Thawnthu 1

1. Thil ṭha zawng zawng hi khawia mi nge ni a, entîrna pakhat i pe thei em?

2. Eng nge Pathian thil siam hmasak ber chu?

3. Engvângin nge vântirhkoh hmasa ber chu a dang lam bîk?

4. Atîra lei awm dân hrilhfiah rawh. (Milem en rawh.)

5. Engtin nge Pathianin lei hi ramsa leh mihringte awm nân a buatsaih ṭan?

Zawh belh tûr zawhnate:

1. Jeremia 10:12 chhiar rawh.

   Pathian thil siam aṭangin a mizia engte nge lang? (Is. 40:26; Rom 11:33)

2. Kolossa 1:15-17 chhiar rawh.

   Thil siamah Isua’n eng hmun nge a chan a, chu chuan amah kan thlîr dân engtin nge a nghawng ang? (Kol. 1:15-17)

3. Genesis 1:1-10 chhiar rawh.

   1. Eng nge lei lo awm ṭan dân chu? (Gen. 1:1)

   2. Thil siam ni hmasa ber khân eng thil nge thleng? (Gen. 1:3-5)

   3. Thil siam ni hnih nî chhûnga thilthlengte chu hrilhfiah rawh. (Gen. 1:7, 8)

Thawnthu 2

1. Engtin nge Pathianin lei hi kan chên nân a buatsaih?

2. Pathian siam ramsa chi hrang hrangte chu târ lang rawh. (Milem en rawh.)

3. Engvângin nge Eden huan kha a dang lam bîk?

4. Pathianin he lei pumpui hi eng lo ni tûrin nge a duh?

Zawh belh tûr zawhnate:

1. Genesis 1:11-25 chhiar rawh.

   1. Thil siam ni thum nî chhûng khân Pathianin eng nge a siam? (Gen. 1:12)

   2. Thil siam ni li nî khân eng nge lo thleng? (Gen. 1:16)

   3. Ni nga leh ni ruk nîin Pathianin eng ang nungchate nge a siam? (Gen. 1:20, 21, 25)

2. Genesis 2:8, 9 chhiar rawh.

   Huanah khân Pathianin eng thing dang lam bîk tak pahnih nge a dah a, chûngte chuan eng nge a entîr?

Thawnthu 3

1. Thawnthu 3-naa milem chuan thawnthu 2-naa milem lakah danglamna eng nge a neih?

2. Tuin nge mipa hmasa ber chu siam a, eng nge a hming?

3. Eng hna nge Pathianin Adama hnênah a pêk?

4. Engvângin nge Pathianin Adama chu tui taka a muthilhtîr?

5. Adama leh Evi te kha eng chen nge an dam theih a, Jehova’n eng hna nge an thawh a duh?

Zawh belh tûr zawhnate:

1. Sâm 83:18 chhiar rawh.

   Pathian hming eng nge ni a, lei chunga a nihna dang lam bîk tak chu eng nge? (Jer. 16:21; Dan. 4:17)

2. Genesis 1:26-31 chhiar rawh.

   1. Ni ruk nîa Pathian thil siam ṭha ber chu eng nge ni a, chu a thil siam chu nungchate lakah engtin nge a dang lam bîk? (Gen. 1:26)

   2. Jehova’n mihring leh nungchate tân eng ruahmanna nge a siam? (Gen. 1:30)

3. Genesis 2:7-25 chhiar rawh.

   1. Nungchate hming phuah tûra Adama hnaah hian eng nge tel? (Gen. 2:19)

   2. Engtin nge Genesis 2:24 hian inneihna, awm hranna, leh inṭhenna chungchânga Jehova thlîr dân hre thiam tûra min ṭanpui? (Mt. 19:4-6, 9)

Thawnthu 4

1. Milemah hian, Adama leh Evi chungah eng nge thleng?

2. Engvângin nge Jehova’n anni chu a hrem?

3. Rûlin Evi hnênah eng nge a sawi?

4. Tuin nge rûl chu Evi biaktîr?

5. Engvângin nge Adama leh Evi chuan an Paradis in chu an hloh?

Zawh belh tûr zawhnate:

1. Genesis 2:16, 17 leh 3:1-13, 24 chhiar rawh.

   1. Evi hnêna rûl zawhna siam chuan engtin nge Jehova chungchâng dik lo taka a târ lan? (Gen. 3:1-5; 1 Joh. 5:3)

   2. Engtin nge Evi chu kan tâna vaukhânna a nih? (Phil. 4:8; Jak. 1:14, 15; 1 Joh. 2:16)

   3. Eng kawngin nge Adama leh Evi chuan an thiltih chungah mawhphurhna an lâk duh loh? (Gen. 3:12, 13)

   4. Engtin nge Eden huan chhak lampanga cherub dingte chuan Jehova lalchungnunna chu an kenkawh? (Gen. 3:24)

2. Thu Puan 12:9 chhiar rawh.

   Pathian rorêlna laka mihringte heltîrna kawngah Setana chu eng angin nge a hlawhtlin? (1 Joh. 5:19)

Thawnthu 5

1. Eden huan pâwna Adama leh Evi nun chu eng ang nge ni?

2. Adama leh Evi te chungah eng nge lo thleng ṭan a, engvâng nge?

3. Engvângin nge Adama leh Evi fate chu an tara an thih?

4. Adama leh Evi te khân Jehova thu âwih se chuan, anmahni leh an fate nun chu eng ang nge ni ang?

5. Engtin nge Evi thuâwih lohna chuan nâ a tawrhtîr?

6. Eng nge Adama leh Evi te fapa hmasa ber pahnihte hming chu?

7. Tute nge milema naupang dangte chu?

Zawh belh tûr zawhnate:

1. Genesis 3:16-23 leh 4:1, 2 chhiar rawh.

   1. Engtin nge lei ânchhe lawhnain Adama nun a nghawng? (Gen. 3:17-19; Rom 8:20, 22)

   2. Engvângin nge Evi hming, a awmzia “Mi Nung” tih chu a inhmeh? (Gen. 3:20)

   3. Engtin nge Jehova’n Adama leh Evi te chu thil sual an tih hnuah pawh a ngaihtuahzia a lantîr? (Gen. 3:7, 21)

2. Thu Puan 21:3, 4 chhiar rawh.

   Eng “thil hmasate” nge nuai bo hlân i nghahhlelh?

Thawnthu 6

1. Kaina leh Abela te khân eng hna nge an thawh?

2. Kaina leh Abela’n Jehova tân eng thilpêk nge an rawn ken?

3. Engvângin nge Jehova’n Abela thilpêk chu a lâwm a, Kaina thilpêk chu a lawm loh?

4. Kaina chu mi eng ang nge a nih a, engtin nge Jehova’n siam ṭhat a tum?

5. Kaina’n lova a unaupa nên chauhva an awm lai khân eng nge a tih?

6. Kaina’n a unaupa a thah hnua a chunga thilthleng kha hrilhfiah rawh.

Zawh belh tûr zawhnate:

1. Genesis 4:2-26 chhiar rawh.

   1. Engtin nge Jehova’n Kaina dinhmun hlauhawm tak chu a târ lan? (Gen. 4:7)

   2. Engtin nge Kaina’n a rilru put hmang a târ lan? (Gen. 4:9)

   3. Pawikhawih lo thisen chhuah chungchâng Jehova thlîr dân chu eng nge ni? (Gen. 4:10; Is. 26:21)

2. Johana thawn khat 3:11, 12 chhiar rawh.

   1. Engvângin nge Kaina chu a thin a ur a, chu chu tûn laiah kan tân engtin nge vaukhânna a nih? (Gen. 4:4, 5; Thuf. 14:30; 28:22)

   2. Engtin nge Bible-in kan chhûngkaw zînga mi zawng zawngin Jehova an dodâl chung pawhin, kan rinawm tlat thei tih a târ lan? (Sâm 27:10; Mt. 10:21, 22)

3. Johana 11:25 chhiar rawh.

   Felna avânga nun chân zawng zawngte tân Jehova’n eng thutiam nge a pêk? (Joh. 5:24)

Thawnthu 7

1. Engtin nge Enoka chu a danglam bîk?

2. Engvângin nge Enoka hun laia mite’n thil ṭha lo tam tak an tih?

3. Eng thil ṭha lote nge an tih? (Milem en rawh.)

4. Engvângin nge Enoka chu a huaisen a ngaih?

5. Chûng laia mite chu kum eng zât nge an dam a; mahse, Enoka chu kum eng zât nge a dam?

6. Enoka thih hnuah eng thil nge thleng?

Zawh belh tûr zawhnate:

1. Genesis 5:21-24, 27 chhiar rawh.

   1. Enoka khân Jehova nên eng ang inlaichînna nge a neih? (Gen. 5:24)

   2. Bible sawi angin, nung dam tawh zînga upa ber chu tunge ni a, a thih khân eng anga upa nge a nih? (Gen. 5:27)

2. Genesis 6:5 chhiar rawh.

   Enoka thih hnu chuan leia mite chu eng ang khawpin nge an sual a, chu chu tûn laia kan hun nên engtia khaikhin theih nge a nih? (2 Tim. 3:13)

3. Hebrai 11:5 chhiar rawh.

   Eng miziain nge Enoka chu “Pathian lâwmzâwng” nihtîr a, eng nge a rahchhuah? (Gen. 5:22)

4. Juda 14, 15 chhiar rawh.

   Tûn laia Kristiante’n lo thleng tûr Armageddon indona chungchâng mite hnêna an vaukhân hunah Enoka huaisenna chu engtin nge an entawn theih? (2 Tim. 4:2; Heb. 13:6)

Thawnthu 8

1. Pathian vântirhkoh ṭhenkhatte’n Setana thu an ngaihthlâk khân eng thil nge lo thleng?

2. Engvângin nge vântirhkoh ṭhenkhatte’n vâna an hnathawh kalsana leia an lo kal?

3. Engvângin nge vântirhkohte leia an lo chhuk a, mihring taksa an neih chu a dik loh?

4. Vântirhkoh fate danglam bîkna chu eng nge ni?

5. Milema i hmuh angin, vântirhkoh fate chuan mihrawl an lo nihin eng nge an tih?

6. Enoka hnuah, leiah hian mi ṭha tunge awm a, engvângin nge Pathianin ani chu a duh?

Zawh belh tûr zawhnate:

1. Genesis 6:1-8 chhiar rawh.

   Kan awm dânin Pathian rilru a khawih thei tih Genesis 6:6-in engtin nge a târ lan? (Sâm 78:40, 41; Thuf. 27:11)

2. Juda 6 chhiar rawh.

   Nova hun laia vântirhkoh ‘anmahni tirhkoh nihna pawm lote’ chu engtin nge tûn laiah kan tân hriatnawntîrtu a nih? (1 Kor. 3:5-9; 2 Pet. 2:4, 9, 10)

Thawnthu 9

1. Nova chhûngkua kha mi eng zât nge an nih a, eng nge a fapa pathumte hming chu?

2. Eng thil pângngai lo tak nge Pathianin Nova chu ti tûra a tirh a, engvâng nge?

3. Lawng chungchâng a hrilh khân, engtin nge Nova ṭhenawmte chuan an chhân lêt?

4. Pathianin Nova hnênah nungchate chungchângah eng ti tûrin nge a hrilh?

5. Pathianin lawng kawngkâ a khâr hnuah, Nova leh a chhûngte chuan eng nge an tih ngai?

Zawh belh tûr zawhnate:

1. Genesis 6:9-22 chhiar rawh.

   1. Engin nge Nova chu Pathian dik betu langsâr tak nihtîr? (Gen. 6:9, 22)

   2. Engtin nge Jehova’n tharum thawhna chu a thlîr a, hei hian intihhlimna kan thlanna chu engtin nge a ngawng ang? (Gen. 6:11, 12; Sâm 11:5)

   3. Jehova inawpna pâwl aṭanga kaihhruaina kan dawn hunah engtin nge Nova kan entawn theih ang? (Gen. 6:22; 1 Joh. 5:3)

2. Genesis 7:1-9 chhiar rawh.

   Jehova’n mi ṭha famkim lo Nova chu mi fel anga a thlîrna chu kan tân engtin nge fuihna a nih? (Gen. 7:1; Thuf. 10:16; Is. 26:7)

Thawnthu 10

1. Engvângin nge ruah a sûr ṭan chuan tumah lawnga an luh theih loh?

2. Jehova’n ni eng zât leh zan eng zât nge ruah a sûrtîr a, tui chu eng chena thûk nge a nih?

3. Tuiin lei hi a chîm ṭan chuan lawng chu engtin nge a awm?

4. Tuilêtah khân mihrâwlho kha an dam khawchhuak em? Mihrâwlho pate chu engtin nge an awm?

5. Thla nga hnu chuan lawng chu engtin nge a lo awm?

6. Engvângin nge Nova’n choâk chu a thlawh chhuahtîr?

7. Engtin nge Nova’n leilung ata tui a kâm tawh tih a hriat?

8. Lawng chhûnga kum khat aia rei an awm hnuah Pathianin Nova leh a chhûngte hnênah eng nge a sawi?

Zawh belh tûr zawhnate:

1. Genesis 7:10-24 chhiar rawh.

   1. Leia nunna nei rêng rêng chu engtin nge an thih mang vek? (Gen. 7:23)

   2. Tuilêt tui kâm tûrin engtianga rei nge ngai? (Gen. 7:24)

2. Genesis 8:1-17 chhiar rawh.

   Engtin nge Genesis 8:17 hian lei tâna atîra Jehova thiltum chu thlâk danglam a ni lo tih a târ lan? (Gen. 1:22)

3. Petera thawn khat 3:19, 20 chhiar rawh.

   1. Vântirhkoh helhote vâna an kîr leh khân, eng rorêlna nge an dawn? (Juda 6)

   2. Nova leh a chhûngte chanchin chuan Jehova’n a mite a chhanchhuak thei tih kan rinna engtin nge a tihchak? (2 Pet. 2:9)

Thawnthu 11

1. Milema târ lan angin, Nova chuan lawng aṭanga a chhuahin eng nge a tih hmasak ber?

2. Tuilêt hnuah Pathianin Nova leh a chhûngte hnênah eng thupêk nge a pêk?

3. Pathianin eng thu nge a tiam?

4. Chhimbâl kan hmuhin, chu chuan eng nge min hriat chhuahtîr ang?

Zawh belh tûr zawhnate:

1. Genesis 8:18-22 chhiar rawh.

   1. Engtin nge tûn laiah Jehova hnêna “rimtui” kan hlan theih? (Gen. 8:21; Heb. 13:15, 16)

   2. Jehova’n mihringte rilru ngaihtuahna chungchângah eng nge a sawi a, chuvângin eng thilah nge kan fîmkhur ang? (Gen. 8:21; Mt. 15:18, 19)

2. Genesis 9:9-17 chhiar rawh.

   1. Jehova’n leia thil siam zawng zawngte nên eng thuthlung nge a siam? (Gen. 9:10, 11)

   2. Chhimbâl thuthlung chu engtik thleng daih tûr nge a nih? (Gen. 9:16)

Thawnthu 12

1. Tunge Nimroda chu ni a, Pathianin engtin nge a ngaih?

2. Milemah hian engvângin nge mite’n leirawhchan an siam?

3. Engvângin nge Jehova’n an in sak chu a lawm loh?

4. Engtin nge Pathianin in sâng sak chu a tihtâwp?

5. Chu khawpui chu engtia koh nge ni a, chu hming awmzia chu eng nge ni?

6. Pathianin mite ṭawng a tibuai hnuah an chungah eng nge lo thleng?

Zawh belh tûr zawhnate:

1. Genesis 10:1, 8-10 chhiar rawh.

   Nimroda chuan eng ang nungchang nge a lantîr a, chu chuan kan tân vaukhânna eng nge min pêk? (Thuf. 3:31)

2. Genesis 11:1-9 chhiar rawh.

   In sâng sak chhan chu eng nge ni a, chu hna chu engvângin nge a hlawhchham? (Gen. 11:4; Thuf. 16:18; Joh. 5:44)

Thawnthu 13

1. Ur khawpuiah khân eng ang mite nge chêng?

2. Milema mi hi tunge ni a, engtik khân nge a pian a, khawiah nge a chên?

3. Pathianin Abrahama chu engti tûrin nge a hrilh?

4. Engvângin nge Abrahama chu Pathian ṭhiana vuah a nih?

5. Abrahama’n Ur a chhuahsan khân tute nge a ruala tel ve?

6. Kanaan ram an thlen chuan Pathianin Abrahama hnênah eng nge a sawi?

7. Kum 99 mi a nihin, Pathianin Abrahama hnênah eng thu nge a tiam?

Zawh belh tûr zawhnate:

1. Genesis 11:27-32 chhiar rawh.

   1. Engtin nge Abrahama leh Lota chu an inchhûn? (Gen. 11:27)

   2. Tera chuan a chhûngte Kanaan rama pêm luhpui nih hming pu mah se, a bultumtu chu Abrahama a ni tih engtin nge kan hriat theih a, engvângin nge chutianga a tih? (Gen. 11:31; Tirh. 7:2-4)

2. Genesis 12:1-7 chhiar rawh.

   Abrahama Kanaan ram a thlen hnu chuan, Jehova’n Abrahama thuthlung tihphuisuina eng nge a siam? (Gen. 12:7)

3. Genesis 17:1-8, 15-17 chhiar rawh.

   1. Kum 99 mi a nihin Abrama chuan eng hming nge a dawn a, engvângin nge? (Gen. 17:5)

   2. Jehova’n nakin hun malsâwmna eng nge Sari hnênah a tiam? (Gen. 17:15, 16)

4. Genesis 18:9-19 chhiar rawh.

   1. Genesis 18:19-ah, pate tân eng mawhphurhna nge târ lan a nih? (Deut. 6:6, 7; Eph. 6:4)

   2. Sari thiltawn eng hian nge Jehova lakah engmah kan thup thei lo tih târ lang? (Gen. 18:12, 15; Sâm 44:21)

Thawnthu 14

1. Eng thutiam nge Pathianin Abrahama hnêna a siam a, a thutiam chu engtin nge a hlen?

2. Milemin a târ lan angin, engtin nge Pathianin Abrahama rinna chu a enchhin?

3. Pathianin thu a pêk chhan hre lo mah se, Abrahama chuan eng nge a tih?

4. Abrahama’n a fapa tihlum tûra chemtê a phawrh khân eng thil nge lo thleng?

5. Abrahama’n Pathian a rinna chu eng ang khawpa nasa nge a nih?

6. Pathianin Abrahama inthâwina tûr eng nge a pêk a, engtin nge a pêk?

Zawh belh tûr zawhnate:

1. Genesis 21:1-7 chhiar rawh.

   Engvângin nge Abrahama’n a fapa ni riat mi serh chu a tan sak? (Gen. 17:10-12; 21:4)

2. Genesis 22:1-18 chhiar rawh.

   Engtin nge Isaaka’n a pa, Abrahama hnêna a intukluhzia a târ lan a, engtin nge hei hian thil lo thleng tûr ropui zâwk a entîr lâwk? (Gen. 22:7-9; 1 Kor. 5:7; Phil. 2:8-11)

Thawnthu 15

1. Engvângin nge Abrahama leh Lota an awm hran?

2. Engvângin nge Lota’n Sodom khuaa awm a thlan?

3. Sodom mite chu eng ang mi nge an nih?

4. Vântirhkoh pahnihin Lota hnênah eng vaukhânna nge an pêk?

5. Engvângin nge Lota nupui chu chi khâwn dingah a chan?

6. Lota nupui chungchângah eng nge kan zir theih?

Zawh belh tûr zawhnate:

1. Genesis 13:5-13 chhiar rawh.

   Mi mal inkâra buaina sutkian chungchângah, Abrahama hnên aṭangin eng nge kan zir theih? (Gen. 13:8, 9; Rom 12:10; Phil. 2:3, 4)

2. Genesis 18:20-33 chhiar rawh.

   Jehova’n Abrahama a dâwr dân chuan engtin nge Jehova leh Isua’n dik takin ro an rêl dâwn tih rinngamna min pêk? (Gen. 18:25, 26; Mt. 25:31-33)

3. Genesis 19:1-29 chhiar rawh.

   1. He Bible-a thuziak hian mawngkawhurna chungchâng Pathian thlîr dân eng nge a târ lan? (Gen. 19:5, 13; Lev. 20:13)

   2. Lota leh Abrahamate’n Pathian kaihhruaina an chhân lêt dânah inan lohna eng nge kan hmuh a, chuta ṭang chuan eng nge kan zir theih? (Gen. 19:15, 16, 19, 20; 22:3)

4. Luka 17:28-32 chhiar rawh.

   Lota nupui chuan khawvêl thil lamah eng rilru put hmang nge a neih a, engtin nge chu chu kan tâna vaukhânna a nih? (Lk. 12:15; 17:31, 32; Mt. 6:19-21, 25)

5. Petera thawn hnih 2:6-8 chhiar rawh.

   Lota entawnin, min hualvêltu Pathian ngaihsak lo khawvêl chunga kan rilru put hmang tûr chu eng nge ni? (Ezek. 9:4; 1 Joh. 2:15-17)

Thawnthu 16

1. Milema mipa leh hmeichhia hi tute nge an nih?

2. Abrahama’n a fapa nupui neihtîr tûrin eng nge a tih a, engvângin nge?

3. Abrahama chhiahhlawh ṭawngṭaina chu engtia chhânsak nge a nih?

4. Rebeki’n Isaaka neih a duh leh duh loh zawh a nih khân engtin nge a chhân?

5. Engin nge Isaaka chu hlimtîr leh?

Zawh belh tûr zawhnate:

1. Genesis 24:1-67 chhiar rawh.

   1. Rebeki’n tuichhunchhuah bula Abrahama chhiahhlawh a tawh khân, eng mize ṭha nge a lantîr? (Gen. 24:17-20; Thuf. 31:17, 31)

   2. Isaaka tâna Abrahama ruahmanna siam chuan tûn laia Kristiante tân eng entawn tûr ṭha nge a pêk? (Gen. 24:37, 38; 1 Kor. 7:39; 2 Kor. 6:14)

   3. Isaaka tih angin, engvângin nge thil ngaihtuah nân hun kan insiam ang? (Gen. 24:63; Sâm 77:12; Phil. 4:8)

Thawnthu 17

1. Esauva leh Jakoba chu tute nge an nih a, engtin nge an inan loh?

2. An pu Abrahama a thih khân, Esauva leh Jakoba chu kum eng zât mi nge an nih?

3. Esauva thiltih eng hian nge a nu leh pa tilungngai êm êm?

4. Engvângin nge Esauva chu a unaupa, Jakoba chungah nasa taka a thinrim?

5. Isaaka’n a fapa Jakoba hnênah eng kaihhruaina nge a pêk?

Zawh belh tûr zawhnate:

1. Genesis 25:5-11, 20-34 chhiar rawh.

   1. Rebeki fapa pahnihte chungchâng Jehova’n nge nge a hrilh lâwk? (Gen. 25:23)

   2. Fatîr nihna chungchâng Jakoba leh Esauva thlîr dân inan lohna chu eng nge ni? (Gen. 25:31-34)

2. Genesis 26:34, 35; 27:1-46; leh 28:1-5 chhiar rawh.

   1. Engtin nge Esuava’n thlarau lam thilte a hlut lohzia a lan? (Gen. 26:34, 35; 27:46)

   2. Jakoba’n Pathian malsâwmna a dawn theih nân, Isaaka hnênah eng ti tûrin nge a hrilh? (Gen. 28:1-4)

3. Hebrai 12:16, 17 chhiar rawh.

   Esauva entîrna chuan thil thianghlim ngainêp tute chunga thil thleng eng nge a târ lan?

