Rä ꞌmede 1

1. ¿Habu̱ bi ehe gatꞌho yä hogä tꞌo̱tꞌe? ¿Dä za gi mängä nꞌa rä kꞌoi?

2. ¿Te bi hyoki mꞌe̱tꞌo Äjuä?

3. ¿Por hanja Äjuä xa mi mädi näꞌä rä mu̱di e̱nxe̱ bi hyoki?

4. Mää hanja mi nja rä Xiꞌmhai nu ri mu̱di (hyandi rä kꞌoi).

5. ¿Hanja bi mu̱di bi hyoki Äjuä rä Xiꞌmhai pa xä mꞌu̱i yä zuꞌue ꞌne yä jäꞌi?

Märꞌa yä ntꞌani:

1. Hñeti Jeremías 10:12.

   ¿Te mä mꞌu̱i udi Äjuä ha gatꞌho näꞌä xä hyoki? (Isa. 40:26; Rom. 11:33.)

2. Hñeti Colosenses 1:15-17, Traducción del Nuevo Mundo (NM).

   ¿Te mä ꞌme̱fi bi ja rä Hesu nuꞌmu̱ Äjuä bi hyoki gatꞌho yä tꞌo̱tꞌe, ꞌne hanja ri ꞌñehe gä handihu̱ rä Hesu?

3. Hñeti Génesis 1:1-10.

   1. ¿Habu̱ bä ehe rä Xiꞌmhai? (Gén. 1:1.)

   2. ¿Te bi hyoki Äjuä ha näꞌä rä mu̱di rä pa? (Gén. 1:3-5.)

   3. ¿Te bi hyoki Äjuä ha näꞌä rä yoho rä pa? (Gén. 1:7, 8.)

Rä ꞌmede 2

1. ¿Hanja bi hyoki Äjuä rä Xiꞌmhai pa nuju̱?

2. Äjuä bi hyoki ndunthi yä zuꞌue. ¿Dä za gi mää rꞌaa de gehyu̱? (Hyandi rä kꞌoi.)

3. ¿Por hanja näꞌä rä uädri Eden xa mi nheki mähotho?

4. ¿Hanja mi ne Äjuä xä zo̱ho̱ xä nja gatꞌho rä Xiꞌmhai?

Märꞌa yä ntꞌani:

1. Hñeti Génesis 1:11-25.

   1. ¿Te bi hyoki Äjuä ha näꞌä rä hñuu rä pa? (Gén. 1:12.)

   2. ¿Te bi hyoki Äjuä ha näꞌä rä goho rä pa? (Gén. 1:16.)

   3. ¿Te mä zuꞌue bi hyoki Äjuä ha näꞌä rä ku̱tꞌa ꞌne rä rꞌato rä pa? (Gén. 1:20, 21, 25.)

2. Hñeti Génesis 2:8, 9.

   ¿Por hanja Äjuä bi ꞌueke yoho yä zaa de nuꞌu̱ mi ja ha rä uädri pa gese̱ꞌä ꞌne pate mi jani?

Rä ꞌmede 3

1. ¿Por hanja hingä mähye̱gi näꞌä rä kꞌoi de Rä ꞌmede 3 ko näꞌä rä kꞌoi de Rä ꞌmede 2?

2. ¿Toꞌo bi hyoki näꞌä rä mu̱di ñꞌo̱ho̱ ꞌne te mä thuhu bi tꞌumbi?

3. ¿Te mä ꞌme̱fi bi umbi Äjuä rä Adan?

4. ¿Por hanja bi japi Äjuä bi ñꞌähä rä Adan?

5. ¿Hängu yä je̱ya bi tꞌembi rä Adan ꞌne rä Eba ge xä za xä mꞌu̱i, ꞌne te mä ꞌme̱fi mi ne Jeoba ge xä me̱fi nuꞌu̱?

Märꞌa yä ntꞌani:

1. Hñeti Salmo 83:18.

   ¿Ndaꞌä rä thuhu Äjuä ꞌne por hanja ho̱nse̱ꞌä ri ꞌñepi dä mända ha rä Xiꞌmhai? (Jer. 16:21; Dan. 4:17.)

2. Hñeti Génesis 1:26-31.

   1. ¿Te mä ꞌme̱fi bi uadi bi hyoki Äjuä ha näꞌä rä rꞌato rä pa, ꞌne por hanja hingä mähye̱gi nunä rä ꞌme̱fi ko näꞌä rä ꞌme̱fi bi ja nuꞌmu̱ bi hyoki yä zuꞌue? (Gén. 1:26.)

   2. ¿Te bi ꞌñembäbi Jeoba dä zi yä jäꞌi ꞌne yä zuꞌue? (Gén. 1:30.)

3. Hñeti Génesis 2:7-25.

   1. ¿Te bi me̱fi rä Adan pa njabu̱ bi za bi hñuꞌspäbi yä thuhu yä zuꞌue? (Gén. 2:19.)

   2. ¿Hanja faxkägihu̱ rä Génesis 2:24 pa gä pädihu̱ te di mbeni Jeoba de rä nthäti, de nuꞌu̱ di ñhe̱gi ꞌne de nuꞌu̱ di diborsia? (Mat. 19:4-6, 9.)

Rä ꞌmede 4

1. Hyandi rä kꞌoi. ¿Te thogi rä Adan ꞌne rä Eba?

2. ¿Por hanja Jeoba bi kastiga rä Adan ꞌne rä Eba?

3. ¿Te bi xipäbi nꞌa rä kꞌeñä rä Eba?

4. ¿Toꞌo bi japäbi dä ñä näꞌä rä kꞌeñä bi nzofo rä Eba?

5. ¿Por hanja bi jui rä Adan ꞌne rä Eba de ha näꞌä rä Uädri mi ꞌmu̱i?

Märꞌa yä ntꞌani:

1. Hñeti Génesis 2:16, 17 ꞌne 3:1-13, 24.

   1. ¿Te mä nhemhñä o nkꞌuamba bi mää näꞌä tsꞌo e̱nxe̱ kontra Jeoba? (Gén. 3:1-5; 1 Juan 5:3.)

   2. ¿Te dä za gä pädihu̱ de näꞌä rä tsꞌo kꞌoi rä Eba? (Fili. 4:8; Sant. 1:14, 15; 1 Juan 2:16.)

   3. ¿Hanja bi dädi rä Adan ꞌne rä Eba nuꞌmu̱ mi yꞌapä ngue̱nda Jeoba? (Gén. 3:12, 13.)

   4. ¿Por hanja Jeoba bi hñutsꞌi yä kerubin ha mbo̱xhyadi de rä uädri Eden? (Gén. 3:24.)

2. Hñeti Apocalipsis (Revelación) 12:9.

   ¿Te xä me̱fi rä Zithu pa njabu̱ xä japi ndunthi yä jäꞌi xä nkontraui Äjuä? (1 Juan 5:19.)

Rä ꞌmede 5

1. ¿Te mä mꞌu̱i bi me̱ꞌtsi rä Adan ꞌne rä Eba mꞌe̱fa de bi jui de ha rä uädri Eden?

2. ¿Te bi mu̱di bi thogi rä Adan ꞌne rä Eba, ꞌne por hanja?

3. ¿Por hanja bi nxita ꞌne bi du ꞌnehe nuꞌu̱ yä bätsi rä Adan ꞌne rä Eba?

4. Mu̱ rä Adan ꞌne rä Eba xä yꞌo̱te Äjuä, ¿te mä mꞌu̱i ma xä me̱ꞌtsi nuꞌu̱ ꞌne yä bätsi?

5. ¿Te mä u̱gi bi me̱ꞌtsi rä Eba ngeꞌä himbi yꞌo̱te Äjuä?

6. ¿Te mñä thuhu nuꞌu̱ yä mu̱di bätsi rä Adan ꞌne rä Eba?

7. ¿Toꞌo nuyu̱ märꞌa yä bätsi hutsꞌi ha rä kꞌoi?

Märꞌa yä ntꞌani:

1. Hñeti Génesis 3:16-23 ꞌne 4:1, 2.

   1. Mi hñäki rä jäpi Äjuä de ha rä Xiꞌmhai, ¿te mä mꞌu̱i bi me̱ꞌtsi Adan? (Gén. 3:17-19; Rom. 8:20, 22.)

   2. ¿Por hanja bi hogi bi tꞌembi Eba näꞌä mu̱di ꞌme̱hñä, ꞌne te ri bo̱ni nunä noya «näꞌä ja rä te»? (Gén. 3:20.)

   3. ¿Te mä nhuekäte bi ꞌñudi Jeoba pa ko Adan ꞌne Eba mꞌe̱fa de bi yꞌo̱tꞌe näꞌä däta tsꞌoki? (Gén. 3:7, 21.)

2. Hñeti Apocalipsis 21:3, 4.

   ¿Te mä «tꞌo̱tꞌe mi ja mä mꞌe̱tꞌo» di nehu̱ dä mꞌe̱di?

Rä ꞌmede 6

1. ¿Te mä ꞌme̱fi bi mu̱di bi ja rä Kain ꞌne rä Abel?

2. ¿Te mä hogä ntꞌuni bi hñätsꞌi rä Kain ꞌne rä Abel pa Jeoba?

3. ¿Por hanja bi ho Jeoba näꞌä rä ntꞌuni rä Abel, ꞌne por hanja himbi ho näꞌä rä ntꞌuni rä Kain?

4. ¿Te mä mꞌu̱i mi pe̱ꞌtsi rä Kain? ¿Te mä tsꞌofo bi umbäbi Jeoba rä Kain?

5. ¿Te bi me̱fi rä Kain nuꞌmu̱ bi zixä rä ku ha rä bonthi?

6. Mää te bi thogi rä Kain mꞌe̱fa de bi hyo rä ku.

Märꞌa yä ntꞌani:

1. Hñeti Génesis 4:2-26.

   1. ¿Hanja bi xipi Jeoba rä Kain ge himi ho näꞌä rä mfeni mi pe̱ꞌtsi? (Gén. 4:7.)

   2. ¿Hanja bi ꞌñudi rä Kain näꞌä mi ja ha rä koraso? (Gén. 4:9.)

   3. ¿Hanja handi Jeoba nuꞌu̱ yä hyote? (Gén. 4:10; Isa. 26:21.)

2. Hñeti 1 Juan 3:11, 12.

   1. ¿Por hanja xa bi nkue̱ rä Kain, ꞌne te mä tꞌo̱tꞌe hinxä ñho gä pe̱fihu̱? (Gén. 4:4, 5; Pro. 14:30; 28:22.)

   2. ¿Hanja udi rä Mäkä Tꞌofo ge mäske gatꞌho mä familiahu̱ hindä ne te dä bädi de Jeoba, nuju̱ dä za gä yꞌohu̱ mänjuäntho ha rä ꞌñuu Äjuä? (Sal. 27:10; Mat. 10:21, 22.)

3. Hñeti Juan 11:25.

   ¿Te mä humu̱i uni Jeoba pa gatꞌho nuꞌu̱ yä jäꞌi xä du pe bi me̱päbi rä bolunta Jeoba? (Juan 5:24, NM.)

Rä ꞌmede 7

1. ¿Por hanja rä Enok mi nꞌañꞌo de nuꞌu̱ märꞌa yä jäꞌi?

2. ¿Por hanja mi ja yä tsꞌo tꞌo̱tꞌe nuꞌu̱ yä jäꞌi mi ꞌmu̱i ha nuꞌu̱ yä pa rä Enok?

3. ¿Te mä tsꞌo tꞌo̱tꞌe mi pe̱fi yä jäꞌi? (Hyandi rä kꞌoi.)

4. ¿Por hanja rä Enok pe̱ꞌtsi te hinxä ntsu?

5. ¿Hängu nje̱ya mi ꞌmu̱i nuꞌu̱ yä jäꞌi mäyaꞌmu̱, pe hängu nje̱ya bi mꞌu̱ rä Enok?

6. ¿Te bi thogi mꞌe̱fa de bi du rä Enok?

Märꞌa yä ntꞌani:

1. Hñeti Génesis 5:21-24, 27.

   1. ¿Te mä ntsitsꞌi bi me̱ꞌtsi rä Enok ko rä Zi Dada Jeoba? (Gén. 5:24.)

   2. Ngu mängä rä Mäkä Tꞌofo, ¿toꞌo näꞌä rä ñꞌo̱ho̱ bi mꞌu̱ xi ndunthi yä je̱ya, ꞌne hängu nje̱ya mi pe̱ꞌtsi nuꞌmu̱ bi du? (Gén. 5:27.)

2. Hñeti Génesis 6:5.

   ¿Hängu rä ntsꞌomꞌu̱i bi nja ha rä Xiꞌmhai mꞌe̱fa de bi du rä Enok, ꞌne hanja mähye̱gi ko nuyu̱ yä pa di ꞌmu̱ihu̱? (2 Tim. 3:13.)

3. Hñeti Hebreos 11:5, Ár ꞌRaꞌyo Nkohi Jö (RN).

   ¿Te mä mꞌu̱i mi pe̱ꞌtsi rä Enok hänge bi «numäñho» Äjuä, ꞌne te bi thogi? (Gén. 5:22.)

4. Hñeti Judas 14, 15.

   ¿Hanja dä za yä de̱ni rä Hesu dä de̱mbäbi rä kꞌoi Enok nuꞌmu̱ di ungä ntꞌo̱de de näꞌä rä tuhni Äjuä xä ꞌñepu̱ rä thuhu Armäjedon? (2 Tim. 4:2; Heb. 13:6.)

Rä ꞌmede 8

1. ¿Te bi thogi nuꞌmu̱ rꞌa yä e̱nxe̱ bi de̱ni rä Zithu?

2. ¿Por hanja rꞌa yä e̱nxe̱ bä tsoogi nuꞌu̱ yä ꞌme̱fi mi pe̱ꞌtsi ha mähetsꞌi ꞌne bä käi pa ha rä Xiꞌmhai?

3. ¿Por hanja xä ntsꞌo näꞌä bi me̱fi nuꞌu̱ yä e̱nxe̱ nuꞌmu̱ bä käi ha rä Xiꞌmhai ꞌne bi njäꞌi?

4. ¿Por hanja mi nꞌañꞌo nuꞌu̱ yä bätsi bi me̱ꞌtsi nuꞌu̱ yä e̱nxe̱?

5. Ja ngu gi handi ha nunä rä kꞌoi, ¿te bi me̱fi nuꞌu̱ yä bätsi yä e̱nxe̱ nuꞌmu̱ bi zo̱ho̱ bi te xi yä nda däta jäꞌi?

6. Mꞌe̱fa de rä Enok, ¿toꞌo näꞌä rä ñꞌo̱ho̱ mrä hojäꞌi bi mꞌu̱ ha rä Xiꞌmhai, ꞌne por hanja Äjuä mi mädi?

Märꞌa yä ntꞌani:

1. Hñeti Génesis 6:1-8.

   ¿Hanja udi rä Génesis 6:6 ge ko näꞌä di pe̱fihu̱ dä za gä u̱mbäbihu̱ rä mfeni Jeoba? (Sal. 78:40, 41; Pro. 27:11.)

2. Hñeti Judas 6.

   ¿Hanja faxkägihu̱ mäpaya gä benihu̱ ge hingä geꞌä bi me̱fi nuꞌu̱ yä e̱nxe̱ “bä tsoogi yä mäkä mꞌu̱i” ha mähetsꞌi? (1 Cor. 3:5-9; 2 Ped. 2:4, 9, 10, NM.)

Rä ꞌmede 9

1. ¿Hängu yä jäꞌi mi ja ha rä familia rä Noe, ꞌne ndaꞌä mñä thuhu nuꞌu̱ hñuu yä tꞌu̱?

2. ¿Te mä däta tꞌo̱tꞌe bi yꞌapi Äjuä rä Noe dä hyoki, ꞌne por hanja?

3. ¿Hanja bi dädi nuꞌu̱ märꞌa yä jäꞌi nuꞌmu̱ rä Noe bi mää ge ma xä hyoki nꞌa rä arka?

4. ¿Te bi xipi Äjuä rä Noe dä me̱fi ko nuꞌu̱ yä zuꞌue?

5. Nuꞌmu̱ Äjuä bi gotꞌi rä goxthi näꞌä arka, ¿te bi me̱fi Noe ꞌne rä familia?

Märꞌa yä ntꞌani:

1. Hñeti Génesis 6:9-22.

   1. ¿Por hanja Äjuä bi zo̱ho̱ bi hyandi rä Noe ngu nꞌa rä hogä ꞌme̱go de gatꞌho nuꞌu̱ yä jäꞌi mi ꞌmu̱i? (Gén. 6:9, 22.)

   2. ¿Hanja handi Jeoba rä ntsꞌomꞌu̱i, ꞌne hanja faxkägihu̱ pa gä huahnihu̱ xä ñho näꞌä di pe̱fihu̱, di handihu̱ ꞌne näꞌä di o̱dehu̱? (Gén. 6:11, 12; Sal. 11:5.)

   3. ¿Hanja dä za gä de̱mbäbihu̱ rä kꞌoi rä Noe nuꞌmu̱ näꞌä rä hnini Jeoba xikägihu̱ näꞌä mähyoni gä pe̱fihu̱? (Gén. 6:22; 1 Juan 5:3.)

2. Hñeti Génesis 7:1-9.

   Mäske Noe bi mꞌu̱i ko rä tsꞌoki, ¿hanja di nupkä mä mfenihu̱ nuꞌmu̱ di pädihu̱ ge Jeoba bi ꞌñembi rä Noe ge mrä hogä yꞌo̱de? (Gén. 7:1; Pro. 10:16; Isa. 26:7.)

Rä ꞌmede 10

1. ¿Por hanja ya himbi za bi yu̱tꞌi yä jäꞌi ha rä arka nuꞌmu̱ bi mu̱di bi ꞌuäi?

2. ¿Hängu yä pa ꞌne hängu yä xui bi japi Jeoba bi ꞌuäi, ꞌne asta habu̱ bi ntsꞌe̱ yä dehe?

3. ¿Te bi thogi ko näꞌä rä arka nuꞌmu̱ yä dehe bi mu̱di bi goꞌmi rä Xiꞌmhai?

4. ¿Bi bongi de näꞌä rä Däta däyꞌe nuꞌu̱ yä nda däta jäꞌi? ¿Te bi thogi ko nuꞌu̱ yä nda dada?

5. Mꞌe̱fa de ku̱tꞌa nzänä, ¿te bi thogi ko näꞌä rä arka?

6. ¿Por hanja rä Noe bi hye̱gi bi bo̱ni nꞌa rä kaa de ha rä arka?

7. ¿Hanja bi bädi rä Noe ge nuꞌu̱ yä dehe ya xki gäi?

8. ¿Te bi xipi Äjuä rä Noe, nuꞌmu̱ nuni ꞌne gatꞌho rä familia xki njotꞌi ha rä arka thogi de nꞌa nje̱ya?

Märꞌa yä ntꞌani:

1. Hñeti Génesis 7:10-24.

   1. ¿Te gatꞌho bi huati Äjuä ha rä Xiꞌmhai ko näꞌä Däta däyꞌe? (Gén. 7:23.)

   2. ¿Hängu yä pa bi zitsꞌi pa bi gäi nuꞌu̱ yä dehe? (Gén. 7:24.)

2. Hñeti Génesis 8:1-17.

   ¿Hanja udi rä Génesis 8:17 ge näꞌä mi ne dä me̱fi Jeoba dende ri mu̱di ha rä Xiꞌmhai hinxä paati? (Gén. 1:22.)

3. Hñeti 1 Pedro 3:19, 20, NM.

   1. ¿Te mä kastigo bi hñäni nuꞌu̱ yä e̱nxe̱ nuꞌmu̱ bi mengi mänꞌaki ha mähetsꞌi? (Jud. 6.)

   2. Ko näꞌä rä thogi bi me̱ꞌtsi rä Noe ꞌne rä familia, ¿hanja faxkägihu̱ pa dä te mä jamfrihu̱ ha näꞌä rä tsꞌe̱di pe̱ꞌtsi Jeoba pa dä ñäni rä hnini? (2 Ped. 2:9.)

Rä ꞌmede 11

1. Ja ngu udi nunä rä kꞌoi, ¿te bi me̱fi rä Noe ngu xa bi bo̱ni de rä arka?

2. ¿Te mä mhända bi umbi Äjuä rä Noe ꞌne rä familia mꞌe̱fa de bi thogi näꞌä rä Däta däyꞌe?

3. ¿Te mä kohi bi ja Äjuä?

4. Nuꞌmu̱ di handihu̱ nꞌa rä jähni, ¿te pe̱ꞌtsi gä benihu̱?

Märꞌa yä ntꞌani:

1. Hñeti Génesis 8:18-22.

   1. ¿Te dä za gä pe̱fihu̱ mäpaya pa njabu̱ rä Zi Dada Jeoba dä zo̱mbäbi nꞌa rä “hogä ñu̱ni”? (Gén. 8:21; Heb. 13:15, 16.)

   2. ¿Te bi hyandi Jeoba ha yä koraso yä jäꞌi, ꞌne hanja mähyoni gä nsuhu̱? (Gén. 8:21; Mat. 15: 18, 19, NM.)

2. Hñeti Génesis 9:9-17.

   1. ¿Te mä kohi bi ja Jeoba ko gatꞌho nuꞌu̱ ja yä te nuua ha rä Xiꞌmhai? (Gén. 9:10, 11.)

   2. ¿Hämꞌu̱ ma dä uadi näꞌä rä kohi de rä jähni? (Gén. 9:16.)

Rä ꞌmede 12

1. ¿Toꞌo mrä Nemrod, ꞌne te bi mää Äjuä de geꞌä?

2. ¿Por hanja yä jäꞌi hoki yä ladriyo ha nunä rä kꞌoi?

3. ¿Por hanja himi ho Jeoba nunä rä to̱nꞌgu?

4. ¿Te bi me̱fi Äjuä pa nuꞌu̱ yä jäꞌi himbi sigi bi hyoki näꞌä rä to̱nꞌgu?

5. ¿Te mrä thuhu näꞌä hnini, ꞌne te ri bo̱ni näꞌä thuhuꞌä?

6. ¿Te bi me̱fi yä jäꞌi mꞌe̱fa de nuꞌmu̱ Äjuä bi patuäbi yä ñhäki?

Märꞌa yä ntꞌani:

1. Hñeti Génesis 10:1, 8-10.

   ¿Te mä mꞌu̱i bi ꞌñudi rä Nemrod, ꞌne te mä tsꞌofo di rꞌakägihu̱ rä Mäkä Tꞌofo? (Pro. 3:31.)

2. Hñeti Génesis 11:1-9.

   ¿Por hanja nuꞌu̱ yä jäꞌi bi hyoki näꞌä rä to̱nꞌgu, ꞌne por hanja hingä ma xä uadi xä hyoki? (Gén. 11:4; Pro. 16:18; Juan 5:44.)

Rä ꞌmede 13

1. ¿Te mä jäꞌi mi ꞌmu̱i ha rä hnini Ur?

2. ¿Toꞌo nuni rä ñꞌo̱ho̱ hutsꞌi ha rä kꞌoi? ¿Hämꞌu̱ bi mꞌu̱i? ¿Habu̱ mi ꞌmu̱i?

3. ¿Te bi mändabi Äjuä rä Abraan?

4. ¿Por hanja rä Abraan bi tꞌembi rä ntsitsꞌi Äjuä?

5. ¿Toꞌo bi de̱ni rä Abraan nuꞌmu̱ bi bo̱ni de Ur?

6. ¿Te bi xipi Äjuä rä Abraan nuꞌmu̱ bi zo̱ni ha rä hai Kanään?

7. ¿Te bi ñäꞌti Äjuä rä Abraan nuꞌmu̱ mi pe̱ꞌtsi 99 yä je̱ya?

Märꞌa yä ntꞌani:

1. Hñeti Génesis 11:27-32.

   1. Xi rä Abraan, ¿te mrä njaui rä Lot? (Gén. 11:27.)

   2. Mäske tꞌenä ge Tare go geꞌä bi zitsꞌi rä familia ha Kanään, ¿hanja di pädihu̱ ge Abraan go geꞌä bi gu̱tꞌi rä ꞌñuu, ꞌne por hanja bi jabu̱? (Gén. 11:31; Hech. 7:2-4.)

2. Hñeti Génesis 12:1-7.

   ¿Hanja bi japi Jeoba bi te näꞌä rä kohi xki ja ko Abraan nuꞌmu̱ bi zo̱ni ha rä hai Kanään? (Gén. 12:7.)

3. Hñeti Génesis 17:1-8, 15-17.

   1. Nuꞌmu̱ mi me̱ꞌtsi Abran 99 yä je̱ya, ¿te mä thuhu bi tꞌumbi ꞌne por hanja? (Gén. 17:5.)

   2. ¿Te mä jäpi bi ꞌñembi Jeoba rä Sara ge ma xä hñäni mꞌe̱fa? (Gén. 17:15, 16.)

4. Hñeti Génesis 18:9-19.

   1. Ha rä Génesis 18:19, ¿te di mändabi Äjuä yä dada? (Deu. 6:6, 7; Efe. 6:4.)

   2. ¿Te bi thogi Sara ꞌne hanja udi ge hinte mä tꞌo̱tꞌe dä za gä ägihu̱ de Jeoba? (Gén. 18:12, 15; Sal. 44:21.)

Rä ꞌmede 14

1. ¿Te bi ñäꞌti Äjuä rä Abraan, ꞌne hanja bi kumpli näꞌä xki ñäꞌti?

2. Ja ngu di nheki ha rä kꞌoi, ¿hanja bi tsapi Äjuä näꞌä rä jamfri mi pe̱ꞌtsi rä Abraan?

3. ¿Te bi me̱fi rä Abraan mäske himi pädi te ri bo̱ni näꞌä bi mändabi Äjuä?

4. ¿Te bi thogi nuꞌmu̱ rä Abraan bi hñäi rä juai pa xä hyo rä tꞌu̱?

5. ¿Hängu rä jamfri mi pe̱ꞌtsi rä Abraan pa ko Äjuä?

6. ¿Te bi umbäbi Äjuä rä Abraan pa bi za bi uni rä ofrenda, ꞌne hanja bi ja?

Märꞌa yä ntꞌani:

1. Hñeti Génesis 21:1-7.

   ¿Por hanja rä Abraan bi sirkunsida rä tꞌu̱ nuꞌmu̱ mi pe̱ꞌtsi hñäto yä pa de xki mꞌu̱i? (Gén. 17:10-12; 21:4.)

2. Hñeti Génesis 22:1-18.

   ¿Hanja bi ꞌñudi rä Isak ge mi o̱te rä dada, ꞌne hanja nunä rä kꞌoi bi ꞌñudi näꞌä rä däta thogi ma xä nheki mꞌe̱fa? (Gén. 22:7-9; 1 Cor. 5:7, NM; Fili. 2:8, 9, NM.)

Rä ꞌmede 15

1. ¿Por hanja bi ꞌuege rä Abraan ꞌne rä Lot?

2. ¿Por hanja rä Lot bi huahni dä ꞌmu̱i ha Sodomä?

3. ¿Te mä mꞌu̱i mi pe̱ꞌtsi nuꞌu̱ yä me Sodomä?

4. ¿Te bi xipi nuꞌu̱ yoho yä e̱nxe̱ rä Lot?

5. ¿Por hanja bi mpu̱ngä doꞌu näꞌä rä ꞌme̱hñä rä Lot?

6. ¿Te dä za gä pädihu̱ de näꞌä rä thogi bi me̱ꞌtsi rä ꞌme̱hñä rä Lot?

Märꞌa yä ntꞌani:

1. Hñeti Génesis 13:5-13.

   ¿Te dä za gä pädihu̱ de rä Abraan nuꞌmu̱ di pe̱ꞌtsihu̱ yä xuñha ko märꞌaa? (Gén. 13:8, 9; Rom. 12:10; Fili. 2:3, 4.)

2. Hñeti Génesis 18:20-33.

   Nuꞌmu̱ di handihu̱ näꞌä bi xipi Jeoba rä Abraan, ¿te mä humu̱i di rꞌakägihu̱ Jeoba ꞌne rä Hesu nuꞌmu̱ xti yꞌapäbi ngue̱nda yä mexiꞌmhai? (Gén. 18:25, 26; Mat. 25:31-33.)

3. Hñeti Génesis 19:1-29.

   1. Ja ngu di handihu̱ ha nunä rä ꞌmede de rä Mäkä Tꞌofo, ¿hanja handi Äjuä nuꞌu̱ yä jäꞌi ähui yä mi ñꞌo̱ho̱ui o nuꞌu̱ ähui yä mi ꞌme̱hñäui? (Gén. 19:5, 13; Lev. 20:13.)

   2. ¿Hanja bi dädi rä Lot ꞌne rä Abraan nuꞌmu̱ Äjuä mi xipäbi näꞌä dä me̱fi, ꞌne te dä za gä pädihu̱ de gehyu̱? (Gén. 19:15, 16, 19, 20; 22:3.)

4. Hñeti Lucas 17:28-32.

   ¿Hanja mi handi rä ꞌme̱hñä rä Lot nuꞌu̱ yä ñho mi pe̱ꞌtsi, rä nguu ꞌne rä bojä, ꞌne te dä za gä pädihu̱ de näꞌä rä tsꞌo kꞌoi? (Luc. 12:15; 17:31, 32; Mat. 6:19-21, 25.)

5. Hñeti 2 Pedro 2:6-8.

   Ja ngu rä Lot, ¿hanja ri ꞌñehe gä handihu̱ nuꞌu̱ yä tsꞌo tꞌo̱tꞌe di nheki nuua ha rä Xiꞌmhai? (Eze. 9:4; 1 Juan 2:15-17.)

