Mbaï 1

1. Aye kue ti nzoni alondo na zo wa? Ambeni ayeke nyen?

2. Kozo ye so Nzapa asara ayeke nyen?

3. Ngbanga ti nyen kozo ange so Nzapa asara lo ayeke nde mingi?

4. Sese ayeke lani tongana nyen na lâ ni kâ? (Bâ foto ni.)

5. Nyen la Nzapa asara kozoni ti tene anyama na azo aduti na ndo ti sese?

Ambeni hundango tënë nde:

1. Diko Jérémie 10:12.

   Aye so Nzapa aleke afa na mo nyen na ndo ti lo? (Es. 40:26; aRom. 11:33).

2. Diko aColossien 1:15-17.

   Jésus amû mbage lani tongana nyen na yâ ti lekengo aye? A lingbi ye so asara si e bâ lo tongana nyen? (aCol. 1:15-17).

3. Diko Genèse 1:1-10.

   1. Sese abâ gigi tongana nyen? (Gen. 1:1).

   2. Nzapa asara nyen na kozo lango so lo leke aye? (Gen. 1:3-5).

   3. Fa ye so asi lani na use lango so Nzapa aleke aye (Gen. 1:7, 8).

Mbaï 2

1. Tongana nyen Nzapa aleke lani sese ti tene zo aduti dä?

2. Nzapa asara mara ti anyama nde nde wa? (Bâ foto ni.)

3. Ngbanga ti nyen yaka ti Eden ayeke lani nde mingi?

4. Nzapa aye lani si sese kue aga tongana nyen?

Ambeni hundango tënë nde:

1. Diko Genèse 1:11-25.

   1. Nyen la Nzapa aleke na lango ota ni so lo leke na aye? (Gen. 1:12).

   2. Nyen la asi na lango osio ni so Nzapa aleke na aye? (Gen. 1:16).

   3. Mara ti anyama wa Nzapa aleke lani na yâ ti lango oku na omene ni? (Gen. 1:20, 21, 25).

2. Diko Genèse 2:8, 9.

   Nzapa azia lani na yâ ti yaka ni akeke use so ayeke nde mingi. A yeke akeke wa? Ala duti fä ti nyen?

Mbaï 3

1. Nyen la mo bâ na yâ ti foto ti Mbaï 3 ni me so mo bâ na yâ ti foto ti Mbaï 2 pëpe?

2. Zo wa asara lani kozo koli? Iri ti kozo koli ni so ayeke nyen?

3. Kusala wa Nzapa amû na Adam?

4. Ngbanga ti nyen Nzapa asara lani si Adam atï na yâ ti kota lango?

5. Adam na Eve alingbi lani ti ngbâ na fini teti lango oke? Kusala wa Jéhovah aye si ala sara?

Ambeni hundango tënë nde:

1. Diko Psaume 83:19, Gen. 22:14.

   Iri ti Nzapa ayeke nyen? Dutingo ti lo ayeke tongana nyen tongana a haka ni na ti azo? (Jér. 16:21; Dan. 4:17).

2. Diko Genèse 1:26-31.

   1. Kota ye wa Nzapa aleke na lango omene ni? Tongana nyen ye so ayeke nde mingi na anyama? (Gen. 1:26).

   2. Jéhovah amû nyen na azo nga na anyama ti tene ala te? (Gen. 1:30).

3. Diko Genèse 2:7-25.

   1. A hunda lani nyen na Adam ti sara tongana lo yeke zia iri na ndo ti anyama? (Gen. 2:19).

   2. Tongana nyen Genèse 2:24 amû maboko na e ti hinga bango ndo ti Jéhovah na ndo ti mariage, kangbingo tere nga na divorce? (Mat. 19:4-6, 9).

Mbaï 4

1. Na lê ti foto ni, nyen la asi na Adam na Eve nyen?

2. Jéhovah atomba ala ngbanga ti nyen?

3. Tënë ti nyen si mbeni ngbo atene na Eve?

4. Zo wa la asara lani si ngbo ni asara tënë na Eve?

5. Ngbanga ti nyen a tomba Adam na Eve na yâ ti pendere ndo ti ala ni?

Ambeni hundango tënë nde:

1. Diko Genèse 2:16, 17 na 3:1-13, 24.

   1. Tongana nyen tënë so ngbo ni ahunda na Eve afa Jéhovah tongana sioni zo? (Gen. 3:1-5; 1 Jean 5:3).

   2. Ye so Eve asara afa na e ti sara hange na ye wa? (aPhil. 4:8; Jacq. 1:14, 15; 1 Jean 2:16).

   3. Tongana nyen Adam na Eve ake ti yeda na sioni so ala sara? (Gen. 3:12, 13).

   4. Tongana nyen achérubin so a zia ala na yaka ti Eden na mbage ti tö amû mbage ti komandema ti Jéhovah? (Gen. 3:24).

2. Diko Apocalypse 12:9.

   Satan awara lege ti pusu azo mingi ti tene ala ke komandema ti Nzapa? (1 Jean 5:19).

Mbaï 5

1. Dutingo ti Adam na Eve na gigi ti yaka ti Eden ayeke lani tongana nyen?

2. Nyen la akomanse ti si na Adam na Eve nyen? Ngbanga ti nyen ye so asi na ala?

3. Ngbanga ti nyen amolenge ti Adam na Eve ayeke ga mbakoro na ayeke kui?

4. Tongana Adam na Eve amä fade yanga ti Jéhovah, ka gigi ti ala na ti amolenge ti ala ayeke duti tongana nyen?

5. Kengo yanga ti Jéhovah aga na ye ti vundu wa na Eve?

6. Iri ti akozo molenge-koli use so Adam na Eve adü ayeke nyen?

7. Ambeni molenge ni so ayeke na lê ti foto ni ayeke azo wa?

Ambeni hundango tënë nde:

1. Diko Genèse 3:16-23 na 4:1, 2.

   1. So Nzapa adeba sese ni asara ngangu wa na ndo ti fini ti Adam? (Gen. 3:17-19; aRom. 8:20, 22).

   2. Ngbanga ti nyen iri ti Eve, so na yanga ti Hébreu nda ni ayeke “Zo so ayeke na fini,” alingbi na lo biani? (Gen. 3:20).

   3. Même na peko ti so Adam na Eve asara siokpari, tongana nyen Jéhovah afa so lo ngbâ ti ne ala? (Gen. 3:7, 21).

2. Diko Apocalypse 21:3, 4.

   Na popo ti ‘akozo ye’ so, fa ambeni so mo yeke ku kungo ti tene a zi ni?

Mbaï 6

1. Fa kua so Caïn na Abel ayeke sara lani.

2. Amatabisi wa Caïn na Abel aga na ni na Jéhovah?

3. Ngbanga ti nyen Jéhovah ayeda na matabisi ti Abel? Ngbanga ti nyen lo yeda na ti Caïn pëpe?

4. Caïn ayeke lani tongana nyen? Jéhovah atara ti mû maboko na lo tongana nyen?

5. Caïn asara nyen na ngoi so lo na ita ti lo ayeke gi ala use na benyama?

6. Fa ye so asi na Caïn na peko ti so lo fâ ita ti lo.

Ambeni hundango tënë nde:

1. Diko Genèse 4:2-26.

   1. Tongana nyen Jéhovah afa so Caïn ayeke mû mbeni sioni lege? (Gen. 4:7).

   2. Tongana nyen Caïn afa so bê ti lo ayeke sioni? (Gen. 4:9).

   3. Jéhovah abâ tukungo mênë ti azo so asara sioni pëpe tongana nyen? (Gen. 4:10; Es. 26:21).

2. Diko 1 Jean 3:11, 12.

   1. Ngbanga ti nyen Caïn asara ngonzo ngangu? E lingbi ti manda nyen laso na ndo ti sarango ye ti lo so? (Gen. 4:4, 5; aProv. 14:30; 28:22).

   2. Tongana nyen Bible afa so même tongana azo ti sewa ti e kue ake Jéhovah, e lingbi lakue ti ngbâ be-ta-zo na lo? (Ps. 27:10; Mat. 10:21, 22).

3. Diko Jean 11:25.

   Tënë wa Jéhovah atene na ndo ti ala so kue akui teti ye so ayeke mbilimbili? (Jean 5:24).

Mbaï 7

1. Hénoch ayeke lani nde tongana nyen?

2. Ngbanga ti nyen azo ti ngoi ti Hénoch asara aye ti sioni mingi tongaso?

3. Aye ti sioni wa azo ni ayeke sara lani? (Bâ foto ni.)

4. Ngbanga ti nyen a hunda lani na Hénoch ti sara mbeto pëpe?

5. Azo ni ayeke ngbâ lani na fini juska ngu oke? Me ngu ti Hénoch asi gi oke?

6. Nyen la asi lani na peko ti kuâ ti Hénoch?

Ambeni hundango tënë nde:

1. Diko Genèse 5:21-24, 27.

   1. Mara ti songo wa Hénoch ayeke na ni lani na Jéhovah? (Gen. 5:24).

   2. Ti Bible, zo wa la angbâ na fini a ninga ahon tanga ti azo kue? Lo yeke lani na ngu oke na kuâ ti lo? (Gen. 5:27).

2. Diko Genèse 6:5.

   Dutingo ti aye na sese aga lani sioni tongana nyen na peko ti kuâ ti Hénoch? Tongana nyen ye so akpa ti ngoi ti e? (2 Tim. 3:13).

3. Diko aHébreu 11:5.

   Hénoch asara lani nyen si “lo lingbi na lê ti Nzapa”? Ye ti pekoni ayeke so wa? (Gen. 5:22).

4. Diko Jude 14, 15.

   Tongana nyen aChrétien laso alingbi ti sara ye na mbeto pëpe tongana Hénoch na ngoi so ala yeke fa tënë ti gango ti bira ti Harmaguédon na azo? (2 Tim. 4:2; aHéb. 13:6).

Mbaï 8

1. Nyen la asi tongana ambeni ange ti Nzapa amä yanga ti Satan?

2. Ngbanga ti nyen ambeni ange azia kusala ti ala na yayu ti ga na sese?

3. Ngbanga ti nyen a yeke lani sioni ti tene a-ange so aga na sese na ala yü tere ti zo?

4. Amolenge ti a-ange ni ayeke lani nde mingi tongana nyen?

5. Tongana ti so mo bâ na lê ti foto so, amolenge ti a-ange so asara nyen tongana ala ga akota yongoro zo?

6. Na peko ti kuâ ti Hénoch, mbeni zo ti nzoni ayeke lani na sese. A yeke zo wa, na ngbanga ti nyen Nzapa aye lo lani mingi?

Ambeni hundango tënë nde:

1. Diko Genèse 6:1-8.

   Tongana nyen Genèse 6:6 afa so sarango ye ti e alingbi ti zia ngia wala vundu na bê ti Jéhovah? (Ps. 78:40, 41; aProv. 27:11).

2. Diko Jude 6.

   Na ngoi ti Noé, ambeni ange “abata kozo ndo ti ala pëpe”. Ye so afa nyen na e laso? (1 aCor. 3:5-9; 2 Pi. 2:4, 9, 10).

Mbaï 9

1. Azo oke ayeke na yâ ti sewa ti Noé? Iri ti amolenge ti lo ti koli ota ayeke nyen?

2. Ye wa so ayeke nde mingi Nzapa ahunda na Noé ti sara? Ngbanga ti nyen lo hunda na Noé ti sara ye so?

3. Azo ti ngoi ti Noé atene ti ala nyen tongana Noé asara tënë ti arche ni na ala?

4. Nzapa atene na Noé ti sara nyen na anyama?

5. Na peko ti so Nzapa akanga yanga ti arche ni, Noé na sewa ti lo alingbi lani gi ti sara nyen?

Ambeni hundango tënë nde:

1. Diko Genèse 6:9-22.

   1. Nyen la asara lani si Noé aduti mbeni kpengba wavorongo tâ Nzapa? (Gen. 6:9, 22).

   2. Jéhovah abâ sarango ngangu na zo tongana nyen? A lingbi ye so asara nyen na ndo ti angia so e soro ti sara, aye so e ye ti diko nga so e ye ti bâ? (Gen. 6:11, 12; Ps. 11:5).

   3. Tongana nyen e lingbi ti mû tapande ti Noé tongana bungbi ti Jéhovah afa lege na e? (Gen. 6:22; 1 Jean 5:3).

2. Diko Genèse 7:1-9.

   Jéhovah abâ lani Noé tongana zo ti mbilimbili atâa so lo yeke mbilimbili-kue pëpe. Ye so adë bê ti e tongana nyen? (Gen. 7:1; aProv. 10:16; Es. 26:7).

Mbaï 10

1. Ngbanga ti nyen zo oko alingbi lani ti lï pëpe na yâ ti arche na peko ti so ngu akomanse ti pika?

2. Jéhovah asara lani si ngu apika teti bï oke na lâ oke? Ngu ni asuku juska na ndo wa?

3. Nyen la asi na arche ni tongana ngu akomanse ti mû ndo ti sese kue?

4. Akota yongoro zo ni asö fini ti ala na ngoi ti Kota Moa ni? Me nyen la asi ti lo na ababâ ti ala?

5. Nyen la asi na arche ni na peko ti nze oku?

6. Ngbanga ti nyen Noé atokua mbeni vuko ndeke na gigi ti arche?

7. Noé ahinga tongana nyen so ngu ni ahule awe?

8. Nzapa atene nyen na Noé na peko ti so lo na sewa ti lo asara ngu oko na ndo ni na yâ ti arche?

Ambeni hundango tënë nde:

1. Diko Genèse 7:10-24.

   1. Futingo aye na ndo ti sese ayeke lani kota tongana nyen? (Gen. 7:23).

   2. Ngu ti Kota Moa ni aninga lango oke kozoni si a hule? (Gen. 7:24).

2. Diko Genèse 8:1-17.

   Tongana nyen Genèse 8:17 afa so ye so Jéhovah aleke giriri ti sara teti sese agbian pëpe? (Gen. 1:22).

3. Diko 1 Pierre 3:19, 20.

   1. Tongana a-ange so ake yanga akiri na yayu, ngbanga wa a fâ na ndo ti ala? (Jude 6).

   2. Tongana nyen mbaï ti Noé na sewa ti lo apusu e ti kiri ti zia bê ti e mingi na ngangu so Jéhovah ayeke na ni ti zi azo ti lo? (2 Pi. 2:9).

Mbaï 11

1. Tongana ti so foto ni afa, kozo ye so Noé asara tongana lo sigigi na yâ ti arche ayeke nyen?

2. Nzapa atene na Noé nga na sewa ti lo ti sara nyen na peko ti Kota Moa ni?

3. Nzapa amû lani yanga ti sara nyen?

4. Tongana e bâ mbeni kongo, wala arc-en-ciel, a lingbi ye so adabe ti e na nyen?

Ambeni hundango tënë nde:

1. Diko Genèse 8:18-22.

   1. Tongana nyen e lingbi ti mû laso na Jéhovah mbeni ye so ‘afun nzoni’ na hôn ti lo? (Gen. 8:21; aHéb. 13:15, 16).

   2. Jéhovah atene so bê ti zo ayeke tongana nyen? Tongaso, a lingbi e sara hange na nyen? (Gen. 8:21; Mat. 15:18, 19).

2. Diko Genèse 9:9-17.

   1. Mbele wa Jéhovah ate na acréature kue ti sese? (Gen. 9:10, 11).

   2. Mbele ti kongo ayeke ngbâ teti ngoi kue? (Gen. 9:16).

Mbaï 12

1. Nimrod ayeke zo wa? Nzapa abâ lo lani tongana nyen?

2. Na lê ti foto ni, azo ayeke pika brique ti sara na nyen?

3. Ngbanga ti nyen lekengo tour ni anzere na Jéhovah pëpe?

4. Nzapa asara nyen ti tene kusala ti lekengo tour ni aluti?

5. A iri kodoro ni nyen? Nda ti iri so aye ti tene nyen?

6. Nyen la asi na azo ni na peko ti so Nzapa asara si ala tene ayanga ti kodoro nde nde?

Ambeni hundango tënë nde:

1. Diko Genèse 10:1, 8-10.

   Sarango ye ti tere ti Nimrod ayeke lani tongana nyen? Ye so apusu e ti sara hange na nyen? (aProv. 3:31).

2. Diko Genèse 11:1-9.

   Ye wa ayeke lani na bê ti azo so aleke tour so? Ngbanga ti nyen kusala ti ala ni alingbi gi ti tï na ngu? (Gen. 11:4; aProv. 16:18; Jean 5:44).

Mbaï 13

1. Azo ti kodoro ti Ur ayeke lani tongana nyen?

2. Koli wa la ayeke na lê ti foto so? A dü lo lawa? Lo yeke zo ti kodoro wa?

3. Nzapa atene na Abraham ti sara nyen?

4. Ngbanga ti nyen a iri Abraham koli so Nzapa aye tënë ti lo mingi?

5. Tongana Abraham azia Ur ti hon, azo wa amû peko ti lo?

6. Nzapa atene nyen na Abraham na ngoi so lo si na Canaan?

7. Tënë wa Nzapa atene na Abraham tongana lo yeke lani na ngu 99?

Ambeni hundango tënë nde:

1. Diko Genèse 11:27-32.

   2. Songo wa atingbi Abraham na Lot? (Gen. 11:27). Atâa so a tene a yeke Térah si amû sewa ni ti gue na Canaan, e hinga tongana nyen so a yeke tâ gi Abraham si amû li ni? Ngbanga ti nyen lo sara tongaso? (Gen. 11:31; Kus. 7:2-4).

2. Diko Genèse 12:1-7.

   Na peko ti so Abraham asi na sese ti Canaan, Jéhovah atene nyen ti fa so mbele ti lo na Abraham ayeke bâ gi pëpe mbeni hale ti lo oko? (Gen. 12:7).

3. Diko Genèse 17:1-8, 15-17.

   1. Tongana Abram awara ngu 99, lo wara iri wa? Lo wara iri so ndali ti nyen? (Gen. 17:5).

   2. Jéhovah atene fade Sara ayeke wara anzoni ye wa? (Gen. 17:15, 16).

4. Diko Genèse 18:9-19.

   1. Genèse 18:19 afa so kusala ti ababâ ayeke so wa? (Deut. 6:6, 7; aEph. 6:4).

   2. Nyen la asi na Sara so afa so e lingbi pëpe ti honde mbeni ye na Jéhovah? (Gen. 18:12, 15; Ps. 44:22).

Mbaï 14

1. Nzapa amû yanga ti sara nyen na Abraham? Jéhovah asara ye alingbi na tënë ti yanga ti lo tongana nyen?

2. Tongana ti so foto ni afa, Nzapa atara mabe ti Abraham tongana nyen?

3. Abraham asara nyen, atâa so lo hinga pëpe nda ni so Nzapa amû yanga so na lo?

4. Nyen la asi tongana Abraham amû zembe ti fâ na molenge ti lo?

5. Mabe ti Abraham na mbage ti Nzapa ayeke lani kota tongana nyen?

6. Nzapa amû nyen na Abraham ti tene lo mû na sandaga? Jéhovah asara ni tongana nyen?

Ambeni hundango tënë nde:

1. Diko Genèse 21:1-7.

   Ngbanga ti nyen Abraham afâ lani molenge ti lo na ganza na lango miombe ni? (Gen. 17:10-12; 21:4).

2. Diko Genèse 22:1-18.

   Tongana nyen Isaac afa so lo mä yanga ti babâ ti lo Abraham? Tongana nyen ye so aduti fä ti mbeni kpengba ye so ayeke gue ti si? (Gen. 22:7-9; 1 aCor. 5:7; aPhil. 2:8, 9).

Mbaï 15

1. Ngbanga ti nyen Abraham na Lot akangbi yâ ti ala?

2. Ngbanga ti nyen Lot asoro ti duti na Sodome?

3. Azo ti Sodome ayeke lani tongana nyen?

4. A-ange use agboto mê ti Lot, ala tene nyen?

5. Ngbanga ti nyen wali ti Lot aga ingo, a londo na li ti lo ti si na gere ti lo?

6. E lingbi ti manda nyen na lege ti ye so asi na wali ti Lot?

Ambeni hundango tënë nde:

1. Diko Genèse 13:5-13.

   Na ndo ti tënë ti lekengo akpale na popo ti azo, e lingbi ti manda nyen na mbage ti Abraham? (Gen. 13:8, 9; aRom. 12:10; aPhil. 2:3, 4).

2. Diko Genèse 18:20-33.

   Tongana nyen sarango ye ti Jéhovah na mbage ti Abraham asara si e hinga biani na bê ti e so Jéhovah na Jésus ayeke fâ ande ngbanga na lege ni? (Gen. 18:25, 26; Mat. 25:31-33).

3. Diko Genèse 19:1-29.

   1. Mbaï ti Bible so afa so Nzapa ayeke bâ bungbingo ti koli na koli wala wali na wali tongana nyen? (Gen. 19:5, 13; Lév. 20:13).

   2. Kangbi wa e bâ na yâ ti sarango ye ti Lot na ti Abraham tongana Nzapa ahunda na ala ti sara mbeni ye? E lingbi ti manda nyen dä? (Gen. 19:15, 16, 19, 20; 22:3).

4. Diko Luc 17:28-32.

   Na yâ ti bê ti lo, wali ti Lot ayeke bâ lani aye ti mitele tongana nyen? Ye so afa na e ti sara hange na nyen? (Luc 12:15; 17:31, 32; Mat. 6:19-21, 25).

5. Diko 2 Pierre 2:6-8.

   Na tapande ti Lot, tongana nyen a lingbi e bâ azo so e yeke bâ tere na ala lakue na so asara aye ti sioni? (Ezéch. 9:4; 1 Jean 2:15-17).

Mbaï 16

1. Na lê ti foto so, koli na wali so ayeke azo wa?

2. Abraham asara lani nyen ti wara mbeni wali ti mû na molenge ti lo. Lo sara tongaso ngbanga ti nyen?

3. Nzapa akiri tënë na sambela ti wakua ti Abraham tongana nyen?

4. Rébecca atene nyen tongana a hunda na lo wala lo ye ti ga wali ti Isaac?

5. Nyen la asara si Isaac akiri aduti na ngia?

Ambeni hundango tënë nde:

1. Diko Genèse 24:1-67.

   1. Anzoni ye wa a bâ lani na yâ ti sarango ye ti Rébecca na ngoi so lo tingbi na wakua ti Abraham na tere ti dungu? (Gen. 24:17-20; aProv. 31:17, 31).

   2. Ye so Abraham aleke lani ndali ti Isaac amû nzoni tapande wa na aChrétien laso? (Gen. 24:37, 38; 1 aCor. 7:39; 2 aCor. 6:14).

