Ngani 1

1. Ana yindu yambone yosope yatyocele kwapi, soni ana komboleka kusala cindu cimo cambone catukwete?

2. Ana Mlungu ŵatandite kupanganya cici?

3. Ligongo cici lilayika lyandanda lyaliji lyapajika?

4. Atagulile mucaŵelele cilambo capasi pandanda. (Alole ciwulili.)

5. Ana Mlungu ŵatandite kutenda cici pakusaka kuti cilambo capasi ciŵe cambone kutama yinyama ni ŵandu?

Mawusyo gakonjecesya:

1. Aŵalanje Yeremiya 10:12.

   Ana ndamo syapi sya Mlungu syasikusawonecela mu yindu yaŵapanganyisye? (Yes. 40:26; Alo. 11:33)

2. Aŵalanje Akolose 1:15-17.

   Ana Yesu ŵatendaga yatuli pandaŵi jakupanganya yindu, soni yeleyi yitutendekasyeje kum’wona catuli? (Akolo. 1:15-17)

3. Aŵalanje Genesis 1:1-10.

   1. Ana ndandilo ja cilambo capasi jili jatuli? (Gen. 1:1)

   2. Ana catendekwe cici pa lisiku lyandanda lyakupanganya yindu? (Gen. 1:3-5)

   3. Atagulile yayatendekwe pa lisiku lyaŵili lyakupanganya yindu? (Gen. 1:7, 8)

Ngani 2

1. Ana Mlungu ŵalinganyisye catuli cilambo capasici kuti ciŵe malo getu gakutama?

2. Asale mitundu jakulekanganalekangana ja yinyama jaŵapanganyisye Mlungu. (Alole ciwulili.)

3. Ana ligongo cici mgunda wa Edeni waliji wapajika?

4. Ana Mlungu ŵasakaga kuti cilambo capasi cosope ciŵe cici?

Mawusyo gakonjecesya:

1. Aŵalanje Genesis 1:11-25.

   1. Ana Mlungu ŵapanganyisye cici pa lisiku lyatatu lyakupanganya yindu? (Gen. 1:12)

   2. Ana catendekwe cici pa lisiku lyamcece lyakupanganya yindu? (Gen. 1:16)

   3. Ana Mlungu ŵapanganyisye mitundu jatuli ja yinyama pa lisiku lyamsano lyakupanganya yindu, soni lyamsano ni cimo? (Gen. 1:20, 21, 25)

2. Aŵalanje Genesis 2:8, 9.

   Ana yitela yiŵili yapi yapajika yaŵayiŵisile Mlungu mu mgunda, soni yagopolelaga cici?

Ngani 3

1. Ana ciwulili cacili mu Ngani 3 cikulekangana wuli ni ciwulili cacili mu Ngani 2?

2. Nduni juŵapanganyisye jwamlume jwandanda, soni jwamlumejo lina lyakwe lyaliji nduni?

3. Ana Mlungu ŵampele Adamu masengo gatuli?

4. Ligongo cici Mlungu ŵamgonesye Adamu lugono lwekulungwa?

5. Ana Adamu ni Hawa akakombolece kutama ni umi kwa ndaŵi jelewu catuli, soni ana Yehofa ŵasakaga kuti jemanjaji akamuleje masengo gatuli?

Mawusyo gakonjecesya:

1. Aŵalanje Salimo 83:18.

   Ana Mlungu lina lyakwe nduni, soni akwete ulamusi watuli pacilambo capasi? (Yer. 16:21; Dan. 4:17)

2. Aŵalanje Genesis 1:26-31.

   1. Ana cindu cakusangalasya ciŵapanganyisye Mlungu pa lisiku lyamsano ni cimo caliji cici, soni calekanganaga catuli ni yinyama? (Gen. 1:26)

   2. Ana Yehofa ŵapelece cici kwa mundu ni yinyama? (Gen. 1:30)

3. Aŵalanje Genesis 2:7-25.

   1. Ana Adamu ŵakwete masengo gatuli pakukolanga mena ga yinyama? (Gen. 2:19)

   2. Ana lilemba lya Genesis 2:24 likutukamucisya catuli kupikanicisya mwakusawuwonela Yehofa ulombela, kulekangana kwakandaŵi, soni kumasya ulombela? (Mat. 19:4-6,9)

Ngani 4

1. Paciwulilipa, ana cikutendekwa cici kwa Adamu ni Hawa?

2. Ligongo cici Yehofa ŵapele cilango?

3. Ana lijoka lyamsalile cici Hawa?

4. Nduni juŵatendekasisye kuti lijoka liŵecete kwa Hawa?

5. Ligongo cici Adamu ni Hawa nganajendelecela kutama mu Paladaiso?

Mawusyo gakonjecesya:

1. Aŵalanje Genesis 2:16, 17 ni 3:1-13, 24.

   1. Ana ciwusyo cilyawusisye lijoka kwa Hawa casisisye catuli yaŵaŵecete Yehofa? (Gen. 3:1-5; 1 Yoh 5:3)

   2. Ana yaŵatesile Hawa yikutukalamusya catuli m’weji? (Afi. 4:8; Yak. 1:14, 15; 1 Yoh 2:16)

   3. Ana Adamu ni Hawa ŵalosisye catuli kulikululucila pa yindu yaŵatesile? (Gen. 3:12, 13)

   4. Ana akelubi ŵaŵajimice kungopoka lyuŵa kwa mgunda wa Edeni ŵakwesisye catuli ulamusi wa Yehofa wa cilambo cosope? (Gen. 3:24)

2. Aŵalanje Ciunukuko 12:9.

   Ana Satana akombwele catuli kwatyosa ŵandu ku ulamusi wa Mlungu? (1 Yoh 5:19)

Ngani 5

1. Ana umi waliji watuli kwa Adamu ni Hawa kusa kwa mgunda wa Edeni?

2. Ana cici cacatandite kwatendecela Adamu ni Hawa, soni ligongo cici?

3. Ligongo cici ŵanace ŵa Adamu ni Hawa ŵaŵajilwaga kucekulupa, soni kuwa?

4. Adamu ni Hawa akapikanile Yehofa, ana umi wawo ni wa ŵanace ŵawo ukaliji watuli?

5. Ana Hawa ŵayiweni yakupweteka yatuli ligongo lyangapikanila?

6. Ana ŵanace ŵaŵili ŵandanda ŵa Adamu ni Hawa ŵaliji ŵani?

7. Ana ŵanace ŵanewo paciwulilipa ali ŵani?

Mawusyo gakonjecesya:

1. Aŵalanje Genesis 3:16-23 ni 4:1, 2.

   1. Ana kulwesa kwa litaka kwajambucile catuli umi wa Adamu? (Gen. 3:17-19; Alo. 8:20, 22)

   2. Ligongo cici lina lyakuti Hawa, lyaligopolela kuti “Jwacijumi,” lili lyakuŵajilwa? (Gen. 3:20)

   3. Ana Yehofa ŵalosisye catuli kwaganicisya Adamu ni Hawa atamose kuti ŵalemwisye? (Gen. 3:7, 21)

2. Aŵalanje Ciunukuko 21:3, 4.

   Ana ‘yindu yakala’ yapi yacacisaka kuyiwona yili yityosile?

Ngani 6

1. Ana Kaini ni Abele ŵakamulaga masengo gatuli?

2. Ana Kaini ni Abele ŵapelece mituka jatuli kwa Yehofa?

3. Ligongo cici Yehofa akusangalala ni mtuka wa Abele, nambi ligongo cici ngakusangalala ni mtuka wa Kaini?

4. Ana Kaini ali mundu jwatuli, soni Yehofa akulinga catuli kumkamucisya?

5. Ana Kaini akutenda cici pali ni mpwakwe ku migunda?

6. Atagulile yayamtendecele Kaini paŵam’wuleje mpwakwe.

Mawusyo gakonjecesya:

1. Aŵalanje Genesis 4:2-26.

   1. Ana Yehofa ŵajisasile catuli ndamo jakusakala ja Kaini? (Gen. 4:7)

   2. Ana Kaini ŵalosisye catuli nganisyo sya mumtima mwakwe? (Gen. 4:9)

   3. Ana Yehofa akusakuwona catuli kuwulaga mundu jwangalemwa? (Gen. 4:10; Yes. 26:21)

2. Aŵalanje 1 Yohane 3:11, 12.

   1. Ligongo cici Kaini ŵatumbile mnope, soni yeleyi yikutukalamusya cici lelo jino? (Gen. 4:4, 5; Miy. 14:30; 28:22)

   2. Ana Baibulo jikusalosya catuli kuti m’weji komboleka kuŵa ŵagoloka atamose kuti ŵandu wosope ŵa mwiŵasa mwetu ali ŵakusisya Yehofa? (Sal. 27:10; Mat. 10:21, 22)

3. Aŵalanje Yohane 11:25.

   Ana Yehofa akutusimicisya cici pakwamba ya wosope ŵawile ligongo lya cilungamo? (Yoh 5:24)

Ngani 7

1. Ana Enoki ŵaliji jwakulekangana catuli ni ŵandu ŵane?

2. Ana ligongo cici ŵandu mundaŵi ja Enoki ŵatendaga yakusakala yejinji?

3. Ana ŵandu ŵatendaga yakusakala yatuli? (Alole ciwulili.)

4. Ana ligongo cici Enoki ŵasosekwaga kuŵa jwakulimba mtima?

5. Ana ŵandu kala ŵatamaga ndaŵi jelewu catuli, nambi Enoki ŵatemi ni umi yaka yilingwa?

6. Ana cici cacatendekwe Enoki ali awile?

Mawusyo gakonjecesya:

1. Aŵalanje Genesis 5:21-24, 27.

   1. Ana Enoki ŵakwete unasi watuli ni Yehofa? (Gen. 5:24)

   2. Mwakamulana ni Baibulo, ana nduni juŵatemi ni umi kupunda ŵandu wosope, soni ŵawile ali akwete yaka yilingwa? (Gen. 5:27)

2. Aŵalanje Genesis 6:5.

   Enoki ali awile, ana ndamo jaliji uli pacilambo capasi, nambi lelo yikulandana catuli? (2 Tim. 3:13)

3. Aŵalanje Ahebeli 11:5.

   Ana ndamo japi ja Enoki ‘jajamnonyelesye Mlungu,’ soni yakuyicisya yakwe yaliji yatuli? (Gen. 5:22)

4. Aŵalanje Yuda 14, 15.

   Ana Aklistu lelo mpaka akuye catuli kulimba mtima kwa Enoki pakwakalamusya ŵandu pakwamba ya ngondo ja Alamagedo? (2 Tim. 4:2; Ahe. 13:6)

Ngani 8

1. Ana catendekwe cici malayika gane pagampikanile Satana?

2. Ligongo cici malayika gane galesile masengo gawo kwinani ni kwika pacilambo capasi?

3. Ligongo cici kwaliji kulemwa malayika kwika pacilambo capasi ni kulipanganicisya gasyene yilu yaumundu?

4. Ana ŵanace ŵa malayika ŵalekanganaga catuli ni ŵanace ŵa ŵandu?

5. Mpela mwakuyiwonela paciwulilipa, ana ŵanace ŵa malayika ŵatendaga cici paŵaliji ŵamacili mnope?

6. Enoki ali awile, ana mundu jwapi jwambone juŵatemi pacilambo capasi, soni ligongo cici Mlungu ŵamnonyelaga?

Mawusyo gakonjecesya:

1. Aŵalanje Genesis 6:1-8.

   Ana Genesis 6:6 jikusalosya catuli kuti ndamo syetu mpaka simkwaye Yehofa mumtima? (Sal. 78:40, 41; Miy. 27:11)

2. Aŵalanje Yuda 6.

   Ana malayika ‘gagalesile malo gawo’ mu ndaŵi ja Nowa, gakutukumbusya cici lelo? (1 Akoli. 3:5-9; 2 Pet. 2:4, 9, 10)

Ngani 9

1. Ana mu liŵasa lya Nowa ŵapali ŵandu ŵalingwa, soni ŵanace ŵakwe ŵacalume ŵatatu ŵaliji ŵani?

2. Ana Mlungu ŵam’ŵendile Nowa kutenda cindu cakusawusya capi, soni ligongo cici?

3. Ana ŵandu ŵaŵatamaga ni Nowa ŵatesile cici paŵasalile ya combo?

4. Ana Mlungu ŵamsalile Nowa kutenda cici ni yinyama?

5. Mlungu paŵawugele litanga lya combo, ana Nowa ni liŵasa lyakwe ŵasosekwaga kutenda cici?

Mawusyo gakonjecesya:

1. Aŵalanje Genesis 6:9-22.

   1. Ana cici cacamtendekasisye Nowa kumanyika kuŵa jwakulambila Mlungu jusyesyene? (Gen. 6:9, 22)

   2. Ana Yehofa akusapikana catuli pakwamba ya yakuwulasyana, soni m’weji tukusosekwa kusagula catuli yakusangalasya yetu? (Gen. 6:11, 12; Sal. 11:5)

   3. Ana mpaka tukuye catuli cisyasyo ca Nowa patukupocela cikamucisyo cakutulongola kupitila mu likuga lya Yehofa? (Gen. 6:22; 1 Yohane 5:3)

2. Aŵalanje Genesis 7:1-9.

   Ana kumanyilila kuti Yehofa ŵam’wonaga Nowa kuŵa jwakulungama atamose kuti Noŵajo ŵaliji jwaulemwa, kukutulimbikasya catuli lelo jino? (Gen. 7:1; Miy. 10:16; Yes. 26:7)

Ngani 10

1. Ligongo cici pangali jwakajinjile m’combo pajagambile kutanda ula?

2. Ana Yehofa ŵagwisisye ula kwa masiku galingwa, soni mesi galiji gamajinji catuli?

3. Mesi pagatandite kugumbala pacilambo capasi, ana combo catandite kutenda cici?

4. Ana ŵandu ŵamacili mnope ŵala ŵakulupwice cikumbaco, soni cici cacatendecele acibaba ŵawo?

5. Ana cici cacatendece ni combo cila pajamasile miyesi msano?

6. Ligongo cici Nowa ŵakopwesye likungulu mu combo?

7. Ana Nowa ŵayimanyi catuli kuti mesi pacilambo capasi gakunande?

8. Ana Nowa ni liŵasa lyakwe paŵatemi mu combo mula kupunda caka cimo, Mlungu ŵasalile cici?

Mawusyo gakonjecesya:

1. Aŵalanje Genesis 7:10-24.

   1. Ana konasika kwa yindu pacilambo capasi kwaliji kwekulungwa catuli? (Gen. 7:23)

   2. Ana papite ndaŵi jelewu catuli kuti mesi gacikumba gajumilile? (Gen. 7:24)

2. Aŵalanje Genesis 8:1-17.

   Ana Genesis 8:17 jikusalosya catuli kuti lisosa lya Yehofa lya cilambo capasi nganilisinda? (Gen. 1:22)

3. Aŵalanje 1 Petulo 3:19, 20.

   1. Malayika gakupanduka gala pagawujile kwinani, ana gapocele cilango catuli? (Yuda 6)

   2. Ana ngani ja Nowa ni liŵasa lyakwe jikutulimbikasya catuli kola cikulupi cakuti Yehofa ali jwakombola kwakulupusya ŵandu ŵakwe? (2 Pet. 2:9)

Ngani 11

1. Mpela mwakuyiwonela paciwulilipa, ana Nowa paŵagambile kukopoka m’combo ŵatesile cici candanda?

2. Ana Mlungu ŵampele lilamusi lyatuli Nowa ni liŵasa lyakwe pacamasile cikumba?

3. Ana Mlungu ŵatesile cilanga catuli?

4. Patukuwuwona ukunje wa wula, ana tukumbucileje cici?

Mawusyo gakonjecesya:

1. Aŵalanje Genesis 8:18-22.

   1. Ana moŵa agano mpaka tupelece catuli “liwumba lyakutamilikasya mtima pasi” kwa Yehofa? (Gen. 8:21; Ahe. 13:15, 16)

   2. Ana Yehofa ŵasiweni catuli nganisyo sya ŵandu, m’yoyo tukusosekwa kusamalaga cici? (Gen. 8:21; Mat. 15:18, 19)

2. Aŵalanje Genesis 9:9-17.

   1. Ana Yehofa ŵatesile cilangano catuli ni yindu yosope yakupanganyikwa ya pacilambo capasi? (Gen. 9:10, 11)

   2. Ana cilangano ca ukunje wa wula cicikamula masengo kwandaŵi jelewu catuli? (Gen. 9:16)

Ngani 12

1. Ana Nimulodi ŵaliji nduni, soni ana Mlungu ŵamnonyelaga jwalakwe?

2. Pa ciwulilipa, ligongo cici ŵanduŵa ŵagumbaga yidina?

3. Ligongo cici Yehofa nganasangalala ni masengo gakutaŵaga?

4. Ana Yehofa ŵalekasisye catuli masengo gakutaŵa sanja?

5. Ana msindawu ŵawukolangaga linaci, soni linali lyagopolelaga cici?

6. Ana cici cacatendecele ŵandu ŵala Mlungu paŵatendekasisye kuŵeceta yiŵeceto yakulekanganalekangana?

Mawusyo gakonjecesya:

1. Aŵalanje Genesis 10:1, 8-10.

   Ana Nimulodi ŵalosisye ndamo syatuli, soni yeleyi yikutukalamusya cici? (Miy. 3:31)

2. Aŵalanje Genesis 11:1-9.

   Ana lisosa lya kutaŵa sanja lyaliji cici, soni ligongo cici masengoga galepelece? (Gen. 11:4; Miy. 16:18; Yohane 5:44)

