be iji iji ngoni ngoni ya? (2 Tim. 3:13)
3. Mi la ’Ba Ebraniani 11:5.
Adriza ndra Enoka ni onyiru “ayiko fepi Munguni ri” ngo i, azini isu ndra ani a’du ni ya? (E’do. 5:22)
4. Mi la Yuda 14, 15.
’Ba Kristayo andrusi ’diyi ecoki uri ako Enoka vu ’di ma vuti obi eyini ’ba ma bilendulizu a’di emupi Hari-Magedoni ni risi ngoni ngoni ya? (2 Tim. 4:2; Ebr. 13:6)
A’diko 8
’Ba Izu Ruabe Okporu Tu ’Diyi Nyakua
1. Malaika Munguni ’diyi ma azi ni e’yo erizu Satani ma tia ria, a’du afa ’ye ni ya?
2. Malaika azi kuki azi eyini ’bua ’dale ri dika esiki va nyakua a’du ma e’yo si ya?
3. Malaika ni esizu va nyakua dika rua ’ba ada ni ri suzu ri eri e’yo azi onzi ni a’du ma e’yo si ya?
4. Afa ndra ndu anzi Malaika ni ’diyi pie ri ngo i ya?
5. Ekile e’da ma alea rile, anzi malaika ni ’diyi ’yeki a’du afa ni eyi ni zozu izu okpo be tu ’bo ria?
6. Enoka ma vutia, agupi muke o’api nyakua ri a’di i, azini Mungu le eri a’du ma eyo si ya?
Zita azi ’dayi pi ma dria ’diyi:
1. Mi la E’doza 6:1-8.
E’doza 6:6 e’da adriza ama ni ri idri Yehova ni ri bi indi ngoni ngoni ru ya? (Zab. 78:40, 41; O’be. 27:11)
2. Mi la Yuda 6.
Eceta Malaika azi ndra “pari eyini oko ri kupi ja” ’diyi pini ama ni oni ri ngoni ya? (1 Kor. 3:5-9; 2 Pet. 2:4, 9, 10)
A’diko 9
1. ’Ba ndra Noa vile akua si, dika agupianzi eri vile na ’diyi pi ma ru a’dipi ya?
2. Azi azi osutaa ru Yehova ni fe Noa ma nga ri ngo i, dika a’du ma e’yo si ya?
3. Noa ni e’yo nzezu ’ba ima ageyia ’diyi pini maburu ma dria ria ngaki a’du ma e’yo ’ye ya?
4. Mungu lu Noa ni ma ’ye a’du afa ni anyapa be ya?
5. Yehova ni katile maburu ni ri opizu ’bo ria le di Noa pi ’ba eri vile akua ’diyi pie ma ’yeki a’du afa ni ya?
Zita azi ’dayi pi ma dria ’diyi:
1. Mi la E’doza 6:9-22.
(a) A’du afa fe Noa ni ecazu ’ba Mungu adari inzipi ni ru ni ya? (E’do. 6:9, 22)
(b) Yehova ma egata adra ma dria ri ngoni, ani ’di ama aza ko mile tiza kilili ru ’diyi opezu i ngoni ngoni ya? (E’do. 6:11, 12; Zab. 11:5)
(c) Le ama ma o’biki Noa ni ngoni ngoni akaki otuta dri ceza ni ri isu otuta Yehova ni ri ma alea ria? (E’do. 6:22; 1 Yoh. 5:3)
2. Mi la E’doza 7:1-9.
E’yo ada Yehova ni ’ba ezata be Noa ni nezu ’ba muke ni ru ri okpo fe ama ni andrusi ngoni ngoni ya? (E’do. 7:1; O’be. 10:16; Isa. 26:7)
A’diko 10
1. Ozoo ni e’dozu ’bo ri ma vutia, ’ba azi aluni econi ndra fi maburu ma alea ku a’du e’yo si ya?
2. Yehova fe ozoo ’di o’du si dika efu si, azini yi ma ali eca di ndra ngopi ya?
3. Yi Tiza ni e’dozu angu ma dri a’buzu ria, a’du ma e’yo ’ye i maburu be ni ya?
4. ’Ba izu izu rua okpo be ’diyi opaki eyi Yi Tiza ma alea ri si ra ya, dika a’du ma e’yo ’ye i tipika eyini okpo be ’diyi pi ma rua ni?
5. Imba towi ma vutia a’du afa ’ye i maburu be ni ya?
6. Asisile Noa ni koreke ma ti pezu amve ri ngoni ya?
7. Noa nga ni yi tiza nzu angu ma dria risi ’bo ri ngoni ngoni ya?
8. Yehova ’yo Noa ni ’ba eri vile akua ’diyi pie ngoni eyi ni o’azu maburu ma alea ogogo eli alu ’bo ri ma vutia?
Zita azi ’dayi pi ma dria ’diyi:
1. Mi la E’doza 7:10-24.
(a) Afa idri be nyakua ’bani ndra dri ja ’diyi ma kalafe ngopi ya? (E’do. 7:23)
(b) Yi Tiza ni nzuzu ’du ndra sawa ngopi ya? (E’do. 7:24)
2. Mi la E’doza 8:1-17.
E’doza 8:17 e’da asisile Yehova ni okokele ri oja i ku ngoni ngoni ya? (E’do. 1:22)
3. Mi la 1 Petero 3:19, 20.
(a) Malaika ogburundua ru ’diyi ni dri dazu ’bua ’dale ria, ’ba li e’yo eyi ma dria ngoni ya? (Yuda 6)
(b) E’yo Noa ma dria ’ba eri vile akua ’diyi pie ri okpo fe asi ’baza ama ni oyo soza Yehova ni ngazu ’ba ini ’diyi opazu ri ma dria ngoni ngoni ya? (2 Pet. 2:9)
A’diko 11
1. Ekille e’da ma alea ’di le, Noa ni efuzu maburu ma alea ’boria coti ’ye a’du afa ni ya?
2. Azita Yehova ni fe Noa pini ’ba eri vile akua ’diyi pie Yi Tiza ma vutia ri ngoni ya?
3. Mungu so oyo ngoni ya?
4. Aka ki gari ne, eri ama ega a’du ma dria ya?
Zita azi ’dayi pi ma dria ’diyi:
1. Mi la E’doza 8:18-22.
(a) Ama eco andrusi afa “aji arikari” ru ri fe Yehova ni ngoni ngoni ya? (E’do. 8:21; Ebr. 13:15, 16)
(b) Afa Yehova ni ndre asi ’ba ada ni ma alea ri a’du afa ni, ani e’yo ’disi le ama ma o’aki mile be a’du e’yo si ya? (E’do. 8:21; Mat. 15:18, 19)
2. Mi la E’doza 9:9-17.
(a) Oyo soza Yehova ni so afa nyakua ’diyi pini dria ri ngoni ya? (E’do. 9:10, 11)
(b) Oyo soza gari si ri nga o’a ewu ngopi ya? (E’do. 9:16)
A’diko 12
1. Nimurodi ni ndra a’di i, dika Mungu ega ndra e’yo eri ma dria ngoni?
2. E’da ma alea ’dia, ’ba ki biriki ’be a’du ’yezu ya?
3. Yehova o’ani jo siza ’da si ayikosi ku a’du ma e’yo si ya?
4. Mungu atri jo siza ’dari ngoni ngoni ya?
5. Aku ambo ’da ma ru ngoni, dika ru nde ’da ma ifi ngoni ya?
6. Mungu ni abaza fezu ti ’yoza ’ba nde ’diyi ni ri dri ’bo ria, a’du ma e’yo ye i ni ya?
Zita azi ’dayi pi ma dria ’diyi:
1. Mi la E’doza 10:1, 8-10.
Zita azi ‘Dayi pi ma Dria ‘Diyi adriza ndra Nimurodi ni e’da ri ngoni, dika ’diri imbata ru ama ni a’du e’yo si ya? (O’be. 3:31)
2. Mi la E’doza 11:1-9.
Asisile ’bani jo izu ’da sizu ri ngoni, dika azi nde si ta ra ’bani dri ni jazu a’du e’yo si ya? (E’do. 11:4; O’be. 16:18; Yoh. 5:44)
A’diko 13
1. ’Ba ngole ’diyi ndra o’a aku ambo Uria ni ya?
2. Agu e’da ma alea ’da a’di i, ’ba osi eri ngoa, dika zo ndra ngoa ya?
3. Mungu lu Iburahimu ma ’ye a’du afa ni ya?
4. Asisile ’bani Iburahimu ni omvezu agyi Munguni ri ngoni ya?
5. A’di pi muki Iburahimu be Uria ni ya?
6. Mungu ’yo Iburahimu ni ngoni eri ni cazu Kanania ’bo ria?
7. Mungu so oyo Iburahimu ni ngoni eri ma eli ni cazu 99 ’bo ria?
Zita azi ’dayi pi ma dria ’diyi:
1. Mi la E’doza 11:27-32.
(a) Ecita Iburahimu pini Loti be ri ngoni ya? (E’do. 11:27)
(b) Tro ndra muta Tera ni muzu Kanania ri eri ma asia ra ci, ama niki ngoni ngoni otuta ’da enga ndra Iburahima vu, dika ’ye ’dini a’du e’yo si ya? (E’do. 11:31; ’Yeta 7:2-4)
2. Mi la E’doza 12:1-7.
Yehova fe oyo soza Iburahimu vu si ri eca ambo ngoni ngoni Iburahimu ni cazu Kanania ’bo ria? (E’do. 12:7)
3. Mi la E’doza 17:1-8, 15-17.
(a) Iburamu ma ru oja di i ngoni eri ma eli ni cazu 99 ’bo ria, dika a’du ma e’yo si ya? (E’do. 17:5)
(b) Tusu coza Yehova ni oyo ni so Sarai ni ewu drusi ri ma alea ri ngoni ya? (E’do. 17:15, 16)
4. Mi la E’doza 18:9-19.
(a) Azi ’bani fe tipika ni E’doza 18:19, ari ngoni ya? (Azi. 6:6, 7; Efe. 6:4)
(b) E’yo Sarai ni dri fuzu eri be e’dapi ama econi afa azi zi Yehova ma milea risi ku ri ngo i ya? (E’do. 18:12, 15; Zab. 44:21)
A’diko 14
Munguni Iburahimu Ma A’ita O’bizuri
1. Oyo soza Munguni so Iburahimu ni ri ngoni, azini Mungu mba oyo soza ’di ma ta ngoni ru?
2. Ekile e’da ma alea ’dile, Mungu o’bi Iburahimu ma a’ita ngoni ru?
3. Iburahimu ’ye a’du e’yo ni, eri ni tro asisile Munguni aziza ’di fezu ri nizu ku ra ti?
4. A’du e’yo ’ye i ni Iburahimu ni sei ’duza ima mvi ni lizu ria?
5. Iburahimu ma a’ita ndra Mungu ma dria ri ngopi ya?
6. Mungu fe Iburahimu ni owita ru a’du ni ya, dika ngoni ngoni?
Zita azi ’dayi pi ma dria ’diyi:
1. Mi la E’doza 21:1-7.
Iburahimu li i mvi ma agale dri o’du arozu risi a’du e’yo si ya? (E’do. 17:10-12; 21:4)
2. Mi la E’doza 22:1-18.
Isaka e’da ruta ima ati Iburahimu ni ngoni ru, ’di ece a’du e’yo ni nga i ’ye ewu drusi ri ma alea ni ya? (E’do. 22:7-9; 1 Kor. 5:7; Fil. 2:8, 9)
A’diko 15
Loti Ma Okuni Ni Angu Nezu Vuleri
1. Iburahimu pi awaki eyi Loti be a’du e’yo si ya?
2. Loti pe o’azu Sodomua a’du e’yo si ya?
3. ’Ba Sodomua ’diyi ndra ’ba ngole ni ki ya?
4. Malaika iri ’dayi liki Loti ma bilendu ngoni?
5. Loti ma okuni eca pati i’dizaru rile ai ru a’du e’yo si ya?
6. Imbata amani oni ’yeta Loti okuni ni ma dria ri ngoni ya?
Zita azi ’dayi pi ma dria ’diyi:
1. Mi la E’doza 13:5-13.
E’yo ama eselea ’diyi otuzu, imbata amani oni Iburahimu vuri ngoni ya? (E’do. 13:8, 9; Rum. 12:10; Fil. 2:3, 4)
2. Mi la E’doza 18:20-33.
’Yeta Yehovani Iburahimu vuri fe amani asi omiza e’yo liza Yehova pini Yesu be kililiru ri ma dria ngoni ya? (E’do. 18:25, 26; Mat. 25:31-33)
3. Mi la E’doza 19:1-29.
(a) Biblia ece amani Mungu ne lata agupi ni lazu agupi si kaniku okuni lazu okusi ri ma dria e’yo ngoni? (E’do. 19:5, 13; Lev. 20:13)
(b) Esele coza omvita Iburahimu pini Loti be azita Munguni ma dria ri ngoni, azini fe amani imbata ngoni? (E’do. 19:15, 16, 19, 20; 22:3)
4. Mi la Luka 17:28-32.
Asi ’baza ndra Loti okuni ni Lonyi ma dria ri ngoni, dika imbata amani eco oni ’dia ri ngoni? (Luka 12:15; 17:31, 32; Mat. 6:19-21, 25)
5. Mi la 2 Petero 2:6-8.
Ekile Loti le, le ama ma ne ki adriza ’ba eyini azita Munguni ma vuti obizu ku ama ageyiasi ’di ngoni ya? (Eze. 9:4; 1 Yoh. 2:15-17)
A’diko 16
1. Agupi azini oku e’da ’di ma alea ’diyi a’di piki?
2. Iburahimu ’ye a’du afani oku isuzu i ma mvi ni, dika a’du e’yo si ya?
3. Izita ati’bo Iburahimu driri ni ri ’ba omvi ngoni ngoni?
4. ’Bani Rebeka ni zizu le Isaka ni ’du ra ya ri ma dria ria, omvi ngoni?
5. A’du afa fe Isakani o’azu ayikosi dika ni?
Zita azi ’dayi pi ma dria ’diyi:
1. Mi la E’doza 24:1-67.
(a) Adriza kililiru Rebeka ni e’da ati’bo Iburahimuni dri erini dri fuzu eribe pari yi ekozu ria ri ngoni ya? (E’do. 24:17-20; O’be. 31:17, 31)
(b) Eceta kililiru Iburahimu ni e’da Kristayo ni otuta erini otu Isaka ni ri si ri ngoni? (E’do. 24:37, 38; 1 Kor. 7:39; 2 Kor. 6:14)
(c) Ekile Isaka le, ama ma isuki sawa asisile drozu ra a’du ma e’yo si ya? (E’do. 24:63; Zab. 77:12; Fil. 4:8)
A’diko 17
1. Esau pi Yakobo be a’di piki, azini eyi ndra ndu ndu geri ngoni le ri si ya?
2. Esau pi Yakobo be eyi ma eli si sawa eyi ma a’bi Iburahimu ni drazu ri si?
3. Esau ’ye a’du afani erini fezu i ma andri pini o’azu ati be candi si tu?
4. Esau o’a a’oko si tu ima adripi Yakobo ni, a’du e’yo si ya?
5. Isaka fe e’yo aziza ngoni le ni ima mvi Yakobo dri?
Zita azi ’dayi pi ma dria ’diyi:
1. Mi la E’doza 25:5-11, 20-34.
(a) E’yo Yehova ni ondrile Rebeka vile anzi iri ’diyi ma dria ri ngoni ya? (E’do. 25:23)
(b) Esele coza Yakobo pini Esau be Drileba isuza mva okori ni ma dria ri ngoni ya? (E’do. 25:31-34)
2. Mi la E’doza 26:34, 35; 27:1-46; azini 28:1-5.
(a) Ama eco ne Esau o’a e’yo orindi ni si ayiko si ku ngoni ngoni? (E’do. 26:34, 35; 27:46)
(b) Yakabo ni ecozu tusu coza Munguni isuzu, Isaka ’yo erini ma ’ye a’du afa ni ya? (E’do. 28:1-4)
3. Mi la ’Ba Ebraniani 12:16, 17.
Eceta Esau niri i’da amani a’du e’yo ni ’ba afa onyiru gapi si ’diyi ma dria?
A’diko 18
1. Oku oderu e’da ’di ma aleari a’di i, azini Yakobo ’ye erini a’du afa ni ya?
2. Yakobo otu ndra i a’du ’yezu ecozu Rakeli ni ’duzu ima okuru?
3. Sawa ni ecazu Yakobo ni Rakeli ni ’duzu ria, Labani ’ye a’du e’yo ni ya?
4. Yakobo a’i di a’du afa ’yezu ecozu Rakeli ni ’duzu oku ru?
Zita azi ’dayi pi ma dria ’diyi:
1. Mi la E’doza 29:1-30.
(a) Labani ni tro eri olezu ra ti, Yakobo e’da i inzita ru ngoni ngoni, dika e’yo amani eco oni ’diari ngoni? (E’do. 25:27; 29:26-28; Mat. 5:37)
(b) Eceta Yakobo ni ri i’da esele coza leta adari pini leta Lokiri si ri be ngoni ngoni? (E’do. 29:18, 20, 30; Ong. 8:6)
(c) Oku su ecapi ’ba Yakobo vile akua ’diyi ma aziru azini agupianzi tipi erini ’diyi ngoki ya? (E’do. 29:23, 24, 28, 29)
A’diko 19
1. Agupianzi Yakobo ni azia eri ni tile oku ini oko Lea be ’diyi ma ru ki a’di pi ki ya?
2. Agupianzi iri Lea vile ati’bo zamva ru zilipa ni ti Yakobo be ri a’di pi ki ya?
3. Agupianzi iri ati’bo Rakelini zamva ru Bila ni ti Yakobo be ’diyi ma ru a’di pi ki ya?
4. Agupianzi iri Rakelini ’diyi a’di pi, te a’du afa ’ye i ni ’bani agupiamva irizu ri osiria?
5. E’da ’di ma alea ri le, Yakobo ma anzi eyi ndra si, azini afa engapi eyivu ri a’du afani ya?
Zita azi ’dayi pi ma dria ’diyi:
1. Mi la E’doza 29:32-35; 30:1-26; azni 35:16-19.
Ekile amani ne anzi Yakobo ni 12 ’dayi si ri le, ’ba ndra ru fe agupianzi Ebraniani ’diyi ni ngoni ngoni?
2. Mi la E’doza 37:35.
Biblia ni tro Dina ma ru luzu a’dule, aniki ngoni ngoni Yakobo ma ezoanzi azi eyi ndra ci? (E’do. 37:34, 35)
A’diko 20
1. Iburahimu pi ima mvi Isaka be leni ndra anzi eyini ’diyi ma ’du oku Kanania ku a’du e’yo si ya?
2. Yakobo le ndra ima izi ma ’ba agyi ezoanzi Kanania ’diyi pie ra ya?
3. Agupi Dina ni nepi e’da ma alea ’di a’di i, azini e’yo onzi erini ’ye ri ngoni?
4. Dina ma adripika Simeoni pi Levi be eyi ni e’yo ’da i erizu ’boria, ’yeki a’du afa ni ya?
5. Yakobo le ndra e’yo Simeoni pini ’ye Levi be ri ra ya?
6. E’yo ewaru dria akua ’diyi e’do eyi ngoni ngoni ya?
Zita azi ’dayi pi ma dria ’diyi:
1. Mi la E’doza 34:1-31.
(a) O’ata Dina ni o’a zu ezoanzi Kanania ’diyi beri ndra ziza ru ya? Mi ece efini. (E’do. 34:1)
(b) Dina ni ima aliria avizu ri ma e’yo eri ma ngulupi ni a’du e’yo si ya? (Gal. 6:7)
(c) Anzi oderu ’diyi ecoki i’da eyi ’baki eceta Dina ni ma e’yo eyi ma asia ra ngoni ngoni? (O’be. 13:20; 1 Kor. 15:33; 1 Yoh. 5:19)
A’diko 21
Yusufu Ma Adripika Nguki Eri Onzi
1. Yusufu ma adripika eyi ndra ma’yala si eri vu a’du e’yo si, azini nga ki a’du afa ’ye ya?
2. Yusufu ma adripika leki eri vu a’du afa ’ye, te Rubeni nga ’yo ngoni?
3. A’du afa nga i ’ye ni ’ba tujarini Isimaeli ru ’diyi ni ecazu ’bo ria?
4. Yusufu ma adripika ’ye a’du afani eyini lezu eyi ma ati ma ega kini Yusufu dra ’bo?
Zita azi ’dayi pi ma dria ’diyi:
1. Mi la E’doza 37:1-35.
(a) ’Ba kristayo ru ’diyi ecoki Yusufu ma pamvu obi e’yo onzi eyi ’yepi kanisa ’diyi ecezu ngoni ngoni ya? (E’do. 37:2; Lev. 5:1; 1 Kor. 1:11)
(b) A’du afa fe Yusufu ma adripika yini eri ma o’di nyazu ni ya? (E’do. 37:11, 18; O’be. 27:4; Yak. 3:14-16)
(c) Yeta Yakobo ni ingo ece geri kilili ru imvo ’bazu ri ni ya? (E’do. 37:35)
A’diko 22
1. ’Bani Yusufu ni jizu Misiria ri si deresi eli ni si, azini a’du afa nga i ’ye ni eri ni cazu ’dale ’bo ria?
2. Yusufu nga ca arujoa ngoni ngoni ya?
3. Yusufu ni ovuzu arujoa ria, ’ba fe eri ni azi ngori nga ya?
4. Arujoa ’dale, Yusufu ’ye a’du afani ’ba Farau vile kopo fepi ri ni azini ’ba nyaka a’dipi ri ni?
5. A’du afa nga i ’ye ni ’bani ’ba kopo fepi ri ni fuzu arujoa ’bo ri si ria?
Zita azi ’dayi pi ma dria ’diyi:
1. Mi la E’doza 39:1-23.
Azita Munguni sizaru ali ’baza ma dria ri ni tro ndra ovuzu yo ra ti, a’du afa fe Yusufu ni apazu Potifa vile oku ri si te ni ya? (E’do. 2:24; 20:3; 39:9)
2. Mi la E’doza 40:1-23.
(a) Geri alia si mi ece orobi ’ba kopo fepi ri ni azini eri ma efi Yehova ni fele Yusufu driri be. (E’do. 40:9-13)
(b) Orobi ngoni le ri obi ’ba nyaka a’dipi ri ni, azini eri ma efi ngoni ya? (E’do. 40:16-19)
(c) Ati’bo asi ada be ’diyi curu’do Yusufu ma pamvu obi geri ngoni le ri si ya? (E’do. 40:8; Zab. 36:9; Yoh. 17:17; ’Yeta 17:2, 3)
(d) E’yo sile E’doza 40:20 ma alea ri fe diza geri ’ba Kristayo ru ’diyi ni o’du ’ba osizu ri ma omu nyaza ma dria ngoni ngoni ya? (Ekl. 7:1; Mar. 6:21-28)
A’diko 23
1. A’du afa ’ye i Farau be ini azini si ni ya?
2. Asizu ’ba kopo fepiri nga Yusufu ma e’yo ega ngoni ngoni ya?
3. ’Bani i’dale e’da ma alea ’bo ri le, orobi iri Farau ni ’diyi ngoki ya?
