Ɛzukoalɛdeɛ 1

1. Nienwu a ninyɛne mgbalɛ kɔsɔɔti vi rale a, na boni mɔ aluma a ɛbahola wɔabobɔ kɛ neazo a?

2. Duzu a Nyamenle lumua bɔle a?

3. Duzu ati a ɛnee anwumabɔvolɛ mɔɔ lumua la le ngakyile a?

4. Ka kɛ ɛnee azɛlɛ ne si de wɔ mɔlebɛbo ne la anwo edwɛkɛ. (Nea nvoninli ne anu.)

5. Kɛ Nyamenle zile zieziele azɛlɛ ne manle nane nane nee menli ɛ?

Kpuyia bieko:

1. Kenga Gyɛlɛmaya 10:12.

   Nyamenle subane boni mɔ a da ali wɔ ye ninyɛne mɔɔ yebɔ la anu a? (Aye. 40:26; Wulo. 11:33)

2. Kenga Kɔlɔsaema 1:15-17.

   Boni a Gyisɛse yɛle wɔ ninyɛne ɛbɔlɛ nu a, na kɛ ɔwɔ kɛ ɛhye ka kɛzi yɛbu ye la ɛ? (Kɔlɔ. 1:15-17)

3. Kenga Mɔlebɛbo 1:1-10.

   1. (a) Nwane a bɔle azɛlɛ ne a? (Mɔl. 1:1)

   2. (b) Duzu a zile debie ɛbɔlɛ kenle mɔɔ lumua la ɛ? (Mɔl. 1:3-5)

   3. (d) Ka mɔɔ zile debie ɛbɔlɛ kenle mɔɔ to zo nwiɔ la anwo edwɛkɛ. (Mɔl. 1:7, 8)

Ɛzukoalɛdeɛ 2

1. Kɛzi Nyamenle zieziele azɛlɛ ne manle yɛ kɛ yɛ aako ɛ?

2. Ka nane ngakyile mɔɔ Nyamenle bɔle la anwo edwɛkɛ. (Nea nvoninli ne anu.)

3. Duzu ati a ɛnee Yidɛn tola ne le ngakyile a?

4. Duzu a ɛnee Nyamenle kpondɛ kɛ azɛlɛ ye azo amuala yɛ a?

Kpuyia bieko:

1. Kenga Mɔlebɛbo 1:11-25.

   1. (a) Duzu a Nyamenle bɔle wɔ debie ɛbɔlɛ kenle mɔɔ tɔ zo nsa la azo a? (Mɔl. 1:12)

   2. (b) Duzu a zile debie ɛbɔlɛ kenle ne mɔɔ tɔ zo nna la azo a? (Mɔl. 1:16)

   3. (d) Duzu nane ngakyile ngakyile a Nyamenle bɔle bɛ kenle ne mɔɔ to zo nnu nee nsia ne azo a? (Mɔl. 1:20, 21, 25)

2. Kenga Mɔlebɛbo 2:8, 9.

   Mbaka ngakyile nwiɔ boni a Nyamenle vale ziele tola ne anu a, na ɛnee ɔle duzu anwo sɛkɛlɛneɛ?

Ɛzukoalɛdeɛ 3

1. Duzu ngakyile a wɔ nvoninli ne mɔɔ wɔ Ɛzukoalɛdeɛ 3 ne nee Ɛzukoalɛdeɛ 2 ne anu a?

2. Nwane a bɔle nrenya ne mɔɔ lumua la, na kɛ ɛnee bɛfɛlɛ ye ɛ?

3. Duzu gyima a Nyamenle vale manle Adam kɛ ɔyɛ a?

4. Duzu ati a Nyamenle manle Adam lafele kpole bie a?

5. Mekɛ tendenle nyɛ a anrɛɛ Adam nee Yive badɛnla aze a, na duzu gyima a ɛnee Gyihova kulo kɛ bɛyɛ a?

Kpuyia bieko:

1. Kenga Edwɛndolɛ 83:18, NW.

   Nyamenle duma a le boni, na gyinlabelɛ mɔɔ tɛla biala la boni a ɔlɛ wɔ azɛlɛ ye azo a? (Gyɛ. 16:21, NW; Dan. 4:17)

2. Kenga Mɔlebɛbo 1:26-31.

   1. (a) Duzu a Nyamenle bɔle ye kenle nsia ne vale wiele ye ninyɛne ɛbɔlɛ a, na kɛ ɛnee abɔdeɛ ɛhye si le ngakyile fi nane nane ne mɔ anwo ɛ? (Mɔl. 1:26)

   2. (b) Nziezielɛ boni a Gyihova yɛle manle sonla nee nane nane ɛ? (Mɔl. 1:30)

3. Kenga Mɔlebɛbo 2:7-25.

   1. (a) Duzu a ɛnee ɔhyia kɛ Adam yɛ na yeahola yeatoto nane ne mɔ aluma a? (Mɔl. 2:19)

   2. (b) Kɛzi Mɔlebɛbo 2:24 boa yɛ maa yɛnwu Gyihova adwenle wɔ agyalɛ, agyalɛ nu ɛtetelɛ, nee ewolebɔlɛ nwo ɛ? (Mat. 19:4-6, 9)

Ɛzukoalɛdeɛ 4

1. Duzu a ɛdo Adam nee Yive wɔ nvoninli ne anu a?

2. Duzu ati a Gyihova hwenle bɛ nzo a?

3. Duzu edwɛkɛ a ɛwɔlɛ bie hanle hilele Yive a?

4. Nwane a manle ɛwɔlɛ ne nee Yive dendɛle a?

5. Duzu ati a Adam nee Yive Paladaese aako ne vile bɛ sa?

Kpuyia bieko:

1. KengaMɔlebɛbo 2:16, 17 nee 3:1-13, 24

   1. (a) Kɛzi edwɛkɛ mɔɔ ɛwɔlɛ ne bizale Yive la kile kɛ ɛnee ɔlɛbɔ adalɛ yeado Gyihova abo ɛ? (Mɔl. 3:1-5; 1 Dwɔn 5:3)

   2. (b) Adenle boni azo a mɔɔ dole Yive la le kɔkɔbɔlɛ maa yɛ a? (Fel. 4:8; Gye. 1:14, 15; 1 Dwɔn 2:16)

   3. (d) Adenle boni azo a Adam nee Yive anlie mɔɔ bɛyɛle la anwo ɛzonlelilɛ ando nu ɛ? (Mɔl. 3:12, 13)

   4. (ɛ) Kɛzi anwumabɔvolɛ anzɛɛ kyɛlɛbo ne mɔ mɔɔ bɛvale bɛ bɛziele Yidɛn tola ne aduduleɛ la kile Gyihova aleɛabo tumililɛ ne a? (Mɔl. 3:24)

2. Kenga Yekile 12:9.

   Kɛzi Seetan ɛhola ɛhwe alesama ɛvi Nyamenle tumililɛ bo ɛ? (1 Dwɔn 5:19)

Ɛzukoalɛdeɛ 5

1. Bɛdule Adam nee Yive bɛvile Yidɛn tola ne anu la, kɛ asetɛnla ne yɛle ɛ?

2. Boni a akee dole Adam nee Yive a, na duzu ati ɔ?

3. Duzu ati a ɛnee Adam nee Yive amra ne mɔ bayɛ mgbanyinli na bɛawu a?

4. Saa Adam nee Yive diele Gyihova a, anrɛɛ kɛ asetɛnla ne bayɛ amaa bɛ nee bɛ mra ne mɔ ɛ?

5. Kɛzi Yive anzosesebɛ ne manle ɔdele nyane ɛ?

6. Kɛ ɛnee bɛfɛlɛ Adam nee Yive amra nwiɔ ne mɔɔ lumua la ɛ?

7. Nwane mɔ a le ngakula gyɛne mɔɔ ɛha mɔɔ wɔ nvoninli ne anu la ɛ?

Kpuyia bieko:

1. KengaMɔlebɛbo 3:16-23 nee 4:1, 2.

   1. (a) Kɛ azɛlɛ ne mɔɔ bɛwale ye amonle la zile hanle Adam asetɛnla ɛ? (Mɔl. 3:17-19; Wulo. 8:20, 22)

   2. (b) Duzu ati a duma Yive, mɔɔ abo kile “Mɔɔ De Aze” la le mɔɔ fɛta ɛ? (Mɔl. 3:20)

   3. (d) Duzu debie a Gyihova yɛle vale hilele kɛ ɛnee ɔdwenle Adam nee Yive anwo wɔ mekɛ mɔɔ bɛyɛle ɛtane bɔbɔ la ɛ? (Mɔl. 3:7, 21)

2. Kenga Yekile 21:3, 4.

   “Alumua Ninyɛne” boni mɔ a ɛ nye la kɛ bɛbaye bɛavi ɛkɛ a?

Ɛzukoalɛdeɛ 6

1. Duzu gyima a ɛnee Keen nee Ebɛle yɛ a?

2. Duzu a Keen nee Ebɛle vale bɔle afɔle manle Gyihova a?

3. Duzu ati a Gyihova anye zɔle Ebɛle afɔle deɛ ne a, na kɛmɔti a ɔ nye anzɔ Keen deɛ ne a?

4. Duzu sonla a le Keen, na boni a Gyihova yɛle vale hilele kɛ ɔkulo kɛ ɔkakyi ɛ?

5. Mɔɔ ɔhale Keen nee ɔ diema ne angome wɔ ɛya ne anu la, duzu a ɔyɛle a?

6. Kilehile mɔɔ dole Keen wɔ mekɛ mɔɔ ɔhunle ɔ diema ne ɔwiele la anu.

Kpuyia bieko:

1. Kenga Mɔlebɛbo 4:2-26.

   1. (a) Kɛ Gyihova zile hanle gyinlabelɛ mɔɔ ɛnle kpalɛ fee mɔɔ ɛnee Keen wɔ nu la anwo edwɛkɛ ɛ? (Mɔl. 4:7)

   2. (b) Duzu a Keen yɛle vale hilele mɔɔ ɛnee wɔ ye ahonle nu la ɛ? (Mɔl. 4:9)

   3. (d) Kɛzi Gyihova bu mogya mɔɔ ɛnli fɔlɛ mɔɔ bɛka bɛgua la ɛ? (Mɔl. 4:10; Aye. 26:21)

2. Kenga 1 Dwɔn 3:11, 12.

   1. (a) Duzu ati a Keen vale ɛya kpole a, na adenle boni azo a ɛhye le kɔkɔbɔlɛ maa yɛ ɛnɛ a? (Mɔl. 4:4, 5; Mrɛ. 27:4; Gye. 3:16)

   2. (b) Adenle boni azo a Baebolo ne da ye ali kɛ saa yɛ mbusuama kɔsɔɔti dwazo tia Gyihova bɔbɔ a, yɛmɛ yɛbahola yɛahɔ zo yɛali nɔhalɛ yɛamaa ye ɛ? (Edw. 27:10; Mat. 10:21, 22)

3. Kenga Dwɔn 11:25.

   Anwodozo boni a Gyihova maa yɛnyia wɔ bɛdabɛ mɔɔ tenleneyɛlɛ ti bɛwu la anwo a? (Dwɔn 5:24)

Ɛzukoalɛdeɛ 7

1. Adenle boni azo a ɛnee Yinɔko le ngakyile a?

2. Duzu ati a menli mɔɔ ɛnee wɔ Yinɔko mekɛ zo la yɛle ninyɛndane dɔɔnwo ɛ?

3. Duzu ninyɛndane a ɛnee menli ne ɛlɛyɛ a? (Nea nvoninli ne anu.)

4. Duzu ati a ɛnee ɔhyia kɛ Yinɔko si ɔ kɛnra ɛ?

5. Zɔhane mekɛ ne, ɛnee menli tɛnla aze di ɛvolɛ nyɛ, noko ɛvolɛ nyɛ a Yinɔko lile a?

6. Yinɔko wule la anzi, duzu a zile a?

Kpuyia bieko:

1. Kenga Mɔlebɛbo 5:21-24, 27.

   1. (a) Abusuabɔlɛ boni a Yinɔko nee Gyihova nyianle a? (Mɔl. 5:24)

   2. (b) Kɛmɔ Baebolo ne kile la, nwane a dɛnlanle aze hyɛle dɛlale dasanli biala a, na ɛvolɛ nyɛ a ɔlile na yeawu a? (Mɔl. 5:27)

2. Kenga Mɔlebɛbo 6:5.

   Kɛzi ɛtaneyɛlɛ hɔle zo wɔ azɛlɛ ye azo wɔ Yinɔko ewule nzi ɛ, na saa yɛfa yɛtoto yɛ mekɛ ye anwo a kɛzi ɔde ɛ? (2 Tem. 3:13)

3. Kenga Hibuluma 11:5.

   Yinɔko subane boni a “zɔle Nyamenle anye” a, na boni a vile nu rale a? (Mɔl. 5:22)

4. Kenga Dwuudu 14, 15.

   Adenle boni azo a Keleseɛnema mɔɔ wɔ ɛkɛ ne ɛnɛ la bahola ala Yinɔko akɛnrazilɛ ne bie ali wɔ mekɛ mɔɔ bɛlɛbɔ menli kɔkɔ wɔ Amagɛdɔn konle ne mɔɔ ɛlɛba la anwo ɛ? (2 Tem. 4:2; Hib. 13:6)

Ɛzukoalɛdeɛ 8

1. Mɔɔ Nyamenle anwumabɔvolɛ ne mɔ bie diele Seetan ane la duzu a zile a?

2. Duzu ati a anwumabɔvolɛ ne mɔ bie gyakyile gyima mɔɔ bɛlɛ ye wɔ anwuma la na bɛdwule bɛrale azɛlɛ ye azo ɛ?

3. Duzu ati a ɛnee ɔle ɛtane kɛ anwumabɔvolɛ ne mɔ kɛdwu kɛra azɛlɛ ye azo na bɛkɛva sonla nwonane bɛkɛkpolo ɛ?

4. Duzu a ɛnee le ngakyile wɔ mralɛ mɔɔ anwumabɔvolɛ ne mɔ wole bɛ la anwo a?

5. Kɛmɔ ɛnwu ye wɔ nvoninli ne anu la, duzu a anwumabɔvolɛ ne mɔ amra ne mɔ yɛle wɔ mekɛ mɔɔ bɛrayɛle kakanyinlima la ɛ?

6. Sonla kpalɛ boni a dɛnlanle aze wɔ Yinɔko ewule nzi a, na duzu ati a Nyamenle hulole ye edwɛkɛ a?

Kpuyia bieko:

1. Kenga Mɔlebɛbo 6:1-8.

   Duzu a Mɔlebɛbo 6:6 ka mɔɔ kile kɛ yɛ nyɛleɛ kola gyegye anzɛɛ maa Gyihova anye die ɛ? (Edw. 78:40, 41; Mrɛ. 27:11)

2. Kenga Dwuudu 6.

   Adenle boni azo a anwumabɔvolɛ ne mɔ mɔɔ “kpole bɛ gyinlabelɛ kpalɛ ne” wɔ Nowa mekɛ zo la le ngakyelɛ maa yɛ ɛnɛ a? (1 Kɔl. 3:5-9; 2 Pit. 2:4, 9, 10)

Ɛzukoalɛdeɛ 9

1. Menli nyɛ a ɛnee wɔ Nowa abusua ne anu a, na kɛ bɛfɛlɛ ɔ mra mrenya nsa ne ɛ?

2. Debie mɔɔ ɛnee Nowa ɛtɛyɛle bie ɛlɛ la boni a Nyamenle zele ye kɛ ɔyɛ a, na duzu ati ɔ?

3. Mɔɔ Nowa hanle ɛlɛne ne anwo edwɛkɛ hilele ye mekɛ zo amra la, duzu a bɛyɛle a?

4. Duzu a Nyamenle zele Nowa kɛ ɔyɛ nane ne mɔ a?

5. Nyamenle dole ɛlɛne ne anlenkɛ ne anu wiele la, boni a ɛnee ɔwɔ kɛ Nowa nee ye abusua ne yɛ a?

Kpuyia bieko:

1. Kenga Mɔlebɛbo 6:9-22.

   1. (a) Duzu a manle Nowa yɛle nɔhalɛ Nyamenle ne sonvolɛ mɔɔ le ngakyile a? (Mɔl. 6:9, 22)

   2. (b) Duzu nganeɛ a Gyihova te ye wɔ basabasayɛlɛ nwo a, na kɛ ɔwɔ kɛ ɛhye si ka ninyɛne mɔɔ yɛkpa kɛ yɛfa yɛalielie yɛ nye la ɛ? (Mɔl. 6:11, 12; Edw. 11:5)

   3. (d) Kɛzi yɛbahola yɛazukoa Nowa wɔ mekɛ mɔɔ bɛkɛlua Gyihova fane ne azo bɛkɛmaa yɛ adehilelɛ la ɛ? (Mɔl. 6:22; 1 Dw. 5:3)

2. Kenga Mɔlebɛbo 7:1-9.

   Kɛ ɛbulɛ mɔɔ Gyihova bule Nowa, sonla mɔɔ ɛnli munli la kɛ tenlenenli la si wula yɛ anwosesebɛ ɛnɛ ɛ? (Mɔl. 7:1; Mrɛ. 10:16; Aye. 26:7)

Ɛzukoalɛdeɛ 10

1. Duzu ati a ezule ne bɔle ɔ bo kɛ ɔtɔ la awie biala angola angɔ ɛlɛne ne anu a?

2. Nɔɔzo nee ewiazo kenle nyɛ a Gyihova manle ezule ne dɔle a, na kɛzi azule ne yile vale azɛlɛ ne azo ɛ?

3. Mekɛ mɔɔ nzule ne bɔle ɔ bo kɛ ɔfa azɛlɛ ne azo la, kɛ ɛlɛne ne yɛle ɛ?

4. Asoo kakanyinlima ne mɔ nyianle ngoane wɔ Azuyilɛ ne anu, na duzu a dole bɛ ze mɔ a?

5. Kɛ ɛlɛne ne yɛle wɔ siane nnu anzi ɛ?

6. Duzu ati a Nowa zoanle kɔkɔsɛlɛ manle ɔvile ɛlɛne ne anu ɔvindele a?

7. Kɛ Nowa zile nwunle kɛ nzule ne mɔɔ wɔ azɛlɛ ne azo la ɛsesa ɛ?

8. Duzu a Nyamenle hanle hilele Nowa nee ye abusua ne wɔ mekɛ mɔɔ ɛnee bɛdɛnla ɛlɛne ne anu toonwo yebo ɛvolɛ ko la ɛ?

Kpuyia bieko:

1. Kenga Mɔlebɛbo 7:10-24.

   1. (a) Kɛzi ɛzɛkyelɛ ne hanle ngoane mɔɔ wɔ azɛlɛ ne azo la amuala ɛ? (Mɔl. 7:23)

   2. (b) Mekɛ tendenle nyɛ a ɔlile na nzule ne asesa a? (Mɔl. 7:24)

2. Kenga Mɔlebɛbo 8:1-17.

   Kɛzi Mɔlebɛbo 8:17 maa yɛnwu kɛ atiakunlukpɔkɛ mɔɔ ɛnee Gyihova lɛ ye wɔ azɛlɛ ye anwo la angakyi ɛ? (Mɔl. 1:22)

3. Kenga 1 Pita 3:19, 20.

   1. (a) Mekɛ mɔɔ anwumabɔvolɛ atuadelɛma ne ziale hɔle anwuma la, duzu ndɛnebualɛ a rale bɛ nwo zo a? (Dwuudu 6)

   2. (b) Adenle boni azo a Nowa nee ye abusua ne anwo edwɛkɛ ne maa anwodozo mɔɔ yɛlɛ ye kɛ Gyihova kola die ye menli la anu yɛ se a? (2 Pit. 2:9)

Ɛzukoalɛdeɛ 11

1. Kɛmɔ nvoninli ne kile la, duzu a Nowa lumua yɛle wɔ mekɛ mɔɔ ɔvi ɛlɛne ne anu ɔdwule la ɛ?

2. Duzu a Nyamenle zele Nowa nee ye abusua ne wɔ Azuyilɛ ne anzi a?

3. Duzu ɛwɔkɛ a Nyamenle bɔle a?

4. Saa yɛnwu nyangondonle a, duzu a ɔwɔ kɛ ɔkakye yɛ a?

Kpuyia bieko:

1. Kenga Mɔlebɛbo 8:18-22.

   1. (a) Adenle boni azo a ɛnɛ yɛdayɛ noko yɛbahola yɛabɔ ‘afɔle mɔɔ bɔ evuanlɛ’ la yɛamaa Gyihova a? (Mɔl. 8:21; Hib. 13:15, 16)

   2. (b) Duzu a Gyihova nwunle ye wɔ sonla ahonle nu a, na duzu ati a ɔwɔ kɛ ɛhye ka yɛ maa yɛnea boɛ a? (Mɔl. 8:21; Mat. 15:18, 19)

2. Kenga Mɔlebɛbo 9:9-17.

   1. (a) Duzu ngyekyeleɛ a Gyihova nee abɔdeɛ kɔsɔɔti mɔɔ wɔ azɛlɛ ye azo la yɛle a? (Mɔl. 9:10, 11)

   2. (b) Mekɛ tendenle nyɛ a nyangondonle nwo ngyekyeleɛ ne badɛnla ɛkɛ a? (Mɔl. 9:16)

Ɛzukoalɛdeɛ 12

1. Nemelɔdo a le nwane, na duzu nganeɛ a Nyamenle dele wɔ ɔ nwo a?

2. Duzu ati a menli ɛlɛpɛ belekese wɔ nvoninli ne anu a?

3. Duzu ati a Gyihova anye anlie sua ne mɔɔ ɛnee bɛlɛsi la anwo ɛ?

4. Kɛzi Nyamenle manle bɛgyakyile tawa ne ɛzilɛ ne ɛ?

5. Kɛ ɛnee bɛfɛlɛ suakpole ne ɛ, na duzu a duma zɔhane abo kile a?

6. Mɔɔ Nyamenle manle menli ne aneɛ hakyile yɛle ngakyile ngakyile la, duzu a menli ne yɛle a?

Kpuyia bieko:

1. Kenga Mɔlebɛbo 11:1-9.

   Adwenle boni ati a ɛnee bɛlɛsi tawa tendendenlenle ne a, na duzu ati a yeanyɛ boɛ a? (Mɔl. 11:4; Mrɛ. 16:18; Dwɔn 5:44)

2. Kenga Mɔlebɛbo 11:1-9.

   Adwenle boni ati a ɛnee bɛlɛsi tawa tendendenlenle ne a, na duzu ati a yeanyɛ boɛ a? (Mɔl. 11:4; Mrɛ. 16:18; Dwɔn 5:44)

Ɛzukoalɛdeɛ 13

1. Duzu menli a ɛnee de suakpole Yule azo a?

2. Kɛ bɛfɛlɛ nrenya ne mɔɔ ɛnwu ye wɔ nvoninli ne anu la ɛ, mekɛ boni a bɛwole ye a, na nienwu a ɔdɛnlanle a?

3. Duzu a Nyamenle hanle hilele Ebileham kɛ ɔyɛ a?

4. Duzu ati a bɛvɛlɛle Ebileham kɛ Nyamenle agɔnwo a?

5. Nwane mɔ a nee Ebileham vile Yule hɔle a?

6. Ebileham dwule Keena azɛlɛ ne azo la, duzu edwɛkɛ a Nyamenle hanle hilele ye a?

7. Duzu ɛwɔkɛ a Nyamenle bɔle Ebileham wɔ mekɛ mɔɔ ɛnee yenyia ɛvolɛ 99 la ɛ?

Kpuyia bieko:

1. Kenga Mɔlebɛbo 11:27-32.

   1. (a) Abusuabɔlɛ boni a ɛnee la Ebileham nee Lɔɔto avinli a? (Mɔl. 11:27)

   2. (b) Ɔwɔ nuhua kɛ bɛha Tilaa anwo edwɛkɛ kɛ ɔdaye a ɔdule ye abusua ne abo ɔhɔle Keena nehane a, noko kɛzi yɛkola yɛnwu ye kɛ Ebileham a manle bɛdule a, na duzu ati a ɔyɛle ye zɔ a? (Mɔl. 11:31; Gyi. 7:2-4)

2. Kenga Mɔlebɛbo 12:1-7.

   Kɛzi Gyihova dɛlɛle ɔ nee Ebileham ngyekyeleɛ ne anu wɔ mekɛ mɔɔ Ebileham dwule Keena la ɛ? (Mɔl. 12:7)

3. Kenga Mɔlebɛbo 17:1-8, 15-17.

   1. (a) Duzu duma fofolɛ a Ebilam nyianle ye wɔ mekɛ mɔɔ ɛnee yenyia ɛvolɛ 99 la, na duzu ati ɔ? (Mɔl. 17:5)

   2. (b) Duzu nyilalɛ a Gyihova vale bɔle Sɛla ɛwɔkɛ kɛ ɔbanyia ye kenlebie a? (Mɔl. 17:15, 16)

4. Kenga Mɔlebɛbo 18:9-19.

   1. (a) Duzu ɛzonlelilɛ a Mɔlebɛbo 18:19, kile kɛ selɛma lɛ ye a? (Mɛla 6:6, 7; Ɛfɛ. 6:4)

   2. (b) Duzu a dole Sɛla mɔɔ kile kɛ yɛnrɛhola yɛnrɛva debie biala yɛnrɛzie Gyihova a? (Mɔl. 18:12, 15; Edw. 44:21)

Ɛzukoalɛdeɛ 14

1. Duzu ɛwɔkɛ a Nyamenle bɔle Ebileham a, na kɛ Nyamenle zile lile ye ɛwɔkɛ zo ɛ?

2. Kɛmɔ yɛnwu ye wɔ nvoninli ne anu la, adenle boni azo a Nyamenle zɔle Ebileham diedi nleanle a?

3. Ɔwɔ nuhua kɛ ɛnee Ebileham ɛnde mɔɔ Nyamenle zele ye kɛ ɔyɛ la abo ɛdeɛ, noko, duzu a ɔyɛle a?

4. Mɔɔ Ebileham vale dadeɛ ne kɛ ɔku ɔ ra ne la duzu a zile a?

5. Ɛnee Ebileham diedi mɔɔ ɔlɛ ye wɔ Nyamenle anu la yɛ se kɔdwu ni?

6. Duzu a Nyamenle vale manle Ebileham bɔle afɔle ne a, na ɔluale adenle boni azo a ɔyɛle a?

Kpuyia bieko:

1. Kenga Mɔlebɛbo 21:1-7.

   Duzu ati a Ebileham yɛle ɔ ra ne mrenyanu nzonlɛ wɔ kenle mɔtwɛ ne azo a? (Mɔl. 17:10-12; 21:4)

2. Kenga Mɔlebɛbo 22:1-18.

   Kɛzi Ayezeke bɛlɛle ɔ nwo aze manle ɔ ze Ebileham ɛ, na kɛzi ɛnee ɛhye le mɔɔ bazi kenlebie la anwo sɛkɛlɛneɛ kpole a? (Mɔl. 2:7-9; 1 Kɔl. 5:7; Fel. 2:8, 9)

Ɛzukoalɛdeɛ 15

1. Duzu ati a Ebileham nee Lɔɔto tetele nu a?

2. Duzu ati a Lɔɔto kpale kɛ ɔkɛdɛnla Sodɔm ɛ?

3. Ɛnee kɛ Sodɔm amra ɛbɛla de ɛ?

4. Duzu kɔkɔ a anwumabɔvolɛ nwiɔ ne bɔle Lɔɔto a?

5. Duzu ati a Lɔɔto aye ne hakyile ngyenle pila a?

6. Duzu a yɛbahola yɛazukoa yɛavi mɔɔ dole Lɔɔto aye ne la anu a?

Kpuyia bieko:

1. Kenga Mɔlebɛbo 13:5-13.

   Mɔɔ fane menli avinli edwɛkɛ ɛziezielɛ nwo la, duzu a yɛbahola yɛazukoa yɛavi Ebileham ɛkɛ a? (Mɔl. 13:8, 9; Wulo. 12:10; Fel. 2:3, 4)

2. Kenga Mɔlebɛbo 18:20-33.

   Saa yɛnea kɛzi Gyihova nee Ebileham lile la a kɛzi ɔmaa yɛnyia anwodozo kɛ Gyihova nee Gyisɛse babua ndɛne fɔɔnwo ɛ? (Mɔl. 18:25, 26; Mat. 25:31-33)

3. Kenga Mɔlebɛbo 19:1-29.

   1. (a) Duzu a Baebolo nu edwɛkɛ ɛhye da ye ali wɔ Nyamenle adwenle mɔɔ ɔlɛ ye wɔ mrenya mɔɔ bɛ nee bɛ nwo da anzɛɛ mraalɛ mɔɔ bɛ nee bɛ nwo da la anwo ɛ? (Mɔl. 19:5, 13; Sɛlɛ. 20:13)

   2. (b) Ngakyile boni a yɛnwu ye wɔ kɛzi Lɔɔto nee Ebileham yɛle bɛ nyɛleɛ wɔ Nyamenle adehilelɛ nwo la anu a, na duzu a yɛkola yɛsukoa yɛfi ɛhye anu a? (Mɔl. 19:15, 16, 19, 20; 22:3)

4. Kenga Luku 17:28-32.

   Subane boni a Lɔɔto aye ne nyianle ye wɔ nwonane nu ninyɛne nwo a, na kɛzi ɛhye le kɔkɔbɔlɛ maa yɛ a? (Luku 12:15; 17:31, 32; Mat. 6:19-21, 25)

5. Kenga 2 Pita 2:6-8.

   Saa yɛsukoa Lɔɔto a, duzu subane a ɔwɔ kɛ yɛda ye ali wɔ ewiade ɛtane ne mɔɔ ɛbɔ yɛ nwo mgbɔlɛka ɛyia la anu a? (Yiz. 9:4; 1 Dwɔn 2:15-17)

Ɛzukoalɛdeɛ 16

1. Nwane mɔ a le nrenya ne nee raalɛ ne mɔɔ wɔ nvoninli ne anu la?

2. Duzu a Ebileham yɛle nyianle yelɛ manle ɔ ra nrenya ne a, na duzu ati a ɔyɛle zɔ a?

3. Adenle boni azo a Ebileham sonvolɛ ne nzɛlɛlɛ ne rale nu a?

4. Mekɛ mɔɔ bɛbizale Relɛbɛka saa ɔkulo kɛ ɔkɛgya Ayezeke la, duzu mualɛ a ɔvale ɔmanle a?

5. Duzu a manle Ayezeke anye liele bieko a?

Kpuyia bieko:

1. Kenga Mɔlebɛbo 24:1-67.

   1. (a) Subane kpalɛ boni a Relɛbɛka lale ye ali wɔ mekɛ mɔɔ ɔyiale Ebileham sonvolɛ ne wɔ bula ne azo la ɛ? (Mɔl. 24:17-20; Mrɛ. 31:17, 31)

   2. (b) Duzu neazo kɛnlɛma a Ebileham ngyehyɛlɛ mɔɔ ɔyɛle ɔmanle Ayezeke la de maa Keleseɛnema mɔɔ wɔ ɛkɛ ne ɛnɛ la ɛ? (Mɔl. 24:37, 38; 1 Kɔl. 7:39; 2 Kɔl. 6:14)

   3. (d) Duzu ati a ɔwɔ kɛ yɛkpondɛ mekɛ na yɛdwenledwenle ninyɛne nwo kɛmɔ Ayezeke yɛle la ɛ? (Mɔl. 24:63; Edw. 77:12; Fel. 4:8)

Ɛzukoalɛdeɛ 17

1. Yisɔ nee Gyekɔbo a le nwane mɔ, na adenle boni azo a ɛnee bɛle ngakyile a?

2. Mekɛ mɔɔ Yisɔ nee Gyekɔbo nenya Ebileham wule la ɛnee bɛnyia ɛvolɛ nyɛ?

3. Duzu a Yisɔ yɛle mɔɔ manle ɔ nli nee ɔ ze lile nyane a?

4. Duzu ati a Yisɔ vale ɔ diema nrenya Gyekɔbo anwo ɛya kpole a?

5. Adehilelɛ boni a Ayezeke vale manle ɔ ra nrenya Gyekɔbo a?

Kpuyia bieko:

1. Kenga Mɔlebɛbo 25:5-11, 20-34.

   1. (a) Duzu a Gyihova hanle dole ɛkɛ ne vale Relɛbɛka amra mrenya nwiɔ ne anwo a? (Mɔl. 25:23)

   2. (b) Ngakyile boni a ɛnee wɔ subane mɔɔ Gyekɔbo nee Yisɔ lale ye ali wɔ awolɛ nu gyinlabelɛ nwo la anu a? (Mɔl. 25:31-34)

2. Kenga Mɔlebɛbo 26:34, 35; 27:1-46; 28:1-5.

   1. (a) Kɛzi ɔlale ali kɛ ɛnee Yisɔ anye ɛnzɔ sunsum nu ninyɛne ɛ? (Mɔl. 26:34, 35; 27:46)

   2. (b) Amaa Gyekɔbo anyia Gyihova ɛkɛ ne nyilalɛ la, duzu a Ayezeke hanle hilele ye kɛ ɔyɛ a? (Mɔl. 28:1-4)

3. Kenga Hibuluma 12:16, 17.

   Kɛzi Yisɔ neazo ne kile mɔɔ bado menli mɔɔ kpo sunsum nu ninyɛne la ɛ?

