Mānga 1

1. Bintu byonso biyampe byotudi nabyo i bitambe kwepi, le ukokeja kutela’ko kimo?

2. Lelo Leza wābadikile kupanga bāni?

3. Mwanda waka mwikeulu umbajinji kupangwa wādi mupite bonso?

4. Lombola mwādi mwikadile ntanda ku ngalwilo. (Tala kifwatulo.)

5. Leza wāshilwile namani kuteakanya ntanda pa mwanda wa banyema ne bantu?

Bipangujo bya ntentekelo:

1. Tanga Yelemia 10:12.

   Lelo bupangi bulombola ngikadilo’ka ya Leza? (Is. 40:26; Loma 11:33)

2. Tanga Kolose 1:15-17.

   I mwingilo’ka wāingile Yesu mu bupangi, ne kino kitutonona tumumone namani? (Kol. 1:15-17)

3. Tanga Ngalwilo 1:1-10.

   1. I ani wāpangile ntanda? (Ngal. 1:1)

   2. I bika byālongelwe mu difuku dibajinji dya bupangi? (Ngal. 1:3-5)

   3. Tela byālongelwe mu difuku dya bubidi dya bupangi. (Ngal. 1:7, 8)

Mānga ya 2

1. Leza wālongolwele namani ntanda ikale ke kīkalo kyetu?

2. Lombola banyema bāpangile Leza mobeshidile bininge. (Tala kifwatulo.)

3. Mwanda waka budimi bwa Edena i bupite madimi onso?

4. Leza wādi usaka ntanda yonso ikale namani?

Bipangujo bya ntentekelo:

1. Tanga Ngalwilo 1:11-25.

   1. I bika byāpangile Leza mu difuku dya busatu dya bupangi? (Ngal. 1:12)

   2. I bika byālongekele mu difuku dya buná dya bupangi? (Ngal. 1:16)

   3. I banyema ba miswelo’ka bālongele Leza mu difuku dya butano ne dya busamba? (Ngal. 1:20, 21, 25)

2. Tanga Ngalwilo 2:8, 9.

   I mityi’ka ibidi mishile na mikwabo yātūdile Leza mu budimi bwa Edena, ne yādi yelekeja bika?

Mānga ya 3

1. Kifwatulo kya Mānga ya 3 i kishile namani na kifwatulo kya Mānga ya 2?

2. I ani wāpangile mwana-mulume umbajinji, ne uno mwana-mulume dijina dyandi i ani?

3. Leza wāpele Adama mwingilo’ka?

4. Mwanda waka Leza wālādikile Adama tulo tukatampe twine?

5. Ba Adama ne Eva bādi ba kwikala’ko mu bula bwa myaka inga, ne i mwingilo’ka wēbapele Yehova?

Bipangujo bya ntentekelo:

1. Tanga Mitōto 83:18.

   Dijina dya Leza i ani, ne i kitenta’ka kyadi nakyo bunka bwandi pano pa ntanda ponsololo? (Yel. 16:21; Dan. 4:17)

2. Tanga Ngalwilo 1:26-31.

   1. I bipangwa’ka bikatampe byāpangile Leza mu difuku dya busamba, ne mwanda waka byādi bishile na banyema? (Ngal. 1:26)

   2. Yehova wāpele bantu ne banyema bidibwa’ka? (Ngal. 1:30)

3. Tanga Ngalwilo 2:7-25.

   1. Mwingilo wa Adama wa kwinika banyema majina wādi ulomba bika ne bika? (Ngal. 2:19)

   2. Ngalwilo 2:24 witukwasha namani tuyuke mumwena Yehova busongi, kwisansanya, ne dilubu? (Mat. 19:4-6, 9)

Mānga ya 4

1. Pa kino kifwatulo, abalonga ba Adama ne Eva bika?

2. Mwanda waka Yehova webape mfuto?

3. Le nyoka wāsapwidile Eva bika?

4. I ani wālengeje nyoka esambe na Eva?

5. Mwanda waka ba Adama ne Eva bājimije paladisa, kīkalo kyabo?

Bipangujo bya ntentekelo:

1. Tanga Ngalwilo 2:16, 17 ne 3:1-13, 24.

   1. Kipangujo kyobāipangwile Eva kudi nyoka kyāmwekeje Yehova bibi namani? (Ngal. 3:1-5; 1 Yoa. 5:3)

   2. Eva i kimfwa kya batwe kudyumukila’po namani? (Fid. 4:8; Yak. 1:14, 15; 1 Yoa. 2:16)

   3. I muswelo’ka wākomenwe ba Adama ne Eva kwitabija kuluba kwabo? (Ngal. 3:12, 13)

   4. Bakelubi bātūdilwe kutunduka kwa budimi bwa Edena bākwatakenye namani bubikadi bwa Yehova? (Ngal. 3:24)

2. Tanga Kusokwelwa 12:9.

   Lelo Satana wābwenye namani kutonona bantu bavundamine ku bubikadi bwa Leza? (1 Yoa. 5:19)

Mānga ya 5

1. Ba Adama ne Eva bāikele na būmi bwa muswelo’ka panja pa budimi bwa Edena?

2. I bika byāshilwile kufikila ba Adama ne Eva, ne mwanda waka?

3. Mwanda waka bana ba Adama ne Eva bādi ba kununupa ne kufwa?

4. Shi ba Adama ne Eva bākōkele Yehova, longa būmi bwabo ne bwa babo bana budi namani?

5. Kubulwa kikōkeji kwa Eva kwāmuletele masusu’ka?

6. Bana babidi babajinji ba Adama ne Eva i bāni?

7. Bano bana bakwabo badi pa kifwatulo i bāni?

Bipangujo bya ntentekelo:

1. Tanga Ngalwilo 3:16-23 ne 4:1, 2.

   1. Adama wātenwe na masusu’ka pa mwanda wa nshi yāfingilwe? (Ngal. 3:17-19; Loma 8:20, 22)

   2. Mwanda waka dijina Eva dishintulula mu Kihebelu amba “Muntu Mūmi” i difwaninwe? (Ngal. 3:20)

   3. Le Yehova wālangīle namani ba Adama ne Eva nansha byobāpwile kulonga bubi? (Ngal. 3:7, 21)

2. Tanga Kusokwelwa 21:3, 4.

   Mu bino “bintu bibajinji,” i bika bimo byosaka bibadikile kutukila lonso?

Mānga ya 6

1. Ba Kena ne Abele bādi bengila mingilo’ka?

2. I byabuntu’ka byākalambwile ba Kena ne Abele kudi Yehova?

3. Mwanda waka Yehova wāsangedile kyabuntu kya Abele, ino wāpela kusangela kya Kena?

4. Kena wādi muntu wa muswelo’ka, ne mwanda waka Yehova wāpele Kena madingi?

5. Le Kena wālongele mwanabo bika pobadi mu ntanda kwa bunka bwabo?

6. Shintulula byāfikile Kena pa kupwa kwipaya mwanabo.

Bipangujo bya ntentekelo:

1. Tanga Ngalwilo 4:2-26.

   1. Yehova wāshintulwile namani kyaka kyādi kitengele Kena? (Ngal. 4:7)

   2. Kena wālombwele namani kyādi ku mutyima wandi? (Ngal. 4:9)

   3. Yehova umwene namani kumwanga mashi ampikwa mwanda? (Ngal. 4:10; Is. 26:21)

2. Tanga 1 Yoano 3:11, 12.

   1. Mwanda waka Kena wākalabele, ne kino i kidyumu namani kotudi dyalelo? (Ngal. 4:4, 5; Nk. 27:4; 28:22)

   2. Le Bible ulombola namani amba, nansha shi bonso ba mu kisaka abapele Yehova, batwe tukokeja kwikala nyeke na bululame? (Mit. 27:10; Mat. 10:21, 22)

3. Tanga Yoano 11:25.

   Yehova witupa kikulupiji’ka pa boba bonso bafwile pangala pa boloke? (Yoa. 5:24)

Mānga ya 7

1. Enoke wādi mwishile na bakwabo muswelo’ka?

2. Mwanda waka bantu ba mu mafuku a Enoke bālongele bintu bibi bivule?

3. I bintu’ka bibi byādi bilonga bantu? (Tala kifwatulo.)

4. Mwanda waka Enoke wādi ufwaninwe kwikala mukankamane?

5. Bantu pa kala bādi balāla myaka inga, ino Enoke wālēle myaka inga?

6. Pāfwile Enoke bantu bāikele namani?

Bipangujo bya ntentekelo:

1. Tanga Ngalwilo 5:21-24, 27.

   1. Enoke wāpwene na Yehova kipwano kya muswelo’ka? (Ngal. 5:24)

   2. Mungya Bible, i muntu’ka wālēle myaka mivule kupita bonso, ne wāfwile na myaka inga? (Ngal. 5:27)

2. Tanga Ngalwilo 6:5.

   Ngikadilo pa ntanda yābipile’ko namani pāpwile kufwa Enoke, ne kino i kiifwane namani na ano etu mafuku? (2 Tem. 3:13)

3. Tanga Bahebelu 11:5.

   I ngikadila’ka ya Enoke ‘yātōkeje Leza ku mutyima,’ ne yāmufikije ku bika? (Ngal. 5:22)

4. Tanga Yude 14, 15.

   Bene Kidishitu bakokeja kwiula namani bukankamane bwa Enoke dyalelo pobadyumuna bantu ku divita dya Amakedona? (2 Tem. 4:2; Bah. 13:6)

Mānga ya 8

1. Byāikele namani bamwikeulu bamo ba Leza pobāivwene Satana?

2. Mwanda waka bamwikeulu bamo bālekele mwingilo wabo mūlu, bāiya pano panshi?

3. Mwanda waka kyādi kibi bamwikeulu bāye pano panshi ne kuvwala imbidi ya bantu?

4. Bana ba bamwikeulu bādi beshile namani na bana bakwabo?

5. Monka momwena pa kifwatulo, i bika byādi bilonga bana ba bamwikeulu pobādi ke batumpangala?

6. Enoke pa kufwa, i muntu’ka mukwabo muyampe wāikele’ko pano pa ntanda, ne mwanda waka Leza wādi umuswele?

Bipangujo bya ntentekelo:

1. Tanga Ngalwilo 6:1-8.

   Ngalwilo 6:6 ulombola namani amba Leza utenekwanga ku mutyima na mwiendelejo wetu? (Mit. 78:40, 41; Nk. 27:11)

2. Tanga Yude 6.

   Bamwikeulu “kebalaminepo bukatampe” bwabo mu mafuku a Noa betuvuluja bika mu ano etu mafuku? (1 Kod. 3:5-9; 2 Pet. 2:4, 9, 10)

Mānga ya 9

1. Kisaka kya Noa kyādi na bantu banga, kadi tela majina a bandi bana basatu?

2. Leza wāsapwidile Noa alonge kintu’ka kitulumukwa, ne mwanda waka?

3. Bantu ba mu mafuku a Noa bālongele bika pādi pebasapwila Noa myanda ya safini?

4. Leza wānene Noa alonge bika na banyema?

5. Leza pa kupwa kushita kibelo kya safini, Noa ne kyandi kisaka bādi balonga bika?

Bipangujo bya ntentekelo:

1. Tanga Ngalwilo 6:9-22.

   1. I kika kilengeje Noa ekale mutōtyi wa kutendelwa wa Leza wa bine? (Ngal. 6:9, 22)

   2. Leza umonanga bikandangobo namani, ne netu tufwaninwe kuleka bika shi tukaya makayo? (Ngal. 6:11, 12; Mit. 11:5)

   3. Tukokeja kwiula Noa namani kitatyi kyobetupa madingi ku bulongolodi bwa Yehova? (Ngal. 6:22; 1 Yoa. 5:3)

2. Tanga Ngalwilo 7:1-9.

   Yehova wāmwene Noa muntu wakubulwa kubwaninina bu moloke, le kino kitukankamika namani dyalelo? (Ngal. 7:1; Nk. 10:16; Is. 26:7)

Mānga ya 10

1. Pāshilwile mvula, mwanda waka kitatyi kyādi kekipite kya muntu kutwela mu safini?

2. Yehova wānokeje mvula mu bula bwa mafuku anga, mwinya ne bufuku, ne mema āfikile ne pepi?

3. Safini yālongele bika pāshilwile mema kuyula pano pa ntanda?

4. Le batumpangala bāpandile pa Dilobe? Lelo i bika byātene bashandya batumpangala?

5. Le i bika byāfikile safini pa kupwa kwa myeji itano?

6. Mwanda waka Noa wātambije kinkombe mu safini?

7. Noa wāyukile namani amba mema abaūme pa ntanda?

8. Lelo Leza wānene Noa ne kisaka kyandi bika pobāpwile kulāla mwaka mutuntulu ne kupita mu safini?

Bipangujo bya ntentekelo:

1. Tanga Ngalwilo 7:10-24.

   1. I muswelo’ka wāfwile byonso byādi pano pa ntanda? (Ngal. 7:23)

   2. Mema a Dilobe alēle mafuku anga kumeso kwa kūma’o? (Ngal. 7:24)

2. Tanga Ngalwilo 8:1-17.

   Ngalwilo 8:17 ulombola namani amba mpango imbajinji ya Leza itala ntanda keyāshintyilepo? (Ngal. 1:22)

3. Tanga 1 Petelo 3:19, 20.

   1. Bamwikeulu bantomboki pa kujokela mūlu, bāpelwe mfuto’ka? (Yude 6)

   2. Mānga ya Noa ne kisaka kyandi itukulupija namani amba Yehova udi na bukomo bwa kunyongolola bantu bandi? (2 Pet. 2:9)

Mānga ya 11

1. I kintu’ka kibajinji kyālongele Noa paālupukile mu safini na mwikilombwela kifwatulo?

2. Leza wāsapwidile Noa ne kisaka kyandi bika kupwa kwa Dilobe?

3. I mulao’ka wālaile Leza?

4. Potumona nkongolo, le tufwaninwe kuvuluka bika?

Bipangujo bya ntentekelo:

1. Tanga Ngalwilo 8:18-22.

   1. Tukalonga bika pa kusaka Yehova alule “luvumba luyampe” dyalelo? (Ngal. 8:21; Bah. 13:15, 16)

   2. Yehova wānene amba mutyima wa muntu udi namani, penepa i muswelo’ka otufwaninwe kudyumuka? (Ngal. 8:21; Mat. 15:18, 19)

2. Tanga Ngalwilo 9:9-17.

   1. I kipwano’ka kyāpwene Yehova na bipangwa byonso bya pano panshi? (Ngal. 9:10, 11)

   2. Kipwano kya nkongolo kikalāla myaka inga? (Ngal. 9:16)

Mānga ya 12

1. Nimiloda i ani, ne Leza wāmumwene namani?

2. Mwanda waka bantu bafwatula matafwadi pa kifwatulo?

3. Mwanda waka Yehova kāsangedilepo lūbako lobaūbakile?

4. Leza wāimikile namani mwingilo wa kūbaka kiteba?

5. Kibundi kyāinikilwe dijina’ka, ne dishintulula namani?

6. I bika byālongele bantu pāpwile Leza kuvutakanya ludimi lwabo?

Bipangujo bya ntentekelo:

1. Tanga Ngalwilo 10:1, 8-10.

   Nimiloda wādi na ngikadilo’ka, ne kino kitupa kidyumu’ka? (Nk. 3:31)

2. Tanga Ngalwilo 11:1-9.

   I milangwe’ka yādi na boba bādi bōbaka kiteba, ne mwanda waka mpangiko yabo yākomenwe? (Ngal. 11:4; Nk. 16:18; Yoa. 5:44)

Mānga ya 13

1. Bantu ba mu kibundi kya Ulu bādi bālonga bika?

2. I ani uno udi pa kifwatulo, wābutwilwe kitatyi’ka, ne wādi kwepi?

3. Leza wāsapwidile Abalahama alonge bika?

4. Mwanda waka Abalahama wāityilwe bu mulunda na Leza?

5. I bāni bātambile mu Ulu na Abalahama?

6. Leza wālombele Abalahama bika paādi wenda mu ntanda ya Kenani?

7. Leza wālaile Abalahama bika paādi na myaka 99?

Bipangujo bya ntentekelo:

1. Tanga Ngalwilo 11:27-32.

   1. Ba Abalahama ne Lota bādi babutulwa namani? (Ngal. 11:27)

   2. Nansha bitelelwe Tela bu ye wāvilukile na kisaka kyandi kwenda ku Kenani, ino tuyukile namani amba Abalahama ye wāshilwile luno lwendo, ne mwanda waka wākutyile’lo? (Ngal. 11:31; Bil. 7:2-4)

2. Tanga Ngalwilo 12:1-7.

   Yehova wābaije namani kipwano kyandi na Abalahama pāpwile Abalahama kufika mu ntanda ya Kenani? (Ngal. 12:7)

3. Tanga Ngalwilo 17:1-8, 15-17.

   1. Abalama pa kubwanya myaka 99, bāmushintyile dijina ke ani, ne mwanda waka? (Ngal. 17:5)

   2. Yehova wālaile Sala madyese’ka a kumeso? (Ngal. 17:15, 16)

4. Tanga Ngalwilo 18:9-19.

   1. Mungya Ngalwilo 18:19, bashabana badi na biselwa’ka? (Kup. 6:6, 7; Ef. 6:4)

   2. I bika byobanene Sala bilombola amba ketukokejapo kufya Yehova kintu? (Ngal. 18:12, 15; Mit. 44:21)

Mānga ya 14

1. Leza wālaile Abalahama mulao’ka, ne Leza wāfikidije namani uno mulao?

2. Leza wātompele namani lwitabijo lwa Abalahama na motumwena pa kifwatulo?

3. Abalahama wālongele bika, nansha byākaivwanijepo buluji bwa byāmusoñenye Leza?

4. Byāikele namani pākwete Abalahama kipete amba epaye wandi mwana?

5. Lwitabijo lwa Abalahama mudi Leza lwādi lukomo namani?

6. Leza wāpele Abalahama kika bu kitapwa, ne wāmupele’kyo namani?

Bipangujo bya ntentekelo:

1. Tanga Ngalwilo 21:1-7.

   Mwanda waka Abalahama wātwejeje wandi mwana kwisao mu difuku dya mwanda? (Ngal. 17:10-12; 21:4)

2. Tanga Ngalwilo 22:1-18.

   Isake wakōkele shandi Abalahama muswelo’ka, ne kino kyadi kyelekeja kintu’ka kikatampe kyadi kya kulongeka kumeso? (Ngal. 22:7-9; 1 Kod. 5:7; Fid. 2:8, 9)

Mānga ya 15

1. Mwanda waka ba Abalahama ne Lota bēsansenye?

2. Mwanda waka Lota wātongele kukekala mu Sodoma?

3. Bantu ba mu Sodoma bādi bantu ba muswelo’ka?

4. Bamwikeulu babidi bādyumwine Lota namani?

5. Mwanda waka mukaja Lota wāalamukile ke kyulu kya mwepo?

6. I ñeni’ka yowaboila ku byāfikile mukaja Lota?

Bipangujo bya ntentekelo:

1. Tanga Ngalwilo 13:5-13.

   I ñeni’ka yotukokeja kuboila kudi Abalahama shi tukimba kupwija lupata pa bukata bwa bantu? (Ngal. 13:8, 9; Loma 12:10; Fid. 2:3, 4)

2. Tanga Ngalwilo 18:20-33.

   Bintu byobālongēle Abalahama kudi Yehova bitukulupija namani amba Yehova ne Yesu bakatyiba myanda umboloke? (Ngal. 18:25, 26; Mat. 25:31-33)

3. Tanga Ngalwilo 19:1-29.

   1. Ino nsekununi ya mu Bible ilombola namani mumwena Leza kusambakena pamo kwa bantu ba ngitu imo? (Ngal. 19:5, 13; Levi 20:13)

   2. Byālongele Lota i bishile namani na byālongele Abalahama pebāsoñenye Leza, ne kino kitufundija bika? (Ngal. 19:15, 16, 19, 20; 22:3)

4. Tanga Luka 17:28-32.

   Mutyima wa mukaja Lota wādi ulamete namani ku bintu bya ku ngitu, ne kino i kidyumu kotudi namani? (Luka 12:15; 17:31, 32; Mat. 6:19-21, 25)

5. Tanga 2 Petelo 2:6-8.

   Tufwaninwe kumona namani ntanda ya bantu bampikwa bwine Leza na mwādi mwiimwena Lota? (Ezek. 9:4; 1 Yoa. 2:15-17)

Mānga ya 16

1. Ba mwana-mulume ne mwana-mukaji badi pa kifwatulo’ba i bāni?

2. Abalahama wālongele bika pa kukimbila wandi mwana mukaji, ne mwanda waka?

3. Milombelo ya mwingidi wa Abalahama yālondolwele muswelo’ka?

4. Lebeka wālondolwele namani pobāmwipangwile shi usaka kwikala mukaja Isake?

5. I bika byāsangeje monka Isake?

Bipangujo bya ntentekelo:

1. Tanga Ngalwilo 24:1-67.

   1. I ngikadilo’ka miyampe yālombwele Lebeka pobētene na mwingidi wa Abalahama ku mushimwa? (Ngal. 24:17-20; Nk. 31:17, 31)

   2. Mpangiko ya Abalahama ya kusokwela Isake mukaji i kimfwa kilumbuluke namani ku Bene Kidishitu dyalelo? (Ngal. 24:37, 38; 1 Kod. 7:39; 2 Kod. 6:14)

   3. Mwanda waka tufwaninwe kwikala na kyaba kya kulanguluka pamo bwa Isake? (Ngal. 24:63; Mit. 77:12; Fid. 4:8)

Mānga ya 17

1. Ba Esau ne Yakoba bādi bāni, ne mwanda waka bādi bashalañane?

2. Pāfwile nkambo wabo Abalahama, ba Esau ne Yakoba bādi na myaka inga?

3. Esau wālongele bika byāfityije mutyima wa shandi ne wa inandi bininge?

4. Mwanda waka Esau wākaledile bininge mwanabo Yakoba?

5. Isake wāsapwidile wandi mwana Yakoba bika?

Bipangujo bya ntentekelo:

1. Tanga Ngalwilo 25:5-11, 20-34.

   1. Yehova wālaile bika pa bana babidi ba Lebeka? (Ngal. 25:23)

   2. Mumweno wa Yakoba ne wa Esau pa bukulu wādi mwishile namani? (Ngal. 25:31-34)

2. Tanga Ngalwilo 26:34, 35; 27:1-46; ne 28:1-5.

   1. Esau wēlombwele namani amba kasangedilepo bintu bya ku mushipiditu? (Ngal. 26:34, 35; 27:46)

   2. Pa kusaka Yakoba eselwe madyese na Leza, i bika byāmunene Isake kulonga? (Ngal. 28:1-4)

3. Tanga Bahebelu 12:16, 17.

   Kimfwa kya Esau kilombola amba i bika bikokeja kufikila boba bafutulula bintu bikola?