4. Yusufu ’yo kini orobi ’diyi ma efi ngoni ya?
5. Yusufu nga eca ’ba angiri Farau ma vutia ri ru ngoni ngoni?
6. Yusufu ma adripika imuki Misiria a’du ma e’yo si azini awikini eri ni ku a’du e’yo si ya?
7. Yusufu ega orobi ngo i, azini fe eri ni a’du e’yo va zu?
Zita azi ’dayi pi ma dria ’diyi:
1. Mi la E’doza 41:1-57.
(a) Yusufu fe ima asisile e’yo Yehova vileri erizu ngoni ngoni, azini ’ba Kristayo ru ’diyi eco curu’do eri ma pamvu obi ngoni ngoni ya? (E’do. 41:16, 25, 28; Mat. 5:16; 1 Pet. 2:12)
(b) Eli nyaka ni ’yazu Misiria ri pi eli likini ’dezu ri be eceki esele coza geri ’ba Yehovani curu’do ovupi geri orindi nisi apizaru ’diyi ma eselea Kristayo inzoru ’diyi pie ri ngoni ngoni ya? (E’do. 41:29, 30; Amo. 8:11, 12)
2. Mi la E’doza 42:1-8 azini 50:20.
Ati’bo Yehovani ’diyi ka kumuti osi ’ba ’wara ma drilea eyi inzizu azita a’bi ni ri ka le ’dini ria, ’dari onzi ya? (E’do. 42:6)
A’diko 24
1. Yusufu to ima adripika yi ovuzu ’ba ndindia azi ngapi ’diyi ru a’du e’yo si ya?
2. Yakobo fe ivile mva werea, Benyamini ni muzu Misiria a’du e’yo si ya?
3. Yusufu ma kopo meleruri nga eca Benyamini vile gunia ma alea ngoni ngoni ya?
4. Yuda le a’du afa ’ye ’bani ecozu Benyamini ni ofuzu beni?
5. Yusufu ma adripika oja eyi ’bo geri ngoni le ri si ya?
Zita azi ’dayi pi ma dria ’diyi:
1. Mi la E’doza 42:9-38.
E’yo Yusufu ni ’yo le E’doza 42:18 ri ma alea ri ovu egata kilili ru ni ’ba azi Yehovani ngapi curu’do ’diyi dri geri ngoni ri si ya? (Neh. 5:15; 2 Kor. 7:1, 2)
2. Mi la E’doza 43:1-34.
(a) Rubeni ni tro ovuzu mva osipi okokele ru ri i ku, Yuda eca e’yo nze i ma adripika ni ngoni ngoni ya? (E’do. 43:3, 8, 9; 44:14, 18; 1 Sur. 5:2)
(b) Yusufu o’bi ima adripika yi geri ngo, azini a’du e’yo si ya? (E’do. 43:33, 34)
3. Mi la E’doza 44:1-34.
(a) Yusufu ni lezu ima adripika ni i nizu ku, nga i ece ngoni ru ya? (E’do. 44:5, 15; Lev. 19:26)
(b) Yusufu ma adripika eceki nguta eyini ndra ovuzu eyi ma adripi be ri curu’do ’yo ngoni ngoni ya? (E’do. 44:13, 33, 34)
A’diko 25
1. Yusufu ni i ece zu ima adripika ni ’bo ria, a’du afa nga i ’ye ni ya?
2. Afa Yusufu ece ima adripikan i asi ndrizasi ri a’du?
3. Farau ni e’yo erizu Yusufu ma adripika ma dria ’boria, nga a’du ’ye ya?
4. Yakobo pini muzu Misiria ri si, ’ba eri vile akua ’diyi ndra si ya?
5. ’Ba Yakobo vile akua ’diyi ’ba nga eyi omve ngoni, azini a’du e’yo si ya?
Zita azi ’dayi pi ma dria ’diyi:
1. Mi la E’doza 45:1-28.
E’yo ’bani sile Biblia alea Yusufu ma dria ri ece amani Yehova eco e’yo onzi ’bani ’yele ima ati’bo rua ’diyi oja muke ra ngoni ngoni ya? (E’do. 45:5-8; Isa. 8:10; Fil. 1:12-14)
2. Mi la E’doza 46:1-27.
Yehova fe Yakobo ni asi teza ngonile ri erini muria Misiria ri si? (E’do. 46:1-4.)
A’diko 26
Yobu Ovu ’Ba A’ita Be Mungu Vuri
1. Yobu ni ndra a’di i ya?
2. Satani o’bi ndra a’du afa ye, te nga ’ye ra ya?
3. Yehova a’i Satani ni a’du afa yezu, azini a’du e’yo si ya?
4. Yobu vile oku ri nga ’yo erini ma tri Munguni ra azini ma dra te a’du e’yo si ya? (Mi ma ndre e’da.)
5. Mini ndre le e’da iri ’di ma alea ’bo ri le, Yehova co tusu Yobu ma dria ngoni ngoni azini a’du e’yo si ya?
6. Ama ka ovu Yobu le a’ita be Yehova vu, ama nga tusu coza ngoni le ri isu ya?
Zita azi ’dayi pi ma dria ’diyi:
1. Mi la Yobu 1:1-22.
’Ba Kristayo ru curu’do ’diyi eco Yobu ma pamvu obi ngoni ngoni ya? (Yobu 1:1; Fil. 2:15; 2 Pet. 3:14)
2. Mi la Yobu 2:1-13.
Omvita ndundu iri Yobu pini e’yo omvizu ima okuni be inzamatara Satani ni fele ’diyi ma dria riki ngoni ya? (Yobu 2:9, 10; O’be. 19:3; Mika 7:7; Mal. 3:14)
3. Mi la Yobu 42:10-17.
(a) Tusu coza eyi ijipi iji iji Yobu pini ndra esu Yesu be a’ita eyini si ’diyi ngoki ya? (Yobu 42:12; Fil. 2:9-11)
(b) Tusu coza Yobu ni esu erini acizu a’ita si Mungu vu ri si ri okpo fe amani ngoni ngoni ya? (Yobu 42:10, 12; Ebr. 6:10; Yak. 1:2-4, 12; 5:11)
A’diko 27
Opi Onziri Ni Angu Nyazu Misiria Ri
1. E’da ’di ma alea, agu enyi kalisia ri be ri a’di i, azini eri a’di ni co ya?
2. Drata Yusufu ni ma vutia, a’du e’yo ’ye i anzi Israeli ni be ni ya?
3. ’Ba Misiria ’diyi ecaki anzi Israelini si uri si a’du e’yo si ya?
4. Azita Farau ni fe oku okporovu Israeli ni ’diyi osipi ’diyi ni ri ngoni?
Zita azi ’dayi pi ma dria ’diyi:
1. Mi la Efuza 1:6-22.
(a) Yehova e’do di fe oyo soza ini Iburahimu beri eca adaru ngoni ngoni? (Efu. 1:7; E’do. 12:2; ’Yeta 7:17)
(b) Oku Ebrania ni ’diyi e’daki ruta idrini ngoni ngoni ya? (Efu. 1:17; E’do. 9:6)
(c) Oku okporovu ma aza kopi ’diyi isu ki orodri a’ita eyini Yehova ma dria ri si ngoni ngoni ya? (Efu. 1:20, 21; O’be. 19:17)
(d) Satani o’bi oyo soza Yehovani ori Iburahimu ni ma dria ri oja ngoni ngoni ya? (Efu. 1:22; Mat. 2:16)
A’diko 28
1. Odekua e’da di ma alea ri a’di i, azini eri a’di ma driamva bi ya?
2. Musa ma andri ’ye a’du afa ni eri pazu ’bani eri ’dizu ku?
3. Zamva werea e’da ma alea ri a’di i, azini ’ye a’du afa ni ya?
4. Farau izi ni odekua ’di isuzu ’bo ri si, Mariamu ’yo ngoni?
5. Opi ma izi ’yo Musa ma andri ni ngoni ya?
Zita azi ’dayi pi ma dria ’diyi:
1. Mi la Efuza 2:1-10.
Musa ma andri ovu drileba ngoni le ri be eri ni Musa ma ta mbazu odekulea ru ria risi, azini ’diri tipika ni imbata ngole ni fe? (Efu. 2:9, 10; Azi. 6:6-9; O’be. 22:6; Efe. 6:4; 2 Tim. 3:15)
A’diko 29
1. Musa zo de ngoa ya, te afa eri ni nile ima tipika pi ma dria ri a’du ni ?
2. Musa ’ye a’du afa ni eri ma eli ni cazu 40 ’bo ria?
3. Musa ’yo agu ’ba Israelio ru ri copi ri ni ngoni, azini agu nde nga omvi eri ni ngoni ya?
4. Musa apa Misiria ri si te a’du e’yo si ya?
5. Musa nga apa ngoa, azini nga a’dini isu ’daa ya?
6. Musa ’ye a’du afa eli 40 eri ni apazu Misiria ’bo ri ma vutia?
Zita azi ’dayi pi ma dria ’diyi:
1. Mi la Efuza 2:11-25.
Eri ni tro onita onizu ondoa ’ba Misiri ni ’diyi vu ra ti, Musa nga a’ita Yehova vu azini ’ba eri dri ’diyi vu ngoni ngoni? (Efu. 2:11, 12; Ebr. 11:24)
2. Mi la ’Yeta 7:22-29.
Musa ni lezu ’ba Israeli ni ’diyi opazu engazu ’ba Misiri ni ma driasi ima ngulupi si ri imba ama ngoni ya? (’Yeta 7:23-25; 1 Pet. 5:6, 10)
A’diko 30
1. Oni eda di ma elea ri ma ru ngoni?
2. Mi ece afa Musa ni ndre osuta ru eri ni tuzu oni dria kabilo pie ria ri.
3. O’duko ase vepi ria ri ’yo ngoni, azini o’duko ’diri a’di ni ya?
4. Musa nga omvi ngoni Munguni ’yozu eri ni eri nga ’ba Munguni ’diyi ma dri ce Misiria ri si amve ria?
5. Mungu nga ’yo Musa ni ngoni ’ba ka nga eri zi a’di epe eri ma ti ni ria?
6. Musa ni nga ece Mungu epe ima ti ni geri ngoni le ri si ya?
Zita azi ’dayi pi ma dria ’diyi:
1. Mi la Efuza 3:1-22.
’Yeta Musa ni ’yele ’diri fe amani okpo vazu ra ada Yehova ni nga ama ati ra akaki ama ama orodri yo azi Munguni ngazu ria? (Efu. 3:11, 13; 2 Kor. 3:5, 6)
2. Mi la Efuza 4:1-20.
(a) Musa ma egata oja i ngoni ru eli 40 eri ni o’azu angu Midia nia ’dale ria, azini e’yo’ba lepi ecapi azi ma aza kozu kanisani ’diyi ni oni dia ri ngoni? (Efu. 2:11, 12; 4:10, 13; Mika 6:8; 1 Tim. 3:1, 6, 10)
(b) Aka ki imbata isu geri Yehova vile otuta ri ma alea si, eceta Musa vile ri ama dri asi okpo ngole ri fe ya? (Efu. 4:12-14; Zab. 103:14; Ebr. 12:4-11)
A’diko 31
Musa pi Aroni Be Nga Farau Ni Ndre
1. Tali Musa pini ’ye Aroni be ri fe ’ba Israelini ’diyi ’ye a’du afa ni ya?
2. Musa pi Aroni be nga ’yo Farau ni ngoni, azini Farau nga omvi eyi ni ngoni?
3. ’Bani e’dale i’da ma alea rile, Aroni ni kali ’bezu va ’bo ria a’du afa ’ye i ni ya?
4. Yehova nga Farau ni imbata ngole ni imba, azini Farau nga omvi ngoni ya?
5. A’du afa ’ye i candi mudri di ma vutia ya?
Zita azi ’dayi pi ma dria ’diyi:
1. Mi la Efuza 4:27-31 azini 5:1-23.
Farau ni ’yozu ‘ma nini Yehova ni ku’ ria de ovu asisile ngonile ri be ya? (Efu. 5:2; 1 Sam. 2:12; Rum. 1:21)
2. Mi la Efuza 6:1-13, 26-30.
(a) Yehova fe ni i ni zu Ibrahimu, Isaka, azini Yakobo dri ku geri ngoni le ri si ya? (Efu. 3:13, 14; 6:3; E’do. 12:8)
(b) E’yo Yehova ni Musa ni ayuzu, ndra Musa ni tro egazu kini i sini ta azi ’da nguza ku ra ti ri ama ega a’du ma dria ya? (Efu. 6:12, 30; Luka 21:13-15)
3. Mi la Efuza 7:1-13.
(a) E’yo Musa pini Aroni be e’yo liza Yehovani ri jizu Farau dri ra urikoko ri, fe eceta ngoleni ati’bo Munguni curu’do ’diyi dri ya? (Efu. 7:2, 3, 6; ’Yeta 4:29-31)
(b) Yehova ece ima okpo aga mungu Misiri ni ’diyi dria ra ngoni ngoni ya? (Efu. 7:12; 1 Sur. 29:12)
A’diko 32
Candi Kaniku Dra Matu ru 10 ’Diyi
1. Mi ayu e’da ’diri candi kaniku dra maturu oko na ndra Yehova ni iji Misiria diyi ecezu.
2. Esele coza candi oko na ri pi ma eselea candi azi ’diyi pie ri ngoni ya?
3. Candi su, towi azini azia ’diyi ndra ngoki ya?
4. Mi ece candi aziri, aro azini oromi ri.
5. De nga candi mudri ri e’doni i ku Yehova ’yo ’ba Israeli ru ’diyi ni ngoni ya?
6. Candi mudri ri ndra ngo i, azini a’du afa ’ye ’da ma vutia ni ya?
Zita azi ’dayi pi ma dria ’diyi:
1. Mi la Efuza 7:19–8:23.
(a) ’Ba ondua ru Misiria ’diyi ni tro tali ’yezu candi iri Yehovani fele ’diyi si ra ti, eyo eyini a’i candi nazu ri ma vutia vutia ri ngoni? (Efu. 8:18, 19; Mat. 12:24-28)
(b) Candi su ri ece geri Yehova ni ’ba ivile ’diyi pazuri ngoni ru, azini ’diyi nga ’ba Yehovani andrusi ’diyi ma aza ko ‘inzamatara amboru’ oyo ni sole ’bori ma ti tazu ngoni ngoni ya? (Efu. 8:22, 23; Ece. 7:13, 14; 2 Sur. 16:9)
2. Mi la Efuza 8:24; 9:3, 6, 10, 11, 14, 16, 23-25; azini 10:13-15, 21-23.
(a) ’Esele coza ’ba ada ni iri Candi Mudri ’diyi co ri ngoki, dika esele coza nde ’diyi obiki idri amani andrusi ngoni ru ya? (Efu. 8:10, 18, 19; 9:14)
(b) E’yo siza Efuza 9:16 ri ko ama aza asisile Yehova ni fezu Satani ni o’azu kpere curu’do ri vazu ngoni ngoni ya? (Rum. 9:21, 22)
3. Mi la Efuza 12:21-32.
Omu Agazu ’ba drilesiri nga pata eji ’ba kakau dri ngoni ru, azini Omu Agazu ’diri ece a’du afa ni ya? (Efu. 12:21-23; Yoh. 1:29; Rum. 5:18, 19, 21; 1 Kor. 5:7)
A’diko 33
1. Agupi Israelini, oku pie azini anzi nyiri pie angu, ndra Misiri ni kupi ’diyi si ya?
2. Farau nga e’yo ega ngoni eri ni ’ba Israelini ’diyi kuzu muzu ’bo ria, azini nga a’du afa ’ye?
3. ’Ba Misiri ni ’diyi ogazu ’ba ivile ’diyi obizu ku, Yehova ’ye a’du afa ni ya?
4. Musa ni ima kali ijuzu Miri Ekari ma dria ria si a’du ’ye i ni, azini anzi Israelini nga a’du afa ’ye?
5. ’Ba Misirini ’diyi ni muzu mbele mbele ’ba Israelini ma vuti si miri aleasi ria, a’du afa ’ye i ni ya?
6. ’Ba Israelini nga ayiko azini awadifo eyi ni ece Yehova dri erini eyi opale ri si ngoni ru ya?
Zita azi ’dayi pi ma dria ’diyi:
1. Mi la Efuza 12:33-36.
Yehova nga ewu ’ba ini ’diyi ni o’azu ati’ba ru Misiria ’diyi ki ofe dria ngoni ru ya? (Efu. 3:21, 22; 12:35, 36)
2. Mi la Efuza 14:1-31.
E’yo Musa ni ’yole Efuza 14:13, 14 ma alea ri fe Yehova vile ati’bo curu’do ’diyi o’a ngoni eyini o’du Hari-Magedoni ni imu pi ri te ria? (2 Sur. 20:17; Zab. 91:8)
3. Mi la Efuza 15:1-8, 20, 21.
(a) Le ati’ba Yehova ni ’diyi ma ngo ru kuza eri dri a’du e’yo si ya? (Efu. 15:1, 2; Zab. 105:2, 3; Ece. 15:3, 4)
(b) Eceta kilili ru Yehova ni inzizu Miriamu pini ece oku Miri Ekaru ri zopi ’diyi pie oku Kristayo ru andrusi ’diyi ni ri ngoni ya? (Efu. 15:20, 21; Zab. 68:11)
A’diko 34
1. I’da alea ’dia, ’ba ’diyi a’du afa o’du engazu va nyaku dria, azini afa nde ma ru a’du ni ya?
2. Azita Musa ni fe ’ba yini mana o’duza ma dria ri ngoni ya?
3. Yehova ’yo ’ba ’diyi ni ma ’ye a’du afa ni o’du azia si, azini a’du eyo si ya?
4. Yehova ni nga tali ngole ni ’ye mana ka ko ini be ra ria?
5. Yehova fe ’ba ’diyi ni mana nyazu eli si?
Zita azi ’dayi pi ma dria ’diyi:
1. Mi la Efuza 16:1-36 azini Kalafe 11:7-9.
(a) E’yo Efuza 16:8 ni ece otuta Munguni dri ceza ni Kanisa Kristayo ni ma alea ri ma dria ri ngoni ya? (Ebr. 13:17)
(b) Angu rokoni ma alea, ’ba ri ’ba Israelini ’diyi ega eyi ama okpo Yehova ma dria ri ma dria ngoni ru ya? (Efu. 16:14-16, 35; Azi. 8:2, 3)
(c) Yesu fe mana ma ifi ecetaru ri ngoni, azini ama orodri isu “nyaka inga pi bua” ’disi ngoni ru ya? (Yoh. 6:31-35, 40)
2. Mi la Yosua 5:10-12.
’Ba Israelini ’diyi nya mana eli si, ’diri eyini o’bita ru ngoni ngoni, dika e’yo amani eco oni ’dia ri ngoni ya? (Efu. 16:35; Kal. 11:4-6; 1 Kor. 10:10, 11)
A’diko 35
1. Mba iri eyi ni Misirini kuzu’bo ri ma vutia, ’ba Israelini ngaki eyi tra ngoa ya?
2. Yehova ’yo i le ’ba ’diyi ma ’ye a’du afani, azini eyi ma omvita ngoni ya?
3. Yehova fe Musa dri oni ’bara ’bara iri a’du ’yezu ya?
4. Azita Mudri ’da ma dria, azita azi Yehova ni fe anzi Israelini dri ’diyi ki ngoni ya?
5. Azita iri Yesu ni ’yo eyi angiri tu ’diyi ngoki ya?
Zita azi ’dayi pi ma dria ’diyi:
1. Mi la Efuza 19:1-25; 20:1-21; 24:12-18; azini 31:18.
E’yo siza Efuza 19:8 ma alea ri ko ama aza owita Kristayo ni eyi owizu ri ma efi va zu ngoni ngoni ya? (Mat. 16:24; 1 Pet. 4:1-3)
2. Mi la Azita Amvizu 6:4-6; ’Ba Levini 19:18; azini Matayo 22:36-40.
’Ba Kristayo ru ’diyi ki eyi ma leta Mungu ni azini jo ejele niri e’da ngoni ngoni ya? (Mar. 6:34; ’Yeta 4:20; Rum.15:2)
A’diko 36
1. I’da ’di ma alea, ’ba ’diyi a’du afa ’ye, azini a’du e’yo si ya?
2. Yehova ovu a’oko si a’dusi, azini Musa ’ye a’du afani eri ni ’ba ’diyi ndre ria e’yo ’diri ’ye ria?
3. Musa lu ’ba azi ’diyi ni ma ’ye a’du afa ’ya?
4. A’diko ’diri imba ama imbata ngoni le risi?
Zita azi ’dayi pi ma dria ’diyi:
1. Mi la Efuza 32:1-35.
(a) E’yo i ’yepi ’di ece asisile Yehova niri ngoni ’ba ka inzita enzoru ri pi eci inzita adaru ri be ria? (Efu. 32:4-6, 10; 1 Kor. 10:7, 11)
(b) Le ’ba Kristayo ru ’diyi ma ovu mile be, ka eca avita ayiko fepi ’bani ekile ongo ngoza azini ongo tuza pie ’diyi si ria adu ma eyo si ya? (Efu. 32:18, 19; Efe. 5:15, 16; 1 Yoh. 2:15-17)
(c) Suru Levini ri eceki geri kililiru pasozu e’yo a’daru ri ma alea ri ngoni ru ya? (Efu. 32:25-28; Zab. 18:25)
A’diko 37
1. Afa ’bani sile e’da ma alea ri ’ba omve a’duni, azini eri ma azi a’du ’yezu ya?
2. Yehova ’yo Musa ni ma ede hema ’dari ’bani ecozu eri onzezu ndu ndu ewakokoru beni a’du e’yo si ya?
3. Sanduku rumu werea i’da ma alea hema ma kala asizuria ri ngo i, azini sanduku ma alea a’du afa ni ya?
4. Yehova pe a’di i ovuzu kuhani ma amboru, azini kuhani ma ambo ni a’du afa ’ye ya?
5. Mi olu afa na rumu ambo hema vile ’diyi ma alea ’diyi rusi.
6. Afa iri apariti hema nia ’diyi a’du afa ni, azini ’ba eyi ayu a’du ye zu ya?
Zita azi ’dayi pi ma dria ’diyi:
1. Mi la Efuza 25:8-40; 26:1-37; 27:1-8; azni 28:1.
Kerubi “sanduku oyo soza ni” ma rua ri ma efi ngoni? (Efu. 25:20, 22; Kal. 7:89; 2 Opi 19:15)
2. Mi la Efuza 30:1-10, 17-21; 34:1, 2; azini ’Ba Ebraniani 9:1-5.
(a) Yehova ’ba azita alata rua niri ma dria ri ma e’yo okporu kuhani azi ngapi hema ma alea ’diyi dri a’du e’yo si, ani ’diri ama ega a’du e’yo si ya? (Efu. 30:18-21; 40:30, 31; Ebr. 10:22)
(b) ’Ba ti pele Paulo e’da hema inzita inziruri pi Azita oyo soza niri be ecaki orodri kokoru sawa erini waraga sizu Kristayo Ebrania ’diyi vu risi ria ngoni ru ya? (Ebr. 9:1, 9; 10:1)
A’diko 38
’Ba 12 Azi Ndindia Ni Ngapi ’Diyi
1. Afa mini ndre zabibu e’da ’di ma alea ri ma rua ri a’du afa ni, azini ’ba ibi eri iji ngoa ya?
2. Musa pe ’ba 12 azi ndindia ni ngapi ’diyi ma ti angu Kanania ria a’du e’yo si ya?
3. ’Ba mudri azi ndindia ni ngapi ’diyi nga omvi ngoni eyini dri edazu Musa vu ’bo ria?
