Biblia yachachisqanmanta librituypa yachaqanapaq tapuynin
Biblia yachachisqanmanta librituypa yachaqanapaq tapuynin
Diosninchik ruwayta qallarin
1. ¿Maymanta kutuy allin kaq jamun? ¿Diospa ruwasqanmanta parlariwaqchu?
2. ¿Imatataq Diosninchik ñawpaqta ruwarqa?
3. ¿Imaraykutaq ñawpaq kaq ángel may munasqa karqa?
4. Imaynachus qallariypi Jallpʼa kasqanta sutʼinchay (Dibujituta qhawariy).
5. ¿Imaynatá Diosninchik animalespaq runaspaq ima, Jallpʼata wakichiyta qallarirqa?
Wak tapuykuna:
1. Jeremías 10:12 ñawiriy.
¿Ima Diospa kʼacha kaynintataq ruwasqanpi rikunchik? (Isa. 40:26; Rom. 11:33.)
2. Colosenses 1:16 ñawiriy.
¿Imatá Jesús tukuy ima ruwakuchkaptin Tatanta yanaparqa? Chayta yachaspa, ¿imaynatá payta qhawananchik tiyan?
3. Génesis 1:1-10 ñawiriy.
a) ¿Imaynatá Jallpʼa rikhurirqa? (Gén. 1:1.)
b) ¿Imatataq ñawpaq kaq pʼunchaypi ruwakun? (Gén. 1:3-5.)
c) ¿Imatataq iskay kaq pʼunchaypi ruwakun? (Gén. 1:7, 8.)
Juk kʼachitu huerta
1. ¿Imaynatá Diosninchik Jallpʼata wakichipuwarqanchik?
2. Dios may chhika animalesta ruwan, ¿wakinpa sutisninta niwaqchu? (Dibujituta qhawariy.)
3. ¿Imaraykutaq Edén huerta may kʼachitu karqa?
4. ¿Imaynatá Diosninchik tukuy Jallpʼa kananta munarqa?
Wak tapuykuna:
1. Génesis 1:11-25 ñawiriy.
a) ¿Imatataq Diosninchik kimsa kaq pʼunchaypi ruwarqa? (Gén. 1:12.)
b) ¿Imatataq tawa kaq pʼunchaypi ruwakurqa? (Gén. 1:16.)
c) ¿Ima animalestataq Dios phichqa kaq, suqta kaq pʼunchaykunapi ruwarqa? (Gén. 1:20, 21, 25.)
2. Génesis 2:8, 9 ñawiriy.
¿Ima iskay jukjina sachʼastataq Diosninchik huertapi churarqa, imapaqtaq chay sachʼasta churakurqa?
Runap qallariynin
1. ¿Imataq mana iskay kaq yachachiypi rikhurinchu, kimsa kaq yachachiypitaq rikhurin?
2. ¿Pitaq ñawpaq kaq qharita ruwan, imataq sutin karqa?
3. ¿Imatataq Diosninchik Adán ruwananta nirqa?
4. ¿Imaraykutaq Diosninchik Adanta puñuchirqa?
5. ¿Machkha unaytataq Adanwan Evawan kawsankuman karqa, imatataq Jehová ruwanankuta munarqa?
Wak tapuykuna:
1. Salmo 83:18, NM * ñawiriy.
¿Imataq Diospa sutin, imayna jatuntaq Diospa atiynin Jallpʼata kamachinanpaq? (Jer. 16:21; Dan. 4:17.)
2. Génesis 1:26-31, ñawiriy.
a) ¿Imatá ruwaspataq Diosninchik suqta kaq pʼunchaypi ruwayninta tukuchan, imaynatá kay ruwasqan animalesmanta jukjina karqa? (Gén. 1:26.)
b) ¿Imatá Jehová runaman, animales ima mikhunankupaq qurqa? (Gén. 1:30.)
3. Génesis 2:7-25 ñawiriy.
a) ¿Imataraq Adán ruwarqa, animalesta allinta sutichananpaq? (Gén. 2:19.)
b) Génesis 2:24 nisqanmanjina, ¿imaynatá Jehová qhariwarmi kawsayta, tʼaqanakuyta, divorciakuyta ima, qhawan? (Mat. 19:4-6, 9.)
Huertamanta wikchʼuchikunku
1. Dibujituta qhawariy. ¿Imatataq Adanwan Evawan ruwakuchkan?
2. ¿Imaptintaq Jehová paykunata qharqurqa?
3. ¿Imatá juk katari Evata nirqa?
4. ¿Pitaq chay katariniqta Evawan parlarqa?
5. ¿Imaraykutaq Adanwan Evawan Paraíso wasinkumanta wikchʼuchikurqanku?
Wak tapuykuna:
1. Génesis 2:16, 17; 3:1-13, 24 ñawiriy.
a) ¿Imaraykutaq katari Evata tapusqan, Jehovata saqratajina rikuchirqa? (Gén. 3:1-5; 1 Juan 5:3.)
b) ¿Imaraykutaq mana Evajina ruwananchikchu tiyan? (Fili. 4:8; Sant. 1:14, 15; 1 Juan 2:16.)
c) ¿Imaynatá Adán Evawan, mana juchachakusqankuta willayta munarqankuchu? (Gén. 3:12, 13.)
d) ¿Imaynamanta querubines Edén huertapi sayaspa, Jehovap jatun kamachiyninta jarkʼarqanku? (Gén. 3:24.)
2. Apocalipsis 12:9 ñawiriy.
¿Machkha runatataq Supay Diospa contranpi churan? (1 Juan 5:19.)
Phutiy kawsay qallarin
1. ¿Imaynatá Edén huertamanta wikchʼuchikuytawan Adán Evawan kawsarqanku?
2. ¿Adán Evawan imanakuyta qallarirqanku, imaraykutaq?
3. ¿Imaraykutaq wawasninpis machuyananku karqa?
4. Adanwan Evawan kasukunkuman karqa chayqa, ¿imaynatá paykuna wawasninwan ima kawsankuman karqa?
5. ¿Imaynatataq Eva juchallikusqanmanta ñakʼarirqa?
6. ¿Imataq iskaynin ñawpa kaq churisnin sutichakurqanku?
7. ¿Pikunataq kay dibujitumanta wawas kanku?
Wak tapuykuna:
1. Génesis 3:16-23; 4:1, 2 ñawiriy.
a) Juchallikusqanrayku, ¿imatataq Adán mikhunanpaq ruwanan karqa? (Gén. 3:17-19; Rom. 8:20, 22.)
b) ¿Imaraykutaq Eva suti allin karqa, imatá “kawsaq” niyta munan? (Gén. 3:20.)
c) ¿Imaynatá Adanwan Evawan juchallikuptinkupis, Jehová paykunamanta khuyakurqa? (Gén. 3:7, 21.)
2. Apocalipsis 21:3, 4 ñawiriy.
¿Mayqin ‘ñawpa kaq imastaq’ chinkananta munawaq?
Cainmanta Abelmantawan
1. ¿Imapitaq Cainwan Abelwan llamkʼaq kanku?
2. ¿Imatataq Cainwan Abelwan Jehovaman aparqanku?
3. ¿Imaraykutaq Jehová Abel apasqanta allinpaq qhawarqa, imaptintaq Caín apasqanwan mana kusikurqachu?
4. ¿Imayna runataq Caín karqa, imaynatá Jehová chiqanchayta munarqa?
5. Sapallanku campopi kachkaspa, ¿imatataq Caín Abelta ruwarqa?
6. Caín wawqinta wañuchisqanmanta, ¿imatataq Dios paywan ruwarqa?
Wak tapuykuna:
1. Génesis 4:2-26 ñawiriy.
a) ¿Imaynatataq Jehová mana Caín urmananta munaspa nirqa? (Gén. 4:7.)
b) ¿Imaynatá Caín sunqunpi kasqanta rikuchirqa? (Gén. 4:9.)
c) ¿Imaynatá Jehová mana juchayuq runata wañuchiqta qhawan? (Gén. 4:10; Isa. 26:21.)
2. 1 Juan 3:11, 12 ñawiriy.
a) ¿Imaraykutaq Caín manchaytapuni phiñarikurqa, imaraykutaq mana payjina phiñakunanchikchu tiyan? (Gén. 4:4, 5; Pro. 14:30; 28:22.)
b) Tukuy familianchikpis Jehovawan churanakuptin, ¿imaynatá Biblia nisqanmanjina, Diosta yupaychallasunpuni? (Sal. 27:10; Mat. 10:21, 22.)
3. Juan 11:25 ñawiriy.
¿Imatá Diosninchik chiqanta ruwaspa wañuqkunapaq parlanña? (Juan 5:24.)
Juk mana manchachikuq runa
1. ¿Imaraykutaq Enoc jukjina karqa?
2. ¿Imaraykutaq Enoc pʼunchayninpi runas saqrata ruwaq kanku?
3. ¿Ima saqra ruwaykunatataq ruwaq kanku? (Dibujituta qhawariy.)
4. ¿Imaraykutaq Enoc mana manchachikunanchu karqa?
5. ¿Machkha unaytataq runas chay pʼunchaykunapi kawsaq kanku, machkha watayuqtaq Enoc wañurqa?
6. ¿Imataq Enoc wañupusqantawan aywirirqa?
Wak tapuykuna:
1. Génesis 5:21-24, 27 ñawiriy.
a) ¿Imaynatá Enoc Jehovawan apanakurqa? (Gén. 5:24.)
b) Biblia nisqanmanjina, ¿pitaq astawan unayta kawsarqa, machkha watayuqtaq wañurqa? (Gén. 5:27.)
2. Génesis 6:5 ñawiriy.
¿Imaynakamataq Enoc wañupusqantawan tukuy imapis saqrayarqa, imaynatataq chay saqrayay pʼunchayninchikman rikchʼakun? (2 Tim. 3:13.)
3. Hebreos 11:5 ñawiriy.
¿Ima Enocpa kʼacha kaynintaq, ‘Diospa munayninmanjinapuni’ karqa, imaynatá chay yanaparqa? (Gén. 5:22.)
4. Judas 14, 15 ñawiriy.
¿Imaynatá cristianos Diospa pʼunchayninmanta parlaspa, Enocjina mana manchachikunankuchu tiyan? (2 Tim. 4:2; Heb. 13:6.)
Jallpʼapi may jatuchaq runas
1. ¿Imatá wakin angelkuna Supayta uyarispa ruwarqanku?
2. ¿Imaraykutaq wakin angelkuna Jallpʼaman jamunankupaq, cielopi ruwayninkuta saqirqanku?
3. ¿Imaraykutaq wakin ángeles Jallpʼaman jamuspa, aycha cuerpota ruwakuspa ima, mana allintachu ruwarqanku?
4. ¿Imapitaq jukjina angelkunap wawasnin karqanku?
5. Dibujitupi rikunkijina, ¿imatá angelkunap wawasnin wiñaspa ruwarqanku?
6. Enocmanta qhipaman, ¿mayqin kʼacha runataq Jallpʼapi kawsarqa, imaptintaq Dios payta munakurqa?
Wak tapuykuna:
1. Génesis 6:1-8 ñawiriy.
Génesis 6:6 nisqanmanjina, ¿imaynatá ruwasqanchikwan Jehovap sunqunta nanachisunman chayri kusichisunman? (Sal. 78:40, 41; Pro. 27:11.)
2. Judas 6 ñawiriy.
¿Imatataq ‘qallariypi kasqankuta saqiq’ angelkuna, mana ruwananchikpaq yachachiwanchik? (1 Cor. 3:5-9; 2 Ped. 2:4, 9, 10.)
Noé arcata ruwan
1. ¿Machkhataq Noep familian karqa, imataq kimsa churisnin sutikurqanku?
2. ¿Ima mana riqsikusqantataq Noé ruwanan karqa, imaptintaq?
3. Noé Jatun Paramanta parlaptin, ¿runa masisnin creerqankuchu?
4. ¿Imatá Dios Noeman animalkunawan ruwananta nirqa?
5. Dios arcap punkunta wisqʼasqantawan, ¿imatá Noé familianwan ruwarqanku?
Wak tapuykuna:
1. Génesis 6:9-22 ñawiriy.
a) ¿Imaraykutaq Noé Diospa may sumaq kamachin karqa? (Gén. 6:9, 22.)
b) ¿Imatataq Jehová maqanakuymanta nin, imaynatá chay rikusqanchikpi, pukllasqanchikpi yanapawanchik? (Gén. 6:11, 12; Sal. 11:5.)
c) ¿Imaynatá Noejina, Jehová llaqtanniqta kamachiwaptinchik, kasukusunman? (Gén. 6:22; 1 Juan 5:3.)
2. Génesis 7:1-9 ñawiriy.
¿Imaynatá Jehová Noeta pantaq runa kaptinpis allinpaq qhawasqan, ñuqanchiktapis sunquchawanchik? (Gén. 7:1; Pro. 10:16; Isa. 26:7.)
May Jatun Para
1. ¿Imaraykutaq paramuyta qallarisqantawan, mana pipis arcaman yaykuyta atirqachu?
2. ¿Machkha unaytataq Jehová parachimurqa, maykamataq yaku wicharirqa?
3. ¿Imanakurqataq arca tukuy Jallpʼata yaku pʼampaykuchkaptin?
4. ¿May jatuchaq runas Jatun Parapi wañurqankuchu? ¿Imatá tatasninku ruwarqanku?
5. ¿Maypitaq arca phichqa killanman qhipakurqa?
6. ¿Imaraykutaq Noé juk yana pʼisqituta arcamanta kacharirqa?
7. ¿Imaynatá Noé yaku pisiyasqanta yacharqa?
8. Noé familianwan juk wata kuraqta arca ukhupi kasqankumanta, ¿imatataq Diosninchik nirqa?
Wak tapuykuna:
1. Génesis 7:10-24 ñawiriy.
a) ¿Machkha runataq Jallpʼapi wañurqanku? (Gén. 7:23.)
b) ¿Machkha unaypitaq Jatun Parap yakun chʼakiyakapurqa? (Gén. 7:24.)
2. Génesis 8:1-17 ñawiriy.
¿Imaynatá Génesis 8:17 nisqan, Jallpʼapaq Jehovap munaynin mana tikrakusqanta rikuchiwanchik? (Gén. 1:22.)
3. 1 Pedro 3:19, 20 ñawiriy.
a) ¿Imatataq Diosninchik chay churanakuq angelkunata cieloman kutisqankutawan ruwarqa? (Jud. 6.)
b) ¿Imaynatá Noemanta familianmantawan yachakuy, llaqtanta kacharichinapaq Jehovap atiyninta rikuchiwanchik? (2 Ped. 2:9.)
Ñawpa kaq kʼuychi
1. Dibujitupi rikunkijina, ¿imatataq Noé arcamanta lluqsiytawan ñawpaqta ruwarqa?
2. Para thasnukusqanmanta, ¿imatataq Diosninchik Noeman familianman ima kamachirqa?
3. ¿Imatataq Diosninchik mana juktawan ruwanqachu?
4. Kʼuychita rikuspa, ¿imatataq yuyarinanchik tiyan?
Wak tapuykuna:
1. Génesis 8:18-22 ñawiriy.
a) ¿Imaynatá ñuqanchik Jehovaman ‘juk samarichiq qʼapayta’ chayachisunman? (Gén. 8:21; Heb. 13:15, 16.)
b) ¿Imatataq Jehová runap sunqunpi rikurqa, chayrayku imamantá jarkʼakunanchik tiyan? (Gén. 8:21; Mat. 15:18, 19.)
2. Génesis 9:9-17 ñawiriy.
a) ¿Ima tratotataq Jehová Jallpʼapi kawsaqkunawan ruwarqa? (Gén. 9:10, 11.)
b) ¿Machkha unaypaqtaq kʼuychi tratota ruwarqa? (Gén. 9:16.)
Jatun torreta ruwanayanku
1. ¿Pitaq Nimrod karqa, imatá Dios paymanta nirqa?
2. ¿Imaraykutaq kay dibujitumanta runas ladrillosta ruwachkanku?
3. ¿Imaraykutaq Jehová mana kay torreta ruwanankuta munanchu?
4. ¿Imaynatá Dios chay torre ruwayta sayachirqa?
5. ¿Imataq chay llaqta sutikun, imatá chay suti niyta munan?
6. ¿Imatataq Dios parlayninkuta chaqrusqantawan ruwarqanku?
Wak tapuykuna:
1. Génesis 10:1, 8-10 ñawiriy.
¿Imayna runataq Nimrod karqa, imamantá Biblia jarkʼakunanchikta niwanchik? (Pro. 3:31.)
2. Génesis 11:1-9 ñawiriy.
¿Imaraykutaq chay torreta ruwayta munarqanku, imaptintaq mana tukuchayta atinkumanchu karqa? (Gén. 11:4; Pro. 16:18; Juan 5:44.)
Abraham... Diospa munasqa masin
1. ¿Imayna runataq Ur llaqtapi tiyakurqa?
2. ¿Pitaq kay dibujitumanta runa, maykʼaqtaq nacekurqa, maypi tiyakurqa?
3. ¿Imatataq Dios Abrahamman kamachirqa?
4. ¿Imaraykutaq Abraham Diospa munasqa masin karqa?
5. ¿Pitaq Abrahamwan khuska Ur llaqtamanta ripurqa?
6. ¿Imatataq Dios Abrahamta Canaán llaqtaman chayasqantawan nirqa?
7. ¿Imatá Dios Abrahamman 99 watayuq kachkaptin, nirqa?
Wak tapuykuna:
1. Génesis 11:27-32 ñawiriy.
a) ¿Imantaq Lot Abrahampata karqa? (Gén. 11:27.)
b) Taré familianta Ur llaqtamanta pusakapusqanta nikuptinpis, ¿imaynatá Abraham familianta apakapusqanta yachanchik, imaraykutaq chayta ruwarqa? (Gén. 11:31; Hech. 7:2-4.)
2. Génesis 12:1-7 ñawiriy.
¿Imaynatá Jehová ‘Abrahamwan trato ruwasqanta’, Canaanpi astawan jatunchachirqa? (Gén. 12:7.)
3. Génesis 17:1-8, 15-17 ñawiriy.
a) ¿Ima musuq sutiwantaq Abramta 99 watayuq kachkaptin sutichakurqa, imaraykutaq? (Gén. 17:5.)
b) ¿Ima tʼinkakunatataq Jehová Saraman qunan karqa? (Gén. 17:15, 16.)
4. Génesis 18:9-19 ñawiriy.
a) Génesis 18:19, nisqanmanjina, ¿imatataq tatakuna ruwanankuy tiyan? (Deu. 6:6, 7; Efe. 6:4.)
b) ¿Sara ima ruwasqantaq, mana imatapis Jehovamanta pakayta atisqanchikta yachachiwanchik? (Gén. 18:12, 15; Sal. 44:21.)
Abrahampa jatun iñiynin
1. ¿Imatataq Dios Abrahamman nirqa, imaynatá chayta juntʼarqa?
2. Dibujitupi rikunkijina, ¿imaynatá Dios Abrahampa jatun iñiyninta rikurqa?
3. ¿Imatá Abraham Dios kamachisqanta mana japʼiqayta atispapis imata ruwarqa?
4. ¿Imatataq Abraham churinta wañuchinayachkaspa uyarirqa?
5. ¿Imayna jatuntaq Abrahampa iñiynin karqa?
6. ¿Imatataq Dios Abrahamman jaywananpaq qurqa, imaynatá?
Wak tapuykuna:
1. Génesis 21:1-7 ñawiriy.
¿Imaraykutaq Abraham pusaq kaq pʼunchaypi wawanta circuncidarqa? (Gén. 17:10-12; 21:4.)
2. Génesis 22:1-18 ñawiriy.
¿Imaynatá Isaac tatanta kasukusqanta rikuchirqa, chay ruwasqan ima aswan jatun ruwaywantaq ninakurqa? (Gén. 22:7-9; 1 Cor. 5:7; Fili. 2:8, 9.)
Lotpa warmin kutirikun
1. ¿Imaraykutaq Abrahamwan Lotwan tʼaqanakurqa?
2. ¿Imaraykutaq Lot Sodoma llaqtaman ripurqa?
3. ¿Imayna runataq Sodomapi tiyakuq?
4. ¿Imatataq angelkuna Lotman willarqanku?
5. ¿Imaraykutaq Lotpa warmin kachiman tukurqa?
6. ¿Ima yachaytataq Lotpa warminmanta yachakunchik?
Wak tapuykuna:
1. Génesis 13:5-13 ñawiriy.
¿Imatataq Abraham juk phiñanakuyta allinchasqan yachachiwanchik? (Gén. 13:8, 9; Rom. 12:10; Fili. 2:3, 4.)
2. Génesis 18:20-33 ñawiriy.
Abraham Jehovawan parlasqanta allinta qhawarispa, ¿imaraykutaq Jehovawan Jesuswan juzgachkaspa chiqantapuni juzganankuta nisunman? (Gén. 18:25, 26; Mat. 25:31-33.)
