Tlhatlhambuto 1

1. Zi tile hi kwihi a zilo zontlhe za zi nene, u nga nyika a xikombiso?

2. Kuve yini a nchumu wo sangula lowu Nungungulu a nga wu vanga?

3. Hikuyini yi nga hlawulekile a ngelosi yo sangula?

4. Hlawutela lezi a misava yi nga tshamisile zona kusanguleni. (Wona a mufananiso.)

5. Xana i sangulisile kuyini Nungungulu a ku longisela misava lezaku a zihari ni vanhu va hanya ka yona?

Ziwutiso zo engetela:

1. Gonza Jeremia 10:12.

   Hi wahi matshamela ya Nungungulu lawa ma kombisiwako hi kuvanga kakwe? (Isa. 40:26; Rom. 11:33)

2. Gonza Va Le Kolosi 1:15-17.

   Xipanze muni a ngave naxo Jesu kuvangeni, niku lezo zi fanele ku khumbisa kuyini lezi hina hi mu wonisako zona? (Kol. 1:15-17)

3. Gonza Genesisi 1:1-10.

   1. Yi ntumbulukisile kuyini misava? (Gen. 1:1)

   2. Zini zi nga maheka ka siku go sangula ga kuvanga? (Gen. 1:3-5)

   3. Hlawutela lezi zi nga maheka nzeni ka siku ga wumbiri ga kuvanga. (Gen. 1:7, 8)

Tlhatlhambuto 2

1. Xana Nungungulu i yi longiselisile kuyini misava lezaku yiva kaya ka hina?

2. Hlawutela a wunyingi ga tixaka ta zihari lezi Nungungulu a zi mahileko. (Wona a mufananiso.)

3. Hikuyini gi nga hlawulekile a simu ga Edeni?

4. Zini lezi Nungungulu a nga wa lava lezaku a misava yontlhe yiva zona?

Ziwutiso zo engetela:

1. Gonza Genesisi 1:11-25.

   1. Zini lezi Nungungulu a nga zi vanga nzeni ka siku ga wunharu ga kuvanga? (Gen. 1:12)

   2. Zini zi nga maheka nzeni ka siku ga wumune ga kuvanga? (Gen. 1:16)

   3. Hi tihi tixaka ta zihari lezi Nungungulu a zi mahileko ka siku ga wuntlhanu ni ka siku ga wuntlhanu ni ginwe? (Gen. 1:20, 21, 25)

2. Gonza Genesisi 2:8, 9.

   Hi tihi a tisinya timbiri to hlawuleka leti Nungungulu a ti vekileko lomu sinwini, niku tona ti wa yimela yini?

Tlhatlhambuto 3

1. Wu hambanisile kuyini a mufananiso wa Tlhatlhambuto 3 ni lowu wa Tlhatlhambuto 2?

2. Himani a mahileko a wanuna wo sangula, niku gi wahi gihi a vito ga wanuna loye?

3. I ntiro muni lowu Nungungulu a wu nyikileko Adamu a ku wu maha?

4. Hikuyini Nungungulu a mahileko Adamu a etlela a wurongo ga hombe?

5. Xikhati muni lexi Adamu na Eva va nga wa ta zi kota ku hanya, niku i ntiro muni lowu Nungungulu a nga lava lezaku vona va wu maha?

Ziwutiso zo engetela:

1. Gonza Tisimu 83:18.

   Hi gihi a vito ga Nungungulu, niku hi xihi a xikhundla lexi xi nga xa yena yece hehla ka misava? (Jer. 16:21; Dan. 4:17)

2. Gonza Genesisi 1:26-31.

   1. Xini xi ngave xa lisima nguvu kuvangeni ka Nungungulu ka siku ga wuntlhanu ni ginwe, niku ku wa hambanisile kuyini ni zihari a kuvanga loko? (Gen. 1:26)

   2. Malulamiselo muni lawa Jehova a ma maheleko vanhu ni zihari? (Gen. 1:30)

3. Gonza Genesisi 2:7-25.

   1. Zini zi nga kari zi patseka xiavelweni xa Adamu xa ku chula mavito ka zihari? (Gen. 2:19)

   2. Xana hi vuniwa hi ndlela muni hi Genesisi 2:24 a ku pima a mawonela ya Jehova xungetano hi kutekana, kuhambana, ni kutlhatlha wukati? (Mat. 19:4-6, 9)

Tlhatlhambuto 4

1. Zini zi humelelako Adamu na Eva laha mufananisweni?

2. Hikuyini Jehova a va tsayisileko?

3. Zini lezi a nyoka yo kari yi nga byela Eva?

4. Himani a nga maha a nyoka yi wulawula na Eva?

5. Hikuyini Adamu na Eva va luzileko a muti wabye wa Paradise?

Ziwutiso zo engetela:

1. Gonza Genesisi 2:16, 17 ni 3:1-13, 24.

   1. Xana a xiwutiso xa nyoka ka Eva xi chakisisile kuyini lezi Jehova a nga zi wulile? (Gen. 3:1-5; 1 Joh. 5:3)

   2. Xana Eva i maha xikombiso xa kuva hina hi ti wonela hi ndlela muni? (Fil. 4:8; Jak. 1:14, 15; 1 Joh. 2:16)

   3. Xana Adamu na Eva va alile hi ndlela muni a ku vumela a nanzu wa mitiro yabye? (Gen. 3:12, 13)

   4. Xana a makerubima lawa ma nga yimile le mutsuwuka-gambo wa simu ga Edeni ma yimele hi ndlela muni a wuhosi ga Jehova? (Gen. 3:24)

2. Gonza Kuvululelwa 12:9.

   I humelelisa kuyini Satani kukhohliseni ka vanhu lezaku va lwisana ni kufuma ka Nungungulu? (1 Joh. 5:19)

Tlhatlhambuto 5

1. Gi wa fambisa kuyini a wutomi ga Adamu na Eva le handle ka simu ga Edeni?

2. Zini zi nga sangula ku humelela Adamu na Eva, niku hikuyini?

3. Hikuyini a vana va Adamu na Eva va nga wa ta khosahala ni kufa?

4. Loku Adamu na Eva va wa ingisile Jehova, xana va wa ta hanya wutomi muni zinwe ni vana vabye?

5. Xana a kungaingisi ka Eva ku mu vangele kubayisa hi ndlela muni?

6. Ma wa hi wahi a mavito ya vana vo sangula va vambiri va Adamu na Eva?

7. Hi vamani lava vanwani vana va nga laha mufananisweni?

Ziwutiso zo engetela:

1. Gonza Genesisi 3:16-23 ni 4:1, 2.

   1. Gi khumbisilwe kuyini a wutomi ga Adamu hi kurukatelwa ka misava? (Gen. 3:17-19; Rom. 8:20, 22)

   2. Hikuyini a vito Eva, gi wulako ku ngalo “Loyi a Hanyako,” gi nga faneleka? (Gen. 3:20)

   3. Xana Jehova i kombisile kuyini kuzwela ka Adamu na Eva hambu anzhako ka kuva va onhile? (Gen. 3:7, 21)

2. Gonza Kuvululelwa 21:3, 4.

   Hi zihi a “zilo zo sangula” lezi u lavako ku zi wona na zi fuvile?

Tlhatlhambuto 6

1. Mitiro muni leyi Kana na Abeli va yi mahako?

2. Minyikelo muni leyi Kana na Abeli va yi nehako ka Jehova?

3. Hikuyini Jehova a xalalako hi munyikelo wa Abeli, niku hikuyini a nga xalaliko hi lowu wa Kana?

4. Munhu wa lixaka muni Kana, niku Jehova i zama hi ndlela muni a ku mu kawuka?

5. Zini lezi Kana a mahako laha a kumekako a hi yece ni nakulobye le sinwini?

6. Tlhamusela lezi zi nga humelela Kana anzhako ka kuva a dele makabye wakwe.

Ziwutiso zo engetela:

1. Gonza Genesisi 4:2-26.

   1. Xana Jehova i xi tlhamusele hi ndlela muni a xiyimo xa kubiha lexi Kana a nga hi ka xona? (Gen. 4:7)

   2. Xana Kana i kombisile kuyini a tshamela ga mbilu yakwe? (Gen. 4:9)

   3. Hi wahi mawonela ya Jehova xungetano hi kuhalatwa ka nkhata wu nga hiko na nanzu? (Gen. 4:10; Isa. 26:21)

2. Gonza 1 Johani 3:11, 12.

   1. Hikuyini Kana a zangarileko nguvu, niku lezo zi hi nyika a xikombiso xa kuva hi ti wonela hi ndlela muni? (Gen. 4:4, 5; Mav. 14:30; 28:22)

   2. Xana a Biblia gi kombisa kuyini lezaku hambu loku a ziro zontlhe za ngango wa hina zi venga Jehova, ha zi kota ku simama hi hlayisa a kutsumbeka ka hina? (Tis. 27:10; Mat. 10:21, 22)

3. Gonza Johani 11:25.

   Hi kwihi kutiyiseka loku Jehova a nyikako xungetano hi vontlhe lava va fako hi kota ya kululama? (Joh. 5:24)

Tlhatlhambuto 7

1. Xana Enoki i wa hi munhu wo hambana hi ndlela muni?

2. Hikuyini a vanhu va xikhati xa Enoki va mahileko zilo zinyingi zo biha?

3. Hi zihi a zilo zo biha lezi a vanhu va nga kari va zi maha? (Wona a mufananiso.)

4. Hikuyini ku nga laveka lezaku Enoki a tiya hlana?

5. Xana a vanhu va masiku lawo va wa hanya xikhati xo chikela kwihi, kanilezi malembe mangani a hanyileko Enoki?

6. Zini zi nga maheka anzhako ka kufa ka Enoki?

Ziwutiso zo engetela:

1. Gonza Genesisi 5:21-24, 27.

   1. Kuzwanana muni loku Enoki a ngave nako na Jehova? (Gen. 5:24)

   2. Maringano ni Biblia, himani a munhu loyi a hanyileko nguvu a ku hunza vontlhe, niku i wa hi ni tanga muni a xikhati a ngafa? (Gen. 5:27)

2. Gonza Genesisi 6:5.

   Xana a matshamela ma wa bihile kala kwihi misaveni anzhako ka kufa ka Enoki, niku lezo zi ringanisa kuyini ni masiku ya hina? (2 Tim. 3:13)

3. Gonza Maheberu 11:5.

   Hi gihi tshamela ga Enoki legi gi ‘tsakisileko Nungungulu,’ niku kuve gihi a bhinzu ga lezo? (Gen. 5:22)

4. Gonza Juda 14, 15.

   Xana a maKristu ma nga pimanyisisa kuyini a kutiya-hlana ka Enoki inyamutlha a xikhati lexi ma tivisako vanhu hi kuta ka yimpi ya Har–Magedoni? (2 Tim. 4:2; Maheb. 13:6)

Tlhatlhambuto 8

1. Zini zi nga maheka a xikhati lexi a tingelosi to kari ta Nungungulu ti ingisileko Satani?

2. Hikuyini a tingelosi to kari ti tsikileko a ntiro wa tona le tilweni ti relela misaveni?

3. Hikuyini zi nga bihile a ku a tingelosi ti relela misaveni ti ta ti mahela a mimiri ya vanhu?

4. Hi kwihi kuhambana ku nga hi kona xungetano hi vana va tingelosi leto?

5. Kota lezi u zi wonako laha mufananisweni, zini lezi a vana lavo va tingelosi va mahileko a xikhati lexi va nga maha zihotlovila?

6. Anzhako ka Enoki, himani munwani wanuna wa mu nene a hanyileko misaveni, niku hikuyini Nungungulu a mu ranzileko?

Ziwutiso zo engetela:

1. Gonza Genesisi 6:1-8.

   Zini lezi zi kombiwako hi Genesisi 6:6 xungetano hi lezi a mahanyela ya hina ma zi kotako ku khumbisa zona a kutizwa ka Jehova? (Tis. 78:40, 41; Mav. 27:11)

2. Gonza Juda 6.

   Xana a tingelosi leti ti nga kala ku hlayisa a xiyimeko xa tona xa ntumbuluko masikwini ya Noa ti maha xialakanyiso xa kuva hina hi ti wonela hi ndlela muni? (1 Kor. 3:5-9; 2 Ped. 2:4, 9, 10)

Tlhatlhambuto 9

1. Vanhu vangani va nga hi kona ngangweni wa Noa, niku ma wa hi wahi a mavito ya vana vakwe va vanharu?

2. I nchumu muni wu nga tolovelekangiko lowu Nungungulu a rumileko Noa a ku wu maha, niku hikuyini?

3. Va hlamulisile kuyini a vaakelani va Noa a xikhati lexi a va tivisileko hi taru?

4. Zini lezi Nungungulu a leleteleko Noa a ku maha hi zihari?

5. Anzhako ka kuva Nungungulu a valile livati la taru, zini lezi Noa ni ngango wakwe va nga fanele ku maha?

Ziwutiso zo engetela:

1. Gonza Genesisi 6:9-22.

   1. Zini zi nga maha Noa ava mukhozeli wo hlamalisa wa Nungungulu wa lisine? (Gen. 6:9, 22)

   2. Xana Jehova i ti zwisa kuyini hi timholova, niku lezo zi fanele ku khumbisa kuyini a kuhlawula ka hina a zihungato? (Gen. 6:11, 12; Tis. 11:5)

   3. Hi nga mu pimanyisisa kuyini Noa a xikhati lexi hi amukelako zileletelo hi ka hlengeletano ya Jehova? (Gen. 6:22; 1 Joh. 5:3)

2. Gonza Genesisi 7:1-9.

   Xana yi hi tiyisisa kuyini hlana a mhaka ya kuva Jehova a wonile Noa kota munhu wo lulama hambulezi a nga mbhelelangiko? (Gen. 7:1; Mav. 10:16; Isa. 26:7)

Tlhatlhambuto 10

1. Hikuyini ku ngaku ni munwe i wa nga zi koti ku enghena tarwini a xikhati lexi a vula yi nga sangula kuna?

2. Xana Jehova i nisile vula hi masiku mangani ni wusiku gingani, niku ma zile ma eta kala kwihi a mati lawo?

3. Zini zi nga humelela a taru laha a mati ma nga sangula ku fenengeta a misava?

4. Xana a zihotlovila zi hulukile ka Ntalo, niku zini zi nga humelela a vararu va zona?

5. Zini lezi zi nga humelela a taru anzhako ka ntlhanu wa tihweti?

6. Hikuyini Noa a humesileko xikunguwa handle ka taru?

7. I zi tivisile kuyini Noa ku ngalo a mati ma wa pswhile misaveni?

8. Zini lezi Nungungulu a byelileko Noa anzhako ka kuva yena ni ngango wakwe va tshamile lomu tarwini a xikhati xa ku hunza a lembe?

Ziwutiso zo engetela:

1. Gonza Genesisi 7:10-24.

   1. Xana a kulobyiswa ka zilo zi hanyako misaveni kuve ka hombe ku chikela kwihi? (Gen. 7:23)

   2. Ma mbhetile xikhati muni a mati ya Ntalo akuva mapswha? (Gen. 7:24)

2. Gonza Genesisi 8:1-17.

   Xana ku kombisiwa kuyini ka Genesisi 8:17 lezaku a khungo go sangula ga Jehova xungetano hi misava a gi cicangi? (Gen. 1:22)

3. Gonza 1 Pedro 3:19, 20.

   1. A xikhati lexi a tingelosi to hluwuka ti tlheleleko tilweni, kulamulwa muni ti ku amukeleko? (Juda 6)

   2. Xana a matimu ya Noa ni ngango wakwe ma tiyisisa kuyini a kutsumba ka hina ka wuzikoti ga Jehova ga ku ponisa a vanhu vakwe? (2 Ped. 2:9)

Tlhatlhambuto 11

1. Kota lezi zi kombiwako laha mufananisweni, zini lezi Noa a mahileko a xikhati lexi a nga huma hi lomu tarwini?

2. Xilayelo muni lexi Nungungulu a nyikileko Noa ni ngango wakwe anzhako ka Ntalo?

3. Xitsumbiso muni a mahileko Nungungulu?

4. Loku hi wona a wura ga nyazimu, gi fanele a ku hi alakanyisa yini?

Ziwutiso zo engetela:

1. Gonza Genesisi 8:18-22.

   1. Hi nga mu nyikisa kuyini Jehova a “masema yo nanziha”? (Gen. 8:21; Maheb. 13:15, 16)

   2. Zini lezi Jehova a zi wonileko xungetano hi matshamela ya mbilu ya munhu, niku kutiwonela muni hi faneleko kuva nako hi kota ya lezo? (Gen. 8:21; Mat. 15:18, 19)

2. Gonza Genesisi 9:9-17.

   1. Xivumelwano muni a mahileko Jehova ni zivangwa zontlhe za misava? (Gen. 9:10, 11)

   2. Xi ta simama ku tira kala rini a xivumelwano xa wura ga nyazimu? (Gen. 9:16)

Tlhatlhambuto 12

1. Ku wa hi mani Nimrode, niku xana i wa ti zwisa kuyini Nungungulu hi yena?

2. Xana va wa mahela yini zitini a vanhu lava va nga laha mufananisweni?

3. Hikuyini Jehova a nga kala ku xalala hi ntiro lowo wa kuaka?

4. Xana Nungungulu i nyimisisile kuyini a kuaka ka likhokhola?

5. Gi wa vitaniswa kuyini a doropa lego, niku gi wa wula yini a vito lego?

6. Zini zi nga maheka ka vanhu anzhako ka kuva Nungungulu a hakasile a tirimi tabye?

Ziwutiso zo engetela:

1. Gonza Genesisi 10:1, 8-10.

   Matshamela muni lawa Nimrode a ma kombisileko, niku lezo zi hi nyika xitlharihiso muni? (Mav. 3:31)

2. Gonza Genesisi 11:1-9.

   Xivangelo muni xi mahileko vanhu va aka a likhokhola, niku hikuyini a ntiro lowo wu nga yimelwe hi kungahumeleli? (Gen. 11:4; Mav. 16:18; Joh. 5:44)

Tlhatlhambuto 13

1. Vanhu va matshamela muni va nga kari va hanya doropeni ga Ure?

2. Himani a wanuna loyi a nga laha mufananisweni, i pswalilwe rini, niku i hanyile kwihi?

3. Zini lezi Nungungulu a byelileko Abrahama akuva a maha?

4. Hikuyini Abrahama a vitanilweko munghana wa Nungungulu?

5. Himani a fambileko zinwe na Abrahama a xikhati lexi a nga suka hi le Ure?

6. Zini lezi Nungungulu a byelileko Abrahama a xikhati lexi a nga chikela tikweni ga Kanani?

7. Xitsumbiso muni lexi Nungungulu a maheleko Abrahama a xikhati lexi a nga hi ni 99 wa malembe?

Ziwutiso zo engetela:

1. Gonza Genesisi 11:27-32.

   1. Wuxaka muni va nga hi nago Abrahama na Loti? (Gen. 11:27)

   2. Hambulezi ku wuliwako ku ngalo hi Tera a tekileko ngango wakwe a kongoma Kanani, hi zi tivisa kuyini lezaku hi lisine hi Abrahama a sangulileko a pfhumba lego, niku hikuyini a mahileko lezo? (Gen. 11:31; Miti. 7:2-4)

2. Gonza Genesisi 12:1-7.

   Kuengetela muni loku Jehova a ku mahileko ka xivumelwano xa Abrahama anzhako ka kuva Abrahama a chikele tikweni ga Kanani? (Gen. 12:7)

3. Gonza Genesisi 17:1-8, 15-17.

   1. Hi kwihi kucica ka vito loku Abrama a ngave nako a xikhati lexi a nga hi ni 99 wa malembe, niku hikuyini? (Gen. 17:5)

   2. Makatekwa muni ma nga hata lawa Jehova a tsumbisileko Sara? (Gen. 17:15, 16)

4. Gonza Genesisi 18:9-19.

   1. Lomu ka Genesisi 18:19, wutihlamuleli muni gi nyikwako vapswali? (Deut. 6:6, 7; Efe. 6:4)

   2. Zini lezi zi humeleleko Sara zi kombako ku ngalo a hi zi koti ku fihla nchumu mahlweni ka Jehova? (Gen. 18:12, 15; Tis. 44:21)

Tlhatlhambuto 14

1. Xitsumbiso muni lexi Nungungulu a maheleko Abrahama, niku Nungungulu i hlayisisile kuyini a xitsumbiso xakwe?

2. Kota lezi zi kombiwako laha mufananisweni, xana Nungungulu i ringisile kuyini a kukholwa ka Abrahama?

3. Zini lezi a mahileko Abrahama, hambulezi ku ngaku i wa nga xi tivi a xigelo xa lezi Nungungulu a nga mu layile ku maha?

4. Zini zi mahekileko a xikhati lexi Abrahama a nga humesa mukwana kasi ku daya a n’wana wakwe?

5. Ku wa tiyisile kuyini a kukholwa ka Abrahama hi Nungungulu?

6. Xini lexi Nungungulu a nyikileko Abrahama lezaku a maha hi xona a munyikelo, niku i xi kumekisile kuyini Nungungulu a xinyikiwo lexo?

Ziwutiso zo engetela:

1. Gonza Genesisi 21:1-7.

   Hikuyini Abrahama a enghenisileko wukwera a n’wana wakwe hi siku ga wuntlhanu ni manharu? (Gen. 17:10-12; 21:4)

2. Gonza Genesisi 22:1-18.

   Xana i kombisile kuyini Isaka a kutitsongahata mahlweni ka raru wakwe, Abrahama, niku lezo zi kombisile kuyini na ka ha hi mahlweni ku ngalo ku wa tava ni ximaho xa ha tako xi nga ni tlhamuselo wa hombe a ku hunza lowo? (Gen. 22:7-9; 1 Kor. 5:7; Fil. 2:8, 9)

Tlhatlhambuto 15

1. Hikuyini Abrahama na Loti va hambeneko?

2. Hikuyini Loti a hlawulileko ku hanya Sodoma?

3. Va wa hi va matshamela muni a vanhu va le Sodoma?

4. Xitlharihiso muni lexi Loti a nyikilweko hi tingelosi timbiri?

5. Hikuyini a sati wa Loti a mahileko ruka ga munyu?

6. Zini hi gonzako hi lezi zi humeleleko sati wa Loti?

Ziwutiso zo engetela:

1. Gonza Genesisi 13:5-13.

   Xungetano hi ku xuxa timhaka, xigonzo muni hi zi kotako ku xi kuma hi ka Abrahama? (Gen. 13:8, 9; Rom. 12:10; Fil. 2:3, 4)

2. Gonza Genesisi 18:20-33.

   Xana a kutirisana ka Jehova na Abrahama ku hi nyikisa kuyini a kutsumba ka lezaku Jehova na Jesu va ta lamula hi nongameto? (Gen. 18:25, 26; Mat. 25:31-33)

3. Gonza Genesisi 19:1-29.

   1. Xana wu komba yini a tlhatlhambuto lowu wa Biblia xungetano hi mawonela ya Nungungulu hi kuetlela ni wanuna kutani wasati kulori? (Gen. 19:5, 13; Levi 20:13)

   2. Kuhambana muni hi ku kumako laha ka mahlamulela ya Loti na Abrahama zileletelweni za Nungungulu, niku zini hi zi kotako ku gonza hi lezo? (Gen. 19:15, 16, 19, 20; 22:3)

4. Gonza Luka 17:28-32.

   Hi gihi a tshamela ga mbilu legi a sati wa Loti a ngave nago hi zilo zi wonekako, niku lezo zi hi tlharihisa hi ndlela muni? (Lu. 12:15; 17:31, 32; Mat. 6:19-21, 25)

5. Gonza 2 Pedro 2:6-8.

   Hi ku pimanyisa Loti, ma fanele kuva wahi a mawonela ya hina hi tiko go biha legi gi hi ranzelako? (Ezek. 9:4; 1 Joh. 2:15-17)

Tlhatlhambuto 16

1. Himani a wanuna loyi ni wasati loyi va nga mufananisweni?

2. Zini a nga maha Abrahama kasi ku tekela n’wana wakwe a sati, niku hikuyini?

3. Wu hlamulisilwe kuyini a mukhongelo wa nanza ga Abrahama?

4. Zini lezi Rebeka a nga hlamula a xikhati lexi a wutisilweko ku ngalo i wa zi lava ku tekana na Isaka ke?

5. Zini lezi zi nga maha Isaka a tlhela ave ni kutsaka kambe?

Ziwutiso zo engetela:

1. Gonza Genesisi 24:1-67.

   1. Matshamela muni ya ma nene lawa Rebeka a ma kombisileko a xikhati lexi a nga tlhangana ni nanza ga Abrahama le hlobyeni? (Gen. 24:17-20; Mav. 31:17, 31)

   2. Lezi Abrahama a lulamiseleko Isaka zi nyika xikombiso muni xa xi nene ka maKristu inyamutlha? (Gen. 24:37, 38; 1 Kor. 7:39; 2 Kor. 6:14)

   3. Hikuyini hi faneleko ku kuma xikhati xa ku alakanyela, kota lezi Isaka a mahileko? (Gen. 24:63; Tis. 77:12; Fil. 4:8)

Tlhatlhambuto 17

1. Va wa hi vamani Esau na Jakobe, niku va wa hambanisile kuyini?

2. Va wa hi ni tanga muni Esau na Jakobe a xikhati lexi a fileko kokwani wabye Abrahama?

3. Zini lezi Esau a mahileko zi nga karata nguvu mamani wakwe ni raru wakwe?

4. Hikuyini Esau a zangareleko nguvu nakulobye, Jakobe?

5. Xileletelo muni lexi Isaka a nyikileko n’wana wakwe Jakobe?

Ziwutiso zo engetela:

1. Gonza Genesisi 25:5-11, 20-34.

   1. Zini lezi Jehova a profetileko xungetano hi vana va Rebeka va vambiri? (Gen. 25:23)

   2. Kuhambana muni ku nga hi kona xikari ka mawonela ya Jakobe ni ya Esau xungetano hi wutewula? (Gen. 25:31-34)

2. Gonza Genesisi 26:34, 35; 27:1-46; ni 28:1-5.

   1. Xana ku ti kombisile kuyini a kukala kutsakela zilo za moya ka Esau? (Gen. 26:34, 35; 27:46)

   2. Kasi ku Jakobe a amukela a xikatekiso xa Nungungulu, zini lezi Isaka a mu leleteleko ku maha? (Gen. 28:1-4)

3. Gonza Maheberu 12:16, 17.

   Zini lezi xi kombako a xikombiso xa Esau xungetano hi magumo ya lava va kanyisako a zilo za ku basa?

