Ehipululo 1

1. Opi kuatuka ovipuka aviho oviwa? Ove upondola okupopiapo ongeleka imue?

2. Oityi Huku atetekela okulinga?

3. Omokonda yatyi oandyu yotete yakolela?

4. Hangununa oñgeni oohi yali ponthyimbi. (Tala polutalatu.)

5. Oñgeni Huku apongiya oohi opo mukale ovinyama novanthu?

Omapulo omakuavo:

1. Tanga Jeremias 10:12.

   Ovituwa patyi via Huku vimonekela kovipuka alinga? (Isa. 40:26; Rom. 11:33)

2. Tanga Colossenses 1:15-17.

   Yesu walinga otyilinga patyi pokutungwa kuovipuka aviho? Otyo tyitulongesa tyi kombinga yae? (Col. 1:15-17)

3. Tanga Gênesis 1:1-10.

   1. Olie walinga oohi? (Gên. 1:1)

   2. Oityi Huku atunga monthiki yotete? (Gên. 1:3-5)

   3. Hangununa oityi Huku atunga monthiki yavali. (Gên. 1:7, 8)

Ehipululo 2

1. Oñgeni Huku apongiya oohi opo ikale eumbo lietu?

2. Hangununa omihoko ominyingi viovinyama Huku alinga. (Tala polutalatu.)

3. Omokonda yatyi otyikunino tyo Endene ankho omphangu yakolela?

4. Huku wahandele oohi aiho ikale ñgeni?

Omapulo omakuavo:

1. Tanga Gênesis 1:11-25.

   1. Oityi Huku alinga monthiki ya tatu? (Gên. 1:12)

   2. Oityi Huku alinga monthiki ya kuana? (Gên. 1:16)

   3. Ovinyama patyi Huku alinga monthiki ya tano no yapandu? (Gên. 1:20, 21, 25)

2. Tanga Gênesis 2:8, 9.

   Omiti patyi vivali viakolela Huku apakele motyikunino? Iya ankho vilekesa tyi?

Ehipululo 3

1. Oñgeni olutalatu Luehipululo lia 3, luelikalela nolutalatu Luehipululo lia 2?

2. Olie walinga omulume wotete? Iya ankho enyina liomulume oo olie?

3. Ovilinga patyi Huku aavelele Andau?

4. Omokonda yatyi Huku alalesile Andau otumphoki otunene?

5. Andau na Eva ankho valingwa opo vakale nomuenyo omanima eñgapi? Iya Yehova wahandele Andau na Eva valinge ovilinga patyi?

Omapulo omakuavo:

1. Tanga Salmo 83:18.

   Enyina lia Huku olie? Omphangu patyi ena kombanda yoohi? (Jer. 16:21; Dan. 4:17)

2. Tanga Gênesis 1:26-31.

   1. Oityi Huku amanuhula okulinga monthiki ya pandu? Oñgeni otyo ankho tyelikalela novinyama? (Gên. 1:26)

   2. Oityi Yehova apongiya pala ovanthu no vinyama? (Gên. 1:30)

3. Tanga Gênesis 2:7-25.

   1. Oityi Andau ankho ena okulinga opo aluke ovinyama? (Gên. 2:19)

   2. Oñgeni Genesis 2:24 itukuatesako okunoñgonoka olusoke lua Huku kombinga yotyinepo, nokuliyapuka no kulihenga? (Gên. 2:24; Mat. 19:4-6, 9)

Ehipululo 4

1. Oityi tyikahi nokupita na Andau na Eva polutalatu apa?

2. Omokonda yatyi Yehova ahitisila Andau na Eva?

3. Oityi onyoka yapopila Eva?

4. Olie waundapesa onyoka opo ipopie na Eva?

5. Omokonda yatyi Andau na Eva vatelwa mopalaisu?

Omapulo omakuavo:

1. Tanga Gênesis 2:16, 17 no 3:1-13, 24.

   1. Oñgeni epulo onyoka yangila Eva, liaundula Yehova? (Gên. 3:1-5; 1 João 5:3)

   2. Oñgeni ongeleka ya Eva itulondola? (Fil. 4:8; Tia. 1:14, 15; 1 João 2:16)

   3. Omonkhalelo patyi Andau na Eva vaponya okutavela onkhali valinga? (Gên. 3:12, 13)

   4. Omokonda yatyi Yehova apakelele ono kerubin koutundilo wotyikunino tyo Endene? (Gên. 3:24)

2. Tanga Revelação 12:9.

   Okuti Satanasi ukahi nokutyivila okuyapula ovanthu opo vehetavele ketumino lia Huku? (1 João 5:19)

Ehipululo 5

1. Onkhalelo yomuenyo wa Andau na Eva ankho ikahi ñgeni kondye yotyikunino tyo Endene?

2. Oityi tyahimbika okupita na Andau na Eva? Omokonda yatyi?

3. Omokonda yatyi ovana va Andau na Eva vakulupila nokunkhia?

4. Inkha Andau na Eva vetavelele ku Yehova, omuenyo wavo no wovana vavo ñgeno wakala ñgeni?

5. Eva ketavelele ku Huku. Oñgeni otyo tyemuetela onongembia?

6. Ovana vevali votete va Andau na Eva ankho vatiwa ovalie?

7. Ovana ovakuavo polutalatu apa ovalie?

Omapulo omakuavo:

1. Tanga 3:16-23 no 4:1,2.

   1. Oñgeni ehingano lioohi liaetela Andau ovitateka? (Gên. 3:17-19; Rom. 8:20, 22)

   2. Enyina lia Eva lihangununa okuti o ina “Yaveho vena Omuenyo.” Omokonda yatyi ankho liemutokala?

   3. Oñgeni Yehova alekesa esuko na Andau na Eva, namphila ankho valinga onkhali? (Gên. 3:7, 21)

2. Tanga Revelação 21:3, 4.

   Ovipuka patyi ukevelela vinyimueko?

Ehipululo 6

1. Kaim na Abel ankho valinga ovilinga patyi?

2. Oviawa patyi Kaim na Abel valingila Yehova?

3. Omokonda yatyi Yehova apandulila otyiawa tya Abel? Omokonda yatyi ayalela otyiawa tya Kaim?

4. Kaim ankho watuwa ñgeni? Iya oñgeni Yehova ahandele okumuviyula?

5. Oityi Kaim alinga etyi ankho ekahi kepia nondenge yae?

6. Hangununa etyi tyapita na Kaim puetyi aipaa ondenge yae.

Omapulo omakuavo:

1. Tanga Gênesis 4:2-26.

   1. Oñgeni Yehova alekesa onkhalelo ombi ya Kaim? (Gên. 4:7)

   2. Oñgeni Kaim alekesa onkhalelo yomutima wae? (Gên. 4:9)

   3. Okuipaa omunthu Yehova utyitala ñgeni? (Gên. 4:10; Isa. 26:21)

2. Tanga 1 João 3:11, 12.

   1. Oityi tyanumanesile Kaim? Otyo tyitulongesa tyi hono? (Gên. 4:4, 5; Pro. 14:30; 28:22)

   2. Oñgeni Ombimbiliya ilekesa okuti no putyina ombunga yetu aiho iyele Yehova, onthue tupondola okutualako nekolelo lietu? (Sal. 27:10; Mat. 10:21, 22)

3. Tanga João 11:25.

   Oityi Yehova alaa kombinga yovanthu aveho vokuankhia mokonda youviuki? (João 5:24)

Ehipululo 7

1. Enoke ankho welikalela mokonda yatyi?

2. Omokonda yatyi ovanthu pononthiki mba Enoke ankho valingila ovipuka ovivi unene?

3. Ovipuka patyi ovivi ovanthu ankho valinga? (Tala polutalatu.)

4. Omokonda yatyi Enoke ankho esukisila okukala nomutima wakola?

5. Kohale ankho ovanthu vakala nomuenyo omanima eñgapi? Mahi Enoke wakaleleko omanima eñgapi?

6. Oityi tyapita konyima yononkhia mba Enoke?

Omapulo omakuavo:

1. Tanga Gênesis 5:21-24, 27.

   1. Oupanga patyi Enoke ali nao na Yehova? (Gên. 5:24)

   2. Ngetyi tyapopia Ombimbiliya, omulume patyi wakalele kombanda yoohi omanima omanyingi? Ankho una omanima eñgapi puetyi ankhia? (Gên. 5:27)

2. Tanga Gênesis 6:5.

   Oñgeni ouye weya okukala omapita konyima yononkhia mba Enoke? Oñgeni otyo tyelifwa nouye wononthiki mbetu? (2 Tim. 3:13)

3. Tanga Hebreus 11:5.

   Otyituwa patyi tya Enoke “Huku apanda nawa?” Ondyambi patyi apewa? (Gên. 5:22)

4. Tanga Judas 14, 15.

   Oñgeni ova Kristau hono vahetekela ondundo ya Enoke, pokulondola ovanthu kombinga yovita vio Armagedon? (2 Tim. 4:2; Heb. 13:6)

Ehipululo 8

1. Oityi tyapitapo puetyi onoandyu mba Huku mbetavela ku Satanasi?

2. Omokonda yatyi onoandyu mbumue mbayekelepo ovilinga viambo keulu, ambuiya pano pohi?

3. Omokonda yatyi ankho tyapenga onoandyu okuiya pano pohi?

4. Oityi ankho tyelikalela kovana vonoandyu?

5. Tala polutalatu apa. Etyi ovana vonoandyu vakala omakihi ankho valinga tyi?

6. Konyima ya Enoke, omulume patyi ondalawa wakaleleko? Ankho Huku umuhole mokonda yatyi?

Omapulo omakuavo:

1. Tanga Gênesis 6:1-8.

   Oñgeni Gênesis 6:6 ilekesa okuti ovituwa vietu vipondola okunumanesa Huku, ine okumuhambukiswa? (Sal. 78:40, 41; Pro. 27:11)

2. Tanga Judas 6.

   Onoandyu mbumue kononthiki mba Noe, “kambayungile onomphangu mbavo mbotete.” Otyo tyituavela elondolo patyi hono? (1 Cor. 3:5-9; 2 Ped. 2:4, 9, 10)

Ehipululo 9

1. Ombunga ya Noe ankho veñgapi? Iya ovana vae vetatu omanyina avo ankho ovalie?

2. Huku watumine Noe alinge otyipuka patyi? Omokonda yatyi?

3. Etyi Noe apopila ovomunthele yae kombinga yowato, vakumbululile ñgeni?

4. Huku watumine Noe alinge tyi ovinyama?

5. Etyi Huku aika epito liowato, oityi Noe nombunga yae ankho vena yokulinga?

Omapulo omakuavo:

1. Tanga Gênesis 6:9-22.

   1. Oityi tyakalesile Noe omufendeli omunene wa Huku yotyotyili? (Gên. 6:9, 22)

   2. Oñgeni Yehova ankho eliivite kombinga youngangala? Otyo oñgeni tyitukuatesako kombinga yokuholovona ovitalukilo? (Gên. 6:11, 12; Sal. 11:5)

   3. Oñgeni tupondola okuhetekela Noe, putyina tupewa ehongolelo neongano lia Yehova? (Gên. 6:22; 1 João 5:3)

2. Tanga Gênesis 7:1-9.

   Yehova wamona okuti Noe namphila ankho ahafuilepo, mahi omuviuki. Oñgeni otyo hono tyituavela ondundo? (Gên. 7:1; Pro. 10:16; Isa. 26:7)

Ehipululo 10

1. Omokonda yatyi nawike vali wetyivilile okunyingila mowato etyi ombila yahimbika okuloka?

2. Yehova walokesa ombila oyo ovitenya viñgapi, no vinthiki viñgapi? Iya omeva aehiki alo pi?

3. Oityi tyapita nowato puetyi oohi aiho yahimbika okuyula omeva?

4. Okuti omakihi ahupile Kombila Onene? Iya oityi tyapita novohe yomakihi?

5. Oityi tyapita nowato konyima yonohanyi ononthano?

6. Omokonda yatyi Noe alupulile ekuaila?

7. Oñgeni Noe anoñgonokele okuti omeva apwinina kombanda yoohi?

8. Oityi Huku apopila Noe nombunga yae, etyi vakala enima mowato?

Omapulo omakuavo:

1. Tanga Gênesis 7:10-24.

   1. Okuti ovipuka aviho ankho viokuna omuenyo kombanda yoohi viahanyauninueko? (Gên. 7:23)

   2. Papita ononthiki onoñgapi opo omeva Ombila Onene apwinine? (Gên. 7:24)

2. Tanga Gênesis 8:1-17.

   Oñgeni Genesis 8:17 ilekesa okuti ehando lia Yehova tunde konthyimbi kaliapilulukile? (Gên. 1:22)

3. Tanga 1 Ped. 3:19, 20.

   1. Etyi onoandyu onondingavivi mbakondoka keulu, mbapewa ekoyeso patyi? (Judas 6)

   2. Etyi tyapita na Noe nombunga yae, oñgeni tyituavela onthumbi onene yokuti Yehova upondola okuyovola ovanthu vae? (2 Ped. 2:9)

Ehipululo 11

1. Ngetyi tyilekesa olutalatu olu, oityi Noe atetekela okulinga etyi alupuka mowato?

2. Konyima Yombila Onene, oityi Huku atumine Noe nombuna yae?

3. Omulao patyi Huku alingile?

4. Putyina tumona omuvia wonkhongolo oityi tuhinangela?

Omapulo omakuavo:

1. Tanga Gênesis 8:18-22.

   1. Oñgeni tupondola okulingila Yehova otyilikutila hono? (Gên. 8:21; Heb. 13:15, 16)

   2. Oityi Yehova amona momitima viovanthu? Oñgeni otyo tyitukuatesako okukala tyalunguka? (Gên. 8:21; Mat. 15:18, 19)

2. Tanga Gênesis 9:9-17.

   1. Omphango patyi Yehova alinga novipuka aviho viokuna omuenyo? (Gên. 9:10, 11)

   2. Omphango oyo yomuvia wonkhongolo maitualako alo nalupi? (Gên. 9:16)

Ehipululo 12

1. Nirode ankho olie? Iya Huku ankho ulitehelela ñgeni kombinga ya Nirode?

2. Ngetyi tyilekesa olutalatu olu, omokonda yatyi ovanthu valingila omatisolo?

3. Omokonda yatyi ankho Yehova ahahambukilwe novilinga ovio viokutunga?

4. Oñgeni Huku atalameka ovilinga ovio viokutunga ondyuo yokuaya peulu?

5. Epundaumbo olio ankho lialukwa enyina patyi? Iya enyina olio lihangununa tyi?

6. Oityi tyapita novanthu etyi Huku ankhingilinya elaka liavo?

Omapulo omakuavo:

1. Tanga Gênesis 10:1, 8-10.

   Nirode ankho una ovituwa patyi? Otyo tyituavela elondolo patyi? (Pro. 3:31)

2. Tanga Gênesis 11:1-9.

   Omokonda yatyi ankho vatungila ondyuo yaya peulu? Ovilinga ovio ankho vina yokutalama mokonda yatyi? (Gên. 11:4; Pro. 16:18; João 5:44)

Ehipululo 13

1. Ovanthu patyi ankho vakala mepundaumbo lio Ur?

2. Omulume ou polutalatu apa olie? Watyitua pomuvo patyi? Iya ankho opi akala?

3. Huku watumine Abraiau alinge tyi?

4. Omokonda yatyi Abraiau aihanenwa okuti epanga lia Huku?

5. Abraiau waile nalie, puetyi atunda mo Ur?

6. Etyi Abraiau ehika motyilongo tyo Kanaa, oityi Huku emupopila?

7. Huku walaa okuavela tyi Abraiau, puetyi ankho ena omanima 99?

Omapulo omakuavo:

1. Tanga Gênesis 11:27-32.

   1. Abraiau ankho olie ya Lot? (Gên. 11:27)

   2. Abraiau wailukilile ko Kanaa nombunga yae. Ankho olusoke luokwiluka olwa Tera ine olwa Abraiau? Omokonda yatyi vailukilile? (Gên. 11:31; Atos 7:2-4)

2. Tanga Gênesis 12:1-7.

   Omulao patyi Yehova alinga etyi Abraiau ehika mo kanaa? (Gên. 12:7)

3. Tanga Gênesis 17:1-8, 15-17.

   1. Oñgeni enyina lia Abrau liapilululwa puetyi ankho ena omanima 99? Omokonda yatyi? (Gên. 17:5)

   2. Onkhaneno patyi ongwa Yehova alaele Sara? (Gên. 17:15, 16)

4. Tanga Gênesis 18:9-19.

   1. Mu Genesis 18:19, ovohe vapewa otyilinga patyi? (Deut. 6:6, 7; Efé. 6:4)

   2. Oityi tyapita na Sara tyilekesa okuti katupondola okuholeka otyipuka natyike komaiho a Yehova? (Gên. 18:12, 15; Sal. 44:21)

Ehipululo 14

1. Omulao patyi Huku alinga Abraiau? Iya oñgeni Huku afuisapo omulao oo?

2. Ngetyi olutalatu olu lulekesa, oñgeni Huku aheteka ekolelo lia Abraiau?

3. Oityi Abraiau alinga, namphila ahanoñgonokele omokonda yatyi Huku emutumina okuipaa omona wae?

4. Etyi Abraiau apola onkhiki opo aipae omona wae, oityi tyapitapo?

5. Oityi tyilekesa okuti Abraiau ankho una ekolelo enene mu Huku?

6. Oityi Huku apongiya opo Abraiau alinge otyilikutila tyae? Oñgeni Huku etyilinga?

Omapulo omakuavo:

1. Tanga Gênesis 21:1-7.

   Omokonda yatyi Abraiau apitisila omona wae ekuendye puetyi ankho ena vala ononthiki etyinana? (Gên. 17:10-12; 21:4)

2. Tanga Gênesis 22:1-18.

   Oñgeni Isake alekesa okuti utavela ku tate yae Abraiau? Iya otyo ankho tyalekesa otyipuka patyi otyinene ankho matyikapita komutue? (Gên. 22:7-9; 1 Cor. 5:7; Fil. 2:8, 9)

Ehipululo 15

1. Omokonda yatyi Abraiau na Lot veliyapukila?

2. Omokonda yatyi Lot aholovonena okukala mo Sodoma?

3. Ovanthu vomo Sodoma ankho vatuwa ñgeni?

4. Elondolo patyi onoandyu mbaavela Lot?

5. Omokonda yatyi omukai wa Lot akalela otyimbumba tyomongwa?

6. Oityi tupondola okulilongesila kuetyi tyapita nomukai wa Lot?

Omapulo omakuavo:

1. Tanga Gênesis 13:5-13.

   Oityi ongeleka ya Abraiau itulongesa kombinga yokutetulula ovitateka pokati ketu? (Gên. 13:8, 9; Rom. 12:10; Fil. 2:3, 4)

2. Tanga Gênesis 18:20-33.

   Oñgeni etompho lia Yehova na Abraiau, lituavela onthumbi yokuti Yehova na Yesu mavakakoyesa nouviuki? (Gên. 18:25, 26; Mat. 25:31-33)

3. Tanga Gênesis 19:1-29.

   1. Ngetyi Ombimbiliya ipopia, omulume okulala nomulume mukuavo Huku utyitala ñgeni? (Gên. 19:5, 13; Lev. 20:13)

   2. Oñgeni onkhalelo ya Lot yelikalela no ya Abraiau, kombinga yokutavela ehongolelo lia Huku? Iya otyo tyitulongesa tyi? (Gên. 19:15, 16, 19, 20; 22:3)

4. Tanga Lucas 17:28-32.

   Omukai wa Lot ankho una olusoke patyi kombinda yomalumono? Iya elondolo patyi otyo tyituavela? (Luc. 12:15; 17:31, 32; Mat. 6:19-21, 25)

5. Tanga 2 Pedro 2:6-8.

   Okuhetekela Lot otyituwa patyi tuesukisa okukala natyo, kombinga youye ou omuvi? (Eze. 9:4; 1 João 2:15-17)

Ehipululo 16

1. Omulume ou nomukai ou polutalatu apa, ovalie?

2. Oityi Abraiau alinga opo avase omukai ondalawa pala omona wae? Iya omokonda yatyi?

3. Oñgeni elikuambelo liomuundapi wa Abraiau liakumbululwa?

4. Etyi Rebeka apulwa inkha uhanda okukanepwa na Isake, wakumbulula ñgeni?

5. Oityi tyahambukiswa vali Isake?

Omapulo omakuavo:

1. Tanga Gênesis 24:1-67.

   1. Etyi Rebeka avasa omuundapi wa Abraiau ponyombo, otyituwa patyi otyiwa alekesa? (Gên. 24:17-20; Pro. 31:17, 31)

   2. Abraiau wakuatesileko omona wae Isake okuvasa omukai ondalawa. Otyo tyiava ongeleka patyi ongwa kova Kristau hono? (Gên. 24:37, 38; 1 Cor. 7:39; 2 Cor. 6:14)

   3. Omokonda yatyi tuesukisa omuvo wokusoka nawa kombinga yetyi tutanga ine tulilongesa, ngetyi ankho Isake alinga? (Gên. 24:63; Sal. 77:12; Fil. 4:8)

Ehipululo 17

1. Esau na Jako ankho ovalie? Iya oñgeni ankho velikalela?

2. Esau na Jako ankho vena omanima eñgapi, etyi he mbuale yavo Abraiau ankhia?

3. Oityi Esau alinga tyanumanesile unene me yae na tate yae?

4. Omokonda yatyi Esau ankho anumanena unene nondenge yae Jako?

5. Onondonga patyi Isake aavelele omona wae Jako?

Omapulo omakuavo:

1. Tanga Gênesis 25:5-11, 20-34.

   1. Oityi Yehova apopile kombinga yovana ava vevali va Rebeka? (Gên. 25:23)

   2. Oñgeni onkhalelo yokusoka ya Jako ankho yelikalela no ya Esau kombinga youveli? (Gên. 25:31-34)

2. Tanga Gênesis 26:34, 35; 27:1-46; no 28:1-5.

   1. Oñgeni Esau alekesa okuti ankho utupu esuko novipuka viopaspilitu? (Gên. 26:34, 35; 27:46)

   2. Isake wapopila Jako okuti opo Huku emuavele ononkhaneno onongwa, ankho una yokulinga tyi? (Gên. 28:1-4)

3. Tanga Hebreus 12:16, 17.

   Oityi ongeleka ya Esau ilekesa kombinga yavana vahasukile novipuka via Huku?