Thawnthu 18

1. Milema nula hi tunge a nih a, Jakoba’n eng nge a tihsak?

2. Rakili a neih theih nân Jakoba’n eng nge tih a inhuam?

3. Jakoba’n Rakili a neih hun a lo thlen chuan Labana’n eng nge a tih?

4. Rakili nupuia nei tûrin Jakoba’n eng tih nge rem a tih?

Zawh belh tûr zawhnate:

1. Genesis 29:1-30 chhiar rawh.

   1. Labana’n a bum khân, engtin nge Jakoba chu zahawm taka a inlantîr a, chuta ṭang chuan eng nge kan zir theih? (Gen. 25:27; 29:26-28; Mt. 5:37)

   2. Hmangaihna leh inâtchilhna inkâr danglamna chu engtin nge Jakoba entîrnain a târ lan? (Gen. 29:18, 20, 30; HTK. 8:6)

   3. Eng hmeichhe palite nge Jakoba chhûngkaw zînga mi lo ni a, a hnua fate an hrinsak? (Gen. 29:23, 24, 28, 29)

Thawnthu 19

1. A nupui hmasa Leaii nêna an neih Jakoba fapa parukte hming chu eng nge ni?

2. Leaii chhiahhlawh Zilpaii’n Jakoba tâna a hrinsak fapa pahnihte chu tute nge?

3. Rakili chhiahhlawh Bilhaii’n Jakoba a hrinsak pafa pahnihte hming chu eng nge?

4. Rakili hrin fapa pahnihte chu tute nge ni a; mahse, a pahnihna a hrinin eng thil nge lo thleng?

5. Milema mi angin, Jakoba’n fapa engzât nge a neih a, an hnên aṭangin eng nge lo chhuak?

Zawh belh tûr zawhnate:

1. Genesis 29:32-35; 30:1-26; leh 35:16-19 chhiar rawh.

   Jakoba fapa 12-te chungchângin a târ lan angin, Hebrai mipa naupangte hming chu eng anga sak nge a nih ṭhin?

2. Genesis 37:35 chhiar rawh.

   Bible-ah Dinaii hming chauh chuang mah se, Jakoba’n fanu pakhat aia tam a nei tih engtin nge kan hriat theih? (Gen. 37:34, 35)

Thawnthu 20

1. Engvângin nge Abrahama leh Isaaka’n an fate chu Kanaan rama mite neihtîr an duh loh?

2. A fanuin Kanaan hmeichhiate ṭhiana a siam chu Jakoba’n a duh em?

3. Milema Dinaii entu mipa hi tunge ni a, eng thil ṭha lo nge a tih?

4. Thil awm dân an hriatin Dinaii nuṭa Simeona leh Leviate’n eng nge an tih?

5. Simeona leh Levia thiltih chu Jakoba’n a rem ti em?

6. Engtin nge an chhûngkaw buaina chu a lo inṭan?

Zawh belh tûr zawhnate:

1. Genesis 34:1-31 chhiar rawh.

   1. Dinaii’n Kanaan ram fanute chu vawikhat chauh a kâwm em? Hrilhfiah rawh. (Gen. 34:1, NW)

   2. A nulât thianghlimna a hlohna kawngah engvângin nge Dinaii’n engemaw chen chu mawh a phurh? (Gal. 6:7)

   3. Engtin nge tûn laia ṭhalaite’n Dinaii vaukhânna thiltawn chu an ngaihsak tih an târ lan theih? (Thuf. 13:20; 1 Kor. 15:33; 1 Joh. 5:19)

Thawnthu 21

1. Engvângin nge Josefa unaute’n amah an thîk a, eng nge an tih?

2. Josefa unaute’n a chungah eng nge tih an duh a; mahse, Reubena’n eng nge a sawi?

3. Ismael mi sumdâwngte an lo kalin eng thil nge thleng?

4. A pain Josefa a thi nia ngai tûrin a unaute’n eng nge an tih?

Zawh belh tûr zawhnate:

1. Genesis 37:1-35 chhiar rawh.

   1. Kohhran chhûnga thil sual tihte hriattîrna hmangin Kristiante chuan engtin nge Josefa an entawn theih? (Gen. 37:2; Lev. 5:1; 1 Kor. 1:11)

   2. Engin nge Josefa unaute chu suaksual taka thil tihtîr? (Gen. 37:11, 18; Thuf. 27:4; Jak. 3:14-16)

   3. Jakoba thiltih eng hi nge lusûn dân pângngai a nih? (Gen. 37:35)

Thawnthu 22

1. Josefa Aigupta-a hruai a nih khân kum engzât mi nge a nih a, chuta a thlen chuan eng thil nge thleng?

2. Engtin nge Josefa chu tân ina khung a nih tâk mai?

3. Josefa chu tân inah eng mawhphurhna nge pêk a nih?

4. Tân inah khân, Josefa’n Pharaoa uain petu leh chhang siamtu tân eng nge a tihsak?

5. Uain petu tân in aṭanga a chhuah hnuah eng thil nge thleng?

Zawh belh tûr zawhnate:

1. Genesis 39:1-23 chhiar rawh.

   Josefa hun lai khân Pathian pêk uirê khapna dân a awm loh avângin, ani chu Potiphara nupui tlânsan tûrin engin nge tur? (Gen. 2:24; 20:3; 39:9)

2. Genesis 40:1-23 chhiar rawh.

   1. Uain petu mumang leh Jehova’n Josefa hnêna a pêk mumang hrilhfiahna chu tâwi têin sawi rawh. (Gen. 40:9-13)

   2. Chhang siamtuin eng mumang nge a neih a, chu chuan eng awmzia nge a neih? (Gen. 40:16-19)

   3. Tûn laia bawi rinawm, fing tak pâwl chuan engtin nge Josefa rilru put hmang chu an entawn? (Gen. 40:8; Sâm 36:9; Joh. 17:17; Tirh. 17:2, 3)

   4. Engtin nge Genesis 40:20 hian pian cham lawm chungchânga Kristian thlîr dân a tihfiah zual? (Thur. 7:1; Mk. 6:21-28)

Thawnthu 23

1. Zan khat chu Pharaoa chungah eng nge lo thleng?

2. Engvângin nge uain petuin a tâwpah Josefa a hriat chhuah?

3. Milema târ lan angin, Pharaoa khân eng mumang pahnih nge a neih?

4. Mumangte awmzia Josefa’n eng nge a sawi?

5. Engtin nge Josefa chu Aiguptaa mi pawimawh ber, Pharaoa dawttu a lo nih?

6. Engvângin nge Aiguptaah Josefa unaute an lo kal a, engvângin nge amah an hriat loh?

7. Eng mumang nge Josefa’n a hriat chhuah a, chu chuan amah chu eng nge hre thiam tûra a ṭanpui?

Zawh belh tûr zawhnate:

1. Genesis 41:1-57 chhiar rawh.

   1. Engtin nge Josefa’n Jehova a chawimawi a, tûn laia Kristiante’n eng kawngin nge an entawn theih? (Gen. 41:16, 25, 28; Mt. 5:16; 1 Pet. 2:12)

   2. Engtin nge Aigupta ram hausak kumte leh a hnua ṭâm kumte hian tûn laia Jehova mite leh Kristianna ram thlarau lam dinhmun chu dik taka a entîr? (Gen. 41:29, 30; Amos. 8:11, 12)

2. Genesis 42:1-8 leh 50:20 chhiar rawh.

   Jehova betute tân an ram tih dân a nih chuan, chawimawi nân leh nihna zahna lantîr nâna mihring hmaa kûn chu a dik lo vem? (Gen. 42:6)

Thawnthu 24

1. Engvângin nge Josefa’n a unaute chu enthlatute nia a puh?

2. Jakoba’n a fapa naupang ber, Benjamina chu engvângin nge Aigupta-a a kaltîr?

3. Engtin nge Josefa tangkaraw no chu Benjamina ip-ah a lo awm?

4. Benjamina chhuahna tûrin Juda chuan eng tih nge a inhuam?

5. Engtin nge Josefa unaute chu an inthlâk thleng?

Zawh belh tûr zawhnate:

1. Genesis 42:9-38 chhiar rawh.

   Genesis 42:18-a Josefa thusawi hi tûn laia Jehova inawpna pâwla mawhphurhna neite tân engtin nge hriattîrna ṭha tak a nih? (Neh. 5:15; 2 Kor. 7:1, 2)

2. Genesis 43:1-34 chhiar rawh.

   1. Reubena chu fatîr ni mah se, Juda chu a unaute tâna thusawitu a ni tih engtin nge a lan? (Gen. 43:3, 8, 9; 44:14, 18; 1 Chro. 5:2)

   2. Engtin nge Josefa’n a unaute chu chiang taka a fiah a, engvângin nge? (Gen. 43:33, 34)

3. Genesis 44:1-34 chhiar rawh.

   1. A unaute’n an hriat chhuah loh nân, Josefa chu engtin nge a inlantîr? (Gen. 44:5, 15; Lev. 19:26)

   2. Josefa unaute chuan a hmaa an unau chunga thîkna rilru an neih ang an put tawh lohzia engtin nge an târ lan? (Gen. 44:13, 33, 34)

Thawnthu 25

1. Josefa’n a unaute hnêna a inhriattîr khân eng thil nge lo thleng?

2. Josefa’n a unaute hnênah eng nge ngilnei taka a hrilhfiah?

3. Josefa unaute chungchâng Pharaoa’n a hriatin eng nge a sawi?

4. Aigupta-a an pêm khân, Jakoba chhûngkua chu engtianga hung nge a nih?

5. Jakoba chhûngkua chu engtia koh nge an nih a, engvângin nge?

Zawh belh tûr zawhnate:

1. Genesis 45:1-28 chhiar rawh.

   Engtin nge Bible-a Josefa chanchin chuan a chhiahhlawhte tihnat tumna chu Jehova’n malsâwmnaah a chantîr hlauh thei tih a târ lan? (Gen. 45:5-8; Is. 8:10; Phil. 1:12-14)

2. Genesis 46:1-27 chhiar rawh.

   Aigupta lam pana Jakoba zin kawngah Jehova’n eng thlamuanna thu nge a fah? (Gen. 46:1-4)

Thawnthu 26

1. Tunge Joba chu?

2. Setana’n engtih nge a tum a; mahse, a hlawhtling em?

3. Jehova’n Setana chu engtih nge a phal a, engvângin nge?

4. Engvângin nge Joba nupui chuan a hnênah “Pathian chu sawichhia la, thi la a ni mai” a tih? (Milem en rawh)

5. Milem a pahnihnaa i hmuh angin, Jehova chuan engtin nge Joba chu mal a sâwm a, engvângin nge?

6. Joba anga Jehova laka kan rinawm chuan, eng malsâwmnate nge kan dawn ang?

Zawh belh tûr zawhnate:

1. Joba 1:1-22 chhiar rawh.

   Engtin nge tûn lai Kristiante’n Joba an entawn theih? (Job. 1:1; Phil. 2:14-16; 2 Pet. 3:14)

2. Joba 2:1-13 chhiar rawh.

   Setana tihduhdahna chu Joba leh a nupui chuan eng kawng inkalh tak chi hnihin nge an chhân lêt? (Job. 2:2, 10; Thuf. 19:3; Mik. 7:7; Mal. 3:14)

3. Joba 42:10-17 chhiar rawh.

   1. An nuna an rinawm avânga Joba leh Isua dawn lâwmmante chuan inanna eng nge a neih? (Job. 42:12; Phil. 2:9-11)

   2. Pathian laka rinawm nghetna a vawn avânga Joba dawn malsâwmna chuan engtin nge min fuih? (Job. 42:10, 12; Heb. 6:10; Jak. 1:2-4, 12; 5:11)

Thawnthu 27

1. Milemah hian, tunge hruihrual kengtu hi ni a, tunge a vuaka hi?

2. Josefa thih hnu chuan, Israelte chungah eng nge lo thleng?

3. Aigupta mite chuan engvângin nge Israel mite chu an hlauh?

4. Israel hmeichhia nau chhartute hnênah Pharaoa’n eng thu nge a pêk?

Zawh belh tûr zawhnate:

1. Exodus 1:6-22 chhiar rawh.

   1. Eng kawngin nge Jehova’n Abrahama hnêna a thutiam chu a hlen ṭan? (Ex. 1:17; Gen. 12:2; Tirh. 7:17)

   2. Engtin nge Hebrai nau chhartute chuan nunna thianghlimna an zahzia an târ lan? (Ex. 1:17; Gen. 9:6)

   3. Nau chhartute Jehova laka rinawmna chu engtianga malsâwm nge a nih? (Ex. 1:20, 21; Thuf. 19:17)

   4. Abrahama Chi Thlah thutiam chungchânga Jehova thiltum chu engtin nge Setana’n tihtâwp a tum? (Ex. 1:22; Mt. 2:16)

Thawnthu 28

1. Milema nausen hi tunge ni a, tu kutzungṭang nge a vawn?

2. Mosia chu thah a nih loh nân a nuin eng nge a tih?

3. Milema hmeichhe naupang hi tunge a nih a, eng nge a tih?

4. Pharaoa fanuin nausen a hmuh khân, Miriami’n eng thurâwn nge a pêk?

5. Lal fanu chuan Mosia nu hnênah eng nge a sawi?

Zawh belh tûr zawhna:

1. Exodus 2:1-10 chhiar rawh.

   Mosia naupan laia enkawl tûr leh zirtîr tûrin eng hun remchâng nge a nuin a neih a, chu chuan tûn laia nu leh pate tân eng entawn tûr nge a pêk? (Ex. 2:9, 10; Deut. 6:6-9; Thuf. 22:6; Eph. 6:4; 2 Tim. 3:15)

Thawnthu 29

1. Khawiah nge Mosia chu a ṭhanlen a; mahse, a nu leh pate chungchâng eng nge a hriat?

2. Kum 40 a nihin eng nge Mosia’n a tih?

3. Mosia’n Israel mi insual hnênah eng nge a sawi a, chu pa chuan engtin nge a chhân?

4. Engvângin nge Aigupta aṭanga Mosia a tlânbo?

5. Khawiah nge a tlânbo a, chutah chuan tunge a va tawn?

6. Aigupta aṭanga a tlânbo hnu kum 40 chhûngin Mosia’n eng nge a tih?

Zawh belh tûr zawhnate:

1. Exodus 2:11-25 chhiar rawh.

   Mosia chuan kum rei tak chhûng Aigupta ram finna chu zir mah se, engtin nge Jehova leh a mite chunga a rinawmna chu a târ lan? (Ex. 2:11, 12; Heb. 11:24)

2. Tirhkohte 7:22-29 chhiar rawh.

   Mosia’n Aigupta saltâng Israelte amaha chhanchhuah a tumna aṭangin eng nge kan zir theih? (Tirh. 7:23-25; 1 Pet. 5:6, 10)

Thawnthu 30

1. Milema tlâng lang hming hi eng nge ni?

2. Tlânga berâmte nêna a kal laia Mosia thil hmuh mak tak chu sawi rawh.

3. Hnimbuk alh aṭanga aw chuan eng nge a sawi a, tu aw nge ni?

4. Pathianin a mite Aigupta ata hruai chhuak tûra a tih khân Mosia’n engtin nge a chhân?

5. Tuin nge tîr che tia mite’n Mosia an zawh chuan Pathianin engtia chhâng tûrin nge a hrilh?

6. Engtin nge Mosia’n Pathian tirh a nihzia a finfiah theih ang?

Zawh belh tûr zawhnate:

1. Exodus 3:1-22 chhiar rawh.

   Theocratic chanvo hlen tûra tling lo nia kan inhriat pawhin, Mosia thiltawn chuan Jehova’n min ṭanpui dâwn tih rinngamna engtin nge min pêk? (Ex. 3:11, 13; 2 Kor. 3:5, 6)

2. Exodus 4:1-20 chhiar rawh.

   1. Midian rama kum 40 a awm chhûng khân, Mosia rilru put hmang chu engtin nge a inthlâk a, heta ṭang hian kohhrana rawngbâwlna chanvo changte chuan eng nge an zir theih? (Ex. 2:11, 12; 4:10, 13; Mik. 6:8; 1 Tim. 3:1, 6, 10)

   2. Jehova inawpna pâwl hmanga zilh kan nih pawhin, Mosia entîrna chuan eng rinna nge min pêk theih? (Ex. 4:12-14; Sâm 103:14; Heb. 12:4-11)

Thawnthu 31

1. Mosia leh Arona thilmak tih chuan Israelte chungah nghawng eng nge a neih?

2. Mosia leh Arona’n Pharaoa hnênah eng nge an hrilh a, eng nge Pharaoa chhânna chu?

3. Milema târ lan angin, Arona’n a tiang a paih hian eng thil nge lo thleng?

4. Engtin nge Jehova’n Pharaoa a zilh a, ani’n engtin nge a chhân lêt?

5. Hri sâwmna hnuah eng thil nge thleng?

Zawh belh tûr zawhnate:

1. Exodus 4:27-31 leh 5:1-23 chhiar rawh.

   Pharaoa’n: ‘Jehova chu ka hre lo ve,’ a tih khân eng a tihna nge ni? (Ex. 5:2; 1 Sam. 2:12; Rom 1:21)

2. Exodus 6:1-13, 26-30 chhiar rawh.

   1. Eng kawngin nge Jehova chu Abrahama te, Isaaka te, leh Jakoba te hnênah a inhriattîr loh? (Ex. 3:13, 14; 6:3; Gen. 12:8)

   2. Mosia’n chanvo chelh tûra tling lo nia a inhriat hnuah pawh, Jehova chuan a hmang tho tih kan hriatnain engtin nge min awmtîr? (Ex. 6:12, 30; Lk. 21:13-15)

3. Exodus 7:1-13 chhiar rawh.

   1. Mosia leh Arona’n Pharaoa hnêna Jehova rorêlna thu huaisen taka an puan chhuah khân, tûn laia Pathian chhiahhlawhte tân entawn tûr eng nge an siam? (Ex. 7:2, 3, 6; Tirh. 4:29-31)

   2. Engtin nge Jehova’n Aigupta pathiante aia a chungnunzia a târ lan? (Ex. 7:12; 1 Chro. 29:12)

Thawnthu 32

1. Heta milem târ lan hi hmangin, Jehova’n Aigupta chunga a lêntîr hri hmasa pathumte chu sawi rawh.

2. Hri hmasa pathum leh a dang zawngte inkârah inan lohna eng nge awm?

3. Hri palina, pangana, leh paruknate chu engte nge ni?

4. Hri pasarihna, pariatna, leh pakuanate chu sawi fiah rawh.

5. Hri sâwmna a thlen hmain Jehova’n Israelte chu eng ti tûrin nge a hrilh?

6. Hri sâwmna chu eng nge ni a, chu mi hnu chuan eng nge thleng?

Zawh belh tûr zawhnate:

1. Exodus 7:19–18:23 chhiar rawh.

   1. Jehova hri hmasa pahnih anpui chu Aigupta mitlâk dawithiamte’n ti ve thei mah se, hri pathumna hnuah chuan eng nge pawm luihtîr an nih? (Ex. 8:18, 19; Mt. 12:24-28)

   2. Engtin nge hri palina chuan Jehova’n a mite a chhanhim theihzia a târ lan a, he mi hriatna hian Pathian mite “hrehawm nasa tak” lo thleng tûr chu engtin nge a hmachhawntîr? (Ex. 8:22, 23; Thup. 7:13, 14; 2 Chro. 16:9)

2. Exodus 8:24; 9:3, 6, 10, 11, 14, 16, 23-25; leh 10:13-15, 21-23 chhiar rawh.

   1. Hri Sâwmte chuan eng pâwl hnih nge a târ lan a, chu chuan engtin nge tûn laia chûng pâwl hnihte kan thlîr dân chu a nghawng? (Ex. 8:10, 18, 19; 9:14)

   2. Jehova’n tûn thlenga Setana awm a la phal chhan hre thiam tûrin engtin nge Exodus 9:16-in min ṭanpui? (Rom 9:21-23)

3. Exodus 12:21-32 chhiar rawh.

   Kalhlên Kût chuan engtin nge mi tam takte a chhandam a, Kalhlên Kût chuan eng nge a kawh? (Ex. 12:21-23; Joh. 1:29; Rom 5:18, 19, 21; 1 Kor. 5:7)

