Loʼil 1

1. ¿Bu likem tal skotol li kʼusitik lek kuʼuntike? ¿Mi xuʼ xa val tal junuk?

2. ¿Kʼusi li baʼyel la spas Diose?

3. ¿Kʼu yuʼun mu xkoʼolaj ta yan anjeletik li baʼyel anjele?

4. Alo tal kaʼitik kʼu toʼox x-elan li Balumil ta slikebale (kʼelo li lokʼole).

5. Li Diose ¿kʼuxi lik xchapan li Balumil sventa li chonetike xchiʼuk li krixchanoetike?

Yan sjakʼobiltak:

1. Kʼelo Jeremías 10:12.

   ¿Kʼusitik stalelal Dios chkilbetik li ta spasbentake? (Isa. 40:26; Rom. 11:33.)

2. Kʼelo Colosenses 1:15-17.

   ¿Kʼusi yabtel la spas Jesús kʼalaluk la spas Dios skotol li kʼusitike? Ta skoj li abtel la spas Jesuse, ¿kʼusi stakʼ jnoptik ta stojolal?

3. Kʼelo Génesis 1:1-10.

   1. ¿Bu lik tal li Balumile? (Gén. 1:1.)

   2. ¿Kʼusi kʼot ta pasel ta sba kʼakʼal kʼalal la jyichʼ pasel li kʼusitike? (Gén. 1:3-5.)

   3. ¿Kʼusi kʼot ta pasel ta xchibal kʼakʼal kʼalal la jyichʼ pasel li kʼusitike? (Gén. 1:7, 8.)

Loʼil 2

1. ¿Kʼuxi la xchapanbutik Balumil ti Diose?

2. Ti Diose ep chonetik la spas. ¿Mi xuʼ xa valbe sbi jaykotuk? (Kʼelo li lokʼole.)

3. ¿Kʼu yuʼun jaʼ noʼox jaʼ stuk li nichimaltik Edene?

4. ¿Kʼu x-elan oy ox ta yoʼonton Dios chkom spʼejel li Balumile?

Yan sjakʼobiltak:

1. Kʼelo Génesis 1:11-25.

   1. ¿Kʼusi la spas Dios ta yoxibal kʼakʼal kʼalal la jyichʼ pasel li kʼusitike? (Gén. 1:12.)

   2. ¿Kʼusi kʼot ta pasel ta xchanibal kʼakʼal kʼalal la jyichʼ pasel li kʼusitike? (Gén. 1:16.)

   3. ¿Kʼusitik chonal la spas Dios ta svoʼobal xchiʼuk ta svakibal kʼakʼale? (Gén. 1:20, 21, 25.)

2. Kʼelo Génesis 2:8, 9.

   ¿Kʼusi chaʼtekʼ teʼal la jyakʼ Dios ta nichimaltik ti tsots skʼoplale, xchiʼuk kʼusi skʼan chal?

Loʼil 3

1. ¿Kʼusi jelel li ta slokʼol Loʼil 3 xchiʼuk li ta slokʼol Loʼil 2?

2. ¿Buchʼu la spas li baʼyel vinike, xchiʼuk kʼusi sbi li vinik taje?

3. ¿Kʼusi abtelal akʼbat yuʼun Dios ti Adane?

4. Ti Diose ¿kʼu yuʼun la jyotesbe lek svayel ti Adane?

5. ¿Kʼu sjalil xuʼ xkuxiik ox li Adán xchiʼuk Evae, xchiʼuk kʼusi abtelal tskʼan ox Jeova ti akʼo spasike?

Yan sjakʼobiltak:

1. Kʼelo Éxodo 3:14, ta XChʼul Cʼop ti jTotic Diose, ta batsʼi kʼop yuʼun Chamula. Kʼelo li tsʼib ta yok vune.

   ¿Kʼusi sbi li Diose xchiʼuk kʼu x-elan ojtikinbil ta Balumil li smukʼule? (Jer. 16:21; Dan. 4:17.)

2. Kʼelo Génesis 1:26-31.

   1. ¿Kʼusi li slajeb xa la spas Dios ta svakibal kʼakʼale, xchiʼuk kʼu yuʼun ti mu xkoʼolaj li ta chonetike? (Gén. 1:26.)

   2. ¿Kʼusi veʼlilal akʼbatik yuʼun Jeova li krixchanoetik xchiʼuk li chonetike? (Gén. 1:29, 30.

3. Kʼelo Génesis 2:7-25.

   1. Kʼusi skʼan spas Adán sventa chakʼbe sbi li chonetike? (Gén. 2:19.)

   2. ¿Kʼuxi ta skoltautik Génesis 2:24 ta yaʼibel smelolal li kʼusi tsnop Jeova ta sventa li nupunele, li chʼakbaile xchiʼuk li stuchʼel nupunel ta svunal ajvaliletike (divorcio)? (Mat. 19:4-6, 9.)

Loʼil 4

1. Kʼelo li lokʼole. ¿Kʼusi yakal chkʼot ta stojolal li Adán xchiʼuk Evae?

2. ¿Kʼu yuʼun akʼbat stoj smulik yuʼun Jeova?

3. ¿Kʼusi albat yuʼun jkot kiletel chon ti Evae?

4. ¿Buchʼu la jyakʼ kʼopojuk li kiletel chon sventa tskʼopon ti Evae?

5. ¿Kʼu yuʼun la xchʼayik li nichimaltik Edén li Adán xchiʼuk Evae?

Yan sjakʼobiltak:

1. Kʼelo Génesis 2:16, 17 xchiʼuk 3:1-13, 24.

   1. ¿Kʼuxi la sokesbe skʼoplal Jeova li kʼusi jakʼbat yuʼun kiletel chon ti Evae? (Gén. 3:1-5; 1 Juan 5:3.)

   2. ¿Kʼu yuʼun jaʼ jpʼijubtaseltik li kʼusi kʼot ta stojolal li Evae? (Fili. 4:8; Sant. 1:14, 15; 1 Juan 2:16.)

   3. ¿Kʼuxi la skʼan la jyakʼik ta ilel Adán xchiʼuk Eva ti maʼuk ta smul stukik ti kʼusi la spasike? (Gén. 3:12, 13.)

   4. ¿Kʼuxi la xchabiik li ajvalilal yuʼun Jeova li keruvinetik ti te vaʼanatik ta stukʼil slokʼeb Kʼakʼal ta nichimaltik Edene? (Gén. 3:24.)

2. Kʼelo Apocalipsis 12:9.

   ¿Kʼu yepal kuchem yuʼun Satanás ta stojolal krixchanoetik sventa tskontrainik li ajvalilal yuʼun Diose? (1 Juan 5:19.)

Loʼil 5

1. Kʼalal muʼyuk xaʼox te oyik ta nichimaltik Edén li Adán xchiʼuk Evae, ¿kʼu x-elan li xkuxlejalike?

2. ¿Kʼusi lik kʼotuk ta stojolalik li Adán xchiʼuk Evae, pe kʼu yuʼun?

3. ¿Kʼu yuʼun ta xmalubik xchiʼuk ta xchamik li yalab xnichʼnabtak li Adán xchiʼuk Evae?

4. Ti lajuk xchʼunbeik smantal Jeova li Adán xchiʼuk Evae, ¿kʼu x-elan xkuxlejalik jechuk xchiʼuk li yalab xnichʼnabike?

5. ¿Kʼuxi la jyil svokol Eva ta skoj ti muʼyuk la xchʼun mantale?

6. ¿Kʼusi toʼox sbiik li baʼyel chaʼvoʼ yalab xnichʼnabik li Adán xchiʼuk Evae?

7. ¿Buchʼutik li yan ololetik te chvinaj ta lokʼole?

Yan sjakʼobiltak:

1. Kʼelo Génesis 3:16-23 xchiʼuk 4:1, 2.

   1. ¿Kʼuxi sok xkuxlejal Adán ta skoj ti la jyichʼ chopol kʼoptael li balumile? (Gén. 3:17-19; Rom. 8:20, 22.)

   2. ¿Kʼu yuʼun lek xkʼot-o li sbi Eva ti jaʼ smelolal «kuxlejale»? (Gén. 3:20.)

   3. ¿Kʼuxi kʼuxubinatik yuʼun Jeova li Adán xchiʼuk Eva kʼalal pʼajemik xaʼox ta mulile? (Gén. 3:7, 21.)

2. Kʼelo Apocalipsis 21:3, 4.

   ¿Kʼusitik ti jech toʼox oy ta baʼyuk ti cha kʼan chichʼ tubele?

Loʼil 6

1. ¿Kʼusi lik yabtelanik li Caín xchiʼuk Abele?

2. ¿Kʼusi matanaletik la jyichʼbeik batel Jeova li Caín xchiʼuk Abele?

3. ¿Kʼu yuʼun lek la jyil Jeova li matanal la jyakʼ Abele, pe kʼu yuʼun muʼyuk lek la jyil li matanal la jyakʼ Caine?

4. ¿Kʼu x-elan stalelal li Caine, xchiʼuk kʼusi ta spas Jeova sventa tstukʼibtas?

5. ¿Kʼusi la spas Caín kʼalal stuk xaʼox te oyik xchiʼuk yitsʼin ta yaxaltike?

6. Alo kaʼitik kʼusi kʼot ta stojolal Caín kʼalal laj xaʼox smil komel li yitsʼine.

Yan sjakʼobiltak:

1. Kʼelo Génesis 4:2-26.

   1. ¿Kʼu x-elan akʼbat yil yuʼun Jeova ti mu lekuk li kʼusi oy ta yoʼonton li Caine? (Gén. 4:7.)

   2. ¿Kʼuxi la jyakʼ ta ilel li kʼusi oy ta yoʼonton li Caine? (Gén. 4:9.)

   3. ¿Kʼu x-elan chil Jeova li smalbel xchʼichʼel li buchʼu muʼyuk smule? (Gén. 4:10; Isa. 26:21.)

2. Kʼelo 1 Juan 3:11, 12.

   1. ¿Kʼu yuʼun ilin tajek li Caine, xchiʼuk kʼu x-elan ta spʼijubtasutik tana? (Gén. 4:4, 5; Pro. 14:30; 28:22.)

   2. ¿Kʼuxi ta xakʼ ta ilel Vivlia ti xuʼ tukʼ-o koʼontontik ta stojolal Jeova manchuk mi tskontrainik Jeova li kutsʼ kalaltike? (Sal. 27:10; Mat. 10:21, 22.)

3. Kʼelo Juan 11:25.

   ¿Kʼusi spatobil koʼontontik yakʼoj Jeova ta sventa li buchʼutik chcham ta skoj li tukʼilale? (Juan 5:24.)

Loʼil 7

1. ¿Kʼu yuʼun jelel ta yan krixchanoetik li Enoque?

2. ¿Kʼu yuʼun toj chopol li kʼusitik tspasik li krixchanoetik ta skʼakʼalil Enoque?

3. ¿Kʼusitik chopol la spasik li krixchanoetik taje? (Kʼelo li lokʼole.)

4. ¿Kʼu yuʼun skʼan tsotsuk yoʼonton li Enoque?

5. ¿Kʼu toʼox sjalil chkuxiik li krixchanoetik ta skʼakʼalil Enoque, pe kʼu sjalil ikuxi li stuke?

6. ¿Kʼusi kʼot ta pasel kʼalal chamem xaʼox ti Enoque?

Yan sjakʼobiltak:

1. Kʼelo Génesis 5:21-27.

   1. ¿Kʼu x-elan yiloj sbaik xchiʼuk Jeova ti Enoque? (Gén. 5:24.)

   2. Jech kʼuchaʼal chal li Vivliae, ¿buchʼu li vinik mas jal ikuxie, xchiʼuk jayib jabil yichʼoj kʼalaluk ichame? (Gén. 5:25-27.)

2. Kʼelo Génesis 6:5.

   ¿Kʼu x-elan sok tajek li kʼusitik oy ta Balumil kʼalal chamem xaʼox li Enoque, xchiʼuk kʼu x-elan xkoʼolaj li ta jkʼakʼaliltike? (2 Tim. 3:13.)

3. Kʼelo Hebreos 11:5.

   ¿Kʼusi stalelal ti «lek ilbil yuʼun Dios» ti Enoque, xchiʼuk kʼusi kʼot ta stojolal ta sventa taje? (Gén. 5:22.)

4. Kʼelo Judas 14, 15.

   ¿Kʼuxi xuʼ xchanbeik stsatsal yoʼonton Enoc li yajtsʼaklomtak Cristo kʼalal chalik ti poʼot xa xtal li letovajel ta Armagedone? (2 Tim. 4:2; Heb. 13:6.)

Loʼil 8

1. ¿Kʼusi kʼot ta pasel kʼalal lik xchikintabeik sloʼil Satanás li jlom yaj-anjeltak Diose?

2. ¿Kʼu yuʼun la jyiktaik li yabtelik ta vinajel xchiʼuk yalik tal ta Balumil li jlom anjeletike?

3. ¿Kʼu yuʼun muʼyuk lek ti yalik tal ta Balumil xchiʼuk ti la jyichʼbeik yelanil sbekʼtal krixchanoetik ti anjeletike?

4. ¿Kʼu yuʼun jelelik ta yantik nichʼnabiletik li xnichʼnabtak anjeletike?

5. Jech kʼuchaʼal cha vil li ta lokʼole, ¿kʼusi la spasik li xnichʼnabtak anjeletik kʼalal ikʼatajik ta mukʼta natil tsatsal krixchanoetike?

6. Kʼalal chamem xaʼox li Enoque, ¿buchʼu vinikal lek yoʼonton echʼ ta Balumil, xchiʼuk kʼu yuʼun kʼanat yuʼun ti Diose?

Yan sjakʼobiltak:

1. Kʼelo Génesis 6:1-8.

   ¿Kʼuxi chakʼ ta ilel Génesis 6:6 ti xuʼ jyayijesbetik yoʼonton Jeova ta skoj li jtalelaltike? (Sal. 78:40, 41; Pro. 27:11.)

2. Kʼelo Judas 6.

   ¿Kʼusi xuʼ jchanbetik tana li anjeletik «ti la scomtsanic li yavil acʼbilique»? (1 Cor. 3:5-9; 2 Ped. 2:4, 9, 10.)

Loʼil 9

1. ¿Jayvoʼik toʼox li ta yutsʼ yalal Noee, xchiʼuk kʼusi sbiik li oxvoʼ xnichʼnabe?

2. ¿Kʼusi yan x-elan akʼbat spas yuʼun Dios ti Noee, kʼu yuʼun?

3. ¿Kʼu x-elan la jyaʼiik li slakʼnatak Noé kʼalal la jyalbe skʼoplal li arkae?

4. ¿Kʼusi albat yuʼun Dios ti akʼo spasbe chonetik ti Noee?

5. Kʼalal smakojbe xaʼox stiʼ arka ti Diose, ¿kʼusi la spasik li Noé xchiʼuk li yutsʼ yalale?

Yan sjakʼobiltak:

1. Kʼelo Génesis 6:9-22.

   1. ¿Kʼu yuʼun mu xkoʼolaj ta yantik ti kʼu x-elan la smuyubta li melel Dios ti Noee? (Gén. 6:9, 22.)

   2. ¿Kʼusi chal Jeova ta sventa li majbaile, pe liʼ ne kʼu x-elan ta skoltautik ta stʼujel li kʼusi ta jchʼay-o koʼontontike? (Gén. 6:11, 12; Sal. 11:5.)

   3. ¿Kʼuxi xuʼ jchanbetik yoʼonton Noé kʼalal ta xkichʼtik mantal yuʼun li buchʼutik jbabe ta slumal Jeovae? (Gén. 6:22; 1 Juan 5:3.)

2. Kʼelo Génesis 7:1-9.

   Manchuk mi jsaʼ mulil ti Noee, ¿kʼuxi tspat koʼontontik ti tukʼ albat skʼoplal yuʼun li Jeovae? (Gén. 7:1; Pro. 10:16; Isa. 26:7.)

Loʼil 10

1. ¿Kʼu yuʼun muʼyuk xa buchʼu xuʼ x-och li ta arka kʼalal lik yakʼ voʼe?

2. ¿Jayib kʼakʼal xchiʼuk jayib akʼobal la jyakʼ taluk voʼ ti Jeovae, xchiʼuk bu to kʼalal muy li voʼe?

3. ¿Kʼusi kʼot ta pasel ta stojolal arka kʼalal lik butʼijuk ta voʼ li Balumile?

4. ¿Mi kuxul komik li mukʼta natil tsatsal krixchanoetik ta Nojelal ta voʼe? ¿Kʼusi kʼot ta pasel ta stojolal li stotike?

5. Ta svoʼobal yual yechʼel li voʼe, ¿kʼusi la spas li arkae?

6. ¿Kʼu yuʼun la skolta lokʼel ta arka jkot joj mut ti Noee?

7. ¿Kʼuxi la snaʼ Noé ti ulem xa yalel li voʼe?

8. ¿Kʼusi albat Noé yuʼun Dios kʼalaluk mas xaʼox ta jun jabil te tikʼajtik ta yut arka xchiʼuk li yutsʼ yalale?

Yan sjakʼobiltak:

1. Kʼelo Génesis 7:10-24.

   1. ¿Kʼu to yepal ilaj li kuxlejal ta Balumile? (Gén. 7:23.)

   2. ¿Kʼu sjalil echʼ ti kʼalal lik uluk yalel li voʼe? (Gén. 7:24.)

2. Kʼelo Génesis 8:1-17.

   ¿Kʼuxi chakʼ ta ilel Génesis 8:17 ti muʼyuk jel li kʼusi oy onoʼox ta yoʼonton Jeova ta sventa li Balumile? (Gén. 1:22.)

3. Kʼelo 1 Pedro 3:19, 20.

   1. ¿Kʼusi kʼot ta stojolal li jtoyobba anjeletik kʼalal sutik batel ta vinajele? (Jud. 6.)

   2. Li sloʼil xkuxlejal Noé xchiʼuk yutsʼ yalale, ¿kʼuxi ta stsatsubtas li spatel koʼontontik ta stojolal Jeova ti xuʼ ta spoj li slumale? (2 Ped. 2:9.)

Loʼil 11

1. Jech kʼuchaʼal chvinaj ta lokʼole, ¿kʼusi ti baʼyel la spas Noé kʼalal lokʼ ta arkae?

2. ¿Kʼusi mantal akʼbat yuʼun Dios Noé xchiʼuk yutsʼ yalal kʼalal echʼ xaʼox li Nojelal ta voʼe?

3. ¿Kʼusi la jyal ta melel ti Diose?

4. Kʼalal chkiltik li vaknakʼobale, ¿kʼusi skʼan xvul ta joltik?

Yan sjakʼobiltak:

1. Kʼelo Génesis 8:18-22.

   1. ¿Kʼusi matanal stakʼ xkakʼbetik Jeova ti xkoʼolaj kʼuchaʼal «li smuil yicʼ smoton» ti chkʼot ta stojolale? (Gén. 8:21; Heb. 13:15, 16.)

   2. ¿Kʼusi la jyal Jeova ta sventa li yelanil yoʼonton li krixchanoe, jaʼ yuʼun kʼuxi skʼan ta jchabi jbatik? (Gén. 8:21; Mat. 15:18, 19.)

2. Kʼelo Génesis 9:9-17.

   1. ¿Kʼusi la xchapan Jeova ta sventa skotol li kʼusi kuxajtik ta Balumile? (Gén. 9:10, 11.)

   2. Li vaknakʼobal senyail li kʼusi chapanbile, ¿kʼu sjalil oy skʼoplal? (Gén. 9:16.)

Loʼil 12

1. ¿Buchʼu toʼox li Nimrode, xchiʼuk kʼusi la snop Dios ta stojolal?

2. ¿Kʼu yuʼun yakal ta spasik ladriyoetik li viniketik te chvinaj ta lokʼole?

3. ¿Kʼu yuʼun muʼyuk lek la jyil Jeova li tayal kʼelob osil ti yakal ta svaʼanike?

4. ¿Kʼuxi la spajtsan Dios li svaʼanel tayal kʼelob osile?

5. ¿Kʼusi la sbiin li jteklum taje, xchiʼuk kʼusi smelolal li sbie?

6. ¿Kʼusi la spas li krixchanoetik kʼalal kapbat skʼopik yuʼun ti Diose?

Yan sjakʼobiltak:

1. Kʼelo Génesis 10:1, 8-10.

   ¿Kʼu x-elan stalelal la jyakʼ ta ilel li Nimrode, pe kʼusi pʼijubtasel chakʼbutik li Vivliae? (Pro. 3:31.)

2. Kʼelo Génesis 11:1-9.

   ¿Kʼusi sventa ox ti la jyichʼ pasel li tayal kʼelob osile, pe kʼu yuʼun muʼyuk ta stsuts yuʼunik? (Gén. 11:4; Pro. 16:18; Juan 5:44.)

Loʼil 13

1. ¿Kʼu x-elan stalelalik li krixchanoetik ti nakalik ta jteklum Ure?

2. ¿Buchʼu li vinik chvinaj ta lokʼole? ¿Kʼusi ora ivokʼ? ¿Bu toʼox nakal?

3. ¿Kʼusi mantal akʼbat yuʼun Dios ti Abrahame?

4. ¿Kʼu yuʼun yamigo Dios la sbiin li Abrahame?

5. ¿Buchʼu la xchiʼin batel Abraham kʼalal lokʼ batel ta Ure?

6. ¿Kʼusi albat yuʼun Dios kʼalal kʼot ta yosilal Canaán ti Abrahame?

7. Kʼalal yichʼoj xaʼox 99 jabil li Abrahame, ¿kʼusi albat ta melel yuʼun ti Diose?

Yan sjakʼobiltak:

1. Kʼelo Génesis 11:27-32.

   1. ¿Kʼusi yutoj sbaik li Abraham xchiʼuk Lote? (Gén. 11:27.)

   2. Akʼo mi chichʼ ilel ti jaʼ Taré ti buchʼu la jyikʼ batel yutsʼ yalal ta Canaane, ¿kʼuxi jnaʼojtik ta melel ti jaʼ Abraham li buchʼu la jyikʼ batel li yutsʼ yalale, xchiʼuk kʼu yuʼun la spas? (Gén. 11:31; Hech. 7:2-4.)

2. Kʼelo Génesis 12:1-7.

   Kʼalal kʼot ta slumal Canaán li Abrahame, ¿kʼusi achʼ la jyal Jeova ta sventa li kʼusi xchapanojik onoʼox xchiʼuk li Abrahame? (Gén. 12:7.)

3. Kʼelo Génesis 17:1-8, 15-17.

   1. ¿Kʼusi yan biil la jyichʼ Abram kʼalal yichʼoj xaʼox 99 jabile? ¿Kʼu yuʼun? (Gén. 17:5.)

   2. ¿Kʼusi lekil kʼuxubinel albat ta melel yuʼun Jeova ti ch-akʼbat ti Sarae? (Gén. 17:15, 16.)

4. Kʼelo Génesis 18:9-19.

   1. Ta Génesis 18:19, ¿kʼusi mantaletik ta xichʼik albel li totil-meʼiletike? (Deu. 6:6, 7; Efe. 6:4.)

   2. ¿Kʼusi la spas jun velta Sara ti chakʼ kiltik ti mu kʼusi xuʼ jnakʼtik ta sat ti Jeovae? (Gén. 18:12, 15; Sal. 44:21.)

Loʼil 14

1. ¿Kʼusi albat ta melel yuʼun Dios ti Abrahame, xchiʼuk kʼuxi kʼot ta pasel yuʼun?

2. Jech kʼuchaʼal chvinaj ta lokʼole, ti Diose ¿kʼuxi la spasbe ta preva li xchʼunel yoʼonton Abrahame?

3. ¿Kʼusi la spas Abraham manchuk mi mu xaʼibe smelolal ti kʼusi chkʼanbat yuʼun ti Diose?

4. ¿Kʼusi kʼot ta pasel kʼalaluk Abraham la slokʼes xkuchilu sventa tsmil li xnichʼone?

5. ¿Kʼu x-elan xchʼunel yoʼonton ta stojolal Dios li Abrahame?

6. ¿Kʼusi akʼbat Abraham yuʼun Dios sventa chakʼ ta matanal, xchiʼuk kʼuxi akʼbat?

Yan sjakʼobiltak:

1. Kʼelo Génesis 21:1-7.

   ¿Kʼu yuʼun la jyakʼbe yichʼ sirkunsision xnichʼon ta xvaxakibal kʼakʼal ti Abrahame? (Gén. 17:10-12; 21:4.)

2. Kʼelo Génesis 22:1-18.

   ¿Kʼuxi la jyakʼ ta ilel Isaac ti jchʼunej mantal ta stote, pe taje, kʼuxi la jyakʼ ta ilel ti jaʼ jun senyail ti kʼusi to chkʼot ta pasel ti jaʼ mas tsots skʼoplale? (Gén. 22:7-9; 1 Cor. 5:7; Fili. 2:8, 9.)

Loʼil 15

1. ¿Kʼu yuʼun la xchʼak sbaik li Abraham xchiʼuk Lote?

2. ¿Kʼu yuʼun la snop Lot ti chbat nakluk ta Sodomae?

3. ¿Kʼu x-elan stalelik li krixchanoetik ta Sodomae?

4. ¿Kʼusi pʼijubtasel akʼbat yuʼun chaʼvoʼ anjeletik ti Lote?

5. ¿Kʼu yuʼun kʼataj ta tanal atsʼam li yajnil Lote?

6. ¿Kʼusi xuʼ jchantik ta sventa ti kʼusi kʼot ta stojolal li yajnil Lote?

Yan sjakʼobiltak:

1. Kʼelo Génesis 13:5-13.

   Kʼalal chlik kʼop xchiʼuk junuk jchiʼiltike, ¿kʼusi stakʼ jchantik ta stojolal Abraham kʼalal ta jchapantik li kʼope? (Gén. 13:8, 9; Rom. 12:10; Fili. 2:3, 4.)

2. Kʼelo Génesis 18:20-33.

   Kʼalal ta jkʼelbetik li sloʼilik Abraham xchiʼuk Jeovae, ¿kʼu yuʼun xuʼ xkaltik ti Jeova xchiʼuk Jesucristo jaʼ tukʼil jchapanvanejetik ti kʼalal chchapanvanike? (Gén. 18:25, 26; Mat. 25:31-33.)

3. Kʼelo Génesis 19:1-29.

   1. Jech kʼuchaʼal chakʼ kiltik li Vivliae, ¿kʼu x-elan chil Dios ti chchiʼin sbaik ta vayel li viniketik xchiʼuk ti chchiʼin sbaik ta vayel li antsetike? (Gén. 19:5, 13; Lev. 20:13.)

   2. ¿Kʼusi la spas Lot xchiʼuk Abraham kʼalal la jyichʼik albel mantal yuʼun ti Diose? (Gén. 19:15, 16, 19, 20; 22:3.)

4. Kʼelo Lucas 17:28-32.

   ¿Kʼu x-elan yoʼonton li yajnil Lot ta sventa li kʼusitik oy yuʼune, pe kʼuxi chtun kuʼuntik ta jpʼijubtaseltik taje? (Luc. 12:15; 17:31, 32; Mat. 6:19-21, 25.)

5. Kʼelo 2 Pedro 2:6-8.

   Ta xchanbel stalelal li Lote, ¿kʼu x-elan skʼan jkʼeltik li kʼusitik oy ta balumil tanae? (Eze. 9:4; 1 Juan 2:15-17.)

Loʼil 16

1. ¿Buchʼu li vinik xchiʼuk li ants te chvinaj ta lokʼole?

2. ¿Kʼusi la spas Abraham sventa tsabe yajnil li skereme, pe kʼu yuʼun jech la spas?

3. ¿Kʼuxi takʼbat s-orasion li yajtunel Abrahame?

