Bann Kestion pou Mo Liv Zistwar Labib
Bann Kestion pou Mo Liv Zistwar Labib
Bondie Koumans Kree
1. Kisannla ki ti kree tou kitsoz? Sit enn lexanp.
2. Ki premie kitsoz Bondie ti kree?
3. Kifer premie anz ki Bondie ti kree ti spesial?
4. Kouma later ti ete o-koumansman? (Get zimaz.)
5. Kouma Bondie finn koumans prepar later pou bann zanimo ek bann dimounn?
Bann kestion anplis:
1. Lir Jérémie 10:12.
Ki bann kalite ki Bondie ena ou trouve atraver so kreasion? (Is. 40:26; Rom. 11:33)
2. Lir Colossiens 1:15-17.
Ki rol Jésus finn ena dan kreasion, ek ki lefe sa bizin ena lor fason ki nou konsider li? (Col. 1:15-17)
3. Lir Genèse 1:1-10.
(a) Kouma later finn existe? (Gen. 1:1)
(b) Ki finn arive pandan premie zour kreasion? (Gen. 1:3-5)
(c) Rakont seki finn arive pandan deziem zour kreasion. (Gen. 1:7, 8)
Enn Zoli Zardin
1. Kouma Bondie ti prepar later pou ki nou kapav res lor la?
2. Sit bann zanimo ki Bondie ti kree. (Get zimaz.)
3. Kifer zardin Éden ti spesial?
4. Kouma Bondie ti anvi ki later antie vini?
Bann kestion anplis:
1. Lir Genèse 1:11-25.
(a) Ki Bondie ti kree pandan trwaziem zour kreasion? (Gen. 1:12)
(b) Ki ti arive pandan katriem zour kreasion? (Gen. 1:16)
(c) Ki kalite lespes zanimo Bondie ti fer pandan sinkiem ek siziem zour? (Gen. 1:20, 21, 25)
2. Lir Genèse 2:8, 9.
Sit de kalite pie ki Bondie ti met dan zardin. Ki zot ti reprezante?
Premie Zom ek Premie Madam
1. Ki diferans ena ant zimaz dan Zistwar 3 ek zimaz dan Zistwar 2?
2. Kisannla ki ti fer premie zom, ek kouma li ti apele?
3. Ki travay Bondie ti donn Adam pou fer?
4. Kifer Bondie ti fer Adam tom dan enn gran somey?
5. Komie letan Adam ek Ève ti kapav viv, ek ki travay Jéhovah ti anvi zot fer?
Bann kestion anplis:
1. Lir Psaume 83:18.
Kouma Bondie apele, ek ki pozision Li tousel ena par rapor ar later? (Jér. 16:21; Dan. 4:17)
2. Lir Genèse 1:26-31.
(a) Pandan siziem zour kreasion, ki kitsoz bien inportan Bondie ti kree, ek kouma sa kreasion-la ti diferan ar bann zanimo? (Gen. 1:26)
(b) Ki Jéhovah ti donn bann dimounn ek bann zanimo toulede? (Gen. 1:30)
3. Lir Genèse 2:7-25.
(a) Ki Adam ti bizin fer pou donn bann zanimo enn nom? (Gen. 2:19)
(b) Kouma Genèse 2:24 ed nou pou konpran fason ki Bondie konsider maryaz, separasion, ek divors? (Mat. 19:4-6, 9)
Kifer Finn Met Zot Deor dan Zardin
1. Dan sa zimaz-la, ki pe ariv Adam ek Ève?
2. Kifer Jéhovah ti pini zot?
3. Ki enn serpan ti dir Ève?
4. Kisannla ti fer sa serpan-la koz ar Ève?
5. Kifer Adam ek Ève ti perdi Paradi kot zot ti reste?
Bann kestion anplis:
1. Lir Genèse 2:16, 17 ek 3:1-13, 24.
(a) Kifer kestion ki sa serpan-la ti poz Ève ti mal reprezant Jéhovah? (Gen. 3:1-5; 1 Jean 5:3)
(b) Kouma lexanp Ève li enn lavertisman pou nou? (Phil. 4:8; Jacq. 1:14, 15; 1 Jean 2:16)
(c) Kouma Adam ek Ève inn montre ki zot ti refiz aksepte ki zot ti responsab seki zot ti fer? (Gen. 3:12, 13)
(d) Kouma bann seribin ki Bondie ti met dan les zardin Éden, ti soutenir drwa ki Jéhovah ena pou dirize? (Gen. 3:24)
2. Lir Révélation 12:9.
Ziska ki pwin Satan finn reisi al kont dominasion Bondie? (1 Jean 5:19)
Enn Lavi Difisil Koumanse
1. Kouma Adam ek Ève zot lavi ti ete andeor zardin Éden?
2. Ki ti koumans ariv Adam ek Ève, ek kifer?
3. Kifer bann zanfan Adam ek Ève ti pou vinn vie, ek ti pou mor?
4. Si Adam ek Ève ti’nn obeir Jéhovah, ki kalite lavi zot ek zot zanfan ti pou ena?
5. Akoz Ève finn dezobeir, ki konsekans sa finn ena?
6. Kouma de premie garson Adam ek Ève ti apele?
7. Kisannla sa bann lezot zanfan ki lor zimaz la?
Bann kestion anplis:
1. Lir Genèse 3:16-23 ek 4:1, 2.
(a) Akoz malediksion ki Bondie ti donn later, ki lefe sa finn ena lor lavi Adam? (Gen. 3:17-19; Rom. 8:20, 22)
(b) Kifer nom Ève, ki vedir “Vivan,” li apropriye? (Gen. 3:20)
(c) Kouma eski Jéhovah ti montre konsiderasion pou Adam ek Ève mem apre ki zot ti fer pese? (Gen. 3:7, 21)
2. Lir Révélation 21:3, 4.
Ki “kitsoz avan” ou anvi trouv disparet?
Caïn ek Abel
1. Ki travay Caïn ek Abel ti fer?
2. Ki ofrand Caïn ek Abel ti ofer Jéhovah?
3. Kifer Jéhovah ti aksepte ofrand Abel, ek kifer Li pa ti aksepte seki pou Caïn?
4. Ki kalite dimounn Caïn ti ete, ek kouma Jéhovah ti esey koriz li?
5. Ki Caïn ti fer kan li ti tousel avek so frer dan karo?
6. Explike ki ti ariv Caïn apre ki li ti touy so frer.
Bann kestion anplis:
1. Lir Genèse 4:2-26.
(a) Kouma Jéhovah ti dekrir sitiasion danzere kot Caïn ti ete? (Gen. 4:7)
(b) Kouma Caïn ti revel seki li ti ena dan so leker? (Gen. 4:9)
(c) Kan vers disan enn inosan, kouma Jéhovah konsider sa? (Gen. 4:10; Is. 26:21)
2. Lir 1 Jean 3:11, 12.
(a) Kifer Caïn ti bwi ar koler, ek kouma sa li enn lavertisman pou nou zordi? (Gen. 4:4, 5; Prov. 14:30; 28:22)
(b) Kouma Labib montre ki nou kapav res fidel ar Jéhovah, mem si bann manb nou fami zot opoze? (Ps. 27:10; Mat. 10:21, 22)
3. Lir Jean 11:25.
Ki lasirans Jéhovah donn tou bann ki mor akoz lazistis? (Jean 5:24)
Enn Zom Ki Ena Kouraz
1. Kifer Hénok ti diferan?
2. Kifer bann dimounn dan lepok Hénok ti fer sa kantite move kitsoz-la?
3. Ki move kitsoz bann dimounn ti fer? (Get zimaz.)
4. Kifer Hénok ti bizin ena kouraz?
5. Komie letan bann dimounn ti viv sa lepok-la, me komie letan Hénok inn viv?
6. Ki finn arive kan Hénok inn mor?
Bann kestion anplis:
1. Lir Genèse 5:21-24, 27.
(a) Ki kalite relasion Hénok ti ena avek Jéhovah? (Gen. 5:24)
(b) Dapre Labib, kisannla finn viv pli lontan lor later, ek ki laz li ti ena kan li ti mor? (Gen. 5:27)
2. Lir Genèse 6:5.
Kouma bann kondision ti ete lor later apre lamor Hénok, ek kouma nou kapav konpar seki ti pase avek nou lepok? (2 Tim. 3:13)
3. Lir Hébreux 11:5.
Ki kalite Hénok ti ena ki “ti fer Bondie plezir,” ek ki rezilta sa finn ena? (Gen. 5:22)
4. Lir Jude 14, 15.
Kouma bann Kretien kapav imit kouraz Hénok zordi kan zot averti bann dimounn konsernan lager Har-Maguédôn ki pe koste? (2 Tim. 4:2; Héb. 13:6)
Bann Zean lor Later
1. Ki finn arive kan sertin anz ti ekout Satan?
2. Kifer sertin anz ti aret travay ki Bondie ti donn zot dan lesiel ek zot ti vinn lor later?
3. Kifer li ti enn move kitsoz ki bann anz vinn lor later ek pran lekor bann imin?
4. Dan ki sans bann zanfan ki bann anz ti gagne ti diferan?
5. Dapre zimaz, ki bann anz zot zanfan pe fer kan zot inn vinn bann zean?
6. Apre Hénok, ki bon dimounn ti viv lor later, ek kifer Bondie ti kontan li?
Bann kestion anplis:
1. Lir Genèse 6:1-8.
Dapre Genèse 6:6, kouma nou kondwit kapav afekte bann santiman Jéhovah? (Ps. 78:40, 41; Prov. 27:11)
2. Lir Jude 6.
Kouma seki bann anz dan lepok Noé ti fer kan zot “pa ti res dan pozision ki zot ti ena o-koumansman” kapav servi nou kouma enn rapel zordi? (1 Cor. 3:5-9; 2 Pierre 2:4, 9, 10)
Noé Ranz enn Lars
1. Komie dimounn ti ena dan Noé so fami, ek kouma so trwa garson ti apele?
2. Ki kitsoz inpe drol Bondie ti demann Noé fer, ek kifer?
3. Kouma bann vwazin Noé ti reazir kan li ti koz konsernan lars?
4. Ki Bondie ti dir Noé fer avek bann zanimo?
5. Apre ki Bondie inn ferm laport lars, ki Noé ek so fami ti bizin fer?
Bann kestion anplis:
1. Lir Genèse 6:9-22.
(a) Kifer Noé ti enn adorater vre Bondie ki ti exsepsionel? (Gen. 6:9, 22)
(b) Ki Jéhovah resanti konsernan laviolans, ek kouma sa bizin ena enn lefe kan nou swazir nou bann divertisman? (Gen. 6:11, 12; Ps. 11:5)
(c) Kouma nou kapav imit Noé kan nou gagn bann direksion atraver lorganizasion Jéhovah? (Gen. 6:22; 1 Jean 5:3)
2. Lir Genèse 7:1-9.
Jéhovah ti trouv Noé kouma enn kikenn ki drwat mem si li ti inparfe, kouma sa ankouraz nou zordi? (Gen. 7:1; Prov. 10:16; Is. 26:7)
Enn Gran Deliz
1. Enn fwa lapli finn koumans tonbe, kifer personn pa finn kapav rant dan lars?
2. Pandan komie zour ek komie lanwit Jéhovah inn fer lapli tonbe, ek ziska ki oter delo inn monte?
3. Amezir ki delo ti kouver later, ki ti ariv lars?
4. Eski bann zean ti sape pandan Deliz, ek ki ti ariv zot papa?
5. Ki’nn ariv lars apre sink mwa?
6. Kifer Noé ti larg enn korbo andeor lars?
7. Kouma Noé ti kone ki nivo delo lor later ti’nn bese?
8. Ki Bondie ti dir Noé apre ki li ek so fami ti’nn res dan lars pandan plis ki enn an?
Bann kestion anplis:
1. Lir Genèse 7:10-24.
(a) Ziska ki pwin lavi lor later ti detrir? (Gen. 7:23)
(b) Komie letan sa finn pran pou ki nivo delo bese? (Gen. 7:24)
2. Lir Genèse 8:1-17.
Kouma Genèse 8:17 montre ki Jéhovah pa’nn sanz proze ki Li ti ena depi koumansman pou later? (Gen. 1:22)
3. Lir 1 Pierre 3:19, 20.
(a) Ki zizman bann anz rebel finn gagne, kan zot inn retourn dan lesiel? (Jude 6)
(b) Kouma lexanp Noé ek so fami kapav fortifie nou konfians dan kapasite ki Jéhovah ena pou delivre So pep? (2 Pierre 2:9)
Premie Larkansiel
1. Parey kouma nou trouve lor zimaz, ki premie kitsoz Noé inn fer kan li ti sorti dan lars?
2. Ki komannman Bondie ti donn Noé ek so fami apre Deliz?
3. Ki promes Bondie ti fer?
4. Kan nou trouv enn larkansiel, ki sa bizin fer nou rapel?
Bann kestion anplis:
1. Lir Genèse 8:18-22.
(a) Zordi, kouma nou kapav fer “enn loder ki fer [Jéhovah] plezir” mont ver Li? (Gen. 8:21; Héb. 13:15, 16)
(b) Ki Jéhovah finn remarke konsernan tandans leker bann dimounn, ek lor ki kitsoz nou bizin veye? (Gen. 8:21; Mat. 15:18, 19)
2. Lir Genèse 9:9-17.
(a) Ki lalians Jéhovah inn fer avek tou bann kreatir ki viv lor later? (Gen. 9:10, 11)
(b) Pandan komie letan lalians larkansiel pou dire? (Gen. 9:16)
Latour Babel
1. Kisannla Nimrod ti ete, ek ki Bondie ti panse lor li?
2. Dapre sa zimaz-la, kifer bann dimounn pe fer bann brik?
3. Kifer Jéhovah pa ti kontan seki sa bann dimounn-la ti pe konstrir?
4. Kouma eski Bondie inn aret konstriksion sa latour-la?
5. Kouma ti apel sa lavil-la, ek ki sinifikasion sa nom-la?
6. Ki ti ariv bann dimounn apre ki Bondie ti kree enn konfizion dan zot langaz?
Bann kestion anplis:
1. Lir Genèse 10:1, 8-10.
Ki defo Nimrod ti ena, ek kouma sa li enn lavertisman pou nou? (Prov. 3:31)
2. Lir Genèse 11:1-9.
Avek ki lintansion ti konstrir sa latour-la, ek kifer enn proze koumsa inn tom dan delo? (Gen. 11:4; Prov. 16:18; Jean 5:44)
Abraham—Kamarad Bondie
1. Ki kalite dimounn ti viv dan lavil Our?
2. Kisannla sa misie lor sa zimaz la, kan eski li’nn ne, ek kotsa li ti viv?
3. Ki Bondie ti demann Abraham fer?
4. Kifer ti apel Abraham kamarad Bondie?
5. Kisannla ti swiv Abraham kan li ti kit Our?
6. Ki Bondie ti dir Abraham kan li ti ariv dan pei Canaan?
7. Kan Abraham ti ena 99 an, ki promes Bondie inn fer li?
Bann kestion anplis:
1. Lir Genèse 11:27-32.
(a) Kouma eski Abraham ek Lot ti tom fami? (Gen. 11:27)
(b) Mem si nou lir ki se Térah ki ti fer so fami al Canaan, kouma eski nou kone ki se Abraham ki ti deryer sa, ek kifer li ti fer sa? (Gen. 11:31; Actes 7:2-4)
2. Lir Genèse 12:1-7.
Apre ki Abraham ti rant Canaan, kouma eski Jéhovah ti elarzi lalians ki Li ti fer avek Abraham? (Gen. 12:7)
3. Lir Genèse 17:1-8, 15-17.
(a) Kan Abram ti ena 99 an, kouma eski so nom finn sanze, ek kifer? (Gen. 17:5)
(b) Ki bann benediksion Jéhovah ti promet Sara li pou gagne dan lavenir? (Gen. 17:15, 16)
4. Lir Genèse 18:9-19.
(a) Dan Genèse 18:19, ki responsabilite bann papa inn gagne? (Deut. 6:6, 7; Éph. 6:4)
(b) Ki kitsoz ti ariv Sara ki montre nou ki nou pa kapav kasiet nanye Jéhovah? (Gen. 18:12, 15; Ps. 44:21)
Bondie Teste Lafwa Abraham
1. Ki promes Bondie ti fer Abraham, ek kouma eski Bondie ti tini so promes?
2. Dapre sa zimaz-la, kouma eski Bondie ti teste lafwa Abraham?
3. Mem si li pa ti konpran kifer Bondie ti donn li sa lord-la, ki Abraham ti fer?
4. Ki ti arive kan Abraham ti pran kouto pou touy so garson?
5. Ziska ki pwin lafwa ki Abraham ti ena dan Bondie ti for?
6. Ki kitsoz Bondie ti donn Abraham pou ofer kouma enn sakrifis, ek kouma Li’nn fer sa?
Bann kestion anplis:
1. Lir Genèse 21:1-7.
Kifer Abraham ti sirkonsi so garson witiem zour? (Gen. 17:10-12; 21:4)
2. Lir Genèse 22:1-18.
Kouma eski Isaac ti montre ki li ti soumet ar so papa, Abraham, ek kouma sa ti reprezant enn levennman ki ti pou ena enn pli gran linportans dan lavenir? (Gen. 22:7-9; 1 Cor. 5:7; Phil. 2:8, 9)
Madam Lot
1. Kifer Abraham ek Lot ti separe?
2. Kifer Lot ti swazir pou al viv dan Sodome?
3. Kouma bann dimounn dan Sodome ti ete?
4. Ki lavertisman de anz ti donn Lot?
5. Kifer Lot so madam ti vinn enn kolonn disel?
6. Ki leson nou kapav aprann ar seki’nn ariv Lot so madam?
Bann kestion anplis:
1. Lir Genèse 13:5-13.
Kan ena pou regle bann problem avek enn lot dimounn, ki leson nou kapav aprann ar Abraham? (Gen. 13:8, 9; Rom. 12:10; Phil. 2:3, 4)
2. Lir Genèse 18:20-33.
Kouma eski fason ki Jéhovah inn azir avek Abraham donn nou konfians ki Jéhovah ek Jésus pou ziz avek lazistis? (Gen. 18:25, 26; Mat. 25:31-33)
3. Lir Genèse 19:1-29.
(a) Ki sa resi Biblik la aprann nou konsernan kouma Bondie konsider lomosexialite? (Gen. 19:5, 13; Lév. 20:13)
(b) Ki diferans ena ant fason ki Lot ek Abraham inn reazir ar bann direksion ki Bondie inn donn zot, ek ki leson nou aprann? (Gen. 19:15, 16, 19, 20; 22:3)
4. Lir Luc 17:28-32.
Kouma eski Lot so madam ti konsider bann kitsoz materyel, ek kouma sa li enn lavertisman pou nou? (Luc 12:15; 17:31, 32; Mat. 6:19-21, 25)
5. Lir 2 Pierre 2:6-8.
Parey kouma Lot, ki latitid nou bizin ena konsernan sa move lemond kot nou pe viv la? (Ézék. 9:4; 1 Jean 2:15-17)
Maryaz Isaac
1. Kisannla sa misie ek sa madam ki lor sa zimaz la?
2. Ki Abraham inn fer pou ki so garson gagn enn madam, ek kifer?
3. Kouma eski Bondie ti reponn lapriyer ki serviter Abraham ti fer?
4. Ki repons Rébecca ti done kan ti demann li si li anvi marye ar Isaac?
5. Ki kitsoz ti fer Isaac regagn so lazwa?
Bann kestion anplis:
1. Lir Genèse 24:1-67.
(a) Ki bann bon kalite Rébecca ti manifeste kan li ti zwenn serviter Abraham kot pwi? (Gen. 24:17-20; Prov. 31:17, 31)
(b) Konsernan bann dispozision ki Abraham ti pran pou Isaac, ki bon lexanp li’nn kite pou bann Kretien zordi? (Gen. 24:37, 38; 1 Cor. 7:39; 2 Cor. 6:14)
(c) Kifer nou bizin trouv letan pou medite, parey kouma Isaac? (Gen. 24:63; Ps. 77:12; Phil. 4:8)
Ésaü ek Jacob
1. Kisannla Ésaü ek Jacob ti ete, ek kouma eski zot ti diferan?
2. Ki laz Ésaü ek Jacob ti ena kan zot granper, Abraham, ti mor?
3. Ki kitsoz Ésaü ti fer pou ki so mama ek so papa ti bien tris?
4. Kifer Ésaü ti bien ankoler ar so frer, Jacob?
5. Ki linstriksion Isaac ti donn so garson Jacob?
Bann kestion anplis:
1. Lir Genèse 25:5-11, 20-34.
(a) Ki Jéhovah ti profetize konsernan de garson Rébecca? (Gen. 25:23)
(b) Ki diferans ti ena ant latitid ki Jacob ek Ésaü ti ena konsernan drwa premie ne? (Gen. 25:31-34)
2. Lir Genèse 26:34, 35; 27:1-46; ek 28:1-5.
(a) Kouma Ésaü ti montre ki bann kitsoz spiritiel pa ti inportan devan so lizie? (Gen. 26:34, 35; 27:46)
(b) Ki Isaac ti demann Jacob fer pou ki li kapav gagn benediksion Bondie? (Gen. 28:1-4)
3. Lir Hébreux 12:16, 17.
Kouma lexanp Ésaü montre nou ki arive kan nou mepriz bann kitsoz sakre?
