Stori 1

1. Olgeta gutpela samting i kamap olsem wanem? Yu inap kolim wanpela bilong ol dispela gutpela samting?

2. God i bin wokim wanem samting pastaim?

3. Bilong wanem namba wan ensel em i narapela kain?

4. Long pastaim tru graun i stap olsem wanem? Stori long dispela. (Lukim piksa.)

5. God i mekim wanem bilong redim graun na bai ol animal na ol man i ken stap long en?

Sampela askim moa:

1. Ritim Jeremaia 10:12.

   Ol samting God i wokim i kamapim wanem ol pasin bilong em? (Ais. 40:26; Ro. 11:33)

2. Ritim Kolosi 1:​15-​17.

   Olsem wanem Jisas i insait long wok bilong kamapim ol samting? Dispela i mas mekim wanem long tingting yumi holim long em? (Kl. 1:​15-​17)

3. Ritim Stat 1:​1-​10.

   1. Husat i wokim graun? (Stt. 1:1)

   2. Wanem samting i kamap long de namba wan? (Stt. 1:​3-5)

   3. Stori long ol samting i kamap long de namba 2. (Stt. 1:​6-8)

Stori 2

1. Olsem wanem God i redim graun bilong yumi ken i stap long en?

2. Stori long ol kain kain animal God i wokim. (Lukim piksa.)

3. Bilong wanem gaden Iden i narapela kain?

4. God i laik bai graun olgeta i kamap wanem kain ples?

Sampela askim moa:

1. Ritim Stat 1:​11-​25.

   1. God i wokim wanem samting long de namba 3? (Stt. 1:​12)

   2. Wanem samting i kamap long de namba 4? (Stt. 1:​16)

   3. God i wokim wanem ol narapela narapela kain animal long de namba 5 na de namba 6? (Stt. 1:​20, 21, 25)

2. Ritim Stat 2:​8, 9.

   God i putim wanem tupela diwai long gaden em ol i narapela kain? Dispela tupela diwai i makim wanem samting?

Stori 3

1. Olsem wanem piksa long Stori 3 i narapela kain long piksa long Stori 2?

2. Husat i wokim namba wan man? Wanem nem bilong dispela man?

3. God i givim wanem wok long Adam?

4. Bilong wanem God i mekim Adam i slip i dai tru?

5. Adam na Iv inap i stap laip i go inap long wanem taim? Jehova i givim wanem wok long ol?

Sampela askim moa:

1. Ritim Song 83:​18, “NW.”

   Wanem nem bilong God? Em i holim wanem namba? (Jer. 16:21; Dan. 4:​17)

2. Ritim Stat 1:​26-​31.

   1. God i wokim wanem gutpela samting tru long de namba 6? Olsem wanem dispela samting em i wokim i narapela kain long ol animal? (Stt. 1:​26)

   2. Jehova i redim wanem ol samting olsem kaikai bilong man na ol animal? (Stt. 1:​30)

3. Ritim Stat 2:​7-​25.

   1. Wanem ol samting i insait long wok bilong Adam long givim nem long ol animal? (Stt. 2:​19)

   2. Olsem wanem tok bilong Stat 2:​24 i helpim yumi long kliagut long tingting bilong Jehova long marit, pasin bilong lusim poroman, na katim marit? (Mt. 19:​4-6, 9)

Stori 4

1. Long dispela piksa, wanem samting i kamap long Adam na Iv?

2. Bilong wanem Jehova i givim strafe long ol?

3. Wanpela snek i bin tok wanem long Iv?

4. Husat i mekim na snek i toktok long Iv?

5. Bilong wanem Adam na Iv i lusim ples Paradais bilong tupela?

Sampela askim moa:

1. Ritim Stat 2:​16, 17 na 3:​1-​13, 24.

   1. Olsem wanem dispela askim snek i givim long Iv i bagarapim gutnem bilong Jehova? (Stt. 3:​1-5; 1 Jo. 5:3)

   2. Ol samting Iv i bin mekim i givim wanem tok lukaut long yumi? (Fl. 4:8; Jem. 1:​14, 15; 1 Jo. 2:​16)

   3. Olsem wanem Adam na Iv i no tokaut olsem ol i gat asua? (Stt. 3:​12, 13)

   4. Olsem wanem ol ensel i sanap long hap sankamap bilong gaden Iden ol i sambai long wok bos bilong Jehova? (Stt. 3:​24)

2. Ritim Kamapim Tok Hait 12:9.

   Satan i bin pulim ol man long sakim wok bos bilong God i go inap long wanem mak? (1 Jo. 5:​19)

Stori 5

1. Olsem wanem long i stap bilong Adam na Iv taim ol i lusim gaden Iden?

2. Wanem samting i stat long kamap long Adam na Iv? Bilong wanem dispela samting i kamap?

3. Bilong wanem ol pikinini bilong Adam na Iv bai kamap lapun na i dai?

4. Sapos Adam na Iv i bin bihainim tok bilong Jehova, bai ol yet na ol pikinini bilong ol i stap olsem wanem?

5. Iv i sakim tok, olsem na em i kisim pen long wanem rot?

6. Wanem nem bilong namba wan na namba tu pikinini bilong Adam na Iv?

7. Ol arapela pikinini long piksa ol i husat?

Sampela askim moa:

1. Ritim Stat 3:​16-​23 na 4:​1, 2.

   1. God i bagarapim graun na dispela i mekim wanem long i stap bilong Adam? (Stt. 3:​17-​19; Ro. 8:​20, 22)

   2. Bilong wanem dispela nem Iv, mining bilong en “Meri i Stap Laip,” em i stret? (Stt. 3:​20)

   3. Bihain long Adam na Iv i mekim sin, olsem wanem Jehova i soim olsem em i tingim ol? (Stt. 3:​7, 21)

2. Ritim Kamapim Tok Hait 21:​3, 4.

   Yu wet long lukim wanem ‘ol samting bilong bipo’ i pinis olgeta?

Stori 6

1. Kein na Abel i mekim wanem ol wok?

2. Kein na Abel i bringim wanem ol ofa long Jehova?

3. Bilong wanem Jehova i amamas long ofa bilong Abel? Bilong wanem em i no amamas long ofa bilong Kein?

4. Kein em i wanem kain man? Jehova i mekim wanem bilong stretim em?

5. Kein i mekim wanem taim em wanpela tasol i stap wantaim brata bilong em?

6. Stori long samting i kamap long Kein taim em i kilim i dai pinis brata bilong em.

Sampela askim moa:

1. Ritim Stat 4:​2-​26.

   1. Jehova i givim wanem tok lukaut long Kein? (Stt. 4:7)

   2. Olsem wanem Kein i kamapim klia tingting i stap long bel bilong em? (Stt. 4:9)

   3. Wanem tingting bilong Jehova long pasin bilong kilim i dai man? (Stt. 4:​10; Ais. 26:21)

2. Ritim 1 Jon 3:​11, 12.

   1. Bilong wanem Kein i kros nogut tru? Olsem wanem dispela i stap olsem tok lukaut long yumi long nau? (Stt. 4:​4, 5; Snd. 14:30; 27:4)

   2. Olsem wanem Baibel i soim olsem maski olgeta long famili bilong yumi ol i birua long Jehova, yumi inap stap gut yet long Em? (Sng. 27:10; Mt. 10:​21, 22)

3. Ritim Jon 11:25.

   Jehova i givim wanem tok promis long ol man i bihainim stretpela pasin na long dispela as ol birua i kilim ol i dai? (Jo. 5:​24)

Stori 7

1. Olsem wanem Enok i narapela kain?

2. Bilong wanem ol manmeri long taim bilong Enok ol i mekim planti pasin nogut?

3. Ol manmeri i mekim wanem ol pasin nogut? (Lukim piksa.)

4. Bilong wanem Enok i mas strongim bel?

5. Long dispela taim bipo ol man i save stap hamas yia? Tasol Enok i stap inap hamas yia?

6. Wanem samting i kamap taim Enok i dai pinis?

Sampela askim moa:

1. Ritim Stat 5:​21-​24, 27.

   1. Wanem pasin i stap namel long Enok na Jehova? (Stt. 5:​24)

   2. Olsem Baibel i tok, husat i bin stap longpela taim winim olgeta man? Em i gat hamas krismas taim em i dai? (Stt. 5:​27)

2. Ritim Stat 6:5.

   Taim Enok i dai pinis, ol pasin nogut i go bikpela olsem wanem? Olsem wanem ol samting long taim bilong Enok i wankain olsem long taim bilong yumi? (2 Ti. 3:​13)

3. Ritim Hibru 11:5.

   Wanem pasin bilong Enok i “gutpela long ai bilong God”? Olsem na God i mekim wanem long Enok? (Stt. 5:​22)

4. Ritim Jut 14, 15.

   Olsem wanem ol Kristen long nau inap bihainim pasin bilong Enok long strongim bel taim ol i tokim ol man long pait bilong Armagedon? (2 Ti. 4:2; Hi. 13:6)

Stori 8

1. Wanem samting i kamap taim sampela ensel bilong God i bihainim Satan?

2. Bilong wanem sampela ensel i lusim wok bilong ol long heven na kam daun long graun?

3. Bilong wanem i no stret long ol ensel i kam daun long graun na kisim bodi olsem bilong ol man?

4. Wanem samting i narapela kain long ol pikinini bilong ol ensel?

5. Olsem yu lukim long piksa, ol pikinini bilong ol ensel i mekim wanem taim ol i kamap ol traipela man?

6. Taim Enok i dai pinis, husat dispela gutpela man i stap long graun? Bilong wanem God i laikim em?

Sampela askim moa:

1. Ritim Stat 6:​1-8.

   Stat 6:6 i kamapim wanem tok i soim olsem pasin bilong yumi inap mekim sampela samting long Jehova? (Sng. 78:​40, 41; Snd. 27:11)

2. Ritim Jut 6.

   Ol ensel long taim bilong Noa em ol “i no laik i stap gut long dispela wok God i bin givim ol,” olsem wanem pasin bilong ol i olsem wanpela tok lukaut long yumi long nau? (1 Ko. 3:​5-9; 2 Pi. 2:​4, 9, 10)

Stori 9

1. Hamas manmeri i stap long famili bilong Noa? Wanem nem bilong tripela pikinini man bilong em?

2. God i tokim Noa long mekim wanem samting i narapela kain? Bilong wanem em i mas mekim dispela samting?

3. Ol narapela manmeri i mekim wanem taim Noa i tokim ol long dispela sip?

4. God i tokim Noa long mekim wanem long ol animal?

5. Taim God i pasim pinis dua bilong sip, Noa na famili bilong em i mas mekim wanem?

Sampela askim moa:

1. Ritim Stat 6:​9-​22.

   1. Wanem samting i mekim na Noa i stap gutpela piksa tru olsem man i lotuim trupela God? (Stt. 6:​9, 22)

   2. Jehova i gat wanem tingting long pasin bilong kros pait? Dispela i mas mekim wanem long ol amamas yumi laik kisim? (Stt. 6:​11, 12; Sng. 11:5)

   3. Olsem wanem yumi inap bihainim pasin bilong Noa taim yumi kisim tok i kam long oganaisesen bilong Jehova? (Stt. 6:​22; 1 Jo. 5:3)

2. Ritim Stat 7:​1-9.

   Maski Noa i sinman, Jehova i tingim em olsem stretpela man, na olsem wanem dispela i strongim yumi long nau? (Stt. 7:1; Snd. 10:16; Ais. 26:7)

Stori 10

1. Bilong wanem i no gat wanpela man inap i go insait long sip taim ren i kirap pinis?

2. Jehova i mekim ren i pundaun inap hamas de na nait? Wara i solap i go antap inap long wanem mak?

3. Wanem samting i kamap long sip taim wara i karamapim graun?

4. Ol traipela man i abrusim bagarap long Bikpela Tait o nogat? Olsem wanem long ol papa bilong ol?

5. Bihain long 5-pela mun wanem samting i kamap long sip?

6. Bilong wanem Noa i salim wanpela kotkot i lusim sip i go?

7. Olsem wanem Noa i save olsem wara i go daun pinis?

8. Noa na famili bilong em ol i stap insait long sip winim wanpela yia olgeta, na nau God i tok wanem long em?

Sampela askim moa:

1. Ritim Stat 7:​10-​24.

   1. Olgeta samting long graun i bagarap olgeta o olsem wanem? (Stt. 7:​23)

   2. Inap hamas de i lus na wara bilong Bikpela Tait i go daun? (Stt. 7:​24)

2. Ritim Stat 8:​1-​17.

   Olsem wanem Stat 8:​17 i soim olsem samting Jehova i tingting pinis long kamapim long graun long pastaim tru, dispela tingting i no senis? (Stt. 1:​22)

3. Ritim 1 Pita 3:​19, 20.

   1. Taim ol ensel em ol i bikhet long God ol i go bek long heven, ol i kisim wanem strafe? (Ju. 6)

   2. Olsem wanem stori bilong Noa na famili bilong em i strongim bilip bilong yumi olsem Jehova inap helpim lain bilong em long abrusim bagarap? (2 Pi. 2:9)

Stori 11

1. Olsem piksa i soim, wanem namba wan samting Noa i mekim taim em i lusim sip na i kam ausait?

2. Bihain long Bikpela Tait, God i tokim Noa na famili bilong em long mekim wanem?

3. God i mekim wanem tok promis?

4. Taim yumi lukim renbo, dispela i mas kirapim yumi long tingim wanem samting?

Sampela askim moa:

1. Ritim Stat 8:​18-​22.

   1. Olsem wanem yumi long nau inap givim “switpela smel” olsem ofa long Jehova? (Stt. 8:​21; Hi. 13:​15, 16)

   2. Jehova i tok bel bilong ol man i save tingting long mekim wanem ol pasin? Olsem na yumi mas lukaut long wanem samting? (Stt. 8:​21; Mt. 15:​18, 19)

2. Ritim Stat 9:​9-​17.

   1. Jehova i mekim wanem kontrak wantaim olgeta samting long graun? (Stt. 9:​10, 11)

   2. Dispela kontrak bilong renbo bai i stap inap long wanem taim? (Stt. 9:​16)

Stori 12

1. Nimrot em i husat? God i gat wanem tingting long em?

2. Olsem piksa i soim, bilong wanem ol man i wokim ol brik?

3. Bilong wanem Jehova i no amamas long wok bilong ol long sanapim taua?

4. Olsem wanem God i pasim wok bilong sanapim taua?

5. Ol i kolim wanem nem long dispela taun? Wanem mining bilong dispela nem?

6. Wanem samting i kamap long ol manmeri taim God i paulim pinis tok ples bilong ol?

Sampela askim moa:

1. Ritim Stat 10:​1, 8-​10.

   Nimrot i gat wanem kain pasin? Dispela i givim wanem tok lukaut long yumi? (Snd. 3:​31)

2. Ritim Stat 11:​1-9.

   Wanem astingting bilong ol man i wokim taua? Bilong wanem dispela wok bilong ol i lus nating? (Stt. 11:4; Snd. 16:18; Jo. 5:​44)

Stori 13

1. Wanem kain manmeri i stap long taun Ur?

2. Dispela man long piksa em i husat? Mama i karim em long wanem taim? Em i stap we?

3. Jehova i tokim Abraham long mekim wanem?

4. Bilong wanem Baibel i kolim Abraham olsem pren bilong God?

5. Husat i go wantaim Abraham taim em i lusim Ur?

6. Jehova i tok wanem long Abraham taim em i kamap long graun Kenan?

7. Jehova i mekim wanem tok promis long Abraham taim em i gat 99 krismas?

Sampela askim moa:

1. Ritim Stat 11:​27-​32.

   1. Olsem wanem Abraham na Lot ol i wanblut? (Stt. 11:27)

   2. Tru Baibel i tok Tera i kisim famili bilong em na ol i go long Kenan, tasol olsem wanem yumi save Abraham i bin mekim dispela samting? Bilong wanem Abraham i mekim olsem? (Stt. 11:31; Ap. 7:​2-4)

2. Ritim Stat 12:​1-7.

   Taim Abraham i kamap pinis long graun Kenan, Jehova i skruim wanem tok moa long kontrak bilong Abraham? (Stt. 12:7)

3. Ritim Stat 17:​1-8, 15-​17.

   1. Taim Abram i gat 99 krismas, em i kisim wanem nupela nem? Bilong wanem em i kisim dispela nem? (Stt. 17:5)

   2. Jehova i tok promis long Sara long wanem ol blesing bai kamap bihain? (Stt. 17:​15, 16)

4. Ritim Stat 18:​9-​19.

   1. Olsem Stat 18:19 i tok, ol papa i kisim wanem wok? (Lo 6:​6, 7; Ef. 6:4)

   2. Wanem samting i kamap long Sara na dispela i soim olsem yumi no inap haitim wanpela samting long Jehova? (Stt. 18:​12, 15; Sng. 44:21)

Stori 14

1. God i mekim wanem tok promis long Abraham? Olsem wanem God i bihainim tok promis bilong em?

2. Olsem yumi lukim long piksa, God i mekim wanem bilong traim bilip bilong Abraham?

3. Maski Abraham i no kliagut long as na God i tokim em long mekim dispela samting, em i mekim wanem?

4. Wanem samting i kamap taim Abraham i rausim naip bilong kilim i dai pikinini bilong em?

5. Abraham i gat strongpela bilip long God o olsem wanem?

6. God i givim wanem samting long Abraham bilong em i ken ofaim? Olsem wanem em i givim dispela samting?

Sampela askim moa:

1. Ritim Stat 21:​1-7.

   Bilong wanem Abraham i katim skin bilong sem bilong pikinini bilong em taim pikinini i gat 8-pela de pinis? (Stt. 17:​10-​12; 21:4)

2. Ritim Stat 22:​1-​18.

   Olsem wanem Aisak i soim olsem em i daun long papa bilong em Abraham? Olsem wanem dispela i piksa bilong bikpela samting moa bai kamap bihain? (Stt. 22:​7-9; 1 Ko. 5:7; Fl. 2:​8, 9)

Stori 15

1. Bilong wanem Abraham na Lot i bruk na go long narapela narapela hap?

2. Bilong wanem Lot i laik sindaun long Sodom?

3. Ol manmeri bilong Sodom i gat wanem kain pasin?

4. Tupela ensel i givim wanem toksave long Lot?

5. Bilong wanem meri bilong Lot i tanim i kamap wanpela pos sol?

6. Samting i painim meri bilong Lot inap skulim yumi long wanem samting?

Sampela askim moa:

1. Ritim Stat 13:​5-​13.

   Samting Abraham i mekim i givim wanem save long yumi long pasin bilong stretim hevi? (Stt. 13:​8, 9; Ro. 12:10; Fl. 2:​3, 4)

2. Ritim Stat 18:​20-​33.

   Olsem wanem pasin Jehova i mekim long Abraham i strongim bilip bilong yumi olsem Jehova na Jisas bai mekim stretpela kot? (Stt. 18:​25, 26; Mt. 25:​31-​33)

3. Ritim Stat 19:​1-​29.

   1. Dispela stori bilong Baibel i kamapim wanem tingting bilong God long pasin sodom? (Stt. 19:​5, 13; Wkp. 20:13)

   2. Olsem wanem pasin bilong Lot na Abraham long bihainim tok bilong God i narapela narapela? Dispela inap skulim yumi long wanem samting? (Stt. 19:​15, 16, 19, 20; 22:3)

4. Ritim Luk 17:​28-​32.

   Meri bilong Lot i gat wanem tingting long mani kago? Olsem wanem dispela i olsem tok lukaut long yumi? (Lu. 12:15; 17:​31, 32; Mt. 6:​19-​21, 25)

5. Ritim 2 Pita 2:​6-8.

   Olsem Lot i bin tingim, yumi mas i gat wanem tingting long pasin bilong ol man i givim baksait long God? (Ese. 9:4; 1 Jo. 2:​15-​17)

Stori 16

1. Dispela man na meri long piksa ol i husat?

2. Abraham i mekim wanem long kisim meri bilong pikinini bilong em? Bilong wanem em i mekim olsem?

3. God i harim beten bilong wokman bilong Abraham na em i mekim wanem?

4. Rebeka i tok wanem taim ol i askim em long em i laik maritim Aisak?

5. Wanem samting i mekim Aisak i amamas gen?

Sampela askim moa:

1. Ritim Stat 24:​1-​67.

   1. Rebeka i kamapim wanem ol gutpela pasin taim em i bungim wokman bilong Abraham long hul wara? (Stt. 24:​17-​20; Snd. 31:​17, 31)

   2. Ol samting Abraham i bin mekim bilong painim meri bilong Aisak, olsem wanem dispela i stap gutpela piksa ol Kristen long nau i ken bihainim? (Stt. 24:​37, 38; 1 Ko. 7:​39; 2 Ko. 6:​14)

   3. Bilong wanem yumi mas painim haptaim bilong skelim ol samting long bel, wankain olsem Aisak i bin mekim? (Stt. 24:63; Sng. 77:12; Fl. 4:8)

Stori 17

1. Iso na Jekop ol i husat? Olsem wanem tupela i no wankain?

2. Iso na Jekop i gat hamas krismas taim bubu man bilong ol, Abraham, em i dai?

3. Iso i mekim wanem na dispela i mekim mama na papa bilong em i bel hevi tru?

4. Bilong wanem Iso i kros nogut tru long brata bilong em Jekop?

5. Aisak i tokim pikinini bilong em Jekop long mekim wanem?

Sampela askim moa:

1. Ritim Stat 25:​5-​11, 20-​34.

   1. Jehova i mekim wanem tok profet long tupela pikinini man bilong Rebeka? (Stt. 25:23)

   2. Long namba bilong i stap namba wan pikinini, olsem wanem tingting bilong Jekop i narapela long tingting bilong Iso? (Stt. 25:​31-​34)

2. Ritim Stat 26:​34, 35; 27:​1-​46; na 28:​1-5.

   1. Iso i mekim wanem na em i kamapim klia olsem em i no pilim tru ol samting bilong spirit? (Stt. 26:​34, 35; 27:46)

   2. Bilong Jekop i ken kisim blesing bilong God, Aisak i tokim em long mekim wanem? (Stt. 28:​1-4)

3. Ritim Hibru 12:​16, 17.

   Pasin bilong Iso i skulim yumi olsem wanem long ol samting i painim ol man i givim baksait long ol samting i holi?