Rä ꞌmede 16

1. ¿Toꞌo nuni rä ñꞌo̱ho̱ ꞌne nuni rä ꞌme̱hñä di nheki ha rä kꞌoi?

2. ¿Te bi me̱fi rä Abraan pa bi hyombäbi rä ꞌme̱hñä rä tꞌu̱, ꞌne por hanja?

3. ¿Hanja bi dädi Jeoba näꞌä rä sadi bi ja rä ꞌme̱go rä Abraan?

4. ¿Hanja bi dädi rä Rebeka nuꞌmu̱ bi tꞌanduäbi mu̱ mi ne dä nthätui rä Isak?

5. ¿Te bi japi dä johya rä Isak mänꞌaki?

Märꞌa yä ntꞌani:

1. Hñeti Génesis 24:1-67.

   1. ¿Te mä hogä mꞌu̱i bi ꞌñudi Rebeka nuꞌmu̱ bi nthe̱ui näꞌä rä ꞌme̱go rä Abraan ha rä poso? (Gén. 24:17-20; Pro. 31:17, 31.)

   2. ¿Te mä hogä kꞌoi di tinihu̱ mäpaya de näꞌä bi me̱fi rä Abraan po rä Isak? (Gén. 24:37, 38; 1 Cor. 7:39; 2 Cor. 6:14.)

   3. ¿Por hanja mähyoni gä ꞌuekehu̱ rä luga pa gä ntso̱ꞌmihu̱ ja ngu mi ja Isak? (Gén. 24:63; Sal. 77:12; Fili. 4:8.)

Rä ꞌmede 17

1. ¿Toꞌo mrä Esau ꞌne rä Jakob, ꞌne por hanja nuyu̱ mi nꞌañꞌo?

2. ¿Hängu nje̱ya mi pe̱ꞌtsi rä Esau ꞌne rä Jakob nuꞌmu̱ mi du rä Abraan?

3. ¿Te mä tꞌo̱tꞌe bi me̱fi rä Esau näꞌä bi japi xi bi durämu̱i rä dada ꞌne rä nänä?

4. ¿Por hanja bi nkue̱ ndunthi rä Esau ko rä Jakob?

5. ¿Te bi xipäbi rä Isak dä me̱fi rä Jakob?

Märꞌa yä ntꞌani:

1. Hñeti Génesis 25:5-11, 20-34.

   1. ¿Te xki mää Jeoba ge ma xä thogi ko nuꞌu̱ yoho yä tꞌu̱ rä Rebeka? (Gén. 25:23.)

   2. ¿Hanja mi handi Jakob ꞌne Esau näꞌä jäpi mi tꞌumbi nuꞌu̱ yä tꞌu̱ mädä? (Gén. 25:31-34.)

2. Hñeti Génesis 26:34, 35; 27:1-46 ꞌne 28:1-5.

   1. ¿Hanja bi ꞌñudi Esau ge himi pe̱ꞌspäbi rä tꞌekꞌei nuꞌu̱ yä mäkä tꞌo̱tꞌe Äjuä? (Gén. 26:34, 35; 27:46.)

   2. ¿Te bi mändabi rä Isak dä me̱fi rä Jakob pa njabu̱ nuni xä hñäni rä jäpi Äjuä? (Gén. 28:1-4.)

3. Hñeti Hebreos 12:16, 17.

   ¿Hanja udi rä kꞌoi rä Esau, näꞌä to̱ꞌmi nuꞌu̱ yä jäꞌi di u̱tsa nuꞌu̱ yä mäkä tꞌo̱tꞌe Äjuä?

Rä ꞌmede 18

1. ¿Toꞌo nuni rä nxutsi hutsꞌi ha rä kꞌoi, ꞌne te bi me̱fi rä Jakob por geꞌä?

2. ¿Te bi ne bi me̱fi rä Jakob pa xä za xä nthätui rä Rakel?

3. ¿Te bi yꞌo̱tꞌe rä Laban nuꞌmu̱ bi zo̱ho̱ näꞌä rä pa xki thutsꞌi pa rä Jakob ꞌne rä Rakel xä nthäti?

4. ¿Te bi me̱fi mänꞌaki rä Jakob pa bi za bi nthätui rä Rakel?

Märꞌa yä ntꞌani:

1. Hñeti Génesis 29:1-30.

   1. Mäske Laban bi ñhate, ¿hanja bi ꞌñudi Jakob ge mi ho dä me̱fi näꞌä xä ñho, ꞌne te dä za gä pädihu̱ de näꞌä rä kꞌoi? (Gén. 25:27; 29:26-28; Mat. 5:37.)

   2. ¿Hanja bi ꞌñudi näꞌä rä kꞌoi Jakob te ngu näꞌä rä mhäte xa mäjuäni de näꞌä rä mhäte hingä mäjuäni? (Gén. 29:18, 20, 30; Cant. de Cant. 8:6.)

   3. ¿Toꞌo nuꞌu̱ goho yä ꞌme̱hñä bi mꞌu̱ ha rä nguu Jakob ꞌne mꞌe̱fa bi me̱ꞌtsi yä bätsi kongeꞌu̱? (Gén. 29:23, 24, 28, 29.)

Rä ꞌmede 19

1. ¿Te mi yä thuhu nuꞌu̱ rꞌato yä tꞌu̱ bi me̱ꞌtsi Jakob ko rä Lea, näꞌä rä mu̱di ꞌme̱hñä?

2. ¿Te mñä thuhu nuꞌu̱ yoho yä tꞌu̱ bi me̱ꞌtsi Jakob ko näꞌä rä ꞌme̱go Lea mi rä thuhu Silpa?

3. ¿Te mñä thuhu nuꞌu̱ yoho yä tꞌu̱ bi me̱ꞌtsi Jakob ko näꞌä rä ꞌme̱go Rakel mi rä thuhu Bila?

4. ¿Te mñä thuhu nuꞌu̱ yä tꞌu̱ bi me̱ꞌtsi rä Rakel, ꞌne te bi thogi nuꞌmu̱ bi mꞌu̱i näꞌä rä yoho?

5. Ja ngu hutsꞌi ha rä kꞌoi, ¿hängu yä tꞌu̱ bi me̱ꞌtsi Jakob, ꞌne te mä dähni bä ehe de gehyu̱?

Märꞌa yä ntꞌani:

1. Hñeti Génesis 29:32-35; 30:1-26, ꞌne 35:16-19.

   Ja ngu di nheki yä thuhu nuꞌu̱ 12 yä tꞌu̱ rä Jakob, ¿te mä nzäi mi pe̱ꞌtsi mäyaꞌmu̱ yä ebreo nuꞌmu̱ mi hombäbi yä thuhu yä bätsi?

2. Hñeti Génesis 37:35.

   Mäske rä Mäkä Tꞌofo no̱ni se̱he̱ rä Dinä, ¿hanja di pädihu̱ ge rä Jakob bi me̱ꞌtsi märꞌa yä tꞌixu? (Gén. 37:34, 35.)

Rä ꞌmede 20

1. ¿Por hanja himi ne rä Abraan ꞌne rä Isak ge yä bätsi xä nthäti ko nuꞌu̱ yä mengu Kanään?

2. ¿Mi ho rä Jakob ge rä tꞌixu dä ntsixhui nuꞌu̱ yä nxutsi mñä mengu Kanään?

3. Hyandi rä kꞌoi, ¿toꞌo nuni rä ñꞌo̱ho̱ xa di nu̱ꞌti rä Dinä, ꞌne te mä tsꞌo tꞌo̱tꞌe bi me̱fi?

4. ¿Te bi me̱fi rä Simeon ꞌne rä Lebi, nuꞌu̱ yä ku rä Dinä nuꞌmu̱ bi bädi näꞌä xki thogi?

5. ¿Bi ho rä Jakob näꞌä bi me̱fi rä Simeon ꞌne rä Lebi?

6. ¿Hanja bi mu̱di bi me̱ꞌtsi yä xuñha rä familia Jakob?

Märꞌa yä ntꞌani:

1. Hñeti Génesis 34:1-31.

   1. ¿Ja rä mu̱di xki nthe̱ui Dinä nuꞌu̱ yä nxutsi de rä hai Kanään? Mää por hanja (Gén. 34:1).

   2. ¿Por hanja Dinä bi me̱ꞌtsi ꞌnehe rä tsꞌoki de näꞌä bi yꞌo̱tpäbi Sikem? (Gál. 6:7.)

   3. ¿Hanja yä bäsjäꞌi de mäpaya dä za dä ꞌñudi ge di jamäsu näꞌä rä tsꞌo thogi bi me̱ꞌtsi rä Dinä? (Pro. 13:20; 1 Cor. 15:33; 1 Juan 5:19.)

Rä ꞌmede 21

1. ¿Por hanja nuꞌu̱ yä ku rä Jose mi pe̱ꞌtsuäbi rä embidia, ꞌne te bi me̱fi?

2. ¿Te mi ne dä me̱fi ko rä Jose nuꞌu̱ yä ku mädä, pe te bi mängä rä Ruben?

3. ¿Te bi thogi nuꞌmu̱ bi zo̱hni rꞌa yä dai mñä ismäelita?

4. ¿Te bi me̱fi nuꞌu̱ yä ku Jose pa njabu̱ rä dada bi gamfri ge rä Jose xki du?

Märꞌa yä ntꞌani:

1. Hñeti Génesis 37:1-35.

   1. ¿Hanja dä za nuꞌu̱ yä de̱ni rä Hesu dä de̱mbäbi rä kꞌoi rä Jose nuꞌmu̱ pädi ge nꞌa rä ku de ha rä mhuntsꞌi xä me̱fi nꞌa rä tsꞌo tꞌo̱tꞌe? (Gén. 37:2; Lev. 5:1; 1 Cor. 1:11.)

   2. ¿Por hanja nuꞌu̱ yä tꞌu̱ rä Jakob bi traisionä rä Jose? (Gén. 37:11, 18; Pro. 27:4; Sant. 3:14-16.)

   3. Ja ngu rä Jakob, ¿por hanja hinxä ntsꞌo gä zonihu̱ nuꞌmu̱ tu nuꞌu̱ yä jäꞌi di mädihu̱? (Gén. 37:35.)

Rä ꞌmede 22

1. ¿Hängu nje̱ya mi pe̱ꞌtsi rä Jose nuꞌmu̱ bi tsꞌitsꞌi ha Ejipto, ꞌne te bi thogi nuꞌmu̱ mi zo̱ni?

2. ¿Por hanja bi tꞌe̱ntꞌi ha rä fadi rä Jose?

3. ¿Te mä ꞌme̱fi bi tꞌumbi rä Jose ha rä fadi?

4. ¿Te bi me̱fi rä Jose ha rä fadi po näꞌä rä hñäxä binu ꞌne näꞌä rä hyokä thuhme?

5. ¿Te bi thogi mꞌe̱fa de bi bo̱ni de rä fadi näꞌä rä hñäxä binu?

Märꞌa yä ntꞌani:

1. Hñeti Génesis 39:1-23.

   Ha yä pa rä Jose, mäske hixki tꞌofo nꞌa rä mhända habu̱ mi mää ge Äjuä di u̱tsa yä zingä medinthäti, ¿te bi matsꞌi rä Jose pa himbi yꞌo̱tꞌe näꞌä mi ne rä ꞌme̱hñä rä Potifar? (Gén. 2:24; 20:3; 39:9.)

2. Hñeti Génesis 40:1-23.

   1. Mää nꞌa tu̱i de näꞌä rä tꞌi bi me̱ꞌtsi näꞌä rä hñäxä binu, ¿te bi xipäbi Jeoba rä Jose ge ri bo̱ni näꞌä rä tꞌi? (Gén. 40:9-13.)

   2. ¿Te mä tꞌi bi me̱ꞌtsi näꞌä rä hyokä thuhme, ꞌne te mri bo̱ni? (Gén. 40:16-19.)

   3. Mää hanja näꞌä rä hogä ꞌme̱go Äjuä ꞌmu̱kua mäpaya ha rä Xiꞌmhai, xä de̱mbäbi rä kꞌoi rä Jose (Gén. 40:8; Sal. 36:9; Juan 17:17; Hech. 17:2, 3).

   4. Ko näꞌä udi rä Génesis 40:20, ¿hanja fatsꞌi nuꞌu̱ yä de̱ni rä Hesu dä hyandi yä kumpleañu ja ngu handi Äjuä? (Ecl. 7:1; Mar. 6:21-28.)

Rä ꞌmede 23

1. ¿Te bi thogi rä Faraon nꞌa rä xui?

2. ¿Por hanja näꞌä rä hñäxä binu rä Faraon bi beni rä Jose?

3. Ja ngu di nheki ha rä kꞌoi, ¿te yoho yä tꞌi bi ꞌui rä Faraon?

4. ¿Te bi mängä rä Jose ge ri bo̱ni nuꞌu̱ yä tꞌi rä Faraon?

5. ¿Hanja bi zo̱ho̱ rä Jose bi me̱ꞌtsi nꞌa rä däta nsu ha Ejipto mꞌe̱fa de rä Faraon?

6. ¿Por hanja bi ma ha Ejipto nuꞌu̱ yä ku rä Jose, ꞌne por hanja nuyu̱ himbi bädi rä Jose?

7. ¿Te mä tꞌi bi beni rä Jose, ꞌne te bi matsꞌi bi bädi?

Märꞌa yä ntꞌani:

1. Hñeti Génesis 41:1-57.

   1. ¿Hanja rä Jose bi ꞌñeꞌspäbi rä nsu Jeoba, ꞌne hanja dä za nuꞌu̱ yä de̱ni rä Hesu dä de̱mbäbi rä kꞌoi? (Gén. 41:16, 25, 28; Mat. 5:16; 1 Ped. 2:12.)

   2. ¿Hanja nuꞌu̱ yä je̱ya de gä hogä ꞌmotꞌi bi nja ha Ejipto, ri hñätsꞌi ko näꞌä thogi mäpaya ha rä hnini Jeoba? ¿Hanja nuꞌu̱ yä je̱ya de gä thuhu bi nja ha Ejipto, ri hñätsꞌi ko näꞌä thogi mäpaya nuꞌu̱ yä jamfri hingä mäjuäni? (Gén. 41:29, 30; Amós 8:11, 12.)

2. Hñeti Génesis 42:1-8 ꞌne 50:20.

   ¿Xä ñho ge yä testigo rä Jeoba dä ndäne pa dä umbi rä tꞌekꞌei nꞌa rä jäꞌi näꞌä ja rä nsu mu̱ geꞌä yä nzäi ja ha nꞌa rä dähni? (Gén. 42:6.)

Rä ꞌmede 24

1. ¿Por hanja Jose bi ꞌñembi nuꞌu̱ yä ku ge xki ma se̱he̱ pa duä handi te mä ñho mi pe̱ꞌtsi rä hnini Ejipto?

2. ¿Por hanja Jakob bi hyopi Benjamin bi ma pa ha Ejipto?

3. ¿Hanja bi zo̱ho̱ näꞌä rä kopa de gä plata ha rä rꞌo̱za Benjamin?

4. ¿Te bi ne bi me̱fi Juda pa go xä thopi xä ma Benjamin?

5. ¿Te mä mꞌu̱i xki paati nuꞌu̱ yä ku Jose?

Märꞌa yä ntꞌani:

1. Hñeti Génesis 42:9-38.

   ¿Por hanja nuꞌu̱ yä noya Jose hutsꞌi ha Génesis 42:18 uni mäpaya nꞌa rä fenäte pa gatꞌho nuꞌu̱ yä ku di su yä mhuntsꞌi ha rä hnini Jeoba? (Neh. 5:15; 2 Cor. 7:1, 2.)

2. Hñeti Génesis 43:1-34.

   1. Mäske Ruben geꞌä mrä tꞌu̱ mädä, ¿hanja di nheki ge Juda go geꞌä bi ñä po yä ku? (Gén. 43:3, 8, 9; 44:14, 18; 1 Cró. 5:2.)

   2. ¿Hanja Jose bi tsapi nuꞌu̱ yä ku ꞌne por hanja? (Gén. 43:33, 34.)

3. Hñeti Génesis 44:1-34.

   1. Pa nuꞌu̱ yä ku hinxä bädi mi toꞌoꞌä, ¿te bi mää ge mrä ꞌme̱fi Jose? (Gén. 44:5, 15; Lev. 19:26.)

   2. ¿Hanja bi ꞌñudi nuꞌu̱ yä ku Jose ge ya hingä mi embidiabi Jose? (Gén. 44:13, 33, 34.)

Rä ꞌmede 25

1. ¿Te bi thogi nuꞌmu̱ rä Jose bi xipi nuꞌu̱ yä ku mi toꞌoꞌä?

2. ¿Te bi xipi ko rä mhäte rä Jose nuꞌu̱ yä ku?

3. ¿Te bi mända rä Faraon nuꞌmu̱ bi yꞌo̱de ge yä ku rä Jose xki zo̱ho̱?

4. ¿Hängu yä jäꞌi mi ja ha rä familia rä Jakob nuꞌmu̱ bi ma pa Ejipto?

5. ¿Te mä thuhu bi tꞌumbi näꞌä rä familia rä Jakob, ꞌne por hanja?

Märꞌa yä ntꞌani:

1. Hñeti Génesis 45:1-28.

   Ko näꞌä bi thogi Jose, ¿hanja udi rä Mäkä Tꞌofo ge nuꞌmu̱ yä tsꞌo jäꞌi ne dä yꞌo̱tpäbi rä ntsꞌomꞌu̱i nuꞌu̱ yä ꞌme̱go Jeoba, Jeoba hingi hopäbi ꞌne japi go dä bo̱ni yä ñho nuꞌu̱ yä tsꞌo tꞌo̱tꞌe? (Gén. 45:5-8; Isa. 8:10; Fili. 1:12-14.)

2. Hñeti Génesis 46:1-27.

   ¿Hanja bi nupäbi rä mfeni Jeoba rä Jakob nuꞌmu̱ bi ma pa ha Ejipto? (Gén. 46:1-4, nota.)

Rä ꞌmede 26

1. ¿Toꞌo mrä Job?

2. ¿Te bi tsapi dä me̱fi rä Zithu? ¿Bi me̱fi näꞌä mi beni?

3. ¿Te bi hyopäbi Jeoba dä me̱fi rä Zithu, ꞌne por hanja?

4. ¿Por hanja rä ꞌme̱hñä rä Job bi ꞌñenä “tsani Äjuä ꞌne tu”? (Hyandi rä kꞌoi.)

5. Ngu gi handi ha nuni mä nꞌa rä kꞌoi, ¿hanja bi jäpi Jeoba rä Job, ꞌne por hanja?

6. Mu̱ nzäntho di o̱tehu̱ Jeoba ngu rä Job, ¿te mä jäpi ma gä hänihu̱?

Märꞌa yä ntꞌani:

1. Hñeti Job 1:1-22.

   ¿Hanja dä za gä de̱mbäbihu̱ rä kꞌoi Job mäpaya? (Job 1:1; Fili. 2:15; 2 Ped. 3:14, NM.)

2. Hñeti Job 2:1-13.

   Nuꞌmu̱ rä Zithu bi me̱mpäbi yä xuñha rä Job, ¿hanja bi dädi rä Job, ꞌne hanja bi dädi rä ꞌme̱hñä? (Job 2:9, 10; Pro. 19:3; Miq. 7:7; Mal. 3:14.)

3. Hñeti Job 42:10-17.

   1. ¿Hanja ri hñätsꞌi nuꞌu̱ yä jäpi bi hñäni Job ko nuꞌu̱ yä jäpi bi hñäni rä Hesu ngeꞌä nzäntho bi yꞌo̱te Äjuä? (Job 42:12; Fili. 2:9-11, RN.)

   2. ¿Hanja di nupkä mä mfenihu̱ gä pädihu̱ de nuꞌu̱ yä jäpi bi hñäni Job ngeꞌä nzäntho bi yꞌo̱te Äjuä? (Job 42:10, 12; Heb. 6:10; Sant. 1:2-4, 12; 5:11.)

Rä ꞌmede 27

1. Hyandi rä kꞌoi, ¿toꞌo nuni ñꞌo̱ho̱ di hñä nꞌa nthähi, ꞌne toꞌo nuni fe̱tꞌi?

2. Mꞌe̱fa de bi du rä Jose, ¿te bi thogi ko nuꞌu̱ yä israelita?

3. ¿Por hanja yä ejipsio bi mu̱di bi zu yä israelita?

4. ¿Te bi mändabi rä Faraon nuꞌu̱ yä ꞌme̱hñä mi fatsꞌi yä israelita dä mꞌu̱i yä bätsi?

Märꞌa yä ntꞌani:

1. Hñeti Éxodo 1:6-22.

   1. ¿Hanja bi mu̱di bi kumpli Jeoba näꞌä rä kohi xki ja ko Abraan? (Éxo. 1:7; Gén. 12:2; Hech. 7:17.)

   2. ¿Hanja bi ꞌñudi ge mi handi rä te ngu handi Äjuä nuꞌu̱ yä ꞌme̱hñä mñä ebrea mi fatsꞌi yä israelita dä mꞌu̱i yä bätsi? (Éxo. 1:17; Gén. 9:6.)

   3. ¿Te mä jäpi bi hñäni nuꞌu̱ yä ꞌme̱hñä ngeꞌä nzäntho bi yꞌo̱te Jeoba? (Éxo. 1:20, 21; Pro. 19:17.)

   4. ¿Te bi me̱fi rä Zithu pa njabu̱ hinxä zo̱ho̱ näꞌä rä Ñänte xki mängä Jeoba ha näꞌä rä kohi bi ja ko rä Abraan? (Éxo. 1:22; Mat. 2:16.)

Rä ꞌmede 28

1. ¿Toꞌo nuni rä zi ꞌue̱ne hutsꞌi ha rä kꞌoi, ꞌne toꞌo nuni xä mipäbi rä dedo?

2. ¿Te bi me̱fi rä nänä rä Moises pa njabu̱ himbi tho näꞌä rä zi ꞌue̱ne?

3. ¿Toꞌo nuni rä tꞌu̱kä nxutsi hutsꞌi ha rä kꞌoi, ꞌne te bi me̱fi?

4. Mi dini rä tꞌixu rä Faraon näꞌä rä zi ꞌue̱ne, ¿te bi xipi rä Miriam näꞌä rä tꞌixu rä Faraon?

5. ¿Te bi xipi rä tꞌixu rä Faraon näꞌä rä nänä rä Moises?

Mänꞌa rä ntꞌani:

1. Hñeti Éxodo 2:1-10.

   Mäske Moises bi te ha rä ngu Faraon, ¿hanja bi za näꞌä rä nänä bi tede ꞌne bi umbi yä hogä tsꞌofo Moises? ¿Te mä kꞌoi uni mäpaya pa nuꞌu̱ yä dada? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Rä ꞌmede 29

1. ¿Habu̱ bi te rä Moises, pe te mi pädi de nuꞌu̱ yä dada?

2. ¿Te bi yꞌo̱tꞌe rä Moises nuꞌmu̱ mi pe̱ꞌtsi 40 yä je̱ya?

3. ¿Te bi xipi Moises näꞌä israelita mi rä bo̱ka, pe hanja bi dädi?

4. ¿Por hanja rä Moises bi bo̱ni de Ejipto?

5. ¿Pa habu̱ bi ma rä Moises, ꞌne toꞌo bä pädini?

6. ¿Te bä pe̱fi rä Moises nuꞌu̱ 40 yä je̱ya bä ꞌmu̱i ha Mädian?

Märꞌa yä ntꞌani:

1. Hñeti Éxodo 2:11-25.

   Mäske po ndunthi yä je̱ya Moises bi hñäni yä mfädi de Ejipto, ¿hanja bi ꞌñudi ge xa mi mädi Jeoba ꞌne näꞌä rä hnini? (Éxo. 2:11, 12; Heb. 11:24.)

2. Hñeti Hechos 7:22-29.

   ¿Bi za bi ñäni ko rä tsꞌe̱dise̱ Moises nuꞌu̱ yä israelita pa ya himbi mꞌe̱go? ¿Te dä za gä pädihu̱ de geꞌä? (Hech. 7:23-25; 1 Ped. 5:6, 10.)

Rä ꞌmede 30

1. ¿Te rä thuhu nunä rä tꞌo̱ho̱ gi handi ha rä kꞌoi?

2. ¿Te mä däta tꞌo̱tꞌe bi hyandi rä Moises nuꞌmu̱ bi ma ko yä de̱ti ha rä tꞌo̱ho̱ Oreb?

3. ¿Toꞌo bi ñä dende ha näꞌä rä ꞌmai ꞌmini ꞌne te bi mää?

4. ¿Te bi dädi rä Moises nuꞌmu̱ Äjuä bi ꞌñembi ge dä ma pa dä ju̱kuäbi Rä hnini de Ejipto?

5. ¿Te bi xipi Äjuä rä Moises ge xä dädi nuꞌmu̱ xä tꞌambäbi toꞌo bi me̱hni?

6. ¿Hanja ma xä ꞌñudi Moises ge Äjuä go geꞌä xki me̱hni?

Märꞌa yä ntꞌani:

1. Hñeti Éxodo 3:1-22.

   Mäske rꞌabu̱ di mbenihu̱ ge xä ñhei gä jahu̱ nꞌa rä ꞌme̱fi näꞌä di mändagihu̱ Äjuä, ¿hanja näꞌä bi thogi Moises faxkägihu̱ pa gä kamfrihu̱ ge Jeoba ma dä maxkägihu̱? (Éxo. 3:11, 13; 2 Cor. 3:5, 6.)

2. Hñeti Éxodo 4:1-20.

   1. ¿Hanja bi matsꞌi Moises pa bi paati rä mfeni nuꞌu̱ 40 yä je̱ya bä ꞌmu̱i ha Mädian, ꞌne te dä za dä bädi nuꞌu̱ toꞌo ne dä me̱ꞌtsi nꞌa rä mäkä ꞌme̱fi ha rä mhuntsꞌi? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Mäske Jeoba dä zu̱kägihu̱ ꞌne dä rꞌakägihu̱ yä tsꞌofo po mäde de nuꞌu̱ di gu̱tꞌi rä ꞌñuu ha rä hnini Äjuä, ¿te mä humu̱i di rꞌakägihu̱ näꞌä rä kꞌoi Moises? (Éxo. 4:12-14; Sal. 103:14; Heb. 12:4-11.)

Rä ꞌmede 31

1. Mi ꞌñudi rä Moises ꞌne rä Aron nuꞌu̱ yä milagro, ¿te bi me̱fi nuꞌu̱ yä israelita?

2. Nuꞌmu̱ rä Moises ꞌne rä Aron bä nuu rä Faraon, ¿te bi xipi ꞌne hanja bi dädi rä Faraon?

3. Ja ngu di nheki ha rä kꞌoi, ¿te bi thogi nuꞌmu̱ rä Aron bi yꞌe̱i rä zaa ha rä hai?

4. ¿Te bi ꞌñuti Jeoba rä Faraon, ꞌne hanja bi dädi rä Faraon?

5. ¿Te bi thogi mꞌe̱fa de näꞌä rä gäxä plaga?

Märꞌa yä ntꞌani:

1. Hñeti Éxodo 4:27-31 ꞌne 5:1-23.

   ¿Te mi ne dä mää Faraon nuꞌmu̱ bi ꞌñenä: «Hindi pädi toꞌo Jeoba»? (Éxo. 5:2; 1 Sam. 2:12; Rom. 1:21.)

2. Hñeti Éxodo 6:1-13, 26-30.

   1. ¿Te himi pädi Abraan, Isak ꞌne Jakob de Jeoba? (Éxo. 3:13, 14; 6:3; Gén. 12:8.)

   2. ¿Te di pädihu̱ nuꞌmu̱ di handihu̱ ge Jeoba bi huahni Moises pa bi umbi nꞌa rä ꞌme̱fi, mäske Moises mi tsa ge hinxä za xä ja näꞌä ꞌme̱fi? (Éxo. 6:12, 30; Luc. 21:13-15.)

3. Hñeti Éxodo 7:1-13.

   1. Moises ꞌne Aron himbi ntsu nuꞌmu̱ bi ma bä xipäbi Faraon ge Jeoba ma xä me̱mpäbi yä plaga, ¿hanja dä za gä te̱mbäbihu̱ yä kꞌoi mäpaya? (Éxo. 7:2, 3, 6; Hech. 4:29-31.)

   2. ¿Hanja bi ꞌñudi Jeoba ge mänꞌa mi ja rä tsꞌe̱di ke nuꞌu̱ yä zidada yä me Ejipto? (Éxo. 7:12; 1 Cró. 29:12.)

Rä ꞌmede 32

1. Hyandi yä kꞌoi ꞌne mää ndaꞌu̱ nuꞌu̱ hñuu yä mu̱di plaga bi me̱hni Äjuä ha Ejipto.

2. ¿Por hanja mi nꞌañꞌo nuꞌu̱ hñuu yä mu̱di plaga de nuꞌu̱ märꞌaa?

3. Mää ndaꞌä näꞌä rä plaga goho, ku̱tꞌa ꞌne rꞌato.

4. Mää ndaꞌä näꞌä rä plaga yoto, hñäto ꞌne gu̱to.

5. ¿Te bi xipi Jeoba ge xä me̱fi nuꞌu̱ yä israelita änte de näꞌä rä plaga rꞌe̱tꞌa?

6. ¿Ndaꞌä näꞌä rä plaga rꞌe̱tꞌa, ꞌne te bi thogi mꞌe̱fa?