Jacob Al Harân
1. Ki sa zennfi ki lor sa zimaz la, ek ki Jacob inn fer pou li?
2. Ki Jacob ti dispoze pou fer pou ki li kapav marye ar Rachel?
3. Ki Labân ti fer kan ti ariv ler pou ki Jacob marye ar Rachel?
4. Ki Jacob ti aksepte pou fer pou ki Rachel vinn so madam?
Bann kestion anplis:
1. Lir Genèse 29:1-30.
(a) Mem kan Labân ti anbet li, kouma eski Jacob ti montre respe anver li, ek ki leson nou kapav aprann ar sa sitiasion-la? (Gen. 25:27; 29:26-28; Mat. 5:37)
(b) Kouma eski lexanp Jacob montre nou diferans ant vre lamour ek enn sinp latirans pou enn kikenn? (Gen. 29:18, 20, 30; Chant de S. 8:6)
(c) Sit nom sa kat madam ki ti form parti lakaz Jacob la ek ki plitar ti donn li bann garson. (Gen. 29:23, 24, 28, 29)
Bann Zanfan Jacob
1. Léa, premie fam Jacob, ti gagn sis garson. Kouma zot apele?
2. Kouma de garson ki Zilpa, servant Léa, ti gagne, ti apele?
3. Kouma de garson ki Bilha, servant Rachel, ti gagne, ti apele?
4. Kouma de garson Rachel ti apele, me ki ti arive kan deziem-la ti ne?
5. Dapre sa zimaz-la, komie garson Jacob ti ena, ek kisannla ti pou zot desandans?
Bann kestion anplis:
1. Lir Genèse 29:32-35; 30:1-26; ek 35:16-19.
Parey kouma nou’nn trouve dan ka bann 12 garson Jacob, dan lepok lontan kouma eski ti swazir bann nom pou bann garson Ebre?
2. Lir Genèse 37:35.
Mem si dan Labib mansionn zis nom Dina, kouma nou kone ki Jacob ti ena lezot tifi ankor? (Gen. 37:34, 35)
Dina Gagn Problem
1. Kifer Abraham ek Isaac pa ti anvi ki zot zanfan marye ar bann abitan Canaan?
2. Eski Jacob ti dakor ki so tifi fer kamarad ar bann tifi dan Canaan?
3. Dan sa zimaz-la, kisannla sa misie ki pe get Dina la, ek ki move kitsoz li’nn fer?
4. Ki bann frer Dina, Siméon ek Lévi, ti fer kan zot ti aprann seki ti arive?
5. Eski Jacob ti dakor avek seki Siméon ek Lévi ti fer?
6. Kouma eski tou sa bann maler-la inn koumanse?
Bann kestion anplis:
1. Lir Genèse 34:1-31.
(a) Dina ti al get bann tifi Kananeenn. Eski sa ti enn kitsoz ki ti arive enn sel fwa? Explike. (Gen. 34:1)
(b) Kifer Dina ena so par responsabilite kan li’nn perdi so virzinite? (Gal. 6:7)
(c) Kouma eski bann zenn zordi kapav montre ki zot pran bien kont lexanp Dina? (Prov. 13:20; 1 Cor. 15:33; 1 Jean 5:19)
Joseph ek So Bann Frer
1. Kifer bann frer Joseph ti zalou li, ek ki zot ti fer?
2. Ki bann frer Joseph ti pe anvi fer avek li, me ki Ruben ti dir?
3. Ki ti arive kan bann marsan Yishmaelit ti pe pase?
4. Ki bann frer Joseph ti fer pou ki zot papa krwar ki Joseph ti’nn mor?
Bann kestion anplis:
1. Lir Genèse 37:1-35.
(a) Kouma bann Kretien kapav imit lexanp Joseph kan zot fer kone ki kikenn dan kongregasion inn fer pese? (Gen. 37:2; Lév. 5:1; 1 Cor. 1:11)
(b) Ki ti amenn bann frer Joseph pou trayir li? (Gen. 37:11, 18; Prov. 27:4; Jacq. 3:14-16)
(c) Ki kitsoz normal Jacob ti fer pou montre so gran sagrin? (Gen. 37:35)
Joseph dan Prizon
1. Ki laz Joseph ti ena kan ti amenn li l’Égypte, ek ki ti arive kan li ti ariv laba?
2. Kouma eski Joseph inn ariv la dan prizon?
3. Ki responsabilite Joseph ti gagne dan prizon?
4. Dan prizon, ki Joseph ti fer pou boulanze ek sa kikenn ki servi Pharaon divin la?
5. Ki arive apre ki sa kikenn ki servi divin la ti sorti dan prizon?
Bann kestion anplis:
1. Lir Genèse 39:1-23.
Avredir pa ti ena okenn lalwa ki Bondie ti fer ekrir ki ti kondann ladilter dan lepok Joseph. Alor ki ti pous li pou sove ek al lwin ar madam Potiphar? (Gen. 2:24; 20:3; 39:9)
2. Lir Genèse 40:1-23.
(a) An de-trwa mo dekrir rev sa kikenn ki servi divin la ek lexplikasion ki Jéhovah inn donn Joseph. (Gen. 40:9-13)
(b) Ki rev boulanze-la ti fer, ek ki so sinifikasion? (Gen. 40:16-19)
(c) Kouma eski zordi lesklav fidel ek saz pe imit latitid ki Joseph ti ena? (Gen. 40:8; Ps. 36:9; Jean 17:17; Actes 17:2, 3)
(d) Kouma eski Genèse 40:20 ekler bann Kretien konsernan selebrasion bann laniverser? (Eccl. 7:1; Marc 6:21-28)
Bann Rev Pharaon
1. Ki ti ariv Pharaon enn swar?
2. Kifer sa kikenn ki servi divin la finn finalman rapel Joseph?
3. Parey kouma sa zimaz-la montre, ki de rev Pharaon ti fer?
4. Ki sinifikasion Joseph ti done konsernan sa bann rev-la?
5. Kouma eski Joseph ti vinn dimounn pli inportan apre Pharaon dan l’Égypte?
6. Kifer bann frer Joseph vinn l’Égypte, ek kifer zot pa rekonet li?
7. Ki rev Joseph ti rapel, ek lerla ki li finn konpran?
Bann kestion anplis:
1. Lir Genèse 41:1-57.
(a) Kouma Joseph inn atir latansion lor Jéhovah, ek kouma bann Kretien kapav imit li zordi? (Gen. 41:16, 25, 28; Mat. 5:16; 1 Pierre 2:12)
(b) Kouma eski bann lane labondans ek faminn ki’nn arive dan l’Égypte enn deryer lot montre bien diferans ki ena lor plan spiritiel ant pep Jéhovah ek la Chrétienté zordi? (Gen. 41:29, 30; Amos 8:11, 12)
2. Lir Genèse 42:1-8 ek 50:20.
Eski li enn erer si enn adorater Jéhovah prostern devan enn zom pou donn li loner ek respe akoz pozision ki li ena, si sa enn koutim dan so pei? (Gen. 42:6)
Joseph Teste So Bann Frer
1. Kifer Joseph dir ki so bann frer bann espion?
2. Kifer Jacob les so pli zenn garson, Benjamin, al l’Égypte?
3. Kouma Joseph so koup an-arzan inn aterir dan sak Benjamin?
4. Ki Juda propoze pou ki Benjamin gagn liberte?
5. Dan ki fason bann frer Joseph inn sanze?
Bann kestion anplis:
1. Lir Genèse 42:9-38.
Kouma eski remark ki Joseph fer dan Genèse 42:18 li enn bon rapel pou bann ki ena bann responsabilite dan lorganizasion Jéhovah zordi? (Neh. 5:15; 2 Cor. 7:1, 2)
2. Lir Genèse 43:1-34.
(a) Mem si Ruben ti garson premie ne, kouma nou kone ki se Juda ki ti koz pou so bann frer? (Gen. 43:3, 8, 9; 44:14, 18; 1 Chron. 5:2)
(b) Kouma Joseph ti teste so bann frer, ek kifer? (Gen. 43:33, 34)
3. Lir Genèse 44:1-34.
(a) Dan sitiasion kot Joseph inn kasiet so lidantite ar so bann frer, pou ki kalite dimounn Joseph inn fer li pase? (Gen. 44:5, 15; Lév. 19:26)
(b) Kouma eski bann frer Joseph inn montre ki zalouzi ki zot ti ena pou li inn disparet? (Gen. 44:13, 33, 34)
Jacob Al dan l’Égypte
1. Ki arive kan Joseph fer so bann frer kone kisannla li ete?
2. Avek bonte, ki Joseph explik so bann frer?
3. Ki Pharaon dir letan li tann koz lor bann frer Joseph?
4. Ki grander fami Jacob ti ete letan zot vinn l’Égypte?
5. Kouma eski finn koumans apel fami Jacob, ek kifer?
Bann kestion anplis:
1. Lir Genèse 45:1-28.
Kouma eski sa zistwar Biblik lor Joseph la montre ki Jéhovah kapav vir enn sitiasion kot sipoze fer ditor So bann serviter an enn benediksion? (Gen. 45:5-8; Is. 8:10; Phil. 1:12-14)
2. Lir Genèse 46:1-27.
Ki lasirans Jéhovah ti donn Jacob alor ki li ti pe al an Égypte? (Gen. 46:1-4, not)
Job Res Fidel Anver Bondie
1. Kisannla Job?
2. Ki Satan ti esey fer, me eski li ti reisi?
3. Ki kitsoz Jéhovah ti donn Satan permision fer, ek kifer?
4. Kifer Job so madam ti dir li “modi Bondie ek mor”? (Get zimaz.)
5. Parey kouma to kapav trouve lor deziem zimaz, kouma eski Bondie ti beni Job, ek kifer?
6. Si parey kouma Job nou res fidel anver Jéhovah, ki bann benediksion nou pou gagne?
Bann kestion anplis:
1. Lir Job 1:1-22.
Kouma eski bann Kretien azordi kapav imit Job? (Job 1:1; Phil. 2:15; 2 Pierre 3:14)
2. Lir Job 2:1-13.
Dan ki fason diferan Job ek so madam inn reazir devan bann persekision Satan? (Job 2:9, 10; Prov. 19:3; Mika 7:7; Mal. 3:14)
3. Lir Job 42:10-17.
(a) Ki bann kitsoz ki parey ena ant rekonpans ki Job inn gagne ek seki Jésus inn gagne parski zot ti res fidel? (Job 42:12; Phil. 2:9-11)
(b) Kouma eski bann benediksion ki Job ti gagne kan li ti gard so lintegrite anver Bondie ankouraz nou? (Job 42:10, 12; Héb. 6:10; Jacq. 1:2-4, 12; 5:11)
Enn Move Lerwa Diriz l’Égypte
1. Dan sa zimaz-la, kisannla sa misie avek enn fwet la, ek kisannla li pe bate?
2. Apre ki Joseph mor, ki ariv bann Izraelit?
3. Kifer bann Ezipsien ti koumans per bann Izraelit?
4. Ki komannman Pharaon ti donn bann madam ki ti ed bann fam Izraelit pou akouse?
Bann kestion anplis:
1. Lir Exode 1:6-22.
(a) Dan ki fason Jéhovah inn koumans realiz promes ki Li ti fer ar Abraham? (Ex. 1:7; Gen. 12:2; Actes 7:17)
(b) Kouma eski bann sazfam Ebre ti montre respe pou valer sakre ki lavi ena? (Ex. 1:17; Gen. 9:6)
(c) Kouma eski Jéhovah ti rekonpans zot pou zot fidelite? (Ex. 1:20, 21; Prov. 19:17)
(d) Kouma eski Satan inn esey anpes proze Jéhovah konsernan semans ki Li ti promet Abraham, realize? (Ex. 1:22; Mat. 2:16)
Ti-Moïse Reisi Sape
1. Kisannla sa tibaba dan sa zimaz la, ek ledwa kisannla li pe trape?
2. Ki Moïse so mama inn fer pou reisi sap li ar lamor?
3. Kisannla sa ti tifi lor sa zimaz-la, ek ki li ti fer?
4. Kan Pharaon so tifi ti trouv sa tibaba-la, ki Miriam ti propoz li fer?
5. Ki laprinses ti dir mama Moïse?
Kestion anplis:
1. Lir Exode 2:1-10.
Ki lokazion mama Moïse ti gagne pou form ek ansegn Moïse pandan so lanfans, ek kouma sa li enn lexanp pou bann paran zordi? (Ex. 2:9, 10; Deut. 6:6-9; Prov. 22:6; Éph. 6:4; 2 Tim. 3:15)
Kifer Moïse Ti Sove
1. Kotsa Moïse ti grandi, me ki li ti kone konsernan so bann paran?
2. Ki Moïse ti fer kan li ti ena 40 an?
3. Ki Moïse ti dir enn Izraelit ki ti pe lager, ek ki sa misie-la ti reponn li?
4. Kifer Moïse ti sove depi l’Égypte?
5. Kotsa Moïse ti ale, ek kisannla li finn zwenn?
6. Apre ki li ti kit l’Égypte, ki Moïse ti fer pandan 40 an?
Bann kestion anplis:
1. Lir Exode 2:11-25.
Malgre ki pandan boukou lane ti ansegn Moïse sazes bann Ezipsien, kouma eski li ti montre so fidelite anver Jéhovah ek so pep? (Ex. 2:11, 12; Héb. 11:24)
2. Lir Actes 7:22-29.
Moïse ti esey delivre bann Izraelit ki ti esklav dan l’Égypte par limem, ki leson nou aprann ar sa? (Actes 7:23-25; 1 Pierre 5:6, 10)
Enn Ti Pie Pe Pran Dife
1. Ki nom sa montagn lor sa zimaz-la?
2. Dekrir ki kitsoz extraordiner Moïse ti trouve kan li ti al lor sa montagn-la avek so bann mouton.
3. Enn lavwa ti sorti dan sa ti pie-la, ki sa lavwa-la ti dir, ek kisannla so lavwa sa?
4. Kouma Moïse ti reponn kan Bondie ti dir li ki se li ki ti pou delivre pep Bondie depi l’Égypte?
5. Ki Bondie ti demann Moïse dir, si lepep ti demann li kisannla ti avoy li?
6. Kouma Moïse ti pou reisi prouve ki se Bondie ki’nn avoy li?
Bann kestion anplis:
1. Lir Exode 3:1-22.
Kouma seki ti ariv Moïse donn nou konfians ki Jéhovah pou soutenir nou, mem si nou panse nou pa ase kalifie pou pran bann responsabilite teokratik? (Ex. 3:11, 13; 2 Cor. 3:5, 6)
2. Lir Exode 4:1-20.
(a) Kouma Moïse so latitid inn sanze pandan sa 40 an ki li’nn res Madiân la, ek ki leson bann ki anvi gagn bann responsabilite dan kongregasion kapav aprann ar sa? (Ex. 2:11, 12; 4:10, 13; Mika 6:8; 1 Tim. 3:1, 6, 10)
(b) Mem si Jéhovah disiplinn nou atraver so lorganizasion, ki lasirans lexanp Moïse donn nou? (Ex. 4:12-14; Ps. 103:14; Héb. 12:4-11)
Moïse ek Aaron Devan Pharaon
1. Ki lefe bann mirak ki Moïse ek Aaron inn fer ti ena lor bann Izraelit?
2. Ki Moïse ek Aaron ti dir Pharaon, ek ki Pharaon inn reponn?
3. Dapre zimaz, ki ti ariv baton Aaron kan li’nn zet li anba?
4. Kouma Jéhovah ti donn Pharaon enn leson, ek kouma Pharaon ti reazir?
5. Ki ti arive apre diziem ple?
Bann kestion anplis:
1. Lir Exode 4:27-31 ek 5:1-23.
Ki Pharaon ti pe rod dir kan li ti dir: “Mo pa konn Jéhovah ditou”? (Ex. 5:2; 1 Sam. 2:12; Rom. 1:21)
2. Lir Exode 6:1-13, 26-30.
(a) Dan ki sans Jéhovah pa ti fer Abraham, Isaac, ek Jacob konn Li? (Ex. 3:13, 14; 6:3; Gen. 12:8)
(b) Ki santiman sa fer nou ena kan nou kone ki Jéhovah ti servi Moïse, mem si Moïse ti panse ki li pa ti ase kalifie pou sa mision-la? (Ex. 6:12, 30; Luc 21:13-15)
3. Lir Exode 7:1-13.
(a) Avek kouraz Moïse ek Aaron ti fer Pharaon konn bann zizman Jéhovah. Kan zot inn fer sa ki lexanp zot inn kite pou bann serviter Jéhovah zordi? (Ex. 7:2, 3, 6; Actes 4:29-31)
(b) Kouma Jéhovah ti montre ki Li siperyer konpare ar bann bondie Ezipsien? (Ex. 7:12; 1 Chron. 29:12)
Dis Ple lor l’Égypte
1. Servi bann zimaz pou dekrir sa trwa premie ple ki Jéhovah ti avoy lor l’Égypte la.
2. Ki diferans ena ant sa trwa premie ple-la ek bann lezot ple?
3. Ki ti katriem, sinkiem, ek siziem ple?
4. Dekrir setiem, witiem, ek neviem ple.
5. Ki Jéhovah ti dir bann Izraelit fer avan diziem ple?
6. Ki ti diziem ple, ek ki ti arive apre?
Bann kestion anplis:
1. Lir Exode 7:19–8:23.
(a) Mem si bann pret ki ti fer mazik dan l’Égypte ti kapav fer parey kouma sa de premie ple ki Jéhovah ti avoye la, ki zot inn oblize rekonet apre trwaziem ple? (Ex. 8:18, 19; Mat. 12:24-28)
(b) Kouma katriem ple montre ki Jéhovah ena kapasite pou protez so pep, ek parski nou konn sa, ki santiman nou ena alor ki “gran detres” pe koste? (Ex. 8:22, 23; Rév. 7:13, 14; 2 Chron. 16:9)