4. ’Ba iri azi ndindiani ngapi ’diyi ece eyi ma a’ita Yehova ma dria ri ngoni ru, azini eyi ma ru adi pi ki?
5. A’oko nya Yehova ni a’du e’yo si, azini nga ’yo Musa ni ngoni ya?
Zita azi ’dayi pi ma dria ’diyi:
1. Mi la Kalafe 13:1-33.
(a) ’Ba pe a’dipiki azi ndindia niri ngazu, azini ngaki drileba ngonile ri isu ya? (Kal. 13:2, 3, 18-20)
(b) Geri Yosua pini angu ’dari ndrezu Kalebu be ri co esele ’ba azi mudri ndindia azi ngapi ’diyi niri be ra adu e’yo si, ’di imba ama ngoni? (Kal. 13:28-30; Mat. 17:20; 2 Kor. 5:7)
2. Mi la Kalafe 14:1-38.
(a) Bilenduliza ’bani fele amadri onota onozu ’ba Yehova ma azi ngapi nyakua ’diyi ma rua ri ma dria ri ngoni ya? (Kal. 14:2, 3, 27; Mat. 25:40, 45; 1 Kor. 10:10)
(b) Kalafe 14:24 ece amani geri Yehova ni asi ’bazu ati’bo ini alu alu ma dria ri ngoni ngoni ya? (1 Opi 19:18; O’be. 15:3)
A’diko 39
1. Adi fu ogburundua ru driceza Musa pini Aroni be ri si ni, azini nga ’yo Musa ni ngoni?
2. Musa lu Kora pini ’ba 250 eri ma vuti bipi ’diyi be a’du afa yezu?
3. Musa ’yo ’ba ’diyi ni ngoni, dika a’du afa nga i ’ye ni erini e’yo nzezu de ’boria?
4. A’du afa ’ye i Kora pie azini ’ba 250 eri ma vuti bipi ’diyi pie ni ya?
5. Eleazari, Aroni mvi nga a’du afa ye aci pati ’ba odrapi ’bo ’diyi ni risi, azini ’ye ’dini a’du ma e’yo si ya?
6. Yehova fe mawua zo Aroni ma kali rua a’du e’yo si ya? (Mi ndre e’da alea.)
Zita azi ’dayi pi ma dria ’diyi:
1. Mi la Kalafe 16:1-49.
(a) Kora pi ’ba eri vuti ’bipi ’diyi pie ’ye a’duni, azini ’di ovu yeta ogburunduri ni Yehova vu a’du ma e’yo si ya? (Kal. 16:9, 10, 18; Lev. 10:1, 2; O’be. 11:2)
(b) Egata onzi Kora pini ega ’ba 250 “ovupi opiru ongulumu ni ’diyi” pie ri ngoni? (Kal. 16:1-3; O’be. 15:33; Isa. 49:7)
2. Mi la Kalafe 17:1-11 azini 26:10.
(a) Mawua inga pi Aroni ma kali rua ri ece ngoni, azini Yehova fe ’bani tani mbazu sanduku alea a’du e’yo si ya? (Kal. 17:5, 8, 10)
(b) E’yo amani eco oni eceta kali Aroni vile ri ni ma dria ri ngoni ya? (Kal. 17:10; ’Yeta 20:28; Fil. 2:14; Ebr. 13:17)
A’diko 40
1. Yehova mba ’ba Israelini ’diyi ma ta eyini o’aria angu roko ni ma alea ria ngoni ngoni?
2. ’Ba Israelini ’diyi ni hema soria Kadesia ria ngaki onu ngoni ya?
3. Yehova nga yi fe ’ba eyini azini anyapa eyini pie ngoni ngoni ya?
4. E’da alea ’dia, agupi ima ngulupi i’dapi ri a’di i, azini eri ’ye ’dinile a’du e’yo si ya?
5. Yehova ovu a’okosi Musa pini Aroni be a’du e’yo si, azini nga eyini panga ngoni le ri fe?
6. A’du afa ’ye i Oni Hori ma dria ni, azini a’di eca kuhani amboru Israelia ni ya?
Zita azi ’dayi pi ma dria ’diyi:
1. Mi la Kalafe 20:1-13, 22-29 azini Azita Amvizu 29:5.
(a) Geri Yehovani ’ba Israelini ma tambazu angu roko dria ri fe ama dri imbata ngoni le ri ya? (Azi. 29:5; Mat. 6:31; Ebr. 13:5; Yak. 1:17)
(b) Yehova ega ngoni Musa pini Aroni be i inzizu ’ba Israelini ma drilea ku ria? (Kal. 20:12; 1 Kor. 10:12; Ece. 4:11)
(c) E’yo amani oni geri Musa ni imbata Yehovani fele ri ’duzu ri ma dria ri ngoni ya? (Kal. 12:3; 20:12, 27, 28; Azi. 32:4; Ebr. 12:7-11)
A’diko 41
1. E’da ma alea rile, afa ’bani tra pati rua ri a’du afa ni, dika Yehova ’yo Musa ma ’ba eri ’daa a’du e’yo si ya?
2. ’Ba ’dayi e’da eyi awadifo kokoru ’yeta Munguni ’diyi si ngoni ngoni ya?
3. ’Ba ’diyi zi Musa ni a’du ’yezu Yehova ni panga fezu ori enyata be ’diyi si ’bori ma vutia?
4. Yehova ’yo Musa ni ma ede ori mola ru ri a’du e’yo si ya?
5. Imbata ama ni oni a’diko ’di ma alea ri ngoni?
Zita azi ’dayi pi ma dria ’diyi:
1. Mi la Kalafe 21:4-9.
(a) Imbata ama ni esu onuta anzi Israelini ’diyi ni onuzu feta Yehova ni si ’diyi pi ma dria ri ngoni ya? (Kal. 21:5, 6; Rum. 2:4)
(b) Eli turu turu alipi ’diyi ma vutia, anzi Israeli ni ’diyi ayuki ori Mola ru ’dari ngoni ru, azini Opi Hezekia nga di a’du ’ye? (Kal. 21:9; 2 Opi 18:1-4)
2. Mi la Yohana 3:14, 15.
’Bani ori Mola ru ri bazu kali sia ri e’da e’yo ’bani Yesu Kristo ni pazu pati sia ri ngoni ngoni? (Gal. 3:13; 1 Pet. 2:24)
A’diko 42
1. Balaki ni a’di i, dika pe Balamu ma ti a’du ’yezu?
2. Akanya Balamu niri la i va nzila dria a’du e’yo si ya?
3. E’yo Balamu ni eri akanya ni nzeri ngoni?
4. Malaika ’yo Balamu ni ngoni ya?
5. Balamu ni lezu Israeli ni trizu ria, a’du e’yo ’ye i ni ya?
Zita azi ’dayi pi ma dria ’diyi:
1. Mi la Kalafe 21:21-35.
Suru Israeli ni nde Opi Amori ni Sihoni pi Opi Basani ni Ogi be a’du eyo si ya? (Kal. 21:21, 23, 33, 34)
2. Mi la Kalafe 22:1-40.
Asisile ndra Balamu ni lezu Israeli ni trizu ri ngoni, dika imbata ama ni esu ’dia ri ngoni ya? (Kal. 22:16, 17; O’be. 6:16, 18; 2 Pet. 2:15; Yuda 11)
3. Mi la Kalafe 23:1-30.
Tro Balamu ni e’yo nzezu ekile eri ati’bo Yehova ni le, ’yeta erini ri e’da a’du ma e’yo ya? (Kal. 23:3, 11-14; 1 Sam. 15:22)
4. Mi la Kalafe 24:1-25.
E’yo Biblia ma alea o’di ri okpo fe a’ita amani dri azi ngazu asisile Yehova ni ma dria ngoni ngoni ya? (Kal. 24:10; Isa. 54:17)
A’diko 43
1. E’da ma alea ’di le, ’ba iri pa so pi Musa be ’diyi ki a’di piki?
2. Yehova ’yo Yosua ma tia ngoni ya?
3. Musa tu Oni Nebo ma dria a’du e’yo si, dika Yehova ’yo eri ni ngoni ya?
4. Musa ni drazu ria deresi eri ma eli si ya?
5. ’Ba o’aki candisi a’du e’yo si, te asisile eyi ni o’azu ayikosi ri ngoni?
Zita azi ’dayi pi ma dria ’diyi:
1. Mi la Kalafe 27:12-23.
Azi amboru Yosua ni esu engazu Yehova vu ri ngo i, dika Yehova ni ’ba i ni ’diyi ma aza ko andrusi ngoni ngoni ya? (Kal. 27:15-19; ’Yeta 20:28; Ebr. 13:7)
2. Mi la Azita Amvizu 3:23-29.
Yehova oga Musa pini Aroni be fizu angu ’ba ni oyo ni so ’bo ’da ma alea si a’du e’yo si, azini imbata ama ni oni ’dia ri ngoni? (Azi. 3:25-27; Kal. 20:12, 13)
3. Mi la Azita Amvizu 31:1-8, 14-23.
E’yo Musa ni nze asizu anzi Israeli ni dri ri e’da a’i imbata engapi Yehova vu ri ra ngoni ru? (Azi. 31:6-8, 23)
4. Mi la Azi Amvizu 32:45-52.
Le O’duko Mungu ni ri ma bi idri amani ri ngoni ya? (Azi. 32:47; Lev. 18:5; Ebr. 4:12)
5. Mi la Azita Amvizu 34:1-12.
Tro Musa ni ndra Yehova ni nezu ima mile si ’dini ku ti, Azita Amvizu 34:10 e’da amani agyi Musa ni Yehova be ri ngoni? (Efu. 33:11, 20; Kal. 12:8)
A’diko 44
Rahabu Ozi ’ba Ndindia Azi Ngapi ’Diyi
1. Rahabu ni o’a ngoa ya?
2. ’Ba iri e’da ma alea ’da a’dipi ki, azini eyi ki Yerikoa a’du eyo si ya?
3. Opi Yerikoa ri fe azita Rahabu ni a’du e’yo ’yezu, te omvita eri ni fe ri ngoni?
4. Rahabu ko ’ba iri ’diyi ma aza ngoni ru, dika zi di azakoma ngo i?
5. Oyo soza ’ba iri ’diyi ni so Rahabu ni ri ngoni?
Zita azi ’dayi pi ma dria ’diyi:
1. Mi la Yosua 2:1-24.
Oyo soza Yehova ni Efuza 23:28 ri ’ye i sawa ’ba Israeli ni ’diyi ni a’di ’dizu Yerikoa risi ngoni ru? (Yos. 2:9-11)
2. Mi la Ba Ebraniani 11:31.
Eceta Rahabu niri e’da orodri a’ita niri ngoni ngoni? (Rum. 1:17; Ebr. 10:39; Yak. 2:25)
A’diko 45
1. Tali Yehova ni e’de ’ba Israeli ni ’diyi ni ecozu Yi Yoridani ni zozu ri ngo i?
2. Le anzi Israeli ni ’diyi ma e’daki aita ngole ri ecozu Yi Yoridani ni zozu?
3. Yehova ’yo Yosua ma o’du oni 12 yi ma tia a’du e’yo si ya?
4. Kuhani ni fuzu Yoridani ni zozu ’bori ma vutia coti a’du e’yo ’ye i ni ya?
Zita azi ’dayi pi ma dria ’diyi:
1. Mi la Yosua 3:1-17.
(a) Ekile amani ne e’yo eyi ’yepi a’diko ’di ma alea ria rile, le ama ma ’ye a’du afa ni ecozu azakoma Yehovani isuzu tusu coza erini be? (Yos. 3:13, 15; O’be. 3:5; Yak. 2:22, 26)
(b) A’du ma e’yo ’ye i Yi Yoridani be ni sawa anzi Israeli ni ’diyi ni zozu Angu Oyo sole ’bori ma alea ria, dika e’yo ’da fe ru kuza Yehova ni ngoni ngoni? (Yos. 3:15; 4:18; Zab. 66:5-7)
2. Mi la Yosua 4:1-18.
Oni 12 ndra ’bani o’du Yoridani ma alea dika ’bani o’ba Gilgolia ’diyi ma ifi ngoni ya? (Yos. 4:4-7)
A’diko 46
1. Yehova ’yo ’ba adi ’dipi ’diyi ni azini kuhani pie a’du afa ’yezu o’du azia ya?
2. Le agupi ’diyi ma ’ye a’du afani o’du aziri risi?
3. Mini ndrele e’da ma alea ri le, a’du afa ni i ’ye abi Yeriko ni ri be ni ya?
4. ’Ba ’i baka ikaru derisa ’da a’du ey’o si ya?
5. Yosua lu ’ba a’di ’dipi ’diyi ma ’ye ’ba dria ’da ’diyi a’duru aku ambo ’di be, te ma ’ye vini mele, dahabu azini cuma a’duru?
6. ’Ba iri ndindia azi ngapi ’diyi ni ’ba lu ma ’ye a’du afa ni ya?
Zita azi ’dayi pi ma dria ’diyi:
1. Mi la Yosua 6:1-25.
(a) Acita ’ba Israelini ’diyi ni acizu Yeriko ma kalasi kuru o’du aziri ri si tro tro e’yo oluza ’ba E’yo Eti Nzepi Yehovani ’diyi ni olu ewu asizu ’diyi si ri be risi ngoni ngoni ya? (Yos. 6:15, 16; Isa. 60:22; Mat. 24:14; 1 Kor. 9:16)
(b) E’yo ondriza Yosua 6:26 ma alea ri nga i ’ye eli 500 ma vutia ngoni ngoni, azini ’di imba ama e’yo Yehovani ma dria ngoni? (1 Opi 16:34; Isa. 55:11)
A’diko 47
1. E’da ’di ma alea, agu lonyi ’bani o’dule Yerikoa ri sapi ’bulea ri a’di i, azini a’dipi eri ma aza ko ni ya?
2. Yeta Akani ni ’ba erivile akua ’diyi pie ri onzi a’du e’yo si ya?
3. Yehova nga omvi ngoni Yosua ni eri zizu ’ba nde ’ba Israelini ’diyi ki a’di Ai be ri ma alea risi te a’du e’yo si ya ria?
4. ’Bani Akani pi ejizu ’ba erivile akua ’diyi pie Yosua vu ria, a’du afa ’ye i eyi pie ni ya?
5. E’yo liza Akani ri fe ama dri imbata angiri ngole ni ya?
Zita azi ’dayi pi ma dria ’diyi:
1. Mi la Yosua 7:1-26.
(a) Yosua ma Mungu ziza ace agyi erini ima o’bapi beri ngoni ya? (Yos. 7:7-9; Zab. 119:145; 1 Yoh. 5:14)
(b) ’Yeta Akani niri e’da ama ni a’du ma e’yo, dika ’diri imbata ru ama ni ngoni ngoni? (Yos. 7:11, 14, 15; O’be. 15:3; 1 Tim. 5:24; Ebr. 4:13)
2. Mi la Yosua 8:1-29.
Azi ama alu alu ni Kanisa kristayo ni ma alea ri ngo i? (Yos. 7:13; Lev. 5:1; O’be. 28:13)
A’diko 48
1. ’Ba Gibeoni ni ’diyi ndu ’ba Kananini eyi ma aku ambo ma ageyia ’diyi be ngoni ru ya?
2. ’Bani ecele e’da ma alea ’bo rile, ’ba Gibeoni ni ’diyi a’du afa ’ye azini a’du eyo si ya?
3. Yosua pi ’ba dricere ru Israelini ’diyi pie so oyo ngoni le ri ’ba Gibeonia ’diyi vu, te o’du na vutia nga e’yo ngonile ri isu?
4. Opi aku ambo azi ’diyi ma alea ’diyi ka mu eri kini ’ba Gibeoni ni ’diyi eci ti asi anzu ’bazu ’ba Israelini be ngaki a’du afa ’ye ya?
Zita azi ’dayi pi ma dria ’diyi:
1. Mi la Yosua 9:1-27.
(a) Yehova ni nrda azile suru Israelini ma ja “’ba dria angu ’da ma alea ’diyi ma dri dria ra” rile, geri ngoni le ri si ’ba Gibeonini ’diyi opa eyi ra? (Yos. 9:22, 24; Mat. 9:13; ’Yeta 10:34, 35; 2 Pet. 3:9)
(b) Yosua ni oyo soza eyini ’bale ’ba Gibeonini ’diyi pie ri obizu risi, fe eceta kililiru Kristayo cura’do ’diyi ni ngoni ngoni ya? (Yos. 9:18, 19; Mat. 5:37; Efe. 4:25)
2. Mi la Yosua 10:1-5.
’Ba ongulunuru curu’do ’diyi obi ’ba Gibeonini ma pamvu geri ngoni le ri si,dika ’di fe ’ba mile eyi ma dria e’yo onzi ngo ’yezu ya? (Yos. 10:4; Zek. 8:23; Mat. 25:35-40; Ece. 12:17)
A’diko 49
1. E’da ’di ma alea, Yosua ni a’du e’yo nze, azini a’du e’yo si ya?
2. Yehova ko Yosua pi ma aza ’ba a’di ’dipi ’diyi pie ngoni ngoni?
3. Yosua nde opi ari’baru ’diyi si, azini ’du sawa ngopi?
4. Yosua nga angu Kanani ni awa a’du e’yo si ya?
5. Yosua ni drazu ria dere eri ma eli si, azini a’du afa nga i ’ye ’da ma vutia ’ba yi pie ni ya?
Zita azi ’dayi pi ma dria ’diyi:
1. Mi la Yosua 10:6-15.
Ama ni nizu Yehova fe etu pini paso mba be ci ’ba Israelini ’diyi niri, curu’do amani okpo ngole ri fe ya? (Yos. 10:8, 10, 12, 13; Zab. 18:3; O’be. 18:10)
2. Mi la Yosua 12:7-24.
A’di nde adanisi opi 31 Kanania ’diyi ni, azini ’diri ama dri orodriru curu’do a’du e’yo si ya? (Yos. 12:7; 24:11-13; Azi. 31:8; Luka 21:9, 25-28)
3. Mi la Yosua 14:1-5.
’Ba awa angu suru ti Israelini ’diyi dri ngoni ngoni, ’diri ece ama dri e’yo angu nyaza Paradisia ri ma dria ngoni ya? (Yos. 14:2; Isa. 65:21; Eze. 47:21-23; 1 Kor. 14:33)
4. Mi la ’Ba E’yo Lipi ’Diyi 2:8-13.
Ekile ndra Yosua ni ovule Israelini rile, andrusi a’dipiki imbata inzoru ri atri ni ya? (Lip. 2:8, 10, 11; Mat. 24:45-47; 2 Tes. 2:3-6; Tito 1:7-9; Ece. 1:1; 2:1, 2)
A’diko 50
1. ’Ba E’yo Lipi ’Diyi a’dipiki, azini ’diyi ma ru ki a’di pi ya?
2. Debora isu azi drileba ru ngo i, azini eri a’du ye zu?
3. Opi Yabini pini ori fezu Israeli dri asikari ma ambo Sisera be ria, o’duko Debora ji ’ba eyo lipi Baraka dri engazu Yehova vu ri ngoni, azini ’yo kini a’di ni nga ru kuza isu ani ni ya?
4. Yaeli ece i oku uri kokoni ngoni ru ya?
5. Opi Yabini drazu ’bo ri ma vutia, adu afa ’ye i ni ya?
Zita azi ’dayi pi ma dria ’diyi:
1. Mi la ’Ba E’yo Lipi ’Diyi 2:14-22.
’Ba israelini ’diyi eji a’oko Yehovani ri eyi ma dria ngoni ngoni, dika imbata amani oni ’dia ri ngoni ya? (Lip. 2:20; O’be. 3:1, 2; Eze. 18:21-23)
2. Mi la ’Ba E’yo Lipi ’Diyi 4:1-24.
Imbata oku Kristayo ru curo’do ’diyi ni oni a’ita azini asi mbaza madria engazu Debora pi vu Yaeli be ri ngoni? (Lip. 4:4, 8, 9, 14, 21, 22; O’be. 31:30; 1 Kor. 16:13)
3. Mi la ’Ba E’yo Lipi ’Diyi 5:1-31.
’Ba eco ongo Baraka pini Debora be a’di ndezuri oja Mungu zizaru a’di ngapi imupi Hari_Magedoni ni ri ma dria ngoni ngoni ya? (Lip. 5:3, 31; 1 Sur. 16:8-10; Ece. 7:9, 10; 16:16; 19:19-21)
A’diko 51
1. Naomi emu ndra angu Moabu ni ma alea ngoni ngoni ya?
2. Rutu pi Oripa be a’dipi ki ya?
3. Rutu pi Oripa be ngaki omvi eyi ngulupi si ngoni Naomi ni ’yozu ma mviki ’ba eyi vile ’diyi vu ria?
4. Boazi ni a’di i, azini nga Rutu pi ma aza ko Naomi be ngoni ngoni ya?
5. Mva Boazi pini isu Rutu be ri ma ru a’di i, azini le ama ma ega eyi ma e’yo a’du si ya?
Zita ’dayi pi ma dria ’diyi:
1. Mi la Rutu 1:1-17.
(a) Leta ada ada ri Rutu ece e’yo ’yoza ini ma alea ngoni ru ya? (Rutu 1:16, 17)
(b) Egata Rutu vile ri trotro egata “kabilo azi” curu’do ’diyi pini ega ’ba azi ’bani odu osuzu eyi ma dria ’bo ’diyi pi ma dria rile ngoni ngoni ya? (Yoh. 10:16; Zek. 8:23)
2. Mi la Rutu 2:1-23.
Eceta Rutu niri kilili ru ezoanzi curu’do ’diyi ni a’du ma e’yo si ya? (Rutu 2:17, 18; O’be. 23:22; 31:15)
3. Mi la Rutu 3:5-13.
(a) E’yo Rutu ni ovuzu ngonde Boazi ni ’duzu agupi ru karileo oderu ’diyi pi ma paria risi Boazi o’a ngoni ya?
(b) ’Yeta Rutu vile ri ece amani a’du ma e’yo leta adari ma dria ya? (Rutu 3:10; 1 Kor. 13:4, 5)
4. Mi la Rutu 4:7-17.
Agupi Kristayo ru curu’do ’diyi eco ovu Boazi le ngoni ngoni ya? (Rutu 4:9, 10; 1 Tim. 3:1, 12, 13; 5:8)
A’diko 52
Gideoni pi ’Ba Ivile 300 ’Diyi Pie
1. ’Ba Israelini ’diyi candi ambo ma alea ngoni ru azini a’du e’yo si ya?
