Vihula Vyakulinangula vyamuMukanda Wami waVihande VyamuMbimbiliya
Vihula Vyakulinangula vyamuMukanda Wami waVihande VyamuMbimbiliya
Kalunga Mwaputuka Kutenga Vyuma
1. Uno vyuma vyosena vyamwaza vyafuma kulihi, kaha vulukako vimwe?
2. Chuma muka chatete atengele Kalunga?
3. Mwomwo ika kangelo wakulivanga apwililile wakulipwila?
4. Hakuputuka hamavu hapwilenga ngachilihi? Lumbununa. (Tala muvwimbimbi.)
5. Kalunga aputukile ngachilihi kuwahisa hamavu mangana vatu natunyama vatwamengaho?
Vihula vyakuhakilako:
1. Tanga Yelemiya 10:12.
Vilinga muka vyaKalunga vize vyasoloka muvyuma atenga? (Isa. 40:26; Loma 11:33)
2. Tanga Wavaka-Kolose 1:15-17.
Mulimo muka azachile Yesu hakutenga vyuma, kahechi chatela kutulingisa tumumone ngachilihi? (Kolo. 1:15-17)
3. Tanga Kuputuka 1:1-10.
(a) Uno kano kaye kafuma kulihi? (Kupu. 1:1)
(b) Kalunga atengele vyuma muka halikumbi lyatete? (Kupu. 1:3-5)
(c) Lumbununa vyuma vyasolokele halikumbi lyamuchivali lyakutenga vyuma. (Kupu. 1:7, 8)
Milemba Yamwaza
1. Uno Kalunga awahishile ngachilihi hamavu mangana tutwamengaho?
2. Vuluka tunyama vakulisezaseza vaze atengele Kalunga. (Tala muvwimbimbi.)
3. Mwomwo ika milemba yaEtene yapwililile yamwaza chikuma?
4. Uno Kalunga asakile mavu osena apwenga ngachilihi?
Vihula vyakuhakilako:
1. Tanga Kuputuka 1:11-25.
(a) Kalunga atengele vyuma muka halikumbi lyamuchitatu? (Kupu. 1:12)
(b) Vyuma muka vyasolokele halikumbi lyamuchiwana lyakutenga vyuma? (Kupu. 1:16)
(c) Kalunga atengele tunyama muka halikumbi lyamuchitanu nalyamuchitanu nalimwe? (Kupu. 1:20, 21, 25)
2. Tanga Kuputuka 2:8, 9.
Mitondo yakulipwila muka yivali yize Kalunga atumbile mumilemba, kaha yemanyinyineko ika?
VaLunga naPwevo Vakulivanga
1. Ou muvwimbimbi uli haChihande 3 unalihandununa ngachilihi namuvwimbimbi uli haChihande 2?
2. Iya atangile lunga wakulivanga, kaha lijina lyou lunga ikiye iya?
3. Mulimo muka Kalunga ahanyine Alama?
4. Mwomwo ika Kalunga asavalikile Alama mutulo twatuvulu?
5. VaAlama naEve vatelele kutwama myaka yingahi, kaha Yehova asakile vazate mulimo muka?
Vihula vyakuhakilako:
1. Tanga Samu 83:18.
Kalunga lijina lyenyi ikiye iya, kaha atwama nachihela muka chakulipwila? (Yele. 16:21; Ndanye. 4:17)
2. Tanga Kuputuka 1:26-31.
(a) Kalunga atengele ika halikumbi lyamuchitanu nalimwe, kaha chuma kana chalihandununa ngachilihi natunyama? (Kupu. 1:26)
(b) Vyakulya muka Yehova ahanyine mutu natunyama? (Kupu. 1:30)
3. Tanga Kuputuka 2:7-25.
(a) Vyuma muka vyaliwezele mumulimo waAlama wakuluka tunyama majina? (Kupu. 2:19)
(b) Uno chisoneka chaKuputuka 2:24 cheji kutukafwa ngachilihi tutachikize omu Yehova amona ulo, kulihandununa, nakulilukulula? (Mateu 19:4-6, 9)
Chalingishile Numba Vajimbalise Limbo Lyavo
1. Kweseka nou muvwimbimbi, vyuma muka vinakusoloka kuli Alama naEve?
2. Mwomwo ika Yehova avazangamishilile?
3. Vyuma muka linoka alwezele Eve?
4. Uno iya alingishile linoka ahanjike naEve?
5. Mwomwo ika vaAlama naEve vajimbalishilile limbo lyavo lyaPalachise?
Vihula vyakuhakilako:
1. Tanga Kuputuka 2:16, 17 na 3:1-13, 24.
(a) Uno linoka avangijikilile ngachilihi Yehova omu ahulishile Eve? (Kupu. 3:1-5; Yowa. 1, 5:3)
(b) Vyuma muka natulinangula kuli Eve? (Fwili. 4:8; Yako. 1:14, 15; Yowa. 1, 2:16)
(c) Mujila muka vaAlama naEve vahonene kwitavila milonga yavo? (Kupu. 3:12, 13)
(d) Uno vakeluve vaze vahakile kumusamuko wamilemba yaEtene vazezwile ngachilihi wata waYehova? (Kupu. 3:24)
2. Tanga Kusoloka 12:9.
Uno Satana nafukila ngachilihi hakwalumuna vatu vafumbukile chiyulo chaKalunga? (Yowa. 1, 5:19)
Kuyanda Nachiputuka
1. Uno chiyoyelo chaAlama naEve chapwile ngachilihi omu vafumine mumilemba yaEtene?
2. Vyuma muka vyaputukile kusoloka kuli Alama naEve, kaha mwomwo ika?
3. Mwomwo ika vana vaAlama naEve vashinakajiwilile nakufwa?
4. Kachi nge vaAlama naEve vononokele Yehova, kachi chiyoyelo chavo nechi chavana vavo chapwile ngachilihi?
5. Uno kulikanga chaEve chamunehelele ukalu muka?
6. Vana vaAlama naEve vamalunga vavali vakulivanga majinavo veya?
7. Vana veya ava vali hamuvwimbimbi?
Vihula vyakuhakilako:
1. Tanga Kuputuka 3:16-23 na 4:1, 2.
(a) Uno Alama aputukile kuyoya ngachilihi omu Kalunga angwile mavu? (Kupu. 3:17-19; Loma 8:20, 22)
(b) Mwomwo ika lijina lyaEve lize lyalumbununa ngwavo “Wakuyoya” lyapwila lyakutamo? (Kupu. 3:20)
(c) Uno Yehova atetelele ngachilihi vaAlama naEve omu valingile hivanavulumuna lyehi? (Kupu. 3:7, 21)
2. Tanga Kusoloka 21:3, 4.
Uno “vyuma vyakulivanga” muka muli nakutalilila vakavifumiseko?
Mwana Wamwaza, naMwana Wamupi
1. Milimo muka vazachilenga vaKena naAvele?
2. Kena naAvele vanehele wana muka kuli Yehova?
3. Mwomwo ika Yehova awahililile nawana waAvele, kaha mwomwo ika kawahililile nawana waKenako?
4. Kena apwile mutu wangachilihi, kaha Yehova esekele kumwolola ngachilihi?
5. Vyuma muka alingile Kena omu vapwile nasongo yenyi muchipapa?
6. Lumbununa vyuma vyasolokele kuli Kena omu alingile hanajihi lyehi songo yenyi.
Vihula vyakuhakilako:
1. Tanga Kuputuka 4:2-26.
(a) Yehova alumbunwine ngachilihi ukalu apwilemo Kena? (Kupu. 4:7)
(b) Uno Kena asolwele ngachilihi nge apwile namuchima waupi? (Kupu. 4:9)
(c) Yehova amona ngachilihi kujiha mutu chakuzeneka mulonga? (Kupu. 4:10; Isa. 26:21)
2. Tanga WaYowano 1, 3:11, 12.
(a) Mwomwo ika Kena evwilile matoto chikuma, kaha vyuma muka natulinangulaho makumbi ano? (Kupu. 4:4, 5; Vishi. 14:30; 28:22)
(b) Mbimbiliya yasolola ngachilihi nge numba tuhu vatanga jetu vosena kaveshi kuzachila Yehovako, oloze etu tunahase kupwa vakulonga lika? (Samu 27:10; Mateu 10:21, 22)
3. Tanga Yowano 11:25.
Vyuma muka Yehova afwelelesa vosena vaze veji kufwanga mwomwo yakulonga chavo? (Yowa. 5:24)
Lunga Wakumika
1. Uno Enoke alihandunwine ngachilihi navakwavo?
2. Mwomwo ika vatu mumakumbi aEnoke valingililenga vyuma vyavipi chikuma?
3. Vyuma muka vyavipi valingilenga vatu? (Tala hamuvwimbimbi.)
4. Mwomwo ika Enoke asakiwile kupwa wakumika?
5. Kushikulu vatu vayoyelenga myaka yingahi, oloze Enoke ayoyele myaka yingahi?
6. Vyuma muka vyasolokele omu Enoke afwile?
Vihula vyakuhakilako:
1. Tanga Kuputuka 5:21-24, 27.
(a) Enoke apwile nausoko muka naYehova? (Kupu. 5:24)
(b) Kweseka naMbimbiliya, mutu muka ayoyele myaka yayivulu, kaha apwile namyaka yingahi omu afwile? (Kupu. 5:27)
2. Tanga Kuputuka 6:5.
Vilinga vyavipi vyapwile ngachilihi hanyima yakufwa chaEnoke, kaha vilinga kana vinalifwane ngachilihi nevi vinakusoloka makumbi ano? (Chimo. 2, 3:13)
3. Tanga WavaHepeleu 11:5.
Vilinga muka vyaEnoke vize ‘vyevwishile Kalunga kuwaha,’ kaha vyuma muka vyafuminemo? (Kupu. 5:22)
4. Tanga WaYuta 14, 15.
Mujila muka vaka-Kulishitu makumbi ano vanahase kulondezeza kumika chaEnoke hakuhuhumuna vatu vyajita yaAlamangetone yili nakwiza? (Chimo. 2, 4:2; Hepe. 13:6)
Vikishikishi VahaMavu
1. Vyuma muka vyasolokele omu vangelo jaKalunga vamwe vevwililile Satana?
2. Mwomwo ika vangelo vamwe valitwaminyine kuzata milimo yavo mwilu nakwiza hano hamavu?
3. Mwomwo ika chapwilile chakuhenga kuli vangelo kwiza hano hamavu nakulyalumuna mumijimba yautu?
4. Uno vana vasemukile kulyava vangelo valihandunwine ngachilihi navakwavo?
5. Nganomu unamono hamuvwimbimbi, vyuma muka valingilenga ava vana vavangelo omu vapwile hivanakulu lyehi?
6. Hanyima yaEnoke, lunga muka wakwoloka apwile hano hamavu, kaha mwomwo ika Kalunga amuzangilile?
Vihula vyakuhakilako:
1. Tanga Kuputuka 6:1-8.
Kweseka naKuputuka 6:6, vilinga vyetu vinahase kwivwisa ngachilihi Yehova kumuchima kuwaha chipwe kupihya? (Samu 78:40, 41; Vishi. 27:11)
2. Tanga WaYuta 6.
Vyuma muka natulinangula kuvangelo vaze “vakanyine kulama mwavo mwakulivanga” mumakumbi aNowa? (Koli. 1, 3:5-9; Petu. 2, 2:4, 9, 10)
Nowa Mwasonga Wato
1. Tanga yaNowa yapwile navatu vangahi, kaha vana venyi vatatu vamalunga majinavo veya?
2. Chuma muka chaungeji chize Kalunga alwezele Nowa alinge, kaha mwomwo ika?
3. Uno vatu valingile ngachilihi omu Nowa avalwezele vyawato?
4. Vyuma muka Kalunga alwezele Nowa kutalisa kutunyama?
5. Omu Kalunga asokele kuchikolo chawato, Nowa natanga yenyi valingile ngachilihi?
Vihula vyakuhakilako:
1. Tanga Kuputuka 6:9-22.
(a) Vyuma muka vyalingishile Nowa kupwa ngamba yaKalunga wakulipwila? (Kupu. 6:9, 22)
(b) Uno Yehova amona ngachilihi ulyanyi, kahechi chatela kutukafwa ngachilihi tusakule kuhemahema chamwaza? (Kupu. 6:11, 12; Samu 11:5)
(c) Tunahase kulondezeza ngachilihi Nowa nge tunatambula jindongi jakufuma kuliuka lyaYehova? (Kupu. 6:22; Yowa. 1, 5:3)
2. Tanga Kuputuka 7:1-9.
Hakuwana nge Yehova amwene Nowa wakuhona kukupuka mwosena kupwa wakwoloka, chuma kana chatela kutukolezeza ngachilihi makumbi ano? (Kupu. 7:1; Vishi. 10:16; Isa. 26:7)
Livaji Lyalinene
1. Mwomwo ika vatu vahonene kwingila muwato omu vula yaputukile?
2. Yehova anokesele vula hamakumbi angahi, kaha meya azavukile nakuheta halihi?
3. Vyuma muka vyasolokele kuwato omu meya aputukile kufwika kumavu kwosena?
4. Uno vaze vikishikishi vayovokele haLivaji tahi, kaha masevo valingile ngachilihi?
5. Wato walingile ngachilihi omu mwahichile tukweji vatanu?
6. Mwomwo ika Nowa atuminyine likololo hamavu?
7. Uno Nowa ejivile ngachilihi ngwenyi meya anomu jino hamavu?
8. Omu Nowa natanga yenyi vatwamine muwato hatando yakuhambakana kafwe hamwaka wamuundu, Kalunga amulwezele vyuma muka?
Vihula vyakuhakilako:
1. Tanga Kuputuka 7:10-24.
(a) Uno vyuma vyakuyoya vyosena hano hamavu vyanongele tahi? (Kupu. 7:23)
(b) Mwahichile makumbi angahi numba meya aLivaji omenga? (Kupu. 7:24)
2. Tanga Kuputuka 8:1-17.
Uno chisoneka chaKuputuka 8:17 chasolola ngachilihi nge vyuma ajinyine Yehova hakutenga mavu kavyalumukileko? (Kupu. 1:22)
3. Tanga WaPetulu 1, 3:19, 20.
(a) Vaze vangelo vakulikanga vavasopesele ngachilihi omu vakindulukile mwilu? (Yuta 6)
(b) Uno mujimbu waNowa natanga yenyi nautukafwa ngachilihi tufwelele mungolo jaYehova jakuyovola vatu jenyi? (Petu. 2, 2:9)
Kongolo Watete
1. Nganomu unasolola muvwimbimbi, chuma muka alingile Nowa omu alovokele muwato?
2. Vyuma muka Kalunga alwezele Nowa natanga yenyi omu lyakumine Livaji?
3. Lushiko muka alishikile Kalunga navatu?
4. Nge tunamono kongolo, kaha eji kutwanukisanga ika?
Vihula vyakuhakilako:
1. Tanga Kuputuka 8:18-22.
(a) Uno makumbi ano tunahase kuhana ngachilihi wana “[wa]livumba lyalupengopengo” kuli Yehova? (Kupu. 8:21; Hepe. 13:15, 16)
(b) Vyuma muka ahanjikile Yehova kutalisa kumichima yavatu, kaha natulinangulaho ika? (Kupu. 8:21; Mateu 15:18, 19)
2. Tanga Kuputuka 9:9-17.
(a) Lushiko muka alishikile Yehova navyuma vyakuyoya vyosena vyahano hamavu? (Kupu. 9:10, 11)
(b) Lushiko lwakongolo nalupwanga nakuzata palanga nakumwaka uka? (Kupu. 9:16)
Vatu Navatunga Kaposhi Wamunene
1. Nyimelote apwile iya, kaha Kalunga amumwenenga ngachilihi?
2. Nganomu vanasolola hamuvwimbimbi, mwomwo ika vatu vapwilile nakufwatula tumenga?
3. Mwomwo ika Yehova apihililile namulimo wakutunga kaposhi?
4. Kalunga ahonesele ngachilihi mulimo wakutunga kaposhi?
5. Limbo kana valivulukilenga ngwavo ngachilihi, kaha lijina kana lyalumbununa ika?
6. Vatu valingile ngachilihi omu Kalunga aluwanganyishile malimi avo?
Vihula vyakuhakilako:
1. Tanga Kuputuka 10:1, 8-10.
Vilinga muka asolwele Nyimelote, kaha vyuma muka twatela kulinangulaho? (Vishi. 3:31)
2. Tanga Kuputuka 11:1-9.
Vyuma muka vapwile nakushinganyeka vatu hakutunga kaposhi, kaha mwomwo ika mulimo wavo wahonenene kufukila? (Kupu. 11:4; Vishi. 16:18; Yowa. 5:44)
Apalahama—Sepa lyaKalunga
1. Vatu muka vatwaminenga mulifuchi lyaUle?
2. Lunga muka ou ali hamuvwimbimbi, asemukile mwaka uka, kaha atwaminenga kulihi?
3. Kalunga alwelezele Apalahama alinge vyuma muka?
4. Mwomwo ika Apalahama vamuvulukilile ngwavo sepa lyaKalunga?
5. Veya vayile naApalahama omu afumine kuUle?
6. Vyuma muka Kalunga alwezele Apalahama omu vahetele kulifuchi lyaKanane?
7. Vyuma muka Kalunga ashikile Apalahama omu apwile namyaka 99?
Vihula vyakuhakilako:
1. Tanga Kuputuka 11:27-32.
(a) Apalahama avulukilenga Lote ngwenyi iya? (Kupu. 11:27)
(b) Numba tuhu Tela ikiye vavuluka ngwavo akashile ungeji wakuya natanga yenyi kuKanane, oloze twejiva ngachilihi ngwetu Apalahama ikiye apwile mwenyaungeji, kaha mwomwo ika akatukilile ungeji kana? (Kupu. 11:31; Vili. 7:2-4)
2. Tanga Kuputuka 12:1-7.
Vyuma muka Yehova ahanjikile kupandama kulushiko alishikile naApalahama omu alingile Apalahama hanahete lyehi kulifuchi lyaKanane? (Kupu. 12:7)
3. Tanga Kuputuka 17:1-8, 15-17.
(a) Omu Apalama apwile namyaka 99, vamulukile lijina muka, kaha mwomwo ika? (Kupu. 17:5)
(b) Vyuma muka vyamwaza vize Yehova ashikile Sala? (Kupu. 17:15, 16)
4. Tanga Kuputuka 18:9-19.
(a) Hali Kuputuka 18:19, mulimo muka waulemu vahana visemi vamalunga? (Lushi. 6:6, 7; Efwe. 6:4)
(b) Mujimbu muka waSala wasolola nge kakweshi vyuma vimwe tunahase kuswekela Yehovako? (Kupu. 18:12, 15; Samu 44:21)
Kalunga Mweseka Lufwelelo lwaApalahama
1. Lushiko muka Kalunga alishikile naApalahama, kaha alamine ngachilihi lushiko kana?
2. Nganomu unasolola muvwimbimbi, Kalunga esekele ngachilihi lufwelelo lwaApalahama?
3. Vyuma muka alingile Apalahama numba tuhu kejivile ovyo Kalunga amulwezelele alumbe mwanenyi?
4. Vyuma muka vyasolokele omu Apalahama anonele poko mangana atete mwanenyi miliu?
5. Apalahama apwile nalufwelelo muka muli Kalunga?
6. Chuma muka Kalunga ahanyine Apalahama alumbe, kaha alingile ngachilihi ngocho?
Vihula vyakuhakilako:
1. Tanga Kuputuka 21:1-7.
Mwomwo ika Apalahama ajihanyine mwanenyi omu apwile namakumbi atanu naatatu? (Kupu. 17:10-12; 21:4)
2. Tanga Kuputuka 22:1-18.
Mujila muka Isaka ononokele kuli ise Apalahama, kahechi chemanyinyineko vyuma muka vyavilemu? (Kupu. 22:7-9; Koli. 1, 5:7; Fwili. 2:8, 9)
Pwevo lyaLote Atalile Kunyima
1. Mwomwo ika Apalahama naLote valihandunwinyine?
2. Mwomwo ika Lote asakwilile kuya nakutwama kuSotome?
3. Vatu vamuSotome vapwile navilinga muka?
4. Vyuma muka vangelo vavali valwezele Lote?
5. Mwomwo ika pwevo lyaLote alumukilile kupwa kaumbu kamungwa?
6. Vyuma muka natulinangula kuli pwevo lyaLote?
Vihula vyakuhakilako:
1. Tanga Kuputuka 13:5-13.
Vyuma muka natulinangula kuli Apalahama nge tuli nakusaka kukumisa ukalu tuli nawo navakwetu? (Kupu. 13:8, 9; Loma 12:10; Fwili. 2:3, 4)
2. Tanga Kuputuka 18:20-33.
Jila azachililemo Yehova naApalahama yatukafwa ngachilihi tufwelele chikupu ngwetu Yehova naYesu navakayula mukwoloka? (Kupu. 18:25, 26; Mateu 25:31-33)
3. Tanga Kuputuka 19:1-29.
(a) Ou mujimbu wamuMbimbiliya wasolola ngachilihi omu Kalunga amona kulisavala namutu wausonyi umwe? (Kupu. 19:5, 13; Levi 20:13)
(b) Chihandwa muka chapwile hakachi kaLote naApalahama mujila vakwililemo kuvyuma avalwezele Kalunga, kaha vyuma muka natulinangulaho? (Kupu. 19:15, 16, 19, 20; 22:3)
4. Tanga Luka 17:28-32.
Muchima muka apwile nawo pwevo lyaLote kupandama kuluheto, kaha vyuma muka natulinangulaho? (Luka 12:15; 17:31, 32; Mateu 6:19-21, 25)
5. Tanga WaPetulu 2, 2:6-8.
Hakulondezeza Lote, twatela kumona ngachilihi kano kaye kanazale navatu vakuhuka? (Ezeke. 9:4; Yowa. 1, 2:15-17)
Isaka Mwambata Pwevo Wamwaza
1. Ou lunga napwevo vali aha hamuvwimbimbi vakivo veya?
2. Apalahama alingile ika hakusaka kumbachila mwanenyi pwevo, kaha mwomwo ika?
3. Kulomba chandungo yaApalahama vachikumbulwile ngachilihi?
4. Laveka akumbulwile ngwenyi ika omu vamuhulishile vyakusomboka kuli Isaka?
5. Vyuma muka vyalingishile Isaka apwenga cheka wakuwahilila?
Vihula vyakuhakilako:
1. Tanga Kuputuka 24:1-67.
(a) Vilinga muka vyamwaza asolwele Laveka omu awanyine ndungo yaApalahama halishima? (Kupu. 24:17-20; Vishi. 31:17, 31)
(b) Apalahama alongesele vyuma mangana Isaka akambachile kuli vausoko wenyi, kaha vyuma muka navalinangulaho vaka-Kulishitu makumbi ano? (Kupu. 24:37, 38; Koli. 1, 7:39; Koli. 2, 6:14)
(c) Mwomwo ika twatela kupwanga nalwola lwakushinganyeka, ngana muze alingile Isaka? (Kupu. 24:63; Samu 77:12; Fwili. 4:8)
Vapasa Vakulihandununa
1. Esau naYakova vapwile veya, kaha valihandunwine ngachilihi?
2. Uno vaEsau naYakova vapwile namyaka yingahi omu kaka yavo Apalahama afwile?
3. Vyuma muka alingile Esau vize vyevwishile naye naise ushona?
4. Mwomwo ika Esau evwililile matoto songo yenyi Yakova?
5. Vyuma muka Isaka alwezele mwanenyi Yakova?
Vihula vyakuhakilako:
1. Tanga Kuputuka 25:5-11, 20-34.
(a) Yehova apolofwetele ika kutalisa kuli vana vaLaveka vavali? (Kupu. 25:23)
(b) Uno Esau amwene ngachilihi utwatwa wenyi, kaha echi chalihandunwine ngachilihi nomwo aumwene Yakova? (Kupu. 25:31-34)
2. Tanga Kuputuka 26:34, 35; 27:1-46; na 28:1-5.
(a) Esau asolwele ngachilihi nge kasakwililile vyuma vyakushipilituko? (Kupu. 26:34, 35; 27:46)
(b) Vyuma muka Isaka alwezele Yakova alinge mangana vamukisule kuli Kalunga? (Kupu. 28:1-4)
3. Tanga WavaHepeleu 12:16, 17.
Chakutalilaho chaEsau chasolola ngachilihi ponde yatwama hakulelesa vyuma vyajila?
