Takgalhtawakga 1

1. ¿Niku minitancha putum tuku xatlan anan? ¿Tlan nakiwaniya akgtum liʼakxilhtit nema Dios tlawanit?

2. ¿Tuku pulana tlawalh Dios?

3. ¿Tuku xlakata amakgapitsi ángeles ni malakgchanikgoy la xapulana ángel?

4. Kawanti la xwanit Katiyatni pulana (kaʼakxilhti dibujo).

5. ¿La tsukulh kaxwiliy Dios tiyat xlakata tlan xlatamakgolh kristianos chu animales?

Amakgapitsi takgalhskinin:

1. Kalikgalhtawakga Jeremías 10:12.

   ¿Tuku kinkamasiyaniyan xlakata Dios putum tuku tlawanit? (Isa. 40:26; Rom. 11:33.)

2. Kalikgalhtawakga Colosenses 1:15-17.

   Akxni tlawaka putum tuku anan, ¿tuku litayalh Jesús chu xlakata uma, tuku kililakapastakatkan akxni lakapastakaw Jesús?

3. Kalikgalhtawakga Génesis 1:1-10.

   1. ¿La lakatsukulh Katiyatni? (Gén. 1:1.)

   2. ¿Tuku tlawaka xapulana kilhtamaku akxni xmalakatsukinamaka? (Gén. 1:3-5.)

   3. Kawanti tuku tlawaka xliʼakgtiy kilhtamaku akxni xmalakatsukinamaka. (Gén. 1:7, 8.)

Takgalhtawakga 2

1. ¿La kinkakaxtlawanin Dios Katiyatni?

2. Dios tlawalh lhuwa animales. Kakiwani xtukuwani makgapitsi (Kaʼakxilhti kdibujo).

3. ¿Tuku xlakata ni xʼanan xtachuna la xwanit kjardín xaEdén?

4. ¿La xlakaskin Dios xtiwa xlikalanka Katiyatni?

Amakgapitsi takgalhskinin:

1. Kalikgalhtawakga Génesis 1:11-25.

   1. ¿Tuku tlawalh Dios kxliʼakgtutu kilhtamaku akxni xmalakatsukinama? (Gén. 1:12.)

   2. ¿Tuku tlawaka xliʼakgtati kilhtamaku akxni xmalakatsukinamaka? (Gén. 1:16.)

   3. ¿Tukuya animales tlawalh Dios xliʼakgkitsis chu xliʼakgchaxan kilhtamaku? (Gén. 1:20, 21, 25.)

2. Kalikgalhtawakga Génesis 2:8, 9.

   ¿La xwanikan kgantiy kiwi nema Dios kalaksakli kjardín chu tuku xkilhchanima kgantunu kiwi?

Takgalhtawakga 3

1. ¿Tuku wi unu ktakgalhtawakga akgtutu nema nitu xwi ktakgalhtawakga akgtiy?

2. ¿Tiku tlawalh xapulana chixku, chu tuku xtukuwani xwanit tama chixku?

3. ¿Tukuya taskujut maxkilh Dios Adán?

4. ¿Tuku xlakata Dios xaskan malhtatilh Adán?

5. ¿Niku akglit kilhtamaku tlan xlatamakgolh Adán chu Eva, chu tukuya taskujut xlakaskin Jehová xtlawakgolh?

Amakgapitsi takgalhskinin:

1. Kalikgalhtawakga Salmo 83:18.

   ¿Tuku xtukuwani Dios chu tuku sakstu litaxtuy uma Dios xlikalanka Katiyatni? (Jer. 16:21; Dan. 4:17.)

2. Kalikgalhtawakga Génesis 1:26-31.

   1. ¿Tuku tlakg xastlan wantuku Dios tlawalh akxni xmalakatsukinama kxliʼakgchaxan kilhtamaku? ¿Chu uma tuku Dios tlawalh tuku xlakata nixtachuna la animales xwankgonit? (Gén. 1:26.)

   2. ¿Tuku kamaxkilh Jehová nema nawakgoy chixku chu animales? (Gén. 1:30.)

3. Kalikgalhtawakga Génesis 2:7-25.

   1. ¿Tuku pulana xlitlawat xwanit Adán xlakata akxni xkawilinilh xtukuwani animales xkamininilh? (Gén. 2:19.)

   2. ¿La kinkamakgtayayan Génesis 2:24 xlakata nakatsiyaw la akxilha Dios tamakgaxtokgat, tiku lamakgxtakgkgoy, chu tiku lamakgxtakgkgoy kxlakatin mapakgsinanin? (Mat. 19:4-6, 9.)

Takgalhtawakga 4

1. Kaʼakxilhti dibujo. ¿Tuku kaʼakgspulama Adán chu Eva?

2. ¿Tuku xlakata katamakxtulh Jehová?

3. ¿Tuku wanilh Eva tantum luwa?

4. ¿Tiku machuwinilh luwa nema xakgatlilh Eva?

5. ¿Tuku xlakata makgatsankgakgolh Adán chu Eva xakastlan xpulatamatkan?

Amakgapitsi takgalhskinin:

1. Kalikgalhtawakga Génesis 2:16, 17 chu 3:1-13, 24.

   1. ¿Tuku xlakata takgalhskinin nema tlawanilh luwa Eva ni xaxlikana tuku xkilhwama xlakata Jehová? (Gén. 3:1-5; 1 Juan 5:3.)

   2. ¿Tuku kinkalimakxilhakanan uma tuku akgspulalh Eva? (Fili. 4:8; Sant. 1:14, 15; 1 Juan 2:16.)

   3. ¿La Adán chu Eva ni xlitayaputunkgoy tuku nitlan tlawakgolh? (Gén. 3:12, 13.)

   4. ¿La limasiyakgolh querubines nema xkuentajtlawamakgolh anta jardín xa Edén pi Jehová likgalhakgaxmatnit? (Gén. 3:24.)

2. Kalikgalhtawakga Apocalipsis 12:9.

   ¿La kitaxtunima Satanás xlakata kamatlawima kristianos nalakatayakgoy xlimapakgsin Dios? (1 Juan 5:19.)

Takgalhtawakga 5

1. ¿La xwanit xlatamatkan Adán chu Eva akxni nialh kjardín xaEdén xwilakgolh?

2. ¿Tuku tsukulh kaʼakgspulay Adán chu Eva, chu tuku xlakata?

3. ¿Tuku xlakata xʼamakgolh kgolonkgoy chu nikgoy xkamanan Adán chu Eva?

4. Komo Adán chu Eva xtikgalhakaxmatnikgolh Jehová, ¿la xtiwa xlatamatkan chu xlatamat xkamanan?

5. ¿La liminilh lhuwa takatsanajwat Eva xlakata ni kgalhakgaxmatninalh?

6. ¿La xkawanikan xchatiykan xapulana xkamanan Adán chu Eva?

7. ¿Tiku amakgapitsi laktsu kamanan nema tasiyay kdibujo?

Amakgapitsi takgalhskinin:

1. Kalikgalhtawakga Génesis 3:16-23 chu 4:1, 2.

   1. Xlakata Dios xwanit pi tiyat nialh tlan xʼama makgalanan, ¿la kitaxtunilh Adán? (Gén. 3:17-19; Rom. 8:20, 22.)

   2. ¿Tuku xlakata lu mininilh xtukuwani Eva, nema wamputun «lataman»? (Gén. 3:20.)

   3. ¿La kakuentajtlawapa Jehová Adán chu Eva maski xlekgalhinankgonitta? (Gén. 3:7, 21.)

2. Kalikgalhtawakga Apocalipsis 21:3, 4.

   ¿Tuku «wantu xʼanan xakgasiya» xlakaskinka kamasputuka?

Takgalhtawakga 6

1. ¿Tuku tsukulh liskuja Caín chu tuku tsukulh liskuja Abel?

2. ¿Tukuya tamakamastan linikgolh Jehová, Caín chu Abel?

3. ¿Tuku xlakata Jehová makgamakglhtinalh xtamakamastan Abel, chu ni makglhtinalh xtamakamastan Caín?

4. ¿La xwanit xtayat Caín, chu tuku tlawalh Jehová xlakata xlakgpalilh xtayat?

5. ¿Tuku tlawalh Caín akxni xasktu xtawi xtala anta kkakiwin?

6. Akxni Caín makgnilh xtala, ¿tuku akgspulalh alistalh?

Amakgapitsi takgalhskinin:

1. Kalikgalhtawakga Génesis 4:2-26.

   1. ¿La wanilh Jehová Caín pi lanka tuku nitlan xakgspulama? (Gén. 4:7.)

   2. ¿La limasiyalh Caín tuku talakapastakni xwi kxnaku? (Gén. 4:9.)

   3. Makgapitsi kristianos kamakgnikan maski nitu laklinkgoy, ¿la akxilha Jehová? (Gén. 4:10; Isa. 26:21.)

2. Kalikgalhtawakga 1 Juan 3:11, 12.

   1. ¿Tuku xlakata snun sitsilh Caín, chu la kinkalistakyawakanan uma?

   2. ¿La kinkamasiyaniyan Biblia pi maski putum kifamiliajkan nalakatayakgoy xtachuwin Jehová, akinin tlan ni namakgatsankgananiyaw Jehová? (Sal. 27:10; Mat. 10:21, 22.)

3. Kalikgalhtawakga Juan 11:25.

   ¿Tuku malaknuy Jehová nema lu xaxlikana nakgantaxtuy akxni wi tiku limakgnikan xlakata tlawama xtalakaskin Dios? (Juan 5:24.)

Takgalhtawakga 7

1. ¿Tuku xlitasiyay pi Enoc ni chuna xwanit la amakgapitsin?

2. ¿Tuku xlakata kristianos xalak xkilhtamaku Enoc katuwa tuku nitlan xtlawakgoy?

3. ¿Tuku nitlan xtlawakgoy kristianos? (Kaʼakxilhti kdibujo.)

4. ¿Tuku xlakata Enoc ni xapekua xwa tama kilhtamaku?

5. ¿Niku akglit kata xlatamakgoy lakchixkuwin akxni tama kilhtamaku, pero Enoc niku akglit kata latamalh?

6. ¿Tuku lalh alistalh akxni xninitta Enoc?

Amakgapitsi takgalhskinin:

1. Kalikgalhtawakga Génesis 5:21-24, 27.

   1. ¿La talalilh Jehová Enoc? (Gén. 5:24.)

   2. ¿La xwanikan tiku tlakg makgas latamalh nema lichuwinan Biblia, chu niku xakglit kata xwanit akxni nilh? (Gén. 5:27.)

2. Kalikgalhtawakga Génesis 6:5.

   ¿La tawilalh kakilhtamaku anta kKatiyatni akxni xninitta Enoc chu la xtachuna uku kkinkilhtamakujkan? (2 Tim. 3:13.)

3. Kalikgalhtawakga Hebreos 11:5.

   ¿Tuku xkgalhiy Enoc nema «xmakgapaxuway Dios», chu la kitaxtunilh? (Gén. 5:22.)

4. Kalikgalhtawakga Judas 14, 15.

   ¿La tlan nachuna natlawakgoy kstalaninanin Cristo la xwanit Enoc akxni lichuwinankgoy xlakata namin lilakgsputni kʼArmagedón? (2 Tim. 4:2; Heb. 13:6.)

Takgalhtawakga 8

1. ¿Tuku lalh akxni makgapitsi xʼángeles Dios tlawanikgolh kuenta Satanás?

2. ¿Tuku xlakata makgapitsi ángeles makgxtakgkgolh xtaskujutkan kʼakgapun chu minkgolh kKatiyatni?

3. ¿Tuku xlakata nitlan tuku tlawakgolh ángeles akxni minkgolh kKatiyatni chu tlawakgolh xmaknikan la xla chixku?

4. ¿Tuku xlakata xatanu xwankgonit xlakgkgawasan ángeles ni la amakgapitsi kristianos?

5. Chuna la akxilhpat kdibujo, ¿tuku tlawakgolh xkamanan ángeles akxni lu laklanka wankgolh?

6. Akxni xninitta Enoc, ¿tiku xatlan chixku latamalh kKatiyatni chu tuku xlakata xpaxkiy Dios?

Amakgapitsi takgalhskinin:

1. Kalikgalhtawakga Génesis 6:1-8.

   ¿Tuku wan Génesis 6:6 xlakata la limakgkatsiy Jehová chuna la lilatamayaw kkilatamatkan? (Sal. 78:40, 41; Pro. 27:11.)

2. Kalikgalhtawakga Judas 6.

   ¿La kinkalistakyawakanan uma nixatlan likxilhtit nema tlawakgolh ángeles xlakata «makgxtakgkgolh xputawilhkan»? (1 Cor. 3:5-9; 2 Ped. 2:4, 9, 10.)

Takgalhtawakga 9

1. ¿Niku xkgalhlitkan xwanit kxfamilia Noé, chu la xkawanikan kgalhtutu xkamanan?

2. ¿Tuku wanilh Dios Noé pi katlawalh tuku nikxni aʼxtlaway, chu tuku xlakata?

3. ¿Tuku wankgolh amakgapitsi akxni Noé kalixakgatlilh xlakata arca?

4. ¿Tuku wanilh Dios Noé natlaway xlakata animales?

5. Akxni Dios malakchawalh arca, ¿tuku tlawakgolh Noé chu xfamilia?

Amakgapitsi takgalhskinin:

1. Kalikgalhtawakga Génesis 6:9-22.

   1. ¿Tuku litasiyalh pi Noé lu xkakninani xaxlikana Dios? (Gén. 6:9, 22.)

   2. ¿La akxilha Jehová wantiku ni machokgoy xtasitsi, chu tuku pulana kililakapastakatkan akxni laksakaw tuku lilakgastananaw? (Gén. 6:11, 12; Sal. 11:5.)

   3. ¿La tlan nachuna natlawayaw la tlawalh Noé akxni kinkawanikgoyan tuku kilitlawatkan wantiku pulalinkgoy xtatayananin Jehová? (Gén. 6:22; 1 Juan 5:3.)

2. Kalikgalhtawakga Génesis 7:1-9.

   ¿La kinkamatliwakglhniyan kintakanajlakan xlakata Dios xakxilha Noé xalakatitum chixku, maski na xkgalhiy talekgalhin? (Gén. 7:1; Pro. 10:16; Isa. 26:7.)

Takgalhtawakga 10

1. ¿Tuku xlakata nialhti tanulh kʼarca akxni tsukulh senan?

2. ¿Niku akglit kilhtamaku chu niku akglit katsisni masenilh Jehová chu asta niku chalh chuchut?

3. ¿Niku tawi arca akxni chuchut litatsamalh Katiyatni?

4. ¿Lakgtaxtukgolh tama lu laklanka lakchixkuwin akxni milh munkaklat? ¿Tuku lanikgolh xnatlatnikan?

5. ¿Niku tawi arca akxni xtitaxtunitta akgkitsis papaʼ?

6. ¿Tuku xlakata Noé makgxtakgli kataxtulh kʼarca tantum cuervo?

7. ¿Tuku likatsilh Noé pi chuchut kxunknita?

8. ¿Tuku wanilh Dios Noé akxni liwakaya akgtum kata xtanumakgolh kʼarca?

Amakgapitsi takgalhskinin:

1. Kalikgalhtawakga Génesis 7:10-24.

   1. ¿Tuku kamasputulh akxni milh lisputni unu kKatiyatni? (Gén. 7:23.)

   2. ¿Niku akglit kilhtamaku lixunkli chuchut akxni milh munkaklat? (Gén. 7:24.)

2. Kalikgalhtawakga Génesis 8:1-17.

   ¿La masiya Biblia kʼGénesis 8:17 pi tuku Jehová pulana xlakapastaknit natlaway xlakata Katiyatni nitu talakgpalima? (Gén. 1:22.)

3. Kalikgalhtawakga 1 Pedro 3:19, 20.

   1. ¿Tuku kalilhkayawaka ángeles wantiku ni kgalhakgaxmatnikgolh Dios akxni taspitkgolh kʼakgapun? (Jud. 6.)

   2. ¿La matliwakglha kintakanajlakan tuku tatsokgnit xlakata Noé chu xfamilia pi Jehová kgalhi litliwakga xlakata nalakgmaxtuy xkachikin? (2 Ped. 2:9.)

Takgalhtawakga 11

1. Chuna la tasiyay dibujo, ¿tuku pulana tlawalh Noé akxni taxtulh kʼarca?

2. ¿Tuku limapakgsin maxkilh Dios Noé chu xfamilia akxni xtitaxtunita Munkaklat?

3. ¿Tuku wa Dios pi nialh katitlawalh?

4. Akxni akxilhaw chamakxkulit, ¿tuku kililakapastakatkan?

Amakgapitsi takgalhskinin:

1. Kalikgalhtawakga Génesis 8:18-22.

   1. ¿Tuku tlan natlawayaw uku xlakata nalakgchan Jehová «tuku xamuksun chu skaya namakgkatsi»? (Gén. 8:21; Heb. 13:15, 16.)

   2. ¿Tuku wa Jehová akxni akxilhli kxtalakapastakni nema xwi kxnaku chixku, chu wa xlakata tuku xliunkan skgalalh nalitawilayaw? (Gén. 8:21; Mat. 15:18, 19.)

2. Kalikgalhtawakga Génesis 9:9-17.

   1. ¿Tuku katalakkaxlalh Jehová putum tuku staknan xalak Katiyatni? (Gén. 9:10, 11.)

   2. ¿Niku akglit kilhtamaku namakgapalay tama talakkaxlan xlakata chamakxkulit? (Gén. 9:16.)

Takgalhtawakga 12

1. ¿Tiku xwanit Nemrod chu la xakxilha Dios tama chixku?

2. ¿Tuku xlakata tlawamakgolh tabique lakchixkuwin tiku wilakgolh kdibujo?

3. ¿Tuku xlakata Jehová nitlan akxilha uma xatalhman chiki nema tlawamakgolh?

4. ¿Tuku tlawalh Dios xlakata nialh natlawakgoy xatalhman chiki?

5. ¿La wilinika xtukuwani tama xalanka kachikin, chu tuku wamputun tama tukuwani?

6. Akxni Jehová tlawalh pi nialh kalaʼakgatekgsnikgolh xtachuwinkan, ¿tuku tlawakgolh kristianos?

Amakgapitsi takgalhskinin:

1. Kalikgalhtawakga Génesis 10:1, 8-10.

   ¿La xwanit xtayat Nemrod, chu tuku kinkawaniyan Biblia ni natlawayaw la xtlaway Nemrod? (Pro. 3:31.)

2. Kalikgalhtawakga Génesis 11:1-9.

   ¿Tuku xlakata xtlawamakgolh xatalhman chiki, chu tuku xlakata lu xlikana nitlan xʼama kataxtuni? (Gén. 11:4; Pro. 16:18; Juan 5:44.)

Takgalhtawakga 13

1. ¿Tuku xtlawakgoy kristianos tiku xwilakgolh kʼUr?

2. ¿Tiku tama chixku nema wi kdibujo? ¿Tukuya kilhtamaku lakachilh? ¿Niku xkachikin xwanit?

3. ¿Tuku mapakgsilh Dios Abrahán?

4. ¿Tuku xlakata Abrahán xʼamigo Dios litalakgapasli?

5. ¿Tiku akxtum taʼalh Abrahán akxni taxtulh kʼUr?

6. ¿Tuku wanilh Dios Abrahán akxni chalh anta kCanaán?

7. ¿Tukuya tachuwin maxkilh Dios Abrahán akxni xkgalhiy 99 kata?

Amakgapitsi takgalhskinin:

1. Kalikgalhtawakga Génesis 11:27-32.

   1. ¿La xlalilakgapasa Abrahán chu Lot? (Gén. 11:27.)

   2. Maski wankan pi Taré kapulalilh xfamilia akxni ankgolh kCanaán, ¿la likatsiyaw pi wa Abrahán tiku kapulalilh chu tuku xlakata kapulalilh? (Gén. 11:31; Hech. 7:2-4.)

2. Kalikgalhtawakga Génesis 12:1-7.

   ¿La tlakg lanka tlawalh Jehová tuku xtalakkaxlanit Abrahán akxni chalh kCanaán? (Gén. 12:7.)

3. Kalikgalhtawakga Génesis 17:1-8, 15-17.

   1. ¿Tuku atanu tukuwani wilinika Abrán akxni xkgalhiy 99 kata, chu tuku xlakata? (Gén. 17:5.)

   2. ¿Tukuya tasikulunalin malaknunilh Jehová Sara? (Gén. 17:15, 16.)

4. Kalikgalhtawakga Génesis 18:9-19.

   1. Anta kʼGénesis 18:19, ¿tuku kaliyawakan xanatlatni? (Deu. 6:6, 7; Efe. 6:4.)

   2. ¿Tuku akgspulalh kxlatamat Sara nema masiyay pi nituku lay matsekgniyaw Jehová? (Gén. 18:12, 15; Sal. 44:21.)

Takgalhtawakga 14

1. ¿Tukuya tachuwin maxkilh Dios Abrahán, chu la makgantaxtulh?

2. Chuna la tasiyay kdibujo, ¿la liʼakxilhli Dios xtakanajla Abrahán?

3. ¿Tuku tlawalh Abrahán maski nixkatsi tuku xlakata chuna xlimapakgsimaka?

4. ¿Tuku lalh akxni Abrahán maxtulh xcuchillo xlakata namakgniy xkgawasa?

5. ¿La xwi xtakanajla Abrahán?

6. ¿Tuku maxkilh Dios Abrahán xlakata tlan xtlawalh xtamakamastan, chu la maxkilh?

Amakgapitsi takgalhskinin:

1. Kalikgalhtawakga Génesis 21:1-7.

   ¿Tuku xlakata Abrahán circuncidartlawalh xkgawasa xliʼakgtsayan kilhtamaku? (Gén. 17:10-12; 21:4.)

2. Kalikgalhtawakga Génesis 22:1-18.

   ¿La limasiyalh Isaac pi xtlaway tuku xlimapakgsikan? Chu uma la tlawalh Isaac, ¿tuku xkilhchanima nema tlakg xlakaskinka xʼama kgantaxtuy? (Gén. 22:7-9; 1 Cor. 5:7; Fili. 2:8, 9.)

Takgalhtawakga 15

1. ¿Tuku xlakata Abrahán alakatanu alh tawilay chu Lot na alakatanu alh?

2. ¿Tuku xlakata Lot alh tawilay kSodoma?

3. ¿La xwanit xtayatkan kristianos xalak Sodoma?

4. ¿Tuku makatsinikgolh Lot chatiy ángeles?

5. ¿Tuku xlakata xamatsat chiwix wa xpuskat Lot?

6. ¿Tuku kinkamasiyaniyan wantuku akgspulalh xpuskat Lot?

Amakgapitsi takgalhskinin:

1. Kalikgalhtawakga Génesis 13:5-13.

   ¿La na tlan natlawayaw chuna la tlawalh Abrahán, akxni takgalhiyaw takglhuwit achatum? (Gén. 13:8, 9; Rom. 12:10; Fili. 2:3, 4.)

2. Kalikgalhtawakga Génesis 18:20-33.

   Akxni stalanka akxilhaw la kgalhchuwinankgolh Abrahán chu Jehová, ¿tuku likatsiyaw pi akxni Jehová chu Jesús naskinkgoy kuenta, liwana natlawakgoy? (Gén. 18:25, 26; Mat. 25:31-33.)

3. Kalikgalhtawakga Génesis 19:1-29.

   1. Chuna la akxilhaw kBiblia, ¿la akxilha Dios tiku tatalakgxtumi xtachixku? (Gén. 19:5, 13; Lev. 20:13.)

   2. ¿La kgalhtinalh Lot akxni wi tuku limapakgsika chu la kgalhtinalh Abrahán, chu tuku kinkalimasiyaniyan uma? (Gén. 19:15, 16, 19, 20; 22:3.)

4. Kalikgalhtawakga Lucas 17:28-32.

   ¿La xakxilha xpuskat Lot xlakata lhuwa tuku xkgalhiy xalaktaparaxla chu tuku xlakata akgtum liʼakxilhtit nema ni natlawayaw? (Luc. 12:15; 17:31, 32; Mat. 6:19-21, 25.)

5. Kalikgalhtawakga 2 Pedro 2:6-8.

   Chuna la tlawalh Lot, ¿la kiliʼakxilhatkan uma lixkajni kakilhtamaku niku lamaw? (Eze. 9:4; 1 Juan 2:15-17.)

Takgalhtawakga 16

1. ¿Tiku tama chixku chu tsumat nema wi kdibujo?

2. ¿Tuku tlawalh Abrahán xlakata natekgsniy xpuskat xkgawasa, chu tuku xlakata chuna tlawalh?

3. ¿La kgalhtika xʼoración kskujni Abrahán?

4. ¿La kgalhtinalh Rebeca akxni kgalhskinka komo xtatamakgaxtokgputun Isaac?