   3. Ngbanga ti nyen a lingbi e wara ngoi ti gbu li tongana ti so Isaac asara? (Gen. 24:63; Ps. 77:13; aPhil. 4:8).

Mbaï 17

1. Esaü na Jacob ayeke azo wa? Na lege wa sarango ye ti ala akpa tere pëpe?

2. Ngu ti Esaü na Jacob ayeke oke na lâ ni so âta ti ala Abraham akui?

3. Esaü asara nyen so abi vundu na bê ti babâ na mama ti lo mingi?

4. Ngbanga ti nyen Esaü asara ngonzo mingi na tere ti ita ti lo Jacob?

5. Isaac ahunda na molenge ti lo Jacob ti sara nyen?

Ambeni hundango tënë nde:

1. Diko Genèse 25:5-11, 20-34.

   1. Tënë wa Jéhovah atene na ndo ti amolenge ti Rébecca use kue? (Gen. 25:23).

   2. Jacob abâ ti lo lani ndo ti kozo molenge tongana nyen? Ka Esaü? (Gen. 25:31-34).

2. Diko Genèse 26:34, 35; 27:1-46 na 28:1-5.

   1. Tongana nyen a sigigi polele so Esaü abâ lani aye ti yingo na nene ni pëpe? (Gen. 26:34, 35; 27:46).

   2. Ti tene Jacob awara tënë nzoni ti Nzapa, Isaac atene na lo ti sara nyen? (Gen. 28:1-4).

3. Diko aHébreu 12:16, 17.

   Tapande ti Esaü afa nyen na ndo ti ye so ayeke si na azo so abâ aye ti yingo na nene ni pëpe?

Mbaï 18

1. Maseka-wali wa la ayeke na lê ti foto so? Jacob asara nyen na lo?

2. Jacob ayeke lani nduru ti sara nyen ti tene lo mû Rachel ti ga wali ti lo?

3. Laban asara nyen tongana ngoi ni alingbi awe ti tene Rachel aga wali ti Jacob?

4. Jacob ayeda ti sara nyen ti mû Rachel na mariage?

Ambeni hundango tënë nde:

1. Diko Genèse 29:1-30.

(a) Atâa so Laban ahanda lo, tongana nyen Jacob afa so lo sara ye alingbi na tënë ti yanga ti lo? E lingbi ti manda nyen na lege ti ye so? (Gen. 25:27; 29:26-28; Mat. 5:37).

(b) Tongana nyen tapande ti Jacob afa kangbi so ayeke na popo ti tâ yengo tere na yengo mbeni koli wala wali afun sen? (Gen. 29:18, 20, 30; Bia ti Sal. 8:6).

(c) Awali osio wa alï na yâ ti sewa ti Jacob na adü amolenge na lo na pekoni? (Gen. 29:23, 24, 28, 29).

Mbaï 19

1. Iri ti amolenge ti koli omene so Jacob adü na kozo wali ti lo Léa ayeke nyen?

2. Fa iri ti amolenge ti koli use so Zilpa, zo ti kua ti Léa, adü na Jacob.

3. Fa iri ti amolenge ti koli use so Bilha, zo ti kua ti Rachel, adü na Jacob.

4. Fa iri ti amolenge ti koli use so Rachel adü. Me nyen la asi na ngoi so lo dü use molenge ni?

5. Tongana ti so foto ni afa, Jacob awara lani amolenge ti koli oke? Mara wa abâ gigi na lege ti ala?

Ambeni hundango tënë nde:

1. Diko Genèse 29:32-35; 30:1-26 na 35:16-19.

   Tongana ti so tapande ti amolenge ti Jacob ti koli 12 afa ni, mingi ni a yeke zia iri ti amolenge-koli ti aHébreu ti giriri tongana nyen?

2. Diko Genèse 37:35.

   Atâa so gi Dina oko si Bible afa iri ti lo, e hinga tongana nyen so Jacob adü ambeni molenge-wali nga? (Gen. 37:34, 35).

Mbaï 20

1. Ngbanga ti nyen Abraham na Isaac aye lani pëpe ti tene amolenge ti ala amû awali ti sese ti Canaan?

2. A nzere lani na Jacob ti tene molenge ti lo ti wali asara kamarade na amolenge-wali ti Canaan?

3. Koli wa la ayeke bâ Dina na lê ti foto so? Ye ti sioni wa lo sara?

4. Siméon na Lévi asara nyen tongana ala mä ye so asi na ita ti ala Dina?

5. Jacob ayeda lani na ye so Siméon na Lévi asara?

6. Ngbanga ti nyen aye ti sioni so kue asi na sewa ni?

Ambeni hundango tënë nde:

1. Diko Genèse 34:1-31.

   1. Dina ague abâ awali ti sese ti Canaan gi fani oko awe? Ngbanga ti nyen mo tene tongaso? (Gen. 34:1).

   2. Ngbanga ti nyen Dina ayeke kamême na tënë na li ti lo ndali ti sioni ye so asi na lo? (aGal. 6:7).

   3. Tongana nyen amaseka laso alingbi ti fa so ala manda ye na lege ti sioni ye so asi na Dina? (aProv. 13:20; 1 aCor. 15:33; 1 Jean 5:19).

Mbaï 21

1. Ngbanga ti nyen aita ti Joseph asara kota bê na tere ti lo? Ala sara nyen?

2. Aita ti Joseph aye lani ti sara nyen na lo? Me Ruben atene ti lo nyen?

3. Nyen la asi tongana ala bâ azo ti Ismaël na gango ni?

4. Aita ti Joseph asara nyen ti tene babâ ti ala apensé so Joseph akui awe?

Ambeni hundango tënë nde:

1. Diko Genèse 37:1-35.

   1. Tongana nyen aChrétien alingbi ti sara ye tongana Joseph ti fa siokpari so ambeni ita ti kongregation asara? (Gen. 37:2; Lév. 5:1; 1 aCor. 1:11).

   2. Nyen la apusu lani aita ti Joseph ti kä lo? (Gen. 37:11, 18; aProv. 27:4; Jacq. 3:14-16).

   3. Jacob asara nyen so afa so a yeke na lege ni ti tene zo asara vundu? (Gen. 37:35).

Mbaï 22

1. Joseph ayeke na ngu oke na ngoi so a mû lo ti gue na ni na Égypte? Nyen la asi na lo kâ?

2. Nyen la asara si a bi Joseph na da ti kanga?

3. Kusala wa a mû na Joseph na da ti kanga kâ?

4. Na da ti kanga, Joseph asara nyen ndali ti zo ti mungo ye ti nyon na Pharaon nga na zo ti sarango mapa ti lo?

5. Nyen la asi tongana Pharaon azi zo ti mungo ye ti nyon na lo na da ti kanga?

Ambeni hundango tënë nde:

1. Diko Genèse 39:1-23.

   Teti so a sara lani mbeni ndia pëpe na lê ti mbeti so ake lango-sioni na ngoi ti Joseph, nyen la apusu lo ti kpe wali ti Potiphar? (Gen. 2:24; 20:3; 39:9).

2. Diko Genèse 40:1-23.

   1. Fa na nduru tënë bango li so zo ti mungo ye ti nyon na Pharaon abâ. Jéhovah afa nda ni na Joseph, lo tene nyen? (Gen. 40:9-13).

   2. Zo ti sarango mapa na Pharaon abâ li ti lo na ndo ti nyen? Fa nda ti bango li ti lo ni (Gen. 40:16-19).

   3. Tongana nyen bungbi ti ngbâa be-ta-zo na ti ndara ayeke sara ye laso tongana Joseph? (Gen. 40:8; Ps. 36:10; Jean 17:17; Kus. 17:2, 3).

   4. Tongana nyen mbaï so ayeke na Genèse 40:20 amû lege ti hinga bango ndo ti aChrétien na ndo ti amatanga ti dungo zo? (Zo-ti. 7:1; Marc 6:21-28).

Mbaï 23

1. Nyen la asi na Pharaon na mbeni bï?

2. Nyen la apusu zo ti mungo ye ti nyon na Pharaon ti dabe ti lo na Joseph?

3. Tongana ti so foto ni afa, Pharaon abâ li ti lo na ndo ti aye use wa?

4. Joseph atene so abango li so aye ti tene nyen?

5. Tongana nyen Joseph aga kota zo-ti-komande ti sese ti Égypte ahon atanga ni kue na peko ti Pharaon?

6. Ngbanga ti nyen aita ti Joseph aga na Égypte? Ngbanga ti nyen ala girisa lê ti Joseph?

7. Joseph adabe ti lo na bango li wa? Ye so amû maboko na lo ti gbu nda ti ye wa?

Ambeni hundango tënë nde:

1. Diko Genèse 41:1-57.

   1. Tongana nyen Joseph agboto lê ti azo lani na ndo ti Jéhovah? Tongana nyen aChrétien alingbi ti mû tapande ti lo laso? (Gen. 41:16, 25, 28; Mat. 5:16; 1 Pi. 2:12).

   2. Angu so kobe alë lani mingi na Égypte nga na angu ti kota nzara so aga na pekoni afa tâ na lege ni kangbi so ayeke na popo ti dutingo ti azo ti Jéhovah na lege ti yingo laso na ti abungbi ti nzapa so atene ala yeke achrétien. Kangbi ni so ayeke so wa? (Gen. 41:29, 30; Amos 8:11, 12).

2. Diko Genèse 42:1-8 na 50:20.

   Tongana ti so azo ti kodoro ni ayeke sara ka, a yeke sioni ti tene awakua ti Jéhovah akuku na gbe ti mbeni zo ti fa yekiango ndo ndali ti kota ndo ti lo? (Gen. 42:6).

Mbaï 24

1. Ngbanga ti nyen Joseph atene so aita ti lo ayeke awakala?

2. Ngbanga ti nyen Jacob azia si tanga ti molenge ti lo ti koli, Benjamin, ague na Égypte?

3. A sara tongana nyen si a wara kopo ti argent ti Joseph na yâ ti bozo ti Benjamin?

4. Juda ahunda ti sara nyen ti tene a zi Benjamin?

5. Nyen la afa so aita ti Joseph achangé awe?

Ambeni hundango tënë nde:

1. Diko Genèse 42:9-38.

   Tongana nyen atënë ti Joseph na Genèse 42:18 aduti mbeni pendere ye ti girisango ni pëpe ndali ti ala so amû li ni na yâ ti bungbi ti Jéhovah laso? (Néh. 5:15; 2 aCor. 7:1, 2).

2. Diko Genèse 43:1-34.

   1. Atâa so Ruben ayeke kozo molenge ni, tongana nyen a bâ polele so Juda si amû li ni ti sara tënë na place ti aita ti lo? (Gen. 43:3, 8, 9; 44:14, 18; 1 Chron. 5:2).

   2. Joseph asara nyen ti tara aita ti lo? Ngbanga ti nyen lo sara tongaso? (Gen. 43:33, 34).

3. Diko Genèse 44:1-34.

   1. Ti tene aita ti lo ni ahinga lê ti lo pëpe, Joseph asara tere ti lo, lo tene lo yeke zo wa? (Gen. 44:5, 15; Lév. 19:26).

   2. Tongana nyen aita ti Joseph afa so ala zia awe kota bê so ala yeke na ni ândö na tere ti lo? (Gen. 44:13, 33, 34).

Mbaï 25

1. Nyen la asi tongana Joseph afa tere ti lo na aita ti lo?

2. Tënë wa Joseph afa nda ni na nzobe na aita ti lo?

3. Pharaon atene nyen tongana lo mä tënë ti aita ti Joseph?

4. Sewa ti Jacob akono lani tongana nyen na ngoi so ala lï na Égypte?

5. Iri wa a mû na azo ti sewa ti Jacob? Ngbanga ti nyen a mû iri so na ala?

Ambeni hundango tënë nde:

1. Diko Genèse 45:1-28.

   Tongana nyen mbaï ti Bible na ndo ti Joseph afa so tongana a leke ti sara sioni na awakua ti Jéhovah, Jéhovah alingbi ti changé ye so si a ga nzoni? (Gen. 45:5-8; Es. 8:10; aPhil. 1:12-14).

2. Diko Genèse 46:1-27.

   Jéhovah akiri atene nyen na Jacob ti dë bê ti lo tongana lo yeke na lege ti gue na Égypte? (Gen. 46:1-4).

Mbaï 26

1. Job ayeke zo wa?

2. Satan atara ti sara nyen? Me lo wara lani ye so lo ye?

3. Jéhovah azi lege na Satan ti sara nyen? Jéhovah asara tongaso ngbanga ti nyen?

4. Ngbanga ti nyen wali ti Job atene na lo ti ‘zonga Nzapa na ti kui’? (Bâ foto na mbage ti wali.)

5. Tongana ti so mo lingbi ti bâ na lê ti foto so ayeke na mbage ti koli, Jéhovah airi tënë nzoni na ndo ti Job tongana nyen? Ngbanga ti nyen lo iri tënë nzoni na ndo ti lo?

6. Tongana e yeke be-ta-zo na Jéhovah tongana Job, aye ti nzoni wa e yeke wara?

Ambeni hundango tënë nde:

1. Diko Job 1:1-22.

   Tongana nyen aChrétien laso alingbi ti sara ye tongana Job? (Job 1:1; aPhil. 2:15; 2 Pi. 3:14).

2. Diko Job 2:1-13.

   Na gbe ti ye ti ngangu so Satan aga na ni, Job asara ye tongana nyen? Ka wali ti lo? (Job 2:9, 10; aProv. 19:3; Mi. 7:7; Mal. 3:14).

3. Diko Job 42:10-17.

   1. Aye wa akpa tere na popo ti nzoni ye so Job awara na ye so Jésus awara na peko ti so ala ngbâ be-ta-zo na yâ ti fini ti ala kue? (Job 42:12; aPhil. 2:9-11).

   2. Tongana nyen anzoni ye so Job awara ndali ti so lo ngbâ be-ta-zo na Nzapa akpengba e? (Job 42:10, 12; aHéb. 6:10; Jacq. 1:2-4, 12; 5:11).

Mbaï 27

1. Koli so ayeke na zaza na maboko ti lo na lê ti foto so ayeke zo wa? Lo yeke pika zo wa?

2. Na peko ti kuâ ti Joseph, nyen la asi na azo ti Israël?

3. Ngbanga ti nyen mbeto ti azo ti Israël asara azo ti Égypte?

4. Yanga wa Pharaon amû na awali so ayeke mû maboko na awali ti Israël ti dü?

Ambeni hundango tënë nde:

1. Diko Exode 1:6-22.

   1. Tongana nyen Jéhovah akomanse ti sara si tënë so lo tene lani na Abraham aga tâ tënë? (Ex. 1:7; Gen. 12:2; Kus. 7:17).

   2. Tongana nyen awali so amû maboko na awali Hébreu ti dü afa so ala bâ fini na nene ni? (Ex. 1:17; Gen. 9:6).

   3. Ndali ti so awali so ayeke mû maboko na awali Hébreu ti dü aduti be-ta-zo na Jéhovah, tongana nyen Jéhovah airi tënë nzoni na ndo ti ala? (Ex. 1:20, 21; aProv. 19:17).

   4. Tongana nyen Satan atara lani ti kanga lege na ye so Jéhovah aleke ti sara ndali ti Hale ti Abraham so Lo mû zendo ni? (Ex. 1:22; Mat. 2:16).

Mbaï 28

1. Bébé wa la ayeke na lê ti foto so? Lo yeke gbu maboko ti zo wa?

2. Mama ti Moïse asara nyen ti tene a fâ molenge ti lo, Moïse, pëpe?

3. Kete molenge-wali ti lê ti foto so ayeke zo wa? Lo sara nyen?

4. Tongana molenge-wali ti Pharaon awara bébé so, Miriam ahunda nyen na lo?

5. Molenge-wali ti Pharaon atene nyen na mama ti Moïse?

Ambeni hundango tënë nde:

1. Diko Exode 2:1-10.

   Lege wa azi na mama ti Moïse ti fa ye na Moïse na ngoi so lo de kete? Ye so afa nyen na ababâ na amama laso? (Ex. 2:9, 10; Deut. 6:6-9; aProv. 22:6; aEph. 6:4; 2 Tim. 3:15).

Mbaï 29

1. Moïse akono na ndo wa? Me nyen la lo hinga na ndo ti babâ na mama ti lo?

2. Moïse asara nyen tongana lo wara ngu 40?

3. Moïse atene nyen na mbeni zo ti Israël so ayeke tiri na mbeni mba ti lo? Zo ni so atene nyen na lo?

4. Ngbanga ti nyen Moïse akpe kodoro ti Égypte?

5. Moïse akpe ague na ndo wa? Lo tingbi na zo wa kâ?

6. Moïse asara nyen na yâ ti angu 40 so aga na peko ti so lo kpe Égypte?

Ambeni hundango tënë nde:

1. Diko Exode 2:11-25.

   Atâa angu mingi so a fa ye na lo na ndo ti ndara ti azo ti Égypte, tongana nyen Moïse afa so bê ti lo ayeke lakue na mbage ti Jéhovah nga na azo ti lo? (Ex. 2:11, 12; aHéb. 11:24).

2. Diko Kusala 7:22-29.

   So lani Moïse atara ti zi azo ti Israël na gbe ti ngbâa na ngangu ti lo wani afa nyen na e? (Kus. 7:23-25; 1 Pi. 5:6, 10).

Mbaï 30

1. Iri ti hoto so na lê ti foto so ayeke nyen?

2. Fa ye ti ndima so Moïse abâ tongana lo gue na ataba ti lo na hoto ni.

3. Go so Moïse amä na yâ ti kete keke so atene nyen na lo? Go ni ayeke go ti zo wa?

4. Moïse atene nyen tongana Nzapa atene na lo so fade lo yeke zi azo ti ni na ngbâa na Égypte?

5. Nzapa atene na Moïse ti tene nyen tongana azo ni ahunda lo atene zo wa la atokua lo?

6. Tongana nyen Moïse alingbi ande ti fa so Nzapa la atokua lo?

Ambeni hundango tënë nde:

1. Diko Exode 3:1-22.

   Tongana nyen ye so asi na Moïse afa na e so même tongana e bâ tere ti e so e lingbi pëpe na mbeni kusala na yâ ti bungbi ti Jéhovah, Jéhovah ayeke mû maboko na e? (Ex. 3:11, 13; 2 aCor. 3:5, 6).

2. Diko Exode 4:1-20.

   1. Bango ndo ti Moïse agbian tongana nyen na yâ ti angu 40 so lo sara na Madian? Ala so aye ti sara ambeni kusala na yâ ti kongregation alingbi ti manda nyen dä? (Ex. 2:11, 12; 4:10, 13; Mi. 6:8; 1 Tim. 3:1, 6, 10).

   2. Atâa tongana Jéhovah ase e na lege ti bungbi ti lo, tapande ti Moïse alingbi ti pusu e ti duti na beku wa? (Ex. 4:12-14; Ps. 103:14; aHéb. 12:4-11).

Mbaï 31

1. Amiracle so Moïse na Aaron asara na lê ti azo ti Israël asara nyen na ndo ti azo ni?

2. Moïse na Aaron atene nyen na Pharaon? Pharaon atene ti lo nyen?

3. Tongana ti so foto ni afa, nyen la asi tongana Aaron abi keke ti lo na sese?

4. Tongana nyen Jéhovah afa mbeni kota ye na Pharaon? Me Pharaon asara ti lo nyen?

5. Nyen la asi na peko ti ye ti ngangu bale-oko ni?

Ambeni hundango tënë nde:

1. Diko Exode 4:27-31 na 5:1-23.

   Pharaon aye lani ti tene nyen tongana lo tene: “Mbi hinga L’Eternel [“Jéhovah,” MN ] pëpe”? (Ex. 5:2; 1 Sam. 2:12; aRom. 1:21).

2. Diko Exode 6:1-13, 26-30.

   1. Na lege wa Abraham, Isaac na Jacob ahinga Jéhovah pëpe na lege ti iri ti lo? (Ex. 3:13, 14; 6:3; Gen. 12:8).

   2. So Jéhovah asara kusala na Moïse, atâa so lo bâ tere ti lo so lo lingbi na kusala ni pëpe, a sara nyen na ndo ti e? (Ex. 6:12, 30; Luc 21:13-15).

3. Diko Exode 7:1-13.

   1. Na fango na mbeto pëpe tënë ti ngbanga ti Jéhovah na Pharaon, Moïse na Aaron azia tapande wa na awakua ti Nzapa laso? (Ex. 7:2, 3, 6; Kus. 4:29-31).

   2. Tongana nyen Jéhovah afa so lo yeke kota ahon anzapa ti Égypte kue? (Ex. 7:12; 1 Chron. 29:12).

Mbaï 32

1. Na lege ti afoto so a zia ge, fa a-ota kozo ye ti ngangu so Jéhovah aga na ni na ndo ti Égypte.

2. Kangbi wa ayeke na popo ti akozo ye ti ngangu ota na atanga ni?

3. Osio ye ti ngangu ni ayeke so wa? Oku ni? Omene ni?

4. Fa ye ti ngangu mbasambala ni, miombe ni nga na gumbaya ni.

5. Jéhovah atene na azo ti Israël ti sara nyen kozoni si lo tokua ye ti ngangu bale-oko ni?

6. Ye ti ngangu bale-oko ni ayeke so wa? Nyen la asi na pekoni?

Ambeni hundango tënë nde:

1. Diko Exode 7:19–8:19.

   1. Azo ti magie ti Égypte asara mara ti aye ti ngangu use so Jéhovah aga na ni. Me atâa so kue, ala bâ gbä ala yeda na nyen na peko ti ye ti ngangu ota ni? (Ex. 8:14, 15; Mat. 12:24-28).

   2. Tongana nyen osio ye ti ngangu ni afa ngangu so Jéhovah ayeke na ni ti bata azo ti lo? Hingango ye so asara si azo ti Nzapa abâ tere ti ala tongana nyen na ngoi so ala yeke tingbi ande na “kota ye ti vundu” so a sara tënë ni? (Ex. 8:18, 19; Apoc. 7:13, 14; 2 Chron. 16:9).

2. Diko Exode 8:20; 9:3, 6, 10, 11, 14, 16, 23-25 na 10:13-15, 21-23.

   1. Pharaon na azo ti magie aduti fä ti azo wa? Azo ni so Pharaon na azo ti magie aduti fä ni laso awara lege ti sara nyen pëpe? (Ex. 8:6, 14, 15; 9:14).

   2. Tongana nyen Exode 9:16 amû maboko na e ti hinga nzoni ngbanga ti nyen Jéhovah azia lege na Satan ti ngbâ na fini juska laso? (aRom. 9:21, 22).