3. Génesis 19:1-29 ñawiriy.
a) Kaypi Biblia nisqanmanjina, ¿imaynatataq Dios qharipura puñuykakapuqkunata qhawan? (Gén. 19:5, 13; Lev. 20:13.)
b) ¿Imaynatá Lotwan Abrahamwan jukjinamanta sapa jukpis Jehovap kʼamirisqanta japʼirqanku, imatataq chay yachachiwanchik? (Gén. 19:15, 16, 19, 20; 22:3.)
4. Lucas 17:28-32 ñawiriy.
¿Imasninmantá Lotpa warmin ayqichkaspa yuyarirqa, imatataq chay yachachiwanchik? (Luc. 12:15; 17:31, 32; Mat. 6:19-21, 25.)
5. 2 Pedro 2:6-8 ñawiriy.
Lotjina yuyaspa, ¿imaynatá kay saqra pachap ruwayninta qhawananchik tiyan? (Eze. 9:4; 1 Juan 2:15-17.)
Isaacpaq juk kʼacha warmi
1. ¿Pikunataq dibujitupi kay qhari kay warmi kanku?
2. ¿Imatataq Abraham churinpaq warmita taripunanpaq ruwarqa, imaraykutaq?
3. ¿Imaynatá Dios Abrahampa kamachin mañakusqanman kutichirqa?
4. ¿Imatataq Rebeca Isaacwan casarakuy niptinku kutichirqa?
5. ¿Imaptintaq Isaac watiqmanta kusirikurqa?
Wak tapuykuna:
1. Génesis 24:1-67 ñawiriy.
a) ¿ Rebecap ima kʼacha kaynintataq Abrahampa kamachin rikurqa? (Gén. 24:17-20; Pro. 31:17, 31.)
b) Abraham Isaac casarakunanpaq ruwasqan, ¿imatataq yachachiwanchik? (Gén. 24:37, 38; 1 Cor. 7:39; 2 Cor. 6:14.)
c) ¿Imaraykutaq Isaacjina tʼukurinanchikpaq, tiempochakunanchik tiyan? (Gén. 24:63; Sal. 77:12; Fili. 4:8.)
Iskay mana rikchʼakuq wawqis
1. ¿Pikunataq Esaú Jacob ima karqanku, imapitaq jukjinataq karqanku?
2. ¿Machkha watayuqtaq Jacob Esaú karqanku, Abraham wañupuchkaptin?
3. ¿Ima ruwaspataq Esaú tatasninta phutichirqa?
4. ¿Imaraykutaq Esaú Jacob wawqinwan mayta phiñakurqa?
5. ¿Ima kamachiytataq Isaac Jacob churinman qurqa?
Wak tapuykuna:
1. Génesis 25:5-11, 20-34 ñawiriy.
a) ¿Imatá Jehová Rebecap iskaynin wawasninpaq ñawpaqmantapacha nirqa? (Gén. 25:23.)
b) ¿Imaraykutaq Jacob kuraq wawa kaymanta mana Esaujinachu yuyarqa? (Gén. 25:31-34.)
2. Génesis 26:34, 35; 27:1-46; 28:1-5 ñawiriy.
a) ¿Imaynatá Esaú mana Diospa munayninta jatunpaq qhawarqachu? (Gén. 26:34, 35; 27:46.)
b) ¿Imatataq Isaac Jacobta Diospa bendicioninta japʼinanpaq ruwananta nirqa? (Gén. 28:1-4.)
3. Hebreos 12:16, 17 ñawiriy.
Esaú mana tʼinkata japʼisqan, ¿imataq mana Diospa munayninta munakuqkunapaq kananta yachachiwanchik?
Jacob Haranman rin
1. ¿Pitaq dibujitumanta chay sipas, imaynatá Jacob payta yanaparqa?
2. ¿Imatataq Jacob Raquelwan casarananpaq ruwarqa?
3. ¿Imatataq Labán ruwarqa Jacob Raquelwan casarakunan kachkaptin?
4. ¿Imatá Jacob Raquelwan casarakunanpaq watiqmanta ruwarqa?
Wak tapuykuna:
1. Génesis 29:1-30 ñawiriy.
a) Labán Jacobta chʼawkiyaptinpis, ¿imaynatá Jacob chiqan runa kasqanta rikuchirqa, imatataq chay yachachiwanchik? (Gén. 25:27; 29:26-28; Mat. 5:37.)
b) ¿Imaynatá Jacob ruwasqan, chiqamanta Raquelta munakusqanta rikuchiwanchik? (Gén. 29:18, 20, 30; Cnt. 8:6.)
c) ¿Ima tawa warmistaq Jacobman wawasta qurqanku? (Gén. 29:23, 24, 28, 29.)
Jacobpa jatun ayllun
1. ¿Leap suqta churisnin ima sutikurqanku?
2. ¿Ima iskay churistataq Zilpa Leap kamachin Jacobman qurqa?
3. ¿Imataq Bilha Raquelpa kamachinpa iskay churisnin sutichakurqanku?
4. ¿Ima iskay churiyuqtaq Raquel karqa, imanakurqataq Raquel Benjamín nacekuchkaptin?
5. Dibujitupi rikuchinjina, ¿machkha churisniyuqtaq Jacob karqa, ima llaqtataq paykunamanta jamun?
Wak tapuykuna:
1. Génesis 29:32-35; 30:1-26; 35:16-19 ñawiriy.
Jacobpa chunka iskayniyuq churisninpi rikukunjina, ¿imaynatá hebreos unay tiempopi wawasninkuta sutichaq kanku?
2. Génesis 37:35 ñawiriy.
Bibliapi Dinap sutillan rikhuriptinpis, ¿imaynatá Jacobpata aswan ususisnin kasqanta yachanchik? (Gén. 37:34, 35.)
Dina llakiyman urman
1. ¿Imaraykutaq Abrahamwan Isaacwan churisninku Canaanmanta warmiswan casarakunankuta mana munarqankuchu?
2. ¿Allinpaqchu Jacob ususin Canaanmanta sipaskunawan masichakusqanta rikurqa?
3. ¿Pitaq dibujitupi Dinata qhawachkan, imanarqataq Dinata?
4. ¿Imatataq Simeón Leviwan (Dinapta turankuna) Dinata ruwasqankumanta uyariytawan ruwarqanku?
5. ¿Jacob churisnin ruwasqankumanta kusikurqachu?
6. ¿Imaynatá kay familiapi llakiykuna qallarirqa?
Wak tapuykuna:
1. Génesis 34:1-31 ñawiriy.
a) ¿Sapa kutichu Dina Canaanmanta sipaskunawan masichakuq riq? (Gén. 34:1.)
b) ¿Imaraykutaq Dina kallparpachikusqanmanta tumpa juchayuqllataq karqa? (Gál. 6:7.)
c) ¿Imatataq kunan waynas sipaspis, Sichem Dinata ruwasqanmanta yachakunkuman? (Pro. 13:20; 1 Cor. 15:33; 1 Juan 5:19.)
Wawqisnin Joseta chiqninku
1. ¿Imaraykutaq wawqisnin Joseta chiqninku, imatataq paykuna ruwarqanku?
2. ¿Imatataq wawqisnin Josewan ruwayta munanku, chaywanpis imatataq Rubén nirqa?
3. ¿Imatataq paykuna ruwarqanku ismaelitakunawan tinkuspa?
4. ¿Imatataq Josep waqisnin ruwanku, tatan José wañusqanta ninanpaq?
Wak tapuykuna:
1. Génesis 37:1-35 ñawiriy.
a) ¿Imaynatá cristianokuna Josejina ruwankuman qutuchakuykunapi pipis mana allinta ruwaptin? (Gén. 37:2; Lev. 5:1; 1 Cor. 1:11.)
b) ¿Imaraykutaq wawqisnin Joseta wasancharqanku? (Gén. 37:11, 18; Pro. 27:4; Sant. 3:14-16.)
c) ¿Imatataq Jacob nanachikusqanrayku mana pʼinqakusqa ruwan? (Gén. 37:35.)
Joseta wisqʼaykunku
1. ¿Machkha watayuqtaq José Egiptoman chayan, imatataq chaypi ruwarqa?
2. ¿Imaraykutaq José wisqʼachikun?
3. ¿Ima ruwaytataq Joseman wisqʼasqa kachkaptin qurqanku?
4. ¿Imatataq José tʼantata ruwaqpaq, coperopaq ima ruwarqa?
5. ¿Imatá copero carcelmanta lluqsiytawan qunqarqa?
Wak tapuykuna:
1. Génesis 39:1-23 ñawiriy.
Josep tiemponpi manapis khuchichakuymanta ley kaptinpis, ¿imaraykutaq José Potifarpa warminmanta ayqirqari? (Gén. 2:24; 20:3; 39:9.)
2. Génesis 40:1-23 ñawiriy.
a) ¿Imatataq copero musqurqa, imatataq Jehová Joseniqta payman willarqa? (Gén. 40:9-13.)
b) ¿Imatataq tʼanta ruwaq musqurqa, imatataq niyta munarqa? (Gén. 40:16-19.)
c) ¿Imaynatá kunan Diospa llaqtan Josejina ruwallantaq? (Gén. 40:8; Sal. 36:9; Juan 17:17; Hech. 17:2, 3.)
d) ¿Imatataq Génesis 40:20 diachakuymanta yachachiwanchik? (Ecl. 7:1; Mar. 6:21-28.)
Faraón musqukusqan
1. ¿Imanakurqataq Faraón juk chʼisi?
2. ¿Imaynamanta copero Josemanta yuyarikun?
3. Dibujitupi rikukunjina, ¿ima iskay musquykunata Faraón musqukurqa?
4. José nisqanmanjina, ¿imatataq chay musquykuna niyta munarqa?
5. ¿Imaynamanta José Egiptopi jatun runa karqa?
6. ¿Imaraykutaq Josep wawqisnin Egiptoman rirqanku, imaraykutaq mana Joseta riqsirqankuchu?
7. ¿Ima musquytataq José yuyarikurqa, imaynatá chay yuyarikusqan Joseta yanaparqa?
Wak tapuykuna:
1. Génesis 41:1-57, nawiriy.
a) ¿Imaynatá José Jehovata jatuncharqa, imaynatá kunanpis cristianokuna kikinta ruwasunman? (Gén. 41:16, 25, 28; Mat. 5:16; 1 Ped. 2:12.)
b) ¿Imaynatá Egiptopi sumaq puqusqan Diospa llaqtanman rikchʼakun, chantapis imaynatá Egiptopi yarqhay llulla religionman rikchʼakun? (Gén. 41:29, 30; Amós 8:11, 12.)
2. Génesis 42:1-8; 50:20 ñawiriy.
Juk llaqtapi kamachiq runaman tukuypis kʼumuykukuptinku, ¿cristianokuna kʼumuykukunkumanchu? (Gén. 42:6.)
Josep wawqisnin allinchakunku
1. ¿Imaraykutaq José wawqisninta llaqtanta qhawarasqankumanta tumpan?
2. ¿Imaraykutaq Jacob sullkʼa wawanta Benjaminta Egiptoman kachan?
3. ¿Imaraykutaq Josep qullqi copan Benjaminpa kustalanpi rikhurin?
4. Benjaminrayku, ¿imatataq Judá ruwayta munarqa?
5. ¿Imaynatá Josep wawqisnin allinchakusqankuta rikunchik?
Wak tapuykuna:
1. Génesis 42:9-38 ñawiriy.
Génesis 42:18 pʼitipi José nisqan, ¿imaraykutaq kunan Diospa llaqtanpi kamachiqkunapaq juk allin kʼamiy kanman? (Neh. 5:15; 2 Cor. 7:1, 2.)
2. Génesis 43:1-34 ñawiriy.
a) Tukuyninkumanta Rubén kuraq kaptinpis, ¿imaynatá Judá tukuypaq umajina kasqanta rikuchin? (Gén. 43:3, 8, 9; 44:14, 18; 1 Cró. 5:2.)
b) ¿Imaynatá José wawqisnin allinchakusqankuta rikurqa, imaraykutaq? (Gén. 43:33, 34.)
3. Génesis 44:1-34 ñawiriy.
a) Mana wawqisnin riqsikapunankupaq, ¿ima runajinataq José qhawachikurqa? (Gén. 44:5, 15; Lev. 19:26.)
b) ¿Imaynatá Josep wawqisnin manaña saqra runaschu kasqankuta rikuchirqanku? (Gén. 44:13, 33, 34.)
Ayllun Egiptoman ripun
1. ¿Imatataq wawqisnin José pichus kasqanta willaptin ruwarqanku?
2. ¿Imatataq José munakuywan wawqisninman sutʼincharqa?
3. ¿Imatataq Faraón Josep ayllunmanta uyarispa nirqa?
4. ¿Machkhataq Jacobpa ayllun karqa Egiptoman chayachkaptinku?
5. ¿Imataq Jacobpa ayllun sutichakurqa, imaraykutaq?
Wak tapuykuna:
1. Génesis 45:1-28 ñawiriy.
Biblia Josemanta willasqanmanjina, ¿imaynatá, Diosninchik payta kasukuqkunata ñakʼarichikuptin, chayta allinninkupaq tikranman? (Gén. 45:5-8; Isa. 8:10; Fili. 1:12-14.)
2. Génesis 46:1-27 ñawiriy.
¿Imaynatá Jehová Egiptoman chayananpaq Jacobta yanaparqa? (Gén. 46:1-4.)
Job Diosta mana wasanchanchu
1. ¿Pitaq Job karqari?
2. ¿Imatataq Satanás ruwayta munarqa? ¿Atirqachu?
3. ¿Imatataq Jehová Satanás ruwananta saqirqa, imaraykutaq?
4. ¿Imaraykutaq Jobpa warmin, ‘Diosta maldeciy jinaspataq wañuy’, nirqari? (Dibujituta qhawariy.)
5. Kay iskay kaq dibujitupi rikunkijina, ¿imaynamanta Jehová Jobta tʼinkarqa, imaraykutaq?
6. Jobjina mana Diosta wasanchasunchikchu chayqa, ¿ima tʼinkakunatataq japʼisunchik?
Wak tapuykuna:
1. Job 1:1-22 ñawiriy.
¿Imaynamanta cristianokuna Jobta qhatinkuman? (Job 1:1; Fili. 2:15; 2 Ped. 3:14.)
2. Job 2:1-13 ñawiriy.
¿Imaynatá Job ñakʼariykunata qhawarqa, warminri? (Job 2:9, 10; Pro. 19:3; Miq. 7:7; Mal. 3:14.)
3. Job 42:10-17 ñawiriy.
a) Chiqanta ruwasqanrayku, ¿imapitaq Job tʼinkata japʼisqan Jesuspa tʼinkanman rikchʼakun? (Job 42:12; Fili. 2:9-11.)
b) Job juntʼa sunqu kasqanrayku tʼinkachikusqan, ¿imaynatá kallpachawanchik? (Job 42:10, 12; Heb. 6:10; Sant. 1:2-4, 12; 5:11.)
Egiptopi juk saqra runa kamachin
1. ¿Pikunataq chay runasta, maqaqkuna kanku?
2. ¿Imatataq israelitaswan José wañupusqantawan ruwarqanku?
3. ¿Imaraykutaq Egiptomanta runa israelitasmanta manchachikurqanku?
4. ¿Imatataq Faraón parterasman kamachirqa?
Wak tapuykuna:
1. Éxodo 1:6-22 ñawiriy.
a) ¿Imaynatá Jehová Abrahamman parlasqan juntʼakuyta qallarichkarqa? (Éxo. 1:7; Gén. 12:2; Hech. 7:17.)
b) ¿Imaynatá parteras kawsayta jatunpaq qhawasqankuta rikuchirqanku? (Éxo. 1:17; Gén. 9:6.)
c) ¿Imaynatá Jehovap munasqanta ruwasqankurayku parterasta tʼinkakurqa? (Éxo. 1:20, 21; Pro. 19:17.)
d) Abrahampa mirayninmanta Diospa parlasqanta, ¿imaynatá Satanás Diospa munayninta pantachiyta munarqa? (Éxo. 1:22; Mat. 2:16.)
Moisés wawitata salvakun
1. ¿Pitaq dibujitupi wawita, piqpa makinmantataq japʼikuchkan?
2. ¿Imatataq Moisespa maman mana wawanta wañuchinankupaq ruwarqa?
3. ¿Pitaq dibujitupi imillitari, imatataq ruwarqa?
4. Faraonpa ususin wawitata tarisqantawan, ¿imatá María payman nirqa?
5. ¿Imatataq Faraonpa ususin Moisespa mamanta nirqa?
Wak tapuy:
1. Éxodo 2:1-10 ñawiriy.
¿Imaynatá Moisespa maman wawanta, uñitallaraq kachkaptin allinta yachachirqa, kunan imatataq tatasman chay yachachin? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)
Imaraykutaq Moisés ayqin
1. ¿Maypitaq Moisés wiñarqa, imatataq tatamamanmanta yacharqa?
2. ¿Imatá Moisés 40 watayuq kachkaspa ruwarqa?
3. ¿Imatataq Moisés llaqta masinta maqaq israelitata nirqa, imaynatá chay runa kutichirqa?
4. ¿Imaraykutaq Moisés Egiptomanta ayqirqa?
5. ¿Maymantaq Moisés ayqirqa, piwantaq chaypi riqsinakurqa?
6. ¿Imatataq Moisés tawa chunka watakunata Haranpi ruwarqa?
Wak tapuykuna:
1. Éxodo 2:11-25 ñawiriy.
Tukuy imata Egiptopi yachakuspapis, ¿imaynatá Moisés mana Jehovata nitaq llaqtanta wasancharqachu? (Éxo. 2:11, 12; Heb. 11:24.)
2. Hechos 7:22-29 ñawiriy.
Moisés egipciota wañuchispa, sapallan Israel llaqtata kacharichiyta munasqan, ¿imatataq yachachiwanchik? (Hech. 7:23-25; 1 Ped. 5:6, 10.)
Lawraq sachʼa
1. ¿Imataq dibujitumanta urqu sutikun?
2. ¿Imatataq Moisés ovejasninta michichkaspa rikurqa?
3. ¿Imatataq lawraq sachʼamanta uyarirqa, pitaq parlachkarqa?
4. Dios llaqtayta Egiptomanta urqhumuy niptin, ¿imaynatá Moisés kutichirqa?
5. Pitaq Moisesta kachasqanta tapuptinku, Dios nisqanmanjina, ¿imatataq kutichinan karqa?
6. ¿Imaynatá Moisés Diospa kachasqan kasqanta rikuchinan karqa?
Wak tapuykuna:
1. Éxodo 3:1-22 ñawiriy.
¿Imaynatá, mana imatapis ruwayta atiptinchik Moisespa kawsayninta qhawarispa, Dios yanapanawanchikta suyasunman? (Éxo. 3:11, 13; 2 Cor. 3:5, 6.)
2. Éxodo 4:1-20 ñawiriy.
a) ¿Imaynatá Moisés tawa chunka watata Madián llaqtapi kachkaspa yuyayninta tikrarqa, imatataq chaymanta qutuchakuy ukhupi ñawpayta munaqkuna yachakunkuman? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)
b) Jehová llaqtanniqta jasutʼiwaptinchikpis, ¿imatataq Moisespa kawsaynin yachachiwanchik? (Éxo. 4:12-14; Sal. 103:14; Heb. 12:4-11.)
Moisés wawqinwan Faraonman rin
1. ¿Imaynatataq israelitakuna Moisés Aaronwan ruwasqankumanta nirqanku?
2. ¿Imatataq Moisés Aaronwan Faraonman nirqanku, imatataq Faraón kutichirqa?
3. Dibujitupi rikunkijina, ¿imanakurqataq Aaronpa tuqnun?
4. ¿Imaynatataq Jehová Faraonta wanachirqa, chaywanpis imatataq Faraón ruwarqa?
5. ¿Imatataq Faraón 10 kaq ñakʼariy tukukusqantawan ruwarqa?
Wak tapuykuna:
1. Éxodo 4:27-31; 5:1-23 ñawiriy.
¿Imatataq Faraón niyta munarqa, ‘pitaq kasqa chay Jehová Dios, ñuqa payta kasunaypaqri’, nispa? (Éxo. 5:2; 1 Sam. 2:12; Rom. 1:21.)
2. Éxodo 6:1-13, 26-30 ñawiriy.
a) ¿Imaynamanta Jehová mana Abrahamwan, Isaacwan, Jacobwan ima riqsichikurqachu? (Éxo. 3:13, 14; 6:3; Gén. 12:8.)
b) Jehová Moisesta kachasqan, mana Faraonwan parlayta atisqanta yuyaptinpis, ¿imatataq yachachiwanchik? (Éxo. 6:12, 30; Luc. 21:13-15.)
3. Éxodo 7:1-13 ñawiriy.
a) Moisés wawqinwan, Jehová nisqanmanjina Faraonman willamusqanku, ¿imatataq yachachiwanchik? (Éxo. 7:2, 3, 6; Hech. 4:29-31.)
b) ¿Imaynatá Jehová Egiptop dioskunamanta astawan jatun kasqanta rikuchirqa? (Éxo. 7:12; 1 Cró. 29:12.)
Chunka ñakʼariykuna
1. Dibujokunata qhawarispa, ¿mayqinkunataq kimsa ñawpa kaq ñakʼariykuna karqanku?
2. ¿Imapitaq kimsa ñawpa kaq ñakʼariykuna jukjina qhipa qanchis ñakʼariykunamanta karqanku?