Stori 18

1. Dispela yangpela meri long piksa em i husat? Jekop i mekim wanem bilong helpim em?

2. Jekop i orait long mekim wanem na bai em i ken maritim Resel?

3. Long taim bilong Jekop long maritim Resel, Laban i mekim wanem?

4. Bilong kisim Resel olsem meri bilong em, Jekop i orait long mekim wanem?

Sampela askim moa:

1. Ritim Stat 29:​1-​30.

   1. Maski Laban i trikim Jekop, olsem wanem Jekop i bihainim yet stretpela pasin? Dispela inap skulim yumi long wanem samting? (Stt. 29:​26-​28; Mt. 5:​37)

   2. Olsem wanem Jekop i soim olsem pasin bilong laikim tru meri em i narapela long pasin bilong bel i kirap nating? (Stt. 29:​18, 20, 30; Sol. 8:6)

   3. Husat 4-pela meri i kamap famili bilong Jekop na ol i karim ol pikinini man long em? (Stt. 29:​23, 24, 28, 29)

Stori 19

1. Wanem nem bilong 6-pela pikinini man em Jekop i kamapim wantaim namba wan meri bilong em Lea?

2. Silpa, em wokmeri bilong Lea, em i karim husat tupela pikinini man bilong Jekop?

3. Wanem nem bilong tupela pikinini man em Bilha, wokmeri bilong Resel, em i karim long Jekop?

4. Resel i karim husat tupela pikinini? Wanem samting i kamap taim em i karim namba tu pikinini?

5. Olsem yu inap lukim long piksa, Jekop i gat hamas pikinini man? Wanem samting i kamap long rot bilong ol?

Sampela askim moa:

1. Ritim Stat 29:​32-​35; 30:​1-​26; na 35:​16-​19.

   Olsem yumi lukim long 12-pela pikinini man bilong Jekop, long bipo ol i bihainim wanem pasin bilong givim nem long ol pikinini man bilong ol Hibru?

2. Ritim Stat 37:35.

   Tru, nem bilong Daina tasol i stap Baibel, tasol olsem wanem yumi save Jekop i gat sampela pikinini meri moa? (Stt. 37:​34, 35)

Stori 20

1. Bilong wanem Abraham na Aisak i no laik bai ol pikinini bilong ol i maritim ol Kenan?

2. Jekop i orait long pikinini meri bilong em i poromanim ol meri Kenan?

3. Dispela man long piksa em i lukluk long Daina, em i husat? Em i mekim wanem pasin nogut?

4. Simeon na Livai, tupela brata bilong Daina, ol i mekim wanem taim ol i harim tok long samting i bin kamap?

5. Jekop i wanbel long samting Simeon na Livai i mekim?

6. Olgeta dispela hevi insait long famili i kirap olsem wanem?

Sampela askim moa:

1. Ritim Stat 34:​1-​31.

   1. Bilong wanem Daina i gat hap asua long hevi i painim em? (Ga. 6:7)

   2. Olsem wanem ol yangpela long nau i ken soim olsem ol i tingim gut dispela tok lukaut long stori bilong Daina? (Snd. 13:20; 1 Ko. 15:33; 1 Jo. 5:​19)

Stori 21

1. Bilong wanem ol brata bilong Josep i jeles long em? Ol i mekim wanem?

2. Ol brata bilong Josep i laik mekim wanem long em? Tasol Ruben i tok wanem?

3. Wanem samting i kamap taim ol lain Ismael i kam?

4. Ol brata bilong Josep i mekim wanem bambai papa bilong ol i ting Josep i dai pinis?

Sampela askim moa:

1. Ritim Stat 37:​1-​35.

   1. Olsem wanem ol Kristen i ken bihainim pasin bilong Josep na tokaut long rong i kamap insait long kongrigesen? (Stt. 37:2; Wkp. 5:1; 1 Ko. 1:​11)

   2. Wanem samting i kirapim ol brata bilong Josep long mekim nogut tru long em? (Stt. 37:​11, 18; Snd. 27:4; Jem. 3:​14-​16)

   3. Jekop i mekim wanem pasin em olgeta man i save mekim taim ol i bel sori tru? (Stt. 37:35)

Stori 22

1. Josep i gat hamas krismas taim ol i kisim em i go long Isip? Ol i mekim wanem long em?

2. Josep i mekim wanem na em i kalabus?

3. Josep i kisim wanem wok long kalabus?

4. Long kalabus, Josep i mekim wanem long man bilong lukautim wain bilong Fero na man bilong lukautim haus bret?

5. Wanem samting i kamap taim man bilong lukautim wain i lusim kalabus?

Sampela askim moa:

1. Ritim Stat 39:​1-​23.

   Long taim bilong Josep, i no gat wanpela lo God i raitim i tambuim pasin pamuk, olsem na wanem samting i kirapim Josep long ranawe long meri bilong Potifar? (Stt. 2:​24; 20:3; 39:9)

2. Ritim Stat 40:​1-​23.

   1. Stori liklik long driman bilong man bilong lukautim wain na save Jehova i givim Josep long mining bilong dispela driman. (Stt. 40:​9-​13)

   2. Man bilong lukautim haus bret i lukim wanem driman? Wanem mining bilong en? (Stt. 40:​16-​19)

   3. Long nau, olsem wanem lain wokboi i gat gutpela tingting i bihainim pasin bilong Josep? (Stt. 40:8; Sng. 36:9; Jo. 17:17; Ap. 17:​2, 3)

   4. Olsem wanem Stat 40:20 i helpim yumi long save long tingting bilong ol Kristen long tingim betde? (Sav. 7:1; Mk. 6:​21-​28)

Stori 23

1. Long wanpela nait wanem samting i kamap long Fero?

2. Bilong wanem man bilong lukautim wain i tingim Josep?

3. Olsem yumi lukim long piksa, Fero i lukim wanem tupela driman?

4. Josep i tok ol dispela driman i makim wanem samting?

5. Olsem wanem Josep i kamap nambawan bikpela man long Isip, na Fero tasol i gat bikpela namba moa long em?

6. Bilong wanem ol brata bilong Josep i kam long Isip? Bilong wanem ol i no luksave long Josep?

7. Josep i tingim wanem driman? Dispela driman i helpim em long kliagut long wanem samting?

Sampela askim moa:

1. Ritim Stat 41:​1-​57.

   1. Olsem wanem Josep i stiaim tingting bilong ol man i go long Jehova? Olsem wanem ol Kristen long nau i ken bihainim pasin bilong em? (Stt. 41:​16, 25, 28; Mt. 5:​16; 1 Pi. 2:​12)

   2. Olsem wanem haptaim bilong planti kaikai na haptaim bilong bikpela hangre long Isip i kamapim klia olsem long ol samting bilong spirit i stap bilong lain bilong Jehova i narapela kain tru long i stap bilong lain Kristendom? (Stt. 41:​29, 30; Amo. 8:​11, 12)

2. Ritim Stat 42:​1-8 na 50:20.

   Yu ting em i rong sapos ol man i lotuim Jehova i brukim skru long wanpela man bilong soim rispek long namba bilong em sapos em i pasin bilong dispela ples? (Stt. 42:6)

Stori 24

1. Bilong wanem Josep i sutim tok long ol brata bilong em olsem ol i man bilong lukstil?

2. Bilong wanem Jekop i larim laspela pikinini man bilong em, Benjamin, i go long Isip?

3. Olsem wanem kap silva bilong Josep i stap long bek bilong Benjamin?

4. Juda i orait long mekim wanem na bai Benjamin i ken i go fri?

5. Olsem wanem ol brata bilong Josep i senisim pasin bilong ol?

Sampela askim moa:

1. Ritim Stat 42:​9-​38.

   Olsem wanem tok bilong Josep long Stat 42:18 i gutpela bilong ol man i mekim wok bos insait long oganaisesen bilong Jehova long nau ol i ken tingim? (Neh. 5:​15; 2 Ko. 7:1, 2)

2. Ritim Stat 43:​1-​34.

   1. Tru Ruben em i namba wan pikinini, tasol olsem wanem yumi save olsem Juda i kamap mausman bilong ol brata bilong em? (Stt. 43:​3, 8, 9; 44:​14, 18; 1 Sto. 5:2)

   2. Josep i mekim wanem bilong traim ol brata bilong em? Bilong wanem em i mekim olsem? (Stt. 43:​33, 34)

3. Ritim Stat 44:​1-​34.

   1. Josep i no laik bai ol brata bilong em i luksave long em, olsem na em i mekim wanem? (Stt. 44:​5, 15; Wkp. 19:26)

   2. Olsem wanem ol brata bilong Josep i soim olsem ol i lusim pinis pasin bilong bel nogut? (Stt. 44:​13, 33, 34)

Stori 25

1. Wanem samting i kamap taim Josep i tokim ol brata bilong em olsem em i Josep?

2. Long gutpela pasin isi Josep i stori gut long ol brata bilong em long wanem samting?

3. Fero i tok wanem taim em i harim olsem ol brata bilong Josep i kam?

4. Hamas manmeri i insait long famili bilong Jekop taim ol i go long Isip?

5. Famili bilong Jekop i kisim wanem nem? Bilong wanem ol i kisim dispela nem?

Sampela askim moa:

1. Ritim Stat 45:​1-​28.

   Olsem wanem stori bilong Josep long Baibel i soim olsem Jehova inap mekim na ol samting ol man i mekim bilong nogutim ol wokboi bilong em, em inap kamap olsem gutpela samting? (Stt. 45:​5-8; Ais. 8:​10; Fl. 1:​12-​14)

2. Ritim Stat 46:​1-​27.

   Long rot i go long Isip Jehova i givim wanem tok long Jekop bilong strongim em? (Stt. 46:​1-4)

Stori 26

1. Jop em i husat?

2. Satan i laik mekim wanem? Em i win?

3. Jehova i tok orait long Satan i ken mekim wanem? Bilong wanem Jehova i mekim olsem?

4. Bilong wanem meri bilong Jop i tokim em long ‘tok nogut long God na em i ken i dai’? (Lukim piksa.)

5. Olsem yu ken lukim long namba tu piksa, olsem wanem Jehova i blesim Jop? Bilong wanem em i blesim Jop?

6. Sapos yumi stap gut long Jehova, olsem Jop i bin mekim, bai yumi kisim wanem ol blesing?

Sampela askim moa:

1. Ritim Jop 1:​1-​22.

   Olsem wanem ol Kristen long nau i ken bihainim pasin bilong Jop? (Jop 1:1; Fl. 2:​15; 2 Pi. 3:​14)

2. Ritim Jop 2:​1-​13.

   Taim Satan i mekim nogut long ol, olsem wanem Jop na meri bilong em ol i kamapim narapela narapela pasin? (Jop 2:​9, 10; Snd. 19:3; Mai. 7:7; Mal. 3:​14)

3. Ritim Jop 42:​10-​17.

   1. Long pasin bilong i stap gut long God, wanem ol samting i wankain long blesing Jop i kisim na samting Jisas i kisim? (Jop 42:12; Fl. 2:​9-​11)

   2. Ol blesing Jop i kisim taim em i stap gut long God, olsem wanem dispela i strongim yumi? (Jop 42:​10, 12; Hi. 6:​10; Jem. 1:​2-4, 12; 5:​11)

Stori 27

1. Long piksa, man i holim wip em i husat? Em i paitim husat?

2. Taim Josep i dai pinis, wanem samting i kamap long ol Israel?

3. Bilong wanem ol Isip i pret long ol Israel?

4. Fero i tok wanem long ol meri i save helpim ol meri Israel taim ol i karim pikinini?

Sampela askim moa:

1. Ritim Kisim Bek 1:​6-​22.

   1. Olsem wanem Jehova i kirap long truim tok promis em i bin mekim long Abraham? (Kis. 1:7; Stt. 12:2; Ap. 7:​17)

   2. Olsem wanem tupela meri Hibru husat i save helpim ol meri taim ol i karim pikinini, ol i kamapim olsem ol i tingim laip em samting i holi? (Kis. 1:​17; Stt. 9:6)

   3. Olsem wanem Jehova i mekim gut long dispela tupela meri long pasin bilong ol long i stap gut long em? (Kis. 1:​20, 21; Snd. 19:17)

   4. Olsem wanem Satan i laik pasim samting Jehova i tingting pinis long mekim long rot bilong Krais, em man bai kamap long lain bilong Abraham? (Kis. 1:​22; Mt. 2:​16)

Stori 28

1. Dispela bebi long piksa em i husat? Em i holim pinga bilong husat?

2. Mama bilong Moses i mekim wanem bilong helpim Moses na bai ol birua i no ken kilim em i dai?

3. Dispela liklik meri long piksa em i husat? Em i mekim wanem?

4. Taim pikinini meri bilong Fero i lukim bebi, Miriam i tokim em long mekim wanem?

5. Pikinini meri bilong Fero i tok wanem long mama bilong Moses?

Wanpela askim moa:

1. Ritim Kisim Bek 2:​1-​10.

   Olsem wanem rot i op na mama bilong Moses inap skulim Moses taim em i liklik yet? Olsem wanem ol papamama long nau i ken bihainim dispela pasin? (Kis. 2:​9, 10; Lo 6:​6-9; Snd. 22:6; Ef. 6:4; 2 Ti. 3:​15)

Stori 29

1. Moses i go bikpela long we? Tasol em i save long wanem samting bilong papamama bilong em?

2. Moses i mekim wanem taim em i gat 40 krismas?

3. Moses i tok wanem long wanpela man Israel i paitim narapela? Dispela man i bekim wanem tok?

4. Bilong wanem Moses i ranawe lusim Isip?

5. Moses i ranawe i go we? Em i bungim husat long dispela hap?

6. Long dispela 40 yia bihain long taim Moses i ranawe long Isip, em i mekim wanem wok?

Sampela askim moa:

1. Ritim Kisim Bek 2:​11-​25.

   Maski Moses i bin skul inap planti yia long save bilong ol Isip, olsem wanem em i soim olsem em i stap gut long Jehova na lain bilong em? (Kis. 2:​11, 12; Hi. 11:24)

2. Ritim Aposel 7:​22-​29.

   Yumi ken lain long wanem samting long pasin bilong Moses long em yet i traim long helpim ol Israel long lusim kalabus long Isip? (Ap. 7:​23-​25; 1 Pi. 5:​6, 10)

Stori 30

1. Wanem nem bilong dispela maunten long piksa?

2. Stori long narapela kain samting Moses i lukim taim em i go long maunten wantaim ol sipsip bilong em.

3. Wanpela nek long diwai i paia i tok wanem? Em nek bilong husat?

4. Taim God i tokim Moses long em bai kisim ol manmeri bilong God i go lusim Isip, Moses i tok wanem?

5. God i tokim Moses long tok wanem sapos ol manmeri i askim em long husat i salim em?

6. Olsem wanem Moses inap kamapim klia olsem God i salim em?

Sampela askim moa:

1. Ritim Kisim Bek 3:​1-​22.

   Olsem wanem samting i kamap long Moses i strongim yumi olsem sapos yumi pilim olsem yumi no inap long mekim wanpela wok bilong God, Jehova bai helpim yumi? (Kis. 3:​11, 13; 2 Ko. 3:​5, 6)

2. Ritim Kisim Bek 4:​1-​20.

   1. Long dispela 40 yia em Moses i stap long Midian, wanem senis i kamap long pasin bilong em? Ol man i laik winim ol mak bilong mekim wok insait long kongrigesen, ol inap lainim wanem samting long dispela? (Kis. 2:​11, 12; 4:​10, 13; Mai. 6:8; 1 Ti. 3:​1, 6, 10)

   2. Taim Jehova i stretim yumi long rot bilong oganaisesen bilong em, samting i painim Moses inap strongim yumi olsem wanem? (Kis. 4:​12-​14; Sng. 103:14; Hi. 12:​4-​11)

Stori 31

1. Taim Moses na Aron i wokim ol mirakel, dispela i mekim wanem long ol Israel?

2. Moses na Aron i tok wanem long Fero? Fero i bekim wanem tok?

3. Olsem piksa i soim, wanem samting i kamap taim Aron i tromoi stik bilong em i go daun?

4. Jehova i mekim save long Fero long wanem rot? Fero i mekim wanem?

5. Wanem samting i kamap bihain long namba 10 hevi?

Sampela askim moa:

1. Ritim Kisim Bek 4:​27-​31 na 5:​1-​23.

   Wanem mining bilong tok bilong Fero: “Mi no save long Bikpela”? (Kis. 5:2; 1 Sml. 2:​12; Ro. 1:​21)

2. Ritim Kisim Bek 6:​1-​13, 26-​30.

   1. Olsem wanem Jehova i no bin tokaut long em yet long Abraham, Aisak, na Jekop? (Kis. 3:​13, 14; 6:3; Stt. 12:8)

   2. Yumi save olsem Jehova i mekim wok long Moses maski Moses i ting em i no inap long mekim wok God i tokim em long mekim, na dispela i mekim wanem long yumi? (Kis. 6:​12, 30; Lu. 21:​13-​15)

3. Ritim Kisim Bek 7:​1-​13.

   1. Taim Moses na Aron i strongim bel na givim tok bilong Jehova long Fero, ol i makim wanem pasin em ol wokman bilong God long nau i ken bihainim? (Kis. 7:​2, 3, 6; Ap. 4:​29-​31)

   2. Olsem wanem Jehova i soim olsem em i winim tru ol god bilong Isip? (Kis. 7:​12; 1 Sto. 29:12)

Stori 32

1. Lukim ol dispela piksa na stori long namba wan, namba tu, na namba tri hevi em Jehova i kamapim long Isip.

2. Wanem samting i narapela kain long tripela hevi i kamap paslain na ol arapela hevi i kamap bihain?

3. Long namba foa, namba faiv, na namba siks hevi wanem ol samting i kamap?

4. Stori long namba seven, namba et, na namba nain hevi.

5. Paslain long namba ten hevi i kamap, Jehova i tokim ol Israel long mekim wanem?

6. Long namba ten hevi wanem samting i kamap? Wanem samting i kamap bihain long en?

Sampela askim moa:

1. Ritim Kisim Bek 7:19– 8:​23.

   1. Maski ol glasman bilong Isip inap kamapim wankain samting olsem Jehova i kamapim long namba wan na namba tu hevi, tasol namba tri hevi i kirapim ol long tokaut long wanem samting? (Kis. 8:​18, 19; Mt. 12:​24-​28)

   2. Olsem wanem namba foa hevi i kamapim klia olsem Jehova inap lukautim lain bilong em? Lain bilong God i save God inap lukautim ol na dispela i mekim wanem long ol taim ol i wetim dispela “bikpela hevi” em Baibel i tok profet long en? (Kis. 8:​22, 23; KTH 7:​13, 14; 2 Sto. 16:9)

2. Ritim Kisim Bek 8:​24; 9:​3, 6, 10, 11, 14, 16, 23-​25; na 10:​13-​15, 21-​23.

   1. Tenpela Hevi i kamapim klia wanem tupela lain? Dispela i mekim na long nau yumi gat wanem tingting long dispela tupela lain? (Kis. 8:​10, 18, 19; 9:​14)

   2. Olsem wanem Kisim Bek 9:​16 i helpim yumi long kliagut bilong wanem Jehova i larim Satan i stap inap long nau? (Ro. 9:​21, 22)

3. Ritim Kisim Bek 12:​21-​32.

   Olsem wanem Pasova i opim rot long planti man inap abrusim bagarap? Pasova i piksa bilong wanem samting? (Kis. 12:​21-​23; Jo. 1:​29; Ro. 5:​18, 19, 21; 1 Ko. 5:7)

Stori 33

1. Hamas man, meri, na pikinini bilong Israel i lusim Isip? Husat i go wantaim ol?

2. Fero i kisim wanem tingting taim em i larim ol Israel i go pinis? Em i mekim wanem?

3. Jehova i mekim wanem bilong pasim ol Isip na bai ol i no ken pait long ol manmeri bilong em?

4. Wanem samting i kamap taim Moses i holim stik na taitim han i go long solwara Retsi? Ol Israel i mekim wanem?

5. Wanem samting i kamap taim ol Isip i spit i go daun long solwara na bihainim ol Israel i go?

6. Ol Israel i mekim wanem bilong soim olsem ol i amamas na tenkyu long Jehova i helpim ol long abrusim bagarap?

Sampela askim moa:

1. Ritim Kisim Bek 12:​33-​36.

   Jehova i mekim wanem na lain bilong em i kisim pe long ol i bin i stap wokboi nating bilong ol Isip inap planti yia? (Kis. 3:​21, 22; 12:​35, 36)

2. Ritim Kisim Bek 14:​1-​31.

   Tok bilong Moses long Kisim Bek 14:​13, 14 i mekim wanem long ol wokboi bilong Jehova long nau taim ol i wetim pait bilong Armagedon i kamap? (2 Sto. 20:17; Sng. 91:8)

3. Ritim Kisim Bek 15:​1-8, 20, 21.

   1. Bilong wanem ol wokboi bilong Jehova i mas singim ol song bilong litimapim nem bilong em? (Kis. 15:​1, 2; Sng. 105:​2, 3; KTH 15:​3, 4)

   2. Long solwara Retsi, Miriam na ol arapela meri i mekim wanem bilong litimapim nem bilong Jehova na ol meri Kristen long nau i ken bihainim dispela pasin? (Kis. 15:​20, 21; Sng. 68:11)

Stori 34

1. Long piksa, ol manmeri i wok long kisim wanem samting long graun? Ol i kolim dispela samting olsem wanem?

2. Moses i givim wanem tok long ol manmeri long pasin bilong kisim mana?

3. Jehova i tokim ol manmeri long mekim wanem long namba 6 de? Bilong wanem?

4. Jehova i wokim wanem mirakel taim ol i bungim mana bilong namba 6 de na larim i stap inap long namba 7 de?

5. Inap hamas yia Jehova i lukautim ol manmeri long mana?

Sampela askim moa:

1. Ritim Kisim Bek 16:​1-​36 na Namba 11:​7-9.

   1. Kisim Bek 16:8 i tok wanem na dispela i soim olsem yumi mas rispektim ol man God i makim bilong mekim wok insait long kongrigesen Kristen? (Hi. 13:17)

   2. Long ples drai nating, wanem samting i save kamap na long olgeta de dispela i kirapim ol Israel long tingim olsem Jehova tasol inap lukautim ol? (Kis. 16:​14-​16, 35; Lo 8:​2, 3)

   3. Jisas i tok mana i olsem piksa bilong wanem samting? Dispela “bret bilong heven” i helpim yumi olsem wanem? (Jo. 6:​31-​35, 40)

2. Ritim Josua 5:​10-​12.

   Ol Israel i kaikai mana inap hamas yia? Olsem wanem dispela i traim ol? Dispela stori inap skulim yumi long wanem samting? (Kis. 16:35; Nam. 11:​4-6; 1 Ko. 10:​10, 11)

Stori 35

1. Inap tupela mun bihain long ol Israel i lusim Isip, ol i kem long wanem hap?

2. Jehova i tok em i laik bai ol manmeri i mekim wanem? Ol i tok ol bai mekim wanem?

3. Bilong wanem Jehova i givim tupela hap ston long Moses?

4. Jehova i givim Tenpela Lo long ol Israel, tasol em i givim wanem ol arapela lo?

5. I gat wanem tupela lo em Jisas Krais i tok ol i bikpela lo winim olgeta narapela lo?

Sampela askim moa:

1. Ritim Kisim Bek 19:​1-​25; 20:​1-​21; 24:​12-​18; na 31:18.

   Olsem wanem tok bilong Kisim Bek 19:8 i helpim yumi long kliagut long ol samting man i mas mekim taim em i dediket olsem wanpela Kristen? (Mt. 16:24; 1 Pi. 4:​1-3)

2. Ritim Lo 6:​4-6; Wok Pris 19:18; na Matyu 22:​36-​40.

   Ol Kristen i save mekim wanem bilong soim olsem ol i laikim tru God na ol narapela man? (Mk. 6:​34; Ap. 4:​20; Ro. 15:2)

Stori 36

1. Long piksa, ol manmeri i mekim wanem? Bilong wanem ol i mekim dispela samting?

2. Bilong wanem Jehova i kros? Moses i mekim wanem taim em i lukim samting ol manmeri i mekim?

3. Moses i tokim sampela man long mekim wanem?

4. Dispela stori i mas skulim yumi long wanem samting?

Sampela askim moa:

1. Ritim Kisim Bek 32:​1-​35.

   1. Olsem wanem dispela stori i kamapim tingting bilong Jehova long pasin bilong bungim lotu giaman wantaim lotu i tru? (Kis. 32:​4-6, 10; 1 Ko. 10:​7, 11)

   2. Taim ol Kristen i makim ol amamas ol i laik kisim, olsem singsing na danis, ol i mas lukaut long wanem samting? (Kis. 32:​18, 19; Ef. 5:​15, 16; 1 Jo. 2:​15-​17)

   3. Olsem wanem lain Livai i stap gutpela piksa long holimpas stretpela pasin? (Kis. 32:​25-​28; Sng. 18:25)

Stori 37

1. Wanem nem bilong dispela haus yu lukim long piksa? Dispela haus i bilong mekim wanem?

2. Bilong wanem Jehova i tokim Moses long wokim haus sel na bai ol inap sanapim o brukim kwiktaim?

3. Dispela bokis i stap long liklik rum long arere bilong haus sel em i wanem samting? Wanem ol samting i stap insait long en?

4. Jehova i makim husat long kamap hetpris? Wanem wok bilong hetpris?

5. Kolim dispela tripela samting i stap long bikpela rum bilong haus sel.

6. Wanem tupela samting i stap insait long banis bilong haus lotu sel? Ol i save yusim ol dispela samting bilong mekim wanem?

Sampela askim moa:

1. Ritim Kisim Bek 25:​8-​40; 26:​1-​37; 27:​1-8; na 28:1.

   Tupela ensel antap long “Bokis Kontrak” i makim wanem samting? (Kis. 25:​20, 22; Nam. 7:​89; 2 Kin. 19:15)

2. Ritim Kisim Bek 30:​1-​10, 17-​21; 34:​1, 2; na Hibru 9:​1-5.

   1. Bilong wanem Jehova i tokim ol pris i mekim wok long haus lotu sel long ol i mas i stap klin long skin? Dispela i mas mekim wanem long yumi long nau? (Kis. 30:​18-​21; 40:​30, 31; Hi. 10:22)

   2. Long taim aposel Pol i raitim pas long ol Kristen Hibru, olsem wanem em i kamapim olsem haus lotu sel na kontrak bilong Lo i no gat strong moa? (Hi. 9:​1, 9; 10:1)

Stori 38

1. Ol grep yu lukim long piksa ol i wanem kain? Ol i kisim we?

2. Bilong wanem Moses i salim 12-pela man i go bilong lukstil long graun Kenan?

3. Taim ol man bilong lukstil i kam bek, 10-pela bilong ol i tok wanem long Moses?

4. Olsem wanem tupela man bilong lukstil i kamapim olsem ol i bilip long Jehova? Wanem nem bilong tupela?

5. Bilong wanem Jehova i kros? Em i tok wanem long Moses?

Sampela askim moa:

1. Ritim Namba 13:​1-​33.

   1. Moses i makim husat ol man bilong i go lukstil? Rot i op long ol inap kisim wanem gutpela samting? (Nam. 13:​2, 3, 18-​20)

   2. Bilong wanem tingting bilong Josua na Kalep i narapela long tingting bilong ol arapela man bilong lukstil? Dispela i skulim yumi long wanem samting? (Nam. 13:​28-​30; Mt. 17:20; 2 Ko. 5:7)

2. Ritim Namba 14:​1-​38.

   1. Yumi mas bihainim wanem tok lukaut long pasin bilong toktok planti long ol mausman bilong Jehova long graun? (Nam. 14:​2, 3, 27; Mt. 25:​40, 45; 1 Ko. 10:10)

   2. Olsem wanem Namba 14:24 i soim olsem Jehova i save tingim olgeta wan wan wokboi bilong em? (1 Kin. 19:18; Snd. 15:3)

Stori 39

1. Husat ol i bikhet long wok bos bilong Moses na Aron? Ol i tok wanem long Moses?

2. Moses i givim wanem tok long Kora na 250 man i bihainim em?

3. Moses i tok wanem long ol manmeri? Wanem samting i kamap taim Moses i pinisim tok?

4. Wanem samting i kamap long Kora na 250 man i bihainim em?

5. Eleasar, pikinini man bilong Aron, i mekim wanem long ol samting bilong kukim sanda em ol man i dai pinis i bin holim? Bilong wanem em i mekim olsem?

6. Bilong wanem Jehova i mekim na stik bilong Aron i putim plaua? (Lukim piksa.)

Sampela askim moa:

1. Ritim Namba 16:​1-​49.

   1. Kora na ol man i bihainim em ol i mekim wanem? Bilong wanem dispela i olsem ol i mekim pasin bikhet long Jehova? (Nam. 16:​9, 10, 18; Wkp. 10:​1, 2; Snd. 11:2)

   2. Kora na 250 “lida bilong Israel” ol i kisim wanem tingting kranki? (Nam. 16:​1-3; Snd. 15:33; Ais. 49:7)

2. Ritim Namba 17:​1-​11 na 26:10.

   1. Stik bilong Aron i putim plaua na dispela i makim wanem samting? Bilong wanem Jehova i tok ol i mas putim dispela stik insait long Bokis Kontrak? (Nam. 17:​5, 8, 10; Hi. 9:4)

   2. Samting i kamap long stik bilong Aron inap skulim yumi long wanem bikpela samting? (Nam. 17:10; Ap. 20:28; Fl. 2:​14; Hi. 13:17)

Stori 40

1. Olsem wanem Jehova i lukautim ol Israel taim ol i stap long ples drai nating?

2. Ol Israel i toktok planti long wanem samting taim ol i wokim kem long Kades?

3. Olsem wanem Jehova i givim wara long ol man na ol animal bilong ol?

4. Long piksa, dispela man i makim han long em yet em i husat? Bilong wanem em i mekim olsem?

5. Bilong wanem Jehova i kros long Moses na Aron? Ol i kisim wanem strafe?

6. Long maunten Hor wanem samting i kamap? Husat i kamap hetpris bilong lain Israel?

Sampela askim moa:

1. Ritim Namba 20:​1-​13, 22-​29 na Lo 29:5.

   1. Pasin Jehova i mekim bilong lukautim ol Israel long ples drai nating i skulim yumi long wanem samting? (Lo 29:5; Mt. 6:​31; Hi. 13:5; Jem. 1:​17)

   2. Jehova i ting olsem wanem long Moses na Aron em ol i no givim biknem long em long ai bilong ol Israel? (Nam. 20:12; 1 Ko. 10:12; KTH 4:​11)

   3. Pasin Moses i mekim taim Jehova i stretim em, dispela inap skulim yumi long wanem samting? (Nam. 12:3; 20:​12, 27, 28; Lo 32:4; Hi. 12:​7-​11)

Stori 41

1. Long piksa, wanem samting i raunim diwai? Bilong wanem Jehova i tokim Moses long putim dispela samting long diwai?

2. Olsem wanem ol manmeri i no tenkyu long ol samting God i bin mekim bilong helpim ol?

3. Ol manmeri i askim Moses long mekim wanem taim Jehova i salim ol snek nogut bilong givim strafe long ol?

4. Bilong wanem Jehova i tokim Moses long wokim wanpela snek bras?

5. Dispela stori inap skulim yumi long wanem samting?

Sampela askim moa:

1. Ritim Namba 21:​4-9.

   1. Pasin bilong ol Israel long toktok planti long ol samting Jehova i bin givim long ol, dispela i givim wanem tok lukaut long yumi? (Nam. 21:​5, 6; Ro. 2:4)

   2. Sampela handet yia bihain, ol Israel i mekim wanem long dispela snek bras? King Hesekia i mekim wanem long dispela? (Nam. 21:9; 2 Kin. 18:​1-4)

2. Ritim Jon 3:​14, 15.

   Olsem wanem dispela snek bras long diwai i makim Jisas Krais taim ol i nilim em long diwai? (Ga. 3:​13; 1 Pi. 2:​24)

Stori 42

1. Balak em i husat? Bilong wanem em i salim tok long Balam?

2. Bilong wanem donki bilong Balam i slip long rot?

3. Balam i harim donki i tok wanem?

4. Ensel i tok wanem long Balam?

5. Wanem samting i kamap taim Balam i laik kolim tok nogut long ol Israel?

Sampela askim moa:

1. Ritim Namba 21:​21-​35.

   Bilong wanem ol Israel i daunim King Sihon bilong lain Amor na King Ok bilong Basan? (Nam. 21:​21, 23, 33, 34)

2. Ritim Namba 22:​1-​40.

   Wanem astingting i kirapim Balam na em i laik kolim tok nogut long ol Israel? Dispela stori inap skulim yumi long wanem ol samting? (Nam. 22:​16, 17; Snd. 6:​16, 18; 2 Pi. 2:​15; Ju. 11)

3. Ritim Namba 23:​1-​30.

   Tru Balam i mekim tok olsem man i lotuim Jehova, tasol olsem wanem pasin bilong em i soim olsem em i no lotuim Jehova? (Nam. 23:​3, 11-​14; 1 Sml. 15:22)

4. Ritim Namba 24:​1-​25.

   Olsem wanem dispela stori bilong Baibel i strongim bilip bilong yumi olsem Jehova bai kamapim ol samting em i tingting pinis long mekim? (Nam. 24:10; Ais. 54:17)

Stori 43

1. Long piksa, husat dispela tupela man i sanap wantaim Moses?

2. Jehova i tok wanem long Josua?

3. Bilong wanem Moses i go antap long maunten Nebo? Jehova i tok wanem long em?

4. Moses i gat hamas krismas taim em i dai?

5. Bilong wanem ol manmeri i bel hevi? Tasol wanem samting i mekim ol i amamas?

Sampela askim moa:

1. Ritim Namba 27:​12-​23.

   Jehova i givim wanem bikpela wok long Josua? Long nau Jehova i lukautim lain bilong em long wanem rot? (Nam. 27:​15-​19; Ap. 20:28; Hi. 13:7)

2. Ritim Lo 3:​23-​29.

   Bilong wanem Jehova i no larim Moses na Aron i go insait long Graun Bilong Promis? Dispela inap skulim yumi long wanem samting? (Lo 3:​25-​27; Nam. 20:​12, 13)

3. Ritim Lo 31:​1-8, 14-​23.

   Olsem wanem laspela tok Moses i mekim long ol Israel i soim olsem long pasin daun em i kisim tok bilong Jehova long stretim em? (Lo 31:​6-8, 23)

4. Ritim Lo 32:​45-​52.

   Tok Bilong God i mas mekim wanem long i stap bilong yumi? (Lo 32:47; Wkp. 18:5; Hi. 4:​12)

5. Ritim Lo 34:​1-​12.

   Maski Moses i no bin lukim Jehova long ai tru bilong em, Lo 34:10 i stori olsem wanem long pasin bilong em long pas gut wantaim Jehova? (Kis. 33:​11, 20; Nam. 12:8)

Stori 44

1. Rahap i save sindaun we?

2. Dispela tupela man long piksa ol i husat? Bilong wanem ol i stap long Jeriko?

3. King bilong Jeriko i tok Rahap i mas mekim wanem? Rahap i bekim wanem tok?

4. Olsem wanem Rahap i helpim dispela tupela man? Em i askim tupela long mekim wanem bilong helpim em?

5. Tupela man bilong lukstil i givim wanem tok promis long Rahap?

Sampela askim moa:

1. Ritim Josua 2:​1-​24.

   Olsem wanem tok promis bilong Jehova long Kisim Bek 23:27 i kamap tru taim ol Israel i kam bilong pait long Jeriko? (Jos. 2:​9-​11)

2. Ritim Hibru 11:31.

   Olsem wanem pasin bilong Rahap i kamapim klia olsem bilip em i bikpela samting? (Ro. 1:​17; Hi. 10:39; Jem. 2:​25)

Stori 45

1. Jehova i wokim wanem mirakel na bai ol Israel inap brukim wara Jordan?

2. Bilong ol Israel i ken brukim wara Jordan, ol i mas mekim wanem bilong kamapim bilip bilong ol?

3. Bilong wanem Jehova i tokim Josua long kisim 12-pela bikpela ston long as bilong wara?

4. Wanem samting i kamap taim ol pris i lusim wara Jordan?

Sampela askim moa:

1. Ritim Josua 3:​1-​17.

   1. Olsem dispela stori i kamapim, yumi mas mekim wanem na bai Jehova i ken helpim yumi na mekim gut long yumi? (Jos. 3:​13, 15; Snd. 3:5; Jem. 2:​22, 26)

   2. Wara Jordan i stap olsem wanem long taim ol Israel i go insait long Graun Bilong Promis? Olsem wanem dispela i litimapim nem bilong Jehova? (Jos. 3:​15; 4:​18; Sng. 66:​5-7)

2. Ritim Josua 4:​1-​18.

   Wanem wok bilong dispela 12-pela ston ol i kisim long Jordan na hipim long Gilgal? (Jos. 4:​4-7, 19-24)

Stori 46

1. Jehova i tok, inap sikspela de ol ami na pris i mas mekim wanem?

2. Ol i mas mekim wanem long namba seven de?

3. Olsem yu lukim long piksa, wanem samting i kamap long banis bilong Jeriko?

4. Bilong wanem i gat retpela rop i hangamap long windo?

5. Josua i tokim ol ami long mekim wanem long ol manmeri na long taun? Tasol ol i mas mekim wanem long gol, silva, bras, na ain?

6. Josua i tokim tupela man bilong lukstil long mekim wanem?

Sampela askim moa:

1. Ritim Josua 6:​1-​25.

   1. Pasin ol Israel i mekim long wokabaut raunim taun Jeriko long namba 7 de, olsem wanem dispela i wankain long wok autim tok bilong ol Witnes Bilong Jehova nau long dispela taim bilong las de? (Jos. 6:​15, 16; Ais. 60:22; Mt. 24:14; 1 Ko. 9:​16)

   2. Inap olsem 500 yia bihain, olsem wanem tok profet long Josua 6:​26 i kamap tru? Dispela i skulim yumi long wanem samting long tok Jehova i mekim? (1 Kin. 16:34; Ais. 55:11)

Stori 47

1. Long piksa, husat dispela man i putim ol gutpela samting em i bin kisim long Jeriko i go insait long hul? Ol lain i helpim em ol i husat?

2. Bilong wanem pasin em Akan na famili bilong em i mekim i wanpela bikpela rong?

3. Jehova i tok wanem taim Josua i askim em bilong wanem ol Israel i lus long pait long taun Ai?

4. Taim ol i bringim pinis Akan na famili bilong em i kam long Josua, wanem samting i kamap long ol?

5. Strafe i painim Akan i skulim yumi long wanem bikpela samting?

Sampela askim moa:

1. Ritim Josua 7:​1-​26.

   1. Beten bilong Josua i kamapim wanem samting long pasin bilong em long pas gut wantaim Man Bilong Wokim em? (Jos. 7:​7-9; Sng. 119:145; 1 Jo. 5:​14)

   2. Pasin bilong Akan i kamapim klia wanem samting? Olsem wanem dispela i olsem tok lukaut long yumi? (Jos. 7:​11, 14, 15; Snd. 15:3; 1 Ti. 5:​24; Hi. 4:​13)

2. Ritim Josua 8:​1-​29.

   Long nau, yumi wan wan i gat wanem wok yumi mas mekim long kongrigesen Kristen? (Jos. 7:​13; Wkp. 5:1; Snd. 28:13)

Stori 48

1. Olsem wanem ol manmeri bilong Gibeon i narapela kain long ol lain Kenan i stap long ol taun klostu?

2. Olsem piksa i soim, ol Gibeon i mekim wanem? Bilong wanem ol i mekim olsem?

3. Josua na ol hetman bilong Israel i mekim wanem tok promis long ol Gibeon? Tasol 3-pela de bihain ol i kisim save long wanem samting?