Mānga ya 18

1. Le uno nsongwakaji udi pa kifwatulo i ani, ne Yakoba wāmulongela bika?

2. Yakoba wāitabije kulonga bika mwanda wa kusonga Letyela?

3. Lebane wālongele bika kitatyi kyāsakile Yakoba kutundaila Letyela?

4. Yakoba wāitabije kulonga monka bika pa kusaka Letyela ekale mukajandi?

Bipangujo bya ntentekelo:

1. Tanga Ngalwilo 29:1-30.

   1. Nansha byobādimbile Yakoba kudi Lebane, ino aye wēlēmekele namani, ne i ñeni’ka yotukokeja netu kuboila’ko? (Ngal. 25:27; 29:26-28; Mat. 5:37)

   2. Kimfwa kya Yakoba kishiyañanya namani buswe na kiswelelela? (Ngal. 29:18, 20, 30; Lwimbo 8:6)

   3. Le i bana-bakaji’ka baná ba mu kipango kya Yakoba bāmubutwidile bana? (Ngal. 29:23, 24, 28, 29)

Mānga ya 19

1. Majina a bana basamba ba Yakoba bābutwile Lea wandi mukaji umbajinji i majina’ka?

2. Bana babidi ba Yakoba bābutwile Zidipa, mwingidi wa Lea, i bāni?

3. Majina a bana babidi ba Yakoba bābutwile Bidiha, mwingidi wa Letyela, i majina’ka?

4. Bana babidi bābutwile Letyela i bāni, ne i bika byāmufikile pa kubutula mwana wa bubidi?

5. Tala pa kifwatulo, bana ba Yakoba i banga, ne kobadi kutambile muzo’ka?

Bipangujo bya ntentekelo:

1. Tanga Ngalwilo 29:32-35; 30:1-26; ne 35:16-19.

   I muswelo’ka wādi winikwa bana ba Bahebelu majina mu myaka ya kala, na mwikilombwela majina a bana 12 ba Yakoba?

2. Tanga Ngalwilo 37:35.

   Nansha bitelelwe enka Dina mu Bible, ino tuyukile namani amba Yakoba wādi na bana bana-bakaji bakwabo? (Ngal. 37:34, 35)

Mānga ya 20

1. Mwanda waka ba Abalahama ne Isake kebādipo basaka babo bana basonge bantu ba mu ntanda ya Kenani?

2. Le Yakoba wāloelelwe wandi mwana mwana-mukaji asambe bulunda na bansongwakaji Bene Kenani?

3. Mwana-mulume utala Dina pa kifwatulo i ani, ne i bibi’ka byaālongele?

4. I bika byālongele banababo na Dina, ba Shimioni ne Levi, pa kwivwana uno mwanda?

5. Lelo Yakoba wāitabije byālongele ba Shimioni ne Levi?

6. Makambakano onso ātene kisaka āshilwile muswelo’ka?

Bipangujo bya ntentekelo:

1. Tanga Ngalwilo 34:1-31.

   1. Lelo kisense kya Dina na bansongwakaji Bene Kenani kyādi’tu kya difuku dimo? Shintulula. (Ngal. 34:1)

   2. Mwanda waka Dina nandi ufwaninwe kutopekwa pa kujimija bujike bwandi? (Ngat. 6:7)

   3. Bankasampe ba dyalelo bakokeja kulonga bika bilombola amba batele mutyima ku kimfwa kya kidyumu kya Dina? (Nk. 13:20; 1 Kod. 15:33; 1 Yoa. 5:19)

Mānga ya 21

1. Mwanda waka banababo na Yosefa bāmukwatyilwe mukao, ne bālongele bika?

2. Banababo na Yosefa bādi basaka kumulonga bika, ino Lubeni wānene bika?

3. I bika byobālongele pāile basunga Bene Ishemele?

4. Banababo na Yosefa bālongele bika mwanda wa shabo amone amba Yosefa i mufwe?

Bipangujo bya ntentekelo:

1. Tanga Ngalwilo 37:1-35.

   1. Bene Kidishitu bakokeja namani kwiula kimfwa kya Yosefa na kusapula bilongwa bibi ku kipwilo? (Ngal. 37:2; Levi 5:1; 1 Kod. 1:11)

   2. I bika byāfikije banababo na Yosefa ku kumushikwa? (Ngal. 37:11, 18; Nk. 27:4; Yak. 3:14-16)

   3. Yakoba wālongele bika byādi bilonga bavule shi badila madilo? (Ngal. 37:35)

Mānga ya 22

1. Yosefa wādi na myaka inga pātwelwe ku Edipito, ne i bika byāmutene pa kufika mu Edipito?

2. I bika byāfikije Yosefa ku kwelwa mu kifungo?

3. I mwingilo’ka wāpelwe Yosefa mu kifungo?

4. Mu kifungo, Yosefa wālongēle ba kaseya ne mutēki wa Felo bika?

5. Kaseya wālongele bika pa kupwa kulupulwa mu kifungo?

Bipangujo bya ntentekelo:

1. Tanga Ngalwilo 39:1-23.

   Mu mafuku a Yosefa kekwādipo kijila kya Leza kipeleja makoji, ino i bika byātonwene Yosefa anyeme mukaja Potifela? (Ngal. 2:24; 20:3; 39:9)

2. Tanga Ngalwilo 40:1-23.

   1. Sekununa mu kīpi kilotwa kya kaseya ne nshintulwilo yāpelwe Yosefa na Yehova. (Ngal. 40:9-13)

   2. Le mutēki nandi wālotele bika, ne byādi bishintulula bika? (Ngal. 40:16-19)

   3. Umpika wa binebine ne wa manwa wiulanga mutyima wa Yosefa namani dyalelo? (Ngal. 40:8; Mit. 36:9; Yoa. 17:17; Bil. 17:2, 3)

   4. Ngalwilo 40:20 uyukija Bene Kidishitu bika pa mwanda utala masobo a mafuku a kubutulwa? (Mus. 7:1; Mako 6:21-28)

Mānga ya 23

1. I bika byāfikile Felo bufuku bumo?

2. Mwanda waka ku mfulo kaseya wāvulukile Yosefa?

3. I bilotwa’ka byālotele Felo na momwena pa kifwatulo?

4. Yosefa wānene amba bilotwa bishintulula bika?

5. I muswelo’ka wāikele Yosefa ke muntu mukatampe mu Edipito kupwa’tu Felo?

6. Mwanda waka banababo na Yosefa bāile mu Edipito, ne mwanda waka kēbamuyukilepo?

7. Yosefa wāvulukile kilotwa’ka, ne kino kyāmukweshe ayuke bika?

Bipangujo bya ntentekelo:

1. Tanga Ngalwilo 41:1-57.

   1. Yosefa wākokele namani ñeni padi Yehova, ne Bene Kidishitu dyalelo nabo bakokeja kwiula kimfwa kyandi namani? (Ngal. 41:16, 25, 28; Mat. 5:16; 1 Pet. 2:12)

   2. Myaka ya ndoe mu Edipito yālondelwe na myaka ya nzala ishiyañanya muswelo’ka ngikadilo ya ku mushipiditu idi’mo bantu ba Yehova dyalelo na Bipwilo bya Kine Kidishitu? (Ngal. 41:29, 30; Am. 8:11, 12)

2. Tanga Ngalwilo 42:1-8 ne 50:20.

   Lelo i bibi batōtyi ba Yehova kufukatyila nansha kwivukwila muntu mwanda wa kumulēmeka shi kyo kibidiji kya mu mine ntanda’ya? (Ngal. 42:6)

Mānga ya 24

1. Mwanda waka Yosefa wānene banababo amba i batubedibedi?

2. I bika byālekēle Yakoba Benjemani wandi mwana nkasa ende mu Edipito?

3. Kitomeno kya ndalama kya Yosefa kyātwelele namani mu mufuko wa Benjemani?

4. Yuda wālombele kulonga bika mwanda wa balekelele Benjemani?

5. Banababo na Yosefa bāalamukile namani?

Bipangujo bya ntentekelo:

1. Tanga Ngalwilo 42:9-38.

   Binenwa bya Yosefa bidi mu Ngalwilo 42:18 i kivulujo kiyampe namani ku boba badi na biselwa dyalelo mu bulongolodi bwa Yehova? (Neh. 5:15; 2 Kod. 7:1, 2)

2. Tanga Ngalwilo 43:1-34.

   1. Nansha Lubeni byaādi mwana umbedi, ino mwanda waka Yuda ye wādi unena pa kyaba kya banababo? (Ngal. 43:3, 8, 9; 44:14, 18; 1 Bil. 5:2)

   2. Yosefa wātompele namani banababo patōkelela, ne mwanda waka? (Ngal. 43:33, 34)

3. Tanga Ngalwilo 44:1-34.

   1. Yosefa wētelele bu ani mu budyumuku bwandi bwa kusaka banababo baleke kumujiula? (Ngal. 44:5, 15; Levi 19:26)

   2. Banababo na Yosefa bālombwele namani amba kebakidipo na mukao obādi bakwatyila mwanabo? (Ngal. 44:13, 33, 34)

Mānga ya 25

1. I bika byālongekele kitatyi kyēsokwele Yosefa kudi banababo?

2. Yosefa wāshintulwidile banababo bika na kanye?

3. I bika byānene Felo pa kwivwana amba banababo na Yosefa i bāye?

4. Kisaka kya Yakoba kyādi na bantu banga pa kuvilukila mu Edipito?

5. Kisaka kya Yakoba kyāfudile ku kwitwa namani, ne mwanda waka?

Bipangujo bya ntentekelo:

1. Tanga Ngalwilo 45:1-28.

   Nsekununi ya mu Bible ya Yosefa ilombola namani amba Yehova ukokeja kwalamuna kibi kilongelwa bengidi bandi ke kintu kiyampe? (Ngal. 45:5-8; Is. 8:10; Fid. 1:12-14)

2. Tanga Ngalwilo 46:1-27.

   I kikulupiji’ka kyāpelwe Yakoba na Yehova paādi wenda mu Edipito? (Ngal. 46:1-4)

Mānga ya 26

1. Lelo Yoba i ani?

2. Satana wāsakile kulonga bika, ino le wābwenye?

3. Yehova wāpele Satana lupusa lwa kulonga bika, ne mwanda waka?

4. Mwanda waka mukaja Yoba wāmunene amba ‘tuka Leza, ufwe’? (Tala kifwatulo.)

5. Enka momwena pa kifwatulo kya bubidi’pa, Yehova wāesele Yoba namani, ne mwanda waka?

6. Netu shi tukōkele kudi Yehova pamo bwa Yoba, i madyese’ka otukeselwa?

Bipangujo bya ntentekelo:

1. Tanga Yoba 1:1-22.

   Bene Kidishitu bakokeja kwiula Yoba namani dyalelo? (Yoba 1:1; Fid. 2:15; 2 Pet. 3:14)

2. Tanga Yoba 2:1-13.

   Lelo byālongele Yoba pa kupangwapangwa na Satana i bishile namani na byālongele wandi mukaji? (Yoba 2:9, 10; Nk. 19:3; Mika 7:7; Mal. 3:14)

3. Tanga Yoba 42:10-17.

   1. Mpalo yāpadilwe Yoba i miifwane namani na byobya byāpadilwe Yesu pangala pa būmi bwandi bwa kikōkeji? (Yoba 42:12; Fid. 2:9-11)

   2. Madyese āeselwe Yoba pa kulama bululame ku meso a Leza etukankamika namani? (Yoba 42:10, 12; Bah. 6:10; Yak. 1:2-4, 12; 5:11)

Mānga ya 27

1. Pa kifwatulo, muntu ukwete lusonde i ani, ne ukupilanga’lo ani?

2. Yosefa pa kufwa, i bika byāfikile Bene Isalela?

3. Mwanda waka Bene Edipito bākwetwe Bene Isalela moyo?

4. Felo wāsoñenye babimbutuja ba bana-bakaji Bene Isalela bika?

Bipangujo bya ntentekelo:

1. Tanga Divilu 1:6-22.

   1. Yehova wāshilwile namani kufikidija mulao waālaile Abalahama? (Div. 1:7; Ngal. 12:2; Bil. 7:17)

   2. Babimbutuja Bahebelu bālēmekele namani buujila bwa būmi? (Div. 1:17; Ngal. 9:6)

   3. Yehova wāpadile babimbutuja mpalo’ka pa mwanda wa kikōkeji kyabo? (Div. 1:20, 21; Nk. 19:17)

   4. Satana wāsakile kukalakanya namani mpango ya Yehova itala pa Lukunwa lwa Abalahama lwālailwe? (Div. 1:22; Mat. 2:16)

Mānga ya 28

1. Mwana wa lukeke udi pa kifwatulo i ani, ne ukwete munwe wa ani?

2. Inandya Mosesa wālongele bika mwanda wa kumupandija?

3. Le mwana-mukaji mwanuke udi pa kifwatulo i ani, ne wādi ulonga bika?

4. Mwanā Felo mwana-mukaji pa kumona mwana wa lukeke, Midiamu wāmunene bika?

5. Mwanā mulopwe wānene inandya Mosesa bika?

Kipangujo kya ntentekelo:

1. Tanga Divilu 2:1-10.

   Inandya Mosesa wāmwene mukenga’ka wa kufundija Mosesa pa bwanuke, ne bambutwile bakokeja kuboila’ko ñeni’ka dyalelo? (Div. 2:9, 10; Kup. 6:6-9; Nk. 22:6; Ef. 6:4; 2 Tem. 3:15)

Mānga ya 29

1. Mosesa wātamīne kwepi, ino wādi uyukile amba bambutwile bandi i bāni?

2. I bika byālongele Mosesa paādi na myaka 40?

3. Mosesa wānene bika kudi Mwine Isalela wādi ukupila mukwabo, nandi wāmulondolwele namani?

4. I kika kyānyemēne Mosesa mu Edipito?

5. I kwepi kwānyemēne Mosesa, ne wātene’ko bāni?

6. I bika byālongele Mosesa mu bula bwa myaka 40 pa kupwa kunyema mu Edipito?

Bipangujo bya ntentekelo:

1. Tanga Divilu 2:11-25.

   Nansha Mosesa byaāfundile tunangu twa Bene Edipito, i muswelo’ka wāalombwele amba ulamete kudi Yehova ne ku bantu Bandi? (Div. 2:11, 12; Bah. 11:24)

2. Tanga Bilongwa 7:22-29.

   I ñeni’ka yotuboila ku kusaka kwādi kusaka Mosesa kupandija aye mwine Bene Isalela mu bupika bwa Bene Edipito? (Bil. 7:23-25; 1 Pet. 5:6, 10)

Mānga ya 30

1. I dijina’ka ditwanga lūlu ludi pa kifwatulo’lu?

2. Lombola kintu kyeni kyāmwene Mosesa paāendele na mikōko ku lūlu.

3. Diwi dyātambile mu kimuna dyānene bika, ne dyādi diwi dya ani?

4. Mosesa wālondolwele namani pāmunene Leza akalupule bantu bandi mu Edipito?

5. Leza wānene Mosesa akalombole bantu amba i ani wāmutuma?

6. Mosesa wādi wa kubingija namani amba i Leza wamutuma?

Bipangujo bya ntentekelo:

1. Tanga Divilu 3:1-22.

   Bintu byātene Mosesa bitukulupija namani amba nansha shi twimona bu bambulwa bwino mu mingilo ya kiteokratike, ino Yehova uketukwasha? (Div. 3:11, 13; 2 Kod. 3:5, 6)

2. Tanga Divilu 4:1-20.

   1. Mutyima wa Mosesa wāshintyile namani mu myaka 40 yaālēle mu Midyana, ne i ñeni’ka ikokeja kuboila’ko boba bapebwa madyese mu kipwilo? (Div. 2:11, 12; 4:10, 13; Mika 6:8; 1 Tem. 3:1, 6, 10)

   2. Nansha shi tubapebwa madingi na Yehova kupityila ku bulongolodi bwandi, i kikulupiji’ka kitupa kimfwa kya Mosesa? (Div. 4:12-14; Mit. 103:14; Bah. 12:4-11)

Mānga ya 31

1. Bene Isalela bālongele bika pobāmwene bingelengele byālongele ba Mosesa ne Alone?

2. Ba Mosesa ne Alone abanena Felo bika, ne Felo walondolola namani?

3. Byāikele namani Alone pa kwela mukombo wandi panshi, na motumwena pa kifwatulo?

4. Yehova wāfundije Felo muswelo’ka, ne Felo wādi ulonga’po namani?

5. I bika byālongekele pa kupwa kwa kipupo kya 10?

Bipangujo bya ntentekelo:

1. Tanga Divilu 4:27-31 ne 5:1-23.

   Felo wādi usaka kunena bika pānene amba: “Nkimuyukilepo Yehova”? (Div. 5:2; 1 Sam. 2:12; Loma 1:21)

2. Tanga Divilu 6:1-13, 26-30.

   1. Yehova kēyukenyepo aye mwine kudi Abalahama, Isake, ne Yakoba mu buluji’ka? (Div. 3:13, 14; 6:3; Ngal. 12:8)

   2. Le netu twiivwananga namani ku mutyima pa kuyuka amba Yehova wāingidije Mosesa, nansha byaādi wimona amba kabwanyapo mwingilo obāmupele? (Div. 6:12, 30; Luka 21:13-15)

3. Tanga Divilu 7:1-13.

   1. Ba Mosesa ne Alone pobāsapwile na kininga butyibi bwa Yehova padi Felo, i kimfwa’ka kyobāshidile bengidi ba Leza dyalelo? (Div. 7:2, 3, 6; Bil. 4:29-31)

   2. Yehova wēlombwele namani amba i mukatampe kupita bilezaleza bya Edipito? (Div. 7:12; 1 Bil. 29:12)

Mānga ya 32

1. Tala pa bifwatulo, kupwa shintulula mpupo isatu imbajinji yāletele Yehova pa Edipito.

2. I kwishila’ka kwishidile mpupo isatu imbajinji na mikwabo ishele’ko?

3. Kipupo kya buná, kya butano, ne kya busamba i kipupo’ka?

4. Shintulula kipupo kya busamba-bubidi, kya mwanda, ne kya kitema.

5. Yehova wānene Bene Isalela balonge bika kumeso kwa kipupo kya 10?

6. Kipupo kya 10 i kipupo’ka, ne byāikele namani pa kupwa’kyo?

Bipangujo bya ntentekelo:

1. Tanga Divilu 7:19–8:23.

   1. Nansha bamaleñanya byobābwenye kwiula bipupo bibidi bibajinji, ino bāfudile ku kwitabija bika pa kipupo kya busatu? (Div. 8:18, 19; Mat. 12:24-28)

   2. Kipupo kya buná kyālombwele namani amba Yehova udi na bukomo bwa kukinga bantu bandi, ne kino kipa bengidi ba Leza bika ku mutyima pobenda bafwena ku ‘kyamalwa kikatakata’? (Div. 8:22, 23; Kus. 7:13, 14; 2 Bil. 16:9)

2. Tanga Divilu 8:24; 9:3, 6, 10, 11, 14, 16, 23-25; ne 10:13-15, 21-23.

   1. I bisumpi’ka bibidi byāfwijibwe bumvu na Mpupo Dikumi, ne kino kitulengeja tumone bino bisumpi namani dyalelo? (Div. 8:10, 18, 19; 9:14)

   2. I muswelo’ka witukwasha Divilu 9:16 twivwanije mwanda waka Yehova ulekele’ko Satana kufika ne ku dyalelo? (Loma 9:21, 22)