Ɛzukoalɛdeɛ 18

1. Bɛlɛra ne mɔɔ wɔ nvoninli ne anu la a le nwane, na duzu a Gyekɔbo yɛle manle ye a?

2. Duzu a Gyekɔbo hulole kɛ ɔkɛyɛ amaa yeanyia Relahyɛle yeagya a?

3. Mɔɔ mekɛ ne dwule kɛ Gyekɔbo gya Relahyɛle la, duzu a Leeban yɛle a?

4. Duzu a Gyekɔbo liele dole nu kɛ ɔkɛyɛ amaa yeanyia Relahyɛle yeagya ye ɛ?

Kpuyia bieko:

1. Kenga Mɔlebɛbo 29:1-30.

   1. (a) Mekɛ bɔbɔ mɔɔ Leeban bɛlɛbɛlale ye la, kɛzi Gyekɔbo hilele kɛ ɔlɛ subane kpalɛ ɛ, na duzu a yɛbahola yɛazukoa yɛavi ɛhye anu a? (Mɔl. 29:26-28; Mat. 5:37)

   2. (b) Kɛzi Gyekɔbo neazo ne kile ngakyile mɔɔ wɔ nɔhalɛ ɛhulolɛ nee ɛhulolɛ mɔɔ ɔnle kpalɛ la avinli ɛ? (Mɔl. 29:18, 20, 30; Sɔl. 8:6)

   3. (d) Mraalɛ nna boni a rabokale Gyekɔbo abusua ne anwo na amozii bɛwole mralɛ mrenya bɛmanle ye a? (Mɔl. 29:23, 24, 28, 29)

Ɛzukoalɛdeɛ 19

1. Kɛ bɛfɛlɛ Gyekɔbo amra mrenya nsia ne mɔɔ lumua mɔɔ ɔ nee ɔ ye Liya wole bɛ la ɛ?

2. Mralɛ mrenya nwiɔ boni a Liya sonvolɛ raalɛ Zelepa wole manle Gyekɔbo a?

3. Kɛ bɛfɛlɛ mralɛ mrenya nwiɔ ne mɔɔ Relahyɛle sonvolɛ raalɛ Belehaa wole manle Gyekɔbo la ɛ?

4. Mralɛ mrenya nwiɔ boni a Relahyɛle wole bɛ a, na duzu a zile mekɛ mɔɔ ɔwole mɔɔ tɔ zo nwiɔ ne la ɛ?

5. Kɛmɔ nvoninli ne kile la, mralɛ mrenya nyɛ a Gyekɔbo nyianle a, na duzu a vile nuhua rale a?

Kpuyia bieko:

1. Kenga Mɔlebɛbo 29:32-35; 30:1-26; nee 35:16-19.

   Kɛmɔ yɛnwu ye wɔ Gyekɔbo amra mrenya 12 ne anwo la, kɛzi ɛnee bɛto Hibulu ngakula mrenya aluma wɔ tete ne ɛ?

2. Kenga Mɔlebɛbo 37:35.

   Ɔwɔ nuhua kɛ Daena angomekye ala a bɛbɔ ye duma wɔ Baebolo ne anu a, noko kɛzi yɛkola yɛnwu ye kɛ ɛnee Gyekɔbo lɛ mralɛ mraalɛ dɔɔnwo ɛ? (Mɔl. 37:34, 35)

Ɛzukoalɛdeɛ 20

1. Duzu ati a ɛnee Ebileham nee Ayezeke ɛngulo kɛ bɛ mra kɛgya menli mɔɔ wɔ Keena azɛlɛ ne azo la bie a?

2. Asoo Gyekɔbo anye liele agɔnwolɛ mɔɔ ɔ ra raalɛ ne vale Keena ngakula mraalɛ ne mɔ la anwo ɔ?

3. Nwane a le nrenya ne mɔɔ wɔ nvoninli ne anu mɔɔ ɛlɛnea Daena la, na ɛtane boni a ɔyɛle a?

4. Duzu a Daena amediema mrenya Semɛyɔn nee Livae yɛle, mekɛ mɔɔ bɛdele mɔɔ ɛnee ɛzi la ɛ?

5. Asoo Gyekɔbo liele mɔɔ Semɛyɔn nee Livae yɛle la dole nuhua?

6. Kɛzi ngyegyelɛ ne mɔɔ rale abusua ne anwo zo la amuala kɔsɔɔti bɔle ɔ bo ɛ?

Kpuyia bieko:

1. Kenga Mɔlebɛbo 34:1-31.

   1. (a) Asoo ɛnee Daena ɛdulɛ mɔɔ ɔ nee Keena mraalɛ ne tu la le kenle ko debie ala ɔ? Kilehile nu. (Mɔl. 34:1)

   2. (b) Duzu ati a yɛkola yɛka kɛ Daena di ye belamunli ne mɔɔ ɔbɔle ye la anwo ɛzonle ne bie a? (Gal. 6:7)

   3. (d) Kɛzi mgbavolɛ nee mbɛlɛra mɔɔ wɔ ɛkɛ ne ɛnɛ la bahola ahile kɛ bɛdie kɔkɔbɔlɛ ne mɔɔ wɔ Daena neazo ne anu la bɛto nu ɛ? (Mrɛ. 13:20; 1 Kɔl. 15:33; 1 Dwɔn 5:19)

Ɛzukoalɛdeɛ 21

1. Duzu ati a Dwosefi amediema ne mɔ kpɔle ye a, na duzu a bɛyɛle a?

2. Duzu a ɛnee Dwosefi amediema ne mɔ kpondɛ kɛ bɛyɛ ye a, na boni a Wulubɛn hanle a?

3. Mɔɔ Yehyemeeyɛle guadivoma bie rale la duzu a zile a?

4. Duzu a Dwosefi amediema mrenya ne mɔ yɛle manle bɛ ze nyianle adwenle kɛ Dwosefi ɛwu a?

Kpuyia bieko:

1. Kenga Mɔlebɛbo 37:1-35.

   1. (a) Kɛzi Keleseɛnema bahola ali Dwosefi neazo ne anzi na baha ɛtane bie mɔɔ awie ɛyɛ wɔ asafo ne anu la bahile a? (Mɔl. 37:2; Sɛlɛ. 5:1; 1 Kɔl. 1:11)

   2. (b) Duzu a manle Dwosefi amediema ne mɔ bɔle ɔ nwo kpɔkɛ ɛtane a? (Mɔl. 37:11, 18; Mrɛ. 27:4; Gye. 3:14-16)

   3. (d) Duzu a Gyekɔbo yɛle wɔ alɔbɔlɛlilɛ nwo mɔɔ ɛnee ɔnle ɛtane a? (Mɔl. 37:35)

Ɛzukoalɛdeɛ 22

1. Bɛ nee Dwosefi hɔle Yigyibiti la ɛnee yenyia ɛvolɛ nyɛ, na ɔdwule ɛkɛ ne la duzu a zile a?

2. Kɛ ɔyɛle mɔɔ Dwosefi hɔlale efiade a?

3. Duzu gyima a bɛvale bɛwulale Dwosefi asa wɔ efiade ɛkɛ ne a?

4. Duzu a Dwosefi yɛle manle Falo sonvolɛ ne mɔɔ nea nza zo nee mɔɔ to kpanwo la wɔ efiade ɛkɛ ne a?

5. Bɛyele sonvolɛ ne mɔɔ nea nza zo bɛvile efiade la duzu a zile a?

Kpuyia bieko:

1. Kenga Mɔlebɛbo 39:1-23.

   Ɔluakɛ ɛnee Nyamenle ɛtɛkɛlɛle mɛla biala mɔɔ tia agyalɛ ɛzɛkyelɛ wɔ Dwosefi mekɛ zo la ati, duzu a manle ɔnriandile Pɔtefaa aye ne a? (Mɔl. 2:24; 20:3; 39:9)

2. Kenga Mɔlebɛbo 40:1-23.

   1. (a) Ka sonvolɛ ne mɔɔ nea nza zo la ɛlalɛ ne nee ngilenu mɔɔ Gyihova vale manle Dwosefi la anwo edwɛkɛ sikalɛ. (Mɔl. 40:9-13)

   2. (b) Ɛlalɛ boni a sonvolɛ ne mɔɔ to kpanwo la hanle a, na duzu a ɛnee ɔkile a? (Mɔl. 40:16-19)

   3. (d) Kɛzi akɛlɛ nɔhalɛ nee nrɛlɛbɛvolɛ eku ne ɛli Dwosefi neazo ne anzi ɛ? (Mɔl. 40:8; Edw. 36:9; Dwɔn 17:17; Gyi. 17:2, 3)

   4. (ɛ) Kɛzi Mɔlebɛbo 40:20 ne maa yɛnwu adwenle mɔɔ Keleseɛnema lɛ ye wɔ awolɛ kenle ɛlilɛ nwo la ɛ? (Nolo. 7:1; Maake 6:21-28)

Ɛzukoalɛdeɛ 23

1. Duzu a dole Falo kenle ko nɔɔzo a?

2. Kɛ ɔrale ye mɔɔ akee sonvolɛ ne mɔɔ nea nza zo la hakyele Dwosefi ɛ?

3. Kɛmɔ nvoninli ne kile la, ɛlalɛ nwiɔ boni a Falo hanle a?

4. Dwosefi hanle kɛ ɛlalɛ ne kile duzu?

5. Kɛ ɔyɛle mɔɔ Dwosefi rayɛle sonla kpole mɔɔ anwo hyia wɔ Yigyibiti mɔɔ Falo ɛnle ɛkɛ a ɔdaye a ɔwɔ ɛkɛ ne a?

6. Duzu ati a Dwosefi amediema mrenya ne mɔ rale Yigyibiti a, na duzu ati a bɛannwu ye sonla holɛ a?

7. Ɛlalɛ boni a Dwosefi hakyele a, na duzu a ɛhye boale ye manle ɔdele ɔ bo a?

Kpuyia bieko:

1. Kenga Mɔlebɛbo 41:1-57.

   1. (a) Kɛzi Dwosefi hwenle adwenle hɔle Gyihova anwo zo ɛ, na duzu a Keleseɛnema mɔɔ wɔ ɛkɛ ne ɛnɛ la bahola azukoa avi ye neazo ne anu a? (Mɔl. 41:16, 25, 28; Mat. 5:16; 1 Pit. 2:12)

   2. (b) Adenle boni azo a ɛvolɛ ne mɔɔ aleɛ bule Yigyibiti nee ɔ nzi ɛhɔne ɛvolɛ ne da ngakyile mɔɔ wɔ sunsum nu gyinlabelɛ mɔɔ Gyihova menli wɔ nu nee mɔɔ Keleseɛnemaanle ne wɔ nu la ali ɛ? (Mɔl. 41:29, 30; Emɔso 8:11, 12)

2. Kenga Mɔlebɛbo 42:1-8 nee 50:20.

   Asoo ɔle nvonleɛ kɛ Nyamenle azonvolɛ kɛbɔ bɛ ti aze kɛmaa awie ɔlua ye dibelɛ anzɛɛ ɛbulɛ mɔɔ bɛlɛ bɛmaa ye gyinlabelɛ la ati saa ɔle maamɛla wɔ maanle ne anu a? (Mɔl. 42:6)

Ɛzukoalɛdeɛ 24

1. Duzu ati a Dwosefi dole ɔ mediema mrenya ne mɔ ɛzonle kɛ bɛle busiama a?

2. Duzu ati a Gyekɔbo manle Bɛngyaman, ɔ ra nrenya ekyi ne, hɔle Yigyibiti ɛ?

3. Kɛ ɔyɛle mɔɔ Dwosefi dwɛtɛ fufule kɔpo ne vindele Bɛngyaman kodoku ɛdeɛ ne anu ɛ?

4. Duzu a Dwuda dule ɔ nwo manle kɛ ɔkɛyɛ amaa yeava yeakpɔne Bɛngyaman a?

5. Kɛzi ɛnee Dwosefi amediema mrenya ne mɔ ɛhakyi ɛ?

Kpuyia bieko:

1. Kenga Mɔlebɛbo 42:9-38.

   Kɛzi Dwosefi edwɛkɛ ne mɔɔ wɔ Mɔlebɛbo 42:18 la le ngakyelɛ kpalɛ maa menli mɔɔ lɛ gyimalilɛ wɔ Gyihova fane ne anu ɛnɛ la ɛ? (Nih. 5:15; 2 Kɔl. 7:1, 2)

2. Kenga Mɔlebɛbo 43:1-34.

   1. (a) Ɔwɔ nuhua kɛ ɛnee Wulubɛn a le belamunli ralɛ a noko kɛzi ɔda ali kɛ Dwuda yɛɛ rayɛle ɔ mediema ne mɔ kpɔmavolɛ a? (Mɔl. 43:3, 8, 9; 44:14, 18; 1 Edk. 5:2)

   2. (b) Kɛzi Dwosefi zɔle ɔ mediema ne mɔ nleanle ɛ, na duzu ati ɔ? (Mɔl. 43:33, 34)

3. Kenga Mɔlebɛbo 44:1-34.

   1. (a) Ɔluakɛ ɛnee ɔngulo kɛ ɔ mediema ne mɔ nwu ye la ati, kɛzi Dwosefi yɛle ɔ nwo ɛ? (Mɔl. 44:5, 15; Sɛlɛ. 19:26)

   2. (b) Kɛzi Dwosefi amediema ne mɔ hilele kɛ adwenle ɛtane ne mɔɔ ɛnee bɛlɛ ye wɔ bɛ diema ne anwo la ɛnle ɛkɛ ne bieko ɛ? (Mɔl. 44:13, 33, 34)

Ɛzukoalɛdeɛ 25

1. Mɔɔ Dwosefi hilele ɔ nwo hilele ɔ mediema ne mɔ la duzu a zile a?

2. Duzu a Dwosefi dole ɔ rɛle aze hilehilele nu hilele ɔ mediema ne mɔ a?

3. Falo dele Dwosefi amediema mrenya ne mɔ anwo edwɛkɛ ne la, duzu a ɔhanle a?

4. Mekɛ mɔɔ bɛba Yigyibiti la, ɛnee menli nyɛ a wɔ Gyekɔbo abusua ne anu a?

5. Duma boni a amozii bɛvale bɛvɛlɛle Gyekɔbo abusua ne ɛ, na duzu ati ɔ?

Kpuyia bieko:

1. Kenga Mɔlebɛbo 45:1-28.

   Kɛzi Dwosefi anwo edwɛkɛ ne mɔɔ wɔ Baebolo ne anu la kile kɛ Gyihova bahola ahakyi debie ɛtane bie mɔɔ awie kulo kɛ ɔfa ɔboda ye azonvolɛ la yeamaa yeayɛ nyilalɛ ɛ? (Mɔl. 45:5-8; Aye. 8:10; Fel. 1:12-14)

2. Kenga Mɔlebɛbo 46:1-27.

   Edwɛkɛ mɔɔ ɔle arɛlekyekyelɛ la boni a Gyihova zile zolɛ manle Gyekɔbo mekɛ mɔɔ ɔlɛkɔ Yigyibiti la ɛ? (Mɔl. 46:1-4)

Ɛzukoalɛdeɛ 26

1. Ɛnee nwane a le Dwobu?

2. Duzu a Seetan bɔle mɔdenle kɛ ɔkɛyɛ a, noko, asoo ɔholale ɔyɛle zɔ ɔ?

3. Duzu a Gyihova manle Seetan adenle kɛ ɔyɛ a, na duzu ati ɔ?

4. Duzu ati a Dwobu aye ne zele ye kɛ ‘ɔdendɛ ɔtia Nyamenle na ɔwu’ ɛ? (Nea nvoninli ne anu.)

5. Kɛmɔ ɛnwu ye wɔ nvoninli ne mɔɔ tɔ zolɛ nwiɔ la anu la, kɛ Gyihova zile yilale Dwobu ɛ, na duzu ati ɔ?

6. Saa yɛdi nɔhalɛ yɛmaa Gyihova, kɛmɔ Dwobu yɛle la a, duzu nyilalɛ a yɛbanyia a?

Kpuyia bieko:

1. Kenga Dwobu 1:1-22.

   Adenle boni azo a Keleseɛnema mɔɔ wɔ ɛkɛ ne ɛnɛ la bahola azukoa Dwobu a? (Dwobu 1:1; Fel. 2:15; 2 Pit. 3:14)

2. Kenga Dwobu 2:1-13.

   Adenle nwiɔ mɔɔ le ngakyile la boni a wɔ kɛzi Dwobu nee ɔ ye yɛle bɛ nyɛleɛ wɔ ɛkpɔlɛ mɔɔ Seetan vale rale bɛ nwo zo la anu a? (Dwobu 2:9, 10; Mrɛ. 19:3; Mae. 7:7; Mal. 3:14)

3. Kenga Dwobu 42:10-17.

   1. (a) Nyilalɛ boni a Dwobu nee Gyisɛse nyianle ɔlua nɔhalɛ mɔɔ bɛlile la ɛ? (Dwobu 42:12; Fel. 2:9-11)

   2. (b) Kɛzi Dwobu nyilalɛ ne mɔɔ ɔnyianle ɔlua nɔhalɛ mɔɔ ɔlile ɔmanle Nyamenle la wula yɛ anwosesebɛ ɛ? (Dwo. 42:10, 12; Hib. 6:10; Gye. 1:2-4, 12; 5:11)

Ɛzukoalɛdeɛ 27

1. Wɔ nvoninli ne anu, nrenya ne mɔɔ lɛ empele ne la a le nwane, na nwane a ɔlɛgua ye empele a?

2. Duzu a dole Yizilayɛma ne wɔ Dwosefi ewule nzi a?

3. Duzu ati a Yigyibitima ne razulole Yizilayɛma ne a?

4. Duzu mɛla a Falo vale manle mraalɛ mɔɔ die Yizilayɛ mraalɛ awolɛ la ɛ?

Kpuyia bieko:

1. Kenga Adendulɛ 1:6-22.

   1. (a) Kɛzi Gyihova bɔle ɔ bo kɛ ɔmaa ye ɛwɔkɛ mɔɔ ɔbɔle Ebileham la ara nu ɛ? (Ade. 1:7; Mɔl. 12:2; Gyi. 7:17)

   2. (b) Adenle boni azo a Hibulu mraalɛ ne mɔ mɔɔ die awolɛ la hilele kɛ bɛlɛ ɛbulɛ bɛmaa ngoane ɛ? (Ade. 1:17; Mɔl. 9:6)

   3. (d) Ɔlua nɔhalɛ mɔɔ mraalɛ ne mɔ mɔɔ die awolɛ la lile manle Gyihova la ati, kɛzi bɛyilale bɛ ɛ? (Ade. 1:20, 21; Mrɛ. 19:17)

   4. (ɛ) Adenle boni azo a Seetan bɔle mɔdenle kɛ ɔsɛkye Gyihova atiakunlukpɔkɛ mɔɔ fane Ebileham Abozonli ne mɔɔ ɔbɔle ɔ nwo ɛwɔkɛ la ɛ? (Ade. 1:22; Mat. 2:16)

Ɛzukoalɛdeɛ 28

1. Adɔma boni a wɔ nvoninli ne anu la, na nwane asa a ɔlɛ la?

2. Duzu a Mosisi ɔ nli yɛle liele ye mɔɔ ɔti bɛangu ye a?

3. Nwane a le kakula raalɛ ekyi ne mɔɔ wɔ nvoninli ne anu la, na duzu a ɔyɛle a?

4. Mɔɔ Falo ara raalɛ ne nwunle adɔma ne la, duzu edwɛkɛ a Meleam hanle hilele ye a?

5. Duzu edwɛkɛ a belemgbunli ara raalɛ ne hanle hilele Mosisi ɔ nli a?

Kpuyia bieko:

1. Kenga Adendulɛ 2:1-10.

   Adenle boni a Mosisi ɔ nli nyianle luale zo tetele na ɔhilehilele Mosisi wɔ ye ngakula nu a, na neazo boni a ɛhye le maa awovolɛ mɔɔ wɔ ɛkɛ ne ɛnɛ la ɛ? (Ade. 2:9, 10; Mɛla 6:6-9; Mrɛ. 22:6; Ɛfɛ. 6:4; 2 Tem. 3:15)

Ɛzukoalɛdeɛ 29

1. Nienwu a Mosisi nyinle a, noko ɛnee duzu a ɔze ye wɔ ye awovolɛ anwo a?

2. Mosisi nyianle ɛvolɛ 40 la, duzu a ɔyɛle a?

3. Duzu edwɛkɛ a Mosisi hanle hilele Yizilayɛnli nrenya bie mɔɔ ɛnee ɔlɛko la ɛ, na kɛ nrenya ne buale ye ɛ?

4. Duzu ati a Mosisi nriandile vile Yigyibiti a?

5. Nienwu a Mosisi nriandile hɔle a, na nwane a ɔhɔzokoɛle ye wɔ ɛkɛ ne a?

6. Duzu a Mosisi yɛle wɔ ɛvolɛ 40 ne mɔɔ ɔvile Yigyibiti la anu ɛ?

Kpuyia bieko:

1. Kenga Adendulɛ 2:11-25.

   Ɔnvane nwolɛ Yigyibitima nrɛlɛbɛ mɔɔ bɛvale bɛtetele ye wɔ nwomazukoalɛ nu la, kɛzi Mosisi lile nɔhalɛ manle Gyihova yɛɛ ye menli ne ɛ? (Ade. 2:11, 12; Hib. 11:24)

2. Kenga Gyima ne 7:22-29.

   Duzu a yɛkola yɛsukoa yɛfi mɔdenle mɔɔ Mosisi bɔle kɛ ɔdaye mumua ne ɔdie Yizilayɛ yeavi Yigyibitima akɛlɛyɛlɛ nu la anu a? (Gyi. 7:23-25; 1 Pit. 5:6, 10)

Ɛzukoalɛdeɛ 30

1. Kɛ bɛfɛlɛ boka ne mɔɔ wɔ nvoninli ne anu la ɛ?

2. Ka nwanwane debie mɔɔ Mosisi nwunle ye wɔ mekɛ mɔɔ ɔvale ye mboane ne mɔ ɔhɔle boka ne abo la.

3. Duzu edwɛkɛ a ɛnelɛ bie vi kpɔkɛ ne mɔɔ ɛlɛsɔ la anu hanle a, na nwane ane ɔ?

4. Mɔɔ Nyamenle zele Mosisi kɛ yemɔ a ɔbaye Nyamenle menli ne yeavi Yigyibiti la, duzu a ɔhanle a?

5. Duzu a Nyamenle zele Mosisi kɛ saa menli ne biza ye ahenle mɔɔ zoanle ye la a ɔha a?

6. Ɛnee duzu a Mosisi bahola ayɛ ava ahile kɛ Nyamenle a ɛzoa ye a?

Kpuyia bieko:

1. Kenga Adendulɛ 3:1-22.

   Kɛzi Mosisi neazo ne maa yɛnyia anwodozo kɛ saa bɔbɔ yɛte nganeɛ kɛ yɛnfɛta kɛ yɛkɛyɛ teokelase gyima bie a, Gyihova baboa yɛ a? (Ade. 3:11, 13; 2 Kɔl. 3:5, 6)

2. Kenga Adendulɛ 4:1-20.

   1. (a) Subane ngakyile boni a Mosisi nyianle ye wɔ ɛvolɛ 40 ne mɔɔ ɔlile wɔ Medean la ɛ, na duzu a menli mɔɔ bɛlɛmaa bɛ nye abolo kɛ bɛkɛyɛ neavolɛ gyima ne bie la bahola azukoa avi ɛhye anu a? (Ade. 2:11, 12; 4:10, 13; Mae. 6:8; 1 Tem. 3:1, 6, 10)

   2. (b) Saa bɔbɔ Gyihova dua ye fane ne azo twe yɛ nzo a, kɛzi Mosisi neazo ne bahola amaa yɛanyia anwodozo ɛ? (Ade. 4:12-14; Edw. 103:14; Hib. 12:4-11)

Ɛzukoalɛdeɛ 31

1. Kɛzi nwanwane ninyɛne mɔɔ Mosisi nee Aalɔn yɛle la hanle Yizilayɛma ɛ?

2. Duzu edwɛkɛ a Mosisi nee Aalɔn hanle hilele Falo a, na duzu mualɛ a Falo vale manle bɛ a?

3. Kɛmɔ nvoninli ne kile la, duzu a zile mekɛ mɔɔ Aalɔn vuandinle ye kpɔma ne dole aze la ɛ?

4. Duzu a Gyihova hilele Falo a, na boni a Falo yɛle ye wɔ nwolɛ a?

5. Duzu a zile wɔ ngyegyelɛ ne mɔɔ tɔ zolɛ bulu la anzi a?

Kpuyia bieko:

1. Kenga Adendulɛ 4:27-31 nee 5:1-23.

   Mɔɔ Falo hanle kɛ: ‘Menze Gyihova’ la, ɛnee boni a ɔkpondɛ yeahile a? (Ade. 5:2; 1 Sam. 2:12; Wulo. 1:21)

2. Kenga Adendulɛ 6:1-13, 26-30.

   1. (a) Adenle boni azo a Gyihova ammaa Ebileham, Ayezeke, nee Gyekɔbo annwu ye a? (Ade. 3:13, 14; 6:3; Mɔl. 12:8, NW)

   2. (b) Duzu nganeɛ a Mosisi mɔɔ Gyihova hɔle zolɛ vale ye lile gyima, ɔnvane nwolɛ kɛ ɛnee Mosisi bu ɔ nwo kɛ ɔnfɛta la maa yɛte a? (Ade. 6:12, 30; Luku 21:13-15)

3. Kenga Adendulɛ 7:1-13.

   1. (a) Duzu neazo a Mosisi nee Aalɔn yɛle dole ɛkɛ manle Nyamenle azonvolɛ mɔɔ wɔ ɛkɛ ne ɛnɛ, wɔ mekɛ mɔɔ bɛvale akɛnrasesebɛ bɛhanle Gyihova ndɛnebualɛ edwɛkɛ bɛhilele Falo la ɛ? (Ade. 7:2, 3, 6; Gyi. 4:29-31)

   2. (b) Kɛzi Gyihova hilele kɛ ɔle Nyamenle mɔɔ ye tumi kpogya tɛla Yigyibiti nyamenle ne mɔ amuala ɛ? (Ade. 7:12; 1 Edk. 29:12)

Ɛzukoalɛdeɛ 32

1. Nea nvoninli ne mɔɔ wɔ ɛke la, na ka ngyegyelɛ ne mɔɔ Gyihova vale rale Yigyibitima anwo zo la anu nsa ne mɔɔ lumua la.