Yakova Mwaya kuHalane
1. Ou mwanapwevo ali hamuvwimbimbi ikiye iya, kaha Yakova amulingilile ika?
2. Yakova alisuwile kulinga ika mangana ambate Lakele?
3. Lavane alingile ika omu Yakova asakile jino kumbata Lakele?
4. Yakova etavilile kulinga ika hakusaka ambate Lakele?
Vihula vyakuhakilako:
1. Tanga Kuputuka 29:1-30.
(a) Numba tuhu Lavane amwongele, oloze Yakova asolwele ngachilihi nge apwile wakushishika, kaha vyuma muka natulinangulaho? (Kupu. 25:27; 29:26-28; Mateu 5:37)
(b) Chakutalilaho chaYakova chasolola ngachilihi chihandwa chatwama hazangi yamwenemwene nayakulikahukila? (Kupu. 29:18, 20, 30; Mwaso 8:6)
(c) Mapwevo muka vawana vapwile mutanga yaYakova vaze vamusemenene vana? (Kupu. 29:23, 24, 28, 29)
Yakova Ali naTanga Yayinene
1. Vuluka majina avana vaYakova vamalunga vatanu naumwe vaze asemenene kuli puwenyi watete, Leya.
2. Vuluka majina avana vamalunga vavali vaYakova vaze asemenene kuli ndungo yaLeya Zelepa.
3. Vuluka majina avana vamalunga vavali vaYakova vaze asemenene kuli ndungo yaLakele Mbiliha.
4. Vuluka vana vaLakele vavali, kaha vyuma muka vyasolokele hakusema mwana wamuchivali?
5. Kweseka nou muvwimbimbi, Yakova apwile navana vangahi, kaha veya vafumine muli vakivo?
Vihula vyakuhakilako:
1. Tanga Kuputuka 29:32-35; 30:1-26; na 35:16-19.
Nganomu chapwile kuvana vaYakova 12, vana vamalunga vavaHepeleu kushikulu vavalukile ngachilihi majina?
2. Tanga Kuputuka 37:35.
Numba tuhu Njina ikiye kaha vavuluka muMbimbiliya, oloze twejiva ngachilihi ngwetu Yakova apwile navana vamapwevo veka? (Kupu. 37:34, 35)
Njina Mwengila muUkalu
1. Mwomwo ika Apalahama naIsaka kavasakile vana vavo kumbata chipwe kusomboka kuli vaKananeko?
2. Uno Yakova etavishile mwanenyi wapwevo kulikata usepa navana vamapwevo vamuKanane?
3. Ou lunga ali nakushishika Njina ikiye iya, kaha vyuma muka vyavipi alingile?
4. VandumbwaNjina vaShimeyone naLevi valingile ika omu vevwile vyuma vyasolokele?
5. Yakova evwile ngachilihi havyuma valingile vaShimeyone naLevi?
6. Pindangano yosena mutanga yafumine haka?
Vihula vyakuhakilako:
1. Tanga Kuputuka 34:1-31.
(a) Uno twejiva ngachilihi ngwetu Njina apwile natato yakuyanga nakushikama navana vamapwevo vamuKanane? Lumbununa. (Kupu. 34:1)
(b) Mwomwo ika natwambila ngwetu Njina yavene ikiye alilingishile numba vamupike? (Ngale. 6:7)
(c) Vyuma muka navalinangula vakweze makumbi ano havyuma vyasolokele kuli Njina? (Vishi. 13:20; Koli. 1, 15:33; Yowa. 1, 5:19)
Yosefwe Navamujinda Kuli Vandumbwenyi
1. Mwomwo ika Yosefwe vamwivwilile lwiso kuli vandumbwenyi, kaha valingile ika?
2. VandumbwaYosefwe vasakile kumulinga muka, oloze Luvene ambile ngwenyi ika?
3. Vyuma muka vyasolokele omu vaka-kusekasana vavaIshimele vapwile nakupalika?
4. Vyuma muka valingile vandumbwaYosefwe mangana sevo ashinganyeke ngwenyi Yosefwe nafu?
Vihula vyakuhakilako:
1. Tanga Kuputuka 37:1-35.
(a) Vaka-Kulishitu vanahase kulondezeza ngachilihi chakutalilaho chaYosefwe nge vatu vamwe muchikungulwilo vali nakulinga vilinga vyavipi? (Kupu. 37:2; Levi 5:1; Koli. 1, 1:11)
(b) Vyuma muka vyalingishile vandumbwaYosefwe numba vamulinge mwamupi? (Kupu. 37:11, 18; Vishi. 27:4; Yako. 3:14-16)
(c) Vyuma muka alingile Yakova vyasolola nge kulishona chapwa chakutamo? (Kupu. 37:35)
Yosefwe Vanamuhake muKamenga
1. Yosefwe apwile namyaka yakusemuka yingahi omu vamutwalile kuEjipitu, kaha vyuma muka vyasolokele omu ahetele kuze?
2. Uno vyuma muka vyalingishile Yosefwe vamukase mukamenga?
3. Mulimo muka vamuhanyine Yosefwe omu apwile mukamenga?
4. Omu Yosefwe apwile mukamenga, vyuma muka alingile kuli muka-kuhana lupasa kuli Fwalo namuka-kwocha jimbolo?
5. Vyuma muka vyasolokele omu muka-kuhana lupasa vamufumishile mukamenga?
Vihula vyakuhakilako:
1. Tanga Kuputuka 39:1-23.
Vyuma muka vyalingishile Yosefwe achine pwevo lyaPotefwale numba tuhu halwola kana kakwapwile lushimbi lwakukanyisa ujilako? (Kupu. 2:24; 20:3; 39:9)
2. Tanga Kuputuka 40:1-23.
(a) Lumbununa mukavatu chilota chamuka-kuhana lupasa nomu Yehova alumbunwine chilota kana kuhichila muli Yosefwe. (Kupu. 40:9-13)
(b) Muka-kwocha jimbolo alotele ika, kaha chilota kana chalumbunwine ika? (Kupu. 40:16-19)
(c) Ndungo wakushishika wakuzangama makumbi ano ali nakulondezeza ngachilihi muchima waYosefwe? (Kupu. 40:8; Samu 36:9; Yowa. Yowa.17:17; Vili. 17:2, 3)
(d) Vaka-Kulishitu vatela kumona ngachilihi viwanyino vyamakumbi akusemuka, kweseka nomu wasolola mukanda waKuputuka 40:20? (Kwambu. 7:1; Mako 6:21-28)
Vilota vyaFwalo
1. Vyuma muka vyasolokele kuli Fwalo ufuku umwe?
2. Mwomwo ika muka-kuhana lupasa anukile jino Yosefwe?
3. Fwalo alotele vilota muka vivali, kweseka nomu unamono hamuvwimbimbi?
4. Yosefwe alumbunwine ngachilihi vilota kana?
5. Yosefwe ejile nakupwa ngachilihi mutu wamulemu muEjipitu kupwa muhato waFwalo?
6. VandumbwaYosefwe vejilile ika kuEjipitu, kaha mwomwo ika vahonene kwijiva ndumbwavo?
7. Chilota muka anukile Yosefwe, kahechi chamulingishile atachikize ika?
Vihula vyakuhakilako:
1. Tanga Kuputuka 41:1-57.
(a) Yosefwe ahanyine ngachilihi ulemu Yehova, kaha vaka-Kulishitu makumbi ano vanahase kumulondezeza ngachilihi? (Kupu. 41:16, 25, 28; Mateu 5:16; Petu. 1, 2:12)
(b) Myaka yakwima kulya chakulisala muEjipitu namyaka yakavangijileho yazala yakalombolombo yasolola ngachilihi chihandwa chili muvatu jaYehova navaka-Kulishitendomu kutalisa kukulya chakushipilitu? (Kupu. 41:29, 30; Amo. 8:11, 12)
2. Tanga Kuputuka 42:1-8 na 50:20.
Uno chapwa chakuhenga vangamba jaYehova kufukamina mutu chipwe kumulemesa mwomwo yachihela atwama nacho, nge omu mukiko mwaya chisemwa tahi? (Kupu. 42:6)
Yosefwe Mwaveseka Vandumbwenyi
1. Mwomwo ika Yosefwe avangijikilile vandumbwenyi ngwenyi vapwile vandoji?
2. Mwomwo ika Yakova etavishile mwanenyi wakasulasongo Mbenjamine ayenga kuEjipitu?
3. Uno lupasa lwapalata lwaYosefwe lwapwile ngachilihi musaka yaMbenjamine?
4. Yuta alingile ika hakusaka asuule Mbenjamine?
5. VandumbwaYosefwe valumukile ngachilihi?
Vihula vyakuhakilako:
1. Tanga Kuputuka 42:9-38.
Mazu ahanjikile Yosefwe hali Kuputuka 42:18 anuna ngachilihi vaze vakwechi milimo muliuka lyaYehova makumbi ano? (Nehe. 5:15; Koli. 2, 7:1, 2)
2. Tanga Kuputuka 43:1-34.
(a) Numba tuhu Luvene ikiye apwile twatwa, uno vyuma muka vyasolola nge Yuta yikiye ahanjikililengako vandumbwenyi? (Kupu. 43:3, 8, 9; 44:14, 18; Miji. 1, 5:2)
(b) Yosefwe esekele ngachilihi vandumbwenyi, kaha mwomwo ika? (Kupu. 43:33, 34)
3. Tanga Kuputuka 44:1-34.
(a) Yosefwe alingile ika hakusaka kulisweka kuli vandumbwenyi mangana vahone kumutachikiza? (Kupu. 44:5, 15; Levi 19:26)
(b) VandumbwaYosefwe vasolwele ngachilihi nge kavapwile jino nalwisoko? (Kupu. 44:13, 33, 34)
Tanga Naiya kuEjipitu
1. Vyuma muka vyasolokele omu Yosefwe alisolwele kuli vandumbwenyi?
2. Vyuma muka Yosefwe alwezele vandumbwenyi mulikoji?
3. Omu Fwalo evwile ngwavo vandumbwaYosefwe vaneza, ambile ngwenyi ika?
4. Vatu vangahi vapwile mutanga yaYakova omu vayile kuEjipitu?
5. Lijina muka valukile tanga yaYakova, kaha mwomwo ika?
Vihula vyakuhakilako:
1. Tanga Kuputuka 45:1-28.
Mujimbu wamuMbimbiliya waYosefwe wasolola ngachilihi nge Yehova nahase kufukisa vangamba jenyi chamokomoko navyuma vyavipi navasaka vatu kuvalinga? (Kupu. 45:5-8; Isa. 8:10; Fwili. 1:12-14)
2. Tanga Kuputuka 46:1-27.
Vyuma muka Yehova afwelelesele Yakova omu apwile nakuya kuEjipitu? (Kupu. 46:1-4)
Yopa Mwashishika Kuli Kalunga
1. Yopa apwile iya?
2. Vyuma muka asakile kulinga Satana, kaha kutala afukilile tahi?
3. Yehova etavishile Satana kulinga ika, kaha mwomwo ika?
4. Mwomwo ika pwevo lyaYopa alwezele lunga lyenyi ngwenyi “mwangule Kalunga ufwenga”? (Tala muvwimbimbi.)
5. Nganomu unamono hamuvwimbimbi wamuchivali, Yehova akiswile ngachilihi Yopa, kaha mwomwo ika?
6. Nge nayetu natupwa vakushishika chiwenya Yopa, kaha Yehova mwatukisula ngachilihi?
Vihula vyakuhakilako:
1. Tanga Yopa 1:1-22.
Vaka-Kulishitu makumbi ano vanahase kulondezeza ngachilihi Yopa? (Yopa 1:1; Fwili. 2:15; Petu. 2, 3:14)
2. Tanga Yopa 2:1-13.
Uno Yopa napuwenyi valihandunwine ngachilihi mujila vakwilililemo kuvyeseko vyaSatana? (Yopa 2:9, 10; Vishi. 19:3; Mika 7:7; Mala. 3:14)
3. Tanga Yopa 42:10-17.
(a) Vyuma vamukiswile Yopa hakushishika chenyi vyalifwana ngachilihi navize atambwile Yesu hanyima yakuhita muvyeseko? (Yopa 42:12; Fwili. 2:9-11)
(b) Vyuma atambwile Yopa mwomwo yakupwa wakulonga kuli Kalunga vyeji kutukolezezanga ngachilihi? (Yopa 42:10, 12; Hepe. 6:10; Yako. 1:2-4, 12; 5:11)
Mwangana Wamupi Mwayula Ejipitu
1. Ou lunga nakwate chikote hamuvwimbimbi ikiye iya, kaha ali nakuveta iya?
2. Vyuma muka vyasolokele kuli vaIsalele omu Yosefwe afwile?
3. Mwomwo ika vaEjipitu vaputukilile kwivwa woma vaIsalele?
4. Lushimbi muka Fwalo ahanyine vifungwiji vaze vasapulwishilenga mapwevo javaIsalele?
Vihula vyakuhakilako:
1. Tanga Kulovoka 1:6-22.
(a) Mujila muka Yehova aputukile kutesamo lushiko luze alishikile naApalahama? (Kulo. 1:7; Kupu. 12:2; Vili. 7:17)
(b) Uno vifungwiji vavaHepeleu vasolwele ngachilihi nge vavumbikile kuyoya? (Kulo. 1:17; Kupu. 9:6)
(c) Uno ava vifungwiji vavakiswile ngachilihi hakushishika chavo kuli Yehova? (Kulo. 1:20, 21; Vishi. 19:17)
(d) Satana asakile kutangula ngachilihi vyuma ajinyine Yehova kutalisa kuli Muka-tanga yaApalahama uze ashikile? (Kulo. 1:22; Mateu 2:16)
Omu Vayowele Kemba Mose
1. Ou kemba ali hamuvwimbimbi ikiye iya, kaha nakwate kumunwe weya?
2. Vyuma muka alingile naye yaMose hakusaka vahone kujiha mwanenyi?
3. Ou kanyike wapwevo ali hamuvwimbimbi ikiye iya, kaha alingile ika?
4. Milyame ahanjikile ngwenyi ika omu mwanaFwalo wapwevo awanyine ou kemba?
5. Vyuma muka ou mwanamwangana alwezele naye yaMose?
Chihula chakuhakilako:
1. Tanga Kulovoka 2:1-10.
Naye yaMose ahashile ngachilihi kunangula Mose kufuma kuukemba, kaha vyuma muka navalinangulaho visemi makumbi ano? (Kulo. 2:9, 10; Lushi. 6:6-9; Vishi. 22:6; Efwe. 6:4; Chimo. 2, 3:15)
Chuma Achinyinyine Mose
1. Mose akolelele kulihi, kaha vyuma muka ejivile kutalisa kuvisemi jenyi?
2. Vyuma muka alingile Mose omu apwile namyaka yakusemuka 40?
3. Vyuma muka Mose alwezele lunga wakaIsalele uze apwile nakulizungisa namukwavo, kaha uze lunga amukumbulwile ngwenyi ika?
4. Mwomwo ika Mose achinyine nakufuma muEjipitu?
5. Mose achinyinyine kulihi, kaha akawanyine iya kuze?
6. Vyuma muka alingile Mose myaka 40 kufuma haze afumine muEjipitu?
Vihula vyakuhakilako:
1. Tanga Kulovoka 2:11-25.
Numba tuhu Mose vamunangwile mangana avaEjipitu, oloze asolwele ngachilihi nge alyononwene kuli Yehova nakuvatu jenyi? (Kulo. 2:11, 12; Hepe. 11:24)
2. Tanga Vilinga 7:22-29.
Vyuma muka natulinangula kuli Mose omu asakile kuyovola vaIsalele mungolo jenyi, kufuma muundungo wavaEjipitu? (Vili. 7:23-25; Petu. 1, 5:6, 10)
Chiputa chaKakahya
1. Vuluka lijina lyapili eyi yili hamuvwimbimbi.
2. Lumbununa chuma chakukomwesa amwene Mose omu ayile kupili namikoko jenyi.
3. Muchiputa mwafumine lizu ngwavo ika, kaha lyapwile lizu lyeya?
4. Mose akumbulwile ngwenyi ika omu Kalunga amulwezele ngwenyi mwakatwaminyina vatu jaKalunga kufuma muEjipitu?
5. Vyuma muka Kalunga alwezele Mose kukahanjika nge vatu navakamuhulisa owo namutumu?
6. Mose asolwele ngachilihi nge vamutumine kuli Kalunga?
Vihula vyakuhakilako:
1. Tanga Kulovoka 3:1-22.
Mujimbu waMose wasolola ngachilihi nge chikupu vene Yehova mwatukafwa hakuzata milimo yenyi numba tuhu natushinganyeka ngwetu katwatelemo kuyizatako? (Kulo. 3:11, 13; Koli. 2, 3:5, 6)
2. Tanga Kulovoka 4:1-20.
(a) Muchima waMose walumukile ngachilihi hamyaka 40 apwile kuMichane, kaha vyuma muka navalinangulaho vaze vali nakusaka kutamo kuvazachisa mumilimo yimwe muchikungulwilo? (Kulo. 2:11, 12; 4:10, 13; Mika 6:8; Chimo. 1, 3:1, 6, 10)
(b) Numba tuhu Yehova nahase kutuzangamisa kuhichila muliuka lyenyi, oloze chakutalilaho chaMose chinahase kutukolezeza ngachilihi? (Kulo. 4:12-14; Samu 103:14; Hepe. 12:4-11)
Mose naAlone Navaya Nakumona Fwalo
1. Vyuma vyakukomwesa vize alingile Mose naAlone vyakafwile ngachilihi vana vaIsalele?
2. Vyuma muka Mose naAlone valwezele Fwalo, kaha Fwalo avakumbulwile ngachilihi?
3. Nganomu unamono hamuvwimbimbi, vyuma muka vyasolokele omu Alone ambilile mukombo wenyi hamavu?
4. Yehova anangwile ngachilihi Fwalo, kaha Fwalo akwileko ngachilihi?
5. Vyuma muka vyasolokele omu chakumine chipupu chakusokesa mulikumi?
Vihula vyakuhakilako:
1. Tanga Kulovoka 4:27-31 na 5:1-23.
Fwalo alumbunwine ika hakwamba ngwenyi: “Kangwatachikiza Yehovako”? (Kulo. 5:2; Samwe. 1, 2:12; Loma 1:21)
2. Tanga Kulovoka 6:1-13, 26-30.
(a) Mujila muka Yehova kalisolwele kuli Apalahama naIsaka naYakovako? (Kulo. 3:13, 14; 6:3; Kupu. 12:8)
(b) Uno tweji kwivwanga ngachilihi hakwijiva ngwetu, Yehova atwalileho lika kuzachisa Mose numba tuhu Mose ashinganyekele ngwenyi katelemo kuzata mulimo vamuhanyine? (Kulo. 6:12, 30; Luka 21:13-15)
3. Tanga Kulovoka 7:1-13.
(a) Vangamba jaKalunga makumbi ano vanahase kulinangula vyuma muka kuli Mose naAlone omu vahanjikile natwima vyakusopesa chaYehova kuli Fwalo? (Kulo. 7:2, 3, 6; Vili. 4:29-31)
(b) Yehova asolwele ngachilihi nge apwile nangolo kuhambakana tulunga vavaEjipitu? (Kulo. 7:12; Miji. 1, 29:12)
Vipupu 10
1. Kweseka namivwimbimbi yili hano, lumbununa vipupu vitatu vyakulivanga vize Yehova anehele hali vaEjipitu.
2. Chihandwa muka chatwama havipupu vitatu vyakulivanga navipupu vikwavo vyosena?
3. Vuluka chipupu chamuchiwana, nachamuchitanu, nachamuchitanu nachimwe.
4. Lumbununa chipupu chamuchitanu navivali, nachamuchitanu navitatu, nachamuchitanu naviwana.
5. Yehova alwezele vaIsalele valinge ika shimbu kanda chipupu chamakumishilo?
6. Chipupu muka chapwile chamakumishilo, kaha vyuma muka vyasolokele hanyima yachipupu kanechi?
Vihula vyakuhakilako:
1. Tanga Kulovoka 7:19–8:23.
(a) Numba tuhu vapilishitu vamakuli vamuEjipitu valondezezele vipupu vyaYehova vivali vyakulivanga, oloze vetavilile vyuma muka hanyima yachipupu chamuchitatu? (Kulo. 8:18, 19; Mateu 12:24-28)
(b) Chipupu chamuchiwana chasolwele ngachilihi nge Yehova akwechi ngolo jakukinga vatu jenyi, kaha vatu jaKalunga hakutachikiza chuma kana veji kwivwanga ngachilihi hakushinganyeka ‘vyaluyando lwalunene’? (Kulo. 8:22, 23; Kuso. 7:13, 14; Miji. 2, 16:9)