5. ¿Tuku xlakata lipaxuwapa Isaac?

Amakgapitsi takgalhskinin:

1. Kalikgalhtawakga Génesis 24:1-67.

   1. ¿Tukuya xatlan xtayat limasiyalh Rebeca akxni tatanokgli kskujni Abrahán anta niku xkgatnankgokan? (Gén. 24:17-20; Pro. 31:17, 31.)

   2. Xlakata Abrahán taputsalh xpuskat xkgawasa Isaac, ¿tuku xatlan liʼakxilhtit kawilinilh wantiku kstalaninanin Cristo xala uku? (Gén. 24:37, 38; 1 Cor. 7:39; 2 Cor. 6:14.)

   3. ¿Tuku xlakata namaxtuyaw kilhtamaku xlakata nalakapastaknanaw chuna la xtlawa Isaac? (Gén. 24:63; Sal. 77:12; Fili. 4:8.)

Takgalhtawakga 17

1. ¿Tiku xwankgonit Esaú chu Jacob chu tuku tanu xkatlawa?

2. ¿Niku akglit kata xkgalhiy Esaú chu Jacob akxni nilh xtatajkan Abrahán?

3. ¿Tuku tlawalh Esaú nema kalimakgalipuwa xnatlatni?

4. ¿Tuku xlakata Esaú snun sitsinilh xtala Jacob?

5. ¿Tuku limapakgsilh Isaac xkgawasa Jacob?

Amakgapitsi takgalhskinin:

1. Kalikgalhtawakga Génesis 25:5-11, 20-34.

   1. ¿Tuku xwanitta Jehová xlakata xlakkaman Rebeca? (Gén. 25:23.)

   2. ¿La xlakapastaka Jacob chu la xlakapastaka Esaú, xlakata tiku xlakgchan lipuxku? (Gén. 25:31-34.)

2. Kalikgalhtawakga Génesis 26:34, 35; 27:1-46, chu 28:1-5.

   1. ¿La litasiyalh pi Esaú kaj nitu xliʼakxilha tuku xla Dios? (Gén. 26:34, 35; 27:46.)

   2. Xlakata Jacob xmakglhtinalh xtasikulunalin Dios, ¿tuku wanilh Isaac natlaway? (Gén. 28:1-4.)

3. Kalikgalhtawakga Hebreos 12:16, 17.

   Xlakata tuku akgspulalh Esaú, ¿tuku kinkalimasiyaniyan tiku lakgmakgankgoy tuku xla Dios?

Takgalhtawakga 18

1. ¿Tuku xtukuwani uma tsumat nema wi kdibujo, chu la makgtayalh Jacob?

2. ¿Tuku wa natlaway Jacob xlakata tlan natatamakgaxtokga Raquel?

3. ¿Tuku tlawalh Labán akxni chalh kilhtamaku xlakata Jacob chu Raquel xlatatamakgaxtokgkgolh?

4. ¿Tuku tlawalh Jacob xlakata tlan xtamakgaxtokgli Raquel?

Amakgapitsi takgalhskinin:

1. Kalikgalhtawakga Génesis 29:1-30.

   1. Maski Labán akgskgawilh Jacob, ¿la limasiyalh Jacob pi xatlan chixku xwanit chu tuku kinkamasiyaniyan? (Gén. 25:27; 29:26-28; Mat. 5:37.)

   2. ¿La limasiyalh Jacob pi ni lakxtum xaxlikana tapaxkit chu tapaxkit nema ni lu xaxlikana? (Gén. 29:18, 20, 30; Cant. de Cant. 8:6.)

   3. ¿La xkawanikan kgalhtati lakpuskatin nema alistalh takgalhilh kamanan Jacob? (Gén. 29:23, 24, 28, 29.)

Takgalhtawakga 19

1. ¿Tuku xtukuwanikan kgalhchaxan xkamanan Jacob nema takgalhilh Lea xapulana xpuskat?

2. ¿Tuku xtukuwanikan chatiy xkamanan Jacob nema takgalhilh Zilpá, kskiti Lea?

3. ¿Tuku xtukuwanikan kgalhtiy xkamanan nema Jacob takgalhilh Bilhá, kskiti Raquel?

4. ¿Tuku xtukuwani kgalhtiy kamanan nema kgalhilh Raquel, pero tuku akgspulalh akxni lakachilh xaʼawatiya?

5. Chuna la masiyay dibujo, ¿niku kgalhlit kamanan kgalhilh Jacob, chu tuku xtukuwani kachikin nema malakatsukikgolh uma lakgkgawasan?

Amakgapitsi takgalhskinin:

1. Kalikgalhtawakga Génesis 29:32-35 chu 30:1-26.

   Chuna la kinkamasiyaniyan xlakata xkgalhkutiykan xlakgkgawasan Jacob, ¿la xtlawakan akxni xkalaksaknikan xtukuwanikan laktsu kaman li hebreo xalamakgasa?

2. Kalikgalhtawakga Génesis 35:16-19 chu 37:35.

   Maski Biblia kaj wan xtukuwani Dina, ¿tuku likatsiyaw pi Jacob ni kaj chatum xtsumat kgalhilh? (Gén. 37:34, 35.)

Takgalhtawakga 20

1. ¿Tuku xlakata Abrahán chu Isaac ni xlakaskinkgoy pi xkamanan natatamakgaxtokgkgoy tiku xalak Canaán?

2. ¿Xlakgatiy Jacob pi Dina kakatalalilh laktsuman xalak kCanaán?

3. ¿Tuku xtukuwani tama chixku nema akxilhma Dina, chu tuku lu nitlan tlawalh?

4. ¿Tuku tlawakgolh Simeón chu Leví akxni katsikgolh tuku xakgspulanit Dina?

5. ¿Tlan akxilhli Jacob wantuku tlawakgolh Simeón chu Leví?

6. ¿Tuku litsukulh xtaʼakglhuwit uma familia?

Amakgapitsi takgalhskinin:

1. Kalikgalhtawakga Génesis 34:1-31.

   1. Kawanti, ¿kaj makgtum kalakgapaxialhnalh Dina laktsuman xalak Canaán? (Gén. 34:1.)

   2. ¿Tuku xlakata Dina na xkuenta xlakata Siquem mafuerzalinilh natatamay? (Gál. 6:7.)

   3. ¿La limasiyakgoy lakgkgawasan chu laktsuman, pi xlikana kuenta tlawakgoy xlakata ni nakaʼakgspulay chuna la akgspulalh Dina? (Pro. 13:20; 1 Cor. 15:33; 1 Juan 5:19.)

Takgalhtawakga 21

1. ¿Tuku xlakata xlakgkatsananikgoy xnatalan José chu tuku tlawanikgolh?

2. ¿Tuku xtlawaniputunkgoy xnatalan José, pero Rubén tuku wa?

3. ¿Tuku tlawakgolh xnatalan José akxni xtitaxtumakgolh stananin li Ismael?

4. ¿Tuku tlawakgolh xnatalan José xlakata xtlat xlakpuwa pi xkgawasa xninit?

Amakgapitsi takgalhskinin:

1. Kalikgalhtawakga Génesis 37:1-35.

   1. ¿La nachuna kilitlawatkan akinin kstalaninanin Cristo chuna la tlawalh José xlakata namakatsininanaw akxni nakatsiyaw pi kcongregación wi tiku nitlan xtayat? (Gén. 37:2; Lev. 5:1; 1 Cor. 1:11.)

   2. ¿Tuku xlakata stamakgankgolh xnatalan José? (Gén. 37:11, 18; Pro. 27:4; Sant. 3:14-16.)

   3. ¿La limasiyalh Jacob pi xlipuwan? (Gén. 37:35.)

Takgalhtawakga 22

1. ¿Niku akglit kata xkgalhiy José akxni linka kʼEgipto, chu tuku lalh akxni chalh anta?

2. ¿Tuku xlakata tamaknuka kpulachin José?

3. ¿Tuku liyawaka José akxni xtanuma kpulachin?

4. ¿La kamakgtayalh José tiku xmaxkiy xvino Faraón chu tiku xtlawani xkaxtalanchu akxni xtanumakgolh kpulachin?

5. ¿Tuku nitlawalh tiku xmaxkiy xvino Faraón, akxni tamakxtuka kpulachin?

Amakgapitsi takgalhskinin:

1. Kalikgalhtawakga Génesis 39:1-23.

   Akxni xlama José nitu xwi tatsokgni xlakata xlimapakgsin Dios niku xwan pi lanka talekgalhin tiku laʼakgskgawi pero, ¿tuku malakapastakalh natsalaniy xpuskat Potifar? (Gén. 2:24; 20:3; 39:9.)

2. Kalikgalhtawakga Génesis 40:1-23.

   1. Kawanti tuku limanaxnalh tiku xmaki xvino Faraón, chu na kawanti tuku wanilh Jehová José xlakata tuku xwamputun tama tamanaxnat. (Gén. 40:9-13)

   2. ¿Tuku limanaxnalh chixku tiku xtlawa kaxtalanchu, chu tuku xwanputun? (Gén. 40:16-19.)

   3. Skujni xalipaw chu xaskgalala xala uku, ¿la nachuna lakapastakkgoy chuna la xlakapastaknan José? (Gén. 40:8; Sal. 36:9; Juan 17:17; Hech. 17:2, 3.)

   4. ¿La stalanka kinkamakgatekgsayan Génesis 40:20 chuna la xliʼakxilhatkan kstalaninanin Cristo tamakatamitat xla kata? (Ecl. 7:1; Mar. 6:21-28.)

Takgalhtawakga 23

1. ¿Tuku akgspulalh Faraón akgtum katsisni?

2. ¿Tuku xlakata wantiku xmaxkiy xvino Faraón aku lakapastakli José?

3. Chuna la tasiyay kdibujo, ¿tuku pulaktiy tamanaxnat kgalhilh Faraón?

4. ¿Tuku wa José pi xkilhchanima tama tuku limanaxnalh Faraón?

5. Faraón xwi xlimapakgsina kʼEgipto, alistalh, ¿la chalh José xlikgalhtiy mapakgsina?

6. ¿Tuku xlakata ankgolh kʼEgipto xnatalan José, chu tuku xlakata ni lakgapaskgolh?

7. ¿Tukuya xtamanaxnat lakapastakli José, chu tuku makgtayalh nakatsi tuku xwamputun?

Amakgapitsi takgalhskinin:

1. Kalikgalhtawakga Génesis 41:1-57.

   1. ¿José la malankilh Jehová chu ni lanka makgkatsika chu la nachuna tlan natlawakgoy kstalaninanin Cristo? (Gén. 41:16, 25, 28; Mat. 5:16; 1 Ped. 2:12.)

   2. Tama akgtujun kata akxni lhuwa xʼanan taway chu tama akgtujun kata akxni xʼanan tatsinksni kʼEgipto, ¿la kinkalimasiyaniyan uma xlakata la wi xtakatsinkan xlakata Dios tiku xaxlikana skujnanikgoy chu la wi xtakatsin tiku kaj wankgoy pi kstalaninanin Cristo? (Gén. 41:29, 30; Amós 8:11, 12.)

2. Kalikgalhtawakga Génesis 42:1-8 chu 50:20.

   Wantiku xaxlikana xkakninanin Jehová, ¿tlan natakilhputanikgoy chatum chixku xlakata nalimasiyakgoy pi lakgachixkuwilikgoy xlakata xmapakgsina, komo chuna talismani kxkachikin? (Gén. 42:6.)

Takgalhtawakga 24

1. ¿Tuku xlakata kaliyaway José pi xnatalan kaj minkgonit skgalakgoy Egipto?

2. ¿Tuku xlakata Jacob mastalh talakaskin naʼan kʼEgipto xataju xkgawasa Benjamín?

3. ¿Tuku xlakata xtajuma kxkuxtalh Benjamín xcopa xaplata xla José?

4. ¿Tuku wa Judá pi natlaway xlakata xmakgxtakgka Benjamín?

5. ¿La xwanit xtayatkan xnatalan José akxni tatanokglhkgolh kʼEgipto?

Amakgapitsi takgalhskinin:

1. Kalikgalhtawakga Génesis 42:9-38.

   ¿Tuku xlakata tachuwin nema talhkawilinit kʼGénesis 42:18 lu tlan kastakyawa tiku lakgayakgoy taskujut xla xtatayananin Jehová xala uku? (Neh. 5:15; 2 Cor. 7:1, 2.)

2. Kalikgalhtawakga Génesis 43:1-34.

   1. Maski Rubén xapuxku xwanit, ¿la litasiyay pi wa Judá xkapalakachuwinan xnatalan? (Gén. 43:3, 8, 9; 44:14, 18; 1 Cró. 5:2.)

   2. ¿La kaliʼakxilhli José xnatalan, chu tuku xlakata chuna tlawalh? (Gén. 43:33, 34.)

3. Kalikgalhtawakga Génesis 44:1-34.

   1. ¿Tuku litaxtulh José xlakata xnatalan ni xlakgapaskgolh? (Gen. 44:5, 15; Lev. 19:26.)

   2. ¿La limasiyakgolh xnatalan José pi tlantiya xtalakapastaknikan xwanit chu nialh xlakgkatsanankgoy la xapulana? (Gén. 44:13, 33, 34.)

Takgalhtawakga 25

1. ¿Tuku wankgolh xnatalan akxni kawanilh: Akit José?

2. ¿Tuku xalaktlan tachuwin kawanilh José xnatalan?

3. ¿Tuku wa Faraón akxni kgaxmatli pi xminkgonit xnatalan José?

4. ¿La xlilanka xwanit xfamilia Jacob akxni ankgolh kʼEgipto?

5. ¿La kalimapakuwika xfamilia Jacob chu tuku xlakata?

Amakgapitsi takgalhskinin:

1. Kalikgalhtawakga Génesis 45:1-28.

   ¿La limasiyay Biblia chuna la akgspulalh José pi Jehová tlan tlaway pi tlan kakitaxtukgolh kskujnin maski xalilakgaputsu litsukuy? (Gén. 45:5-8; Isa. 8:10; Fili. 1:12-14.)

2. Kalikgalhtawakga Génesis 46:1-27.

   ¿La matliwakglhli Jehová Jacob akxni xʼama kʼEgipto? (Gén. 46:1-4, tatsokgni.)

Takgalhtawakga 26

1. ¿Tiku xwanit Job?

2. ¿Tuku xkamatlawiputun Satanás putum kristianos? ¿Makgantaxtilh?

3. ¿Tuku mastalh talakaskin Jehová natlaway Satanás, chu tuku xlakata?

4. ¿Tuku xlakata xpuskat Job wanilh «lixkajni kawani Dios chu kanit»? (Kaʼakxilhti dibujo)

5. Chuna la wix akxilha kxliʼakgtiy dibujo, ¿la sikulunatlawalh Jehová Job chu tuku xlakata?

6. Komo ni namakgxtakgaw Jehová la tlawalh Job, ¿tukuya tasikulunalin namakgamakglhtinanaw?

Amakgapitsi takgalhskinin:

1. Kalikgalhtawakga Job 1:1-22.

   ¿La kristianos xala uku tlan nachuna natlawakgoy la titlawalh Job? (Job 1:1; Fili. 2:15; 2 Ped. 3:14.)

2. Kalikgalhtawakga Job 2:1-13.

   ¿La akxilhli Job chu la akxilhli xpuskat xlakata tuku nitlan xkatlawanima Satanás? (Job 2:9, 10; Pro. 19:3; Miq. 7:7; Mal. 3:14.)

3. Kalikgalhtawakga Job 42:10-17.

   1. ¿La nachuna la Job makglhtinalh tasikulunalin, na makglhtinalh tasikulunalin Jesús, xlakata nikxni makgxtakgkgolh Dios? (Job 42:12; Fili. 2:9-11.)

   2. ¿La kinkamatliwakglhan xlakata katsiw la Job makglhtinalh lhuwa tasikulunalin, xlakata ni makgatsankganilh Dios? (Job 42:10, 12; Heb. 6:10; Sant. 1:2-4, 12; 5:11.)

Takgalhtawakga 27

1. ¿Tiku uma chixku chipanit lisnokgni nema wi kdibujo, chu tiku chixku nema makgsnokgmaka?

2. ¿Tuku kaʼakgspulalh li Israel akxni xninitta José?

3. ¿Tuku xlakata li Egipto tsukukgolh kapekuanikgoy li Israel?

4. ¿Tuku kalimapakgsilh Faraón lakpuskatin tiku xkamakgtayay lakpuskatin li Israel akxni xkgalhikgoy xlakgskgatankan?

Amakgapitsi takgalhskinin:

1. Kalikgalhtawakga Éxodo 1:6-22.

   1. ¿La tsukulh makgantaxtiy Jehová wantuku xwaninit namaxkiy Abrahán? (Éxo. 1:7; Gén. 12:2; Hech. 7:17.)

   2. ¿La limasiyakgolh lakpuskatin tiku xkamakgtayay lakpuskatin li Israel akxni xkgalikgoy xlakgskgatan pi lanka xtapalh xakxilhkgoy latamat? (Éxo. 1:17; Gén. 9:6.)

   3. ¿La kamaxkika tasikulunalin lakpuskatin tiku xkamakgtayay lakpuskatin li Israel xlakata tlakg xpekuanikgoy Jehová nixawa mapakgsina xalak Egipto? (Éxo. 1:20, 21; Pro. 19:17.)

   4. ¿La litsakgsalh Satanás nalaktlaway xtalakaskin Jehová xlakata xkgawasa Abrahán nema xwaninit pi xʼama min? (Éxo. 1:22; Mat. 2:16.)

Takgalhtawakga 28

1. ¿Tiku ama aktsu skgata nema wi unu kdibujo, chu tiku ama tsumat nema makachipama?

2. ¿Tuku tlawalh xtse Moisés xlakata ni namakgnikan Moisés?

3. ¿Tiku ama aktsu tsumat nema wi kdibujo, chu tuku wanika natlaway?

4. Akxni xtsumat Faraón tekgsli aktsu skgata, ¿tuku wanilh Míriam xlakata tlan xtlawalh?

5. ¿Tuku wanilh xtsumat Faraón xtse Moisés?

Amakgapitsi takgalhskinin:

1. Kalikgalhtawakga Éxodo 2:1-10.

   ¿La kgalilh kilhtamaku xtse Moisés xlakata tlan kstakyawalh chu xmasiyanilh Moisés akxni aktsujku xwanit, chu tukuya liʼakxilhtit kamasiyaniy natlatni xala uku? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Takgalhtawakga 29

1. ¿Niku stakli Moisés, chu tuku xkatsiy xlakata xnatlatni?

2. ¿Tuku tlawalh Moisés akxni xkgalhiy tipuxum kata?

3. ¿Tuku wanilh Moisés chatum li Israel nema xwilinima achatum, chu la kgalhtilh tama chixku?

4. ¿Tuku xlakata tsalacha kʼEgipto Moisés?

5. ¿Niku chalh Moisés akxni tsalalh, chu tiku lakgapasli anta?

6. ¿Tuku tlawalh Moisés tama tipuxum kata akxni xwi kMadián?

Amakgapitsi takgalhskinin:

1. Kalikgalhtawakga Éxodo 2:11-25.

   Maski akglhuwa kata makgalhtawakgekgolh li Egipto, ¿la limasiyalh Moisés pi ni xmakgxtakga Jehová chu xkachikin? (Éxo. 2:11, 12; Heb. 11:24.)

2. Kalikgalhtawakga Hechos 7:22-29.

   ¿Tuku kinkamasiyaniyan xlakata tuku akgspulalh Moisés akxni xakstu xlakgmaxtuputun xkachikin kxmakan li Egipto? (Hech. 7:23-25; 1 Ped. 5:6, 10.)

Takgalhtawakga 30

1. ¿La wanikan sipi nema wi kdibujo?

2. ¿Tuku akxilhli Moisés nema nikxni axakxilha akxni alh ksipi chu xlin xborregos?

3. ¿Tuku wa tachuwin nema taxtucha anta kkiwi nema ni klhkuy, chu tiku xchuwinama?

4. ¿La kgalhtinalh Moisés akxni wanilh Dios pi kamaxtulh xkachikin kʼEgipto?

5. ¿Tuku wanilh Dios Moisés nakgalhtinan akxni xkgalhskinka tiku xmalakgachanit?

6. ¿La xlimasiyalh Moisés pi Dios xmalakgachanit?

Amakgapitsi takgalhskinin:

1. Kalikgalhtawakga Éxodo 3:1-22.

   ¿Tuku xlakata kinkamakgtayayan tuku katsiw xlakata Moisés, pi Jehová nakinkamakgtayayan komo akinin makgkatsiyaw pi nila makgantaxtiyaw tuku kinkaliyawanitan? (Éxo. 3:11, 13; 2 Cor. 3:5, 6.)

2. Kalikgalhtawakga Éxodo 4:1-20.

   1. ¿La lakgpalilh xtalakapastakni Moisés tipuxum kata nema titaxtulh kMadián, chu tuku kamasiyaniy tiku lakgatayaputunkgoy taskujut kcongregación? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Maski Jehová xkinkalistakyawan wantiku pulalinkgoy xtatayananin Jehová, ¿la kinkamakgtayayan chuna la stakyawaka Moisés? (Éxo. 4:12-14; Sal. 103:14; Heb. 12:4-11.)

Takgalhtawakga 31

1. ¿Tuku wankgolh li Israel akxni Moisés chu Aarón tlawakgolh tuku nilay tamakanajlay?

2. ¿Tuku wanikgolh Faraón Moisés chu Aarón chu la kgalhtinalh Faraón?

3. Chuna la tasiyay kdibujo, ¿tuku lalh akxni Aarón mamilh xlixtokgo kkatiyatni?

4. ¿La stakyawalh Jehová Faraón chu la kgalhtinalh?

5. ¿Tuku lalh akxni xtitaxtunitta xliʼakgkaw tuku nitlan xkamakaminimaka li Egipto?

Amakgapitsi takgalhskinin:

1. Kalikgalhtawakga Éxodo 4:27-31 chu 5:1-23.

   ¿Tuku wanputulh Faraón akxni wa: Nitsinu klakgapasa Jehová? (Éxo. 5:2; 1 Sam. 2:12; Rom. 1:21.)

2. Kalikgalhtawakga Éxodo 6:1-13, 26-30.

   1. ¿Tuku xkilhchanima akxni Jehová wa pi Abrahán, Isaac chu Jacob nixlakgapaskgoy? (Éxo. 3:13, 14; 6:3; Gén. 12:8.)

   2. ¿Tuku limakgkatsiyaw xlakata katsimaw pi Jehová maskujulh Moisés maski xla xlakapastaka pi ni la katimakgantaxtilh tuku xwanikanit natlaway? (Éxo. 6:12, 30; Luc. 21:13-15.)

3. Kalikgalhtawakga Éxodo 7:1-13.

   1. Akxni Moisés chu Aarón ni pekuankgolh chu ankgolh xlakatin Faraón xlakata nawanikgoy tuku natlawaniy Jehová komo ni nakgaxmata, ¿tuku kamasiyani uma kskujnin Dios xala uku? (Éxo. 7:2, 3, 6; Hech. 4:29-31.)

   2. ¿La limasiyalh Jehová pi wa Dios tiku tlakg xalanka nixawa dioses xalak Egipto? (Éxo. 7:12; 1 Cró. 29:12.)

Takgalhtawakga 32

1. Chuna la wi kdibujo, kawanti pulaktutu tuku nitlan nema Jehová pulana makamilh kʼEgipto.

2. ¿Tuku xlitalakgpaliy pulaktutu xapulana tuku nitlan makaminka Egipto chu amakgapitsi nema alistalh makaminparaka?

3. ¿Tuku tama nitlan makaminka kʼEgipto xapulaktati, xapulakkitsis chu xapulakchaxan?

4. Kawanti la xwanit tama tuku nitlan makaminka kʼEgipto xapulaktujun, pulaktsayan chu xapulaknajatsa.

5. ¿Tuku wa Jehová natlawakgoy li Israel akxni nina aʼxmin xapulakkaw tuku nitlan nema makaminka kʼEgipto?

6. ¿Tuku tama xliʼakgkaw tuku nitlan makaminka kʼEgipto, chu tuku lalh alistalh?

Amakgapitsi takgalhskinin:

1. Kalikgalhtawakga Éxodo 7:19–8:23.

   1. Maski sacerdotes wantiku xtlawakgoy magia xalak Egipto na tlawakgolh tama pulaktiy tuku nitlan malakgachalh Jehová kʼEgipto, ¿tuku fuerza akgatekgskgolh akxni xtitaxtunitta xlipulaktutu tuku nitlan? (Éxo. 8:18, 19; Mat. 12:24-28.)

   2. ¿La limasiyalh Jehová kxlipulaktati tuku nitlan nema malakgachalh kʼEgipto pi kgalhiy litliwakga xlakata nakamakgtaya xkachikin? Chu, ¿la limakgkatsikgoy xkachikin Dios akxni natitaxtukgoy «tlanka tapatin» nema wankanit namin? (Éxo. 8:22, 23; Apo. 7:13, 14; 2 Cró. 16:9.)