Ehipululo 18

1. Omuhikuena ou polutalatu apa olie? Oityi Jako alinga pala omuhikuena ou?

2. Opo Jako anepe Rakele, wetavelele okulinga tyi?

3. Etyi omuvo wehikapo opo Jako anepe Rakele, oityi Labau alinga?

4. Jako wetavelele okulinga tyi vali opo anepe Rakele?

Omapulo omakuavo:

1. Tanga Gênesis 29:1-30.

   1. Namphila Labau emukemba, oñgeni Jako alekesa okuti ankho ondalawa? Otyo tyitulongesa tyi? (Gên. 25:27; 29:26-28; Mat. 5:37)

   2. Oñgeni ongeleka ya Jako yalekesa okuti ohole yotyotyili yelikalela noluholio luovitati? (Gên. 29:18, 20, 30; Cân. 8:6)

   3. Ovepi ovakai vekuana ankho valinga onthele yombunga ya Jako, iya avemutyitila ovana? (Gên. 29:23, 24, 28, 29)

Ehipululo 19

1. Ovana epandu va Jako nomukai wae wotete Leia, omanyina avo ankho ovalie?

2. Ovana vevali va Jako na Zilpa omuhikuena wa Leia ankho ovalie?

3. Omanyina ovana vevali va Jako na Bila omuhikuena wa Rakele ankho ovalie?

4. Ovana va Rakele vevali ankho ovalie? Mahi oityi tyapita na Rakele puetyi akutula omona wae wavali?

5. Ngetyi tueete polutalatu apa, ovana va Jako vovalume ankho veñgapi? Oityi tyatuka kovana ava va Jako?

Omapulo omakuavo:

1. Tanga Gênesis 29:32-35 no 30:1-26.

   Ngetyi tyilekesa omanyina ovana 12 va Jako, oñgeni ovana vova Hebreu kohale ankho valukwa omanyina?

2. Tanga Gênesis 35:16-19 no 37:35.

   Namphila Ombimbiliya ipopia vala enyina lia Dina, oñgeni tuetyinoñgonoka okuti Jako ankho wali novana ovakuavo ovahikuena? (Gên. 37:34, 35)

Ehipululo 20

1. Omokonda yatyi Abraiau na Isake ankho kavahande ovana vavo velinepe novanthu votyilongo tyo Kanaa?

2. Okuti Jako wetavelele ovana vae ovahikuena valinge oupanga novahikuena vomo Kanaa?

3. Omulume ou polutalatu apa ukahi nokutala Dina, olie? Otyipuka patyi otyivi omulume ou alinga Dina?

4. Simiau na Levi veiva etyi tyapita nomphange yavo Dina, oityi valinga?

5. Jako wahambukilwe netyi tyalinga ovo Simiau na Levi?

6. Ovitateka ovio aviho mombunga viahimbikile ñgeni?

Omapulo omakuavo:

1. Tanga Gênesis 34:1-31.

   1. Oupanga una Dina alingile novahikuena vomo Kanaa, ankho welihakelemo vala? Tyihangununa. (Gên. 34:1)

   2. Dina wanyona oumphembela wae. Omokonda yatyi oe muene welipele onkhali oyo? (Gál. 6:7)

   3. Oñgeni ovakuendye no vahikuena hono vapondola okulekesa okuti ongeleka ya Dina yeveavela elondolo? (Pro. 13:20; 1 Cor. 15:33; 1 João 5:19)

Ehipululo 21

1. Omokonda yatyi ovakulu va Jose vemulingilile onkhi? Iya avalingi tyi?

2. Oityi ovakulu va Jose vahandele okumulinga? Mahi, oityi Rubem apopia?

3. Etyi vamona ova Ismayeli vakuavitanda ankho vekahi nokulamba avalingi ñgeni?

4. Oityi ovakulu va Jose valinga opo tate yavo Jako asoke okuti Jose wankhia?

Omapulo omakuavo:

1. Tanga Gênesis 37:1-35.

   1. Oñgeni ova Kristau vapondola okuhetekela ongeleka ya Jose, okuhaholeka ovivi mewaneno? (Gên. 37:2; Lev. 5:1; 1 Cor. 1:11)

   2. Oityi tyahindila ovakulu va Jose okulinga otyipuka otyivi ngotyo? (Gên. 37:11, 18; Pro. 27:4; Tia. 3:14-16)

   3. Oityi tyilekesa okuti ankho Jako wanumana unene? (Gên. 37:35)

Ehipululo 22

1. Puetyi Jose atualwa ko Egitu ankho una omanima eñgapi? Oityi tyapita na Jose etyi ehika ko Egitu?

2. Omokonda yatyi Jose apakelwa mokaleya?

3. Otyilinga patyi Jose apelwe mokaleya?

4. Mokaleya, oityi Jose alinga pala omuundapi wa Farao wokuava ovikunwa novikulia, no mukuavo wokulinga onombolo?

5. Oityi tyapitapo etyi omuavi wovikunua ayovoka mokaleya?

Omapulo omakuavo:

1. Tanga Gênesis 39:1-23.

   Kononthiki mba Jose ankho kutupu otyitumino tya Huku tyiilika okulala nomukai ine omulume wamuene. Iya oityi tyakuatesileko Jose okutila okulala nomukai wa Potifar? (Gên. 2:24; 20:3; 39:9)

2. Tanga Gênesis 40:1-23.

   1. Hipulula monondaka mbehehi ondyoi yomuavi wovikunua, nehangununo liondyoi oyo Yehova aavelele Jose. (Gên. 40:9-13)

   2. Omulingi wonombolo walotele ondyoi patyi? Iya ankho ihangununa tyi? (Gên. 40:16-19)

   3. Oñgeni omupika walunguka nokuna ekolelo, ekahi nokuhetekela Jose hono? (Gên. 40:8; Sal. 36:9; João 17:17; Atos 17:2, 3)

   4. Oñgeni Genesis 40:20 itukuatesako okutala okuti tyapenga ova Kristu okulinga ovipito viomanima? (Ecl. 7:1; Mar. 6:21-28)

Ehipululo 23

1. Oityi tyapitile na Farao motyinthiki tyimue?

2. Omokonda yatyi omuavi wovikunua konyima ahinangelela Jose?

3. Ngetyi olutalatu lulekesa, onondyoi patyi onombali Farao alotele?

4. Jose wapopia okuti onondyoi ombo ankho mbuhangununa tyi?

5. Oñgeni Jose eya okukala omunthu wakolela moutumini wa Farao mo Egitu?

6. Omokonda yatyi ovakulu va Jose vaila ko Egitu? Iya omokonda yatyi vahaimbukile Jose?

7. Jose wahinangela onondyoi patyi? Iya oityi onondyoi ombo mbemukuatesako okunoñgonoka?

Omapulo omakuavo:

1. Tanga Gênesis 41:1-57.

   1. Oñgeni Jose ankhimaneka Yehova kombinga oyo? Iya oñgeni ova Kristau hono vapondola okuhetekela ongeleka ya Jose? (Gên. 41:16, 25, 28; Mat. 5:16; 1 Ped. 2:12)

   2. Omanima ekuta mo Egitu alandulilwe no manima ondyala. Oñgeni otyo tyielefwa nonkhalelo yopaspilitu yovanthu va Yehova hono, nonkhalelo yova Kristau vomatutu? (Gên. 41:29, 30; Amós 8:11, 12)

2. Tanga Gênesis 42:1-8 no 50:20.

   Ovilongo vimue vina otyituwa tyokunyongeka omutwe okulekesa ehumbilo komunthu omutumini. Okuti tyapenga ovafendeli va Yehova navo okutyilinga, inkha otyo otyituwa tyomotyilongo? (Gên. 42:6)

Ehipululo 24

1. Omokonda yatyi Jose apopila ovakulu vae okuti ovalavi?

2. Omokonda yatyi Jako ayekela omona wae onkhelo Benjamim, okuenda ko Egitu?

3. Oñgeni okopo ya Jose yeya okukala mosako ya Benjamim?

4. Oityi Judaa aava opo Banjamim ayovoke?

5. Oñgeni ovakulu va Jose valekesa okuti vapilulula onkhalelo yavo?

Omapulo omakuavo:

1. Tanga Gênesis 42:9-38.

   Oñgeni onondaka mba Jose mbuvasiwa mu Genesis 42:18, mbuava ehinangeleso eewa pala vana vena otyilinga meongano lia Yehova hono? (Nee. 5:15; 2 Cor. 7:1, 2)

2. Tanga Gênesis 43:1-34.

   1. Namphila Rubem ankho oe otyiveli, oñgeni tyimoneka okuti Judaa oe wapopilileko ovakulu vae no nondenge mbae? (Gên. 43:3, 8, 9; 44:14, 18; 1 Crô. 5:2)

   2. Oñgeni Jose aheteka ovakulu vae? Omokonda yatyi? (Gên. 43:33, 34)

3. Tanga Gênesis 44:1-34.

   1. Opo ovakulu vae vehemuimbuke oityi Jose evepopila kombinga yae muene? (Gên. 44:5, 15; Lev. 19:26)

   2. Oñgeni ovakulu va Jose valekesa okuti onkhi ankho vena nondenge yavo veiyekapo? (Gên. 44:13, 33, 34)

Ehipululo 25

1. Oityi tyapitapo etyi Jose apopila ovakulu vae okuti ame Jose?

2. Nohole, oityi Jose ahangununina ovakulu vae?

3. Oityi Farao apopia etyi eiva okuti ovakulu va Jose veya?

4. Etyi ombunga ya Jako yailukila ko Egitu, ankho ilifuepi?

5. Ombunga ya Jako yeya okuihanwa ñgeni? Iya omokonda yatyi?

Omapulo omakuavo:

1. Tanga Gênesis 45:1-28.

   Oñgeni onondaka mbo Mbimbiliya kombinga ya Jose mbalekesa okuti Yehova una epondolo liokupilulula ononkhumbi mbovanthu vae, ambukala ononkhaneno onongwa? (Gên. 45:5-8; Isa. 8:10; Fil. 1:12-14)

2. Tanga Gênesis 46:1-27.

   Oityi Yehova apopila Jako etyi ankho ekahi mondyila yokuenda ko Egitu? (Gên. 46:1-4, nota de rodapé)

Ehipululo 26

1. Job ankho olie?

2. Oityi Satanasi aovolele okulinga? Mahi, okuti wetyivilile?

3. Yehova wayekele Satanasi alinge tyi? Omokonda yatyi?

4. Omokonda yatyi omukai wa Job emupopilile okuti “hingana Huku opo unkhie?” (Tala polutalatu.)

5. Ngetyi weete polutalatu luavali, oñgeni Yehova apele Job ononkhaneno onongwa? Iya omokonda yatyi?

6. Inkha tukala nekolelo mu Yehova nga Job, ononkhaneno patyi onongwa matukatambula?

Omapulo omakuavo:

1. Tanga Jó 1:1-22.

   Oñgeni ova Kristau hono vapondola okuhetekela Job? (Jó 1:1; Fil. 2:15; 2 Ped. 3:14)

2. Tanga Jó 2:1-13.

   Oñgeni Job aava ekumbululo lielikalela no liomukai wae komahetaiko a Satanasi? (Jó 2:9, 10; Pro. 19:3; Miq. 7:7; Mal. 3:14)

3. Tanga Jó 42:10-17.

   1. Oñgeni ondyambi yapelwe Job, yelifwa nei yapewa Yesu, mokonda yekolelo liavo mu Huku? (Jó 42:12; Fil. 2:9-11)

   2. Job wapelue ononkhaneno onongwa mokonda watuaileko nekolelo mu Huku. Oñgeni otyo tyituavela ondundo? (Jó 42:10, 12; Heb. 6:10; Tia. 1:2-4, 12; 5:11)

Ehipululo 27

1. Omulume ou wokuna osikote peke polutalatu apa olie? Iya omulume ou ekahi nokuveta olie?

2. Konyima yononkhia mba Jose, oityi tyapita nova Isilayeli?

3. Omokonda yatyi ova Egitu vakalele nouoma wova Isilayeli?

4. Oityi Farao atumine ovakai vana ankho vokukutulisa ovakai ova Isilayeli?

Omapulo omakuavo:

1. Êxodo 1:6-22.

   1. Omonkhalelo patyi Yehova ahimbika okufuisapo omulao wae alingile Abraiau? (Êx. 1:7; Gên. 12:2; Atos 7:17)

   2. Oñgeni ovakai ova Hebreu ankho vokukutulisa, valekesa okuti vena onthilo nomuenyo? (Êx. 1:17; Gên. 9:6)

   3. Ondyambi patyi ovakai ovo vokukutulisa vapelwe, mokonda yekolelo liavo mu Yehova? (Êx. 1:20, 21; Pro. 19:17)

   4. Oñgeni Satanasi ahandele okutalameka ehando lia Yehova kombinga Yombuto alaele Abraiau? (Êx. 1:22; Mat. 2:16)

Ehipululo 28

1. Olukembe olu polutalatu apa olie? Iya ou akuata momunwe olie?

2. Oityi me ya Moisesi alinga opo omona wae ahaipawe?

3. Omukainthu ou olie polutalatu apa? Iya oityi ankho ekahi nokulinga?

4. Etyi omona wa Farao avasa olukembe olu, oityi Miriã emupopila?

5. Oityi omona wohamba atolela me ya Moisesi?

Omapulo omakuavo:

1. Tanga Êxodo 2:1-10.

   Omuvo patyi ankho me ya Moisesi ena pala okulonga omona wae, puetyi ankho omututu? Iya ongeleka patyi hono ovohe novoina vapondola okupolako? (Êx. 2:9, 10; Deut. 6:6-9; Pro. 22:6; Efé. 6:4; 2 Tim. 3:15)

Ehipululo 29

1. Opi Moisesi ekulila? Mahi, ankho oityi ei kombinga yombunga yae?

2. Puetyi Moisesi ankho ena omanima 40, walingile tyi?

3. Oityi Moisesi apopila omu Isilayeli umue ankho ulwisa mukuavo? Iya omulume oo emukumbulula ñgeni?

4. Omokonda yatyi Moisesi atundila mo Egitu nokuhateka?

5. Opi Moisesi ekahi no kukahatekela? Iya olie avasileko?

6. Etyi Moisesi atunda mo Egitu, alingi tyi mokuenda kuomanima 40?

Omapulo omakuavo:

1. Tanga Êxodo 2:11-25.

   Namphila Moisesi ankho alongeswa omanima omanyingi ounongo womo Egitu, oñgeni alekesa okuti ankho una ekolelo mu Yehova, no movanthu vae? (Êx. 2:11, 12; Heb. 11:24)

2. Tanga Atos 7:22-29.

   Moisesi wahandele okuyovola ova Isilayeli koupika mo Egitu, kononkhono mbae muene. Oityi tupondola okulilongesila kongeleka oyo? (Atos 7:23-25; 1 Ped. 5:6, 10)

Ehipululo 30

1. Omphunda ei polutalatu apa iihanwa ñgeni?

2. Hangununa otyipuka Moisesi amona, puetyi ankho alisa onongi komphunda ei?

3. Oityi tyapopia ondaka yatundilila motyinkhondo etyi tyatema? Mahi, ondaka oyo ankho oyalie?

4. Oñgeni Moisesi akumbulula etyi Huku emutuma okukayovola ovanthu vae mo Egitu?

5. Oityi Huku atuma Moisesi akapopile ovanthu, inkha vemupula okuti olie wekutuma?

6. Oñgeni Moisesi etyivila okulekesa okuti o Huku wemutuma?

Omapulo omakuavo:

1. Tanga Êxodo 3:1-22.

   Pamue tupondola okulitehelela okuti katuafuilepo pala okulinga otyilinga tyimue movilinga via Huku. Oñgeni ongeleka ya Moisesi ituavela onthumbi yokuti Yehova metukuatesako? (Êx. 3:11, 13; 2 Cor. 3:5, 6)

2. Tanga Êxodo 4:1-20.

   1. Oñgeni onkhalelo ya Moisesi yapiluluka, mokuenda kuomanima 40 akala ko Midiã? Ngotyo, vana vahanda okukala notyilinga mewaneno, oityi velilongesila kongeleka oyo? (Êx. 2:11, 12; 4:10, 13; Miq. 6:8; 1 Tim. 3:1, 6, 10)

   2. Pamue Yehova uundapesa eongano liae pala okutuviyula. Ongeleka ya Moisesi ituavela onthumbi patyi? (Êx. 4:12-14; Sal. 103:14; Heb. 12:4-11)

Ehipululo 31

1. Omahuviso alingilwe na Moisesi na Arau akalesile ñgeni ova Isilayeli?

2. Oityi Moisesi na Arau vapopilile Farao? Iya Farao akumbulula ñgeni?

3. Ngetyi olutalatu olu lulekesa, oityi tyapitapo etyi Arau ayumba otyimuti tyae pohi?

4. Oñgeni Yehova alongesa Farao onondunge? Farao akumbulula ñgeni?

5. Konyima yehingano liatyekwi oityi tyapitapo?

Omapulo omakuavo:

1. Tanga Êxodo 4:27-31 no 5:1-23.

   Oityi Farao ahandele okupopia puetyi ati: “Ame Yehova himwi”? (Êx. 5:2; 1 Sam. 2:12; Rom. 1:21)

2. Tanga Êxodo 6:1-13, 26-30.

   1. Omonkhalelo patyi Yehova ehelinoñgonokesile ku Abraiau, noku Isake noku Jako? (Êx. 3:13, 14; 6:3; Gên. 12:8)

   2. Moisesi ankho welitehelela okuti kafuilepo pala okulinga otyilinga apelwe, mahi no ngotyo Yehova emuundapesa. Otyo tyitulongesa tyi? (Êx. 6:12, 30; Luc. 21:13-15)

3. Tanga Êxodo 7:1-13.

   1. Moisesi na Arau vapopilile Farao ekoyeso lia Yehova, nondundo onene. Ongeleka patyi vaavela ovaumbili va Huku hono? (Êx. 7:2, 3, 6; Atos 4:29-31)

   2. Oñgeni Yehova alekesile ounene wae kono huku mbomo Egitu? (Êx. 7:12; 1 Crô. 29:12)

Ehipululo 32

1. Tala pomalutalatu alekeswa apa, iya ohangununa omahingano etatu otete Yehova aetele mo Egitu.

2. Oñgeni omahingano etatu otete, elikalela nomakuavo aeho alandulileko?

3. Ehingano lia kuana, no liatano, no liapandu ankho oatyi?

4. Hangununa ehingano liapanduvali, no liatyinana, no liatyive.

5. Konyima yehingano liatyive, Yehova atumu ova Isilayeli valinge tyi?

6. Ehingano liatyekwi ankho oliatyi? Iya oityi tyapitileko konyima yehingano olio?

Omapulo omakuavo:

1. Tanga Êxodo 7:19–8:23.

   1. Ovimbanda viomo Egitu vietyivilile okuhetekela okulinga omahingano evali otete a Yehova. Mahi, konyima yehingano liatatu oityi ovimbanda ovio viaimbuka? (Êx. 8:18, 19; Mat. 12:24-28)

   2. Oñgeni ehingano liakuana lialekesa okuti Yehova una epondolo liokuamena ovanthu vae? Iya otyo tyikuatesako ovanthu va Huku okulitehelela ñgeni, putyina vakevelela okupita “mononkhumbi ononene”? (Êx. 8:22, 23; Rev. 7:13, 14; 2 Crô. 16:9)

2. Tanga Êxodo 8:24; 9:3, 6, 10, 11, 14, 16, 23-25 no 10:13-15, 21-23.

   1. Ohamba yoko Egitu nono saserdote mbae vavetelwe nomahingano ekwi. Ovalie hono vaelekwa no hamba oyo nono saserdote ombo? (Êx. 8:10, 18, 19; 9:14)

   2. Oñgeni Êxodo 9:16 itukuatesako okunoñgonoka omokonda yatyi Yehova ayekela Satanasi akaleko alo hono? (Rom. 9:21, 22)

3. Tanga Êxodo 12:21-32.

   Oñgeni o Pasikwa yaetelele eyovo ovanthu ovanyingi? Iya ankho o Pasikwa iyulika kulie? (Êx. 12:21-23; João 1:29; Rom. 5:18, 19, 21; 1 Cor. 5:7)