2. Tanga Kulovoka 8:24; 9:3, 6, 10, 11, 14, 16, 23-25; na 10:13-15, 21-23.
(a) Vipupu Likumi vyasolwele mazavu muka avali, kaha twatela kumona ngachilihi mazavu kana awa makumbi ano? (Kulo. 8:10, 18, 19; 9:14)
(b) Mukanda waKulovoka 9:16 watukafwa ngachilihi kwijiva kanawa ovyo Yehova netavishila Satana atwaleho lika noholili? (Loma 9:21, 22)
3. Tanga Kulovoka 12:21-32.
Uno Paseka yanehele ngachilihi ulwilo kuvatu vavavulu, kaha yenyikilile kuchuma muka? (Kulo. 12:21-23; Yowa. 1:29; Loma 5:18, 19, 21; Koli. 1, 5:7)
Navazauka Kalungalwiji Uchila
1. Malunga namapwevo navana vavaIsalele vangahi vakatukile kufuma muEjipitu, kaha veya vayile navo hamwe?
2. Fwalo evwile ngachilihi omu asuwile vaIsalele vayenga, kaha alingile ika?
3. Vyuma muka alingile Yehova mangana akinge vatu jenyi kuli vaEjipitu?
4. Vyuma muka vyasolokele omu Mose olwele mukombo wenyi helu lyaKalungalwiji Uchila, kaha vaIsalele valingile ika?
5. Vyuma muka vyasolokele omu vaEjipitu vakavangijile vaIsalele hakalungalwiji?
6. VaIsalele vasolwele ngachilihi kuwahilila chavo nakusakwilila Yehova hakuvayovola?
Vihula vyakuhakilako:
1. Tanga Kulovoka 12:33-36.
Yehova amwene ngachilihi ngwenyi chapwile chakutamo kufweta vatu jenyi vaze vapwile muundungo hamyaka yayivulu muEjipitu? (Kulo. 3:21, 22; 12:35, 36)
2. Tanga Kulovoka 14:1-31.
Mazu aMose aze vasoneka hali Kulovoka 14:13, 14 atela kukafwa ngachilihi vangamba jaYehova makumbi ano omu vanalitalasana najita yaAlamangetone? (Miji. 2, 20:17; Samu 91:8)
3. Tanga Kulovoka 15:1-8, 20, 21.
(a) Mwomwo ika vangamba jaYehova vatela kwimba myaso yakwalisa Yehova? (Kulo. 15:1, 2; Samu 105:2, 3; Kuso. 15:3, 4)
(b) Vaka-Kulishitu vamapwevo makumbi ano navalinangula ika kuli Milyame namapwevo veka vaze valishile Yehova haKalungalwiji Uchila? (Kulo. 15:20, 21; Samu 68:11)
Kulya Chachihya
1. Vyuma muka vali nakukungula vatu vali hamuvwimbimbi, kaha vavivuluka ngwavo ika?
2. Lushimbi muka Mose ahanyine vatu hachihande chakukungula mana?
3. Yehova alwezele vatu valinge ika halikumbi lyamuchitanu nalimwe, kaha mwomwo ika?
4. Yehova alingilenga chuma muka chakukomwesa omu vatu valaminenga mana kuheta nakulikumbi lyamuchitanu naavali?
5. Yehova ahanyine vatu mana hamyaka yingahi?
Vihula vyakuhakilako:
1. Tanga Kulovoka 16:1-36 naKulava 11:7-9.
(a) Mukanda waKulovoka 16:8 wasolola ika hakuvumbika vatu vaze vasakula muchikungulwilo chavaka-Kulishitu? (Hepe. 13:17)
(b) Omu vaIsalele vapwile mupambo, vavanwine ngachilihi hakumbi hakumbi nge vatela kupendamina hali Yehova? (Kulo. 16:14-16, 35; Lushi. 8:2, 3)
(c) Yesu ahanjikile ngwenyi mana yemanyinyineko ika, kaha vyuma muka tweji kunganyalanga ‘kukulya chakufuma mwilu’? (Yowa. 6:31-35, 40)
2. Tanga Yoshuwa 5:10-12.
VaIsalele valile mana hamyaka yingahi, kaha chapwile ngachilihi cheseko kuli vakivo, kaha vyuma muka natulinangula kumujimbu kana? (Kulo. 16:35; Kula. 11:4-6; Koli. 1, 10:10, 11)
Yehova Mwavahana Jishimbi Jenyi
1. Omu mwahichile tukweji vavali hakufuma muEjipitu, vaIsalele vatungile chilombo chavo kulihi?
2. Yehova ahanjikile ngwenyi vatu vatelele kulinga ika, kaha vatu vakumbulwile ngachilihi?
3. Mwomwo ika Yehova ahanyinyine Mose malolwa avali akuya muupalasese?
4. Jishimbi muka jikwavo Yehova ahanyine vaIsalele jakuhakila kuJishimbi Likumi?
5. Jishimbi muka jivali jize Yesu Kulishitu ahanjikile ngwenyi japwa jajinene?
Vihula vyakuhakilako:
1. Tanga Kulovoka 19:1-25; 20:1-21; 24:12-18; na 31:18.
Mazu ahali Kulovoka 19:8 atukafwa ngachilihi kwijiva kanawa mwalumbunukila kulihana chavaka-Kulishitu? (Mateu 16:24; Petu. 1, 4:1-3)
2. Tanga Lushimbi lwamuchivali 6:4-6; VyavaLevi 19:18; naMateu 22:36-40.
Vaka-Kulishitu veji kusololanga ngachilihi ngwavo vazanga Kalunga navatu? (Mako Mako6:34; Vili. 4:20; Loma 15:2)
Mwanangombe waUlu
1. Vyuma muka vali nakulinga vatu hamuvwimbimbi, kaha mwomwo ika?
2. Mwomwo ika Yehova apihililile, kaha Mose alingile ika omu amwene vyuma vapwile nakulinga vatu?
3. Mose alwezele malunga vamwe valinge vyuma muka?
4. Vyuma muka natulinangula hamujimbu kanou?
Vihula vyakuhakilako:
1. Tanga Kulovoka 32:1-35.
(a) Mujimbu kana wasolola ngachilihi omu Yehova amona vatu vaze veji kufutulanga kwitava chamuchano nechi chamakuli? (Kulo. 32:4-6, 10; Koli. 1, 10:7, 11)
(b) Vyuma muka vatela kulinangulaho vaka-Kulishitu omu navasakulanga vilika vyakulihizumuna vyakufwana nge kwimba myaso nakukinakina? (Kulo. 32:18, 19; Efwe. 5:15, 16; Yowa. 1, 2:15-17)
(c) Muyachi wavaLevi wahana ngachilihi chakutalilaho chamwaza chakupwa vaka-kwoloka? (Kulo. 32:25-28; Samu 18:25)
Mbalaka Yakulemesela
1. Eyi zuvo yili hamuvwimbimbi yikiko ika, kaha vayizachishilenga kumilimo muka?
2. Mwomwo ika Yehova alwezelele Mose kutunga mbalaka mujila yayashi kupapulula?
3. Chikasha muka chize chili mukapete kakandende, kaha muli ika?
4. Yehova asakwile iya kupwa kapilishitu wakulitulaho, kaha kapilishitu kana apwile namulimo muka?
5. Vuluka vyuma vitatu vyapwile mukapete kakanene.
6. Vyuma muka vivali vyapwile muchipango chatavanaku, kaha vavizachishile kumulimo muka?
Vihula vyakuhakilako:
1. Tanga Kulovoka 25:8-40; 26:1-37; 27:1-8; na 28:1.
Vakeluve vaze vapwilenga “hachikasha chaunjiho” vemanyinyineko ika? (Kulo. 25:20, 22; Kula. 7:89; Vamya. 2, 19:15)
2. Tanga Kulovoka 30:1-10, 17-21; 34:1, 2; naWavaHepeleu 9:1-5.
(a) Mwomwo ika Yehova alwezelele vapilishitu kupwanga lika vatoma kumujimba hakuzata milimo kutavanaku, kaha vyuma muka natulinangulaho makumbi ano? (Kulo. 30:18-21; 40:30, 31; Hepe. 10:22)
(b) Kaposetolo Paulu asolwele ngachilihi ngwenyi tavanaku naLushiko lwamuJishimbi kavyapwile nakusakiwa halwola asonekelele vaka-Kulishitu vavaHepeleu? (Hepe. 9:1, 9; 10:1)
Vandoji 12
1. Vyuma muka namuhanjika hachinjomoto chamihako yamuvinyo yili hamuvwimbimbi, kaha yafumine kulihi?
2. Mwomwo ika Mose atuminyine vandoji 12 kuya nakusondwesa lifuchi lyaKanane?
3. Vandoji likumi vahanjikile ika kuli Mose omu vakindulukile?
4. Vandoji vavali vasolwele ngachilihi lufwelelo muli Yehova, kaha majinavo vakivo veya?
5. Mwomwo ika Yehova apihililile, kaha vyuma muka alwezele Mose?
Vihula vyakuhakilako:
1. Tanga Kulava 13:1-33.
(a) Veya vasakwile kuya nakusondwesa lifuchi, kaha vatokwele ngachilihi? (Kula. 13:2, 3, 18-20)
(b) Mwomwo ika vyuma vambulwile vaYoshuwa naKaleve vyalihandunwine navize vambulwile vandoji vakwavo, kaha vyuma muka natulinangulaho? (Kula. 13:28-30; Mateu 17:20; Koli. 2, 5:7)
2. Tanga Kulava 14:1-38.
(a) Vyuma muka vatuhuhumuna hakuyayavalanga havatu atongola Yehova hano hamavu? (Kula. 14:2, 3, 27; Mateu 25:40, 45; Koli. 1, 10:10)
(b) Yehova asolola ngachilihi hamukanda waKulava 14:24 ngwenyi azakama vangamba jenyi mutu himutu? (Vamya. 1, 19:18; Vishi. 15:3)
Mukombo waAlone Naufukula Jitemo
1. Veya vafumbukilile wata waMose naAlone, kaha vahanjikile ika kuli Mose?
2. Vyuma muka Mose alwezele Kola navatu jenyi 250?
3. Mose ahanjikile ika kuvatu, kaha vyuma muka vyasolokele omu akumishile kuhanjika?
4. Vyuma muka vyasolokele kuli Kola navaze vatu jenyi 250?
5. Vyuma muka alingile mwanaAlone Eleyaza kuviloso vyakulumbila vyamalunga vaze vafwile, kaha mwomwo ika?
6. Mwomwo ika Yehova alingishile mukombo waAlone ufukule jitemo? (Tala muvwimbimbi.)
Vihula vyakuhakilako:
1. Tanga Kulava 16:1-49.
(a) Vyuma muka Kola navatu jenyi valingile, kaha mwomwo ika vyuma kana vyasolwele nge valikangile kuli Yehova? (Kula. 16:9, 10, 18; Levi 10:1, 2; Vishi. 11:2)
(b) Muchima muka waupi apwile nawo Kola ‘navaka-kulitulaho jalizavu’ 250? (Kula. 16:1-3; Vishi. 15:33; Isa. 49:7)
2. Tanga Kulava 17:1-11 na 26:10.
(a) Kufukula chamukombo waAlone chemanyinyineko ika, kaha mwomwo ika Yehova ambilile ngwenyi vaulaminenga muchikasha? (Kula. 17:5, 8, 10)
(b) Vyuma muka vyavilemu natulinangula hachinjikizo chamukombo waAlone? (Kula. Kula.17:10; Vili. 20:28; Fwili. 2:14; Hepe. 13:17)
Mose Mwaveta kuLilolwa
1. Yehova azakamine ngachilihi vaIsalele omu vapwile mupambo?
2. VaIsalele vayayavalile ngwavo ika omu vapwile hachilombo chaKateshe?
3. Yehova ahanyine ngachilihi meya kuvatu jenyi nakuvimuna javo?
4. Ou lunga nalinyika munwe hamuvwimbimbi ikiye iya, kaha mwomwo ika nalinyikila?
5. Mwomwo ika Yehova apihililile naMose naAlone, kaha avazangamishile ngachilihi?
6. Vyuma muka vyasolokele omu vapwile haPili Hole, kaha iya apwile jino kapilishitu wakulitulaho wavaIsalele?
Vihula vyakuhakilako:
1. Tanga Kulava 20:1-13, 22-29 naLushimbi lwamuchivali 29:5.
(a) Vyuma muka natulinangula hakutala omu Yehova azakamine vaIsalele mupambo? (Lushi. 29:5; Mateu 6:31; Hepe. 13:5; Yako. 1:17)
(b) Yehova amwene ngachilihi tutenga twaMose naAlone hakuhona kumutohwesa kuli vaIsalele? (Kula. 20:12; Koli. 1, 10:12; Kuso. 4:11)
(c) Vyuma muka natulinangula kuli Mose omu etavilile kumuzangamisa kuli Yehova? (Kula. 12:3; 20:12, 27, 28; Lushi. 32:4; Hepe. 12:7-11)
Linoka waUnengu
1. Iya nalijingila kumutondo hamuvwimbimbi, kaha mwomwo ika Yehova alwezelele Mose amujingile kuze?
2. Vatu vasolwele ngachilihi nge kavapwile namuchima wakusakwilila havyuma avalingilile Kalunga?
3. Vatu valwezele Mose alinge ika omu Yehova atumine manoka vaulembe vavasume?
4. Mwomwo ika Yehova alwezelele Mose atunge linoka waunengu?
5. Vyuma muka natulinangula kumujimbu kana?
Vihula vyakuhakilako:
1. Tanga Kulava 21:4-9.
(a) Vyuma muka natulinangula kumuchima wavaIsalele wakuyayavala havyuma avalingilile Yehova? (Kula. 21:5, 6; Loma 2:4)
(b) Hamyaka yakavangijileho, vaIsalele vazachishile ngachilihi linoka waunengu, kaha Mwangana Hezekiya alingile ika? (Kula. 21:9; Vamya. 2, 18:1-4)
2. Tanga Yowano 3:14, 15.
Uno chize kuhaka linoka waunengu hachitondo chimwe chemanyinyineko ngachilihi kupapalila Yesu Kulishitu hachitondo? (Ngale. 3:13; Petu. 1, 2:24)
Chimbulu Mwahanjika
1. Mbalaka apwile iya, kaha mwomwo ika asanyikilile Mbalame?
2. Mwomwo ika chimbulu chaMbalame afukaminyine mujila?
3. Jino Mbalame evwile chimbulu mwahanjika ika?
4. Kangelo ahanjikile ika kuli Mbalame?
5. Vyuma muka vyasolokele omu Mbalame asakile kushinga vaIsalele?
Vihula vyakuhakilako:
1. Tanga Kulava 21:21-35.
Mwomwo ika vaIsalele vahashile kufungulula Mwangana Shihone wavaAmole naOnge wavaMbashane? (Kula. 21:21, 23, 33, 34)
2. Tanga Kulava 22:1-40.
Vyuma muka vyalingishile Mbalame asake kushinga vaIsalele, kaha vyuma muka natulinangulaho? (Kula. 22:16, 17; Vishi. 6:16, 18; Petu. 2, 2:15; Yuta 11)
3. Tanga Kulava 23:1-30.
Numba tuhu Mbalame ahanjikile kwijiva nge muka-kulemesa Yehova, oloze vilinga vyenyi vyamusolwele kupwa mutu wangachilihi? (Kula. 23:3, 11-14; Samwe. 1, 15:22)
4. Tanga Kulava 24:1-25.
Mujimbu kanou wazamisa ngachilihi lufwelelo lwetu muvyuma ajina Yehova? (Kula. 24:10; Isa. 54:17)
Yoshuwa Mwapwa Mwangana
1. Ava malunga vavali vali hamuvwimbimbi vanemana naMose vakivo veya?
2. Vyuma muka Yehova alwezele Yoshuwa?
3. Mwomwo ika Mose akandukilile haPili Nevo, kaha vyuma muka Yehova amulwezele?
4. Mose apwile namyaka yingahi omu afwile?
5. Mwomwo ika vatu vapihililile, kaha chuma muka chavalingishile vawahilile?
Vihula vyakuhakilako:
1. Tanga Kulava 27:12-23.
Mulimo muka waunene Yehova ahanyine Yoshuwa, kaha ali nakusolola ngachilihi nge azakama vatu jenyi makumbi ano? (Kula. 27:15-19; Vili. 20:28; Hepe. 13:7)
2. Tanga Lushimbi lwamuchivali 3:23-29.
Mwomwo ika Yehova ketavishile Mose naAlone kwingila mulifuchi lyalushiko, kaha natulinangulaho vyuma muka? (Lushi. 3:25-27; Kula. 20:12, 13)
3. Tanga Lushimbi lwamuchivali 31:1-8, 14-23.
Mazu amakumishilo ahanjikile Mose kuli vaIsalele asolwele ngachilihi nge alinyishile nakwitavila kuzangamisa chaYehova? (Lushi. 31:6-8, 23)
4. Tanga Lushimbi lwamuchivali 32:45-52.
Mazu aKalunga anahase kutukafwa ngachilihi mukuyoya chetu? (Lushi. 32:47; Levi 18:5; Hepe. 4:12)
5. Tanga Lushimbi lwamuchivali 34:1-12.
Numba tuhu Mose kamwene Yehova nameso enyi kapuko, oloze mukanda waLushimbi lwamuchivali 34:10 wasolola ngachilihi nge atachikijile Yehova? (Kulo. 33:11, 20; Kula. 12:8)
Lahave Mwasweka Vandoji
1. Lahave atwaminenga kulihi?
2. Ava malunga vavali vali hamuvwimbimbi vakivo veya, kaha mwomwo ika vali muYeliko?
3. Mwangana wamuYeliko alwezele Lahave kulinga vyuma muka, kaha Lahave akumbulwile ngachilihi?
4. Lahave akafwile ngachilihi ava malunga vavali, kaha vyuma muka avalombele?
5. Vyuma muka vaze vandoji vavali vashikile Lahave?
Vihula vyakuhakilako:
1. Tanga Yoshuwa 2:1-24.
Lushiko alishikile Yehova hali Kulovoka 23:28 lwateselemo ngachilihi omu vaIsalele valukukile nganda yaYeliko? (Yoshu. 2:9-11)
2. Tanga WavaHepeleu 11:31.
Chakutalilaho chaLahave chasolola ngachilihi nge lufwelelo lwapwa lwalulemu? (Loma 1:17; Hepe. 10:39; Yako. 2:25)
Navazauka Kalwiji Yotau
1. Chuma muka chakukomwesa alingile Yehova numba vaIsalele vazauke Kalwiji Yotau?
2. Lufwelelo muka vatelele kupwa nalwo vaIsalele numba vazauke Kalwiji Yotau?
3. Mwomwo ika Yehova alwezelele Yoshuwa ambate malolwa amanene 12 ahakalwiji?
4. Vyuma muka vyasolokele omu vapilishitu vakandukile mukalwiji Yotau?
Vihula vyakuhakilako:
1. Tanga Yoshuwa 3:1-17.
(a) Kweseka namujimbu kanou, vyuma muka twatela kulinga numba Yehova atukafwe nakutukisula? (Yoshu. 3:13, 15; Vishi. 3:5; Yako. 2:22, 26)
(b) Kalwiji Yotau apwile ngachilihi omu vaIsalele vazaukile nakwingila muLifuchi lyaLushiko, kahechi chatohwesele ngachilihi lijina lyaKalunga? (Yoshu. 3:15; 4:18; Samu 66:5-7)
2. Tanga Yoshuwa 4:1-18.
Aze malolwa amanene 12 vambachile vaIsalele mukalwiji Yotau azachile mulimo muka? (Yoshu. 4:4-7)
Kembwe yaYeliko
1. Yehova alwezele malunga vaka-jita navapilishitu valinge ika hamakumbi atanu nalimwe?
2. Malunga vatelele kulinga ika halikumbi lyamuchitanu naavali?
3. Nganomu unamono hamuvwimbimbi, vyuma muka vyasolokele kukembwe yaYeliko?
4. Mwomwo ika vanakashilila mukole uchila hanjanena?
5. Yoshuwa alwezele malunga vajita valinge ika kunganda navatu vapwilemo, kaha vatelele kulinga ika kupalata, naulu, naunengu nafwelu?
6. Vaze vandoji vavali vavalwezele kulinga vyuma muka?
Vihula vyakuhakilako:
1. Tanga Yoshuwa 6:1-25.
(a) VaIsalele vajingulukile nganda yaYeliko mapapa kakavulu halikumbi lyamuchitanu naavali, kahechi chalifwana ngachilihi namulimo wakwambulula vali nakulinga Vinjiho jaYehova makumbi ano akukuminyina? (Yoshu. 6:15, 16; Isa. 60:22; Mateu 24:14; Koli. 1, 9:16)
(b) Upolofweto vasonekele hali Yoshuwa 6:26 wateselemo ngachilihi hanyima yamyaka kafwe 500, kahechi chatunangula ika hamazu aYehova? (Vamya. 1, 16:34; Isa. 55:11)
Mwiji Muli vaIsalele
1. Nganomu unamono hamuvwimbimbi, ou lunga ali nakuvumbika vikumba ambachile kuYeliko ikiye iya, kaha veya vali nakumukafwako?
2. Mwomwo ika vyuma alingile Akane natanga yenyi vyapwilile vyakuhenga?
3. Yehova ambile ngwenyi ika omu Yoshuwa amuhulishile amulweze vyuma vyalingishile vaIsalele vavafungulule mujita kuAi?
4. Omu Akane natanga yenyi vavanehele kuli Yoshuwa, vyuma muka vyasolokele kuli vakivo?
5. Vyuma muka natulinangula hamujimbu wakusopesa Akane?
Vihula vyakuhakilako:
1. Tanga Yoshuwa 7:1-26.
(a) Kulomba chaYoshuwa chasolola ngachilihi usoko apwile nawo naTengi? (Yoshu. 7:7-9; Samu 119:145; Yowa. 1, 5:14)
(b) Vyuma alingile Akane vyasolola ika, kaha natulinangulaho chuma muka? (Yoshu. 7:11, 14, 15; Vishi. 15:3; Chimo. 1, 5:24; Hepe. 4:13)
2. Tanga Yoshuwa 8:1-29.
Mulimo muka twatwama nawo mutu himutu muchikungulwilo chavaka-Kulishitu makumbi ano? (Yoshu. 7:13; Levi 5:1; Vishi. 28:13)
Vaka-Ngiveyone Vakuzangama
1. Vaka-Ngiveyone valihandunwine ngachilihi navaKanane vamujinganda japwile hakamwihi?
2. Nganomu unamono hamuvwimbimbi, vaka-Ngiveyone valingile ika, kaha mwomwo ika?
3. Yoshuwa navatwamina javaIsalele valishikile lushiko muka navaka-Ngiveyone, oloze vyuma muka vyasolokele omu mwahichile makumbi atatu?