3. Diko Exode 12:21-32.

   Tongana nyen matanga ti Pâque amû lani lege na azo mingi ti sö fini ti ala? Matanga so aduti fä ti nyen? (Ex. 12:21-23; Jean 1:29; aRom. 5:18, 19, 21; 1 aCor. 5:7).

Mbaï 33

1. A yeke lani akoli oke ti Israël si asigigi na Égypte legeoko na awali nga na amolenge? Azo wa asigigi nga legeoko na ala?

2. Na peko ti so Pharaon azia azo ti Israël ahon, ye so asara nyen na ndo ti lo? Lo sara nyen?

3. Jéhovah asara nyen ti kanga lege na azo ti Égypte ti pusu nduru na azo ti lo ti fâ ala?

4. Tongana Moïse ayô keke ti lo na nduzu na mbage ti Kota Ngu Bengba, nyen la asi nyen? Azo ti Israël asara nyen?

5. Nyen la asi tongana azo ti Égypte alï na loro na peko ti azo ti Israël na yâ ti kota ngu ni?

6. Tongana nyen azo ti Israël afa so ala yeke na ngia na ala mû merci na Jéhovah ndali ti so lo sö ala?

Ambeni hundango tënë nde:

1. Diko Exode 12:33-36.

   Tongana nyen Jéhovah asara kue ti tene a futa azo ti lo teti angu kue so ala sara kusala tongana ngbâa na Égypte? (Ex. 3:21, 22; 12:35, 36).

2. Diko Exode 14:1-31.

   Na ngoi so bira ti Harmaguédon ayeke pusu nduru, tongana nyen atënë ti Moïse so ayeke na Exode 14:13, 14 asara ngangu na ndo ti awakua ti Jéhovah laso? (2 Chron. 20:17; Ps. 91:8).

3. Diko Exode 15:1-8, 20, 21.

   1. Ngbanga ti nyen a lingbi awakua ti Jéhovah ahe bia ti sepela lo? (Ex. 15:1, 2; Ps. 105:2, 3; Apoc. 15:3, 4).

   2. Na Kota Ngu Bengba, tapande wa Miriam na awali ti Israël azia na awali Chrétien laso na ndo ti tënë ti sepelango Jéhovah? (Ex. 15:20, 21; Ps. 68:12).

Mbaï 34

1. Na lê ti foto ni, azo so ayeke ro nyen na sese? A kpa nyen?

2. Moïse atene na azo ti sara nyen tongana ala yeke ro manne ni?

3. Jéhovah atene na azo ni ti sara nyen na lango omene ni? Lo tene tongaso ndali ti nyen?

4. Miracle wa Jéhovah asara tongana azo ni abata manne juska na lango mbasambala ni?

5. Teti ngoi oke Jéhovah amû manne na azo ti lo?

Ambeni hundango tënë nde:

1. Diko Exode 16:1-36 na Nombre 11:7-9.

   1. Exode 16:8 afa tongana nyen so a lingbi e kpe azo so ayeke mû li ni na yâ ti kongregation? (aHéb. 13:17).

   2. Nyen la ayeke si lâ na lâ na yando so adabe ti azo ti Israël so Jéhovah si ayeke bata ala? (Ex. 16:14-16, 35; Deut. 8:2, 3).

   3. Jésus atene manne ayeke fä ti nyen? Tongana nyen e yeke wara ye ti nzoni na lege ti “mapa so alondo na yayu”? (Jean 6:31-35, 40).

2. Diko Josué 5:10-12.

   Azo ti Israël ate lani manne teti ngu oke? Tongana nyen ye so aduti mbeni tara ndali ti ala? E lingbi ti manda nyen na lege ti mbaï so? (Ex. 16:35; Nom. 11:4-6; 1 aCor. 10:10, 11).

Mbaï 35

1. Na peko ti so ala zia Égypte a sara nze use tongaso awe, azo ti Israël ague aduti na ndo wa?

2. Jéhovah atene so lo ye azo ti Israël asara nyen? Ala tene ti ala nyen?

3. Ngbanga ti nyen Jéhovah amû na Moïse akota tênë use?

4. Nde na aKomandema Bale-Oko, Jéhovah amû ambeni ndia wa na azo ti Israël?

5. Andia use wa Jésus Christ afa so ayeke kota ahon atanga ni kue?

Ambeni hundango tënë nde:

1. Diko Exode 19:1-25; 20:1-21; 24:12-18 na 31:18.

   Tongana nyen atënë so ayeke na Exode 19:8 amû maboko na e ti hinga nzoni mingi ye so a ku na mbage ti e tongana e mû tere ti e na Nzapa? (Mat. 16:24; 1 Pi. 4:1-3).

2. Diko Deutéronome 6:4-6; Lévitique 19:18 na Matthieu 22:36-40.

   Tongana nyen aChrétien ayeke fa so ala ndoye Nzapa nga na amba ti ala azo? (Marc 6:34; Kus. 4:20; aRom. 15:2).

Mbaï 36

1. Na lê ti foto so, azo ayeke sara nyen? Ala sara tongaso ngbanga ti nyen?

2. Ngonzo agbu Jéhovah ngbanga ti nyen? Moïse asara nyen tongana lo bâ ye so azo ni ayeke sara so?

3. Moïse atene na ambeni koli ni ti sara nyen?

4. A lingbi e manda nyen na lege ti mbaï so?

Ambeni hundango tënë nde:

1. Diko Exode 32:1-35.

   1. Mbaï so afa na e so Jéhovah ayeke bâ bungbingo vorongo ti wataka na tâ vorongo tongana nyen? (Ex. 32:4-6, 10; 1 aCor. 10:7, 11).

   2. A lingbi aChrétien asara hange na nyen tongana ala yeke soro mbeni ye ti sarango ni, na tapande ti he bia wala ti dodo? (Ex. 32:18, 19; aEph. 5:15, 16; 1 Jean 2:15-17).

   3. Tongana nyen kete mara ti Lévi azia nzoni tapande na ndo ti tënë ti mungo mbage ti ye so ayeke mbilimbili? (Ex. 32:25-28; Ps. 18:26).

Mbaï 37

1. Iri ti da so na lê ti foto so ayeke nyen? A yeke sara nyen na da ni?

2. Ngbanga ti nyen Jéhovah atene na Moïse ti leke tente na mbeni lege so a yeke ngangu pëpe ti zi yâ ni?

3. Sanduku wa ayeke na yâ ti kete chambre so ayeke na mbage ti wali? Nyen la ayeke na yâ ti sanduku ni nyen?

4. Jéhovah asoro zo wa ti ga kota prêtre? Kusala ti kota prêtre ni ayeke nyen?

5. Fa iri ti aye ota so mo bâ na yâ ti kota chambre ni.

6. Aye use wa ayeke na yâ ti lacour ti tabernacle ni? A yeke sara kusala wa na ni?

Ambeni hundango tënë nde:

1. Diko Exode 25:8-40; 26:1-37; 27:1-8 na 28:1.

   Achérubin so ayeke na ndo ti “Arche ti Témoin” aduti fä ti nyen? (Ex. 25:20, 22; Nom. 7:89; 2 aGbia 19:15).

2. Diko Exode 30:1-10; 17-21; 34:1, 2 na aHébreu 9:1-5.

   1. Ngbanga ti nyen Jéhovah aluti mingi na ndo ti nene ti tene aprêtre so ayeke sara kusala na tabernacle aduti na saleté pëpe na tere ti ala? Ye so andu e tongana nyen laso? (Ex. 30:18-21; 40:30, 31; aHéb. 10:22).

   2. Tongana nyen bazengele Paul afa so tabernacle nga na mbele ti Ndia aga ngbene ye awe na ngoi so lo sara mbeti ti lo na aChrétien Hébreu? (aHéb. 9:1, 9; 10:1).

Mbaï 38

1. Ti mo, araisin ti lê ti foto so ayeke tongana nyen? A londo na ndo wa?

2. Ngbanga ti nyen Moïse atokua awakala 12 na sese ti Canaan?

3. Tënë wa awakala bale-oko atene na Moïse na peko ti so ala kiri?

4. Tongana nyen awakala use afa so ala zia bê ti ala kue na Jéhovah? Iri ti ala ayeke nyen?

5. Jéhovah asara ngonzo ngbanga ti nyen? Lo tene nyen na Moïse?

Ambeni hundango tënë nde:

1. Diko Nombre 13:1-33.

   1. A soro lani azo wa ti gue ti bâ yâ ti kodoro ni? Kota lege wa azi na ala? (Nom. 13:2, 3, 18-20).

   2. Ngbanga ti nyen bango ndo ti Josué na ti Caleb ayeke nde na ti tanga ti awakala ni? E manda nyen dä? (Nom. 13:28-30; Mat. 17:20; 2 aCor. 5:7).

2. Diko Nombre 14:1-38.

   1. Wango wa a lingbi e bata ni na ndo ti tënë ti kasango azo so Jéhovah azia ala ti mû li ni na yâ ti bungbi ti lo na sese ge? (Nom. 14:2, 3, 27; Mat. 25:40, 45; 1 aCor. 10:10).

   2. Tongana nyen Nombre 14:24 afa so Jéhovah ayeke bi bê ti lo na awakua ti lo oko oko kue? (1 aGbia 19:18; aProv. 15:3).

Mbaï 39

1. Azo wa alondo ti ke Moïse na Aaron? Ala tene nyen na Moïse?

2. Moïse atene nyen na Koré nga na azo 250 so amû peko ti lo?

3. Moïse atene nyen na azo ti Israël? Nyen la asi gi kete na peko ti so lo hunzi ti tene tënë?

4. Nyen la asi na Koré nga na azo 250 so amû peko ti lo?

5. Eléazar, molenge ti Aaron, asara nyen na ata ti wâ ti azo so akui so? Lo sara tongaso ngbanga ti nyen?

6. Ngbanga ti nyen Jéhovah asara si afleur asigigi na tere ti keke ti Aaron? (Bâ foto ni.)

Ambeni hundango tënë nde:

1. Diko Nombre 16:1-49.

   1. Koré na azo so amû peko ti lo asara nyen? Ngbanga ti nyen a yeke Jéhovah si ala ke lo? (Nom. 16:9, 10, 18; Lév. 10:1, 2; aProv. 11:2).

   2. Sioni bango ndo wa Koré na ‘amokonzi 250 ti bungbi ti azo ni’ ayeke na ni? (Nom. 16:1-3; aProv. 15:33; Es. 49:7).

2. Diko Nombre 17:1-11 na 26:10.

   1. So afleur asigigi na tere ti keke ti Aaron aye ti fa nyen? Ngbanga ti nyen Jéhovah amû yanga ti tene a bata ni na yâ ti arche ti mbele? (Nom. 17:5, 8, 10).

   2. Kpengba ye wa e lingbi ti manda na lege ti ye so asi na keke ti Aaron? (Nom. 17:10; Kus. 20:28; aPhil. 2:14; aHéb. 13:17).

Mbaï 40

1. Tongana nyen Jéhovah abâ lege ti azo ti Israël na ngoi so ala yeke na yando?

2. Tongana ala yeke na Kadès, azo ti Israël adema tere na ndo ti ye wa?

3. Tongana nyen Jéhovah amû ngu na azo ni nga na anyama ti ala?

4. Na lê ti foto ni, koli so akpo li ti maboko ti lo na ndo ti kate ti lo so ayeke zo wa? Ngbanga ti nyen lo yeke sara tongaso?

5. Jéhovah asara ngonzo na tere ti Moïse na Aaron ngbanga ti nyen? Jéhovah asara nyen na ala?

6. Nyen la asi na hoto ti Hor nyen? Zo wa la aga kota prêtre na Israël?

Ambeni hundango tënë nde:

1. Diko Nombre 20:1-13, 22-29; Deutéronome 29:5 na Néhémie 9:21.

   1. E manda nyen na lege ti kode so Jéhovah abâ na lege ti azo ti Israël na yando? (Deut. 29:5; Mat. 6:31; aHéb. 13:5; Jacq. 1:17).

   2. So Moïse na Aaron asara si iri ti Jéhovah aga nzoni-kue pëpe na gbele Israël, Jéhovah abâ ni tongana nyen? (Nom. 20:12; 1 aCor. 10:12; Apoc. 4:11).

   3. E lingbi ti manda nyen na yâ ti sarango ye ti Moïse na mbage ti sengo ndo so Jéhovah ase na lo? (Nom. 12:3; 20:12, 27, 28; Deut. 32:4; aHéb. 12:7-11).

Mbaï 41

1. Na lê ti foto ni, nyen la angoro tere ti keke so? Ngbanga ti nyen Jéhovah atene na Moïse ti zia ngbo ni na ndo ti keke ni?

2. Tongana nyen azo ti Israël akiri singila pëpe na ye kue so Nzapa asara ndali ti ala?

3. Azo ni ahunda na Moïse ti sara nyen na peko ti so Jéhovah atokua asioni ngbo ti dë ala?

4. Ngbanga ti nyen Jéhovah atene na Moïse ti sara mbeni ngbo ti gengere?

5. E lingbi ti manda nyen na lege ti mbaï so?

Ambeni hundango tënë nde:

1. Diko Nombre 21:4-9.

   1. So azo ti Israël adema tere ti ala ngbanga ti aye so Jéhovah amû na ala apusu e ti sara hange na nyen? (Nom. 21:5, 6; aRom. 2:4).

   2. Angu mingi na pekoni, azo ti Israël asara nyen na ngbo ni? Gbia Ezéchias asara nyen na ni? (Nom. 21:9; 2 aGbia 18:1-4).

2. Diko Jean 3:14, 15.

   Ziango ngbo ti gengere so na ndo ti keke ague tâ oko na fango Jésus Christ na ndo ti keke ti pasi tongana nyen? (aGal. 3:13; 1 Pi. 2:24).

Mbaï 42

1. Balak ayeke zo wa? Ngbanga ti nyen lo hunda ti tene Balaam aga?

2. Ngbanga ti nyen lele ti Balaam alango na sese?

3. Lele ni atene nyen na Balaam?

4. Mbeni ange atene nyen na Balaam?

5. Nyen la asi tongana Balaam atara ti deba azo ti Israël?

Ambeni hundango tënë nde:

1. Diko Nombre 21:21-35.

   Ngbanga ti nyen Israël ahon na ngangu Sihon, gbia ti azo ti Amori, nga na Og, gbia ti Basan? (Nom. 21:21, 23, 33, 34).

2. Diko Nombre 22:1-40.

   Nyen la apusu lani Balaam ti tara ti deba azo ti Israël? E lingbi ti manda nyen na lege ti ye so? (Nom. 22:16, 17; aProv. 6:16, 18; 2 Pi. 2:15; Jude 11).

3. Diko Nombre 23:1-30.

   Atâa so Balaam asara tënë mo bâ mo tene lo yeke voro Jéhovah, tongana nyen asarango ye ti lo afa ti ala ni nde? (Nom. 23:3, 11-14; 1 Sam. 15:22).

4. Diko Nombre 24:1-25.

   Tongana nyen mbaï ti Bible so asara si e mä na bê mingi na gango tâ tënë ti aye so Jéhovah aleke ti sara? (Nom. 24:10; Es. 54:17).

Mbaï 43

1. Na lê ti foto so, akoli use so aluti na tere ti Moïse so ayeke azo wa?

2. Jéhovah atene nyen na Josué?

3. Ngbanga ti nyen Moïse ague na li ti hoto ti Nebo? Jéhovah atene nyen na lo?

4. Moïse akui lani na ngu oke?

5. Azo ni asara vundu ngbanga ti nyen? Me atâa so kue, ala yeke na ngia teti nyen?

Ambeni hundango tënë nde:

1. Diko Nombre 27:12-23.

   Jéhovah amû kota kusala wa na Josué ti sara? Nyen la afa so Jéhovah ayeke bâ lege ti azo ti lo laso? (Nom. 27:15-19; Kus. 20:28; aHéb. 13:7).

2. Diko Deutéronome 3:23-29.

   Ngbanga ti nyen Jéhovah azia lege pëpe na Moïse nga na Aaron ti fâ Jourdain ti si na sese ti zendo? E lingbi ti manda nyen dä? (Deut. 3:25-27; Nom. 20:12, 13).

3. Diko Deutéronome 31:1-8, 14-23.

   Tongana nyen andangba tënë ti Moïse na Israël afa so lo yeda na tâ be-ti-molenge na sengo ndo ti Jéhovah? (Deut. 31:6-8, 23).

4. Diko Deutéronome 32:45-52.

   A lingbi Tënë so ayeke na yâ ti Mbeti ti Nzapa andu fini ti e tongana nyen? (Deut. 32:47; Lév. 18:5; aHéb. 4:12).

5. Diko Deutéronome 34:1-12.

   Atâa so Moïse abâ Jéhovah lâ oko na lê ti lo pëpe, Deutéronome 34:10 afa nyen na ndo ti songo so lo yeke na ni na Jéhovah? (Ex. 33:11, 20; Nom. 12:8).

Mbaï 44

1. Rahab alango na ndo wa?

2. Akoli use so ayeke na lê ti foto so ayeke azo wa? Ala gue na Jéricho ti sara nyen kâ?

3. Gbia ti Jéricho ahunda na Rahab ti sara nyen? Rahab akiri tënë, lo tene nyen?

4. Tongana nyen Rahab amû maboko na akoli use so? Lo hunda na ala ti sara nyen na lo?

5. Awakala use so amû yanga ti sara nyen na Rahab?

Ambeni hundango tënë nde:

1. Diko Josué 2:1-24.

   Tënë so Jéhovah atene na Exode 23:28 aga tâ tënë tongana nyen na ngoi so azo ti Israël aga ti tiri bira na Jéricho? (Jos. 2:9-11).

2. Diko aHébreu 11:31.

   Tongana nyen tapande ti Rahab afa nene ti duti na mabe? (aRom. 1:17; aHéb. 10:39; Jacq. 2:25).

Mbaï 45

1. Miracle wa Jéhovah asara ti mû lege na azo ti Israël ti fâ ngu ti Jourdain?

2. Ti fâ ngu ti Jourdain, a lingbi azo ti Israël asara nyen ti fa so ala yeke na mabe?

3. Ngbanga ti nyen Jéhovah atene na Josué ti mû akota tênë 12 na place so ngu ni asua dä?

4. Nyen la asi tâ gi na ngoi so aprêtre ni asigigi na yâ ti Jourdain?

Ambeni hundango tënë nde:

1. Diko Josué 3:1-17.

   1. Tongana ti so mbaï ni afa, a lingbi e sara nyen ti tene Jéhovah amû maboko na e na airi tënë nzoni na ndo ti e? (Jos. 3:13, 15; aProv. 3:5; Jacq. 2:22, 26).

   2. Ngu ti Jourdain ayeke lani tongana nyen na ngoi so azo ti Israël afâ ni ti gue na Sese ti Zendo? Tongana nyen ye so amû gonda na iri ti Jéhovah? (Jos. 3:15; 4:18; Ps. 66:5-7).

2. Diko Josué 4:1-18.

   Atênë 12 so a mû ni na yâ ti ngu ti Jourdain na a zia ni na Guilgal ayeke teti nyen? (Jos. 4:4-7).

Mbaï 46

1. Jéhovah atene na akoli so ague ti sara bira nga na aprêtre ti sara nyen na yâ ti lango omene?

2. A hunda na akoli ni ti sara nyen na lango mbasambala ni?

3. Tongana ti so mo yeke bâ na lê ti foto ni, nyen la asi na gbagba ti Jéricho?

4. Nda ti bengba kamba so ayeke na lê ti fenêtre so ayeke nyen?

5. Josué atene na azo ti bira ni ti sara nyen na azo ti kodoro ni nga na kodoro ni mveni? Ka ti argent, lor, gengere na wen so ala yeke wara ni?

6. A hunda na awakala use ni ti sara nyen?

Ambeni hundango tënë nde:

1. Diko Josué 6:1-25.

   1. Lani, azo ti Israël angoro tere ti gbagba ti Jéricho fani mingi na lango mbasambala ni. Tongana nyen ye so akpa kusala ti fango tënë ti aTémoin ti Jéhovah na lâ ti nda ni so? (Jos. 6:15, 16; Es. 60:22; Mat. 24:14; 1 aCor. 9:16).

   2. Tongana nyen tënë ti prophétie so ayeke na Josué 6:26 aga tâ tënë ngu 500 tongaso na pekoni? Ye so afa nyen na e na ndo ti tënë ti yanga ti Jéhovah? (1 aGbia 16:34; Es. 55:11).

Mbaï 47

1. Na lê ti foto ni, koli wa la ayeke lu aye ti mosoro ti Jéricho na yâ ti sese so? Azo wa la ayeke mû maboko na lo?

2. Ngbanga ti nyen ye so Acan na sewa ti lo asara ayeke sioni mingi?

3. Jéhovah atene nyen tongana Josué ahunda lo ngbanga ti nyen azo ti Israël ahon na ngangu pëpe na yâ ti bira ti Aï?

4. Na peko ti so a ga na Acan nga na azo ti da ti lo na gbele Josué, a sara nyen na ala?

5. Ngbanga so a fâ na li ti Acan afa na e kota ye wa?

Ambeni hundango tënë nde:

1. Diko Josué 7:1-26.

   1. Asambela ti Josué afa nyen na ndo ti songo so lo yeke na ni na Wasarango lo? (Jos. 7:7-9; Ps. 119:145; 1 Jean 5:14).

   2. Ye so Acan asara afa nyen? E lingbi ti manda nyen na lege ti ye so lo sara so? (Jos. 7:11, 14, 15; aProv. 15:3; 1 Tim. 5:24; aHéb. 4:13).

2. Diko Josué 8:1-29.

   Kungba wa e oko oko kue e yeke na ni na mbage ti kongregation laso? (Jos. 7:13; Lév. 5:1; aProv. 28:13).

Mbaï 48

1. Tongana nyen azo ti Gabaon ayeke nde mingi na azo ti agbata ti Canaan so ayeke nduru na ala?

2. Tongana ti so foto ni afa, azo ti Gabaon asara nyen? Ala sara tongaso ngbanga ti nyen?

3. Yanga wa Josué na amokonzi ti Israël amû na azo ti Gabaon? Me ala bâ nyen lango ota na pekoni?

4. Tongana agbia ti tanga ti agbata ni amä so azo ti Gabaon ate mbele ti siriri na Israël, ala sara nyen?

Ambeni hundango tënë nde:

1. Diko Josué 9:1-27.

   1. Jéhovah amû yanga lani na mara ti Israël ti “fâ azo kue ti sese ni”. Me so lo bata azo ti Gabaon na fini, lo fa so sarango ye ti lo ayeke tongana nyen? (Jos. 9:22, 24; Mat. 9:13; Kus. 10:34, 35; 2 Pi. 3:9).