Thawnthu 33

1. Israel mipa eng zâtin nge hmeichhia leh naupangte rualin Aigupta chhuahsan a, an rualin tute nge tel ve?

2. Israelte a kaltîr hnuah Pharaoa chu engtin nge a awm a, eng nge a tih?

3. Jehova chuan Aigupta mite’n a mite an beihna titâwp tûrin eng nge a tih?

4. Mosia’n Tuipui Sen chunga a tiang a han lek khân eng thil nge lo thleng a, Israel mite’n eng nge an tih?

5. Aigupta mite’n Israelte ûma tuipuia an tlân luh khân eng thil nge thleng?

6. Israel mite’n chhandam an nih avângin Jehova chungah an hlimin, an lâwm a ni tih chu engtin nge an lantîr?

Zawh belh tûr zawhnate:

1. Exodus 12:33-36 chhiar rawh.

   A mite chu Aigupta sala an tân chhûng zawng zawng atân rulh lêt an ni ngei tih engtin nge Jehova’n a tihchian? (Ex. 3:21, 22; 12:35, 36)

2. Exodus 14:1-31 chhiar rawh.

   Exodus 14:13, 14-a chhinchhiah Mosia thu hian Armageddon indona lo thleng tûr hmachhawntu tûn laia Jehova chhiahhlawhte chu engtin nge a nghawng? (2 Chro. 20:17; Sâm 91:8)

3. Exodus 15:1-8, 20, 21 chhiar rawh.

   1. Engvângin nge Jehova chhiahhlawhte’n a hnênah fakna hla an sak ang? (Ex. 15:1, 2; Sâm 105:2, 3; Thup. 15:3, 4)

   2. Miriami leh hmeichhiate’n tuipui Sena Jehova an chawimawina khân tûn laia Kristian hmeichhiate tân entawn tûr eng nge a siam? (Ex. 15:20, 21; Sâm 68:11)

Thawnthu 34

1. Milemah hian, eng nge an chhar a, eng nge a hming?

2. Mosia’n manna chhar chungchângah eng kaihhruaina nge a pêk?

3. Ni ruk nî chuan Jehova’n mite chu engti tûrin nge a hrilh a, engvângin nge?

4. Ni sarih ni atâna manna chu dah ṭhat theih ni tûrin Jehova’n eng thil mak nge a tih?

5. Engtia rei nge Jehova’n mannaa mite a châwm?

Zawh belh tûr zawhnate:

1. Exodus 16:1-36 leh Number 11:7-9 chhiar rawh.

   1. Kristian kohhrana theocratic kalhmang anga ruatte kan zah a ṭûl chungchângah Exodus 16:8-in eng nge a târ lan? (Heb. 13:17)

   2. Thlalêrah khân, Israelte chu Jehova chunga an innghahzia engtin nge nî tin hriattîr an nih? (Ex. 16:14-16, 35; Deut. 8:2, 3)

   3. Mannain a entîr chungchângah Isua’n eng nge a sawi a, engtin nge “vân aṭanga chhang” chu kan hlâwkpui? (Joh.6:31-35, 40)

2. Josua 5:10-12 chhiar rawh.

   Israelte khân kum eng zât nge manna an ei a, hei hian engtin nge anmahni a fiah a, he chanchin aṭang hian eng nge kan zir theih? (Ex. 16:35; Num. 11:4-6; 1 Kor. 10:10, 11)

Thawnthu 35

1. Aigupta an chhuahsan hnu thla hnih vêlah Israel mite’n khawiah nge awmhmun an khuar?

2. Jehova’n mipuite tih atâna a duh eng nge a sawi a, engtin nge an chhân?

3. Engvângin nge Jehova’n Mosia hnênah lung phêk pahnih a pêk?

4. Thusâwm Pêkte bâkah, eng dân dangte nge Jehova’n Israelte hnêna a pêk?

5. Isua Krista’n eng dân pahnih nge ropui ber a tih?

Zawh belh tûr zawhnate:

1. Exodus 19:1-25; 20:1-21; 24:12-18; leh 31:18 chhiar rawh.

   Engtin nge Exodus 19:8-a chhinchhiah thute hian Kristian inpumpêknaa thil telte hre thiam tûra min ṭanpui? (Mt. 16:24; 1 Pet. 4:1-3)

2. Deuteronomy 6:4-6; Leviticus 19:18; leh Matthaia 22:36-40 chhiar rawh.

   Engtin nge Kristiante’n Pathian leh ṭhenawmte hmangaihna an lantîr? (Mk. 6:34; Tirh. 4:20; Rom 15:2)

Thawnthu 36

1. Milemah hian, mipuiin eng nge an tih a, engvângin nge an tih?

2. Engvângin nge Jehova a thinur a, mite thiltih a hmuhin Mosia’n eng nge a tih?

3. Mosia’n mipa ṭhenkhatte chu engti tûrin nge a hrilh?

4. Eng thu nge he thawnthu hian min zirtîr tûr a nih?

Zawh belh tûr zawhnate:

1. Exodus 32:1-35 chhiar rawh.

   1. Engtin nge he mi thu hian sakhaw dik lo leh biakna dik pawlh chungchânga Jehova rilru put hmang a târ lan? (Ex. 32:4-6, 10; 1 Kor. 10:7, 11)

   2. Hla sak leh lâm ang chi intihhlimna thlan chungchângah Kristiante chu engtin nge an fîmkhur ang? (Ex. 32:18, 19; Eph. 5:15, 16; 1 Joh. 2:15-17)

   3. Levia thlahte’n felna ṭanna kawngah entawn tûr ṭha eng nge an siam? (Ex. 32:25-28; Sâm 18:25)

Thawnthu 37

1. Milema in hi engtia koh nge a nih a, eng atâna hman tûr nge?

2. Engvângin nge Jehova’n Mosia chu puan in chu awlsam taka lâk hran theiha siam tûra a hrilh?

3. Eng nge puan in tâwpa pindan te tak tê chhûnga bâwm chu ni a, a chhûngah chuan eng nge awm?

4. Jehova’n tunge puithiam lal ni tûra a thlan a, puithiam lal chuan eng nge a tih?

5. Puan ina pindan lian zâwk chhûnga thil pathumte hming chu sawi rawh.

6. Biak bûk kawt zâwlah eng thil pahnih nge awm a, eng atâna hman nge a nih?

Zawh belh tûr zawhnate:

1. Exodus 25:8-40; 26:1-37; 27:1-8; leh 28:1 chhiar rawh.

   “Thuhriattîrna bâwm” chunga cherub-te chuan eng ai nge an awh? (Ex. 25:20, 22; Num. 7:89; 2 Lal. 19:15)

2. Exodus 30:1-10, 17-21; 34:1, 2; leh Hebrai 9:1-5 chhiar rawh.

   1. Engvângin nge Jehova’n biak bûka rawngbâwl puithiamte tisa lama invawn fai a pawimawhzia a sawi uar a, tûn laiah chu chuan eng anga min nghawng tûr nge a nih? (Ex. 30:18-21; 40:30, 31; Heb. 10:22)

   2. Engtin nge tirhkoh Paula’n Hebrai Kristiante hnêna lehkha thawn a ziah lai khân biak bûk leh Dân thuthlung a bân tawhzia a târ lan? (Heb. 9:1, 9; 10:1)

Thawnthu 38

1. Milema grêp bâwr chungchângah hian eng nge i hmuh a, khawi lama mi nge?

2. Engvângin nge Mosia’n Kanaanah enthlatu 12-te a tirh?

3. Enthlatu sâwmte khân Mosia hnênah eng nge an sawi?

4. Enthlatu pahnihte khân Jehova an rinzia engtin nge an târ lan a, tute nge an nih?

5. Engvângin nge Jehova a thinur a, eng nge Mosia a hrilh?

Zawh belh tûr zawhnate:

1. Number 13:1-33 chhiar rawh.

   1. Ram enthla tûrin tute nge thlan an nih a, eng chanvo ropui tak nge an neih? (Num. 13:2, 3, 18-20)

   2. Engvângin nge Josua leh Kaleba thlîr dân chu enthlatu dangte thlîr dân laka a danglam bîk a, chu chuan eng nge min zirtîr? (Num. 13:28-30; Mt. 17:20; 2 Kor. 5:7)

2. Number 14:1-38 chhiar rawh.

   1. Jehova lei lam aiawhtute chunga phunnawina chungchângah eng vaukhânna nge kan ngaihsak ngai? (Num. 14:2, 3, 27; Mt. 25:40, 45; 1 Kor. 10:10)

   2. Engtin nge Number 14:24-in Jehova’n a chhiahhlawh tinte a ngaihsak ṭheuhzia a târ lan? (1 Lal. 19:18; Thuf. 15:3)

Thawnthu 39

1. Tute nge Mosia leh Arona thuneihna laka hel a, Mosia hnênah eng nge an sawi?

2. Mosia’n Kora leh a zuitu 250-te hnênah engti tûrin nge a hrilh?

3. Mipui hnênah Mosia’n eng nge a sawi a, a sawi zawh veleh eng thil nge lo thleng?

4. Kora leh a zuitu 250-te chungah eng thil nge lo thleng?

5. Arona fapa Eleazara’n mi thi tawhte hman mei lâkna aṭangin eng nge a siam a, engvângin nge?

6. Engvângin nge Jehova’n Arona tiang a pârtîr? (Milem en rawh.)

Zawh belh tûr zawhnate:

1. Number 16:1-49 chhiar rawh.

   1. Kora leh a zuitute chuan eng nge an tih a, engvângin nge chu chu Jehova laka helna a nih? (Num. 16:9, 10, 18; Lev. 10:1, 2; Thuf. 11:2)

   2. Kora leh ‘mipui zînga hotu rorêltu’ mi 250-te chuan eng thlîr dân dik lo nge an neih chhoh? (Num. 16:1-3; Thuf. 15:33; Is. 49:7)

2. Number 17:1-11 leh 26:10 chhiar rawh.

   1. Arona tiang chawr chuan eng nge a târ lan a, engvângin nge Jehova’n chu chu bâwma dah tûra a hrilh? (Num. 17:5, 8, 10)

   2. Arona tiang pâr aṭangin eng thil pawimawh tak nge kan zir theih? (Num. 17:10; Tirh. 20:28; Phil. 2:14; Heb. 13:17)

Thawnthu 40

1. Engtin nge Jehova chuan Israelte chu thlalêra an awm chhûngin a enkawl?

2. Israelte Kades-a an riah lai khân eng thilah nge an phunnawi?

3. Mipuite leh an rante tân engtin nge Jehova’n tui a pêk?

4. Milemah hian, mahni inkâwk hi tunge a nih a, engvângin nge chu chu a tih?

5. Engvângin nge Mosia leh Arona chungah Jehova a thinur a, engtin nge hrem an nih?

6. Hor Tlângah eng thil nge thleng a, tunge Israelte tâna puithiam lal lo ni ta?

Zawh belh tûr zawhnate:

1. Number 20:1-13, 22-29 leh Deuteronomy 29:5 chhiar rawh.

   1. Jehova’n thlalêra Israelte a enkawl dân aṭangin eng nge kan zir theih? (Deut. 29:5; Mt. 6:31; Heb. 13:5; Jak. 1:17)

   2. Mosia leh Arona’n Israelte hmaa amah an chawimawi lohna chu Jehova’n engtin nge a thlîr? (Num. 20:12; 1 Kor. 10:12; Thup. 4:11)

   3. Jehova thununna Mosia chhân lêt dân aṭangin eng nge kan zir theih? (Num. 12:3; 20:12, 27, 28; Deut. 32:4; Heb. 12:7-11)

Thawnthu 41

1. Milemah hian engin nge ban hi zem a, engvângin nge Jehova’n chuta dah tûr chuan Mosia a hrilh?

2. Engtin nge mite chuan Pathianin an tâna thil a tihsak zawng zawngte chunga lâwm nachâng an hriat loh?

3. Jehova’n anmahni hrem nâna rûl tûr neite a tirh hnuah mite chuan eng ti tûrin nge Mosia an ngen?

4. Engvângin nge Jehova’n dârsen rûl siam tûra Mosia a hrilh?

5. He thawnthu aṭang hian eng nge kan zir theih?

Zawh belh tûr zawhnate:

1. Number 21:4-9 chhiar rawh.

   1. Pathian thilpêk chunga Israelte an phunnawina aṭangin vaukhânna eng nge pêk kan nih? (Num. 21:5, 6; Rom 2:4)

   2. A hnu kum zabiahte chuan, Israelte’n engtin nge dârsen rûl chu an hman a, Lal Hezekia’n eng nge a tih? (Num. 21:9; 2 Lal. 18:1-4)

2. Johana 3:14, 15 chhiar rawh.

   Engtin nge bana dârsen rûl khai chuan Isua Krista khaikân chu a entîr? (Gal. 3:13; 1 Pet. 2:24)

Thawnthu 42

1. Tunge Balaka chu ni a, engvângin nge Balaama a chah?

2. Engvângin nge sabengtung chu kal kawnga a bawh?

3. Balaama’n sabengtung ṭawng eng nge a hriat?

4. Eng nge vântirhkohvin Balaama hnênah a sawi?

5. Balaama’n Israelte ânchhe lawh a tum khân eng thil nge thleng?

Zawh belh tûr zawhnate:

1. Number 21:21-35 chhiar rawh.

   Engvângin nge Israelte’n Amor Lal Sihona leh Basan Lal Oga chu an hneh? (Num. 21:21-23, 33, 34)

2. Number 22:1-40 chhiar rawh.

   Israelte ânchhe lawh tûra Balaama chêttîrtu chu eng nge ni a, chuta ṭang chuan eng nge kan zir theih? (Num. 22:16, 17; Thuf. 6:16, 18; 2 Pet. 2:15; Jud. 11)

3. Number 23:1-30 chhiar rawh.

   Balaama chu Jehova betu angin ṭawng mah se, a thiltihin eng nge a lantîr thung? (Num. 23:3, 11-14; 1 Sam. 15:22)

4. Number 24:1-25 chhiar rawh.

   Bible-a chhinchhiah Jehova thiltum hlen chhuahna chuan engtin nge kan rinna a tihchak? (Num. 24:10; Is. 54:17)

Thawnthu 43

1. Tute nge milema Mosia bula ding pahnihte hi?

2. Jehova’n Josua hnênah eng nge a sawi?

3. Engvângin nge Mosia chu Nebo Tlâng chhîpah a lâwn a, eng nge Jehova’n a hnêna a sawi?

4. Mosia a thih khân kum eng zât mi nge a nih?

5. Engvângin nge mipuite an lungngaih a; mahse, lâwm chhan tûr eng nge an neih?

Zawh belh tûr zawhnate:

1. Number 27:12-23 chhiar rawh.

   Josua’n Jehova hnên aṭangin eng mawhphurhna lian tak nge a dawn a, engtin nge tûn laiah Jehova’n A mite a ngaihsak dân chu târ lan a nih? (Num. 27:15-19; Tirh. 20:28; Heb. 13:7)

2. Deuteronomy 3:23-29 chhiar rawh.

   Engvângin nge Jehova’n Mosia leh Arona chu ram tiama an luh a phal loh va, chuta ṭang chuan eng nge kan zir theih? (Deut. 3:25-27; Num. 20:12, 13)

3. Deuteronomy 31:1-8, 14-23 chhiar rawh.

   Engtin nge Mosia’n Israelte hnêna thu a sawi hnuhnûng ber chuan Jehova thununna chu inngaitlâwm takin a pawm tih a târ lan? (Deut. 31:6-8, 23)

4. Deuteronomy 32:45-52 chhiar rawh.

   Pathian Thuin engtin nge kan nun a khawih ang? (Deut. 32:47; Lev. 18:5; Heb. 4:12)

5. Deuteronomy 34:1-12 chhiar rawh.

   Mosia’n Jehova chu a ngial a nganin hmu ngai lo mah se, Jehova nêna an inlaichîn dân chungchângah Deuteronomy 34:10 chuan eng nge a târ lan? (Ex. 33:11, 20; Num. 12:8)

Thawnthu 44

1. Khawiah nge Rahabi a chên?

2. Milema mipa pahnihte hi tute nge an nih a, engvângin nge Jeriko-ah an awm?

3. Jeriko lal chuan Rahabi hnênah eng ti tûrin nge thu a pêk a, eng nge a chhân lêtna chu?

4. Engtin nge Rahabi’n mipa pahnihte a ṭanpui a, eng thiltihsak tûrin nge a ngen?

5. Enthlatu pahnihte chuan Rahabi hnênah eng thu nge an tiam?

Zawh belh tûr zawhnate:

1. Josua 2:1-24 chhiar rawh.

   Israelte’n Jeriko an beih khân Exodus 23:28-a chhinchhiah Jehova thutiam chu engtin nge a thlen famkim? (Jos. 2:9-11)

2. Hebrai 11:31 chhiar rawh.

   Engtin nge Rahabi entîrna chuan rinna a pawimawhzia a târ lan? (Rom 1:17; Heb. 10:39; Jak. 2:25)

Thawnthu 45

1. Israelte’n Jordan Lui an kân theih nân Jehova’n eng thilmak nge a tih?

2. Jordan Lui kân tûrin Israelte chuan eng rinna nge an neih ngai?

3. Jehova’n Josua hnênah engvângin nge lui aṭanga lung lian 12 chhar tûra a hrilh?

4. Puithiamte Jordan ata an chhuah veleh eng thil nge thleng?

Zawh belh tûr zawhnate:

1. Josua 3:1-17 chhiar rawh.

   1. He thuziakin a sawi ang hian, Jehova ṭanpuina leh malsâwmna dawng tûrin eng nge kan tih ngai? (Jos. 3:13, 15; Thuf. 3:5; Jak. 2:22, 26)

   2. Israelte’n Ram Tiam lam pana Jordan Luipui an kân laia Jordan lui dinhmun chu eng nge ni a, chu chuan engtin nge Jehova hming a chawimawi? (Jos. 3:15; 4:18; Sâm 66:5-7)

2. Josua 4:1-18 chhiar rawh.

   Jordan lui aṭanga lâk lung 12, Gilgal-a tiankhâwm chu eng atâna tih nge a nih? (Jos. 4:4-7)

Thawnthu 46

1. Jehova’n râldo mite leh puithiamte chu ni ruk chhûng eng ti tûrin nge a hrilh?

2. Mite’n ni sarih nî chuan eng nge an tih ngai?

3. Milema i hmuh ang hian, Jeriko bangte chu engtin nge a awm?

4. Engvângin nge tukverh aṭangin hrui sen a inkhai?

5. Josua’n râldo mite hnênah mipuite leh khawpui chu engtia ti tûrin nge a hrilh a; mahse, tangkarua te, rangkachak te, dârsen te leh thîr te chu engtia tih tûr nge?

6. Enthlatu pahnihte chu eng ti tûrin nge tirh an nih?

Zawh belh tûr zawhnate:

1. Josua 6:1-25 chhiar rawh.

   1. Israelte’n ni sarih nîa an kal hualna hian engtin nge tûn ni hnuhnûnga Jehova Thuhretute thu hrilhna nên inanna a neih? (Jos. 6:15, 16; Is. 60:22; Mt. 24:14; 1 Kor. 9:16)

   2. Engtin nge Josua 6:26-a chhinchhiah hrilh lâwkna chu a hnu kum 500 vêla a thlen famkim a, hei hian Jehova thu chhuak chungchângah eng nge min zirtîr? (1 Lal. 16:34; Is. 55:11)

Thawnthu 47

1. Milemah hian, Jeriko aṭanga lâk thil hlute phûm rutu hi tunge ni a, tute nge amah ṭanpuitute hi?

2. Engvângin nge Akana leh a chhûngte thiltih hi thil sual tak a nih?

3. Ai khawpui donaa Israelte an tlâwm chhan Josua’n a zawhin Jehova’n eng nge a sawi?

4. Josua hnêna Akana leh a chhûngte hruai a nih hnuin, eng thil nge an chungah lo thleng?

5. Akana chunga rorêlna chuan eng zir tûr pawimawh tak nge min pêk?

Zawh belh tûr zawhna:

1. Josua 7:1-26 chhiar rawh.

   1. Josua ṭawngṭainate chuan amah Siamtu nêna an inlaichînna eng nge a laihlan? (Jos. 7:7-9; Sâm 119:145; 1 Joh. 5:14)

   2. Akana chunga thil lo thleng chuan eng nge a târ lan a, engtin nge kan tâna vaukhânna a nih? (Jos. 7:11, 14, 15; Thuf. 15:3; 1 Tim. 5:24; Heb. 4:13)

2. Josua 8:1-29 chhiar rawh.

   Tûn lai Kristian kohhranah eng mi mal mawhphurhna nge kan neih? (Jos. 7:13; Lev. 5:1; Thuf. 28:13)

Thawnthu 48

1. Engtin nge Gibeon mite chu Kanaan kiang hnaia khuate laka an danglam bîk?

2. Milema târ lan a nih angin, eng nge Gibeon mite’n an tih a, engvângin nge?

3. Gibeon mite hnênah Josua leh Israel hruaitute’n eng thu nge an tiam a; mahse, ni thum hnuah eng nge an hriat chhuah?

4. Gibeon mite’n Israelte nên remna an siam tih khawpui danga lalte’n an hriat chuan eng thil nge lo thleng?

Zawh belh tûr zawhnate:

1. Josua 9:1-27 chhiar rawh.

   1. Israel hnamte hnêna ‘ram chhûnga chêngte zawng zawng tihlum vek tûra’ a hrilh hnua Jehova’n Gibeon mite a humna chuan eng miziate nge a târ lan? (Jos. 9:22, 24; Mt. 9:13; Tirh. 10:34, 35; 2 Pet. 3:9)

   2. Gibeon mite nêna a thuthlung a vawnna hmangin, engtin nge Josua’n tûn laia Kristiante tân entawn tûr ṭha a siam? (Jos. 9:18, 19; Mt. 5:37; Eph. 4:25)

2. Josua 10:1-5 chhiar rawh.

   Engtin nge tûn laia mipui tam takte’n Gibeon mite chu an entawn a, chuvângin tu beih tum ber nge an lo nih tâk? (Jos. 10:4; Zak. 8:23; Mt. 25:35-40; Thup. 12:17)

Thawnthu 49

1. Milemah hian, Josua’n eng nge a sawi a, engvângin nge?

2. Engtin nge Jehova’n Josua leh a sipaite chu a ṭanpui?

3. Josua’n hmêlma lal eng zât nge a hneh a, chu chuan engtia rei nge a awh?

4. Engvângin nge Josua’n Kanaan ram chu a sem darh?

5. Josua a thih khân engtia upa nge a nih a, a hnuah mipuite chungah eng nge lo thleng?

Zawh belh tûr zawhnate:

1. Josua 10:6-15 chhiar rawh.

   Jehova’n Israelte tân ni leh thla a dintîr reng tih hriain, tûn laiah eng rinnghehna nge kan neih? (Jos. 10:8, 10, 12, 13; Sâm 18:3; Thuf. 18:10)

2. Josua 12:7-24 chhiar rawh.

   Kanaan lal 31-te hnehnaah khân, tunge a mawhphurtu ber chu ni a, engvângin nge hei hi tûn laiah kan tân a pawimawh? (Jos. 12:7; 24:11-13; Deut. 31:8; Lk. 21:9, 25-28)

3. Josua 14:1-5 chhiar rawh.

   Israel hnamte zîngah ram chu engtianga sem nge a nih a, hei hian Paradis luah chungchâng eng nge a kawh? (Jos. 14:2; Is. 65:21; Ezek. 47:21-23; 1 Kor. 14:33)

4. Rorêltute 2:8-13 chhiar rawh.

   Israel rama Josua angin, tûn laiah tuin nge kalpênna do tlat? (Ro. 2:8, 10, 11; Mt. 24:45-47; 2 Thes. 2:3-6; Tit. 1:7-9; Thup. 1:1; 2:1, 2)

Thawnthu 50

1. Tute nge rorêltute chu ni a, an zînga ṭhenkhatte hming chu eng nge ni?

2. Eng chanvo danglam bîk nge Debori’n a neih a, hei hian eng nge a huam?

3. Lal Jabina leh a sipai rual hotu, Sisera’n Israelte an vau khân, Debori’n Jehova hnên aṭanga eng thu nge rorêltu Baraka a pêk a, tuin nge hming ṭhatna chu a nei ang a tih?