Ngani 13

1. Ana mu msinda wa Uli mwatamaga ŵandu ŵatuli?

2. Ana mundu jwali paciwulilipa ali nduni, ŵapagwile cakaci, soni ŵatamaga kwapi?

3. Ana Mlungu ŵamsalile Abulahamu kutenda cici?

4. Ligongo cici Abulahamu ŵakolanjikwaga mjakwe jwa Mlungu?

5. Ana ŵani ŵaŵalongene ni Abulahamu paŵatyokaga ku Uli?

6. Ana Mlungu ŵamsalile cici Abulahamu paŵayice ku cilambo ca Kanani?

7. Ana Mlungu ŵatesile cilangano catuli kwa Abulahamu paŵakwete yaka 99?

Mawusyo gakonjecesya:

1. Aŵalanje Genesis 11:27-32.

   1. Ana ulongo wa Abulahamu ni Loti waliji watuli? (Gen. 11:27)

   2. Atamose tukupikana kuti Tela ŵasamisye liŵasa lyakwe kwawula ku Kanani, ana tukumanyilila catuli kuti kusyesyene ŵaliji Abulahamu juŵatendekasisye kusamaku, soni ligongo cici ŵatesile yeleyi? (Gen. 11:31; Mase. 7:2-4)

2. Aŵalanje Genesis 12:1-7.

   Abulahamu paŵayice m’cilambo ca Kanani, ana Yehofa ŵasasile yindu yine yatuli pakuŵeceta ya cilangano ca Abulahamu? (Gen. 12:7)

3. Aŵalanje Genesis 17:1-8, 15-17.

   1. Ana Abulamu ŵapocele lina lyatuli paŵakwete yaka 99, soni ligongo cici? (Gen. 17:5)

   2. Ana Yehofa ŵamsalile Sala majali gatuli gam’bujo? (Gen. 17:15, 16)

4. Aŵalanje Genesis 18:9-19.

   1. Mwakamulana ni Genesis 18:19, ana mwanja baba akwete masengo gatuli? (Deut. 6:6, 7; Aef. 6:4)

   2. Ana yayamtendecele Sala yikulosya catuli kuti yili yangakomboleka kumsisila Yehofa yindu? (Gen. 18:12, 15; Sal. 44:21)

Ngani 14

1. Ana Mlungu ŵamsalile cilangano catuli Abulahamu, soni Mlungu ŵakwanilisye catuli cilanganoco?

2. Mpela mwakuyiwonela paciwulilipa, ana Mlungu ŵalinjile catuli cikulupi ca Abulahamu?

3. Ana Abulahamu ŵatesile cici atamose kuti nganapikanicisya yaŵasakaga Mlunguyo?

4. Ana cici cacatendekwe Abulahamu paŵakopwesye cipula kuti am’wulaje mwanagwe?

5. Ana cikulupi ca Abulahamu caliji cakulimba catuli?

6. Ana Mlungu ŵampele cici Abulahamu kuti apelece mbopesi, soni ŵampele catuli?

Mawusyo gakonjecesya:

1. Aŵalanje Genesis 21:1-7.

   Ligongo cici Abulahamu ŵam’wumbesye mwanagwe palisiku lya msano ni yitatu? (Gen. 17:10-12; 21:4)

2. Aŵalanje Genesis 22:1-18.

   Ana Isaki ŵalosisye catuli kuti akusapikanila Abulahamu atatigwe, soni yeleyi yalosisye catuli yakutendekwa yakusosekwa mnope yam’bujo? (Gen. 22:7-9; 1 Akoli. 5:7; Afi. 2:8, 9)

Ngani 15

1. Ligongo cici Abulahamu ni Loti ŵalekangene?

2. Ligongo cici Loti ŵasagwile kutama mu Sodomu?

3. Ana ŵandu ŵa mu Sodomu ŵaliji ŵatuli?

4. Ana malayika gaŵili gamkalamwisye Loti cici?

5. Ligongo cici ŵamkwakwe Loti ŵasyucile lisugulu lya njete?

6. Ana mpaka tulijiganye cici pa yayamtendecele ŵamkwakwe Loti?

Mawusyo gakonjecesya:

1. Aŵalanje Genesis 13:5-13.

   Pangani ja kumasya ungapikangana pasikati pa ŵandu ŵaŵili, ana tukulijiganya cici kwa Abulahamu? (Gen. 13:8, 9; Alo. 12:10; Afi. 2:3, 4)

2. Aŵalanje Genesis 18:20-33.

   Ana mwaŵatendelaga yindu Yehofa kwa Abulahamu yikutusimicisya catuli kuti Yehofa ni Yesu cacilamulila mwacilungamo? (Gen. 18:25, 26; Mat. 25:31-33)

3. Aŵalanje Genesis 19:1-29.

   1. Ana ngani ja m’Baibuloji jikulosya catuli mwakusakuwonela Mlungu gonana acalumepe kapena acakongwepe? (Gen. 19:5, 13; Lev. 20:13)

   2. Ana pana kulekangana kwatuli pa yaŵatesile Abulahamu ni Loti Mlungu paŵalongolaga, soni m’weji tukulijiganya cici pelepa? (Gen. 19:15, 16, 19, 20; 22:3)

4. Aŵalanje Luka 17:28-32.

   Ana ŵamkwakwe Loti ŵalosisye mtima watuli pa yindu yaŵakwete, soni yeleyi yikutukalamusya cici? (Luka 12:15; 17:31, 32; Mat. 6:19-21, 25)

5. Aŵalanje 2 Petulo 2:6-8.

   Pakuya cisyasyo ca Loti, ana tukoleje nganisyo syatuli ku cilambo cangajogopa Mlunguci? (Ezek. 9:4; 1 Yoh. 2:15-17)

Ngani 16

1. Ana jwamlume ni jwamkongwe ŵali pa ciwulilipa ali ŵani?

2. Ana Abulahamu ŵatesile cici kuti ampatile jwamkongwe Isaki mwanagwe, soni ligongo cici?

3. Ana lipopelo lya jwamasengo jwa Abulahamu lyajanjikwe catuli?

4. Ana Labeka ŵajanjile catuli paŵam’wusisye naga akusaka kulombegwa ni Isaki?

5. Ana cici cacamtendekasisye Isaki kutandilasoni kusangalala?

Mawusyo gakonjecesya:

1. Aŵalanje Genesis 24:1-67.

   1. Ana Labeka ŵalosisye ndamo syambone syatuli paŵasimene ni jwakutumicila jwa Abulahamu pacisima? (Gen. 24:17-20; Miy. 31:17, 31)

   2. Ana yaŵatesile Abulahamu pakulinganya ulombela wa Isaki, yikupeleka cisyasyo cambone catuli kwa Aklistu moŵa agano? (Gen. 24:37, 38; 1 Akoli. 7:39; 2 Akoli. 6:14)

   3. Ligongo cici tukusosekwa kupata ndaŵi jakuganicisya mwakusokoka, mpela muŵatendele Isaki? (Gen. 24:63; Sal. 77:12; Afi. 4:8)

Ngani 17

1. Ana Esawu ni Yakobo ŵaliji ŵani, soni ŵalekanganaga catuli?

2. Ana Esawu ni Yakobo ŵakwete yaka yilingwa pandaŵi jiŵawaga anganga ŵawo Abulahamu?

3. Ana Esawu ŵatesile cici cicatendekasisye mamagwe ni babagwe kudandawula mnope?

4. Ligongo cici Esawu ŵamtumbilile mnope m’balegwe, Yakobo?

5. Ana Isaki ŵamsalile maloŵe gakamucisya gatuli Yakobo mwanagwe?

Mawusyo gakonjecesya:

1. Aŵalanje Genesis 25:5-11, 20-34.

   1. Ana Yehofa ŵalocesye yatuli yakwamba ŵanace ŵaŵili ŵa Labeka? (Gen. 25:23)

   2. Ana Yakobo ni Esawu ŵalekanganaga catuli muŵayiwonelaga yindu pangani ja kutanda kupagwa? (Gen. 25:31-34)

2. Aŵalanje Genesis 26:34, 35; 27:1-46; ni 28:1-5.

   1. Ana ungayamicila yindu yausimu wa Esawu wawonecele catuli? (Gen. 26:34, 35; 27:46)

   2. Kuti Yakobo apocele majali ga Mlungu, ana Isaki ŵamsalile kuti akusosekwa kutenda cici? (Gen. 28:1-4)

3. Aŵalanje Ahebeli 12:16, 17.

   Ana yaŵatesile Esawu yikutulosya yakuyicisya yatuli kwa ŵandu ŵakusanyosya yindu yausimu?

Ngani 18

1. Ana jwamkongwe jwacinandipile jwali paciwulilipa ali nduni, soni Yakobo ŵatesile cici kwa jwalakwe?

2. Ana Yakobo ŵasacilile kutenda cici kuti alombele Lakelo?

3. Ana Labani ŵatesile cici pajakwanile ndaŵi jakuti Yakobo alombele Lakelo?

4. Ana Yakobo ŵajiticisye kutenda cici kuti amjigale Lakelo kuŵa ŵamkwakwe?

Mawusyo gakonjecesya:

1. Aŵalanje Genesis 29:1-30.

   1. Atamose kuti Labani ŵamlambwisye Yakobo, ana Yakobo ŵalosisye catuli kuti ŵalijijwakulisunjila ucimbicimbi, soni tukulijiganya cici pelepa? (Gen. 25:27; 29:26-28; Mat. 5:37)

   2. Ana yiŵatesile Yakobo yikulosya catuli kulekangana kwa cinonyelo ni kujigalika nganisyo? (Gen. 29:18, 20, 30; Nyimbo. 8:6)

   3. Ana acakongwe mcece ŵapi ŵaŵalijisoni mbali ja liŵasa lya Yakobo, soni ŵaŵam’ŵelecele ŵanace mkupita kwa ndaŵi? (Gen. 29:23, 24, 28, 29)

Ngani 19

1. Ana ŵanace 6 ŵa Yakobo ŵaŵaŵelece ni ŵamkwakwe ŵandanda, Leya, mena gawo gali gatuli?

2. Ana ŵanace ŵaŵili ŵapi ŵa Silipa jwamasengo jwa Leya ŵaŵam’ŵelecele Yakobo?

3. Ana mena ga ŵanace ŵaŵili ŵa Biliha jwamasengo jwa Lakele ŵaŵam’ŵelecele Yakobo gali gatuli?

4. Ana ŵanace ŵaŵili ŵapi ŵaŵaŵelece Lakele, nambo cici cacatendekwe paŵapagwaga mwanace jwaŵili?

5. Mwakamulana ni ciwulilici, ana Yakobo ŵakwete ŵanace ŵalingwa, soni ana mwa jemanjaji mwakopwece cici?

Mawusyo gakonjecesya:

1. Aŵalanje Genesis 29:32-35; 30:1-26; soni 35:16-19.

   Mwakamulana ni mena ga ŵanace 12 ŵa Yakobo, ana ŵanace ŵacalume ŵa Cihebeli kalakalako ŵapaga catuli mena gawo?

2. Aŵalanje Genesis 37:35.

   Atamose kuti Dina ni jwakumkolanga m’Baibulo kuŵa mwanace jwamkongwe jwa Yakobo, ana tukumanyilila catuli kuti Yakobo ŵakwete ŵanace ŵacakongwe ŵane? (Gen. 37:34, 35)

Ngani 20

1. Ligongo cici Abulahamu ni Isaki nganasakaga kuti ŵanace ŵawo alombaneje ni ŵandu ŵa m’cilambo ca Kanani?

2. Ana Yakobo ŵamkundile mwanagwe jwamkongwe kusyoŵekana ni asikana ŵa ku Kanani?

3. Ana jwamlume jwakumlolecesya Dina paciwulilipa ali nduni, soni ana ŵatesile cakulemweceka catuli?

4. Ana Simiyoni ni Lefi, acalumbugwe ŵa Dina, ŵatesile cici paŵapikene yayatendekweyo?

5. Ana Yakobo ŵakamulene nayo yaŵatesile Simiyoni ni Lefi?

6. Ana yakusawusya ya mwiŵasamu yatandite mwatuli?

Mawusyo gakonjecesya:

1. Aŵalanje Genesis 34:1-31.

   1. Ana kunguluka kwa Dina ni asikana ŵa m’cilambo ca Kanani kwatendekwe kamo? Atagulile. (Gen. 34:1)

   2. Ligongo cici kwasa umwali kwa Dina kwalijisoni ligongo lya jwalakwe jika? (Aga. 6:7)

   3. Ana acanda ni ŵali lelo jino mpaka alosye catuli kuti akulijiganya pa cisyasyo cakwakalamusya ca Dina? (Miy. 13:20; 1 Akoli. 15:33; 1 Yoh. 5:19)

Ngani 21

1. Ligongo cici acakulugwe Yusufu ŵamtendelaga jelasi, soni ana ŵatesile cici?

2. Ana acakulugwe Yusufu akusaka kumtenda cici, nambo ana Lubeni akuŵeceta kuti cici?

3. Ana cikutendekwa cici payice Ayisimayeli ŵamalonda?

4. Ana acakulugwe Yusufu akutenda cici pakusaka kuti baba ŵawo aganisyeje kuti Yusufu awile?

Mawusyo gakonjecesya:

1. Aŵalanje Genesis 37:1-35.

   1. Ana mwakusala ku mpingo yindu yakulemweceka yatesile ŵane, Aklistu mu mpingo mpaka asyasye catuli Yusufu? (Gen. 37:2; Lev. 5:1; 1 Akoli. 1:11)

   2. Ana cici cacatendekasisye acakulugwe Yusufu kumtenda cipongwe? (Gen. 37:11, 18; Miy. 27:4; Yak. 3:14-16)

   3. Ana cici caŵatesile Yakobo cacikulosya kuti kuli kwacipagwa kutenda canasa? (Gen. 37:35)

Ngani 22

1. Ana Yusufu ŵakwete yaka yilingwa pakumjigala kwawula najo ku Eguputo, soni cici cacikutendekwa pakwika kweleko?

2. Ana Yusufu ŵasimanikwe catuli mu ukayidi?

3. Ana Yusufu akumpa ukumu watuli pali mu ukayidi?

4. Pali mu ukayidi, ana Yusufu akutenda cici kwa jwakupelecela mgawo jwa Falao, soni kwa jwakuteleka mkate?

5. Ana cici cacikumtendecela jwakupelecela mgawo pakopwece mu ukayidi?

Mawusyo gakonjecesya:

1. Aŵalanje Genesis 39:1-23.

   Pakuŵa mu ndaŵi ja Yusufu paliji pangali lilamusi lyakulembekwa lyakutyocela kwa Mlungu lyakulekasya kutenda cikululu, ana cici cacamtendekasisye kwatila ŵamkwawo Falao? (Gen. 2:24; 20:3; 39:9)

2. Aŵalanje Genesis 40:1-23.

   1. Mwakata atagulile sagamisi sya jwakupelecela mgawo jwa Falao, soni kugopolela kwele Yehofa ŵampele Yusufu. (Gen. 40:9-13)

   2. Ana jwakuteleka mkate ŵasagamile cici, soni ana yagopolelaga cici? (Gen. 40:16-19)

   3. Ana moŵa agano kapolo jwakulupicika ni jwalunda aŵele mkukuya catuli cisyasyo cambone ca Yusufu? (Gen. 40:8; Sal. 36:9; Yoh 17:17; Mase. 17:2, 3)

   4. Mwakamulana ni Genesis 40:20 ana Aklistu akusosekwa ayiwoneje catuli yindimba yakumbucila kupagwa kwa mundu? (Mlal. 7:1; Maliko 6:21-28)

Ngani 23

1. Ana cici cacikutendekwa kwa Falao cilo cine?

2. Ligongo cici jwakupelecela mgawo kumbesi kwakwe akumkumbucila Yusufu?

3. Mpela mwayikuwonecela paciwulilipa, ana Falao akwete sagamisi siŵili syatuli?

4. Ana Yusufu akusala kuti kugopolela kwa sagamisi sya Falao kuli kwatuli?

5. Ana Yusufu ŵaŵele catuli mundu jwakusosekwa mnope jwaŵili kwa Falao mu Eguputo?

6. Ligongo cici acakulugwe Yusufu akwika ku Eguputo, soni ligongo cici akulepela kummanyilila Yusufu?

7. Ana Yusufu akukumbucila sagamisi syapi, soni kukumbucilaku kukumkamucisya kupikanicisya cici?

Mawusyo gakonjecesya:

1. Aŵalanje Genesis 41:1-57.

   1. Ana Yusufu ŵatesile catuli yindu kuti ucimbicimbi wosope ujawule kwa Yehofa, soni ana Aklistu moŵa agano mpaka akuye catuli cisyasyo cakwe? (Gen. 41:16, 25, 28; Mat. 5:16; 1 Pet. 2:12)

   2. Ana yaka ya yagungula yejinji mu Eguputo, soni kaneko yaka yasala yikulandana catuli ni ndamo jausimu ja ŵandu ŵa Yehofa lelo jino pakulekanganya ni ŵa m’macalici ga Ciklistu? (Gen. 41:29, 30; Amosi 8:11, 12)

2. Aŵalanje Genesis 42:1-8 ni 50:20.

   Ana kuli kulemwa ŵakulambila Yehofa kumjinamila mundu pakusaka kumpa ucimbicimbi ligongo lya ulamusi wakwete mundujo naga kutenda yeleyi jili ndamo ja m’cilamboco? (Gen. 42:6)

Ngani 24

1. Ligongo cici Yusufu akwajamuka acakulugwe kuti ali acimmagongo ŵakusonda cilambo?

2. Ligongo cici Yakobo akukunda kuti mwanagwe jwamnandi, Benjamini, ajawule ku Eguputo?

3. Ana yaŵele wuli kuti kapu ja silifa ja Yusufu jisimanikwe mu msaku wa Benjamini?

4. Ana Yuda akusaka kutenda cici pakusaka kuti Benjamini agopolwe?

5. Ana acakulugwe Yusufu asindile catuli ndamo syawo?

Mawusyo gakonjecesya:

1. Aŵalanje Genesis 42:9-38.

   Ana maloŵe ga Yusufu gagakusimanikwa pa Genesis 42:18 gakwakumbusya cici ŵandu ŵakwete ukumu mu likuga lya Yehofa moŵa agano? (Neh. 5:15; 2 Akoli. 7:1, 2)

2. Aŵalanje Genesis 43:1-34.

   1. Atamose kuti Lubeni ŵaliji jwandanda kupagwa, nambo ana yikulosya catuli kuti Yuda ŵaliji jwakuŵeceta mmalo mwa acalongo acimjakwe? (Gen. 43:3, 8, 9; 44:14, 18; 1 Mbiri 5:2)

   2. Ana Yusufu ŵalinjile catuli acakulugwe, soni ligongo cici? (Gen. 43:33, 34)

3. Aŵalanje Genesis 44:1-34.

   1. Ana Yusufu ŵatesile cici kwa acakulugwe, pakusaka kulisisa kuti akammanyilila? (Gen. 44:5, 15; Lev. 19:26)

   2. Ana acakulugwe Yusufu ŵalosisye catuli kuti nganakolasoni msimu wa jelasi uŵakwete pa Yusufu pandanda? (Gen. 44:13, 33, 34)

Ngani 25

1. Ana Yusufu pakulimanyisya kwa acakulugwe cikutendekwa cici?

2. Ana Yusufu akwatagulila cici acakulugwe mwacinonyelo?

3. Ana Falao akuŵeceta cici papikene ya acakulugwe Yusufu?

4. Ana liŵasa lya Yakobo lyaliji lyekulungwa catuli palyasamilaga ku Eguputo?

5. Ana ŵa mu liŵasa lya Yakobo ŵatandite kwakolanga kuŵa ŵani, soni ligongo cici?

Mawusyo gakonjecesya:

1. Aŵalanje Genesis 45:1-28.

   Ana ngani ja m’Baibulo ja Yusufu jikulosya catuli kuti Yehofa komboleka kuyitendekasya yindu yayikulosya kuti ciyiwulasye ŵakutumicila ŵakwe kusinda kuŵa yindu yambone? (Gen. 45:5-8; Yes. 8:10; Afi. 1:12-14)

2. Aŵalanje Genesis 46:1-27.

   Ana Yehofa ŵamsimicisye cici Yakobo paŵajawulaga ku Eguputo? (Gen. 46:1-4, ftn.)