4. Vyuma muka vyasolokele omu vamyangana vamujinganda jeka vevwile ngwavo vaka-Ngiveyone vanalivwasana kutwama mukuunda navaIsalele?
Vihula vyakuhakilako:
1. Tanga Yoshuwa 9:1-27.
(a) Hakuwana nge Yehova alwezele vaIsalele ‘vanongese vosena vaze vatwamine mulifuchi kana,’ ngocho asolwele vilinga muka hakuhona kunongesa vaka-Ngiveyone? (Yoshu. 9:22, 24; Mateu Mateu9:13; Vili. 10:34, 35; Petu. 2, 3:9)
(b) Yoshuwa hakulama lushiko alishikile navaka-Ngiveyone, ahana ngachilihi chakutalilaho chamwaza kuli vaka-Kulishitu makumbi ano? (Yoshu. 9:18, 19; Mateu 5:37; Efwe. 4:25)
2. Tanga Yoshuwa 10:1-5.
Vatu vamuliyongomena lyalinene vali nakulondezeza ngachilihi vaka-Ngiveyone, kaha veya vali nakuvafumbukila? (Yoshu. 10:4; Zeka. 8:23; Mateu 25:35-40; Kuso. 12:17)
Likumbi Nalimana Ndundulu
1. Vyuma muka ali nakuhanjika Yoshuwa hamuvwimbimbi, kaha mwomwo ika?
2. Yehova akafwile ngachilihi Yoshuwa navatu jenyi vaka-jita?
3. Yoshuwa afungulwile vamyangana vangahi, kaha chambachile myaka yingahi?
4. Mwomwo ika Yoshuwa apangile lifuchi lyaKanane?
5. Yoshuwa apwile namyaka yingahi omu afwile, kaha vyuma muka vyasolokele kuvatu mukuhita chalwola?
Vihula vyakuhakilako:
1. Tanga Yoshuwa 10:6-15.
Vyuma muka twatela kufwelela makumbi ano hakwijiva ngwetu Yehova emikile likumbi nakakweji kuli vaIsalele? (Yoshu. 10:8, 10, 12, 13; Samu 18:3; Vishi. 18:10)
2. Tanga Yoshuwa 12:7-24.
Iya chikupu afungulwile vamyangana 31 muKanane, kaha mwomwo ika chuma kana chapwila chachilemu kuli etu makumbi ano? (Yoshu. 12:7; 24:11-13; Lushi. 31:8; Luka 21:9, 25-28)
3. Tanga Yoshuwa 14:1-5.
Lifuchi valipangile ngachilihi kweseka namiyachi yavaIsalele, kahechi chatulweza vyuma muka navikasoloka muPalachise natukaswana? (Yoshu. 14:2; Isa. 65:21; Ezeke. 47:21-23; Koli. 1, 14:33)
4. Tanga Vaka-kuyula 2:8-13.
Iya makumbi ano ali nakukinga vakwavo kukusosoloka kulufwelelo, ngana muze alingilenga Yoshuwa muIsalele? (Kuyu. 2:8, 10, 11; Mateu 24:45-47; Teso. 2, 2:3-6; Chitu. 1:7-9; Kuso. 1:1; 2:1, 2)
Mapwevo Vavali Vakuhamuka
1. Veya vapwile vaka-kuyula, kaha vamwe majinavo vakivo veya?
2. Mulimo muka waulemu apwile nawo Ndevola, kahechi chasakiwile vyuma muka?
3. Omu vaIsalele vavafumbukilile kuli Mwangana Yavine namukulwane wamaswalale jenyi Shisela, mazu muka akufuma kuli Yehova aze Ndevola alwezele Muka-kuyula Mbalake, kaha amulwezele ngwenyi atela kwalisa iya?
4. Yayele asolwele ngachilihi nge apwile pwevo wakumika?
5. Vyuma muka vyasolokele omu afwile Mwangana Yavine?
Vihula vyakuhakilako:
1. Tanga Vaka-kuyula 2:14-22.
Vyuma muka valingile vaIsalele numba Yehova apihilile, kaha vyuma muka natulinangulaho? (Kuyu. 2:20; Vishi. 3:1, 2; Ezeke. 18:21-23)
2. Tanga Vaka-kuyula 4:1-24.
Mapwevo vaka-Kulishitu navalinangula ika kulufwelelo nakumika chaNdevola naYayele? (Kuyu. 4:4, 8, 9, 14, 21, 22; Vishi. 31:30; Koli. 1, 16:13)
3. Tanga Vaka-kuyula 5:1-31.
Mazu amumwaso wakufungulula embile Mbalake naNdevola tunahase kukawazachisa ngachilihi omu natukayovoka hajita yaHala-Mangetone? (Kuyu. 5:3, 31; Miji. 1, 16:8-10; Kuso. 7:9, 10; 16:16; 19:19-21)
Lute naNowemi
1. Nowemi ejile ngachilihi mulifuchi lyaMowave?
2. Lute naOlopa vapwile veya?
3. Lute naOlopa vambile ngwavo ika omu Nowemi avalwezele vakinduluke kumahyavo?
4. Mbowaze apwile iya, kaha akafwile ngachilihi Lute naNowemi?
5. Mwana asemukile kuli Mbowaze naLute vamulukile ngwavo iya, kaha mwomwo ika twatela kumwanukanga?
Vihula vyakuhakilako:
1. Tanga Lute 1:1-17.
(a) Mazu muka amwaza ahanjikile Lute aze asolola nge apwile nazangi yamwenemwene? (Lute 1:16, 17)
(b) Lute asolola ngachilihi muchima vatwama nawo “mikoko veka” hali vaze vawavisa vali hano hamavu makumbi ano? (Yowa. 10:16; Zeka. 8:23)
2. Tanga Lute 2:1-23.
Lute ahana ngachilihi chakutalilaho chamwaza kuli vasanda jamapwevo makumbi ano? (Lute 2:17, 18; Vishi. 23:22; 31:15)
3. Tanga Lute 3:5-13.
(a) Mbowaze amwene ngachilihi muchima wakulisuula asolwele Lute wakusaka kusomboka kuli ikiye muchishishisa chakusomboka kumukweze?
(b) Vyuma muka natulinangula kuli Lute uze asolwele zangi yamwenemwene? (Lute 3:10; Koli. 1, 13:4, 5)
4. Tanga Lute 4:7-17.
Vaka-Kulishitu vamalunga makumbi ano navalinangula ika kuli Mbowaze? (Lute 4:9, 10; Chimo. 1, 3:1, 12, 13; 5:8)
Ngiteyone naVatu Jenyi vaMalunga 300
1. VaIsalele vapwile ngachilihi muukalu, kaha mwomwo ika?
2. Mwomwo ika Yehova alwezelele Ngiteyone ngwenyi apwile namalunga vavavulu vakwasa jita?
3. Malunga vangahi vasalileko omu Ngiteyone akindulwishile vaze vapwile nawoma?
4. Kweseka nou muvwimbimbi, lumbununa omu Yehova akehesele kuvula chamalunga vakwasa jita vaNgiteyone nakuheta jino ku 300.
5. Ngiteyone alongesele ngachilihi vatu jenyi 300, kaha vaIsalele vahashile kufungulula ngachilihi?
Vihula vyakuhakilako:
1. Tanga Vaka-kuyula 6:36-40.
(a) Ngiteyone ateselemo ngachilihi mwayile muchima waYehova?
(b) Tweji kwijivanga ngachilihi mwaya muchima waYehova makumbi ano? (Vishi. 2:3-6; Mateu 7:7-11; Chimo. 2, 3:16, 17)
2. Tanga Vaka-kuyula 7:1-25.
(a) Vyuma muka natulinangula kuli malunga 300 vaze vakuzangama vasalileho hakuvesekesa kuli vaze vakuhulama vahilukile? (Kuyu. 7:3, 6; Loma 13:11, 12; Efwe. 5:15-17)
(b) Ngana muze malunga 300 valinangwile hakutala kuli Ngiteyone, uno nayetu tweji kulinangulanga ngachilihi hakutala Ngiteyone Wamunene, Yesu Kulishitu? (Kuyu. 7:17; Mateu 11:29, 30; 28:19, 20; Petu. 1, 2:21)
(c) Mukanda waVaka-kuyula 7:21 watukafwa ngachilihi tusuuluke nakala milimo vatuhana muliuka lyaYehova? (Koli. 1, 4:2; 12:14-18; Yako. 4:10)
3. Tanga Vaka-kuyula 8:1-3.
Nge tunalimbalaka navandumbwetu, vyuma muka natulinangula kuli Ngiteyone kweseka najila akumishililemo ukalu navaEfwalime? (Vishi. 15:1; Mateu 5:23, 24; Luka 9:48)
Lushiko lwaYefweta
1. Yefweta apwile iya, kaha lwola muka apwileko?
2. Lushiko muka Yefweta ashikile Yehova?
3. Mwomwo ika Yefweta alinyengele omu akindulukile kwimbo hakufuma nakulwa jita navaAmone?
4. MwanaYefweta wapwevo ahanjikile ika omu evwile vyalushiko lwaise?
5. Mwomwo ika vatu vazangilile mwanaYefweta wapwevo?
Vihula vyakuhakilako:
1. Tanga Vaka-kuyula 10:6-18.
Vyuma muka natulinangula kumujimbu wavaIsalele wakuhona kushishika kuli Yehova? (Kuyu. 10:6, 15, 16; Loma 15:4; Kuso. 2:10)
2. Tanga Vaka-kuyula 11:1-11, 29-40.
(a) Twejiva ngachilihi ngwetu omu Yefweta ambile ngwenyi mwakahana mwanenyi kupwa “wana wakulumba” kalumbunwine nge asakile kumujiha nakumuhana kupwa wana wakulumba halijikoko? (Kuyu. 11:31; Levi 16:24; Lushi. 18:10, 12)
(b) Yefweta ahanyine ngachilihi mwanenyi kupwa wana?
(c) Natulinangula ika kuli Yefweta hakutesamo lushiko alishikile naYehova? (Kuyu. 11:35, 39; Kwambu. 5:4, 5; Mateu 16:24)
(d) MwanaYefweta wapwevo ahana ngachilihi chakutalilaho chamwaza kuli vaka-Kulishitu vavakweze hakusakula kuzata mulimo washimbu yosena? (Kuyu. 11:36; Mateu 6:33; Fwili. 3:8)
Lunga Wakutakama
1. Lunga muka wakutakama apwile hano hamavu, kaha iya amuhanyine ngolo?
2. Nganomu unamono hamuvwimbimbi, vyuma muka alingile Samasone omu ndumba wamunene asakile kumulya?
3. Vyuma muka vyakusweka Samasone ali nakulweza Ndelila nganomu unamono hamuvwimbimbi, kahechi chalingishile ngachilihi numba vamukwate kuli vaFwilishite?
4. Samasone afwile ngachilihi hamwe navaFwilishite 3,000?
Vihula vyakuhakilako:
1. Tanga Vaka-kuyula 13:1-14.
Manowa napuwenyi vahana ngachilihi chakutalilaho chamwaza kuli visemi hakulela vana? (Kuyu. 13:8; Samu 127:3; Efwe. 6:4)
2. Tanga Vaka-kuyula 14:5-9 na 15:9-16.
(a) Mujimbu waSamasone wakujiha ndumba, nawakumbitula jifungo jajihya vamukashile, nawakujiha malunga 1,000 nachifuhwa chalumbange lwachimbulu wasolola ngachilihi omu yeji kuzatanga shipilitu yajila yaYehova?
(b) Shipilitu yajila yeji kutukafwanga ngachilihi makumbi ano? (Kuyu. 14:6; 15:14; Zeka. Zeka.4:6; Vili. 4:31)
3. Tanga Vaka-kuyula 16:18-31.
Samasone vamutangwile ngachilihi kuvatu vavapi alikachile navo, kaha vyuma muka natulinangulaho? (Kuyu. 16:18, 19; Koli. 1, 15:33)
Kanyike Mwazachila Kalunga
1. Ou kanyike ali hamuvwimbimbi ikiye iya, kaha ava ali navo vakivo veya?
2. Likumbi limwe Hana alombele ika omu ayile kutavanaku, kaha Yehova amukumbulwile ngachilihi?
3. Samwele apwile namyaka yingahi omu ayile nakuzachila kumbalaka yaYehova, kaha naye amulingililenga yika mwaka himwaka?
4. Vana vaEli vamalunga majina avo veya, kaha vapwile vatu vangachilihi?
5. Yehova asanyikile ngachilihi Samwele, kaha amulwezele ika?
6. Omu Samwele akolele azachile mulimo muka, kaha vyuma muka vyasolokele omu ashinakajiwile?
Vihula vyakuhakilako:
1. Tanga Samwele 1, 1:1-28.
(a) Vaze vapwa mitwe yajitanga navalinangula vyuma muka kuli Elekana hakutetekela jitanga javo kukulemesa chamuchano? (Samwe. 1, 1:3, 21; Mateu 6:33; Fwili. 1:10)
(b) Vyuma muka natulinangula kuli Hana nge tuli muukalu waunene? (Samwe. 1, 1:10, 11; Samu 55:22; Loma 12:12)
2. Tanga Samwele 1, 2:11-36.
Eli azakamine ngachilihi vana venyi kuhambakana Yehova, kaha vyuma muka natulinangulaho? (Samwe. 1, 2:22-24, 27, 29; Lushi. 21:18-21; Mateu 10:36, 37)
3. Tanga Samwele 1, 4:16-18.
Mijimbu muka yiwana yayipi yafumine kuli vaka-jita, kaha chuma muka chasolokele kuli Eli hakwivwa mijimbu kana?
4. Tanga Samwele 1, 8:4-9.
VaIsalele vevwishile ngachilihi Yehova kupihya, kaha etu tunahase kukundwiza ngachilihi Wangana wenyi makumbi ano? (Samwe. 1, 8:5, 7; Yowa. 17:16; Yako. 4:4)
Saulu—Mwangana WavaIsalele Watete
1. Kweseka nou muvwimbimbi, vyuma muka ali nakulinga Samwele, kaha mwomwo ika?
2. Mwomwo ika Yehova azangilile Saulu, kaha Saulu apwile mutu wangachilihi?
3. MwanaSaulu walunga apwile iya, kaha alingile ika?
4. Mwomwo ika Saulu alumbilile wana muchishishisa chakuvandamina Samwele auhane?
5. Vyuma muka natulinangula kumujimbu waSaulu?
Vihula vyakuhakilako:
1. Tanga Samwele 1, 9:15-21 na 10:17-27.
Muchima waSaulu wakulinyisa wamukafwile ngachilihi ahone kulusuka nakwakula mwamupi kuvatu vaze vapwile nakumusaula? (Samwe. 1, 9:21; 10:21, 22, 27; Vishi. 17:27)
2. Tanga Samwele 1, 13:5-14.
Mulonga muka washili avulumwine Saulu kuNgilingale? (Samwe. 1, 10:8; 13:8, 9, 13)
3. Tanga Samwele 1, 15:1-35.
(a) Mulonga muka washili waunene avulumwine Saulu kuli mwangana wavaAmaleke Angange? (Samwe. 1, 15:2, 3, 8, 9, 22)
(b) Saulu asakile ngachilihi kulisambisa nakuhana mulonga vakwavo? (Samwe. 1, 15:24)
(c) Vyuma muka natulinangula kuchihande kana nge vanatuhanjikila? (Samwe. 1, 15:19-21; Samu 141:5; Vishi. 9:8, 9; 11:2)
Kalunga Mwasakula Ndavichi
1. Ou kanyike ali hamuvwimbimbi ikiye iya, kaha tunejiva ngachilihi ngwetu apwile wakuhamuka?
2. Ndavichi atwaminenga kulihi, kaha lijina lyaise nakaka yenyi walunga vakivo veya?
3. Mwomwo ika Yehova alwezelele Samwele kuya kuzuvo yaYese kuMbetelema?
4. Vyuma muka vyasolokele omu Yese anehele vana venyi vamalunga 7 kuli Samwele?
5. Yehova alwezele Samwele alinge ika omu vanehele Ndavichi?
Vihula vyakuhakilako:
1. Tanga Samwele 1, 17:34, 35.
Mijimbu kana yasolola ngachilihi nge Ndavichi apwile wakuhamuka kaha apendaminyine hali Yehova? (Samwe. 1, 17:37)
2. Tanga Samwele 1, 16:1-14.
(a) Mazu ahali Samwele 1, 16:7 atukafwa ngachilihi tuhone kumona vatu mweka namweka nakulihenda kukumona vatu ulumbi mwomwo yomu vali nakusoloka kumujimba? (Vili. 10:34, 35; Chimo. 1, 2:4)
(b) Chakutalilaho chaSaulu chasolola ngachilihi nge mutu nahase kupwa nashipilitu yayipi chipwe kupwa namuchima wakufwila kulinga vyuma vyakuhenga nge Yehova nafumisa shipilitu yenyi yajila hali ikiye? (Samwe. 1, 16:14; Mateu 12:43-45; Ngale. 5:16)
Ndavichi naNgolyate
1. Ngolyate ahulamishile ngachilihi maswalale vavaIsalele?
2. Ngolyate atohwele kuheta halihi, kaha vyuma muka Mwangana Saulu afwelelesele kuhana kala mutu mwajiha Ngolyate?
3. Ndavichi ambile ngwenyi ika omu Saulu amulwezele ngwenyi keshi kuhasa kuzunga naNgolyateko mwomwo apwile kanyike wamundende?
4. Ndavichi asolwele ngachilihi ngwenyi afwelelele muli Yehova omu akumbulwile Ngolyate?
5. Nganomu unamono hamuvwimbimbi, Ndavichi azachishile ika hakujiha Ngolyate, kaha vaFwilishite valingile ika?
Vihula vyakuhakilako:
1. Tanga Samwele 1, 17:1-54.
(a) Vyuma muka vyalingishile Ndavichi kupwa wakuhamuka, kaha nayetu tunahase kumulondezeza ngachilihi? (Samwe. 1, 17:37, 45; Efwe. 6:10, 11)
(b) Mwomwo ika vaka-Kulishitu vatela kulihenda kushipilitu yakulipecha ngana yize yaNgolyate hakuhema chipwe hakulihizumuna? (Samwe. 1, 17:8; Ngale. 5:26; Chimo. 1, 4:8)
(c) Mazu aNdavichi asolola ngachilihi nge afwelelele chikupu muli Yehova amukafwe? (Samwe. 1, 17:45-47; Miji. 2, 20:15)
(d) Numba tuhu mujimbu kana wahanjika hajita vazungile vaFwilishite navaIsalele, oloze twejiva ngachilihi ngwetu jita kana yapwile hakachi katulunga vamakuli naKalunga wamuchano Yehova? (Samwe. 1, 17:43, 46, 47)
(e) Vasalaho vawavisa veji kulondezeza ngachilihi chakutalilaho chaNdavichi chakufwelela muli Yehova? (Samwe. 1, 17:37; Yele. 1:17-19; Kuso. 12:17)
Chuma Mwachinyina Ndavichi
1. Mwomwo ika Saulu evwilile lwiso Ndavichi, kaha Yonatane mwanaSaulu alihandunwine ngachilihi naise?
2. Vyuma muka vyasolokele likumbi limwe omu Ndavichi apwile nakwimbila Saulu kalyalya?
3. Shimbu kanda Ndavichi ambate Mikale mwanaSaulu, vyuma muka Saulu alwezele Ndavichi alinge, kaha mwomwo ika?
4. Nganomu unamono hamuvwimbimbi, vyuma muka vyasolokele kuli Ndavichi kamuchitatu omu apwile nakwimbila Saulu kalyalya?
5. Mikale ayowele ngachilihi mwono waNdavichi, kaha vyuma muka alingile Ndavichi hamyaka yitanu nayivali?
Vihula vyakuhakilako:
1. Tanga Samwele 1, 18:1-30.
(a) Zangi yaYonatane naNdavichi yemanyinako ngachilihi zangi yatwama hali “mikoko veka” ‘nautanga wamikoko waundende’? (Samwe. 1, 18:1; Yowa. 10:16; Luka 12:32; Zeka. 8:23)
(b) Hakuwana nge Yonatane ikiye atelelele kuswana Saulu hawangana, uno mukanda waSamwele 1, 18:4 wasolola ngachilihi nge Yonatane aliluwile kumutu uze vasakwile kupwa mwangana?
(c) Vyuma alingile Saulu vyasolola ngachilihi nge lwiso lunahase kulingisa mutu avulumune mulonga washili waunene, kaha vyuma muka natulinangulaho? (Samwe. 1, 18:7-9, 25; Yako. 3:14-16)
2. Tanga Samwele 1, 19:1-17.
Yonatane ahakile ngachilihi kuyoya chenyi muponde omu ahamikile mazu ahanjikile Saulu? (Samwe. 1, 19:1, 4-6; Vishi. 16:14)
Avingayile naNdavichi
1. Ou apwevo ali nakusesa Ndavichi ikiye iya, kaha apwile mutu wangachilihi?
2. Navale apwile iya?
3. Mwomwo ika Ndavichi atuminyine vatu jenyi vamwe vayenga nakulomba vyakulya kuli Navale?
4. Vyuma muka Navale alwezele vatu jaNdavichi, kaha Ndavichi alingile ika?
5. Avingayile asolwele ngachilihi nge apwile pwevo wamangana?
Vihula vyakuhakilako:
1. Tanga Samwele 1, 22:1-4.
Tanga yaNdavichi yasolwele ngachilihi vilinga vyamwaza twatela kupwa navyo hakukafwa vandumbwetu vosena vaka-Kulishitu? (Vishi. 17:17; Teso. 1, 5:14)
2. Tanga Samwele 1, 25:1-43.
(a) Mwomwo ika Navale vamuvuluka kupwa mutu wakulivwimba? (Samwe. 1, 25:2-5, 10, 14, 21, 25)
(b) Mapwevo vaka-Kulishitu makumbi ano navalinangula vyuma muka kuli Avingayile? (Samwe. 1, 25:32, 33; Vishi. 31:26; Efwe. 5:24)
(c) Vyuma muka vivali vyavipi vize Avingayile akanyishile Ndavichi kulinga? (Samwe. 1, 25:31, 33; Loma 12:19; Efwe. 4:26)
(d) Ndavichi evwililile vyuma amulwezele Avingayile, kahechi chatela kukafwa ngachilihi malunga makumbi ano vamone mapwevo nganomu avamona Yehova? (Vili. 21:8, 9; Loma 2:11; Petu. 1, 3:7)
Ndavichi Navamupwisa Mwangana
1. Vyuma muka Ndavichi naAvishai valingile omu Saulu asavalile tulo hachilombo chenyi?
2. Vihula muka Ndavichi ahulishile Saulu?
3. Ndavichi ayile kulihi omu asezele Saulu?
4. Vyuma muka vyalingishile Ndavichi numba alishone nakusoneka jino mwaso wamwaza?
5. Ndavichi apwile namyaka yingahi omu vamuswanyishile hawangana muHevelone, kaha vana venyi vamwe majinavo vakivo veya?
6. Kulihi Ndavichi akapwile cheka mwangana?
Vihula vyakuhakilako:
1. Tanga Samwele 1, 26:1-25.
(a) Mazu aNdavichi aze vasoneka hali Samwele 1, 26:11 atukafwa tupwenga namuchima muka havyuma valongesa muliuka? (Samu 37:7; Loma 13:2)
(b) Mazu aNdavichi ahali Samwele 1, 26:23 nawatukafwa ngachilihi tutwaleho lika kusolola likoji numba tuhu vatu natusolwela likoji chivatwalaho lika kutulinga mwamupi? (Vamya. 1, 8:32; Samu 18:20)
2. Tanga Samwele 2, 1:26.
Vaka-Kulishitu makumbi ano vanahase kusolola ngachilihi ‘zangi yakulizanga navakwavo’ ngana muze chapwile kuli Ndavichi naYonatane? (Petu. 1, 4:8; Kolo. 3:14; Yowa. 1, 4:12)
3. Tanga 2 Samwele 5:1-10.
(a) Ndavichi ayulile myaka yingahi hawangana, kaha lwola kana valuhandununa ngachilihi? (Samwe. 2, 5:4, 5)
(b) Ulemu waNdavichi wanehele kavumbi kuli iya, kahechi cheji kutwanunanga ika makumbi ano? (Samwe. 2, 5:10; Samwe. 1, 16:13; Koli. 1, 1:31; Fwili. 4:13)
Ukalu muZuvo yaNdavichi
1. Omu vaIsalele vavakafwile kuli Yehova, vyuma muka vyasolokele kulifuchi lyaKanane?
2. Vyuma muka vyasolokele likumbi limwe omu Ndavichi apwile helu lyazuvo yenyi?
3. Mwomwo ika Yehova apihililile naNdavichi?
4. Nganomu unamono hamuvwimbimbi, Yehova atumine iya nakuya nakulweza Ndavichi shili yenyi, kaha uze lunga ambile ngwenyi Ndavichi mwakamona ika?
