Istória 1

1. Buat hotu neʼebé diʼak mai husi neʼebé? Saida deʼit mak buat diʼak sira-neʼe?

2. Saida mak Maromak halo ulukliu?

3. Tanbasá mak anju primeiru besik liu Maromak?

4. Kuandu Maromak hahú halo mundu, neʼe hanesan saida? (Haree dezeñu.)

5. Oinsá mak Maromak prepara mundu ba ema no animál sira?

Pergunta seluk:

1. Lee Jeremias 10:12.

   Kualidade saida deʼit mak Maromak hatudu liuhusi buat neʼebé nia kria? (Isa. 40:26; Rom. 11:33)

2. Lee Koloso 1:15-17.

   Saida mak Jesus halo kuandu Maromak kria buat hotu? Ida-neʼe book ita atu sente oinsá kona-ba Jesus? (Kol. 1:15-17)

3. Lee Gênesis 1:1-10.

   1. Oinsá mak mundu hahú? (Gên. 1:1)

   2. Iha loron primeiru, Maromak halo saida? (Gên. 1:3-5)

   3. Iha loron segundu, Maromak halo saida? (Gên. 1:7, 8)

Istória 2

1. Oinsá mak Maromak prepara mundu mai ita?

2. Fó hatene animál ruma neʼebé Maromak halo. (Haree dezeñu.)

3. Tansá jardín Eden lahanesan ho fatin seluk?

4. Saida maka Maromak nia hakarak ba Rai tomak?

Pergunta seluk:

1. Lee Gênesis 1:11-25.

   1. Iha loron terseiru, Maromak halo saida? (Gên. 1:12)

   2. Iha loron haat, saida mak mosu? (Gên. 1:16)

   3. Iha loron lima no neen, animál saida deʼit mak Maromak halo? (Gên. 1:20, 21, 25)

2. Lee Gênesis 2:8, 9.

   Ai-hun espesiál rua saida mak Maromak tau iha jardín, no ai-hun sira-neʼe dehan katak sá?

Istória 3

1. Saida mak lahanesan entre dezeñu iha Istória 3 ho dezeñu iha Istória 2?

2. Sé mak halo mane primeiru, no mane neʼe naran saida?

3. Serbisu saida mak Maromak fó ba Adão?

4. Tanbasá mak Maromak halo Adão toba dukur tebes?

5. Adão no Eva bele moris toʼo bainhira? Serbisu saida mak Jeová hakarak atu sira halo?

Pergunta seluk:

1. Lee Salmo 83:18.

   Saida mak Maromak nia naran, no nia iha pozisaun saida ba mundu? (Jer. 16:21; Dan. 4:17)

2. Lee Gênesis 1:26-31.

   1. Buat importante saida mak Jeová halo iha loron neen? Tansá mak kriatura ida-neʼe lahanesan ho animál sira? (Gên. 1:26)

   2. Saida mak Jeová prepara ba ema no animál sira? (Gên. 1:30)

3. Lee Gênesis 2:7-25.

   1. Oinsá mak Adão halaʼo ninia serbisu atu fó naran ba animál sira? (Gên. 2:19)

   2. Oinsá mak Gênesis 2:24 ajuda ita atu komprende Jeová nia haree kona-ba kaben, fahe malu, no soe malu? (Mt. 19:4-6, 9)

Istória 4

1. Iha dezeñu neʼe, saida mak akontese ba Adão no Eva?

2. Tanbasá mak Jeová kastigu sira?

3. Saida mak samea ida hatete ba Eva?

4. Sé mak halo samea neʼe atu koʼalia ba Eva?

5. Tanbasá mak Adão no Eva lakon sira-nia hela-fatin iha Paraízu?

Pergunta seluk:

1. Lee Gênesis 2:16, 17 no 3:1-13, 24.

   1. Oinsá mak samea nia pergunta ba Eva hatudu katak samea neʼe bosok kona-ba Jeová? (Gên. 3:1-5; 1 Joao 5:3)

   2. Saida mak ita bele aprende husi Eva nia ezemplu nuʼudar avizu ida mai ita? (Flp. 4:8; Tgo. 1:14, 15; 1 Joao 2:16)

   3. Saida mak hatudu katak Adão no Eva lakohi simu sira-nia sala? (Gên. 3:12, 13)

   4. Oinsá mak kerubín sira neʼebé hamriik iha parte leste iha jardín Eden apoia Jeová nia direitu atu ukun? (Gên. 3:24)

2. Lee Apokalipse 12:9.

   Toʼo iha neʼebé mak Satanás manán ema atu kontra Maromak nia ukun? (1 Joao 5:19)

Istória 5

1. Kuandu Adão no Eva sai husi jardín Eden, sira-nia moris sai oinsá?

2. Saida mak hahú akontese ba Adão no Eva? Tanbasá mak ida-neʼe akontese?

3. Tanbasá mak Adão no Eva nia oan sira sai katuas-ferik no mate?

4. Se Adão no Eva halo tuir Jeová karik, sira no oan sira-nia moris sai oinsá?

5. Susar saida mak Eva hetan tanba nia la halo tuir Maromak?

6. Adão no Eva nia oan naʼin-rua naran sá?

7. Sé mak ó haree iha dezeñu neʼe?

Pergunta seluk:

1. Lee Gênesis 3:16-23 no 4:1, 2.

   1. Malisan neʼebé Maromak haruka ba rai halo Adão nia moris sai oinsá? (Gên. 3:17-19; Rom. 8:20, 22)

   2. Tanbasá Eva nia naran, katak “Ida neʼebé Moris”, mak naran neʼebé loos ba nia? (Gên. 3:20)

   3. Oinsá mak Jeová hatudu laran-diʼak ba Adão no Eva, maski sira sala ona? (Gên. 3:7, 21)

2. Lee Apokalipse 21:3, 4.

   Husi ‘sasán raiklaran uluk nian’ neʼebé sei liu, saida mak Ita hakarak Maromak atu halakon?

Istória 6

1. Caim no Abel halo serbisu saida?

2. Caim no Abel fó prezente saida ba Jeová?

3. Tanbasá mak Jeová kontente ho Abel nia prezente, no tanbasá Nia la kontente ho Caim nian?

4. Caim, nia ema hanesan saida? Oinsá mak Jeová koko atu hanorin nia?

5. Caim halo saida kuandu nia mesak ho ninia alin iha toʼos?

6. Konta toʼok saida mak akontese ba Caim depois nia oho nia alin.

Pergunta seluk:

1. Lee Gênesis 4:2-26.

   1. Jeová fó avizu saida ba Caim? (Gên. 4:7)

   2. Oinsá mak Caim hatudu katak nia laran-aat? (Gên. 4:9)

   3. Oho ema neʼebé la sala, saida mak Jeová nia hanoin kona-ba neʼe? (Gên. 4:10; Isa. 26:21)

2. Lee 1 Joao 3:11, 12.

   1. Tansá mak Caim sai hirus demais, no oinsá mak ida-neʼe avizu ida ba ita ohin loron? (Gên. 4:4, 5; Prov. 14:30; 28:22)

   2. Oinsá mak Bíblia hatudu katak maski ita-nia família hotu kontra hasoru Jeová, ita rasik bele laran-metin nafatin? (Sal. 27:10; Mt. 10:21, 22)

3. Lee Joao 11:25.

   Jeová promete saida ba ema hotu neʼebé mate tanba lia-loos no justisa? (Joao 5:24)

Istória 7

1. Oinsá mak Henoc la hanesan ema seluk?

2. Tanbasá mak ema iha tempu Henoc halo aat?

3. Sira halo aat saida deʼit? (Haree ba dezeñu.)

4. Tanbasá mak Henoc tenkesér brani?

5. Iha tempu neʼebá ema moris toʼo tinan hira? Maibé Henoc moris toʼo tinan hira?

6. Saida mak akontese depois Henoc mate?

Pergunta seluk:

1. Lee Gênesis 5:21-24, 27.

   1. Henoc iha relasaun saida ho Jeová? (Gên. 5:24)

   2. Iha Bíblia, sé mak ema neʼebé tinan boot liu, no toʼo tinan hira mak nia mate? (Gên. 5:27)

2. Lee Gênesis 6:5.

   Depois Henoc mate, situasaun saida mak mosu iha mundu? Oinsá mak situasaun neʼe hanesan ho tempu agora? (2 Tim. 3:13)

3. Lee Ebreu 11:5.

   Henoc iha kualidade saida neʼebé halo Jeová kontente loos, no ida-neʼe ajuda nia atu halo saida? (Gên. 5:22)

4. Lee Judas 14, 15.

   Oinsá mak ema kristaun ohin loron bele halo tuir Henoc nia aten-brani kuandu sira fó-hatene avizu kona-ba funu Armajedón neʼebé atu mai? (2 Tim. 4:2; Ebr. 13:6)

Istória 8

1. Saida mak akontese kuandu Maromak nia anju balu rona ba Satanás?

2. Tanbasá mak anju balu husik sira-nia serbisu iha lalehan no tun mai Rai?

3. Tanbasá mak sala ba anju sira atu tun mai Rai no halo sira-nia isin hanesan ema nian?

4. Oinsá mak anju nia oan sira lahanesan ho ema seluk?

5. Nuʼudar ó bele haree iha dezeñu, anju nia oan sira halo saida kuandu sira sai jigante?

6. Depois Enoc, sé mak ema diʼak neʼebé moris iha mundu, no tanbasá mak Maromak gosta nia?

Pergunta seluk:

1. Lee Gênesis 6:1-8.

   Gênesis 6:6 hatudu katak ita-nia hahalok bele halo Jeová sente oinsá? (Sal. 78:40, 41; Prov. 27:11)

2. Lee Judas 6.

   Oinsá mak anju neʼebé ‘husik sira-nia kadunan’ iha lalehan iha Noé nia tempu sai hanesan avizu ida mai ita? (1 Kor. 3:5-9; 2 Ped. 2:4, 9, 10)

Istória 9

1. Noé nia família iha ema naʼin-hira? Noé nia oan-mane naʼin-tolu neʼe naran sá?

2. Maromak haruka Noé atu halo buat foun saida, no tansá?

3. Ema seluk halo saida bainhira Noé fó-hatene kona-ba ró boot?

4. Saida mak Maromak haruka Noé atu halo ba animál sira?

5. Depois Maromak taka ró boot nia odamatan, Noé no nia família tenke halo saida?

Pergunta seluk:

1. Lee Gênesis 6:9-22.

   1. Oinsá mak Noé sai ezemplu diʼak tebes nuʼudar adoradór ba Maromak loos? (Gên. 6:9, 22)

   2. Jeová sente oinsá kona-ba violénsia? Oinsá mak ida-neʼe book ita bainhira ita hili filme, livru no halimar sira seluk? (Gên. 6:11, 12; Sal. 11:5)

   3. Oinsá mak ita bele halo tuir Noé nia ezemplu bainhira Jeová nia organizasaun fó matadalan mai ita? (Gên. 6:22; 1 Joao 5:3)

2. Lee Gênesis 7:1-9.

   Maski Noé ema la perfeitu, Jeová haree nia nuʼudar ema loos. Oinsá mak ida-neʼe anima ita? (Gên. 7:1; Prov. 10:16; Isa. 26:7)

Istória 10

1. Tanbasá mak ema hotu iha liʼur la bele tama iha ró boot kuandu udan hahú tau?

2. Jeová halo udan tau ba loron hira? Bee saʼe toʼo iha neʼebé?

3. Saida mak akontese ba ró boot kuandu bee komesa atu taka rai hotu?

4. Jigante sira moris liu Rai-Nabeen ka lae? Saida mak akontese ba jigante sira-nia aman sira?

5. Saida mak akontese ba ró boot depois fulan lima?

6. Tanbasá Noé husik manu metan sai husi ró boot?

7. Oinsá mak Noé hatene katak bee tun tiha ona?

8. Depois Noé no nia família hela iha ró boot laran tinan ida liu, Maromak haruka sira atu halo saida?

Pergunta seluk:

1. Lee Gênesis 7:10-24.

   1. Sé mak mate iha Rai-Nabeen? (Gên. 7:23)

   2. Bee taka Rai toʼo loron hira? (Gên. 7:24)

2. Lee Gênesis 8:1-17.

   Oinsá mak Gênesis 8:17 hatudu katak buat neʼebé Jeová hakarak halo ba mundu sei la troka? (Gên. 1:22)

3. Lee 1 Pedro 3:19, 20.

   1. Kuandu anju sira neʼebé kontra hasoru Maromak fila fali ba lalehan, kastigu saida mak sira hetan? (Jud. 6)

   2. Oinsá mak istória kona-ba Noé no ninia família hametin ita-nia fiar katak Jeová bele salva nia povu? (2 Ped. 2:9)

Istória 11

1. Hanesan ita haree iha dezeñu neʼe, saida mak Noé halo kuandu nia foin sai husi ró boot?

2. Depois Rai-Nabeen, saida mak Maromak haruka Noé no ninia família atu halo?

3. Saida mak Maromak promete?

4. Kuandu ita haree arkiris, neʼe fó-hanoin kona-ba saida?

Pergunta seluk:

1. Lee Gênesis 8:18-22.

   1. Oinsá mak ohin loron ita bele fó “morin furak” ba Jeová? (Gên. 8:21; Ebr. 13:15, 16)

   2. Jeová hatete saida kona-ba ema nia fuan-laran? Tan neʼe ita tenke kuidadu kona-ba saida? (Gên. 8:21; Mt. 15:18, 19)

2. Lee Gênesis 9:9-17.

   1. Jeová fó promesa, ka aliansa, saida ba kriatura hotu iha Rai? (Gên. 9:10, 11)

   2. Promesa, ka aliansa, kona-ba arkiris sei hela toʼo bainhira? (Gên. 9:16)

Istória 12

1. Sé mak Nimrod? Maromak sente oinsá kona-ba nia?

2. Iha dezeñu neʼe, tanbasá mak ema halo bloku husi rai?

3. Tanbasá mak Jeová la kontente ho serbisu atu halo sidade no uma aas neʼe?

4. Oinsá mak Maromak hapara ema harii uma aas?

5. Sidade neʼe naran saida, no naran neʼe katak sá?

6. Saida mak akontese ba ema depois Maromak halo ema hotu koʼalia língua la hanesan?

Pergunta seluk:

1. Lee Gênesis 10:1, 8-10.

   Nimrod hatudu kualidade saida deʼit, no ida-neʼe fó avizu saida mai ita? (Prov. 3:31)

2. Lee Gênesis 11:1-9.

   Tansá mak ema harii uma aas neʼe, no tansá sira la konsege? (Gên. 11:4; Prov. 16:18; Joao 5:44)

Istória 13

1. Ema hanesan saida hela iha Ur?

2. Sé mak ema iha dezeñu neʼe? Horibainhira mak nia moris? Nia hela iha neʼebé?

3. Saida mak Maromak haruka Abraão atu halo?

4. Tanbasá mak ita koñese Abraão nuʼudar Maromak nia belun?

5. Sé mak bá ho Abraão kuandu nia husik Ur?

6. Maromak dehan saida ba Abraão kuandu nia toʼo rai Kanaan?

7. Kuandu Abraão tinan 99, Maromak promete saida ba nia?

Pergunta seluk:

1. Lee Gênesis 11:27-32.

   1. Abraão iha relasaun saida ho Lot? (Gên. 11:27)

   2. Maski Tera lori família atu bá Kanaan, oinsá mak ita hatene katak Abraão mak hetan knaar ida-neʼe? Tansá mak Abraão bá Kanaan? (Gên. 11:31; Apos. 7:2-4)

2. Lee Gênesis 12:1-7.

   Kuandu Abraão toʼo rai Kanaan, saida mak Jeová promete liután ba Abraão iha Aliansa Abraão nian? (Gên. 12:7)

3. Lee Gênesis 17:1-8, 15-17.

   1. Kuandu Abrão tinan 99, Jeová fó naran foun saida ba nia, no tansá? (Gên. 17:5)

   2. Jeová promete atu fó bensaun saida ba Sara iha futuru? (Gên. 17:15, 16)

4. Lee Gênesis 18:9-19.

   1. Tuir Gênesis 18:19, aman sira iha responsabilidade saida? (Deut. 6:6, 7; Ef. 6:4)

   2. Saida mak akontese ba Sara neʼebé hatudu katak ita la bele subar buat ruma husi Jeová? (Gên. 18:12, 15; Sal. 44:21)

Istória 14

1. Maromak promete saida ba Abraão? Oinsá mak Maromak kumpre promesa neʼe?

2. Hanesan dezeñu neʼe hatudu, oinsá mak Maromak koko Abraão nia fiar?

3. Saida mak Abraão halo, maski nia la komprende tansá Maromak haruka nia atu halo ida-neʼe?

4. Saida mak akontese kuandu Abraão foti tudik atu oho nia oan?

5. Abraão nia fiar ba Maromak boot oinsá?

6. Maromak prepara saida ba Abraão atu fó nuʼudar sakrifísiu, no oinsá?

Pergunta seluk:

1. Lee Gênesis 21:1-7.

   Iha loron ualu depois nia oan moris, tansá mak Abraão halo sirkunsizaun ba nia oan? (Gên. 17:10-12; 21:4)

2. Lee Gênesis 22:1-18.

   Oinsá mak Isaac hatudu katak nia hakruʼuk ba nia aman, Abraão? Oinsá mak ida-neʼe reprezenta buat ida neʼebé akontese iha futuru, neʼebé importante liu? (Gên. 22:7-9; 1 Kor. 5:7; Flp. 2:8, 9)

Istória 15

1. Tanbasá mak Abraão no Lot haketak malu?

2. Tanbasá mak Lot hili atu hela iha Sodoma?

3. Ema iha Sodoma hanesan saida?

4. Anju rua fó avizu saida ba Lot?

5. Tanbasá mak Lot nia feen sai masin fatuk?

6. Lisaun saida mak ita bele aprende husi Lot nia feen?

Pergunta seluk:

1. Lee Gênesis 13:5-13.

   Kona-ba rezolve problema entre ema, lisaun saida mak ita bele aprende husi Abraão? (Gên. 13:8, 9; Rom. 12:10; Flp. 2:3, 4)

2. Lee Gênesis 18:20-33.

   Oinsá mak dalan neʼebé Jeová trata ho Abraão, fó konfiansa mai ita katak Jeová no Jesus sei tesi lia ho loos? (Gên. 18:25, 26; Mt. 25:31-33)

3. Lee Gênesis 19:1-29.

   1. Istória husi Bíblia neʼe hatudu saida kona-ba oinsá Maromak haree omoseksualidade? (Gên. 19:5, 13; Lev. 20:13)

   2. Saida mak la hanesan entre dalan neʼebé Lot no Abraão hatán ba buat neʼebé Maromak haruka sira atu halo? Saida mak ita bele aprende husi ida-neʼe? (Gên. 19:15, 16, 19, 20; 22:3)

4. Lee Lucas 17:28-32.

   Atitude saida mak Lot nia feen iha ba buat neʼebé materiál? Ida-neʼe fó avizu saida mai ita? (Lc. 12:15; 17:31, 32; Mt. 6:19-21, 25)

5. Lee 2 Pedro 2:6-8.

   Hanesan Lot, atitude saida mak ita tenke iha kona-ba mundu neʼebé la fiar Maromak? (Eze. 9:4; 1 Joao 2:15-17)

Istória 16

1. Sé mak mane no feto iha dezeñu neʼe?

2. Saida mak Abraão halo atu hetan feen ida ba ninia oan, no tanbasá?

3. Oinsá mak Maromak hatán Abraão nia atan nia orasaun?

4. Rebeca hatán oinsá bainhira nia aman husu nia atu kaben ho Isaac?

5. Saida mak halo Isaac kontente fali?

Pergunta seluk:

1. Lee Gênesis 24:1-67.

   1. Rebeca hatudu kualidade diʼak saida deʼit kuandu nia hasoru Abraão nia atan iha bee-matan? (Gên. 24:17-20; Prov. 31:17, 31)

   2. Buat neʼebé Abraão organiza ba Isaac fó ezemplu diʼak saida ba ema kristaun ohin loron? (Gên. 24:37, 38; 1 Kor. 7:39; 2 Kor. 6:14)

   3. Tansá mak ita tenke buka tempu atu medita hanesan Isaac halo? (Gên. 24:63; Sal. 77:12; Flp. 4:8)

Istória 17

1. Sé mak Esaú no Jacob? Oinsá mak sira la hanesan?

2. Esaú no Jacob tinan hira kuandu sira-nia avó Abraão mate?

3. Oinsá mak Esaú halo ninia inan no aman laran-triste tebes?

4. Tanbasá mak Esaú hirus tebes ba ninia alin Jacob?

5. Saida mak Isaac haruka nia oan, Jacob, atu halo?

Pergunta seluk:

1. Lee Gênesis 25:5-11, 20-34.

   1. Jeová fó profesia saida kona-ba Rebeca nia oan naʼin-rua? (Gên. 25:23)

   2. Saida mak la hanesan entre Jacob no Esaú nia hanoin kona-ba oan primeiru nia direitu? (Gên. 25:31-34)

2. Lee Gênesis 26:34, 35; 27:1-46; no Gên 28:1-5.

   1. Oinsá mak Esaú hatudu katak nia la fó folin ba buat neʼebé espirituál? (Gên. 26:34, 35; 27:46)

   2. Saida mak Isaac haruka Jacob atu halo, atubele simu Maromak nia bensaun? (Gên. 28:1-4)

3. Lee Ebreu 12:16, 17.

   Hanesan Esaú nia ezemplu hatudu, saida mak ikusmai akontese ba sira neʼebé hakribi buat neʼebé sagradu?