4. Engtin nge Jaeli’n hmeichhe huaisen tak a nihzia a lantîr?

5. Lal Jabina thih hnu chuan eng thil nge thleng?

Zawh belh tûr zawhnate:

1. Rorêltute 2:14-22 chhiar rawh.

   Engtin nge Israelte’n Jehova thinurna chu an chungah an thlentîr a, heta ṭang hian eng nge kan zir theih? (Ro. 2:20; Thuf. 3:1,2; Ezek. 18:21-23)

2. Rorêltu 4:1-24 chhiar rawh.

   Debori leh Jaeli entawn tûr siam aṭangin tûn laia Kristian hmeichhiate’n rinna leh huaisenna chungchângah eng nge an zir theih? (Ro. 4:4, 8, 9, 14, 21, 22; Thuf. 31:30; 1 Kor. 16:13)

3. Rorêltute 5:1-31 chhiar rawh.

   Engtin nge Baraka leh Debori hnehna hla chu Har–Magedon indona lo thleng tûr chungchânga ṭawngṭai nân a hman theih? (Ro. 5:3, 31; 1 Chro. 16:8-10; Thup. 7:9, 10; 16:16; 19:19-21)

Thawnthu 51

1. Engtin nge Naomi chu Moab ramah a lo awm?

2. Ruthi leh Orpi chu tute nge an nih?

3. Naomi’n an mite hnêna kîr leh tûra a tihin Ruthi leh Orpi chuan engtin nge an chhân lêt?

4. Tunge Boaza chu ni a, engtin nge Ruthi leh Naomi chu a ṭanpui?

5. Boaza leh Ruthi te fa hming chu eng nge ni a, engvângin nge kan hriat reng ang?

Zawh belh tûr zawhnate:

1. Ruthi 1:1-17 chhiar rawh.

   1. Ruthi’n eng hmangaihna rinawm duhawm tak nge a lantîr? (Rut. 1:16, 17)

   2. Engtin nge Ruthi rilru put hmang chuan tûn lai leia hriak thihte chunga ‘berâm dangte’ rilru put hmang chiang taka a lantîr? (Joh. 10:16; Zak. 8:23)

2. Ruthi 2:1-23 chhiar rawh.

   Engtin nge Ruthi’n tûn laia hmeichhe ṭhalaite tân entawn tûr ṭha tak a pêk? (Rut. 2:17, 18; Thuf. 23:22; 31:15)

3. Ruthi 3:5-13 chhiar rawh.

   1. Ruthi’n mipa la naupang zâwk aia Boaza a neih duhna chu Boaza’n engtin nge a thlîr?

   2. Ruthi rilru put hmang chuan hmangaihna rinawm chungchâng eng nge min zirtîr? (Rut. 3:10; 1 Kor. 13:4, 5)

4. Ruthi 4:7-17 chhiar rawh.

   Engtin nge tûn laia Kristian mipate chu Boaza ang an nih theih? (Rut. 4:9, 10; 1 Tim. 3:1, 12, 13; 5:8)

Thawnthu 52

1. Engtin nge Israelte chu nasa taka an buai a, engvângin nge?

2. Engvângin nge Jehova’n Gideona hnênah sipai a nei tam lutuk tih a hrilh?

3. Gideona’n a hlau ho haw tûra a hrilh hnuah mi engzât nge la bâng?

4. Milem aṭang hian, Jehova’n Gideona sipaite chu 300 chauhva a tihtlêm dân sawifiah rawh.

5. Engtin nge Gideona’n a mi 300-te chu a puahchah a, engtin nge Israelin indonaah hnehna a chan?

Zawh belh tûr zawhnate:

1. Rorêltute 6:36-40 chhiar rawh.

   1. Engtin nge Gideona’n Jehova duhzâwng chu hriat chian a tum?

   2. Engtin nge tûn laiah Jehova duhzâwng kan zawn chhuah ang? (Thuf. 2:3-6; Mt. 7:7-11; 2 Tim. 3:16, 17)

2. Rorêltute 7:1-25 chhiar rawh.

   1. Fîmkhur lohzia lantîrtute ang lo takin inring renga awm mi 300-te hnên aṭangin eng nge kan zir theih? (Ro. 7:3, 6; Rom 13:11, 12; Eph. 5:15-17)

   2. Mi 300-te’n Gideona en chunga thil tih dân tûr an zir ang chiahin, engtin nge Gideona Ropui Zâwk, Isua Krista en chunga thil kan zir theih? (Ro. 7:17; Mt. 11:29, 30; 28:19, 20; 1 Pet. 2:21)

   3. Engtin nge Rorêltute 7:21 hian Jehova inawpna pâwlin rawngbâwl tûra min ruatna khawi hmunah pawh lungawi tûra min ṭanpui? (1 Kor. 4:2; 12:14-18; Jak. 4:10)

3. Rorêltute 8:1-3 chhiar rawh.

   Unaupa emaw, unaunu emaw nêna mi mal ngaih dân inkalhna chinfel a ngaih hunin, Ephraimho nêna inhnialna Gideona chinfel dân aṭangin eng nge kan zir theih? (Thuf. 15:1; Mt. 5:23, 24; Lk. 9:48)

Thawnthu 53

1. Tunge Jephtha chu ni a, eng huna mi nge a nih?

2. Jephtha’n Jehova hnênah eng thu nge a tiam?

3. Jephtha chu Ammon mite chunga hnehna changa a haw khân engvângin nge a lungngaih?

4. A pa thutiam a hriatin Jephtha fanu chuan eng nge a sawi?

5. Engvângin nge mite’n Jephtha fanu chu an hmangaih?

Zawh belh tûr zawhnate:

1. Rorêltute 10:6-18 chhiar rawh.

   Jehova laka Israelte rinawm lohna chanchin aṭangin eng vaukhânna nge kan bengkhawn ang? (Ro. 10:6, 15, 16; Rom 15:4; Thup. 2:10)

2. Rorêltute 11:1-11, 29-40 chhiar rawh.

   1. Jephtha’n a fanu “hâlral thilhlan” atâna a pêk chu, mihring inthawina anga hâlral tak tak atân a ni tihna a ni lo tih engtin nge kan hriat theih? (Ro. 11:31; Lev. 16:24; Deut. 18:10, 12)

   2. Eng kawngin nge Jephtha’n a fanu chu thil hlan anga a hlan?

   3. Jehova hnêna thutiam chungchânga Jephtha rilru put hmang aṭang chuan eng nge kan zir theih? (Ro. 11:35, 39; Thur. 5:4, 5; Mt. 16:24)

   4. Engtin nge Jephtha fanu chu hunbi kima rawngbâwlna ûm Kristian ṭhalaite tân entawn tûr ṭha a nih? (Ro. 11:36; Mt. 6:33; Phil. 3:8)

Thawnthu 54

1. Nung dam tawh zawng zawng zînga mi chak ber chu tunge ni a, tuin nge a chakna chu pe?

2. Milema i hmuh ang hian, ṭumkhat chu Samsona’n sakeibaknei lian tak chu engtin nge a tih?

3. Milema i hmuh ang hian Samsona’n Delili hnênah eng thurûk nge a hrilh a, engtin nge chu mi avâng chuan Philistia mite’n amah an man theih phah?

4. Samsona’n engtin nge a thih ni chuan a hmêlma Philistia mi 3,000 a tihhlum?

Zawh belh tûr zawhnate:

1. Rorêltute 13:1-14 chhiar rawh.

   Engtin nge Manoa leh a nupui chu nu leh pate tân fate enkawlna kawngah entawn tûr ṭha an nih? (Ro. 13:8; Sâm 127:3; Eph. 6:4)

2. Rorêltute 14:5-9 leh 15:9-16 chhiar rawh.

   1. Samsona’n sakeibaknei a thah te, amah phuartu hruizên thar a tihchah te, leh sabengtung khabe ruh hmanga mi 1,000 a thah chanchinte chuan Jehova thlarau thianghlim hnathawh chungchâng eng nge a târ lan?

   2. Engtin nge tûn laiah thlarau thianghlimin min ṭanpui? (Ro. 14:6; 15:14; Zak. 4:6; Tirh. 4:31)

3. Rorêltute 16:18-31 chhiar rawh.

   Engtin nge ṭhian ṭha lote’n Samsona a nghawng a, chuta ṭang chuan eng nge kan zir theih? (Ro. 16:18, 19; 1 Kor. 15:33)

Thawnthu 55

1. Milema naupang tê hming hi tunge ni a, mi dangte hi tute nge an nih?

2. Hani’n Jehova biak bûk a tlawh laiin ni khat chu a ṭawngṭainaah eng nge a sawi a, engtin nge Jehova’n a chhân?

3. Jehova biak bûka rawngbâwl tûra hruai a nih khân Samuela chu kum eng zât mi nge a nih a, kum tin ama tân a nuin eng nge a tihsak?

4. Elia fapate hming chu eng nge ni a, eng ang mi nge an nih?

5. Engtin nge Jehova’n Samuela a koh va, eng thu nge A hrilh?

6. Samuela a ṭhan len chuan eng nge a lo nih a, a lo tarin eng thil nge thleng?

Zawh belh tûr zawhnate:

1. Samuela bu khatna 1:1-28 chhiar rawh.

   1. Biakna dika hma a hruainaah Elkana’n chhûngkaw lûte tân entawn tûr ṭha eng nge a pêk? (1 Sam. 1:3, 21; Mt. 6:33; Phil. 1:10)

   2. Hani’n buaina khirhkhân tak a hmachhawn dân entîrna aṭangin eng nge kan zir theih? (1 Sam. 1:10, 11; Sâm 55:22; Rom 12:12)

2. Samuela bu khatna 2:11-36 chhiar rawh.

   Engtin nge Elia’n Jehova aia a fapate a chawimawi nasat zâwk a, engtin nge chu chu kan tâna vaukhânna a nih? (1 Sam. 2:22-24, 27, 29; Deut. 21:18-21; Mt. 10:36, 37)

3. Samuela bu khatna 4:16-18 chhiar rawh.

   Indona hmun aṭang chuan eng vânduaina thu pali nge lo thleng a, chu chuan Elia chungah eng nghawng nge a neih?

4. Samuela bu khatna 8:4-9 chhiar rawh.

   Engtin nge Israelte’n Jehova thin an tihrim êm êm a, tûn laiah engtin nge a Lalram chu rinawm taka kan thlâwp theih? (1 Sam. 8:5, 7; Joh. 17:16; Jak. 4:4)

Thawnthu 56

1. Milemah hian, Samuela’n eng nge a tih a, engvângin nge?

2. Engvângin nge Jehova’n Saula a duh a, eng ang mi nge a nih?

3. Eng nge Saula fapa hming chu ni a, ani chuan eng nge a tih?

4. Engvângin nge Saula’n Samuela nghâk lo va inthâwina chu a hlan?

5. Saula chanchin aṭangin eng nge kan zir theih?

Zawh belh tûr zawhnate:

1. Samuela bu khatna 9:15-21 leh 17-27 chhiar rawh.

   Tute emawin zah lo taka a chungchâng an sawi khân engtin nge Saula rilru put hmang dik chuan hmanhmawh taka thil ti lo tûra a ṭanpui? (1 Sam. 9:21; 10:21, 22, 27; Thuf. 17:27)

2. Samuela bu khatna 13:5-14 chhiar rawh.

   Gilgal-ah khân Saula’n eng thil sual nge a tih? (1 Sam. 10:8; 13:8, 9, 13)

3. Samuela bu khatna 15:1-35 chhiar rawh.

   1. Amalek lal, Agaga chungchâng thu-ah Saula’n eng sual khûnkhân tak nge a tih? (1 Sam. 15:2, 3, 8, 9, 22)

   2. Engtin nge Saula’n a thiltih chu thiam inchantîr a tum a, mi dangte a mawhpuh? (1 Sam. 15:24)

   3. Tûn laiah zilhna pêk kan nihin eng vaukhânna nge kan ngaihsak ngai? (1 Sam. 15:19-21; Sâm 141:5; Thuf. 9:8, 9; 11:2)

Thawnthu 57

1. Milema mipa naupang hming hi tunge ni a, engtin nge a huaisen tih kan hriat?

2. Davida chu khawiah nge a chên a, eng nge a pa leh a pu hming chu?

3. Engvângin nge Jehova’n Bethlehema Jesaia ina kal tûra Samuela a hrilh?

4. Jesaia’n Samuela hnênah a fapate zînga pasarih a hruaiin eng thil nge thleng?

5. Davida rawn hruai luh a nih chuan, Jehova’n Samuela hnênah eng nge a hrilh?

Zawh belh tûr zawhnate:

1. Samuela bu khatna 17:34, 35 chhiar rawh.

   Engtin nge hêng thilthlengte hian Davida huaisenzia leh Jehova laka a innghahzia a târ lan? (1 Sam. 17:37)

2. Samuela bu khatna 16:1-14 chhiar rawh.

   1. Engtin nge 1 Samuela 16:7-a Jehova thu chuan mite pâwn lam lan dân aṭanga duhsak bîk nei lo tûr leh inpâwng huatna pumpelh tûra min ṭanpui? (Tirh. 10:34, 35; 1 Tim. 2:4)

   2. Jehova’n mi hnên aṭanga a thlarau thianghlim a lak bovin, a hmun ruak chu thlarau sualin a luah thei, a nih loh leh thil sual ti tûrin chhûngril aṭanga nawr a nih theihzia engtin nge Saula entîrnain a târ lan? (1 Sam. 16:14; Mt. 12:43-45; Gal. 5:16)

Thawnthu 58

1. Goliatha’n Israel sipaite chu engtin nge a cho?

2. Goliatha chu engtia hrawl nge a nih a, a tihlumtu chu Lal Saula’n eng lâwmman nge pêk a tiam?

3. Naupang mai a nih avânga Goliatha a do theih loh tûr thu Saula’n a hrilhin, Davida’n eng nge a sawi?

4. Goliatha a chhân lêtnaah, engtin nge Davida’n Jehova a rinzia a târ lan?

5. Milema i hmuh angin, Goliatha tihhlum nân eng nge Davida’n a hman a, chu mi hnu chuan Philistia mite chungah eng thil nge thleng?

Zawh belh tûr zawhnate:

1. Samuela bu khatna 17:1-54 chhiar rawh.

   1. Davida zâm lohna thurûk chu eng nge ni a, engtin nge a huaisenna chu kan entawn theih? (1 Sam. 17:37, 45; Eph. 6:10, 11)

   2. Kristiante infiamna emaw, intihhlimna emawa an tel hunah engvângin nge Goliatha inelna rilru ang chu an pumpelh ang? (1 Sam. 17:8; Gal. 5:26; 1 Tim. 4:8)

   3. Engtin nge Davida thu hian Pathian ṭanpuina a rinzia a târ lan? (1 Sam. 17:45-47; 2 Chro. 20:15)

   4. Sipai inep pahnihte kâra inbeihna anga sawi mai aiin, engtin nge he chanchin hian Pathian dik, Jehova leh pathian dik lote inkâra indona a nih tak zetzia a târ lan? (1 Sam. 17:43, 46, 47)

   5. Engtin nge hriak thih la bângte’n Jehova chunga Davida rinna chu an entawn? (1 Sam. 17:37; Jer. 1:17-19; Thup. 12:17)

Thawnthu 59

1. Engvângin nge Saula’n Davida a thîk a; mahse, Saula fapa Jonathana chu engtin nge a dang lam bîk?

2. Ni khat chu Davida’n Saula tân ṭingṭang a tum laiin eng thil nge thleng?

3. Saula fanu Mikali nupuia a neih hmain Saula’n eng ti tûrin nge Davida a hrilh a, engvângin nge Saula’n chu chu a tihtîr?

4. Davida’n Saula tân ṭingṭang a tumsak lai hian, milema târ lan ang hian, a vawithumna atân eng thil nge thleng?

5. Engtin nge Mikali’n Davida nun chhanhim nân a ṭanpui a; tichuan, Davida’n kum sarih chhûng eng nge a tih ngai?

Zawh belh tûr zawhnate:

1. Samuela bu khatna 18:1-30 chhiar rawh.

   1. Davida chunga Jonathana hmangaihna danglam thei lo chuan engtin nge “berâm dang” leh “pâwl tlêmte” inkâra inhmangaih tawnna chu a entîr lâwk? (1 Sam. 18:1; Joh. 10:16; Lk. 12:32; Zak. 8:23)

   2. Jonathana chu Saula aia lal tûr ni mah se, engtin nge 1 Samuela 18:4 chuan lal tûra thlan hnêna Jonathana intukluhna ṭha chungchuang tak a târ lan?

   3. Engtin nge Saula entîrna chuan thîknain sual lian tak a thlen theih dân a târ lan a, hei hian kan tân eng vaukhânna nge min pêk? (1 Sam. 18:7-9, 25; Jak. 3:14-16)

2. Samuela bu khatna 19:1-17 chhiar rawh.

   Saula a hmachhawn laiin, engtin nge Jonathana chuan ama nunna ngei chu dinhmun hlauhthâwnawmah a dah? (1 Sam. 19:1, 6; Thuf. 16:14)

Thawnthu 60

1. Milema Davida tâwk tûra lo kal hmeichhe hming hi eng nge ni a, eng ang mi nge a nih?

2. Tunge Nabala chu?

3. Engvângin nge Davida’n Nabala duhsakna dîl tûrin mi ṭhenkhat a tirh?

4. Nabala’n Davida mite hnênah eng nge a lo sawi a, engtin nge Davida’n a chhân lêt?

5. Engtin nge Abigaili’n hmeichhe fing a nihzia a târ lan?

Zawh belh tûr zawhnate:

1. Samuela bu khatna 22:1-4 chhiar rawh.

   Engtin nge Davida chhûngkua chuan Kristian inunaunaa kan in ṭanpui tawn dân tûr chungchângah entawn tûr ṭha an siam? (Thuf. 17:17; 1 Thes. 5:14)

2. Samuela bu khatna 25:1-43 chhiar rawh.

   1. Engvângin nge Nabala’n hmuhsitna nasa tak a lantîr? (1 Sam. 25:2-5, 10, 14, 21, 25)

   2. Eng nge tûn laia Kristian nupuite’n Abigaili entawn tûr siam aṭangin an zir theih? (1 Sam. 25:32, 33; Thuf. 31:26; Eph. 5:24)

   3. Abigaili’n Davida chu thil sual tihna pahnih engte lak aṭangin nge a dan? (1 Sam. 25:31, 33; Rom 12:19; Eph. 4:26)

   4. Davida’n Abigaili thusawi a chhân lêt dân chuan engtin nge tûn laia mipate chu Jehova’n hmeichhiate a thlîr dân nei tûra a ṭanpui? (Tirh. 21:8, 9; Rom 2:11; 1 Pet. 3:7)

Thawnthu 61

1. Davida leh Abisaia’n riahhmuna Saula a mut hlânin eng nge an tih?

2. Eng zawhna nge Davida’n Saula a zawh?

3. Saula’n a hawsan hnuin, khawiah nge Davida a kal?

4. Engin nge Davida tilungngai êm êm a, chuvângin eng hla mawi tak nge a phuah?

5. Davida chu Hebron-a lalbera siam a nih khân kum engzât mi nge a nih a, a fapa ṭhenkhatte hming chu eng nge ni?

6. A hnuah Davida chuan khawiah nge lal anga ro a rêl?

Zawh belh tûr zawhnate:

1. Samuela bu khatna 26:1-25 chhiar rawh.

   1. Samuela bu khatna 26:11 chhinchhiah Davida ṭawngkam chhuak chuan theocratic ruahmanna chunga a rilru put hmang eng nge a târ lan? (Sâm 37:7; Rom 13:2)

   2. Ngilneihna lantîr tumin theih tâwp kan chhuah chung pawha lâwm nachâng hre lo tak kan tawn hunah, 1 Samuela 26:23-a Davida thute hian engtin nge thlîr dân dik vawng reng tûra min ṭanpui theih? (1 Lal. 8:32; Sâm 18:20)

2. Samuela bu hnihna 1:26 chhiar rawh.

   Engtin nge tûn lai Kristiante’n Davida leh Jonathana neih ang ‘inhmangaih tawnna’ an neih theih ang? (1 Pet. 4:8; Kol. 3:14; 1 Joh. 4:12)

3. Samuela bu hnihna 5:1-10 chhiar rawh.

   1. Kum engzât nge Davida’n lal angin ro a rêl a, he kum hi engtia ṭhen nge a nih? (2 Sam. 5:4, 5)

   2. Davida chu engvânga ropui nge a nih a, engtin nge chu chu kan tân tûn laiah hriattîrna a nih? (2 Sam. 5:10; 1 Sam. 16:13; 1 Kor. 1:31; Phil. 4:13)

Thawnthu 62

1. Jehova ṭanpuinain, a tâwpah Kanaan ram chu engtin nge a awm?

2. Tlai khat chu, Davida lal in inchunga a awm laiin, eng thil nge thleng?

3. Engvângin nge Jehova chu Davida chungah nasa taka a thinur?

4. Milemah hian Davida sualna hriattîr tûrin Jehova’n tunge a tirh a, chu pa chuan Davida chunga thil lo thleng tûr eng nge a sawi?