Ngani 26

1. Ana Yobu ŵaliji nduni?

2. Ana Satana ŵalingaga kutenda cici, nambo ana yakombolece?

3. Ana Yehofa ŵamkundile Satana kutenda cici, soni ligongo cici?

4. Ligongo cici ŵamkwakwe Yobu ŵamsalile Yobu kuti “amlwese Mlungu kuti awe”? (Alole ciwulili.)

5. Mpela mwakuyiwonela pa ciwulili caŵilico, ana Yehofa ŵampele majali gatuli Yobu, soni ligongo cici?

6. Naga tukuŵa ŵakulupicika mpela Yobu, ana tucipocela majali gapi?

Mawusyo gakonjecesya:

1. Aŵalanje Yobu 1:1-22.

   Ana Aklistu lelo jino mpaka amsyasye catuli Yobu? (Yobu 1:1; Afi. 2:15; 2 Pet. 3:14)

2. Aŵalanje Yobu 2:1-13.

   Ana Yobu ni ŵamkwakwe ŵatesile wuli yindu mwakulekangana pandaŵi jele Satana ŵatendelaga yindu yakupweteka? (Yobu 2:9, 10; Miy. 19:3; Mika 7:7; Mal. 3:14)

3. Aŵalanje Yobu 42:10-17.

   1. Ana pana kulandana kwatuli pa majali gaŵapocele Yobu ni gaŵapocele Yesu ligongo lya umi wawo wakulupicika? (Yobu 42:12; Afi. 2:9-11)

   2. Ana majali gaŵapocele Yobu ligongo lyakuŵa jwagoloka kwa Mlungu, gakutulimbikasya catuli? (Yobu 42:10, 12; Ahe. 6:10; Yak. 1:2-4, 12; 5:11)

Ngani 27

1. Paciwulilipa, ana nduni jwajigele cikotijo, soni ana nduni jwakumkuŵitajo?

2. Paŵawile Yusufu, ana Ayisalayeli catendecele cici?

3. Ligongo cici Aeguputo ŵajogopaga Ayisalayeli?

4. Ana Falao ŵalamwile kutenda cici acakongwe ŵaŵakamucisyaga acakongwe ŵa Ciyisalayeli pakuŵeleka ŵanace?

Mawusyo gakonjecesya:

1. Aŵalanje Eksodo 1:6-22.

   1. Ana Yehofa ŵatandite catuli kwanilisya cilangano cakwe kwa Abulahamu? (Eks. 1:7; Gen. 12:2; Mase 7:17)

   2. Ana ŵakuŵelesya ŵanace ŵa Cihebeli ŵalosisye catuli kuti umi uli wapajika? (Eks. 1:17; Gen. 9:6)

   3. Ana ŵakuŵelesya ŵanace ŵapatile mbote jatuli ligongo lya kulupicika kwawo kwa Yehofa? (Eks. 1:20, 21; Miy. 19:17)

   4. Ana Satana ŵalingagalingaga catuli kulilepelekasya lisosa lya Yehofa lyakwamba Mbeju ja cilangano ja Abulahamu? (Eks. 1:22; Mat. 2:16)

Ngani 28

1. Ana likandi lyalili paciwulilipa lili nduni, soni cala cakamwileco cili ca nduni?

2. Ana mamagwe Musa ŵatesile cici kuti mwanagwawo akawulajikwa?

3. Ana kamwali kakali paciwulilipa kali nduni, soni katesile cici?

4. Mwanace jwamkongwe jwa Falao pakasimene kamwanace, ana Miliyamu akupeleka nganisyo syatuli?

5. Ana mwanace jwamkongwe jwa Falao ŵasalile cici mamagwe Musa?

Mawusyo gakonjecesya:

1. Aŵalanje Eksodo 2:1-10.

   Ana mamagwe Musa ŵakolaga upile watuli wakumjiganya Musa paŵaliji likandi, nambi acinangolo lelo akulijiganya cici pacisyasyoci? (Eks. 2:9, 10; Deut. 6:6-9; Miy. 22:6; Aef. 6:4; 2 Tim. 3:15)

Ngani 29

1. Ana Musa ŵakulile kwapi, nambo ana jwalakwe ŵamanyililaga cici pakwamba ya acinangolo ŵakwe?

2. Ana Musa ŵatesile cici paŵaliji ni yaka 40?

3. Ana Musa ŵamsalile cici jwamlume jwa Ciyisalayeli juŵaputanaga ni mjakwe, soni ana mundujo ŵajanjile kuti uli?

4. Ligongo cici Musa ŵatisile ku Eguputo?

5. Ana Musa ŵatilile kwapi, soni ana kweleko ŵasimene ni nduni?

6. Ana Musa ŵatendaga cici kwa yaka 40 paŵatisile ku Eguputo?

Mawusyo gakonjecesya:

1. Aŵalanje Eksodo 2:11-25.

   Atamose kuti Musa kwa yaka yejinji ŵalijiganyisye lunda lwa Aeguputo, ana jwalakwe ŵalosisye catuli kuti ali jwakulupicika kwa Yehofa ni ŵandu ŵakwe? (Eks. 2:11, 12; Ahe. 11:24)

2. Aŵalanje Masengo 7:22-29.

   Ana tukulijiganya cici pa yaŵatesile Musa paŵalingagalingaga kwakulupusya Ayisalayeli ku ukapolo ku Eguputo? (Mase. 7:23-25; 1 Pet. 5:6, 10)

Ngani 30

1. Ana litumbi lya paciwulilipa lina lyakwe cici?

2. Asale cakutendekwa cakutesya woga caŵaciweni Musa paŵapite kwitumbi ni ngondolo syakwe.

3. Ana mu liwukutu lyakukolela moto mwakopwece maloŵe gatuli, soni galiji maloŵe ga nduni?

4. Ana Musa ŵajanjile catuli, Mlungu ali amsalile kuti cacalongolela ŵandu ŵa Mlungu kopoka mu Eguputo?

5. Ana Mlungu ŵamsalile cici Musa kuti akasale kwa ŵandu naga akum’wusya jwamtumisye?

6. Ana Musa akakombwele catuli kwasimicisya ŵandu kuti Mlungu ni juŵamtumisye?

Mawusyo gakonjecesya:

1. Aŵalanje Eksodo 3:1-22.

   Mwakamulana ni yayamtendecele Musa, ana mpaka tusimicisye catuli kuti atamose kuti mpaka tuliwoneje kuŵa ŵangaŵajilwa kutenda masengo ga Mlungu, nambo Yehofa mpaka atukamucisye? (Eks. 3:11, 13; 2 Akoli. 3:5, 6)

2. Aŵalanje Eksodo 4:1-20.

   1. Ana Musa ŵasindile nganisyo syapi pa yaka 40 yaŵatemi ku Midiyani, soni ana kwa ŵandu ŵakulingalinga kuti apate upile wa undumetume mumpingo mpaka alijiganye cici pa yeleyi? (Eks. 2:11, 12; 4:10, 13; Mika 6:8; 1 Tim. 3:1, 6, 10)

   2. Atamose tuli tupocele camuko ca Yehofa kupitila mu likuga lyakwe, ana cisyasyo ca Musa mpaka citukamucisye catuli? (Eks. 4:12-14; Sal. 103:14; Ahe. 12:4-11)

Ngani 31

1. Ana yakusimonjesya yaŵatendaga Musa ni Aloni yakwayaga catuli Ayisalayeli?

2. Ana Musa ni Aloni ŵamsalile cici Falao, soni Falao ŵajanjile uli?

3. Mpela mwakuyiwonela paciwulilipa, ana cici cicatendekwe Aloni paŵagambile kuponya simbo jakwe pasi?

4. Ana Yehofa ŵamjigenye catuli Falao, soni Falao ŵatesile cici?

5. Ana catendekwe cici pambesi pa mlili wa 10?

Mawusyo gakonjecesya:

1. Aŵalanje Eksodo 4:27-31 soni 5:1-23.

   Ana Falao ŵagopolelaga cici paŵaŵecete kuti: “Ngangummanyilila Yehofa ata panandi”? (Eks. 5:2; 1 Sam. 2:12; Alo. 1:21)

2. Aŵalanje Eksodo 6:1-13, 26-30.

   1. Ana Yehofa nganalimanyisya kwa Abulahamu, Isaki, soni Yakobo mwatuli? (Eks. 3:13, 14; 6:3; Gen. 12:8)

   2. Ana tukusapikana catuli mumtima patukumanyilila kuti Yehofa ŵamkamulicisyepe masengo Musa, atamose kuti Musa ŵaliwonaga kuŵa jwangaŵajilwa masengo gaŵampele? (Eks. 6:12, 30; Luk 21:13-15)

3. Aŵalanje Eksodo 7:1-13.

   1. Musa ni Aloni paŵapelece utenga wakwelusya wa Yehofa kwa Falao, ana ŵapelece cisyasyo catuli kwa ŵakutumicila Mlungu lelo? (Eks. 7:2, 3, 6; Mase 4:29-31)

   2. Ana Yehofa ŵalosisye catuli kuti jwalakwe akwete macili kupunda milungu ja Aeguputo? (Eks. 7:12; 1 Mbiri 29:12)

Ngani 32

1. Pakamulicisya masengo ciwulili cacili apanoci, asale milili jitatu jandanda jaŵayikasisye Yehofa kwa Aeguputo.

2. Ana kwapali kulekangana kwatuli pasikati pa milili jitatu jandanda ni milili jine josope?

3. Ana mlili wa mcece, wa msano, ni msano ni umo waliji cici?

4. Asale mlili wa 7, 8 soni 9.

5. Ana Yehofa akwasalila cici Ayisalayeli mkaniwuyice mlili wa 10?

6. Ana mlili wa 10 waliji cici, soni ana catendekwe cici kumbesi kwakwe?

Mawusyo gakonjecesya:

1. Aŵalanje Eksodo 7:19–8:23.

   1. Atamose kuti ŵambopesi ŵakutenda yamasenga ŵa ku Eguputo ŵakombwele kusyasya milili jiŵili jandanda, ana pambesi pa mlili watatu ŵajiticisye cici? (Eks. 8:18, 19; Mat. 12:24-28)

   2. Ana mlili wa mcece walosisye catuli kuti Yehofa ali jwakombola kwateteya ŵandu ŵakwe, soni ana kumanyilila yeleyi mpaka kwakamucisye catuli ŵandu ŵa Mlungu pakuŵandicila “yipwetesi yekulungwa” yaŵalocesye? (Eks. 8:22, 23; Ciu. 7:13, 14; 2 Mbiri 16:9)

2. Aŵalanje Eksodo 8:24; 9:3, 6, 10, 11, 14, 16, 23-25; soni 10:13-15, 21-23.

   1. Ana makuga gaŵili gapi gagawonecele ni milili 10, soni yikutukamucisya kugawonaga catuli makuga gaŵiliga lelo? (Eks. 8:10, 18, 19; 9:14)

   2. Ana Eksodo 9:16 jikutukamucisya catuli kumanyilila ligongo lyakwe Yehofa amkundile Satana kutamape mpaka lelo? (Alo. 9:21, 22)

3. Aŵalanje Eksodo 12:21-32.

   Ana Pasaka jakamucisye catuli ŵajinji kuti akulupuce, soni ana jalosyaga cici pakwamba yam’bujo? (Eks. 12:21-23; Yoh 1:29; Alo. 5:18, 19, 21; 1 Akoli. 5:7)

Ngani 33

1. Ana mu Eguputo mwatyosile acalume, acakongwe, soni ŵanace ŵa Ciyisalayeli ŵalingwa, soni jemanjaji ŵatyosile yimpepe ni ŵani?

2. Ana Falao ŵapikene uli paŵakundile Ayisalayeli kwawula, soni ana jwalakwe ŵatesile cici?

3. Ana Yehofa ŵatesile cici pakwalepelekasya Aeguputo kuti akakamula ŵandu ŵakwe?

4. Ana cacatendekwe cici Musa paŵatambasukulile simbo jakwe pa nyasa jecejewu, soni Ayisalayeli ŵatesile cici?

5. Ana catendecele cici Aeguputo paŵawutucile m’nyasa pakwakuya Ayisalayeli?

6. Ana Ayisalayeli paŵakulupwice ŵalosisye catuli kuti ŵaliji ŵakusangalala soni ŵakuyamicila Yehofa?

Mawusyo gakonjecesya:

1. Aŵalanje Eksodo 12:33-36.

   Ana Yehofa ŵatesile cici pakulolecesya kuti ŵandu ŵakwe apocele mbote pa yaka yaŵatemi ku ukapolo ku Eguputo? (Eks. 3:21, 22; 12:35, 36)

2. Aŵalanje Eksodo 14:1-31.

   Ana moŵa agano, maloŵe ga Musa gagakusimanikwa pa Eksodo 14:13, 14 gakwakwaya catuli ŵakutumicila ŵa Mlungu pajikuŵandicila ngondo ja Alamagedo? (2 Mbiri 20:17; Sal. 91:8)

3. Aŵalanje Eksodo 15:1-8, 20, 21.

   1. Ligongo cici ŵakutumicila Yehofa akusosekwa kwimba nyimbo sya kumlumba? (Eks. 15:1, 2; Sal. 105:2, 3; Ciu. 15:3, 4)

   2. Ana Miliyamu ŵapelece cisyasyo catuli pakwimba nyimbo sya kumlumba Yehofa kwa acakongwe wa Ciklistu lelo jino? (Eks. 15:20, 21; Sal. 68:11)

Ngani 34

1. Paciwulilipa, ana ŵanduwo akulokota cici pasipa, soni yakulokotayo lina lyakwe cici?

2. Ana Musa ŵapelece malamusi gatuli kwa ŵandu gakwamba kalokote ka mana?

3. Ana Yehofa akwasalila ŵandu kutenda cici pa lisiku lya msano ni limo, soni ligongo cici?

4. Mana pakugasunga mpaka lisiku lya msano ni lyaŵili, ana Yehofa akutenda cakusimonjesya catuli?

5. Ana Yehofa ŵalisisye ŵandu mana kwa ndaŵi jelewu catuli?

Mawusyo gakonjecesya:

1. Aŵalanje Eksodo 16:1-36 soni Numeri 11:7-9.

   1. Ana lilemba lya Eksodo 16:8 likulosya catuli kusosekwa kwakwacimbicisya ŵakwete maukumu mu mpingo wa Ciklistu? (Ahe. 13:17)

   2. Paŵajendaga mwipululu, ana cici cacakamucisyaga Ayisalayeli lisiku lililyose kukumbucila kwegamila pa Yehofa? (Eks. 16:14-16, 35; Deut. 8:2, 3)

   3. Ana Yesu ŵawanicisye mana ni cici, soni “mkate wakutyocela kwinani” ukusatukamucisya catuli? (Yoh 6:31-35, 40)

2. Aŵalanje Yoswa 5:10-12.

   Ana Ayisalayeli ŵalile mana kwa yaka yilingwa, soni yeleyi yalinjile catuli jemanjajo, nambi m’weji tukulijiganya cici panganiji? (Eks. 16:35; Num. 11:4-6; 1 Akoli. 10:10, 11)

Ngani 35

1. Pali papite miyesi jiŵili cityocele ku Eguputo, ana Ayisalayeli akwima kwapi?

2. Ana Yehofa akwasalila ŵandu kuti akusaka jemanjajo atendeje cici, soni ŵandu akwanga wuli?

3. Ligongo cici Yehofa ŵampele Musa mapale gaŵili gamaganga?

4. Kupwatika pa Malamusi Likumi, ana malamusi gane gapi gakonjecesya gaŵapelece Yehofa kwa Ayisalayeli?

5. Ana malamusi gaŵili gapi gaŵasasile Yesu Klistu kuti gali gamakulungwa mnope?

Mawusyo gakonjecesya:

1. Aŵalanje Eksodo 19:1-25; 20:1-21; 24:12-18; soni 31:18.

   Ana maloŵe gagakusimanikwa pa Eksodo 19:8 gakutukamucisya catuli kupikanicisya yayikusosekwa pa kulipeleka kwetu kwa Ciklistu? (Mat. 16:24; 1 Pet. 4:1-3)

2. Aŵalanje Deuteronomo 6:4-6; Levitiko 19:18; soni Matayo 22:36-40.

   Ana Aklistu akusalosya catuli cinonyelo cawo kwa Mlungu ni kwa acanasi ŵawo? (Maliko 6:34; Mase. 4:20; Alo. 15:2)

Ngani 36

1. a ciwulilipa, ana ŵanduŵa akutenda cici, soni ligongo cici?