2. Kalikgalhtawakga Éxodo 8:24; 9:3, 6, 10, 11, 14, 16, 23-25, chu 10:13-15, 21-23.

   1. Akxni xtitaxtunita akgkaw tuku nitlan, ¿tukuya tamputiy kristianos liwana tasiyakgolh chu la kinkamalakapastakayan uku tama tamputiy kristianos? (Éxo. 8:10, 18, 19; 9:14.)

   2. ¿La kinkamakgtayayan Éxodo 9:16 naʼakgatekgsaw tuku xlakata Jehová makgxtakgnit Satanás nalatamayku? (Rom. 9:21, 22.)

3. Kalikgalhtawakga Éxodo 12:21-32.

   ¿La Pascua lhuwa kamalakgtaxtilh kristianos, chu tuku xkilhchanima uma tuku tlawakgolh? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Takgalhtawakga 33

1. ¿Niku kgalhlit lakchixkuwin li Israel tataxtukgocha chu xlakpuskatinkan chu xlakgskgatankan kʼEgipto, chu tiku na katataxtukgocha?

2. ¿Tuku makgkatsilh Faraón akxni xkamakgxtakgnitta li Israel, chu tuku tlawalh?

3. ¿Tuku tlawalh Jehová xlakata li Egipto nitu xkatlawanilh xkachikin?

4. ¿Tuku lalh akxni Moisés limakaʼalh xlixtokgo anta kpupunu wanikan xaSpinini chu tuku tlawakgolh li Israel?

5. ¿Tuku lalh akxni li Egipto tajukgolh kpupunu xlakata nakaputsastalaniy li Israel?

6. ¿La limasiyakgolh li Israel pi xpaxuwakgoy chu xpaxtikatsinikgoy Jehová, xlakata xkalakgmaxtunit?

Amakgapitsi takgalhskinin:

1. Kalikgalhtawakga Éxodo 12:33-36.

   ¿Tuku tlawalh Jehová xlakata xkachikin xmakglhtinankgolh xtaskgawkan tama kata nema xkamapatinikanit kʼEgipto? (Éxo. 3:21, 22; 12:35, 36.)

2. Kalikgalhtawakga Éxodo 14:1-31.

   Xlakata talakatsuwima guerra xla Armagedón, ¿tuku kinkamalakapastakayan kskujnin Jehová xala uku xlakata xtachuwin Moisés nema tatsokgtawilanit Éxodo 14:13, 14? (2 Cró. 20:17; Sal. 91:8.)

3. Kalikgalhtawakga Éxodo 15:1-8, 20, 21.

   1. ¿Tuku xlakata wantiku skujnanikgoy Jehová xlikilhtlinitkan xlakata namalankikgoy? (Éxo. 15:1, 2; Sal. 105:2, 3; Apo. 15:3, 4.)

   2. ¿Tukuya liʼakxilhtit kawilinilh lakpuskatin tiku kstalaninanin Cristo xala uku, Míriam chu amakgapitsi lakpuskatin xlakata malankikgolh Jehová anta xkilhtun pupunu wanikan xaSpinini? (Éxo. 15:20, 21; Sal. 68:11.)

Takgalhtawakga 34

1. ¿Tuku sakmakgolh kristianos anta unu kdibujo, chu la wanikan tama?

2. ¿Tuku kawanilh Moisés kachikin, xlakata la xlisakatkan maná?

3. ¿Tuku wa Jehová pi katlawakgolh kachikin xliʼakgchaxan kilhtamaku, chu tuku xlakata?

4. ¿Tuku xtlaway Jehová nema nila tamakanajlay akxni xmakikan maná nema xʼama taway xliʼakgtujun kilhtamaku?

5. ¿Niku akglit kata Jehová kalimawilh maná kachikin?

Amakgapitsi takgalhskinin:

1. Kalikgalhtawakga Éxodo 16:1-36 chu Números 11:7-9.

   1. ¿La masiyay Éxodo 16:8 pi lu xlakaskinka nalakgachixkuwiliyaw wantiku Dios kaliwilinit xlakata napulalinkgoy congregación xla kstalaninanin Cristo? (Heb. 13:17.)

   2. ¿La chali chali xkamalakapastakakan li Israel anta xakaskakni tiyat pi Jehová xtlawama kalatamakgolh? (Éxo. 16:14-16, 35; Deu. 8:2, 3.)

   3. Jesús lichuwinalh maná, ¿tuku wa pi xkilhchanima, chu la akinin litamakgtayayaw uma «kaxtalanchu xala kʼakgapun»? (Juan 6:31-35, 40.)

2. Kalikgalhtawakga Josué 5:10-12.

   ¿Niku akglit kata wakgolh maná li Israel, chu uma la kalikxilhka, chu tuku kinkamasiyaniyan uma tatsokgni? (Éxo. 16:35; Núm. 11:4-6; 1 Cor. 10:10, 11.)

Takgalhtawakga 35

1. Max akgtiy papaʼ xtitaxtunita akxni taxtukgocha kʼEgipto, ¿niku tlawakgolh laktsu chiki li Israel niku ni makgas tamakgxtakgkgolh?

2. ¿Tuku lakaskin Jehová natlaway xkachikin, chu li Israel la kgalhtinankgolh?

3. ¿Tuku xlakata Jehová maxkilh Moisés pakgtiy chiwix?

4. Jehová mastalh Akgkaw Tamapakgsin, ¿tukuya amakgapitsi tamapakgsin na kamaxkilh li Israel?

5. ¿Tukuya akgtiy tamapakgsin lichuwinalh Jesús nema tlakg xlakaskinka?

Amakgapitsi takgalhskinin:

1. Kalikgalhtawakga Éxodo 19:1-25; 20:1-21; 24:12-18, chu 31:18.

   ¿La kinkamakgtayayan Éxodo 19:8 xlakata nakatsiyaw tuku kilitlawatkan akxni tamakamastayaw xlakata kstalanina Cristo nawanaw? (Mat. 16:24; 1 Ped. 4:1-3.)

2. Kalikgalhtawakga Deuteronomio 6:4-6; Levítico 19:18, chu Mateo 22:36-40.

   ¿La limasiyakgoy kstalaninanin Cristo pi paxkikgoy Dios chu xtakristianojkan? (Mar. 6:34; Hech. 4:20; Rom. 15:2.)

Takgalhtawakga 36

1. ¿Tuku tlawamakgolh kristianos tiku wilakgolh kdibujo, chu tuku xlakata?

2. ¿Tuku xlakata sitsilh Jehová, chu tuku tlawalh Moisés akxni akxilhli tuku tlawamakgolh kristianos?

3. ¿Tuku kamatlawilh Moisés amakgapitsi lakchixkuwin?

4. ¿Tuku kinkamasiyaniyan uma takgalhtawakga?

Amakgapitsi takgalhskinin:

1. Kalikgalhtawakga Éxodo 32:1-35.

   1. ¿La masiyay uma takgalhtawakga xlakata la akxilha Jehová tamalakgxtumikan nixaxlikana takanajla chu takanajla xaxlikana? (Éxo. 32:4-6, 10; 1 Cor. 10:7, 11.)

   2. Akxni kstalaninanin Cristo laksakkgoy tuku nalilakgastanankgoy, chu tatlakgni nema kgaxmatkgoy, chu nema litantlikgoy, ¿tuku pulana xlilakapastakatkan? (Éxo. 32:25-28; Sal. 18:25.)

   3. ¿La wilikgolh xatlan liʼakxilhtit xfamiliajkan li Leví xlakata tlawakgolh tuku xalakatitum? (Éxo. 32:25-28; Sal. 18:25.)

Takgalhtawakga 37

1. ¿Tuku xtukuwani uma chiki nema wi kdibujo chu tuku lilakan?

2. ¿Tuku xlakata Jehová wanilh Moisés pi katlawalh akgtum chiki nema nituwa xtamalakgxtulh?

3. ¿Tuku uma caja nema wi unu xaktsu kpulaktu nema wilacha niku kgalhsputa uma chiki, chu tuku tajuma anta?

4. ¿Tiku laksakli Jehová xlakata xapuxku sacerdote nawan chu tuku xliskuja?

5. ¿Tuku tama akgtutu wi anta ktlakg xalanka pulaktu nema wi unu chiki?

6. ¿Tuku akgtiy wi anta kxkilhtin tabernáculo chu tuku lilakan?

Amakgapitsi takgalhskinin:

1. Kalikgalhtawakga Éxodo 25:8-40; 26:1-37; 27:1-8, chu 28:1.

   ¿Tuku kilhchanima querubines nema xwi kxkgalhni caja xla talakkaxlan? (Éxo. 25:20, 22; Núm. 7:89; 2 Rey. 19:15.)

2. Kalikgalhtawakga Éxodo 30:1-10, 17-21; 34:1, 2, chu Hebreos 9:1-5.

   1. ¿Tuku xlakata Jehová makglhuwa wa pi lu xlakaskinka ni kxkajwanankgolh sacerdotes tiku kskujkgoy ktabernáculo chu la tlaway uma pi akinin nachuna natlawayaw? (Éxo. 30:18-21; 40:30, 31; Heb. 10:22.)

   2. ¿La limasiyalh apóstol Pablo pi tabernáculo chu tama talakkaxlan xla Limapakgsin nialh xtalakaskin tama kilhtamaku akxni katsokgnanilh kstalaninanin Cristo tiku xchuwinankgoy hebreo? (Heb. 9:1, 9; 10:1.)

Takgalhtawakga 38

1. ¿La akxilha uma mustum uva nema wi kdibujo? ¿Niku kitiyaka?

2. ¿Tuku xlakata Moisés kamalakgachalh kgalhkutiy lakchixkuwin naskgalakgoy kachikin wanikan Canaán?

3. ¿Tuku wankgolh kgalhkaw wantiku kiskgalakgolh Canaán akxni chinkgolh niku xwi Moisés?

4. ¿La limasiyakgolh kaj kgalhtiy tiku kiskgalakgolh kachikin pi xaxlikana xlipawankgoy Jehová chu tuku xtukuwanikan?

5. ¿Tuku xlakata sitsilh Jehová, chu tuku wanilh Moisés?

Amakgapitsi takgalhskinin:

1. Kalikgalhtawakga Números 13:1-33.

   1. ¿Tiku kalaksakka naʼankgoy skgalakgoy Canaán, chu tuku lu xatlan kamaxkika talakaskin natlawakgoy? (Núm. 13:2, 3, 18-20.)

   2. ¿Tuku xlakata Josué chu Caleb ni chuna xlakapastakkgoy la amakgapitsi tiku kiskgalakgolh Canaán chu tuku kinkamasiyaniyan uma? (Núm. 13:28-30; Mat. 17:20; 2 Cor. 5:7.)

2. Kalikgalhtawakga Números 14:1-38.

   1. ¿Tuku kinkamasiyaniyan uma xlakata ni lixkajni nalichuwinanaw chu nakawaniyaw tiku pulalinkgoy xkachikin Jehová unu kKatiyatni? (Núm. 14:2, 3, 27; Mat. 25:40, 45; 1 Cor. 10:10.)

   2. ¿La masiyay Números 14:24 xlakata pi Jehová chatunu chatunu kinkapaxkiyan? (1 Rey. 19:18; Pro. 15:3.)

Takgalhtawakga 39

1. ¿Tiku ni xkgalhakgaxmatputunkgoy Moisés chu Aarón chu tuku wanikgoy Moisés?

2. ¿Tuku kaskini Moisés Coré chu 250 kstalaninanin?

3. ¿Tuku kawaniy Moisés kachikin chu tuku lalh akxni Moisés chuwinankgolh?

4. ¿Tuku kaʼakgspulalh Coré chu 250 kstalaninanin?

5. Eleazar xkgawasa Aarón, ¿tuku litlawalh xpumajininkan wantiku nikgolh?

6. ¿Tuku xlakata Jehová tlawalh pi kaxanalh xlixtokgo Aarón? (Kaʼakxilhti dibujo.)

Amakgapitsi takgalhskinin:

1. Kalikgalhtawakga Números 16:1-49.

   1. ¿Tuku tlawakgolh Coré chu kstalaninanin, chu tuku xlakata uma tuku tlawakgolh, limasiyakgolh pi ni xkgalhakgaxmatputunkgoy Jehová? (Núm. 16:9, 10, 18; Lev. 10:1, 2; Pro. 11:2.)

   2. ¿Tukuya talakapastakni nema nixatlan kgalhikgolh Coré chu x250 xalakpuxku xla tama tamakxtumit? (Núm. 16:1-3; Pro. 15:33; Isa. 49:7.)

2. Kalikgalhtawakga Números 17:1-11 chu 26:10.

   1. Akxni xlixtokgo Aarón xanalh, ¿tuku limasiyalh, chu tuku xlakata Jehová wa pi katamakilh kcaja xla talakkaxlan? (Núm. 17:5, 8, 10.)

   2. ¿Tuku lu xlakaskinka tastakyaw kinkamasiyaniyan tama limasiy xlakata xlixtokgo Aarón? (Núm. 17:10; Hech. 20:28; Fili. 2:14; Heb. 13:17.)

Takgalhtawakga 40

1. ¿La kakuentajtlaway Jehová li Israel akxni anta wilakgolh kxakaskakni tiyat?

2. ¿Tuku xlitakglhuwimakgolh li Israel akxni anta xwilakgolh Qadés?

3. ¿La kamaxkilh chuchut Jehová kristianos chu animales?

4. ¿Tiku tama chixku nema wi kdibujo chu sakstu limasiyamaka xmakan, chu tuku xlakata chuna tlawama?

5. ¿Tuku xlakata Jehová kasitsinilh Moisés chu Aarón, chu tuku kawanilh nakalimalakgaxokgey?

6. ¿Tuku lalh ksipi wanikan Hor, chu tiku xapuxku sacerdote xalak Israel wa?

Amakgapitsi takgalhskinin:

1. Kalikgalhtawakga Números 20:1-13, 22-29 chu Deuteronomio 29:5.

   1. ¿Tuku kinkamasiyaniyan chuna la Jehová kakuentajtlawalh li Israel kxakaskakni tiyat? (Deu. 29:5; Mat. 6:31; Heb. 13:5; Sant. 1:17.)

   2. ¿La akxilhli Jehová xlakata Moisés chu Aarón ni malankikgolh kxlakatin kachikin? (Núm. 20:12; 1 Cor. 10:12; Apo. 4:11.)

   3. ¿Tuku kinkamasiyaniyan xlakata la makglhtinalh tastakyaw Moisés akxni stakyawalh Jehová? (Núm. 12:3; 20:12, 27, 28; Deu. 32:4; Heb. 12:7-11.)

Takgalhtawakga 41

1. ¿Tuku litapaswitnit kiwi nema wi kdibujo, chu tuku xlakata Jehová wanilh Moisés pi anta kamawakalh?

2. ¿La limasiyakgoy kristianos pi ni xpaxtikatsinikgoy la xkakuentajtlaway Dios?

3. ¿Tuku skinikgolh li Israel Moisés akxni Jehová kamalakgachanilh luwa nema kgalhikgoy veneno xlakata nakalimalakgaxokgey?

4. ¿Tuku xlakata Jehová wanilh Moisés pi kalitlawalh cobre tantum lanka luwa?

5. ¿Tuku kinkamasiyaniyan uma takgalhtawakga?

Amakgapitsi takgalhskinin:

1. Kalikgalhtawakga Números 21:4-9.

   1. ¿Tuku kinkamasiyaniyan xlakata li Israel nitlan xakxilhkgoy putum tuku xatlan nema xkamaxki Jehová? (Núm. 21:5, 6; Rom. 2:4.)

   2. Akglhuwa ciento kata nema xʼama min, ¿la limaklakaskinkgoy li Israel luwa nema xlitatlawanit cobre, chu tuku tlawalh mapakgsina Ezequías? (Núm. 21:9; 2 Rey. 18:1-4.)

2. Kalikgalhtawakga Juan 3:14, 15.

   Luwa nema litatlawanit cobre chuna la xmawakakanit anta kkiwi, ¿la xlimasiyay pi xkilhchanima chuna la xʼama niy Jesucristo? (Gál. 3:13; 1 Ped. 2:24.)

Takgalhtawakga 42

1. ¿Tiku Balac, chu tuku xlakata maputsinalh Balaam?

2. ¿Tuku xlakata tamalh ktiji xburra Balaam?

3. ¿Tuku kgaxmatli Balaam wanilh xburra?

4. ¿Tuku wanilh chatum ángel Balaam?

5. ¿Tuku lalh akxni Balaam xkamawakaniputun tachuwin, xlakata li Israel nakaʼakgspulay tuku nitlan?

Amakgapitsi takgalhskinin:

1. Kalikgalhtawakga Números 21:21-35.

   ¿Tuku xlakata li Israel katlajalh Sehón mapakgsina tiku xla li amorreo chu Og wa mapakgsina xalak Basán? (Núm. 21:21, 23, 33, 34.)

2. Kalikgalhtawakga Números 22:1-40.

   ¿Tuku xlakata Balaam xkamawakaniputun tuku nitlan nakaʼakgspulay li Israel chu tuku kinkamasiyaniyan uma? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Kalikgalhtawakga Números 23:1-30.

   Maski Balaam xchuwinan la xaxlikana xkakninanina Jehová, ¿la limasiyalh putum wantuku xtlaway pi nixlikana xkakninaniy Jehová? (Núm. 23:3, 11-14; 1 Sam. 15:22.)

4. Kalikgalhtawakga Números 24:1-25.

   ¿La matliwakglha kintakanajlakan uma tuku wan kBiblia xlakata la nakgantaxtuy xtalakaskin Jehová? (Núm. 24:10; Isa. 54:17.)

Takgalhtawakga 43

1. ¿Tiku tama xchatiykan lakchixkuwin tiku akxtum talayakgolh Moisés kdibujo?

2. ¿Tuku waniy Jehová Josué?

3. ¿Tuku xlakata Moisés alh kxakgspun sipi wanikan Nebo, chu tuku waniy Jehová?

4. ¿Niku akglit kata xkgalhiy Moisés akxni nilh?

5. ¿Tuku xlakata lipuwankgoy kachikin pero tuku xlakata xlipaxuwatkan?

Amakgapitsi takgalhskinin:

1. Kalikgalhtawakga Números 27:12-23.

   ¿Tuku lu xlakaskinka taskujut liyawalh Jehová Josué chu la litasiyay uku pi Jehová kakuentajtlaway Xkachikin? (Núm. 27:15-19; Hech. 20:28; Heb. 13:7.)

2. Kalikgalhtawakga Deuteronomio 3:23-29.

   ¿Tuku xlakata Jehová ni kamaxkilh talakaskin natanukgoy Moisés chu Aarón kkatiyatni nema xkawaninit nakamaxki chu tuku kinkalimasiyanikanan uma? (Deu. 3:25-27; Núm. 20:12, 13.)

3. Kalikgalhtawakga Deuteronomio 31:1-8, 14-23.

   ¿La limasiyalh Moisés akxni kawanilh xʼawatiya xtachuwin li Israel, pi ni lanka xmakgkatsikan chuna la makgamakglhtinalh xtastakyaw Jehová? (Deu. 31:6-8, 23.)

4. Kalikgalhtawakga Deuteronomio 32:45-52.

   ¿Tuku xlitlawat xtachuwin Dios kkilatamatkan? (Deu. 32:47; Lev. 18:5; Heb. 4:12.)

5. Kalikgalhtawakga Deuteronomio 34:1-12.

   Maski Moisés nikxni akxilhli Jehová, ¿tuku limasiyay Deuteronomio 34:10 xalakata la xtalalin Jehová? (Éxo. 33:11, 20; Núm. 12:8.)

Takgalhtawakga 44

1. ¿Niku xkachikin Rahab?

2. ¿Tiku tama chatiy lakchixkuwin nema wilakgolh kdibujo chu tuku xlakata anta wilakgolh kJericó?

3. ¿Tuku limapakgsilh mapakgsina xalak Jericó Rahab, chu la kgalhtinalh Rahab?

4. ¿La kamakgtayalh Rahab chatiy lakchixkuwin chu tukuya litlan kaskinilh?

5. ¿Tukuya tachuwin maxkikgoy Rahab skgalananin?

Amakgapitsi takgalhskinin:

1. Kalikgalhtawakga Josué 2:1-24.

   ¿La kgantaxtulh xtachuwin Jehová nema talhkatawilanit kʼÉxodo 23:28 akxni li Israel akgchipakgolh Jericó? (Jos. 2:9-11.)

2. Kalikgalhtawakga Hebreos 11:31.

   ¿La limasiyay tuku tlawalh Rahab pi lu xlakaskinka takanajla? (Rom. 1:17; Heb. 10:39; Sant. 2:25.)

Takgalhtawakga 45

1. ¿Tuku tlawalh Jehová nema nilay tamakanajlay xlakata li Israel tlan napatakutkgoy kgalhtuchokgo wanikan Jordán?

2. ¿Tuku xlitlawatkan li Israel xlakata xlimasiyakgolh pi xkanajlakgoy pi tlan napatakutkgoy Jordán?

3. ¿Tuku xlakata Jehová wanilh Josué pi kasakli akgkutiy laklanka chiwix anta xtiji kgalhtuchokgo?

4. ¿Tuku lalh akxni sacerdotes takutkgolh kkgalhtuchokgo wanikan Jordán?

Amakgapitsi takgalhskinin:

1. Kalikgalhtawakga Josué 3:1-17.

   1. Chuna la limasiyay uma takgalhtawakga, ¿tuku kilitlawatkan xlakata namakglhtinanaw xtamakgtay chu xtasikulunalin Jehová? (Jos. 3:13, 15; Pro. 3:5; Sant. 2:22, 26.)

   2. ¿La xwi kgalhtuchokgo Jordán akxni li Israel patakutkgolh, xlakata natanukgoy ktiyat nema xkawanikanit nakamaxkikan, chu la malankilh xtukuwani Jehová uma tuku lalh? (Jos. 3:15; 4:18; Sal. 66:5-7.)

2. Kalikgalhtawakga Josué 4:1-18.

   ¿Tuku xlakata kasakka tama akgkutiy chiwix kJordán chu katsapswilika kGuilgal? (Jos. 4:4-7, 19-24.)

Takgalhtawakga 46

1. ¿Tuku kamatlawiy Jehová soldados chu sacerdotes akgchaxan kilhtamaku?

2. ¿Tuku xlitlawatkan lakchixkuwin xliʼakgtujun kilhtamaku?

3. Chuna la tasiyay kdibujo, ¿tuku lanima xpatsaps Jericó?

4. ¿Tuku xlakata waka kgantum tasiw xaspinini kʼakgtum ventana?

5. ¿Tuku kawaniy Josué soldados kakatlawanilh kristianos chu kachikin Jericó chu tuku xkatlawanika plata, oro, cobre chu hierro?

6. ¿Tuku kawanika natlawakgoy chatiy skgalananin?

Amakgapitsi takgalhskinin:

1. Kalikgalhtawakga Josué 6:1-25.

   1. Chuna la xliʼakgtujun kilhtamaku li Israel tlawankgolh kxlimakgstilili xpatsaps Jericó, ¿la xtachuna uku xtatayananin Jehová lichuwinankgoy xlakata Xtamapakgsin uma xʼawatiya kilhtamaku? (Jos. 6:15, 16; Isa. 60:22; Mat. 24:14; 1 Cor. 9:16.)

   2. Akxni max ay xtitaxtunit 500 kata, ¿la kgantaxtulh tachuwin nema xlichuwinankanita kJosué 6:26, chu tuku kinkamasiyaniyan uma xlakata la chuwinan Jehová? (1 Rey. 16:34; Isa. 55:11.)

Takgalhtawakga 47

1. ¿Tiku tama chixku nema wi kdibujo chu matsekgma tuku kxtapalh nema limincha kJericó, chu tiku makgtayamakgolh?

2. ¿Tuku xlakata lanka nitlan tuku tlawakgolh Acán chu xfamilia?

3. ¿Tuku wa Jehová akxni Josué kgalhskininalh tuku xlakata xtatlajikgonit li Israel kguerra nema tatlawakgolh li Hai?

4. ¿Tuku kaʼakgspulalh Acán chu xfamilia akxni kalinka kxlakatin Josué?

5. ¿Tuku lu xlakaskinka liʼakxilhtit kinkamasiyanikanan la akgspulalh Acán?

Amakgapitsi takgalhskinin:

1. Kalikgalhtawakga Josué 7:1-26.

   1. ¿Tuku limasiyalh xʼoración nema xtlaway Josué xlakata la xtalalin kiMalakatsukinakan? (Jos. 7:7-9; Sal. 119:145; 1 Juan 5:14.)