Tlhatlhambuto 18

1. Himani a nhwana loyi a nga laha mufananisweni, niku zini lezi Jakobe a mu maheleko?

2. Zini lezi Jakobe a nga ti yimisela ku maha kasi ku tekana na Rakeli?

3. Zini lezi a mahileko Labani laha ku nga chikela a xikhati xa kutekana ka Jakobe na Rakeli?

4. Zini lezi Jakobe a vumeleko ku maha kasi ku kuma Rakeli kota sati wakwe?

Ziwutiso zo engetela:

1. Gonza Genesisi 29:1-30.

   1. Hambu a xikhati lexi Labani a mu kanganyisileko, i ti kombisile kuyini Jakobe a ku yena munhu a tatisako zifungo zakwe, niku zini hi zi kotako ku gonza hi lezo? (Gen. 25:27; 29:26-28; Mat. 5:37)

   2. Xana a xiwonelo xa Jakobe xi kombisa kuyini a kuhambana ku nga kona xikari ka liranzo la lisine ni liranzo la kukanganyisa? (Gen. 29:18, 20, 30; Xizim. 8:6)

   3. Hi vamani a vavasati va mune lava va mahileko xipanze xa ngango wa Jakobe va tlhelileko va mu pswalela vana? (Gen. 29:23, 24, 28, 29)

Tlhatlhambuto 19

1. Ma wa hi wahi a mavito ya vana va Jakobe va ntlhanu ni munwe lava a ngave navo hi ka sati wakwe wo sangula, Lea?

2. Hi vahi a vana va vambiri lava Zilpa a nanza ga Lea a pswaleleko Jakobe?

3. Ma wa hi wahi a mavito ya vana va vambiri lava Bilha a nanza ga Rakeli a pswaleleko Jakobe?

4. Hi vahi a vana va vambiri lava Rakeli a psweleko, kanilezi zini zi nga maheka a xikhati lexi ku pswelweko a n’wana wa wumbiri?

5. Maringano ni mufananiso, i vana vangani lava Jakobe a ngave navo, niku xini xi nga huma hi ka vona?

Ziwutiso zo engetela:

1. Gonza Genesisi 29:32-35; 30:1-26; ni 35:16-19.

   Kota lezi zi kombilweko hi ka vana va Jakobe va 12, va wa tolovela ku chuliswa kuyini mavito a vafana va maHeberu zikhatini za kale?

2. Gonza Genesisi 37:35.

   Hambulezi ku nga ni vito ga Dina ntsena lomu ka Biblia, hi zi tivisa kuyini ku ngalo Jakobe i wa nga hi ni n’wana munwe ntsena wa nhanyana? (Gen. 37:34, 35)

Tlhatlhambuto 20

1. Hikuyini Abrahama na Isaka va nga kala ku zi lava a ku a vana vabye va tekana ni vanhu va tiko ga Kanani?

2. Xana Jakobe i wa xalala hi lezi a n’wana wakwe wa nhanyana a nga maha wunghana ni vanhanyana va maKanani?

3. Himani a wanuna loyi a cuwukako Dina laha mufananisweni, niku i nchumu muni wa ku biha a mahileko?

4. Zini lezi Simeoni na Levi a vamakabye va Dina va mahileko a xikhati lexi va zwileko lezi zi nga mahekile?

5. Xana i xalalile Jakobe hi lezi Simeoni na Levi va nga zi mahile?

6. Wu sangulisile kuyini a hlomulo lowo wontlhe wa ngango?

Ziwutiso zo engetela:

1. Gonza Genesisi 34:1-31.

   1. Xana a kutolovelana ka Dina ni vanhanyana va tiko ga Kanani kuve ka siku ginwe ntsena? Tlhamusela. (Gen. 34:1)

   2. Hikuyini Dina a rwalako nanzu wo kari hi kuluza ka wunhwana gakwe? (Gal. 6:7)

   3. Xana a vanhu vaswa va nga kombisa kuyini inyamutlha lezaku va gonzile xo kari hi xikombiso xa Dina xa kuva va ti wonela? (Mav. 13:20; 1 Kor. 15:33; 1 Joh. 5:19)

Tlhatlhambuto 21

1. Hikuyini a vamakabye va Josefa va ngave ni xiluse ka yena, niku zini va nga maha?

2. Zini lezi a vamakabye va Josefa va lavako ku mu maha, kanilezi zini a wulako Rubeni?

3. Zini zi mahekako a xikhati lexi ku hunzako vaxavisi va ka Ixmaeli?

4. Zini va mahako a vamakabye va Josefa kasi ku maha a raru wabye a alakanya ku ngalo Josefa i file?

Ziwutiso zo engetela:

1. Gonza Genesisi 37:1-35.

   1. Xana a maKristu ma nga pimanyisisa kuyini a xikombiso xa Josefa hi tlhelo ga ku bika zihoxo lomu bandleni? (Gen. 37:2; Levi. 5:1; 1 Kor. 1:11)

   2. Zini zi nga yisa vamakabye va Josefa kuxuxeni ka xikungo xa ku mu daya? (Gen. 37:11, 18; Mav. 27:4; Jak. 3:14-16)

   3. Zini lezi Jakobe a mahileko zi nga xipanze xi tolovelekileko xa kubayiseka? (Gen. 37:35)

Tlhatlhambuto 22

1. I na ni tanga muni Josefa a xikhati lexi a yiswako Gipite, niku zini zi mahekako laha a chikelako kwaseyo?

2. Xana Josefa iza a nghenisa kuyini paxweni?

3. Wutihlamuleli muni a nyikwako Josefa lomu paxweni?

4. Lomu paxweni, zini lezi Josefa a mahelako mucheleteli wa zakunwa ni mubhaki wa tipawu va Faro?

5. Zini zi mahekako anzhako ka kuhumeswa ka mucheleteli wa zakunwa hi lomu paxweni?

Ziwutiso zo engetela:

1. Gonza Genesisi 39:1-23.

   Kota lezi ku nga hi hava a nayo wa Nungungulu wu tsalilweko wu nga kari wu kona a wubhayi masikwini ya Josefa, zini zi nga mu susumeta a ku tsutsuma a sati wa Potifare? (Gen. 2:24; 20:3; 39:9)

2. Gonza Genesisi 40:1-23.

   1. Hi kukomisa, hlawutela a noro wa mucheleteli wa zakunwa zinwe ni tlhamuselo lowu Jehova a nyikileko Josefa. (Gen. 40:9-13)

   2. I noro muni wu ngave ni mubhaki wa tipawu, niku wu wa wula yini? (Gen. 40:16-19)

   3. Xana a ntlawa wa nanza gi tsumbekileko ni go tlhariha gi pimanyisisa kuyini a matshamela ya Josefa inyamutlha? (Gen. 40:8; Tis. 36:9; Joh. 17:17; Miti. 17:2, 3)

   4. Xana Genesisi 40:20 gi nyikisa kuyini a kuwonekela xungetano hi mawonela ya wuKristu maringano ni kuhlayisa a masiku ya kubelekwa? (Mutsh. 7:1; Mar. 6:21-28)

Tlhatlhambuto 23

1. Zini zi humelelako Faro ka wusiku go kari?

2. Hikuyini a mucheleteli wa zakunwa a zako hi magumo a alakanya Josefa?

3. Kota lezi zi kombiwako mufananisweni, miloro muni ya mimbiri leyi Faro a vako nayo?

4. Xana Josefa i ngalo yi wula yini a miloro leyo?

5. Zi mahekisa kuyini a kuva Josefa a maha munhu wa hombe ku hunza vontlhe Gipite ahandle ka Faro?

6. Hikuyini a vamakabye va Josefa va tako Gipite, niku hikuyini vona va nga mu tiviko?

7. I noro muni lowu Josefa a wu alakanyako, niku wona wu mu vuna a ku pima yini?

Ziwutiso zo engetela:

1. Gonza Genesisi 41:1-57.

   1. Xana Josefa i yisisile kuyini kupima ka Jehova, niku ma nga zi kotisa kuyini maKristu a ku pimanyisa a xikombiso xakwe inyamutlha? (Gen. 41:16, 25, 28; Mat. 5:16; 1 Ped. 2:12)

   2. Xana a malembe ya pfuno wa hombe le Gipite lawa ma nga lanzelwa hi malembe ya ndlala ma hambanisa kuyini hi kumbheleleko ni matshamela ya vanhu va Jehova hi tlhelo ga moya ni lawa ya wuKristu ga mawunwa inyamutlha? (Gen. 41:29, 30; Am. 8:11, 12)

2. Gonza Genesisi 42:1-8 ni 50:20.

   Xana zi bihile a ku a vakhozeli va Jehova va khizama mahlweni ka munhu hi ku mu nyika wudzunzo ni xichawo hi kota ya xikhundla xakwe loku lowo wu hi tolovelo wa tiko lego? (Gen. 42:6)

Tlhatlhambuto 24

1. Hikuyini Josefa a lumbetako vanakulobye akuva tihloli?

2. Hikuyini Jakobe a vumelako lezaku a xigumanzeni xakwe, Benjamini, aya Gipite?

3. Gi nghenisile kuyini a gombe ga siliva ga Josefa lomu sakweni ya Benjamini?

4. Zini lezi Juda a ti nyiketelako ku maha kasi ku kuma a kutlhatlhiswa ka Benjamini?

5. Xana a vamakabye va Josefa va hunzulukile kala ka xiyimo muni?

Ziwutiso zo engetela:

1. Gonza Genesisi 42:9-38.

   Xana a magezu ya Josefa ka Genesisi 42:18 xialakanyiso xa xi nene ka lava va nga ni wutihlamuleli hlengeletanweni ya Jehova inyamutlha hi ndlela muni? (Neh. 5:15; 2 Kor. 7:1, 2)

2. Gonza Genesisi 43:1-34.

   1. Hambulezi Rubeni a nga hi matewula, zi wonekisa kuyini a ku Juda i lo maha muwulawuli wa vanakulobye? (Gen. 43:3, 8, 9; 44:14, 18; 1 Kro. 5:2)

   2. Kota lezi zi nga te dlunya xana Josefa i ringisile kuyini vanakulobye, niku hikuyini? (Gen. 43:33, 34)

3. Gonza Genesisi 44:1-34.

   1. Kota xipanze xa pulani ya ku fihlela vanakulobye a ku hi yena mani, xana Josefa i ti kombisile kota yini? (Gen. 44:5, 15; Levi 19:26)

   2. Xana a vamakabye va Josefa va kombisile kuyini a ku a moya wa xiluse lowu va nga hi nawo kale hi nakulobye wu wa mbhelile makunu? (Gen. 44:13, 33, 34)

Tlhatlhambuto 25

1. Zini zi humelelako a xikhati lexi Josefa a byelako vanakulobye a ku hi yena mani?

2. Zini lezi Josefa a tlhamuselako vanakulobye hi wunene?

3. Zini lezi Faro a wulako a xikhati lexi a zwako mahungu xungetano hi vamakabye va Josefa?

4. Xana wu wa kulisile kuyini a ngango wa Jakobe a xikhati lexi a nga rura aya Gipite?

5. Xana a ngango wa Jakobe wu zile wu vitaniswa kuyini, niku hikuyini?

Ziwutiso zo engetela:

1. Gonza Genesisi 45:1-28.

   Xana a tlhatlhambuto wa Biblia xungetano hi Josefa wu kombisa kuyini a ku Jehova wa zi kota ku hunzulusa lezi zi kongomako ku maha kubiha malanza yakwe zi maha magumo ma nene? (Gen. 45:5-8; Isa. 8:10; Fil. 1:12-14)

2. Gonza Genesisi 46:1-27.

   Kutiyisa muni loku Jehova a nyikileko Jakobe ndleleni yakwe ya kuya Gipite? (Gen. 46:1-4)

Tlhatlhambuto 26

1. I wa hi mani Joba?

2. Zini lezi Satani a zamileko ku maha, kanilezi i zi kotile ke?

3. Zini lezi Jehova a vumeleleko Satani akuva a zi maha, niku hikuyini?

4. Hikuyini sati wa Joba a mu byelileko ku ‘rukatela Nungungulu, afa’? (Wona a mufananiso.)

5. Kota lezi u zi wonako ka mufananiso wa wumbiri, xana Jehova i katekisisile kuyini Joba, niku hikuyini?

6. Loku hina hi tsumbeka ka Jehova, a ku kota Joba, zikatekiso muni hi to zi amukela?

Ziwutiso zo engetela:

1. Gonza Joba 1:1-22.

   Xana a maKristu ma nga zi kotisa kuyini a ku pimanyisa Joba inyamutlha? (Joba 1:1; Fil. 2:15; 2 Ped. 3:14)

2. Gonza Joba 2:1-13.

   Hi tihi tindlela timbiri to hambana leti Joba ni sati wakwe va hlamulisileko zona tixanisa ta Satani? (Joba 2:9, 10; Mav. 19:3; Mika 7:7; Mala. 3:14)

3. Gonza Joba 42:10-17.

   1. Kufanana muni ku nga kona xikari ka nchachazelo lowu Joba a wu amukeleko ni lowu Jesu a wu amukeleko hi kota ya mahanyela yakwe yo tsumbeka? (Joba 42:12; Fil. 2:9-11)

   2. Xana hi tiyisiswa kuyini hlana hi zikatekiso lezi Joba a zi amukeleko hi ku hlayisa a kutsumbeka kakwe ka Nungungulu? (Joba 42:10, 12; Maheb. 6:10; Jak. 1:2-4, 12; 5:11)

Tlhatlhambuto 27

1. Laha mufananisweni, himani a wanuna loyi a nga ni xisepho, niku himani loyi a mu bako?

2. Anzhako ka kufa ka Josefa, zini zi nga humelela vaIsraeli?

3. Hikuyini a vaGipite va zileko va chava a vaIsraeli?

4. Xilayelo muni lexi Faro a nyikileko vavasati lava va nga kari va vuna a vavasati va vaIsraeli a ku pswala vana?

Ziwutiso zo engetela:

1. Gonza Eksodusi 1:6-22.

   1. Xana Jehova i sangulile ku tatisa a xitsumbiso xakwe ka Abrahama hi ndlela muni? (Ekso. 1:7; Gen. 12:2; Miti. 7:17)

   2. Xana a masungukati ya maHeberu ma kombisile kuyini xichawo hi kubasa ka wutomi? (Ekso. 1:17; Gen. 9:6)

   3. Xana a masungukati ma chachazelisilwe kuyini hi kutsumbeka ka wona ka Jehova? (Ekso. 1:20, 21; Mav. 19:17)

   4. Xana Satani i zamisile kuyini a ku tsanzekisa a khungo ga Jehova mayelano ni Pswalo wa Abrahama? (Ekso. 1:22; Mat. 2:16)

Tlhatlhambuto 28

1. Himani a nwanana loyi a nga laha mufananisweni, niku litiho la mani leli a li khomileko?

2. Zini lezi mamani wa Mosi a zi mahileko kasi ku mu ponisa kudaweni?

3. Himani a xinhanyatana lexi xi nga mufananisweni, niku zini lezi xi mahileko?

4. A xikhati lexi a nhanyana wa Faro a kumileko a nwanana, zini lezi Miriamu a mu byelileko kota mawonela yakwe?

5. Zini lezi n’wana hosi a byelileko mamani wa Mosi?

Ziwutiso zo engetela:

1. Gonza Eksodusi 2:1-10.

   Xikhati muni xo faneleka lexi mamani wa Mosi a ngave naxo kasi ku gonzisa Mosi lomu wuhlangini, niku lezo zi nyika xikombiso muni ka vapswali inyamutlha? (Ekso. 2:9, 10; Deut. 6:6-9; Mav. 22:6; Efe. 6:4; 2 Tim. 3:15)

Tlhatlhambuto 29

1. Xana i kulele kwihi Mosi, kanilezi i wa tiva yini hi vapswali vakwe?

2. Zini a mahileko Mosi a xikhati lexi a nga hi ni tanga ya 40 wa malembe?

3. Zini lezi Mosi a byelileko wanuna wa muIsraeli a nga kari alwa, niku i hlamulo muni a mu nyikileko wanuna loye?

4. Hikuyini Mosi a tsutsumileko hi le Gipite?

5. Xana i tsutsumele kwihi Mosi, niku i tivanile na mani kwaseyo?

6. Zini lezi Mosi a mahileko nzeni ka 40 wa malembe anzhako ka kuva a tsutsumile hi le Gipite?

Ziwutiso zo engetela:

1. Gonza Eksodusi 2:11-25.

   Hambulezi a nga hi ni malembe ya zigonzo za wutlhari ga vaGipite, xana Mosi i kombisile kuyini a kutsumbeka kakwe ka Jehova ni ka va ka kabye? (Ekso. 2:11, 12; Maheb. 11:24)

2. Gonza Mitiro 7:22-29.

   Xigonzo muni hi xi kumako kuzameni ka Mosi ka ku tlhatlhisa vaIsraeli wukhumbini ga le Gipite hi wutsumbu gakwe? (Miti. 7:23-25; 1 Ped. 5:6, 10)

Tlhatlhambuto 30

1. Hi gihi a vito ga xitsunga lexi laha mufananisweni?

2. Hlawutela a nchumu wo kala ku toloveleka lowu Mosi a nga wu wona a xikhati lexi a yileko xitsungeni ni tiyivu takwe.

3. Zini lezi a gezu go kari gi zi wulileko hi lomu xihlahleni, niku gi wa hi ga mani a gezu lego?

4. Xana i hlamulisile kuyini Mosi a xikhati lexi Nungungulu a nga mu byela ku ngalo yena i wa ta humesa a vanhu va Nungungulu hi le Gipite?

5. Zini lezi Nungungulu a leleteleko Mosi akuva a wula loku a vanhu va wutisa a ku himani a nga mu ruma?

6. Xana Mosi i wa ta kombisa kuyini a ku Nungungulu i wa mu rumile?

Ziwutiso zo engetela:

1. Gonza Eksodusi 3:1-22.

   Xana lezi zi humeleleko Mosi zi hi nyikisa kuyini a kutsumba ka lezaku hambu loku hi tizwa na hi nga faneleki ku tatisa a xiavelo xo kari xi tako hi ka Nungungulu, Jehova i ta hi vuna? (Ekso. 3:11, 13; 2 Kor. 3:5, 6)

2. Gonza Eksodusi 4:1-20.

   1. Kuhunzuluka muni ku mahekileko lomu ka mawonela ya Mosi nzeni ka 40 wa malembe lawa ma hunzileko na a hi Midiani, niku zini va zi kotako ku gonza hi lezo lava va lavako ku kuma malungelo bandleni? (Ekso. 2:11, 12; 4:10, 13; Mika 6:8; 1 Tim. 3:1, 6, 10)

   2. Hambu loku hi tsayiswa hi Jehova hi ku tirisa a hlengeletano yakwe, kutsumba muni hi zi kotako ku nyikwa hi xikombiso xa Mosi? (Ekso. 4:12-14; Tis. 103:14; Maheb. 12:4-11)

Tlhatlhambuto 31

1. Va khumbisilwe kuyini a vaIsraeli hi zihlamaliso lezi Mosi na Aroni va zi mahileko?

2. Zini lezi Mosi na Aroni va byelileko Faro, niku kuve wihi a hlamulo wa Faro?

3. Kota lezi zi kombiwako mufananisweni, zini zi nga maheka a xikhati lexi Aroni a hoxileko nhonga yakwe lahasi?

4. Xana Jehova i nyikisile kuyini xigonzo Faro, niku i hlamulisile kuyini Faro?

5. Zini zi mahekileko anzhako ka ntungu wa wukhume?

Ziwutiso zo engetela:

1. Gonza Eksodusi 4:27-31 ni 5:1-23.

   Xana Faro i wa lava ku wula yini a xikhati lexi a ngaku: “Jehova a nzi mu tivi”? (Ekso. 5:2; 1 Sam. 2:12; Rom. 1:21)

2. Gonza Eksodusi 6:1-13, 26-30.

   1. Xana Jehova a nga ti tivekisangi ka Abrahama, Isaka, na Jakobe hi ndlela muni? (Ekso. 3:13, 14; 6:3; Gen. 12:8)

   2. Xana hi ti zwisa kuyini hi ku tiva lezaku Jehova i simamile a tirisa Mosi, hambulezi yena Mosi a ti zwileko na a nga fanelwi hi ntiro wakwe lowu a nga avelwe? (Ekso. 6:12, 30; Lu. 21:13-15)

3. Gonza Eksodusi 7:1-13.

   1. A xikhati lexi Mosi na Aroni va yisileko kulamula ka Jehova ka Faro hi kutiya-hlana, xikombiso muni va xi vekeleko malanza ya Nungungulu inyamutlha? (Ekso. 7:2, 3, 6; Miti. 4:29-31)

   2. Xana Jehova i kombisile kuyini kutlakuka kakwe ku hunzeleleko hehla ka vanungungulu va Gipite? (Ekso. 7:12; 1 Kro. 29:12)

Tlhatlhambuto 32

1. Tirisa a mifananiso yi kombiwako laha, u hlawutela a mintungu yo sangula ya yinharu leyi Jehova a yi tisileko Gipite.

2. Kuve kwihi kuhambana ka mintungu yo sangula ya yinharu ni mintungu yinwani leyi yi tileko hi kulanzela?

3. Kuve wihi a ntungu wa wumune, wa wuntlhanu, wa wuntlhanu ni wunwe?

4. Hlawutela a ntungu wa wuntlhanu ni mimbiri, wa wuntlhanu ni yinharu, ni wa wuntlhanu ni mune.

5. Zini lezi Jehova a leleteleko vaIsraeli ku maha na wu nga seta a ntungu wa wukhume?

6. Wuve wihi a ntungu wa wukhume, niku zini zi mahekileko anzhako ka wona?

Ziwutiso zo engetela:

1. Gonza Eksodusi 7:19–8:23.

   1. Hambulezi a tin’anga ta Gipite ti zi kotileko ku wuyeta kumbiri a mintungu yo sangula ya mimbiri ya Jehova, zini lezi tona ti kurumetilweko ku vumela anzhako ka ntungu wa wunharu? (Ekso. 8:18, 19; Mat. 12:24-28)

   2. Xana a ntungu wa wumune wu kombisisile kuyini a wuzikoti ga Jehova ga ku vikela vanhu vakwe, niku a ku tiva lezo ku khumbisa kuyini vanhu va Nungungulu laha ku tshinelako a ‘kuxaniseka ka hombe’ loku ku tivisilweko na ka ha hi mahlweni? (Ekso. 8:22, 23; Kuv. 7:13, 14; 2 Kro. 16:9)

2. Gonza Eksodusi 8:24; 9:3, 6, 10, 11, 14, 16, 23-25; ni 10:13-15, 21-23.

   1. Hi yihi a mitlawa mimbiri ya vanhu leyi a Mintungu ya 10 yi mahileko lezaku yi poleka a ku a yi na ntamu wa hombe, niku lezo zi khumbisa kuyini lezi hina hi yi wonisako zona mitlawa leyo inyamutlha? (Ekso. 8:10, 18, 19; 9:14)

   2. Xana hi vunisiwa kuyini hi Eksodusi 9:16 a ku pima a xigelo xa ku Jehova a vumelela Satani lezaku a simama ave kona kala lezi? (Rom. 9:21, 22)

3. Gonza Eksodusi 12:21-32.

   Xana a Pasika gi mahile lezaku a kuhanyiswa ku koteka ka votala hi ndlela muni, niku gona a Pasika gi wa komba a ximaho muni? (Ekso. 12:21-23; Joh. 1:29; Rom. 5:18, 19, 21; 1 Kor. 5:7)

Tlhatlhambuto 33

1. Vavanuna vangani va vaIsraeli, zinwe ni vavasati ni vanana, va humileko hi le Gipite, niku hi vamani va humileko zinwe navo?