4. Wanem samting i kamap taim ol king bilong ol arapela taun i harim olsem ol Gibeon i kamap wanbel wantaim ol Israel?

Sampela askim moa:

1. Ritim Josua 9:​1-​27.

   1. Jehova i bin tokim ol Israel long “pinisim tru olgeta manmeri” i stap long graun Kenan, tasol em i larim ol Gibeon i stap na dispela i kamapim klia wanem ol pasin bilong em? (Jos. 9:​22, 24; Mt. 9:​13; Ap. 10:​34, 35; 2 Pi. 3:9)

   2. Pasin bilong Josua long bihainim tok promis em i bin mekim long ol Gibeon, olsem wanem dispela i stap olsem gutpela piksa ol Kristen long nau i ken bihainim? (Jos. 9:​18, 19; Mt. 5:​37; Ef. 4:​25)

2. Ritim Josua 10:​1-5.

   Olsem wanem ol manmeri bilong bikpela lain long nau ol i bihainim pasin bilong ol Gibeon? Dispela i mekim na wanem samting inap painim ol? (Jos. 10:4; Sek. 8:​23; Mt. 25:​35-​40; KTH 12:17)

Stori 49

1. Long piksa, Josua i tok wanem? Bilong wanem em i tok olsem?

2. Olsem wanem Jehova i helpim Josua na ami bilong em?

3. Josua i daunim hamas king bilong ol birua? Em i mekim dispela insait long hamas yia?

4. Bilong wanem Josua i tilim graun Kenan?

5. Josua i gat hamas krismas taim em i dai? Bihain wanem samting i kamap long ol manmeri?

Sampela askim moa:

1. Ritim Josua 10:​6-​15.

   Yumi save, Jehova i bin helpim ol Israel na i mekim san na mun i sanap i stap, olsem na yumi bilip tru long wanem samting long nau? (Jos. 10:​8, 10, 12, 13; Sng. 18:3; Snd. 18:10)

2. Ritim Josua 12:​7-​24.

   Husat tru i as na ol Israel i daunim 31 king long Kenan? Bilong wanem dispela i bikpela samting long yumi long nau? (Jos. 12:7; 24:​11-​13; Lo 31:8; Lu. 21:​9, 25-​28)

3. Ritim Josua 14:​1-5.

   Olsem wanem ol i tilim graun namel long ol wan wan lain bilong Israel? Dispela i givim wanem save long yumi long ol samting yumi bai kisim long Paradais? (Jos. 14:​1-3; Ais. 65:21; Ese. 47:​21-​23; 1 Ko. 14:33)

4. Ritim Hetman 2:​8-​13.

   Olsem Josua long Israel, husat long nau i stap olsem lain i pasim pasin bilong tromoi bilip? (Het. 2:​8, 10, 11; Mt. 24:​45-​47; 2 Te. 2:​3-6; Ta. 1:​7-9; KTH 1:1; 2:​1, 2)

Stori 50

1. Ol jas i mekim wanem wok? Wanem nem bilong sampela bilong ol?

2. Debora i holim wanem gutpela wok? Wanem samting i insait long dispela wok?

3. Taim King Jabin na kepten bilong ami bilong em, Sisera, i laik bagarapim ol Israel, Debora i givim wanem tok bilong Jehova long Jas Barak? Tasol Debora i tok husat bai kisim nem long winim pait?

4. Olsem wanem Jael i soim olsem em i strongpela meri?

5. Wanem samting i kamap taim King Jabin i dai pinis?

Sampela askim moa:

1. Ritim Hetman 2:​14-​22.

   Ol Israel i mekim wanem na Jehova i kros long ol? Dispela inap skulim yumi long wanem samting? (Het. 2:​20; Snd. 3:​1, 2; Ese. 18:​21-​23)

2. Ritim Hetman 4:​1-​24.

   Pasin bilong Debora na Jael inap skulim ol meri Kristen long nau long wanem samting long pasin bilong bilip na strongim bel? (Het. 4:​4, 8, 9, 14, 21, 22; Snd. 31:30; 1 Ko. 16:13)

3. Ritim Hetman 5:​1-​31.

   Singsing bilong winim pait em Barak na Debora i bin mekim, olsem wanem yumi inap mekim wok long en olsem beten long pait bilong Armagedon em klostu nau i laik kamap? (Het. 5:​3, 31; 1 Sto. 16:​8-​10; KTH 7:​9, 10; 16:16; 19:​19-​21)

Stori 51

1. Wanem samting i kamap na Naomi i go sindaun long kantri Moap?

2. Rut na Orpa ol i husat?

3. Rut na Orpa i bekim wanem wanem tok taim Naomi i tokim ol long go bek long lain bilong tupela?

4. Boas em i husat? Em i mekim wanem bilong helpim Rut na Naomi?

5. Wanem nem bilong pikinini bilong Boas na Rut? Bilong wanem yumi mas tingim em?

Sampela askim moa:

1. Ritim Rut 1:​1-​17.

   1. Rut i mekim wanem naispela tok i makim olsem em i laikim tru Naomi? (Rut 1:​16, 17)

   2. Olsem wanem tingting bilong Rut i makim gut tingting “ol arapela sipsip” i holim long ol Kristen God i bin makim em ol i stap long graun long nau? (Jo. 10:16; Sek. 8:​23)

2. Ritim Rut 2:​1-​23.

   Olsem wanem Rut i makim gutpela pasin tru ol yangpela meri long nau i ken bihainim? (Rut 2:​17, 18; Snd. 23:22; 31:15)

3. Ritim Rut 3:​5-​13.

   1. Boas i gat wanem tingting long pasin bilong Rut olsem Rut i orait long maritim em na i no maritim wanpela yangpela man?

   2. Pasin bilong Rut i givim wanem save long yumi long pasin bilong laikim tru narapela? (Rut 3:​10; 1 Ko. 13:​4, 5)

4. Ritim Rut 4:​7-​17.

   Olsem wanem ol man Kristen long nau i ken bihainim pasin bilong Boas? (Rut 4:​9, 10; 1 Ti. 3:​1, 12, 13; 5:8)

Stori 52

1. Wanem bikpela hevi i painim ol Israel? Bilong wanem dispela hevi i painim ol?

2. Bilong wanem Jehova i tokim Gideon olsem em i gat planti man tumas long ami bilong em?

3. Taim Gideon i tokim ol man i pret long go bek long ples, hamas man tasol i stap?

4. Lukim piksa na stori long olsem wanem Jehova i daunim namba bilong ami bilong Gideon i go inap 300 man tasol.

5. Olsem wanem Gideon i redim dispela 300 man bilong i go mekim pait? Olsem wanem ol Israel i winim pait?

Sampela askim moa:

1. Ritim Hetman 6:​36-​40.

   1. Gideon i mekim wanem bilong save tru long laik bilong Jehova?

   2. Long nau, olsem wanem yumi kisim save long laik bilong Jehova? (Snd. 2:​3-6; Mt. 7:​7-​11; 2 Ti. 3:​16, 17)

2. Ritim Hetman 7:​1-​25.

   1. Yumi inap lainim wanem samting long pasin bilong ol 300 man em ol i bin was i stap na ol man em ol i no bin was i stap? (Het. 7:​3, 6; Ro. 13:​11, 12; Ef. 5:​15-​17)

   2. Ol 300 man i bin lukluk i go long Gideon bilong save long ol samting ol i mas mekim, na olsem wanem yumi ken lain long ol samting yumi mas mekim taim yumi lukluk i go long Man i Winim Gideon, em Jisas Krais? (Het. 7:​17; Mt. 11:​29, 30; 28:​19, 20; 1 Pi. 2:​21)

   3. Olsem wanem dispela hap tok long Hetman 7:21 (NW ), “olgeta wan wan i wok long sanap i stap long ples bilong ol yet,” i helpim yumi long i stap amamas long mekim wok insait long oganaisesen bilong Jehova long wanem wanem hap ol i tokim yumi long mekim? (1 Ko. 4:2; 12:​14-​18; Jem. 4:​10)

3. Ritim Hetman 8:​1-3.

   Taim yumi laik stretim kros namel long yumi yet na wanpela brata o sista, yumi inap lainim wanem samting long pasin Gideon i mekim bilong stretim kros wantaim lain Efraim? (Snd. 15:1; Mt. 5:​23, 24; Lu. 9:​48)

Stori 53

1. Jepta em i husat? Em i stap long wanem taim?

2. Jepta i mekim wanem tok promis long Jehova?

3. Bilong wanem Jepta i bel hevi tru taim em i winim pinis pait wantaim ol Amon na em i go bek long ples?

4. Pikinini meri bilong Jepta i tok wanem taim em i save long tok promis bilong papa bilong em?

5. Bilong wanem ol manmeri i laikim pikinini meri bilong Jepta?

Sampela askim moa:

1. Ritim Hetman 10:​6-​18.

   Pasin bilong ol Israel long i no stap gut long Jehova i givim wanem tok lukaut long yumi? (Het. 10:​6, 15, 16; Ro. 15:4; KTH 2:​10)

2. Ritim Hetman 11:​1-​11, 29-​40.

   1. Olsem wanem yumi save, tok bilong Jepta long givim pikinini meri bilong em olsem “wanpela ofa bilong paia i kukim olgeta” i no makim olsem tru tru em bai kukim pikinini long paia? (Het. 11:31; Wkp. 16:24; Lo 18:​10, 12)

   2. Olsem wanem Jepta i givim pikinini meri bilong em olsem ofa?

   3. Yumi inap lainim wanem samting long pasin bilong Jepta long bihainim tok promis em i mekim long Jehova? (Het. 11:​35, 39; Sav. 5:​4, 5; Mt. 16:24)

   4. Olsem wanem pikinini meri bilong Jepta i makim gutpela pasin ol yangpela Kristen i ken bihainim long mekim wok fultaim? (Het. 11:​36; Mt. 6:​33; Fl. 3:8)

Stori 54

1. Wanem nem bilong dispela strongpela man i winim olgeta narapela man? Husat i givim dispela strong long em?

2. Olsem yu lukim long piksa, wanpela taim Samson i mekim wanem long wanpela bikpela laion?

3. Long piksa, Samson i tokim Delaila long wanem tok hait? Olsem wanem dispela i opim rot long ol Filistia i holim em?

4. Long taim Samson i dai, em i mekim wanem na 3,000 Filistia i dai wantaim em?

Sampela askim moa:

1. Ritim Hetman 13:​1-​14.

   Olsem wanem Manoa na meri bilong em i makim gutpela pasin ol papamama i ken bihainim long mekim bikpela long ol pikinini? (Het. 13:8; Sng. 127:3; Ef. 6:4)

2. Ritim Hetman 14:​5-9 na 15:​9-​16.

   1. Stori bilong Samson i kilim laion, brukim ol nupela baklain i pasim em, na yusim bun bilong wasket bilong donki long kilim i dai 1,000 man, em i givim wanem save long yumi long wok bilong holi spirit bilong Jehova?

   2. Holi spirit i helpim yumi olsem wanem long nau? (Het. 14:6; 15:14; Sek. 4:6; Ap. 4:​31)

3. Ritim Hetman 16:​18-31.

   Ol poroman nogut i mekim wanem long Samson? Dispela inap skulim yumi long wanem samting? (Het. 16:​18, 19; 1 Ko. 15:33)

Stori 55

1. Wanem nem bilong dispela liklik mangi long piksa? Ol dispela narapela lain long piksa ol i husat?

2. Taim Hana i go long haus lotu sel bilong Jehova, em i beten long wanem samting? Jehova i harim beten bilong em na i mekim wanem?

3. Samuel i gat hamas krismas taim ol i kisim em i go bilong mekim wok long haus sel bilong Jehova? Long olgeta yia mama bilong em i save wokim wanem samting bilong em?

4. Wanem nem bilong ol pikinini man bilong Eli? Ol i wanem kain man?

5. Olsem wanem Jehova i singaut long Samuel? Jehova i givim wanem tok long Samuel?

6. Taim Samuel i kamap bikpela, em i mekim wanem kain wok? Wanem samting i kamap taim em i go lapun?

Sampela askim moa:

1. Ritim 1 Samuel 1:​1-​28.

   1. Olsem wanem Elkana i stap gutpela piksa long pasin bilong i go pas long mekim ol samting bilong lotu i tru em ol het bilong famili i ken bihainim? (1 Sml. 1:​3, 21; Mt. 6:​33; Fl. 1:​10)

   2. Yumi inap lainim wanem samting long pasin Hana i mekim bilong daunim hevi bilong em? (1 Sml. 1:​10, 11; Sng. 55:22; Ro. 12:12)

2. Ritim 1 Samuel 2:​11-​36.

   Olsem wanem Eli i givim biknem long ol pikinini bilong em winim biknem em i givim long Jehova? Olsem wanem dispela inap i stap olsem tok lukaut long yumi? (1 Sml. 2:​22-​24, 27, 29; Lo 21:​18-​21; Mt. 10:​36, 37)

3. Ritim 1 Samuel 4:​16-​18.

   Wanem tok i kamapim 4-pela hevi i kam long ples bilong pait? Dispela tok i mekim wanem long Eli?

4. Ritim 1 Samuel 8:​4-9.

   Ol Israel i mekim wanem na dispela i mekim Jehova i bel hevi tru? Olsem wanem yumi inap i stap gut long mekim wok bilong Kingdom long nau? (1 Sml. 8:​5, 7; Jo. 17:16; Jem. 4:4)

Stori 56

1. Long piksa, Samuel i mekim wanem samting? Bilong wanem em i mekim olsem?

2. Bilong wanem Jehova i laikim Sol? Sol em i wanem kain man?

3. Wanem nem bilong pikinini man bilong Sol? Dispela pikinini i mekim wanem?

4. Bilong wanem Sol i mekim ofa na em i no wet long Samuel i mekim?

5. Stori bilong Sol inap skulim yumi long wanem samting?

Sampela askim moa:

1. Ritim 1 Samuel 9:​15-​21 na 10:​17-​27.

   Olsem wanem pasin daun bilong Sol i helpim em na em i no hariap long mekim wanpela samting nogut taim sampela man i daunim nem bilong em? (1 Sml. 9:​21; 10:​21, 22, 27; Snd. 17:27)

2. Ritim 1 Samuel 13:​5-​14.

   Sol i mekim wanem rong long Gilgal? (1 Sml. 10:8; 13:​8, 9, 13)

3. Ritim 1 Samuel 15:​1-​35.

   1. Long samting i painim Agak, king bilong Amalek, Sol i mekim wanem bikpela rong? (1 Sml. 15:​2, 3, 8, 9, 22)

   2. Olsem wanem Sol i laik kamapim olsem em i no gat rong na em i sutim asua i go long ol narapela? (1 Sml. 15:24)

   3. Yumi mas bihainim wanem tok lukaut long nau taim yumi kisim tok kaunsel? (1 Sml. 15:​19-​21; Sng. 141:5; Snd. 9:​8, 9; 11:2)

Stori 57

1. Wanem nem bilong dispela mangi long piksa? Olsem wanem yumi save em i wanpela mangi i no pret?

2. Devit i sindaun we? Wanem nem bilong papa na bubu man bilong em?

3. Bilong wanem Jehova i tokim Samuel long i go long haus bilong Jesi long Betlehem?

4. Wanem samting i kamap taim Jesi i bringim 7-pela pikinini man bilong em i kam long Samuel?

5. Taim ol i bringim Devit i kam, Jehova i tok wanem long Samuel?

Sampela askim moa:

1. Ritim 1 Samuel 17:​34, 35.

   Olsem wanem ol dispela stori i kamapim klia olsem Devit i no pret, na em i save bilip long Jehova i helpim em? (1 Sml. 17:37)

2. Ritim 1 Samuel 16:​1-​14.

   1. Olsem wanem tok bilong Jehova long 1 Samuel 16:7 i helpim yumi long kisim pasin bilong tingim olgeta kain man na no ken tingting nogut long ol man bilong narapela lain? (Ap. 10:​34, 35; 1 Ti. 2:4)

   2. Olsem wanem samting i painim Sol i soim olsem taim Jehova i rausim holi spirit bilong em long wanpela man, spirit nogut o laik nogut bilong mekim rong inap bosim dispela man? (1 Sml. 16:14; Mt. 12:​43-​45; Ga. 5:​16)

Stori 58

1. Goliat i tromoi wanem tok long lain ami bilong Israel?

2. Goliat i longpela inap hamas mita? King Sol i tok promis long givim wanem prais long man i kilim i dai Goliat?

3. Taim Sol i tok Devit i no inap pait long Goliat, long wanem, em i mangi nating, Devit i tok wanem?

4. Taim em i bekim tok long Goliat, olsem wanem Devit i soim olsem em i bilip long Jehova?

5. Olsem yu inap lukim long piksa, Devit i yusim wanem samting long kilim i dai Goliat? Bihain long dispela, wanem samting i kamap long ol Filistia?

Sampela askim moa:

1. Ritim 1 Samuel 17:​1-​54.

   1. Wanem samting i mekim na Devit i no pret? Devit i gat strongpela bel na olsem wanem yumi inap bihainim pasin bilong em? (1 Sml. 17:​37, 45; Ef. 6:​10, 11)

   2. Taim ol Kristen i insait long ol pilai o ol samting bilong kisim amamas, bilong wanem ol i mas abrusim pasin bilong resis, olsem Goliat i bin mekim? (1 Sml. 17:8; Ga. 5:​26; 1 Ti. 4:8)

   3. Olsem wanem tok bilong Devit i makim olsem em i bilip long God bai helpim em? (1 Sml. 17:​45-​47; 2 Sto. 20:15)

   4. Dispela stori i soim olsem pait i kamap namel long 2-pela lain i birua, tasol olsem wanem tru tru stori i kamapim olsem em pait i bin kamap namel long ol giaman god na trupela God, Jehova? (1 Sml. 17:​43, 46, 47)

   5. Olsem wanem lain remnan em God i bin makim long holi spirit ol i bihainim pasin bilong Devit long bilip long Jehova? (1 Sml. 17:37; Jer. 1:​17-​19; KTH 12:​17)

Stori 59

1. Bilong wanem Sol i jeles long Devit? Olsem wanem pikinini man bilong Sol, em Jonatan, em i narapela kain?

2. Wanpela taim Devit i pilaim musik long Sol na wanem samting i kamap?

3. Sol i tok Devit i mas mekim wanem samting pastaim na em i ken maritim pikinini meri bilong Sol, em Mikal? Bilong wanem Sol i tok olsem?

4. Olsem piksa i makim, taim Devit i pilaim musik long Sol, em i namba tri taim long wanem samting i kamap?

5. Olsem wanem Mikal i helpim Devit long abrusim bagarap? Inap 7-pela yia Devit i mekim wanem?

Sampela askim moa:

1. Ritim 1 Samuel 18:​1-​30.

   1. Olsem wanem pasin bilong Jonatan long laikim tru Devit i olsem piksa bilong pasin laikim i stap namel long “ol arapela sipsip” na “liklik lain sipsip”? (1 Sml. 18:1; Jo. 10:16; Lu. 12:32; Sek. 8:​23)

   2. Jonatan em inap tru long kisim wok king bihain long Sol, tasol olsem wanem 1 Samuel 18:4 i soim olsem Jonatan i daun tru long man God i makim bilong kamap king?

   3. Olsem wanem samting i kamap long Sol i soim olsem pasin jeles inap kirapim man long mekim bikpela rong? Dispela i givim wanem tok lukaut long yumi? (1 Sml. 18:​7-9, 25; Jem. 3:​14-​16)

2. Ritim 1 Samuel 19:​1-​17.

   Taim Jonatan i go bungim Sol, olsem wanem dispela inap bagarapim laip bilong em yet? (1 Sml. 19:​1, 4-6; Snd. 16:14)

Stori 60

1. Long piksa, wanem nem bilong dispela meri i kam long bungim Devit? Em i gat wanem kain pasin?

2. Nabal em i husat?

3. Bilong wanem Devit i salim sampela lain bilong em i go tokim Nabal long helpim em?

4. Nabal i tok wanem long lain bilong Devit? Devit i mekim wanem taim em i harim dispela tok?

5. Olsem wanem Abigel i soim olsem em i gat savetingting?

Sampela askim moa:

1. Ritim 1 Samuel 22:​1-4.

   Olsem wanem famili bilong Devit i makim gutpela pasin yumi ken bihainim long narapela i strongim narapela insait long lain brata Kristen? (Snd. 17:17; 1 Te. 5:​14)

2. Ritim 1 Samuel 25:​1-​43.

   1. Bilong wanem Baibel i mekim tok i daunim tru Nabal? (1 Sml. 25:​2-5, 10, 14, 21, 25)

   2. Ol meri Kristen long nau i ken lainim wanem samting long pasin bilong Abigel? (1 Sml. 25:​32, 33; Snd. 31:26; Ef. 5:24)

   3. Abigel i pasim Devit long mekim wanem 2-pela samting nogut? (1 Sml. 25:​31, 33; Ro. 12:​19; Ef. 4:26)

   4. Pasin Devit i mekim taim em i harim tok bilong Abigel, olsem wanem dispela inap helpim ol man long nau long tingim ol meri olsem Jehova i tingim ol? (Ap. 21:​8, 9; Ro. 2:​11; 1 Pi. 3:7)

Stori 61

1. Devit na Abisai i mekim wanem taim Sol i slip i stap long kem bilong em?

2. Devit i givim wanem ol askim long Sol?

3. Taim Devit i lusim Sol, em i go we?

4. Wanem samting i mekim Devit i bel hevi tru na em i raitim wanpela naispela singsing?

5. Devit i gat hamas krismas taim ol i mekim em i kamap king long Hebron? Wanem nem bilong sampela pikinini man bilong em?