2. Ngakyile boni a wɔ ngyegyelɛ nsa ne mɔɔ lumua la nee mɔɔ ɛha la anu a?

3. Ngyegyelɛ mɔɔ tɔ zolɛ nna, nnu, nee nsia ne la a le boni?

4. Ka ngyegyelɛ nsuu, mɔtwɛ, nee ngɔnla ne anwo edwɛkɛ.

5. Duzu a Gyihova manle Yizilayɛma ne yɛle kolaa na ngyegyelɛ bulu ne ara ɛ?

6. Ngyegyelɛ bulu ne a le boni, na duzu edwɛkɛ a zile ɛhye anzi a?

Kpuyia bieko:

1. Kenga Adendulɛ 7:19–8:23.

   1. (a) Ɔwɔ nuhua kɛ Yigyibiti ngonyiama ne mɔ holale yɛle ngyegyelɛ nwiɔ ne mɔɔ lumua mɔɔ Gyihova yɛle la bie ɛdeɛ, noko duzu edwɛkɛ a bɛhanle ye wɔ ngyegyelɛ ne mɔɔ tɔ zo nsa la anzi a? (Ade. 8:18, 19; Mat. 12:24-28)

   2. (b) Kɛzi ngyegyelɛ ne mɔɔ tɔ zolɛ nna la da Gyihova tumi mɔɔ ɔfa ɔbɔ ye menli nwo bane la ali ɛ, na duzu nganeɛ a ɛhye maa Nyamenle menli te wɔ mekɛ mɔɔ bɛlɛba bɛarayia “amaneɛnwunlɛ kpole” ne mɔɔ bɛha bɛdo ɛkɛ ne la ɛ? (Ade. 8:22, 23; Yek. 7:13, 14; 2 Edk. 16:9)

2. Kenga Adendulɛ 8:24; 9:3, 6, 10, 11, 14, 16, 23-25; 10:13-15, 21-23.

   1. (a) Ekpunli nwiɔ boni a Ngyegyelɛ Bulu ne manle bɛlale ali a, na kɛ ɛhye si ka adwenle mɔɔ yɛlɛ ye wɔ zɔhane ekpunli ne mɔ anwo ɛnɛ la ɛ? (Ade. 8:10, 18, 19; 9:14)

   2. (b) Kɛzi Adendulɛ 9:16 boa maa yɛte deɛ mɔɔ ɔti Gyihova ɛmaa Seetan adenle toonwo bakpula ɛnɛ la abo ɛ? (Wulo. 9:21, 22)

3. Kenga Adendulɛ 12:21-32.

   Adenle boni azo a Akpabɛnwo ne manle ɔyɛle boɛ kɛ menli dɔɔnwo kɛnyia ngoanelielɛ ɛ, na duzu anwo nvoninli a ɛnee Akpabɛnwo ne de a? (Ade. 12:21-23; Dwɔn 1:29; Wulo. 5:18, 19, 21; 1 Kɔl. 5:7)

Ɛzukoalɛdeɛ 33

1. Yizilayɛ mrenya nyɛ yɛɛ mraalɛ nee ngakula bokale bɛ manle bɛvile Yigyibiti a, na nwane mɔ a nee bɛ hɔle a?

2. Mɔɔ Falo manle Yizilayɛma ne hɔle la, duzu nganeɛ a ɔdele a, na boni a ɔyɛle a?

3. Duzu a Gyihova yɛle mɔɔ yeammaa Yigyibitima ne angola angɔngolo ye menli ne mɔ anwo zo a?

4. Mɔɔ Mosisi dendenle ye kpɔma ne wɔ Nyevile Kɔkɔlɛ ne azo la, duzu a zile a, na boni a Yizilayɛma ne yɛle a?

5. Mɔɔ Yigyibitima ne lile Yizilayɛma ne anzi luale nyevile ne anu bie la, duzu a zile a?

6. Duzu a Yizilayɛma ne yɛle hilele kɛ ɛnee bɛ nye ɛlie na eza bɛ nye ɛzɔ mɔɔ Gyihova ɛyɛ ɛlie bɛ ngoane la ɛ?

Kpuyia bieko:

1. Kenga Adendulɛ 12:33-36.

   Kɛ Gyihova zile nleanle nwunle ye kɛ bɛdua ye menli ne kakɛ wɔ ɛvolɛ dɔɔnwo ne mɔɔ bɛzonlenle wɔ Yigyibiti kɛ ngɛkɛlɛ la anwo ɛ? (Ade. 3:21, 22; 12:35, 36)

2. Kenga Adendulɛ 14:1-31.

   Kɛ Mosisi edwɛkɛ mɔɔ bɛhɛlɛ ye wɔ Adendulɛ 14:13, 14 la si ka Gyihova azonvolɛ mɔɔ wɔ ɛkɛ ne ɛnɛ la wɔ mekɛ mɔɔ bɛlɛba bɛarayia Amagɛdɔn konle ne la ɛ? (2 Edk. 20:17; Edw. 91:8)

3. Kenga Adendulɛ 15:1-8, 20, 21.

   1. (a) Duzu ati a ɔwɔ kɛ Gyihova azonvolɛ to ayɛlɛyelɛ edwɛne maa ye a? (Ade. 15:1, 2; Edw. 105:2, 3; Yek. 15:3, 4)

   2. (b) Duzu neazo a Meleam nee mraalɛ mɔɔ pɛle Nyevile Kɔkɔlɛ ne la yɛle manle Keleseɛne mraalɛ mɔɔ wɔ ɛkɛ ne ɛnɛ la wɔ Gyihova ayɛlɛyelɛ nwo a? (Ade. 15:20, 21; Edw. 68:11)

Ɛzukoalɛdeɛ 34

1. Wɔ nvoninli ne anu, duzu a menli ne ɛlɛsesa ye wɔ azɛlɛ ne anwo la, na kɛ bɛfɛlɛ ye ɛ?

2. Adehilelɛ boni a Mosisi vale manle menli ne wɔ mana ne ɛsesalɛ nwo a?

3. Duzu a Gyihova hanle hilele menli ne kɛ bɛyɛ ye kenle nsia ne azo a, na duzu ati ɔ?

4. Nwanwane debie boni a Gyihova yɛle wɔ mekɛ mɔɔ bɛvale mana ne bɛziele hɔkpulale kenle nsuu ne azo la ɛ?

5. Mekɛ tendenle nyɛ yɛɛ Gyihova vale mana ne manle menli ne a?

Kpuyia bieko:

1. Kenga Adendulɛ 16:1-36 nee Ɛdianlɛ 11:7-9.

   1. (a) Duzu a wɔ Adendulɛ 16:8 mɔɔ kile kɛ ɔwɔ kɛ yɛkile ɛbulɛ yɛmaa teokelase adehilelɛ wɔ Keleseɛne asafo ne anu ɛ? (Hib. 13:17)

   2. (b) Wɔ fienemgbole ne anu, adenle boni azo a Gyihova hakyele Yizilayɛma ne dahuu kɛ ɔdaye yɛɛ ɔnea bɛ a? (Ade. 16:14-16, 35; Mɛla 8:2, 3)

   3. (d) Gyisɛse hilele kɛ mana ne le duzu anwo sɛkɛlɛneɛ, na kɛzi yɛnyia nvasoɛ yɛfi ‘kpanwo ne mɔɔ vi anwuma’ la anu ɛ? (Dwɔn 6:31-35, 40)

2. Kenga Dwɔhyua 5:10-12.

   Ɛvolɛ dodo nyɛ yɛɛ Yizilayɛma lile mana ne a, kɛzi ɛhye yɛle sɔnea manle bɛ ɛ, na duzu a yɛbahola yɛazukoa yɛavi ɛhye anu a? (Ade. 16:35; Ɛdi. 11:4-6; 1 Kɔl. 10:10, 11)

Ɛzukoalɛdeɛ 35

1. Yizilayɛma vile Yigyibiti kɛyɛ siane nwiɔ anzi la nienwu a bɛzokoɛle a?

2. Duzu a Gyihova hanle kɛ ɔkulo kɛ menli ne yɛ a, na kɛzi bɛyele ɔ nloa ɛ?

3. Duzu ati a Gyihova vale awolɛ ndɛbandɛba nwiɔ ne manle Mosisi a?

4. Saa ɛye Mɛla Bulu ne ɛsie ahane a, mɛla boni bieko a Gyihova vale manle Yizilayɛma ne a?

5. Mɛla nwiɔ boni a Gyisɛse Kelaese hanle kɛ ɔle mɛla ne anu titile a?

Kpuyia bieko:

1. Kenga Adendulɛ 19:1-25; 20:1-21; 24:12-18; nee 31:18.

   Kɛzi edwɛkɛ ne mɔɔ bɛhɛlɛ ye wɔ Adendulɛ 19:8 la boa yɛ maa yɛte Keleseɛnenli anwo mɔɔ ɔtu yeamaa la aboa ɛ? (Mat. 16:24; 1 Pit. 4:1-3)

2. Kenga Mɛla ne 6:4-6; Sɛlɛvolɛma 19:18; nee Mateyu 22:36-40.

   Duzu a Keleseɛnema yɛ kile kɛ bɛkulo Nyamenle nee bɛ gɔnwo mɔ a? (Maake 6:34; Gyi. 4:20; Wulo. 15:2)

Ɛzukoalɛdeɛ 36

1. Wɔ nvoninli ne anu, duzu a menli ne ɛlɛyɛ a, na duzu ati ɔ?

2. Duzu ati a Gyihova vale ɛya a, na duzu a Mosisi yɛle ye wɔ mekɛ mɔɔ ɔnwunle mɔɔ menli ne ɛlɛyɛ la?

3. Duzu a Mosisi hanle hilele menli ne mɔ bie kɛ bɛyɛ a?

4. Boni a yɛsukoa yɛfi edwɛkɛ ɛhye anu a?

Kpuyia bieko:

1. Kenga Adendulɛ 32:1-35.

   1. (a) Adenle boni azo a ɛhye maa yɛnwu kɛzi Gyihova te nganeɛ wɔ adalɛ ɛzonlenlɛ mɔɔ yɛfa yɛaboka nɔhalɛ ɛzonlenlɛ nwo la anwo ɛ? (Ade. 32:4-6, 10; 1 Kɔl. 10:7, 11)

   2. (b) Saa Keleseɛnema kpondɛ kɛ bɛfa debie mɔɔ le kɛ edwɛne nee agole bɛdielie bɛ nye a, duzu a ɔwɔ kɛ bɛnea boɛ wɔ nwolɛ a? (Ade. 32:18, 19; Ɛfɛ. 5:15, 16; 1 Dwɔn 2:15-17)

   3. (d) Adenle boni azo a Livae abusua ne le neazo kɛnlɛma maa yɛ wɔ tenleneyɛlɛ nwo a? (Ade. 32:25-28; Edw. 18:25)

Ɛzukoalɛdeɛ 37

1. Sua boni a wɔ nvoninli ne anu la, na duzu a bɛyɛ ye wɔ nu a?

2. Duzu ati a Gyihova hanle hilele Mosisi kɛ ɔyɛ ɛdanlɛ sua ne mɔɔ bɛtudu a bɛnvɛ nwolɛ a?

3. Ɛlɛka boni a wɔ ekpumgbunli ekyi ne mɔɔ wɔ sua ne ati lɔ la anu a, na duzu a wɔ ɛlɛka ne anu a?

4. Nwane a Gyihova kpale ye kɛ ɛsɔfo kpanyinli a, na duzu a ɛsɔfo kpanyinli ne yɛ a?

5. Bobɔ ninyɛne nsa mɔɔ wɔ ekpumgbunli kpole ne mɔɔ wɔ ɛdanlɛ sua ne anu la aluma.

6. Ninyɛne nwiɔ boni a wɔ ɛzonlenlɛ sua ne alie nwo a, na duzu a bɛfa bɛyɛ a?

Kpuyia bieko:

1. Kenga Adendulɛ 25:8-40; 26:1-37; 27:1-8; nee 28:1.

   Duzu a anwumabɔvolɛ nwiɔ ne anzɛɛ kyɛlɛbo ne mɔ mɔɔ gyi “ngyekyeleɛ ɛlɛka” ne azo la kile a? (Ade. 25:20, 22; Ɛdi. 7:89; 2 Arl. 19:15)

2. Kenga Adendulɛ 30:1-10, 17-21; 34:1, 2; nee Hibuluma 9:1-5.

   1. (a) Duzu ati a Gyihova zile zo kɛ ɔhyia kɛ ɛsɔfo ne mɔ mɔɔ sonle wɔ ɛzonlenlɛ sua ne anu la anwo te wɔ nwonane nu a, na kɛzi ɔwɔ kɛ ɛhye ka yɛ ɛnɛ ɛ? (Ade. 30:18-21; 40:30, 31; Hib. 10:22)

   2. (b) Kɛzi ɛzoanvolɛ Pɔɔlo hilele kɛ ɛnee ɛzonlenlɛ sua ne nee Mɛla ngyekyeleɛ ne ɛnli gyima bieko wɔ mekɛ mɔɔ ɔlɛkɛlɛ ye kɛlata ne yeahɔmaa Hibulu Keleseɛnema ne la ɛ? (Hib. 9:1, 9; 10:1)

Ɛzukoalɛdeɛ 38

1. Duzu a ɛnwu ye wɔ baka ma ne mɔɔ wɔ nvoninli ne anu la anwo a, na nienwu a ɛhye vi a?

2. Duzu ati a Mosisi zoanle busiama 12 wɔ Keena azɛlɛ ne azo ɛ?

3. Mekɛ mɔɔ bɛziale bɛrale Mosisi ɛkɛ ne la duzu edwɛkɛ a busiama ne anu bulu hanle a?

4. Kɛzi busiama ne anu nwiɔ hilele kɛ bɛlɛ Gyihova anu anwodozo ɛ, na kɛ bɛfɛlɛ bɛ ɛ?

5. Duzu ati a Gyihova vale ɛya a, na duzu a ɔhanle ɔhilele Mosisi a?

Kpuyia bieko:

1. Kenga Ɛdianlɛ 13:1-33.

   1. (a) Nwane mɔ a bɛkpale bɛ kɛ bɛhɔkpɔla azɛlɛ ne azo a, na adenle kpole boni a bɛnyiale ye a? (Ɛdi. 13:2, 3, 18-20)

   2. (b) Duzu ati a ɛnee Dwɔhyua nee Kalɛbe adwenle ne ɛnle kɛ busiama mɔɔ ɛha la ɛdeɛ ne ɛ, na duzu a ɛhye kile yɛ a? (Ɛdi. 13:28-30; Mat. 17:20; 2 Kɔl. 5:7)

2. Kenga Ɛdianlɛ 14:1-38.

   1. (a) Kɔkɔbɔlɛ boni a ɔwɔ kɛ yɛtie na yɛandendɛ yɛ nzo abo yɛantia menli mɔɔ gyi Gyihova agyakɛ anu wɔ azɛlɛ ye azo la ɛ? (Ɛdi. 14:2, 3, 27; Mat. 25:40, 45; 1 Kɔl. 10:10)

   2. (b) Kɛzi Ɛdianlɛ 14:24 kile kɛ Gyihova anye die ye akɛlɛ ko biala anwo ɛ? (1 Arl. 19:18; Mrɛ. 15:3)

Ɛzukoalɛdeɛ 39

1. Nwane mɔ a dwazole tiale tumi mɔɔ Mosisi nee Aalɔn lɛ ye la ɛ, na duzu a bɛhanle bɛhilele Mosisi a?

2. Duzu a Mosisi hanle hilele Kɔla nee ɔ sa zo menli 250 ne kɛ bɛyɛ a?

3. Duzu edwɛkɛ a Mosisi hanle hilele menli ne a, na duzu a zile wɔ mekɛ mɔɔ ɔwiele tendɛ la ɛ?

4. Duzu a zile Kɔla ne ɔ sa zo menli 250 ne anwo zo a?

5. Duzu a Ɛlieza, Aalɔn ara nrenya ne, vale menli mɔɔ ɛwu la ɛyɛlɛkpunlɛ ahyɛnze ne mɔ yɛle a, na duzu ati ɔ?

6. Duzu ati a Gyihova manle Aalɔn baka ne bɔle ndotolo a? (Nea nvoninli ne anu.)

Kpuyia bieko:

1. Kenga Ɛdianlɛ 16:1-49.

   1. (a) Duzu a Kɔla nee ɔ sa zo mɔ yɛle a, na duzu ati a ɛnee ɛhye le atuadelɛ mɔɔ tia Gyihova a? (Ɛdi. 16:9, 10, 18; Sɛlɛ. 10: 1, 2; Mrɛ. 11:2)

   2. (b) Adwenle mɔɔ ɔnfɛta la boni a Kɔla nee “Yizilayɛ mgbanyinli” 250 ne nyianle a? (Ɛdi. 16:1-3; Mrɛ. 15:33; Aye. 49:7)

2. Kenga Ɛdianlɛ 17:1-11 nee 26:10.

   1. (a) Aalɔn baka ne mɔɔ fifile la kile duzu, na duzu ati a Gyihova hanle kɛ bɛva bɛzie ɛlɛka ne anu a? (Ɛdi. 17:5, 8, 10; Hib. 9:4)

   2. (b) Debie mɔɔ anwo hyia la boni a yɛsukoa yɛfi Aalɔn baka ne anwo sɛkɛlɛneɛ ne anu a? (Ɛdi. 17:10; Gyi. 20:28; Fel. 2:14; Hib. 13:17)

Ɛzukoalɛdeɛ 40

1. Kɛzi Gyihova nleanle Yizilayɛma ne wɔ fienemgbole ne anu ɛ?

2. Edwɛkɛ boni a Yizilayɛma ne hehanle wɔ mekɛ mɔɔ bɛzokoɛle wɔ Keedɛhye la ɛ?

3. Adenle boni a Gyihova vale zo manle menli ne nee bɛ nyɛmoa ne mɔ nzule a?

4. Wɔ nvoninli ne anu, nwane a le nrenya ne mɔɔ ɔlɛfa ɔ sa yeazi ɔ kɛnra la, na duzu ati a ɔlɛyɛ zɔ a?

5. Duzu ati a Gyihova vale Mosisi nee Aalɔn anwo ɛya a, na ndeanlɛ boni a bɛnyiale ye a?

6. Edwɛkɛ boni a zile wɔ Hɔɔ Boka ne azo a, na nwane a rayɛle Yizilayɛ ɛsɔfo kpanyinli a?

Kpuyia bieko:

1. Kenga Ɛdianlɛ 20:1-13, 22-29 nee Mɛla ne 29:5.

   1. (a) Duzu a yɛsukoa yɛfi adenle mɔɔ Gyihova vale zo nleanle Yizilayɛma wɔ fienemgbole ne anu la anu ɛ? (Mɛla 29:5; Mat. 6:31; Hib. 13:5; Gye. 1:17)

   2. (b) Kɛzi Gyihova bule eni mɔɔ Mosisi nee Aalɔn anli ye wɔ Yizilayɛma anyunlu la ɛ? (Ɛdi. 20:12; 1 Kɔl. 10:12; Yek. 4:11)

   3. (d) Duzu a yɛbahola yɛazukoa yɛavi kɛzi Mosisi liele anzohwenlɛ mɔɔ Gyihova vale manle ye la dole nu la anu a? (Ɛdi. 12:3; 20:12, 27, 28; Mɛla 32:4; Hib. 12:7-11)

Ɛzukoalɛdeɛ 41

1. Wɔ nvoninli ne anu, duzu a bɛva bɛbeba baka ne anwo la, na duzu ati a Gyihova hanle hilele Mosisi kɛ ɔva ɔzie ɛkɛ ne a?

2. Duzu a menli ne yɛle mɔɔ kile kɛ bɛ nye anzɔ mɔɔ Nyamenle yɛle manle bɛ la amuala a?

3. Duzu a menli ne hanle hilele Mosisi kɛ ɔyɛ wɔ mekɛ mɔɔ Gyihova manle nwɔlɛ rakekale bɛ la ɛ?

4. Duzu ati a Gyihova hanle hilele Mosisi kɛ ɔyɛ kɔbele ɛwɔlɛ ne a?

5. Duzu a yɛsukoa yɛfi edwɛkɛ ɛhye anu a?

Kpuyia bieko:

1. Kenga Ɛdianlɛ 21:4-9.

   1. (a) Duzu kɔkɔbɔlɛ a yɛnyia yɛfi Yizilayɛma anzo abo mɔɔ bɛdendɛle bɛtiale ninyɛne mɔɔ Gyihova fa maa bɛ la anu a? (Ɛdi. 21:5, 6; Wulo. 2:4)

   2. (b) Amozii, duzu a Yizilayɛma vale kɔbele ɛwɔlɛ ne yɛle a, na duzu a Belemgbunli Hɛzikaya yɛle ye wɔ nwolɛ a? (Ɛdi. 21:9; 2 Arl. 18:1-4)

2. Kenga Dwɔn 3:14, 15.

   Kɛzi kɔbele ɛwɔlɛ ne mɔɔ bɛhendanle ye baka ne azo la le Gyisɛse Kelaese mɔɔ bɛbɔle ye baka nu la anwo nvoninli ɛ? (Gal. 3:13; 1 Pit. 2:24)

Ɛzukoalɛdeɛ 42

1. Nwane a le Beelake, na duzu ati a ɔzoanle kɛ bɛhɔvɛlɛ Beelam a?

2. Duzu ati a Beelam asoaso ne lale adenle ne anu a?

3. Edwɛkɛ boni a Beelam dele kɛ asoaso ne ɛlɛka a?

4. Duzu a anwumabɔvolɛ ne hanle hilele Beelam a?

5. Boni a zile wɔ mekɛ mɔɔ Beelam bɔle mɔdenle kɛ ɔwa Yizilayɛma amonle la ɛ?

Kpuyia bieko:

1. Kenga Ɛdianlɛ 21:21-35.

   Duzu ati a Yizilayɛma hunle Amɔnoma Belemgbunli Saehɔn nee Beehyan Belemgbunli Ɔɔgo ɛ? (Ɛdi. 21:21, 23, 33, 34)

2. Kenga Ɛdianlɛ 22:1-40.

   Adwenle boni a Beelam nyianle ye wɔ mekɛ mɔɔ ɔbɔle mɔdenle kɛ ɔwa Yizilayɛma amonle la ɛ, na duzu a yɛsukoa yɛfi ɛhye anu a? (Ɛdi. 22:16, 17; Mrɛ. 6:16, 18; 2 Pit. 2:15; Dwu. 11)

3. Kenga Ɛdianlɛ 23:1-30.

   Ɔwɔ nuhua kɛ Beelam dendɛle kɛ asɛɛ ɔsonle Gyihova ɛdeɛ, noko kɛzi ye nyɛleɛ ne hilele kɛ ɔnzonle ye ɛ? (Ɛdi. 23:3, 11-14; 1 Sam. 15:22)

4. Kenga Ɛdianlɛ 24:1-25.

   Kɛzi Baebolo nu edwɛkɛ ɛhye wula yɛ anwosesebɛ kɛ Gyihova atiakunlukpɔkɛ mɔɔ yebɔ la biala bara nu ɛ? (Ɛdi. 24:10; Aye. 54:17)

Ɛzukoalɛdeɛ 43

1. Menli nwiɔ boni a gyi Mosisi anwo ɛkɛ ne wɔ nvoninli ne anu la?

2. Duzu edwɛkɛ a Gyihova hanle hilele Dwɔhyua a?

3. Duzu ati a Mosisi vole hɔle Nibo Boka ne azo a, na duzu edwɛkɛ a Gyihova hanle hilele ye a?

4. Mosisi lile ɛvolɛ nyɛ na yeawu?

5. Duzu ati a menli ne arɛle bɔle a, na duzu a manle bɛ nye liele bieko a?

Kpuyia bieko:

1. Kenga Ɛdianlɛ 27:12-23.

   Gyimalilɛ kpole boni a Gyihova vale manle Dwɔhyua a, na adenle boni azo a Gyihova dua nea Ye menli ɛnɛ a? (Ɛdi. 27:15-19; Gyi. 20:28; Hib. 13:7)

2. Kenga Mɛla ne 3:23-29.

   Duzu ati a Gyihova ammaa Mosisi nee Aalɔn angɔ ɛwɔkɛ azɛlɛ ne azo a, na duzu a yɛsukoa yɛfi ɛhye anu a? (Mɛla 3:25-27; Ɛdi. 20:12, 13)

3. Kenga Mɛla ne 31:1-8, 14-23.

   Kɛzi Mosisi nrɛlaleɛ edwɛkɛ mɔɔ li awieleɛ mɔɔ ɔhanle ɔhilele Yizilayɛma ne la kile kɛ ɔliele Gyihova ndeanlɛ ne ɔdole nuhua ɛ? (Mɛla 31:6-8, 23)

4. Kenga Mɛla ne 32:45-52.

   Kɛzi ɔwɔ kɛ Nyamenle Edwɛkɛ ne ka yɛ ɛbɛlabɔlɛ ɛ? (Mɛla 32:47; Sɛlɛ. 18:5; Hib. 4:12)

5. Kenga Mɛla ne 34:1-12.

   Ɔwɔ nuhua kɛ Mosisi anva ɔ nye anwu Gyihova mumua ne ɛdeɛ, noko duzu a Mɛla ne 34:10 ka ye wɔ ɔ nee Gyihova bɛ abusuabɔlɛ nwo a? (Ade. 33:11, 20; Ɛdi. 12:8)

Ɛzukoalɛdeɛ 44

1. Nienwu yɛɛ Releehabe de a?

2. Mrenya nwiɔ boni a wɔ nvoninli ne anu la, na duzu ati a bɛ wɔ Gyɛleko a?

3. Duzu a Gyɛleko belemgbunli ne zele Releehabe kɛ ɔyɛ a, na kɛzi ɔbuale ye ɛ?

4. Kɛzi Releehabe boale mrenya nwiɔ ne ɛ, na duzu a ɔbizale ɔvile bɛ ɛkɛ ne a?

5. Ɛwɔkɛ boni a busiama nwiɔ ne bɔle Releehabe a?

Kpuyia bieko:

1. Kenga Dwɔhyua 2:1-24.

   Mekɛ mɔɔ Yizilayɛma rale Gyɛlekoma anwo zo la, adenle boni azo a Gyihova edwɛkɛ ne mɔɔ wɔ Adendulɛ 23:27 la rale nu a? (Dwɔ. 2:9-11)

2. Kenga Hibuluma 11:31.

   Kɛzi Releehabe neazo ne si ɛhyianlɛ mɔɔ diedi nwo hyia la azo ɛ? (Wulo. 1:17; Hib. 10:39; Gye. 2:25)

Ɛzukoalɛdeɛ 45

1. Nwanwane debie boni a Gyihova yɛle amaa Yizilayɛma ahola apɛ Azule Dwɔdan ne a?

2. Debie mɔɔ kile diedi boni a ɛnee ɔwɔ kɛ Yizilayɛma yɛ kolaa na bɛapɛ Azule Dwɔdan ne a?

3. Duzu ati a Gyihova hanle hilele Dwɔhyua kɛ ɔmaa bɛsesa awolɛ mgbole 12 bɛvi azule ne anu a?

4. Duzu a zile wɔ mekɛ mɔɔ ɛsɔfo ne mɔ vile Dwɔdan ne anu la ɛ?

Kpuyia bieko:

1. Kenga Dwɔhyua 3:1-17.

   1. (a) Kɛmɔ edwɛkɛ ɛhye kile la, duzu a ɔwɔ kɛ yɛyɛ na yɛanyia Gyihova moalɛ nee ye nyilalɛ a? (Dwɔ. 3:13, 15; Mrɛ. 3:5; Gye. 2:22, 26)

   2. (b) Ɛnee kɛzi Azule Dwɔdan ne de wɔ mekɛ mɔɔ Yizilayɛma ne pɛ ahɔ Ɛwɔkɛ Azɛlɛ ne azo la ɛ, na kɛzi ɛhye wulale Gyihova duma ne anyunlunyia ɛ? (Dwɔ. 3:15; 4:18; Edw. 66:5-7)

2. Kenga Dwɔhyua 4:1-18.

   Atiakunlukpɔkɛ boni ati a bɛvale awolɛ 12 ne bɛvile Dwɔdan ne anu bɛhɔziele Gelegale a? (Dwɔ. 4:4-7)

Ɛzukoalɛdeɛ 46

1. Duzu a Gyihova hanle hilele ɛlɔnema ne nee ɛsɔfo ne mɔ kɛ bɛyɛ ye kenle nsia a?

2. Duzu a ɛnee ɔwɔ kɛ menli ne yɛ ye wɔ kenle nsuu ne azo a?

3. Kɛmɔ ɛnwu ye wɔ nvoninli ne anu la, duzu a ɛlɛyɛ Gyɛleko bane ne a?

4. Duzu ati a nyɛma kɔkɔlɛ ne henda nvɛzɛlɛ ne anu a?

5. Duzu a Dwɔhyua hanle hilele ɛlɔnema ne kɛ bɛyɛ menli ne nee suakpole ne ɛ, na dwɛtɛ fufule, ezukoa nvutuke, kɔbele nee bulalɛ ne mɔ noko ɛ?

6. Duzu a bɛhanle bɛhilele busiama nwiɔ ne kɛ bɛyɛ a?

Kpuyia bieko:

1. Kenga Dwɔhyua 6:1-25.

   1. (a) Adenle boni azo a Yizilayɛma ɛdialɛ mɔɔ bɛdiale bɛbɔle Gyɛleko anwo mgbɔlɛka kenle nsuu ne azo la nee edwɛkpahanlɛ gyima ne mɔɔ Gyihova Alasevolɛ yɛ ye wɔ awieleɛ mekɛ ye anu la le ko ɛ? (Dwɔ. 6:15, 16; Aye. 60:22; Mat. 24:14; 1 Kɔl. 9:16)

   2. (b) Kɛzi ngapezo edwɛkɛ ne mɔɔ bɛhɛlɛ ye wɔ Dwɔhyua 6:26 la rale nu wɔ ɛvolɛ 500 anzi ɛ, na duzu a ɛhye kile yɛ wɔ Gyihova edwɛkɛ ne anwo a? (1 Arl. 16:34; Aye. 55:11)

Ɛzukoalɛdeɛ 47

1. Wɔ nvoninli ne anu, nwane a le nrenya ne mɔɔ ɔlɛfa ninyɛne mɔɔ ɔvale ɔvile Gyɛleko la yeavea a, na nwane mɔ yɛɛ ɛlɛboa ye la?

2. Duzu ati a mɔɔ Ekan nee ye abusua ne yɛle la le anyebolo edwɛkɛ a?

3. Duzu a Gyihova hanle wɔ mekɛ mɔɔ Dwɔhyua bizale ye deɛ mɔɔ ɔti Eyae lile Yizilayɛma anwo zo konim la ɛ?

4. Mekɛ mɔɔ bɛvale Ekan nee ye abusua ne bɛrale Dwɔhyua anyunlu la, duzu a bɛyɛle bɛ a?

5. Debie mɔɔ anwo hyia la boni a yɛsukoa yɛfi Ekan mɔɔ bɛdeanle ye la anu a?

Kpuyia bieko:

1. Kenga Dwɔhyua 7:1-26.

   1. (a) Duzu a Dwɔhyua asɔneyɛlɛ ne kile wɔ abusuabɔlɛ mɔɔ ɔ nee ye Bɔvolɛ ne lɛ ye la anwo a? (Dwɔ. 7:7-9; Edw. 119:145; 1 Dwɔn 5:14)

   2. (b) Duzu a Ekan neazo ne kile a, na kɛzi ɛhye le kɔkɔbɔlɛ maa yɛ ɛ? (Dwɔ. 7:11, 14, 15; Mrɛ. 15:3; 1 Tem. 5:24; Hib. 4:13)

2. Kenga Dwɔhyua 8:1-29.

   Ɛzonlelilɛ boni a la yɛ nwo zo wɔ Keleseɛne asafo ne anu ɛnɛ a? (Dwɔ. 7:13; Sɛlɛ. 5:1; Mrɛ. 28:13)

Ɛzukoalɛdeɛ 48

1. Kɛzi Gebɛyɔnoma ne le ngakyile fi Keenama mɔɔ de bikye bɛ la anwo ɛ?

2. Kɛmɔ nvoninli ne kile la, duzu a Gebɛyɔnoma ne yɛle a, na duzu ati ɔ?

3. Ɛwɔkɛ boni a Dwɔhyua nee Yizilayɛ mgbanyima bɔle Gebɛyɔnoma ne a, na duzu a lale ali wɔ kenle nsa ne azo a?

4. Mekɛ mɔɔ arelemgbunli mɔɔ wɔ azuamgbole ngakyile ne mɔ azo dele kɛ Gebɛyɔnoma nee Yizilayɛma ɛyɛ anzondwolɛ ngyekyeleɛ la duzu a bɛyɛle a?