Märꞌa yä ntꞌani:

1. Hñeti Éxodo 7:19–8:23.

   1. Mäske nuꞌu̱ yä ꞌñete majhä de Ejipto bi za bi ja ꞌnehe nuꞌu̱ yoho yä mu̱di plaga bi me̱hni Jeoba, ¿te pe̱ꞌtsi bi bädi mꞌe̱fa de bi thogi näꞌä rä hñuu rä plaga? (Éxo. 8:18, 19; Mat. 12:24-28.)

   2. Ha näꞌä rä plaga goho, ¿hanja bi ꞌñudi Jeoba ge pe̱ꞌtsi rä tsꞌe̱di pa dä ñäni rä hnini, ꞌne te mä humu̱i umbi rä hnini Äjuä pa nuꞌmu̱ xti mu̱di näꞌä rä däta «tsꞌo thogi»? (Éxo. 8:22, 23; Ap. 7:13, 14; 2 Cró. 16:9.)

2. Hñeti Éxodo 8:24; 9:3, 6, 10, 11, 14, 16, 23-25, ꞌne 10:13-15, 21-23

   1. Ko nuꞌu̱ rꞌe̱tꞌa yä plaga bä pe̱hni Jeoba, ¿te bi nheki de Faraon ꞌne de nuꞌu̱ yä ꞌñete majhä? ¿Toꞌo ri hñätsꞌi mäpaya näꞌä Faraon ꞌne nuꞌu̱ yä ꞌñete majhä, ꞌne te hingi tsa dä me̱fi? (Éxo. 8:10, 18, 19; 9:14.)

   2. ¿Hanja faxkägihu̱ rä Éxodo 9:16 gä pädihu̱ por hanja Jeoba hinxä huatitho rä Zithu? (Rom. 9:21, 22.)

3. Hñeti Éxodo 12:21-32.

   ¿Hanja rä Paskua bi matsꞌi ndunthi yä jäꞌi pa himbi du, ꞌne ko nunä rä fenäte te bi ꞌñudi ge ma xä thogi mꞌe̱fa? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Rä ꞌmede 33

1. ¿Hängu yä ñꞌo̱ho̱ nuꞌu̱ mñä israelita bi bo̱ni de Ejipto ko yä ꞌme̱hñä ꞌne yä bätsi, ꞌne toꞌo märꞌa bi bo̱ni kongeꞌu̱?

2. ¿Te bi mbeni rä Faraon nuꞌmu̱ ya xki bo̱ni yä israelita de Ejipto, ꞌne te bi me̱fi?

3. ¿Te bi me̱fi Jeoba pa bi ñäni yä israelita de nuꞌu̱ yä ejipsio?

4. ¿Te bi thogi nuꞌmu̱ rä Moises bi maki rä zaa pa bi ꞌñudi rä mar Rojo, ꞌne te bi me̱fi yä israelita?

5. ¿Te bi thogi nuꞌmu̱ yä ejipsio bi yu̱tꞌi ha rä mar Rojo pa xä zu̱di yä israelita?

6. ¿Hanja bi ꞌñudi yä israelita ge xa mi johya ꞌne mi umbäbi njamädi Jeoba ngeꞌä xki ñäni de yä ejipsio?

Märꞌa yä ntꞌani:

1. Hñeti Éxodo 12:33-36.

   ¿Hanja bi matsꞌi Jeoba näꞌä rä hnini pa bi hñäni nꞌa rä njutꞌi po gatꞌho nuꞌu̱ yä je̱ya xki mꞌe̱go? (Éxo. 3:21, 22; 12:35, 36.)

2. Hñeti Éxodo 14:1-31.

   ¿Te mä humu̱i umbi mäpaya rä hnini Äjuä näꞌä bi mängä Moises ha Éxodo 14:13, 14 pa nubye̱ xti ꞌñepu̱ rä tuhni Äjuä tꞌembi Armäjedon? (2 Cró. 20:17; Sal. 91:8.)

3. Hñeti Éxodo 15:1-8, 20, 21.

   1. ¿Por hanja mähyoni gä tutuäbihu̱ yä jähñä rä Zi Dada Jeoba? (Éxo. 15:1, 2; Sal. 105:2, 3; Ap. 15:3, 4.)

   2. Mꞌe̱fa de bi thogi ha rä mar Rojo, Miriam ꞌne nuꞌu̱ märꞌa yä ꞌme̱hñä bi tutuäbi yä jähñä Jeoba, ¿hanja dä za dä de̱ni näꞌä rä kꞌoi nuꞌu̱ yä ꞌme̱hñä pe̱päbi Äjuä mäpaya? (Éxo. 15:20, 21; Sal. 68:11.)

Rä ꞌmede 34

1. Hyandi rä kꞌoi, ¿habu̱ bä ehe nuni jo yä jäꞌi ha rä hai, ꞌne te rä thuhu?

2. ¿Hängu rä mänä bi ꞌñenä rä Moises ge xä za xä go nuꞌu̱ yä israelita, ꞌne por hanja?

3. ¿Te bi xipi Jeoba ge xä me̱fi yä israelita näꞌä mbehe, ꞌne por hanja?

4. ¿Te mä milagro bi ja Jeoba nuꞌmu̱ yä israelita bi me̱ꞌtsi rä mänä pa näꞌä nsabdo?

5. ¿Hängu yä je̱ya bi ꞌuini Jeoba yä israelita ko rä mänä?

Märꞌa yä ntꞌani:

1. Hñeti Éxodo 16:1-36 ꞌne Números 11:7-9.

   1. Ja ngu udi Éxodo 16:8, ¿hanja ri ꞌñehe gä handihu̱ nuꞌu̱ yä ñꞌo̱ho̱ xä hñutsꞌi Äjuä pa dä gu̱tꞌi rä ꞌñuu ha rä mhuntsꞌi? (Heb. 13:17.)

   2. Nuꞌmu̱ mi yꞌo ha yä yꞌotꞌä hai, ¿hanja nzäntho yä israelita mi beni ge mi japäbi mꞌe̱di rä mfatsꞌi Jeoba? (Éxo. 16:14-16, 35; Deu. 8:2, 3.)

   3. ¿Te bi ꞌñenä rä Hesu ge ri hñätsꞌi rä mänä? ¿Te mä ñho di hänihu̱ de näꞌä rä «thuhme bä ehe de mähetsꞌi»? (Juan 6:31-35, 40.)

2. Hñeti Josué 5:10-12.

   ¿Hängu nje̱ya bi zi yä israelita rä mänä, ꞌne hanja kongehnä Jeoba bi tsapi näꞌä rä jamfri o näꞌä rä ñꞌeme mi pe̱ꞌtsi yä israelita? ¿Te dä za gä pädihu̱ de nunä rä thogi? (Éxo. 16:35; Núm. 11:4-6; 1 Cor. 10:10, 11.)

Rä ꞌmede 35

1. Yo nzänä mꞌe̱fa de xki bo̱ni de Ejipto, ¿habu̱ bi ntsaya yä israelita?

2. ¿Te mi ne Jeoba dä me̱fi yä israelita, ꞌne hanja bi dädi nuyu̱?

3. ¿Por hanja bi umbi Jeoba rä Moises yoho yä nxindo?

4. ¿Se̱he̱ nuꞌu̱ Rꞌe̱tꞌa yä Mhända bi umbi Jeoba yä israelita?

5. ¿Ndaꞌu̱ nuꞌu̱ yoho yä mhända bi ꞌñenä rä Hesu ge xa yä däta de gatꞌho?

Märꞌa yä ntꞌani:

1. Hñeti Éxodo 19:1-25; 20:1-21; 24:12-18; ꞌne 31:18.

   ¿Hanja faxkägihu̱ rä Éxodo 19:8 gä pädihu̱ te ri bo̱ni gä umbäbihu̱ mä tehu̱ Äjuä pa gä pe̱päbihu̱? (Mat. 16:24, NM; 1 Ped. 4:1-3.)

2. Hñeti Deuteronomio 6:4-6; Levítico 19:18, ꞌne Mateo 22:36-40, NM.

   ¿Hanja udi yä de̱ni rä Hesu ge di mädi Äjuä ꞌne rä mikꞌei? (Mar. 6:34; Hech. 4:20; Rom. 15:2.)

Rä ꞌmede 36

1. Hyandi rä kꞌoi, ¿te pe̱fi nuyu̱ yä jäꞌi, ꞌne por hanja?

2. ¿Por hanja bi nkue̱ Jeoba, ꞌne te bi me̱fi rä Moises mi hyandi näꞌä mi pe̱fi yä israelita?

3. ¿Te bi mändabi rä Moises rꞌa yä ñꞌo̱ho̱?

4. ¿Te dä za gä pädihu̱ de nunä rä thogi?

Märꞌa yä ntꞌani:

1. Hñeti Éxodo 32:1-35.

   1. Ko nunä rä thogi, ¿hanja udi ge Jeoba hingi ho gä thäntsꞌihu̱ yä jamfri hingä mäjuäni ko näꞌä rä jamfri mäjuäni? (Éxo. 32:4-6, 10; 1 Cor. 10:7, 11.)

   2. ¿Te mähyoni gä jamäsuhu̱ nuꞌmu̱ di ne gä o̱dehu̱ yä thuhu o gä neihu̱? (Éxo. 32:18, 19; Efe. 5:15, 16; 1 Juan 2:15-17.)

   3. Yä lebita bi ñäni yä mhända Äjuä, ¿te mä hogä kꞌoi bi uni pa nuju̱? (Éxo. 32:25-28; Sal. 18:25.)

Rä ꞌmede 37

1. ¿Te rä me̱ꞌä nuni hutsꞌi ha rä kꞌoi, ꞌne pate xki thoki?

2. ¿Por hanja Jeoba bi ꞌñembäbi rä Moises ge dä hyoki näꞌä rä tabernäkulo pa njabu̱ xä za xä hñäki nguntꞌä?

3. ¿Te rä me̱ꞌä nuni zi kaha ja nuni ha rä tꞌu̱kä kuarto, ꞌne te xä ꞌme̱ꞌtsini?

4. ¿Toꞌo bi huahni Jeoba de gä däta majhä, ꞌne mi ndaꞌä rä ꞌme̱fi?

5. ¿Ndaꞌu̱ nuꞌu̱ hñuu yä tꞌo̱tꞌe mi ja ha rä däta kuarto de rä tabernäkulo?

6. ¿Ndaꞌu̱ nuꞌu̱ yoho yä tꞌo̱tꞌe mi ja ha rä patio de rä tabernäkulo, ꞌne pate mi jani?

Märꞌa yä ntꞌani:

1. Hñeti Éxodo 25:8-40; 26:1-37; 27:1-8; ꞌne 28:1.

   ¿Te mi udi nuꞌu̱ yoho yä kerubin mi ja ha rä njoꞌmi «rä kaha de gä kohi»? (Éxo. 25:20, 22; Núm. 7:89; 2 Rey. 19:15.)

2. Hñeti Éxodo 30:1-10, 17-21; 34:1, 2, ꞌne Hebreos 9:1-5.

   1. ¿Por hanja Jeoba bi mändabi nuꞌu̱ yä majhä mi mpe̱fi ha rä tabernäkulo ge mähyoni di tꞌaxi yä ndoyꞌo, ꞌne te mähyoni gä pe̱fihu̱ ꞌnehe? (Éxo. 30:18-21; 40:30, 31; Heb. 10:22, RN.)

   2. ¿Hanja bi ꞌñudi rä apostol Pablo ge nuꞌmu̱ bi yꞌofo rä karta pa nuꞌu̱ yä de̱ni rä Hesu mñä ebreo, ya himi ja yä muui näꞌä rä tabernäkulo ꞌne nuꞌu̱ yä Mhända xki umbi Jeoba rä hnini Israel? (Heb. 9:1, 9; 10:1.)

Rä ꞌmede 38

1. ¿Te ngu gi handi nuyu̱ yä obxi di nheki ha rä kꞌoi? ¿Habu̱ bä hä nuyu̱ yä ñꞌo̱ho̱?

2. ¿Por hanja bi me̱hni rä Moises 12 yä ñꞌo̱ho̱ pa bä handi rä hai Kanään?

3. Mi mengi de Kanään 10 de nuꞌu̱ yä ñꞌo̱ho̱, ¿te bi xipi rä Moises?

4. ¿Hanja bi ꞌñudi yoho yä ñꞌo̱ho̱ ge mi pe̱ꞌspäbi rä jamfri Jeoba, ꞌne te mi yä thuhu?

5. ¿Por hanja xi bi nkue̱ Jeoba, ꞌne te bi xipi rä Moises?

Märꞌa yä ntꞌani:

1. Hñeti Números 13:1-33.

   1. ¿Toꞌo bri huahni pa bi ꞌme̱hni ha rä hai Kanään, ꞌne te mä hogä kꞌoi mi to̱ꞌmi Jeoba de geꞌu̱? (Núm. 13:2, 3, 18-20.)

   2. ¿Por hanja Josue ꞌne Kaleb himbi mbeni mähye̱gi ngu nuꞌu̱ mä rꞌe̱tꞌa yä ñꞌo̱ho̱, ꞌne te dä za gä pädihu̱ de geꞌu̱? (Núm. 13:28-30; Mat. 17:20; 2 Cor. 5:7.)

2. Hñeti Números 14:1-38.

   1. ¿Te bi thogi ko nuꞌu̱ bi ñä kontra Moises, ꞌne hanja ri ꞌñehe gä handihu̱ nuꞌu̱ yä ñꞌo̱ho̱ xä hñutsꞌi Jeoba ha rä hnini? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Hanja udi rä Números 14:24 ge Jeoba turämu̱i por kada nꞌa de nuju̱? (1 Rey. 19:18; Pro. 15:3.)

Rä ꞌmede 39

1. ¿Toꞌo ya himi ne ge rä Moises ꞌne rä Aron xä gu̱tꞌi rä ꞌñuu, ꞌne te bi xipäbi rä Moises?

2. ¿Te bi yꞌapi rä Moises ge dä me̱fi rä Kore ꞌne nuꞌu̱ 250 yä jäꞌi mi de̱ni?

3. ¿Te bi xipi rä Moises näꞌä rä hnini Israel, ꞌne te bi thogi mi uadi bi ñä rä Moises?

4. ¿Te bi thogi rä Kore ꞌne nuꞌu̱ 250 yä jäꞌi mi de̱ni?

5. ¿Te bi me̱fi rä Eliasar, rä tꞌu̱ rä Aron ko nuꞌu̱ yä nju̱spi de nuꞌu̱ yä ñꞌo̱ho̱ bi du, ꞌne por hanja?

6. ¿Por hanja bi japi Jeoba bi ndo̱ni rä zaa rä Aron? (Hyandi rä kꞌoi.)

Märꞌa yä ntꞌani:

1. Hñeti Números 16:1-49.

   1. ¿Te bi me̱fi Kore ꞌne nuꞌu̱ yä jäꞌi mi de̱ni, ꞌne hanja ko näꞌä bi yꞌo̱tꞌe bi ꞌñudi ge mi nkontraui Jeoba? (Núm. 16:9, 10, 18; Lev. 10:1, 2; Pro. 11:2.)

   2. ¿Te mä tsꞌo mfeni bi mu̱di bi me̱ꞌtsi Kore ꞌne nuꞌu̱ 250 yä ñꞌo̱ho̱ mñä «ñäxu de ha rä däta mhuntsꞌi»? (Núm. 16:1-3; Pro. 15:33; Isa. 49:7.)

2. Hñeti Números 17:1-11 ꞌne 26:10.

   1. ¿Te mi ne dä ꞌñudi Jeoba nuꞌmu̱ bi japi bi ndo̱ni rä zaa Aron, ꞌne por hanja bi mända ge dä ꞌme̱ꞌtsi ha rä kaha de gä kohi? (Núm. 17:5, 8, 10.)

   2. ¿Te dä za gä pädihu̱ de nuꞌmu̱ Jeoba bi japi bi ndo̱ni rä zaa Aron? (Núm. 17:10; Hech. 20:28; Fili. 2:14; Heb. 13:17.)

Rä ꞌmede 40

1. ¿Hanja bi su Jeoba yä israelita mientra nuyu̱ mi yꞌo ha yä yꞌotꞌä hai?

2. ¿Por hanja yä israelita mi ñäni kontra rä Moises nuꞌmu̱ mi yꞌo ha Kades?

3. ¿Te bi me̱fi Jeoba pa bi umbäbi rä dehe nuꞌu̱ yä israelita ꞌne yä zuꞌue?

4. Hyandi rä kꞌoi, ¿toꞌo nuni rä ñꞌo̱ho̱ di ñꞌudise̱, ꞌne por hanja?

5. ¿Por hanja bi nkue̱ Jeoba ko rä Moises ꞌne rä Aron, ꞌne te mä kastigo bi tꞌumbi?

6. ¿Te bi thogi ha rä tꞌo̱ho̱ Or, ꞌne toꞌo bi zo̱ho̱ bi ndäta majhä ha Israel?

Märꞌa yä ntꞌani:

1. Hñeti Números 20:1-13, 22-29 ꞌne Deuteronomio 29:5.

   1. ¿Te dä za gä pädihu̱ de hanja Jeoba bi su yä israelita nuꞌmu̱ bi ñꞌo ha yä yꞌotꞌä hai? (Deu. 29:5; Mat. 6:31; Heb. 13:5; Sant. 1:17.)

   2. ¿Hanja bi hyandi Jeoba nuꞌmu̱ Moises ꞌne Aron himbi ꞌñeꞌspäbi rä nsu ha yä da yä israelita? (Núm. 20:12; 1 Cor. 10:12; Ap. 4:11.)

   3. ¿Te dä za gä pädihu̱ de hanja bi dädi Moises nuꞌmu̱ Jeoba bi kastiga? (Núm. 12:3; 20:12, 27, 28; Deu. 32:4; Heb. 12:7-11.)

Rä ꞌmede 41

1. Hyandi rä kꞌoi, ¿te xä mꞌatꞌi ha rä zaa, ꞌne por hanja Jeoba bi xipi rä Moises ge ja xä to̱teni?

2. ¿Hanja bi ꞌñudi nuꞌu̱ yä israelita ge himbi umbä njamädi Äjuä por gatꞌho näꞌä xki me̱fi por geꞌu̱?

3. ¿Te bi yꞌapäbi yä jäꞌi rä Moises nuꞌmu̱ Jeoba bi me̱mpäbi yä kꞌeñä pa dä kastiga?

4. ¿Por hanja Jeoba bi xipäbi rä Moises ge dä hyoki nꞌa rä kꞌeñä de gä kobre?

5. ¿Te dä za gä pädihu̱ ko nunä rä thogi?

Märꞌa yä ntꞌani:

1. Hñeti Números 21:4-9.

   1. ¿Te bi thogi ko nuꞌu̱ yä israelita bi u̱tsa nuꞌu̱ yä jäpi xki uni Jeoba, ꞌne te utkägihu̱ nuni rä thogi? (Núm. 21:5, 6; Rom. 2:4, RN.)

   2. Mi thogi rꞌa yä nthebe yä je̱ya, ¿te bi me̱fi yä israelita ko näꞌä rä kꞌeñä de gä kobre, ꞌne te bi yꞌo̱tꞌe rä Esekias näꞌä rä ndä? (Núm. 21:9; 2 Rey. 18:1-4.)

2. Hñeti Juan 3:14, 15.

   Ko näꞌä kꞌeñä de gä kobre bi to̱te Moises ha rä zaa, ¿te bi ꞌñudi ge ma xä thogi mꞌe̱fa ko Ñhesukristo? (Gál. 3:13, NM; 1 Ped. 2:24.)

Rä ꞌmede 42

1. ¿Toꞌo Balak, ꞌne por hanja bi mända bi thoni Balam?

2. ¿Por hanja näꞌä rä burru rä Balam bi mꞌe̱ni ha rä ꞌñuu?

3. ¿Te bi yꞌo̱de rä Balam ge bi mängä näꞌä rä burru?

4. ¿Te bi mängä näꞌä rä e̱nxe̱ bi goꞌtuäbi rä ꞌñuu rä Balam?

5. ¿Te bi thogi nuꞌmu̱ rä Balam ma xä zani rä hnini Israel?

Märꞌa yä ntꞌani:

1. Hñeti Números 21:21-35.

   ¿Por hanja rä hnini Israel bi däpi Seon, näꞌä ndä de yä amorreo, ꞌne Og näꞌä mi ndä ha Basan? (Núm. 21:21, 23, 33, 34.)

2. Hñeti Números 22:1-40.

   ¿Por hanja Balam mi ne dä zani rä hnini Israel, ꞌne te dä za gä pädihu̱ de nunä rä thogi? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Hñeti Números 23:1-30.

   Mäske Balam mi ñä ngu nꞌa rä jäꞌi näꞌä mi o̱te Jeoba, ¿hanja bi ꞌñudi ko näꞌä bi me̱fi ge hingä mäjuäni? (Núm. 23:3, 11-14; 1 Sam. 15:22.)

4. Hñeti Números 24:1-25.

   ¿Hanja di nupkä mä mfenihu̱ nunä thogi de rä Mäkä Tꞌofo ge Jeoba mdä ja gatꞌho näꞌä xä mää? (Núm. 24:10; Isa. 54:17.)

Rä ꞌmede 43

1. Hyandi rä kꞌoi, ¿toꞌo nuyu̱ yoho yä ñꞌo̱ho̱ ꞌmahui rä Moises?

2. ¿Te bi xipi Jeoba rä Josue?

3. ¿Por hanja bi bo̱tsꞌe rä Moises ha rä ndehe rä tꞌo̱ho̱ Nebo, ꞌne te bi mängä Jeoba?

4. ¿Hängu nje̱ya mi pe̱ꞌtsi rä Moises nuꞌmu̱ bi du?

5. ¿Por hanja xa bi duyämu̱i yä israelita, ꞌne te mä raso mi pe̱ꞌtsi pa xä johya?

Märꞌa yä ntꞌani:

1. Hñeti Números 27:12-23.

   ¿Te mä däta ꞌme̱fi bi umbi Jeoba rä Josue, ꞌne hanja di neki mäpaya ge Jeoba di su Rä hnini? (Núm. 27:15-19; Hech. 20:28, NM; Heb. 13:7.)

2. Hñeti Deuteronomio 3:23-29.

   ¿Por hanja himbi hyopi Jeoba rä Moises ꞌne Aron xä yu̱tꞌi ha näꞌä rä Hogä Hai, ꞌne te dä za gä pädihu̱ de näꞌä thogi? (Deu. 3:25-27; Núm. 20:12, 13.)

3. Hñeti Deuteronomio 31:1-8, 14-23.

   Ko nuꞌu̱ yä gäxä noya bi xipi Moises yä israelita, ¿hanja bi ꞌñudi Moises ge himbi nkue̱ ko näꞌä kastigo bi hñäni de Jeoba? (Deu. 31:6-8, 23.)

4. Hñeti Deuteronomio 32:45-52.

   ¿Hanja dä za dä maxkägihu̱ rä Mäkä Tꞌofo ha mä mꞌu̱ihu̱? (Deu. 32:47; Lev. 18:5; Heb. 4:12.)

5. Hñeti Deuteronomio 34:1-12.

   Mäske rä Moises nunka bi zo̱ho̱ bi hyandi Jeoba, ¿te udi rä Deuteronomio 34:10 de näꞌä rä ntsitsꞌi mi pe̱ꞌtsi kongeꞌä? (Éxo. 33:11, 20; Núm. 12:8.)

Rä ꞌmede 44

1. ¿Habu̱ mi ja rä ngu rä Raab?

2. Hyandi rä kꞌoi, ¿toꞌo nuyu̱ yoho yä ñꞌo̱ho̱ ꞌne por hanja mi yꞌo ha Jeriko?

3. ¿Te bi mändabi näꞌä rä ndä mrä me Jeriko rä Raab, ꞌne te bi dädi rä Raab?

4. ¿Hanja bi matsꞌi rä Raab nuꞌu̱ yoho yä ñꞌo̱ho̱, ꞌne te bi yꞌadi rä Raab?

5. ¿Te bi jurabi nuꞌu̱ yoho yä ñꞌo̱ho̱ rä Raab?

Märꞌa yä ntꞌani:

1. Hñeti Josué 2:1-24.

   ¿Hanja bi kumpli näꞌä bi mängä Jeoba ha Éxodo 23:28 nuꞌmu̱ bi ntuhni yä israelita kontra yä me Jeriko? (Jos. 2:9-11.)

2. Hneti Hebreos 11:31.

   ¿Hanja udi rä kꞌoi Raab ge xa mähyoni gä pe̱ꞌspäbihu̱ rä jamfri Jeoba? (Rom. 1:17, NM; Heb. 10:39, NM; Sant. 2:25.)

Rä ꞌmede 45

1. ¿Te mä milagro bi ja Jeoba pa bi za bi rꞌani yä israelita ha rä däthe Jordan?

2. ¿Te pe̱ꞌtsi xä gamfri yä israelita pa njabu̱ xä za xä rꞌani ha rä däthe Jordan?

3. ¿Por hanja Jeoba bi ꞌñembi Josue ge xä goo 12 yä däta do ha rä däthe?

4. ¿Te bi thogi ngu bi bo̱ni nuꞌu̱ yä majhä de ha rä däthe Jordan?

Märꞌa yä ntꞌani:

1. Hñeti Josué 3:1-17.

   1. Ja ngu udi nunä rä thogi, ¿te mähyoni gä pe̱fihu̱ pa dä za gä hänihu̱ rä mfatsꞌi ꞌne rä jäpi Jeoba? (Jos. 3:13, 15; Pro. 3:5; Sant. 2:22, 26.)

   2. ¿Te bi thogi ko nuꞌu̱ yä dehe de rä däthe Jordan nuꞌmu̱ bi rꞌani yä israelita pa ha näꞌä rä Hogä Hai, ꞌne hanja nunä rä thogi bi nsundabi rä thuhu Jeoba? (Jos. 3:15; 4:18; Sal. 66:5-7.)

2. Hñeti Josué 4:1-18.

   ¿Pate bi mändabi Jeoba rä Josue xä goo 12 yä do ha rä däthe Jordan pa bä tsꞌogi ha Gilgal? (Jos. 4:4-7.)

Rä ꞌmede 46

1. ¿Te bi mändabi Jeoba dä me̱fi nuꞌu̱ yä soldado ꞌne nuꞌu̱ yä majhä po rꞌato yä pa?

2. ¿Te bi tꞌembi dä me̱fi nuꞌu̱ yä majhä ꞌne nuꞌu̱ yä soldado ha näꞌä rä yoto rä pa?

3. Ja ngu di nheki ha rä kꞌoi, ¿te bi thogi ko nuꞌu̱ yä jädo de rä hnini Jeriko?

4. ¿Por hanja xä tsꞌu̱ti nꞌa rä the̱ngä nthähi ha nꞌa rä bentanä?

5. ¿Te bi mändabi dä me̱fi Josue nuꞌu̱ yä soldado ko näꞌä rä hnini Jeriko ꞌne ko nuꞌu̱ yä jäꞌi, pe te bi tꞌembi xä me̱fi ko rä plata, rä oro, rä kobre ꞌne rä asero?

6. ¿Te bi tꞌembi dä me̱fi nuꞌu̱ yoho yä ñꞌo̱ho̱ xki ꞌme̱hni ha Jeriko?

Märꞌa yä ntꞌani:

1. Hñeti Josué 6:1-25.

   1. ¿Hanja näꞌä bi me̱fi nuꞌu̱ yä majhä ꞌne nuꞌu̱ yä soldado ha näꞌä rä yoto rä pa, ri hñätsꞌi ko näꞌä pe̱fi yä testigo rä Jeoba nuꞌmu̱ di ungä ntꞌo̱de rä Noya Äjuä ha nuya yä gäxä pa? (Jos. 6:15, 16; Isa. 60:22; Mat. 24:14; 1 Cor. 9:16.)

   2. Mi thogi 500 yä je̱ya, ¿hanja bi kumpli näꞌä hutsꞌi ha rä Josué 6:26, ꞌne kongehnä, te utkägihu̱ de näꞌä xä mängä Jeoba? (1 Rey. 16:34; Isa. 55:11.)

Rä ꞌmede 47

1. Hyandi rä kꞌoi, ¿toꞌo nuni rä ñꞌo̱ho̱ agi nuyu̱ yä tꞌo̱tꞌe xa ja yä muui bä hä de Jeriko, ꞌne toꞌo nuyu̱ yä jäꞌi fatsꞌi?

2. ¿Por hanja nꞌa rä däta tsꞌoki näꞌä bi me̱fi rä Akan ꞌne rä familia?

3. ¿Te bi mängä Jeoba, nuꞌmu̱ rä Josue bi yꞌambäbi por hanja yä israelita xki ꞌme̱di rä tuhni kontra rä hnini Ai?

4. ¿Te bi tꞌo̱ꞌtuäbi rä Akan ꞌne rä familia nuꞌmu̱ bi tsꞌitsꞌi ko rä Josue?

5. ¿Te utkägihu̱ näꞌä rä thogi bi me̱ꞌtsi rä Akan?

Märꞌa yä ntꞌani:

1. Hñeti Josué 7:1-26.

   1. Ko nuꞌu̱ yä sadi bi ja Josue, ¿te mä ntsitsꞌi bi ꞌñudi ge mi pe̱ꞌtsi ko rä Zi Dada Jeoba? (Jos. 7:7-9; Sal. 119:145; 1 Juan 5:14.)

   2. ¿Te bi thogi Akan nuꞌmu̱ bi hurämu̱i ge hinto mi pädi näꞌä xki me̱fi, ꞌne te utkägihu̱? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Hñeti Josué 8:1-29.