Ehipululo 33

1. Ova Isilayeli veñgapi ovalume, novakai no vana, vatundile mo Egitu? Ovalie vaile navo?

2. Etyi Farao ayeka ova Isilayeli vaye, konyima asoko tyi? Iya oityi alinga?

3. Oityi Yehova alingile pala okutyilika ova Egitu opo vahalwise ovanthu vae?

4. Oityi tyapitapo etyi Moisesi aveta notyimuti tyae komeva Elunga Enkhuhu? Oityi ova Isilayeli valinga?

5. Oityi tyapitilepo etyi ova Egitu veliyumba mondyila mokati kelunga okulandula ova Isilayeli?

6. Oñgeni ova Isilayeli valekesa okuti vahambukwa unene no kuapandula etyi Yehova eveyovola?

Omapulo omakuavo:

1. Tanga Êxodo 12:33-36.

   Oñgeni Yehova alinga opo ovanthu vae vafetwe omanima aeho vakala oupika mo Egitu? (Êx. 3:21, 22; 12:35, 36)

2. Tanga Êxodo 14:1-31.

   Oñgeni onondaka mba Moisesi mbukahi mu Êxodo 14:13, 14 mbukuatesako ovaumbili va Yehova hono vakevelela okupita movita vio Armagedon? (2 Crô. 20:17; Sal. 91:8)

3. Tanga Êxodo 15:1-8, 20, 21.

   1. Omokonda yatyi ovaumbili va Yehova vaimbila oviimbo viokunkhimaneka Huku? (Êx. 15:1, 2; Sal. 105:2, 3; Rev. 15:3, 4)

   2. Miriã novakai ovakuavo vankhimanekele Yehova noviimbo Pelunga Enkhuhu. Otyo tyiava ongeleka patyi kovakai ova Kristau hono? (Êx. 15:20, 21; Sal. 68:11)

Ehipululo 34

1. Polutalatu apa, oityi ovanthu vekahi nokukoya pohi? Ankho tyitiwa oityi?

2. Oityi Moisesi alongesile ovanthu kombinga yokukoya omaná?

3. Yehova watumine ovanthu valinge tyi monthiki yepandu? Omokonda yatyi?

4. Ehuviso patyi Yehova alingile, puetyi ovanthu vapaka omaná pala onthiki ya panduvali?

5. Yehova watekulile ovanthu nomaná omanima eñgapi?

Omapulo omakuavo:

1. Tanga Êxodo 16:1-36 na Números 11:7-9.

   1. Oñgeni Êxodo 16:8 ilekesa okuti tuesukisa okukala nonthilo novilinga via Huku mewaneno? (Heb. 13:17)

   2. Mehoko, oñgeni ova Isilayeli ankho vahinangeleswa kese nthiki okuti vetei mu Yehova? (Êx. 16:14-16, 35; Deut. 8:2, 3)

   3. Yesu wapopia okuti omaná ankho ihangununa tyi? Iya esilivilo patyi onthue tupola “kombolo oyo yatunda keulu”? (João 6:31-35, 40)

2. Tanga Josué 5:10-12.

   Ova Isilayeli valile omaná omanima eñgapi? Oñgeni otyo tyahetekele ekolelo liavo? Iya oityi tulilongesila kuetyi tyapita nova Isilayeli? (Êx. 16:35; Núm. 11:4-6; 1 Cor. 10:10, 11)

Ehipululo 35

1. Etyi papita onohanyi onombali tunde puetyi vatunda mo Egitu, opi ova Isilayeli vatulile?

2. Yehova wapopia okuti ankho uhanda ovanthu valinge tyi? Ovanthu avakumbulula okuti wi?

3. Omokonda yatyi Yehova aavelele Moisesi omamanya evali omanthanda?

4. Ovitumino patyi ovikuavo Yehova aavelele ova Isilayeli, viayawisa Kovitumino Ekwi?

5. Ovitumino patyi vivali Yesu Kristu ati ovinene vali?

Omapulo omakuavo:

1. Tanga Êxodo 19:1-25; 20:1-21; 24:12- 8; no 31:18.

   Oñgeni onondaka mba Êxodo 19:8 mbutukuatesako okunoñgonoka etyi tyakutikinya melipakulo liomu Kristau? (Mat. 16:24; 1 Ped. 4:1-3)

2. Tanga Deuteronômio 6:4-6; Levítico 19:18; Mateus 22:36-40.

   Oñgeni ova Kristau valekesa okuti vena ohole na Huku, no vomunthele yavo? (Mar. 6:34; Atos 4:20; Rom. 15:2)

Ehipululo 36

1. Ovanthu ava Polutalatu olu, oityi vekahi nokulinga? Omokonda yatyi?

2. Omokonda yatyi Yehova anumane? Oityi Moisesi alinga etyi amona otyipuka ovanthu ankho vekahi nokulinga?

3. Moisesi watumine ovalume vamue valinge tyi?

4. Ehipululo eli litulongesa tyi?

Omapulo omakuavo:

1. Tanga Êxodo 32:1-35.

   1. Oñgeni onondaka ombo mbulekesa olusoke lwa Yehova, kombinga yokupaka kumue efendelo liomatutu nefendelo liotyotyili? (Êx. 32:4-6, 10; 1 Cor. 10:7, 11)

   2. Omokonda yatyi ova Kristau vesukila okulunguka pokuholovona ovitalukilo, noviimbo novinyano viavo? (Êx. 32:18, 19; Efé. 5:15, 16; 1 João 2:15-17)

   3. Oñgeni omuhoko wa Levi waava ongeleka ongwa, kombinga yokutualako okuendela mouviuki? (Êx. 32:25-28; Sal. 18:25)

Ehipululo 37

1. Etyi tyatungwa polutalatu apa tyitiwa otyityi? Ankho tyiundapeswa pala okulinga tyi?

2. Omokonda yatyi Yehova ankho atumina Moisesi okutunga ekaka lia Huku, monkhalelo yehepuiya okulitungulula?

3. Okakasa patyi oko kekahi mondyuo oyo onthutu yahulililako? Iya mokakasa katyo oko ankho muna tyi?

4. Olie Yehova aholovonene opo akale o saserdote? Ankho o saserdote una otyilinga patyi?

5. Popia omanyina ovipuka ankho vikahi mondyuo ei onene yekaka lia Huku?

6. Ovipuka patyi vivali ankho vikala pepata liekaka lia Huku? Ovipuka ovio ankho viundapeswa pala okulinga tyi?

Omapulo omakuavo:

1. Tanga Êxodo 25:8-40; 26:1-37; 27:1-8 no 28:1.

   Ono kerubin ankho mbukala kombanda “yotyikasa tyoumbangi” mbulekesa tyi? (Êx. 25:20, 22; Núm. 7:89; 2 Reis 19:15)

2. Tanga Êxodo 30:1-10, 17-21; 34:1, 2; na Hebreus 9:1-5.

   1. Omokonda yatyi Yehova apopilile okuti, ono saserdote ankho mbuundapa mekaka liae mbuna yokukohokwa molutu? Otyo tyitulongesa tyi hono? (Êx. 30:18-21; 40:30, 31; Heb. 10:22)

   2. Etyi Paulu ahonekela ova Kristau ova Hebreu, oñgeni alekesa okuti ekaka lia Huku nomphango Yovitumino ankho vialambale? (Heb. 9:1, 9; 10:1)

Ehipululo 38

1. Tyina utala ono uva ombu polutalatu apa mbukahi ñgeni? Iya opi vekembupolele?

2. Mokonda yatyi Moisesi ankho atumina ovalavi 12 kotyilongo tyo Kanaa?

3. Oityi ovalavi ekwi vapopila Moisesi etyi vakondoka?

4. Oñgeni ovalavi vevali ankho valekesa okuti vena onthumbi mu Yehova? Omanyina avo ankho ovalie?

5. Omokonda yatyi Yehova anumanena? Iya oityi Yehova apopila Moisesi?

Omapulo omakuavo:

1. Tanga Números 13:1-33.

   1. Ovalie vaholovonenwe opo vakalave otyilongo? Ankho vali nomphitilo onene yokulinga tyi? (Núm. 13:2, 3, 18-20)

   2. Omokonda yatyi olusoke lwa Josue na Kalebe ankho luelikalela no luovalavi ovakuavo? Otyo tyitulongesa tyi? (Núm. 13:28-30; Mat. 17:20; 2 Cor. 5:7)

2. Tanga Números 14:1-38.

   1. Elondolo patyi tuna yokutehelela nawa, kombinga yokutomba vana vaholovonwa na Yehova? (Núm. 14:2, 3, 27; Mat. 25:40, 45; 1 Cor. 10:10)

   2. Oñgeni Números 14:24 ilekesa okuti Yehova una esuko na kese umue povaumbili vae? (1 Reis 19:18; Pro. 15:3)

Ehipululo 39

1. Ovalie valingile omphata na Moisesi na Arau? Oityi vapopilile Moisesi?

2. Moisesi watumine Kora novalanduli vae 250 valinge tyi?

3. Oityi Moisesi apopilile ovanthu? Iya etyi amana okupopia oityi tyapitapo?

4. Oityi tyapita na Kora novalanduli vae 250?

5. Oityi Eliazar omona wa Arau, alinga ovityiyo viovalume ovo vokuankhia? Omokonda yatyi?

6. Omokonda yatyi Yehova ayovesila otyimuti tya Arau ononthemo? (Tala polutalatu.)

Omapulo omakuavo:

1. Tanga Números 16:1-49.

   1. Oityi Kora novalanduli vae valingile? Otyo valinga ankho okutyitukilapo Yehova, mokonda yatyi? (Núm. 16:9, 10, 18; Lev. 10:1, 2; Pro. 11:2)

   2. Kora novalume 250, ankho vali nolusoke patyi luapenga? (Núm. 16:1-3; Pro. 15:33; Isa. 49:7)

2. Tanga Números 17:1-11 no 26:10.

   1. Otyimuti tya Arau tyayovele ononthemo. Otyo ankho tyilekesa tyi? Omokonda yatyi Yehova atumina okupaka otyimuti otyo motyikasa tyomphango? (Núm. 17:5, 8, 10)

   2. Elongeso patyi liakolela tupola kelekeso liotyimuti tya Arau? (Núm. 17:10; Atos 20:28; Fil. 2:14; Heb. 13:17)

Ehipululo 40

1. Oñgeni Yehova atekulile ova Isilayeli puetyi ankho veli mehoko?

2. Etyi ova Isilayeli ankho vekahi po Kades, oityi veliyavele?

3. Oñgeni Yehova aavelele omeva ovanthu no vipako viavo?

4. Omulume ou ukahi nokuliyulika polutalatu apa, olie? Omokonda yatyi alingila ngotyo?

5. Omokonda yatyi Yehova ankho anumana na Moisesi na Arau? Yehova evehitisa ñgeni?

6. Oityi tyapitile Komphunda Hor? Iya konyima yotyo olie wakala o saserdote yova Isilayeli?

Omapulo omakuavo:

1. Tanga Números 20:1-13, 22-29 na Deuteronômio 29:5.

   1. Onkhalelo omu Yehova atekulile ova Isilayeli mehoko, itulongesa tyi? (Deut. 29:5; Mat. 6:31; Heb. 13:5; Tia. 1:17)

   2. Moisesi na Arau kavankhimanekele Yehova komaiho ova Isilayeli. Iya oñgeni Yehova atalele otyiponyo tyavo otyo? (Núm. 20:12; 1 Cor. 10:12; Rev. 4:11)

   3. Onkhalelo omu Moisesi etavelele eviyulo lia Yehova, itulongesa tyi? (Núm. 12:3; 20:12, 27, 28; Deut. 32:4; Heb. 12:7-11)

Ehipululo 41

1. Etyi tyeliwingaila kotyimuti polutalatu apa otyityi? Omokonda yatyi Yehova ankho atumina Moisesi alinge ngotyo?

2. Oñgeni ovanthu valekesile okuti kavapandulile etyi Yehova evelingila?

3. Oityi ovanthu vaita Moisesi alinge puetyi Yehova atumikisa ononyoka mbuvenumate?

4. Omokonda yatyi Yehova atumine Moisesi alinge onyoka yotyivela?

5. Oityi tulilongesila kehipululo eli?

Omapulo omakuavo:

1. Tanga Números 21:4-9.

   1. Ova Isilayeli ankho kavahambuikilwe neteku Yehova ankho evepa. Otyo tyituavela elondolo patyi? (Núm. 21:5, 6; Rom. 2:4)

   2. Mokuenda kuomanima omanyingi ova Isilayeli vaundapesile ñgeni onyoka ina yotyivela? Iya Ohamba Ezekia alingi tyi onyoka oyo? (Núm. 21:9; 2 Reis 18:1-4)

2. Tanga João 3:14, 15.

   Okutulika onyoka kotyimuti, oñgeni tyalekesa okutulikwa kua Yesu Kristu momuti? (Gál. 3:13; 1 Ped. 2:24)

Ehipululo 42

1. Balake ankho olie? Omokonda yatyi atumina okuihana Balaau?

2. Omokonda yatyi otyimbulu tya Balaau tyalangalelepo mondyila?

3. Balaau weivile otyimbulu tyapopia okuti wi?

4. Oityi oandyu imue yapopilile Balaau?

5. Puetyi Balaau ahandele okuhingana ova Isilayeli oityi tyapitilepo?

Omapulo omakuavo:

1. Tanga Números 21:21-35.

   Omokonda yatyi ova Isilayeli vafindile Sion Ohamba yova Amorreu, na Oge Ohamba yo Basã? (Núm. 21:21, 23, 33, 34)

2. Tanga Números 22:1-40.

   Omokonda yatyi Balaau ankho ahandela okuhingana ova Isilayeli? Oityi tupondola okulilongesila kuotyo? (Núm. 22:16, 17; Pro. 6:16, 18; 2 Ped. 2:15; Judas 11)

3. Tanga Números 23:1-30.

   Balaau wapopile okuti ufenda Yehova. Mahi, oñgeni omalinga ae alekesa okuti ankho ukemba? (Núm. 23:3, 11-14; 1 Sam. 15:22)

4. Tanga Números 24:1-25.

   Oñgeni onondaka ombo mbo Mbimbiliya mbupameka ekolelo lietu nonthumbi yokuti ehando lia Yehova malifuiswapo? (Núm. 24:10; Isa. 54:17)

Ehipululo 43

1. Ovalie ovalume ava vevali vatalama na Moisesi polutalatu apa?

2. Oityi Yehova apopilile Josue?

3. Omokonda yatyi Moisesi alondela komphunda Nebu? Iya oko Yehova emupopila tyi?

4. Etyi Moisesi ankhia ankho una omanima eñgapi?

5. Omokonda yatyi ovanthu ankho vanumanena? Mahi, ankho vena ehunga liokuhambukwa mokonda yatyi?

Omapulo omakuavo:

1. Tanga Números 27:12-23.

   Otyilinga patyi otyinene Josue apelwe na Yehova? Oñgeni Yehova ahongolela ovanthu vae hono? (Núm. 27:15-19; Atos 20:28; Heb. 13:7)

2. Tanga Deuteronômio 3:23-29.

   Omokonda yatyi Yehova ahayekele Moisesi na Arau vanyingile motyilongo alaele? Otyo tyitulongesa tyi? (Deut. 3:25-27; Núm. 20:12, 13)

3. Tanga Deuteronômio 31:1-8, 14-23.

   Moisesi wetavelele nomutima weliola okuviyulwa na Yehova. Oñgeni etyilekesa no nondaka mbae pokulekela ova Isilayeli? (Deut. 31:6-8, 23)

4. Tanga Deuteronômio 32:45-52.

   Oñgeni Ondaka ya Huku iveta komitima vietu? (Deut. 32:47; Lev. 18:5; Heb. 4:12)

5. Tanga Deuteronômio 34:1-12.

   Moisesi kamuene Yehova nomaiho. Mahi, oñgeni Deuteronômio 34:10 ilekesa oupanga Moisesi ankho ena na Yehova? (Êx. 33:11, 20; Núm. 12:8)

Ehipululo 44

1. Raabe ankho ukala pi?

2. Ovalume ava polutalatu olu ovalie? Iya omokonda yatyi veila mo Jerikoo?

3. Ohamba yo Jerikoo yatumine Raabe alinge tyi? Raabe akumbulula ñgeni?

4. Oñgeni Raabe akuatesileko ovalume ovo vevali? Oityi Raabe aitile kovalume ovo?

5. Oityi ovalavi ovo vevali valaele Raabe?

Omapulo omakuavo:

1. Tanga Josué 2:1-24.

   Oñgeni omulao wa Yehova uvasiwa mu Êxodo 23:28, wafuisuapo puetyi ova Isilayeli valwisa o Jerikoo? (Jos. 2:9-11)

2. Tanga Hebreus 11:31.

   Oñgeni ongeleka ya Raabe ilekesa esilivilo liokukala nekolelo? (Rom. 1:17; Heb. 10:39; Tia. 2:25)

Ehipululo 45

1. Ehuviso patyi Yehova alingile opo ova Isilayeli vayauke o Jordau?

2. Oityi ova isilayeli ankho vesukisa okulinga nekolelo, opo vayauke o Jordau?

3. Omokonda yatyi Yehova atolela Josue apole omamanya 12 pokati kondongi?

4. Oityi tyapitilepo etyi ono saserdote vatunda mo Jordau?

Omapulo omakuavo:

1. Tanga Josué 3:1-17.

   1. Ngetyi tyalekesa ehipululo eli, oityi tuesukisa okulinga opo Yehova etukuateseko, no kutuavela ononkhano onongwa? (Jos. 3:13, 15; Pro. 3:5; Tia. 2:22, 26)

   2. Etyi ova Isilayeli vayauka o Jordau okuenda Kotyilongo Valaelwe, ankho Ondongi oyo ikahi ñgeni? Oñgeni otyo tyankhimaneka enyina lia Yehova? (Jos. 3:15; 4:18; Sal. 66:5-7)

2. Tanga Josué 4:1-18.

   Omamanya 12 vapolele mo Jordau veetualele ko Gilgal. Ankho ena otyilinga patyi? (Jos. 4:4-7)

Ehipululo 46

1. Yehova watolela omasualali a Josue nono saserdote valinge tyi mononthiki epandu?

2. Oityi ovalume ankho vena yokulinga monthiki ya panduvali?

3. Ngetyi uluete polutalatu apa, oityi tyapitile novimato vio Jerikoo?

4. Omokonda yatyi epanda olio enkhuhu liatulikilwa pondyanena?

5. Josue watumine omasualali akalinge ñgeni ovanthu vomo Jerikoo nepundaumbo liatyo? Atumu valinge tyi opalata, no olu, notyivela otyinkhuhu novivela ovikuavo vali?

6. Ovalavi vana vevali Josue evetumu okulinga tyi?

Omapulo omakuavo:

1. Tanga Josué 6:1-25.

   1. Ova Isilayeli velisetele no Jerikoo ononthiki epanduvali. Oñgeni otyo tyelifwa novilinga viokuivisa, vikahi nokulingwa no Nombangi mba Yehova kononthiki ombu mbahulako? (Jos. 6:15, 16; Isa. 60:22; Mat. 24:14; 1 Cor. 9:16)

   2. Oñgeni onondaka mba Josue 6:26 mbafuiswapo etyi papita omanima 500? Otyo tyitulongesa tyi kombinga yondaka ya Yehova? (1 Reis 16:34; Isa. 55:11)

Ehipululo 47

1. Olie omulume ou polutalatu ukahi nokuhihila pohi olumono luapolwa mo Jerikoo? Ava vekahi no kumukuatesako ovalie?

2. Omokonda yatyi otyipuka tyalinga Akã nombunga yae, tyapenga unene?

3. Oityi Yehova apopila Josue puetyi emupula omokonda yatyi ova Isilayeli vafindilwa no votyilongo tyo Ai?

4. Oityi tyapita na Akã nombunga yae, etyi veveeta ku Josue?

5. Oityi tulilongesila kekoyeso Akã apelwe?

Omapulo omakuavo:

1. Tanga Josué 7:1-26.

   1. Oñgeni elikuambelo lia Josue lilekesa oupanga ankho ena na Yehova? (Jos. 7:7-9; Sal. 119:145; 1 João 5:14)

   2. Ongeleka ya Akã ilekesa tyi? Oñgeni ongeleka oyo ituavela elondolo? (Jos. 7:11, 14, 15; Pro. 15:3; 1 Tim. 5:24; Heb. 4:13)

2. Tanga Josué 8:1-29.

   Otyilinga patyi tuna kese umue meuaneno liova Kristau hono? (Jos. 7:13; Lev. 5:1; Pro. 28:13)

Ehipululo 48

1. Oñgeni ova Gibieonita ankho velikalela novanthu vovilongo ovikuavo vio Kanaa?

2. Ngetyi tyilekesa olutalatu olu, oityi ova Gibionita valingile? Omokonda yatyi?

3. Josue no nonkhalamutue mbo Isilayeli oityi valaele ova Gibionita? Mahi, konyima yononthiki ononthatu oityi vanoñgonoka?

4. Oityi onohamba mbomapundaumbo omakuavo omo Kanaa mbalinga etyi vetyiiva okuti ova Gibionita valinga oupanga nova Isilayeli?