   2. Na sarango ye alingbi na yanga so lo mû na azo ti Gabaon, Josué azia nzoni tapande wa na aChrétien laso? (Jos. 9:18, 19; Mat. 5:37; aEph. 4:25).

2. Diko Josué 10:1-5.

   Azo mingi so asi singo asara ye laso tongana azo ti Gabaon tongana nyen? Ye so asara si a yeke gi ti sara nyen na ala? (Jos. 10:4; Zach. 8:23; Mat. 25:35-40; Apoc. 12:17).

Mbaï 49

1. Na lê ti foto ni, Josué ayeke tene nyen? Lo tene tongaso ngbanga ti nyen?

2. Tongana nyen Jéhovah amû maboko na Josué nga na aturugu ti lo?

3. Agbia oke Josué ahon ala na ngangu? A hunda na lo ngoi oke ti hon ala na ngangu?

4. Ngbanga ti nyen Josué akangbi yâ ti sese ti Canaan na akete mara ti Israël?

5. Josué akui lani na ngu oke? Nyen la asi na azo ni na peko ti kuâ ti lo?

Ambeni hundango tënë nde:

1. Diko Josué 10:6-15.

   Teti e hinga so Jéhovah asara lani si lâ na nze aluti na place ti ala ndali ti azo ti Israël, ye wa e yeke na kite dä pëpe laso? (Jos. 10:8, 10, 12, 13; Ps. 18:4; aProv. 18:10).

2. Diko Josué 12:7-24.

   Zo wa la amû lege biani na Israël ti hon na ngangu agbia 31 ti sese ti Canaan? Ye so ayeke kota ye mingi ndali ti e laso ngbanga ti nyen? (Jos. 12:7; 24:11-13; Deut. 31:8; Luc 21:9, 25-28).

3. Diko Josué 14:1-5.

   A kangbi lani sese ni na popo ti akete mara ti Israël tongana nyen? Ye so afa nyen na ndo ti asese so azo ayeke wara ande na yâ ti Paradis? (Jos. 14:2; Es. 65:21; Ezéch. 47:21-23; 1 aCor. 14:33).

4. Diko aJuge 2:8-13.

   Legeoko tongana Josué na ngoi ti Israël, azo wa laso ayeke kanga lege na a-apostat? (aJu. 2:8, 10, 11; Mat. 24:45-47; 2 aThes. 2:3-6; Tite 1:7-9; Apoc. 1:1; 2:1, 2).

Mbaï 50

1. Ajuge ayeke azo wa? Iri ti ambeni ayeke nyen?

2. Déborah ayeke sara lani kusala ti nyen? Ye so ahunda nyen na mbage ti lo?

3. Tongana gbia Jabin na mokonzi ti aturugu ti lo, Siséra, ayeke gi Israël na tënë ti sara bira na ala, tokua wa so alondo na Jéhovah Déborah amû na Juge Barak? Lo tene na lo so zo wa si ayeke fâ ande Siséra?

4. Tongana nyen Jaël afa so lo yeke mbeni wali so asara ye na mbeto pëpe?

5. Nyen la asi na peko ti kuâ ti gbia Jabin?

Ambeni hundango tënë nde:

1. Diko aJuge 2:14-22.

   Azo ti Israël asara nyen so aga na ngonzo ti Jéhovah na ndo ti ala? E lingbi ti manda nyen na lege ti ye so? (aJu. 2:20; aProv. 3:1, 2; Ezéch. 18:21-23).

2. Diko aJuge 4:1-24.

   Na ndo ti tënë ti dutingo na mabe nga na sarango ye na mbeto pëpe, aita-wali alingbi ti manda nyen laso na lege ti tapande ti Déborah na ti Jaël? (aJu. 4:4, 8, 9, 14, 21, 22; aProv. 31:30; 1 aCor. 16:13).

3. Diko Juge 5:1-31.

   Tongana nyen a lingbi ti bâ bia ti hongo na ngangu so Barak na Déborah ahe ni tongana mbeni sambela so a tene ndali ti bira ti Harmaguédon so ayeke pusu nduru? (aJu. 5:3, 31; 1 Chron. 16:8-10; Apoc. 7:9, 10; 16:16; 19:19-21).

Mbaï 51

1. Nyen la ague na Naomi na sese ti Moab?

2. Ruth na Orpa ayeke azo wa?

3. Ruth na Orpa atene nyen tongana Naomi ahunda na ala ti kiri na kodoro ti ala?

4. Boaz ayeke zo wa? Tongana nyen lo mû maboko na Ruth nga na Naomi?

5. Iri ti molenge so Boaz na Ruth adü ayeke nyen? Ngbanga ti nyen a lingbi e dabe ti e na lo?

Ambeni hundango tënë nde:

1. Diko Ruth 1:1-17.

   1. Ruth atene nyen ti fa so ndoye so lo yeke na ni na mbage ti Naomi agbian pëpe? (Ruth 1:16, 17).

   2. Tongana nyen bibe ti Ruth afa na gigi nzoni mingi bango ndo so “ambeni ngasangbaga” ayeke na ni na mbage ti ala so na sese ge a sa yingo na ndo ti ala? (Jean 10:16; Zach. 8:23).

2. Diko Ruth 2:1-23.

   Tongana nyen Ruth aduti mbeni nzoni tapande ndali ti amaseka-wali laso? (Ruth 2:17, 18; aProv. 23:22; 31:15).

3. Diko Ruth 3:5-13.

   1. So Ruth ayeda ti ga wali ti Boaz ahon ti mû mbeni koli so ade maseka asara nyen na ndo ti Boaz?

   2. Sarango ye ti Ruth afa na e nyen na ndo ti ndoye so ayeke gbian pëpe? (Ruth 3:10; 1 aCor. 13:4, 5).

4. Diko Ruth 4:7-17.

   Tongana nyen akoli Chrétien laso alingbi ti sara ye tongana Boaz? (Ruth 4:9, 10; 1 Tim. 3:1, 12, 13; 5:8).

Mbaï 52

1. Azo wa la aga na gbâ ti akpale na azo ti Israël? Ngbanga ti nyen azo ti Israël awara akpale so?

2. Ngbanga ti nyen Jéhovah atene na Gédéon so wungo ti aturugu ti lo ahon ndo ni?

3. Azo oke si angbâ na Gédéon tongana lo hunda na aturugu so asara mbeto ti kiri na kodoro?

4. Na lege ti ye so mo bâ na lê ti foto ge, fa tongana nyen Jéhovah akiri na wungo ti aturugu ti Gédéon juska ti ngbâ gi 300.

5. Tongana nyen Gédéon aleke yâ ti aturugu ti lo 300 so? Tongana nyen Israël ahon na ngangu?

Ambeni hundango tënë nde:

1. Diko aJuge 6:36-40.

   1. Gédéon asara nyen ti hinga biani ye so bê ti Jéhovah aye?

   2. E yeke sara tongana nyen laso ti hinga ye so Jéhovah aye? (aProv. 2:3-6; Mat. 7:7-11; 2 Tim. 3:16, 17).

2. Diko aJuge 7:1-25.

   1. E lingbi ti manda nyen na lege ti aturugu 300 so lê ti ala angbâ na zingo ni na ngoi so ala yeke nyon ngu nde na atanga ni so anyon ngu ni na hange pëpe? (aJu. 7:3, 6; aRom. 13:11, 12; aEph. 5:15-17).

   2. Legeoko tongana ti so aturugu 300 amanda ye na bango Gédéon, e nga e yeke manda ye tongana nyen na bango Kota Gédéon, Jésus Christ? (aJu. 7:17; Mat. 11:29, 30; 28:19, 20; 1 Pi. 2:21).

   3. Tongana nyen aJuge 7:21 amû maboko na e ti yeda na akusala kue so a mû na e ti sara na yâ ti bungbi ti Jéhovah? (1 aCor. 4:2; 12:14-18; Jacq. 4:10).

3. Diko aJuge 8:1-3.

   Tongana a ndu tënë ti lekengo tënë na popo ti e na mbeni ita, e lingbi ti manda nyen na ndo ti lege so Gédéon aleke tënë so alondo na popo ti lo na azo ti Ephraïm? (aProv. 15:1; Mat. 5:23, 24; Luc 9:48).

Mbaï 53

1. Jephté ayeke zo wa? Lo duti na fini na ngoi wa?

2. Yanga wa Jephté amû na Jéhovah?

3. Ngbanga ti nyen vundu asara Jephté tongana lo kiri na kodoro na peko ti so lo hon azo ti Ammon na ngangu?

4. Molenge ti Jephté ti wali atene nyen tongana lo mä tënë ti yanga so babâ ti lo amû?

5. Ngbanga ti nyen azo ti Israël aye tënë ti molenge ti Jephté ti wali mingi?

Ambeni hundango tënë nde:

1. Diko aJuge 10:6-18.

   Tongana e bâ mbaï ti azo ti Israël so aduti be-ta-zo na Jéhovah pëpe, a lingbi e sara hange na nyen? (aJu. 10:6, 15, 16; aRom. 15:4; Apoc. 2:10).

2. Diko aJuge 11:1-11, 29-40.

   1. E hinga tongana nyen so tongana a tene Jephté amû molenge ti lo na “offrande so a-zo-na-wa”, a ye pëpe ti tene so lo zö molenge ni tâ na wâ tongana mbeni sandaga? (aJu. 11:31; Lév. 16:24; Deut. 18:10, 12).

   2. Na lege wa Jephté amû lani molenge ti lo na sandaga?

   3. E lingbi ti manda nyen na ndo ti bango ndo ti Jephté na mbage ti yanga so lo mû na Jéhovah? (aJu. 11:35, 39; Zo-ti. 5:3, 4; Mat. 16:24).

   4. Tongana nyen molenge ti Jephté ti wali ayeke mbeni nzoni tapande ndali ti amaseka Chrétien na ndo ti tënë ti mungo kusala ti ngoi kue? (aJu. 11:36; Mat. 6:33; aPhil. 3:8).

Mbaï 54

1. Iri ti koli so ayeke na ngangu ahon akoli ti ndo lê ti sese kue ayeke nyen? Zo wa la amû na lo ngangu so?

2. Mbeni lâ, Samson asara nyen na mbeni kota bamara? (Bâ foto ni.)

3. Na lê ti foto ni ge, tënë wa so Samson aye si zo oko ahinga ni pëpe lo yeke tene ni na Dalila? Tongana nyen ye so azi lege na aPhilistin ti gbu lo?

4. Samson asara tongana nyen si awato ti lo aPhilistin 3 000 akui na lango ti kuâ ti lo?

Ambeni hundango tënë nde:

1. Diko aJuge 13:1-14.

   Tongana nyen Manoah na wali ti lo azia nzoni tapande na ababâ na amama na ngoi so ala yeke bata amolenge ti ala? (aJu. 13:8; Ps. 127:3; aEph. 6:4).

2. Diko aJuge 14:5-9 na 15:9-16.

   1. Mbaï ti Samson afa so lo fâ bamara, lo fâ yâ ti afini kamba so a kanga na lo na lo fâ azo 1 000 na bio ti ngbangba ti mbeni lele. Aye so kue afa nyen na ndo ti lege so yingo ti Jéhovah ayeke sara kusala?

   2. Tongana nyen yingo vulu ayeke mû maboko na e laso? (aJu. 14:6; 15:14; Zach. 4:6; Kus. 4:31).

3. Diko aJuge 16:18-31.

   Asioni kamarade asara nyen na ndo ti Samson? E lingbi ti manda nyen dä? (aJu. 16:18, 19; 1 aCor. 15:33).

Mbaï 55

1. Iri ti molenge-koli so na lê ti foto so ayeke nyen? Azo wa la ayeke na tere ti lo so?

2. Sambela wa Hanna atene na mbeni lango so lo gue na tabernacle ti Jéhovah? Jéhovah akiri tënë na sambela ti lo tongana nyen?

3. Samuel ayeke na ngu oke tongana a gue na lo na tabernacle ti sara na Jéhovah? Mama ti lo ayeke sara nyen ndali ti lo ngu oko oko?

4. Iri ti amolenge ti Eli ayeke nyen? Me sarango ye ti ala ayeke lani tongana nyen?

5. Nyen la asi na Samuel mbeni lâ tongana lo yeke lango? Tënë ti nyen la a tene na lo?

6. Tongana Samuel akono, lo ga zo wa? Nyen la asi tongana Samuel aga mbakoro?

Ambeni hundango tënë nde:

1. Diko 1 Samuel 1:1-28.

   1. Nzoni tapande wa Elkana azia na ababâ ti sewa na ndo ti tënë ti mungo li ni na yâ ti tâ vorongo? (1 Sam. 1:3, 21; Mat. 6:33; aPhil. 1:10).

   2. E lingbi ti manda nyen na ndo ti lege so Hanna agi ti hon ndo ti mbeni kpale so asara si lo gi bê ti lo mingi? (1 Sam. 1:10, 11; Ps. 55:23; aRom. 12:12).

2. Diko 1 Samuel 2:11-36.

   Tongana nyen Eli ane amolenge ti lo ahon Jéhovah? Ye so afa na e nyen? (1 Sam. 2:22-24, 27, 29; Deut. 21:18-21; Mat. 10:36, 37).

3. Diko 1 Sam. 4:16-18.

   Mbeni zo alondo na lê ti bira aga na mbeni tokua ti vundu. Atënë osio wa ayeke na yâ ni? Ye so asara nyen na ndo ti Eli?

4. Diko 1 Samuel 8:4-9.

   Israël asara nyen so aso bê ti Jéhovah ngangu? Tongana nyen e lingbi ti fa so e ngbâ lakue ti mû mbage ti Royaume ti lo? (1 Sam. 8:5, 7; Jean 17:16; Jacq. 4:4).

Mbaï 56

1. Samuel ayeke sara nyen na lê ti foto so? Lo sara tongaso ngbanga ti nyen?

2. Jéhovah aye lani Saül ngbanga ti nyen? Saül ayeke tongana nyen nga lo londo na yâ ti sewa wa?

3. Iri ti molenge ti Saül ti koli ayeke nyen? Molenge so asara nyen?

4. Ngbanga ti nyen Saül amû sandaga ahon ti tene lo ku Samuel aga si a mû ni?

5. E lingbi ti manda nyen na lege ti mbaï ti Saül?

Ambeni hundango tënë nde:

1. Diko 1 Samuel 9:15-21 na 10:17-27.

   So Saül asara tere ti lo kete amû maboko na lo tongana nyen ti kpe ti sara ye na loro tongana ambeni koli atene tënë ti mbana na lo? (1 Sam. 9:21; 10:21, 22, 27; aProv. 17:27).

2. Diko 1 Samuel 13:5-14.

   Siokpari wa Saül asara na Guilgal? (1 Sam. 10:8; 13:8, 9, 13).

3. Diko 1 Samuel 15:1-35.

   1. Kota siokpari wa Saül asara lani na ndo ti tënë ti Agag, gbia ti Amalek? (1 Sam. 15:2, 3, 8, 9, 22).

   2. Saül atara lani ti tene nyen ti zi tënë na li ti lo? Lo bi tënë ni na li ti azo wa? (1 Sam. 15:24).

   3. A lingbi e sara hange na nyen laso tongana a mû wango na e? (1 Sam. 15:19-21; Ps. 141:5; aProv. 9:8, 9; 11:2).

Mbaï 57

1. Iri ti molenge-koli so mo bâ na lê ti foto so ayeke nyen? E hinga tongana nyen so lo sara ye na mbeto pëpe?

2. David alango na kodoro wa? Iri ti babâ ti lo na ti âta ti lo ti koli ayeke nyen?

3. Jéhovah atene na Samuel ti gue na da ti Jessé na Bethléhem ti sara nyen?

4. Nyen la asi tongana Jessé afa amolenge ti lo mbasambala na Samuel?

5. Tongana a ga na David, Jéhovah atene nyen na Samuel?

Ambeni hundango tënë nde:

1. Diko 1 Samuel 17:34, 35.

   Tongana nyen aye so asi afa biani so David ayeke zo ti mbeto pëpe nga so lo zia bê ti lo lakue na Jéhovah? (1 Sam. 17:37).

2. Diko 1 Samuel 16:1-14.

   1. Ye so Jéhovah atene na 1 Samuel 16:7 amû maboko na e tongana nyen ti bâ azo kue oko na ti zia si gi na bango ala e duti na sioni bango ndo pëpe na mbage ti ala? (Kus. 10:34, 35; 1 Tim. 2:4).

   2. Tongana nyen tapande ti Saül afa so tongana Jéhovah azi yingo vulu ti lo na ndo ti mbeni zo, mbeni sioni yingo wala mbeni ngangu nzara ti sara gi sioni alingbi ti mû place ni? (1 Sam. 16:14; Mat. 12:43-45; aGal. 5:16).

Mbaï 58

1. Goliath atene nyen ti pusu aturugu ti Israël ti ga ti tiri na lo?

2. Goliath akono tongana nyen? Gbia Saül atene ni yeke mû nyen na zo so ayeke fâ Goliath?

3. Tongana Saül atene na David so lo lingbi pëpe ti tiri na Goliath teti so lo de kete mingi, David atene nyen?

4. Na yâ ti tënë so lo tene na Goliath, tongana nyen David afa so lo zia bê ti lo kue na Jéhovah?

5. Tongana ti so mo bâ na lê ti foto ni, David afâ Goliath na nyen? Nyen la asi na aPhilistin na peko ti ye so?

Ambeni hundango tënë nde:

1. Diko 1 Samuel 17:1-54.

   1. Nyen la ayeke lani na gunda ti sarango ye ti David na mbeto pëpe? Tongana nyen e lingbi ti sara ye na mbeto pëpe tongana lo? (1 Sam. 17:37, 45; aEph. 6:10, 11).

   2. Tongana aChrétien ayeke sara ambeni ngia, ngbanga ti nyen a lingbi ala gi ti hon amba ti ala pëpe tongana ti so Goliath asara? (1 Sam. 17:8; aGal. 5:26; 1 Tim. 4:8).

   3. Tongana nyen atënë ti David afa so lo hinga na bê ti lo so Nzapa ayeke mû maboko na lo? (1 Sam. 17:45-47; 2 Chron. 20:15).

   4. Mbaï so afa pëpe gi peko ti mbeni senge tiri na popo ti abungbi ti aturugu use, me a fa so tiri ni atingbi biani anzapa ti wataka na tâ Nzapa, Jéhovah. A fa ni tongana nyen? (1 Sam. 17:43, 46, 47).

   5. Tongana nyen tanga ti ala so a sa yingo na ndo ti ala amû tapande ti David so azia bê ti lo kue na Jéhovah? (1 Sam. 17:37; Jér. 1:17-19; Apoc. 12:17).

Mbaï 59

1. Ngbanga ti nyen Saül asara kota bê na tere ti David? Me tongana nyen Jonathan ayeke nde na babâ ti lo Saül?

2. Nyen la asi mbeni lâ tongana David ayeke pika harpe na Saül?

3. Saül atene na David ti sara nyen kozoni si lo mû molenge ti lo Mical ti ga wali ti lo? Saül atene tongaso ngbanga ti nyen?

4. Tongana David ayeke pika harpe na Saül, nyen la akiri asi ti fani ota ni? (Bâ foto ni.)

5. Mical amû maboko na David tongana nyen ti sö fini ti lo? Na peko ti ye so, David asara nyen teti ngu mbasambala?

Ambeni hundango tënë nde:

1. Diko 1 Samuel 18:1-30.

   1. Tongana nyen kota ndoye so Jonathan ayeke na ni na mbage ti David aduti fä ti ndoye so ayeke na popo ti “ambeni ngasangbaga” na “kete kundu”? (1 Sam. 18:1; Jean 10:16; Luc 12:32; Zach. 8:23).

   2. Teti so a yeke fade na lege ni ti tene Jonathan amû mbata ti gbia na peko ti Saül, tongana nyen 1 Samuel 18:4 afa so Jonathan ayeda na bê kue ti duti na gbe ti komandema ti lo so Nzapa asoro lo ti ga gbia?

   3. Tongana nyen tapande ti Saül afa so kota bê alingbi ti gue na zo ti sara kota siokpari? Ye so afa na e ti sara hange na nyen? (1 Sam. 18:7-9, 25; Jacq. 3:14-16).

2. Diko 1 Samuel 19:1-17.

   Na ngoi so Jonathan asara tënë na Saul, lo zia fini ti lo na lê ti kuâ tongana nyen? (1 Sam. 19:1, 4-6; Prov. 16:14).

Mbaï 60

1. Iri ti wali so ayeke gue ti tingbi na David na lê ti foto so ayeke nyen? Lo yeke mara ti wali wa?

2. Nabal ayeke zo wa?

3. Ngbanga ti nyen David atokua ambeni zo ti lo ti hunda mbeni ye na Nabal?

4. Nabal atene nyen na azo ti David? Tongana David amä tënë ni, lo sara nyen?

5. Abigaïl asara nyen so afa atene lo yeke mbeni wali ti ndara?

Ambeni hundango tënë nde:

1. Diko 1 Samuel 22:1-4.

   Tongana nyen azo ti da ti babâ ti David azia nzoni tapande na e na ndo ti lege so a lingbi e mû maboko na popo ti e na yâ ti bungbi ti aita ti e ti ndo lê ti sese kue? (aProv. 17:17; 1 aThes. 5:14).

2. Diko 1 Samuel 25:1-43.

   1. Ngbanga ti nyen e tene so Nabal abâ David tongana ye oko na lê ti lo pëpe? (1 Sam. 25:2-5, 10, 14, 21, 25).

   2. Awali Chrétien alingbi ti manda nyen laso na lege ti tapande ti Abigaïl? (1 Sam. 25:32, 33; aProv. 31:26; aEph. 5:24).

   3. Aye ti sioni use wa Abigaïl akanga lege na David ti sara? (1 Sam. 25:31, 33; aRom. 12:19; aEph. 4:26).

   4. Tongana nyen sarango ye ti David na mbage ti atënë so Abigaïl atene na lo amû maboko na akoli laso ti bâ awali tongana ti so Jéhovah ayeke bâ ala? (Kus. 21:8, 9; aRom. 2:11; 1 Pi. 3:7).