   ¿Te mähyoni gä pe̱fihu̱ kada nꞌa de gekhu̱ pa njabu̱ dä mꞌu̱i xä ntꞌaxi rä mhuntsꞌi Äjuä? (Jos. 7:13; Lev. 5:1; Pro. 28:13.)

Rä ꞌmede 48

1. ¿Hanja mi nꞌañꞌo yä me Gabaon de nuꞌu̱ yä kanäneo mi ꞌmu̱i getbu̱ de märꞌa yä hnini?

2. Ja ngu gi handi ha rä kꞌoi, ¿te bi me̱fi nuyu̱ yä gabaonita, ꞌne por hanja?

3. ¿Te mä kohi bi ja rä Josue ꞌne nuꞌu̱ märꞌa yä ñꞌo̱ho̱ mi gu̱tꞌi rä ꞌñuu ko nuꞌu̱ yä gabaonita, pe te bi da ngue̱nda mi thogi hñuu yä pa?

4. ¿Te bi me̱fi nuꞌu̱ yä ndä de märꞌa yä hnini nuꞌmu̱ bi yꞌo̱de ge yä gabaonita xki ja nꞌa rä kohi ko yä israelita pa hindä ntunkui?

Märꞌa yä ntꞌani:

1. Hñeti Josué 9:1-27.

   1. Mäske Jeoba xki mändabi yä israelita «dä huati gatꞌho nuꞌu̱ yä jäꞌi» mi ꞌmu̱i ha Kanään, ¿te mä hogä mꞌu̱i bi ꞌñudi Jeoba nuꞌmu̱ bi pumbäbi yä gabaonita? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Rä Josue bi kumpli näꞌä rä kohi xki ja ko yä gabaonita, ¿te mä hogä kꞌoi bi zoogi pa nuju̱? (Jos. 9:18, 19; Mat. 5:37; Efe. 4:25.)

2. Hñeti Josué 10:1-5.

   ¿Hanja te̱mbäbi rä kꞌoi yä gabaonita näꞌä rä däta taxo de gä jäꞌi to̱ꞌmi dä mꞌu̱i ha rä Xiꞌmhai, ꞌne te tꞌo̱tꞌpäbi ngeꞌä pe̱fi njabu̱? (Jos. 10:4; Zac. 8:23; Mat. 25:35-40; Ap. 12:17.)

Rä ꞌmede 49

1. Hyandi rä kꞌoi, ¿te mää rä Josue, ꞌne por hanja?

2. ¿Hanja rä Zi Dada Jeoba bi matsꞌi rä Josue ꞌne nuꞌu̱ yä soldado?

3. ¿Hängu yä ndä bi ntunkui rä Josue, ꞌne hängu yä je̱ya bi zitsꞌi pa bi ntäte rä Josue?

4. ¿Por hanja rä Josue bi heke näꞌä rä hai Kanään?

5. ¿Hängu nje̱ya mi pe̱ꞌtsi rä Josue nuꞌmu̱ bi du, ꞌne mꞌe̱fa, te bi me̱fi nuꞌu̱ yä israelita?

Märꞌa yä ntꞌani:

1. Hñeti Josué 10:6-15.

   ¿Hanja hubgä mä mu̱ihu̱ Jeoba, nuꞌmu̱ di pädihu̱ ge bi japi bi mꞌai rä Hyadi ꞌne rä Zänä pa bi matsꞌi yä israelita? (Jos. 10:8, 10, 12, 13; Sal. 18:3; Pro. 18:10.)

2. Hñeti Josué 12:7-24.

   ¿Toꞌo bi matsꞌi Josue pa bi däpäbi nuꞌu̱ 31 yä ndä mi yä me Kanään, ꞌne te utkägihu̱ mäpaya nuya yä thogi? (Jos. 12:7; 24:11-13; Deu. 31:8; Luc. 21:9, 25-28.)

3. Hñeti Josué 14:1-5.

   ¿Hanja bi theke näꞌä rä hai Kanään pa nuꞌu̱ yä tꞌu̱kä hnini de Israel, ꞌne kongehnä te udi ko näꞌä rä hai ma dä uni Jeoba nuꞌmu̱ xti Uädri gatꞌho rä Xiꞌmhai? (Jos. 14:2; Isa. 65:21; Eze. 47:21-23; 1 Cor. 14:33.)

4. Hñeti Jueces 2:8-13.

   Ja ngu Josue ha rä hnini Israel, ¿toꞌo hingi hopi mäpaya dä yu̱tꞌi rä apostasia ha rä hnini Äjuä? (Jue. 2:8, 10, 11; Mat. 24:45-47; 2 Tes. 2:3-6, NM; Tito 1:7-9; Ap. 1:1; 2:1, 2.)

Rä ꞌmede 50

1. ¿Toꞌo bi thutsꞌi de gä nzaya, ꞌne te mi yä thuhu rꞌa de geꞌu̱?

2. ¿Te mä däta nsu xki umbi Jeoba rä Debora, ꞌne te mi pe̱fi?

3. Nuꞌmu̱ rä Jabin ꞌne nuꞌu̱ yä soldado bä ehe pa dä ntunkui Israel, ¿te mä noya bi umbi Jeoba rä Debora pa dä xipäbi rä Barak, ꞌne toꞌo bi ꞌñenä rä Debora ge ma xä dähä näꞌä rä tuhni?

4. ¿Hanja bi ꞌñudi rä Jael ge himi tsu?

5. ¿Te bi thogi mꞌe̱fa de bi du rä Jabin?

Märꞌa yä ntꞌani:

1. Hñeti Jueces 2:14-22.

   ¿Por hanja Jeoba bi nkue̱ ko yä israelita, ꞌne te dä za gä pädihu̱ de nunä rä thogi? (Jue. 2:20; Pro. 3:1, 2; Eze. 18:21-23.)

2. Hñeti Jueces 4:1-24.

   Debora ꞌne Jael bi ꞌñudi ge himi tsu ꞌne mi pe̱ꞌspäbi ndunthi rä jamfri Jeoba, ¿te mä kꞌoi bi zoogi pa nuꞌu̱ yä ꞌme̱hñä pe̱päbi Äjuä mäpaya? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Hñeti Jueces 5:1-31.

   Ja ngu Barak ꞌne Debora bi tutuäbi nꞌa rä thuhu Jeoba nuꞌmu̱ bi dähä näꞌä rä tuhni, ¿te dä za gä adihu̱ ha mä sadihu̱ de näꞌä rä tuhni Armäjedon xä ꞌñepu̱? (Jue. 5:3, 31; 1 Cró. 16:8-10; Ap. 7:9, 10; 16:16; 19:19-21.)

Rä ꞌmede 51

1. ¿Por hanja rä Noemi xki ma dä ꞌmu̱i ha Moab?

2. ¿Toꞌo rä Rut ꞌne rä Orpa?

3. ¿Hanja bi dädi rä Rut ꞌne rä Orpa nuꞌmu̱ rä Noemi bi ꞌñembi xä mengi ha yä hai?

4. ¿Toꞌo rä Boas, ꞌne hanja bi matsꞌi rä Rut ꞌne rä Noemi?

5. ¿Te mi rä thuhu näꞌä rä tꞌu̱ rä Boas ꞌne rä Rut, ꞌne por hanja mähyoni gä benihu̱?

Märꞌa yä ntꞌani:

1. Hñeti Rut 1:1-17.

   1. ¿Te mä noya xa tsꞌu̱ngänza bi mää Rut habu̱ bi ꞌñudi ge xa mäjuäni mi mädi Noemi? (Rut 1:16, 17.)

   2. ¿Hanja näꞌä rä mhäte udi nuꞌu̱ “märꞌa yä zi de̱ti” pa ko näꞌä rä hogä ꞌme̱go Äjuä ꞌmu̱kua ha rä Xiꞌmhai, xa ri hñätsꞌi ko näꞌä rä mhäte xa mäjuäni bi ꞌñudi Rut pa ko Noemi? (Juan 10:16; Zac. 8:23.)

2. Hñeti Rut 2:1-23.

   ¿Te mä hogä kꞌoi bi zoogi Rut pa nuꞌu̱ yä nxutsi mäpaya? (Rut 2:17, 18; Pro. 23:22; 31:15.)

3. Hñeti Rut 3:5-13.

   1. Mäske Rut xä za xä nthätui nꞌa rä metsi, go bi ne bi nthäti ko Boas, ¿te ngu bi hyandi Boas näꞌä mi beni Rut?

   2. Rut bi ñhojäꞌi ko Noemi, ¿te utkägihu̱ de näꞌä rä mhäte xa mäjuäni? (Rut 3:10; 1 Cor. 13:4, 5.)

4. Hñeti Rut 4:7-17.

   ¿Hanja dä za dä de̱mbäbi rä kꞌoi Boas nuꞌu̱ yä ñꞌo̱ho̱ pe̱pi Äjuä? (Rut 4:9, 10; 1 Tim. 3:1, 12, 13; 5:8.)

Rä ꞌmede 52

1. ¿Te mä xuñha pe̱ꞌtsi yä israelita, ꞌne por hanja?

2. ¿Por hanja Jeoba bi ꞌñembäbi rä Jedeon ge mi zii xi ndunthi yä soldado?

3. Rä Jedeon bi me̱hni ha yä nguu nuꞌu̱ yä soldado mi tsu, ¿hängu yä soldado bi gohui rä Jedeon?

4. Ja ngu udi ha rä kꞌoi, ¿te bi mändabi Jeoba rä Jedeon pa bi za bi huahni nuꞌu̱ 300 yä soldado?

5. ¿Te bi me̱fi rä Jedeon ko nuꞌu̱ 300 yä soldado, ꞌne hanja bi dähä näꞌä rä tuhni?

Märꞌa yä ntꞌani:

1. Hñeti Jueces 6:36-40.

   1. ¿Te bi me̱fi Jedeon pa njabu̱ bi bädi xä ñho ndaꞌä rä bolunta Jeoba?

   2. ¿Hanja dä za gä pädihu̱ xä ñho mäpaya, ndaꞌä rä bolunta Jeoba? (Pro. 2:3-6; Mat. 7:7-11; 2 Tim. 3:16, 17.)

2. Hñeti Jueces 7:1-25.

   1. ¿Te dä za gä pädihu̱ de nuꞌu̱ 300 yä soldado mi sigi mi ñhani mientra mi tsithe? (Jue. 7:3, 6; Rom. 13:11, 12; Efe. 5:15-17.)

   2. Nuꞌu̱ 300 yä soldado bi bädi ndunthi de Jedeon nuꞌmu̱ mi handi näꞌä mi pe̱fi, ¿te dä za gä pädihu̱ ꞌnehe de näꞌä rä kꞌoi Jedeon Mädä, Ñhesukristo? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Hanja faxkägihu̱ Jueces 7:21 pa njabu̱ ko rä johya gä pe̱päbihu̱ Jeoba habu̱ go dä xikägihu̱ näꞌä rä hnini? (1 Cor. 4:2; 12:14-18; Sant. 4:10.)

3. Hñeti Jueces 8:1-3.

   Nuꞌmu̱ di pe̱ꞌtsihu̱ nꞌa rä xuñha ko nꞌa rä ku, ¿te dä za gä pädihu̱ de Jedeon nuꞌmu̱ bi me̱ꞌtsi nꞌa rä xuñha ko yä me Efrain? (Pro. 15:1; Mat. 5:23, 24; Luc. 9:48.)

Rä ꞌmede 53

1. ¿Toꞌo rä Jefte, ꞌne te mi thogi ha nuꞌu̱ yä pa bi mꞌu̱i?

2. ¿Te mä kohi bi ja rä Jefte ko rä Zi Dada Jeoba?

3. Mi däpäbi Jefte nuꞌu̱ yä amonita, ¿por hanja xi bi durämu̱i nuꞌmu̱ bi zo̱ni ha rä nguu?

4. ¿Te bi mängä näꞌä rä tꞌixu rä Jefte mi bädi de näꞌä rä kohi xki ja rä dada?

5. ¿Por hanja yä israelita xa mi mädi rä tꞌixu rä Jefte?

Märꞌa yä ntꞌani:

1. Hñeti Jueces 10:6-18.

   ¿Te bi thogi ko nuꞌu̱ yä israelita njatꞌä himbi yꞌo̱te Jeoba, ꞌne te utkägihu̱ nuyu̱ yä thogi? (Jue. 10:6, 15, 16; Rom. 15:4; Ap. 2:10.)

2. Hñeti Jueces 11:1-11, 29-40.

   1. Rä Mäkä Tꞌofo mää ge Jefte bi uni rä tꞌixu ngu «nꞌa rä ofrenda näꞌä xä tsꞌätꞌi», ¿por hanja di pädihu̱ ge Jefte himbi hyo rä tꞌixu ꞌne nixi bi tsätꞌi? (Jue. 11:31; Lev. 16:24; Deu. 18:10, 12.)

   2. ¿Por hanja tꞌenä ge Jefte bi uni rä tꞌixu ngu nꞌa ofrenda?

   3. ¿Te dä za gä pädihu̱ de Jefte nuꞌmu̱ di pädihu̱ ge bi ne bi kumpli näꞌä rä kohi xki ja ko rä Zi Dada Jeoba? (Jue. 11:35, 39; Ecl. 5:4, 5; Mat. 16:24, NM.)

   4. ¿Hanja mäpaya, yä bäsjäꞌi dä za dä de̱ni näꞌä rä kꞌoi bi zoogi rä tꞌixu Jefte, pa dä umbäbi rä te ꞌne dä me̱päbi ndunthi Jeoba? (Jue. 11:36; Mat. 6:33; Fili. 3:8.)

Rä ꞌmede 54

1. ¿Te mrä thuhu näꞌä rä ñꞌo̱ho̱ xa mi tse̱di de gatꞌho nuꞌu̱ yä ñꞌo̱ho̱ xä mꞌu̱i, ꞌne toꞌo xki umbi näꞌä rä tsꞌe̱di?

2. Hyandi rä kꞌoi, ¿te bi me̱fi rä Sanson ko nꞌa rä zate?

3. Hyandi rä kꞌoi, ¿gi pädi te xipi rä Sanson rä Dalila, ꞌne por hanja geꞌä bi japi yä filisteo bi gu̱ rä Sanson?

4. ¿Te bi me̱fi rä Sanson pa bi hyo 3,000 yä filisteo näꞌä rä pa bi du?

Märꞌa yä ntꞌani:

1. Hñeti Jueces 13:1-14.

   ¿Te mä hogä kꞌoi bi zoogi Mänoa ꞌne näꞌä rä ꞌme̱hñä pa nuꞌu̱ yä dada ꞌne yä nänä tede yä bätsi? (Jue. 13:8; Sal. 127:3; Efe. 6:4.)

2. Hñeti Jueces 14:5-9 ꞌne 15:9-16.

   1. Sanson bi hyo nꞌa zate, bi xe̱ki nuꞌu̱ yä rꞌayꞌo nthähi mi thätꞌi, ꞌne ko nꞌa rä ndoyꞌo de rä go̱ne nꞌa burru bi hyo 1,000 yä filisteo, ¿te utkägihu̱ ge dä za dä me̱fi rä mäkä tsꞌe̱di Jeoba?

   2. ¿Hanja faxkägihu̱ mäpaya rä mäkä tsꞌe̱di Äjuä? (Jue. 14:6; 15:14; Zac. 4:6; Hech. 4:31, NM.)

3. Hñeti Jueces 16:18-31.

   ¿Te bi thogi Sanson nuꞌmu̱ bi me̱ꞌtsi yä tsꞌo ntsitsꞌi, ꞌne te dä za gä pädihu̱ de näꞌä rä thogi? (Jue. 16:18, 19; 1 Cor. 15:33.)

Rä ꞌmede 55

1. ¿Te rä thuhu nuni rä zi tꞌu̱kä metsi hutsꞌi ha rä kꞌoi, ꞌne toꞌo nuyu̱ märꞌaa?

2. ¿Te mä sadi bi ja Anä nꞌa rä pa nuꞌmu̱ bi ma ha rä tabernäkulo, ꞌne hanja bi dädi Jeoba?

3. ¿Hängu nje̱ya mi pe̱ꞌtsi rä Samuel nuꞌmu̱ yä dada bä tsoogi ha rä tabernäkulo, ꞌne te mi pe̱fi rä nänä tatꞌä je̱ya?

4. ¿Te mñä thuhu nuꞌu̱ yä tꞌu̱ rä Eli, ꞌne te mi o̱tꞌe?

5. ¿Hanja bi mu̱di bi nzofo Jeoba rä Samuel, ꞌne te bi xipäbi?

6. Mi te rä Samuel, ¿te bi zo̱ho̱ bi me̱fi? ¿Te bi thogi nuꞌmu̱ bi zo̱ho̱ bi zi ndäta jäꞌi?

Märꞌa yä ntꞌani:

1. Hñeti 1 Samuel 1:1-28.

   1. Elkanä go geꞌä mi gu̱tꞌi rä ꞌñuu ha rä familia pa mi xo̱kämbeni Jeoba, ¿hanja nuꞌu̱ yä dada ꞌne yä nänä de mäpaya dä za dä de̱mbäbi rä kꞌoi? (1 Sam. 1:3, 21; Mat. 6:33; Fili. 1:10.)

   2. ¿Te dä za gä pädihu̱ de näꞌä bi me̱fi Anä nuꞌmu̱ bi me̱ꞌtsi nꞌa rä däta xuñha? (1 Sam. 1:10, 11; Sal. 55:22; Rom. 12:12, RN.)

2. Hñeti 1 Samuel 2:11-36.

   ¿Hanja bi ꞌñudi Eli ge mänꞌa mi mädi nuꞌu̱ yä tꞌu̱ ke Jeoba, ꞌne te dä za gä pädihu̱ de näꞌä rä thogi? (1 Sam. 2:22-24, 27, 29; Deu. 21:18-21; Mat. 10:36, 37.)

3. Hñeti 1 Samuel 4:16-18.

   Mää nuꞌu̱ goho yä tsꞌo noya bä thämpäbi Eli de näꞌä rä tuhni habu̱ xki ma nuꞌu̱ yä tꞌu̱, ꞌne mää te bi thogi Eli mi yꞌo̱de nuꞌu̱ yä noya.

4. Hñeti 1 Samuel 8:4-9.

   ¿Hanja rä hnini Israel bi u̱mbäbi rä mfeni Jeoba, ꞌne hanja dä za gä udihu̱ mäpaya ge di fatsꞌihu̱ rä Tsꞌu̱tꞌhui Äjuä? (1 Sam. 8:5, 7; Juan 17:16; Sant. 4:4.)

Rä ꞌmede 56

1. Hyandi rä kꞌoi, ¿te pe̱fi Samuel ꞌne por hanja?

2. ¿Por hanja Jeoba mi numäñho Saul? ¿Hanja mi nja Saul?

3. ¿Te mi rä thuhu näꞌä rä tsꞌu̱ntꞌu̱ Saul, ꞌne te bi me̱fi?

4. ¿Por hanja Saul go bi ja näꞌä rä ofrenda ꞌne himbi do̱ꞌmi Samuel pa go xä ja?

5. ¿Te utkägihu̱ näꞌä bi thogi Saul?

Märꞌa yä ntꞌani:

1. Hñeti 1 Samuel 9:15-21 ꞌne 10:17-27.

   Saul hingä mi rä ꞌñexmänsu nuꞌmu̱ bi mu̱di bi ndä, ¿hanja geꞌä bi matsꞌi pa hingä nguntꞌä bi nkue̱ ꞌne hinte bi yꞌo̱tpäbi nuꞌu̱ yä ñꞌo̱ho̱ xki zani? (1 Sam. 9:21; 10:21, 22, 27; Pro. 17:27.)

2. Hñeti 1 Samuel 13:5-14.

   ¿Te mä tsꞌoki bi me̱fi Saul ha Gilgal? (1 Sam. 10:8; 13:8, 9, 13.)

3. Hñeti 1 Samuel 15:1-35.

   1. ¿Te mä däta tsꞌoki bi me̱fi Saul nuꞌmu̱ bi ma bä ntunkui Agag, näꞌä rä ndä de Amälek? (1 Sam. 15:2, 3, 8, 9, 22.)

   2. ¿Te bi mää Saul pa njabu̱ xä kotꞌi rä tsa ꞌne go xä tho̱xä rä thai märꞌaa de näꞌä rä tsꞌoki xki me̱fi? (1 Sam. 15:24.)

   3. ¿Te dä za gä pädihu̱ ko näꞌä bi thogi Saul, ꞌne hanja ri ꞌñehe gä thädihu̱ nuꞌmu̱ di tꞌakägihu̱ nꞌa rä tsꞌofo? (1 Sam. 15:19-21; Sal. 141:5; Pro. 9:8, 9; 11:2.)

Rä ꞌmede 57

1. Hyandi rä kꞌoi, ¿te rä thuhu nuni metsi ꞌne hanja di pädihu̱ ge himi tsu?

2. ¿Habu̱ mi ꞌmu̱i Dabid, ꞌne te mi rä thuhu rä dada ꞌne rä xita?

3. ¿Por hanja Jeoba bi ꞌñembäbi Samuel ge dä ma ha Belen ha rä ngu Jese?

4. ¿Te bi thogi nuꞌmu̱ Jese bä tsimpäbi Samuel yoto de nuꞌu̱ yä tꞌu̱?

5. ¿Te bi xipi Jeoba Samuel nuꞌmu̱ bä tsꞌimpäbi Dabid?

Märꞌa yä ntꞌani:

1. Hñeti 1 Samuel 17:34, 35.

   ¿Hanja udi nuya yä thogi ge Dabid himi tsu ꞌne mi pe̱ꞌspäbi ndunthi rä jamfri Jeoba? (1 Sam. 17:37.)

2. Hñeti 1 Samuel 16:1-14.

   1. ¿Hanja faxkägihu̱ näꞌä bi mää Jeoba ha 1 Samuel 16:7 pa njabu̱ gä handihu̱ gatꞌho yä jäꞌi ja ngu handi Jeoba? (Hech. 10:34, 35; 1 Tim. 2:4.)

   2. Ko näꞌä bi thogi Saul, ¿hanja udi ge nuꞌmu̱ Jeoba häki rä mäkä tsꞌe̱di de nꞌa rä jäꞌi, dä za dä yu̱tꞌi ha rä ñä yä tsꞌo mfeni pa dä me̱fi näꞌä xä ntsꞌo? (1 Sam. 16:14; Mat. 12:43-45; Gál. 5:16, NM.)

Rä ꞌmede 58

1. ¿Te mi xipäbi Goliat nuꞌu̱ yä soldado mi yä israelita?

2. ¿Mi te ngu rä ñhetsꞌi Goliat, ꞌne te ma xä uni Saul pa näꞌä toꞌo xä hyo Goliat?

3. ¿Hanja bi dädi Dabid nuꞌmu̱ Saul bi ꞌñembäbi ge mi bätsitho pa xä ntunkui Goliat?

4. ¿Hanja bi ꞌñudi Dabid ge mi ñꞌeme o mi kamfri ndunthi Jeoba nuꞌmu̱ bi däti Goliat?

5. Ja ngu di nheki ha rä kꞌoi, ¿ko te bi hyo Dabid näꞌä Goliat, ꞌne te bi yꞌo̱tꞌe nuꞌu̱ märꞌa yä filisteo?

Märꞌa yä ntꞌani:

1. Hñeti 1 Samuel 17:1-54.

   1. ¿Te mi fatsꞌi Dabid pa hingä mi tsu, ꞌne hanja dä za gä de̱mbäbihu̱ rä kꞌoi? (1 Sam. 17:37, 45; Efe. 6:10, 11.)

   2. Nuꞌmu̱ ñꞌeni nuꞌu̱ yä de̱ni rä Hesu, ¿por hanja hinxä ñho dä ne dä ntäte ja ngu mi nja rä Goliat? (1 Sam. 17:8; Gál. 5:26; 1 Tim. 4:8, NM.)

   3. ¿Hanja näꞌä bi mää Dabid udi ge mi kamfri ge Jeoba ma xä matsꞌi? (1 Sam. 17:45-47; 2 Cró. 20:15.)

   4. Näꞌä tuhni bi me̱ꞌtsi Dabid ꞌne Goliat, ¿hanja udi ge näꞌä mi rä tuhni rä Zi Dada Jeoba ko nuꞌu̱ yä zidada hingä mäjuäni? (1 Sam. 17:43, 46, 47.)

   5. ¿Hanja udi nuꞌu̱ yä jäꞌi ma dä ma ha mähetsꞌi ge pe̱ꞌspäbi ndunthi rä jamfri Jeoba ja ngu bi ja Dabid? (1 Sam. 17:37; Jer. 1:17-19; Ap. 12:17.)

Rä ꞌmede 59

1. ¿Por hanja Saul mi embidia Dabid? ¿Hanja Jonätan hingä mi ngu rä dada?

2. ¿Te bi thogi nꞌa rä pa nuꞌmu̱ Dabid mi pe̱i rä ꞌmida pa Saul?

3. ¿Te bi xipi Saul ge xä me̱fi Dabid pa xä za xä nthäti ko näꞌä rä tꞌixu mi rä thuhu Mikal, ꞌne por hanja?

4. Hyandi rä kꞌoi, ¿te bi thogi po rä hñuu rä mꞌiki nuꞌmu̱ Dabid mi pe̱i rä ꞌmida pa Saul?

5. ¿Te bi me̱fi Mikal pa bi ñäni Dabid? ¿Te bi me̱fi Dabid po yoto nje̱ya?

Märꞌa yä ntꞌani:

1. Hñeti 1 Samuel 18:1-30.

   1. Jonätan xa mi mädi ndunthi Dabid, ¿hanja näꞌä mhäte bi ꞌñudi Jonätan pa ko Dabid, geꞌä mhäte udi ꞌnehe nuꞌu̱ “märꞌa yä zi de̱ti” pa ko näꞌä «zi tꞌu̱kä taxo»? (1 Sam. 18:1; Juan 10:16; Luc. 12:32; Zac. 8:23.)

   2. Saul go ma xä zokuäbi Jonätan näꞌä rä nsu de gä ndä, pe ¿hanja udi rä 1 Samuel 18:4 ge Jonätan mi ꞌmu̱i pa dä yꞌo̱te näꞌä rꞌayꞌo ndä xki huahni Äjuä?

   3. Ko näꞌä bi thogi Saul, ¿hanja udi ge rä embidia dä za dä jakägihu̱ gä o̱tꞌehu̱ yä däta tsꞌoki? ¿Te dä za gä pädihu̱ de näꞌä thogiꞌä? (1 Sam. 18:7-9, 25; Sant. 3:14-16.)

2. Hñeti 1 Samuel 19:1-17.

   ¿Por hanja xä za te xä tꞌo̱tꞌpäbi Jonätan nuꞌmu̱ bi ma bä ñäui Saul? (1 Sam. 19:1, 4-6; Pro. 16:14.)

Rä ꞌmede 60

1. Hyandi rä kꞌoi, ¿te rä thuhu nuni ꞌme̱hñä? ¿Mi te nguꞌä Abigail?

2. ¿Toꞌo Näbal?

3. ¿Por hanja Dabid bi me̱hni rꞌa yä ñꞌo̱ho̱ pa dä apäbi rä mfatsꞌi Näbal?

4. ¿Te bi xipi Näbal nuꞌu̱ yä mꞌe̱hni Dabid, ꞌne te bi me̱fi Dabid?

5. ¿Hanja bi ꞌñudi Abigail ge xa mi ja rä mfädi?

Märꞌa yä ntꞌani:

1. Hñeti 1 Samuel 22:1-4.

   ¿Hanja dä za gä de̱mbäbihu̱ näꞌä rä hogä kꞌoi bi ꞌñudi rä familia Dabid pa gä mfatsꞌihu̱ nꞌa ngu mänꞌa ha rä hnini Äjuä? (Pro. 17:17; 1 Tes. 5:14.)

2. Hñeti 1 Samuel 25:1-43.

   1. ¿Por hanja rä Mäkä Tꞌofo no̱ni xi xä ntsꞌo Näbal? (1 Sam. 25:2-5, 10, 14, 21, 25.)

   2. ¿Te dä za dä bädi nuꞌu̱ yä ꞌme̱hñä xä nthäti ꞌne pe̱päbi Äjuä de näꞌä rä hogä kꞌoi bi zoogi Abigail? (1 Sam. 25:32, 33; Pro. 31:26; Efe. 5:24.)

   3. ¿Gi pädi ndañꞌä nuꞌu̱ yoho yä tsꞌo tꞌo̱tꞌe ma xä me̱fi Dabid mu̱ Abigail hinxä hñäkuäbi? (1 Sam. 25:31, 33; Rom. 12:19; Efe. 4:26.)

   4. ¿Hanja bi dädi Dabid nuꞌmu̱ Abigail bi ma bä ñä kongeꞌä? ¿Hanja fatsꞌi yä ñꞌo̱ho̱ nunä thogi pa dä hyandi yä ꞌme̱hñä ja ngu handi Jeoba? (Hech. 21:8, 9; Rom. 2:11, RN; 1 Ped. 3:7.)

Rä ꞌmede 61

1. ¿Te bi me̱fi Dabid ꞌne Abisai mientra Saul mi ähä?

2. ¿Te bi yꞌambäbi Dabid rä Saul?

3. ¿Habu̱ bi ma Dabid mꞌe̱fa de bi ñäui Saul?

4. ¿Por hanja Dabid xa bi durämu̱i ꞌne bi yꞌofo nꞌa rä thuhu xa mähotho?

5. ¿Hängu nje̱ya mi pe̱ꞌtsi Dabid nuꞌmu̱ bi zo̱ho̱ bi ndä ha Ebron? ¿Te mi yä thuhu rꞌa de nuꞌu̱ yä tsꞌu̱ntꞌu̱?