3. ¿Mayqinkunataq tawa, phichqa, suqta kaq ñakʼariykuna karqanku?
4. ¿Mayqinkunataq qanchis, pusaq, jisqʼun kaq ñakʼariykuna karqanku?
5. Manaraq chunka kaq ñakʼariy kachkaptin, ¿imatataq Jehová israelitakuna ruwanankuta nirqa?
6. ¿Mayqintaq chunka kaq ñakʼariy karqa, imataq chaymanta qhipaman karqa?
Wak tapuykuna:
1. Éxodo 7:19–8:23 ñawiriy.
a) Egiptomanta yatirikuna ñawpa iskay kaq ñakʼariykunata kikinta ruwaspapis, ¿imatataq kimsa kaq ñakʼariymanta qhipaman nirqanku? (Éxo. 8:18, 19; Mat. 12:24-28.)
b) ¿Imaynatá tawa kaq ñakʼariywan Diosninchik llaqtanta jarkʼayta atisqanta rikuchirqa, imatataq Diosninchik llaqtanpaq “jatun ñakʼariy” chayamuptin ruwananta yachanchik? (Éxo. 8:22, 23; Apo. 7:13, 14; 2 Cró. 16:9.)
2. Éxodo 8:24; 9:3, 6, 10, 11, 14, 16, 23-25; 10:13-15, 21-23 ñawiriy.
a) Ima iskay qututaq kay chunka ñakʼariykunawan rikukurqa, imaynatataq kunan chay qutusta qhawananchik tiyan? (Éxo. 8:10, 18, 19; 9:14.)
b) Éxodo 9:16 nisqanmanjina, ¿imaraykutaq Jehová Satanasta kunankama kawsananta saqin? (Rom. 9:21, 22.)
3. Éxodo 12:21-32 ñawiriy.
¿Imaynatá pascua may chhika runa salvakunanpaq yanaparqa, imatataq pascua qhipaman ruwakunanmanta rikuchirqa? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)
Puka quchata chimpanku
1. ¿Machkha qharikunataq warmisninkuwan wawasninkuwan ima Egiptomanta lluqsirqanku, pikunataq paykunawan ripurqanku?
2. ¿Imatataq Faraón israelitakuna ripuptinku nirqa?
3. ¿Imatataq Jehová egipcios llaqtanta mana taripanankupaq ruwarqa?
4. Moisés quchaniqman tuqnunta uqhariptin, ¿imanakurqataq Puka qucha, imatataq israelitakuna ruwarqanku?
5. ¿Imatataq Jehová egipcios mana israelitakunata quchapi taripanankupaq ruwarqa?
6. ¿Imaynatá israelitakuna yanapasqanmanta Jehovaman pachis nirqanku, imaynatá may kusisqa kasqankuta rikuchirqanku?
Wak tapuykuna:
1. Éxodo 12:33-36 ñawiriy.
¿Imaynatataq Jehová llaqtan may unayta Egiptopi kamachisjina llamkʼasqanmanta pagachirqa? (Éxo. 3:21, 22; 12:35, 36.)
2. Éxodo 14:1-31 ñawiriy.
Diospa pʼunchaynin, qayllapiña kasqanta yachaspa, ¿imaynatá Éxodo 14:13, 14 nisqan kunan Diosta yupaychaqkunata yanapan? (2 Cró. 20:17; Sal. 91:8.)
3. Éxodo 15:1-8, 20, 21 ñawiriy.
a) ¿Imaraykutaq Jehovata takispa yupaychananchik tiyan? (Éxo. 15:1, 2; Sal. 105:2, 3; Apo. 15:3, 4.)
b) María wak warmiswan ruwasqankumanjina, ¿imatataq warmikuna ruwananku tiyan? (Éxo. 15:20, 21; Sal. 68:11.)
Musuq mikhuna
1. ¿Imatataq dibujitupi runakuna jallpʼamanta pallachkanku, ima sutikun?
2. ¿Imatataq Moisés llaqtaman maná uqharinankumanta nirqa?
3. ¿Imatataq Jehová llaqtata suqta pʼunchaypi ruwananpaq kamachirqa?
4. ¿Ima milagrotataq Jehová qanchis pʼunchaykama manata jallchʼakunanpaq ruwarqa?
5. ¿Machkha unaytataq Jehová llaqtanman maná nisqata qun?
Wak tapuykuna:
1. Éxodo 16:1-36, chantapis Números 11:7-9 ñawiriy.
a) Éxodo 16:8 nisqanmanjina ¿imaynatá Diospa llaqtanpi kuraqkunata sutichakusqanta qhawananchik tiyan, imaraykutaq? (Heb. 13:17)
b) ¿Imaynatá israelitakunata chʼin pampapi kachkaptinku sapa pʼunchay Jehovap makinpi kasqankuta yuyarichikurqa? (Éxo. 16:14-16, 35; Deu. 8:2, 3.)
c) ¿Imawantaq Jesús maná nisqata kikincharqa, chantapis imaynatá kay ‘janaqpachamanta kaq tʼantawan’ yanapachikunchik? (Juan 6:31-35, 40.)
2. Josué 5:10-12 ñawiriy.
¿Machkha unaytataq israelitakuna maná nisqata mikhurqanku, imaynatataq chay, pacienciankuta rikuchirqa, imatataq chaymanta yachakunchik? (Éxo. 16:35; Núm. 11:4-6; 1 Cor. 10:10, 11.)
Jehová kamachiykunata qun
1. Egiptomanta lluqsisqankumanta iskay killanman, ¿maypitaq israelitakuna qhipakurqanku?
2. ¿Imatataq Jehová llaqtanta kamachirqa, imatataq paykuna kutichirqanku?
3. ¿Imaraykutaq Jehová Moisesman iskay pʼalta rumista qurqa?
4. Chunka kamachiykunamanta astawan, ¿ima wak kamachiykunata Jehová israelitakunaman qurqa?
5. ¿Ima iskay kamachiytaq Jesús nisqanmanjina astawan jatun kanku?
Wak tapuykuna:
1. Éxodo 19:1-25; 20:1-21; 24:12-18; 31:18 ñawiriy.
Éxodo 19:8 nisqanmanjina ¿imatataq Diosman qukuy niyta munan? (Mat. 16:24; 1 Ped. 4:1-3.)
2. Deuteronomio 6:4-6; Levítico 19:18; Mateo 22:36-40 ñawiriy.
¿Imaynatá cristianokuna Diosta, runa masinkuta ima munakusqankuta rikuchinku? (Mar. 6:34; Hech. 4:20; Rom. 15:2.)
Qurimanta waka uña
1. ¿Imatataq runakuna dibujopi ruwachkanku?
2. ¿Imaraykutaq Jehová phiñakurqa, imatataq Moisés runa ruwachkasqankuta rikuspa ruwarqa?
3. ¿Imatataq Moisés wakin runakunaman nirqa?
4. ¿Imatataq kay ruwakusqan yachachiwanchik?
Wak tapuykuna:
1. Éxodo 32:1-35 ñawiriy.
a) Kay ñawirisqanchikmanjina, ¿imaynatataq Diosninchik chiqa religionta llulla religionwan chhapukuptin qhawan? (Éxo. 32:4-6, 10; 1 Cor. 10:7, 11.)
b) ¿Imapitaq cristianokuna takiykunata, tusuykunata akllachkaspa tʼukurinanku tiyan? (Éxo. 32:18, 19; Efe. 5:15, 16; 1 Juan 2:15-17.)
c) ¿Imaynatá Levip suyun paykunajina ruwananchikpaq chiqan kaqta ruwarqanku? (Éxo. 32:25-28; Sal. 18:25.)
Yupaychanapaq toldo
1. Dibujitumanta wasi, ¿imataq sutikun, imapaqtaq?
2. ¿Imaraykutaq Jehová Moisesta juk wasita apaykachanapaqjina ruwananta nirqa?
3. ¿Imataq chay juchʼuy cuartitupi cajajina, imataq ukhunpi tiyan?
4. ¿Pitataq Jehová sacerdotespa kuraqnin kananpaq akllarqa imatataq pay ruwanan karqa?
5. ¿Ima kimsa imastaq jatun kaq cuartopi tiyan?
6. ¿Ima iskay imastaq toldop pationpi tiyan, ima ruwanapaqtaq kanku?
Wak tapuykuna:
1. Éxodo 25:8-40; 26:1-37; 27:1-8; 28:1 ñawiriy.
¿Imatataq ‘arcap’ patanpi querubinkuna niyta munan? (Éxo. 25:20, 22; Núm. 7:89; 2 Rey. 19:15.)
2. Éxodo 30:1-10, 17-21; 34:1, 2, chantapis Hebreos 9:1-5 ñawiriy.
a) ¿Imaraykutaq Jehová toldopi yupaychaq sacerdotekuna llimphu kanankuta munarqa, imatataq chay yachachiwanchik? (Éxo. 30:18-21; 40:30, 31; Heb. 10:22.)
b) Apóstol Pablo hebreo cristianosman cartata qillqasqanpi, ¿imaynatá, tantakuna toldo, leyniqta trato ruwakusqan ima, manaña ñuqanchikpaq kasqanta yachachiwanchik? (Heb. 9:1, 9; 10:1.)
Chunka iskay watiqaqkuna
1. ¿Imatataq chay uvakunamanta niwaq? ¿Maymantá apamunku?
2. ¿Imaraykutaq Moisés 12 runata Canaán llaqtaman watiqaq kachan?
3. ¿Imatataq 10 watiqaqkuna kutimuytawan ninku?
4. ¿Imaynatá 2 watiqaqkuna Jehovapi suyasqankuta rikuchinku, ima sutikunku?
5. ¿Imaraykutaq Jehová phiñakun, imatataq Moisesman nin?
Wak tapuykuna:
1. Números 13:1-33 ñawiriy.
a) ¿Pikunatataq chay jallpʼata watiqanankupaq akllarqanku, imatataq paykuna ruwananku karqa? (Núm. 13:2, 3, 18-20.)
b) ¿Imaraykutaq Josué Calebwan mana chay 10 runajinachu yuyarqanku, imatataq chay yachachiwanchik? (Núm. 13:28-30; Mat. 17:20; 2 Cor. 5:7.)
2. Números 14:1-38 ñawiriy.
a) ¿Bibliamanta ima kʼamiriykunatataq kasukunanchik tiyan, mana Diospa churasqan runap wasanmanta parlanapaq? (Núm. 14:2, 3, 27; Mat. 25:40, 45; 1 Cor. 10:10.)
b) Números 14:24 nisqan, ¿imaynatá Jehová ñuqanchikmanta interesakusqanta yachachiwanchik? (1 Rey. 19:18; Pro. 15:3.)
Aaronpa tuqnun tʼikan
1. ¿Pikunataq Moisespa, Aaronpa contranta sayaykunku, imatataq Moisesman ninku?
2. ¿Imatá Moisés Coreman, 250 paywan kaqkunaman ruwanankuta nirqa?
3. ¿Imatataq Moisés llaqtaman nirqa, imataq parlayta tukusqantawan qallarirqa?
4. ¿Imatataq Jehová Corewan, 250 paywan kaqkunawan ruwarqa?
5. ¿Imatataq Eleazar Aaronpa churin, chay churanakuq runap incienso qʼusñichinasninwan ruwarqa, imaraykutaq?
6. ¿Imaraykutaq Jehová Aaronpa tuqnunta tʼikachin? (Dibujituta qhawariy.)
Wak tapuykuna:
1. Números 16:1-49 ñawiriy.
a) ¿Imatataq Corewan kaqkuna ruwarqanku, imaraykutaq chay ruwasqanku Jehovawan churanakuy karqa? (Núm. 16:9, 10, 18; Lev. 10:1, 2; Pro. 11:2.)
b) ¿Ima pantasqa yuyaytataq Coré chay 250 kuraqkuna ima yuyarqanku? (Num. 16:1-3; Prov. 15:33; Isa. 49:7.)
2. Números 17:1-11; 26:10 ñawiriy.
a) ¿Imataq Aaronpa tuqnun tʼikasqanwan rikukurqa, imaraykutaq Jehová chay tuqnuta jallchʼachirqa? (Núm. 17:5, 8, 10.)
b) ¿Ima jatun yachaytataq yachakusunman Aaronpa tuqnun tʼikasqanmanta? (Núm. 17:10; Hech. 20:28; Fili. 2:14; Heb. 13:17.)
Moisés chhankata waqtan
1. ¿Imaynatá Jehová israelitakunata chʼin pampapi kachkaptinku yanaparqa?
2. ¿Imamanta israelitakuna Cadespi kachkaspa thuturqanku?
3. ¿Imaynatá Jehová runakunaman uywakunamanpis yakuta qurqa?
4. ¿Pitaq dibujopi ñuqa nichkan, imaraykutaq?
5. ¿Imaraykutaq Jehová Moiseswan, Aaronwan ima, phiñakurqa?
6. ¿Imaraykutaq Hor urqupi israelitakuna waqarqanku, pitaq kunan kuraq sacerdote karqa?
Wak tapuykuna:
1. Números 20:1-13, 22-29, chantapis Deuteronomio 29:5 ñawiriy.
a) ¿Imatataq Jehová israelitakunata chʼin pampapi yanapasqanmanta yachakunchik? (Deu. 29:5; Mat. 6:31; Heb. 13:5; Sant. 1:17.)
b) ¿Imatataq Jehová Moiseswan Aaronwan mana payta jatunchasqankumanta nirqa? (Núm. 20:12; 1 Cor. 10:12; Apo. 4:11.)
c) Jehová jasutʼisqanmanta, ¿imatataq Moisés ruwasqanmanta yachakusunman? (Núm. 12:3; 20:12, 27, 28; Deu. 32:4; Heb. 12:7-11.)
Broncemanta katari
1. ¿Imataq dibujopi rikusqaykimanjina kʼaspipi warkhusqa kachkan, imaraykutaq Jehová Moisesta chayman churanata nirqa?
2. ¿Imaynatá kunanpis runa Diosninchik paykunapaq ruwasqanmanta mana Diosta pachis ninkuchu?
3. ¿Imatataq israelitastas Jehová katarikunata kachaptin Moisés ruwananta mañarqanku?
4. ¿Imaraykutaq Jehová Moisesta juk katarita ruwananta nirqa?
5. ¿Imatataq kay ñawirisqanchik yachachiwanchik?
Wak tapuykuna:
1. Números 21:4-9 ñawiriy.
a) ¿Ima yachaytataq Israel Jehovap contranta parlasqanku yachachiwanchik? (Núm. 21:5, 6; Rom. 2:4.)
b) Chaymanta unayman, ¿imatataq israelitakuna broncemanta katariwan ruwarqanku, chayta rikuspa imatataq Ezequías ruwarqa? (Núm. 21:9; 2 Rey. 18:1-4.)
2. Juan 3:14, 15 ñawiriy.
¿Imaynatá juk kʼaspiman katarita warkhusqanku, Jesús wañusqanwan ninakun? (Gál. 3:13; 1 Ped. 2:24.)
Juk china burro parlan
1. ¿Pitaq Balac karqa, imaraykutaq Balaamta waqyachirqa?
2. ¿Imaraykutaq ñanpi Balaampa china burron siriykurqa?
3. ¿Imatataq china burro Balaamman nirqa?
4. ¿Imatataq juk ángel Balaamman nirqa?
5. ¿Imatataq Jehová ruwarqa Balaam israelitakunata maldeciyta munasqanwan?
Wak tapuykuna:
1. Números 21:21-35 ñawiriy.
¿Imaraykutaq Israel amorreospa reyninta Sehonta, chantapis Basanpa reyninta Ogta ima atiparqanku? (Núm. 21:21, 23, 33, 34.)
2. Números 22:1-40 ñawiriy.
¿Imaraykutaq Balaam israelitakunata maldeciyta munarqa, imatataq chaymanta yachakunchik? (Núm. 22:16, 17; Pro. 6:16, 18; 2 Ped. 2:15; Jud. 11.)
3. Números 23:1-30 ñawiriy.
Balaam Diosta yupaychaqjina parlaspapis, ¿imaynatá ruwasqan mana chayta rikuchirqachu? (Núm. 23:3, 11-14; 1 Sam. 15:22.)
4. Números 24:1-25 ñawiriy.
Kay Bibliap willasqanmanjina Jehovaqa munayninta juntʼanqapuni, ¿imaynatataq chayta yachaspa iñiyninchik kallpachakun? (Núm. 24:10; Isa. 54:17.)
Josué llaqtata kamachin
1. ¿Pikunataq dibujopi Moiseswan sayachkanku?
2. ¿Imatataq Jehová Josueman nirqa?
3. ¿Imaraykutaq Moisés Nebo urquman wicharirqa, imatataq Jehová chaypi nirqa?
4. ¿Machkha watayuqtaq Moisés wañupurqa?
5. ¿Imaraykutaq llaqta llakikurqa, chaywanpis imaraykutaq kusikurqa?
Wak tapuykuna:
1. Números 27:12-23 ñawiriy.
¿Imaraykutaq may jatun karqa Jehová Josueman llaqtata kamachinanpaq churasqan, imaynatá Jehová llaqtanta munakusqanta rikuchin? (Núm. 27:15-19; Hech. 20:28; Heb. 13:7.)
2. Deuteronomio 3:23-29 ñawiriy.
¿Imaraykutaq Jehová mana Moisés Aaronwan Canaanman yaykunankuta saqirqachu, imatataq chaymanta yachakunchik? (Deu. 3:25-27; Núm. 20:12, 13.)
3. Deuteronomio 31:1-8, 14-23 ñawiriy.
¿Imaynatá Moisés Israelman ripuchkaspa parlasqan, Jehová jasutʼisqanta kʼumuykukuywan japʼikusqanta rikuchiwanchik? (Deut. 31:6-8, 23.)
4. Deuteronomio 32:45-52 ñawiriy.
¿Imaynatá Diospa rimaynin kawsayninchikta allinchanan tiyan? (Deu. 32:47; Lev. 18:5; Heb. 4:12.)
5. Deuteronomio 34:1-12, ñawiriy.
Manapis Moisés Jehovata rikurqachu, ¿imaynatataq Deuteronomio 34:10 nisqan Jehovawan allinta apanakusqanta rikuchiwanchik? (Éxo. 33:11, 20; Núm. 12:8.)
Rahab 2 runata pakan
1. ¿Maypitaq Rahab tiyakun?
2. ¿Pikunataq chay runas kanku, imapaqtaq Jericó llaqtaman rirqanku?
3. ¿Imatataq Jericomanta rey Rahabman nirqa, imatataq Rahab kutichirqa?
4. ¿Imaynatá Rahab chay iskay runata yanaparqa, ima yanapaytataq mañarikurqa?
5. Watiqaqkuna, ¿imatá Rahabman nirqanku?
Wak tapuykuna:
1. Josué 2:1-24 ñawiriy.
¿Imaynatá Jehová Éxodo 23:28 pʼitipi parlasqan juntʼakurqa israelitakuna Jericoman yaykuchkaptinku? (Jos. 2:9-11.)
2. Hebreos 11:31 ñawiriy.
¿Imaynatá Rahab jatun iñiyniyuq kananchikpaq yanapawanchik? (Rom. 1:17; Heb. 10:39; Sant. 2:25.)
Jordán mayuta chimpanku
1. ¿Imatataq Jehová israelitakuna Jordán mayuta chimpanankupaq ruwarqa?
2. ¿Imatataq israelitakuna Jordán mayuta chimpanankupaq ruwananku karqa?
3. ¿Imaraykutaq Jehová Josueta 12 rumita mayup chawpinmanta uqharinankuta nirqa?
4. Sacerdotekuna Jordán mayumanta lluqsimuptinku, ¿imanakurqataq Jordán mayu?
Wak tapuykuna:
1. Josué 3:1-17 ñawiriy.
a) ¿Imaynatá kay Bibliap willasqan yachachiwanchik imatachus ruwananchikta Jehová yanapanawanchikpaq? (Jos. 3:13, 15; Prov. 3:5; Sant. 2:22, 26.)
b) ¿Imaynataq Jordán mayu kachkarqa israelitakuna chimpachkaptinku, imaynamanta kay Jehovap sutinta jatunchan? (Jos. 3:15; 4:18; Sal. 66:5-7.)
2. Josué 4:1-18 ñawiriy.
¿Imapaqtaq 12 rumikunata Jordán mayumanta urqhuspa Gilgal llaqtaman churarqanku? (Jos. 4:4-7.)
Jericop pirqasnin
1. Jehová nisqanmanjina, ¿imatataq qanchis pʼunchaykunata, maqanakuqkuna, sacerdotes ima ruwananku karqa?
2. ¿Imatataq qanchis pʼunchaypi ruwananku karqa?
3. Dibujopi rikunkijina, ¿imanakuchkantaq Jericop pirqasnin?
4. ¿Imaraykutaq juk puka waskha chay wasipi warkhusqa kachkan?
5. ¿Imatataq Josué Jericó llaqtawan, runawan ima, ruwanankuta nirqa, imatataq quriwan, qullqiwan, broncewan, fierrowan ima, ruwananku karqa?