2. Ligongo cici Yehofa atumbile, soni ana Musa akutenda cici payiweni yakutenda ŵanduwo?

3. Ana Musa akwasalila kutenda cici acalume ŵane?

4. Ana nganiji jikutujiganya cici?

Mawusyo gakonjecesya:

1. Aŵalanje Eksodo 32:1-35.

   1. Ana ngani jeleji jikulosya mwatuli mwakusakuwonela Yehofa kuwanganya dini jawunami ni kulambila kusyesyene? (Eks. 32:4-6, 10; 1 Akoli. 10:7, 11)

   2. Ana Aklistu akusosekwa kalamuka ni cici pakusagula yakusangalasya, mpela kwimba ni kuŵina? (Eks. 32:18, 19; Aef. 5:15, 16; 1 Yoh 2:15-17)

   3. Ana mtundu wa Alefi ukutupa cisyasyo cambone catuli pangani jakulimba mtima pa cilungamo? (Eks. 32:25-28; Sal. 18:25)

Ngani 37

1. Ana cinyumba cacili paciwulilipa cikusakolanjikwa cici, soni cikusakamula masengo gatuli?

2. Ligongo cici Yehofa ŵamsalile Musa kuti apanganye tenti jangasawusya kujigopolanya?

3. Ana libokosi lyamwana lyalili mu cipinda camwana ca kumbesi kwa tentijo lili cici, soni ana mwanamo cici?

4. Ana Yehofa akumsagula nduni kuŵa jwamkulungwa jwa ŵambopesi, soni jwalakwe masengo gakwe gali gatuli?

5. Asale yindu yitatu yayili mu cipinda cekulungwa ca tentijo.

6. Ana paluŵala lwa citenti cakulambilila pana yindu yiŵili yatuli, soni yikusakamula masengo gatuli?

Mawusyo gakonjecesya:

1. Aŵalanje Eksodo 25:8-40; 26:1-37; 27:1-8; soni 28:1.

   Ana akelubi ŵali penani pa “libokosi lya umboni” ŵajimilaga cici? (Eks. 25:20, 22; Num. 7:89; 2 Maf. 19:15)

2. Aŵalanje Eksodo 30:1-10, 17-21; 34:1, 2; soni Ahebeli 9:1-5.

   1. Ligongo cici Yehofa ŵagombelecesye ŵambopesi ŵakutumicila pa tenti jakulambilila kusosekwa kwa kuŵa ŵacasa mwakucilu, soni ana m’weji yeleyi yikutukwaya catuli? (Eks. 30:18-21; 40:30, 31; Ahe. 10:22)

   2. Ana ndumetume Paulo ŵalosisye catuli kuti citenti cakulambilila, soni Cilamusi ca cilangano nganiyiŵa yakusosekwa pandaŵi jaŵalembelaga cikalata Aklistu ŵa ku Hebeli? (Ahe. 9:1, 9; 10:1)

Ngani 38

1. Ana akuciwona cici pa lisagwa lya yisogosi ya mipeleya yayili pa ciwulilipa, soni yityocele kwapi?

2. Ligongo cici Musa ŵatumisye ŵakusonda 12 ku cilambo ca Kanani?

3. Ana ŵakusonda 10 ŵaŵecete yatuli kwa Musa paŵawujile?

4. Ana ŵakusonda ŵaŵili ŵalosisye catuli cikulupi cawo pa Yehofa, soni ana mena gawo galiji ŵani?

5. Ligongo cici Yehofa atumbile, soni ana akumsalila cici Musa?

Mawusyo gakonjecesya:

1. Aŵalanje Numeri 13:1-33.

   1. Ana ŵani ŵaŵasagwile kuti ajawule akasonde cilambo, soni ana ŵakwete upile wekulungwa watuli? (Num. 13:2, 3, 18-20)

   2. Ligongo cici muŵayiwonelaga yindu Yoswa ni Kalebi yaliji yakulekangana ni muŵayiwonelaga yindu ŵakusonda ŵane, soni ana tukulijiganya cici pelepa? (Num. 13:28-30; Mat. 17:20; 2 Akoli. 5:7)

2. Aŵalanje Numeri 14:1-38.

   1. Ana tukusosekwa kuŵambala cici pangani ja kudandawula ya ŵakumjimila Yehofa ŵa pacilambo capasi? (Num. 14:2, 3, 27; Mat. 25:40, 45; 1 Akoli. 10:10)

   2. Ana lilemba lya Numeri 14:24 likulosya catuli kuti Yehofa akusamnonyela jwakutumicila jwakwe jwalijose pajika? (1 Maf. 19:18; Miy. 15:3)

Ngani 39

1. Ŵani ŵakwimucila ulamusi wa Musa ni Aloni, soni ana akuŵeceta cici kwa Musa?

2. Ana Musa akumsalila kutenda cici Kola ni ŵakumkuya ŵakwe ŵakwana 250?

3. Ana Musa akwasalila cici ŵandu, soni cikutendekwa cici pagambile kumalisya kwene kuŵeceta?

4. Ana Kola ni ŵakumkuya ŵakwe 250 cikwatendecela cici?

5. Ana Eliyesa, jwali mwanace jwamlume jwa Aloni, akutenda cici ni yakujigalila moto ya ŵandu ŵawile ŵala, soni ligongo cici?

6. Ligongo cici Yehofa akujitendekasya simbo ja Aloni kusipuka maluŵa? (Alole ciwulili.)

Mawusyo gakonjecesya:

1. Aŵalanje Numeri 16:1-49.

   1. Ana Kola ni ŵakumkuya ŵakwe ŵatesile cici, soni ligongo cici yaŵatesileyo yalosyaga kuti akumjimucila Yehofa? (Num. 16:9, 10, 18; Lev. 10:1, 2; Miy. 11:2)

   2. Ana Kola ni ŵandu ‘ŵakwajimila kumisongano’ ŵakwana 250 ŵatandite kuyiwona yindu catuli? (Num. 16:1-3; Miy. 15:33; Yes. 49:7)

2. Aŵalanje Numeri 17:1-11 ni 26:10.

   1. Ana kusipuka maluŵa kwa simbo ja Aloni kwalosyaga cici, soni ligongo cici Yehofa ŵalamwile kuti simboji ajisunje mu libokosi lya cilangano? (Num. 17:5, 8, 10)

   2. Ana tukulijiganya lijiganyo lyakusosekwa lyatuli pa cimanyisyo ca simbo ja Aloni? (Num. 17:10; Mase. 20:28; Afi. 2:14; Ahe. 13:17)

Ngani 40

1. Ana Yehofa akwasamalila catuli Ayisalayeli pali mwipululu?

2. Ana Ayisalayeli akudandawula ya cici pali ku Kadesi?

3. Ana Yehofa akupeleka catuli mesi kwa ŵandu ŵakwe ni yinyama yawo?

4. Paciwulilipa, ana nduni jwakulilanjila jikajo, soni ligongo cici akutenda yeleyo?

5. Ligongo cici Yehofa ŵamtumbilile Musa ni Aloni, soni ana ŵapele cilango catuli?

6. Ana pa Litumbi lya Hola pakutendekwa cici, soni nduni jwakuŵa jwamkulungwa jwa ŵambopesi jwa Ayisalayeli?

Mawusyo gakonjecesya:

1. Aŵalanje Numeri 20:1-13, 22-29 ni Deuteronomo 29:5.

   1. Ana tukulijiganya cici pakwamba ya muŵatendelaga Yehofa pakwasamalila Ayisalayeli mwipululu? (Deut. 29:5; Mat. 6:31; Ahe. 13:5; Yak. 1:17)

   2. Ana Yehofa ŵayiweni wuli Musa ni Aloni paŵalepele kumcimbicisya pameso pa Ayisalayeli? (Num. 20:12; 1 Akoli. 10:12; Ciu. 4:11)

   3. Muŵatendele Musa paŵapocele camuko kutyocela kwa Yehofa, tukulijiganyapo cici? (Num. 12:3; 20:12, 27, 28; Deut. 32:4; Ahe. 12:7-11)

Ngani 41

1. Pa ciwulilipa, ana cici cacisengenye pacitelaco, soni ligongo cici Yehofa ŵamsalile Musa kuti acilece pelepo?

2. Ana ŵandu akulosya catuli kuti ngakuyamicila pa yindu yosope yaŵatendele Mlungu?

3. Yehofa paŵatumisye majoka ga ululu, ana ŵandu ŵam’ŵendile Musa kuti atende cici?

4. Ligongo cici Yehofa akumsalila Musa kuti apanganye lijoka lya nakaliwu?

5. Ana munganiji tukulijiganya cici?

Mawusyo gakonjecesya:

1. Aŵalanje Numeri 21:4-9.

   1. Ana kudandawula kwa Ayisalayeli pakwamba ya yindu yaŵapaga Yehofa kukutukalamusya catuli m’weji? (Num. 21:5, 6; Alo. 2:4)

   2. Mu yaka yakupunda 100 m’bujo, ana Ayisalayeli ŵakamulicisye masengo catuli lijoka lya nakaliwu lila, soni ana Hesekiya ŵatesile cici paŵayiweni yeleyo? (Num. 21:9; 2 Maf. 18:1-4)

2. Aŵalanje Yohane 3:14, 15.

   Ana kuŵika kwa lijoka lya nakaliwu pacitela kukulosya cenene catuli kumkomela pacitela kwa Yesu Klistu? (Aga. 3:13; 1 Pet. 2:24)

Ngani 42

1. Ana Balaki ali nduni, soni ligongo cici akum’ŵilasya Balamu?

2. Ligongo cici bulu jwa Balamu akugona pamsewu?

3. Ana Balamu akumpikana bulu ali mkuŵeceta kuti wuli?

4. Ana lilayika likuŵeceta kuti wuli kwa Balamu?

5. Ana cikutendekwa cici Balamu pakulinga kwalwesa Ayisalayeli?

Mawusyo gakonjecesya:

1. Aŵalanje Numeri 21:21-35.

   Ligongo cici Ayisalayeli ŵamputile ngondo Mwenye Sihoni jwa ku Amoli, soni Mwenye Ogi jwa ku Basani? (Num. 21:21, 23, 33, 34)

2. Aŵalanje Numeri 22:1-40.

   Ana Balamu ŵakwete lisosa lyatuli pakulingalinga kwalwesa Ayisalayeli, soni ana tukulijiganya cici pelepa? (Num. 22:16, 17; Miy. 6:16, 18; 2 Pet. 2:15; Yuda 11)

3. Aŵalanje Numeri 23:1-30.

   Atamose kuti Balamu ŵaŵecetaga mpela kuti ali jwakulambila Yehofa, ana yitendo yakwe yalosisye catuli kuti nganaŵa? (Num. 23:3, 11-14; 1 Sam. 15:22)

4. Aŵalanje Numeri 24:1-25.

   Ana ngani ja m’Baibuloji jikulimbikasya catuli cikulupi cetu pa kutendekwa kwa lisosa lya Yehofa? (Num. 24:10; Yes. 54:17)

Ngani 43

1. Paciwulilipa, ana acalume ŵaŵili ŵajimi ni Musaŵa ali ŵani?

2. Ana Yehofa akumsalila cici Yoswa?

3. Ligongo cici Musa akukwela penani pa Litumbi lya Nebo, soni ana Yehofa akumsalila cici jwalakwe?

4. Ana Musa akuwa ali akwete yaka yilingwa?

5. Ligongo cici ŵandu ali ŵacanasa, nambo ligongo cici akusosekwa kuŵa ŵakusangalala?

Mawusyo gakonjecesya:

1. Aŵalanje Numeri 27:12-23.

   Ana Yoswa akupocela masengo gamakulungwa gatuli kutyocela kwa Yehofa, soni ana moŵa agano Yehofa akulosya catuli kuti akusasamalila ŵandu Ŵakwe? (Num. 27:15-19; Mase. 20:28; Ahe. 13:7)

2. Aŵalanje Deuteronomo 3:23-29.

   Ligongo cici Yehofa nganakunda kuti Musa ni Aloni ajinjile mu cilambo cacilanga, soni ana pelepa tukulijiganya cici? (Deut. 3:25-27; Num. 20:12, 13)

3. Aŵalanje Deuteronomo 31:1-8, 14-23.

   Ana maloŵe gaŵaŵecete Musa paŵalangaga Ayisalayeli gakulosya catuli kuti jwalakwe ŵakundile camuko caŵampele Yehofa? (Deut. 31:6-8, 23)

4. Aŵalanje Deuteronomo 32:45-52.

   Ana maloŵe ga Mlungu gakusosekwa gakwayeje umi wetu catuli? (Deut. 32:47; Lev. 18:5; Ahe. 4:12)

5. Aŵalanje Deuteronomo 34:1-12.

   Atamose kuti Musa nganam’wona yisyesyene Yehofa, ana Deuteronomo 34:10 jikulosya catuli unasi wakwe ni Yehofa? (Eks. 33:11, 20; Num. 12:8)

Ngani 44

1. Ana Lahabu akutama kwapi?

2. Ana acalume ŵaŵili ŵali paciwulilipa ali ŵani, soni ligongo cici ali ku Yeliko?

3. Ana mwenye jwa ku Yeliko akumlamula Lahabu kutenda cici, soni ana jwalakwe akwanga kuti wuli?

4. Ana Lahabu akwakamucisya catuli acalume ŵaŵiliŵa, soni jwalakwejo ŵaŵendile cici jemanjajo?

5. Ana asondi ŵaŵiliŵa akupeleka cilangano catuli kwa Lahabu?

Mawusyo gakonjecesya:

1. Aŵalanje Yoswa 2:1-24.

   Ana cilangano ca Yehofa cacikusimanikwa pa Eksodo 23:28 cakwanilicikwe catuli Ayisalayeli paŵaputanaga ni ŵandu ŵa ku Yeliko? (Yos. 2:9-11)

2. Aŵalanje Ahebeli 11:31.

   Ana cisyasyo cambone ca Lahabu cikulosya catuli kusosekwa kwa cikulupi? (Alo. 1:17;Ahe. 10:39; Yak. 2:25)

Ngani 45

1. Ana Yehofa akutenda cakusimonjesya catuli kuti Ayisalayeli ajomboce Lusulo lwa Yolodani?

2. Ana Ayisalayeli akusosekwa kutenda cici pakulosya cikulupi cawo, kuti ajomboce Lusulo lwa Yolodani?

3. Ana ligongo cici Yehofa akumsalila Yoswa kuti asonganganye maganga 12 gekulungwakulungwa kutyocela pasi pa lusulo?

4. Ana cici cacikutendekwa ŵambopesi pagambile kumalisya kukopoka mu Yolodani?

Mawusyo gakonjecesya:

1. Aŵalanje Yoswa 3:1-17.

   1. Mwakamulana ni nganiji, ana tukusosekwa kutenda cici kuti Yehofa atukamucisye soni kutupa majali? (Yos. 3:13, 15; Miy. 3:5; Yak. 2:22, 26)

   2. Ana Lusulo lwa Yolodani lwaliji mundamo jatuli paŵajombokaga Ayisalayeli kwawula ku Cilambo Cacilangano, soni yeleyi yacimbicisye catuli lina lya Mlungu? (Yos. 3:15; 4:18; Sal. 66:5-7)

2. Aŵalanje Yoswa 4:1-18.

   Ana maganga 12 gaŵajigele ku Yolodani ni kugawunjika ku Giligala masengo gakwe galiji cici? (Yos. 4:4-7)

Ngani 46

1. Ana Yehofa akwasalila acalume ŵakuputa ngondo ni ŵambopesi kuti atendeje cici palisiku lya 6?

2. Ana acalumewo akusosekwa kutenda cici palisiku lya 7?

3. Mpela mwamkuyiwonela paciwulilipa, ana cici cacikutendecela mapupa ga Yeliko?

4. Ligongo cici pana lukonji lwecejewu paliwindopo?

5. Ana Yoswa akwasalila kuti acalume ŵakuputa ngondo akusosekwa kutenda cici kwa ŵandu ni msindawo, nambo akwasalila cici pakwamba ya silifa, nakaliwu, soni cisyano?