Istória 18

1. Sé mak feto-klosan iha dezeñu neʼe, no saida mak Jacob halo atu ajuda nia?

2. Jacob prontu atu halo saida atubele kaben ho Raquel?

3. Saida mak Labão halo kuandu tempu toʼo ba Jacob atu kaben ho Raquel?

4. Jacob simu knaar saida tan, atubele kaben ho Raquel?

Pergunta seluk:

1. Lee Gênesis 29:1-30.

   1. Maski Labão lohi nia, oinsá mak Jacob hatudu nafatin laran-moos no respeitu? Saida mak ita bele aprende husi ida-neʼe? (Gên. 25:27; 29:26-28; Mt. 5:37)

   2. Oinsá mak Jacob nia ezemplu hatudu katak domin loos no domin laloos la hanesan? (Gên. 29:18, 20, 30; Cân. 8:6)

   3. Sé mak feto naʼin-haat neʼebé hahoris Jacob nia oan-mane sira? (Gên. 29:23, 24, 28, 29)

Istória 19

1. Jacob ho nia feen primeiru Lea iha oan-mane naʼin-neen naran sá?

2. Jacob nia oan-mane naʼin-rua neʼebé Lea nia atan-feto Zilpa hahoris naran sá?

3. Jacob nia oan-mane naʼin-rua neʼebé Raquel nia atan-feto Bilha hahoris naran sá?

4. Raquel hahoris oan-mane naʼin-rua naran sá? Maibé, saida mak akontese bainhira oan-mane segundu moris?

5. Tuir dezeñu neʼe, Jacob iha oan-mane naʼin-hira? No sira-nia bei-oan sai nasaun saida?

Pergunta seluk:

1. Lee Gênesis 29:32-35; 30:1-26; no Gên 35:16-19.

   Hanesan ho Jacob nia oan-mane naʼin-12, oinsá mak ema ebreu iha tempu antigu fó naran ba sira-nia oan-mane?

2. Lee Gênesis 37:35.

   Maski Bíblia temi deʼit Dina nia naran, oinsá mak ita hatene katak Jacob iha oan-feto seluk tan? (Gên. 37:34, 35)

Istória 20

1. Tanbasá mak Abraão no Isaac lakohi sira-nia oan atu kaben ho ema husi rai Kanaan?

2. Jacob simu nia oan-feto sai belun ho feto sira husi Kanaan ka lae?

3. Sé mak mane neʼebé hateke daudauk ba Dina iha dezeñu neʼe? No hahalok aat saida mak nia halo?

4. Dina nia maun-alin, Simeão no Levi, halo saida kuandu sira rona kona-ba buat neʼebé akontese?

5. Jacob apoia buat neʼebé Simeão no Levi halo ka lae?

6. Oinsá mak susar hotu iha família neʼe hahú?

Pergunta seluk:

1. Lee Gênesis 34:1-31.

   1. Dina bá vizita feto sira husi rai Kanaan dala ida deʼit ka lae? Esplika bá. (Gên. 34:1)

   2. Dina laʼós feto-raan tan. Tansá mak Dina mós iha responsabilidade kona-ba buat neʼe? (Gal. 6:7)

   3. Oinsá mak joven sira ohin loron bele hatudu katak sira simu Dina nia ezemplu nuʼudar avizu ida? (Prov. 13:20; 1 Kor. 15:33; 1 Joao 5:19)

Istória 21

1. Tanbasá mak José nia maun sira sente laran-moras ba nia? No sira halo saida?

2. José nia maun balun hakarak halo saida ba nia, maibé Ruben hateten saida?

3. Saida mak akontese kuandu ema Ismael sira mai?

4. José nia maun sira halo saida atu halo aman hanoin katak José mate ona?

Pergunta seluk:

1. Lee Gênesis 37:1-35.

   1. Oinsá mak ema kristaun bele halo tuir José nia ezemplu kuandu fó-hatene hahalok sala iha kongregasaun? (Gên. 37:2; Lev. 5:1; 1 Kor. 1:11)

   2. Tansá mak José nia maun sira trata nia ho hahalok aat? (Gên. 37:11, 18; Prov. 27:4; Tgo. 3:14-16)

   3. Saida mak Jacob halo, neʼebé normál kuandu membru família ida mate? (Gên. 37:35)

Istória 22

1. José tinan hira kuandu ema lori nia ba Ejitu? Saida mak akontese iha neʼebá?

2. Tanbasá mak José tama iha komarka laran?

3. José simu responsabilidade saida iha komarka?

4. Iha komarka, José halo saida ba ema neʼebé toma konta ba Faraó nia hemu, no Faraó nia padeiru?

5. Saida mak akontese depois ema neʼebé toma konta ba hemu sai tiha husi komarka?

Pergunta seluk:

1. Lee Gênesis 39:1-23.

   Maski iha José nia loron seidauk iha ukun-fuan husi Maromak neʼebé hakerek tiha ona, neʼebé bandu adultériu, tansá mak José halai husi Potifar nia feen? (Gên. 2:24; 20:3; 39:9)

2. Lee Gênesis 40:1-23.

   1. Ema neʼebé toma konta ba Faraó nia hemu mehi saida? Saida mak esplikasaun neʼebé Jeová fó ba José? (Gên. 40:9-13)

   2. Padeiru iha mehi saida, no mehi neʼe katak sá? (Gên. 40:16-19)

   3. Ohin loron, oinsá mak grupu atan laran-metin no matenek halo tuir José nia atitude? (Gên. 40:8; Sal. 36:9; Joao 17:17; Apos. 17:2, 3)

   4. Oinsá mak Gênesis 40:20 ajuda ita komprende kristaun loos nia hanoin kona-ba selebrasaun halo tinan? (Ecle. 7:1; Mc. 6:21-28)

Istória 23

1. Kalan ida, saida mak akontese ba Faraó?

2. Tanbasá mak ema neʼebé toma konta ba hemu, ikusmai, hanoin-hetan José?

3. Iha dezeñu neʼe, Faraó hetan mehi rua saida?

4. José hateten mehi neʼe katak sá?

5. Oinsá mak José sai ema-boot liu iha Ejitu, tuir Faraó?

6. Tanbasá mak José nia maun sira mai Ejitu? No tanbasá sira la rekoñese José?

7. José hanoin-hetan mehi saida? Mehi neʼe ajuda nia komprende saida?

Pergunta seluk:

1. Lee Gênesis 41:1-57.

   1. Oinsá mak José dada ema nia atensaun ba Jeová? Oinsá mak ema kristaun ohin loron bele halo tuir ninia ezemplu? (Gên. 41:16, 25, 28; Mt. 5:16; 1 Ped. 2:12)

   2. Ejitu iha tempu ho ai-han barak, no tempu hamlaha. Oinsá mak ida-neʼe hatudu loloos katak kondisaun espirituál husi Jeová nia povu ohin loron mak lahanesan ho kondisaun espirituál Kristandade nian? (Gên. 41:29, 30; Amós 8:11, 12)

2. Lee Gênesis 42:1-8 no 50:20.

   Sala ka lae ba ema neʼebé adora Jeová atu hakruʼuk an iha ema nia oin atu hatudu respeitu ba nia no ninia pozisaun, se ida-neʼe mak lisan ida iha rai neʼe? (Gên. 42:6)

Istória 24

1. Tanbasá mak José duun nia maun sira nuʼudar espiaun?

2. Tanbasá mak Jacob husik ninia oan-mane ikun, Benjamim, bá toʼo Ejitu?

3. Tanbasá mak José nia kopu osan-mutin iha Benjamim nia saku laran?

4. Judá prontu atu halo saida hodi Benjamim bele fila ba uma?

5. Oinsá mak José nia maun troka sira-nia an?

Pergunta seluk:

1. Lee Gênesis 42:9-38.

   Tansá mak buat neʼebé José koʼalia iha Gênesis 42:18 diʼak ba sira neʼebé iha responsabilidade iha Jeová nia organizasaun ohin loron? (Neem. 5:15; 2 Kor. 7:1, 2)

2. Lee Gênesis 43:1-34.

   1. Maski Ruben oan primeiru, oinsá mak ita hatene katak Judá koʼalia atu reprezenta nia maun-alin hotu? (Gên. 43:3, 8, 9; 44:14, 18; 1 Crôn. 5:2)

   2. Oinsá mak José koko nia maun sira, no tanbasá? (Gên. 43:33, 34)

3. Lee Gênesis 44:1-34.

   1. José finje katak nia ema hanesan saida, hodi hasubar ninia identidade husi ninia maun sira? (Gên. 44:5, 15; Lev. 19:26)

   2. Oinsá mak José nia maun hatudu katak sira la laran-moras tan ba José? (Gên. 44:13, 33, 34)

Istória 25

1. Saida mak akontese kuandu José fó-hatene nia an ba ninia maun-alin?

2. Saida mak José esplika ho laran-diʼak ba nia maun-alin?

3. Faraó hateten saida bainhira nia rona kona-ba José nia maun-alin?

4. Jacob nia família mak ema naʼin-hira kuandu sira muda ba Ejitu?

5. Ema bolu Jacob nia família saida? Tanbasá?

Pergunta seluk:

1. Lee Gênesis 45:1-28.

   Oinsá mak istória iha Bíblia kona-ba José hatudu katak maski ema hakarak halo aat ba Jeová nia povu, Jeová bele troka situasaun neʼe atu iha rezultadu diʼak? (Gên. 45:5-8; Isa. 8:10; Flp. 1:12-14)

2. Lee Gênesis 46:1-27.

   Jeová promete saida ba Jacob kuandu nia laʼo-rai ba Ejitu? (Gên. 46:1-4, nota iha rodapé)

Istória 26

1. Sé mak Job?

2. Saida mak Satanás koko atu halo? Nia konsege ka lae?

3. Jeová fó lisensa ba Satanás atu halo saida? No tanbasá?

4. Tanbasá mak Job nia feen dehan ba nia “hatete-aat Maromak no mate”? (Haree dezeñu.)

5. Hanesan ó bele haree iha dezeñu segundu, Jeová fó bensaun saida deʼit ba Job? No tanbasá?

6. Se ita fiar-metin ba Jeová, hanesan Job, bensaun saida deʼit mak ita sei simu?

Pergunta seluk:

1. Lee Jó 1:1-22.

   Oinsá mak ema kristaun ohin loron bele halo tuir Job nia ezemplu? (Jó 1:1; Flp. 2:15; 2 Ped. 3:14)

2. Lee Jó 2:1-13.

   Kuandu Satanás fó terus ba Job, oinsá mak Job nia reasaun lahanesan ho ninia feen nia reasaun? (Jó 2:9, 10; Prov. 19:3; Miq. 7:7; Mal. 3:14)

3. Lee Jó 42:10-17.

   1. Saida mak hanesan entre bensaun neʼebé Job no Jesus simu tanba fiar-metin ba Jeová durante sira-nia moris tomak? (Jó 42:12; Flp. 2:9-11)

   2. Oinsá mak bensaun sira neʼebé Job simu tanba hamriik metin ba Maromak, anima ita? (Jó 42:10, 12; Ebr. 6:10; Tgo. 1:2-4, 12; 5:11)

Istória 27

1. Iha dezeñu neʼe, sé mak ema neʼebé kaer xikote, no nia baku sé?

2. Depois José mate, saida mak akontese ba ema Izraél?

3. Tanbasá mak ema Ejitu sai taʼuk ba ema Izraél?

4. Saida mak Faraó haruka ba feto sira neʼebé ajuda feto Izraél neʼebé tuur ahi?

Pergunta seluk:

1. Lee Êxodo 1:6-22.

   1. Oinsá mak Jeová komesa atu kumpre nia promesa ba Abraão? (Êx. 1:7; Gên. 12:2; Apos. 7:17)

   2. Oinsá mak feto daia ebreu nian hatudu respeitu ba moris nuʼudar buat neʼebé santu? (Êx. 1:17; Gên. 9:6)

   3. Tanba feto daia neʼe fiar-metin ba Jeová, sira hetan bensaun saida? (Êx. 1:20, 21; Prov. 19:17)

   4. Oinsá mak Satanás koko atu estraga buat neʼebé Jeová hakarak halo ba Abraão nia Bei-Oan neʼebé promete nanis ona? (Êx. 1:22; Mt. 2:16)

Istória 28

1. Iha dezeñu, sé mak bebé neʼe, no nia kaer sé-nia liman?

2. Saida mak Moisés nia inan halo atu salva nia husi mate?

3. Iha dezeñu, sé mak feto kiʼik neʼe, no antes Faraó nia oan-feto mai, feto kiʼik neʼe halo saida?

4. Kuandu Faraó nia oan-feto hetan bebé, Miriam hatete saida?

5. Liurai-oan feto dehan saida ba Moisés nia inan?

Pergunta seluk:

1. Lee Êxodo 2:1-10.

   Oportunidade saida mak Moisés nia inan iha atu fó treinu no hanorin ba Moisés kuandu Moisés sei kiʼik? Ohin loron, inan-aman sira bele aprende saida husi ida-neʼe? (Êx. 2:9, 10; Deut. 6:6-9; Prov. 22:6; Ef. 6:4; 2 Tim. 3:15)

Istória 29

1. Moisés sai boot iha neʼebé, maibé nia hatene saida kona-ba ninia inan-aman?

2. Saida mak Moisés halo kuandu nia tinan 40?

3. Saida mak Moisés hatete ba ema Izraél ida neʼebé baku malu ho ema seluk, no saida mak ema neʼe hatán fali?

4. Tanbasá mak Moisés halai husi Ejitu?

5. Moisés halai ba neʼebé, no sé mak nia hasoru iha neʼebá?

6. Durante tinan 40 depois Moisés halai husi Ejitu, nia halo saida?

Pergunta seluk:

1. Lee Êxodo 2:11-25.

   Maski Moisés hetan eskola tuir ema Ejitu nia matenek durante tinan barak, oinsá mak nia hatudu katak nia fó-laran ba Jeová no ba ninia maluk Izraél? (Êx. 2:11, 12; Ebr. 11:24)

2. Lee Apostolu 7:22-29.

   Lisaun saida mak ita bele aprende husi Moisés kuandu nia koko mesak atu ajuda nia maluk atu la sai atan tan iha Ejitu? (Apos. 7:23-25; 1 Ped. 5:6, 10)

Istória 30

1. Iha dezeñu neʼe, foho neʼe naran saida?

2. Konta buat neʼebé Moisés haree neʼebé la normál, kuandu nia hein bibi iha foho neʼe.

3. Lian husi ai-tarak neʼebé lakan dehan saida? Neʼe sé-nia lian?

4. Moisés hatete saida kuandu Maromak haruka nia atu lori nia povu sai husi Ejitu?

5. Saida mak Maromak hatete ba Moisés atu dehan, se ema husu sé mak haruka nia?

6. Oinsá mak Moisés bele hatudu katak Maromak haruka nia?

Pergunta seluk:

1. Lee Êxodo 3:1-22.

   Se ita sente katak ita ladún matenek atu halaʼo knaar teokrátiku ida, oinsá mak buat neʼebé akontese ba Moisés hametin ita-nia konfiansa katak Jeová sei apoia ita? (Êx. 3:11, 13; 2 Kor. 3:5, 6)

2. Lee Êxodo 4:1-20.

   1. Durante tinan 40 neʼebé Moisés hela iha Midian, nia atitude troka. Saida mak lahanesan ho Moisés nia atitude? Ida-neʼe fó lisaun saida ba ema neʼebé hakarak hetan priviléjiu iha kongregasaun laran? (Êx. 2:11, 12; 4:10, 13; Miq. 6:8; 1 Tim. 3:1, 6, 10)

   2. Moisés nia ezemplu bele fó konfiansa saida, se ita hetan dixiplina husi Jeová liuhusi ninia organizasaun? (Êx. 4:12-14; Sal. 103:14; Ebr. 12:4-11)

Istória 31

1. Saida mak ema Izraél fiar kuandu sira haree milagre sira neʼebé Moisés no Aarão halo?

2. Moisés no Aarão dehan saida ba Faraó? No oinsá mak Faraó hatán?

3. Hanesan ita haree iha dezeñu neʼe, saida mak akontese bainhira Aarão soe nia ai-tonka ba rai?

4. Oinsá mak Jeová hanorin Faraó buat ruma? No tan neʼe, Faraó halo saida?

5. Saida mak akontese depois malisan 10?

Pergunta seluk:

1. Lee Êxodo 4:27-31 no 5:1-23.

   Kuandu Faraó hatete: “Haʼu la koñese Jeová”, neʼe katak sá loos? (Êx. 5:2; 1 Sam. 2:12; Rom. 1:21)

2. Lee Êxodo 6:1-13, 26-30.

   1. Iha dalan saida mak Jeová la fó sai nia an ba Abraão, Isaac no Jacob? (Êx. 3:13, 14; 6:3; Gên. 12:8)

   2. Maski Moisés sente katak nia la bele halo nia knaar, Jeová sei uza nia. Ida-neʼe halo ita sente oinsá? (Êx. 6:12, 30; Lc. 21:13-15)

3. Lee Êxodo 7:1-13.

   1. Moisés no Aarão hatoʼo Jeová nia mensajen julgamentu nian ba Faraó ho aten-brani. Sira fó ezemplu saida ba Jeová nia atan sira ohin loron? (Êx. 7:2, 3, 6; Apos. 4:29-31)

   2. Oinsá mak Jeová hatudu katak nia aas liu no boot liu fali ema Ejitu nia maromak sira? (Êx. 7:12; 1 Crôn. 29:12)

Istória 32

1. Hodi uza dezeñu, konta malisan tolu primeiru neʼebé Jeová fó ba Ejitu.

2. Saida mak lahanesan ho malisan tolu primeiru no malisan sira seluk?

3. Saida mak malisan ba dala haat, lima no neen?

4. Konta malisan ba dala hitu, ualu no sia.

5. Saida mak Jeová haruka ema Izraél atu halo antes malisan ba dala sanulu?

6. Saida mak malisan ba dala sanulu? No saida mak akontese depois malisan neʼe mosu?

Pergunta seluk:

1. Lee Êxodo 7:19–8:23.

   1. Maski Ejitu nia amlulik, neʼebé halaʼo masonik, bele halo hanesan Jeová nia malisan rua primeiru, saida mak sira tenke rekoñese depois malisan ba dala tolu mosu? (Êx. 8:18, 19; Mt. 12:24-28)

   2. Oinsá mak malisan ba dala haat hatudu katak Jeová bele proteje ninia povu? Koñesimentu neʼe halo Jeová nia povu ohin loron sente oinsá kona-ba “terus makaʼas” neʼebé Bíblia fó-hatene nanis? (Êx. 8:22, 23; Apok. 7:13, 14; 2 Crôn. 16:9)

2. Lee Êxodo 8:24; 9:3, 6, 10, 11, 14, 16, 23-25; no 10:13-15, 21-23.

   1. Malisan Sanulu hatudu katak iha grupu rua saida? Oinsá mak ita sente kona-ba grupu rua neʼe ohin loron? (Êx. 8:10, 18, 19; 9:14)

   2. Oinsá mak Êxodo 9:16 ajuda ita atu hatene tansá Jeová husik Satanás atu iha toʼo agora? (Rom. 9:21, 22)

3. Lee Êxodo 12:21-32.

   Oinsá mak Páskua primeiru neʼe halo ema barak hetan salvasaun? Páskua neʼe reprezenta saida? (Êx. 12:21-23; Joao 1:29; Rom. 5:18, 19, 21; 1 Kor. 5:7)

Istória 33

1. Mane Izraél naʼin-hira mak sai husi Ejitu hamutuk ho feto no labarik sira, no sé mak tuir hamutuk ho sira?

2. Depois Faraó haruka ema Izraél bá, nia sente oinsá, no nia halo saida?

3. Saida mak Jeová halo atu hapara ema Ejitu ataka ninia povu?

4. Saida mak akontese kuandu Moisés lolo nia ai-tonka iha Tasi Mean nia leten? No ema Izraél halo saida?

5. Saida mak akontese kuandu ema Ejitu tama iha tasi atu duni tuir ema Izraél?

6. Oinsá mak ema Izraél hatudu katak sira haksolok no hakarak fó obrigadu ba Jeová tanba sira hetan salvasaun?

Pergunta seluk:

1. Lee Êxodo 12:33-36.

   Saida mak Jeová halo hodi ema Izraél simu duni sira-nia kolen ba serbisu neʼebé sira halo nuʼudar ema Ejitu nia atan ba tempu kleur? (Êx. 3:21, 22; 12:35, 36)

2. Lee Êxodo 14:1-31.

   Oinsá mak Moisés nia liafuan neʼebé hakerek iha Êxodo 14:13, 14 kona Jeová nia atan sira ohin loron nuʼudar sira hasoru funu Armajedón neʼebé atu mai? (2 Crôn. 20:17; Sal. 91:8)

3. Lee Êxodo 15:1-8, 20, 21.

   1. Tansá mak Jeová nia atan sira tenke kanta hodi hahiʼi nia? (Êx. 15:1, 2; Sal. 105:2, 3; Apok. 15:3, 4)

   2. Kuandu Miriam no feto sira hahiʼi Jeová iha Tasi Mean, sira fó ezemplu saida ba feto kristaun sira ohin loron? (Êx. 15:20, 21; Sal. 68:11)

Istória 34

1. Iha dezeñu neʼe, ema foti saida husi rai, no ida-neʼe bolu saida?

2. Saida mak Moisés hateten ba povu kona-ba foti maná?

3. Saida mak Jeová haruka povu atu halo iha loron neen? No tanbasá?

4. Milagre saida mak Jeová halo bainhira ema rai maná atu han iha loron hitu?

5. Toʼo tinan hira mak Jeová fó maná ba povu atu han?

Pergunta seluk:

1. Lee Êxodo 16:1-36 no Números 11:7-9.

   1. Oinsá mak Êxodo 16:8 hatudu katak ita tenke respeitu knaar teokrátiku neʼebé irmaun balu halaʼo atu toma konta ba kongregasaun? (Ebr. 13:17)

   2. Iha rai-fuik maran, oinsá mak Jeová fó-hanoin loroloron ba ema Izraél atu sadere ba nia? (Êx. 16:14-16, 35; Deut. 8:2, 3)

   3. Jesus dehan katak maná neʼe reprezenta saida? Oinsá mak ita hetan benefísiu husi ‘paun neʼebé tun husi lalehan’? (Joao 6:31-35, 40)

2. Read Josué 5:10-12.

   Durante tinan hira mak ema Izraél han maná, oinsá ida-neʼe koko sira, no saida mak ita bele aprende husi istória ida-neʼe? (Êx. 16:35; Núm. 11:4-6; 1 Kor. 10:10, 11)

Istória 35

1. Maizumenus fulan rua depois ema Izraél sai husi Ejitu, sira hela iha neʼebé?

2. Jeová hakarak ema Izraél atu halo saida, no saida mak sira hatán?

3. Tanbasá mak Jeová fó fatuk belar rua ba Moisés?

4. Hamutuk ho Ukun-Fuan Sanulu, ukun-fuan seluk saida mak Jeová fó ba ema Izraél?

5. Jesus hatete katak ukun-fuan rua saida mak boot liu?

Pergunta seluk:

1. Lee Êxodo 19:1-25; 20:1-21; 24:12-18; no 31:18.

   Liafuan neʼebé hakerek iha Êxodo 19:8 hatudu saida kona-ba dedikasaun kristaun? (Mt. 16:24; 1 Ped. 4:1-3)

2. Lee Deuteronômio 6:4-6; Levítico 19:18; no Mateus 22:36-40.

   Oinsá mak ema kristaun hatudu sira-nia domin ba Maromak no ba maluk? (Mc. 6:34; Apos. 4:20; Rom. 15:2)

Istória 36

1. Iha dezeñu, ema sira-neʼe halo saida? No tanbasá?

2. Tanbasá mak Jeová hirus? Saida mak Moisés halo bainhira nia haree ida-neʼe?

3. Moisés haruka mane balu atu halo saida?

4. Saida mak ita aprende husi istória neʼe?

Pergunta seluk:

1. Lee Êxodo 32:1-35.

   1. Istória neʼe hatudu katak Jeová hanoin saida kona-ba kahur relijiaun falsu ho adorasaun loos? (Êx. 32:4-6, 10; 1 Kor. 10:7, 11)

   2. Ema kristaun sira tenke kuidadu kona-ba saida kuandu sira hili halimar, hanesan kanta no dansa? (Êx. 32:18, 19; Ef. 5:15, 16; 1 Joao 2:15-17)

   3. Oinsá mak suku Leví hatudu ezemplu diʼak kona-ba hamriik metin ba buat neʼebé loos? (Êx. 32:25-28; Sal. 18:25)

Istória 37

1. Tenda iha dezeñu neʼe bolu saida, no uza atu halo saida?

2. Tanbasá mak Jeová haruka Moisés atu halo tenda iha dalan neʼebé bele sobu lalais?

3. Iha tenda, saida mak kaixa iha sala kiʼik, no saida mak iha kaixa laran?

4. Sé mak Jeová hili atu sai amlulik boot, no amlulik boot halo saida?

5. Iha tenda, buat tolu saida mak iha sala boot liu nia laran?

6. Iha tabernákulu nia liʼur, iha buat rua saida, no uza atu halo saida?

Pergunta seluk:

1. Lee Êxodo 25:8-40; 26:1-37; 27:1-8; no 28:1.

   Kerubín sira iha “arka testemuñu” nia leten reprezenta saida? (Êx. 25:20, 22; Núm. 7:89; 2 Reis 19:15)

2. Lee Êxodo 30:1-10, 17-21; 34:1, 2; no Ebreu 9:1-5.

   1. Tanbasá mak Jeová haruka amlulik sira neʼebé serbí iha tabernákulu atu mantein sira-nia isin moos? Tanbasá ida-neʼe mós importante mai ita ohin loron? (Êx. 30:18-21; 40:30, 31; Ebr. 10:22)

   2. Iha apóstolu Paulo nia surat ba ema kristaun ebreu sira, oinsá mak nia hatudu katak tabernákulu no aliansa Ukun-Fuan nian la aplika tan? (Ebr. 9:1, 9; 10:1)

Istória 38

1. Konta kona-ba uvas futun iha dezeñu neʼe. Uvas neʼe lori husi neʼebé?

2. Tanbasá mak Moisés haruka espiaun naʼin-12 ba Kanaan?

3. Espiaun hatete saida kuandu fila fali ba Moisés?

4. Oinsá mak espiaun naʼin-rua konfia ba Jeová? Sira naran sá?

5. Tanbasá mak Jeová sai hirus, no nia hatete saida ba Moisés?

Pergunta seluk:

1. Lee Números 13:1-33.

   1. Sé mak bá atu hafuhu rai, no tanbasá oportunidade neʼe diʼak tebes? (Núm. 13:2, 3, 18-20)

   2. Tansá mak Josué no Caleb nia hanoin la hanesan ho espiaun sira seluk nian? (Núm. 13:28-30; Mt. 17:20; 2 Kor. 5:7)

2. Lee Números 14:1-38.

   1. Ita tenke tau atensaun ba avizu saida kona-ba muramura hasoru ema neʼebé reprezenta Jeová? (Núm. 14:2, 3, 27; Mt. 25:40, 45; 1 Kor. 10:10)

   2. Oinsá mak Números 14:24 hatudu Jeová iha interese ba ninia atan ida-idak? (1 Reis 19:18; Prov. 15:3)

Istória 39

1. Sé mak kontra hasoru Moisés no Aarão nia autoridade? Saida mak sira hatete ba Moisés?

2. Saida mak Moisés haruka Coré no ema naʼin-250 neʼebé tuir Coré atu halo?

3. Saida mak Moisés hatete ba povu? Kuandu Moisés koʼalia tiha, saida mak akontese kedas?

4. Saida mak akontese ba Coré no ema naʼin-250 neʼebé tuir nia?

5. Saida mak Aarão nia oan Eleazar halo ho ema mate sira-nia kanuru-ahi? No tanbasá?

6. Tanbasá mak Jeová halo ai-funan moris husi Aarão nia ai-tonka? (Haree dezeñu.)

Pergunta seluk:

1. Lee Números 16:1-49.

   1. Coré no ema neʼebé tuir nia halo saida? Tanbasá hahalok neʼe kontra Jeová? (Núm. 16:9, 10, 18; Lev. 10:1, 2; Prov. 11:2)

   2. Coré no “xefe sira kongregasaun nian” haburas hanoin sala saida? (Núm. 16:1-3; Prov. 15:33; Isa. 49:7)

2. Lee Números 17:1-11 no 26:10.

   1. Ai-funan neʼebé moris iha Aarão nia ai-tonka hatudu saida? Tansá mak Jeová haruka tau ai-tonka neʼe iha arka laran? (Núm. 17:5, 8, 10)

   2. Lisaun importante saida mak ita bele aprende husi sinál neʼebé mosu iha Aarão nia ai-tonka? (Núm. 17:10; Apos. 20:28; Flp. 2:14; Ebr. 13:17)

Istória 40

1. Oinsá mak Jeová tau matan ba ema Izraél iha rai-fuik maran?

2. Kuandu ema Izraél hela iha Kades, sira kesar kona-ba saida?

3. Oinsá mak Jeová fó bee ba povu no sira-nia animál?

4. Iha dezeñu neʼe, sé mak ema neʼebé hatudu ba nia an, no tanbasá nia halo nuneʼe?

5. Tanbasá Jeová hirus ba Moisés no Aarão? Sira hetan kastigu saida?

6. Saida mak akontese iha Foho Hor? Sé mak sai Izraél nia amlulik boot?

Pergunta seluk:

1. Lee Números 20:1-13, 22-29 no Deuteronômio 29:5.

   1. Saida mak ita aprende husi dalan neʼebé Jeová tau matan ba ema Izraél iha rai-fuik maran? (Deut. 29:5; Mt. 6:31; Ebr. 13:5; Tgo. 1:17)

   2. Saida mak Jeová hanoin kuandu Moisés no Aarão la hahiʼi Nia iha nasaun Izraél nia oin? (Núm. 20:12; 1 Kor. 10:12; Apok. 4:11)

   3. Saida mak ita bele aprende husi dalan neʼebé Moisés simu dixiplina husi Jeová? (Núm. 12:3; 20:12, 27, 28; Deut. 32:4; Ebr. 12:7-11)

Istória 41

1. Iha dezeñu neʼe, saida mak bobar iha ai-lolon, no tanbasá mak Jeová haruka Moisés halo ida-neʼe?

2. Oinsá mak povu hatudu katak sira la fó obrigadu ba buat hotu neʼebé Maromak halo ba sira?

3. Kuandu Jeová uza samea ho venenu atu fó kastigu ba povu, saida mak sira husu Moisés atu halo?

4. Tanbasá mak Jeová haruka Moisés halo samea riti?

5. Saida mak ita aprende husi istória neʼe?

Pergunta seluk:

1. Lee Números 21:4-9.

   1. Avizu saida mak ita hetan husi ema Izraél neʼebé kesar kona-ba buat neʼebé Jeová fó ba sira? (Núm. 21:5, 6; Rom. 2:4)

   2. Iha tempu neʼebé liurai sira ukun Izraél, oinsá mak ema Izraél uza samea riti neʼe? Saida mak Liurai Ezequias halo tanba problema neʼe? (Núm. 21:9; 2 Reis 18:1-4)

2. Lee Joao 3:14, 15.

   Oinsá mak samea riti iha ai-lolon reprezenta loos ema hedi Jesus ba ai-riin? (Gal. 3:13; 1 Ped. 2:24)

Istória 42

1. Sé mak Balac? Tanbasá mak nia husu Balaão atu mai?

2. Tanbasá Balaão nia kuda-burru toba iha dalan?

3. Balaão rona kuda-burru hatete saida?

4. Saida mak anju ida hatete ba Balaão?

5. Saida mak akontese kuandu Balaão koko atu hotar Izraél?

Pergunta seluk:

1. Lee Números 21:21-35.

   Tanbasá mak Izraél manán ema Amorreu nia liurai Seón, no Liurai Og husi Basan? (Núm. 21:21, 23, 33, 34)

2. Lee Números 22:1-40.

   Tanbasá mak Balaão hakarak hotar Izraél? Saida mak ita aprende husi ida-neʼe? (Núm. 22:16, 17; Prov. 6:16, 18; 2 Ped. 2:15; Jud. 11)

3. Lee Números 23:1-30.

   Maski Balaão koʼalia hanesan ema neʼebé adora Jeová, oinsá mak ninia hahalok hatudu oin-seluk? (Núm. 23:3, 11-14; 1 Sam. 15:22)

4. Lee Números 24:1-25.

   Oinsá mak istória husi Bíblia neʼe hametin ita-nia fiar katak Jeová sei halo ninia hakarak? (Núm. 24:10; Isa. 54:17)

Istória 43

1. Iha dezeñu neʼe, sé mak mane naʼin-rua neʼebé hamriik hamutuk ho Moisés?

2. Saida mak Jeová hatete ba Josué?

3. Tanbasá mak Moisés saʼe ba Foho Nebu, no saida mak Jeová hatete ba nia?

4. Moisés tinan hira kuandu nia mate?

5. Tanbasá mak povu triste, no saida mak halo sira kontente?

Pergunta seluk:

1. Lee Números 27:12-23.

   Josué simu knaar importante tebes saida husi Jeová? Oinsá mak Jeová tau matan ba ninia povu ohin loron? (Núm. 27:15-19; Apos. 20:28; Ebr. 13:7)

2. Lee Deuteronômio 3:23-29.

   Tansá mak Jeová la husik Moisés no Aarão tama rai promesa nian? Saida mak ita bele aprende husi ida-neʼe? (Deut. 3:25-27; Núm. 20:12, 13)

3. Lee Deuteronômio 31:1-8, 14-23.

   Oinsá mak liafuan ikus husi Moisés hatudu katak, ho laran-kraik, nia simu dixiplina husi Jeová? (Deut. 31:6-8, 23)

4. Lee Deuteronômio 32:45-52.

   Oinsá mak Maromak nia Liafuan tenke kona ita-nia moris? (Deut. 32:47; Lev. 18:5; Ebr. 4:12)

5. Lee Deuteronômio 34:1-12.

   Maski Moisés nunka haree Jeová ho ninia matan rasik, saida mak Deuteronômio 34:10 hatudu kona-ba ninia relasaun ho Jeová? (Êx. 33:11, 20; Núm. 12:8)

Istória 44

1. Raab hela iha neʼebé?

2. Sé mak mane naʼin-rua iha dezeñu neʼe, no tanbasá sira iha Jerikó?

3. Jerikó nia liurai haruka Raab atu halo saida? Saida mak Raab hatán?

4. Oinsá mak Raab ajuda mane naʼin-rua neʼe? No favór saida mak nia husu?

5. Saida mak espiaun naʼin-rua promete ba Raab?

Pergunta seluk:

1. Lee Josué 2:1-24.

   Oinsá mak Jeová kumpre ninia promesa neʼebé hakerek iha Êxodo 23:28 kuandu ema Izraél bá funu ho Jerikó? (Jos. 2:9-11)

2. Lee Ebreu 11:31.

   Oinsá mak Raab nia ezemplu hatudu katak fiar importante tebes? (Rom. 1:17; Ebr. 10:39; Tgo. 2:25)

Istória 45

1. Jeová halo milagre saida atu ema Izraél bele hakur Mota Jordaun?

2. Hahalok saida neʼebé hatudu fiar mak ema Izraél tenke iha atubele hakur Mota Jordaun?

3. Tanbasá mak Jeová haruka Josué atu foti fatuk boot 12 husi mota?

4. Saida mak akontese kedas, iha tempu neʼebé amlulik sira sai husi Jordaun?

Pergunta seluk:

1. Lee Josué 3:1-17.

   1. Hanesan istória neʼe hatudu, saida mak ita tenke halo hodi simu Jeová nia ajuda no bensaun? (Jos. 3:13, 15; Prov. 3:5; Tgo. 2:22, 26)

   2. Kuandu ema Izraél sira atu hakur Mota Jordaun hodi tama Rai neʼebé Maromak Promete, Mota Jordaun neʼe oinsá? Oinsá mak ida-neʼe hahiʼi Jeová nia naran? (Jos. 3:15; 4:18; Sal. 66:5-7)

2. Lee Josué 4:1-18.

   Tanbasá mak ema Izraél foti fatuk 12 husi Jordaun no hada iha Gilgal? (Jos. 4:4-7)

Istória 46

1. Saida mak Jeová haruka soldadu no amlulik sira atu halo ba loron neen?

2. Saida mak mane sira-neʼe tenke halo iha loron hitu?

3. Hanesan ó haree iha dezeñu neʼe, saida mak akontese daudauk ba moru Jerikó?

4. Tanbasá tali mean neʼe tara iha janela?

5. Saida mak Josué haruka soldadu atu halo ba povu Jerikó no sidade? Maibé saida mak sira tenke halo ba osan-mutin, osan-mean, riti no besi?

6. Espiaun naʼin-rua tenke halo saida?

Pergunta seluk:

1. Lee Josué 6:1-25.

   1. Oinsá mak marxa haleʼu Jerikó neʼebé ema Izraél halo iha loron hitu hanesan ho atividade haklaken nian neʼebé Testemuña ba Jeová halaʼo iha loron ikus sira-neʼe? (Jos. 6:15, 16; Isa. 60:22; Mt. 24:14; 1 Kor. 9:16)

   2. Liutiha maizumenus tinan 500, oinsá mak profesia neʼebé hakerek iha Josué 6:26 sai loos? Ida-neʼe hanorin ita saida kona-ba Jeová nia liafuan? (1 Reis 16:34; Isa. 55:11)

Istória 47

1. Iha dezeñu neʼe, sé mak ema neʼebé hakoi rikusoin husi Jerikó, no sé mak ajuda nia?

2. Tanbasá buat neʼebé Acan no ninia família halo mak aat?

3. Kuandu Josué husu tansá ema Izraél lakon funu iha Ai, saida mak Jeová hatán?

4. Kuandu Acan no ninia família bá hasoru Josué, saida mak akontese ba sira?

5. Lisaun importante saida mak ita aprende husi kastigu neʼebé Acan hetan?

Pergunta seluk:

1. Lee Josué 7:1-26.

   1. Josué nia orasaun sira hatudu saida kona-ba ninia relasaun ho ninia Kriadór? (Jos. 7:7-9; Sal. 119:145; 1 Joao 5:14)

   2. Saida mak Acan nia ezemplu hatudu, no oinsá mak ida-neʼe hanesan avizu ida mai ita? (Jos. 7:11, 14, 15; Prov. 15:3; 1 Tim. 5:24; Ebr. 4:13)

2. Lee Josué 8:1-29.

   Ohin loron, ita ida-ida iha responsabilidade saida ba kongregasaun kristaun? (Jos. 7:13; Lev. 5:1; Prov. 28:13)

Istória 48

1. Oinsá mak ema Jibeón lahanesan ho ema Kanaan seluk?

2. Hanesan dezeñu neʼe hatudu, saida mak ema Jibeón halo? No tanbasá?

3. Josué no ulun-naʼin Izraél seluk promete saida ba ema Jibeón? Maibé loron tolu tuirmai, sira foin hatene saida?

4. Kuandu liurai sira husi sidade seluk rona katak ema Jibeón halo dame ho Izraél, saida mak akontese?

Pergunta seluk:

1. Lee Josué 9:1-27.

   1. Tanba Jeová haruka ema Izraél atu “halakon ema hotu neʼebé hela iha rai”, kualidade saida mak Jeová hatudu kuandu nia husik ema Jibeón moris? (Jos. 9:22, 24; Mt. 9:13; Apos. 10:34, 35; 2 Ped. 3:9)

   2. Tanba Josué halo tuir nafatin aliansa neʼebé halo ho ema Jibeón, nia fó ezemplu saida ba ema kristaun sira ohin loron? (Jos. 9:18, 19; Mt. 5:37; Ef. 4:25)

2. Lee Josué 10:1-5.

   Oinsá mak ema-lubun boot ohin loron halo tuir ema Jibeón nia ezemplu? Tan neʼe, sira hetan susar saida? (Jos. 10:4; Zac. 8:23; Mt. 25:35-40; Apok. 12:17)

Istória 49

1. Iha dezeñu neʼe, Josué hatete saida, no tanbasá?

2. Oinsá mak Jeová ajuda Josué no soldadu sira?

3. Josué manán liurai inimigu naʼin-hira? Nia demora tinan hira atu manán sira?

4. Tanbasá mak Josué buka duni atu fahe rai Kanaan?

5. Kuandu Josué mate, nia tinan hira, no tuirmai, saida mak akontese ba povu?

Pergunta seluk:

1. Lee Josué 10:6-15.

   Tanba ita hatene katak Jeová halo loro-matan no fulan para ba Izraél, ohin loron ita bele fiar saida? (Jos. 10:8, 10, 12, 13; Sal. 18:3; Prov. 18:10)

2. Lee Josué 12:7-24.

   Sé mak loloos manán liurai naʼin-31 iha Kanaan, no tanbasá ida-neʼe importante mai ita ohin loron? (Jos. 12:7; 24:11-13; Deut. 31:8; Lc. 21:9, 25-28)

3. Lee Josué 14:1-5.

   Oinsá mak sira fahe rai ba Izraél nia suku sira? Saida mak ida-neʼe hatudu kona-ba simu liman-rohan iha Paraízu? (Jos. 14:2; Isa. 65:21; Eze. 47:21-23; 1 Kor. 14:33)

4. Lee Josué 2:8-13.

   Hanesan Josué iha Izraél, sé mak satan netik apostazia ohin loron? (Juíz. 2:8, 10, 11; Mt. 24:45-47; 2 Tes. 2:3-6; Tito 1:7-9; Apok. 1:1; 2:1, 2)

Istória 50

1. Saida mak juis sira halo? Sira balu nia naran sá?

2. Débora simu knaar espesiál saida? Knaar neʼe hanesan saida?

3. Kuandu Liurai Jabin no ninia xefe tropa Sísera ameasa Izraél, mensajen husi Jeová saida mak Débora hatoʼo ba Juis Barac? Débora hatete katak sé mak atu hetan glória?