Omapulo omakuavo:

1. Tanga Josué 9:1-27.

   1. Yehova watumine ova Isilayeli opo “vaipae ovanthu aveho votyilongo” tyo Kanaa. Anthi, omokonda yatyi vahaipaele ova Gibionita? (Jos. 9:22, 24; Mat. 9:13; Atos 10:34, 35; 2 Ped. 3:9)

   2. Josue wafuisilepo omulao wae alingile ova Gibionita. Oñgeni Josue aava ongeleka ongwa pala Ovakristau hono? (Jos. 9:18, 19; Mat. 5:37; Efé. 4:25)

2. Tanga Josué 10:1-5.

   Oñgeni otyinyingi otyinene tyovanthu hono, tyikahi nokuhetekela ova Gibionita? Moluotyo, olie wovola okuvelwisa? (Jos. 10:4; Zac. 8:23; Mat. 25:35-40; Rev. 12:17)

Ehipululo 49

1. Oityi Josue ekahi nokupopia polutalatu olu? Omokonda yatyi?

2. Oñgeni Yehova akuatesileko Josue nomafualali ae?

3. Josue wafindile ono hamba onoñgapi? Wevefindile mokuenda kuomanima eñgapi?

4. Omokonda yatyi Josue aavununa otyilongo tyo Kanaa?

5. Puetyi Josue ankhia, ankho una omanima eñgapi? Konyima yononkhia mba Josue oityi tyapita novanthu?

Omapulo omakuavo:

1. Tanga Josué 10:6-15.

   Tuanoñgonoka okuti Yehova watalamekele ekumbi, no hanyi, pala ova Isilayeli. Otyo tyituavela onthumbi yatyi hono? (Jos. 10:8, 10, 12, 13; Sal. 18:3; Pro. 18:10)

2. Tanga Josué 12:7-24.

   Mahi, tyotyili olie wakuatesileko okufinda onohamba ombo 31 mbomo Kanaa? Omokonda yatyi otyo tyakolela unene kononthiki mbetu? (Jos. 12:7; 24:11-13; Deut. 31:8; Luc. 21:9, 25-28)

3. Tanga Josué 14:1-5.

   Oñgeni omihoko viova Isilayeli velitetaila otyilongo? Otyo tyilekesa tyi kombinga yepingo Mouye Omupe? (Jos. 14:2; Isa. 65:21; Eze. 47:21-23; 1 Cor. 14:33)

4. Tanga Juízes 2:8-13.

   Nga Josue mo Isilayeli, olie hono ukahi nokutyilika elongeso liomatutu meongano lia Huku? (Juíz. 2:8, 10, 11; Mat. 24:45-47; 2 Tes. 2:3-6; Tito 1:7-9; Rev. 1:1; 2:1, 2)

Ehipululo 50

1. Ovakoyesi ankho ovanthu patyi? Omukoyesi wotete ankho utiwa olie?

2. Otyilinga patyi tyakolela Debora ankho ali natyo? Ankho muakutikinya tyi motyilinga otyo?

3. Ova Isilayeli ankho vekahi nokumoneswa ononkhumbi no Hamba Jabim no mafualali ae. Moluotyo, onondaka patyi Yehova atumine Debora akapopile omukoyesi Barake? Mahi, Debora watile olie makankhimanekwa?

4. Oñgeni Jael alekesa okuti ankho omukai umue wokuakola omutima?

5. Oityi tyapitilepo etyi o Hamba Jabim ankhia?

Omapulo omakuavo:

1. Tanga Juízes 2:14-22.

   Oñgeni ova Isilayeli velietelele ovo muene onyengo ya Yehova? Oityi tulilongesila kuotyo? (Juíz. 2:20; Pro. 3:1, 2; Eze. 18:21-23)

2. Tanga Juízes 4:1-24.

   Debora na Jael vali nekolelo nokuakola omutima. Ovakai ova Kristau hono oityi velilongesila kongelaka ya Debora na Jael? (Juíz. 4:4, 8, 9, 14, 21, 22; Pro. 31:30; 1 Cor. 16:13)

3. Tanga Juízes 5:1-31.

   Oñgeni otyiimbo tyokufinda tya Barake na Debora, tyiundapeswa ngelikuambelo kombinga yovita vio Armagedon? (Juíz. 5:3, 31; 1 Crô. 16:8-10; Rev. 7:9, 10; 16:16; 19:19-21)

Ehipululo 51

1. Oñgeni Noemi eya okukala motyilongo tyo Moabe?

2. Rute na Orpa ovalie?

3. Rute na Orpa oñgeni kese umue akumbulula Noemi etyi evetolela vakondoke keumbo?

4. Mboaz ankho olie? Iya oñgeni akuatesako Rute na Noemi?

5. Omona wa Rute na Mboaz ankho utiwa olie? Iya omokonda yatyi tuesukisila okumuhinangela?

Omapulo omakuavo:

1. Tanga Rute 1:1-17.

   1. Onondaka patyi onongwa, mbohole yotyotyili Rute apopia? (Rute 1:16, 17)

   2. Oñgeni “onongi ononkhuavo” hono vekahi nokulekesa okuti vena omutima omuwa ngo wa Rute kombinga yovanakwa pano pohi? (João 10:16; Zac. 8:23)

2. Tanga Rute 2:1-23.

   Oñgeni Rute aava ongeleka ongwa pala ovahikwena hono? (Rute 2:17, 18; Pro. 23:22; 31:15)

3. Tanga Rute 3:5-13.

   1. Rute ankho uhanda anepwe na Mboaz, tyipona okunepwa nomukuendye. Iya Mboaz atale ñgeni ehando olio lia Rute?

   2. Oityi onkhalelo ya Rute itulongesa kombinga yohole yotyotyili? (Rute 3:10; 1 Cor. 13:4, 5)

4. Tanga Rute 4:7-17.

   Oñgeni ovalume ova Kristau hono vapondola okukala nga Mboaz? (Rute 4:9, 10; 1 Tim. 3:1, 12, 13; 5:8)

Ehipululo 52

1. Omokonda yatyi ova Isilayeli ankho vakalela novitateka ovinyingi?

2. Omokonda yatyi Yehova atolela Gideão okuti una omafualali omanyingi?

3. Etyi Gideão atolela ovalume vokuna ouoma vakondoke keumbo, wesalele novalume veñgapi?

4. Tala polutalatu apa, iya ohangununa oñgeni Yehova atepululile omafualali a Gideão alo esala vala novalume 300.

5. Oñgeni Gideão aonganeka ovalume vae 300? Iya oñgeni ova Isilayeli vafindile ovita?

Omapulo omakuavo:

1. Tanga Juízes 6:36-40.

   1. Oñgeni Gideão anoñgonokele ehando lia Yehova?

   2. Oñgeni hono tupondola okunoñgonoka ehando lia Yehova? (Pro. 2:3-6; Mat. 7:7-11; 2 Tim. 3:16, 17)

2. Tanga Juízes 7:1-25.

   1. Oityi tulilongesila kovalume 300 vokuatwailako tyalunguka, nokuvana vahalekesile esuko? (Juíz. 7:3, 6; Rom. 13:11, 12; Efé. 5:15-17)

   2. (b) Ngetyi ovalume 300 velilongesa mokutala ku Gideão, oñgeni onthue tulilongesa mokutala ku Gideão Omunene, Yesu Kristu? (Juíz. 7:17; Mat. 11:29, 30; 28:19, 20; 1 Ped. 2:21)

   3. Oñgeni Juízes 7:21, itukuatesako okukala nehambu liokuundapa kese tyilinga tupewa meongano lia Yehova? (Juíz. 7:21; 1 Cor. 4:2; 12:14-18; Tia. 4:10)

3. Tanga Juízes 8:1-3.

   Inkha tuna otyitateka nomukuatate ine omphange, oityi tupondola okulilongesila monkhalelo omu Gideão atetulula otyitateka novanthu voko Efraim? (Pro. 15:1; Mat. 5:23, 24; Luc. 9:48)

Ehipululo 53

1. Jefete ankho olie? Iya wakaleleko pomuvo patyi?

2. Omulao patyi Jefete alingile ku Yehova?

3. Etyi Jefete afinda ova Amonita, oityi tyemunumanesa etyi ehika keumbo?

4. Oityi omona wa Jefete apopia etyi eiva omulao wa tate yae?

5. Omokonda yatyi ovanthu ankho veholele unene omona wa Jefete?

Omapulo omakuavo:

1. Tanga Juízes 10:6-18.

   Elondolo patyi tuesukisa okutala nawa lilekesa okuti ova Isilayeli kavatavelele ku Yehova? (Juíz. 10:6, 15, 16; Rom. 15:4; Rev. 2:10)

2. Tanga Juízes 11:1-11, 29-40.

   1. Oñgeni tuanoñgonoka okuti okuava Jefete omona wae ngo “tyiawa tyayokua” katyilekesako okuti wayoka omona wae potupia ngo tyilikutila? (Juíz. 11:31; Lev. 16:24; Deut. 18:10, 12)

   2. Omonkhalelo patyi Jefete aava omona wae ngo tyilikutila?

   3. Oityi tupondola okulilongesila ku Jefete, kombinga yomulao wae alingile ku Yehova? (Juíz. 11:35, 39; Ecl. 5:4, 5; Mat. 16:24)

   4. Ongeleka patyi ongwa omona wa Jefete aavela ovahikuena no vakuendye kombinga yokulipaka movilinga viomuvo auho? (Juíz. 11:36; Mat. 6:33; Fil. 3:8)

Ehipululo 54

1. Omulume wononkhono ononene utiwa olie? Iya olie wemupele ononkhono mbatyo ombo?

2. Ngetyi uluete polutalatu olu, oityi Sansau alinga onkheyama onene?

3. Ngetyi uluete polutalatu apa, oityi Sansau ekahi nokutolela Dalila? Iya oñgeni otyo tyemutuala okukuatwa nova Filisteu?

4. Oñgeni Sansau aipaa 3.000 onondyale ova Filisteu monthiki ankhia?

Omapulo omakuavo:

1. Tanga Juízes 13:1-14.

   Oñgeni Manoá nomukai wae vaava ongeleka ongwa kovohe kombinga yokutekula ovana vavo? (Juíz. 13:8; Sal. 127:3; Efé. 6:4)

2. Tanga Juízes 14:5-9 no 15:9-16.

   1. Sansau waipaele onkheyama, nokutimbaula onongoi ankho vemukuta, no kuipaa ovalume 1.000 notyikeho tyolupanda luotyimbulu. Otyo tyilekesa tyi kombinga yospilitu sandu ya Yehova?

   2. Oñgeni ospilitu sandu itukuatesako hono? (Juíz. 14:6; 15:14; Zac. 4:6; Atos 4:31)

3. Tanga Juízes 16:18-31.

   Okulinga oupanga novanthu onondingavivi Sansau tyemuetelele tyi? Iya oityi tupondola okulilongesilako? (Juíz. 16:18, 19; 1 Cor. 15:33)

Ehipululo 55

1. Omukuendye ou omututu ukahi polutalatu olu utiwa olie? Iya ovakuavo ovalie?

2. Oityi Ana apopile melikuambelo onthiki imue etyi ankho akatalelapo ondyuo ya Yehova? Iya oñgeni Yehova emukumbulula?

3. Samuele ankho una omanima eñgapi etyi vemutuala opo akaundape kondyuo ya Yehova? Iya oityi me yae ankho emulingila kese enima?

4. Ovana va Elí ankho vatiwa ovalie? Iya ankho vatuwa ñgeni?

5. Ovikando viñgapi Yehova aihana Samuele? Iya onondaka patyi Yehova emutolela?

6. Etyi Samuele ekula akala notyilinga patyi? Iya oityi tyapitapo etyi alinga ombuale?

Omapulo omakuavo:

1. Tanga 1 Samuel 1:1-28.

   1. Ongeleka patyi ongwa Elkana aavela ovohe kombinga yokuhongolela ombunga mefendelo liotyotyili? (1 Sam. 1:3, 21; Mat. 6:33; Fil. 1:10)

   2. Elongeso patyi tupondola okupola kongeleka ya Ana pokutetulula otyitateka tyepuiya? (1 Sam. 1:10, 11; Sal. 55:22; Rom. 12:12)

2. Tanga 1 Samuel 2:11-36.

   Oñgeni Elí ahumbile vali ovana vae tyipona Yehova? Iya otyo tyituavela elondolo patyi? (1 Sam. 2:22-24, 27, 29; Deut. 21:18-21; Mat. 10:36, 37)

3. Tanga 1 Samuel 4:16-18.

   Onondaka patyi onombi mbatundilila kovita kuna ankho kukahi ovana va Elí? Iya oñgeni Elí akala etyi eiva onondaka ombo?

4. Tanga 1 Samuel 8:4-9.

   Oñgeni ova Isilayeli vanumanesile unene Yehova? Iya oñgeni onthue hono tupondola okuava ekuateso lietu movilinga Viouhamba wa Yehova? (1 Sam. 8:5, 7; João 17:16; Tia. 4:4)

Ehipululo 56

1. Polutalatu apa oityi Samuele ekahi nokulinga? Iya omokonda yatyi?

2. Omokonda yatyi Yehova apandelele Saulu? Mahi Saulu ankho omulume patyi?

3. Omona wa Saulu ankho utiwa olie? Iya oityi omona oo alinga?

4. Omokonda yatyi Saulu alingililile otyilikutila ahakevela Samuele opo eye etyilinge?

5. Oityi tupondola okulilongesila kehipululo lia Saulu?

Omapulo omakuavo:

1. Tanga 1 Samuel 9:15-21; 10:17-27.

   Oñgeni otyituwa otyiwa tya Saulu tyemutyilika okunumanena ovalume vamue ankho vemutomba? (1 Sam. 9:21; 10:21, 22, 27; Pro. 17:27)

2. Tanga 1 Samuel 13:5-14.

   Onkhali patyi Saulu alingile ko Gilgal? (1 Sam. 10:8; 13:8, 9, 13)

3. Tanga 1 Samuel 15:1-35.

   1. Onkhali patyi onene Saulu alinga kombinga ya Agage ohamba yoko Amaleke? (1 Sam. 15:2, 3, 8, 9, 22)

   2. Oñgeni Saulu aovolele okulipola onkhali? (1 Sam. 15:24)

   3. Elondolo patyi hono tuesukisa okutehelela nawa putyina tuviyulwa? (1 Sam. 15:19-21; Sal. 141:5; Pro. 9:8, 9; 11:2)

Ehipululo 57

1. Omukuendye ou polutalatu apa utiwa olie? Iya oñgeni tuanoñgonoka okuti wakola omutima?

2. David ankho ukala pi? Tate yae na he mbwale yae ankho vatiwa ovalie?

3. Omokonda yatyi Yehova apopilile Samuele aye keumbo lia Jesse ko Mbelei?

4. Etyi Jesse aeta ovana vae epanduvali ku Samuele, oityi tyapitapo?

5. Etyi vaeta David, oityi Yehova atolela Samuele?

Omapulo omakuavo:

1. Tanga 1 Samuel 17:34, 35.

   Oñgeni ovipuka ovio viatoneka vali omutima wa David nonthumbi yae mu Yehova? (1 Sam. 17:37)

2. Tanga 1 Samuel 16:1-14.

   1. Oñgeni onondaka mba Yehova mu 1 Samuel 16:7 mbutukuatesako okulityilika okatongotongo no kukoyesa vakuetu? (1 Sam. 16:7; Atos 10:34, 35; 1 Tim. 2:4)

   2. Oñgeni ongeleka ya Saulu ilekesa okuti tyina Yehova ekupola ospilitu sandu yae, upondola okukala nospilitu ombi ine ehando liokulinga etyi tyahaviukile? (1 Sam. 16:14; Mat. 12:43-45; Gál. 5:16)

Ehipululo 58

1. Onondaka patyi Goliya apopia pala okuleva omafualali ova Isilayeli?

2. Goliya ankho omulume ulifuepi? Ondyambi patyi Ohamba Saulu alaa okuavela omulume una maipaa Goliya?

3. Oityi David apopia etyi Saulu emutolela okuti kapondola okukaluisa Goliya mokonda David nkhele omona?

4. Etyi David akumbulula Goliya, oñgeni alekesa okuti ankho una onthumbi mu Yehova?

5. Ngetyi uluete polutalatu olu, oityi David aundapesa pala okuipaa Goliya? Iya konyima yotyo oityi tyapita nova Filisteu?

Omapulo omakuavo:

1. Tanga 1 Samuel 17:1-54.

   1. Omokonda yatyi David akalela nomutima wakola? Iya oñgeni tupondola okumuhetekela? (1 Sam. 17:37, 45; Efé. 6:10, 11)

   2. Omokonda yatyi ova Kristau vena okulityilikila otyituwa tyokulilola tyalekeswa na Goliya, putyina vekahi nokuyumba ine opovitalukilo? (1 Sam. 17:8; Gál. 5:26; 1 Tim. 4:8)

   3. Oñgeni onondaka mba David mbalekesa okuti ankho una ekolelo mekuateso lia Huku? (1 Sam. 17:45-47; 2 Crô. 20:15)

   4. Oñgeni etyi tyapita pokati ka Goliya na David, tyilekesa okuti ankho ovilwa ovio vikahi pokati kono huku mbomatutu na Huku yotyotyili Yehova? (1 Sam. 17:43, 46, 47)

   5. Oñgeni otyihupe tyovanakwa tyikahi nokuhetekela ongeleka ya David yokuyumba onthumbi mu Yehova? (1 Sam. 17:37; Jer. 1:17-19; Rev. 12:17)

Ehipululo 59

1. Omokonda yatyi Saulu ankho alingila David onkhi? Mahi oñgeni Jonatã omona wa Saulu ankho elikalela?

2. Onthiki imue, etyi David ankho ahikila Saulu o harpa oityi tyapitilepo?

3. Saulu watumine David alinge tyi opo anepe omona wae Mikal? Iya omokonda yatyi Saulu apopilile ngotyo?

4. Ngetyi tyilekesa olutalatu olu, oityi tyapitilepo otyikando tyatatu, puetyi David ankho ahikila Saulu o harpa?

5. Oñgeni Mikal akuatesako David okuyovola omuenyo wae? Oityi David alinga mokuenda kuomanima epanduvali?

Omapulo omakuavo:

1. Tanga 1 Samuel 18:1-30.

   1. Oñgeni ohole onene ya Jonatã na David ilekesa ohole ikahi pokati “konongi ononkhuavo” no “tyiunda otyitutu”? (1 Sam. 18:1; João 10:16; Luc. 12:32; Zac. 8:23)

   2. Jonatã ankho oe una yokukala pomphangu ya Saulu. Mahi oñgeni 1 Samuel 18:4 ilekesa okuti Jonatã wetavelele nomutima auho una waholovonua opo akale ohamba?

   3. Oñgeni ongeleka ya Saulu ilekesa okuti onkhi ipondola okutuala konkhali imue onene? Iya otyo tyituavela elondolo patyi? (1 Sam. 18:7-9, 25; Tia. 3:14-16)

2. Tanga 1 Samuel 19:1-17.

   Oñgeni Jonatã apakele omuenyo wae motyiponga puetyi apopia onondaka mbuvasiwa mu 1 Samuel 19:4, 5? (1 Sam. 19:1, 6)

Ehipululo 60

1. Olie omukai ou polutalatu apa ukahi nokuhonyena na David? Ankho una otyituwa patyi?

2. Nabal ankho olie?

3. Omokonda yatyi David ankho atumina ovalume vae vakaite okulia ku Nabal?

4. Oityi Nabal apopila ovalume va David? Iya David akala ñgeni?

5. Oñgeni Abigail alekesa okuti ankho omukai umue omunongo?

Omapulo omakuavo:

1. Tanga 1 Samuel 22:1-4.

   Oñgeni ombunga ya David yaava ongeleka ongwa kombinga yoñgeni tuna okulikuatesako novakuatate vetu ova Kristau ouye auho? (Pro. 17:17; 1 Tes. 5:14)

2. Tanga 1 Samuel 25:1-43.

   1. Omokonda yatyi Nabal atilwa omulume wahasiliviya? (1 Sam. 25:2-5, 10, 14, 21, 25)

   2. Oityi hono ovakai ova Kristau vokuanepwa velilongesila kongeleka ya Abigail? (1 Sam. 25:32, 33; Pro. 31:26; Efé. 5:24)

   3. Ovipuka patyi vivali ovivi, Abigail atyilikile David okulinga? (1 Sam. 25:31, 33; Rom. 12:19; Efé. 4:26)

   4. Oñgeni onondaka David akumbulula Abigail mbukuatesako ovalume hono okutala ovakai ngetyi Yehova evetala? (Atos 21:8, 9; Rom. 2:11; 1 Ped. 3:7)

Ehipululo 61

1. Oityi David na Abisai valinga puetyi ankho Saulu elele pokapamendu kae?

2. Omapulo patyi David alinga Saulu?

3. Etyi asapo Saulu, opi David aya nako?

4. Oityi tyanumanesile David, alo ahoneka otyiimbo tyimue otyiwa?

5. Etyi David alinga ohamba mo Hebron ankho una omanima eñgapi? Ovana vae vamue ankho vatiwa ovalie?

6. Okuhulako, opi David akatumina ngo hamba?

Omapulo omakuavo:

1. Tanga 1 Samuel 26:1-25.

   1. Onondaka mba David mu 1 Samuel 26:11 mbulekesa okuti ankho una olusoke patyi kombinga yovitumino via Huku? (1 Sam. 26:11; Sal. 37:7; Rom. 13:2)

   2. Pamue tulinga ononkhono pala okulingila vakuetu okankhenda, mahi ovo avehetukumbulula nawa. Oñgeni onondaka mba David mbuvahiwa mu 1 Samuel 26:23 mbupondola okutukuatesako okutualako nolusoke luaviuka? (1 Reis 8:32; Sal. 18:20)

2. Tanga 2 Samuel 1:26.

   Oñgeni ova Kristau hono vapondola okulekesa “ohole onene pokati kavo” ngaina yali pokati ka David na Jonatã? (1 Ped. 4:8; Col. 3:14; 1 João 4:12)

3. Tanga 2 Samuel 5:1-10.

   1. David watumina ngo hamba omanima eñgapi? Oñgeni omuvo wae wokutumina wayapulua? (2 Sam. 5:4, 5)

   2. Opi kuatundile ounene wa David? Otyo tyituhinangelesa tyi hono? (2 Sam. 5:10; 1 Sam. 16:13; 1 Cor. 1:31; Fil. 4:13)

Ehipululo 62

1. Nekuateso lia Yehova, otyilongo tyo Kanaa tyakalele ñgeni?

2. Oityi tyaendelepo otyinthiki tyimue puetyi David ankho ekahi nokuendaenda mombala yae?

3. Omokonda yatyi Yehova ankho anumanena unene na David?

4. Ngetyi uluete polutalatu apa, olie Yehova atuma opo apopile David kombinga yononkhali mbae? Omulume wati oityi matyikapita na David?