Kpuyia bieko:

1. Kenga Dwɔhyua 9:1-27.

   1. (a) Kɛmɔ ɛnee Gyihova ɛha ɛhile Yizilayɛma ne kɛ ‘bɛhu menli mɔɔ wɔ azɛlɛ ne azo la amuala’ la ati, subane boni mɔ a da ali wɔ Gebɛyɔnoma ne mɔɔ ɔmanle bɛgyakyile bɛ la anu ɛ? (Dwɔ. 9:22, 24; Mat. 9:13; Gyi. 10:34, 35; 2 Pit. 3:9)

   2. (b) Kɛmɔ ɔlile ye ngyekyeleɛ ne mɔɔ ɔ nee Gebɛyɔnoma ne yɛle la azo la ati, neazo kpalɛ boni a Dwɔhyua yɛle manle Keleseɛnema ɛnɛ a? (Dwɔ. 9:18, 19; Mat. 5:37; Ɛfɛ. 4:25)

2. Kenga Dwɔhyua 10:1-5.

   Kɛzi ekpunli kpole ne di Gebɛyɔnoma neazo ne anzi ɛ, na duzu a bɛyia ye a? (Dwɔ. 10:4; Zɛk. 8:23; Mat. 25:35-40; Yek. 12:17)

Ɛzukoalɛdeɛ 49

1. Wɔ nvoninli ne anu, duzu a Dwɔhyua ɛlɛka a, na duzu ati ɔ?

2. Kɛzi Gyihova boale Dwɔhyua nee ye ɛlɔnema ne ɛ?

3. Agbɔvolɛ arelemgbunli nyɛ yɛɛ Dwɔhyua lile bɛ nwo zo konim a, na ɔliele mekɛ tendenle nyɛ?

4. Duzu ati a Dwɔhyua hyehyɛle Keena azɛlɛ ne anu a?

5. Dwɔhyua nyianle ɛvolɛ nyɛ na yeawu, na duzu a dole menli ne wɔ ye ewule nzi a?

Kpuyia bieko:

1. Kenga Dwɔhyua 10:6-15.

   Kɛmɔ yɛze kɛ Gyihova manle sɛnzɛne ne gyinlanle manle Yizilayɛma ne na siane ne andu ɔ bo la ati, duzu anwodozo a yɛlɛ ye ɛnɛ a? (Dwɔ. 10:8, 10, 12, 13; Edw. 18:3; Mrɛ. 18:10)

2. Kenga Dwɔhyua 12:7-24.

   Nwane a amgba lile arelemgbunli 31 ne anwo zo konim wɔ Keena a, na duzu ati a ɛhye hyia yɛ ɛnɛ a? (Dwɔ. 12:7; 24:11-13; Mɛla 31:8; Luku 21:9, 25-28)

3. Kenga Dwɔhyua 14:1-5.

   Kɛzi bɛhyɛle azɛlɛ ne bɛmanle Yizilayɛ mbusua ne mɔ ɛ, na duzu a ɛhye kile wɔ Paladaese azɛlɛ ne mɔɔ bɛbahyehyɛ la anwo a? (Dwɔ. 14:2; Aye. 65:21; Yiz. 47:21-23; 1 Kɔl. 14:33)

4. Kenga Maanlebuvolɛma 2:8-13.

   Kɛmɔ ɛnee Dwɔhyua de wɔ Yizilayɛ la, nwane mɔ yɛɛ ɛnɛ si menli mɔɔ ɛkpɔkye ɛvi asafo ne anwo la nyɛleɛ adenle a? (Maa. 2:8, 10, 11; Mat. 24:45-47; 2 Tɛs. 2:3-6; Taetɛse 1:7-9; Yek. 1:1; 2:1, 2)

Ɛzukoalɛdeɛ 50

1. Nwane mɔ a le ndɛnebuavolɛma ne, na kɛ bɛfɛlɛ bie mɔ ɛ?

2. Dibelɛ boni a ɛnee Dɛbola lɛ ye a, na ye gyima a le boni?

3. Mekɛ mɔɔ Belemgbunli Gyeeben nee ye safohyenle, Sesɛla, nwunlonwunla Yizilayɛma la, nrɛlaleɛ edwɛkɛ mɔɔ vi Gyihova ɛkɛ ne la boni a Dɛbola vale manle Ndɛnebuavolɛ Balake a, na nwane a ɔhanle kɛ ɔbanyia anyunlunyia ne a?

4. Kɛzi Gyeeyɛle hilele kɛ ɔle raalɛ mɔɔ ɔlɛ akɛnrasesebɛ ɛ?

5. Duzu a zile Belemgbunli Gyeeben ewule ne anzi a?

Kpuyia bieko:

1. Kenga Maanlebuvolɛma 2:14-22.

   Duzu a Yizilayɛma yɛle mɔɔ manle Gyihova vale bɛ nwo ɛya a, na duzu a yɛsukoa yɛfi ɛhye anu a? (Maa. 2:20; Mrɛ. 3:1, 2; Yiz. 18:21-23)

2. Kenga Maanlebuvolɛma 4:1-24.

   Akɛnrasesebɛ nee diedi nwo debie boni a Keleseɛne mraalɛ mɔɔ wɔ ɛkɛ ne ɛnɛ la bahola azukoa avi Dɛbola nee Gyeeyɛle neazo ne anu a? (Maa. 4:4, 8, 9, 14, 21, 22; Mrɛ. 31:30; 1 Kɔl. 16:13)

3. Kenga Maanlebuvolɛma 5:1-31.

   Kɛzi yɛbahola yɛava Balake nee Dɛbola konimlilɛ edwɛne ne yɛali gyima wɔ asɔneyɛlɛ nu wɔ Amagɛdɔn konle ne mɔɔ ɛlɛba la anwo ɛ? (Maa. 5:3, 31; 1 Edk. 16:8-10; Yek. 7:9, 10; 16:16; 19:19-21)

Ɛzukoalɛdeɛ 51

1. Kɛ ɔyɛle mɔɔ Nawome hɔdɛnlanle Mowabe azɛlɛ zo ɛ?

2. Nwane mɔ a le Wulutu nee Ɔpa?

3. Duzu a Wulutu nee Ɔpa yɛle wɔ mekɛ mɔɔ Nawome zele bɛ kɛ bɛzia bɛhɔ bɛ sua zo la ɛ?

4. Nwane a le Bowaze, na kɛzi ɔboale Wulutu nee Nawome ɛ?

5. Kɛ bɛfɛlɛ kakula ne mɔɔ Bowaze nee Wulutu wole ye la ɛ, na duzu ati a ɔwɔ kɛ yɛkakye ye a?

Kpuyia bieko:

1. Kenga Wulutu 1:1-17.

   1. (a) Duzu nɔhalɛ ɛlɔlɛ mɔɔ le kɛnlɛma la a Wulutu lale ye ali a? (Wulu. 1:16, 17)

   2. (b) Adenle boni azo a adwenle mɔɔ ɛnee Wulutu lɛ ye la nee subane mɔɔ ‘mboane gyɛne’ ne da ye ali kile menli mɔɔ bɛkpokpa bɛ mɔɔ bɛwɔ azɛlɛ ye azo ɛnɛ la le ko a? (Dwɔn 10:16; Zɛk. 8:23)

2. Kenga Wulutu 2:1-23.

   Kɛzi Wulutu yɛle neazo kɛnlɛma manle mbɛlɛra mɔɔ wɔ ɛkɛ ne ɛnɛ la ɛ? (Wulu. 2:17, 18; Mrɛ. 23:22; 31:15)

3. Kenga Wulutu 3:5-13.

   1. (a) Kɛzi Bowaze bule Wulutu ɛhulolɛ mɔɔ ɔnyianle kɛ ɔkɛgya ye tɛla kɛ ɔkɛgya kpavolɛ la ɛ?

   2. (b) Duzu a Wulutu nyɛleɛ ne kile yɛ wɔ nɔhalɛ ɛlɔlɛ nwo a? (Wulu. 3:10; 1 Kɔl. 13:4, 5)

4. Kenga Wulutu 4:7-17.

   Kɛzi Keleseɛne mrenya mɔɔ wɔ ɛkɛ ne ɛnɛ la bahola ayɛ kɛ Bowaze ɛ? (Wulu. 4:9, 10; 1 Tem. 3:1, 12, 13; 5:8)

Ɛzukoalɛdeɛ 52

1. Ngyegyelɛ boni a Yizilayɛma wɔ nu a, na duzu ati ɔ?

2. Duzu ati a Gyihova zele Gedɛyɔn kɛ ye ɛlɔnema ne anwo zonle ɛ?

3. Mekɛ mɔɔ Gedɛyɔn hanle hilele menli mɔɔ ɛnee sulo la kɛ bɛhɔ sua nu la menli nyɛ yɛɛ ahale a?

4. Nea nvoninli ne anu na kile kɛzi Gyihova dele Gedɛyɔn ɛlɔnema ne azo rale mrenya 300 pɛ la.

5. Kɛzi Gedɛyɔn hyehyɛle ye mrenya 300 ne anu ɛ, na kɛzi Yizilayɛ lile konim wɔ konle ne anu ɛ?

Kpuyia bieko:

1. Kenga Maanlebuvolɛma 6:36-40.

   1. (a) Adenle boni azo a Gedɛyɔn luale zile pi wɔ Gyihova ɛhulolɛdeɛ ne anwo a?

   2. (b) Adenle boni azo a yɛdua yɛnwu Gyihova ɛhulolɛdeɛ ɛnɛ a? (Mrɛ. 2:3-6; Mat. 7:7-11; 2 Tem. 3:16, 17)

2. Kenga Maanlebuvolɛma 7:1-25.

   1. (a) Duzu a yɛbahola yɛazukoa yɛavi mrenya 300 ne mɔɔ gyinlanle kpundii la ɛkɛ ne a, saa yɛfa yɛto menli mɔɔ bɛammaa bɛ nye anla ɛkɛ ne la anwo a? (Maa. 7:3, 6; Wulo. 13:11, 12; Ɛfɛ. 5:15-17)

   2. (b) Kɛmɔ mrenya 300 ne nleanle Gedɛyɔn zukoale ye la, kɛzi yɛdayɛ noko yɛbahola yɛanlea Gedɛyɔn Kpole ne, Gyisɛse Kelaese yɛazukoa ye ɛ? (Maa. 7:17; Mat. 11:29, 30; 28:19, 20; 1 Pit. 2:21)

   3. (d) Kɛzi Maanlebuvolɛma 7:21 boa yɛ maa yɛ nye die wɔ ɛleka biala mɔɔ bɛkɛva bɛkɛmaa yɛ kɛ yɛzonle wɔ Gyihova fane ne anu la ɛ? (1 Kɔl. 4:2; 12:14-18; Gye. 4:10)

3. Kenga Maanlebuvolɛma 8:1-3.

   Saa ɔba ye kɛ yɛlɛdi yɛ nee yɛ mediema avinli edwɛkɛ a, duzu a yɛbahola yɛazukoa yɛavi adenle mɔɔ Gedɛyɔn vale zolɛ zieziele mgbonde ne mɔɔ dɔle ɔ nee Yifelaemma avinli la anu a? (Mrɛ. 15:1; Mat. 5:23, 24; Luku 9:48)

Ɛzukoalɛdeɛ 53

1. Nwane a le Gyɛfeta, na mekɛ boni anu a ɔdɛnlanle aze a?

2. Duzu ɛwɔkɛ a Gyɛfeta bɔle Gyihova a?

3. Duzu ati a Gyɛfeta arɛle bɔle wɔ mekɛ mɔɔ ɛnee yeli Amɔnoma anwo zo konim na ɔlɛba sua nu la ɛ?

4. Mekɛ mɔɔ Gyɛfeta ara raalɛ ne dele ɔ ze ɛwɔkɛ ne la duzu edwɛkɛ a ɔhanle a?

5. Duzu ati a menli ne hulole Gyɛfeta ara raalɛ ne edwɛkɛ a?

Kpuyia bieko:

1. Kenga Maanlebuvolɛma 10:6-18.

   Saa yɛnea Yizilayɛma nɔhalɛ mɔɔ bɛanli bɛammaa Gyihova la anwo edwɛkɛ mɔɔ bɛhɛlɛ bɛdo ɛkɛ ne la a, duzu kɔkɔbɔlɛ a ɔwɔ kɛ yɛdi zolɛ a? (Maa. 10:6, 15, 16; Wulo. 15:4; Yek. 2:10)

2. Kenga Maanlebuvolɛma 11:1-11, 29-40.

   1. (a) Kɛzi yɛkola yɛnwu ye kɛ Gyɛfeta ara raalɛ ne mɔɔ ɔvale ɔmanle kɛ ‘ɛyelalɛ afɔle’ la ɛngile kɛ ɔvale senle ɔyelale ye ɔbɔle afɔle ɛ? (Maa. 11:31; Sɛlɛ. 16:24; Mɛla 18:10, 12)

   2. (b) Adenle boni azo a Gyɛfeta vale ɔ ra raalɛ ne bɔle afɔle a?

   3. (d) Duzu a yɛbahola yɛazukoa yɛavi subane mɔɔ Gyɛfeta lale ye ali wɔ ye ɛwɔkɛ mɔɔ ɔbɔle Gyihova la anu a? (Maa. 11:35, 39; Nolo. 5:4, 5; Mat. 16:24)

   4. (ɛ) Kɛzi Gyɛfeta ara raalɛ ne yɛle neazo kɛnlɛma manle Keleseɛne mgbavolɛ nee mbɛlɛra wɔ ɛzonlenlɛ gyima ne mɔɔ bɛyɛ ye dahuu la anwo ɛ? (Maa. 11:36; Mat. 6:33; Fel. 3:8)

Ɛzukoalɛdeɛ 54

1. Kɛ bɛfɛlɛ nrenya ne mɔɔ anwo yɛ se tɛla awie biala mɔɔ ɛdɛnla aze ɛlɛ la ɛ, na nwane a manle ye anwosesebɛ ne a?

2. Kɛmɔ ɛnwu ye wɔ nvoninli ne anu la, kenle ko duzu a Samesɛn yɛle awenade kpole bie a?

3. Fealera nu edwɛkɛ boni a Samesɛn ɛlɛka ahile Dɛlaela wɔ nvoninli ne anu a, na kɛzi ɛhye manle Filisitiama nyianle adenle hyele ye ɛ?

4. Kɛ ɔyɛle mɔɔ Samesɛn hola hunle Filisitiama 3,000 wɔ kenle ne mɔɔ ɔwule la ɛ?

Kpuyia bieko:

1. Kenga Maanlebuvolɛma 13:1-14.

   Adenle boni azo a Manowa nee ɔ ye yɛle neazo kɛnlɛma manle awovolɛ wɔ bɛ ngakula ɛtetelɛ nwo a? (Maa. 13:8; Edw. 127:3; Ɛfɛ. 6:4)

2. Kenga Maanlebuvolɛma 14:5-9: nee 15:9-16.

   1. (a) Duzu a Samesɛn anwo edwɛkɛ mɔɔ bɛhɛlɛ bɛdo ɛkɛ ne mɔɔ fane awenade mɔɔ ɔhunle ye, nyɛma ne mɔɔ bɛvale bɛkyekyele ye mɔɔ ɔtetele nu, nee asoaso awudwelɛ ne mɔɔ ɔvale ɔhunle menli 1,000 ne la da ye ali wɔ Gyihova sunsum nwuanzanwuanza ne gyimalilɛ nwo a?

   2. (b) Kɛzi sunsum nwuanzanwuanza ne boa yɛ ɛnɛ ɛ? (Maa. 14:6; 15:14; Zɛk. 4:6; Gyi. 4: 31)

3. Kenga Maanlebuvolɛma 16:18-31.

   Kɛzi agɔnwolɛ ɛtane gyegyele Samesɛn ɛ, na duzu a yɛsukoa yɛfi ɛhye anu a? (Maa. 16:18, 19; 1 Kɔl. 15:33)

Ɛzukoalɛdeɛ 55

1. Kɛ bɛfɛlɛ kakula ekyi ne mɔɔ wɔ nvoninli ne anu la ɛ, na nwane mɔɔ a boka ɔ nwo la?

2. Kenle ko duzu asɔne a Hana yɛle wɔ mekɛ mɔɔ ɔhɔle Gyihova ɛzonlenlɛ sua ne anu la ɛ, na kɛzi Gyihova buale ye ɛ?

3. Mekɛ mɔɔ bɛvale Samoɛle bɛhɔle kɛ ɔhɔzonle wɔ Gyihova ɛzonlenlɛ sua ne anu la ɛnee yeli ɛvolɛ kɛyɛ nyɛ, na duzu a ɛnee ɔ nli yɛ maa ye ɛvolɛ biala a?

4. Kɛ bɛfɛlɛ Yilae amra ne mɔ ɛ, na duzu menli a le bɛ?

5. Kɛzi Gyihova vɛlɛle Samoɛle ɛ, na duzu edwɛkɛ a Ɔhanle ɔhilele ye a?

6. Duzu gyinlabelɛ a Samoɛle nyianle ye mekɛ mɔɔ ɔnyinle la ɛ, na duzu a zile mekɛ mɔɔ ɔyɛle ɛrelera la ɛ?

Kpuyia bieko:

1. Kenga 1 Samoɛle 1:1-28.

   1. (a) Neazo kɛnlɛma boni a Ɛlekana yɛle manle mbusua tile wɔ nɔhalɛ ɛzonlenlɛ mɔɔ bɛdumua ye ɛyɛlɛ nu la anwo a? (1 Sam. 1:3, 21; Mat. 6:33; Fel. 1:10)

   2. (b) Saa yɛyia ngyegyelɛ mɔɔ anu yɛ se la a, duzu a yɛbahola yɛazukoa yɛavi Hana neazo ne anu a? (1 Sam. 1:10, 11; Edw. 55:22; Wulo. 12:12)

2. Kenga 1 Samoɛle 2:11-36.

   Kɛzi Yilae wulale ɔ mra ne mɔ anyunlunyia dɛlale Gyihova ɛ, na kɛzi ɛhye le kɔkɔbɔlɛ maa yɛ ɛ? (1 Sam. 2:22-24, 27, 29; Mɛla 21:18-21; Mat. 10:36, 37)

3. Kenga 1 Samoɛle 4:16-18.

   Nrɛlaleɛ mɔɔ bɔ nwo nna na eza ɔle munzule edwɛkɛ la boni a vi konle ne anu rale a, na kɛzi ɛhye hanle Yilae ɛ?

4. Kenga 1 Samoɛle 8:4-9.

   Ɛtane kpole boni a Yizilayɛma yɛle tiale Gyihova a, na adenle boni azo a yɛbahola yɛali nɔhalɛ yɛaboa ye Belemgbunlililɛ ne ɛnɛ ɛ? (1 Sam. 8:5, 7; Dwɔn 17:16; Gye. 4:4)

Ɛzukoalɛdeɛ 56

1. Wɔ nvoninli ne anu, duzu a Samoɛle ɛlɛyɛ a, na duzu ati ɔ?

2. Duzu ati a ɛnee Gyihova kulo Sɔɔlo edwɛkɛ a, na duzu sonla a ɛnee ɔde a?

3. Kɛ bɛfɛlɛ Sɔɔlo ara nrenya ne ɛ, na duzu yɛɛ ɔ ra ne yɛle a?

4. Duzu ati a Sɔɔlo bɔle afɔle ne na yeangendɛ Samoɛle ɛ?

5. Duzu a yɛbahola yɛazukoa yɛavi Sɔɔlo anwo edwɛkɛ ne anu a?

Kpuyia bieko:

1. Kenga 1 Samoɛle 9:15-21 nee 10:17- 27.

   Kɛzi Sɔɔlo subane kpalɛ ne boale ye na yeampele ɔ nwo kɛ ɔkɛyɛ ɛtane wɔ mekɛ mɔɔ menli bie dendɛle tiale ye la ɛ? (1 Sam. 9:21; 10:21, 22, 27; Mrɛ. 17:27)

2. Kenga 1 Samoɛle 13:5-14.

   Duzu ɛtane a Sɔɔlo yɛle wɔ Gelegale a? (1 Sam. 10:8; 13: 8, 9, 13)

3. Kenga 1 Samoɛle 15:1-35.

   1. (a) Mɔɔ fane Egage, Amalɛkema belemgbunli ne anwo la, ɛtane mɔɔ anyebolo wɔ nu la boni a Sɔɔlo yɛle a? (1 Sam. 15:2, 3, 8, 9, 22)

   2. (b) Kɛzi Sɔɔlo bɔle mɔdenle kɛ ɔkɛli benle wɔ ye nyɛleɛ ne anwo na ɔkɛye ɛzonlelilɛ ne ɔkɛvi ɔ nwo zo ɛ? (1 Sam. 15:24)

   3. (d) Kɔkɔbɔlɛ boni a ɔwɔ kɛ yɛtie ye ɛnɛ, wɔ mekɛ mɔɔ bɛkɛdu yɛ folɛ la ɛ? (1 Sam. 15:19-21; Edw. 141:5; Mrɛ. 9:8, 9; 11:2)

Ɛzukoalɛdeɛ 57

1. Kɛ bɛfɛlɛ kakula ne mɔɔ wɔ nvoninli ne anu la ɛ, na kɛzi yɛkola yɛnwu kɛ ɔlɛ akɛnrasesebɛ ɛ?

2. Nienwu a Devidi vi a, na kɛ bɛfɛlɛ ɔ ze nee ɔ nlenya ɛ?

3. Duzu ati a Gyihova hanle hilele Samoɛle kɛ ɔhɔ Gyɛsi sua nu wɔ Bɛtelɛhɛm a?

4. Duzu edwɛkɛ a zile mekɛ mɔɔ Gyɛsi vale ɔ mra ne mɔ anu nsuu rɛlɛle Samoɛle la ɛ?

5. Mekɛ mɔɔ bɛvale Devidi bɛrale la, duzu edwɛkɛ a Gyihova hanle hilele Samoɛle a?

Kpuyia bieko:

1. Kenga 1 Samoɛle 17:34, 35.

   Kɛzi edwɛkɛ ɛhye mɔ si akɛnrazilɛ mɔɔ ɛnee Devidi lɛ nee ɔ nwo mɔɔ ɔvale ɔdole Gyihova anwo zo la azo ɛ? (1 Sam. 17:37)

2. Kenga 1 Samoɛle 16:1-14.

   1. (a) Kɛzi Gyihova edwɛkɛ mɔɔ wɔ 1 Samoɛle 16:7 la boa yɛ maa yɛkpo mɔguazolilɛ na eza yɛkpo kɛ yɛkɛnlea awie mɔ ala na yɛkɛnyia bɛ nwo adwenle mɔɔ ɔnfɛta la ɛ? (Gyi. 10:34, 35; 1 Tem. 2:4)

   2. (b) Kɛzi Sɔɔlo neazo ne kile kɛ saa Gyihova ye ye sunsum nwuanzanwuanza ne fi awie anwo zo a, sunsum ɛtane kola bagyinla ɔ gyakɛ anu, anzɛɛ ɔdaye mumua ne ye ɛhulolɛ kola maa ɔyɛ ɛtane ɛ? (1 Sam. 16:14; Mat. 12:43-45; Gal. 5:16)

Ɛzukoalɛdeɛ 58

1. Duzu edwɛkɛ a Golayate hanle hilele Yizilayɛ ɛlɔnema ne ɛ?

2. Kɛzi Golayate kpole si de ɛ, na duzu a Belemgbunli Sɔɔlo vale bɔle ɛwɔkɛ kɛ ɔbava yeamaa awie mɔɔ kɛhu Golayate la ɛ?

3. Duzu edwɛkɛ a Devidi hanle wɔ mekɛ mɔɔ Sɔɔlo zele ye kɛ ɔnrɛhola Golayate ɔluakɛ Devidi le kakula la ɛ?

4. Wɔ mualɛ mɔɔ ɔvale ɔmanle Golayate la anu, kɛzi Devidi hilele kɛ ɔlɛ anwodozo wɔ Gyihova anu ɛ?

5. Kɛmɔ ɛnwu ye wɔ nvoninli ne anu la, duzu debie a Devidi vale hunle Golayate a, na ɛhye anzi duzu a zile Filisitiama ne mɔ anwo zo a?

Kpuyia bieko:

1. Kenga 1 Samoɛle 17:1-54.

   1. (a) Duzu ati a ɛnee Devidi ɛnzulo ɛhwee a, na kɛzi yɛbahola yɛazukoa ye akɛnrazilɛ ne ɛ? (1 Sam. 17:37, 45; Ɛfɛ. 6:10, 11)

   2. (b) Duzu ati a ɔwɔ kɛ Keleseɛnema kpo ɛzulɛ subane mɔɔ le kɛ Golayate deɛ ne wɔ mekɛ mɔɔ bɛlɛdi nwɔhoa anzɛɛ bɛlɛdielie bɛ nye la ɛ? (1 Sam. 17:8; Gal. 5:26; 1 Tem. 4:8)

   3. (d) Kɛzi Devidi edwɛkɛ ne kile kɛ ɛnee ɔlɛ diedi kɛ Nyamenle gyi ɔ nzi ɛ? (1 Sam. 17:45-47; 2 Edk. 20:15)

   4. (ɛ) Kɛzi edwɛkɛ ɛhye kile nu wienyi kɛ ɛnee adalɛ nyamenle ne mɔ nee Gyihova, nɔhalɛ Nyamenle ne a ɛlɛko a na tɛ alesama agbɔvolɛ nwiɔ ala a ɛlɛsu a? (1 Sam. 17:43, 46, 47)

   5. (e) Kɛzi menli mɔɔ bɛkpokpa bɛ la sukoa Devidi neazo ne na bɛnyia Gyihova anu diedi ɛ? (1 Sam. 17:37; Gyɛ. 1:17-19; Yek. 12:17)

Ɛzukoalɛdeɛ 59

1. Duzu ati a Sɔɔlo nyianle Devidi anwo adwenle ɛtane a, na kɛzi Sɔɔlo ara Dwɔnatan ɛnee le ngakyile kolaa ɛ?

2. Kenle ko mɔɔ ɛnee Devidi ɛlɛbɔ sanwule amaa Sɔɔlo la duzu a zile a?

3. Duzu a Sɔɔlo hanle kɛ ɔwɔ kɛ Devidi yɛ kolaa na yeanyia Sɔɔlo ara raalɛ Maekale yeagya a, na duzu ati a Sɔɔlo hanle ɛhye a?

4. Duzu a zile ye fane nsa ne azo wɔ mekɛ mɔɔ ɛnee Devidi ɛlɛbɔ sanwule amaa Sɔɔlo la, kɛmɔ nvoninli ne kile la ɛ?

5. Kɛzi Maekale boale liele Devidi ngoane ɛ, na duzu a ɛnee ɔwɔ kɛ Devidi yɛ ye ɛvolɛ nsuu a?

Kpuyia bieko:

1. Kenga 1 Samoɛle 18:1-30.

   1. (a) Kɛzi ɛlɔlɛ mɔɔ anu yɛ se kpalɛ mɔɔ ɛnee Dwɔnatan lɛ maa Devidi la le ɛlɔlɛ mɔɔ ‘mboane gyɛne’ ne nee ‘eku ekyi’ ne lɛ maa bɛ nwo la anwo nvoninli ɛ? (1 Sam. 18:1; Dwɔn 10:16; Luku 12:32; Zɛk. 8:23)

   2. (b) Kɛmɔ ɛnee ɔwɔ kɛ Dwɔnatan a di Sɔɔlo agya la, kɛzi 1 Samoɛle 18:4 ne kile Dwɔnatan mɛlɛbɛnwoaze mɔɔ ɛnee ɔlɛ ɔmaa mɔɔ bɛkpa ye kɛ belemgbunli la ɛ?

   3. (d) Kɛzi Sɔɔlo neazo ne kile kɛ awie anwo adwenle ɛtane anzɛɛ nungulehwenlɛ kola maa yɛyɛ ɛtane mɔɔ anyebolo wɔ nu la ɛ, na kɔkɔbɔlɛ boni a ɛhye de maa yɛ a? (1 Sam. 18:7-9, 25; Gye. 3:14-16)

2. Kenga 1 Samoɛle 19:1-17.

   Adenle boni azo a Dwɔnatan vale ye ngoane dole esiane nu wɔ mekɛ mɔɔ ɔtendɛ yeahile sɔɔlo la ɛ? (1 Sam. 19:1, 4-6; Mrɛ. 16:14)

Ɛzukoalɛdeɛ 60

1. Kɛ bɛfɛlɛ raalɛ ne mɔɔ ɛlɛba arayia Devidi wɔ nvoninli ne anu la ɛ, na kɛ ɔsi ɔde ɛ?

2. Nwane a le Neebale?

3. Duzu ati a Devidi zoanle ye menli ne mɔ bie kɛ bɛhɔlie moalɛ wɔ Neebale ɛkɛ ne a?

4. Duzu a Neebale hanle hilele Devidi menli ne a, na duzu a Devidi yɛle a?

5. Kɛzi Abegeli hilele kɛ ɔle raalɛ nrɛlɛbɛvolɛ ɛ?

Kpuyia bieko:

1. Kenga 1 Samoɛle 22:1-4.

   Kɛzi Devidi abusua ne yɛle neazo kɛnlɛma manle yɛ wɔ kɛzi ɔwɔ kɛ yɛboa yɛ nwo ngoko ngoko wɔ Keleseɛne mediemayɛlɛ nu ɛ? (Mrɛ. 17:17; 1 Tɛs. 5:14)

2. Kenga 1 Samoɛle 25:1-43.

   1. (a) Duzu ati a bɛha Neebale anwo edwɛkɛ kɛ awie mɔɔ ɔmbu debie ɛ? (1 Sam. 25:2-5, 10, 14, 21, 25)

   2. (b) Duzu a Keleseɛne yelɛma mɔɔ wɔ ɛkɛ ne ɛnɛ la bahola azukoa avi Abegeli neazo ne anu a? (1 Sam. 25:32, 33; Mrɛ. 31:26; Ɛfɛ. 5:24)

   3. (d) Ɛtane nwiɔ boni a Abegeli ammaa Devidi anyɛ a? (1 Sam. 25:31, 33; Wulo. 12:19; Ɛfɛ. 4:26)

   4. (ɛ) Kɛzi Devidi ɛdielɛ mɔɔ ɔdiele Abegeli ane la boa mrenya mɔɔ wɔ ɛkɛ ne ɛnɛ la maa bɛnwu Gyihova adwenle mɔɔ ɔlɛ ye wɔ mraalɛ nwo la ɛ? (Gyi. 21:8, 9; Wulo. 2:11; 1 Pit. 3:7)

Ɛzukoalɛdeɛ 61

1. Duzu a Devidi nee Abehyae yɛle wɔ mekɛ mɔɔ ɛnee Sɔɔlo ɛlafe wɔ ye azokoɛleɛ ne la ɛ?

2. Duzu kpuyia a Devidi bizale Sɔɔlo a?

3. Devidi vile Sɔɔlo anwo ɛkɛ ne la, nienwu yɛɛ ɔhɔle a?

4. Duzu a manle Devidi arɛle bɔle na ɔlua zo ɔhɛlɛle edwɛne fɛlɛko bie a?

5. Mekɛ mɔɔ bɛyɛle Devidi belemgbunli wɔ Hibulɔn la ɛnee yeli ɛvolɛ nyɛ, na kɛ bɛfɛlɛ ɔ mra ne mɔ bie ɛ?

6. Nienwu yɛɛ amozii Devidi lile belemgbunli a?

Kpuyia bieko:

1. Kenga 1 Samoɛle 26:1-25.

   1. (a) Devidi edwɛkɛ ne mɔɔ wɔ 1 Samoɛle 26:11 la da subane boni ali wɔ teokelase ngyehyɛleɛ nwo? (Edw. 37:7; Wulo. 13:2)

   2. (b) Saa yɛbɔ mɔdenle kɛ yɛda nɔhalɛ ɛlɔlɛ ali na ɛnyelɛ anzɔ ye a, kɛzi Devidi edwɛkɛ ne mɔɔ wɔ 1 Samoɛle 26:23 la bahola aboa yɛ amaa yɛanyia adwenle mɔɔ tenrɛ ɛ? (1 Arl. 8:32; Edw. 18:20)

2. Kenga 2 Samoɛle 1:26.

   Kɛzi Keleseɛnema mɔɔ wɔ ɛkɛ ne ɛnɛ la bahola ‘anyia ɛlɔlɛ mɔɔ anu yɛ se la amaa bɛ nwo ngoko ngoko’ kɛmɔ Devidi nee Dwɔnatan nyianle ye la ɛ? (1 Pit. 4:8; Kɔlɔ. 3:14; 1 Dwɔn 4:12)

3. Kenga 2 Samoɛle 5:1-10.

   1. (a) Devidi lile belemgbunli ɛvolɛ nyɛ, na kɛzi bɛhyehyɛ mekɛ ɛhye anu ɛ? (2 Sam. 5:4, 5)

   2. (b) Duzu a manle Devidi yɛle sonla kpole a, na kɛzi ɛhye le ngakyelɛ maa yɛ ɛnɛ a? (2 Sam. 5:10; 1 Sam. 16:13; 1 Kɔl. 1:31; Fel. 4:13)

Ɛzukoalɛdeɛ 62

1. Ɔlua Gyihova moalɛ zo, awieleɛ kolaa ne kɛ bɛyɛle Keena azɛlɛ ne ɛ?