6. ¿Imatataq iskay watiqaqkunaman kamachikurqa?
Wak tapuykuna:
1. Josué 6:1-25 ñawiriy.
a) Israelitaspa qanchis kaq pʼunchaypi Jericó llaqtata muyuspa purisqanku, ¿imapitaq kay qhipa pʼunchaykunapi Jehovamanta sutʼinchaqkuna willasqankuman rikchʼakun? (Jos. 6:15, 16; Isa. 60:22; Mat. 24:14; 1 Cor. 9:16.)
b) ¿Imaynatá Josué 6:26 nisqan Hielpa tiemponpi juntʼakurqa, imatataq yachachiwanchik Jehová parlasqanmanta? (1 Rey. 16:34; Isa. 55:11.)
Israelpi juk suwa
1. ¿Pitaq Jericó llaqtamanta suwasqanta pakachkan, pikunataq payta yanapachkanku?
2. ¿Imaraykutaq Achán familianwan ruwasqanku jatun jucha kasqanta nisunman?
3. ¿Imatataq Jehová Josueman kutichirqa israelitakuna Hai llaqtawan atipachikuptinku?
4. ¿Imatataq Achanta, familiantawan Josuep ñawpaqinman pusaytawan ruwarqanku?
5. ¿Imatataq Achán ruwasqanmanta yachakunchik?
Wak tapuykuna:
1. Josué 7:1-26 ñawiriy.
a) ¿Imatataq Josué Diosmanta mañakusqan yachachiwanchik? (Jos. 7:7-9; Sal. 119:145; 1 Juan 5:14.)
b) ¿Imatataq Achán ruwasqan yachachiwanchik? (Jos. 7:11, 14, 15; Pro. 15:3; 1 Tim. 5:24; Heb. 4:13.)
2. Josué 8:1-29 ñawiriy.
Juchallikunchik chayqa, ¿imatataq ruwananchik tiyan? (Jos. 7:13; Lev. 5:1; Pro. 28:13.)
Yachayniyuq gabaonitas
1. ¿Imapitaq gabaonitas Canaán runamanta jukjina karqanku?
2. Dibujopi rikunkijina, ¿imatataq gabaonitas ruwachkanku, imaraykutaq?
3. ¿Ima tratotataq Josué, wak kuraqkuna ima gabaonitaswan ruwarqanku, imatataq kimsa pʼunchayninman yacharqanku?
4. ¿Imatataq Canaanmanta reykuna gabaonitas tratota ruwasqankumanta nirqanku?
Wak tapuykuna:
1. Josué 9:1-27 ñawiriy.
a) Jehová llaqtanta tukuy cananeosta wañuchinankuta nispapis, ¿ima jatun kaynintataq gabaonitasta perdonaspa rikuchiwanchik? (Jos. 9:22, 24; Mat. 9:13; Hech. 10:34, 35; 2 Ped. 3:9.)
b) Josué gabaonitaswan tratota ruwasqanta juntʼaspa, ¿imatataq tukuy cristianokunata yachachiwanchik? (Jos. 9:18, 19; Mat. 5:37; Efe. 4:25.)
2. Josué 10:1-5 ñawiriy.
¿Imaynatá kunan ‘may chhika runas’ gabaonitas ruwasqankuta ruwanku, chayrayku imaynatá wakkuna paykunata qhatiykachanku? (Jos. 10:4; Zac. 8:23; Mat. 25:35-40; Apo. 12:17.)
Inti sayakapun
1. ¿Imatataq Josué dibujopi nichkan, imaraykutaq?
2. ¿Imaynatá Jehová Josueta soldadosninta ima yanaparqa?
3. ¿Machkha saqra reykunatataq Josué atiparqa, machkha unaypitaq?
4. ¿Imaraykutaq Josué Canaán jallpʼata tʼaqarqa?
5. ¿Machkha watayuqtaq Josué wañupurqa, imatataq runakuna chaymanta ruwarqanku?
Wak tapuykuna:
1. Josué 10:6-15 ñawiriy.
Jehová Intita, Killata Israelrayku sayachisqan, ¿imaynatataq paypi atiykukunanchikpaq yanapawanchik? (Jos. 10:8, 10, 12, 13; Sal. 18:3; Pro. 18:10.)
2. Josué 12:7-24 ñawiriy.
¿Pitaq chay 31 Canaanmanta reykunata atiparqa, imaraykutaq chayta yachay yanapawanchik? (Jos. 12:7; 24:11-13; Deu. 31:8; Luc. 21:9, 25-28.)
3. Josué 14:1-5 ñawiriy.
¿Imaynatá israelitasman jallpʼata qukurqa, imatataq chay Paraisopi ruwakunanmanta yachachiwanchik? (Jos. 14:2; Isa. 65:21; Eze. 47:21-23; 1 Cor. 14:33.)
4. Jueces 2:8-13 ñawiriy.
Israelpi Josuejina mana llullata yachachikunanpaq, ¿pikunataq kunan jarkʼanku? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)
Mana manchachikuq 2 warmis
1. ¿Imayna runataq juezkuna karqanku, imataq wakinkuna sutikurqanku?
2. ¿Ima jatun ruwaytataq Débora ruwaq?
3. Sísara soldadosninwan, reynin Jabin ima israelitakunata maqayta munachkaptinku, ¿imatataq Jehová Deboraniqta, Barac juezman nirqa, Débora nisqanmanjina pitaq may uyarisqa kanan karqa?
4. ¿Imaynatá Jael mana manchachikusqanta rikuchirqa?
5. ¿Imaynatá israelitas rey Jabin wañusqanmanta tiyakurqanku?
Wak tapuykuna:
1. Jueces 2:14-22 ñawiriy.
¿Imaraykutaq Jehová israelitakunawan phiñakurqa, imatataq chaymanta yachakunchik? (Jue. 2:20; Pro. 3:1, 2; Eze. 18:21-23.)
2. Jueces 4:1-24 ñawiriy.
Deboramanta, Jaelmanta ima, ¿imatataq kunan warmikuna yachakunkuman? (Jue. 4:4, 8, 9, 14, 21, 22; Pro. 31:30; 1 Cor. 16:13.)
3. Jueces 5:1-31 ñawiriy.
Barac, Deborawan takisqankuta tʼukurispa, ¿imatataq Armagedonpaq Diosmanta mañakusunman? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)
Rutwan Noemiwan
1. ¿Imaraykutaq Noemí Moab jallpʼaman ripurqa?
2. ¿Pikunataq Rut Orfa ima karqanku?
3. ¿Imaynatataq Rut Orfa ima Noemí kutipunankuta niptin kutichirqanku?
4. ¿Pitaq Booz karqa, imaynatá Rutta Noemita ima yanaparqa?
5. ¿Imataq Boozpa, Rutwan wawan kapusqan sutikun, imaraykutaq paymanta yuyarikunanchik tiyan?
Wak tapuykuna:
1. Rut 1:1-17 ñawiriy.
a) ¿Imaynatataq kʼachamanta Rut Noemiman munakuyninta rikuchirqa? (Rut 1:16, 17.)
b) ¿Imaynatá Rutjina, kunanpis “wak ovejas” janaqpachaman ripuqkunaman tukuy sunquwan kʼaskakunku? (Juan 10:16; Zac. 8:23.)
2. Rut 2:1-23 ñawiriy.
¿Imaynatá Rutjina waynakuna kunan ruwankuman? (Rut 2:17, 18; Pro. 23:22; 31:15.)
3. Rut 3:5-13 ñawiriy.
a) Rut astawan waynawan casarakuyta atispapis, ¿imatataq Booz paywan casarakuyta munasqanmanta nirqa?
b) Rut ruwasqan, ¿imatataq munakuymanta yachachiwanchik? (Rut 3:10; 1 Cor. 13:4, 5.)
4. Rut 4:7-17 ñawiriy.
¿Imaynatá cristiano qharikuna Boozjina ruwankuman? (Rut 4:9, 10; 1 Tim. 3:1, 12, 13; 5:8.)
Gedeón 300 runayuq
1. ¿Ima ñakʼariypitaq israelitas kachkanku, imaraykutaq?
2. ¿Imaraykutaq Jehová Gedeonta ancha soldadosniyuq kasqanta nirqa?
3. Gedeón manchachikuqkunata kachapuptin, ¿machkhataq qhipakurqanku?
4. Dibujopi rikunkijina, ¿imaynatá 300 soldadosllata akllakurqa?
5. ¿Imaynatá Gedeón 300 soldadosta maqanakunankupaq wakichirqa?
Wak tapuykuna:
1. Jueces 6:36-40 ñawiriy.
a) ¿Imaynamantá Gedeón Jehovap munayninta yacharqa?
b) ¿Imaynatá kunan yachasunman Jehová ñuqanchikwan kasqanta? (Pro. 2:3-6; Mat. 7:7-11; 2 Tim. 3:16, 17.)
2. Jueces 7:1-25 ñawiriy.
a) ¿Imatataq chay 300 soldados qhawaykachaspa ukyasqanku yachachiwanchik? (Jue. 7:3, 6; Rom. 13:11, 12; Efe. 5:15-17.)
b) Chay 300 qharikuna Gedeonta qhawaspa yachakurqanku, ¿imaynatá ñuqanchik kuraq Gedeonmanta, Jesusmanta yachakusunman? (Jue. 7:17; Mat. 11:29, 30; 28:19, 20; 1 Ped. 2:21.)
c) ¿Imaynatá Jueces 7:21 yanapawanchik mayllapipis Jehová Diospa llaqtanpi churawaptinchik? (1 Cor. 4:2; 12:14-18; Sant. 4:10.)
3. Jueces 8:1-3 ñawiriy.
¿Imatataq Gedeón efrainitaswan parlasqan yachachiwanchik pillawanpis phiñanasqa kaptinchik ruwanapaq? (Pro. 15:1; Mat. 5:23, 24; Luc. 9:48.)
Jefté Parlasqan
1. ¿Pitaq Jefté karqa, imayna runaswantaq kawsarqa?
2. ¿Imatataq Jefté Jehovaman nirqa?
3. ¿Imaraykutaq Jefté amonitasta atipaytawan wasinman kutimuspa mayta llakikurqa?
4. ¿Imatataq Jeftep ususin tatan parlasqanmanta nirqa?
5. ¿Imaraykutaq israelitas Jeftep ususinta munakurqanku?
Wak tapuykuna:
1. Jueces 10:6-18 ñawiriy.
¿Imatataq israelitas sapa kuti Jehovata wasanchasqankumanta yachakunchik? (Jue. 10:6, 15, 16; Rom. 15:4; Apo. 2:10.)
2. Jueces 11:1-11, 29-40 ñawiriy.
a) ¿Imaynatá yachanchik Jefté ‘jaywanata qʼulachipusqayki’ nispa, mana ususinta qʼulachinanta niyta munasqanta? (Jue. 11:31; Lev. 16:24; Deu. 18:10, 12.)
b) ¿Imaynamanta Jefté ususinta jaywarqa?
c) ¿Imaynamantataq Jefté parlasqanta juntʼasqanta yachanchik? (Jue. 11:35, 39; Ecl. 5:4, 5; Mat. 16:24.)
d) ¿Imaynatá wayna cristianos Diospaq astawan llamkʼaspa Jeftep ususinjina ruwankuman? (Jue. 11:36; Mat. 6:33; Fili. 3:8.)
Juk may kallpayuq runa
1. ¿Imataq astawan kallpayuq runa sutikurqa, pitaq chay kallpata qurqa?
2. Dibujopi rikunkijina, ¿imatataq juk kuti Sansón juk leonta ruwarqa?
3. ¿Dibujopi imatataq Sansón Dalilaman willachkan, imaraykutaq kay ruwasqan filisteoswan japʼichin?
4. ¿Imaynamanta Sansón 3.000 filisteosta wañuchirqa?
Wak tapuykuna:
1. Jueces 13:1-14 ñawiriy.
¿Imaraykutaq Manóa warminwan tukuy tatamama qhatinankupaqjina kasqankuta nisunman? (Jue. 13:8; Sal. 127:3; Efe. 6:4.)
2. Jueces 14:5-9 chantapis 15:9-16 ñawiriy.
a) ¿Imatataq Diospa santo espiritunmanta yachachiwanchik Sansón leonta wañuchisqan, waskhawan wataptinku tʼipisqan, burrop quijadanwan 1.000 runata wañuchisqan ima?
b) ¿Imaynatá kunan Diospa espiritun yanapawanchik? (Jue. 14:6; 15:14; Zac. 4:6; Hech. 4:31.)
3. Jueces 16:18-31 ñawiriy.
¿Imaynatá Sansón pantarqa mana allin kaqkunawan tantakuspa, imatataq chaymanta yachakunchik? (Jue. 16:18, 19; 1 Cor. 15:33.)
Juk yuqallitu Diosta kasukun
1. ¿Imataq dibujopi yuqallitu sutikun, pikunataq paywan kachkanku?
2. ¿Imatataq Ana mañakurqa Diospa toldonman riytawan, imaynata Jehová kutichirqa?
3. ¿Machkha watayuqtaq Samuel karqa Diospa wasinpi llamkʼayta qallarichkaspa, imatataq maman sapa wata paypaq ruwaspa apapuq?
4. ¿Imataq Elip churisnin sutikunku, imayna runataq karqanku?
5. ¿Imaynatá Jehová Samuelta waqyarqa, imatataq payman willarqa?
6. ¿Imataq Samuel runayaspa karqa, imataq machuña kachakptin ruwakurqa?
Wak tapuykuna:
1. 1 Samuel 1:1-28 ñawiriy.
a) ¿Imatataq Elcana tukuy tatakunaman yachachin? (1 Sam. 1:3, 21; Mat. 6:33; Fili. 1:10.)
b) ¿Imatataq Ana ruwarqa may llakisqa kachkaspa, imatataq chay yachachiwanchik? (1 Sam. 1:10, 11; Sal. 55:22; Rom. 12:12.)
2. 1 Samuel 2:11-36 ñawiriy.
¿Imaynamanta Elí churisninta manchachikurqa Jehovata manchachikunanmantaqa, imatataq chay yachachiwanchik? (1 Sam. 2:22-24, 27, 29; Deu. 21:18-21; Mat. 10:36, 37.)
3. 1 Samuel 4:16-18 ñawiriy.
¿Ima 4 llakiy willaykuna maqanakuymanta chayamurqa, chayta uyarispa imatataq Elí ruwarqa?
4. 1 Samuel 8:4-9 ñawiriy.
¿Imaynatá Israel Jehovata mana munakusqanta rikuchirqa, kunan imaynatá Diospa Reinonta tukuy sunquwan munakusqanchikta rikuchisunman? (1 Sam. 8:5, 7; Juan 17:16; Sant. 4:4.)
Israelmanta ñawpa kaq rey
1. ¿Imatataq Samuel dibujopi ruwachkan, imaraykutaq?
2. ¿Imaraykutaq Jehová Saulta kʼacha runatajina qhawan?
3. ¿Imataq Saulpa churin sutikun?
4. ¿Imaraykutaq Saúl mana Samuelta suyanchu uywata qʼulachinanpaq?
5. ¿Imatataq Saúl ruwasqanmanta yachakunchik?
Wak tapuykuna:
1. 1 Samuel 9:15-21 chantapis 10:17-27 ñawiriy.
¿Imaynatá Saúl llampʼu sunqu kasqanrayku mana phiñakurqachu wak runakuna paymanta mana allinta parlaptinku? (1 Sam. 9:21; 10:21, 22, 27; Prov. 17:27.)
2. 1 Samuel 13:5-14 ñawiriy.
¿Imaynamantá Saúl Gilgalpi juchachakurqa? (1 Sam. 10:8; 13:8, 9, 13.)
3. 1 Samuel 15:1-35 ñawiriy.
a) ¿Ima jatun juchapi Saúl urmarqa, Amalecmanta Agag reyninta mana wañuchispa? (1 Sam. 15:2, 3, 8, 9, 22.)
b) ¿Imaynatá Saúl juchallikusqanmanta wakkunata tumparqa? (1 Sam. 15:24.)
c) ¿Pipis kʼamiwaptinchik imatataq yuyarinanchik tiyan? (1 Sam. 15:19-21; Sal. 141:5; Pro. 9:8, 9; 11:2.)
Dios Davidta akllan
1. ¿Ima sutikun dibujopi yuqallitu, imaynatá yachanchik mana manchachiyniyuq kasqanta?
2. ¿Maypitaq David tiyakurqa, piqpa wawan, piqpa allchhin karqa?
3. ¿Imapaqtaq Jehová Samuelta Belenpi Isaip wasinman rinanta nirqa?
4. Isaí qanchis churisninta Samuelman apamuptin, ¿imatataq Jehová nirqa?
5. ¿Imatataq Jehová Samuelta nirqa Davidta chayachimuptinku?
Wak tapuykuna:
1. 1 Samuel 17:34, 35 ñawiriy.
¿Imaynatá kay ruwasqan rikuchiwanchik David mana manchachikuq kasqanta, Jehovapi suyasqanta ima? (1 Sam. 17:37.)
2. 1 Samuel 16:1-14 ñawiriy.
a) ¿Imaynatá Jehová parlasqan kay 1 Samuel 16:7 yanapawanchik mana runata riqsispa mana imatapis parlanapaq, nitaq wakkunallata allinpaq qhawanapaq? (Hech. 10:34, 35; 1 Tim. 2:4.)
b) Imaynatá Saúl ruwasqan yachachiwanchik Jehová pillamantapis santo espiritunta apakapuptin, mana allin espíritu payman yaykupusqanta, nisunman sunqun millay ruwaykunaman tikrakusqanta? (1 Sam. 16:14; Mat. 12:43-45; Gál. 5:16.)
David Goliatwan tinkun
1. ¿Imatataq Goliat israelitakunata nirqa?
2. ¿Imayna jatuntaq Goliat karqari, imatataq Saúl Goliatta wañuchiqman qunan karqari?
3. Saúl Davidman mana Goliatwan maqanakuyta atinkichu niptin, ¿imatataq pay kutichirqa?
4. ¿Imaynatá David Goliatwan parlachkaspa, Jehová paywan kasqanta rikuchirqa?
5. Dibujota qhawarispa, imawantaq David Goliatta wañuchirqa, chaymanta imatataq filisteos ruwarqanku?
Wak tapuykuna:
1. 1 Samuel 17:1-54 ñawiriy.
a) ¿Imaraykutaq David mana manchachikuqchu, imaynatá payjina kasunman? (1 Sam. 17:37, 45; Efe. 6:10, 11.)
b) ¿Imaraykutaq cristianos Goliatjina atipanakuspa mana pukllanankuchu tiyan? (1 Sam. 17:8; Gál. 5:26; 1 Tim. 4:8.)
c) ¿Imaynatá David Diospi atiykukusqanta rikuchiwanchik? (1 Sam. 17:45-47; 2 Cró. 20:15.)
d) ¿Imaynatá kay willakusqan yachachiwanchik mana iskay llaqtallachu maqanakusqankuta, manaqa Jehová llulla diosninkuwan maqanakusqanta? (1 Sam. 17:43, 46, 47.)
e) ¿Imaynatá janaqpachaman ripuqkuna Davidjina Jehovapi atiykukusqankuta rikuchinku? (1 Sam. 17:37; Jer. 1:17-19; Apo. 12:17.)
Imaraykutaq David ayqin
1. ¿Imaraykutaq Saúl Davidwan qhawanakun, Jonatán tatanjinallataqchu?
2. ¿Imatataq Saúl ruwarqa David arpata waqachichkaptin?
3. ¿Imatataq Saúl Davidta ruwananta nirqa ususin Micalwan casarakunanpaq?
4. Dibujopi rikunkijina, ¿imatataq Saúl kimsa kutita ruwarqa David arpata waqachichkaptin?
5. ¿Imaynatá Mical Davidta yanapan mana wañunanpaq?
Wak tapuykuna:
1. 1 Samuel 18:1-30 ñawiriy.
a) ¿Imaynatá Jonatán Davidwan munakusqanku, ‘wak ovejakuna’ Jesuspa ‘juchʼuy tropa ovejitasninwan’ munakusqankuwan ninakun? (1 Sam. 18:1; Juan 10:16; Luc. 12:32; Zac. 8:23.)
b) Jonatanqa Saulpa herencianta japʼinan karqa, chaywanpis ¿imaynatá yachanchik 1 Samuel 18:4 nisqanmanjina Jonatán Diosninchik nisqanta kasukusqanta?
c) ¿Imaynatataq Saúl ruwasqan yachachiwanchik phiñakuy juchallikuyman apasqanta, imatataq kay yachachiwanchik? (1 Sam. 18:7-9, 25; Sant. 3:14-16.)
2. 1 Samuel 19:1-17 ñawiriy.
¿Imaynatá Jonatán Saulwan parlaspa kawsayninta wañuywan tinkuchichkarqa? (1 Sam. 19:1, 4-6; Prov. 16:14.)
Abigailwan Davidwan
1. ¿Imataq dibujopi Davidwan tinkuq warmi sutikun, imayna warmitaq karqa?
2. ¿Pitaq Nabal karqa?
3. ¿Imaraykutaq David soldadosninta Nabalmanta mikhunata mañakuq kacharqa?