5. Ndavichi apwile naukalu muka?
6. Iya aswanyine Ndavichi kupwa mwangana wavaIsalele?
Vihula vyakuhakilako:
1. Tanga Samwele 2, 11:1-27.
(a) Kuzata chikuma milimo yaYehova chinahase kutukinga ngachilihi?
(b) Vyuma muka vyalingishile Ndavichi avulumune, kaha vangamba jaYehova makumbi ano navalinangulaho ika? (Samwe. 2, 11:2; Mateu 5:27-29; Koli. 1, 10:12; Yako. 1:14, 15)
2. Tanga Samwele 2, 12:1-18.
(a) Vyuma muka tulama navisemi vanahase kulinangula kuli Natane omu ahuhumwine Ndavichi? (Samwe. 2, 12:1-4; Vishi. 12:18; Mateu 13:34)
(b) Mwomwo ika Yehova asolwelele likoji Ndavichi? (Samwe. 2, 12:13; Samu 32:5; Koli. 2, 7:9, 10)
Solomone Mwangana waMangana
1. Vyuma muka Yehova ahulishile Solomone, kaha amukumbulwile ngachilihi?
2. Yehova awahililile navyuma alombele Solomone, kaha amushikile kumuhana ika?
3. Ukalu muka vanehele mapwevo vavali kuli Solomone?
4. Nganomu unamono hamuvwimbimbi, Solomone akumishile ngachilihi ukalu kanou?
5. Chiyulo chaSolomone chapwile ngachilihi, kaha mwomwo ika?
Vihula vyakuhakilako:
1. Tanga Vamyangana 1, 3:3-28.
(a) Malunga vazata milimo muliuka lyaKalunga makumbi ano navalinangula vyuma muka kumazu aSolomone ahali Vamyangana 1, 3:7? (Samu 119:105; Vishi. 3:5, 6)
(b) Vyuma alombele Solomone vyatukafwa ngachilihi tumone vyuma vyavilemu twatela kulombanga? (Vamya. 1, 3:9, 11; Vishi. 30:8, 9; Yowa. 1, 5:14)
(c) Hakutala omu Solomone akumishililemo ukalu wamapwevo vavali, chatukafwa tufwelele ika hali Solomone Wamunene, Yesu Kulishitu uze mwakayula kulutwe? (Vamya. 1, 3:28; Isa. 9:6, 7; 11:2-4)
2. Tanga Vamyangana1, 4:29-34.
(a) Yehova akumbulwile ngachilihi kulomba chaSolomone chakusaka kupwa namuchima wakulyononona? (Vamya. 1, 4:29)
(b) Hakuwana nge vatu vakilikichile chikuma mangana vevwilile kumangana aSolomone, ngocho twatela kumona ngachilihi kulinangula Mazu aKalunga? (Vamya. 1, 4:29, 34; Yowa. 17:3; Chimo. 2, 3:16)
Solomone Mwatunga Tembele
1. Solomone atungile tembele yaYehova hamyaka yingahi, kaha mwomwo ika yafwikilile jimbongo jajivulu?
2. Tembele kana yapwile natupete vavanene vangahi, kaha vyuma muka vahakile mukapete kamukachi?
3. Vyuma muka alombele Solomone omu akumishile kutunga tembele?
4. Yehova asolwele ngachilihi ngwenyi evwililile kuwaha kulomba chaSolomone?
5. Mapwevo jaSolomone vamukunywile alinge ika, kaha vyuma muka vyasolokele kuli Solomone?
6. Mwomwo ika Yehova apihililile naSolomone, kaha Yehova ahanjikile vyuma muka kuli ikiye?
Vihula vyakuhakilako:
1. Tanga Mijimbu 1, 28:9, 10.
Kweseka namazu aNdavichi ahali Mijimbu 1, 28:9, 10, vyuma muka twatela kufwila kulinganga hakumbi hakumbi? (Samu 19:14; Fwili. 4:8, 9)
2. Tanga Mijimbu 2, 6:12-21, 32-42.
(a) Solomone asolwele ngachilihi ngwenyi Kalunga Wakulitulaho keshi kuhasa kutwama muzuvo yakutunga kuli mutuko? (Miji. 2, Miji. 2,6:18; Vili. 17:24, 25)
(b) Mazu aSolomone vasoneka hali Mijimbu 2, 6:32, 33 asolola Yehova kupwa Kalunga wangachilihi? (Vili. 10:34, 35; Ngale. 2:6)
3. Tanga Mijimbu 2, 7:1-5.
Ngana muze vana vaIsalele valishile Yehova hakumona upahu wenyi, nayetu twatela kulinga ika hakumona omu Yehova ali nakukisula vatu jenyi? (Miji. 2, 7:3; Samu 22:22; 34:1; 96:2)
4. Tanga Vamyangana 1, 11:9-13.
Mujimbu wakuyoya chaSolomone wasolola ngachilihi nge chapwa chachilemu kupwa vakushishika palanga nakusongo? (Vamya. 1, 11:4, 9; Mateu 10:22; Kuso. 2:10)
Wangana Navaupula
1. Ava malunga vavali vali hamuvwimbimbi vakivo veya, kaha vazachilenga milimo muka?
2. Lize lihina avwalile Ahiya alilingile ngachilihi, kahechi chalumbunwine ika?
3. Vyuma muka asakile kulinga Solomone kuli Yelovowame?
4. Mwomwo ika vatu vaswanyishile Yelovowame kupwa mwangana wamiyachi likumi?
5. Mwomwo ika Yelovowame atengelele mavuvu javangombe vavali, kaha kufumaho vyuma muka vyalingiwile?
6. Vyuma muka vyasolokele kuwangana wamiyachi yivali nakutembele yaYehova muYelusalema?
Vihula vyakuhakilako:
1. Tanga Vamyangana 1, 11:26-43.
Yelovowame apwile mutu wangachilihi, kaha Yehova amushikile ika kachi nge alamine jishimbi jenyi? (Vamya. 1, 11:28, 38)
2. Tanga Vamyangana 1, 12:1-33.
(a) Chakutalilaho chachipi chaYelovowame nachikafwa ngachilihi visemi natulama vahone kuzachisa ngolo javo mujila yayipi? (Vamya. 1, 12:13; Kwambu. 7:7; Petu. 1, 5:2, 3)
(b) Vakweze makumbi ano vatela kupendamina hali iya hakusakula vyuma vyavilemu chikuma mukuyoya chavo? (1 Vamya. 1, 12:6, 7; Vishi. 1:8, 9; Chimo. 2, 3:16, 17; Hepe. 13:7)
(c) Vyuma muka vyalingishile Yelovowame atunge vihela vivali vyakulemesela mwana ngombe waulu, kaha echi chasolwele ngachilihi nge kafwelelele muli Yehovako? (Vamya. 1, 11:37; 12:26-28)
(d) Iya atangwile vatu vamuwangana wamiyachi likumi valikange kukulemesa chamuchano? (Vamya. 1, 12:32, 33)
Yezevele—Lisano Wamupi
1. Yezevele apwile iya?
2. Mwomwo ika likumbi limwe Mwangana Ahave apihililile?
3. Vyuma muka alingile Yezevele hakuhana lunga lyenyi Ahave wande wamivinyo waNavote?
4. Yehova atumine iya mangana akazangamise Yezevele?
5. Nganomu unamono hamuvwimbimbi, vyuma muka vyalingiwile omu Yehu ahetele kunganda yaYezevele?
Vihula vyakuhakilako:
1. Tanga Vamyangana 1, 16:29-33 na 18:3, 4.
Vilinga muka vyavipi vyapwile muIsalele halwola apwile nakuyula Mwangana Ahave? (Vamya. 1, 14:9)
2. Tanga Vamyangana 1, 21:1-16.
(a) Navote asolwele ngachilihi nge apwile wakumika nakulyononona kuli Yehova? (Vamya. 1, 21:1-3; Levi 25:23-28)
(b) Kweseka nachakutalilaho chaAhave, twatela kulinga ika nge vanatusaula chipwe kutwivwisa kupihya kumichima? (Vamya. 1, 21:4; Loma 5:3-5)
3. Tanga Vamyangana 2, 9:30-37.
Vyuma muka natulinangula kutwima yaYehu yakufwila kulinga mwaya muchima waYehova? (Vamya. 2, 9:4-10; Koli. 2, 9:1, 2; Chimo. 2, 4:2)
Yehoshafwate Mwafwelela Yehova
1. Yehoshafwate ikiye iya, kaha apwileko lwola muka?
2. VaIsalele vevwilile ika woma, kaha vavavulu valingile ika?
3. Yehova akumbulwile ngachilihi kulomba chaYehoshafwate?
4. Shimbu kanda jita, Yehova alingile vyuma muka?
5. Vyuma muka natulinangula kuli Yehoshafwate?
Vihula vyakuhakilako:
1. Tanga Mijimbu 2, 20:1-30.
(a) Yehoshafwate asolwele ngachilihi vyuma vatela kulivanga kulinga vangamba jaKalunga vakushishika nge vali muukalu? (Miji. 2, 20:12; Samu 25:15; 62:1)
(b) Hakuwana nge Yehova azachishilenga jila yimwe hakulivwasana navatu jenyi, ngocho jila muka ali nakuzachisa makumbi ano? (Miji. 2, 20:14, 15; Mateu 24:45-47; Yowa. 15:15)
(c) Omu Kalunga mwakaneha ‘jita yahalikumbi lyalinene lyaKalunga Ukwechi ngolo josena,’ vyuma navikalifwana ngachilihi namuze vyapwile kuli Yehoshafwate? (Miji. 2, 20:15, 17; 32:8; Kuso. 16:14, 16)
(d) Hakulondezeza vaLevi, vapayiniya navamishonali veji kukundwizanga ngachilihi mulimo wakwambulula mukaye kosena? (Miji. 2, 20:19, 21; Loma 10:13-15; Chimo. 2, 4:2)
Vanyike Vavali Navayoya Cheka
1. Ava vatu vatatu vali hamuvwimbimbi vakivo veya, kaha vyuma muka vyasolokele kuli uze kanyike?
2. Vyuma muka alombele Elija kuli Kalunga hali uze kanyike, kaha vyuma muka vyasolokele?
3. Mutu akafwilenga Elija ikiye iya?
4. Elisha vamusanyikilile ika kuzuvo yapwevo wakuShuneme?
5. Elisha alingile ika, kaha vyuma muka vyasolokele kuli uze kanyike afwile?
6. Yehova akwechi ngolo muka, nganomu ajisolwele kuhichila muli Elija naElisha?
Vihula vyakuhakilako:
1. Tanga Vamyangana 1, 17:8-24.
(a) Uno kwononoka chaElija nalufwelelo lwenyi vavyesekele ngachilihi? (Vamya. 1, 17:9; 19:1-4, 10)
(b) Mwomwo ika lufwelelo lwatuliwe wakuZalefwate lwapwile lwakulipwila? (Vamya. 1, 17:12-16; Luka 4:25, 26)
(c) Mujimbu watuliwe wakuZalefwate wasolola ngachilihi muchano wamazu aYesu vasoneka hali Mateu 10:41, 42? (Vamya. 1, 17:10-12, 17, 23, 24)
2. Tanga Vamyangana 2, 4:8-37.
(a) Pwevo wakuShuneme atunangula ika hamuchima wazumbu? (Vamya. 2, 4:8; Luka 6:38; Loma 12:13; Yowa. 1, 3:17)
(b) Mujijila muka tunahase kusolwelamo likoji kuli vangamba jaKalunga makumbi ano? (Vili. 20:35; 28:1, 2; Ngale. 6:9, 10; Hepe. 6:10)
Kanyike Wapwevo Mwakafwa Chindume chaLunga
1. Ou kanyike wapwevo ali hamuvwimbimbi ali nakulweza ika ou pwevo?
2. Ou pwevo ali hamuvwimbimbi ikiye iya, kaha ou kanyike wapwevo ali nakulinga ika kuzuvo you pwevo?
3. Vyuma muka Elisha alwezele ngamba yenyi kulweza Namane, kaha mwomwo ika Namane apihililile?
4. Vyuma muka vyasolokele omu Namane evwililile ngamba yenyi?
5. Mwomwo ika Elisha akanyinyine wana waNamane, oloze Ngehaze alingile ika?
6. Vyuma muka vyasolokele kuli Ngehaze, kaha natulinangulaho ika?
Vihula vyakuhakilako:
1. Tanga Vamyangana 2, 5:1-27.
(a) Vanyike vamakumbi ano navalinangula ika kuli kanyike wapwevo wakaIsalele? (Vamya. 2, 5:3; Samu 8:2; 148:12, 13)
(b) Mwomwo ika chapwila chamwaza kwanuka Namane nge vanatuhuhumuna kuzachisa Visoneka? (Vamya. 2, 5:15; Hepe. 12:5, 6; Yako. 4:6)
(c) Vyuma muka natulinangula hakwesekesa vyuma alingile Elisha navize alingile Ngehaze? (Vamya. 2, 5:9, 10, 14-16, 20; Mateu Mateu10:8; Vili. 5:1-5; Koli. 2, 2:17)
Yona naIshi Wamunene
1. Yona apwile iya, kaha Yehova amulwezele kulinga ika?
2. Yona alingile ika omu akanyine kuya kuze amutumine Yehova?
3. Vyuma muka Yona alwezele vaka-kutambukisa wato numba peho yitule?
4. Nganomu unamono hamuvwimbimbi, vyuma muka vyasolokele omu Yona apwile nakujiminyina kwishi yameya?
5. Yona apwile mujimo lyaishi makumbi angahi, kaha alingile ika omu apwile muze mujimo?
6. Yona ayile kulihi omu ishi amusajile, kahechi chatela kutunangula vyuma muka?
Vihula vyakuhakilako:
1. Tanga Yona 1:1-17.
Yona evwile ngachilihi hakumuhana mulimo wakwambulwila vaka-Nyineve? (Yona 1:2, 3; Vishi. 3:7; Kwambu. 8:12)
2. Tanga Yona 2:1, 2, 10.
Mujimbu waYona watufwelelesa ngachilihi nge Yehova mwakumbululanga kulomba chetu? (Samu 22:24; 34:6; Yowa. 1, 5:14)
3. Tanga Yona 3:1-10.
(a) Hakuwana nge Yehova atwalileho lika kuzachisa Yona numba tuhu hakavanga akanyine kuzata mulimo amuhanyine, kahechi chatukolezeza ngachilihi? (Samu 103:14; Petu. 1, 5:10)
(b) Vyuma vyasolokele kuli vaka-Nyineve omu avambulwilile Yona vyatunangula ika kutalisa kukushinganyekela vatu vamungalila yetu? (Yona 3:6-9; Kwambu. Kwambu.11:6; Vili. 13:48)
Kalunga Mwashika Kuneha Palachise
1. Isaya apwile iya, apwileko lwola muka, kaha Yehova amumwenesele ika?
2. Lizu “palachise” lyalumbununa ika, kaha linakukwanukisa ika?
3. Vyuma muka Yehova alwezele Isaya asoneke kutalisa kuPalachise yayihya?
4. Mwomwo ika Alama naEve vajimbalishile limbo lyavo lyamwaza?
5. Vyuma muka Yehova ashika vatu vaze vamuzanga?
Vihula vyakuhakilako:
1. Tanga Isaya 11:6-9.
(a) Mazu aKalunga asolola ngachilihi omu vatu natunyama navakatwama hamwe mukuunda mulifuchi lyalihya? (Samu 148:10, 13; Isa. 65:25; Ezeke. 34:25)
(b) Mazu aIsaya ali nakutesamo ngachilihi kushipilitu kuli vatu jaYehova makumbi ano? (Loma 12:2; Efwe. 4:23, 24)
(c) Iya ali nakwalumuna vilinga vyavatu makumbi ano uze nawa mwakalumuna vilinga vyavatu mulifuchi lyalihya? (Isa. 48:17, 18; Ngale. 5:22, 23; Fwili. 4:7)
2. Tanga Kusoloka 21:3, 4.
(a) Visoneka vyasolola ngachilihi nge Kalunga ali nakutwama navatu muchifwanyisa oholyapwa hamavu? (Levi 26:11, 12; Miji. 2, 6:18; Isa. 66:1; Kuso. 21:2, 3, 22-24)
(b) Masoji muka nakukola vize navakafumisako? (Luka 8:49-52; Loma 8:21, 22; Kuso. 21:4)
Kalunga Mwakafwa Mwangana Hezekiya
1. Ou lunga ali aha hamuvwimbimbi ikiye iya, kaha mwomwo ika ali muukalu?
2. Mikanda muka nahake Hezekiya kumeso aKalunga, kaha ali nakulomba ika?
3. Hezekiya apwile mwangana wangachilihi, kaha Yehova amulwezele ika kuhichila muli kapolofweto Isaya?
4. Kangelo kaYehova alingile ika kuli vaAsulya, nganomu unasolola muvwimbimbi?
5. Numba tuhu wangana wamiyachi yivali wapwile mukuunda halwola lwalundende, oloze vyuma muka vyasolokele omu Hezekiya afwile?
Vihula vyakuhakilako:
1. Tanga Vamyangana 2, 18:1-36.
(a) Uno Lavashake uze apwile muka-kuhanjikilako vaAsulya asakile ngachilihi kuzeyesa lufwelelo lwavaIsalele? (Vamya. 2, 18:19, 21; Kulo. 5:2; Samu 64:3)
(b) Vinjiho jaYehova veji kulondezezanga ngachilihi chakutalilaho chaHezekiya hakutwama navatu vaze veji kuvafumbukilanga? (Vamya. 2, 18:36; Samu 39:1; Vishi. 26:4; Chimo. 2, 2:24)
2. Tanga Vamyangana 2, 19:1-37.
(a) Vatu jaYehova makumbi ano veji kulondezezanga ngachilihi Hezekiya nge vali muukalu? (Vamya. 2, 19:1, 2; Vishi. 3:5, 6; Hepe. 10:24, 25; Yako. 5:14, 15)
(b) Uno Mwangana Senakelive vamufungulwile ngachilihi mapapa katatu, kaha emanyinako iya? (Vamya. 2, 19:32, 35, 37; Kuso. 20:2, 3)
3. Tanga Vamyangana 2, 21:1-6, 16.
Mwomwo ika natwambila ngwetu Manase apwile mwangana wamupi sulumunu havamyangana vosena vayulile muYelusalema? (Miji. 2, 33:4-6, 9)
Mwangana WavaIsalele Wamwaza Wakukumishilako
1. Yoshiya apwile namyaka yakusemuka yingahi omu vamuswanyishile hawangana, kaha vyuma muka aputukile kulinga omu apwile hawangana myaka 7?
2. Hamuvwimbimbi wakulivanga, Yoshiya ali nakulinga ika?
3. Kapilishitu wakulitulaho awanyine ika omu vatu vapwile nakuwahisa tembele?
4. Mwomwo ika Yoshiya apulilile uvwalo wenyi?
5. Mujimbu muka Yehova alwezele kapolofweto wapwevo Huluta mangana alweze Yoshiya?
Vihula vyakuhakilako:
1. Tanga Mijimbu 2, 34:1-28.
(a) Chakutalilaho muka Yoshiya asela vaze vali nakumika muukalu kufuma kuunyike? (Miji. 2, 33:21-25; 34:1, 2; Samu 27:10)
(b) Vyuma muka alingile Yoshiya mangana akundwize kulemesa chamuchano mumwaka wachiyulo chenyi wakusokesa 8, 12, nawakusokesa 18? (Miji. 2, 34:3, 8)
(c) Vyuma muka natulinangula kuli Mwangana Yoshiya naKapilishitu Wakulitulaho Hilikiya hakuwahisa vihela vyetu vyakulemesela Kalunga? (Miji. 2, 34:9-13; Vishi. 11:14; Koli. 1, 10:31)
Lunga Wakuhona Woma
1. Ou lunga ali hamuvwimbimbi ikiye iya?
2. Yelemiya ashinganyekele ika omu vamulwezele ngwavo mwapwa kapolofweto, oloze Yehova amulwezele ika?
3. Mujimbu muka Yelemiya alwezelenga vatu?
4. Vapilishitu vasakile ngachilihi kuhonesa Yelemiya, oloze ikiye asolwele ngachilihi nge kevwile womako?
5. Vyuma muka vyasolokele omu vaIsalele vahonene kwecha jijila javo jakuhenga?
Vihula vyakuhakilako:
1. Tanga Yelemiya 1:1-8.
(a) Nganomu wasolola mujimbu waYelemiya, vyuma muka navilingisa mutu atengamo kuzata mulimo waYehova? (Koli. 2, 3:5, 6)
(b) Chakutalilaho chaYelemiya chakolezeza ngachilihi vakweze vaka-Kulishitu makumbi ano? (Kwambu. 12:1; Chimo. 1, 4:12)
2. Tanga Yelemiya 10:1-5.
Vifwanyisa muka azachishile Yelemiya vyakusolola nge chapwa chaufwefwelekete kulemesa tuponya? (Yele. 10:5; Isa. 46:7; Hamba. 2:19)
3. Tanga Yelemiya 26:1-16.
(a) Hakuhuhumuna vatu makumbi ano, vasalaho vawavisa vanakavangiza ngachilihi lushimbi lwaYehova luze alwezele Yelemiya ngwenyi ‘kanda akatepululako lizu limweko’? (Yele. 26:2; Lushi. Lushi.4:2; Vili. 20:27)
(b) Chakutalilaho muka chamwaza Yelemiya asela Vinjiho jaYehova makumbi ano hakuvilika kuvatu vyakusopesa chaYehova? (Yele. 26:8, 12, 14, 15; Chimo. 2, 4:1-5)
4. Tanga Vamyangana 2, 24:1-17.
Vyuma muka vyavipi vyasolokele kuli vaYuta hakuhona kupwa vakushishika kuli Yehova? (Vamya. 2, 24:2-4, 14)
Vana vaMalunga Vawana muMbavilone
1. Ava vana vamalunga vawana vali hamuvwimbimbi vakivo veya, kaha mwomwo ika vapwililile muMbavilone?
2. Vyuma muka Nevukataneza asakile kulingila ava vana vamalunga vawana, kaha jishimbi muka ahanyine vangamba jenyi?
3. Vyuma muka alombele Ndanyele kutalisa kuvyakulya navyakunwa vyaikiye namasepa jenyi vatatu?
4. Omu akumine makumbi 10 akulya visakwola, Ndanyele namasepa jenyi vatatu vapwile nakusoloka ngachilihi hakuvesekesa kuli vakwavo?