6. ¿Habu̱ bi mända mꞌe̱fa Dabid?

Märꞌa yä ntꞌani:

1. Hñeti 1 Samuel 26:1-25.

   1. Ko näꞌä bi mää Dabid ha 1 Samuel 26:11, ¿hanja mi handi Dabid näꞌä rä ndä xki hñutsꞌi Äjuä ha rä hnini? (Sal. 37:7; Rom. 13:2.)

   2. Mu̱ di udihu̱ rä ñhojäꞌi pa ko märꞌaa, ꞌne hindi tꞌakägihu̱ njamädi, ¿hanja dä za dä maxkägihu̱ näꞌä bi mää Dabid ha 1 Samuel 26:23 pa gä pe̱fihu̱ nzäntho näꞌä xä ñho? (1 Rey. 8:32; Sal. 18:20.)

2. Hñeti 2 Samuel 1:26.

   ¿Hanja nuꞌu̱ yä de̱ni rä Hesu dä za dä mädi nꞌa ngu mänꞌa ja ngu mi mädi Dabid ꞌne Jonätan? (1 Ped. 4:8; Col. 3:14; 1 Juan 4:12.)

3. Hñeti 2 Samuel 5:1-10.

   1. ¿Hängu nje̱ya bi mända Dabid? ¿Habu̱ gatꞌho ꞌne hängu nje̱ya bi mända ha kada nꞌa de nuꞌu̱ yä hnini? (2 Sam. 5:4, 5.)

   2. ¿Por hanja Dabid bi zo̱ho̱ bi me̱ꞌtsi yä däta nsu, ꞌne te mähyoni gä benihu̱ mäpaya? (2 Sam. 5:10; 1 Sam. 16:13; 1 Cor. 1:31; Fili. 4:13, NM.)

Rä ꞌmede 62

1. Ko rä mfatsꞌi Jeoba, ¿te bi uadi bi thogi ha näꞌä hai Kanään?

2. ¿Te bi thogi nꞌa rä ndee nuꞌmu̱ Dabid mi to̱ge ha rä palasio?

3. ¿Por hanja xa bi nkue̱ ndunthi rä Zi Dada Jeoba ko Dabid?

4. Hyandi rä kꞌoi, ¿toꞌo nuni ñꞌo̱ho̱ bi me̱hni Jeoba pa dä ñäui Dabid po nuꞌu̱ yä tsꞌoki xki me̱fi, ꞌne te bi xipi ge ma xä thogi?

5. ¿Te mä däta xuñha bi thogi Dabid?

6. ¿Toꞌo bi zo̱ho̱ bi ndä ha Israel mꞌe̱fa de bi du Dabid?

Märꞌa yä ntꞌani:

1. Hñeti 2 Samuel 11:1-27.

   1. ¿Hanja faxkägihu̱ ꞌne sugägihu̱ mu̱ nzäntho di honihu̱ hanja gä pe̱päbihu̱ rä bolunta rä Zi Dada Jeoba?

   2. ¿Te bi japi Dabid bi dagi ha yä tsꞌoki, ꞌne te dä za gä pädihu̱ de näꞌä bi thogi Dabid nuju̱ di pe̱päbihu̱ rä Zi Dada Jeoba mäpaya? (2 Sam. 11:2; Mat. 5:27-29, NM; 1 Cor. 10:12; Sant. 1:14, 15.)

2. Hñeti 2 Samuel 12:1-18.

   1. ¿Te dä za dä bädi yä ansiano ꞌne nuꞌu̱ yä dada de hanja Nätan bi umbi rä tsꞌofo Dabid? (2 Sam. 12:1-4; Pro. 12:18; Mat. 13:34.)

   2. ¿Por hanja rä Zi Dada Jeoba bi hueki ꞌne bi pumbäbi Dabid? (2 Sam. 12:13; Sal. 32:5; 2 Cor. 7:9, 10.)

Rä ꞌmede 63

1. ¿Te bi yꞌambäbi Jeoba rä Salomon, ꞌne hanja bi dädi?

2. Ngeꞌä rä Zi dada Jeoba xa bi ho näꞌä bi yꞌadi Salomon, ¿te bi mää Jeoba ge ma xä umbi?

3. ¿Te mä xuñha mi pe̱ꞌtsi yoho yä ꞌme̱hñä nuꞌmu̱ bi ma bä nuu Salomon pa xä matsꞌi?

4. Ja ngu di nheki ha rä kꞌoi, ¿te bi me̱fi Salomon pa bi matsꞌi nuꞌu̱ yä ꞌme̱hñä?

5. ¿Te mä jäpi bi hñäni rä hnini Israel nuꞌmu̱ bi mända Salomon, ꞌne por hanja?

Märꞌa yä ntꞌani:

1. Hñeti 1 Reyes 3:3-28.

   1. ¿Te dä za dä bädi nuꞌu̱ yä ñꞌo̱ho̱ gu̱tꞌi rä ꞌñuu ha rä hnini Äjuä de nuꞌu̱ yä noya bi mää Salomon dende ha rä koraso, ꞌne hutsꞌi ha 1 Reyes 3:7? (Sal. 119:105; Pro. 3:5, 6.)

   2. ¿Te bi yꞌadi Salomon ha rä sadi, ꞌne por hanja nꞌa hogä kꞌoi pa nuju̱ nuꞌmu̱ di xatuäbihu̱ Äjuä? (1 Rey. 3:9, 11; Pro. 30:8, 9; 1 Juan 5:14.)

   3. Nuꞌmu̱ di handihu̱ te bi me̱fi Salomon pa bi matsꞌi nuꞌu̱ yoho yä ꞌme̱hñä mi pe̱ꞌtsi nꞌa däta xuñha, ¿te mä humu̱i di rꞌakägihu̱ pa nubye̱ xti zo̱ho̱ dä mända Ñhesukristo, näꞌä tꞌembi Salomon Mädä? (1 Rey. 3:28; Isa. 9:6, 7; 11:2-4.)

2. Hñeti 1 Reyes 4:29-34.

   1. ¿Hanja bi dädi Jeoba nuꞌmu̱ Salomon bi yꞌapäbi nꞌa rä hogä mfeni ꞌne nꞌa rä koraso rä yꞌo̱de? (1 Rey. 4:29.)

   2. Ndunthi yä jäꞌi bi yꞌo̱tꞌe ntsꞌe̱di pa bi ma bä o̱de rä mfädi rä Salomon, ¿hanja di udihu̱ ge di de̱mbäbihu̱ yä kꞌoi nuꞌmu̱ di nxadihu̱ rä Mäkä Tꞌofo? (1 Rey. 4:29, 34; Juan 17:3; 2 Tim. 3:16.)

Rä ꞌmede 64

1. ¿Hängu yä je̱ya bi zitsꞌi pa njabu̱ Salomon bi huati näꞌä rä templo Jeoba, ꞌne por hanja bi zitsꞌi ndunthi yä bojä?

2. ¿Hängu yä däta kuarto mi ja ha templo, ꞌne te bi ꞌme̱ꞌtsi ha näꞌä kuarto mi ja asta mbo de näꞌä templo?

3. Mi uadi näꞌä templo, ¿te bi mää Salomon ha rä sadi?

4. ¿Hanja bi ꞌñudi Jeoba ge xa mi johya po näꞌä rä sadi Salomon?

5. Salomon bi me̱ꞌtsi ndunthi yä ꞌme̱hñä, ¿te bi uadi bi me̱fi nuꞌu̱ yä ꞌme̱hñä?

6. ¿Por hanja bi nkue̱ Jeoba ko Salomon, ꞌne te bi xipi ge ma xä thogi?

Märꞌa yä ntꞌani:

1. Hñeti 1 Crónicas 28:9, 10.

   Ko näꞌä bi mää Dabid ha 1 Crónicas 28:9, 10, ¿te mähyoni gä pe̱fihu̱ nzäntho ha mä mꞌu̱ihu̱? (Sal. 19:14; Fili. 4:8, 9.)

2. Hñeti 2 Crónicas 6:12-21, 32-42.

   1. ¿Hanja bi ꞌñudi Salomon ge Äjuä hindä za dä mꞌu̱i nixi ha nuꞌu̱ yä däta ngu hoki yä jäꞌi? (2 Cró. 6:18; Hech. 17:24, 25.)

   2. ¿Te utkägihu̱ de Jeoba näꞌä bi mää Salomon ha 2 Crónicas 6:32, 33? (Hech. 10:34, 35; Gál. 2:6.)

3. Hñeti 2 Crónicas 7:1-5.

   Ja ngu nuꞌu̱ yä israelita bi nsunda ꞌne bi xo̱kämbeni Äjuä nuꞌmu̱ bi hyandi näꞌä rä ñotꞌi bi hue̱xki ha mbo rä templo, ¿te mähyoni gä pe̱fihu̱ nuꞌmu̱ di handihu̱ hanja Jeoba di jäpi rä hnini? (2 Cró. 7:3; Sal. 22:22; 34:1; 96:2.)

4. Hñeti 1 Reyes 11:9-13.

   Ko näꞌä bi thogi Salomon, ¿hanja utkägihu̱ ge xa mähyoni hingä ꞌuegehu̱ nunka de rä ꞌñuu Jeoba? (1 Rey. 11:4, 9; Mat. 10:22; Ap. 2:10.)

Rä ꞌmede 65

1. ¿Te rä thuhu nuyu̱ yoho yä ñꞌo̱ho̱ hutsꞌi ha rä kꞌoi, ꞌne toꞌoyu̱?

2. ¿Te bi me̱fi Aias ko näꞌä rä dutu mi hee, ꞌne por hanja bi me̱fi njabu̱?

3. ¿Te mi ne xä yꞌo̱tpäbi Salomon rä Jeroboan?

4. ¿Por hanja yä jäꞌi bi hñutsꞌi de gä ndä Jeroboan ha nuꞌu̱ 10 yä tꞌu̱kä hnini?

5. ¿Por hanja Jeroboan bi hyoki yoho yä tꞌu̱kä doro de gä oro, ꞌne te bi thogi mꞌe̱fa ha nuꞌu̱ yä hnini mi mända?

6. ¿Te bi thogi ha nuꞌu̱ mä yoho yä tꞌu̱kä hnini ꞌne ko näꞌä rä templo Jeoba mi ja ha Jerusalen?

Märꞌa yä ntꞌani:

1. Hñeti 1 Reyes 11:26-43.

   ¿Hanja mi rä mꞌu̱i Jeroboan? ¿Te mä kohi bi ja Jeoba ko Jeroboan mu̱ nuni xä yꞌo̱de nuꞌu̱ yä mhända xki umbi? (1 Rey. 11:28, 38.)

2. Hñeti 1 Reyes 12:1-33.

   1. Ko näꞌä tsꞌe̱di mi pe̱ꞌtsi Reoboam, bi u̱ni nuꞌu̱ yä jäꞌi mi mända, ¿por hanja yä dada ꞌne yä ansiano hinxä ñho dä de̱mbäbi rä tsꞌo kꞌoi Reoboam? (1 Rey. 12:13; Ecl. 7:7; 1 Ped. 5:2, 3.)

   2. ¿Toꞌo xä ñho dä hyoni nuꞌu̱ yä bäsjäꞌi pa dä yꞌapäbi yä ntꞌudi o yä tsꞌofo ꞌne njabu̱ gatꞌho näꞌä dä me̱fi dä bo̱ni xä ñho? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Por hanja Jeroboan bi hyoki yoho yä tꞌu̱kä doro de gä oro, ꞌne hanja bi ꞌñudi ge hingä mi ñꞌeme o hingä mi kamfribi Jeoba? (1 Rey. 11:37; 12:26-28.)

   4. ¿Toꞌo bi mu̱di bi ꞌuengi de ha rä ꞌñuu Jeoba ha nuꞌu̱ 10 yä tꞌu̱kä hnini? (1 Rey. 12:32, 33.)

Rä ꞌmede 66

1. ¿Toꞌo Jesabel?

2. ¿Por hanja nꞌa rä pa, xa mi turämu̱i rä ndä Akab?

3. ¿Te bi me̱fi Jesabel pa njabu̱ bi umbäbi Akab näꞌä rä hai mi rä me̱ti Näbot?

4. ¿Toꞌo bi me̱hni Jeoba pa bi kastiga Jesabel?

5. Ja ngu gi handi ha rä kꞌoi, ¿te bi thogi nuꞌmu̱ Jeu bi zo̱ni ha rä palasio Jesabel?

Märꞌa yä ntꞌani:

1. Hñeti 1 Reyes 16:29-33 ꞌne 18:3, 4.

   ¿Te mä xuñha mi ja ha rä hnini Israel nuꞌmu̱ bi mända rä ndä Akab? (1 Rey. 14:9.)

2. Hñeti 1 Reyes 21:1-16.

   1. ¿Hanja bi ꞌñudi rä Näbot ge himi tsu ꞌne ge mi o̱te nzäntho yä mhända Äjuä? (1 Rey. 21:1-3; Lev. 25:23-28.)

   2. Nuꞌmu̱ di handihu̱ näꞌä bi me̱fi Akab, ¿te hinxä ñho gä pe̱fihu̱ nuꞌmu̱ di thogihu̱ yä dumu̱i? (1 Rey. 21:4; Rom. 5:3-5.)

3. Hñeti 2 Reyes 9:30-37.

   ¿Te dä za gä pädihu̱ de rä Jeu nuꞌmu̱ di handihu̱ hanja bi me̱päbi rä bolunta Jeoba? (2 Rey. 9:4-10; 2 Cor. 9:1, 2; 2 Tim. 4:2.)

Rä ꞌmede 67

1. ¿Toꞌo Jeosafat, ꞌne hämꞌu̱ bi mꞌu̱i?

2. ¿Por hanja mi tsu yä israelita, ꞌne te bi me̱fi ndunthi de geꞌu̱?

3. ¿Hanja bi dädi Jeoba näꞌä rä sadi bi ja Jeosafat?

4. ¿Te bi japi Jeoba bi thogi nuꞌmu̱ yä israelita ya ma xä zo̱ni pa dä ntuhni?

5. ¿Te dä za gä pädihu̱ de rä kꞌoi Jeosafat?

Märꞌa yä ntꞌani:

1. Hñeti 2 Crónicas 20:1-30.

   1. Ja ngu bi ꞌñudi Jeosafat, ¿te mähyoni gä pe̱fihu̱ nuꞌmu̱ di thogihu̱ yä däta xuñha? (2 Cró. 20:12; Sal. 25:15; 62:1.)

   2. Di pädihu̱ ge Jeoba nzäntho xä hyoni hanja dä nzofo rä hnini, ¿hanja di ja mäpaya? (2 Cró. 20:14, 15; Mat. 24:45-47; Juan 15:15.)

   3. ¿Hanja mähye̱gi näꞌä bi me̱fi Jeosafat ko näꞌä ma gä pe̱fihu̱ nuꞌmu̱ xti “ꞌñepu̱ näꞌä rä däta tuhni Äjuä näꞌä Toꞌo pe̱ꞌtsi Gatꞌho rä tsꞌe̱di”? (2 Cró. 20:15, 17; 32:8; Ap. 16:14, 16.)

   4. Ja ngu nuꞌu̱ yä lebita, ¿hanja faxte nuꞌu̱ yä prekursor ꞌne yä misionero pa di tꞌungä ntꞌo̱de rä Noya Äjuä ha gatꞌho rä Xiꞌmhai? (2 Cró. 20:19, 21; Rom. 10:13-15; 2 Tim. 4:2.)

Rä ꞌmede 68

1. ¿Toꞌo nuyu̱ hñuu yä jäꞌi hutsꞌi ha rä kꞌoi? ¿Te bi thogi nꞌa rä pa nuni metsi?

2. ¿Te bi yꞌadi Elias ha rä sadi, ꞌne te bi thogi mꞌe̱fa?

3. ¿Te mi rä thuhu näꞌä rä maxte Elias?

4. ¿Por hanja näꞌä ꞌme̱hñä mi rä mengu Sunem bi ma bä honi Eliseo?

5. ¿Te bi me̱fi Eliseo, ꞌne te bi thogi mꞌe̱fa ko näꞌä bätsi xki du?

6. Ko näꞌä bi me̱fi Jeoba po mäde de Elias ꞌne Eliseo, ¿te ma dä me̱fi mꞌe̱fa ko näꞌä rä tsꞌe̱di pe̱ꞌtsi?

Märꞌa yä ntꞌani:

1. Hñeti 1 Reyes 17:8-24.

   1. ¿Te mä xuñha bi thogi Elias? ¿Hanja bi ꞌñudi ge mi o̱te Jeoba ꞌne mi kamfribi? (1 Rey. 17:9; 19:1-4, 10.)

   2. ¿Hanja bi ꞌñudi näꞌä ꞌme̱hñä mi rä mengu Sarepta ge mi kamfribi ndunthi Jeoba? (1 Rey. 17:12-16; Luc. 4:25, 26.)

   3. Ko näꞌä bi thogi näꞌä ꞌme̱hñä mi rä mengu Sarepta, ¿hanja bi ꞌñudi ge mäjuäni näꞌä bi mää rä Hesu ha Mateo 10:41, 42? (1 Rey. 17:10-12, 17, 23, 24.)

2. Hñeti 2 Reyes 4:8-37.

   1. Näꞌä ꞌme̱hñä mi rä mengu Sunem xa bi ñhojäꞌi ko Eliseo, ¿te dä za gä pädihu̱ de geꞌä? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Te mä hogä tꞌo̱tꞌe dä za gä pe̱fihu̱ mäpaya pa nuꞌu̱ pe̱päbi Jeoba? (Hech. 20:35; 28:1, 2; Gál. 6:9, 10; Heb. 6:10.)

Rä ꞌmede 69

1. Hyandi nuni nxutsi ha rä kꞌoi, ¿te xipi nuni ꞌme̱hñä?

2. ¿Toꞌo nuni ꞌme̱hñä? ¿Por hanja ꞌmu̱hni nuni nxutsi?

3. ¿Te bi mända Eliseo ge dä sipi Nämän? ¿Por hanja bi nkue̱ Nämän?

4. ¿Te bi thogi nuꞌmu̱ Nämän bi yꞌo̱de näꞌä bi mää rä ꞌme̱go?

5. ¿Por hanja himbi hñäni Eliseo näꞌä mi umbi Nämän, pe te bi me̱fi Geasi?

6. ¿Te bi thogi Geasi, ꞌne te dä za gä pädihu̱?

Märꞌa yä ntꞌani:

1. Hñeti 2 Reyes 5:1-27.

   1. ¿Hanja dä za dä matsꞌi yä bäsjäꞌi näꞌä rä hogä kꞌoi bi ꞌñudi näꞌä zi nxutsi? (2 Rey. 5:3; Sal. 8:2; 148:12, 13.)

   2. Nuꞌmu̱ tꞌakägihu̱ nꞌa rä tsꞌofo ko rä Mäkä Tꞌofo, ¿por hanja xä ñho gä benihu̱ näꞌä bi me̱fi Nämän? (2 Rey. 5:15; Heb. 12:5, 6; Sant. 4:6.)

   3. ¿Te dä za gä pädihu̱ de näꞌä bi me̱fi Eliseo ꞌne de näꞌä bi me̱fi Geasi? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Rä ꞌmede 70

1. ¿Toꞌo Jonäs, ꞌne te bi mändabi Jeoba dä me̱fi?

2. ¿Te bi me̱fi Jonäs ngeꞌä hingä mi ne dä ma habu̱ bi mändabi Jeoba?

3. ¿Te bi xipi Jonäs ge xä me̱fi nuꞌu̱ yä jäꞌi mi e̱tꞌi näꞌä barko pa xä ntsaya näꞌä bu̱nthi?

4. Hyandi nuni kꞌoi, ¿te bi thogi Jonäs mi yu̱i ha yä dehe?

5. ¿Hängu yä pa ꞌne hängu yä xui bi yꞌo Jonäs mbo rä mu̱i näꞌä däta peskado, ꞌne te bi me̱fi Jonäs?

6. Mi bo̱ni Jonäs de rä mu̱i näꞌä däta peskado, ¿habu̱ bi ma ꞌne te utkägihu̱ näꞌä bi thogi?

Märꞌa yä ntꞌani:

1. Hñeti Jonás 1:1-17.

   Ja ngu di handihu̱, ¿te mi mbeni Jonäs nuꞌmu̱ Jeoba bi mändabi dä ma dä nzofo nuꞌu̱ yä jäꞌi mi yä mengu Ninibe? (Jon. 1:2, 3; Pro. 3:7; Ecl. 8:12.)

2. Hñeti Jonás 2:1, 2, 10.

   ¿Hanja udi näꞌä bi thogi Jonäs ge dä za gä kamfrihu̱ ge Jeoba thädi mä sadihu̱? (Sal. 22:24; 34:6; 1 Juan 5:14.)

3. Hñeti Jonás 3:1-10.

   1. ¿Hanja faxkägihu̱ nuꞌmu̱ di handihu̱ ge Jeoba bi sigi bi hyandi Jonäs ngu rä mꞌe̱hni mäske ri mu̱di himbi yꞌo̱de? (Sal. 103:14; 1 Ped. 5:10.)

   2. ¿Te utkägihu̱ näꞌä bi thogi Jonäs ko nuꞌu̱ yä mengu Ninibe nuꞌmu̱ ngu hindi ne gä umbäbihu̱ ntꞌo̱de rä Noya Äjuä rꞌa yä jäꞌi habu̱ di ꞌmu̱ihu̱? (Jon. 3:6-9; Ecl. 11:6; Hech. 13:48.)

Rä ꞌmede 71

1. ¿Toꞌo Isaias ꞌne hämꞌu̱ bi mꞌu̱i? ¿Te bi ꞌñuti Jeoba rä Isaias?

2. ¿Te ngu gi handi nunä rä kꞌoi, ꞌne te jaꞌi gi beni?

3. ¿Te bi ꞌñembi Jeoba ge dä yꞌofo Isaias de näꞌä rä rꞌayꞌo uädri xä ꞌñepu̱?

4. ¿Por hanja bi jui Adan ꞌne Eba de näꞌä uädri xa mähotho?

5. ¿Te xä mää Jeoba ge ma dä umbi nuꞌu̱ yä jäꞌi di mädi Jeoba?

Märꞌa yä ntꞌani:

1. Hñeti Isaías 11:6-9.

   1. Ja ngu mää ha rä Noya Äjuä, ¿hanja ma dä mꞌu̱i yä jäꞌi ꞌne yä zuꞌue ha rä rꞌayꞌo xiꞌmhai? (Sal. 148:10, 13; Isa. 65:25; Eze. 34:25.)

   2. Ja ngu bi yꞌofo Isaias, ¿te pe̱fi mäpaya nuꞌu̱ yä jäꞌi ꞌmu̱i ha rä hnini Jeoba? (Rom. 12:2; Efe. 4:23, 24.)

   3. Nuꞌu̱ yä jäꞌi ꞌmu̱i ha rä hnini Jeoba, xä paati yä mꞌu̱i, ma dä njabu̱ ꞌnehe ha rä rꞌayꞌo xiꞌmhai, ¿toꞌo ri ꞌñepi dä tꞌespäbi rä nsu po geꞌä? (Isa. 48:17, 18; Gál. 5:22, 23; Fili. 4:7.)

2. Hñeti Apocalipsis 21:3, 4.

   1. Nuꞌmu̱ rä Mäkä Tꞌofo mää ge Äjuä ꞌmu̱i ko yä jäꞌi, ¿hanja di pädihu̱ ge hingi udi ge Äjuä ꞌmu̱kua ha rä Xiꞌmhai? (Lev. 26:11, 12; 2 Cró. 6:18; Isa. 66:1; Ap. 21:2, 3, 22-24.)

   2. ¿Te mä dumu̱i ma dä uadi ha rä rꞌayꞌo xiꞌmhai? (Luc. 8:49-52; Rom. 8:21, 22; Ap. 21:4.)

Rä ꞌmede 72

1. Hyandi rä kꞌoi, ¿toꞌo nuni ñꞌo̱ho̱, ꞌne por hanja pe̱ꞌtsi yä däta xuñha?

2. ¿Habu̱ xpi ꞌñehe nuyu̱ yä karta xä mohni Esekias, ꞌne te bi yꞌapäbi Äjuä ha rä sadi?

3. ¿Ha mi nja rä mꞌu̱i Esekias? ¿Te mä raso xki tꞌumbi Isaias pa xä me̱mpäbi Esekias?

4. Hyandi rä kꞌoi, ¿te bi me̱fi näꞌä rä e̱nxe̱ Äjuä ko nuꞌu̱ yä soldado mi yä mengu Asiria?

5. Mäske nuꞌu̱ yoho yä tꞌu̱kä hnini de rä sur ha Israel bi me̱ꞌtsi nꞌa rä hogä mꞌu̱i po rꞌa yä je̱ya, ¿te bi thogi mꞌe̱fa de bi du Esekias?

Märꞌa yä ntꞌani:

1. Hñeti 2 Reyes 18:1-36.

   1. ¿Te bi xipi Rabsake nuꞌu̱ yä israelita pa njabu̱ hinxä gamfribi Äjuä? (2 Rey. 18:19, 21; Éxo. 5:2; Sal. 64:3.)

   2. ¿Hanja yä testigo rä Jeoba di de̱mbäbi rä kꞌoi Esekias nuꞌmu̱ nuꞌu̱ yä nkontra ne te dä yꞌo̱tpäbi? (2 Rey. 18:36; Sal. 39:1; Pro. 26:4; 2 Tim. 2:24.)

2. Hñeti 2 Reyes 19:1-37.

   1. Ja ngu Esekias, ¿te pe̱fi yä testigo rä Jeoba nuꞌmu̱ pe̱ꞌtsi yä xuñha? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Ndaꞌu̱ nuꞌu̱ hñuu yä tsꞌo thogi bi me̱ꞌtsi Senäkerib? ¿Toꞌo ma dä thogi njabu̱ mꞌe̱fa? (2 Rey. 19:32, 35, 37; Ap. 20:2, 3.)

3. Hñeti 2 Reyes 21:1-6, 16.

   ¿Por hanja di pädihu̱ ge Mänäses geꞌä nꞌa de nuꞌu̱ yä ndä xi mi rä tsꞌomꞌu̱i de nuꞌu̱ bi mända ha Jerusalen? (2 Cró. 33:4-6, 9.)

Rä ꞌmede 73

1. ¿Hängu nje̱ya mi pe̱ꞌtsi Josias nuꞌmu̱ bi zo̱ho̱ bi mända, ꞌne te bi mu̱di bi me̱fi mꞌe̱fa de yoto nje̱ya?

2. Hyandi ha rä mu̱di kꞌoi, ¿te bi me̱fi Josias ko nuꞌu̱ yä zidada hingä mäjuäni?

3. Mientra mi mpe̱fi nuꞌu̱ yä jäꞌi ha rä templo, ¿te bi dini Ilkias näꞌä däta majhä?

4. Ja ngu gi handi ha rä kꞌoi, ¿por hanja Josias bi tu̱ni yä dutu?

5. ¿Te mä raso xki umbäbi Jeoba rä Ulda pa dä xipi Josias?

Märꞌa yä ntꞌani:

1. Hñeti 2 Crónicas 34:1-28.

   1. ¿Te mä hogä kꞌoi uni Josias pa nuꞌu̱ toꞌo himbi me̱ꞌtsi nꞌa rä hogä mꞌu̱i nuꞌmu̱ mi bätsi? (2 Cró. 33:21-25; 34:1, 2; Sal. 27:10.)

   2. Mi thogi 8, 12, ꞌne 18 yä je̱ya de nuꞌmu̱ bi mu̱di bi mända Josias, ¿te bi me̱fi pa bi matsꞌi yä israelita bi mengi ha yä ꞌñuu Jeoba? (2 Cró. 34:3, 8.)

   3. Josias ꞌne Ilkias bi mpe̱fi ha rä templo Jeoba pa bi hyoki habu̱ xki tsꞌoki, ¿te mähyoni gä pe̱fihu̱ ꞌnehe ha nuꞌu̱ yä luga di muntsꞌihu̱ pa di eꞌspäbihu̱ rä nsu Jeoba? (2 Cró. 34:9-13; Pro. 11:14; 1 Cor. 10:31.)

Rä ꞌmede 74

1. ¿Toꞌo nuni ñꞌo̱ho̱ gi handi ha rä kꞌoi?

2. ¿Te bi mää Jeremias nuꞌmu̱ Jeoba bi huahni pa Rä mꞌe̱hni, pe te bi xipi Jeoba?

3. ¿Te bi sigi bi xipi Jeremias nuꞌu̱ yä israelita?

4. ¿Te mi ne xä me̱fi nuꞌu̱ yä majhä ko Jeremias pa hinxä sigi xä mää näꞌä xki mängä Jeoba, pe hanja bi ꞌñudi Jeremias ge himi tsu?

5. ¿Te bi thogi yä israelita ngeꞌä bi sigi bi me̱fi yä tsꞌoki?

Märꞌa yä ntꞌani:

1. Hñeti Jeremías 1:1-8.

   1. Ja ngu Jeremias, ¿toꞌo ma dä maxkägihu̱ pa dä za gä pe̱päbihu̱ Jeoba? (2 Cor. 3:5, 6.)

   2. ¿Hanja fatsꞌi yä bäsjäꞌi näꞌä rä kꞌoi Jeremias? (Ecl. 12:1; 1 Tim. 4:12.)