4. ¿Kʼuxi takʼav Rebeca kʼalal jakʼbat mi tskʼan chnupun xchiʼuk li Isaaque?

5. ¿Kʼusi muyubaj-o yan velta li Isaaque?

Yan sjakʼobiltak:

1. Kʼelo Génesis 24:1-67.

   1. ¿Kʼusitik lek stalelal la jyakʼ ta ilel Rebeca kʼalal la jyojtikin sba xchiʼuk li yajtunel Abraham ta posoe? (Gén. 24:17-20; Pro. 31:17, 31.)

   2. Kʼalal la sabe yajnil Isaac li Abrahame, li yajtsʼaklomtak Cristo tanae, ¿kʼusi lek xuʼ xchanik ta stojolal li Abrahame? (Gén. 24:37, 38; 1 Cor. 7:39; 2 Cor. 6:14.)

   3. ¿Kʼu yuʼun skʼan jchʼakbetik yorail ta jnoptik sventa li kʼusi tsots skʼoplal jech kʼuchaʼal la spas ti Isaaque? (Gén. 24:63; Sal. 77:12; Fili. 4:8.)

Loʼil 17

1. ¿Buchʼu ti Esaú xchiʼuk ti Jacobe, pe kʼu yuʼun mu xkoʼolajik?

2. ¿Jayib sjabilal yichʼoj Esaú xchiʼuk Jacob kʼalaluk cham li smukʼtotik Abrahame?

3. ¿Kʼusi la spas Esaú ti la jyakʼbe yatel yoʼonton li stot smeʼe?

4. ¿Kʼu yuʼun ilin tajek ta stojolal Jacob li Esaue?

5. ¿Kʼusi mantaletik akʼbat Jacob yuʼun li Isaaque?

Yan sjakʼobiltak:

1. Kʼelo Génesis 25:5-11, 20-34.

   1. ¿Kʼusi ti yaloj xa onoʼox Jeova ta sventa li chaʼvoʼ skeremotak li Rebecae? (Gén. 25:23.)

   2. ¿Kʼusi li jelel ta snopik li Jacob xchiʼuk Esaú ta sventa li kʼusi chichʼ li ba nichʼonilale? (Gén. 25:31-34.)

2. Kʼelo Génesis 26:34, 35; 27:1-46, xchiʼuk 28:1-5.

   1. ¿Kʼuxi ivinaj ti mu snaʼ xkʼuxubin kʼusitik yakʼoj Jeova ti Esaue? (Gén. 26:34, 35; 27:46.)

   2. Sventa x-akʼbat lekilaletik yuʼun Dios ti Jacobe, ¿kʼusi albat yuʼun Isaac ti akʼo spase? (Gén. 28:1-4.)

3. Kʼelo Hebreos 12:16, 17.

   ¿Kʼuxi chakʼ kiltik ta sloʼil xkuxlejal Esaú li kʼusi chkʼot ta stojolalik li buchʼutik mu xkʼuxubinik li kʼusitik chakʼ Jeovae?

Loʼil 18

1. ¿Buchʼu li tseb te ta lokʼole, xchiʼuk kʼuxi koltaat yuʼun ti Jacobe?

2. ¿Kʼusi ta sjunul yoʼonton la spas Jacob sventa chnupun xchiʼuk li Raquele?

3. ¿Kʼusi la spas Labán kʼalal kʼot skʼakʼalil chnupun li Jacob xchiʼuk li Raquele?

4. ¿Kʼusi la spas Jacob sventa chnupun xchiʼuk li Raquele?

Yan sjakʼobiltak:

1. Kʼelo Génesis 29:1-30.

   1. Manchuk mi loʼlavan ti Labane, ¿kʼuxi la jyakʼ ta ilel ti tukʼ xkʼopoj ti Jacobe, xchiʼuk kʼusi xuʼ jchantik ta sventa taje? (Gén. 25:27; 29:26-28; Mat. 5:37.)

   2. Li ta sloʼil xkuxlejal Jacobe, ¿kʼu x-elan te vinaj ti jelel li melel kʼanel xchiʼuk li jecheʼ kʼanele? (Gén. 29:18, 20, 30; Cant. 8:6.)

   3. ¿Buchʼu li chanvoʼ antsetik kʼot ta yajniltak Jacob xchiʼuk ti la jyil yalab xnichʼnab xchiʼuke? (Gén. 29:23, 24, 28, 29.)

Loʼil 19

1. ¿Kʼusi sbi li vakvoʼ skeremotak Jacob ti la jyil xchiʼuk Lea, li sba ajnile?

2. Li Jacob xchiʼuk Zilpae, li skiara Leae la jyil chaʼvoʼ yalab xnichʼnabik, ¿buchʼutik taje?

3. ¿Kʼusi sbi li chaʼvoʼ skeremotak Jacob ti la jyil xchiʼuk Bilha, li skiara Raquele?

4. ¿Buchʼutik li chaʼvoʼ yalab Raquele, pe kʼusi kʼot ta pasel kʼalaluk vokʼ li xchabal xaʼox yole?

5. Jech kʼuchaʼal chakʼ ta ilel li lokʼole, ¿jayvoʼ xnichʼnabtak la jyil ti Jacobe, xchiʼuk kʼusi lumal te lik tal ta stojolalik?

Yan sjakʼobiltak:

1. Kʼelo Génesis 29:32-35; 30:1-26, xchiʼuk 35:16-19.

   Jech kʼuchaʼal chvinaj li ta xlajchavoʼal xnichʼnabtak Jacobe, ¿kʼuxi toʼox nopem xaʼiik ta xakʼbeik sbi li jhebreoal ololetik ta mas voʼnee?

2. Kʼelo Génesis 37:35.

   Manchuk mi jaʼ noʼox chalbe sbi Dina li Vivliae, ¿kʼuxi jnaʼojtik ti maʼuk noʼox jun stseb la jyil li Jacobe? (Gén. 37:34, 35.)

Loʼil 20

1. Li Abraham xchiʼuk Isaaque, ¿kʼu yuʼun muʼyuk lek la jyilik ti chnupun xchiʼuk jcanaán krixchanoetik li xnichʼnabike?

2. ¿Mi lek chil Jacob ti chbat saʼ xchiʼiltak ta Canaán li stsebe?

3. ¿Buchʼu li vinik te chvinaj ta lokʼol ti yakal tskʼel li Dinae, xchiʼuk kʼusi chopol la spas?

4. ¿Kʼusi la spasik li sbankiltak Dina, li Simeón xchiʼuk Leví, kʼalaluk la jyaʼiik li kʼusi kʼot ta pasele?

5. ¿Mi lek la jyil Jacob li kʼusi la spas li Simeón xchiʼuk Levie?

6. ¿Kʼuxi lik svokol li jchop jnaklej taje?

Yan sjakʼobiltak:

1. Kʼelo Génesis 34:1-31.

   1. ¿Mi mu yesuk onoʼox xaʼi Dina ti chkʼot svulaʼan li tsebetik ta Canaane? Alo kaʼitik (Gén. 34:1, NM).

   2. ¿Kʼu yuʼun xuʼ xkaltik ti jaʼ ta smul jutuk Dina ti la xchʼay li stojol tsebale? (Gál. 6:7.)

   3. Li kerem-tsebetik tanae, ¿kʼuxi xuʼ chakʼik ta ilel ti chtun yuʼunik ta spʼijubtaselik li kʼusi kʼot ta stojolal li Dinae? (Pro. 13:20; 1 Cor. 15:33; 1 Juan 5:19.)

Loʼil 21

1. ¿Kʼu yuʼun itʼix chaʼiik José li sbankiltake, xchiʼuk kʼusi la spasik?

2. ¿Kʼusi tskʼan tspasbeik José li sbankiltake, pe kʼusi la jyal li Rubene?

3. ¿Kʼusi kʼot ta pasel kʼalal kʼot li jbolomajel ismaeletike?

4. ¿Kʼusi la spasik li sbankiltak José sventa chakʼbeik snop stotik ti cham li kereme?

Yan sjakʼobiltak:

1. Kʼelo Génesis 37:1-35.

   1. ¿Kʼuxi xuʼ xchanbeik stalelal José li yajtsʼaklomtak Cristo ti kʼalal ta xalik li kʼusi chopol chkʼot ta pasel ta tsobobbaile? (Gén. 37:2; Lev. 5:1; 1 Cor. 1:11.)

   2. ¿Kʼu yuʼun kontrainat yuʼun sbankiltak li Josee? (Gén. 37:11, 18; Pro. 27:4; Sant. 3:14-16.)

   3. ¿Kʼuxi la jyakʼ ta ilel yatel yoʼonton Jacob ti stalel onoʼox jech kʼalal oy buchʼu chchame? (Gén. 37:35.)

Loʼil 22

1. ¿Jayib sjabilal yichʼoj José kʼalal la jyikʼik batel ta Egiptoe, xchiʼuk kʼusi kʼot ta pasel kʼalaluk te kʼote?

2. ¿Kʼu yuʼun la jyichʼ tikʼel ta chukel ti Josee?

3. ¿Kʼusi yabtel akʼbat ta chukinab ti Josee?

4. ¿Kʼusi la spas José kʼalal te toʼox oy ta chukel ta sventa li j-akʼ yalel tsʼusub yuʼun Faraón xchiʼuk ta sventa li yajpas pane?

5. ¿Kʼusi kʼot ta pasel kʼalal la jyichʼ lokʼesel ta chukel li j-akʼ yalel tsʼusube?

Yan sjakʼobiltak:

1. Kʼelo Génesis 39:1-23.

   Ta skʼakʼalil ti Josee chʼabal toʼox mantal ti chal ti mu xuʼ xichʼ loʼlael li chiʼilil ta nupunele, pe vaʼun chaʼa, ¿kʼu yuʼun jatav lokʼel ta stojolal yajnil Potifar ti Josee? (Gén. 2:24; 20:3; 39:9.)

2. Kʼelo Génesis 40:1-23.

   1. Alo tal kaʼitik kʼusi la xvaychinta li j-akʼ yalel tsʼusube, xchiʼuk alo tal kaʼitik li smelolal akʼbat yuʼun Jeova ti Josee (Gén. 40:9-13).

   2. ¿Kʼusi la xvaychinta li jpas pane, xchiʼuk kʼusi smelolal? (Gén. 40:16-19.)

   3. Li j-abtel ti tukʼ yoʼonton, ti lek pʼije ¿kʼuxi xchanojbeik tana stalelal li Josee? (Gén. 40:8; Sal. 36:9; Juan 17:17; Hech. 17:2, 3.)

   4. ¿Kʼuxi chkoltaatik yuʼun Génesis 40:20 li yajtsʼaklomtak Cristo sventa tsnaʼik mi lek mi mu lekuk li spasbel skʼinal svokʼel jun krixchanoe? (Ecl. 7:1; Mar. 6:21-28.)

Loʼil 23

1. ¿Kʼusi kʼot ta stojolal jun akʼobal ti Faraone?

2. Li j-akʼ yaʼlel tsʼusube ¿kʼu yuʼun jaʼ to vul ta sjol li Josee?

3. Jech kʼuchaʼal chkiltik ta lokʼole, ¿kʼusi chib xvayich la jyil li Faraone?

4. ¿Kʼusi smelolal la jyakʼbe vaychiletik li Josee?

5. ¿Kʼuxi la jyichʼ ojtikinel kʼuchaʼal xchibal ajvalil ta Egipto ti Josee?

6. ¿Kʼu yuʼun chbat ta Egipto sbankiltak li Josee, pe kʼu yuʼun muʼyuk la jyojtikinik li Josee?

7. ¿Kʼusi vaychil vul ta sjol li Josee, pe kʼusi te la jyaʼibe smelolal?

Yan sjakʼobiltak:

1. Kʼelo Génesis 41:1-57.

   1. ¿Kʼuxi la jyakʼ ta ichʼel ta mukʼ Jeova ti Josee, xchiʼuk kʼuxi xuʼ xchanbeik stalelal José li yajtsʼaklomtak Cristoe? (Gén. 41:16, 25, 28; Mat. 5:16; 1 Ped. 2:12.)

   2. Li jayib jabil lek la jyakʼ veʼlil xchiʼuk li jayib jabil mu xchʼi lek li veʼlil ta Egiptoe, ¿kʼuxi chakʼ ta ilel ti jelel li kʼux-elan oy ta mantal li slumal Jeova xchiʼuk li buchʼutik tskuy sbaik ta yajtsʼaklom Cristoe? (Gén. 41:29, 30; Amós 8:11, 12.)

2. Kʼelo Génesis 42:1-8 xchiʼuk 50:20.

   Li buchʼutik ta smuyubtaik Jeovae, ¿mi chopol ti ta snijan sbaik ta stojolal jun krixchano ta skoj yabtel ti mi jech nopemik ta spasel li ta slumalike? (Gén. 42:6.)

Loʼil 24

1. ¿Kʼu yuʼun tspakʼta ta jpaʼivanej sbankiltak li Josee?

2. Li Jacobe ¿kʼu yuʼun la jyakʼ batuk ta Egipto li Benjamine?

3. ¿Kʼuxi kʼot ta xkoxtal Benjamín li svaso José ti pasbil ta sakil takʼine?

4. ¿Kʼusi la jyal tspas Judá sventa mu xkom ta mosovil li Benjamine?

5. ¿Kʼu xa x-elan stalelal li sbankiltak Josee?

Yan sjakʼobiltak:

1. Kʼelo Génesis 42:9-38.

   Li sloʼil José te ta Génesis 42:18, ¿kʼu yuʼun jaʼ jun lekil mantal sventa li buchʼutik tsots yabtelik ta slumal Jeova li avi kʼakʼale? (Neh. 5:15; 2 Cor. 7:1, 2.)

2. Kʼelo Génesis 43:1-34.

   1. Akʼo mi jaʼ bankilal ti Rubene, ¿kʼuxi xkiltik ta melel ti jaʼ Judá li jkʼopojel yuʼun sbankiltake? (Gén. 43:3, 8, 9; 44:14, 18; 1 Cró. 5:2.)

   2. ¿Kʼuxi yileluk la spas ta preva sbankiltak li Josee, xchiʼuk kʼu yuʼun? (Gén. 43:33, 34.)

3. Kʼelo Génesis 44:1-34.

   1. Sventa mu xichʼ ojtikinel ti Josee, ¿ta kʼusi la skuy sba? (Gén. 44:5, 15; Lev. 19:26.)

   2. ¿Kʼuxi la jyakʼik ta ilel li sbankiltak José ti muʼyuk xa ta xitʼixan li yitsʼinike? (Gén. 44:13, 33, 34.)

Loʼil 25

1. ¿Kʼusi kʼot ta pasel kʼalal la jyakʼ sba ta ojtikinel ta sbankiltak li Josee?

2. ¿Kʼusi la jyalbe sbankiltak ta slekil yoʼonton ti Josee?

3. ¿Kʼusi la jyal Faraón kʼalal la jyaʼi ti te oy sbankiltak li Josee?

4. ¿Kʼu xaʼox yepal yutsʼ yalal Jacob kʼalal kʼotik ta naklej ta Egiptoe?

5. ¿Kʼusi la sbiin li yutsʼ yalal Jacobe, xchiʼuk kʼu yuʼun?

Yan sjakʼobiltak:

1. Kʼelo Génesis 45:1-28.

   Li sloʼil xkuxlejal li Josee, ¿kʼuxi chakʼ ta ilel ti xuʼ sjel Jeova ta lek kʼalal oy kʼusi chopol tskʼan tspasbat li yajtuneltake? (Gén. 45:5-8; Isa. 8:10; Fili. 1:12-14.)

2. Kʼelo Génesis 46:1-27.

   ¿Kʼuxi patbat yoʼonton yuʼun Jeova kʼalal bat ta Egipto ti Jacobe? (Gén. 46:1-4.)

Loʼil 26

1. ¿Buchʼu ja ti Jobe?

2. ¿Kʼusi la skʼan la spas li Satanase? ¿Mi pas onoʼox yuʼun?

3. ¿Kʼusi la jyakʼ ye Jeova ti xuʼ spas li Satanase, pe kʼu yuʼun?

4. ¿Kʼu yuʼun chopol kʼoptao Dios xchiʼuk chaman xa, x-utat yuʼun yajnil li Jobe? (Kʼelo li lokʼole.)

5. Jech kʼuchaʼal cha vil li ta xchibal lokʼole, ¿kʼusitik lekilal akʼbat yuʼun Jeova li Jobe, pe kʼu yuʼun?

6. Mi tukʼ chkakʼ jbatik ta stojolal Jeova jech kʼuchaʼal ti Jobe, ¿kʼusitik lekilal ta jtatik?

Yan sjakʼobiltak:

1. Kʼelo Job 1:1-22.

   ¿Kʼuxi xuʼ xchanbeik stalelal Job li yajtsʼaklomtak Cristo tanae? (Job 1:1; Fili. 2:15; 2 Ped. 3:14.)

2. Kʼelo Job 2:1-13.

   ¿Kʼuxi jelel la jyakʼ ta ilel stalelal Job xchiʼuk yajnil ta skoj li vokolal la jyakʼ Satanase? (Job 2:9, 10; Pro. 19:3; Miq. 7:7; Mal. 3:14.)

3. Kʼelo Job 42:10-17.

   1. ¿Kʼuxi xkoʼolaj li lekilaletik la jyichʼik Job xchiʼuk Jesús ta skoj ti tukʼ la jyakʼ sbaik ta stojolal Diose? (Job 42:12; Fili. 2:9-11.)

   2. ¿Kʼuxi ta spat koʼontontik kʼalal ta xkaʼitik ti la jyichʼ lekilaletik Job ta skoj ti tukʼ la jyakʼ sba ta stojolal Diose? (Job 42:10, 12; Heb. 6:10; Sant. 1:2-4, 12; 5:11.)

Loʼil 27

1. ¿Buchʼu li jtsitsvanej te ta lokʼole, xchiʼuk buchʼu li ta xichʼ tsitsele?

2. ¿Kʼusi kʼot ta stojolalik li j-israeletik kʼalal cham li Josee?

3. ¿Kʼu yuʼun lik xiʼikuk ta stojolal j-israeletik li j-egiptoal krixchanoetike?

4. ¿Kʼusi mantal akʼbatik yuʼun Faraón li antsetik ti tskoltaik li j-israelal antsetik kʼalal chvokʼ yolike?

Yan sjakʼobiltak:

1. Kʼelo Éxodo 1:6-22.

   1. ¿Kʼuxi lik kʼotuk ta pasel yuʼun Jeova li kʼusi onoʼox yalojbe ta melel li Abrahame? (Éxo. 1:7; Gén. 12:2; Hech. 7:17.)

   2. ¿Kʼuxi la jyakʼik ta ilel li jnetʼum jhebreoal antsetik ti tsots skʼoplal yilojik li kuxlejale? (Éxo. 1:17; Gén. 9:6.)

   3. ¿Kʼusi lekilal la staik li jnetʼumetik ta skoj ti tukʼ la jyakʼ sbaik ta stojolal Jeovae? (Éxo. 1:20, 21; Pro. 19:17.)

   4. ¿Kʼusi ox la spas Satanás sventa mu xkʼot ta pasel li kʼusi tskʼan Jeova ta sventa li albil Nitilulal yuʼun Abrahame? (Éxo. 1:22; Mat. 2:16.)

Loʼil 28

1. ¿Buchʼu li neneʼ te ta lokʼole, xchiʼuk buchʼu skʼob li yakal ta xmichʼbee?

2. ¿Kʼusi la spas li meʼil sventa mu smilik li Moisese?

3. ¿Buchʼu li uni tseb te ta lokʼole, xchiʼuk kʼusi la spas?

4. Kʼalal la sta uni neneʼ li stseb Faraone, ¿kʼusi la jyal li Mariae (Míriam)?

5. ¿Kʼusi albat yuʼun stseb Faraón li smeʼ Moisese?

Yan sjakʼobil:

1. Kʼelo Éxodo 2:1-10.

   ¿Kʼusi chanubtasel akʼbat yuʼun smeʼ ta sbikʼtal noʼox li Moisese, xchiʼuk kʼusi lek xuʼ xchanik li totil-meʼiletik tanae? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

Loʼil 29

1. ¿Bu chʼi li Moisese, pe kʼusi snaʼoj ta sventa li stot smeʼe?

2. ¿Kʼusi la spas Moisés kʼalal yichʼoj xaʼox 40 jabile?

3. ¿Kʼusi albat yuʼun Moisés jun j-israelal vinik ti xyaket ta smaj xchiʼil ta j-israelale, pe kʼusi la stakʼ li vinike?

4. ¿Kʼu yuʼun jatav lokʼel ta Egipto li Moisese?

5. ¿Bu jatav batel li Moisese, xchiʼuk buchʼu te la jyojtikin?

6. ¿Kʼusi la spas Moisés 40 jabil ti bu kʼot ta nakleje?

Yan sjakʼobiltak:

1. Kʼelo Éxodo 2:11-25.

   Manchuk mi ep jabil la jyichʼ chanubtasel ta Egipto li Moisese, ¿kʼuxi la jyakʼ ta ilel ti tukʼ la jyakʼ sba ta stojolal Jeova xchiʼuk ta stojolal li xchiʼiltak ta j-israelale? (Éxo. 2:11, 12; Heb. 11:24.)

2. Kʼelo Hechos 7:22-29.

   ¿Kʼusi xuʼ jchantik ti kʼalal Moisés la skʼan ox la slokʼes ta stuk noʼox ta mosovil li j-israeletik ta Egiptoe? (Hech. 7:23-25; 1 Ped. 5:6, 10.)

Loʼil 30

1. ¿Kʼusi sbi li vits te chvinaj ta lokʼole?

2. ¿Kʼusi labal sba la jyil Moisés kʼalaluk bat ta vits xchiʼuk li xchijtake?

3. ¿Kʼusi la jyal li yechʼomal eil te ta jpets tsʼiʼlele, xchiʼuk buchʼu yechʼomal ye taje?

4. ¿Kʼusi la jyal Moisés kʼalal albat yuʼun Dios ti akʼo slokʼesbe li Slumal ta Egiptoe?

5. ¿Kʼusi albat yuʼun Dios ti akʼo stakʼ Moisés ti mi jakʼbat buchʼu takvan batele?

6. ¿Kʼuxi chakʼ ta ilel Moisés ti jaʼ takbil batel yuʼun li Diose?

Yan sjakʼobiltak:

1. Kʼelo Éxodo 3:1-22.

   Manchuk mi oy kʼusi vokol ta xkaʼitik li ta yabtel Diose, ¿kʼuxi ta spat koʼontontik li kʼux-elan koltaat yuʼun Jeova li Moisese? (Éxo. 3:11, 13; 2 Cor. 3:5, 6.)

2. Kʼelo Éxodo 4:1-20.

   1. Ti 40 jabil te naki ta Madián ti Moisese, ¿kʼuxi jel stalelal?, ta sventa taje, ¿kʼusi xuʼ xchanik li buchʼutik tskʼan tstaik yun abtelik ta yut tsobobbaile? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Akʼo mi chkichʼtik tukʼibtasel yuʼun li buchʼutik jbabe ta slumal Jeovae, ¿kʼusi spatobil koʼontontik xuʼ jtatik li ta xkuxlejal Moisese? (Éxo. 4:12-14; Sal. 103:14; Heb. 12:4-11.)

Loʼil 31

1. ¿Kʼusi la jyal li j-israeletik kʼalal la spasik skʼelobiltak juʼelal li Moisés xchiʼuk Aarone?

2. ¿Kʼusi la jyalbeik Faraón li Moisés xchiʼuk Aarone, pe kʼusi la stakʼ li Faraone?

3. Jech kʼuchaʼal chvinaj li ta lokʼole, ¿kʼusi kʼot ta pasel kʼalal la sjip yalel ta balumil snamteʼ li Aarone?

4. ¿Kʼusi vokolil akʼbat yuʼun Jeova li Faraone, pe kʼusi la spas kʼalal ch-akʼbat ti svokole?

5. ¿Kʼusi kʼot ta pasel kʼalal echʼ li slajunebal vokolile?

Yan sjakʼobiltak:

1. Kʼelo Éxodo 4:27-31 xchiʼuk 5:1-23.

   ¿Kʼusi la skʼan la jyal Faraón, kʼalal xi la jyal: «Mu xcotquin li Mucʼul Diose»? (Éxo. 5:2; 1 Sam. 2:12; Rom. 1:21.)

2. Kʼelo Éxodo 6:1-13, 26-30.

   1. ¿Kʼuxi ti muʼyuk la jyakʼ sba ta ojtikinel Jeova ta stojolal Abraham, Isaac xchiʼuk ta stojolal li Jacobe? (Éxo. 3:13, 14; 6:3; Gén. 12:8.)

   2. Manchuk mi mu xtojob la jyaʼi sba li Moisese, ¿kʼuxi ta spat koʼontontik ti la jyichʼ akʼbel yabtel yuʼun ti Jeovae? (Éxo. 6:12, 30; Luc. 21:13-15.)

3. Kʼelo Éxodo 7:1-13.

   1. Li Moisés xchiʼuk Aarone muʼyuk xiʼik ti kʼalal ba yalbeik Faraón li chapanel chakʼ tal Jeovae, ¿kʼuxi stakʼ xchanbeik Moisés xchiʼuk Aarón li yajtuneltak Jeova tanae? (Éxo. 7:2, 3, 6; Hech. 4:29-31.)

   2. ¿Kʼuxi la jyakʼ ta ilel li smukʼul Jeova ta stojolal li sdiostak li j-egiptoetike? (Éxo. 7:12; 1 Cró. 29:12.)

Loʼil 32

1. Kʼelo li lokʼoletike, alo talel li baʼyel oxib vokolil la jyakʼ Jeova ta Egiptoe.

2. ¿Kʼusi mu xkoʼolaj li ta baʼyel oxib vokolil xchiʼuk li ta yantike?

3. ¿Kʼusitik li xchanibal, li svoʼobal xchiʼuk li svakibal vokolile?

4. ¿Kʼusitik li svukubal, li xvaxakibal xchiʼuk li sbalunebal vokolile?

5. Kʼalal mu toʼox chakʼ tal slajunebal vokolil li Jeovae, ¿kʼusi la jyalbe j-israeletik ti akʼo spasike?

6. ¿Kʼusi li slajunebal vokolile xchiʼuk kʼusi kʼot ta pasel kʼalaluk echʼe?

Yan sjakʼobiltak:

1. Kʼelo Éxodo 7:19–8:23.

   1. Li paleetik ti tspasik majia ta Egiptoe chan yuʼunik ek li baʼyel chib vokolil la jyakʼ Jeovae, akʼo mi mu skʼanik, ¿kʼusi ti jaʼ to te la staik ta naʼel kʼalal jelav xaʼox li yoxibal vokolile? (Éxo. 8:18, 19; Mat. 12:24-28.)

   2. Li ta xchanibal vokolile ¿kʼuxi la jyakʼ ta ilel Jeova ti ta xchabi li slumale, liʼe kʼuxi ta spatbe yoʼonton slumal sventa tstsal yuʼunik li albil tsots vokol chtal ta balumile? (Éxo. 8:22, 23; Apo. 7:13, 14, XChʼul Cʼop ti jTotic Diose, ta batsʼi kʼop yuʼun Chamula; 2 Cró. 16:9.)

2. Kʼelo Éxodo 8:24; 9:3, 6, 10, 11, 14, 16, 23-25, xchiʼuk 10:13-15, 21-23.

   1. Li ajvalil Faraón xchiʼuk li jpas majia paleetik ta skʼakʼalil li Lajuneb Vokoliletike, ¿buchʼu chaʼtsop krixchanoetik ta jkʼakʼaliltik xkoʼolajik kʼuchaʼal taje?, xchiʼuk ti kʼalal ta jnaʼtike, ¿kʼuxi chi skoltautik taje? (Éxo. 8:10, 18, 19; 9:14.)