4. Oinsá mak Jael hatudu katak nia feto ida neʼebé brani?

5. Saida mak akontese depois Liurai Jabin mate?

Pergunta seluk:

1. Lee Juízes 2:14-22.

   Oinsá mak ema Izraél halo Jeová hirus ba sira? Lisaun saida mak ita aprende husi ida-neʼe? (Juíz. 2:20; Prov. 3:1, 2; Eze. 18:21-23)

2. Lee Juízes 4:1-24.

   Feto kristaun ohin loron bele aprende lisaun saida kona-ba fiar no aten-brani husi Débora no Jael nia ezemplu? (Juíz. 4:4, 8, 9, 14, 21, 22; Prov. 31:30; 1 Kor. 16:13)

3. Lee Juízes 5:1-31.

   Tanbasá mak Barac no Débora nia knanuk vitória hanesan orasaun kona-ba funu Har–Magedon neʼebé atu mai? (Juíz. 5:3, 31; 1 Crôn. 16:8-10; Apok. 7:9, 10; 16:16; 19:19-21)

Istória 51

1. Tanbasá mak Noemi muda ba rai Moab?

2. Sé mak Rute no Orpa?

3. Oinsá mak Rute no Orpa hatán kuandu Noemi haruka sira atu bá fali sira-nia povu?

4. Sé mak Boaz, no oinsá mak nia ajuda Rute no Noemi?

5. Rute no Boaz nia oan primeiru naran sá, no tanbasá importante atu hanoin-hetan ninia naran?

Pergunta seluk:

1. Lee Rute 1:1-17.

   1. Liafuan furak saida mak Rute hatete neʼebé hatudu ninia domin ho laran-metin? (Rute 1:16, 17)

   2. Oinsá mak Rute nia atitude haleno “bibi seluk” sira-nia atitude ba ema kose mina iha mundu ohin loron? (Joao 10:16; Zac. 8:23)

2. Lee Rute 2:1-23.

   Oinsá mak Rute hatudu ezemplu diʼak ba feto-klosan sira ohin loron? (Rute 2:17, 18; Prov. 23:22; 31:15)

3. Lee Rute 3:5-13.

   1. Saida mak Boaz nia hanoin kona-ba Rute nia hakarak atu kaben ho nia duké mane joven?

   2. Saida mak Rute nia atitude hanorin ita kona-ba domin ho laran-metin? (Rute 3:10; 1 Kor. 13:4, 5)

4. Lee Rute 4:7-17.

   Oinsá mak mane kristaun sira ohin loron bele tuir Boaz nia ezemplu? (Rute 4:9, 10; 1 Tim. 3:1, 12, 13; 5:8)

Istória 52

1. Oinsá mak ema Izraél hetan susar barak? Tanbasá mak sira hetan susar neʼe?

2. Tanbasá mak Jeová hatete ba Gideão katak nia iha soldadu barak liu?

3. Depois Gideão haruka ema sira neʼebé taʼuk atu fila fali ba uma, soldadu naʼin-hira mak hela?

4. Husi dezeñu neʼe, esplika toʼok oinsá Jeová hamenus Gideão nia tropa toʼo mane naʼin-300 deʼit.

5. Oinsá mak Gideão prepara ninia ema naʼin-300? Oinsá mak Izraél manán funu neʼe?

Pergunta seluk:

1. Lee Juízes 6:36-40.

   1. Oinsá mak Gideão hatene loos saida mak Jeová nia hakarak?

   2. Oinsá mak ita ohin loron bele buka-hatene saida mak Jeová nia hakarak? (Prov. 2:3-6; Mt. 7:7-11; 2 Tim. 3:16, 17)

2. Lee Juízes 7:1-25.

   1. Saida mak ita bele aprende husi ema naʼin-300 neʼebé matan-moris maski ema seluk la kuidadu? (Juíz. 7:3, 6; Rom. 13:11, 12; Ef. 5:15-17)

   2. Hanesan ema naʼin-300 aprende hodi haree ba Gideão nia ezemplu, oinsá mak ita mós bele aprende hodi haree Gideão Boot, Jesus Kristu nia ezemplu? (Juíz. 7:17; Mt. 11:29, 30; 28:19, 20; 1 Ped. 2:21)

   3. Oinsá mak Juízes 7:21 ajuda ita atu sai kontente bainhira ita simu knaar naran deʼit iha Jeová nia organizasaun? (1 Kor. 4:2; 12:14-18; Tgo. 4:10)

3. Lee Juízes 8:1-3.

   Kuandu ita hasoru problema pesoál ho irmaun ka irmán ida, saida mak ita bele aprende husi oinsá Gideão rezolve problema ho ema Efraim sira? (Prov. 15:1; Mt. 5:23, 24; Lc. 9:48)

Istória 53

1. Sé mak Jefté? Kuandu nia moris, saida mak akontese?

2. Jefté halo promesa saida ba Jeová?

3. Depois Jefté manán ema Amon no fila fali ba uma, tanbasá mak nia sai triste?

4. Kuandu Jefté nia oan-feto hatene kona-ba aman nia promesa, saida mak nia dehan?

5. Tanbasá mak povu hadomi Jefté nia oan-feto?

Pergunta seluk:

1. Lee Juízes 10:6-18.

   Oinsá mak Izraél nia hahalok neʼebé la laran-metin ba Jeová hanesan avizu ida mai ita? (Juíz. 10:6, 15, 16; Rom. 15:4; Apok. 2:10)

2. Lee Juízes 11:1-11, 29-40.

   1. Oinsá mak ita hatene katak kuandu Jefté fó ninia oan-feto nuʼudar “sakrifísiu neʼebé ahi han” laʼós katak Jefté fó ninia oan nuʼudar sakrifísiu iha ahi? (Juíz. 11:31; Lev. 16:24; Deut. 18:10, 12)

   2. Iha dalan saida mak Jefté fó ninia oan-feto nuʼudar sakrifísiu ida?

   3. Saida mak ita bele aprende husi Jefté nia atitude kona-ba ninia promesa ba Jeová? (Juíz. 11:35, 39; Ecle. 5:4, 5; Mt. 16:24)

   4. Oinsá Jefté nia oan-feto nia ezemplu mak diʼak ba kristaun klosan sira neʼebé buka atu serbí Jeová ho tempu-tomak? (Juíz. 11:36; Mt. 6:33; Flp. 3:8)

Istória 54

1. Mane forte liu hotu neʼebé uluk moris naran sá?

2. Loron ida, saida mak Sansão halo ba leaun boot, hanesan bele haree iha dezeñu neʼe?

3. Iha dezeñu neʼe, Sansão fó-hatene segredu saida ba Dalila? Hodi hatene segredu neʼe oinsá mak ema Filístia bele kaer Sansão?

4. Iha loron neʼebé Sansão mate, oinsá mak nia oho inimigu Filístia naʼin-3.000?

Pergunta seluk:

1. Lee Juízes 13:1-14.

   Oinsá mak Manoá no ninia feen fó ezemplu diʼak ba inan-aman sira kona-ba haboot oan sira? (Juíz. 13:8; Sal. 127:3; Ef. 6:4)

2. Lee Juízes 14:5-9 no 16.

   1. Sansão oho leaun, haketak tali foun neʼebé kesi metin nia, no uza kuda-burru nia ibun-ruin atu oho ema naʼin-1.000. Istória sira-neʼe hatudu saida kona-ba dalan neʼebé Jeová uza ninia espíritu santu?

   2. Oinsá mak espíritu santu ajuda ita ohin loron? (Juíz. 14:6; 15:14; Zac. 4:6; Apos. 4:31)

3. Lee Juízes 16:18-31.

   Oinsá mak halibur ho ema aat lori susar ba Sansão, no saida mak ita bele aprende husi ida-neʼe? (Juíz. 16:18, 19; 1 Kor. 15:33)

Istória 55

1. Labarik kiʼik iha dezeñu neʼe naran sá, no sé mak hamutuk ho nia?

2. Ana hatoʼo orasaun kona-ba saida kuandu nia vizita Jeová nia tabernákulu? Oinsá mak Jeová hatán?

3. Samuel tinan hira kuandu nia serbí iha Jeová nia tenda, no ninia inan halo saida ba nia tinan-tinan?

4. Eli nia oan-mane sira naran sá, no sira ema oinsá?

5. Oinsá mak Jeová bolu Samuel, no Jeová fó mensajen saida ba nia?

6. Samuel simu knaar saida kuandu boot ona, no saida mak akontese kuandu nia katuas ona?

Pergunta seluk:

1. Lee 1 Samuel 1:1-28.

   1. Elcana fó ezemplu diʼak saida ba família nia ulun kona-ba responsabilidade atu toma konta ba família nia adorasaun? (1 Sam. 1:3, 21; Mt. 6:33; Flp. 1:10)

   2. Ita bele aprende lisaun saida husi Ana nia ezemplu kuandu iha problema boot? (1 Sam. 1:10, 11; Sal. 55:22; Rom. 12:12)

2. Lee 1 Samuel 2:11-36.

   Oinsá mak Eli hatudu respeitu liu ba ninia oan sira duké ba Jeová, no oinsá ida-neʼe bele sai avizu ida mai ita? (1 Sam. 2:22-24, 27, 29; Deut. 21:18-21; Mt. 10:36, 37)

3. Lee 1 Samuel 4:16-18.

   Mensajen kona-ba dezastre haat saida mak mai husi funu fatin? Saida mak akontese ba Eli kuandu nia rona ida-neʼe?

4. Lee 1 Samuel 8:4-9.

   Oinsá mak Izraél halo Jeová laran-hirus tebes? Oinsá mak ita bele apoia Jeová nia Reinu ohin loron? (1 Sam. 8:5, 7; Joao 17:16; Tgo. 4:4)

Istória 56

1. Iha dezeñu neʼe, Samuel halo saida, no tanbasá?

2. Tanbasá mak Jeová gosta Saul, no nia ema oinsá?

3. Saul nia oan-mane naran sá, no nia halo saida?

4. Tanbasá Saul mak fó sakrifísiu duké hein Samuel atu halo ida-neʼe?

5. Husi istória kona-ba Saul, ita bele aprende lisaun saida deʼit?

Pergunta seluk:

1. Lee 1 Samuel 9:15-21 no 10:17-27.

   Oinsá mak Saul nia atitude neʼebé haraik-an ajuda nia atu la halo aat fali ba ema balu neʼebé la hatudu respeitu ba nia? (1 Sam. 9:21; 10:21, 22, 27; Prov. 17:27)

2. Lee 1 Samuel 13:5-14.

   Sala saida mak Saul halo iha Gilgal? (1 Sam. 10:8; 13:8, 9, 13)

3. Lee 1 Samuel 15:1-35.

   1. Kuandu Saul funu ho Liurai Agag husi rai Amalék, sala boot saida mak Saul halo? (1 Sam. 15:2, 3, 8, 9, 22)

   2. Oinsá mak Saul koko atu hatudu katak nia mak loos no ema seluk mak sala? (1 Sam. 15:24)

   3. Kuandu ita simu konsellu ohin loron, ita tenke halo tuir avizu saida? (1 Sam. 15:19-21; Sal. 141:5; Prov. 9:8, 9; 11:2)

Istória 57

1. Mane-klosan iha dezeñu neʼe naran sá, no oinsá mak ita hatene katak nia brani?

2. David hela iha neʼebé, no ninia aman no avó-mane naran sá?

3. Tanbasá mak Jeová haruka Samuel atu bá toʼo Jessé nia uma iha Belein?

4. Saida mak akontese kuandu Jessé lori ninia oan-mane naʼin-hitu ba Samuel?

5. Saida mak Jeová hatete ba Samuel kuandu David mai?

Pergunta seluk:

1. Lee 1 Samuel 17:34, 35.

   Oinsá mak istória neʼe hatudu katak David brani no sadere ba Jeová? (1 Sam. 17:37)

2. Lee 1 Samuel 16:1-14.

   1. Oinsá mak Jeová nia liafuan iha 1 Samuel 16:7 ajuda ita atu la todan sorin, no atu la hili ema tanba sira-nia oin? (Apos. 10:34, 35; 1 Tim. 2:4)

   2. Oinsá mak Saul nia ezemplu hatudu katak kuandu Jeová la fó tan ninia espíritu santu ba ema ida, ida-neʼe bele fó fatin ba espíritu aat, ka fó fatin ba hakarak husi fuan-laran atu halo sala? (1 Sam. 16:14; Mt. 12:43-45; Gal. 5:16)

Istória 58

1. Oinsá mak Golias sadik tropa Izraél?

2. Golias ain-aas metru hira? Liurai Saul promete atu fó saida ba mane neʼebé oho Golias?

3. Kuandu Saul hatete katak David la bele hasoru Golias tanba David sei klosan, David hatán oinsá?

4. Kuandu David hatán Golias, oinsá mak David hatudu katak nia konfia ba Jeová?

5. Nuʼudar ó bele haree iha dezeñu neʼe, David uza saida atu oho Golias? Depois neʼe, saida mak akontese ba ema Filístia?

Pergunta seluk:

1. Lee 1 Samuel 17:1-54.

   1. Tanbasá mak David la taʼuk, no oinsá mak ita bele halo tuir nia hodi hatudu aten-brani? (1 Sam. 17:37, 45; Ef. 6:10, 11)

   2. Kuandu halimar hamutuk, tanbasá mak ema kristaun lakohi hatudu espíritu atu manán deʼit hanesan Golias hatudu? (1 Sam. 17:8; Gal. 5:26; 1 Tim. 4:8)

   3. Oinsá mak David nia liafuan hatudu katak nia iha fiar ba Maromak nia ajuda? (1 Sam. 17:45-47; 2 Crôn. 20:15)

   4. Maski istória neʼe konta kona-ba tropa sira neʼebé funu hasoru tropa sira seluk, oinsá mak loloos ida-neʼe hatudu katak funu neʼe entre maromak falsu sira no Maromak loos, Jeová? (1 Sam. 17:43, 46, 47)

   5. Oinsá mak restu husi ema kose-mina halo tuir David nia ezemplu hodi konfia ba Jeová? (1 Sam. 17:37; Jer. 1:17-19; Apok. 12:17)

Istória 59

1. Tanbasá mak Saul laran-moras ba David? Oinsá mak Saul nia oan Jónatas la hanesan?

2. Loron ida, saida mak akontese kuandu David fekit arpa iha Saul nia oin?

3. Saul hatete katak David tenke halo saida atu simu Saul nia oan-feto Mical nuʼudar feen, no tanbasá mak Saul hatete nuneʼe?

4. Kuandu David fetik arpa iha Saul nia oin, saida mak akontese ba dala tolu, hanesan haree iha dezeñu neʼe?

5. Oinsá mak Mical ajuda atu salva David nia moris? Saida mak David tenke halo durante tinan hitu tuirmai?

Pergunta seluk:

1. Lee 1 Samuel 18:1-30.

   1. Oinsá mak Jónatas nia domin neʼebé metin tebetebes hatudu nanis domin entre bibi seluk ho bibi-lubun kiʼik? (1 Sam. 18:1; Joao 10:16; Lc. 12:32; Zac. 8:23)

   2. Maski Jónatas iha oportunidade atu sai liurai atu troka ninia aman Saul, oinsá mak 1 Samuel 18:4 hatudu katak Jónatas hakruʼuk an iha dalan espesiál tebes, ba ema neʼebé Maromak hili atu sai liurai?

   3. Oinsá mak Saul nia ezemplu hatudu katak sai laran-moras bele lori ita ba sala boot, no ida-neʼe fó avizu saida mai ita? (1 Sam. 18:7-9, 25; Tgo. 3:14-16)

2. Lee 1 Samuel 19:1-17.

   Kuandu Jónatas kontra hasoru Saul, oinsá mak Jónatas tau ninia moris iha perigu? (1 Sam. 19:1, 4-6; Prov. 16:14)

Istória 60

1. Iha dezeñu neʼe, sé mak feto neʼebé mai hasoru David, no nia ema oinsá?

2. Sé mak Nabal?

3. Tanbasá mak David haruka ninia ema balu atu husu favór ida husi Nabal?

4. Saida mak Nabal hatete ba David nia ema? Tan neʼe, David halo saida?

5. Oinsá mak Abigail hatudu katak nia feto neʼebé matenek?

Pergunta seluk:

1. Lee 1 Samuel 22:1-4.

   Oinsá mak David nia família fó ezemplu diʼak kona-ba dalan atu apoia malu nuʼudar ema kristaun? (Prov. 17:17; 1 Tes. 5:14)

2. Lee 1 Samuel 25:1-43.

   1. Tanbasá mak Bíblia uza liafuan makaʼas atu koʼalia kona-ba Nabal? (1 Sam. 25:2-5, 10, 14, 21, 25)

   2. Feen kristaun ohin loron bele aprende saida husi Abigail nia ezemplu? (1 Sam. 25:32, 33; Prov. 31:26; Ef. 5:24)

   3. Abigail hapara David husi hahalok aat rua saida? (1 Sam. 25:31, 33; Rom. 12:19; Ef. 4:26)

   4. Oinsá mak dalan neʼebé David hatán ba Abigail ajuda mane ohin loron atu haree feto hanesan Jeová haree? (Apos. 21:8, 9; Rom. 2:11; 1 Ped. 3:7)

Istória 61

1. Kuandu Saul toba, David no Abisai halo saida?

2. David husu pergunta saida ba Saul?

3. Depois David husik Saul, David bá neʼebé?

4. Saida mak halo David triste tebes hodi halo nia hakerek knanuk furak ida?

5. Kuandu David sai liurai iha Hebron, nia tinan hira? No ninia oan-mane balu neʼebé moris iha Hebron naran sá?

6. Tuirmai, David ukun nuʼudar liurai iha neʼebé?

Pergunta seluk:

1. Lee 1 Samuel 26:1-25.

   1. David nia liafuan neʼebé hakerek iha 1 Samuel 26:11 hatudu saida kona-ba ninia atitude ba arranju teokrátiku? (Sal. 37:7; Rom. 13:2)

   2. Kuandu ita hakaʼas an duni atu hatudu laran-diʼak neʼebé nakonu ho domin maibé ema ladún simu, oinsá mak David nia liafuan iha 1 Samuel 26:23 ajuda atu ita mantein atitude neʼebé loos? (1 Reis 8:32; Sal. 18:20)

2. Lee 2 Samuel 1:26.

   Oinsá mak ema kristaun ohin loron bele haburas atitude atu ‘hadomi malu tebetebes’ hanesan David no Jónatas halo? (1 Ped. 4:8; Kol. 3:14; 1 Joao 4:12)

3. Lee 2 Samuel 5:1-10.

   1. Tinan hira mak David ukun nuʼudar liurai, no oinsá mak Bíblia fahe tempu neʼe? (2 Sam. 5:4, 5)

   2. Tanbasá mak David sai ema-boot? Ida-neʼe fó-hanoin saida ba ita ohin loron? (2 Sam. 5:10; 1 Sam. 16:13; 1 Kor. 1:31; Flp. 4:13)

Istória 62

1. Ho Jeová nia ajuda, saida mak ikusmai akontese ba rai Kanaan?

2. Saida mak akontese kalan ida kuandu David halimar iha uma-kakuluk?

3. Tanbasá mak Jeová hirus tebes ba David?

4. Iha dezeñu neʼe, Jeová haruka sé atu koʼalia kona-ba David nia sala sira? Mane neʼe hatete katak saida mak sei akontese ba David?