2. Hñeti Jeremías 10:1-5.

   ¿Hanja bi ꞌñudi Jeremias ge hinte mä mfatsꞌi uni nuꞌu̱ yä zidada hingä mäjuäni? (Jer. 10:5; Isa. 46:7; Hab. 2:19.)

3. Hñeti Jeremías 26:1-16.

   1. Jeoba bi mändabi Jeremias ge dä ungä ntꞌo̱de gatꞌho näꞌä xki xipi ꞌne bi ꞌñembi ge hinte mä raso xä hñäki, ¿hanja pe̱fi nunä rä mhända Jeoba nuꞌu̱ yä jäꞌi to̱ꞌmi dä ma ha mähetsꞌi? (Jer. 26:2; Deu. 4:2; Hech. 20:27.)

   2. ¿Te mä hogä kꞌoi bi zoogi Jeremias pa yä testigo rä Jeoba nuꞌmu̱ xipäbi yä jäꞌi de gatꞌho yä hnini, nuꞌu̱ yä kastigo ma dä hä Jeoba? (Jer. 26:8, 12, 14, 15; 2 Tim. 4:1-5.)

4. Hñeti 2 Reyes 24:1-17.

   ¿Te mä xuñha bi me̱ꞌtsi rä hnini Juda ngeꞌä himbi yꞌo̱te yä mhända Jeoba? (2 Rey. 24:2-4, 14.)

Rä ꞌmede 75

1. Hyandi rä kꞌoi, ¿toꞌo nuyu̱ yä metsi ꞌne por hanja bi ꞌmu̱i ha Babilonia?

2. ¿Te mi ne dä me̱fi Näbukodonosor ko nuꞌu̱ goho yä metsi, ꞌne te bi mändabi nuꞌu̱ yä ꞌme̱go?

3. ¿Te mä ñhuni bi yꞌadi Daniel pa geꞌä ꞌne pa nuꞌu̱ mä hñuu yä metsi?

4. Mi thogi nuꞌu̱ 10 yä pa, ¿hanja mi nheki Daniel ꞌne nuꞌu̱ hñuu yä ntsitsꞌi, ꞌne hanja mi nheki gatꞌho nuꞌu̱ märꞌa yä metsi?

5. ¿Por hanja bi tsꞌitsꞌi Daniel ꞌne nuꞌu̱ hñuu yä ntsitsꞌi ha rä palasio rä ndä, ꞌne hanja mänꞌa xa mi ja yä mfädi ke nuꞌu̱ yä majhä ꞌne yä bädi rä ndä?

Märꞌa yä ntꞌani:

1. Hñeti Daniel 1:1-21.

   1. ¿Te mähyoni gä pe̱hu̱ pa gä ze̱tihu̱ yä tentasio ꞌne pa hingä o̱tꞌehu̱ yä tsꞌoki? (Dan. 1:8; Gén. 39:7, 10; Gál. 6:9.)

   2. ¿Ngu te mä tꞌo̱tꞌe dä za dä japi yä bäsjäꞌi dä dagi ha yä “nkꞌatꞌi” de nunä xiꞌmhai? (Dan. 1:8; Pro. 20:1; 2 Cor. 6:17–7:1.)

   3. Ko näꞌä bi thogi nuꞌu̱ goho yä metsi mi yä ebreo, ¿hanja faxkägihu̱ pa gä handihu̱ ngu ri ꞌñehe näꞌä rä mfädi uni nunä xiꞌmhai? (Dan. 1:20; Isa. 54:13; 1 Cor. 3:18-20.)

Rä ꞌmede 76

1. Hyandi rä kꞌoi, ¿te bi thogi rä hnini Jerusalen ꞌne yä israelita?

2. ¿Toꞌo Esekiel, ꞌne te mä tꞌo̱tꞌe bi ꞌñuti Jeoba?

3. Yä israelita himi pe̱ꞌspäbi rä tꞌekꞌei Jeoba, ¿te bi mää Jeoba ge ma xä thogi kongeꞌu̱?

4. ¿Te bi me̱fi Näbukodonosor nuꞌmu̱ yä israelita bi nju̱tsꞌi kontra geꞌä?

5. ¿Por hanja Jeoba bi hye̱gi yä israelita bi thogi nuꞌu̱ yä däta xuñha?

6. ¿Po hängu nje̱ya hinto bi mꞌu̱i ha Israel ꞌne por hanja?

Märꞌa yä ntꞌani:

1. Hñeti 2 Reyes 25:1-26.

   1. ¿Toꞌo Sedekias, te bi thogi, ꞌne hanja bi kumpli näꞌä xki mää Jeoba? (2 Rey. 25:5-7; Eze. 12:13-15.)

   2. ¿Toꞌo bi ꞌñenä Jeoba ge mi rä tsꞌoki po gatꞌho nuꞌu̱ yä tsꞌo tꞌo̱tꞌe bi me̱fi yä israelita? (2 Rey. 25:9, 11, 12, 18, 19; 2 Cró. 36:14, 17.)

2. Hñeti Ezequiel 8:1-18.

   ¿Hanja gatꞌho nuꞌu̱ yä nijä mää ge di de̱ni rä Kristo, xä de̱mbäbi rä kꞌoi nuꞌu̱ yä apostata mi ndäne ꞌne mi xo̱kämbeni rä Hyadi? (Eze. 8:16; Isa. 5:20, 21; Juan 3:19-21, NM; 2 Tim. 4:3.)

Rä ꞌmede 77

1. ¿Te bi mända Näbukodonosor, näꞌä rä ndä de Babilonia?

2. ¿Por hanja nuꞌu̱ hñuu yä ntsitsꞌi Daniel himbi ndäne näꞌä rä däta kꞌoi de gä oro?

3. Nuꞌmu̱ Näbukodonosor bi ꞌñembi mänꞌaki nuꞌu̱ hñuu yä metsi ge xä ndäne näꞌä däta kꞌoi de gä oro, ¿hanja bi ꞌñudi nuꞌu̱ yä metsi ge xa mi kamfribi Jeoba?

4. ¿Te bi mända Näbukodonosor xä tꞌo̱tꞌpäbi Sadrak, Mesak ꞌne Abednego?

5. ¿Te bi hyandi Näbukodonosor ha näꞌä däta hu?

6. ¿Por hanja Näbukodonosor bi ꞌñeꞌspäbi rä nsu näꞌä rä Zi Dada Sadrak, Mesak ꞌne Abednego? ¿Te dä za gä pädihu̱ de nuyu̱ hñuu yä metsi?

Märꞌa yä ntꞌani:

1. Hñeti Daniel 3:1-30.

   1. Nuꞌmu̱ yä jäꞌi ne dä jakägihu̱ gä ꞌuengihu̱ de rä ꞌñuu Äjuä, ¿hanja dä za gä te̱mbäbihu̱ rä kꞌoi nuꞌu̱ hñuu yä metsi? (Dan. 3:17, 18; Mat. 10:28, NM; Rom. 14:7, 8.)

   2. ¿Te bi japi Jeoba bi bädi näꞌä rä ndä Näbukodonosor? (Dan. 3:28, 29; 4:34, 35.)

Rä ꞌmede 78

1. ¿Te bi thogi nuꞌmu̱ näꞌä ndä de Babilonia bi ja nꞌa rä dängo ꞌne bi ntsithe ha nuꞌu̱ yä kopa ꞌne ha nuꞌu̱ yä mohi xki thätsꞌi de ha rä templo Jeoba?

2. ¿Te bi xipi Belsasar nuꞌu̱ yä bädi bi nzohni, pe te himbi za bi me̱fi nuꞌu̱ yä bädi?

3. ¿Te bi mää rä nänä Belsasar ꞌne te bi ꞌñembi ge xä me̱fi rä tꞌu̱?

4. Ja ngu bi mää Daniel, ¿por hanja Äjuä bi japi bi nheki nꞌa yꞌe̱ pa bi ñꞌofo ha rä jädo?

5. ¿Te bi mää Daniel ge ri bo̱ni nuꞌu̱ yä noya mi hutsꞌi ha rä jädo?

6. ¿Te bi thogi mientra mi ñätho Daniel?

Märꞌa yä ntꞌani:

1. Hñeti Daniel 5:1-31.

   1. ¿Por hanja näꞌä rä hogä ntsu hingä mähye̱gi ko näꞌä rä ntsu bi me̱ꞌtsi Belsasar mi hyandi nuꞌu̱ yä noya mi hutsꞌi ha rä jädo? (Dan. 5:6, 7; Sal. 19:9; Rom. 8:35-39, RN.)

   2. ¿Hanja bi ꞌñudi Daniel ge hingä mi tsu nuꞌmu̱ bi ñäui Belsasar ꞌne nuꞌu̱ märꞌa yä jäꞌi? (Dan. 5:17, 18, 22, 26-28; Hech. 4:29.)

   3. ¿Hanja udi rä mfistꞌofo Daniel rä ntheke 5 ge Jeoba Ho̱nse̱ꞌä rä Däta Tsꞌu̱tꞌhui de gatꞌho rä Xiꞌmhai? (Dan. 4:17, 25; 5:21.)

Rä ꞌmede 79

1. ¿Toꞌo Dario ꞌne hanja mi handi Daniel?

2. ¿Te bi japi rꞌa yä nduxte ñꞌo̱ho̱ bi me̱fi Dario?

3. ¿Te bi me̱fi Daniel mi bädi de näꞌä rꞌayꞌo mhända xki tꞌofo?

4. ¿Por hanja xa bi durämu̱i Dario ꞌne te bi me̱fi ngu bi hyatsꞌi?

5. ¿Te bi ñꞌani Dario ꞌne te bi dädi Daniel?

6. ¿Te bi thogi ko nuꞌu̱ yä nduxte ñꞌo̱ho̱ mi ne dä hyo Daniel ꞌne te mä mhända bi yꞌofo Dario pa gatꞌho rä hnini?

Märꞌa yä ntꞌani:

1. Hñeti Daniel 6:1-28.

   1. ¿Hanja näꞌä bi me̱fi nuꞌu̱ yä nduxte ñꞌo̱ho̱ ko Daniel mähye̱gi ko näꞌä pe̱fi nuꞌu̱ yä kontra yä testigo rä Jeoba mäpaya? (Dan. 6:7; Sal. 94:20; Isa. 10:1; Rom. 8:31.)

   2. ¿Hanja dä za gä te̱mbäbihu̱ rä kꞌoi Daniel nuꞌmu̱ di nzonkägihu̱ nuꞌu̱ “yä tsꞌu̱tꞌhui de nunä rä xiꞌmhai”? (Dan. 6:5, 10; Rom. 13:1; Hech. 5:29.)

   3. ¿Hanja dä za gä pe̱päbihu̱ Jeoba «nzäntho» ja ngu bi ja Daniel? (Dan. 6:16, 20; Fili. 3:16; Ap. 7:15.)

Rä ꞌmede 80

1. Ja ngu gi handi ha rä kꞌoi, ¿te pe̱fi nuyu̱ yä israelita?

2. ¿Hanja bi kumpli Siro näꞌä xki mää Jeoba po mäde de Isaias?

3. ¿Te bi xipi Siro nuꞌu̱ yä israelita himbi za bi mengi ha Jerusalen?

4. ¿Te bi umbi Siro nuꞌu̱ yä israelita pa bi hñätsꞌi ha Jerusalen?

5. ¿Hängu nzänä bi ñꞌo yä israelita pa bi zo̱ni ha Jerusalen?

6. ¿Hängu nje̱ya bi gohi Jerusalen mi huitꞌätho?

Märꞌa yä ntꞌani:

1. Hñeti Isaías 44:28 ꞌne 45:1-4.

   1. ¿Te bi mää Jeoba pa njabu̱ bi ꞌñudi ge mäjuäni ma xä kumpli näꞌä xki mää de Siro? (Isa. 55:10, 11; Rom. 4:17.)

   2. Gatꞌho näꞌä bi mää Jeoba de Siro bi kumpli, kongehnä ¿hanja udi ge Jeoba pe̱ꞌtsi rä mfädi pa dä mää te ma dä thogi mꞌe̱fa? (Isa. 42:9; 45:21; 46:10, 11; 2 Ped. 1:21.)

2. Hñeti Esdras 1:1-11.

   Pa gä de̱mbäbihu̱ rä kꞌoi nuꞌu̱ yä israelita himbi za bi mengi ha Jerusalen, ¿hanja dä za gä “ze̱päbihu̱ yä yꞌe̱” o gä fatsꞌihu̱ yä prekursor, yä betelita, yä biajante, yä misionero ꞌne nuꞌu̱ pe̱päbi ndunthi Jeoba? (Esd. 1:4, 6; Rom. 12:13; Col. 4:12.)

Rä ꞌmede 81

1. ¿Hängu yä israelita bi bo̱ni de Babilonia pa bi mengi ha Jerusalen, ꞌne hanja bi dini Jerusalen mi zo̱ni?

2. ¿Te bi mu̱di bi hyoki yä israelita ngu bi zo̱ni ha Jerusalen, pe te bi me̱fi nuꞌu̱ yä nkontra?

3. ¿Toꞌo Ajeo ꞌne Sakarias ꞌne te bi xipi yä jäꞌi?

4. ¿Por hanja Tatenai bi me̱hni nꞌa rä karta pa Babilonia, ꞌne te bi dädi näꞌä rꞌayꞌo ndä de Persia?

5. ¿Te bi me̱fi Esdras mi yꞌo̱de ge mi ja mꞌe̱di xä thoki xä ñho rä templo Äjuä?

6. Ja ngu gi handi ha rä kꞌoi, ¿te bi yꞌadi Esdras nuꞌmu̱ bi xatuäbi Jeoba? ¿Hanja bi dädi Jeoba näꞌä rä sadi Esdras ꞌne te dä za gä pädihu̱?

Märꞌa yä ntꞌani:

1. Hñeti Esdras 3:1-13.

   Mu̱ gä ꞌmu̱hu̱ ha nꞌa rä luga habu̱ hindi ja nꞌa rä mhuntsꞌi pa gä ntinihu̱, ¿te mähyoni gä sigi gä pe̱fihu̱? (Esd. 3:3, 6; Hech. 17:16, 17; Heb. 13:15.)

2. Hñeti Esdras 4:1-7.

   ¿Te mä hogä kꞌoi bi uni Sorobabel pa rä hnini Äjuä de hanja ri ꞌñehe gä nsuhu̱ pa hingä ntsitsꞌihu̱ ko nuꞌu̱ yä jäꞌi hindi xo̱kämbeni Jeoba? (Éxo. 34:12; 1 Cor. 15:33; 2 Cor. 6:14-17.)

3. Hñeti Esdras 5:1-5, 17 ꞌne 6:1-22.

   1. ¿Por hanja nuꞌu̱ yä nkontra yä israelita himbi za bi ꞌmaꞌmi nuꞌu̱ yä ꞌme̱fi mi ja ha rä templo? (Esd. 5:5; Isa. 54:17.)

   2. Nuꞌu̱ yä ansiano mi yä israelita bi yꞌapäbi rä mfatsꞌi Jeoba, ¿hanja nuꞌu̱ yä ansiano de mäpaya dä za dä de̱mbäbi yä kꞌoi nuꞌmu̱ nuꞌu̱ yä nkontra ne dä yꞌo̱tpäbi yä xuñha? (Esd. 6:14; Sal. 32:8; Rom. 8:31; Sant. 1:5.)

4. Hñeti Esdras 8:21-23, 28-36.

   ¿Hanja dä za gä de̱mbäbihu̱ rä kꞌoi Esdras änte de gä mbenihu̱ gä jahu̱ nꞌa rä däta ꞌme̱fi? (Esd. 8:23; Sal. 127:1; Pro. 10:22; Sant. 4:13-15.)

Rä ꞌmede 82

1. ¿Toꞌo Märdokeo ꞌne Ester?

2. ¿Por hanja Asuero näꞌä ndä, bi hyoni mänꞌa rä ꞌme̱hñä ꞌne toꞌo bi huahni?

3. ¿Toꞌo Amän ꞌne por hanja xa bi nkue̱?

4. ¿Te mä mhända bi tꞌofo ꞌne te bi me̱fi Ester mi tꞌumbäbi näꞌä raso xki me̱mpäbi Märdokeo?

5. ¿Te bi thogi ko Amän ꞌne te bi thogi ko Märdokeo?

6. ¿Hanja bi za bi ñäni yä te yä israelita de nuꞌu̱ yä nkontra?

Märꞌa yä ntꞌani:

1. Hñeti Ester 2:12-18.

   ¿Hanja bi ꞌñudi Ester ge xa ja ndunthi rä muui gä “ñhojäꞌihu̱” dende ha mä korasohu̱? (Est. 2:15; 1 Ped. 3:1-5.)

2. Hñeti Ester 4:1-17.

   Ja ngu Ester bi hyoni hanja bi matsꞌi märꞌaa pa njabu̱ bi me̱päbi rä bolunta Äjuä, ¿hanja dä za gä udihu̱ ge xa mäjuäni di mädihu̱ Jeoba? (Est. 4:13, 14; Mat. 5:14-16; 24:14.)

3. Hñeti Ester 7:1-6.

   Ja ngu bi thogi Ester, ¿hanja xa tꞌu̱tsa ꞌnehe yä testigo rä Jeoba mäpaya? (Est. 7:4; Mat. 10:16-22; 1 Ped. 2:12.)

Rä ꞌmede 83

1. ¿Hanja mi ꞌmu̱i yä israelita nuꞌmu̱ hingä mi jotꞌi näꞌä rä hnini Jerusalen?

2. ¿Toꞌo Nemias?

3. ¿Te mä däta ꞌme̱fi mi pe̱ꞌtsi Nemias?

4. ¿Por hanja xa bi durämu̱i Nemias ꞌne te bi me̱fi?

5. ¿Hanja bi ñhojäꞌi Artajerjes ko Nemias?

6. ¿Te bi me̱fi Nemias mi bädi ge nuꞌu̱ yä nkontra mi ne dä ꞌmaꞌmi nuꞌu̱ yä ꞌme̱fi?

Märꞌa yä ntꞌani:

1. Hñeti Nehemías 1:4-6 ꞌne 2:1-20.

   ¿Hanja bi hyoni Nemias rä mfatsꞌi Jeoba? (Neh. 2:4, 5; Rom. 12:12; 1 Ped. 4:7.)

2. Hñeti Nehemías 3:3-5.

   ¿Hanja mi nꞌañꞌo yä mꞌu̱i yä me Tekoa de rꞌa yä judio “nuꞌu̱ mi ja yä nsu”, ꞌne te dä za dä bädi yä ansiano ꞌne yä sierbo ministerial? (Neh. 3:5, 27; 2 Tes. 3:7-10; 1 Ped. 5:5.)

3. Hñeti Nehemías 4:1-23.

   1. ¿Te bi matsꞌi yä israelita pa bi sigi bi mpe̱fi mäske nuꞌu̱ yä nkontra xa mi u̱tsa? (Neh. 4:6, 8, 9; Sal. 50:15; Isa. 65:13, 14.)

   2. ¿Hanja faxkägihu̱ mäpaya yä kꞌoi yä israelita?

4. Hñeti Nehemías 6:15.

   ¿Hanja di nheki ge rä jamfri ja ndunthi rä tsꞌe̱di nuꞌmu̱ di handihu̱ ge yä israelita bi uadi bi hyoki nuꞌu̱ yä jädo Jerusalen änte de yo nzänä? (Sal. 56:3, 4; Mat. 17:20; 19:26, RN.)

Rä ꞌmede 84

1. Hyandi rä kꞌoi, ¿toꞌo nuni ꞌme̱hñä?

2. ¿Te bi xipi Gabriel rä Märia?

3. ¿Hanja bi xipi Gabriel rä Märia ge ma xä me̱ꞌtsi nꞌa rä ꞌue̱ne mäske hinte mä ñꞌo̱ho̱ mi ꞌmu̱hui?

4. ¿Te bi thogi nuꞌmu̱ Märia bi ma bä nuu näꞌä rä primä mi rä thuhu Elisabet?

5. ¿Te bi mbeni dä me̱fi Jose nuꞌmu̱ bi bädi ge Märia ma xä me̱ꞌtsi nꞌa ꞌue̱ne, pe por hanja hää bi nthäti kongeꞌä?

Märꞌa yä ntꞌani:

1. Hñeti Lucas 1:26-56.

   1. Nuꞌmu̱ Jeoba bä poni rä te rä Hesu pa ha rä mu̱i Märia, ¿por hanja rä Hesu himbi me̱ꞌtsi rä tsꞌoki? (Ageo 2:11-13; Lucas 1:35; Juan 6:69; Heb. 7:26; 10:5.)

   2. ¿Hanja bi tꞌespäbi rä nsu rä Hesu dende nuꞌmu̱ hingä mi ꞌmu̱itho? (Luc. 1:41-43.)

   3. ¿Te mä hogä kꞌoi bi zoogi Märia pa nuꞌu̱ yä de̱ni rä Hesu tꞌumbi yä däta mäkä ꞌme̱fi ha rä hnini Äjuä? (Luc. 1:38, 46-49; 17:10; Pro. 11:2.)

2. Hñeti Mateo 1:18-25.

   Mäske rä Hesu himbi tꞌembäbi Emänuel, ¿hanja bi ꞌñudi ge bi mꞌu̱i ja ngu ri bo̱ni näꞌä rä thuhuꞌä? (Mat. 1:22, 23; Juan 14:8-10; Heb. 1:1-3.)

Rä ꞌmede 85

1. Hyandi rä kꞌoi, ¿toꞌo nuni zi ꞌue̱ne ꞌne habu̱ ma dä me̱gi Märia?

2. ¿Por hanja rä Hesu bi mꞌu̱i ha nꞌa establo ko yä zuꞌue?

3. ¿Toꞌo nuyu̱ yä jäꞌi ma dä yu̱tꞌi ha nuni establo, ꞌne te xki xipi nꞌa e̱nxe̱?

4. ¿Por hanja mi nꞌañꞌo rä Hesu?

5. ¿Por hanja rä Hesu tꞌembi rä Tꞌu̱ Äjuä?

Märꞌa yä ntꞌani:

1. Hñeti Lucas 2:1-20.

   1. ¿Te bi me̱fi Sesar Augusto pa bi kumpli näꞌä xki mää Jeoba de habu̱ ma xä mꞌu̱i rä Hesu? (Luc. 2:1-4; Miq. 5:2.)

   2. ¿Te dä za gä pe̱fihu̱ pa njabu̱ dä za dä “zu̱kägihu̱ rä mhäte Äjuä”? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Mu̱ nuꞌu̱ yä zi mayꞌo de Judea bi johya ngeꞌä bi mꞌu̱i nꞌa rä Ñänte, ¿te mä raso di pe̱ꞌtsihu̱ pa mänꞌa gä johyahu̱ mäpaya? (Luc. 2:10, 11; Efe. 3:8, 9; Ap. 11:15; 14:6.)

Rä ꞌmede 86

1. Hyandi rä kꞌoi, ¿toꞌo nuyu̱ yä ñꞌo̱ho̱? ¿Por hanja nꞌa de nuyu̱ yä ñꞌo̱ho̱ udi nuni däta tso̱o̱ xa di hue̱xki?

2. ¿Por hanja bi nkue̱ Erodes ꞌne te bi me̱fi?

3. ¿Habu̱ bi zitsꞌi nuꞌu̱ yä ñꞌo̱ho̱ näꞌä däta tso̱o̱, pe por hanja bi gu̱ mä nꞌa ꞌñuu ꞌne bi mengi ha yä hnini?

4. ¿Te bi mända Erodes ꞌne por hanja?

5. ¿Te bi xipi Jeoba ge xä me̱fi Jose?

6. ¿Toꞌo bi japi bi neki näꞌä däta tso̱o̱, ꞌne por hanja?

Mänꞌa rä ntꞌani:

1. Hñeti Mateo 2:1-23.

   ¿Hängu nje̱ya mi pe̱ꞌtsi rä Hesu ꞌne habu̱ mi ꞌmu̱i nuꞌmu̱ nuꞌu̱ yä ñꞌo̱ho̱ mi nehe yä tso̱o̱ bi ma bä nuu? (Mat. 2:1, 11, 16.)

Rä ꞌmede 87

1. Hyandi rä kꞌoi, ¿hängu nje̱ya mi pe̱ꞌtsi rä Hesu ꞌne habu̱ mi yꞌo?

2. ¿Te mi pe̱fi Jose ꞌne rä familia tatꞌä je̱ya?

3. Märia ꞌne Jose ya ma xä mengi pa Näsaret ꞌne xki ñꞌo gatꞌho nꞌa rä pa, nuꞌmu̱ ¿por hanja bi mengi mänꞌaki pa Jerusalen?

4. Nuꞌmu̱ Jose ꞌne Märia bi mengi pa bä honi rä Hesu, ¿habu̱ bä tini, ꞌne por hanja nuꞌu̱ yä jäꞌi hingä mi kamfri näꞌä mi handi?

5. ¿Te bi mää Märia, ꞌne hanja bi dädi rä Hesu?

6. ¿Hanja dä za gä de̱mbäbihu̱ rä hogä kꞌoi rä Hesu pa gä pädihu̱ Äjuä?

Märꞌa yä ntꞌani:

1. Hñeti Lucas 2:41-52.

   1. Mäske ha nuꞌu̱ yä Mhända xki tꞌumbi Moises mi enä ge ho̱nse̱ yä ñꞌo̱ho̱ mi pe̱ꞌtsi te dä ntini ha nuꞌu̱ yä ngo mi ja tatꞌä je̱ya ha Jerusalen, ¿te mä hogä kꞌoi bi zoogi Jose ꞌne Märia pa nuꞌu̱ yä dada de mäpaya? (Luc. 2:41; Deu. 16:16; 31:12; Pro. 22:6.)

   2. ¿Te mä hogä kꞌoi bi zoogi rä Hesu pa nuꞌu̱ yä bäsjäꞌi de mäpaya de hanja ri ꞌñehe dä yꞌo̱te yä dada? (Luc. 2:51; Deu. 5:16; Pro. 23:22; Col. 3:20.)

2. Hñeti Mateo 13:53-56.

   ¿Te yä thuhu nuꞌu̱ goho yä ku rä Hesu no̱ni rä Mäkä Tꞌofo? ¿Te mä ꞌme̱fi bi ja yoho de geꞌu̱ ha nuꞌu̱ yä mhuntsꞌi mi ja ha yä pa yä apostol? (Mat. 13:55; Hech. 12:17; 15:6, 13; 21:18; Gál. 1:19, NM; Sant. 1:1; Jud. 1.)

Rä ꞌmede 88

1. Hyandi rä kꞌoi, ¿toꞌo nuyu̱ yä ñꞌo̱ho̱?

2. ¿Hanja di nku̱ꞌmdehe yä jäꞌi?

3. ¿Toꞌo nuꞌu̱ yä jäꞌi mi pa ko Juan pa mi nku̱ꞌmdehe?

4. Mu̱ rä Hesu hinte mä tsꞌoki xki yꞌo̱tꞌe, ¿te mä däta raso mi pe̱ꞌtsi pa bi yꞌapäbi Juan ge xä matsꞌi xä nku̱ꞌmdehe?

5. ¿Hanja bi ꞌñudi Äjuä ge xa bi ho näꞌä bi me̱fi rä Hesu?

6. ¿Te bi thogi rä Hesu nuꞌmu̱ bi mase̱ ha nꞌa luga po 40 yä pa?

7. ¿Toꞌo nuꞌu̱ yä ñꞌo̱ho̱ bi bädi rä Hesu ꞌne bi zo̱ho̱ bi yꞌo̱tꞌe yä de̱ni? ¿Ndaꞌä näꞌä rä mu̱di milagro bi ja rä Hesu?

Märꞌa yä ntꞌani:

1. Hñeti Mateo 3:13-17, NM.

   ¿Te mä kꞌoi bi zoogi rä Hesu de hanja ri ꞌñehe dä nku̱ꞌmdehe nuꞌu̱ yä de̱ni? (Sal. 40:7, 8; Mat. 28:19, 20, NM; Luc. 3:21, 22, NM.)

2. Hñeti Mateo 4:1-11.

   Rä Hesu xa mi pädi de rä Mäkä Tꞌofo, ¿por hanja näꞌä rä kꞌoi faxkägihu̱ pa gä nxadihu̱ rä Mäkä Tꞌofo hyaxtho? (Mat. 4:5-7; 2 Ped. 3:17, 18; 1 Juan 4:1.)

3. Hñeti Juan 1:29-51.

   Juan Bautista bi ꞌñembi nuꞌu̱ yä de̱ni ge xä ma ko rä Hesu, ¿hanja dä za gä te̱mbäbihu̱ rä kꞌoi mäpaya? (Juan 1:29, 35, 36; 3:30; Mat. 23:10.)

4. Hñeti Juan 2:1-12.

   ¿Hanja bi ꞌñudi näꞌä rä mu̱di milagro bi ja rä Hesu ge rä Zi Dada Jeoba hinte mä hogä tꞌo̱tꞌe häkuäbi nuꞌu̱ Yä ꞌme̱go? (Juan 2:9, 10; Sal. 84:11; Sant. 1:17.)

Rä ꞌmede 89

1. ¿Por hanja mi mpa rꞌa yä ñꞌo̱ho̱ ha rä templo?

2. ¿Por hanja xa bi nkue̱ rä Hesu?

3. Hyandi rä kꞌoi, ¿te bi me̱fi rä Hesu, ꞌne te bi mändabi nuꞌu̱ toꞌo mi pa yä palomä?

4. ¿Te bi beni nuꞌu̱ yä de̱ni rä Hesu nuꞌmu̱ bi hyandi näꞌä bi me̱fi rä Hesu ha rä templo?