   2. ¿Kʼuxi chi skoltautik Éxodo 9:16 ta yaʼibel smelolal ti kʼu yuʼun kuxul to iktabil yuʼun Jeova li Satanase? (Rom. 9:21, 22.)

3. Kʼelo Éxodo 12:21-32.

   ¿Kʼuxi la jyakʼ koluk komel ep krixchanoetik li kʼin Koltaele, xchiʼuk kʼusi senyail la yakʼ ta ilel li kʼin taje? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

Loʼil 33

1. ¿Jayvoʼ j-israelal viniketik lokʼik ta Egipto ti chiʼinbilik yuʼun antsetik xchiʼuk ololetike, xchiʼuk buchʼutik yan chiʼinvanik lokʼel?

2. ¿Kʼu x-elan la jyaʼi sba Faraón kʼalal la xaʼox jyakʼ batuk li j-israeletike, xchiʼuk kʼusi la spas?

3. ¿Kʼusi la spas Jeova sventa mu xbat tsakbatuk tal slumal yuʼun li j-egiptoetike?

4. ¿Kʼusi kʼot ta pasel kʼalal la syeʼ ta sba Tsajal Nab snamteʼ li Moisese, xchiʼuk kʼusi la spasik li j-israeletike?

5. ¿Kʼusi kʼot ta stojolalik li j-egiptoetik kʼalal la stijluik batel ta yut nab li j-israeletike?

6. ¿Kʼuxi la jyakʼik ta ilel ti xmuyubajik li j-israeletike xchiʼuk ti oy ta yoʼontonik ta stojbel ta vokol Jeova ta skoj ti kuxul iktaatike?

Yan sjakʼobiltak:

1. Kʼelo Éxodo 12:33-36.

   Li slumal Jeovae ep jabil tsots abtel akʼbat spas ta Egipto, ¿kʼusi la spas Jeova sventa xtojbat li svokolik taje? (Éxo. 3:21, 22; 12:35, 36.)

2. Kʼelo Éxodo 14:1-31.

   Li kʼusi la jyal Moisés ta Éxodo 14:13, 14, ¿kʼuxi ta spatbe yoʼonton yajtuneltak Jeova tana ta skoj li poʼot xa xtal li Armagedone? (2 Cró. 20:17; Sal. 91:8.)

3. Kʼelo Éxodo 15:1-8, 20, 21.

   1. ¿Kʼu yuʼun skʼan skʼejintaik Jeova li yajtuneltake? (Éxo. 15:1, 2; Sal. 105:2, 3; Apo. 15:3, 4.)

   2. Li antsetik ti oyik ta stojolal Dios tanae, ¿kʼusi xuʼ xchanbeik María xchiʼuk yan antsetik ti la smuyubtaik Jeova te ta stiʼ Tsajal Nabe? (Éxo. 15:20, 21; Sal. 68:11, XChʼul Cʼop ti jTotic Diose, ta batsʼi kʼop yuʼun Chamula.)

Loʼil 34

1. ¿Kʼusi li yakal tstsobik li krixchanoetik ti te chvinaj ta lokʼole, xchiʼuk kʼusi sbi leʼe?

2. Sventa tstsobik mana li jteklume, ¿kʼusi mantaletik albatik yuʼun Moisés?

3. ¿Kʼusi albatik yuʼun Jeova li jteklum ti akʼo spasik ta svakibal kʼakʼale, xchiʼuk kʼu yuʼun?

4. Kʼalaluk la jyichʼ kʼejel sventa svukubal kʼakʼal li manae, ¿kʼusi skʼelobil sjuʼelal la spas Jeova?

5. ¿Kʼu sjalil makʼlinatik ta mana yuʼun Jeova li jteklume?

Yan sjakʼobiltak:

1. Kʼelo Éxodo 16:1-36 xchiʼuk Números 11:7-9.

   1. ¿Kʼu x-elan chakʼ kiltik Éxodo 16:8 ti tsots skʼoplal skʼan xkichʼtik ta mukʼ li buchʼutik sbiiltasoj li Jeova ta slumale? (Heb. 13:17.)

   2. ¿Kʼuxi chvulesbat ta sjolik li j-israeletik ta taki xokol balumil ti jaʼ noʼox kuxulik-o yuʼun ti Jeovae? (Éxo. 16:14-16, 35; Deu. 8:2, 3.)

   3. ¿Kʼusi la jyal Jesús ti jaʼ senyail li manae, xchiʼuk kʼuxi ta jbalintik li «vaj liquem tal ta vinajel» taje? (Juan 6:31-35, 40.)

2. Kʼelo Josué 5:10-12.

   ¿Jayib jabil la slajesik mana li j-israeletike, ta skoj taje kʼuxi pasatik ta preva, xchiʼuk kʼusi stakʼ jchantik ta sventa taje? (Éxo. 16:35; Núm. 11:4-6; 1 Cor. 10:10, 11.)

Loʼil 35

1. Kʼalal jutuk xaʼox mu xchibaluk yual slokʼelik ta Egipto li j-israeletike, ¿bu nakiik jayibuk kʼakʼal?

2. ¿Kʼusi ta skʼan Jeova ti akʼo spas li jteklume, xchiʼuk kʼusi la jyalik?

3. ¿Kʼu yuʼun akʼbat yuʼun Jeova chaʼpech ton li Moisese?

4. Li j-israeletike akʼbatik yuʼun Jeova li Lajuneb Mantaletike, pe ¿kʼusi to yan mantaletik akʼbatik?

5. ¿Kʼusi chib mantaletik la jyal Jesús ti mas tsotsik skʼoplale?

Yan sjakʼobiltak:

1. Kʼelo Éxodo 19:1-25; 20:1-21; 24:12-18, xchiʼuk 31:18.

   Kʼalal kakʼoj xa jbatik ta stojolal Jeovae, ¿kʼuxi chi skoltautik Éxodo 19:8 ta yaʼibel smelolal ti kʼusi skʼan jpastike? (2 Tim. 3: 12; 1 Ped. 4:1-3.)

2. Kʼelo Deuteronomio 6:4-6; Levítico 19:18, xchiʼuk Marcos 12:30, 31.

   ¿Kʼuxi chakʼik ta ilel ti skʼanojik Jeova xchiʼuk xchiʼiltakik li yajtsʼaklomtak Cristoe? (Mar. 6:34; Hech. 4:20; Rom. 15:2.)

Loʼil 36

1. ¿Kʼusi tspasik li krixchanoetik ti te chvinaj ta lokʼole, xchiʼuk kʼu yuʼun?

2. ¿Kʼu yuʼun ilinem li Jeovae, xchiʼuk kʼusi la spas Moisés ti kʼalal la jyil li kʼusi tspas li krixchanoetike?

3. ¿Kʼusi albatik yuʼun Moisés jayvoʼ viniketik ti akʼo spasike?

4. ¿Kʼusi chi xchanubtasutik li loʼil liʼe?

Yan sjakʼobiltak:

1. Kʼelo Éxodo 32:1-35.

   1. Li loʼil la jchantike ¿kʼuxi chakʼ ta ilel li kʼusi tsnop Jeova ta sventa li skapel li jecheʼ relijion xchiʼuk li melel relijione? (Éxo. 32:4-6, 10; 1 Cor. 10:7, 11.)

   2. Kʼalal ta stʼuj xchʼayobil yoʼontonik li yajtsʼaklomtak Cristoe, jech kʼuchaʼal akʼot o sone, ¿kʼuxi skʼan xpʼijubik lek ta stʼujel? (Éxo. 32:18, 19; Efe. 5:15, 16; 1 Juan 2:15-17.)

   3. ¿Kʼusi stakʼ jchantik ta stojolal li jvokʼ utsʼ-alalil Leví ta skoj ti la spasik li kʼusi tukʼe? (Éxo. 32:25-28; Sal. 18:25.)

Loʼil 37

1. ¿Kʼusi sbi li na te xvinaj ta lokʼole, xchiʼuk kʼusi chtun-o?

2. ¿Kʼu yuʼun albat yuʼun Jeova ti stakʼuk kolesel spas karpana li Moisese?

3. ¿Kʼusi sbi li kaxa ti te ta yutil li uni bikʼit jkʼol nae, xchiʼuk kʼusi te tikʼil ta yut?

4. ¿Buchʼu la stʼuj Jeova sventa chtun ta mero bankilal pale, xchiʼuk kʼusi li yabtele?

5. ¿Kʼusi li oxtos te tikʼil ta yut li mukʼta jkʼol nae?

6. ¿Kʼusi li chaʼtos te oy ta yamakʼil li chʼulna pasbil ta nukule (tabernáculo)?

Yan sjakʼobiltak:

1. Kʼelo Éxodo 25:8-40; 26:1-37; 27:1-8, xchiʼuk 28:1.

   ¿Kʼusi senyail li keruvinetik ta sba li «xcaxail smantal Diose»? (Éxo. 25:20, 22; Núm. 7:89; 2 Rey. 19:15.)

2. Kʼelo Éxodo 30:1-10, 17-21; 34:1, 2, xchiʼuk Hebreos 9:1-5.

   1. ¿Kʼu yuʼun la jyal Jeova ti toj tsots skʼoplal ti akʼo sakikuk ta sbekʼtalik li paleetik ti chtunik ta chʼulna pasbil ta nukule, xchiʼuk kʼusi stakʼ jchanbetik? (Éxo. 30:18-21; 40:30, 31; Heb. 10:22.)

   2. Ti kʼalal la stsʼiba batel skarta li jtakbol Pablo sventa li jhebreoetik ti tstsʼakliik Cristoe, ¿kʼuxi te la jyakʼ ta ilel ti muʼyuk xa sbalil li chʼulna pasbil ta nukul xchiʼuk li chapanbil mantal yuʼun Jeova ti la spas xchiʼuk li j-israeletike? (Heb. 9:1, 9; 10:1.)

Loʼil 38

1. ¿Kʼu x-elan cha vil li jchoj tsʼusub ti te chvinaj ta lokʼole? ¿Bu ay xkuchik tal?

2. ¿Kʼu yuʼun la stak batel Moisés lajchaʼvoʼ jpaʼivanejetik li ta yosilal Canaane?

3. ¿Kʼusi la jyalik lajunvoʼ jpaʼivanejetik ti kʼalal kʼotik ti bu oy li Moisese?

4. ¿Kʼuxi la jyakʼik ta ilel chaʼvoʼ jpaʼivanejetik ti spatoj yoʼontonik ta stojolal Jeovae, xchiʼuk kʼusi sbiik?

5. ¿Kʼu yuʼun ilin ti Jeovae, xchiʼuk kʼusi la jyalbe li Moisese?

Yan sjakʼobiltak:

1. Kʼelo Números 13:1-33.

   1. ¿Buchʼutik la jyichʼ tʼujel sventa tspaʼiik li balumile, xchiʼuk kʼusi lekilal la staik? (Núm. 13:2, 3, 18-20.)

   2. ¿Kʼu yuʼun li Josué xchiʼuk Caleb mu xkoʼolaj li kʼusi la snopik xchiʼuk li yantik jpaʼivanejetike, xchiʼuk kʼusi chi xchanubtasutik taje? (Núm. 13:28-30; Mat. 17:20; 2 Cor. 5:7.)

2. Kʼelo Números 14:1-38.

   1. ¿Kʼusi pʼijubtasel chakʼbutik Jeova sventa mu jchopol kʼoptatik li buchʼutik svaʼanojan liʼ ta Balumile? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Kʼuxi chakʼ ta ilel Números 14:24 ti oy ta yoʼonton ta jujuntal yajtuneltak li Jeovae? (1 Rey. 19:18; Pro. 15:3.)

Loʼil 39

1. ¿Buchʼutik la stoy sbaik ta sventa li yabtel Moisés xchiʼuk Aarone, xchiʼuk kʼusi la jyalbeik li Moisese?

2. ¿Kʼusi albatik yuʼun Moisés ti akʼo spasik li Coré xchiʼuk li 250 yajtsʼaklomtake?

3. ¿Kʼusi albatik yuʼun Moisés li jteklume, xchiʼuk kʼusi kʼot ta pasel kʼalaluk laj kʼopojuk li Moisese?

4. ¿Kʼusi kʼot ta stojolalik li Coree xchiʼuk li 250 yajtsʼaklomtake?

5. Li Eleazar xnichʼon Aarone, ¿kʼusi la spasbe li yav yakʼal li animaetike, xchiʼuk kʼu yuʼun?

6. Ti Jeovae ¿kʼu yuʼun la jyakʼ ayanuk xnich li snamteʼ Aarone? (Kʼelo li lokʼole.)

Yan sjakʼobiltak:

1. Kʼelo Números 16:1-49

   1. ¿Kʼusi la spasik li Coré xchiʼuk li 250 yajtsʼaklomtake, pe kʼu yuʼun jaʼ jun toyobbail ta stojolal Jeova li kʼusi la pasike? (Núm. 16:9, 10, 18; Lev. 10:1, 2; Pro. 11:2.)

   2. ¿Kʼusi mu lekuk lik snopik li Coré xchiʼuk li 250 viniketik ti oy yabtelik ta stojol xchiʼiltakike? (Núm. 16:1-3; Pro. 15:33; Isa. 49:7.)

2. Kʼelo Números 17:1-11 xchiʼuk 26:10.

   1. ¿Kʼusi la jyakʼ ta ilel ti ayan xnich snamteʼ li Aarone, xchiʼuk kʼu yuʼun la jyal Jeova ti akʼo yichʼ kʼejel ta xkaxail mantale? (Núm. 17:5, 8, 10.)

   2. Li snamteʼ Aarone oy kʼusi la jyakʼ ta ilel, ¿kʼusi toj jtunel xuʼ jchantik te? (Núm. 17:10; Hech. 20:28; Fili. 2:14; Heb. 13:17.)

Loʼil 40

1. ¿Kʼuxi chabiatik yuʼun Jeova li j-israeletik ti kʼalal te oyik ta taki xokol balumile?

2. ¿Kʼusi lik skʼanik-o parte li j-israeletik ti kʼalal te spasoj skarpanaik ta Cadese?

3. ¿Kʼuxi akʼbatik voʼ yuʼun Jeova li krixchanoetik xchiʼuk sventa li stsʼunbol chonike?

4. ¿Buchʼu li vinik te ta lokʼol ti chbech kʼobta sba stuke, xchiʼuk kʼu yuʼun jech ta spas?

5. ¿Kʼu yuʼun ilin Jeova ta stojolal Moisés xchiʼuk Aarón, xchiʼuk kʼusi stojobil smul akʼbatik?

6. ¿Kʼusi kʼot ta pasel li ta vits Hore, xchiʼuk buchʼu ti lik tunuk ta mero bankilal pale yuʼun li Israele?

Yan sjakʼobiltak:

1. Kʼelo Números 20:1-13, 22-29 xchiʼuk Deuteronomio 29:5.

   1. ¿Kʼusi xuʼ jchantik ti kʼux-elan la xchabi j-israeletik ta taki xokol balumil ti Jeovae? (Deu. 29:5; Mat. 6:31; Heb. 13:5; Sant. 1:17.)

   2. Li Moisés xchiʼuk Aarone muʼyuk la jyakʼik ta ichʼel ta mukʼ Jeova ta stojolal li j-israeletike, ¿kʼu x-elan la jyil Jeova taje? (Núm. 20:12; 1 Cor. 10:12; Apo. 4:11.)

   3. Kʼalaluk la jyichʼ tukʼibtasel yuʼun Jeova li Moisese, ¿kʼuxi xuʼ jchanbetik li kʼux-elan la stsak ta mukʼ li mantale? (Núm. 12:3; 20:12, 27, 28; Deu. 32:4; Heb. 12:7-11.)

Loʼil 41

1. ¿Kʼusi li te tsʼotol ta teʼ xvinaj ta lokʼole, xchiʼuk kʼu yuʼun albat yuʼun Jeova ti akʼo te xakʼ li Moisese?

2. ¿Kʼuxi chakʼ ta ilel li krixchanoetik ti muʼyuk ta yoʼontonik stojbel ta vokol li kʼusi spasoj Dios ta stojolalike?

3. Li krixchanoetike ¿kʼusi la skʼanbeik Moisés ti kʼalaluk Jeova la stak tal kiletel chonetik ti oy svenenoaltake?

4. Ti Jeovae ¿kʼu yuʼun la jyalbe Moisés ti akʼo spas jkot kiletel chon ta kovre (bronce) takʼine?

5. ¿Kʼusi chi xchanubtasutik li loʼil taje?

Yan sjakʼobiltak:

1. Kʼelo Números 21:4-9.

   1. ¿Kʼusi pʼijubtasel ta jtatik ta stojolal Israel ta skoj ti muʼyuk la xkʼuxubin li kʼusitik akʼbatik yuʼun li Jeovae? (Núm. 21:5, 6; Rom. 2:4.)

   2. Ta sienal noʼox jabil mas tsʼakal, li j-israeletike ¿kʼuxi la stunesik li kiletel chon pasbil ta kovre takʼine, pe kʼusi la spas li ajvalil Ezequiase? (Núm. 21:9; 2 Rey. 18:1-4.)

2. Kʼelo Juan 3:14, 15.

   Li kiletel chon pasbil ta kovre takʼin ti la jyichʼ tsʼotel ta teʼe, ¿kʼuxi la jyakʼ ta ilel ti jaʼ senyail li slajel Jesucristoe? (Gál. 3:13; 1 Ped. 2:24.)

Loʼil 42

1. ¿Buchʼu li Balaque, xchiʼuk kʼu yuʼun la jyal mantal ti akʼo xba saʼik tal li Balaame?

2. ¿Kʼu yuʼun la sluban sba yalel ta be li smeʼ sburo Balaame?

3. Li Balaame ¿kʼusi ta xal la jyaʼi li smeʼ buroe?

4. ¿Kʼusi albat yuʼun jun anjel li Balaame?

5. ¿Kʼusi kʼot ta pasel kʼalaluk ta xchopol kʼopta ox Israel li Balaame?

Yan sjakʼobiltak:

1. Kʼelo Números 21:21-35.

   Li Israele ¿kʼu yuʼun la stsal Sehón, li ajvalil yuʼun li j-amorretike, xchiʼuk Og, li ajvalil ta Basane? (Núm. 21:21, 23, 33, 34.)

2. Kʼelo Números 22:1-40.

   ¿Kʼusi oy ta yoʼonton Balaam sventa chchopol kʼopta ox li Israele, xchiʼuk kʼusi xuʼ jchantik te? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Kʼelo Números 23:1-30.

   Manchuk mi xkoʼolaj kʼuchaʼal yajtunel Jeova chkʼopoj li Balaame, pe ¿kʼuxi la jyakʼ ta ilel li kʼusitik la spas ti mu jaʼuke? (Núm. 23:3, 11-14; 1 Sam. 15:22.)

4. Kʼelo Números 24:1-25.

   Li sloʼil Vivlia la jchantike, ¿kʼuxi ta stsatsubtasbutik xchʼunel koʼontontik ti chkʼot ta pasel li kʼusi yaloj tspas Jeovae? (Núm. 24:10; Isa. 54:17.)

Loʼil 43

1. ¿Buchʼu li chaʼvoʼ viniketik te xchiʼuk Moisés ti te chvinaj ta lokʼole?

2. ¿Kʼusi albat yuʼun Jeova li Josuee?

3. ¿Kʼu yuʼun muy batel ta jol vits Nebo li Moisese, xchiʼuk kʼusi albat yuʼun Jeova?

4. ¿Jayib sjabilal yichʼoj Moisés kʼalaluk chame?

5. ¿Kʼu yuʼun ta xat yoʼonton li jteklume, pe kʼusi xmuyubaj-o?

Yan sjakʼobiltak:

1. Kʼelo Números 27:12-23.

   ¿Kʼusi tsots skʼoplal abtel akʼbat yuʼun Jeova li Josuee, jech noxtok li avi kʼakʼal tanae kʼu x-elan xvinaj ti oy ta yoʼonton Slumal li Jeovae? (Núm. 27:15-19; Hech. 20:28; Heb. 13:7.)

2. Kʼelo Deuteronomio 3:23-29.

   Ti Jeovae ¿kʼu yuʼun muʼyuk la jyakʼ ochuk Moisés xchiʼuk Aarón ta albil balumil, xchiʼuk kʼusi xuʼ jchantik te? (Deu. 3:25-27; Núm. 20:12, 13.)

3. Kʼelo Deuteronomio 31:1-8, 14-23.

   Li Moisese bikʼit la jyakʼ sba kʼalal la jyichʼ tukʼibtasel yuʼun li Jeovae, ¿kʼuxi la jyakʼ ta ilel Moisés kʼalal la skʼopon komel li j-israeletike? (Deu. 31:6-8, 23.)

4. Kʼelo Deuteronomio 32:45-52.

   ¿Kʼuxi tsjel jkuxlejaltik li sKʼop Diose? (Deu. 32:47; Lev. 18:5; Heb. 4:12.)

5. Kʼelo Deuteronomio 34:1-12.

   Akʼo mi muʼyuk la jyil Jeova li Moisese, ¿kʼuxi chakʼ ta ilel Deuteronomio 34:10 ti kʼux-elan oy ta stojolal li Jeovae? (Éxo. 33:11, 20; Núm. 12:8.)

Loʼil 44

1. ¿Bu nakal li Rahabe?

2. ¿Buchʼu li chaʼvoʼ viniketik ti te chvinaj ta lokʼole, xchiʼuk kʼu yuʼun te oyik ta Jericó?

3. ¿Kʼusi albat yuʼun ajvalil ta Jericó li Rahabe, pe kʼusi la jyal?

4. ¿Kʼuxi koltaatik yuʼun Rahab li chaʼvoʼ viniketike, xchiʼuk kʼusi koltael kʼanbatik?

5. ¿Kʼusi albat ta melel yuʼun li chaʼvoʼ jpaʼivanejetik ti Rahabe?

Yan sjakʼobiltak:

1. Kʼelo Josué 2:1-24.

   ¿Kʼuxi kʼot ta pasel li kʼusi yaloj ta melel Jeova ta Éxodo 23:28 ti kʼalaluk ochik batel ta Jericó li j-israeletik sventa chbat yuʼuninike? (Jos. 2:9-11.)

2. Kʼelo Hebreos 11:31.

   ¿Kʼuxi la jyakʼ ta ilel ta stalelal Rahab ti tsots skʼoplal li xchʼunel oʼontonale? (Rom. 1:17; Heb. 10:39; Sant. 2:25.)

Loʼil 45

1. ¿Kʼusi skʼelobil sjuʼelal la spas Jeova sventa xuʼ xtuchʼik ukʼum Jordán li j-israeletike?

2. ¿Kʼusi skʼan spasik li j-israeletik sventa chakʼik ta ilel xchʼunel yoʼontonik kʼalal chtuchʼik li ukʼum Jordane?

3. Li Josuee ¿kʼu yuʼun albat yuʼun Jeova ti akʼo slokʼes lajchaʼpʼej ton ta yut ukʼume?

4. ¿Kʼusi kʼot ta pasel ti kʼalaluk lokʼik ta yut ukʼum Jordán li paleetike?

Yan sjakʼobiltak:

1. Kʼelo Josué 3:1-17.

   1. Jech kʼuchaʼal chakʼ ta ilel li loʼil liʼe, ¿kʼusi skʼan jpastik sventa xuʼ skoltautik xchiʼuk xakʼbutik sbendision li Jeovae? (Jos. 3:13, 15; Pro. 3:5; Sant. 2:22, 26.)

   2. ¿Kʼu x-elan toʼox li ukʼum Jordán kʼalaluk la xtuchʼik jelavel li j-israeletik sventa chbatik ta Albil Balumile, xchiʼuk taje, kʼuxi la jyakʼ ta ichʼbel ta mukʼ li sbi Jeovae? (Jos. 3:14-16; 4:18; Sal. 66:5-7.)

2. Kʼelo Josué 4:1-18.

   ¿Kʼusi tun-o li lajchaʼpʼej ton ti la jyichʼ tsobel lokʼel tal ta ukʼum Jordane ti te la jyichʼ akʼel ta Gilgale? (Jos. 4:4-7.)

Loʼil 46

1. ¿Kʼusi mantal albatik yuʼun Jeova ti akʼo spasik vakib kʼakʼal li soltaroetike xchiʼuk li paleetike?

2. ¿Kʼusi skʼan spasik ta svukubal kʼakʼal li viniketike?

3. Jech kʼuchaʼal chvinaj ta lokʼole, ¿kʼusi yakal chkʼot ta stojolal li smuroaltak Jericoe?

4. ¿Kʼu yuʼun te jokʼol jpʼej tsajal chʼojon ta jun ventana?

5. Li soltaroetike ¿kʼusi albatik yuʼun Josué ti akʼo spasbeik li krixchanoetike xchiʼuk li jteklume, pe kʼusi la akʼo spasbeik li sakil takʼine, li kʼanal takʼine, li kovree xchiʼuk li tsatsal takʼine?

6. ¿Kʼusi mantal albatik yuʼun Josué li chaʼvoʼ jpaʼivanejetike?

Yan sjakʼobiltak:

1. Kʼelo Josué 6:1-25.

   1. Kʼalaluk la xchan yokik ta spat xokon Jericó ta svukubal kʼakʼal li j-israeletike, ¿kʼu x-elan xkoʼolaj xchiʼuk li chol mantal tspasik li yajrextikotak Jeova li ta slajebal kʼakʼal liʼe? (Jos. 6:15, 16; Isa. 60:22; Mat. 24:14; 1 Cor. 9:16.)

   2. ¿Kʼuxi kʼot ta pasel li albil kʼop ta Josué 6:26 kʼalal jelav xaʼox voʼob sien jabile, xchiʼuk kʼusi chchanubtasutik ta sventa li kʼusi chal Jeovae? (1 Rey. 16:34; Isa. 55:11.)

Loʼil 47

1. Li ta lokʼole, ¿buchʼu li vinik ti yakal tsmuk li kʼusitik ep sbalil ti la jyichʼ tal ta Jericoe, xchiʼuk buchʼutik li te xchiʼuke?

2. ¿Kʼu yuʼun toj chopol li kʼusi la spasik li Acán xchiʼuk li yutsʼ yalale?

3. ¿Kʼusi la jyal Jeova kʼalaluk la sjakʼ Josué ti kʼu yuʼun la jyichʼik tsalel li j-israeletik kʼalal ayik ta pas leto ta yosilal Haie?

4. ¿Kʼusi kʼot ta stojolal Acán xchiʼuk yutsʼ yalal kʼalal la jyichʼik ikʼel batel ta stojolal li Josuee?

5. ¿Kʼusi tsots skʼoplal xuʼ jchantik ta sventa li kʼusi kʼot ta stojolal li Acane?

Yan sjakʼobiltak:

1. Kʼelo Josué 7:1-26.

   1. Li s-orasiontak li Josuee, ¿kʼuxi chakʼ ta ilel ti kʼux-elan oy ta stojolal li Jeovae? (Jos. 7:7-9; Sal. 119:145; 1 Juan 5:14.)

   2. ¿Kʼusi chakʼ ta ilel li kʼusi la spas Acane, xchiʼuk kʼu yuʼun chtun kuʼuntik ta jpʼijubtaseltik? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Kʼelo Josué 8:1-29.

   ¿Kʼusi oy ta jbatik ta jujuntal ta stojolal li tsobobbail tanae? (Jos. 7:13; Lev. 5:1; Pro. 28:13.)

Loʼil 48

1. ¿Kʼu x-elan jelel stalelalik li jgabaonetik li ta yantik krixchanoetik ta yosilal Canaane?