2. Yehova nga ’yo Gideoni ni agupi a’di ’dipi ’diyi kakau ru a’du e’yo si ya?
3. Gideooni ni ’yozu ’ba uri ru ’diyi mvi akua vile ria, Agupi nga asi si ya?
4. E’da alea ’di le, mi ece geri Yehovani asikari Gideoni ni ’diyi ma kalafe omvizu kpere 300 toko ri.
5. Gideoni otu agupi i vile 300 ’diyi ngoni ngoni, azini ’ba Israelini nga a’di nde ngoni ru ya?
Zita azi ’dayi pi ma dria ’diyi:
1. Mi la ’Ba E’yo Lipi ’Diyi 6:36-40.
(a) Gideoni nga e’yo Yehova ni lele ri ’ye ngoni ngoni ya?
(b) Ama eco andrusi e’yo Yehova ni lele ’diyi isu ngoa ya? (O’be. 2:3-6; Mat. 7:7-11; 2 Tim. 3:16, 17)
2. Mi la ’Ba E’yo Lipi ’Diyi 7:1-25.
(a) Ama eco e’yo oni esele coza ’ba asipi 300 mile be ’diyi pini ’ba azi lokiri koko ’diyi pie ri ngoni ya? (Lip. 7:3, 6; Rum. 13:11, 12; Efe. 5:15-17)
(b) Ekile ’ba 300 ’diyi ni e’yo onizu eyini Gideoni ni ndrele ri si rile, ama nga e’yo oni Gideoni Amboru Yesu Kristo ma ndreza si, ngoni ngoni ya? (Lip. 7:17; Mat. 11:29, 30; 28:19, 20; 1 Pet. 2:21)
(c) E’yo sile ’Ba E’yo Lipi ’Diyi 7:21 ma alea ri eco ama aza ko azi ngazu Yehova dri angu ciria otuta erini ma alea ngoni ngoni ya? (1 Kor. 4:2; 12:14-18; Yak. 4:10)
3. Mi la ’Ba E’yo Lipi ’Diyi 8:1-3.
Ka eca e’yo ndu ndu ama eselea ’diyi otuzu ama adripi be kaniku ama amvipi be ria, eyo amani eco oni geri Gideoni ni e’yo otuzu ’ba Efiraimuni pi ma eselea ri ngoni ya? (O’be. 15:1; Mat. 5:23, 24; Luka 9:48)
A’diko 53
1. Yefitani adi i, azini o’a ewu ngo ma alea ya?
2. Yefita so oyo Yehova dri ngoni ya?
3. Yefita o’a candisi erini dri edaria a’di ’diza ’ba Amoni ni beri ndezu ’bori ma vutia a’du ma e’yo si ya?
4. Yefita ma izi ’yo ngoni eri ni e’yo onizu oyo soza i atini ri ma dria ’bo ria?
5. ’Ba leki Yefita ma izi ni saaru a’du e’yo si ya?
Zita azi ’dayi pi ma dria ’diyi:
1. Mi la ’Ba E’yo Lipi ’Diyi 10:6-18.
Bilenduliza ama ni isu acita anzi Israelini ’diyi ni acizu Yehova be a’ita kokoru ri ma dria ri ngoni ya? (Lip. 10:6, 15, 16; Rum. 15:4; Ece. 2:10)
2. Mi la ’Ba E’yo Lipi ’Diyi 11:1-11, 29-40.
(a) Ama ni Yefita ni ima izi ni fezu “edeta vezari ru” ri eceni kini eve eri acisi fetaru ’dini ku ngoni ngoni ya? (Lip. 11:31; Lev. 16:24; Azi. 18:10, 12)
(b) Geri Yefita ni ima izi ni owizu edeta ru ri ngoni ya?
(c) Imbata ama ni eco oni egata Yefita ni oyo soza i ni Yehova vu ri ma dria ri ngoni ya? (Lip. 11:35, 39; Ekl. 5:4, 5; Mat. 16:24)
(d) Eceta Yefita izi ni ri kilili ru Kristayo oderu lepi fipi azi e’yo oluza sawa dria si ri ma alea ’diyi ni ngoni ngoni ya? (Lip. 11:36; Mat. 6:33; Fil. 3:8)
A’diko 54
1. Agupi Okpo be turi ma ru a’di i, azini a’di fe eri ni okpo nde ni ya?
2. O’du alu, Samisoni nga a’du afa ’ye kami amboru vu, ekile mini ndre le e’da ’di ma alea ri le?
3. E’yo zizaru Samisoni ni nze Delila ni e’da ’di ma alea ngoni, ani ’di fe ’ba Filisitia ni bi ei ngoni ru ya?
4. O’du Samisoni drazu ’dasi, fe ari’ba Filisitia ni 3,000 ’diyi ni odrazu indi ngoni ngoni ya?
Zita azi ’dayi pi ma dria ’diyi:
1. Mi la ’Ba E’yo Lipi ’Diyi 13:1-14.
Manoa pi ima okuni be fe ki eceta kililiru tipika ni anzi ezoza ma dria ngoni ngoni ya? (Lip. 13:8; Zab. 127:3; Efe. 6:4)
2. Mi la ’Ba E’yo Lipi ’Diyi 14:5-9 azini 15:9-16.
(a) E’yo siza amani la kini Samisoni ’di kami, ace baka o’diru ’bani eri ombezu ri, azini o’di ’ba 1,000 akanya ma siso si ’diyi ece geri Yehovani orindi alatararuri ayuzuri ngoni ru ya?
(b) Orindi alatararu ri curu’do ama aza ko ngoni ngoni? (Lip. 14:6; 15:14; Zek. 4:6; ’Yeta 4:31)
3. Mi la ’Ba E’yo Lipi ’Diyi 16:18-31.
Samisoni ni i ecizu ’ba onzi beri fe erini ecazu ’ba ngonile ri ru, azini ama eco e’yo ngoleni onizu? (Lip. 16:18, 19; 1 Kor. 15:33)
A’diko 55
Agupiamva Werea Ru Ri Nga Azi Mungu Dri
1. Agupiamva werea e’da ma alea ’di ma ru a’di i, azini ’ba azi ’dayi a’di pi ki?
2. O’du alu Yehova vile hema ti ecitaniria Hana nga Mungu zi ngoni, dika Yehova omvi eri ngoni ya?
3. ’Bani Samueli ni jizu azi ngazu Yehova vile hema alea risi dere eri ma eli si, eri ma andri nga eri ni a’du afa ’ye eli alu alu si?
4. Eli vile agupianzi ri ma ru a’dipi ki, azini eyi ’ba ngole ni ki?
5. Yehova omve Samuelini geri ngoni le ri si, azini o’duko erini fe ri ngoni?
6. Samueli nga eca a’duru eri ni zozu ’boria, azini a’du afa ’ye i ni zozu ’boria?
Zita azi ’dayi pi ma dria ’diyi:
1. Mi la 1 Samueli 1:1-28.
(a) Eceta kililiru ’ba aku ma dri cepi ’diyi pini esu driceza kililiru Elikana ni ce inzita adari ma alea ri ma dria ri ngoni ya? (1 Sam. 1:3, 21; Mat. 6:33; Fil. 1:10)
(b) Ama eco e’yo ngole ni oni geri Hana ni e’yo ima dri ezapi teketeke ’diri otuzu ri ma alea si ya? (1 Sam. 1:10, 11; Zab. 55:22; Rum. 12:12)
2. Mi la 1 Samueli 2:11-36.
Eli ru anzi ivile ’diyi aga Yehovani ra ngoni ngoni, azini ’diri bilenduliza ru amani ngoni ru ya? (1 Sam. 2:22-24, 27, 29; Azi. 21:18-21; Mat. 10:36, 37)
3. Mi la 1 Samueli 4:16-18.
E’yo su ewaru engapi angu a’di ’dizu ria ovupi ngoki, azini fe Eli ni o’azu ngoni ya?
4. Mi la 1 Samueli 8:4-9.
Ba Israelini ’diyi fe Yehovani a’oko ngoni ngoni, dika ama eco Suru Munguni ri ati curu’do ngoni ngoni ya? (1 Sam. 8:5, 7; Yoh. 17:16; Yak. 4:4)
A’diko 56
1. E’da ’di ma alea, Samuelini a’du afa ’ye, azini a’du e’yo si ya?
2. Yehova le Saulo ni a’du e’yo si, azini eri ’ba ngole ni ya?
3. Saulo mvi ma ru a’di i, azini eri ma mvi ni a’du afa ’ye?
4. Saulo fe edeta vezaruri Samueli ma rukusa kokoru a’du e’yo si ya?
5. E’yo ama ni oni ’yeta Saulo ni ma dria ri ngoni ya?
Zita azi ’dayi pi ma dria ’diyi:
1. Mi la 1 Samueli 9:15-21 azini 10:17-27.
Saulo ma o’ata e’yere ri ko eri ma aza e’yo onzi ’yezu rua yaza si ’ba e’yo nzepi inzita kokoru ’diyi ma rua ngoni ngoni ya? (1 Sam. 9:21; 10:21, 22, 27; O’be. 17:27)
2. Mi la 1 Samueli 13:5-14.
Ezata Saulo ni eza Giligalia ri ngoni? (1 Sam. 10:8; 13:8, 9, 13)
3. Mi la 1 Samueli 15:1-35.
(a) Ezata amboru Saulo ni eza Agagi vu si Opi Amaleki ni ma rua ri ngoni ya? (1 Sam. 15:2, 3, 8, 9, 22)
(b) Saulo o’bi ezata ini ’diyi otru azini o’ba ’ba azi ma dria ngoni ngoni ya? (1 Sam. 15:24)
(c) E’yo le ama ma ’ye ’yeta si ’ba ka ama ni imbata fe ria ri ngo i ya? (1 Sam. 15:19-21; Zab. 141:5; O’be. 9:8, 9; 11:2)
A’diko 57
1. Agupiamva e’da ma alea ’di ma ru a’di i, azini ama ni ngoni ngoni ovu uri koko ru?
2. Daudi ni o’a ngoa, azini eri ma ati pima ru a’bi be a’di i?
3. Yehova ’yo Samuelini ma mu Yese vile akua Betelehemua a’du e’yo si ya?
4. Yese ni ivile aziri ’diyi ki ijizu ria, a’du ma e’yo ye i ni ya?
5. ’Bani Daudi ni ijizu joa ri si, Yehova nga ’yo Samuelini ngoni ya?
Zita azi ’dayi pi ma dria ’diyi:
1. Mi la 1 Samueli 17:34, 35.
E’yo eyi ’yepi ’diyi ece Daudi ni uri kokoru azini ’ba asi ini Yehova ma dria ri ngoni ngoni ya? (1 Sam. 17:37)
2. Mi la 1 Samueli 16:1-14.
(a) E’yo siza Yehovani ’bani isu 1 Samueli 16:7 a ri ko ama aza ovuzu opendu kokoru azini ’ba opezu e’data eyini si ku ngoni ngoni ya? (‘Yeta 10:34, 35; 1 Tim. 2:4)
(b) Eceta saulo vile ri e’da ama ni Yehova ka ima orindi alatataru ri nze ’ba ma rua ri si ’bo, pari nia orindi onzi ni efi ni, kaniku egata onzi ’yezu ri efi ni ngoni ngoni ya? (1 Sam. 16:14; Mat. 12:43-45; Gal. 5:16)
A’diko 58
1. Goliato inza asikari Israelini ’diyi ngoni ngoni?
2. Goliato ma ogmbo ngopi, dika Opi Saulo so oyo a’du fezu agu Goliato ni ’dipi ri ni?
3. Daudi nga ’yo ngoni Saulo ni ’yozu eri ni econi a’di ’dizu Goliato be ku a’disiku Daudi ni agupiamva ni risi?
4. Geri Daudi ni Goliatoni omvizuri si, ece ima a’ita Yehova ma dria ri ngoni ya?
5. Mini ndre e’da ma alea ’bo ri le, Daudi ayu a’duni Goliato ni ’dizu, azini a’du afa ’ye i ’ba Filisitiaa ’diyi ’be ’da ma vutia ni ya?
Zita azi ’dayi pi ma dria ’diyi:
1. Mi la 1 Samueli 17:1-54.
(a) Asisile Daudi ni ovuzu uri koko ri ngoni, ama eco eri ma pamvu ovuzu uri koko ri obi ngoni ngoni ya? (1 Sam. 17:37, 45; Efe. 6:10, 11)
(b) Le ’Ba Kristayo ru ’diyi ma ku obi ’bani ’ba ipizu afusi ekile Goliato le ri ja eyini avita aviria kaniku eyini ayiko zuria a’du ma e’yo si ya? (1 Sam. 17:8; Gal. 5:26; 1 Tim. 4:8)
(c) Geri ngoni le ri si e’yo Daudi ni ’yole ri ece eri ma a’ita Mungu ma azakoza dria ri ci? (1 Sam. 17:45-47; 2 Sur. 20:15)
(d) Bani a’di ’diza ’diri ecezu kini eri suru iri eyi ngupi onzi ’diyi pi ma eselea paria, e’yo ama ni oni ’dia ri ece ama ni adanisi a’di ’diza ’diri mungu inzoru ri pima eselea Mungu adaru, Yehova be ngoni ngoni ya? (1 Sam. 17:43, 46, 47)
(e) ’Ba ’bani odu osuzu eyi ma dria ’bo ’diyi ma joloko acepi nyakua ’diyi ecoki eceta Daudi ni asi ’bazu Yehova ma dria ri obi ngoni ngoni ya? (1 Sam. 17:37; Yer. 1:17-19; Ece. 12:17)
A’diko 59
Le Daudi Ma Apa A’du E’yo Si’ari
1. Saulo o’a ma’yalasi Daudi vu a’du si, te Saulo mvi Yonatani ni ndu ngoni ru ya?
2. O’du alu a’du afa ’ye i ni Daudi ni a’dungu coria Saulo ni?
3. Saulo ’yo Daudi ni ngoni de nga ’duni Saulo izi Mikali ni ima okuru ku, azini Saulo ’yo ’dinile a’du e’yo si ya?
4. Mini ndre le e’da ma alea ri le, a’du afe ’ye i ni Daudi ni a’dungu coria Sauloni?
5. Mikali mba Daudi ma idri ma ta ngoni ru, azini Daudi nga a’du afa ’ye eli aziri?
Zita azi ’Dayi pi ma Dria ’Diyi:
1. Mi la 1 Samueli 18:1-30.
(a) Leta Yonatani ni Daudi ni lezu saaru ri ece geri ‘kabilo o’biru’ ’diyi ni eyi lezu ‘kabilo were’ ri be ri ngoni ngoni ya? (1 Sam. 18:1; Yoh. 10:16; Luka 12:32; Zek. 8:23)
(b) Adanisi Yonatani ni tro ta ecazu opiru ni Saulo ma paria ra ti, e’yo sile 1 Samueli 18:4 a ri ece dri gbaza Yonatani ni opi ’bani pe ri ma palea ri ngoni ru ya?
(c) Yeta Saulo ni ’ye ’di ece ma’yala eco ’ba dri ce e’yo onzi angiri ’yezu ngoni ngoni, azini ’diri ama dri imbata ngoni le ri fe ya? (1 Sam. 18:7-9, 25; Yak. 3:14-16)
2. Mi la 1 Samueli 19:1-17.
Ka te e’yo ’bani sile 1 Samueli 19:4, 5 a ri si, Yonatani owi idri ini ngoni ngoni ya? (1 Sam. 19:1, 6)
A’diko 60
1. Oku imu pi dri fupi Daudi be e’da ma alea ri ma ru a’di i, azini eri’ba ngoni le ni ya?
2. Nabali ni a’di i ya?
3. Daudi pe ’ba ivile ’diyi ma azi Nabali ni zizu eyi ma azakozu a’du afa si ya?
4. Nabali nga ’yo ’ba Daudi ni ti peri ni ngoni, ani fe Daudi omvi e’yo ngoni ya?
5. Abigaili nga ece i oku ondua ru geri ngoni lerisi ya?
Zita azi ’dayi pi ma dria ’diyi:
1. Mi la 1 Samueli 22:1-4.
Eceta kililiru ’ba Daudi vile akua ’diyi ni fe Kristayo ni eyi ma aza kozu adripi ru eyi ma eselea ceni ceni ri ngoni ya? (O’be. 17:17; 1 Tes. 5:14)
2. Mi la 1 Samueli 25:1-43.
(a) Ba ’yo Nabali ni ’ba azi inzimatara ru ni a’du e’yo si ya? (1 Sam. 25:2-5, 10, 14, 21, 25)
(b) Oku Kristayoru curu’do ’diyi eco a’du e’yo oni eceta Abigaili ni ’disi? (1 Sam. 25:32, 33; O’be. 31:26; Efe. 5:24)
(c) Afa onzi iri Abigaili ni Daudi ni ogazu ’yeko si ri a’du ki ya? (1 Sam. 25:31, 33; Rum. 12:19; Efe. 4:26)
(d) Geri Daudi ni Abigaili ni omvizuri ko agupi ma aza eyini oku yi ndrezu Yehovani eyi ndrezu ri le ngoni ngoni ya? (’Yeta 21:8, 9; Rum. 2:11; 1 Pet. 3:7)
A’diko 61
1. Daudi pi ’ye Abisai be a’duni Saulo ni o’du kozu ima hema alea ria?
2. Daudi zi Saulo ni zita ngo si ya?
3. Daudi ni Saulo ni kuzu ’bo ria nga mu ngoa ya?
4. A’du afa fe Daudi ni ovuzu candisi tu ni, erini ani ongo ndrizaru tu ni sizu?
5. Daudi ni ovuzu opiru Hebronia ri si deresi eli ni si, azini eri ma anzipika azi ’diyi ma ru ki a’di ki?
6. Damavutia Daudi nga ovu opiru ngoa ya?
Zita azi ’dayi pi ma dria ’diyi:
1. Mi la 1 Samueli 26:1-25.
(a) E’yo Daudini ’yole ’bani sile 1 Samueli 26:11 ma alea ri ece egata erini ri ndra driceza Munguni ri ma dria ngoni ya? (Zab. 37:7; Rum. 13:2)
(b) Akaki okpo ’ba leta e’dazu asi ndriza si ’ba eyi vu ka ki ama omvi asi ndriza kokoru, e’yo Daudini sile Samueli 26:23 a ri eco ama aza ko e’yo kililiruri ’yezu ngoni ngoni ya? (1 Opi 8:32; Zab. 18:20)
2. Mi la 2 Samueli 1:26.
’Ba kristayo ru curu’do ’diyi ecoki “leta angiri yini yi lezu eyima eselea” ekile Daudi pini ndra o’azu Yonatani beri le ri ece ngoni ngoni ya? (1 Pet. 4:8; Col. 3:14; 1 Yoh. 4:12)
3. Mi la 2 Samueli 5:1-10.
(a) Daudi nga opi nya eli si azini ewu ’diri awa i ngoni ru ya? (2 Sam. 5:4, 5)
(b) A’du afa fe Daudi ni ecazu amboru ni, ’diri curu’do ama ni imbata ru ngoni ngoni ya? (2 Sam. 5:10; 1 Sam. 16:13; 1 Kor. 1:31; Fil. 4:13)
A’diko 62
1. Aza koza Yehovani si, a’du ma e’yo ’ye i angu Kanani nia ni ya?
2. Ondre azi alu nisi Daudi ni ovuzu jo sia ’bua ria, a’du ma e’yo ’ye i ni ya?
3. A’oko nya Yehova ni Daudi ni a’du e’yo si ya?
4. E’da ma alea ’dia, Yehova pe a’di ma ti muzu ezata Daudi ni ’diyi ki e’dazu, azini agu ’da ’yo a’du ma e’yo ni nga i ’ye Daudi be ni ya?
5. E’yo ewaru Daudi ni dri fuzu eri be ri ngoni?
6. Daudi ma vutia, a’di eca opi ru ni ya?
Zita azi ’Dayi pi ma Dria ’Diyi:
1. Mi la 2 Samueli 11:1-27.
(a) Azi Yehovani ngazu o’du driasi ri ama ageyi te ngoni ngoni ya?
(b) A’du ce Daudi ma dri ezata ma alea ni, dika imbata ati’ba Yehovani ’diyi ni oni ’dia andrusi ri ngoni? (2 Sam. 11:2; Mat. 5:27-29; 1 Kor. 10:12; Yak. 1:14, 15)
2. Mi la 2 Samueli 12:1-18.
(a) Imbata mbaza kanisaa ’diyi ni oni tipika be geri Natani ni muzu Daudi vu ri ma alea ri ngoni ya? (2 Sam. 12:1-4; O’be. 12:18; Mat. 13:34)
(b) Yehova e’da asianzu Daudi ni a’du e’yo si ya? (2 Sam. 12:13; Zab. 32:5; 2 Kor. 7:9, 10)
A’diko 63
1. Sulemani zi Yehova vu a’du afa ni, dika nga omvi ngoni?
2. Yehova ni o’azu zita Sulemani nisi ayikosi ri ma e’yo si, so oyo erini a’du fezu ya?
3. E’yo ewaru oku iri ni iji Sulemani ma drilea ri ngoni ya?
4. Ekile mini ne e’da ma alea ’da le, Sulemani li e’yo ’da ngoni ngoni?
5. Driceza Sulemani vileri ngole ya, azini a’du ma e’yo si?
Zita azi ’dayi pi ma dria ’diyi:
1. Mi la 1 Opi 3:3-28.
(a) Afa azi andrusi agupi ’bani azi fezu eyi dri otuta Munguni ma alea ’diyi ni eco oni zita asi adasi Sulemani ni ’bani isu 1 Opi 3:7 ma alea ri ngoni ya? (Zab. 119:105; O’be. 3:5, 6)
(b) Zita Sulemani ni ri fe amani eceta afa onyiru ’diyi zizu ri ma dria ngoni ya? (1 Opi 3:9, 11; O’be. 30:8, 9; 1 Yoh. 5:14)
(c) E’yo liza ewaru oku iri ’da pini iji Sulemani dri dika eri ni li geri kilili ru si ’da fe ama ni asi omiza opi nyaza Sulemani Amboru, Yesu Kristo ni nga nya ri ma dria ngoni ya? (1 Opi 3:28; Isa. 9:6, 7; 11:2-4)
2. Mi la 1 Opi 4:29-34.
(a) Yehova omvi Sulemani ma zita ruta niri ngoni ru ya? (1 Opi 4:29)
(b) Okpo ndra ’ba eyini ’ba ondua Sulemani ma e’yo onizu ri ma dria, le ama ma neki e’yo onizu o’duko Munguni ma alea ri ngoni ya? (1 Opi 4:29, 34; Yoh. 17:3; 2 Tim. 3:16)
A’diko 64
1. Sulemani ’du sawa ngopi hekalu Yehovani ri sizu, dika nya aje tu a’du e’yo si ya?
2. Hekalu ma ale ambo ambo ’diyi si, azini ’ba ’ba ’daa a’du afa ni ya?
3. ’Bani hekalu sizu de ’bo ria, Sulemani nga a’du zi Mungu ziza ini ma alea ya?