4. ¿Imatataq Nabal Davidpa soldadosninman nirqa, imatataq David kutichirqa?
5. ¿Imaynatá Abigaíl yuyayniyuq warmi kasqanta rikuchirqa?
Wak tapuykuna:
1. 1 Samuel 22:1-4 ñawiriy.
¿Imaynatá Davidpa ayllun yachachiwanchik cristianojina puraqmanta yanapanakunanchikta? (Pro. 17:17; 1 Tes. 5:14.)
2. 1 Samuel 25:1-43 ñawiriy.
a) ¿Imaraykutaq Nabal millay runa kasqanta nikun? (1 Sam. 25:2-5, 10, 14, 21, 25.)
b) ¿Imatataq cristianas Abigaíl ruwasqanmanta yachakunkuman? (1 Sam. 25:32, 33; Prov. 31:26; Efe. 5:24.)
c) ¿Ima iskay saqra ruwaymanta Abigaíl Davidta jarkʼarqa? (1 Sam. 25:31, 33; Rom. 12:19; Efe. 4:26.)
d) ¿Imaynatá qharikuna David Abigailta uyarisqanta qhawarispa, Jehovajina warmikunata qhawankuman? (Hech. 21:8, 9; Rom. 2:11; 1 Ped. 3:7.)
David reyman tukun
1. ¿Imatataq Davidwan Abisaiwan Saúl jarananpi puñunankama ruwarqanku?
2. ¿Imatataq David Saulman tapurqa?
3. ¿Maymantaq David Saulwan parlaytawan ripurqa?
4. ¿Imaraykutaq David mayta llakikurqa, imatataq ruwarqa?
5. ¿Machka watayuqtaq David karqa Hebronpi kamachiyta qallarichkaptin, imatataq wawasninta suticharqa?
6. ¿Chaymanta maypitaq David kamachirqa?
Wak tapuykuna:
1. 1 Samuel 26:1-25 ñawiriy.
a) Kay 1 Samuel 26:11 nisqanmanjina, David parlasqan, ¿imaynatataq Diospa sutichasqasninta qhawarqa? (Sal. 37:7; Rom. 13:2.)
b) Pillatapis yanapaptinchik, manataq pachis niwaptinchik, ¿imaynatá kay 1 Samuel 26:23 yanapawanchik allinta yuyananchikpaq? (1 Rey. 8:32; Sal. 18:20.)
2. 2 Samuel 1:26 ñawiriy.
¿Imaynatá cristianokuna David Jonatanwan munanakurqankujina munanakunkuman? (1 Ped. 4:8; Col. 3:14; 1 Juan 4:12.)
3. 2 Samuel 5:1-10 ñawiriy.
a) ¿Machkha watataq David kamachirqa, imaspitaq kamachiynin tʼaqakun? (2 Sam. 5:4, 5.)
b) ¿Imaraykutaq David jatun karqa, imatataq chay yachachiwanchik? (2 Sam. 5:10; 1 Sam. 16:13; 1 Cor. 1:31; Fili. 4:13.)
Davidpa wasinpi llakiykuna
1. Jehovap yanapayninwan, ¿imatataq Canaán jallpʼawan ruwakurqa?
2. ¿Imatataq juk tuta David ruwarqa wasin patamanta?
3. ¿Imaraykutaq Jehová Davidwan mayta phiñakurqa?
4. ¿Pitataq Jehová David juchanta rikuchinanpaq kacharqa, imatataq Davidpaq kananta nirqa?
5. ¿Ima llakiykunatataq David muchurqa?
6. ¿Pitaq Davidpa qhipanta reyjina kamachirqa?
Wak tapuykuna:
1. 2 Samuel 11:1-27 ñawiriy.
a) ¿Imaynatá Jehovapaq sinchita llamkʼaspa jarkʼakunchik?
b) ¿Imaraykutaq David juchachakurqa, imatataq chaymanta yachakunchik? (2 Sam. 11:2; Mat. 5:27-29; 1 Cor. 10:12; Sant. 1:14, 15.)
2. 2 Samuel 12:1-18 ñawiriy.
a) Natán Davidta kʼamirisqanmanta, ¿imatataq ancianokuna, tatakuna ima yachakunkuman? (2 Sam. 12:1-4; Pro. 12:18; Mat. 13:34.)
b) ¿Imaraykutaq Jehová Davidta mana wañuchirqachu? (2 Sam. 12:13; Sal. 32:5; 2 Cor. 7:9, 10.)
Salomón yachayniyuq rey
1. ¿Imatataq Jehová Salomonta tapurqa, imatataq pay kutichirqa?
2. Jehovapaq Salomón mañakusqan allin kasqanrayku, ¿imatataq astawan qurqa?
3. ¿Imamantataq iskay warmi maqanakuspa Salomonman jamurqanku?
4. Dibujopi rikunkijina, ¿imaynatá Salomón chayta allincharqa?
5. ¿Imaynatataq Salomón kamachirqa, imaraykutaq?
Wak tapuykuna:
1. 1 Reyes 3:3-28 ñawiriy.
a) Salomón kay 1 Reyes 3:7 pʼitipi parlasqan, ¿imatataq Diospa llaqtanpi kuraqkunaman yachachin? (Sal. 119:105; Pro. 3:5, 6.)
b) Salomón Diosninchikmanta mañakusqanmanjina, ¿imatataq Diosmanta mañakusunman? (1 Rey. 3:9, 11; Pro. 30:8, 9; 1 Juan 5:14.)
c) Unay Salomón chay iskay warmip maqanakuyninta allinchasqan, ¿imatataq kuraq Salomón Jesucristop kamachiyninmanta yachachiwanchik? (1 Rey. 3:28; Isa. 9:6, 7; 11:2-4.)
2. 1 Reyes 4:29-34 ñawiriy.
a) ¿Imaynatá Jehová Salomón kasukuq sunquwan mañakusqanman kutichirqa? (1 Rey. 4:29.)
b) Salomonpa yachayninta uyarinapaq, runaqa tukuy imata ruwarqa, chay ¿imatataq Bibliamanta yachakunanchikpaq yachachiwanchik? (1 Rey. 4:29, 34; Juan 17:3; 2 Tim. 3:16.)
Salomón Diospa wasinta ruwan
1. ¿Machkha unaypitaq Salomón Diospa wasinta ruwarqa, imaraykutaq mayta valerqa?
2. ¿Machkha cuartosniyuqtaq Diospa wasin, imatataq ukhu cuartoman churarqanku?
3. Diospa wasinta tukuytawan, ¿imatataq Salomón mañakuchkaspa nirqa?
4. ¿Imaynatá Jehová Salomón mañakusqanwan kusisqa kasqanta rikuchirqa?
5. ¿Imamantaq warmisnin Salomonta tanqarqanku, pay imayna runamantaq tukurqa?
6. ¿Imaraykutaq Jehová Salomonwan phiñakurqa, imatataq Jehová nirqa?
Wak tapuykuna:
1. 1 Crónicas 28:9, 10 ñawiriy.
David kay 1 Crónicas 28:9, 10 nisqanmanjina, ¿imatataq sapa pʼunchay ruwananchik tiyan? (Sal. 19:14; Fili. 4:8, 9.)
2. 2 Crónicas 6:12-21, 32-42 ñawiriy.
a) ¿Imaynatá Salomón rikuchirqa Diosninchik mana mayqin runap ruwasqan wasipi tiyakuyta atisqanta? (2 Cron. 6:18; Hech. 17:24, 25.)
b) Salomón kay 2 Crónicas 6:32, 33 parlasqan, ¿imatataq Jehovamanta yachachiwanchik? (Hech. 10:34, 35; Gál. 2:6.)
3. 2 Crónicas 7:1-5 ñawiriy.
Israelitasqa Jehovap jatun kayninta rikuytawan payta yupaychayta munarqanku, ñuqanchikpis Diosninchik llaqtanta tʼinkasqanta rikuspa, ¿imatataq ruwananchik tiyan? (2 Cró. 7:3; Sal. 22:22; 34:1; 96:2.)
4. 1 Reyes 1:9-13.
¿Imaynatá Salomonpa kawsaynin, wañunanchikkama Diospa munayninta ruwananchikta yachachiwanchik? (1 Rey. 11:4, 9; Mat. 10:22; Apo. 2:10.)
Reino iskayman tʼaqakun
1. ¿Imataq dibujopi rikhuriqkuna sutikunku, pikunataq kanku?
2. ¿Imatataq Ahías pʼachanwan ruwan, imatataq chay niyta munan?
3. ¿Imatataq Salomón phiñakuspa Jeroboamta ruwayta munan?
4. ¿Imaraykutaq Jeroboamta 10 aylluta kamachinanpaq akllakun?
5. ¿Imaraykutaq Jeroboam qurimanta iskay uña wakasta ruwarqa, imapitaq chaymanta llaqta tukurqa?
6. ¿Imapitaq 2 ayllu templo ima tukurqanku?
Wak tapuykuna:
1. 1 Reyes 11:26-43 ñawiriy.
¿Imayna runataq Jeroboam karqa, imatataq Jehová kamachisqanta kasukuptin Jeroboamman qunanta nirqa? (1 Rey. 11:28, 38.)
2. 1 Reyes 12:1-33 ñawiriy.
a) Roboam rey kasqanrayku runata ñakʼarichisqanmanta, ¿imatataq tatakuna, qutuchakuypi kuraqkuna yachakunkuman? (1 Rey. 12:13; Ecl. 7:7; 1 Ped. 5:2, 3.)
b) ¿Pikunatataq waynakuna allinta ruwanankupaq tapurinanku tiyan? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)
c) ¿Imaraykutaq Jeroboam qurimanta iskay waka uñata churarqa, imaraykutaq kay ruwasqan mana Jehovapi atiykukusqanta rikuchirqa? (1 Rey. 11:37; 12:26-28.)
d) ¿Pitaq 10 aylluta Diosmanta karunchakuypi umacharqa? (1 Rey. 12:32, 33.)
Saqra reina Jezabel
1. ¿Pitaq Jezabelri?
2. ¿Imaraykutaq juk pʼunchay rey Achab llakisqa karqa?
3. ¿Imatataq Jezabel ruwarqa Achab qusan Nabotpa uvas huertanwan qhipakunanpaq?
4. ¿Pitataq Jehová kacharqa Jezabelta jasutʼinanpaq?
5. Dibujopi rikunkijina, ¿imatataq Jehú Jezabelpa wasinman chayaptin nirqa?
Wak tapuykuna:
1. 1 Reyes 16:29-33 chantapis 18:3, 4 ñawiriy.
Israelpi rey Achab kamachichaptin, ¿imayna llakiypitaq runa tiyakurqa? (1 Rey. 14:9.)
2. 1 Reyes 21:1-16 ñawiriy.
a) ¿Imaynatá Nabot Jehovaman chiqa sunqu kasqanta, mana manchachikusqanta ima rikuchirqa? (1 Rey. 21:1-3; Lev. 25:23-28.)
b) Achab ruwasqanta qhawarispa, ¿imatataq llakisqa kachkaspa mana ruwanachu tiyan? (1 Rey. 21:4; Rom. 5:3-5.)
3. 2 Reyes 9:30-37 ñawiriy.
¿Imatataq Jehú kʼajaywan Jehová nisqanta ruwasqanmanta yachasunman? (2 Rey. 9:4-10; 2 Cor. 9:1, 2; 2 Tim. 4:2.)
Josafat Jehovapi atiykukun
1. ¿Pitaq Josafat karqa, maykʼaqtaq kawsarqa?
2. ¿Imaraykutaq israelitakuna mancharikurqanku, imatataq wakinkuna ruwarqanku?
3. ¿Imaynatá Jehová Josafat mañakusqanman kutichirqa?
4. ¿Imatataq Jehová ruwarqa manaraq maqanakuyman chayachkaptinku?
5. ¿Imatataq Josafatmanta yachakunchik?
Wak tapuykuna:
1. 2 Crónicas 20:1-30 ñawiriy.
a) ¿Imaynatá Josafat yachachiwanchik imatachus ruwananchikta pipis imatapis ruwayta munawaptinchik? (2 Cró. 20:12; Sal. 25:15; 62:1.)
b) Jehovaqa runaman unaymantapacha munayninta riqsichirqa, kunantaq, ¿pikunaniqtataq runaman munayninta riqsichin? (2 Cró. 20:14, 15; Mat. 24:45-47; Juan 15:15.)
c) Tukuy Atiyniyuq Jehová Diosninchik jatun pʼunchayninpi’ maqanakuchkaptin, ¿imapitaq Josafat pʼunchayninman rikchʼakunqa? (2 Cró. 20:15, 17; 32:8; Apo. 16:14, 16.)
d) Levitakunajina, ¿imaynatá misioneros nisqa, precursores nisqa ima Diospa reinonmanta jallpʼantinpi willachkanku? (2 Cró. 20:19, 21; Rom. 10:13-15; 2 Tim. 4:2.)
Iskay wawas watiqmanta kawsanku
1. ¿Pikunataq dibujopi rikhuriqkuna kanku, imanakurqataq chay yuqallitu?
2. ¿Imatataq Elías yuqallitupaq mañapurqa, imataq chaymanta karqa?
3. ¿Pitaq Eliaspa kamachin karqa?
4. ¿Imaraykutaq Eliseo Sunem llaqtapi juk warmip wasinman rirqa?
5. ¿Imatataq Eliseo ruwarqa, imanakurqataq wawitari?
6. Elías, Eliseo ima ruwasqanku, ¿imatataq Jehovamanta yachachiwanchik?
Wak tapuykuna:
1. 1 Reyes 17:8-24 ñawiriy.
a) ¿Imaynamanta Elías kasukuq kasqanta, iñiyniyuq kasqanta ima rikuchirqa? (1 Rey. 17:9; 19:1-4, 10.)
b) ¿Imaraykutaq Sareptamanta viuda jatun iñiyniyuq kasqanta nisunman? (1 Rey. 17:12-16; Luc. 4:25, 26.)
c) Sareptamanta viuda ruwasqan, ¿imaynatá Jesús Mateo 10:41, 42 parlasqan chiqa kasqanta rikuchiwanchik? (1 Rey. 17:10-12, 17, 23, 24.)
2. 2 Reyes 4:8-37 ñawiriy.
a) ¿Imatataq Sunemmanta warmi wasiman waqyakuymanta yachachiwanchik? (2 Rey. 4:8; Luc. 6:38; Rom. 12:13; 1 Juan 3:17.)
b) Diospa munayninta ruwaqkunata, ¿imaynatá astawan yanapasunman? (Hech. 20:35; 28:1, 2; Gal. 6:9, 10; Heb. 6:10.)
Imillita machu runata yanapan
1. ¿Imatataq imillita dibujopi warmita nichkan?
2. ¿Pitaq dibujomanta warmiri, imaraykutaq imillita wasinpi kachkan?
3. ¿Imatataq Eliseo kamachinniqta Naamanman nirqa, imaraykutaq Naamán phiñakurqa?
4. Naamán kamachinta kasukusqanrayku, ¿imatataq tarin?
5. ¿Imaraykutaq Eliseo Naamán quyta munasqanta mana munarqachu, imatataq Giezi ruwarqa?
6. ¿Imatataq Giezi tarikun, imatataq chaymanta yachakunchik?
Wak tapuykuna:
1. 2 Reyes 5:1-27 ñawiriy.
a) ¿Imatá ruwanankupaq israelmanta imillita waynakunata yanapan? (2 Rey. 5:3; Sal. 8:2; 148:12, 13.)
b) ¿Imaraykutaq Naamanmanta yuyarikunanchik tiyan, pipis Bibliawan chiqanyachiwaptinchik? (2 Rey. 5:15; Heb. 12:5, 6; Sant. 4:6.)
c) Eliseo mana Giezijina ruwasqanmanta, ¿imatataq yachakusunman? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)
Jonás jatun challwawan
1. ¿Pitaq Jonasri, imatataq Jehová kamachirqa?
2. Mana Jehová kamachisqanta kasukuspa, ¿imatataq Jonás ruwarqa?
3. ¿Imatataq Jonás barcopi kaqkunata nirqa yaku tiyaykunanpaq?
4. Dibujopi rikunkijina, ¿pitaq Jonasta yakuman chinkaykuptin uquykurqa?
5. ¿Machkha unaytataq Jonás chay jatun challwap ukhunpi karqa, imatataq chaypi ruwarqa?
6. ¿Challwamanta lluqsiytawan maymantaq Jonás rirqa, imatataq chay yachachiwanchik?
Wak tapuykuna:
1. Jonás 1:1-17 ñawiriy.
¿Imatataq Jonás Nínive llaqtaman willamunanmanta nirqa? (Jon. 1:2, 3; Pro. 3:7; Ecl. 8:12.)
2. Jonás 2:1, 2, 10 ñawiriy.
¿Imaynatá Jonás kawsasqan rikuchiwanchik Jehová mañakuyninchikta kutichisqanta? (Sal. 22:24; 34:6; 1 Juan 5:14.)
3. Jonás 3:1-10 ñawiriy.
a) Diosqa Jonasta kamachillarqapuni, manapis payqa qallariypi nisqanta ruwarqachu, ¿imaynatá chayta yachay sunquchawanchik? (Sal. 103:14; 1 Ped. 5:10.)
b) Mana riqsisqa runamanta mana imatapis yuyananchikpaq, ¿imaynamantá Nínive llaqtapi ruwakusqan yanapawanchik? (Jon. 3:6-9; Ecl. 11:6; Hech. 13:48.)
Dios tʼikapachamanta parlan
1. ¿Pitaq Isaías karqa, maykʼaqtaq kawsarqa, imatataq Jehová payta rikuchirqa?
2. ¿Imatataq “paraíso” rimay niyta munan, imatataq yuyarichiwanchik?
3. ¿Imatataq Jehová Isaiasniqta Paraisomanta nirqa?
4. ¿Imaraykutaq Adán Evawan chay kʼacha wasinkumanta qharquchikurqanku?
5. ¿Imatataq Jehová payta munaqkunaman qunqa?
Wak tapuykuna:
1. Isaías 11:6-9 ñawiriy.
a) ¿Imaynatá Biblia nisqanmanjina paraisopi runakuna, animalkunawan kawsakunqanku? (Sal. 148:10, 13; Isa. 65:25; Eze. 34:25.)
b) ¿Imaynatá Isaías parlasqan Jehovap llaqtanpi kunan juntʼakuchkan? (Rom. 12:2; Efe. 4:23, 24.)
c) ¿Pitataq jatunchananchik tiyan unaymantapacha runap kawsaynin tikrakusqamanta? (Isa. 48:17, 18; Gal. 5:22, 23; Fili. 4:7.)
2. Apocalipsis 21:3, 4 ñawiriy.
a) Biblia Diosninchik runawan tiyakunamanta parlaspa, ¿Jallpʼapichu tiyakunankuta niyta munan? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)
b) ¿Ima waqaytaq, ima nanaytaq chinkanqa? (Luc. 8:49-52; Rom. 8:21, 22; Apo. 21:4.)
Dios Ezequiasta yanapan
1. ¿Pitaq dibujomanta runari, imaraykutaq may llakisqa kachkan?
2. ¿Ima cartastataq Ezequías Diospa ñawpaqinpi churarqa, imatataq Diosmanta mañakurqa?
3. ¿Imayna reytaq Ezequiasri, imatataq Jehová Isaiasniqta willarqa?
4. Dibujopi rikunkijina, ¿imatataq Jehovap angelnin asiriosta ruwarqa?
5. Israelmanta 2 ayllus allinta kawsaspapis, ¿imatataq Ezequías wañusqanmanta ruwarqanku?
Wak tapuykuna:
1. 2 Reyes 18:1-36 ñawiriy.
a) ¿Imaynatá Asiriamanta kamachin Rabsaces israelitasta llawchhiychiyta munarqa? (2 Rey. 18:19, 21; Ex. 5:2; Sal. 64:3.)
b) ¿Imaynatá kunanpis Jehovamanta sutʼinchaqkuna Ezequiasjina ruwanku pipis paykunawan churanakuptin? (2 Rey. 18:36; Sal. 39:1; Pro. 26:4; 2 Tim. 2:24.)
2. 2 Reyes 19:1-37 ñawiriy.
a) Llakiykunapi kachkaspa, ¿imatá kunan Jehovap llaqtan Ezequiasjina ruwan? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)
b) ¿Ima kimsaniqmanta rey Senaquerib atipachikurqa, piwantaq kunan chay ninakun? (2 Rey. 19:32, 35, 37; Apo. 20:2, 3.)
3. 2 Reyes 21:1-6, 16 ñawiriy.
¿Imaraykutaq Manasés astawan saqra kamachiq Jerusalenpi kasqanta nisunman? (2 Cró. 33:4-6, 9.)
Israelmanta qhipa kaq allin reynin
1. ¿Machkha watayuqtaq Josías kamachiyta qallarirqa, chaymanta qanchis wataman imatataq ruwarqa?
2. ¿Imatataq Josías pata dibujopi ruwachkan?
3. ¿Imatataq kuraq kaq sacerdote tarirqa templota allinchachkaptinku?
4. ¿Imaraykutaq Josías pʼachanta llikʼirqa?
5. ¿Imatataq Jehová warmi profeta Huldaniqta Josiasman willarqa?