6. Bihain Devit i stap we na mekim wok king?

Sampela askim moa:

1. Ritim 1 Samuel 26:​1-​25.

   1. Tok bilong Devit long 1 Samuel 26:11 i kamapim wanem tingting bilong em long pasin tiokratik? (Sng. 37:7; Ro. 13:2)

   2. Taim yumi wok strong long kamapim gutpela-pasin-sori tasol narapela i no pilim pasin yumi mekim, olsem wanem tok bilong Devit long 1 Samuel 26:23 inap helpim yumi long holimpas stretpela tingting? (1 Kin. 8:​32; Sng. 18:20)

2. Ritim 2 Samuel 1:​26.

   Olsem wanem ol Kristen long nau inap kisim “pasin bilong laikim tru ol arapela” olsem pasin i bin stap namel long Devit na Jonatan? (1 Pi. 4:8; Kl. 3:​14; 1 Jo. 4:​12)

3. Ritim 2 Samuel 5:​1-​10.

   1. Devit i bin mekim wok king inap hamas yia? Em i mekim wok king long wanem narapela narapela ples na inap hamas yia? (2 Sml. 5:​4, 5)

   2. Wanem samting i mekim na Devit i gat biknem? Dispela i kirapim yumi long tingim wanem samting long nau? (2 Sml. 5:​10; 1 Sml. 16:13; 1 Ko. 1:​31; Fl. 4:​13)

Stori 62

1. Jehova i helpim ol Israel na wanem samting i kamap long graun Kenan?

2. Long wanpela apinun, Devit i stap antap long rup bilong haus king na wanem samting i kamap?

3. Bilong wanem Jehova i kros nogut tru long Devit?

4. Long piksa, Jehova i salim husat i go bilong tokim Devit long ol sin bilong em? Dispela man i tok wanem samting bai kamap long Devit?

5. Wanem ol hevi i painim Devit?

6. Bihain long Devit, husat i kamap king bilong Israel?

Sampela askim moa:

1. Ritim 2 Samuel 11:​1-​27.

   1. Taim yumi wok strong long mekim wok bilong Jehova, olsem wanem dispela inap lukautim yumi?

   2. Wanem samting i pulim Devit long mekim sin? Dispela i givim wanem tok lukaut long ol wokboi bilong Jehova long nau? (2 Sml. 11:2; Mt. 5:​27-29; 1 Ko. 10:12; Jem. 1:​14, 15)

2. Ritim 2 Samuel 12:​1-​18.

   1. Pasin bilong Natan long givim tok kaunsel long Devit inap skulim ol elda na ol papamama long wanem samting? (2 Sml. 12:​1-4; Snd. 12:18; Mt. 13:34)

   2. Bilong wanem Jehova i marimari long Devit? (2 Sml. 12:13; Sng. 32:5; 2 Ko. 7:​9, 10)

Stori 63

1. Jehova i askim Solomon long wanem samting? Solomon i bekim wanem tok?

2. Jehova i amamas long samting Solomon i askim em long en, olsem na em i tok promis long givim wanem samting long Solomon?

3. Tupela meri i kam long Solomon na kamapim wanem hevi i hatwok long stretim?

4. Olsem yu inap lukim long piksa, Solomon i mekim wanem bilong stretim dispela hevi?

5. Taim Solomon i mekim wok king, olsem wanem long i stap bilong ol manmeri? Bilong wanem i olsem?

Sampela askim moa:

1. Ritim 1 King 3:​3-​28.

   1. Ol man i holim wok insait long oganaisesen bilong God long nau ol inap lainim wanem samting long tok bilong Solomon long 1 King 3:7? (Sng. 119:105; Snd. 3:​5, 6)

   2. Samting em Solomon i askim Jehova long en, olsem wanem dispela i stap olsem gutpela piksa long ol samting i stret long yumi ken beten long en? (1 Kin. 3:​9, 11; Snd. 30:​8, 9; 1 Jo. 5:14)

   3. Pasin em Solomon i mekim bilong stretim kros bilong tupela meri i kirapim yumi long bilip tru long wanem samting long wok king bilong Man i Winim Solomon, em Jisas Krais? (1 Kin. 3:​28; Ais. 9:​6, 7; 11:​2-4)

2. Ritim 1 King 4:​29-​34.

   1. Solomon i askim Jehova long helpim em long kisim pasin bilong bihainim tok na Jehova i harim beten bilong Solomon na i mekim wanem? (1 Kin. 4:​29)

   2. Taim yumi skelim bikpela hatwok ol man i mekim bilong i go harim ol savetok bilong Solomon, yumi mas i gat wanem tingting long pasin bilong stadi long Tok Bilong God? (1 Kin. 4:​29, 34; Jo. 17:3; 2 Ti. 3:​16)

Stori 64

1. Solomon i wokim haus lotu bilong Jehova insait long hamas yia? Bilong wanem dispela haus lotu i gat bikpela pe tru?

2. Hamas rum i stap insait long haus lotu? Ol i putim wanem samting long rum i stap insait tru?

3. Solomon i tok wanem long beten bilong em taim ol i wokim pinis haus lotu?

4. Olsem wanem Jehova i soim olsem em i amamas long beten bilong Solomon?

5. Ol meri bilong Solomon i pulim em long mekim wanem samting? Wanem samting i kamap long Solomon?

6. Bilong wanem Jehova i kros long Solomon? Jehova i tok wanem long em?

Sampela askim moa:

1. Ritim 1 Stori 28:​9, 10.

   Tok bilong Devit long 1 Stori 28:​9, 10 i mas kirapim yumi long wok strong long mekim wanem long i stap bilong yumi? (Sng. 19:14; Fl. 4:​8, 9)

2. Ritim 2 Stori 6:​12-​21, 32-​42.

   1. Olsem wanem Solomon i kamapim olsem God Antap Tru i no inap stap insait long haus ol man i bin wokim? (2 Sto. 6:​18; Ap. 17:​24, 25)

   2. Tok bilong Solomon long 2 Stori 6:​32, 33 i kamapim wanem pasin bilong Jehova? (Ap. 10:​34, 35; Ga. 2:6)

3. Ritim 2 Stori 7:​1-5.

   Olsem ol Israel i bin givim biknem long Jehova taim ol i lukim glori bilong em, yumi long nau i mas mekim wanem taim yumi tingim ol blesing Jehova i givim long lain bilong em? (2 Sto. 7:3; Sng. 22:22; 34:1; 96:2)

4. Ritim 1 King 11:​9-​13.

   Olsem wanem ol samting Solomon i mekim long i stap bilong em i soim olsem em i bikpela samting long i stap gut long God i go inap long taim yumi dai? (1 Kin. 11:​4, 9; Mt. 10:22; KTH 2:​10)

Stori 65

1. Wanem nem bilong dispela tupela man long piksa? Ol i husat?

2. Ahiya i mekim wanem long klos bilong em? Dispela samting em i mekim i makim wanem samting?

3. Solomon i laik mekim wanem long Jeroboam?

4. Bilong wanem ol manmeri i mekim Jeroboam i kamap king bilong 10-pela lain?

5. Bilong wanem Jeroboam i wokim 2-pela bulmakau gol? I no longtaim na ol manmeri i mekim wanem pasin?

6. Wanem samting i painim 2-pela lain Israel na haus lotu bilong Jehova long Jerusalem?

Sampela askim moa:

1. Ritim 1 King 11:​26-​43.

   Jeroboam i wanem kain man? Jehova i tok promis long mekim wanem long em sapos em i bihainim ol lo bilong God? (1 Kin. 11:​28, 38)

2. Ritim 1 King 12:​1-​33.

   1. Pasin bilong Rehoboam long mekim wok nogut long namba em i holim, em inap skulim ol papamama na ol elda long wanem samting? (1 Kin. 12:13; 1 Pi. 5:2, 3)

   2. Ol yangpela long nau i mas lukluk long husat long stiaim ol taim ol i skelim ol bikpela samting long laip bilong ol? (1 Kin. 12:​6, 7; Snd. 1:​8, 9; 2 Ti. 3:​16, 17; Hi. 13:7)

   3. Wanem samting i kirapim Jeroboam long redim 2-pela ples bilong lotuim bulmakau? Olsem wanem dispela i soim olsem em i no bilip liklik long Jehova? (1 Kin. 11:​37; 12:​26-​28)

   4. Husat i go pas long pulim ol manmeri bilong 10-pela lain long sakim lotu i tru? (1 Kin. 12:​32, 33)

Stori 66

1. Jesebel em i husat?

2. Bilong wanem King Ahap i bel hevi tru?

3. Jesebel i mekim wanem bilong kisim gaden wain bilong Nabot na givim long man bilong em, Ahap?

4. Jehova i salim husat i go bilong givim strafe long Jesebel?

5. Olsem yu ken lukim long piksa, wanem samting i kamap taim Jehu i kamap long haus kwin bilong Jesebel?

Sampela askim moa:

1. Ritim 1 King 16:​29-​33 na 18:​3, 4.

   Wanem ol pasin nogut i kamap long Israel long taim bilong King Ahap? (1 Kin. 16:33)

2. Ritim 1 King 21:​1-​16.

   1. Olsem wanem Nabot i soim olsem em i no pret na em i stap gut long Jehova? (1 Kin. 21:​1-3; Wkp. 25:​23-​28)

   2. Samting i painim Ahap inap skulim yumi long wanem samting long pasin bilong daunim bel hevi? (1 Kin. 21:4; Ro. 5:​3-5)

3. Ritim 2 King 9:​30-​37.

   Yumi inap lainim wanem samting long pasin bilong Jehu long givim bel long mekim laik bilong Jehova? (2 Kin. 9:​4-​10; 2 Ko. 9:​1, 2; 2 Ti. 4:2)

Stori 67

1. Jehosafat em i husat? Em i bin stap long wanem taim?

2. Bilong wanem ol Israel i pret? Planti bilong ol i mekim wanem?

3. Jehova i givim wanem bekim long beten bilong Jehosafat?

4. Jehova i mekim na wanem samting i kamap taim ol Israel i go klostu long ples bilong pait?

5. Pasin bilong Jehosafat inap skulim yumi long wanem samting?

Sampela askim moa:

1. Ritim 2 Stori 20:​1-​30.

   1. Olsem wanem Jehosafat i soim pasin ol gutpela wokboi bilong God i mas mekim taim bikpela hevi i painim ol? (2 Sto. 20:12; Sng. 25:15; 62:1)

   2. Long olgeta taim Jehova i save yusim wanpela rot bilong toktok wantaim lain bilong em, olsem na long nau em i yusim wanem rot? (2 Sto. 20:​14, 15; Mt. 24:​45-47; Jo. 15:15)

   3. Taim God i kirapim “pait long dispela bikpela de bilong God I Gat Olgeta Strong,” olsem wanem ol samting i painim yumi bai i kain olsem ol samting i bin painim Jehosafat? (2 Sto. 20:​15, 17; 32:8; KTH 16:​14, 16)

   4. Ol painia na ol misineri i bihainim pasin bilong ol Livai na ol i mekim wanem bilong helpim wok bilong autim tok long olgeta hap? (2 Sto. 20:19, 21; Ro. 10:​13-​15; 2 Ti. 4:2)

Stori 68

1. Dispela tripela lain long piksa ol i husat? Wanem samting i kamap long liklik mangi?

2. Elaija i beten long helpim liklik mangi na em i tok wanem? Wanem samting i kamap?

3. Wanem nem bilong dispela man i stap olsem helpim bilong Elaija?

4. Bilong wanem ol i singautim Elisa i go long haus bilong wanpela meri long taun Sunem?

5. Elisa i mekim wanem? Wanem samting i kamap long dispela pikinini i dai pinis?

6. Jehova i gat strong bilong mekim wanem, olsem em i kamapim long rot bilong Elaija na Elisa?

Sampela askim moa:

1. Ritim 1 King 17:​8-​24.

   1. Wanem samting i kamap bilong traim bilip bilong Elaija na pasin bilong em long bihainim tok? (1 Kin. 17:9; 19:​1-4, 10)

   2. Wanem samting i soim olsem meri wanpis bilong Sarefat i gat strongpela bilip? (1 Kin. 17:​12-​16; Lu. 4:​25, 26)

   3. Olsem wanem samting i kamap long meri wanpis bilong Sarefat i kamapim klia olsem tok bilong Jisas long Matyu 10:​41, 42 em i tru olgeta? (1 Kin. 17:​10-​12, 17, 23, 24)

2. Ritim 2 King 4:​8-​37.

   1. Pasin bilong meri Sunem i givim wanem save long yumi long pasin bilong mekim gut long ol narapela? (2 Kin. 4:8; Lu. 6:​38; Ro. 12:13; 1 Jo. 3:​17)

   2. Long wanem ol rot yumi inap mekim gut long ol wokboi bilong God long nau? (Ap. 20:35; 28:1, 2; Ga. 6:​9, 10; Hi. 6:​10)

Stori 69

1. Long dispela piksa, liklik meri i tokim dispela meri long wanem samting?

2. Dispela meri long piksa em i husat? Liklik meri i mekim wanem long haus bilong dispela meri?

3. Elisa i tokim wokboi bilong em long givim wanem tok long Naman? Bilong wanem Naman i kros?

4. Wanem samting i kamap taim Naman i bihainim tok bilong ol wokboi bilong em?

5. Bilong wanem Elisa i no laik kisim presen Naman i laik givim long em? Gehasi i mekim wanem?

6. Wanem samting i kamap long Gehasi? Dispela inap skulim yumi long wanem samting?

Sampela askim moa:

1. Ritim 2 King 5:​1-​27.

   1. Olsem wanem pasin bilong liklik meri Israel inap strongim ol yangpela long nau? (2 Kin. 5:3; Sng. 8:2; 148:​12, 13)

   2. Bilong wanem i gutpela yumi tingim pasin bilong Naman taim yumi kisim tok kaunsel i kam long Baibel? (2 Kin. 5:​15; Hi. 12:​5, 6; Jem. 4:6)

   3. Yumi inap lainim wanem ol samting taim yumi skelim pasin bilong Elisa wantaim pasin bilong Gehasi? (2 Kin. 5:​9, 10, 14-​16, 20; Mt. 10:8; Ap. 5:​1-5; 2 Ko. 2:​17)

Stori 70

1. Jona em i husat? Jehova i tokim em long mekim wanem?

2. Jona i no laik i go long hap Jehova i tokim em long i go long en, olsem na em i mekim wanem?

3. Jona i tokim ol boskru bilong sip long mekim wanem na bai win i dai?

4. Olsem yu ken lukim long piksa, wanem samting i kamap taim Jona i go daun insait long wara?

5. Jona i stap insait long dispela bikpela pis inap hamas de? Taim em i stap insait long pis em i mekim wanem?

6. Jona i go we taim em i kam ausait? Dispela i skulim yumi long wanem samting?

Sampela askim moa:

1. Ritim Jona 1:​1-​17.

   Jona i gat wanem tingting long wok em i kisim bilong autim tok long ol Ninive? (Jna. 1:​2, 3; Snd. 3:7; Sav. 8:​12)

2. Ritim Jona 2:​1, 2, 10.

   Olsem wanem samting i painim Jona i strongim bilip bilong yumi olsem Jehova bai harim beten bilong yumi na mekim samting bilong helpim yumi? (Sng. 22:24; 34:6; 1 Jo. 5:​14)

3. Ritim Jona 3:​1-​10.

   1. Maski Jona i no bin mekim wok bilong em long pastaim, Jehova i mekim yet wok long em na dispela i strongim yumi olsem wanem? (Sng. 103:14; 1 Pi. 5:​10)

   2. Pasin Jona i mekim long ol Ninive i givim wanem save long yumi long pasin bilong skelim kwik ol man long teritori bilong yumi? (Jna. 3:​6-9; Sav. 11:6; Ap. 13:48)

Stori 71

1. Aisaia em i husat? Em i bin stap laip long wanem taim? Jehova i soim em long wanem samting?

2. Wanem mining bilong dispela tok “paradais”? Em i kirapim yu long tingim wanem samting?

3. Jehova i tokim Aisaia long raitim wanem ol tok long dispela nupela Paradais bai kamap?

4. Bilong wanem Adam na Iv i lusim gutpela ples bilong tupela?

5. Jehova i tok promis long givim wanem samting long ol man i laikim tru em?

Sampela askim moa:

1. Ritim Aisaia 11:​6-9.

   1. Baibel i stori olsem wanem long pasin wanbel bai stap namel long ol animal na ol man long nupela taim? (Sng. 148:​10, 13; Ais. 65:25; Ese. 34:25)

   2. Long ol samting bilong spirit, wanem samting i wok long kamap namel long lain bilong Jehova long nau na dispela i truim tok bilong Aisaia? (Ro. 12:2; Ef. 4:​23, 24)

   3. I stret husat i kisim biknem long senis i kamap long pasin bilong ol man long nau na long nupela taim? (Ais. 48:​17, 18; Ga. 5:​22, 23, Fl. 4:7)

2. Ritim Kamapim Tok Hait 21:​3, 4.

   1. Olsem wanem Baibel i soim olsem dispela hap tok olsem God bai stap wantaim ol man, em i no makim olsem tru tru God bai kam stap long graun? (Wkp. 26:​11, 12; 2 Sto. 6:​18; Ais. 66:1; KTH 21:​2, 3, 22-​24)

   2. Wanem kain aiwara na pen bai pinis olgeta? (Lu. 8:​49-​52; Ro. 8:​21, 22; KTH 21:4)

Stori 72

1. Dispela man long piksa em i husat? Bilong wanem bikpela hevi i laik painim em?

2. Ol dispela pas Hesekia i putim klostu long alta, ol i tok wanem? Hesekia i mekim wanem tok long beten bilong em?

3. Hesekia em i wanem kain king? Jehova i givim wanem tok long em long rot bilong profet Aisaia?

4. Ensel bilong Jehova i mekim wanem long ol Asiria, olsem piksa i kamapim?

5. Tupela lain bilong Israel i stap gut gen, tasol wanem samting i kamap taim Hesekia i dai pinis?

Sampela askim moa:

1. Ritim 2 King 18:​1-​36.

   1. Wanpela ofisa bilong Asiria i tok wanem bilong bagarapim bilip bilong ol Israel? (2 Kin. 18:​19, 21; Kis. 5:2; Sng. 64:3)

   2. Long taim ol man i birua, olsem wanem ol Witnes Bilong Jehova i save bihainim pasin bilong Hesekia? (2 Kin. 18:36; Sng. 39:1; Snd. 26:4; 2 Ti. 2:​24)

2. Ritim 2 King 19:​1-​37.

   1. Long taim bilong bikpela hevi, olsem wanem lain bilong Jehova long nau i save bihainim pasin bilong Hesekia? (2 Kin. 19:​1, 2; Snd. 3:​5, 6; Hi. 10:​24, 25; Jem. 5:​14, 15)

   2. King Senakerip i lus long wanem 3-pela samting? Long tok profet em i makim husat? (2 Kin. 19:​32, 35, 37; KTH 20:​2, 3)

3. Ritim 2 King 21:​1-6, 16.

   Bilong wanem yumi ken tok pasin nogut bilong Manase i winim tru pasin nogut bilong ol arapela king i bin bosim Jerusalem? (2 Sto. 33:4-6, 9)

Stori 73

1. Josaia i gat hamas krismas taim em i kamap king? Em i kirap long mekim wanem taim em i stap king inap 7-pela yia pinis?

2. Long namba wan piksa, yu lukim Josaia i mekim wanem?

3. Hetpris i painim wanem samting taim ol man i wok long stretim haus lotu?

4. Bilong wanem Josaia i brukim klos bilong em?

5. Profet meri Hulda i givim wanem tok bilong Jehova long Josaia?

Sampela askim moa:

1. Ritim 2 Stori 34:​1-​28.

   1. Josaia i mekim wanem na em i stap olsem gutpela piksa long ol lain i kisim planti hevi taim ol i liklik yet? (2 Sto. 33:​21-​25; 34:​1, 2; Sng. 27:10)

   2. Long namba 8 yia, namba 12 yia, na namba 18 yia bilong Josaia i stap king, em i mekim wanem ol bikpela samting bilong helpim lotu i tru i go bikpela? (2 Sto. 34:​3, 8)

   3. Pasin bilong King Josaia na Hetpris Hilkia inap skulim yumi long wanem ol samting long pasin bilong lukautim gut ol ples bilong mekim lotu? (2 Sto. 34:​9-​13; Snd. 11:14; 1 Ko. 10:31)

Stori 74

1. Dispela yangpela man long piksa em i husat?

2. Jeremaia i ting olsem wanem long em i kamap profet? Jehova i tok wanem long em?

3. Jeremaia i wok long tokim ol manmeri long wanem samting?

4. Ol pris i mekim wanem bilong pasim Jeremaia? Olsem wanem Jeremaia i soim olsem em i no pret?

5. Ol Israel i no senisim pasin bilong ol, olsem na wanem samting i kamap?

Sampela askim moa:

1. Ritim Jeremaia 1:​1-8.

   1. Olsem yumi lukim long Jeremaia, wanem samting i save inapim man long mekim wok bilong Jehova? (2 Ko. 3:​5, 6)

   2. Pasin bilong Jeremaia i strongim ol yangpela Kristen long nau long wanem samting? (Sav. 12:1; 1 Ti. 4:12)

2. Ritim Jeremaia 10:​1-5.

   Jeremaia i mekim wanem strongpela tok piksa bilong soim olsem i no gat as long bilip long ol imis? (Jer. 10:5; Ais. 46:7; Hab. 2:19)

3. Ritim Jeremaia 26:​1-​16.

   1. Taim lain remnan i autim tok lukaut long nau, olsem wanem ol i bihainim tok Jehova i givim long Jeremaia long ‘no ken lusim wanpela tok’? (Jer. 26:2; Lo 4:2; Ap. 20:27)

   2. Jeremaia i mekim wanem gutpela pasin em ol Witnes Bilong Jehova long nau i ken bihainim taim ol i autim tok lukaut bilong Jehova long ol lain man? (Jer. 26:​8, 12, 14, 15; 2 Ti. 4:​1-5)

4. Ritim 2 King 24:​1-​17.

   Wanem ol samting nogut i painim ol Juda, em ol i no stap gut long Jehova? (2 Kin. 24:​2-4, 14)

Stori 75

1. Ol dispela 4-pela mangi long piksa ol i husat? Bilong wanem ol i stap long Babilon?

2. Nebukatnesar i laik mekim wanem long ol dispela 4-pela mangi? Em i tokim ol wokman bilong em long mekim wanem?

3. Daniel i askim ol long givim wanem kain kaikai na dring long em na 3-pela pren bilong em?

4. Daniel na 3-pela pren bilong em ol i kaikai ol sayor samting inap 10-pela de, na skin bilong ol i olsem wanem taim ol i skelim ol wantaim ol arapela mangi?