3. Tanga Divilu 12:21-32.

   Pashika yāpandije bavule mu muswelo’ka, ne yādi yelekeja bika? (Div. 12:21-23; Yoa. 1:29; Loma 5:18, 19, 21; 1 Kod. 5:7)

Mānga ya 33

1. I bana-balume banga Bene Isalela, pamo ne bana-bakaji ne bana, bātambile mu Edipito, ne i bāni bātambile nabo pamo?

2. Felo wāivwene namani pāpwile Bene Isalela kwenda, ne wālongele bika?

3. Yehova wālongele bika pa kusaka’mba Bene Edipito baleke kutamba bantu bandi bulwi?

4. I bika byālongekele pāolwedile Mosesa mukombo wandi pa Kalunga Katyila, ne Bene Isalela bālongele bika?

5. I bika byāfikīle Bene Edipito pobātwelele mu kalunga ka mema benda balonda Bene Isalela?

6. I bika bilombola amba Bene Isalela bāsepelele ne kufwija’ko Yehova pa kwibapandija?

Bipangujo bya ntentekelo:

1. Tanga Divilu 12:33-36.

   Yehova wālongele namani pa kusaka’mba bantu bandi bafutwe mfutwa pangala pa myaka yonso ya bupika bobāmuninwe mu Edipito? (Div. 3:21, 22; 12:35, 36)

2. Tanga Divilu 14:1-31.

   Binenwa bya Mosesa bidi mu Divilu 14:13, 14 bitala namani bengidi ba Yehova dyalelo pano pobatengele kwiya kwa divita dya Amakedona? (2 Bil. 20:17; Mit. 91:8)

3. Tanga Divilu 15:1-8, 20, 21.

   1. Mwanda waka bengidi ba Yehova bafwaninwe kumwimbila mitendelo? (Div. 15:1, 2; Mit. 105:2, 3; Kus. 15:3, 4)

   2. Lelo Midiamu ne bana-bakaji bakwabo i bashile bana-bakaji Bene Kidishitu ba dyalelo kimfwa’ka pa kutendela Yehova pa Kalunga Katyila? (Div. 15:20, 21; Mit. 68:11)

Mānga ya 34

1. Pa kifwatulo, i bika biboya bantu panshi, ne bitelwanga namani?

2. Mosesa wāsapwidile bantu bika pa mwanda utala kuboya mana?

3. Yehova wāsoñenye bantu balonge bika mu difuku dya busamba, ne mwanda waka?

4. I kingelengele’ka kyādi kilonga Yehova na mana obādi baleya kufika ne mu difuku dya busamba-bubidi?

5. Yehova wādishishe bantu mana mu myaka inga?

Bipangujo bya ntentekelo:

1. Tanga Divilu 16:1-36 ne Umbadilo 11:7-9.

   1. Divilu 16:8 ulombola namani amba tufwaninwe kulēmeka boba batongelwe na Leza mu kipwilo kya Bwine Kidishitu? (Bah. 13:17)

   2. Mu ntanda mutuputupu, bāvulwije namani Bene Isalela amba bafwaninwe kwiubija mudi Yehova? (Div. 16:14-16, 35; Kup. 8:2, 3)

   3. Yesu wāshintulwile amba mana ādi elekeja kintu’ka, ne tukokeja kumwena namani mu ‘mukate utūkile mūlu’? (Yoa. 6:31-35, 40)

2. Tanga Yoshua 5:10-12.

   Bene Isalela bādile mana mu bula bwa myaka inga, ne ano ādi matompo kobadi namani, ne i ñeni’ka yotuboila ku luno lusango? (Div. 16:35; Umb. 11:4-6; 1 Kod. 10:10, 11)

Mānga ya 35

1. Kintu kya myeji ibidi kupwa Bene Isalela kutamba mu Edipito, bātūdile kitūlo kwepi?

2. Yehova wāsakile bantu balonge bika, ne nabo bālondolwele namani?

3. Mwanda waka Yehova wāpele Mosesa mabwe abidi mapapakane?

4. Kutentekela pa Mbila Dikumi, i bijila’ka bikwabo byāpene Yehova ku Bene Isalela?

5. I bijila’ka bibidi byānene Yesu Kidishitu amba byo bikatampe kutabuka?

Bipangujo bya ntentekelo:

1. Tanga Divilu 19:1-25; 20:1-21; 24:12-18; ne 31:18.

   Binenwa bisonekelwe mu Divilu 19:8 bitukwasha namani twivwanije buluji bwa kwipāna kwa Bwine Kidishitu? (Mat. 16:24; 1 Pet. 4:1-3)

2. Tanga Kupituluka 6:4-6; Levi 19:18; ne Mateo 22:36-40.

   Bene Kidishitu balombolanga namani amba baswele Leza ne mukwabo? (Mako 6:34; Bil. 4:20; Loma 15:2)

Mānga ya 36

1. I bika bilonga bantu pa kifwatulo, ne mwanda waka?

2. Mwanda waka Yehova wākalabele, ne Mosesa wālongele bika pa kumona bilonga bantu?

3. Mosesa wāsomenye bana-balume bamo balonge bika?

4. I ñeni’ka yotwaboila ku ino mānga?

Bipangujo bya ntentekelo:

1. Tanga Divilu 32:1-35.

   1. Ino nsekununi itulombola namani mumwena Yehova kusambakanya mutōtelo wa bubela na wa bine? (Div. 32:4-6, 10; 1 Kod. 10:7, 11)

   2. Bene Kidishitu bafwaninwe kudyumuka namani pobatonga makayo a kwipwija mukose, kimfwa kwimba ne kuja? (Div. 32:18, 19; Ef. 5:15, 16; 1 Yoa. 2:15-17)

   3. Kisaka kya Levi i kitushile kimfwa’ka kiyampe kya kwitabila boloke? (Div. 32:25-28; Mit. 18:25)

Mānga ya 37

1. Kyoki kyūbakwa kidi pa kifwatulo kitelwanga namani, ne i kyūbakilwe bika?

2. Mwanda waka Yehova wānene Mosesa ōbake kipema kipēla kukonkola ne kusela?

3. Sanduku udi munda mwa kyumba kityetye ku mfulo kwa kipema i bika, ne i bika bidi munda mwa sanduku?

4. I ani watongwa na Yehova bu kitobo mukatampe, ne unenwe kulonga bika?

5. Tela bintu bisatu bidi mu kyumba kikatampe kya kipema.

6. I bintu’ka bibidi bidi mu kipango kya tabenakulo, ne bidi na mwingilo’ka?

Bipangujo bya ntentekelo:

1. Tanga Divilu 25:8-40; 26:1-37; 27:1-8; ne 28:1.

   Bakelubi bādi “pa kyakupwaninapo” belekeja bika? (Div. 25:20, 22; Umb. 7:89; 2 Bal. 19:15)

2. Tanga Divilu 30:1-10, 17-21; 34:1, 2; ne Bahebelu 9:1-5.

   1. Mwanda waka Yehova wādi ukoma babitobo bādi bengila mu tabenakulo bayuke mvubu ya kulama butōki ku ngitu, ne kino kitutala namani dyalelo? (Div. 30:18-21; 40:30, 31; Bah. 10:22)

   2. Mutumibwa Polo wālombwele namani amba tabenakulo ne kipwano kya Bijila kebyādipo bikilondwa mu kitatyi kyaātumīne Bene Kidishitu Bahebelu mukanda wandi? (Bah. 9:1, 9; 10:1)

Mānga ya 38

1. Ubamone namani kino kisansa kya mañanza kidi pa kifwatulo, ne i kwepi kokyatamba?

2. Mwanda waka Mosesa watume batubedibedi 12 mu ntanda ya Kenani?

3. Lelo batubedibedi 10 abanena bika pa kutūdila Mosesa musapu?

4. Lelo batubedibedi babidi abalombola namani amba bakulupile mudi Yehova, ne majina abo i bāni?

5. Mwanda waka Yehova wākalabala, ne wālombola Mosesa bika?

Bipangujo bya ntentekelo:

1. Tanga Umbadilo 13:1-33.

   1. I bāni bātongelwe kukabela ntanda, ne bādi na mukenga mukatampe wa kulonga bika? (Umb. 13:2, 3, 18-20)

   2. Mwanda waka ba Yoshua ne Kalebu bādi na mumweno mwishile na wa batubedibedi bakwabo, ne kino kitufundija bika? (Umb. 13:28-30; Mat. 17:20; 2 Kod. 5:7)

2. Tanga Umbadilo 14:1-38.

   1. I kidyumu’ka kya kuleka kwiuningila boba batongelwe na Yehova pano panshi kyobetupele? (Umb. 14:2, 3, 27; Mat. 25:40, 45; 1 Kod. 10:10)

   2. Umbadilo 14:24 ulombola muswelo’ka amba Yehova utele mwingidi wandi umo ne umo mutyima? (1 Bal. 19:18; Nk. 15:3)

Mānga ya 39

1. I bāni batombokela lupusa lwa ba Mosesa ne Alone, ne i bika byobanena Mosesa?

2. Mosesa walombola Kola ne bantu 250 badi nabo balonge bika?

3. Mosesa wanena bantu bika, ne aye ukala’tu kishima kubalongeka bika?

4. I bika byafikila Kola ne bantu 250 badi nabo?

5. I bika byalonga Eleaza, mwanā Alone, na bininga bya mudilo bya bafwa’ba, ne mwanda waka?

6. Mwanda waka Yehova wameneja mukombo wa Alone maluba? (Tala kifwatulo.)

Bipangujo bya ntentekelo:

1. Tanga Umbadilo 16:1-49.

   1. Kola ne bantu baādi nabo bālongele bika, ne mwanda waka kilongwa kyabo kwādi kutombokela Yehova? (Umb. 16:9, 10, 18; Levi 10:1, 2; Nk. 11:2)

   2. I milangwe’ka imbi yādi na Kola ne ‘bamfumu ba kitango’ 250? (Umb. 16:1-3; Nk. 15:33; Is. 49:7)

2. Tanga Umbadilo 17:1-11 ne 26:10.

   1. Kumena kwāmenene mukombo wa Alone maluba kwālombwele bika, ne mwanda waka Yehova wāsakile utūlwe mu dikumbo? (Umb. 17:5, 8, 10)

   2. I ñeni’ka mikatampe yotuboila ku kiyukeno kya mukombo wa Alone? (Umb. 17:10; Bil. 20:28; Fid. 2:14; Bah. 13:17)

Mānga ya 40

1. Yehova ulamine Bene Isalela namani mu ntanda mutuputupu?

2. I mitompwe’ka yatompola Bene Isalela pobatūla kitulo ku Kadesha?

3. Yehova wape bantu ne banyema babo mema namani?

4. I ani wifunka pa kyadi pa kifwatulo, ne mwanda waka wifunka aye mwine?

5. Mwanda waka Yehova wakalabela Mosesa ne Alone, ne webape mfuto’ka?

6. I bika byalongeka ku Lūlu lwa Hola ne i ani waikala ke kitobo mukatampe?

Bipangujo bya ntentekelo:

1. Tanga Umbadilo 20:1-13, 22-29; Kupituluka 29:5; ne Nehemia 9:21.

   1. I ñeni’ka yotwaboila ku muswelo wālamine Yehova Bene Isalela mu ntanda mutuputupu? (Kup. 29:5; Mat. 6:31; Bah. 13:5; Yak. 1:17)

   2. Yehova wāmwene namani ba Mosesa ne Alone pobātuninye kumupandula ku meso a Isalela? (Umb. 20:12; 1 Kod. 10:12; Kus. 4:11)

   3. I ñeni’ka yotwaboila ku muswelo wāitabije Mosesa mfuto yāmupele Yehova? (Umb. 12:3; 20:12, 27, 28; Kup. 32:4; Bah. 12:7-11)

Mānga ya 41

1. I kika kipombele ku kikomo pa kifwatulo, ne mwanda waka Yehova wānene Mosesa akobeke’kyo ku kikomo?

2. I muswelo’ka wakomenwa bantu kufwija’ko Leza pa byonso byaebalongēle?

3. Bantu abanena Mosesa bika papwa Yehova kutuma banyoka ba bulembe mwanda wa kwibapa mfuto?

4. Mwanda waka Yehova wasapwila Mosesa alonge nyoka wa mukuba?

5. I ñeni’ka yotuboila ku ino mānga?

Bipangujo bya ntentekelo:

1. Tanga Umbadilo 21:4-9.

   1. Kwiuninga kwa Bene Isalela pa mwanda wa byobya byādi bibapa Yehova kwitupa kidyumu’ka? (Umb. 21:5, 6; Loma 2:4)

   2. Myaka tutwa pa kupita’po, Bene Isalela bāingidije nyoka wa mukuba namani, ne Mulopwe Hezekia wālongele’po bika? (Umb. 21:9; 2 Bal. 18:1-4)

2. Tanga Yoano 3:14, 15.

   Kukobeka nyoka wa mukuba ku mutyi kyādi kyelekeja namani kwipaibwa kwa Yesu Kidishitu pa mutyi? (Ngat. 3:13; 1 Pet. 2:24)

Mānga ya 42

1. Balake i ani, ne mwanda waka waityija Balame?

2. Mwanda waka mpunda wa Balame wabotama panshi mu dishinda?

3. Balame waivwana mpunda unena bika?

4. Mwikeulu wanena Balame bika?

5. Balame walonga bika pa kyaba kya kufinga Isalela?

Bipangujo bya ntentekelo:

1. Tanga Umbadilo 21:21-35.

   Mwanda waka Isalela wāshindile Mulopwe Shihone wa Bene Amole ne Mulopwe Oka wa Bashane? (Umb. 21:21, 23, 33, 34)

2. Tanga Umbadilo 22:1-40.

   I bika byādi bifwila Balame pa kukimba kufinga Isalela mafingo, ne i ñeni’ka yotuboila ku uno mwanda? (Umb. 22:16, 17; Nk. 6:16, 18; 2 Pet. 2:15; Yude 11)

3. Tanga Umbadilo 23:1-30.

   Nansha Balame byaādi wisamba bwa aye mutōtyi wa Yehova, ino bilongwa byandi byālombwele bika? (Umb. 23:3, 11-14; 1 Sam. 15:22)

4. Tanga Umbadilo 24:1-25.

   Luno lusango lwa mu Bible lukomeja namani lwitabijo lwetu mu kufikidila kwa mpango ya Yehova? (Umb. 24:10; Is. 54:17)

Mānga ya 43

1. Lelo bana-balume babidi bemene na Mosesa pa kifwatulo i bāni?

2. Yehova wanena Yoshua bika?

3. Mwanda waka Mosesa wakanda ku nsongo ya Lūlu lwa Nebo, ne Yehova wamunena bika?

4. Mosesa wafu na myaka inga?

5. Mwanda waka bantu abakwatwa bulanda, ino mwanda waka bafwaninwe kusangala?

Bipangujo bya ntentekelo:

1. Tanga Umbadilo 27:12-23.

   I mwingilo’ka mukomo wāpelwe Yoshua na Yehova, ne Yehova ulelanga bantu bandi namani dyalelo? (Umb. 27:15-19; Bil. 20:28; Bah. 13:7)

2. Tanga Kupituluka 3:23-29.

   Mwanda waka Yehova kālekelepo ba Mosesa ne Alone kutwela mu ntanda ya mulao, ne i ñeni’ka yotuboila ku uno mwanda? (Kup. 3:25-27; Umb. 20:12, 13)

3. Tanga Kupituluka 31:1-8, 14-23.

   Binenwa bya Mosesa bya kushadika Bene Isalela bilombola namani amba wāitabije mfuto ya Yehova na kwityepeja? (Kup. 31:6-8, 23)

4. Tanga Kupituluka 32:45-52.

   Kinenwa kya Leza kifwaninwe kwitutala namani mu būmi bwetu? (Kup. 32:47; Levi 18:5; Bah. 4:12)

5. Tanga Kupituluka 34:1-12.

   Nansha Mosesa byākamwenepo mpala ya Yehova, Kupituluka 34:10 ulombola namani mwādi mwikadile kipwano kyandi na Yehova? (Div. 33:11, 20; Umb. 12:8)

Mānga ya 44

1. Le Lehaba ushikatanga kwepi?

2. Bana-balume babidi badi pa kifwatulo’ba i bāni, ne mwanda waka badi mu Yediko?

3. Lelo bantu batuminwe na mulopwe wa Yediko abanena Lehaba alonge bika, ne nandi walondolola namani?

4. Lehaba wakwasha bana-balume babidi’ba namani, ne webalombe bika?

5. Batubedibedi babidi abalaya Lehaba bika?

Bipangujo bya ntentekelo:

1. Tanga Yoshua 2:1-24.

   Mulao wa Yehova usonekelwe mu Divilu 23:27 wāfikidile namani pāile Bene Isalela ku Yediko? (Yos. 2:9-11)

2. Tanga Bahebelu 11:31.

   Kimfwa kya Lehaba kilombola namani mvubu ya lwitabijo? (Loma 1:17; Bah. 10:39; Yak. 2:25)

Mānga ya 45

1. I kingelengele’ka kyalonga Yehova pa kusaka Bene Isalela babuke Munonga wa Yodano?

2. I kilongwa’ka kya lwitabijo kyalonga Bene Isalela pa kwabuka Munonga wa Yodano?

3. Mwanda waka Yehova walombola Yoshua abunge mabwe 12 obayete mu kyalo kya munonga?

4. I bika byalongeka papwa’tu babitobo kwabuka mu Yodano?

Bipangujo bya ntentekelo:

1. Tanga Yoshua 3:1-17.

   1. Monka mwikilombwela ino nsekununi, tufwaninwe kulonga bika pa kusaka Yehova etukwashe ne kwitwesela? (Yos. 3:13, 15; Nk. 3:5; Yak. 2:22, 26)

   2. Mema a Munonga wa Yodano ādi namani kitatyi kyāabukile Bene Isalela pa kutwela mu Ntanda ya Mulao, ne kino kyātumbije namani dijina dya Yehova? (Yos. 3:15; 4:18; Mit. 66:5-7)

2. Tanga Yoshua 4:1-18.

   Mabwe 12 āyetwe mu kyalo kya Yodano ne kubungwa pa Ngilengale ādi na kamweno’ka? (Yos. 4:4-7)

Mānga ya 46

1. Yehova wanena bantu ba bulwi ne babitobo balonge bika mu mafuku asamba?

2. Bantu bālongele bika mu difuku dya busamba-bubidi?

3. Monka momwena pa kifwatulo, i bika byafikila nsakwa ya Yediko?

4. Mwanda waka monji utyila uyela pa dididisha?

5. Yoshua wanena bantu ba bulwi balonge bika na bantu ba mu kibundi, ne na ndalama, nsahabu, mikuba, ne kilonda?

6. Abalombola batubedibedi babidi balonge bika?

Bipangujo bya ntentekelo:

1. Tanga Yoshua 6:1-25.

   1. Kujokoloka kwa Bene Isalela ku Yediko mu difuku dya busamba-bubidi kwiifwene namani na mwingilo wa kusapula wa Batumoni ba Yehova mu ano mafuku a mfulo? (Yos. 6:15, 16; Is. 60:22; Mat. 24:14; 1 Kod. 9:16)

   2. Bupolofeto busonekelwe mu Yoshua 6:26 bwāfikidile namani kintu kya myaka 500 pa kupita’po, ne kino kitufundija bika pa bitala mwanda wa Yehova? (1 Bal. 16:34; Is. 55:11)

Mānga ya 47

1. Pa kino kifwatulo, le uno mwana-mulume ujika bya bupeta bya mu Yediko panshi i ani, ne bano bamukwasha’ko nabo i bāni?