2. Kenle ko nɔsolɛ bie mɔɔ Devidi gyi ye sua ne ati zo la duzu a zile a?

3. Duzu ati a Gyihova vale Devidi anwo ɛya a?

4. Wɔ nvoninli ne anu, nwane a Gyihova zoanle ye manle ɔhɔhanle Devidi ɛtane ne ɔhilele ye a, na duzu a nrenya zɔhane ne hanle kɛ ɔbado Devidi a?

5. Ngyegyelɛ boni a Devidi hɔle nu a?

6. Devidi ewule nzi, nwane a rayɛle Yizilayɛ belemgbunli a?

Kpuyia bieko:

1. Kenga 2 Samoɛle 11:1-27.

   1. (a) Kɛzi Gyihova ɛzonlenlɛ mɔɔ yɛmaa yɛ nye abolo nwolɛ la bɔ yɛ nwo bane ɛ?

   2. (b) Kɛ ɔyɛle mɔɔ Devidi yɛle ɛtane ɛ, na kɔkɔbɔlɛ boni a wɔ ɛhye anu maa Gyihova ngɛkɛlɛ ɛnɛ a? (2 Sam. 11:2; Mat. 5:27-29; 1 Kɔl. 10:12; Gye. 1:14, 15)

2. Kenga 2 Samoɛle 12:1-18.

   1. (a) Duzu a mgbanyima nee awovolɛ bahola azukoa avi adenle mɔɔ Neetan vale zo dule Devidi folɛ la anu ɛ? (2 Sam. 12:1-4; Mrɛ. 12:18; Mat. 13:34)

   2. (b) Duzu ati a Gyihova zele Devidi anwuvɔne a? (2 Sam. 12:13; Edw. 32:5; 2 Kɔl. 7:9, 10)

Ɛzukoalɛdeɛ 63

1. Duzu a Gyihova bizale Sɔlɔmɔn a, na kɛzi ɔbuale ye ɛ?

2. Ɔluakɛ Gyihova anye liele Sɔlɔmɔn nzɛlɛlɛ ne anwo la ati, duzu a ɔbɔle ɛwɔkɛ kɛ ɔbava yeamaa ye a?

3. Edwɛkɛ mɔɔ anu yɛ se la boni a mraalɛ nwiɔ vale rale Sɔlɔmɔn anyunlu a?

4. Kɛmɔ ɛnwu ye wɔ nvoninli ne anu la kɛzi Sɔlɔmɔn zieziele edwɛkɛ ne ɛ?

5. Kɛ Sɔlɔmɔn ebialilɛ ne yɛle ɛ, na duzu ati ɔ?

Kpuyia bieko:

1. Kenga 1 Arelemgbunli 3:3-28.

   1. (a) Duzu a mrenya mɔɔ lɛ gyimalilɛ wɔ Nyamenle fane ne anu ɛnɛ la bahola azukoa avi Sɔlɔmɔn edwɛkɛ ne mɔɔ ɔvi ahonle nu ɔhanle wɔ 1 Arelemgbunli 3:7 ne la anu a? (Edw. 119:105; Mrɛ. 3:5, 6)

   2. (b) Adenle boni azo a mɔɔ Sɔlɔmɔn bizale la le neazo kɛnlɛma maa yɛ wɔ ninyɛne mgbalɛ mɔɔ ɔwɔ kɛ yɛyɛ nwolɛ asɔne la anwo ɛ? (1 Arl. 3:9, 11; Mrɛ. 30:8, 9; 1 Dwɔn 5:14)

   3. (d) Duzu anwodozo a adenle mɔɔ Sɔlɔmɔn vale zo zieziele mraalɛ nwiɔ ne mgbonde ne la maa yɛnyia ye wɔ kenlebie Sɔlɔmɔn Kpole ne, Gyisɛse Kelaese, tumililɛ ne abo a? (1 Arl. 3:28; Aye. 9:6, 7; 11:2-4)

2. Kenga 1 Arelemgbunli 4:29-34.

   1. (a) Kɛzi Gyihova buale Sɔlɔmɔn asɔne ne mɔɔ ɔyɛle ɔvanenle ahonle mɔɔ le bɛtɛɛ nwo la ɛ? (1 Arl. 4:29)

   2. (b) Saa yɛnea kɛzi menli bɔle mɔdenle kɛ bɛkɛdie Sɔlɔmɔn nrɛlɛbɛ ne anwo edwɛkɛ la a, duzu a ɔwɔ kɛ yɛyɛ ye wɔ Nyamenle Edwɛkɛ ne ɛzukoalɛ nwo a? (1 Arl. 4:29, 34; Dwɔn 17:3; 2 Tem. 3:16)

Ɛzukoalɛdeɛ 64

1. Mekɛ tendenle nyɛ yɛɛ Sɔlɔmɔn vale wiele Gyihova ɛzonlenlɛ sua ne si a, na duzu ati a bɛzɛkyele ezukoa dɔɔnwo wɔ nwolɛ a?

2. Ekpumgbunli nyɛ a wɔ ɛzonlenlɛ sua ne anu a, na duzu a bɛvale bɛziele suakunlu ne a?

3. Duzu a Sɔlɔmɔn hanle wɔ ye asɔne ne anu wɔ mekɛ mɔɔ bɛwiele ɛzonlenlɛ sua ne si la ɛ?

4. Kɛzi Gyihova hilele kɛ ɔ nye liele Sɔlɔmɔn asɔne ne anwo ɛ?

5. Duzu a Sɔlɔmɔn aye ne mɔ manle ɔyɛle a, na duzu a dole Sɔlɔmɔn a?

6. Duzu ati a Gyihova vale Sɔlɔmɔn anwo ɛya a, na duzu a Gyihova hanle hilele ye a?

Kpuyia bieko:

1. Kenga 1 Edwɛkɛsisilɛ 28:9, 10.

   Ɔlua Devidi edwɛkɛ ne mɔɔ bɛhɛlɛ ye wɔ 1 Edwɛkɛsisilɛ 28:9, 10 la ati, duzu a ɔwɔ kɛ yɛbɔ mɔdenle yɛyɛ ye dahuu wɔ yɛ asetɛnla nu a. (Edw. 19:14; Fel. 4:8, 9)

2. Kenga 2 Edwɛkɛsisilɛ 6:12-21, 32-42.

   1. (a) Kɛzi Sɔlɔmɔn hilele kɛ Anwuma Anwuma Nyamenle ne ɛnrɛhola ɛnrɛdɛnla sua mɔɔ sonla a ɛzi la anu ɛ? (2 Edk. 6:18; Gyi. 17:24, 25)

   2. (b) Duzu a Sɔlɔmɔn edwɛkɛ ne mɔɔ wɔ 2 Edwɛkɛsisilɛ 6:32, 33 la kile wɔ Gyihova anwo a? (Gyi. 10:34, 35; Gal. 2:6)

3. Kenga 2 Edwɛkɛsisilɛ 7:1-5.

   Kɛmɔ Yizilayɛma ne yele Gyihova ayɛlɛ mekɛ mɔɔ bɛnwunle ye anyunlunyia ne la, yɛdayɛ noko saa yɛsuzu Gyihova nyilalɛ mɔɔ ɔfa ɔmaa ye menli la anwo a kɛzi ɔwɔ kɛ ɔka yɛ ɛnɛ ɛ? (2 Edk. 7:3; Edw. 22:22; 34:1; 96:2)

4. Kenga 1 Arelemgbunli 11:9-13.

   Kɛzi Sɔlɔmɔn asetɛnla kile ɛhyianlɛ mɔɔ ɔhyia kɛ yɛdi nɔhalɛ yɛkɔdwu awieleɛ la ɛ? (1 Arl. 11:4, 9; Mat. 10:22; Yek. 2:10)

Ɛzukoalɛdeɛ 65

1. Kɛ bɛfɛlɛ menli nwiɔ ne mɔɔ wɔ nvoninli ne anu la ɛ, na bɛmɛ a le nwane mɔ?

2. Duzu a Ahaegya yɛle tɛladeɛ ne mɔɔ ɔwula la ɛ, na duzu a nyɛleɛ zɔhane ne kile a?

3. Duzu a Sɔlɔmɔn bɔle mɔdenle kɛ ɔfa yeayɛ Gyɛlɔbowam a?

4. Duzu ati a menli ne yɛle Gyɛlɔbowam belemgbunli wɔ mbusua bulu ne azo a?

5. Duzu ati a Gyɛlɔbowam yɛle ezukoa nvutuke nlankɛ mralɛ nwiɔ ne a, na ɛhye anzi duzu a zile wɔ azɛlɛ ne azo a?

6. Duzu a zile wɔ mbusua nwiɔ belemgbunlililɛ ne nee Gyihova ɛzonlenlɛ sua ne mɔɔ wɔ Gyɛlusalɛm la azo a?

Kpuyia bieko:

1. Kenga 1 Arelemgbunli 11:26-43.

   Duzu sonla a ɛnee Gyɛlɔbowam de a, na duzu a Gyihova bɔle ye ɛwɔkɛ kɛ saa ɔdi Nyamenle mɛla ne mɔ azo a ɔbava yeamaa ye a? (1 Arl. 11:28, 38)

2. Kenga 1 Arelemgbunli 12:1-33.

   1. (a) Saa ɛnea Rilihɔbowam neazo ɛtane ne a, duzu a awovolɛ nee mgbanyima bahola azukoa avi tumi mɔɔ bɛfa bɛdi gyima wɔ adenle ɛtane zo la anu a? (1 Arl. 12:13; Nolo. 7:7; 1 Pit. 5:2, 3)

   2. (b) Nwane mɔ yɛɛ ɔwɔ kɛ mgbavolɛ nee mbɛlɛra kɔdie adehilelɛ fi bɛ ɛkɛ a, saa ɔbaye kɛ bɛlɛbɔ kpɔkɛ bie mɔɔ anwo hyia la wɔ bɛ asetɛnla nu a? (1 Arl. 12:6, 7; Mrɛ. 1:8, 9; 2 Tem. 3:16, 17; Hib. 13:7)

   3. (d) Duzu a manle Gyɛlɔbowam yɛle ɛleka nwiɔ mɔɔ bɛsonle nlankɛ la ɛ, na kɛzi ɛhye kile kɛ ɛnee ɔnlɛ Gyihova anu diedi fee a? (1 Arl. 11:37; 12:26-28)

   4. (ɛ) Nwane a lile mbusua bulu belemgbunlililɛ ne anyunlu ɔmanle bɛdele atua wɔ nɔhalɛ ɛzonlenlɛ nwo a? (1 Arl. 12:32, 33)

Ɛzukoalɛdeɛ 66

1. Nwane a le Gyɛzɛbɛle?

2. Kenle ko duzu a manle Belemgbunli Ehabe arɛle bɔle a?

3. Duzu a Gyɛzɛbɛle yɛle liele Neebɔto vanye egyinli ne manle ɔ hu, Ehabe a?

4. Nwane a Gyihova zoanle ye manle ɔhɔhwenle Gyɛzɛbɛle anzo a?

5. Kɛmɔ ɛnwu ye wɔ nvoninli ne anu la, duzu a zile wɔ mekɛ mɔɔ Gyihu dwule Gyɛzɛbɛle sua nu ɛkɛ ne la ɛ?

Kpuyia bieko:

1. Kenga 1 Arelemgbunli 16:29-33 nee 18:3, 4.

   Gyinlabelɛ ɛtane boni a ɛnee wɔ Yizilayɛ wɔ Belemgbunli Ehabe mekɛ zo a? (1 Arl. 16:33)

2. Kenga 1 Arelemgbunli 21:1-16.

   1. (a) Kɛzi Neebɔto lale akɛnrazilɛ nee nɔhalɛlilɛ ali manle Gyihova ɛ? (1 Arl. 21:1-3; Sɛlɛ. 25:23-28)

   2. (b) Saa yɛnea Ehabe neazo ne a, duzu a yɛbahola yɛazukoa ye wɔ kɛzi bɛgyinla arɛlebɔlɛ nloa la ɛ? (1 Arl. 21:4; Wulo. 5:3-5)

3. Kenga 2 Arelemgbunli 9:30-37.

   Duzu a yɛbahola yɛazukoa yɛavi mɔdenle mɔɔ ɛnee Gyihu bɔ ye wɔ Gyihova ɛhulolɛdeɛ ɛyɛlɛ nwo la anu a? (2 Arl. 9:4-10; 2 Kɔl. 9:1, 2; 2 Tem. 4:2)

Ɛzukoalɛdeɛ 67

1. Nwane a le Gyɛhɔhyafate, na mekɛ boni anu a ɔdɛnlanle aze a?

2. Duzu ati a ɛzulolɛ hanle Yizilayɛma ne a, na duzu a bɛ nuhua dɔɔnwo yɛle a?

3. Mualɛ boni a Gyihova vale manle Gyɛhɔhyafate wɔ ye asɔneyɛlɛ ne anwo a?

4. Kolaa na konle ne abɔ ɔ bo la duzu a Gyihova yɛle a?

5. Duzu a yɛkola yɛsukoa yɛfi Gyɛhɔhyafate ɛkɛ ne a?

Kpuyia bieko:

1. Kenga 2 Edwɛkɛsisilɛ 20:1-30.

   1. (a) Kɛzi Gyɛhɔhyafate hilele mɔɔ ɔwɔ kɛ Nyamenle nɔhalɛ azonvolɛ yɛ wɔ mekɛ mɔɔ bɛkɛyia gyinlabelɛ mɔɔ anu yɛ se la ɛ? (2 Edk. 20:12; Edw. 25:15; 62:1)

   2. (b) Kɛmɔ mekɛ biala Gyihova dua adenle bie azo a ɔtendɛ ɔkile ye menli la, duzu adenle a ɔdua zo ɛnɛ a? (2 Edk. 20:14, 15; Mat. 24:45-47; Dwɔn 15:15)

   3. (d) Saa Nyamenle bɔ ye ‘Nyamenle Bedevinli ne kenle kpole ne anu konle ne’ abo a, adenle boni azo a yɛ gyinlabelɛ ne bayɛ kɛ Gyɛhɔhyafate deɛ ne la ɛ? (2 Edk. 20:15, 17; 32:8; Yek. 16:14, 16)

   4. (ɛ) Duzu a adekpakyelɛma nee edwɛkpakavolɛma ɛlɛyɛ wɔ edwɛkpahanlɛ gyima ne anu ɛnɛ ava azukoa Livaema ne a? (2 Edk. 20:19, 21; Wulo. 10:13-15; 2 Tem. 4:2)

Ɛzukoalɛdeɛ 68

1. Menli nsa boni a wɔ nvoninli ne anu la, na duzu a yɛle kakula ekyi ne a?

2. Nzɛlɛlɛ boni a Yilaegya yɛle wɔ kakula ne anwo a, na duzu a zile ɔ nzi a?

3. Kɛ bɛfɛlɛ Yilaegya boavolɛ ne ɛ?

4. Duzu ati a bɛhɔvɛlɛle Yilaehya bɛrale Hyunɛm raalɛ ne aako nu ɛ?

5. Duzu a Yilaehya yɛle a, na duzu a zile kakula ne mɔɔ yewu la anwo zo a?

6. Tumi mɔɔ Gyihova lɛ ye la boni a ɔlua Yilaegya nee Yilaehya anwo zo ɔlale ye ali a?

Kpuyia bieko:

1. Kenga 1 Arelemgbunli 17:8-24.

   1. (a) Adenle boni azo a bɛzɔle Yilaegya tieyɛ nee ye diedi bɛnleanle a? (1 Arl. 17:9; 19:1-4, 10)

   2. (b) Duzu ati a ɛnee Zalefate kunlavolɛ raalɛ ne diedi ne le ngakyile a? (1 Arl. 17:12-16; Luku 4:25, 26)

   3. (d) Adenle boni azo a Zalefate kunlavolɛ ne neazo ne maa Gyisɛse edwɛkɛ ne mɔɔ bɛhɛlɛ ye wɔ Mateyu 10:41, 42 la yɛ nɔhalɛ bɔkɔɔ a? (1 Arl. 17:10-12, 17, 23, 24)

2. Kenga 2 Arelemgbunli 4:8-37.

   1. Duzu a Hyunɛm raalɛ ne kile yɛ wɔ ɛyɛvolɛyɛlɛ subane nwo a? (2 Arl. 4:8; Luku 6:38; Wulo. 12:13; 1 Dwɔn 3:17)

   2.  Adenle boni azo a yɛbahola yɛala atiakunlukpalɛyɛlɛ ali yɛahile Nyamenle azonvolɛ ɛnɛ a? (Gyi. 20:35; 28:1, 2; Gal. 6:9, 10; Hib. 6:10)

Ɛzukoalɛdeɛ 69

1. Wɔ nvoninli ne anu, duzu a kakula raalɛ ekyi ne ɛlɛka ahile bɛlɛra ne a?

2. Nwane a le bɛlɛra ne mɔɔ wɔ nvoninli ne anu la, na duzu a kakula raalɛ ne ɛlɛyɛ ye wɔ bɛlɛra ne aako nu a?

3. Duzu edwɛkɛ a Yilaehya zoanle ye sonvolɛ ne kɛ ɔhɔha ɔhile Neeman a, na duzu ati a Neeman vale ɛya a?

4. Duzu a zile wɔ mekɛ mɔɔ Neeman diele ye sonvolɛma ne la ɛ?

5. Duzu ati a Yilaehya anlie Neeman ahyɛlɛdeɛ ne a, na duzu a Gɛheezae yɛle a?

6. Duzu a dole Gɛheezae a, na duzu a yɛkola yɛsukoa yɛfi ɛhye anu a?

Kpuyia bieko:

1. Kenga 2 Arelemgbunli 5:1-27.

   1. (a) Adenle boni azo a Yizilayɛnli kakula raalɛ ne neazo bahola awula ngakula mɔɔ wɔ ɛkɛ ne ɛnɛ la anwosesebɛ ɛ? (2 Arl. 5:3; Edw. 8:2; 148:12, 13)

   2. (b) Duzu ati a ɔle kpalɛ kɛ yɛkɛmaa Neeman neazo ne kɛdɛnla yɛ adwenle nu wɔ mekɛ biala mɔɔ bɛkɛmaa yɛ Baebolo nu folɛdulɛ bie la ɛ? (2 Arl. 5:15; Hib. 12:5, 6; Gye. 4:6)

   3. (d) Duzu a yɛkola yɛsukoa yɛfi ngakyile mɔɔ wɔ Yilaehya nee Gɛheezae neazo ne anu la ɛ? (2 Arl. 5:9, 10, 14-16, 20; Mat. 10:8; Gyi. 5:1-5; 2 Kɔl. 2:17)

Ɛzukoalɛdeɛ 70

1. Nwane a le Dwona, na duzu a Gyihova hanle hilele ye kɛ ɔyɛ a?

2. Ɔluakɛ ɔngulo kɛ ɔkɛhɔ ɛleka mɔɔ Gyihova zoanle ye la ati, duzu a Dwona yɛle a?

3. Amaa ahumu ne agyakyi la duzu a Dwona hanle hilele menli mɔɔ ka meli ne la kɛ bɛyɛ a?

4. Kɛmɔ ɛnwu ye wɔ nvoninli ne anu la, duzu a zile wɔ mekɛ mɔɔ Dwona ɛlɛnoma azule ne abo la?

5. Dwona lile kenle nyɛ wɔ fɛlɛ kpole ne akunlu, na ɔwɔ fɛlɛ ne akunlu la duzu a ɔyɛle a?

6. Dwona vi fɛlɛ kpole ne akunlu vindele la nienwu yɛɛ ɔhɔle a, na duzu a ɛhye kile yɛ a?

Kpuyia bieko:

1. Kenga Dwona 1:1-17.

   Kɛzi ɛnee Dwona te nganeɛ wɔ edwɛkpa ne mɔɔ ɔka yeahile Nenɛvɛma la anwo ɛ? (Dwona 1:2, 3; Mrɛ. 3:7; Nolo. 8:12)

2. Kenga Dwona 2:1, 2, 10.

   Kɛzi Dwona neazo ne maa yɛnyia anwodozo kɛ Gyihova badie yɛ asɔneyɛlɛ ɛ? (Edw. 22:24; 34:6; 1 Dwɔn 5:14)

3. Kenga Dwona 3:1-10.

   1. (a) Anwosesebɛwulalɛ boni a yɛnyia ye wɔ Dwona mɔɔ Gyihova vale ye lile gyima ɔnvane nwolɛ kɛ alumua ne ɔkpole ye gyimalilɛ ne la ɛ? (Edw. 103:14; 1 Pit. 5:10)

   2. (b) Duzu a Dwona nee Nenɛvɛma edwɛkɛ ne kile yɛ wɔ menli mɔɔ yɛdumua yɛbua bɛ ndɛne wɔ yɛ azɛlɛsinli ne anu la anwo a? (Downa 3:6-9; Nolo. 11:6; Gyi. 13:48)

Ɛzukoalɛdeɛ 71

1. Nwane a le Ayezaya, mekɛ boni anu a ɔdɛnlanle aze a, na duzu a Gyihova yele hilele ye a?

2. Duzu a edwɛkɛ kpɔkɛ “paladaese” kile a, na duzu a ɔkakye wɔ wɔ nwolɛ a?

3. Duzu a Gyihova hanle hilele Ayezaya kɛ ɔhɛlɛ ye wɔ Paladaese fofolɛ ne anwo a?

4. Kɛ ɔrale ye mɔɔ Adam nee Yive aako kɛnlɛma ne bɔle bɛ ɛ?

5. Ɛwɔkɛ boni a Gyihova ɛbɔ bɛdabɛ mɔɔ bɛkulo ye la ɛ?

Kpuyia bieko:

1. Kenga Ayezaya 11:6-9.

   1. (a) Duzu a Nyamenle Edwɛkɛ ne ka ye wɔ anzondwolɛ mɔɔ badɛnla nane nee sonla avinli wɔ ewiade fofolɛ ne anu la anwo a? (Edw. 148:10, 13; Aye. 65:25; Yiz. 34:25)

   2. (b) Kɛzi Ayezaya edwɛkɛ ne ɛlɛba nuhua wɔ sunsum nu wɔ Gyihova menli avinli ɛnɛ ɛ? (Wulo. 12:2; Ɛfɛ. 4:23, 24)

   3. (d) Nwane a ɔwɔ kɛ yɛfa ngakyile mɔɔ alesama ɛyɛ wɔ bɛ subane nu ɛnɛ nee mɔɔ bɛbayɛ wɔ ewiade fofolɛ ne anu la anwo nganvolɛ yɛmaa ye a? (Aye. 48:17, 18; Gal. 5:22, 23; Fel. 4:7)

2. Kenga Yekile 21:3, 4.

   1. (a) Kɛzi Ngɛlɛlera ne kile kɛ Nyamenle ɛdenlanlɛ mɔɔ ɔ nee alesama badɛnla la le sɛkɛlɛneɛ adenle zo, na tɛ kɛ ɔ nee yɛ tɛnla nwonane nu, wɔ azɛlɛ ye azo ɛ? (Sɛlɛ. 26:11, 12; 2 Edk. 6:18; Aye. 66:1; Yek. 21:2, 3, 22-24)

   2. (b) Monle nee nyane boni a bɛbaye bavi ɛkɛ a? (Luku 8:49-52; Wulo. 8:21, 22; Yek. 21:4)

Ɛzukoalɛdeɛ 72

1. Nwane a le nrenya ne mɔɔ wɔ nvoninli ne anu la, na duzu ati a yeyia ngyegyelɛ dɔɔnwo a?

2. Ngɛlata boni a Hɛzikaya vale guale Nyamenle anyunlu a, na nzɛlɛlɛ boni a Hɛzikaya yɛle a?

3. Subane boni a ɛnee Belemgbunli Hɛzikaya lɛ a, na edwɛkɛ boni a Gyihova vale manle ngapezonli Ayezaya hanle hilele ye a?

4. Kɛmɔ ɔwɔ nvoninli ne anu la, duzu a Gyihova anwumabɔvolɛ vale yɛle Aseleama ne ɛ?

5. Ɔwɔ nuhua kɛ mbusua nwiɔ belemgbunlililɛ ne nyianle anzondwolɛ wɔ mekɛ ekyi anu ɛdeɛ, noko duzu a zile wɔ Hɛzikaya ewule nzi a?

Kpuyia bieko:

1. Kenga 2 Arelemgbunli 18:1-36.

   1. (a) Kɛzi Aselea safohyenle kpanyinli Relabehyaki bɔle mɔdenle kɛ ɔmaa Yizilayɛma diedi akpo aze ɛ? (2 Arl. 18:19, 21; Ade. 5:2; Edw. 64:3)

   2. (b) Kɛzi Gyihova Alasevolɛ di Hɛzikaya neazo ne anzi wɔ mekɛ mɔɔ bɛ nee dwazotiama ɛlɛdi edwɛkɛ la ɛ? (2 Arl. 18:36; Edw. 39:1; Mrɛ. 26:4; 2 Tem. 2:24)

2. Kenga 2 Arelemgbunli 19:1-37.

   1. (a) Kɛzi Gyihova menli mɔɔ wɔ ɛkɛ ne ɛnɛ la di Hɛzikaya neazo ne anzi wɔ anwongyelelɛ mekɛ nu ɛ? (2 Arl. 19:1, 2; Mrɛ. 3:5, 6; Hib. 10:24, 25; Gye. 5:14, 15)

   2. (b) Kɛzi bɛlile Belebgbunli Sɛnakɛlebe anwo zo konim mɔɔ bɔ nwo nsa la ɛ, na nwane a ɔgyi ɛkɛ ne ɔmaa ye wɔ ngapezo adenle zo a? (2 Arl. 19:32, 35, 37; Yek. 20:2, 3)

3. Kenga 2 Arelemgbunli 21:1-6, 16.

   Duzu atia a yɛkola yɛka kɛ Manasɛ le Gyɛlusalɛm arelemgbunli mɔɔ lile ebia la anu ko mɔɔ ati yɛ se kpalɛ ɛ? (2 Edk. 33:4-6, 9)

Ɛzukoalɛdeɛ 73

1. Dwosaya rayɛle belemgbunli la ɛnee yeli ɛvolɛ nyɛ, na duzu a ɔbɔle ɔ bo kɛ ɔyɛ wɔ mekɛ mɔɔ ɛnee yenyia ɛvolɛ nsuu wɔ ebia ne azo la ɛ?

2. Wɔ nvoninli ne mɔɔ lumua la anu duzu a ɛnwu ye kɛ Dwosaya ɛlɛyɛ a?

3. Duzu a ɛsɔfo kpanyinli ne nwunle ye wɔ mekɛ mɔɔ menli ne ɛlɛyɛ ɛzonlenlɛ sua ne boɛ la ɛ?

4. Duzu ati a Dwosaya tetele ye tɛladeɛ ne anu a?

5. Edwɛkɛ mɔɔ vi Gyihova ɛkɛ ne la boni a ngapezonli raalɛ Hɛleda vale manle Dwosaya a?

Kpuyia bieko:

1. Kenga 2 Edwɛkɛsisilɛ 34:1-28.

   1. (a) Neazo boni a Dwosaya yɛle manle bɛdabɛ mɔɔ bɛyia asetɛnla mɔɔ anu yɛ se wɔ bɛ ngakula nu la ɛ? (2 Edk. 33:21-25; 34:1, 2; Edw. 27:10)

   2. (b) Mekɛ mɔɔ Dwosaya lile ebia ne la, duzu a ɔyɛle wɔ ye ɛvolɛ 8, 12, nee 18 ne azo ɔmanle nɔhalɛ ɛzonlenlɛ nyianle anyuhɔlɛ a? (2 Edk. 34:3, 8)

   3. (d) Duzu a yɛkola yɛsukoa yɛfi Belemgbunli Dwosaya nee Ɛsɔfo Kpanyinli Helekaya neazo ne anu wɔ ɛleka mɔɔ yɛsonle mɔɔ yɛsiezie ɛkɛ ne la ɛ? (2 Edk. 34:9-13; Mrɛ. 11:14; 1 Kɔl. 10:31)

Ɛzukoalɛdeɛ 74

1. Kpavolɛ boni a wɔ nvoninli ne anu la?

2. Kɛzi Gyɛlɛmaya dele nganeɛ wɔ ye ngapezonli gyima ne anwo a, na duzu a Gyihova hanle hilele ye a?

3. Edwɛkɛ boni a Gyɛlɛmaya zile zo hilele menli ne a?

4. Kɛzi ɛsɔfo ne mɔ bɔle mɔdenle kɛ bɛsi Gyɛlɛmaya adenle a, na kɛzi ɔhilele kɛ ɔnzulo ɛ?

5. Mekɛ mɔɔ Yizilayɛma ne angyakyi bɛ ninyɛndane ne ɛyɛlɛ la duzu a zile a?

Kpuyia bieko:

1. Kenga Gyɛlɛmaya 1:1-8.

   1. (a) Kɛmɔ Gyɛlɛmaya neazo ne kile la, duzu a maa awie fɛta maa Gyihova ɛzonlenlɛ a? (2 Kɔl. 3:5, 6)

   2. (b) Kɛzi Gyɛlɛmaya neazo ne wula Keleseɛne mgbavolɛ mɔɔ wɔ ɛkɛ ne ɛnɛ la anwosesebɛ ɛ? (Nolo. 12:1; 1 Tem. 4:12)

2. Kenga Gyɛlɛmaya 10:1-5.

   Ndonwo mɔɔ tumi wɔ nuhua la boni a Gyɛlɛmaya vale hilele kɛ nvasoɛ ɛnle abaaba mɔɔ yɛfa yɛ nwo yɛado zo la anu ɛ? (Gyɛ. 10:5; Aye. 46:7; Hab. 2:19)

3. Kenga Gyɛlɛmaya 26:1-16.

   1. (a) Mɔɔ fane kɔkɔbɔlɛ edwɛkɛ ne mɔɔ bɛlɛka ye ɛnɛ la anwo la, kɛzi menli mɔɔ bɛkpokpa bɛ la di Gyihova edwɛkɛ ne mɔɔ ɔhanle ɔhilele Gyɛlɛmaya kɛ ‘mmagyakyi kpɔkɛ ko bɔbɔ’ la azo ɛ? (Gyɛ. 26:2; Mɛla 4:2; Gyi. 20:27)

   2. (b) Neazo kɛnlɛma boni a Gyɛlɛmaya yɛle manle Gyihova Alasevolɛ mɔɔ wɔ ɛkɛ ne ɛnɛ la wɔ kɔkɔbɔlɛ edwɛkɛ ne mɔɔ bɛka bɛahile maanle maanle ne la ɛ? (Gyɛ. 26:8, 12, 14, 15; 2 Tem. 4:1-5)

4. Kenga 2 Arelemgbunli 24:1-17.

   Alɔbɔlɛ edwɛkɛ boni a dole Dwudama mɔɔ anli nɔhalɛ ammaa Gyihova la ɛ? (2 Arl. 24:2-4, 14)

Ɛzukoalɛdeɛ 75

1. Mgbavolɛ nna boni a wɔ nvoninli ne anu la, na duzu ati a bɛwɔ Babelɔn a?

2. Adwenle boni a Nɛbukadenɛza nyianle ye wɔ mgbavolɛ nna ne anwo a, na adehilelɛ boni a ɔvale ɔmanle ye sonvolɛma ne a?

3. Mɔɔ fane aleɛ nee nza nwo la nzɛlɛlɛ boni a Daneɛle yɛle manle ɔ nwo nee ɔ gɔnwo mɔ nsa ne ɛ?

4. Bɛlile nya nya kenle bulu ne anzi la, kɛzi Daneɛle nee ɔ gɔnwo mɔ nsa ne yɛle ngakyile wɔ mgbavolɛ mɔɔ ɛha la anwo ɛ?

5. Kɛzi ɔyɛle mɔɔ Daneɛle nee ɔ gɔnwo mɔ nsa ne rale belemgbunli ne sua nu ɛ, na adenle boni azo a ɛnee bɛle kpalɛ bɛtɛla ɛsɔfo ne mɔ nee nrɛlɛbɛvolɛma ne ɛ?