5. ¿Te mä hnini bi thogi rä Hesu nuꞌmu̱ bi mengi pa Galilea?

Mänꞌa rä ntꞌani:

1. Hñeti Juan 2:13-25, NM.

   Nuꞌmu̱ di handihu̱ ge rä Hesu xa bi nkue̱ ko nuꞌu̱ yä ñꞌo̱ho̱ mi mpa ha rä templo, ¿por hanja hinxä ñho gä mpahu̱ ha rä Ngu de gä Mhuntsꞌi? (Juan 2:15, 16; 1 Cor. 10:24, 31-33.)

Rä ꞌmede 90

1. ¿Por hanja bi ntsaya rä Hesu ha rä hyo nꞌa poso ha Samäria, ꞌne te bi xipäbi näꞌä ꞌme̱hñä bi ma bä atꞌi rä dehe?

2. ¿Te mä tꞌo̱tꞌe himi kamfri näꞌä samäritanä, te bi xipi rä Hesu, ꞌne por hanja?

3. ¿Te mi ne dä mää rä Hesu nuꞌmu̱ bi ñä de rä dehe, pe te mi hurämu̱i näꞌä samäritanä?

4. ¿Por hanja hingä mi tsa dä kamfri näꞌä ꞌme̱hñä po näꞌä mi pädi rä Hesu de geꞌä, ꞌne hanja bi bädi rä Hesu?

5. ¿Te utkägihu̱ nunä thogi?

Märꞌa yä ntꞌani:

1. Hñeti Juan 4:5-43.

   1. Pa gä de̱mbäbihu̱ rä kꞌoi rä Hesu, ¿hanja ri ꞌñehe gä handihu̱ gatꞌho yä jäꞌi? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Te mä jäpi häni de Äjuä nuꞌu̱ xa mäjuäni di de̱ni rä Hesu? (Juan 4:14; Isa. 58:11; 2 Cor. 4:16.)

   3. Näꞌä samäritanä nguntꞌä bi ma bä mää näꞌä xki xipi rä Hesu, ¿hanja dä za gä udihu̱ ge di jamädibihu̱ Äjuä po näꞌä xtä pädihu̱? (Juan 4:7, 28; Mat. 6:33; Luc. 10:40-42.)

Rä ꞌmede 91

1. Hyandi rä kꞌoi, ¿habu̱ udi rä Hesu, ꞌne toꞌo nuyu̱ yä jäꞌi hudi ha rä hyo?

2. ¿Te mi yä thuhu nuꞌu̱ 12 yä apostol rä Hesu?

3. ¿Te mä Tsꞌu̱tꞌhui näꞌä mi udi rä Hesu?

4. Nuꞌmu̱ rä Hesu bi ꞌñuti yä jäꞌi dä xadi, ¿te bi ꞌñembi dä yꞌadi ha yä sadi?

5. ¿Te bi ꞌñembi rä Hesu dä me̱fi yä jäꞌi rꞌa ko märꞌa?

Märꞌa yä ntꞌani:

1. Hñeti Mateo 5:1-12.

   ¿Hanja dä za gä udihu̱ ge di ne gä honihu̱ Äjuä pa gä pe̱ꞌtsihu̱ nꞌa rä hogä ntsitsꞌi kongeꞌä? (Mat. 5:3, NM; Rom. 10:13-15; 1 Tim. 4:13, 15, 16.)

2. Hñeti Mateo 5:21-26.

   ¿Hanja udi Mateo 5:23, 24 ge mu̱ hindi ntsitsꞌihu̱ xä ñho ko mä kuhu̱ hindä za gä pe̱ꞌtsihu̱ nꞌa rä hogä ntsitsꞌi ko Äjuä? (Mat. 6:14, 15; Sal. 133:1; Col. 3:13; 1 Juan 4:20.)

3. Hñeti Mateo 6:1-8.

   ¿Por hanja hinxä ñho gä pe̱ꞌtsihu̱ nuꞌu̱ yä tsꞌo mfeni mi pe̱ꞌtsi yä fariseo? (Luc. 18:11, 12; 1 Cor. 4:6, 7; 2 Cor. 9:7.)

4. Hñeti Mateo 6:25-34.

   ¿Hanja bi ꞌñudi rä Hesu ge xa mähyoni gä kamfribihu̱ Jeoba ge ma dä rꞌakägihu̱ gatꞌho näꞌä di jakägihu̱ mꞌe̱di? (Éxo. 16:4; Sal. 37:25; Fili. 4:6.)

5. Hñeti Mateo 7:1-11.

   ¿Te utkägihu̱ näꞌä bi mää rä Hesu ha Mateo 7:5? (Pro. 26:12; Rom. 2:1; 14:10; Sant. 4:11, 12.)

Rä ꞌmede 92

1. Hyandi rä kꞌoi, ¿toꞌo rä dada nuni nxutsi? ¿Por hanja xa mi turämu̱i rä dada ꞌne rä nänä nuni nxutsi?

2. ¿Te bi me̱fi Jairo mi zo̱ni habu̱ mi yꞌo rä Hesu?

3. ¿Te bi thogi mientra mi yꞌo rä Hesu? ¿Te bi sipäbi Jairo mi zo̱ho̱ nꞌa de nuꞌu̱ yä ꞌme̱go?

4. ¿Por hanja nuꞌu̱ yä jäꞌi xki muntsꞌi ha rä ngu Jairo bi deni rä Hesu?

5. ¿Te bi me̱fi rä Hesu mi yu̱tꞌi habu̱ mi ꞌme̱ni näꞌä zi nxutsi?

6. ¿Toꞌo märꞌa xki gu̱tsꞌi rä Hesu de ha rä du, ꞌne te bi ꞌñudi kongehnä?

Märꞌa yä ntꞌani:

1. Hñeti Lucas 8:40-56.

   ¿Hanja bi ꞌñudi rä Hesu ge bi hueki ꞌne himbi zu̱i näꞌä zi ꞌme̱hñä mi pigi yä ji? ¿Hanja dä za yä ansiano dä de̱mbäbi rä kꞌoi rä Hesu? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Hñeti Lucas 7:11-17.

   Ko näꞌä bi me̱fi rä Hesu mi hyandi näꞌä zi biuda de Nain mi zoni ngeꞌä xki du rä zi metsi, ¿te mä humu̱i dä za dä dini nuꞌu̱ toꞌo xä du rꞌa yä zi jäꞌi? (Luc. 7:13; 2 Cor. 1:3, 4; Heb. 4:15.)

3. Hñeti Juan 11:17-44.

   ¿Hanja bi ꞌñudi rä Hesu ge hinxä ntsꞌo gä zonihu̱ nuꞌmu̱ tu nuꞌu̱ yä jäꞌi di mädihu̱? (Juan 11:33-36, 38; 2 Sam. 18:33; 19:1-4.)

Rä ꞌmede 93

1. ¿Te mä tsꞌo tꞌo̱tꞌe bi thogi Juan Bautista, ꞌne te bi me̱fi rä Hesu nuꞌmu̱ bi bädi?

2. ¿Te bi me̱fi rä Hesu pa bi ꞌuini gatꞌho nuꞌu̱ yä jäꞌi xki de̱ni, ꞌne hängu näꞌä ñhuni bi bongi?

3. ¿Por hanja mi nxui bi ntsu nuꞌu̱ yä de̱ni rä Hesu, ꞌne te bi me̱fi Pedro?

4. ¿Te bi me̱fi rä Hesu pa bi ꞌuini mänꞌaki ndunthi yä mꞌo yä jäꞌi?

5. Äjuä xä huahni rä Hesu pa dä Ndä, ¿por hanja xa ma gä johyahu̱ nuꞌmu̱ xti mända ha rä Xiꞌmhai?

Märꞌa yä ntꞌani:

1. Hñeti Mateo 14:1-32.

   1. Ja ngu di handihu̱ ha Mateo 14:23-32, ¿ha mi nja rä mꞌu̱i Pedro?

   2. ¿Hanja udi rä Mäkä Tꞌofo ge Pedro bi paati rä mꞌu̱i, ꞌne nubye̱ mꞌe̱tꞌo mi mbeni pa te dä mää ꞌne pa te dä me̱fi? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Hñeti Mateo 15:29-38.

   ¿Hanja bi ꞌñudi rä Hesu ge mi pe̱ꞌspäbi ndunthi rä tꞌekꞌei ꞌne mi jamädibi Äjuä po näꞌä rä ñhuni mi uni? (Mat. 15:37; Juan 6:12; Col. 3:15.)

3. Hñeti Juan 6:1-21.

   ¿Hanja bi hyandi rä Hesu nuꞌu̱ yä tsꞌu̱tꞌhui de nunä xiꞌmhai, ꞌne hanja dä za gä de̱mbäbihu̱ rä kꞌoi mäpaya? (Juan 6:15; Mat. 22:21; Rom. 12:2; 13:1-4.)

Rä ꞌmede 94

1. ¿Por hanja bä ntuhni yä apostol rä Hesu mientra mi pengi de nꞌa biahe xa yabu̱?

2. ¿Por hanja rä Hesu bi nzofo nꞌa zi bätsi pa bi hyandi nuꞌu̱ yä apostol?

3. ¿Por hanja rä Hesu bi ꞌñembi yä apostol ge mähyoni dä mbeni ngu yä zi bätsi?

4. Mi thogi rꞌa yä zänä, ¿hanja bi ꞌñudi rä Hesu ge mi mädi yä zi bätsi?

Märꞌa yä ntꞌani:

1. Hñeti Mateo 18:1-4, NM.

   ¿Por hanja rä Hesu mi mää yä ꞌmede ꞌne yä kꞌoi pa mi udi? (Mat. 13:34, 36; Mar. 4:33, 34.)

2. Hñeti Mateo 19:13-15, NM.

   ¿Te mä mꞌu̱i mähyoni gä de̱nihu̱ de yä zi bätsi mu̱ di ne gä hänihu̱ yä jäpi de rä Tsꞌu̱tꞌhui Äjuä? (Sal. 25:9; 138:6; 1 Cor. 14:20.)

3. Hñeti Marcos 9:33-37.

   ¿Te bi ꞌñuti rä Hesu nuꞌu̱ yä de̱ni mi honi yä däta nsu? (Mar. 9:35; Mat. 20:25, 26; Gál. 6:3; Fili. 2:5-8, NM.)

4. Hñeti Marcos 10:13-16, NM.

   ¿Hanja bi ꞌñudi rä Hesu ge hingä mi xä ñhei to dä uatꞌi dä ñäui, ꞌne te dä za dä bädi yä ansiano de näꞌä rä kꞌoi rä Hesu? (Mar. 6:30-34; Fili. 2:1-4; 1 Tim. 4:12.)

Rä ꞌmede 95

1. ¿Te bi ñꞌani nꞌa ñꞌo̱ho̱ ꞌne por hanja?

2. ¿Hanja mi udi rä Hesu, ꞌne te dä pädihu̱ de nuꞌu̱ yä judio ꞌne yä samäritano?

3. Ha näꞌä ꞌmede bi mää rä Hesu, ¿te bi thogi nꞌa judio nuꞌmu̱ mbä gäi de Jerusalen pa Jeriko?

4. ¿Te bi me̱fi nꞌa majhä ꞌne nꞌa lebita mi thogi ha mi ꞌme̱ni näꞌä ñꞌo̱ho̱?

5. Hyandi rä kꞌoi, ¿toꞌo nuni jäꞌi fatsꞌi nuni judio xki me̱ yä ñu̱ntꞌi?

6. Mi uadi rä Hesu bi mää näꞌä rä ꞌmede, ¿te bi yꞌambäbi näꞌä ñꞌo̱ho̱ mi ñäui, ꞌne hanja bi dädi näꞌä ñꞌo̱ho̱?

Märꞌa yä ntꞌani:

1. Hñeti Lucas 10:25-37.

   1. Rä Hesu hingä nguntꞌä bi dädi näꞌä ntꞌani bi ja näꞌä ñꞌo̱ho̱ xa mi ja rä mfädi de rä Ley, nuꞌmu̱ ¿hanja bi matsꞌi pa njabu̱ bi bädise̱ rä mpengi näꞌä rä ntꞌani xki ja? (Luc. 10:26; Mat. 16:13-16.)

   2. Rꞌa yä jäꞌi mi u̱tsa nuꞌu̱ yä jäꞌi de märꞌa yä rasa, ¿hanja bi matsꞌi rä Hesu pa bi paati nuꞌu̱ yä mfeni? (Luc. 10:36, 37; 18:9-14; Tito 1:9.)

Rä ꞌmede 96

1. ¿Te bi me̱fi rä Hesu mientra mi yꞌo ha Galilea?

2. Nuꞌmu̱ ya xki thogi hñu nje̱ya de xki nku̱ꞌmdehe rä Hesu, ¿te bi xipäbi rä Hesu nuꞌu̱ yä apostol?

3. ¿Toꞌo nuyu̱ yä jäꞌi gi handi ha rä kꞌoi, ꞌne te bi me̱fi rä Hesu po nuni ꞌme̱hñä?

4. ¿Por hanja bi me̱ꞌtsi yä tsa nuꞌu̱ yä majhä nuꞌmu̱ rä Hesu bi däti?

5. Nuꞌmu̱ rä Hesu ꞌne yä apostol bi thogi getbu̱ de Jeriko, ¿te bi me̱fi rä Hesu po yoho yä zi me̱ti mi goda?

6. ¿Por hanja bi ja yä milagro rä Hesu?

Märꞌa yä ntꞌani:

1. Hñeti Mateo 15:30, 31.

   Ko näꞌä bi me̱fi rä Hesu, ¿hanja bi ꞌñudi Jeoba ge pe̱ꞌtsi ndunthi rä tsꞌe̱di? ¿Hanja ri ꞌñehe gä handihu̱ näꞌä xä ñätkägihu̱ Jeoba nuꞌmu̱ xti hä rä rꞌayꞌo xiꞌmhai? (Sal. 37:29; Isa. 33:24.)

2. Hñeti Lucas 13:10-17.

   Rä Hesu bi ja rꞌa yä däta milagro näꞌä pa nsabdo, ¿hanja udi näꞌä ma dä me̱fi po gatꞌho nuꞌu̱ yä jäꞌi nuꞌmu̱ xti Mända po nꞌa Mꞌo yä Je̱ya? (Luc. 13:10-13; Sal. 46:9; Mat. 12:8; Col. 2:16, 17; Ap. 21:1-4.)

3. Hñeti Mateo 20:29-34.

   ¿Hanja udi nunä thogi ge rä Hesu bi matsꞌi yä jäꞌi ꞌne nunka bi ꞌñenä ge mi ja ndunthi rä ꞌme̱fi? ¿Te dä za gä pädihu̱ de rä Hesu? (Deu. 15:7; Sant. 2:15, 16; 1 Juan 3:17.)

Rä ꞌmede 97

1. Mi zo̱ni rä Hesu getbu̱ de Jerusalen, ¿te bi mändabi nuꞌu̱ yä de̱ni?

2. Ja ngu di nheki ha rä kꞌoi, ¿te bi thogi nuꞌmu̱ rä Hesu ya ma xä zo̱ni ha Jerusalen?

3. ¿Te bi me̱fi yä zi bätsi nuꞌmu̱ bi hyandi ge rä Hesu mi o̱the nuꞌu̱ yä jäꞌi mi goda ꞌne nuꞌu̱ himi tsa dä ñꞌo?

4. ¿Te bi xipi rä Hesu nuꞌu̱ yä majhä xa xki nkue̱?

5. ¿Hanja dä za gä njahu̱ ngu nuꞌu̱ yä zi bätsi bi nsunda rä Hesu?

6. ¿Te mi ne dä bädi nuꞌu̱ yä de̱ni rä Hesu?

Märꞌa yä ntꞌani:

1. Hñeti Mateo 21:1-17.

   1. Mää hanja bi yu̱tꞌi rä Hesu ngu nꞌa rä ndä ha Jerusalen, ꞌne ¿por hanja mi nꞌañꞌo de näꞌä mi pe̱fi nuꞌu̱ yä ndä yä soldado mi yä me Romä? (Mat. 21:4, 5; Zac. 9:9; Fili. 2:5-8, NM; Col. 2:15, NM.)

   2. Yä bätsi bi nsunda rä Hesu ꞌne bi mää nuꞌu̱ yä noya hutsꞌi ha Salmo 118, ¿te dä za dä bädi de geꞌu̱ yä bäsjäꞌi de mäpaya? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Hñeti Juan 12:12-16.

   ¿Te bi ꞌñudi nuꞌu̱ yä jäꞌi bi bo̱ni ko yä de̱nthi pa bi dädi rä Hesu, ꞌne te udi ꞌnehe mäpaya nuꞌu̱ yä jäꞌi to̱ꞌmi dä mꞌu̱i ha rä Xiꞌmhai? (Juan 12:13; Fili. 2:10; Ap. 7:9, 10.)

Rä ꞌmede 98

1. ¿Te mi ne xä yꞌo̱tpäbi rä Hesu nuꞌu̱ yä majhä, ꞌne te bi dädi rä Hesu?

2. Hyandi rä kꞌoi, ¿gi pädi toꞌo rä Hesu ꞌne toꞌo nuyu̱ märꞌa yä ñꞌo̱ho̱?

3. ¿Te bi yꞌambäbi rä Hesu nuꞌu̱ yä apostol?

4. ¿Por hanja rä Hesu bi xipäbi yä apostol te mä tꞌo̱tꞌe ma xä neki ha rä Xiꞌmhai nuꞌmu̱ rä Hesu xä mu̱di xä ndä ha mähetsꞌi?

5. ¿Te bi mää rä Hesu ge ma xä thogi änte de xä huati gatꞌho nuꞌu̱ yä tsꞌo tꞌo̱tꞌe di neki mäpaya?

Märꞌa yä ntꞌani:

1. Hñeti Mateo 23:1-39.

   1. Mäske rä Mäkä Tꞌofo udi ge xä ñho gä umbäbihu̱ rä tꞌekꞌei nuꞌu̱ yä jäꞌi pe̱ꞌtsi yä däta nsu, ¿hanja udi rä Hesu ha Mateo 23:8-11 ge hinxä ñho gä eꞌspäbihu̱ rä nsu nuꞌu̱ toꞌo di gu̱tꞌi rä ꞌñuu ha rä mhuntsꞌi? (Hech. 26:25; Rom. 13:7; 1 Ped. 2:13, 14.)

   2. ¿Te mi pe̱fi yä fariseo pa njabu̱ yä jäꞌi hinxä de̱ni rä Hesu, ꞌne hanja mäpaya geꞌä xä me̱fi ꞌnehe nuꞌu̱ yä jäꞌi di gu̱tꞌi rä ꞌñuu ha yä nijä? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Hñeti Mateo 24:1-14, NM.

   1. ¿Hanja udi Mateo 24:13 ge xa mähyoni gä ze̱tihu̱?

   2. ¿Te ri bo̱ni näꞌä noya “fin” hutsꞌi ha Mateo 24:13? (Mat. 16:27; Rom. 14:10-12; 2 Cor. 5:10.)

3. Hñeti Marcos 13:3-10.

   ¿Te mä noya hutsꞌi ha Marcos 13:10 näꞌä udi ge xa mähyoni dä tꞌungä ntꞌo̱de yä rꞌayꞌo hogä noya? ¿Hanja ri ꞌñehe gä handihu̱ nuꞌu̱ yä noya bi mää rä Hesu? (Rom. 13:11, 12; 1 Cor. 7:29-31; 2 Tim. 4:2.)

Rä ꞌmede 99

1. Ja ngu gi handi ha rä kꞌoi, ¿por hanja rä Hesu ꞌne nuꞌu̱ yä apostol bi ntini ha nꞌa däta kuarto?

2. ¿Toꞌo nuni ñꞌo̱ho̱ gi handi bi bo̱ni, ꞌne te ma dä me̱fi?

3. Mi uadi näꞌä ntꞌoxi de rä Paskua, ¿te mä rꞌayꞌo ntꞌoxi bi ja rä Hesu?

4. ¿Te mi beni yä israelita nuꞌmu̱ mi tsi rä ntꞌoxi de rä Paskua, ꞌne te ma xä beni nuꞌu̱ yä de̱ni rä Hesu ko näꞌä rꞌayꞌo ntꞌoxi?

5. Mꞌe̱fa de näꞌä rä Mäkä Ntꞌoxi, ¿te bi xipi rä Hesu nuꞌu̱ yä de̱ni ꞌne te bi me̱fi nuꞌu̱?

Märꞌa yä ntꞌani:

1. Hñeti Mateo 26:14-30.

   1. ¿Hanja udi Mateo 26:15 ge Judas ya xki mbeni dä traisionä rä Hesu?

   2. ¿Ndäꞌu̱ nuꞌu̱ yoho yä ñho bi uni näꞌä rä ji bi näꞌmi rä Hesu? (Mat. 26:27, 28; Jer. 31:31-33; Efe. 1:7, RN; Heb. 9:19, 20.)

2. Hñeti Lucas 22:1-39.

   ¿Te ne dä mää rä Mäkä Tꞌofo nuꞌmu̱ enä ge rä Zithu bi yu̱tꞌi ha Judas? (Luc. 22:3; Juan 13:2; Hech. 1:24, 25.)

3. Hñeti Juan 13:1-20.

   1. Ko näꞌä hutsꞌi ha Juan 13:2, ¿tu rä tsꞌoki Judas po näꞌä bi me̱fi? ¿Te dä za gä pädihu̱ de nunä thogi nuju̱ di pe̱päbihu̱ Äjuä? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Te mä däta kꞌoi bi ꞌñudi rä Hesu? (Juan 13:15; Mat. 23:11; 1 Ped. 2:21.)

4. Hñeti Juan 17:1-26.

   ¿Te mi ne dä mää rä Hesu nuꞌmu̱ bi yꞌadi ge yä de̱ni xä zo̱ho̱ xä “nꞌatho”? (Juan 17:11, 21-23; Rom. 13:8; 14:19; Col. 3:14.)

Rä ꞌmede 100

1. Mi bo̱ni rä Hesu ꞌne yä apostol de näꞌä däta kuarto, ¿habu̱ bi ma ꞌne te bi xipäbi yä apostol ge dä me̱fi?

2. ¿Te mi pe̱fi nuꞌu̱ yä apostol kada mi pengi rä Hesu, ꞌne hängu mꞌiki bi thogi njabu̱?

3. Hyandi rä kꞌoi, ¿toꞌo nuyu̱ yä ñꞌo̱ho̱ bi zo̱ni ha rä uädri Jetsemäni, ꞌne te bi me̱fi Judas Iskariote?

4. ¿Por hanja Judas bi zu̱ꞌtsi rä Hesu, ꞌne te bi me̱fi Pedro?

5. ¿Te bi xipäbi rä Hesu ge dä me̱fi Pedro? ¿Por hanja rä Hesu himbi yꞌapäbi Äjuä ge xä me̱mpäbi nꞌa de nuꞌu̱ yä e̱nxe̱?

Märꞌa yä ntꞌani:

1. Hñeti Mateo 26:36-56.

   1. ¿Por hanja nꞌa hogä kꞌoi pa yä ansiano de hanja rä Hesu mi umbäbi yä tsꞌofo nuꞌu̱ yä de̱ni? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Hanja mi handi rä Hesu nuꞌu̱ yä bo̱jä de gä tuhni? (Mat. 26:52; Luc. 6:27, 28; Juan 18:36.)

2. Hñeti Lucas 22:39-53.

   ¿Dä za gä mäñhu̱ ge rä Hesu hingä mi tse̱di rä jamfri hänge bi zo̱ho̱ nꞌa rä e̱nxe̱ pa bi nupäbi rä mfeni? Mää por hanja (Luc. 22:41-43; Isa. 49:8; Mat. 4:10, 11; Heb. 5:7).

3. Hñeti Juan 18:1-12.

   ¿Hanja bi su rä Hesu nuꞌu̱ yä de̱ni, ꞌne hanja dä za gä de̱mbäbihu̱ rä kꞌoi? (Juan 10:11, 12; 18:1, 6-9; Heb. 13:6; Sant. 2:25.)

Rä ꞌmede 101

1. ¿Toꞌo näꞌä nda nduxte bi japi yä jäꞌi bi hyo rä Hesu?

2. Nuꞌmu̱ nuꞌu̱ yä majhä bi zitsꞌi rä Hesu, ¿te bi me̱fi nuꞌu̱ yä apostol?

3. ¿Te bi thogi ha rä ngu näꞌä däta majhä mi rä thuhu Kaifas?

4. ¿Por hanja bi ma Pedro ꞌne bi hñudi bi nzoni?

5. Nuꞌmu̱ rä Hesu bi tsꞌitsꞌi mänꞌaki ko Pilato, ¿te bi mää nuꞌu̱ yä majhä?

6. ¿Te bi thogi ko rä Hesu näꞌä mbehe ngu mäde rä pa, ꞌne te bi xipi nꞌa de nuꞌu̱ yä yꞌofadi xki tsꞌu̱ti ꞌnehe?

7. ¿Habu̱ ma dä gohi näꞌä paraiso o uädri bi no̱ni rä Hesu?

Märꞌa yä ntꞌani:

1. Hñeti Mateo 26:57-75.

   ¿Hanja bi ꞌñudi nuꞌu̱ yä tsꞌu̱tꞌhui de rä Sanedrin ge mi yä tsꞌomꞌu̱i jäꞌi? (Mat. 26:59, 67, 68.)

2. Hñeti Mateo 27:1-50.

   ¿Por hanja dä za gä mäñhu̱ ge Judas hingä xa mäjuäni bi mpe̱tsꞌi o bi yobri po näꞌä bi me̱fi? (Mat. 27:3, 4; Mar. 3:29; 14:21; 2 Cor. 7:10, 11.)

3. Hñeti Lucas 22:54-71.

   ¿Te mähyoni gä benihu̱ nuꞌmu̱ di handihu̱ ge Pedro bi ko̱ni rä Hesu näꞌä xui bi tsꞌitsꞌi? (Luc. 22:60-62; Mat. 26:31-35; 1 Cor. 10:12.)

4. Hñeti Lucas 23:1-49.

   ¿Te bi me̱fi rä Hesu nuꞌmu̱ nuꞌu̱ yä majhä bi yꞌo̱tpäbi yä tsꞌo tꞌo̱tꞌe, ꞌne te dä za gä pädihu̱ de rä kꞌoi rä Hesu? (Luc. 23:33, 34; Rom. 12:17-19; 1 Ped. 2:23.)

5. Hñeti Juan 18:12-40.

   Mäske Pedro bi ntsu hänge bi ko̱ni rä Hesu, mꞌe̱fa bi mpe̱fi ngu nꞌa rä hogä apostol, ¿te dä za gä pädihu̱ ko nunä thogi? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Hñeti Juan 19:1-30.

   1. ¿Te ngu mi handi rä Hesu nuꞌu̱ yä bojä ꞌne yä ñho mi ja ha rä xiꞌmhai? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Te mä noya bi mää rä Hesu änte de dä du? ¿Por hanja kongeꞌä bi ꞌñudi ge ho̱nse̱ Jeoba ri ꞌñepi dä mända gatꞌho rä Xiꞌmhai? (Juan 16:33; 19:30; 2 Ped. 3:14; 1 Juan 5:4.)

Rä ꞌmede 102

1. Hyandi rä kꞌoi, ¿toꞌo nuni ꞌme̱hñä ꞌne nuyu̱ yoho yä ñꞌo̱ho̱, ꞌne habu̱ yꞌo?

2. ¿Por hanja Pilato bi ꞌñembi nuꞌu̱ yä majhä ge dä me̱hni rꞌa yä soldado pa dä su näꞌä luga habu̱ bä ntꞌagi rä Hesu?

3. ¿Te bi me̱fi nꞌa rä e̱nxe̱ mi hyatsꞌi de näꞌä rä hñupa de xki du rä Hesu, pe te bi me̱fi nuꞌu̱ yä majhä?

4. ¿Te bi dini rꞌa yä ꞌme̱hñä nuꞌmu̱ bi ma bä handi habu̱ xki ntꞌagi rä Hesu?

5. ¿Por hanja Pedro ꞌne Juan bi nextꞌi bi ma pa habu̱ xki ntꞌagi rä Hesu, ꞌne te bi dini mi zo̱ni?

6. ¿Te bi thogi ko rä ndoyꞌo rä Hesu, ꞌne te bi me̱fi pa njabu̱ nuꞌu̱ yä de̱ni bi hyandi ge mi te?

Märꞌa yä ntꞌani:

1. Hñeti Mateo 27:62-66 ꞌne 28:1-15.

   Nuꞌmu̱ rä Hesu bi nuhu de rä du, ¿hanja nuꞌu̱ yä majhä, yä fariseo ꞌne nuꞌu̱ yä ansiano bi yꞌo̱tꞌe nꞌa däta tsꞌoki kontra rä mäkä tsꞌe̱di Äjuä? (Mat. 12:24, 31, 32; 28:11-15.)

2. Hñeti Lucas 24:1-12.

   Ko näꞌä bi thogi nuꞌmu̱ rä Hesu bi nuhu de rä du, ¿hanja udi ge Jeoba kamfribi yä ꞌme̱hñä nuꞌmu̱ di ntestigo? (Luc. 24:4, 9, 10; Mat. 28:1-7.)

3. Hñeti Juan 20:1-12.

   Mu̱ hindi pädihu̱ xä ñho hanja di kumpli rꞌa de nuꞌu̱ yä noya bi yꞌofo yä mꞌe̱hni Äjuä ha rä Mäkä Tꞌofo, ¿hanja faxkägihu̱ näꞌä hutsꞌi ha Juan 20:8, 9 pa hingä mfadahu̱ ꞌne gä pe̱ꞌtsihu̱ rä pasensia? (Pro. 4:18; Mat. 17:22, 23; Luc. 24:5-8; Juan 16:12.)