Mbaï 61

1. David na Abisaï asara nyen na ngoi so Saül ayeke lango na yâ ti kando ti lo?

2. David ahunda tënë wa na Saül?

3. Na peko ti so David azia Saül lo hon, lo gue na ndo wa?

4. Nyen la azia vundu na bê ti David mingi si lo sara mbeni pendere bia?

5. David ayeke lani na ngu oke na ngoi so lo ga gbia na Hébron? Iri ti ambeni molenge ti lo ti koli ayeke nyen?

6. Na pekoni, David akomande tongana gbia na kodoro wa?

Ambeni hundango tënë nde:

1. Diko 1 Samuel 26:1-25.

   1. Tënë ti David so a wara na 1 Samuel 26:11 afa so bango ndo ti lo ayeke so wa na mbage ti ala so Jéhovah azia ala ti mû li ni? (Ps. 37:7; aRom. 13:2).

   2. Tongana e sara nzoni na mbeni zo kue gbä, atënë ti David na 1 Samuel 26:23 alingbi ti mû maboko na e tongana nyen ti duti lakue na nzoni bango ndo? (1 aGbia 8:32; Ps. 18:21).

2. Diko 2 Samuel 1:26.

   Tongana nyen aChrétien laso alingbi ti duti na mara ti “tâ ndoye” so ayeke lani na popo ti David na Jonathan? (1 Pi. 4:8; aCol. 3:14; 1 Jean 4:12).

3. Diko 2 Samuel 5:1-10.

   1. David akomande tongana gbia teti ngu oke? A kangbi yâ ti angu so tongana nyen? (2 Sam. 5:4, 5).

   2. Nyen la asara si David aga kota? Ye so adabe ti e na nyen laso? (2 Sam. 5:10; 1 Sam. 16:13; 1 aCor. 1:31; aPhil. 4:13).

Mbaï 62

1. Na ngangu ti Jéhovah, nyen la asi na nda ni na sese ti Canaan?

2. Nyen la asi na mbeni lakui tongana David ayeke na ndo ti da ti lo?

3. Jéhovah asara ngonzo mingi na tere ti David ngbanga ti nyen?

4. Na lê ti foto ni, zo wa la Jéhovah atokua lo ti fa na David asiokpari so lo sara? Koli so atene nyen la ayeke si ande na David nyen?

5. Aye ti vundu wa asi na David?

6. Na peko ti kuâ ti David, zo wa la aga gbia ti Israël, zo wa?

Ambeni hundango tënë nde:

1. Diko 2 Samuel 11:1-27.

   1. Ti duti na aye mingi ti sara na yâ ti kusala ti Jéhovah ayeke bata e tongana nyen?

   2. Tongana nyen David ague juska ti tï na yâ ti siokpari? Ye so afa nyen na awakua ti Jéhovah laso? (2 Sam. 11:2; Mat. 5:27-29; 1 aCor. 10:12; Jacq. 1:14, 15).

2. Diko 2 Samuel 12:1-18.

   1. A-ancien nga na ababâ na amama alingbi ti manda nyen na ndo ti lege so Nathan aga na mbage ti David ti mû wango na lo? (2 Sam. 12:1-4; aProv. 12:18; Mat. 13:34).

   2. Ngbanga ti nyen Jéhovah asara nzoni bê na David? (2 Sam. 12:13; Ps. 32:5; 2 aCor. 7:9, 10).

Mbaï 63

1. Jéhovah ahunda nyen na Salomon? Salomon akiri tënë, lo tene nyen?

2. Ndali ti so ye so Salomon ahunda anzere na Jéhovah, Jéhovah atene lo yeke mû nyen na Salomon?

3. Kpengba tënë wa awali use aga na ni na gbele Salomon?

4. Tongana ti so mo bâ na lê ti foto ge, Salomon aleke tënë ni tongana nyen?

5. Aye ayeke lani tongana nyen na gbe ti komandema ti Salomon? Ngbanga ti nyen aye ni ayeke lani tongaso?

Ambeni hundango tënë nde:

1. Diko 1 aGbia 3:3-28.

   1. Akoli so ayeke na akusala na yâ ti bungbi ti Nzapa laso alingbi ti manda nyen na yâ ti atënë so Salomon atene na bê ti lo kue na 1 aGbia 3:7? (Ps. 119:105; aProv. 3:5, 6).

   2. Tongana nyen ye so Salomon ahunda na Jéhovah ayeke mbeni nzoni tapande ti aye so a yeke nzoni ti hunda na yâ ti sambela? (1 aGbia 3:9, 11; aProv. 30:8, 9; 1 Jean 5:14).

   3. Lege so Salomon aleke na tënë ti awali use so afa na e nyen so e yeke na kite oko dä pëpe na ndo ti lege so Kota Salomon, Jésus Christ, ayeke komande ande na ni? (1 aGbia 3:28; Es. 9:5, 6; 11:2-4).

2. Diko 1 aGbia 4:29-34.

   1. Tongana nyen Jéhovah akiri tënë na sambela ti Salomon so lo hunda ti wara bê ti ndara? (1 aGbia 4:29).

   2. Tongana e bâ ngangu so azo asara ti ga ti mä ndara ti Salomon, a lingbi e bâ mandango Mbeti ti Nzapa tongana nyen? (1 aGbia 4:29, 34; Jean 17:3; 2 Tim. 3:16).

Mbaï 64

1. Salomon amû ngoi oke ti leke na temple ti Jéhovah kue? Ngbanga ti nyen a hunda nginza mingi ti sara ni?

2. Achambre ayeke oke na yâ ti temple ni? A zia nyen na yâ ti kete chambre ti temple ni?

3. Salomon atene nyen na yâ ti sambela ti lo tongana a hunzi lekengo temple ni?

4. Tongana nyen Jéhovah afa so lo yeda na sambela ti Salomon?

5. Awali ti Salomon apusu lo ti sara nyen? Nyen la asi na Salomon?

6. Jéhovah asara ngonzo na tere ti Salomon ngbanga ti nyen? Jéhovah atene na lo nyen?

Ambeni hundango tënë nde:

1. Diko 1 Chronique 28:9, 10.

   Na lege ti atënë so David atene na 1 Chronique 28:9, 10, a lingbi e gi lege kue ti sara nyen na yâ ti fini ti e ti lâ oko oko? (Ps. 19:15; aPhil. 4:8, 9).

2. Diko 2 Chronique 6:12-21, 32-42.

   1. Tongana nyen Salomon afa so da so maboko ti zo asara ayeke lingbi lâ oko pëpe na Nzapa ti Nduzu Ahon Kue? (2 Chron. 6:18; Kus. 17:24, 25).

   2. Atënë ti Salomon na 2 Chronique 6:32, 33 afa nyen na ndo ti Jéhovah? (Kus. 10:34, 35; aGal. 2:6).

3. Diko 2 Chronique 7:1-5.

   Na bango gloire ti Jéhovah, amolenge ti Israël asepela lo. Legeoko nga laso, tongana e bâ tufa ti Jéhovah na ndo ti azo ti lo, a lingbi bê ti e apusu e ti sara nyen? (2 Chron. 7:3; Ps. 22:23; 34:2; 96:2).

4. Diko 1 aGbia 11:9-13.

   Tongana nyen fini ti Salomon afa nene ti ngbâ be-ta-zo juska na nda ni? (1 aGbia 11:4, 9; Mat. 10:22; Apoc. 2:10).

Mbaï 65

1. Iri ti akoli use so na lê ti foto so ayeke nyen? Ala yeke azo wa?

2. Ahija asara nyen na bongo so ayeke na maboko ti lo so? Ye so lo sara aye ti tene nyen?

3. Salomon atara ti sara nyen na Jéroboam?

4. Azo ti Israël azia Jéroboam gbia na ndo ti akete mara ti ala bale-oko ndali ti nyen?

5. Ngbanga ti nyen Jéroboam aleke ayanda use ti molenge ti bagara ti lor? Nyen la asi ngoi kete na pekoni?

6. Nyen la asi na royaume ti akete mara use ti Israël nga na temple ti Jéhovah na Jérusalem?

Ambeni hundango tënë nde:

1. Diko 1 aGbia 11:26-43.

   Sarango ye ti Jéroboam ayeke lani tongana nyen? Jéhovah atene lo yeke sara nyen na Jéroboam tongana lo bata andia ti ni? (1 aGbia 11:28, 38).

2. Diko 1 aGbia 12:1-33.

   1. Sioni tapande ti Roboam afa nyen na ababâ, amama nga na a-ancien na ndo ti tënë ti komandengo na ngangu? (1 aGbia 12:13; Zo-ti. 7:7; 1 Pi. 5:2, 3).

   2. Na ngoi so ala ye ti mû akota desizion na yâ ti gigi ti ala, a lingbi amaseka laso ague na mbage ti azo wa ti wara nzoni wango? (1 aGbia 12:6, 7; aProv. 1:8, 9; 2 Tim. 3:16, 17; aHéb. 13:7).

   3. Nyen la apusu lani Jéroboam ti leke ando use ti vorongo yanda ti molenge ti bagara? Tongana nyen ye so afa so lo zia bê ti lo na Jéhovah mbeni pëpe? (1 aGbia 11:37; 12:26-28).

   4. Zo wa la apusu azo ti royaume ti akete mara bale-oko ti Israël ti zia lege ti voro Jéhovah? (1 aGbia 12:32, 33).

Mbaï 66

1. Jézabel ayeke zo wa?

2. Gbia Achab asara vundu mbeni lâ ngbanga ti nyen?

3. Jézabel asara nyen ti mû yaka ti vigne ti Naboth na koli ti lo, Achab?

4. Jéhovah atokua zo wa ti futa Jézabel ndali ti sioni so lo sara?

5. Tongana ti so foto ni afa, nyen la asi tongana Jéhu asi na da ti Jézabel?

Ambeni hundango tënë nde:

1. Diko 1 aGbia 16:29-33 na 18:3, 4.

   Aye ayeke lani sioni tongana nyen na Israël na ngoi ti gbia Achab? (1 aGbia 14:9).

2. Diko 1 aGbia 21:1-16.

   1. Tongana nyen Naboth afa so lo sara mbeto pëpe na lo yeke be-ta-zo na Jéhovah? (1 aGbia 21:1-3; Lév. 25:23-28).

   2. Tapande ti Achab afa na e nyen na ndo ti lege ti hon ndo ti vundu so asara e? (1 aGbia 21:4; aRom. 5:3-5).

3. Diko 2 aGbia 9:30-37.

   Kota nzara so Jéhu ayeke na ni ti sara ye so bê ti Jéhovah aye afa nyen na e? (2 aGbia 9:4-10; 2 aCor. 9:1, 2; 2 Tim. 4:2).

Mbaï 67

1. Josaphat ayeke zo wa? Lo duti lani na fini na ngoi wa?

2. Ngbanga ti nyen mbeto agbu azo ti Israël? Mingi na popo ti ala asara nyen?

3. Jéhovah akiri tënë wa na sambela ti Josaphat?

4. Jéhovah asara nyen kozoni na bira ni?

5. E lingbi ti manda nyen na lege ti Josaphat?

Ambeni hundango tënë nde:

1. Diko 2 Chronique 20:1-30.

   1. Tongana nyen Josaphat afa ye so a lingbi awakua be-ta-zo ti Nzapa asara na ngoi ti aye ti ngangu? (2 Chron. 20:12; Ps. 25:15; 62:2).

   2. Jéhovah ayeke sara lakue kusala na mbeni ye ti fa lege na azo ti lo. Laso, lo yeke sara kusala na nyen ti fa ye na azo ti lo? (2 Chron. 20:14, 15; Mat. 24:45-47; Jean 15:15).

   3. Na ngoi so “bira ti kota lâ ti Nzapa, Lo Ti Ngangu Ahon Kue”, ayeke londo, tongana nyen dutingo ti e ayeke kpa ti Josaphat? (2 Chron. 20:15, 17; 32:8; Apoc. 16:14, 16).

   4. Na tapande ti azo ti mara ti Lévi, tongana nyen apionnier na amissionnaire ayeke mû maboko na kusala ti fango tënë na ndo ti sese kue laso? (2 Chron. 20:19, 21; aRom. 10:13-15; 2 Tim. 4:2).

Mbaï 68

1. Azo ota wa la ayeke na lê ti foto so? Nyen la asi na molenge-koli so?

2. Elie atene nyen tongana lo yeke sambela teti molenge ni? Nyen la asi na pekoni nyen?

3. Iri ti wakua ti Elie ayeke nyen?

4. A iri Elisée na da ti mbeni wali ti kodoro ti Sunem ngbanga ti nyen?

5. Elisée asara nyen? Nyen la asi na molenge ni so akui?

6. Tongana ti so lo fa ni na lege ti Elie nga na Elisée, Jéhovah ayeke na ngangu ti sara nyen?

Ambeni hundango tënë nde:

1. Diko 1 aGbia 17:8-24.

   1. Jéhovah asara nyen ti tara mabe ti Elie nga ti bâ wala lo yeke mä yanga? (1 aGbia 17:9; 19:1-4, 10).

   2. Nyen la afa so womua ti kodoro ti Sarepta ayeke na kota mabe? (1 aGbia 17:12-16; Luc 4:25, 26).

   3. Tongana nyen ye so asi na womua ti Sarepta afa so atënë so Jésus atene na Matthieu 10:41, 42 ayeke tâ tënë? (1 aGbia 17:10-12, 17, 23, 24).

2. Diko 2 aGbia 4:8-37.

   1. Wali ti kodoro ti Sunem afa nyen na e na ndo ti tënë ti yambango agene? (2 aGbia 4:8; Luc 6:38; aRom. 12:13; 1 Jean 3:17).

   2. E lingbi ti sara nzoni bê na awakua ti Nzapa laso tongana nyen? (Kus. 20:35; 28:1, 2; aGal. 6:9, 10; aHéb. 6:10).

Mbaï 69

1. Na lê ti foto ni, kete molenge-wali so ayeke tënë nyen na wali so?

2. Wali wa la ayeke na lê ti foto so? Kete molenge so ayeke sara nyen na da ti wali so?

3. Elisée atokua wakua ti lo ti tene nyen na Naaman? Naaman asara ngonzo ngbanga ti nyen ?

4. Nyen la asi tongana Naaman amä awakua ti lo?

5. Ngbanga ti nyen Elisée ake ti mû matabisi so Naaman aye ti mû na lo? Me Guéhazi asara ti lo nyen?

6. Nyen la asi na Guéhazi nyen? E lingbi ti manda nyen na lege ti ye so asi so?

Ambeni hundango tënë nde:

1. Diko 2 aGbia 5:1-27.

   1. Tongana nyen tapande ti kete molenge-wali ti Israël so alingbi ti kpengba amaseka laso? (2 aGbia 5:3; Ps. 8:3; 148:12, 13).

   2. Tongana a mû wango na e na lege ti Mbeti ti Nzapa, ngbanga ti nyen a yeke nzoni e dabe ti e na tapande ti Naaman? (2 aGbia 5:15; aHéb. 12:5, 6; Jacq. 4:6).

   3. Aye wa e lingbi ti manda tongana e haka tapande ti Elisée na ti Guéhazi? (2 aGbia 5:9, 10, 14-16, 20; Mat. 10:8; Kus. 5:1-5; 2 aCor. 2:17).

Mbaï 70

1. Jonas ayeke zo wa? Jéhovah atene na lo ti sara nyen?

2. Ndali ti so lo ke ti gue na ndo so Jéhovah atene na lo ti gue dä, Jonas asara nyen?

3. Jonas atene na azo ti bateau ni ti sara nyen ti tene kota pupu ni akaï?

4. Tongana ti so mo bâ na lê ti foto ni, nyen la asi tongana Jonas alinda ngu?

5. Jonas asara lango oke na yâ ti kota susu ni? Lo sara nyen kâ?

6. Na peko ti so lo sigigi na yâ ti kota susu ni, Jonas ague na ndo wa? Ye so afa nyen na e?

Ambeni hundango tënë nde:

1. Diko Jonas 1:1-16 na 2:1.

   Na nda ni, tongana nyen Jonas abâ kusala so a mû na lo ti fa tënë na azo ti Ninive? (Jonas 1:2, 3; aProv. 3:7; Zo-ti. 8:12).

2. Diko Jonas 2:2, 3, 11.

   Tongana nyen ye so asi na Jonas apusu e ti duti na kite oko pëpe so Jéhovah ayeke kiri tënë na asambela ti e? (Ps. 22:25; 34:7; 1 Jean 5:14).

3. Diko Jonas 3:1-10.

   1. Atâa so Jonas ake kozo ti sara ye so Jéhovah ahunda na lo, Jéhovah angbâ lakue ti sara kusala na lo. Tongaso, e manda nyen dä so akpengba e? (Ps. 103:14; 1 Pi. 5:10).

   2. Ye so Jonas asara na mbage ti azo ti Ninive afa na e nyen na ndo ti tënë ti fango ngbanga hio na ndo ti azo ti territoire ti e? (Jonas 3:6-9; Zo-ti. 11:6; Kus. 13:48).

Mbaï 71

1. Esaïe ayeke zo wa? Lo duti na fini na ngoi wa? Jéhovah atene nyen na lo?

2. Tënë “paradis” aye ti tene nyen? Ye so adabe ti mo na nyen?

3. Jéhovah atene na Esaïe ti sû nyen na ndo ti fini paradis?

4. Ngbanga ti nyen a tomba lani Adam na Eve na yâ ti pendere ndo ti ala ni?

5. Jéhovah amû yanga ti sara nyen na azo so aye lo?

Ambeni hundango tënë nde:

1. Diko Esaïe 11:6-9.

   1. Tongana nyen Mbeti ti Nzapa afa so siriri ayeke duti ande na popo ti anyama nga na azo na yâ ti fini sese? (Ps. 148:10, 13; Es. 65:25; Ezéch. 34:25).

   2. Tongana nyen atënë ti Esaïe ayeke ga tâ tënë laso na lege ti yingo na popo ti azo ti Jéhovah? (aRom. 12:2; aEph. 4:23, 24).

   3. Tongana azo agbian sarango ye ti ala, atâa laso wala na yâ ti fini sese, gonda ni ayeke gue na zo wa? (Es. 48:17, 18; aGal. 5:22, 23; aPhil. 4:7).

2. Diko Apocalypse 21:3, 4.

   1. Tongana nyen Mbeti ti Nzapa afa so tongana Nzapa aduti na azo na ndo ti sese, a ye ti tene so lo yeke na popo ti ala na lege ti fä, me pëpe so e yeke bâ tâ lo na popo ti e? (Lév. 26:11, 12; 2 Chron. 6:18; Es. 66:1; Apoc. 21:2, 3, 22-24).

   2. Toto wa nga na vundu wa si ayeke hon ande? (Luc 8:49-52; aRom. 8:21, 22; Apoc. 21:4).

Mbaï 72

1. Koli wa la ayeke na lê ti foto so? Nyen la asara si lo yeke na yâ ti kota kpale?

2. Ambeti wa la Ezéchias azia na gbele Nzapa? Ezéchias atene nyen na yâ ti sambela ti lo?

3. Ezéchias ayeke mara ti gbia wa? Jéhovah atene na lo nyen na lege ti prophète Esaïe?

4. Tongana ti so foto ni afa, ange ti Jéhovah asara nyen na azo ti Assyrie?

5. Atâa so royaume ti akete mara use ti Juda aduti na siriri teti mbeni ngoi, nyen la asi na peko ti kuâ ti Ezéchias?

Ambeni hundango tënë nde:

1. Diko 2 aGbia 18:1-36.

   1. Tongana nyen Rabsaké, so afa peko ti yanga ti gbia ti Assyrie, agi ti woko mabe ti azo ti Israël? (2 aGbia 18:19, 21; Ex. 5:2; Ps. 64:4).

   2. Na yâ ti sarango ye ti ala na mbage ti awato ti ala, tongana nyen aTémoin ti Jéhovah ayeke mû tapande ti Ezéchias? (2 aGbia 18:36; Ps. 39:2; aProv. 26:4; 2 Tim. 2:24).

2. Diko 2 aGbia 19:1-37.

   1. Tongana nyen azo ti Jéhovah ayeke sara ye laso tongana Ezéchias na ngoi ti ye ti ngangu? (2 aGbia 19:1, 2; aProv. 3:5, 6; aHéb. 10:24, 25; Jacq. 5:14, 15).

   2. Aye ota wa asi na gbia Sennakérib so asara si lo mû Jérusalem pëpe? Sennakérib aduti fä ti zo wa? (2 aGbia 19:32, 35, 37; Apoc. 20:2, 3).

3. Diko 2 aGbia 21:1-6, 16.

   Ndali ti nyen a lingbi ti tene so Manassé ayeke oko ti agbia ti Jérusalem so asara sioni ahon atanga ni kue? (2 Chron. 33:4-6, 9).

Mbaï 73

1. Josias ayeke lani na ngu oke tongana lo ga gbia? Ye wa lo komanse ti sara na peko ti so lo komande teti ngu mbasambala?

2. Na yâ ti foto na mbage ti wali, Josias ayeke sara nyen?

3. Na ngoi so azo ni ayeke leke temple, kota prêtre ni awara nyen?

4. Ngbanga ti nyen Josias asuru yâ ti bongo ti lo?

5. Tokua wa so alondo na Jéhovah wali-prophète Hulda atene pekoni na Josias?

Ambeni hundango tënë nde:

1. Diko 2 Chronique 34:1-28.

   1. Tapande wa Josias azia na ala so peut-être aye ti ngangu ayeke si na ala mingi na ngoi so ala de molenge? (2 Chron. 33:21-25; 34:1, 2; Ps. 27:10).

   2. Akota ye wa Josias asara na yâ ti ngu 8 ni ti komandema ti lo, na yâ ti ngu 12 ni nga na ngu 18 ni? (2 Chron. 34:3, 8).

   3. Tapande ti gbia Josias na ti kota prêtre Hilkijah afa na e nyen na ndo ti tënë ti batango ando ti vorongo ti e nzoni? (2 Chron. 34:9-13; aProv. 11:14; 1 aCor. 10:31).

Mbaï 74

1. Maseka-koli so ayeke na lê ti foto so ayeke zo wa?

2. Jérémie atene ti lo nyen tongana a iri lo ti ga prophète? Me Jéhovah atene nyen na lo?

3. Tënë wa Jérémie angbâ gi ti fa na azo ni?

4. Tongana nyen aprêtre ni atara ti kanga lege na Jérémie? Me tongana nyen lo fa so mbeto asara lo pëpe?

5. Nyen la asi tongana azo ti Israël ake ti zia lege ti asioni sarango ye ti ala?

Ambeni hundango tënë nde:

1. Diko Jérémie 1:1-8.

   1. Tongana ti so tapande ti Jérémie afa, ye wa ayeke sara si mbeni zo alingbi na kusala ti Jéhovah? (2 aCor. 3:5, 6).

   2. Tapande ti Jérémie akpengba amaseka Chrétien laso tongana nyen? (Zo-ti. 12:3; 1 Tim. 4:12).

2. Diko Jérémie 10:1-5.

   Jérémie asara kusala na kpengba tapande wa ti fa so ti zia bê kue na ayanda ayeke gi ye senge? (Jér. 10:5; Es. 46:7; Hab. 2:19).