2. Mwanda waka kilongwa kya Akana ne kisaka kyandi i kilongwa kibi?

3. Yehova walondolola Yoshua bika pawaipangula’mba mwanda waka Bene Isalela abanekenibwa ku divita dya Ai?

4. I bika byalongwa Akana ne kisaka kyandi pa kupwa kuletwa ku meso a Yoshua?

5. I ñeni’ka mikatampe yotwaboila ku butyibi bwātyibilwe Akana?

Bipangujo bya ntentekelo:

1. Tanga Yoshua 7:1-26.

   1. Milombelo ya Yoshua ilombola amba kipwano kyaādi upwene na Umpangi wandi kyādi namani? (Yos. 7:7-9; Mit. 119:145; 1 Yoa. 5:14)

   2. Kimfwa kya Akana kilombola bika, ne kino i kidyumu kotudi namani? (Yos. 7:11, 14, 15; Nk. 15:3; 1 Tem. 5:24; Bah. 4:13)

2. Tanga Yoshua 8:1-29.

   Pa mwanda utala bubi, i kiselwa’ka kidi na muntu ne muntu mu kipwilo kya Bwine Kidishitu dyalelo? (Yos. 7:13; Levi 5:1; Nk. 28:13)

Mānga ya 48

1. Bene Ngibeone i beshile namani na Bene Kenani ba mu bibundi bya kubwipi?

2. Bene Ngibeone abalonga bika na mwikilombwela kifwatulo, ne mwanda waka?

3. Yoshua ne bamfumu Bene Isalela abatyipila Bene Ngibeone namani, ino i bika byobayuka mafuku asatu pa kupita’po?

4. Bibaikala namani balopwe ba mu bibundi bikwabo pa kwivwana amba Bene Ngibeone abapwana na Isalela?

Bipangujo bya ntentekelo:

1. Tanga Yoshua 9:1-27.

   1. Yehova wānene muzo wa Isalela wikale “konakanya bekadi bonso ba ntanda,” ino i ngikadilo’ka yaālombwele pa kupandija Bene Ngibeone? (Yos. 9:22, 24; Mat. 9:13; Bil. 10:34, 35; 2 Pet. 3:9)

   2. Yoshua pa kulama kipwano kyaāpwene na Bene Ngibeone, i kimfwa’ka kiyampe kyaāshidile Bene Kidishitu dyalelo? (Yos. 9:18, 19; Mat. 5:37; Ef. 4:25)

2. Tanga Yoshua 10:1-5.

   Kibumbo kikatampe dyalelo kiulanga Bene Ngibeone namani, ne pa kino bapwilwanga mpumpu na bāni? (Yos. 10:4; Zek. 8:23; Mat. 25:35-40; Kus. 12:17)

Mānga ya 49

1. I bika binena Yoshua pa kifwatulo, ne mwanda waka?

2. Yehova wakwasha namani Yoshua ne bana-balume ba bulwi?

3. Yoshua watyumuna balopwe banga balwana, ne mu bula bwa myaka inga?

4. Mwanda waka Yoshua waabanya ntanda ya Kenani?

5. Yoshua wafu na myaka inga, ne bantu abalonga bika aye pa kupwa kufwa?

Bipangujo bya ntentekelo:

1. Tanga Yoshua 10:6-15.

   I kikulupiji’ka kyotudi nakyo pa kuyuka amba Yehova wāimikīle Bene Isalela dyuba ne kweji? (Yos. 10:8, 10, 12, 13; Mit. 18:3; Nk. 18:10)

2. Tanga Yoshua 12:7-24.

   Na bubine i ani wālengeje balopwe 31 ba mu Kenani banekenibwe, ne mwanda waka kino kidi na mvubu kotudi dyalelo? (Yos. 12:7; 24:11-13; Kup. 31:8; Luka 21:9, 25-28)

3. Tanga Yoshua 14:1-5.

   Ntanda yaābanibwe namani mu bisaka bya Bene Isalela, ne kino kilombola bika pa bupyani bwa mu Paladisa? (Yos. 14:2; Is. 65:21; Ezek. 47:21-23; 1 Kod. 14:33)

4. Tanga Batyibi 2:8-13.

   Pamo bwa Yoshua mu Isalela, i bāni dyalelo bakankaja bupondo? (Bat. 2:8, 10, 11; Mat. 24:45-47; 2 Tes. 2:3-6; Tet. 1:7-9; Kus. 1:1; 2:1, 2)

Mānga ya 50

1. Batyibi i bāni, kadi tela’ko majina a bamobamo?

2. Debola udi na madyese’ka a pa bula, ne kino kilomba kulonga bika ne bika?

3. Mulopwe Yabine ne mudyavita wandi Shisela pa kuzakaja Isalela, Yehova wape Debola musapu’ka wa kusapwila Mutyibi Balaka, ne i ani ukatelelwa bushindañani?

4. Yaile welombola namani amba i mwana-mukaji nkanka?

5. Bibaikala namani kupwa kufwa kwa Mulopwe Yabine?

Bipangujo bya ntentekelo:

1. Tanga Batyibi 2:14-22.

   Bene Isalela beletēle namani bukalabale bwa Yehova, ne i ñeni’ka yotukokeja kuboila’ko? (Bat. 2:20; Nk. 3:1, 2; Ezek. 18:21-23)

2. Tanga Batyibi 4:1-24.

   I ñeni’ka itala pa lwitabijo ne kininga ikokeja kuboila bana-bakaji Bene Kidishitu dyalelo ku kimfwa kya ba Debola ne Yaile? (Bat. 4:4, 8, 9, 14, 21, 22; Nk. 31:30; 1 Kod. 16:13)

3. Tanga Batyibi 5:1-31.

   Lwimbo lwa bushindañani lwa Balaka ne Debola lukokeja kwikala namani bu milombelo pa divita dya Amakedona dīya’di? (Bat. 5:3, 31; 1 Bil. 16:8-10; Kus. 7:9, 10; 16:16; 19:19-21)

Mānga ya 51

1. Naomi wāfikile namani ku ntanda ya Moabu?

2. Ba Luta ne Olepa i bāni?

3. Luta ne Olepa abalonga namani pebalombola Naomi amba kajokelei kwenu?

4. Boaza i ani, ne wakwasha Luta ne Naomi muswelo’ka?

5. Tela dijina dya mwana wabutula ba Boaza ne Luta, ne mwanda waka tufwaninwe kumuvuluka?

Bipangujo bya ntentekelo:

1. Tanga Luta 1:1-17.

   1. Luta wālombwele namani buswe bwa dikōkeji? (Luta 1:16, 17)

   2. Mutyima wa Luta ulombola namani mutyima udi na “mikōko mikwabo” pa bashingwe māni badi pano panshi dyalelo? (Yoa. 10:16; Zek. 8:23)

2. Tanga Luta 2:1-23.

   Luta i mushile bansongwakaji ba dyalelo kimfwa’ka kilumbuluke kya kulonda? (Luta 2:17, 18; Nk. 23:22; 31:15)

3. Tanga Luta 3:5-13.

   1. Boaza wāmwene namani mutyima wa Luta wa kusaka aye amusonge pa kyaba kya kusongwa na nsongwalume?

   2. Mutyima wa Luta witufundija bika pa buswe bwa dikōkeji? (Luta 3:10; 1 Kod. 13:4, 5)

4. Tanga Luta 4:7-17.

   Bana-balume Bene Kidishitu dyalelo bakokeja namani kwikala pamo bwa Boaza? (Luta 4:9, 10; 1 Tem. 3:1, 12, 13; 5:8)

Mānga ya 52

1. Mwanda waka Bene Isalela abatanwa na makambakano ne abatanwa nao namani?

2. Mwanda waka Yehova wasapwila Ngideoni amba bantu ba bulwi badi nabo i bavule?

3. Ngideoni washala na bana-balume banga pa kupwa kujokeja ba moyomoyo?

4. Tala pa kifwatulo ushintulule mwatyepejeja Yehova kibalwa kya ba bulwi ba Ngideoni ke bantu 300.

5. Ngideoni waabanya namani bantu 300, ne Isalela wanekenya bulwi muswelo’ka?

Bipangujo bya ntentekelo:

1. Tanga Batyibi 6:36-40.

   1. Ngideoni wājingulwile namani kiswa-mutyima kya Yehova?

   2. Netu dyalelo tuyukanga namani kiswa-mutyima kya Yehova? (Nk. 2:3-6; Mat. 7:7-11; 2 Tem. 3:16, 17)

2. Tanga Batyibi 7:1-25.

   1. I ñeni’ka yotukokeja kuboila ku bantu 300 bādi nyeke bakebaketa kupita boba kebādipo batadija? (Bat. 7:3, 6; Loma 13:11, 12; Ef. 5:15-17)

   2. Bantu 300 bēfundile na kutala Ngideoni, le netu twifundanga namani na kutala Yesu Kidishitu Ngideoni Mukatampe? (Bat. 7:17; Mat. 11:29, 30; 28:19, 20; 1 Pet. 2:21)

   3. Batyibi 7:21 witukwasha namani tusangele kwingila mingilo yonso yobetupa mu bulongolodi bwa Yehova? (1 Kod. 4:2; 12:14-18; Yak. 4:10)

3. Tanga Batyibi 8:1-3.

   Potukimba kupwija myanda yotwepya na tutu nansha na kaka, i ñeni’ka yotukokeja kuboila ku muswelo wāpwijije Ngideoni lupata na Bene Efelaimi? (Nk. 15:1; Mat. 5:23, 24; Luka 9:48)

Mānga ya 53

1. Yefeta i ani, ne wāikele’ko mu kitatyi’ka?

2. Yefeta watyipīle Yehova mutyipo’ka?

3. Mwanda waka Yefeta wafitwa paajokela kwandi pa kupwa kushinda Bene Amona?

4. Mwanā Yefeta mwana-mukaji wanena bika pa kuyuka mutyipo wa shandi?

5. Mwanda waka bantu baswele mwanā Yefeta mwana-mukaji?

Bipangujo bya ntentekelo:

1. Tanga Batyibi 10:6-18.

   Myanda ya kubulwa kikōkeji kwa Isalela kudi Yehova itupa kidyumu’ka kyotufwaninwe kulonda? (Bat. 10:6, 15, 16; Loma 15:4; Kus. 2:10)

2. Tanga Batyibi 11:1-11, 29-40.

   1. Tuyukile namani amba Yefeta pa kupāna wandi mwana bu “kyakwela kisōkwe” ke mwandapo wa kumwela bu kitapwa kya muntu musokwe pa mudilo? (Bat. 11:31; Levi 16:24; Kup. 18:10, 12)

   2. Yefeta wāelele wandi mwana mwana-mukaji bu kitapwa muswelo’ka?

   3. I ñeni’ka yotuboila ku muswelo wādi umwene Yefeta mutyipo waātyipīle Yehova? (Bat. 11:35, 39; Mus. 5:4, 5; Mat. 16:24)

   4. Mwanā Yefeta i kimfwa kiyampe namani ku bankasampe Bene Kidishitu mu myanda ya kulondalonda mwingilo wa kitatyi kyonso? (Bat. 11:36; Mat. 6:33; Fid. 3:8)

Mānga ya 54

1. Le dijina dya mwana-mulume wa bukomo kupita bonso i ani, ne i ani wamupele buno bukomo?

2. Kitatyi kimo, i bika byalonga Samishoni na ntambo mukata, na motumwena pa kifwatulo?

3. Samishoni ulombolanga Dedila kifibwe’ka pa kifwatulo, ne kino kibamufikija namani ku kukwatwa na Bene Fidishitia?

4. Samishoni waipaya namani balwana Bene Fidishitia 3 000 mu difuku dyaafwa?

Bipangujo bya ntentekelo:

1. Tanga Batyibi 13:1-14.

   Ba Manoa ne wandi mukaji i bashile bambutwile kimfwa’ka kiyampe mu myanda ya kulela babo bana? (Bat. 13:8; Mit. 127:3; Ef. 6:4)

2. Tanga Batyibi 14:5-9 ne 15:9-16.

   1. Nsekununi ya Samishoni itala pa kwipaya ntambo, kutyiba myonji mipya yobāmukutyile, ne kwipaya bantu 1 000 na lubanga lwa kimbulu, ilombola bika pa mwingidila mushipiditu sandu wa Yehova?

   2. Mushipiditu sandu witukwashanga namani dyalelo? (Bat. 14:6; 15:14; Zek. 4:6; Bil. 4:31)

3. Tanga Batyibi 16:18-31.

   Kisense kibi kyaonene Samishoni muswelo’ka, ne i ñeni’ka yotukokeja kuboila’ko? (Bat. 16:18, 19; 1 Kod. 15:33)

Mānga ya 55

1. Uno mwanuke mwana-mulume udi pa kifwatulo i ani, ne bakwabo badi’po nabo i bāni?

2. Hana walombele bika difuku dimo paadi mu tabenakulo ya Yehova, ne Yehova walondolwele namani milombelo yandi?

3. Samwele udi na myaka inga pobamutwala kukengidila Yehova ku kipema, ne inandi umulongelanga bika mwaka ne mwaka?

4. Tela majina a bana ba Edi, ne i bantu ba muswelo’ka?

5. Yehova waite Samwele namani, ne i musapu’ka waamulombola?

6. Samwele waikala ani pa kutama, ne bibaikala namani aye pa kununupa?

Bipangujo bya ntentekelo:

1. Tanga 1 Samwele 1:1-28.

   1. Elekana i mushile mitwe ya bisaka kimfwa’ka kiyampe mu myanda ya kutangidila kumeso mu mutōtelo wa bine? (1 Sam. 1:3, 21; Mat. 6:33; Fid. 1:10)

   2. I ñeni’ka yotuboila ku kimfwa kya Hana shi tudi na mwanda witukambija ku mutyima? (1 Sam. 1:10, 11; Mit. 55:22; Loma 12:12)

2. Tanga 1 Samwele 2:11-36.

   Edi wālēmekele bandi bana bikatampe namani kutabuka Yehova, ne kino kitupa kidyumu’ka? (1 Sam. 2:22-24, 27, 29; Kup. 21:18-21; Mat. 10:36, 37)

3. Tanga 1 Samwele 4:16-18.

   I misapu’ka iná ya malwa yātambile ku bulwi, ne yāfikije Edi ku bika?

4. Tanga 1 Samwele 8:4-9.

   Isalela wāfityije namani Yehova mutyima, ne tukokeja kukwatakanya Bulopwe bwandi na dikōkeji namani dyalelo? (1 Sam. 8:5, 7; Yoa. 17:16; Yak. 4:4)

Mānga ya 56

1. Pa kifwatulo, Samwele uloñanga bika, ne mwanda waka?

2. Mwanda waka Yehova wasu Solo, ne Solo i muntu wa muswelo’ka?

3. Mwanā Solo mwana-mulume i ani, ne walonga bika?

4. Mwanda waka Solo waela kitapwa pa kyaba kya kwilaija Samwele āye ele’kyo?

5. I ñeni’ka yotwaboila ku nsekununi ya Solo?

Bipangujo bya ntentekelo:

1. Tanga 1 Samwele 9:15-21 ne 10:17-27.

   Kwityepeja kwa Solo kwāmukweshe namani aleke kulonga bibi pāmufutulwile bana-balume bamo? (1 Sam. 9:21; 10:21, 22, 27; Nk. 17:27)

2. Tanga 1 Samwele 13:5-14.

   Lelo i bubi’ka bwālongele Solo pa Ngilengale? (1 Sam. 10:8; 13:8, 9, 13)

3. Tanga 1 Samwele 15:1-35.

   1. I bubi’ka bukatampe bwālongele Solo mu mwanda utala Akaka mulopwe wa Bene Amaleke? (1 Sam. 15:2, 3, 8, 9, 22)

   2. Le Solo wēbingije ne kutyina kutopekwa muswelo’ka? (1 Sam. 15:24)

   3. Tufwaninwe kuteja kidyumu’ka pobetudingila dyalelo? (1 Sam. 15:19-21; Mit. 141:5; Nk. 9:8, 9; 11:2)

Mānga ya 57

1. Tela dijina dya mwanuke udi pa kifwatulo, ne tuyukile namani amba i nkanka?

2. Davida ushikatanga kwepi, ne shandi i ani ne nkambo wandi i ani?

3. Mwanda waka Yehova wanena Samwele ende ku njibo ya Yese mu Betelema?

4. Bibaikala namani kitatyi kyaleta Yese bana basamba-babidi ku meso a Samwele?

5. Davida pa kuletwa, Yehova walombola Samwele bika?

Bipangujo bya ntentekelo:

1. Tanga 1 Samwele 17:34, 35.

   Ino myanda ilombola namani bukankamane ne kikulupiji kya Davida mudi Yehova? (1 Sam. 17:37)

2. Tanga 1 Samwele 16:1-14.

   1. Binenwa bya Yehova bidi mu 1 Samwele 16:7 bitukwasha namani tuleke mboloji ne kufwatakenya bantu pangala pa mumwekelo wabo? (Bil. 10:34, 35; 1 Tem. 2:4)

   2. Kimfwa kya Solo kilombola namani amba shi Yehova watalula mushipiditu sandu wandi mu muntu, mushipiditu umbi ubwanya kwiya kumutwela, ne kumutonona alonge bibi? (1 Sam. 16:14; Mat. 12:43-45; Ngat. 5:16)

Mānga ya 58

1. Ngodiata ukolomonanga namani bibumbo bya bulwi bya Bene Isalela?

2. Le Ngodiata i mukata namani, ne Mulopwe Solo wanena kupa muntu ukepaya Ngodiata bika?

3. Davida wanena bika pamulombola Solo amba kubwanyapo kulwa na Ngodiata mwanda ukidi mwanuke?

4. Davida pa kulondolola Ngodiata, walombola namani amba ukulupile mudi Yehova?

5. Monka momwena pa kifwatulo, Davida waipaya Ngodiata na bika, ne Bene Fidishitia abalonga bika pafwa Ngodiata?

Bipangujo bya ntentekelo:

1. Tanga 1 Samwele 17:1-54.

   1. Mwanda waka Davida kādipo na moyo, ne tukokeja kwiula namani bukankamane bwandi? (1 Sam. 17:37, 45; Ef. 6:10, 11)

   2. Mwanda waka Bene Kidishitu bafwaninwe kwepuka mushipiditu wa kwitāka na wādi na Ngodiata shi bakaya makayo ne kwipwija mukose? (1 Sam. 17:8; Ngat. 5:26; 1 Tem. 4:8)

   3. Binenwa bya Davida bilombola namani amba wādi na lwitabijo mudi Leza? (1 Sam. 17:45-47; 2 Bil. 20:15)

   4. Ino nsekununi pa kyaba kya kwitulombola’tu bulwi bwa bibumbo bibidi, itulombola muswelo’ka amba na bubine i bilezaleza byādi bilwa na Yehova, Leza wa bine? (1 Sam. 17:43, 46, 47)

   5. Bashele’ko bashingwe māni beulanga namani kikulupiji kya Davida mudi Yehova? (1 Sam. 17:37; Yel. 1:17-19; Kus. 12:17)

Mānga ya 59

1. Mwanda waka Solo wakwatyilwa Davida mukao, ino Yonafane i mwishile na shandi Solo muswelo’ka?

2. I bika byalongeka difuku dimo Davida paadi ombela Solo lunsense?

3. Solo wanena amba Davida ufwaninwe kulonga bika kumeso kwa kumupa Mikale bu mukaji, ne mwanda waka Solo wanena uno muswelo?

4. Davida pa kombela Solo lunsense, i bika byalongeka musunsa wa busatu, na mulombwela kifwatulo?

5. Mikale wapandija būmi bwa Davida namani, ne Davida walonga bika mu bula bwa myaka isamba-ibidi?

Bipangujo bya ntentekelo:

1. Tanga 1 Samwele 18:1-30.

   1. Buswe bukomo nkē bwādi bwiswele ba Davida ne Yonafane bwelekeja namani buswe bwiswele “mikōko mikwabo” na “kaluombe katyetye”? (1 Sam. 18:1; Yoa. 10:16; Luka 12:32; Zek. 8:23)

   2. Yonafane byaādi wa kwikala mpyana wa Solo, le 1 Samwele 18:4 ulombola namani kikōkeji kikatampe kya Yonafane kudi yewa utongelwe kukekala bu mulopwe?

   3. Kimfwa kya Solo kilombola namani amba mukao ubwanya kutwala ku bubi bukatampe, ne kino kitupa kidyumu’ka? (1 Sam. 18:7-9, 25; Yak. 3:14-16)

2. Tanga 1 Samwele 19:1-17.

   Yonafane wātūdile būmi bwandi mu kyaka namani pa kwipatanya na Solo? (1 Sam. 19:1, 4, 6; Nk. 16:14)

Mānga ya 60

1. Mwana-mukaji wiya kusambakana Davida pa kifwatulo i ani, ne i muntu wa muswelo’ka?

2. Nabalu i ani?

3. Mwanda waka Davida watume bantu bandi bamo bakalombe Nabalu bukwashi?

4. Nabalu wanena bantu ba Davida bika, ne Davida walonga’po namani?

5. Abikele welombola namani amba i mwana-mukaji wa tunangu?

Bipangujo bya ntentekelo:

1. Tanga 1 Samwele 22:1-4.

   Kisaka kya Davida i kitushile kimfwa’ka kiyampe kya kwikwasha batwe bene na bene mu bu bana na bana bwa Bwine Kidishitu? (Nk. 17:17; 1 Tes. 5:14)

2. Tanga 1 Samwele 25:1-43.

   1. Mwanda waka Nabalu umweka bu muntu wa kipuni? (1 Sam. 25:2-5, 10, 14, 21, 25)

   2. Bakaji Bene Kidishitu dyalelo bafwaninwe kuboila ñeni’ka kudi Abikele? (1 Sam. 25:32, 33; Nk. 31:26; Ef. 5:24)

   3. Abikele wāepeje Davida kulonga bintu’ka bibidi bibi? (1 Sam. 25:31, 33; Loma 12:19; Ef. 4:26)

   4. Muswelo wālondolwele Davida ku binenwa bya Abikele ukwasha namani bana-balume ba dyalelo bamone bana-bakaji mwibamwena Yehova? (Bil. 21:8, 9; Loma 2:11; 1 Pet. 3:7)

Mānga ya 61

1. I bika byālongele ba Davida ne Abishai pādi palēle Solo mu kitūlo kyandi?

2. Davida wāipangwile Solo bipangujo’ka?

3. Pa kwishiya na Solo, Davida wāendele kwepi?

4. I bika byākwatyije Davida bulanda kalembe lwimbo luyampe?

5. Davida pa kubikala mu Hebelona wādi na myaka inga, ne i majina a bandi bana bamobamo i bāni?

6. I kwepi kuludikila Davida bu mulopwe?

Bipangujo bya ntentekelo:

1. Tanga 1 Samwele 26:1-25.

   1. Binenwa bya Davida bisonekelwe mu 1 Samwele 26:11 bilombola namani mwaādi umwenine ndudi ya kiteokratike? (Mit. 37:7; Loma 13:2)

   2. Potulonga bukomo bwa kulonga biyampe ino bakwetu betulongela bibi, le binenwa bya Davida bidi mu 1 Samwele 26:23 biketukwasha namani tumone bintu mobifwaninwe? (1 Bal. 8:32; Mit. 18:20)

2. Tanga 2 Samwele 1:26.

   Bene Kidishitu bakokeja dyalelo kutamija namani ‘buswe bukatampe bwine’ na bwādi bwiswele ba Davida ne Yonafane? (1 Pet. 4:8; Kol. 3:14; 1 Yoa. 4:12)

3. Tanga 2 Samwele 5:1-10.

   1. Davida wābikele bu mulopwe mu bula bwa myaka inga, ne ino myaka ikokeja kwabanibwa namani? (2 Sam. 5:4, 5)

   2. Bukata bwa Davida i butelelwe ani, ne kino kituvuluja bika dyalelo? (2 Sam. 5:10; 1 Sam. 16:13; 1 Kod. 1:31; Fid. 4:13)

Mānga ya 62

1. Na bukwashi bwa Yehova, ntanda ya Kenani yaikele ke ya bāni?

2. Byaikele namani kyolwa kimo padi pananga Davida pa musaka wa njibo yandi?

3. Mwanda waka Yehova wafityilwa Davida bininge?

4. Pa kifwatulo, i ani watumwa na Yehova kukalombola Davida bubi bwandi, ne uno mwana-mulume walombola Davida amba i bika bikamufikila?