2. Xana i ti zwisisile kuyini Faro anzhako ka kuva a tsikile vaIsraeli va famba, niku zini lezi a nga maha?

3. Zini lezi a mahileko Jehova kasi ku valela vaGipite lezaku va nga hlaseli vanhu vakwe?

4. Zini zi nga maheka a xikhati lexi Mosi a nawulutileko a nhonga yakwe hehla ka Bimbi go Pswhuka, niku zini lezi va mahileko a vaIsraeli?

5. Zini zi nga maheka a xikhati lexi a vaGipite va nghenileko hi kuhatlisa lomu bimbini va lanza vaIsraeli?

6. Xana va kombisile kuyini a vaIsraeli a ku va wa tsakile niku va wa bonga Jehova hi lezi va ponisilweko?

Ziwutiso zo engetela:

1. Gonza Eksodusi 12:33-36.

   Xana Jehova i mahisile kuyini lezaku a vanhu vakwe vava ni kutlheliselwa hi kota ya malembe yabye wontlhe ya wukhumbi mandleni ya vaGipite? (Ekso. 3:21, 22; 12:35, 36)

2. Gonza Eksodusi 14:1-31.

   Xana a magezu ya Mosi ma tsalilweko ka Eksodusi 14:13, 14 ma khumbisa kuyini malanza ya Jehova inyamutlha laha ku tshinelako a yimpi ya Har–Magedoni? (2 Kro. 20:17; Tis. 91:8)

3. Gonza Eksodusi 15:1-8, 20, 21.

   1. Hikuyini a malanza ya Jehova ma faneleko ku yimbelela tisimu ta ku mu dumisa? (Ekso. 15:1, 2; Tis. 105:2, 3; Kuv. 15:3, 4)

   2. Xikombiso muni xa ku dumisa Jehova xi vekilweko hi Miriamu ni vavasati lava va nga hi le Bimbini go Pswhuka ka vavasati va maKristu inyamutlha? (Ekso. 15:20, 21; Tis. 68:11)

Tlhatlhambuto 34

1. Laha mufananisweni, zini lezi a vanhu va rolelako lahasi, niku zona zi vitwa a ku zini?

2. Xileletelo muni lexi Mosi a nyikako vanhu xungetano hi ku rolela a manna?

3. Zini lezi Jehova a byelako vanhu ku maha hi siku ga wuntlhanu ni ginwe, niku hikuyini?

4. Xihlamaliso muni a xi mahako Jehova a xikhati lexi a manna ma vekiwako kala ka siku ga wuntlhanu ni mambiri?

5. Xana Jehova i mbheta xikhati muni na a wundla a vanhu hi manna?

Ziwutiso zo engetela:

1. Gonza Eksodusi 16:1-36 ni Mitsengo 11:7-9.

   1. Zini lezi zi kombiwako hi Eksodusi 16:8 xungetano hi xilaveko xa ku hina hiva ni xichawo ka lava va rangelako bandleni ga wuKristu? (Maheb. 13:17)

   2. Le xiwuleni, xana a vaIsraeli va wa alakanyisiswa kuyini siku ni siku a ku vona va wa khegela ka Jehova? (Ekso. 16:14-16, 35; Deut. 8:2, 3)

   3. Hi wihi a tlhamuselo wo fananisela lowu Jesu a wu nyikileko xungetano hi manna, niku xana hi vuneka hi ndlela muni hi ‘xibaba lexo xa le tilweni’ ke? (Joh. 6:31-35, 40)

2. Gonza Joxua 5:10-12.

   Xana a vaIsraeli va mbhetile malembe mangani na vaga manna, zive xiringo ka vona lezo hi ndlela muni, niku hi nga gonza yini hi tlhatlhambuto lowu? (Ekso. 16:35; Mitse. 11:4-6; 1 Kor. 10:10, 11)

Tlhatlhambuto 35

1. A xipimo xa tihweti timbiri anzhako ka kuva va sukile Gipite, xana a vaIsraeli va gova kwihi?

2. Zini lezi Jehova a nge ngalo i lava lezaku a vanhu va zi maha, niku hi wihi a hlamulo wabye?

3. Hikuyini Jehova a nyikako Mosi a timbila timbiri ta maribye?

4. Ahandle ka Milayo ya Khume, hi yihi yinwani milayo leyi Jehova a nyikileko vaIsraeli?

5. Hi yihi milayo yimbiri leyi Jesu Kristu a nga te ngalo hi yona yi nga ya hombe a ku hunza yontlhe?

Ziwutiso zo engetela:

1. Gonza Eksodusi 19:1-25; 20:1-21; 24:12-18; ni 31:18.

   Xana ma hi vunisa kuyini a magezu ma tsalilweko ka Eksodusi 19:8 a ku pima lezi zi patsekako kutihendleleteni ka wuKristu? (Mat. 16:24; 1 Ped. 4:1-3)

2. Gonza Deuteronome 6:4-6; Levi 19:18; ni Mateu 22:36-40.

   Xana a maKristu ma kombisisa kuyini a liranzo la wona hi Nungungulu ni wakelani? (Mar. 6:34; Miti. 4:20; Rom. 15:2)

Tlhatlhambuto 36

1. Zini lezi va mahako a vanhu lava laha mufananisweni, niku hikuyini?

2. Hikuyini a zangarileko Jehova, niku zini a mahako Mosi a xikhati lexi a wonako lezi a vanhu va mahako?

3. Zini lezi Mosi a byelako vavanuna vo kari ku maha?

4. Xigonzo muni hi faneleko ku nyikwa hi tlhatlhambuto lowu?

Ziwutiso zo engetela:

1. Gonza Eksodusi 32:1-35.

   1. Xana a tlhatlhambuto lowu wu kombisa kuyini a mawonela ya Jehova xungetano hi ku patsela a wukhongeli ga mawunwa ni wukhozeli ga lisine? (Ekso. 32:4-6, 10; 1 Kor. 10:7, 11)

   2. Hi kwihi a kutiwonela loku a maKristu ma faneleko kuva nako kuhlawuleni ka zihungato, zo kota kuyimbelela ni kukina? (Ekso. 32:18, 19; Efe. 5:15, 16; 1 Joh. 2:15-17)

   3. Xana a lixaka la ka Levi li nyikile xikombiso xa xi nene xa ku yimela a kululama hi ndlela muni? (Ekso. 32:25-28; Tis. 18:25)

Tlhatlhambuto 37

1. Yi vitaniswa kuyini a yindlu leyi laha ka mufananiso, niku yi tiriselwa yini?

2. Hikuyini Jehova a leleteleko Mosi a ku aka a tenda hi ndlela ya ku zi koteka a ku gi tlhatlhelela hi kuhehuka?

3. Xini a bhokisa legi gi nga kwarutwini ya yitsongwani yi nga magumo ka tenda, niku zini zi nga kona kwalomo bhokiseni?

4. Himani loyi Jehova a mu hlawulako kasi kuva mupristi wa hombe, niku hi wihi a ntiro wa mupristi wa hombe?

5. Zilo muni za zinharu zi nga lomu kwarutwini ya hombe ya tenda.

6. Zilo muni za zimbiri zi nga kona laha tsenzeleni ga tabernakeli, niku zi tiriselwa yini?

Ziwutiso zo engetela:

1. Gonza Eksodusi 25:8-40; 26:1-37; 27:1-8; ni 28:1.

   Ma wa yimela yini a makerubima lawa ma nga hi hehla ka “nghaxa ya xivumelwano”? (Ekso. 25:20, 22; Mitse. 7:89; 2 Tih. 19:15)

2. Gonza Eksodusi 30:1-10, 17-21; 34:1, 2; ni Maheberu 9:1-5.

   1. Hikuyini Jehova a dlunyatisileko a lisima la ku hlayisa a kubasa ka miri ka vapristi va tirelako tabernakelini, niku lezo zi fanele ku hi khumbisa kuyini inyamutlha? (Ekso. 30:18-21; 40:30, 31; Maheb. 10:22)

   2. Xana i kombisa kuyini mupostoli Paule a ku a tabernakeli ni xivumelwano xa Nayo zi wa nga ha tiri xikhatini lexi a tsalileko papilo gakwe ka maKristu ya maHeberu? (Maheb. 9:1, 9; 10:1)

Tlhatlhambuto 38

1. Zini u zi wonako xungetano hi xitata xa mauva xi nga laha mufananisweni, niku xi tile hi kwihi?

2. Hikuyini Mosi a rumelako a 12 wa tihloli a kuya tikweni ga Kanani?

3. Zini lezi ti wulako a tihloli ta 10 a xikhati lexi ti tlhelako ka Mosi?

4. Xana a tihloli timbiri ti kombisa kuyini a kutsumba ka Jehova, niku hi wahi a mavito ya tona?

5. Hikuyini a zangarileko Jehova, niku zini lezi a byelako Mosi?

Ziwutiso zo engetela:

1. Gonza Mitsengo 13:1-33.

   1. Hi vamani lava va hlawulilweko a ku ya hlola a tiko, niku i lungelo muni ga lisima va ngave nago? (Mitse. 13:2, 3, 18-20)

   2. Xana a mawonela ya Joxua na Kalebe ma hambanisile kuyini ni lawa ya tinwani tihloli, niku zi hi gonzisa yini lezo? (Mitse. 13:28-30; Mat. 17:20; 2 Kor. 5:7)

2. Gonza Mitsengo 14:1-38.

   1. Xitlharihiso muni hi faneleko ku xi ingisa xungetano hi ku ngurangurela lava va yimelako Jehova misaveni? (Mitse. 14:2, 3, 27; Mat. 25:40, 45; 1 Kor. 10:10)

   2. Xana ku kombisiwa kuyini ka Mitsengo 14:24 a ku Jehova hi wutsumbu gakwe wa khatalela a munwe ni munwani wa malanza yakwe? (1 Tih. 19:18; Mav. 15:3)

Tlhatlhambuto 39

1. Hi vamani va vukelako a fanelo ya Mosi na Aroni, niku zini va byelako Mosi?

2. Zini lezi Mosi a byelako Kora ni valanzeli vakwe va 250 a kuva va zi maha?

3. Zini lezi Mosi a byelako vanhu, niku zini zi mahekako ka xalexo xikhati a mbhetako ku wulawula?

4. Zini zi humelelako Kora ni valanzeli vakwe va 250?

5. Zini lezi Eliazare, n’wana Aroni, a mahako hi zibya zo okela nzilo za vavanuna lava va fileko, niku hikuyini?

6. Hikuyini Jehova a mahako lezaku a nhonga ya Aroni yi hluka zitsangi? (Wona a mufananiso.)

Ziwutiso zo engetela:

1. Gonza Mitsengo 16:1-49.

   1. Zini lezi Kora ni valanzeli vakwe va mahileko, niku hikuyini lezo zihi kuvukela Jehova? (Mitse. 16:9, 10, 18; Levi 10:1, 2; Mav. 11:2)

   2. Mawonela muni yo biha lawa Kora ni 250 wa “tihosana ta tlhangano” va ma hlakuleleko? (Mitse. 16:1-3; Mav. 15:33; Isa. 49:7)

2. Gonza Mitsengo 17:1-11 ni 26:10.

   1. Xana ku wa komba yini a kuhluka ka nhonga ya Aroni, niku hikuyini Jehova a leleteleko lezaku yi vekiwa lomu nghaxeni? (Mitse. 17:5, 8, 10)

   2. Xigonzo muni xa lisima lexi hi zi kotako ku xi kuma hi ka xikombiso xa nhonga ya Aroni? (Mitse. 17:10; Miti. 20:28; Fil. 2:14; Maheb. 13:17)

Tlhatlhambuto 40

1. Xana Jehova i hlayisisa kuyini a vaIsraeli a xikhati lexi va nga xiwuleni?

2. Xana a vaIsraeli va vilela yini a xikhati lexi va govako Kadexe?

3. Xana Jehova i kumekisa kuyini mati kasi ku nyika vanhu ni zifuyo zabye?

4. Laha mufananisweni, himani a wanuna loyi a ti xungetako, niku hikuyini a mahako lezo?

5. Hikuyini Jehova a zangarelako Mosi na Aroni, niku xana va tsayisiswa kuyini?

6. Zini zi mahekako le Xitsungeni xa Hora, niku himani a mahako mupristi wa hombe wa Israeli?

Ziwutiso zo engetela:

1. Gonza Mitsengo 20:1-13, 22-29 ni Deuteronome 29:5.

   1. Zini hi gonzako hi lezi Jehova a hlayisisileko zona a vaIsraeli xiwuleni? (Deut. 29:5; Mat. 6:31; Maheb. 13:5; Jak. 1:17)

   2. Xana Jehova i xi wonisile kuyini a xihoxo xa Mosi na Aroni xungetano hi ku mu basisa mahlweni ka Israeli? (Mitse. 20:12; 1 Kor. 10:12; Kuv. 4:11)

   3. Zini hi gonzako hi lezi Mosi a nga hlamulisa zona a kutsayiswa loku a ku amukeleko hi ka Jehova? (Mitse. 12:3; 20:12, 27, 28; Deut. 32:4; Maheb. 12:7-11)

Tlhatlhambuto 41

1. Laha mufananisweni, xini xi tsonzeleleko a mhanze, niku hikuyini Jehova a leleteleko Mosi a ku xi veka laho?

2. Xana a vanhu va kombisisa kuyini a kungabongi hi zontlhe lezi Nungungulu a va maheleko?

3. Xini lexi a vanhu va kombelako lezaku Mosi a xi maha anzhako ka kuva Jehova a rumelile tinyoka ta wuxungu kasi ku va tsayisa?

4. Hikuyini Jehova a byelako Mosi a kuva a maha a nyoka ya suku?

5. Xigonzo muni hi zi kotako ku xi kuma hi ka tlhatlhambuto lowu?

Ziwutiso zo engetela:

1. Gonza Mitsengo 21:4-9.

   1. Xitlharihiso muni hi nyikwako hi kuvilela ka Israeli xungetano hi malulamiselo ya Jehova? (Mitse. 21:5, 6; Rom. 2:4)

   2. Ka mazana ya malembe ma nga lanzela, xana a vaIsraeli va yi tirisele yini a nyoka ya suku, niku zini lezi Hosi Hezekia a zi mahileko? (Mitse. 21:9; 2 Tih. 18:1-4)

2. Gonza Johani 3:14, 15.

   Xana a kuhayekiwa ka nyoka ya suku mhanzeni, loku ku tirako kota xitlharihiso, ku kombisa khwatsi a kubelelwa ka Jesu Kristu hi ndlela muni? (Gal. 3:13; 1 Ped. 2:24)

Tlhatlhambuto 42

1. Himani Balake, niku hikuyini a vitanisako Balaami?

2. Hikuyini a mbongola ya Balaami yi baramako laha ndleleni?

3. Zini lezi Balaami a zwako a mbongola yakwe na yi wulawula?

4. Zini lezi a ngelosi yi wulako ka Balaami?

5. Zini zi mahekako a xikhati lexi Balaami a zamako ku rukatela Israeli?

Ziwutiso zo engetela:

1. Gonza Mitsengo 21:21-35.

   Hikuyini Israeli a hlulileko Hosi Sihoni ya maAmori na Hosi Ogi ya le Baxani? (Mitse. 21:21, 23, 33, 34)

2. Gonza Mitsengo 22:1-40.

   Xi wa hi xihi a xigelo xa ku Balaami a zama ku rukatela Israeli, niku zigonzo muni hi zi kotako ku zi kuma hi ka lezo? (Mitse. 22:16, 17; Mav. 6:16, 18; 2 Ped. 2:15; Juda 11)

3. Gonza Mitsengo 23:1-30.

   Hambulezi Balaami a wulawulileko a ku khwatsi i wa hi mukhozeli wa Jehova, xana a mitiro yakwe yi kombisisile kuyini a ku i wa nga mu khozeli? (Num. 23:3, 11-14; 1 Sam. 15:22)

4. Gonza Mitsengo 24:1-25.

   Xana a tlhatlhambuto lowu wa Biblia wu tiyisisa kuyini a kukholwa ka hina xungetano hi kutatiseka ka khungo ga Jehova? (Mitse. 24:10; Isa. 54:17)

Tlhatlhambuto 43

1. Laha mufananisweni, hi vamani a vavanuna lava va vambiri va yimileko zinwe na Mosi?

2. Zini lezi Jehova a byelako Joxua?

3. Hikuyini Mosi a kanzihako le hehla ka Xitsunga xa Nebo, niku zini lezi Jehova a wulako ka yena?

4. I na ni tanga muni Mosi a xikhati lexi a fako?

5. Hikuyini a vanhu va bayisekako, kanilezi xigelo muni va nga naxo xa kuva va tsaka?

Ziwutiso zo engetela:

1. Gonza Mitsengo 27:12-23.

   Xiavelo muni xo binza lexi Joxua a xi amukeleko hi ka Jehova, niku ku kombisiwa hi ndlela muni a kukhatala ka Jehova hi vanhu Vakwe inyamutlha? (Mitse. 27:15-19; Miti. 20:28; Maheb. 13:7)

2. Gonza Deuteronome 3:23-29.

   Hikuyini Jehova a nga vumelangiko Mosi na Aroni a kuva va tlhatuka va ya tikweni ga xitsumbiso, niku xigonzo muni hi zi kotako ku xi kuma hi lezo? (Deut. 3:25-27; Mitse. 20:12, 13)

3. Gonza Deuteronome 31:1-8, 14-23.

   Xana a magezu ya Mosi ya ku salisa Israeli ma kombisa kuyini a ku yena i vumele a kutsayisa ka Jehova hi kutitsongahata? (Deut. 31:6-8, 23)

4. Gonza Deuteronome 32:45-52.

   Xana a Mhaka ya Nungungulu yi fanele ku khumbisa kuyini wutomi ga hina? (Deut. 32:47; Levi 18:5; Maheb. 4:12)

5. Gonza Deuteronome 34:1-12.

   Hambulezi Mosi a nga tshukangiko a wona Jehova hi wutsumbu Gakwe, zini lezi zi kombiwako hi Deuteronome 34:10 xungetano hi kuzwanana kakwe na Jehova? (Ekso. 33:11, 20; Mitse. 12:8)

Tlhatlhambuto 44

1. I hanya kwihi Rahabi?

2. Hi vamani a vavanuna lava va vambiri va nga mufananisweni, niku hikuyini va nga laha Jeriko?

3. Zini lezi a hosi ya Jeriko yi layako Rahabi a kuva a zi maha, niku i hlamulo muni a wu nyikako Rahabi?

4. Xana Rahabi i vunisa kuyini a vavanuna lava va vambiri, niku wuxinji muni a kombelako ku mahelwa?

5. Xitsumbiso muni xi mahelwako Rahabi hi tihloli ta timbiri?

Ziwutiso zo engetela:

1. Gonza Joxua 2:1-24.

   Xana xi tatisekisile kuyini a xitsumbiso xa Jehova xi tsalilweko lomu ka Eksodusi 23:28 a xikhati lexi a vaIsraeli va tileko ku ta vukela Jeriko? (Jox. 2:9-11)

2. Gonza Maheberu 11:31.

   Xana a xikombiso xa Rahabi xi dlunyatisisa kuyini a lisima la kukholwa? (Rom. 1:17; Maheb. 10:39; Jak. 2:25)

Tlhatlhambuto 45

1. Xihlamaliso muni a xi mahako Jehova kasi ku a vaIsraeli va zi kota ku tsemakanya a Congo wa Jordani?

2. Xana a vaIsraeli va fanele ku kombisisa kuyini a kukholwa kabye kasi ku tsemakanya a Congo wa Jordani?

3. Hikuyini Jehova a leletelako Joxua a ku teka a 12 wa maribye ya hombe ya lomu xikari ka congo?

4. Zini zi mahekako ka xalexo xikhati a vapristi va humako hi lomu Jordani?

Ziwutiso zo engetela:

1. Gonza Joxua 3:1-17.

   1. Kota lezi zi kombiwako hi tlhatlhambuto lowu, ku laveka a ku hi maha yini kasi ku amukela a xivuno ni makatekwa hi ka Jehova? (Jox. 3:13, 15; Mav. 3:5; Jak. 2:22, 26)

   2. Wu wa hi ka matshamela muni a Congo wa Jordani a xikhati lexi a vaIsraeli va wu tsemakanyileko va ya Tikweni gi Tsumbisilweko, niku xana lezo zi kulisisile kuyini a vito ga Jehova? (Jox. 3:15; 4:18; Tis. 66:5-7)

2. Gonza Joxua 4:1-18.

   Xana a maribye lawa ya 12 ma tekilweko Jordani ma ya yimiswa Gilgale ma tirele khungo muni? (Jox. 4:4-7)

Tlhatlhambuto 46

1. Zini lezi Jehova a byelako masochwa ni vapristi a ku maha nzeni ka ntlhanu wa masiku ni ginwe?

2. Zini lezi a vavanuna va faneleko ku maha hi siku ga wuntlhanu ni mambiri?

3. Kota lezi u zi wonako laha mufananisweni, zini zi humelelako makhurisi ya Jeriko?

4. Hikuyini ku nga ni ngoti yo pswhuka yi hayekilweko laha njhaneleni?

5. Zini lezi Joxua a byelako masochwa a kuva ma zi maha hi vanhu ni doropa, kanilezi zini a wulako xungetano hi siliva, nzalama, suku, ni xiketse?

6. Zini lezi a tihloli ta timbiri ti leletiwako ku maha?

Ziwutiso zo engetela:

1. Gonza Joxua 6:1-25.

   1. Xana a kurenzelekelwa ka Jeriko hi vaIsraeli hi siku ga wuntlhanu ni mambiri ku fanana ni ntiro wa kuxumayela wa Timboni ta Jehova masikwini lawa yo gumesa hi ndlela muni? (Jox. 6:15, 16; Isa. 60:22; Mat. 24:14; 1 Kor. 9:16)

   2. Xana a xiprofeto lexi xi tsalilweko ka Joxua 6:26 xi tatisekisile kuyini laha ku nga hunzile xipimo xa 500 wa malembe, niku xana lezo zi hi gonzisa yini xungetano hi mhaka ya Jehova? (1 Tih. 16:34; Isa. 55:11)

Tlhatlhambuto 47

1. Laha mufananisweni, himani a wanuna loyi a kelelako titshomba ti tekilweko Jeriko, niku hi vamani lava va mu vunako?

2. Hikuyini zi bihileko nguvu a zilo lezi zi mahilweko hi Akana ni ngango wakwe?

3. Zini lezi Jehova a wulako a xikhati lexi Joxua a wutisako ku ngalo hikuyini a va ka Israeli va hlulilweko yimpini le Ai?

4. Anzhako ka kuva Akana ni ngango wakwe va nehilwe ka Joxua, zini zi va humelelako?

5. Xigonzo muni xa lisima hi xi kumako kulamulweni ka Akana?

Ziwutiso zo engetela:

1. Gonza Joxua 7:1-26.

   1. Zini lezi zi kombilweko hi mikhongelo ya Joxua xungetano hi kuzwanana ku nga hi kona xikari ka yena ni Muvangi wakwe? (Jox. 7:7-9; Tis. 119:145; 1 Joh. 5:14)

   2. Zini zi kombiwako hi xikombiso xa Akana, niku xana lezo zi maha xitlharihiso ka hina hi ndlela muni? (Jox. 7:11, 14, 15; Mav. 15:3; 1 Tim. 5:24; Maheb. 4:13)

2. Gonza Joxua 8:1-29.

   Wutihlamuleli muni legi a munwe ni munwani wa hina a nga nago hi bandla ga wuKristu inyamutlha? (Jox. 7:13; Levi 5:1; Mav. 28:13)

Tlhatlhambuto 48

1. Xana a vanhu va Gibeoni va hambanisa kuyini ni vaKanani va lomu madoropeni ya laha kusuhani na vona?

2. Kota lezi zi kombiwako laha mufananisweni, zini lezi a vaGibeoni va mahako, niku hikuyini?

3. Xitsumbiso muni lexi Joxua ni tihosana ta Israeli va mahelako vaGibeoni, kanilezi zini lezi va zi polako anzhako ka masiku manharu?

4. Zini zi humelelako a xikhati lexi a tihosi ta manwani madoropa ti zwako lezaku a vaGibeoni va mahile kurula na Israeli?