5. David hetan susar saida deʼit?

6. Tuir David, sé mak sai Izraél nia liurai?

Pergunta seluk:

1. Lee 2 Samuel 11:1-27.

   1. Oinsá mak okupadu nafatin iha Jeová nia serbisu bele proteje ita?

   2. Hahalok saida deʼit mak lori David ba sala? Ida-neʼe fó avizu saida ba Jeová nia atan sira ohin loron? (2 Sam. 11:2; Mt. 5:27-29; 1 Kor. 10:12; Tgo. 1:14, 15)

2. Lee 2 Samuel 12:1-18.

   1. Katuas sira no inan-aman sira bele aprende saida husi dalan neʼebé Natan koʼalia ba David atu fó konsellu? (2 Sam. 12:1-4; Prov. 12:18; Mt. 13:34)

   2. Tanbasá mak Jeová hatudu laran-sadiʼa ba David? (2 Sam. 12:13; Sal. 32:5; 2 Kor. 7:9, 10)

Istória 63

1. Saida mak Jeová husu ba Salomão? Oinsá mak Salomão hatán?

2. Tanba Jeová kontente kona-ba buat neʼebé Salomão husu, Jeová promete atu fó saida ba nia?

3. Feto naʼin-rua hasoru Salomão ho problema boot saida?

4. Nuʼudar ó bele haree iha dezeñu neʼe, oinsá mak Salomão rezolve problema neʼe?

5. Salomão nia ukun oinsá, no tanbasá?

Pergunta seluk:

1. Lee 1 Reis 3:3-28.

   1. Mane sira neʼebé hetan responsabilidade iha Jeová nia organizasaun ohin loron bele aprende saida husi Salomão nia liafuan, neʼebé nia hatoʼo ho laran, iha 1 Reis 3:7? (Sal. 119:105; Prov. 3:5, 6)

   2. Kuandu ita husu buat ruma iha orasaun, oinsá mak ita bele halo tuir Salomão nia ezemplu? (1 Reis 3:9, 11; Prov. 30:8, 9; 1 Joao 5:14)

   3. Tanba Salomão rezolve feto naʼin-rua neʼe nia problema ho dalan matenek, ita fiar saida kona-ba tempu neʼebé Jesus Kristu, neʼebé mós bolu Salomão Boot Liu, sei ukun? (1 Reis 3:28; Isa. 9:6, 7; 11:2-4)

2. Lee 1 Reis 4:29-34.

   1. Kuandu Salomão husu atu iha fuan neʼebé halo tuir, oinsá mak Jeová hatán? (1 Reis 4:29)

   2. Ema balu hakaʼas an atu hasoru Salomão hodi rona ninia matenek. Tan neʼe, ita tenke iha atitude saida kona-ba estuda Maromak nia Liafuan? (1 Reis 4:29, 34; Joao 17:3; 2 Tim. 3:16)

Istória 64

1. Salomão uza tinan hira atu harii templu, no tanbasá mak nia tenke gasta osan barak?

2. Templu iha sala importante hira, no sira tau saida deʼit iha laran?

3. Salomão hatete saida iha ninia orasaun kuandu templu halo hotu?

4. Oinsá mak Jeová hatudu katak nia kontente ba Salomão nia orasaun?

5. Salomão tuir ninia feen sira atu halo saida, no depois neʼe Salomão nia hahalok oinsá?

6. Tanbasá mak Jeová hirus ho Salomão? Jeová hatete saida ba Salomão?

Pergunta seluk:

1. Lee 1 Crônicas 28:9, 10.

   Hanesan David hatete iha 1 Crônicas 28:9, 10 ita hakarak hakaʼas an atu halo saida loron-loron? (Sal. 19:14; Flp. 4:8, 9)

2. Lee 2 Crônicas 6:12-21, 32-42.

   1. Oinsá mak Salomão hatudu katak Jeová la hela iha uma neʼebé ema halo? (2 Crôn. 6:18; Apos. 17:24, 25)

   2. Saida mak Salomão nia liafuan neʼebé hakerek iha 2 Crônicas 6:32, 33 hatudu kona-ba Jeová? (Apos. 10:34, 35; Gal. 2:6)

3. Lee 2 Crônicas 7:1-5.

   Kuandu Izraél nia oan sira haree Jeová nia glória, ida-neʼe book sira atu hahiʼi nia. Ida-neʼe book ita atu halo saida kuandu ita hanoin kona-ba bensaun sira neʼebé Jeová haraik ba ninia povu ohin loron? (2 Crôn. 7:3; Sal. 22:22; 34:1; 96:2)

4. Lee 1 Reis 11:9-13.

   Oinsá mak Salomão nia moris hatudu katak importante atu laran-metin toʼo rohan? (1 Reis 11:4, 9; Mt. 10:22; Apok. 2:10)

Istória 65

1. Sé mak ema naʼin-rua iha dezeñu neʼe?

2. Saida mak Aijá halo ho faru neʼebé nia hatais? Hahalok neʼe hatudu saida?

3. Salomão koko atu halo saida ba Jeroboão?

4. Tanbasá mak povu foti Jeroboão sai liurai ba suku sanulu?

5. Tanbasá mak Jeroboão halo karau-oan osan-mean? Tuirmai, saida mak akontese ba rai neʼe?

6. Saida mak akontese ba reinu suku rua no Jeová nia templu iha Jeruzalein?

Pergunta seluk:

1. Lee 1 Reis 11:26-43.

   Jeroboão ema oinsá? Saida mak Jeová promete ba nia se nia halo tuir Maromak nia ukun-fuan sira? (1 Reis 11:28, 38)

2. Lee 1 Reis 12:1-33.

   1. Husi Roboão nia ezemplu aat, inan-aman no katuas sira bele aprende saida kona-ba uza sala autoridade? (1 Reis 12:13; Ecle. 7:7; 1 Ped. 5:2, 3)

   2. Ohin loron, joven sira neʼebé tenke halo desizaun boot bele buka konsellu husi sé? (1 Reis 12:6, 7; Prov. 1:8, 9; 2 Tim. 3:16, 17; Ebr. 13:7)

   3. Tansá mak Jeroboão harii fatin rua atu adora karau-oan? Oinsá mak ida-neʼe hatudu katak nia loloos ladún fiar ba Jeová? (1 Reis 11:37; 12:26-28)

   4. Sé mak lori ema husi reinu suku sanulu atu kontra hasoru adorasaun loos? (1 Reis 12:32, 33)

Istória 66

1. Sé mak Jezabel?

2. Loron ida, tanbasá Liurai Acab sai triste?

3. Saida mak Jezabel halo atu foti Nabot nia toʼos-uvas hodi fó ba ninia laʼen Acab?

4. Sé mak Jeová haruka atu fó kastigu ba Jezabel?

5. Hanesan haree iha dezeñu neʼe, saida mak akontese kuandu Jeú toʼo tiha ba Jezabel nia palásiu?

Pergunta seluk:

1. Lee 1 Reis 16:29-33 no 18:3, 4.

   Iha tempu Liurai Acab, rai Izraél sai aat toʼo oinsá? (1 Reis 14:9)

2. Lee 1 Reis 21:1-16.

   1. Oinsá mak Nabot hatudu aten-brani no laran-metin ba Jeová? (1 Reis 21:1-3; Lev. 25:23-28)

   2. Husi Acab nia ezemplu, saida mak ita bele aprende kuandu ita laran-kraik? (1 Reis 21:4; Rom. 5:3-5)

3. Lee 2 Reis 9:30-37.

   Saida mak ita bele aprende husi Jeú nia laran-manas atu halo Jeová nia hakarak? (2 Reis 9:4-10; 2 Kor. 9:1, 2; 2 Tim. 4:2)

Istória 67

1. Sé mak Jeosafá? Nia moris iha tempu saida?

2. Tanbasá mak ema Izraél sira sai taʼuk? No ema Izraél barak halo saida?

3. Resposta saida mak Jeová fó ba Jeosafá nia orasaun?

4. Saida mak Jeová halo antes funu?

5. Lisaun saida mak ita bele aprende husi Jeosafá?

Pergunta seluk:

1. Lee 2 Crônicas 20:1-30.

   1. Oinsá mak Jeosafá hatudu buat neʼebé Maromak nia atan neʼebé laran-metin tenke halo kuandu hasoru ameasa ruma? (2 Crôn. 20:12; Sal. 25:15; 62:1)

   2. Jeová sempre uza ema atu komunika ho ninia povu. Sé mak nia uza iha tempu agora? (2 Crôn. 20:14, 15; Mt. 24:45-47; Joao 15:15)

   3. Kuandu Maromak halo “funu iha loron boot Maromak kbiit waʼin nian”, oinsá mak ita-nia situasaun sai hanesan ho funu Jeosafá nian? (2 Crôn. 20:15, 17; 32:8; Apok. 16:14, 16)

   4. Hodi banati-tuir ema levita sira, oinsá mak pioneiru no misionáriu sira fó apoiu ba knaar haklaken iha mundu tomak ohin loron? (2 Crôn. 20:19; Rom. 10:13-15; 2 Tim. 4:2)

Istória 68

1. Sé mak ema naʼin-tolu iha dezeñu neʼe? Saida mak akontese ba labarik-mane kiʼikoan neʼe?

2. Elias hatete saida iha orasaun kona-ba labarik neʼe? Tuirmai, saida mak akontese?

3. Elias nia ajudante nia naran saida?

4. Tanbasá mak Eliseu bá feto Suném nia uma?

5. Eliseu halo saida, no saida mak akontese ba labarik neʼebé mate?

6. Hanesan ita haree liuhusi istória Elias no Eliseu, Jeová iha forsa atu halo saida?

Pergunta seluk:

1. Lee 1 Reis 17:8-24.

   1. Oinsá mak Elias hatudu katak nia halo tuir no fiar ba Maromak? (1 Reis 17:9; 19:1-4, 10)

   2. Tansá mak feto-faluk husi Sarefá nia fiar mak diʼak tebes? (1 Reis 17:12-16; Lc. 4:25, 26)

   3. Oinsá mak esperiénsia husi feto-faluk iha Sarefá fó testemuñu katak Jesus nia liafuan iha Mateus 10:41, 42 mak loos duni? (1 Reis 17:10-12, 17, 23, 24)

2. Lee 2 Reis 4:8-37.

   1. Saida mak feto Suném hanorin mai ita atu simu ema iha ita-nia uma ho laran-diʼak? (2 Reis 4:8; Lc. 6:38; Rom. 12:13; 1 Joao 3:17)

   2. Iha dalan saida deʼit mak ita bele hatudu laran-diʼak ba Maromak nia atan sira ohin loron? (Apos. 20:35; 28:1, 2; Gal. 6:9, 10; Ebr. 6:10)

Istória 69

1. Iha dezeñu neʼe, saida mak labarik-feto neʼe hatete daudauk ba señora neʼe?

2. Sé mak señora iha dezeñu neʼe? Labarik-feto halo saida iha señora neʼe nia uma?

3. Eliseu haruka ninia atan atu hatete saida ba Naaman? Tanbasá mak Naaman sai hirus?

4. Saida mak akontese kuandu Naaman rona tuir ninia atan?

5. Tanbasá mak Eliseu lakohi simu Naaman nia prezente? Maibé, saida mak Geazi halo?

6. Saida mak akontese ba Geazi, no saida mak ita bele aprende husi neʼe?

Pergunta seluk:

1. Lee 2 Reis 5:1-27.

   1. Oinsá mak ezemplu husi labarik-feto Izraél neʼe anima joven sira ohin loron? (2 Reis 5:3; Sal. 8:2; 148:12, 13)

   2. Tansá mak diʼak atu hanoin hela Naaman nia ezemplu kuandu ita simu konsellu ruma husi Eskritura? (2 Reis 5:15; Ebr. 12:5, 6; Tgo. 4:6)

   3. Lisaun saida mak ita bele aprende hodi kompara Eliseu nia ezemplu diʼak ho Geazi nia ezemplu aat? (2 Reis 5:9, 10, 14-16, 20; Mt. 10:8; Apos. 5:1-5; 2 Kor. 2:17)

Istória 70

1. Sé mak Jonas? Jeová haruka nia atu halo saida?

2. Tanba la gosta atu bá fatin neʼebé Jeová haruka, saida mak Jonas halo?

3. Jonas hatete ba ró-naʼin sira atu halo saida atubele hapara anin-fuik?

4. Hanesan ita haree iha dezeñu neʼe, saida mak akontese kuandu Jonas mout iha tasi laran?

5. Ba loron hira mak Jonas iha ikan boot nia laran, no nia halo saida iha neʼebá?

6. Depois sai tiha husi ikan boot, Jonas bá neʼebé? Saida mak ida-neʼe hanorin mai ita?

Pergunta seluk:

1. Lee Jonas 1:1-17.

   Oinsá mak Jonas sente kona-ba ninia knaar atu haklaken ba ema Nínive? (Jonas 1:2, 3; Prov. 3:7; Ecle. 8:12)

2. Lee Jonas 2:1, 2, 10.

   Oinsá mak Jonas nia esperiénsia halo ita fiar katak Jeová sei hatán ita-nia orasaun? (Sal. 22:24; 34:6; 1 Joao 5:14)

3. Lee Jonas 3:1-10.

   1. Jeová kontinua uza Jonas maski nia uluk lakohi halaʼo ninia knaar. Oinsá mak ida-neʼe anima ita? (Sal. 103:14; 1 Ped. 5:10)

   2. Jonas nia esperiénsia ho ema Nínive hanorin saida mai ita kona-ba tesi lia nanis ba ema iha ita-nia territóriu? (Jonas 3:6-9; Ecle. 11:6; Apos. 13:48)

Istória 71

1. Sé mak Isaías, no nia moris iha tempu saida? Saida mak Jeová hatudu ba nia?

2. Liafuan “paraízu” katak sá? Liafuan neʼe fó-hanoin mai ita kona-ba saida?

3. Jeová haruka Isaías atu hakerek saida kona-ba Paraízu foun?

4. Tanbasá mak Adão no Eva halo lakon sira-nia hela-fatin neʼebé kapás?

5. Jeová promete saida ba ema neʼebé hadomi nia?

Pergunta seluk:

1. Lee Isaías 11:6-9.

   1. Saida mak Maromak nia Liafuan hatete kona-ba dame entre animál no ema iha mundu foun? (Sal. 148:10, 13; Isa. 65:25; Eze. 34:25)

   2. Oinsá mak Isaías nia liafuan sai loos iha Jeová nia povu nia leet ohin loron iha dalan espirituál? (Rom. 12:2; Ef. 4:23, 24)

   3. Sé mak merese atu simu glória kuandu ema hafoun sira-nia hahalok iha tempu agora no iha mundu foun? (Isa. 48:17, 18; Gal. 5:22, 23; Flp. 4:7)

2. Lee Apokalipse 21:3, 4.

   1. Oinsá mak Eskritura hatudu katak Maromak sei hela ho ema iha Rai la signifika katak nia sei nakfila an atu tun toʼo Rai? (Lev. 26:11, 12; 2 Crôn. 6:18; Isa. 66:1; Apok. 21:2, 3, 22-24)

   2. Matabeen no laran-susar oin saida mak sei lakon? (Lc. 8:49-52; Rom. 8:21, 22; Apok. 21:4)

Istória 72

1. Sé mak iha dezeñu neʼe? Tanbasá mak nia iha problema boot?

2. Surat saida mak Ezequias tau iha Maromak nia oin? Ezequias halo orasaun kona-ba saida?

3. Ezequias mak liurai ida hanesan saida? Mensajen saida mak Jeová haruka liuhusi profeta Isaías?

4. Hanesan haree iha dezeñu neʼe, saida mak Jeová nia anju halo ba ema Asíria?

5. Maski reinu suku rua moris iha dame nia laran ba tempu balu, saida mak akontese depois Ezequias mate?

Pergunta seluk:

1. Lee 2 Reis 18:1-36.

   1. Oinsá mak Rabsaqué neʼebé reprezenta liurai Asíria buka atu halo ema Izraél nia fiar sai fraku? (2 Reis 18:19, 21; Êx. 5:2; Sal. 64:3)

   2. Oinsá mak Testemuña ba Jeová halo tuir Ezequias nia ezemplu kuandu hasoru ho ema neʼebé kontra sira? (2 Reis 18:36; Sal. 39:1; Prov. 26:4; 2 Tim. 2:24)

2. Lee 2 Reis 19:1-37.

   1. Oinsá mak Jeová nia povu ohin loron banati-tuir Ezequias iha tempu susar? (2 Reis 19:1, 2; Prov. 3:5, 6; Ebr. 10:24, 25; Tgo. 5:14, 15)

   2. Iha dalan tolu saida mak Liurai Senaquerib lakon? Liurai Senaquerib reprezenta sé? (2 Reis 19:32, 35, 37; Apok. 20:2, 3)

3. Lee 2 Reis 21:1-6, 16.

   Tansá mak ita bele hatete katak Manassés mak liurai ida neʼebé aat liu husi liurai sira seluk neʼebé ukun Jeruzalein? (2 Crôn. 33:4-6, 9)

Istória 73

1. Kuandu Josias sai liurai, nia tinan hira? Liutiha tinan hitu depois sai liurai, nia hahú atu halo saida?

2. Iha dezeñu primeiru, Josias halo saida?

3. Kuandu ema hadiʼa templu, saida mak amlulik boot hetan?

4. Tanbasá mak Josias lees ninia roupa?

5. Profeta Hulda hatoʼo ba Josias mensajen saida husi Jeová?

Pergunta seluk:

1. Lee 2 Crônicas 34:1-28.

   1. Josias fó ezemplu saida ba sira neʼebé uluk tenke tahan susar kuandu sei kiʼik? (2 Crôn. 33:21-25; 34:1, 2; Sal. 27:10)

   2. Saida mak Josias halo iha tinan 8, 12, 18 iha ninia ukun atu halaʼo adorasaun neʼebé loos? (2 Crôn. 34:3, 8)

   3. Saida mak ita bele aprende husi Liurai Josias no Amlulik Boot Hilquias nia ezemplu kona-ba tau matan ba ita-nia adorasaun fatin? (2 Crôn. 34:9-13; Prov. 11:14; 1 Kor. 10:31)

Istória 74

1. Sé mak mane iha dezeñu neʼe?

2. Saida mak Jeremias hanoin kona-ba ninia knaar atu sai profeta? Maibé Jeová hatete saida ba nia?

3. Mensajen saida mak Jeremias hatoʼo nafatin ba ema?

4. Oinsá mak amlulik sira koko atu hapara Jeremias? Maibé, oinsá mak nia hatudu katak nia la taʼuk?

5. Saida mak akontese kuandu ema Izraél la troka sira-nia hahalok neʼebé aat?

Pergunta seluk:

1. Lee Jeremias 1:1-8.

   1. Hanesan Jeremias nia ezemplu hatudu, saida mak kualifika ema atu halaʼo serbisu ba Jeová? (2 Kor. 3:5, 6)

   2. Oinsá mak Jeremias nia ezemplu anima joven kristaun sira ohin loron? (Ecle. 12:1; 1 Tim. 4:12)

2. Lee Jeremias 10:1-5.

   Jeremias uza ilustrasaun saida atu hatudu katak saugati deʼit atu konfia ba estátua sira? (Jer. 10:5; Isa. 46:7; Hab. 2:19)

3. Lee Jeremias 26:1-16.

   1. Kuandu hatoʼo mensajen atu fó avizu ohin loron, oinsá mak restu husi ema kose-mina hanoin kona-ba Jeová nia liafuan ba Jeremias atu “labele hasai liafuan ida”? (Jer. 26:2; Deut. 4:2; Apos. 20:27)

   2. Jeremias hatudu ezemplu diʼak saida ba Testemuña ba Jeová kona-ba dehan-sai Jeová nia avizu ba nasaun sira ohin loron? (Jer. 26:8, 12, 14, 15; 2 Tim. 4:1-5)

4. Lee 2 Reis 24:1-17.

   Buat triste saida mak Judá tenke hasoru tanba la fó-laran ba Jeová? (2 Reis 24:2-4, 14)

Istória 75

1. Sé mak mane-klosan naʼin-haat iha dezeñu neʼe? Tanbasá mak sira iha Babilónia?

2. Nabucodonosor iha planu saida kona-ba mane-klosan naʼin-haat neʼe? Nia haruka saida ba ninia atan sira?

3. Saida mak Daniel husu kona-ba hahán no hemu ba nia no ninia kolega naʼin-tolu?

4. Han tiha modo baibain deʼit durante loron sanulu, Daniel no ninia kolega naʼin-tolu nia isin sai oinsá kuandu kompara ho joven seluseluk?