3. Diko Jérémie 26:1-16.

   1. Na ngoi so ala yeke fa tënë laso ti gboto mê ti azo, na lege wa tanga ti ala so a sa yingo na ndo ti ala ayeke bata komandema so Jéhovah amû na Jérémie ti “lungula mbeni tënë na yâ ni pëpe”? (Jér. 26:2; Deut. 4:2; Kus. 20:27).

   2. Nzoni tapande wa Jérémie azia na aTémoin ti Jéhovah laso na ndo ti tënë ti fango tënë ti ngbanga ti Jéhovah na azo? (Jér. 26:8, 12, 14, 15; 2 Tim. 4:1-5).

4. Diko 2 aGbia 24:1-17.

   Ye ti vundu wa asi na Juda ngbanga ti so lo ngbâ be-ta-zo na Jéhovah pëpe? (2 aGbia 24:2-4, 14).

Mbaï 75

1. Amaseka-koli osio wa la ayeke na lê ti foto so? Ngbanga ti nyen ala yeke na Babylone?

2. Nébucadnezzar aleke ti sara nyen na amaseka-koli osio so? Lo mû yanga na awakua ti lo ti sara nyen?

3. Daniel ahunda ti tene a mû nyen na lo nga na amba ti lo ota so ti tene ala te na ala nyon?

4. Na peko ti so ala te akugbe ti kasa lango bale-oko, lê ti Daniel na ti amba ti lo ota so aga tongana nyen tongana a haka ni na ti tanga ti amaseka-koli ni?

5. Daniel na amba ti lo ota so asara tongana nyen si ala yeke ge na yâ ti da ti gbia so? Ala hon aprêtre na awandara ni na lege wa?

Ambeni hundango tënë nde:

1. Diko Daniel 1:1-21.

   1. Tongana e ye ti luti na lê ti atara na ti hon ndo ti awokongo ti e, a hunda ti tene e sara ngangu wa? (Dan. 1:8; Gen. 39:7, 10; aGal. 6:9).

   2. Na yâ ti aye wa a lingbi ti tara amaseka laso wala ti pusu ala ti tara ye so ambeni zo abâ ni tongana “nzo kobe”? (Dan. 1:8; aProv. 20:1; 2 aCor. 6:17–7:1).

   3. Mbaï ti Bible na ndo ti amaseka Hébreu osio so amû maboko na e ti gbu nda ti ye wa so andu mandango mbeti? (Dan. 1:20; Es. 54:13; 1 aCor. 3:18-20).

Mbaï 76

1. Nyen la asi na Jérusalem nga na azo ti Israël na lê ti foto so?

2. Ezéchiel ayeke zo wa? Jéhovah afa na lo asioni ye wa?

3. Ndali ti so azo ti Israël akpe mbeto ti Jéhovah pëpe, Jéhovah atene so lo yeke sara nyen?

4. Ye wa gbia Nébucadnezzar asara na peko ti so azo ti Israël alondo ti ke yanga ti lo?

5. Ngbanga ti nyen Jéhovah azia lege si a futi Israël sioni mingi tongaso?

6. A sara tongana nyen si na nda ni zo oko angbâ na sese ti Israël pëpe? Sese ni angbâ gi tongaso teti ngu oke?

Ambeni hundango tënë nde:

1. Diko 2 aGbia 25:1-26.

   1. Sédécias ayeke zo wa? Nyen la asi na lo nyen? Tongana nyen ye so asara si mbeni prophétie ti Bible aga tâ tënë? (2 aGbia 25:5-7; Ezéch. 12:13-15).

   2. Ti Jéhovah, azo wa la ayeke na gunda ti kengo yanga kue ti Israël? (2 aGbia 25:9, 11, 12, 18, 19; 2 Chron. 36:14, 17).

2. Diko Ezéchiel 8:1-18.

   Tongana nyen abungbi ti vorongo so atene ala yeke achrétien asara ye tongana azo ti Israël so giriri avoro lâ? (Ezéch. 8:16; Es. 5:20, 21; Jean 3:19-21; 2 Tim. 4:3).

Mbaï 77

1. Nébucadnezzar, gbia ti Babylone, atene na azo ti sara nyen?

2. Ngbanga ti nyen Sadrac, Mésac na Abed-Négo ake ti voro yanda ti lor ni?

3. Tongana Nébucadnezzar akiri amû lege na aHébreu ota so ti voro yanda ni, aHébreu so afa tongana nyen so ala zia bê ti ala kue na Jéhovah?

4. Nébucadnezzar ahunda na azo ti lo ti sara nyen na Sadrac, Mésac nga na Abed-Négo?

5. Tongana Nébucadnezzar abi lê ti lo na yâ ti four ti wâ ni, lo bâ nyen?

6. Ngbanga ti nyen gbia ni agonda Nzapa ti Sadrac, ti Mésac na ti Abed-Négo? Amaseka so azia tapande wa na e?

Ambeni hundango tënë nde:

1. Diko Daniel 3:1-30.

   1. Sarango ye wa ti amaseka Hébreu ota so a lingbi awakua ti Nzapa kue amû pekoni tongana ala tingbi na atara so andu dutingo be-ta-zo ti ala na Nzapa? (Dan. 3:17, 18; Mat. 10:28; aRom. 14:7, 8).

   2. Kota ye wa Jéhovah Nzapa afa na Nébucadnezzar ti tene lo manda ye dä? (Dan. 3:28, 29; 4:34, 35).

Mbaï 78

1. Tongana gbia ti Babylone asara mbeni kota matanga na lo sara kusala na akopo nga na asembe so a mû ni na yâ ti temple ti Jéhovah na Jérusalem a ga na ni, nyen la asi nyen?

2. Belschazzar atene nyen na awandara ti lo? Me ala wara lege ti sara nyen pëpe?

3. Mama ti gbia ni atene na lo ti sara nyen?

4. Tongana ti so Daniel atene na gbia ni, ngbanga ti nyen Nzapa atokua mbeni maboko ti sara mbeti na tere ti mur?

5. Daniel afa nda ti atënë so a sara na tere ti mur so, lo tene nyen?

6. Nyen la asi nyen na ngoi so Daniel angbâ ti sara tënë?

Ambeni hundango tënë nde:

1. Diko Daniel 5:1-31.

   1. Fa kangbi so ayeke na popo ti sarango mbeto ti Nzapa na mbeto so Belschazzar asara tongana lo bâ maboko so ayeke sara mbeti na tere ti mur so (Dan. 5:6, 7; Ps. 19:10; aRom. 8:35-39).

   2. Tongana nyen Daniel afa so mbeto asara lo oko pëpe na ngoi so lo yeke sara tënë na Belschazzar nga na akota zo ti lo? (Dan. 5:17, 18, 22, 26-28; Kus. 4:29).

   3. Na lege wa Daniel chapitre 5 agboto lê na ndo ti yanga-ti-komande ti Jéhovah ti dunia kue? (Dan. 4:17, 25; 5:21).

Mbaï 79

1. Darius ayeke zo wa? Lo bâ Daniel tongana nyen?

2. Ambeni koli so asara kota bê na tere ti Daniel apusu Darius ti sara nyen?

3. Daniel asara nyen tongana lo mä tënë ti ndia so a lu ni?

4. Ngbanga ti nyen bê ti Darius agi lo mingi si lango akpe na lê ti lo kue? Lo sara nyen tongana ndo ahan?

5. Daniel akiri tënë na Darius, lo tene nyen?

6. A sara nyen na asioni zo so aye lani ti fâ Daniel? Tënë wa Darius asara na mbeti na azo kue ti royaume ti lo?

Ambeni hundango tënë nde:

1. Diko Daniel 6:1-28.

   1. So azo ni agbe lingo ti sara sioni na Daniel adabe ti e tongana nyen na ye so awato asara ti tara ti kanga lege na kusala ti aTémoin ti Jéhovah na ngoi ti laso? (Dan. 6:7; Ps. 94:20; Es. 10:1; aRom. 8:31).

   2. Tongana nyen awakua ti Nzapa laso alingbi ti mû tapande ti Daniel ti ngbâ lakue ti mä yanga ti “azo so akomande ala”? (Dan. 6:5, 10; aRom. 13:1; Kus. 5:29).

   3. Tongana nyen e lingbi ti sara na Jéhovah “lakue” tongana Daniel? (Dan. 6:16, 20; aPhil. 3:16; Apoc. 7:15).

Mbaï 80

1. Na lê ti foto so, azo ti Israël ayeke sara nyen?

2. Tongana nyen Cyrus asara lani si prophétie so Jéhovah atene na lege ti Esaïe aga tâ tënë?

3. Cyrus atene nyen na azo ti Israël so alingbi pëpe ti kiri na Jérusalem?

4. Cyrus amû nyen na azo ni ti tene ala gue na ni na Jérusalem?

5. Azo ti Israël asara nze oke na lege ti kiri na Jérusalem?

6. A sara ngu oke si azo aduti na yâ ti kodoro ni pëpe?

Ambeni hundango tënë nde:

1. Diko Esaïe 44:28 na 45:1-4.

   1. Tongana nyen Jéhovah afa so tënë so lo tene na ndo ti Cyrus ayeke ga biani tâ tënë? (Es. 55:10, 11; aRom. 4:17).

   2. Prophétie ti Esaïe so andu Cyrus afa nyen na ndo ti ngangu ti Jéhovah Nzapa ti fa aye kozoni si a si? (Es. 42:9; 45:21; 46:10, 11; 2 Pi. 1:20).

2. Diko Esdras 1:1-11.

   Na mungo tapande ti ala so awara lege pëpe ti kiri na Jérusalem, tongana nyen e lingbi nga laso ti ‘sara na’ ala so amû kusala ti ngoi kue? (Esdras 1:4, 6; aRom. 12:13; aCol. 4:12).

Mbaï 81

1. Azo oke si asigigi na Babylone ti mû yongoro lege ti kiri na Jérusalem? Me ala bâ nyen na ngoi so ala si kâ?

2. Tongana azo ti Israël asi, ala to nda ti leke nyen? Me awato ti ala asara nyen?

3. Aggée na Zacharie ayeke azo wa? Ala tene nyen na azo ti Israël?

4. Ngbanga ti nyen Thathnaï atokua mbeti na Babylone? A tene nyen na lo?

5. Esdras asara nyen tongana lo mä so a hunda ti kiri ti leke temple ti Nzapa pendere?

6. Na lê ti foto so, Esdras ayeke hunda nyen na yâ ti sambela ti lo? Tongana nyen Nzapa afa so lo mä sambela ni? Ye so afa nyen na e?

Ambeni hundango tënë nde:

1. Diko Esdras 3:1-13.

   Tongana a si so e yeke na mbeni ndo so kongregation oko ayeke dä pëpe, a lingbi e ngbâ lakue ti sara nyen? (Esdras 3:3, 6; Kus. 17:16, 17; aHéb. 13:15).

2. Diko Esdras 4:1-7.

   Tapande wa Zorobabel azia na azo ti Jéhovah na ndo ti tënë ti sarango beoko na ambeni nzapa nde? (Ex. 34:12; 1 aCor. 15:33; 2 aCor. 6:14-17).

3. Diko Esdras 5:1-5, 17 na 6:1-22.

   1. Ngbanga ti nyen awato atara ti kanga lege na kusala ti lekengo temple ni gbä? (Esdras 5:5; Es. 54:17).

   2. Tongana nyen sarango ye ti a-ancien ti aJuif apusu a-ancien laso ti gi fango lege ti Jéhovah tongana ala tingbi na awato? (Esdras 6:14; Ps. 32:8; aRom. 8:31; Jacq. 1:5).

4. Diko Esdras 8:21-23, 28-36.

   Nyen la Esdras asara so a yeke nzoni e mû pekoni kozoni si e sara mbeni ye? (Esdras 8:23; Ps. 127:1; aProv. 10:22; Jacq. 4:13-15).

Mbaï 82

1. Mardochée na Esther ayeke azo wa?

2. Ngbanga ti nyen gbia Assuérus aye ti mû mbeni wali nde? Lo mû zo wa?

3. Haman ayeke zo wa? Nyen la azia ngonzo mingi na bê ti lo?

4. A lu ndia wa? Esther asara nyen na peko ti so lo wara mbeni mbeti so alondo na Mardochée?

5. Nyen la asi na Haman? Nyen la asi na Mardochée?

6. A sara nyen ti sö azo ti Israël na tïtî awato ti ala?

Ambeni hundango tënë nde:

1. Diko Esther 2:12-18.

   Tongana nyen Esther afa so a yeke kota ye ti duti na “yingo ti tâ be-ti-molenge na ti siriri”? (Esther 2:15; 1 Pi. 3:1-5).

2. Diko Esther 4:1-17.

   Legeoko tongana ti so lege azi na Esther ti sara ye ndali ti tâ vorongo, lege wa azi nga na e laso ti fa so e mû tere ti e na Jéhovah na e yeke be-ta-zo na lo? (Esther 4:13, 14; Mat. 5:14-16; 24:14).

3. Diko Esther 7:1-6.

   Tongana ti so Esther asara giriri, tongana nyen a yeke gi ti sara ngangu na awakua ti Nzapa mingi laso? (Esther 7:4; Mat. 10:16-22; 1 Pi. 2:12).

Mbaï 83

1. So gbagba angoro Jérusalem pëpe, azo ti Israël abâ tere ti ala lani tongana nyen?

2. Néhémie ayeke zo wa?

3. Néhémie ayeke sara kua ti nyen? Ngbanga ti nyen a yeke mbeni kota kua?

4. Tënë wa azia vundu na bê ti Néhémie? Lo sara nyen?

5. Tongana nyen gbia Artaxerxès asara nzoni na Néhémie?

6. Néhémie aleke yâ ti kusala ti lekengo gbagba ni tongana nyen ti tene awato ti Israël akanga lege na ni pëpe?

Ambeni hundango tënë nde:

1. Diko Néhémie 1:4-6 na 2:1-20.

   Tongana nyen Néhémie agi ti tene Jéhovah afa lege na lo? (Néh. 2:4, 5; aRom. 12:12; 1 Pi. 4:7).

2. Diko Néhémie 3:3-5.

   A-ancien na aserviteur ti mungo maboko alingbi ti manda nyen na lege ti kangbi so ayeke na popo ti azo ti kodoro ti Tekoa na “akota zo ti ala”? (Néh. 3:5, 27; 2 aThes. 3:7-10; 1 Pi. 5:5).

3. Diko Néhémie 4:1-23.

   1. Nyen la apusu lani azo ti Israël ti ngbâ ti leke gbagba ni atâa so a gi ti kanga lege ngangu na ala? (Néh. 4:6, 8, 9; Ps. 50:15; Es. 65:13, 14).

   2. Tapande ti azo ti Israël akpengba e laso tongana nyen?

4. Diko Néhémie 6:15.

   Tongana nyen hunzingo gbagba ti Jérusalem gi na yâ ti nze use afa na gigi ngangu so mabe ayeke na ni? (Ps. 56:4, 5; Mat. 17:20; 19:26).

Mbaï 84

1. Wali so na lê ti foto so ayeke zo wa?

2. Gabriel atene nyen na Marie?

3. Tongana nyen Gabriel afa na Marie so lo yeke dü ande molenge atâa so lo de ti duti na koli pëpe?

4. Tongana Marie ague abâ Elisabeth, nyen la asi nyen?

5. Joseph aye ti sara nyen tongana lo mä so Marie ayeke na ngo? Ngbanga ti nyen lo sara tongaso pëpe?

Ambeni hundango tënë nde:

1. Diko Luc 1:26-56.

   1. Na ngoi so a yeke mû fini ti Molenge ti Nzapa na yayu kâ ti zia ni na yâ ti Marie, Luc 1:35 afa nyen na ndo ti siokpari kue so ayeke na yâ ti para ti Marie so Jésus ague ti duti dä? (Ag. 2:11-13; Jean 6:69; aHéb. 7:26; 10:5).

   2. Tongana nyen a ne Jésus kozoni même si a dü lo? (Luc 1:41-43).

   3. Nzoni tapande wa Marie azia na aChrétien laso so awara ambeni pendere kusala na yâ ti bungbi ti Jéhovah? (Luc 1:38, 46-49; 17:10; aProv. 11:2).

2. Diko Matthieu 1:18-25.

   Atâa so a zia iri “Emmanuel” na li ti Jésus pëpe, tongana nyen kusala so lo sara na sese ge ague oko na nda ti iri so? (Mat. 1:22, 23; Jean 14:8-10; aHéb. 1:1-3).

Mbaï 85

1. Kete bébé wa la ayeke na lê ti foto so? Marie ayeke zia lo ti lango na ndo ti nyen?

2. Ngbanga ti nyen a dü Jésus na yâ ti da so ayeke bata anyama dä?

3. Na lê ti foto ni, akoli so ayeke lï na yâ ti da ni ayeke azo wa? Tënë wa mbeni ange atene na ala kozo?

4. Ngbanga ti nyen Jésus ayeke nde mingi?

5. Ngbanga ti nyen a lingbi ti iri Jésus Molenge ti Nzapa?

Ambeni hundango tënë nde:

1. Diko Luc 2:1-20.

   1. César Auguste asara nyen si prophétie so andu dungo Jésus aga tâ tënë? (Luc 2:1-4; Mi. 5:1).

   2. Tongana nyen mbeni zo alingbi ti duti na popo ti ala so a tene ala ‘mû ngia na [Nzapa]’? (Luc 2:14; Mat. 16:24; Jean 17:3; Kus. 3:19; aHéb. 11:6).

   3. Asenge zo ti batango ataba ti Judée so aduti lani na ngia ti bâ so a dü mbeni Sauveur. Ka ti awakua ti Nzapa laso, ala yeke na kota ngia ngbanga ti nyen? (Luc 2:10, 11; aEph. 3:8, 9; Apoc. 11:15; 14:6).

Mbaï 86

1. Azo wa la ayeke na lê ti foto so? Ngbanga ti nyen mbeni oko ayeke fa zango tongoro so?

2. Ngbanga ti nyen bê ti gbia Hérode aso? Lo sara nyen?

3. Zango tongoro so ague na akoli so juska na ndo wa? Me ngbanga ti nyen ala kiri na kodoro ti ala na mbeni lege nde?

4. Hérode amû yanga ti tene a sara nyen? Ngbanga ti nyen lo hunda tongaso?

5. Jéhovah atene na Joseph ti sara nyen?

6. Zo wa la asara si fini tongoro so aza ngangu? Lo sara tongaso ngbanga ti nyen?

Ambeni hundango tënë nde:

1. Diko Matthieu 2:1-23.

   Na ngoi so awandara aga ti bâ Jésus, lo yeke na ngu oke? Lo yeke lani na ndo wa? (Mat. 2:1, 11, 16).

Mbaï 87

1. Na lê ti foto so, Jésus ayeke na ngu oke? Lo yeke na ndo wa?

2. Ngu oko oko, Joseph na sewa ti lo ayeke sara nyen?

3. Tongana ala sara lango oko na lege awe ti kiri na ndo ti ala, ngbanga ti nyen Joseph na Marie akiri na Jérusalem?

4. Joseph na Marie awara Jésus na ndo wa? Ngbanga ti nyen bê ti azo so ayeke mä Jésus adö?

5. Jésus atene nyen na mama ti lo Marie?

6. Tongana nyen e lingbi ti manda ye na ndo ti Nzapa legeoko tongana Jésus?

Ambeni hundango tënë nde:

1. Diko Luc 2:41-52.

   1. Atâa so Ndia ti Moïse ahunda lani ti tene gi akoli si aga na amatanga so a sara ni ngu oko oko, nzoni tapande wa Joseph na Marie azia na ababâ na amama laso? (Luc 2:41; Deut. 16:16; 31:12; aProv. 22:6).

   2. Nzoni tapande wa ti mango yanga ti ababâ na amama Jésus azia na amolenge laso? (Luc 2:51; Deut. 5:16; aProv. 23:22; aCol. 3:20).

2. Diko Matthieu 13:53-56.

   Fa iri ti aita ti Jésus osio ti koli so Marie adü ala na peko ti Jésus, so Bible asara tënë ti ala. Use na popo ti ala asara kusala wa na pekoni na yâ ti kongregation ti aChrétien? (Mat. 13:55; Kus. 12:17; 15:6, 13; 21:18; aGal. 1:19; Jacq. 1:1; Jude 1).

Mbaï 88

1. Akoli use so ayeke na lê ti foto so ayeke azo wa?

2. A yeke batize zo tongana nyen?

3. Azo wa si Jean ayeke batize ka ala?

4. Ndali ti nyen si Jésus ahunda na Jean ti batize lo?

5. Tongana nyen Nzapa afa so lo yeda na batême ti Jésus?

6. Nyen la asi tongana Jésus ague na mbeni ndo so zo oko ayeke dä pëpe teti lango 40?

7. Fa iri ti ambeni kozo disciple ti Jésus, nga kozo miracle so Jésus asara.

Ambeni hundango tënë nde:

1. Diko Matthieu 3:13-17.

   Tapande wa Jésus azia so andu batême ti adisciple ti lo? (Ps. 40:8, 9; Mat. 28:19, 20; Luc 3:21, 22).

2. Diko Matthieu 4:1-11.

   Tongana nyen lege so Jésus asara kusala na kode na Mbeti ti Nzapa apusu e ti manda Bible lakue? (Mat. 4:5-7; 2 Pi. 3:17, 18; 1 Jean 4:1).

3. Diko Jean 1:29-51.

   Jean Baptiste ahunda na adisciple ti lo ti mû peko ti zo wa? Tongana nyen e lingbi ti mû tapande ti lo laso? (Jean 1:29, 35, 36; 3:30; Mat. 23:10).

4. Diko Jean 2:1-12.

   Tongana nyen kozo miracle ti Jésus afa so Jéhovah ayeke gbanzi anzoni ye na awakua ti lo pëpe? (Jean 2:9, 10; Ps. 84:12; Jacq. 1:17).

Mbaï 89

1. Ngbanga ti nyen a yeke kä anyama na yâ ti temple?

2. Ngonzo agbu Jésus ndali ti nyen?

3. Tongana ti so mo bâ na lê ti foto ni, Jésus asara nyen? Lo tene nyen na azo ti kango andeke?

4. Tongana adisciple ti Jésus abâ ye so lo yeke sara, ala dabe ti ala na nyen?

5. Tongana Jésus ayeke na lege ti kiri na Galilée, lo hon na yâ ti kodoro wa?

Mbeni hundango tënë nde:

1. Diko Jean 2:13-25.

   Na bango ngonzo so Jésus asara na tere ti azo so ayeke changé nginza na yâ ti temple, nzoni bango ndo wa a lingbi e duti na ni na ndo ti akusala ti dengo buze na yâ ti Da ti Royaume? (Jean 2:15, 16; 1 aCor. 10:24, 31-33).