2. Lir Exode 8:24; 9:3, 6, 10, 11, 14, 16, 23-25; ek 10:13-15, 21-23.
(a) Ki de group, Pharaon ek bann pret ki ti pratik mazik, ti reprezante, ek zordi ki sa de group-la pa pe kapav fer? (Ex. 8:10, 18, 19; 9:14)
(b) Kouma Exode 9:16 ed nou pou konpran kifer Jéhovah inn permet Satan existe ziska asterla? (Rom. 9:21, 22)
3. Lir Exode 12:21-32.
Kouma Pâque inn amenn delivrans pou boukou, ek ki kitsoz li ti pe anonse? (Ex. 12:21-23; Jean 1:29; Rom. 5:18, 19, 21; 1 Cor. 5:7)
Zot Travers Lamer Rouge
1. Ansam avek bann fam ek bann zanfan, komie zom Izraelit inn kit l’Égypte, ek kisannla ti al ansam avek zot?
2. Ki santiman Pharaon ti ena apre ki li ti les bann Izraelit ale, ek ki li’nn fer?
3. Ki Jéhovah ti fer pou anpes bann Ezipsien atak so pep?
4. Ki ti arive kan Moïse ti lev so baton lor Lamer Rouge, ek ki bann Izraelit ti fer?
5. Ki ti arive apre ki bann Ezipsien ti galoup deryer bann Izraelit dan lamer?
6. Kouma bann Izraelit ti montre zot lazwa ek zot rekonesans anver Jéhovah ki ti delivre zot?
Bann kestion anplis:
1. Lir Exode 12:33-36.
Kouma Jéhovah ti fer sir ki dedomaz so pep pou tou sa bann lane ki zot ti bann esklav an Égypte la? (Ex. 3:21, 22; 12:35, 36)
2. Lir Exode 14:1-31.
Alor ki lager Har-Maguédôn pe koste, ki lefe seki Moïse ti dir dan Exode 14:13, 14 ena lor bann serviter Jéhovah zordi? (2 Chron. 20:17; Ps. 91:8)
3. Lir Exode 15:1-8, 20, 21.
(a) Kifer bann serviter Jéhovah bizin sant bann louanz pou Li? (Ex. 15:1, 2; Ps. 105:2, 3; Rév. 15:3, 4)
(b) Miriam ek bann lezot madam ti loue Jéhovah kot Lamer Rouge, ki lexanp zot inn kite pou bann ser zordi? (Ex. 15:20, 21; Ps. 68:11)
Enn Nouvo Kalite Manze
1. Dan zimaz, ki lepep pe ramase anba, ek kouma apel sa?
2. Ki linstriksion Moïse ti donn lepep lor kouma pou ramas lamann?
3. Ki Jéhovah dir lepep fer siziem zour, ek kifer?
4. Ki mirak Jéhovah fer pou ki lamann reste setiem zour?
5. Pandan komie letan inn donn lepep lamann pou manze?
Bann kestion anplis:
1. Lir Exode 16:1-36 ek Nombres 11:7-9.
(a) Ki Exode 16:8 montre konsernan respe ki nou bizin montre anver bann frer ki ena responsabilite dan kongregasion? (Héb. 13:17)
(b) Dan dezer, kouma eski toulezour ti rapel bann Izraelit ki zot depann lor Jéhovah? (Ex. 16:14-16, 35; Deut. 8:2, 3)
(c) Ki sinifikasion sinbolik Jésus ti done lor lamann, ek kouma nou kapav gagn bann bienfe ar “sa dipin ki sorti dan lesiel la”? (Jean 6:31-35, 40)
2. Lir Josué 5:10-12.
Pandan komie lane bann Izraelit finn manz lamann, kouma eski sa ti enn leprev pou zot, ek ki leson nou kapav tire? (Ex. 16:35; Nomb. 11:4-6; 1 Cor. 10:10, 11)
Jéhovah Donn So Bann Lalwa
1. Apepre de mwa apre ki zot inn sorti dan l’Égypte, kotsa bann Izraelit inn kanpe?
2. Ki Jéhovah ti demann zot pou fer, ek ki zot ti reponn?
3. Kifer Jéhovah ti donn Moïse de tablet ros?
4. Apart bann Dis Komannman, ki lezot lalwa Jéhovah ti donn bann Izraelit?
5. Dapre Jésus, ki de pli gran komannman?
Bann kestion anplis:
1. Lir Exode 19:1-25; 20:1-21; 24:12-18; ek 31:18.
Kouma bann parol ki trouv dan Exode 19:8 ed nou konpran ki kitsoz ki inplike kan nou vwe nou lavi ar Jéhovah? (Mat. 16:24; 1 Pierre 4:1-3)
2. Lir Deutéronome 6:4-6; Lévitique 19:18; ek Matthieu 22:36-40.
Kouma bann Kretien montre zot lamour pou Bondie ek pou zot prosin? (Marc 6:34; Actes 4:20; Rom. 15:2)
Enn Vo An-Or
1. Lor sa zimaz-la, ki sa bann dimounn-la pe fer, ek kifer?
2. Kifer Jéhovah ankoler, ek ki Moïse fer kan li trouve seki lepep pe fer?
3. Ki Moïse dir sertin zom fer?
4. Ki leson nou kapav tire dan sa zistwar-la?
Bann kestion anplis:
1. Lir Exode 32:1-35.
(a) Dapre sa zistwar-la, kan melanz fos relizion ek vre ladorasion, ki Jéhovah panse lor la? (Ex. 32:4-6, 10; 1 Cor. 10:7, 11)
(b) Lor ki kitsoz bann Kretien bizin veye kan zot pe swazir zot bann divertisman, kouma par exanp lamizik ouswa danse? (Ex. 32:18, 19; Éph. 5:15, 16; 1 Jean 2:15-17)
(c) Dan ki fason tribi Lévi finn les enn bon lexanp pou nou kan zot finn pran pozision pou lazistis? (Ex. 32:25-28; Ps. 18:25)
Enn Latant pou Ador Bondie
1. Kouma sa batiman lor sa zimaz la apele, ek ti servi li pou ki kitsoz?
2. Kifer Jéhovah ti dir Moïse fer enn latant ki ti pou fasil pou demonte ek pou transporte?
3. Ki ete sa kof ki trouv dan sa ti lasam dan fon latant la, ek ki ti ena ladan?
4. Kisannla Jéhovah ti swazir pou vinn gran pret, ek ki li ti bizin fer?
5. Sit trwa kitsoz ki trouv dan sa gran lasam-la.
6. Ki de kitsoz ti trouv dan lakour tabernak, ek pou ki kitsoz ti servi zot?
Bann kestion anplis:
1. Lir Exode 25:8-40; 26:1-37; 27:1-8; ek 28:1.
Ki bann seribin ki ti lor “lars temwaniaz” ti reprezante? (Ex. 25:20, 22; Nomb. 7:89; 2 Rois 19:15)
2. Lir Exode 30:1-10, 17-21; 34:1, 2; ek Hébreux 9:1-5.
(a) Kifer Jéhovah ti met laksan lor linportans pou bann pret res pir, ek ki sa bizin pous nou pou fer zordi? (Ex. 30:18-21; 40:30, 31; Héb. 10:22)
(b) Kouma lapot Paul ti montre ki tabernak ek lalians Lalwa li ti nepli an viger lepok ki li ti ekrir so let bann Kretien Ebre? (Héb. 9:1, 9; 10:1)
Douz espion
1. Ki to finn remarke konsernan bann grap rezin lor sa zimaz-la, ek kotsa zot sorti?
2. Kifer Moïse ti avoy 12 espion dan Canaan?
3. Ki dis espion parmi zot ti dir Moïse kan zot ti retourne?
4. Kouma de espion ti montre ki zot ena konfians an Jéhovah, ek kouma zot apele?
5. Kifer Jéhovah ti ankoler, ek ki Li ti dir Moïse?
Bann kestion anplis:
1. Lir Nombres 13:1-33.
(a) Kisannla Moïse ti swazir pou al espionn pei Canaan, ek ki privilez zot ti ena? (Nomb. 13:2, 3, 18-20)
(b) Kifer Josué ek Caleb pa ti trouv bann kitsoz parey kouma sa bann lezot espion-la, ek ki sa aprann nou? (Nomb. 13:28-30; Mat. 17:20; 2 Cor. 5:7)
2. Lir Nombres 14:1-38.
(a) Ki lavertisman lor mirmire kont bann reprezantan Jéhovah ki trouv lor later, nou bizin swiv? (Nomb. 14:2, 3, 27; Mat. 25:40, 45; 1 Cor. 10:10)
(b) Kouma eski Nombres 14:24 montre ki Jéhovah ti interese personelman ar sakenn so bann serviter? (1 Rois 19:18; Prov. 15:3)
Bann Fler Pouse lor Baton Aaron
1. Kisannla ti rebele kont lotorite Moïse ek Aaron, ek ki zot ti dir Moïse?
2. Ki Moïse ti dir Qorah ek sa 250 dimounn ki ti swiv li la, fer?
3. Ki Moïse ti dir lepep, ek ki ti arive deswit kouma li ti aret koze?
4. Ki ti ariv Qorah ek sa 250 zom ki ti swiv li la?
5. Ki Éléazar, garson Aaron, ti fer avek bann resipian dife sa bann zom ki’nn mor la, ek kifer?
6. Kifer Jéhovah ti fer bann fler pouse lor baton Aaron? (Get zimaz.)
Bann kestion anplis:
1. Lir Nombres 16:1-49.
(a) Ki Qorah ek bann zom ki ti swiv li, ti fer, ek kifer sa ti enn aksion ki ti montre ki zot ti rebele kont Jéhovah? (Nomb. 16:9, 10, 18; Lév. 10:1, 2; Prov. 11:2)
(b) Ki move fason panse Qorah ek sa bann 250 “sef lasanble” la finn devlope? (Nomb. 16:1-3; Prov. 15:33; Is. 49:7)
2. Lir Nombres 17:1-11 ek 26:10.
(a) Kan baton Aaron ti fleri ki sa ti montre, ek kifer Jéhovah ti donn lord ki gard sa dan lars? (Nomb. 17:5, 8, 10)
(b) Ki leson bien inportan seki finn arive avek baton Aaron, ansegn nou? (Nomb. 17:10; Actes 20:28; Phil. 2:14; Héb. 13:17)
Moïse Tap lor Ros
1. Kouma Jéhovah ti pran swin bann Izraelit kan zot ti dan dezer?
2. Kan zot ti pe kanpe dan Qadesh, akoz ki kitsoz bann Izraelit ti plengne?
3. Kouma Jéhovah ti donn so pep ek zot bann zanimo delo?
4. Lor zimaz, kisannla sa zom ki pe pwint ledwa lor limem la, ek kifer li pe fer sa?
5. Kifer Jéhovah ti ankoler kont Moïse ek Aaron, ek kouma Li’nn pini zot?
6. Ki ti arive lor Montagn Hor, ek kisannla ki vinn gran pret Israël?
Bann kestion anplis:
1. Lir Nombres 20:1-13, 22-29 ek Deutéronome 29:5.
(a) Kan nou trouv kouma Jéhovah ti pran swin bann Izraelit dan dezer, ki sa aprann nou? (Deut. 29:5; Mat. 6:31; Héb. 13:5; Jacq. 1:17)
(b) Moïse ek Aaron pa ti sanktifie Jéhovah devan Israël, kouma Jéhovah ti konsider seki zot ti fer? (Nomb. 20:12; 1 Cor. 10:12; Rév. 4:11)
(c) Kan nou get fason ki Moïse ti reazir kan Jéhovah ti disiplinn li, ki leson nou kapav tire? (Nomb. 12:3; 20:12, 27, 28; Deut. 32:4; Héb. 12:7-11)
Enn Serpan an Kwiv
1. Lor zimaz, ki kitsoz ki anroule otour sa poto-la, ek kifer Jéhovah ti dir Moïse met sa la?
2. Kouma lepep pa ti montre zot rekonesans anver Bondie pou tou seki Li ti fer pou zot?
3. Apre ki Jéhovah ti pini zot kan Li ti avoy bann serpan, ki lepep ti demann Moïse pou fer?
4. Kifer Jéhovah ti dir Moïse fer enn serpan an kwiv?
5. Ki leson nou kapav aprann ar sa zistwar-la?
Bann kestion anplis:
1. Lir Nombres 21:4-9.
(a) Nou finn trouve kouma bann Izraelit ti kritik bann dispozision ki Jéhovah ti pran. Kouma eski sa li enn lavertisman pou nou? (Nomb. 21:5, 6; Rom. 2:4)
(b) Pandan bann siek apre, kouma bann Izraelit finn servi sa serpan an kwiv la ek ki aksion Lerwa Hizqiya ti pran? (Nomb. 21:9; 2 Rois 18:1-4)
2. Lir Jean 3:14, 15.
Kan finn plas enn serpan lor sa poto-la, kouma sa reprezant bien Jésus Christ lor poto? (Gal. 3:13; 1 Pierre 2:24)
Enn Bourik Koze
1. Kisannla Balak, ek kifer li ti avoy al sers Balaam?
2. Kifer bourik Balaam ti alonze lor semin?
3. Ki Balaam ti tann so bourik dir?
4. Ki enn anz ti dir Balaam?
5. Ki ti arive kan Balaam ti esey modi Israël?
Bann kestion anplis:
1. Lir Nombres 21:21-35.
Kifer Israël ti gagn enn viktwar lor Sihôn, lerwa Amorit ek Og, lerwa Bashân? (Nomb. 21:21, 23, 33, 34)
2. Lir Nombres 22:1-40.
Ki ti pous Balaam pou rod esey modi Israël, ek ki leson nou kapav aprann ar sa zistwar-la? (Nomb. 22:16, 17; Prov. 6:16, 18; 2 Pierre 2:15; Jude 11)
3. Lir Nombres 23:1-30.
Mem si Balaam ti donn linpresion ki li ti enn serviter Jéhovah, kouma seki li ti fer ti montre lekontrer? (Nomb. 23:3, 11-14; 1 Sam. 15:22)
4. Lir Nombres 24:1-25.
Kouma sa resi Labib la fortifie nou lafwa dan realizasion proze Jéhovah? (Nomb. 24:10; Is. 54:17)
Josué Vinn Sef
1. Lor sa zimaz-la, ki sa de zom akote Moïse la?
2. Ki Jéhovah dir Josué?
3. Kifer Moïse mont lor Montagn Nebo, ek ki Jéhovah dir li?
4. Ki laz Moïse ena kan li mor?
5. Kifer bann dimounn tris, me kifer zot bizin kontan?
Bann kestion anplis:
1. Lir Nombres 27:12-23.
Ki gran responsabilite Jéhovah ti donn Josué, ek kouma nou trouve ki Jéhovah pran swin so pep zordi? (Nomb. 27:15-19; Actes 20:28; Héb. 13:7)
2. Lir Deutéronome 3:23-29.
Kifer Jéhovah pa ti les Moïse ek Aaron travers Jourdain, ek ki leson sa aprann nou? (Deut. 3:25-27; Nomb. 20:12, 13)
3. Lir Deutéronome 31:1-8, 14-23.
Kouma bann dernie parol ki Moïse ti dir bann Izraelit montre ki li ti aksepte disiplinn ki Jéhovah ti donn li avek imilite? (Deut. 31:6-8, 23)
4. Lir Deutéronome 32:45-52.
Ki linflians Parol Bondie bizin ena lor nou lavi? (Deut. 32:47; Lév. 18:5; Héb. 4:12)
5. Lir Deutéronome 34:1-12.
Mem si Moïse zame pa ti trouv Jéhovah direk-direk, ki Deutéronome 34:10 dir nou konsernan so relasion avek Jéhovah? (Ex. 33:11, 20; Nomb. 12:8)
Rahab Kasiet Bann Espion
1. Kotsa Rahab ti reste?
2. Kisannla sa de zom lor zimaz la, ek ki zot pe fer dan Jéricho?
3. Ki lerwa Jéricho ti demann Rahab pou fer, ek ki Rahab ti dir li?
4. Kouma Rahab ti ed sa de zom-la, ek ki faver zot ti demann li?
5. Ki promes sa de espion-la ti fer Rahab?
Bann kestion anplis:
1. Lir Josué 2:1-24.
Kouma promes ki Jéhovah ti fer ki nou trouv dan Exode 23:28 ti realize kan bann Izraelit ti vinn lager kont Jéricho? (Jos. 2:9-11)
2. Lir Hébreux 11:31.
Kouma lexanp Rahab met laksan lor linportans pou ena lafwa? (Rom. 1:17; Héb. 10:39; Jacq. 2:25)
Zot Travers Larivier Jourdain
1. Ki mirak Jéhovah ti fer pou ki bann Izraelit reisi travers Larivier Jourdain?
2. Pou montre zot lafwa, ki bann Izraelit finn bizin fer pou travers Larivier Jourdain?
3. Kifer Jéhovah ti dir Josué ramas 12 ros dan larivier?
4. Ki ti arive deswit kouma bann pret ti sorti dan Jourdain?
Bann kestion anplis:
1. Lir Josué 3:1-17.
(a) Dapre sa resi-la, ki nou bizin fer pou gagn soutien ek benediksion Jéhovah? (Jos. 3:13, 15; Prov. 3:5; Jacq. 2:22, 26)
(b) Kouma Jourdain ti ete kan bann Izraelit ti travers li pou rant dan Later Promiz, ek kouma sa ti glorifie nom Jéhovah? (Jos. 3:15; 4:18; Ps. 66:5-7)
2. Lir Josué 4:1-18.
Kifer bann Izraelit ti pran 12 ros dan Larivier Jourdain ek ti amenn zot dan Guilgal? (Jos. 4:4-7)
Bann Miray Jéricho
1. Ki Jéhovah ti dir bann zom ki ti pe al lager ek bann pret fer pandan sis zour?
2. Ki bann zom ti bizin fer setiem zour?
3. Kouma to trouve lor zimaz, ki ti ariv bann miray Jéricho?
4. Kifer ena enn lakord rouz ki pe apandan ar sa lafnet-la?
5. Ki Josué ti dir bann zom fer ar sa lavil-la ek so bann abitan, me ki zot ti bizin fer ar larzan, lor, kwiv ek fer?
6. Sa de espion-la ti gagn lord pou fer ki kitsoz?
Bann kestion anplis:
1. Lir Josué 6:1-25.
(a) Bann Izraelit ti mars otour Jéricho pandan setiem zour. Me kouma sa parey avek predikasion ki bann Temwin Jéhovah pe fer pandan sa bann dernie zour-la? (Jos. 6:15, 16; Is. 60:22; Mat. 24:14; 1 Cor. 9:16)
(b) Kouma profesi ki trouv dan Josué 6:26 ti realize 500 an plitar, ek ki sa aprann nou lor parol Jéhovah? (1 Rois 16:34; Is. 55:11)
Enn Voler dan Israël
1. Lor sa zimaz-la, ki sa zom ki pe kasiet bann dibien ki sorti dan Jéricho la, ek kisannla sa bann dimounn ki pe ed li la?