5. Eng buaina nge Davida’n a neih?

6. Davida hnuah, tunge Israel lal lo ni?

Zawh belh tûr zawhnate:

1. Samuela bu hnihna 11:1-27 chhiar rawh.

   1. Engtin nge Jehova rawngbâwlnaa buai rengna chu min vênghimtu a nih?

   2. Engtin nge Davida suala a tlûk luh a, hei hian tûn laia Jehova rawngbâwltute tân eng vaukhânna nge a pêk? (2 Sam. 11:2; Mt. 5:27-29; 1 Kor. 10:12; Jak. 1:14, 15)

2. Samuela bu hnihna 12:1-18 chhiar rawh.

   1. Upate leh nu leh pate’n Nathana’n Davida zilhna a pêk dân aṭang hian eng nge an zir theih? (2 Sam. 12:1-4; Thuf. 12:18; Mt. 13:34)

   2. Engvângin nge Jehova’n Davida chunga ngilnei taka thil a tih? (2 Sam. 12:13; Sâm 32:5; 2 Kor. 7:9, 10)

Thawnthu 63

1. Jehova’n Solomona hnênah eng nge a zawh a, engtin nge a chhân?

2. Solomona thil dîlah a lâwm avângin, Jehova’n eng nge pêk a tiam?

3. Eng buaina khirh tak nge hmeichhe pahnihte’n Solomona hnênah an thlen?

4. Milema i hmuh theih ang hian, engtin nge Solomona’n thu buai chu a rem?

5. Solomona rorêlna chu eng ang nge a nih a, engvâng nge?

Zawh belh tûr zawhnate:

1. Lalte bu khatna 3:3-28 chhiar rawh.

   1. Tûn lai Pathian inawpna pâwla mawhphurhna pêk mipate’n 1 Lalte 3:7-a tih tak zeta Solomona ṭawngṭaina aṭangin eng nge an zir theih? (Sâm 119:105; Thuf. 3:5, 6)

   2. Engtin nge Solomona ṭawngṭaina chu ṭawngṭainaa telh âwm thil chungchângah entawn tûr ṭha tak a nih? (1 Lal. 3:9, 11; Thuf. 30:8, 9; 1 Joh. 5:14)

   3. Hmeichhe pahnihte inkâra inhnialna Solomona rem dân chuan nakina Solomona ropui zâwk, Isua Krista rorêl dân tûr chungchângah eng rinngamna nge min pêk? (1 Lal. 3:28; Is. 9:6, 7; 11:2-4)

2. Lalte bu khatna 4:29-34 chhiar rawh.

   1. Solomona’n hriatna thinlung a dîl chu Jehova’n engtin nge a chhân? (1 Lal. 4:29)

   2. Solomona finna chanchin hre tûra mite thawhrimna han thlîr hian, Pathian Thu zirna chunga kan rilru put hmang tûr chu eng nge ni? (1 Lal. 4:29, 34; Joh. 17:3; 2 Tim. 3:16)

Thawnthu 64

1. Solomona’n Jehova biak in sak zawh nân engtianga rei nge a hman a, engvângin nge in sak man chu a to êm êm?

2. Biak inah chuan pindan pui eng zât nge awm a, eng nge biak in pindan chhûng zâwka dah a nih?

3. Biak in sak zawh a nihin Solomona’n a ṭawngṭainaah eng nge a sawi?

4. Engtin nge Jehova’n Solomona ṭawngṭaina a lawmzia a tihlan?

5. Solomona nupuite’n eng thil nge an tihtîr a, Solomona chungah eng nge lo thleng?

6. Engvângin nge Solomona chungah Jehova a thinrim a, a hnênah eng nge a sawi?

Zawh belh tûr zawhnate:

1. Chronicles bu khatna 28:9, 10 chhiar rawh.

   Davida thu 1 Chronicles 28:9, 10-a chhinchhiah hi ngaihtuahin, kan nî tin nunah eng nge tih kan tum tlat ang? (Sâm 19:14; Phil. 4:8, 9)

2. Chronicles bu hnihna 6:12-21, 32-42 chhiar rawh.

   1. Engtin nge Solomona’n Pathian Chungnungbera chu mihring sak inah a awm lo tih a tihlan? (2 Chro. 6:18; Tirh. 17:24, 25)

   2. Chronicles bu hnihna 6:32, 33-a Solomona thute hian Jehova chungchâng eng nge a târ lan? (Tirh. 10:34, 35; Gal. 2:6)

3. Chronicles bu hnihna 7:1-5 chhiar rawh.

   Israelte’n Jehova ropuina an hmuhnain amah fak tûra a chêttîr ang chiahin, Jehova’n a mite mal a sâwmna kan ngaihtuahin, tûn laiah engtianga min nghawng tûr nge a nih? (2 Chro. 7:3; Sâm 22:22; 34:1; 96:2)

4. Lalte bu khatna 11:9-13 chhiar rawh.

   Engtin nge Solomona nun kawng chuan a tâwp thlenga rinawm reng a pawimawhzia a târ lan? (1 Lal. 11:4, 9; Mt. 10:22; Thup. 2:10)

Thawnthu 65

1. Milema mi pahnihte hming hi eng nge ni a, tute nge an nih?

2. Ahija’n kawrfual a hâk lai chu engtin nge a tih a, chu thiltih chu eng tihna nge ni?

3. Solomona’n Jeroboama lakah chuan eng nge tih a tum?

4. Engvângin nge mite’n Jeroboama chu hnam sâwm chunga lala an siam?

5. Engvângin nge Jeroboama’n rangkachak bâwng no lem pahnih a siam a, a hnu lawkah ramah chuan eng thil nge thleng?

6. Hnam hnih lalram leh Jerusalema Jehova biak in chungah eng nge thleng?

Zawh belh tûr zawhnate:

1. Lalte bu khatna 11:26-43 chhiar rawh.

   Jeroboama kha eng ang mi nge a nih a, Pathian dânte a zawm chuan Jehova’n eng nge a tiam? (1 Lal. 11:28, 38)

2. Lalte bu khatna 12:1-33 chhiar rawh.

   1. Rehoboama entîrna ṭha lo aṭangin, thuneihna hman sual chungchângah nu leh pate leh upate’n eng nge an zir theih? (1 Lal. 12:13; Thur. 7:7; 1 Pet. 5:2, 3)

   2. Tûn laia ṭhalaite’n nuna thu tlûkna khûnkhân tak an siam hunah tu hnên aṭangin nge kaihhruaina rin tlâk an lâk ang? (1 Lal. 12:6, 7; Thuf. 1:8, 9; 2 Tim. 3:16, 17; Heb. 13:7)

   3. Bâwng no biakna hmunpui pahnih siam tûrin engin nge Jeroboama chêttîr a, chu chuan engtin nge Jehova rinna a tlâkchhamzia a tihlan? (1 Lal. 11:37; 12:26-28)

   4. Biakna dik laka hel tûrin hnam sâwm lalrama mite chu tuin nge kaihruai? (1 Lal. 12:32, 33)

Thawnthu 66

1. Tunge Jezebeli chu?

2. Ni khat chu engvângin nge Lal Ahaba a lungngaih?

3. A pasal, Ahaba tâna Nabotha grêp huan neihsak tûrin Jezebeli’n eng nge a tih?

4. Jezebeli hrem tûrin Jehova’n tunge a tirh?

5. Milema i hmuh ang hian, Jezebeli lal ina Jehua a va thlenin eng thil nge thleng?

Zawh belh tûr zawhnate:

1. Lalte bu khatna 16:29-33 leh 18:3, 4 chhiar rawh.

   Lal Ahaba lal chhûngin Israel ram dinhmun chu engtiang khawpa chhia nge a nih? (1 Lal. 14:9)

2. Lalte bu khatna 21:1-16 chhiar rawh.

   1. Engtin nge Nabotha’n huaisenna leh Jehova chunga a rinawm nghehna chu a lantîr? (1 Lal. 21:1-3; Lev. 25:23-28)

   2. Ahaba entîrna aṭangin, lunghnualna hmachhawn chungchângah eng nge kan zir theih? (1 Lal. 21:4; Rom 5:3-5)

3. Lalte bu hnihna 9:30-37 chhiar rawh.

   Jehova duhzâwng tihnaa Jehua ṭhahnemngaihna aṭangin eng nge kan zir theih? (2 Lal. 9:4-10; 1 Kor. 9:1, 2; 2 Tim. 4:2)

Thawnthu 67

1. Tunge Jehosaphata chu ni a, eng hun laia nung nge a nih?

2. Engvângin nge Israelte chu an hlauh va, mi tam takte chuan eng nge an tih?

3. Jehosaphata ṭawngṭaina chu Jehova’n engtin nge a chhân?

4. Indo hmain eng thil nge Jehova’n a thlentîr?

5. Jehosaphata hnên aṭangin eng nge kan zir theih?

Zawh belh tûr zawhnate:

1. Chronicles bu hnihna 20:1-30 chhiar rawh.

   1. Pathian chhiahhlawh rinawmte’n dinhmun hlauhawmte an hmachhawn huna an tih tûr chu engtin nge Jehosaphata’n a târ lan? (2 Chro. 20:12; Sâm 25:15; 62:1)

   2. Jehova chuan mihringte a dâwrnaah inbiak pawh nâna mi hman bîk a neih ṭhin avângin, tûn laiah tunge a hman? (2 Chro. 20:14, 15; Mt. 24:45-47; Joh. 15:15)

   3. ‘Pathian Engkimtitheia ni ropuia indona’ a inṭan hunah, engtin nge kan dinhmun chu Jehosaphata dinhmun nên a inan ang? (2 Chro. 20:15, 17; 32:8; Thup. 16:14, 16)

   4. Levia chite entawnin, tûn laia khawvêl pum huap rawngbâwlnaah pioneer-te leh missionary-te’n eng nge an thawh? (2 Chro. 20:19, 21; Rom 10:13-15; 2 Tim. 4:2)

Thawnthu 68

1. Milema mi pathumte hi tute nge an nih a, mipa naupang tê chungah chuan eng thil nge thleng?

2. Eng nge Elija’n mipa naupang chungchângah a dîl a, chu mi hnu chuan eng thil nge lo thleng?

3. Elija ṭanpuitu hming chu eng nge?

4. Engvângin nge Elisa chu Shunem-a hmeichhe inah koh a nih?

5. Eng nge Elisa’n a tih a, naupang thi tawh chungah chuan eng thil nge thleng?

6. Elija leh Elisa hmanga lantîr angin, eng thiltihtheihna nge Jehova’n a neih?

Zawh belh tûr zawhnate:

1. Lalte bu khatna 17:8-24 chhiar rawh.

   1. Engtin nge Elija thuâwihna leh rinna chu fiah a nih? (1 Lal. 17:9; 19:1-4, 10)

   2. Engvângin nge Zarephath khuaa hmeithainu rinna chu chhinchhiah tlâk tak a nih? (1 Lal. 17:12-16; Lk. 4:25, 26)

   3. Zarephath khuaa hmeithainu thiltawn chuan engtin nge Matthaia 10:41, 42-a chhinchhiah Isua thusawi dikzia a târ lan? (1 Lal. 17:10-12, 17, 23, 24)

2. Lalte bu hnihna 4:8-37 chhiar rawh.

   1. Khualchhâwn chungchângah Shunem khuaa hmeichhiain eng nge min zirtîr? (2 Lal. 4:8; Lk. 6:38; Rom 12:13; 1 Joh. 3:17)

   2. Tûn laia Pathian chhiahhlawhte chungah eng kawngtein nge ngilneihna thiltih kan lantîr theih? (Tirh. 20:35; 28:1, 2; Gal. 6:9, 10; Heb. 6:10)

Thawnthu 69

1. Milemah hian, hmeichhe naupang tê hian he nu hnênah eng nge a hrilh?

2. Tunge milema hmeichhia hi ni a, a inah hmeichhe naupang têin eng nge a tih?

3. Elisa’n a chhiahhlawh chu Naamana hnêna eng hrilh tûrin nge a tih a, engvângin nge Naamana chu a thinur?

4. Naamana’n a chhiahhlawh thu chu a zawmin eng thil nge lo thleng?

5. Engvângin nge Elisa’n Naamana thilpêk lâk chu a hnial a; mahse, Gehazia’n eng nge a tih?

6. Gehazia chungah eng thil nge thleng a, chuta ṭangin eng nge kan zir theih?

Zawh belh tûr zawhnate:

1. Lalte bu hnihna 5:1-27 chhiar rawh.

   1. Engtin nge Israel hmeichhe naupang tê entîrna siam chuan tûn laia naupangte a fuih theih? (2 Lal. 5:3; Sâm 8:2; 148:12, 13)

   2. Pathian Lehkha Thua fuihna kan dawn huna Naamana entîrna kan rilrua dah reng chu engvângin nge a ṭhat? (2 Lal. 5:15; Heb. 12:5, 6; Jak. 4:6)

   3. Gehazia nêna inkalh tak Elisa entîrna aṭang chuan eng nge kan zir theih? (2 Lal. 5:9, 10, 14-16, 20; Mt. 10:8; Tirh. 5:1-5; 2 Kor. 2:17)

Thawnthu 70

1. Tunge Jona chu ni a, Jehova’n engti tûrin nge a tirh?

2. Jehova tirhnaah a kal duh loh avângin, Jona’n eng nge a tih?

3. Thlipui tireh tûrin lawngpute hnênah Jona’n engti tûrin nge hrilh?

4. Milema kan hmuh angin, Jona tuia a pilin eng thil nge thleng?

5. Engtianga rei nge sangha pum chhûngah Jona a awm a, chutah chuan eng nge a tih?

6. Jona chu sangha pum chhûng aṭanga a chhuah hnuin khawiah nge a kal a, hei hian eng nge min zirtîr?

Zawh belh tûr zawhnate:

1. Jona 1:1-17 chhiar rawh.

   Ninevi-a thu hril tûra a mawhphurhna chu Jona’n engtin nge a ngaih? (Jon. 1:2, 3; Thuf. 3:7; Thur. 8:12)

2. Jona 2:1, 2, 10 chhiar rawh.

   Jehova’n kan ṭawngṭaina a chhâng ang tih engtin nge Jona thiltawnin rinngamna min pêk? (Sâm 22:24; 34:6; 1 Joh. 5:14)

3. Jona 3:1-10 chhiar rawh.

   1. Atîrin Jona’n a mawhphurhna a hlen lo chung pawha Jehova’n a hman zawm zêl dân aṭangin chakna eng nge kan neih theih? (Sâm 103:14; 1 Pet. 5:10)

   2. Ninevi-a Jona thiltawnin kan bialchhûnga mite chunga ngaih dân siam lâwk chungchângah eng nge min zirtîr? (Jon. 3:6-9; Thur. 11:6; Tirh. 13:48)

Thawnthu 71

1. Tunge Isaia chu ni a, eng hun laiin nge a dam a, eng nge Jehova’n a hmuhtîr?

2. Eng nge “paradis” tih thu mal awmzia chu ni a, chu chuan eng nge a hriat chhuahtîr che?

3. Jehova’n Isaia chu Paradis thar chungchânga ziah tûr eng nge a hrilh?

4. Engvângin nge Adama leh Evi’n an in mawi tak chu an hloh?

5. Amah hmangaihtute hnênah Jehova’n eng nge a tiam?

Zawh belh tûr zawhnate:

1. Isaia 11:6-9 chhiar rawh.

   1. Engtin nge Pathian Thu chuan khawvêl thara ran leh mihringte inkâra remna a awm tûr thu a târ lan? (Sâm 148:10, 13; Is. 65:25; Ezek. 34:25)

   2. Tûn laia Jehova mite zîngah Isaia thute hian thlarau lama thlen famkimna eng nge a neih? (Rom 12:2; Eph. 4:23, 24)

   3. Tûnah leh khawvêl thara mihringte mize thara thlâknaah tuin nge chawimawi phu? (Is. 48:17, 18; Gal. 5:22, 23; Phil. 4:7)

2. Thu Puan 21:3, 4 chhiar rawh.

   1. Mihringte zîngah Pathian a awm tih chu, leia mihringte zînga awm tak tak tihna ni lovin, entîr neiin a awm tihna a ni tih hêng Bible chângte hian engtin nge a târ lan? (Lev. 26:11, 12; 2 Chro. 6:18; Is. 66:1; Thup. 21:2, 3, 22-24)

   2. Eng ang ṭahna leh natna nge awm tawh dâwn lo? (Lk. 8:49-52; Rom 8:21, 22; Thup. 21:4)

Thawnthu 72

1. Milema mipa hi tu nge a nih a, engvângin nge buaina tam tak a neih?

2. Hezekia’n Pathian hmaa a dah lehkhate hi eng nge ni a, Hezekia’n eng nge a dîl?

3. Hezekia chu eng ang lal nge ni a, a hnênah zâwlnei Isaia hmangin Jehova’n eng thu nge a thawn?

4. Milema târ lan angin, Jehova vântirhkohvin Assuria ho chungah eng nge a tih?

5. Hnam hnih lalramte chuan engemaw chen chu muanna nei mah se, Hezekia thih hnuah eng thil nge thleng?

Zawh belh tûr zawhnate:

1. Lalte bu hnihna 18:1-36 chhiar rawh.

   1. Engtin nge Assuria palai Rabsake-a chuan Israelte rinna chu chak lohtîr a tum? (1 Lal. 18:19, 21; Ex. 5:2; Sâm 64:3)

   2. Dodâltute an dâwr hunah, engtin nge Jehova Thuhretute’n Hezekia entîrna hi an zui? (2 Lal. 18:36; Sâm 39:1; Thuf. 26:4; 2 Tim. 2:24)

2. Lalte bu hnihna 19:1-37 chhiar rawh.

   1. Tûn laia Jehova mite’n an mangan hunah engtin nge Hezekia an entawn? (2 Lal. 19:1, 2; Thuf. 3:5, 6; Heb. 10:24, 25; Jak. 5:14, 15)

   2. Senakeriba’n eng tlâwmna pathum nge a tawh a, tunge a entîr lâwk? (2 Lal. 19:32, 35, 37; Thup. 20:2, 3)

3. Lalte bu hnihna 21:1-6, 16 chhiar rawh.

   Engvângin nge Manasea chu Jerusalema lal tawh zawng zawng zînga sual ber a tih theih? (2 Chro. 33:4-6, 9)

Thawnthu 73

1. Josia chu lalber a nihin kum eng zât mi nge a nih a, lal a nih aṭanga kum sarihah eng nge a tih ṭan?

2. Milem hmasaah Josia’n eng nge a tih mêk?

3. Biak in an sak ṭhatin puithiam lalin eng nge a hmuhchhuah?

4. Engvângin nge Josia’n a silhfên a pawhthlêr?

5. Zâwlneinu Huldai’n Josia hnênah Jehova hnên aṭanga thuchah eng nge a pêk?

Zawh belh tûr zawhnate:

1. Chronicles bu hnihna 34:1-28 chhiar rawh.

   1. Naupan laia harsatna chhel taka tawrh ngaite tân Josia’n eng entawn tûr nge a siam? (2 Chro. 33:21-25; 34:1, 2; Sâm 27:10)

   2. Biakna dik tihhmasâwn nân a lal kum 8-na, kum 12-na leh kum 18-naahte Josia’n eng thil pawimawh takte nge a tih? (2 Chro. 34:3, 8)

   3. Kan biakna hmunte vawnnaah Lal Josia leh Puithiam Lalber Hilkia entawn tûr siam aṭangin eng nge kan zir theih? (2 Chro. 34:9-13; Thuf. 11:14; 1 Kor. 10:31)

Thawnthu 74

1. Milema tlangvâl hi tunge ni?

2. Zâwlnei a han ni mai tûr chu Jeremia’n engtin nge ngaih a; mahse, Jehova’n eng nge a hrilh?

3. Eng thuchah nge Jeremia’n mite a hrilh nawn fo?

4. Engtin nge puithiamte’n Jeremia chu ngawihtîr an tum a; mahse, a hlau lo tih engtin nge a lantîr?

5. Israelte’n an kawng ṭha lo an thlâk loh khân, eng thil nge lo thleng?

Zawh belh tûr zawhnate:

1. Jeremia 1:1-8 chhiar rawh.

   1. Jeremia entîrnain a târ lan angin, engin nge Jehova rawngbâwl tûrin mi chu tlintîr? (2 Kor. 3:5, 6)

   2. Tûn laia Kristian ṭhalaite tân Jeremia entîrnain eng fuihna nge a pêk? (Thur. 12:1; 1 Tim. 4:12)

2. Jeremia 10:1-5 chhiar rawh.

   Milem rinchhan a ṭangkai lohzia lantîr nân Jeremia’n tehkhin thu thiltithei tak eng nge a hman? (Jer. 10:5; Is. 46:7; Hab. 2:19)

3. Jeremia 26:1-16 chhiar rawh.

   1. Hriak thih a la bângte’n tûn laia vaukhânna an pêk hunah, Jeremia hnêna ‘pakhat mah zêp lova sawi vek’ tûra Jehova thupêk chu engtin nge rilrua an vawn? (Jer. 26:2; Deut. 4:2; Tirh. 20:27)

   2. Eng entawn tûr ṭha nge hnamte hnêna Jehova vaukhânna puan chhuahnaah Jeremia’n tûn laia Jehova Thuretute tân a pêk? (Jer. 26:8, 12, 14, 15; 2 Tim. 4:1-5)

4. Lalte bu hnihna 24:1-17 chhiar rawh.

   Judate Jehova laka an rinawm lohna khân eng rahchhuah ṭha lo tak nge a neih? (2 Lal. 24:2-4, 14)

Thawnthu 75

1. Milema tlangvâl palite hi tute nge an nih a, engvângin nge Babulon-a an awm?

2. Tlangvâl palite tân Nubukadnezzara’n eng thiltumte nge a neih a, a chhiahhlawhte hnênah eng thu nge a pêk?

3. Ei leh in tûr chungchângah Daniela’n amah leh a ṭhian pathumte tân eng ngenna nge a siam?

4. Ni sâwm chhûng thlai an ei hnuah, Daniela leh a ṭhian pathumte chu tlangvâl dangte nêna khaikhinin engtin nge an awm?

5. Engtin nge Daniela leh a ṭhian pathumte chu lal ina an lo awm a, eng kawngin nge puithiamte leh mi fingte aia an ṭhat zâwk?