5. Ovitateka patyi David eya okukala navio?

6. Konyima ya David, olie wakalele ohamba yova Isilayeli?

Omapulo omakuavo:

1. Tanga 2 Samuel 11:1-27.

   1. Okutualako okuundapela Yehova oñgeni tyituyakulila?

   2. Oñgeni David eya okulinga onkhali? Otyo tyiava elondolo patyi hono kovaumbili va Yehova? (2 Sam. 11:2; Mat. 5:27-29; 1 Cor. 10:12; Tia. 1:14, 15)

2. Tanga 2 Samuel 12:1-18.

   1. Elongeso patyi ovakulu vomawaneno novohe vapola konkhalelo omu Natã aavela David elondolo? (2 Sam. 12:1-4; Pro. 12:18; Mat. 13:34)

   2. Omokonda yatyi Yehova akalela nokankhenda na David? (2 Sam. 12:13; Sal. 32:5; 2 Cor. 7:9, 10)

Ehipululo 63

1. Oityi Yehova aita Salomau? Iya oñgeni Salomau akumbulula?

2. Omokonda yatyi Yehova ahambukilwa nekumbululo lia Salomau? Iya oityi alaa okumuavela?

3. Otyitateka patyi tyepuiya ovakai vevali vaetele ku Salomau?

4. Ngetyi uluete polutalatu apa, oñgeni Salomau atetululile otyitateka otyo?

5. Outumini wa Salomau ankho ukahi ñgeni? Iya omokonda yatyi?

Omapulo omakuavo:

1. Tanga 1 Reis 3:3-28.

   1. Tyina omulume amapewa otyilinga meongano lia Huku hono, oityi apondola okulilongesila konondaka mba Salomau mbukahi mu 1 Reis 3:7? (Sal. 119:105; Pro. 3:5, 6)

   2. Ongeleka patyi ongwa Salomau etuavela kombinga yovipuka tuesukisa okuita melikuambelo? (1 Reis 3:9, 11; Pro. 30:8, 9; 1 João 5:14)

   3. Onkhalelo omu Salomau atetulula otyitateka tyovakai vana vevali, tyituavela onthumbi patyi kombinga youtumini wa Salomau Omunene, Yesu Kristu? (1 Reis 3:28; Isa. 9:6, 7; 11:2-4)

2. Tanga 1 Reis 4:29-34.

   1. Etyi Salomau aita ounongo, oñgeni Yehova emukumbulula?

   2. Ovanthu valingile ononkhono opo veye okutehelela ounongo wa Salomau. Iya onthue, otyituwa patyi tuna yokukala natyo kombinga yokulilongesa Ondaka ya Huku? (1 Reis 4:29, 34; João 17:3; 2 Tim. 3:16)

Ehipululo 64

1. Omanima eñgapi Salomau alinga pala okutunga ondyuo ya Yehova? Omokonda yatyi yamanena onombongo ononyingi?

2. Ondyuo ya Huku ankho yatetwa onondyuo onoñgapi mokati? Iya oityi ankho tyapakwa mondyuo onene vali?

3. Etyi ondyuo yapwa okutungwa, oityi Salomau apopia melikuambelo liae?

4. Oñgeni Yehova alekesa okuti wetavela elikuambelo lia Salomau?

5. Ovakai va Salomau vemuhindila okulinga tyi? Iya oityi tyeya okupita na Salomau?

6. Omokonda yatyi Yehova anumanena na Salomau? Iya oityi Yehova emupopila?

Omapulo omakuavo:

1. Tanga 1 Crônicas 28:9, 10.

   Ngetyi tyapopia David mu 1 Crônicas 28:9, 10, oityi tuna okulikuatehila okulinga momuenyo wetu kese nthiki? (Sal. 19:14; Fil. 4:8, 9)

2. Tanga 2 Crônicas 6:12-21, 32-42.

   1. Oñgeni Salomau alekesa okuti nawike omunthu upondola okutunga ondyuo pala Huku Omukulami? (2 Crô. 6:18; Atos 17:24, 25)

   2. Onondaka mbuvahiwa mu 2 Crônicas 6:32, 33, mbulekesa tyi kombinga ya Yehova? (Atos 10:34, 35; Gál. 2:6)

3. Tanga 2 Crônicas 7:1-5.

   Ova Isilayeli vahivilika Yehova puetyi vamona enkhimano liae. Iya onthue hono oñgeni tukala putyina tuamamono oviwa Yehova aavela ovanthu vae? (2 Crô. 7:3; Sal. 22:22; 34:1; 96:2)

4. Tanga 1 Reis 11:9-13.

   Oñgeni onkhalelo yomuenyo wa Salomau, ilekesa esuko liokutualako nekolelo alo konthyulilo? (1 Reis 11:4, 9; Mat. 10:22; Rev. 2:10)

Ehipululo 65

1. Ovalie ovalume ava vevali vekahi polutalatu apa?

2. Aijá walingile ñgeni otyikutu tyae? Iya otyo ankho tyihangununa tyi?

3. Oityi Salomau aovolele okulinga Jeroboau?

4. Omokonda yatyi ovanthu valingila Jeroboau ohamba yomihoko ekwi?

5. Omokonda yatyi Jeroboau alingila ononthane onombali mbo olu? Iya konyima yotyo otyilongo atyikala ñgeni?

6. Oityi tyapita nouhamba womihoko vivali, nondyuo ya Yehova mo Jelusalei?

Omapulo omakuavo:

1. Tanga 1 Reis 11:26-43.

   Jeroboau ankho omunthu patyi? Iya oityi Yehova emulaa inkha atualako okutavela ovitumino via Huku? (1 Reis 11:28, 38)

2. Tanga 1 Reis 12:1-33.

   1. Oityi ovohe novakulu vomawaneno vapondola okulilongesila kongeleka ombi ya Roboau kombinga youtumini? (1 Reis 12:13; Ecl. 7:7; 1 Ped. 5:2, 3)

   2. Okulie Ovakuendye no vahikuena hono vena yokukaovola ehongolelo putyina vahanda okulinga omatokolo momuenyo wavo? (1 Reis 12:6, 7; Pro. 1:8, 9; 2 Tim. 3:16, 17; Heb. 13:7)

   3. Oityi tyahindila Jeroboau okulinga ononthane onombali pala okufenda? Iya otyo tyalekesa ñgeni okuti ankho utupu ekolelo mu Yehova? (1 Reis 11:37; 12:26-28)

   4. Olie wahindilile ovanthu vouhamba womihoko ekwi okutyitukilapo efendelo liotyotyili? (1 Reis 12:32, 33)

Ehipululo 66

1. Jezabele ankho olie?

2. Onthiki imue o Hamba Akabe ankho wanumana, omokonda yatyi?

3. Oityi Jezabele alingile opo epia lia Nabote lilinge liomulume wae Akabe?

4. Olie Yehova atumine opo ahitise Jezabele?

5. Ngetyi uluete polutalatu apa, oityi tyapitilepo etyi Jeú ehika mombala ya Jezabele?

Omapulo omakuavo:

1. Tanga 1 Reis 16:29-33; 18:3, 4.

   Ononkhalelo patyi onombi mbali mo Isilayeli mokuenda kuoutumini wo hamba Akabe? (1 Reis 14:9)

2. Tanga 1 Reis 21:1-16.

   1. Oñgeni Nabote alekesa okuti ankho una omutima wakola, nekolelo mu Yehova? (1 Reis 21:1-3; Lev. 25:23-28)

   2. Oityi tupondola okulilongesila kongeleka ya Akabe, putyina tuvasiwa notyipuka tyitunumanesa? (1 Reis 21:4; Rom. 5:3-5)

3. Tanga 2 Reis 9:30-37.

   Oityi tupondola okulilongesila kombili ya Jeú kombinga yokulinga ehando lia Yehova? (2 Reis 9:4-10; 2 Cor. 9:1, 2; 2 Tim. 4:2)

Ehipululo 67

1. Jeosafa ankho olie? Iya wakaleleko pomuvo patyi?

2. Omokonda yatyi ova Isilayeli vakalele nouoma? Iya oityi ovanyingi puvo valingile?

3. Oñgeni Yehova akumbululile elikuambelo lia Jeosafa?

4. Oityi Yehova alingile puetyi nkhele vehenehimbike ovilwa?

5. Oityi tupondola okulilongesila ku Jeosafa?

Omapulo omakuavo:

1. Tanga 2 Crônicas 20:1-30.

   1. Ngetyi tyalekesa Jeosafa, oityi ovaumbili va Huku vesukisa okulinga putyina vekahi motyiponga? (2 Crô. 20:12; Sal. 25:15; 62:1)

   2. Yehova apeho una onkhalelo imue aundapesa pala okupopia novanthu vae. Onkhalelo patyi aundapesa hono? (2 Crô. 20:14, 15; Mat. 24:45-47; João 15:15)

   3. Putyina “onthiki onene yovita via Huku Wepondolo Aliho yamehimbika,” oñgeni matukala monkhalelo ngo ya Jeosafa? (2 Crô. 20:15, 17; 32:8; Rev. 16:14, 16)

   4. Okuhetekela ova Levita, ekuateso patyi ova kokolindyila no nomisionaliu vekahi nokuava hono movilinga viokuivisa ouye auho? (2 Crô. 20:19; Rom. 10:13-15; 2 Tim. 4:2)

Ehipululo 68

1. Ovanthu ava vetatu polutalatu apa ovalie? Iya oityi tyapita no kamukuendye aka?

2. Oityi Elia aita melikuambelo kombinga yo kamukuendye aka? Iya konyima yotyo, oityi tyapitapo?

3. Omukuatesiko wa Elia ankho utiwa olie?

4. Omokonda yatyi Eliseu ankho aihanenwa keumbo liomukai umue ko Sunem?

5. Oityi Eliseu alinga? Iya oityi tyapita nomona ankho wokuankhia?

6. Epondolo patyi Yehova ena, ngetyi Elia na Eliseu valekesa?

Omapulo omakuavo:

1. Tanga 1 Reis 17:8-24.

   1. Oñgeni etavelo nekolelo lia Elia vialolwa? (1 Reis 17:9; 19:1-4, 10)

   2. Omokonda yatyi tupopila okuti omuhepe woko Sarefa ankho una ekolelo enene? (1 Reis 17:12-16; Luc. 4:25, 26)

   3. Oñgeni etyi tyapita nomuhepe woko Sarefa tyilekesa okuti onondaka mba Yesu mbahonekwa mu Mateus 10:41, 42 ombo tyotyili? (1 Reis 17:10-12, 17, 23, 24)

2. Tanga 2 Reis 4:8-37.

   1. Oityi omukai woko Sunem etulongesa kombinga yokutambula ovaenda? (2 Reis 4:8; Luc. 6:38; Rom. 12:13; 1 João 3:17)

   2. Oñgeni tupondola okulekesa okankhenda kovaumbili va Huku hono? (Atos 20:35; 28:1, 2; Gál. 6:9, 10; Heb. 6:10)

Ehipululo 69

1. Polutalatu apa, oityi omukainthu ou ekahi nokutolela omukai ou?

2. Olie omukai ou polutalatu apa? Iya oityi omukainthu ou ekahi nokulinga meumbo limukai ou?

3. Oityi Eliseu atuma omuundapi wae opo akatolele Naamã? Iya omokonda yatyi Naamã anumanena?

4. Oityi tyapitapo etyi Naamã etavela komuumbili wae?

5. Omokonda yatyi Eliseu ehetavelele otyiawa tya Naamã? Mahi oityi Geazi alinga?

6. Oityi tyapita na Geazi? Iya oityi tupondola okulilongesilako?

Omapulo omakuavo:

1. Tanga 2 Reis 5:1-27.

   1. Oñgeni ongeleka yomukainthu ou omu Isilayeli ipondola okuavela ondundo ovakuendye novahikuena hono? (2 Reis 5:3; Sal. 8:2; 148:12, 13)

   2. Omokonda yatyi tuesukisa okupaka momutima ongeleka ya Naamã, putyina tupewa elondolo Liombimbiliya? (2 Reis 5:15; Heb. 12:5, 6; Tia. 4:6)

   3. Elongeso patyi tupondola okupola kongeleka ya Eliseu no ya Geazi? (2 Reis 5:9, 10, 14-16, 20; Mat. 10:8; Atos 5:1-5; 2 Cor. 2:17)

Ehipululo 70

1. Jona ankho olie? Oityi Yehova emutumine okulinga?

2. Mokonda Jona ankho kahandele okuenda oku Yehova emutuma, oityi alinga?

3. Opo epukupuku litule, Jona wapopila ovaendesi vowato valinge tyi?

4. Ngetyi uluete polutalatu apa, oityi tyapitapo etyi Jona ayumbwa momeva?

5. Ononthiki onoñgapi Jona akala meimo liombisi onene? Iya oityi Jona alinga etyi ankho ekahi mokati kombisi?

6. Etyi Jona atunda meimo liombisi onene, opi aya nako? Iya otyo tyitulongesa tyi?

Omapulo omakuavo:

1. Tanga Jonas 1:1-17.

   Oñgeni Jona elitehelela puetyi apewa otyilinga tyokukaivisila ovanthu voko Ninive? (Jonas 1:2, 3; Pro. 3:7; Ecl. 8:12)

2. Tanga Jonas 2:1, 2, 10.

   Oñgeni etyi tyapita na Jona tyituavela onthumbi yokuti Yehova makumbulula omalikuambelo etu? (Sal. 22:24; 34:6; 1 João 5:14)

3. Tanga Jonas 3:1-10.

   1. Yehova watuaileko okuundapesa Jona namphila potete aanyene okufuisapo otyilinga tyae. Ononkhono patyi tupondola okupolako? (Sal. 103:14; 1 Ped. 5:10)

   2. Tyina tutala etyi tyapita na Jona novanthu vomo Ninive, omokonda yatyi tyapenga okusoka okuti ovanthu vamue kamavetavelale putyina tuivisa? (Jonas 3:6-9; Ecl. 11:6; Atos 13:48)

Ehipululo 71

1. Isaia ankho olie? Ankho waliko pomuvo patyi? Iya oityi Yehova emulekesile?

2. Ondaka “opalaisu” ihangununa tyi? Iya oityi otyo tyikuhinangelesa?

3. Yehova watumine Isaia ahoneke tyi kombinga Youye omupe?

4. Omokonda yatyi Andau na Eva vatelwa meumbo liavo eewa?

5. Oityi Yehova alaa vana vokuna ohole nae?

Omapulo omakuavo:

1. Tanga Isaías 11:6-9.

   1. Ondaka ya Huku ipopia ñgeni kombinga yombembwa maikakala pokati kovinyama novanthu mouye omupe? (Sal. 148:10, 13; Isa. 65:25; Eze. 34:25)

   2. Oñgeni onondaka mba Isaia mbukahi nokufuiswapo mopaspilitu, pokati kovanthu va Yehova hono? (Rom. 12:2; Efé. 4:23, 24)

   3. Olie watokala okuhivilikwa mokonda yepiluluko liovituwa viovanthu hono no mouye omupe? (Isa. 48:17, 18; Gál. 5:22, 23; Fil. 4:7)

2. Tanga Revelação 21:3, 4.

   1. Ombimbiliya ipopia okuti Huku makakala pokati kovanthu vae. Omokonda yatyi otyo katyihangununa okuti Huku meya pano pohi opo akale navo? (Lev. 26:11, 12; 2 Crô. 6:18; Isa. 66:1; Rev. 21:2, 3, 22-24)

   2. Ononkhuka patyi no nongembia mambukapuako? (Luc. 8:49-52; Rom. 8:21, 22; Rev. 21:4)

Ehipululo 72

1. Olie omulume ou polutalatu apa? Iya omokonda yatyi akalela novitateka ovinyingi?

2. Oityi tyahonekwa momikanda evi Ezekia ekahi nokupaka kolupala lwa Huku? Iya oityi Ezekia ekahi nokuita melikuambelo?

3. Ezekia ohamba patyi? Iya onondaka patyi Yehova atuma Isaia opo akapopile Ezekia?

4. Ngetyi tyalekeswa polutalatu olu, oityi oandyu ya Yehova yalinga omafualali oko Asiria?

5. Namphila ouhamba womihoko vivali ankho una ombembwa momuvo wehehi, etyi Ezekia ankhia oityi tyapitapo?

Omapulo omakuavo:

1. Tanga 2 Reis 18:1-36.

   1. Oñgeni Rabezake onkhuanangolo yo hamba yo Asiria aovolele okutepulula ekolelo liova Isilayeli? (2 Reis 18:19, 21; Êx. 5:2; Sal. 64:3)

   2. Putyina Onombangi mba Yehova vakondyeswa no nondyale mbavo, oñgeni vesukisa okulandula nawa ongeleka ya Ezekia? (2 Reis 18:36; Sal. 39:1; Pro. 26:4; 2 Tim. 2:24)

2. Tanga 2 Reis 19:1-37.

   1. Oñgeni ovanthu va Yehova hono vahetekela Ezekia pomivo vio nonkhumbi? (2 Reis 19:1, 2; Pro. 3:5, 6; Heb. 10:24, 25; Tia. 5:14, 15)

   2. Oñgeni ohamba Senakeribe afindilwe? Iya olie meya okufindwa nga Senakeribe? (2 Reis 19:32, 35, 37; Rev. 20:2, 3)

3. Tanga 2 Reis 21:1-6, 16.

   Omokonda yatyi tupopila okuti ohamba Manases walingile ovipuka ovivi unene, tyipona ono hamba ononkhuavo mbatumina mo Jelusalei? (2 Crô. 33:4-6, 9)

Ehipululo 73

1. Josia ankho una omanima eñgapi etyi alinga ohamba? Iya etyi atumina omanima epanduvali, oityi ahimbika okulinga?

2. Polutalatu olu luotete, oityi Josia ekahi nokulinga?

3. Oityi o saserdote onene yavasa, puetyi ovalume ankho vapindulapo ondyuo ya Huku?

4. Omokonda yatyi Josia atandulila otyikutu tyae?

5. Onondaka patyi mba Yehova omuuli Hulda atumine okupopila Josia?

Omapulo omakuavo:

1. Tanga 2 Crônicas 34:1-28.

   1. Ongeleka patyi Josia aavela vana vapita movitateka putyina nkhele ovatutu? (2 Crô. 33:21-25; 34:1, 2; Sal. 27:10)

   2. Mokuenda kuomanima 8, 12, no manima 18 outumini wae, oityi tyakolela Josia alingile, opo atualeko nefendelo liotyotyili? (2 Crô. 34:3, 8)

   3. Oityi tupondola okulilongesila kongeleka yo Hamba Josia noyo saserdote Hilkia, kombinga yonomphangu mbetu mbefendelo? (2 Crô. 34:9-13; Pro. 11:14; 1 Cor. 10:31)

Ehipululo 74

1. Olie omukuendye ou polutalatu apa?

2. Oityi Jeremia ankho asoka kombinga yokukala omuuli? Mahi oityi Yehova emutolela?

3. Onondaka patyi Jeremia ankho ena yokutolela ovanthu?

4. Oñgeni ono saserdote mbaovolele okutyilika Jeremia? Mahi, oñgeni Jeremia alekesa okuti ankho utupu ouoma?

5. Oityi tyapitapo etyi ova Isilayeli vaanya okupilulula onkhalelo yavo ombi?

Omapulo omakuavo:

1. Tanga Jeremias 1:1-8.

   1. Ngetyi tyilekesa ongeleka ya Jeremia, oityi tyikuatesako omunthu opo akale tyafuapo pala okuundapela Yehova? (2 Cor. 3:5, 6)

   2. Ondundo patyi ovakuendye novahikuena ova Kristau hono vapola kongeleka ya Jeremia? (Ecl. 12:1; 1 Tim. 4:12)

2. Tanga Jeremias 10:1-5.

   Oñgeni Jeremia alekesa okuti katyaviukile okuyumba onthumbi movilolo? (Jer. 10:5; Isa. 46:7; Hab. 2:19)

3. Tanga Jeremias 26:1-16.

   1. Yehova waavelele Jeremia otyitumino tyokuati ‘uhapoleko ondaka naike’ konondaka mbange. Oñgeni hono, otyihupe tyovanakwa tyikahi nokuundapesa onondaka ombo, putyina vaivisa? (Jer. 26:2; Deut. 4:2; Atos 20:27)

   2. Ongeleka patyi ongwa Jeremia aavela Onombangi mba Yehova hono, kombinga yokuivisa elondolo lia Yehova kovanthu? (Jer. 26:8, 12, 14, 15; 2 Tim. 4:1-5)

4. Tanga 2 Reis 24:1-17.

   Oityi tyapita no Judaa mokuahatavelele ku Yehova? (2 Reis 24:2-4, 14)

Ehipululo 75

1. Ovalie ovakuendye ava vekuana polutalatu apa? Iya omokonda yatyi vekahi Mombambilonia?

2. Olusoke patyi Nambukondonosole ankho ena kombinga yovakuendye ava vekuana? Iya oityi atuma ovaundapi vae?

3. Oityi Daniele aita kombinga yokulia nokunwa kuae no mapanga ae etatu?

4. Vakala ononthiki ekwi nokulia vala onombi, nomakovi, nomalupoyu. Konyima yononthiki ombo, Daniele nomapanga ae etatu ankho vekahi ñgeni etyi vaelekwa novakuendye ovakuavo?