2. Kifer seki Akân ek so fami ti fer ti bien grav?
3. Ki Jéhovah ti dir kan Josué ti demande kifer bann Izraelit pa ti gagn laviktwar dan Aï?
4. Kan ti amenn Akân ek so fami devan Josué, ki ti ariv zot?
5. Ki leson bien inportan nou aprann lor kondanasion Akân?
Bann kestion anplis:
1. Lir Josué 7:1-26.
(a) Bann lapriyer ki Josué ti fer, ki zot aprann nou lor relasion ki li ti ena avek so Kreater? (Jos. 7:7-9; Ps. 119:145; 1 Jean 5:14)
(b) Lexanp Akân montre nou ki kitsoz, ek kouma sa li enn lavertisman pou nou? (Jos. 7:11, 14, 15; Prov. 15:3; 1 Tim. 5:24; Héb. 4:13)
2. Lir Josué 8:1-29.
Ki responsabilite sakenn parmi nou ena anver kongregasion zordi? (Jos. 7:13; Lév. 5:1; Prov. 28:13)
Bann Gibeonit Fer Malin
1. Ki diferans ti ena ant bann abitan Guibéôn ek bann Kananeen ki ti res dan bann lavil alantour?
2. Dapre zimaz, ki bann Gibeonit ti fer, ek kifer?
3. Ki promes Josué ek bann sef Izraelit ti fer zot, me apre trwa zour ki zot inn aprann?
4. Ki ti arive kan bann lerwa lezot lavil finn aprann ki bann Gibeonit ti fer lape avek Israël?
Bann kestion anplis:
1. Lir Josué 9:1-27.
(a) Jéhovah Limem ti’nn donn nasion Israël lord “pou touy tou bann abitan sa pei-la,” alor ki bann kalite Li ti manifeste kan Li pa ti touy bann Gibeonit? (Jos. 9:22, 24; Mat. 9:13; Actes 10:34, 35; 2 Pierre 3:9)
(b) Kan li ti respekte lalians ki li ti fer avek bann Gibeonit, kouma Josué finn donn enn bon lexanp pou bann Kretien zordi? (Jos. 9:18, 19; Mat. 5:37; Éph. 4:25)
2. Lir Josué 10:1-5.
Kouma gran lafoul imit bann Gibeonit zordi, ek akoz sa kisannla ki atak zot? (Jos. 10:4; Zek. 8:23; Mat. 25:35-40; Rév. 12:17)
Soley Res Anplas
1. Dapre sa zimaz-la, ki Josué pe dir, ek kifer?
2. Kouma Jéhovah ti sap Josué ek so bann zom?
3. Lor komie lerwa Josué ti reisi gagn laviktwar, ek komie letan sa ti pran li?
4. Kifer Josué ti diviz pei Canaan?
5. Ki laz Josué ti ena kan li ti mor, ek ki ti ariv lepep apre sa?
Bann kestion anplis:
1. Lir Josué 10:6-15.
Parski nou kone ki Jéhovah ti fer soley ek lalinn arete an faver Israël, ki konfians sa donn nou zordi? (Jos. 10:8, 10, 12, 13; Ps. 18:3; Prov. 18:10)
2. Lir Josué 12:7-24.
An realite, gras-a kisannla zot ti reisi gagn laviktwar lor 31 lerwa dan Canaan, ek kifer sa li inportan pou nou zordi? (Jos. 12:7; 24:11-13; Deut. 31:8; Luc 21:9, 25-28)
3. Lir Josué 14:1-5.
Kouma ti diviz pei-la ant bann tribi Israël, ek ki sa montre nou konsernan leritaz ki pou done dan Paradi? (Jos. 14:2; Is. 65:21; Ézék. 47:21-23; 1 Cor. 14:33)
4. Lir Juges 2:8-13.
Parey kouma Josué an Israël, kisannla zordi ki azir kouma enn lobstak kont lapostazi? (Juges 2:8, 10, 11; Mat. 24:45-47; 2 Thess. 2:3-6; Tite 1:7-9; Rév. 1:1; 2:1, 2)
De Fam Ki Ena Kouraz
1. Ki rol bann ziz ti ena? Sit nom sertin parmi zot.
2. Ki privilez spesial Débora ti ena, ek ki sa ti inplike?
3. Kan Lerwa Yabîn ek Sisera, sef so larme ti menas pou atak Israël, ki mesaz, ki sorti kot Jéhovah, Débora ti transmet ziz Baraq? Ek dapre li, kisannla ki ti bizin gagn merit sa viktwar-la?
4. Kouma Yaël ti montre ki li ena kouraz?
5. Ki ti arive apre lamor Lerwa Yabîn?
Bann kestion anplis:
1. Lir Juges 2:14-22.
Ki bann Izraelit ti fer pou ki Jéhovah ankoler ar zot, ek ki leson sa aprann nou? (Juges 2:20; Prov. 3:1, 2; Ézék. 18:21-23)
2. Lir Juges 4:1-24.
Ki leson konsernan lafwa ek kouraz bann ser kapav aprann ar lexanp Débora ek Yaël? (Juges 4:4, 8, 9, 14, 21, 22; Prov. 31:30; 1 Cor. 16:13)
3. Lir Juges 5:1-31.
Baraq ek Débora ti sant enn sante apre ki zot ti gagn laviktwar. Dan ki sans, sa li enn lapriyer an rapor avek lager Har-Maguédôn ki biento pou vini? (Juges 5:3, 31; 1 Chron. 16:8-10; Rév. 7:9, 10; 16:16; 19:19-21)
Ruth ek Naomi
1. Kouma Naomi finn retrouv li dan pei Moab?
2. Kisannla Ruth ek Orpa?
3. Kouma Ruth ek Orpa reponn kan Naomi dir zot retourn kot zot pep?
4. Kisannla Boaz, ek kouma li ed Ruth ek Naomi?
5. Kouma zanfan ki Boaz ek Ruth gagne apele, ek kifer nou bizin rapel li?
Bann kestion anplis:
1. Lir Ruth 1:1-17.
(a) Dan ki zoli fason Ruth exprim enn lamour fidel anver Naomi? (Ruth 1:16, 17)
(b) Dan ki sans, latitid Ruth dekrir bien latitid ki “bann lezot brebi” ena anver bann Kretien ki ena lesperans pou al dan lesiel ki lor later zordi? (Jean 10:16; Zek. 8:23)
2. Lir Ruth 2:1-23.
Ki zoli lexanp Ruth lese pou bann zenn ser zordi? (Ruth 2:17, 18; Prov. 23:22; 31:15)
3. Lir Ruth 3:5-13.
(a) Ruth ti aksepte pou marye avek Boaz olie ki li marye avek enn zenom. Kouma Boaz ti pran sa?
(b) Atraver latitid Ruth, ki nou aprann lor lamour fidel? (Ruth 3:10; 1 Cor. 13:4, 5)
4. Lir Ruth 4:7-17.
Kouma bann frer kapav imit Boaz zordi? (Ruth 4:9, 10; 1 Tim. 3:1, 12, 13; 5:8)
Guidéôn ek So 300 Zom
1. Kouma ek kifer bann Izraelit retrouv zot dan enn gran problem?
2. Kifer Jéhovah dir Guidéôn ki li ena tro boukou zom dan so larme?
3. Komie solda reste apre ki Guidéôn dir tou bann ki gagn per pou rant kot zot?
4. Servi zimaz pou explike kouma Jéhovah diminie larme Guidéôn ek fer li vinn 300.
5. Kouma Guidéôn organiz so 300 zom, ek kouma Israël reisi gagn lager?
Bann kestion anplis:
1. Lir Juges 6:36-40.
(a) Kouma Guidéôn fer sir ki li pe fer volonte Jéhovah?
(b) Kouma nou kapav konn volonte Jéhovah zordi? (Prov. 2:3-6; Mat. 7:7-11; 2 Tim. 3:16, 17)
2. Lir Juges 7:1-25.
(a) Ki leson nou kapav aprann ar sa 300 zom ki ti res lor zot gard la alor ki lezot pa ti pe veye? (Juges 7:3, 6; Rom. 13:11, 12; Éph. 5:15-17)
(b) Parey kouma sa 300 zom-la ti aprann kan zot ti get Guidéôn, kouma nou osi nou kapav aprann kan nou get Gran Guidéôn, Jésus Christ? (Juges 7:17; Mat. 11:29, 30; 28:19, 20; 1 Pierre 2:21)
(c) Kouma Juges 7:21 ed nou pou kontant nou avek ninport ki responsabilite ki nou gagne dan lorganizasion Jéhovah? (1 Cor. 4:2; 12:14-18; Jacq. 4:10)
3. Lir Juges 8:1-3.
Kan nou bizin regle enn problem avek enn frer ouswa enn ser, ki nou kapav aprann ar fason ki Guidéôn ti regle diskision ki ti ena avek bann Efraimit? (Prov. 15:1; Mat. 5:23, 24; Luc 9:48)
Promes Yiphtah
1. Kisannla Yiphtah ete, ek dan ki lepok li ti viv?
2. Ki promes Yiphtah fer Jéhovah?
3. Ki kitsoz fer Yiphtah tris kan li retourn lakaz apre enn viktwar lor bann Amonit?
4. Ki tifi Yiphtah dir kan li aprann ki promes so papa ti fer?
5. Kifer lepep kontan tifi Yiphtah?
Bann kestion anplis:
1. Lir Juges 10:6-18.
Bann Izraelit pa finn montre zot fidel anver Jéhovah, kouma sa li enn lavertisman pou nou? (Juges 10:6, 15, 16; Rom. 15:4; Rév. 2:10)
2. Lir Juges 11:1-11, 29-40.
(a) Kouma nou kone ki pou Yiphtah, donn so tifi kouma “enn sakrifis ki bril net,” sa pa ti vedir ki li ti pou ofer li kouma enn sakrifis imin ki ti pou brile dan dife? (Juges 11:31; Lév. 16:24; Deut. 18:10, 12)
(b) Dan ki fason Yiphtah ti ofer so tifi an sakrifis?
(c) Ki nou kapav aprann ar latitid Yiphtah an rapor avek promes ki li ti fer Jéhovah? (Juges 11:35, 39; Eccl. 5:4, 5; Mat. 16:24)
(d) Kouma lexanp tifi Yiphtah ankouraz bann zenn Kretien pou fer karyer dan servis aplintan? (Juges 11:36; Mat. 6:33; Phil. 3:8)
Zom Ki Ti Pli For
1. Kouma zom pli for ki’nn viv lor later ti apele, ek kisannla ti donn li so lafors?
2. Kouma to trouve lor zimaz, enn zour ki Samson ti fer avek enn gro lion?
3. Ki sekre Samson pe dir Dalila dan sa zimaz-la, ek kouma sa finn amenn bann Filistin pou may li?
4. Kouma Samson finn provok lamor 3,000 lennmi Filistin zour so lamor?
Bann kestion anplis:
1. Lir Juges 13:1-14.
Konsernan elve bann zanfan, kouma eski Manoah ek so madam les enn bon lexanp pou bann paran? (Juges 13:8; Ps. 127:3; Éph. 6:4)
2. Lir Juges 14:5-9 ek 15:9-16.
(a) Bann resi rakonte kouma Samson inn touy enn lion, inn kas bann lakord nef avek ki ti atas li, ek inn servi lamaswar enn bourik pou touy 1,000 zom. Ki sa aprann nou lor fason ki lespri sin Jéhovah azir?
(b) Kouma lespri sin ed nou zordi? (Juges 14:6; 15:14; Zek. 4:6; Actes 4:31)
3. Lir Juges 16:18-31.
Ki linflians bann move frekantasion finn ena lor Samson, ek ki sa ansegn nou? (Juges 16:18, 19; 1 Cor. 15:33)
Enn Ti-Garson Servi Bondie
1. Kouma sa ti garson lor zimaz la apele, ek kisannla sa bann lezot dimounn-la?
2. Enn zour, ki lapriyer Hanna fer kan li pe vizit tabernak, ek kouma Jéhovah reponn li?
3. Ki laz Samuel ena kan amenn li dan latant Jéhovah pou li servi, ek ki so mama fer pou li sak lane?
4. Sit nom bann garson Éli. Ek ki kalite dimounn zot ete?
5. Kouma Jéhovah apel Samuel, ek ki mesaz Li donn li?
6. Ki responsabilite Samuel ena kan li ti vinn gran, ek ki arive kan li vinn vie?
Bann kestion anplis:
1. Lir 1 Samuel 1:1-28.
(a) Konsernan pran latet pou vre ladorasion, ki lexanp Elqana les bann sef fami? (1 Sam. 1:3, 21; Mat. 6:33; Phil. 1:10)
(b) Ki leson nou kapav tire ar fason ki Hanna ti regle enn problem ki ti fatig li boukou? (1 Sam. 1:10, 11; Ps. 55:22; Rom. 12:12)
2. Lir 1 Samuel 2:11-36.
Dan ki sans Éli ti onor so bann garson plis ki Jéhovah, ek kouma sa li enn lavertisman pou nou? (1 Sam. 2:22-24, 27, 29; Deut. 21:18-21; Mat. 10:36, 37)
3. Lir 1 Samuel 4:16-18.
Kan bann Izraelit ti pe lager kont bann Filistin, sit kat mesaz maler ki enn zom ti vinn dir Éli. Ek ki lefe sa ti ena lor li?
4. Lir 1 Samuel 8:4-9.
Kouma Israël ti ofans Jéhovah boukou, ek kouma nou kapav soutenir so Rwayom avek fidelite zordi? (1 Sam. 8:5, 7; Jean 17:16; Jacq. 4:4)
Saül—Premie Lerwa Israël
1. Dan sa zimaz-la, ki Samuel pe fer ek kifer?
2. Kifer Jéhovah kontan Saül, ek ki kalite zom Saül ete?
3. Kouma garson Saül apele, ek ki li fer?
4. Kifer Saül ofer enn sakrifis olie ki li atann Samuel fer sa?
5. Ki leson nou kapav aprann ar fason ki Saül azir?
Bann kestion anplis:
1. Lir 1 Samuel 9:15-21 ek 10:17-27.
Kouma modesti Saül ti ed li pou pa azir brit kan de-trwa zom ti koz avek li san okenn respe? (1 Sam. 9:21; 10:21, 22, 27; Prov. 17:27)
2. Lir 1 Samuel 13:5-14.
Ki pese Saül ti fer dan Guilgal? (1 Sam. 10:8; 13:8, 9, 13)
3. Lir 1 Samuel 15:1-35.
(a) Ki pese grav Saül ti fer konsernan Agag, lerwa Amaleq? (1 Sam. 15:2, 3, 8, 9, 22)
(b) Kouma Saül ti esey zistifie seki li ti fer ek zet sa fot-la lor enn lot? (1 Sam. 15:24)
(c) Ki lavertisman nou bizin pran kont zordi kan donn nou enn konsey? (1 Sam. 15:19-21; Ps. 141:5; Prov. 9:8, 9; 11:2)
Bondie Swazir David
1. Kouma sa garson lor zimaz la apele, ek kouma nou kone ki li ena kouraz?
2. Kotsa David reste, ek kouma so papa ek so granper apele?
3. Kifer Jéhovah dir Samuel al Bethléhem, kot Jessé?
4. Ki arive kan Jessé amenn so set garson devan Samuel?
5. Kan fer David vini, ki Jéhovah dir Samuel?
Bann kestion anplis:
1. Lir 1 Samuel 17:34, 35.
Kouma sa bann levennman-la montre bien ki David ti kont lor Jéhovah ek ki li ti ena kouraz? (1 Sam. 17:37)
2. Lir 1 Samuel 16:1-14.
(a) Kouma bann parol Jéhovah ki trouv dan 1 Samuel 16:7 ed nou pou pa fer preferans ek evit les nou inflianse par laparans? (Actes 10:34, 35; 1 Tim. 2:4)
(b) Kouma lexanp Saül montre ki kan Jéhovah tir so lespri sin lor enn dimounn, enn move lespri ouswa enn move tandans pou fer seki move kapav pran sa plas-la? (1 Sam. 16:14; Mat. 12:43-45; Gal. 5:16)
David ek Goliath
1. Ki defi Goliath lans larme Izraelit?
2. Ki grander Goliath ete, ek ki rekonpans Lerwa Saül promet pou donn sa zom ki touy Goliath la?
3. Ki David dir kan Saül dir li ki li pa kapav lager avek Goliath parski David ankor zis enn ti garson?
4. Dan repons ki li donn Goliath, kouma David montre so konfians an Jéhovah?
5. Dapre zimaz, ki David servi pou touy Goliath, ek ki ariv bann Filistin apre sa?
Bann kestion anplis:
1. Lir 1 Samuel 17:1-54.
(a) David pa ti per nanye. Ki ti so sekre, ek kouma nou kapav imit so kouraz? (1 Sam. 17:37, 45; Éph. 6:10, 11)
(b) Dan zot bann divertisman, kifer bann Kretien bizin evit ena enn lespri konpetision parey kouma Goliath? (1 Sam. 17:8; Gal. 5:26; 1 Tim. 4:8)
(c) Kouma bann parol David montre ki li ti ena lafwa ki Bondie ti pou soutenir li? (1 Sam. 17:45-47; 2 Chron. 20:15)
(d) Olie ki li dekrir seki ti pase ant Goliath ek David zis kouma enn lalit ant de parti ki opoze, kouma sa resi-la montre ki an realite sa ti enn lager ant bann fos bondie ek vre Bondie, Jéhovah? (1 Sam. 17:43, 46, 47)
(e) Kouma leres bann Kretien ki ena lesperans pou al dan lesiel imit lexanp David konsernan met zot konfians an Jéhovah? (1 Sam. 17:37; Jér. 1:17-19; Rév. 12:17)
David Bizin Sove
1. Kifer Saül zalou David, me kouma so garson, Yonathân diferan?
2. Ki arive enn zour kan David pe zwe laarp pou Saül?
3. Ki Saül dir David li bizin fer avan ki li donn li so tifi, Mikal, pou marye, ek kifer Saül dir sa?
4. Ki arive trwaziem fwa ki David zwe laarp pou Saül, parey kouma nou trouve lor zimaz?
5. Kouma Mikal ed David pou sap so lavi, ek ki David bizin fer pandan set an?
Bann kestion anplis:
1. Lir 1 Samuel 18:1-30.
(a) Kouma lamour solid ki Yonathân ti ena pou David ti pou reprezant lamour ki ena ant “bann lezot brebi” ek “ti troupo”? (1 Sam. 18:1; Jean 10:16; Luc 12:32; Zek. 8:23)
(b) Normalman se Yonathân ki ti pou vinn eritie Saül, me kouma 1 Samuel 18:4 montre ki Yonathân ti manifeste enn gran soumision anver sa kikenn ki finn swazir pou vinn lerwa la?