   2. ¿Tuku masiyay wantuku tlawalh Acán chu la kinkamakgtayayan uma akinin xlakata ni chuna natlawayaw? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Kalikgalhtawakga Josué 8:1-29.

   ¿Tuku lakgayaw chatunu chatunu akinin anta kcongregación xla kstalaninanin Cristo xala uku? (Jos. 7:13; Lev. 5:1; Pro. 28:13.)

Takgalhtawakga 48

1. ¿La xwankgonit li Gabaón chu la xwankgonit amakgapitsi kachikinin li Canaán?

2. Chuna la akxilhpat kdibujo, ¿tuku tlawakgolh li Gabaón chu tuku xlakata?

3. Josué chu amakgapitsi pulalinanin, ¿tukuya tachuwin kamaxkikgolh li Gabaón, pero tuku katsikgolh akxni xtitaxtunitta akgtutu kilhtamaku?

4. ¿Tuku lalh akxni mapakgsinanin xala amakgapitsi kachikin kgaxmatkgolh pi li Gabaón xkatalakkaxlanit li Israel?

Amakgapitsi takgalhskinin:

1. Kalikgalhtawakga Josué 9:1-27.

   1. Xlakata Jehová xmapakgsinanit pi li Israel nakamasputuy putum kristianos xalak katiyatni, ¿tuku lu tlan xtayat li tasiyalh akxni katapatilh li Gabaón? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Chuna la makgantaxtilh Josué xtachuwin chuna la xkawaninit li Gabaón, ¿la wililh akgtum lu xatlan liʼakxilhtit xlakata wantiku kstalaninanin Cristo xala uku? (Jos. 9:18, 19; Mat. 5:37; Efe. 4:25.)

2. Kalikgalhtawakga Josué 10:1-5.

   ¿La nachuna tlawakgoy xalhuwa kristianos chuna la tlawakgolh li Gabaón, chu xlakata pi chuna tlawakgoy tuku kaʼakgspulakgoy? (Jos. 10:4; Zac. 8:23; Mat. 25:35-40; Apo. 12:17.)

Takgalhtawakga 49

1. ¿Tuku tlawama Josué kdibujo chu tuku xlakata?

2. ¿La kamakgtayalh Jehová Josué chu xsoldados?

3. ¿Niku kgalhlit mapakgsinanin katlajalh Josué chu niku akglit kata kalitlajalh?

4. ¿Tuku xlakata Josué kamapitsinilh li Israel xtiyat Canaán?

5. ¿Niku akglit kata xkgalhiy Josué akxni nilh, chu alistalh tuku tlawakgolh kristianos?

Amakgapitsi takgalhskinin:

1. Kalikgalhtawakga Josué 10:6-15.

   ¿La matliwakglha kintakanajlakan xlakata katsimaw pi Jehová lakatum wililh chichini chu papaʼ xlakata namakgtayay li Israel? (Jos. 10:8, 10, 12, 13; Sal. 18:3; Pro. 18:10.)

2. Kalikgalhtawakga Josué 12:7-24.

   ¿Tiku lu xlikana katlajalh 31 mapakgsinanin xalak Canaán, chu tuku xlakata lu xlakaskinka nakatsiyaw uma? (Jos. 12:7; 24:11-13; Deu. 31:8; Luc. 21:9, 25-28.)

3. Kalikgalhtawakga Josué 14:1-5.

   ¿La kamapitsinika tiyat kkgatunu laklanka familia xalak Israel, chu tuku kinkamasiyaniyan uma xlakata la namastakan tiyat akxni natawilay xakalipaxaw Katiyatni? (Jos. 14:2; Isa. 65:21; Eze. 47:21-23; 1 Cor. 14:33.)

4. Kalikgalhtawakga Jueces 2:8-13.

   Chuna la tlawalh Josué anta kʼIsrael, ¿tiku kamalakgachokgokgoy la uku tiku talakgaspitnikgoy xaxlikana takanajla? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

Takgalhtawakga 50

1. ¿Tiku tama xlakkaxtlawananin taʼakglhuwit, chu tuku xtukuwani xapulana xlakkaxtlawana taʼakglhuwit?

2. ¿Tuku taskujut lu xlakaskinka liyawaka Débora, chu tuku xlitlawat?

3. Akxni mapakgsina Jabín chu Sísara xapuxku ksoldados, xkaʼakgchipanit li Israel, ¿tuku xtamakatsin Jehová wanilh Débora Barac, chu tuku wan Débora xlakata tiku natamalankiy?

4. ¿La masiyalh Jael pi ni xapekua puskat xwanit?

5. ¿Tuku lalh akxni xninitta mapakgsina wanikan Jabín?

Amakgapitsi takgalhskinin:

1. Kalikgalhtawakga Jueces 2:14-22.

   ¿Tuku xlakata Jehová snun kasitsinilh li Israel chu tuku kinkamasiyaniyan uma? (Jue. 2:20; Pro. 3:1, 2; Eze. 18:21-23.)

2. Kalikgalhtawakga Jueces 4:1-24.

   ¿Tuku kamasiyanikan lakpuskatin tiku kstalaninanin Cristo xala uku xlakata la Débora chu Jael xwi xtakanajlakan chu ni xpekuankgoy? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Kalikgalhtawakga Jueces 5:1-31.

   Chuna la Barac chu Débora wankgolh kxtatlinkan xlakata tlajakgolh guerra, ¿tuku na tlan naskinaw kkioraciónkan xlakata guerra nema mima wanikan Armagedón? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

Takgalhtawakga 51

1. ¿Tuku xlakata Noemí xʼanit kkachikin Moab?

2. ¿Tiku Rut chu Orpá?

3. ¿La kgalhtinankgolh Rut chu Orpá akxni Noemí kawanilh kataspitkgolh kxkachikinkan?

4. ¿Tiku Booz (Boaz), chu la kamakgtayalh Rut chu Noemí?

5. ¿La xwanikan xkgawasa Booz chu Rut, chu tuku xlakata kililakapastakatkan?

Amakgapitsi takgalhskinin:

1. Kalikgalhtawakga Rut 1:1-17.

   1. ¿Tukuya xalaktlan tachuwin wa Rut nema limasiyalh pi lu xaxlikana xpaxkinan chu ni xmakgxtakgnan? (Rut 1:16, 17.)

   2. ¿La limasiyalh Rut la xkgalhiy xtalakapastakni chu la nachuna lakapastaknankgoy uku xaʼamakgapitsi borrego xlakata la katalalin tiku akgataxtukgonit xatalaksakni? (Juan 10:16; Zac. 8:23.)

2. Kalikgalhtawakga Rut 2:1-23.

   ¿Tuku tlawalh Rut nema kawilinilh akgtum lu xatlan liaʼakxilhtit laktsuman xala uku? (Rut 2:17, 18; Pro. 23:22; 31:15.)

3. Kalikgalhtawakga Rut 3:5-13.

   1. ¿La akxilhli Booz xlakata Rut tatamakgaxtokgputulh, chu ni tatamakgaxtokgli wantiku tlakg kgawasaku?

   2. ¿Tuku kinkamasiyaniyan Rut xlakata tapaxkin nema ni makgxtakgnan? (Rut 3:10; 1 Cor. 13:4, 5.)

4. Kalikgalhtawakga Rut 4:7-17.

   Lakchixkuwin tiku kstalaninanin Cristo, ¿la tlan nachuna natlawakgoy la tlawalh Booz? (Rut 4:9, 10; 1 Tim. 3:1, 12, 13; 5:8.)

Takgalhtawakga 52

1. ¿Tuku taʼakglhuwit kgalhikgoy li Israel, chu tuku xlakata?

2. ¿Tuku xlakata Jehová waniy Gedeón pi lu lhuwa kgalhi soldados?

3. ¿Niku kgalhlit lakchixkuwin tamakgxtakgkgolh akxni Gedeón kamalakgachalh kxchikkan wantiku xpekuankgoy?

4. Chuna la tasiyay kdibujo, ¿la tlawalh Jehová pi kaj 300 lakchixkuwin nataʼankgoy kguerra Gedeón?

5. ¿La katalakkaxlalh Gedeón 300 lakchixkuwin chu la tlajalh li Israel guerra?

Amakgapitsi takgalhskinin:

1. Kalikgalhtawakga Jueces 6:36-40.

   1. ¿La liwana katsilh Gedeón tuku xtalakaskin Jehová?

   2. ¿Tuku nalikatsiyaw uku, tuku xtalakaskin Jehová? (Pro. 2:3-6; Mat. 7:7-11; 2 Tim. 3:16, 17.)

2. Kalikgalhtawakga Jueces 7:1-25.

   1. ¿Tuku kinkamasiyaniyan ama 300 lakchixkuwin tiku skgalalh xwilakgolh chu nema ni skgalalh tawilakgolh? (Jue. 7:3, 6; Rom. 13:11, 12; Efe. 5:15-17.)

   2. Chuna la 300 soldados katsinikgolh chuna la xtlaway Gedeón akxni xakxilhmakgolh, ¿la akinin nakatsiniyaw la tlawalh Jesucristo xaPuxku Gedeón? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿La kinkamakgtayayan Jueces 7:21 xatapaxuwan naskujaw niku nakinkawanikanan anta kxkachikin Jehová? (1 Cor. 4:2; 12:14-18; Sant. 4:10.)

3. Kalikgalhtawakga Jueces 8:1-3.

   Akxni nalakkaxtlawayaw taʼakglhuwit nema takgalhiyaw chatum tala, ¿tuku kinkamasiyaniyan chuna la Gedeón lakkaxtlawalh taʼakglhuwit akxni xtataʼakglhuwimakgolh li Efraín? (Pro. 15:1; Mat. 5:23, 24; Luc. 9:48.)

Takgalhtawakga 53

1. ¿Tiku Jefté chu tuku kilhtamaku latamalh?

2. ¿Tukuya tachuwin maxkilh Jefté Jehová?

3. ¿Tuku xlakata lilipuwa Jefté akxni taspitli kchik akxni xkitlajanitta li Ammón?

4. ¿Tuku wa xtsumat Jefté akxni katsilh tukuya tachuwin xmastanit xtlat?

5. ¿Tuku xlakata lu paxkikgoy li Israel xtsumat Jefté?

Amakgapitsi takgalhskinin:

1. Kalikgalhtawakga Jueces 10:6-18.

   Akxni katsiyaw pi li Israel xlenkgalhin xmakgxtakgkgoy Jehová, ¿tuku lu xlakaskinka kinkamasiyaniyan nema ni kilitlawatkan? (Jue. 10:6, 15, 16; Rom. 15:4; Apo. 2:10.)

2. Kalikgalhtawakga Jueces 11:1-11, 29-40.

   1. ¿La katsiyaw pi Jefté akxni wankan, makamastalh xtsumat la xatalhkun tamakamastan ni wamputun lu xaxlikana xatalhkun makamastalh xtsumat? (Jue. 11:31; Lev. 16:24; Deu. 18:10, 12.)

   2. ¿Tuku xwamputun makamaxkilh Jehová xtsumat Jefté?

   3. ¿Tuku kinkamasiyaniyan xlakata la Jefté maxkilh Jehová tuku xwaninit namaxki? (Jue. 11:35, 39; Ecl. 5:4, 5; Mat. 16:24.)

   4. ¿La lakgkgawasan tiku kstalaninanin Cristo nachuna tlan natlawakgoy la xtsumat Jefté xlakata namatsukikgoy tlakg naskujnanikgoy Jehová? (Jue. 11:36; Mat. 6:33; Fili. 3:8.)

Takgalhtawakga 54

1. ¿Tuku xtukuwani chixku nema tlakg xatliwakga tilatamalh kKatiyatni chu tiku maxkilh litliwakga?

2. ¿Tuku tlawanilh Sansón tantum león, chuna la tasiyay kdibujo?

3. Chuna la tasiyay kdibujo, ¿tuku wanima Sansón Dalila chu tuku xlakata uma tuku wanilh tlawalh kachipakgolh li Filistea?

4. Kilhtamaku akxni Sansón na nilh, ¿la kamakgnilh 3,000 li Filistea nema ni xakxilhputunkgoy?

Amakgapitsi takgalhskinin:

1. Kalikgalhtawakga Jueces 13:1-14.

   ¿Tuku xlakata Manóah chu xpuskat lu xatlan liʼakxilhtit wilikgolh xlakata la nakamakgastakkan chu nakastakyawakan lakkamanan? (Jue. 13:8; Sal. 127:3; Efe. 6:4.)

2. Kalikgalhtawakga Jueces 14:5-9 chu 15:9-16.

   1. Akxni Sansón makgnilh tantum león chu akxni lakpuchli xasasti tasiw nema xlichikanit chu nachuna akxni kalimakgnilh xkgalhtsanlukut tantum burro 1,000 lakchixkuwin, ¿la limasiyay uma xlakata la skuja xespíritu santo Jehová?

   2. ¿La kinkamakgtayayan uku espíritu santo? (Jue. 14:6; 15:14; Zac. 4:6; Hech. 4:31.)

3. Kalikgalhtawakga Jueces 16:18-31.

   ¿La kitaxtunilh Sansón xʼamigo tlawalh tiku nitlan xtayat xwankgonit chu tuku kinkamasiyaniyan uma? (Jue. 16:18, 19; 1 Cor. 15:33.)

Takgalhtawakga 55

1. ¿La xtukuwani aktsu kgawasa nema wi kdibujo chu tiku na anta wilakgolh?

2. Akgtum kilhtamaku, ¿tuku wa kxʼoración Ana akxni kilalh kxtabernáculo Jehová chu la kgalhtilh Jehová?

3. ¿Niku akglit kata xkgalhiy Samuel akxni linka naskujnaniy Jehová anta kxtabernáculo chu tuku tlaway xtse kata kata?

4. ¿Tuku xtukuwanikan xkamanan Elí chu la xwanit xtayatkan?

5. ¿La tlawalh Jehová akxni xakgatlilh Samuel, chu tuku tamakatsin maxkilh?

6. ¿Tuku taskujut tlawalh Samuel akxni lankata wa, chu tuku skinikgolh akxni kgololh?

Amakgapitsi takgalhskinin:

1. Kalikgalhtawakga 1 Samuel 1:1-28.

   1. ¿Tuku lu xatlan liʼakxilhtit kawilinilh Elqaná xalak natlatni chuna la xlipulay kxaxlikana takanajla? (1 Sam. 1:3, 21; Mat. 6:33; Fili. 1:10.)

   2. ¿Tuku kinkamasiyaniyan xlakata la Ana lakkaxtlawalh xatuwa xtaʼakglhuwit? (1 Sam. 1:10, 11; Sal. 55:22; Rom. 12:12.)

2. Kalikgalhtawakga 1 Samuel 2:11-36.

   ¿La tlakg kapaxkilh xkamanan Elí nixawa Jehová, chu tuku liʼakxilhtit kinkamasiyaniyan ni natlawayaw? (1 Sam. 2:22-24, 27, 29; Deu. 21:18-21; Mat. 10:36, 37.)

3. Kalikgalhtawakga 1 Samuel 4:16-18.

   ¿Tukuya akgtati tamakatsin lu nixatlan liminkancha niku xtlawamaka guerra chu xlakata uma, tuku liʼakgspulalh Elí?

4. Kalikgalhtawakga 1 Samuel 8:4-9.

   ¿La li Israel tlawakgolh pi Jehová nitlan kamakgkatsilh chu la akinin xalakatitum nastalinayaw xTamapakgsin Dios? (1 Sam. 8:5, 7; Juan 17:16; Sant. 4:4.)

Takgalhtawakga 56

1. ¿Tuku tlawama Samuel chuna la tasiyay kdibujo chu tuku xlakata?

2. ¿Tuku xlakata paxkiy Jehová Saúl, chu la xwanit?

3. ¿La xtukuwani xkgawasa Saúl, chu tuku tlawalh?

4. ¿Tuku xlakata Saúl tlawaniy akgtum tamakamastan Dios chu ni kgalhilh Samuel wa natlaway?

5. ¿Tuku kinkamasiyaniyan tuku katsiw xlakata Saúl?

Amakgapitsi takgalhskinin:

1. Kalikgalhtawakga 1 Samuel 9:15-21 chu 10:17-27.

   Xlakata Saúl ni lanka xmakgkatsikan, ¿la makgtayalh uma xlakata nitu katlawanilh makgapitsi lakchixkuwin akxni likgalhkgamanankgolh? (1 Sam. 9:21; 10:21, 22, 27; Pro. 17:27.)

2. Kalikgalhtawakga 1 Samuel 13:5-14.

   ¿Tukuya talekgalhin tlawalh Saúl anta kGuilgal? (1 Sam. 10:8; 13:8, 9, 13.)

3. Kalikgalhtawakga 1 Samuel 15:1-35.

   1. ¿Tukuya lanka talekgalhin tlawalh Saúl xlakata Agag, mapakgsina tiku xalak Amaleq? (1 Sam. 15:2, 3, 8, 9, 22.)

   2. ¿La Saúl ni xlitawilaputun talekgalhin chu amakgapitsi xkaliwiliputun tuku nitlan xtlawanit? (1 Sam. 15:24.)

   3. ¿Tuku nikilitlawatkan akxni wi tiku nakinkastakyawayan? (1 Sam. 15:19-21; Sal. 141:5; Pro. 9:8, 9; 11:2.)

Takgalhtawakga 57

1. ¿Tukuya xtukuwani uma kgawasa nema wi kdibujo, chu la likatsiyaw pi ni xapekua?

2. ¿Niku wi xchik David chu la wanikan xtlat chu xtata?

3. ¿Tuku xlakata waniy Jehová Samuel pi kaʼalh kxchik Isaí (Jesé) anta kBelén?

4. ¿Tuku lalh akxni Isaí lilh kxlakatin Samuel kgalhtujun xlakkamanan?

5. ¿Tuku waniy Jehová Samuel akxni linika David?

Amakgapitsi takgalhskinin:

1. Kalikgalhtawakga 1 Samuel 17:34, 35.

   ¿La limasiyay uma tuku tilalh pi ni xapekua xwanit David chu lu xaxlikana xlipawan Jehová? (1 Sam. 17:37.)

2. Kalikgalhtawakga 1 Samuel 16:1-14.

   1. ¿La kinkamakgtayayan xtachuwin Jehová nema tatsokgnit 1 Samuel 16:7 ni nalaksakpaxkinanaw chu nitlan nakalakpuwaniyaw amakgapitsi kaj xlakata la tasiyakgoy? (Hech. 10:34, 35; 1 Tim. 2:4.)

   2. ¿Tuku limasiyay tuku akgspulalh Saúl pi akxni Jehová makglhtiy xespíritu santo chatum kristiano wata tsukuy tanuniy ni xatlan talakapastakni? (1 Sam. 16:14; Mat. 12:43-45; Gál. 5:16.)

Takgalhtawakga 58

1. ¿Tuku kawani Goliat katlawakgolh soldados li Israel?

2. ¿La xlilanka Goliat chu tuku namaxkiy Saúl wantiku namakgni Goliat?

3. ¿Tuku wa David akxni Saúl wani pi nila naʼan talachipay Goliat xlakata lu kgawasaku?

4. ¿La limasiyalh David akxni kgalhtilh Goliat pi xlipawan Jehová?

5. Chuna la tasiyay kdibujo, ¿tuku limakgnilh David Goliat chu tuku kaʼakgspulalh li Filistea alistalh?

Amakgapitsi takgalhskinin:

1. Kalikgalhtawakga 1 Samuel 17:1-54.

   1. ¿Tuku xlakata ni xapekua xwanit David chu la akinin nachuna ni xapekua nawanaw? (1 Sam. 17:37, 45; Efe. 6:10, 11.)

   2. Goliat fuerza xtlajananputun, ¿tuku xlakata kstalaninanin Cristo ni fuerza natlajananputunkgoy akxni kgamanankgoy? (1 Sam. 17:8; Gál. 5:26; 1 Tim. 4:8.)

   3. ¿La limasiyay tuku wa David pi xkatsi pi Jehová xʼama makgtayay? (1 Sam. 17:45-47; 2 Cró. 20:15.)

   4. ¿La limasiyay uma tatsokgni pi wantiku lu xlikana xlachipamakgolh wa xaxlikana Dios Jehová chu dioses tiku ni xaxlikana chu ni kaj watiya xlachipamakgolh tamputiy soldados tiku xlamakgasitsi? (1 Sam. 17:43, 46, 47.)

   5. David lu xlikana xlipawan Jehová, ¿la nachuna tlawakgoy xatalaksani kristianos tiku akgataxtukgonit? (1 Sam. 17:37; Jer. 1:17-19; Apo. 12:17.)

Takgalhtawakga 59

1. ¿Tuku xlakata Saúl lakgkatsananiy David, pero xkgawasa Jonatán la likatsiy?

2. Akgtum kilhtamaku akxni David xlitlakgnanima arpa Saúl, ¿tuku lalh?

3. Xlakata David tlan xtatamakgaxtokgli Mical, ¿tuku skinilh Saúl natlaway David chu tuku xlakata chuna skinilh?

4. Chuna la tasiyay kdibujo, ¿tuku xlimakgtutu tlawalh Saúl akxni David xlitlakgnanima arpa?

5. ¿La makgtayalh Mical David xlakata ni namakgnikan chu tuku tlawalh David akgtujun kata?

Amakgapitsi takgalhskinin:

1. Kalikgalhtawakga 1 Samuel 18:1-30.

   1. ¿La limasiyay pi chuna xʼamakgolh lapaxkikgoy «amakgapitsi borregos» chu «ni xa lhuwa borregos» chuna la lu xlapaxkikgoy David chu Jonatán? (1 Sam. 18:1; Juan 10:16; Luc. 12:32; Zac. 8:23.)

   2. Xlakata Jonatán xʼama tawilay xlimapakgsina xlakgxokgo Saúl akxni xnilh, ¿la masiyay 1 Samuel 18:4 pi lu xlakgachixkuwili tiku xlaksakkanit xlimapakgsina natawila?

   3. ¿Tuku limasiyay tatsokgni xlakata Saúl, pi wantiku xalakgkatsana nalin natlaway laklanka talekgalhin chu tuku kinkalimasiyaniyan uma? (1 Sam. 18:7-9, 25; Sant. 3:14-16.)

2. Kalikgalhtawakga 1 Samuel 19:1-17.

   ¿La kxwastat wililh xlatamat Jonatán akxni talakgalhtilh Saúl? (1 Sam. 19:1, 4-6; Pro. 16:14.)

Takgalhtawakga 60

1. ¿La xtukuwani puskat tiku wi unu kdibujo nema lakgama David chu la xtayat?

2. ¿Tiku Nabal?

3. ¿Tuku xlakata David kamalakgachalh makgapitsi lakchixkuwin anta kxchik Nabal naskinikgoy akgtum litlan?

4. ¿Tuku kawani Nabal lakchixkuwin wantiku David xkamalakgachanit chu tuku lakpuwa natlaway David?

5. ¿La limasiyalh Abigail pi lu xaskgalala puskat?

Amakgapitsi takgalhskinin:

1. Kalikgalhtawakga 1 Samuel 22:1-4.

   ¿Tuku liʼaxilhtit katsiyaw xlakata la xlamakgtayay xfamilia David chu akinin kstalaninanin Cristo la nachuna tlan nalamakgtayayaw? (Pro. 17:17; 1 Tes. 5:14.)

2. Kalikgalhtawakga 1 Samuel 25:1-43.

   1. ¿Tuku xlakata lu nitlan lichuwinankan Nabal? (1 Sam. 25:2-5, 10, 14, 21, 25.)

   2. ¿La lakpuskatin tiku kstalaninanin Cristo tlan natlawakgoy la tlawalh Abigail? (1 Sam. 25:32, 33; Pro. 31:26; Efe. 5:24.)

   3. ¿Tuku tama pulaktiy nixatlan xʼama tlaway David nema makgtayalh Abigail ni natlaway? (1 Sam. 25:31, 33; Rom. 12:19; Efe. 4:26.)

   4. ¿Chuna la David kgalhtilh Abigail, la kamakgtaya uma, lakchixkuwin nalakapastakkgoy chuna la Jehová kaʼakxilha lakpuskatin? (Hech. 21:8, 9; Rom. 2:11; 1 Ped. 3:7.)

Takgalhtawakga 61

1. ¿Tuku tlawakgolh David chu Abisai niku klhtatama Saúl?

2. ¿Tuku kgalhskilh David Saúl?

3. ¿Niku alh David akxni xtachuwinankgonitta Saúl?

4. ¿Tuku xlakata lilipuwa David, chu wa xlakata tsokgli akgtum tatlin lu xastlan?

5. ¿Niku akglit kata xkgalhiy David akxni mapakgsina tlawaka kHebrón, chu tuku xtukuwani makgapitsi xkamanan?

6. ¿Niku na mapakgsinalh David alistalh?