Ziwutiso zo engetela:

1. Gonza Joxua 9:1-27.

   1. Kota lezi Jehova a nga leletele a tiko ga Israeli a kuva gi ‘lovisa vontlhe vanhu va tiko lego,’ xana matshamela muni yakwe ma dlunyatisilweko hi kunga lovisi vaGibeoni? (Jox. 9:22, 24; Mat. 9:13; Miti. 10:34, 35; 2 Ped. 3:9)

   2. Hi ku hlayisa a xivumelwano xi nga mahilwe ni vaGibeoni, xana Joxua i vekisile kuyini xikombiso xa xi nene ka maKristu inyamutlha? (Jox. 9:18, 19; Mat. 5:37; Efe. 4:25)

2. Gonza Joxua 10:1-5.

   Xana a xidlemo xa hombe inyamutlha xi pimanyisisa kuyini vaGibeoni, niku xana va telwa hi yini hi kota ya lezo? (Jox. 10:4; Zak. 8:23; Mat. 25:35-40; Kuv. 12:17)

Tlhatlhambuto 49

1. Laha mufananisweni, zini lezi Joxua a wulako, niku hikuyini?

2. Xana Jehova i vunisa kuyini Joxua ni masochwa yakwe?

3. Tihosi tingani ta valala leti Joxua a ti hlulako, niku xikhati muni a mbhetako kasi ku maha lezo?

4. Hikuyini Joxua a avanyiselako a tiko ga Kanani?

5. I na ni tanga muni Joxua a xikhati lexi a fako hi xona, niku zini lezi zi humelelako vanhu anzhako ka lezo?

Ziwutiso zo engetela:

1. Gonza Joxua 10:6-15.

   Laha hi tivako lezaku Jehova i mahile a gambo ni hweti zi yima hi kota ya Israeli, kutsumba muni hi nga nako inyamutlha? (Jox. 10:8, 10, 12, 13; Tis. 18:3; Mav. 18:10)

2. Gonza Joxua 12:7-24.

   Himani hakunene a mahileko lezaku a 31 wa tihosi ta Kanani ti hluliwa, niku hikuyini lezo zihi za lisima ka hina inyamutlha? (Jox. 12:7; 24:11-13; Deut. 31:8; Lu. 21:9, 25-28)

3. Gonza Joxua 14:1-5.

   Gi avanyiselwe hi ndlela muni a tiko xikari ka tixaka ta Israeli, niku xana lezo zi komba yini xungetano hi titshomba ta le Paradiseni? (Jox. 14:2; Isa. 65:21; Ezek. 47:21-23; 1 Kor. 14:33)

4. Gonza Valamuli 2:8-13.

   A ku khwatsi hi Joxua le Israeli, himani a tirako kota xilo xi tsimbetelako kuhluwuka inyamutlha? (Vala. 2:8, 10, 11; Mat. 24:45-47; 2 Tes. 2:3-6; Tit. 1:7-9; Kuv. 1:1; 2:1, 2)

Tlhatlhambuto 50

1. Xana a valamuli hi vamani, niku gi wa hi gihi a vito ga loyi wo sangula?

2. I lungelo muni go hlawuleka legi Debora a nga nago, niku xana a ntiro lowo wu patsa ku maha yini?

3. A xikhati lexi Israeli a dzukiswako hi Hosi Jabina ni nduna ya butho gakwe, Sisera, i gezu muni gi tako hi ka Jehova legi Debora a byelako Mulamuli Barake, niku xana yena Debora i ngalo himani a to kuma a wudzunzo ga kona?

4. Xana Jaeli i kombisisa kuyini a ku yena wasati wo tiya-hlana?

5. Zini zi humelelako anzhako ka kufa ka Hosi Jabina?

Ziwutiso zo engetela:

1. Gonza Valamuli 2:14-22.

   Xana a vaIsraeli va nehile a zanga ya Jehova hehla ka vona wutsumbu hi ndlela muni, niku xigonzo muni hi zi kotako ku xi kuma ka lezo? (Vala. 2:20; Mav. 3:1, 2; Ezek. 18:21-23)

2. Gonza Valamuli 4:1-24.

   Zigonzo muni lezi a vavasati va maKristu inyamutlha va zi kotako ku zi kuma xungetano hi kukholwa ni kutiya-hlana zi kombisilweko hi Debora na Jaeli? (Vala. 4:4, 8, 9, 14, 21, 22; Mav. 31:30; 1 Kor. 16:13)

3. Gonza Valamuli 5:1-31.

   Xana a lisimu la kuhlula la Barake na Debora li nga woniwa kota mukhongelo xungetano hi yimpi yi tako ya Har–Magedoni hi ndlela muni? (Vala. 5:3, 31; 1 Kor. 16:8-10; Kuv. 7:9, 10; 16:16; 19:19-21)

Tlhatlhambuto 51

1. Zi mahekisa kuyini a ku Naomi a kumeka ahi tikweni ga Moabi?

2. Hi vamani Rute na Orpa?

3. Xana i hlamulisa kuyini Rute hi tlhelo gakwe, zinwe na Orpa hi tlhelo gakwe na yenawu, a xikhati lexi Naomi a va byelako ku tlhelela ka va ka kabye?

4. Himani Boazi, niku i vunisa kuyini Rute na Naomi?

5. Hi gihi a vito ga nwanana loyi a belekelweko Boazi na Rute, niku hikuyini hi faneleko ku mu alakanya?

Ziwutiso zo engetela:

1. Gonza Rute 1:1-17.

   1. Magezu muni yo saseka ma kombisako liranzo lo tsumbeka lawa ma wuliwako hi Rute? (Rute 1:16, 17)

   2. Xana a xiyimo xa maalakanyo ya Rute xi kombisa khwatsi a mawonela ya “tiyivu tinwani” xungetano hi va totilweko va nga misaveni inyamutlha hi ndlela muni? (Joh. 10:16; Zak. 8:23)

2. Gonza Rute 2:1-23.

   Xana Rute i nyikisa kuyini xikombiso xa xi nene ka vanhwana inyamutlha? (Rute 2:17, 18; Mav. 23:22; 31:15)

3. Gonza Rute 3:5-13.

   1. Xana Boazi i ku wonisile kuyini a kuxalala ka Rute xungetano hi ku tekana naye ahandle ka munwani wanuna a ha hiko muswa?

   2. Xana a matshamela ya Rute ma hi gonzisa yini xungetano hi liranzo lo tsumbeka? (Rute 3:10; 1 Kor. 13:4, 5)

4. Gonza Rute 4:7-17.

   Xana a vavanuna va maKristu inyamutlha va nga zi kotisa kuyini ku fana na Boazi? (Rute 4:9, 10; 1 Tim. 3:1, 12, 13; 5:8)

Tlhatlhambuto 52

1. Hikuyini a vaIsraeli vahi kuxanisekeni ka hombe niku zi mahekisa kuyini lezo?

2. Hikuyini Jehova a byelako Gideoni ku ngalo i na ni vavanuna vo tala nguvu lomu buthweni gakwe?

3. Vavanuna vangani va salako anzhako ka kuva Gideoni a byelile a vavanuna va chavako lezaku va tlhela kaya?

4. Hi ku tirisa a mufananiso, tlhamusela lezi Jehova a hungulisako zona a ntsengo wa vavanuna va butho ga Gideoni lezaku ku sala a 300 wa vona ntsena.

5. I xaxametisa kuyini Gideoni a vavanuna vakwe va 300, niku xana Israeli i hlulisa kuyini a kulwa?

Ziwutiso zo engetela:

1. Gonza Valamuli 6:36-40.

   1. Xana Gideoni i wu kumisile kuyini a tiyiso wa lezi zi nga hi kuranza ka Jehova?

   2. Xana hi ku tivisa kuyini a kuranza ka Jehova inyamutlha? (Mav. 2:3-6; Mat. 7:7-11; 2 Tim. 3:16, 17)

2. Gonza Valamuli 7:1-25.

   1. Xigonzo muni hi zi kotako ku xi kuma ka vavanuna va 300 lava va tshamileko na va cuwukisela lezi zi mahekako lomu matlhelweni a kuhambana ni lava va nga kala ku khatala hi zona? (Vala. 7:3, 6; Rom. 13:11, 12; Efe. 5:15-17)

   2. Kota lezi a vavanuna va 300 va gonzileko hi ku cuwukisela Gideoni, xana hina hi gonza hi ndlela muni hi ku cuwukisela Gideoni wa Hombe, Jesu Kristu? (Vala. 7:17; Mat. 11:29, 30; 28:19, 20; 1 Ped. 2:21)

   3. Xana hi vuniwa hi ndlela muni hi Valamuli 7:21 a ku xalala hi ku tira kontlhe lomu hi avelwako kona hi hlengeletano ya Jehova? (1 Kor. 4:2; 12:14-18; Jak. 4:10)

3. Gonza Valamuli 8:1-3.

   Xungetano hi ku xuxisana timhaka ta kungazwani ka hina wutsumbu ni makabye wa xinuna kutani wa xisati, xana hi nga gonza yini hi ndlela leyi Gideoni a xuxileko hi yona a kuphikizana kakwe ni va ka Efraime? (Mav. 15:1; Mat. 5:23, 24; Lu. 9:48)

Tlhatlhambuto 53

1. Himani Jefta, niku i hanyile ka xikhati muni?

2. Xitsumbiso muni lexi Jefta a mahelako Jehova?

3. Hikuyini Jefta a bayisekako a xikhati lexi a wuyako hi le kuhluleni ka va ka Amoni?

4. Zini lezi n’wana Jefta a wulako a xikhati lexi a tivako a xitsumbiso xa raru wakwe?

5. Hikuyini a vanhu va ranzako n’wana Jefta?

Ziwutiso zo engetela:

1. Gonza Valamuli 10:6-18.

   Xitlharihiso muni hi faneleko ku xi ingisa hi ka matimu ya Israeli ya kungatsumbeki ka Jehova? (Vala. 10:6, 15, 16; Rom. 15:4; Kuv. 2:10)

2. Gonza Valamuli 11:1-11, 29-40.

   1. Hi zi tivisa kuyini ku ngalo a ku Jefta a nyikela n’wana wakwe kota “munyikelo wa kuhiswa” a zi wulangi ku mu nyikela hi nzilo kota muphahlo wa munhu? (Vala. 11:31; Levi 16:24; Deut. 18:10, 12)

   2. Xana Jefta i nyikele n’wana wakwe kota muphahlo hi ndlela muni?

   3. Zini hi gonzako hi ka mawonela ya Jefta xungetano hi xifungo xakwe ka Jehova? (Vala. 11:35, 39; Mutsh. 5:4, 5; Mat. 16:24)

   4. Xana n’wana Jefta i nyika xikombiso xi nene ka vanhu vaswa va maKristu xungetano hi ku ti nyiketela ku nghena wutirelini ga xikhati xontlhe hi ndlela muni? (Vala. 11:36; Mat. 6:33; Fil. 3:8)

Tlhatlhambuto 54

1. Hi gihi a vito ga wanuna loyi a nga hi ni ntamu wo hlamalisa wa ku cima a ku seva kona wo fanana naye, niku himani a mu nyikileko a ntamu lowo?

2. Ka khati go kari, zini lezi Samsoni a mahako a nghala ya hombe, kota lezi u zi wonako laha mufananisweni?

3. I fihlakalo muni lowu Samsoni a wu tlhamuselako Delila laha mufananisweni, niku lezo zi mu yisisa kuyini kukhonweni hi vaFilistia?

4. Xana Samsoni i vangisa kuyini kufa ka 3.000 wa valala vabye, a vaFilistia, ka siku legi a fileko hi gona?

Ziwutiso zo engetela:

1. Gonza Valamuli 13:1-14.

   Xana Manoa ni sati wakwe va nyikisa kuyini xikombiso xi nene ka vapswali xungetano hi ku wundla vana vabye? (Vala. 13:8; Tis. 127:3; Efe. 6:4)

2. Gonza Valamuli 14:5-9 ni 15:9-16.

   1. Xana a tlhatlhambuto lowu wu wulawulako hi Samsoni na a daya a nghala, na a phewula magota ya maswa ma nga mu bohile, na a tirisa a rambu ga hlaya wa mbongola ya matsune kasi ku daya a 1.000 wa vavanuna wu kombisa yini xungetano hi kutira ka moya wa ku basa wa Jehova?

   2. Xana a moya wa ku basa wu hi vunisa kuyini inyamutlha? (Vala. 14:6; 15:14; Zak. 4:6; Miti. 4:31)

3. Gonza Valamuli 16:18-31.

   I khumbisilwe kuyini Samsoni hi ku tolovelana ni vakubiha, niku xana hi nga gonza yini hi lezo? (Vala. 16:18, 19; 1 Kor. 15:33)

Tlhatlhambuto 55

1. Hi gihi a vito ga mufanyana loyi a nga mufananisweni, niku lava vanwani hi vamani?

2. Mukhongelo muni a mahako Hana ka siku go kari na a kari a enzela a tabernakeli ga Jehova, niku xana Jehova i mu hlamulisa kuyini?

3. I na ni tanga muni Samueli a xikhati lexi a yiswako a ku ya tira tendeni ga Jehova, niku zini lezi mamani wakwe a mu mahelako lembe ni lembe?

4. Hi wahi a mavito ya vana va Eli, niku vona vavanuna va mahanyela muni?

5. Xana Jehova i vitanisa kuyini Samueli, niku mahungu muni lawa Yena a mu nyikako?

6. Xana Samueli i maha ntiro muni laha a kulako, niku zini zi humelelako a xikhati lexi a khosahalako?

Ziwutiso zo engetela:

1. Gonza 1 Samueli 1:1-28.

   1. Xikombiso muni xa xi nene lexi Elkana a nyikako tihloko ta mingango xungetano hi ku rangela wukhozelini ga lisine? (1 Sam. 1:3, 21; Mat. 6:33; Fil. 1:10)

   2. Xigonzo muni hi zi kotako ku xi kuma hi ka xikombiso xa Hana xungetano hi ku yimisana ni mhaka yo karata ku yi tlhatlha? (1 Sam. 1:10, 11; Tis. 55:22; Rom. 12:12)

2. Gonza 1 Samueli 2:11-36.

   Xana Eli i dzunzile vana vakwe ku hunza Jehova hi ndlela muni, niku xana lezo zi tira kota xitlharihiso ka hina hi ndlela muni? (1 Sam. 2:22-24, 27, 29; Deut. 21:18-21; Mat. 10:36, 37)

3. Gonza 1 Samueli 4:16-18.

   Timhaka muni ta makhombo, leti ti nga mune, ti tako hi le yimpini, niku tona ti khumbisa kuyini Eli?

4. Gonza 1 Samueli 8:4-9.

   Xana Israeli i zangarisile nguvu Jehova hi ndlela muni, niku hina hi nga zi kotisa kuyini ku seketela a Mufumo wakwe hi kutsumbeka inyamutlha? (1 Sam. 8:5, 7; Joh. 17:16; Jak. 4:4)

Tlhatlhambuto 56

1. Laha mufananisweni, zini lezi a mahako Samueli, niku hikuyini?

2. Hikuyini Jehova a ranzako Saule, niku yena wanuna wa matshamela muni?

3. Hi gihi a vito ga n’wana wa Saule, niku zini lezi a n’wana loye a zi mahako?

4. Hikuyini Saule a nyikelako muphahlo ahandle ka ku rinzela Samueli a kuva a ta wu nyikela?

5. Zigonzo muni hi zi kotako ku zi kuma hi ka tlhatlhambuto lowu wu wulawulako ha Saule?

Ziwutiso zo engetela:

1. Gonza 1 Samueli 9:15-21 ni 10:17-27.

   Xana a tshamela ga kutikoramisa ga Saule gi mu vunisile kuyini a ku potsa ku maha a nchumu wa wupumbu a xikhati lexi vavanuna vo kari va wulawulileko ha yena hi ndlela yo kala xichawo? (1 Sam. 9:21; 10:21, 22, 27; Mav. 17:27)

2. Gonza 1 Samueli 13:5-14.

   Hi xihi a xionho lexi Saule a xi mahileko le Gilgale? (1 Sam. 10:8; 13:8, 9, 13)

3. Gonza 1 Samueli 15:1-35.

   1. Xionho muni xa hombe lexi Saule a xi mahileko xungetano hi Agagi, a hosi ya Amaleki? (1 Sam. 15:2, 3, 8, 9, 22)

   2. Xana Saule i zamisile kuyini a ku ti vikela kasi ku ti susa nanzu? (1 Sam. 15:24)

   3. Xitlharihiso muni hi faneleko ku xi ingisa inyamutlha a xikhati lexi hi nyikwako wusungukati? (1 Sam. 15:19-21; Tis. 141:5; Mav. 9:8, 9; 11:2)

Tlhatlhambuto 57

1. Hi gihi a vito ga mufana loyi a nga laha mufananisweni, niku hi zi tivisa kuyini a ku yena i nhenha?

2. I hanya kwihi Davida, niku hi gihi a vito ga raru wakwe ni ga kokwani wakwe wa xinuna?

3. Hikuyini Jehova a byelako Samueli a ku famba mutini wa Jese le Betlehema?

4. Zini zi mahekako a xikhati lexi Jese a nehako vana vakwe va ntlhanu ni vambiri ka Samueli?

5. Laha Davida a nehiwako, zini lezi Jehova a byelako Samueli?

Ziwutiso zo engetela:

1. Gonza 1 Samueli 17:34, 35.

   Xana a zimaho lezi zi dlunyatisisa kuyini a ku Davida munhu wa ku tiya-hlana ni wa ku khegela Jehova? (1 Sam. 17:37)

2. Gonza 1 Samueli 16:1-14.

   1. Xana a magezu ya Jehova ma nga ka 1 Samueli 16:7 ma hi vunisa kuyini a ku ngavi ni xihlawulela zinwe ni ku potsa a ku lamula hi nghohe? (Miti. 10:34, 35; 1 Tim. 2:4)

   2. Xana a xikombiso xa Saule xi kombisa kuyini a ku loku Jehova a susa a moya wakwe wa ku basa hehla ka munhu, a wutshamu lego ga phanga gi nga tatiswa hi moya wa ku biha, kutani hi kubyekelela ka yena kumaheni ka kubiha? (1 Sam. 16:14; Mat. 12:43-45; Gal. 5:16)

Tlhatlhambuto 58

1. Xana Goliate i phikisa kuyini a butho ga ka Israeli?

2. Xana Goliate i lehile ku chikela kwihi, niku i nchachazelo muni lowu Hosi Saule a tsumbisako ku wu nyika a wanuna loye a dayako Goliate?

3. Zini lezi Davida a wulako a xikhati lexi Saule a mu byelako ku ngalo yena a nge zi koti kulwa na Goliate hakuva Davida mufana ntsena?

4. Ka hlamulo wakwe ka Goliate, xana Davida i kombisa kuyini a kutsumba kakwe ka Jehova?

5. Kota lezi u zi wonako laha mufananisweni, zini lezi Davida a zi tirisako kasi ku daya Goliate, niku zini lezi zi humelelako vaFilistia anzhako ka lezo?

Ziwutiso zo engetela:

1. Gonza 1 Samueli 17:1-54.

   1. Wu wa hi wihi a fihlakalo wa kuva Davida a nga hi na kuchava, niku xana hi nga pimanyisisa kuyini a kutiya-hlana loku a nga hi nako? (1 Sam. 17:37, 45; Efe. 6:10, 11)

   2. Hikuyini a makristu ma faneleko ku potsa a moya wa kupalisana a ku fana ni lowu wa Goliate a xikhati lexi va nghenelako mihlakano? (1 Sam. 17:8; Gal. 5:26; 1 Tim. 4:8)

   3. Xana a magezu ya Davida ma kombisa kuyini a ku yena i wa hi ni kukholwa ka lezaku Nungungulu i wa ta mu vuna? (1 Sam. 17:45-47; 2 Kro. 20:15)

   4. Ahandle ka ku hlawutela a kulwa ntsena ku nga kona xikari ka mabutho mambiri ma vukelanako, xana a tlhatlhambuto lowu wu kombisa kuyini a ku a kulwa loko hakunene ku wahi xikari ka vanungungulu va mawunwa ni Nungungulu wa lisine, Jehova? (1 Sam. 17:43, 46, 47)

   5. Xana a misalela yi totilweko yi pimanyisisa kuyini xikombiso xa Davida xa ku tsumba Jehova? (1 Sam. 17:37; Jer. 1:17-19; Kuv. 12:17)

Tlhatlhambuto 59

1. Hikuyini Saule a luselako Davida, kanilezi Jonatani n’wana Saule i hambana ni raru wakwe hi ndlela muni?

2. Zini zi mahekako ka siku go kari na Davida a kari a bela xitende Saule?

3. Zini lezi Saule a nge ngalo Davida i fanele ku zi maha na a nga se teka Mikali n’wana Saule kota sati wakwe, niku hikuyini Saule a wulako lezo?

4. A xikhati lexi Davida a belako xitende Saule, zini zi mahekako hi khati ga wunharu, kota lezi wu kombako mufananiso?

5. Xana Mikali i vunisa kuyini a ku ponisa wutomi ga Davida, niku zini lezi Davida a faneleko ku maha makunu hi ntlhanu wa malembe ni mambiri?

Ziwutiso zo engetela:

1. Gonza 1 Samueli 18:1-30.

   1. Xana a liranzo li nga tsemekiko la Jonatani ha Davida li kombisa kuyini na ka ha hi mahlweni a kuranzana ku nga kona xikari ka “tiyivu tinwani” ni “ntlhambi wu tsongwani”? (1 Sam. 18:1; Joh. 10:16; Lu. 12:32; Zak. 8:23)

   2. Kota lezi Jonatani a nga wa zi kota ku maha xiga-tshomba xa Saule kota xitoloveto, xana ku kombisiwa kuyini a kutikoramisa ko hlamalisa ka Jonatani mahlweni ka loyi a hlawulilweko a kuva a maha hosi lomu ka 1 Samuel 18:4?

   3. Xana a xikombiso xa Saule xi kombisa kuyini a ku a xiluse xa zi kota ku yisa munhu kuonheni ka hombe, niku xitlharihiso muni hi nyikwako hi lezo? (1 Sam. 18:7-9, 25; Jak. 3:14-16)

2. Gonza 1 Samueli 19:1-17.

   A xikhati lexi a nga wulawulisana na Saule, xana Jonatani i vekisile kuyini a wutomi gakwe mhangweni ke? (1 Sam. 19:1, 4-6; Mav. 16:14)

Tlhatlhambuto 60

1. Hi gihi a vito ga wasati loyi a khingako Davida laha mufananisweni, niku yena munhu wa matshamela muni ke?

2. Himani Nabali?

3. Hikuyini Davida a rumelako vo kari xikari ka vavanuna vakwe a ku ya maha xikombelo ka Nabali?

4. Zini lezi Nabali a byelako vavanuna va Davida, niku xana i hlamulisa kuyini Davida?

5. Xana Abigaili i kombisa kuyini ku ngalo yena wasati wa wutlhari?

Ziwutiso zo engetela:

1. Gonza 1 Samueli 22:1-4.

   Xana a ngango wa Davida wu nyikisile kuyini xikombiso xa xi nene xa lezi hi faneleko ku vunisana zona nzeni ka wumakabye ga wuKristu? (Mav. 17:17; 1 Tes. 5:14)

2. Gonza 1 Samueli 25:1-43.

   1. Hikuyini ku wulawuliwako ha Nabali hi ndlela yo nyenyeka nguvu? (1 Sam. 25:2-5, 10, 14, 21, 25)

   2. Zini lezi a vasati va nga maKristu va zi kotako ku gonza inyamutlha hi ka xikombiso xa Abigaili? (1 Sam. 25:32, 33; Mav. 31:26; Efe. 5:24)

   3. Xana Abigaili i valele Davida a kuva a nga mahi zilo muni za zimbiri zo biha? (1 Sam. 25:31, 33; Rom. 12:19; Efe. 4:26)

   4. Xana a hlamulo wa Davida ka magezu ya Abigaili wu vunisa kuyini vavanuna inyamutlha a kuva vava ni mawonela ya Jehova xungetano hi vavasati? (Miti. 21:8, 9; Rom. 2:11; 1 Ped. 3:7)

Tlhatlhambuto 61

1. Zini lezi Davida na Abixai va mahileko a xikhati lexi Saule a nga kari a etlele wugovelweni gakwe?

2. Ziwutiso muni a zi mahako Davida ka Saule?

3. Anzhako ka kuva a sukile ka Saule, xana iya kwihi Davida?

4. Zini zi mahako Davida a bayiseka nguvu, laha ko kala a tsala a lisimu lo saseka?

5. I na ni tanga muni Davida a xikhati lexi a mahiwako hosi le Hebroni, niku hi wahi a mavito ya vo kari va vana vakwe?

6. Anzhako ka xikhati, i fuma kwihi Davida kota hosi?

Ziwutiso zo engetela:

1. Gonza 1 Samueli 26:1-25.

   1. Xana a magezu ya Davida ma tsalilweko ka 1 Samueli 26:11 ma kombisa mawonela muni xungetano hi mafambisela ya Nungungulu? (Tis. 37:7; Rom. 13:2)

   2. Loku hi tirisa mintamu yontlhe kasi ku kombisa liranzo lo tsumbeka kanilezi yona yi nga tsakelwi, xana a magezu ya Davida ma kumekako ka 1 Samueli 26:23 ma hi vunisa kuyini a ku hlayisa a mawonela ma faneleko? (1 Tih. 8:32; Tis. 18:20)

2. Gonza 2 Samueli 1:26.

   Xana a maKristu inyamutlha ma nga zi kotisa kuyini ku anzisa a ‘kupinyamela ku ranzana’ ko fanana ni loku Davida na Jonatani va nga hi nako? (1 Ped. 4:8; Kol. 3:14; 1 Joh. 4:12)

3. Gonza 2 Samueli 5:1-10.

   1. Malembe mangani a fumileko Davida kota hosi, niku xana xi avanyisisilwe kuyini a xikhati lexo? (2 Sam. 5:4, 5)

   2. Xini xi mahako lezaku Davida ava wa hombe, niku xana lezo zi maha xialakanyiso ka hina inyamutlha hi ndlela muni? (2 Sam. 5:10; 1 Sam. 16:13; 1 Kor. 1:31; Fil. 4:13)

Tlhatlhambuto 62

1. Hi ku vuniwa hi Jehova, zini zi humelelako tiko ga Kanani hi magumo?

2. Zini zi mahekako ka gambo go kari na Davida a hi hehla ka langwa la yindlu yakwe ya wuhosi?

3. Hikuyini Jehova a zangarelako nguvu Davida?

4. Laha mufananisweni, himani loyi Jehova a mu rumelako a ku ya wulawula na Davida xungetano hi zionho zakwe, niku zini lezi wanuna loye a nge ngalo zi ta humelela Davida?