(c) Kouma lexanp Saül montre ki zalouzi kapav amenn ver enn pese grav, ek kouma sa li enn lavertisman pou nou? (1 Sam. 18:7-9, 25; Jacq. 3:14-16)
2. Lir 1 Samuel 19:1-17.
Kouma Yonathân ti riske so prop lavi kan li ti avek Saül? (1 Sam. 19:1, 4-6; Prov. 16:14)
Abigaïl ek David
1. Lor sa zimaz-la, kisannla sa madam ki pe vinn zwenn David la, ek ki kalite dimounn li ete?
2. Kisannla Nabal?
3. Kifer David avoy de-trwa zom pou demann Nabal enn faver?
4. Ki Nabal dir bann zom David, ek kouma David reazir?
5. Kouma Abigaïl montre ki li ena sazes?
Bann kestion anplis:
1. Lir 1 Samuel 22:1-4.
Konsernan soutien ki sakenn bizin donn so kamarad dan kongregasion, kouma fami David donn nou enn bon lexanp dan sa domenn-la? (Prov. 17:17; 1 Thess. 5:14)
2. Lir 1 Samuel 25:1-43.
(a) Kifer Labib prezant Nabal dan enn move fason koumsa? (1 Sam. 25:2-5, 10, 14, 21, 25)
(b) Zordi, ki bann ser marye kapav aprann ar lexanp Abigaïl? (1 Sam. 25:32, 33; Prov. 31:26; Éph. 5:24)
(c) Ki de move kitsoz Abigaïl ti anpes David fer? (1 Sam. 25:31, 33; Rom. 12:19; Éph. 4:26)
(d) Kouma fason ki David reazir kan Abigaïl koz ar li, kapav ed bann zom zordi pou ena mem fason panse lor bann fam parey kouma Jéhovah? (Actes 21:8, 9; Rom. 2:11; 1 Pierre 3:7)
David Vinn Lerwa
1. Ki David ek Abishaï ti fer kan Saül ti pe dormi dan so kan?
2. Ki bann kestion David poz Saül?
3. Apre ki li kit Saül, kotsa David ale?
4. Ki kitsoz fer David telman sagrin, ki li ekrir enn zoli sante?
5. Ki laz David ena kan fer li vinn lerwa Hébrôn, ek kouma sertin parmi so bann garson apele?
6. Dan ki lavil plitar David regne?
Bann kestion anplis:
1. Lir 1 Samuel 26:1-25.
(a) Dapre seki David dir dan 1 Samuel 26:11, ki latitid nou bizin ena anver lord teokratik? (Ps. 37:7; Rom. 13:2)
(b) Kan nou fer boukou zefor pou montre enn lamour fidel me ki lezot pa montre okenn rekonesans, kouma bann parol ki David inn dir dan 1 Samuel 26:23 ed nou pou gard enn bon latitid? (1 Rois 8:32; Ps. 18:20)
2. Lir 2 Samuel 1:26.
Zordi, kouma bann Kretien kapav devlop mem kalite “lamour profon sakenn pou zot kamarad” parey kouma David ek Yonathân? (1 Pierre 4:8; Col. 3:14; 1 Jean 4:12)
3. Lir 2 Samuel 5:1-10.
(a) Pandan komie lane David regne, ek kouma sa peryod letan la divize? (2 Sam. 5:4, 5)
(b) Ar ki kitsoz asosie grander David, ek kouma sa li enn rapel pou nou azordi? (2 Sam. 5:10; 1 Sam. 16:13; 1 Cor. 1:31; Phil. 4:13)
Bann Maler dan Lakaz David
1. Avek led Jéhovah, finalman ki ariv pei Canaan?
2. Enn tanto alor ki li lor teras so pale, ki ariv David?
3. Kifer Jéhovah bien ankoler avek David?
4. Dapre zimaz, kisannla Jéhovah avoye pou koz avek David konsernan so bann pese, ek ki sa misie-la dir pou ariv David?
5. Ki problem David gagne?
6. Apre David, kisannla vinn lerwa Israël?
Bann kestion anplis:
1. Lir 2 Samuel 11:1-27.
(a) Kan nou res okipe dan servis Jéhovah, kouma sa protez nou?
(b) Ki’nn amenn David pou fer pese, ek kouma sa li enn lavertisman pou bann serviter Jéhovah zordi? (2 Sam. 11:2; Mat. 5:27-29; 1 Cor. 10:12; Jacq. 1:14, 15)
2. Lir 2 Samuel 12:1-18.
(a) Ki leson bann ansien ek bann paran kapav aprann ar fason ki Nathân inn donn David konsey? (2 Sam. 12:1-4; Prov. 12:18; Mat. 13:34)
(b) Kifer Jéhovah ti azir avek mizerikord anver David? (2 Sam. 12:13; Ps. 32:5; 2 Cor. 7:9, 10)
Salomon enn Lerwa Ki Ena Sazes
1. Ki Jéhovah demann Salomon, ek ki repons Salomon donn Li?
2. Parski seki Salomon ti demande ti fer Li plezir, ki Jéhovah promet pou donn li?
3. Ki problem difisil de madam prezant devan Salomon?
4. Parey kouma to trouve lor zimaz, kouma Salomon regle sa problem-la?
5. Kouma regn Salomon ti ete, ek kifer?
Bann kestion anplis:
1. Lir 1 Rois 3:3-28.
(a) Zordi, bann frer ena responsabilite dan lorganizasion Bondie. Ki zot kapav aprann ar bann parol sinser ki Salomon inn dir dan 1 Rois 3:7? (Ps. 119:105; Prov. 3:5, 6)
(b) Konsernan bann kitsoz ki li bon nou priye, kouma seki Salomon ti demande li enn bon lexanp pou nou? (1 Rois 3:9, 11; Prov. 30:8, 9; 1 Jean 5:14)
(c) Kan nou get fason ki Salomon inn regle sa problem ant sa de madam la, ki konfians nou ena konsernan regn nou fitir Gran Salomon, Jésus Christ? (1 Rois 3:28; Is. 9:6, 7; 11:2-4)
2. Lir 1 Rois 4:29-34.
(a) Kan Salomon ti demann pou gagn enn leker obeisan, kouma Jéhovah ti reponn so lapriyer? (1 Rois 4:29)
(b) Kan nou get zefor ki boukou dimounn ti fer pou zot tann sazes Salomon, ki latitid nou bizin ena konsernan etidie Parol Bondie? (1 Rois 4:29, 34; Jean 17:3; 2 Tim. 3:16)
Salomon Ranz Tanp
1. Komie letan Salomon inn pran pou terminn konstriksion tanp Jéhovah, ek kifer sa ti kout boukou larzan?
2. Komie lasam prinsipal ena dan tanp, ek ki ti mete dan lasam ki dan fon?
3. Kan inn fini konstrir tanp, ki Salomon inn dir dan so lapriyer?
4. Kouma Jéhovah montre ki Li’nn kontan lapriyer ki Salomon inn fer?
5. Ki bann fam Salomon fer li fer, ek ki ariv Salomon?
6. Kifer Jéhovah ankoler avek Salomon, ek ki Jéhovah dir li?
Bann kestion anplis:
1. Lir 1 Chroniques 28:9, 10.
An-akor avek bann parol ki David inn dir dan 1 Chroniques 28:9, 10, ki bann gran zefor nou bizin fer toulezour? (Ps. 19:14; Phil. 4:8, 9)
2. Lir 2 Chroniques 6:12-21, 32-42.
(a) Kouma Salomon ti montre ki Bondie Tou-Pwisan pa kapav res dan ninport ki batiman ki enn zom inn fer? (2 Chron. 6:18; Actes 17:24, 25)
(b) Ki bann parol ki Salomon inn dir dan 2 Chroniques 6:32, 33 montre nou lor Jéhovah? (Actes 10:34, 35; Gal. 2:6)
3. Lir 2 Chroniques 7:1-5.
Parey kouma bann garson Israël ti santi zot pouse pou loue Jéhovah kan zot inn trouv so laglwar, kouma zordi sa bizin ena enn lefe lor nou kan nou trouve kouma Jéhovah pe beni so pep? (2 Chron. 7:3; Ps. 22:22; 34:1; 96:2)
4. Lir 1 Rois 11:9-13.
Kouma lavi ki Salomon inn amene montre nou linportans pou res fidel ziska lafin? (1 Rois 11:4, 9; Mat. 10:22; Rév. 2:10)
Rwayom Divize
1. Kouma sa de zom ki dan zimaz la apele, ek kisannla zot ete?
2. Ki Ahiya fer avek rob ki li’nn mete lor li, ek ki sinifikasion sa aksion-la?
3. Ki Salomon esey fer ar Yarobam?
4. Kifer bann dimounn fer Yarobam vinn lerwa lor dis tribi?
5. Kifer Yarobam fer de vo an-or, ek ki ariv sa pei-la pa tro lontan apre?
6. Ki ariv rwayom de tribi ek tanp Jéhovah dan Jérusalem?
Bann kestion anplis:
1. Lir 1 Rois 11:26-43.
Ki kalite dimounn Yarobam ti ete, ek ki Jéhovah inn promet li si li gard bann lalwa Bondie? (1 Rois 11:28, 38)
2. Lir 1 Rois 12:1-33.
(a) Ki leson bann paran ek bann ansien kapav aprann ar move lexanp Rehabam, konsernan lotorite ki zot ena? (1 Rois 12:13; Eccl. 7:7; 1 Pierre 5:2, 3)
(b) Ver kisannla bann zenn zordi bizin tourn zot pou gagn enn direksion ki sir kan zot ena pou pran bann gran desizion dan zot lavi? (1 Rois 12:6, 7; Prov. 1:8, 9; 2 Tim. 3:16, 17; Héb. 13:7)
(c) Ki finn pous Yarobam pou fer de sant pou ador sa bann vo-la, ek kouma sa montre ki li pa ti ena lafwa an Jéhovah? (1 Rois 11:37; 12:26-28)
(d) Kisannla ki’nn fer lepep dan rwayom dis tribi rebele kont vre ladorasion? (1 Rois 12:32, 33)
Move Larenn Jézabel
1. Kisannla Jézabel?
2. Kifer enn zour Lerwa Ahab ti tris?
3. Pou ki so misie Ahab gagn karo rezin Naboth, ki Jézabel fer?
4. Kisannla Jéhovah avoye pou pini Jézabel?
5. Parey kouma to trouve dan zimaz, ki arive kan Yéhou ariv devan pale Jézabel?
Bann kestion anplis:
1. Lir 1 Rois 16:29-33 ek 18:3, 4.
Pandan ki Ahab ti lerwa, ziska ki pwin ti ena bann move kondision dan Israël? (1 Rois 14:9)
2. Lir 1 Rois 21:1-16.
(a) Kouma Naboth ti montre so kouraz ek so fidelite anver Jéhovah? (1 Rois 21:1-3; Lév. 25:23-28)
(b) Dapre lexanp Ahab, ki nou aprann konsernan reaksion ki nou bizin ena kan enn kikenn desevwar nou? (1 Rois 21:4; Rom. 5:3-5)
3. Lir 2 Rois 9:30-37.
Ki nou kapav aprann ar zel ki Yéhou ti ena pou fer volonte Jéhovah? (2 Rois 9:4-10; 2 Cor. 9:1, 2; 2 Tim. 4:2)
Yehoshaphat Fer Jéhovah Konfians
1. Kisannla Yehoshaphat, ek dan ki lepok li ti viv?
2. Kifer bann Izraelit gagn per, ek ki boukou parmi zot fer?
3. Kouma Jéhovah reponn lapriyer Yehoshaphat?
4. Ki kitsoz Jéhovah fer arive avan lager?
5. Ki leson nou kapav aprann ar Yehoshaphat?
Bann kestion anplis:
1. Lir 2 Chroniques 20:1-30.
(a) Ki lexanp Yehoshaphat inn lese pou bann fidel serviter Bondie ki bizin fer fas ar bann sitiasion difisil? (2 Chron. 20:12; Ps. 25:15; 62:1)
(b) Jéhovah finn touletan servi enn mwayin kominikasion kan Li ena pou koz avek so pep. Ki mwayin Li pe servi zordi? (2 Chron. 20:14, 15; Mat. 24:45-47; Jean 15:15)
(c) Kan Bondie pou koumans “lager gran zour Bondie Tou-Pwisan,” dan ki sans nou sitiasion pou parey kouma Yehoshaphat? (2 Chron. 20:15, 17; 32:8; Rév. 16:14, 16)
(d) Kouma kan nou imit lexanp bann Levit, bann pionie ek bann misioner zordi kapav ed nou pou fer nou par dan travay predikasion? (2 Chron. 20:19, 21; Rom. 10:13-15; 2 Tim. 4:2)
De Garson Resisite
1. Kisannla sa trwa dimounn lor sa zimaz la, ek ki’nn ariv sa ti garson-la?
2. Lor ki kitsoz Éliya priye konsernan sa garson-la, ek ki arive apre?
3. Kouma Éliya so asistan apele?
4. Kifer apel Élisha dan lakaz sa madam ki res Shounem la?
5. Ki Élisha fer, ek ki ariv sa garson ki’nn mor la?
6. Kouma seki Éliya ek Élisha fer montre nou pouvwar ki Jéhovah ena?
Bann kestion anplis:
1. Lir 1 Rois 17:8-24.
(a) Kouma lobeisans ek lafwa Éliya ti teste? (1 Rois 17:9; 19:1-4, 10)
(b) Kifer lafwa sa vev ki ti res Tsarphath la ti extraordiner? (1 Rois 17:12-16; Luc 4:25, 26)
(c) Kouma seki’nn ariv sa vev ki res Tsarphath la montre ki bann parol ki Jésus inn dir dan Matthieu 10:41, 42 zot vre? (1 Rois 17:10-12, 17, 23, 24)
2. Lir 2 Rois 4:8-37.
(a) Ki leson nou aprann lor lospitalite avek sa madam ki res Shounem la? (2 Rois 4:8; Luc 6:38; Rom. 12:13; 1 Jean 3:17)
(b) Dan ki fason nou kapav montre nou bon anver bann serviter Bondie zordi? (Actes 20:35; 28:1, 2; Gal. 6:9, 10; Héb. 6:10)
Enn Tifi Ed enn Gran Sef
1. Dapre zimaz, ki sa tipti tifi-la pe dir sa madam-la?
2. Kisannla sa madam ki dan zimaz la, ek ki sa tipti tifi-la pe fer kot li?
3. Ki Élisha fer so serviter dir Naamân, ek kifer Naamân ankoler?
4. Ki arive kan Naamân ekout so serviter?
5. Kifer Élisha refiz pou pran kado Naamân, me ki Guéhazi fer?
6. Ki ariv Guéhazi, ek ki leson nou aprann?
Bann kestion anplis:
1. Lir 2 Rois 5:1-27.
(a) Kouma lexanp sa tipti tifi Izraelit la ankouraz bann zenn zordi? (2 Rois 5:3; Ps. 8:2; 148:12, 13)
(b) Kifer li bon nou rapel lexanp Naamân kan nou gagn bann konsey ki sorti dan Labib? (2 Rois 5:15; Héb. 12:5, 6; Jacq. 4:6)
(c) Ki leson nou kapav aprann kan nou konpar lexanp Élisha ek Guéhazi? (2 Rois 5:9, 10, 14-16, 20; Mat. 10:8; Actes 5:1-5; 2 Cor. 2:17)
Yona ek enn Gro Pwason
1. Kisannla Yona, ek ki Jéhovah demann li fer?
2. Parski li pa anvi al kot Jéhovah inn dir li, ki Yona fer?
3. Ki Yona dir bann marin fer pou aret sa tanpet-la?
4. Parey kouma to trouve dan zimaz, ki arive kan Yona koul dan delo?
5. Komie letan Yona res dan sa gro pwason-la, ek ki li fer ladan?
6. Kotsa Yona ale kan li sorti dan vant sa gro pwason-la, ek ki leson sa aprann nou?
Bann kestion anplis:
1. Lir Yona 1:1-17.
Ki santiman Yona ena kan li kone ki li bizin al pres avek bann Ninivit? (Yona 1:2, 3; Prov. 3:7; Eccl. 8:12)
2. Lir Yona 2:1, 2, 10.
Kouma lexanp Yona donn nou konfians ki Jéhovah pou reponn nou bann lapriyer? (Ps. 22:24; 34:6; 1 Jean 5:14)
3. Lir Yona 3:1-10.
(a) Ki lankourazman nou gagne kan nou aprann ki Jéhovah inn kontign servi Yona malgre ki dan koumansman li pa’nn akonpli so responsabilite? (Ps. 103:14; 1 Pierre 5:10)
(b) An rapor avek seki finn pase ant Yona ek bann Ninivit, ki sa aprann nou konsernan bann prezize ki nou ena lor bann dimounn dan nou teritwar? (Yona 3:6-9; Eccl. 11:6; Actes 13:48)
Bondie Promet ki Pou Ena enn Paradi
1. Kisannla Isaïe ete, dan ki lepok li ti viv, ek ki Jéhovah ti montre li?
2. Ki vedir sa mo “paradi” la, ek ki sa fer twa rapel?
3. Ki Jéhovah dir Isaïe ekrir konsernan sa nouvo paradi-la?
4. Kifer Adam ek Ève inn perdi zot zoli lakaz?
5. Ki Jéhovah promet pou fer pou bann ki kontan Li?
Bann kestion anplis:
1. Lir Isaïe 11:6-9.
(a) Kouma Parol Bondie montre lape ki pou ena ant bann zanimo ek bann dimounn dan lemond nouvo? (Ps. 148:10, 13; Is. 65:25; Ézék. 34:25)
(b) Kouma bann parol ki Isaïe ti dir pe akonpli azordi parmi pep Jéhovah? (Rom. 12:2; Éph. 4:23, 24)
(c) Kisannla merit pou gagn loner kan bann dimounn sanz zot personalite asterla ek dan lemond nouvo? (Is. 48:17, 18; Gal. 5:22, 23; Phil. 4:7)
2. Lir Révélation 21:3, 4.
(a) Kouma kan Labib dir ki Bondie pou res avek bann dimounn li dan enn sans sinbolik ek pa dan enn fason literal, ki Bondie pou res lor later? (Lév. 26:11, 12; 2 Chron. 6:18; Is. 66:1; Rév. 21:2, 3, 22-24)
(b) Ki kalite larm ek soufrans pou disparet? (Luc 8:49-52; Rom. 8:21, 22; Rév. 21:4)
Bondie Ed Lerwa Hizqiya
1. Kisannla sa misie lor zimaz la, ek kifer li dan problem?
2. Ki sa bann let ki Hizqiya inn met devan Bondie la, ek ki lapriyer Hizqiya pe fer?
3. Ki kalite Lerwa Hizqiya ete, ek ki mesaz Jéhovah avoy li atraver Isaïe?
4. Dapre zimaz, ki anz Jéhovah fer bann Asirien?
5. Mem si pou enn tigit letan ena lape dan rwayom de tribi, ki arive apre ki Hizqiya mor?
Bann kestion anplis:
1. Lir 2 Rois 18:1-36.
(a) Kouma Rabshaqé, port-parol bann Asirien, finn esey afebli lafwa bann Izraelit? (2 Rois 18:19, 21; Ex. 5:2; Ps. 64:3)
(b) Kan bann Temwin Jéhovah ena pou fer fas ar bann ki pe persekit zot, kouma zot swiv lexanp Hizqiya? (2 Rois 18:36; Ps. 39:1; Prov. 26:4; 2 Tim. 2:24)
2. Lir 2 Rois 19:1-37.
(a) Zordi kouma bann serviter Jéhovah imit Hizqiya kan zot dan problem? (2 Rois 19:1, 2; Prov. 3:5, 6; Héb. 10:24, 25; Jacq. 5:14, 15)
(b) Ki trwa defet Lerwa Sennakérib inn gagne, ek kisannla li reprezante dan enn fason profetik? (2 Rois 19:32, 35, 37; Rév. 20:2, 3)
3. Lir 2 Rois 21:1-6, 16.
Kifer kapav dir ki Manassé se limem pli move lerwa ki’nn regne dan Jérusalem? (2 Chron. 33:4-6, 9)
Dernie Bon Lerwa Israël
1. Ki laz Yoshiya ena kan li vinn lerwa, ek ki li koumans fer apre ki li’nn regne pandan set an?
2. Ki to trouv Yoshiya pe fer dan premie zimaz?
3. Ki gran pret trouve kan bann zom pe repar tanp?
4. Kifer Yoshiya desir so linz bout-bout?
5. Ki mesaz Jéhovah fer profetes Houlda donn Yoshiya?
Bann kestion anplis:
1. Lir 2 Chroniques 34:1-28.
(a) Ki lexanp Yoshiya donn bann dimounn ki kitfwa finn bizin fer fas ar enn lanfans difisil? (2 Chron. 33:21-25; 34:1, 2; Ps. 27:10)
(b) Ki bann kitsoz Yoshiya inn fer pou ankouraz vre ladorasion pandan 8em, 12em ek 18em lane so regn? (2 Chron. 34:3, 8)
(c) Ki bann leson nou kapav aprann ar lexanp Lerwa Yoshiya ek Gran Pret Hilqia, konsernan antretenir bann plas kot nou ador Jéhovah? (2 Chron. 34:9-13; Prov. 11:14; 1 Cor. 10:31)