2. Jech kʼuchaʼal cha vil ta lokʼole, ¿kʼusi tspasik li jgabaonetike, pe kʼu yuʼun?

3. Li Josué xchiʼuk li bankilaletik ta Israele, ¿kʼusi la jyalbeik ta melel li jgabaonetike, pe kʼusi la jyakʼik venta ta yoxibal kʼakʼal?

4. ¿Kʼusi kʼot ta pasel kʼalaluk li ajvaliletik ta yosilal Canaán la jyaʼiik ti la xa skoʼoltas yoʼontonik li jgabaonetik xchiʼuk li Israele?

Yan sjakʼobiltak:

1. Kʼelo Josué 9:1-27.

   1. Li Jeovae xi yalojbe mantal li Israele: Persa cha vulesbeik skotol li yajvaltak li balumile, jaʼ yuʼun ¿kʼusi stalelaltak Jeova chvinaj kʼalaluk la jyakʼbe perton li jgabaonetike? (Jos. 9:22, 24; Mat. 9:13; Hech. 10:34, 35; 2 Ped. 3:9.)

   2. Kʼalaluk kʼot ta pasel yuʼun li kʼusi xchapojik xchiʼuk li jgabaonetike, ¿kʼusi xuʼ xchanik ta stojolal Josué li yajtsʼaklomtak Cristo tanae? (Jos. 9:18, 19; Mat. 5:37; Efe. 4:25.)

2. Kʼelo Josué 10:1-5.

   ¿Kʼu x-elan ta xchanbeik stalelal jgabaonetik li epal krixchanoetik tanae, pe ta skoj taje kʼusi chil ta xkuxlejalik? (Jos. 10:4; Zac. 8:23; Mat. 25:35-40; Apo. 12:17.)

Loʼil 49

1. ¿Kʼusi yakal chal li Josué te chvinaj ta lokʼole, xchiʼuk kʼu yuʼun jech ta xal?

2. ¿Kʼuxi koltaat yuʼun Jeova li Josué xchiʼuk li yajsoltarotake?

3. ¿Jayvoʼ jkontrainvanej ajvaliletik la stsal li Josuee, xchiʼuk kʼu sjalil la jyichʼ sventa tstsal skotol taje?

4. ¿Kʼu yuʼun la xchʼak yosilal Canaán li Josuee?

5. ¿Jayib sjabilal yichʼoj Josué kʼalaluk chame, xchiʼuk kʼusi lik spasik ta tsʼakal li krixchanoetike?

Yan sjakʼobiltak:

1. Kʼelo Josué 10:6-15.

   Li Jeovae la jyakʼ pajuk ta xanvil li Kʼakʼal xchiʼuk U ta skoj li Israele, te taje ¿kʼusi spatobil koʼontontik ta jtatik kʼalaluk ta jchantike? (Jos. 10:8, 10, 12, 13; Sal. 18:3; Pro. 18:10.)

2. Kʼelo Josué 12:7-24.

   ¿Buchʼu ta melel la stsal li 31 ta voʼ ajvaliletik ta Canaane, xchiʼuk kʼu yuʼun toj tsots skʼoplal ta jventatik taje? (Jos. 12:7; 24:11-13; Deu. 31:8; Luc. 21:9, 25-28.)

3. Kʼelo Josué 14:1-5.

   ¿Kʼuxi la jyichʼ chʼakel ta stojolal jujuvokʼ nitilulal ta Israel li balumile, xchiʼuk liʼe kʼusi senyail ta sventa li rextoil ta Paraisoe? (Jos. 14:2; Isa. 65:21; Eze. 47:21-23; 1 Cor. 14:33.)

4. Kʼelo Jueces 2:8-13.

   Jech kʼuchaʼal tun ta stojolal Israel li Josuee, ¿buchʼutik chtunik tana sventa tsmakik ta be li xchopol chanubtasel li buchʼutik svalopatinojik xa komel li melel mantaletike? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

Loʼil 50

1. ¿Buchʼutik li jchapanvanejetike, xchiʼuk kʼusi sbi jayvoʼuk?

2. ¿Kʼusi tsots skʼoplal abtel yichʼoj li Deborae, xchiʼuk kʼusitik skʼan spas li ta yabtele?

3. Kʼalaluk sibtasbilik li j-israeletik yuʼun li ajvalil Jabín xchiʼuk li yajbankilal soltaro, ti jaʼ sbi Sisarae, ¿kʼusi mantal la jyichʼ Débora ta stojolal Jeova sventa chalbe li jchapanvanej Baraque?, pe jech noxtok, li Deborae, ¿buchʼu la jyal ti jaʼ chichʼ ichʼel ta mukʼe?

4. ¿Kʼuxi la jyakʼ ta ilel Jael ti mu snaʼ xiʼe?

5. ¿Kʼusi kʼot ta pasel kʼalal chamem xaʼox li ajvalil Jabine?

Yan sjakʼobiltak:

1. Kʼelo Jueces 2:14-22.

   ¿Kʼusi la spas li j-israeletik ti ilin-o yuʼunik li Jeovae, xchiʼuk kʼusi xuʼ jchantik ta sventa taje? (Jue. 2:20; Pro. 3:1, 2; Eze. 18:21-23.)

2. Kʼelo Jueces 4:1-24.

   Li antsetik ti tstsʼakliik Cristoe ¿kʼusi xuʼ xchanik ta sventa li xchʼunel yoʼonton xchiʼuk ti mu snaʼ xiʼik li Débora xchiʼuk Jaele? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Kʼelo Jueces 5:1-31.

   Jech kʼuchaʼal li ta skʼejimol Barac xchiʼuk Débora ta sventa ti kuch yuʼunik li pas letoe, ¿kʼusi stakʼ jkʼantik ta j-orasiontik ta sventa ti poʼot xa xtal li letovajel ta Armagedone? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

Loʼil 51

1. ¿Kʼu yuʼun te toʼox oy ta yosilal Moab li Noemie?

2. ¿Buchʼu li Rut xchiʼuk Orpae?

3. ¿Kʼusi la jyalik li Rut xchiʼuk Orpá kʼalaluk albatik yuʼun Noemí ti akʼo sutikuk batel ti bu likemik tale?

4. ¿Buchʼu li Booze, xchiʼuk kʼuxi la skolta li Rut xchiʼuk Noemie?

5. ¿Kʼusi sbi li skeremik Booz xchiʼuk Rute, xchiʼuk kʼu yuʼun skʼan mu jchʼay ta joltik?

Yan sjakʼobiltak:

1. Kʼelo Rut 1:1-17.

   1. ¿Kʼusi alakʼ sba la spas Rut ti te vinaj slekil yoʼontone? (Rut 1:16, 17.)

   2. ¿Kʼuxi xkoʼolaj xchiʼuk snopbenal Rut li kʼux-elan tsnopik li yantik chijetik ta stojolal li buchʼutik tʼujbilik chbatik ta vinajel ti liʼ to oyik ta Balumile? (Juan 10:16; Zac. 8:23.)

2. Kʼelo Rut 2:1-23.

   Li tsebetik tanae ¿kʼusitik xuʼ xchanbeik li ta stalelal Rute? (Rut 2:17, 18; Pro. 23:22; 31:15.)

3. Kʼelo Rut 3:5-13.

   1. Li Rute nupun xchiʼuk Booz, ¿kʼu x-elan la jyil Booz ti maʼuk la saʼ ti bu kerem toe?

   2. ¿Kʼusi xuʼ jchantik li ta slekil yoʼonton Rute? (Rut 3:10; 1 Cor. 13:4, 5.)

4. Kʼelo Rut 4:7-17.

   ¿Kʼuxi xuʼ xchanbeik stalelal Booz li viniketik ti tstsʼakliik Cristoe? (Rut 4:9, 10; 1 Tim. 3:1, 12, 13; 5:8.)

Loʼil 52

1. ¿Kʼusi vokolal yakal ta xilik li j-israeletike, pe kʼu yuʼun?

2. ¿Kʼu yuʼun albat yuʼun Jeova ti toj ep yajsoltarotak li Gedeone?

3. ¿Jayvoʼ viniketik kom ti kʼalaluk la jyal Gedeón ti akʼo sutikuk batel ta snaik li buchʼutik ta xiʼike?

4. Jech kʼuchaʼal chvinaj ta lokʼole, ¿kʼusi la spas Jeova sventa kʼajomal noʼox 300 ta voʼ yajsoltarotak chiktabe li Gedeone?

5. ¿Kʼuxi la xchapan li 300 sviniktak li Gedeone, xchiʼuk kʼuxi kuch yuʼun pas leto li Israele?

Yan sjakʼobiltak:

1. Kʼelo Jueces 6:36-40.

   1. ¿Kʼusi la spas Gedeón sventa tsnaʼ lek li kʼusi tskʼan yoʼonton li Jeovae?

   2. ¿Kʼuxi xuʼ jnaʼtik tana li kʼusi tskʼan yoʼonton li Jeovae? (Pro. 2:3-6; Mat. 7:7-11; 2 Tim. 3:16, 17.)

2. Kʼelo Jueces 7:1-25.

   1. ¿Kʼusi xuʼ jchanbetik li 300 ta voʼ viniketik ti la skʼel lek spat xokonik ti mu xkoʼolajik xchiʼuk li buchʼutik mu jechuk la spasike? (Jue. 7:3, 6; Rom. 13:11, 12; Efe. 5:15-17.)

   2. Jech kʼuchaʼal li 300 ta voʼ viniketik la xchanbeik li kʼusi la spas Gedeone, ¿kʼuxi xuʼ jchanbetik li Bankilal Gedeón Jesucristoe? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Kʼuxi chi skoltautik Jueces 7:21 ti akʼo junuk koʼontontik xi jtun ti buyuk noʼox xi j-akʼbat kabteltik ta slumal Jeovae? (1 Cor. 4:2; 12:14-18; Sant. 4:10.)

3. Kʼelo Jueces 8:1-3.

   Kʼalal ta jchapan jkʼoptik xchiʼuk li jchiʼiltik ta chʼunolajele, ¿kʼusi xuʼ jchantik ta stojolal Gedeón ta sventa ti kʼux-elan la xchapan skʼopik xchiʼuk li j-efrainetike? (Pro. 15:1; Mat. 5:23, 24; Luc. 9:48.)

Loʼil 53

1. ¿Buchʼu li Jeftee, xchiʼuk kʼusi yakal chkʼot ta pasel kʼalaluk kuxie?

2. Li Jeftee ¿kʼusi la jyalbe ta melel li Jeovae?

3. ¿Kʼu yuʼun lik yat yoʼonton Jefté kʼalaluk sut tal ta sna ti tsal xaʼox komel yuʼun li j-amonetike?

4. ¿Kʼusi la jyal li stseb Jefté kʼalaluk la jyaʼi li kʼusi yaloj ta melel li stote?

5. ¿Kʼu yuʼun kʼanbil yuʼun krixchanoetik li stseb Jeftee?

Yan sjakʼobiltak:

1. Kʼelo Jueces 10:6-18.

   ¿Kʼusi xuʼ jchantik ta stojolal j-israeletik ti kʼalaluk la stoyilan sbaik ta stojolal Jeovae? (Jue. 10:6, 15, 16; Rom. 15:4; Apo. 2:10.)

2. Kʼelo Jueces 11:1-11, 29-40.

   1. Kʼalal Jefté xi la jyalbe Jeovae: «Ta jchicʼbot amotonin» li jtsebe, ¿kʼuxi ta jnaʼtik ti mu jaʼuk tskʼan chal ti chchikʼ li stsebe? (Jue. 11:31; Lev. 16:24; Deu. 18:10, 12.)

   2. ¿Kʼusi tskʼan chal ti la jyakʼ ta matanal stseb li Jeftee?

   3. ¿Kʼusi xuʼ jchantik ti kʼu x-elan ta xil Jefté li kʼusi yalojbe ta melel li Jeovae? (Jue. 11:35, 39; Ecl. 5:4, 5; Mat. 16:24.)

   4. Li kerem-tsebetik tana ti tstsʼakliik Cristoe, ¿kʼuxi xuʼ xchanbeik stalelal stseb Jefté kʼalaluk chlik yakʼ ta xkuxlejalik li spasbel yabtel Dios ta lek tsʼakal yoraile? (Jue. 11:36; Mat. 6:33; Fili. 3:8.)

Loʼil 54

1. ¿Kʼusi sbi li vinik ti toj tsots yip echʼ ta Balumil ti muʼyuk buchʼu xkoʼolaj-o jeche, xchiʼuk bu la sta li yipe?

2. Li Sansone ¿kʼusi la spasbe jkot leon, kʼuchaʼal chkiltik ta lokʼole?

3. Li Sansone ¿kʼusi mukul kʼop yakal ta xalbe Dalila kʼuchaʼal te chvinaj ta lokʼole, xchiʼuk kʼu yuʼun jaʼ ta skoj ti la jyichʼ tsakel-o batel yuʼun li jfilistaetike?

4. ¿Kʼuxi la smil Sansón oxmil jkontrainvanej filistaetik ti kʼalal te cham eke?

Yan sjakʼobiltak:

1. Kʼelo Jueces 13:1-14.

   Kʼalal ta stsʼites yalab xnichʼnabik li totil-meʼiletike, ¿kʼusi lek xuʼ xchanik ta stojolal Manoa xchiʼuk li yajnile? (Jue. 13:8; Sal. 127:3; Efe. 6:4.)

2. Kʼelo Jueces 14:5-9 xchiʼuk 15:9-16.

   1. ¿Kʼusi chakʼ ta ilel li kʼux-elan ch-abtej li chʼul espiritu yuʼun Jeova li ta sloʼil xkuxlejal Sansón kʼalaluk la smil li leone, kʼalaluk la xtuchʼ li chʼojon ti la jyichʼ-o chukele xchiʼuk ti kʼalal la smil li jmil viniketik ta sbakil ye li buroe?

   2. ¿Kʼuxi chi skoltautik tana li chʼul espiritue? (Jue. 14:6; 15:14; Zac. 4:6; Hech. 4:31.)

3. Kʼelo Jueces 16:18-31.

   ¿Kʼusi kʼot ta stojolal Sansón ta skoj li xchopol chiʼiltake, xchiʼuk kʼusi xuʼ jchantik ta sventa taje? (Jue. 16:18, 19; 1 Cor. 15:33.)

Loʼil 55

1. ¿Kʼusi sbi li olol te chvinaj ta lokʼole, buchʼutik li yantik te oyike?

2. ¿Kʼusi la jyal Ana kʼalal bat svulaʼan jun velta li chʼulnae, xchiʼuk kʼu x-elan takʼbat yuʼun li Jeovae?

3. ¿Jayib toʼox sjabilal Samuel kʼalal la jyichʼ ikʼel batel sventa chtun te ta skarpana li Jeovae, xchiʼuk ta jujun jabile kʼusi tspasbat batel yuʼun li smeʼe?

4. ¿Kʼusi sbi li xnichʼnabtak Elie, xchiʼuk kʼu x-elan stalelalik?

5. Li Jeovae ¿kʼu x-elan la skʼopon li Samuele, xchiʼuk kʼusi mantal la jyakʼbe?

6. ¿Kʼusi abtelal lik spas Samuel kʼalal pas xaʼox ta vinike, pe kʼusi kʼot ta pasel kʼalal mol xaʼoxe?

Yan sjakʼobiltak:

1. Kʼelo 1 Samuel 1:1-28.

   1. Li jolil ta jujupʼej nae ¿kʼusi lek xuʼ xchanbeik Elcana sventa ti jaʼ akʼo jbabeikuk ta smuyubtael li Diose? (1 Sam. 1:3, 21; Mat. 6:33; Fili. 1:10.)

   2. ¿Kʼusi xuʼ jchanbetik Ana ti kʼux-elan kuch batel yuʼun ti jun tsatsal vokole? (1 Sam. 1:10, 11; Sal. 55:22; Rom. 12:12.)

2. Kʼelo 1 Samuel 2:11-36.

   ¿Kʼu x-elan mas la jyichʼ ta mukʼ xnichʼnabtak Elí ti jaʼ mu sta kʼux-elan la jyichʼ ta mukʼ li Jeovae, xchiʼuk kʼusi xuʼ jchantik ta sventa taje? (1 Sam. 2:22-24, 27, 29; Deu. 21:18-21; Mat. 10:36, 37.)

3. Kʼelo 1 Samuel 4:16-18.

   ¿Kʼusi chantos aʼyejetik ti kʼux ta aʼyel lik talel ti bu tspasik letoe, xchiʼuk kʼusi kʼot ta pasel kʼalal la jyaʼi Elí li aʼyejetik taje?

4. Kʼelo 1 Samuel 8:4-9.

   ¿Kʼuxi muʼyuk la jyichʼ ta mukʼ Jeova li Israele, pe kʼuxi xuʼ tukʼ xkakʼ jbatik li ta Ajvalilal yuʼun Dios tanae? (1 Sam. 8:5, 7; Juan 17:16; Sant. 4:4.)

Loʼil 56

1. ¿Kʼusi tspas li Samuel te chvinaj ta lokʼole, xchiʼuk kʼu yuʼun jech ta spas?

2. ¿Kʼu yuʼun lek ilat yuʼun Jeova li Saule, xchiʼuk kʼu x-elan li vinik taje?

3. ¿Kʼusi sbi li skerem Saule, xchiʼuk kʼusi la spas?

4. Li Saule ¿kʼu yuʼun muʼyuk la smala sut tal Samuel sventa chchikʼbe smoton li Diose?

5. ¿Kʼusi xuʼ jchantik li ta sloʼil xkuxlejal Saule?

Yan sjakʼobiltak:

1. Kʼelo 1 Samuel 9:15-21 xchiʼuk 10:17-27.

   Li Saule bikʼit la jyakʼ sba, ti stalelal jech taje, ¿kʼuxi koltaat sventa muʼyuk la slikes kʼop ta skontra li viniketik ti mu lekuk kʼopojik ta stojolale? (1 Sam. 9:21; 10:21, 22, 27; Pro. 17:27.)

2. Kʼelo 1 Samuel 13:5-14.

   ¿Kʼusi mulil la spas Saúl ta Gilgal? (1 Sam. 10:8; 13:8, 9, 13.)

3. Kʼelo 1 Samuel 15:1-35.

   1. ¿Kʼusi tsatsal mulil la spas Saúl sventa Agag, li ajvalil ta Amaleque? (1 Sam. 15:2, 3, 8, 9, 22.)

   2. ¿Kʼusi la jyal Saúl ti maʼuk ta smul li kʼusi la spase ti jaʼ la jyakʼbe smulin li yantike? (1 Sam. 15:24.)

   3. ¿Kʼusi pʼijubtasel skʼan jtsaktik ta mukʼ kʼalal ta xkichʼtik albel mantale? (1 Sam. 15:19-21; Sal. 141:5; Pro. 9:8, 9; 11:2.)

Loʼil 57

1. ¿Kʼusi sbi li kerem te chvinaj ta lokʼole, xchiʼuk kʼuxi jnaʼtik ti mu snaʼ xiʼe?

2. ¿Bu nakal li Davide, kʼusi sbi li stote xchiʼuk li smukʼtote?

3. ¿Kʼu yuʼun albat yuʼun Jeova ti akʼo batuk ta Belén ta sna Isaí (Jesé) li Samuele?

4. ¿Kʼusi kʼot ta pasel kʼalaluk la jyikʼ batel ta stojolal Samuel li vukvoʼ xnichʼnabtak li Isaie?

5. Kʼalal la jyikʼik tal li Davide, ¿kʼusi albat yuʼun Jeova li Samuele?

Yan sjakʼobiltak:

1. Kʼelo 1 Samuel 17:34, 35.

   Ta sventa li kʼusitik la spas Davide, ¿kʼuxi te ta xvinaj ti tsots yoʼonton xchiʼuk ti spatoj yoʼonton ta stojolal Jeovae? (1 Sam. 17:37.)

2. Kʼelo 1 Samuel 16:1-14.

   1. ¿Kʼuxi chi skoltautik li kʼusi la jyal Jeova ti te tsʼibabil ta 1 Samuel 16:7 ta sventa ti mu tʼujbiluk li buchʼu ta jkʼantike xchiʼuk ti maʼuk noʼox jkʼelbetik kʼux-elan spat xokon li jun krixchanoe? (Hech. 10:34, 35; 1 Tim. 2:4.)

   2. ¿Kʼuxi chakʼ kiltik li ta xkuxlejal Saúl ti kʼalaluk ta slokʼes xchʼul espiritu li Jeovae, xuʼ x-och ta yoʼonton spasel kʼusitik chopol li jun krixchanoe? (1 Sam. 16:14; Mat. 12:43-45; Gál. 5:16.)

Loʼil 58

1. ¿Kʼusi tsalel la jyal Goliat ti tspas yaʼi xchiʼuk li soltaroetik ta Israele?

2. ¿Kʼu snatil li Goliate, xchiʼuk kʼusi ch-akʼbat yuʼun Saúl li buchʼu ta xmil yuʼun li vinik taje?

3. ¿Kʼusi la stakʼ David kʼalaluk albat yuʼun Saúl ti mu xuʼ spas kʼop xchiʼuk Goliat ta skoj ti kerem toe?

4. ¿Kʼuxi la jyakʼ ta ilel David ti spatoj yoʼonton ta stojolal Jeova ta sventa ti kʼusi la stakʼbe li Goliate?

5. Jech kʼuchaʼal chvinaj ta lokʼole, ¿kʼusi la stunes David sventa tsmil li Goliate, xchiʼuk kʼusi kʼot ta pasel ta tsʼakal ta stojolal li jfilistaetike?

Yan sjakʼobiltak:

1. Kʼelo 1 Samuel 17:1-54.

   1. ¿Kʼusi ti toj tsots-o yoʼonton li Davide, xchiʼuk kʼuxi xuʼ jchanbetik li stsatsal yoʼontone? (1 Sam. 17:37, 45; Efe. 6:10, 11.)

   2. Kʼalaluk ta xtajinik ta kʼusi jtosukal tajimol o mi ta yan kʼusi chʼayob oʼontonal li yajtsʼaklomtak Cristoe, ¿kʼu yuʼun mu xtun stikʼ ta yoʼontonik li tsalbail kʼuchaʼal la spas li Goliate? (1 Sam. 17:8; Gál. 5:26; 1 Tim. 4:8.)

   3. Ti kʼux-elan la stakʼbe Goliat li Davide, ¿kʼuxi te vinaj ti snaʼoj ti chkoltaat yuʼun li Diose? (1 Sam. 17:45-47; 2 Cró. 20:15.)

   4. Li loʼil liʼe ¿kʼuxi chakʼ ta ilel ti maʼuk noʼox skʼoplal leto ta chaʼvokʼ soltaroetike, ti jaʼ la stsak sbaik ta leto li jecheʼ diosetike xchiʼuk li melel Dios Jeovae? (1 Sam. 17:43, 46, 47.)

   5. Li buchʼutik tʼujbilik chbatik ta vinajel ti liʼ to oyik ta balumile, ¿kʼuxi xchanojbeik stalelal David ti la spat yoʼonton ta stojolal Jeovae? (1 Sam. 17:37; Jer. 1:17-19; Apo. 12:17.)

Loʼil 59

1. ¿Kʼu yuʼun oy yitʼixal yoʼonton Saúl ta stojolal li Davide, pe kʼuxi mu xkoʼolaj xchiʼuk Jonatán li Saule?

2. ¿Kʼusi kʼot ta pasel jun kʼakʼal kʼalaluk yakal ta stij arpa sventa Saúl li Davide?

3. ¿Kʼusi la jyal Saúl ti akʼo spas David ti kʼalal mu to ta xakʼbe yikʼ li stsebe, ti jaʼ sbi Micale, pe kʼu yuʼun jech la jyal?

4. Jech kʼuchaʼal chvinaj ta lokʼole, ¿kʼusi kʼot ta pasel ta yoxibal velta kʼalaluk David jaʼo tstij arpa sventa li Saule?

5. Sventa mu xlaj ta milel li Davide, ¿kʼusi la spas li Micale, xchiʼuk kʼusi la spas vukub jabil li Davide?

Yan sjakʼobiltak:

1. Kʼelo 1 Samuel 18:1-30.

   1. Ti kʼux-elan la skʼan tajek David li Jonatane, ¿kʼuxi te vinaj ti jech ta skʼan sbaik li yan chijetik xchiʼuk li juteb chijetike? (1 Sam. 18:1; Juan 10:16; Luc. 12:32; Zac. 8:23.)

   2. Li Jonatane jaʼ ox ch-och ta ajvalil li ta yavil Saule, pe ¿kʼuxi chakʼ ta ilel 1 Samuel 18:4 ti toj echʼ noʼox bikʼit la jyakʼ sba ta stojolal li buchʼu tʼujbil xaʼox sventa ch-och ta ajvalilale?

   3. Li sloʼil xkuxlejal Saule, ¿kʼuxi chakʼ ta ilel ti itʼix oʼontonale xuʼ stikʼ ta koʼontontik spasel tsatsal mulil, xchiʼuk kʼusi pʼijubtasel chakʼbutik li loʼil liʼe? (1 Sam. 18:7-9, 25; Sant. 3:14-16.)

2. Kʼelo 1 Samuel 19:1-17.

   ¿Kʼu x-elan laj yakʼ ta ilel Jonatán ti la sten xkuxlejal kʼalal kontrainat yuʼun li Saule? (1 Sam. 19:1, 4-6; Pro. 16:14.)

Loʼil 60

1. ¿Kʼusi sbi li ants te chvinaj ta lokʼol ti chbat skʼel Davide, xchiʼuk kʼu x-elan li antse?

2. ¿Buchʼu li Nabale?

3. ¿Kʼu yuʼun la stak batel jayvoʼ sviniktak David sventa chba skʼanik vokol ta stojolal li Nabale?

4. ¿Kʼusi albatik yuʼun Nabal li sviniktak Davide, xchiʼuk kʼu x-elan la jyaʼi li Davide?

5. ¿Kʼuxi la jyakʼ ta ilel Abigail ti jaʼ jun pʼijil antse?

Yan sjakʼobiltak:

1. Kʼelo 1 Samuel 22:1-4.

   ¿Kʼusi lek xuʼ jchantik ta stojolal yutsʼ yalal David ta sventa ti ta jkolta jbatik ta jujuntal li jchiʼil jbatik ta chʼunolajele? (Pro. 17:17; 1 Tes. 5:14.)

2. Kʼelo 1 Samuel 25:1-43.

   1. ¿Kʼu yuʼun toj echʼ noʼox chopol vinik chichʼ albel skʼoplal li Nabale? (1 Sam. 25:2-5, 10, 14, 21, 25.)

   2. Li ajnilaletik ti tstsʼakliik Cristoe, ¿kʼusi xuʼ xchanbeik li Abigaile? (1 Sam. 25:32, 33; Pro. 31:26; Efe. 5:24.)

   3. Li Davide oy ox kʼusi chaʼtos chopol ta spas, ¿kʼuxi pajtsanat yuʼun li Abigail ta spasel? (1 Sam. 25:31, 33; Rom. 12:19; Efe. 4:26.)

   4. Ti kʼu x-elan la jyichʼ ta mukʼ Abigail li Davide, ¿kʼuxi ta skolta viniketik sventa jmojuk noʼox snopbenal yuʼunik xchiʼuk Jeova ta yichʼel ta mukʼ li antsetike? (Hech. 21:8, 9; Rom. 2:11; 1 Ped. 3:7.)

Loʼil 61

1. ¿Kʼusi la spas li David xchiʼuk Abisai kʼalaluk yakal chvay li Saule?

2. ¿Kʼusitik la sjakʼbe Saúl li Davide?

3. ¿Bu bat David kʼalaluk laj skʼopon li Saule?

4. ¿Kʼu yuʼun ta xat yoʼonton li David ti yuʼun la stsʼiba-o jun alakʼ sba kʼejimole?