Amakgapitsi takgalhskinin:

1. Kalikgalhtawakga 1 Samuel 26:1-25.

   1. ¿La limasiyay tachuwin nema tatsokgtawilanit 1 Samuel 26:11 pi David xlakgachixkuwili tiku Jehová xwilinit xlimapakgsina? (Sal. 37:7; Rom. 13:2.)

   2. Komo litakgoxiyaw nalimasiyayaw pi lu xaxlikana paxkinanaw pero ni kinkapaxtikatsinikanan, ¿la kinkamasiyaniyan tuku tiwa David la tatsokgnit 1 Samuel 26:23 xlakata la tlan nalakapastaknanaw? (1 Rey. 8:32; Sal. 18:20.)

2. Kalikgalhtawakga 2 Samuel 1:26.

   ¿Chuna la lu xlapaxkikgoy David chu Jonatán la nachuna kstalaninanin Cristo tlan lu nalapaxkikgoy? (1 Ped. 4:8; Col. 3:14; 1 Juan 4:12.)

3. Kalikgalhtawakga 2 Samuel 5:1-10.

   1. ¿Niku akglit kata mapakgsinalh David chu niku pulaklit tapitsilh xtamapakgsin? (2 Sam. 5:4, 5.)

   2. ¿Tiku litamalankilh xlakata xlilanka David chu tuku kinkamalakapastakayan uma? (2 Sam. 5:10; 1 Sam. 16:13; 1 Cor. 1:31; Fili. 4:13.)

Takgalhtawakga 62

1. Xlakata Jehová kamakgtayalh li Israel, ¿tuku lalh kCanaán alistalh?

2. ¿Tuku lalh akgtum kilhtamaku akxni xkgotanunita, akxni David xlawaka kxakgstin xchik?

3. ¿Tuku xlakata Jehová snun sitsinilh David?

4. ¿Tiku uma chixku xalak dibujo nema Jehová malakgachalh natachuwinan David xlakata xtalekgalhin, chu tuku wani pi naʼakgspulay?

5. ¿Tukuya taʼakglhuwit kgalhilh David?

6. ¿Tiku xlimapakgsina tawi anta kʼIsrael akxni nialhtu xwi David?

Amakgapitsi takgalhskinin:

1. Kalikgalhtawakga 2 Samuel 11:1-27.

   1. ¿La kinkamakgtayayan putum kilhtamaku naskujnaniyaw Jehová?

   2. ¿Tuku matlawilh David natlaway talekgalhin, chu tuku kinkamasiyaniyan uma tuku tilalh pi ni natlawayaw akinin kskujnanin Jehová? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Kalikgalhtawakga 2 Samuel 12:1-18.

   1. ¿Tuku kamasiyani lakgkgolotsin xalak congregación chu wantiku xalak natlatni chuna la Natán stakyawalh David? (2 Sam. 12:1-4; Pro. 12:18; Mat. 13:34.)

   2. ¿Tuku xlakata Jehová lu lakgalhamalh David? (2 Sam. 12:13; Sal. 32:5; 2 Cor. 7:9, 10.)

Takgalhtawakga 63

1. ¿Tuku kgalhskilh Jehová Salomón chu la kgalhtinalh Salomón?

2. Xlakata Jehová tlan akxilhli wantuku Salomón skinilh, ¿tuku wanilh pi namaxkiy?

3. ¿Tuku lu xatuwa taʼakglhuwit liminikgolh Salomón chatiy lakpuskatin?

4. Chuna la tasiyay kdibujo, ¿la lakkaxtlawalh Salomón uma taʼakglhuwit?

5. ¿La xwanit xtamapakgsin Salomón, chu tuku xlakata chuna xwi xtamapakgsin?

Amakgapitsi takgalhskinin:

1. Kalikgalhtawakga 1 Reyes 3:3-28.

   1. Chuna la tatsokgnit 1 Reyes 3:7 nema litasiyay pi lu xlikana tuku kskima Salomón, ¿la kamakgtayay lakchixkuwin wantiku kamakamaxkikanit taskujut kxkachikin Dios? (Sal. 119:105; Pro. 3:5, 6.)

   2. ¿Tuku xlakata wantuku skinilh Salomón Jehová, lu xatlan liʼakxilhtit kinkawilinin xlakata tuku naskiniyaw Dios akxni natlawayaw kioraciónkan?

   3. Chuna la Salomón lakkaxtlawalh xtakglhuwitkan chatiy lakpuskatin, ¿la matliwakglha kintakanajlakan pi xapuxku Salomón, Jesucristo, nachuna natlaway akxni namapakgsinan? (1 Rey. 3:28; Isa. 9:6, 7; 11:2-4.)

2. Kalikgalhtawakga 1 Reyes 4:29-34.

   1. ¿La kgalhtilh Jehová xʼoración Salomón akxni skinilh pi xnaku xkgalhakgaxmatnilh Dios? (1 Rey. 4:29.)

   2. Chuna la kristianos lhuwa tuku tlawakgolh xlakata nakgaxmatkgoy xliskgala Salomón, ¿la kiliʼakxilhatkan akinin takgalhtawakga xlakata xtachuwin Dios? (1 Rey. 4:29, 34; Juan 17:3; 2 Tim. 3:16.)

Takgalhtawakga 64

1. ¿Niku akglit kata litlawalh templo Salomón, chu tuku xlakata lu taparaxla kitaxtulh?

2. ¿Niku pulaklit tlakg xalaklanka kgalhiy templo chu tuku wilika xaʼapulaktu tlakg xaktsu?

3. ¿Tuku wa Salomón kxʼoración akxni tlawakgoka templo?

4. ¿La limasiyalh Jehová pi lu tlan akxilhli xʼoración Salomón?

5. ¿Tuku matlawikgolh xlakpuskatin Salomón chu tuku akgspulalh?

6. ¿Tuku xlakata Jehová lu sitsinilh Salomón chu tuku wanilh?

Amakgapitsi takgalhskinin:

1. Kalikgalhtawakga 1 Crónicas 28:9, 10.

   Xlakata xtachuwin David nema tatsokgnit anta 1 Crónicas 28:9, 10, ¿tuku nalitakgoxiyaw xliputum kilhtamaku natlawayaw kkilatamatkan? (Sal. 19:14; Fili. 4:8, 9.)

2. Kalikgalhtawakga 2 Crónicas 6:12-21, 32-42.

   1. ¿La limasiyalh Salomón xlakata tuku wa, pi niniku wi akgtum chiki xtatlaw chixku naʼakchani anta natawilay xlakata Dios lu Lanka? (2 Cró. 6:18; Hech. 17:24, 25.)

   2. ¿Tuku kinkamasiyaniyan xlakata Jehová, tuku tiwa Salomón nema tatsokgnit anta 2 Crónicas 6:32, 33? (Hech. 10:34, 35; Gál. 2:6.)

3. Kalikgalhtawakga 2 Crónicas 7:1-5.

   Nachuna la li Israel lu lakpuwankgolh pi namalankikgoy Jehová akxni akxilhkgolh xlilanka, ¿tuku kililakapastakatkan akinin akxni akxilhaw xtasikulunalin kxkachikin? (2 Cró. 7:3; Sal. 22:22; 34:1; 96:2.)

4. Kalikgalhtawakga 1 Reyes 11:9-13.

   ¿La limasiyalh xlatamat Salomón pi lu xlakaskinka ninamakgxtakgaw Dios asta kxlisputni kilatamatkan? (1 Rey. 11:4, 9; Mat. 10:22; Apo. 2:10.)

Takgalhtawakga 65

1. ¿Tuku xtukuwanikan uma lakchixkuwin nema wilakgolh kdibujo chu tuku litaxtukgoy?

2. ¿Tuku tlawanima Ahíya uma xlhakgat nema chipanit chu tuku wamputun uma tuku tlawama?

3. ¿Tuku tlawaniputun Salomón Jeroboán?

4. ¿Tuku xlakata xmapakgsinakan tlawakgolh Jeroboán pulakkaw laklanka familia?

5. ¿Tuku xlakata Jeroboán, tantiy laktsu toro litlawalh oro, chu tuku lalh alistalh anta kkachikin?

6. ¿Tuku kaʼakgspulalh xtamapakgsin nema kaj xapulaktiy laklanka familia chu tuku lanilh xtemplo Jehová xalak Jerusalén?

Amakgapitsi takgalhskinin:

1. Kalikgalhtawakga 1 Reyes 11:26-43.

   ¿La xtayat xwanit Jeroboán, chu tuku wanilh Jehová namaxkiy komo namakgantaxtiy Xlimapakgsin? (1 Rey. 11:28, 38.)

2. Kalikgalhtawakga 1 Reyes 12:1-33.

   1. ¿Tuku kamasiyani tiku xalak natlatni chu wantiku lakkgolotsin xalak congregación xlakata tuku nitlan titlawalh Roboam (Rehoboam) xlakata xla nitu xliʼakxilhnan anta kxtamapakgsin? (1 Rey. 12:13; Ecl. 7:7; 1 Ped. 5:2, 3.)

   2. Wantiku kajku lakgkgawasan, ¿tiku tlan naskinikgoy tastakyaw wa nema xalakatitum akxni wi tuku lu xlakaskinka lakpuwankgonit natlawakgoy kxlatamatkan? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Tuku xlakata Jeroboán tlawalh lakatiy anta niku xkakninanikgoy laktsu toro chu la limasiyalh uma tuku tlawalh pi ni xlikana xkakninaniy Jehová? (1 Rey. 11:37; 12:26-28.)

   4. ¿Tiku lipulalh akxni tama pulakkaw laklanka familia talakgaspitnikgolh xaxlikana takanajla? (1 Rey. 12:32, 33.)

Takgalhtawakga 66

1. ¿Tiku Jezabel?

2. Akgtum kilhtamaku, ¿tuku xlilipuwama mapakgsina Acab?

3. ¿Tuku tlawalh Jezabel xlakata namaxkiy Acab xkakiwin Nabot niku xchanit uvas?

4. ¿Tiku malakgachalh Jehová xlakata namalakgaxokgey Jezabel xtalekgalhin?

5. Chuna la tasiyay kdibujo, ¿tuku lalh akxni Jehú chalh kxchik Jezabel?

Amakgapitsi takgalhskinin:

1. Kalikgalhtawakga 1 Reyes 16:29-33 chu 18:3, 4.

   Akxni Acab xwi xlimapakgsina kʼIsrael, ¿tuku lhuwa nitlan xtasiyay anta? (1 Rey. 16:33.)

2. Kalikgalhtawakga 1 Reyes 21:1-16.

   1. ¿La limasiyalh Nabot pi ni xapekua xwanit chu ni xmakgxtakga Jehová? (1 Rey. 21:1-3; Lev. 25:23-28.)

   2. ¿Tuku kinkamasiyaniyan Acab, xlakata la akinin natayaniyaw akxni wi tuku nitlan kinkataxtuniyan?(1 Rey. 21:4; Rom. 5:3-5.)

3. Kalikgalhtawakga 2 Reyes 9:30-37.

   Xlakata Jehú lu tliwakga skujli xlakata namakgantaxtiy xtalakaskin Jehová, ¿tuku kinkamasiyaniyan uma? (2 Rey. 9:4-10; 2 Cor. 9:1, 2; 2 Tim. 4:2.)

Takgalhtawakga 67

1. ¿Tiku Josafat (Jehosafat) chu tiku na xlamakgolh akxni xlama?

2. ¿Tuku xlakata pekuankgoy li Israel, chu tuku tlawakgolh lhuwa kristianos xalak Israel?

3. ¿La kgalhtilh Jehová xʼoración Josafat?

4. ¿Tuku tlawalh Jehová pi kalalh akxni nina aʼxtsukuy guerra?

5. ¿Tuku liʼakxilhtit kinkamasiyaniyan chuna la tlawalh Josafat?

Amakgapitsi takgalhskinin:

1. Kalikgalhtawakga 2 Crónicas 20:1-30.

   1. ¿La limasiyalh Josafat tuku xlitlawatkan kskujnin Jehová akxni wi tiku katlawaniputun tuku nitlan? (2 Cró. 20:12; Sal. 25:15; 62:1.)

   2. Xlakata Jehová wakg kilhtamaku wi tiku maklakaskin xlakata nakatachuwinan xkachikin, ¿tiku kalimaklakaskin uku xlakata natachuwinan xkachikin? (2 Cró. 20:14, 15; Mat. 24:45-47; Juan 15:15.)

   3. Akxni Jehová namatsukiy xalanka xguerra xla wantiku putum kgalhi litliwakga, ¿la nachuna natawilakgoyaw chuna la xwi Josafat? (2 Cró. 20:15, 17; 32:8; Apo. 16:14, 16.)

   4. Chuna la xtlawakgoy levitas, ¿la nachuna misioneros chu precursores na makgtayanankgoy xlakata natalichuwinan xtachuwin Dios xlikalanka katiyatni? (2 Cró. 20:19, 21; Rom. 10:13-15; 2 Tim. 4:2.)

Takgalhtawakga 68

1. ¿Tiku tama kgalhtutu kristianos nema wilakgolh kdibujo, chu tuku akgspulalh kgawasa akgtum kilhtamaku?

2. ¿Tuku skilh Elías kxʼoración xlakata kgawasa, chu tuku lalh alistalh?

3. ¿La xtukuwani kskujni Elías?

4. ¿Tuku xlakata skinika Eliseo pi kaʼalh kxchik chatum puskat anta kSunem?

5. ¿Tuku tlawalh Eliseo akxni chilh chu akxni chuna tlawalh, tuku lanilh kgawasa xanin?

6. ¿Tukuya litliwakga kgalhiy Jehová chuna la limasiyakgolh Elías chu Eliseo?

Amakgapitsi takgalhskinin:

1. Kalikgalhtawakga 1 Reyes 17:8-24.

   1. ¿La litasiyalh xtakanajla Elías chu la litasiyalh pi xkgalhakgaxmatniy Dios? (1 Rey. 17:9; 19:1-4, 10.)

   2. ¿Tuku xlakata lu tlan liaʼakxilhtit xtakanajla puskat xalak Sarepta nema ay xninitta xchixku? (1 Rey. 17:10-12, 17, 23, 24.)

   3. ¿La limasiyay chuna la titaxtulh puskat xalak Sarepta nema ay xninitta xchixku, pi lu xaxlikana xtachuwin Jesús nema wi kMateo 10:41, 42? (1 Rey. 17:10-12, 17, 23, 24.)

2. Kalikgalhtawakga 2 Reyes 4:8-37.

   1. ¿Tuku kinkamasiyaniyan puskat xalak Sunem xlakata lu tlan nakamakgamakglhtinanaw tiku kinkalakgapaxialhnanan? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿La lu tlan nakalikatsiniyaw kskujnin Dios uma kilhtamaku? (Hech. 20:35; 28:1, 2; Gál. 6:9, 10; Heb. 6:10.)

Takgalhtawakga 69

1. ¿Tuku wanima uma tsumat puskat nema wi kdibujo?

2. ¿Tiku uma puskat nema wi kdibujo, chu tuku xlakata anta kxchik puskat wi uma tsumat?

3. ¿Tuku wanilh Eliseo kskujni pi kawanilh Naamán, chu tuku xlakata Naamán snun sitsilh?

4. ¿Tuku lalh akxni Naamán kakgalhakgaxmatnilh tuku wanikgolh kskujnin?

5. ¿Tuku xlakata Eliseo ni makglhtilh Naamán tuku xmaskiwima, pero tuku tlaway Guehazí?

6. ¿Tuku akgspulalh Guehazí chu tuku kinkamasiyaniyan uma tuku lanilh?

Amakgapitsi takgalhskinin:

1. Kalikgalhtawakga 2 Reyes 5:1-27.

   1. ¿La tlan nakamakgpuwantiniy lakgkgawasan chu laktsuman xlakata nachuna natlawakgoy chuna la tlawalh tsumat li Israel? (2 Rey. 5:3; Sal. 8:2; 148:12, 13.)

   2. ¿Tuku xlakata xlakaskinka nalakapastakaw tuku titlawalh Naamán, akxni wi tiku nakinkamaxkiyan tastakyaw nema takilhtinit kBiblia? (2 Rey. 5:15; Heb. 12:5, 6; Sant. 4:6.)

   3. ¿Tuku kinkamasiyaniyan akxni akxilhaw la xlakapastaka Eliseo chu la xlakapastaka Guehazí? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Takgalhtawakga 70

1. ¿Tiku Jonás, chu tuku wanilh Jehová natlaway?

2. Xlakata Jonás ni xʼamputun niku malakgachalh Jehová, ¿tuku tlawalh?

3. ¿Tuku kawanilh Jonás tiku kskujkgoy kbarco pi katlawanikgolh xlakata xtakaksli un chu sen?

4. Chuna la tasiyay kdibujo, ¿tuku lalh akxni Jonás tsankgalh kchuchut?

5. ¿Niku akglit kilhtamaku xtajuma Jonás kxpulakni skiti, chu tuku tlawalh anta kxpokgo skiti?

6. ¿Niku alh Jonás akxni nialh kxpokgo skiti xtajuma chu tuku kinkamasiyaniyan uma tuku tilalh?

Amakgapitsi takgalhskinin:

1. Kalikgalhtawakga Jonás 1:1-17.

   Chuna la katsiw, ¿la xlakpuwan Jonás xlakata naʼan kNínive lichuwinan xlakata Dios? (Jon. 1:2, 3; Pro. 3:7; Ecl. 8:12.)

2. Kalikgalhtawakga Jonás 2:1, 2, 10.

   ¿La kinkamasiyaniyan chuna la titlawalh Jonás pi akinin tlan nalipawanaw pi Jehová kgaxmata kioraciónkan? (Sal. 22:24; 34:6; 1 Juan 5:14.)

3. Kalikgalhtawakga Jonás 3:1-10.

   1. ¿La kinkamakgtayayan xlakata katsimaw pi Jehová maskujupa Jonás maski pulana ni xmakgantaxtunit taskujut nema xliyawakanit? (Sal. 103:14; 1 Ped. 5:10.)

   2. ¿Tuku kinkamasiyaniyan xlakata Jonás akxni tunkun nitlan kalakpuwanilh li Nínive, chu la akinin nakalakpuwaniyaw kristianos tiku wilakgolh niku latapuliyaw? (Jon. 3:6-9; Ecl. 11:6; Hech. 13:48.)

Takgalhtawakga 71

1. ¿Tiku xwanit Isaías, tukuya kilhtamaku xlama, chu tuku masiyanilh Jehová?

2. ¿Tuku kinkamalakapastakayan akxni lichuwinanaw xakalipaxaw Katiyatni?

3. ¿Tuku wanilh Jehová Isaías pi katsokgli xlakata la nawan kxakalipaxaw Katiyatni?

4. ¿Tuku xlakata makgatsankgakgolh xakalipaxaw Katiyatni Adán chu Eva?

5. ¿Tuku wan Jehová nakamaxki wantiku paxkikgoy?

Amakgapitsi takgalhskinin:

1. Kalikgalhtawakga Isaías 11:6-9.

   1. ¿La lichuwinan Biblia xlakata la natawilakgoy lakchixkuwin chu animales anta kxakalipaxaw Katiyatni? (Sal. 148:10, 13; Isa. 65:25; Eze. 34:25.)

   2. Maski tuku lichuwinalh Isaías aku nakgantaxtuy, ¿la ay chunata wilakgolh xkachikin Dios chuna la lichuwinalh Isaías? (Rom. 12:2; Efe. 4:23, 24.)

   3. ¿Tiku tlaway la uku pi tlan katalakgpalilh xtayatkan kristianos tiku nitlan likatsikgoy chu kxakalipaxaw Katiyatni nema aku natawila? (Isa. 48:17, 18; Gál. 5:22, 23; Fili. 4:7.)

2. Kalikgalhtawakga Apocalipsis 21:3, 4.

   1. Akxni Biblia lichuwinan pi Dios katawi lakchixkuwin, ¿la katsiyaw pi Dios ni kinkatawilan unu kkatiyatni la chatum kristiano? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2. ¿Tuku nialh katilitasakgolh kristianos, chu tukuya takatsan nialh katiʼanalh? (Luc. 8:49-52; Rom. 8:21, 22; Apo. 21:4.)

Takgalhtawakga 72

1. ¿Tiku uma chixku nema wi kdibujo chu tuku xlakata lhuwa taʼakglhuwit kgalhiy?

2. ¿Tiku makaminilh tatsokgni Ezequías nema maminit kxlakatin niku tlawakan tamakamastan chu tuku wanima Jehová kxʼoración?

3. ¿La xlikatsiy mapakgsina Ezequías chu tukuya tamakatsin wanilh Jehová xpalakachuwina Isaías pi kalinilh Ezequías?

4. ¿Tuku katlawanilh xʼángel Jehová li Asiria, chuna la tasiyay kdibujo?

5. Maski tamapakgsin xapulaktiy nema xwilakgolh kpakgalhu ni makgas tlan tawilakgolh, ¿tuku lalh akxni xninitta Ezequías?

Amakgapitsi takgalhskinin:

1. Kalikgalhtawakga 2 Reyes 18:1-36.

   1. ¿Tuku kawanilh Rabsaqué xpalakachuwina li Asiria, xlakata nakamaxlajwaniy xtakanajlakan li Israel? (2 Rey. 18:19, 21; Éxo. 5:2; Sal. 64:3.)

   2. Chuna la tlawalh Ezequías akxni Asirios xkatalachipaputun, ¿la nachuna tlawakgoy xtatayananin Jehová akxni wi tiku katalatlaway? (2 Rey. 18:36; Sal. 39:1; Pro. 26:4; 2 Tim. 2:24.)

2. Kalikgalhtawakga 2 Reyes 19:1-37.

   1. Akxni anan lhuwa talakgaputsit, ¿la nachuna tlawakgoy xkachikin Dios chuna la tlawalh Ezequías? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. Kawanti makgtutu la tatlajilh Senaquerib chu, ¿tiku nachuna naʼakgspulay chuna la akgspulalh Senaquerib? (2 Rey. 19:32, 35, 37; Apo. 20:2, 3.)

3. Kalikgalhtawakga 2 Reyes 21:1-6, 16.

   Manasés mapakgsinalh kJerusalén, ¿tuku xlakata tlan nawanaw pi xla na tlakg xalixkajni mapakgsina xwanit? (2 Cró. 33:4-6, 9.)

Takgalhtawakga 73

1. ¿Niku akglit kata xkgalhiy Josías akxni tsukulh mapakgsinan chu tuku tsukulh tlaway akxni xmapakgsinamaja akgtujun kata?

2. ¿Tuku tlawama Josías kxapulana dibujo?

3. ¿Tuku tekgsli Hilquías akxni xkaxtlawamaka templo?

4. ¿Tuku xlakata xtitma xlhakgat Josías chuna la tasiyay kdibujo?

5. Palakachuwina Huldá, ¿tukuya tamakatsin maxkilh Josías nema xwaninit Jehová?

Amakgapitsi takgalhskinin:

1. Kalikgalhtawakga 2 Crónicas 34:1-28.

   1. ¿Tuku xatlan liʼakxilhtit kamasiyaniy Josías kristianos wantiku stakkgolh niku xwi lhuwa talakgaputsit? (2 Cró. 33:21-25; 34:1, 2; Sal. 27:10.)

   2. Akxni mapakgsinalh kxakgtsayan kata, kxakgkutiy kata, chu kxakgkutsayan kata, ¿tuku tlawalh Josías xlakata kristianos xlilatamakgolh xaxlikana takanajla? (2 Cró. 34:3, 8.)

   3. ¿Tuku kinkamasiyaniyan xliʼakxilhtit Josías chu xapuxku sacerdote Hilquías xlakata la nakuetajtlawayaw niku tamakxtumiyaw? (2 Cró. 34:9-13; Pro. 11:14; 1 Cor. 10:31.)

Takgalhtawakga 74

1. ¿Tiku uma kgawasa nema wi kdibujo?

2. ¿Tuku lakpuwa Jeremías akxni wanilh Jehová pi xpalakachuwina kawa, chu Jehová tuku waniy?

3. ¿Tukuya tamakatsin nimakgxtakga Jeremías nema kawanima kachikin?

4. ¿La tlawakgolh sacerdotes xlakata namamakgxtakgkgoy Jeremías nialh nalichuwinan xtamakatsin Jehová, chu Jeremías la limasiyalh pi ni xpekuan?

5. ¿Tuku kaʼakgspulalh li Israel xlakata nimakgxtakgolh tuku nitlan xtlawamakgolh?

Amakgapitsi takgalhskinin:

1. Kalikgalhtawakga Jeremías 1:1-8.

   1. Chuna la titaxtulh Jeremías, ¿tiku makgtayay chatum kristiano xlakata tlan naskujnani Jehová? (2 Cor. 3:5, 6.)

   2. ¿La kamatliwakglha lakgkgawasan tiku kstalaninanin Cristo chuna la titlawalh Jeremías? (Ecl. 12:1; 1 Tim. 4:12.)