Enn Zom Ki Pa Per
1. Kisannla sa zenn misie lor sa zimaz la?
2. Ki Jérémie panse kan li aprann ki li pou vinn enn profet, me ki Jéhovah dir li?
3. Ki mesaz Jérémie kontign dir lepep?
4. Kouma bann pret esey aret Jérémie, me kouma li montre ki li pa gagn per?
5. Ki arive kan bann Izraelit pa sanz zot bann move manier?
Bann kestion anplis:
1. Lir Jérémie 1:1-8.
(a) Parey kouma lexanp Jérémie montre, ki kitsoz ki kalifie enn dimounn pou servi Jéhovah? (2 Cor. 3:5, 6)
(b) Ki lankourazman lexanp Jérémie donn bann zenn Kretien zordi? (Eccl. 12:1; 1 Tim. 4:12)
2. Lir Jérémie 10:1-5.
Ki ilistrasion bien for Jérémie servi pou montre ki li enn kitsoz bet pou fer konfians bann zidol? (Jér. 10:5; Is. 46:7; Hab. 2:19)
3. Lir Jérémie 26:1-16.
(a) Konsernan lavertisman ki pe anonse zordi, kouma bann Kretien ki ena lesperans pou al dan lesiel pran bien kont komannman ki Jéhovah ti donn Jérémie pou ‘pa tir mem enn mo’? (Jér. 26:2; Deut. 4:2; Actes 20:27)
(b) Ki bon lexanp Jérémie inn kite pou bann Temwin Jéhovah zordi kan nou anons lavertisman Jéhovah ar bann nasion? (Jér. 26:8, 12, 14, 15; 2 Tim. 4:1-5)
4. Lir 2 Rois 24:1-17.
Ki konsekans bien tris Juda inn gagne parski li pa’nn res fidel anver Jéhovah? (2 Rois 24:2-4, 14)
Kat Garson dan Babylone
1. Kisannla sa kat garson ki to trouve dan zimaz la, ek kifer zot dan Babylone?
2. Ki plan Neboukadnetsar fer pou sa kat garson-la, ek ki lord li donn so bann serviter?
3. Ki faver Daniel demande pou limem ek so trwa kamarad konsernan manze ek bwar?
4. Apre ki zot manz bann legim pandan dis zour, kouma Daniel ek so trwa kamarad ete konpare ar bann lezot zenn?
5. Kouma Daniel ek so trwa kamarad vinn dan pale lerwa, ek dan ki fason zot pli bon ki bann pret ek bann zom saz?
Bann kestion anplis:
1. Lir Daniel 1:1-21.
(a) Ki kalite zefor nou bizin fer si nou anvi reziste kont bann tantasion ek sirmont nou bann febles? (Dan. 1:8; Gen. 39:7, 10; Gal. 6:9)
(b) Dan ki fason bann zenn zordi kapav tante ouswa gagn presion pou fer bann kitsoz ki koumadir “bann manze rafine”? (Dan. 1:8; Prov. 20:1; 2 Cor. 6:17–7:1)
(c) Kouma seki Labib dir lor sa kat zenn Ebre la ed nou pou konpran konsernan ledikasion ki nou gagne? (Dan. 1:20; Is. 54:13; 1 Cor. 3:18-20)
Destriksion Jérusalem
1. Dapre sa zimaz-la, ki pe ariv Jérusalem ek bann Izraelit?
2. Kisannla Ézékiel, ek ki bann kitsoz ki Jéhovah montre li fer li gagn sok?
3. Parski bann Izraelit pena okenn respe pou Jéhovah, ki promes Li fer?
4. Ki Lerwa Neboukadnetsar fer apre ki bann Izraelit rebel kont li?
5. Kifer Jéhovah les sa gran destriksion la arive lor bann Izraelit?
6. Kouma eski pei Israël res vid, ek pou komie letan?
Bann kestion anplis:
1. Lir 2 Rois 25:1-26.
(a) Kisannla Tsidqiya, ki ariv li, ek kouma sa profesi Labib la realize? (2 Rois 25:5-7; Ézék. 12:13-15)
(b) Pou Jéhovah kisannla responsab pou tou linfidelite bann Izraelit? (2 Rois 25:9, 11, 12, 18, 19; 2 Chron. 36:14, 17)
2. Lir Ézékiel 8:1-18.
Kouma la Chrétienté imit bann Izraelit aposta ki ti ador soley? (Ézék. 8:16; Is. 5:20, 21; Jean 3:19-21; 2 Tim. 4:3)
Zot Refiz Prosterne
1. Ki lord Neboukadnetsar, lerwa Babylone, donn lepep?
2. Kifer trwa kamarad Daniel pa pe prostern devan sa zimaz an-or la?
3. Kan Neboukadnetsar donn sa trwa Ebre-la enn lot sans pou prosterne, kouma zot montre ki zot fer Jéhovah konfians?
4. Ki Neboukadnetsar dir so bann zom fer ar Shadrak, Méshak ek Abed-Négo?
5. Ki Neboukadnetsar trouve kan li get dan sa four-la?
6. Kifer lerwa donn laglwar Bondie ki Shadrak, Méshak ek Abed-Négo adore, ek ki lexanp sa les nou?
Bann kestion anplis:
1. Lir Daniel 3:1-30.
(a) Kan tou bann serviter Bondie bizin fer fas ar bann sitiasion ki teste zot lintegrite, kouma zot kapav imit latitid sa trwa zenn Ebre la? (Dan. 3:17, 18; Mat. 10:28; Rom. 14:7, 8)
(b) Ki leson bien inportan Jéhovah inn montre Neboukadnetsar? (Dan. 3:28, 29; 4:34, 35)
Lekritir lor Miray
1. Ki arive kan lerwa Babylone fer enn gran festin, kot servi bann koup ek bann bol ki’nn pran dan tanp Jéhovah dan Jérusalem?
2. Ki Belshatsar dir so bann zom saz, me ki zot pa kapav fer?
3. Ki mama lerwa dir li fer?
4. Dapre seki Daniel dir lerwa, kifer Jéhovah finn avoy enn lame pou ekrir lor miray?
5. Kouma eski Daniel explik sinifikasion bann mo lor miray?
6. Ki arive pandan ki Daniel pe koze?
Bann kestion anplis:
1. Lir Daniel 5:1-31.
(a) Konpar lakrint pou Bondie ar lakrint ki Belshatsar ti ena kan li ti trouv bann lekritir lor miray. (Dan. 5:6, 7; Ps. 19:9; Rom. 8:35-39)
(b) Kouma eski Daniel inn montre enn gran kouraz kan li ti pe koz ar Belshatsar ek so bann gran invite? (Dan. 5:17, 18, 22, 26-28; Actes 4:29)
(c) Dan ki fason Daniel sapit 5 met laksan lor drwa ki Jéhovah ena pou regne? (Dan. 4:17, 25; 5:21)
Daniel dan Lafos Lion
1. Kisannla Darius, ek kouma li konsider Daniel?
2. Sertin zom ti zalou Daniel, ki kitsoz zot insit Darius pou fer?
3. Ki Daniel fer kan li aprann konsernan sa nouvo lalwa-la?
4. Kifer Darius telman trakase ki li pa kapav dormi, ek ki li fer landemin gramatin?
5. Kouma Daniel reponn Darius?
6. Ki ariv sa bann move zom ki rod touy Daniel la, ek ki Darius ekrir tou lepep dan so rwayom?
Bann kestion anplis:
1. Lir Daniel 6:1-28.
(a) Kouma konplo ki’nn fer kont Daniel rapel nou seki bann persekiter inn rod fer pou anpes travay ki bann Temwin Jéhovah pe fer dan nou lepok? (Dan. 6:7; Ps. 94:20; Is. 10:1; Rom. 8:31)
(b) Kouma bann serviter Bondie zordi kapav imit lexanp Daniel kan zot soumet ar “bann lotorite siperyer”? (Dan. 6:5, 10; Rom. 13:1; Actes 5:29)
(c) Kouma nou kapav imit lexanp Daniel kan nou servi Jéhovah “dan enn fason regilie”? (Dan. 6:16, 20; Phil. 3:16; Rév. 7:15)
Pep Bondie Kit Babylone
1. Dapre sa zimaz-la, ki bann Izraelit pe fer?
2. Kouma Cyrus akonpli profesi ki Jéhovah ti anonse atraver Isaïe?
3. Ki Cyrus dir bann Izraelit ki pa kapav retourn Jérusalem?
4. Ki Cyrus donn lepep pou retourn Jérusalem?
5. Komie letan bann Izraelit pran pou retourn Jérusalem?
6. Komie lane inn pase depi ki personn nepli res dan Jérusalem?
Bann kestion anplis:
1. Lir Isaïe 44:28 ek 45:1-4.
(a) Sa ti enn kitsoz sir ki profesi konsernan Cyrus ti pou realize. Kouma Jéhovah ti met laksan lor la? (Is. 55:10, 11; Rom. 4:17)
(b) Isaïe ti dir enn profesi konsernan Cyrus, ki sa montre nou lor kapasite ki Jéhovah ena pou predir lavenir? (Is. 42:9; 45:21; 46:10, 11; 2 Pierre 1:20)
2. Lir Ezra 1:1-11.
Zordi, kouma nou kapav imit lexanp bann ki pa ti kapav retourn Jérusalem kan nou ‘fortifie lame’ bann ki kapav fer servis aplintan? (Ezra 1:4, 6; Rom. 12:13; Col. 4:12)
Zot Kont lor Led Jéhovah
1. Komie dimounn fer sa long vwayaz depi Babylone ziska Jérusalem la, me ki zot trouve kan zot arive?
2. Ki bann Izraelit koumans konstrir kan zot arive, me ki zot bann lennmi fer?
3. Kisannla Haggaï ek Zekaria, ek ki zot dir lepep?
4. Kifer Tattenaï avoy enn let Babylone, ek ki repons li gagne?
5. Ki Ezra fer kan li aprann konsernan led ki bizin pou repar tanp Bondie?
6. Ki lapriyer Ezra pe fer lor sa zimaz-la, kouma Jéhovah reponn so lapriyer, ek ki sa ansegn nou?
Bann kestion anplis:
1. Lir Ezra 3:1-13.
Si nou retrouv nou dan enn rezion kot pena okenn kongregasion, ki nou bizin kontign fer? (Ezra 3:3, 6; Actes 17:16, 17; Héb. 13:15)
2. Lir Ezra 4:1-7.
Ki lexanp Zorobabel inn lese pou pep Jéhovah konsernan bann dimounn diferan relizion? (Ex. 34:12; 1 Cor. 15:33; 2 Cor. 6:14-17)
3. Lir Ezra 5:1-5, 17 ek 6:1-22.
(a) Kifer bann opozan pa ti kapav anpes konstriksion tanp? (Ezra 5:5; Is. 54:17)
(b) Bann ansien dan Israël ti bizin fer fas ar bann dimounn ki persekit zot. Kouma sa ankouraz bann ansien zordi pou rod direksion Jéhovah kan zot retrouv zot dan mem sitiasion? (Ezra 6:14; Ps. 32:8; Rom. 8:31; Jacq. 1:5)
4. Lir Ezra 8:21-23, 28-36.
Avan ki nou fer enn kitsoz, kifer li pou bon ki nou imit lexanp Ezra? (Ezra 8:23; Ps. 127:1; Prov. 10:22; Jacq. 4:13-15)
Mordekaï ek Esther
1. Kisannla Mordekaï ek Esther?
2. Kifer Lerwa Assuérus anvi gagn enn nouvo madam, ek kisannla li swazir?
3. Kisannla Hamân, ek ki kitsoz fer li bien ankoler?
4. Ki lalwa finn etabli, ek ki Esther fer apre ki li gagn enn mesaz ar Mordekaï?
5. Ki ariv Hamân, ek ki ariv Mordekaï?
6. Kouma bann Izraelit inn delivre ar zot bann lennmi?
Bann kestion anplis:
1. Lir Esther 2:12-18.
Kouma Esther finn montre linportans pou kiltiv “enn karakter trankil ek dous”? (Est. 2:15; 1 Pierre 3:1-5)
2. Lir Esther 4:1-17.
Parey kouma Esther ti gagn lokazion pou azir dan faver vre ladorasion, ki lokazion nou ena azordi pou montre nou latasman ek nou fidelite anver Jéhovah? (Est. 4:13, 14; Mat. 5:14-16; 24:14)
3. Lir Esther 7:1-6.
Parey kouma Esther, kouma boukou parmi bann serviter Bondie zordi zot osi zot inn manke gagn persekision? (Est. 7:4; Mat. 10:16-22; 1 Pierre 2:12)
Bann Miray Jérusalem
1. Ki santiman bann Izraelit ena parski pena miray otour Jérusalem?
2. Kisannla Nehémia?
3. Ki travay Nehémia fer, ek kifer li inportan?
4. Ki nouvel rann Nehémia tris, ek ki li fer?
5. Kouma Lerwa Artaxerxès montre li bon anver Nehémia?
6. Kouma Nehémia organiz travay konstriksion pou ki lennmi bann Izraelit pa fer zot aret sa travay-la?
Bann kestion anplis:
1. Lir Nehémia 1:4-6; 2:1-20.
Kouma Nehémia ti rod direksion Jéhovah? (Neh. 2:4, 5; Rom. 12:12; 1 Pierre 4:7)
2. Lir Nehémia 3:3-5.
Ki bann ansien ek bann asistan ministeryel kapav aprann ar diferans ki ti ena ant bann Tekoit ek bann “gran personaz”? (Neh. 3:5, 27; 2 Thess. 3:7-10; 1 Pierre 5:5)
3. Lir Nehémia 4:1-23.
(a) Ki ti ankouraz bann Izraelit pou kontign travay konstriksion malgre ki zot ti bizin fer fas ar enn gran lopozision? (Neh. 4:6, 8, 9; Ps. 50:15; Is. 65:13, 14)
(b) Dan ki fason lexanp bann Izraelit ankouraz nou zordi?
4. Lir Nehémia 6:15.
Inn fini konstriksion miray Jérusalem dan de mwa, ki sa montre nou konsernan pouvwar ki lafwa ena? (Ps. 56:3, 4; Mat. 17:20; 19:26)
Enn Anz Vizit Marie
1. Kisannla sa madam dan zimaz la?
2. Ki Gabriel dir Marie?
3. Kouma Gabriel explik Marie ki li pou gagn enn tibaba mem si li pa’nn viv avek enn zom?
4. Ki arive kan Marie al kot so fami, Élisabeth?
5. Ki Joseph panse kan li aprann ki Marie pou gagn enn tibaba, me kifer li sanz so lide?
Bann kestion anplis:
1. Lir Luc 1:26-56.
(a) Ki Luc 1:35 montre nou konsernan ovil Marie ki ti erit linperfeksion Adam, kan ti transfer lavi Garson Bondie depi lesiel? (Hag. 2:11-13; Jean 6:69; Héb. 7:26; 10:5)
(b) Kouma Jésus ti gagn loner avan mem ki li ne? (Luc 1:41-43)
(c) Ki bon lexanp Marie donn bann Kretien ki gagn bann privilez spesial dan nou lepok? (Luc 1:38, 46-49; 17:10; Prov. 11:2)
2. Lir Matthieu 1:18-25.
Mem si pa ti donn Jésus sa nom Emmanuel la, kouma eski rol ki li finn ena antan ki enn imin finn akonpli sinifikasion sa nom-la? (Mat. 1:22, 23; Jean 14:8-10; Héb. 1:1-3)
Nesans Jésus
1. Kisannla sa tibaba lor sa zimaz-la, ek kotsa Marie pe met li?
2. Kifer Jésus ti ne dan enn plas kot gard bann zanimo?
3. Dapre zimaz, kisannla sa bann zom ki pe rantre la, ek ki enn anz inn dir zot?
4. Kifer Jésus spesial?
5. Kifer kapav apel Jésus, Garson Bondie?
Bann kestion anplis:
1. Lir Luc 2:1-20.
(a) Ki rol César Auguste finn ena dan realizasion profesi konsernan nesans Jésus? (Luc 2:1-4; Mika 5:2)
(b) Kouma eski enn kikenn kapav kont parmi “bann dimounn ki [Bondie] kontan”? (Luc 2:14; Mat. 16:24; Jean 17:3; Actes 3:19; Héb. 11:6)
(c) Bann berze dan Judée ki inb ti ena rezon pou ki zot zwaye kan enn sover inn ne. Ki pli gran rezon bann serviter Bondie ena zordi pou ki zot zwaye? (Luc 2:10, 11; Éph. 3:8, 9; Rév. 11:15; 14:6)
Enn Zetwal Gid Bann Zom
1. Kisannla sa bann zom ki to trouve dan zimaz la, ek kifer enn parmi zot pe montre enn zetwal ki pe briye?
2. Kifer Lerwa Hérode ankoler, ek ki li fer?
3. Kotsa sa zetwal ki pe briye la diriz sa bann zom-la, me kifer zot retourn dan zot pei par enn lot semin?
4. Ki komannman Hérode done, ek kifer?
5. Ki Jéhovah dir Joseph fer?
6. Kisannla inn fer sa nouvo zetwal-la briye, ek kifer?
Kestion anplis:
1. Lir Matthieu 2:1-23.
Ki laz Jésus ti ena ek kotsa li ti pe reste kan bann astrolog ti vinn get li? (Mat. 2:1, 11, 16)
Jésus dan Tanp
1. Ki laz Jésus ena dan sa zimaz-la, ek kotsa li ete?
2. Ki Joseph ek so fami fer toule lane?
3. Apre enn zourne vwayaz pou retourn kot zot, kifer Joseph ek Marie retourn Jérusalem?
4. Kotsa Joseph ek Marie trouv Jésus, ek kifer bann dimounn ki la etone?
5. Ki Jésus dir so mama, Marie?
6. Kouma nou kapav imit Jésus kan nou ena pou aprann lor Bondie?
Bann kestion anplis:
1. Lir Luc 2:41-52.
(a) Mem si dapre Lalwa se zis bann misie ki ti bizin asiste bann fet ki ti ena toule lane, ki bon lexanp Joseph ek Marie inn kite pou bann paran zordi? (Luc 2:41; Deut. 16:16; 31:12; Prov. 22:6)
(b) Kouma eski Jésus inn kit enn bon lexanp pou bann zenn zordi kan zot ena pou soumet ar zot bann paran? (Luc 2:51; Deut. 5:16; Prov. 23:22; Col. 3:20)
2. Lir Matthieu 13:53-56.
Dan Labib ena nom kat frer Jésus, kouma zot apele? Sit nom sa de ki plitar ti servi dan kongregasion la. (Mat. 13:55; Actes 12:17; 15:6, 13; 21:18; Gal. 1:19; Jacq. 1:1; Jude 1)
Jean Batiz Jésus
1. Kisannla sa de zom dan zimaz la?
2. Kouma batiz enn dimounn?
3. Kisannla Jean abitie batize?
4. Pou ki rezon spesial Jésus demann Jean pou batiz li?
5. Kouma Bondie montre ki sa fer Li plezir kan Jésus inn batize?
6. Ki arive kan Jésus al dan enn plas kot li tousel pandan 40 zour?
7. Kisannla parmi bann premie disip Jésus, ek ki premie mirak li fer?
Bann kestion anplis:
1. Lir Matthieu 3:13-17.
Ki lexanp Jésus inn done konsernan batem so bann disip? (Ps. 40:7, 8; Mat. 28:19, 20; Luc 3:21, 22)
2. Lir Matthieu 4:1-11.
Jésus ti bien konn servi bann Lekritir, kouma sa kapav ankouraz nou pou etidie Labib regilierman? (Mat. 4:5-7; 2 Pierre 3:17, 18; 1 Jean 4:1)
3. Lir Jean 1:29-51.
Ver kisannla Jean Baptiste ti diriz so bann disip, ek kouma nou kapav imit li zordi? (Jean 1:29, 35, 36; 3:30; Mat. 23:10)
4. Lir Jean 2:1-12.
Atraver so premie mirak kouma Jésus inn montre ki Jéhovah pa priv So bann serviter ar bann kitsoz ki bon? (Jean 2:9, 10; Ps. 84:11; Jacq. 1:17)