5. Oinsá mak Daniel no ninia kolega naʼin-tolu mak ikusmai serbí iha liurai nia uma? Iha dalan saida mak sira diʼak liu amlulik no matenek-naʼin sira?

Pergunta seluk:

1. Lee Daniel 1:1-21.

   1. Se ita hakarak hasees an husi tentasaun no hadiʼa ita-nia an, oinsá mak ita presiza esforsa an? (Dan. 1:8; Gên. 39:7, 10; Gal. 6:9)

   2. Oinsá mak joven sira ohin loron mós hetan tentasaun atu halo kontente an ho buat neʼebé ema balu sente nuʼudar “hahán kapás”? (Dan. 1:8; Prov. 20:1; 2 Kor. 6:17–7:1)

   3. Istória iha Bíblia kona-ba mane-klosan ebreu naʼin-haat neʼe hatudu saida kona-ba hetan koñesimentu husi mundu? (Dan. 1:20; Isa. 54:13; 1 Kor. 3:18-20)

Istória 76

1. Saida mak akontese ba Jeruzalein no ema Izraél iha dezeñu neʼe?

2. Sé mak Ezequiel, no buat aat saida mak Jeová hatudu ba nia?

3. Tanba ema Izraél sira la iha respeitu ba Jeová, saida mak Jeová promete atu halo?

4. Saida mak Liurai Nabucodonosor halo depois ema Izraél kontra hasoru nia?

5. Tanbasá mak Jeová husik buat aat neʼe akontese ba ema Izraél?

6. Oinsá mak rai Izraél sai fatin neʼebé ema ida la hela, no ba tinan hira?

Pergunta seluk:

1. Lee 2 Reis 25:1-26.

   1. Sé mak Zedequias? Saida mak akontese ba nia, no oinsá mak ida-neʼe halo profesia husi Bíblia sai loos? (2 Reis 25:5-7; Eze. 12:13-15)

   2. Jeová sei fó-sala ba sé tanba ema Izraél nia hahalok hotu neʼebé la fó-laran ba Jeová? (2 Reis 25:9, 11, 12, 18, 19; 2 Crôn. 36:14, 17)

2. Lee Ezequiel 8:1-18.

   Oinsá mak Kristandade nia hahalok hanesan ho Izraél apóstata neʼebé adora loro-matan? (Eze. 8:16; Isa. 5:20, 21; Joao 3:19-21; 2 Tim. 4:3)

Istória 77

1. Nabucodonosor, liurai Babilónia, haruka povu atu halo saida?

2. Tanbasá mak Daniel nia maluk naʼin-tolu la hakruʼuk ba estátua osan-mean?

3. Kuandu Nabucodonosor fó oportunidade ida tan ba ema ebreu naʼin-tolu atu hakruʼuk, oinsá mak sira hatudu sira-nia fiar ba Jeová?

4. Nabucodonosor haruka ninia atan atu halo saida ba Sadraque, Mesaque, no Abednego?

5. Kuandu Nabucodonosor hateke ba fornu nia laran, nia haree saida?

6. Tanbasá mak liurai neʼe hahiʼi Sadraque, Mesaque, no Abednego nia Maromak? No sira fó ezemplu diʼak saida mai ita?

Pergunta seluk:

1. Lee Daniel 3:1-30.

   1. Kuandu hasoru buat ruma neʼebé bele hapara ita atu halo tuir Maromak nia hakarak, ita tenke halo desizaun saida hanesan mane-klosan naʼin-tolu neʼe? (Dan. 3:17, 18; Mt. 10:28; Rom. 14:7, 8)

   2. Lisaun importante saida mak Maromak Jeová hanorin ba Nabucodonosor? (Dan. 3:28, 29; 4:34, 35)

Istória 78

1. Kuandu liurai Babilónia halo festa boot no uza kopu no manko neʼebé hadau tiha husi Jeová nia templu iha Jeruzalein, saida mak akontese?

2. Belsazar hatete saida ba ema matenek sira, maibé sira la bele halo saida?

3. Liurai nia inan hatete ba liurai atu halo saida?

4. Tuir Daniel nia liafuan ba liurai, tanbasá mak Maromak haruka liman atu hakerek letra iha didin?

5. Saida mak Daniel esplika kona-ba letra iha didin neʼe?

6. Kuandu Daniel koʼalia daudauk, saida mak akontese?

Pergunta seluk:

1. Lee Daniel 5:1-31.

   1. Taʼuk ba Maromak no taʼuk neʼebé Belsazar sente bainhira nia haree letra iha didin, oinsá mak lahanesan? Esplika bá. (Dan. 5:6, 7; Sal. 19:9; Rom. 8:35-39)

   2. Oinsá mak Daniel hatudu aten-brani bainhira nia koʼalia ba Belsazar no ema-boot sira? (Dan. 5:17, 18, 22, 26-28; Apos. 4:29)

   3. Iha dalan saida mak Daniel kapítulu 5 hatudu Jeová nia direitu atu ukun nuʼudar Maromak Aas Liu Hotu? (Dan. 4:17, 25; 5:21)

Istória 79

1. Sé mak Dario, no oinsá mak nia sente kona-ba Daniel?

2. Ema balu neʼebé laran-moras ba Daniel konsege book Dario atu halo saida?

3. Saida mak Daniel halo bainhira nia rona kona-ba ukun-fuan foun?

4. Tanbasá Dario laran-susar tebes toʼo la bele toba? Saida mak nia halo iha dadeer-saan tuirmai?

5. Oinsá mak Daniel hatán ba Dario?

6. Saida mak akontese ba ema aat sira neʼebé koko atu oho Daniel? Dario hakerek saida ba povu hotu iha ninia reinu?

Pergunta seluk:

1. Lee Daniel 6:1-28.

   1. Oinsá mak futu-lia neʼebé ema halo hasoru Daniel fó-hanoin mai ita kona-ba buat neʼebé ema koko atu hatodan Testemuña ba Jeová nia knaar iha tempu agora? (Dan. 6:7; Sal. 94:20; Isa. 10:1; Rom. 8:31)

   2. Oinsá mak Maromak nia atan sira ohin loron bele halo tuir Daniel nia ezemplu atu hamtaʼuk nafatin ba ‘ukun-naʼin sira’? (Dan. 6:5, 10; Rom. 13:1; Apos. 5:29)

   3. Oinsá mak ita bele halo tuir Daniel nia ezemplu atu serbí “beibeik” ba Jeová? (Dan. 6:16, 20; Flp. 3:16; Apok. 7:15)

Istória 80

1. Iha dezeñu neʼe, povu Izraél sira halo saida?

2. Oinsá mak Ciro halo Jeová nia profesia liuhusi Isaías sai loos?

3. Ciro hatete saida ba ema Izraél neʼebé la fila ba Jeruzalein?

4. Saida mak Ciro fó fali ba povu atu lori fila ba Jeruzalein?

5. Ema Izraél laʼo ba tempu hira atu fila fali ba Jeruzalein?

6. Durante tinan hira mak rai neʼe sai fatin neʼebé la iha ema ida hela?

Pergunta seluk:

1. Lee Isaías 44:28 no 45:1-4.

   1. Oinsá mak Jeová hatudu katak profesia kona-ba Ciro sei sai loos duni? (Isa. 55:10, 11; Rom. 4:17)

   2. Isaías nia profesia kona-ba Ciro hatudu saida kona-ba Maromak Jeová nia kbiit atu fó-hatene nanis kona-ba futuru? (Isa. 42:9; 45:21; 46:10, 11; 2 Ped. 1:20)

2. Lee Esdras 1:1-11.

   Hodi banati-tuir sira neʼebé la fila ba Jeruzalein, oinsá mak ohin loron ita bele “haforsa liman” ba sira neʼebé bele halaʼo serbisu tempu-tomak? (Esd. 1:4, 6; Rom. 12:13; Kol. 4:12)

Istória 81

1. Ema naʼin-hira mak laʼo dook husi Babilónia toʼo Jeruzalein? Kuandu sira toʼo tiha, sira haree saida?

2. Toʼo tiha Jeruzalein, ema Izraél hahú atu halo saida? Maibé inimigu sira halo saida?

3. Sé mak Ageu no Zacarias? Sira koʼalia saida ba povu?

4. Tanbasá mak Tatenai haruka surat ida ba Babilónia? Nia hetan resposta saida?

5. Kuandu Esdras rona katak sira presiza hadiʼa Maromak nia templu, nia halo saida?

6. Iha dezeñu neʼe, Esdras halo orasaun kona-ba saida? Oinsá mak Maromak hatán ninia orasaun? Ida-neʼe hanorin saida mai ita?

Pergunta seluk:

1. Lee Esdras 3:1-13.

   Se ita iha fatin ruma neʼebé la iha kongregasaun husi Maromak nia povu, saida mak ita tenke halo nafatin? (Esd. 3:3, 6; Apos. 17:16, 17; Ebr. 13:15)

2. Lee Esdras 4:1-7.

   Ezemplu saida mak Zorobabel hatudu ba Jeová nia povu kona-ba adorasaun hamutuk ho ema neʼebé fiar lahanesan? (Êx. 34:12; 1 Kor. 15:33; 2 Kor. 6:14-17)

3. Lee Esdras 5:1-5, 17 no 6:1-22.

   1. Tansá inimigu sira la bele hapara serbisu atu harii templu? (Esd. 5:5; Isa. 54:17)

   2. Oinsá mak katuas judeu sira-nia hahalok anima katuas kristaun sira atu buka Jeová nia matadalan kuandu hasoru inimigu sira? (Esd. 6:14; Sal. 32:8; Rom. 8:31; Tgo. 1:5)

4. Lee Esdras 8:21-23, 28-36.

   Molok atu halaʼo buat ruma, Esdras nia ezemplu saida mak ita bele halo tuir? (Esd. 8:23; Sal. 127:1; Prov. 10:22; Tgo. 4:13-15)

Istória 82

1. Sé mak Mordecai no Ester?

2. Tanbasá mak Liurai Assuero hakarak feen foun ida? Nia hili sé?

3. Sé mak Haman? Saida mak halo nia hirus tebes?

4. Liurai halo lei saida? Kuandu Ester hetan mensajen ida husi Mordecai, nia halo saida?

5. Saida mak akontese ba Haman, no saida mak akontese ba Mordecai?

6. Oinsá mak povu Izraél hetan salvasaun husi inimigu sira-nia liman?

Pergunta seluk:

1. Lee Ester 2:12-18.

   Oinsá mak Ester hatudu katak importante atu haburas ‘laran-maus no diʼak’? (Ester 2:15; 1 Ped. 3:1-5)

2. Lee Ester 4:1-17.

   Ester hetan oportunidade ida atu defende adorasaun neʼebé loos. Ohin loron ita iha oportunidade saida atu hatudu ita-nia devosaun no laran-metin ba Jeová? (Ester 4:13, 14; Mt. 5:14-16; 24:14)

3. Lee Ester 7:1-6.

   Oinsá mak ema barak husi Maromak nia povu simu persegisaun hanesan Ester? (Ester 7:4; Mt. 10:16-22; 1 Ped. 2:12)

Istória 83

1. Oinsá mak ema Izraél sente atu hela iha Jeruzalein neʼebé la iha moru?

2. Sé mak Neemias?

3. Saida mak Neemias nia serbisu? Tanbasá mak serbisu neʼe importante?

4. Lia-foun saida mak halo Neemias triste? No nia halo saida?

5. Oinsá mak Liurai Artaxerxes hatudu laran-diʼak ba Neemias?

6. Oinsá mak Neemias arranja serbisu atu labele husik inimigu sira hapara ema Izraél atu harii moru?

Pergunta seluk:

1. Lee Neemias 1:4-6 no 2:1-20.

   Oinsá mak Neemias buka Jeová nia matadalan? (Neem. 2:4, 5; Rom. 12:12; 1 Ped. 4:7)

2. Lee Neemias 3:3-5.

   Katuas no atan ministeriál sira bele aprende saida husi ema Tekoa nia hahalok no mós sira-nia ‘ema-boot’ nia hahalok? (Neem. 3:5, 27; 2 Tes. 3:7-10; 1 Ped. 5:5)

3. Lee Neemias 4:1-23.

   1. Saida mak book ema Izraél sira atu kontinua serbisu maski hasoru terus boot? (Neem. 4:6, 8, 9; Sal. 50:15; Isa. 65:13, 14)

   2. Iha dalan saida mak ema Izraél nia ezemplu anima ita ohin loron?

4. Lee Neemias 6:15.

   Latoʼo fulan rua deʼit, sira harii tiha moru Jeruzalein. Ida-neʼe hatudu saida kona-ba forsa fiar nian? (Sal. 56:3, 4; Mt. 17:20; 19:26)

Istória 84

1. Sé mak feto iha dezeñu neʼe?

2. Saida mak Gabriel hatete ba Maria?

3. Oinsá mak Gabriel esplika ba Maria katak Maria sei iha oan maski nia seidauk moris hamutuk mane ida?

4. Saida mak mosu kuandu Maria vizita ninia maluk Elizabete (Isabel)?

5. Kuandu José hatene katak Maria sei iha oan, nia hanoin atu halo saida? Maibé tanbasá mak nia muda ninia hanoin?

Pergunta seluk:

1. Lee Lucas 1:26-56.

   1. Saida mak Lucas 1:35 hatudu kona-ba sala iha Maria nia knotak neʼebé mai husi Adão kuandu Maromak muda ninia Oan nia moris husi lalehan ba Maria nia knotak? (Ageu 2:11-13; Joao 6:69; Ebr. 7:26; 10:5)

   2. Oinsá mak ema hanaʼi Jesus maski nia seidauk moris? (Lc. 1:41-43)

   3. Ezemplu diʼak saida mak Maria hatudu ba ema kristaun sira neʼebé simu knaar espesiál ruma? (Lc. 1:38, 46-49; 17:10; Prov. 11:2)

2. Lee Mateus 1:18-25.

   Maski ema la bolu Jesus nuʼudar Emanuel, oinsá mak ninia knaar iha mundu fó signifikadu ba naran neʼe? (Mt. 1:22, 23; Joao 14:8-10; Ebr. 1:1-3)

Istória 85

1. Sé mak bebé kiʼikoan iha dezeñu neʼe? Iha neʼebé mak Maria hatoba nia?

2. Tanbasá mak Jesus moris iha balada-luhan?

3. Iha dezeñu neʼe, sé mak ema sira neʼebé atu tama iha balada-luhan? Saida mak anju ida fó-hatene ba sira?

4. Tanbasá mak Jesus ema espesiál ida?

5. Tanbasá mak Jesus bolu nuʼudar Maromak nia Oan?

Pergunta seluk:

1. Lee Lucas 2:1-20.

   1. Saida mak Sezar Augusto halo atu profesia kona-ba Jesus nia moris fatin sai loos? (Lc. 2:1-4; Miq. 5:2)

   2. Oinsá mak ita bele sai nuʼudar ‘ema sira neʼebé Nia hadomi’? (Lc. 2:14; Mt. 16:24; Joao 17:3; Apos. 3:19; Ebr. 11:6)

   3. Se bibi-atan judeu sira neʼebé haraik-an iha razaun atu haksolok ba Salvadór nia moris, razaun boot liu saida mak iha atu Maromak nia atan haksolok ohin loron? (Lc. 2:10, 11; Ef. 3:8, 9; Apok. 11:15; 14:6)

Istória 86

1. Sé mak mane sira iha dezeñu neʼe? Tanbasá mak mane ida hatudu ba fitun neʼebé nabilan tebes?

2. Tanbasá mak Liurai Herodes laran-nakali, no nia halo saida?

3. Fitun neʼebé nabilan tebes lori mane sira-neʼe bá neʼebé? Maibé, tanbasá mak sira fila fali ba sira-nia rai husi dalan seluk?

4. Orden saida mak Herodes fó, no tanbasá?

5. Jeová haruka José atu halo saida?

6. Sé mak halo nabilan fitun foun neʼe, no tanbasá?

Pergunta seluk:

1. Lee Mateus 2:1-23.

   Kuandu ema neʼebé estuda fitun bá vizita Jesus, Jesus tinan hira no hela iha neʼebé? (Mt. 2:1, 11, 16)

Istória 87

1. Iha dezeñu neʼe, Jesus tinan hira no nia iha neʼebé?

2. Saida mak José halo tinan-tinan ho ninia família?

3. Depois sira laʼo loron ida tomak atu fila ba uma, tanbasá mak José no Maria fila fali ba Jeruzalein?

4. José no Maria hetan Jesus iha neʼebé? Tanbasá mak ema iha neʼebá hakfodak loos?

5. Saida mak Jesus hatete ba ninia inan, Maria?

6. Oinsá mak ita bele halo tuir Jesus nia ezemplu atu aprende kona-ba Maromak?

Pergunta seluk:

1. Lee Lucas 2:41-52.

   1. Maski Ukun-Fuan haruka mane sira deʼit mak bá tuir festa tinan-tinan nian, ezemplu diʼak saida mak José no Maria hatudu ba inan-aman ohin loron? (Lc. 2:41; Deut. 16:16; 31:12; Prov. 22:6)

   2. Oinsá mak Jesus hatudu ezemplu diʼak ba labarik sira ohin loron atu halo tuir inan-aman? (Lc. 2:51; Deut. 5:16; Prov. 23:22; Kol. 3:20)

2. Lee Mateus 13:53-56.

   Bíblia temi Jesus nia alin rasik naʼin-haat. Sira-nia naran sá? Ikusmai, alin naʼin-rua simu knaar saida iha kongregasaun kristaun? (Mt. 13:55; Apos. 12:17; 15:6, 13; 21:18; Gal. 1:19; Tgo. 1:1; Jud. 1)

Istória 88

1. Sé mak mane naʼin-rua iha dezeñu neʼe?

2. Oinsá mak ema hetan batizmu?

3. Baibain, João fó batizmu ba sé?

4. Ho razaun espesiál saida mak Jesus husu João atu fó batizmu ba nia?

5. Oinsá mak Maromak hatudu katak nia sente kontente hodi haree Jesus hetan batizmu?

6. Saida mak akontese kuandu Jesus bá rai-fuik maran durante loron 40?

7. Sé deʼit mak Jesus nia eskolante ka dixípulu primeiru? Saida mak Jesus nia milagre primeiru?

Pergunta seluk:

1. Lee Mateus 3:13-17.

   Jesus fó ezemplu saida ba ninia dixípulu kona-ba batizmu? (Sal. 40:7, 8; Mt. 28:19, 20; Lc. 3:21, 22)

2. Lee Mateus 4:1-11.

   Oinsá mak dalan neʼebé Jesus uza Eskritura ho matenek anima ita atu badinas estuda Bíblia? (Mt. 4:5-7; 2 Ped. 3:17, 18; 1 Joao 4:1)

3. Lee Joao 1:29-51.

   João Batista ajuda ninia dixípulu sira atu tuir sé? Oinsá ita bele banati-tuir nia ohin loron? (Joao 1:29, 35, 36; 3:30; Mt. 23:10)

4. Lee Joao 2:1-12.

   Oinsá mak Jesus nia milagre primeiru hatudu katak Jeová fó buat diʼak ba ninia atan? (Joao 2:9, 10; Sal. 84:11; Tgo. 1:17)

Istória 89

1. Tanbasá mak ema faʼan animál iha templu laran?

2. Tanbasá mak Jesus hirus?

3. Jesus halo saida iha dezeñu neʼe? Jesus haruka saida ba ema neʼebé faʼan manu-pombu?

4. Kuandu ema neʼebé tuir Jesus haree ninia hahalok, sira hanoin-hetan saida?

5. Distritu naran saida mak Jesus liu atu fila ba Galiléia?

Pergunta seluk:

1. Lee Joao 2:13-25.

   Jesus hirus ba ema neʼebé troka osan iha templu. Nuneʼe, saida mak ita tenke hanoin kona-ba fila-liman ka negósiu iha ita-nia Salaun Reinu? (Joao 2:15, 16; 1 Kor. 10:24, 31-33)

Istória 90

1. Tanbasá mak Jesus para iha bee-matan ida iha Samaria? No saida mak nia hatete ba feto iha dezeñu neʼe?

2. Tanbasá mak feto neʼe hakfodak? Saida mak Jesus hatete ba nia, no tanbasá?

3. Feto neʼe hanoin sala saida kona-ba bee neʼebé Jesus koʼalia? Tuir loloos, bee neʼebé Jesus hatete mak saida?

4. Tanbasá mak feto neʼe hakfodak ba buat neʼebé Jesus hatene kona-ba nia? Oinsá mak Jesus hetan informasaun hirak-neʼe?

5. Ita aprende saida deʼit husi istória kona-ba feto ida iha bee-matan?

Pergunta seluk:

1. Lee Joao 4:5-43.

   1. Hodi tuir Jesus nia ezemplu, oinsá mak ita tenke haree ema husi rasa seluk ka ema neʼebé lahanesan ho ita? (Joao 4:9; 1 Kor. 9:22; 1 Tim. 2:3, 4; Tito 2:11)