4. Yehova e’da i o’a ayikosi zita Sulemani ni si ngoni ngoni ya?
5. Oku Sulemani vile ’diyi feki erini a’du ’yezu ya, ani fe a’du ma e’yo ’ye i eri be ni?
6. A’oko nya Yehova ni Sulemani ni a’du ma e’yo si, ani Yehova ’yo erini ngoni?
Zita azi ’dayi pi ma dria ’diyi:
1. Mi la 1 Suru ma E’yo 28:9, 10.
O’duko Daudi ni amani isu 1 Suru ma E’yo 28:9, 10 ma alea risi, le o’du driasi idri amani ma alea ama ma ’ye a’du afa ni ya? (Zab. 19:14; Fil. 4:8, 9)
2. Mi la 2 Suru ma E’yo 6:12-21, 32-42.
(a) Sulemani e’da jo ’ba ada ni si ri ma alea Mungu Okpo e’i eco o’a ku ngoni ngoni? (2 Sur. 6:18; ’Yeta 17:24, 25)
(b) E’yo Sulemani ni nze 2 Suru ma E’yo 6:32, 33 ’daa ri e’da a’du ma e’yo Yehova ma dria ya? (’Yeta 10:34, 35; Gal. 2:6)
3. Mi la 2 Suru ma E’yo 7:1-5.
Ndra anzi Israelini ’diyi ni ru kuza Yehovani ngozu eyini diza erini nezu ’bo ri ma vutia rile, aka ki tusu coza Yehovani ’ba erini ’diyi ma dria ri ki ne, le ma fe ama ma ’ye a’du afa ni ya? (2 Sur. 7:3; Zab. 22:22; 34:1; 96:2)
4. Mi la 1 Opi 11:9-13.
E’yo eyi ’yepi idri Sulemani ni ma alea ’diyi e’daki orodri amani o’ozu aitasi kperi asiza ma tia ri ki ngoni ngoni ya? (1 Opi. 11:4, 9; Mat. 10:22; Ece. 2:10)
A’diko 65
1. ’Ba e’da ma alea iri ’diyi pi ma ru a’dipi ki dika azi eyi alu alu ni ri ngoni ya?
2. Ahiya ’ye a’du ama e’yo bongo erini su ima rua ri be, dika ’yeta ’da ma ifi ngoni ya?
3. E’yo Sulemani ni le ’ye Yerebuamu ma rua ri ngoni ya?
4. ’Ba eyi ’ba ki Yerebuamu ni opi ru enyati mudri ’diyi ma alea a’du si ya?
5. Asisile Yerebuamu ni kajo mele ru iri ’diyi edezu ri ngoni, dika mbeleru a’du ma e’yo ’ye i angu ’da ma alea ni ya?
6. A’du ma e’yo ’ye i enyati iri ’diyi be azini hekalu Yehovani Yerusalemua ri be ni ya?
Zita azi ’dayi pi ma dria ’diyi:
1. Mi la 1 Opi 11:26-43.
Yerebouamu ni ndra ’ba ngole ni, azini Yehova so oyo erini a’du afa ’yezu ka azita Munguni ma vuti obi ra ria? (1 Opi 11:28, 38)
2. Mi la 1 Opi 12:1-33.
(a) Eceta Rehobuamu ni onzi ’da ma alea, imbata tipika ni oni ’ba mbaza kanisa ocepi ’diyi pie driceza ma dria ri ngoni ya? (1 Opi 12:13; Ekl. 7:7; 1 Pet. 5:2, 3)
(b) Peta kilili ru pezu, le anzi oderu ma isuki azakoma a’di vu ya? (1 Opi 12:6, 7; O’be. 1:8, 9; 2 Tim. 3:16, 17; Ebr. 13:7)
(c) A’du ma e’yo fe Yerobuamu ni kajo edezu pari iri ma alea inziza ru ni, azini ’di e’da aita ako Yehova ma dria ri ngoni ru? (1 Opi 11:37; 12:26-28)
(d) A’di fe enyati mudri ’diyi ni ecazu ogburundua ru inzita adari ma aleasi ni ya? (1 Opi 12:32, 33)
A’diko 66
1. Yezebeli ni a’di i ya?
2. O’du alu Opi Ahabu o’a candi si a’du ma e’yo si ya?
3. Naboti vile amvu zabibu niri fezu agupi erini Ahabu ni, Yezebeli ’ye a’du ma e’yo ya?
4. Agu Yehova ni ti pe muzu panga fezu Yezebeli ni ri a’di i ya?
5. Ekile mi ni ne e’da ma alea ’dile, Yehu ni cazu Yezebeli vile akua ’bo ria a’du ma e’yo ’ye i ni ya?
Zita azi ’dayi pi ma dria ’diyi:
1. Mi la 1 Opi 16:29-33 azini 18:3, 4.
Ahabu ni ovuzu Opi ru Israelia ria, e’yo ma onzikanya ki ndra ngole ya? (1 Opi 14:9)
2. Mi la 1 Opi 21:1-16.
(a) Naboti e’da asi okpo azini dri gbaza Yehova vu ri ngoni ngoni ya? (1 Opi 21:1-3; Lev. 25:23-28)
(b) Eceta Ahabuni ri ni e’da rile, e’yo amani oni candi ti taza ma dria ri ngoni ya? (1 Opi 21:4; Rum. 5:3-5)
3. Mi la 2 Opi 9:30-37.
E’yo amani oni ava Yehu ni e’yo Yehovani lele ’yezu ri ma dria ri ngoni ya? (2 Opi 9:4-10; 2 Kor. 9:1, 2; 2 Tim. 4:2)
A’diko 67
Yehosafati ’Ba Asi Ini Yehova Ma Dria
1. Yehoshafati ni a’di i dika o’a ewu ngosi ya?
2. Anzi Israelini o’aki urisi a’du ma e’yo si dika eyi ma azi kakau ’yeki a’du afa ni ya?
3. Yehova omvi zita Yehoshafatini ri ngoni ru ya?
4. De nga a’di ’diza e’do i ku, Yehova fe a’du ma e’yo ye i ni ya?
5. E’yo amani oni Yehosafati vu ri ngoni ya?
Zita azi ’dayi pi ma dria ’diyi:
1. Mi la 2 Sura ma E’yo 20:1-30.
(a) Yehoshafati e’da le ati’ba Munguni ’diyi ma ’yeki a’du afa ni sawa eyini dri fuzu e’yo ewaru be ria ri ngoni ngoni ya? (2 Sur. 20:12; Zab. 25:15; 62:1)
(b) Ekile ndra Yehova ni geri ndundu ayuzu e’yo nzezu ’ba ada be rile, andrusi eri geri ngori ayu ya? (2 Sur. 20:14, 15; Mat. 24:45-47; Yoh. 15:15)
(c) Mungu ka nga “adi amboru o’du Yehova Okpo E’i niri” eji, e’yo amani ovuzu ale nia ri nga si ekile Yehosafati ni rile ngoni ngoni ya? (2 Sur. 20:15, 17; 32:8; Ece. 16:14, 16)
(d) ’Ba payonia ru ’diyi ki ’ba misonari ru ’diyi pie ecoki eceta ’ba Levini ’diyi dri ri ma vuti obi ngoni ru azi ambo e’yo oluza ni wundrikuru si ’di ma alea? (2 Sur. 20:19, 21; Rum. 10:13-15; 2 Tim. 4:2)
A’diko 68
Agupianzi Iri O’api Dika ’Diyi
1. ’Ba na e’da ma alea ’diyi a’di pi ki, azini a’du ma e’yo ’ye i mva werea ’da be ni ya?
2. Eliya nga Mungu zi mva werea ’dasi ngoni, vutinia a’du ma e’yo ’ye i ni ya?
3. Agu Eliya ma aza kopi ri ma ru a’di i ya?
4. ’Ba omve Elisa ni oku Sunemua ri vile akua a’du e’yo si ya?
5. Elisa nga a’du afa ’ye, azini a’du afa nga i ye mva drapi ’bo ’da be ni ya?
6. Geri Eliya pi vu Elisa be risi, Yehova e’da okpo ngole ri ya?
Zita azi ’dayi pi ma dria ’diyi:
1. Mi la 1 Opi 17:8-24.
(a) Dri gbaza Elliya niri pi a’ita erini ri be ’ba o’bi ngoni ngoni ya? (1 Opi 17:9; 19:1-4, 10)
(b) A’ita awizi Zerepatia rini ri kilili ru a’du e’yo si ya? (1 Opi 17:12-16; Luka 4:25, 26)
(c) E’yo awizi Zarepatia ’da ni dri fuzu eribe ri e’da e’yo Yesu ni nze Matayo 10:41, 42 ri ada ru ngoni ngoni ya? (1 Opi 17:10-12, 17, 23, 24)
2. Mi la 2 Opi 4:8-37.
(a) Imbata ama ni oni omu a’iza wa’diru ri ma dria oku Sunemua ri vu ri ngoni ya? (2 Opi 4:8; Luka 6:38; Rum. 12:13; 1 Yoh. 3:17)
(b) Andrusi ama eco asianzu e’da ati’bo Munguni ’diyi ni ngoni ngoni ya? (’Yeta 20:35; 28:1, 2; Gal. 6:9, 10; Ebr. 6:10)
A’diko 69
Zamva Azi Ko Agu Amboru Ni Ma Aza
1. E’da ma alea ’dia zamva werea ’diri oku ’da ni a’du ma e’yo olu ya?
2. Oku e’da ma alea ’di a’di i, azini zamva werea ’da i eri vile akua a’du afa ’ye ya?
3. Elisa ’yo ati’bo i ni ri ma lu Namani ma ’ye a’du afa ni, dika a’oko nya Namani ni a’du e’yo si ya?
4. Namani ni e’yo erizu ati’bo i ni ri ma tia ria, a’du ma e’yo ’ye i ni ya?
5. Elisa ga feta Namani ni ’diyi si a’du ma e’yo si’ te Gehazi nga a’du ma e’yo ’ye?
6. A’du ma e’yo ’ye i Gehazi be ni, dika e’yo amani oni ’dia ri ngoni ya?
Zita azi ’dayi pi ma dria ’diyi:
1. Mi la 2 Opi 5:1-27.
(a) Eceta zamva Israelio ru werea ’da ni ri eco okpo fe anzi ode ru andrusi ’diyi ni ngoni ngoni ya? (2 Opi 5:3; Zab. 8:2; 148:12, 13)
(b) ’Ba ka amani imbata fe e’yo Orindi ni si eri orodri ru amani eceta Namani niri ma e’yo egazu a’du ma e’yo si ya? (2 Opi 5:15; Ebr. 12:5, 6; Yak. 4:6)
(c) Imbata ama ni eco oni esele coza eceta Elisa pini Gehazi be ri ma dria ri ngoni ya? (2 Opi 5:9, 10, 14-16, 20; Mat. 10:8; ’Yeta 5:1-5; 2 Kor. 2:17)
A’diko 70
1. Yona ni a’di i, azini Yehova lu erini ma ’ye a’du afa ni ya?
2. Yona ni le muzu pari Yehova ni le ma mu ria ku risi, nga di a’du afa ye ya?
3. Yona lu ’ba o’bo pepi ’diyi ni ma ’yeki a’du afa ni oli ni ecozu pa sozu?
4. Ekile mini ne e’da ma alea ’dia ri le, a’du e’yo ’ye i Yona be ni erini ’dezu yi tia ’bo ria?
5. Yona o’a e’bi ma alea ’dale o’du si, te ri ’dale a’du afa ’ye?
6. Yona ni efuzu e’bi amboru ’da ma alea risi ’bo ria, mu ngoa, dika ’di imba ama ngoni ya?
Zita azi ’dayi pi ma dria ’diyi:
1. Mi la Yona 1:1-17.
’Yeta erini ri ni e’da rile, Yona ma egata ndra azi ’bani fe eri dri muzu e’yo oluzu ’ba Ninevia ’diyi ni ri ma dria ri ngoni? (Yona 1:2, 3; O’be. 3:7; Ekl. 8:12)
2. Mi la Yona 2:1, 2, 10.
E’yo Yona ni dri fuzu eri be ri fe ama ni asi omiza ada ada Yehova ni nga ama zita omvi ra ri ma dria ri ngoni ngoni? (Zab. 22:24; 34:6; 1 Yoh. 5:14)
3. Mi la Yona 3:1-10.
(a) Asi omiza ama ni esu e’yo Yehova ni Yona ni ayuzu siri tro ndra eri ni gazu muko okori si raka ri ma dria ri ngoni? (Zab. 103:14; 1 Pet. 5:10)
(b) Efi ’yaza ecapi e’yo oluza Yona ni olu ’ba Ninevea ’diyi ni ri si ri imba ama e’yo liza ’ba ma dria oko ri si ngoni? (Yona 3:6-9; Ekl. 11:6; ’Yeta 13:48)
A’diko 71
1. Isaya ni a’di i, o’a ewu ngosi, dika Yehova e’da erini a’du afa ni ya?
2. “Paradisi” ma efi ngoni, dika eri mi ega a’du ma dria?
3. Yehova ’yo ndra Isaya ma si a’du ma e’yo Paradisi o’diru ri ma dria?
4. Adamu pi Eva be aviki ndra eyi ma aku alatara ru ’dari a’du e’yo si ya?
5. Yehova so a’du ma oyo ’ba i lepi ra ’diyi pi ni?
Zita azi ’dayi pi ma dria ’diyi:
1. Mi la Isaya 11:6-9.
(a) O’duko Munguni ri e’da asianzu ngapi ecapi anyapa pi ma eselea ’ba ada be ri ngoni ru? (Zab. 148:10, 13; Isa. 65:25; Eze. 34:25)
(b) E’yo ndra Isaya ni ondri ’diyi di eyi ’ye ’ba Yehovani ’diyi be andrusi geri orindi vuri si ngoni ngoni? (Rum. 12:2; Efe. 4:23, 24)
(c) Le egata ’bani eyi ma adriza ojazu sawa ’disi dika ewu drusi ri ma alea ’diyi ma fe ru kuza a’di ni ya? (Isa. 48:17, 18; Gal. 5:22, 23; Fil. 4:7)
2. Mi la E’yo Eceza 21:3, 4.
(a) E’yo Siza e’da ama ni o’ata Mungu ni o’azu ’ba ada be sawa ’disi ri eceta ru, te adri ni e’da i amani ra ’dini ku, adu eyo si ya? (Lev. 26:11, 12; 2 Sur. 6:18; Isa. 66:1; Ece. 21:2, 3, 22-24)
(b) Mindre azini rua suza ngapi eyi depi ’diyi ki ngoki? (Luka 8:49-52; Rum. 8:21, 22; Ece. 21:4)
A’diko 72
1. Agu e’da ’di ma alea ri a’di i, azini eri e’yo ewa ru ma alea a’du eyo si ya?
2. Waraga Hezekia ni ’ba Mungu ma drilea ’di ki ngoki, dika Hezekia zi Mungu ngoni?
3. Hezekia ni opi ngoleri, azini o’duko Yehova ni fe erini nabi Isaya vusi ri ngoni?
4. Ekile amani ne e’da ma alea ’di le, malaika Yehova ni ’ye a’du ma e’yo ’ba Suria ’diyi vu ya?
5. Enyati iri suru ’da ma alea ’diyi ni tro asianzu isuzu sawa were si ra ti, a’du ma e’yo ’ye i drata Hezekia ni ma vutia ni ya?
Zita azi ’dayi pi ma dria ’diyi:
1. Mi la 2 Opi 18:1-36.
(a) Agu e’yo nzepi Suria ni Rabisake fu a’ita anzi Israelini ’diyi dri ri ngoni ngoni ya? (2 Opi 18:19, 21; Efu. 5:2; Zab. 64:3)
(b) ’Ba E’yo Eti Nzepi Yehova ni ’diyi ecoki ecata Hezekia ni ri ma vuti obi ngoni ru, sawa eyini dri fuzu inzimatara be ria? (2 Opi 18:36; Zab. 39:1; O’be. 26:4; 2 Tim. 2:24)
2. Mi la 2 Opi 19:1-37.
(a) ’Ba Yehovani ’diyi ki andrusi eceta Hezekia ni ma vuti obi ewu ewaru ’di ma alea ngono ngoni ya? (2 Opi 19:1, 2; O’be. 3:5, 6; Ebr. 10:24, 25; Yak. 5:14, 15)
(b) Ndeta pale na Opi Senakeribu ni dri fuzu eri be ri ngo i, dika e’yo ondriza ’di so pa a’di ma paria? (2 Opi 19:32, 35, 37; Ece. 20:2, 3)
3. Mi la 2 Opi 21:1-6, 16.
Ama ecoki ’yo Manase ni ndra opi azi onzikanyaru Yerusalemua ndepi te ni a’du e’yo si ya? (2 Sur. 33:4-6, 9)
A’diko 73
1. Yosia ni ecazu opi ru ria deresi eri ma eli si, azini e’do di a’du afa ’ye eri ni ecazu opi ru ’bo ri ma vutia?
2. E’da oko ’da ma alea, Yosia ni a’du afa ’ye ya?
3. Kuhani amboru ri esu a’du afa ni ’bani hekalu si ria?
4. Yosia asi ima bongo ndundu a’du e’yo si ya?
5. O’duko engapi Yehova vu nabi okuru Hulida ni fe Yosia ni ri ngoni?
Zita azi ’dayi ma dria ’diyi:
1. Mi la 2 Sura ma E’yo 34:1-28.
(a) Eceta kilili ru Yosia ni ece anzi ewu ewa ru ’di ma alea ’diyi ni ri ngoni? (2 Sur. 33:21-25; 34:1, 2; Zab. 27:10)
(b) E’yo Yosia ni ’ye ’yeta si eli 8, 12 azini 18 zu erini opi nyazu ’diyi pi ma alea ri ki ngo i ya? (2 Sur. 34:3, 8)
(c) Eceta kilili ru amani eco oni engazu Opi Yosia vu azini Kuhani Amboru Hilikia be geri amani ecozu pari inzita inzizu ’diyi ma ta mbazu ala ru ri ma dria ri ngoni? (2 Sur. 34:9-13; O’be. 11:14; 1 Kor. 10:31)
A’diko 74
1. Ma oderu e’da ’di ma alea ri a’di i?
2. Yeremia ma egata ecata erini ecazu nabi ru ri ma dria ri ngoni, te Yehova lu erini ngoni?
3. E’yo Yeremia ni mu oluta ni be drile ’ba eyi ni ri ngoni ya?
4. Kuhani leki Yeremia ni atri ngoni ngoni, te i’da ima ori yo ri ngoni ru?
5. A’du ma e’yo ni nga i ’ye ni anzi Israeli ni diyi ka eyi ma adriza onzi ’diyi oja ku ria?
Zita azi ’dayi pi ma dria ’diyi:
1. Mi la Yeremia 1:1-8.
(a) Eceta Yeremia ni ri ni e’da amani ri le, a’du ni fe ’ba azi ni ecazu azi ngazu Yehova dri ni ya? (2 Kor. 3:5, 6)
(b) Asi omiza Kristayo ode ru ’diyi ni esu eceta Yeremia ni ma alea ri ngoni ya? (Ekl. 12:1; 1 Tim. 4:12)
2. Mi la Yeremia 10:1-5.
Eceta Yeremia ni fe okporu e’dazu asi ’bazu ’ba ’wara inzile inzi ’diyi ma dria ri ma orodri yo ri ngoni ya? (Yer. 10:5; Isa. 46:7; Hab. 2:19)
n3. Mi la Yeremia 26:1-16.
(a) Bilenduliza fezu ewu ama ngari ria, ati’bo asi ada be ’diyi ki azita Yehovani fe Yeremia ni ‘ma nze e’yo asi nduni ku’ ri ma vuti obi ngoni ngoni ya? (Yer. 26:2; Azi. 4:2; ’Yeta 20:27)
(b) Eceta kilili ru Yeremia ni fe ’ba E’yo Eti Nzepi Yehovani ’diyi ni olu suru Yehovani ma dria ri ngoni? (Yer. 26:8, 12, 14, 15; 2 Tim. 4:1-5)
4. Mi la 2 Opi 24:1-17.
Candi Yuda ni esu erini a’ita bazu Yehova ma dria ku risi ’diyi ki ngoki? (2 Opi 24:2-4, 14)
A’diko 75
1. Agupianzi su e’da ma alea ’diki a’dipi ki, azini eyi ki Babulonia a’du e’yo si ya?
2. Otuta Nebukadineza ni otu agupianzi su ’diyi ni ri ngoni, azini fe di azita ati’ba idri ’diyi ni ngoni?
3. Azakoma Danieli ni zi nyaka ma dria azini afa mvuza be ima ngulupi ni erima agyi na ’diyi be ri ngoni?
4. Eyini tibi ini nyazu o’du mudri boria, mi ka Danieli pi agyika erini na ’dayi pie eki o’bi anzi azi ode ru dria ’daa ’diyi be, esele coza eyini ri ngoni ya?
5. Danieli pi agyika erini na ’diyi be ecaki opi vile akua ngoni ngoni, dika eyiki orodri ru aga kuhani ’daa ’diyi ki ’ba ondua ru ’diyi be dria ra ngoni ngoni?
Zita azi ’dayi pi ma dria ’diyi:
1. Mi la Danieli 1:1-21.
(a) Ama ni ecozu obeta amani ’diyi pi ma ti tazu okpo ako amani diyi be, le a’baki okpo ngopi ya? (Dan. 1:8; E’do. 39:7, 10; Gal. 6:9)
(b) Anzi oderu andrusi ’diyi ecoki ti obeta azi afa curu’do ’ba eyini omve “aluzaru” diyi pini ma ta ngoni ngoni ya? (Dan. 1:8; O’be. 20:1; 2 Kor. 6:17–7:1)
(c) Imbata amani eco oni engazu Biblia ma alea e’yo anzi su Ebrania ru ’diyi pi ma dria onita oniza sukulua ri ma dria ri ngoni? (Dan. 1:20; Isa. 54:13; 1 Kor. 3:18-20)
A’diko 76
’Bani Yerusalemu Ma Dri Jazuri
1. A’du ma e’yo ni ’yeru Yerusalemua azini ’ba Israelini e’da ma alea ’diyi be ni ya?
2. Ezekieli ni a’di i, azini afa uri uri ru Yehova ni e’da erini ri a’du afa ni ya?
3. Israeli ni Yehova ni ruzu ku ri ma e’yo si, so eyini oyo ngoni ya?
4. Opi Nebukadineza ’ye a’du afa ni anzi Israelini ’diyi ni gazu eri ma ti eriko si ria?
5. Yehova fe dri jaza ini onzikanyara ’dinile ri eca anzi Israeli ni ma dria a’du e’yo si ya?
6. Angu Israeli ni ri eca ’ba koko ru ngoni ngoni dika ’du eli si?
Zita azi ’dayi pi ma dria ’diyi:
1. Mi la 2 Opi 25:1-26.
(a) Zedekia ni a’di i, a’du ma eyo ’ye i eri be ni, dika fe E’yo Ondriza Biblia aleria ri eca ima paria ngoni ngoni ya? (2 Opi 25:5-7; Eze. 12:13-15)
(b) A’ita ako Israelini ri ma e’yo Yehova ’ba ndra a’di ma rua ya? (2 Opi 25:9, 11, 12, 18, 19; 2 Sur. 36:14, 17)
2. Mi la Ezekieli 8:1-18.
Dini inzoru ri iji imba’ba inzoru Israelia etu inzipi ’diyi ki ngoni ru? (Eze. 8:16; Isa. 5:20, 21; Yoh. 3:19-21; 2 Tim. 4:3)
A’diko 77
1. Azita Nebukadineza, opi Babulonia ri ni fe ba dria ni ri ngoni?
2. Danieli ma agyika na ’diyi osi kumuti wura edele melesi ri ma drilea ku a’du e’yo si ya?
3. Nebukadineza ni driwala fezu anzi Ebrania ru na ’diyi ni kumuti osizu dika ria, anzi ’diyi e’da asi ’baza eyini Yehova ma dria ri ngoni ngoni?