Jésus Pirifie Tanp
1. Kifer pe vann bann zanimo dan tanp?
2. Ki kitsoz fer Jésus ankoler?
3. Dapre sa zimaz-la, ki Jésus fer, ek ki lord li donn bann misie ki pe vann bann kolonb?
4. Kan bann disip trouv Jésus fer sa, ki sa fer zot rapel?
5. Ki distrik Jésus traverse kan li pe retourn Galilée?
Kestion anplis:
1. Lir Jean 2:13-25.
Kan nou get fason ki Jésus ti tret bann ki ti pe sanz kas dan tanp, ki bon fason panse nou bizin adopte konsernan fer biznes dan Lasal Bann Temwin Jéhovah? (Jean 2:15, 16; 1 Cor. 10:24, 31-33)
Jésus ek enn Samaritenn
1. Kifer Jésus aret kot enn pwi dan Samarie, ek ki li dir enn madam laba?
2. Kifer sa madam-la gagn sok, ki Jésus dir li, ek kifer?
3. Ki kalite delo sa madam-la panse Jésus pe koze, me an realite lor ki delo Jésus pe koze?
4. Kifer sa madam-la etone ar bann kitsoz ki Jésus kone lor li, ek kouma li’nn konn tousala?
5. Ki bann leson nou kapav aprann ar sa zistwar lor sa madam ki kot enn pwi la?
Bann kestion anplis:
1. Lir Jean 4:5-43.
(a) Kan nou swiv lexanp Jésus, ki latitid nou bizin ena anver bann dimounn ki pa mem ras ouswa mem kiltir ki nou? (Jean 4:9; 1 Cor. 9:22; 1 Tim. 2:3, 4; Tite 2:11)
(b) Ki bienfe spiritiel enn dimounn gagne kan li vinn enn disip Jésus? (Jean 4:14, 15; Is. 58:11, 12; 2 Cor. 4:16)
(c) Kouma nou kapav montre rekonesans parey kouma sa Samaritenn, ki ti bien anvi partaz seki li’nn aprann la? (Jean 4:7, 28; Mat. 6:33; Luc 10:40-42)
Jésus Ansegn lor enn Montagn
1. Dan zimaz, kotsa Jésus pe ansegne, ek kisannla pe asiz pli pre kot li?
2. Sit nom bann 12 zapot.
3. Ki ete sa Rwayom ki Jésus pe prese la?
4. Pou ki kitsoz Jésus ansegn lepep priye?
5. Ki Jésus dir lor fason ki lepep bizin tret sakenn so kamarad?
Bann kestion anplis:
1. Lir Matthieu 5:1-12.
Dan ki fason nou kapav montre ki nou kone ki nou pov lor plan spiritiel? (Mat. 5:3; Rom. 10:13-15; 1 Tim. 4:13, 15, 16)
2. Lir Matthieu 5:21-26.
Kouma Matthieu 5:23, 24 montre ki nou relasion avek nou bann frer ena enn lefe lor nou relasion avek Jéhovah? (Mat. 6:14, 15; Ps. 133:1; Col. 3:13; 1 Jean 4:20)
3. Lir Matthieu 6:1-8.
Konsernan etabli nou prop lazistis, sit sertin form sa move latitid ki nou bizin rezete la. (Luc 18:11, 12; 1 Cor. 4:6, 7; 2 Cor. 9:7)
4. Lir Matthieu 6:25-34.
Ki Jésus ti ansegne konsernan linportans pou ena konfians ki Jéhovah pou donn nou bann kitsoz ki nou bizin lor plan materyel? (Ex. 16:4; Ps. 37:25; Phil. 4:6)
5. Lir Matthieu 7:1-11.
Dan Matthieu 7:5 ena enn lexanp bien vivan. Ki sa ansegn nou? (Prov. 26:12; Rom. 2:1; 14:10; Jacq. 4:11, 12)
Jésus Resisit Bann Mor
1. Kisannla papa sa tifi dan sa zimaz-la, ek kifer li ek so madam bien trakase?
2. Ki Jaïrus fer kan li trouv Jésus?
3. Ki arive kan Jésus pe al kot Jaïrus, ek ki mesaz Jaïrus gagne kan li pe retourn kot li?
4. Kifer bann dimounn dan lakaz Jaïrus riy Jésus?
5. Apre ki li amenn trwa zapot, papa ek mama sa tifi-la dan lasam zot tifi, ki Jésus fer?
6. Kisannla Jésus resisite ankor, ek ki sa montre?
Bann kestion anplis:
1. Lir Luc 8:40-56.
Kouma Jésus ti montre ki li ena konpasion ek ki li rezonab anver sa madam ki ti ena lemorazi la, ek ki bann ansien zordi kapav aprann ar sa? (Luc 8:43, 44, 47, 48; Lév. 15:25-27; Mat. 9:12, 13; Col. 3:12-14)
2. Lir Luc 7:11-17.
Kifer bann dimounn ki’nn perdi enn kikenn ki zot kontan dan lamor kapav gagn enn gran rekonfor dan repons ki Jésus inn donn enn vev ki res Naïn? (Luc 7:13; 2 Cor. 1:3, 4; Héb. 4:15)
3. Lir Jean 11:17-44.
Kouma Jésus inn montre ki li normal ki nou plore kan enn kikenn ki nou kontan inn mor? (Jean 11:33-36, 38; 2 Sam. 18:33; 19:1-4)
Jésus Nouri enn Lafoul
1. Ki kitsoz orib finn ariv Jean Baptiste, ek ki lefe sa finn ena lor Jésus?
2. Kouma eski Jésus nouri bann lafoul ki’nn swiv li, ek komie manze inn reste?
3. Kifer bann disip gagn per pandan lanwit, ek ki ariv Pierre?
4. Kouma eski Jésus nouri bann dimounn par milye enn deziem fwa?
5. Kifer sa pou extraordiner kan Jésus pou diriz later antan ki Lerwa ki Bondie inn swazir?
Bann kestion anplis:
1. Lir Matthieu 14:1-32.
(a) Ki ransegnman Matthieu 14:23-32 donn nou lor personalite Pierre?
(b) Kouma eski bann Lekritir montre ki Pierre inn vinn pli mir ek li’nn reisi sirmont so latitid pou azir lor enn kout-tet? (Mat. 14:27-30; Jean 18:10; 21:7; Actes 2:14, 37-40; 1 Pierre 5:6, 10)
2. Lir Matthieu 15:29-38.
Kouma Jésus inn montre respe pou bann manze ki so Papa inn donn li? (Mat. 15:37; Jean 6:12; Col. 3:15)
3. Lir Jean 6:1-21.
Zordi, kouma bann Kretien kapav imit lexanp Jésus konsernan montre respe anver gouvernman? (Jean 6:15; Mat. 22:21; Rom. 12:2; 13:1-4)
Li Kontan Bann Ti Zanfan
1. Kan bann zapot pe retourne apre enn long vwayaz, lor ki kitsoz zot pe diskite?
2. Kifer Jésus apel enn ti zanfan ek fer li debout omilie bann zapot?
3. Dan ki fason bann zapot bizin aprann pou vinn kouma bann zanfan?
4. De-trwa mwa apre, kouma Jésus montre ki li kontan bann zanfan?
Bann kestion anplis:
1. Lir Matthieu 18:1-4.
Kifer Jésus ti servi bann lexanp pou ansegne? (Mat. 13:34, 36; Marc 4:33, 34)
2. Lir Matthieu 19:13-15.
Ki bann kalite ki bann zanfan ena nou bizin imite si nou anvi gagn bann benediksion ki Rwayom Bondie done? (Ps. 25:9; 138:6; 1 Cor. 14:20)
3. Lir Marc 9:33-37.
Ki Jésus inn ansegn so bann disip konsernan lanvi pou vinn enn gran dimounn? (Marc 9:35; Mat. 20:25, 26; Gal. 6:3; Phil. 2:5-8)
4. Lir Marc 10:13-16.
Ki kantite Jésus ti abordab, ek ki bann ansien kapav aprann ar so lexanp? (Marc 6:30-34; Phil. 2:1-4; 1 Tim. 4:12)
Fason ki Jésus Ansegne
1. Ki kestion enn zom demann Jésus, ek kifer?
2. Ki kitsoz parfwa Jésus servi pou ansegne, ek ki nou’nn deza aprann konsernan bann Zwif ek bann Samaritin?
3. Dapre zistwar ki Jésus rakonte, ki ariv enn Zwif ki pe vwayaze lor semin pou al Jéricho?
4. Ki arive kan enn pret Zwif ek enn Levit pas lor sa semin-la?
5. Dapre zimaz, kisannla ki pe ed sa Zwif ki’nn blese la?
6. Apre ki Jésus fini rakont sa zistwar-la, ki kestion li poze, ek kouma sa misie-la reponn?
Bann kestion anplis:
1. Lir Luc 10:25-37.
(a) Olie ki li donn enn repons direk, kouma eski Jésus inn ed enn misie, ki ti ena enn bon konesans lor lalwa, pou rezone lor enn sertin size? (Luc 10:26; Mat. 16:13-16)
(b) Kouma eski Jésus servi bann lexanp pou ed bann dimounn ki ekout li pou sirmont bann prezize? (Luc 10:36, 37; 18:9-14; Tite 1:9)
Jésus Geri Bann Malad
1. Ki Jésus fer pandan ki li pe vwayaz partou dan pei?
2. Apepre trwa-z-an apre ki Jésus ti batize, ki li dir so bann zapot?
3. Kisannla sa bann dimounn dan zimaz la, ek ki Jésus fer pou sa madam-la?
4. Kifer seki Jésus dir pou reponn obzeksion bann sef relizie fer zot gagn onte?
5. Kan Jésus ek so bann zapot ariv pre ar Jéricho, ki Jésus fer pou de mandian ki aveg?
6. Kifer Jésus fer bann mirak?
Bann kestion anplis:
1. Lir Matthieu 15:30, 31.
Atraver Jésus, ki pouvwar extraordiner nou finn trouve Jéhovah ena, ek kouma sa bizin ena enn lefe lor seki nou’nn konpran konsernan seki Jéhovah inn promet pou lemond nouvo? (Ps. 37:29; Is. 33:24)
2. Lir Luc 13:10-17.
Jésus ti fer bann mirak extraordiner zour Saba, kouma sa montre nou ki kalite soulazman li pou amene pou limanite kan ki li pou regne pandan mil an? (Luc 13:10-13; Ps. 46:9; Mat. 12:8; Col. 2:16, 17; Rév. 21:1-4)
3. Lir Matthieu 20:29-34.
Kouma eski sa levennman-la montre ki Jésus zame tro okipe pou ed bann dimounn, ek ki leson nou kapav aprann ar sa? (Deut. 15:7; Jacq. 2:15, 16; 1 Jean 3:17)
Jésus Vini Antan ki Lerwa
1. Kan Jésus ariv dan enn ti vilaz pre ar Jérusalem, ki li dir so bann disip fer?
2. Dapre zimaz, ki arive kan Jésus ariv pre ar lavil Jérusalem?
3. Ki bann zanfan fer kan zot trouv Jésus pe geri bann dimounn ki aveg ek andikape?
4. Ki Jésus dir bann pret ki ankoler?
5. Kouma nou kapav parey kouma bann zanfan ki ti loue Jésus?
6. Ki kitsoz bann disip anvi kone?
Bann kestion anplis:
1. Lir Matthieu 21:1-17.
(a) Kouma kan Jésus ti rant dan Jérusalem antan ki Lerwa li ti diferan ar bann zeneral Romin ki ti retourne apre ki zot inn gagn laviktwar? (Mat. 21:4, 5; Zek. 9:9; Phil. 2:5-8; Col. 2:15)
(b) Ki leson bann zenn kapav aprann ar bann garson Izraelit ki ti sit Psaume 118 kan Jésus ti rant dan tanp? (Mat. 21:9, 15; Ps. 118:25, 26; 2 Tim. 3:15; 2 Pierre 3:18)
2. Lir Jean 12:12-16.
Bann dimounn ti servi bann brans palmie kan zot ti loue Jésus, ki so sinifikasion? (Jean 12:13; Phil. 2:10; Rév. 7:9, 10)
Lor Mont des Oliviers
1. Montre kisannla Jésus lor zimaz. Kisannla avek li?
2. Ki bann pret esey fer avek Jésus dan tanp, ek ki li dir zot?
3. Ki kitsoz bann zapot demann Jésus?
4. Kifer Jésus dir so bann zapot sertin parmi bann kitsoz ki pou arive lor later kan li pou regne dan lesiel?
5. Ki Jésus dir pou arive avan ki li tir tou mesanste lor later?
Bann kestion anplis:
1. Lir Matthieu 23:1-39.
(a) Mem si bann Lekritir pa kondann servi bann tit ki enn dimounn ena an-akor avek travay ki li fer, kouma seki Jésus ti dir dan Matthieu 23:8-11 montre nou konsernan servi bann tit pou flat lezot dan kongregasion? (Actes 26:25; Rom. 13:7; 1 Pierre 2:13, 14)
(b) Ki bann Pharisien ti servi pou esey anpes bann dimounn vinn Kretien, ek kouma dan nou lepok bann sef relizie servi mem taktik? (Mat. 23:13; Luc 11:52; Jean 9:22; 12:42; 1 Thess. 2:16)
2. Lir Matthieu 24:1-14.
(a) Kouma eski Matthieu 24:13 met laksan lor linportans pou andire?
(b) Ki sinifikasion mo “lafin” dan Matthieu 24:13? (Mat. 16:27; Rom. 14:10-12; 2 Cor. 5:10)
3. Lir Marc 13:3-10.
Ki lexpresion dan Marc 13:10 montre ki pres bon nouvel li enn priorite, ek kouma bann parol ki Jésus inn dir bizin ena enn lefe lor nou? (Rom. 13:11, 12; 1 Cor. 7:29-31; 2 Tim. 4:2)
Dan enn Lasam Lao
1. Parey kouma nou trouve dan zimaz, kifer Jésus ek so 12 zapot dan enn gran lasam lao?
2. Kisannla sa misie ki pe ale la, ek ki li pe al fer?
3. Ki repa spesial Jésus koumanse apre ki repa Pâque fini?
4. Ki la Pâque ti rapel bann Izraelit, ek ki sa repa spesial la rapel bann disip Jésus?
5. Apre Repa Nou Segner, ki Jésus dir so bann disip, ek ki zot fer?
Bann kestion anplis:
1. Lir Matthieu 26:14-30.
(a) Kouma eski Matthieu 26:15 montre ki kan Judas ti trayir Jésus se enn kitsoz ki li ti fini kalkile depi avan?
(b) Kan Jésus ti vers so disan, sa ti servi pou ki de kitsoz? (Mat. 26:27, 28; Jér. 31:31-33; Éph. 1:7; Héb. 9:19, 20)
2. Lir Luc 22:1-39.
Dan ki sans Satan ti rant dan Judas? (Luc 22:3; Jean 13:2; Actes 1:24, 25)
3. Lir Jean 13:1-20.
(a) Dapre seki nou lir dan Jean 13:2, eski kapav blam Judas pou seki li’nn fer, ek ki leson bann serviter Bondie kapav aprann ar sa? (Gen. 4:7; 2 Cor. 2:11; Gal. 6:1; Jacq. 1:13, 14)
(b) Ki leson extraordiner Jésus aprann nou? (Jean 13:15; Mat. 23:11; 1 Pierre 2:21)
4. Lir Jean 17:1-26.
Dan ki sans Jésus ti priye pou ki so bann disip “vinn enn sel”? (Jean 17:11, 21-23; Rom. 13:8; 14:19; Col. 3:14)
Jésus dan Zardin
1. Kotsa Jésus ek so bann zapot ale apre ki zot kit sa lasam lao la, ek ki li dir zot fer?
2. Ki Jésus trouve kan li retourn dan plas kot bann zapot ti ete, ek komie fwa sa inn arive?
3. Kisannla rant dan zardin, ek parey kouma zimaz montre nou, ki Judas Iscariote fer?
4. Kifer Judas anbras Jésus, ek ki Pierre fer?
5. Ki Jésus dir Pierre, me kifer Jésus pa demann Bondie avoy ninport ki anz?
Bann kestion anplis:
1. Lir Matthieu 26:36-56.
(a) Kouma fason ki Jésus ti konsey so bann disip enn bon lexanp pou bann ansien dan nou lepok? (Mat. 20:25-28; 26:40, 41; Gal. 5:17; Éph. 4:29, 31, 32)
(b) Kouma eski Jésus konsider servi bann zarm kont lezot dimounn? (Mat. 26:52; Luc 6:27, 28; Jean 18:36)
2. Lir Luc 22:39-53.
Kan enn anz ti aparet ar Jésus dan zardin Gethsémané pou fortifie li, eski sa ti montre ki Jésus so lafwa ti afebli? Explike. (Luc 22:41-43; Is. 49:8; Mat. 4:10, 11; Héb. 5:7)
3. Lir Jean 18:1-12.
Kouma eski Jésus ti protez so bann disip kont so bann adverser, ek ki nou kapav aprann ar so lexanp? (Jean 10:11, 12; 18:1, 6-9; Héb. 13:6; Jacq. 2:25)
Bannla Touy Jésus
1. Kisannla an premie responsab lamor Jésus?
2. Ki bann zapot fer kan amenn Jésus devan bann sef relizie?
3. Ki arive dan lakaz Caïphe, gran pret?
4. Kifer Pierre ale ek plore?
5. Apre ki Jésus retourn kot Pilate, ki bann sef parmi bann pret kriye?
6. Ki ariv Jésus dan koumansman lapremidi vandredi, ek ki li promet sa bandi ki ti pandi akote li la?
7. Kotsa sa Paradi ki Jésus ti pe koze la trouve?
Bann kestion anplis:
1. Lir Matthieu 26:57-75.
Dan ki fason bann manb gran lakour Zwif ti montre ki zot leker move? (Mat. 26:59, 67, 68)
2. Lir Matthieu 27:1-50.
Kifer nou kapav dir ki bann remor ki Judas ti ena pa ti sinser? (Mat. 27:3, 4; Marc 3:29; 14:21; 2 Cor. 7:10, 11)
3. Lir Luc 22:54-71.
Pierre ti renie Jésus sa swar kot ti livre li ek aret li la. Ki leson nou kapav aprann ar sa? (Luc 22:60-62; Mat. 26:31-35; 1 Cor. 10:12)
4. Lir Luc 23:1-49.
Kouma Jésus ti reazir ar linzistis ki bannla inn fer li, ek ki leson nou kapav aprann ar sa? (Luc 23:33, 34; Rom. 12:17-19; 1 Pierre 2:23)
5. Lir Jean 18:12-40.
Pandan enn moman Pierre pa ti pe fer nanye parski li ti ena lakrint pou bann zom, me apre li ti repran limem ek ti vinn enn bon zapot. Ki sa aprann nou? (Jean 18:25-27; 1 Cor. 4:2; 1 Pierre 3:14, 15; 5:8, 9)
6. Lir Jean 19:1-30.
(a) Kouma Jésus ti ena enn fason panse ekilibre lor bann kitsoz materyel? (Jean 2:1, 2, 9, 10; 19:23, 24; Mat. 6:31, 32; 8:20)
(b) Kouma bann parol ki Jésus ti dir avan ki li mor montre ki li ti soutenir drwa ki Jéhovah ena pou dirize? (Jean 16:33; 19:30; 2 Pierre 3:14; 1 Jean 5:4)