5. Zikarato muni a humelelwako hi zona Davida?

6. Anzhako ka Davida, himani a mahako hosi ya Israeli?

Ziwutiso zo engetela:

1. Gonza 2 Samueli 11:1-27.

   1. Xana a ku tshama na hi khomekile ntirweni wa Jehova ku maha xivikelo ka hina hi ndlela muni?

   2. Xana Davida i kokelwe xionhweni hi ndlela muni, niku lezo zi nyika xitlharihiso muni ka malanza ya Jehova inyamutlha ke? (2 Sam. 11:2; Mat. 5:27-29; 1 Kor. 10:12; Jak. 1:14, 15)

2. Gonza 2 Samueli 12:1-18.

   1. Xigonzo muni lexi a madota ni vapswali va zi kotako ku xi kuma hi ka ndlela leyi Natani a tshineleleko hi yona Davida kasi ku mu nyika wusungukati? (2 Sam. 12:1-4; Mav. 12:18; Mat. 13:34)

   2. Hikuyini Jehova a ngave ni tipswalo ha Davida? (2 Sam. 12:13; Tis. 32:5; 2 Kor. 7:9, 10)

Tlhatlhambuto 63

1. Zini lezi Jehova a wutisako Solomoni, niku xana yena i hlamulisa kuyini?

2. Hi kota ya lezi a xalalako hi xikombelo xa Solomoni, zini lezi Jehova a tsumbisako ku mu nyika?

3. I mhaka muni yo karata yi nehiwako ka Solomoni hi vavasati vambiri?

4. Kota lezi u zi wonako laha mufananisweni, xana Solomoni i xuxisa kuyini mhaka leyo?

5. Ku tshamisile kuyini a kufuma ka Solomoni, niku hikuyini?

Ziwutiso zo engetela:

1. Gonza 1 Tihosi 3:3-28.

   1. Zini lezi va gonzako a vavanuna lava va nyikiwako wutihlamuleli hlengeletanweni ya Nungungulu inyamutlha hi ka magezu ya Solomoni ma humako mbilwini ma nga ka 1 Tihosi 3:7? (Tis. 119:105; Mav. 3:5, 6)

   2. Xana a xikombelo xa Solomoni xi maha xikombiso xa xi nene xa zilo lezi zi faneleko ku khongelelwa hi ndlela muni? (1 Tih. 3:9, 11; Mav. 30:8, 9; 1 Joh. 5:14)

   3. Xana lezi Solomoni a nga xuxisa zona a kuphikizana xikari ka vavasati lavayani va vambiri zi hi nyika kutsumba muni xungetano hi kufuma ka ha tako ka Solomoni wa Hombe, Jesu Kristu? (1 Tih. 3:28; Isa. 9:6, 7; 11:2-4)

2. Gonza 1 Tihosi 4:29-34.

   1. Xana Jehova i hlamulisile kuyini a xikombelo xa Solomoni xa kuva ni mbilu yo ingisa? (1 Tih. 4:29)

   2. Kota lezi a vanhu va nga wa ti karata kuya va yazwa wutlhari ga Solomoni, xana ma fanele kuva wahi a mawonela ya hina xungetano hi ku gonza a Mhaka ya Nungungulu? (1 Tih. 4:29, 34; Joh. 17:3; 2 Tim. 3:16)

Tlhatlhambuto 64

1. Xana Solomoni i mbheta xikhati muni na a aka a tempeli ya Jehova, niku hikuyini yi tekako mali yo tala nguvu?

2. Tikwarutu tingani ta lisima ti nga lomu tempeleni, niku xini xi vekiwako lomu kwarutwini ya lomu nzeni nguvu?

3. Zini lezi Solomoni a wulako mukhongelweni wakwe a xikhati lexi a tempeli yi mbhelako ku akiwa?

4. Xana Jehova i kombisa kuyini a ku wa xalala hi mukhongelo wa Solomoni?

5. Zini lezi a vasati va Solomoni va mahako lezaku a zi maha, niku zini zi humelelako Solomoni?

6. Hikuyini Jehova a zangarelako Solomoni, niku zini lezi Jehova a mu byelako?

Ziwutiso zo engetela:

1. Gonza 1 Kronekele 28:9, 10.

   Hi kota ya magezu ya Davida ma tsalilweko ka 1 Kronekele 28:9, 10, zini hi faneleko ku ti karata ku zi maha wutomini ga hina ga siku ni siku? (Tis. 19:14; Fil. 4:8, 9)

2. Gonza 2 Kronekele 6:12-21, 32-42.

   1. Xana Solomoni i kombisile kuyini ku ngalo a ku na yindlu yo akiwa hi vanhu yi zi kotako ku ringana Nungungulu a Hunzeleleko Kutlakuka? (2 Kro. 6:18; Miti. 17:24, 25)

   2. Xana a magezu ya Solomoni ma kumekako ka 2 Kronekele 6:32, 33 ma komba yini xungetano hi Jehova? (Miti. 10:34, 35; Gal. 2:6)

3. Gonza 2 Kronekele 7:1-5.

   Kota lezi a vanana va ka Israeli va kucilweko ku dumisa Jehova hi kota ya ku wona a kungangamela kakwe, xana hina inyamutlha hi fanele ku khumbisiwa kuyini a xikhati lexi hi wonako makatekwa ya Jehova hehla ka vanhu vakwe? (2 Kro. 7:3; Tis. 22:22; 34:1; 96:2)

4. Gonza 1 Tihosi 11:9-13.

   Xana a wutomi legi Solomoni a gi hanyileko gi kombisa kuyini a lisima la kuva hi simama hi tsumbekile kala magumo? (1 Tih. 11:4, 9; Mat. 10:22; Kuv. 2:10)

Tlhatlhambuto 65

1. Hi wahi a mavito ya vavanuna lava va vambiri va nga mufananisweni, niku vona hi vamani?

2. Zini lezi a mahako Ahija hi nguwo leyi a bohileko, niku xana lezo zi wula yini?

3. Zini lezi Solomoni a zamako ku maha Jeroboamu?

4. Hikuyini a vanhu va mahako lezaku Jeroboamu ava hosi hehla ka tixaka ta khume?

5. Hikuyini Jeroboamu a mahako marole mambiri ya nzalama, niku zini zi humelelako a tiko laha ku nga hunzile xikhatanyana?

6. Zini zi humelelako mufumo wa tixaka timbiri zinwe ni tempeli ya Jehova le Jerusalema?

Ziwutiso zo engetela:

1. Gonza 1 Tihosi 11:26-43.

   Xana Jeroboamu i wa hi munhu wa matshamela muni, niku zini lezi Jehova a mu tsumbisileko ku ngalo i wa ta zi maha loku yena a hlayisa milayo ya Nungungulu? (1 Tih. 11:28, 38)

2. Gonza 1 Tihosi 12:1-33.

   1. Hi ka xikombiso xo biha xa Rehoboamu, zini lezi a vapswali ni madota va zi kotako ku gonza xungetano hi ku tirisa ntamu wabye hi ndlela ya hava? (1 Tih. 12:13; Mutsh. 7:7; 1 Ped. 5:2, 3)

   2. Xana a vanhu vaswa inyamutlha va fanele kuya ka mani kasi ku kuma zileletelo zo tsumbeka a xikhati lexi va mahako ziboho za hombe wutomini gabye? (1 Tih. 12:6, 7; Mav. 1:8, 9; 2 Tim. 3:16, 17; Maheb. 13:7)

   3. Zini zi kucileko Jeroboamu a kuva a aka matshamu mambiri ya wukhozeli ga marole, niku xana lezo zi kombisile kuyini a ku yena i wa hi ni kuvumaleka ka hombe ka kukholwa ka Jehova? (1 Tih. 11:37; 12:26-28)

   4. Himani a yisileko vanhu va mufumo wa tixaka ta khume kuhluwukeni hi ka wukhozeli ga lisine? (1 Tih. 12:32, 33)

Tlhatlhambuto 66

1. Himani Jezebeli?

2. Hikuyini Hosi Ahabi a bayisekako ka siku go kari?

3. Zini lezi Jezebeli a zi mahako kasi ku kumela nuna wakwe, Ahabi, a xivina xa Nabote?

4. Himani loyi a rumiwako hi Jehova a ku ya tsayisa Jezebeli?

5. Kota lezi u zi wonako laha mufananisweni, zini zi mahekako a xikhati lexi Jehu a chikelako ndlwini ya wuhosi ya Jezebeli?

Ziwutiso zo engetela:

1. Gonza 1 Tihosi 16:29-33 ni 18:3, 4.

   Xana a matshamela ya le Israeli ma wa bihisile kuyini xikhatini xa Hosi Ahabi? (1 Tih. 14:9)

2. Gonza 1 Tihosi 21:1-16.

   1. Xana Nabote i kombisile kuyini a kutiya-hlana ni kutsumbeka ka Jehova? (1 Tih. 21:1-3; Levi 25:23-28)

   2. Hi ka xikombiso xa Ahabi, zini hi zi kotako ku gonza xungetano hi ku lwisana ni zikhunguvanyiso? (1 Tih. 21:4; Rom. 5:3-5)

3. Gonza 2 Tihosi 9:30-37.

   Zini hi zi kotako ku gonza hi ka kuhiseka ka Jehu kumaheni ka kuranza ka Jehova? (2 Tih. 9:4-10; 2 Kor. 9:1, 2; 2 Tim. 4:2)

Tlhatlhambuto 67

1. Himani Jehoxafate, niku i hanya ka xikhati muni?

2. Hikuyini a vaIsraeli va chavako, niku zini lezi a vo tala xikari kabye va mahako?

3. Xana Jehova i hlamulisa kuyini a mukhongelo wa Jehoxafate?

4. Zini lezi Jehova a mahako na ku nga se sangula a kulwa?

5. Xigonzo muni hi zi kotako ku xi kuma hi ka Jehoxafate?

Ziwutiso zo engetela:

1. Gonza 2 Kronekele 20:1-30.

   1. Xana Jehoxafate i kombisisile kuyini lezi a malanza yo tsumbeka ya Nungungulu ma faneleko ku maha a xikhati lexi ma tlhanganako ni ziyimo zi dzukisako? (2 Kro. 20:12; Tis. 25:15; 62:1)

   2. Kota lezi xontlhe xikhati Jehova a tirisako ndlela ya ku wulawulisana hi yona a xikhati lexi a tirisanako ni vanhu vakwe, i ndlela muni a yi tirisako inyamutlha? (2 Kro. 20:14, 15; Mat. 24:45-47; Joh. 15:15)

   3. Loku Nungungulu a sangula a “kulwa ka siku lego ga hombe ga Nungungulu wa Ntamu-wontlhe,” xana lezi hi ta nga zi hanya zi ta fanana ni lezi Jehoxafate a tlhangeneko nazo hi ndlela muni? (2 Kro. 20:15, 17; 32:8; Kuv. 16:14, 16)

   4. Na va pimanyisa vaLevi, xana a maphayona ni vamisionario va maha a hlengo wa lixaka muni ntirweni wa kuxumayela wa misava yontlhe inyamutlha? (2 Kro. 20:19, 21; Rom. 10:13-15; 2 Tim. 4:2)

Tlhatlhambuto 68

1. Hi vamani a vanhu lava va vanharu va nga mufananisweni, niku zini zi humelelako mufanyana loyi?

2. Zini lezi Elija a khongelako xungetano hi mufana, niku zini zi mahekako hi kulanzela?

3. Hi gihi a vito ga muvuneteli wa Elija?

4. Hikuyini Elixa a vitanwako lezaku aya mutini wa wasati le Xuname?

5. Zini lezi Elixa a mahako, niku zini zi humelelako a nwanana loye wa kufa?

6. I ntamu muni a nga nawo Jehova, kota lezi zi kombiwako hi lezi Elija na Elixa va zi mahako?

Ziwutiso zo engetela:

1. Gonza 1 Tihosi 17:8-24.

   1. Ku ringisilwe kuyini a kuingisa ni kukholwa ka Elija? (1 Tih. 17:9; 19:1-4, 10)

   2. Hikuyini a kukholwa ka noni ya le Zarefate ku ngave ko hlamalisa? (1 Tih. 17:12-16; Lu. 4:25, 26)

   3. Xana a matshango ya noni ya le Zarefate ma dlunyatisisa kuyini a lisine la magezu ya Jesu ma tsalilweko ka Mateu 10:41, 42? (1 Tih. 17:10-12, 17, 23, 24)

2. Gonza 2 Tihosi 4:8-37.

   1. Zini lezi hi gonziswako hi wasati wa le Xuname xungetano hi kururela vapfhumba? (2 Tih. 4:8; Lu. 6:38; Rom. 12:13; 1 Joh. 3:17)

   2. Hi tihi tindlela leti hi zi kotako ku kombisa hi tona a wunene ka malanza ya Nungungulu inyamutlha? (Miti. 20:35; 28:1, 2; Gal. 6:9, 10; Maheb. 6:10)

Tlhatlhambuto 69

1. Laha mufananisweni, zini lezi a xinhanyatana xi byelako wasati loyi?

2. Himani a wasati loyi laha mufananisweni, niku zini lezi a xinhanyatana xi mahako laha mutini wa wasati?

3. Zini lezi Elixa a leletelako nanza gakwe a ku ya byela Namani, niku hikuyini Namani a zangarako?

4. Zini zi mahekako a xikhati lexi Namani a ingisako malanza yakwe?

5. Hikuyini Elixa a alako xinyikiwo xa Namani, kanilezi zini lezi Gehazi a mahako?

6. Zini zi humelelako Gehazi, niku zini hi zi kotako ku gonza hi zona?

Ziwutiso zo engetela:

1. Gonza 2 Tihosi 5:1-27.

   1. Xana a xikombiso xi vekilweko hi xinhanyatana xa muIsraeli xi kucisa kuyini vanhu vaswa inyamutlha? (2 Tih. 5:3; Tis. 8:2; 148:12, 13)

   2. Hikuyini zi nga zi nene a ku hlayisa xikombiso xa Namani miehleketweni a xikhati lexi hi nyikwako wusungukati ga lomu Mitsalweni? (2 Tih. 5:15; Maheb. 12:5, 6; Jak. 4:6)

   3. Xigonzo muni hi zi kotako ku xi kuma hi ku hambanyisa a xikombiso xa Elixa ni lexi xa Gehazi? (2 Tih. 5:9, 10, 14-16, 20; Mat. 10:8; Miti. 5:1-5; 2 Kor. 2:17)

Tlhatlhambuto 70

1. Himani Jona, niku zini lezi Jehova a mu byelako ku maha?

2. Hi kota ya ku nga lavi ku famba lomu Jehova a mu byelako kuya kona, zini lezi Jona a mahako?

3. Zini lezi Jona a byelako vamarinyero a kuva va zi maha kasi ku nyimisa a bhubhutsa?

4. Kota lezi u zi wonako mufananisweni, zini zi mahekako a xikhati lexi Jona a relelako hi kumbombomela lomu matini?

5. Xana Jona i mbheta xikhati muni lomu nzeni ka njhanjhi ya hombe, niku zini lezi yena a mahako kwalomo?

6. Iya kwihi Jona anzhako ka kuva a humile hi lomu nzeni ka njhanjhi ya hombe, niku xana lezo zi hi gonzisa yini?

Ziwutiso zo engetela:

1. Gonza Jona 1:1-17.

   Kota lezi zi ti kombako, xana Jona i ti zwisisile kuyini xungetano hi xiavelo xakwe xa ku xumayela vaNiniva? (Jona 1:2, 3; Mav. 3:7; Mutsh. 8:12)

2. Gonza Jona 2:1, 2, 10.

   Xana lezi zi humeleleko Jona zi hi nyikisa kuyini kutsumba ka lezaku Jehova i ta hlamula mikhongelo ya hina? (Tis. 22:24; 34:6; 1 Joh. 5:14)

3. Gonza Jona 3:1-10.

   1. Kutiyiswa muni hi ku kumako hi kota ya lezi Jehova a simamileko ku tirisa Jona hambulezi a nga tsikile ku tatisa xiavelo xakwe kusanguleni? (Tis. 103:14; 1 Ped. 5:10)

   2. Xana lezi zi nga humelela Jona mayelano ni vaNiniva zi hi gonzisa yini xungetano hi kuva ni xihlawulela ka vanhu va lomu xipanzeni xa hina? (Jona 3:6-9; Mutsh. 11:6; Miti. 13:48)

Tlhatlhambuto 71

1. I wa hi mani Isaya, i hanyile ka xikhati muni, niku zini lezi Jehova a mu kombileko?

2. Gi wula yini a gezu “paradise,” niku xana gona gi ku alakanyisa yini?

3. Zini lezi Jehova a byelileko Isaya a kuva a tsala xungetano hi Paradise yiswa?

4. Hikuyini Adamu na Eva va lahlileko a muti wabye wo saseka?

5. Zini lezi Jehova a tsumbisako lava va mu ranzako?

Ziwutiso zo engetela:

1. Gonza Isaya 11:6-9.

   1. Xana a Mhaka ya Nungungulu yi kombisa kuyini a kurula loku ku tova kona xikari ka zihari ni vanhu le misaveni yiswa? (Tis. 148:10, 13; Isa. 65:25; Ezek. 34:25)

   2. Kutatiseka muni ka magezu ya Isaya loku ku wonekako hi tlhelo ga moya xikari ka vanhu va Jehova inyamutlha? (Rom. 12:2; Efe. 4:23, 24)

   3. Himani a fanelako kuva ni wudzunzo hi kota ya kuhunzuluswa ka wumunhu ga vanhu zalezi ni le misaveni yiswa? (Isa. 48:17, 18; Gal. 5:22, 23; Fil. 4:7)

2. Gonza Kuvululelwa 21:3, 4.

   1. Xana a Mitsalo yi kombisa kuyini lezaku a ku Nungungulu a aka zinwe ni vanhu zi wula ku ngalo yena i kona hi kufananisela, na ku nga hi hi xiviri, laha misaveni? (Levi 26:11, 12; 2 Kro. 6:18; Isa. 66:1; Kuv. 21:2, 3, 22-24)

   2. A mihloti ni kubayisa lezi zi to fuviswa, xana za lixaka muni ke? (Lu. 8:49-52; Rom. 8:21, 22; Kuv. 21:4)

Tlhatlhambuto 72

1. Himani wanuna loyi a nga mufananisweni, niku hikuyini a nga lomu zikaratweni za hombe?

2. Mapapilo ya yini lawa Hezekia a ma andlalileko mahlweni ka Nungungulu, niku zini lezi Hezekia a zi khongelelako?

3. Xana Hezekia i hosi ya matshamela muni, niku i gezu muni legi Jehova a mu rumelelako hi ku tirisa muprofeti Isaya?

4. Zini lezi a ngelosi ya Jehova yi mahako vaAsiria, kota lezi zi kombiwako mufananisweni?

5. Hambulezi a mufumo wa tixaka timbiri wu kumako kurula hi xikhati xo kari, zini zi mahekako anzhako ka kufa ka Hezekia?

Ziwutiso zo engetela:

1. Gonza 2 Tihosi 18:1-36.

   1. Xana Rabxeka, a muwulawuli wa vaAsiria, i zamisile kuyini ku mbheta a ntamu wa kukholwa ka vaIsraeli? (2 Tih. 18:19, 21; Ekso. 5:2; Tis. 64:3)

   2. Loku ti tlhangana ni vakaneti, xana a Timboni ta Jehova ti lanzela a xikombiso xa Hezekia hi ndlela muni? (2 Tih. 18:36; Tis. 39:1; Mav. 26:4; 2 Tim. 2:24)

2. Gonza 2 Tihosi 19:1-37.

   1. Xana a vanhu va Jehova inyamutlha va pimanyisisa kuyini Hezekia zikhatini za zikarato? (2 Tih. 19:1, 2; Mav. 3:5, 6; Maheb. 10:24, 25; Jak. 5:14, 15)

   2. Zikhati muni za zinharu lezi Hosi Senakeribe a hlulilweko ka zona, niku xana yena i yimela mani hi tlhelo ga wuprofeti? (2 Tih. 19:32, 35, 37; Kuv. 20:2, 3)

3. Gonza 2 Tihosi 21:1-6, 16.

   Hikuyini zi nga wuliwako ku ngalo Manasa i wa hi munwe wa tihosi to biha ku hunzeleta ti fumileko Jerusalema? (2 Kro. 33:4-6, 9)

Tlhatlhambuto 73

1. I na ni tanga muni Josia a xikhati a mahako hosi, niku zini lezi a sangulako ku maha anzhako ka kuva a fumile malembe ya ntlhanu ni mambiri?

2. Zini lezi u zi wonako na zi mahiwa hi Josia ka mufananiso wo sangula?

3. Xini lexi a mupristi wa hombe a xi thumbako a xikhati lexi a vavanuna va aketako a tempeli?

4. Hikuyini Josia a hanzulako tinguwo takwe?

5. I mhaka muni yi tako hi ka Jehova leyi Hulda a muprofeti wa xisati a yi nyikako Josia?

Ziwutiso zo engetela:

1. Gonza 2 Kronekele 34:1-28.

   1. Xana Josia i nyika xikombiso muni ka lava zi kotekako ku ngha va timisele wunwanana go karata? (2 Kro. 33:21-25; 34:1, 2; Tis. 27:10)

   2. Zilo muni zo nyawula lezi Josia a zi mahileko kasi ku vuvumisa a wukhozeli ga lisine anzhako ka kuva a fumile 8, 12, ni 18 wa malembe? (2 Kro. 34:3, 8)

   3. Zigonzo muni hi zi kotako ku zi kuma hi ka zikombiso zi vekilweko hi Hosi Josia ni Mupristi wa Hombe Hilkia xungetano hi ku hlayisa matshamu ya hina ya wukhozeli? (2 Kro. 34:9-13; Mav. 11:14; 1 Kor. 10:31)

Tlhatlhambuto 74

1. Himani a jaha legi gi nga laha mufananisweni?

2. Zini lezi Jeremia a zi alakanyako xungetano hi ku yena a maha muprofeti, kanilezi zini lezi Jehova a mu byelako?

3. I mhaka muni leyi Jeremia a tshamako hi ku byela vanhu?

4. Xana a vapristi va zamisa kuyini ku miyeta Jeremia, kanilezi yena i kombisa kuyini lezaku a nga chavi?

5. Zini zi humelelako a xikhati lexi a vaIsraeli va nga hunzulukiko tindleleni tabye to biha?

Ziwutiso zo engetela:

1. Gonza Jeremia 1:1-8.

   1. Kota lezi zi kombisiwako hi xikombiso xa Jeremia, zini zi mahako munhu a ringana ku maha ntiro wa Jehova? (2 Kor. 3:5, 6)

   2. Kutiyiswa muni loku a vanhu vaswa va nga maKristu inyamutlha va nyikiwako hi xikombiso xa Jeremia? (Mutsh. 12:1; 1 Tim. 4:12)

2. Gonza Jeremia 10:1-5.

   Mufananiso muni wa ntamu lowu Jeremia a wu tirisako kasi ku komba a kunganyawuli ka ku tsumba zifananiso? (Jer. 10:5; Isa. 46:7; Hab. 2:19)

3. Gonza Jeremia 26:1-16.

   1. Laha yi huwelelako a mhaka ya xitlharihiso inyamutlha, xana a misalela yi totilweko yi lanzela hi mbilu a kulaya ka Jehova ka Jeremia ka kuva a ‘nga siyi ni yo siya’ mhaka hi ndlela muni? (Jer. 26:2; Deut. 4:2; Miti. 20:27)

   2. Xikombiso muni xa xi nene lexi Jeremia a xi vekeleko Timboni ta Jehova ta masiku lawa xungetano hi ku kanela zitlharihiso za Jehova ka matiko? (Jer. 26:8, 12, 14, 15; 2 Tim. 4:1-5)

4. Gonza 2 Tihosi 24:1-17.

   Zilo muni zi nga tsakisiko zi humeleleko kota mihanzu ya kungatsumbeki ka Juda mahlweni ka Jehova? (2 Tih. 24:2-4, 14)

Tlhatlhambuto 75

1. Hi vamani a vafana lava va mune va nga mufananisweni, niku hikuyini vahi Babuloni?

2. Zini lezi Nebukadnezzare a zi xuvako xungetano hi vafana lava va mune, niku zilayelo muni lezi yena a nyikako malanza yakwe?