6. Ana ŵakusonda ŵaŵili akwasalila kuti atende cici?

Mawusyo gakonjecesya:

1. Aŵalanje Yoswa 6:1-25.

   1. Ana kwenda mwakusyungulila msinda wa Yeliko palisiku lya 7 kukulandana catuli ni masengo gakulalicila ga Mboni sya Yehofa m’moŵa gambesiga? (Yos. 6:15, 16; Yes. 60:22; Mat. 24:14; 1 Akoli. 9:16)

   2. Ana yajalocesye Baibulo yayikusimanikwa pa Yoswa 6:26 yakwanilicikwe catuli pali papite yaka 500, soni yeleyi yikutujiganya cici m’weji lelo jino pakwamba ya maloŵe ga Yehofa? (1 Maf. 16:34; Yes. 55:11)

Ngani 47

1. Paciwulilipa, ana mundu jwakusilila yipanje ya ku Yelikojo ali nduni, soni ana ŵakumkamucisyawo ali ŵani?

2. Ana ligongo cici yakutenda Akani ni liŵasa lyakwe yili yakogoya mnope?

3. Ana Yehofa akumjanga cici Yoswa pawusisye ligongo lyakwe Ayisalayeli nganapunda ngondo ja ku Ayi?

4. Ana cici cacikumtendecela Akani ni liŵasa lyakwe paŵajawisye kwa Yoswa?

5. Ana tukulijiganya cindu cakusosekwa catuli pa cilango ciŵapocele Akani?

Mawusyo gakonjecesya:

1. Aŵalanje Yoswa 7:1-26.

   1. Ana mapopelo ga Yoswa gakulosya catuli mwawaŵelele unasi wakwe ni Mlungu? (Yos. 7:7-9; Sal. 119:145; 1 Yoh 5:14)

   2. Ana yaŵatesile Akani yikulosya cici, soni yeleyi yikutukalamusya cici m’weji? (Yos. 7:11, 14, 15; Miy. 15:3; 1 Tim. 5:24; Ahe. 4:13)

2. Aŵalanje Yoswa 8:1-29.

   Ana jwalijose pajika akusosekwa kutenda cici mu mpingo wa Ciklistu lelo jino? (Yos. 7:13; Lev. 5:1; Miy. 28:13)

Ngani 48

1. Ana Agibeoni akulekangana catuli ni Akanani ŵa m’misinda jakuŵandicila?

2. Mwakamulana ni ciwulilici, ana Agibeoni akutenda cici, soni ligongoci?

3. Ana Yoswa ni acimlongola ŵa Ayisalayeli akutenda cilangano catuli ni Agibeoni, nambo ana pali papite masiku gatatu, Ayisalayeli akumanyilila cici?

4. Ana cikutendekwa cici mayimwene gane pagapikene kuti Agibeoni akamulene ya mtunjelele ni Ayisalayeli?

Mawusyo gakonjecesya:

1. Aŵalanje Yoswa 9:1-27.

   1. Pakuŵa Yehofa ŵalamwile mtundu wa Ayisalayeli kuti “uwulaje ŵandu wosope ŵakutama m’cilambomo,” ana pangajonanga Agibeoni sikuwonecela ndamo syatuli sya Yehofa? (Yos. 9:22, 24; Mat. 9:13; Mase. 10:34, 35; 2 Pet. 3:9)

   2. Ligongo lyakuŵa jwakulupicika ku cilangano caŵatesile ni Agibeoni, ana Yoswa akulosya cisyasyo catuli kwa Aklistu lelo jino? (Yos. 9:18, 19; Mat. 5:37; Aef. 4:25)

2. Aŵalanje Yoswa 10:1-5.

   Ana likuga lyekulungwa moŵa agano likusyasya catuli yaŵatesile Agibeoni, soni yeleyi yikwatendekasya kuŵa acimmagongo ŵa ŵani? (Yos. 10:4; Zek. 8:23; Mat. 25:35-40; Ciu. 12:17)

Ngani 49

1. Paciwulilipa, ana Yoswa akuŵeceta kuti cici, soni ligongo cici?

2. Ana Yehofa akumkamucisya catuli Yoswa ni acalume ŵakwe ŵakuputa ngondo?

3. Ana Yoswa akugomeka mayimwene galingwa, soni pakujigala ndaŵi jelewu catuli?

4. Ligongo cici Yoswa akucigaŵa cilambo ca Kanani?

5. Ana Yoswa akuwa ali akwete yaka yilingwa, soni kaneko cikwatendecela cici ŵandu?

Mawusyo gakonjecesya:

1. Aŵalanje Yoswa 10:6-15.

   Kumanyilila kuti Yehofa ŵatendekasisye lyuŵa ni mwesi kwima pamalo gamo ligongo lya Ayisalayeli, ana yeleyi yikutupa cikulupi catuli lelo jino? (Yos. 10:8, 10, 12, 13; Sal. 18:3; Miy. 18:10)

2. Aŵalanje Yoswa 12:7-24.

   Ana nduni kusyesyene juŵagomece mayimwene 31 ga ku Kanani, soni yeleyi yili yakusosekwa catuli kwa m’weji lelo jino? (Yos. 12:7; 24:11-13; Deut. 31:8; Luk. 21:9, 25-28)

3. Aŵalanje Yoswa 14:1-5.

   Ana cilambo ca Kanani ŵacigaŵenye mwatuli ku mitundu ja Ayisalayeli, soni yeleyi yikulosya cici pakwamba ya mwayiciŵela mu Paladaiso? (Yos. 14:2; Yes. 65:21; Ezek. 47:21-23; 1 Akoli. 14:33)

4. Aŵalanje Oweruza 2:8-13.

   Mpela Yoswa mu Yisalayeli, ana moŵa agano ŵani ŵakusakamucisya kuti ŵandu akapanduka? (Ower. 2:8, 10, 11; Mat. 24:45-47; 2 Ates. 2:3-6; Tito 1:7-9; Ciu. 1:1; 2:1, 2)

Ngani 50

1. Ana ŵakwelusya ali ŵani, soni mena ga ŵakwelusya ŵane gali gatuli?

2. Ana Debola akwete upile wapajika watuli, soni ŵasosekwaga kutenda cici ligongo lya upilewu?

3. Mwenye Yabini ni jwamkulungwa jwa asilikali ŵakwe, Sisela, paŵajogweye Ayisalayeli, ana Debola ŵapelece utenga watuli kwa Jwakwelusya Balaki wakutyocela kwa Yehofa, soni ŵamsalile kuti cacimpeleka Sisela m’miyala mwa nduni?

4. Ana Yayeli akulosya catuli kuti ali jwamkongwe jwakulimba mtima?

5. Ana cikutendekwa cici panyuma pakuwa Mwenye Yabini?

Mawusyo gakonjecesya:

1. Aŵalanje Oweruza 2:14-22.

   Ana Ayisalayeli ŵatendekasisye catuli kuti Yehofa ŵatumbilile, soni tukulijiganya cici pelepa? (Ower. 2:20; Miy. 3:1, 2; Ezek. 18:21-23)

2. Aŵalanje Oweruza 4:1-24.

   Ana Aklistu ŵacikongwe moŵa agano mpaka alijiganye cici ku cisyasyo ca Debola ni Yayeli pakwamba ya cikulupi ni kulimba mtima? (Ower. 4:4, 8, 9, 14, 21, 22; Miy. 31:30; 1 Akoli. 16:13)

3. Aŵalanje Oweruza 5:1-31.

   Ana nyimbo jaŵajimbile Balaki ni Debola paŵapundile ngondo, mpaka tujikamulicisye masengo catuli mpela lipopelo lyakwamba ya ngondo ja Halamagedo? (Ower. 5:3, 31; 1 Mbiri 16:8-10; Ciu. 7:9, 10; 16:16; 19:19-21)

Ngani 51

1. Ana yiŵele wuli kuti Naomi asimanikwe ku cilambo ca Moabu?

2. Ana Lute ni Olipa ali ŵani?

3. Naomi pakwasalila Lute ni Olipa kuti awujile kwa ŵandu ŵakumangwawo, ana jemanjaji jwalijose pajika akwanga catuli?

4. Ana Bowasi ali nduni, soni ana akumkamucisya catuli Lute ni Naomi?

5. Ana mwanace juŵapagwile kwa Bowasi ni Lute, lina lyakwe lyaliji nduni, soni ligongo cici tukusosekwa kumkumbucila?

Mawusyo gakonjecesya:

1. Aŵalanje Rute 1:1-17.

   1. Ana Lute akuŵeceta maloŵe gambone gatuli ga cinonyelo cakulupicika? (Rute 1:16, 17)

   2. Ana nganisyo sya Lute sikulosya cenene catuli nganisyo sya “ŵangondolo sine” kwa ŵakusagulwa ni msimu ŵa pacilambo capasi moŵa agano? (Yoh. 10:16; Zek. 8:23)

2. Aŵalanje Rute 2:1-23.

   Ana Lute akupeleka cisyasyo cambone catuli kwa acakongwe ŵacinandipile? (Rute 2:17, 18; Miy. 23:22; 31:15)

3. Aŵalanje Rute 3:5-13.

   1. Ana Bowasi ŵakuweni wuli kusacilila kwa Lute kuti alombegwe ni jwalakwe mmalo mwa jwamlume jwacinandipile?

   2. Ana nganisyo sya Lute sikutujiganya cici pakwamba ya cinonyelo cakulupicika? (Rute 3:10; 1 Akoli. 13:4, 5)

4. Aŵalanje Rute 4:7-17.

   Ana acalume ŵa Ciklistu moŵa agano mpaka aŵe mpela Bowasi catuli? (Rute 4:9, 10; 1 Tim. 3:1, 12, 13; 5:8)

Ngani 52

1. Ana Ayisalayeli ali mu yakusawusya yatuli, soni ligongo cici?

2. Ligongo cici Yehofa akumsalila Gidiyoni kuti asilikali ŵakwe ali ŵajinji?

3. Gidiyoni ali ŵasalile acalume ŵakogopa kuti awujile kumangwawo, ana ŵasigele acalume ŵalingwa?

4. Mwakamulana ni ciwulilici, atagulile yaŵatesile Yehofa kuti ciŵalanjilo ca asilikali ŵa Gidiyoni cinandipe nikwika pa acalume 300 basi.

5. Ana Gidiyoni ŵakosecelesye catuli acalume ŵakwe ŵakwana 300, soni ana Ayisalayeli ŵapundile catuli ngondo?

Mawusyo gakonjecesya:

1. Aŵalanje Oweruza 6:36-40.

   1. Ana Gidiyoni ŵakulupilile catuli lisosa lya Yehofa?

   2. Ana lelo jino tukusamanyilila catuli lisosa lya Yehofa? (Miy. 2:3-6; Mat. 7:7-11; 2 Tim. 3:16, 17)

2. Aŵalanje Oweruza 7:1-25.

   1. Ana tukulijiganya cici kutyocela kwa acalume 300 ŵaŵajendelecele kuŵa mesope pakulekanganya ni acalume ŵaŵaliji ŵangasamala ŵala? (Ower. 7:3, 6; Alo. 13:11, 12; Aef. 5:15-17)

   2. Mpela muyaŵelele kuti acalume 300 ŵalijigenyanyisye mwakulola muŵatendelaga Gidiyoni, ana m’weji tukusalijiganya catuli pakumlolela Gidiyoni Jwamkulungwa, jwali Yesu Klistu? (Ower. 7:17; Mat. 11:29, 30; 28:19, 20; 1 Pet. 2:21)

   3. Ana lilemba lya Oweruza 7:21 likutukamucisya catuli kwikutila ni undumetume uliwose watupele mu likuga lya Yehofa? (1 Akoli. 4:2; 12:14-18; Yak. 4:10)

3. Aŵalanje Oweruza 8:1-3.

   Naga tukusaka kumasya kulekangana nganisyo ni m’bale kapena mlongo, ana mpaka tulijiganye cici kutyocela pa yaŵatesile Gidiyoni pakumasya uŵengani ni Aefulaimu? (Miy. 15:1; Mat. 5:23, 24; Luk. 9:48)

Ngani 53

1. Ana Yefita ali nduni, soni akutama umi mu ndaŵi japi?

2. Ana Yefita akutenda cilangano catuli kwa Yehofa?

3. Ligongo cici Yefita akudandawula pakuwujila kumangwakwe kutyocela kukwagomeka a Amoni?

4. Ana mwanace jwamkongwe jwa Yefita ŵaŵecete cici paŵapikene ya cilangano ciŵatesile babagwe?

5. Ligongo cici ŵandu akumnonyela mwanace jwa Yefita jwamkongwe?

Mawusyo gakonjecesya:

1. Aŵalanje Oweruza 10:6-18.

   Ana mbili ja Ayisalayeli ja ungakulupicika kwa Yehofa jikutukalamusya cici? (Ower. 10:6, 15, 16; Alo. 15:4; Ciu. 2:10)

2. Aŵalanje Oweruza 11:1-11, 29-40.

   1. Ana tukumanyilila catuli kuti yaŵatesile Yefita pakumpeleka mwanagwe mpela “mbopesi jakutinisya,” ngayikugopolela kuti ŵamtinisye pamoto mpela mbopesi ja mundu? (Ower. 11:31; Lev. 16:24; Deut. 18:10, 12)

   2. Ana Yefita ŵampelece catuli mwanagwe jwamkongwe mpela mbopesi?

   3. Ana tukulijiganya cici kutyocela ku nganisyo sya Yefita pakwamba ya cilangano cakwe kwa Yehofa? (Ower. 11:35, 39; Mlal. 5:4, 5; Mat. 16:24)

   4. Ana mwanace jwamkongwe jwa Yefita ali cisyasyo cambone catuli kwa Aklistu ŵacinandipile ŵakusaka kuti undumetume wandaŵi syosope uŵe masengo gawo? (Ower. 11:36; Mat. 6:33; Afi. 3:8)

Ngani 54

1. Ana mundu jwamacili gakupundanganya mnope juŵapali pacilambo capasi pano ali nduni, soni ŵampele nduni maciligo?

2. Ana ndaŵi jine Samusoni ŵalitesile cici lisimba lyekulungwa, mpela mwakuyiwonela paciwulilipa?

3. Ana Samusoni akumsalila Delila cindu camtemela catuli paciwulilipa, soni yeleyi yatendekasisye catuli kuti Afilisiti amkamule?

4. Ana Samusoni ŵawuleje catuli acimmagongo ŵa Cifilisiti ŵakwana 3,000, pa lisiku lyaŵawile?

Mawusyo gakonjecesya:

1. Aŵalanje Oweruza 13:1-14.

   Ana Manowa ni ŵamkwakwe akupeleka cisyasyo cambone catuli kwa acinangolo pakulela ŵanace ŵawo? (Ower. 13:8; Sal. 127:3; Aef. 6:4)

2. Aŵalanje Oweruza 14:5-9 ni 15:9-16.

   1. Ana yaŵatesile Samusoni mpela kuwulaga lisimba, kutulanya ngwambala syaŵamtaŵile, kamulicisya masengo liwupa lya cipundi ca mbunda pakwawulaga acalume 1,000 yikulosya catuli mwawukusakamulila masengo msimu weswela wa Yehofa?

   2. Ana msimu weswela wukusatukamucisya catuli lelo jino? (Ower. 14:6; 15:14; Zek. 4:6; Mase. 4:31)

3. Aŵalanje Oweruza 16:18-31.

   Ana Samusoni ŵasimene ni yatuli ligongo lya kusyoŵekana ni ŵakusakala, soni mpaka tulijiganye cici pelepa? (Ower. 16:18, 19; 1 Akoli. 15:33)

Ngani 55

1. Ana kamcanda kakali paciwulilipa lina lyakwe nduni, soni ŵanewo ali ŵani?

2. Ana lisiku line Hana pali ku tenti ja Yehofa akupeleka lipopelo lyatuli, soni ana Yehofa akumjanga mwatuli?

3. Ana Samuyele akwete yaka yilingwa pakumjigala kuti akatumicileje pa tenti ja Yehofa, soni ana mamagwe akumtendela cici caka cilicose?

4. Ana mena ga ŵanace ŵa Eli gali gatuli, soni ndamo syawo sili syatuli?

5. Ana Yehofa akum’ŵilanga catuli Samuyele, soni akumpa utenga watuli?

6. Ana Samuyele pakusile akuŵa nduni, soni cikutendekwa cici pacekulwipe?

Mawusyo gakonjecesya:

1. Aŵalanje 1 Samueli 1:1-28.

   1. Ana Elikana akupeleka cisyasyo cambone catuli kwa mitwe ja maŵasa pakulongolela kulambila kusyesyene? (1 Sam. 1:3, 21; Mat. 6:33; Afi. 1:10)

   2. Ana tukulijiganya cici ku cisyasyo ca Hana patukusimana ni yindu yakusawusya mnope? (1 Sam. 1:10, 11; Sal. 55:22; Alo. 12:12)

2. Aŵalanje 1 Samueli 2:11-36.

   Ana Eli ŵacimbicisye catuli ŵanace ŵakwe kupundana ni Yehofa, soni yeleyi yikutukalamusya mwatuli? (1 Sam. 2:22-24, 27, 29; Deut. 21:18-21; Mat. 10:36, 37)

3. Aŵalanje 1 Samueli 4:16-18.

   Ana Eli akupocela utenga watuli wa mbali mcece wa likungu kutyocela ku ngondo, soni jwalakwe cikumtendecela cici ligongo lya utengawo?