Mbaï 90

1. Ngbanga ti nyen Jésus aluti na tere ti mbeni dungu na sese ti Samarie? Tënë ti nyen lo yeke tene na mbeni wali kâ?

2. Ngbanga ti nyen bê ti wali ni adö? Jésus atene nyen na lo? Lo tene tongaso ngbanga ti nyen?

3. Tongana Jésus asara tënë ti ngu na lo, wali ni apensé ti lo na ngu wa? Me Jésus ayeke sara ti lo tënë ti ngu wa?

4. Ngbanga ti nyen bê ti wali ni adö na aye kue so Jésus ahinga na ndo ti lo? Jésus ahinga atënë so kue tongana nyen?

5. E lingbi ti manda nyen na ndo ti mbaï ti wali so?

Ambeni hundango tënë nde:

1. Diko Jean 4:5-43.

   1. Na tapande ti Jésus, a lingbi e duti na bango ndo wa na mbage ti azo so mara ti ala wala ndo so ala londo dä ayeke nde na ti e? (Jean 4:9; 1 aCor. 9:22; 1 Tim. 2:3, 4; Tite 2:11).

   2. Aye ti nzoni wa ala so aga adisciple ti Jésus ayeke wara na lege ti yingo? (Jean 4:14; Es. 58:11; 2 aCor. 4:16).

   3. Tongana nyen e lingbi ti fa bê ti kiri singila tongana ti wali ti Samarie so aduti nduru ti kangbi na amba ti lo ye so lo manda? (Jean 4:7, 28; Mat. 6:33; Luc 10:40-42).

Mbaï 91

1. Na lê ti foto so, Jésus ayeke fa ye na ndo wa? Azo wa la aduti tâ gi nduru na tere ti lo so?

2. Iri ti abazengele 12 ti Jésus ayeke nyen?

3. Royaume so Jésus ayeke fa tënë ni ayeke nyen?

4. Jésus afa na azo ti sambela teti aye wa?

5. Jésus atene a lingbi azo asara ye tongana nyen na popo ti ala?

Ambeni hundango tënë nde:

1. Diko Matthieu 5:1-12.

   Tongana nyen e lingbi ti fa so e hinga e tene aye ti yingo atia e? (Mat. 5:3; aRom. 10:13-15; 1 Tim. 4:13, 15, 16).

2. Diko Matthieu 5:21-26.

   Tongana nyen Matthieu 5:23, 24 afa so songo ti e na aita ti e ayeke sara ye na ndo ti songo ti e na Jéhovah? (Mat. 6:14, 15; Ps. 133:1; aCol. 3:13; 1 Jean 4:20).

3. Diko Matthieu 6:1-8.

   Fa ambeni lege so zo alingbi ti bâ tere ti lo so lo yeke mbilimbili ahon amba ti lo me so a lingbi aChrétien akpe ni (Luc 18:11, 12; 1 aCor. 4:6, 7; 2 aCor. 9:7).

4. Diko Matthieu 6:25-34.

   Jésus afa nyen na ndo ti nene ti zia bê kue na Jéhovah ti wara aye na lege ti mitele? (Ex. 16:4; Ps. 37:25; aPhil. 4:6).

5. Diko Matthieu 7:1-11.

   Kpengba tënë so e wara na Matthieu 7:5 afa nyen na e? (aProv. 26:12; aRom. 2:1; 14:10; Jacq. 4:11, 12).

Mbaï 92

1. Zo wa la ayeke babâ ti molenge-wali so ayeke na lê ti foto so? Lo na wali ti lo agi bê ti ala fade ngbanga ti nyen?

2. Jaïrus asara nyen tongana lo wara Jésus?

3. Tongana Jésus ayeke gue na da ti Jaïrus, nyen la asi na lo na lege? Tënë wa a tene na Jaïrus na lege?

4. Ngbanga ti nyen azo so ayeke na yâ ti da ti Jaïrus ahe Jésus?

5. Na peko ti so Jésus amû abazengele ti lo ota, nga babâ na mama ti molenge-wali ni, na lo lï na ala na yâ ti chambre ti molenge ni, lo sara nyen?

6. Jésus azingo nga azo wa na kuâ? Ye so afa nyen?

Ambeni hundango tënë nde:

1. Diko Luc 8:40-56.

   Tongana nyen Jésus asara ye na nzoni bê na wali so kobela ti mênë asara lo, nga lo fa so lo hinga pasi ti wali ni? Ye wa a-ancien alingbi ti manda dä laso? (Luc 8:43, 44, 47, 48; Lév. 15:25-27; Mat. 9:12, 13; aCol. 3:12-14).

2. Diko Luc 7:11-17.

   Ngbanga ti nyen tënë so Jésus atene na womua ti Naïn alingbi ti dë bê ti azo so ambeni zo ti ala akui awe? (Luc 7:13; 2 aCor. 1:3, 4; aHéb. 4:15).

3. Diko Jean 11:17-44.

   Tongana nyen Jésus afa so a yeke na lege ni ti sara vundu na ndo ti kuâ ti mbeni zo ti e so e ye lo mingi? (Jean 11:33-36, 38; 2 Sam. 18:33; 19:1-4).

Mbaï 93

1. Sioni ye wa asi na Jean Baptiste? Ye so asara nyen na ndo ti Jésus?

2. Jésus asara nyen ti mû kobe na gbâ ti azo so amû peko ti lo so? A ro tanga ti kobe ni a si sakpa oke?

3. Tongana a si na bï, ngbanga ti nyen mbeto asara adisciple? Nyen la asi na Pierre nyen?

4. Jésus asara tongana nyen ti mû kobe ti fani use ni na azo saki mingi?

5. Ngbanga ti nyen aye ayeke duti ande pendere mingi tongana Jésus ayeke komande na ndo ti sese tongana Gbia?

Ambeni hundango tënë nde:

1. Diko Matthieu 14:1-32.

   1. Mbaï so ayeke na Matthieu 14:23-32 amû lege ti hinga nyen na ndo ti sarango ye ti Pierre?

   2. Tongana nyen Mbeti ti Nzapa afa so Pierre aga biazo, na lo zia awe lege ti sarango ye ti lo so lo yeke sara ka gi hio hio so? (Mat. 14:27-30; Jean 18:10; 21:7; Kus. 2:14, 37-40; 1 Pi. 5:6, 10).

2. Diko Matthieu 15:29-38.

   Tongana nyen Jésus afa so lo bâ na nene ni aye so Babâ ti lo amû ni na lege ti mitele? (Mat. 15:37; Jean 6:12; aCol. 3:15).

3. Diko Jean 6:1-21.

   Tongana nyen aChrétien alingbi laso ti mû tapande ti Jésus na ndo ti tënë ti mango yanga ti azo ti komande? (Jean 6:15; Mat. 22:21; aRom. 12:2; 13:1-4).

Mbaï 94

1. Tongana ala londo na mbeni yongoro tambela ti kiri, abazengele ti Jésus apapa fade na ndo ti nyen na lege?

2. Ngbanga ti nyen Jésus airi mbeni kete molenge na Lo zia lo na gbele abazengele ti Lo?

3. Na yâ ti ye wa a lingbi abazengele ni amanda ti sara ye tongana amolenge?

4. Anze kete na pekoni, tongana nyen Jésus afa so lo ndoye amolenge?

Ambeni hundango tënë nde:

1. Diko Matthieu 18:1-4.

   Ngbanga ti nyen Jésus asara kusala na atapande ti fa ye na azo? (Mat. 13:34, 36; Marc 4:33, 34).

2. Diko Matthieu 19:13-15.

   Asarango ye wa, so akete molenge ayeke na ni, a lingbi e mû tapande ni tongana e ye ti wara anzoni ye so Royaume ti Nzapa ayeke ga na ni? (Ps. 25:9; 138:6; 1 aCor. 14:20).

3. Diko Marc 9:33-37.

   Ye wa Jésus afa na adisciple ti lo na ndo ti nzara ti warango kota ndo? (Marc 9:35; Mat. 20:25, 26; aGal. 6:3; aPhil. 2:5-8).

4. Diko Marc 10:13-16.

   A yeke lani ngangu na azo ti pusu nduru na Jésus? Ye wa a-ancien alingbi ti manda na ndo ti tapande ti lo? (Marc 6:30-34; aPhil. 2:1-4; 1 Tim. 4:12).

Mbaï 95

1. Tënë wa mbeni koli ahunda na Jésus? Lo hunda tënë so ngbanga ti nyen?

2. Ngoi na ngoi, Jésus ayeke sara kusala na nyen ti fa ye na azo? Nyen la e manda awe na ndo ti aJuif nga na azo ti Samarie?

3. Na yâ ti tapande so Jésus amû, nyen la asi na mbeni Juif tongana lo yeke na lege ti gue na Jéricho?

4. Nyen la mbeni prêtre so ayeke Juif na mbeni zo ti mara ti Lévi asara tongana ala yeke hon na lege ni?

5. Na lê ti foto ni, zo wa la ayeke mû maboko na Juif so azo ti nzi apika lo so?

6. Tongana Jésus ahunzi tënë ti lo awe, lo hunda tënë wa na koli ni? Koli ni akiri tënë, lo tene nyen?

Ambeni hundango tënë nde:

1. Diko Luc 10:25-37.

   1. Ahon ti kiri tënë gi na hundango tënë ti lo ni, tongana nyen Jésus amû maboko na mbeni zo so ahinga Ndia ti Moïse mingi ti gbu li na ndo ti mbeni tënë? (Luc 10:26; Mat. 16:13-16).

   2. Tongana nyen Jésus asara lani kusala na atapande ti tene ala so amä lo aduti na sioni bango ndo pëpe na ndo ti amba ti ala? (Luc 10:36, 37; 18:9-14; Tite 1:9).

Mbaï 96

1. Jésus asara nyen tongana lo yeke tambela na yâ ti akodoro nde nde?

2. Angu ota tongaso na peko ti batême ti lo, Jésus atene nyen na abazengele ti lo?

3. Azo wa la ayeke na lê ti foto so? Jésus asara nyen na wali ni?

4. Ngbanga ti nyen kiringo tënë ti Jésus abi kamene na lê ti awato ti lo?

5. Tongana Jésus na abazengele ti lo asigigi na Jéricho, Jésus asara nyen na azo ti iringo ye use so lê ti ala abuba?

6. Ngbanga ti nyen Jésus asara amiracle?

Ambeni hundango tënë nde:

1. Diko Matthieu 15:30, 31.

   Tongana nyen Jéhovah afa pendere mingi ngangu so lo yeke na ni na lege ti Jésus? Tongana nyen a lingbi ye so asara ngangu na ndo ti gbungo nda ti ye ti e na ndo zendo ti fini sese so Jéhovah amû? (Ps. 37:29; Es. 33:24).

2. Diko Luc 13:10-17.

   Na lege wa ambeni kota miracle so Jésus asara na lâ ti Sabbat afa mara ti dengo bê so lo yeke ga na ni ande na azo na ngoi ti Komandema ti lo ti Ngu Saki Oko? (Luc 13:10-13; Ps. 46:10; Mat. 12:8; aCol. 2:16, 17; Apoc. 21:1-4).

3. Diko Matthieu 20:29-34.

   Tongana nyen mbaï so afa so atâa so Jésus ayeke na akusala mingi ti sara, lo yeke lakue nduru ti mû maboko na azo? E lingbi ti manda nyen na lege ti ye so? (Deut. 15:7; Jacq. 2:15, 16; 1 Jean 3:17).

Mbaï 97

1. Tongana Jésus asi na mbeni kete kodoro nduru na Jérusalem, lo tene na adisciple ti lo ti sara nyen?

2. Na lê ti foto ni, nyen la asi tongana Jésus aga nduru na gbata ti Jérusalem?

3. Tongana akete molenge abâ so Jésus azi lê ti azo nga lo sava azo so mbeni mbage ti tere ti ala abuba, ala sara nyen?

4. Jésus atene nyen na aprêtre so ngonzo agbu ala?

5. Tongana nyen e lingbi ti sara ye tongana amolenge so agonda Jésus?

6. Adisciple aye ti hinga nyen?

Ambeni hundango tënë nde:

1. Diko Matthieu 21:1-17.

   1. Tongana nyen lingo ti Jésus tongana Gbia na Jérusalem ayeke nde na sarango ye ti aturugu ti kota kamba ti Rome so ahon awato ti ala na ngangu? (Mat. 21:4, 5; Zach. 9:9; aPhil. 2:5-8; aCol. 2:15).

   2. Amolenge alingbi ti manda nyen na mbage ti amolenge ti Israël so atene peko ti atënë so ayeke na Psaume 118 na ngoi so Jésus alï na temple? (Mat. 21:9, 15; Ps. 118:25, 26; 2 Tim. 3:15; 2 Pi. 3:18).

2. Diko Jean 12:12-16.

   So azo asepela Jésus na amaboko ti keke ti mburu aduti fä ti nyen? (Jean 12:13; aPhil. 2:10; Apoc. 7:9, 10).

Mbaï 98

1. Na lê ti foto so, Jésus ayeke lo so wa? Azo wa la ayeke na tere ti lo so?

2. Aprêtre atara ti sara nyen na Jésus na yâ ti temple? Jésus atene nyen na ala?

3. Abazengele ahunda nyen na Jésus?

4. Ngbanga ti nyen Jésus afa na abazengele ti lo ambeni ye so ayeke si ande na ndo ti sese na ngoi so lo yeke komande tongana Gbia na yayu?

5. Aye wa Jésus atene ayeke si kozoni si lo zi aye ti sioni kue na ndo ti sese?

Ambeni hundango tënë nde:

1. Diko Matthieu 23:1-39.

   1. Mbeti ti Nzapa afa so a lingbi ti duti na lege ni ti iri ambeni zo na ambeni iri so afa kota kamba ti kusala ti ala. Atâa so kue, atënë ti Jésus na Matthieu 23:8-11 afa nyen na ndo ti mungo a-iri so ayä zo na nduzu na yâ ti kongregation? (Kus. 26:25; aRom. 13:7; 1 Pi. 2:13, 14).

   2. A-Farizien asara kusala na nyen ti gi ti kanga lege na azo ti ga aChrétien? Tongana nyen amokonzi-nzapa ti ngoi ti laso asara kusala na a-oko mara ti kode so? (Mat. 23:13; Luc 11:52; Jean 9:22; 12:42; 1 aThes. 2:16).

2. Diko Matthieu 24:1-14.

   1. Tongana nyen Matthieu 24:13 afa nene ti gbu ngangu?

   2. Tënë “nda ni” na Matthieu 24:13 aye ti tene nyen? (Mat. 16:27; aRom. 14:10-12; 2 aCor. 5:10).

3. Diko Marc 13:3-10.

   Tënë wa na Marc 13:10 afa so a yeke kota ye ti fa tënë laso? A lingbi atënë ti Jésus asara ngangu na ndo ti e tongana nyen? (aRom. 13:11, 12; 1 aCor. 7:29-31; 2 Tim. 4:2).

Mbaï 99

1. Tongana ti so foto ni afa, ngbanga ti nyen Jésus na abazengele ti lo 12 ayeke na yâ ti da so?

2. Zo wa la ayeke sigigi so? Lo yeke gue ti sara nyen?

3. Na peko ti so ala hunzi ti te kobe ti Pâque, kobe wa, so ayeke ti lo nde, Jésus ato nda ti te na abazengele ti lo?

4. Pâque adabe ti azo ti Israël na nyen? Me kobe so abazengele ate na peko ti Pâque ni adabe ti ala na nyen?

5. Na peko ti so ala hunzi ti te Kobe ti Seigneur, Jésus atene nyen na abazengele ti lo? Ala sara nyen?

Ambeni hundango tënë nde:

1. Diko Matthieu 26:14-30.

   1. Tongana nyen Matthieu 26:15 afa so Judas lo wani na bê ti lo la ague akä Jésus?

   2. Mênë ti Jésus so ayuru amû lege ti sara aye use wa? (Mat. 26:27, 28; Jér. 31:31-33; aEph. 1:7; aHéb. 9:19, 20).

2. Diko Luc 22:1-39.

   Tongana nyen la Satan alï na yâ ti Judas? (Luc 22:3; Jean 13:2; Kus. 1:24, 25).

3. Diko Jean 13:1-20.

   1. Tongana a bâ tënë so ayeke na Jean 13:2, a lingbi ti tene so tënë ayeke na li ti Judas teti ye so lo sara? Awakua ti Nzapa alingbi ti manda nyen ge? (Gen. 4:7; 2 aCor. 2:11; aGal. 6:1; Jacq. 1:13, 14).

   2. Ye so Jésus asara afa kota ye ti manda wa? (Jean 13:15; Mat. 23:11; 1 Pi. 2:21).

4. Diko Jean 17:1-26.

   So Jésus asambela ti tene adisciple ti lo ‘aga oko’, lo ye ti tene nyen? (Jean 17:11, 21-23; aRom. 13:8; 14:19; aCol. 3:14).

Mbaï 100

1. Tongana Jésus na abazengele ti lo asigigi na da ni awe, ala gue na ndo wa? Jésus atene na ala ti sara nyen?

2. Tongana Jésus akiri na ndo so abazengele ni ayeke dä, lo bâ ala yeke sara nyen? Ye so asi fani oke?

3. Zo wa la aga na mbage ti Jésus, zo wa? Tongana ti so foto ni afa, Judas Iscariote asara nyen?

4. Ngbanga ti nyen Judas asu ngbangba ti Jésus? Pierre asara nyen?

5. Jésus atene nyen na Pierre? Me ngbanga ti nyen Jésus ake ti hunda na Babâ ti lo ti tokua a-ange?

Ambeni hundango tënë nde:

1. Diko Matthieu 26:36-56.

   1. Lege so Jésus amû lani wango na adisciple ti lo aduti nzoni tapande teti a-ancien laso tongana nyen? (Mat. 20:25-28; 26:40, 41; aGal. 5:17; aEph. 4:29, 31, 32).

   2. Tongana nyen Jésus abâ mungo aye ti bira ti sara sioni na mba ti mo zo? (Mat. 26:52; Luc 6:27, 28; Jean 18:36).

2. Diko Luc 22:39-53.

   Tongana mbeni ange asi na Jésus na yaka ti Gethsémané ti kpengba lo, ye so aye ti fa so mabe ti Jésus atara ti woko lani? Fa nda ni (Luc 22:41-43; Es. 49:8; Mat. 4:10, 11; aHéb. 5:7).

3. Diko Jean 18:1-12.

   Jésus asara nyen ti tene awato ti lo asara sioni na adisciple ti lo pëpe? E lingbi ti manda nyen na lege ti tapande so? (Jean 10:11, 12; 18:1, 6-9; aHéb. 13:6; Jacq. 2:25).

Mbaï 101

1. Zo wa la ayeke mbilimbili na gunda ti kuâ ti Jésus?

2. Abazengele asara nyen tongana amokonzi-nzapa agbu Jésus ti hon na lo?

3. Nyen la asi kâ na da ti kota prêtre Caïphe?

4. Ngbanga ti nyen Pierre asigigi na lo toto mingi?

5. Na peko ti so a gue na Jésus na Pilate, aprêtre adekongo, ala tene nyen?

6. Azo asara nyen na Jésus na lango ti vendredi na peko ti midi? Jésus atene nyen na mbeni sioni zo so akanga lo na tere ti lo?

7. Paradis so Jésus asara tënë ni ayeke duti ande na ndo wa?

Ambeni hundango tënë nde:

1. Diko Matthieu 26:57-75.

   Tongana nyen azo ti kota da-ngbanga ti aJuif afa so bê ti ala ayeke sioni? (Mat. 26:59, 67, 68).

2. Diko Matthieu 27:1-50.

   Ngbanga ti nyen e lingbi ti tene so vundu so Judas asara alondo tâ biani na bê ti lo pëpe? (Mat. 27:3, 4; Marc 3:29; 14:21; 2 aCor. 7:10, 11).

3. Diko Luc 22:54-71.

   So Pierre abere lo tene lo hinga Jésus pëpe na bï so a kä Jésus na a gbu lo, e lingbi ti manda nyen dä? (Luc 22:60-62; Mat. 26:31-35; 1 aCor. 10:12).

4. Diko Luc 23:1-49.

   Jésus asara ye tongana nyen na gbele sioni so a sara na lo? E lingbi ti manda nyen dä? (Luc 23:33, 34; aRom. 12:17-19; 1 Pi. 2:23).

5. Diko Jean 18:12-40.

   Atâa so mbeto ti azo ahon ndo ti Pierre lani kete, lo kiri lo ga mbeni kpengba bazengele. Ye so afa nyen na e? (Jean 18:25-27; 1 aCor. 4:2; 1 Pi. 3:14, 15; 5:8, 9).

6. Diko Jean 19:1-30.

   1. Nzoni bango ndo wa Jésus ayeke lani na ni na mbage ti aye ti mitele? (Jean 2:1, 2, 9, 10; 19:23, 24; Mat. 6:31, 32; 8:20).

   2. Atënë so Jésus atene kozoni si lo kui afa so lo sö benda na so lo mû mbage ti yanga-ti-komande ti Jéhovah tongana nyen? (Jean 16:33; 19:30; 2 Pi. 3:14; 1 Jean 5:4).

Mbaï 102

1. Wali so ayeke na lê ti foto so ayeke zo wa? Akoli use so ayeke azo wa? Ala yeke na ndo wa la?

2. Ngbanga ti nyen Pilate atene na aprêtre ti tokua aturugu ti bata yanga ti dû so a zia kuâ ti Jésus dä?

3. Tongana ndo ahan awe na lango ota ti peko ti kuâ ti Jésus, mbeni ange asara nyen? Me aprêtre ni asara nyen?

4. Ngbanga ti nyen bê ti ambeni wali so aga ti bâ dû so a zia kuâ ti Jésus dä adö?

5. Ngbanga ti nyen Pierre na Jean akpe loro juska na dû so a zia kuâ ti Jésus dä? Ala bâ nyen kâ?

6. Nyen la asi na kuâ ti Jésus? Me lo sara nyen ti fa na adisciple ti lo so lo kiri na fini?

Ambeni hundango tënë nde:

1. Diko Matthieu 27:62-66 na 28:1-15.

   Na peko ti so Jésus azingo na kuâ, tongana nyen aprêtre, aFarizien na a-ancien ti aJuif asara siokpari na tere ti yingo vulu? (Mat. 12:24, 31, 32; 28:11-15).