Zawh belh tûr zawhnate:

1. Daniela 1:1-21 chhiar rawh.

   1. Thlêmna do tûr leh chak lohnate hneh tûra inbeisei thei tûr chuan eng ang thawhrimna nge ngai? (Dan. 1:8; Gen. 39:7, 10; Gal. 6:9)

   2. Eng kawngin nge tûn lai ṭhalaite chu ṭhenkhatin “Lal chaw” nia an ngaih thilte hmanga thlêm emaw, nawr luih emaw an nih theih? (Dan. 1:8; Thuf. 20:1; 2 Kor. 6:17–7:1)

   3. Engtin nge Bible-a Hebrai tlangvâl palite chanchin chuan khawvêl finna zir chungchâng hre thiam tûra min ṭanpui? (Dan. 1:20; Is. 54:13; 1 Kor. 3:18-20)

Thawnthu 76

1. Milema târ lan a nih angin Jerusalem leh Israelte chungah eng thil nge lo thleng?

2. Tunge Ezekiela chu ni a, eng thil râpthlâk nge Jehova’n a hmuhtîr?

3. Israelte’n Jehova an zah loh avângin, eng thu nge a tiam?

4. Israelte’n a chunga an hel hnuah Lal Nebukadnezzara’n eng nge a tih?

5. Engvângin nge Jehova’n Israelte chungah he chhiatna râpthlâk tak hi thlentîr a phal?

6. Engtin nge Israel ram chu mite awm miah lova kalsan a nih a, eng tia rei nge?

Zawh belh tûr zawhnate:

1. Lalte bu hnihna 25:1-26 chhiar rawh.

   1. Tunge Zedekia chu ni a, a chungah eng thil nge thleng a, engtin nge he Bible hrilh lâwkna hi a thlen famkim? (2 Lal. 25:5-7; Ezek. 12:13-15)

   2. Israelte rinawm lohna thiltih zawng zawngah Jehova’n tunge mawh a phurhtîr? (2 Lal. 25:9, 11, 12, 18,  19; 2 Chro. 36:14, 17)

2. Ezekiela 8:1-18 chhiar rawh.

   Engtin nge Kristianna ramin nî betu Israel kal pêngte a entawn? (Ezek. 8:16; Is. 5:20, 21; Joh. 3:19-21; 2 Tim. 4:3)

Thawnthu 77

1. Babulon lal Nebukadnezzara’n mipuite hnênah eng thu nge a pêk?

2. Engvângin nge Daniela ṭhian pathumte chu rangkachak milim hmaa an kûn loh?

3. Nebukadnezzara’n Hebrai pathumte hnêna kûnna hun remchâng a pêk leh khân, engtin nge Jehova an rinchhanzia an lantîr?

4. Nebukadnezzara’n a chhiahhlawhte chu Sadraka, Mesaka, leh Abednegoa te chungah eng nge a tihtîr?

5. Nebukadnezzara’n rawhtuina mei a han en khân eng nge a hmuh?

6. Engvângin nge Nebukadnezzara’n Sadraka, Mesaka, leh Abednegoa te Pathian chu a fak a, kan tân entawn tûr nge nge min hnutchhiah?

Zawh belh tûr zawhnate:

1. Daniela 3:1-30 chhiar rawh.

   1. Pathian chhiahhlawh zawng zawngte chuan an rinawmna fiah a nih hunah Hebrai tlangvâl pathumte lantîr eng rilru put hmang nge an entawn ang? (Dan. 3:17, 18; Mt. 10:28; Rom 14:7, 8)

   2. Pathian Jehova’n zir tûr pawimawh tak eng nge Nebukadnezzara a pêk? (Dan. 3:28, 29; 4:34, 35)

Thawnthu 78

1. Babulon lalberin ruai ropui tak a ṭheh lai a, Jerusalem-a Jehova biak in aṭanga lâk no leh thlêng kumte a hman khân, eng thil nge lo thleng?

2. Belsazzara’n a mi fingte hnênah eng nge a sawi a; mahse, eng nge an tih theih loh?

3. Lalber nuin lal hnênah engti tûrin nge a hrilh?

4. Lal hnêna Daniela sawi angin, Pathianin engvângin nge kut chu banga thil ziak tûra a tirh?

5. Engtin nge Daniela’n banga thuziak awmzia chu a hrilhfiah?

6. Daniela’n thu a la sawi lai mêk chuan eng thil nge thleng?

Zawh belh tûr zawhnate:

1. Daniela 5:1-31 chhiar rawh.

   1. Pathian ṭihna leh Belshazara’n banga kut ziak a hmuha a hlauhna khaikhin rawh. (Dan. 5:6, 7; Sâm 19:9; Rom 8:35-39)

   2. Belsazzara leh a mi ropuite hmaa thu a sawiin engtin nge Daniela’n a huaisenzia a lantîr? (Dan. 5:17, 18, 22, 26-28; Tirh. 4:29)

   3. Eng kawngin nge Daniela bung 5 hian lei leh vâna Jehova lalchungnunna chu a sawi uar? (Dan. 4:17, 25; 5:21)

Thawnthu 79

1. Tunge Daria chu ni a, engtin nge Daniela chu a thlîr?

2. Thîktu ṭhenkhatte’n Daria chu eng nge an tihtîr?

3. Daniela’n dân thar chungchâng a hriatin eng nge a tih?

4. Engvângin nge Daria chu a mangan êm avânga a mut theih loh a, a tûk zîngah chuan eng nge a tih?

5. Engtin nge Daniela’n Daria a chhân?

6. Daniela tihboral tum mi ṭha lote chungah eng thil nge thleng a, Daria’n a rama mipui zawng zawng hnênah eng lehkha nge a thawn?

Zawh belh tûr zawhnate:

1. Daniela 6:1-28 chhiar rawh.

   1. Engtin nge Daniela an phiarrûkna chuan tûn laia Jehova Thuhretute hnathawh khapbeh tuma dodâltute thiltih min hriat chhuahtîr? (Dan. 6:7; Sâm 94:20; Is. 10:1; Rom 8:31)

   2. Engtin nge tûn laia Pathian chhiahhlawhte’n “rorêltute” thuâwihnaah Daniela an entawn theih? (Dan. 6:5, 10; Rom 13:1; Tirh. 5:29)

   3. Jehova ‘rawng bâwl fo ṭhinnaah’ engtin nge Daniela kan entawn theih ang? (Dan. 6:16, 20; Phil. 3:16; Thup. 7:15)

Thawnthu 80

1. Milema târ lan a nih angin, Israelte’n eng nge an tih mêk?

2. Engtin nge Lal Kura’n Isaia hmanga Jehova thu hrilh hlâwk a tihthlen famkim?

3. Jerusalema haw thei lo Israelte hnênah Kura’n eng nge a hrilh?

4. Kura’n mite hnênah Jerusalema hawn tûr eng nge a pêk?

5. Israelte’n Jerusalem an thlen nân engtia rei nge ngai?

6. Ram chu a ruak veka hnutchhiah a nih aṭangin kum engzât nge liam?

Zawh belh tûr zawhnate:

1. Isaia 44:28 leh 45:1-4 chhiar rawh.

   1. Engtin nge Jehova’n Kura chungchânga hrilh lâwkna chu a thleng famkim ngei dâwn tih a sawi uar? (Is. 55:10, 11; Rom 4:16, 17)

   2. Kura chungchânga Isaia hrilh lâwkna chuan Pathian Jehova’n nakin hun tûr a sawi lâwk theihzia eng nge a târ lan? (Is. 42:9; 45:21; 46:10, 11; 2 Pet. 1:20)

2. Ezra 1:1-11 chhiar rawh.

   Jerusalema hawkîr thei lote entawn tûr siam chu zuiin, engtin nge tûn laiah hunbi kima rawngbâwl theite kan “ṭanpui” theih? (Ezr. 1:4, 6; Rom 12:13; Kol. 4:12)

Thawnthu 81

1. Babulon aṭanga Jerusalem zin kawng thui takah mi eng zât nge kal a; mahse, an va thlenin eng nge an hmuh?

2. An va thlen chuan Israelte’n eng nge an sak ṭan a; mahse, an hmêlmate’n eng nge an tih?

3. Hagaia leh Zakaria chu tute nge an nih a, mipuite chu eng nge an hrilh?

4. Engvângin nge Tattenaia’n Babulonah lehkha a thawn a, eng chhânna nge a dawn?

5. Ezra’n Pathian biak in chei ṭhat leh a ngai tih a hriatin eng nge a tih?

6. Milema i hmuh ang hian, Ezra’n eng nge a dîl a, engtin nge a ṭawngṭaina chu chhân a nih a, hei hian eng nge min zirtîr?

Zawh belh tûr zawhnate:

1. Ezra 3:1-13 chhiar rawh.

   Pathian mite kohhran awm lohna hmunah kan awm ngai a nih chuan, eng nge kan tih chhunzawm zêl ang? (Ezr. 3:3, 6; Tirh. 17:16, 17; Heb. 13:15)

2. Ezra 4:1-7 chhiar rawh.

   Zerubabela’n rinpawlhna chungchângah Jehova mite tân entawn tûr eng nge a siam? (Ex. 34:12; 1 Kor. 15:33; 2 Kor. 6:14-17)

3. Ezra 5:1-5, 17 leh 6:1-22 chhiar rawh.

   1. Engvângin nge dodâltute chuan biak in sak hna an tihtâwp theih loh? (Ezr. 5:5; Is. 54:17)

   2. Kristian upate chu dodâlna an tawh huna Jehova kaihhruaina zawng tûrin engtin nge Juda upate thiltih chuan a fuih? (Ezr. 6:14; Sâm 32:8; Rom 8:31; Jak. 1:5)

4. Ezra 8:21-23, 28-36 chhiar rawh.

   Thil engemaw kan tih hmain, Ezra entîrna eng nge kan entawn atâna ṭha? (Ezr. 8:23; Sâm 127:1; Thuf. 10:22; Jak. 4:13-15)

Thawnthu 82

1. Mordekaia leh Estheri chu tute nge an nih?

2. Engvângin nge Lal Ahasuera’n nupui thar a duh a, tunge a thlan?

3. Tunge Hamana chu ni a, engin nge tithinrim êm êm?

4. Eng dân nge siam a nih a, Mordekaia hnên aṭanga thuchah a dawn hnuin Estheri’n eng nge a tih?

5. Hamana chungah eng thil nge thleng a, Mordekaia chungah eng thil nge thleng?

6. Engtin nge Israel mite chu an hmêlmate lak ata chhanhim an nih?

Zawh belh tûr zawhnate:

1. Estheri 2:12-18 chhiar rawh.

   Engtin nge Estheri’n “rilru thuhnuairawlh leh nunnêm” neih hlutna chu a târ lan? (Est. 2:15; 1 Pet. 3:1-5)

2. Estheri 4:1-17 chhiar rawh.

   Estheri chu biakna dik atâna inhman theihna hun remchâng pêk a nih ang chiahin, tûn laiah Jehova hnêna kan inpumpêkna leh kan rinawmna târ lan theihna eng hun remchâng nge pêk kan nih? (Est. 4:13, 14; Mt. 5:14-16; 24:14)

3. Estheri 7:1-6 chhiar rawh.

   Estheri tih ang chiahin, engtin nge tûn laia Pathian mi tam takte chu tihduhdahna tuar mai thei dinhmuna an indah? (Est. 7:4; Mt. 10:16-22; 1 Pet. 2:12)

Thawnthu 83

1. Engtin nge Israelte’n an khawpui Jerusalem hual vêla kulh awm lo chu an ngaih?

2. Tunge Nehemia chu?

3. Nehemia’n eng hna nge a thawh a, engvângin nge a hna chu a pawimawh êm êm?

4. Eng thuin nge Nehemia chu tilungngai êm êm a, eng nge a tih?

5. Engtin nge Lal Artazerzia’n Nehemia chungah ngilneihna a lantîr?

6. Israel hmêlmate’n in sak hna an tihtâwp theih loh nân engtin nge Nehemia’n ruahmanna a siam?

Zawh belh tûr zawhnate:

1. Nehemia 1:4-6 leh 2:1-20 chhiar rawh.

   Engtin nge Nehemia’n Jehova kaihhruaina a zawn? (Neh. 2:4, 5; Rom 12:12; 1 Pet. 4:7)

2. Nehemia 3:3-5 chhiar rawh.

   Teko-ho leh an “mi liante” inkâra inthlauhna aṭangin eng nge upate leh kohhranho rawngbâwltute’n an zir theih? (Neh. 3:5, 27; 2 Thes. 3:7-10; 1 Pet. 5:5)

3. Nehemia 4:1-23 chhiar rawh.

   1. Dodâlna nasa tak an tâwk chung pawhin in sa chhunzawm zêl tûrin Israelte chu engin nge chêttîr? (Neh. 4:6, 8, 9; Sâm 50:15; Is. 65:13, 14)

   2. Eng kawngin nge Israelte entawn tûr siam chuan tûn laiah min tihchak?

4. Nehemia 6:15 chhiar rawh.

   Jerusalem kulh thla hnih chhûnga zawh felna chuan rinna thiltihtheihzia chungchâng eng nge a târ lan? (Sâm 56:3, 4; Mt. 17:20; 19:26)

Thawnthu 84

1. Milema hmeichhia hi tunge ni?

2. Gabriela’n Mari hnênah eng nge a sawi?

3. Mipa nên la khawsa lo mah se, nautê a nei dâwn tih engtin nge Gabriela’n Mari a hrilhfiah?

4. Mari’n a laichîn Elizabeti a va tlawhin eng thil nge thleng?

5. Mari’n nautê a nei dâwn tih a hriatin Josefa’n eng nge a ngaihtuah a; mahse, engvângin nge a rilru a thlâk?

Zawh belh tûr zawhnate:

1. Luka 1:26-56 chhiar rawh.

   1. Pathian Fapa nunna chu thlarau khawvêl aṭanga sawn a nih khân, Mari chi bâwma Adama sual avânga ṭhat famkim lohna chungchâng Luka 1:35-in eng nge a târ lan? (Hag. 2:11-13; Joh. 6:69; Heb. 7:26; 10:5)

   2. Engtin nge Isua’n a pian hma aṭang rênga chawimawina a dawn? (Lk. 1:41-43)

   3. Rawngbâwlna chanvo hlu dawngtu tûn laia Kristiante tân Mari’n eng entawn tûr ṭha nge a siam? (Lk. 1:38, 46-49; 17:10; Thuf. 11:2)

2. Matthaia 1:18-25 chhiar rawh.

   Isua chu Emmanuela tia koh ni lo mah se, engtin nge mihring anga a chanvoin chu mi awmzia chu a hlen chhuah? (Mt. 1:22, 23; Joh. 14:8-10; Heb. 1:1-3)

Thawnthu 85

1. Milema nausên te tak tê hi tunge a nih a, khawiah nge Mari’n a muttîr?

2. Isua chu bâwng inah rante kârah engvângin nge a pian?

3. Milemah hian, bâwng ina lo lûtte hi tute nge an nih a, vântirhkohvin eng nge a hrilh?

4. Engvângin nge Isua chu a danglam bîk?

5. Engvângin nge Isua chu Pathian Fapa tia koh theih a nih?

Zawh belh tûr zawhnate:

1. Luka 2:1-20 chhiar rawh.

   1. Isua pian chungchâng hrilh lâwkna thlen famkimnaah Kaisara Augustusa’n eng hmun nge a chan? (Lk. 2:1-4; Mik. 5:2)

   2. “A lawm êm êm mihringte” tia koh zîngah mi eng zât nge tel? (Lk. 2:14; Mt. 16:24; Joh. 17:3; Tirh. 3:19; Heb. 11:6)

   3. Chhandamtu a pian avânga mi tlâwm tak Juda berâm vêngtute’n lâwm chhan tûr an neih chuan, tûn laia Pathian chhiahhlawhte’n lâwm chhan tûr ropui zâwk eng nge an neih? (Lk. 2:10, 11; Eph. 3:8, 9; Thup. 11:15; 14:6)

Thawnthu 86

1. Milema mite hi tute nge an nih a, engvângin nge an zînga pakhatin arsi êng tak a kawh?

2. Engvângin nge Lal Heroda a mangan a, eng nge a tih?

3. Arsi êng tak chuan mite chu khawiah nge a hruai thlen a; mahse, engvângin nge kawng dang zawha an rama an kîr?

4. Heroda’n eng thu nge a pêk a, engvângin nge?

5. Jehova’n eng ti tûrin nge Josefa a hrilh?

6. Tuin nge arsi thar chu êng tûra siam a, engvângin nge?

Zawh belh tûr zawhna:

1. Matthaia 2:1-23 chhiar rawh.

   Mi fingte’n an va tlawh khân Isua chu eng tia upa nge a nih a, khawiah nge a awm? (Mt. 2:1, 11, 16)

Thawnthu 87

1. Milemah hian Isua chu engtia upa eng a nih, a awmna hi khawi hmun nge ni?

2. Josefa chuan kum tinin a chhûngte eng nge a tihpui ṭhin?

3. In lam pana ni khat an kal hnuah, engvângin nge Josefa leh Mari chu Jerusalema an kîr leh?

4. Josefa leh Mari’n Isua chu khawiah nge an va hmuh a, chuta mite’n engvângin nge mak an tih?

5. Isua’n a nu Mari hnênah eng nge a sawi?

6. Pathian chanchin zirnaah engtin nge Isua ang kan nih theih?

Zawh belh tûr zawhnate:

1. Luka 2:41-52 chhiar rawh.

   1. Dânin mipate chauh kum tin kût hmang tûrin phût mah se, Josefa leh Mari’n tûn laia nu leh pate tân entawn tûr ṭha eng nge an siam? (Lk. 2:41; Deut. 16:16; 31:12; Thuf. 22:6)

   2. Engtin nge nu leh pate hnêna intukluhnaah Isua’n tûn laia ṭhalaite tân entawn tûr ṭha a siam? (Lk. 2:51; Deut. 5:16; Thuf. 23:22; Kol. 3:20)

2. Matthaia 13:53-56 chhiar rawh.

   Bible-a chuang Isua pianpui unaupa palite hming chu eng nge ni a, a hnuah an zînga pahnihte chu Kristian kohhranah engtia hman nge an nih? (Mt. 13:55; Tirh. 12:17; 15:6, 13; 21:18; Gal. 1:19; Jak. 1:1; Jud. 1)

Thawnthu 88

1. Milema mi pahnihte hi tute nge an nih?

2. Mi chu eng anga baptis nge a nih?

3. A tlângpui thuin, Johana’n tute nge a baptis?

4. Eng chhan dang lam bîk tak vângin nge Isua’n amah baptis tûra Johana a ngen?

5. Pathianin Isua baptisma chan A lawmzia engtin nge a târ lan?

6. Isua thlalêra ni 40 a kal bovin eng thil nge thleng?

7. Isua zuitu emaw, a zirtîr emaw ni hmasa ṭhenkhat chu tute nge ni a, a thilmak tih hmasak ber chu eng nge ni?

Zawh belh tûr zawhnate:

1. Matthaia 3:13-17 chhiar rawh.

   Isua’n A zirtîrte baptisma chan dân tûr chungchângah entawn tûr eng nge a hnutchhiah? (Sâm 40:7, 8; Mt. 28:19, 20; Lk. 3:21, 22)

2. Matthaia 4:1-11 chhiar rawh.

   Engtin nge Isua’n Pathian Lehkha Thu thiam taka a hmanna chuan Bible zir ziah tûra min fuih? (Mt. 4:5-7; 2 Pet. 3:17, 18; 1 Joh. 4:1)

3. Johana 1:29-51 chhiar rawh.

   Baptistu Johana’n a zirtîrte chu tunge a khawhhmuh a, engtin nge tûn laiah kan entawn theih? (Joh. 1:29, 35,  36; 3:30; Mt. 23:10)

4. Johana 2:1-12 chhiar rawh.

   Engtin nge Isua thilmak tih hmasak ber chuan Jehova’n A chhiahhlawhte tân thil ṭha engmah a ui lo tih a târ lan? (Joh. 2:9, 10; Sâm 84:11; Jak. 1:17)

Thawnthu 89

1. Engvângin nge biak inah rante zawrh a nih?

2. Engin nge Isua tithinrim?

3. Milema i hmuh angin, eng nge Isua’n a tih a, ṭhuro zuartute chu eng thu nge a pêk?

4. Isua hnungzuitute’n a thiltih an hmuhin, eng nge an hriatchhuah?

5. Galilia a kîr lehin eng ram nge a kal tlang?

Zawh belh tûr zawhna:

1. Johana 2:13-25 chhiar rawh.

   Biak ina tangka thlengtute chunga Isua thinrimna ngaihtuahin, Kingdom Hall-a sumdâwnna thiltih thlîr dân dik chu eng nge ni? (Joh. 2:15, 16; 1 Kor. 10:24, 31-33)

Thawnthu 90

1. Engvângin nge Isua chu Samaria ram tuichhunchhuah kiangah a chawlh a, chuta hmeichhia hnênah chuan eng nge a sawi?

2. Engvângin nge hmeichhiain mak a tih a, eng nge Isua’n a hnênah a sawi a, engvângin nge a sawi?

3. Hmeichhia’n Isua chu eng tui chungchâng sawiah nge a ngaih a, a nihna takah chuan eng tui chungchâng nge a sawi?

4. Hmeichhia mak tihtîrtu eng thil nge Isua’n a hriat a, engtin nge a hriat?

5. Tuichhunchhuaha hmeichhe chungchâng aṭangin eng nge kan zir theih?

Zawh belh tûr zawhnate:

1. Johana 4:5-43 chhiar rawh.

   1. Isua entîrna zuiin, chi hrang leh dinhmun hrangte chungah eng ang rilru put hmang nge kan lantîr ang? (Joh. 4:9; 1 Kor. 9:22; 1 Tim. 2:3, 4; Tit. 2:11)

   2. Isua zirtîr lo ni tate chuan thlarau lam hlâwkna eng nge an neih? (Joh. 4:14; Is. 58:11; 2 Kor. 4:16)

   3. A thil hriatte phûr taka sawitu Samari hmeichhia neih lâwmna ang chu engtin nge kan lantîr theih ang? (Joh. 4:7, 28; Mt. 6:33; Lk. 10:40-42)

Thawnthu 91

1. Milemah hian Isua’n khawi hmunah nge a zirtîr a, amah hnaih bera ṭhute hi tute nge an nih?

2. A tirhkoh 12-te hming chu eng nge ni?

3. Isua hril Lalram chanchin chu eng nge ni?

4. Isua’n mite chu eng nge ṭawngṭainaa dîl tûra a zirtîr?

5. Mite incheibâwl dân tûr chungchâng Isua’n eng nge a sawi?

Zawh belh tûr zawhnate:

1. Matthaia 5:1-12 chhiar rawh.

   Thlarau lam mamawh kan ngaihven tih eng kawngtein nge kan lantîr theih? (Mt. 5:3; Rom 10:13-15; 1 Tim. 4: 13, 15, 16)

2. Matthaia 5:21-26 chhiar rawh.

   Kan unaute nêna kan inlaichînnain Jehova nêna kan inlaichînna a nghawng tih Matthaia 5:23, 24-in engtin nge a sawi uar? (Mt. 6:14, 15; Sâm 133:1; Kol. 3:13; 1 Joh. 4:20)

3. Matthaia 6:1-8 chhiar rawh.

   Kristiante pumpelh tûr mahni intihfelna ang chi ṭhenkhat chu eng nge ni? (Lk. 18:11, 12; 1 Kor. 4:6, 7; 2 Kor 9:7)

4. Matthaia 6:25-34 chhiar rawh.

   Kan tisa lam mamawh atâna Jehova rinchhan a ṭûl chungchângah Isua’n eng nge min zirtîr? (Ex. 16:4; Sâm 37:25; Phil 4:6)

5. Matthaia 7:1-11 chhiar rawh.

   Matthaia 7:5-a hmuh tehkhin thu sawi nung takin eng nge min zirtîr? (Thuf. 26:12; Rom 2:1; 14:10; Jak. 4:11, 12)

Thawnthu 92

1. Milema hmeichhe naupang pa hi tunge ni a, engvângin nge amah leh a nupui chu an lungngaih êm êm?

2. Jaira’n Isua a hmuhin eng nge a tih?

3. Jaira in pana Isua a kal laiin eng thil nge thleng a, kawnga a awm laiin Jaira’n eng thu nge a dawn?

4. Engvângin nge Jaira ina mite’n Isua an nuihsan?

5. Isua’n naupang nu leh pa leh a tirhkoh pathumte chu naupang mutna pindana a hruai luh hnuah, eng nge a tih?

6. Tu dang nge Isua’n thihna ata a kaihthawh a, hei hian eng nge a târ lan?

Zawh belh tûr zawhnate:

1. Luka 8:40-56 chhiar rawh.

   Engtin nge Isua’n thi pût hmeichhe chungah khawngaihna leh nunnêmna a lantîr a, heta ṭang hian tûn laia Kristian upate’n eng nge an zir theih? (Lk. 8:43, 44, 47, 48; Lev. 15:25-27; Mt. 9:12, 13; Kol. 3:12-14)

2. Luka 7:11-17 chhiar rawh.

   Thihna avânga hmangaihte chântute chuan engtin nge Nain khuaa hmeithai thiltawn Isua chhân lêt dân aṭangin thlamuanna nasa tak an hmuh theih? (Lk. 7:13; 2 Kor. 1:3, 4; Heb. 4:15)

3. Johana 11:17-44 chhiar rawh.

   Engtin nge Isua’n hmangaihte thihnaa chân avânga lungngaih chu thil pângngai tak a ni tih a lantîr? (Joh. 11:33-36, 38; 2 Sam. 18:33; 19:1-4)

Thawnthu 93

1. Baptistu Johana chungah eng thil râpthlâk tak nge thleng a, chu chuan Isua engtin nge a awmtîr?

2. Engtin nge Isua’n amah zuitu mipuite chu a hrai a, eng zât nge bâng?

3. Engvângin nge zirtîrte chu zâna an hlauh va, Petera chungah eng thil nge thleng?

4. Engtin nge a vawihnihna atân Isua’n mi sâng tam tak chu a hrai?

5. Engvângin nge Isua’n Pathian ruat Lalber nia leia ro a rêl hun chu a ropui dâwn?

Zawh belh tûr zawhnate:

1. Matthaia 14:1-32 chhiar rawh.

   1. Matthaia 14:23-32 thu hian Petera mizia hriatthiamna eng nge min pêk?

   2. Engtin nge Pathian Lehkha Thu-a chhinchhiahte chuan Petera puitlinna leh ngaihtuah chiang mang lova thiltih a inthunun theih tâk dân a târ lan? (Mt. 14:27-30; Joh. 18:10; 21:7; Tirh. 2:14, 37-40; 1 Pet. 5:6, 10)

2. Matthaia 15:29-38 chhiar rawh.

   Engtin nge Isua’n a Pa pêk ei leh in a hlutzia a târ lan? (Mt. 15:37; Joh. 6:12; Kol. 3:15)

3. Johana 6:1-21 chhiar rawh.

   Engtin nge tûn laia Kristiante’n sawrkâr zahnaah Isua entawn tûr siam chu an zui theih? (Joh. 6:15; Mt. 22:21; Rom 12:2; 13:1-4)

Thawnthu 94

1. Hla taka zinna aṭanga an lo haw leh lamah tirhkohte chu eng chungchângah nge an inhnial?

2. Engvângin nge Isua’n naupang tê chu a kohva, a tirhkohte zînga a dintîr?

3. Eng kawngin nge tirhkohte chuan naupangte ang nih an zir a ngaih?

4. Thla engemaw zât hnu lawkah, engtin nge Isua’n naupangte a hmangaihna a tihlan?

Zawh belh tûr zawhnate:

1. Matthaia 18:1-4 chhiar rawh.

   Engvângin nge Isua’n zirtîr nân tehkhin thute a hman? (Mt. 13:34, 36; Mk. 4:33, 34)

2. Matthaia 19:13-15 chhiar rawh.

   Lalram malsâwmna dawng tûr chuan naupangte mizia eng nge kan entawn ngai? (Sâm 25:9; 138:6; 1 Kor. 14:20)

3. Marka 9:33-37 chhiar rawh.

   Isua’n a zirtîrte hnênah challan duhna chungchâng eng nge a zirtîr? (Mk. 9:35; Mt. 20:25, 26; Gal. 6:3; Phil. 2:5-8)

4. Marka 10:13-16 chhiar rawh.

   Isua kha eng anga pan nuam nge a nih a, a entîrna aṭangin eng nge Kristian upate’n an zir theih? (Mk. 6:30-34; Phil. 2:1-4; 1 Tim. 4:12)

Thawnthu 95

1. Mi pakhatin eng zawhna nge Isua a zawh a, engvângin nge?

2. Isua’n a zirtîrnaah a chângin eng nge a hman ṭhin a, Juda mi leh Samari mi chungchângah eng nge kan zir tawh?

3. Isua sawi thawnthuah khân, Jeriko lam pana zin Juda mi pakhat chungah eng thil nge thleng?

4. Chu mi kawnga Juda mi puithiam leh Levia chi pakhat an lo kalin eng thil nge thleng?

5. Milemah hian Juda mi hliam chu tuin nge ṭanpui?

6. Isua’n thawnthu a sawi zawhin, eng zawhna nge a zawh a, chu mi chuan engtin nge a chhân?

Zawh belh tûr zawhnate:

1. Luka 10:25-37 chhiar rawh.

   1. Chhânna pêk nghâl aiin, engtin nge Isua’n dân hretu chu thil chhût tûra a ṭanpui? (Lk. 10:26; Mt. 16:13-16)

   2. Isua’n a thu ngaithlatute hnênah inpâwng huatna hneh tûrin engtin nge tehkhin thu a hman? (Lk. 10:36, 37; 18:9-14; Tit. 1:9)

Thawnthu 96

1. Isua’n ram dung leh vânga a zin vel laiin eng nge a tih?

2. Eng nge Isua’n baptisma a chan aṭanga kum thum vêl hnuah a tirhkohte a hrilh?

3. Milema mite hi tute nge an nih a, Isua’n hmeichhe tân eng nge a tihsak?

4. Engvângin nge a hnial zâwnga Isua chhânna chuan sakhaw hruaitute a tihzah?

5. Isua leh a tirhkohte Jeriko khaw dai an thlenin, Isua’n kutdawh mitdel pahnihte tân eng nge a tihsak?

6. Engvângin nge Isua’n thilmakte a tih?

Zawh belh tûr zawhnate:

1. Matthaia 15:30, 31 chhiar rawh.

   Isua hmangin Jehova thiltihtheihna mak tak târ lanna eng nge puan zâr a nih a, chu chuan engtin nge khawvêl thar chungchânga Jehova thutiam kan hriatthiam dân a nghawng ang? (Sâm 37:29; Is. 33:24)

2. Luka 13:10-17 chhiar rawh.

   Isua’n a thilmak tih langsâr tak takte zînga ṭhenkhat Sabbath nia a tihna chuan Kum Sâng Rorêlna hun chhûnga mihringte hnêna a pêk tûr ṭanpuina hmêlhmang chu engtin nge a târ lan? (Lk. 13:10-13; Sâm 46:9; Mt. 12:8; Kol. 2:16, 17; Thup. 21:1-4)

3. Matthaia 20:29-34 chhiar rawh.

   Engtin nge Isua chu mite ṭanpui hman lo khawpin a buai lutuk ngai lo tih he thu hian a târ lan a, heta ṭang hian eng nge kan zir theih? (Deut. 15:7; Jak. 2:15, 16; 1 Joh. 3:17)

Thawnthu 97

1. Isua Jerusalem kianga khaw tê tak têa a lo kalin, a zirtîrte chu eng ti tûrin nge a hrilh?

2. Milemah hian, Isua’n Jerusalem khawpui a thlen dâwnin eng thil nge thleng?

3. Naupang tête’n mitdel leh zengte Isua’n a tihdam an hmuhin eng nge an tih?

4. Isua’n puithiam thinurte hnênah eng nge a sawi?

5. Engtin nge Isua faktu naupangte ang kan nih theih?

6. Eng nge tirhkohte’n hriat an duh?

Zawh belh tûr zawhnate:

1. Matthaia 21:1-17 chhiar rawh.

   1. Engtin nge Isua Lal anga Jerusalema a luh dân chu Rom hun laia hnehtu sipai lalte luh dân nêna a inan loh? (Mt. 21:4, 5; Zak. 9:9; Phil. 2:5-8; Kol. 2:15)

   2. Isua biak ina a luh laia Sâm 118 la chhuaktu Israel mipa naupang te tak tête hnên aṭangin naupangte’n eng nge an zir theih? (Mt. 21:9, 15; Sâm 118:25, 26; 2 Tim. 3:15; 2 Pet. 3:18)

2. Johana 12:12-16 chhiar rawh.

   Mite’n Isua lawmluh nâna tûmkau an hmanna chuan eng nge a entîr? (Joh. 12:13; Phil. 2:10; Thup. 7:9, 10)

Thawnthu 98

1. Milemah hian tuber hi nge Isua hi ni a, tute nge a hnêna awmte hi?

2. Biak in chhûngah hian puithiamte’n Isua chungah eng nge tih an tum a, Isua’n an hnênah eng thu nge a sawi?

3. Tirhkohte’n Isua hnênah eng nge an zawh?

4. Engvângin nge Isua’n tirhkohte hnênah vâna Lal anga ro a rêl huna leia thilthleng tûr ṭhenkhat chu a hrilh?

5. Isua’n leia sualna zawng zawng a tihtâwp hmaa thilthleng tûr eng nge a sawi?

Zawh belh tûr zawhnate:

1. Matthaia 23:1-39 chhiar rawh.

   1. Sawrkâr lam nihnate hman chu a âwm mai thei tih Bible chângte’n târ lang mah se, engtin nge Matthaia 23:8-11-a Isua thusawi chuan Kristian kohhrana infak derna nihnate hman chungchâng chu a sawi? (Tirh. 26:25; Rom 13:7; 1 Pet. 2:13, 14)

   2. Kristian ni lo tûra mite dan nân Pharisaite’n eng nge an hman a, tûn lai hunah sakhaw hruaitute’n engtin nge chutiang thil bawk chu an hman? (Mt. 23:13; Lk. 11:52; Joh. 9:22; 12:42; 1 Thes. 2:16)

2. Matthaia 24:1-14 chhiar rawh.

   1. Matthaia 24:13-ah engtin nge chhelna pawimawhzia târ lan a nih?

   2. Matthaia 24:13-a “a tâwp” tih hian eng awmzia nge a neih? (Mt. 16:27; Rom 14:10-12; 2 Kor. 5:10)

3. Marka 13:3-10 chhiar rawh.

   Marka 13:10-a târ lan eng thu hian nge chanchin ṭha hrilh a hmanhmawhthlâkzia a târ lan a, engtin nge Isua thute chuan min nghawng ang? (Rom 13:11, 12; 1 Kor. 7:29-31; 2 Tim. 4:2)

Thawnthu 99

1. Milema târ lan angin, engvângin nge Isua leh a tirhkoh 12-te chu inchhâwng pindan zau takah an awm?

2. Tunge kal chhuak hi ni a, eng nge a tih dâwn?

3. Kalhlen Kût chaw an ei zawhah Isua’n eng chaw pawimawh bîk nge a buatsaih ṭan?

4. Kalhlen Kût chuan Israelte chu eng thilthleng nge a hriatnawntîr a, he chaw pawimawh bîk tak hian Isua hnungzuitute chu eng nge a hriatnawntîr?

5. Lalpa Zanriah hnuah, Isua chuan a hnungzuitute chu eng nge a hrilh a, eng nge an tih?

Zawh belh tûr zawhnate:

1. Matthaia 26:14-30 chhiar rawh.

   1. Matthaia 26:15-in engtin nge Juda’n Isua a phatsanna chu duh rêng vânga thiltih a ni tih a târ lan?

   2. Isua thisen chhuak chuan eng thil tum pahnih nge a neih? (Mt. 26:27, 28; Jer. 31:31-33; Eph. 1:7; Heb. 9:19, 20)

2. Luka 22:1-39 chhiar rawh.

   Eng kawngin nge Juda kawchhûngah chuan Setana a luh? (Lk 22:3; Joh. 13:2; Tirh. 1:24, 25)

3. Johana 13:1-20 chhiar rawh.

   1. Johana 13:2-a thu ngaihtuahin, a thiltihah Juda chu mawhchhiat theih a ni em? Heta ṭang hian Pathian chhiahhlawhte’n eng nge an zir theih? (Gen. 4:7; 2 Kor. 2:11; Gal. 6:1; Jak. 1:13, 14)

   2. Zir tûr hmuh theih thiltithei tak eng nge Isua’n a pêk? (Joh. 13:15; Mt. 23:11; 1 Pet. 2:21)

4. Johana 17:1-26 chhiar rawh.

   Isua’n a zirtîrte tân eng kawnga “pumkhat” ni tûrin nge a ṭawngṭai? (Joh. 17:11, 21-23; Rom 13:8; 14:19; Kol. 3:14)

Thawnthu 100

1. Inchhâwng pindan an chhuahsan hnuah Isua leh a tirhkohte chu khawiah nge an kal a, anni chu eng ti tûrin nge a hrilh?

2. Tirhkohte awmna hmuna a lo kîr lehin Isua’n eng nge a hmuh a, vawi eng zât nge chutianga a hmuh?

3. Huanah hian tute nge lo lût a, milema târ lan angin Juda Iskariota’n eng nge a tih?

4. Engvângin nge Juda chuan Isua a fawh a, eng nge Petera’n a tih?

5. Isua’n Petera hnênah eng nge a hrilh a; mahse, engvângin nge Isua’n vântirhkohte tîr tûrin Pathian a ngen loh?

Zawh belh tûr zawhnate:

1. Matthaia 26:36-56 chhiar rawh.

   1. Isua’n a zirtîrte a zilh dân chu engtin nge tûn laia Kristian upate tâna entawn tûr ṭha a nih? (Mt. 20:25-28; 26:40, 41; Gal. 5:17; Eph. 4:29, 31, 32)

   2. Mihringpuite do nâna tisa lam râl thuam hman chu engtin nge Isua’n a thlîr? (Mt. 26:52; Lk. 6:27, 28; Joh. 18:36)

2. Luka 22:39-53 chhiar rawh.

   Isua tichak tûrin engtikah nge vântirhkoh chu Gethsemane-ah a lo inlan a, hei hian Isua rinna a nghet lo tih a târ lang em? Hrilhfiah rawh. (Lk. 22:41-43; Is. 49:8; Mt. 4:10, 11; Heb. 5:7)

3. Johana 18:1-12 chhiar rawh.

   Amah dodâltute lak aṭangin Isua’n engtin nge a zirtîrte chu a vênhim a, he entîrna aṭang hian eng nge kan zir theih? (Joh. 10:11, 12; 18:1, 6-9; Heb. 13:6; Jak. 2:25)

Thawnthu 101

1. Isua thihnaa mawhphurtu bul ber chu tunge ni?

2. Sakhaw hruaitute’n Isua an hruaiin tirhkohte chuan eng nge an tih?

3. Puithiam lal, Kaiapha inah eng thil nge thleng?

4. Engvângin nge Petera chu a kal hran a, a ṭah?

5. Pilata hnêna Isua a kîr leh hnu chuan, puithiam lalte au hla chu eng nge ni?

6. Zirtâwpni chawhnu lam hma takah Isua chungah eng nge thleng a, mi sual a bula an khenbeha hnênah Isua’n eng nge a tiam?

7. Isua sawi Paradis chu khawiah nge a awm dâwn?

Zawh belh tûr zawhnate:

1. Matthaia 26:57-75 chhiar rawh.

   Juda rorêlna sânga mite chuan an thinlung chu a sual tih eng kawngin nge an târ lan? (Mt. 26:59, 67, 68)

2. Matthaia 27:1-50 chhiar rawh.

   Juda inchhîrna chu a tak lo tih engvângin nge kan sawi theih? (Mt. 27:3, 4; Mk. 3:29; 14:21; 2 Kor. 7:10, 11)

3. Luka 22:54-71 chhiar rawh.

   Isua phatsan leh man a nih zâna Petera phatsânna aṭangin eng nge kan zir theih? (Lk. 22:60-62; Mt. 26:31-35; 1 Kor. 10:12)

4. Luka 23:1-49 chhiar rawh.

   Engtin nge Isua’n a chunga dik lo taka thiltih chu a chhân lêt a, heta ṭang hian eng nge kan zir theih? (Lk. 23:33, 34; Rom 12:17-19; 1 Pet. 2:23)

5. Johana 18:12-40 chhiar rawh.

   Petera chu rei lo te chhûng mihring hlauh avânga engmah ti thei lovin awm mah se, tirhkoh ṭha chungchuang a ni chho tih eng thilin nge târ lang? (Joh. 18:25-27; 1 Kor. 4:2; 1 Pet. 3:14, 15; 5:8, 9)

6. Johana 19:1-30 chhiar rawh.

   1. Isua chuan tisa lam mamawh thlîr dân inbûk tâwk eng nge a neih? (Joh. 2:1, 2, 9, 10; 19:23, 24; Mt. 6:31, 32; 8:20)

   2. Engtin nge a thih dâwna Isua thusawi chu Jehova lalchungnunna a thlâwpzia puan chhuahna a nih? (Joh. 16:33; 19:30; 2 Pet. 3:14; 1 Joh. 5:4)

Thawnthu 102

1. Milema hmeichhia hi tunge ni a, mipa pahnihte hi tute nge an nih a, khawiah nge an awm?

2. Engvângin nge Pilata’n puithiamho hnênah sipaite Isua thlân vêntîr tûra a hrilh?

3. Isua thih hnu a ni thum ni zîng hma takah vântirhkoh pakhatin eng nge a tih a; mahse, puithiamte’n eng nge an tih?

4. Isua thlân an va tlawhin, engvângin nge hmeichhe ṭhenkhat chuan mak an tih?

5. Engvângin nge Petera leh Johana chu Isua thlânah an tlân a, eng nge an va hmuh?

6. Isua taksa chu engtin nge a awm a, a nung tih a zirtîrte hnêna târ lan nân eng nge a tih?

Zawh belh tûr zawhnate:

1. Matthaia 27:62-66 leh 28:1-15 chhiar rawh.

   Isua a thawhleh hun khân, engtin nge puithiam lalte, Pharisaite, leh upate chuan thlarau thianghlim an sawi chhiat? (Mt. 12:24, 31, 32; 28:11-15)

2. Luka 24:1-12 chhiar rawh.

   Engtin nge Isua thawhlehna chungchâng thu chuan Jehova’n hmeichhiate chu a thuhretu atân rin tlâk anga a thlîrzia a târ lan? (Lk. 24:4, 9, 10; Mt. 28:1-7)

3. Johana 20:1-12 chhiar rawh.

   Bible hrilh lâwkna thlen famkimna kan hriat chiah loh chuan engtin nge Johana 20:8, 9 chuan dawhtheih a ngaihzia hre thiam tûra min ṭanpui? (Thuf. 4:18; Mt. 17:22, 23; Lk. 24:5-8; Joh. 16:12)

Thawnthu 103

1. Huanpu nia a ngaiha hnênah Mari’n eng nge a sawi a; mahse, Isua a ni ngei tih engin nge hriattîr?

2. Emmau khuaa kal zirtîr pahnihte chungah eng thil nge thleng?

3. Zirtîr pahnihte’n tirhkohte hnêna Isua an hmuh thu an hrilh laiin eng thil mak nge thleng?

4. Isua chu a hnûngzuitute hnênah vawi engzât nge a inlan?

5. Zirtîrte’n Lalpa an hmu tih a hriatin Thoma’n eng nge a sawi a; mahse, ni riat hnuah eng thil nge thleng?

Zawh belh tûr zawhnate:

1. Johana 20:11-29 chhiar rawh.

   Mihringte chu sual ngaidam tûra thuneihna pêk an ni tih Johana 20:23-ah Isua’n a sawi em? Hrilhfiah rawh. (Sâm 49:2, 7; Is. 55:7; 1 Tim. 2:5, 6; 1 Joh. 2:1, 2)

2. Luka 24:13-43 chhiar rawh.

   Bible thutak pawm tûrin engtin nge kan thinlung kan buatsaih theih? (Lk. 24:32, 33; Ezr. 7:10; Mt. 5:3; Tirh. 16:14; Heb. 5:11-14)

Thawnthu 104

1. Ṭum khat chu zirtîr eng zâtin nge Isua hmu a, anni chu eng chanchin nge a hrilh?