Jésus Vivan
1. Dapre sa zimaz-la, kisannla sa madam-la, sa de misie-la, ek kotsa zot ete?
2. Kifer Pilate dir bann pret avoy bann solda pou vey tom Jésus?
3. Ki enn anz fer boner trwaziem zour apre ki Jésus inn mor, me ki bann pret fer?
4. Kifer sertin madam ti gagn sok kan zot ti vizit tom Jésus?
5. Kifer Pierre ek Jean galoupe pou al kot tom Jésus, ek ki zot trouve?
6. Ki ariv lekor Jésus, me ki li fer pou montre so bann zapot ki li vivan?
Bann kestion anplis:
1. Lir Matthieu 27:62-66 ek 28:1-15.
Dan lepok kot Jésus ti resisite, kouma bann sef parmi bann pret, bann Pharisien ek bann ansien ti pese kont lespri sin? (Mat. 12:24, 31, 32; 28:11-15)
2. Lir Luc 24:1-12.
Kouma zistwar lor rezireksion Jésus montre ki Jéhovah konsider bann madam kouma bann temwin lor ki nou kapav konte? (Luc 24:4, 9, 10; Mat. 28:1-7)
3. Lir Jean 20:1-12.
Kouma Jean 20:8, 9 ed nou pou konpran linportans pou ena pasians si nou pa konpran net kouma enn profesi Labib akonpli? (Prov. 4:18; Mat. 17:22, 23; Luc 24:5-8; Jean 16:12)
Jésus Aparet
1. Ki Marie dir ar enn misie, ki dapre li enn zardinie, me ki fer li realize ki se vremem Jésus?
2. Ki ariv sa de disip ki pe marse pou al dan vilaz Emmaüs la?
3. Ki kitsoz extraordiner arive kan de disip dir bann zapot ki zot finn trouv Jésus?
4. Komie fwa Jésus aparet ar so bann zapot?
5. Ki Thomas dir kan li tande ki bann disip inn trouv Lesegner, me ki arive wit zour apre?
Bann kestion anplis:
1. Lir Jean 20:11-29.
Dapre seki Jésus ti dir dan Jean 20:23, eski li ti pe rod dir ki bann imin ena lotorizasion pou pardonn bann pese? Explike. (Ps. 49:2, 7; Is. 55:7; 1 Tim. 2:5, 6; 1 Jean 2:1, 2)
2. Lir Luc 24:13-43.
Kouma eski nou kapav prepar nou leker pou ki li aksepte bann verite Biblik? (Luc 24:32, 33; Ezra 7:10; Mat. 5:3; Actes 16:14; Héb. 5:11-14)
Jésus Retourn dan Lesiel
1. Dan enn lokazion komie disip trouv Jésus, ek lor ki kitsoz li koz ar zot?
2. Ki ete Rwayom Bondie, ek kouma lavi pou ete lor later kan Jésus pou regne pandan mil an?
3. Pandan komie zour Jésus inn aparet ar so bann disip, me asterla ki’nn ariv ler pou li fer?
4. Zis avan li kit so bann disip, ki Jésus dir zot fer?
5. Ki pe arive lor sa zimaz-la, ek ki’nn arive ki sa bann disip-la nepli trouv Jésus?
Bann kestion anplis:
1. Lir 1 Corinthiens 15:3-8.
Kifer lapot Paul ti kapav koz konsernan rezireksion Jésus avek konviksion, ek konsernan ki kitsoz bann Kretien kapav koz avek konviksion zordi? (1 Cor. 15:4, 7, 8; Is. 2:2, 3; Mat. 24:14; 2 Tim. 3:1-5)
2. Lir Actes 1:1-11.
Parey kouma ti predir dan Actes 1:8, ziska ki pwin travay predikasion inn fane partou? (Actes 6:7; 9:31; 11:19-21; Col. 1:23)
Zot Pe Atann dan Jérusalem
1. Parey kouma zimaz montre nou, ki pe ariv bann disip Jésus ki pe atann dan Jérusalem?
2. Ki sirpriz bann dimounn ki pas Jérusalem gagne?
3. Ki kitsoz Pierre explik bann dimounn?
4. Ki santiman bann dimounn ena apre ki zot ekout Pierre, ek ki li dir zot fer?
5. Komie dimounn pran batem zour Pentecôte 33 N.L.?
Bann kestion anplis:
1. Lir Actes 2:1-47.
(a) Kouma eski bann parol ki Pierre dir dan Actes 2:23, 36 montre ki se nasion Zwif an-antie ki responsab lamor Jésus? (1 Thess. 2:14, 15)
(b) Kouma eski Pierre inn kit enn bon lexanp pou fer bann dimounn rezone apartir bann Lekritir? (Actes 2:16, 17, 29, 31, 36, 39; Col. 4:6)
(c) Jésus ti promet pou donn Pierre “bann lakle rwayom ki dan lesiel,” kouma eski Pierre ti servi premie “lakle[-la]”? (Actes 2:14, 22-24, 37, 38; Mat. 16:19)
Libere par enn Anz dan Prizon
1. Enn tanto ki ariv Pierre ek Jean kan zot pe al dan tanp?
2. Ki Pierre dir ar enn misie ki andikape, ek ki Pierre donn li ki ena plis valer ki kas?
3. Kifer bann sef relizie ankoler, ek ki zot fer avek Pierre ek Jean?
4. Ki Pierre dir bann sef relizie, ek ki lavertisman bann zapot gagne?
5. Kifer bann sef relizie zalou, me ki arive kan met bann zapot dan prizon pou enn deziem fwa?
6. Kouma bann zapot reponn kan amenn zot dan lasal Sanhédrin?
Bann kestion anplis:
1. Lir Actes 3:1-10.
Mem si zordi nou pena pouvwar pou fer bann mirak, kouma bann parol ki Pierre inn dir dan Actes 3:6 ed nou pou apresie valer ki mesaz Rwayom Bondie ena? (Jean 17:3; 2 Cor. 5:18-20; Phil. 3:8)
2. Lir Actes 4:1-31.
Kan nou ena pou fer fas ar lopozision dan nou minister, dan ki fason nou bizin imit nou bann frer dan premie siek? (Actes 4:29, 31; Éph. 6:18-20; 1 Thess. 2:2)
3. Lir Actes 5:17-42.
Parey kouma dan lepase ek azordi, kouma sertin dimounn ki pa Temwin montre ki zot rezonab konsernan travay predikasion? (Actes 5:34-39)
Étienne Mor
1. Kisannla Étienne, ek ki Bondie inn ed li fer?
2. Ki kitsoz Étienne dir ki fer bann sef relizie bien ankoler?
3. Kan bann zom trenn Étienne andeor lavil, ki zot fer ar li?
4. Dapre zimaz, kisannla sa zenn misie ki pe debout akote bann manto la?
5. Avan li mor, pou ki kitsoz Étienne priye Jéhovah?
6. Parey kouma Étienne, ki nou bizin fer kan enn dimounn fer nou enn move kitsoz?
Bann kestion anplis:
1. Lir Actes 6:8-15.
Ki taktik pou anbet dimounn bann sef relizie inn servi pou esey aret travay predikasion bann Temwin Jéhovah? (Actes 6:9, 11, 13)
2. Lir Actes 7:1-60.
(a) Ki finn ed Étienne pou ki li kapav bien defann bon nouvel devan Sanhédrin, ek ki nou kapav aprann ar so lexanp? (Actes 7:51-53; Rom. 15:4; 2 Tim. 3:14-17; 1 Pierre 3:15)
(b) Ki latitid nou bizin kiltive anver bann ki opoze ar nou travay? (Actes 7:58-60; Mat. 5:44; Luc 23:33, 34)
Lor Larout pou Al Damas
1. Ki Saul fer apre ki’nn touy Étienne?
2. Kan Saul lor larout pou al Damas, ki kitsoz extraordiner arive?
3. Ki Jésus dir Saul fer?
4. Ki linstriksion Jésus donn Ananias, ek kouma Saul reisi retrouv kler?
5. Kouma ti apel Saul, ek kouma Jésus servi Saul?
Bann kestion anplis:
1. Lir Actes 8:1-4.
Kouma eski sa kanpagn pou persekit kongregasion ki ti fek forme la servi pou ki lafwa bann Kretien fane partou, ek ki kitsoz parey finn arive dan nou lepok? (Actes 8:4; Is. 54:17)
2. Lir Actes 9:1-20.
Ki sa trwa mision ki Jésus inn donn Saul la? (Actes 9:15; 13:5; 26:1; 27:24; Rom. 11:13)
3. Lir Actes 22:6-16.
Kouma nou kapav imit Ananias, ek kifer sa li inportan? (Actes 22:12; 1 Tim. 3:7; 1 Pierre 1:14-16; 2:12)
4. Lir Actes 26:8-20.
Kouma kan Saul inn konverti pou vinn enn Kretien, sa enn lexanp pou bann frer ek ser ki zot konzwin pa dan laverite azordi? (Actes 26:11; 1 Tim. 1:14-16; 2 Tim. 4:2; 1 Pierre 3:1-3)
Pierre Vizit Corneille
1. Kisannla sa misie ki pe azenou lor sa zimaz-la?
2. Ki enn anz dir Corneille?
3. Ki kitsoz Bondie fer Pierre trouve kan li ti lor lakaz Simon dan Joppé?
4. Kifer Pierre dir Corneille ki li pa bizin azenou ek ador li?
5. Kifer bann disip Zwif ki avek Pierre etone?
6. Ki leson inportan nou bizin aprann ar vizit ki Pierre inn rann Corneille?
Bann kestion anplis:
1. Lir Actes 10:1-48.
Ki bann parol ki Pierre inn dir dan Actes 10:42 montre konsernan travay pou pres bon nouvel lor Rwayom Bondie? (Mat. 28:19; Marc 13:10; Actes 1:8)
2. Lir Actes 11:1-18.
Ki latitid Pierre ti ena kan direksion ki Jéhovah ti done konsernan bann non-Zwif ti vinn kler, ek kouma nou kapav imit so lexanp? (Actes 11:17, 18; 2 Cor. 10:5; Éph. 5:17)
Timothée—Nouvo Konpagnon Paul
1. Kisannla sa zenn misie lor zimaz la, kotsa li reste, ek kouma so mama ek so granmer apele?
2. Kan Paul ti invit Timothée pou vinn ansam avek li ek Silas pou al pres avek bann dimounn ki res bien lwin, ki Timothée ti dir li?
3. Kotsa pou premie fwa ti apel bann disip Jésus bann Kretien?
4. Apre ki Paul, Silas ek Timothée kit Lystres, sit sertin lavil ki zot ti al vizite.
5. Kouma eski Timothée ed Paul, ek ki kestion bann zenn zordi bizin demann zotmem?
Bann kestion anplis:
1. Lir Actes 9:19-30.
Kouma eski lapot Paul ti montre li pridan kan li ti bizin fer fas ar lopozision konsernan bon nouvel? (Actes 9:22-25, 29, 30; Mat. 10:16)
2. Lir Actes 11:19-26.
Kouma eski levennman ki ena dan Actes 11:19-21, 26 montre ki lespri Jéhovah pe gid ek diriz travay predikasion?
3. Lir Actes 13:13-16, 42-52.
Kouma eski Actes 13:51, 52 montre ki bann disip pa ti les lopozision dekouraz zot? (Mat. 10:14; Actes 18:6; 1 Pierre 4:14)
4. Lir Actes 14:1-6, 19-28.
Kouma sa lexpresion “zot ti konfie bannla dan lame Jéhovah” la ed nou pou pa trakase plis ki bizin kan nou ed bann nouvo? (Actes 14:21-23; 20:32; Jean 6:44)
5. Lir Actes 16:1-5.
Kouma kan Timothée inn aksepte pou sirkonsi montre linportans pou fer “tou kitsoz akoz bon nouvel”? (Actes 16:3; 1 Cor. 9:23; 1 Thess. 2:8)
6. Lir Actes 18:1-11, 18-22.
Ki Actes 18:9, 10 montre nou lor fason ki Jésus ti inplik li personelman pou diriz travay predikasion, ek ki lasirans sa donn nou zordi? (Mat. 28:20)
Enn Garson Gagn Somey
1. Dan zimaz, kisannla sa garson ki pe alonze anba la, ek ki’nn ariv li?
2. Ki Paul fer kan li trouve ki sa garson-la inn mor?
3. Kotsa Paul, Timothée, ek bann ki vwayaz ar zot pe ale, ek ki arive kan zot aret Milet?
4. Ki lavertisman profet Agabus donn Paul, ek kouma seki sa profet-la dir vinn vre?
Bann kestion anplis:
1. Lir Actes 20:7-38.
(a) Kouma nou kapav “pena disan personn lor [nou] latet” dapre seki Paul inn dir dan Actes 20:26, 27? (Ézék. 33:8; Actes 18:6, 7)
(b) Kifer bann ansien bizin “res bien atase ar parol ki fidel” kan zot pe ansegne? (Actes 20:17, 29, 30; Tite 1:7-9; 2 Tim. 1:13)
2. Lir Actes 26:24-32.
Paul ti enn sitwayen Romin, kouma li’nn servi sa pou akonpli mision ki Jésus inn donn li pou prese? (Actes 9:15; 16:37, 38; 25:11, 12; 26:32; Luc 21:12, 13)
Nofraz lor enn Lil
1. Ki ariv bato lor ki Paul ti pe vwayaze kan li pe pas pre ar lil Crète?
2. Ki Paul dir ar bann ki lor bato?
3. Kouma bato-la kase bout-bout?
4. Ki linstriksion enn ofisie larme ki an sarz inn done, ek komie dimounn ariv lor bor lamer an sekirite?
5. Lor ki lil zot arive, ek ki ariv Paul kan letan vinn pli bon?
Bann kestion anplis:
1. Lir Actes 27:1-44.
Kan nou lir konsernan vwayaz ki Paul inn fer pou al Rome, kouma sa fortifie konfians ki nou ena ki Labib li exakt? (Actes 27:16-19, 27-32; Luc 1:3; 2 Tim. 3:16, 17)
2. Lir Actes 28:1-14.
Si bann abitan Malte, ki ti bann payin, ti santi zot pouse pou pran kont lapot Paul ek so bann konpagnon ki’nn fer nofraz avek “enn bonte natirel extraordiner,” ki bann Kretien bizin santi zot pouse pou fer ek sirtou dan ki fason? (Actes 28:1, 2; Héb. 13:1, 2; 1 Pierre 4:9)
Paul dan Rome
1. Ar kisannla Paul prese kan li enn prizonie dan Rome?
2. Dan zimaz, kisannla sa viziter ki kot latab la, ek ki li pe fer pou Paul?
3. Kisannla Épaphrodite, ek ki li pran avek li kan li pe retourn Philippes?
4. Kifer Paul pe ekrir enn let pou so bon kamarad Philémon?
5. Ki Paul fer kan li sorti dan prizon, ek ki ariv li plitar?
6. Kisannla Jéhovah servi pou ekrir bann dernie liv Labib, ek lor ki kitsoz liv Révélation koze?
Bann kestion anplis:
1. Lir Actes 28:16-31 ek Philippiens 1:13.
Kouma Paul servi so letan kan li dan prizon dan Rome, ek ki lefe so lafwa bien solid finn ena lor bann Kretien dan kongregasion? (Actes 28:23, 30; Phil. 1:14)
2. Lir Philippiens 2:19-30.
Ki Paul inn dir pou montre ki li apresie Timothée ek Épaphrodite, ek kouma nou kapav imit so lexanp? (Phil. 2:20, 22, 25, 29, 30; 1 Cor. 16:18; 1 Thess. 5:12, 13)
3. Lir Philémon 1-25.
(a) Paul inn baz li lor ki kitsoz pou ankouraz Philémon fer seki bon, ek kouma sa enn lexanp pou bann ansien zordi? (Philém. 9; 2 Cor. 8:8; Gal. 5:13)
(b) Kouma lexpresion ki Paul servi dan Philémon 13, 14 montre ki li ti respekte konsians lezot dan kongregasion? (1 Cor. 8:7, 13; 10:31-33)
4. Lir 2 Timothée 4:7-9.
Parey kouma lapot Paul, kouma nou kapav ena lasirans ki Jéhovah pou rekonpans nou si nou res fidel ziska lafin? (Mat. 24:13; Héb. 6:10)
Lafin Tou Seki Move
1. Kifer Labib koz lor bann seval dan lesiel?
2. Ki nom sa lager ki Bondie pou fer ar bann move dimounn ki lor later la, ek ki lobzektif sa lager-la?
3. Dapre zimaz, kisannla pou pran latet dan sa lager-la, kifer li met enn kouronn, ek ki so lepe reprezante?
4. Kan nou reget Zistwar 10, 15, ek 33, kifer fode pa sa sok nou ki Bondie pou detrir bann move dimounn?
5. Kouma Zistwar 36 ek 76 montre nou ki Bondie pou detrir bann move dimounn mem si zot dir ki zot pe swadizan ador Li?
Bann kestion anplis:
1. Lir Révélation 19:11-16.
(a) Kouma bann Lekritir montre nou dan enn fason kler ki se Jésus Christ sa kikenn ki pe mont sa seval blan la? (Rév. 1:5; 3:14; 19:11; Is. 11:4)
(b) Kouma sa disan ki’nn fane lor linz ki Jésus met lao la konfirme ki so viktwar sir ek konple? (Rév. 14:18-20; 19:13)
(c) Kisannla pou form parti bann larme ki swiv Jésus lor so seval blan? (Rév. 12:7; 19:14; Mat. 25:31, 32)
Enn Nouvo Paradi lor Later
1. Dapre Labib dan ki kondision nou pou viv dan Paradi ki pou ena lor later?
2. Ki Labib promet pou bann ki pou viv dan Paradi?
3. Kan Jésus pou fer sir ki sa zoli sanzman-la arive?
4. Kan Jésus ti lor later, ki li ti fer pou montre seki li pou fer dan Rwayom Bondie antan ki Lerwa?
5. Ki Jésus ek bann ki pou diriz avek li dan lesiel pou fer sir kan zot pou dirize lor later?
Bann kestion anplis:
1. Lir Révélation 5:9, 10.
Kifer nou kapav ena lasirans ki bann ki pou diriz later pandan mil an pou bann lerwa ek bann pret ki ena konpasion ek mizerikord? (Éph. 4:20-24; 1 Pierre 1:7; 3:8; 5:6-10)
2. Lir Révélation 14:1-3.
Bann 144,000 ena nom Bondie ek nom Lagno ekrir lor zot fron, ki so sinifikasion? (1 Cor. 3:23; 2 Tim. 2:19; Rév. 3:12)
Kouma Nou Kapav Viv pou Touletan
1. Ki nou bizin kone si nou anvi viv pou touletan?
2. Parey kouma sa tifi-la ek so bann kamarad pe fer dan zimaz, kouma nou kapav aprann lor Jéhovah ek Jésus?
3. Ki lot liv to trouve dan sa zimaz-la, ek kifer nou bizin lir li souvan?
4. Apart aprann konn Jéhovah ek Jésus, ki kitsoz nou bizin fer ankor pou nou gagn lavi pou touletan?
5. Ki leson nou aprann ar Zistwar 69?
6. Ki bon lexanp ki ti Samuel inn lese dan Zistwar 55 montre?
7. Kouma nou kapav imit lexanp Jésus Christ, ek si nou fer sa, ki nou pou kapav fer dan lavenir?
Bann kestion anplis:
1. Lir Jean 17:3.
Kouma bann Lekritir montre ki aprann konn Jéhovah ek Jésus, vedir plis ki zis aprann bann kitsoz par-ker? (Mat. 7:21; Jacq. 2:18-20; 1 Jean 2:17)
2. Lir Psaume 145:1-21.
(a) Ki sertin bon rezon nou ena pou loue Jéhovah? (Ps. 145:8-11; Rév. 4:11)
(b) Kouma Jéhovah “bon ar tou dimounn,” ek kouma sa bizin fer nou vinn pli pros ar Li? (Ps. 145:9; Mat. 5:43-45)
(c) Si Jéhovah ena enn plas dan nou leker, sa pou pous nou pou fer ki kitsoz? (Ps. 119:171, 172, 175; 145:11, 12, 21)