Kpuyia bieko:

1. Kenga Daneɛle 1:1-21.

   1. (a) Saa yɛbahola yɛagyinla sɔnea nloa na yɛaho yɛatia yɛ sinlidɔlɛ a, mɔdenlebɔlɛ boni a ɔhyia a? (Dan. 1:8; Mɔl. 39:7, 10; Gal. 6:9)

   2. (b) Adenle boni azo a ɛnɛ mgbavolɛ bahola ayia sɔnea anzɛɛ ngyegyelɛ kɛ bɛli mɔɔ menli bu ye kɛ “alehelɛ aleɛ” la bie ɛ? (Dan. 1:8; Mrɛ. 20:1; 2 Kɔl. 6:17–7:1)

   3. (d) Duzu a Baebolo nu edwɛkɛ ne mɔɔ fane Hibulu mgbavolɛ nna ne anwo la maa yɛnwu ye wɔ ewiade nwoma ɛzukoalɛ nwo a? (Dan. 1:20; Aye. 54:13; 1 Kɔl. 3:18-20)

Ɛzukoalɛdeɛ 76

1. Boni a ɛdo Gyɛlusalɛm nee Yizilayɛma wɔ nvoninli ne anu a?

2. Nwane a le Yizikeɛle, na azibɛnwo debie boni a Gyihova yele hilele ye a?

3. Ɔluakɛ Yizilayɛma ne ambu Gyihova la ati, ɛwɔkɛ boni a ɔbɔle bɛ a?

4. Mekɛ mɔɔ Yizilayɛma dele atua tiale Belemgbunli Nɛbukadenɛza la duzu a ɔyɛle a?

5. Duzu ati a Gyihova manle ɛzɛkyelɛ kpole ɛhye rale Yizilayɛma anwo zo a?

6. Kɛzi bɛgyakyile Yizilayama azɛlɛ ne, mɔɔ ɛnee awie biala ɛnde zolɛ ɛ, na ɔlile mekɛ tendenle nyɛ?

Kpuyia bieko:

1. Kenga 2 Arelemgbunli 25:1-26.

   1. (a) Nwane a le Zɛdikaya, boni a dole ye a, na kɛzi ɛhye manle Baebolo ngapezo rale nuhua ɛ? (2 Arl. 25:5-7; Yiz. 12:13-15)

   2. (b) Nwane mɔ a Gyihova vale nɔhalɛ mɔɔ Yizilayɛma anli la anwo ɛzonlelilɛ zoale bɛ a? (2 Arl. 25:9, 11, 12, 18, 19; 2 Edk. 36:14, 17)

2. Kenga Yizikeɛle 8:1-18.

   Kɛzi Keleseɛnemaanle ne ɛva Yizilayɛma mɔɔ kpɔkyele vile nɔhalɛ ne anwo la agyakɛ ɛ? (Yiz. 8:16; Aye. 5:20, 21; Dwɔn 3:19-21; 2 Tem. 4:3)

Ɛzukoalɛdeɛ 77

1. Duzu mɛla a Babelɔn belemgbunli Nɛbukadenɛza, vale manle menli ne a?

2. Duzu ati a Daneɛle agɔnwo mɔ nsa ne ambɔ bɛ ti aze ammaa ezukoa nvutuke ananze ne a?

3. Mɔɔ Nɛbukadenɛza manle Hibuluma nsa ne adenle bieko kɛ bɛbɔ bɛ ti aze la, duzu a bɛyɛle bɛvale bɛhilele kɛ bɛlɛ anwodozo wɔ Gyihova anu a?

4. Duzu a Nɛbukadenɛza manle ye ɛlɔnema ne yɛle Hyeedelake, Mihyake nee Abɛdenɛgo ɛ?

5. Mɔɔ Nɛbukadenɛza nleanle sendɔlɔra ne anu la, duzu a ɔnwunle ye a?

6. Duzu ati a belemgbunli ne yele Hyeedelake, Mihyake nee Abɛdenɛgo Nyamenle ne ayɛlɛ a, na neazo boni a ɛhye de maa yɛ a?

Kpuyia bieko:

1. Kenga Daneɛle 3:1-30.

   1. (a) Duzu subane a Hibulu mgbavolɛ nsa ne lale ye ali mɔɔ ɔwɔ kɛ Nyamenle azonvolɛ kɔsɔɔti sukoa wɔ mekɛ mɔɔ bɛkɛyia nɔhalɛlilɛ nwo sɔnea la ɛ? (Dan. 3:17, 18; Mat. 10:28; Wulo. 14:7, 8)

   2. (b) Debie mɔɔ anwo hyia la boni a Gyihova Nyamenle manle Nɛbukadenɛza nwunle ye a? (Dan. 3:28, 29; 4:34, 35)

Ɛzukoalɛdeɛ 78

1. Duzu a zile wɔ mekɛ mɔɔ Babelɔn belemgbunli ne vale ahyɛnze ne mɔɔ bɛsesale bɛvile Gyihova ɛzonlenlɛ sua ne anu wɔ Gyɛlusalɛm la ɔdole ɛkponle kpole bie la ɛ?

2. Duzu a Bɛlehyaza hanle hilele ye nrɛlɛbɛvolɛma ne mɔ a, noko boni a bɛangola ye yɛ a?

3. Duzu a belemgbunli ne ɔ nli zele ye kɛ ɔyɛ a?

4. Kɛmɔ Daneɛle hanle hilele belemgbunli ne la, duzu ati a Nyamenle zoanle ɛsalɛ ne manle ɔrahɛlɛle bane ne anwo ɛ?

5. Kɛ Daneɛle zile hilehilele ngɛlɛlera ne mɔɔ gua bane ne anwo la anu ɛ?

6. Duzu a zile wɔ mekɛ mɔɔ Daneɛle anloa wɔ zo ɔlɛtendɛ la?

Kpuyia bieko:

1. Kenga Daneɛle 5:1-31.

   1. (a) Kile ngakyile mɔɔ wɔ Nyamenle ɛzulolɛ nee ɛzulolɛ ne mɔɔ hanle Bɛlehyaza wɔ mekɛ mɔɔ ɔnwunle ngɛlɛlera ne mɔɔ vindele bane ne anwo la avinli a. (Dan. 5:6, 7; Edw. 19:9; Wulo. 8:35-39)

   2. (b) Kɛ Daneɛle zile lale akɛnrasesebɛ ali wɔ mekɛ mɔɔ ɛnee ɔlɛtendɛ yeahile Bɛlehyaza nee ye menli titile ne mɔ la ɛ? (Dan. 5:17, 18, 22, 26-28; Gyi. 4:29)

   3. (d) Adenle boni azo a Daneɛle tile 5 ne da Gyihova aleɛabo amuala tumililɛ ne ali a? (Dan. 4:17, 25; 5:21)

Ɛzukoalɛdeɛ 79

1. Dalayɛse a le nwane, na kɛzi ɔbule Daneɛle ɛ?

2. Duzu a mrenya bie mɔɔ vale Daneɛle ati ɛkpɔlɛ la manle Dalayɛse yɛle a?

3. Mɔɔ Daneɛle dele mɛla fofolɛ ne anwo bie la, duzu a ɔyɛle a?

4. Duzu a gyegyele Dalayɛse toonwo mɔɔ yeammaa yeangola da a, na aleɛ hyenle nwonlomɔ ne la duzu a ɔyɛle a?

5. Duzu mualɛ a Daneɛle vale manle Dalayɛlase a?

6. Duzu a bɛyɛle mrenya atisesebɛ ne mɔɔ ɛnee kpondɛ kɛ bɛku Daneɛle la ɛ, na duzu a Dalayɛse hɛlɛle hɔmanle menli mɔɔ wɔ ye belemgbunlililɛ ne anu la amuala ɛ?

Kpuyia bieko:

1. Kenga Daneɛle 6:1-28.

   1. (a) Kɛ kpɔkɛ mɔɔ bɛbɔle ye Daneɛle anwo la si kakye yɛ mɔɔ dwazotiama ɛyɛ ɛbɔ mɔdenle kɛ bɛfa bɛaha ɛnɛ mekɛ ye azo Gyihova Alasevolɛ ne mɔ gyima ne aze ɛ? (Dan. 6:7; Edw. 94:20; Aye. 10:1; Wulo. 8:31)

   2. (b) Kɛ ɛnɛ Nyamenle azonvolɛ bazi azukoa Daneɛle abɛlɛ bɛ nwo aze amaa ‘mgbanyima mɔɔ lɛ tumi’ la ɛ? (Dan. 6:5, 10; Wulo. 13:1; Gyi. 5:29)

   3. (d) Kɛ yɛbazi yɛazukoa Daneɛle neazo ne yɛazonle Gyihova “dahuu” mɔɔ yɛngyakyi ye ɛlɛ ɛ? (Dan. 6:16, 20; Fel. 3:16; Yek. 7:15)

Ɛzukoalɛdeɛ 80

1. Kɛmɔ yɛnwu ye wɔ nvoninli ne anu la, duzu a Yizilayɛma ne ɛlɛyɛ a?

2. Adenle boni azo a Saelɛse manle Gyihova ngapezo mɔɔ ɔvale ɔluale Ayezaya anwo zo la rale nu ɛ?

3. Duzu a Saelɛse hanle hilele Yizilayɛma mɔɔ ɛnee bɛnrɛhola sia kɔ Gyɛlusalɛm la ɛ?

4. Duzu a Saelɛse vale manle menli ne kɛ bɛva bɛzia bɛhɔ Gyɛlusalɛm ɛ?

5. Mekɛ tendenle nyɛ a Yizilayɛma ne vale ziale hɔle Gyɛlusalɛm ɛ?

6. Ɛvolɛ nyɛ a azɛlɛ ne lale mgbane bɔkɔɔ mɔɔ ɛnee awie biala ɛnde zo a?

Kpuyia bieko:

1. Kenga Ayezaya 44:28 nee 45:1-4.

   1. (a) Kɛzi Gyihova zile zolɛ kɛ ngapezo ne mɔɔ fane Saelɛse anwo la ɛnrɛkpo aze na ɔbara nu ɛ? (Aye. 55:10, 11; Wulo. 4:17)

   2. (b) Duzu a Ayezaya ngapezo ne mɔɔ fane Saelɛse anwo la da ye ali wɔ tumi mɔɔ Gyihova Nyamenle lɛ ye ka mɔɔ bara kenlebie la anwo ɛ? (Aye. 42:9; 45:21; 46:10, 11; 2 Pit. 1:20)

2. Kenga Ɛzela 1:1-11.

   Saa yɛdi bɛdabɛ mɔɔ bɛangola sia kɔ Gyɛlusalɛm la neazo ne anzi a, adenle boni azo a yɛbahola ‘yɛaboa’ menli mɔɔ ɛva bɛ nwo ɛwula dahuu ɛzonlenlɛ gyima ne anu la ɛnɛ a? (Ɛzela 1:4, 6; Wulo. 12:13; Kɔlɔ. 4:12)

Ɛzukoalɛdeɛ 81

1. Menli nyɛ a dule adenle tendenle ne vile Babelɔn ziale hɔle Gyɛlusalɛm a, na duzu a bɛnwunle ye mekɛ mɔɔ bɛhɔdwule la ɛ?

2. Mɔɔ Yizilayɛma ne hɔdwule la, duzu a bɛbɔle ye ɛzilɛ bo a, na boni a bɛ agbɔvolɛ ne mɔ yɛle a?

3. Hagae nee Zɛkalaya a le nwane mɔ, na duzu a bɛhanle bɛhilele menli ne a?

4. Duzu ati a Tatenae manle bɛvale kɛlata bɛhɔle Babelɔn a, na duzu mualɛ a ɔ sa hanle ye a?

5. Mɔɔ Ɛzela nwunle ɛhyianlɛ mɔɔ ɔhyia kɛ bɛsi Nyamenle ɛzonlenlɛ sua ne la, duzu a ɔyɛle a?

6. Duzu anwo nzɛlɛlɛ a Ɛzela ɛlɛyɛ wɔ nvoninli ne anu a, kɛzi bɛbuale ye nzɛlɛlɛ ne ɛ, na duzu a yɛsukoa yɛfi nu a?

Kpuyia bieko:

1. Kenga Ɛzela 3:1-13.

   Saa yɛkɔ ɛleka mɔɔ Nyamenle azonvolɛ asafo ɛnle ɛkɛ la a, boni a ɔwɔ kɛ yɛkɔ zo yɛyɛ a? (Ɛzela 3:3, 6; Gyi. 17:16, 17; Hib. 13:15)

2. Kenga Ɛzela 4:1-7.

   Duzu neazo a Zɛlubabɛle yɛle manle Gyihova menli wɔ diedi mɔɔ di afonla la nwo ɛ? (Ade. 34:12; 1 Kɔl. 15:33; 2 Kɔl. 6:14-17)

3. Kenga Ɛzela 5:1-5, 17 nee 6:1-22.

   1. (a) Duzu ati a dwazotiama ne angola ammaa bɛangyakyi ɛzonlenlɛ sua ɛzilɛ gyima ne ɛ? (Ɛzela 5:5; Aye. 54:17)

   2. (b) Adenle boni azo a mɔɔ Dwuu mrenya mgbanyima ne mɔ yɛle la wula Keleseɛne mgbanyima anwosesebɛ maa bɛkpondɛ Gyihova ɛkɛ adehilelɛ wɔ mekɛ mɔɔ bɛkɛyia dwazotiama la ɛ? (Ɛzela 6:14; Edw. 32:8; Wulo. 8:31; Gye. 1:5)

4. Kenga Ɛzela 8:21-23, 28-36.

   Duzu neazo a Ɛzela yɛle mɔɔ ɔbayɛ kpalɛ kɛ yɛsukoa kolaa na yɛava yɛ nwo yɛawula debie bie ɛyɛlɛ nu a? ( Ɛzela 8:23; Edw. 127:1; Mrɛ. 10:22; Gye. 4:13-15)

Ɛzukoalɛdeɛ 82

1. Mɔdekae nee Ɛseta a le nwane?

2. Duzu ati a ɛnee Belemgbunli Zɛzɛse (Ahazelɔse) kulo kɛ ɔgya yelɛ fofolɛ a, na nwane a ɔgyale ye a?

3. Heeman a le nwane, na duzu ati a ɔvale ɛya kpole a?

4. Duzu mɛla a bɛlile a, na Ɛseta asa hanle Mɔdekae nrɛlaleɛ ne la duzu a ɔyɛle a?

5. Duzu a dole Heeman a, na Mɔdekae noko ɛ?

6. Adenle boni azo a bɛliele Yizilayɛma ne bɛvile bɛ agbɔvolɛ sa nu a?

Kpuyia bieko:

1. Kenga Ɛseta 2:12-18.

   Kɛ Ɛseta zile hilele kɛ nvasoɛ wɔ zo kɛ yɛkɛla “bɛtɛɛyɛlɛ nee . . . koonwuyɛlɛ subane” ali ɛ? (Ɛseta 2:15; 1 Pit. 3:1-5)

2. Kenga Ɛseta 4:1-17.

   Kɛmɔ bɛmanle Ɛseta adenle ɔgyinlanle nɔhalɛ ɛzonlenlɛ nzi la, adenle boni a bɛva bɛmaa yɛ ɛnɛ kɛ yɛva yɛla yɛ nwo mɔɔ yɛdu yɛmaa nee nɔhalɛ mɔɔ yɛdi yɛamaa Gyihova la ali ɛ? (Ɛseta 4:13, 14; Mat. 5:14-16; 24:14)

3. Kenga Ɛseta 7:1-6.

   Adenle boni azo a Nyamenle menli mɔɔ wɔ ɛkɛ ɛnɛ la anu dɔɔnwo ɛnzulo kɛ bɛkɛyia ɛkpɔlɛ, kɛmɔ Ɛseta yɛle la ɛ? (Ɛseta 7:4; Mat. 10:16-22; 1 Pit. 2:12)

Ɛzukoalɛdeɛ 83

1. Mɔɔ ɛnee bane biala ɛnle Yizilayɛma ne suakpole Gyɛlusalɛm anwo la, duzu nganeɛ a bɛdele a?

2. Nihɛmaya a le nwane?

3. Duzu gyima a ɛnee Nihɛmaya yɛ a, na duzu ati a ɛnee nwolɛ hyia a?

4. Duzu edwɛkɛ a bɔle Nihɛmaya arɛle a, na duzu a ɔyɛle a?

5. Kɛzi Belemgbunli Atazɛzɛse lale atiakunlukɛnlɛma ali hilele Nihɛmaya ɛ?

6. Duzu ngyehyɛlɛ a Nihɛmaya yɛle ye wɔ sua ne ɛkyekyelɛ nwo amaa Yizilayɛma ne agbɔvolɛ ne mɔ angola ammaa bɛangyakyi ɛ?

Kpuyia bieko:

1. Kenga Nihɛmaya 1:4-6 nee 2:1-20.

   Kɛ Nihɛmaya zile kpondɛle Gyihova ɛkɛ ne adehilelɛ a? (Nih. 2:4, 5; Wulo. 12:12; 1 Pit. 4:7)

2. Kenga Nihɛmaya 3:3-5.

   Boni a asafo nu mgbanyima nee azonvolɛ bahola azukoa avi ngakyile mɔɔ la Tɛkowama nee bɛ “mgbanyima ne” mɔ avinli la anu a? (Nih. 3:5, 27; 2 Tɛs. 3:7-10; 1 Pit. 5:5)

3. Kenga Nihɛmaya 4:1-23.

   1. (a) Duzu a wulale Yizilayɛma ne anwosesebɛ manle bɛhɔle zo bɛkyekyele sua ne ɔnvane nwolɛ kɛ bɛyiale ɛkpɔlɛ mɔɔ anu yɛ se kpole kpalɛ la ɛ? (Nih. 4:6, 8, 9; Edw. 50:15; Aye. 65:13, 14)

   2. (b) Adenle boni azo a mɔɔ Yizilayɛma ne yɛle la wula yɛ anwosesebɛ ɛnɛ a?

4. Kenga Nihɛmaya 6:15.

   Duzu a Gyɛlusalɛm bane ne mɔɔ bɛdole bɛwiele wɔ siane nwiɔ anu la da ye ali wɔ tumi mɔɔ diedi lɛ ye la anwo a? (Edw. 56:3, 4; Mat. 17:20; 19:26)

Ɛzukoalɛdeɛ 84

1. Nwane a le raalɛ ne mɔɔ wɔ nvoninli ne anu la?

2. Duzu edwɛkɛ a Geebeleɛle hanle hilele Mɛle a?

3. Kɛzi Geebeleɛle hilehilele nuhua hilele Mɛle kɛ ɔbawo ralɛ wɔ mekɛ mɔɔ ɛnee ɔnze nrenya la ɛ?

4. Mekɛ mɔɔ Mɛle hɔkpɔlale ye busuanli Ɛlezabɛte la edwɛkɛ boni a zile a?

5. Mekɛ mɔɔ Dwosefi nwunle ye kɛ Mɛle ɛlɛnrenzɛ la adwenle boni a ɔnyianle a, noko duzu ati a ɔhakyile ye adwenle a?

Kpuyia bieko:

1. Kenga Luku 1:26-56.

   1. (a) Duzu a Luku 1:35 maa yɛnwu ye wɔ Adam sinlidɔlɛ biala mɔɔ ɛnee wɔ Mɛle awodeɛ nu wɔ mekɛ mɔɔ bɛyele Nyamenle Ara ne ngoane bɛvile sunsum ɛleka ne bɛrawulale ɔ kunlu la anwo a? (Hag. 2:11-13; Dwɔn 6:69; Hib. 7:26; 10:5)

   2. (b) Kɛzi bɛyeyɛle Gyisɛse kolaa na bɛawo ye ɛ? (Luku 1:41-43)

   3. (d) Neazo kɛnlɛma boni a Mɛle yɛle manle Keleseɛnema mɔɔ wɔ ɛkɛ ne ɛnɛ mɔɔ kɛnyia ɛzonlenlɛ nu adenle titile la ɛ? (Luku 1:38, 46-49; 17:10; Mrɛ. 11:2)

2. Kenga Mateyu 1:18-25.

   Ɔwɔ nuhua kɛ bɛanva duma Yemanoɛle bɛando Gyisɛse ɛdeɛ, noko kɛzi ye gyima mɔɔ ɔlile kɛ dasanli la manle mɔɔ duma ne kile la rale nuhua ɛ? (Mat. 1:22, 23; Dwɔn 14:8-10; Hib. 1:1-3)

Ɛzukoalɛdeɛ 85

1. Nwane a le kakula ekyi ne mɔɔ wɔ nvoninli ne anu la, na nienwu a Mɛle ɛlɛfa ye ado a?

2. Duzu ati a bɛwole Gyisɛse wɔ mboane tunli ne anu wɔ ɛleka mɔɔ nane ne mɔ da la ɛ?

3. Wɔ nvoninli ne anu, nwane mɔ a ɛlɛwolo mboane tunli ne anu la, na duzu edwɛkɛ a ɛnee anwumabɔvolɛ bie ɛha ɛhile bɛ a?

4. Duzu a manle Gyisɛse yɛle ngakyile a?

5. Duzu ati a bɛkola bɛfɛlɛ Gyisɛse kɛ Nyamenle Ra ɛ?

Kpuyia bieko:

1. Kenga Luku 2:1-20.

   1. (a) Foa boni a Siza Ɔgɛsetɛse lile nwolɛ gyima wɔ ngapezo ne mɔɔ fane Gyisɛse awolɛ ne anwo la anu a? (Luku 2:1-4; Mae. 5:2)

   2. (b) Kɛzi awie bahola aboka bɛdabɛ mɔɔ bɛha bɛ nwo edwɛkɛ kɛ Nyamenle “nye die bɛ nwo” la anwo ɛ? (Luku 2:14; Mat. 16:24; Dwɔn 17:3; Gyi. 3:19; Hib. 11:6)

   3. (d) Saa zɔhane Dwuu mboaneneavolɛma ne mɔɔ bɛlɛ bɛ nwo aze la anye liele Ngoane Dievolɛ ne awolɛ nwo a, ɛnee anyelielɛ kpole boni a ɔwɔ kɛ Nyamenle azonvolɛ nyia ye ɛnɛ a? (Luku 2:10, 11; Ɛfɛ. 3:8, 9; Yek. 11:15; 14:6)

Ɛzukoalɛdeɛ 86

1. Menli boni mɔ a wɔ nvoninli ne anu la, na duzu ati a bɛ nuhua ko ɛdende ɔ sa wɔ ɛwɔlɔra ne mɔɔ ɛlɛta la azo a?

2. Duzu ati a Belemgbunli Hɛlɔdo adwenle zɛkyele a, na duzu a ɔyɛle a?

3. Nienwu a ɛwɔlɔra ne mɔɔ ɛlɛta la vale menli ne hɔle a, na duzu ati a bɛvale adenle gyɛne zo bɛziale bɛhɔle bɛ maanle nu a?

4. Mɛla boni a Hɛlɔdo lile a, na duzu ati ɔ?

5. Duzu a Gyihova hanle hilele Dwosefi kɛ ɔyɛ a?

6. Nwane a manle ɛwɔlɔra fofolɛ ne dale a, na duzu ati ɔ?

Kpuyia bieko:

1. Kenga Mateyu 2:1-23.

   Mekɛ mɔɔ menli mɔɔ nea nwɔlɔra nu ka edwɛkɛ hɔkpɔlale Gyisɛse la, ɛnee yeli ɛvolɛ nyɛ, na ɛnee nienwu a ɔwɔ a? (Mat. 2:1, 11, 16)

Ɛzukoalɛdeɛ 87

1. Gyisɛse ɛli ɛvolɛ nyɛ wɔ nvoninli ye anu, na nienwu a ɔwɔ a?

2. Duzu a Dwosefi nee ye abusua ne yɛ ye ɛvolɛ biala a?

3. Duzu ati a Dwosefi nee Mɛle ziale hɔle Gyɛlusalɛm bieko mekɛ mɔɔ ɛnee bɛdia kenle ko adenle bɛlɛkɔ sua nu la ɛ?

4. Nienwu a Dwosefi nee Mɛle nwunle Gyisɛse a, na duzu a yɛle menli ne azibɛnwo a?

5. Duzu edwɛkɛ a Gyisɛse hanle hilele ɔ nli, Mɛle a?

6. Adenle boni azo a yɛbahola yɛayɛ kɛ Gyisɛse wɔ Nyamenle anwo debiezukoalɛ nu a?

Kpuyia bieko:

1. Kenga Luku 2:41-52.

   1. (a) Ɔwɔ nuhua kɛ ɛnee mrenya angomekye a Mɛla ne maa adenle kɛ bɛhɔ ɛvolɛ ɛvolɛ ɛvoyialilɛ ne a, noko duzu neazo kɛnlɛma a Dwosefi nee Mɛle yɛle manle awovolɛ mɔɔ wɔ ɛkɛ ne ɛnɛ la ɛ? (Luku 2:41; Mɛla 16:16; 31:12; Mrɛ. 22:6)

   2. (b) Kɛzi Gyisɛse yɛle neazo kpalɛ manle ngakula mɔɔ wɔ ɛkɛ ne ɛnɛ la kɛ ɔwɔ kɛ bɛbɛlɛ bɛ nwo aze bɛmaa bɛ awovolɛ ɛ? (Luku 2:51; Mɛla 5:16; Mrɛ. 23:22; Kɔlɔ. 3:20)

2. Kenga Mateyu 13:53-56.

   Gyisɛse amediema mrenya nna mɔɔ bɛ nli le ko la boni a bɛbobɔ bɛ aluma wɔ Baebolo ne anu a, na kɛzi nzinlii bɛvale nwiɔ bɛlile gyima wɔ Keleseɛne asafo ne anu ɛ? (Mat. 13:55; Gyi. 12:17; 15:6, 13; 21:18; Gal. 1:19; Gye. 1:1; Dwu. 1)

Ɛzukoalɛdeɛ 88

1. Mrenya nwiɔ ne mɔɔ wɔ nvoninli ye anu la a le nwane mɔ?

2. Kɛzi bɛsɔne sonla ɛ?

3. Nwane mɔ a ɛnee Dwɔn ɛlɛsɔne bɛ a?

4. Ndelebɛbo titile boni ati a Gyisɛse zele Dwɔn kɛ ɔzɔne ye a?

5. Kɛzi Nyamenle hilele kɛ Ɔ nye zɔle ɛzɔnenlɛ mɔɔ bɛzɔnenle Gyisɛse la ɛ?

6. Duzu a zile mekɛ mɔɔ Gyisɛse hɔdɛnlanle ɛleka koonwu bie kenle 40 la ɛ?

7. Gyisɛse ɛdoavolɛma mɔɔ lumua la bie a le nwane mɔ, na ye nwanwane debie mɔɔ ɔlumua ɔyɛle la a le boni?

Kpuyia bieko:

1. Kenga Mateyu 3:13-17.

   Neazo boni a Gyisɛse yɛle manle ye ɛdoavolɛma ne wɔ bɛ ɛzɔnenlɛ nwo a? (Edw. 40:7, 8; Mat. 28:19, 20; Luku 3:21, 22)

2. Kenga Mateyu 4:1-11.

   Kɛzi Ngɛlɛlera ne mɔɔ Gyisɛse vale lile gyima kpalɛ wɔ nrɛlɛbɛ adenle zo la wula yɛ anwosesebɛ kɛ yɛzukoa Baebolo ne dahuu ɛ? (Mat. 4:5-7; 2 Pit. 3:17, 18; 1 Dwɔn 4:1)

3. Kenga Dwɔn 1:29-51.

   Nwane anwo zo a Dwɔn Sɔnevolɛ ne hwenle ye ɛdoavolɛma ne adwenle hɔle a, na kɛzi yɛkola yɛsukoa ye ɛnɛ a? (Dwɔn 1:29, 35, 36; 3:30; Mat. 23:10)

4. Kenga Dwɔn 2:1-12.

   Kɛzi Gyisɛse nwanwane gyima mɔɔ lumua la kile kɛ Gyihova ɛnva debie kpalɛ ɛnvea Ye azonvolɛ ɛ? (Dwɔn 2:9, 10; Edw. 84:11; Gye. 1:17)

Ɛzukoalɛdeɛ 89

1. Duzu ati a ɛnee bɛlɛtɔne nane nane wɔ ɛzonlenlɛ sua ne anu a?

2. Duzu a manle Gyisɛse vale ɛya a?

3. Kɛmɔ ɛnwu ye wɔ nvoninli ne anu la, duzu a Gyisɛse yɛle a, na duzu edwɛkɛ a ɔhanle ɔhilele menli mɔɔ ɛlɛtɔne mɔlɔnoma ne la ɛ?