5. Olsem wanem na Daniel na 3-pela pren bilong em ol i stap long haus king? Ol i winim ol pris na saveman long mekim wanem?

Sampela askim moa:

1. Ritim Daniel 1:​1-​21.

   1. Yumi mas wok strong long mekim wanem ol samting sapos yumi laik sakim ol traim na daunim ol pasin kranki? (Dan. 1:8; Stt. 39:​7, 10; Ga. 6:9)

   2. Wanem ol traim inap painim ol yangpela long nau long insait long ol samting ol man i ting em i switpela “kaikai na dring”? (Dan. 1:8; Snd. 20:1; 2 Ko. 6:17–7:1)

   3. Stori bilong Baibel long fopela yangpela Hibru i helpim yumi long ting olsem wanem long pasin bilong kisim bikpela skul? (Dan. 1:​20; Ais. 54:13; 1 Ko. 3:​18-​20)

Stori 76

1. Long piksa hia, wanem samting i kamap long taun Jerusalem na long ol Israel?

2. Esekiel em i husat? Jehova i soim em wanem ol samting nogut tru?

3. Ol Israel i no daun long Jehova, olsem na em i tok long mekim wanem?

4. King Nebukatnesar i mekim wanem taim ol Israel i bikhet long em?

5. Bilong wanem Jehova i larim dispela bikpela bagarap i painim ol Israel?

6. Olsem wanem na graun bilong Israel i stap nating? Em i stap olsem inap hamas yia?

Sampela askim moa:

1. Ritim 2 King 25:​1-​26.

   1. Sedekaia em i husat? Wanem samting i kamap long em? Olsem wanem dispela i truim tok profet bilong Baibel? (2 Kin. 25:​5-7; Ese. 12:​13-​15)

   2. Jehova i tok husat i gat asua long pasin ol Israel i mekim long givim baksait long em? (2 Kin. 25:​9, 11, 12, 18, 19; 2 Sto. 36:​14, 17)

2. Ritim Esekiel 8:​1-​18.

   Olsem wanem lain Kristendom i bihainim pasin bilong ol Israel em ol i bin tromoi lotu i tru na ol i lotuim san? (Ese. 8:​16; Ais. 5:​20, 21; Jo. 3:​19-​21; 2 Ti. 4:3)

Stori 77

1. Nebukatnesar, king bilong Babilon, em i givim wanem tok long ol manmeri?

2. Bilong wanem tripela pren bilong Daniel ol i no brukim skru long imis gol?

3. Taim Nebukatnesar i givim wanpela sans moa long dispela tripela Hibru i ken brukim skru, olsem wanem ol i soim olsem ol i bilip long Jehova?

4. Nebukatnesar i tok na lain bilong em i mekim wanem long Satrak, Mesak, na Abetnego?

5. Nebukatnesar i lukim wanem samting taim em i lukluk i go insait long paia?

6. Bilong wanem king i givim biknem long God bilong Satrak, Mesak, na Abetnego? Ol i makim wanem gutpela pasin em yumi ken bihainim?

Sampela askim moa:

1. Ritim Daniel 3:​1-​30.

   1. Olgeta wokboi bilong God i mas bihainim wanem pasin bilong tripela yangpela Hibru taim ol samting i traim pasin bilong ol long i stap gut long God? (Dan. 3:​17, 18; Mt. 10:28; Ro. 14:​7, 8)

   2. God Jehova i skulim Nebukatnesar long wanem bikpela samting? (Dan. 3:​28, 29; 4:​34, 35)

Stori 78

1. Wanem samting i kamap taim king bilong Babilon i wokim bikpela kaikai na yusim ol kap samting ol i bin kisim long haus lotu bilong Jehova long Jerusalem?

2. Belsasar i tok wanem long ol saveman bilong em? Tasol ol i no inap long mekim wanem?

3. Mama bilong king i tokim king long mekim wanem?

4. Olsem Daniel i tokim king, bilong wanem God i salim dispela han i kam raitim ol tok long banis?

5. Daniel i stori olsem wanem long mining bilong ol tok i stap long banis?

6. Wanem samting i kamap taim Daniel i wok long toktok yet i stap?

Sampela askim moa:

1. Ritim Daniel 5:​1-​31.

   1. Stori long olsem wanem pasin bilong pret long God i narapela kain long pret bilong Belsasar taim em i lukim rait long banis. (Dan. 5:​6, 7; Sng. 19:9; Ro. 8:​35-​39)

   2. Olsem wanem Daniel i kamapim olsem em i gat strongpela bel taim em i toktok long Belsasar na ol bikman bilong em? (Dan. 5:​17, 18, 22, 26-​28; Ap. 4:​29)

   3. Olsem wanem Daniel sapta 5 i kamapim klia olsem Jehova em i king bilong heven na graun? (Dan. 4:​17, 25; 5:​21)

Stori 79

1. Darius em i husat? Em i gat wanem tingting long Daniel?

2. Sampela man i jeles na ol i pulim Darius long mekim wanem?

3. Daniel i mekim wanem taim em i save long dispela nupela lo?

4. Bilong wanem Darius i bel hevi tru na em i no inap slip? Long moningtaim em i mekim wanem?

5. Daniel i bekim wanem tok long Darius?

6. Wanem samting i kamap long ol man nogut em ol i laik kilim i dai Daniel? Darius i salim wanem tok i go long olgeta manmeri long kantri bilong em?

Sampela askim moa:

1. Ritim Daniel 6:​1-​28.

   1. Dispela samting ol birua i mekim bilong rausim Daniel, olsem wanem em i kirapim yumi long tingim samting ol birua i bin mekim bilong pasim wok bilong ol Witnes Bilong Jehova long nau? (Dan. 6:7; Sng. 94:20; Ais. 10:1; Ro. 8:​31)

   2. Olsem wanem ol wokboi bilong God long nau i ken bihainim pasin bilong Daniel long i stap daun long “ol gavman”? (Dan. 6:​5, 10; Ro. 13:1; Ap. 5:​29)

   3. Olsem wanem yumi ken bihainim pasin bilong Daniel long lotu long Jehova “oltaim”? (Dan. 6:​16, 20; Fl. 3:​16; KTH 7:​15)

Stori 80

1. Olsem piksa i kamapim, ol Israel i mekim wanem?

2. Olsem wanem Sairus i truim tok profet Jehova i bin mekim long maus bilong Aisaia?

3. Sairus i tok wanem long ol Israel em ol i no inap i go bek long Jerusalem?

4. Sairus i givim wanem samting long ol manmeri bilong kisim i go bek long Jerusalem?

5. Ol Israel i wokabaut inap hamas mun bilong i go kamap long Jerusalem?

6. Graun bilong Jerusalem i stap nating inap hamas yia?

Sampela askim moa:

1. Ritim Aisaia 44:28 na 45:​1-4.

   1. Olsem wanem Jehova i kamapim strong olsem tok profet bilong em long Sairus bai kamap tru? (Ais. 55:​10, 11; Ro. 4:​17)

   2. Tok profet em Aisaia i mekim long Sairus i kamapim wanem samting long strong bilong Jehova long tokaut long ol samting bai kamap bihain? (Ais. 42:9; 45:21; 46:​10, 11; 2 Pi. 1:​20)

2. Ritim Esra 1:​1-​11.

   Sapos yumi bihainim pasin bilong ol man em ol i no inap i go bek long Jerusalem, olsem wanem yumi long nau inap “helpim” ol lain i insait long fultaim sevis? (Esr. 1:​4, 6; Ro. 12:13; Kl. 4:​12)

Stori 81

1. Hamas manmeri i lusim Babilon na bihainim longpela rot i go bek long Jerusalem? Ol i lukim wanem samting taim ol i kamap long Jerusalem?

2. Ol Israel i kirap long wokim wanem samting taim ol i kamap pinis? Tasol ol birua bilong ol i mekim wanem?

3. Hagai na Sekaraia ol i husat? Ol i tok wanem long ol manmeri?

4. Bilong wanem Tatenai i salim pas i go long Babilon? Em i kisim wanem bekim long askim bilong em?

5. Esra i mekim wanem taim em i save olsem i gat wok long stretim haus lotu bilong God?

6. Long piksa Esra i beten long wanem samting? God i harim beten bilong Esra, na God i mekim wanem? Dispela i skulim yumi long wanem samting?

Sampela askim moa:

1. Ritim Esra 3:​1-​13.

   Sapos yumi stap long wanpela hap i no gat kongrigesen bilong lain bilong God, yumi mas wok yet long mekim wanem? (Esr. 3:​3, 6; Ap. 17:​16, 17; Hi. 13:15)

2. Ritim Esra 4:​1-7.

   Long pasin bilong bungim bilip Kristen wantaim ol bilip haiden, olsem wanem Serubabel i makim gutpela pasin em lain bilong Jehova i ken bihainim? (Kis. 34:12; 1 Ko. 15:33; 2 Ko. 6:​14-​17)

3. Ritim Esra 5:​1-5, 17 na 6:​1-​22.

   1. Bilong wanem ol birua i no inap long pasim wok bilong sanapim haus lotu? (Esr. 5:5; Ais. 54:17)

   2. Olsem wanem pasin ol hetman bilong Juda i mekim inap kirapim ol elda Kristen long askim Jehova long stiaim ol taim ol man i birua long ol? (Esr. 6:​14; Sng. 32:8; Ro. 8:​31; Jem. 1:5)

4. Ritim Esra 8:​21-​23, 28-​36.

   Paslain long yumi kirap mekim wanpela samting, i gutpela long yumi bihainim wanem pasin bilong Esra? (Esr. 8:​23; Sng. 127:1; Snd. 10:22; Jem. 4:​13-​15)

Stori 82

1. Mordekai na Esta ol i husat?

2. Bilong wanem King Serksis i laik kisim nupela meri? Em i makim husat?

3. Haman em i husat? Wanem samting i mekim na em i belhat nogut tru?

4. Ol i putim wanem lo? Esta i mekim wanem taim em i kisim pinis tok bilong Mordekai?

5. Wanem samting i painim Haman? Wanem samting i painim Mordekai?

6. Olsem wanem ol Israel i abrusim bagarap long han bilong ol birua?

Sampela askim moa:

1. Ritim Esta 2:​12-​18.

   Olsem wanem Esta i soim olsem em i bikpela samting long kamapim “pasin bilong i stap belgut na i stap bel isi”? (Est. 2:​15; 1 Pi. 3:​1-5)

2. Ritim Esta 4:​1-​17.

   Esta i gat rot long helpim lotu i tru, na wanem rot i op long yumi bilong kamapim olsem yumi givim bel olgeta na stap gut long Jehova? (Est. 4:​13, 14; Mt. 5:​14-​16; 24:14)

3. Ritim Esta 7:​1-6.

   Olsem Esta, olsem wanem planti manmeri bilong God long nau i save bihainim laik bilong God maski ol man inap mekim nogut long ol? (Est. 7:4; Mt. 10:​16-​22; 1 Pi. 2:​12)

Stori 83

1. Ol Israel i no gat banis i raunim taun Jerusalem, olsem na ol i pilim olsem wanem?

2. Nehemia em i husat?

3. Nehemia i mekim wanem wok? Bilong wanem dispela i wanpela bikpela wok?

4. Nehemia i harim tok long wanem samting na dispela i mekim em i bel hevi? Em i mekim wanem?

5. Olsem wanem King Artaserksis i mekim gutpela pasin long Nehemia?

6. Nehemia i mekim wanem bambai ol birua bilong ol Israel i no ken pasim wok bilong sanapim banis?

Sampela askim moa:

1. Ritim Nehemia 1:​4-6 na 2:​1-​20.

   Olsem wanem Nehemia i askim Jehova long stiaim em? (Neh. 2:​4, 5; Ro. 12:12; 1 Pi. 4:7)

2. Ritim Nehemia 3:​3-5.

   Pasin bilong ol man bilong taun Tekoa i narapela kain long pasin bilong “ol hetman” bilong ol, na dispela inap skulim ol elda na ol kongrigesen sevan long wanem samting? (Neh. 3:​5, 27; 2 Te. 3:​7-​10; 1 Pi. 5:5)

3. Ritim Nehemia 4:​1-​23.

   1. Wanem samting i kirapim ol Israel long wok yet long sanapim banis maski ol birua i strong long pasim ol? (Neh. 4:​6, 8, 9; Sng. 50:15; Ais. 65:​13, 14)

   2. Olsem wanem pasin bilong ol Israel i strongim yumi long nau?

4. Ritim Nehemia 6:​15.

   Wok bilong sanapim banis bilong Jerusalem i pinis insait long tupela mun, na dispela i kamapim wanem samting long pasin bilong bilip? (Sng. 56:​3, 4; Mt. 17:20; 19:26)

Stori 84

1. Dispela meri long piksa em i husat?

2. Gebriel i tok wanem long Maria?

3. Gebriel i stori olsem wanem long Maria long em bai karim wanpela pikinini maski em i no bin stap wantaim wanpela man?

4. Wanem samting i kamap taim Maria i go lukim wanblut bilong em Elisabet?

5. Josep i ting olsem wanem taim em i save olsem Maria i gat bel? Tasol bilong wanem em i senisim tingting bilong em?

Sampela askim moa:

1. Ritim Luk 1:​26-​56.

   1. Taim God i kisim laip bilong Pikinini bilong em long ples spirit na putim long bel bilong Maria, Luk 1:​35 i tok wanem bilong helpim yumi long save olsem sin bilong Adam i kalap long dispela pikinini o nogat? (Hag. 2:​11-​13; Jo. 6:​69; Hi. 7:​26; 10:5)

   2. Olsem wanem ol i givim ona long Jisas paslain long mama i karim em? (Lu. 1:​41-​43)

   3. Maria i mekim wanem gutpela pasin em ol Kristen i kisim ol gutpela wok long nau ol i ken bihainim? (Lu. 1:​38, 46-​49; 17:10; Snd. 11:2)

2. Ritim Matyu 1:​18-​25.

   Tru ol i no kolim nem Emanuel long Jisas, tasol olsem wanem i stap bilong em olsem wanpela man long graun i truim mining bilong dispela nem? (Mt. 1:​22, 23; Jo. 14:​8-​10; Hi. 1:​1-3)

Stori 85

1. Dispela liklik bebi long piksa em i husat? Maria i putim em i slip long wanem hap?

2. Bilong wanem mama i karim Jisas long haus bilong ol bulmakau wantaim ol animal?

3. Long piksa, ol dispela man i kam insait long haus bilong ol bulmakau ol i husat? Wanpela ensel i bin tok wanem long ol?

4. Bilong wanem ol ensel na ol wasman i amamas tru long Jisas?

5. Bilong wanem ol inap kolim Jisas olsem Pikinini Bilong God?

Sampela askim moa:

1. Ritim Luk 2:​1-​20.

   1. Olsem wanem ol samting Sisar Ogastus i mekim i helpim truim bilong tok profet long mama bai karim Jisas long wanem hap? (Lu. 2:​1-4; Mai. 5:2)

   2. Olsem wanem ol man inap insait long dispela lain em Baibel i kolim ol olsem “ol manmeri God i belgut long ol”? (Lu. 2:​14, NW; Mt. 16:24; Jo. 17:3; Ap. 3:​19; Hi. 11:6)

   3. Ol wasman bilong sipsip ol i bin amamas, long wanem, mama i karim Man Bilong Kisim Bek ol, tasol long nau wanem samting i bikpela moa na i stret ol wokboi bilong God i ken amamas long en? (Lu. 2:​10, 11; Ef. 3:​8, 9; KTH 11:15; 14:6)

Stori 86

1. Ol dispela man long piksa ol i husat? Bilong wanem wanpela man i makim long han wanpela bikpela sta?

2. Bilong wanem King Herot i kros? Em i mekim wanem?

3. Dispela bikpela sta i stiaim ol dispela man i go we? Bilong wanem ol i bihainim narapela rot na go bek long ples bilong ol?

4. Herot i tokim ol man long mekim wanem? Bilong wanem em i mekim olsem?

5. Jehova i tokim Josep long mekim wanem?

6. Husat i putim dispela sta? Bilong wanem?

Wanpela askim moa:

1. Ritim Matyu 2:​1-​23.

   Jisas i gat hamas krismas taim ol saveman i go lukim em? Long dispela taim em i stap we? (Mt. 2:​1, 11, 16)

Stori 87

1. Long dispela piksa, Jisas i gat hamas krismas? Em i stap we?

2. Long olgeta yia Josep i save mekim wanem samting wantaim famili bilong em?

3. Taim ol i wokabaut inap wanpela de pinis bilong i go bek long ples, bilong wanem Josep na Maria i go bek long Jerusalem?

4. Josep na Maria i painim Jisas long wanem hap? Bilong wanem ol manmeri i kirap nogut?

5. Jisas i tok wanem long mama bilong em, Maria?

6. Olsem wanem yumi inap bihainim pasin bilong Jisas long kisim save long God?

Sampela askim moa:

1. Ritim Luk 2:​41-​52.

   1. Maski Lo i tok ol man tasol i mas go long ol bikpela bung i save kamap long olgeta yia, olsem wanem Josep na Maria i makim gutpela pasin ol papamama long nau i ken bihainim? (Lu. 2:​41; Lo 16:16; 31:12; Snd. 22:6)

   2. Long pasin bilong i stap daun long papamama, olsem wanem Jisas i makim gutpela pasin ol yangpela long nau i ken bihainim? (Lu. 2:​51; Lo 5:​16; Snd. 23:22; Kl. 3:​20)

2. Ritim Matyu 13:​53-​56.

   Baibel i kolim nem bilong wanem 4-pela brata bilong Jisas? Bihain, tupela bilong ol i mekim wanem wok insait long kongrigesen Kristen? (Mt. 13:​55; Ap. 12:17; 15:​6, 13; 21:18; Ga. 1:​19; Jem. 1:1; Ju. 1)

Stori 88

1. Dispela tupela man long piksa ol i husat?

2. Ol i save baptaisim man olsem wanem?

3. Jon i save baptaisim wanem ol man?

4. I gat wanem bikpela samting i olsem as na Jisas i tokim Jon long baptaisim em?

5. Olsem wanem God i soim olsem em i amamas long Jisas i kisim baptais?

6. Wanem samting i kamap taim Jisas i go long wanpela hap i no gat man na em i stap inap 40 de?

7. Husat em ol namba wan disaipel bilong Jisas? Jisas i wokim wanem namba wan mirakel?

Sampela askim moa:

1. Ritim Matyu 3:​13-​17.

   Jisas i makim wanem pasin bilong baptaisim ol disaipel bilong em? (Sng. 40:​7, 8; Mt. 28:​19, 20; Lu. 3:​21, 22)

2. Ritim Matyu 4:​1-​11.

   Olsem wanem pasin bilong Jisas long mekim gut wok long ol tok bilong Baibel i kirapim yumi long stadi oltaim long Baibel? (Mt. 4:​5-7; 2 Pi. 3:​17, 18; 1 Jo. 4:1)

3. Ritim Jon 1:​29-​51.

   Jon Bilong Baptais i tokim ol disaipel bilong em long i go long husat? Olsem wanem yumi long nau inap bihainim pasin bilong em? (Jo. 1:​29, 35, 36; 3:​30; Mt. 23:10)

4. Ritim Jon 2:​1-​12.

   Olsem wanem namba wan mirakel bilong Jisas i soim olsem Jehova i no save pasim ol gutpela samting long ol wokboi bilong Em? (Jo. 2:​9, 10; Sng. 84:11; Jem. 1:​17)

Stori 89

1. Bilong wanem ol man i salim ol animal insait long haus lotu?

2. Wanem samting i mekim Jisas i kros?

3. Olsem yu ken lukim long piksa, Jisas i mekim wanem? Em i tok wanem long ol man i salim ol pisin?

4. Taim ol disaipel bilong Jisas i lukim pasin em i mekim, ol i tingim wanem samting?

5. Taim Jisas i go bek long Galili, em i katim i go namel long wanem hap?

Wanpela askim moa:

1. Ritim Jon 2:​13-​25.

   Yumi save olsem Jisas i bin kros long ol man i senisim mani insait long haus lotu, olsem na yumi mas i gat wanem stretpela tingting long pasin bilong mekim ol wok bisnis insait long Haus Kingdom? (Jo. 2:​15, 16; 1 Ko. 10:​24, 31-​33)

Stori 90

1. Bilong wanem Jisas i malolo klostu long wanpela hul wara long Samaria? Em i tok wanem long wanpela meri long dispela hap?