5. I kavutakanya’ka kaikala mu njibo ya Davida?

6. I ani wabikala bu mulopwe wa Isalela kupwa kwa Davida?

Bipangujo bya ntentekelo:

1. Tanga 2 Samwele 11:1-27.

   1. Mwanda waka kwipāna mu mwingilo wa Yehova kwitulamanga?

   2. Davida wāponene mu bubi namani, ne kino kileta kidyumu’ka ku bengidi ba Yehova dyalelo? (2 Sam. 11:2; Mat. 5:27-29; 1 Kod. 10:12; Yak. 1:14, 15)

2. Tanga 2 Samwele 12:1-18.

   1. I ñeni’ka ikokeja kuboila bakulumpe ne bambutwile ku muswelo wādingile Natana Davida madingi? (2 Sam. 12:1-4; Nk. 12:18; Mat. 13:34)

   2. Mwanda waka Yehova wāfwidile Davida lusa? (2 Sam. 12:13; Mit. 32:5; 2 Kod. 7:9, 10)

Mānga ya 63

1. Yehova wanena Solomone bika, ne Solomone walondolola namani?

2. Yehova pa kusangela byalomba Solomone, wamulaya kumupa bika ne bika?

3. I mwanda’ka waiya kusamba bana-bakaji babidi kudi Solomone?

4. Monka momwena pa kifwatulo, Solomone wapwija namani uno mwanda?

5. Bubikadi bwa Solomone budi namani, ne mwanda waka?

Bipangujo bya ntentekelo:

1. Tanga 1 Balopwe 3:3-28.

   1. Bana-balume bapelwe biselwa mu bulongolodi bwa Yehova dyalelo bakokeja kuboila ñeni’ka ku binenwa bya Solomone bitanwa mu 1 Balopwe 3:7? (Mit. 119:105; Nk. 3:5, 6)

   2. Milombelo ya Solomone itūshidile kimfwa’ka kilumbuluke kitulombola bintu byotufwaninwe kulomba? (1 Bal. 3:9, 11; Nk. 30:8, 9; 1 Yoa. 5:14)

   3. Muswelo wāpwijije Solomone lupata lwa bana-bakaji babidi witukulupija’mba buludiki bwiya kumeso bwa Yesu Kidishitu, Solomone Mukatampe, bukekala namani? (1 Bal. 3:28; Is. 9:6, 7; 11:2-4)

2. Tanga 1 Balopwe 4:29-34.

   1. Yehova wālondolwele namani pāmulombele Solomone mutyima wa kikōkeji? (1 Bal. 4:29)

   2. Bantu bālongele bukomo mwanda wa kwiya kwivwana tunangu twa Solomone, le netu tufwaninwe kumona namani kifundwa kya Kinenwa kya Leza? (1 Bal. 4:29, 34; Yoa. 17:3; 2 Tem. 3:16)

Mānga ya 64

1. Solomone waubaka tempelo ya Yehova mu bula bwa myaka inga, ne mwanda waka i milombe lupeto luvule?

2. Lelo tempelo idi na byumba binga bikata, ne i bika bidi mu kyumba kya munda?

3. Solomone wanena bika mu milombelo yaalombela pavuika tempelo?

4. Yehova walombola namani amba waitabija milombelo ya Solomone?

5. Bakaji ba Solomone abamufikija ku kulonga bika, ne i bika byamufikila?

6. Mwanda waka Yehova wakalabela Solomone ne Yehova wamunena bika?

Bipangujo bya ntentekelo:

1. Tanga 1 Bilongwa 28:9, 10.

   Mungya binenwa bya Davida bisonekelwe mu 1 Bilongwa 28:9, 10, tufwaninwe kwikankila’ko kulonga bika difuku ne difuku? (Mit. 19:14; Fid. 4:8, 9)

2. Tanga 2 Bilongwa 6:12-21, 32-42.

   1. Solomone wālombwele namani amba i kutupu njibo yūbakilwe na muntu ikokeja kubwana’mo Leza Mwine Mukatakata Mwine? (2 Bil. 6:18; Bil. 17:24, 25)

   2. Binenwa bya Solomone bidi mu 2 Bilongwa 6:32, 33 bilombola’mba Yehova udi namani? (Bil. 10:34, 35; Ngat. 2:6)

3. Tanga 2 Bilongwa 7:1-5.

   Bana ba Isalela pa kumona ntumbo ya Yehova bāmutendele, le batwe netu tukalonga bika potumona madyese esela Yehova bantu bandi dyalelo? (2 Bil. 7:3; Mit. 22:22; 34:1; 96:2)

4. Tanga 1 Balopwe 11:9-13.

   Būmi bwa Solomone bulombola namani mvubu ya kwikala wa kikōkeji kutūla ne ku mfulo? (1 Bal. 11:4, 9; Mat. 10:22; Kus. 2:10)

Mānga ya 65

1. Le bana-balume bomwene pa kifwatulo’ba i bāni, ne badi na mingilo’ka?

2. Le Ahiya walonga bika na mutwelo wavwele, ne kino kishintulula bika?

3. Solomone wasake kulonga Yeloboame bika?

4. Mwanda waka bantu ababikika Yeloboame pa bisaka dikumi?

5. I kika kyapungila Yeloboame byana bya ñombe bibidi bya nsahabu, ne ntanda ibalonga bika kinondanonda na kupungwa kwabyo?

6. I bika byafikila bulopwe bwa bisaka bibidi, ne tempelo ya Yehova mu Yelusalema?

Bipangujo bya ntentekelo:

1. Tanga 1 Balopwe 11:26-43.

   Yeloboame wādi muntu wa muswelo’ka, ne Yehova wāmulaile kumupa bika shi alame bijila bya Leza? (1 Bal. 11:28, 38)

2. Tanga 1 Balopwe 12:1-33.

   1. Pa mwanda utala kwingidija lupusa bibi, i ñeni’ka ikokeja kuboila bambutwile ne bakulumpe ku kimfwa kibi kya Lehaboma? (1 Bal. 12:13; Mus. 7:7; 1 Pet. 5:2, 3)

   2. Bankasampe bakokeja kunyemena kudi ani dyalelo pa kutana buludiki bukulupilwa kitatyi kyobatyiba mbila mikatampe umbūmi? (1 Bal. 12:6, 7; Nk. 1:8, 9; 2 Tem. 3:16, 17; Bah. 13:7)

   3. I bika byāfikije Yeloboame ku kushimika bité bibidi bya mutōtelo wa byana bya ñombe, ne kino kilombola namani amba kwādi kubulwa lwitabijo kukatampe mudi Yehova? (1 Bal. 11:37; 12:26-28)

   4. I ani wālengeje bantu ba bulopwe bwa bisaka dikumi batombokele mutōtelo wa bine? (1 Bal. 12:32, 33)

Mānga ya 66

1. Yezebele i ani?

2. Mwanda waka Mulopwe Ahaba wadi mwiumbile difuku dimo?

3. Yezebele walonga bika pa kusompola budimi bwa mañanza bwa Nabote ne kupa’bo wandi mulume Ahaba?

4. Yehova watume ani wa kupa Yezebele mfuto?

5. Monka momwena pa kifwatulo, bibaikala namani pafika Yehu ku njibo ya Yezebele?

Bipangujo bya ntentekelo:

1. Tanga 1 Balopwe 16:29-33 ne 18:3, 4.

   Ngikadilo yādi imbi namani mu Isalela mu myaka ya Mulopwe Ahaba? (1 Bal. 14:9)

2. Tanga 1 Balopwe 21:1-16.

   1. Nabote wālombwele namani kininga ne dikōkeji kudi Yehova? (1 Bal. 21:1-3; Levi 25:23-28)

   2. I ñeni’ka yotuboila ku kimfwa kya Ahaba shi mutyima ubetufita? (1 Bal. 21:4; Loma 5:3-5)

3. Tanga 2 Balopwe 9:30-37.

   I ñeni’ka yotuboila ku bupyasakane bwa Yehu mu kulonga kiswa-mutyima kya Yehova? (2 Bal. 9:4-10; 2 Kod. 9:1, 2; 2 Tem. 4:2)

Mānga ya 67

1. Yehoshafata i ani, ne i wa mu kitatyi’ka?

2. Mwanda waka Bene Isalela abazakala, ne bavule abalonga bika?

3. Yehova walondolola Yehoshafata namani ku milombelo yandi?

4. Yehova walengeja bika kumeso kwa abo kulwa?

5. I ñeni’ka yotuboila kudi Yehoshafata?

Bipangujo bya ntentekelo:

1. Tanga 2 Bilongwa 20:1-30.

   1. Yehoshafata wālombwele namani bikokeja kulonga bengidi ba Leza ba kikōkeji pobatanwa mu ngikadilo ilenga moyo? (2 Bil. 20:12; Mit. 25:15; 62:1)

   2. Yehova byaingidijanga nyeke dishinda kampanda pa kwisamba na bantu bandi, lelo i dishinda’ka dyaingidija dyalelo pa kwisamba netu? (2 Bil. 20:14, 15; Mat. 24:45-47; Yoa. 15:15)

   3. Pakaleta Leza “divita dya difuku dikatakata dya Leza, Mwinebukomobonso,” ngikadilo yotukekala’mo ikeifwana namani na yādi’mo Yehoshafata? (2 Bil. 20:15, 17; 32:8; Kus. 16:14, 16)

   4. Bapania ne bamishonele batuntwilanga namani ku mwingilo wa kusapula ntanda yonso pamo bwa Bene Levi? (2 Bil. 20:19, 21; Loma 10:13-15; 2 Tem. 4:2)

Mānga ya 68

1. Bantu basatu badi pa kifwatulo i bāni, ne i bika byafikila uno mwanuke?

2. Ediya walombela namani pangala pa uno mwanuke, ne kupwa bibaikala namani?

3. Mukwashi wa Ediya i ani?

4. Mwanda waka Edisha waiya ku njibo ya mwana-mukaji Mwine Shuneme?

5. Edisha walonga bika, ne mwana wadi mufwe waikala namani?

6. Yehova udi na bukomo bwa kulonga bika na mwaalombwedile’bo kupityila kudi ba Ediya ne Edisha?

Bipangujo bya ntentekelo:

1. Tanga 1 Balopwe 17:8-24.

   1. Kikōkeji ne lwitabijo lwa Ediya byātūdilwe namani pa ditompo? (1 Bal. 17:9; 19:1-4, 10)

   2. I kika kinenenwa amba lwitabijo lwa wa kishala wa mu Zelefata lwādi lukatampe? (1 Bal. 17:12-16; Luka 4:25, 26)

   3. Byātene wa kishala wa mu Zelefata bibingija namani bubinebine bwa binenwa bya Yesu bisonekelwe mu Mateo 10:41, 42? (1 Bal. 17:10-12, 17, 23, 24)

2. Tanga 2 Balopwe 4:8-37.

   1. Mwana-mukaji Mwine Shuneme witufundija namani kizaji? (2 Bal. 4:8; Luka 6:38; Loma 12:13; 1 Yoa. 3:17)

   2. I muswelo’ka otukokeja kulongela bengidi ba Leza biyampe dyalelo? (Bil. 20:35; 28:1, 2; Ngat. 6:9, 10; Bah. 6:10)

Mānga ya 69

1. Tala pa kifwatulo, le mwanuke mwana-mukaji ulombolanga uno lolo’u bika?

2. Uno lolo udi pa kifwatulo i ani, ne i bika bilonga uno mwanuke mwana-mukaji ku njibo ya uno lolo?

3. Edisha wanena mwingidi wandi alombole Nemani bika, ne mwanda waka Nemani wakalabala?

4. Nemani waikala namani pa kupwa kuteja mwingidi wandi?

5. Mwanda waka Edisha wapele byabuntu bya Nemani, ino Ngehazi walonga namani?

6. I bika byafikila Ngehazi, ne i bufundiji’ka botwefunda pa kino?

Bipangujo bya ntentekelo:

1. Tanga 2 Balopwe 5:1-27.

   1. Kimfwa kyāshile mwanuke mwana-mukaji Mwine Isalela kikankamika namani banuke dyalelo? (2 Bal. 5:3; Mit. 8:2; 148:12, 13)

   2. Mwanda waka i biyampe kulama kimfwa kya Nemani kitatyi kyobetupa madingi a mu Bisonekwa? (2 Bal. 5:15; Bah. 12:5, 6; Yak. 4:6)

   3. I ñeni’ka yotukokeja kuboila ku kimfwa kya Edisha kishile na kya Ngehazi? (2 Bal. 5:9, 10, 14-16, 20; Mat. 10:8; Bil. 5:1-5; 2 Kod. 2:17)

Mānga ya 70

1. Yona i ani, ne Yehova wamunene alonge bika?

2. Yona walonga bika pa kupela kwenda kwamutuma Yehova?

3. Yona wanena bantu badi mu kyombo balonge bika pa kusaka luvula lutalale?

4. I bika byafikila Yona pa kutokena mu mema, pamo na momwena pano pa kifwatulo?

5. Yona walāla mafuku anga munda mwa mushipa, ne uloñanga’mo bika?

6. I kwepi kwaenda Yona pamulasa mushipa, ne kino kitufundija bika?

Bipangujo bya ntentekelo:

1. Tanga Yona 1:1-17.

   Mobimwekela Yona wāmwene namani mwingilo wa kukasapwila Bene Nineva? (Yona 1:2, 3; Nk. 3:7; Mus. 8:12)

2. Tanga Yona 2:1, 2, 10.

   Byātene Yona bitukulupija namani amba Yehova ukalondolola milombelo yetu? (Mit. 22:24; 34:6; 1 Yoa. 5:14)

3. Tanga Yona 3:1-10.

   1. I bukankamane’ka botukokeja kwikala nabo pa kuyuka amba Yehova wāendelele na kwingidija Yona nansha byaākomenwe dibajinji kuvuija mwingilo obāmupele? (Mit. 103:14; 1 Pet. 5:10)

   2. Byāfikile Yona pa kusapwila Bene Nineva bitufundija bika pa kufwatakenya bantu ba mu mwaba wetu? (Yona 3:6-9; Mus. 11:6; Bil. 13:48)

Mānga ya 71

1. Isaya i ani, ne wādi wikala kwepi, ne Yehova wāmulombwele bika?

2. Kishima “paladisa” kishintulula’mba namani, ne kikuvuluja bika?

3. Yehova wāsapwidile Isaya asoneke bika pangala pa Paladisa impya?

4. Mwanda waka ba Adama ne Eva bājimije kifuko kyabo kilumbuluke?

5. Yehova i mulaye bantu bamusenswe bika?

Bipangujo bya ntentekelo:

1. Tanga Isaya 11:6-9.

   1. Kinenwa kya Leza kilombola namani mukekadila banyema mu ndoe na bantu mu ntanda impya? (Mit. 148:10, 13; Is. 65:25; Ezek. 34:25)

   2. I kufikidila’ka kwa ku mushipiditu kwa binenwa bya Isaya kufikidila mu bantu ba Leza dyalelo? (Loma 12:2; Ef. 4:23, 24)

   3. I ani ufwaninwe kutelelwa kwalamuna kwalamuna bantu bumuntu bwabo dyalelo ne mu ntanda impya? (Is. 48:17, 18; Ngat. 5:22, 23; Fid. 4:7)

2. Tanga Kusokwelwa 21:3, 4.

   1. Bisonekwa bilombola namani amba kwikala kukekala Leza na bantu i kwa kyelekejo, ke kwa kushikata’po nabo pamo pano panshi? (Levi 26:11, 12; 2 Bil. 6:18; Is. 66:1; Kus. 21:2, 3, 22-24)

   2. I impolo ya muswelo’ka ikapampulwa? (Luka 8:49-52; Loma 8:21, 22; Kus. 21:4)

Mānga ya 72

1. Muntu udi pa kifwatulo uno i ani, ne mwanda waka i mūminwe bininge?

2. I mikanda’ka itūdile Hezekia ku meso a Leza, ne Hezekia walombela namani?

3. Hezekia i mulopwe wa muswelo’ka, ne Yehova wamutumina musapu’ka kupityila kudi mupolofeto Isaya?

4. Mwikeulu wa Yehova walonga Bene Ashidia bika, na motumwena pa kifwatulo?

5. Nansha bulopwe bwa bisaka bibidi byobwaikala bidi mu ndoe, ino i bika byalongeka pa kufwa kwa Hezekia?

Bipangujo bya ntentekelo:

1. Tanga 2 Balopwe 18:1-36.

   1. Labashake, mukendi Mwine Ashidia wasake kuzozeja lwitabijo lwa Bene Isalela namani? (2 Bal. 18:19, 21; Div. 5:2; Mit. 64:3)

   2. Batumoni ba Yehova pobalwanga na balwana bebalondalonda, balondanga namani kimfwa kya Hezekia? (2 Bal. 18:36; Mit. 39:1; Nk. 26:4; 2 Tem. 2:24)

2. Tanga 2 Balopwe 19:1-37.

   1. Dyalelo bantu ba Yehova beulanga namani Hezekia mu bitatyi bya tusua? (2 Bal. 19:1, 2; Nk. 3:5, 6; Bah. 10:24, 25; Yak. 5:14, 15)

   2. I misunsa’ka isatu yashindwa Mulopwe Senakediba, ne mu muneneno wa bupolofeto, aye i kyelekejo kya ani? (2 Bal. 19:32, 35, 37; Kus. 20:2, 3)

3. Tanga 2 Balopwe 21:1-6, 16.

   I kika kinenenwa amba Manase wādi ubadilwa mu balopwe babi kutabuka babikele mu Yelusalema? (2 Bil. 33:4-6, 9)

Mānga ya 73

1. Yoshia wabikala na myaka inga, ne washilula kulonga bika pa kupwa kubikala myaka isamba-ibidi?

2. Ubamone Yoshia ulonga bika pa kifwatulo kibajinji?

3. Kitobo mukatampe wasokola bika palongolola bantu tempelo?

4. Mwanda waka Yoshia wasana bisandi byandi?

5. I musapu’ka utamba kudi Yehova obalombola Yoshia kudi mupolofeto-mukaji Hulada?

Bipangujo bya ntentekelo:

1. Tanga 2 Bilongwa 34:1-28.

   1. Yoshia i mushile boba bakokeja kususuka mu bwanuke bwabo kimfwa’ka? (2 Bil. 33:21-25; 34:1, 2; Mit. 27:10)

   2. I matabula’ka a kwendeleja mutōtelo wa bine kumeso ātabwile Yoshia mu mwaka wa 8, wa 12, ne wa 18 wa bulopwe bwandi? (2 Bil. 34:3, 8)

   3. Mu mwanda utala kulama bifuko byetu bya kutōtela’po, i ñeni’ka yotuboila ku kimfwa kya Mulopwe Yoshia ne Kitobo Mukatampe Hilekia? (2 Bil. 34:9-13; Nk. 11:14; 1 Kod. 10:31)

Mānga ya 74

1. Nkasampe mwana-mulume udi pa kifwatulo i ani?

2. Yelemia wemone namani pa kwikala bu mupolofeto, ino Yehova wamunena namani?

3. Yelemia usapwilanga bantu musapu’ka?

4. Babitobo batompanga namani kukankaja Yelemia, ne welombola namani amba kadipo na moyo?

5. I bika byafikila Bene Isalela mwanda wa kushinta kokebashintyilepo bilongwa byabo bibi?

Bipangujo bya ntentekelo:

1. Tanga Yelemia 1:1-8.

   1. I bika bilengejanga muntu abwanye mwingilo wa Yehova na mwikilombwela kimfwa kya Yelemia? (2 Kod. 3:5, 6)

   2. Kimfwa kya Yelemia kikankamika namani bankasampe Bene Kidishitu dyalelo? (Mus. 12:1; 1 Tem. 4:12)

2. Tanga Yelemia 10:1-5.

   I kyelekejo’ka kyāletele Yelemia mwanda wa kulombola amba kutōta bankishi i kwa bitupu? (Yel. 10:5; Is. 46:7; Hab. 2:19)

3. Tanga Yelemia 26:1-16.

   1. Kitatyi kisapula bashingwe māni bashele’ko kidyumu dyalelo, balondanga namani musoñanya wāpelwe Yelemia na Yehova wa kuleka ‘kufundula’po nansha kamo kene’? (Yel. 26:2; Kup. 4:2; Bil. 20:27)

   2. Yelemia i mushile Batumoni ba Yehova ba dyalelo kimfwa’ka kiyampe mu myanda ya kusapula kidyumu kya Yehova ku mizo? (Yel. 26:8, 12, 14, 15; 2 Tem. 4:1-5)

4. Tanga 2 Balopwe 24:1-17.

   I bipa’ka bilula byāangwile Yuda mwanda wa kubulwa kukōkela Yehova? (2 Bal. 24:2-4, 14)

Mānga ya 75

1. Bankasampe baná badi pa kifwatulo’ba i bāni, ne mwanda waka badi mu Babiloni?

2. I mpangiko’ka yatūla’ko Nebukaneza pa bano bankasampe baná, ne wasoñanya bengidi bandi bika?

3. Danyele walombe bika pa mwanda utala bidibwa ne bitomibwa byandi ne bya balunda nandi basatu?

4. Pa kupwa kudya mani mafuku 10, Danyele ne balunda nandi basatu abaikala namani pa kwibadingakanya na bankasampe bakwabo?