4. Mekɛ mɔɔ Gyisɛse ɛdoavolɛma ne nwunle mɔɔ ɔlɛyɛ la, duzu edwɛkɛ a bɛhakyele a?

5. Maanzinli boni anu a Gyisɛse luale wɔ mekɛ mɔɔ ɔlɛsia yeahɔ Galeli la ɛ?

Kpuyia bieko:

1. Kenga Dwɔn 2:13-25.

   Saa ɛsuzu ɛya mɔɔ Gyisɛse vale ye wɔ menli mɔɔ ɛnee ɛlɛsenza ezukoa wɔ ɛzonlenlɛ sua ne anu la anwo a, adwenle kpalɛ boni a ɔwɔ kɛ awie nyia wɔ gualilɛ gyima nwo wɔ Belemgbunlililɛ Asalo ɛkɛ ne a? (Dwɔn 2:15, 16; 1 Kɔl. 10:24, 31-33)

Ɛzukoalɛdeɛ 90

1. Duzu ati a Gyisɛse ɛgyinla wɔ Samɛlea bula bie azo a, na duzu edwɛkɛ a ɔlɛka yeahile raalɛ bie wɔ ɛkɛ ne a?

2. Duzu ati a ɛhye yɛle raalɛ ne azibɛnwo a, yɛɛ edwɛkɛ boni a Gyisɛse hanle hilele ye a, na duzu ati ɔ?

3. Duzu nzule a ɛnee raalɛ ne dwenle kɛ Gyisɛse ɛlɛka nwolɛ edwɛkɛ a, noko nzule boni a ɛnee amgba ɔlɛka nwolɛ edwɛkɛ a?

4. Duzu ati a yezi raalɛ ne anwo kɛ Gyisɛse ze ɔ nwo edwɛkɛ a, na kɛzi ɔnyianle edwɛkɛ ɛhye ɛ?

5. Duzu debie a yɛkola yɛsukoa yɛfi edwɛkɛ mɔɔ fane raalɛ ne mɔɔ ɛnee wɔ bula ne azo la edwɛkɛ ne anu a?

Kpuyia bieko:

1. Kenga Dwɔn 4:5-43.

   1. (a) Saa yɛnlea Gyisɛse neazo ne a, subane boni a ɔwɔ kɛ yɛda ye ali yɛkile menli mɔɔ asolo bɛ nwonane kɔla anzɛɛ ɛleka mɔɔ bɛvi la ɛ? (Dwɔn 4:9; 1 Kɔl. 9:22; 1 Tem. 2:3, 4; Taetɛse 2:11)

   2. (b) Saa awie bayɛ Gyisɛse ɛdoavolɛ a sunsum nu nvasoɛ boni a ɔnyia a? (Dwɔn 4:14; Aye. 58:11; 2 Kɔl. 4:16)

   3. (d) Kɛzi yɛkola yɛkile anyezɔlɛ kɛ Samɛlea raalɛ ne, mɔɔ ɛnee ɔkulo kɛ ɔka mɔɔ yenwu ye la anwo edwɛkɛ ɔkile menli fofolɛ la ɛ? (Dwɔn 4:7, 28; Mat. 6:33; Luku 10:40-42)

Ɛzukoalɛdeɛ 91

1. Nienwu a Gyisɛse ɛlɛkilehile wɔ nvoninli ne anu a, na nwane mɔ a de bikye ye kpalɛ a?

2. Ɛzoanvolɛ 12 ne mɔ aluma a le boni?

3. Belemgbunlililɛ ne mɔɔ ɛnee Gyisɛse ɛlɛbɔ nwolɛ nolo la a le boni?

4. Duzu a Gyisɛse hilehilele menli ne kɛ bɛyɛ nwolɛ asɔne a?

5. Boni a Gyisɛse hanle wɔ kɛzi ɔwɔ kɛ menli nee bɛ nwo di la anwo a?

Kpuyia bieko:

1. Kenga Mateyu 5:1-12.

   Ndenle boni azo a yɛkola yɛkile kɛ yɛ sunsum nu ninyɛne nwo hyia yɛ a? (Mat. 5:3; Wulo. 10:13-15; 1 Tem. 4:13, 15, 16)

2. Kenga Mateyu 5:21-26.

   Kɛzi Mateyu 5:23, 24 si zolɛ kɛ yɛ nee yɛ mediema avinli abusuabɔlɛ ka abusuabɔlɛ mɔɔ yɛ nee Gyihova lɛ la ɛ? (Mat. 6:14, 15; Edw. 133:1; Kɔlɔ. 3:13; 1 Dwɔn 4:20)

3. Kenga Mateyu 6:1-8.

   Bɛ nwo mɔɔ bɛbu ye tenlene mɔɔ ɔwɔ kɛ Keleseɛnema kpo la bie mɔ a le boni? (Luku 18:11, 12; 1 Kɔl. 4:6, 7; 2 Kɔl. 9:7)

4. Kenga Mateyu 6:25-34.

   Duzu a Gyisɛse hilehilele wɔ Gyihova anu diedi mɔɔ ɔhyia kɛ yɛnyia wɔ yɛ nwonane nu ngyianlɛ nwo a? (Ade. 16:4; Edw. 37:25; Fel. 4:6)

5. Kenga Mateyu 7:1-11.

   Duzu a neazo wienyi ne mɔɔ wɔ Mateyu 7:5 la kilehile yɛ a? (Mrɛ. 26:12; Wulo. 2:1; 14:10; Gye. 4:11, 12)

Ɛzukoalɛdeɛ 92

1. Bɛlɛra ne mɔɔ wɔ nvoninli ne anu la ɔ ze a le nwane, na duzu ati a ɛnee ɔ nee ɔ ye bɛ adwenle ɛzɛkye kpole a?

2. Duzu a Gyeeyaelɛse yɛle wɔ mekɛ mɔɔ ɔnwunle Gyisɛse la ɛ?

3. Mɔɔ Gyisɛse ɛlɛkɔ Gyeeyaelɛse sua nu la duzu a zile a, na nrɛlaleɛ boni a Gyeeyaelɛse asa hanle ye wɔ adenle nu a?

4. Duzu ati a menli mɔɔ wɔ Gyeeyaelɛse sua nu la zelele Gyisɛse a?

5. Gyisɛse vale ɛzoanvolɛma nsa yɛɛ bɛlɛra ne ɔ ze nee ɔ nli hɔle bɛlɛra ne sua ne anu la, duzu a gyesɛse yɛle a?

6. Nwane bieko a Gyisɛse dwazole ye vile ewule nu a, na ɛhye kile duzu?

Kpuyia bieko:

1. Kenga Luku 8:40-56.

   Kɛzi Gyisɛse lale anwunvɔnezelɛ nee ndelebɛbo ali hilele raalɛ ne mɔɔ tudu mogya ne la ɛ, na duzu a Keleseɛne mgbanyima mɔɔ wɔ ɛkɛ ne ɛnɛ la kola sukoa fi ɛhye anu a? (Luku 8:43, 44, 47, 48; Sɛlɛ. 15:25-27; Mat. 9:12, 13; Kɔlɔ. 3:12-14)

2. Kenga Luku 7:11-17.

   Duzu ati a bɛdabɛ mɔɔ bɛ alɔvolɛ ɛwu la kola nyia arɛlekyekyelɛ kpole wɔ mɔɔ Gyisɛse yɛle ye wɔ kunlavolɛ raalɛ ne mɔɔ vi Neeyen la edwɛkɛ ne anwo a? (Luku 7:13; 2 Kɔl. 1:3, 4; Hib. 4:15)

3. Kenga Dwɔn 11:17-44.

   Kɛzi Gyisɛse lale ye ali kɛ saa awie dɔvolɛ wu a ɔnle ɛtane kɛ ɔkɛzu ɛ? (Dwɔn 11:33-36, 38; 2 Sam. 18:33; 19:1-4)

Ɛzukoalɛdeɛ 93

1. Edwɛkɛ mɔɔ ɛnle kpalɛ la boni a ɛdo Dwɔn Sɔnevolɛ ne a, na kɛzi ɔhanle Gyisɛse ɛ?

2. Kɛzi Gyisɛse manle menli dɔɔnwo ne mɔɔ doale ye la aleɛ ɛ, na aleɛ dodo nyɛ a hale a?

3. Duzu ati a ɛdoavolɛma ne ahonle dule wɔ nɔe ne ɛ, na duzu a dole Pita a?

4. Kɛzi Gyisɛse manle menli apenle apenle aleɛ wɔ mekɛ mɔɔ tɔ zo nwiɔ la ɛ?

5. Mekɛ mɔɔ Gyisɛse bali tumi wɔ azɛlɛ ye azo kɛ Nyamenle Belemgbunli la, duzu ati a ɔbayɛ anyelielɛ a?

Kpuyia bieko:

1. Kenga Mateyu 14:1-32.

   1. (a) Duzu a edwɛkɛ ne mɔɔ wɔ Mateyu 14:23-32 maa yɛnwu ye wɔ Pita subane nwo a?

   2. (b) Kɛzi Ngɛlɛlera ne kile kɛ Pita nyinle na ɔlile ye subane ne mɔɔ ɛnee ɔmaa ɔyɛ debie na yeadwenle nwolɛ la azo ɛ? (Mat. 14:27-30; Dwɔn 18:10; 21:7; Gyi. 2:14, 37-40; 1 Pit. 5:6, 10)

2. Kenga Mateyu 15:29-38.

   Kɛzi Gyisɛse hilele ɛbulɛ manle nwonane nu ninyɛne mɔɔ ɔ Ze fa maa la ɛ? (Mat. 15:37; Dwɔn 6:12; Kɔlɔ. 3:15)

3. Kenga Dwɔn 6:1-21.

   Kɛzi Keleseɛnema mɔɔ wɔ ɛkɛ ne ɛnɛ la kola di Gyisɛse neazo mɔɔ ɔyɛle ye wɔ arane ne anwo la azo ɛ? (Dwɔn 6:15; Mat. 22:21; Wulo. 12:2; 13:1-4)

Ɛzukoalɛdeɛ 94

1. Mɔɔ ɛzoanvolɛ ne mɔ dule adenle tendenle bie na bɛlɛsia bɛara sua nu la duzu a ɛnee bɛlɛsu nwolɛ kpolera a?

2. Duzu ati a Gyisɛse vɛlɛle kakula bie na ɔmanle ɔgyinlanle ɛzoanvolɛ ne mɔ avinli a?

3. Adenle boni azo a ɔwɔ kɛ ɛzoanvolɛ ne mɔ sukoa yɛ kɛ ngakula la ɛ?

4. Kɛzi Gyisɛse hilele kɛ ɔkulo ngakula edwɛkɛ wɔ ɛhye anzi siane ekyi anu ɛ?

Kpuyia bieko:

1. Kenga Mateyu 18:1-4.

   Duzu ati a Gyisɛse vale ɛrɛlɛ lile gyima hilehilele a? (Mat. 13:34, 36; Maake 4:33, 34)

2. Kenga Mateyu 19:13-15.

   Saa yɛbanyia Belemgbunlililɛ ne anu nyilalɛ ne mɔ bie a ngakula subane boni mɔ a ɔwɔ kɛ yɛsukoa a? (Edw. 25:9; 138:6; 1 Kɔl. 14:20)

3. Kenga Maake 9:33-37.

   Duzu a Gyisɛse hilehilele ye ɛdoavolɛma ne wɔ kpoleyɛlɛ nwo a? (Maake 9:35; Mat. 20:25, 26; Gal. 6:3; Fel. 2:5-8)

4. Kenga Maake 10:13-16.

   Kɛzi ɛnee menli kola bikye Gyisɛse ɛ, na duzu a Keleseɛne mgbanyima kola sukoa fi ye neazo ne anu a? (Maake 6:30-34; Fel. 2:1-4; 1 Tem. 4:12)

Ɛzukoalɛdeɛ 95

1. Kpuyia boni a nrenya bie bizale Gyisɛse a, na duzu ati ɔ?

2. Ɔdwu mekɛ ne bie a duzu a Gyisɛse fa kilehile a, na Dwuuma nee Samɛleama anwo edwɛkɛ boni a yɛlumua yɛzukoa a?

3. Wɔ ɛrɛlɛ ne mɔɔ Gyisɛse bule la anu, duzu a dole Dwuunli bie mɔɔ ɛnee ɔlɛtu adenle yeahɔ Gyɛleko la ɛ?

4. Boni a zile wɔ mekɛ mɔɔ Dwuunli ɛsɔfo nee Livaenli bie ravale adenle ne azo la ɛ?

5. Wɔ nvoninli ne anu, nwane a ɛlɛboa Dwuunli ne mɔɔ ɛboda la ɛ?

6. Mɔɔ Gyisɛse bule ɛrɛlɛ ne wiele la, kpuyia boni a ɔbizale a, na kɛzi nrenya ne yele ɔ nloa ɛ?

Kpuyia bieko:

1. Kenga Luku 10:25-37.

   1. (a) Kɛ anrɛɛ Gyisɛse bava mualɛ kpɔtee yeamaa la, kɛzi ɔboale nrenya bie mɔɔ ze Mɛla ne kpalɛ la ɔmanle ɔzuzule edwɛkɛ bie anwo a? (Luku 10:26; Mat. 16:13-16)

   2. (b) Kɛzi Gyisɛse vale mrɛlɛ lile gyima yele menli nwo adwenle ɛtane mɔɔ ye tievolɛma lɛ la vile ɛkɛ ne ɛ? (Luku 10:36, 37; 18:9-14; Tae. 1:9)

Ɛzukoalɛdeɛ 96

1. Mekɛ mɔɔ Gyisɛse dule adenle kpɔsale azɛlɛ ne azo la duzu a ɔyɛle a?

2. Ɛvolɛ kɛyɛ nsa wɔ Gyisɛse ɛzɔnenlɛ ne anzi, duzu edwɛkɛ a ɔhanle ɔhilele ye ɛzoanvolɛma ne a?

3. Duzu Menli a wɔ nvoninli ne anu la, na boni a Gyisɛse yɛle manle raalɛ ne a?

4. Duzu ati a Gyisɛse edwɛkɛ mɔɔ ɔhanle ye wɔ ɛzonlenlɛ nu adekilevolɛma ne dwazotia ne anwo la manle bɛ nyunlu guale aze ɛ?

5. Mekɛ mɔɔ Gyisɛse nee ye ɛzoanvolɛma ne dɛlale Gyɛleko ekyii la, duzu a Gyisɛse yɛle manle anyezinliravolɛma nwiɔ mɔɔ sɛlɛzɛlɛ ezukoa la ɛ?

6. Duzu ati a Gyisɛse yɛle nwanwane ninyɛne a?

Kpuyia bieko:

1. Kenga Mateyu 15:30, 31.

   Gyihova tumi mɔɔ yɛ nwanwane la boni a lale ali wɔ Gyisɛse anu a, na kɛzi ɔwɔ kɛ ɔka yɛ ndelebɛbo wɔ mɔɔ Gyihova ɛva ɛbɔ yɛ ɛwɔkɛ wɔ ewiade fofolɛ ne anu la ɛ? (Edw. 37:29; Aye. 33:24)

2. Kenga Luku 13:10-17.

   Kɛzi Gyisɛse nwanwane ninyɛne mgbole ne mɔ mɔɔ ɔyɛle nuhua dɔɔnwo wɔ Ɛnwomenlelielɛ Kenle ne la kile anwodɔlɛ mɔɔ ɔbava yearɛlɛ alesama wɔ ye Ɛvolɛ Apenle ko Tumililɛ ne anu ɛ? (Luku 13:10-13; Edw. 46:9; Mat. 12:8; Kɔlɔ. 2:16, 17; Yek. 21:1-4)

3. Kenga Mateyu 20:29-34.

   Kɛzi edwɛkɛ ɛhye kile kɛ ɛnee ɔnle mɔɔ Gyisɛse ɛnlɛ alagye kɛ ɔkɛboa menli a, na duzu a yɛkola yɛsukoa yɛfi ɛhye anu a? (Mɛla 15:7; Gye. 2:15, 16; 1 Dwɔn 3:17)

Ɛzukoalɛdeɛ 97

1. Mɔɔ Gyisɛse dwule sua ekyi bie mɔɔ bikye Gyɛlusalɛm la azo la, duzu a ɔhanle ɔhilele ye ɛdoavolɛma ne kɛ bɛyɛ a?

2. Wɔ nvoninli ne anu, duzu a zile wɔ mekɛ mɔɔ Gyisɛse bikyele Gyɛlusalɛm suakpole ne azo la ɛ?

3. Mɔɔ ngakula ne mɔ nwunle kɛ Gyisɛse ɛlɛyɛ anyezinliravolɛma nee abuburama ayile la duzu a bɛyɛle a?

4. Duzu a Gyisɛse hanle hilele ɛsɔfoma ne mɔɔ ɛnee ɛva ɛya la ɛ?

5. Kɛzi yɛkola yɛyɛ kɛ ngakula ne mɔ mɔɔ yele Gyisɛse ayɛlɛ la ɛ?

6. Duzu a ɛnee ɛdoavolɛma ne kpondɛ kɛ bɛnwu ye a?

Kpuyia bieko:

1. Kenga Mateyu 21:1-17.

   1. (a) Kɛzi adenle mɔɔ Gyisɛse luale zolɛ hɔle Gyɛlusalɛm kɛ Belemgbunli la nee Wulomuma mekɛ zo sogya mgbanyima mɔɔ lile konim la ɛdeɛ ne ɛnle ko ɛ? (Mat. 21:4, 5; Zɛk. 9:9; Fel. 2:5-8; Kɔlɔ. 2:15)

   2. (b) Duzu a ngakula kola sukoa fi Yizilayɛ ngakula mrenya ne mɔ mɔɔ hanle edwɛkɛ mɔɔ wɔ Edwɛndolɛ 118 wɔ mekɛ mɔɔ ɛnee Gyisɛse ɛlɛkɔ ɛzonlenlɛ sua ne anu la ɛkɛ ne a? (Mat. 21:9, 15; Edw. 118:25, 26; 2 Tem. 3:15; 2 Pit. 3:18)

2. Kenga Dwɔn 12:12-16.

   Duzu a arɛlɛ mrɛlakɛ ne mɔɔ menli mɔɔ yeyɛle Gyisɛse la vale lile gyima la ɛnee kile a? (Dwɔn 12:13; Fel. 2:10; Yek. 7:9, 10)

Ɛzukoalɛdeɛ 98

1. Mrenya mɔɔ wɔ nvoninli ne anu la, boni a le Gyisɛse, na nwane mɔ a wɔ ɔ nwo ɛkɛ ne la?

2. Duzu a ɛsɔfo ne mɔ bɔle mɔdenle kɛ bɛkɛyɛ Gyisɛse wɔ ɛzonlenlɛ sua ne anu a, na duzu edwɛkɛ a ɔhanle ɔhilele bɛ a?

3. Duzu edwɛkɛ a ɛzoanvolɛma ne bizale Gyisɛse a?

4. Duzu ati a Gyisɛse hanle ninyɛne mɔɔ basisi wɔ azɛlɛ ye azo wɔ mekɛ mɔɔ ɔlɛdi tumi wɔ anwuma kɛ Belemgbunli la bie mɔ anwo edwɛkɛ hilele ye ɛzoanvolɛma ne a?

5. Duzu a Gyisɛse hanle kɛ ɔbazi kolaa na yeava ɛtaneyɛlɛ kɔsɔɔti yeara awieleɛ wɔ azɛlɛ ye azo a?

Kpuyia bieko:

1. Kenga Mateyu 23:1-39.

   1. (a) Ɔwɔ nuhua kɛ Ngɛlɛlera ne kile kɛ ewiade amodinli mɔɔ bɛfa bɛfɛlɛ awie la kola yɛ mɔɔ fɛta a, noko duzu a Gyisɛse edwɛkɛ mɔɔ wɔ Mateyu 23:8-11 la da ye ali wɔ amodinli mɔɔ bɛfa bɛyeyɛ awie wɔ Keleseɛne asafo ne anu la anwo a? (Gyi. 26:25; Wulo. 13:7; 1 Pit. 2:13, 14)

   2. (b) Duzu a Falasiima vale lile gyima bɔle mɔdenle kɛ bɛnrɛmaa menli ɛnrɛrayɛ Keleseɛnema ɛ, na kɛzi ɛzonlenlɛ nu adekilevolɛma ɛva deɛ zɔhane ala ɛli gyima wɔ ɛnɛ mekɛ ye azo ɛ? (Mat. 23:13; Luku 11:52; Dwɔn 9:22; 12:42; 1 Tɛs. 2:16)

2. Kenga Mateyu 24:1-14.

   1. (a) Kɛzi bɛzi nvasoɛ mɔɔ wɔ abotane zo la azo wɔ Mateyu 24:13 ɛ?

   2. (b) Duzu a edwɛkɛkpɔkɛ “awieleɛ” mɔɔ wɔ Mateyu 24:13 la kile a? (Mat. 16:27; Wulo. 14:10-12; 2 Kɔl. 5:10)

3. Kenga Maake 13:3-10.

   Edwɛkɛ boni a wɔ Maake 13:10 mɔɔ kile kɛ edwɛkpa ne nolobɔlɛ nwo hyia a, na kɛzi ɔwɔ kɛ Gyisɛse edwɛkɛ ne ka yɛ ɛ? (Wulo. 13:11, 12; 1 Kɔl. 7:29-31; 2 Tem. 4:2)

Ɛzukoalɛdeɛ 99

1. Kɛmɔ bɛla ye ali wɔ nvoninli ne anu la, duzu ati a Gyisɛse nee ye ɛzoanvolɛma 12 ne wɔ ekpumgbunli kpole bie anu wɔ ɛbolɔnsam ne zo a?

2. Nwane a le nrenya ne mɔɔ ɛlɛfinde la, na duzu a ɔlɛkɔ yeahɔyɛ a?

3. Bɛlile Akpabɛnwo aleɛ ne bɛwiele la aleɛlilɛ titile boni a Gyisɛse bɔle ɔ bo a?

4. Akpabɛnwo ne hakyele Yizilayɛma wɔ mekɛ boni anwo, na duzu a aleɛlilɛ titile ɛhye kakye Gyisɛse ɛdoavolɛma wɔ nwolɛ a?

5. Wɔ Awulae Nɔsolɛ Aleɛ ne anzi, duzu a Gyisɛse hanle hilele ye ɛdoavolɛma ne a, na duzu a bɛyɛle a?

Kpuyia bieko:

1. Kenga Mateyu 26:14-30.

   1. (a) Kɛzi Mateyu 26:15 kile kɛ Dwudase anye fuu a ɔyele Gyisɛse ɔmanle a?

   2. (b) Atiakunlukpɔkɛ nwiɔ boni a Gyisɛse mogya ne mɔɔ ɔhwinle ɔguale la lile nwolɛ gyima a? (Mat. 26:27, 28; Gyɛ. 31:31-33; Ɛfɛ. 1:7; Hib. 9:19, 20)

2. Kenga Luku 22:1-39.

   Saa bɛka kɛ Seetan wolole Dwudase a, kɛzi yɛte ɔ bo ɛ? (Luku 22:3; Dwɔn 13:2; Gyi. 1:24, 25)

3. Kenga Dwɔn 13:1-20.

   1. (a) Kɛmɔ edwɛkɛ ne mɔɔ wɔ Dwɔn 13:2 kile la, asoo ɔwɔ kɛ Dwudase di mɔɔ ɔyɛle la anwo ɛzonle, na boni a Nyamenle azonvolɛ kola sukoa fi ɛhye anu a? (Mɔl. 4:7; 2 Kɔl. 2:11; Gal. 6:1; Gye. 1:13, 14)

   2. (b) Ɛzukoalɛdeɛ mɔɔ le neazo mɔɔ tumi wɔ nuhua la boni a Gyisɛse yɛle a? (Dwɔn 13:15; Mat. 23:11; 1 Pit. 2:21)

4. Kenga Dwɔn 17:1-26.

   Ndelebɛbo boni a wɔ asɔne mɔɔ Gyisɛse yɛle manle ye ɛdoavolɛma ne kɛ “bɛyɛ ko” la anu a? (Dwɔn 17:11, 21-23; Wulo. 13:8; 14:19; Kɔlɔ. 3:14)

Ɛzukoalɛdeɛ 100

1. Gyisɛse nee ye ɛzoanvolɛma ne vi ekpumgbunli ne mɔɔ wɔ ɛbolɔnsam ne azo la anu vindele la nienwu bɛhɔle a, na duzu a ɔhanle ɔhilele bɛ kɛ bɛyɛ a?

2. Mekɛ mɔɔ Gyisɛse ziale rale ɛleka mɔɔ ɛzoanvolɛma ne wɔ la duzu a ɔnwunle ye a, na fane nyɛ a ɛhye zile a?

3. Nwane a rale tola ne anu a, na kɛmɔ nvoninli ne kile la, duzu a Dwudase Yesekaleɔto yɛle a?

4. Duzu ati a Dwudase vole Gyisɛse anloa anwo a, na duzu a Pita yɛle a?

5. Duzu edwɛkɛ a Gyisɛse hanle hilele Pita a, na duzu ati a Gyisɛse anzɛlɛ Nyamenle kɛ ɔzoa anwumabɔvolɛma ɔmaa bɛrɛla a?

Kpuyia bieko:

1. Kenga Mateyu 26:36-56.

   1. (a) Kɛzi adenle mɔɔ Gyisɛse vale zo dule ye ɛdoavolɛma ne folɛ la le neazo kɛnlɛma maa Keleseɛne mgbanyima mɔɔ wɔ ɛkɛ ne ɛnɛ la ɛ? (Mat. 20:25-28; 26:40, 41; Gal. 5:17; Ɛfɛ. 4:29, 31, 32)

   2. (b) Kɛzi Gyisɛse bule nwonane nu akodeɛ mɔɔ bɛfa bɛko bɛtia bɛ gɔnwo la ɛ?(Mat. 26:52; Luku 6:27, 28; Dwɔn 18:36)

2. Kenga Luku 22:39-53.

   Mekɛ mɔɔ anwumabɔvolɛ bie rale Gyisɛse anwo ɛkɛ ne wɔ Gɛtesɛmani tola ne anu rawulale ye anwosesebɛ la, asoo ɛnee ɛhye kile kɛ Gyisɛse asa nu ɛlɛto wɔ ye diedi ne anu? Kilehile nuhua. (Luku 22:41-43; Aye. 49:8; Mat. 4:10, 11; Hib. 5:7)

3. Kenga Dwɔn 18:1-12.

   Kɛzi Gyisɛse bɔle ye ɛdoavolɛma ne anwo bane vile dwazotiama anwo ɛ, na duzu a yɛsukoa yɛfi neazo ɛhye anu a? (Dwɔn 10:11, 12; 18:1, 6-9; Hib. 13:6; Gye. 2:25)

Ɛzukoalɛdeɛ 101

1. Nwane a di Gyisɛse ewule ne anwo ɛzonle titile a?

2. Mekɛ mɔɔ ɛzonlenlɛ nu adekilevolɛma ne hyele Gyisɛse la duzu a ɛzoanvolɛma ne yɛle a?

3. Duzu a zile wɔ ɛsɔfo kpanyinli Kayafase, sua nu ɛkɛ ne a?

4. Duzu ati a Pita vindele hɔzunle a?

5. Mɔɔ bɛvale Gyisɛse bɛziale bɛhɔmanle Paelɛte bɛwiele la, duzu edwɛkɛ a ɛsɔfo mgbanyima ne mɔ deɛdeanle nu hanle a?

6. Duzu a dole Gyisɛse wɔ Yalɛ ewiazo kɛyɛ sɛnzɛngyinla a, na ɛwɔkɛ boni a ɔbɔle ɛtanevolɛ bie mɔɔ ɛnee henda baka zo wɔ ye foa ko la ɛ?

7. Nienwu a Paladaese ne mɔɔ Gyisɛse hanle nwolɛ edwɛkɛ la bara a?

Kpuyia bieko:

1. Kenga Mateyu 26:57-75.

   Adenle boni azo a menli mɔɔ wɔ Dwuuma kɔɔto kpole ne anu la hilele kɛ bɛ ti yɛ se a? (Mat. 26:59, 67, 68)

2. Kenga Mateyu 27:1-50.

   Duzu ati a yɛkola yɛka ye kɛ Dwudase anwo mɔɔ ɔnlunle la ɛnle nɔhalɛ ɛ? (Mat. 27:3, 4; Maake 3:29; 14:21; 2 Kɔl. 7:10, 11)

3. Kenga Luku 22:54-71.

   Duzu debie a yɛkola yɛsukoa yɛfi Pita ɛkpolɛ mɔɔ ɔkpole Gyisɛse wɔ nɔe ne mɔɔ bɛyele ye bɛmanle na bɛhyele ye la anu a? (Luku 22:60-62; Mat. 26:31-35; 1 Kɔl. 10:12)

4. Kenga Luku 23:1-49.

   Duzu a Gyisɛse yɛle wɔ mgbɔvodɛne mɔɔ bɛbuale ye la anwo a, na duzu debie a yɛkola yɛsukoa yɛfi ɛhye anu a? (Luku 23:33, 34; Wulo. 12:17-19; 1 Pit. 2:23)

5. Kenga Dwɔn 18:12-40.

   Ɔwɔ nuhua kɛ sonla nwo ɛzulolɛ hanle Pita wɔ mekɛ ekyi bie anu ɛdeɛ, noko duzu a nɔhalɛ mɔɔ ɔde kɛ ɔnyianle anyuhɔlɛ na ɔrayɛle ɛzoanvolɛ mɔɔ bɔ mɔdenle la da ye ali a? (Dwɔn 18:25-27; 1 Kɔl. 4:2; 1 Pit. 3:14, 15; 5:8, 9)

6. Kenga Dwɔn 19:1-30.

   1. (a) Adwenle mɔɔ fɛta wɔ nwonane nu ninyɛne nwo boni a ɛnee Gyisɛse lɛ a? (Dwɔn 2:1, 2, 9, 10; 19:23, 24; Mat. 6:31, 32; 8:20)

   2. (b) Kɛzi konimlilɛ edwɛkɛ mɔɔ Gyisɛse hanle na yeawu la kile Gyihova tumililɛ ne mɔɔ ɔgyinlanle ɔ nzi la ɛ? (Dwɔn 16:33; 19:30; 2 Pit. 3:14; 1 Dwɔn 5:4)

Ɛzukoalɛdeɛ 102

1. Nwane a le raalɛ ne mɔɔ wɔ nvoninli ne anu la, nwane mɔ a le mrenya nwiɔ ne, na nienwu a bɛwɔ a?

2. Duzu ati a Paelɛte hanle hilele ɛsɔfo ne mɔ kɛ bɛzoa sogyama bɛmaa bɛhɔzinza Gyisɛse nla ne a?

3. Duzu a anwumabɔvolɛ bie yɛle wɔ Gyisɛse ewule ne anzi kenle nsa ne azo a, noko duzu a ɛsɔfo ne mɔ yɛle a?

4. Duzu a zinle mraalɛ bie mɔɔ hɔle Gyisɛse nla ne azo la anwo ɛ?

5. Duzu ati a Pita nee Dwɔn nriandile hɔle Gyisɛse nla ne azo a, na duzu a bɛnwunle ye a?

6. Gyisɛse funli ne hale ni, noko duzu a ɔyɛle ɔvale ɔhilele ɛdoavolɛma ne kɛ ɔde aze ɛ?

Kpuyia bieko:

1. Kenga Mateyu 27:62-66 nee 28:1-15.

   Wɔ Gyisɛse ewudwazo ne anu, kɛzi ɛsɔfo mgbanyima ne mɔ, Falasiima nee mgbanyima ne mɔ yɛle ɛtane tiale sunsum nwuanzanwuanza ne ɛ? (Mat. 12:24, 31, 32; 28:11-15)

2. Kenga Luku 24:1-12.

   Kɛzi Gyisɛse ewudwazo ne anwo edwɛkɛ ne kile kɛ Gyihova bu mraalɛ kɛ bɛdi daselɛ a anwodozo wɔ nu ɛ? (Luku 24:4, 9, 10; Mat. 28:1-7)

3. Kenga Dwɔn 20:1-12.

   Kɛzi Dwɔn 20:8, 9 boa yɛ maa yɛnwu kɛ saa yɛnde Baebolo ngapezo bie mɔɔ ɛra nuhua la abo kpalɛ a ɔhyia kɛ yɛnyia abotane a? (Mrɛ. 4:18; Mat. 17:22, 23; Luku 24:5-8; Dwɔn 16:12)

Ɛzukoalɛdeɛ 103

1. Duzu a Mɛle hanle hilele nrenya bie mɔɔ ɔdwenlenle kɛ yemɔ a nea tola ne azo la ɛ, noko duzu a amozii manle ɔnwunle ye kɛ Gyisɛse mumua ne a?