5. Oñgeni Daniele nomapanga ae etatu veya okukala mo mbala yo hamba? Iya omonkhalelo patyi ankho vavililepo vali tyipona ono saserdote novanongo vomo Mbambilonia?

Omapulo omakuavo:

1. Tanga Daniel 1:1-21.

   1. Ononkhono patyi tuesukisa okulinga, inkha tuhanda okuluisa omahetaiko no kutualako tyapama? (Dan. 1:8; Gên. 39:7, 10; Gál. 6:9)

   2. Oñgeni ovakuendye novahikuena vapondola okuhetaikwa ine okuyondyua nomahando elifwa nokulia kuo hamba ina? (Dan. 1:8; Pro. 20:1; 2 Cor. 6:17–7:1)

   3. Etyi Ombimbiliya ipopia kombinga yovakuendye ovo vekuana ova Hebreu, tyitukuatesako okunoñgonoka tyi kombinga yokulilongesa mosikola yakaputu? (Dan. 1:20; Isa. 54:13; 1 Cor. 3:18-20)

Ehipululo 76

1. Ngetyi tyilekesa olutalatu olu, oityi tyikahi nokupita no Jelusalei nova Isilayeli?

2. Ezekiele ankho olie? Iya ovipuka patyi vikundisa Yehova emulekesa?

3. Mokonda ova Isilayeli kavakalele nonthilo na Yehova, oityi Yehova alaele?

4. Oityi Ohamba Nambukondonosole alinga etyi ova Isilayeli vehemutavelele?

5. Omokonda yatyi Yehova ayekela ova Isilayeli vahanyaunuepo?

6. Oñgeni otyilongo tyo Isilayeli tyesalele tyihena ovanthu? Iya atyikala ngotyo omanima eñgapi?

Omapulo omakuavo:

1. Tanga 2 Reis 25:1-26.

   1. Zedekia ankho olie? Oityi tyapita nae? Iya oñgeni otyo tyafuisapo eulo lio Mbimbiliya? (2 Reis 25:5-7; Eze. 12:13-15)

   2. Olie Yehova apopile okuti oe una onkhali yovipuka aviho ovivi vialingwa nova Isilayeli? (2 Reis 25:9, 11, 12, 18, 19; 2 Crô. 36:14, 17)

2. Tanga Ezequiel 8:1-18.

   Oñgeni ova Kristau vomatutu vekahi nokuhetekela ova Isilayeli vana ankho vehena ekolelo ankho vafenda ekumbi? (Eze. 8:16; Isa. 5:20, 21; João 3:19-21; 2 Tim. 4:3)

Ehipululo 77

1. Nambukondonosole ohamba yoko Mbambilonia watumine ovanthu okulinga tyi?

2. Omokonda yatyi omapanga etatu a Daniele kavafendele otyilolo tyo olu?

3. Nambukondonosole aavela vali ovakuendye ovo vetatu omphito onkhuavo pala okufenda otyilolo. Mahi, oñgeni valekesa onthumbi yavo mu Yehova?

4. Nambukondonosole atumu ovalume vae valinge tyi Sadrake, na Mesake, na Abedenegu?

5. Oityi Nambukondonosole amona, etyi atala mokati kofolono?

6. Omokonda yatyi ohamba yankhimanekela Huku ya Sadrake, na Mesake, na Abedenegu? Iya ovakuendye ovo vetuavela ongeleka patyi?

Omapulo omakuavo:

1. Tanga Daniel 3:1-30.

   1. Putyina ovaumbili aveho va Huku vapita momahetaiko, otyituwa patyi tyalekeswa novakuendye ovo vetatu ova Hebreu, vesukisa okuhetekela? (Dan. 3:17, 18; Mat. 10:28; Rom. 14:7, 8)

   2. Elongeso patyi liakolela, Yehova Huku alongesa Nambukondonosole? (Dan. 3:28, 29; 4:34, 35)

Ehipululo 78

1. Ohamba yo Mbambilonia yalingile otyipito otyinene, iya aundapesa ono kopo nomatisela ankho apolelwe mondyuo ya Huku ko Jelusalei. Moluotyo oityi tyapitapo?

2. Oityi Belsazar apopila ovanongo vae? Mahi oityi ovanongo ovo vehevilile okulinga?

3. Me yo hamba emutolela okulinga tyi?

4. Ngetyi Daniele atolela ohamba, omokonda yatyi Huku atumina okwoko kuhoneke motyimato?

5. Oñgeni Daniele ahangununa nawa onondaka ankho mbahonekwa motyimato?

6. Oityi tyapitapo puetyi Daniele nkhele ehenemane okupopia?

Omapulo omakuavo:

1. Tanga Daniel 5:1-31.

   1. Hangununa oñgeni onthilo na Huku yelikalela nouoma Belsazar akalele nao, puetyi amona onondaka mbahonekwa motyimato (Dan. 5:6, 7; Sal. 19:9; Rom. 8:35-39)

   2. Oñgeni Daniele alekesa okuti wakola omutima, puetyi apopia na Belsazar novanene vae? (Dan. 5:17, 18, 22, 26-28; Atos 4:29)

   3. Oñgeni okapitulu 5 ka Daniele kalekesa okuti Yehova oe vala Ohamba youye auho? (Dan. 4:17, 25; 5:21)

Ehipululo 79

1. Dariu ankho olie? Iya oñgeni ankho atala Daniele?

2. Ovalume vamue ankho vokuyele Daniele valunda Dariu okulinga tyi?

3. Oityi Daniele alinga puetyi eiva otyitumino otyipe?

4. Omokonda yatyi Dariu anumanena unene ahamono olumphoki? Iya etyi tyati komuhuka oityi Dariu alinga?

5. Oñgeni Daniele akumbulula Dariu?

6. Oityi tyapita novalume vana onondingavivi ankho vokuahanda okuipaa Daniele? Iya oityi Dariu ahonekela ovanthu aveho vo mouhamba wae?

Omapulo omakuavo:

1. Tanga Daniel 6:1-28.

   1. Oñgeni etyi tyapita na Daniele tyituhinangelesa etyi onondyale mbukahi nokulinga pala okutyilika ovilinga vio Nombangi mba Yehova mo nonthiki mbetu? (Dan. 6:7; Sal. 94:20; Isa. 10:1; Rom. 8:31)

   2. Oñgeni ovaumbili va Huku vapondola hono okuhetekela Daniele mokutualako okutavela kovatumini? (Dan. 6:5, 10; Rom. 13:1; Atos 5:29)

   3. Oñgeni tupondola okuhetekela ongeleka ya Daniele okuumbila Yehova nekolelo? (Dan. 6:16, 20; Fil. 3:16; Rev. 7:15)

Ehipululo 80

1. Ngetyi tyilekesa olutalatu olu, oityi ova Isilayeli vekahi nokulinga?

2. Oñgeni Siru afuisapo eulo lia Yehova liapopiwa na Isaia?

3. Oityi Siru atolela ova Isilayeli vana vehetyivilile okukondoka ko Jelusalei?

4. Oityi Siru aavela ovanthu vokuakondoka ko Jelusalei?

5. Ononthiki onoñgapi ova Isilayeli vaenda opo vehike ko Jelusalei?

6. Omanima eñgapi otyilongo tyakala tyihena ovanthu?

Omapulo omakuavo:

1. Tanga Isaías 44:28; 45:1-4.

   1. Oñgeni Yehova alekesa okuti eulo kombinga ya Siru malifuisuapo umue tyili? (Isa. 55:10, 11; Rom. 4:17)

   2. Oityi eulo lia Isaia kombinga ya Siru lilekesa kombinga yepondolo lia Yehova Huku liokupopia ovipuka mavikapita komutue? (Isa. 42:9; 45:21; 46:10, 11; 2 Ped. 1:20)

2. Tanga Esdras 1:1-11.

   Okulandula ongeleka yavana vehetyivilile okukondoka ko Jelusalei, oñgeni tupondola hono ‘okupameka omaoko’ avana vokuna epondolo liokunyingila movilinga viomuwo auho? (Esd. 1:4, 6; Rom. 12:13; Col. 4:12)

Ehipululo 81

1. Ovanthu veñgapi valinga oungendi okutunda ko Mbambilonia alo ko Jelusalei? Mahi oityi vavasako etyi vehika?

2. Oityi ova Isilayeli vahimbika okutunga etyi vehika? Mahi oityi onondyale mbavo mbalinga?

3. Ageu na Zakaria, ankho ovalie? Iya oityi ovo vatolela ovanthu?

4. Omokonda yatyi Tatenai atumina omukanda ko Mbambilonia? Iya ekumbululo patyi apewako?

5. Oityi Esdra alinga etyi eiva kombinga yesuko liokuhiwisa ondyuo ya Huku?

6. Oityi Esdra ekahi nokulikuambela polutalatu apa? Oñgeni elikuambelo liae liakumbululwa? Iya otyo tyitulongesa tyi?

Omapulo omakuavo:

1. Tanga Esdras 3:1-13.

   Inkha tukahi potyilongo tyimue pehena ewaneno liovanthu va Huku, oityi tuesukisa okutualako okulinga? (Esd. 3:3, 6; Atos 17:16, 17; Heb. 13:15)

2. Tanga Esdras 4:1-7.

   Ongeleka patyi Zorobabel aavela ovanthu va Yehova kombinga yokulihonyeka novanthu vomalongeso omatutu? (Êx. 34:12; 1 Cor. 15:33; 2 Cor. 6:14-17)

3. Tanga Esdras 5:1-5, 17; 6:1-22.

   1. Omokonda yatyi onondyale kambetyivilile okutalameka ovilinga viokutunga ondyuo ya Huku? (Esd. 5:5; Isa. 54:17)

   2. Oñgeni etyi tyalinga ovakulu vomawaneno ova Judeu tyikuatesako ovakulu vomawaneno ova Kristau hono okuovola ehongelelo lia Yehova putyina vapita movitateka? (Esd. 6:14; Sal. 32:8; Rom. 8:31; Tia. 1:5)

4. Tanga Esdras 8:21-23, 28-36.

   Tyina tuhanda okutokola okulinga otyipuka, ongeleka patyi ya Esdra tuesukisa okuhetekela? (Esd. 8:23; Sal. 127:1; Pro. 10:22; Tia. 4:13-15)

Ehipululo 82

1. Mordekai na Ester ovalie?

2. Omokonda yatyi Ohamba Asueru ahandela omukai umue omupe? Iya olie waholovonua pala okukala omukai wae?

3. Hamã ankho olie? Iya oityi tyemunumanesa unene?

4. Otyitumino patyi tyalingwa? Iya oityi Ester alinga etyi atambula onondaka mbatunda ku Mordekai?

5. Oityi tyapita na Hamã? Iya oityi tyapita na Mordekai?

6. Oñgeni ova Isilayeli vayovolwa konondyale mbavo?

Omapulo omakuavo:

1. Tanga Ester 2:12-18.

   Oñgeni Ester alekesa esilivilo liokukala nomutima wahiliya nokuna ombembwa? (Ester 2:15; 1 Ped. 3:1-5)

2. Tanga Ester 4:1-17.

   Ngetyi Ester apewa omphito yokukala konthele yefendelo liotyotyili, omphito patyi onthue tuapewa hono opo tulekese elipakulo lietu nekolelo lietu mu Yehova? (Ester 4:13, 14; Mat. 5:14-16; 24:14)

3. Tanga Ester 7:1-6.

   Oñgeni ovanyingi povafendeli va Huku hono, vehole okupaka omuenyo wavo motyiponga, ngetyi Ester alingile? (Ester 7:4; Mat. 10:16-22; 1 Ped. 2:12)

Ehipululo 83

1. Oñgeni ova Isilayeli ankho velitehelela kombinga yepundaumbo liavo o Jelusalei ankho lihena ovimato?

2. Neemia ankho olie?

3. Neemia ankho ulinga ovilinga patyi? Iya omokonda yatyi ovilinga ovio ankho viakolela unene?

4. Oityi Neemia eiva tyemunumanesile? Iya oityi alinga?

5. Oñgeni Ohamba Artaxerxe alekesa okankhenda na Neemia?

6. Oñgeni Neemia aonganeka otyilinga tyokutunga opo onondyale mbova Isilayeli vahapondole okutalameka otyilinga otyo?

Omapulo omakuavo:

1. Tanga Neemias 1:4-6.

   Oñgeni Neemia aovola ehongolelo lia Yehova? (Nee. 2:4, 5; Rom. 12:12; 1 Ped. 4:7)

2. Tanga Neemias 3:3-5.

   Oityi ovakulu vomawaneno no novaumbili vovilinga velilongesila kotyituwa ankho tyikahi pokati kova Tekoita novatumini vavo? (Nee. 3:5, 27; 2 Tes. 3:7-10; 1 Ped. 5:5)

3. Tanga Neemias 4:1-23.

   1. Oityi tyalunda ova Isilayeli opo vatualeko nokutunga namphila ankho vakondyeswa no nondyale? (Nee. 4:6, 8, 9; Sal. 50:15; Isa. 65:13, 14)

   2. Omonkhalelo patyi ongeleka yova Isilayeli itukuatesako hono?

4. Tanga Neemias 6:15.

   Ovimato vio Jelusalei viapwa okutungwa monohanyi onombali. Otyo tyilekesa tyi kombinga yepondolo liekolelo? (Sal. 56:3, 4; Mat. 17:20; 19:26)

Ehipululo 84

1. Omukai ou ukahi polutalatu apa, olie?

2. Oityi Gabriel atolela Maliya?

3. Oñgeni Gabriel ahangununina Maliya okuti makala nomona namphila ankho ehenenepwe?

4. Oityi tyapitapo etyi Maliya akatalelapo ombunga yae Elisabete?

5. Oityi Jose asoka etyi anoñgonoka okuti Maliya omunthimba? Mahi omokonda yatyi apilulula olusoke luae?

Omapulo omakuavo:

1. Tanga Lucas 1:26-56.

   1. Oñgeni omukanda wa Lucas 1:35 ulekesa okuti Omona wa Huku kapiñganene onkhali ya Andau? (Ageu 2:11-13; João 6:69; Heb. 7:26; 10:5)

   2. Oñgeni Yesu ahivilikwa puetyi nkhele ehenetyitwe? (Luc. 1:41-43)

   3. Ongeleka patyi ongwa Maliya aavela ova Kristau hono putyina vatambula otyilinga tyimue tyakolela? (Luc. 1:38, 46-49; 17:10; Pro. 11:2)

2. Tanga Mateus 1:18-25.

   Namphila Yesu etyi ankho ekahi pano pohi kalukilwe Emanuel, oñgeni ovilinga viae ankho vielikuata netyi tyihangununa enyina olio? (Mat. 1:22, 23; João 14:8-10; Heb. 1:1-3)

Ehipululo 85

1. Olie olukembe olu lukahi polutalatu apa? Iya apa opi Maliya emulangeka?

2. Omokonda yatyi Yesu atyitilwa motyunda novipako?

3. Polutalatu olu, ovalie ovalume ava vekahi nokunyingila motyunda? Iya oityi oandyu imue yevepopila?

4. Omokonda yatyi Yesu akalela omunthu wakolela unene?

5. Omokonda yatyi Yesu aihanenwa okuti Omona wa Huku?

Omapulo omakuavo:

1. Tanga Lucas 2:1-20.

   1. Oñgeni Sesale Augustu afuisapo eulo kombinga yokutyitwa kua Yesu? (Luc. 2:1-4; Miq. 5:2)

   2. Oñgeni omunthu apondola okukala pokati kovanthu vana Huku ahambukilwa? (Luc. 2:14; Mat. 16:24; João 17:3; Atos 3:19; Heb. 11:6)

   3. Ovanthita vana ova Judeu vali nehunga pala okuhambukwa mokonda yo Muyovoli ankho watyitua. Iya ovaumbili va Huku hono, ehunga patyi enene vena liokuhambukwa? (Luc. 2:10, 11; Efé. 3:8, 9; Rev. 11:15; 14:6)

Ehipululo 86

1. Ovalie ovalume ava vekahi polutalatu apa? Iya omokonda yatyi omulume ou ekahi nokuyulika onthungululu ina ikahi nokuliaima?

2. Omokonda yatyi Ohamba Herode anumanena? Iya oityi alinga?

3. Opi onthungululu yokualiaima yahongolela ovalume ava? Mahi omokonda yatyi vaendela ondyila onkhuavo etyi vakondoka kotyilongo tyavo?

4. Otyitumino patyi Herode aava? Iya omokonda yatyi?

5. Oityi Yehova atolela Jose okulinga?

6. Olie walinga onthungululu ei omphe iliaime? Iya omokonda yatyi?

Omapulo omakuavo:

1. Tanga Mateus 2:1-23.

   Yesu ankho una omanima eñgapi? Iya opi ankho ekahi etyi ovalume vokulilongesa ononthungululu vekemutalelapo? (Mat. 2:1, 11, 16)

Ehipululo 87

1. Yesu ankho una omanima eñgapi polutalatu apa? Iya omu opi ekahi?

2. Oityi Jose ankho alinga nombunga yae kese enima?

3. Jose na Maliya vaenda onthiki ike okukondoka keumbo. Iya omokonda yatyi vakondokela vali ko Jelusalei?

4. Opi Jose na Maliya vavasa Yesu? Omokonda yatyi ankho ovanthu vahuvila?

5. Oityi Yesu apopila me yae Maliya?

6. Oñgeni tupondola okulilongesa kombinga ya Huku nga Yesu?

Omapulo omakuavo:

1. Tanga Lucas 2:41-52.

   1. Otyitumino ankho tyipopia okuti ovalume vala vena okuenda kese enima kotyipito. Ongeleka patyi ongwa Jose na Maliya vaavela ovohe hono? (Luc. 2:41; Deut. 16:16; 31:12; Pro. 22:6)

   2. Oñgeni Yesu aavela ovakuendye novahikuena ongeleka ongwa hono, kombinga yokutavela kovohe? (Luc. 2:51; Deut. 5:16; Pro. 23:22; Col. 3:20)

2. Tanga Mateus 13:53-56.

   Ovalie onondenge ononkhuana mba Yesu, vena omanyina avo mo Mbimbiliya? Iya oñgeni onondenge onombali mba Yesu vaundapeswa mewaneno liova kristau? (Mat. 13:55; Atos 12:17; 15:6, 13; 21:18; Gál. 1:19; Tia. 1:1; Judas 1)

Ehipululo 88

1. Ovalie ovalume ava vevali polutalatu apa?

2. Oñgeni omunthu ambatisalwa?

3. João ankho umbatisala ovanthu patyi?

4. Omokonda yatyi Yesu aitila João emumbatisale?

5. Oñgeni Huku alekesa okuti wahambukua nombatisimu ya Yesu?

6. Oityi tyapitapo, etyi Yesu akakala pomphangu imue aike ononthiki 40?

7. Ovalie ovalanduli votete va Yesu? Iya olipi ehuviso liae liotete?

Omapulo omakuavo:

1. Tanga Mateus 3:13-17.

   Ongeleka patyi Yesu asapo pala ovalongwa vae kombinga yombatisimu? (Sal. 40:7, 8; Mat. 28:19, 20; Luc. 3:21, 22)

2. Tanga Mateus 4:1-11.

   Yesu waundapesa Ovihonekwa nounongo. Oñgeni otyo tyituavela ondundo yokutanga Ombimbiliya ononthiki ambuho? (Mat. 4:5-7; 2 Ped. 3:17, 18; 1 João 4:1)

3. Tanga João 1:29-51.

   Okulie João Batista ahongolela ovalongwa vae? Iya oñgeni hono tupondola okumuhetekela? (João 1:29, 35, 36; 3:30; Mat. 23:10)

4. Tanga João 2:1-12.

   Oñgeni ehuviso liotete lia Yesu, lialekesa okuti Yehova kanumina ovaumbili Vae natyike otyiwa? (João 2:9, 10; Sal. 84:11; Tia. 1:17)

Ehipululo 89

1. Omokonda yatyi ovipako ankho vilandesilwa mondyuo ya Huku?

2. Oityi tyanumanesile Yesu?

3. Ngetyi uluete polutalatu apa, oityi Yesu alinga? Iya oityi atolela ovalume ankho valandesa onopomba?

4. Etyi ovalanduli va Yesu vamona ovipuka ekahi nokulinga, oityi vahinangela?

5. Opotyilongo patyi Yesu aenda etyi ankho akondoka ko Galileia?

Omapulo omakuavo:

1. Tanga João 2:13-25.

   Yesu wakalele nonyengo navana ankho valandesila mondyuo ya Huku, anengula onombongo mbavo. Olusoke patyi tupondola okukala nalo kombinga yokupopila ovitanda Mondyuo Yomaliongiyo? (João 2:15, 16; 1 Cor. 10:24, 31-33)

Ehipululo 90

1. Omokonda yatyi Yesu atalamena ponyombo mo Samaria? Iya oityi ekahi nokupopila omukai ou?

2. Omokonda yatyi omukai ahuvila? Oityi Yesu emupopila? Iya omokonda yatyi?

3. Omukai wasoka okuti Yesu ankho ukahi nokupopia kombinga yomeva patyi? Mahi tyotyili omeva patyi Yesu ankho ekahi nokupopia?