3. Xikombelo muni lexi Danieli a xi mahako xungetano hi zakuga ni zakunwa lezi zi ta nga nehelwa yena ni vanghana vakwe va vanharu?

4. Anzhako ka kuva va gile matsawu hi khume ga masiku, xana Danieli ni vanghana vakwe va vanharu va hambanisa kuyini ni manwani majaha?

5. Zi mahekisa kuyini a ku Danieli ni vanghana vakwe va vanharu va kumeka ndlwini ya wuhosi, niku xana vona va na ni wutlhari ga chukwana ku hunza tin’anga ni titlhari hi ndlela muni?

Ziwutiso zo engetela:

1. Gonza Danieli 1:1-21.

   1. Kutikarata muni ku lavekako lezaku hi zi kota ku timisela ziringo ni ku hlula gome? (Dan. 1:8; Gen. 39:7, 10; Gal. 6:9)

   2. Xana a vanhu vaswa inyamutlha va nga ringiwa kutani ku kurumetwa hi tindlela muni lezaku va maha lezi a vo kari va zi wonako kota zilo zo hlawuleka? (Dan. 1:8; Mav. 20:1; 2 Kor. 6:17–7:1)

   3. Xana a tlhatlhambuto wa Biblia xungetano hi majaha lawa ya mune ya maHeberu wu hi vuna a ku tiva yini maringano ni ku gonza a wutivi ga misava? (Dan. 1:20; Isa. 54:13; 1 Kor. 3:18-20)

Tlhatlhambuto 76

1. Zini zi humelelako Jerusalema zinwe ni vaIsraeli lava va kombiwako mufananisweni?

2. Himani Ezekieli, niku zilo muni zo nyenyeza lezi Jehova a mu kombako?

3. Hi kota ya lezi a vaIsraeli va nga hiko na xichawo ha Jehova, zini lezi yena a zi tsumbisako?

4. Zini lezi Hosi Nebukadnezzare a mahako anzhako ka ku a vaIsraeli va mu vukele?

5. Hikuyini Jehova a vumelelako lezaku a kuloviswa loko ko tshisa ku humelela vaIsraeli?

6. Xana a tiko ga Israeli gi salisa kuyini na gi nga hi na vanhu, niku ku hunza xikhati muni na ga ha tshamisile lezo?

Ziwutiso zo engetela:

1. Gonza 2 Tihosi 25:1-26.

   1. I wa hi mani Zedekia, zini zi mu humeleleko, niku xana lezo zi tatisile kuyini a wuprofeti ga Biblia? (2 Tih. 25:5-7; Ezek. 12:13-15)

   2. Xana Jehova i nyikile mani a nanzu wa kubiha kontlhe loku ku mahilweko hi vaIsraeli? (2 Tih. 25:9, 11, 12, 18, 19; 2 Kro. 36:14, 17)

2. Gonza Ezekieli 8:1-18.

   Xana a wuKristu ga mawunwa gi pimanyisisa kuyini vaIsraeli va vahluwuki va khozelako gambo? (Ezek. 8:16; Isa. 5:20, 21; Joh. 3:19-21; 2 Tim. 4:3)

Tlhatlhambuto 77

1. Xilayelo muni lexi Nebukadnezzare, hosi ya Babuloni, a nyikileko vanhu?

2. Hikuyini a vanghana va Danieli va vanharu va nga khizameliko a xifananiso xa nzalama?

3. Laha Nebukadnezzare a nyikako maHeberu lawo a xinwani xikhati xa kuva ma khizama, xana wona ma kombisa kuyini kutsumba ka Jehova?

4. Zini lezi Nebukadnezzare a layako vavanuna vakwe a ku maha Xadrake, Mexake, na Abed-nego?

5. Zini lezi Nebukadnezzare a zi wonako a xikhati lexi a hlomelako lomu nzhimbyeni?

6. Hikuyini a hosi yi dumisako Nungungulu wa Xadrake, Mexake, na Abed-nego, niku xikombiso muni va hi nyikako?

Ziwutiso zo engetela:

1. Gonza Danieli 3:1-30.

   1. Mawonela muni ma kombisilweko hi majaha lawa ya manharu ya maHeberu ma faneleko ku pimanyiswa hi malanza wontlhe ya Nungungulu loku ma tlhangana ni ziringo za kutsumbeka? (Dan. 3:17, 18; Mat. 10:28; Rom. 14:7, 8)

   2. Xigonzo muni xa lisima lexi Jehova Nungungulu a nyikileko Nebukadnezzare? (Dan. 3:28, 29; 4:34, 35)

Tlhatlhambuto 78

1. Zini zi mahekako a xikhati lexi a hosi ya Babuloni yi nga ni mubuzo wa hombe zonake yi tirisa magombe ni mingelo zi tekilweko tempeleni ya Jehova le Jerusalema?

2. Zini lezi Belxazzare a byelako titlhari takwe, kanilezi zini lezi ti tsanzekako ku maha?

3. Zini lezi mamani wa hosi a mu byelako ku maha?

4. Maringano ni lezi Danieli a byelako hosi, hikuyini Nungungulu a rumileko a canja lezaku gi ta tsala laha khurisini?

5. Xana Danieli i tlhamusela hi ndlela muni lezi ma wulako magezu lawo ma nga laha khurisini?

6. Zini zi mahekako a xikhati lexi Danieli a ha wulawulako?

Ziwutiso zo engetela:

1. Gonza Danieli 5:1-31.

   1. Hambanyisa a kuchava Nungungulu ni kuchava loku Belxazzare a khonwilweko hi kona a xikhati lexi a wonileko mutsalo laha khurisini. (Dan. 5:6, 7; Tis. 19:9; Rom. 8:35-39)

   2. Xana Danieli i kombisile kuyini a kutiya-hlana ko hlamalisa a xikhati lexi a nga kari a wulawula na Belxazzare zinwe ni tihosana takwe? (Dan. 5:17, 18, 22, 26-28; Miti. 4:29)

   3. Xana a wuhosi ga Jehova hehla ka wuako gontlhe gi dlunyatisiswa kuyini ka Danieli xipimo 5? (Dan. 4:17, 25; 5:21)

Tlhatlhambuto 79

1. Himani Dariusi, niku mawonela muni a nga nawo ha Danieli?

2. Zini lezi vavanuna vo kari va xiluse va kucako Dariusi a kuva a zi maha?

3. Zini lezi Danieli a mahako a xikhati lexi a tivako a timhaka ta nayo wuswa?

4. Hikuyini Dariusi a karatekako nguvu laha ko kala a nga zi koti ni ku etlela, niku zini lezi a mahako ka mixo wu lanzelako?

5. Xana Danieli i hlamulisa kuyini Dariusi?

6. Zini zi humelelako vavanuna vo biha lava va zamileko ku daya Danieli, niku zini lezi Dariusi a tsalelako vanhu vontlhe va lomu mufunweni wakwe?

Ziwutiso zo engetela:

1. Gonza Danieli 6:1-28.

   1. Xana a xikungo xa ku vukela Danieli xi hi alakanyisisa kuyini lezi a vakaneti va mahako kasi ku zama ku nyimisa a ntiro wa Timboni ta Jehova tinguveni leti? (Dan. 6:7; Tis. 94:20; Isa. 10:1; Rom. 8:31)

   2. Xana a malanza ya Nungungulu inyamutlha ma nga pimanyisisa kuyini Danieli xungetano hi ku simama ku ti veka hasi ka vafumeli? (Dan. 6:5, 10; Rom. 13:1; Miti. 5:29)

   3. Hi nga pimanyisisa kuyini xikombiso xa Danieli xa ku tirela Jehova “xikhati xontlhe”? (Dan. 6:16, 20; Fil. 3:16; Kuv. 7:15)

Tlhatlhambuto 80

1. Kota lezi zi kombisiwako laha mufananisweni, zini lezi va mahako vaIsraeli?

2. Xana Kurusi i tatisile hi ndlela muni a xiprofeto xa Jehova xi wulilweko hi Isaya?

3. Zini lezi Kurusi a byelako vaIsraeli lava va tsanzekako ku tlhelela Jerusalema?

4. Zini lezi Kurusi a nyikako vanhu lezaku va zi tlhelisa Jerusalema?

5. Xana a vaIsraeli va mbheta xikhati muni lezaku va chikela Jerusalema?

6. Ku hunzile malembe mangani kusukela a xikhati lexi a tiko gi nga sele na gi nga hi na munhu hi kumbhelela?

Ziwutiso zo engetela:

1. Gonza Isaya 44:28 ni 45:1-4.

   1. Xana Jehova i dlunyatisile hi ndlela muni a tiyiso wa kutatiseka ka xiprofeto lexi xi wulawulako ha Kurusi? (Isa. 55:10, 11; Rom. 4:17)

   2. Xana a xiprofeto xa Isaya maringano na Kurusi xi komba yini xungetano hi wutlhari ga Jehova ga ku wula lezi zi to maheka xikhatini xi tako na ka ha hi mahlweni? (Isa. 42:9; 45:21; 46:10, 11; 2 Ped. 1:20)

2. Gonza Ezra 1:1-11.

   Hi ku lanzela a xikombiso xa lava va tsanzekileko ku tlhelela Jerusalema, xana hina inyamutlha hi nga “seketela” hi ndlela muni lava va zi kotako ku nghena wutirelini ga xikhati xontlhe? (Ezra 1:4, 6; Rom. 12:13; Kol. 4:12)

Tlhatlhambuto 81

1. Vanhu vangani va tekako a pfhumba ga hombe ga kusukela Babuloni kala Jerusalema, kanilezi zini va zi kumako a xikhati va chikelako?

2. Zini lezi a vaIsraeli va sangulako ku aka anzhako ka kuva va chikele, kanilezi zini lezi a valala vabye va mahako?

3. Hi vamani Hagai na Zakaria, niku zini lezi vona va byelako vanhu?

4. Hikuyini Tatenai a rumelako papilo le Babuloni, niku i hlamulo muni a wu amukelako?

5. Zini lezi Ezra a mahako a xikhati lexi a tivako lezaku ku na ni xilaveko xa ku lulamiswa ka tempeli ya Nungungulu?

6. Zini lezi Ezra a zi khongelelako laha mufananisweni, wu hlamuliswa kuyini mukhongelo wakwe, niku lezo zi hi gonzisa yini?

Ziwutiso zo engetela:

1. Gonza Ezra 3:1-13.

   Loku hi tshuka hi kumeka ka wutshamu go kari gi nga hiko ni bandla ga vanhu va Nungungulu, zini hi faneleko ku simama hi maha? (Ezra 3:3, 6; Miti. 17:16, 17; Maheb. 13:15)

2. Gonza Ezra 4:1-7.

   Xikombiso muni lexi Zerubabeli a vekeleko vanhu va Jehova maringano hi wuhlengeli ga zikholwa? (Ekso. 34:12; 1 Kor. 15:33; 2 Kor. 6:14-17)

3. Gonza Ezra 5:1-5, 17 ni 6:1-22.

   1. Hikuyini a vakaneti va tsanzekileko ku nyimisa a ntiro wa kuaka ka tempeli? (Ezra 5:5; Isa. 54:17)

   2. Xana lezi zi mahilweko hi masingalakati ya vaJuda zi kucisa kuyini madota ya wuKristu lezaku ma hlota zileletelo za Jehova loku ma tlhangana ni vakaneti? (Ezra 6:14; Tis. 32:8; Rom. 8:31; Jak. 1:5)

4. Gonza Ezra 8:21-23, 28-36.

   Na hi nga se sangula ku maha zo kari, xikombiso muni xa Ezra xi nga xi nene a kuva hi xi pimanyisa? (Ezra 8:23; Tis. 127:1; Mav. 10:22; Jak. 4:13-15)

Tlhatlhambuto 82

1. Hi vamani Mordekai na Estere?

2. Hikuyini Hosi Ahasuerusi a lavako sati wa muswa, niku himani a mu hlawulako?

3. Himani Hamani, niku zini zi mu zangarisako nguvu?

4. I nayo muni wu vekiwako, niku zini lezi Estere a mahako anzhako ka kuva a amukele gezu hi ka Mordekai?

5. Zini zi humelelako Hamani, niku zini zi humelelako Mordekai?

6. Xana a vaIsraeli va ponisiswa kuyini ka valala vabye?

Ziwutiso zo engetela:

1. Gonza Estere 2:12-18.

   Xana Estere i kombisisile kuyini a bhinzu ga ku hlakulela a “moya wa kurula ni kuolova”? (Estere 2:15; 1 Ped. 3:1-5)

2. Gonza Estere 4:1-17.

   A ku fanana ni lezi Estere a nyikilweko xikhati xa ku lwela wukhozeli ga lisine, xikhati muni hi nyikwako inyamutlha kasi ku kombisa a kupinyama ni kutsumbeka ka hina ka Jehova? (Estere 4:13, 14; Mat. 5:14-16; 24:14)

3. Gonza Estere 7:1-6.

   A ku fanana ni lezi Estere a mahileko, xana a vo tala xikari ka vanhu va Jehova inyamutlha va ti veka mhangweni ya kuva ni tixanisa hi ndlela muni? (Estere 7:4; Mat. 10:16-22; 1 Ped. 2:12)

Tlhatlhambuto 83

1. Va ti zwisisile kuyini a vaIsraeli hi kota ya ku nga hi na makhurisi ya ku bhiya a doropa gabye ga Jerusalema?

2. Himani Nehemia?

3. Hi wihi a ntiro wa Nehemia, niku hikuyini wu nga wa lisima?

4. Mahungu muni ma khunguvanyisako Nehemia, niku zini a mahako?

5. Xana Hosi Artaxerxesi i kombisa kuyini wunene ka Nehemia?

6. Xana Nehemia i fambisisa kuyini a ntiro wa kuaka kasi ku a valala va vaIsraeli va nga wu nyimisi?

Ziwutiso zo engetela:

1. Gonza Nehemia 1:4-6 ni 2:1-20.

   Xana Nehemia i hlotile hi ndlela muni a zileletelo za Jehova? (Neh. 2:4, 5; Rom. 12:12; 1 Ped. 4:7)

2. Gonza Nehemia 3:3-5.

   Zini lezi a madota ni malanza ya wutireli va zi kotako ku gonza hi ka kuhambana ku wonekako xikari ka vaTekoa ni “tihosana” tabye? (Neh. 3:5, 27; 2 Tes. 3:7-10; 1 Ped. 5:5)

3. Gonza Nehemia 4:1-23.

   1. Zini zi kucileko vaIsraeli a kuva va simama ku aka hambulezi ku nga hi kona kutsimbetelwa ka hombe? (Neh. 4:6, 8, 9; Tis. 50:15; Isa. 65:13, 14)

   2. Xana a xikombiso xa vaIsraeli xi hi tiyisa hlana hi ndlela muni inyamutlha?

4. Gonza Nehemia 6:15.

   A kuva a makhurisi ya Jerusalema ma mbhelile ku aketwa nzeni ka tihweti timbiri zi kombisa yini lezo xungetano hi ntamu wa kukholwa? (Tis. 56:3, 4; Mat. 17:20; 19:26)

Tlhatlhambuto 84

1. Himani wasati loyi laha mufananisweni?

2. Zini lezi Gabrieli a byelako Maria?

3. Xana Gabrieli i tlhamusela Maria hi ndlela muni ku ngalo yena i tava ni nwanana hambulezi a kalako a nga se hanya ni wanuna?

4. Zini zi humelelako a xikhati lexi Maria a enzelako xaka gakwe Elizabeti?

5. Xana Josefa i alakanyela yini a xikhati lexi a tivako lezaku Maria i tava ni nwanana, kanilezi hikuyini a cicako mapimo yakwe?

Ziwutiso zo engetela:

1. Gonza Luka 1:26-56.

   1. Zini zi kombiwako hi Luka 1:35 xungetano hi ku tshuka a khwiri ga Maria gi khumbilwe hi kungambheleli ka wuAdamu a xikhati lexi a wutomi ga N’wana wa Nungungulu gi rurisilweko hi le wutshanwini ga zivangwa za moya? (Hag. 2:11-13; Joh. 6:69; Maheb. 7:26; 10:5)

   2. Hambu na a nga se ku pswaliwa, xana Jesu i amukele wudzunzo hi ndlela muni? (Lu. 1:41-43)

   3. Xikombiso muni xa xi nene lexi Maria a vekeleko maKristu lawa ma amukelako malungelo yo hlawuleka ya ntiro inyamutlha? (Lu. 1:38, 46-49; 17:10; Mav. 11:2)

2. Gonza Mateu 1:18-25.

   Hambulezi Jesu a nga kala ku chuliwa a vito gakwe ga Immanueli, xana a ntiro wakwe kota munhu wa nyama wu tatisile hi ndlela muni a tlhamuselo wa vito lego? (Mat. 1:22, 23; Joh. 14:8-10; Maheb. 1:1-3)

Tlhatlhambuto 85

1. Himani a xinwanana lexi laha mufananisweni, niku xana Maria i xi latile kwihi?

2. Hikuyini Jesu a pswalilweko lomu rangeni ku nga ni zihari?

3. Laha mufananisweni, hi vamani a vavanuna lava va nghenako rangeni, niku zini lezi va nga byelilwe hi ngelosi?

4. Hikuyini Jesu ahi munhu wo hlawuleka?

5. Hikuyini zi kotekako a ku Jesu a vitwa N’wana wa Nungungulu?

Ziwutiso zo engetela:

1. Gonza Luka 2:1-20.

   1. Xipanze muni lexi Kesari Augustu a ngave naxo kutatisekeni ka xiprofeto xa kubelekwa ka Jesu? (Lu. 2:1-4; Mika 5:2)

   2. Zi nga mahekisa kuyini a ku munhu a kala a patseka xikari ka lava va wuliwako ku ngalo “vanhu lava a xaleleko ha vona” Nungungulu? (Lu. 2:14; Mat. 16:24; Joh. 17:3; Miti. 3:19; Maheb. 11:6)

   3. Kota lezi ku nge a varisi lavayani va nyalidede va vaJuda va wa hi ni xigelo xa ku tsaka hi kota ya kubelekwa ka Muhanyisi, xigelo muni xa hombe ku hunza lexo lexi a malanza ya Nungungulu ma nga naxo inyamutlha xa kuva ma tsaka? (Lu. 2:10, 11; Efe. 3:8, 9; Kuv. 11:15; 14:6)

Tlhatlhambuto 86

1. Hi vamani a vavanuna lava va nga mufananisweni, niku hikuyini a munwe wabye a xungetako a nyeleti yo ngangamela?

2. Hikuyini Hosi Herodi a zangarako, niku zini a mahako?

3. Xana a nyeleti yo ngangamela yi yisa kwihi vavanuna lava, niku hikuyini va tlhelelako tikweni gabye hi yinwani ndlela?

4. Xilayelo muni lexi Herodi a humesako, niku hikuyini?

5. Zini lezi Jehova a byelako Josefa a kuva a zi maha?

6. Himani a mahileko lezaku a nyeleti leyi ya yiswa yi ngangamela, niku hikuyini?

Ziwutiso zo engetela:

1. Gonza Mateu 2:1-23.

   I wa hi ni tanga muni Jesu niku xana i wa hanya kwihi a xikhati lexi a vagonzi va tinyeleti va mu enzeleko? (Mat. 2:1, 11, 16)

Tlhatlhambuto 87

1. Laha mufananisweni, i na ni tanga muni Jesu niku hi kwihi laha a nga kona?

2. Zini lezi Josefa a mahako zinwe ni ngango wakwe lembe ni lembe?

3. Anzhako ka siku ginwe na Josefa zinwe na Maria va kari va hi pfhumbeni ga ku tlhelela kaya, hikuyini vona va tlhelako Jerusalema?

4. Xana Josefa na Maria va mu kuma kwihi Jesu niku hikuyini a vanhu va nga kwalomo va hlamalako?

5. Zini lezi Jesu a wulako ka mamani wakwe, Maria?

6. Xana hina hi nga pimanyisisa kuyini Jesu xungetano hi ku gonza ha Nungungulu?

Ziwutiso zo engetela:

1. Gonza Luka 2:41-52.

   1. Hambulezi a Nayo wu nga kombela vavanuna ntsena a kuva vaya mibuzweni ya lembe ni lembe, xikombiso muni xa xi nene xi vekelweko vapswali va nyamutlha hi Josefa na Maria? (Lu. 2:41; Deut. 16:16; 31:12; Mav. 22:6)

   2. Xana Jesu i vekisile kuyini xikombiso xa xi nene ka vanhu vaswa va nyamutlha xa kuva va ingisa vapswali vabye? (Lu. 2:51; Deut. 5:16; Mav. 23:22; Kol. 3:20)

2. Gonza Mateu 13:53-56.

   Hi vamani a vamakabye va mune va Jesu lava ku nga ni mavito yabye lomu ka Biblia, niku xana a vambiri vabye va tirisilwe hi ndlela muni anzhako ka kuva ku hunzile xikhati lomu bandleni ga wuKristu? (Mat. 13:55; Miti. 12:17; 15:6, 13; 21:18; Gal. 1:19; Jak. 1:1; Juda 1)

Tlhatlhambuto 88

1. Hi vamani a vavanuna lava va vambiri va nga mufananisweni?

2. Xana a munhu i bapatizwa hi ndlela muni?

3. Hi vamani lava Johani a talako ku va bapatiza?

4. Xigelo muni xo hlawuleka xi mahako lezaku Jesu a kombela ku bapatizwa hi Johani?

5. Xana Nungungulu i kombisa kuyini a ku Yena wa xalala hi lezi Jesu a bapatizilweko?

6. Zini zi mahekako a xikhati lexi Jesu a fambako ka wutshamu legi a yako a ya kumeka a hi yece hi 40 wa masiku?

7. Hi vamani a vo kari va valanzeli, kutani vapizani, vo sangula va Jesu? Hi xihi a xihlamaliso xakwe xo sangula?

Ziwutiso zo engetela:

1. Gonza Mateu 3:13-17.

   Xikombiso muni lexi Jesu a xi vekileko xungetano hi kubapatizwa ka vapizani vakwe? (Tis. 40:7, 8; Mat. 28:19, 20; Lu. 3:21, 22)

2. Gonza Mateu 4:1-11.

   Xana lezi Jesu a nga kari a tirisisa zona Mitsalo hi wutlhari zi hi kucisa kuyini ku gonza a Biblia xikhati xontlhe? (Mat. 4:5-7; 2 Ped. 3:17, 18; 1 Joh. 4:1)

3. Gonza Johani 1:29-51.

   Xana Johani Mubapatizi i yisile ka mani a vapizani vakwe, niku xana hi nga mu pimanyisisa kuyini inyamutlha? (Joh. 1:29, 35, 36; 3:30; Mat. 23:10)

4. Gonza Johani 2:1-12.

   Xana a xihlamaliso xo sangula xa Jesu xi kombisa kuyini a ku Jehova a nga aleli malanza Yakwe ni xinwe xa zilo za zi nene? (Joh. 2:9, 10; Tis. 84:11; Jak. 1:17)

Tlhatlhambuto 89

1. Hikuyini a zihari zi xavisiwako lomu tempeleni?

2. Zini zi zangarisako Jesu?

3. Kota lezi u zi wonako laha mufananisweni, zini lezi Jesu a mahako, niku xilayelo muni a nyikako vavanuna lava va xavisako matuva?