   2. Ema neʼebé sai Jesus nia dixípulu sei hetan benefísiu espirituál saida? (Joao 4:14; Isa. 58:11; 2 Kor. 4:16)

   3. Oinsá mak ita bele hafolin lia-loos hanesan feto samaritana neʼebé laran-manas atu fahe buat neʼebé nia aprende tiha ona? (Joao 4:7, 28; Mt. 6:33; Lc. 10:40-42)

Istória 91

1. Iha dezeñu neʼe, Jesus hanorin iha neʼebé? Sé mak tuur besik liu nia?

2. Apóstolu naʼin-12 naran sá?

3. Reinu neʼebé Jesus haklaken mak saida?

4. Jesus hanorin ema atu halo orasaun kona-ba saida?

5. Saida mak Jesus hatete kona-ba hahalok neʼebé ita tenke hatudu ba malu?

Pergunta seluk:

1. Lee Mateus 5:1-12.

   Iha dalan saida deʼit mak ita hatudu katak ita rekoñese ita-nia presiza ba buat espirituál? (Mt. 5:3; Rom. 10:13-15; 1 Tim. 4:13, 15, 16)

2. Lee Mateus 5:21-26.

   Oinsá mak Mateus 5:23, 24 hatudu katak ita-nia relasaun ho ita-nia maluk bele estraga ou hametin ita-nia relasaun ho Jeová? (Mt. 6:14, 15; Sal. 133:1; Kol. 3:13; 1 Joao 4:20)

3. Lee Mateus 6:1-8.

   Kristaun sira tenke hadook an husi hahalok loko-an saida deʼit? (Lc. 18:11, 12; 1 Kor. 4:6, 7; 2 Kor. 9:7)

4. Lee Mateus 6:25-34.

   Oinsá mak Jesus hanorin katak ita tenke fiar ba Jeová kona-ba buat neʼebé ita presiza iha ita-nia moris? (Êx. 16:4; Sal. 37:25; Flp. 4:6)

5. Lee Mateus 7:1-11.

   Ilustrasaun furak iha Mateus 7:5 hanorin ita kona-ba saida? (Prov. 26:12; Rom. 2:1; 14:10; Tgo. 4:11, 12)

Istória 92

1. Sé mak labarik-feto iha dezeñu neʼe nia aman? Tanbasá mak nia no ninia feen laran-susar tebes?

2. Saida mak Jairo halo kuandu nia hetan Jesus?

3. Saida mak akontese bainhira Jesus iha dalan atu bá Jairo nia uma? Saida mak ema fó-hatene ba Jairo iha dalan?

4. Tanbasá mak ema iha Jairo nia uma hamnasa Jesus?

5. Depois lori apóstolu naʼin-tolu no labarik-feto nia aman no inan ba labarik nia kuartu, saida mak Jesus halo?

6. Sé mak sira seluk neʼebé Jesus fó moris fali ona husi mate? Ida-neʼe hatudu saida mai ita?

Pergunta seluk:

1. Lee Lucas 8:40-56.

   Oinsá mak Jesus hatudu katak nia sente kasian ba feto ida neʼebé iha moras raan suli no mós nia komprende loos ninia situasaun? Lisaun saida mak katuas kristaun sira ohin loron aprende husi ida-neʼe? (Lc. 8:43, 44, 47, 48; Lev. 15:25-27; Mt. 9:12, 13; Kol. 3:12-14)

2. Lee Lucas 7:11-17.

   Tansá mak ita bele sente kmaan hodi hatene Jesus nia hahalok ba feto-faluk husi Naim kuandu ema neʼebé ita hadomi mate? (Lc. 7:13; 2 Kor. 1:3, 4; Ebr. 4:15)

3. Lee Joao 11:17-44.

   Oinsá mak Jesus hatudu katak la sala atu tanis tanba ema neʼebé ita hadomi mate? (Joao 11:33-36, 38; 2 Sam. 18:33; 19:1-4)

Istória 93

1. Buat aat saida mak akontese ba João Batista? Jesus sente oinsá kona-ba ida-neʼe?

2. Oinsá mak Jesus fó-han ba ema-lubun boot neʼebé tuir nia? Ai-han neʼebé resin hamutuk hira?

3. Tanbasá mak dixípulu sira taʼuk iha kalan neʼe? Saida mak akontese ba Pedro?

4. Dala segundu, oinsá mak Jesus fó-han ba ema rihun ba rihun?

5. Tanbasá mak sei diʼak tebes kuandu Jesus ukun mundu nuʼudar Maromak nia Liurai?

Pergunta seluk:

1. Lee Mateus 14:1-32.

   1. Tuir istória iha Mateus 14:23-32, ita haree saida kona-ba Pedro nia hahalok?

   2. Oinsá mak Eskritura hatudu katak ikusmai Pedro sai maduru no aprende atu la halo buat ruma ho hanoin badak? (Mt. 14:27-30; Joao 18:10; 21:7; Apos. 2:14, 37-40; 1 Ped. 5:6, 10)

2. Lee Mateus 15:29-38.

   Oinsá mak Jesus hafolin buat neʼebé ninia Aman fó? (Mt. 15:37; Joao 6:12; Kol. 3:15)

3. Lee Joao 6:1-21.

   Oinsá mak ema kristaun ohin loron halo tuir Jesus nia ezemplu kona-ba relasaun ho governu? (Joao 6:15; Mt. 22:21; Rom. 12:2; 13:1-4)

Istória 94

1. Apóstolu sira haksesuk malu kona-ba saida iha dalan atu fila husi rai dook?

2. Tanbasá mak Jesus bolu labarik oan ida no halo nia hamriik iha apóstolu sira-nia leet?

3. Iha dalan saida mak apóstolu sira tenke aprende atu sai hanesan labarik kiʼikoan?

4. Liutiha fulan balu, oinsá mak Jesus hatudu katak nia hadomi labarik sira?

Pergunta Seluk:

1. Lee Mateus 18:1-4.

   Tansá mak Jesus uza ilustrasaun atu hanorin ema? (Mt. 13:34, 36; Mc. 4:33, 34)

2. Lee Mateus 19:13-15.

   Labarik kiʼikoan sira-nia hahalok saida deʼit mak ita tenke banati-tuir atubele simu bensaun Reinu nian? (Sal. 25:9; 138:6; 1 Kor. 14:20)

3. Lee Marcos 9:33-37.

   Jesus hanorin saida ba ninia dixípulu sira kona-ba hakarak atu buka pozisaun boot? (Mc. 9:35; Mt. 20:25, 26; Gal. 6:3; Flp. 2:5-8)

4. Lee Marcos 10:13-16.

   Susar ka lae ba ema atu hakbesik Jesus? Saida mak katuas kristaun sira bele aprende husi ninia ezemplu? (Mc. 6:30-34; Flp. 2:1-4; 1 Tim. 4:12)

Istória 95

1. Pergunta saida mak mane ida husu ba Jesus? Tanbasá?

2. Dalan saida mak Jesus dala ruma uza atu hanorin? Saida mak ita aprende tiha ona kona-ba ema judeu no samaritanu sira?

3. Iha ai-knanoik neʼebé Jesus konta, saida mak akontese ba ema judeu ida neʼebé laʼo tun husi dalan ba Jerikó?

4. Saida mak akontese bainhira amlulik judeu ida no levita ida liu dalan neʼe?

5. Iha dezeñu neʼe, sé mak ajuda ema judeu neʼebé moras ho kanek boot?

6. Konta tiha ai-knanoik neʼe, Jesus husu pergunta saida, no mane neʼe hatán saida?

Pergunta seluk:

1. Lee Lucas 10:25-37.

   1. Duké fó deʼit resposta, oinsá mak Jesus ajuda mane neʼebé matenek kona-ba Ukun-Fuan atu hanoin iha dalan neʼebé loos? (Lc. 10:26; Mt. 16:13-16)

   2. Oinsá mak Jesus uza ai-knanoik atu rona-naʼin bele halakon sira-nia hanoin aat ba ema neʼebé lahanesan ho sira? (Lc. 10:36, 37; 18:9-14; Tito 1:9)

Istória 96

1. Saida mak Jesus halo durante nia laʼo lemo-rai?

2. Liutiha tinan tolu depois nia hetan batizmu, nia fó-hatene saida ba ninia apóstolu sira?

3. Ema sira iha dezeñu neʼe mak sé? Saida mak Jesus halo ba feto neʼe?

4. Tanbasá mak liafuan neʼebé Jesus hatán hamoe naʼi-ulun relijiaun sira?

5. Bainhira Jesus no ninia apóstolu sira besik Jerikó, saida mak Jesus halo ba ema matan-delek naʼin-rua neʼebé moris nuʼudar ezmola-naʼin?

6. Tanbasá mak Jesus halo milagre?

Pergunta seluk:

1. Lee Mateus 15:30, 31.

   Buat furak saida mak Jesus halo neʼebé hatudu Jeová nia forsa? Oinsá ida-neʼe ajuda ita atu komprende didiʼak buat neʼebé Jeová promete kona-ba mundu foun? (Sal. 37:29; Isa. 33:24)

2. Lee Lucas 13:10-17.

   Jesus halaʼo milagre furak tebes iha loron Sábadu. Oinsá mak ida-neʼe hatudu kona-ba buat furak neʼebé nia sei halo ba ema durante ninia Ukun Tinan Rihun Ida nian? (Lc. 13:10-13; Sal. 46:9; Mt. 12:8; Kol. 2:16, 17; Apok. 21:1-4)

3. Lee Mateus 20:29-34.

   Oinsá mak istória ida-neʼe hatudu katak Jesus nunka okupadu demais atu ajuda ema? Saida mak ita aprende husi istória ida-neʼe? (Deut. 15:7; Tgo. 2:15, 16; 1 Joao 3:17)

Istória 97

1. Bainhira Jesus mai toʼo aldeia kiʼik ida besik Jeruzalein, nia haruka ba dixípulu sira atu halo saida?

2. Iha dezeñu neʼe, saida mak mosu bainhira Jesus hakbesik ba sidade Jeruzalein?

3. Saida mak labarik kiʼik sira halo bainhira sira haree Jesus kura ema neʼebé matan-delek no kudeʼik?

4. Saida mak Jesus hatete ba amlulik sira neʼebé hirus hela?

5. Oinsá mak ita mós bele sai hanesan labarik kiʼik sira neʼebé hahiʼi Jesus?

6. Saida mak dixípulu sira hakarak atu hatene?

Pergunta seluk:

1. Lee Mateus 21:1-17.

   1. Oinsá mak kuandu ema simu Jesus tama ba Jeruzalein nuʼudar Liurai lahanesan ho kuandu ema simu jenerál sira neʼebé foin manán funu iha tempu Roma nian? (Mt. 21:4, 5; Zac. 9:9; Flp. 2:5-8; Kol. 2:15)

   2. Lisaun saida mak joven sira aprende husi labarik-mane Izraél sira neʼebé temi liafuan husi Salmo 118 kuandu Jesus atu tama templu? (Mt. 21:9, 15; Sal. 118:25, 26; 2 Tim. 3:15; 2 Ped. 3:18)

2. Lee Joao 12:12-16.

   Ema uza ai-tali nia sanak hodi hahiʼi Jesus. Neʼe katak sá? (Joao 12:13; Flp. 2:10; Apok. 7:9, 10)

Istória 98

1. Iha dezeñu neʼe, mane ida-neʼebé mak Jesus? Sé mak hamutuk ho nia?

2. Saida mak amlulik sira koko atu halo ba Jesus iha templu? Jesus hatete saida ba sira?

3. Saida mak apóstolu sira husu ba Jesus?

4. Tanbasá mak Jesus hatete ba ninia apóstolu sira kona-ba buat balu neʼebé sei akontese iha Rai kuandu nia ukun nuʼudar Liurai iha lalehan?

5. Tuir Jesus nia liafuan, saida mak sei akontese antes nia ramata buat aat hotu iha mundu?

Pergunta seluk:

1. Lee Mateus 23:1-39.

   1. Maski Eskritura hatudu katak ita bele bolu ema ho títulu mundu nian, Jesus nia liafuan iha Mateus 23:8-11 hatudu saida kona-ba uza títulu atu gaba ema iha kongregasaun kristaun laran? (Apos. 26:25; Rom. 13:7; 1 Ped. 2:13, 14)

   2. Ema farizeu sira halo saida atu hapara ema atu sai kristaun, no oinsá mak naʼi-ulun relijiaun sira halo hanesan neʼe ohin loron? (Mt. 23:13; Lc. 11:52; Joao 9:22; 12:42; 1 Tes. 2:16)

2. Lee Mateus 24:1-14.

   1. Oinsá mak liafuan iha Mateus 24:13 hatudu katak tahan mak importante tebes?

   2. Liafuan “rohan” iha Mateus 24:13 katak sá? (Mt. 16:27; Rom. 14:10-12; 2 Kor. 5:10)

3. Lee Marcos 13:3-10.

   Liafuan saida iha Marcos 13:10 hatudu katak urjente atu haklaken lia-foun diʼak? Jesus nia liafuan book ita atu halo saida? (Rom. 13:11, 12; 1 Kor. 7:29-31; 2 Tim. 4:2)

Istória 99

1. Hanesan ita haree iha dezeñu neʼe, tanbasá mak Jesus no ninia apóstolu naʼin-12 iha sala boot andár-leten?

2. Sé mak mane neʼebé sai daudauk husi sala? Nia bá atu halo saida?

3. Han Páskua hotu tiha, han espesiál saida mak Jesus hahú?

4. Páskua fó-hanoin saida ba ema Izraél? Han espesiál ida-neʼe fó-hanoin saida ba ema neʼebé tuir Jesus?

5. Han-Kalan Naʼi nian hotu tiha, Jesus hatete saida ba dixípulu sira? No mós sira halo saida?

Pergunta seluk:

1. Lee Mateus 26:14-30.

   1. Oinsá mak Mateus 26:15 hatudu katak Judas hakarak duni atu saran Jesus ba mate?

   2. Raan neʼebé Jesus fakar fó benefísiu rua saida? (Mt. 26:27, 28; Jer. 31:31-33; Ef. 1:7; Ebr. 9:19, 20)

2. Lee Lucas 22:1-39.

   Oinsá mak Satanás tama tiha iha Judas nia laran? (Lc. 22:3; Joao 13:2; Apos. 1:24, 25)

3. Lee Joao 13:1-20.

   1. Tuir Joao 13:2, Judas tenke simu todan ba buat neʼebé nia halo tiha ona ka lae? Lisaun saida mak Maromak nia atan aprende husi neʼe? (Gên. 4:7; 2 Kor. 2:11; Gal. 6:1; Tgo. 1:13, 14)

   2. Lisaun boot saida mak Jesus fó liuhusi ninia ezemplu? (Joao 13:15; Mt. 23:11; 1 Ped. 2:21)

4. Lee Joao 17:1-26.

   Kuandu Jesus harohan atu ninia dixípulu sira ‘saida deʼit’, nia dehan katak sá? (Joao 17:11, 21-23; Rom. 13:8; 14:19; Kol. 3:14)

Istória 100

1. Kuandu Jesus no ninia apóstolu sira sai tiha husi sala andár-leten, sira bá neʼebé? Jesus haruka dixípulu sira atu halo saida?

2. Kuandu Jesus mai fali toʼo fatin neʼebé apóstolu sira iha, nia haree sira halo saida, no dala hira mak ida-neʼe akontese?

3. Sé mak tama iha jardín? Saida mak Judas Iscariotes halo, hanesan ita haree iha dezeñu neʼe?

4. Tanbasá mak Judas reʼi Jesus? Pedro halo saida?

5. Jesus hatete saida ba Pedro? Tanbasá mak Jesus la husu Maromak atu haruka anju ruma?

Pergunta seluk:

1. Lee Mateus 26:36-56.

   1. Oinsá mak dalan neʼebé Jesus fó konsellu ba ninia dixípulu sira sai nuʼudar ezemplu ba katuas kristaun sira ohin loron? (Mt. 20:25-28; 26:40, 41; Gal. 5:17; Ef. 4:29, 31, 32)

   2. Oinsá mak Jesus haree kona-ba uza kroʼat no kilat atu hasoru ema? (Mt. 26:52; Lc. 6:27, 28; Joao 18:36)

2. Lee Lucas 22:39-53.

   Kuandu anju ida mosu ba Jesus iha jardín Jetsémani atu hametin nia, ida-neʼe katak Jesus nia fiar sai fraku tiha ka lae? Esplika bá. (Lc. 22:41-43; Isa. 49:8; Mt. 4:10, 11; Ebr. 5:7)

3. Lee Joao 18:1-12.

   Oinsá mak Jesus proteje ninia dixípulu sira husi inimigu? Ita aprende saida husi ninia ezemplu? (Joao 10:11, 12; 18:1, 6-9; Ebr. 13:6; Tgo. 2:25)

Istória 101

1. Liuliu, sé mak tenke simu todan kona-ba Jesus nia mate?

2. Apóstolu sira halo saida bainhira naʼi-ulun relijiaun sira kaer Jesus?

3. Saida mak akontese iha Caifás, amlulik boot, nia uma?

4. Tanbasá mak Pedro halai-sees no tanis?

5. Kuandu Jesus fila tiha ba Pilatos, saida mak amlulik boot sira haklalak?

6. Saida mak akontese ba Jesus iha loron-sesta lokraik? Saida mak Jesus promete ba ema aat ida neʼebé tara iha ninia sorin?

7. Paraízu neʼebé Jesus temi sei mosu iha neʼebé?

Pergunta seluk:

1. Lee Mateus 26:57-75.

   Oinsá mak membru iha tribunál boot judeu nian hatudu katak sira laran-aat tebes? (Mt. 26:59, 67, 68)

2. Lee Mateus 27:1-50.

   Oinsá mak ita bele hatene katak Judas la hakribi ho laran? (Mt. 27:3, 4; Mc. 3:29; 14:21; 2 Kor. 7:10, 11)

3. Lee Lucas 22:54-71.

   Iha kalan neʼebé ema kaer Jesus, Pedro nega nia. Ita aprende saida husi ida-neʼe? (Lc. 22:60-62; Mt. 26:31-35; 1 Kor. 10:12)

4. Lee Lucas 23:1-49.

   Oinsá mak Jesus hasoru buat aat neʼebé ema halo ba nia, no ita aprende lisaun saida husi neʼe? (Lc. 23:33, 34; Rom. 12:17-19; 1 Ped. 2:23)

5. Lee Joao 18:12-40.

   Maski Pedro lakon neon tanba taʼuk ema ba tempu uitoan, nia sai diʼak fali no sai apóstolu boot ida. Ida-neʼe hatudu saida mai ita? (Joao 18:25-27; 1 Kor. 4:2; 1 Ped. 3:14, 15; 5:8, 9)

6. Lee Joao 19:1-30.

   1. Oinsá mak Jesus haree sasán materiál iha dalan neʼebé loos? (Joao 2:1, 2, 9, 10; 19:23, 24; Mt. 6:31, 32; 8:20)

   2. Oinsá mak Jesus nia liafuan ikus hatudu katak nia manán tiha hodi defende Jeová nia direitu atu ukun? (Joao 16:33; 19:30; 2 Ped. 3:14; 1 Joao 5:4)

Istória 102

1. Sé mak feto iha dezeñu neʼe? Sé mak mane naʼin-rua neʼe, no sira iha neʼebé?

2. Tanbasá mak Pilatos hatete ba amlulik sira atu haruka soldadu sira hein Jesus nia rate?

3. Iha dadeer-saan nakukun iha loron terseiru depois Jesus mate, saida mak anju ida halo? Amlulik sira halo saida kuandu rona kona-ba neʼe?

4. Tanbasá mak feto balu hakfodak kuandu sira bá vizita Jesus nia rate?

5. Tanbasá mak Pedro no João halai ba Jesus nia rate? Sira hetan saida iha neʼebá?

6. Saida mak akontese ba Jesus nia isin-mate? Saida mak nia halo atu hatudu ba dixípulu sira katak nia moris fali ona?

Pergunta seluk:

1. Lee Mateus 27:62-66 no 28:1-15.

   Bainhira Jesus moris fali, oinsá mak amlulik boot, farizeu sira, no katuas sira halo sala hasoru espíritu santu? (Mt. 12:24, 31, 32; 28:11-15)

2. Lee Lucas 24:1-12.

   Oinsá mak istória kona-ba Jesus nia moris-hiʼas hatudu katak Jeová konfia feto sira atu sai nuʼudar testemuña? (Lc. 24:4, 9, 10; Mt. 28:1-7)

3. Lee Joao 20:1-12.

   Oinsá mak Joao 20:8, 9 ajuda ita atu hatene katak ita presiza pasiénsia bainhira ita ladún komprende kona-ba profesia husi Bíblia? (Prov. 4:18; Mt. 17:22, 23; Lc. 24:5-8; Joao 16:12)

Istória 103

1. Maria hatete saida ba mane ida, neʼebé nia hanoin katak mane neʼe mak tau matan ba jardín? Saida mak halo Maria hatene katak mane neʼe mak Jesus?