5. Ndanyele namasepa jenyi vatatu vejile ngachilihi muzuvo yamwangana, kaha vahambakanyine ngachilihi vapilishitu navaka-mangana?
Vihula vyakuhakilako:
1. Tanga Ndanyele 1:1-21.
(a) Vyuma muka twatela kulinga numba tuhase kuhonesa vyeseko natutenga? (Ndanye. 1:8; Kupu. 39:7, 10; Ngale. 6:9)
(b) Makumbi ano, vakweze vanahase kuveseka nakuvashinyinyika ngachilihi valinge vyuma vize vatu vamwe vashinganyeka ngwavo “viyema”? (Ndanye. 1:8; Vishi. 20:1; Koli. 2, 6:17–7:1)
(c) Mujimbu wamuMbimbiliya wavakweze vavaHepeleu vawana watukafwa tutachikize ika kutalisa kukulinangula chakukaye? (Ndanye. 1:20; Isa. 54:13; Koli. 1, 3:18-20)
Yelusalema Navayenyeka
1. Nganomu vanasolola hamuvwimbimbi, vyuma muka vili nakusoloka munganda yaYelusalema nakuli vaIsalele?
2. Ezekele apwile iya, kaha vyuma muka vyakukomwesa amumwenesele Yehova?
3. Vyuma muka Yehova ashikile vaIsalele hakuwana nge kavapwile nakumuvumbikako?
4. Mwangana Nevukataneza alingile ika omu vaIsalele valikangile kuli ikiye?
5. Mwomwo ika Yehova etavishile chuma kanechi chachipi chisoloke kuli vaIsalele?
6. Lifuchi lyaIsalele lyapwile ngachilihi hingundu, kaha lyapwile ngocho hamyaka yingahi?
Vihula vyakuhakilako:
1. Tanga Vamyangana 2, 25:1-26.
(a) Zetekiya apwile iya, kaha vyuma muka vyasolokele kuli ikiye, kahechi chateselemo ngachilihi upolofweto wamuMbimbiliya? (Vamya. 2, 25:5-7; Ezeke. 12:13-15)
(b) Yehova ahanyine mulonga veya havilinga vyakuhenga vyosena vize valingile vaIsalele? (Vamya. 2, 25:9, 11, 12, 18, 19; Miji. 2, 36:14, 17)
2. Tanga Ezekele 8:1-18.
Vaka-Kulishitendomu vanalondezeza ngachilihi vaIsalele vakusosoloka kulufwelelo vaze vapwile nakulifukula kulikumbi? (Ezeke. 8:16; Isa. 5:20, 21; Yowa. 3:19-21; Chimo. 2, 4:3)
Kavate Kulifukula
1. Mwangana waMbavilone, Nevukataneza, ahanyine vatu lushimbi muka?
2. Mwomwo ika masepa jaNdanyele vatatu vahonenene kulifukula kulikombelo lyaulu?
3. Omu Nevukataneza alwezele cheka vaHepeleu vatatu valifukule kulikombelo kana, vasolwele ngachilihi nge vafwelelele muli Yehova?
4. Nevukataneza alwezele vatu jenyi valinge ika kuli Shatalake, Meshake, naAvete-nengo?
5. Vyuma muka amwene Nevukataneza omu atalile mulilungu lyakakahya?
6. Mwomwo ika mwangana asangejekelele Kalunga kaShatalake, Meshake, naAvete-nengo, kaha vyuma muka natulinangula kuli vakivo?
Vihula vyakuhakilako:
1. Tanga Ndanyele 3:1-30.
(a) Muchima muka vasolwele vaHepeleu vatatu uze vatela kupwa nawo vangamba jaKalunga vosena nge vali nakuhita muvyeseko? (Ndanye. 3:17, 18; Mateu 10:28; Loma 14:7, 8)
(b) Vyuma muka vyavilemu Yehova Kalunga anangwile Nevukataneza? (Ndanye. 3:28, 29; 4:34, 35)
Kusoneka haMbango
1. Vyuma muka vyasolokele omu mwangana waMbavilone apwile nachiwanyino nakuzachisa jipasa namalonga aze vambachile mutembele yaYehova muYelusalema?
2. Vyuma muka Mbeleshaza alwezele vatu jenyi vaka-mangana, oloze vatu kana vahonene kulinga ika?
3. Mwangana vamulwezele ika kuli naye?
4. Kweseka navyuma vize Ndanyele alwezele mwangana, mwomwo ika Kalunga atuminyinyine livoko lisoneke hambango?
5. Ndanyele alumbunwine ngachilihi aze mazu vasonekele hambango?
6. Vyuma muka vyasolokele omu Ndanyele apwile nakuhanjika?
Vihula vyakuhakilako:
1. Tanga Ndanyele 5:1-31.
(a) Lumbununa chihandwa chatwama hakwivwa Kalunga woma nawoma uze evwile Mbeleshaza omu amwene livoko linakusoneka hambango. (Ndanye. 5:6, 7; Samu 19:9; Loma 8:35-39)
(b) Ndanyele asolwele ngachilihi nge apwile wakumika hakuhanjika kuli Mbeleshaza navilolo jenyi? (Ndanye. 5:17, 18, 22, 26-28; Vili. 4:29)
(c) Mukanda waNdanyele kapetulu 5 wasolola ngachilihi kulema chawata waYehova wakutenga chosena? (Ndanye. 4:17, 25; 5:21)
Ndanyele muWina waVandumba
1. Ndaliu ikiye iya, kaha amwenenga ngachilihi Ndanyele?
2. Vatu vamwe valwiso valwezele Ndaliu alinge ika?
3. Ndanyele alingile ika omu evwile lushimbi lwaluhya?
4. Mwomwo ika Ndaliu evwililile ushona nakuhona kusavala tulo, kaha lyacheleko nachimene alingile ika?
5. Ndanyele akumbulwile ngachilihi Ndaliu?
6. Vyuma muka vyasolokele kuvatu vavapi vaze vasakile kujihisa Ndanyele, kaha Ndaliu asonekelele ika vatu vosena vamuwangana wenyi?
Vihula vyakuhakilako:
1. Tanga Ndanyele 6:1-28.
(a) Mujimbu wakufumbukila Ndanyele weji kutwanukisanga ngachilihi vyuma veji kulinganga vaka-kutwimanyina nakole hakusaka kuhonesa mulimo wetu makumbi ano? (Ndanye. 6:7; Samu 94:20; Isa. 10:1; Loma 8:31)
(b) Vangamba jaKalunga makumbi ano navalondezeza ngachilihi Ndanyele hakuliluula kuli “vaze vali nangolo jakuyula”? (Ndanye. 6:5, 10; Loma Loma13:1; Vili. 5:29)
(c) Natulondezeza ngachilihi Ndanyele hakuzachila Yehova “makumbi osena”? (Ndanye. 6:16, 20; Fwili. 3:16; Kuso. 7:15)
Vatu jaKalunga Navalovokamo muMbavilone
1. Nganomu vanasolola hamuvwimbimbi, vaIsalele vali nakulinga ika?
2. Kuluse ateselemo ngachilihi upolofweto waYehova uze ahanjikile kuhichila muli Isaya?
3. Kuluse alwezele ika vaIsalele vaze kavahashile kukinduluka kuYelusalemako?
4. Vyuma muka Kuluse ahanyine vatu vayenga navyo kuYelusalema?
5. VaIsalele vatambukile tukweji vangahi numba vahete kuYelusalema?
6. Mwahichile myaka yingahi kufuma haze venyekele nganda kana?
Vihula vyakuhakilako:
1. Tanga Isaya 44:28 na 45:1-4.
(a) Yehova asolwele ngachilihi nge upolofweto wakuvuluka Kuluse naukatesamo chikupu? (Isa. 55:10, 11; Loma 4:17)
(b) Upolofweto waIsaya wakuvuluka Kuluse wasolola ngachilihi nge Yehova Kalunga akwechi ngolo jakutachikiza vyuma vyakulutwe? (Isa. 42:9; 45:21; 46:10, 11; Petu. 2, 1:20)
2. Tanga Ezela 1:1-11.
Hakukavangiza chakutalilaho chavaze vahonene kukinduluka kuYelusalema, nayetu makumbi ano tunahase ‘kukolezeza ngachilihi mavoko’ avaze vanakusaka kuzata mulimo washimbu yosena? (Ezela 1:4, 6; Loma 12:13; Kolo. 4:12)
Kufwelela Kukafwa chaKalunga
1. Vatu vangahi vafumine muMbavilone nakukinduluka kuYelusalema, oloze vyuma muka vakawanyine kuze?
2. VaIsalele vaputukile kutunga ika omu vahetele kuze, oloze vaka-kole javo valingile ika?
3. Hangai naZekaliya vapwile veya, kaha vyuma muka valwezele vatu?
4. Mwomwo ika Tatenai atuminyine mukanda kuMbavilone, kaha vamukumbulwile ngwavo ika?
5. Ezela alingile ika omu ashinganyekele vyakuwahisa tembele yaKalunga?
6. Kweseka nou muvwimbimbi Ezela alombele ika, kaha kulomba chenyi vachikumbulwile ngachilihi, kaha vyuma muka natulinangulaho?
Vihula vyakuhakilako:
1. Tanga Ezela 3:1-13.
Nge lwola lumwe tuli kuchihela kuze kakweshi chikungulwilo chavatu jaKalungako, kaha twatela kutwalaho lika kulinga ika? (Ezela Ezela3:3, 6; Vili. 17:16, 17; Hepe. 13:15)
2. Tanga Ezela 4:1-7.
Vatu jaYehova vatela kulinangula ika kuli Zeluvavele kutalisa kukulikata navatu vamukwitava chamakuli? (Kulo. 34:12; Koli. 1, 15:33; Koli. 2, 6:14-17)
3. Tanga Ezela 5:1-5, 17 na 6:1-22.
(a) Mwomwo ika vaka-kwimanyina vatu jaKalunga nakole vahonene kwimika mulimo wakutunga tembele? (Ezela 5:5; Isa. 54:17)
(b) Vyuma valingile vakulwane vavaYuleya vinahase kukolezeza ngachilihi vakulwane vaka-Kulishitu valombenga kuli Yehova avakafwe nge vanavemanyina nakole? (Ezela 6:14; Samu 32:8; Loma 8:31; Yako. 1:5)
4. Tanga Ezela 8:21-23, 28-36.
Shimbu kanda tulinge vyuma vimwe, chakutalilaho muka chamwaza chaEzela twatela kukavangiza? (Ezela 8:23; Samu 127:1; Vishi. 10:22; Yako. 4:13-15)
Molotekai naEseta
1. Molotekai naEseta vapwile veya?
2. Mwomwo ika Mwangana Ahaswelu asakilile kumbata pwevo wamuhya, kaha asakwile iya?
3. Hamane apwile iya, kaha mwomwo ika apihililile?
4. Lushimbi muka vatungile, kaha Eseta alingile ika omu vamulwezele mujimbu wakufuma kuli Molotekai?
5. Vyuma muka vyasolokele kuli Hamane nakuli Molotekai?
6. VaIsalele vavayowele ngachilihi kuli vaka-kole javo?
Vihula vyakuhakilako:
1. Tanga Eseta 2:12-18.
Eseta asolwele ngachilihi nganyo yakupwa ‘nashipilitu yayivwovu yakuunda’? (Ese. 2:15; Petu. 1, 3:1-5)
2. Tanga Eseta 4:1-17.
Ngana muze Eseta ahashile kukundwiza kulemesa chamuchano, nayetu makumbi ano tunahase ngachilihi kulisuula kuli Yehova nakumwononoka? (Ese. 4:13, 14; Mateu 5:14-16; 24:14)
3. Tanga Eseta 7:1-6.
Vatu jaKalunga vavavulu makumbi ano vanamononga ngachilihi ukalu mwomwo yaluyanjisa, ngana mwaEseta? (Ese. 7:4; Mateu 10:16-22; Petu. 1, 2:12)
Kembwe yaYelusalema
1. VaIsalele vevwile ngachilihi hakuhona kupwa nakembwe kunganda yavo yaYelusalema?
2. Nehemiya apwile iya?
3. Nehemiya azachile mulimo muka, kaha mwomwo ika wapwilile waulemu?
4. Mujimbu muka wahombesele Nehemiya, kaha alingile ika?
5. Mwangana Alatakaseleke asolwele ngachilihi likoji kuli Nehemiya?
6. Vyuma muka alingile Nehemiya kutalisa kumulimo wakutunga mangana vaka-kole javaIsalele vahone kwimika mulimo kana?
Vihula vyakuhakilako:
1. Tanga Nehemiya 1:4-6 na 2:1-20.
Nehemiya alombele ngachilihi Yehova amutwaminyine? (Nehe. 2:4, 5; Loma 12:12; Petu. 1, 4:7)
2. Tanga Nehemiya 3:3-5.
Vakulwane navaka-kuzata muliuka navalinangula ika hachihandwa chapwile muli vaka-Tekowa ‘navilolo’ javo? (Nehe. 3:5, 27; Teso. 2, 3:7-10; Petu. 1, 5:5)
3. Tanga Nehemiya 4:1-23.
(a) Vyuma muka vyakafwile vaIsalele kutwalaho lika kutunga numba tuhu vatu vavemanyinyine nakole? (Nehe. 4:6, 8, 9; Samu 50:15; Isa. 65:13, 14)
(b) Chakutalilaho chavaIsalele cheji kutukolezezanga ngachilihi makumbi ano?
4. Tanga Nehemiya 6:15.
Hakuwana nge kembwe yaYelusalema vayikumishile kuyitunga mutukweji vavali kaha, echi chasolola ika kutalisa kulufwelelo? (Samu 56:3, 4; Mateu 17:20; 19:26)
Kangelo Mweza Kuli Maliya
1. Ou pwevo ali hamuvwimbimbi ikiye iya?
2. Vyuma muka Ngavalyele alwezele Maliya?
3. Ngavalyele alumbunwine ngachilihi kuli Maliya ngwenyi mwakapwa namwana numba tuhu kanda alimone nalunga?
4. Vyuma muka vyasolokele omu Maliya ayile kuli kausoko kenyi Elizaveta?
5. Vyuma muka ashinganyekele Yosefwe omu evwile ngwavo Maliya nemita, oloze mwomwo ika alumwine vishinganyeka vyenyi?
Vihula vyakuhakilako:
1. Tanga Luka 1:26-56.
(a) Mukanda waLuka 1:35 wasolola ika kutalisa kushili yaAlama yapwile mukaliulu kalusemo kamujimo lyaMaliya omu kuyoya chaMwanaKalunga vachinungulwile kufuma mwilu? (Hangai 2:11-13; Yowa. 6:69; Hepe. 7:26; 10:5)
(b) Yesu vamuvumbikile ngachilihi omu apwile mujimo? (Luka 1:41-43)
(c) Chakutalilaho muka chamwaza Maliya asela vaka-Kulishitu makumbi ano vaze vatwama namilimo yakulipwila? (Luka 1:38, 46-49; 17:10; Vishi. 11:2)
2. Tanga Mateu 1:18-25.
Numba tuhu Yesu kavamulukile ngwavo Emanweleko, oloze ateselemo ngachilihi ulumbunwiso walijina kana omu apwile hamavu? (Mateu 1:22, 23; Yowa. 14:8-10; Hepe. 1:1-3)
Yesu Mwasemukila muMulaka
1. Ou kemba ali hamuvwimbimbi ikiye iya, kaha Maliya ali nakumusavalika haka?
2. Mwomwo ika Yesu asemukilile mumulaka wavimuna?
3. Nganomu unamono hamuvwimbimbi, ava malunga vali nakwingila mumulaka vakivo veya, kaha kangelo avalwezele ika?
4. Mwomwo ika Yesu apwilile wakulipwila?
5. Mwomwo ika Yesu vamuvulukila ngwavo MwanaKalunga?
Vihula vyakuhakilako:
1. Tanga Luka 2:1-20.
(a) Kesale Angusutu alingile ika hakutesamo upolofweto wavuluka kusemuka chaYesu? (Luka 2:1-4; Mika 5:2)
(b) Vyuma muka nahase kulinga mutu numba vamuvulukile hali vaze vavuluka ngwavo ‘vatu vakwivwila kuwaha’? (Luka 2:14; Mateu 16:24; Yowa. Yowa.17:3; Vili. 3:19; Hepe. 11:6)
(c) Kachi nge vaze tufunga vavaYuleya vawahililile hakusemuka chaMulwilo, kaha mwomwo ika navangamba jaKalunga makumbi ano vatela kuwahilila? (Luka 2:10, 11; Efwe. 3:8, 9; Kuso. 11:15; 14:6)
Malunga Navavatwaminyina Kuli Tanganyika
1. Ava malunga vali hamuvwimbimbi vakivo veya, kaha mwomwo ika umwe ali nakwinyika tanganyika uze namunyika chikuma?
2. Mwomwo ika Mwangana Helote apihililile, kaha alingile ika?
3. Uze tanganyika atwaminyinyine vaze malunga kulihi, oloze mwomwo ika vazachishilile jila yeka hakuhiluka kwimbo lyavo?
4. Lushimbi muka ahanyine Helote, kaha mwomwo ika?
5. Yehova alwezele Yosefwe alinge ika?
6. Iya alingishile uze tanganyika wamuhya amunyike, kaha mwomwo ika?
Chihula chakuhakilako:
1. Tanga Mateu 2:1-23.
Yesu apwile namyaka yingahi, kaha apwile nakutwama kulihi omu vamutambukilile kuli vaka-mangana? (Mateu 2:1, 11, 16)
Kanyike Yesu muTembele
1. Aha hamuvwimbimbi Yesu te ali namyaka yingahi, kaha ali kulihi?
2. Yosefwe alingilenga ika natanga yenyi mwaka himwaka?
3. Omu vatambukile likumbi limwe hakukinduluka kwimbo, mwomwo ika vaYosefwe naMaliya vakindulukile cheka kuYelusalema?
4. Yosefwe naMaliya vawanyine Yesu kulihi, kaha mwomwo ika vatu vapwile kuze valikomokelele?
5. Vyuma muka Yesu alwezele naye Maliya?
6. Chiwenya Yesu, tunahase kulinangula ngachilihi vyaKalunga?
Vihula vyakuhakilako:
1. Tanga Luka 2:41-52.
(a) Numba tuhu Jishimbi jahanjikile nge malunga kaha vakivo vatela kuya kuviwanyino valingilenga hamwaka hamwaka, oloze Yosefwe naMaliya vasela ngachilihi chakutalilaho chamwaza visemi makumbi ano? (Luka 2:41; Lushi. 16:16; 31:12; Vishi. 22:6)
(b) Yesu asela ngachilihi chakutalilaho chamwaza vanyike makumbi ano hakwononoka visemi javo? (Luka 2:51; Lushi. 5:16; Vishi. 23:22; Kolo. 3:20)
2. Tanga Mateu 13:53-56.
Vasongo jaYesu vawana muka vavuluka muMbimbiliya, kaha vavali vavazachishile ngachilihi muchikungulwilo chavaka-Kulishitu? (Mateu Mateu13:55; Vili. 12:17; 15:6, 13; 21:18; Ngale. 1:19; Yako. 1:1; Yuta 1)
Yowano Mwambapachisa Yesu
1. Ava malunga vavali vali hamuvwimbimbi vakivo veya?
2. Mutu veji kumumbapachisanga ngachilihi?
3. Yowano ambapachishilenga ngachilihi vatu?
4. Chuma muka chakulipwila chalingishile Yesu ayenga kuli Yowano vakamumbapachise?
5. Kalunga asolwele ngachilihi nge awahililile omu Yesu vamumbapachishile?
6. Vyuma muka vyasolokele omu Yesu ayile nakutwama kwauka wenyi hamakumbi 40?
7. Veya vapwile tumbaji twaYesu vakulivanga, kaha chuma muka chakukomwesa alivangile kulinga?
Vihula vyakuhakilako:
1. Tanga Mateu 3:13-17.
Chakutalilaho muka asele Yesu kupandama kukumbapachisa tumbaji twenyi? (Samu 40:7, 8; Mateu 28:19, 20; Luka 3:21, 22)
2. Tanga Mateu 4:1-11.
Yesu azachishile Mazu-vasoneka mujila yamwaza, kahechi nachitukafwa ngachilihi tutangenga Mbimbiliya lwola lwosena? (Mateu 4:5-7; Petu. 2, 3:17, 18; Yowa. 1, 4:1)
3. Tanga Yowano 1:29-51.
Yowano Muka-kumbapachisa alwezele tumbaji twenyi vatachikize iya, kahetu natumulondezeza ngachilihi makumbi ano? (Yowa. 1:29, 35, 36; 3:30; Mateu 23:10)
4. Tanga Yowano 2:1-12.
Chuma chakukomwesa chakulivanga alingile Yesu chasolola ngachilihi nge Yehova keshi kumina vangamba jenyi vyuma vyamwazako? (Yowa. 2:9, 10; Samu 84:11; Yako. 1:17)
Yesu Mwatomesa muTembele
1. Mwomwo ika vatu valanjishilenga vimuna hatembele?
2. Vyuma muka vyalingishile Yesu apihilile?
3. Nganomu unamono hamuvwimbimbi, Yesu alingile ika, kaha vyuma muka alwezele vaze malunga vapwile nakulanjisa tutela?
4. Omu vaka-kumukavangiza Yesu vamwene vyuma alingile, vanukile ika?
5. Yesu ahichile mungalila muka hakukinduluka kuNgalileya?
Chihula chakuhakilako:
1. Tanga Yowano 2:13-25.
Hakushinganyeka chuma alingile Yesu chakuhanga vatu vaze valanjishililenga mutembele, twatela kumona ngachilihi vyakusekasanyina haZuvo yaWangana? (Yowa. 2:15, 16; Koli. 1, 10:24, 31-33)
NaPwevo WakaSamaliya haLishima
1. Mwomwo ika Yesu ahwiminyine halishima muSamaliya, kaha vyuma muka ahanjikile kuli uze pwevo awanyine?
2. Mwomwo ika uze pwevo alikomokelele, oloze vyuma muka Yesu amulwezele, kaha mwomwo ika?
3. Uze pwevo apwile nakushinganyeka ngwenyi Yesu apwile nakuhanjika vyameya muka, oloze Yesu apwile nakulumbununa meya muka?