5. ¿Jayib sjabilal yichʼoj ti kʼalaluk lik spas mantal ta Hebrón li Davide, xchiʼuk kʼusi sbi jayvoʼ xnichʼnabtak?

6. ¿Bu ajvalilaj li David noxtoke?

Yan sjakʼobiltak:

1. Kʼelo 1 Samuel 26:1-25.

   1. Li ta 1 Samuel 26:11 ¿kʼu x-elan yoʼonton David te chvinaj ta sventa li buchʼutik jbabe ta slumal li Jeovae? (Sal. 37:7; Rom. 13:2.)

   2. Mi ta xkakʼbetik yipal sventa chkakʼtik ta ilel li slekil koʼontontik manchuk mi mu xi jtojbat ta vokole, ¿kʼuxi xuʼ tskoltautik li sloʼil David te tsʼibabil ta 1 Samuel 26:23 sventa mu kʼusi chopol jnoptike? (1 Rey. 8:32; Sal. 18:20.)

2. Kʼelo 2 Samuel 1:26.

   «Echʼem to acʼo acʼan abaic li voʼoxuque», xi tsʼibabil li ta Vivliae. Liʼe jech la skʼan sbaik li David xchiʼuk li Jonatane, ¿kʼuxi xuʼ xchanik li yajtsʼaklomtak Cristo li kʼanbail taje? (1 Ped. 4:8; Col. 3:14; 1 Juan 4:12.)

3. Kʼelo 2 Samuel 5:1-10.

   1. ¿Jayib jabil la spas mantal li Davide, xchiʼuk ta jaychʼak ajvalilaj? (2 Sam. 5:4, 5.)

   2. ¿Buchʼu ta skoltaobba ti la stsak lek yip li Davide, xchiʼuk kʼusi tsvules ta joltik tana taje? (2 Sam. 5:10; 1 Sam. 16:13; 1 Cor. 1:31; Fili. 4:13.)

Loʼil 62

1. Koliyal li Jeovae, ¿kʼusi kʼot ta pasel li ta yosilal Canaane?

2. ¿Kʼusi kʼot ta pasel jun mal kʼakʼal kʼalaluk te oy ta sjol sna li Davide?

3. ¿Kʼu yuʼun ilin tajek Jeova ta stojolal li Davide?

4. ¿Buchʼu li vinik ti te chvinaj ta lokʼol ti takbil batel yuʼun Jeova sventa chchiʼin ta loʼil David ta skoj li smultake, xchiʼuk kʼusi albat David ti chkʼot ta pasel ta stojolale?

5. ¿Kʼusi vokoletik chil li Davide?

6. ¿Buchʼu ch-och ta xkʼexol David kʼuchaʼal ajvalil ta Israel?

Yan sjakʼobiltak:

1. Kʼelo 2 Samuel 11:1-27.

   1. ¿Kʼuxi chi skoltautik-o ti jaʼ batemuk ta koʼontontik spasbel yabtel li Jeovae?

   2. ¿Kʼuxi la stikʼ sba batel ta mulil li Davide?, xchiʼuk li yajtunelutik Jeova avi kʼakʼale, ¿kʼusi pʼijubtasel chakʼbutik ti kʼusi kʼot ta pasel ta stojolal li Davide? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Kʼelo 2 Samuel 12:1-18.

   1. Ti kʼux-elan albat mantal David yuʼun li Natane, ¿kʼusi xuʼ xchanik li moletik xchiʼuk li totil-meʼiletike? (2 Sam. 12:1-4; Pro. 12:18; Mat. 13:34.)

   2. ¿Kʼu yuʼun kʼuxubinat yuʼun Jeova ti Davide? (2 Sam. 12:13; Sal. 32:5; 2 Cor. 7:9, 10.)

Loʼil 63

1. ¿Kʼusi jakʼbat yuʼun Jeova li Salomone, xchiʼuk kʼusi la stakʼ?

2. Ta skoj ti lek la jyaʼi Jeova li kʼusi la skʼan Salomone, ¿kʼusi la jyal ta melel ti ta xakʼbee?

3. ¿Kʼusi tsots skʼopik chaʼvoʼ antsetik tal skʼanik chapanel ta stojolal li Salomone?

4. Jech kʼuchaʼal chvinaj ta lokʼole, ¿kʼuxi la xchapan kʼop li Salomone?

5. ¿Kʼu x-elan ch-ajvalilaj li Salomone, xchiʼuk kʼu yuʼun?

Yan sjakʼobiltak:

1. Kʼelo 1 Reyes 3:3-28.

   1. Li skʼop Salomón ti lokʼemik ta yoʼonton ti te tsʼibabil ta 1 Reyes 3:7, ¿kʼusi stakʼ xchanik li viniketik ti oy yabtelik ta steklumal Diose? (Sal. 119:105; Pro. 3:5, 6.)

   2. Ep kʼusi xuʼ jkʼantik li ta orasione, pe li kʼusi la skʼan Salomone ¿kʼuxi te chvinaj ti kʼusi xuʼ jkʼantik eke? (1 Rey. 3:9, 11; Pro. 30:8, 9; 1 Juan 5:14.)

   3. Li kʼux-elan la xchapanbe skʼop li chaʼvoʼ antsetik li Salomone, ¿kʼusi spatobil koʼontontik chi yakʼbutik ta sventa ti kʼux-elan ch-ajvalilaj ta mas tsʼakal li Bankilal Salomón, Jesucristoe? (1 Rey. 3:28; Isa. 9:6, 7; 11:2-4.)

2. Kʼelo 1 Reyes 4:29-34.

   1. ¿Kʼu x-elan la stakʼ Jeova ti kʼalaluk la skʼan ti jchʼunej mantaluk sjol yoʼonton li Salomone? (1 Rey. 4:29.)

   2. Li krixchanoetike la jyakʼbeik yipal ta xchikintabel spʼijil li Salomone, ta sventa taje ¿kʼusi skʼan jpastik ek ta sventa xchanel li sKʼop Diose? (1 Rey. 4:29, 34; Juan 17:3; 2 Tim. 3:16.)

Loʼil 64

1. ¿Kʼu sjalil meltsaj-o yuʼun xchʼulna Jeova li Salomone, xchiʼuk kʼu yuʼun toj toyol lokʼ stojol?

2. Li chʼulnae ¿jaykʼol skuartoaltak ti tsots skʼoplaltake, xchiʼuk kʼusi la jyichʼ akʼel li ta kuarto ti ta yutil to oye?

3. ¿Kʼusi la jyal ta s-orasion Salomón kʼalal tsuts xaʼox li chʼulnae?

4. ¿Kʼuxi la jyakʼ ta ilel Jeova ti xmuyubaj li ta s-orasion Salomone?

5. ¿Kʼusi la spas Salomón ta skoj li yajniltake, xchiʼuk kʼusi lik kʼotuk ta pasel?

6. ¿Kʼu yuʼun ilin Jeova ta stojolal li Salomone, xchiʼuk kʼusi albat yuʼun Jeova?

Yan sjakʼobiltak:

1. Kʼelo 1 Crónicas 28:9, 10.

   Ta sventa li kʼusi la jyal David ti te tsʼibabil ta 1 Crónicas 28:9, 10, ¿kʼusi skʼan xkakʼbetik yipal ta spasel skotol kʼakʼal li ta jkuxlejaltike? (Sal. 19:14; Fili. 4:8, 9.)

2. Kʼelo 2 Crónicas 6:12-21, 32-42.

   1. ¿Kʼuxi la jyakʼ ta ilel Salomón ti mu xuʼ xnaki Mukʼul Dios ta jpʼejuk na ti pasbil ta krixchanoetike? (2 Cró. 6:18; Hech. 17:24, 25.)

   2. ¿Kʼusi chi xchanubtasutik ta sventa Jeova li sloʼil Salomón te tsʼibabil ta 2 Crónicas 6:32, 33? (Hech. 10:34, 35; Gál. 2:6.)

3. Kʼelo 2 Crónicas 7:1-5.

   Jech kʼuchaʼal li xnichʼnabtak Israel la smuyubtaik Jeova kʼalal la jyilbeik slekilale, ¿kʼusi skʼan jpastik kʼalaluk ta xkilbetik sbendision Jeova ta stojolal li slumale? (2 Cró. 7:3; Sal. 22:22; 34:1; 96:2.)

4. Kʼelo 1 Reyes 11:9-13.

   ¿Kʼu x-elan chakʼ ta ilel xkuxlejal Salomón ti tsots skʼoplal skʼan tukʼuk koʼontontik kʼalal to ta slajebale? (1 Rey. 11:4, 9; Mat. 10:22; Apo. 2:10.)

Loʼil 65

1. ¿Kʼusi sbi li chaʼvoʼ viniketik ta lokʼole, xchiʼuk kʼusi yabtelik?

2. ¿Kʼusi la jyut li skʼuʼ slapoj li Ahiase (Ahíya), xchiʼuk kʼusi smelolal li kʼusi la spase?

3. ¿Kʼusi tspasbat ox yuʼun Salomón li Jeroboame?

4. Li krixchanoetike ¿kʼu yuʼun la svaʼanik ta ajvalilal li Jeroboam ta stojolal li lajunvokʼ nitilulal ta Israele?

5. ¿Kʼu yuʼun la spas chaʼkot chʼiom tot vakax ta kʼanal takʼin li Jeroboame?

6. ¿Kʼusi kʼot ta pasel ta stojolal li ajvalilal ti yichʼoj ta venta li chaʼvokʼ nitilulal ta Israel xchiʼuk ta stojolal li xchʼulna Jeova te ta Jerusalene?

Yan sjakʼobiltak:

1. Kʼelo 1 Reyes 11:26-43.

   ¿Kʼusi krixchanoal li Jeroboame, xchiʼuk kʼusi albat ta melel yuʼun Jeova ti ch-akʼbat mi ta xchʼunbe li Smantaltake? (1 Rey. 11:28, 38.)

2. Kʼelo 1 Reyes 12:1-33.

   1. Li ta xchopol talelal Roboam (Rehoboam) ta sventa ti echʼ ta mas li ta pas mantale, ¿kʼusi xuʼ xchanik li totil-meʼiletik xchiʼuk moletik ta tsobobbail ta skoj taje? (1 Rey. 12:13; Ecl. 7:7; 1 Ped. 5:2, 3.)

   2. Kʼalal oy kʼusi tsots skʼoplal tsnop tspas ta xkuxlejalik li kerem-tsebetike, ¿bu skʼan saʼik li lekil koltaele? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Kʼu yuʼun la spas chaʼjot smuyubtaobil chʼiom tot vakaxetik li Jeroboame, xchiʼuk kʼuxi la jyakʼ ta ilel ti mu jsetʼuk xchʼunel yoʼonton ta stojolal Jeova ta skoj ti kʼusi la spase? (1 Rey. 11:37; 12:26-28.)

   4. ) Li lajunvokʼ nitilulal ta Israele la svalopatinik komel li smelel muyubtael Diose, ¿buchʼu li jbabe yuʼunik ta spasel taje? (1 Rey. 12:32, 33.)

Loʼil 66

1. ¿Buchʼu li Jezabele?

2. ¿Kʼu yuʼun ta xat yoʼonton jun velta li ajvalil Acabe?

3. Li Acabe la jyichʼbe yosil li Nabote, ¿kʼusi la spas Jezabel sventa jech xkʼot ta pasel taje?

4. ¿Buchʼu la stak batel Jeova sventa chakʼbe stoj smul li Jezabele?

5. Jech kʼuchaʼal chvinaj ta lokʼole, ¿kʼusi kʼot ta pasel kʼalaluk kʼot Jehú ta sna li meʼ ajvalil Jezabele?

Yan sjakʼobiltak:

1. Kʼelo 1 Reyes 16:29-33 xchiʼuk 18:3, 4.

   ¿Kʼu to noʼox x-elan li choplejal ta Israel li ta skʼakʼalil ajvalil Acabe? (1 Rey. 14:9.)

2. Kʼelo 1 Reyes 21:1-16.

   1. ¿Kʼuxi la jyakʼ ta ilel Nabot ti tsots yoʼontone xchiʼuk ti tukʼ yoʼonton ta stojolal Jeovae? (1 Rey. 21:1-3; Lev. 25:23-28.)

   2. ¿Kʼusi xuʼ jchantik ta stalelal Acab ta sventa ti kʼuxi ta tsalel li at oʼontone? (1 Rey. 21:4; Rom. 5:3-5.)

3. Kʼelo 2 Reyes 9:30-37.

   ¿Kʼusi xuʼ jchanbetik Jehú ti kʼux-elan yakʼoj yoʼonton ta spasbel li kʼusi tskʼan yoʼonton Jeovae? (2 Rey. 9:4-10; 2 Cor. 9:1, 2; 2 Tim. 4:2.)

Loʼil 67

1. ¿Buchʼu li Josafate, xchiʼuk kʼusi ora kuxi?

2. ¿Kʼu yuʼun ta xiʼik li j-israeletike, xchiʼuk kʼusi la spasik ep j-israeletik?

3. ¿Kʼuxi la stakʼbe s-orasion Josafat li Jeovae?

4. ¿Kʼusi la spas Jeova kʼalal mu toʼox chlik li pas letoe?

5. ¿Kʼusi xuʼ jchantik ta stojolal li Josafate?

Yan sjakʼobiltak:

1. Kʼelo 2 Crónicas 20:1-30.

   1. ¿Kʼuxi la jyakʼ ta ilel Josafat ti kʼusi skʼan spas li yajtuneltak Jeova sventa tstsalik li kontrainel sibtasele? (2 Cró. 20:12; Sal. 25:15; 62:1.)

   2. Ti Jeovae oy onoʼox kʼusi tstunes sventa tskʼopon li steklumale, ¿kʼusi ta stunes li kʼakʼal tanae? (2 Cró. 20:14, 15; Mat. 24:45-47; Juan 15:15.)

   3. Kʼalaluk ta slikes Jeova li «mucʼta pleito ta scʼacʼalil yuʼun Dios ti echʼem svuʼele», ¿kʼusi muʼyuk ta jpastik ek jech kʼuchaʼal li Josafate? (2 Cró. 20:15, 17; 32:8; Apo. 16:14, 16.)

   4. Ta xchanbel stalelal li jlevietike, ¿kʼuxi chkoltavanik li prekursoretik xchiʼuk li misioneroetik ta xcholel li mantal ta spʼejel Balumile? (2 Cró. 20:19, 21; Rom. 10:13-15; 2 Tim. 4:2.)

Loʼil 68

1. ¿Buchʼu li oxvoʼ krixchanoetik te chvinaj ta lokʼole, xchiʼuk kʼusi kʼot ta pasel ta stojolal jun velta li olole?

2. ¿Kʼusi la skʼan ta s-orasion Elías ta sventa li olole, xchiʼuk kʼusi kʼot ta pasel ta tsʼakal?

3. ¿Kʼusi sbi li yajkoltaobba Eliase?

4. ¿Kʼu yuʼun bat yikʼ tal Eliseo li ants ta Suneme?

5. ¿Kʼusi la spas li Eliseoe, xchiʼuk kʼusi kʼot ta pasel ta stojolal li anima kereme?

6. ¿Kʼusi xuʼ yuʼun ta spasel Jeova jech kʼuchaʼal la jyakʼbe spas li Elías xchiʼuk li Eliseoe?

Yan sjakʼobiltak:

1. Kʼelo 1 Reyes 17:8-24.

   1. ¿Kʼuxi pasat ta preva ti jaʼ jchʼunej mantal xchiʼuk ti oy xchʼunel yoʼonton li Eliase? (1 Rey. 17:9; 19:1-4, 10.)

   2. ¿Kʼu x-elan la jyakʼ ta ilel ti toj tsots xchʼunel yoʼonton li meʼon ants ta Sareptae? (1 Rey. 17:12-16; Luc. 4:25, 26.)

   3. Li kʼusi la jyal Jesús te tsʼibabil ta Mateo 10:41, 42, ¿kʼuxi ta xvinaj ti jech chkʼot ta pasel jech kʼuchaʼal la jyil ta xkuxlejal li meʼon ants ta Sareptae? (1 Rey. 17:10-12, 17, 23, 24.)

2. Kʼelo 2 Reyes 4:8-37.

   1. ¿Kʼusi xuʼ jchanbetik li ants ta Sunem ta sventa ti lek jchʼamtik li buchʼu chkʼot ta vulaʼal ta jnatike? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Kʼusi lek xuʼ jpastik ta stojolal li yajtuneltak Dios tanae? (Hech. 20:35; 28:1, 2; Gál. 6:9, 10; Heb. 6:10.)

Loʼil 69

1. Li tseb te chvinaj ta lokʼole, ¿kʼusi yakal chalbe li antse?

2. ¿Buchʼu li ants te chvinaj ta lokʼole, xchiʼuk kʼu yuʼun te oy ta sna ants li uni tsebe?

3. ¿Kʼusi mantal la jyalbe yajtunel li Eliseo sventa akʼo xalbe li Naamane, xchiʼuk kʼu yuʼun ilin li Naamane?

4. ¿Kʼusi kʼot ta pasel kʼalaluk la xchikinta Naamán li kʼusi chal yajtuneltake?

5. ¿Kʼu yuʼun muʼyuk la stsak Eliseo li matanal chakʼ Naamane, pe kʼusi la spas li Giezie?

6. ¿Kʼusi kʼot ta pasel ta stojolal li Giezie, xchiʼuk kʼusi stakʼ jchantik ta sventa taje?

Yan sjakʼobiltak:

1. Kʼelo 2 Reyes 5:1-27.

   1. ¿Kʼusi xuʼ xtijbat-o yoʼontonik ta spasel li kerem-tsebetik li stalelal li uni j-israelal tsebe? (2 Rey. 5:3; Sal. 8:2; 148:12, 13.)

   2. ¿Kʼu yuʼun tsots skʼoplal skʼan jvules ta joltik li stalelal Naamán kʼalal ta xkichʼtik albel mantal ti lokʼemik tal ta Vivliae? (2 Rey. 5:15; Heb. 12:5, 6; Sant. 4:6.)

   3. ¿Kʼusi xuʼ jchantik ti kʼalaluk ta xkiltik ti jelel yoʼontonik li Eliseo xchiʼuk li Giezie? (2 Rey. 5:9, 10, 14-16, 20; Mat. 10:8; Hech. 5:1-5; 2 Cor. 2:17.)

Loʼil 70

1. ¿Buchʼu li Jonase, xchiʼuk kʼusi albat yuʼun Jeova ti akʼo spase?

2. Ta skoj ti mu skʼan xbat ti bu take batel yuʼun Jeovae, ¿kʼusi la spas li Jonase?

3. ¿Kʼusi la jyal Jonás ti akʼo spasik li j-abteletik ta varko sventa xpaj li tsatsal ikʼe?

4. Jech kʼuchaʼal chvinaj ta lokʼole, ¿kʼusi kʼot ta pasel kʼalaluk och yalel ta voʼ li Jonase?

5. ¿Kʼu sjalil te tikʼil ta xchʼut choy li Jonase, xchiʼuk kʼusi te la spas?

6. ¿Bu bat Jonás kʼalaluk lokʼ li ta xchʼut mukʼta choye, xchiʼuk kʼusi chi xchanubtasutik taje?

Yan sjakʼobiltak:

1. Kʼelo Jonás 1:1-17.

   Jech kʼuchaʼal chvinaj yileluke, ¿kʼusi la snop Jonás ta sventa xcholbel mantal li jniniveetike? (Jon. 1:2, 3; Pro. 3:7; Ecl. 8:12.)

2. Kʼelo Jonás 2:1, 2, 10.

   ¿Kʼuxi chakʼ kiltik li sloʼil xkuxlejal Jonás ti xuʼ jpat koʼontontik ti tstakʼ j-orasiontik li Jeovae? (Sal. 22:24; 34:6; 1 Juan 5:14.)

3. Kʼelo Jonás 3:1-10.

   1. Li Jonase la jyichʼ tunesel yuʼun Jeova manchuk mi muʼyuk toʼox la xchʼun li kʼusi albate, ¿kʼuxi ta spat koʼontontik taje? (Sal. 103:14; 1 Ped. 5:10.)

   2. Li kʼux-elan chopol la snop Jonás ta stojolal li jniniveetike, ¿kʼu yuʼun mu xtun ti jech ta jnoptik baʼyel ek ta sventa li krixchanoetik ti bu ta jcholtik mantale? (Jon. 3:6-9; Ecl. 11:6; Hech. 13:48.)

Loʼil 71

1. ¿Kʼusi yabtel echʼ li Isaiase, kʼusi ora kuxi xchiʼuk kʼusi akʼbat yil yuʼun Jeova?

2. ¿Kʼusi smelolal li jpʼel kʼop paraisoe, xchiʼuk kʼusi tsvules ta joltik?

3. ¿Kʼusi albat yuʼun Jeova ti akʼo stsʼiba Isaías ta sventa li achʼ Paraisoe?

4. ¿Kʼu yuʼun la xchʼayik Adán xchiʼuk Eva li bu toʼox nakalik ti toj alakʼ sbae?

5. Li buchʼutik skʼanojik Jeovae, ¿kʼusi albilik yuʼun ta melel ti ch-akʼbatike?

Yan sjakʼobiltak:

1. Kʼelo Isaías 11:6-9.

   1. ¿Kʼuxi ta xalbutik li sKʼop Dios ti kʼux-elan ta xilik lekilal li krixchanoetik xchiʼuk li chonetik li ta achʼ lume? (Sal. 148:10, 13; Isa. 65:25; Eze. 34:25.)

   2. ¿Kʼuxi yakal ta xkʼot ta pasel li ta steklumal Jeova li kʼusi la jyal Isaiase? (Rom. 12:2; Efe. 4:23, 24.)

   3. ¿Buchʼu staʼo albel kolaval ta sventa ti chjel xa stalelal li krixchanoetike xchiʼuk ti ta to xjel ta mas tsʼakal li ta achʼ lume? (Isa. 48:17, 18; Gál. 5:22, 23; Fili. 4:7.)

2. Kʼelo Apocalipsis 21:3, 4.

   1. Kʼalal ta xal Vivlia ti chchiʼin ta naklej krixchanoetik li Diose, ¿kʼuxi xuʼ jnaʼtik ti muʼyuk liʼ chnaki kʼuchaʼal ta jchiʼintik ta naklej jun krixchanoe? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2. ¿Kʼusi jtosukal vokolal ti chi j-okʼ-o yuʼun xchiʼuk li kʼusi kʼux-ip ti chlaj skʼoplale? (Luc. 8:49-52; Rom. 8:21, 22; Apo. 21:4.)

Loʼil 72

1. ¿Buchʼu li vinik te chvinaj ta lokʼole, xchiʼuk kʼu yuʼun toj tstots tajek li svokoltake?

2. ¿Kʼusi kartailetik te la jyakʼ Ezequías ta yeloval skajleb smoton Dios, xchiʼuk kʼusi la skʼanbe ta orasion?

3. ¿Kʼu x-elan ajvalilaj li Ezequiase, xchiʼuk kʼusi aʼyej takbat tal yuʼun Jeova ta stojolal li jchʼul alkʼop Isaiase?

4. Jech kʼuchaʼal chvinaj ta lokʼole, ¿kʼusi la spasbe j-asiriaetik li yaj-anjel Jeovae?

5. Manchuk mi la jyilik lekilal kʼuk sjalil li chaʼvokʼ nitilulal ta Israele, ¿kʼusi kʼot ta pasel ta mas tsʼakal kʼalaluk cham li Ezequiase?

Yan sjakʼobiltak:

1. Kʼelo 2 Reyes 18:1-36.

   1. ¿Kʼuxi ta xchibajesbe yaʼi xchʼunel yoʼonton j-israeletik li j-ichʼ kʼop j-asirio Rabsacese (Rabsaqué)? (2 Rey. 18:19, 21; Éxo. 5:2; Sal. 64:3.)

   2. ¿Kʼuxi ta xchanbeik stalelal Ezequías li yajrextikotak Jeova kʼalaluk chil svokolik ta jkontrainvanejetike? (2 Rey. 18:36; Sal. 39:1; Pro. 26:4; 2 Tim. 2:24.)

2. Kʼelo 2 Reyes 19:1-37.

   1. Kʼalal oy svokolike ¿kʼuxi ta xchanbeik stalelal Ezequías li steklumal Jeova tanae? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Kʼusi oxtos tsalel kʼot ta stojolal li ajvalil Senaqueribe, xchiʼuk buchʼu jech chkʼot ta pasel ta stojolal ta mas tsʼakal? (2 Rey. 19:32, 35, 37; Apo. 20:2, 3.)

3. Kʼelo 2 Reyes 21:1-6, 16.

   ¿Kʼu yuʼun stakʼ xichʼ alel ti jaʼ toj echʼ noʼox chopol echʼ ta ajvalilal ta Jerusalén li Manasese? (2 Cró. 33:4-6, 9.)

Loʼil 73

1. ¿Jayib sjabilal Josías ti kʼalaluk och ta ajvalilale, xchiʼuk kʼusi lik spas kʼalaluk vukub xaʼox jabil yochel ta ajvalilale?

2. ¿Kʼusi yakal ta spas Josías li ta baʼyel lokʼole?

3. ¿Kʼusi la sta li mero bankilal pale kʼalal yakal ta xchaʼmeltsanik li chʼulnae?

4. ¿Kʼu yuʼun la sjat skʼuʼ li Josiase?

5. Li meʼ jchʼul alkʼop Huldae ¿kʼusi yaʼyej Jeova la jyakʼbe Josías?

Yan sjakʼobiltak:

1. Kʼelo 2 Crónicas 34:1-28.

   1. ¿Kʼusi xuʼ xchanbeik Josías li buchʼutik la jyil svokolik ta sbikʼtalike? (2 Cró. 33:21-25; 34:1, 2; Sal. 27:10.)

   2. Kʼalal ta xvaxakibal, ta xlajchebal xchiʼuk ta xvaxaklajunebal jabil ch-ajvalilaj li Josiase, ¿kʼusitik tsots skʼoplal la spas sventa tsmuyubtaik Jeova li j-israeletike? (2 Cró. 34:3, 8.)

   3. ¿Kʼusi xuʼ jchantik ta stojolal li ajvalil Josías xchiʼuk ta stojolal li mero bankilal pale Hilquías ta sventa skʼelel xchabiel ti bu ta xichʼ muyubtael li Jeovae? (2 Cró. 34:9-13; Pro. 11:14; 1 Cor. 10:31.)

Loʼil 74

1. ¿Buchʼu li kerem te ta lokʼole?

2. ¿Kʼu x-elan chil Jeremías ti chkʼot ta jchʼul alkʼope, pe kʼusi albat yuʼun Jeova?

3. ¿Kʼusi mu xikta ta yalbel jteklum li Jeremiase?

4. ¿Kʼuxi ta spajtsan yaʼiik Jeremías li paleetike, pe kʼuxi la jyakʼ ta ilel Jeremías ti muʼyuk ta xiʼe?

5. ¿Kʼusi kʼot ta pasel ta stojolal j-israeletik ta skoj ti muʼyuk xiktaik spasel li kʼusitik chopole?

Yan sjakʼobiltak:

1. Kʼelo Jeremías 1:1-8.

   1. Jech kʼuchaʼal chvinaj ta xkuxlejal Jeremiase, ¿kʼusi ta xchapan jun krixchano sventa tspasbe yabtel li Jeovae? (2 Cor. 3:5, 6.)

   2. ¿Kʼusi ta xtijbat-o yoʼontonik ta spasel li kerem-tsebetik li stalelal Jeremiase? (Ecl. 12:1; 1 Tim. 4:12.)