4. Nebukadineza nga di fe ’ba ivile ’diyi ma’ye a’du afa ni Sadaraka pi ma rua, Mesaka pie, azini Abedineigo pie?
5. Nebukadineza ni angu nezu aci si eka ndrindri ri ma alea ria, ne a’du afa ni ya?
6. Opi icu Mungu Sadaraka ni Mesaka ni azini Abedinego ni ma ru a’du e’yo si ya, dika eceta eyini fe ama ni ri ngoni?
Zita azi ’dayi pi ma dria ’diyi:
1. Mi la Danieli 3:1-30.
(a) Aka dri fu o’bita a’ita amani ri ni be, ecata kilili ru anzi na Ebrania ni oderu ’diyi dri le ama ma obi vutini ri ngo i? (Dan. 3:17, 18; Mat. 10:28; Rum. 14:7, 8)
(b) Imbata kiliriru Yehova ni imba Nebukadineza ni ri ngoni ya? (Dan. 3:28, 29; 4:34, 35)
A’diko 78
1. Opi Babulonia ri ni omu amboru edezu dika erini kopo azini bakule ndra eyini o’du hekalu Yehova ni Yerusalimua ’diyi ayuzu ria, a’du ma e’yo ’ye i ni ya?
2. Balisaza nga ’yo ’ba ini onduaru ’diyi ni ngoni, te afa eyini eco ’yeku ri ngo i ya?
3. Opi ma andri nga di lu erini ma ’ye a’du afa ni ya?
4. E’yo Danieli ni lu opi ni ri si ria, asisile Mungu ni fezu dri ma si afa abi rua ri ngoni ya?
5. Danieli ece e’yo ’bani si abi rua ri ma efi ngoni ya?
6. Danieli ni nga e’yo nzezu ria, a’du ma e’yo ’ye i ni ya?
Zita azi ’dayi pi ma dria ’diyi:
1. Mi la Danieli 5:1-31.
(a) Mi fe esele coza uri Mungu ni urizu ri pi ma eselea uri Belisaza ni afa siza abi rua ri nezu ri be ri. (Dan. 5:6, 7; Zab. 19:9; Rum. 8:35-39)
(b) Danieli e’da asi okpo erini e’yo nzeria Belisaza be azini omu erini inzile inzi ’diyi pie ria ngoni ni ya? (Dan. 5:17, 18, 22, 26-28; ’Yeta 4:29)
(c) Danieli caputa 5 e’da Yehova ni opko e’iru wudrikuru dria ma drilea ngoni ngoni ya? (Dan. 4:17, 25; 5:21)
A’diko 79
Danieli Ni ’Bule Kami ni ma Alea
1. Dario ni a’di i, dika ne Danieli ni ’ba ngonile ri ru ya?
2. ’Ba ma’yala ru ’dinile ri feki Dario ’ye a’du ma e’yo ya?
3. Danieli ni azita o’diru ’diri onizu ’boria, ye a’du afa ni ya?
4. Dario ma asi ri oti kpere erini o’du kozu ku a’du ma e’yo si, ani o’biti drio drio ’ye a’du afa ni ya?
5. Danieli omvi Dario ni ngoni ya?
6. A’du ma e’yo ’ye i ’ba onzi ndra lepi Danieli ni ’dipi ’diyi be ni, dika Dario nga di a’du ma e’yo azi ’ba dria ivile surua ’diyi dri?
Zita azi ’dayi pi ma dria ’diyi:
1. Mi la Danieli 6:1-28.
(a) Otuta ’bani otu Danieli ma dria ’di ega ama otuta ’ba azi ’ba ’ba Eyo Eti Nzepi Yehovani ’diyi onzopi ’diyi ni ri ma dria ngoni ru ya? (Dan. 6:7; Zab. 94:20; Isa. 10:1; Rum. 8:31)
(b) Atibo Munguni andrusi ’diyi ecoki eceta Danieli ni ma vuti obi ngoni ngoni azita dri gbazu “’ba ’ba dricepi ’diyi” ma palaa ri ma dria ria? (Dan. 6:5, 10; Rum. 13:1; ’Yeta 5:29)
(c) Ama ecoki eceta Danieli ni azi ngaza Yehova dri “sawa dria si” ri ma vuti obi ngoni ngoni ya? (Dan. 6:16, 20; Fil. 3:16; Ece. 7:15)
A’diko 80
’Ba Munguni ’Diyi Ni Babuloni Ni Kuzuri
1. ’Bani ece e’da ma alea ’dile, anzi Israelini ’diyi a’du afa ’ye ya?
2. Kuro fe e’yo ondriza Yehovani Isaya vusi ri eca ima paria ngoni ngoni ya?
3. Kuro ’yo anzi Israelini ecopi dri dapi Yerusalimua ku ’diyi ma ’ye a’du afa ni ya?
4. Afa Kuro ni fe anzi Israelini ’diyi ma ji Yerusalemua vule ri a’du afa ni ya?
5. Aci anzi Israelini ’diyi ni dri dazu Yerusalemua ri ’du o’du si ya?
6. Angu da o’a andru ru ’ba koko eli si ya?
Zita azi ’dayi pi ma dria ’diyi:
1. Mi la Isaya 44:28 azini 45:1-4.
(a) E’yo ondriza Kuro ma dria ri ma omgbo Yehova ece ngoni ngoni ya? (Isa. 55:10, 11; Rum. 4:17)
(b) E’yo ondriza Isaya ni Kuro ma dria ri e’da ondua Yehova Munguni e’yo ondrizu ewa drusi ri ma dria ri ngoni ru ya? (Isa. 42:9; 45:21; 46:10, 11; 2 Pet. 1:20)
2. Mi la Ezira 1:1-11.
Ama ni eceta ’ba ndra ecopi dri dapi Yerusalemua ku ’diyi ni ri ma vuti obizu, ama ecoki ‘okpo fe’ ’ba ecopi ecapi payonia ru ra ’diyi ni ngoni ngoni ya? (Ezr. 1:4, 6; Rum. 12:13; Kol. 4:12)
A’diko 81
Asi ’Baza Azakoma Munguni ma Dria Ri
1. ’Ba mupi aci izuru muzu Yerusalemua ri ma alea ’diyi ki si, te esuki a’du afa ni eyini caria ’dale ’bo ria?
2. Anzi Israelini ’diyi ni caria ’bo, e’doki a’du si, te ari’bo ngaki a’du ’ye eyi vu ya?
3. Hagai pi Zakaria be a’di pi ki, dika ’yoki ’ba eyini ngoni ya?
4. Tetanayi si waraga Babulonia a’du e’yo si ya, dika esu omvita ngoni?
5. Ezira ni e’yo onizu hekalu Munguni ma siza ma dria ’bo ria, nga a’du afa ’ye ya?
6. E’da ma alea ’dia, Ezira ni Mungu zi a’du e’yo si ya, dika ’di imba ama a’du ’yezu?
Zita azi ’dayi pi ma dria ’diyi:
1. Mi la Ezira 3:1-13.
Aka ki ama esu pari okuta ’ba Munguni ’diyi ni eyi okuzu ri ni ovuzu yoria, le ama mu drile a’du afa ’yezu ya? (Ezr. 3:3, 6; ’Yeta 17:16, 17; Ebr. 13:15)
2. Mi la Ezira 4:1-7.
Eceta Zerubabeli ni fe ’ba Yehovani ’diyi ni ti ecita a’ita ndundu ni be ri ma dria ri ngoni ya? (Efu. 34:12; 1 Kor. 15:33; 2 Kor. 6:14-17)
3. Mi la Ezira 5:1-5, 17 azini 6:1-22.
(a) ’Ba azi jo sizani onzopi ’diyi awiki ni jo siza atri ku a’du eyo si ya? (Ezr. 5:5; Isa. 54:17)
(b) Eceta mbaza Yahudi ru ’diyi ni ri eco okpo fe Kristayo mbaza ru orindisi ’diyi ni azakoma Yehova ni ri zizu sawa inzamatara vurisi ngoni ngoni ya? (Ezr. 6:14; Zab. 32:8; Rum. 8:31; Yak. 1:5)
4. Mi la Ezira 8:21-23, 28-36.
De nga a’yoki ni e’yo azini ’yeta si ku, eceta Ezira ni kilili le ama ma obi vutini ra ri ngo i ya? (Ezr. 8:23; Zab. 127:1; O’be. 10:22; Yak. 4:13-15)
A’diko 82
1. Modekayi pi Esteri be a’di pi ya?
2. Opi Ahasure le oku o’di ru ni a’du e’yo si, azini nga a’dini pe i?
3. Hamani ni a’di i, azini a’du afa fe erini o’azu a’oko si ni ya?
4. ’Ba ’ba azita ngoni le ri, Esiteri nga a’du afa ’ye eri ni e’yo ’diri erizu Moridekai vu ’bo risi?
5. A’du afa ye i Hamani be ni, azini a’du afa ye i Modekayi be ni ya?
6. ’Ba Israelini ’diyi opa eyi ari’ba dria risi ngoni ngoni ya?
Zita azi ’dayi pi ma dria ’diyi:
1. Mi la Esiteri 2:12-18.
Esiteri ece orodri ’bani o’azu “asi ndriza si azini e’yere ri” ngoni ngoni ya? (Esi. 2:15; 1 Pet. 3:1-5)
2. Mi la Esiteri 4:1-17.
’Bani drile ba fezu Esiteri ni pa sozu inzita adaru si rile, drileba andrusi ’bani fe amani ecozu ama a’ita azini o’ata kilili ru ri edazu Yehova niri e’da ngoni ngoni ya? (Esi. 4:13, 14; Mat. 5:14-16; 24:14)
3. Mi la Esiteri 7:1-6.
Geri ngoni le ri si, ’ba kakau Yehovani ’diyi fe eyi ma ngulupi inzamatara ekile ndra Esiteri ni ’ye le ri le ngoni ngoni ya? (Esi. 7:4; Mat. 10:16-22; 1 Pet. 2:12)
A’diko 83
1. ’Ba Israelini o’a ngoni aku ambo yi vile Yerusalemu ni ovuzu abi kali ru ri koko ria?
2. Nehemia ni a’di i ya?
3. Nehemia ma azi a’du ’yezu, azini eri orodri ru a’du e’yo si ya?
4. E’yo ngo fe Nehemia ni ovuzu candisi ni, azini ’ye a’du afa ni ya?
5. Opi Aritaserisesi e’da asi ndriza Nehemia ni ngoni ngoni?
6. Nehemia otu azi jo siza ni ri ngoni ngoni ari’ba Israelini diyi ni ecozu eyi ogazu ku?
Zita azi ’dayi pi ma dria ’diyi:
1. Mi la Nehemia 1:4-6 azini 2:1-20.
Nehemia ’ye a’du afa ni eri ni ecozu azakoma isuzu Yehova ru? (Neh. 2:4, 5; Rum. 12:12; 1 Pet. 4:7)
2. Mi la Nehemia 3:3-5.
Mbaza azini ’ba azi ma aza kopi kanisaa ni ’diyi eco e’yo oni esele coza ’ba Tekoa ’diyi pini “’ba ’wara eyini pie” ri ma dria ngoni ngoni ya? (Neh. 3:5, 27; 2 Tes. 3:7-10; 1 Pet. 5:5)
3. Mi la Nehemia 4:1-23.
(a) A’du afa fe ’ba Israelini ’diyi ni jo sizu ’bani tro eyi inzazu inzanza ti ni ya? (Neh. 4:6, 8, 9; Zab. 50:15; Isa. 65:13, 14)
(b) E’yo ’ba Israelini ’diyi ’yele ’diri curu’do ama ni okpo fe geri ngoni le ri si ya?
4. Mi la Nehemia 6:15.
’Ba ni abi Yerusalemu ni ri sizu dezu imba iri ma alea ri ece geri ngoni le risi a’ita ’ba ’diyi ni ri okpo ru? (Zab. 56:3, 4; Mat. 17:20; 19:26)
A’diko 84
1. Oku e’da ma alea ri a’di i ya?
2. Gabrieli ’yo Mariamu ni ngoni ya?
3. Gabrieli ece Mariamu eri nga ovu odekule be eri ni tro o’azu agupi be ku ra ri ngoni ngoni ya?
4. A’du afa ’ye i Mariamu be ni erini Elizabeti ni andrizu ria?
5. Yusufu nga e’yo ega ngoni eri ni onizu kini Mariamu ni nga mva osi, te nga ima asi oja asisile ngoni le ri si?
Zita azi ’dayi pi ma dria ’diyi:
1. Mi la Luka 1:26-56.
(a) E’yo si le Luka 1:35 ma alea ri ece a’du afa ye i ezata engapi Adamu Mariamu ma okpojo be ni idri Mungu ma Mvi niri ni ecazu alenia okpo orindi alatara ru ri si ’bo ria? (Hag. 2:11-13; Yoh. 6:69; Ebr. 7:26; 10:5)
(b) Yesu isu inzita ngoni ru de nga osini ku? (Luka 1:41-43)
(c) Eceta kililiru Mariamu ni fe Kristayo curu’do ’diyi ni kaki drile ba azi ngazu ri isu ria ri ngoni? (Luka 1:38, 46-49; 17:10; O’be. 11:2)
2. Mi la Matayo 1:18-25.
’Bani tro Yesu ni ru Emanueli ri fezu ku ra ti, erini ovuzu ’ba ru ri ece ru di ma efi ngoni ngoni ya? (Mat. 1:22, 23; Yoh. 14:8-10; Ebr. 1:1-3)
A’diko 85
Yesuni Osizu Oguru Ti ni Afa Nyazu ri Ma Alea Ri
1. Odekua werea e’da ma alea ri a’di i, Mariamu ni eri la ngoa ya?
2. ’Ba osi Yesuni pari tini afa nyazuria anyapi pie a’du e’yo si ya?
3. E’da ma alea, ’ba ati’ba ru pari tini afanyazuria ri a’di piki azini Malaika ’yo eyini ngoni ya?
4. Yesu ni ndu geri ngoni le ri si ya?
5. ’Ba Yesuni omve Mvi Munguni ri asisile ngo si ya?
Zita azi ’dayi pi ma dria ’diyi:
1. Mi la Luka 2:1-20.
(a) E’yo ondriza Kaisari Augusito ni fe ’ye i ima paria osita Yesu ni ma dria ri ngo i ya? (Luka 2:1-4; Mika 5:2)
(b) ’Ba alu eco eca “ba muke ru” ’diyi ma azi ru ngoni ngoni ya? (Luka 2:14; Mat. 16:24; Yoh. 17:3; ‘Yeta 3:19; Ebr. 11:6)
(c) ’Ba kabilo ecepi Yudea ni orodri koko ’diyi ka ovu ayikosi osita ’ba ’ba papiri ni si ra, le ati’bo Munguni curu’do ’diyi ma o’a ayiko angiri si ku ya? (Luka 2:10, 11; Efe. 3:8, 9; Ece. 11:15; 14:6)
A’diko 86
1. ’Ba e’da ma alea ’diyi a’di pi ki, azini eyi ma azi aluni ’bibio diza be turi i’da a’du e’yo si ya?
2. Opi Herode ovu a’oko si a’du e’yo si ya, azini nga a’du afa ’ye?
3. ’Bibio diza be turi nga ’ba ’diyi ji ngoa, te ngaki dri da vile eyi vu angua geri azini si a’du e’yo si ya?
4. Herode nga azita ngonile ni fe, azini a’du e’yo si ya?
5. Yehova ’yo Yusufu ma ’ye a’du afa ni ya?
6. Adi fe ’bibio o’di ’di ni dizu ni, azini a’du e’yo si ya?
Zita azi ’da ma dria ri:
1. Mi la Matayo 2:1-23.
Yesu ma eli ndra si, azini eri ndra o’a ngoa sawa ’ba ’bibio inzipi ’diyi ni imuzu eri ndrezu risi? (Mat. 2:1, 11, 16)
A’diko 87
1. E’da ’di ma alea ria Yesu ma eli deresi si, azini eri ngoa ya?
2. Eli dria si afa Yusufu ni ye ’ba ivile akua ’diyi pie ri a’du ni ya?
3. Aci o’du alu zu mvizu akua ri ma vutia, Yusufu pi daki dri Mariamu ’be Yerusalemua ogogo a’du e’yo si ya?
4. Yusufu pi Mariamu ’be isuki Yesu ni ngoa, azini ’ba o’aki osuta si a’du e’yo si ya?
5. Yesu ’yo ima andri Mariamu ni ngoni?
6. Ama ecoki ovu Yesu le e’yo oni zu Mungu ma dria ngoni ngoni?
Zita azi ’dayi pi ma dria ’diyi:
1. Mi la Luka 2:41-52.
(a) Azita ni ndra a’izu agupi ma muki lu okuza eli alu alu ma alea ri inzizu ni ra ti, eceta kilili ru Yusufu pi ni fe Mariamu be tipika curu’do ’diyi ni ri ngoni ya? (Luka 2:41; Azi. 16:16; 31:12; O’be. 22:6)
(b) Yesu ece geri kilili ru karile anzi curu’do ’diyi pi ni ecozu eyi ma tipika inzizu ri ngoni ru? (Luka 2:51; Azi. 5:16; O’be. 23:22; Kol. 3:20)
2. Mi la Matayo 13:53-56.
Yesu ma adripika azi su ’ba ni runi osile Biblia alea ’diyi a’di piki, dika ’ba nga azi iri ’diyi ayu kanisa Kristayo ni ma alea ngoni ngoni? (Mat. 13:55; ’Yeta 12:17; 15:6, 13; 21:18; Gal. 1:19; Yak. 1:1; Yuda 1)
A’diko 88
1. ’Ba iri eda ma alea ’diyi a’di pi ki ya?
2. ’Ba baputizimu fe ’bani ngoni ngoni?
3. Yohana ni te baputizimu fe ’ba ngole ’diyi ni ya?
4. E’yo ndra ngole ri fe Yesu ni Yohana ni zizu ini baputizimu fezu ni?
5. Mungu ece i ovu ayikosi Yesuni baputizimu isuzu ri si ngoni ngoni?
6. Yesu ni muria angu ’ba kokoria o’du 40 a’du afa ’ye i eri be ni ya?
7. ’Ba azi Yesu ma vuti bipi oko ’diyi a’dipi ki, azini eri ma tali ’yele okori ngo i ya?
Zita azi ’dayi pi ma dria ’diyi:
1. Mi la Matayo 3:13-17.
Eceta baputizimu fezu Yesu ni e’da ’ba ima vuti bipi ’diyi pi ni ri ngoni ya? (Zab. 40:7, 8; Mat. 28:19, 20; Luka 3:21, 22)
2. Mi la Matayo 4:1-11.
Geri Yesu ni E’yo Siza ayuzu kilili ru ’diri okpo fe amani Biblia lazu o’du dria si ngoni ru ya? (Mat. 4:5-7; 2 Pet. 3:17, 18; 1 Yoh. 4:1)
3. Mi la Yohana 1:29-51.
Yohana baputizimu fepi ri pe ndra ’ba Yesu vuti bipi ’diyi ma ti a’di vu, ani ama ecoki eri o’bi ngoni ngoni ya? (Yoh. 1:29, 35, 36; 3:30; Mat. 23:10)
4. Mi la Yohana 2:1-12.
Tali Yesu ni ede oko ri i’da Yehova zini afa kilili ’diyi ama vu risi ku ngoni ngoni ya? (Yoh. 2:9, 10; Zab. 84:11; Yak. 1:17)
A’diko 89
1. ’Ba anyapa ozi hekalua a’du e’yo si ya?
2. A’oko nya Yesu ni a’du ma e’yo si?
3. Ekile mini ne e’da ma alea ’di le, Yesu ’ye a’du afa ni, dika fe azita ’ba amamu ozipi ’diyi pi ni ngoni ya?
4. Ba Yesu vuti bipi ’diyi pi ni e’yo ’diyi nezu ria, egaki a’du ma e’yo ya?
5. Yesu ni mviria Galilia risi, fi aku ambo ngo ma alea si ya?
Zita azi ’da pi ma dria ri:
1. Mi la Yohana 2:13-25.
Akaki yeta Yesu ni ba silingi ojapi hekalu alea ’diyi be ri ma e’yo ega, le ama ma ne tujari yeza Yehova ma Joa ri ngoni ya? (Yoh. 2:15, 16; 1 Kor. 10:24, 31-33)
A’diko 90
Oku Samariaru ri be Yi A’di ma Tia
1. Yesu so pa yi a’di Samaria ma tia a’du e’yo si, eri a’du e’yo nze oku ’da be?
2. Oku ’di o’a osuta si a’du e’yo si, Yesu ’yo erini ngoni, azini a’du e’yo si ya?
3. Oku ’di ega Yesuni e’yo nze yi ngole ri ma dria, te adani si yi Yesu ni e’yo nzezu drinia ri ma ifi ngoni ya?
4. Oku ’di ovu osuta si e’yo Yesu ni oni ima dria ri si a’du e’yo si, azini isu e’yo ’diri engazu ngoa ya?
5. Ama eco imbata ngoleni oni e’yo i ’yepi oku ’di be yi a’di ma tia ri ma dria?
Zita azi ’dayi pi ma dria ’diyi:
1. Mi la Yohana 4:5-43.
(a) Amani Yesu ma pamvu obizu ri le, le ama ovu asisile ngole ni be ’ba ti ndundu nzepi ’diyi be kaniku wura ndu ’diyi pie? (Yoh. 4:9; 1 Kor. 9:22; 1 Tim. 2:3, 4; Tito 2:11)
(b) Mi ka eca ’ba Yesu ma vuti bipi ’diyi ma azi ru orodri orindini mini isule ri ngo i ya? (Yoh. 4:14; Isa. 58:11; 2 Kor. 4:16)
(c) Ama ecoki ayiko amani ri i’da ekile oku Samaria ru, ndra e’yo ini oni ’bo ’diyi olupi ’ba azi ’diyi dri ri le ngoni ngoni ya? (Yoh. 4:7, 28; Mat. 6:33; Luka 10:40-42)
A’diko 91
1. E’da ’di ma alea, Yesuni ’ba imba ngoa, a’di pi riki eri ma ageyia inyia ni ya?
2. ’Ba ti opele 12 ’diyi ma ru adipi ki ya?