4. Mwomwo ika uze pwevo alikomokelele havyuma amulwezele Yesu, kaha mujimbu kana Yesu auwanyine kulihi?
5. Vyuma muka natulinangula kumujimbu wapwevo halishima?
Vihula vyakuhakilako:
1. Tanga Yowano 4:5-43.
(a) Hakukavangiza chakutalilaho chaYesu, twatela kumona ngachilihi vatu vamuyachi weka chipwe vamuchisemwa cheka? (Yowa. 4:9; Koli. 1, 9:22; Chimo. 1, 2:3, 4; Chitu. 2:11)
(b) Vatu vaze veji kupwanga tumbaji twaYesu veji kunganyalanga ngachilihi kushipilitu? (Yowa. 4:14; Isa. 58:11; Koli. 2, 4:16)
(c) Natusolola ngachilihi kusakwilila ngana mwauze pwevo wakaSamaliya uze alwezele vakwavo vyuma alinangwile? (Yowa. 4:7, 28; Mateu 6:33; Luka 10:40-42)
Yesu Mwanangula haPili
1. Nganomu unamono hamuvwimbimbi, Yesu ali nakunangwila kulihi, kaha veya vaze vanatwame kwakamwihi nayikiye?
2. Vuluka majina avaposetolo jaYesu 12.
3. Wangana muka apwile nakwambulula Yesu?
4. Yesu anangwile vatu valombenga ika?
5. Yesu ambile ngwenyi vatu vatela kutwama ngachilihi navakwavo?
Vihula vyakuhakilako:
1. Tanga Mateu 5:1-12.
Natusolola ngachilihi ngwetu twasaka vyuma vyakushipilitu? (Mateu 5:3; Loma 10:13-15; Chimo. 1, 4:13, 15, 16)
2. Tanga Mateu 5:21-26.
Mukanda waMateu 5:23, 24 washindakanya ngachilihi chishina chakwamba nge jila natutwaminamo navakwetu yinahase kwenyeka chipwe kuzamisa usoko wetu naYehova? (Mateu 6:14, 15; Samu 133:1; Kolo. 3:13; Yowa. 1, 4:20)
3. Tanga Mateu 6:1-8.
Vaka-Kulishitu vatela kulihenda kuvyuma muka vize navisolola nge valimona kupwa vakwoloka? (Luka 18:11, 12; Koli. 1, 4:6, 7; Koli. 2, 9:7)
4. Tanga Mateu 6:25-34.
Yesu anangwile vyuma muka kutalisa kukufwelela Yehova mangana atukafwe vyuma vyakumujimba? (Kulo. 16:4; Samu 37:25; Fwili. 4:6)
5. Tanga Mateu 7:1-11.
Chifwanyisa chatwama hali Mateu 7:5 chatunangula ika? (Vishi. 26:12; Loma 2:1; 14:10; Yako. 4:11, 12)
Yesu Mwasangula Vafu
1. Ise yayou kanyike wapwevo ali hamuvwimbimbi ikiye iya, kaha mwomwo ika ikiye napuwenyi valizakaminyine?
2. Yailu alingile ika omu awanyine Yesu?
3. Vyuma muka vyasolokele omu Yesu apwile nakuya kuzuvo yaYailu, kaha mujimbu muka atambwile Yailu omu vapwile mujila?
4. Mwomwo ika vatu muzuvo yaYailu vaungile Yesu?
5. Yesu alingile ika omu ambachile vaposetolo jenyi vatatu naise yauze kanyike nanaye nakwingila navo muzuvo vasavalikile uze kanyike?
6. Mutu muka mukwavo Yesu asangwile kuvafu, kahechi chasolola ika?
Vihula vyakuhakilako:
1. Tanga Luka 8:40-56.
Yesu atetelele ngachilihi pwevo uze apwile namusongo wakuhichisa manyinga, kaha vakulwane vaka-Kulishitu makumbi ano navalinangulaho ika? (Luka 8:43, 44, 47, 48; Levi 15:25-27; Mateu 9:12, 13; Kolo. 3:12-14)
2. Tanga Luka 7:11-17.
Mwomwo ika vaze vafwisa vanahase kuvavendejeka kuvyuma vize Yesu alingilile tuliwe wakuNane? (Luka 7:13; Koli. 2, 1:3, 4; Hepe. 4:15)
3. Tanga Yowano 11:17-44.
Yesu asolwele ngachilihi nge chapwa chakutamo kulishona nge tunafwisa? (Yowa. 11:33-36, 38; Samwe. 2, 18:33; 19:1-4)
Yesu Mwalisa Vatu Vavavulu
1. Vyuma muka vyavipi vyasolokele kuli Yowano Muka-kumbapachisa, kaha Yesu evwile ngachilihi?
2. Yesu alishile ngachilihi vatu vavavulu vaze vamukavangijile, kaha kulya chasalileho vachilongele mumitonga yingahi?
3. Mwomwo ika tumbaji vevwile woma naufuku, kaha vyuma muka vyasolokele kuli Petulu?
4. Yesu alishile ngachilihi makombakaji avatu kamuchivali?
5. Mwomwo ika vyuma navikawahila omu Yesu mwakayula hamavu kupwa Mwangana waKalunga?
Vihula vyakuhakilako:
1. Tanga Mateu 14:1-32.
(a) Mujimbu wahali Mateu 14:23-32 watukafwa ngachilihi kwijiva vilinga vyaPetulu?
(b) Mijimbu yamuVisoneka yasolola ngachilihi nge Petulu alitwaminyine muchima wenyi wakazamuzamu? (Mateu 14:27-30; Yowa. Yowa.18:10; 21:7; Vili. 2:14, 37-40; Petu. 1, 5:6, 10)
2. Tanga Mateu 15:29-38.
Yesu asolwele ngachilihi nge amwene vyakulya vyafumine kuli Ise kupwa vyavilemu? (Mateu 15:37; Yowa. 6:12; Kolo. 3:15)
3. Tanga Yowano 6:1-21.
Vaka-Kulishitu makumbi ano vanahase ngachilihi kukavangiza chakutalilaho chaYesu kutalisa kufulumende? (Yowa. 6:15; Mateu 22:21; Loma 12:2; 13:1-4)
Azanga Vana Vavandende
1. Vaposetolo vapwile nakulitatwokesa ika omu vapwile nakufuma haungeji wausuku?
2. Mwomwo ika Yesu asanyikile mwana wamundende nakumwimika kumeso avaposetolo?
3. Vaposetolo vatelele kulinangula ngachilihi kupwa nge vana vavandende?
4. Omu mwahichile tukweji vavandende, Yesu asolwele ngachilihi nge azangile vana vavandende?
Vihula vyakuhakilako:
1. Tanga Mateu 18:1-4.
Mwomwo ika Yesu azachishilenga vifwanyisa hakunangula? (Mateu 13:34, 36; Mako 4:33, 34)
2. Tanga Mateu 19:13-15.
Vilinga muka vatwama navyo vana vavandende vize twatela kusolola numba tukaswane Wangana? (Samu 25:9; 138:6; Koli. 1, 14:20)
3. Tanga Mako 9:33-37.
Yesu anangwile ika tumbaji twenyi hachihande chakusaka kupwa navihela vyahelu? (Mako 9:35; Mateu 20:25, 26; Ngale. 6:3; Fwili. 2:5-8)
4. Tanga Mako 10:13-16.
Mujila muka Yesu apwile wamwashi kuhanjikisa, kaha vakulwane vaka-Kulishitu vanahase kumulondezeza ngachilihi? (Mako 6:30-34; Fwili. 2:1-4; Chimo. 1, 4:12)
Mweji Kunangulanga Yesu
1. Chihula muka lunga umwe ahulishile Yesu, kaha mwomwo ika?
2. Shimbu jimwe Yesu anangwilenga vatu kuzachisa ika, kaha vyuma muka tunalinangula lyehi hali vaYuleya navaSamaliya?
3. Muchishimo atele Yesu, vyuma muka vyasolokele kuli kaYuleya omu apwile nakushikumuka mujila yakuya kuYeliko?
4. Vyuma muka vyasolokele omu kapilishitu wakaYuleya nakaLevi vahichile muze mujila?
5. Ou lunga ali hamuvwimbimbi ali nakukafwa kaYuleya vanavete ikiye iya?
6. Omu Yesu akumishile kuta chishimo kana, ahulishile chihula muka, kaha uze lunga akumbulwile ngachilihi?
Vihula vyakuhakilako:
1. Tanga Luka 10:25-37.
(a) Muchishishisa chakukumbulula chize chihula mukavatu, Yesu akafwile ngachilihi uze lunga ejivile Jishimbi ashinganyeke hachihande kana? (Luka 10:26; Mateu 16:13-16)
(b) Yesu azachishile ngachilihi vifwanyisa mangana akafwe vatu vahone kumona vakwavo ulumbi? (Luka 10:36, 37; 18:9-14; Chitu. 1:9)
Yesu Mwahindula Vaka-Kuviza
1. Vyuma muka alingile Yesu omu apwile nakutambwojoka mumembo?
2. Omu mwahichile myaka yitatu kufuma haze vamumbapachishile, Yesu alwezele ika vaposetolo jenyi?
3. Ava vatu vali hamuvwimbimbi vakivo veya, kaha vyuma muka Yesu amulingilile uze pwevo?
4. Mazu akumbulwile Yesu vatwamina vamukwitava avevwishile ngachilihi sonyi?
5. Omu Yesu navaposetolo jenyi vahetele kwakamwihi naYeliko, Yesu alingile ika kuli tupuputa vavali?
6. Mwomwo ika Yesu alingililenga vyuma vyakukomwesa?
Vihula vyakuhakilako:
1. Tanga Mateu 15:30, 31.
Yesu asolwele ngachilihi ngolo jaYehova, kahechi chatela kutukafwa ngachilihi twijive kanawa vyuma atushika Yehova mulifuchi lyalihya? (Samu 37:29; Isa. 33:24)
2. Tanga Luka 13:10-17.
Yesu hakulinga vyuma vimwe vyakukomwesa haSambata, chasolola ngachilihi vyuma vyamwaza mwakalingila vatu muChiyulo chenyi chamyaka likombakaji? (Luka 13:10-13; Samu 46:9; Mateu 12:8; Kolo. 2:16, 17; Kuso. 21:1-4)
3. Tanga Mateu 20:29-34.
Mujimbu kanou wasolola ngachilihi nge Yesu apwilenga nalwola lwakukafwa vatu, kaha vyuma muka natulinangulaho? (Lushi. 15:7; Yako. 2:15, 16; Yowa. 1, 3:17)
Yesu Mweza mwaMwangana
1. Omu Yesu apwile hakamwihi nakwingila muYelusalema, alwezele tumbaji twenyi valinge ika?
2. Nganomu unamono hamuvwimbimbi, vyuma muka vyasolokele omu Yesu apwile kwakamwihi nakwingila muYelusalema?
3. Vana vavandende valingile ika omu vamwene Yesu mwoka tupuputa navitonji?
4. Vyuma muka Yesu alwezele vapilishitu vaze vapihililile?
5. Tunahase kulondezeza ngachilihi vaze vanyike vavandende valishile Yesu?
6. Tumbaji vasakile kwijiva ika?
Vihula vyakuhakilako:
1. Tanga Mateu 21:1-17.
(a) Kwingila chaYesu muYelusalema mwaMwangana chalihandunwine ngachilihi nomu vilolo vamuLoma vengililengamo nge vanafungulula? (Mateu 21:4, 5; Zeka. 9:9; Fwili. 2:5-8; Kolo. 2:15)
(b) Vanyike navalinangula ika kuli vana vamalunga vamuIsalele vaze vahanjikile mazu ahali Samu 118 omu Yesu engilile mutembele? (Mateu 21:9, 15; Samu 118:25, 26; Chimo. 2, 3:15; Petu. 2, 3:18)
2. Tanga Yowano 12:12-16.
Vatu hakuzachisa mavale hakwalisa Yesu chemanyinyineko ika? (Yowa. 12:13; Fwili. 2:10; Kuso. 7:9, 10)
HaPili yaMilive
1. Aha hamuvwimbimbi Yesu ulihi, kaha ali naveya?
2. Vapilishitu vasakile kulinga ika kuli Yesu omu apwile mutembele, kaha avambile ngwenyi ika?
3. Vyuma muka vaposetolo vahulishile Yesu?
4. Mwomwo ika Yesu alwezelele vaposetolo jenyi vyuma navikasoloka hamavu omu mwakayula muWangana mwilu?
5. Yesu ambile ngwenyi vyuma muka navikasoloka shimbu kanda afumiseko vyuma vyavipi vyosena hamavu?
Vihula vyakuhakilako:
1. Tanga Mateu 23:1-39.
(a) Numba tuhu Mazu-vasoneka asolola nge lwola lumwe chinahase kupwa chakutamo kuzachisa jivulukiso jakukaye, oloze mazu aYesu ahali Mateu 23:8-11 asolola ngachilihi nge chapwa chakuhenga kuzachisa jivulukiso jimwe muchikungulwilo? (Vili. 26:25; Loma 13:7; Petu. 1, 2:13, 14)
(b) VaFwaliseu vazachishile jijila muka hakusaka kuhonesa vatu kupwa vaka-Kulishitu, kaha vatwamina vamukwitava makumbi ano vanazachisanga ngachilihi jijila kana? (Mateu 23:13; Luka 11:52; Yowa. 9:22; 12:42; Teso. 1, 2:16)
2. Tanga Mateu 24:1-14.
(a) Chisoneka chaMateu 24:13 chasolola ngachilihi nge lukakachila lwapwa lwalulemu?
(b) Lizu lyakwamba ngwavo “kusongo” lize vavuluka hali Mateu 24:13 lyalumbununa ika? (Mateu 16:27; Loma 14:10-12; Koli. 2, 5:10)
3. Tanga Mako 13:3-10.
Mazu muka ahali Mako 13:10 asolola nge twatela kwambulula mujimbu wamwaza mukwanguhwa, kaha mazu aYesu atela kutukafwa ngachilihi? (Loma 13:11, 12; Koli. 1, 7:29-31; Chimo. 2, 4:2)
MuZuvo yaHelu
1. Nganomu unasolola muvwimbimbi, mwomwo ika Yesu navaposetolo jenyi 12 vanalikungulwila muzuvo yayinene yahelu?
2. Uze lunga ali nakulovoka ikiye iya, kaha ayile nakulinga ika?
3. Kulya muka chakulipwila aputukile Yesu omu vakumishile kulya chaPaseka?
4. Paseka yanukishile vaIsalele chuma muka, kahechi kulya chakulipwila cheji kwanukisanga ika vaka-kukavangiza Yesu?
5. Hakukumisa Kulya chaMwata chaChingoloshi, vyuma muka Yesu alwezele vaka-kumukavangiza, kaha valingile ika?
Vihula vyakuhakilako:
1. Tanga Mateu 26:14-30.
(a) Mukanda waMateu 26:15 wasolola ngachilihi nge Yuta alisakwilile mumuchima wenyi kusolola Yesu kuli vaka-kole?
(b) Manyinga aYesu azachile milimo muka ivali? (Mateu 26:27, 28; Yele. 31:31-33; Efwe. 1:7; Hepe. 9:19, 20)
2. Tanga Luka 22:1-39.
Mujila muka Satana engilile muli Yuta? (Luka 22:3; Yowa. 13:2; Vili. 1:24, 25)
3. Tanga Yowano 13:1-20.
(a) Kweseka namujimbu watwama hali Yowano 13:2, kutala tunahase kuhana Yuta mulonga hachuma alingile tahi, kaha chuma muka vangamba jaKalunga vatela kulinangulaho? (Kupu. 4:7; Koli. 2, 2:11; Ngale. 6:1; Yako. 1:13, 14)
(b) Yesu atunangula chuma muka chachilemu? (Yowa. 13:15; Mateu 23:11; Petu. 1, 2:21)
4. Tanga Yowano 17:1-26.
Uno Yesu atalikishile mulihi hakulomba ngwenyi vaka-kumukavangiza vapwenga “umwe”? (Yowa. 17:11, 21-23; Loma 13:8; 14:19; Kolo. 3:14)
Yesu muMilemba
1. Yesu navaposetolo jenyi vayile kulihi omu vafumine muzuvo yahelu, kaha avalwezele valinge ika?
2. Vyuma muka awanyine Yesu omu ejile kuze kwapwile vaposetolo jenyi, kaha chuma kana chasolokele mapapa kangahi?
3. Nganomu unasolola muvwimbimbi, veya vejile mumilemba, kaha Yuta Isakalyote alingile ika?
4. Mwomwo ika Yuta asweswenyele Yesu, kaha Petulu alingile ika?
5. Vyuma muka Yesu alwezele Petulu, oloze mwomwo ika Yesu ahonene kulomba Kalunga amutumine vangelo?
Vihula vyakuhakilako:
1. Tanga Mateu 26:36-56.
(a) Mwomwo ika vakulwane vaka-Kulishitu makumbi ano vatela kukavangijila chakutalilaho chaYesu hakuhuhumuna tumbaji twenyi? (Mateu 20:25-28; 26:40, 41; Ngale. 5:17; Efwe. 4:29, 31, 32)
(b) Yesu amwene ngachilihi kuzachisa vitwa kuvakwetu vatu? (Mateu 26:52; Luka 6:27, 28; Yowa. 18:36)
2. Tanga Luka 22:39-53.
Uno kangelo hakwiza kuli Yesu mumilemba yaNgetesemane nakumukolezeza chasolola nge Yesu azeyele mulufwelelo tahi? Lumbununa. (Luka 22:41-43; Isa. 49:8; Mateu 4:10, 11; Hepe. 5:7)
3. Tanga Yowano 18:1-12.
Yesu akingile ngachilihi tumbaji twenyi kuli vaka-kole, kaha natulinangulaho ika hachuma kanechi? (Yowa. 10:11, 12; 18:1, 6-9; Hepe. 13:6; Yako. 2:25)
Yesu Navamujiha
1. Iya chikupu alingishile Yesu vamujihe?
2. Vaposetolo valingile ika omu Yesu vamumbachile kuli vatwamina vamukwitava?
3. Vyuma muka vyasolokele kuzuvo yakapilishitu wakulitulaho Kayafwase?
4. Mwomwo ika Petulu alovokelele nakulila?
5. Omu Yesu vamukindulwishile kuli Pilatu, vapilishitu vakulitulaho vatambakanyine ngwavo ika?
6. Vyuma muka vyasolokele kuli Yesu halikumbi lyaChitanu hachiteuko, kaha vyuma muka ashikile chihwanga umwe uze vapapalile hachitondo kwakamwihi nayikiye?
7. Palachise yize ahanjikile Yesu nayikapwila kulihi?
Vihula vyakuhakilako:
1. Tanga Mateu 26:57-75.
Mujila muka vatu vamuzango yayinene yavaYuleya vasolwele nge vapwile namichima yayipi? (Mateu 26:59, 67, 68)
2. Tanga Mateu 27:1-50.
Mwomwo ika natwambila ngwetu chize kupihilila evwile Yuta kachapwile chamwenemweneko? (Mateu 27:3, 4; Mako 3:29; 14:21; Koli. 2, 7:10, 11)
3. Tanga Luka 22:54-71.
Vyuma muka natulinangula kuli Petulu hakukana Yesu haufuku vamukwachile? (Luka 22:60-62; Mateu 26:31-35; Koli. 1, 10:12)
4. Tanga Luka 23:1-49.
Yesu alingile ika hakumulinga mwamupi, kaha natulinangula ika kuchuma kana? (Luka 23:33, 34; Loma 12:17-19; Petu. 1, 2:23)
5. Tanga Yowano 18:12-40.
Vyuma muka vyasolola nge numba tuhu Petulu evwile woma wavatu hakashimbu kakandende, oloze azamine nakupwa kaposetolo wakulipwila? (Yowa. 18:25-27; Koli. 1, 4:2; Petu. 1, 3:14, 15; 5:8, 9)
6. Tanga Yowano 19:1-30.
(a) Yesu amwenenga ngachilihi vyuma vyakumujimba? (Yowa. 2:1, 2, 9, 10; 19:23, 24; Mateu 6:31, 32; 8:20)
(b) Mazu ahanjikile Yesu omu apwile hakamwihi nakufwa asolola ngachilihi nge akundwijile wata waYehova? (Yowa. 16:33; 19:30; Petu. 2, 3:14; Yowa. 1, 5:4)
Yesu Wamutonyi
1. Ou pwevo ali hamuvwimbimbi ikiye iya, kaha ava malunga vavali vakivo veya, kaha vali kulihi?
2. Mwomwo ika Pilatu alwezelele vapilishitu vatume maswalale vayenga nakulama kuchimbumbe chaYesu?
3. Kangelo alingile ika halikumbi lyamuchitatu nachimene kufuma hakufwa chaYesu, kaha vapilishitu valingile ika?
4. Mwomwo ika mapwevo vamwe valikomokelele omu vahetele kuchimbumbe chaYesu?
5. Mwomwo ika Petulu naYowano valahililile kuchimbumbe chaYesu, kaha vakawanyine ika?
6. Vyuma muka vyasolokele kumujimba waYesu, oloze alingile ika mangana tumbaji vatachikize ngwavo apwile wamutonyi?
Vihula vyakuhakilako:
1. Tanga Mateu 27:62-66 na 28:1-15.
Uno vapilishitu vavalemu, navaFwaliseu, navakulwane, vafulililile ngachilihi shipilitu yajila omu asangukile Yesu? (Mateu 12:24, 31, 32; 28:11-15)
2. Tanga Luka 24:1-12.
Mujimbu wakusanguka chaYesu wasolola ngachilihi nge Yehova amona mapwevo kupwa vinjiho vamwenemwene? (Luka 24:4, 9, 10; Mateu 28:1-7)
3. Tanga Yowano 20:1-12.
Mukanda waYowano 20:8, 9 watukafwa ngachilihi tuunde muchima nge katwevwishishile kanawa omu upolofweto umwe wamuMbimbiliya watesamo? (Vishi. 4:18; Mateu 17:22, 23; Luka 24:5-8; Yowa. 16:12)
MuZuvo Yakusoka Chijilo
1. Vyuma muka Maliya ahanjikile kuli lunga uze ashinganyekele ngwenyi muka-kulama milemba, oloze ika yamulingishile ejive ngwenyi ikiye Yesu?