4. Omokonda yatyi omukai ahuvila novipuka ankho Yesu anoñgonoka kombinga yae? Iya oñgeni Yesu anoñgonoka ovipuka ovio?

5. Oityi tupondola okulilongesa kombinga yehipululo liomukai ou ponyombo?

Omapulo omakuavo:

1. Tanga João 4:5-43.

   1. Okulandula ongeleka ya Yesu, otyituwa patyi tuesukisa okulekesa kombinga yovanthu vovivala ovikuavo? (João 4:9; 1 Cor. 9:22; 1 Tim. 2:3, 4; Tito 2:11)

   2. Okukala omulongwa wa Yesu, esilivilo patyi liopaspilitu omunthu apolako? (João 4:14; Isa. 58:11; 2 Cor. 4:16)

   3. Omukai woko Samaria wakalele nehambu enene liokupopila vakuavo etyi alongeswa. Iya oñgeni onthue tupondola okulekesa olupandu ngomukai ou? (João 4:7, 28; Mat. 6:33; Luc. 10:40-42)

Ehipululo 91

1. Polutalatu apa, opi Yesu ekahi nokulongesila? Iya ovalie ava vaumphama ponthele yae?

2. Omanyina ono apostolu 12, ovalie?

3. Ouhamba patyi Yesu ankho ekahi nokuivisa?

4. Yesu walongesa ovanthu okulikuambela kombinga yatyi?

5. Yesu wapopia okuti ovanthu vena okukala ñgeni navakuavo?

Omapulo omakuavo:

1. Tanga Mateus 5:1-12.

   Oñgeni tupondola okulekesa okuti tuanoñgonoka ovilinga vietu viopaspilitu? (Mat. 5:3; Rom. 10:13-15; 1 Tim. 4:13, 15, 16)

2. Tanga Mateus 5:21-26.

   Oñgeni Mateus 5:23, 24 ilekesa okuti oupanga tuna novakuatate vetu upondola okunumanesa ine okuhambukiswa Yehova? (Mat. 6:14, 15; Sal. 133:1; Col. 3:13; 1 João 4:20)

3. Tanga Mateus 6:1-8.

   Ovituwa patyi ovivi ova Kristau vena yokulityilika? (Luc. 18:11, 12; 1 Cor. 4:6, 7; 2 Cor. 9:7)

4. Tanga Mateus 6:25-34.

   Oityi Yesu alongesa tyilekesa okuti tuna okuyumba onthumbi mu Yehova, kombinga yomasuko etu opalutu? (Êx. 16:4; Sal. 37:25; Fil. 4:6)

5. Tanga Mateus 7:1-11.

   Onthengele popia ivasiwa mu Mateus 7:5 itulongesa tyi? (Pro. 26:12; Rom. 2:1; 14:10; Tia. 4:11, 12)

Ehipululo 92

1. Olie tate yo kamukainthu aka kekahi polutalatu apa? Iya omokonda yatyi oe nomukai wae vasukalalela unene?

2. Oityi Jailu alinga etyi avasa Yesu?

3. Oityi tyapitapo etyi Yesu ankho ekahi nokuenda keumbo lia Jailu? Iya onondaka patyi Jailu atambula mondyila?

4. Omokonda yatyi ovanthu mondyuo ya Jailu vayolela Yesu?

5. Yesu nono apostolu mbae ononthatu, na tate yomukainthu na me yae vanyingila mondyuo ankho elele. Iya oityi Yesu alinga?

6. Olie vali Yesu atutilisa? Iya otyo tyilekesa tyi?

Omapulo omakuavo:

1. Tanga Lucas 8:40-56.

   Oñgeni Yesu alekesa okankhenda nohole omukai una ankho wokuna ouvela wokupita unene ohonde? Iya oityi ovakulu vewaneno hono vapondola okulilongesilako? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14)

2. Tanga Lucas 7:11-17.

   Omokonda yatyi vana vokuankhisa vapondola okuvasa epameko enene kekumbululo Yesu aavela omuhepe woko Naim? (Luc. 7:13; 2 Cor. 1:3, 4; Heb. 4:15)

3. Tanga João 11:17-44.

   Oñgeni Yesu alekesa okuti hatyiviko okulila omunthu wankhia? (João 11:33-36, 38; 2 Sam. 18:33; 19:1-4)

Ehipululo 93

1. Otyipuka patyi otyivi tyapita na João Batista? Iya Yesu atyimukalesa ñgeni?

2. Oñgeni Yesu aavela okulia otyinyingi tyovanthu ankho vemukuama? Iya pahupile okulia kulifuepi?

3. Omokonda yatyi ovalongwa vakalela nouoma mokuenda kuotyinthiki? Iya oityi tyapita na Petulu?

4. Oñgeni Yesu aavela okulia otyinyingi tyovanthu otyikando tyavali?

5. Omokonda yatyi matyikala otyiwa unene, putyina Yesu makatumina pano pohi ngo Hamba Youhamba wa Huku?

Omapulo omakuavo:

1. Tanga Mateus 14:1-32.

   1. Onondaka mbuvasiwa mu Mateus 14:23-32 mbulekesa tyi kombinga yotyituwa tya Petulu?

   2. Oñgeni Ovihonekwa vilekesa okuti Petulu ankho pahe wekula mopaspilitu, no monkhalelo yae yokulinga ovipuka? (Mat. 14:27-30; João 18:10; 21:7; Atos 2:14, 37-40; 1 Ped. 5:6, 10)

2. Tanga Mateus 15:29-38.

   Oñgeni Yesu alekesa okuti una esuko nonkhuta yatunda ku Tate yae? (Mat. 15:37; João 6:12; Col. 3:15)

3. Tanga João 6:1-21.

   Oñgeni ova Kristau hono vapondola okukuama ongeleka ya Yesu kombinga yokuhumba ovatumini? (João 6:15; Mat. 22:21; Rom. 12:2; 13:1-4)

Ehipululo 94

1. Oityi ono apostolu ankho vatañguna mondyila puetyi ankho vakondoka koungendi wavo?

2. Omokonda yatyi Yesu aihanena omona iya emutalameka pokati kono apostolu?

3. Omonkhalelo patyi ono apostolu vena yokulilongesa okukala ngo vana?

4. Etyi papita onohanyi mbehehi, oñgeni Yesu alekesa okuti uhole ovana?

Omapulo omakuavo:

1. Tanga Mateus 18:1-4.

   Omokonda yatyi Yesu aundapesila ononthengele-popia pokulongesa? (Mat. 13:34, 36; Mar. 4:33, 34)

2. Tanga Mateus 19:13-15.

   Ovituwa patyi viovana tuna yokuhetekela inkha tuhanda ononkhaneno onongwa Mouhamba wa Huku? (Sal. 25:9; 138:6; 1 Cor. 14:20)

3. Tanga Marcos 9:33-37.

   Oityi Yesu alongesa ovalongwa vae kombinga yokuhanda okukala ovanene? (Mar. 9:35; Mat. 20:25, 26; Gál. 6:3; Fil. 2:5-8)

4. Tanga Marcos 10:13-16.

   Oñgeni Yesu alekesa okuti ankho una ohole? Iya oñgeni ovakulu vewaneno vapondola okulilongesila kongeleka yae? (Fil. 2:1-4; 1 Tim. 4:12)

Ehipululo 95

1. Epulo patyi omulume umue alinga Yesu? Iya omokonda yatyi?

2. Ovikando vimue oityi Yesu aundapesa pokulongesa? Iya oityi tuelilongesila kombinga yova Judeu nova Samaritanu?

3. Mehipululo Yesu apopia, oityi tyapita nomu Judeu umue ankho wenda noko Jerikoo?

4. Oityi tyapitapo etyi o saserdote imue omu Judeu nomu Levita vakuata metapalo olio?

5. Polutalatu apa, olie ukahi nokukuatesako omu Judeu wokuavetua unene?

6. Etyi Yesu amana okupopia ehipululo, epulo patyi alinga? Iya oñgeni omulume emukumbulula?

Omapulo omakuavo:

1. Tanga Lucas 10:25-37.

   1. Oñgeni Yesu akuatesako omulume umue okunoñgonoka ehunga liehipululo liae? (Luc. 10:26; Mat. 16:13-16)

   2. Oñgeni Yesu aundapesa ononthengele popia pala okukuatesako ovateheleli vae okulityilika okukala nokatongotongo? (Luc. 10:36, 37; 18:9-14; Tito 1:9)

Ehipululo 96

1. Oityi Yesu alinga puetyi ankho aendaenda kononthele ambuho mbo tyilongo?

2. Konyima yomanima etatu ombatisimu ya Yesu, oityi oe atolela ono apostolu mbae?

3. Ovalie ovanthu ava vekahi polutalatu apa? Iya oityi Yesu alinga omukai ou?

4. Omokonda yatyi ekumbululo Yesu aavela ononkhalamutwe mbo nongeleya ankho lievekundisa?

5. Etyi Yesu nono apostolu mbae ankho vekahi popepi no Jerikoo, oityi Yesu alinga ovamphoki vevali ankho vaita osimola?

6. Omokonda yatyi Yesu alingila omahuviso?

Omapulo omakuavo:

1. Tanga Mateus 15:30, 31.

   Epondolo patyi enene Yehova alekesila mu Yesu? Oñgeni otyo tyitukuatesako okunoñgonoka etyi Yehova alaa okulinga mouye omupe? (Sal. 37:29; Isa. 33:24)

2. Tanga Lucas 13:10-17.

   Yesu walingile omahuviso mo Tyasapalo. Otyo tyilekesa okuti maeta ekuateso patyi kovanthu, mokuenda Kuoutumini wae Wovityita Ekwi? (Luc. 13:10-13; Sal. 46:9; Mat. 12:8; Col. 2:16, 17; Rev. 21:1-4)

3. Tanga Mateus 20:29-34.

   Oñgeni onondaka ombu mbulekesa okuti ovilinga ovinyingi kaviatyilikile Yesu okukuatesako ovanthu? Iya oityi onthue tupondola okulilongesilako? (Deut. 15:7; Tia. 2:15, 16; 1 João 3:17)

Ehipululo 97

1. Etyi Yesu ehika potyilongo tyimue popepi no Jelusalei, watolela ovalongwa vae vakalinge tyi?

2. Ngetyi uluete polutalatu apa, oityi tyapitapo etyi Yesu ehika popepi nepundaumbo lio Jelusalei?

3. Oityi ovana valinga etyi vamona Yesu ukahi nokuvelula ovanthu, ovamphoki novilema?

4. Oityi Yesu apopila ono saserdote mbuna ankho mbanumana?

5. Oñgeni tupondola okukala ngovana vana ankho vahivilika Yesu?

6. Oityi ovalongwa ankho vahanda okunoñgonoka?

Omapulo omakuavo:

1. Tanga Mateus 21:1-17.

   1. Oñgeni onkhalelo omu Yesu anyingila mo Jelusalei yelikalela no yovatumini kononthiki mbova Roma? (Mat. 21:4, 5; Zac. 9:9; Fil. 2:5-8; Col. 2:15)

   2. Elongeso patyi ovakuendye novahikuena vapondola okupola kovana vana vapopiwa mu Salmo 118 puetyi Yesu anyingila mondyuo ya Huku? (Sal. 118:1-29; Mat. 21:9, 15; Sal. 118:25, 26; 2 Tim. 3:15; 2 Ped. 3:18)

2. Tanga João 12:12-16.

   Ovimpha viomilunga viaundapeswa novanthu pokuliepesa Yesu, oityi ankho vihangununa? (João 12:13; Fil. 2:10; Rev. 7:9, 10)

Ehipululo 98

1. Polutalatu apa, opi Yesu ekahi? Iya ava vekahi nae ovalie?

2. Oityi ono saserdote ankho mbuovola okulinga Yesu mondyuo ya Huku? Iya oityi Yesu evetolela?

3. Oityi ono apostolu mbapula Yesu?

4. Omokonda yatyi Yesu atolela ono apostolu mbae ovipuka mavikapita pano pohi, putyina akatumina ngo Hamba keulu?

5. Yesu wati oityi matyikapita, putyina nkhele ehenemaneko ovipuka aviho ovivi pano pohi?

Omapulo omakuavo:

1. Tanga Mateus 23:1-39.

   1. Ovihonekwa vilekesa okuti katyapengele ovanthu vomouye okuundapesa omanyina enkhimano. Mahi onondaka mba Yesu mu Mateus 23:8-11 oityi mbulekesa kombinga yokuundapesa omanyina enkhimano mewaneno liova Kristau? (Atos 26:25; Rom. 13:7; 1 Ped. 2:13, 14)

   2. Oityi ankho ono Fariseu valinga opo vatyilike ovanthu okukala ova Kristau? Oñgeni hono ononkhalamutue mbo nongeleya mbukahi nokulandula onkhalelo yova Fariseu? (Mat. 23:13; Luc. 11:52; João 9:22; 12:42; 1 Tes. 2:16)

2. Tanga Mateus 24:1-14.

   1. Omokonda yatyi ekoleleyo liapopiwa mu Mateus 24:13 liakolela unene?

   2. Ondaka yokuati “onthyulilo” mu Mateus 24:13 ihangununa tyi? (Mat. 16:27; Rom. 14:10-12; 2 Cor. 5:10)

3. Tanga Marcos 13:3-10.

   Ondaka patyi ivasiwa mu Marcos 13:10 ilekesa okuti okupopia onondaka onongwa Mbouhamba tyalumbanesa? Iya oñgeni tupondola okuundapesa onondaka mba Yesu? (Rom. 13:11, 12; 1 Cor. 7:29-31; 2 Tim. 4:2)

Ehipululo 99

1. Ngetyi uluete polutalatu apa, Yesu nono apostolu mbae 12 valinga tyi mondyuo omu?

2. Olie omulume ou ukahi nokulupuka? Iya oityi makalinga?

3. Ondalelo patyi yakolela Yesu alinga konyima yo Pasikwa?

4. Opasikwa ankho ihinangelesa tyi ova Isilayeli? Iya oityi ankho Ondalelo oyo yakolela ihinagelesa ovalanduli va Yesu?

5. Konyima Yehinangeleso Liononkhia mba Tatekulu, oityi Yesu atolela ovalanduli vae? Iya oityi ovo valinga?

Omapulo omakuavo:

1. Tanga Mateus 26:14-30.

   1. Oñgeni onondaka mba Mateus 26:15 mbulekesa okuti Judas wapakula Yesu tyawina?

   2. Ohonde Yesu anengula, ina esilivilo kononthele patyi onombali? (Mat. 26:27, 28; Jer. 31:31-33; Efé. 1:7; Heb. 9:19, 20)

2. Tanga Lucas 22:1-39.

   Omonkhalelo patyi Satanasi anyingilile mu Judas? (Luc. 22:3; João 13:2; Atos 1:24, 25)

3. Tanga João 13:1-20.

   1. Ngetyi tyahonekwa mu João 13:2, okuti Judas una onkhali yetyi alinga? Iya elongeso patyi ovaumbili va Huku vapondola okupolako? (Gên. 4:7; 2 Cor. 2:11; Gál. 6:1; Tia. 1:13, 14)

   2. Ongeleka patyi onene Yesu aava? (João 13:15; Mat. 23:11; 1 Ped. 2:21)

4. Tanga João 17:1-26.

   Omonkhalelo patyi Yesu elikuambela opo ovalanduli vae “vakale omunthu wike”? (João 17:11, 21-23; Rom. 13:8; 14:19; Col. 3:14)

Ehipululo 100

1. Opi Yesu nono apostolu mbae vaya nako etyi vatunda mondyuo ina onene? Iya Yesu evetolela valinge tyi?

2. Etyi Yesu akondoka apa ankho pekahi ono apostolu, wevevasa ñgeni? Iya otyo tyapita ovikando viñgapi?

3. Ovalie vanyingila motyikunino? Ngetyi tyilekesa olutalatu olu, oityi Judas Iskaliote alinga?

4. Omokonda yatyi Judas apela Yesu ombisinyu? Iya oityi Petulu alinga?

5. Oityi Yesu atolela Petulu? Mahi, omokonda yatyi Yesu ahaitile ku Huku opo emutumikise onoandyu?

Omapulo omakuavo:

1. Tanga Mateus 26:36-56.

   1. Oñgeni onkhalelo omu Yesu alondola ovalongwa vae, tyiava ongeleka ongwa kovakulu vewaneno hono? (Mat. 20:25-28; 26:40, 41; Gál. 5:17; Efé. 4:29, 31, 32)

   2. Yesu usoka ñgeni kombinga yokukuata omauta noviti pala okuluisa vakuetu? (Mat. 26:52; Luc. 6:27, 28; João 18:36)

2. Tanga Lucas 22:39-53.

   Etyi Yesu ankho ekahi motyikunino tyo Getsemani, pamonekela oandyu opo imupameke. Okuti otyo tyilekesa okuti ankho ekolelo lia Yesu liatepuluka? Tyihangununa. (Luc. 22:41-43; Isa. 49:8; Mat. 4:10, 11; Heb. 5:7)

3. Tanga João 18:1-12.

   Oñgeni Yesu aamena ovalongwa vae konondyale mbavo? Iya ongeleka patyi tupondola okupolako? (João 10:11, 12; 18:1, 6-9; Heb. 13:6; Tia. 2:25)

Ehipululo 101

1. Tete tete, olie una onkhali yononkhia mba Yesu?

2. Oityi ono apostolu valinga etyi Yesu atyindwa no nonkhalamutue mbo nongeleya?

3. Oityi tyapita kondyuo ya Kaifa ankho o saserdote onene?

4. Omokonda yatyi Petulu alupukila nokulila?

5. Etyi Yesu akondoka ku Pilatu, oityi ononkhalamutue mbono saserdote mbakalulukila?

6. Oityi tyapita na Yesu Mutano kekumbi? Iya oityi Yesu alaa omulume una wondingavivi, ankho wapapelua momuti ponthele yae?

7. Opalaisu Yesu apopia opi maikakala?

Omapulo omakuavo:

1. Tanga Mateus 26:57-75.

   Oityi ankho tyilekesa okuti ovatumini vova Judeu ankho vena omitima ovivi? (Mat. 26:59, 67, 68)

2. Tanga Mateus 27:1-50.

   Omokonda yatyi tupopila okuti Judas ankho kelivelele tyotyili? (Mat. 27:3, 4; Mar. 3:29; 14:21; 2 Cor. 7:10, 11)

3. Tanga Lucas 22:54-71.

   Petulu aanye Yesu motyinthiki tyina apakulwa no kukuatwa. Oityi tupondola okulilongesilako? (Luc. 22:60-62; Mat. 26:31-35; 1 Cor. 10:12)

4. Tanga Lucas 23:1-49.

   Oityi Yesu alinga etyi ankho ekahi nokumoneswa ononkhumbi? Iya oityi tupondola okulilongesilako? (Luc. 23:33, 34; Rom. 12:17-19; 1 Ped. 2:23)

5. Tanga João 18:12-40.

   Namphila Petulu ankho ali nouoma wovanthu, oityi tyilekesa okuti konyima weya okukala o apostolu imue ongwa? (João 18:25-27; 1 Cor. 4:2; 1 Ped. 3:14, 15; 5:8, 9)

6. Tanga João 19:1-30.

   1. Oityi tyilekesa okuti Yesu ankho wapola pokati kombinga yovipuka viopalutu? (João 2:1, 2, 9, 10; 19:23, 24; Mat. 6:31, 32; 8:20)

   2. Oñgeni onondaka mba Yesu mbalekesa okuti ankho waama konthele youtumini wa Yehova? (João 16:33; 19:30; 2 Ped. 3:14; 1 João 5:4)

Ehipululo 102

1. Olie omukai ou ukahi polutalatu apa? Ovalume ava vevali ovalie? iya opi vekahi?

2. Omokonda yatyi ono saserdote mbatolela Pilatu atume omafualali opo akayunge elangalo lia Yesu?

3. Oityi oandyu imue yalinga kombimba, monthiki ya tatu yononkhia mba Yesu? Iya oityi ono saserdote mbalinga?

4. Omokonda yatyi ovakai vamue ankho vahuvila, puetyi vakatala pelangalo lia Yesu?

5. Omokonda yatyi Petulu na João vakahatekelele kelangalo lia Yesu? Iya oityi vavasako?

6. Oityi tyapita nolutu lwa Yesu? Iya oityi alinga opo alekese kovalongwa vae okuti una omuenyo?

Omapulo omakuavo:

1. Tanga Mateus 27:62-66; 28:1-15.

   Pomuvo wetutilo lia Yesu, oñgeni ono saserdote, nova Fariseu valingila ospilitu sandu onkhali? (Mat. 12:24, 31, 32; 28:11-15)

2. Tanga Lucas 24:1-12.

   Etyi tyapita petutilo lia Yesu tyilekesa ñgeni okuti Yehova utala ovakai ngo nombangi mbae, mbayumbwa onthumbi? (Luc. 24:4, 9, 10; Mat. 28:1-7)

3. Tanga João 20:1-12.

   Ovikando vimue katunoñgonoka nawa ononthele mbumue mbo Mbimbiliya. Oñgeni João 20:8, 9 itukuatesako okutala okuti tuesukisa okupwa elundo? (João 20:8, 9; Pro. 4:18; Mat. 17:22, 23; Luc. 24:5-8; João 16:12)

Ehipululo 103

1. Oityi Maliya apopila omulume una ankho asoka okuti uundapa motyikunino? Mahi oñgeni anoñgonoka okuti tyotyili omulume oo, o Yesu?