2. Diko Luc 24:1-12.

   Tongana nyen mbaï ti zingongo ti Jésus na kuâ afa so Jéhovah abâ awali tongana atémoin so a lingbi ti zia bê kue na ala? (Luc 24:4, 9, 10; Mat. 28:1-7).

3. Diko Jean 20:1-12.

   Tongana nyen Jean 20:8, 9 amû maboko na e ti bâ so a yeke kota ye ti kanga bê ti e ti ku tongana e hinga mbilimbili kue pëpe tongana nyen mbeni prophétie ti Bible ayeke ga tâ tënë? (aProv. 4:18; Mat. 17:22, 23; Luc 24:5-8; Jean 16:12).

Mbaï 103

1. Marie atene nyen na mbeni koli so lo pensé a yeke zo ti lekengo ndo so a lu azo dä? Me nyen la asi so apusu lo ti bâ so biani a yeke Jésus la?

2. Nyen la asi na adisciple use so ayeke tambela na lege ti gue na kodoro ti Emmaüs?

3. Ye ti dongo bê wa asi tongana adisciple use atene na abazengele so ala bâ fade Jésus?

4. Jésus afa tere ti lo na adisciple ti lo fani oke?

5. Thomas atene nyen tongana lo mä so adisciple abâ Seigneur? Me nyen la asi lango miombe na pekoni?

Ambeni hundango tënë nde:

1. Diko Jean 20:11-29.

   Na Jean 20:23, Jésus aye ti tene so a mû lege na azo ti pardone asiokpari? Fa nda ni (Ps. 49:3, 8; Es. 55:7; 1 Tim. 2:5, 6; 1 Jean 2:1, 2).

2. Diko Luc 24:13-43.

   Tongana nyen e lingbi ti leke bê ti e ti yeda na atâ tënë so ayeke na yâ ti Bible? (Luc 24:32, 33; Esdras 7:10; Mat. 5:3; Kus. 16:14; aHéb. 5:11-14).

Mbaï 104

1. Mbeni lâ, adisciple oke abâ Jésus? Lo sara tënë ti nyen na ala?

2. Royaume ti Nzapa ayeke nyen? Gigi ayeke duti ande tongana nyen na ndo ti sese na ngoi so Jésus ayeke komande tongana Gbia teti ngu saki oko?

3. Teti lango oke Jésus afa tere ti lo na adisciple ti lo? Me ngoi asi fadeso awe ti tene lo sara nyen?

4. Tâ gi kozoni si lo zia adisciple ti lo ti gue, Jésus atene na ala ti sara nyen?

5. Nyen la asi na lê ti foto so? Tongana nyen Jésus agirisa na lê ti adisciple ti lo?

Ambeni hundango tënë nde:

1. Diko 1 aCorinthien 15:3-8.

   Ngbanga ti nyen bazengele Paul alingbi lani ti sara tënë ti zingongo ti Jésus na kuâ na kite oko pëpe? A-Chrétien laso alingbi nga ti sara tënë ti nyen na kite oko pëpe? (1 aCor. 15:4, 7, 8; Es. 2:2, 3; Mat. 24:14; 2 Tim. 3:1-5).

2. Diko Kusala 1:1-11.

   Tongana ti so Kusala 1:8 atene kozoni, a fa tënë juska na ndo wa? (Kus. 6:7; 9:31; 11:19-21; aCol. 1:23).

Mbaï 105

1. Tongana ti so foto ni afa, nyen la asi na adisciple ti Jésus so ayeke ku na Jérusalem?

2. Nyen la asara si bê ti azo so aga na Jérusalem adö?

3. Pierre atene nyen na azo so aga?

4. Tënë so Pierre atene asara nyen na ndo ti azo ni? Lo tene na ala ti sara nyen?

5. Azo oke awara batême na lango ti Pentecôte ti ngu 33?

Ambeni hundango tënë nde:

1. Diko Kusala 2:1-47.

   1. Tongana nyen atënë ti Pierre na Kusala 2:23, 36 afa so Israël ni kue la si ayeke na tënë na li ti lo ndali ti kuâ ti Jésus? (1 aThes. 2:14, 15).

   2. Tongana nyen Pierre azia nzoni tapande ti fango nda ti tënë na azo nzoni na lege ti Mbeti ti Nzapa? (Kus. 2:16, 17, 29, 31, 36, 39; aCol. 4:6).

   3. Tongana nyen Pierre asara kusala na kozo “kelele ti royaume ti yayu” so Jésus atene lani lo yeke mû na lo? (Kus. 2:14, 22-24, 37, 38; Mat. 16:19).

Mbaï 106

1. Nyen la asi na Pierre na Jean mbeni lâ na peko ti midi tongana ala yeke gue na temple?

2. Pierre atene nyen na mbeni koli so gere ti lo abuba? Ye wa Pierre amû na lo so ngere ni ahon ti nginza?

3. Ngbanga ti nyen amokonzi-nzapa asara ngonzo? Ala sara nyen na Pierre nga na Jean?

4. Pierre atene nyen na amokonzi-nzapa ni? Amokonzi-nzapa ni asuku na ala, ala tene nyen?

5. Amokonzi-nzapa ni asara kota bê ngbanga ti nyen? Me nyen la asi tongana a bi abazengele ni na da ti kanga ti fani use ni?

6. Abazengele akiri tënë tongana nyen na ngoi so a mû ala a gue na ni na da ti Sanhédrin?

Ambeni hundango tënë nde:

1. Diko Kusala 3:1-10.

   Atâa so a mû na e ngangu ti sara amiracle laso pëpe, tongana nyen atënë ti Pierre na Kusala 3:6 amû maboko na e ti bâ na nene ni tënë ti Royaume so e yeke fa ni? (Jean 17:3; 2 aCor. 5:18-20; aPhil. 3:8).

2. Diko Kusala 4:1-31.

   Tongana azo agi ti kanga lege na kusala ti e, a lingbi e mû tapande ti aita ti e aChrétien ti ngoi ti abazengele tongana nyen? (Kus. 4:29, 31; aEph. 6:18-20; 1 aThes. 2:2).

3. Diko Kusala 5:17-42.

   Tongana nyen ambeni zo so ayeke aTémoin pëpe, atâa ti giriri wala ti laso, afa nzoni bango ndo na mbage ti kusala ti e ti fango tënë? (Kus. 5:34-39).

Mbaï 107

1. Etienne ayeke zo wa? Nzapa amû maboko na lo ti sara nyen?

2. Etienne atene nyen so amû ngonzo mingi na amokonzi-nzapa ni?

3. Tongana azo agboto Etienne asigigi na lo na yâ ti kodoro ni, ala sara nyen na lo?

4. Na lê ti foto ni, koli so aluti kâ na tere ti abongo so ayeke zo wa?

5. Kozoni si lo kui, Etienne asambela Jéhovah, lo tene nyen?

6. Na tapande ti Etienne, a lingbi e sara nyen tongana mbeni zo asara mbeni ye ti sioni na e?

Ambeni hundango tënë nde:

1. Diko Kusala 6:8-15.

   Amokonzi-nzapa asara kusala na aye ti handa wa ti kanga lege na kusala ti aTémoin ti Jéhovah? (Kus. 6:9, 11, 13).

2. Diko Kusala 7:1-60.

   1. Nyen la amû lani maboko na Etienne ti ndu bê ti azo tongana lo yeke fa nzo tënë na gbele Sanhédrin? E lingbi ti manda nyen na lege ti tapande ti lo? (Kus. 7:51-53; aRom. 15:4; 2 Tim. 3:14-17; 1 Pi. 3:15).

   2. Bango ndo wa a lingbi e duti na ni na mbage ti azo so agi ti kanga lege na kusala ti e? (Kus. 7:58-60; Mat. 5:44; Luc 23:33, 34).

Mbaï 108

1. Saul asara nyen na peko ti so a fâ Etienne?

2. Tongana Saul ayeke na lege ti gue na Damas, ye ti kpene wa asi?

3. Jésus atene na Saul ti sara nyen?

4. Aye wa Jésus afa na Ananias ti sara? Tongana nyen Saul akiri abâ ndo?

5. A hinga fadeso Saul na iri wa? A sara kusala na lo tongana nyen?

Ambeni hundango tënë nde:

1. Diko Kusala 8:1-4.

   Tongana nyen aye ti ngangu so a sara mingi na fini kongregation ti aChrétien amû lege ti kangbi tënë ti mabe ti aChrétien na ambeni ndo nde? Mara ti ye tongaso wa asi nga na ngoi ti e? (Kus. 8:4; Es. 54:17).

2. Diko Kusala 9:1-20.

   Jésus afa so lo pensé ti mû na Saul kusala wa so yâ ni ayeke ota? (Kus. 9:15; 13:5; 26:1; 27:24; aRom. 11:13).

3. Diko Kusala 22:6-16.

   Tongana nyen e lingbi ti mû tapande ti Ananias? Ngbanga ti nyen a yeke kota ye mingi? (Kus. 22:12; 1 Tim. 3:7; 1 Pi. 1:14-16; 2:12).

4. Diko Kusala 26:8-20.

   So Saul aga Chrétien alingbi ti kpengba aita so laso koli ti ala wala wali ti ala ayeke aTémoin ti Jéhovah pëpe tongana nyen? (Kus. 26:11; 1 Tim. 1:14-16; 2 Tim. 4:2; 1 Pi. 3:1-3).

Mbaï 109

1. Koli so akuku na gbe ti Pierre so ayeke zo wa?

2. Tënë wa mbeni ange atene na Corneille?

3. Nzapa amû lege na Pierre ti bâ nyen tongana lo yeke duti na ndo ti da ti Simon na Joppé?

4. Ngbanga ti nyen Pierre atene na Corneille ti kuku pëpe na gbe ti lo ti voro lo?

5. Ngbanga ti nyen bê ti adisciple so aga legeoko na Pierre adö?

6. Kota ye wa a lingbi e manda na ndo ti guengo ti Pierre na ndo ti Corneille?

Ambeni hundango tënë nde:

1. Diko Kusala 10:1-48.

   Atënë ti Pierre na Kusala 10:42 afa nyen na ndo ti kusala ti fango nzo tënë ti Royaume? (Mat. 28:19; Marc 13:10; Kus. 1:8).

2. Diko Kusala 11:1-18.

   Tongana Jéhovah afa polele ye so lo ye na mbage ti azo so ayeke aJuif pëpe, Pierre abâ ni tongana nyen? E lingbi ti mû tapande ti lo tongana nyen? (Kus. 11:17, 18; 2 aCor. 10:5; aEph. 5:17).

Mbaï 110

1. Maseka-koli so na lê ti foto so ayeke zo wa? Lo lango na kodoro wa? Iri ti mama ti lo na ti âta ti lo ti wali ayeke nyen?

2. Timothée atene nyen tongana Paul ahunda lo wala lo ye ti ga na tere ti lo na Silas ti gue ti fa tënë na ayongoro ndo?

3. Na ndo wa si a to nda ti iri adisciple ti Jésus “Azo ti Christ”, wala aChrétien?

4. Na peko ti so Paul, Silas na Timothée azia Lystre, ala gue na ambeni kodoro wa?

5. Tongana nyen Timothée amû maboko na Paul? A lingbi amaseka ahunda tere ti ala na tënë wa laso?

Ambeni hundango tënë nde:

1. Diko Kusala 9:19-30.

   Tongana nyen bazengele Paul asara ye lani na ndara tongana a gi ti kanga lege na nzo tënë so lo yeke fa ni? (Kus. 9:22-25, 29, 30; Mat. 10:16).

2. Diko Kusala 11:19-26.

   Tongana nyen mbaï so ayeke na Kusala 11:19-21, 26 afa so yingo ti Jéhovah ayeke fa lege na kusala ti fango tënë?

3. Diko Kusala 13:13-16, 42-52.

   Tongana nyen Kusala 13:51, 52 afa so adisciple azia lani pëpe si kangango lege so alondo na awato awoko ala? (Mat. 10:14; Kus. 18:6; 1 Pi. 4:14).

4. Diko Kusala 14:1-6, 19-28.

   Tongana nyen tënë “ala zia ala na tïtî Seigneur” Jéhovah amû maboko na e ti gi bê ti e ahon ndo ni pëpe na ngoi so e yeke mû maboko na afini zo? (Kus. 14:21-23; 20:32; Jean 6:44).

5. Diko Kusala 16:1-5.

   So Timothée aduti nduru ti yeda ti tene a fâ lo na ganza afa nene ti “sara ye kue teti Tene-nzoni” tongana nyen? (Kus. 16:3; 1 aCor. 9:23; 1 aThes. 2:8).

6. Diko Kusala 18:1-11, 18-22.

   Mbeti ti Kusala 18:9, 10 afa nyen na ndo ti mungo mbage ti Jésus mveni ti fa lege na kusala ti fango tënë? Ye so amû lege na e laso ti duti na kite pëpe na ndo ti nyen? (Mat. 28:20).

Mbaï 111

1. Na lê ti foto ni, molenge-koli so alango na sese so ayeke zo wa? Nyen la asi na lo nyen?

2. Paul asara nyen tongana lo bâ so molenge-koli ni akui?

3. Paul, Timothée na azo so ayeke na ala ague fadeso na ndo wa? Nyen la asi tongana ala luti na Milet?

4. Prophète Agabus atene nyen na Paul? Ye so lo tene aga tâ tënë tongana nyen?

Ambeni hundango tënë nde:

1. Diko Kusala 20:7-38.

   1. Tongana ti so Paul atene na Kusala 20:26, 27, e lingbi ti sara tongana nyen ti tene ‘ngbanga ti mênë ti zo oko aduti na li ti e pëpe’? (Ezéch. 33:8; Kus. 18:6, 7).

   2. Ngbanga ti nyen, na ngoi so a-ancien ayeke fa ye, a lingbi ala gbu ngangu “lege ti tapande ti nzo tënë”? (Kus. 20:17, 29, 30; Tite 1:7-9; 2 Tim. 1:13).

2. Diko Kusala 26:24-32.

   Teti so Paul ayeke nga mbeni zo ti kodoro ti Rome, tongana nyen lo sara kusala na ni ti fa tënë so lo wara ni kozo na mbage ti Jésus? (Kus. 9:15; 16:37, 38; 25:11, 12; 26:32; Luc 21:12, 13).

Mbaï 112

1. Nyen la asi na bateau so Paul ayeke na yâ ni tongana bateau ni ahon na mbage ti zoa ti Crète?

2. Paul atene nyen na azo so ayeke na yâ ti bateau ni?

3. Nyen la asara si yâ ti bateau ni afâ kete kete?

4. Mokonzi ti aturugu ni amû yanga na azo ni ti sara nyen? Mingi ti azo ni asara tongana nyen ti si nzoni na yanga ti sese ni?

5. Iri ti zoa so ala si dä ayeke nyen? Nyen la a sara na Paul tongana kota pupu ti ngu ni akaï?

Ambeni hundango tënë nde:

1. Diko Kusala 27:1-44.

   Tongana nyen dikongo mbaï ti guengo ti Paul na Rome amû lege na e ti bâ so biani mbaï ti Bible ayeke tâ ye? (Kus. 27:16-19, 27-32; Luc 1:3; 2 Tim. 3:16, 17).

2. Diko Kusala 28:1-14.

   Tongana bê ti azo ti zoa ti Malte so ayeke apaïen apusu ala ti ‘yamba nzoni mingi’ bazengele Paul na amba ti lo ti bateau ni, a lingbi bê ti aChrétien apusu nga ala ti fa nyen? Ala yeke fa ni mbilimbili na lege wa? (Kus. 28:1, 2, Fini Mbuki, 2001; aHéb. 13:1, 2; 1 Pi. 4:9).

Mbaï 113

1. Paul afa tënë na azo wa na ngoi so lo yeke na da ti kanga na Rome?

2. Na lê ti foto so, zo wa la aduti na table so? Lo yeke sara nyen ndali ti Paul?

3. Epaphrodite ayeke zo wa? Lo mû nyen na tere ti lo tongana lo kiri na Philippes?

4. Ngbanga ti nyen Paul atokua mbeti na kamarade ti lo Philémon?

5. Paul asara nyen tongana a zi lo? Me nyen la asi na lo na pekoni?

6. Jéhovah asara kusala na zo wa ti sû andangba mbeti ti Bible? Mbeti ti Apocalypse asara tënë na ndo ti nyen?

Ambeni hundango tënë nde:

1. Diko Kusala 28:16-31 na aPhilippien 1:13.

   Paul asara kusala na ngoi ti lo tongana nyen lani so lo yeke na da ti kanga na Rome? Mabe ti lo so ayengi pëpe asara nyen na ndo ti kongregation ti aChrétien? (Kus. 28:23, 30; aPhil. 1:14).

2. Diko aPhilippien 2:19-30.

   Fa ambeni tënë so Paul atene ti gonda Timothée na Epaphrodite. Tongana nyen e lingbi ti sara ye tongana Paul? (aPhil. 2:20, 22, 25, 29, 30; 1 aCor. 16:18; 1 aThes. 5:12, 13).

3. Diko Philémon 1-25.

   1. Paul aluti na ndo ti nyen ti wa Philémon ti sara ye so ayeke na lege ni? Ye so afa nyen na a-ancien laso? (Phm. 9; 2 aCor. 8:8; aGal. 5:13).

   2. Tongana nyen tënë ti Paul na Philémon 13, 14 afa so lo yeke bâ na nene ni yingo-ti-hinga ti aita ti lo ti yingo? (1 aCor. 8:7, 13; 10:31-33).

4. Diko 2 Timothée 4:7-9.

   Na tapande ti bazengele Paul, tongana nyen e lingbi ti hinga biani na bê ti e so Jéhovah ayeke futa e tongana e ngbâ be-ta-zo na lo juska na nda ni? (Mat. 24:13; aHéb. 6:10).

Mbaï 114

1. Ngbanga ti nyen Bible asara tënë ti ambarata na yayu?

2. Iri ti bira so Nzapa ayeke ga ti sara na azo ti sioni na ndo ti sese ge ayeke nyen? Nda ti bira so ayeke nyen?

3. Na lê ti foto so, zo wa la ayeke mû li ni na yâ ti bira ni? Lo yü mbeni couronne ngbanga ti nyen? Lo yeke sara nyen na yongoro zembe ti lo ni?

4. Tongana e kiri na mbaï 10, 15 na 33, ngbanga ti nyen a lingbi bê ti e adö pëpe so Nzapa ayeke futi azo ti sioni?

5. Tongana nyen mbaï 36 na 76 afa na e so Nzapa ayeke futi ande azo ti sioni même tongana ala tene so ala yeke voro lo?

Ambeni hundango tënë nde:

1. Diko Apocalypse 19:11-16.

   1. Tongana nyen Mbeti ti Nzapa afa polele so a yeke Jésus Christ si ayeke kpe na vuru mbarata so? (Apoc. 1:5; 3:14; 19:11; Es. 11:4).

   2. Tongana nyen mênë so a tuku na ndo ti bongo ti Jésus afa biani so lo yeke sö ande benda na yâ ti aye kue? (Apoc. 14:18-20; 19:13).

   3. Azo wa e lingbi ti tene so ala yeke na popo ti aturugu so ayeke mû peko ti Jésus na ndo ti vuru mbarata ti lo? (Apoc. 12:7; 19:14; Mat. 25:31, 32).

Mbaï 115

1. Bible atene e yeke duti ande tongana nyen na yâ ti paradis na ndo ti sese?

2. Bible atene nyen ndali ti azo so ayeke duti ande na yâ ti Paradis?

3. Lawa si Jésus ayeke sara ande si apendere ye so kue aduti na ndo ti sese?

4. Tongana Jésus ayeke lani na ndo ti sese, aye wa lo sara ti fa ye so lo yeke sara ande tongana lo ga Gbia ti Royaume ti Nzapa?

5. Jésus na azo so ayeke komande na tere ti lo na yayu ayeke leke kue ti sara nyen tongana ala yeke komande sese?

Ambeni hundango tënë nde:

1. Diko Apocalypse 5:9, 10.

   Ngbanga ti nyen e lingbi ti duti na kite pëpe so ala so ayeke komande ande sese na ngoi ti Komandema ti Ngu Saki Oko ayeke duti agbia nga na aprêtre so ahinga akpale ti e nzoni na so ayeke bâ mawa ti e? (aEph. 4:20-24; 1 Pi. 1:7; 3:8; 5:6-10).

2. Diko Apocalypse 14:1-3.

   So a sû iri ti Babâ ni na ti Molenge ti Ngasangbaga ni na ndo ti lê ti azo 144 000 aye ti fa nyen? (1 aCor. 3:23; 2 Tim. 2:19; Apoc. 3:12).

Mbaï 116

1. A lingbi e hinga nyen tongana e ye ti wara fini ti lakue lakue?

2. Legeoko tongana kete molenge-wali so na akamarade ti lo na lê ti foto ge, tongana nyen e lingbi ti manda ye na ndo ti Jéhovah Nzapa nga na Jésus?

3. Mbeti wa mo bâ nga ni na lê ti foto so? Ngbanga ti nyen a yeke nzoni e diko ni lakue?

4. Tongana mo manda ye awe na ndo ti Jéhovah na Jésus, a lingbi mo sara nga nyen ti wara fini ti lakue lakue?

5. E manda nyen na yâ ti mbaï 69?

6. Na yâ ti mbaï 55, nzoni tapande wa Samuel azia na e tongana lo de lani kete?

7. Tongana nyen e lingbi ti mû tapande ti Jésus Christ? Tongana e sara tongaso, nyen la ayeke ku e na yâ ti ngoi so ayeke ga?

Ambeni hundango tënë nde:

1. Diko Jean 17:3.

   Tongana nyen Mbeti ti Nzapa afa so ti hinga Jéhovah Nzapa na Jésus Christ aye gi ti tene pëpe ti hinga gi na li ti e aye so asi? (Mat. 7:21; Jacq. 2:18-20; 1 Jean 2:17).

2. Diko Psaume 145:1-21.

   1. Fa ambeni nda ti tënë so e yeke na ni ti sepela Jéhovah (Ps. 145:8-11; Apoc. 4:11).

   2. Na lege wa Jéhovah ayeke “nzoni na azo kue”? A lingbi ye so apusu e nduru na lo mingi ahon ti kozo tongana nyen? (Ps. 145:9; Mat. 5:43-45).

   3. Tongana e ye Jéhovah mingi, ye so ayeke pusu e ande ti sara nyen? (Ps. 119:171, 172, 175; 145:11, 12, 21).