2. Kalikgalhtawakga Jeremías 10:1-5.

   ¿Tuku likxilhtit lichuwinalh Jeremías nema limasiyay pi nitlan lipawankan ídolos? (Jer. 10:5; Isa. 46:7; Hab. 2:19.)

3. Kalikgalhtawakga Jeremías 26:1-16.

   1. Xatalaksakni kristianos nema akgataxtukgonit, akxni lichuwinankgoy lisputni nema Dios nalimin, ¿la limasiyakgoy pi wakg wankgoy nema Dios kawaninit nawankgoy chuna la titlawalh Jeremías? (Jer. 26:2; Deu. 4:2; Hech. 20:27.)

   2. ¿Tuku xatlan liʼakxilhtit kawilinilh Jeremías xtatayananin Jehová xala uku xlakata namakatsininankgoy kkachikinin pi Jehová nalimin lisputni nialh makgas? (Jer. 26:8, 12, 14, 15; 2 Tim. 4:1-5.)

4. Kalikgalhtawakga 2 Reyes 24:1-17.

   ¿Tuku xalilakgaputsu kaʼakgspulakgolh li Judá xlakata makgxtakgkgolh Jehová? (2 Rey. 24:2-4, 14.)

Takgalhtawakga 75

1. ¿Tiku uma kgalhtati lakgkgawasan nema wilakgolh kdibujo chu tuku xlakata anta wilakgolh kBabilonia?

2. ¿Tuku kalilakapastakninit Nabucodonosor natlawakgoy uma lakgkgawasan chu tuku kawanilh kskujnin nakamaxkikan?

3. ¿Tuku wa Daniel pi tlan nawakgoy chu tlan nalikgotnankgoy xkgalhtatikan?

4. Akxni xtitaxtunitta akgkaw kilhtamaku akxni ni wakgolh liway, ¿la xtasiyakgoy Daniel chu kgalhtutu xʼamigos akxni katamalakxtumika amakgapitsi lakgkgawasan?

5. ¿Tuku xlakata linka Daniel chu kgalhtutu xʼamigos kxchik mapakgsina chu tuku xlakata tlakg xalaktlan xwankgonit nixawa sacerdotes chu xalakgskgalalan lakchixkuwin?

Amakgapitsi takgalhskinin:

1. Kalikgalhtawakga Daniel 1:1-21.

   1. ¿Tuku xlakata fuerza kilitlawatkan ni natuwasaw natlawayaw talekgalhin chu na ni namastayaw talakaskin nakinkatlajayan tuku nitlan tlawaputunaw? (Dan. 1:8; Gén. 39:7, 10; Gál. 6:9.)

   2. ¿La max wi tiku nakamatuwasaputun lakgkgawasan xlakata natlawakgoy wantuku makgapitsi tlan limakgkatsikgoy? (Dan. 1:8; Pro. 20:1; 2 Cor. 6:17–7:1.)

   3. ¿Tuku kinkamasiyaniyan chuna la tatsokgnit kBiblia xlakata kgalhtati lakgkgawasan li hebreo xlakata la naʼakxilhaw takgalhtawakga xalak escuela? (Dan. 1:20; Isa. 54:13; 1 Cor. 3:18-20.)

Takgalhtawakga 76

1. ¿Tuku akgspulama Jerusalén chu li Israel chuna la tasiyay kdibujo?

2. ¿Tiku Ezequiel chu tuku lu laklixkajni maʼakxilhnilh Jehová?

3. Xlakata li Israel ni kgalhakgaxmatnikgolh Jehová, ¿tuku wa Jehová natlaway?

4. ¿Tuku tlawalh Nabucodonosor akxni li Israel tatlankaninikgolh?

5. ¿Tuku xlakata Jehová mastalh talakaskin pi kakamasputuka li Israel?

6. ¿Tuku xlakata nialh analh kristianos kʼIsrael, chu niku akglit kata nialhti latamalh anta?

Amakgapitsi takgalhskinin:

1. Kalikgalhtawakga 2 Reyes 25:1-26.

   1. ¿Tiku xwanit Sedequías chu tuku akgspulalh? Chu uma tuku akgspulalh, ¿la makgantaxtilh tuku xlichuwinanit Dios pi chuna xʼama lay? (2 Rey. 25:5-7; Eze. 12:13-15.)

   2. Xlakata li Israel nialh kgalhakgaxmatnikgolh Jehová chu kakninanikgolh atanu dioses, ¿tiku wa Jehová pi xkuentajkan? (2 Rey. 25:9, 11, 12, 18, 19; 2 Cró. 36:14, 17.)

2. Kalikgalhtawakga Ezequiel 8:1-18.

   ¿La nachuna tlawamakgolh tiku kaj wankgoy pi kstalaninanin Cristo chuna la xtlawamakgolh li Israel tiku xtalakgaspitnikgonit xaxlikana takanajla chu xkakninanikgoy Chichini? (Eze. 8:16; Isa. 5:20, 21; Juan 3:19-21; 2 Tim. 4:3.)

Takgalhtawakga 77

1. ¿Tuku mapakgsinalh Nabucodonosor, mapakgsina xalak Babilonia?

2. ¿Tuku xlakata nitu takilhputanimakgolh imagen nema xlitatlawanit oro uma kgalhtutu xʼamigos Daniel?

3. Akxni Nabucodonosor kawanipa kgalhtutu lakgkgawasan pi katakilhputakgolh, ¿la limasiyakgolh pi xlipawankgoy Jehová?

4. ¿Tuku limapakgsinalh Nabucodonosor kakatlawanika Sadrac, Mesac chu Abednego?

5. ¿Tuku akxilhli Nabucodonosor akxni talakanulh khorno?

6. ¿Tuku xlakata mapakgsina xalak Babilonia malankilh xDios Sadrac, Mesac chu Abednego chu tuku kinkamasiyanikgoyan umakgolh lakgkgawasan?

Amakgapitsi takgalhskinin:

1. Kalikgalhtawakga Daniel 3:1-30.

   1. Akxni wintiku tlawaputun pi nialh kakgalhakgaxmatniw Dios, ¿la nachuna nalakapastakaw chu kilitlawatkan chuna la tlawakgolh tama kgalhtutu lakgkgawasan? (Dan. 3:17, 18; Mat. 10:28; Rom. 14:7, 8.)

   2. ¿Tuku liwana masiyanilh Jehová Nabucodonosor? (Dan. 3:28, 29; 4:34, 35.)

Takgalhtawakga 78

1. ¿Tuku lalh akxni mapakgsina xalak Babilonia tlawalh fiesta chu xmaklakaskima copas chu tazones xalak kxtemplo Jehová nema xwilacha kJerusalén?

2. ¿Tuku kawani Belsasar wantiku xalakgskgalalan lakchixkuwin, pero tuku nila tlawakgoy?

3. ¿Tuku wanilh xtse Belsasar?

4. Chuna la waniy Daniel mapakgsina, ¿tuku xlakata Dios tlawalh pi akgtum makan katsokgnalh kpatsaps?

5. ¿Tuku wa Daniel pi wamputun tachuwin nema xtatsokgnit kpatsaps?

6. ¿Tuku lalh akxni xchuwinamajku Daniel?

Amakgapitsi takgalhskinin:

1. Kalikgalhtawakga Daniel 5:1-31.

   1. Kawanti, ¿la nixtachuna xatlan tapekua nema kgalhinikan Dios chu tapekua nema xkgalhiy Belsasar akxni akxilhli tatsokgni kpatsaps? (Dan. 5:6, 7; Sal. 19:9; Rom. 8:35-39).

   2. ¿La limasiyalh Daniel pi ni xapekua xwanit akxni chuwinalh kxlakatin Belsasar chu kxlakatin laklanka mapakgsinanin? (Dan. 5:17, 18, 22, 26-28; Hech. 4:29.)

   3. Chuna la tatsokgnit kDaniel capítulo akgkitsis, ¿la litasiyay pi manwa Jehová mininiy namapakgsinan xlikalanka kakilhtamaku? (Dan. 4:17, 25; 5:21.)

Takgalhtawakga 79

1. ¿Tiku Darío chu la xakxilha Daniel?

2. ¿Tuku matlawikgolh Darío makgapitsi lakchixkuwin tiku xlakgkatsananikgoy Daniel?

3. ¿Tuku tlawalh Daniel akxni katsilh xlakata uma xasasti limapakgsin?

4. ¿Tuku xlakata Darío lu lipuwan chu nila lhtatay chu tuku tlawalh lichali?

5. ¿La kgalhtilh Daniel wa Darío?

6. ¿Tuku kaʼakgspulalh lakchixkuwin xalaklixkajni xtayat tiku xmakgniputunkgoy Daniel chu tuku xwan tatsokgni nema Darío kamaxkilh kristianos wantiku xkamapakgsiy?

Amakgapitsi takgalhskinin:

1. Kalikgalhtawakga Daniel 6:1-28.

   1. Chuna la xmakgniputunkgoy Daniel, ¿la nachuna la uku makgapitsi malakgachokgoputunkgoy xtatayananin Jehová xlakata nialh naskujnikgoy? (Dan. 6:7; Sal. 94:20; Isa. 10:1; Rom. 8:31.)

   2. ¿La akinin kskujnanin Dios nachuna kiliʼakxilhatkan chuna la Daniel xkaʼakxilha mapakgsinanin? (Dan. 6:5, 10; Rom. 13:1; Hech. 5:29.)

   3. Chuna la titlawalh Daniel, ¿la nachuna nikxni namakgxtakgaw naskujnaniyaw Dios? (Dan. 6:16, 20; Fili. 3:16; Apo. 7:15.)

Takgalhtawakga 80

1. Chuna la tasiyay kdibujo, ¿tuku tlawamakgolh li Israel?

2. ¿La makgantaxtilh Ciro wantuku Jehová xmalichuwinanit Isaías?

3. Li Israel wantiku nila tataspitkgolh kJerusalén, ¿tuku kawanilh Ciro?

4. ¿Tuku kamaxkilh Ciro li Israel nalinkgoy kJerusalén?

5. ¿La xlimakgas lichankgolh li Israel anta kJerusalén?

6. ¿Niku akglit kata titaxtulha akxni Jerusalén malakgsputuka?

Amakgapitsi takgalhskinin:

1. Kalikgalhtawakga Isaías 44:28 chu 45:1-4.

   1. ¿La wa Jehová pi lu xlikana xʼama kgantaxtuy tuku xlichuwinankanit xlakata Ciro? (Isa. 55:10, 11; Rom. 4:17.)

   2. Chuna la lichuwinalh Isaías pi xʼama tlaway Ciro, ¿la limasiyay pi Jehová tlan wan tuku aku nalay? (Isa. 42:9; 45:21; 46:10, 11; 2 Ped. 1:20.)

2. Kalikgalhtawakga Esdras 1:1-11.

   Chuna la titlawakgolh wantiku nila taspitkgolh kJerusalén, ¿la na tlan nakamakgtayakgoyaw wantiku tlakg skujnaniputunkgoy Jehová? (Esd. 1:4, 6; Rom. 12:13; Col. 4:12.)

Takgalhtawakga 81

1. ¿La xlilhuwa kristianos taxtukgocha kBabilonia chu ankgolh kJerusalén, pero la xwi anta akxni chankgolh?

2. ¿Tuku tsukukgolh tlawakgoy li Israel akxni chankgolh kJerusalén, pero tuku tlawagolh wantiku nixkaʼakxilhputunkgoy?

3. ¿Tiku Ageo chu Zacarías chu tuku kawaniy kristianos?

4. ¿Tuku xlakata Tatenai malakgachalh akgtum tatsokgni kBabilonia chu tuku wanika akxni kgalhtika xtatsokgni?

5. ¿Tuku tlawalh Esdras akxni katsilh pi xtalakaskin nakaxtlawakan xtemplo Dios?

6. Chuna la tasiyay kdibujo, ¿tuku skinilh Esdras Jehová kxʼoración? ¿La litasiyalh pi Jehová kgalhtilh xʼoración, chu tuku kinkamasiyaniyan uma?

Amakgapitsi takgalhskinin:

1. Kalikgalhtawakga Esdras 3:1-13.

   Komo anta niku wilaw ni anan congregación xla xtatayananin Jehová, ¿tuku ni namakgxtakgaw chu chuntiya natlawayaw? (Esd. 3:3, 6; Hech. 17:16, 17; Heb. 13:15.)

2. Kalikgalhtawakga Esdras 4:1-7.

   ¿Tukuya liʼakxilhtit kawilinilh xkachikin Jehová Zorobabel xlakata ni natamalakgxtumikgoy xtakanajlakan atanu takanajla akxni nakakninanikgoy Dios? (Éxo. 34:12; 1 Cor. 15:33; 2 Cor. 6:14-17.)

3. Kalikgalhtawakga Esdras 5:1-5, 17 chu 6:1-22.

   1. ¿Tuku xlakata nila malakgachokgokgolh taskujut akxni xkaxtlawamaka templo tiku nixkaʼakxilhputunkgoy li Israel? (Esd. 5:5; Isa. 54:17.)

   2. Akxni wintiku lakatayay xtaskujut Dios, ¿la kamakgtayay lakgkgolotsin xalak congregación xala uku chuna la titlawakgolh lakgkgolotsin li Judíos akxni putsakgolh xtamakgtay Jehová? (Esd. 6:14; Sal. 32:8; Rom. 8:31; Sant. 1:5.)

4. Kalikgalhtawakga Esdras 8:21-23, 28-36.

   Akxni wi tuku lu xlakaskinka nalakapastakaw natlawayaw kkilatamatkan, ¿tuku na tlan natlawayaw chuna la titlawalh Esdras? (Esd. 8:23; Sal. 127:1; Pro. 10:22; Sant. 4:13-15.)

Takgalhtawakga 82

1. ¿Tiku Mardoqueo chu tiku Ester?

2. ¿Tuku xlakata Mapakgsina Asuero lakgpalilh xpuskat chu tiku laksakli xlakgxokgo?

3. ¿Tiku Hamán chu tuku xlakata snun sitsilh?

4. ¿Tukuya limapakgsin wilika chu tuku tlawalh Ester akxni wi tuku makatsinilh Mardoqueo?

5. ¿Tuku akgspulalh Hamán chu la kitaxtunilh Mardoqueo?

6. ¿La lakgtaxtukgolh li Israel?

Amakgapitsi takgalhskinin:

1. Kalikgalhtawakga Ester 2:12-18.

   Chuna la tlawalh Ester, ¿la litasiyay pi xlakaskinka tlan nalikatsiyaw chu ni lakapara nasitsiyaw? (Est. 2:15; 1 Ped. 3:1-5.)

2. Kalikgalhtawakga Ester 4:1-17.

   Chuna la Ester tlan makgtayalh xkachikin Dios, ¿la akinin nachuna tlan nalimasiyayaw pi snun paxkiyaw Jehová chu nalimasiyayaw pi nikxni makgxtakgaw? (Est. 4:13, 14; Mat. 5:14-16; 24:14.)

3. Kalikgalhtawakga Ester 7:1-6.

   Chuna la Ester kalipekua wililh xlatamat, ¿la nachuna xtatayananin Jehová kalipekua wilikgoy xlatamatkan xlakata xtakanajlakan? (Est. 7:4; Mat. 10:16-22; 1 Ped. 2:12.)

Takgalhtawakga 83

1. ¿La xmakgkatsikgoy li Israel xlakata Jerusalén nixkgalhiy xpatsaps nema xlitamakgtayay?

2. ¿Tiku Nehemías?

3. ¿Tukuya taskujut xlakgaya Nehemías chu tuku xlakata lu xlakaskinka?

4. ¿Tukuya tamakatsin makgalipuwa Nehemías chu tuku tlawalh?

5. Artajerjes tlan likatsinilh Nehemías, ¿la limasiyalh?

6. ¿Tuku tlawalh Nehemías xlakata wantiku nixkaʼakxilhputun ninamachokgoy xtaskujutkan?

Amakgapitsi takgalhskinin:

1. Kalikgalhtawakga Nehemías 1:4-6 chu 2:1-20.

   ¿Tuku tlawalh Nehemías nema litasiyalh pi pulana xputsay xtamakgtay Jehová? (Neh. 2:4, 5; Rom. 12:12; 1 Ped. 4:7.)

2. Kalikgalhtawakga Nehemías 3:3-5.

   ¿Tuku kamasini teqoítas lakgkgolotsin nema pulalinkgoy congregación chu makgtayananinin, chu tuku nitlan kamasini tiku lanka xlakatsukutkan? (Neh. 3:5, 27; 2 Tes. 3:7-10; 1 Ped. 5:5.)

3. Kalikgalhtawakga Nehemías 4:1-23.

   1. ¿Tuku kamatliwakglhli li Israel ni namakgxtakgkgoy taskujut maski katiwa xmalakgachokgoputunkgoy taskujut? (Neh. 4:6, 8, 9; Sal. 50:15; Isa. 65:13, 14.)

   2. ¿La kinkamatliwakglhan chuna la titlawakgolh li Israel?

4. Kalikgalhtawakga Nehemías 6:15.

   Li Israel limatlanikgolh xpatsaps Jerusalén atsinu nichan akgtiy papaʼ, ¿tuku limasiyay uma, akxni tliwakga wilikan takanajla? (Sal. 56:3, 4; Mat. 17:20; 19:26.)

Takgalhtawakga 84

1. ¿Tiku uma tsumat nema wi kDibujo?

2. ¿Tuku waniy Gabriel María?

3. ¿La waniy Gabriel María pi tlan nakgalhiy aktsu skgata maski nitu tawi chatum chixku?

4. ¿Tuku lalh akxni María alh lakgapaxialhnan xparienta Elizabet?

5. ¿Tuku lakpuwa José akxni katsilh pi María nakgalhiy chatum aktsu skgata, pero tuku xlakata nialh chuna lakapastakli?

Amakgapitsi takgalhskinin:

1. Kalikgalhtawakga Lucas 1:26-56.

   1. Akxni Dios tiyacha kʼakgapun xlatamat xkgawasa Jesucristo chu wililh kxpan María, ¿la tlawalh xlakata talekgalhin nema xkgalhiy María nixmatitaxtinilh Jesús chuna la lichuwinan Lucas 1:35? (Ageo 2:11-13; Juan 6:69; Heb. 7:26; 10:5.)

   2. ¿La malankika Jesús maski nina aʼxlakachin? (Luc. 1:41-43.)

   3. ¿Tukuya xatlan likxilhtit kawilinilh María xlakata wantiku kamaxkikan taskujut anta kcongregación xala uku? (Luc. 1:38, 46-49; 17:10; Pro. 11:2.)

2. Kalikgalhtawakga Mateo 1:18-25.

   Maski Jesús ni Emanuel wanika, ¿la limasiyalh chuna la lilatamalh unu kkatiyatni chuna la wamputun tukuwani Emanuel? (Mat. 1:22, 23; Juan 14:8-10; Heb. 1:1-3.)

Takgalhtawakga 85

1. ¿Tiku uma aktsu skgata nema wi kdibujo chu niku mamima María?

2. ¿Tuku xlakata Jesús lakachilh anta niku katamaknukan burros chu wakax?

3. Chuna la tasiyay kdibujo, ¿tiku uma lakchixkuwin tiku tanumakgocha anta niku wi Jesús chu tuku xkawaninit chatum ángel?

4. ¿Tuku xlakata ni anan atanu tiku xtachuna la Jesús?

5. ¿Tuku xlakata tlan nawankan pi Jesús xKgawasa Dios?

Amakgapitsi takgalhskinin:

1. Kalikgalhtawakga Lucas 2:1-20.

   1. ¿La tlawalh Augusto César xlakata makgantaxtilh tuku pulana xlichuwinankgonit palakachuwinanin xlakata niku xʼama lakachin Jesús? (Luc. 2:1-4; Miq. 5:2.)

   2. ¿La tlan nawankan pi chatum kristiano makgamakglhtinanit xtapaxkit Dios? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Akxni tama katsisni xkuentajtlawananin borrego tiku ni lanka xlakatsukutkan xalak Judea lu paxuwakgolh akxni lakachilh chatum Lakgmaxtuna, ¿tuku xlakata la uku tlakg kilipaxuwatkan akinin kskujnanin Dios? (Luc. 2:10, 11; Efe. 3:8, 9; Apo. 11:15; 14:6.)

Takgalhtawakga 86

1. ¿Tiku uma lakchixkuwin nema wilakgolh kdibujo chu tuku xlakata chatum limakama xmakan anta niku wi staku nema lakgskgoma?

2. ¿Tuku xlakata snun sitsilh mapakgsina Herodes chu tuku tlawalh?

3. ¿Niku kapulalilh lakchixkuwin tama staku nema xlakgskgoma chu tuku xlakata tanu tiji tiyakgolh akxni taspitkgolh kxkachikinkan?

4. ¿Tuku mapakgsinalh Herodes chu tuku xlakata?

5. ¿Tuku wanilh Jehová José?

6. ¿Tiku tlawalh pi tama staku kalakgskgolh chu tuku xlakata?

Amakgapitsi takgalhskinin:

1. Kalikgalhtawakga Mateo 2:1-23.

   ¿Niku akglit kata max xkgalhiy Jesús chu niku kachikin xwi akxni lakgapaxialhnankgoy tiku xputsananikgoy staku? (Mat. 2:1, 11, 16.)

Takgalhtawakga 87

1. ¿Niku akglit kata max xkgalhiy Jesús chuna la tasiyay kdibujo chu niku wi?

2. ¿Tuku katatlaway José xfamilia kata kata?

3. Akxni ay xtlawankgonita akgtum kilhtamaku akxni xtaspitmaparakgolh kxchikkan, ¿tuku xlakata José chu María taspitparakgolh kJerusalén?

4. ¿Niku tekgskgolh Jesús José chu María chu tuku xlakata nila xmakanajlakgoy kristianos xlakata Jesús?

5. ¿Tuku wani Jesús xtse?

6. ¿La tlan natlawayaw chuna la tlawalh Jesús, akxni katsinimaw xlakata Dios?

Amakgapitsi takgalhskinin:

1. Kalikgalhtawakga Lucas 2:41-52.

   1. Limapakgsin nema maxkika Moisés kskin pi kaj lakchixkuwin xʼankgolh kfiestas nema xtlawakan kata kata, ¿tuku lu xatlan likxilhtit kawilinikgolh xalak tlatni xala uku José chu María? (Luc. 2:41; Deu. 16:16; 31:12; Pro. 22:6.)

   2. ¿Tuku lu xatlan likxilhtit kamaxkilh Jesús lakgkgawasan chu laktsuman xala uku xlakata la nalakgachixkuwilikgoy xtlatkan? (Luc. 2:51; Deu. 5:16; Pro. 23:22; Col. 3:20.)

2. Kalikgalhtawakga Mateo 13:53-56.

   ¿La xkawanikan kgalhtati xnatalan Jesús nema kalichuwinankan kBiblia chu la kamaklakaskinka chatiy xnatalan anta kcongregación xla kstalaninanin Cristo? (Mat. 13:55; Hech. 12:17; 15:6, 13; 21:18; Gál. 1:19; Sant. 1:1; Jud. 1.)

Takgalhtawakga 88

1. ¿Tiku chatiy lakchixkuwin nema wilakgolh kdibujo?

2. ¿La tlawakan akxni munukan chatum kristiano?

3. ¿Tiku kristianos kamunuy Juan?

4. ¿Tuku xlakata Jesús skini Juan pi kamunulh?

5. ¿La limasiyalh Dios pi lipaxuwalh xlakata Jesús tamunulh?

6. ¿Tuku lalh akxni Jesús alh tipuxum kilhtamaku anta niku nitu xʼanan?

7. ¿Tuku xtukuwanikan makgapitsi xapulana kstalaninanin o xtamakgalhtawakgen Jesús chu tuku xapulana tuku nilay tamakanajlay nema tlawalh?

Amakgapitsi takgalhskinin:

1. Kalikgalhtawakga Mateo 3:13-17.

   ¿Tuku likxilhtit kawilinilh Jesús xtamakgalhtawakgen xlakata tamunut? (Sal. 40:7, 8; Mat. 28:19, 20; Luc. 3:21, 22.)

2. Kalikgalhtawakga Mateo 4:1-11.

   Akxni katsiyaw la Jesús xlimaklakaskin xtachuwin Dios, ¿tuku xlakata kinkamaʼakgpuwantiniyan chali chali nalikgalhtawakgayaw Biblia? (Mat. 4:5-7; 2 Ped. 3:17, 18; 1 Juan 4:1.)

3. Kalikgalhtawakga Juan 1:29-51.

   Juan wantiku xMununan, ¿tiku kawanilh pi kastalanikgolh xtamakgalhtawakgen chu la akinin na tlan chuna natlawayaw? (Juan 1:29, 35, 36; 3:30; Mat. 23:10.)