2. Oityi tyapita novalongwa vevali ankho vekahi nokuenda kepundaumbo lio Emaú?

3. Otyipuka patyi tyihuvisa tyapitapo etyi ovalongwa ovo vevali vatolela ono apostolu okuti vamona Yesu?

4. Ovikando viñgapi Yesu amonekelele ovalanduli vae?

5. Oityi Tome apopia etyi eiva okuti ovalongwa vamona Tatekulu? Mahi, etyi palamba ononthiki etyinana, oityi tyapitapo?

Omapulo omakuavo:

1. Tanga João 20:11-29.

   Mu João 20:23, Yesu ankho ukahi nokupopia okuti ovanthu vena epondolo liokuevela ononkhali? Tyihangununa. (Sal. 49:2, 7; Isa. 55:7; 1 Tim. 2:5, 6; 1 João 2:1, 2)

2. Tanga Lucas 24:13-43.

   Oñgeni tupondola okupongiya omutima wetu opo tutehelele nawa otyili tyo Mbimbiliya? (Luc. 24:32, 33; Esd. 7:10; Mat. 5:3; Atos 16:14; Heb. 5:11-14)

Ehipululo 104

1. Ovalongwa veñgapi vamwene Yesu motyikando tyike vala? Iya oityi Yesu evepopilile?

2. Ouhamba wa Huku oityi? Iya omuenyo maukakala ñgeni pano pohi, putyina Yesu akatumina ngo Hamba mokuenda Kuomanima ovityita Ekwi?

3. Yesu wamonekele kovalongwa vae ononthiki onoñgapi? Mahi, otyikando etyi ankho o pala okulinga tyi?

4. Puetyi nkhele ehenesepo ovalongwa vae, Yesu wevetuma valinge tyi?

5. Oityi tyikahi nokupita polutalatu apa? Iya mokonda yatyi ovalongwa va Yesu vehemumuene vali?

Omapulo omakuavo:

1. Tanga 1 Coríntios 15:3-8.

   Omokonda yatyi Paulu apopila nonthumbi, kombinga yetutilo lia Yesu? Iya ovipuka patyi ova Kristau hono vapondola okupopia nonthumbi? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Tanga Atos 1:1-11.

   Ngetyi tyapopiwa mu Atos 1:8, okuti ovilinga viokuivisa vikahi umue nokuyandyana? (Atos 6:7; 9:31; 11:19-21; Col. 1:23)

Ehipululo 105

1. Ngetyi tyilekesa olutalatu olu, oityi tyapita novalanduli va Yesu ankho vekahi nokukevelela mo Jelusalei?

2. Ovaenda ankho vokueya mo Jelusalei, oityi vamona tyevehuvisa?

3. Oityi Petulu ahangununina ovanthu?

4. Oñgeni ovanthu velitehelela etyi veiva onondaka mba Petulu? Iya Petulu evetolela valinge tyi?

5. Ovanthu veñgapi vambatisalelwe monthiki yo Pendekoste mo 33 pomuvo wa Kristu?

Omapulo omakuavo:

1. Tanga Atos 2:1-47.

   1. Oñgeni onondaka mba Petulu mu Atos 2:23, 36, mbulekesa okuti ova Judeu aveho vena onkhali yononkhia mba Yesu? (1 Tes. 2:14, 15)

   2. Ongeleka patyi Petulu aava, kombinga yokuhangununa nawa Ovihonekwa? (Atos 2:16, 17, 29, 31, 36, 39; Col. 4:6)

   3. Yesu walaele okuavela Petulu onosapi Mbouhamba wokeulu. Oñgeni Petulu aundapesa osapi yotete? (Atos 2:14, 22-24, 37, 38; Mat. 16:19)

Ehipululo 106

1. Oityi tyapita na Petulu na João onthiki imue kekumbi, puetyi ankho vanyingila mondyuo ya Huku?

2. Oityi Petulu atolela omulume umue otyilema? Iya oityi tyina vali esilivilo tyipona onombongo, Petulu aavela omulume oo?

3. Omokonda yatyi ononkhalamutue mbo nongeleya ankho mbanumanena? Iya oityi ovo valinga Petulu na João?

4. Oityi Petulu apopila ononkhalamutue mbo nongeleya? Iya elondolo patyi ono apostolu vapelwe?

5. Omokonda yatyi ononkhalamutue mbo nongeleya ankho vakalela nonkhi? Mahi oityi tyapitapo etyi ono apostolu vapakwa mokaleya otyikando tyavali?

6. Oñgeni ono apostolu vakumbulula puetyi vaetwa mo Sinedriu?

Omapulo omakuavo:

1. Tanga Atos 3:1-10.

   Hono onthue tutupu epondolo liokulinga omahuviso. Oñgeni onondaka mba Petulu mbahonekwa mu Atos 3:6 mbutukuatesako okuavela esilivilo ondaka Youhamba? (João 17:3; 2 Cor. 5:18-20; Fil. 3:8)

2. Tanga Atos 4:1-31.

   Putyina tupita momahetaiko movilinga viokuivisa, oñgeni tupondola okuhetekela ovakuatate vetu vokotyita tyotete? (Atos 4:29, 31; Efé. 6:18-20; 1 Tes. 2:2)

3. Tanga Atos 5:17-42.

   Oñgeni ovanthu vamue vehenombangi, tyilinge kohale no hono, vehole okulekesa okuti vena onthilo yovilinga viokuivisa? (Atos 5:34-39)

Ehipululo 107

1. Estevau ankho olie? Iya Huku wakuatesako Estevau okulinga tyi?

2. Oityi Estevau apopia tyanumanesa unene ononkhalamutue mbo nongeleya?

3. Etyi ovalume vakokela Estevau kondye yepundaumbo, iya avemulingi tyi?

4. Polutalatu apa, olie omukuendye ou utai ponthele yovikutu evi?

5. Puetyi Estevau nkhele ehenenkhie, oityi elikuambela ku Yehova?

6. Mokuhetekela Estevau, oityi tuna yokulinga putyina omunthu umue etulinga otyipuka otyivi?

Omapulo omakuavo:

1. Tanga Atos 6:8-15.

   Ounkhembi patyi ononkhalamutue mbo nongeleya mbuhole okuundapesa opo vatalameke ovilinga viokuivisa vio Nombangi mba Yehova? (Atos 6:9, 11, 13)

2. Tanga Atos 7:1-60.

   1. Oityi tyakuatesako Estevau okukala nounongo opo apopie onondaka onongwa Mbouhamba wa Huku mo Sinedriu? Iya oityi onthue tupondola okulilongesila kongeleka oyo? (Atos 7:51-53; Rom. 15:4; 2 Tim. 3:14-17; 1 Ped. 3:15)

   2. Otyituwa patyi tuesukisa okukala natyo, kombinga yonondyale mbovilinga vietu? (Atos 7:58-60; Mat. 5:44; Luc. 23:33, 34)

Ehipululo 108

1. Oityi Saulu alinga konyima yononkhia mba Estevau?

2. Puetyi Saulu ankho ekahi nokuenda ko Damasku, otyipuka patyi tyihuvisa tyapitapo?

3. Yesu watolela Saulu alinge tyi?

4. Yesu atumu Anania akalinge tyi? Iya oñgeni Saulu etyivila okutala?

5. Saulu weya okupewa enyina patyi? Iya oñgeni aundapeswa?

Omapulo omakuavo:

1. Tanga Atos 8:1-4.

   Ewaneno liova Kristau liapitile movitateka ovinene. Oñgeni otyo tyakuatesako okuyandyanesa onondaka onongwa kombinga yekolelo liova Kristau? Iya otyipuka patyi tyelifwa notyo, tyikahi nokupita mononthiki mbetu? (Atos 8:4; Isa. 54:17)

2. Tanga Atos 9:1-20.

   Ovilinga patyi Yesu aavelele Saulu? (Atos 9:15; 13:5; 26:1; 27:24; Rom. 11:13)

3. Tanga Atos 22:6-16.

   Oñgeni tupondola okukala nga Anania? Iya otyo tyakolela unene omokonda yatyi? (Atos 22:12; 1 Tim. 3:7; 1 Ped. 1:14-16; 2:12)

4. Tanga Atos 26:8-20.

   Saulu wapilululile onkhalelo yae yomuenyo akala Omukristau. Oñgeni otyo tyiaavela ondundo vana vokuna ovakai novalume veheva Kristau hono? (Atos 26:11; 1 Tim. 1:14-16; 2 Tim. 4:2; 1 Ped. 3:1-3)

Ehipululo 109

1. Omulume ou polutalatu apa watuika onongolo, olie?

2. Oityi oandyu imue yapopila Korneliu?

3. Oityi Huku alekesa Petulu, puetyi ankho ekahi kombanda yondyuo ya Simau ko Jope?

4. Omokonda yatyi Petulu apopila Korneliu okuti katyaviukile okumutuikila onongolo no kumufenda?

5. Omokonda yatyi ovalongwa ova Judeu ankho vekahi na Petulu, ankho vahuvila?

6. Elongeso patyi liakolela tupola kuetyi Petulu atalelapo Korneliu?

Omapulo omakuavo:

1. Tanga Atos 10:1-48.

   Onondaka mba Petulu mbuvahiwa mu Atos 10:42, mbulekesa tyi kombinga yovilinga viokuivisa onondaka onongwa Mbouhamba wa Huku? (Mat. 28:19; Mar. 13:10; Atos 1:8)

2. Tanga Atos 11:1-18.

   Otyituwa patyi Petulu alekesa etyi anoñgonoka nawa ehando lia Yehova kombinga yono Sendiu? Iya oñgeni tupondola okukwama ongeleka yae? (Atos 11:17, 18; 2 Cor. 10:5; Efé. 5:17)

Ehipululo 110

1. Olie omukuendye ou ukahi polutalatu apa? Ankho opi akala? Iya me yae na inakulu ankho vatiwa ovalie?

2. Etyi Paulu apula Timoteo inkha ahanda okuenda nae na Sila, opo vakaivise Ondaka ya Huku kovilongo ovikuavo, oityi Timoteo apopia?

3. Opi ovalanduli va Yesu vaihanwa tete okuti ova Kristau?

4. Etyi Paulu na Mbarnabe vatunda mo Antiokia, vaile okukatalelapo omapundaumbo patyi?

5. Oñgeni Timoteo akuatesileko Paulu? Iya omapulo patyi ovakuendye no vahikuena vesukisa okulipula hono?

Omapulo omakuavo:

1. Tanga Atos 9:19-30.

   Oñgeni apostolu Paulu alekesile onondunge onongwa, puetyi apita momahetaiko pokuivisa onondaka onongwa Mbouhamba wa Huku? (Atos 9:22-25, 29, 30; Mat. 10:16)

2. Tanga Atos 11:19-26.

   Ospilitu sandu ya Yehova ikahi nokuhongolela ovilinga viokuivisa. Oñgeni onondaka mbuvahiwa mu Atos 11:19-21, 26, mbetyilekesa?

3. Tanga Atos 13:13-16, 42-52.

   Oñgeni Atos 13:51, 52, yalekesa okuti ovalongwa kavayekele oundyale uvesoyese okuivisa? (Mat. 10:14; Atos 18:6; 1 Ped. 4:14)

4. Tanga Atos 14:1-6, 19-28.

   Oñgeni ondaka yokuati “velipakula ku Yehova” itukuatesako okuhakala notyiho tyina tukuatesako ovanthu ovape mewaneno? (Atos 14:21-23; 20:32; João 6:44)

5. Tanga Atos 16:1-5.

   Timoteo ankho una ehando liokutavela okupita ekuendye. Oñgeni otyo tyitukuatesako okukala nesuko liokulinga “ovipuka aviho pala okuivisa onondaka onongwa Mbouhamba wa Huku?” (Atos 16:3; 1 Cor. 9:23; 1 Tes. 2:8)

6. Tanga Atos 18:1-11, 18-22.

   Oñgeni omukanda wa Atos 18:9, 10, ulekesa okuti Yesu ukahi nokuhongolela ovilinga viokuivisa? Iya otyo tyituavela onthumbi patyi hono? (Mat. 28:20)

Ehipululo 111

1. Polutalatu apa, olie omukuendye ou walangala pohi? Iya oityi tyapita nae?

2. Oityi Paulu alinga etyi amona okuti omukuendye wankhia?

3. Paulu, na Timoteo, kumue navana aenda navo, vekahi nokuenda pi? Iya etyi vehika ko Miletu, oityi tyapitapo?

4. Elondolo patyi omuuli Agabu aavela Paulu? Iya oñgeni etyi tyapopia omuuli oo tyafuiswapo?

Omapulo omakuavo:

1. Tanga Atos 20:7-38.

   1. Ngetyi tyapopia Paulu mu Atos 20:26, 27, oñgeni tupondola “okulipola onkhali yohonde yovanthu aveho?” (Eze. 33:8; Atos 18:6, 7)

   2. Omokonda yatyi ovakulu vewaneno vesukisa okulandula nawa otyili, putyina valongesa? (Atos 20:17, 29, 30; Tito 1:7-9; 2 Tim. 1:13)

2. Tanga Atos 26:24-32.

   Paulu ankho omutyitwa tyilongo tyo Roma. Oñgeni otyo tyemukuatesileko okufuisapo ovilinga viae viokuivisa, ankho apelwe na Yesu? (Atos 9:15; 16:37, 38; 25:11, 12; 26:32; Luc. 21:12, 13)

Ehipululo 112

1. Oityi tyapita nowato ankho muaendela Paulu, puetyi vekahi popepi nokalongo kakala pokati kelunga katiwa Kreta?

2. Oityi Paulu atolela vana ankho vekahi nae mowato?

3. Oñgeni owato watekateka ovinthimbu?

4. Oityi omutumini womafualali apopila ovanthu ankho vekahi mowato? Iya ovanthu veñgapi vehikile nomuenyo kondye?

5. Pokalongo opo ankho vekahi kaihanwa ñgeni? Iya etyi elunga liatula oityi tyapita na Paulu?

Omapulo omakuavo:

1. Tanga Atos 27:1-44.

   Oñgeni otyili tyo Mbimbiliya tyipameka onthumbi yetu putyina tutanga etyi tyapita moungendi wa Paulu woko Roma? (Atos 27:16-19, 27-32; Luc. 1:3; 2 Tim. 3:16, 17)

2. Tanga Atos 28:1-14.

   Ovanthu vokotyilongo tyo Malta vatambulile nawa apostolu Paulu naava ankho vekahi nae. Iya ova Kristau vena yokulekesa tyi? Haunene omonkhalelo patyi? (Atos 28:1, 2; Heb. 13:1, 2; 1 Ped. 4:9)

Ehipululo 113

1. Ovalie Paulu apopila ondaka ya Huku etyi ankho ekahi mokaleya mo Roma?

2. Polutalatu apa, olie omuenda ou waumphama pomesa? Iya oityi ekahi nokulingilako Paulu?

3. Epafroditu ankho olie? Iya oityi atyinda etyi akondoka ko Filipu?

4. Omokonda yatyi Paulu ahonekela omukanda pala epanga liae Filemon?

5. Oityi Paulu alinga etyi atunda mokaleya? Iya konyima oityi tyapita nae?

6. Olie Yehova aundapesa opo ahoneke omikanda viahulililako vio Mbimbiliya? Iya omukanda wa Revelação upopia kombinga yatyi?

Omapulo omakuavo:

1. Tanga Atos 28:16-31; Filipenses 1:13.

   Oñgeni Paulu aundapesa omuvo wae puetyi ankho ekahi mokaleya mo Roma? Iya ekolelo liae liakuatesileko ewaneno liova Kristau okulinga tyi? (Atos 28:23, 30; Fil. 1:14)

2. Tanga Filipenses 2:19-30.

   Oñgeni Paulu apandele Timoteo na Epafroditu? Iya oñgeni tupondola okuhetekela ongeleka ya Paulu? (Fil. 2:20, 22, 25, 29, 30; 1 Cor. 16:18; 1 Tes. 5:12, 13)

3. Tanga Filêmon 1-25.

   1. Pala okulinga etyi tyaviuka, Paulu waita Filemon aundapese tyi? Iya oñgeni otyo tyina yokukala ngehongolelo pala ovakulu vomawaneno hono? (Filêm. 9; 2 Cor. 8:8; Gál. 5:13)

   2. Oñgeni onondaka mba Paulu mbuvahiwa mu Filêmon 13, 14 mbulekesa okuti Paulu ankho wavela esilivilo omalusoke avakuavo mewaneno? (1 Cor. 8:7, 13; 10:31-33)

4. Tanga 2 Timóteo 4:7-9.

   Nga Paulu, oñgeni tupondola okukala nonthumbi yokuti Yehova metuavela ondyambi inkha tutualako nekolelo alo konthyulilo? (Mat. 24:13; Heb. 6:10)

Ehipululo 114

1. Omokonda yatyi Ombimbiliya ipopila kombinga yononkhambe keulu?

2. Ovita Huku malingi novanthu onondingavivi pano pohi viihanwa ñgeni? Iya ovita ovio maviya okulinga tyi?

3. Ngetyi uluete polutalatu apa, olie makakala komutue wovilua ovio? Omokonda yatyi avalela ekolowa? Iya oityi omutunga wae uhangununa?

4. Okutala ko Mahipululo 10, ne 15, omokonda yatyi katyituhuvisa okuti Huku makanyimako onondingavivi?

5. Oñgeni omahipululo 33, 36, no 76 etulekesa okuti Huku mahanyaunako onondingavivi namphila vati vekahi nokumufenda?

Omapulo omakuavo:

1. Tanga Revelação 19:11-16.

   1. Oñgeni Ovihonekwa vipopia nokuayandyuluka okuti Yesu Kristu oe wavelama konkhambe ongonga? (Rev. 1:5; 3:14; 19:11; Isa. 11:4)

   2. Oñgeni ohonde kovikutu via Yesu ilekesa okuti efindo liae oliotyotyili no kuafwapo? (Rev. 14:18-20; 19:13; Isa. 63:1-6)

   3. Ovalie vekuai Yesu vavelama kononkhambe onongonga? (Rev. 12:7; 19:14; Mat. 25:31, 32)

Ehipululo 115

1. Ngetyi tyilekesa Ombimbiliya, ononkhaneno patyi onongwa matukakala nambo mo Palaisu pano pohi?

2. Oityi Ombimbiliya ilaa vana mavakakala mouye omupe?

3. Onalupi Yesu meya okulinga epiluluko olio ewa?

4. Etyi Yesu ankho ekahi pano pohi, oityi alingile opo alekese etyi makalinga putyina makatumina ngo Hamba Youhamba wa Huku?

5. Yesu naava mavakatumina nae keulu, oityi mavakalinga putyina vakatumina oohi ino aiho?

Omapulo omakuavo:

1. Tanga Revelação 5:9, 10.

   Omokonda yatyi tuna yokukalela nonthumbi yokuti vana mavakatumina oohi ino aiho mokuenda Kuovityita Ekwi, mavakakala onohamba nono saserdote mbokuna okankhenda? (Efé. 4:20-24; 1 Ped. 1:7; 3:8; 5:6-10)

2. Tanga Revelação 14:1-3.

   Oityi tyihangununa etyi Ombimbiliya ipopia okuti enyina lia Tate nenyina liondyona ahonekwa monombamba mbo 144.000? (1 Cor. 3:23; 2 Tim. 2:19; Rev. 3:12)

Ehipululo 116

1. Oityi tuesukisa okunoñgonoka opo tukakale nomuenyo wahapu?

2. Ngetyi tyilekesa okamukainthu aka nomapanga ae polutalatu olu, oñgeni tupondola okulilongesa kombinga ya Yehova no ya Yesu?

3. Omukanda patyi omukuavo uluete polutalatu apa? Iya omokonda yatyi tuna yokuutanga apeho?

4. Okulilongesa kombinga ya Yehova no ya Yesu, hatyoko vala tyesukisa opo tukakale nomuenyo wahapu. Ngotyo, oityi vali tuesukisa okulinga?

5. Elongeso patyi tuapola Kehipululo 69?

6. Ongeleka patyi ongwa okamukandye Samuel aavela, ngetyi tuelilongesa Mehipululo 55?

7. Oñgeni tupondola okukuama ongeleka ya Yesu Kristu? Iya inkha tuetyilinga, matukala tuafwapo pala okulinga tyi komutue?

Omapulo omakuavo:

1. Tanga João 17:3.

   Oñgeni Ovihonekwa vilekesa okuti okukala nenoñgonoko lia Yehova Huku no lia Yesu Kristu katyihangununa vala okuhinangela ovipuka vimue? (Mat. 7:21; Tia. 2:18-20; 1 João 2:17)

2. Tanga Salmos 145:1-21.

   1. Omahunga patyi omanyingi tuna pala okunkhimakeka Yehova? (Sal. 145:8-11; Rev. 4:11)

   2. Oñgeni Yehova “omuwa pala ovanthu aveho”? Iya oñgeni otyo tyipondola okutuhikiya vali ku Yehova? (Sal. 145:9; Mat. 5:43-45)

   3. Inkha tuhole tyotyili Yehova, otyo matyituhindila okulinga tyi? (Sal. 119:171, 172, 175; 145:11, 12, 21)