2. Kʼelo Jeremías 10:1-5.

   ¿Kʼusi labal sba lokʼol kʼop la stunes Jeremías sventa chakʼ ta ilel ti mu kʼusi stu-o ti ta jpat koʼontontik ta stojolal li santoetike? (Jer. 10:5; Isa. 46:7; Hab. 2:19.)

3. Kʼelo Jeremías 26:1-16.

   1. Kʼalal ta xalik li aʼyej sventa pʼijubtasel li buchʼutik tʼujbilik chbatik ta vinajel ti liʼ to oyik ta balumile, ¿kʼuxi stsakojik lek ta venta li smantal Jeova ti xi chal: Mu me  kʼusi xa mukik komel? (Jer. 26:2; Deu. 4:2; Hech. 20:27.)

   2. Li xrextikotak Jeova tanae ¿kʼusi lek xuʼ xchanik ta stojolal Jeremías kʼalaluk ta xalik li pʼijubtasel chakʼ Jeova sventa li lumetike? (Jer. 26:8, 12, 14, 15; 2 Tim. 4:1-5.)

4. Kʼelo 2 Reyes 24:1-17.

   ¿Kʼusi kʼux kʼot ta pasel ta stojolal Judá ta skoj ti muʼyuk tukʼ yoʼonton la jyakʼ sba ta stojolal Jeovae? (2 Rey. 24:2-4, 14.)

Loʼil 75

1. ¿Buchʼu li chanvoʼ keremetik te ta lokʼole, xchiʼuk kʼu yuʼun te oyik ta Babilonia?

2. ¿Kʼusi yaloj Nabucodonosor ta sventa li chanvoʼ keremetike, xchiʼuk kʼusi mantal la jyalbe li yajtuneltake?

3. ¿Kʼusi la skʼan Daniel ta sventa kʼusi tslajesik xchiʼuk ta sventa kʼusi chuchʼik xchiʼuk li oxvoʼ yamigotake?

4. Kʼalaluk lokʼ xaʼox lajuneb kʼakʼal tslajesik kʼusitik chchʼi ta balumil li Daniel xchiʼuk li oxvoʼ yamigotake, ¿kʼuxi mu xkoʼolajik xchiʼuk li yantik keremetike?

5. ¿Kʼu yuʼun la jyichʼik ikʼel batel Daniel xchiʼuk li oxvoʼ yamigotak ta sna li ajvalile, xchiʼuk kʼuxi ti mas toj pʼijike ti jaʼ xkom to ta be li paleetik xchiʼuk li spʼijil viniktak ajvalile?

Yan sjakʼobiltak:

1. Kʼelo Daniel 1:1-21.

   1. ¿Kʼu x-elan skʼan xkakʼbetik yipal mi mu jkʼantik stsalutik li lajtsaele xchiʼuk sventa mu xi jpʼaj li ta mulile? (Dan. 1:8; Gén. 39:7, 10; Gál. 6:9.)

   2. ¿Kʼuxi van xuʼ xilik sujel li kerem-tsebetik ta spasel li kʼusitik chopol ti toj lek chilik li yan krixchanoetike? (Dan. 1:8; Pro. 20:1; 2 Cor. 6:17–7:1.)

   3. Kʼalaluk ta jchanbetik sloʼil xkuxlejal ta Vivlia li chanvoʼ jhebreoal keremetike, ¿kʼuxi chi skoltautik ta yaʼibel smelolal ti kʼu yepal sbalil li spʼijil viniketike? (Dan. 1:20; Isa. 54:13; 1 Cor. 3:18-20.)

Loʼil 76

1. Li te ta lokʼole, ¿kʼusi yakal chkʼot ta pasel ta stojolal li Jerusalén xchiʼuk li j-israeletike?

2. ¿Buchʼu li Ezequiele, xchiʼuk kʼusitik toj chopol akʼbat iluk yuʼun Jeova?

3. Ta skoj ti muʼyuk ta stsakik ta mukʼ Jeova li j-israeletike, ¿kʼusi la jyal ta melel li Jeovae?

4. ¿Kʼusi la spas Nabucodonosor kʼalaluk la stoy sbaik li j-israeletik ta stojolale?

5. Li Jeovae ¿kʼu yuʼun la jyakʼ taluk chopol lajel ta stojolal li j-israeletike?

6. ¿Kʼu yuʼun mu junuk krixchano te kom li ta yosilal Israele, xchiʼuk kʼu sjalil jech kom?

Yan sjakʼobiltak:

1. Kʼelo 2 Reyes 25:1-26.

   1. ¿Buchʼu li Sedequiase, kʼusi kʼot ta pasel ta stojolal xchiʼuk kʼuxi kʼot ta pasel ta stojolal li albil kʼop ta Vivliae? (2 Rey. 25:5-7; Eze. 12:13-15.)

   2. ¿Buchʼu jaʼ ta smul la jyil Jeova li kʼusitik chopol la spas li j-israeletike? (2 Rey. 25:9, 11, 12, 18, 19; 2 Cró. 36:14, 17.)

2. Kʼelo Ezequiel 8:1-18.

   Li j-israeletike la svalopatinik li Jeovae yuʼun la smuyubtaik li Kʼakʼale, li krixchanoetik ti skuyoj sbaik ta yajtsʼaklom Cristoe ¿kʼuxi xchanojik ta svalopatinel ek li melel Diose? (Eze. 8:16; Isa. 5:20, 21; Juan 3:19-21; 2 Tim. 4:3.)

Loʼil 77

1. ¿Kʼusi mantal la jyal li Nabucodonosor li ajvalil ta Babiloniae?

2. ¿Kʼu yuʼun muʼyuk ta skejan sbaik li oxvoʼ yamigotak Daniel ta stojolal li lokʼol pasbil ta kʼanal takʼine?

3. Kʼalaluk li Nabucodonosor la jyalbe li oxvoʼ jhebreoal keremetik ti xuʼ to skejan sbaike, ¿kʼuxi la jyakʼik ta ilel ti spatoj yoʼontonik ta stojolal li Jeovae?

4. ¿Kʼusi mantal la jyalbe sviniktak li Nabucodonosor ti akʼo spasbeik Sadrac, Mesac xchiʼuk li Abed-negoe?

5. ¿Kʼusi la jyil Nabucodonosor kʼalaluk la skʼel ochel li ornoe?

6. Li ajvalile ¿kʼu yuʼun la smuyubtabe sDios li Sadrac, Mesac xchiʼuk li Abed-negoe, xchiʼuk kʼusi xuʼ jchanbetik li oxvoʼ keremetik taje?

Yan sjakʼobiltak:

1. Kʼelo Daniel 3:1-30.

   1. Kʼalal ta xkiltik prevaetik ta sventa li xchʼunel koʼontontik li yajtunelutik Jeovae, ¿kʼuxi xuʼ jchanbetik stalelal li oxvoʼ jhebreoal keremetike? (Dan. 3:17, 18; Mat. 10:28; Rom. 14:7, 8.)

   2. ¿Kʼusi tsots skʼoplal la jyakʼbe xchan Nabucodonosor li Jeovae? (Dan. 3:28, 29; 4:34, 35.)

Loʼil 78

1. ¿Kʼusi kʼot ta pasel kʼalaluk la jyakʼ mukʼta veʼel li ajvalil ta Babilonia ti bu la stunes vasoetik xchiʼuk tasaetik ti la slokʼesik tal ta xchʼulna Jeova te ta Jerusalene?

2. ¿Kʼusi la jyalbe spʼijil viniktak li Belsasare, pe kʼusi mu xpas yuʼunik?

3. ¿Kʼusi albat yuʼun smeʼ li Belsasare?

4. Jech kʼuchaʼal albat yuʼun Daniel li ajvalile, ¿kʼu yuʼun la jyakʼ tsʼibajuk jun kʼobal ta yibel na li Diose?

5. ¿Kʼusi smelolal la jyal Daniel li kʼusi tsʼibabil ta yibel nae?

6. ¿Kʼusi kʼot ta pasel kʼalaluk yakal to chkʼopoj li Daniele?

Yan sjakʼobiltak:

1. Kʼelo Daniel 5:1-31.

   1. Koʼoltaso li xiʼtael Dios xchiʼuk li xiʼel la jyaʼi Belsasar kʼalaluk la jyil li tsʼib ta yibel nae (Dan. 5:6, 7; Sal. 19:9, XChʼul Cʼop ti jTotic Diose, ta batsʼi kʼop yuʼun Chamula; Rom. 8:35-39).

   2. ¿Kʼuxi la jyakʼ ta ilel Daniel ti mu jsetʼuk snaʼ xiʼ ti kʼalaluk bat skʼopon Belsasar xchiʼuk bankilaletike? (Dan. 5:17, 18, 22, 26-28; Hech. 4:29.)

   3. Li ta kapitulo 5 yuʼun Daniele, ¿kʼuxi chvinaj ti chakʼ lek ta ilel ti jaʼ Ajvalil ta vinajel-balumil li Jeovae? (Dan. 4:17, 25; 5:21.)

Loʼil 79

1. ¿Buchʼu li Darioe, xchiʼuk kʼusi tsnop ta stojolal Daniel?

2. ¿Kʼusi la jyakʼbeik pas Darío jayvoʼ j-itʼixal oʼonton viniketik?

3. ¿Kʼusi la spas Daniel kʼalaluk la jyaʼi li achʼ mantale?

4. ¿Kʼu yuʼun la svul tajek yoʼonton Darío ti mu jaʼuk x-och svayele, xchiʼuk kʼusi la spas ta sob yokʼomal?

5. ¿Kʼusi la stakʼbe Darío li Daniele?

6. ¿Kʼusi kʼot ta pasel ta stojolalik li chopol viniketik ti ta ox smil yaʼiik li Daniele, xchiʼuk kʼusi la stsʼiba Darío ta sventa skotol li krixchanoetik sventainoje?

Yan sjakʼobiltak:

1. Kʼelo Daniel 6:1-28.

   1. Li kʼusi tskʼan ox tspasbeik li Daniele, ¿kʼuxi tsvules ta joltik ti kʼusi tspasilanik li jkontrainvanejetik sventa tspajtsanbeik yabtel li xrextikotak Jeova ta jkʼakʼaliltike? (Dan. 6:7; Sal. 94:20; Isa. 10:1; Rom. 8:31.)

   2. Voʼotik li yajtunelutik Jeovae, ¿kʼuxi xuʼ jchanbetik stalelal Daniel ta sventa xchʼunbel «smantal li ajvaliletique»? (Dan. 6:5, 10; Rom. 13:1; Hech. 5:29.)

   3. ¿Kʼuxi xuʼ xi jtun ta stojolal Jeova «scotol ora» jech kʼuchaʼal la spas li Daniele? (Dan. 6:16, 20; Fili. 3:16; Apo. 7:15.)

Loʼil 80

1. Jech kʼuchaʼal chvinaj ta lokʼole, ¿kʼusi yakal tspasik li j-israeletike?

2. ¿Kʼuxi kʼot ta pasel ta stojolal Ciro li albil kʼop yuʼun Jeova ti la jyal ta stojolal Isaiase?

3. ¿Kʼusi albatik yuʼun Ciro li j-israeletik ti mu xa xuʼ yuʼunik batel ta Jerusalene?

4. ¿Kʼusi akʼbatik yuʼun Ciro li krixchanoetik sventa chichʼik batel ta Jerusalene?

5. ¿Kʼu sjalil xanavik batel sventa chkʼotik ta Jerusalén li j-israeletike?

6. ¿Jayib xa jabil echʼ ti mu junuk yajval kom li Jerusalene?

Yan sjakʼobiltak:

1. Kʼelo Isaías 44:28 xchiʼuk 45:1-4.

   1. ¿Kʼuxi la jyal Jeova ti jpʼel chkʼot ta pasel li albil kʼop ta stojolal li Ciroe? (Isa. 55:10, 11; Rom. 4:17.)

   2. Li kʼusi la jyal Jeova ta stojolal Isaías ta sventa li Ciroe, ¿kʼuxi te chvinaj ti x-al yuʼun Jeova li kʼusi chkʼot ta pasel ta mas tsʼakale? (Isa. 42:9; 45:21; 46:10, 11; 2 Ped. 1:20.)

2. Kʼelo Esdras 1:1-11.

   Ta xchanbel stalelal li buchʼutik muʼyuk sutik batel ta Jerusalene, ¿kʼuxi xuʼ jkoltatik li buchʼu chlik spasbeik yabtel Dios ta lek tsʼakal orae? (Esd. 1:4, 6; Rom. 12:13; Col. 4:12.)

Loʼil 81

1. ¿Jayvoʼ krixchanoetik likik batel ta Babilonia ti chbatik kʼalal to ta Jerusalene, pe kʼu x-elan kʼot staik?

2. ¿Kʼusi lik svaʼanik kʼalaluk kʼotik li j-israeletike, pe kʼusi la spas li yajkontraike?

3. ¿Buchʼu li Hageo xchiʼuk li Zacariase, xchiʼuk kʼusi la jyalbeik li krixchanoetike?

4. ¿Kʼu yuʼun la stak batel jlik karta ta Babilonia li Tatnaie, xchiʼuk kʼusi takʼbat tal?

5. ¿Kʼusi la spas Esdras ti kʼalal la jyaʼi ti mu alakʼuk sba ta kʼelel li xchʼulna Diose?

6. Jech kʼuchaʼal chvinaj ta lokʼole, ¿kʼusi la skʼanbe Jeova li Esdrase? ¿Kʼuxi takʼbat li s-orasione? Xchiʼuk ¿kʼusi chi xchanubtasutik taje?

Yan sjakʼobiltak:

1. Kʼelo Esdras 3:1-13.

   Ti xi jkʼot ta jun lum ti bu muʼyuk ta stsob sbaik li slumal Diose, ¿kʼusi skʼan mu xkiktatik ta spasel? (Esd. 3:3, 6; Hech. 17:16, 17; Heb. 13:15.)

2. Kʼelo Esdras 4:1-7.

   ¿Kʼusi xuʼ xchanik ta stojolal Sorobabel li steklumal Dios ta sventa ti mu spasik ta jun li xchʼunel yoʼontonik xchiʼuk li yan relijionetike? (Éxo. 34:12; 1 Cor. 15:33; 2 Cor. 6:14-17.)

3. Kʼelo Esdras 5:1-5, 17 xchiʼuk 6:1-22.

   1. Li jkontrainvanejetike ¿kʼu yuʼun muʼyuk xpaj yuʼunik li abtel ta svaʼanel li chʼulnae? (Esd. 5:5; Isa. 54:17.)

   2. Li moletik ta Judae la saʼik li beiltasel chakʼ Jeova kʼalaluk la jyilik kontrainele, ¿kʼuxi xuʼ xchanik li moletik ti tstsʼakliik Cristo sventa akʼo saʼik li beiltasel chakʼ Jeova kʼalaluk ta xilik kontrainel eke? (Esd. 6:14; Sal. 32:8; Rom. 8:31; Sant. 1:5.)

4. Kʼelo Esdras 8:21-23, 28-36.

   Kʼalal ta jnoptik li kʼusi tsots skʼoplal ta jpas ta jkuxlejaltike, ¿kʼusi lek xuʼ jchantik ta stojolal li Esdrase? (Esd. 8:23; Sal. 127:1; Pro. 10:22; Sant. 4:13-15.)

Loʼil 82

1. ¿Buchʼu li Mardoqueo xchiʼuk li Estere?

2. ¿Kʼu yuʼun la sjel yajnil li ajvalil Asueroe, buchʼu la jyikʼ?

3. ¿Buchʼu li Amane, xchiʼuk kʼu yuʼun tsots ilin?

4. ¿Kʼusi mantal la jyichʼ akʼel, xchiʼuk kʼusi la spas Ester kʼalaluk la jyaʼi li yaʼyej Mardoqueo la stak tale?

5. ¿Kʼusi la jyichʼ pasbel li Amane, xchiʼuk kʼusi la jyichʼ pasbel li Mardoqueoe?

6. ¿Kʼuxi kolik ta yajkontratak li j-israeletike?

Yan sjakʼobiltak:

1. Kʼelo Ester 2:12-18.

   ¿Kʼuxi vinaj ta stojolal Ester ti oy sbalil kʼalal ta xkakʼtik chʼiuk li smukʼul koʼontontike? (Est. 2:15; 1 Ped. 3:1-5.)

2. Kʼelo Ester 4:1-17.

   Jech kʼuchaʼal oy kʼusi la spas Ester ta sventa li smuyubtael Jeovae, ¿kʼusi xuʼ jpastik tana ek sventa xkakʼtik ta ilel li kʼanel kuʼuntik ta stojolal Jeova xchiʼuk ti tukʼ koʼontontik ta stojolale? (Est. 4:13, 14; Mat. 5:14-16; 24:14.)

3. Kʼelo Ester 7:1-6.

   Jech kʼuchaʼal kʼot ta stojolal li Estere, ¿kʼuxi xibal sba vokolil yilojik li yajtuneltak Dios tanae? (Est. 7:4; Mat. 10:16-22; 1 Ped. 2:12.)

Loʼil 83

1. ¿Kʼu van x-elan ta xaʼi sbaik li j-israeletik ta skoj ti chʼabal smuroaltak li Jerusalene?

2. ¿Buchʼu li Nehemiase?

3. ¿Kʼusi yabtel li Nehemiase, xchiʼuk kʼu yuʼun tsots skʼoplal li yabtele?

4. ¿Kʼusi la jyaʼi Nehemías ti la jyat-o yoʼontone, xchiʼuk kʼusi la spas?

5. ¿Kʼuxi la jyakʼ ta ilel slekil yoʼonton li ajvalil Artajerjes ta stojolal li Nehemiase?

6. Sventa mu xpajtsanbat yabtel yuʼun li yajkontraike ¿kʼu x-elan la xchapanbe yabtel xchiʼiltak ta Israel li Nehemiase?

Yan sjakʼobiltak:

1. Kʼelo Nehemías 1:4-6 xchiʼuk 2:1-20.

   ¿Kʼuxi la saʼ koltael ta stojolal Jeova li Nehemiase? (Neh. 2:4, 5; Rom. 12:12; 1 Ped. 4:7.)

2. Kʼelo Nehemías 3:3-5.

   ¿Kʼusi stakʼ xchanik li moletik xchiʼuk li yajtuneltak (siervos ministeriales) ta tsobobbail ta stojolalik li jtecoaetik ti mu xkoʼolajik xchiʼuk li buchʼu mukʼtik chaʼi sbaike? (Neh. 3:5, 27; 2 Tes. 3:7-10; 1 Ped. 5:5.)

3. Kʼelo Nehemías 4:1-23.

   1. ¿Kʼusi koltaatik-o li j-israeletik sventa mu xiktaik svaʼanel li smuroaltak Jerusalén manchuk mi tsots chkontrainatike? (Neh. 4:6, 8, 9; Sal. 50:15; Isa. 65:13, 14.)

   2. ¿Kʼuxi ta spat koʼontontik tana li stalelal j-israeletike?

4. Kʼelo Nehemías 6:15.

   Li j-israeletike mi jaʼuk jalijik chib u ta svaʼanel li smuroaltak Jerusalene, ¿kʼuxi te vinaj li yip xchʼunel oʼontonale? (Sal. 56:3, 4; Mat. 17:20; 19:26.)

Loʼil 84

1. ¿Buchʼu li ants te chvinaj ta lokʼole?

2. Li Mariae ¿kʼusi albat yuʼun li Gabriele?

3. Li Mariae ¿kʼuxi albat yuʼun Gabriel ti ta xil jun yol akʼo mi muʼyuk to yiloj junuk vinike?

4. Kʼalaluk bat svulaʼan Isabel (Elisabet) li Mariae, ¿kʼusi kʼot ta pasel?

5. ¿Kʼusi la snop José ti kʼalaluk la jyaʼi ti poʼot xa xvokʼ yol li Mariae, pe kʼu yuʼun la sjel snopben li Josee?

Yan sjakʼobiltak:

1. Kʼelo Lucas 1:26-56.

   1. Li xNichʼon Diose chlik tal ta vinajel sventa chtal chʼiuk ta yalajeb María, pe sventa mu xjelav ta stojolal xNichʼon Dios li mulil xkuchoj Mariae ¿kʼusi ta xal Lucas 1:35 ta sventa taje? (Hageo 2:11-13; Juan 6:69; Heb. 7:26; 10:5.)

   2. ¿Kʼuxi albat lek skʼoplal Jesús kʼalal mu toʼox chvokʼe? (Luc. 1:41-43.)

   3. ¿Kʼusi lek xuʼ xchanik ta stojolal María li yajtsʼaklomtak Cristo ti kʼalal ta sta yabtelik ta slumal Jeovae? (Luc. 1:38, 46-49; 17:10; Pro. 11:2.)

2. Kʼelo Mateo 1:18-25.

   Akʼo mi maʼuk Emanuel akʼbat sbi li Jesuse, ¿kʼu x-elan la jyakʼ ta ilel ta xkuxlejal ta Balumil li smelolal li biil taje? (Mat. 1:22, 23; Juan 14:8-10; Heb. 1:1-3.)

Loʼil 85

1. ¿Buchʼu li neneʼ te chvinaj ta lokʼole, xchiʼuk bu chpuchʼanat yuʼun li Mariae?

2. ¿Kʼu yuʼun te vokʼ ta snail vakax li Jesuse?

3. ¿Buchʼutik li viniketik te ch-ochik tal ta snail vakaxe, xchiʼuk kʼusi albatik yuʼun jun anjel?

4. ¿Kʼu yuʼun stuk noʼox jech li Jesuse?

5. ¿Kʼu yuʼun xuʼ xichʼ alel ti jaʼ xNichʼon Dios li Jesuse?

Yan sjakʼobiltak:

1. Kʼelo Lucas 2:1-20.

   1. Akʼo mi mu snaʼ mi jech chkʼot ta pasel li Augusto Cesare ¿kʼusi la spas sventa jech ta xkʼot ta pasel li albil kʼop ta sventa ti bu chvokʼ li Jesuse? (Luc. 2:1-4; Miq. 5:2.)

   2. Sventa jechuk skʼoplal kʼuchaʼal li buchʼutik «jun yoʼnton cristianoetic liʼ ta banamil ta slequil yoʼnton li Diose», ¿kʼusi skʼan spas li jun krixchanoe? (Luc. 2:14; Mat. 16:24; Juan 17:3; Hech. 3:19; Heb. 11:6.)

   3. Mi muyubajik li jchabi chijetik ta Judea ta skoj ti vokʼ li jKoltavaneje, ¿kʼusi mas xuʼ xmuyubajik-o li yajtuneltak Jeova tanae? (Luc. 2:10, 11; Efe. 3:8, 9; Apo. 11:15; 14:6.)

Loʼil 86

1. ¿Buchʼu li viniketik te chvinaj ta lokʼole? Xchiʼuk, li jun vinike ¿kʼu yuʼun ta xbech kʼobta li kʼanal ti chakʼ tajek xojobale?

2. ¿Kʼu yuʼun ilin li ajvalil Herodese, xchiʼuk kʼusi la spas?

3. Li viniketike ¿bu beiltasatik batel yuʼun li kʼanal ti chakʼ xojobale, pe kʼu yuʼun yan-o xa be la stamik kʼalaluk sutik batel ta slumalike?

4. ¿Kʼusi mantal la jyal Herodes, xchiʼuk kʼu yuʼun?

5. ¿Kʼusi albat yuʼun Jeova li Josee?

6. ¿Buchʼu la spas ti akʼo yakʼ xojobal li kʼanal taje, xchiʼuk kʼu yuʼun?

Yan sjakʼobil:

1. Kʼelo Mateo 2:1-23.

   ¿Kʼu xaʼox smukʼul Jesús xchiʼuk bu nakalik kʼalal la jyichʼik vulaʼanel yuʼun li pʼijil viniketik ti snaʼik xchanbel skʼoplal li kʼanaletike? (Mat. 2:1, 11, 16.)

Loʼil 87

1. ¿Jayib sjabilal Jesús li ta lokʼol liʼe, xchiʼuk bu oy?

2. ¿Kʼusi tspas jujun jabil li José xchiʼuk li yutsʼ yalale?

3. Kʼalal xanavik xaʼox jun kʼakʼal sventa chbat ta snaik li José xchiʼuk li Mariae, ¿kʼu yuʼun sutik tal li ta Jerusalene?

4. Li María xchiʼuk li Josee, ¿bu la staik li Jesuse, xchiʼuk kʼu yuʼun chʼayal to kʼot yoʼontonik li krixchanoetik ta stojolal li Jesuse?

5. ¿Kʼusi la jyalbe smeʼ li Jesuse?

6. ¿Kʼuxi xuʼ jchanbetik stalelal li Jesús ta sventa xchanel mas ta stojolal li Diose?

Yan sjakʼobiltak:

1. Kʼelo Lucas 2:41-52.

   1. Manchuk mi li Mantale ta xal ti jaʼ noʼox skʼan xbatik jujun jabil ta kʼin li viniketike, ¿kʼusi lek xuʼ xchanik li totil-meʼiletik tana ta stojolal li José xchiʼuk li Mariae? (Luc. 2:41; Deu. 16:16; 31:12; Pro. 22:6.)

   2. Kʼusi lek xuʼ xchanik ta stojolal Jesús li kerem-tsebetik tana ta sventa xchʼunbel smantal li totil-meʼiletike? (Luc. 2:51; Deu. 5:16; Pro. 23:22; Col. 3:20.)

2. Kʼelo Mateo 13:53-56.

   ¿Kʼusi sbi li chanvoʼ yitsʼinabtak Jesús chal li Vivliae? Xchiʼuk, li ta stsobobbail yajtsʼaklomtak Cristoe ¿kʼuxi la jyichʼ tunesel ta mas tsʼakal chaʼvoʼ yitsʼinabtak li Jesuse? (Mar. 6:3; Hech. 12:17; 15:6, 13; 21:18; Gál. 1:19; Sant. 1:1; Jud. 1)

Loʼil 88

1. ¿Buchʼu li chaʼvoʼ viniketik te chvinaj ta lokʼole?

2. ¿Kʼu x-elan ta xichʼ voʼ li jun krixchanoe?

3. Li Juane ¿buchʼutik onoʼox ta xakʼbe yichʼ voʼ?

4. ¿Kʼusi srasonal ti la skʼanbe Juan ti akʼo x-akʼbat yichʼ voʼ li Jesuse?

5. ¿Kʼuxi la jyakʼ ta ilel Dios ti lek la jyil ti la jyichʼ voʼ li Jesuse?

6. Kʼalaluk bat Jesús 40 kʼakʼal ta jun lum ti bu muʼyuk buchʼu te oye, ¿kʼusi te kʼot ta pasel?

7. ¿Kʼusi sbi li baʼyel yajtsʼaklomtak li Jesuse, xchiʼuk kʼusi li baʼyel skʼelobil juʼelal la spase?

Yan sjakʼobiltak:

1. Kʼelo Mateo 3:13-17.

   Ti kʼux-elan skʼan xichʼik voʼ li yajtsʼaklomtak Cristoe, ¿kʼu x-elan la jyakʼ komel ta ilel stuk li Jesuse? (Sal. 40:7, 8; Mat. 28:19, 20; Luc. 3:21, 22.)

2. Kʼelo Mateo 4:1-11.

   ¿Kʼu yuʼun ta stij koʼontontik xchanel skotol kʼakʼal li Vivlia ti kʼux-elan la stunes sKʼop Dios li Jesuse? (Mat. 4:5-7; 2 Ped. 3:17, 18; 1 Juan 4:1.)

3. Kʼelo Juan 1:29-51.

   Li Juan J-akʼvanej ta voʼe ¿buchʼu ta stojolal la stak batel li yajtsʼaklomtake, xchiʼuk kʼuxi xuʼ jchanbetik li stalelale? (Juan 1:29, 35, 36; 3:30; Mat. 23:10.)