2. Pathian Ram chu eng nge ni a, Lal anga Isua’n kum sâng khat ro a rêl hunah leilunga nun chu eng ang nge ni ang?

3. Isua chu a zirtîrte hnênah ni eng zât nge a inlan a; mahse, tûnah eng a tih hun nge a nih?

4. A zirtîrte a kalsan hma lawkin, Isua’n engti tûrin nge a hrilh?

5. Milemah hian eng thil nge thleng a, engtin nge Isua chu hmuh theih lohva a awm?

Zawh belh tûr zawhnate:

1. Korinth thawn khat 15:3-8 chhiar rawh.

   Engvângin nge Paula’n Isua thawhlehna chungchâng huai taka a sawi theih a, tûn laiah Kristiante’n eng chungchâng nge huai taka an sawi theih? (1 Kor. 15:4, 7, 8; Is. 2:2, 3; Mt. 24:14; 2 Tim. 3:1-5)

2. Tirhkohte 1:1-11 chhiar rawh.

   Tirhkohte 1:8-a sawi lâwk angin thu hrilh hna chu engtiang khawpin nge a darhzau? (Tirh. 6:7; 9:31; 11:19-21; Kol. 1:23)

Thawnthu 105

1. Milema târ lan angin, Jerusalema lo nghâk Isua hnungzuitute chungah eng thil nge thleng?

2. Jerusalema mikhualte chuan eng thilmak nge an hmuh?

3. Petera’n mipuite hnênah eng thil nge a hrilhfiah?

4. Petera an ngaihthlâk hnuin mipuite chuan engtin nge an ngaih a, anni chu eng ti tûrin nge a hrilh?

5. C.E. 33 Pentikost nî chuan mi eng zâtin nge baptisma chang?

Zawh belh tûr zawhnate:

1. Tirhkohte 2:1-47 chhiar rawh.

   1. Tirhkohte 2:23, 36-a hmuh Petera thute chuan Isua thih chungchângah Juda hnam pumin mawh an phûr tih engtin nge a târ lan? (1 Thes. 2:14, 15)

   2. Engtin nge Petera chuan Pathian Lehkha Thu chhûtpuinaah entawn tûr ṭha a siam? (Tirh. 2:16, 17, 29, 31, 36, 39; Kol. 4:6)

   3. Petera chuan Isua’n pe tûra a tiam “vân ram chabite” zînga a hmasa ber chu engtin nge a hman? (Tirh. 2:14, 22-24, 37, 38; Mt. 16:19)

Thawnthu 106

1. Chawhnu vawi khat chu Petera leh Johana biak ina an kalin eng thil nge thleng?

2. Zeng hnênah chuan Petera’n eng nge a sawi a, tangka aia hlu zâwk eng nge a pêk?

3. Engvângin nge sakhaw hruaitute chu an thinrim a, Petera leh Johana chu engtin nge an tih?

4. Sakhaw hruaitute hnênah Petera’n eng nge a sawi a, tirhkohte chuan eng vaukhânna nge an dawn?

5. Engvângin nge sakhaw hruaitute’n an thîk a; mahse, tirhkohte tân ina an khung vawi hnihnaah eng thil nge thleng?

6. Sanhedrin hall-a hruai an nihin engtin nge tirhkohte chuan a chhân?

Zawh belh tûr zawhnate:

1. Tirhkohte 3:1-10 chhiar rawh.

   Tûn laiah thilmak ti tûra thiltihtheihna pêk ni lo mah ila, engtin nge Tirhkohte 3:6-a chhinchhiah Petera thute chuan Lalram thuchah a hlutna chu hre thiam tûrin min ṭanpui? (Joh. 17:3; 2 Kor. 5:18-20; Phil. 3:8)

2. Tirhkohte 4:1-31 chhiar rawh.

   Rawngbâwlnaa dodâlna kan tawhin, kum zabi khatnaa Kristian unaute chu eng kawngin nge kan entawn ang? (Tirh. 4:29, 31; Eph. 6:18-20; 1 Thes. 2:2)

3. Tirhkohte 5:17-42 chhiar rawh.

   Tûn hma leh tûnah ngei pawh hian Thuhretu ni lo ṭhenkhat chuan engtin nge thu hrilh hna chungchângah hriatthiamna an lantîr? (Tirh. 5:34-39)

Thawnthu 107

1. Tunge Stephana chu ni a, eng ti tûrin nge Pathianin a ṭanpui?

2. Stephana chuan sakhaw hruaitute ti thinrim êm êmtu eng thu nge a sawi?

3. Mipate’n khaw pâwna Stephana an hnuh chhuah khân, a chungah eng nge an tih?

4. Milemah hian, thawmhnaw bula ding tlangvâl hi tunge ni?

5. A thih hmain, Stephana’n ṭawngṭaiin Jehova hnênah eng nge a dîl?

6. Stephana entawnin, kan chunga tuemawin thil ṭha lo a tih hunah eng nge kan tih ang?

Zawh belh tûr zawhnate:

1. Tirhkohte 6:8-15 chhiar rawh.

   Jehova Thuhretute hna tih tâwp tumin sakhaw hruaitute chuan eng bumna thiltih nge an hman? (Tirh. 6:9, 11, 13)

2. Tirhkohte 7:1-60 chhiar rawh.

   1. Sanhedrin hmaa chanchin ṭha thiam taka hum tûrin engin nge Stephana chu ṭanpui a, a entawn tûr siam aṭangin eng nge kan zir theih? (Tirh. 7:51-53; Rom 15:4; 2 Tim. 3:14-17; 1 Pet. 3:15)

   2. Kan hna dodâltute lakah eng rilru put hmang nge kan neih ang? (Tirh. 7:58-60; Mt. 5:44; Lk. 23:33, 34)

Thawnthu 108

1. Stephana tihhlum a nih hnuin Saula chuan eng nge a tih?

2. Saula chu Damaska lam pana a kal laiin, eng thil mak nge thleng?

3. Isua’n eng ti tûrin nge Saula a hrilh?

4. Isua’n Anania hnênah eng kawhhmuhna nge a pêk a, engtin nge Saula chuan khua a hmuh leh theih?

5. Saula chu eng hmingin nge hriat a lo nih tâk a, engtin nge chu hming chu a hman?

Zawh belh tûr zawhnate:

1. Tirhkohte 8:1-4 chhiar rawh.

   Engtin nge din thar hlim Kristian kohhran tihduhdahna chuan Kristian rinna thehdarhna a thlen a, tûn laiah pawh chutiang bawk eng thil nge thleng? (Tirh. 8:4; Is. 54:17)

2. Tirhkohte 9:1-20 chhiar rawh.

   Isua’n Saula tâna thiltih tûr pathum a târ lante chu engte nge ni? (Tirh. 9:15; 13:5; 26:1; 27:24; Rom 11:13)

3. Tirhkohte 22:6-16 chhiar rawh.

   Engtin nge Anania ang kan nih theih ang a, engvângin nge chu chu a pawimawh? (Tirh. 22:12; 1 Tim. 3:7; 1 Pet. 1:14-16; 2:12)

4. Tirhkohte 26:8-20 chhiar rawh.

   Engtin nge Saula Kristiana inlehna chu tûn laia ring lotu nupui pasal neite tân fuihna a nih theih? (Tirh. 26:11; 1 Tim. 1:14-16; 2 Tim. 4:2; 1 Pet. 3:1-3)

Thawnthu 109

1. Milema kûn mêk hi tunge a nih?

2. Vântirhkohvin Kornelia hnênah eng nge a sawi?

3. Petera chu Joppa khuaa Simona in chung zâwla a awm laiin Pathianin eng nge a hmuhtîr?

4. Engvângin nge Petera’n Kornelia hnênah kûnin, Pathian angin a be tûr a ni lo tih a hrilh?

5. Engvângin nge Juda zirtîrte leh Petera chuan mak an tih?

6. Petera’n Kornelia a va tlawhna aṭangin eng zirlai pawimawh tak nge kan zir ang?

Zawh belh tûr zawhnate:

1. Tirhkohte 10:1-48 chhiar rawh.

   Tirhkohte 10:42-a Petera thu chuan Lalram chanchin ṭha hrilh hna chungchâng eng nge a târ lan? (Mt. 28:19; Mk. 13:10; Tirh; 1:8)

2. Tirhkohte 11:1-18 chhiar rawh.

   Jentail-te chungchânga Jehova kawhhmuhna a lo chian tâk chuan eng rilru put hmang nge Petera’n a lantîr a, a entîrna chu engtin nge kan entawn theih ang? (Tirh. 11:17, 18; 2 Kor. 10:5; Eph. 5:17)

Thawnthu 110

1. Milema tlangvâl hi tunge ni a, khawiah nge a chên a, a nu leh a pi hming chu eng nge ni?

2. Paula’n amah leh Sila ruala hmun hla taka mite hnêna thu hril tûra kal a duh leh duh loh a zawh khân Timothea’n eng nge a sawi?

3. Khawiah nge Isua zuitute chu Kristian tia koh hmasak ber an nih?

4. Paula, Sila, leh Timothea te’n Lustra an chhuahsan hnua, an va tlawhna khaw ṭhenkhatte chu eng khuate nge?

5. Engtin nge Timothea’n Paula a ṭanpui a, eng zawhna nge tûn lai ṭhalaite an inzawh ang?

Zawh belh tûr zawhnate:

1. Tirhkohte 9:19-30 chhiar rawh.

   Chanchin ṭha dodâlna a tawnin tirhkoh Paula’n engtin nge remhriatna a lantîr? (Tirh. 9:22-25, 29, 30; Mt. 10:16)

2. Tirhkohte 11:19-26 chhiar rawh.

   Tirhkohte 11:19-21, 26-a chhinchhiah thu chuan Jehova thlarau chuan thu hrilhna a kaihruaiin a kawhhmuh tih engtin nge a târ lan?

3. Tirhkohte 13:13-16, 42-52 chhiar rawh.

   Engtin nge Tirhkohte 13:51, 52 chuan dodâlna avângin zirtîrte an lunghnual duh lo tih a târ lan? (Mt. 10:14; Tirh. 18:6; 1 Pet. 4:14)

4. Tirhkohte 14:1-6, 19-28 chhiar rawh.

   Mi tharte kan ṭanpui hian “Lalpa hnênah chuan an kawltîr zêl ṭhîn a,” tih hian engtin nge lungkhamna engpawh laka min chhâwk? (Tirh. 14:21-23; 20:32; Joh. 6:44)

5. Tirhkohte 16:1-5 chhiar rawh.

   Engtin nge serh tan chungchânga Timothea intukluhna chuan ‘chanchin ṭha avânga engkim tih’ pawimawhna a târ lan? (Tirh. 16:3; 1 Kor. 9:23; 1 Thes. 2:8)

6. Tirhkohte 18:1-11, 18-22 chhiar rawh.

   Tirhkohte 18:9, 10 hian Isua’n thu hrilh hna a mi mal taka a kaihhruaizia chungchâng eng nge a târ lan a, chu chuan tûn laiah eng rinngamna nge min pêk? (Mt. 28:20)

Thawnthu 111

1. Milemah hian, leia mu tlangvâl hi tunge ni a, a chungah eng thil nge thleng?

2. Chu tlangvâl chu a thi tih a hriatin Paula’n eng nge a tih?

3. Paula, Timothea, leh an hnêna kalte chu khawiah nge an kal dâwn a, Mileti-a an chawlhin eng thil nge thleng?

4. Zâwlnei Agaba’n eng vaukhânna nge Paula a pêk a, a tih ang ngei chuan engtin nge a thlen?

Zawh belh tûr zawhnate:

1. Tirhkohte 20:7-38 chhiar rawh.

   1. Paula thu Tirhkohte 20:26, 27-a chhinchhiah angin engtin nge ‘mi zawng zawng thisena hulin’ kan awm theih ang? (Ezek. 33:8; Tirh. 18:6, 7)

   2. Engvângin nge upate chu an zirtîr hunah “thu rinawm chu pawm tlat” tûr an nih? (Tirh. 20:17, 29, 30; Tit. 1:7-9; 2 Tim. 1:13)

2. Tirhkohte 26:24-32 chhiar rawh.

   Engtin nge Paula chuan Isua hnêna a dawn thu hrilh rawngbâwlna hlen chhuah nân Rom khua leh tui a nihna chu a hman? (Tirh. 9:15; 16:37, 38; 25:11, 12; 26:32; Lk. 21:12, 13)

Thawnthu 112

1. Kret thliarkâr kianga a kal laiin Paula chuanna lawngah eng thil nge thleng?

2. Lawng chunga mite hnênah Paula’n eng nge a sawi?

3. Engtin nge lawng chu a keh sawm?

4. Vêngtu sipai hotu chuan eng kaihhruaina nge a pêk a, vaukamah him takin mi eng zât nge thleng?

5. An awmna thliarkâr hming chu eng nge ni a, khua a lo ṭhat deuh chuan Paula chungah eng thil nge thleng?

Zawh belh tûr zawhnate:

1. Tirhkohte 27:1-44 chhiar rawh.

   Rom-a Paula zin kawng chungchâng kan chhiarin engtin nge Bible dikzia kan rinna chu a ngheh? (Tirh. 27:16-19, 27-32; Lk. 1:3; 2 Tim. 3:16, 17)

2. Tirhkohte 28:1-14 chhiar rawh.

   Meliti milem betute mahin tirhkoh Paula leh a lawng chhiatpuite chu ‘khawngaih namêna an khawngaih loh’ chuan, Kristiante chuan eng nge an lantîr ang a, a bîk takin eng kawngin nge an lantîr ang? (Tirh. 28:1, 2; Heb. 13:1, 2; 1 Pet. 4:9)

Thawnthu 113

1. Rom-a a tân laiin Paula’n tu hnênah nge thu a hril?

2. Milemah hian, Paula va tlawhtu dawhkân bula mi hi tunge ni a, Paula tân eng nge a tih?

3. Tunge Epaphrodita chu ni a, Philippi-a a hawin eng nge a hawn?

4. Engvângin nge Paula’n a ṭhian hnai tak Philemona hnênah lehkha a ziah?

5. Paula chu chhuah a nihin eng nge a tih a, a hnuah a chungah eng thil nge thleng?

6. Bible bu hnuhnûng ber ziak tûrin Pathianin tunge a hman a, Thu Puan bu chuan eng nge min hrilh?

Zawh belh tûr zawhnate:

1. Tirhkohte 28:16-31 leh Philippi 1:13 chhiar rawh.

   Paula’n Rom-a a tân laiin engtin nge a hun a hman a, a rinna nghîng thei lo chuan Kristian kohhranah eng nghawng nge a neih? (Tirh. 28:23, 30; Phil. 1:14)

2. Philippi 2:19-30 chhiar rawh.

   Timothea leh Epaphrodita chungchângah Paula’n ngaih hlutna thu eng nge a târ lan a, engtin nge Paula entîrna chu kan entawn theih? (Phil. 2:20, 22, 25, 29, 30; 1 Kor. 16:18; 1 Thes. 5:12, 13)

3. Philemona 1-25 chhiar rawh.

   1. Eng ṭanchhanin nge Paula’n Philemona chu thil dik ti tûra a fuih a, engtin nge hei hi tûn laia upate tân kaihhruaina a nih? (Philm. 9; 2 Kor. 8:8; Gal. 5:13)

   2. Philemona 13, 14-a hmuh Paula thu hian engtin nge kohhrana mi dangte chhia leh ṭha hriatna a zahsak tih a târ lan? (1 Kor. 8:7, 13; 10:31-33)

4. Timothea thawn hnih 4:7-9 chhiar rawh.

   Tirhkoh Paula angin, a tâwp thlenga kan rinawm chuan Jehova’n lâwmman min pe dâwn tih engtin nge kan rin theih ang? (Mt. 24:13; Heb. 6:10)

Thawnthu 114

1. Engvângin nge Bible-in vâna sakawrte chungchâng a sawi?

2. Leia mi sualte nêna Pathian indona hming chu eng nge ni a, he indonain a tum chu eng nge ni?

3. Milem aṭang hian, indonaa Hmahruaitu tûr chu tunge ni a, engvângin nge lal lukhum a khum a, a khandaihin eng awmzia nge a neih?

4. Thawnthu 10, 15 leh 33-na en lêt lehin, engvângin nge Pathianin mi sualte a tiboral tûr chu mak kan tih loh vang?

5. Thawnthu 36 leh 76-nain Pathianin engtin nge amah betu nia inchhâlte pawh ni se, mi sualte chu a tiboral dâwn tih a târ lan?

Zawh belh tûr zawhnate:

1. Thu Puan 19:11-16 chhiar rawh.

   1. Engtin nge Pathian Lehkha Thuin sakawr vâr chunga chuang chu Isua Krista a nihzia a tihchian? (Thup. 1:4, 5; 3:14; 19:11; Is. 11:4)

   2. Engtin nge Isua puan sina thisen kai chuan a hneh pumhlûm ṭhak dâwn tih a nemngheh? (Thup. 14:18-20; 19:13; Is. 63:1-6)

   3. Sakawr vâr chunga chuang Isua zuitu sipaite zîngah tute nge tel mai thei? (Thup. 12:7; 19:14; Mt. 25:31, 32)

Thawnthu 115

1. Lei Paradis-a kan chen tûr eng dinhmun nge Bible-in a târ lan?

2. Paradis-a chêngte tâna Bible thutiam chu eng nge ni?

3. Engtikah nge Isua’n he thlâkthlengna ropui hi a thlentîr ang?

4. Isua leia a awm lai khân, Pathian Rama Lal a nih huna a thil la tih tûr târ lan nân eng nge a lo tih?

5. Vân aṭangin Isua leh a rorêlpuite’n leia ro an rêl hunah eng nge an tihchian ang?

Zawh Belh Tûr Zawhnate:

1. Thu Puan 5:9, 10 chhiar rawh.

   Engtin nge Kum Sâng Rorêl chhûnga leia rorêl tûrte chu lainatna leh ngilneihna nei lal leh puithiamte an ni ang tih kan rinngam theih? (Eph. 4:20-24; 1 Pet. 1:7; 3:8; 5:6-10)

2. Thu Puan 14:1-3 chhiar rawh.

   Mi 1,44,000-te chala Pa hming leh Berâm No hming ziah chu eng tihna nge ni? (1 Kor. 3:23; 2 Tim. 2:19; Thup. 3:12)

Thawnthu 116

1. Chatuana nung tûrin eng nge kan tih ngai?

2. Milema hmeichhe naupangtê leh a ṭhiante’n an tih angin, engtin nge Jehova leh Isua chanchin chu kan zir theih ang?

3. Milemah hian eng lehkhabu dang nge i hmuh a, engvângin nge chu chu kan chhiar fo ang?

4. Jehova leh Isua chanchin zir bâkah, chatuana nunna nei tûrin thil dang eng nge ṭûl?

5. Thawnthu 69 aṭangin eng nge kan zir theih?

6. Thawnthu 55-in a târ lan angin naupang Samuela entawn tûr ṭha chu eng nge ni?

7. Engtin nge Isua Krista entîrna chu kan zui theih ang a, chutianga kan tih chuan nakinah eng nge kan tih theih ang?

Zawh belh tûr zawhnate:

1. Johana 17:3 chhiar rawh.

   Pathian Jehova leh Isua Krista hriatna neih chu thil nih dânte rilrua hriatna mai aia tam a ngai tih engtin nge Pathian Lehkha Thu chuan a târ lan? (Mt. 7:21; Jak. 2:18-20; 1 Joh. 2:17)

2. Sâm 145:1-21 chhiar rawh.

   1. Jehova kan fak chhan tûr tam tak zînga ṭhenkhat chu eng nge ni? (Sâm 145:8-11; Thup. 4:10, 11)

   2. Engtin nge Jehova chu ‘engkim chunga a ṭhat’ a, chu chuan engtin nge amah min hnaih lehzualtîr tûr a nih? (Sâm 145:9; Mt. 5:43-45)

   3. Jehova chu thinlunga kan ngainat chuan, eng ti tûra chêttîr nge kan nih ang? (Sâm 119:171, 172, 175; 145:11, 12, 21)