2. Bilong wanem dispela meri i kirap nogut? Jisas i tok wanem long em? Bilong wanem em i tok olsem?

3. Meri i ting Jisas i toktok long wanem kain wara? Tasol Jisas i toktok long wanem wara?

4. Bilong wanem meri i kirap nogut long Jisas i save long ol samting long i stap bilong em? Olsem wanem Jisas i save long ol dispela samting?

5. Stori bilong dispela meri long hul wara inap skulim yumi long wanem ol samting?

Sampela askim moa:

1. Ritim Jon 4:​5-​43.

   1. Olsem Jisas i bin mekim, yumi mas mekim wanem kain pasin long ol man bilong narapela skin o sindaun? (Jo. 4:9; 1 Ko. 9:​22; 1 Ti. 2:​3, 4; Ta. 2:​11)

   2. Man i kamap disaipel bilong Jisas em bai kisim wanem ol blesing long ol samting bilong spirit? (Jo. 4:​14; Ais. 58:11; 2 Ko. 4:​16)

   3. Olsem wanem yumi inap kamapim wankain pasin olsem meri Samaria, em i bin pilim tru ol samting em i lainim na em i gat laik tru long tokim ol narapela long en? (Jo. 4:​7, 28; Mt. 6:​33; Lu. 10:​40-​42)

Stori 91

1. Long piksa, Jisas i stap we na em i skulim ol man? Ol man i sindaun klostu tru long em ol i husat?

2. Wanem nem bilong ol 12-pela aposel?

3. Dispela Kingdom em Jisas i autim tok long en em i wanem samting?

4. Jisas i skulim ol man long beten long wanem samting?

5. Jisas i tok wanem long pasin narapela i mas mekim long narapela?

Sampela askim moa:

1. Ritim Matyu 5:​1-​12.

   Long wanem ol rot yumi inap soim olsem yumi tingim ol samting bilong spirit em yumi mas kisim? (Mt. 5:3; Ro. 10:​13-​15; 1 Ti. 4:​13, 15, 16)

2. Ritim Matyu 5:​21-​26.

   Olsem wanem Matyu 5:​23, 24 i kamapim klia olsem pasin bilong yumi long pas gut wantaim ol brata inap mekim sampela samting long pasin bilong yumi long pas gut wantaim Jehova? (Mt. 6:​14, 15; Sng. 133:​1; Kl. 3:​13; 1 Jo. 4:​20)

3. Ritim Matyu 6:​1-8.

   Wanem sampela pasin inap makim olsem man i tingim em yet i stretpela man, na em ol pasin ol Kristen i mas sakim? (Lu. 18:​11, 12; 1 Ko. 4:​6, 7; 2 Ko. 9:7)

4. Ritim Matyu 6:​25-​34.

   Jisas i tok wanem bilong skulim yumi olsem em i bikpela samting long bilip olsem Jehova bai lukautim yumi long ol samting bilong skin? (Kis. 16:4; Sng. 37:25; Fl. 4:6)

5. Ritim Matyu 7:​1-​11.

   Tok piksa i stap long Matyu 7:5 i skulim yumi long wanem samting? (Snd. 26:12; Ro. 2:1; 14:10; Jem. 4:​11, 12)

Stori 92

1. Husat em i papa bilong dispela liklik meri long piksa? Bilong wanem dispela man na meri bilong em ol i bin tingting planti?

2. Jairus i mekim wanem taim em i painim pinis Jisas?

3. Wanem samting i kamap taim Jisas i wokabaut i go long haus bilong Jairus? Taim Jairus i wokabaut yet long rot em i kisim wanem toksave?

4. Bilong wanem ol manmeri long haus bilong Jairus ol i lap long Jisas?

5. Jisas i kisim tripela aposel na papa na mama bilong liklik meri i go insait long rum na em i mekim wanem?

6. Husat moa Jisas i kirapim bek long indai? Dispela i kamapim klia wanem samting?

Sampela askim moa:

1. Ritim Luk 8:​40-​56.

   Olsem wanem Jisas i mekim pasin sori na pasin isi long dispela meri i karim blut? Dispela inap skulim ol elda Kristen long nau long wanem samting? (Lu. 8:​43, 44, 47, 48; Wkp. 15:​25-​27; Mt. 9:​12, 13; Kl. 3:​12-​14)

2. Ritim Luk 7:​11-​17.

   Bilong wanem pasin Jisas i bin mekim long meri wanpis bilong taun Nain inap mekim gut bel bilong ol lain em sampela long famili bilong ol i dai? (Lu. 7:​13; 2 Ko. 1:​3, 4; Hi. 4:​15)

3. Ritim Jon 11:​17-​44.

   Olsem wanem Jisas i kamapim olsem i no gat rong long krai sori sapos wanpela long famili i dai? (Jo. 11:​33-​36, 38; 2 Sml. 18:33; 19:​1-4)

Stori 93

1. Wanem samting nogut tru i kamap long Jon Bilong Baptais? Dispela i mekim na Jisas i pilim olsem wanem?

2. Olsem wanem Jisas i givim kaikai long ol manmeri i bihainim em? Hamas kaikai i stap yet?

3. Long nait wanem samting i mekim na ol disaipel i pret? Wanem samting i kamap long Pita?

4. Long namba tu taim, olsem wanem Jisas i givim kaikai long planti tausen man?

5. Bilong wanem ol man bai amamas taim Jisas i bosim graun olsem King God i bin makim?

Sampela askim moa:

1. Ritim Matyu 14:​1-​32.

   1. Stori i stap long Matyu 14:​23-​32 i helpim yumi long save long wanem pasin bilong Pita?

   2. Olsem wanem ol stori bilong Baibel i soim olsem Pita i kamap strongpela Kristen na em i winim pasin bilong em long mekim kwik ol samting? (Mt. 14:​27-​30; Jo. 18:10; 21:7; Ap. 2:​14, 37-40; 1 Pi. 5:​6, 10)

2. Ritim Matyu 15:​29-​38.

   Olsem wanem Jisas i no mekim nabaut long ol samting bilong skin em Papa bilong em i givim? (Mt. 15:37; Jo. 6:​12; Kl. 3:​15)

3. Ritim Jon 6:​1-​21.

   Olsem wanem ol Kristen long nau i ken bihainim pasin bilong Jisas long pasin ol i mekim long ol gavman? (Jo. 6:​15; Mt. 22:21; Ro. 12:2; 13:​1-4)

Stori 94

1. Ol aposel i tok pait long wanem samting taim ol i lusim wanpela ples longwe na wokabaut i kam?

2. Bilong wanem Jisas i singautim wanpela liklik pikinini na sanapim em namel long ol aposel?

3. Long wanem ol samting ol aposel i mas lain long kisim pasin olsem bilong ol pikinini?

4. Sampela mun bihain, olsem wanem Jisas i soim olsem em i laikim tru ol pikinini?

Sampela askim moa:

1. Ritim Matyu 18:​1-4.

   Bilong wanem Jisas i mekim ol tok piksa bilong skulim ol man? (Mt. 13:​34, 36; Mk. 4:​33, 34)

2. Ritim Matyu 19:​13-​15.

   Yumi mas bihainim wanem ol pasin bilong ol pikinini sapos yumi laik kisim ol blesing bilong Kingdom? (Sng. 25:9; 138:6; 1 Ko. 14:20)

3. Ritim Mak 9:​33-​37.

   Jisas i skulim ol disaipel na em i tok wanem long pasin bilong laikim bikpela namba? (Mk. 9:​35; Mt. 20:​25, 26; Ga. 6:3; Fl. 2:​5-8)

4. Ritim Mak 10:​13-​16.

   I hatwok long ol man long i go klostu long Jisas o nogat? Pasin bilong em inap skulim ol elda Kristen long wanem samting? (Mk. 6:​30-​34; Fl. 2:​1-4; 1 Ti. 4:​12)

Stori 95

1. Wanpela man i givim wanem askim long Jisas? Bilong wanem em i givim dispela askim long Jisas?

2. Sampela taim Jisas i save mekim wok long wanem samting bilong skulim ol man? Yumi kisim save pinis long wanem samting long ol Juda na ol Samaria?

3. Long stori Jisas i mekim, wanem samting i painim wanpela man Juda i wokabaut i go long Jeriko?

4. Wanem samting i kamap taim wanpela pris bilong ol Juda na wanpela Livai i kam long dispela rot?

5. Long piksa, husat i helpim dispela man Juda i kisim bagarap?

6. Taim Jisas i stori pinis, em i givim wanem askim? Dispela man i bekim tok olsem wanem?

Sampela askim moa:

1. Ritim Luk 10:​25-​37.

   1. Jisas i no kamapim stret bekim, tasol em i mekim wanem bilong helpim wanpela saveman bilong Lo long wokim tingting bilong em long wanpela samting? (Lu. 10:26; Mt. 16:​13-​16)

   2. Olsem wanem Jisas i mekim ol tok piksa bilong helpim ol man i harim tok bilong em long daunim pasin bilong tingting nogut? (Lu. 10:​36, 37; 18:​9-​14; Ta. 1:9)

Stori 96

1. Jisas i raun long planti hap na em i mekim wanem?

2. Inap olsem 3-pela yia bihain long Jisas i bin kisim baptais, em i tokim ol aposel long wanem samting?

3. Ol man long piksa ol i husat? Jisas i mekim wanem bilong helpim dispela meri?

4. Tok Jisas i bekim long ol hetman bilong lotu, bilong wanem dispela tok i mekim ol i sem?

5. Taim Jisas na ol aposel i kamap long Jeriko, Jisas i mekim wanem bilong helpim tupela aipas?

6. Bilong wanem Jisas i wokim ol mirakel?

Sampela askim moa:

1. Ritim Matyu 15:​30, 31.

   Jehova i gat bikpela strong, olsem wanem dispela i kamap ples klia long rot bilong Jisas? Dispela i mas mekim wanem long save bilong yumi long ol samting Jehova i promis long mekim long nupela taim? (Sng. 37:29; Ais. 33:24)

2. Ritim Luk 13:​10-​17.

   Jisas i bin wokim sampela bikpela mirakel long de Sabat, olsem wanem dispela i kamapim klia ol samting em bai mekim bilong helpim ol man long taim em i mekim wok king long Wan Tausen Yia? (Lu. 13:​10-​13; Sng. 46:9; Mt. 12:8; Kl. 2:​16, 17; KTH 21:​1-4)

3. Ritim Matyu 20:​29-​34.

   Jisas i gat planti wok, tasol olsem wanem dispela stori i soim olsem oltaim em i amamas long helpim ol man? Dispela inap skulim yumi long wanem samting? (Lo 15:7; Jem. 2:​15, 16; 1 Jo. 3:​17)

Stori 97

1. Taim Jisas i kamap long wanpela liklik ples klostu long Jerusalem, em i tokim ol disaipel long mekim wanem?

2. Long piksa, wanem samting i kamap taim Jisas i kam klostu long Jerusalem?

3. Ol pikinini i mekim wanem taim ol i lukim Jisas i oraitim ol aipas na ol man em bodi bilong ol i bagarap?

4. Jisas i tok wanem long ol pris taim ol i belhat?

5. Olsem wanem yumi inap bihainim pasin bilong ol dispela pikinini em ol i litimapim nem bilong Jisas?

6. Ol disaipel i laik save long wanem samting?

Sampela askim moa:

1. Ritim Matyu 21:​1-​17.

   1. Olsem wanem pasin bilong Jisas long i go insait long Jerusalem olsem King i narapela kain long pasin bilong ol bikman bilong Rom i winim pait na ol i go insait? (Mt. 21:​4, 5; Sek. 9:9; Fl. 2:​5-8; Kl. 2:​15)

   2. Ol yangpela inap lainim wanem samting long pasin bilong ol pikinini Israel em ol i kamapim tok bilong Song 118 taim Jisas i go insait long haus lotu? (Mt. 21:​9, 15; Sng. 118:​25, 26; 2 Ti. 3:​15; 2 Pi. 3:​18)

2. Ritim Jon 12:​12-​16.

   Ol manmeri i litimapim nem bilong Jisas ol i holim ol han bilong diwai pam na dispela i makim wanem samting? (Jo. 12:13; Fl. 2:​10; KTH 7:​9, 10)

Stori 98

1. Long piksa, husat em Jisas? Husat i stap wantaim em?

2. Ol pris i laik mekim wanem long Jisas long haus lotu? Em i tok wanem long ol?

3. Ol aposel i askim Jisas long wanem samting?

4. Bilong wanem Jisas i tokim ol aposel long sampela samting bai kamap long graun taim em i mekim wok king long heven?

5. Jisas i tok wanem ol samting bai kamap paslain long em i pinisim olgeta pasin nogut long graun?

Sampela askim moa:

1. Ritim Matyu 23:​1-​39.

   1. Tru Baibel i makim olsem i stret long mekim wok long ol biknem bilong ol man bilong graun, tasol tok bilong Jisas long Matyu 23:​8-11 i kamapim klia wanem samting long pasin bilong mekim wok long ol biknem insait long kongrigesen Kristen? (Ap. 26:25; Ro. 13:7; 1 Pi. 2:​13, 14)

   2. Ol Farisi i mekim wok long wanem samting bilong pasim ol man long kamap Kristen? Olsem wanem ol hetman bilong lotu i bihainim wankain pasin long taim bilong yumi? (Mt. 23:13; Lu. 11:52; Jo. 9:​22; 12:42; 1 Te. 2:​16)

2. Ritim Matyu 24:​1-​14.

   1. Olsem wanem Matyu 24:13 i kamapim klia olsem em i bikpela samting long sanap strong na karim hevi?

   2. Dispela hap tok “las de” long Matyu 24:13 i makim wanem samting? (Mt. 16:27; Ro. 14:​10-​12; 2 Ko. 5:​10)

3. Ritim Mak 13:​3-​10.

   Long Mak 13:​10, wanem hap tok i makim olsem yumi mas hariap long autim gutnius? Tok bilong Jisas i mas mekim wanem long yumi? (Ro. 13:​11, 12; 1 Ko. 7:​29-​31; 2 Ti. 4:2)

Stori 99

1. Olsem piksa i kamapim, bilong wanem Jisas na 12-pela aposel ol i stap long wanpela bikpela rum antap?

2. Husat dispela man i lusim rum? Em i go bilong mekim wanem?

3. Taim ol i mekim pinis kaikai bilong Pasova, Jisas i kirapim wanem nupela kaikai?

4. Pasova i kirapim ol Israel long tingim wanem samting? Dispela nupela kaikai i kirapim ol disaipel bilong Jisas long tingim wanem samting?

5. Taim ol i mekim pinis Kaikai Bilong Bikpela, Jisas i tok wanem long ol disaipel bilong em? Orait nau ol i mekim wanem?

Sampela askim moa:

1. Ritim Matyu 26:​14-​30.

   1. Olsem wanem Matyu 26:15 i soim olsem pasin Judas i mekim long putim Jisas long han bilong ol birua em samting em i bin tingting pinis long mekim?

   2. Blut Jisas i bin kapsaitim i mekim wanem tupela wok? (Mt. 26:​27, 28; Jer. 31:​31-​33; Ef. 1:7; Hi. 9:​19, 20)

2. Ritim Luk 22:​1-​39.

   Wanem mining bilong dispela hap tok olsem Satan i go insait long bel bilong Judas? (Lu. 22:3; Jo. 13:2; Ap. 1:​24, 25)

3. Ritim Jon 13:​1-​20.

   1. Taim yumi skelim tok bilong Jon 13:​2, yu ting yumi ken tok Judas i gat asua long samting em i bin mekim? Dispela inap skulim ol wokboi bilong God long wanem samting? (Stt. 4:7; 2 Ko. 2:​11; Ga. 6:1; Jem. 1:​13, 14)

   2. Jisas i bin mekim wanem samting na dispela i gat bikpela strong bilong skulim ol man? (Jo. 13:15; Mt. 23:11; 1 Pi. 2:​21)

4. Ritim Jon 17:​1-​26.

   Taim Jisas i beten long ol disaipel i ken “i stap wanpela tru,” dispela i makim wanem samting? (Jo. 17:​11, 21-​23; Ro. 13:8; 14:19; Kl. 3:​14)

Stori 100

1. Jisas na ol aposel i go we taim ol i lusim dispela rum antap? Em i tokim ol long mekim wanem?

2. Taim Jisas i kam bek long hap ol aposel i stap long en, em i lukim wanem samting? Dispela samting i kamap inap hamas taim?

3. Husat i kam long gaden? Judas Iskariot i mekim wanem olsem piksa i soim?

4. Bilong wanem Judas i givim kis long Jisas? Pita i mekim wanem?

5. Jisas i tok wanem long Pita? Bilong wanem Jisas i no askim God long salim ol ensel?

Sampela askim moa:

1. Ritim Matyu 26:​36-​56.

   1. Olsem wanem pasin bilong Jisas long givim tok kaunsel long ol disaipel i stap olsem gutpela piksa tru ol elda Kristen long nau i ken bihainim? (Mt. 20:​25-​28; 26:​40, 41; Ga. 5:​17; Ef. 4:​29, 31, 32)

   2. Jisas i ting olsem wanem long pasin bilong yusim ol samting bilong pait bilong bagarapim ol man? (Mt. 26:52; Lu. 6:​27, 28; Jo. 18:36)

2. Ritim Luk 22:​39-​53.

   Taim wanpela ensel i kamap long Jisas long gaden Getsemani bilong strongim em, yu ting dispela i makim olsem Jisas i no gat strongpela bilip? Stori long dispela. (Lu. 22:​41-​43; Ais. 49:8; Mt. 4:​10, 11; Hi. 5:7)

3. Ritim Jon 18:​1-​12.

   Olsem wanem Jisas i helpim ol disaipel na bai ol birua bilong em i no givim hevi long ol? Pasin bilong em inap skulim yumi long wanem samting? (Jo. 10:​11, 12; 18:​1, 6-9; Hi. 13:6; Jem. 2:​25)

Stori 101

1. Husat i nambawan man bilong kilim Jisas i dai?

2. Ol aposel i mekim wanem taim ol bikman bilong lotu i holim Jisas?

3. Wanem samting i kamap long haus bilong hetpris Kaiafas?

4. Bilong wanem Pita i go na em i krai?

5. Taim ol i kisim Jisas i go bek long Pailat, ol bikpris i singaut strong na tok wanem?

6. Long belo bek long Fraide ol i mekim wanem long Jisas? Jisas i mekim wanem tok promis long wanpela man nogut ol i bin nilim em long pos klostu long Jisas?

7. Dispela Paradais Jisas i toktok long en bai stap we?

Sampela askim moa:

1. Ritim Matyu 26:​57-​75.

   Olsem wanem ol memba bilong nambawan kot bilong ol Juda i soim olsem ol i tingting tasol long mekim pasin nogut? (Mt. 26:​59, 67, 68)

2. Ritim Matyu 27:​1-​50.

   Judas i bel hevi long rong em i bin mekim, tasol bilong wanem yumi ken tok olsem em i no pilim tru rong bilong em? (Mt. 27:​3, 4; Mk. 3:​29; 14:21; 2 Ko. 7:​10, 11)

3. Ritim Luk 22:​54-​71.

   Long dispela nait Judas i kamapim Jisas long ol birua na ol i holim em, pasin Pita i mekim long giaman olsem em i no save long Jisas, dispela inap skulim yumi long wanem samting? (Lu. 22:​60-​62; Mt. 26:​31-​35; 1 Ko. 10:12)

4. Ritim Luk 23:​1-​49.

   Jisas i mekim wanem taim ol man i mekim nogut long em? Dispela inap skulim yumi long wanem samting? (Lu. 23:​33, 34; Ro. 12:​17-​19; 1 Pi. 2:​23)

5. Ritim Jon 18:​12-​40.

   Inap liklik haptaim pasin bilong pret long man i daunim Pita, tasol bihain em i kamap strongpela aposel na dispela i kamapim klia wanem samting? (Jo. 18:​25-​27; 1 Ko. 4:2; 1 Pi. 3:​14, 15; 5:​8, 9)

6. Ritim Jon 19:​1-​30.

   1. Jisas i gat wanem stretpela tingting long ol samting bilong skin? (Jo. 2:​1, 2, 9, 10; 19:​23, 24; Mt. 6:​31, 32; 8:​20)

   2. Olsem wanem laspela tok Jisas i mekim paslain long em i dai i makim olsem em i amamas long em i bin kamapim klia olsem Jehova em i King bilong heven na graun? (Jo. 16:33; 19:30; 2 Pi. 3:​14; 1 Jo. 5:4)

Stori 102

1. Dispela meri long piksa em i husat? Dispela tupela man ol i husat? Ol i stap we?

2. Bilong wanem Pailat i tokim ol pris long salim ol soldia i go was long matmat bilong Jisas?

3. Long bikmoning tru long namba tri de, wanpela ensel i mekim wanem? Ol pris i mekim wanem?

4. Bilong wanem sampela meri i kirap nogut taim ol i go lukim matmat bilong Jisas?

5. Bilong wanem Pita na Jon i ran i go long matmat bilong Jisas? Ol i lukim wanem samting?

6. Wanem samting i kamap long bodi bilong Jisas? Jisas i mekim wanem bilong soim ol disaipel olsem em i stap laip?

Sampela askim moa:

1. Ritim Matyu 27:​62-​66 na 28:​1-​15.

   Long taim Jisas i bin kirap bek, olsem wanem ol bikpris, ol Farisi, na ol hetman ol i mekim sin long holi spirit? (Mt. 12:​24, 31, 32; 28:​11-​15)

2. Ritim Luk 24:​1-​12.

   Olsem wanem stori bilong kirap bek bilong Jisas i soim olsem Jehova i save tingim ol meri olsem ol i lain bilong tokaut stret long ol samting ol i lukim? (Lu. 24:​4, 9, 10; Mt. 28:​1-7)

3. Ritim Jon 20:​1-​12.

   Olsem wanem Jon 20:​8, 9 i helpim yumi long save olsem yumi mas i gat pasin bilong wet i stap na no ken les sapos yumi no kliagut long truim bilong wanpela tok profet bilong Baibel? (Snd. 4:​18; Mt. 17:​22, 23; Lu. 24:​5-8; Jo. 16:12)

Stori 103

1. Maria i tok wanem long wanpela man em i ting em i man bilong bosim gaden? Wanem samting i kamap na em i luksave olsem dispela man em Jisas?