Wak tapuykuna:
1. 2 Crónicas 34:1-28 ñawiriy.
a) ¿Imatataq Josías yachachin ñakʼariq wawakunaman? (2 Cró. 33:21-25; 34:1, 2; Sal. 27:10.)
b) Josías 8 watanpi, 12 watanpi, 18 watanpi ima, ¿imatataq Diosta yupaychanapaq ruwarqa? (2 Cró. 34:3, 8.)
c) ¿Imatataq Josiasmanta, Hilciasmanta ima yachakunchik Diospa wasinta allinchanapaq? (2 Cró. 34:9-13; Pro. 11:14; 1 Cor. 10:31.)
Juk mana manchachikuq runa
1. ¿Pitaq dibujopi waynari?
2. ¿Imatataq Jeremías profeta sutichachikusqanmanta nirqa, imatataq Jehová nirqa?
3. ¿Imatataq Jeremías llaqtaman willallarqapuni?
4. ¿Imaynatá sacerdotekuna Jeremiasta manchachiyta munarqanku, imaynatá pay mana manchachikusqanta rikuchirqa?
5. Israelitakuna millay ruwasqankuta mana saqisqankurayku, ¿imapitaq tukunku?
Wak tapuykuna:
1. Jeremías 1:1-8 ñawiriy.
a) ¿Imaynatá Jeremiaspa kawsaynin Jehová payta kasukuqkunata yanapasqanta rikuchiwanchik? (2 Cor. 3:5, 6.)
b) ¿Imaynatá Jeremías ruwasqan waynakunata yanapan? (Ecl. 12:1; 1 Tim. 4:12.)
2. Jeremías 10:1-5 ñawiriy.
¿Imawantaq Jeremías kikincharqa lantikunata yupaychay qhasilla kasqanta? (Jer. 10:5; Isa. 46:7; Hab. 2:19.)
3. Jeremías 26:1-16 ñawiriy.
a) Kunan Diosmanta willaspa, ¿imaynatá akllasqakuna kasukuchkanku Jehová Jeremiasman ama ni juk simillatapis qunqaychu nisqanta? (Jer. 26:2; Deu. 4:2; Hech. 20:27.)
b) Jeremías Diospa pʼunchayninmanta willaspa, ¿imatataq tukuy Jehovamanta sutʼinchaqkunaman yachachiwanchik? (Jer. 26:8, 12, 14, 15; 2 Tim. 4:1-5.)
4. 2 Reyes 24:1-17 ñawiriy.
Judá llaqta mana chiqa sunqu kasqankurayku, ¿ima llakiypitaq rikukurqa? (2 Rey. 24:2-4, 14.)
Babiloniapi tawa maqtʼitas
1. ¿Pikunataq dibujomanta kay tawa maqtʼitas kanku, imaraykutaq Babiloniapi kachkanku?
2. ¿Imatataq Nabucodonosor paykunawan ruwayta munan, imatataq mikhunankupaq kamachirqa?
3. Daniel paypaq kimsa masisninpaq ima, ¿ima mikhuytataq ima ukyaytataq mañarqa?
4. Chunka pʼunchayta qʼumirllata mikhuytawan, ¿imaynataq Daniel, masisnin ima rikukunku?
5. ¿Imaraykutaq Danielta kimsa masisnintawan reypa wasinman apanku, mayqin sacerdotenmantapis chayri mayqin umachasqa runamantapis imapitaq astawan sumaq karqanku?
Wak tapuykuna:
1. Daniel 1:1-21 ñawiriy.
a) ¿Imatataq ruwananchik tiyan ama juchaman urmanapaq, chantapis mana munayninchikwan atipachikunapaq? (Dan. 1:8; Gén. 39:7, 10; Gál. 6:9.)
b) ¿Imaynatá waynakuna, saqra runapaq miskʼi kasqanta munapayankuman? (Dan. 1:8; Pro. 20:1; 2 Cor. 6:17–7:1.)
c) Kay tawa waynakunamanta Bibliapi willakusqan, ¿imatataq runap yachayninmanta yachachiwanchik? (Dan. 1:20; Isa. 54:13; 1 Cor. 3:18-20.)
Jerusalén thuñikun
1. ¿Imatataq Jerusalenwan, israelitaswan ima ruwakuchkan?
2. ¿Pitaq Ezequielri, ima millay ruwaykunatataq Jehová rikuchirqa?
3. Israelitas mana Jehovata jatunpaq qhawasqankurayku, ¿imatataq pay nirqa?
4. ¿Imatataq rey Nabucodonosor ruwarqa israelitakuna uqharikuptinku?
5. ¿Imaraykutaq Jehová israelitakuna chayjinata ñakʼarinankuta saqin?
6. ¿Imaraykutaq Israel chʼinpacha qhipakapurqa, machkha unaytataq?
Wak tapuykuna:
1. 2 Reyes 25:1-26 ñawiriy.
a) ¿Pitaq Sedequías karqa, imanakurqataq, imaynatá Bibliap profecianta juntʼarqa? (2 Rey. 25:5-7; Eze. 12:13-15.)
b) ¿Pikunata Jehová juchacharqa Israelpi millaykunata ruwasqankumanta? (2 Rey. 25:9, 11, 12, 18, 19; 2 Cró. 36:14, 17.)
2. Ezequiel 8:1-18 ñawiriy.
¿Imaynatá kunan llulla cristianokuna, Intita yupaychaq runajina kanku? (Eze. 8:16; Isa. 5:20, 21; Juan 3:19-21; 2 Tim. 4:3.)
Mana imapis kʼumuykuchirqachu
1. ¿Imatataq Nabucodonosor kamachirqa?
2. ¿Imaraykutaq chay waynakuna mana chay lantiman kʼumuykuchkankuchu?
3. Nabucodonosor watiqmanta nichkaptin kʼumukunankuta, ¿imaynatá paykuna Jehovapi atiykukurqanku?
4. ¿Imaynatá Nabucodonosor chay kimsa waynakunata wañuchiyta munarqa?
5. ¿Imatataq Nabucodonosor horno ukhupi rikurqa?
6. ¿Imaraykutaq rey Sadracpa, Mesacpa, Abednegop, Diosninkuta jatuncharqa, imatataq chay yachachiwanchik?
Wak tapuykuna:
1. Daniel 3:1-30 ñawiriy.
a) Juchaman tanqasqa kaptinchik Diosta tukuy yupaychaqkuna, ¿imatataq kay kimsa wayna ruwasqankumanta yachakusunman? (Dan. 3:17, 18; Mat. 10:28; Rom. 14:7, 8.)
b) ¿Imatataq mana qunqananpaqjina Jehová Nabucodonosorta yachachirqa? (Dan. 3:28, 29; 4:34, 35.)
Pirqapi qillqa
1. ¿Imataq pirqapi rikhurirqa Babiloniap reynin juk jatun raymipi Jehovap wasinmanta copasta, platosta ima apaykachachkaptin?
2. ¿Imatataq Belsasar yachayniyuqkunata nirqa, atirqankuchu?
3. ¿Imatataq Belsasarta maman nirqa?
4. Daniel nisqanmanjina, ¿imaraykutaq Dios juk makiwan pirqapi qillqachirqa?
5. ¿Imaynatá Daniel pirqapi qillqakunata sutʼincharqa?
6. Daniel parlachkallaptinraq, ¿pikunataq chayamurqanku?
Wak tapuykuna:
1. Daniel 5:1-31 ñawiriy.
a) ¿Imapitaq jukjina Diosta manchachikuy, Belsasar manchachikusqanmanta? (Dan. 5:6, 7; Sal. 19:9; Rom. 8:35-39.)
b) ¿Imaynatá Daniel Belsasarwan, paywan kaqkunawan ima parlaspa mana manchachikusqanta rikuchirqa? (Dan. 5:17, 18, 22, 26-28; Hech. 4:29.)
c) ¿Imaynatá Daniel 5 kaq tʼaqa Jehovap jatun kayninta jatunchan? (Dan. 4:17, 25; 5:21.)
Daniel leonespa chawpinpi
1. ¿Pitaq Dariori, imaynatá Danielta qhawaq?
2. ¿Imatataq saqra runas Dariota ruwachinku?
3. ¿Imatataq Daniel ruwarqa chay kamachiyta uyariytawan?
4. ¿Imaraykutaq Darío mana puñuyta atirqachu, imatataq qʼayantin ruwarqa?
5. ¿Imatataq Daniel Darioman kutichirqa?
6. ¿Imatataq chay saqra runakunawan ruwakurqa, imatataq Darío tukuy runakunaman qillqarqa?
Wak tapuykuna:
1. Daniel 6:1-28 ñawiriy.
a) ¿Imaynatá Danielta chiqnikuqkunaq ruwasqankuta, Jehovamanta sutʼinchaqkunata qhatiykachaqkunata yuyarichiwanchik? (Dan. 6:7; Sal. 94:20; Isa. 10:1; Rom. 8:31.)
b) ¿Imapitaq Diosta kasukuqkuna Danieljina kay pachapi ‘kamachiqkunata’ kasukusunman? (Dan. 6:5, 10; Rom. 13:1; Hech. 5:29.)
c) ¿Imaynatá Danieljina mana saykʼuspa ‘tukuy sunquwan’ Jehovata kasukusunman? (Dan. 6:16, 20; Fili. 3:16; Apo. 7:15.)
Israelitakuna Babiloniamanta lluqsinku
1. Dibujopi rikunkijina, ¿imatataq israelitakuna ruwachkanku?
2. ¿Imaynatá Ciro juntʼarqa Jehová Isaiasniqta parlasqanta?
3. ¿Imatataq Ciro Jerusalenman mana kutiqkunata nirqa?
4. ¿Imatataq Ciro Jerusalenman kutiqkunaman qurqa?
5. ¿Machkha unaypitaq israelitas Jerusalenman chayarqanku?
6. ¿Machkha unaytaq Jerusalén chʼinpacha qhipakurqa?
Wak tapuykuna:
1. Isaías 44:28; 45:1-4 ñawiriy.
a) ¿Imaynatá Jehová Ciromanta parlasqan juntʼakunan karqa? (Isa. 55:10, 11; Rom. 4:17.)
b) Jehová Ciromanta ñawpaqta parlasqan, ¿imatataq Jehovamanta yachachiwanchik? (Isa. 42:9; 45:21; 46:10, 11; 2 Ped. 1:20.)
2. Esdras 1:1-11 ñawiriy.
Mana Jerusalenman kutiyta atiqkunajina, ¿imaynatá kunan yanapasunman sinchita Diospaq llamkʼaqkunata? (Esd. 1:4, 6; Rom. 12:13; Col. 4:12.)
Dios yanapananta suyanku
1. ¿Machkha runakunataq Babiloniamanta Jerusalenman rirqanku, imaynataq Jerusalén kachkarqa?
2. ¿Imatataq israelitas ruwayta qallarirqanku, imatataq enemigosnin ruwarqanku?
3. ¿Pikunataq Hageo Zacarías ima kanku, imatataq runaman nirqanku?
4. ¿Imaraykutaq Tatnai Babiloniaman juk cartata apachirqa, imatataq kutichirqanku?
5. Diospa wasin mana allin kʼachanchasqa kasqanta yachaytawan, ¿imatataq Esdras ruwarqa?
6. Dibujopi rikunkijina, ¿imatataq Esdras Jehovamanta mañakurqa, imaynatá Jehová kutichirqa, imatataq yachachiwanchik?
Wak tapuykuna:
1. Esdras 3:1-13 ñawiriy.
Mayllamanpis rispa mana Diospa llaqtan kaptin, ¿imatataq ruwananchik tiyan? (Esd. 3:3, 6; Hech. 17:16, 17; Heb. 13:15.)
2. Esdras 4:1-7 ñawiriy.
¿Imatataq Zorobabel yachachiwanchik wak dioskunata yupaychaqkunawan mana tantakunapaq? (Ex. 34:12; 1 Cor. 15:33; 2 Cor. 6:14-17.)
3. Esdras 5:1-5, 17; 6:1-22 ñawiriy.
a) ¿Imaraykutaq churanakuqkuna mana templo ruwakunanta sayachiyta atirqankuchu? (Esd. 5:5; Isa. 54:17.)
b) Israelpi kuraqkuna ruwasqanku, ¿imaynatá ancianokunata yanapan pipis churanakuptin? (Esd. 6:14; Sal. 32:8; Rom. 8:31; Sant. 1:5.)
4. Esdras 8:21-23, 28-36 ñawiriy.
Imatapis ruwanapaq, ¿imatataq Esdrasjina ñawpaqta ruwananchik tiyan? (Esd. 8:23; Sal. 127:1; Pro. 10:22; Sant. 4:13-15.)
Mardoqueowan Esterwan
1. ¿Pikunataq Mardoqueo, Ester ima kanku?
2. ¿Imaraykutaq rey Asuero wak warmita munarqa, pitataq akllarqa?
3. ¿Pitaq Aman, imaraykutaq phiñakurqa?
4. ¿Imatataq israelitaspa contranta kamachikurqa, imatataq Ester ruwarqa Mardoqueo nisqanta uyarispa?
5. ¿Imatataq Asuero Amanwan ruwakurqa, imatataq Mardoqueowan ruwakurqa?
6. ¿Imaptintaq israelitas mana wañurqankuchu?
Wak tapuykuna:
1. Ester 2:12-18. ñawiriy.
¿Imaynatá Ester rikuchirqa ‘llampʼu sunqu, kʼacha’ kay ima, may sumaq kasqanta? (Est. 2:15; 1 Ped. 3:1-5.)
2. Ester 4:1-17 ñawiriy.
¿Imaynatá Esterjina ñuqanchikpis chiqa sunqu Jehovawan kasqanchikta rikuchisunman? (Est. 4:13, 14; Mat. 5:14-16; 24:14.)
3. Ester 7:1-6 ñawiriy.
¿Imaynatá Esterjina Diosta kasukuqkuna qhatiykachachikunku? (Est. 7:4; Mat. 10:16-22; 1 Ped. 2:12.)
Jerusalenpa pirqasnin
1. ¿Imaynatá israelitas kachkarqanku mana pirqayuq llaqtapi tiyakuspa?
2. ¿Pitaq Nehemías karqa?
3. ¿Imatataq Nehemías ruwaq, imaraykutaq sumaq llamkʼay karqa?
4. ¿Imaraykutaq Nehemías llakikurqa, imatataq ruwarqa?
5. ¿Imaynatá Artajerjes kʼacha runa kasqanta rikuchirqa?
6. ¿Imatataq Nehemías ruwarqa mana enemigosninku mana ruwasqankuta sayachinankupaq?
Wak tapuykuna:
1. Nehemías 1:4-6; 2:1-20 ñawiriy.
¿Imaynatá Nehemías Jehovap yanapayninta maskʼarqa? (Neh. 2:4, 5; Rom. 12:12; 1 Ped. 4:7.)
2. Nehemías 3:3-5 ñawiriy.
¿Imatataq ancianokuna, paykunata yanapaqkuna ima, yachakunkuman tecoitasmanta paykunata kamachiqkunamanta ima? (Neh. 3:5, 27; 2 Tes. 3:7-10; 1 Ped. 5:5.)
3. Nehemías 4:1-23 ñawiriy.
a) ¿Imataq israelitasta yanaparqa pirqanallankupaqpuni wakkuna churanakuchkaptinkupis? (Neh. 4:6, 8, 9; Sal. 50:15; Isa. 65:13, 14.)
b) Israelitakuna pirqasqanku, ¿imaynatá kunan yanapawanchik?
4. Nehemías 6:15 ñawiriy.
Jerusalén pirqasnin iskay killapi tukukusqan, ¿imaynatá iñiyninchikta kallpachan? (Sal. 56:3, 4; Mat. 17:20; 19:26.)
Juk ángel Mariaman rin
1. ¿Pitaq dibujopi warmiri?
2. ¿Imatataq Gabriel Mariata nirqa?
3. Gabriel nisqanmanjina, ¿imaynatá María manaraq qhariwan tiyakuspapis wawayuq kanman karqari?
4. ¿Imataq karqa María Elizabetta watukuchkaptin?
5. ¿Imatataq José nirqa María wawayuq kananta yachaytawan, imaraykutaq Mariawan casarakurqa?
Wak tapuykuna:
1. Lucas 1:26-56 ñawiriy.
a) Lucas 1:35 yachachisqanmanjina, ¿imaraykutaq Jesús mana juchayuq nacekurqa? (Hag. 2:11-13; Juan 6:69; Heb. 7:26; 10:5.)
b) ¿Imaynatá Jesusta jatunchakurqa manaraq nacekuchkaptin? (Luc. 1:41-43.)
c) ¿Imatataq María Diospa llaqtanpi llamkʼaqkunata yachachin? (Luc. 1:38, 46-49; 17:10; Pro. 11:2.)
2. Mateo 1:18-25 ñawiriy.
Mana Jesusta Emanuel nispa sutichakuptinpis, ¿imaynatá chay suti niyta munasqanmanjina kawsarqa? (Mat. 1:22, 23; Juan 14:8-10; Heb. 1:1-3.)
Jesús uywap puñunanpi nacekun
1. ¿Pitaq dibujopi wawari, maypitaq María siriykuchichkan?
2. ¿Imaraykutaq Jesús uywap wasinpi nacekurqa?
3. ¿Pikunataq chayman chayamuchkanku, imatataq ángel paykunata nirqa?
4. ¿Imaraykutaq Jesús mana mayqin runajinallachu karqa?
5. ¿Imaraykutaq Jesús Diospa churin kasqanta nisunman?
Wak tapuykuna:
1. Lucas 2:1-20 ñawiriy.
a) ¿Imaynatá César Augusto yanaparqa Jesús nacekuchkaptin profecía juntʼakunanpaq? (Luc. 2:1-4; Miq. 5:2.)
b) ¿Imaynatá ‘Diospa munayninpi kaqkunamanta’ kasunman? (Luc. 2:14; Mat. 16:24; Juan 17:3; Hech. 3:19; Heb. 11:6.)
c) Judeapi michiqkuna Jesús nacekusqanmanta kusikurqanku, ¿imaraykutaq ñuqanchik astawanraq kunan kusikusunman? (Luc. 2:10, 11; Efe. 3:8, 9; Apo. 11:15; 14:6.)
Juk chʼaskata qhatinku
1. ¿Pikunataq dibujopi runakuna kanku, imaraykutaq juknin chay kʼanchaq chʼaskata qhawarichkan?
2. ¿Imaraykutaq rey Herodes mancharikurqa, imatataq ruwarqa?
3. ¿Maymantaq chay chʼaska runasta pusarqa, imaraykutaq wak ñanninta llaqtankuman kutipurqanku?
4. ¿Imatataq Herodes kamachirqa, imaraykutaq?
5. ¿Imatataq Jehová Joseta nirqa?
6. ¿Pitaq chay chʼaskata kʼanchachirqa, imaraykutaq?
Wak tapuy:
1. Mateo 2:1-23 ñawiriy.
Chʼaskamanta yachaqkuna Jesusta watukuchkaptinku, ¿machkha watayuqtaq karqa, maypitaq tiyakurqa? (Mat. 2:1, 11, 16.)
Jesús maqtʼamanta templopi
1. ¿Machkha watayuqtaq Jesús dibujopi karqa, maypitaq kachkan?
2. ¿Imatataq José familiantin sapa wata ruwan?
3. Wasinkuman ripuchkaptinku juk pʼunchayta puriytawan, ¿imaraykutaq José Mariawan Jerusalenman kutirqanku?
4. ¿Maypitaq José María ima Jesusta tarirqanku, imaraykutaq runa tʼukuchkarqa?
5. ¿Imatataq Jesús mamanman kutichirqa?
6. ¿Imaynatá Jesusjina ñuqanchikpis Diosmanta yachakusunman?
Wak tapuykuna:
1. Lucas 2:41-52 ñawiriy.
a) Qharikunalla chay Jerusalenpi tantakuyman rinanku kaptinpis, ¿imatataq José, Mariawan kunan tatamamakunata yachachinku? (Luc. 2:41; Deu. 16:16; 31:12; Pro. 22:6.)
b) Jesús kasukusqan, ¿imatataq tukuy churikunata ususikunata ima yachachin? (Lucas 2:51; Deu. 5:16; Pro. 23:22; Col. 3:20.)
2. Mateo 13:53-56 ñawiriy.
Jesuspa mayqin wawqinkunaptataq, sutin Bibliapi willakun, ¿imaynata paykunata iskay ñawpa qutuchakuykunapi yanaparqanku? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)
Juan Jesusta bautizan
1. ¿Pikunataq chay iskay runa kanku?
2. ¿Imaynatá pipis bautizakunan tiyan?
3. ¿Pikunatataq Juan bautizachkarqa?
4. ¿Imaraykutaq Jesús Juanwan bautizachikurqa?
5. ¿Imatataq Dios rikuchirqa Jesús bautizakusqan allin kasqanta?
6. Jesús 40 pʼunchayta chʼin pampapi kachkaptin, ¿pitaq rikhurirqa?
7. ¿Pikunataq ñawpaqta Jesusta qhatirqanku, ima milagrotataq ñawpaqta ruwarqa?