4. Kʼelo Juan 2:1-12.

   Li Jeovae muʼyuk bu ta sjalanbe kʼusitik lek li yajtuneltake, taje ¿kʼuxi la jyakʼ ta ilel li skʼelobil juʼelal la spas Jesuse? (Juan 2:9, 10; Sal. 84:11; Sant. 1:17.)

Loʼil 89

1. ¿Kʼu yuʼun ta xchonik chonetik li ta chʼulnae?

2. ¿Kʼu yuʼun ch-ilin li Jesuse?

3. Jech kʼuchaʼal chvinaj ta lokʼole, ¿kʼusi la spas li Jesuse, xchiʼuk kʼusi mantal la jyalbe li jchon palomaetike?

4. Kʼalal la jyilik li kʼusi tspas Jesuse, ¿kʼusi vul ta sjolik li yajtsʼaklomtake?

5. ¿Bu jotukal echʼ batel Jesús kʼalaluk sut batel ta Galileae?

Yan sjakʼobil:

1. Kʼelo Juan 2:13-25.

   Li Jesuse muʼyuk lek la jyil li jchonolajeletik ta chʼulnae, ta sventa ti jech taje ¿mi lek van ti xi jchonolajutik ta Salon ti bu ta jtsob jbatike? (Juan 2:15, 16; 1 Cor. 10:24, 31-33.)

Loʼil 90

1. ¿Kʼu yuʼun te paj ta stsʼel jun poso ta Samaria li Jesuse, xchiʼuk kʼusi la jyalbe li ants te kʼote?

2. ¿Kʼu yuʼun chʼayel to kʼot yoʼonton li antse, kʼusi albat yuʼun li Jesuse, xchiʼuk kʼu yuʼun jech la jyal li Jesuse?

3. Li antse ¿kʼusi voʼal yaloj ti chalbe skʼoplal li Jesuse, pe kʼusi voʼal ta melel ta xalbe skʼoplal li Jesuse?

4. Kʼalal la jyal Jesús li kʼusi spasoj li antse, ¿kʼu yuʼun chʼayel to kʼot yoʼonton li antse?

5. ¿Kʼusitik xuʼ jchantik ta sventa li loʼil taje?

Yan sjakʼobiltak:

1. Kʼelo Juan 4:5-43.

   1. Jech kʼuchaʼal la spas li Jesuse, ¿kʼu x-elan jtalelaltik skʼan xkakʼtik ta ilel ta stojolal li krixchanoetik ti yan-o slumalike? (Juan 4:9; 1 Cor. 9:22; 1 Tim. 2:3, 4; Tito 2:11.)

   2. ¿Kʼusi sbalil ta staik li buchʼutik ta spas sba ta yajtsʼaklomtak Jesuse? (Juan 4:14; Isa. 58:11; 2 Cor. 4:16.)

   3. ¿Kʼuxi xuʼ xkakʼtik ta ilel ti jkʼanojtik li mantal kʼuchaʼal li jsamaria ants ti la jyakʼ ta ojtikinel ta sjunul yoʼonton li kʼusi la xchane? (Juan 4:7, 28; Mat. 6:33; Luc. 10:40-42.)

Loʼil 91

1. Jech kʼuchaʼal chvinaj ta lokʼole, ¿bu yakal chchanubtasvan li Jesuse, xchiʼuk buchʼutik li te chotolik ta stsʼele?

2. ¿Kʼusi sbiik li lajchaʼvoʼ jtakboletike?

3. ¿Kʼusi Ajvalilal ti chalbe skʼoplal li Jesuse?

4. Li Jesuse ¿kʼusi la jyakʼbe xchan krixchanoetik ti akʼo skʼanik ta orasione?

5. ¿Kʼusi la jyal Jesús ta sventa ti kʼu x-elan skʼan xil sbaik li krixchanoetike?

Yan sjakʼobiltak:

1. Kʼelo Mateo 5:1-12.

   ¿Kʼuxi ta xkakʼtik ta ilel ti oy ta koʼontontik xchanbel smantal li Diose? (Mat. 5:3, NM; Rom. 10:13-15; 1 Tim. 4:13, 15, 16.)

2. Kʼelo Mateo 5:21-26.

   ¿Kʼuxi ta xakʼ kiltik Mateo 5:23, 24 ti kʼalaluk muʼyuk lek ta xkil jbatik xchiʼuk li jchiʼiltik ta chʼunolajele xuʼ ta sok ti kʼu x-elan oyutik ta stojolal li Jeovae? (Mat. 6:14, 15; Sal. 133:1; Col. 3:13; 1 Juan 4:20.)

3. Kʼelo Mateo 6:1-8.

   ¿Kʼusitik li stalelaltak fariseoetik ti mu xuʼ xchanik li yajtsʼaklomtak Cristoe? (Luc. 18:11, 12; 1 Cor. 4:6, 7; 2 Cor. 9:7.)

4. Kʼelo Mateo 6:25-34.

   ¿Kʼusi la jyal Jesús ta sventa ti skʼan jpat koʼontontik ta stojolal Jeova ti xuʼ chakʼbutik ti kʼusitik chtun kuʼuntik ta jujun kʼakʼale? (Éxo. 16:4; Sal. 37:25; Fili. 4:6.)

5. Kʼelo Mateo 7:1-11.

   ¿Kʼusi ta xchanubtasutik li baba kʼop la jyal Jesús te ta Mateo 7:5? (Pro. 26:12; Rom. 2:1; 14:10; Sant. 4:11, 12.)

Loʼil 92

1. ¿Buchʼu jaʼ stot li tseb te chvinaj ta lokʼole, xchiʼuk kʼu yuʼun ta xat tajek yoʼontonik xchiʼuk li yajnile?

2. ¿Kʼusi la spas Jairo kʼalaluk la sta li Jesuse?

3. ¿Kʼusi kʼot ta pasel kʼalal yakal chbat ta sna Jairo li Jesuse, xchiʼuk kʼusi aʼyej albat ta be li Jairoe?

4. ¿Kʼu yuʼun tstseʼintaik Jesús li krixchanoetik te ta sna Jairoe?

5. Li Jesuse, li oxvoʼ yajtakboltake xchiʼuk stot smeʼ li uni tsebe ochik batel ti bu oy li uni tsebe, ¿kʼusi te la spas li Jesuse?

6. ¿Buchʼutik xchaʼkuxesanojan li Jesuse, xchiʼuk kʼusi chakʼ ta ilel taje?

Yan sjakʼobiltak:

1. Kʼelo Lucas 8:40-56.

   ¿Kʼu yuʼun xuʼ xkaltik ti lek snaʼ snopel li Jesuse xchiʼuk ti oy slekil yoʼonton ti te vinaj ta stojolal li ants ti xmalmun xchamele, xchiʼuk kʼusi xuʼ xchanik li moletik ta tsobobbail ta sventa taje? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Kʼelo Lucas 7:11-17.

   Li krixchanoetik ti oy buchʼu chamem yuʼunike, ¿kʼuxi xuʼ sta spatobil yoʼontonik ta sventa ti kʼu x-elan la skolta meʼon ants ta Naín li Jesuse? (Luc. 7:13; 2 Cor. 1:3, 4; Heb. 4:15.)

3. Kʼelo Juan 11:17-44.

   ¿Kʼuxi la jyakʼ ta ilel Jesús ti stalel onoʼox ti chi j-okʼ kʼalal oy buchʼu ta xcham kuʼuntike? (Juan 11:33-36, 38; 2 Sam. 18:33; 19:1-4.)

Loʼil 93

1. ¿Kʼusi toj chopol kʼot ta pasel ta stojolal li Juan J-akʼvanej ta voʼe, xchiʼuk kʼu x-elan la jyaʼi sba li Jesuse?

2. Li epal krixchanoetik ti tijil batik ta stojolal li Jesuse, ¿kʼuxi la jyichʼik makʼlinel yuʼun Jesús?, xchiʼuk ¿kʼu yepal sovrailtak kom li veʼlile?

3. ¿Kʼu yuʼun ta xiʼik ta akʼobaltik li yajtsʼaklomtak Cristoe, xchiʼuk kʼusi kʼot ta pasel ta stojolal li Pedroe?

4. Ta xchibal xaʼox veltae, ¿kʼuxi la smakʼlin ta smilal noʼox krixchanoetik li Jesuse?

5. ¿Kʼu yuʼun toj lek kʼalaluk tsventain Balumil kʼuchaʼal Ajvalil tʼujbil yuʼun Dios li Jesuse?

Yan sjakʼobiltak:

1. Kʼelo Mateo 14:1-32.

   1. ¿Kʼusi chi yalbutik Mateo 14:23-32 ta sventa li stalelal Pedroe?

   2. ¿Kʼuxi chakʼ kiltik Vivlia ti yijub ta mantal li Pedroe xchiʼuk ti tsnop xa lek baʼyuk li kʼusi ta spase? (Mat. 14:27-30; Juan 18:10; 21:7; Hech. 2:14, 37-40; 1 Ped. 5:6, 10.)

2. Kʼelo Mateo 15:29-38.

   ¿Kʼuxi la jyakʼ ta ilel Jesús ti la xkʼuxubin li kʼusi la jyakʼ sTote? (Mat. 15:37; Juan 6:12; Col. 3:15.)

3. Kʼelo Juan 6:1-21.

   Li yajtsʼaklomutik Jesuse ¿kʼuxi xuʼ jchanbetik Jesús ti kʼu x-elan la jyakʼ ta ilel stalelal ta stojolal li ajvaliletike? (Juan 6:15; Mat. 22:21; Rom. 12:2; 13:1-4.)

Loʼil 94

1. ¿Kʼu yuʼun svulvul sbaik tal ta be li jtakboletik ti kʼalal sutik tal ti bu nom ayike?

2. ¿Kʼu yuʼun la jyikʼ tal jun olol li Jesuse, xchiʼuk kʼu yuʼun te la jyakʼ ta yeloval yajtakboltak?

3. ¿Kʼusi smelolal ti skʼan xkoʼolajik ta olol li jtakboletike?

4. Kʼalal echʼ jayibuk ue, ¿kʼuxi la jyakʼ ta ilel Jesús ti skʼanoj li ololetike?

Yan sjakʼobiltak:

1. Kʼelo Mateo 18:1-4.

   ¿Kʼu yuʼun kʼopoj ta baba kʼop kʼalal chanubtasvan li Jesuse? (Mat. 13:34, 36; Mar. 4:33, 34.)

2. Kʼelo Mateo 19:13-15.

   ¿Kʼusitik stalelal olol skʼan jchanbetik mi ta jkʼan ta jtatik li bendisionetik ti chakʼ li Ajvalilal yuʼun Diose? (Sal. 147:6; 138:6; 1 Cor. 14:20.)

3. Kʼelo Marcos 9:33-37.

   Li Jesuse ¿kʼusi la jyakʼbe xchan yajtakboltak ta sventa ti tskʼan tsots yabtelike? (Mar. 9:35; Mat. 20:25, 26; Gál. 6:3; Fili. 2:5-8.)

4. Kʼelo Marcos 10:13-16.

   ¿Kʼuxi la jyakʼ ta ilel Jesús ti lek noʼox stakʼ chiʼinel ta loʼile, xchiʼuk kʼusi xuʼ xchanik li moletik ta tsobobbaile? (Mar. 6:30-34; Fili. 2:1-4; 1 Tim. 4:12.)

Loʼil 95

1. ¿Kʼusi jakʼbat yuʼun jun vinik li Jesuse, xchiʼuk kʼu yuʼun?

2. Li Jesuse ¿kʼusi ta stunes bateltik sventa chchanubtasvan, xchiʼuk kʼusi jchanojtik xa onoʼox ta stojolal li judioetike xchiʼuk li jsamariaetike?

3. Li ta loʼil la jyal Jesuse, ¿kʼusi kʼot ta pasel ta stojolal jun judío vinik te ta sbelel Jericó?

4. ¿Kʼusi kʼot ta pasel kʼalaluk te echʼik batel ta sbelel Jericó li pale xchiʼuk li leví vinike?

5. Li ta lokʼole, ¿buchʼu li vinik ti yakal ta skolta li judío vinik yayijeme?

6. Kʼalaluk laj yoʼonton ta xchapel loʼil li Jesuse, ¿kʼusi la sjakʼ, xchiʼuk kʼusi la stakʼ li vinike?

Yan sjakʼobiltak:

1. Kʼelo Lucas 10:25-37.

   1. Li Jesuse muʼyuk la stakʼbe ta anil li kʼusi la sjakʼ li vinik chanem ta Mantale, pe sventa xaʼibe smelolal li vinike, ¿kʼusi la spas li Jesuse? (Luc. 10:26; Mat. 16:13-16.)

   2. ¿Kʼuxi la stunes baba kʼopetik Jesús sventa mu xchopol kʼopta xchiʼilik li buchʼutik te chaʼiik loʼile? (Luc. 10:36, 37; 18:9-14; Tito 1:9.)

Loʼil 96

1. ¿Kʼusi la spas Jesús kʼalal yakal chanav ta mukʼta lume?

2. Li Jesuse ¿kʼusi la jyalbe yajtakboltak ti kʼalal lokʼ xaʼox oxib jabil ti la jyichʼ voʼe?

3. ¿Buchʼutik li te chvinaj ta lokʼole, xchiʼuk kʼusi pasbat yuʼun Jesús li antse?

4. ¿Kʼu yuʼun ta kʼexlal komik li jnitvanejetik ta relijion ta skoj li kʼusi la stakʼ Jesuse?

5. Kʼalaluk te nopol oyik ta Jericó li Jesús xchiʼuk li yajtakboltake, ¿kʼusi la spas Jesús ta stojolal chaʼvoʼ jkʼan limuxna maʼsatetik?

6. ¿Kʼu yuʼun la spas skʼelobiltak juʼelal li Jesuse?

Yan sjakʼobiltak:

1. Kʼelo Mateo 15:30, 31.

   ¿Kʼusi labal sba sjuʼelal Jeova te vinaj ta stojolal Jesús, xchiʼuk taje, kʼusi chakʼ jnoptik ta sventa li kʼusitik yaloj Jeova ta sventa li achʼ lume? (Sal. 37:29; Isa. 33:24.)

2. Kʼelo Lucas 13:10-17.

   Li jlom mukʼtik skʼelobiltak juʼelal la spas Jesús ta sabadoe, ¿kʼuxi la jyakʼ ta ilel ti kʼux-elan lekilal ta xichʼ tal kʼalal ta x-Ajvalilaj Mil jabile? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Kʼelo Mateo 20:29-34.

   Li loʼil liʼe ¿kʼuxi chakʼ kiltik ti xokob noʼox Jesús sventa tskolta li krixchanoetike, xchiʼuk kʼusi xuʼ jchantik ta sventa taje? (Deu. 15:7; Sant. 2:15, 16; 1 Juan 3:17.)

Loʼil 97

1. Kʼalal kʼot Jesús te ta jun bikʼit lum ti nopol yiloj Jerusalene, ¿kʼusi la jyalbe ti akʼo spasik li yajtsʼaklomtake?

2. Jech kʼuchaʼal chvinaj ta lokʼole, ¿kʼusi kʼot ta pasel kʼalal nopaj batel ta jteklum Jerusalén li Jesuse?

3. ¿Kʼusi la spasik li ololetik kʼalaluk la jyilik Jesús ti yakal ta xpoxtaan li maʼsatetike xchiʼuk li koxoetike?

4. Li Jesuse ¿kʼusi la jyalbe li paleetik ti ilinemike?

5. ¿Kʼuxi xuʼ jechutik kʼuchaʼal li ololetik ti la skʼupil kʼoptaik Jesuse?

6. ¿Kʼusi tskʼan tsnaʼik li yajtsʼaklomtak Cristoe?

Yan sjakʼobiltak:

1. Kʼelo Mateo 21:1-17.

   1. Li kʼux-elan och batel ta Jerusalén kʼuchaʼal ajvalil li Jesuse, ¿kʼuxi mu xkoʼolaj ti kʼux-elan ch-ochik batel li bankilal soltaroetik kʼalal chkuch yuʼunik pas leto li voʼne jromaetike? (Mat. 21:4, 5; Zac. 9:9; Fili. 2:5-8; Col. 2:15, XChʼul Cʼop ti jTotic Diose, ta batsʼi kʼop yuʼun Chamula.)

   2. Li kerem-tsebetik tanae ¿kʼusi xuʼ xchanik ta stojolal li ololetik ta Israel ti la jyalik li kʼusi chal Salmo 118 ti kʼalaluk och batel ta chʼulna li Jesuse? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Kʼelo Juan 12:12-16.

   ¿Kʼusi svinajeb li skʼobtak xan ti la stunes krixchanoetik kʼalal la skʼupil kʼoptaik li Jesuse? (Juan 12:13; Fili. 2:10; Apo. 7:9, 10.)

Loʼil 98

1. Ta skotolal li viniketik te chvinaj ta lokʼole, ¿bu junukal li Jesuse, xchiʼuk buchʼutik li te xchiʼuke?

2. Li paleetike ¿kʼusi ox ta spasbeik yaʼi Jesús ta chʼulna, xchiʼuk kʼusi albatik yuʼun li Jesuse?

3. ¿Kʼusi la sjakʼbeik Jesús li jtakboletike?

4. Li Jesuse, ¿kʼu yuʼun la jyalbe yajtakboltak jlom kʼusitik chkʼot ta pasel ta Balumil kʼalal mi ta xaʼox spas mantal ta vinajele?

5. Ti kʼalaluk mu to ta xakʼbe slajeb skotol li kʼusitik chopol ta Balumil ti Jesuse, ¿kʼusi la jyal ti chkʼot ta pasel baʼyuke?

Yan sjakʼobiltak:

1. Kʼelo Mateo 23:1-39.

   1. Oy jlom krixchanoetik ta xichʼ albel ajvalil o yantike jchanubtasvanej, li Vivliae ta xal ti mu chopoluk li biiletik taje, pe ¿kʼusi ta xakʼ kiltik li kʼusi la jyal Jesús ta Mateo 23:8-11 ta sventa stunesel biiletik ta tsobobbail ti xuʼ ta stoy-o sbaike? (Hech. 26:25; Rom. 13:7; 1 Ped. 2:13, 14.)

   2. ¿Kʼusitik la stunes li fariseoetik sventa mu stsʼakliik Cristo li krixchanoetike, xchiʼuk kʼusitik spasoj li jnitvanejetik ta relijion tana ti jutuk mu xkoʼolaj ti kʼuchaʼal la spasik li fariseoetike? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Kʼelo Mateo 24:1-14.

   1. ¿Kʼu x-elan ta xakʼ kiltik Mateo 24:13 ti toj tsots skʼoplal skʼan xkuch kuʼuntike?

   2. ¿Kʼusi tskʼan chal li jpʼel kʼop «ta slajebe» ti xi tsʼibabil ta Mateo 24:13? (Mat. 16:27; Rom. 14:10-12; 2 Cor. 5:10.)

3. Kʼelo Marcos 13:3-10.

   ¿Kʼusi jpʼelukal kʼop te tsʼibabil ta Marcos 13:10 ti chakʼ kiltik ti skʼan xkakʼbetik yipal ta xcholel li lekil aʼyeje, xchiʼuk kʼusi chakʼ jpastik li kʼusi la jyal Jesuse? (Rom. 13:11, 12; 1 Cor. 7:29-31; 2 Tim. 4:2.)

Loʼil 99

1. Jech kʼuchaʼal chvinaj ta lokʼole, ¿kʼu yuʼun te oy Jesús xchiʼuk li lajchaʼvoʼ yajtakboltak ta mukʼta jkʼol na ta toyole?

2. ¿Buchʼu li yakal chlokʼ batele, xchiʼuk kʼusi chbat spas?

3. Ti kʼalaluk tsuts li veʼel yuʼun kʼin Koltaele, ¿kʼusi veʼel tsots skʼoplal la slikes li Jesuse?

4. ¿Kʼusi chvulesbat ta sjol j-israeletik li kʼin Koltaele, xchiʼuk kʼusi chvulesbat ta sjol yajtsʼaklomtak Cristo li veʼel ti tsots skʼoplal la slikes Jesuse?

5. Kʼalaluk tsuts li veʼel ta snaʼobil Kajvaltike, ¿kʼusi la jyalbe yajtsʼaklomtak li Jesuse, xchiʼuk kʼusi lik spasik?

Yan sjakʼobiltak:

1. Kʼelo Mateo 26:14-30.

   1. ¿Kʼuxi chakʼ ta ilel Mateo 26:15 ti snopoj lek Judas ti ta xakʼ ta kʼabal li Jesuse?

   2. ¿Kʼusi chaʼtos tsots skʼoplal kʼot ta pasel ti kʼalal mal xchʼichʼel li Jesuse? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Kʼelo Lucas 22:1-39.

   ¿Kʼusi smelolal ti och Satanás ta stojolal li Judase? (Luc. 22:3; Juan 13:2; Hech. 1:24, 25.)

3. Kʼelo Juan 13:1-20.

   1. Ta sventa ti kʼusi chal Juan 13:2, ¿mi xuʼ xichʼ akʼbel smulin li kʼusi la spas Judase, xchiʼuk kʼusi xuʼ jchantik te li voʼotik yajtunelutik Diose? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Kʼusi chanubtasel la jyikta Jesús ti toj jtunele? (Juan 13:15; Mat. 23:11; 1 Ped. 2:21.)

4. Kʼelo Juan 17:1-26.

   Li Jesuse la skʼan ta orasion ti akʼo «jun noʼox» oyikuk li yajtsʼaklomtake, taje ¿kʼusi smelolal? (Juan 17:11, 21-23; Rom. 13:8; 14:19; Col. 3:14.)

Loʼil 100

1. ¿Bu chbatik li Jesús xchiʼuk li yajtsʼaklomtak ti kʼalal lokʼik batel li ta jkʼol na ta toyole, xchiʼuk kʼusi la jyalbe li yajtsʼaklomtak ti akʼo spasike?

2. Kʼalaluk sut batel Jesús ti bu oy li yajtsʼaklomtake, ¿kʼusi yakal tspasik kʼot sta, xchiʼuk jayib velta jech kʼot ta pasel?

3. Jech kʼuchaʼal chvinaj ta lokʼole, ¿buchʼutik li te kʼotik ta nichimaltike, xchiʼuk kʼusi ta spas li Judas Iscariotee?

4. Li Judase ¿kʼu yuʼun ta stsʼutsʼ li Jesuse, xchiʼuk kʼusi ta spas li Pedroe?

5. ¿Kʼusi albat yuʼun Jesús li Pedroe, pe li Jesuse kʼu yuʼun muʼyuk la skʼanbe Dios ti akʼo stak tal junuk yaj-anjele?

Yan sjakʼobiltak:

1. Kʼelo Mateo 26:36-56.

   1. Ti kʼux-elan la jyalbe mantal yajtsʼaklomtak li Jesuse, ¿kʼu yuʼun lek xuʼ xchanbeik stalelal Jesús li moletik ta tsobobbaile? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Kʼu x-elan ta xil Jesús ti ta xichʼ tunesel abtejebal sventa milbail ta skontra li jchiʼiltike? (Mat. 26:52; Luc. 6:27, 28; Juan 18:36.)

2. Kʼelo Lucas 22:39-53.

   Ti kʼalaluk tal jun anjel sventa tsatsubtas li Jesús te ta nichimaltik Getsemanie, ¿mi jaʼ van tskʼan chal ti muʼyuk tsots xchʼunel yoʼonton li Jesuse? Alo tal kaʼitik (Luc. 22:41-43; Isa. 49:8; Mat. 4:10, 11; Heb. 5:7).

3. Kʼelo Juan 18:1-12.

   ¿Kʼuxi la xchabi yajtsʼaklomtak Jesús ta stojolal li jkontrainvanejetike, xchiʼuk kʼusi xuʼ jchantik ti kʼux-elan la spase? (Juan 10:11, 12; 18:1, 6-9; Heb. 13:6; Sant. 2:25.)

Loʼil 101

1. ¿Buchʼu jaʼ ep smulinoj li slajel Jesuse?

2. ¿Kʼusi la spas li jtakboletik ti kʼalaluk la jyikʼik batel Jesús li jnitvanejetik ta relijione?

3. ¿Kʼusi kʼot ta pasel li ta sna mero bankilal pale Caifase?

4. ¿Kʼu yuʼun lokʼ batel li Pedroe xchiʼuk ti bat okʼuke?

5. Kʼalal la xchaʼikʼik batel ta stojolal Pilato li Jesuse, ¿kʼusi la jyalik li bankilal paleetike?

6. ¿Kʼusi kʼot ta pasel ta stojolal Jesús li ta mal kʼakʼal viernese, xchiʼuk kʼusi la jyalbe li jun j-elekʼ ti te jokʼol ta teʼ eke?

7. ¿Bu chkʼot ta pasel li paraiso la jyalbe skʼoplal Jesuse?

Yan sjakʼobiltak:

1. Kʼelo Mateo 26:57-75.

   ¿Kʼu x-elan la jyakʼik ta ilel ti toj chopol yoʼontonik li j-abteletik ta snail chapanobbail yuʼun li judioetike? (Mat. 26:59, 67, 68.)

2. Kʼelo Mateo 27:1-50.

   Li Judase chopol la jyaʼi yoʼonton ta skoj li kʼusi la spase, pe ¿kʼuxi ta jnaʼtik ti mu meleluk la sutes yoʼontone? (Mat. 27:3, 4; Mar. 3:29; 14:21; 2 Cor. 7:10, 11.)

3. Kʼelo Lucas 22:54-71.

   Li ta akʼobal kʼalal la jyichʼ akʼel ta kʼabal xchiʼuk ti la jyichʼ chukel batel li Jesuse, li Pedroe la smuk ta yoʼonton li Jesuse, ¿kʼusi xuʼ jchantik te taje? (Luc. 22:60-62; Mat. 26:31-35; 1 Cor. 10:12.)

4. Kʼelo Lucas 23:1-49.

   ¿Kʼusi la spas Jesús kʼalal ta jech noʼox la jyichʼ utilanele, xchiʼuk kʼusi xuʼ jchantik ta sventa taje? (Luc. 23:33, 34; Rom. 12:17-19; 1 Ped. 2:23.)

5. Kʼelo Juan 18:12-40.

   Akʼo mi la xiʼta viniketik li Pedroe, ¿kʼusi ta xchanubtasutik ti tsatsub yoʼonton xchiʼuk ti chʼi ta mantal ta tsʼakale? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Kʼelo Juan 19:1-30.

   1. ¿Kʼuxi la jyakʼ ta ilel Jesús ti skʼan bisbiluk noʼox xichʼ saʼel li kʼusitik chtun kuʼuntik ta jujun kʼakʼale? (Juan 2:1, 2, 9, 10; 19:23, 24; Mat. 6:31, 32; 8:20.)

   2. Li kʼusi la jyal Jesús ti kʼalal jutuk xaʼox skʼan xchame, te vinaj ti la spakbe skʼoplal li ajvalilal yuʼun Jeovae ¿kʼu yuʼun xuʼ xkaltik jech? (Juan 16:33; 19:30; 2 Ped. 3:14; 1 Juan 5:4.)

Loʼil 102

1. ¿Buchʼu li ants te chvinaj ta lokʼole, buchʼu li chaʼvoʼ viniketike, xchiʼuk bu oyik?

2. ¿Kʼu yuʼun albatik yuʼun Pilato li paleetik ti akʼo stakik batel soltaroetik sventa chba xchabibeik xchʼenal li Jesuse?

3. Ta sob ta yoxibal kʼakʼal slajel li Jesuse, ¿kʼusi la spas jun anjel, pe kʼusi la spasik li paleetike?

4. ¿Kʼusi labal la jyilik li antsetik ti la svulaʼanbeik xchʼenal li Jesuse?