5. Danyele ne balunda nandi basatu abafika mu kipango kya mulopwe muswelo’ka, ne i bapite namani ñeni babitobo ne bonso ba ñeni?

Bipangujo bya ntentekelo:

1. Tanga Danyele 1:1-21.

   1. I bukomo’ka botufwaninwe kulonga shi tusaka kukomena matompo ne kunekenya bukōkekōke? (Dan. 1:8; Ngal. 39:7, 10; Ngat. 6:9)

   2. Bankasampe bakokeja kutompwa ne kuningilwa namani dyalelo amba bekuje mu byobya bikokeja kumonwa bu ‘bidibwa binune’? (Dan. 1:8; Nk. 20:1; 2 Kod. 6:17–7:1)

   3. Nsekununi ya mu Bible ya bankasampe Bahebelu baná itukwasha namani tusangele kufunda masomo a bwine ntanda? (Dan. 1:20; Is. 54:13; 1 Kod. 3:18-20)

Mānga ya 76

1. I bika byatana Yelusalema ne Bene Isalela na mwikilombwela kifwatulo?

2. Ezekyele i ani, ne i bintu’ka bisansa mutyima byamulombola Yehova?

3. Bene Isalela byokebalēmekelepo Yehova, nandi walaya bika?

4. Mulopwe Nebukaneza walonga bika pamutombokela Bene Isalela?

5. Mwanda waka Yehova waleka Bene Isalela bonakanibwe byamwiko namino?

6. Ntanda ya Isalela ibashala namani pampikwa muntu, ne mu bula bwa myaka inga?

Bipangujo bya ntentekelo:

1. Tanga 2 Balopwe 25:1-26.

   1. Zedekia wādi ani, ne i bika byāmufikīle, ne kino kyāfikidije namani bupolofeto bwa mu Bible? (2 Bal. 25:5-7; Ezek. 12:13-15)

   2. Yehova wātopekele bāni pangala pa kubulwa kikōkeji kwa Isalela? (2 Bal. 25:9, 11, 12, 18, 19; 2 Bil. 36:14, 17)

2. Tanga Ezekyele 8:1-18.

   Bipwilo bya Kine Kidishitu biulanga namani Bene Isalela batupondo batōtyi ba dyuba? (Ezek. 8:16; Is. 5:20, 21; Yoa. 3:19-21; 2 Tem. 4:3)

Mānga ya 77

1. Nebukaneza mulopwe wa Babiloni wasoñanya bantu kulonga bika?

2. Mwanda waka balunda basatu ba Danyele abapele kwivukwila ku nkishi wa nsahabu?

3. Nebukaneza pa kupa Bahebelu basatu mukenga mukwabo wa kwivukwila ku nkishi, abo abalombola muswelo’ka amba bakulupile mudi Yehova?

4. Nebukaneza wanena bantu balonge ba Shadelake, Meshake, ne Abedenengo bika?

5. I bika byamona Nebukaneza pa kutala mu nkelwa?

6. Mwanda waka mulopwe watendela Leza wa Shadelake, Meshake ne Abedenengo, ne i kimfwa’ka kyobetushila netu?

Bipangujo bya ntentekelo:

1. Tanga Danyele 3:1-30.

   1. I mwimanino’ka wādi na bankasampe Bahebelu basatu ufwaninwe kwiulwa na bengidi bonso ba Leza shi bululame bwabo bubatūlwa pa ditompo? (Dan. 3:17, 18; Mat. 10:28; Loma 14:7, 8)

   2. I bufundiji’ka bwa kamweno bobāfundije Nebukaneza kudi Yehova Leza? (Dan. 3:28, 29; 4:34, 35)

Mānga ya 78

1. I bika byalongeka pasoba mulopwe wa Babiloni masobo makatampe ne kutomena mu bitomeno byāselelwe mu tempelo ya Yehova mu Yelusalema?

2. Beleshazale wanena ba ñeni bandi bika, ne abakomenwa kulonga bika?

3. Inandya mulopwe wanena mulopwe alonge bika?

4. Mungya byanena Danyele kudi mulopwe, mwanda waka Leza watume kuboko kulembe pa lubumbu?

5. Danyele washintulula namani binenwa bya ku lubumbu?

6. I bika bilongeka aye Danyele ukinena?

Bipangujo bya ntentekelo:

1. Tanga Danyele 5:1-31.

   1. Shiyañanya moyo wa kwakamwa Leza na moyo wāivwene Beleteshazale paāmwene bilembwa ku lubumbu. (Dan. 5:6, 7; Mit. 19:9; Loma 8:35-39)

   2. Danyele wāikele na bukankamane namani pa kunena mulopwe Beleshazale ne ba bulēme bandi? (Dan. 5:17, 18, 22, 26-28; Bil. 4:29)

   3. Danyele shapita 5 ulombola namani bubikadi bwa Yehova bwa mūlu ne pano panshi pene? (Dan. 4:17, 25; 5:21)

Mānga ya 79

1. Dadiusa i ani, ne umwene Danyele namani?

2. Bantu ba mukao abanena Dadiusa alonge bika?

3. I kika kyalonga Danyele pa kwivwana kino kijila kipya?

4. Mwanda waka Dadiusa wafitwa bininge ne kulāla tulo mpika, ne i bika byaalonga pa kukya’bo ke lubanga?

5. Danyele walondolola Dadiusa namani?

6. I bika byafikila bantu babi badi basaka kwipaija Danyele, ne Dadiusa walembela bantu bonso ba umbulopwe bwandi bika?

Bipangujo bya ntentekelo:

1. Tanga Danyele 6:1-28.

   1. Kitumba kyākutyilwe Danyele kituvuluja namani kukimba kukimbanga balwana kukankaja mwingilo wa Batumoni ba Yehova ba mu ano mafuku? (Dan. 6:7; Mit. 94:20; Is. 10:1; Loma 8:31)

   2. Bengidi ba Leza dyalelo bakokeja namani kwiula Danyele pa kukōkela ‘bakatampe ba lupusa’? (Dan. 6:5, 10; Loma 13:1; Bil. 5:29)

   3. I muswelo’ka otukeula kimfwa kya Danyele mu kwingidila Yehova “mafuku onso nyeke”? (Dan. 6:16, 20; Fid. 3:16; Kus. 7:15)

Mānga ya 80

1. Monka motwikimwena pa kifwatulo, Bene Isalela baloñanga bika?

2. Shilusa wāfikidije namani bupolofeto bwānene Yehova kupityila kudi Isaya?

3. Shilusa wanena Bene Isalela kebabwanyapo kwenda ku Yelusalema bika?

4. Shilusa wape bantu bika bya kujokeja ku Yelusalema?

5. Bene Isalela abalāla mafuku anga mu lwendo lwa kujokela ku Yelusalema?

6. Padi ke papite myaka inga kasha ntanda ishala pampikwa bantu?

Bipangujo bya ntentekelo:

1. Tanga Isaya 44:28 ne 45:1-4.

   1. Yehova wānene namani ukoma amba bupolofeto butala padi Shilusa bukafikidilanga? (Is. 55:10, 11; Loma 4:17)

   2. Bupolofeto bwa Isaya butala padi Shilusa bulombola namani amba Leza udi na bukomo bwa kulombola bikāya kumeso? (Is. 42:9; 45:21; 46:10, 11; 2 Pet. 1:20)

2. Tanga Ezela 1:1-11.

   Pa kulonda kimfwa kya boba bākomenwe kujokela ku Yelusalema, i muswelo’ka otukokeja netu ‘kukomeja makasa’ a boba babwanya kwingila mwingilo wa kitatyi kyonso? (Eza. 1:4, 6; Loma 12:13; Kol. 4:12)

Mānga ya 81

1. I bantu banga bataluka mu Babiloni kebenda ku Yelusalema, ino abatana Yelusalema namani pobafika?

2. Bene Isalela abashilula kūbaka bika pobafika, ne balwana nabo abalonga’po namani?

3. Ba Hakai ne Zekadia i bāni, ne abalombola bantu bika?

4. Mwanda waka Tatenai watume mukanda ku Babiloni, ne abamulondolola namani?

5. Ezela walonga bika pa kwivwana’mba tempelo ya Leza ilomba kulongolola?

6. Ezela walombe bika na momwena pa kifwatulo’pa, ne milombelo yandi ibalondololwa namani, ne kino kitufundija bika?

Bipangujo bya ntentekelo:

1. Tanga Ezela 3:1-13.

   Shi tudi mu kibundi mwampikwa kipwilo kya bantu ba Leza, i bika byotufwaninwe kwendelela na kulonga? (Eza. 3:3, 6; Bil. 17:16, 17; Bah. 13:15)

2. Tanga Ezela 4:1-7.

   Zelububele wāshidile bantu ba Yehova kimfwa’ka mu myanda ya kwikūkila na bantu bakwabo? (Div. 34:12; 1 Kod. 15:33; 2 Kod. 6:14-17)

3. Tanga Ezela 5:1-5, 17 ne 6:1-22.

   1. Mwanda waka balwana bātuninye kwimika mwingilo wa lūbako lwa tempelo? (Eza. 5:5; Is. 54:17)

   2. Byālongele bakulumpe ba Bayuda bikankamika namani bakulumpe Bene Kidishitu bakimbe buludiki bwa Yehova pobatambwa na balwana? (Eza. 6:14; Mit. 32:8; Loma 8:31; Yak. 1:5)

4. Tanga Ezela 8:21-23, 28-36.

   Kumeso kwa kwikwata’ko na kulonga mwanda kamukaya, mwanda waka i biyampe kwiula kimfwa kya Ezela? (Eza. 8:23; Mit. 127:1; Nk. 10:22; Yak. 4:13-15)

Mānga ya 82

1. Ba Modekai ne Eseta i bāni?

2. I kika kisakila Mulopwe Ahaswelusa mukaji mukwabo, ne i ani waatonga?

3. Hamane i ani, ne mwanda waka wakalabala bininge?

4. I mbila’ka yobaleta, ne Eseta walonga bika pamutumina Modekai musapu?

5. I bika byafikila Hamane, ne i bika byafikila Modekai?

6. Bene Isalela abakūlwa namani ku balwana nabo?

Bipangujo bya ntentekelo:

1. Tanga Eseta 2:12-18.

   Eseta wālombwele namani buya bwa kwikadila na “mutyima wa kikōkeji ne butalale”? (Est. 2:15; 1 Pet. 3:1-5)

2. Tanga Eseta 4:1-17.

   Pamo bwa Eseta wāpelwe mukenga wa kulwila mutōtelo wa bine, netu tudi na mukenga’ka dyalelo wa kumwekeja kwipāna ne dikōkeji dyotukōkele Yehova? (Est. 4:13, 14; Mat. 5:14-16; 24:14)

3. Tanga Eseta 7:1-6.

   Bantu ba Leza bavule dyalelo batanwanga na kyaka kya kupangwapangwa namani pamo bwa Eseta? (Est. 7:4; Mat. 10:16-22; 1 Pet. 2:12)

Mānga ya 83

1. Bene Isalela bādi bevwana namani ku mutyima pa kubulwa nsakwa ijokolokele kibundi kya Yelusalema?

2. Nehemia i ani?

3. I mwingilo’ka wingila Nehemia, ne mwanda waka i wa bulēme?

4. I myanda’ka yakwatyija Nehemia bulanda, ne walonga’po namani?

5. Mulopwe Alatazelekishishi walongela Nehemia biyampe namani?

6. Nehemia wakwata mpangiko’ka pa kūbaka kutyina amba balwana na Bene Isalela bakebakankaja kūbaka?

Bipangujo bya ntentekelo:

1. Tanga Nehemia 1:4-6 ne 2:1-20.

   Nehemia wākimbile namani buludiki bwa Yehova? (Neh. 2:4, 5; Loma 12:12; 1 Pet. 4:7)

2. Tanga Nehemia 3:3-5.

   Bakulumpe ne bengidi ba mingilo bakokeja kuboila ñeni’ka ku kwishila kwishidile Bene Teko na “babuleme babo”? (Neh. 3:5, 27; 2 Tes. 3:7-10; 1 Pet. 5:5)

3. Tanga Nehemia 4:1-23.

   1. I bika byākankamikile Bene Isalela bendelele na kūbaka nansha lwana byolwādi lunane? (Neh. 4:6, 8, 9; Mit. 50:15; Is. 65:13, 14)

   2. Kimfwa kya Bene Isalela kitukankamikanga namani dyalelo?

4. Tanga Nehemia 6:15.

   Kupwa kwāpwile nsakwa ya Yelusalema mu myeji ibidi kulombola namani bukomo bwa lwitabijo? (Mit. 56:3, 4; Mat. 17:20; 19:26)

Mānga ya 84

1. Mwana-mukaji udi pa kifwatulo i ani?

2. Ngabudyele walombola Madia bika?

3. Ngabudyele washintulwila Madia namani amba usa kubutula mwana nansha byakashikete na mwana-mulume?

4. I bika byalongeka Madia pa kupempula Edisabeta?

5. Yosefa walanga kulonga bika pa kuyuka amba Madia usa kubutula mwana, ino mwanda waka washinta milangwe yandi?

Bipangujo bya ntentekelo:

1. Tanga Luka 1:26-56.

   1. Luka 1:35 ulombola bika pa mwanda utala kubulwa kubwaninina kwa Adama pa ndá ya Madia kitatyi kyātundulwidilwe’mo būmi bwa Mwanā Leza kutamba mu bīkalo bya mūlu? (Hak. 2:11-13; Yoa. 6:69; Bah. 7:26; 10:5)

   2. Yesu wālēmekelwe namani ne kumeso kwa kubutulwa kwine? (Luka 1:41-43)

   3. I kimfwa’ka kiyampe kyāikele Madia kushila Bene Kidishitu ba dyalelo bapebwa madyese a pa bula a mingilo? (Luka 1:38, 46-49; 17:10; Nk. 11:2)

2. Tanga Mateo 1:18-25.

   Nansha Yesu byakāityilwepo pa dijina dya bu Emanyuela, ino mwingilo waāingile wāfikidije namani buluji bwadyo? (Mat. 1:22, 23; Yoa. 14:8-10; Bah. 1:1-3)

Mānga ya 85

1. Yeu mwana udi pa kifwatulo i ani, ne i kwepi kusa kumulādika Madia?

2. Mwanda waka Yesu wabutwilwa mu kipombo kya banyema?

3. Pa kifwatulo, i bāni boba batwela mu kipombo, ne mwikeulu wēbalombwele bika?

4. Mwanda waka Yesu i mwishile na bantu bakwabo?

5. Mwanda waka Yesu witwa bu Mwana wa Leza?

Bipangujo bya ntentekelo:

1. Tanga Luka 2:1-20.

   1. Kesala Akutusa wālungile kuboko namani ku kufikidija bupolofeto butala pa kubutulwa kwa Yesu? (Luka 2:1-4; Mika 5:2)

   2. Muntu ukokeja kubadilwa namani mu boba batelelwe bu ‘bantu ba mityima miyampe’? (Luka 2:14; Mat. 16:24; Yoa. 17:3; Bil. 3:19; Bah. 11:6)

   3. Shi bakumbi Bene Yuda betyepeje bādi na buluji bwa kusangela kubutulwa kwa Umpandiji, le bengidi ba Leza dyalelo badi na nsangaji’ka mikatampe ya kusangela? (Luka 2:10, 11; Ef. 3:8, 9; Kus. 11:15; 14:6)

Mānga ya 86

1. Bantu badi pa kifwatulo i bāni, ne mwanda waka umo ufunka luñenyenye lweñenya?

2. Mwanda waka Mulopwe Heloda wavutakanibwa ñeni, ne walonga’po bika?

3. Luñenyenye lweñenya lubatwala bantu kwepi, ne mwanda waka abajokela kwabo mu dishinda dingi?

4. Heloda waleta mbila’ka ne mwanda waka?

5. Yehova wanena Yosefa alonge bika?

6. I ani wakelemeja luñenyenye, ne mwanda waka?

Kipangujo kya ntentekelo:

1. Tanga Mateo 2:1-23.

   Yesu wādi na myaka inga ne wādi kwepi pāile ba ñeni kumupempula? (Mat. 2:1, 11, 16)

Mānga ya 87

1. Pa kifwatulo, Yesu udi na myaka inga, ne udi kwepi?

2. Yosefa uloñanga bika na kisaka kyandi mwaka ne mwaka?

3. Pa kupwa kwenda lwendo lwa difuku dimo bajokela kwabo, mwanda waka kadi ba Yosefa ne Madia abajokela ku Yelusalema?

4. Ba Yosefa ne Madia abatana Yesu kwepi, ne mwanda waka bantu abatendela?

5. Yesu walondolola inandi Madia bika?

6. I muswelo’ka otukokeja kwikala pamo bwa Yesu mu kufunda myanda ya Leza?

Bipangujo bya ntentekelo:

1. Tanga Luka 2:41-52.

   1. Mukanda wa Bijila wādi ulomba enka bana-balume kwenda ku masobo a mwaka ne mwaka, ino ba Yosefa ne Madia i bashile bambutwile dyalelo kimfwa’ka kiyampe? (Luka 2:41; Kup. 16:16; 31:12; Nk. 22:6)

   2. Lelo Yesu wāshidile bankasampe ba dyalelo kimfwa’ka kiyampe kya kukōkela bambutwile? (Luka 2:51; Kup. 5:16; Nk. 23:22; Kol. 3:20)

2. Tanga Mateo 13:53-56.

   Tela majina a banababo na Yesu baná batelelwe mu Bible, ne banababo babidi baingile namani mu kipwilo kya Bwine Kidishitu? (Mat. 13:55; Bil. 12:17; 15:6, 13; 21:18; Ngat. 1:19; Yak. 1:1; Yude 1)

Mānga ya 88

1. Bano bantu babidi badi pa kifwatulo i bāni?

2. I muswelo’ka ubatyijibwanga muntu?

3. Na bubine Yoano ubatyijanga bāni?

4. I mwanda’ka mwine walengeja Yesu anene Yoano amubatyije?

5. Leza walombola namani amba wasangala pabatyijibwa Yesu?

6. I bika byalongeka paenda Yesu kwa bunka mafuku 40?

7. Balondi nansha bana ba bwanga babajinji ba Yesu i bāni, ne i kingelengele’ka kibajinji kyalonga Yesu?

Bipangujo bya ntentekelo:

1. Tanga Mateo 3:13-17.

   Yesu i mushile bandi bana ba bwanga kimfwa’ka mu myanda itala lubatyijo? (Mit. 40:7, 8; Mat. 28:19, 20; Luka 3:21, 22)

2. Tanga Mateo 4:1-11.

   Muswelo wāingidije Yesu Bisonekwa na bwino witukankamika namani twifunde Bible kitatyi ne kitatyi? (Mat. 4:5-7; 2 Pet. 3:17, 18; 1 Yoa. 4:1)

3. Tanga Yoano 1:29-51.

   Yoano wānene bandi bana ba bwanga balonde ani, ne tukokeja kumwiula namani dyalelo? (Yoa. 1:29, 35, 36; 3:30; Mat. 23:10)

4. Tanga Yoano 2:1-12.

   Kingelengele kibajinji kya Yesu kilombola namani amba Yehova kasuminwangapo bengidi bandi kiyampe? (Yoa. 2:9, 10; Mit. 84:11; Yak. 1:17)

Mānga ya 89

1. Mwanda waka bantu bapoteja banyema mu tempelo?

2. I bika byalobeja Yesu?

3. Monka momwena pa kifwatulo, Yesu walonga bika, ne wanena bantu bapoteja bankunda balonge bika?

4. Balondi ba Yesu pobamumona ulonga bino, abavuluka bika?

5. Yesu wapityila mu bulolo’ka pa kujokela ku Ngadilea?

Kipangujo kya ntentekelo:

1. Tanga Yoano 2:13-25.

   Yesu byaāfityīlwe boba bādi bashintulula lupeto mu tempelo, i muswelo’ka otufwaninwe kumona bya busunga ku Njibo ya Bulopwe? (Yoa. 2:15, 16; 1 Kod. 10:24, 31-33)

Mānga ya 90

1. Mwanda waka Yesu washikata pa mushimwa wa mu Samadia, ne wanena uno mwana-mukaji bika?

2. I kika kyatulumuja mwana-mukaji bininge, ne Yesu wamunena bika, ne mwanda waka?

3. Mwana-mukaji walanga amba Yesu wisambilanga pa mema a muswelo’ka, ino na bubine ao i mema’ka?

4. Mwanda waka mwana-mukaji watulumuka pa kumona myanda imutala iyukile Yesu, ne weiyukile namani?

5. I ñeni’ka yotuboila ku nsekununi ya mwana-mukaji wadi pa mushimwa?

Bipangujo bya ntentekelo:

1. Tanga Yoano 4:5-43.

   1. Mungya kimfwa kya Yesu, i muswelo’ka otufwaninwe kumona bantu ba lukoba ne misaka mishile na yetu? (Yoa. 4:9; 1 Kod. 9:22; 1 Tem. 2:3, 4; Tet. 2:11)

   2. I kamweno’ka ka ku mushipiditu kamona muntu wikala mwanā bwanga wa Yesu? (Yoa. 4:14; Is. 58:11; 2 Kod. 4:16)

   3. Tukalombola namani amba tudi na mutyima wa kufwija’ko pamo bwa mwana-mukaji Mwine Samadia wāsapwile byaāfundile? (Yoa. 4:7, 28; Mat. 6:33; Luka 10:40-42)

Mānga ya 91

1. Pa kifwatulo, i kwepi kufundijija Yesu, ne i bāni bashikete nandi kubwipi?

2. Majina a batumibwa 12 i bāni?

3. Bulopwe busapula Yesu i bika?

4. Yesu wafundija bantu balombe bika ne bika?

5. Yesu wafundija amba bantu bafwaninwe kwikala namani abo bene na bene?

Bipangujo bya ntentekelo:

1. Tanga Mateo 5:1-12.

   Tukalombola namani amba twiyukile bulanda bwetu bwa ku mushipiditu? (Mat. 5:3; Loma 10:13-15; 1 Tem. 4:13, 15, 16)

2. Tanga Mateo 5:21-26.

   Mateo 5:23, 24 ulombola namani amba kipwano kyetu na banabetu kidi na mvubu pa kupwana na Yehova? (Mat. 6:14, 15; Mit. 133:1; Kol. 3:13; 1 Yoa. 4:20)

3. Tanga Mateo 6:1-8.

   I miswelo’ka imoimo ya kwilombola bu boloke ifwaninwe kwepuka Bene Kidishitu? (Luka 18:11, 12; 1 Kod. 4:6, 7; 2 Kod. 9:7)

4. Tanga Mateo 6:25-34.

   Yesu wāfundije namani amba tufwaninwe kukulupila mudi Yehova wa kwitupa bintu bya ku ngitu? (Div. 16:4; Mit. 37:25; Fid. 4:6)

5. Tanga Mateo 7:1-11.

   Kyelekejo kikomo kwilwa kidi mu Mateo 7:5 kitufundija bika? (Nk. 26:12; Loma 2:1; 14:10; Yak. 4:11, 12)

Mānga ya 92

1. Shandya mwanuke mwana-mukaji udi pa kifwatulo i ani, ne mwanda waka aye ne wandi mukaji badi batompola?

2. Yelusa walonga bika pa kutana Yesu?

3. I bika byalongeka penda Yesu ku njibo ya Yelusa, ne i musapu’ka obasapwila Yelusa abo bakyenda?

4. Mwanda waka bantu ba ku njibo ya Yelusa abasepa Yesu?

5. Yesu pa kupwa kutweja mu kyumba batumibwa basatu, shandya mwana ne inandya mwana, i bika byaalonga?

6. I ani mukwabo wasangulwa na Yesu mu lufu, ne kino kilombola bika?

Bipangujo bya ntentekelo:

1. Tanga Luka 8:40-56.

   Yesu wākwatyilwe namani lusa mwana-mukaji wa muyeye ne kumunekenenya mutyima, ne bakulumpe Bene Kidishitu dyalelo bakokeja kuboila’ko ñeni’ka? (Luka 8:43, 44, 47, 48; Levi 15:25-27; Mat. 9:12, 13; Kol. 3:12-14)

2. Tanga Luka 7:11-17.

   Boba bafwidilwe muntu obaswele bakokeja kusengibwa namani na malondololo a Yesu kudi wa kishala wa mu Neni? (Luka 7:13; 2 Kod. 1:3, 4; Bah. 4:15)

3. Tanga Yoano 11:17-44.

   Yesu wālombwele namani amba i biyampe kudila lufu lwa muntu oswele? (Yoa. 11:33-36, 38; 2 Sam. 18:33; 19:1-4)

Mānga ya 93

1. I kintu’ka kibi kyafikila Yoano Umbatyiji, ne Yesu waivwana namani ku mutyima pa uno mwanda?

2. Yesu wadisha namani bantu bavule bamulonda, ne i bidibwa bivule namani byashala?

3. Mwanda waka bana ba bwanga abakwatwa moyo bufuku, ne i bika byafikila Petelo?

4. Yesu wadisha namani tununu tukwabo twa bantu musunsa wa bubidi?

5. Mwanda waka kikekala kya kutulumukwa pakaludika Yesu Bulopwe bwa Leza pano pa ntanda?

Bipangujo bya ntentekelo:

1. Tanga Mateo 14:1-32.

   1. Nsekununi idi mu Mateo 14:23-32 itulombola amba Petelo wādi muntu wa muswelo’ka?

   2. Nsekununi ya Bisonekwa ilombola namani amba Petelo wāikele muntu mupye ne wānekenye mwikadilo wandi wa kansontomokela? (Mat. 14:27-30; Yoa. 18:10; 21:7; Bil. 2:14, 37-40; 1 Pet. 5:6, 10)

2. Tanga Mateo 15:29-38.

   Yesu wālombwele namani amba ulēmekele bidibwa bya ku ngitu byātambile kudi Shandi? (Mat. 15:37; Yoa. 6:12; Kol. 3:15)

3. Tanga Yoano 6:1-21.

   Bene Kidishitu bakokeja kulonda namani dyalelo kimfwa kya Yesu mu kulēmeka balupusa? (Yoa. 6:15; Mat. 22:21; Loma 12:2; 13:1-4)

Mānga ya 94

1. I bika bifwila batumibwa pobāya mu lwendo lwabo lulampe?

2. Mwanda waka Yesu waite mwanuke ne kumwimika umbukata mwa batumibwa?

3. Batumibwa bafwaninwe namani kwikala pamo bwa banuke?

4. Myeji mityetye kupita’po, Yesu walombola namani amba usenswe banuke?

Bipangujo bya ntentekelo:

1. Tanga Mateo 18:1-4.

   Mwanda waka Yesu wādi uleta byelekejo pa kufundija? (Mat. 13:34, 36; Mako 4:33, 34)

2. Tanga Mateo 19:13-15.

   I ngikadilo’ka idi na banuke batyetye yotufwaninwe kwiula shi tukimba kukeselwa madyese a Bulopwe? (Mit. 25:9; 138:6; 1 Kod. 14:20)

3. Tanga Mako 9:33-37.

   Yesu wāfundije bandi bana ba bwanga bika pa mwanda utala kusaka bitenta? (Mako 9:35; Mat. 20:25, 26; Ngat. 6:3; Fid. 2:5-8)

4. Tanga Mako 10:13-16.

   Yesu wādi muntu ulumbwa muswelo’ka, ne bakulumpe Bene Kidishitu bakokeja kuboila ñeni’ka ku kino kimfwa? (Mako 6:30-34; Fid. 2:1-4; 1 Tem. 4:12)

Mānga ya 95

1. Muntu umo waipangula Yesu kipangujo’ka ne mwanda waka?

2. Yesu ufundijanga kitatyi kimo na bika, ne i bika byoketudi kala bafunde pa Bayuda ne Bene Samadia?

3. Mu mānga yanena Yesu, i bika byatana Muyuda wadi wenda mu dishinda dya ku Yediko?

4. I bika byalonga kitobo umo Muyuda ne Mwine Levi pa kupityila mu dishinda’dya?

5. I ani ukwasha Muyuda mukupilwe pa kifwatulo’pa?

6. Yesu wavuya namani mānga, i kipangujo’ka kyaipangula, ne mwana-mulume’wa walondolola namani?

Bipangujo bya ntentekelo:

1. Tanga Luka 10:25-37.

   1. Yesu wākweshe namani mwana-mulume mwipāne mu bijila alanguluke pa kyaba kya kumulondolola’tu ponka na ponka? (Luka 10:26; Mat. 16:13-16)

   2. Yesu wāingidije namani byelekejo mwanda wa kufundula mfwatakani mu bemvwaniki bandi? (Luka 10:36, 37; 18:9-14; Tet. 1:9)

Mānga ya 96

1. I bika bilonga Yesu paenda mu ntanda yonso?

2. Yesu wasapwila batumibwa bandi bika tamba kasha ubatyijibwa pano ke myaka isatu?

3. Bantu badi pa kifwatulo i bāni, ne Yesu walongela mwana-mukaji bika?

4. Mwanda waka malondololo a Yesu abafwija bakulumpe ba bipwilo bumvu?

5. Yesu walongela bampofu babidi ba lulombo bika paafwena na batumibwa ku kibundi kya Yediko?

6. Mwanda waka Yesu ulonga bingelengele?

Bipangujo bya ntentekelo:

1. Tanga Mateo 15:30, 31.

   Yehova wālombwele bukomo namani mudi Yesu, ne kino kitukwasha namani twivwanije mulao walaile ntanda impya? (Mit. 37:29; Is. 33:24)

2. Tanga Luka 13:10-17.

   Bingelengele bimo bya kutendelwa bya Yesu byālongelwe mu dya Sabado, le kino kilombola namani bunyongolodi bwakanyongolola bantu mu Buludiki bwandi bwa Myaka Kanunu? (Luka 13:10-13; Mit. 46:9; Mat. 12:8; Kol. 2:16, 17; Kus. 21:1-4)

3. Tanga Mateo 20:29-34.

   Ino nsekununi ilombola namani amba Yesu kādipo uvudilwa mingilo pa kukwasha bantu, ne i ñeni’ka yotuboila’ko? (Kup. 15:7; Yak. 2:15, 16; 1 Yoa. 3:17)

Mānga ya 97

1. Yesu pa kufika ku kakibundi kadi kubwipi na Yelusalema, i bika byaanena bandi bana ba bwanga kulonga?

2. Mungya kifwatulo, bibaikala namani pafwena Yesu ku kibundi kya Yelusalema?

3. Banuke abalonga bika pobamona Yesu ukomeja bampofu ne ba bulema?

4. Yesu wanena bika ku babitobo baloba?

5. Tukokeja kwikala namani bwa twanuke twatendela Yesu?

6. Bana ba bwanga basakanga kuyuka bika?

Bipangujo bya ntentekelo:

1. Tanga Mateo 21:1-17.

   1. Kutwela kwa Yesu mu Yelusalema bu Mulopwe i kwishile namani na kwa bamudyavita bashindañani ba mu myaka ya Loma? (Mat. 21:4, 5; Zek. 9:9; Fid. 2:5-8; Kol. 2:15)

   2. I ñeni’ka ikokeja kuboila bankasampe ku banuke Bene Isalela bādi bapituluka mu Mitōto 118 pātwelele Yesu mu tempelo? (Mat. 21:9, 15; Mit. 118:25, 26; 2 Tem. 3:15; 2 Pet. 3:18)

2. Tanga Yoano 12:12-16.

   Kutulula malala mūlu kwātulwile bantu bātumbije Yesu kwelekeja bika? (Yoa. 12:13; Fid. 2:10; Kus. 7:9, 10)

Mānga ya 98

1. Yesu i wepi pa kifwatulo, ne bano badi nabo i bāni?

2. Babitobo batompele kulonga Yesu bika mu tempelo, ne Yesu webanene bika?

3. Batumibwa abaipangula Yesu namani?

4. Mwanda waka Yesu walombola batumibwa bandi bintu bimo bikalongeka pano pa ntanda kitatyi kyakabikala bu Mulopwe mūlu?

5. Yesu wanena amba i bika bikalongeka kumeso kwa aye kutalula bibi pano panshi?

Bipangujo bya ntentekelo:

1. Tanga Mateo 23:1-39.

   1. Nansha Bisonekwa byobinena amba kwita bantu pa bitenta byabo ke bibipo, ino binenwa bya Yesu bidi mu Mateo 23:8-11 bilombola bika pa kutela bitenta bya lushiñanya mu kipwilo kya Bwine Kidishitu? (Bil. 26:25; Loma 13:7; 1 Pet. 2:13, 14)

   2. I bika byālongele Bafadiseo mwanda wa kukankaja bantu baleke kwikala Bene Kidishitu, ne bendeji ba bipwilo ba mu ano mafuku bengidijanga namani ano manwa amo onka? (Mat. 23:13; Luka 11:52; Yoa. 9:22; 12:42; 1 Tes. 2:16)

2. Tanga Mateo 24:1-14.

   1. Mvubu ya kūminina i milombolwe namani mu Mateo 24:13?

   2. Kishima “pamfulo” kitelelwe mu Mateo 24:13 kishintulula namani? (Mat. 16:27; Loma 14:10-12; 2 Kod. 5:10)

3. Tanga Mako 13:3-10.

   I kishima’ka kidi mu Mako 13:10 kilombola amba busapudi bwa myanda miyampe i bwa kupēlekana nabo, ne bino binenwa bya Yesu bitutala namani? (Loma 13:11, 12; 1 Kod. 7:29-31; 2 Tem. 4:2)

Mānga ya 99

1. Monka mulombwela’kyo kifwatulo, mwanda waka Yesu ne batumibwa bandi 12 badi mu njibo ya pangala?

2. Muntu utamba uno i ani, ne ukaloñanga bika?

3. I bidibwa’ka bya pa bula byashilula Yesu pa kupwa bidibwa bya Pashika?

4. Pashika yādi ivuluja Bene Isalela bika, ino bino bidibwa bya pa bula bivuluja balondi ba Yesu bika?

5. Bidibwa bya Kyolwa bya Mfumwetu pa kupwa, Yesu wanena balondi bandi bika, kupwa abalonga bika?

Bipangujo bya ntentekelo:

1. Tanga Mateo 26:14-30.

   1. Lelo Mateo 26:15 ulombola namani amba Yudasa wāabile Yesu ku kusaka?

   2. I mpango’ka ibidi ifikijibwe na mashi āmwangile Yesu? (Mat. 26:27, 28; Yel. 31:31-33; Ef. 1:7; Bah. 9:19, 20)

2. Tanga Luka 22:1-39.

   Satana wātwelele mudi Yudasa namani? (Luka 22:3; Yoa. 13:2; Bil. 1:24, 25)

3. Tanga Yoano 13:1-20.

   1. Na nsekununi idi mu Yoano 13:2, le tukokeja kulambika Yudasa byaālongele, ne i ñeni’ka iboila’ko bengidi ba Leza? (Ngal. 4:7; 2 Kod. 2:11; Ngat. 6:1; Yak. 1:13, 14)

   2. I mwanda’ka mukatampe uboilwa’ko ñeni wālongele Yesu? (Yoa. 13:15; Mat. 23:11; 1 Pet. 2:21)

4. Tanga Yoano 17:1-26.

   Yesu wālombele amba balondi bandi bekale “bamo bonka” mu buluji’ka? (Yoa. 17:11, 21-23; Loma 13:8; 14:19; Kol. 3:14)

Mānga ya 100

1. Kupwa kutamba mu njibo ya pangala, i kwepi kwaenda Yesu ne batumibwa bandi, kadi webanena balonge bika?

2. Yesu pa kwiya kudi batumibwa, le webatana namani, ne webatana namino misunsa inga?

3. I bāni batwela mu budimi, ne i bika byalonga Yudasa Isakadiota, na mwikilombwela kifwatulo?

4. Mwanda waka Yudasa wafifye Yesu, ne Petelo walonga’po bika?

5. Yesu wanena Petelo namani, ino mwanda waka Yesu kalombelepo Leza kumutumina bamwikeulu?

Bipangujo bya ntentekelo:

1. Tanga Mateo 26:36-56.

   1. Muswelo wādingile Yesu bandi bana ba bwanga i kimfwa kiyampe namani ku bakulumpe Bene Kidishitu dyalelo? (Mat. 20:25-28; 26:40, 41; Ngat. 5:17; Ef. 4:29, 31, 32)

   2. Le Yesu wāmwene namani kukwata bya bulwi mwanda wa kwipaya muntu-netu? (Mat. 26:52; Luka 6:27, 28; Yoa. 18:36)

2. Tanga Luka 22:39-53.

   Mwikeulu pa kumwekela Yesu mu budimi bwa Ngesemani mwanda wa kumukomeja, le kino kilombola amba Yesu wāzozele mu lwitabijo? Shintulula. (Luka 22:41-43; Is. 49:8; Mat. 4:10, 11; Bah. 5:7)

3. Tanga Yoano 18:1-12.

   Yesu wālamine namani bana bandi ba bwanga ku balwana, ne tukokeja kuboila ñeni’ka ku kino kimfwa? (Yoa. 10:11, 12; 18:1, 6-9; Bah. 13:6; Yak. 2:25)

Mānga ya 101

1. Lelo i ani mwine walengeja Yesu afwe?

2. Batumibwa abalonga bika paselwa Yesu na bakulumpe ba bipwilo?

3. I bika byalongeka ku njibo ya Kaifasa, kitobo mukatampe?

4. Mwanda waka Petelo watambe wenda udila?

5. Yesu pa kupwa kujokela kwa Pilato, babitobo bakulu abaela mabila namani?

6. I bika byafikila Yesu mu Dya Butano ku kyolwa, ne i mulao’ka waalaya kabwalāla kaipaibwa ku mutyi kubwipi nandi?

7. Paladisa yadi inena Yesu ikekala kwepi?

Bipangujo bya ntentekelo:

1. Tanga Mateo 26:57-75.

   Ba mu Kidye Kikatampe kya Bayuda bēlombwele patōka namani amba mityima yabo i imbi? (Mat. 26:59, 67, 68)

2. Tanga Mateo 27:1-50.

   I kika kyotunenena amba kwialakanya kwa Yudasa kekwādipo kwa binebine? (Mat. 27:3, 4; Mako 3:29; 14:21; 2 Kod. 7:10, 11)

3. Tanga Luka 22:54-71.

   I ñeni’ka yotuboila ku kutuna kwāikele Petelo kutuna Yesu mu bufuku bwāabilwe ne kukwatwa? (Luka 22:60-62; Mat. 26:31-35; 1 Kod. 10:12)

4. Tanga Luka 23:1-49.

   Yesu wālongele namani pa bukondame bobamulongēle, ne tukokeja kuboila’ko ñeni’ka? (Luka 23:33, 34; Loma 12:17-19; 1 Pet. 2:23)

5. Tanga Yoano 18:12-40.

   I bika bilombola amba nansha Petelo byāikele na kityino kya bantu kitatyi kimo, ino wēalwije wāikala mutumibwa wa kutendelwa? (Yoa. 18:25-27; 1 Kod. 4:2; 1 Pet. 3:14, 15; 5:8, 9)

6. Tanga Yoano 19:1-30.

   1. I mumweno’ka mujalale wādi na Yesu pa bintu bya ku ngitu? (Yoa. 2:1, 2, 9, 10; 19:23, 24; Mat. 6:31, 32; 8:20)

   2. Binenwa byānene Yesu pa kufwa byādi namani binenwa bya bushindañani bilombola amba wākwatakenye bubikadi bwa Yehova? (Yoa. 16:33; 19:30; 2 Pet. 3:14; 1 Yoa. 5:4)

Mānga ya 102

1. Mwana-mukaji udi pa kifwatulo i ani, ne bana-balume babidi i bāni, ne kobadi i kwepi?

2. Mwanda waka Pilato wanena babitobo batume basola ba kukalama kibundu kya Yesu?

3. Mwikeulu walonga bika na futwi mu difuku dya busatu kupwa kwa lufu lwa Yesu, ino babitobo abalonga’po namani?

4. Mwanda waka bana-bakaji bamo abatulumuka pa kufika ku kibundu kya Yesu?

5. I bika byendela ba Petelo ne Yoano lubilo ku kibundu, ne abatana’ko bika?

6. I bika byafikila umbidi wa Yesu, ino Yesu walonga bika mwa kulombwela bandi bana ba bwanga amba i musanguke?

Bipangujo bya ntentekelo:

1. Tanga Mateo 27:62-66 ne 28:1-15.

   Pāsangukile Yesu, babitobo bakulu, Bafadiseo, ne bakulumpe bālubīle mushipiditu sandu namani? (Mat. 12:24, 31, 32; 28:11-15)

2. Tanga Luka 24:1-12.

   Nsekununi ya lusangukilo lwa Yesu ilombola namani amba Yehova umonanga bana-bakaji bu batumoni bakulupilwa? (Luka 24:4, 9, 10; Mat. 28:1-7)

3. Tanga Yoano 20:1-12.

   Lelo Yoano 20:8, 9 witulombola namani mvubu ya kutūkija mutyima shi ketwivwanijepo kufikidila kwa bupolofeto kampanda bwa mu Bible? (Nk. 4:18; Mat. 17:22, 23; Luka 24:5-8; Yoa. 16:12)

Mānga ya 103

1. Madia wanena bika kudi mwana-mulume waalanga amba i mwinē budimi, ne wajingulula namani amba bine i Yesu?

2. I bika byafikila bana ba bwanga babidi badi benda ku kibundi kya Emese?

3. I kintu’ka kitulumukwa kyalongeka panena batumibwa babidi amba abamone Yesu?

4. Yesu wamwekela balondi bandi misunsa inga?

5. Le Tomase wanena bika paaivwana amba bana ba bwanga abamone Mfumwetu, ino i bika byalongeka mafuku mwanda pa kupita’po?