Wak tapuykuna:
1. Mateo 3:13-17 ñawiriy.
¿Imaynatá Jesús discipulosnin bautizakunankuta yachachirqa? (Sal. 40:7, 8; Mat. 28:19, 20; Luc. 3:21, 22.)
2. Mateo 4:1-11 ñawiriy.
Jesús Diospa qillqasqanta allinta apaykachasqan, ¿imaynatá Bibliamanta astawan yachakuyta yanapawanchik? (Mat. 4:5-7; 2 Ped. 3:17, 18; 1 Juan 4:1.)
3. Juan 1:29-51 ñawiriy.
¿Pimantaq Juan Bautista discipulosninta kachapurqa, imaynata payjina ruwasunman? (Juan 1:29, 35, 36; 3:30; Mat. 23:10.)
4. Juan 2:1-12 ñawiriy.
Jehová allin kaqta runamanta mana jarkʼasqanta, ¿imaynatá Jesuspa ñawpa milagropi rikunchik? (Juan 2:9, 10; Sal. 84:11; Sant. 1:17.)
Jesús Diospa wasinta pichan
1. ¿Imaraykutaq templopi uywakunata ranqhaq kanku?
2. ¿Imaraykutaq Jesús phiñakurqa?
3. Dibujopi rikunkijina, ¿imatataq Jesús ruwachkan, imatataq chaypi ranqhaqkunata nirqa?
4. ¿Imatataq Jesusta qhatiqkuna yuyarikurqanku ruwasqanta rikuspa?
5. ¿Mayniqtataq Jesús Galileaman richkarqa?
Wak tapuy:
1. Juan 2:13-25 ñawiriy.
Jesús templopi qullqichakuqkunawan phiñakusqan, ¿imatataq tantakuy wasipi qullqichakuymanta yachachiwanchik? (Juan 2:15, 16; 1 Cor. 10:24, 31-33.)
Pukyupi juk warmiwan
1. ¿Imaraykutaq Jesús Samariapi juk pukyupi samarirqa, imatataq juk warmiman nirqa?
2. ¿Imaraykutaq warmi tʼukurqa, imatataq Jesús kutichirqa, imaraykutaq?
3. ¿Ima yakumantataq Jesús parlachkasqanta warmi nirqa, ima yakumantataq Jesús parlachkarqa?
4. ¿Imaraykutaq warmi tʼukurqa, Jesús kawsayninmanta niptin, imaynata Jesús chayta yacharqa?
5. ¿Imatataq Jesús ruwasqanmanta yachakusunman?
Wak tapuykuna:
1. Juan 4:5-43 ñawiriy.
a) ¿Jesusjina imatataq ruwananchik tiyan wak laya runakunawan tinkuspa? (Juan 4:9; 1 Cor. 9:22; 1 Tim. 2:3, 4; Tito 2:11.)
b) ¿Imaynatataq Jesús payta qhatiqkunaman tʼinkan? (Juan 4:14; Isa. 58:11; 2 Cor. 4:16.)
c) ¿Imaynatá samaritanajina yachakusqanchikta wakkunaman yachachisunman? (Juan 4:7, 28; Mat. 6:33; Luc. 10:40-42.)
Jesús urqupi yachachin
1. ¿Maypitaq Jesús yachachichkan, pikunataq qayllanpi tiyakuchkanku?
2. ¿Imataq 12 discipulokuna sutikunku?
3. ¿Imataq Jesús willasqan Diospa Reinonri?
4. ¿Imatataq Jesús runata mañakuyta yachachirqa?
5. ¿Imatataq Jesús allinta apanakuymanta yachachirqa?
Wak tapuykuna:
1. Mateo 5:1-12 ñawiriy.
¿Imaynatá rikuchisunman Diospa munayninta ruwayta munasqanchikta? (Mat. 5:3; Rom. 10:13-15; 1 Tim. 4:13, 15, 16.)
2. Mateo 5:21-26 ñawiriy.
Mateo 5:23, 24 nisqanmanjina, ¿mana allinta runa masinchikwan apanakuptinchik Diosninchik uyariwanchikchu? (Mat. 6:14, 15; Sal. 133:1; Col. 3:13; 1 Juan 4:20.)
3. Mateo 6:1-8 ñawiriy.
¿Fariseos ima ruwasqankuta mana ruwananchikchu tiyan? (Luc. 18:11, 12; 1 Cor. 4:6, 7; 2 Cor. 9:7.)
4. Mateo 6:25-34 ñawiriy.
¿Imatataq Jesús yachachirqa Jehová tukuy imata qunawanchikmanta? (Ex. 16:4; Sal. 37:25; Fili. 4:6.)
5. Mateo 7:1-11 ñawiriy.
¿Imatataq Jesús Mateo 7:5 nisqanpi yachachiwanchik? (Pro. 26:12; Rom. 2:1; 14:10; Sant. 4:11, 12.)
Jesús wañusqasta kawsarichin
1. ¿Pitaq chay imillitap tatan, imaraykutaq warminwan may llakisqa karqanku?
2. ¿Imatataq Jairo Jesusta tarispa ruwarqa?
3. ¿Imatataq Jesús nirqa Jairowan richkaptin, imatataq ñanpi Jairoman nirqanku?
4. ¿Imaraykutaq runakuna Jairop wasinpi Jesusta asipayarqanku?
5. Imillita kachkarqa chayman yaykuytawan, ¿imatataq Jesús ruwarqa?
6. ¿Pikunatawantaq Jesús wañuymanta kawsarichirqa, imatataq chay yachachiwanchik?
Wak tapuykuna:
1. Lucas 8:40-56 ñawiriy.
¿Imaraykutaq Jesús chay yawar apaywan unqusqa warmita khuyakusqanta, allinpaq qhawasqanta ima nisunman? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)
2. Lucas 7:11-17 ñawiriy.
Jesús Naín viudata rikuspa phutikusqan, ¿imaynatá chay sunquchawanchik? (Luc. 7:13; 2 Cor. 1:3, 4; Heb. 4:15.)
3. Juan 11:17-44 ñawiriy.
¿Imaynatá Jesús yachachiwanchik wakkuna wañuptinku allillan kasqanta waqarikuy? (Juan 11:33-36, 38; 2 Sam. 18:33; 19:1-4.)
Jesús runakunata mikhuchin
1. ¿Imanarqankutaq Juan Bautistata, chayta uyarispa imaynataq Jesús kachkarqa?
2. ¿Imaynatá Jesús payta qhatiqkunata mikhuchirqa, machkha mikhunataq puchurqa?
3. ¿Imaraykutaq discipulosnin juk chʼisi mancharikurqanku, imatataq Pedro ruwarqa?
4. ¿Imaynatataq Jesús waranqa waranqa runata watiqmanta mikhuchirqa?
5. ¿Imaraykutaq may sumaq kanqa Jesús kay Jallpʼata kamachiptin?
Wak tapuykuna:
1. Mateo 14:1-32 ñawiriy.
a) Mateo 14:23-32 nisqanmanjina, ¿imayna runataq Pedro karqa?
b) ¿Imaynatá Biblia yachachiwanchik Pedro allinta tʼukurispa imatapis ruwayta yachasqanta? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)
2. Mateo 15:29-38 ñawiriy.
¿Imaynatá Jesús Diosninchik qusqanta mana usuchirqachu? (Mat. 15:37; Juan 6:12; Col. 3:15.)
3. Juan 6:1-21 ñawiriy.
¿Imaynatá cristianokuna Jesusjina kay pachata kamachiqkunata qhawasunman? (Juan 6:15; Mat. 22:21; Rom. 12:2; 13:1-4.)
Jesús wawitasta munakun
1. ¿Imaraykutaq apostolkuna siminakurqanku Capernaumman kutichkaspa?
2. ¿Imaraykutaq Jesús juk wawitata waqyaspa apostolespa ñawpaqinman churarqa?
3. ¿Imapitaq apóstoles wawajina kananku karqa?
4. Chaymanta, ¿imaynatá Jesús wawasta munakusqanta rikuchirqa?
Wak tapuykuna:
1. Mateo 18:1-4 ñawiriy.
¿Imaraykutaq Jesús rikchʼanachiywan yachachirqa? (Mat. 13:34, 36; Mar. 4:33, 34.)
2. Mateo 19:13-15 ñawiriy.
Dios tʼinkanta qunawanchikpaq, ¿imapitaq ñuqanchikpis wawakunaman rikchʼakunanchik tiyan? (Sal. 25:9; 138:6; 1 Cor. 14:20.)
3. Marcos 9:33-37 ñawiriy.
¿Imatataq Jesús jatunchakuymanta discipulosninman yachachirqa? (Mar. 9:35; Mat. 20:25, 26; Gál. 6:3; Fili. 2:5-8.)
4. Marcos 10:13-16 ñawiriy.
¿Runakuna Jesusman qayllaykuqchu kanku? ¿Imatataq chaymanta kuraqkuna yachakunkuman? (Mar. 6:30-34; Fili. 2:1-4; 1 Tim. 4:12.)
Imaynatá Jesús yachachin
1. ¿Imatataq juk runa Jesusta tapurqa, imaraykutaq?
2. ¿Imawantaq wakin kuti Jesús runata yachachiq, imatataq judiosmanta, samaritanosmanta yacharqanchikña?
3. Jesús willasqanpi, ¿imatataq juk judiota Jericoman richkaptin ruwarqanku?
4. ¿Imatataq juk judío sacerdote, juk levita ima maqasqa runata rikuspa ruwarqanku?
5. Dibujopi, ¿pitaq judiota yanapachkan?
6. Jesús willayta tukuytawan, ¿imatataq tapurqa, imatataq runa kutichirqa?
Wak tapuykuna:
1. Lucas 10:25-37 ñawiriy.
a) Jesús juk tapuyman kutichinanmantaqa, ¿imaynatá juk yachayniyuq runata yanaparqa? (Luc. 10:26; Mat. 16:13-16.)
b) ¿Imaynatá Jesús rikchʼanachiywan, chiqninakuq runakunata tʼukuchirqa? (Luc. 10:36, 37; 18:9-14; Tito 1:9.)
Jesús unqusqasta jampin
1. ¿Imatataq Jesús tukuy llaqtakunapi ruwarqa?
2. Bautizakusqanmanta kimsa watanman, ¿imatataq Jesús apostolesninman nirqa?
3. ¿Pikunataq dibujopi runakuna kanku, imaynatá Jesús chay warmita yanaparqa?
4. ¿Imaraykutaq Jesús kutichisqan religionmanta kuraqkunata pʼinqachirqa?
5. Jesús apostolesninwan Jericoman chayachkaptin, ¿imatataq iskay ciegospaq ruwarqa?
6. ¿Imaraykutaq tukuy chaykunata ruwarqa?
Wak tapuykuna:
1. Mateo 15:30, 31 ñawiriy.
¿Imaynatá Jesús rikuchiwanchik Diospa sumaq atiyninta, imaynata paraisopaq Jehová parlasqanta qhawayta yanapawanchik? (Sal. 37:29; Isa. 33:24.)
2. Lucas 13:10-17 ñawiriy.
Jesús sábado pʼunchaykunapi runata jampisqan, ¿imatataq Jesús kamachiptin runapaq ruwananta rikuchiwanchik? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)
3. Mateo 20:29-34 ñawiriy.
¿Imaynatá Jesús runata yanapananpaq tiempochakurqa, imatataq chaymanta yachakunchik? (Deu. 15:7; Sant. 2:15, 16; 1 Juan 3:17.)
Jesús reyjina jamun
1. Jesús Jerusalenman richkaptin, ¿imatataq discipulosninman ruwapunankuta nirqa?
2. Dibujopi rikunkijina imatataq runa ruwarqa Jesús Jerusalenman qayllaykuchkaptin?
3. Jesús mana rikuqkunata, suchukunata jampiptin, ¿imatataq wawakuna ruwarqanku?
4. ¿Imatataq Jesús phiñasqa sacerdotekunata nirqa?
5. ¿Imaynatá ñuqanchikpis Jesusta chay wawakunajina jatunchasunman?
6. ¿Imatataq discipulosnin yachayta munarqanku?
Wak tapuykuna:
1. Mateo 21:1-17 ñawiriy.
a) ¿Imapitaq Jesús Jerusalenman reyjina yaykusqan, ñawpa Romaman yaykuq generalkunamanta jukjina karqa? (Mat. 21:4, 5; Zac. 9:9; Fili. 2:5-8; Col. 2:15.)
b) Wawakuna Salmo 18 nisqanta takispa Jesusta jatuncharqanku, ¿imatataq chay waynakunata yachachin? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)
2. Juan 12:12-16 ñawiriy.
Runakuna palmerata apaykachasqanku, ¿imataq niyta munarqa? (Juan 12:13; Fili. 2:10; Apo. 7:9, 10.)
Olivos urqupi
1. ¿Kay dibujopi mayqintaq Jesusri, pikunataq paywan kachkanku?
2. ¿Imatataq sacerdotekuna Jesusta ruwanayarqanku, imatataq Jesús paykunata nirqa?
3. ¿Imatataq apostolkuna Jesusta tapurqanku?
4. ¿Imaraykutaq Jesús apostolesninman pay janaqpachapi kamachichkaptin imachus Jallpʼapi kananta willarqa?
5. Jesús nisqanmanjina, ¿imatataq rikukunan karqa tukuy saqra kaq chinkanan kaptin?
Wak tapuykuna:
1. Mateo 23:1-39 ñawiriy.
a) Bibliaqa runata jatun kayninmanjina sutichay waliqlla kasqanta niptinpis, ¿imatataq Jesús kay Mateo 23:8-11 nisqapi qutuchakuy ukhupi sutichachikuymanta yachachiwanchik? (Hech. 26:25; Rom. 13:7; 1 Ped. 2:13, 14.)
b) ¿Imatataq fariseokuna ruwarqanku wak runakuna mana chiqa kaqta yachanankupaq, imaynatá kunanpis kikillantataq religionta apaykachaqkuna ruwanku? (Mat. 23:13; Luc. 11:52; Juan 9:22; 12:42; 1 Tes. 2:16.)
2. Mateo 24:1-14 ñawiriy.
a) ¿Imaraykutaq Mateo 24:13 sinchita sayananchikta niwanchik?
b) ¿Imatataq Mateo 24:13 “tukukuykama” nisqan niyta munan? (Mat. 16:27; Rom. 14:10-12; 2 Cor. 5:10.)
3. Marcos 13:3-10 ñawiriy.
¿Ima rimaytaq Marcos 13:10 pʼitipi niwanchik usqhayta Diospa Reinonmanta willananchikta, imatataq ñuqanchik ruwananchik tiyan? (Rom. 13:11, 12; 1 Cor. 7:29-31; 2 Tim. 4:2.)
Pata wasipi
1. Dibujopi rikunkijina, ¿imaraykutaq Jesús 12 apostolninwan pata wasipi kachkanku?
2. ¿Pitaq lluqsipuchkan, imatataq ruwamunqa?
3. Pascua mikhunata tukuytawan, ¿ima sumaq mikhunataq qallarirqa?
4. ¿Imatataq israelitakuna pascuapi yuyariq kanku, imatataq Jesusta qhatiqkuna yuyarikunku?
5. Señorpa cenanta mikhuytawan, ¿imatataq Jesús discipulosninman nirqa, imatataq paykuna ruwarqanku?
Wak tapuykuna:
1. Mateo 26:14-30 ñawiriy.
a) ¿Imaynatá Mateo 26:15 rikuchiwanchik Judas Jesusta wasanchaytapuni munasqanta?
b) ¿Ima iskayniqmantataq Jesuspa yawarnin yanapawanchik? (Mat. 26:27, 28; Jer. 31:31-33; Efe. 1:7; Heb. 9:19, 20.)
2. Lucas 22:1-39 ñawiriy.
¿Imaynamanta Supay Judaspa sunqunman yaykuykurqa? (Luc. 22:3; Juan 13:2; Hech. 1:24, 25.)
3. Juan 13:1-20 ñawiriy.
a) Juan 13:2, nisqanmanjina, ¿ruwasqanmanta Judasta juchachasunmanchu, imatataq chaymanta yachakunchik? (Gen. 4:7; 2 Cor. 2:11; Gál. 6:1; Sant. 1:13, 14.)
b) ¿Ima jatun yachachiytataq Jesús saqiwarqanchik? (Juan 13:15; Mat. 23:11; 1 Ped. 2:21.)
4. Juan 17:1-26 ñawiriy.
¿Imatataq Jesús niyta munarqa ‘juklla kaychik’ nispa? (Juan 17:11, 21-23; Rom. 13:8; 14:19; Col. 3:14.)
Jesús huertaman rin
1. Pata wasimanta lluqsiytawan, ¿maymantaq Jesús apostolkunawan rirqa, imatataq ruwananku karqa?
2. ¿Imatataq discipulokuna ruwachkarqanku pay kutimunanpaq, machkha kutitataq chayta ruwarqanku?
3. Dibujopi rikunkijina, ¿pikunataq chayamunku, imatataq Judas Iscariote ruwan?
4. ¿Imaraykutaq Judas Jesusta muchʼaykurqa, imatataq Pedro ruwarqa?
5. ¿Imatataq Jesús Pedrota nirqa, imaraykutaq Jesús mana Diosmanta angelkunata mañarqachu?
Wak tapuykuna:
1. Mateo 26:36-56 ñawiriy.
a) Jesús discipulonkunata kʼamisqan, ¿imaynatá tukuy ancianokunata yanapan? (Mat. 20:25-28; 26:40, 41; Gál. 5:17; Efe. 4:29, 31, 32.)
b) ¿Imatataq Jesús nirqa runa imawanpis wañuchinakunanmanta? (Mat. 26:52; Luc. 6:27, 28; Juan 18:36.)
2. Lucas 22:39-53 ñawiriy.
Getsemaní huertapi juk ángel Jesusta kallpachananpaq rikhurisqan, ¿llawchʼiyasqantachu niyta munarqa? Sutʼinchay (Luc. 22:41-43; Isa. 49:8; Mat. 4:10, 11; Heb. 5:7.)
3. Juan 18:1-12 ñawiriy.
¿Imaynatá Jesús discipulosninta chay saqra runamanta jarkʼarqa, imatataq chaymanta yachakunchik? (Juan 10:11, 12; 18:1, 6-9; Heb. 13:6; Sant. 2:25.)
Jesusta wañuchinku
1. ¿Pitaq juchayuq Jesusta wañuchinankupaq?
2. ¿Imatataq apostolkuna ruwarqanku Jesusta apakapuchkaptinku?
3. ¿Imatataq kuraq sacerdote Caifaspa wasinpi ruwakurqa?
4. ¿Imaraykutaq Pedro waqaq ripurqa?
5. Watiqmanta Pilatoman Jesusta pusaykuptinku, ¿imatataq sacerdotekuna qhaparirqanku?
6. ¿Imatataq viernes khuskan pʼunchayjinapi Jesuswan ruwarqanku, imatataq Jesús juk warkhusqa saqra runata nirqa?
7. ¿Maypitaq Jesús parlasqan paraíso kanqa?
Wak tapuykuna:
1. Mateo 26:57-75 ñawiriy.
Chay tantakuy wasipi tantakuqkuna, ¿imaynatá saqra sunquyuq kasqankuta rikuchirqanku? (Mat. 26:59, 67, 68.)
2. Mateo 27:1-50 ñawiriy.
¿Imaraykutaq Judas pesachikusqan mana sunqunmantapachachu kasqanta nisunman? (Mat. 27:3, 4; Mar. 3:29; 14:21; 2 Cor. 7:10, 11.)
3. Lucas 22:54-71 ñawiriy.
Pedro Jesusta mana riqsisqan nisqanmanta, ¿imatataq yachakusunman? (Luc. 22:60-62; Mat. 26:31-35; 1 Cor. 10:12.)
4. Lucas 23:1-49 ñawiriy.
¿Imaynatá Jesús kutichirqa qhasimanta maqachkaptinku, imatataq chaymanta yachakunchik? (Luc. 23:33, 34; Rom. 12:17-19; 1 Ped. 2:23.)
5. Juan 18:12-40 ñawiriy.
Pedro runata manchachikuspapis juk may sumaq apostolman tukurqa, ¿imatataq chay yachachiwanchik? (Juan 18:25-27; 1 Cor. 4:2; 1 Ped. 3:14, 15; 5:8, 9.)
6. Juan 19:1-30 ñawiriy.
a) ¿Imatataq Jesús tukuy imayuq kanamanta yuyarqa? (Juan 2:1, 2, 9, 10; 19:23, 24; Mat. 6:31, 32; 8:20.)
b) Jesús wañuchkaptin nisqanqa, Jehová Diospa kamachiyninrayku sayakusqanta rikuchirqa, ¿imaynamanta? (Juan 16:33; 19:30; 2 Ped. 3:14; 1 Juan 5:4.)
Jesús kawsachkan
1. ¿Pitaq dibujopi warmiri, pikunataq chay iskay runa kanku, maypitaq kachkanku?
2. ¿Imaraykutaq sacerdotes Pilatoman soldadosta Jesusta qhawaq kachananta nirqanku?
3. Jesús wañusqanmanta kimsa pʼunchayninman, ¿imatataq juk ángel ruwarqa, imatataq sacerdotekuna ruwarqanku?
4. ¿Imaraykutaq warmikuna tʼukurqanku Jesuspa pʼampananta rikuspa?