4. Aŵalanje 1 Samueli 8:4-9.

   Ana Ayisalayeli ŵamlemwecesye kwamnope Yehofa catuli, soni moŵa agano mpaka tukamucisye catuli mwakulupicika Ucimwene wakwe? (1 Sam. 8:5, 7; Yoh. 17:16; Yak. 4:4)

Ngani 56

1. Paciwulilipa, ana Samuyele akutenda cici, soni ligongo cici?

2. Ligongo cici Yehofa akumnonyela Sauli, soni ana ali mundu jwatuli?

3. Ana mwanace jwa Sauli lina lyakwe nduni, soni mwanaceju akutenda cici?

4. Ligongo cici Sauli akupeleka mbopesi mmalo mwakwembeceya kuti Samuyele apelece mbopesijo?

5. Ana tukulijiganya majiganyo gatuli kutyocela ku ngani ja Sauli?

Mawusyo gakonjecesya:

1. Aŵalanje 1 Samueli 9:15-21 ni 10:17-27.

   Ana nganisyo syambone sya Sauli syamkamucisye catuli kuti aŵambale kutenda yindu mwakuwutuka ŵane paŵaŵecete mwangamcimbicisya? (1 Sam. 9:21; 10:21, 22, 27; Miy. 17:27)

2. Aŵalanje 1 Samueli 13:5-14.

   Ana Sauli ŵatesile ulemwa watuli ku Giligala? (1 Sam. 10:8; 13:8, 9, 13)

3. Aŵalanje 1 Samueli 15:1-35.

   1. Ana Sauli ŵatesile ulemwa wekulungwa watuli pangani ja Agagi, mwenye jwa Aamaleki? (1 Sam. 15:2, 3, 8, 9, 22)

   2. Ana Sauli ŵalikululucile catuli pa yindu yaŵatesile, soni ŵasasile kuti ŵamtendekasisye ŵani? (1 Sam. 15:24)

   3. Ana tukusosekwa kuŵambala cici ŵane pakutujamuka? (1 Sam. 15:19-21; Sal. 141:5; Miy. 9:8, 9; 11:2)

Ngani 57

1. Ana mcanda jwali paciwulilipa ali nduni, soni tukumanyilila catuli kuti ali jwakulimba mtima?

2. Ana Daudi ŵatamaga kwapi, soni ana atatigwe ni angangagwe mena gawo gali ŵani?

3. Ligongo cici Yehofa akumsalila Samuyele kwawula kunyumba ja Jese ku Betelehemu?

4. Ana cikutendekwa cici Jese pakwisa ni ŵanace ŵakwe ŵacalume ŵakwana 7 kwa Samuyele?

5. Payice najo Daudi, ana Yehofa akumsalila cici Samuyele?

Mawusyo gakonjecesya:

1. Aŵalanje 1 Samueli 17:34, 35.

   Ana yakutendekwayi yikugombelecesya catuli kuti Daudi ŵaliji jwakulimba mtima, soni kuti ŵajegamilaga kwa Yehofa? (1 Sam. 17:37)

2. Aŵalanje 1 Samueli 16:1-14.

   1. Ana maloŵe ga Yehofa ga pa 1 Samueli 16:7 gakutukamucisya catuli kuŵambala lusagu, soni kuŵambala kwatendela ŵane yindu mwakamulana ni mwakuwonecela? (Mase. 10:34, 35; 1 Tim. 2:4)

   2. Ana yayamtendecele Sauli yikulosya catuli kuti Yehofa patyosisye msimu weswela wakwe pa mundu, m’malo mwakwe mpaka umjinjile msimu wakusakala, kapena kuti nganisyo syakutenda yakusakala? (1 Sam. 16:14; Mat. 12:43-45; Aga. 5:16)

Ngani 58

1. Ana Goliyati akwanyosya catuli asilikali ŵa Ciyisalayeli?

2. Ana Goliyati ali jwamkulungwa catuli, soni Mwenye Sauli akupeleka cilangano catuli kwa mundu jwampaka am’wulaje Goliyati?

3. Ana Daudi akuŵeceta cici Sauli paŵamsalile jwalakwe kuti ngakombola kumgomeka Goliyati ligongo Daudijo ali mcanda?

4. Pakumjanga Goliyati, ana Daudi akulosya catuli kuti akusamkulupilila Yehofa?

5. Mpela mwakuyiwonela paciwulilipa, ana Daudi akukamulicisya masengo cici kuti am’wulaje Goliyati, soni kaneko cikutendekwa cici kwa Afilisiti?

Mawusyo gakonjecesya:

1. Aŵalanje 1 Samueli 17:1-54.

   1. Ligongo cici Daudi ŵaliji jwangali woga, soni ana mpaka tusyasye catuli kulimba mtima kwakwe? (1 Sam. 17:37, 45; Aef. 6:10, 11)

   2. Ligongo cici Aklistu akusosekwa kuŵambala msimu wampikisano mpela wa Goliyati pakutenda maseŵela kapena yakungulusya? (1 Sam. 17:8; Aga. 5:26; 1 Tim. 4:8)

   3. Ana maloŵe ga Daudi gakulosya catuli kuti ŵakulupililaga kuti Mlungu akumkamucisya? (1 Sam. 17:45-47; 2 Mbiri 20:15)

   4. Atamose kuti nganiji jikutagulila ya makuga gaŵili gakulimbana ga asilikali, ana jikulosya catuli kuti ngondojo kusyesyene jaliji pasikati pa milungu jaunami ni Mlungu jusyesyene, Yehofa? (1 Sam. 17:43, 46, 47)

   5. Ana ŵakusagulwa ni msimu ŵakusigalila akusyasya catuli cisyasyo ca Daudi ca kukulupilila Yehofa? (1 Sam. 17:37; Yer. 1:17-19; Ciu. 12:17)

Ngani 59

1. Ligongo cici Sauli akumtendela Daudi jelasi, nambo ana Yonatani jwali mwanagwe Sauli akulekangana catuli ni babagwewo?

2. Ana cikutendekwa cici lisiku line Daudi pakumjimbila Sauli pangwe?

3. Ana Sauli akusala kuti Daudi akusosekwa kutenda cici, Daudijo mkanamjigale mwanace jwamkongwe jwa Sauli, Mikala, kuti aŵe ŵamkwakwe, soni ligongo cici Sauli akuganisya yeleyi?

4. Ana cikutendekwa cici Daudi pakumjimbila Sauli pangwe ndaŵi jatatu, mpela mwayikuwonecela paciwulilipa?

5. Ana Mikala ŵakulupwisye catuli umi wa Daudi, soni Daudi ŵasosekwe kutendaga cici kwa yaka msano ni yiŵili?

Mawusyo gakonjecesya:

1. Aŵalanje 1 Samueli 18:1-30.

   1. Ana cinonyelo camacili mnope ca pasikati pa Yonatani ni Daudi calosisye catuli cinonyelo ca pasikati pa “ŵangondolo sine” ni “kampingo ka ngondolo”? (1 Sam. 18:1; Yoh. 10:16; Luk. 12:32; Zek. 8:23)

   2. Atamose kuti Yonatani ni juŵasosekwaga kwinjila ucimwene wa babagwe, Sauli, ana 1 Samueli 18:4 jikulosya catuli kuti jwalakwe ŵaliji jwakupikanila kwa mundu juŵasagwilwe kuŵa mwenye?

   3. Ana cisyasyo ca Sauli cikulosya catuli kuti jelasi mpaka jimtendakasye mundu kutenda ulemwa wekulungwa, soni yeleyi yikutukalamusya cici m’weji? (1 Sam. 18:7-9, 25; Yak. 3:14-16)

2. Aŵalanje 1 Samueli 19:1-17.

   Ana Yonatani ŵawuŵisile umi wakwe pangosi catuli paŵaŵecete maloŵe ga pa 1 Samueli 19:4, 5 (1 Sam. 19:1, 4-6; Miy. 16:14)

Ngani 60

1. Ana paciwulilipa, jwamkongwe jwakwisa kukuwonegana ni Daudijo ali nduni, soni ali mundu jwatuli?

2. Ana Nabala ali nduni?

3. Ana ligongo cici Daudi akutumisya acalume ŵakwe ŵane kuti akaŵende cikamucisyo kwa Nabala?

4. Ana Nabala akwasalila cici acalume ŵa Daudi ŵala, soni Daudi akutenda cici papikene yeleyi?

5. Ana Abigayeli akulosya catuli kuti ali jwamkongwe jwalunda?

Mawusyo gakonjecesya:

1. Aŵalanje 1 Samueli 22:1-4.

   Ana liŵasa lya Daudi likutupa cisyasyo cambone catuli pakamucisyana jwine ni mjakwe paunasi wetu wa Ciklistu wa pacilambo cosope? (Miy. 17:17; 1 Ates. 5:14)

2. Aŵalanje 1 Samueli 25:1-43.

   1. Ligongo cici Nabala akumkolanga kuŵa jwakulikwesya mnope? (1 Sam. 25:2-5, 10, 14, 21, 25)

   2. Ana acakongwe ŵa Ciklistu lelo jino akulijiganya cici kwa Abigayeli? (1 Sam. 25:32, 33; Miy. 31:26; Aef. 5:24)

   3. Ana Abigayeli ŵamkamucisye Daudi kuti akatenda yindu yiŵili yatuli yakulemweceka? (1 Sam. 25:31, 33; Alo. 12:19; Aef. 4:26)

   4. Ana yaŵatesile Daudi ali apikene yakuŵeceta ya Abigayeli yikwakamucisya catuli acalume kwawona acakongwe mpela mwakusiŵawonela Yehofa? (Mase. 21:8, 9; Alo. 2:11; 1 Pet. 3:7)

Ngani 61

1. Ana Daudi ni Abishayi akutenda cici Sauli ali mkugona pa malo gaŵatamaga?

2. Ana Daudi akum’wusya Sauli yiwusyo yatuli?

3. Sauli palekangene ni Daudi, ana Daudi akwawula kwapi?

4. Ana cici cacikumtendakasya Daudi kuŵa jwacanasa mnope, mwati mpaka kulemba nyimbo jambone mnope?

5. Ana Daudi akwete yaka yilingwa pakuŵa mwenye ku Hebuloni, soni ana mena gane ga ŵanace ŵakwe gali gatuli?

6. Ana kaneko Daudi akulamulila kwapi mpela mwenye?

Mawusyo gakonjecesya:

1. Aŵalanje 1 Samueli 26:1-25.

   1. Ana maloŵe ga Daudi pa 1 Samueli 26:11 gakulosya catuli nganisyo syatukusosekwa kola pa kajende ka yindu ya Mlungu? (Sal. 37:7; Alo. 13:2)

   2. Patukulingalinga mwamtawu kwalosya ŵane cinonyelo, nambo jemanjajo nikutendaga yindu mwangayamicila, ana maloŵe ga pa 1 Samueli 26:23 mpaka gatukamucisye catuli kwendelecela kola nganisyo syakuŵajilwa? (1 Maf. 8:32; Sal. 18:20)

2. Aŵalanje 2 Samueli 1:26.

   Ana Aklistu lelo jino mpaka atende cici kuti ‘anonyelaneje mnope jwine ni mjakwe’ mpela muŵatendelaga Daudi ni Yonatani? (1 Pet. 4:8; Akolo. 3:14; 1 Yoh. 4:12)

3. Aŵalanje 2 Samueli 5:1-10.

   1. Ana Daudi ŵalamulile kwa yaka yilingwa mpela mwenye, soni ana ndaŵi ja ulamusi wakwe ŵajigaŵile catuli? (2 Sam. 5:4, 5)

   2. Ana ligongo cici Daudi yindu yamjendelaga cenene, soni yeleyi yikutukamucisya catuli lelo jino? (2 Sam. 5:10; 1 Sam. 16:13; 1 Akoli. 1:31; Afi. 4:13)

Ngani 62

1. Ni cikamucisyo ca Yehofa, ana kumbesi kwakwe catendekwe cici m’cilambo ca Kanani?

2. Ana cikutendekwa cici kumagulo kwine, Daudi pali pamsakasa wa nyumba jakwe ja ucimwene?

3. Ligongo cici Yehofa amtumbilile mnope Daudi?

4. Paciwulilipa, ana Yehofa ŵamtumile nduni kukumsalila Daudi ya kulemwa kwakwe, soni mundujo ŵasasile kuti Daudi cicimtendecela cici?

5. Ana Daudi akusimana ni yakusawusya yatuli?

6. Daudi ali awile, nduni juŵaliji mwenye jwa Ayisalayeli?

Mawusyo gakonjecesya:

1. Aŵalanje 2 Samueli 11:1-27.

   1. Ana kola yakutenda yejinji mu undumetume wa Yehofa kukusatuteteya catuli?

   2. Ana cici cacamtendekasisye Daudi kutenda cakulemweceka, soni ana yeleyi yikwakalamusya cici ŵakutumicila ŵa Yehofa lelo jino? (2 Sam. 11:2; Mat. 5:27-29; 1 Akoli. 10:12; Yak. 1:14, 15)

2. Aŵalanje 2 Samueli 12:1-18.

   1. Ana acakulungwa ŵa mumpingo, soni acinangolo akulijiganya cici pa muŵaŵecetele Natani paŵapelekaga camuko kwa Daudi? (2 Sam. 12:1-4; Miy. 12:18; Mat. 13:34)

   2. Ligongo cici Yehofa ŵamlosisye canasa Daudi? (2 Sam. 12:13; Sal. 32:5; 2 Akoli. 7:9, 10)

Ngani 63

1. Ana Yehofa akum’wusya cici Solomoni, soni jwalakwe akwanga catuli?

2. Ligongo lyakusangalala ni yaŵendile Solomoni, ana Yehofa akumsalila kuti cacimpa cici jwalakwe?

3. Ana acakongwe ŵaŵili ŵayice ni ngani jakusawusya mnope jatuli kwa Solomoni?

4. Mpela mwakuyiwonela paciwulilipa, ana Solomoni ŵamasisye catuli ngani jakusawusyajo?

5. Ana ulamusi wa Solomoni uli watuli, soni ligongo cici?

Mawusyo gakonjecesya:

1. Aŵalanje 1 Mafumu 3:3-28.

   1. Ana acalume ŵaŵapele maukumu mu likuga lya Mlungu lelo jino mpaka alijiganye cici kutyocela pa maloŵe gaŵaŵecete Solomoni pa 1 Mafumu 3:7? (Sal. 119:105; Miy. 3:5, 6)

   2. Ligongo cici yaŵaŵendile Solomoni yili cisyasyo cambone ca yindu yatukusosekwa kuŵenda? (1 Maf. 3:9, 11; Miy. 30:8, 9; 1 Yoh 5:14)

   3. Ana yaŵatesile Solomoni pakumasya kangana kwa acakongwe ŵaŵili ŵala yikutupa cikulupi catuli pakwamba ya Solomoni Jwamkulungwa, jwali Yesu Klistu? (1 Maf. 3:28; Yes. 9:6, 7; 11:2-4)

2. Aŵalanje 1 Mafumu 4:29-34.

   1. Ana Yehofa ŵamjanjile catuli Solomoni ali aŵendile kuti ampe mtima wakupikanila? (1 Maf. 4:29)

   2. akuganicisya kulipeleka kuŵalosyaga ŵandu pakusaka kuti akapikanile lunda lwa Solomoni, ana tukusosekwa kola nganisyo syatuli pakulijiganya Maloŵe ga Mlungu? (1 Maf. 4:29, 34; Yoh. 17:3; 2 Tim. 3:16)

Ngani 64

1. Ana papite yaka yilingwa kuti Solomoni amalisye kutaŵa nyumba ja Yehofa, soni ligongo cici masengoga galile mbiya syejinji?

2. Ana nyumba jakulambililaji jikwete yipinda yilingwa yekulungwa, soni ana m’cipinda camkati aŵisilemo cici?

3. Ana Solomoni akusala cici mu lipopelo lyakwe paŵamasile kutaŵa nyumba jakulambilila?

4. Ana Yehofa akulosya catuli kuti akusangalala ni lipopelo lya Solomoni?

5. Ana acakongwe ŵa Solomoni akumtendekasya kutenda cici, soni Solomoni cikumtendecela cici?

6. Ligongo cici Yehofa akumtumbilila Solomoni, soni ana Yehofa akumsalila cici?

Mawusyo gakonjecesya:

1. Aŵalanje 1 Mbiri 28:9, 10.

   Mwakamulana ni maloŵe ga Daudi ga pa 1 Mbiri 28:​9, 10, ana tukusosekwa kulingalinga kutenda cici pa umi wetu lisiku lililyose? (Sal. 19:14; Afi. 4:8, 9)

2. Aŵalanje 2 Mbiri 6:12-21, 32-42.

   1. Ana Solomoni ŵalosisye catuli kuti Mlungu Jwakwinani Mnope ngaŵa mkutama m’majumba gakutaŵa ŵandu? (2 Mbiri 6:18; Mase 17:24, 25)

   2. Ana maloŵe ga Solomoni ga pa 2 Mbiri 6:​32, 33 gakulosya cici pakwamba ya Yehofa? (Mase. 10:34, 35; Aga. 2:6)

3. Aŵalanje 2 Mbiri 7:1-5.

   Mpela muyaŵelele ni ŵanace ŵa Ayisalayeli kuti ŵasacilile kuŵeceta maloŵe gakumlumba Yehofa ali aluweni lumbili lwakwe, ana m’weji lelo jino tukusosekwa kola nganisyo syatuli, patukuganicisya majali gapelece Yehofa kwa ŵandu ŵakwe? (2 Mbiri 7:3; Sal. 22:22; 34:1; 96:2)

4. Aŵalanje 1 Mafumu 11:9-13.

   Mwakamulana ni muyaŵelele pa umi wa Solomoni, ligongo cici tukusosekwa kuŵa ŵakulupicika mpaka kumbesi? (1 Maf. 11:4, 9; Mat. 10:22; Ciu. 2:10)

Ngani 65

1. Ana acalume ŵaŵili ŵali paciwulilipa mena gawo gali gatuli, soni ali ŵani?

2. Ana Ahiya akutenda cici ni mkanjo wawetewo, soni yeleyi yikugopolela cici?

3. Ana Solomoni akulinga kutenda cici kwa Yelobowamu?

4. Ligongo cici ŵandu akum’ŵika Yelobowamu kuŵa mwenye jwa mitundu likumi?

5. Ana ligongo cici Yelobowamu akulinganya ŵanace ŵaŵili ŵa ng’ombe sya golidi, soni cici cacikutendekwa m’cilambomo?

6. Ana cici cacikutendecela ucimwene wa mitundu jiŵili, soni nyumba jakulambilila ja Yehofa ku Yelusalemu?

Mawusyo gakonjecesya:

1. Aŵalanje 1 Mafumu 11:26-43.

   Ana Yelobowamu ŵaliji mundu jwatuli, soni ana Yehofa ŵatesile cilanga catuli kwa jwalakwe naga akasunje malamusi ga Mlungu? (1 Maf. 11:28, 38)

2. Aŵalanje 1 Mafumu 12:1-33.

   1. Kutyocela pacisyasyo cakusakala ca Lehobowamu, ana acinangolo ni acakulungwa ŵa mumpingo akulijiganya cici pakwamba ya kukamulicisya masengo ulamusi wawo mwakulemweceka? (1 Maf. 12:13; Mlal. 7:7; 1 Pet. 5:2, 3)

   2. Ana acanda akusosekwa kupata kwapi cikamucisyo cakwalongola pakusaka kusagula yakutenda yekulungwa ya pa umi? (1 Maf. 12:6, 7; Miy. 1:8, 9; 2 Tim. 3:16, 17; Ahe. 13:7)

   3. Ana cici cacamtendekasisye Yelobowamu kutamilikasya malo gaŵili gakulambilila mwanace jwa ng’ombe, soni yeleyi yalosisye catuli kuti nganakola cikulupi mwa Yehofa? (1 Maf. 11:37; 12:26-28)

   4. Ana nduni juŵalongolele ucimwene wa mitundu likumi pakwimucila kulambila kusyesyene? (1 Maf. 12:32, 33)

Ngani 66

1. Ana Yesebele ali nduni?

2. Ligongo cici Mwenye Ahabu akuŵa jwacanasa lisiku line?

3. Ana Yesebele akutenda cici kuti asumule mgunda wamipeleya wa Naboti kuti uŵe wa Ahabu?

4. Ana Yehofa akutumisya nduni kukumpa cilango Yesebele?

5. Mpela mwakuyiwonela paciwulilipa, ana cikutendekwa cici Yehu payice kunyumba ja ucimwene ja Yesebele?

Mawusyo gakonjecesya:

1. Aŵalanje 1 Mafumu 16:29-33 ni 18:3, 4.

   Ana ndamo jasakele catuli mu Yisalayeli pandaŵi ja Mwenye Ahabu? (1 Maf. 14:9)

2. Aŵalanje 1 Mafumu 21:1-16.

   1. Ana Naboti ŵalosisye catuli kulimba mtima soni kulupicika kwa Yehofa? (1 Maf. 21:1-3; Lev. 25:23-28)

   2. Mwakamulana ni yayamtendecele Ahabu, ana tukusosekwa kutenda cici patutengwice? (1 Maf. 21:4; Alo. 5:3-5)

3. Aŵalanje 2 Mafumu 9:30-37.

   Ana mpaka tulijiganye cici kutyocela pa mtawu wa Yehu pakutenda lisosa lya Yehofa? (2 Maf. 9:4-10; 2 Akoli. 9:1, 2; 2 Tim. 4:2)

Ngani 67

1. Ana Yehosafati ali nduni, soni akutama mu ndaŵi japi?

2. Ligongo cici Ayisalayeli akogopa, soni ana ŵajinji akutenda cici?

3. Ana Yehofa akwanga catuli lipopelo lya Yehosafati?

4. Ngondo mkanijitande, ana Yehofa akutendekasya cici?

5. Ana tukulijiganya cici kutyocela kwa Yehosafati?

Mawusyo gakonjecesya:

1. Aŵalanje 2 Mbiri 20:1-30.

   1. Ana Yehosafati ŵalosisye catuli yampaka ŵakutumicila Mlungu atende pakusimana ni yindu yakusawusya? (2 Mbiri 20:12; Sal. 25:15; 62:1)

   2. Pakuŵa Yehofa aŵele ali mkukamulicisya masengo litala lya kuŵecetanilana ni ŵandu ŵakwe, ana lelo akusakamulicisya masengo litala lyapi? (2 Mbiri 20:14, 15; Mat. 24:45-47; Yoh. 15:15)

   3. Mlungu pacacitanda “ngondo ja lisiku lyekulungwa lya Mlungu jwamaciligose,” ana yindu yiciŵa yakulandana catuli ni muyaŵelele mundaŵi ja Yehosafati? (2 Mbiri 20:15, 17; 32:8; Ciu. 16:14, 16)

   4. Ana apayiniya soni amishonale akusakuya catuli cisyasyo ca Alefi, pakutenda nawo masengo ga pacilambo cosope gakulalicila lelo jino? (2 Mbiri 20:19, 21; Alo. 10:13-15; 2 Tim. 4:2)

Ngani 68

1. Ana ŵandu ŵatatu ŵali paciwulilipa ali ŵani, soni cici cacikumtendecela mcandajo?

2. Ana Eliya akuŵeceta cici mu lipopelo lyakwamba mcandaju, soni ana kaneko cikutendekwa cici?

3. Mundu juŵamkamucisyaga Eliya ŵaliji nduni?

4. Ligongo cici Elisa akum’ŵilanjila ku nyumba ja jwamkongwe jwa ku Sunemu?

5. Ana Elisa akutenda cici, soni cici cacikumtendecela mwanace jwam’we jula?

6. Ana Yehofa akwete macili gatuli, mwakamulana ni yayawonecele mwa Eliya ni Elisa?

Mawusyo gakonjecesya:

1. Aŵalanje 1 Mafumu 17:8-24.

   1. Ana kupikanila soni cikulupi ca Eliya yalinjikwe catuli? (1 Maf. 17:9; 19:1-4, 10)

   2. Ligongo cici cikulupi ca jwamkongwe jwamasije jwa ku Salefati caliji cekulungwa? (1 Maf. 17:12-16; Luk 4:25, 26)

   3. Ana yayamtendecele jwamkongwe jwamasije jwa ku Salefati yikusimicisya catuli usyesyene wa maloŵe ga Yesu gagakusimanikwa pa Matayo 10:41, 42? (1 Maf. 17:10-12, 17, 23, 24)

2. Aŵalanje 2 Maf 4:8-37.

   1. Ana jwamkongwe jwa ku Sunemu akutujiganya cici pangani ja kupocela acalendo? (2 Maf. 4:8; Luk. 6:38; Alo. 12:13; 1 Yoh 3:17)

   2. Ana mpaka twalosye catuli canasa ŵakutumicila Mlungu lelo jino? (Mase. 20:35; 28:1, 2; Aga. 6:9, 10; Ahe. 6:10)

Ngani 69

1. Paciwulilipa, ana kamwaliko kakwasalila cici ŵakongwewo?

2. Ana ŵakongwe ŵali paciwulilipa ali nduni, soni kamwalika kakutenda cici m’nyumba ja ŵakongweŵa?

3. Ana Elisa akwasalila cici ŵakutumicila ŵakwe yakusosekwa kumsalila Namani, soni ligongo cici Namani akutumbila?

4. Ana cikutendekwa cici Namani papikanile ŵamasengo ŵakwe?

5. Ligongo cici Elisa akukana mituka ja Namani, nambo ana Gehasi akutenda cici?

6. Ana Gehasi cikumtendecela cici, soni tukulijiganya cici pelepa?

Mawusyo gakonjecesya:

1. Aŵalanje 2 Mafumu 5:1-27.

   1. Ana cisyasyo cambone cakalosisye kamwali ka Ciyisalayeli mpaka calimbikasye catuli acanda ni ŵali lelo jino? (2 Maf. 5:3; Sal. 8:2; 148:12, 13)

   2. Ana ligongo cici kuli kwakusosekwa kumbucilaga cisyasyo ca Namani patupocele camuko ca m’Malemba? (2 Maf. 5:15; Ahe. 12:5, 6; Yak. 4:6)

   3. Ana mpaka tulijiganye cici pakulekanganya cisyasyo ca Elisa ni Gehasi? (2 Maf. 5:9, 10, 14-16, 20; Mat. 10:8; Mase. 5:1-5; 2 Akoli. 2:17)

Ngani 70

1. Ana Yona ali nduni, soni Yehofa akumsalila kutenda cici?

2. Ligongo lyakuti ngakusaka kwawula kwamsalile Yehofa kuti ajawule, ana Yona akutenda cici?

3. Ana Yona akusala cici kwa ŵakwendesya combo pakusaka kuti cimbungo cilece?

4. Mpela mwakuyiwonela paciwulilipa, ana cici cacikumtendecela Yona pakutiŵila m’mesi?

5. Ana Yona ŵatemi kwa ndaŵi jelewu catuli m’matumbo mwa cisomba, soni akutenda cici pali mkatimo?

6. Ana Yona pakopwece mu cimsomba cila akwawula kwapi, soni yeleyi yikutujiganya cici?

Mawusyo gakonjecesya:

1. Aŵalanje Yona 1:1-17.

   Kusala yisyene, ana Yona ŵagawonaga catuli masengo gakulalicila ku Ninefe? (Yona 1:2, 3; Miy. 3:7; Mlal. 8:12)

2. Aŵalanje Yona 2:1, 2, 10.

   Ana yayamtendecele Yona yikutupa cikulupi catuli kuti Yehofa cacijanga mapopelo getu? (Sal. 22:24; 34:6; 1 Yoh. 5:14)

3. Aŵalanje Yona 3:1-10.

   1. Ana yikutulimbikasya catuli pakumanyilila kuti Yehofa ŵajendelecele kumkamulicisya masengo Yona atamose kuti pandanda jwalakwe ŵalepele kutenda masengo gakwe? (Sal. 103:14; 1 Pet. 5:10)

   2. Ana yayamtendecele Yona ni ŵandu ŵa ku Ninefe yikutujiganya cici pakwamba ya kwajelusya cile ŵandu mu mkuli wetu? (Yona 3:6-9; Mlal. 11:6; Mase 13:48)

Ngani 71

1. Ana Yesaya ŵaliji nduni, ana ŵatemi ni umi ndaŵi japi, soni ana Yehofa ŵamlosisye cici?

2. Ana maloŵe gakuti “paladaiso” gakugopolela cici, soni gakwakumbusya cici wawojo?

3. Ana Yehofa ŵamsalile Yesaya kuti alembe cici pakwamba ya Paladaiso jwasambano?

4. Ligongo cici Adamu ni Hawa nganajendelecela kutama m’malo gawo gakusalala?

5. Ana Yehofa atesile cilangano catuli ni ŵandu ŵakusamnonyela?

Mawusyo gakonjecesya:

1. Aŵalanje Yesaya 11:6-9.

   1. Ana Maloŵe ga Mlungu gakusalosya catuli mtunjelele wawucipagwa pasikati pa yinyama ni ŵandu m’cilambo casambano? (Sal. 148:10, 13; Yes. 65:25; Ezek. 34:25)

   2. Ana kwanilicikwa kwausimu kwapi kwa maloŵe ga Yesaya kwakukutendekwa pasikati pa ŵandu ŵa Mlungu lelo jino? (Alo. 12:2; Aef. 4:23, 24)

   3. Ana nduni jwakusosekwa kumlumba ligongo lya kusinda ndamo kwakutenda ŵandu ndaŵi ajino, soni kwacacitenda m’cilambo casambano? (Yes. 48:17, 18; Aga. 5:22, 23; Afi. 4:7)

2. Aŵalanje Ciunukuko 21:3, 4.

   1. Ana Malemba gakulosya catuli kuti kutama kwa Mlungu ni ŵandu kuli kwakuwanicisya, ngaŵaga kuti jwalakwe akusatama yisyesyene pacilambo capasi? (Lev. 26:11, 12; 2 Mbiri 6:18; Yes. 66:1; Ciu. 21:2, 3, 22-24)

   2. Ana misosi, soni yipwetesi yatuli yangasiyipagwa? (Luk. 8:49-52; Alo. 8:21, 22; Ciu. 21:4)

Ngani 72

1. Ana mundu jwali paciwulilipa ali nduni, soni ligongo cici asimene ni yakusawusya yekulungwa?

2. Ana yikalata yaŵisile Hesekiya pameso pa Mlungu yili ya cici, soni Hesekiya akupopelela cici?

3. Ana Hesekiya ali mwenye jwatuli, soni Yehofa akumtumicisya utenga watuli kupitila mwa jwakulocesya Yesaya?

4. Ana lilayika lya Yehofa likutenda cici kwa Asuli, mpela mwakuyiwonela paciwulilipa?

5. Atamose kuti ucimwene wa mitundu jiŵili ukola mtunjelele kwa yaka yamnono, ana cikutendekwa cici pawile Hesekiya?

Mawusyo gakonjecesya:

1. Aŵalanje 2 Mafumu 18:1-36.

   1. Ana mkuŵeceta jwa Asuli Labisake ŵatesile cici pakusaka kulopotosya cikulupi ca Ayisalayeli? (2 Maf. 18:19, 21; Eks. 5:2; Sal. 64:3)

   2. Pakutenda yindu ni ŵandu ŵakusisya, ana Mboni sya Yehofa sikusakuya catuli cisyasyo ca Hesekiya? (2 Maf. 18:36; Sal. 39:1; Miy. 26:4; 2 Tim. 2:24)

2. Aŵalanje 2 Mafumu 19:1-37.

   1. Ana ŵandu ŵa Mlungu lelo jino akusakuya catuli cisyasyo ca Hesekiya pandaŵi ja yipwetesi? (2 Maf. 19:1, 2; Miy. 3:5, 6; Ahe. 10:24, 25; Yak. 5:14, 15)

   2. Ana Mwenye Sanakelubi ŵamgomece m’matala gatatu gapi, soni jwalakwe ŵajimilaga nduni payakutendekwa yam’bujo? (2 Maf. 19:32, 35, 37; Ciu. 20:2, 3)

3. Aŵalanje 2 Mafumu 21:1-6, 16.

   Ligongo cici mpaka tusale kuti Manase ŵaliji mwenye jwakusakala mnope mwa acayimwene wosope ŵaŵalamulile mu Yelusalemu? (2 Mbiri 33:4-6, 9)

Ngani 73

1. Ana Yosiya akuŵa mwenye ali akwete yaka yilingwa, soni ana jwalakwe akutanda kutenda cici paŵele mwenye kwa yaka 7?

2. Ana Yosiya akutenda cici paciwulili candandaco?

3. Ana jwamkulungwa jwa ŵambopesi akucisimana cici ŵandu pakulinganyasoni nyumba jakulambilila?

4. Ligongo cici Yosiya akupapulanya yakuwala yakwe?

5. Ana Hulida jwakulocesya jwamkongwe akumpa utenga watuli Yosiya wakutyocela kwa Yehofa?

Mawusyo gakonjecesya:

1. Aŵalanje 2 Mbiri 34:1-28.

   1. Ana Yosiya akupeleka cisyasyo catuli kwa ŵandu ŵaŵasimene ni yipwetesi ali ŵanace? (2 Mbiri 33:21-25; 34:1, 2; Sal. 27:10)

   2. Ana Yosiya ŵatesile cici pakwawusya paujo kulambila kusyesyene mu caka ca 8, 12, soni ca 18 ca ucimwene wakwe? (2 Mbiri 34:3, 8)

   3. Ana lijiganyo lyapi lya mpaka tulijiganye kutyocela kwa Mwenye Yosiya soni Jwamkulungwa jwa Ŵambopesi Hilikiya pakwamba yakulinganya malo getu gakulambilila? (2 Mbiri 34:9-13; Miy. 11:14; 1 Akoli. 10:31)

Ngani 74

1. Ana mcanda jwali paciwuliliju ali nduni?

2. Ana Yelemiya akuganicisya cici pakwamba yakuŵa jwakulocesya, soni Yehofa akumsalila cici?

3. Ana Yelemiya akwendelecela kwasalila ŵandu utenga watuli?

4. Ana ŵambopesi akulinga catuli kumlekasya Yelemiya, nambo ana jwalakwe akulosya catuli kuti jwangali woga?

5. Ana cici cacikwatendecela Ayisalayeli pangakusinda yitendo yawo yakusakala?

Mawusyo gakonjecesya:

1. Aŵalanje Yeremiya 1:1-8.

   1. Mwakamulana ni cisyasyo ca Yelemiya, cici cacikusamtendekasya mundu kuŵajilwa undumetume wa Yehofa? (2 Akoli. 3:5, 6)

   2. Ana cisyasyo ca Yelemiya mpaka calimbikasye catuli acacanda ŵa Ciklistu lelo jino? (Mlal. 12:1; 1 Tim. 4:12)

2. Aŵalanje Yeremiya 10:1-5.

   Ana cakuwanicisya camacili capi cakucikamulicisya masengo Yelemiya pakusaka kulosya kuti kulupilila mitembe kwangali mate? (Yer. 10:5; Yes. 46:7; Hab. 2:19)

3. Aŵalanje Yeremiya 26:1-16.

   1. Papikene maloŵe ga utenga wakalamusya, ana ŵakusigalila ŵesagulwe ni msimu akusapikanila catuli lilamusi lya Yelemiya lyakuti, ‘mkatyocesya maloŵe’? (Yer. 26:2; Deut. 4:2; Mase. 20:27)

   2. Ana Mboni sya Yehofa lelo jino sikulijiganya cici pacisyasyo cambone ca Yelemiya pa kulalicila cikalamusyo ca Yehofa kwa ŵa mitundu? (Yer. 26:8, 12, 14, 15; 2 Tim. 4:1-5)

4. Aŵalanje 2 Mafumu 24:1-17.

   Ana yakuyicisya yatuli yakutesya canasa yaŵasimene nayo Ayuda ligongo lyangakulupicika kwa Yehofa? (2 Maf. 24:2-4, 14)

Ngani 75

1. Ana acanda mcece ŵali paciwulilipa ali ŵani, soni ligongo cici ali ku Babelo?

2. Ana Nebukadinesala akulinganya cici kwa acanda mcece, soni akupeleka malamusi gatuli kwa ŵamasengo ŵakwe?

3. Ana Daniyele akuŵenda cici pakwamba ya yakulya ni yakumwa ya jwalakwejo ni acimjakwe ŵatatu?

4. Ali alile yaliponda kwa moŵa likumi, ana Daniyele ni acimjakwe ŵatatu ŵala akulekangana catuli ni acacanda ŵane wosope?