4. A xikhati lexi a valanzeli va Jesu va wonako lezi a mahako, va alakanyiswa yini?

5. Xana Jesu i hunza hi ka muganga wihi ka pfhumba gakwe ga ku tlhelela Galilea?

Ziwutiso zo engetela:

1. Gonza Johani 2:13-25.

   Laha hi wonako lezaku Jesu i zangarele nguvu a vaxavisi va mali lomu tempeleni, hi wahi a mawonela ma faneleko xungetano hi wuxavisi lomu ka Salawu ya Mufumo? (Joh. 2:15, 16; 1 Kor. 10:24, 31-33)

Tlhatlhambuto 90

1. Hikuyini Jesu a nyimileko kusuhani ni hlowo le Samaria, niku zini lezi a wulako ka wasati kwalaho?

2. Hikuyini a wasati a hlamalako? Zini lezi Jesu a mu byelako, niku hikuyini?

3. I mati ya lixaka muni lawa a wasati a alakanyako lezaku Jesu i wulawula hi wona, kanilezi i mati muni lawa hakunene a wulawulako hi wona?

4. Hikuyini a wasati a hlamalako hi lezi Jesu a zi tivako xungetano hi yena, niku xana i ma kumisile kuyini mahungu lawo?

5. Zigonzo muni hi zi kotako ku zi kuma hi ka tlhatlhambuto wa wasati laha hlobyeni?

Ziwutiso zo engetela:

1. Gonza Johani 4:5-43.

   1. Hi ku lanzela a xikombiso xa Jesu, mawonela muni hi faneleko kuva nawo hi vanhu va lixaka lo hambana ni la hina kutani va wundlilweko ka matshamela ma hambeneko ni ya hina? (Joh. 4:9; 1 Kor. 9:22; 1 Tim. 2:3, 4; Tit. 2:11)

   2. Mabhinzu muni a ma kumako hi tlhelo ga moya a munhu loyi a mahako mupizani wa Jesu? (Joh. 4:14; Isa. 58:11; 2 Kor. 4:16)

   3. Hi nga zi kotisa kuyini ku komba a kutsakela ko fanana ni loku ka wasati wa muSamaria, loyi a nga kari a xuva nguvu ku byela vanwani lezi a nga zi gonzile? (Joh. 4:7, 28; Mat. 6:33; Lu. 10:40-42)

Tlhatlhambuto 91

1. Laha mufananisweni, hi kwihi laha Jesu a gonzisako kona? Hi vamani lava va tshamileko kusuhani nguvu na yena?

2. Hi wahi a mavito ya vapostoli va 12?

3. Hi wihi a Mufumo lowu Jesu a gonzisako ha wona?

4. Zini lezi Jesu a gonzisako vanhu a kuva va zi khongelela?

5. Zini lezi Jesu a wulako xungetano hi lezi a vanhu va faneleko ku hlayisisana zona?

Ziwutiso zo engetela:

1. Gonza Mateu 5:1-12.

   Xana hi nga komba hi tindlela muni a ku hi zisiwana moyeni kutani lava va khatalako hi xilaveko xabye xa moya? (Mat. 5:3; Rom. 10:13-15; 1 Tim. 4:13, 15, 16)

2. Gonza Mateu 5:21-26

   Xana ku dlunyatisiswa kuyini ka Mateu 5:23, 24 lezaku a kuzwanana ka hina ni vamakabye ka khumba a kuzwanana ka hina na Jehova? (Mat. 6:14, 15; Tis. 133:1; Kol. 3:13; 1 Joh. 4:20)

3. Gonza Mateu 6:1-8.

   Hi zihi a zikombiso zo kari za ku ti hlayela kululama kuwoneni ka munhu wutsumbu loku a maKristu ma faneleko ku ku potsa? (Lu. 18:11, 12; 1 Kor. 4:6, 7; 2 Kor. 9:7)

4. Gonza Mateu 6:25-34.

   Zini lezi Jesu a gonzisileko xungetano hi xilaveko xa ku tsumba Jehova maringano ni ku eneta zilaveko za nyama? (Ekso. 16:4; Tis. 37:25; Fil. 4:6)

5. Gonza Mateu 7:1-11.

   Zini lezi hi gonzisiwako hi mufananiso wa ku zwala lowu wu kumekako ka Mateu 7:5? (Mav. 26:12; Rom. 2:1; 14:10; Jak. 4:11, 12)

Tlhatlhambuto 92

1. Himani a raru wa nhanyana loyi a nga mufananisweni, niku hikuyini wanuna loye zinwe ni sati wakwe va karatekako nguvu?

2. Zini lezi Jairo a mahako a xikhati a kumako Jesu?

3. Zini zi humelelako laha Jesu a ha fambako mutini wa Jairo, niku mahungu muni a ma amukelako Jairo lomu ndleleni?

4. Hikuyini a vanhu va hlekako Jesu le mutini wa Jairo?

5. Zini lezi Jesu a mahako anzhako ka kuva a tekile a vapostoli vanharu zinwe ni raru wa nhanyana ni mamani wa kona va nghena lomu ndlwini ya nhanyana?

6. Hi vamani kambe lava Jesu a va vuxileko hi ka vafileko, niku xana lezo zi komba yini?

Ziwutiso zo engetela:

1. Gonza Luka 8:40-56.

   Xana Jesu i kombisile kuyini kuolova ni kuzwela wusiwana ka wasati loyi a nga hi ni kuphophoma ka nkhata, niku zini lezi a madota ya wuKristu inyamutlha ma zi kotako ku gonza hi lezo? (Lu. 8:43, 44, 47, 48; Levi 15:25-27; Mat. 9:12, 13; Kol. 3:12-14)

2. Gonza Luka 7:11-17.

   Hikuyini lava va felweko hi varanzekako va zi kotako ku kuma kuchavelelwa ka hombe hi ka hlamulo wa Jesu ka noni ya le Naine? (Lu. 7:13; 2 Kor. 1:3, 4; Maheb. 4:15)

3. Gonza Johani 11:17-44.

   Xana Jesu i kombisisile kuyini a ku a zi bihangi ku bayiseka hi kota ya kufa ka munhu a ranzekako? (Joh. 11:33-36, 38; 2 Sam. 18:33; 19:1-4)

Tlhatlhambuto 93

1. Xilo muni xo tshisa nguvu xi humeleleko Johani Mubapatizi, niku xana Jesu i ti zwisa kuyini hi xona?

2. Xana Jesu i phamelisa kuyini zidlemo lezi zi mu lanzileko, niku i mpimo muni wu seleko wa zakuga?

3. Hikuyini a vapizani va chavako ni wusiku, niku zini zi humelelako Pedro?

4. Xana Jesu i phamelisa kuyini a makume ya mazana ya vanhu hi khati ga wumbiri?

5. Hikuyini zi to ngha zi tsakisa a xikhati lexi Jesu a to fuma misava kota Hosi ya Nungungulu?

Ziwutiso zo engetela:

1. Gonza Mateu 14:1-32.

   1. Xana a tlhatlhambuto wu nga lomu ka Mateu 14:23-32 wu hi maha hi tiva yini xungetano hi wumunhu ga Pedro?

   2. Xana a Mitsalo yi kombisa kuyini lezaku Pedro i zile a kula laha ko kala a hlula a tshamela gakwe ga matloti? (Mat. 14:27-30; Joh. 18:10; 21:7; Miti. 2:14, 37-40; 1 Ped. 5:6, 10)

2. Gonza Mateu 15:29-38.

   Xana Jesu i kombisile kuyini xichawo xungetano hi kueneliswa ka zilaveko za nyama loku ku tako hi ka Dadani wakwe? (Mat. 15:37; Joh. 6:12; Kol. 3:15)

3. Gonza Johani 6:1-21.

   Xana a maKristu ma nga lanzela hi ndlela muni a xikombiso xa Jesu maringano ni mufumo? (Joh. 6:15; Mat. 22:21; Rom. 12:2; 13:1-4)

Tlhatlhambuto 94

1. Zini lezi a vapostoli va kanetisanako hi zona lomu ndleleni a xikhati lexi va wuyako hi pfhumbeni ga hombe?

2. Hikuyini Jesu a vitanako a xinwanana a ta xi yimisa laha xikari ka vapostoli?

3. Xana a vapostoli va fanele ku gonza a ku ti maha kota vanana hi ndlela muni?

4. Anzhako ka tihweti titsongwani, xana Jesu i kombisa kuyini a ku yena wa ranza vanana?

Ziwutiso zo engetela:

1. Gonza Mateu 18:1-4.

   Hikuyini Jesu a tirisileko mifananiso kugonziseni? (Mat. 13:34, 36; Mar. 4:33, 34)

2. Gonza Mateu 19:13-15.

   Matshamela muni ya zivanana lawa hi faneleko ku ma pimanyisa loku hi lava ku kuma makatekwa ya Mufumo? (Tis. 25:9; 138:6; 1 Kor. 14:20)

3. Gonza Marku 9:33-37.

   Zini lezi Jesu a gonzisileko vapizani vakwe xungetano hi ku lava zikhundla za le hehla? (Mar. 9:35; Mat. 20:25, 26; Gal. 6:3; Fil. 2:5-8)

4. Gonza Marku 10:13-16.

   Zi ti kombisa kuyini a ku Jesu i wa hi munhu wo tshineleka, niku zini lezi a madota ya wuKristu ma zi kotako ku gonza hi ka xikombiso xakwe? (Mar. 6:30-34; Fil. 2:1-4; 1 Tim. 4:12)

Tlhatlhambuto 95

1. Xiwutiso muni lexi a wanuna wo kari a wutisako Jesu, niku hikuyini?

2. Xini lexi Jesu a xi tirisako a kuva a gonzisa hi xona ka zinwani zikhati, niku zini lezi hi sinako hi gonzile xungetano hi vaJuda ni vaSamaria?

3. Ka tlhatlhambuto lowu Jesu a wu hlawutelako, zini zi humelelako a muJuda a enzako hi ndlela yi yako Jeriko?

4. Zini zi mahekako a xikhati lexi a mupristi wa muJuda ni muLevi va hunzako hi ndlela leyo?

5. Laha mufananisweni, himani loyi a vunako a muJuda loyi a bayisilweko?

6. Anzhako ka kuva Jesu a mbhetile a tlhatlhambuto lowo, xiwutiso muni a mahako, niku xana i xi hlamulisa kuyini wanuna loye a nga mu mahile a xiwutiso?

Ziwutiso zo engetela:

1. Gonza Luka 10:25-37.

   1. Wutshanwini ga ku mu nyika a hlamulo wa kukongoma, xana Jesu i vunisile kuyini a wanuna a nga ni wutivi go eta ga Nayo a kuva a ehleketa hi mhaka yo kari? (Lu. 10:26; Mat. 16:13-16)

   2. Xana Jesu i tirisile mifananiso hi ndlela muni kasi ku mbheta a moya wa xihlawulela wu nga hi ni vaingiseli vakwe? (Lu. 10:36, 37; 18:9-14; Tit. 1:9)

Tlhatlhambuto 96

1. Zini a mahako Jesu a xikhati lexi a fambafambako tikweni?

2. Anzhako ka xipimo xa malembe manharu na Jesu a bapatizilwe, zini lezi yena a byelako vapostoli vakwe?

3. Hi vamani a vanhu lava laha mufananisweni, niku zini lezi Jesu a mahelako wasati loyi?

4. Hikuyini a hlamulo wa Jesu maringano ni kungurangura ka varangeli va wukhongeli wu va wisako tingana?

5. Laha Jesu ni vapostoli vakwe va nga kusuhani ni Jeriko, zini lezi Jesu a mahelako zikhumu zimbiri zi kombelako zomola?

6. Hikuyini Jesu a mahako zihlamaliso?

Ziwutiso zo engetela:

1. Gonza Mateu 15:30, 31.

   Xikombiso muni xa ntamu wa Jehova lexi xi wonekako ka Jesu hi ndlela yo hlamalisa? Xana Lezo zi fanele ku khumbisa kuyini a kupima ka hina xungetano hi lezi Jehova a zi tsumbiseleko misava yiswa? (Tis. 37:29; Isa. 33:24)

2. Gonza Luka 13:10-17.

   Jesu i mahile zirewukiso zo kari zo hlamalisa nguvu hi Sabado. Xana lezo zi kombisa kuyini a lixaka la kuhumula loku yena a to ku nehela vanhu nzeni ka Kufuma kakwe ka Khume ga Mazana ya Malembe? (Lu. 13:10-13; Tis. 46:9; Mat. 12:8; Kol. 2:16,17; Kuv. 21:1-4)

3. Gonza Mateu 20:29-34.

   Xana a tlhatlhambuto lowu wu kombisa kuyini lezaku Jesu cima i wa nga talelwangi nguvu hi zilo laha ko kala a nga hi na xikhati xa ku vuna vanhu? Zini hi zi kotako ku gonza hi lezo? (Deut. 15:7; Jak. 2:15, 16; 1 Joh. 3:17)

Tlhatlhambuto 97

1. Laha Jesu a tako ka xidoropana xitsongwani xi nga kusuhani ni Jerusalema, zini lezi a byelako vapizani vakwe a ku maha?

2. Laha mufananisweni, zini zi mahekako a xikhati lexi Jesu a chikelako kusuhani ni doropa ga Jerusalema?

3. Zini lezi a vanana va tsongwani va mahako a xikhati va wonako Jesu na a hanyisa zikhumu ni zikhurubu?

4. Zini lezi Jesu a wulako ka vapristi va zangarileko?

5. Xana hina hi nga fananisa kuyini ni vanana lava va dumisako Jesu?

6. Zini lezi a vapizani va lavako ku zi tiva?

Ziwutiso zo engetela:

1. Gonza Mateu 21:1-17.

   1. Xana a kunghena ka Jesu Jerusalema kota Hosi ku hambanisile kuyini ni tinduna ta hombe ta yimpi leti ti nga hi vakhozisi va matiko xikhatini xa kufuma ka Roma? (Mat. 21:4, 5; Zak. 9:9; Fil. 2:5-8; Kol. 2:15)

   2. Xigonzo muni lexi a vanhu vaswa va zi kotako ku xi kuma hi ka vafana va maIsraeli lava va wulileko magezu ya lomu ka Tisimu 118 a xikhati lexi Jesu a nga kari a nghena tempeleni? (Mat. 21:9, 15; Tis. 118:25, 26; 2 Tim. 3:15; 2 Ped. 3:18)

2. Gonza Johani 12:12-16.

   Xana a kutiriswa ka mahanga ya micinzu hi vanhu lava va nga kari va khuzela Jesu ku yimela yini? (Joh. 12:13; Fil. 2:10; Kuv. 7:9, 10)

Tlhatlhambuto 98

1. Laha mufananisweni, himani Jesu xikari ka vavanuna lava, niku hi vamani lava vanwani?

2. Zini lezi a vapristi va zamileko ku maha Jesu lomu tempeleni, niku zini lezi a wulileko ka vona?

3. Zini lezi a vapostoli va wutisako Jesu?

4. Hikuyini Jesu a byelako vapostoli vakwe a zilo zo kari za lezi zi ta nga humelela misaveni a xikhati lexi yena a to ngha na a fuma kota Hosi le tilweni?

5. Xana Jesu i ngalo ku ta humelela yini mahlweni ka kuva a fuvisile a wubihi gontlhe misaveni?

Ziwutiso zo engetela:

1. Gonza Mateu 23:1-39.

   1. Hambulezi a Mitsalo yi kombako lezaku a kutiriswa ka mavito ya tiko lawa ma kombako xikhundla xa munhu ku nga ha faneleka, xana a magezu ya Jesu ka Mateu 23:8-11 ma komba yini xungetano hi ku tirisa mavito ya wudzunzo bandleni ga wuKristu? (Miti. 26:25; Rom. 13:7; 1 Ped. 2:13, 14)

   2. Zini lezi a Vafarisi va zi tirisileko na va zama ku valela vanhu a kuva va nga mahi maKristu, niku xana a varangeli va wukhongeli va tirisisa kuyini a mano yo fana ni lawo tinguveni leti? (Mat. 23:13; Lu. 11:52; Joh. 9:22; 12:42; 1 Tes. 2:16)

2. Gonza Mateu 24:1-14.

   1. Li dlunyatisiswa kuyini a lisima la kutimisela lomu ka Mateu 24:13?

   2. Gi wula yini a gezu “kugumesa” legi gi nga ka Mateu 24:13? (Mat. 16:27; Rom. 14:10-12; 2 Kor. 5:10)

3. Gonza Marku 13:3-10.

   I gezu muni gi nga ka Marku 13:10 gi kombako a xihatla xa kuxumayelwa ka mahungu yo saseka, niku xana a magezu lawo ya Jesu ma fanele ku hi khumbisa kuyini? (Rom. 13:11, 12; 1 Kor. 7:29-31; 2 Tim. 4:2)

Tlhatlhambuto 99

1. Kota lezi zi kombiwako mufananisweni, hikuyini Jesu ni vapostoli vakwe va 12 va nga lomu ndlwini ya hombe ya le hehla?

2. Himani wanuna loyi a humako, niku zini lezi a yako a ya maha?

3. Kuga muni ko hlawuleka loku Jesu a ku sangulako anzhako ka kuva ku gumesile a kuga ka Pasika?

4. Xana a Pasika gi alakanyisile vaIsraeli a ximaho muni, niku xana a kuga loku ko hlawuleka ku alakanyisa yini a valanzeli va Jesu?

5. Anzhako ka Xilalelo xa Hosi, zini lezi Jesu a byelako valanzeli vakwe, niku zini va mahako?

Ziwutiso zo engetela:

1. Gonza Mateu 26:14-30.

   1. Ku kombisiwa kuyini ka Mateu 26:15 lezaku a kutokometwa ka Jesu ha Judasi kuve nchumu wo mahiwa ha womu?

   2. Xana a nkhata wu halatilweko wa Jesu wu tirela makhungo muni ya mambiri? (Mat. 26:27, 28; Jer. 31:31-33; Efe. 1:7; Maheb. 9:19, 20)

2. Gonza Luka 22:1-39.

   Xana Satani i enghenile ka Judasi hi ndlela muni? (Lu. 22:3; Joh. 13:2; Miti. 1:24, 25)

3. Gonza Johani 13:1-20.

   1. Hi kota ya lezi zi tsalilweko ka Johani 13:2, wa zi kota Judasi a ku nyikwa nanzu hi lezi a mahileko? Xigonzo muni lexi a malanza ya Nungungulu ma zi kotako ku xi kuma hi ka lezo? (Gen. 4:7; 2 Kor. 2:11; Gal. 6:1; Jak. 1:13, 14)

   2. Xigonzo muni xa ntamu ni xo kongoma lexi Jesu a hi nyikileko? (Joh. 13:15; Mat. 23:11; 1 Ped. 2:21)

4. Gonza Johani 17:1-26.

   Xana Jesu i khongelele valanzeli vakwe lezaku va “tshama munwe” hi ndlela muni? (Joh. 17:11, 21-23; Rom. 13:8; 14:19; Kol. 3:14)

Tlhatlhambuto 100

1. Iya kwihi Jesu ni vapostoli vakwe anzhako ka kuva va humile hi lomu ndlwini ya le hehla, niku zini lezi a va leletelako ku maha?

2. Zini a zi kumako Jesu a xikhati a wuyako laha a vapostoli va nga kona, niku xana lezo zi humelela zikhati zingani?

3. Hi vamani va nghenako lomu sinwini, niku zini lezi Judasi Iskarioti a zi mahako, kota lezi zi kombiwako hi mufananiso?

4. Hikuyini Judasi a pswopswako Jesu, niku zini lezi Pedro a mahako?

5. Zini lezi Jesu a byelako Pedro, kanilezi hikuyini Jesu a nga kombeliko Nungungulu lezaku a rumela tingelosi?

Ziwutiso zo engetela:

1. Gonza Mateu 26:36-56.

   1. Xana a ndlela leyi Jesu a nyikileko ha yona wusungukati a vapizani vakwe xikombiso xi nene ka madota ya wuKristu inyamutlha hi ndlela muni? (Mat. 20:25-28; 26:40, 41; Gal. 5:17; Efe. 4:29, 31, 32)

   2. Mawonela muni a nga hi nawo Jesu xungetano hi ku tirisa matlhari ya nyama kasi ku lwisana ni munhu kuloni? (Mat. 26:52; Lu. 6:27, 28; Joh. 18:36)

2. Gonza Luka 22:39-53.

   A xikhati lexi Jesu a nga telwa hi ngelosi a kuva yi ta mu tiyisa le sinwini ga Getsemane, xana lezo zi wa komba a ku Jesu i wa kari a kanakana kukholweni kakwe? Tlhamusela. (Lu. 22:41-43; Isa. 49:8; Mat. 4:10, 11; Maheb. 5:7)

3. Gonza Johani 18:1-12.

   Xana Jesu i vikelisile kuyini vapizani vakwe hi ka valala vabye, niku zini lezi hi zi kotako ku gonza hi ka xikombiso lexo? (Joh. 10:11, 12; 18:1, 6-9; Maheb. 13:6; Jak. 2:25)

Tlhatlhambuto 101

1. Hi vamani hi kusangula va nga ni wutihlamuleli hi kufa ka Jesu?

2. Va maha yini a vapostoli a xikhati lexi Jesu a tekiwako hi varangeli va wukhongeli?

3. Zini zi mahekako le mutini wa Kayafasi, a mupristi wa hombe?

4. Hikuyini Pedro a sukako a ya rila?

5. Anzhako ka ku Jesu a tlhelisilwe ka Pilatu, xana a vapristi va tinduna va kanyuluka va ku yini?

6. Zini lezi Jesu a mahiwako na xa ha sangula a xikhati xa ni gambo ga wa Wuntlhanu, niku hi xihi a xitsumbiso lexi a mahelako a muphangi loyi a hayekilweko tlhelweni gakwe?

7. Gi ta kumeka kwihi a Paradise legi Jesu a wulawulileko hi gona?

Ziwutiso zo engetela:

1. Gonza Mateu 26:57-75.

   Xana a ziro za hubye yo tlakuka ya vaJuda zi kombisile kuyini a ku a timbilu tabye ti wa bihile? (Mat. 26:59, 67, 68)

2. Gonza Mateu 27:1-50.

   Hikuyini hi nga ha wulako a ku a kutisola loku Judasi a ku zwileko ku wa nga hi ka lisine? (Mat. 27:3, 4; Mar. 3:29; 14:21; 2 Kor. 7:10, 11)

3. Gonza Luka 22:54-71.

   Xigonzo muni hi zi kotako ku xi kuma xungetano hi lezi Pedro a alileko Jesu wusikwini ga kutokometwa ni kukhonwa kakwe? (Lu. 22:60-62; Mat. 26:31-35; 1 Kor. 10:12)

4. Gonza Luka 23:1-49.

   Xana Jesu i hlamulisile kuyini a kubiha loku a mahelweko, niku xigonzo muni hi zi kotako ku xi kuma hi ka lezo? (Lu. 23:33, 34; Rom. 12:17-19; 1 Ped. 2:23)

5. Gonza Johani 18:12-40.

   Hambulezi Pedro a nga nyimile nkhata hi xikhatanyana hi kota ya ku khonwa hi kuchava munhu, yena i zile a tiya a tlhela a maha mupostoli a dumileko. Xana lezo zi komba yini? (Joh. 18:25-27; 1 Kor. 4:2; 1 Ped. 3:14, 15; 5:8, 9)

6. Gonza Johani 19:1-30.

   1. Mawonela wahi ya ku ringanisela lawa Jesu a ngave nawo xungetano hi zilo zi wonekako? (Joh. 2:1, 2, 9, 10; 19:23, 24; Mat. 6:31, 32; 8:20)

   2. Xana a magezu yo gumesa ya Jesu a xikhati lexi a nga kari afa ma ti kombisile kuyini a ku ma wa hi ya ku giya hi lezi a nga yimele wuhosi ga Jehova? (Joh. 16:33; 19:30; 2 Ped. 3:14; 1 Joh. 5:4)

Tlhatlhambuto 102

1. Himani wasati loyi laha mufananisweni? Hi vamani vavanuna lava va vambiri, niku hi kwihi laha va nga kona?

2. Hikuyini Pilatu a byelako vapristi lezaku va rumela masochwa a ku ya lavelela a xilahla xa Jesu?

3. Zini lezi a ngelosi yi mahako na ga ha hi mixo nguvu wa siku ga wunharu anzhako ka kufa ka Jesu, kanilezi zini lezi a vapristi va mahako?