2. Duzu a dole ɛdoavolɛma nwiɔ mɔɔ ɛnee ɛlɛkɔ Ɛmeeyɛse namule ne azo la ɛ?

3. Debie mɔɔ yɛ azibɛnwo la boni a zile wɔ mekɛ mɔɔ ɛdoavolɛma nwiɔ hanle hilele ɛzoanvolɛma ne kɛ bɛnwunle Gyisɛse la ɛ?

4. Fane nyɛ yɛɛ ɛnee Gyisɛse ɛye ɔ nwo ɛhile ye ɛdoavolɛma ne a?

5. Mɔɔ Tɔmase dele kɛ ɛdoavolɛma ne ɛnwu Awulae la duzu edwɛkɛ a ɔhanle a, noko duzu a zile wɔ ye kenle mɔtwɛ anzi a?

Kpuyia bieko:

1. Kenga Dwɔn 20:11-29.

   Asoo ɛnee Gyisɛse ɛlɛka ye wɔ Dwɔn 20:23 kɛ bɛmaa alesama tumi kɛ bɛva ɛtane bɛhyɛ ɔ? Kilehile nuhua. (Edw. 49:2, 7; Aye. 55:7; 1 Tem. 2:5, 6; 1 Dwɔn 2:1, 2)

2. Kenga Luku 24:13-43.

   Kɛzi yɛbahola yɛaziezie yɛ ahonle yɛalie Baebolo nu nɔhalɛ edwɛkɛ yɛado nu ɛ? (Luku 24:32, 33; Ɛzela 7:10; Mat. 5:3; Gyi. 16:14; Hib. 5:11-14)

Ɛzukoalɛdeɛ 104

1. Ɛdoavolɛma nyɛ a nwunle Gyisɛse wɔ mekɛ ko bie anu a, na duzu anwo edwɛkɛ a ɔhanle ɔhilele bɛ a?

2. Nyamenle Belemgbunlililɛ ne a le boni, na kɛ asetɛnla wɔ azɛlɛ ye azo bazi ayɛ wɔ mekɛ mɔɔ Gyisɛse ɛlɛdi tumi kɛ Belemgbunli ɛvolɛ apenle la ɛ?

3. Kenle kɛyɛ nyɛ anu yɛɛ Gyisɛse yele ɔ nwo hilele ye ɛdoavolɛma ne a, na boni a akee mekɛ dwule kɛ ɔyɛ a?

4. Ɔka ekyii na Gyisɛse agyakyi ye ɛdoavolɛma ne ahɔ la, duzu debie a ɔhanle ɔhilele bɛ kɛ bɛyɛ a?

5. Duzu a ɛlɛkɔ zo wɔ nvoninli ne anu a, na kɛ ɔyɛle mɔɔ ɛnee akee bɛnnwu Gyisɛse ɛ?

Kpuyia bieko:

1. Kenga 1 Kɔlentema 15:3-8.

   Duzu ati a ɛzoanvolɛ Pɔɔlo holale vale anwodozo hanle Gyisɛse ewudwazo ne anwo edwɛkɛ a, na ninyɛne boni a Keleseɛnema mɔɔ wɔ ɛkɛ ne ɛnɛ la kola fa anwodozo ka nwolɛ edwɛkɛ a? (1 Kɔl. 15:4, 7, 8; Aye. 2:2, 3; Mat. 24:14; 2 Tem. 3:1-5)

2. Kenga Gyima ne 1:1-11.

   Kɛzi bɛhanle edwɛkɛ ne bɛhɔle ɛleka biala, kɛmɔ bɛha bɛdo ɛkɛ ne wɔ Gyi. 1:8 ne la ɛ? (Gyi. 6:7; 9:31; 11:19-21; Kɔlɔ. 1:23)

Ɛzukoalɛdeɛ 105

1. Kɛmɔ nvoninli ne kile la, duzu a zile Gyisɛse ɛdoavolɛma ne mɔɔ ɛnee ɛlɛkendɛ wɔ Gyɛlusalɛm la anwo zo a?

2. Azibɛnwo debie boni a nyɛvolɛ mɔɔ hɔle Gyɛlusalɛm la nwunle ye a?

3. Edwɛkɛ boni Pita hilehilele nuhua hilele menli ne a?

4. Mɔɔ menli ne diele Pita wiele la, duzu nganeɛ a bɛdele a, na duzu a ɔhanle ɔhilele bɛ kɛ bɛyɛ a?

5. Menli dodo nyɛ yɛɛ bɛzɔnenle bɛ kenle ko zɔhane ne, wɔ Pɛntekɔso 33 Y.M. azo a?

Kpuyia bieko:

1. Kenga Gyima ne 2:1-47.

   1. (a) Kɛzi Pita edwɛkɛ mɔɔ wɔ Gyima ne 2:23, 36 la kile kɛ ɛnee Dwuuma maanle ne amuala di Gyisɛse ewule ne anwo ɛzonle a? (1 Tɛs. 2:14, 15)

   2. (b) Kɛzi Pita yɛle Ngɛlɛlera ne mɔɔ bɛsuzu nwolɛ la anwo neazo kɛnlɛma ɛ? (Gyi. 2:16, 17, 29, 31, 36, 39; Kɔlɔ. 4:6)

   3. (d) Kɛzi Pita vale ‘anwuma belemgbunlililɛ ne anwo sanvɛ ne’ mɔɔ lumua mɔɔ Gyisɛsɛ bɔle nwolɛ ɛwɔkɛ kɛ ɔbava yeamaa ye la lile gyima ɛ? (Gyi. 2:14, 22-24, 37, 38; Mat. 16:19)

Ɛzukoalɛdeɛ 106

1. Edwɛkɛ boni a zile kenle ko mɔɔ ɛnee Pita nee Dwɔn ɛlɛkɔ ɛzonlenlɛ sua ne anu ewiazo la ɛ?

2. Duzu edwɛkɛ a Pita hanle hilele nrenya abubura ne a, na duzu a Pita vale manle ye mɔɔ ɛnee ɔsonle bolɛ ɔtɛla ezukoa a?

3. Duzu ati a ɛnee ɛzonlenlɛ nu adekilevolɛma ne ɛva ɛya a, na duzu a bɛyɛle Pita nee Dwɔn a?

4. Duzu edwɛkɛ a Pita hanle hilele ɛzonlenlɛ nu adekilevolɛma ne a, na kɔkɔbɔlɛ boni a ɛzoanvolma ne asa hanle ye a?

5. Duzu a manle ɛzonlenlɛ nu adekilevolɛma ne anye bolole a, noko duzu a zile wɔ mekɛ mɔɔ bɛvale ɛzoanvolɛma ne bɛdole efiade mɔɔ tɔ zo nwiɔ la ɛ?

6. Mekɛ mɔɔ bɛvale ɛzoanvolɛma ne bɛrale Sanhedelene asalo ɛkɛ ne la mualɛ boni a bɛvale bɛmanle a?

Kpuyia bieko:

1. Kenga Gyima ne 3:1-10.

   Ɔwɔ nuhua kɛ yɛnlɛ tumi kɛ yɛkɛyɛ nwanwane ninyɛne ɛnɛ ɛdeɛ, noko kɛzi Pita edwɛkɛ mɔɔ bɛhɛlɛ ye wɔ Gyima ne 3:6 la boa yɛ maa yɛkile anyezɔlɛ yɛmaa nvasoɛ mɔɔ wɔ Belemgbunlililɛ ne anwo edwɛkɛ ne azo ɛ? (Dwɔn 17:3; 2 Kɔl. 5:18-20; Fel. 3:8)

2. Kenga Gyima ne 4:1-31.

   Saa yɛyia dwazotia wɔ ɛzonlenlɛ gyima ne anu a, adenle boni azo a ɔwɔ kɛ yɛsukoa ɛvoya ne mɔɔ lumua la anu Keleseɛne mediema ne mɔ a? (Gyi. 4:29, 31; Ɛfɛ. 6:18-20; 1 Tɛs. 2:2)

3. Kenga Gyima ne 5:17-42.

   Kɛzi menli mɔɔ ɛnle Alasevolɛ la bie mɔ ɛla ndelebɛbo ali wɔ edwɛkɛhanlɛ gyima ne anwo wɔ mekɛ mɔɔ ɛze ɛhɔ nee ɛnɛ ɛ? (Gyi. 5:34-39)

Ɛzukoalɛdeɛ 107

1. Nwane a le Sitivin, na duzu a ɛnee Nyamenle boa ye maa ɔyɛ a?

2. Duzu edwɛkɛ a Sitivin hanle mɔɔ manle ɛzonlenlɛ nu adekilevolɛma ne vale ɛya a?

3. Mekɛ mɔɔ menli ne hwenle Sitivin hɔle suakpole ne kandiba la, duzu a bɛyɛle ye a?

4. Wɔ nvoninli ne anu, nwane a le kpavolɛ ne mɔɔ gyi adɛladeɛ ne mɔ anwo ɛkɛ ne la?

5. Duzu nzɛlɛlɛ a Sitivin vale dole Gyihova anyunlu kolaa na yeawu a?

6. Amaa yɛazukoa Sitivin la, saa awie yɛ yɛ debie ɛtane a kɛ ɔwɔ kɛ yɛyɛ ɛ?

Kpuyia bieko:

1. Kenga Gyima ne 6:8-15.

   Mɛlɛbɛla nyɛleɛ boni a ɛzonlenlɛ nu adekilevolɛma ɛva ɛli gyima ɛbɔ mɔdenle kɛ bɛtua Gyihova Alasevolɛ edwɛkɛhanlɛ gyima ne a? (Gyi. 6:9, 11, 13)

2. Kenga Gyima ne 7:1-60.

   1. (a) Duzu a boale Sitivin manle ɔzile pi ɔdendɛlɛ ɔbɔle edwɛkpa ne nolo wɔ Sanhedelene ne anyunlu a, na duzu a yɛkola yɛsukoa yɛfi neazo ɛhye anu a? (Gyi. 7:51-53; Wulo. 15:4; 2 Tem. 3:14-17; 1 Pit. 3:15)

   2. (b) Subane boni a ɔwɔ kɛ yɛnyia ye wɔ menli mɔɔ dwazo tia yɛ gyima ne la anwo a? (Gyi. 7:58-60; Mat. 5:44; Luku 23:33, 34)

Ɛzukoalɛdeɛ 108

1. Bɛhunle Sitivin bɛwiele la duzu a Sɔɔlo yɛle a?

2. Mɔɔ Sɔɔlo lua adenle ne azo ɛlɛkɔ Dɛmasekɛse la, edwɛkɛ boni a zile a?

3. Duzu a Gyisɛse hanle hilele Sɔɔlo kɛ ɔyɛ a?

4. Adehilelɛ boni a Gyisɛse vale manle Ananayase a, na kɛzi Sɔɔlo holale nwunle debie bieko ɛ?

5. Duma boni a bɛvale bɛvɛlɛ Sɔɔlo a, na kɛzi bɛvale ye bɛlile gyima ɛ?

Kpuyia bieko:

1. Kenga Gyima ne 8:1-4.

   Kɛzi kpɔdekpɔdeyɛlɛ ne mɔɔ rale Kelesɛne asafo fofolɛ ne mɔɔ ɛnee bɛde la azo la boale manle Keleseɛne diedi ne hɔle ɛleka biala ɛ, na debie mɔɔ nee ye le ko la boni a ɛzi wɔ yɛ mekɛ ye azo a? (Gyi. 8:4; Aye. 54:17)

2. Kenga Gyima ne 9:1-20.

   Gyima mɔɔ bɔ nwolɛ nsa la boni a Gyisɛse lale ye ali kɛ ɔfa yeamaa Sɔɔlo ayɛ a? (Gyi. 9:15; 13:5; 26: 1; 27:24; Wulo. 11:13)

3. Kenga Gyima ne 22:6-16.

   Kɛzi yɛkola yɛyɛ kɛ Ananayase ɛ, na duzu ati a zɔhane ɛyɛlɛ nwo hyia ɛ? (Gyi. 22:12; 1 Tem. 3:7; 1 Pit. 1:14-16; 2:12)

4. Kenga Gyima ne 26:8-20.

   Kɛzi adwenlehakyilɛ mɔɔ Sɔɔlo nyianle ye rayɛle Keleseɛnli la le anwosesebɛwulalɛ maa bɛdabɛ mɔɔ bɛ bokavolɛma ɛnle keleseɛnema la ɛnɛ ɛ? (Gyi. 26:11; 1 Tem. 1:14-16; 2 Tem. 4:2; 1 Pit. 3:1-3)

Ɛzukoalɛdeɛ 109

1. Nwane a le nrenya ne mɔɔ ɛlɛkoto azonle wɔ nvoninli ne anu la ɛ?

2. Duzu edwɛkɛ a anwumabɔvolɛ bie hanle hilele Kɔnileɛse a?

3. Mekɛ mɔɔ Pita wɔ Saemɔn sua ne ati zo anwuma wɔ Dwɔpa la, duzu a Nyamenle manle ɔnwunle ye a?

4. Duzu ati a Pita hanle hilele Kɔnileɛse kɛ ɔnle kɛ ɔkoto ɔsonle ye a?

5. Duzu a zinle Dwuu ɛdoavolɛma mɔɔ nee Pita lua la anwo a?

6. Duzu debie mɔɔ anwo hyia la a yɛsukoa yɛfi Kɔnileɛse ɛkɛ ne mɔɔ Pita hɔle la anu a?

Kpuyia bieko:

1. Kenga Gyima ne 10:1-48.

   Duzu a Pita edwɛkɛ mɔɔ wɔ Gyima ne 10:42 la da ye ali wɔ Belemgbunlililɛ ne anwo edwɛkpa ne ɛhanlɛ gyima ne anwo a? (Mat. 28:19; Maake 13:10; Gyi. 1:8)

2. Kenga Gyima ne 11:1-18.

   Mekɛ mɔɔ Gyihova adehilelɛ mɔɔ fane Maanle maanle ne mɔ anwo la ralale ali wienyi la, duzu subane a Pita lale ye ali a, na kɛzi yɛkola yɛsukoa ye neazo ne ɛ? (Gyi. 11:17, 18; 2 Kɔl. 10:5; Ɛfɛ. 5:17)

Ɛzukoalɛdeɛ 110

1. Kpavolɛ ne boni a wɔ nvoninli ne anu la, sua boni azo a ɔde a, na kɛ bɛfɛlɛ ɔ nli nee ɔ nla ɛ?

2. Mekɛ mɔɔ Pɔɔlo bizale Temɔte saa ɔkɛhulo kɛ ɔkɛboka Saelase nee Pɔɔlo anwo bɛkɛha edwɛkɛ ne bɛkɛhile menli mɔɔ wɔ moamoa la, duzu a ɔhanle a?

3. Nienwu a bɛlumua bɛvɛlɛle Gyisɛse ɛdoavolɛma ne Keleseɛnema a?

4. Mɔɔ Pɔɔlo, Saelase nee Temɔte vile Lesetɛla la, azuamgbole mɔɔ bɛhɔle zolɛ la bie mɔ a le boni?

5. Kɛzi Temɔte boale Pɔɔlo ɛ, na edwɛkɛ boni a ɔwɔ kɛ ngakula mɔɔ wɔ ɛkɛ ne ɛnɛ la biza bɛ nwo a?

Kpuyia bieko:

1. Kenga Gyima ne 9:19-30.

   Kɛzi ɛzoanvolɛ Pɔɔlo vale adwenle lile gyima wɔ mekɛ mɔɔ ɔyiale edwɛkpa ne anwo dwazotia la ɛ? (Gyi. 9:22-25, 29, 30; Mat. 10:16)

2. Kenga Gyima ne 11:19-26.

   Kɛzi edwɛkɛ mɔɔ bɛhɛlɛ ye wɔ Gyima ne 11:19-21, 26 la kile kɛ Gyihova sunsum ɛlɛkile edwɛkɛhanlɛ gyima ne adenle ɛ?

3. Kenga Gyima ne 13:13-16, 42-52.

   Kɛzi Gyima ne 13:51, 52 kile kɛ ɛdoavolɛma ne ammaa dwazotia ando bɛ sa nu ɛ? (Mat. 10:14; Gyi. 18:6; 1 Pit. 4:14)

4. Kenga Gyima ne 14:1-6, 19-28.

   Kɛzi edwɛkɛ ‘bɛdule bɛ bɛwulale Gyihova asa nu’ boa maa yɛye adwenledwenle dɔɔnwo yɛfi yɛ nwo zo wɔ mekɛ mɔɔ yɛlɛboa menli mɔɔ le fofolɛ la ɛ? (Gyi. 14:21-23; 20:32; Dwɔn 6:44)

5. Kenga Gyima ne 16:1-5.

   Kɛzi ɛhulolɛ mɔɔ Temɔte nyianle kɛ ɔbɛlɛ ɔ nwo aze yeamaa bɛayɛ ye mrenya nu nzonlɛ la si zolɛ kɛ ɔhyia kɛ ‘edwɛkpa ne ati yɛyɛ ninyɛne kɔsɔɔti’ ɛ? (Gyi. 16:3; 1 Kɔl. 9:23; 1 Tɛs. 2:8)

6. Kenga Gyima ne 18:1-11, 18-22.

   Duzu a Gyima ne 18:9, 10 kile wɔ Gyisɛse mumua ne anwo mɔɔ yeva yewula edwɛkɛhanlɛ gyima ne adehilelɛ nu la anwo a, na anwodozo boni a yemɔ maa yɛnyia ye ɛnɛ a? (Mat. 28:20)

Ɛzukoalɛdeɛ 111

1. Wɔ nvoninli ne anu, nwane a le kpavolɛ ne mɔɔ la azɛlɛ ne anwo la, na duzu edwɛkɛ a dole ye a?

2. Mɔɔ Pɔɔlo nwunle kɛ kpavolɛ ne ɛwu la duzu a ɔyɛle a?

3. Nienwu a Pɔɔlo, Temɔte yɛɛ bɛdabɛ mɔɔ bɛ nee bɛ ɛlɛtu adenle ne la hɔle a, na wɔ mekɛ mɔɔ bɛgyinlanle wɔ Maelitɛse la edwɛkɛ boni a zile a?

4. Kɔkɔbɔlɛ boni a ngapezonli Agɛbɛse vale manle Pɔɔlo a, na kɛzi ɔrale nuhua kɛmɔ ngapezonli ne hanle ye ala la ɛ?

Kpuyia bieko:

1. Kenga Gyima ne 20:7-38.

   1. (a) Kɛzi yɛkola yɛyɛ mɔɔ ‘yɛnli menli kɔsɔɔti mogya nwo ɛzonle’ kɛmɔ Pɔɔlo edwɛkɛ mɔɔ bɛhɛlɛ ye wɔ Gyi. 20:26, 27 kile la ɛ? (Yiz. 33:8; Gyi. 18:6, 7)

   2. (b) Duzu ati a ɔwɔ kɛ mgbanyima ‘sɔ nɔhalɛ edwɛkɛ ne mɔɔ bɛkola bɛfa bɛ rɛle bɛto zo’ la anu kyengye wɔ mekɛ mɔɔ bɛlɛkilehile la ɛ? (Gyi. 20:17, 29, 30; Tae. 1:7-9; 2 Tem. 1:13)

2. Kenga Gyima ne 26:24-32.

   Kɛzi Pɔɔlo vale Wulomunli mɔɔ ɔde la lile edwɛkɛhanlɛ gyima ne mɔɔ ɔnyianle ɔvile Gyisɛse ɛkɛ ne la anwo gyima ɛ? (Gyi. 9:15; 16:37, 38; 25:11, 12; 26:32; Luku 21:12, 13)

Ɛzukoalɛdeɛ 112

1. Duzu a zile ɛlɛne mɔɔ ɛnee Pɔɔlo de nu la anwo zo wɔ mekɛ mɔɔ ɛnee yebikye bɔra ne mɔɔ wɔ Kiliti la ɛ?

2. Duzu edwɛkɛ a Pɔɔlo hanle hilele bɛdabɛ mɔɔ bɛwɔ ɛlɛne ne anu la ɛ?

3. Kɛzi ɔyɛle mɔɔ ɛlɛne ne bubule ɛ?

4. Adehilelɛ boni a sogya kpanyinli ne mɔɔ nea bɛ nwo zo la vale manle a, na menli nyɛ a holale weɛle hɔle file zo a?

5. Kɛ bɛfɛlɛ bɔra ne mɔɔ bɛwɔ zolɛ la ɛ, na mɔɔ maanle nu yɛle kpalɛ la duzu a dole Pɔɔlo a?

Kpuyia bieko:

1. Kenga Gyima ne 27:1-44.

   Saa yɛkenga adenle mɔɔ Pɔɔlo dule hɔle Wulomu la anwo edwɛkɛ a kɛzi ɔmaa anwodozo mɔɔ yɛlɛ wɔ nɔhalɛ mɔɔ Baebolo nu edwɛkɛ de la anu mia ɛ? (Gyi. 27:16-19, 27-32; Luku 1:3; 2 Tem. 3:16, 17)

2. Kenga Gyima ne 28:1-14.

   Saa debie hanle menli mɔɔ wɔ Mɔleta mɔɔ sonle awozonle la manle bɛlale “ahunlunyele kpalɛ” ali bɛhile ɛzoanvolɛ Pɔɔlo nee ɔ gɔnwo mɔ mɔɔ bɛ ɛlɛne ne nwenle la a, ɛnee duzu a ɔwɔ kɛ Keleseɛnema ahonle ka bɛ maa bɛda ye ali a, na adenle boni azo a ɔwɔ kɛ bɛyɛ ye zɔ titile a? (Gyi. 28:1, 2; Hib. 13:1, 2; 1 Pit. 4:9)

Ɛzukoalɛdeɛ 113

1. Mekɛ mɔɔ Pɔɔlo la efiade wɔ Wulomu la nwane a ɔhanle edwɛkɛ ne bie ɔhilele ye a?

2. Wɔ nvoninli ne anu, nwane a le ɛyɛvolɛ ne mɔɔ de ɛkponle ne anwo la, na duzu a ɔlɛyɛ yeamaa Pɔɔlo a?

3. Ɛpafulodaetɛse a le nwane, na mekɛ mɔɔ ɔlɛsia yeahɔ Felepae la duzu a ɔvale ɔhɔle a?

4. Duzu ati a Pɔɔlo hɛlɛle kɛlata hɔmanle ɔ gɔnwo kpalɛ Faelimɔn a?

5. Mekɛ mɔɔ bɛgyakyile Pɔɔlo la duzu a ɔyɛle a, na duzu a dole ye nzinlii ye a?

6. Nwane a Gyihova manle ɔhɛlɛle Baebolo buluku ne mɔɔ li awieleɛ la a, na duzu a Yekile buluku ne ka nwolɛ edwɛkɛ a?

Kpuyia bieko:

1. Kenga Gyima ne 28:16-31 nee Felepaema 1:13.

   Kɛzi Pɔɔlo vale ye mekɛ lile gyima wɔ mekɛ mɔɔ ɛnee ɔla efiade wɔ Wulomu la ɛ, na kɛzi ye diedi ne mɔɔ ɛnee gyi kpundii la hanle Keleseɛne asafo ne ɛ? (Gyi. 28:23, 30; Fel. 1:14)

2. Kenga Felepaema 2:19-30.

   Anyezɔlɛ edwɛkɛ boni a Pɔɔlo hanle ye wɔ Temɔte nee Ɛpafulodaetɛse anwo a, na kɛzi yɛkola yɛsukoa Pɔɔlo neazo ne ɛ? (Fel. 2:20, 22, 25, 29, 30; 1 Kɔl. 16:18; 1 Tɛs. 5:12, 13)

3. Kenga Faelimɔn 1-25.

   1. (a) Duzu a Pɔɔlo luale zo dule Faelimɔn folɛ kɛ ɔyɛ debie kpalɛ a, na kɛzi ɛhye le adehilelɛ kpalɛ maa mgbanyima ɛnɛ a? (Fae. 9; 2 Kɔl. 8:8; Gal. 5:13)

   2. (b) Kɛzi Pɔɔlo edwɛkɛ mɔɔ wɔ Faelimɔn 13, 14 la kile kɛ ɛnee ɔlɛ ɛbulɛ ɔmaa mɔɔ awie mɔ suzu la wɔ asafo ne anu ɛ? (1 Kɔl. 8:7, 13; 10:31-33)

4. Kenga 2 Temɔte 4:7-9.

   Kɛzi yɛkola yɛnyia anwodozo kɛ saa yɛdi nɔhalɛ yɛkɔdwu awieleɛ a Gyihova bayila yɛ, kɛmɔ ɛzoanvolɛ Pɔɔlo yɛle la ɛ? (Mat. 24:13; Hib. 6:10)

Ɛzukoalɛdeɛ 114

1. Duzu ati a Babolo ne ka mgbɔnwɔ mɔɔ wɔ anwuma la anwo edwɛkɛ a?

2. Kɛ bɛfɛlɛ Nyamenle konle ne mɔɔ ɔ nee ɛtanevolɛma mɔɔ wɔ azɛlɛ ye azo la baho la ɛ, na konle ɛhye atiakunlukpɔkɛ a le boni?

3. Ɛnea nvoninli ne anu a, nwane a le Ahenle ne mɔɔ bali konle ne ati a, duzu ati a ɔzo abɔtile a, na duzu a ye dadeɛ ne kile a?

4. Saa yɛsia yɛnea Ɛzukoalɛdeɛ 10, 15 nee 33 ne a, duzu ati a ɔnle kɛ ɔsi yɛ nwo kɛ Nyamenle bazɛkye ɛtanevolɛma ɛ?

5. Kɛzi Ɛzukoalɛdeɛ 36 nee 76 ne maa yɛnwu ye kɛ Nyamenle bazɛkye ɛtanevolɛma saa bɔbɔ bɛkile kɛ bɛsonle ye a?

Kpuyia bieko:

1. Kenga Yekile 19:11-16.

   1. (a) Kɛzi Ngɛlɛlera ne maa ɔda ali wienyi kɛ Gyisɛse Kelaese a de ɛkpɔnwɔ fufule ne azo la ɛ? (Yek. 1:5; 3:14; 19:11; Aye. 11:4)

   2. (b) Kɛzi Gyisɛse tɛladeɛ ne mɔɔ ɛnee mogya ɛha nuhua la si zolɛ kɛ ye konimlilɛ ne le mɔɔ nvonleɛ ɛnle nu na ɔle bɔkɔɔ ɛ? (Yek. 14:18-20; 19:13)

   3. (d) Nwane mɔ a bie a bɛbaboka ɛlɔnema ne mɔɔ bɛbali Gyisɛse anzi wɔ mekɛ mɔɔ ɔbadɛnla ye ɛkpɔnwɔ fufule ne azo la anwo a? (Yek. 12:7; 19:14; Mat. 25:31, 32)

Ɛzukoalɛdeɛ 115

1. Tɛnlabelɛ boni mɔ a Baebolo ne kile kɛ yɛbanyia wɔ azɛlɛ ye azo Paladaese ne anu a?

2. Ɛwɔkɛ boni a Baebolo ɛbɔ bɛdabɛ mɔɔ bɛbadɛnla Paladaese la ɛ?

3. Mekɛ boni a Gyisɛse banlea kɛ nzenzanleɛ nwanwane ɛhye bara a?

4. Mekɛ mɔɔ Gyisɛse wɔ azɛlɛ ye azo la, duzu a ɔyɛle ɔvale ɔhilele mɔɔ ɔbayɛ kɛ Nyamenle Belemgbunlililɛ ne azo Belemgbunli a?

5. Duzu a Gyisɛse nee menli mɔɔ baboka ɔ nwo ali tumi la banlea kɛ yehɔ zo wɔ mekɛ mɔɔ bɛbali azɛlɛ ye azo tumi bɛavi anwuma la ɛ?

Kpuyia bieko:

1. Kenga Yekile 5:9, 10.

   Duzu ati a yɛkola yɛnyia anwodozo kɛ bɛdabɛ mɔɔ bɛbali azɛlɛ ye azo tumi wɔ Ɛvolɛ Apenle Tumililɛ ne anu la bɛayɛ arelemgbunli nee ɛsɔfoma mɔɔ lɛ ahunlunyele nee anwunvɔnezelɛ a? (Ɛfɛ. 4:20-24; 1 Pit. 1:7; 3:8; 5:6-10)

2. Kenga Yekile 14:1-3.

   Duzu a nɔhalɛ mɔɔ ɔde kɛ bɛhɛlɛ Selɛ ne nee Boaneralɛ ne duma wɔ menli 144,000 ne anwoma zo la kile a? (1 Kɔl. 3:23; 2 Tem. 2:19; Yek. 3:12)

Ɛzukoalɛdeɛ 116

1. Saa yɛbadɛnla aze dahuu a duzu a ɔhyia kɛ yɛnwu ye a?

2. Kɛzi yɛkola yɛsukoa Gyihova Nyamenle nee Gyisɛse anwo debie, kɛmɔ kakula raalɛ ekyi ne nee ɔ gɔnwo mɔ ɛlɛyɛ wɔ nvoninli ne anu la ɛ?

3. Buluku gyɛne boni a ɛnwu ye wɔ nvoninli ne anu a, na duzu ati a ɔwɔ kɛ yɛkenga ye dahuu a?

4. Saa yɛye Gyihova nee Gyisɛse anwo debie mɔɔ yɛsukoa la yɛsie ahane a, debie boni bieko a hyia amaa yɛanyia dahuu ngoane a?

5. Duzu debie a yɛsukoa yɛfi Ɛzukoalɛdeɛ 69 ne anu a?

6. Duzu a kakula Samoɛle neazo kɛnlɛma ne mɔɔ wɔ Ɛzukoalɛdeɛ 55 ne anu la kile a?

7. Kɛzi yɛkola yɛdi Gyisɛse Kelaese neazo ne anzi ɛ, na saa yɛyɛ ye zɔ a, duzu a yɛbahola yɛayɛ ye wɔ kenlebie a?

Kpuyia bieko:

1. Kenga Dwɔn 17:3.

   Kɛzi Ngɛlɛlera ne kile kɛ Gyihova Nyamenle nee Gyisɛse Kelaese mɔɔ yɛnwu bɛ la kile dɔɔnwo tɛla nɔhalɛ edwɛkɛ mɔɔ yɛkye yɛagua yɛ ti anu ala la ɛ? (Mat. 7:21; Gye. 2:18-20; 1 Dwɔn 2:17)

2. Kenga Edwɛndolɛ 145:1-21.

   1. (a) Ninyɛne dɔɔnwo mɔɔ yɛdua zo yɛye Gyihova ayɛlɛ la bie mɔ a le boni? (Edw. 145:8-11; Yek. 4:11)

   2. (b) Kɛzi Gyihova le “kpalɛ maa awie biala” ɛ, na kɛzi ɔwɔ kɛ ɛhye maa yɛtwe yɛbikye ye kpalɛ ɛ? (Edw. 145:9; Mat. 5:43-45)

   3. (d) Saa yɛkulo Gyihova wɔ yɛ ahonle nu a, duzu a ɔbaha yɛ yeamaa yɛayɛ a? (Edw. 119:171, 172, 175; 145:11, 12, 21)