4. Kalikgalhtawakga Juan 2:1-12.

   ¿La limasiyalh akxni Jesús tlawalh xapulana tuku nilay tamakanajlay, pi Jehová kamaxki Kskujnanin lhuwa tuku xatlan? (Juan 2:9, 10; Sal. 84:11; Sant. 1:17.)

Takgalhtawakga 89

1. ¿Tuku xlakata kastakan laktsu toro, borregos chu palomas ktemplo?

2. ¿Tuku lisitsilh Jesús?

3. Chuna la tasiyay kdibujo, ¿tuku tlawama Jesús chu tuku kawanilh lakchixkuwin wantiku stakgoy palomas?

4. ¿Tuku lakapastakkgolh kstalaninanin Jesús akxni akxilhkgolh tuku xtlawama?

5. ¿Niku xtapakgsiy tiyat niku titaxtulh Jesús akxni taspitli kʼGalilea?

Amakgapitsi takgalhskinin:

1. Kalikgalhtawakga Juan 2:13-25.

   Chuna la Jesús lisitsilh xlakata kstanamaka ktemplo, ¿la kiliʼakxilhatkan akxni wi tiku stananputun anta kPukgalhtawakga niku tamakxtumiyaw? (Juan 2:15, 16; 1 Cor. 10:24, 31-33.)

Takgalhtawakga 90

1. ¿Tuku xlakata Jesús anta wi lakatsu niku xkgatnankan kSamaria chu tuku wanima chatum puskat tiku minit xkgata?

2. ¿Tuku xlakata puskat nila makanajla xlakata Jesús tachuwinama, tuku waniy Jesús chu tuku xlakata tachuwinan?

3. ¿Tukuya chuchut lakpuwan puskat pi Jesús lichuwinama pero Jesús tukuya chuchut kilhchanima?

4. ¿Tuku xlakata puskat nikatsiy tuku nawan xlakata Jesús putum katsiy la lilama, chu tuku xlakata xkatsi Jesús?

5. ¿Tuku kinkamasiyaniyan uma takgalhchuwin?

Amakgapitsi takgalhskinin:

1. Kalikgalhtawakga Juan 4:5-43.

   1. Chuna la tlawalh Jesús, ¿la kiliʼakxilhatkan kristianos tiku xaʼalakatanu chu tiku atanu xcolor chu tiku kgalhikgoy tumin chu tiku nikgalhikgoy tumin? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Tuku tasikulunalin xlakata Dios makgamakglhtinan wantiku kstalanina Jesús wan? (Juan 4:14; Isa. 58:11; 2 Cor. 4:16.)

   3. Chuna la tlawalh puskat xalak Samaria xalakata tunkun lichuwinalh tuku xmasiyanikanit, ¿la nachuna kilimasiyatkan pi lipaxuwayaw xlakata tuku katsimaw? (Juan 4:7, 28; Mat. 6:33; Luc. 10:40-42.)

Takgalhtawakga 91

1. Chuna la tasiyay kdibujo, ¿niku masiyanama Jesús chu tiku tawilakgonit lakatsu niku wi Jesús?

2. ¿La xtukuwanikan xkgalhkutiykan apóstoles?

3. ¿Tukuya Tamapakgsin nema lichuwinalh Jesús?

4. ¿Tuku kamasiyanilh Jesús kristianos naskinkgoy kxʼoraciónkan?

5. ¿Tuku kawanilh Jesús kristianos xlakata la natalalinkgoy xtakristianos?

Amakgapitsi takgalhskinin:

1. Kalikgalhtawakga Mateo 5:1-12.

   ¿Tuku kilitlawatkan xlakata nalimasiyayaw pi maklakaskinaw Dios? (Mat. 5:3; Rom. 10:13-15; 1 Tim. 4:13, 15, 16.)

2. Kalikgalhtawakga Mateo 5:21-26.

   ¿La limasiyay Mateo 5:23, 24, xlakata tlan natalalinaw Jehová xlakaskinka tlan nakatalalinaw kinatalankan? (Mat. 6:14, 15; Sal. 133:1; Col. 3:13; 1 Juan 4:20.)

3. Kalikgalhtawakga Mateo 6:1-8.

   ¿Tukuya xtayatkan xkgalhikgoy li fariseos nema nixlitlawatkan kstalaninanin Cristo? (Luc. 18:11, 12; 1 Cor. 4:6, 7; 2 Cor. 9:7.)

4. Kalikgalhtawakga Mateo 6:25-34.

   ¿La masiyalh Jesús pi xlakaskinka nalipawanaw pi Jehová tlan nakinkamaxkiyan tuku maklakaskinaw kkilatamatkan? (Éxo. 16:4; Sal. 37:25; Fili. 4:6.)

5. Kalikgalhtawakga Mateo 7:1-11.

   ¿Tuku kinkamasiyaniyan xatlan liʼakxilhtit nema lichuwinalh Jesús nema tatsokgtawilanit kMateo 7:5? (Pro. 26:12; Rom. 2:1; 14:10; Sant. 4:11, 12.)

Takgalhtawakga 92

1. ¿Tiku xtlat uma aktsu tsumat nema wi kdibujo chu tuku xlakata xlilipuwamakgolh xtlat chu xtse?

2. ¿Tuku tlawalh Jairo akxni lakgchalh Jesús?

3. ¿Tuku lalh ktiji akxni Jesús xʼama kchik Jairo chu tuku minka makatsinikan Jairo?

4. Anta kxchik Jairo, ¿tuku xlakata lilitsiyankgolh Jesús?

5. Akxni Jesús katatanulh kgalhtutu xʼapóstoles, xtse chu xtlat niku xma aktsu tsumat, ¿tuku tlawalh Jesús?

6. ¿Tiku kristianos nema xnikgonitta na kamalakastakwanilh Jesús chu uma tuku tlawalh tuku kinkamasiyaniyan?

Amakgapitsi takgalhskinin:

1. Kalikgalhtawakga Lucas 8:40-56.

   ¿Tuku xlakata tlan nawamaw pi Jesús lakgalhamalh chu tlan likatsinilh puskat wantiku xlakgstajtama chu tuku kamasini uma lakgkgolotsin xalak kcongregación? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Kalikgalhtawakga Lucas 7:11-17.

   ¿La kamatliwakglha kristianos wantiku kanininit tiku xpaxkikgoy akxni katsikgoy la makgtayalh Jesús puskat xalak Naín tiku nialh xkgalhiy xchixku? (Luc. 7:13; 2 Cor. 1:3, 4; Heb. 4:15.)

3. Kalikgalhtawakga Juan 11:17-44.

   ¿La limasiyay Jesús pi luj chuna akinin lakgtasayaw akxni niy chatum tiku lu paxkiyaw? (Juan 11:33-36, 38; 2 Sam. 18:33; 19:1-4.)

Takgalhtawakga 93

1. ¿Tuku lu nitlan akgspulalh Juan wantiku xMununan chu la limakgkatsiy Jesús?

2. ¿La kamawi Jesús lhuwa kristianos wantiku stalanikgolh chu la xlilhuwa liwat akgataxtulh?

3. ¿Tuku xlakata pekuankgoy katsisni xtamakgalhtawakgen Jesús chu tuku akgspulalh Pedro?

4. ¿La kamawilh Jesús lhuwa kristianos xlimakgtiy?

5. ¿Tuku xlakata lu tlan nawan akxni Jesús namapakgsinan kKatiyatni xlakata Dios wa laksaknit Mapakgsina nawan?

Amakgapitsi takgalhskinin:

1. Kalikgalhtawakga Mateo 14:1-32.

   1. ¿Tuku masiyay Mateo 14:23-32 xlakata la xwanit xtayat Pedro?

   2. ¿La masiyay Biblia xlakata Pedro tatlanilh xtalakapastakni chu nialh chuna akglakgwa tuku xtlaway o xwan? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Kalikgalhtawakga Mateo 15:29-38.

   ¿La limasiyalh Jesús pi xpastikatsini xTlat xlakata xmaxkiy wantuku xmaklakaskin? (Mat. 15:37; Juan 6:12; Col. 3:15.)

3. Kalikgalhtawakga Juan 6:1-21.

   ¿La tlan akinin kstalaninanin Cristo nakaʼakxilhaw Mapakgsinanin chuna la xkaʼakxilha Jesús? (Mat. 15:37; Juan 6:12; Col. 3:15.)

Takgalhtawakga 94

1. ¿Tuku xliʼakglhuwatnamakgolh apóstoles akxni xtaspitmakgolh?

2. ¿Tuku xlakata Jesús tasani chatum aktsu kgawasa chu wili kxlakatinkan apóstoles?

3. ¿Tuku xkilhchanima Jesús akxni kawanilh xʼapóstoles pi la laktsu kamanan kawankgolh?

4. Akxni nina lhuwa papaʼ xtitaxtunit, ¿la limasiyalh Jesús pi xkapaxki laktsu kamanan?

Amakgapitsi takgalhskinin:

1. Kalikgalhtawakga Mateo 18:1-4.

   ¿Tuku xlakata Jesús xlimaklakaskin likxilhtit akxni xkamasiyani kristianos? (Mat. 13:34, 36; Mar. 4:33, 34.)

2. Kalikgalhtawakga Mateo 19:13-15.

   Komo makgamakglhtinanputunaw tasikulunalin xla xTamapakgsin Dios, ¿tukuya xtayatkan nema kgalhikgoy laktsu kamanan na kilikgalhitkan? (Sal. 25:9; 138:6; 1 Cor. 14:20.)

3. Kalikgalhtawakga Marcos 9:33-37.

   ¿Tuku kamasiyanilh Jesús kstalaninanin xlakata tiku lakgatayaputunkgoy taskujut tlakg xlakaskinka kcongregación? (Mar. 9:35; Mat. 20:25, 26; Gál. 6:3; Fili. 2:5-8.)

4. Kalikgalhtawakga Marcos 10:13-16.

   ¿La xlitasiyay pi Jesús xmastay talakaskin natalakatsuwinikan chu la nachuna tlan natlawakgoy lakgkgolotsin xalak congregación? (Mar. 6:30-34; Fili. 2:1-4; 1 Tim. 4:12.)

Takgalhtawakga 95

1. ¿Tukuya takgalhskinin tlawaniy chatum chixku Jesús chu tuku xlakata?

2. Lakgachunin, ¿tuku xlimaklakaskin Jesús xlakata xkalimasiyani kristianos chu tuku katsinitawa xlakata li Judá chu li Samaria?

3. Anta kcuento nema xlichuwinama Jesús, ¿tuku akgspulalh chatum chixku li Judá nema xʼama kJericó?

4. ¿Tuku tlawakgolh chatum sacerdote li Judá chu chatum li Leví akxni titaxtukgolh anta ktiji niku xma tama chixku?

5. Chuna la akxilhpat kdibujo, ¿tiku makgtayama li Judá wantiku snun wilinikgonit?

6. Akxni Jesús wankgolh uma cuento, ¿tukuya takgalhskinin tlawalh chu la kgalhtinalh uma chixku?

Amakgapitsi takgalhskinin:

1. Kalikgalhtawakga Lucas 10:25-37.

   1. Akxni chatum kristiano wi tuku xkatsiputun, Jesús nitunkun kgalhtilh, ¿la makgtayalh uma chixku tiku lhuwa xkatsi xlakata xlimapakgsin Dios sakstu nakgalhtikan xtakgalhskinin? (Luc. 10:26; Mat. 16:13-16.)

   2. ¿La xlimaklakaskin Jesús liʼakxilhtit xlakata nakalimasiyani tiku xkgaxmatnikgoy pi ni xlilaksakpaxkinatkan? (Luc. 10:36, 37; 18:9-14; Tito 1:9.)

Takgalhtawakga 96

1. ¿Tuku tlawalh Jesús akxni xlapulay kkachikinin?

2. Akxni xtitaxtunitta akgtutu kata akxni xtamununitta Jesús, ¿tuku kawanilh xʼapóstoles?

3. ¿Tiku tama kristianos nema wilakgolh anta kdibujo chu la makgtayalh Jesús chatum puskat?

4. ¿Tuku wa Jesús nema tlawalh pi kalimaxanankgolh wantiku xpulalinkgoy takanajla?

5. Akxni Jesús chu xʼapóstoles lakatsu kJericó xwilakgolh, ¿la kamakgtayalh skiwayanin wantiku nila xlakawanankgoy?

6. ¿Tuku xlakata Jesús tlawalh lhuwa tuku nila tamakanajlay?

Amakgapitsi takgalhskinin:

1. Kalikgalhtawakga Mateo 15:30, 31.

   ¿La masiyalh Jesús xlitliwakga Jehová nema nila tamakanajlay, chu la kililakapastakatkan xlakata la nawan kxasasti kakilhtamaku nema Jehová wanit pi nalimin? (Sal. 37:29; Isa. 33:24.)

2. Kalikgalhtawakga Lucas 13:10-17.

   ¿La limasiyay uma tuku nilay tamakanajlay nema tlawalh Jesús tama sábado xlakata la nakasikulanatlaway kristianos akxni namapakgsinan xaʼakgtum Mil kata? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Kalikgalhtawakga Mateo 20:29-34.

   ¿La limasiyalh Jesús pi xlimaxtuy kilhtamaku xlakata nakamakgtayay kristianos chu tuku kinkamasiyaniyan uma? (Deu. 15:7; Sant. 2:15, 16; 1 Juan 3:17.)

Takgalhtawakga 97

1. Akxni Jesús chalh kʼaktsu kachikin nema lakatsu xwi kJerusalén, ¿tuku kawanilh katlawakgolh xtamakgalhtawakgen?

2. Chuna la tasiyay kdibujo, ¿tuku lalh akxni Jesús talakatsuwilh kJerusalén?

3. ¿Tuku tlawakgolh laktsu kamanan akxni akxilhkgolh pi Jesús xkamapaksama kristianos tiku nila xlakawanankgoy chu tiku nila xtatsuwikgoy?

4. ¿Tuku kawani Jesús sacerdotes tiku xsitsikgonit?

5. ¿La na tlan chuna nawanaw la laktsu kamanan tiku malankikgolh Jesús?

6. ¿Tuku katsiputunkgoy xtamakgalhtawakgen Jesús?

Amakgapitsi takgalhskinin:

1. Kalikgalhtawakga Mateo 21:1-17.

   1. Chuna la Jesús tanulh kJerusalén la mapakgsina, ¿tuku xlitalakgpaliy chuna la xtanukgoy xalak puxku soldados xalak Roma wantiku xkitlajanankgoy akxni xtaspitkgoy kguerra? (Mat. 21:4, 5; Zac. 9:9; Fili. 2:5-8; Col. 2:15.)

   2. ¿Tuku kamasiyaniy laktsu kamanan li Israel lakkamanan xala uku xlakata xlakan wankgolh chuna la wan Salmo 118 akxni Jesús tanulh ktemplo? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Kalikgalhtawakga Juan 12:12-16.

   ¿Tuku xkilhchanima tama mokgot nema maklakaskinkgolh kristianos akxni malankikgolh Jesús? (Juan 12:13; Fili. 2:10; Apo. 7:9, 10.)

Takgalhtawakga 98

1. Anta kdibujo wilakgolh lakchixkuwin, ¿tiku Jesús chu tiku na anta wilakgolh?

2. ¿Tuku xtlawaniputunkgoy Jesús sacerdotes anta ktemplo chu Jesús tuku kawanilh?

3. ¿Tuku kgalhskinkgolh xʼapóstoles Jesús?

4. ¿Tuku xlakata Jesús kawanilh xʼapóstoles tuku xʼama lay kKatiyatni akxni xʼama mapakgsinan kʼakgapun?

5. ¿Tuku tiwa Jesús pi pulana xʼama lay chu aku namasputuy tuku nitlan kKatiyatni?

Amakgapitsi takgalhskinin:

1. Kalikgalhtawakga Mateo 23:1-39.

   1. Maski Biblia wan pi tlan nakalimapakuwikan kristianos xlakata tuku litaxtukgoy, ¿tuku limasiyay xtachuwin Jesús nema tatsokgnit kMateo 23:8-11 xlakata la kiliʼakxilhatkan tukuwani nima kaj nakalimalankiputunkan tiku pulalinankgoy kcongregación? (Hech. 26:25; Rom. 13:7; 1 Ped. 2:13, 14.)

   2. ¿Tuku tlawakgolh fariseos xlakata kristianos ni kstalanikgolh Cristo chu tuku nachuna tlawakgoy tiku pulalinkgoy takanajla nixaxlikana xlakata kristianos ni kastalanikgolh Cristo? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Mateo 24:1-14.

   1. ¿La limasiyay Mateo 24:13 pi lu xlakaskinka natayaniyaw?

   2. ¿Tuku wamputun tachuwin, lisputni, nema wi kMateo 24:13? (Mat. 16:27; Rom. 14:10-12; 2 Cor. 5:10.)

3. Kalikgalhtawakga Marcos 13:3-10.

   ¿Tuku tachuwin nema wi kMarcos 13:10 masiyay pi lu xlakaskinka natalichuwinan xalakwan xalaksasti, chu tuku kililakapastakatkan natlawayaw? (Rom. 13:11, 12; 1 Cor. 7:29-31; 2 Tim. 4:2.)

Takgalhtawakga 99

1. Chuna la tasiyay kdibujo, ¿tuku xlakata Jesús chu kgalhkutiy xʼapóstoles wilakgolh anta kxlikilhmaktiy chiki?

2. Chuna la tasiyay kdibujo, ¿tiku tama chixku tiku taxtuma chu tuku ama tlaway?

3. ¿Tuku xtukuwani taway ni anan xtachuna nema makilhtsukilh Jesús akxni ay xkgatsputnit taway nema wanikan pascua?

4. ¿Tuku xlilakapastakkgoy li Israel akxni xtlawakgoy pascua chu tuku xʼama kamalakapastakay kstalaninanin uma taway nema makilhtsukilh Jesús?

5. Akxni xtlawakgonitta Taway xla kinPuxkukan, ¿tuku kawaniy Jesús kstalaninanin chu tuku tlawakgolh xlakan?

Amakgapitsi takgalhskinin:

1. Kalikgalhtawakga Mateo 26:14-30.

   1. ¿La limasiyay Mateo 26:15 pi akxni Judas makamastalh Jesús lu liwana lakapastakli?

   2. ¿Tlan xwanti pulaktiy tuku xlakata listajtamakgalh xkgalhni Jesús? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Kalikgalhtawakga Lucas 22:1-39.

   ¿Tuku xlakata tawan pi Satanás laktanulh kxnaku Judas? (Luc. 22:3; Juan 13:2; Hech. 1:24, 25.)

3. Kalikgalhtawakga Juan 13:1-20.

   1. Xlakata tuku wan Juan 13:2, ¿tlan naliwilikan Judas xlakata tuku tlawalh chu tuku kinkamasiyaniyan uma pi ni natlawayaw akinin kskujnin Dios? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Tuku lu xatlan likxilhtit kinkawilinin Jesús? (Juan 13:15; Mat. 23:11; 1 Ped. 2:21.)

4. Kalikgalhtawakga Juan 17:1-26.

   ¿Tuku xkilhchanima Jesús akxni kaskinilh kstalaninanin pi chatum nawankgoy? (Juan 17:11, 21-23; Rom. 13:8; 14:19; Col. 3:14.)

Takgalhtawakga 100

1. ¿Niku ankgolh Jesús chu xʼapóstoles akxni taxtukgocha kxakilhmaktiy chiki chu Jesús tuku kawani katlawakgolh?

2. ¿Tuku xtlawamakgolh xʼapóstoles Jesús akxni taspitli chu niku makglit chuna kaʼakgspulalh?

3. Chuna la tasiyay kdibujo, ¿tiku na chankgolh kʼGetsemaní chu tuku tlawalh Judas Iscariote?

4. ¿Tuku xlakata Judas lakatsukli Jesús chu tuku tlawalh Pedro?

5. ¿Tuku wanilh Jesús Pedro chu tuku xlakata ni skinilh Dios namakamin maski kaj chatum ángel namakgtayay?

Amakgapitsi takgalhskinin:

1. Kalikgalhtawakga Mateo 26:36-56.

   1. Chuna la Jesús kastakyawalh kstalaninanin, ¿tuku xlakata uma akgtum xatlan liʼakxilhtit xlakata nachuna natlawakgoy lakgkgolotsin xalak congregación? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿La akxilha Jesús wantiku maklakaskin likan xlakata nalitlawaniy tuku nitlan achatum kristiano? (Mat. 26:52; Luc. 6:27, 28; Juan 18:36.)

2. Kalikgalhtawakga Lucas 22:39-53.

   Akxni chatum ángel tasiyanilh Jesús anta kʼGetsemaní xlakata namatliwakglha, ¿xwamputun pi Jesús kxlajwanama xtakanajla? Kawanti (Luc. 22:41-43; Isa. 49:8; Mat. 4:10, 11; Heb. 5:7).

3. Kalikgalhtawakga Juan 18:1-12.

   ¿La kamakgtayalh Jesús xʼapóstoles xlakata nitu nakatlawaniy tiku ni xkaʼakxilhputunkgoy chu la akinin nachuna kilitlawatkan? (Juan 10:11, 12; 18:1, 6-9; Heb. 13:6; Sant. 2:25.)

Takgalhtawakga 101

1. ¿Tiku tlawalh pi kamakgnika Jesús?

2. Akxni pulalinanin xla takanajla chipakgolh Jesús, ¿tuku tlawakgolh xʼapóstoles?

3. ¿Tuku lalh anta kxchik xapuxku sacerdote xtukuwani Caifás?

4. ¿Tuku xlakata Pedro alh tasay?

5. Akxni limparaka Jesús kxlakatin Pilato, ¿tuku pixlanka wankgoy xalak puxku sacerdotes?

6. ¿Tuku akgspulalh Jesús tama kilhtamaku viernes akxni ni lu axʼkakgotanuy chu tuku wanilh makglakgalhina tiku kxtokgowakakanit anta kpaxtun?

7. ¿Niku natawila tama xakalipaxaw Katiyatni nema lichuwinalh Jesús?

Amakgapitsi takgalhskinin:

1. Kalikgalhtawakga Mateo 26:57-75.

   ¿La limasiyakgolh wantiku tlakg xalakpuxku tiku xlakkaxtlawakgoy taʼakglhuwit li Judá pi lu laklixkajni xlikatsikgoy? (Mat. 26:59, 67, 68.)

2. Kalikgalhtawakga Mateo 27:1-50.

   ¿Tuku likatsiyaw pi maski Judas nitlan limakgkatsilh tuku nitlan xtlawanit ni lu xaxlikana nitlan xlimakgkatsi? (Mat. 27:3, 4; Mar. 3:29; 14:21; 2 Cor. 7:10, 11.)

3. Kalikgalhtawakga Lucas 22:54-71.

   ¿Tuku kinkamasiyaniyan xlakata Pedro wa pi nixlakgapasa Jesús tama katsisni akxni makamastaka chu chipaka? (Luc. 22:60-62; Mat. 26:31-35; 1 Cor. 10:12.)

4. Kalikgalhtawakga Lucas 23:1-49.

   ¿Tuku tlawalh Jesús akxni katuwa tuku nitlan xtlawanimaka maski nitu xtlawanit chu tuku kinkamasiyaniyan uma? (Luc. 23:33, 34; Rom. 12:17-19; 1 Ped. 2:23.)

5. Kalikgalhtawakga Juan 18:12-40.

   ¿Tuku kinkamasiyaniyan pi maski Pedro milh kilhtamaku kapekuanilh lakchixkuwin, tatliwakglhli xtakanajla chu lu xatlan apóstol wa? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Kalikgalhtawakga Juan 19:1-30.

   1. ¿La xakxilha Jesús xlakata wantu tamaklakaskin chu kgalhi xtapalh? (Juan 2:1, 2, 9, 10; 19:23, 24; Mat. 6:31, 32; 8:20.)

   2. Akxni Jesús wa xaʼawatiya xtachuwin, ¿la limasiyalh pi malankilh xtamapakgsin Jehová? (Juan 16:33; 19:30; 2 Ped. 3:14; 1 Juan 5:4.)

Takgalhtawakga 102

1. ¿Tiku uma puskat nema wi kdibujo chu tiku umakgolh chatiy lakchixkuwin chu niku layakgolh?

2. ¿Tuku xlakata Pilato kawanilh sacerdotes kamalakgachakgolh soldados nakuentajtlawakgoy niku tamaknukanit Jesús?

3. ¿Tuku tlawalh chatum ángel tsisa akxni xlituxama xninitta Jesús, pero tuku tlawakgolh sacerdotes?

4. ¿Tuku xlakata makgapitsi lakpuskatin nikatsikgoy tuku nawankgoy akxni akxilhkgolh pi nitu xtanuma Jesús?

5. ¿Tuku xlakata Pedro chu Juan lakapara ankgolh anta niku xtamaknukanit Jesús chu tuku katsikgolh?

6. ¿Tuku lanilh xtiyatliwa Jesús nima xkgalhiy chu tuku tlawalh xlakata nakatsikgoy xtamakgalhtawakgen pi xlakastakwananit?