2. Saida mak akontese kuandu dixípulu naʼin-rua laʼo daudauk ba aldeia naran Emaús?

3. Buat furak saida mak akontese bainhira dixípulu naʼin-rua fó-hatene ba apóstolu sira katak sira haree ona Jesus?

4. Jesus mosu dala hira ona ba ninia dixípulu sira?

5. Tomé hatete saida bainhira nia rona katak dixípulu sira haree ona Naʼi? Liutiha loron ualu, saida mak akontese?

Pergunta seluk:

1. Lee Joao 20:11-29.

   Jesus nia liafuan iha Joao 20:23 hatudu katak ema iha kbiit atu perdua sala ka lae? Esplika bá. (Sal. 49:2, 7; Isa. 55:7; 1 Tim. 2:5, 6; 1 Joao 2:1, 2)

2. Lee Lucas 24:13-43.

   Oinsá mak ita bele prepara ita-nia fuan atubele simu lia-loos husi Bíblia? (Lc. 24:32, 33; Esd. 7:10; Mt. 5:3; Apos. 16:14; Ebr. 5:11-14)

Istória 104

1. Dala ida, dixípulu naʼin-hira mak haree Jesus? Jesus koʼalia kona-ba saida ba sira?

2. Saida mak Maromak nia Reinu? Kuandu Jesus ukun nuʼudar liurai durante tinan rihun ida nia laran, moris iha mundu sei sai oinsá?

3. Durante loron hira mak Jesus hatudu ninia an ba dixípulu sira? No agora oras toʼo ona ba nia atu halo saida?

4. Antes Jesus husik ninia dixípulu sira, nia haruka sira atu halo saida?

5. Saida mak akontese daudauk iha dezeñu neʼe? Tanbasá mak dixípulu sira la bele haree ona Jesus?

Pergunta seluk:

1. Lee 1 Korinto 15:3-8.

   Tansá mak apóstolu Paulo bele koʼalia ho laran-metin kona-ba Jesus nia moris-hiʼas? Ema kristaun ohin loron mós bele koʼalia kona-ba saida ho laran-metin? (1 Kor. 15:4, 7, 8; Isa. 2:2, 3; Mt. 24:14; 2 Tim. 3:1-5)

2. Lee Apostolu 1:1-11.

   Toʼo iha neʼebé mak dixípulu sira atu halaʼo serbisu haklaken, hanesan hatete nanis ona iha Apostolu 1:8? (Apos. 6:7; 9:31; 11:19-21; Kol. 1:23)

Istória 105

1. Hanesan haree iha dezeñu neʼe, saida mak akontese ba Jesus nia dixípulu sira neʼebé hein iha Jeruzalein?

2. Saida mak halo ema neʼebé bá vizita Jeruzalein hakfodak?

3. Saida mak Pedro esplika ba ema?

4. Rona tiha liafuan husi Pedro, ema sente oinsá? Pedro hatete ba sira atu halo saida?

5. Ema naʼin-hira mak hetan batizmu iha loron Pentekostes 33?

Pergunta seluk:

1. Lee Apostolu 2:1-47.

   1. Oinsá mak Pedro nia liafuan iha Apostolu 2:23, 36 hatudu katak nasaun judeu tomak mak simu todan kona-ba Jesus nia mate? (1 Tes. 2:14, 15)

   2. Pedro hatudu ezemplu diʼak saida atu uza Eskritura kuandu nia haklaken no hanorin? (Apos. 2:16, 17, 29, 31, 36, 39; Kol. 4:6)

   3. Oinsá mak Pedro uza xave primeiru husi ‘xave reinu lalehan nian’, neʼebé Jesus promete tiha ona atu fó ba nia? (Apos. 2:14, 22-24, 37, 38; Mt. 16:19)

Istória 106

1. Lokraik ida, saida mak akontese ba Pedro no João bainhira sira tama iha templu laran?

2. Pedro hatete saida ba mane kudeʼik? Saida mak Pedro fó ba nia neʼebé iha folin boot liu fali osan?

3. Tanbasá naʼi-ulun relijiaun sira hirus? Saida mak sira halo ba Pedro no João?

4. Pedro hatete saida ba naʼi-ulun relijiaun sira? Avizu saida mak sira fó ba apóstolu sira?

5. Tanbasá mak naʼi-ulun relijiaun sira laran-moras? Maibé, saida mak akontese bainhira apóstolu sira tama iha kadeia ba dala rua?

6. Apóstolu sira hatán oinsá bainhira ema lori sira ba sala Sinédriu?

Pergunta seluk:

1. Lee Apostolu 3:1-10.

   Maski ita la hetan kbiit atu halo milagre ohin loron, oinsá mak Pedro nia liafuan iha Apostolu 3:6 ajuda ita atu fó folin ba mensajen Reinu nian? (Joao 17:3; 2 Kor. 5:18-20; Flp. 3:8)

2. Lee Apostolu 4:1-31.

   Se ema kontra ita kuandu haklaken, oinsá mak ita bele banati-tuir irmaun kristaun sira iha sékulu primeiru? (Apos. 4:29, 31; Ef. 6:18-20; 1 Tes. 2:2)

3. Lee Apostolu 5:17-42.

   Oinsá mak ema balu neʼebé laʼós Testemuña hatudu hahalok neʼebé la kontra knaar haklaken, iha tempu uluk no mós ohin loron? (Apos. 5:34-39)

Istória 107

1. Sé mak Estevão? Maromak ajuda nia atu halo saida?

2. Estevão nia liafuan saida mak halo naʼi-ulun relijiaun sira hirus tebes?

3. Kuandu ema dada Estevão sai husi sidade, sira halo saida ba nia?

4. Iha dezeñu neʼe, sé mak mane ida neʼebé hamriik hodi hein ema nia hatais?

5. Molok mate, Estevão harohan saida ba Jeová?

6. Hodi halo tuir Estevão nia ezemplu, ita tenke halo saida kuandu ema halo aat ruma mai ita?

Pergunta seluk:

1. Lee Apostolu 6:8-15.

   Saida mak naʼi-ulun relijiaun sira halo atu lohi ema no koko hapara serbisu haklaken neʼebé Testemuña ba Jeová halaʼo? (Apos. 6:9, 11, 13)

2. Lee Apostolu 7:1-60.

   1. Saida mak ajuda Estevão sai matenek atu defende lia-foun diʼak iha Sinédriu? Ita bele aprende saida husi ninia ezemplu? (Apos. 7:51-53; Rom. 15:4; 2 Tim. 3:14-17; 1 Ped. 3:15)

   2. Ita tenke haburas hahalok saida ba ema neʼebé kontra ita-nia serbisu? (Apos. 7:58-60; Mt. 5:44; Lc. 23:33, 34)

Istória 108

1. Depois ema oho tiha Estevão, saida mak Saulo halo?

2. Saida mak halo ema hakfodak kuandu Saulo iha dalan atu bá Damasku?

3. Saida mak Jesus hatete ba Saulo?

4. Saida mak Jesus hatete ba Ananias, no oinsá mak Saulo bele haree filafali?

5. Ikusmai, ema koñese Saulo ho naran saida? Oinsá mak Maromak uza nia?

Pergunta seluk:

1. Lee Apostolu 8:1-4.

   Kuandu kongregasaun foun hasoru terus, oinsá mak ida-neʼe sai nuʼudar oportunidade atu habelar fiar kristaun? Buat hanesan saida mak akontese ohin loron? (Apos. 8:4; Isa. 54:17)

2. Lee Apostolu 9:1-20.

   Jesus iha knaar tolu saida neʼebé nia planu ona atu fó ba Saulo? (Apos. 9:15; 13:5; 26:1; 27:24; Rom. 11:13)

3. Lee Apostolu 22:6-16.

   Oinsá mak ita bele sai hanesan Ananias? Tansá mak ida-neʼe importante? (Apos. 22:12; 1 Tim. 3:7; 1 Ped. 1:14-16; 2:12)

4. Lee Apostolu 26:8-20.

   Ikusmai, Saulo sai ema kristaun. Oinsá mak istória neʼe anima sira neʼebé iha kaben laʼós fiar-naʼin iha tempu agora? (Apos. 26:11; 1 Tim. 1:14-16; 2 Tim. 4:2; 1 Ped. 3:1-3)

Istória 109

1. Sé mak ema neʼebé hakneʼak iha dezeñu neʼe?

2. Saida mak anju ida hatete ba Cornélio?

3. Maromak halo Pedro atu haree saida kuandu nia iha Simão nia uma-leten iha Jope?

4. Tanbasá mak Pedro hatete ba Cornélio katak la bele hakneʼak hodi adora nia?

5. Tanbasá mak dixípulu judeu sira neʼebé hamutuk ho Pedro hakfodak?

6. Lisaun importante saida mak ita aprende husi vizita neʼebé Pedro halo ba Cornélio?

Pergunta seluk:

1. Lee Apostolu 10:1-48.

   Pedro nia liafuan iha Apostolu 10:42 hatudu saida kona-ba serbisu haklaken lia-foun Reinu nian? (Mt. 28:19; Mc. 13:10; Apos. 1:8)

2. Lee Apostolu 11:1-18.

   Kuandu Pedro komprende loloos Jeová nia hakarak ba jentiu sira, oinsá mak nia simu ida-neʼe? Oinsá mak ita bele halo tuir ninia ezemplu? (Apos. 11:17, 18; 2 Kor. 10:5; Ef. 5:17)

Istória 110

1. Sé mak mane-klosan iha dezeñu neʼe? Nia hela iha neʼebé? Ninia inan no avó-feto nia naran saida?

2. Kuandu Paulo husu Timóteo se nia hakarak bá hamutuk ho Silas no Paulo atu haklaken ba ema iha rai dook, Timóteo hatán saida?

3. Iha sidade saida mak Jesus nia dixípulu sira simu naran Kristaun?

4. Paulo, Silas, no Timóteo vizita sidade saida depois sira husik Listra?

5. Saida mak Timóteo halo hodi ajuda Paulo? Pergunta saida mak joven sira tenke husu ba sira-nia an?

Pergunta seluk:

1. Lee Apostolu 9:19-30.

   Kuandu apóstolu Paulo hasoru ema neʼebé kontra lia-foun diʼak, oinsá mak nia hasoru sira ho kuidadu? (Apos. 9:22-25, 29, 30; Mt. 10:16)

2. Lee Apostolu 11:19-26.

   Oinsá mak liafuan iha Apostolu 11:19-21, 26 hatudu katak Jeová nia espíritu mak hatudu dalan no dirije serbisu haklaken?

3. Lee Apostolu 13:13-16, 42-52.

   Oinsá mak Apostolu 13:51, 52 hatudu katak dixípulu sira la husik opozisaun halo sira laran-kraik? (Mt. 10:14; Apos. 18:6; 1 Ped. 4:14)

4. Lee Apostolu 14:1-6, 19-28.

   Oinsá mak liafuan “sira saran sira ba Naʼi” fó kmaan mai ita atu labele hanoin demais kuandu ita ajuda ema foun sira? (Apos. 14:21-23; 20:32; Joao 6:44)

5. Lee Apostolu 16:1-5.

   Timóteo prontu atu hetan sirkunsizaun. Oinsá ida-neʼe hatudu katak importante duni atu halo ‘buat hotu tan lia-foun diʼak’? (Apos. 16:3; 1 Kor. 9:23; 1 Tes. 2:8)

6. Lee Apostolu 18:1-11, 18-22.

   Oinsá mak liafuan iha Apostolu 18:9, 10 hatudu katak Jesus rasik mós dirije serbisu haklaken? Ida-neʼe fó konfiansa saida mai ita ohin loron? (Mt. 28:20)

Istória 111

1. Iha dezeñu neʼe, sé mak joven ida neʼebé latan iha rai? Saida mak akontese ba nia?

2. Kuandu Paulo haree katak joven neʼe mate tiha, nia halo saida?

3. Paulo, Timóteo, no sira neʼebé laʼo hamutuk bá neʼebé? Saida mak akontese kuandu sira para iha Miletu?

4. Profeta Agabo fó avizu saida ba Paulo? Oinsá mak ninia liafuan sai loos duni?

Pergunta seluk:

1. Lee Apostolu 20:7-38.

   1. Oinsá mak ita ‘fase liman kona-ba ema hotu nia raan’, tuir Paulo nia liafuan iha Apostolu 20:26, 27? (Eze. 33:8; Apos. 18:6, 7)

   2. Tansá mak katuas sira tenke ‘hatene loloos doutrina’ kuandu sira hanorin ema? (Apos. 20:17, 29, 30; Tito 1:7-9; 2 Tim. 1:13)

2. Lee Apostolu 26:24-32.

   Oinsá mak Paulo uza ninia pozisaun nuʼudar sidadaun Roma atu halaʼo ninia knaar haklaken neʼebé nia simu husi Jesus? (Apos. 9:15; 16:37, 38; 25:11, 12; 26:32; Lc. 21:12, 13)

Istória 112

1. Besik rai Kreta, saida mak akontese ba ró neʼebé Paulo saʼe?

2. Saida mak Paulo hatete ba ema neʼebé iha ró laran?

3. Oinsá mak ró toʼo nakfera?

4. Komandante neʼebé hein ema dadur iha ró haruka sira atu halo saida? Ema naʼin-hira konsege toʼo rai-maran ho diʼak?

5. Rai oan neʼebé sira toʼo mak naran saida? Kuandu tempu hakmatek tiha, saida mak akontese ba Paulo?

Pergunta seluk:

1. Lee Apostolu 27:1-44.

   Kuandu lee istória kona-ba Paulo nia viajen ba Roma, oinsá mak ita bele hametin ita-nia konfiansa katak Bíblia hakerek buat hotu ho loos? (Apos. 27:16-19, 27-32; Lc. 1:3; 2 Tim. 3:16, 17)

2. Lee Apostolu 28:1-14.

   Jentiu sira iha Malta hatudu ‘laran diʼak tebes’ ba apóstolu Paulo no ema neʼebé hamutuk ho nia iha ró neʼebé nakfera. Ema kristaun sira tenke hatudu hahalok saida no liuliu iha dalan saida? (Apos. 28:1, 2; Ebr. 13:1, 2; 1 Ped. 4:9)

Istória 113

1. Kuandu Paulo sai dadur iha Roma, nia haklaken ba sé?

2. Sé mak vizita Paulo no tuur iha meza iha dezeñu neʼe, no nia halo saida atu ajuda Paulo?

3. Sé mak Epafrodito? Kuandu nia fila ba Filipe, nia lori saida?

4. Tanbasá mak Paulo hakerek surat ida ba ninia belun naran Filémon?

5. Kuandu Paulo sai livre, nia halo saida? Ikusliu, saida mak akontese ba Paulo?

6. Sé mak Jeová uza atu hakerek livru ikus iha Bíblia laran? Livru Apokalipse fó-hatene kona-ba saida?

Pergunta seluk:

1. Lee Apostolu 28:16-31 no Filipe 1:13.

   Oinsá mak Paulo uza ninia tempu durante nia iha komarka iha Roma? Ninia fiar neʼebé metin tebes fó efeitu saida ba kongregasaun kristaun? (Apos. 28:23, 30; Flp. 1:14)

2. Lee Filipe 2:19-30.

   Liafuan saida mak Paulo uza atu hatoʼo ninia apresiasaun kona-ba Timóteo no Epafrodito? Oinsá mak ita bele halo tuir Paulo nia ezemplu? (Flp. 2:20, 22, 25, 29, 30; 1 Kor. 16:18; 1 Tes. 5:12, 13)

3. Lee Filemon 1-25.

   1. Ho razaun saida mak Paulo anima Filémon atu halo buat neʼebé loos? Oinsá mak ida-neʼe serve nuʼudar matadalan ba katuas sira ohin loron? (Flm. 9; 2 Kor. 8:8; Gal. 5:13)

   2. Oinsá mak Paulo nia liafuan iha Filemon 13, 14 hatudu katak nia hatudu respeitu ba ema seluk nia konxiénsia iha kongregasaun? (1 Kor. 8:7, 13; 10:31-33)

4. Lee 2 Timoteo 4:7-9.

   Hanesan apóstolu Paulo, oinsá mak ita bele hatudu ita-nia fiar katak Jeová sei selu kolen mai ita se ita laran-metin toʼo rohan? (Mt. 24:13; Ebr. 6:10)

Istória 114

1. Tanbasá mak Bíblia koʼalia kona-ba kuda iha lalehan?

2. Maromak sei funu hasoru ema aat sira iha mundu iha funu naran saida? Tanbasá mak Maromak hakarak halo funu neʼe?

3. Iha dezeñu neʼe, sé mak nuʼudar ulun atu funu? Tanbasá mak nia tau koroa iha ninia ulun? Ninia surik katak sá?

4. Haree fali Istória 10, 15, no 33, tanbasá mak ita lalika hakfodak kuandu Maromak sei halakon ema aat sira?

5. Oinsá mak Istória 36 no 76 hatudu mai ita katak Maromak sei halakon ema aat maski sira hatete katak sira adora nia?

Pergunta seluk:

1. Lee Apokalipse 19:11-16.

   1. Oinsá mak Eskritura hatudu klaru katak Jesus Kristu mak saʼe kuda mutin? (Apok. 1:5; 3:14; 19:11; Isa. 11:4)

   2. Oinsá mak raan neʼebé hisik tiha ba Jesus nia hatais hatudu katak nia sei manán duni? (Apok. 14:18-20; 19:13; Isa. 63:1-6)

   3. Karik sé mak hamutuk mós iha tropa hodi tuir Jesus neʼebé saʼe kuda mutin? (Apok. 12:7; 19:14; Mt. 25:31, 32)

Istória 115

1. Tuir Bíblia, ita sei moris haksolok ho situasaun oinsá iha Paraízu iha Rai?

2. Bíblia promete saida ba sira neʼebé atu hela iha Paraízu?

3. Bainhira mak Jesus sei tau matan atu buat furak neʼe akontese duni?

4. Kuandu Jesus iha Rai, nia halo saida deʼit atu hatudu buat neʼebé nia sei halo nuʼudar Liurai iha Maromak nia Reinu?

5. Jesus no ninia maluk liurai sira halo saida kuandu sira ukun Rai husi lalehan?

Pergunta seluk:

1. Lee Apokalipse 5:9, 10.

   Tansá mak ita bele fiar katak sira neʼebé ukun mundu durante Tinan Rihun Ida sei sai liurai no amlulik neʼebé komprende no sadiʼa mai ita? (Ef. 4:20-24; 1 Ped. 1:7; 3:8; 5:6-10)

2. Lee Apokalipse 14:1-3.

   Aman nia naran no Bibi-Oan nia naran hakerek tiha iha ema naʼin-144.000 nia reen-toos. Ida-neʼe katak sá? (1 Kor. 3:23; 2 Tim. 2:19; Apok. 3:12)

Istória 116

1. Se ita hakarak moris ba nafatin, ita presiza koñese kona-ba saida?

2. Oinsá mak ita aprende kona-ba Maromak Jeová no Jesus, hanesan labarik-feto no ninia kolega sira iha dezeñu neʼe?

3. Livru saida tan mak ita haree iha dezeñu neʼe? Tanbasá mak ita tenke lee livru neʼe beibeik?

4. Maski ita aprende ona kona-ba Jeová no Jesus, saida tan mak ita presiza halo atu hetan moris rohan-laek?

5. Saida mak ita aprende husi Istória 69?

6. Ezemplu diʼak saida mak labarik kiʼik Samuel hatudu iha Istória 55?

7. Oinsá mak ita bele halo tuir Jesus Kristu nia ezemplu? Se ita halo tuir duni, ita sei bele halo saida iha futuru?

Pergunta seluk:

1. Lee Joao 17:3.

   Oinsá mak Eskritura hatudu katak buka koñesimentu kona-ba Maromak Jeová no Jesus Kristu envolve buat barak liu duké dekora deʼit faktu? (Mt. 7:21; Tgo. 2:18-20; 1 Joao 2:17)

2. Lee Salmo 145:1-21.

   1. Razaun balu saida mak ita iha atu hahiʼi Jeová? (Sal. 145:8-11; Apok. 4:11)

   2. Oinsá mak Jeová hatudu katak nia “diʼak ba hotu”, no tansá mak ida-neʼe halo ita hakbesik liután ba nia? (Sal. 145:9; Mt. 5:43-45)

   3. Se ita hadomi Jeová ho laran, ida-neʼe book ita atu halo saida? (Sal. 119:171, 172, 175; 145:11, 12, 21)