5. ¿Kʼu yuʼun batik ta anil ta xchʼenal Jesús li Pedro xchiʼuk Juane, xchiʼuk kʼusi la staik?

6. ¿Kʼusi la jyichʼ pasbel sbekʼtal li Jesuse, pe kʼusi tspas sventa chakʼ sba ta ilel ta stojolal yajtsʼaklomtak ti chaʼkuxiem xae?

Yan sjakʼobiltak:

1. Kʼelo Mateo 27:62-66 xchiʼuk 28:1-15.

   Kʼalaluk chaʼkuxi li Jesuse, ¿kʼuxi la saʼ smulik ta stojolal chʼul espiritu li bankilal paleetike, li fariseoetike xchiʼuk li moletike? (Mat. 12:24, 31, 32; 28:11-15.)

2. Kʼelo Lucas 24:1-12.

   ¿Kʼuxi chakʼ ta ilel xchaʼkuxel Jesús ti stakʼ la chʼunbel li kʼusi chal antsetik jech kʼuchaʼal chal li Jeovae? (Luc. 24:4, 9, 10; Mat. 28:1-7.)

3. Kʼelo Juan 20:1-12.

   Kʼalal mu xkaʼibetik smelolal kʼuxi chkʼot ta pasel jun albil kʼop ta Vivliae, ¿kʼuxi chi skoltautik Juan 20:8, 9 ta sventa ti oyuk smalael kuʼuntike? (Pro. 4:18; Mat. 17:22, 23; Luc. 24:5-8; Juan 16:12.)

Loʼil 103

1. Li Mariae ¿kʼusi la jyalbe li vinik ti yaloj mi jaʼ jun jchabi tsʼunobaltike, pe kʼuxi la jyakʼ venta ti jaʼ li Jesuse?

2. ¿Kʼusi kʼot ta pasel ta stojolal chaʼvoʼ yajtsʼaklomtak Cristo ti yakal chbatik ta bikʼit lum Emause?

3. Kʼalal li chaʼvoʼ yajtsʼaklomtak Cristo yakal ta xalbeik jtakboletik ti la xa jyilik li Jesuse, ¿kʼusi labal sba kʼot ta pasel?

4. ¿Jayib xa velta la jyakʼ sba ta ilel Jesús ta stojolal li yajtsʼaklomtake?

5. ¿Kʼusi la jyal Tomás ti kʼalal la jyaʼi ti la xa jyilik Jesús li yajtsʼaklomtak Cristoe, pe kʼusi kʼot ta pasel ta xvaxakibal kʼakʼal?

Yan sjakʼobiltak:

1. Kʼelo Juan 20:11-29.

   Li kʼusi la jyal Jesús ta Juan 20:23, ¿mi jaʼ van tskʼan chal ti oy ta skʼobik stupʼel mulil li krixchanoetike? Alo tal kaʼitik (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Kʼelo Lucas 24:13-43.

   ¿Kʼuxi xuʼ jchapan jbatik sventa x-och lek ta jol ta koʼontontik li mantal chal li Vivliae? (Luc. 24:32, 33; Esd. 7:10; Mat. 5:3, NM; Hech. 16:14; Heb. 5:11-14.)

Loʼil 104

1. ¿Jayib yajtsʼaklomtak Cristo la jyilik Jesús jun velta, xchiʼuk kʼusi albatik yuʼun li Jesuse?

2. ¿Kʼusi li Ajvalilal yuʼun Diose, xchiʼuk kʼu x-elan li kuxlejal ta Balumil kʼalal mil jabil ch-ajvalilaj li Jesuse?

3. ¿Jayib kʼakʼal la jyakʼolan sba ta ilel Jesús ta stojolal li yajtsʼaklomtake, pe kʼusi kʼot xa yorail?

4. Kʼalal jutuk xaʼox skʼan xbat ta vinajel li Jesuse, ¿kʼusi mantal la jyalbe li yajtsʼaklomtake?

5. ¿Kʼusi yakal chkʼot ta pasel li ta lokʼole, xchiʼuk kʼuxi chʼay batel ta satik li Jesuse?

Yan sjakʼobiltak:

1. Kʼelo 1 Corintios 15:3-8.

   ¿Kʼu yuʼun muʼyuk xchibet la jyal Pablo ti chaʼkuxiem xa li Jesuse, xchiʼuk kʼusitik mu xchibetuk xuʼ ta xalik li yajtsʼaklomtak Cristo tanae? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Kʼelo Hechos 1:1-11.

   Jech kʼuchaʼal kak la jyichʼ alel ta Hechos 1:8, ¿bu to kʼalal la jyichʼ cholel li mantale? (Hech. 6:7; 9:31; 11:19-21; Col. 1:23.)

Loʼil 105

1. Jech kʼuchaʼal chvinaj ta lokʼole, ¿kʼusi kʼot ta pasel ta stojolalik li yajtsʼaklomtak Cristo ti kʼalaluk te oyik ta Jerusalene?

2. ¿Kʼusi chʼayel kʼot-o yoʼontonik li jvulaʼaletik ta Jerusalene?

3. ¿Kʼusi albatik yuʼun Pedro li krixchanoetike?

4. Ti kʼalal la xchikintaik li kʼusi la jyal Pedroe, ¿kʼu x-elan la jyaʼi yoʼontonik li epal krixchanoetike, xchiʼuk kʼusi skʼan spasik?

5. ¿Jayvoʼ la jyichʼik voʼ li ta Pentekostes ta jabil 33 t.JKʼ.?

Yan sjakʼobiltak:

1. Kʼelo Hechos 2:1-47.

   1. ¿Kʼuxi chakʼ ta ilel li kʼusi la jyal Pedro ta Hechos 2:23, 36 ti jaʼ ta sbaik kom li slajel Jesús li krixchanoetik ta Judeae? (1 Tes. 2:14, 15.)

   2. ¿Kʼuxi xuʼ jchanbetik Pedro li kʼu x-elan la jyalbe smelolal li kʼusi tsʼibabil ta Vivliae? (Hech. 2:16, 17, 29, 31, 36, 39; Col. 4:6.)

   3. ¿Kʼuxi la stunes Pedro li baʼyel «sllavial li ventainel yuʼun Dios ta vinajel» ti albil onoʼox yuʼun Jesús ti ch-akʼbate? (Hech. 2:14, 22-24, 37, 38; Mat. 16:19.)

Loʼil 106

1. ¿Kʼusi kʼot ta pasel ta stojolalik li Pedro xchiʼuk Juan jun mal kʼakʼal kʼalal yakal ch-ochik batel ta chʼulnae?

2. Li Pedroe ¿kʼusi la jyalbe li koxoe, xchiʼuk kʼusi la jyakʼbe ti toj ep sbalile?

3. ¿Kʼu yuʼun ilinik li jnitvanejetik ta relijione, xchiʼuk kʼusi la spasbeik li Pedro xchiʼuk Juane?

4. Li Pedroe ¿kʼusi la jyalbe li jnitvanejetik ta relijione, xchiʼuk kʼusi sibtasel la jyichʼik li jtakboletike?

5. ¿Kʼu yuʼun oy yitʼixal yoʼontonik li jnitvanejetik ta relijione, pe kʼusi kʼot ta pasel ti kʼalal xchibal xaʼox velta la jyichʼik tikʼel ta chukel li jtakboletike?

6. ¿Kʼusi la jyalik li jtakboletik ti kʼalal la jyichʼik ikʼel batel ta Sanedrine?

Yan sjakʼobiltak:

1. Kʼelo Hechos 3:1-10.

   Manchuk mi mu spas kuʼuntik li skʼelobiltak juʼelal tanae, ¿kʼuxi ta skoltautik li kʼusi la jyal Pedro ta Hechos 3:6 ta xkʼuxubinel li lekil aʼyej ta xkaltik ta sventa li Ajvalilale? (Juan 17:3; 2 Cor. 5:18-20; Fili. 3:8.)

2. Kʼelo Hechos 4:1-31.

   Kʼalal ta xkiltik kontrainel li ta chol mantale, ¿kʼuxi xuʼ jchanbetik stalelal li kermanotik ti la stsʼakliik Cristo ta baʼyel sigloe? (Hech. 4:29, 31; Efe. 6:18-20; 1 Tes. 2:2.)

3. Kʼelo Hechos 5:17-42.

   Oy jlom krixchanoetik ta voʼne xchiʼuk ta jkʼakʼaliltik ti maʼuk xrextikotak Jeovae, ¿kʼuxi yakʼojik ta ilel ti muʼyuk chopol chilik li chol mantale? (Hech. 5:34-39.)

Loʼil 107

1. ¿Buchʼu li Estebane, xchiʼuk kʼusi yakal ta spas ti chkoltaat yuʼun Dios ta spasele?

2. ¿Kʼusi la jyal Esteban ti ilinik-o ta jyalel li jnitvanejetik ta relijione?

3. ¿Kʼusi la spasbeik Esteban ti kʼalal la xjochik lokʼel ta pat lume?

4. ¿Buchʼu li kerem vinik te chvinaj ta lokʼol ti te vaʼal ti bu oy li pimil kʼuʼiletike?

5. ¿Kʼusi la skʼanbe Jeova kʼalal mu toʼox chcham li Estebane?

6. Kʼalal oy buchʼu oy kʼusi chopol chi spasbutike, ¿kʼuxi xuʼ jchanbetik stalelal li Estebane?

Yan sjakʼobiltak:

1. Kʼelo Hechos 6:8-15.

   Kʼalal tspajes yaʼiik li chol mantal tspasik li yajrextikotak Jeovae, ¿kʼusitik stunesojik li jnitvanejetik ta relijione? (Hech. 6:9, 11, 13.)

2. Kʼelo Hechos 7:1-60.

   1. ¿Kʼusi koltaat-o Esteban sventa lek jamal chal li lekil aʼyej ta Sanedrine, xchiʼuk kʼusi xuʼ jchanbetik li Estebane? (Hech. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Kʼu x-elan skʼan xkakʼtik ta ilel jtalelaltik ta stojolal li buchʼutik skontrainojik li chol mantal ta jpastike? (Hech. 7:58-60; Mat. 5:44; Luc. 23:33, 34.)

Loʼil 108

1. ¿Kʼusi la spas Saulo ti kʼalal chamem xaʼox li Estebane?

2. ¿Kʼusi labal sba kʼot ta pasel kʼalal yakal chbat ta Damasco li Sauloe?

3. ¿Kʼusi albat yuʼun Jesús ti akʼo spas li Sauloe?

4. ¿Kʼusi albat yuʼun Jesús ti akʼo spas li Ananiase, xchiʼuk kʼuxi la jyil osil yan velta li Sauloe?

5. ¿Kʼusi la sbiin li Sauloe, xchiʼuk kʼuxi lek jtunel kʼot?

Yan sjakʼobiltak:

1. Kʼelo Hechos 8:1-4.

   Li jchʼiel tsobobbail yuʼun li yajtsʼaklomtak Cristoe la jyil svokolik, pe ta skoj taje ¿kʼuxi tanij-o batel li lekil aʼyej ta sventa li Cristoe, xchiʼuk kʼuxi jech xkoʼolaj ek ti jech kʼotem ta pasel ta jkʼakʼaliltike? (Hech. 8:4; Isa. 54:17.)

2. Kʼelo Hechos 9:1-20.

   ¿Kʼusi oxtos yabtel akʼbat yuʼun Jesús li Sauloe? (Hech. 9:15; 13:5; 26:1; 27:24; Rom. 11:13.)

3. Kʼelo Hechos 22:6-16.

   ¿Kʼuxi xuʼ jchanbetik stalelal li Ananiase, xchiʼuk kʼu yuʼun toj tsots skʼoplal? (Hech. 22:12; 1 Tim. 3:7; 1 Ped. 1:14-16; 2:12.)

4. Kʼelo Hechos 26:8-20.

   Ti pas ta yajtsʼaklom Cristo li Sauloe, ¿kʼuxi xuʼ xpatbat-o yoʼontonik ti buchʼutik maʼuk yajtsʼaklom Cristo li snup-xchiʼilike? (Hech. 26:11; 1 Tim. 1:14-16; 2 Tim. 4:2; 1 Ped. 3:1-3.)

Loʼil 109

1. ¿Buchʼu li vinik te kejel chvinaj ta lokʼole?

2. ¿Kʼusi albat yuʼun anjel li Cornelioe?

3. Li Pedroe ¿kʼusi akʼbat yil yuʼun Dios ti kʼalal te oy ta yamakʼil sjol sna Simón te ta Jopee?

4. Li Cornelioe ¿kʼu yuʼun mu stakʼ skejan sba xchiʼuk mu stakʼ smuyubta li Pedroe?

5. Li yajtsʼaklomtak Cristo ti jaʼ judioetik te xchiʼuk Pedroe, ¿kʼusi labal la jyilik?

6. ¿Kʼusi tsots skʼoplal skʼan jchantik ti kʼalal la svulaʼan Cornelio li Pedroe?

Yan sjakʼobiltak:

1. Kʼelo Hechos 10:1-48.

   ¿Kʼusi chakʼ kiltik li kʼusi la jyal Pedro ta Hechos 10:42 ta sventa xcholel li lekil aʼyej ta sventa li Ajvalilale? (Mat. 28:19; Mar. 13:10; Hech. 1:8.)

2. Kʼelo Hechos 11:1-18.

   ¿Kʼusi stalelal Pedro la jyakʼ ta ilel ti kʼalal vinaj li kʼusi tskʼan Jeova ta sventa li jyan lum krixchanoetike? (Hech. 11:17, 18; 2 Cor. 10:5; Efe. 5:17.)

Loʼil 110

1. ¿Buchʼu li kerem te chvinaj ta lokʼole, kʼusi sbi li smeʼe xchiʼuk li smukʼta meʼe?

2. ¿Kʼusi la jyal Timoteo ti kʼalal jakʼbat yuʼun Pablo mi tskʼan chbat xchiʼin xchiʼuk li Silas sventa chbat xcholik li mantal ta namal lumetike?

3. ¿Ta bu junukal lum la jyichʼik biiltasel ta sba velta yajtsʼaklom Jesús li jchankʼopetike?

4. ¿Kʼusi sbi li lumetik la svulaʼanik Pablo, Silas xchiʼuk Timoteo ti kʼalaluk lokʼik batel ta Listrae?

5. Li Timoteoe ¿kʼuxi la skolta li Pabloe, xchiʼuk kʼusi skʼan sjakʼbe sbaik li kerem-tsebetik tanae?

Yan sjakʼobiltak:

1. Kʼelo Hechos 9:19-30.

   ¿Kʼuxi la jyakʼ ta ilel spʼijil li Pablo ti kʼalal la jyil vokoliletik ta skoj xcholel li lekil aʼyeje? (Hech. 9:22-25, 29, 30; Mat. 10:16.)

2. Kʼelo Hechos 11:19-26.

   ¿Kʼuxi chakʼ ta ilel li kʼusi tsʼibabil ta Hechos 11:19-21, 26 ti yakal tsbeiltas chol mantal li xchʼul espiritu Jeovae?

3. Kʼelo Hechos 13:13-16, 42-52.

   ¿Kʼuxi chakʼ ta ilel Hechos 13:51, 52 ti muʼyuk xchibaj yoʼontonik li yajchankʼoptak Jesús ta skoj li kontrainel la jyilike? (Mat. 10:14; Hech. 18:6; 1 Ped. 4:14.)

4. Kʼelo Hechos 14:1-6, 19-28.

   Ti kʼalal chal: «Laj yaqʼuic ta scʼob li Cajvaltic» Jeovae, ¿kʼuxi ta spat koʼontontik sventa mu epuk xkat koʼontontik ta skoltael li buchʼutik achʼik to ta xchanel li mantale? (Hech. 14:21-23; 20:32; Juan 6:44.)

5. Kʼelo Hechos 16:1-5.

   Li Timoteoe la jyichʼ pasbel sirkunsision, ¿kʼuxi te vinaj ti oy ta yoʼonton ta spasel skotol «ta sventa li Lequil Aʼyeje»? (Hech. 16:3; 1 Cor. 9:23; 1 Tes. 2:8.)

6. Kʼelo Hechos 18:1-11, 18-22.

   ¿Kʼuxi chakʼ jnaʼtik Hechos 18:9, 10 ti chkoltavan ta sbeiltasel chol mantal li Jesuse, xchiʼuk kʼuxi tspat koʼontontik tana taje? (Mat. 28:20.)

Loʼil 111

1. ¿Buchʼu li uni kerem te puchʼul ta lumtike, xchiʼuk kʼusi la spas?

2. ¿Kʼusi la spas Pablo ti kʼalal chamem la jyil li uni kereme?

3. ¿Bu batik li Pabloe, li Timoteoe xchiʼuk li buchʼutik te chiʼinvanik batele, xchiʼuk kʼusi kʼot ta pasel ti kʼalal te pajik ta Miletoe?

4. Li Pabloe ¿kʼusi albat yuʼun jchʼul alkʼop Agábo, xchiʼuk kʼuxi kʼot ta pasel li kʼusi la jyal li jchʼul alkʼope?

Yan sjakʼobiltak:

1. Kʼelo Hechos 20:7-38.

   1. Li kʼusi la jyal Pablo ta Hechos 20:26, 27, ¿kʼusi la skʼan jpastik sventa mu xkom ta jbatik li xchʼichʼel krixchanoetike? (Eze. 33:8; Hech. 18:6, 7.)

   2. Kʼalal chchanubtasvanik li moletik ta tsobobbaile, ¿kʼu yuʼun jaʼ skʼan chalik li kʼusi chal li sKʼop Diose? (Hech. 20:17, 29, 30; Tito 1:7-9; 2 Tim. 1:13.)

2. Kʼelo Hechos 26:24-32.

   Li Pabloe jaʼ jromail vinik, ta skoj taje ¿kʼuxi la stunes sventa chchol mantal jech kʼuchaʼal albat yuʼun li Jesuse? (Hech. 9:15; 16:37, 38; 25:11, 12; 26:32; Luc. 21:12, 13.)

Loʼil 112

1. Li ta stsʼel bikʼit lum ti jaʼ sbi Creta ti kakal ta nabe, ¿kʼusi te kʼot ta pasel ta stojolal li varko ti bu tikʼil batel li Pabloe?

2. ¿Kʼusi la jyalbe Pablo li buchʼutik te oyik ta varkoe?

3. ¿Kʼu yuʼun lilij li varkoe?

4. ¿Kʼusi la jyal li bankilal soltaro ti oy ta sba li jchukeletike, xchiʼuk jayvoʼ krixchanoetik kuxul kʼotik ta tiʼ nab?

5. ¿Kʼusi sbi li bikʼit balumil ti bu kʼotike, xchiʼuk kʼusi la spasbeik Pablo ti kʼalal kʼep xaʼox li osile?

Yan sjakʼobiltak:

1. Kʼelo Hechos 27:1-44.

   Kʼalal ta jchanbetik skʼoplal ti bat ta Roma li Pabloe, ¿kʼuxi tstsatsubtas koʼontontik ti yuʼun melel li kʼusi chal li Vivliae? (Hech. 27:16-19, 27-32; Luc. 1:3; 2 Tim. 3:16, 17.)

2. Kʼelo Hechos 28:1-14.

   Li jnaklejetik ta Maltae maʼuk jchʼunolajeletik, pe toj lek la xkʼuxubinik li jtakbol Pabloe xchiʼuk li buchʼutik te toʼox tikʼilik batel ta varkoe, veno pe li voʼotike jaʼ yajtsʼaklomutik Cristo, jaʼ yuʼun ¿kʼusi ta stij-o koʼontontik ta spasel taje, xchiʼuk kʼu x-elan skʼan xkakʼtik ta ilel? (Hech. 28:1, 2; Heb. 13:1, 2; 1 Ped. 4:9.)

Loʼil 113

1. Li Pabloe ¿buchʼu la xcholbe mantal ti kʼalal te tikʼil ta chukel ta Romae?

2. ¿Buchʼu li jvulaʼal te chotole, xchiʼuk kʼusi chkoltaat ta spasel li Pabloe?

3. ¿Buchʼu li Epafroditoe, xchiʼuk kʼusi yichʼoj batel ti kʼalal sut ta Filipose?

4. Li Pabloe ¿kʼu yuʼun la stsʼiba jlik karta sventa jun yamigo ti jaʼ sbi Filemone?

5. ¿Kʼusi la spas Pablo ti kʼalal lokʼesat ta chukele, xchiʼuk kʼusi kʼot ta pasel ta mas tsʼakal?

6. ¿Buchʼu la stunes Jeova sventa tstsʼiba li slajebal slivroaltak li Vivliae, xchiʼuk kʼusi skʼoplal chalbe li slivroal Apocalipsise?

Yan sjakʼobiltak:

1. Kʼelo Hechos 28:16-31 xchiʼuk Filipenses 1:13.

   Ti kʼu sjalil te oy ta chukel li Pabloe, ¿kʼuxi la stunes lek li kʼakʼale, xchiʼuk kʼuxi koltaatik li yajtsʼaklomtak Cristo ti muʼyuk bu xchibaj yoʼonton li Pabloe? (Hech. 28:23, 30; Fili. 1:14.)

2. Kʼelo Filipenses 2:19-30.

   ¿Kʼusitik la jyal Pablo ti jech chvinaj ti skʼanoj li Timoteoe xchiʼuk li Epafroditoe, xchiʼuk kʼu x-elan xuʼ jchanbetik li jtakbole? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Kʼelo Filemón 1-25.

   1. ¿Kʼusi la stsak ta mukʼ Pablo ti kʼalal la jyalbe batel mantal li Filemone, xchiʼuk kʼusi xuʼ xchanik li moletik ta tsobobbail tanae? (File. 9; 2 Cor. 8:8; Gál. 5:13.)

   2. Li Filemón 13, 14 ¿kʼuxi ta xakʼ ta ilel ti la stsak ta mukʼ Pablo li kʼusi tsnop li ermanoetik ta tsobobbaile? (1 Cor. 8:7, 13; 10:31-33.)

4. Kʼelo 2 Timoteo 4:7-9.

   Jech kʼuchaʼal li jtakbol Pabloe, ¿kʼu yuʼun xuʼ jpat koʼontontik ta stojolal Jeova ti tstoj jvokoltik ti mi tukʼ la jkakʼ jbatik kʼalal to ta slajebale? (Mat. 24:13; Heb. 6:10.)

Loʼil 114

1. ¿Kʼu yuʼun ta xalbe skʼoplal kaʼetik ta vinajel li Vivliae?

2. ¿Kʼusi sbi li leto tspas Dios ta skontra li chopol krixchanoetik ta Balumile, xchiʼuk kʼusi sventa li leto taje?

3. Jech kʼuchaʼal chvinaj ta lokʼole, ¿buchʼu tsbeiltas li letoe, kʼu yuʼun oy skoronail sjol, xchiʼuk kʼusi smelolal ti stsakoj espadae?

4. Jech kʼuchaʼal chvinaj ta Loʼil 10, 15 xchiʼuk 33, ¿kʼu yuʼun mu labaluk sba chkaʼitik ti chakʼbe slajeb chopol krixchanoetik li Diose?

5. Li Jeovae ta xakʼbe slajeb li chopol krixchanoetike manchuk mi chalik ti tsmuyubtaik li Diose, li Loʼil 36 xchiʼuk 76 ¿kʼuxi chakʼ ta ilel taje?

Yan sjakʼobiltak:

1. Kʼelo Apocalipsis 19:11-16.

   1. Li Vivliae ¿kʼuxi jamal chakʼ ta ilel ti jaʼ Jesucristo li buchʼu kajal tal ta sakil kaʼe? (Apo. 1:5; 3:14; 19:11; Isa. 11:4.)

   2. Li skʼuʼ slapoj li Jesuse tsʼajbil ta chʼichʼ, taje ¿kʼuxi chakʼ ta ilel ti melel chkuch yuʼun xchiʼuk ti muʼyuk bu kechel chkom yuʼun li pas letoe? (Apo. 14:18-20; 19:13.)

   3. ¿Buchʼutik li soltaroetik ti tstsʼakliik tal Jesús ti kajal ta sakil kaʼe? (Apo. 12:7; 19:14; Mat. 25:31, 32.)

Loʼil 115

1. Jech kʼuchaʼal chal li Vivliae, ¿kʼusitik ta jkʼupintik li ta achʼ Paraiso ta Balumile?

2. Li Vivliae ¿kʼusi ta xal ta melel ta sventa li buchʼutik chnakiik ta Paraisoe?

3. ¿Kʼusi ora ta skʼatajes Jesús ta lekilal li Balumile?

4. Kʼalal liʼ toʼox oy ta Balumil li Jesuse, ¿kʼusi la spas sventa chakʼ ta ilel ti kʼusi ta spas kʼalal mi tspas xaʼox mantal ta Ajvalilal yuʼun Diose?

5. ¿Kʼusi oy ta sba Jesús xchiʼuk li buchʼutik tsventainik tal ta vinajel li Balumile?

Yan sjakʼobiltak:

1. Kʼelo Apocalipsis 5:9, 10.

   ¿Kʼu yuʼun xuʼ jchʼuntik ti chkʼuxubaj yoʼonton ta jtojolaltik li ajvaliletik xchiʼuk li paleetik ti kʼalal tsventainik tal Mil Jabil li Balumile? (Efe. 4:20-24; 1 Ped. 1:7; 3:8; 5:6-10.)

2. Kʼelo Apocalipsis 14:1-3.

   ¿Kʼusi smelolal ti tsʼibabil ta stibaik li 144.000 li sbi Totil xchiʼuk sbi li Chʼiom Chije? (1 Cor. 3:23; 2 Tim. 2:19; Apo. 3:12.)

Loʼil 116

1. ¿Kʼusi skʼan jchantik mi ta jkʼan chi jkuxiutik ta sbatel osile?

2. Jech kʼuchaʼal tspasik li uni tseb xchiʼuk yamigotak ti te chvinajik ta lokʼele, ¿kʼuxi xuʼ jchantik ta sventa Jeova Dios xchiʼuk ta sventa Jesús?

3. ¿Kʼusi yan livro te chvinaj li ta lokʼole, xchiʼuk kʼu yuʼun skʼan jchanolantik-o?

4. Sventa ta jtatik li kuxlejal ta sbatel osile maʼuk noʼox skʼan xkojtikintik Jeova xchiʼuk li Jesuse, ¿kʼusi yan skʼan jpastik?

5. ¿Kʼusi xuʼ jchantik li ta Loʼil 69?

6. ¿Kʼusi xuʼ jchanbetik li ta slekil talelal li kʼox Samuel ti la jchantik ta Loʼil 55?

7. ¿Kʼuxi xuʼ jchanbetik stalelal li Jesucristoe, xchiʼuk mi la jpastike, kʼusi lekilal ta jtatik ta mas tsʼakal?

Yan sjakʼobiltak:

1. Kʼelo Juan 17:3.

   ¿Kʼuxi chakʼ ta ilel Vivlia ti maʼuk noʼox skʼan xkojtikintik li Jeova Dios xchiʼuk li Jesucristoe? (Mat. 7:21; Sant. 2:18-20; 1 Juan 2:17.)

2. Kʼelo Salmo 145:1-21.

   1. ¿Kʼusitik rason oy kuʼuntik sventa ta jmuyubtatik li Jeovae? (Sal. 145:8-11; Apo. 4:11.)

   2. ¿Kʼuxi ta xakʼ ta ilel Jeova ti toj «lec yoʼnton ta stojol scotol» li krixchanoetike, xchiʼuk taje kʼuxi xuʼ chi snopajesutik batel mas ta stojolal? (Sal. 145:9; Mat. 5:43-45.)

   3. Mi jkʼanojtik ta sjunul koʼontontik li Jeovae, ¿kʼusi oy ta koʼontontik ta spasel? (Sal. 119:171, 172, 175; 145:11, 12, 21.)