Amakgapitsi takgalhskinin:

1. Kalikgalhtawakga Mateo 27:62-66 chu 28:1-15.

   Akxni Jesús lakastakwanalh, ¿la makglakgalhikgolh espíritu santo xalak puxku sacerdotes, fariseos chu lakgkgolotsin? (Mat. 12:24, 31, 32; 28:11-15.)

2. Kalikgalhtawakga Lucas 24:1-12.

   ¿La limasiyay tuku tatsokgnit akxni Jesús malakastakwanika pi Jehová kalipawan lakpuskatin chu tlan nakakanajlanikan? (Luc. 24:4, 9, 10; Mat. 28:1-7.)

3. Kalikgalhtawakga Juan 20:1-12.

   ¿La kinkamakgtayayan Juan 20:8, 9 pi talakaskin nakgalhkgalhiyaw akxni wi tuku ni liwana akgatekgsaw la nakgantaxtuy wantuku talhkanit kBiblia? (Pro. 4:18; Mat. 17:22, 23; Luc. 24:5-8; Juan 16:12.)

Takgalhtawakga 103

1. ¿Tuku wanilh María chatum chixku nema xlakpuwan pi xkuentajtlawana jardín, pero tuku likatsilh pi Jesús xwanit?

2. ¿Tuku lalh akxni chatiy xtamakgalhtawakgen Jesús xʼamakgolh kʼEmaús?

3. ¿Tuku lu nilay tamakanajlay lalh akxni chatiy apóstoles xkawanimakgolh amakgapitsi pi akxilhkgolh Jesús?

4. ¿Niku makglit katasiyanilh Jesús xtamakgalhtawakgen?

5. ¿Tuku wan Tomás akxni wanika pi amakgapitsi tamakgalhtawakgen akxilhkgolh xpuxkukan, pero tuku lalh akxni xtitaxtunitta akgtsayan kilhtamaku?

Amakgapitsi takgalhskinin:

1. Kalikgalhtawakga Juan 20:11-29.

   Chuna la wa Jesús anta kJuan 20:23, ¿wanputun pi kristianos tlan nakaxapanikgoy xtalekgalhinkan amakgapitsi? Kawanti (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Kalikgalhtawakga Lucas 24:13-43.

   ¿La tlan natlawayaw xlakata kinakujkan liwana naʼakgatekgsa tuku xaxlikana xlakata Biblia? (Luc. 24:32, 33; Esd. 7:10; Mat. 5:3; Hech. 16:14; Heb. 5:11-14.)

Takgalhtawakga 104

1. ¿Niku kgalhlit xtamakgalhtawakgen Jesús katasiyanilh akgtum kilhtamaku, chu tuku kalixakgatlilh?

2. ¿Tuku tama xTamapakgsin Dios, chu la nawan kKatiyatni akxni Jesús namapakgsinan xakgtum mil kata?

3. ¿Niku akglit kilhtamaku chuntiya katasiyanima Jesús xtamakgalhtawakgen pero tuku ay lakgchanit kilhtamaku?

4. ¿Tukuya limapakgsin kamaxkilh xtamakgalhtawakgen Jesús akxni ay xʼama kamakgxtakga?

5. ¿Tuku lama chuna la tasiyay kdibujo chu tuku xlakata xtamakgalhtawakgen Jesús nialh akxilhkgolh?

Amakgapitsi takgalhskinin:

1. Kalikgalhtawakga 1 Corintios 15:3-8.

   ¿Tuku xlakata apóstol Pablo lu liwana xkatsi nema lichuwinalh xlakata la lakastakwanalh Jesús chu tuku akinin lu liwana kilikatsitkan nema nalichuwinanaw? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Kalikgalhtawakga Hechos 1:1-11.

   Chuna la litachuwinalh kHechos 1:8 pi xʼama kgantaxtuy, ¿asta niku chalh xlakata litachuwinalh Jesús? (Hech. 6:7; 9:31; 11:19-21; Col. 1:23.)

Takgalhtawakga 105

1. Chuna la tasiyay kdibujo, ¿tuku lalh anta niku tamakxtumikgonit kstalaninanin Cristo wantiku kgalhimakgolh kJerusalén?

2. ¿Tuku kaks kamalakawanilh wantiku minkgonit paxialhnankgoy kJerusalén?

3. ¿Tuku kalixakgatlilh kristianos Pedro?

4. ¿La makgkatsikgolh lhuwa kristianos akxni kgaxmatkgolh tuku kawanilh Pedro chu tuku xlitlawatkan?

5. ¿Niku kgalhlit kristianos tamunukgolh anta kfiesta xla Pentecostés?

Amakgapitsi takgalhskinin:

1. Kalikgalhtawakga Hechos 2: 1-47.

   1. ¿La limasiyay xtachuwin Pedro nema tatsokgnit anta kHechos 2:23, 36 pi wa xkuentajkan putum li Israel nilh Jesús? (1 Tes. 2:14, 15.)

   2. ¿Tuku lu xatlan liʼakxilhtit mastalh Pedro xlakata maklakaskilh xtachuwin Dios akxni kalimasiyanilh kristianos? (Hech. 2:16, 17, 29, 31, 36, 39; Col. 4:6.)

   3. ¿La maklakaskilh Pedro xapulana llave xla tamapakgsin xala kʼakgapun nema Jesús xwaninit pi xʼama maxkiy? (Hech. 2:14, 22-24, 37, 38; Mat. 16:19.)

Takgalhtawakga 106

1. ¿Tuku lalh akgtum kakgotanu akxni Pedro chu Juan kajku xtanumakgolh ktemplo?

2. ¿Tuku wanilh Pedro wantiku nila xtlawan chu tuku limakgtayalh nema tlakg tlan nixawa tumin?

3. ¿Tuku xlakata sitsikgolh pulalinanin xla takanajla chu tuku tlawakgolh Pedro chu Juan?

4. ¿Tuku kawaniy Pedro tiku pulalinkgoy takanajla chu tuku kawanika nialh natlawakgoy apóstoles?

5. ¿Tuku xlakata sitsikgoy pulalinanin, pero tuku lalh akxni xlimakgtiy katamaknuka kpulachin apóstoles?

6. ¿La kgalhtinankgolh apóstoles akxni kalinka kSanedrín?

Amakgapitsi takgalhskinin:

1. Kalikgalhtawakga Hechos 3:1-10.

   Maski akinin nilay mapaksananaw, ¿la kinkamakgtayayan chuna la tiwa Pedro kHechos 3:6 xlakata lu xlakaskinka naʼakxilhaw tamakatsin xlakata xTamapakgsin Dios? (Juan 17:3; 2 Cor. 5:18-20; Fili. 3:8.)

2. Kalikgalhtawakga Hechos 4:1-31.

   Akxni anaw latapuliyaw chu kinkalakatayanikanan, ¿la tlan akinin nachuna natlawayaw chuna la tlawakgolh xapulana kstalaninanin Cristo? (Hech. 4:29, 31; Efe. 6:18-20; 1 Tes. 2:2.)

3. Kalikgalhtawakga Hechos 5:17-42.

   Chuna la uku chu makgasa, ¿la limasiyakgoy wantiku ni xtatayananin Jehová pi tlan akxilhkgoy katalichuwinalh xlakata Dios? (Hech. 5:34-39.)

Takgalhtawakga 107

1. ¿Tiku Esteban chu tuku tlawama nema litasiyay pi Dios makgtayama?

2. ¿Tuku wan Esteban nema lu kalimakgasitsiy pulalinanin xla takanajla?

3. Akxni Esteban xwataxtukgolh kxkilhpan kachikin, ¿tuku tlawanikgolh?

4. ¿Tiku uma kgawasa nema wi kdibujo chu kuentajtlawama lhakgat?

5. ¿Tuku skinilh Jehová Esteban akxni xʼamaja niy?

6. ¿La na tlan chuna natlawayaw la Esteban akxni wi tiku nakinkatlawaniyan tuku nitlan?

Amakgapitsi takgalhskinin:

1. Kalikgalhtawakga Hechos 6: 8-15.

   ¿Tuku tlawakgoy pulalinanin xla nixaxlikana takanajla xlakata xtatayananin Jehová nialh nalichuwinankgoy xTamapakgsin Dios? (Hech. 6:9, 11, 13.)

2. Kalikgalhtawakga Hechos 7:1-60.

   1. ¿Tuku tlawalh pi Esteban lu tlan kgalhtinalh kSanedrín chu tuku kinkamasiyaniyan uma? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿La nakaʼakxilhaw wantiku lakatayakgoy xlakata nialh nalichuwinanaw xTamapakgsin Dios? (Hech. 7:58-60; Mat. 5:44; Luc. 23:33, 34.)

Takgalhtawakga 108

1. ¿Tuku tlawalh Saulo akxni xmakgnikgonitta Esteban?

2. ¿Tuku lu nila tamakanajlay lalh akxni Saulo xʼama kDamasco?

3. ¿Tuku wanilh Jesús pi katlawalh Saulo?

4. ¿Tuku wanika natlaway Ananías, chu tuku xlakata Saulo tlan lakawananpa?

5. ¿Tukuya tukuwani lilakgpalinika xtukuwani Saulo chu tuku limaklakaskinka?

Amakgapitsi takgalhskinin:

1. Kalikgalhtawakga Hechos 8:1-4.

   Akxni xasasti congregación tsukuka kaputsastalanikan, ¿la makgtayanalh uma xlakata natalakgatumi takanajla xlakata Cristo chu la nachuna lama uku? (Hech. 8:4; Isa. 54:17.)

2. Kalikgalhtawakga Hechos 9:1-20.

   ¿Tuku tama pulaktutu taskujut nema liyawaka Saulo? (Hech. 9:15; 13:5; 26:1; 27:24; Rom. 11:13.)

3. Kalikgalhtawakga Hechos 22:6-16.

   ¿La na tlan chuna natlawayaw la tlawalh Ananías chu tuku xlakata lu xlakaskinka chuna natlawayaw? (Hech. 22:12; 1 Tim. 3:7; 1 Ped. 1:14-16; 2:12.)

4. Kalikgalhtawakga Hechos 26:8-20.

   Pulana Saulo ni kstalanina Cristo xwanit chu alistalh kstalanina Cristo wa, ¿la kamatliwakglha uma wantiku kgalhikgoy xpuskat o xchixku wantiku nikgalhtawakgakgoy? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Takgalhtawakga 109

1. ¿Tiku uma chixku tiku tatsokgostama chuna la tasiya kdibujo?

2. ¿Tuku waniy chatum ángel Cornelio?

3. ¿Tuku maʼakxilhalh Dios Pedro akxni anta xwi kxakgstin kchik Simón, anta kJope?

4. ¿Tuku xlakata Pedro wanilh Cornelio: Nikakintalakgatsokgostani?

5. ¿Tuku xlakata ni katsikgoy tuku nawankgoy kstalaninanin Cristo li Judá tiku akxtum xtawilakgolh Pedro?

6. ¿Tuku lu xlakaskinka kinkamasiyaniyan xlakata Pedro lakgapaxialhnalh Cornelio?

Amakgapitsi takgalhskinin:

1. Kalikgalhtawakga Hechos 10:1-48.

   ¿Tuku limasiyay xtachuwin Pedro nema tatsokgtawilanit kHechos 10:42 xlakata la xʼama talichuwinan xalakwan xalaksasti xla xTamapakgsin Dios? (Mat. 28:19; Mar. 13:10; Hech. 1:8.)

2. Kalikgalhtawakga Hechos 11:1-18.

   ¿Tuku tlawalh Pedro akxni katsilh pi wa Jehová xpulalima xlakata nakatalichuwinan amakgapitsi kristianos tiku ni li Judá xwakgonit chu la akinin na tlan chuna natlawayaw? (Hech. 11:17, 18; 2 Cor. 10:5; Efe. 5:17.)

Takgalhtawakga 110

1. ¿Tiku uma kgawasa nema wi kdibujo, la wanikan xkachikin chu tuku xtukuwani xtse chu xnana?

2. ¿Tuku wan Timoteo akxni Pablo kgalhskilh pi komo xkataʼanputun nakatalichuwinan xlakata Dios amakgapitsi kristianos xalakatanu anta makgat kachikin?

3. ¿Niku pulana kalimapakuwika kstalaninanin Cristo xtamakgalhtawakgen Jesús?

4. ¿Tuku xtukuwanikan kachikinin niku kilakgolh Pablo chu Bernabé akxni makgxtakgkgolh Listra?

5. ¿La makgtayay Timoteo Pablo, chu tukuya takgalhskinin xakstukan nakakgalhskinkan lakgkgawasan xala uku?

Amakgapitsi takgalhskinin:

1. Kalikgalhtawakga Hechos 9:19-30.

   ¿La limasiyalh Pablo pi kuenta xtlawa akxni xputsastalanikan akxni xlichuwinama xlakata xalakwan xalaksasti xla Dios? (Hech. 9:22-25, 29, 30; Mat. 10:16.)

2. Kalikgalhtawakga Hechos 11:19-26.

   ¿La limasiyay tuku lichuwinan Hechos 11:19-21, 26 pi xespíritu Jehová pulalima xlakata natalichuwinan xtamapakgsin?

3. Kalikgalhtawakga Hechos 13:13-16, 42-52.

   ¿La masiyay Hechos 13:51, 52 pi xtamakgalhtawakgen Jesús ni mastakgolh talakaskin nakamaxlajwanikan xtakanajlakan maski xkaputsastalanikan? (Mat. 10:14; Hech. 18:6; 1 Ped. 4:14.)

4. Kalikgalhtawakga Hechos 14:1-6, 19-28.

   ¿La tlan limakgkatsiyaw tachuwin «anta xmakan kinpuchinakan [«Jehová», NM] makamastakgoka» xlakata ni lu nalilakgaputsayaw nakamakgtayayaw tiku aku tsukumakgolh likgalhtawakgakgoy Biblia? (Hech. 14:21-23; 20:32; Juan 6:44.)

5. Kalikgalhtawakga Hechos 16:1-5.

   ¿Tuku kinkamasiyaniyan akxni Timoteo mastalh talakaskin nacircunsidartlawakan pi lu xlakaskinka nachuna natlawayaw la tiwa Pablo: «yuma nchuna klitlaway xpalakata xatlan tamakatsin»? (Hech. 16:3; 1 Cor. 9:23; 1 Tes. 2:8.)

6. Kalikgalhtawakga Hechos 18:1-11, 18-22.

   ¿Tuku masiyay Hechos 18:9, 10 xlakata la Jesús pulalin natalichuwinan xlakata Dios chu la tlan limakgkatsiyaw uma la uku? (Mat. 28:20.)

Takgalhtawakga  111

1. ¿Tuku xtukuwani uma kgawasa nema ma kkatutsu chu tuku lanilh?

2. ¿Tuku tlawalh Pablo akxni akxilhli pi xninit uma kgawasa?

3. ¿Niku ankgolh Pablo chu Timoteo chu wantiku akxtum talapulakgoy chu tuku lalh akxni titayakgolh kMileto?

4. ¿Tuku wanilh Pablo xpalakachuwina Jehová Agabo pi xʼama akgspulay chu la kgantaxtulh tuku wanilh?

Amakgapitsi takgalhskinin:

1. Kalikgalhtawakga Hechos 20:7-38.

   1. ¿La na tlan chuna nawanaw «nialh kkgalhiy nkit ntalakgalhin mpala pi wi wixin nti ni nakanajlay» chuna la wan Hechos 20:26, 27? (Eze. 33:8; Hech. 18:6, 7.)

   2. ¿Tuku xlakata lakgkgolotsin xalak congregación putum tuku masiyanankgoy kBiblia xlikilhtiyatkan? (Hech. 20:17, 29, 30; Tito 1:7-9; 2 Tim. 1:13.)

2. Kalikgalhtawakga Hechos 26:24-32.

   Xlakata Pablo xtapakgsiy kRoma, ¿la limaklakaskilh uma nalimakgantaxti taskujut xlakata nalichuwinan Dios chuna la Jesús xlimapakgsinit? (Hech. 9:15; 16:37, 38; 25:11, 12; 26:32; Luc. 21:12, 13.)

Takgalhtawakga 112

1. ¿Tuku lanilh barco anta niku xʼan Pablo akxni titaxtukgolh lakatsu kCreta?

2. ¿Tuku kawanilh Pablo tiku akxtum xtaʼankgoy kbarco?

3. ¿Tuku xlakata laktsu laktsu lalh barco?

4. ¿Tuku limapakgsin mastalh xapuxku soldado tiku xkakuentajtlawama kbarco chu niku kgalhlit chankgolh kxkilhtun chuchut?

5. ¿La xwanikan tiyat niku chankgolh chu tuku tlawanikgolh Pablo akxni tatlanilh kilhtamaku?

Amakgapitsi takgalhskinin:

1. Kalikgalhtawakga Hechos 27:1-44.

   ¿La matliwakglha kintakanajlakan pi putum tatsokgnit kBiblia chuna la kitaxtunilh Pablo akxni xʼama kRoma? (Hech. 27:16-19, 27-32; Luc. 1:3; 2 Tim. 3:16, 17.)

2. Kalikgalhtawakga Hechos 28:1-14.

   Maski kristianos xalak kMalta nixkakninanikgoy Jehová lu tlan likatsinikgolh Pablo chu tiku na xtankgoy kbarco, wa xlakata, ¿tuku kililakpuwanatkan natlawayaw akinin kstalaninanin Cristo chu la tlan natlawayaw? (Hech. 28:1, 2; Heb. 13:1, 2; 1 Ped. 4:9.)

Takgalhtawakga 113

1. ¿Tiku kalixakgatliy Pablo xlakata Cristo akxni anta wilacha kpulachin kRoma?

2. ¿Tiku xlakgapaxialhna Pablo tiku tsokgnama kmesa chu tuku limakgtayama Pablo?

3. ¿Tiku Epafrodito, chu tuku lilh akxni taspitli kFilipos?

4. ¿Tuku xlakata Pablo tsokgnanilh xʼamigo Filemón?

5. ¿Tuku tlawalh Pablo akxni maxtuka kpulachin chu tuku akgspulalh alistalh?

6. ¿Tiku chixku limaklakaskilh Jehová xlakata matsokgninalh xaʼawatiya libros xalak Biblia chu tuku lichuwinan libro Apocalipsis?

Amakgapitsi takgalhskinin:

1. Kalikgalhtawakga Hechos 28:16-31 chu Filipenses 1:13.

   ¿La limaklakaskilh Pablo kxkilhtamaku akxni xtanuma kpulachin chu xlakata nikxni xlajwanalh xtakanajla la makgtayalh uma Congregación? (Hech. 28:23, 30; Fili. 1:14.)

2. Kalikgalhtawakga Filipenses 2:19-30.

   ¿Tukuya lu tlan tachuwin lichuwinalh Pablo xlakata Timoteo chu Epafrodito chu la na tlan chuna natlawayaw? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Kalikgalhtawakga Filemón 1-25.

   1. ¿Tuku likilhtiyalh Pablo akxni wanilh Filemón pi katlawalh tuku tlan chu la kamakgtayay uma xlakata nachuna natlawakgoy lakgkgolotsin xalak congregación? (File. 9; 2 Cor. 8:8; Gál. 5:13.)

   2. ¿La limasiyay xtachuwin Pablo nema tatsokgnit kFilemón 13, 14 pi Pablo xkatlawani kuenta la xlakapastakkgoy natalan xalak Congregación? (1 Cor. 8:7, 13; 10:31-33.)

4. Kalikgalhtawakga 2 Timoteo 4:7-9.

   Chuna la apóstol Pablo, ¿tuku likatsiyaw pi komo putum kilhtamaku naskujnaniyaw chu nikxni namakgxtakgaw Jehová xla nakinkasikulanatlawayan? (Mat. 24:13; Heb. 6:10.)

Takgalhtawakga 114

1. ¿Tuku xlakata Biblia lichuwinan pi wilakgolh kawayu anta kʼakgapun?

2. ¿Tuku xtukuwani xguerra Dios nema nakaliminiy tiku lixkajni likatsikgoy kKatiyatni chu tuku xlakata natlawa uma guerra?

3. Chuna la tasiyay kdibujo, ¿tiku nalipulay kguerra chu tuku xlakata lin akgtum corona, chu tuku wamputun pi na lin akgtum espada?

4. Chuna la tasiyay ktakgalhtawakga 10, 15 chu 33, ¿tuku xlakata ni kaks nalilakawanaw xlakata Dios nakamalakgsputuy kristianos tiku lixkajni likatsikgoy?

5. ¿La masiyay takgalhtawakga 36 chu 76 pi Dios nakamasputuy kristianos tiku lixkajni likatsikgoy maski wankgoy pi kakninanikgoy?

Amakgapitsi takgalhskinin:

1. Kalikgalhtawakga Apocalipsis 19:11-16.

   1. ¿La liwana kinkamakgatekgsayan Biblia pi tiku kgawi xasnapapa kawayu wa Jesucristo? (Apo. 1:5; 3:14; 19:11; Isa. 11:4.)

   2. Xlakata xlhakgat Jesús pasanit kgalhni, ¿la limasiyay uma pi tlajanit kguerra? (Apo. 14:18-20; 19:13.)

   3. ¿Tiku na max taʼankgoy soldados nema stalanimakgolh Jesús tiku kgawi xasnapapa kawayu? (Apo. 12:7; 19:14; Mat. 25:31, 32.)

Takgalhtawakga 115

1. Chuna la wan kBiblia, ¿la natawilay kxakalipaxaw Katiyatni?

2. Chuna la wan Biblia, ¿tuku nialh katiʼanalh akxni kristianos nalatamakgoy kxakalipaxaw Katiyatni?

3. ¿Tukuya kilhtamaku Jesús natlaway uma xakalipaxaw Katiyatni?

4. Akxni Jesús xminit kKatiyatni, ¿tuku tlawalh nema limasiyalh tuku xʼama tlaway akxni Mapakgsina nawan anta kxTamapakgsin Dios?

5. Xlakata kristianos tiku natawilakgoy kKatiyatni, ¿tuku nakuentajtlaway Jesús chu tiku natamapakgsinankgoy?

Amakgapitsi takgalhskinin:

1. Kalikgalhtawakga Apocalipsis 5:9, 10.

   ¿Tuku liwana likatsiyaw pi wantiku namapakgsinankgoy chu xlisacerdotes natawilakgoy xaʼakgtum Mil kata tlan nalikatsikgoy chu nakalakgalhamankgoy kristianos? (Efe. 4:20-24; 1 Ped. 1:7; 3:8; 5:6-10.)

2. Kalikgalhtawakga Apocalipsis 14:1-3.

   ¿Tuku kilhchanima pi 144,000 kawilinikanit kxmunkan xtukuwani xaTlat chu xtukuwani xaKgawasa? (1 Cor. 3:23; 2 Tim. 2:19; Apo. 3:12.)

Takgalhtawakga 116

1. ¿Tuku xlakaskinka nakatsiyaw komo nikxni niputunaw?

2. Chuna la tasiyay kdibujo, ¿la natlawayaw xlakata nakatsiyaw xlakata Jehová chu Jesús?

3. ¿La wanikan atanu libro nema wi kdibujo chu tuku xlakata chali chali nalikgalhtawakgayaw?

4. Xlikana pi talakaskin nakatsiyaw xlakata Jehová chu Jesús, ¿pero tuku na talakaskin xlakata namakglhtinanaw latamat nema nikxni kgatsputa?

5. ¿Tuku kinkamasiyaniyan takgalhtawakga 69?

6. ¿Tuku kinkamasiyaniyan xatlan liʼakxilhtit xlakata Samuel anta ktakgalhtawakga 55?

7. ¿La na tlan chuna natlawayaw la tlawalh Jesucristo? Chu komo chuna natlawayaw, ¿tukuya tasikulunalin namakglhtinanaw nema aku namin?

Amakgapitsi takgalhskinin:

1. Kalikgalhtawakga Juan 17:3.

   ¿La masiyay Biblia pi wi tuku tlakg talakaskin chu ni kaj watiya lhuwa tuku nakatsiyaw xlakata Jehová chu Jesucristo? (Mat. 7:21; Sant. 2:18-20; 1 Juan 2:17.)

2. Kalikgalhtawakga Salmo 145:1-21.

   1. Anan lhuwa tuku tlan nalimalankiyaw Jehová, pero kawanti kaj makgapitsi tuku tlan nalimalankiyaw Jehová (Sal. 145:8-11; Apo. 4:11).

   2. ¿La «akxtum kalakgalhaman» kristianos Jehová? chu xlakata Jehová chuna likatsiy, ¿la tlaway pi tlakg natalakatsuwiniputunaw? (Sal. 145:9; Mat. 5:43-45.)

   3. ¿Tuku kilitlawatkan komo xlikana paxkiyaw Jehová? (Sal. 119:171, 172, 175; 145:11, 12, 21.)