Bipangujo bya ntentekelo:

1. Tanga Yoano 20:11-29.

   Le Yesu wāsakile kunena mu Yoano 20:23 amba bantu badi na lupusa lwa kulekela bubi? Shintulula. (Mit. 49:2, 7; Is. 55:7; 1 Tem. 2:5, 6; 1 Yoa. 2:1, 2)

2. Tanga Luka 24:13-43.

   Tukokeja kuteakanya namani mityima yetu mwa kutambwila’yo bubinebine bwa mu Bible? (Luka 24:32, 33; Eza. 7:10; Mat. 5:3; Bil. 16:14; Bah. 5:11-14)

Mānga ya 104

1. I bana ba bwanga banga bamona Yesu mu kyaba kimo, ne webalombola bika?

2. Bulopwe bwa Leza i bika, ne būmi bukekala namani pano panshi kitatyi kikabikala Yesu bu Mulopwe mu myaka kanunu?

3. Yesu wamwekela bana bandi ba bwanga mu bula bwa mafuku anga, ino pano ke kitatyi kya aye kulonga bika?

4. Kumeso kwa kushiya bana bandi ba bwanga, Yesu webalombola balonge bika?

5. Na momwena pa kifwatulo, i bika byalongeka, ne i kika kyajika Yesu kebakimumone?

Bipangujo bya ntentekelo:

1. Tanga 1 Kodinda 15:3-8.

   Mwanda waka mutumibwa Polo wēsambīle pa lusangukilo lwa Yesu na kikulupiji kyonso, ne i bika bifwaninwe kusapula Bene Kidishitu dyalelo na kikulupiji? (1 Kod. 15:4, 7, 8; Is. 2:2, 3; Mat. 24:14; 2 Tem. 3:1-5)

2. Tanga Bilongwa 1:1-11.

   Mwingilo wa busapudi wāsambakene muswelo’ka na mokyālailwe mu Bilongwa 1:8? (Bil. 6:7; 9:31; 11:19-21; Kol. 1:23)

Mānga ya 105

1. I bika byafikila balondi ba Yesu pobakungila mu Yelusalema na momwena pa kifwatulo?

2. I bika byatulumuna beni baile mu Yelusalema?

3. Petelo washintulwila bantu bika?

4. Lelo bantu abaivwana namani ku mutyima pa kupwa kuteja Petelo, ne nandi webanena balonge bika?

5. I bantu banga babatyijibwa mu difuku dya Pentekosa wa 33 K.K.?

Bipangujo bya ntentekelo:

1. Tanga Bilongwa 2:1-47.

   1. Binenwa bya Petelo bidi mu Bilongwa 2:23, 36 bilombola namani amba muzo wa Bayuda onso mutuntulu wālambikilwe lufu lwa Yesu? (1 Tes. 2:14, 15)

   2. Petelo wāshile namani kimfwa kiyampe kya kulangulukila pa Bisonekwa? (Bil. 2:16, 17, 29, 31, 36, 39; Kol. 4:6)

   3. I muswelo’ka wāingidije Petelo lufungulo lubajinji lwa mu “mfungulo ya bulopwe bwa mūlu” yāmulaile Yesu kumupa? (Bil. 2:14, 22-24, 37, 38; Mat. 16:19)

Mānga ya 106

1. I bika byafikile ba Petelo ne Yoano kyolwa kimo pobadi benda ku tempelo?

2. Petelo wanena kisheta bika, ne i bika byamupa Petelo bipityile lupeto bulēme?

3. Mwanda waka bakulumpe ba bipwilo abalobe, ne abalonga ba Petelo ne Yoano bika?

4. Petelo wanena bakulumpe ba bipwilo bika, ne nabo abanena batumibwa baleke kulonga bika?

5. Mwanda waka bakulumpe ba bipwilo badi na mukao, ne i bika byalongeka pobaela batumibwa mu kifungo musunsa wa bubidi?

6. Batumibwa abalondolola namani pobebatweja mu njibo ya Kidye Kikatampe?

Bipangujo bya ntentekelo:

1. Tanga Bilongwa 3:1-10.

   Nansha byoketudipo na bukomo bwa kulonga bingelengele dyalelo, binenwa bya Petelo bidi mu Bilongwa 3:6 bitukwasha namani tusangele musapu wa Bulopwe? (Yoa. 17:3; 2 Kod. 5:18-20; Fid. 3:8)

2. Tanga Bilongwa 4:1-31.

   Tukokeja kwiula namani banabetu Bene Kidishitu ba mu myaka katwa kabajinji pobetulwa mu mwingilo wetu? (Bil. 4:29, 31; Ef. 6:18-20; 1 Tes. 2:2)

3. Tanga Bilongwa 5:17-42.

   Bantu bamo ke Batumonipo, ba pa kala ne ba dyalelo, balombolanga namani amba bamwene mwingilo wa busapudi mobifwaninwe? (Bil. 5:34-39)

Mānga ya 107

1. Shitevani i ani, ne Leza i mumukwashe alonge bika?

2. I bika byanena Shitevani byalobeja bakulumpe ba bipwilo?

3. Bantu pa kukokela Shitevani panja pa kibundi, abamulonga bika?

4. Le nkasampe wimene kumeso kwa bisandi pa kifwatulo i ani?

5. Shitevani walombela namani kudi Yehova kumeso kwa kufwa?

6. Netu tukeula Shitevani namani shi muntu wetulubila?

Bipangujo bya ntentekelo:

1. Tanga Bilongwa 6:8-15.

   I bilongwa’ka bya bongojani biloñanga bakulumpe ba bipwilo mwanda wa kukimba kukankaja mwingilo wa busapudi wa Batumoni ba Yehova? (Bil. 6:9, 11, 13)

2. Tanga Bilongwa 7:1-60.

   1. I bika byākweshe Shitevani alwile senene myanda miyampe ku meso a Kidye Kikatampe, ne i ñeni’ka yotuboila ku kimfwa kyandi? (Bil. 7:51-53; Loma 15:4; 2 Tem. 3:14-17; 1 Pet. 3:15)

   2. I muswelo’ka otufwaninwe kumona boba balwa na mwingilo wetu? (Bil. 7:58-60; Mat. 5:44; Luka 23:33, 34)

Mānga ya 108

1. I bika byalonga Solo kupwa kwa lufu lwa Shitevani?

2. Solo paadi mu dishinda wenda ku Damakasa, i kintu’ka kitulumukwa kyalongeka?

3. Yesu wanena Solo alonge bika?

4. Yesu wasoñanya Ananaisa alonge bika, ne Solo washilula kumona monka namani?

5. Solo wayukana pa dijina’ka, ne waikele ke ani?

Bipangujo bya ntentekelo:

1. Tanga Bilongwa 8:1-4.

   Kupangwapangwa kwāponene kipwilo kya Bwine Kidishitu kyādi kikishilulashilula kwākweshe namani mu kusambakanya lwitabijo bwa Bwine Kidishitu, ne i kintu’ka kya muswelo umo onka kilongekele mu ano etu mafuku? (Bil. 8:4; Is. 54:17)

2. Tanga Bilongwa 9:1-20.

   I mwingilo’ka mwabanibwe pasatu wāsokwele Yesu amba o ukengila Solo? (Bil. 9:15; 13:5; 26:1; 27:24; Loma 11:13)

3. Tanga Bilongwa 22:6-16.

   Tukokeja kwikala pamo bwa Ananaisa muswelo’ka, ne mwanda waka i kya kamweno? (Bil. 22:12; 1 Tem. 3:7; 1 Pet. 1:14-16; 2:12)

4. Tanga Bilongwa 26:8-20.

   Kwalamuka kwa Solo ke Mwine Kidishitu kukankamika namani boba badi na benē pabo bambulwa kwitabija dyalelo? (Bil. 26:11; 1 Tem. 1:14-16; 2 Tem. 4:2; 1 Pet. 3:1-3)

Mānga ya 109

1. I ani wivukwila panshi pa kifwatulo?

2. Mwikeulu wanena Konilusa bika?

3. Leza walombola Petelo bintu’ka aye pa musaka wa njibo ya Shimona mu Yopa?

4. Mwanda waka Petelo wapeleja Konilusa kwivukwila kwadi ne kumutōta?

5. Mwanda waka bana ba bwanga Bayuda badi na Petelo abatulumuka?

6. I kintu’ka kya mvubu kyotwefundila ku bupempudi bwa Petelo kwa Konilusa?

Bipangujo bya ntentekelo:

1. Tanga Bilongwa 10:1-48.

   Binenwa bya Petelo bitanwa mu Bilongwa 10:42 bilombola bika pa mwanda utala busapudi bwa myanda miyampe ya Bulopwe? (Mat. 28:19; Mako 13:10; Bil. 1:8)

2. Tanga Bilongwa 11:1-18.

   Petelo wālongele namani pa kumona patōkelela buludiki bwa Yehova butala pa Bajentaila, ne tukeula kimfwa kyandi namani? (Bil. 11:17, 18; 2 Kod. 10:5; Ef. 5:17)

Mānga ya 110

1. Nkasampe mwana-mulume udi pa kifwatulo i ani, ne ushikatanga kwepi, ne ba inandi ne nkambo wandi mwana-mukaji i bāni?

2. Temote walondolola namani pamunena Polo amba elunge nandi pamo ne Shilasa mu kusapwila bantu ba kulampe?

3. I kwepi kwaitwa balondi ba Yesu dibajinji bu Bene Kidishitu?

4. Ba Polo, Shilasa, ne Temote abakapempula bibundi’ka bikwabo pa kupwa’tu kutamba mu Lesetala?

5. Temote wakwasha Polo namani, ne i kipangujo’ka kifwaninwe kwiipangula dyalelo bankasampe?

Bipangujo bya ntentekelo:

1. Tanga Bilongwa 9:19-30.

   Mutumibwa Polo wāingidije manwa namani kitatyi kyaātenwe na kulondwalodwa pangala pa myanda miyampe? (Bil. 9:22-25, 29, 30; Mat. 10:16)

2. Tanga Bilongwa 11:19-26.

   Nsekununi idi mu Bilongwa 11:19-21, 26 ilombola namani amba mushipiditu wa Yehova uludikanga mwingilo wa busapudi?

3. Tanga Bilongwa 13:13-16, 42-52.

   I muswelo’ka ulombola Bilongwa 13:51, 52 amba bana ba bwanga kebāzozelepo pa mwanda wa kupangwapangwa? (Mat. 10:14; Bil. 18:6; 1 Pet. 4:14)

4. Tanga Bilongwa 14:1-6, 19-28.

   Muneneno “bakebafikijija kudi Mfumwetu” witukwasha namani tutalule kuzumbijazumbija mutyima kwa bitupu kitatyi kyotukwasha bapya? (Bil. 14:21-23; 20:32; Yoa. 6:44)

5. Tanga Bilongwa 16:1-5.

   Mutyima wa kwitabija kutwela kwisao wādi na Temote ulombola namani mvubu ya kulongela “bintu byonso pa mwanda wa myanda-miyampe”? (Bil. 16:3; 1 Kod. 9:23; 1 Tes. 2:8)

6. Tanga Bilongwa 18:1-11, 18-22.

   Bilongwa 18:9, 10 ulombola namani amba Yesu aye mwine ye uludika mwingilo wa busapudi, ne kino kitukulupija namani dyalelo? (Mat. 28:20)

Mānga ya 111

1. Mwanuke ulēle panshi pa kifwatulo uno i ani, ne i bika byamutana?

2. Polo walonga bika pa kumona amba mwanuke wafu?

3. Ba Polo, Temote, ne bendi nabo abaenda kwepi, ne i bika byebatana mu Miletusa?

4. I kidyumu’ka kyobadyumuna Polo kudi mupolofeto Akabusa, ne kibafikidila namani monka mwanenena’kyo mupolofeto?

Bipangujo bya ntentekelo:

1. Tanga Bilongwa 20:7-38.

   1. Tukokeja namani kubinga “ku mashi a bantu bonso,” na munenena’kyo Polo mu Bilongwa 20:26, 27? (Ezek. 33:8; Bil. 18:6, 7)

   2. Mwanda waka bakulumpe banenwe “kūminina monka mu mwanda wa binebine” pobafundija? (Bil. 20:17, 29, 30; Tet. 1:7-9; 2 Tem. 1:13)

2. Tanga Bilongwa 26:24-32.

   Bu Mwine Loma bwa Polo bwāmukweshe namani mu mwingilo wa kusapula wāmupele Yesu? (Bil. 9:15; 16:37, 38; 25:11, 12; 26:32; Luka 21:12, 13)

Mānga ya 112

1. I bika byafikila kyombo kidi’mo Polo pa kupita kubwipi na kisanga kya Kelete?

2. Polo wanena bika ku bonso badi mu kyombo?

3. Kyombo kibabesuka bibesebibese muswelo’ka?

4. Mudyavita wibalama wanena bika, ne i bantu banga baabuka bakomo?

5. Kisanga kyobaabukila’po kitelwanga namani, ne i bika byobalonga Polo luvula pa kutalala?

Bipangujo bya ntentekelo:

1. Tanga Bilongwa 27:1-44.

   Kikulupiji kyetu mu bubinebine bwa nsekununi ya Bible i kikomejibwe namani potutanga lusango lwa lwendo lwa Polo ku Loma? (Bil. 27:16-19, 27-32; Luka 1:3; 2 Tem. 3:16, 17)

2. Tanga Bilongwa 28:1-14.

   Shi bekadi bajentaila ba mu Medita bāikele kufwila Polo ne bapwani nandi ‘lusa lukatampe lwine,’ le Bene Kidishitu bafwaninwe kutononwa namani na kanye ne nakampata mu dishinda’ka? (Bil. 28:1, 2; Bah. 13:1, 2; 1 Pet. 4:9)

Mānga ya 113

1. Polo wasapwila bāni pano pakutyilwe mu Loma?

2. Mupempudi udi ku meza pa kifwatulo i ani, ne ulongelanga Polo bika?

3. Epafolodetusa i ani, ne wasela bika pa kujokela ku Fidipai?

4. Mwanda waka Polo watumina Filemone mulunda nandi mukanda?

5. Polo pa kukutululwa walonga bika, ne i bika byobamulonga dikwabo?

6. Yehova walembeja mikanda ya mfulo ya mu Bible na ani, ne mukanda wa Kusokwelwa witulombola bika?

Bipangujo bya ntentekelo:

1. Tanga Bilongwa 28:16-31 ne Fidipai 1:13.

   Polo wādi ulonga bika kitatyi kyaākutyilwe mu Loma, ne lwitabijo lwandi lukomo lwāikele na lupusa’ka pa kipwilo kya Bwine Kidishitu? (Bil. 28:23, 30; Fid. 1:14)

2. Tanga Fidipai 2:19-30.

   I binenwa’ka bya kutendela ba Temote ne Epafolodetusa byānene Polo, ne tukokeja namani kwiula kimfwa kya Polo? (Fid. 2:20, 22, 25, 29, 30; 1 Kod. 16:18; 1 Tes. 5:12, 13)

3. Tanga Filemone 1-25.

   1. Polo wāsoñenye Filemone amba alonge biyampe pa mwanda’ka, ne kino kibwanya kuludika namani bakulumpe dyalelo? (Fil. 9; 2 Kod. 8:8; Ngat. 5:13)

   2. Binenwa bya Polo bidi mu Filemone 13, 14 bilombola namani amba wādi ulēmekele mityima ya mundamunda ya bakwabo mu kipwilo? (1 Kod. 8:7, 13; 10:31-33)

4. Tanga 2 Temote 4:7-9.

   Pamo bwa Polo, netu tubwanya kukulupila namani amba Yehova uketupala mpalo shi tūminine kufika ne ku mfulo? (Mat. 24:13; Bah. 6:10)

Mānga ya 114

1. Bible unena bika pa mwanda utala bampunda ba mūlu?

2. Divita dya Leza dya kwipaya babi pano panshi ditelwanga namani, ne kyodikalwilwa i kika?

3. I ani ukatangidila bulwi na mulombwela kifwatulo, ne mwanda waka uvwele kilongo, kadi kipete kyandi kishintulula namani?

4. Shi tutale Mānga ya 10, 15, ne ya 33, i kika kyoketutulumukilapo pa kuyuka’mba Leza usa konakanya babi?

5. Mānga ya 36, ne ya 76 ilombola namani amba Leza ukonakanya babi nansha shi betela amba bamutōtanga?

Bipangujo bya ntentekelo:

1. Tanga Kusokwelwa 19:11-16.

   1. Bisonekwa bilombola patōka muswelo’ka amba Yesu Kidishitu ye ukandile pa mpunda nansha kabalwe katōka? (Kus. 1:5; 3:14; 19:11; Is. 11:4)

   2. Mashi akushilwe pa mutwelo wa Yesu alombola namani amba usa kutambula bushindañani bwa kamfula-nkonko enka ne byakonkeja’bo? (Kus. 14:18-20; 19:13; Is. 63:1-6)

   3. I bāni padi bakabadilwa mu kibumbo kilonda Yesu pa tubalwe tutōka? (Kus. 12:7; 19:14; Mat. 25:31, 32)

Mānga ya 115

1. I ngikadilo’ka ilombola Bible amba yo ikekala’ko pano pa ntanda mu Paladisa?

2. Bible i mulaye mulao’ka ku boba bakekala mu Paladisa?

3. Yesu ukata namani mutyima ku kushinta bintu byonso bya kutendelwa?

4. Pādi Yesu pano pa ntanda, le wālongele bika mwanda wa kulombola amba i Mulopwe wa Bulopwe bwa Leza?

5. Yesu ne boba bakaludika nandi mūlu, bakata mutyima ku bika pobakabikala ntanda abo momwa mūlu?

Bipangujo bya ntentekelo:

1. Tanga Kusokwelwa 5:9, 10.

   Mwanda waka tukulupile amba boba bakabikala ntanda mu bula bwa Myaka Kanunu bakekala balopwe ne babitobo ba lusa ne betulangila? (Ef. 4:20-24; 1 Pet. 1:7; 3:8; 5:6-10)

2. Tanga Kusokwelwa 14:1-3.

   Kulembwa kulembelwe dijina dya Tata ne dijina dya Kana ka Mukōko pa mapala a ba 144 000 kudi na buluji’ka? (1 Kod. 3:23; 2 Tem. 2:19; Kus. 3:12)

Mānga ya 116

1. Tufwaninwe kuyuka bāni shi tusaka kwikala’ko nyeke?

2. Tukefunda namani kuyuka Yehova Leza ne Yesu, na mulongela mwanuke mwana-mukaji ne balunda nandi pa kifwatulo?

3. Le i dibuku’ka dikwabo dyomwene pa kifwatulo, ne mwanda waka tufwaninwe kwiditanga nyeke?

4. Kutalula’mo kwifunda kuyuka Yehova ne Yesu, i bika bikwabo bisakibwa pa kumona būmi bwa nyeke?

5. I ñeni’ka yotwaboile ku Mānga ya 69?

6. Kimfwa kiyampe kyāshile mwanuke Samwele kidi mu Mānga 55 kilombola bika?

7. Tukokeja namani kulonda kimfwa kya Yesu Kidishitu, shi tulonde’kyo tukamona bika mu mafuku āya kumeso?

Bipangujo bya ntentekelo:

1. Tanga Yoano 17:3.

   Bisonekwa bilombola namani amba kuyuka Yehova Leza ne Yesu Kidishitu ke enkapo kukwatyila myanda ku mutwe kete? (Mat. 7:21; Yak. 2:18-20; 1 Yoa. 2:17)

2. Tanga Mitōto 145:1-21.

   1. I bubinga’ka bumobumo botufwaninwe kupela Yehova mitendelo? (Mit. 145:8-11; Kus. 4:11)

   2. Yehova i “muyampe ku bonso” namani, ne kino kifwaninwe kwitufwenya muswelo’ka kwadi? (Mit. 145:9; Mat. 5:43-45)

   3. Shi tuswele Yehova na mutyima wetu, tukalonga bika? (Mit. 119:171, 172, 175; 145:11, 12, 21)