3. Suru Yesuni e’yo oluzu drinia ri ngo i ya?
4. Yesu imba ’ba yini Mungu zizu ngoni ya?
5. Geri ’bani o’azu ’ba azi ’diyi pie ri ma dria Yesu ’yo ngoni ya?
Zita azi ’dayi pi ma dria ’diyi:
1. Mi la Matayo 5:1-12.
Geri ngoni le risi ama ecoki ece kini a’baki asi amani afa orindini ’diyi pi ma dria? (Mat. 5:3; Rum. 10:13-15; 1 Tim. 4:13, 15, 16)
2. Mi la Matayo 5:21-26.
E’yo sile Matayo 5:23, 24 ma aleari ece geri amani o’azu ama adripi pie ri eco geri amani o’azu Mungu beri otura kaniku ezara ngoni ngoni? (Mat. 6:14, 15; Zab. 133:1; Kol. 3:13; 1 Yoh. 4:20)
3. Mi la Matayo 6:1-8.
Geri azi ’bani ’ba ngulupi ’bazu ezata koko le Kristayo ku ja ’diyi ngoki ya? (Luka 18:11, 12; 1 Kor. 4:6, 7; 2 Kor. 9:7)
4. Mi la Matayo 6:25-34.
Imbata Yesu ni imba asi ’baza Yehova ma dria ri ma dria amani afa rua ni ’diyi nda ria ri ngoni ya? (Efu. 16:4; Zab. 37:25; Fil. 4:6)
5. Mi la Matayo 7:1-11.
E’yo eceta ru Matayo 7:5 ma alea ri imba ama a’du ’yezu ya? (O’be. 26:12; Rum. 2:1; 14:10; Yak. 4:11, 12)
A’diko 92
1. Zamva e’da ma alea ’di ma ati ni a’di i, azini eyi oku ini ri be orata si a’du e’yo si ya?
2. Yairo ’ye a’du afa ni erini Yesu ni isuzu ’bo ria?
3. Yesu ni muria Yairu vile akua ria a’du afa ’ye i ni, azini Yairu isu o’duko ngoni le ri ya?
4. ’Ba Yairu vile akua ’diyi oguki Yesu si a’du e’yo si ya?
5. Erini ’ba ti opele na ’diyi jizu zamva ma ati pie azini andri pie zamva vile joa ’bo ria, Yesu nga a’du afa ’ye?
6. Yesu enga vini a’di ni draza ma eselea, ani ’di ece amani a’du ma e’yo ya?
Zita azi ’dayi pi ma dria ’diyi:
1. Mi la Luka 8:40-56.
Yesu i’da asi ndriza azini yiki oku ari ni razu eri ma rua ri dri ngoni ngoni, ani mbaza Kanisa ni curu’do ’diyi ecoki e’yo ngoni le ri oni ’dia? (Luka 8:43, 44, 47, 48; Lev. 15:25-27; Mat. 9:12, 13; Kol. 3:12-14)
2. Mi la Luka 7:11-17.
Akaki ama ’ba avi dra ma alea, asi omiza amani eco isu omvita Yesu ni awizi Nainia ri omvizu ri ma dria ri ngoni ya? (Luka 7:13; 2 Kor. 1:3, 4; Ebr. 4:15)
3. Mi la Yohana 11:17-44.
Yesu i’da awu wuza si ta ra sawa ama ’ba ni drazu ria risi ri ngoni ngoni? (Yoh. 11:33-36, 38; 2 Sam. 18:33; 19:1-4)
A’diko 93
Yesu ni Nyaka Fezu Ba Kakau ni Ri
1. E’yo onzi i ’yepi Yohana Baputizimu feperi ma rua ri ngoni, azini fe Yesuni o’a ani ngoni?
2. Yesu fe nyaka ’ba ongulumuru ima vuti bipi ’diyi dri ngoni ngoni, azini nyaka asipi ri ngopi ya?
3. ’Ba Yesu ma vuti bipi ’diyi o’aki urisi inisi a’du e’yo si, azini a’du afa ’ye i Petero be ni ya?
4. Yesu fe nyaka ’ba alifu alifu dri pale iri risi ngoni ngoni ya?
5. Yesu ka nga angu nya Opi ru suru Mungu nia,e’yo dria ni nga ovu onyi ru a’du ma eyo si ya?
Zita azi ’dayi pi ma dria ’diyi:
1. Mi la Matayo 14:1-32.
(a) Matayo 14:23-32 ece e’yo angiri adriza Petero ni ma dria ngoni ngoni ya?
(b) E’yo siza ece amani Petero nga zo ra dika oja adriza ini e’yo ’yezu rua yaza si ri goni ngoni? (Mat. 14:27-30; Yoh. 18:10; 21:7; ’Yeta 2:14, 37-40; 1 Pet. 5:6, 10)
2. Mi la Matayo 15:29-38.
Yesu i’da ruta afa feza ima Ati ni fe ini rua si ’diyi ma dria ngoni ru ya? (Mat. 15:37; Yoh. 6:12; Kol. 3:15)
3. Mi la Yohana 6:1-21.
’Ba Kristayo ru curu’do ’diyi eco Yesu ma pamvu obi e’yo gamete ni si ngoni ngoni? (Yoh. 6:15; Mat. 22:21; Rum. 12:2; 13:1-4)
A’diko 94
1. ’Ba ti Opele ’diyi agata ga a’du ma dria eyini imvi ria engazu aci izuru ria?
2. Yesu omve mva werea ni imuzu pa sozu ’ba ti Opele ’diyi ma eselea a’du e’yo si ya?
3. Le ’ba ti opele ’diyi ma o’biki o’azu anzi nyiri le geri ngoni le ri si ya?
4. Mba were mavutia, Yesu ece geri ngoni leri si i le anzi nyiri yi saaru?
Zita azi ’dayi pi ma dria ’diyi:
1. Mi la Matayo 18:1-4.
Yesu ayu e’yo o’beza erini ’ba imbaria i a’du e’yo si ya? (Mat. 13:34, 36; Mar. 4:33, 34)
2. Mi la Matayo 19:13-15.
Adriza anzi nyiri ni le ama obi pamvu ra aka ki le tusu coza Suru ni ri isu ra ria ri ngo i? (Zab. 25:9; 138:6; 1 Kor. 14:20)
3. Mi la Marako. 9:33-37.
Yesu imba ’ba ima vuti bipi ’diyi a’du e’yo ni e’yo lezu ovuzu ’ba amboru ri ma dria? (Mar. 9:35; Mat. 20:25, 26; Gal. 6:3; Fil. 2:5-8)
4. Mi la Marako 10:13-16.
E’yo nzezu Yesu be ri ndra ewa koko ru a’du ma e’yo si, ani e’yo mbaza Kanisaa ’diyi ni eco oni ’dia ri ngoni? (Mar. 6:30-34; Fil. 2:1-4; 1 Tim. 4:12)
A’diko 95
1. Agupi azi zi Yesu ni ngoni, dika a’du ma e’yo si?
2. Sawa azini kisi Yesu ni a’du ayu ba imbazu, azini e’yo ama ni oni ’ba Yahudi ru ’diyi pi ma dria ’ba Samaria ni ’diyi be ri ngoni ya?
3. E’yo Yesu ni nze ’da ma alea, a’du afa ’ye i agu mupi Yerikoa ’da ma rua ni ya?
4. A’du afa ’ye i ni atalo Yuhudi ru ri ni ecazu ’ba Levi ni ri be nzilaa ’daa ria?
5. E’da ma alea ’dia, a’di ni Yahudi oguo ni co ri ma za ko ni ya?
6. Yesu ni e’yo ’da nzezu de ’boria, zita erini zi ri ngoni, dika agupi ’da nga omvi ngoni?
Zita azi ’dayi pi ma dria ’diyi:
1. Mi la Luka 10:25-37.
(a) Zita ’da omvizu kpikpi ri ma paria, Yesu fe agupi azita nipi ci ’da ’dro asisile e’yo ’di ma dria ngoni ngoni ya? (Luka 10:26; Mat. 16:13-16)
(b) Yesu ayu eceta ki egata ’ba ma asi ni candi fepi ’diyi ki atizu ngoni ngoni ya? (Luka 10:36, 37; 18:9-14; Tito 1:9)
A’diko 96
Yesuni ’Ba Azoru ’Diyi Atizu Ri
1. Yesu ri a’du afa ’ye erini aciria angu driasi dria ria?
2. Eli na baputizimu Yesu ni ri ma vutia, lu ’ba ima vuti bipi ’diyi ni ngoni ya?
3. ’Ba e’da ma alea ’dayi a’di pi ki, dika Yesu ’ye oku ’da ni a’du afa ni ya?
4. Omvita Yesu ni dini drileka eyi omvizu ri fe eyini drinza a’du ma eyo si ya?
5. Yesu pini cazu enyia Yerikoa ’ba eri vuti bipi ’diyi pie ria, ’ye a’du afa ni ’ba iri afa a’ipi mile koko ’dayi pi ni?
6. Yesu ede tali yi a’du e’yo si ya?
Zita azi ’dayi pi ma dria ’diyi:
1. Mi la Matayo 15:30, 31.
Opko Yehovani amboru erini e’da geri Yesu vu si ri ngo i, ani le ma fe egata ngo i ama ni oyo soza Yehovani wadrikuru o’diru ma dria ri ma adria ya? (Zab. 37:29; Isa. 33:24)
2. Mi la Luka 13:10-17.
E’yo Yesu ni tali edezu Sabatu si ri ece ama ni a’du ma e’yo dri ceza erini eli alifu alu ri ma dria ya? (Luka 13:10-13; Zab. 46:9; Mat. 12:8; Kol. 2:16, 17; Ece. 21:1-4)
3. Mi la Matayo 20:29-34.
E’yo ’ba ni si ’di e’da Yesu eco ’ba ma aza ko sawa ci ria ra ngoni ru, dika e’yo amani oni ’dia ri ngoni ya? (Azi. 15:7; Yak. 2:15, 16; 1 Yoh. 3:17)
A’diko 97
1. Yesu ni ecazu aku azi were Yerusalemu ma ageyia ria, lu ’ba ima vuti bipi ’diyi ni ’ma ’yeki a’du afa ni ya?
2. E’da ma alea ’dia, Yesu ni cazu Yerusalemua enyia ogogo ria a’du ma e’yo ’ye i ni ya?
3. Anzi nyiri ni neria Yesu ni ’ba mile odra za ’diyi ma mile ati ’ba pa acoza ’diyi ma pa pie ria, ’yeki a’du ma e’yo ni ya?
4. Atalo o’ako ni nya ’dayi pi ni Yesu ’yo ngoni ya?
5. Ama ecoki eca anzi nyiri ru kuza ngopi Yesu ni ’dayi le ngoni ru ya?
6. Afa ’ba Yesu vuti bipi ’diyi pi ni le ni ri ngoni ya?
Zita azi ’dayi pi ma dria ’diyi:
1. Mi la Matayo 21:1-17.
(a) Fita Yesu ni fizu Yerusalemua ekile Opi le ri iji i ecata ecazu opi ru opi nyaza Rumi ni ma alea ri be ngoni ngoni? (Mat. 21:4, 5; Zek. 9:9; Fil. 2:5-8; Kol. 2:15)
(b) Imbata anzi oderu ’diyi ni oni eceta agupi anzi oderu Israelia ’diyi ni e’yo siza zaburi 118 ari ayuzu sawa Yesu ni fizu Hekalua risi ri ma dria ri ngoni ya? (Mat. 21:9, 15; Zab. 118:25, 26; 2 Tim. 3:15; 2 Pet. 3:18)
2. Mi la Yohana 12:12-16.
Ndende ma bi ’ba ru kuza ngopi Yesuni ’diyi ni ayu ’da ma efi ngoni ya? (Yoh. 12:13; Fil. 2:10; Ece. 7:9, 10)
A’diko 98
1. E’da ma alea ’dia, Yesu ni ngo, dika eri a’di pie ya?
2. ’Ba kuhani ru ’diyi o’biki a’du afa ’ye Yesu ma rua Hekalua ’dale, te Yesu ’yo eyi ni ngoni?
3. ’Ba ti opele ’diyi zi ki Yesu ma tia a’du afa ni ya?
4. Yesu olu ’ba ima vuti bipi ’diyi pini afa azi ngapi eyi ’yepi sawa ini Opi nyazu ’bua ’dale risi diyi ki a’du ma e’yo si ya?
5. Yesu kini a’du ma eyo ni nga i ’ye ni de nga asiza eca ni ku?
Zita azi ’dayi pi ma dria ’diyi:
1. Mi la Matayo 23:1-39.
(a) Biblia ni tro e’dazu ama ni ru ambo ambo inzita ni ’diyi muke wudrikurua ra ti, le ru fezu ambo ambo inzita ni diyi ma ifi kanisa Kristayo ni ma alea ku, ekile Yesu ni e’da buku Matayo 23:8-11 ma alea ’dale a’du ma e’yo si ya? (’Yeta 26:25; Rum. 13:7; 1 Pet. 2:13, 14)
(b) ’Ba Farisaini ’diyi o’biki a’du ayu ’ba eyi ki atrizu ecazu Kristayo ru ku, dika ’ba dini drile ru andrusi ’diyi geri alu ’diri ayu ewu ama ngari ria ngoni ngoni ya? (Mat. 23:13; Luka 11:52; Yoh. 9:22; 12:42; 1 Tes. 2:16)
2. Mi la Matayo 24:1-14.
(a) Asi teza ma orodri ’ba ece buku Matayo 24:13 a ngoni ya?
(b) E’yo ’bani ’yo Matayo 24:13 “asiza” ’da ma efi ngoni ya? (Mat. 16:27; Rum. 14:10-12; 2 Kor. 5:10)
3. Mi la Marako. 13:3-10.
E’yo Marako 13:10 ri e’da le ama olu e’yo mbeleru ngoni ngoni, ani le egata ama ni e’yo Yesu ni ’yo ’da ma dria ri ma adri ngoni ya? (Rum. 13:11, 12; 1 Kor. 7:29-31; 2 Tim. 4:2)
A’diko 99
1. Ekile ama ni ne e’da ma alea ’di le, Yesu pi ’ba eri ma vuti bipi ’diyi be gorofa sia a’du e’yo si ya?
2. Agu fupi amve ’da a’di i, azini eri mu a’du ’ye ya?
3. Nyaka azi ndu Yesu ni e’do ’ba ima vuti bipi ’diyi pie omu Agazu ba driasi ri ma vutia ri ngo i ya?
4. Omu Agazu ba dria si ri anzi Israeli ni ki ega a’du ma e’yo si, dika nyaka ndu ’diri ’ba Yesu ma vuti bipi ’diyi ki ega a’du e’yo si ya?
5. Ondre ta Opi ni ri ma vutia, lu ’ba ima vuti bipi ’diyi ni ngoni, fe ’yeki a’du afa ni ya?
Zita azi ’dayi pi ma dria ’diyi:
1. Mi la Matayo 26:14-30.
(a) Matayo 26:15 e’da Yudasi nya Yesu ma o’di aka ngoni ngoni?
(b) Asisile iri Yesu ni ima ari adazu ri ki ngo ki? (Mat. 26:27, 28; Yer. 31:31-33; Efe. 1:7; Ebr. 9:19, 20)
2. Mi la Luka 22:1-39.
Satani fi Yudasi ma alea geri ngoni le ri si ya? (Luka 22:3; Yoh. 13:2; ’Yeta 1:24, 25)
3. Mi la Yohana 13:1-20.
(a) E’yo buku Yohana 13:2, ’da si, ’ba eco onu Yudasi ma rua ra ya, dika imbata ati’bo Munguni ’diyi ni oni ’dia ri ngoni? (E’do. 4:7; 2 Kor. 2:11; Gal. 6:1; Yak. 1:13, 14)
(b) Imbata azi ’ba ma egata otupi Yesu ni imba ri ngoni ya? (Yoh. 13:15; Mat. 23:11; 1 Pet. 2:21)
4. Mi la Yohana 17:1-26.
’Bani ’yozu Yesu zi Mungu ’ba ima vuti bipi ’diyi ni “o’azu ala” ’da ma efi ngoni ya? (Yoh. 17:11, 21-23; Rum. 13:8; 14:19; Kol. 3:14)
A’diko 100
1. Yesu mu ’ba ima vuti bipi ’diyi pie ngoa eyi ni esizu gorofa sia risi ’bo ri ma vutia, azini lu eyini ma ’yeki a’du afa ni ya?
2. Yesu ni dri edazu ’ba ti opele ’diyi pi vu ria, esu a’du e’yo ni i ’yeru ni dika e’yo ’di ’ye i pale si?
3. A’di pi efiki amvua ni, azini Yudasi Isikariote ’ye a’du afa ni, ekile e’da ma alea ’da le?
4. Asisile Yudasi ni Yesu ma o’bolo ndruzu ri ngoni, ani Petero nga a’du ma e’yo ’ye?
5. Yesu ’yo Petero ni ngoni, dika asisile Yesu ni malaika yi zizu Mungu vu ima aza kozu ku ri ngoni ya?
Zita azi ’dayi pi ma dria ’diyi:
1. Mi la Matayo 26:36-56.
(a) Geri Yesu ni imbata fezu ’diyi eceta kilili ru ni mbaza Kanisa ocepi ’diyi ni ngoni ru ya? (Mat. 20:25-28; 26:40, 41; Gal. 5:17; Efe. 4:29, 31, 32)
(b) Yesu ne ndra ’bani nyafe a’di ni ’diyi ayuzu ’ba azi ma rua ri ma e’yo ngoni ya? (Mat. 26:52; Luka 6:27, 28; Yoh. 18:36)
2. Mi la Luka 22:39-53.
Ndra malaika ni emuzu okpo fezu Yesu ni amvu Getesemani ma alea ri e’da a’ita Yesu ni ri were ru ’dini ya? Mi ece e’yo ’di. (Luka 22:41-43; Isa. 49:8; Mat. 4:10, 11; Ebr. 5:7)
3. Mi la Yohana 18:1-12.
Yesu ko ’ba ima vuti bipi ’diyi ma aza ari’ba vu risi ngoni ngoni, dika e’yo amani eco oni eceta ’di ma alea ri ngoni ya? (Yoh. 10:11, 12; 18:1, 6-9; Ebr. 13:6; Yak. 2:25)
A’diko 101
1. Drata Yesu ni ri ma e’yo ndepi ni a’di ma rua ya?
2. Dini drileka ni Yesu ni bizu jizu ’bo ria, ’ba ti opele ’diyi ’ye a’du afa ni ya?
3. A’du afa ’ye i Kuhani ma ambo kaisari vile akua ni ya?
4. Asisile Petero ni muzu awu wuzu ri ngoni ya?
5. ’Bani Yesu ma dri dazu Pilato vu ria, ’ba atalo ru ’diyi otre ki ngoni ya?
6. O’du Towi ma etu azia si, a’du ma e’yo ’ye i Yesu ma rua ni, dika oyo eri ni so oguo ’bani pa pati rua eribe ri ni ri ngoni ya?
7. Paradisi Yesu ni e’yo ni nze ri nga ovu ngoa ya?
Zita azi ’dayi pi ma dria ’diyi:
1. Mi la Matayo 26:57-75.
’Ba ’wara Yahudi ni e’yo lipi ’diyi e’daki asi onzi eyi ni ngoni ngoni ya? (Mat. 26:59, 67, 68)
2. Mi la Matayo 27:1-50.
Ama ecoki ’yo e’yo Yudasi ni o’azu candisi ri lokiri ni a’du e’yo si ya? (Mat. 27:3, 4; Mar. 3:29; 14:21; 2 Kor. 7:10, 11)
3. Mi la Luka 22:54-71.
Imbata amani isu e’yo Petero ni ndra Yesu ni gazu ini ’bani eri bizu risi ria ri ngo i ya? (Luka 22:60-62; Mat. 26:31-35; 1 Kor. 10:12)
4. Mi la Luka 23:1-49.
Yesu ega ndra e’yo onzi bani ’ye ima rua ’dasi ngoni, dika e’yo amani oni ’dia ri ngoni? (Luka 23:33, 34; Rum. 12:17-19; 1 Pet. 2:23)
5. Mi la Yohana 18:12-40.
E’yo ama ni oni eceta Petero ni ecazu ’ba ti opele kiliri ru ri ma dria tro ndra eri ni ’yozu ’ba ada si urisi ra ti ri ngoni? (Yoh. 18:25-27; 1 Kor. 4:2; 1 Pet. 3:14, 15; 5:8, 9)
6. Mi la Yohana 19:1-30.
(a) Yesu ne ndra lonyi esuza ma e’yo geri kilili ru si ngoni ngoni ya? (Yoh. 2:1, 2, 9, 10; 19:23, 24; Mat. 6:31, 32; 8:20)
(b) E’yo Yesu ni nze asizu drata ini ma tia ’diyi e’daki Yehova ni opko e’i ni ngoni ngoni ya? (Yoh. 16:33; 19:30; 2 Pet. 3:14; 1 Yoh. 5:4)
A’diko 102
1. Oku e’da ma alea ri a’di i, agupi iri ’di a’dipi ki, azini eyi ngoa ya?
2. Pilato ’yo kuhani ni ma pe asikari ma ti nyadri Yesu vile ri tezu a’du e’yo si ya?
3. Malaika ’ye a’du afa ni o’du nazu drata Yesuni ma vutia ri ma obitisi, te kuhani nga a’du afa ’ye?
4. Oku azini ’diyi ecaki osuta si eyini caria Yesu ma nyadria ria a’du e’yo si ya?
5. Petero pi nzuki Yohana be Yesu ma nyadria a’du e’yo si, azini ngaki a’du afa isu?
6. A’du afa ’ye i Yesu ma avu be ni, azini nga a’du afa ’ye ecezu ’ba i vuti bipi ’diyi ni i curu’do idri ru?
Zita azi ’dayi pi ma dria ’diyi:
1. Mi la Matayo 27:62-66 azini 28:1-15.
Yesuni engazu dra ma alea risi ’bo ria, kuhani amboru, ’ba Farasaini, azini ’ba ’wara ru ’diyi ’ye e’yo onzi orindi alatararu ri ma rua ngoni ngoni ya? (Mat. 12:24, 31, 32; 28:11-15)
2. Mi la Luka 24:1-12.
E’yo Yesuni engazu dra ma aleari ece geri ngoni le risi Yehova ndre oku yi ’ba e’yo eti nzepi kilili ’diyi ru? (Luka 24:4, 9, 10; Mat. 28:1-7)
3. Mi la Yohana 20:1-12.
Akaki e’yo ondriza Biblia ma alea ’diyi ma azi ki va ku, Yohana 20:8, 9 eco ama aza ko tezu asi e’yere si ngoni ngoni ya? (O’be. 4:18; Mat. 17:22, 23; Luka 24:5-8; Yoh. 16:12)
A’diko 103
1. Mariamu ’yo agu eri ni ega ’ba amvu ’yapi ri ni ngoni, te a’du afa fe eri ni nizu kini ’diri Yesu i ri ni?
2. A’du afa ’ye i ’ba iri Yesu ma vuti bipi ’diyi pie ni eyini muria geri muzu aku Emau nia ria?
3. E’yo osuta ru i ’yepi ’ba Yesu ma vuti bipi iri ’diyi pi ni luzu azi ’diyi pini eyi neki Yesu ni ’bo ria ri ngoni?
4. Yesu e’da i ’ba ima vuti bipi ’diyi pi ni pale si ya?
5. Tomasi ’yo ngoni erini erizu kini ’ba Yesu ma vuti bipi iri ’diyi pi ndre opi ni ’boria, te a’du afa nga i ’ye ni o’du aro ma vutia?