4. Hikuyini a vavasati vo kari va hlamalako a xikhati lexi va yako va ya kamba a xilahla xa Jesu?

5. Hikuyini Pedro na Johani va tsutsumako vaya xilahleni xa Jesu, niku zini lezi va zi kumako?

6. Zini zi humeleleko a miri wa Jesu, kanilezi zini lezi yena a zi mahako kasi ku komba vapizani lezaku wa hanya?

Ziwutiso zo engetela:

1. Gonza Mateu 27:62-66 ni 28:1-15.

   Xana a vapristi va tinduna, ni vaFarisi, ni masingalakati va onhele a moya wa ku basa hi ndlela muni xikhatini xa ku vuxiwa ka Jesu hi ka vafileko? (Mat. 12:24, 31, 32; 28:11-15)

2. Gonza Luka 24:1-12.

   Xana a tlhatlhambuto wa ku vuxiwa ka Jesu hi ka vafileko wu kombisa kuyini ku ngalo Jehova i wona vavasati kota timboni to tsumbeka? (Lu. 24:4, 9, 10; Mat. 28:1-7)

3. Gonza Johani 20:1-12.

   Hi vuniwa hi ndlela muni hi Johani 20:8, 9 a ku wona a xilaveko xa kuva ni lihlaza-mbilu loku hi nga ku pimi khwatsi a kutatiseka ka xiprofeto xo kari xa Biblia? (Mav. 4:18; Mat. 17:22, 23; Lu. 24:5-8; Joh. 16:12)

Tlhatlhambuto 103

1. Xana Maria i wula yini ka wanuna loyi yena a alakanyako lezaku hi muhlayisi wa simu, kanilezi zini zi mu mahako a tiva lezaku hi lisine a wanuna loye hi Jesu?

2. Zini zi humelelako vapizani vambiri va yako xidoropaneni xa Emausi?

3. I nchumu muni wo hlamalisa lowu wu mahekako a xikhati lexi a vapizani vambiri va byelako vapostoli lezaku va wonile Jesu?

4. Makhati mangani lawa Jesu a wonekileko ha wona ka valanzeli vakwe?

5. Zini lezi Tomasi a wulako a xikhati lexi a zwako lezaku a vapizani va wonile Hosi, kanilezi zini zi humelelako anzhako ka ntlhanu wa masiku ni manharu?

Ziwutiso zo engetela:

1. Gonza Johani 20:11-29.

   Xana lomu ka Johani 20:23 Jesu i wa wula ku ngalo a vanhu va nyikilwe wuzikoti ga ku tsetselela zionho? Tlhamusela. (Tis. 49:2, 7; Isa. 55:7; 1 Tim. 2:5, 6; 1 Joh. 2:1, 2)

2. Gonza Luka 24:13-43.

   Hi nga longisela a mbilu ya hina hi ndlela muni lezaku yiva leyi yi amukelako zinene za Biblia? (Lu. 24:32, 33; Ezra 7:10; Mat. 5:3; Miti. 16:14; Maheb. 5:11-14)

Tlhatlhambuto 104

1. Vapizani vangani va wonako Jesu ka xikhati xo kari, niku zini lezi a wulawulako hi zona ka vona?

2. Xini Mufumo wa Nungungulu, niku xana a wutomi gi tava gi tshamisile kuyini misaveni a xikhati lexi Jesu a to ngha a fuma kota Hosi hi khume ga mazana ya malembe?

3. Xana Jesu i ti wonekisa ka vapizani vakwe hi masiku mangani, kanilezi xana xikhati xa kuva a maha yini makunu?

4. Ka xikhatanyana xo gumesa na Jesu a nga se siya vapizani vakwe, zini lezi yena a va byelako ku maha?

5. Zini zi mahekako laha mufananisweni, niku xana Jesu i fihliwa hi ndlela muni a kuva a nga ha woneki?

Ziwutiso zo engetela:

1. Gonza 1 Va Le Korinte 15:3-8.

   Hikuyini mupostoli Paule a nga zi kota ku wulawula na a hi ni kutsumba kontlhe xungetano hi kuvuka ka Jesu hi ka vafileko? Xana a maKristu inyamutlha ma nga wulawula hi zilo muni na ma hi ni kutsumba? (1 Kor. 15:4, 7, 8; Isa. 2:2, 3; Mat. 24:14; 2 Tim. 3:1-5)

2. Gonza Mitiro 1:1-11.

   Xana a ntiro wa kuxumayela wu kulile kala kwihi, kota lezi ku wulilweko na ka ha hi mahlweni lomu ka Mitiro 1:8? (Miti. 6:7; 9:31; 11:19-21; Kol. 1:23)

Tlhatlhambuto 105

1. Kota lezi a mufananiso wu kombako, zini zi humelelako valanzeli va Jesu lava va rinzelako le Jerusalema?

2. Xihlamaliso muni lexi a vapfhumba lava va enzelako Jerusalema va xi kumako?

3. Zini lezi Pedro a tlhamuselako vanhu?

4. Va ti zwisa kuyini a vanhu anzhako ka kuva va ingisile Pedro, niku zini lezi yena a va byelako ku maha?

5. Vanhu vangani va bapatiziwako hi siku lego ga Pentekosta wa 33  E.C.?

Ziwutiso zo engetela:

1. Gonza Mitiro 2:1-47.

   1. Xana a magezu ya Pedro ma kumekako ka Mitiro 2:23, 36 ma kombisa kuyini ku ngalo a tiko gontlhe ga Juda gi hlengele a wutihlamuleli ga kufa ka Jesu? (1 Tes. 2:14, 15)

   2. Xana Pedro i vekisile kuyini a xikombiso xa xi nene xa ku wulawulisana hi ku tirisa Mitsalo? (Miti. 2:16, 17, 29, 31, 36, 39; Kol. 4:6)

   3. Xana Pedro i tirisile hi ndlela muni a pfhungulo yo sangula ya “tipfhungulo ta mufumo wa tilo,” leti Jesu a nga tsumbisile ku mu nyika? (Miti. 2:14, 22-24, 37, 38; Mat. 16:19)

Tlhatlhambuto 106

1. Zini zi humelelako Pedro na Johani ka gambo go kari na vaya tempeleni?

2. Zini lezi Pedro a byelako wanuna wa xilema, niku zini lezi Pedro a mu nyikako zi nga za lisima nguvu a ku hunza mali?

3. Hikuyini a varangeli va wukhongeli va zangarileko, niku zini lezi vona va mahako Pedro na Johani?

4. Zini lezi Pedro a byelako varangeli va wukhongeli, niku xana a vapostoli va layiwa a ku maha yini?

5. Hikuyini a varangeli va wukhongeli vahi ni xiluse, kanilezi zini zi mahekako a xikhati lexi a vapostoli va valelwako paxweni hi khati ga wumbiri?

6. Xana a vapostoli va hlamulisa kuyini a xikhati lexi va nehiwako ndlwini ya Hubye?

Ziwutiso zo engetela:

1. Gonza Mitiro 3:1-10.

   Hambulezi hi nga nyikiwangiko ntamu wa ku maha zihlamaliso inyamutlha, xana a magezu ya Pedro ma tsalilweko ka Mitiro 3:6 ma hi vunisa kuyini a ku tsakela a lisima la mahungu ya Mufumo? (Joh. 17:3; 2 Kor. 5:18-20; Fil. 3:8)

2. Gonza Mitiro 4:1-31.

   Loku hi tlhangana ni kukanetwa wutirelini, xana hi fanele ku pimanyisisa kuyini vamakabye va hina va wuKristu va zana go sangula ga malembe? (Miti. 4:29, 31; Efe. 6:18-20; 1 Tes. 2:2)

3. Gonza Mitiro 5:17-42.

   Xana a vanhu vo kari va nga hiko Timboni, va xikhati xa kale zinwe ni va zalezi, va kombisile kuyini kuolova maringano ni ntiro wa kuxumayela? (Miti. 5:34-39)

Tlhatlhambuto 107

1. Himani Stefani, niku zini lezi Nungungulu a mu vunako ku maha?

2. Zini lezi Stefani a wulako zi zangarisako nguvu a varangeli va wukhongeli?

3. Laha a vavanuna va humako handle ka doropa na va kokovisela Stefani, zini lezi va mu mahako?

4. Laha mufananisweni, himani a jaha legi gi yimileko kusuhani ka mabhaji?

5. Na a nga sefa, zini lezi Stefani a zi khongelelako ka Jehova?

6. Hi ku pimanyisa Stefani, zini hi faneleko ku maha loku munhu wo kari a hi mahela zo biha?

Ziwutiso zo engetela:

1. Gonza Mitiro 6:8-15.

   Mitiro muni yo khohlisa leyi a varangeli va wukhongeli va yi tirisako na va fela ku zama ku nyimisa a ntiro wa kuxumayela wa Timboni ta Jehova? (Miti. 6:9, 11, 13)

2. Gonza Mitiro 7:1-60.

   1. Zini zi vunileko Stefani a kuva a humelela kuyimeleni ka mahungu yo saseka mahlweni ka Hubye, niku zini hi zi kotako ku gonza hi ka xikombiso xakwe? (Miti. 7:51-53; Rom. 15:4; 2 Tim. 3:14-17; 1 Ped. 3:15)

   2. Mawonela muni hi faneleko ku ma hlakulela xungetano hi vakaneti va ntiro wa hina? (Miti. 7:58-60; Mat. 5:44; Lu. 23:33, 34)

Tlhatlhambuto 108

1. Zini lezi Saule a mahako anzhako ka ku dawa ka Stefani?

2. A xikhati lexi Saule a nga pfhumbeni ga kuya Damasku, i nchumu muni wo hlamalisa lowu wu mahekako?

3. Zini lezi Jesu a byelako Saule a kuva a maha?

4. Zileletelo muni lezi Jesu a nyikako Ananiasi, niku zi mahekisa kuyini a ku Saule a tlhela a zi kota ku wona?

5. Xana Saule i kala a tiviwa hi vito gihi, niku xana yena i tirisiwa hi ndlela muni?

Ziwutiso zo engetela:

1. Gonza Mitiro 8:1-4.

   Xana a xikhati xa tixanisa lexi xi ngave kona bandleni ga wuKristu gi nga ha hi ku wumbiwa xi tirile hi ndlela muni kasi ku xwanya a kukholwa ka wuKristu? I nchumu muni wo fanana ni lowo lowu wu mahekileko tinguveni leti? (Miti. 8:4; Isa. 54:17)

2. Gonza Mitiro 9:1-20.

   Mitiro muni ya yinharu leyi Jesu a kombisileko lezaku i wa hi nayo miehleketweni a kuva a yi nyika Saule? (Miti. 9:15; 13:5; 26:1; 27:24; Rom. 11:13)

3. Gonza Mitiro 22:6-16.

   Hi nga fananisa kuyini na Ananiasi, niku hikuyini zi nga za lisima lezo? (Miti. 22:12; 1 Tim. 3:7; 1 Ped. 1:14-16; 2:12)

4. Gonza Mitiro 26:8-20.

   Xana a kuhunzuluka ka Saule a nghena ka wuKristu ku tiyisisa kuyini hlana lava va nga ni vanghana va wukati va nga hiko makholwa inyamutlha? (Miti. 26:11; 1 Tim. 1:14-16; 2 Tim. 4:2; 1 Ped. 3:1-3)

Tlhatlhambuto 109

1. Himani a wanuna loyi a khizamileko laha mufananisweni?

2. Zini lezi a ngelosi yi byelako Korneliu?

3. Zini lezi Nungungulu a wonisako Pedro a xikhati lexi a nga le langweni la yindlu ya Simoni le Jopa?

4. Hikuyini Pedro a byelako Korneliu ku ngalo a nga faneli ku khizama a mu khozela?

5. Hikuyini a vapizani va vaJuda zinwe na Pedro va hlamalako?

6. Xigonzo muni xa lisima hi faneleko ku xi gonza hi kuenzelwa ka Korneliu hi Pedro?

Ziwutiso zo engetela:

1. Gonza Mitiro 10:1-48.

   Ma komba yini a magezu ya Pedro ma kumekako ka Mitiro 10:42 xungetano hi ntiro wa kuxumayela a mahungu yo saseka ya Mufumo? (Mat. 28:19; Mar. 13:10; Miti. 1:8)

2. Gonza Mitiro 11:1-18.

   Mawonela muni a ma kombisileko Pedro a xikhati lexi a mafambisela ya Jehova xungetano hi Vamatiko ma nga te dlunya, niku xana hi nga pimanyisisa kuyini a xikombiso xakwe? (Miti. 11:17, 18; 2 Kor. 10:5; Efe. 5:17)

Tlhatlhambuto 110

1. Himani a jaha legi laha mufananisweni? Gi tshama kwihi, niku hi wahi a mavito ya mamani zinwe ni kokwani wakwe wa xisati?

2. Zini a wulako Timote a xikhati lexi Paule a mu wutisako ku ngalo xana yena wa zi lava ku patsana na Silasi zinwe na Paule kuxumayeleni ka vanhu matshanwini ya le kule?

3. Hi kwihi laha a valanzeli va Jesu va vitanwako maKristu hi khati go sangula?

4. Hi wahi madoropa yo kari lawa Paule na Silasi na Timote va ma enzelako zalezo va sukako Listra?

5. Xana Timote i vunisa kuyini Paule, niku xiwutiso muni lexi vanhu vaswa inyamutlha va faneleko ku ti wutisa?

Ziwutiso zo engetela:

1. Gonza Mitiro 9:19-30.

   Xana mupostoli Paule i kombisile kuyini wutlhari a xikhati lexi a tlhanganileko ni kukanetwa hi kota ya mahungu yo saseka? (Miti. 9:22-25, 29, 30; Mat. 10:16)

2. Gonza Mitiro 11:19-26.

   Xana a mahungu ma tsalilweko ka Mitiro 11:19-21, 26 ma kombisa kuyini ku ngalo a moya wa Jehova wa fambisa ni ku wonelela a ntiro wa kuxumayela?

3. Gonza Mitiro 13:13-16, 42-52.

   Xana ku kombisiwa kuyini ka Mitiro 13:51, 52 ku ngalo a vapizani a va vumelangi lezaku a kukanetwa ku va tsema hlana? (Mat. 10:14; Miti. 18:6; 1 Ped. 4:14)

4. Gonza Mitiro 14:1-6, 19-28.

   Xana a gezu gi nge “va lo va nyikela Hosini” gi hi vunisa kuyini a ku tlhatlheka hi ka kukarateka ku nga faneliko a xikhati lexi hi vunako lava va ha hi ku nghenako bandleni? (Miti. 14:21-23; 20:32; Joh. 6:44)

5. Gonza Mitiro 16:1-5.

   Xana a kuvumela ka Timote a kuva a ti enghenisa wukwera ku dlunyatisisa kuyini a lisima la ku maha ‘zontlhe hi kota ya ivangeli’? (Miti. 16:3; 1 Kor. 9:23; 1 Tes. 2:8)

6. Gonza Mitiro 18:1-11, 18-22.

   Zini zi kombiwako hi Mitiro 18:9, 10 xungetano hi kutinghenisa ka Jesu hi wutsumbu gakwe kufambiseni ka ntiro wa kuxumayela, niku kutsumba muni hi nyikiwako hi lezo inyamutlha? (Mat. 28:20)

Tlhatlhambuto 111

1. Laha mufananisweni, himani a jaha legi gi etleleko lahasi, niku zini zi mu humeleleko?

2. Zini a mahako Paule laha a wonako lezaku a jaha gi file?

3. Xana Paule, Timote zinwe ni lava va enzako zinwe navo vaya kwihi, niku zini zi mahekako a xikhati lexi va nyimako Miletu?

4. Xitiviso muni lexi muprofeti Agabusi a nyikako Paule, niku xana lezo zi mahekisa kuyini hakunene kota lezi a wulako muprofeti?

Ziwutiso zo engetela:

1. Gonza Mitiro 20:7-38.

   1. Hi nga zi kotisa kuyini ku tshama hi nga hi ‘na nanzu nkhateni wa vanhu vontlhe,’ maringano ni magezu ya Paule ma tsalilweko ka Mitiro 20:26, 27? (Ezek. 33:8; Miti. 18:6, 7)

   2. Hikuyini a madota ma faneleko ku ‘namarela ka mhaka yi tsumbekako’ a xikhati lexi ma gonzisako? (Miti. 20:17, 29, 30; Tit. 1:7-9; 2 Tim. 1:13)

2. Gonza Mitiro 26:24-32.

   Xana Paule i tirisile hi ndlela muni a wusumbulwa gakwe ga wuRoma kutatiseni ka ntiro wa kuxumayela lowu a nga nyikilwe hi Jesu? (Miti. 9:15; 16:37, 38; 25:11, 12; 26:32; Lu. 21:12, 13)

Tlhatlhambuto 112

1. Zini zi humelelako a taru legi Paule a nga ka gona a xikhati lexi gi hunzako kusuhani ni xihlale xa Kreta?

2. Zini lezi Paule a byelako lava va nga lomu tarwini?

3. Ku maheka yini a kuza a taru gi panzekela?

4. Zileletelo muni zi nyikiwako hi nduna ya butho leyi yi rangelako, niku vanhu vangani va chikelako muhanzeni hi kuhlayiseka?

5. Hi gihi a vito ga xihlale lexi va humelelweko hi mhango ka xona, niku zini a mahiwako Paule laha a xikhati xi chukwatako?

Ziwutiso zo engetela:

1. Gonza Mitiro 27:1-44.

   Xana a kutsumba ka hina xungetano hi kumbhelela ka lezi zi tsalilweko lomu ka Biblia ku tiyisiswa kuyini a xikhati lexi hi lerako a tlhatlhambuto wa pfhumba ga Paule ga kuya Roma? (Miti. 27:16-19, 27-32; Lu. 1:3; 2 Tim. 3:16, 17)

2. Gonza Mitiro 28:1-14.

   Lezi a vaaki va Melita, va nga hi mahedeni, va susumetilweko ku hlayisa Paule hi “wuxinji ga hombe” zinwe ni vanghana vakwe va nga humelelwe hi mhango ya ku panzekelwa hi taru, xana a maKristu ma fanele ku susumetiwa a ku komba yini? Nguvunguvu hi ndlela muni? (Miti. 28:1, 2; Maheb. 13:1, 2; 1 Ped. 4:9)

Tlhatlhambuto 113

1. Xana Paule i xumayela mani a xikhati lexi a nga peresu le Roma?

2. Laha mufananisweni, himani a mupfhumba loyi a nga laha mezeni, niku zini lezi a mahelako Paule?

3. Himani Epafroditusi, niku xini lexi a tekako a famba naxo a xikhati lexi a tlhelelako Filipi?

4. Hikuyini Paule a tsalelako papilo a munghana wakwe wa hombe Filemoni?

5. Xini lexi a mahako Paule a xikhati lexi a tlhatlhiwako, niku zini zi mu humelelako anzhako ka xikhati?

6. Himani loyi Jehova a mu tirisako lezaku a tsala a mabhuku yo gumesa ya Biblia, niku zini lezi a bhuku ga Kuvululelwa gi wulawulako hi zona?

Ziwutiso zo engetela:

1. Gonza Mitiro 28:16-31 ni Va Le Filipi 1:13.

   Xana Paule i tirisile hi ndlela muni a xikhati xakwe lezi a nga hi peresu le Roma, niku xana a kukholwa kakwe ku nga tsekatsekiswiko ku khumbisile kuyini a bandla ga wuKristu? (Miti. 28:23, 30; Fil. 1:14)

2. Gonza Va Le Filipi 2:19-30.

   Magezu muni ya kutsakela lawa Paule a ma wulileko xungetano hi Timote na Epafroditusi, niku xana hi nga pimanyisisa kuyini a xikombiso xa Paule? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Gonza Filemoni 1-25.

   1. Xana Paule i khongotele Filemoni a kuva a maha lezi zi faneleko hi xigelo muni, niku xana lezo zi tira kota xikongomiso ka madota inyamutlha hi ndlela muni? (Filem. 9; 2 Kor. 8:8; Gal. 5:13)

   2. Xana a magezu ya Paule ma kumekako ka Filemoni 13, 14 ma kombisa kuyini a ku yena i kombisile xichawo hi livalo la vanwani vanhu va lomu bandleni? (1 Kor. 8:7, 13; 10:31-33)

4. Gonza 2 Timote 4:7-9.

   A ku fanana na mupostoli Paule, hi nga zi kotisa kuyini kuva ni kutsumba ka lezaku Jehova i ta hi chachazela loku hi simama hi tsumbekile kala magumo? (Mat. 24:13; Maheb. 6:10)

Tlhatlhambuto 114

1. Hikuyini a Biblia gi wulawulako hi mahaxi le tilweni?

2. Hi gihi a vito ga yimpi ya Nungungulu ni vanhu vo biha misaveni, niku hi gihi a khungo ga yimpi leyo?

3. Hi ku tirisa mufananiso, himani Loyi a to rangela a kulwa, hikuyini a bohako xidlodlo, niku xana yi yimela yini a supado yakwe?

4. Loku hi tlhelela nzhako hi cuwuka a Mitlhatlhambuto 10 ni 15, hikuyini zi nga hi hlamalisiko a ku Nungungulu i ta lovisa vanhu vo biha?

5. Xana a Mitlhatlhambuto 33, 36 ni 76 yi hi kombisa kuyini a ku Nungungulu i ta lovisa a vanhu va ku biha hambu loku va tiyisa ku ngalo va mu khozela?

Ziwutiso zo engetela:

1. Gonza Kuvululelwa 19:11-16.

   1. Xana a Mitsalo yi dlunyatisisa kuyini lezaku Jesu Kristu hi yena mukhileli wa haxi go basa? (Kuv. 1:5; 3:14; 19:11; Isa. 11:4)

   2. Xana a nkhata wu nwatsekelweko ka nguwo ya Jesu wu tiyisisa kuyini lezaku a kuhlula kakwe kuhlula ko tiya ni ko mbhelela? (Kuv. 14:18-20; 19:13)

   3. Ku ngava vamani va patsekako mabuthweni lawa ma lanzelako Jesu na a khilele a haxi gakwe go basa? (Kuv. 12:7; 19:14; Mat. 25:31, 32)

Tlhatlhambuto 115

1. Matshamela muni lawa a Biblia gi kombako lezaku hi ta ti buza hi wona Paradiseni ga misava?

2. Hi xihi a xitsumbiso xa Biblia ka lava va to hanya Paradiseni?

3. Hi rini Jesu a to maha lezaku a kuhunzuluka loko ko hlamalisa ku tatiseka?

4. A xikhati lexi Jesu a nga hi misaveni, zini lezi a mahileko kasi ku komba lezi a nga wa ta maha kota Hosi ya Mufumo wa Nungungulu?

5. Zini lezi Jesu zinwe ni vafumeli-kulobye va le tilweni va to tiyiseka ku zi maha a xikhati lexi va to fumela misava na va hi le tilweni?

Ziwutiso zo engetela:

1. Gonza Kuvululelwa 5:9, 10.

   Hikuyini hi zi kotako kuva ni kutsumba ka lezaku lava va to ngha va fumela misava xikhatini xa Kufuma ka Khume ga Mazana ya Malembe va tava tihosi ni vapristi va ku zwela wusiwana ni va tipswalo? (Efe. 4:20-24; 1 Ped. 1:7; 3:8; 5:6-10)

2. Gonza Kuvululelwa 14:1-3.

   Yi wula yini a mhaka leyi yi nge ngalo a vito ga Dadani zinwe ni vito ga Yivana ma tsalilwe zimombyeni za lava va 144.000? (1 Kor. 3:23; 2 Tim. 2:19; Kuv. 3:12)

Tlhatlhambuto 116

1. Zini hi faneleko ku zi tiva loku hi lava ku hanya kala kupinzuka?

2. Hi nga gonzisa kuyini xungetano hi Jehova Nungungulu zinwe na Jesu, kota lezi zi kombiwako hi xinhanyatana lexi ni vanghana va xona laha mufananisweni?

3. Hi gihi bhuku ginwani u gi wonako laha mufananisweni, niku hikuyini hi faneleko ku gi lera xontlhe xikhati?

4. Ahandle ka ku gonza xungetano hi Jehova na Jesu, zini kambe zi lavekako kasi hi zi kota ku kuma wutomi ga pinzukelwa?

5. Xigonzo muni hi xi kumako hi ka Tlhatlhambuto 69?

6. Xi komba yini a xikombiso xa xi nene xa mufanyana Samueli lomu ka Tlhatlhambuto 55?

7. Hi nga lanzela hi ndlela muni a xikombiso xa Jesu Kristu, niku loku hi zi maha, zini hi to zi kota ku maha xikhatini xi tako?

Ziwutiso zo engetela:

1. Gonza Johani 17:3.

   Xana a Mitsalo yi kombisa kuyini ku ngalo a ku tiva Jehova Nungungulu na Jesu Kristu zi wula zo tala a ku hunza ku hlayisa timhaka hlokweni ntsena? (Mat. 7:21; Jak. 2:18-20; 1 Joh. 2:17)

2. Gonza Tisimu 145:1-21.

   1. Hi zihi a zigelo zo kari ka lezi zo tala hi nga nazo za kuva hi dumisa Jehova? (Tis. 145:8-11; Kuv. 4:11)

   2. Xana Jehova i “nene ka vontlhe” hi ndlela muni, niku xana lezo zi fanele ku hi tshineta nguvu ka yena hi ndlela muni? (Tis. 145:9; Mat. 5:43-45)

   3. Loku Jehova ahi loyi a ranzekako mbilwini ya hina, zini lezi hi to kuciwa ku zi maha? (Tis. 119:171, 172, 175; 145:11, 12, 21)