2. Wanem samting i kamap long tupela disaipel em ol i wokabaut i go long Emeus?

3. Wanem narapela kain gutpela samting i kamap taim tupela disaipel i tokim ol aposel long ol i bin lukim Jisas?

4. Hamas taim Jisas i kamap long ol disaipel bilong em?

5. Tomas i tok wanem taim em i harim olsem ol disaipel i bin lukim Jisas? Tasol 8-pela de bihain wanem samting i kamap?

Sampela askim moa:

1. Ritim Jon 20:​11-​29.

   Yu ting tok bilong Jisas long Jon 20:23 i makim olsem ol man i gat namba long lusim sin? Stori long dispela. (Sng. 49:​2, 7; Ais. 55:7; 1 Ti. 2:​5, 6; 1 Jo. 2:​1, 2)

2. Ritim Luk 24:​13-​43.

   Olsem wanem yumi inap redim bel bilong yumi long kisim ol tok i tru bilong Baibel? (Lu. 24:​32, 33; Esr. 7:​10, NW; Mt. 5:3; Ap. 16:14; Hi. 5:​11-​14)

Stori 104

1. Wanpela taim hamas disaipel i lukim Jisas? Jisas i toktok long ol long wanem samting?

2. Kingdom Bilong God em wanem samting? Laip bilong ol man long graun bai i stap olsem wanem taim Jisas i bosim graun olsem King inap wan tausen yia?

3. Inap hamas de Jisas i kamap long ol disaipel bilong em? Tasol nau em taim bilong em long mekim wanem?

4. Paslain long em i lusim ol disaipel, Jisas i tokim ol long mekim wanem?

5. Long piksa wanem samting i kamap? Wanem samting i pasim Jisas na ol disaipel i no inap lukim em moa?

Sampela askim moa:

1. Ritim 1 Korin 15:​3-8.

   Bilong wanem aposel Pol i ken autim strong tok olsem Jisas i bin kirap bek? Ol Kristen long nau i ken autim strong tok long wanem ol samting? (1 Ko. 15:​4, 7, 8; Ais. 2:​2, 3; Mt. 24:​14; 2 Ti. 3:​1-5)

2. Ritim Aposel 1:​1-​11.

   Olsem Aposel 1:8 i tok profet long en, wok autim tok i go bikpela olsem wanem? (Ap. 6:7; 9:​31; 11:​19-​21; Kl. 1:​23)

Stori 105

1. Olsem piksa i soim, wanem samting i kamap long ol disaipel em ol i wet i stap long Jerusalem?

2. Ol manmeri i bin kam long Jerusalem ol i kirap nogut long wanem samting?

3. Pita i tokaut klia long ol manmeri long wanem samting?

4. Ol manmeri i pilim olsem wanem taim ol i harim pinis tok bilong Pita? Em i tokim ol long mekim wanem?

5. Hamas manmeri i kisim baptais long dispela de bilong Pentikos 33 C.E.?

Sampela askim moa:

1. Ritim Aposel 2:​1-​47.

   1. Olsem wanem tok bilong Pita long Aposel 2:​23, 36 i soim olsem lain Juda olgeta i gat asua long indai bilong Jisas? (1 Te. 2:​14, 15)

   2. Olsem wanem Pita i stap olsem gutpela piksa long pasin bilong toktok gut wantaim ol man long Baibel? (Ap. 2:​16, 17, 29, 31, 36, 39; Kl. 4:6)

   3. Olsem wanem Pita i yusim namba wan ki bilong “ol ki bilong kingdom bilong heven,” em Jisas i bin tok promis long givim long em? (Ap. 2:​14, 22-​24, 37, 38; Mt. 16:19)

Stori 106

1. Wanpela taim long apinun Pita na Jon i go long haus lotu na wanem samting i kamap?

2. Pita i tok wanem long wanpela man lek nogut? Pita i givim wanem samting long dispela man, em samting i winim tru mani?

3. Bilong wanem ol bikman bilong lotu ol i kros? Ol i mekim wanem long Pita na Jon?

4. Pita i tok wanem long ol dispela bikman bilong lotu? Ol i tok strong long ol aposel i no ken mekim wanem?

5. Bilong wanem ol bikman bilong lotu ol i jeles? Wanem samting i kamap taim ol i putim ol aposel long kalabus long namba tu taim?

6. Ol aposel i tok wanem taim ol i bringim ol i go insait long haus kaunsil?

Sampela askim moa:

1. Ritim Aposel 3:​1-​10.

   Yumi no gat strong bilong wokim ol mirakel long nau, tasol olsem wanem tok bilong Pita long Aposel 3:6 i helpim yumi long pilim tru olsem tok bilong Kingdom inap helpim ol man? (Jo. 17:3; 2 Ko. 5:​18-​20; Fl. 3:8)

2. Ritim Aposel 4:​1-​31.

   Taim ol man i birua long yumi long wok autim tok, olsem wanem yumi mas bihainim pasin bilong ol brata Kristen bilong yumi long taim bilong ol aposel? (Ap. 4:​29, 31; Ef. 6:​18-​20; 1 Te. 2:2)

3. Ritim Aposel 5:​17-​42.

   Long bipo na long nau, olsem wanem sampela man i no Witnes ol i kamapim olsem ol i gat stretpela tingting long wok autim tok? (Ap. 5:​34-​39)

Stori 107

1. Stiven em i husat? God i bin helpim em long mekim wanem?

2. Stiven i tok wanem na dispela i mekim ol bikman bilong lotu i kros tru?

3. Taim ol man i rausim Stiven i go ausait long taun, ol i mekim wanem long em?

4. Long piksa, dispela yangpela man i sanap klostu long ol saket em i husat?

5. Paslain long em i dai, Stiven i beten long Jehova na em i tok wanem?

6. Yumi mas mekim wanem taim ol man i mekim nogut long yumi, olsem Stiven i bin mekim?

Sampela askim moa:

1. Ritim Aposel 6:​8-​15.

   Ol bikman bilong lotu i bin mekim wok long wanem ol giaman pasin bilong pasim wok autim tok bilong ol Witnes Bilong Jehova? (Ap. 6:​9, 11, 13)

2. Ritim Aposel 7:​1-​60.

   1. Wanem samting i helpim Stiven long sambai long gutnius long ai bilong kaunsil? Pasin bilong em inap skulim yumi long wanem samting? (Ap. 7:​51-​53; Ro. 15:4; 2 Ti. 3:​14-​17; 1 Pi. 3:​15)

   2. Yumi mas i gat wanem tingting long ol man i birua long wok bilong yumi? (Ap. 7:​58-​60; Mt. 5:​44; Lu. 23:​33, 34)

Stori 108

1. Sol i mekim wanem taim ol i kilim i dai Stiven pinis?

2. Taim Sol i wokabaut yet long rot i go long Damaskus, wanem narapela kain samting i kamap?

3. Jisas i tokim Sol long mekim wanem?

4. Jisas i tokim Ananaias long mekim wanem? Olsem wanem Sol inap lukluk gen?

5. Sol i kisim wanem nem? Em i mekim wanem wok?

Sampela askim moa:

1. Ritim Aposel 8:​1-4.

   Pasin birua i painim nupela kongrigesen Kristen bilong pastaim, olsem wanem dispela i helpim bilip Kristen long i go long planti hap? Long taim bilong yumi, wanem samting olsem i bin kamap? (Ap. 8:4; Ais. 54:17)

2. Ritim Aposel 9:​1-​20.

   Wanem 3-pela samting i insait long wok Jisas i tok long Sol bai mekim? (Ap. 9:​15; 13:5; 26:​1; 27:24; Ro. 11:13)

3. Ritim Aposel 22:​6-​16.

   Olsem wanem yumi inap bihainim pasin bilong Ananaias? Bilong wanem dispela i bikpela samting? (Ap. 22:12; 1 Ti. 3:7; 1 Pi. 1:​14-​16; 2:​12)

4. Ritim Aposel 26:​8-​20.

   Sol i kamap Kristen na olsem wanem dispela inap strongim ol manmeri i gat poroman marit i no bilip? (Ap. 26:11; 1 Ti. 1:​14-​16; 2 Ti. 4:2; 1 Pi. 3:​1-3)

Stori 109

1. Long piksa, dispela man i brukim skru em i husat?

2. Wanpela ensel i tok wanem long Kornilius?

3. God i mekim na Pita i lukim wanem samting taim em i stap long rup bilong haus bilong Saimon long Jopa?

4. Bilong wanem Pita i tokim Kornilius olsem em i no ken brukim skru na lotuim em?

5. Bilong wanem ol disaipel Juda i stap wantaim Pita ol i kirap nogut?

6. Pita i go lukim Kornilius na dispela i mas skulim yumi long wanem bikpela samting?

Sampela askim moa:

1. Ritim Aposel 10:​1-​48.

   Tok bilong Pita long Aposel 10:42 i kamapim wanem samting long wok bilong autim gutnius bilong Kingdom? (Mt. 28:19; Mk. 13:10; Ap. 1:8)

2. Ritim Aposel 11:​1-​18.

   Pita i kamapim wanem tingting taim Jehova i kamapim klia laik bilong Em long ol man bilong narapela lain? Olsem wanem yumi inap bihainim pasin bilong Pita? (Ap. 11:​17, 18; 2 Ko. 10:5; Ef. 5:​17)

Stori 110

1. Dispela yangpela man long piksa em i husat? Em i save stap we? Wanem nem bilong mama na bubu meri bilong em?

2. Timoti i tok wanem taim Pol i askim em long i go wantaim Sailas na Pol long autim tok long ol longwe ples?

3. Ol disaipel bilong Jisas i kisim nem Kristen long namba wan taim long wanem ples?

4. Taim Pol, Sailas, na Timoti i lusim Listra, ol i go long wanem ol taun?

5. Timoti i helpim Pol olsem wanem? Ol yangpela long nau i mas givim wanem askim long ol yet?

Sampela askim moa:

1. Ritim Aposel 9:​19-​30.

   Olsem wanem aposel Pol i bihainim gutpela tingting taim ol man i birua long gutnius? (Ap. 9:​22-​25, 29, 30; Mt. 10:16)

2. Ritim Aposel 11:​19-​26.

   Olsem wanem stori i stap long Aposel 11:​19-​21, 26 i soim olsem spirit bilong Jehova i stiaim wok autim tok?

3. Ritim Aposel 13:​13-​16, 42-​52.

   Olsem wanem Aposel 13:​51, 52 i soim olsem ol disaipel i no larim pasin birua i daunim ol? (Mt. 10:14; Ap. 18:6; 1 Pi. 4:​14)

4. Ritim Aposel 14:​1-6, 19-​28.

   Olsem wanem dispela hap tok “putim ol . . . long han bilong Bikpela” i helpim yumi long abrusim pasin bilong tingting planti taim yumi helpim ol nupela man? (Ap. 14:​21-​23; 20:32; Jo. 6:​44)

5. Ritim Aposel 16:​1-5.

   Olsem wanem pasin bilong Timoti long orait long katim skin i kamapim klia olsem em i bikpela samting long mekim “olgeta wok bilong mekim gutnius bilong Jisas i kamap strong”? (Ap. 16:3; 1 Ko. 9:​23; 1 Te. 2:8)

6. Ritim Aposel 18:​1-​11, 18-​22.

   Aposel 18:​9, 10 i tok wanem bilong makim olsem Jisas i bosim wok autim tok? Dispela i strongim yumi long bilip long wanem samting long nau? (Mt. 28:20)

Stori 111

1. Long piksa, dispela yangpela man i slip long graun em i husat? Wanem samting i kamap long em?

2. Pol i mekim wanem taim em i lukim olsem dispela mangi i dai pinis?

3. Pol, Timoti, na ol wanwok bilong tupela ol i laik i go we? Wanem samting i kamap taim ol i stap liklik taim long Miletus?

4. Profet Agabus i givim wanem tok lukaut long Pol? Olsem wanem ol samting i kamap olsem dispela profet i bin tok?

Sampela askim moa:

1. Ritim Aposel 20:​7-​38.

   1. Olsem tok bilong Pol long Aposel 20:​26, 27 i makim, olsem wanem ‘em i no asua bilong yumi sapos wanpela man i lus’? (Ese. 33:8; Ap. 18:​6, 7)

   2. Bilong wanem ol elda i mas “holim strong dispela tok tru” taim ol i skulim ol man? (Ap. 20:​17, 29, 30; Ta. 1:​7-9; 2 Ti. 1:​13)

2. Ritim Aposel 26:​24-​32.

   Olsem wanem Pol i mekim wok long namba bilong em olsem man bilong kantri Rom bilong inapim wok autim tok em i bin kisim long Jisas? (Ap. 9:​15; 16:​37, 38; 25:​11, 12; 26:32; Lu. 21:​12, 13)

Stori 112

1. Taim dispela sip em Pol i stap long en i bihainim nambis bilong Krit i go, wanem samting i kamap long en?

2. Pol i tok wanem long ol man i stap long sip?

3. Olsem wanem sip i bruk?

4. Kepten bilong ol soldia i tokim ol man long mekim wanem? Hamas man i kamap gut long nambis?

5. Wanem nem bilong dispela ailan ol i kamap long en? Pol i mekim wanem taim strongpela win i pinis?

Sampela askim moa:

1. Ritim Aposel 27:​1-​44.

   Taim yumi ritim stori bilong raun bilong Pol i go long Rom, olsem wanem dispela i strongim bilip bilong yumi olsem ol tok bilong Baibel i stret tru? (Ap. 27:​16-​19, 27-​32; Lu. 1:3; 2 Ti. 3:​16, 17)

2. Ritim Aposel 28:​1-​14.

   Ol manmeri bilong Malta em ol i haiden ol i bin mekim “gutpela pasin tru” long Pol na ol arapela i go wantaim em long sip, dispela i mas kirapim ol Kristen long mekim wanem kain pasin? Ol i ken mekim olsem long wanem rot? (Ap. 28:​1, 2; Hi. 13:​1, 2; 1 Pi. 4:​9)

Stori 113

1. Pol i autim tok long husat taim em i stap kalabus long Rom?

2. Long piksa, dispela man i kam lukim Pol na i sindaun long tebol em i husat? Em i mekim wanem bilong helpim Pol?

3. Epafroditus em i husat? Em i kisim wanem samting i go wantaim em taim em i go bek long Filipai?

4. Bilong wanem Pol i raitim pas i go long gutpela pren bilong em, Filemon?

5. Pol i mekim wanem taim em i lusim kalabus? Bihain ol i mekim wanem long em?

6. Jehova i mekim wok long husat bilong raitim ol laspela buk bilong Baibel? Buk Kamapim Tok Hait i stori long wanem ol samting?

Sampela askim moa:

1. Ritim Aposel 28:​16-​31 na Filipai 1:​13.

   Pol i mekim wanem long dispela haptaim em i stap long kalabus long Rom? Strongpela bilip bilong em i mekim wanem long kongrigesen Kristen? (Ap. 28:​23, 30; Fl. 1:​14)

2. Ritim Filipai 2:​19-​30.

   Pol i mekim wanem ol tok bilong kamapim tenkyu bilong em long Timoti na Epafroditus? Olsem wanem yumi inap bihainim pasin bilong Pol long dispela samting? (Fl. 2:​20, 22, 25, 29, 30; 1 Ko. 16:18; 1 Te. 5:​12, 13)

3. Ritim Filemon 1-​25.

   1. Pol i laik bai wanem samting i mas kirapim Filemon long mekim pasin i stret? Olsem wanem dispela inap stiaim ol elda long nau? (Fm. 9; 2 Ko. 8:8; Ga. 5:​13)

   2. Olsem wanem tok bilong Pol long Filemon 13, 14 i soim olsem em i rispektim tingting bilong ol arapela insait long kongrigesen? (1 Ko. 8:​7, 13; 10:​31-​33)

4. Ritim 2 Timoti 4:​7-9.

   Olsem aposel Pol, olsem wanem yumi inap bilip tru olsem Jehova bai givim prais long yumi sapos yumi stap gut long em i go inap long pinis? (Mt. 24:13; Hi. 6:​10)

Stori 114

1. Bilong wanem Baibel i stori long ol hos i stap long heven?

2. Wanem nem bilong dispela pait God bai mekim wantaim ol man nogut long graun? Dispela pait i bilong mekim wanem?

3. Long piksa, dispela Man bai go pas long pait em i husat? Bilong wanem em i putim hat king? Bainat bilong em i makim wanem samting?

4. Taim yumi skelim gen Stori 10, Stori 15, na Stori 33, bilong wanem yumi no ken kirap nogut olsem God bai bagarapim ol man nogut?

5. Olsem wanem Stori 36 na Stori 76 i soim olsem God bai bagarapim ol man nogut maski ol i tok ol i lotuim em?

Sampela askim moa:

1. Ritim Kamapim Tok Hait 19:​11-​16.

   1. Olsem wanem Baibel i kamapim klia olsem Jisas Krais em i dispela man i sindaun long waitpela hos? (KTH 1:5; 3:​14; 19:11; Ais. 11:4)

   2. Olsem wanem blut i stap long klos bilong Jisas i makim olsem em bai winim tru pait na daunim na pinisim tru ol birua? (KTH 14:​18-​20; 19:13)

   3. Husat ol i insait long lain ami i bihainim Jisas, em i sindaun long waitpela hos bilong em? (KTH 12:​7; 19:14; Mt. 25:​31, 32)

Stori 115

1. Baibel i tok bai yumi amamas long wanem ol gutpela samting long Paradais bai kamap long graun?

2. Baibel i mekim wanem tok promis long ol man em ol bai stap long Paradais?

3. Wanem taim bai Jisas i mekim dispela gutpela samting i kamap?

4. Taim Jisas i stap long graun, em i bin mekim wanem bilong soim ol samting em bai mekim taim em i stap King long Kingdom Bilong God?

5. Jisas wantaim ol lain i mekim wok king wantaim em long heven ol bai mekim wanem taim ol i bosim ol man long graun?

Sampela askim moa:

1. Ritim Kamapim Tok Hait 5:​9, 10.

   Bilong wanem yumi ken bilip tru olsem ol lain i bosim graun olsem king na pris long Taim Bilong Wan Tausen Yia, ol bai pilim hevi bilong yumi na mekim pasin marimari? (Ef. 4:​20-​24; 1 Pi. 1:7; 3:8; 5:​6-​10)

2. Ritim Kamapim Tok Hait 14:​1-3.

   Nem bilong Papa na nem bilong Pikinini Sipsip i stap long pes bilong lain 144,000 na dispela i makim wanem samting? (1 Ko. 3:​23; 2 Ti. 2:19; KTH 3:​12)

Stori 116

1. Yumi mas kisim save long wanem samting sapos yumi laik i stap oltaim?

2. Olsem wanem yumi inap kisim save long God Jehova na Jisas, olsem liklik meri na ol pren bilong em long piksa i mekim?

3. Yu lukim wanem narapela buk i stap long piksa? Bilong wanem yumi mas ritim dispela buk long olgeta taim?

4. Yumi kisim save long Jehova na Jisas, tasol yumi mas mekim wanem samting moa bilong kisim laip oltaim?

5. Yumi lainim wanem samting long Stori 69?

6. Gutpela pasin bilong Samuel long Stori 55 i kamapim wanem samting?

7. Olsem wanem yumi inap bihainim pasin bilong Jisas Krais? Sapos yumi mekim olsem, bai yumi inap mekim wanem long bihain?

Sampela askim moa:

1. Ritim Jon 17:3.

   Olsem wanem Baibel i soim olsem pasin bilong kisim save long God Jehova na Jisas Krais i no makim tasol olsem yumi lainim ol tok na putim long tingting? (Mt. 7:​21; Jem. 2:​18-​20; 1 Jo. 2:​17)

2. Ritim Song 145:​1-​21.

   1. Wanem sampela as na yumi mas litimapim nem bilong Jehova? (Sng. 145:​8-​11; KTH 4:​11)

   2. Olsem wanem Jehova i save “mekim gutpela pasin long olgeta manmeri”? Olsem wanem dispela i mas pulim yumi i go klostu moa long em? (Sng. 145:9; Mt. 5:​43-​45)

   3. Sapos yumi laikim tru Jehova, dispela bai kirapim yumi long mekim wanem? (Sng. 119:​171, 172, 175; 145:​11, 12, 21)