5. ¿Imaraykutaq Pedrowan Juanwan, Jesuspa pʼampananman rirqanku, imatataq chaypi rikurqanku?
6. ¿Jesuspa cuerponta imanakurqataq, imatataq pay kawsasqanta rikuchinanpaq ruwarqa?
Wak tapuykuna:
1. Mateo 27:62-66; 28:1-15 ñawiriy.
Jesús kawsariptin, ¿imaynatá santo espiritup contranta fariseos, kuraq sacerdotes, kuraqkuna ima, juchallikurqanku? (Mat. 12:24, 31, 32; 28:11-15.)
2. Lucas 24:1-12 ñawiriy.
Jesús kawsarimusqanmanta willakusqan, ¿imaynatá warmikuna Jehovap ñawpaqinpi chiqata willasqankuta rikuchiwanchik? (Luc. 24:4, 9, 10; Mat. 28:1-7.)
3. Juan 20:1-12 ñawiriy.
Bibliap profecianta mana japʼiqayta atiptinchik, ¿imaynatá Juan 20:8, 9 nisqan mana llakikunapaq yanapawasunman? (Pro. 4:18; Mat. 17:22, 23; Luc. 24:5-8; Juan 16:12.)
Wisqʼasqa wasipi rikhurin
1. Jardinero kasqanta yuyaspa, ¿imatataq María tapurqa, imaynatá Jesús kasqanta yacharqa?
2. ¿Piwantaq iskay discípulos Emaus llaqtaman richkaptinku tinkurqanku?
3. Chay iskay apostolkuna Jesusta rikusqankuta nichkaptinku, ¿imataq paykunata kusichirqa?
4. ¿Machkha kutitaq Jesús discipulokunaman rikhurirqa?
5. Tomás Jesusta rikusqankuta uyarispa, ¿imatataq nirqa, imatataq pusaq pʼunchayninman karqa?
Wak tapuykuna:
1. Juan 20:11-29 ñawiriy.
Jesús Juan 20:23 pʼitipi nisqanmanjina, ¿juk runa juchata pampachayta atisqanta niyta munarqachu? Sutʼinchay (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2.)
2. Lucas 24:13-43 ñawiriy.
¿Imaynatá sunqunchikta wakichisunman Bibliap nisqanta kasukunapaq? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)
Jesús janaqpachaman kutipun
1. ¿Machkha discipulokunataq juk kuti Jesusta rikurqanku, imamantataq pay parlarqa?
2. ¿Imataq Diospa Reinonri, imaynatá Jallpʼapi kawsasunchik Jesús waranqa watata kamachiptin?
3. ¿Machkha unaytataq Jesús discipulonkunaman rikhurirqa, chaymanta imatataq ruwanan karqa?
4. ¿Imatataq Jesús ripuchkaptin discipulonkunata kamachirqa?
5. ¿Imatataq dibujopi rikunki, imaynatá discipulokuna manaña Jesusta rikurqankuchu?
Wak tapuykuna:
1. 1 Corintios 15:3-8 ñawiriy.
¿Imaraykutaq apóstol Pablo Jesús kawsarimusqanmanta mana iskaychakuspa parlarqa, imasmantataq kunanpis mana iskaychakuspa cristianokuna parlayta atinkuman? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)
2. Hechos 1:1-11 ñawiriy.
Hechos 1:8 nisqanmanjina, ¿maykamataq willaspa chayakuchkan? (Hech. 6:7; 9:31; 11:19-21; Col. 1:23.)
Jerusalenpi suyanku
1. Dibujopi rikunkijina, ¿imatataq Jesusta discipulonkuna Jerusalenpi suyachkarqanku?
2. ¿Imata rikuspataq Jerusalenman riqkuna tʼukurqanku?
3. ¿Imatataq Pedro runakunaman willarqa?
4. ¿Imatataq runakuna Pedrota uyarispa nirqanku, imatataq ruwananku karqa?
5. ¿Machkhataq 33 watapi Pentecostés raymipi bautizakurqanku?
Wak tapuykuna:
1. Hechos 2:1-47 ñawiriy.
a) ¿Imaynatá Pedro parlasqan Hechos 2:23, 36 pʼitipi rikuchiwanchik tukuy israelitakuna Jesús wañusqanmanta juchayuq kasqankuta? (1 Tes. 2:14, 15.)
b) ¿Imaynatá Pedro Diospa rimayninta uqharispa runakunaman parlarqa, imatataq chay yachachiwanchik? (Hech. 2:16, 17, 29, 31, 36, 39; Col. 4:6.)
c) ¿Imaynatá Pedro ñawpa kaq ‘llaveta janaqpacha reinopta’ apaykacharqa? (Hech. 2:14, 22-24, 37, 38; Mat. 16:19.)
Wisqʼaymanta kacharichikunku
1. ¿Imatataq Juanwan Pedrowan temploman yaykuchkaptinku rikurqanku?
2. ¿Imatataq Pedro suchu runaman nirqa, imatataq qullqimanta astawan valorniyuqta Pedro chay runaman qurqa?
3. ¿Imaraykutaq religionta kamachiqkuna phiñakurqanku, imatataq Pedrowan Juanwan ima ruwarqanku?
4. ¿Imatataq Pedro religionta kamachiqkunata nirqa, imatataq paykuna apostolkunaman nirqanku?
5. ¿Imaraykutaq sacerdotekuna japʼinakurqanku, apostolkuna wisqʼasqallapunichu qhipakurqanku?
6. ¿Imatataq apostolkuna kutichirqanku chʼinyanankuta niptinku?
Wak tapuykuna:
1. Hechos 3:1-10 ñawiriy.
Manapis kunan runata jampinchikchu, ¿imaynatá Pedro nisqan Hechos 3:6 pʼitipi yanapawanchik tukuy sunquwan Diospa Reinonmanta willanapaq? (Juan 17:3; 2 Cor. 5:18-20; Fili. 3:8.)
2. Hechos 4:1-31 ñawiriy.
Pipis mana willananchikpaq churanakuwaptinchik, ¿imaynatá ñawpa cristianokuna ruwasqankuta qhatisunman? (Hech. 4:29, 31; Efe. 6:18-20; 1 Tes. 2:2.)
3. Hechos 5:17-42 ñawiriy.
¿Imaynatá wakinkuna mana Diosta kasukuspapis unaymantapacha Diosmanta runaman willasqanchikwan mana churanakunkuchu? (Hech. 5:34-39.)
Estebanta chʼanqanku
1. ¿Pitaq Esteban karqa, ima ruwananpaqtaq Dios yanaparqa?
2. ¿Imatataq Esteban sacerdotes phiñakunankupaq nirqa?
3. Llaqtap jawanman qhatataytawan, ¿Estebanta imanarqankutaq?
4. ¿Pitaq punchus chayniqpi chay wayna?
5. ¿Imatataq Esteban manaraq wañuchkaptin Jehovamanta mañakurqa?
6. Pipis ñakʼarichiwaptinchik, ¿imaynata Estebanjina ruwasunman?
Wak tapuykuna:
1. Hechos 6:8-15 ñawiriy.
¿Ima llullakuspataq religionta kamachiqkuna Jehovamanta sutʼinchaqkunata chʼinyachiyta munarqanku? (Hech. 6:9, 11, 13.)
2. Hechos 7:1-60 ñawiriy.
a) ¿Imataq Estebanta yanaparqa mana manchachikuspa Diosmanta parlananpaq, imatataq chaymanta yachakunchik? (Hech. 7:51-53; Rom. 15:4; 2 Tim. 3:14-17; 1 Ped. 3:15.)
b) ¿Imaynata mana uyariyta munaqkunata qhawananchik tiyan? (Hech. 7:58-60; Mat. 5:44; Luc. 23:33, 34.)
Damasco ñanpi
1. ¿Imatataq Saulo Estebanta wañuchisqankutawan ruwarqa?
2. ¿Imataq rikhurirqa Saulo Damascoman richkaptin?
3. ¿Imatataq Jesús Saulota kamachirqa?
4. ¿Imatataq Jesús Ananiasta nirqa, imaynatá Saulo watiqmanta rikurqa?
5. ¿Ima sutiwantaq Saulota riqsikurqa, imatataq ruwarqa?
Wak tapuykuna:
1. Hechos 8:1-4 ñawiriy.
¿Imaynatá cristianokunata qhatiykachakusqan, tukuyniqpi Diosmanta yachachinankupaq yanaparqa, imaynatá kunanpis kikillantataq yanapan? (Hech. 8:4; Isa. 54:17.)
2. Hechos 9:1-20 ñawiriy.
¿Ima kimsa ruwaytataq Jesús Sauloman qurqa? (Hech. 9:15; 13:5; 26:1; 27:24; Rom. 11:13.)
3. Hechos 22:6-16 ñawiriy.
¿Imaynatá Ananiasjina kasunman, imaraykutaq? (Hech. 22:12; 1 Tim. 3:7; 1 Ped. 1:14-16; 2:12.)
4. Hechos 26:8-20 ñawiriy.
¿Imaraykutaq Saulo cristianoman tukusqan, mana cristiano familiayuq kaqkunata kallpachan? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)
Pedro Corneliota watukun
1. ¿Pitaq chay qunqurikuq runari?
2. ¿Imatataq juk ángel Corneliota nirqa?
3. ¿Imatataq Diosninchik Pedrota rikuchirqa Simonpa wasinpi kachkaptin?
4. ¿Imaraykutaq Pedro mana qunqurikunanta Corneliota nirqa?
5. ¿Imaraykutaq judío discipulokuna tʼukurqanku?
6. ¿Ima jatun yachaytataq Pedro Corneliota watukusqanmanta yachakunchik?
Wak tapuykuna:
1. Hechos 10:1-48 ñawiriy.
Pedro nisqan kay Hechos 10:42 pʼitipi, ¿imatataq Diospa Reinonta willanamanta yachachiwanchik? (Mat. 28:19; Mar. 13:10; Hech. 1:8.)
2. Hechos 11:1-18 ñawiriy.
¿Imatataq Pedro ruwarqa Diosninchik mana judiokunata allinpaq qhawasqanta rikuytawan, imaynatá payjina ruwasunman? (Hech. 11:17, 18; 2 Cor. 10:5; Efe. 5:17.)
Timoteo Pablota yanapan
1. ¿Pitaq dibujomanta waynari, maypi tiyakurqa, imataq maman jatun maman ima sutikurqanku?
2. ¿Imatataq Timoteo kutichirqa, Pablo paywan, Silaswan ima wak runakunaman yachachiq rinankuta niptin?
3. ¿Maypitaq ñawpaqta cristianos nispa sutichakurqa Jesuspa discipulosninta?
4. ¿Ima llaqtakunamantaq Pablo, Silas, Timoteo ima rirqanku Listramanta lluqsiytawan?
5. ¿Imaynatá Timoteo Pablota yanaparqa, imatataq kunan waynakuna tapukunanku tiyan?
Wak tapuykuna:
1. Hechos 9:19-30 ñawiriy.
¿Imaynatá Pablo jarkʼakurqa Diosmanta mana willananpaq qhatiykachaptinku? (Hech. 9:22-25, 29, 30; Mat. 10:16.)
2. Hechos 11:19-26 ñawiriy.
¿Imaynatá Hechos 11:19-21, 26 nisqan yachachiwanchik Diospa santo espiritun runaman willananpaq yanapawasqanchikta?
3. Hechos 13:13-16, 42-52 ñawiriy.
Hechos 13:51, 52 nisqanmanjina, ¿discipulokuna churanakuywan llawchʼiyarqankuchu? (Mat. 10:14; Hech. 18:6; 1 Ped. 4:14.)
4. Hechos 14:1-6, 19-28 ñawiriy.
¿Imaynatá kay Biblia nisqan, ‘Diospa makinman paykunata churarqanku’, yanapawanchik mana anchata musuq discipulokunamanta llakikunapaq? (Hech. 14:21-23; 20:32; Juan 6:44.)
5. Hechos 16:1-5 ñawiriy.
¿Imaynatá Timoteo circuncidachikusqan yachachiwanchik ‘tukuy imata evangeliorayku ruwayta’? (Hech. 16:3; 1 Cor. 9:23; 1 Tes. 2:8.)
6. Hechos 18:1-11, 18-22 ñawiriy.
Hechos 18:9, 10 nisqanmanjina, ¿imaynatá willasqanchikta Jesús apaykachan, imaynata chay sunquchawanchik? (Mat. 28:19, 20.)
Juk wayna puñurpan
1. ¿Pitaq chay pampapi waynari, imanakurqataq?
2. ¿Imatataq Pablo ruwarqa waynata wañusqata rikuspa?
3. ¿Maymantaq Pablo, Timoteo, paykunawan riqkuna ima rirqanku, imatataq Miletopi sayaytawan ruwarqanku?
4. ¿Imatataq profeta Agabo Pabloman willarqa, imaynatá chay willasqan juntʼakurqa?
Wak tapuykuna:
1. Hechos 20:7-38 ñawiriy.
a) Pablo kay Hechos 20:26, 27 pʼitipi nisqanmanjina, ¿imaynata ñuqanchikpis ‘mana juchayuq kasunman’? (Eze. 33:8; Hech. 18:6, 7.)
b) ¿Imaraykutaq kuraqkuna ‘chiqa yachakusqankumanta’ chʼipakuspa yachachinanku tiyan? (Hech. 20:17, 29, 30; Tito 1:7-9; 2 Tim. 1:13.)
2. Hechos 26:24-32 ñawiriy.
¿Imaynatá Pablo romano kasqanta nispa, Jesús kamachisqanta, astawan runaman yachachirqa? (Hech. 9:15; 16:37, 38; 25:11, 12; 26:32; Luc. 21:12, 13.)
Islaman ayqinku
1. Pablota Cretap qayllanta apachkaptinku, ¿barco imanakurqataq?
2. ¿Imatataq Pablo barcopi riqkunata nirqa?
3. ¿Imaraykutaq barco phirikurqa?
4. ¿Imatataq soldadosta kamachiq kamachirqa, machkha runataq salvakurqanku?
5. ¿Imataq chay churu sutikurqa, imatataq manaña paraptin Pablowan ruwarqanku?
Wak tapuykuna:
1. Hechos 27:1-44 ñawiriy.
Biblia Pablota apasqankumanta willasqan, ¿imaynatá Bibliapi astawan atiykukuyta yanapawanchik? (Hech. 27:16-19, 27-32; Luc. 1:3; 2 Tim. 3:16, 17.)
2. Hechos 28:1-14 ñawiriy.
Maltapi tiyakuqkuna mana Diosta yupaychaspapis apóstol Pablota, jukkuna runatawan ‘sumaq sunquwan yanapasqanku’, ¿imatataq ñuqanchikta yachachiwanchik? (Hech. 28:1, 2; Heb. 13:1, 2; 1 Ped. 4:9.)
Pablo Romapi
1. ¿Pikunatataq Pablo Romapi Diosmanta yachachirqa?
2. ¿Pitaq mesapi qhillqachkan, imatataq Pablo ruwachkan?
3. ¿Pitaq Epafrodito karqa, imatataq Filiposman aparqa?
4. ¿Imatataq Pablo munasqa masinman Filemonman qillqarqa?
5. ¿Imatataq Pablo payta kachariptinku ruwarqa, chaymanta imanarqankutaq?
6. ¿Piwantaq Jehová Bibliamanta qhipa librokunata qillqachirqa, imamantataq Apocalipsis libro parlan?
Wak tapuykuna:
1. Hechos 28:16-31; chantapis Filipenses 1:13 ñawiriy.
¿Imatataq Pablo Romapi wisqʼasqa kachkaspa ruwarqa, imaynatá sinchi sayasqan wakkunata yanaparqa? (Hech. 28:23, 30; Fili. 1:14.)
2. Filipenses 2:19-30 ñawiriy.
¿Imaynatá Pablo Timoteomanta, Epafroditomanta ima, allinta parlarqa, imatataq chay yachachiwanchik? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)
3. Filemón 1-25 ñawiriy.
a) ¿Imaraykutaq Filemón chiqa kaqta ruwanan karqari, chay ruwasqantaq imatataq acianokunata yachachin? (File. 9; 2 Cor. 8:8; Gál. 5:13.)
b) Filemón 13, 14 pʼitipi Pablo nisqanqa, ¿imaynamanta yachachiwanchik Pablo wakkunata jatunpaq qhawasqanta? (1 Cor. 8:7, 13; 10:31-33.)
4. 2 Timoteo 4:7-9 ñawiriy.
Kay pacha tukukunankama sinchʼita sayaptinchik, ¿imaraykutaq apóstol Pablojina Jehová tʼinkanawanchikta suyasunman? (Mat. 24:13; Heb. 6:10.)
Saqra ruwaypa tukukuynin
1. ¿Imaraykutaq Biblia cielopi caballokunamanta parlan?
2. ¿Imataq Diospa maqanakuynin sutikun, imapaqtaq maqanakunqa?
3. Dibujopi rikunkijina, ¿pitaq maqanakuypi kamachinqa, imaraykutaq pilluyuq kachkan, imataq espadan niyta munan?
4. Kay 10, 15, 33 yachachiykunata yuyarispa, ¿imaraykutaq Diosninchik saqra runakunata wañuchinanta nisunman?
5. ¿Imaynatá 36, 76, yachachiykuna yachachiwanchik, Dios saqra runakunata chinkachinanta, payta yupaychasqankuta nichkaptinkupis?
Wak tapuykuna:
1. Apocalipsis 19:11-16 ñawiriy.
a) ¿Imaynatá Biblia ‘yuraq caballopi lluqʼasqa’ runa, Jesús kasqanta sutʼinchawanchik? (Apo. 1:5; 3:14; 19:11; Isa. 11:4.)
b) Jesuspa pʼachan chʼaqchusqa yawar, ¿imaynatá mana atipachikusqanta yachachiwanchik? (Apo. 14:18-20; 19:13.)
c) ¿Pikunataq ichapis, Jesuspa janaqpacha angelesninta yanapaspa maqanakunqanku? (Apo. 2:27, 27; 12:7; 19:14; Mat. 25:31, 32.)
Jallpʼapi musuq paraíso
1. Biblia nisqanmanjina, ¿imaynatá paraisopi kawsasunchik?
2. ¿Imatataq paraisopi tiyakuyta munaqkuna suyankuman?
3. ¿Maykʼaqtaq Jesús Jallpʼata paraisoman tukuchinqa?
4. Jesús Jallpʼapi kachkaptin, ¿imaynatataq ruwarqa Reyjina kamachiptin kikinta ruwananpaq?
5. ¿Imatataq Jesús, paywan kamachiqkuna ima ruwanqanku?
Wak tapuykuna:
1. Apocalipsis 5:9, 10 ñawiriy.
¿Imaraykutaq nisunman Jesuswan kamachiqkuna khuyakuyniyuq, kʼacha ima kanankuta? (Efe. 4:20-24; 1 Ped. 1:7; 3:8; 5:6-10.)
2. Apocalipsis 14:1-3 ñawiriy.
144.000 akllasqaspa frentesninkupi Jesuspa sutin, Tatanpa sutin ima qillqasqa kasqanta, ¿imatataq niyta munan? (1 Cor. 3:23; 2 Tim. 2:19; Apo. 3:12.)
Imaynatá wiñaypaq kawsasunman
1. ¿Imatataq yachakunanchik tiyan wiñaypaq kawsananchikpaq?
2. Dibujopi rikunchikjina, ¿imaynatá astawan Jehovamanta Jesusmantawan yachakusunman?
3. ¿Ima librota astawan ñawirinanchik tiyan, imaraykutaq chayman yachayakapunanchik tiyan?
4. Jehovamanta, Jesusmanta ima yachakuspapis, ¿imatataq astawan ruwananchik tiyan wiñaypaq kawsanapaq?
5. ¿Imatataq 69 willay yachachiwanchik?
6. ¿Imatataq 55 willaypi Samuel ruwasqan yachachiwanchik?
7. ¿Imaynatá Jesús ruwasqanta qhatisunman, qhatinchik chayqa, imatataq qhipaman Dios quwasunchik?
Wak tapuykuna:
1. Juan 17:3 ñawiriy.
Jehovamanta, Jesusmanta yachakuyllachu, ¿imatataq astawan ruwananchik tiyan? (Mat. 7:21; Sant. 2:18-20; 1 Juan 2:17.)
2. Salmo 145:1-21 ñawiriy.
a) ¿Imaraykutaq Jehovata jatunchananchik tiyan? (Sal. 145:8-11; Apo. 4:11.)
b) ¿Imaynamanta Jehová ‘tukuyninchikwan kʼacha’ kasqanta nisunman, imaynatataq chayta yachay payman kʼaskachiwasunman? (Sal. 145:9; Mat. 5:43-45.)
c) Jehovata munakunchik chayqa, ¿imatataq ruwasunchik? (Sal. 119:171, 172, 175; 145:11, 12, 21.)
[Sutʼinchaynin]
^ párr. 39 Kay libropi, NM rikhuriptin Traducción del Nuevo Mundo de las Santas Escrituras (con referencias) nisqa Biblia niyta munan.