2. Vyuma muka vyasolokele kuli tumbaji vavali vaze vapwile nakuya kuEmau?
3. Vyuma muka vyakukomwesa vyasolokele omu tumbaji vavali valwezele vaposetolo ngwavo vanamono Yesu?
4. Yesu alisolwele kuli tumbaji twenyi mapapa kangahi?
5. Tomase ambile ngwenyi ika omu evwile ngwavo tumbaji vanamono Mwata, oloze vyuma muka vyasolokele omu mwahichile makumbi 8?
Vihula vyakuhakilako:
1. Tanga Yowano 20:11-29.
Uno Yesu alumbunwine hali Yowano 20:23 ngwenyi vatu vakwechi ngolo jakukonekela jishili javakwavo tahi? Lumbununa. (Samu 49:2, 7; Isa. 55:7; Chimo. 1, 2:5, 6; Yowa. 1, 2:1, 2)
2. Tanga Luka 24:13-43.
Natuwahisa ngachilihi michima yetu mangana twijive kanawa muchano wamuMbimbiliya? (Luka 24:32, 33; Ezela 7:10; Mateu Mateu5:3; Vili. 16:14; Hepe. 5:11-14)
Yesu Mwaya Cheka Mwilu
1. Lwola lumwe tumbaji vangahi vamwene Yesu, kaha vyuma muka avalwezele?
2. Wangana waKalunga chuma muka, kaha kuyoya hamavu nachikapwa ngachilihi omu Yesu mwakapwa Mwangana hamyaka likombakaji?
3. Yesu alisolwele kuli tumbaji twenyi hamakumbi angahi, kaha lwola lwakulinga ika jino lwahetele?
4. Vyuma muka Yesu alwezele tumbaji twenyi shimbu kanda avaseze?
5. Vyuma muka vili nakusoloka hamuvwimbimbi, kaha ika yafwikile Yesu?
Vihula vyakuhakilako:
1. Tanga Wavaka-Kolinde 1, 15:3-8.
Mwomwo ika kaposetolo Paulu ahanjikilile nakukunyuka vyakusanguka chaYesu, kaha vaka-Kulishitu makumbi ano vatela kuhanjika vyuma muka nakukunyuka? (Koli. 1, 15:4, 7, 8; Isa. 2:2, 3; Mateu 24:14; Chimo. 2, 3:1-5)
2. Tanga Vilinga 1:1-11.
Nganomu vahanjikile chimweza hali Vilinga 1:8, mulimo wakwambulula watanjile ngachilihi? (Vili. 6:7; 9:31; 11:19-21; Kolo. 1:23)
Navatatamina muYelusalema
1. Nganomu unasolola muvwimbimbi, vyuma muka vyasolokele kuli vaka-kukavangiza Yesu vaze vapwile nakutatamina muYelusalema?
2. Chuma muka chakukomwesa vevwile vatu vejile kuYelusalema?
3. Vyuma muka Petulu alumbunwinyine vatu?
4. Vatu vevwile ngachilihi omu vevwile vyuma ahanjikile Petulu, kaha avalwezele valinge ika?
5. Vatu vangahi vambapachishile halikumbi lyaPendekoseta, 33 C.E.?
Vihula vyakuhakilako:
1. Tanga Vilinga 2:1-47.
(a) Mazu aPetulu ahali Vilinga 2:23, 36 asolola ngachilihi nge vaYuleya vosena vapwile namulonga wakujiha Yesu? (Teso. 1, 2:14, 15)
(b) Uno Petulu atusela ngachilihi chakutalilaho hakulumbununa kanawa muchano wamuVisoneka? (Vili. 2:16, 17, 29, 31, 36, 39; Kolo. 4:6)
(c) Petulu azachishile ngachilihi sapi yakulivanga ‘hajisapi jawangana wamelu’ jize Yesu amushikile ngwenyi mwakamuhana? (Vili. 2:14, 22-24, 37, 38; Mateu 16:19)
Navavasokola muKamenga
1. Likumbi limwe nachingoloshi, vyuma muka vyasolokele kuli Petulu naYowano omu vapwile nakwingila mutembele?
2. Vyuma muka Petulu alwezele lunga wachitonji, kaha chuma muka amulingililile chize chapwile chachilemu kuhambakana mali?
3. Mwomwo ika vatwamina vamukwitava vapihililile, kaha valingile ika kuli Petulu naYowano?
4. Vyuma muka Petulu alwezele vatwamina vamukwitava, kaha vaposetolo vavakanjile ika?
5. Mwomwo ika vatwamina vamukwitava vapwilile nalwiso, oloze vyuma muka vyasolokele omu vaposetolo vavakashile mukamenga kamuchivali?
6. Vaposetolo vakumbulwile ngwavo ika omu vavanehele muzango yaSunendeline?
Vihula vyakuhakilako:
1. Tanga Vilinga 3:1-10.
Numba tuhu makumbi ano katweshi kuhasa kulinga vyuma vyakukomwesako, oloze mazu aPetulu ahali Vilinga 3:6 nawatukafwa ngachilihi tumone mujimbu waWangana kupwa waulemu? (Yowa. 17:3; Koli. 2, 5:18-20; Fwili. 3:8)
2. Tanga Vilinga 4:1-31.
Nge vanatufumbukila mumulimo wetu wamuwande, kaha natulondezeza ngachilihi vaka-Kulishitu vamulikulukaji lyamyaka lyakulivanga? (Vili. 4:29, 31; Efwe. 6:18-20; Teso. 1, 2:2)
3. Tanga Vilinga 5:17-42.
Vatu vaze kavapwa Vinjihoko vasololanga ngachilihi muchima wakuvova kupandama kumulimo wetu wakwambulula? (Vili. 5:34-39)
Setefwano Navamwasa Malolwa
1. Setefwano apwile iya, kaha Kalunga amukafwilenga alinge ika?
2. Vyuma muka ahanjikile Setefwano vize vyafutwishile kumichima yavatwamina vamukwitava?
3. Omu malunga valowele Setefwano mwimbo, vyuma muka vamulingile?
4. Aha hamuvwimbimbi, ou lunga nemana kwakamwihi namahina ikiye iya?
5. Setefwano alombele ika uli Yehova shimbu kanda afwenga?
6. Hakusaka kulondezeza Setefwano, vyuma muka twatela kulinga nge mutu umwe natulingi mwamupi?
Vihula vyakuhakilako:
1. Tanga Vilinga 6:8-15.
Vyuma muka vyamakuli vanalinginga vatwamina vamukwitava hakusaka kwimika mulimo wakwambulula waVinjiho jaYehova? (Vili. 6:9, 11, 13)
2. Tanga Vilinga 7:1-60.
(a) Vyuma muka vyakafwile Setefwano ahase kuhakwila mujimbu wamwaza muzango yaSunendeline, kaha vyuma muka natulinangula kuli ikiye? (Vili. 7:51-53; Loma 15:4; Chimo. 2, 3:14-17; Petu. 1, 3:15)
(b) Muchima muka twatela kupwa nawo kutalisa kuli vaze veji kwimanyinanga nakole mulimo wetu? (Vili. 7:58-60; Mateu 5:44; Luka 23:33, 34)
Hajila Yakuya kuNdamashiku
1. Vyuma muka alingile Saulu hanyima yakujiha Setefwano?
2. Omu Saulu apwile nakuya kuNdamashiku, vyuma muka vyakukomwesa vyasolokele?
3. Yesu alwezele Saulu alingile vyuma muka?
4. Vyuma muka Yesu alwezele Ananyiya, kaha Saulu ahashile ngachilihi kutona cheka?
5. Saulu vamuvulukilenga jino ngwavo iya, kaha vamuzachishile ngachilihi?
Vihula vyakuhakilako:
1. Tanga Vilinga 8:1-4.
Mujimbu wamwaza watanjile ngachilihi omu vaka-Kulishitu vamuchikungulwilo chachihya vaputukile kuvayanjisa, kaha vyuma muka vyakulifwana vinakusoloka makumbi ano? (Vili. 8:4; Isa. 54:17)
2. Tanga Vilinga 9:1-20.
Milimo muka yitatu ahanjikile Yesu ngwenyi atelele kuzata Saulu? (Vili. 9:15; 13:5; 26:1; 27:24; Loma 11:13)
3. Tanga Vilinga 22:6-16.
Tunahase kulondezeza ngachilihi Ananyiya, kaha mwomwo ika chapwila chachilemu? (Vili. 22:12; Chimo. 1, 3:7; Petu. 1, 1:14-16; 2:12)
4. Tanga Vilinga 26:8-20.
Kwalumuka chaSaulu nakupwa jino muka-Kulishitu cheji kukolezezanga ngachilihi vaze vatwama navaka-mahyavo vaze kavetavako? (Vili. 26:11; Chimo. 1, 1:14-16; Chimo. 2, 4:2; Petu. 1, 3:1-3)
Petulu Mwaya Kuli Kolonelyu
1. Ou lunga nafukama aha hamuvwimbimbi ikiye iya?
2. Vyuma muka kangelo alwezele Kolonelyu?
3. Kalunga alingishile Petulu amone vyuma muka omu apwile helu lyazuvo yaShimona wakuYopa?
4. Mwomwo ika Petulu akanyishilile Kolonelyu kufukama nakumulemesa?
5. Mwomwo ika tumbaji vavaYuleya vaze vapwile naPetulu valikomokelele?
6. Chuma muka chachilemu natulinangula kuli Petulu hakutambukila Kolonelyu?
Vihula vyakuhakilako:
1. Tanga Vilinga 10:1-48.
Mazu aPetulu ahali Vilinga 10:42 asolola vyuma muka kupandama kumulimo wakwambulula mujimbu wamwaza waWangana? (Mateu 28:19; Mako 13:10; Vili. 1:8)
2. Tanga Vilinga 11:1-18.
Muchima muka asolwele Petulu omu ejivile kanawa vishinganyeka vyaYehova kutalisa kuli vaka-mafuchi eka, kaha natumulondezeza ngachilihi? (Vili. 11:17, 18; Koli. 2, 10:5; Efwe. 5:17)
Chimoteu—Mutu Wamuhya Akafwile Paulu
1. Ou mukweze ali hamuvwimbimbi ikiye iya, kaha atwaminenga kulihi, kaha vanaye nakaka yenyi vakivo veya?
2. Chimoteu ambile ngwenyi ika omu Paulu amulwezele ayenga hamwe nayikiye naShilase nakwambulwila vatu vakumafuchi akwakusuku?
3. Kulihi vaka-kukavangiza Yesu vaputukile kuvavuluka ngwavo vaka-Kulishitu?
4. Paulu naShilase naChimoteu vayile kulihi omu vafumine kuLusutala?
5. Chimoteu akafwilenga ngachilihi Paulu, kaha vakweze makumbi ano vatela kulihulisa ika?
Vihula vyakuhakilako:
1. Tanga Vilinga 9:19-30.
Kaposetolo Paulu azangamine ngachilihi omu vamufumbukilile mwomwo yakwambulula mujimbu wamwaza? (Vili. 9:22-25, 29, 30; Mateu 10:16)
2. Tanga Vilinga 11:19-26.
Mujimbu vasoneka hali Vilinga 11:19-21, 26 wasolola ngachilihi nge shipilitu yaYehova yili nakutwaminyina mulimo wakwambulula?
3. Tanga Vilinga 13:13-16, 42-52.
Mukanda waVilinga 13:51, 52 wasolola ngachilihi nge tumbaji vatwalileho lika kwambulula chamokomoko nakuvafumbukila? (Mateu 10:14; Vili. 18:6; Petu. 1, 4:14)
4. Tanga Vilinga 14:1-6, 19-28.
Mazu akwamba ngwavo “vavakunjikile kuli Mwata [Yehova]” atukafwa ngachilihi tuhone kulizakamina omu natukafwa vavahya? (Vili. 14:21-23; 20:32; Yowa. 6:44)
5. Tanga Vilinga 16:1-5.
Chimoteu hakulisuula mangana vamujihane chasolola ngachilihi omu chalema kulinga ‘vyuma vyosena mwomwo yamujimbu wamwaza’? (Vili. 16:3; Koli. 1, 9:23; Teso. 1, 2:8)
6. Tanga Vilinga 18:1-11, 18-22.
Mukanda waVilinga 18:9, 10 wasolola ngachilihi nge Yesu eji kutwaminyinanga mulimo wakwambulula, kaha chuma kana chatela kutujikijisa ngachilihi? (Mateu 28:20)
Mukweze Anongokele
1. Aha hamuvwimbimbi, ou mukweze nasavala hamavu yikiye iya, kaha vyuma muka vyasolokele kuli ikiye?
2. Vyuma muka alingile Paulu omu amwene ngwenyi uze mukweze nafu?
3. Paulu naChimoteu navaze vatambukilenga navo vayile kulihi, kaha vyuma muka vyasolokele omu vasulikile wato muMiletu?
4. Vyuma muka kapolofweto Angavu ahuhumwine Paulu, kaha mazu ahanjikile ou kapolofweto ateselemo ngachilihi?
Vihula vyakuhakilako:
1. Tanga Vilinga 20:7-38.
(a) Natutwalaho lika ngachilihi kupwa ‘vatoma kumanyinga avatu vosena’ nganomu ahanjikile Paulu hali Vilinga 20:26, 27? (Ezeke. Ezeke.33:8; Vili. 18:6, 7)
(b) Mwomwo ika vakulwane vatela ‘kulinjilila mazu atela kwitava’ hakunangula? (Vili. 20:17, 29, 30; Chitu. 1:7-9; Chimo. 2, 1:13)
2. Tanga Vilinga 26:24-32.
Paulu ateselemo ngachilihi mulimo wakwambulula uze vamuhanyine kuli Yesu hakupwa mulifuchi lyenyi lyaLoma? (Vili. 9:15; 16:37, 38; 25:11, 12; 26:32; Luka 21:12, 13)
Wato Naufwa haLitungu
1. Vyuma muka vyasolokele kuwato anyinyine Paulu omu vahetele kwakamwihi nalitungu lyaKelete?
2. Vyuma muka Paulu ahanjikile kuli vatu vaze vapwile muwato?
3. Uno wato wapazukile ngachilihi?
4. Kapitau kamaswalale alwezele vatu kulinga ika, kaha vatu vangahi vayovokele nakuheta kutunda?
5. Litungu muka vapwileho, kaha vyuma muka vyasolokele kuli Paulu omu yatulishile peho?
Vihula vyakuhakilako:
1. Tanga Vilinga 27:1-44.
Mujimbu waPaulu wakuya kuLoma watukafwa ngachilihi tufwelele ngwetu mijimbu yamuMbimbiliya yapwa yamwenemwene? (Vili. 27:16-19, 27-32; Luka 1:3; Chimo. 2, 3:16, 17)
2. Tanga Vilinga 28:1-14.
Hakuwana nge vatu vahalitungu lyaMelita vasolwele “likoji lyakuliyila” kuli Paulu navakwavo apwile navo muwato, ngocho vaka-Kulishitu vatela kulinga ika, kaha nawa mujila muka? (Vili. 28:1, 2; Hepe. 13:1, 2; Petu. 1, 4:9)
Paulu muLoma
1. Veya ambulwilile Paulu omu apwile mukamenga muLoma?
2. Kweseka nou muvwimbimbi, ou mukweze natwame kumesa ikiye iya, kaha ali nakulingila ika Paulu?
3. Epafwolitu apwile iya, kaha ambachile ika omu akindulukile kuFwilipi?
4. Mwomwo ika Paulu asonekelele mukanda sepa lyenyi Fwilemone?
5. Vyuma muka alingile Paulu omu vamufumishile mukamenga, kaha kutwala muze vyuma muka vyasolokele kuli ikiye?
6. Yehova azachishile iya hakusoneka mikanda yakukumishilako muMbimbiliya, kaha mukanda waKusoloka watulweza ika?
Vihula vyakuhakilako:
1. Tanga Vilinga 28:16-31 naWavaka-Fwilipi 1:13.
Paulu azachishile ngachilihi lwola lwenyi omu apwile mukamenga muLoma, kaha lufwelelo lwenyi lwakukola lwakafwile ngachilihi chikungulwilo chavaka-Kulishitu? (Vili. 28:23, 30; Fwili. 1:14)
2. Tanga Wavaka-Fwilipi 2:19-30.
Paulu asakwililile ngachilihi Chimoteu naEpafwolitu, kaha tunahase kumulondezeza ngachilihi? (Fwili. 2:20, 22, 25, 29, 30; Koli. 1, 16:18; Teso. 1, 5:12, 13)
3. Tanga WaFwilemone 1-25.
(a) Vyuma muka vyalingishile Paulu akolezeze Fwilemone alinge mwamwaza, kahechi nachikafwa ngachilihi vakulwane makumbi ano? (Fwile. 9; Koli. 2, 8:8; Ngale. 5:13)
(b) Mazu ahanjikile Paulu hali WaFwilemone 13, 14 asolola ngachilihi nge kasakile kulemeka vivezu vyavandumbwenyi muchikungulwilo? (Koli. 1, 8:7, 13; 10:31-33)
4. Tanga WaChimoteu 2, 4:7-9.
Ngana mwakaposetolo Paulu, natufwelela ngachilihi ngwetu Yehova mwakatukisula chikupu nge natutwalaho lika kupwa vakushishika palanga nakusongo? (Mateu 24:13; Hepe. 6:10)
Kukuma chaUpi Wosena
1. Mwomwo ika Mbimbiliya yavulukila tuvalu mwilu?
2. Jita yaKalunga mwakalwa navatu vavapi hamavu vayivuluka ngwavo ika, kaha nayikejila ika?
3. Nganomu unamono hamuvwimbimbi, iya mwakatwaminyina eyi jita, kaha mwomwo ika avwalila muchama, kaha nawa poko yenyi yamukwale yalumbununa ika?
4. Kweseka naChihande 10, na 15, na 33 mwomwo ika katwatela kulikomokelako hakwijiva ngwetu Kalunga mwakanongesa vatu vavapi?
5. Chihande 33 na 76 chasolola ngachilihi nge Kalunga mwakanongesa vatu vavapi numba tuhu valivuluka kupwa vaka-kumulemesa?
Vihula vyakuhakilako:
1. Tanga Kusoloka 19:11-16.
(a) Visoneka vyasolola ngachilihi nge Yesu Kulishitu ikiye atwama hakavalu utoma? (Kuso. 1:5; 3:14; 19:11; Isa. 11:4)
(b) Uno manyinga vasapwilile halihina lyaYesu asolola ngachilihi nge mwakafungulula chikupu vaka-kole jenyi? (Kuso. 14:18-20; 19:13)
(c) Veya vatwama halizavu lyavaka-jita vaze veji kukavangizanga Yesu hakavalu utoma? (Kuso. 12:7; 19:14; Mateu 25:31, 32)
Palachise Yayihya Hamavu
1. Mbimbiliya yasolola vyuma muka vyamwaza vize natukalivwisa kuwaha muPalachise yahamavu?
2. Mbimbiliya yashika vyuma muka kuli vaze navakatwama muPalachise?
3. Lwola muka Yesu mwakawahisa vyuma kanevi?
4. Omu Yesu apwile hano hamavu, vyuma muka alingile vize vyasolola vyuma mwakalinga omu mwakapwa Mwangana waWangana waKalunga?
5. Yesu navakwavo mwakayulanga navo navakalinga ika omu navakaputuka kuyula mwilu?
Vihula vyakuhakilako:
1. Tanga Kusoloka 5:9, 10.
Mwomwo ika twafwelela ngwetu vaze navakayula naYesu haMyaka Likombakaji navakapwa vamyangana navapilishitu vakeke nakutetela? (Efwe. 4:20-24; Petu. 1, 1:7; 3:8; 5:6-10)
2. Tanga Kusoloka 14:1-3.
Vaka-Kulishitu vawavisa 144,000 vavavuluka ngwavo vavasoneka lijina lyaKalunga nalijina lyaMwanamukoko hajiholo javo, kahechi chalumbununa ika? (Koli. 1, 3:23; Chimo. 2, 2:19; Kuso. 3:12)
Omwo Tunahase Kuyoya Haya Myaka Yosena
1. Vyuma muka twatela kutachikiza numba tukayoye haya myaka yosena?
2. Tunahase kulinangula ngachilihi vyaYehova Kalunga naYesu, nganomu ali nakulinga ou kanyike wapwevo namasepa jenyi hamuvwimbimbi?
3. Mukanda weka muka unamono hamuvwimbimbi, kaha mwomwo ika twatela kuutanganga?
4. Vyuma vyeka muka twatela kulinga numba tukayoye haya myaka yosena?
5. Vyuma muka tunalinangula muChihande 69?
6. Chakutalilaho chamwaza chaSamwele vavuluka muChihande 55 chasolola ika?
7. Uno tunahase kulondezeza ngachilihi Yesu Kulishitu, kaha nge natulinga ngocho, natukanganyala ngachilihi kulutwe?
Vihula vyakuhakilako:
1. Tanga Yowano 17:3.
Visoneka vyasolola ngachilihi nge kutachikiza Yehova Kalunga naYesu Kulishitu kachapwa kaha kulamina vyuma mumutweko? (Mateu 7:21; Yako. 2:18-20; Yowa. 1, 2:17)
2. Tanga Samu 145:1-21.
(a) Vyuma muka vyatela kutulingisa tumwalise Yehova? (Samu 145:8-11; Kuso. 4:11)
(b) Uno Yehova apwa ngachilihi “wamwaza kuli vosena,” kahechi nachitukafwa ngachilihi tupandame chikuma kuli ikiye? (Samu 145:9; Mateu 5:43-45)
(c) Kachi nge twazanga chikuma Yehova, kaha natulinga ika? (Samu 119:171, 172, 175; 145:11, 12, 21)