Rä ꞌmede 103

1. ¿Te bi xipi Märia näꞌä ñꞌo̱ho̱ mi hurämu̱i ge mi su näꞌä lugaꞌä, pe hanja bi da ngue̱nda ge mi geꞌä rä Hesu?

2. ¿Te bi thogi nuꞌu̱ yoho yä de̱ni rä Hesu bi ma pa ha rä hnini Emäus?

3. ¿Te mä däta tꞌo̱tꞌe bi thogi mientra nuꞌu̱ yoho yä de̱ni mi xipäbi yä apostol ge xki hyandi rä Hesu?

4. ¿Hängu yä mꞌiki bi ñꞌudi rä Hesu ko nuꞌu̱ yä de̱ni?

5. ¿Te bi mää Tomas nuꞌmu̱ bi yꞌo̱de ge nuꞌu̱ märꞌa yä de̱ni xki hyandi rä Hesu, ꞌne te bi thogi rä hñätoꞌä?

Märꞌa yä ntꞌani:

1. Hñeti Juan 20:11-29.

   Ko näꞌä bi mää rä Hesu ha Juan 20:23, ¿udi ge xä tꞌumbi nse̱ki yä jäꞌi pa dä pumbäbi yä tsꞌoki märꞌa? Mää por hanja (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Hñeti Lucas 24:13-43.

   ¿Hanja dä za gä hokihu̱ mä mfenihu̱ pa njabu̱ nuꞌu̱ yä tsꞌofo de rä Mäkä Tꞌofo dä zo ha mä korasohu̱? (Luc. 24:32, 33; Esd. 7:10; Mat. 5:3 NM; Hech. 16:14; Heb. 5:11-14.)

Rä ꞌmede 104

1. Nꞌa rä pa, ¿hängu nuꞌu̱ yä de̱ni bi hyandi rä Hesu, ꞌne te bi xipäbi rä Hesu nuꞌu̱ yä de̱ni?

2. ¿Te rä me̱ꞌä rä Tsꞌu̱tꞌhui Äjuä, ꞌne hanja ma dä mꞌu̱i yä jäꞌi ha rä Xiꞌmhai nuꞌmu̱ xti mända rä Hesu po nꞌa mꞌo yä je̱ya?

3. ¿Po hängu yä pa xki ñꞌudi rä Hesu ko yä de̱ni, pe ꞌnepu̱ te bi me̱fi rä Hesu?

4. Änte dä mengi rä Hesu pa mähetsꞌi, ¿te bi mändabi nuꞌu̱ yä de̱ni?

5. ¿Gi handi te thogi ha rä kꞌoi? ¿Por hanja nuꞌu̱ yä de̱ni ya himbi za bi hyandi rä Hesu?

Märꞌa yä ntꞌani:

1. Hñeti 1 Corintios 15:3-8.

   ¿Por hanja rä apostol Pablo bi za bi mää ge xa mäjuäni rä Hesu xki nangi de rä du, ꞌne te mä tꞌo̱tꞌe dä za gä mäñhu̱ ge xa mäjuäni thogi mäpaya? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Hñeti Hechos 1:1-11.

   Ja ngu xki tꞌofo ha Hechos 1:8, ¿asta habu̱ bi tꞌungä ntꞌo̱de rä Noya Äjuä? (Hech. 6:7; 9:31; 11:19-21; Col. 1:23.)

Rä ꞌmede 105

1. Ja ngu gi handi ha rä kꞌoi, ¿te bi thogi ko nuꞌu̱ yä de̱ni rä Hesu xki do̱ꞌmi ha Jerusalen?

2. ¿Te himi za dä gamfri nuꞌu̱ yä zo̱nte?

3. ¿Te bi xipi Pedro nuꞌu̱ yä jäꞌi?

4. Mi yꞌo̱de näꞌä bi mängä Pedro, ¿te bi mbeni ndunthi de nuꞌu̱ yä jäꞌi xki ntini, ꞌne te bi tꞌembi ge mähyoni xä me̱fi?

5. ¿Hängu yä jäꞌi bi nku̱ꞌmdehe ha näꞌä ngo Pentekostes de rä je̱ya 33 R.J.?

Märꞌa yä ntꞌani:

1. Hñeti Hechos 2:1-47.

   1. Ko näꞌä bi mää Pedro ha Hechos 2:23, 36, ¿hanja udi ge gatꞌho yä judio bi du rä thai po rä du rä Hesu? (1 Tes. 2:14, 15.)

   2. ¿Te mä hogä kꞌoi bi uni Pedro nuꞌmu̱ bi ꞌñuti yä jäꞌi ko rä Mäkä Tꞌofo? (Hech. 2:16, 17, 29, 31, 36, 39; Col. 4:6.)

   3. Ja ngu xki mää rä Hesu, ¿te bi me̱fi Pedro ko rä mu̱di “nsoki de näꞌä tsꞌu̱tꞌhui de mähetsꞌi”? (Hech. 2:14, 22-24, 37, 38; Mat. 16:19, RN.)

Rä ꞌmede 106

1. ¿Te bi thogi nꞌa ndee nuꞌmu̱ Pedro ꞌne Juan bi ma pa ha templo?

2. ¿Te bi xipi Pedro näꞌä zi ñꞌo̱ho̱ himi tsa dä ñꞌo, ꞌne te mä däta tꞌo̱tꞌe bi ja por geꞌä mäske himbi umbi rä bojä?

3. ¿Por hanja bi nkue̱ nuꞌu̱ yä majhä, ꞌne te bi me̱fi ko Pedro ꞌne Juan?

4. ¿Te bi xipi Pedro nuꞌu̱ yä majhä, pe te bi mhändabi dä me̱fi?

5. ¿Por hanja nuꞌu̱ yä majhä mi tsu̱di rä embidia, pe te bi thogi nuꞌmu̱ bi njotꞌi mänꞌaki yä apostol ha rä fadi?

6. ¿Hanja bi dädi yä apostol nuꞌmu̱ bi tsꞌitsꞌi ha Sanedrin?

Märꞌa yä ntꞌani:

1. Hñeti Hechos 3:1-10.

   Mäske nuju̱ hindä za gä jahu̱ yä milagro, ¿hanja faxkägihu̱ nuꞌu̱ yä noya bi mää Pedro ha Hechos 3:6 pa gä handihu̱ ge ja ndunthi rä muui nuꞌu̱ yä rꞌayꞌo hogä noya de rä Tsꞌu̱tꞌhui Äjuä? (Juan 17:3; 2 Cor. 5:18-20; Fili. 3:8.)

2. Hñeti Hechos 4:1-31.

   ¿Hanja dä za gä de̱mbäbihu̱ yä kꞌoi nuꞌu̱ yä mu̱di de̱ni rä Hesu nuꞌmu̱ di tꞌu̱tsagihu̱ ngeꞌä di uñhu̱ ntꞌo̱de rä Noya Äjuä? (Hech. 4:29, 31; Efe. 6:18-20; 1 Tes. 2:2.)

3. Hñeti Hechos 5:17-42.

   Ja ngu ha yä pa yä apostol, ¿hanja ꞌnehe mäpaya rꞌa yä jäꞌi mäske hingä yä testigo rä Jeoba, xä ꞌñudi ge hingi handi xä ntsꞌo nuꞌmu̱ di uñhu̱ ntꞌo̱de rä Noya Äjuä? (Hech. 5:34-39.)

Rä ꞌmede 107

1. ¿Toꞌo Esteban, ꞌne te mi pe̱fi ko rä mfatsꞌi Äjuä?

2. ¿Te bi mää Esteban hänge xa bi nkue̱ nuꞌu̱ yä majhä?

3. ¿Te bi tꞌo̱tꞌpäbi Esteban nuꞌmu̱ nuꞌu̱ yä ñꞌo̱ho̱ bi gu̱ki de rä hnini yä nju̱tꞌitho?

4. Hyandi rä kꞌoi, ¿toꞌo nuni ñꞌo̱ho̱ di supäbi yä hee nuyu̱ märꞌa yä ñꞌo̱ho̱?

5. Änte de xä du Esteban, ¿te bi yꞌapäbi Jeoba?

6. ¿Hanja dä za gä de̱mbäbihu̱ rä kꞌoi Esteban nuꞌmu̱ nꞌa rä jäꞌi o̱tkägihu̱ rä ntsꞌomꞌu̱i?

Märꞌa yä ntꞌani:

1. Hñeti Hechos 6:8-15.

   ¿Te xä me̱fi nuꞌu̱ yä jäꞌi di gu̱tꞌi rä ꞌñuu ha yä nijä pa njabu̱ yä testigo rä Jeoba hindä sigi dä ungä ntꞌo̱de rä Noya Äjuä? (Hech. 6:9, 11, 13.)

2. Hñeti Hechos 7:1-60.

   1. ¿Te bi matsꞌi Esteban nuꞌmu̱ bi tsꞌohni ha Sanedrin pa bi za bi ñäni ꞌne bi mää nuꞌu̱ yä rꞌayꞌo hogä noya de rä Mäkä Tꞌofo, ꞌne te dä za gä pädihu̱ de näꞌä rä hogä kꞌoi? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Hanja ri ꞌñehe gä handihu̱ nuꞌu̱ yä jäꞌi hingi ne gä uñhu̱ ntꞌo̱de rä Noya Äjuä? (Hech. 7:58-60; Mat. 5:44; Luc. 23:33, 34.)

Rä ꞌmede 108

1. ¿Te bi me̱fi Saulo mꞌe̱fa de bi du Esteban?

2. ¿Te mä däta tꞌo̱tꞌe bi thogi nuꞌmu̱ Saulo bi ma pa Damäsko?

3. ¿Te bi ꞌñembi rä Hesu ge xä me̱fi Saulo?

4. ¿Te bi ꞌñembäbi rä Hesu ge xä me̱fi Anänias, ꞌne hanja Saulo bi za bi hyandi mänꞌaki?

5. ¿Hanja bi zo̱ho̱ bi fädi Saulo mꞌe̱fa, ꞌne te bi me̱fi?

Märꞌa yä ntꞌani:

1. Hñeti Hechos 8:1-4.

   ¿Te bi me̱fi nuꞌu̱ yä de̱ni rä Hesu nuꞌmu̱ bi tꞌu̱tsa ꞌne bi jui de yä nguu, ꞌne hanja geꞌä xä thogi ꞌnehe mäpaya? (Hech. 8:4; Isa. 54:17.)

2. Hñeti Hechos 9:1-20.

   ¿Ndañꞌu̱ nuꞌu̱ hñuu yä ꞌme̱fi mi pe̱ꞌtsi rä Hesu pa Saulo? (Hech. 9:15; 13:5; 26:1; 27:24; Rom. 11:13.)

3. Hñeti Hechos 22:6-16.

   ¿Hanja dä za gä de̱mbäbihu̱ rä kꞌoi Anänias, ꞌne por hanja xa mähyoni? (Hech. 22:12; 1 Tim. 3:7; 1 Ped. 1:14-16; 2:12.)

4. Hñeti Hechos 26:8-20.

   Saulo bi zo̱ho̱ bi de̱ni rä Hesu, ¿hanja nunä kꞌoi di nupäbi yä mfeni nuꞌu̱ yä ku ꞌne yä nju xä nthäti ko nuꞌu̱ hingi pe̱päbi Äjuä? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Rä ꞌmede 109

1. Hyandi rä kꞌoi, ¿toꞌo nuni ñꞌo̱ho̱ di ndandiñähmu?

2. ¿Te bi mää näꞌä rä e̱nxe̱ Äjuä nuꞌmu̱ bi ma bä nuu Kornelio?

3. ¿Te bi japi Äjuä bi hyandi Pedro nuꞌmu̱ xki bo̱xä mäñä ha rä ngu Simon?

4. ¿Por hanja Pedro bi ꞌñembäbi Kornelio ge hinxä ndandiñähmu ꞌne nixi xä ndäne?

5. ¿Por hanja nuꞌu̱ yä ntsitsꞌi Pedro mi yä judio, himi kamfri näꞌä mi handi?

6. ¿Te ma däta kꞌoi dä za gä pädihu̱ de nuꞌmu̱ Pedro bi ma bä nuu Kornelio?

Märꞌa yä ntꞌani:

1. Hñeti Hechos 10:1-48.

   ¿Te udi näꞌä bi mää Pedro ha Hechos 10:42 de hanja mähyoni gä uñhu̱ ntꞌo̱de de nuꞌu̱ yä rꞌayꞌo hogä noya de rä Tsꞌu̱tꞌhui Äjuä? (Mat. 28:19; Mar. 13:10; Hech. 1:8.)

2. Hñeti Hechos 11:1-18.

   ¿Te bi me̱fi Pedro nuꞌmu̱ bi bädi ge Jeoba mi numäñho gatꞌho yä jäꞌi de gatꞌho yä rasa, ꞌne hanja dä za gä te̱mbäbihu̱ rä kꞌoi? (Hech. 11:17, 18; 2 Cor. 10:5; Efe. 5:17.)

Rä ꞌmede 110

1. Hyandi rä kꞌoi, ¿toꞌo nuni tsꞌu̱ntꞌu̱, ꞌne habu̱ mi ꞌmu̱i? ¿Te mi rä thuhu rä nänä ꞌne rä xuxu?

2. ¿Hanja bi dädi Timoteo nuꞌmu̱ Pablo bi yꞌambäbi mu̱ mi ne dä ma kongeꞌä ꞌne Silas pa xä matsꞌi xä ꞌñuti rä Noya Äjuä nuꞌu̱ yä jäꞌi mi ꞌmu̱i yabu̱?

3. ¿Habu̱ bi mu̱di bi tꞌembi yä cristiano nuꞌu̱ yä de̱ni rä Hesu?

4. ¿Te mä hnini bi zo̱ni Pablo, Silas ꞌne Timoteo nuꞌmu̱ bi bo̱ni de Listra?

5. ¿Hanja bi matsꞌi Timoteo rä Pablo, ꞌne te mä ntꞌani dä za dä yꞌo̱tꞌe yä bäsjäꞌi de mäpaya?

Märꞌa yä ntꞌani:

1. Hñeti Hechos 9:19-30.

   ¿Hanja bi ꞌñudi Pablo ge bi bädi te bi me̱fi nuꞌmu̱ yä nkontra bi ne te dä yꞌo̱tpäbi ngeꞌä mi ungä ntꞌo̱de rä Noya Äjuä? (Hech. 9:22-25, 29, 30; Mat. 10:16.)

2. Hñeti Hechos 11:19-26.

   ¿Hanja udi Hechos 11:19-21, 26 ge ko rä mäkä tsꞌe̱di, Jeoba di gu̱hni rä hnini pa di ungä ntꞌo̱de nuꞌu̱ yä rꞌayꞌo hogä noya?

3. Hñeti Hechos 13:13-16, 42-52.

   ¿Hanja udi Hechos 13:51, 52 ge yä de̱ni rä Hesu bi sigi bi ungä ntꞌo̱de rä Noya Äjuä mäske bi tꞌu̱tsa? (Mat. 10:14; Hech. 18:6; 1 Ped. 4:14.)

4. Hñeti Hechos 14:1-6, 19-28.

   Nuꞌmu̱ di tumämu̱ihu̱ po gä fatsꞌihu̱ nuꞌu̱ ja fu̱di pe̱päbi Äjuä, ¿hanja di nupkä mä mfenihu̱ rä Mäkä Tꞌofo nuꞌmu̱ enä “bi yꞌe̱ntꞌi ha yä yꞌe̱” Jeoba? (Hech. 14:21-23; 20:32; Juan 6:44.)

5. Hñeti Hechos 16:1-5.

   Nuꞌmu̱ bi tꞌembi Timoteo ge dä sirkunsida, Timoteo bi yꞌo̱de, ¿hanja näꞌä bi me̱fi utkägihu̱ ge mähyoni gä jahu̱ gatꞌho yä tꞌo̱tꞌe po yä “rꞌayꞌo hogä noya”? (Hech. 16:3; 1 Cor. 9:23; 1 Tes. 2:8.)

6. Hñeti Hechos 18:1-11, 18-22.

   ¿Hanja udi Mateo 28:20 ge rä Hesu ꞌnehe fatsꞌi rä hnini Äjuä pa di ungä ntꞌo̱de yä rꞌayꞌo hogä noya, ꞌne hanja di nupkä mä mfenihu̱ mäpaya? (Mat. 28:18-20.)

Rä ꞌmede 111

1. ¿Toꞌo nuni tsꞌu̱ntꞌu̱ ꞌme̱ni ha rä hai, ꞌne te bi ja?

2. ¿Te bi me̱fi Pablo nuꞌmu̱ bi hyandi ge näꞌä tsꞌu̱ntꞌu̱ xki du?

3. ¿Pa habu̱ bi ma Pablo, Timoteo ꞌne nuꞌu̱ märꞌa mi ñꞌoui, ꞌne te bi thogi nuꞌmu̱ bi gohi ha Mileto?

4. ¿Te bi mää nꞌa rä mꞌe̱hni Äjuä mi rä thuhu Agabo ge ma xä thogi Pablo ꞌne hanja xa bi kumpli?

Märꞌa yä ntꞌani:

1. Hñeti Hechos 20:7-38, NM.

   1. ¿Hanja dä za gä mäñhu̱ ꞌnehe ge “hinte mä ji di tuhu̱” ja ngu bi mää Pablo ha Hechos 20:26, 27? (Eze. 33:8; Hech. 18:6, 7.)

   2. ¿Por hanja yä ansiano mähyoni dä uni “näꞌä rä ntꞌutäte xa mäjuäni” nuꞌmu̱ uti märꞌaa? (Hech. 20:17, 29, 30; Tito 1:7-9; 2 Tim. 1:13.)

2. Hñeti Hechos 26:24-32.

   Pablo mi rä romäno, ¿hanja geꞌä bi matsꞌi pa bi ungä ntꞌo̱de rä Noya Äjuä ja ngu xki mändabi rä Hesu? (Hech. 9:15; 16:37, 38; 25:11, 12; 26:32; Luc. 21:12, 13.)

Rä ꞌmede 112

1. ¿Te bi thogi ko näꞌä barko habu̱ xki tꞌe̱ntꞌi Pablo nuꞌmu̱ bi thogi getbu̱ de Kreta?

2. ¿Te bi xipi Pablo nuꞌu̱ märꞌa yä jäꞌi mi ñꞌoui ha näꞌä barko?

3. ¿Por hanja bi xe̱ni näꞌä barko?

4. ¿Te bi mända näꞌä soldado mi su näꞌä barko, ꞌne hängu yä jäꞌi bi zo̱ni ha rä ñäni rä ndehe?

5. ¿Te mi rä thuhu näꞌä isla habu̱ bi zo̱ni, ꞌne pa habu̱ bi tsꞌitsꞌi Pablo nuꞌmu̱ bi thogi näꞌä bu̱nthi?

Märꞌa yä ntꞌani:

1. Hñeti Hechos 27:1-44.

   Rä Mäkä Tꞌofo mää gatꞌho näꞌä bi thogi Pablo nuꞌmu̱ bi tsꞌitsꞌi pa Romä, ꞌne xä thini ge hää bi thogi njabu̱, ¿hanja nunä thogi faxkägihu̱ pa gä kamfrihu̱ ge mäjuäni gatꞌho näꞌä hutsꞌi ha rä Mäkä Tꞌofo? (Hech. 27:16-19, 27-32; Luc. 1:3; 2 Tim. 3:16, 17.)

2. Hñeti Hechos 28:1-14.

   Mu̱ nuꞌu̱ yä mengu Mälta himi pädi Äjuä, pe mäske njabu̱ “xi bi ñhojäꞌi ndunthi” ko Pablo ꞌne nuꞌu̱ märꞌa yä jäꞌi mi ñꞌoui ha rä barko, ¿te mähyoni gä pe̱fihu̱ nuju̱ di pädihu̱ Äjuä, ꞌne hanja ri ꞌñehe gä jahu̱? (Hech. 28:1, 2; Heb. 13:1, 2; 1 Ped. 4:9.)

Rä ꞌmede 113

1. Mientra Pablo mi o fadi ha Romä, ¿toꞌo gatꞌho bi ꞌñuti de rä Noya Äjuä?

2. Hyandi rä kꞌoi, ¿toꞌo nuni zo̱nte, ꞌne te mä mfatsꞌi bi umbi Pablo?

3. ¿Toꞌo Epafrodito, ꞌne te bi hñätsꞌi mi mengi pa Filipos?

4. ¿Por hanja Pablo bi yꞌopäbi nꞌa karta näꞌä rä hogä ntsitsꞌi mi rä thuhu Filemon?

5. ¿Te bi me̱fi Pablo mi bo̱ni de rä fadi, ꞌne te bi thogi mꞌe̱fa?

6. ¿Toꞌo bi huahni Jeoba pa bi yꞌofo nuꞌu̱ yä gäxä mfistꞌofo de rä Mäkä Tꞌofo, ꞌne te hutsꞌi ha näꞌä mfistꞌofo Apocalipsis?

Märꞌa yä ntꞌani:

1. Hñeti Hechos 28:16-31 ꞌne Filipenses 1:13.

   ¿Te bi me̱fi Pablo mientra mi o fadi ha Romä, ꞌne hanja bi matsꞌi näꞌä rä hogä kꞌoi nuꞌu̱ yä de̱ni rä Hesu? (Hech. 28:23, 30; Fili. 1:14.)

2. Hñeti Filipenses 2:19-30.

   ¿Te mä noya bi yꞌofo Pablo de Timoteo ꞌne de Epafrodito habu̱ bi ꞌñudi ge xa mi mädi, ꞌne hanja dä za gä de̱mbäbihu̱ rä kꞌoi Pablo? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Hñeti Filemón 1-25.

   1. ¿Hanja bi nzofo Pablo rä Filemon pa bi yꞌapäbi xä me̱fi näꞌä xä ñho, ꞌne hanja mäpaya yä ansiano dä za dä de̱mbäbi rä kꞌoi? (File. 9; 2 Cor. 8:8; Gál. 5:13.)

   2. ¿Hanja udi nuꞌu̱ yä noya bi mää Pablo ha Filemón 13, 14 ge näꞌä mi pe̱ꞌspäbi rä tꞌekꞌei näꞌä mi mbeni nuꞌu̱ märꞌa yä ku de rä mhuntsꞌi? (1 Cor. 8:7, 13; 10:31-33.)

4. Hñeti 2 Timoteo 4:7-9.

   Ja ngu rä apostol Pablo, ¿por hanja dä za gä kamfrihu̱ ge Jeoba ma dä jäpigihu̱ mu̱ gä yꞌohu̱ mänjuäntho asta rä gätsꞌi? (Mat. 24:13 NM; Heb. 6:10.)

Rä ꞌmede 114

1. ¿Por hanja rä Mäkä Tꞌofo mää de yä fani ha mähetsꞌi?

2. ¿Gi pädi te rä thuhu näꞌä tuhni ma dä hä Äjuä kontra yä tsꞌomꞌu̱i jäꞌi, ꞌne pate ma dä hä näꞌä tuhniꞌä?

3. Hyandi rä kꞌoi, ¿toꞌo ma dä gu̱tꞌi rä ꞌñuu ha näꞌä tuhniꞌä, por hanja di hñä nꞌa koronä, ꞌne te ri bo̱ni näꞌä rä majuai di hñä?

4. Ja ngu dä handihu̱ ha yä ꞌmede 10, 15 ꞌne 33, ¿por hanja hindi tsuhu̱ nuꞌmu̱ di pädihu̱ ge Jeoba ma dä huati gatꞌho yä tsꞌomꞌu̱i jäꞌi?

5. Mäske rꞌa yä jäꞌi enä ge di xo̱kämbeni Äjuä, ¿hanja udi nuꞌu̱ yä ꞌmede 36 ꞌne 76 ge Äjuä ma dä huati nuꞌu̱ yä tsꞌomꞌu̱i jäꞌi?

Märꞌa yä ntꞌani:

1. Hñeti Apocalipsis 19:11-16.

   1. ¿Hanja udi rä Mäkä Tꞌofo ge näꞌä to̱ge ko rä tꞌaxä fani go geꞌä Ñhesukristo? (Ap. 1:5; 3:14; 19:11; Isa. 11:4.)

   2. ¿Hanja näꞌä ji tu ha rä hee rä Hesu udi ge ma dä huati ꞌne ma dä dähä näꞌä tuhni? (Ap. 14:18-20; 19:13.)

   3. Rä Mäkä Tꞌofo mää ge rä Hesu di ꞌme̱tꞌo ꞌne to̱ge nꞌa rä tꞌaxä fani pa dä ntuhni, ¿toꞌo zäi ge ma dä de̱ni ꞌnehe rä Hesu pa dä matsꞌi ha näꞌä tuhniꞌä? (Ap. 12:7; 19:14; Mat. 25:31, 32.)

Rä ꞌmede 115

1. Ja ngu udi rä Mäkä Tꞌofo, ¿hanja ma dä neki näꞌä rꞌayꞌo Uädri?

2. ¿Te mä mꞌu̱i mää rä Mäkä Tꞌofo ge ma dä me̱ꞌtsi nuꞌu̱ ma dä mꞌu̱i ha rä rꞌayꞌo Uädri?

3. ¿Hämꞌu̱ ma dä hä rä Hesu näꞌä hogä mꞌu̱i ha rä Xiꞌmhai?

4. Nuꞌmu̱ rä Hesu bi mꞌu̱i ha rä Xiꞌmhai, ¿te bi me̱fi pa bi ꞌñudi näꞌä ma dä me̱fi ha gatꞌho rä Xiꞌmhai nuꞌmu̱ xti zo̱ho̱ dä Ndä ha rä Tsꞌu̱tꞌhui Äjuä?

5. ¿Te ma dä me̱fi rä Hesu ꞌne nuꞌu̱ yä jäꞌi ma dä mända kongeꞌä ha mähetsꞌi po nuꞌu̱ yä jäꞌi ma dä mꞌu̱i ha rä Xiꞌmhai?

Märꞌa yä ntꞌani:

1. Hñeti Apocalipsis 5:9, 10.

   ¿Hanja di pädihu̱ ge nuꞌu̱ xä huahni rä Hesu pa dä ndä ꞌne dä majhä kongeꞌä po nꞌa Mꞌo yä Je̱ya, ma dä mända rä Xiꞌmhai ko rä mhäte ꞌne rä nhuekäte? (Efe. 4:20-24; 1 Ped. 1:7; 3:8; 5:6-10.)

2. Hñeti Apocalipsis 14:1-3.

   ¿Te ri bo̱ni nuꞌmu̱ rä Mäkä Tꞌofo mää ge rä thuhu rä Dada ꞌne näꞌä rä Tꞌu̱kä De̱ti hutsꞌi ha yä de nuꞌu̱ 144,000? (1 Cor. 3:23; 2 Tim. 2:19, NM; Ap. 3:12.)

Rä ꞌmede 116

1. ¿Te mähyoni gä pädihu̱ mu̱ di ne gä ꞌmu̱ihu̱ pa nzäntho?

2. Ja ngu nuni zi nxutsi ꞌne nuyu̱ märꞌa yä bätsi gi handi ha rä kꞌoi, ¿hanja dä za gä pädihu̱ de rä Zi Dada Jeoba ꞌne de Ñhesukristo?

3. ¿Te rä thuhu nuni mänꞌa mfistꞌofo gi handi ha rä kꞌoi ꞌne por hanja mähyoni gä hetihu̱ hyaxtho?

4. Mu̱ ya dä pädihu̱ de rä Zi Dada Jeoba ꞌne de rä Hesu, ¿te mänꞌa di ja mꞌe̱di gä pe̱fihu̱ pa gä pe̱ꞌtsihu̱ rä te pa nzäntho?

5. ¿Te dä pädihu̱ ha Rä ꞌmede 69?

6. Ja ngu dä handihu̱ ha Rä ꞌmede 55, ¿te dä za gä pädihu̱ de näꞌä hogä kꞌoi bi ꞌñudi näꞌä zi bätsi Samuel?

7. ¿Hanja dä za gä de̱mbäbihu̱ rä kꞌoi Ñhesukristo, ꞌne mu̱ gä jahu̱ njabu̱ te mä jäpi dä za gä hänihu̱ mꞌe̱fa?

Märꞌa yä ntꞌani:

1. Hñeti Juan 17:3.

   ¿Hanja udi rä Mäkä Tꞌofo ge nuꞌmu̱ di pädihu̱ de Jeoba ꞌne Ñhesukristo, di ja mꞌe̱di gä pe̱fihu̱ märꞌa yä tꞌo̱tꞌe, hingä ho̱nse̱ gä pe̱ꞌtsihu̱ ndunthi rä mfädi? (Mat. 7:21; Sant. 2:18-20; 1 Juan 2:17.)

2. Hñeti Salmo 145:1-21.

   1. ¿Te mä raso di pe̱ꞌtsihu̱ pa gä eꞌspäbihu̱ rä nsu Jeoba? (Sal. 145:8-11; Ap. 4:11.)

   2. ¿Hanja udi Jeoba ge “xi rä hojäꞌi ko ngatꞌho”, ꞌne hanja gehnä faxkägihu̱ pa gä pe̱ꞌtsihu̱ nꞌa rä hogä ntsitsꞌi kongeꞌä? (Sal. 145:9; Mat. 5:43-45.)

   3. ¿Te ma gä ne gä pe̱fihu̱ mu̱ xa di mädihu̱ ndunthi rä Zi Dada Jeoba? (Sal. 119:171, 172, 175; 145:11, 12, 21.)