Zita azi ’dayi pi ma dria ’diyi:
1. Mi la Yohana 20:11-29.
E’yo Yesu ni nze Yohana 20:23 ma alea ri ma ifi ’ba ada ni okpo izata otruzu ri be ’dini ya? Mi ece. (Zab. 49:2, 7; Isa. 55:7; 1 Tim. 2:5, 6; 1 Yoh. 2:1, 2)
2. Mi la Luka 24:13-43.
Ama ecoki asi ama ni otu, e’yo ada Biblia ma alea ’diyi vazu ngoni ngoni ya? (Luka 24:32, 33; Ezr. 7:10; Mat. 5:3; ’Yeta 16:14; Ebr. 5:11-14)
A’diko 104
1. O’du alu ’ba Yesu ma vuti bipi ’diyi ndreki eri pale si, dika nze eyi ni e’yo a’du ma dria ya?
2. Suru Munguni ri a’du afa ni, dika idri ni nga ovu nyakua ngoni le Yesu ka nga eca Opi ru eli alifu alu ’bo ria?
3. Yesu e’da i ’ba ima vuti bipi ’diyi pi ni ca o’du si, dika sawa ecadi erini a’du ’yezu ya?
4. De nga Yesu kuni ’ba ima vuti bipi ’diyi ku, ’yo eyi ni ma ’yeki a’du afa ni ya?
5. A’du afa ni i ’ye e’da ma alea ’dia ni, azini Yesu avi eyi ma milea risi ngoni ru?
Zita azi ’dayi pi ma dria ’diyi:
1. Mi la 1 ’Ba Korintoa ’Diyi 15:3-8.
Asisile ’ba ti opele Paulo ni e’yo nzezu engata Yesu ni ma dria uri koko ri ngoni, ani afa Kristayo curu’do ’diyi ni e’yo nzezu drinia uri koko ri a’du afa ni ya? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)
2. Mi la ’Yeta 1:1-11.
Ekile ’bani ondri ’Yeta 1:8 ma alea ri le, eyo oluza ere ndra i ngopi ya? (’Yeta 6:7; 9:31; 11:19-21; Kol. 1:23)
A’diko 105
1. Mini ndre e’da ma alea ’bo ri le, a’du afa ni i ’ye ’ba Yesu ma vuti bipi ’diyi be Yerusalemua ’dia ni ya?
2. E’yo osuta ru omu emupi Yerusalemua ’diyi pini ne ri ngoni?
3. Petero nga a’du ma e’yo ece ’ba dria ni ya?
4. ’Ba ngaki o’a ngoni eyi ni e’yo erizu Petero ma tia ’bo ria, ani nga lu eyini a’du afa ’yezu?
5. ’Ba Baputizimu isupi o’du Pentekosite ni eli 33 si ’diyi ki si ya?
Zita azi ’dayi pi ma dria ’diyi:
1. Mi la ’Yeta 2:1-47.
(a) E’yo Petero ni si ’Yeta 2:23, 36 ma alea ri ece suru Yahudi ni dria eci ti Yesu ni ’dizu ngoni ngoni ya? (1 Tes. 2:14, 15)
(b) Petero i’da ama ni geri kilili ru e’yo siza ma efi ecezu ri ngoni ngoni ya? (’Yeta 2:16, 17, 29, 31, 36, 39; Kol. 4:6)
(c) Petero ayu “fungua oko Suru Munguni bua ri ni”, ndra Yesu ni oyo ni sole ri ngoni ngoni ya? (’Yeta 2:14, 22-24, 37, 38; Mat. 16:19)
A’diko 10
1. Ondre alu a’du afa ’ye i Petero pi ma rua Yohana be eyi ni muria Hekalua ni ya?
2. Petero ’yo agu acoza ri ni ngoni, azini afa Petero ni fe erini sende agapi orodri si ra ri a’duni ya?
3. A’oko nya ’ba dini dricepi ru ’diyi ki a’du e’yo si, ani ngaki a’du afa ’ye Petero pi ma rua Yohana be?
4. Petero nga ’yo ’ba dini dricepi ’diyi pi ni ngoni, azini ’ba ti opele ’diyi nga bilenduliza ngoni le ri isu?
5. ’Ba dini dricepi ’diyi ma’yala si a’du e’yo si, te a’du afa ’ye i ni ’bani ’ba ti opele ’diyi o’bezu arujoa pale irizu ria?
6. ’Ba ti opele ’diyi nga e’yo omvi ngoni ’bani eyi ejizu jo e’yo lizuri ma alea ria?
Zita azi ’dayi pi ma dria ’diyi:
1. Mi la ’Yeta 3:1-10.
Amani tro ovuzu curu’do okpo tali ’yezu ri be ku ti, e’yo Peteroni ’bani sile ’Yeta 3:6 ma aleari ko ama aza e’yo suru ni ri lezu ngoni ngoni ya? (Yoh. 17:3; 2 Kor. 5:18-20; Fil. 3:8)
2. Mi la ’Yeta 4:1-31.
Ama ka inzata isu amani e’yo oluria, ama eco adripika ama ni Kristayo ru ’diyi ma pamvu obi geri ngoni le ri si ya? (’Yeta 4:29, 31; Efe. 6:18-20; 1 Tes. 2:2)
3. Mi la ’Yeta 5:17-42.
’Ba e’yo Yehova ni ma eti nzepi ku ’diyi ma azi ndra drio azini curu’do ’diyi edaki vata azi amani e’yo oluzu ri ma dria ngoni ya? (’Yeta 5:34-39)
A’diko 107
’Bani Stefano ni O’bezu Oni Siri
1. Stefano ni a’di i, azini Mungu ko eri ma aza a’du afa ’yezu ya?
2. E’yo Stefano ni ’yole ’ba dini ma drile ru ’diyi pi ni ovuzu a’oko si ri ngoni ya?
3. ’Bani Stefano ni sezu jizu aku amboru ma alearisi amve ria, ’ba ’ye eri ma rua a’du afa ni ya?
4. E’da ma alea, karileo pa sopi koti ma ageyia ri a’di i ya?
5. De nga Stefano drani ku, zi Yehova Mungu ni ngoni?
6. Stefano ma pamvu obizu rile, ’ba azini ka ama vu e’yo onzi ’ye le ama ma ’ye a’du afa ni ya?
Zita azi ’dayi pi ma dria ’diyi:
1. Mi la ’Yeta 6:8-15.
Geri ’ba dini ma drileru ’diyi pi ni ayu ’ba e’yo eti nzepi Yehova ni ’diyi ogazu e’yo oluza yini siri ma alea ri ngoni ya? (’Yeta 6:9, 11, 13)
2. Mi la ’Yeta 7:1-60.
(a) A’du afa ko Stefano ma aza erini e’yo oluza atizu ’ba e’yo lipi ’diyi ma drilea kilili ru ni ,dika eceta eri ni ’diri amani imbata ru ngoni ngoni ya? (’Yeta 7:51-53; Rum. 15:4; 2 Tim. 3:14-17; 1 Pet. 3:15)
(b) Le ama ma ne ’ba e’yo ada onzopi onzo onzo ’diyi ngoni ya? (’Yeta 7:58-60; Mat. 5:44; Luka 23:33, 34)
A’diko 108
1. ’Bani Stefano ni ’dizu ’boria Saulo ’ye a’du afa ni ya?
2. Saulo ni muria geri Damasikia ria, afa osuta ru i ’yepi ri ngo i ya?
3. Yesu ’yo Saulo ni ngoni ya?
4. Yesu fe azita ngole ni Anania dri, azini Saulo nga angu ndre dika ngoni ngoni ya?
5. ’Ba nga Saulo ni ru ngo ri fe, azini ’ba nga eri ayu a’du ’yezu ya?
Zita azi ’dayi pi ma dria ’diyi:
1. Mi la ’Yeta 8:1-4.
Inzamatara ’bani Kristayo oko ’diyi inzazu ri fe e’yo bari ere i wakaka ngoni ngoni, dika e’yo alu ’dile ri ni i ’ye ewu ama ngari ria ngoni ru? (’Yeta 8:4; Isa. 54:17)
2. Mi la ’Yeta 9:1-20.
Azi esele na Yesu ni otu Saulo ni eri ni e’yo ni nze ri ngo ki ya? (’Yeta 9:15; 13:5; 26:1; 27:24; Rum. 11:13)
3. Mi la ’Yeta 22:6-16.
Ama eco ovu Anania le ngoni ngoni, azini ’diri ovu orodri ru ngoni ru ya? (’Yeta 22:12; 1 Tim. 3:7; 1 Pet. 1:14-16; 2:12)
4. Mi la ’Yeta 26:8-20.
Saulo ni i ojazu ’ba Kristayo ru ri eco okpo fe ba oku kaniku agupi a’ipi ku ’diyi pie ri pi ni andrusi ngoni ngoni ya? (’Yeta 26:11; 1 Tim. 1:14-16; 2 Tim. 4:2; 1 Pet. 3:1-3)
A’diko 109
Petero ni Korinelio ni Andrizu Ri
1. Agu avupi va eda ma aleari a’di i ya?
2. Malaika ’yo Korinelio ni ngoni ya?
3. Mungu fe Petero ni a’du afa ndre eri ni ovuria Simoni vile jo dria Yopaa ’dale ria?
4. Petero ’yo Korinelio ni ma avu va i inzizu ku a’du e’yo si ya?
5. ’Ba Yesu ma vuti ’bipi Yahudiru Petero pie ’diyi ki osuta si a’du e’yo si ya?
6. E’yo okporu amani eco oni muta Petero ni muzu Korinelio ni adrizu ri ma dria ri ngo i ya?
Zita azi ’dayi pi ma dria ’diyi:
1. Mi la ’Yeta 10:1-48.
E’yo Petero ni ’yole ’bani si ’Yeta 10:42 ma aleari ece e’yo baru suru ni ’diri nga ovu oluzaru ngoni ngoni ya? (Mat. 28:19; Mar. 13:10; ’Yeta 1:8)
2. Mi la ’Yeta 11:1-18.
Petero ovu egata ngole ni be erini Yehova ma asisile nizu ’ba juru ni ma dria ria, azini ama eco eri ma pamvu obi ngoni ngoni ya? (’Yeta 11:17, 18; 2 Kor. 10:5; Efe. 5:17)
A’diko 110
Timoteo—’Ba Paulo ma Aza Kopi O’di Ri
1. Karileo e’da ma alea ri a’di i ya, eri o’a ngoa ya, erima andri azini idii pi ma ru a’di pi ki?
2. Peteroni eri zizu eco mu i pie azini Sila pie e’yo oluzu pari ziri ri ma alea ra ya ria, Timoteo nga omvi ngoni ya?
3. ’Ba Yesu ma vuti bipi ’diyi ’ba e’do eyi omve ba Kristayo ki ngoa ya?
4. Paulo pi Sila be azini Timoteo pie yini Lusitera ni kuzu ’bo ria, aku amboru eyini muzu alenia ’diyi ma azi ngoki ya?
5. Timoteo fe azakoza ngoleni Paulo dri, le karileo curu’do ’diyi ma oziki eyi ma ngulupi zita ngole ri ki si ya?
Zita azi ’dayi pi ma dria ’diyi:
1. Mi la ’Yeta 9:19-30.
’Ba ti pele Paulo ece i onduaru erini inzamatara isule e’yo bari oluria ngoni ngoni? (’Yeta 9:22-25, 29, 30; Mat. 10:16)
2. Mi la ’Yeta 11:19-26.
E’yo siza ’Yeta 11:19-21, 26 ma aleari ece geri ngoni le ri si orindi Yehovani ri eri ’ba e’yo olupi ’diyi ma drice azini eyi ma ageyi te ni?
3. Mi la ’Yeta 13:13-16, 42-52.
’Yeta 13:51, 52 ’ba Yesu ma vuti bipi ’diyi feni inzamatara fu eyi ma okpo e’yo oluza niri ku ngoni ngoni ya? (Mat. 10:14; ’Yeta 18:6; 1 Pet. 4:14)
4. Mi la ’Yeta 14:1-6, 19-28.
E’yo ’bani ’yo “eyi owiki eyi Yehova dri” ’di eco okpo fe ama ni ecozu ’ba o’diru ’diyi ma aza kozu ngoni ngoni ya? (’Yeta 14:21-23; 20:32; Yoh. 6:44)
5. Mi la ’Yeta 16:1-5.
Timoteo ni aizu agale lizu ra ri ida orodri ama ni ama fezu azi “e’yo ba suru ni ri dri ri” ngazu ri ngoni ngoni ya? (’Yeta 16:3; 1 Kor. 9:23; 1 Tes. 2:8)
6. Mi la ’Yeta 18:1-11, 18-22.
’Yeta 18:9, 10 ece geri ngonile risi Yesu fe ima ngulupi e’yo oluza ma dri cezu, diri fe amani okpo ngole ni curu’do ya? (Mat. 28:20)
A’diko 111
1. E’da ma alea ’dia, mva i lapi vaa ’da a’di i, azini a’du ma e’yo ’ye i eri be ni ya?
2. Paulo ni isuzu mva ’da dra ’bo ria, nga a’du afa ’ye ya?
3. Paulo pi mu Timoteo be azini ’ba acipi eyi pie ’diyi pie ngoa, dika a’du ma e’yo ’ye i ni eyi ni pa so ria Miletua ria?
4. Nabi Agaba li Paulo ma billendu ngoni, dika e’yo eri ni ’yo ’da eca trotro ima paria ngoni ngoni?
Zita azi ’dayi pi ma dria ’diyi:
1. Mi la ’Yeta 20:7-38.
(a) Ekile Paulo ni e’da ’Yeta 20:26, 27 ma alea rile, ama ecoki ovu “alatara ru ’ba azini ma ari be ama dria ku” ngoni ngoni ya? (Eze. 33:8; ’Yeta 18:6, 7)
(b) Le mbaza kanisaa ’diyi ma “ebiki eyi e’yo ada ma rua kiri kiri” eyini ’ba imba ria a’du ma eyo si ya? (’Yeta 20:17, 29, 30; Tito 1:7-9; 2 Tim. 1:13)
2. Mi la ’Yeta 26:24-32.
Paulo ayu drileba ini ovuzu Suru si ’ba Rumi nia ri e’yo ba erini esu Yesu vu ri oluzu ngoni ngoni ya? (’Yeta 9:15; 16:37, 38; 25:11, 12; 26:32; Luka 21:12, 13)
A’diko 112
Oguru Aridi ’I Pari A’wiru Miri Alea ri Dria
1. A’du ma e’yo ’ye i o’bo Paulo ni ovuzu alenia ri be ni eyini alizu angu a’wiru Kiretea ri ma ageyia si ria?
2. Paulo ’yo ’ba o’bo alea ’diyi ni ngoni ya?
3. O’bo andi i nyiri nyiri ngoni ngoni ya?
4. Asikari ma drile fe azita ngoni, dika ’ba si fuki angu a’wiri ma dria ni ya?
5. Angu a’wiru eyini fuzu drinia ri ma ru ngoni, azini a’du ma e’yo ’ye i Paulo be ni angu ma mile ni i otuzu ’bo ria?
Zita azi ’dayi pi ma dria ’diyi:
1. Mi la ’Yeta 27:1-44.
Akaki e’yo la aci Paulo ni muzu Rumia ri ma dria, ama nga okpo isu asi ’baza amani Biblia ma sita kilili ru ma dria risi ngoni ngoni ya? (’Yeta 27:16-19, 27-32; Luka 1:3; 2 Tim. 3:16, 17)
2. Mi la ’Yeta 28:1-14.
’Ba kafiri ru Melitua ’diyi ka ndra “yiki anzutiru ri e’da” Paulo pi ni ’ba azi oguru alea ’diyi pie ra, le e’yo Kristayo ma ’yeki ’yeta si ri ngo i tutu ni geri ngole ri si ya? (’Yeta 28:1, 2; Ebr. 13:1, 2; 1 Pet. 4:9)
A’diko 113
1. Paulo ni ovuzu arujoa ria, olu e’yo bari a’di ni ya?
2. E’da ma alea ’dia, omu ripi Mesa ma tia ’di a’di i, azini eri a’du afa ’ye Paulo ni ya?
3. Epafrodito ni a’di i, azini afa erini mvizu eri bfe Filipia ri a’du afa ni ya?
4. Paulo si waraga ima agyi lele tu Filemona vu a’du e’yo si ya?
5. Paulo ni efuzu arujoa ri si ’boria ’ye a’du afa ni, azini vuti vuti ru a’du ma e’yo ’ye i eri be ni ya?
6. Agu Yehova ni ayu buku Biblia ma alea asizu ri sizu ri a’di i, dika buku E’yo Eceza niri nze ama ni e’yo a’du ma dria ya?
Zita azi ’dayi pi ma dria ’diyi:
1. Mi la ’Yeta 28:16-31 azini ’Ba Filipia ’Diyi 1:13.
Paulo ayu sawa ini arujoa ri a’du afa ’yezu ya, dika a’ita eri ni okpo ru ’da ko Kanisa Kristayo ni ma aza ngoni ngoni? (’Yeta 28:23, 30; Fil. 1:14)
2. Mi la ’Ba Filipia ’Diyi 2:19-30.
Paulo ecu Timoteo pi ma ru Epafrodito be ngoni ngoni, dika ama ecoki eceta Paulo ni obi ngoni ru ya? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)
3. Mi la Filemona 1-25.
(a) Asisile ndra Paulo ni Filemona ni oruzu e’yo kilili ’yezu ri ngoni, dika ’diri mbaza Kanisaa ’diyi pi ma aza ko ngoni ngoni? (Flm. 9; 2 Kor. 8:8; Gal. 5:13)
(b) E’yo Paulo ni nze Filemona 13, 14 ’daa ri e’da eri ma egata ’ba azi Kanisa ’diyi pi ma dria ci ri ngoni ngoni? (1 Kor. 8:7, 13; 10:31-33)
4. Mi la 2 Timoteo 4:7-9.
Ekile Paulo le, ama ecoki ovu asi ’baza si ada ada Yehova eco ama pa ra akaki ovu a’ita si kpere asiza nia ria ngoni ru? (Mat. 24:13; Ebr. 6:10)
A’diko 114
1. Biblia nze e’yo akanya ’bua ’dale ri pi ma dria a’du e’yo si ya?
2. A’di Munguni ’ba onzi ’diyi pie nyakua ri ’ba omve ngoni, dika asisile a’di ’di niri a’du afa yezu ya?
3. E’da ma alea ’dia, Agu a’di ma dri cepi ri a’di i, azini su o’ku ima dria ci a’du ma e’yo si dika sei eri ma dria ri ma ifi ngoni?
4. Mi ka A’diko 10 azini 15, ’diyi ki ndre, le ama ma o’aki osuta si Mungu ni muzu ’ba onzi diyi ma dri jazu risi ku a’du e’yo si ya?
5. A’diko 33, 36, azini 76 e’daki ama ni Mungu ni nga ’ba onzi ’diyi ma dri ja ece koko ka ki tro le e’da eyi di eri inzi ’dini ria ti?
Zita azi ’dayi pi ma dria ’diyi:
1. Mi la E’yo Eceza 19:11-16.
(a) E’yo siza e’daki Yesu ni agu nzupi akanya ma dria ri i ri ngoni ngoni? (Ece. 1:5; 3:14; 19:11; Isa. 11:4)
(b) Ari Yesu ma bongo rua ri e’da pe a’di ’dizu azini ndezu ri ni ngoni ngoni? (Ece. 14:18-20; 19:13)
(c) Asikari Yesu ma vuti bipi akanya dria a’di ’diza ma alea ’diyi ecoki adri a’di pi ki ya? (Ece. 12:7; 19:14; Mat. 25:31, 32)
A’diko 115
1. E’yo onyiru Biblia ni e’da ama ni kini ama nga ayiko ni zu Paradisia ri ki ngoki ya?
2. Biblia so oyo ’ba ngapi o’api Paradisia ’diyi ni ngoni ya?
3. Yesu ni nga ne e’yo onyiru ’diyi ma yeki eyi ngoari ya?
4. Ndra Yesu ni ovuzu nyakua ’dia ria, afa ndra eri ni ’ye e’dazu i nga eyi ’ye i ka eca opi ru Suru Munguni ma alea ’bo ’diyi ki ngoki ya?
5. Yesu pi ’ba erini ngazu opi nyazu eri be ’bua ’dale ’diyi pie nga ne le a’du ma e’yo ma ’ye i ni ya?
Zita azi ’dayi pi ma dria ’diyi:
1. Mi la E’yo Eceza 5:9, 10.
Ama ecoki ovu asi ’baza be ’ba ngapi opi nyapi Yesu be ’bua ’dale eli alifu alu ’diyi ma dria ki nga opi nya asi anzu si ra ’dini a’du e’yo si ya? (Efe. 4:20-24; 1 Pet. 1:7; 3:8; 5:6-10)
2. Mi la E’yo Eceza 14:1-3.
E’yo orodri ru ama ni oni ru ata ni azini kabilo mvani ’bani osi ’ba 144,000 ’diyi pi ma andretia ri ma dria ri ngoni ya? (1 Kor. 3:23; 2 Tim. 2:19; Ece. 3:12)
A’diko 116
Ama Ecoki O’a ’Dani ’Dani Ngoni Ru
1. Ama ka ki le o’a idri ru ’dani ’dani ra, le ama ma oniki e’yo a’du ma dria ya?
2. Ekile amani ne e’da ma alea zamva werea ’dapi ni ye ima agyika pie ri le, ama ecoki e’yo oni Yehova pi ma dria Yesu be ngoni ngoni ya?
3. Buku azi mini ne e’da ma alea ri ngo i, le mi ma la eri ra a’du e’yo si ya?
4. Akaki le idri ’dani ’dani ri isu ra, afa azi le ama ma ’ye ’yeta si e’yo oniza Yehova pi ma dria Yesu be ri ngo i?
5. Imbata amani oni A’diko 69 ri ngoni?
6. Eceta kilili ru Samueli ni A’diko 55 ri e’da amani a’du ma e’yo ya?
7. Ama ecoki eceta Yesu ni ma vuti obi ngoni ngoni, akaki obi ra, eri nga ama aza ko a’du afa ’yezu ewu drusi ri ma alea ya?
Zita azi ’dayi pi ma dria ’diyi:
1. Mi la Yohana 17:3.
E’yo siza e’daki amani Yehova pi nizu Yesu beri ma ifi aga ’bani ’yeta eyini egazu ’diyi ra ngoni ngoni ya? (Mat. 7:21; Yak. 2:18-20; 1 Yoh. 2:17)
2. Mi la Zaburi 145:1-21.
(a) Asisile azi kakau ru ama ni Yehova ma ru icuzu ’diyi ngoki ya? (Zab. 145:8-11; Ece. 4:11)
(b) Yehova ni “muke ’ba dria vu” ngoni ngoni, ani le ’di ma isi di ama eri vu inyia ngoni ru ya? (Zab. 145:9; Mat. 5:43-45)
(c) E’yo Yehova ni dria ka adri asi ama ni ma alea ci, ’diri nga fe ama a’du afa ’ye ya? (Zab. 119:171, 172, 175; 145:11, 12, 21)