5. Ana Daniyele ni acimjakwe ŵatatu ŵasimanikwe catuli m’nyumba ja mwenye, soni jemanjaji akuŵa catuli ŵambone kupundana ni ŵambopesi, soni acalume ŵalunda?

Mawusyo gakonjecesya:

1. Aŵalanje Danieli 1:1-21.

   1. Ana pakusasosekwa kulingalinga catuli naga tukusaka kuyiŵambala yakulinga, soni kumalana ni yakulemweceka yetu? (Dan. 1:8; Gen. 39:7, 10; Aga. 6:9)

   2. Ana matala gapi gampaka acacanda alinjikwe kapena kwakanganicisya kutenda yakusayiwona ŵane kuŵa “yambone”? (Dan. 1:8; Miy. 20:1; 2 Akoli. 6:17–7:1)

   3. Ana ngani sya m’Baibulo sya acacanda mcece ŵa Cihebeliŵa sikutukamucisya kumanyilila cici pakwamba ya umanyilisi wa kucilambo? (Dan. 1:20; Yes. 54:13; 1 Akoli. 3:18-20)

Ngani 76

1. Ana cici cacikutendecela Yelusalemu ni Ayisalayeli ŵali paciwulilipa?

2. Ana Esekiyele ali nduni, soni ana Yehofa akumlosya yindu yakusakala yatuli?

3. Ligongo lyakuti Ayisalayeli ngakumcimbicisya Yehofa, ana jwalakwe akwasalila cici?

4. Ana Mwenye Nebukadinesala akutenda cici Ayisalayeli ali amjimucile?

5. Ligongo cici Yehofa akukunda kuti konasika kwakogoya kwatendecele Ayisalayeli?

6. Ana cilambo ca Ayisalayeli cikuŵa catuli cangali mundu jwalijose, soni kwa ndaŵi jelewu catuli?

Mawusyo gakonjecesya:

1. Aŵalanje 2 Mafumu 25:1-26.

   1. Ana Sedekiya, ŵaliji nduni, soni cici cacikumtendecela, ana yeleyi yikwanilisya catuli yajalocesye Baibulo? (2 Maf. 25:5-7; Ezek. 12:13-15)

   2. Ana Yehofa ŵajimbile magambo ŵani ligongo lyangakulupicika kwa Ayisalayeli? (2 Maf. 25:9, 11, 12, 18, 19; 2 Mbiri 36:14, 17)

2. Aŵalanje Ezekieli 8:1-18.

   Ana Macalici ga Ciklistu gakwasyasya catuli Ayisalayeli ŵakupanduka ŵaŵalambilaga lyuŵa? (Ezek. 8:16; Yes. 5:20, 21; Yoh. 3:19-21; 2 Tim. 4:3)

Ngani 77

1. Ana Nebukadinesala mwenye jwa ku Babelo, akupeleka lilamusi lyatuli kwa ŵandu?

2. Ligongo cici Daniyele ni acimjakwe ŵatatu ngakutindiŵalila mtembe wa golidi?

3. Nebukadinesala pakwapasoni upile Ahebeli ŵatatu wakutindiŵalila mtembe, ana jemanjajo akulosya catuli cikulupi cawo pa Yehofa?

4. Ana Nebukadinesala ŵasalile acalume ŵakwe kuti ŵatende cici Sadilaki, Mesaki, ni Abedinego?

5. Ana Nebukadinesala akuciwona cici palolite m’cilangali camoto?

6. Ligongo cici mwenye akumlumba Mlungu jwa Sadilaki, Mesaki, ni Abedinego, soni ana tukulijiganya cici kutyocela kwa jemanjaji?

Mawusyo gakonjecesya:

1. Aŵalanje Danieli 3:1-30.

   1. Ana nganisyo syapi syaŵalosisye acacanda ŵatatu ŵa Cihebeli syakusosekwa kola ŵakutumicila Mlungu wosope pasimene ni yakulinga goloka kwawo? (Dan. 3:17, 18; Mat. 10:28; Alo. 14:7, 8)

   2. Ana Yehofa ŵamjiganyisye Nebukadinesala lijiganyo lyakusosekwa lyatuli? (Dan. 3:28, 29; 4:34, 35)

Ngani 78

1. Ana cikutendekwa cici mwenye jwa ku Babelo pali pacindimba cekulungwa, soni pakukamulicisya masengo makapu ni mbale syaŵajigele m’nyumba ja Yehofa ku Yelusalemu?

2. Ana Belisasala akwasalila cici acalume ŵakwe ŵalunda, nambo ana jemanjajo akulepela kutenda cici?

3. Ana mama ŵawo mwenye akumsalila mwenyejo kuti atende cici?

4. Mwakamulana ni yakusala Daniyele kwa Mwenyejo, ligongo cici Mlungu ŵatumisye ligasa kukulemba pepupa?

5. Ana Daniyele akugopolela catuli maloŵe ga pepupa gala?

6. Ana cikutendekwa cici Daniyele pakwendelecela kuŵeceta?

Mawusyo gakonjecesya:

1. Aŵalanje Danieli 5:1-31.

   1. Alekanganye pasikati pa kogopa Mlungu ni woga waŵakwete Belisasala paŵaliweni ligasa lili mkulemba pepupa. (Dan. 5:6, 7; Sal. 19:9; Alo. 8:35-39)

   2. Ana Danieli ŵalosisye mwatuli kulimba mtima mnope paŵaŵecetaga kwa Belisasala ni acakulungwakulungwa ŵakwe? (Dan. 5:17, 18, 22, 26-28; Mase. 4:29)

   3. Ana Danieli caputala 5 cikulosya catuli ulamusi wekulungwa wa Yehofa? (Dan. 4:17, 25; 5:21)

Ngani 79

1. Ana Daliyo ali nduni, soni ŵam’wonaga catuli Daniyele?

2. Ana acalume ŵane ŵa jelasi akusaka kuti Daliyo atende cici?

3. Ana Daniyele akutenda cici papikene ya lilamusi lya sambano?

4. Ligongo cici Daliyo akutumbila mnope mwati akulepela kugona, soni kuli kucele akutenda cici?

5. Ana Daniyele akumjanga catuli Daliyo?

6. Ana cikwatendecela cici acalume ŵakusakala ŵaŵalingaga kum’wulaga Daniyele, soni Daliyo akwalembela cici ŵandu wosope wa mu ucimwene wakwe?

Mawusyo gakonjecesya:

1. Aŵalanje Danieli 6:1-28.

   1. HAna ya ukacikwanje yaŵamtendele Daniyele yikutukumbusya cici pakwamba ya ŵandu ŵakusisya ŵaŵele mkulingalinga kulekasya masengo ga Mboni sya Yehofa? (Dan. 6:7; Sal. 94:20; Yes. 10:1; Alo. 8:31)

   2. Ana ŵakutumicila Mlungu ŵa moŵa agano mpaka akuye catuli cisyasyo ca Daniyele pakwendelecela kupikanila “ulamusi wekulungwa”? (Dan. 6:5, 10; Alo. 13:1; Mase 5:29)

   3. Ana mpaka tukuye catuli cisyasyo ca Daniyele cakumtumicila Yehofa “ndaŵi syosope”? (Dan. 6:16, 20; Afi. 3:16; Ciu. 7:15)

Ngani 80

1. Mpela mwakuyiwonela paciwulilipa, ana Ayisalayeliŵa akutenda cici?

2. Ana Kolesi ŵakwanilisye catuli maloŵe ga Yehofa gakupitila mwa Yesaya?

3. Ana Kolesi akwasalila cici Ayisalayeli ŵangapakombola kuwujila ku Yelusalemu?

4. Ana Kolesi akwapa cici ŵandu kuti ajigale pakuwujila ku Yelusalemu?

5. Ana Ayisalayeli cajende kwa masiku galingwa kuti akayice ku Yelusalemu?

6. Ana cilambo catemi kwa yaka yilingwa cili cangali mundu jwalijose?

Mawusyo gakonjecesya:

1. Aŵalanje Yesaya 44:28 ni 45:1-4.

   1. Ana Yehofa ŵagombelecesye catuli kukwanilicikwa kwa yakulocesya yakwamba Kolesi? (Yes. 55:10, 11; Alo. 4:17)

   2. Ana yakulocesya ya Yesaya yakwamba Kolesi yikulosya catuli kuti Yehofa ali jwakombola kusala cile yam’bujo? (Yes. 42:9; 45:21; 46:10, 11; 2 Pet. 1:20)

2. Aŵalanje Ezara 1:1-11.

   Pakuya cisyasyo ca ŵandu ŵanganawujila ku Yelusalemu, ana lelo mpaka ‘tulimbikasye catuli magasa’ ga ŵandu ŵakupakombola kutenda undumetume wandaŵi syosope? (Ezara 1:4, 6; Alo. 12:13; Akolo. 4:12)

Ngani 81

1. Ana ŵandu ŵalingwa ŵaŵajesile ulendo welewu wakutyocela ku Babelo kwawula ku Yelusalemu, nambo ana akusimana cici payice kweleko?

2. Ana Ayisalayeli akutanda kutaŵa cici payice ku Yelusalemu, nambo ana acimmagongo ŵawo akutenda cici?

3. Ana Hagayi ni Sekaliya ali ŵani, soni akwasalila cici ŵandu?

4. Ligongo cici Tatenayi akutumisya cikalata ku Babelo, soni akupocela kwanga kwatuli?

5. Ana Esala akutenda cici pamanyilile kuti pakusosekwa kulinganya nyumba ja Mlungu?

6. Ana Esala akupopelela cici paciwulilipa, ana lipopelo lyakwe likwanjikwa catuli, soni yeleyi yikutujiganya cici?

Mawusyo gakonjecesya:

1. Aŵalanje Ezara 3:1-13.

   Naga tukutama mu mkuli mwangali mpingo wa ŵandu ŵa Mlungu, ana tukusosekwa kwendelecela kutenda cici? (Ezara 3:3, 6; Mase. 17:16, 17; Ahe. 13:15)

2. Aŵalanje Ezara 4:1-7.

   Ana Selubabele ŵapelece cisyasyo catuli kwa ŵandu ŵa Mlungu pakwamba yakutenda yindu ni dini sine? (Eks. 34:12; 1 Akoli. 15:33; 2 Akoli. 6:14-17)

3. Aŵalanje Ezara 5:1-5, 17 ni 6:1-22.

   1. Ligongo cici ŵakusisya nganakombola kulekasya masengo gakutaŵa nyumba jakulambilila? (Ezara 5:5; Yes. 54:17)

   2. Ana yaŵatesile acakulungwakulungwa ŵa Ciyuda yikwalimbikasya catuli acakulungwa wa mumpingo kusosasosa cikamucisyo ca Yehofa cakwalongola pasimene ni ŵakusisya? (Ezara 6:14; Sal. 32:8; Alo. 8:31; Yak. 1:5)

4. Aŵalanje Ezara 8:21-23, 28-36.

   Mkanitutande kutenda yindu yine, ana cisyasyo cambone capi ca Esala campaka tukuye? (Ezara 8:23; Sal. 127:1; Miy. 10:22; Yak. 4:13-15)

Ngani 82

1. Ana Moledikayi ni Esitele ali ŵani?

2. Ligongo cici Mwenye Ahasiwelo akulombela jwamkongwe jwine, soni ana akumsagula nduni kuŵa ŵamkwakwe?

3. Ana Hamani ali nduni, soni ligongo cici akutumbila mnope?

4. Ana lilamusi lyatuli lyaŵatamilikasisye, soni ana Esitele akutenda cici papocele utenga kutyocela kwa Moledikayi?

5. Ana Hamani cikumtendecela cici, soni Moledikayi cikumtendecela cici?

6. Ana Ayisalayeli akukulupuka catuli kwa acimmagongo ŵawo?

Mawusyo gakonjecesya:

1. Aŵalanje Estere 2:12-18.

   Ana Esitele ŵalosisye catuli kusosekwa kwa kuŵa ni “mtima ŵakulitimalika ni wakutulala”? (Estere 2:15; 1 Pet. 3:1-5)

2. Aŵalanje Estere 4:1-17.

   Muyaŵelele kuti Esitele ŵampele upile wakuteteya usyesyene, ana m’weji atupele upile watuli wakulosya kulipeleka, soni kulupicika kwa Yehofa? (Estere 4:13, 14; Mat. 5:14-16; 24:14)

3. Aŵalanje Estere 7:1-6.

   Ana ŵandu ŵa Mlungu lelo aŵisile catuli umi pangosi, mpela muŵatendele Esitele? (Estere 7:4; Mat. 10:16-22; 1 Pet. 2:12)

Ngani 83

1. Ana Ayisalayeli ŵapikanaga wuli panganakola lutenje lwakusungulila msinda wa Yelusalemu?

2. Ana Nehemiya ali nduni?

3. Ana Nehemiya ŵakamulaga masengo gatuli, soni ligongo cici galiji gakusosekwa?

4. Ana ngani japi jajikumtendekasya Nehemiya kutumbila, soni akutenda cici?

5. Ana Mwenye Alitasasita akulosya catuli cinonyelo kwa Nehemiya?

6. Ana Nehemiya akutenda cici pakusaka kuti acimmagongo ŵa Ayisalayeli akalekasya masengo gakutaŵa?

Mawusyo gakonjecesya:

1. Aŵalanje Nehemiya 1:4-6 ni 2:1-20.

   Ana Nehemiya ŵasosilesosile catuli cikamucisyo ca Yehofa cakumlongola? (Neh. 2:4, 5; Alo. 12:12; 1 Pet. 4:7)

2. Aŵalanje Nehemiya 3:3-5.

   Ana acakulungwa ŵa mumpingo, soni ŵakutumicila ŵakamucisya mpaka alijiganye cici pa kulekangana kwa pasikati pa Atekowa, ni “acambuje ŵawo”? (Neh. 3:5, 27; 2 Ates. 3:7-10; 1 Pet. 5:5)

3. Aŵalanje Nehemiya 4:1-23.

   1. Ana cici cacalimbikasisye Ayisalayeli kwendelecela kutaŵa atamose kuti paliji ŵakusisya ŵakogoya mnope? (Neh. 4:6, 8, 9; Sal. 50:15; Yes. 65:13, 14)

   2. Ana cisyasyo ca Ayisalayeli cikutulimbikasya catuli m’weji lelo jino?

4. Aŵalanje Nehemiya 6:15.

   Ana kumalisya kutaŵa mapupa ga Yelusalemu pa miyesi jiŵilipe kukulosya catuli macili ga cikulupi? (Sal. 56:3, 4; Mat. 17:20; 19:26)

Ngani 84

1. Ana jwamkongwe jwali paciwuliliju ali nduni?

2. Ana Gabuliyele akumsalila Maliya cici?

3. Ana Gabuliyele akusala kuti Maliya cacikola catuli mwanace atamose kuti jwalakwe nganatameje yimpepe ni jwamlume?

4. Ana cikutendekwa cici Maliya pakuwonegana ni Elisabeti mlongomjakwe?

5. Ana Yusufu akwete nganisyo syatuli pamanyilile kuti Maliya cakole mwanace, nambo ligongo cici jwalakwe akusinda nganisyo syakwe?

Mawusyo gakonjecesya:

1. Aŵalanje Luka 1:26-56.

   1. Ana lilemba lya Luka 1:35 likulosya catuli kuti ulemwa wakutyocela kwa Adamu nganiwumjambucila Mwanace jwa Mlungu pandaŵi jele umi wa Mwanacejo ŵawusamisyaga kutyoka ku umi wausimu? (Hag. 2:11-13; Yoh. 6:69; Ahe. 7:26; 10:5)

   2. Ana Yesu ŵapocele catuli ucimbicimbi atamose mkanapagwe? (Luka 1:41-43)

   3. Ana Maliya akupeleka cisyasyo cambone catuli kwa Aklistu ŵa moŵa agano ŵapocele undumetume wapajika? (Luka 1:38, 46-49; 17:10; Miy. 11:2)

2. Aŵalanje Matayo 1:18-25.

   Atamose kuti Yesu nganampa lina lyakuti Emanuweli, ligongo cici masengo gakwe mpela mundu gakwanilisye gopolela kwa linalyo? (Mat. 1:22, 23; Yoh. 14:8-10; Ahe. 1:1-3)

Ngani 85

1. Ana likandi lyalili paciwulilipa lili nduni, soni ana Maliya aligonece likandili mu cici?

2. Ligongo cici Yesu ŵapagwile mu licinga lya yinyama?

3. Paciwulilipa, ana acalume ŵakwinjila mu licingawo ali ŵani, soni lilayika lyasalile cici?

4. Ligongo cici Yesu ali mundu jwapajika?

5. Ligongo cici Yesu mpaka tumkolanje kuŵa Mwanace jwa Mlungu?

Mawusyo gakonjecesya:

1. Aŵalanje Luka 2:1-20.

   1. Ana Mwenye Augusito ŵakwanilisye catuli yakulocesya yakwamba kupagwa kwa Yesu? (Luk 2:1-4; Mika 5:2)

   2. Ana mundu mpaka aŵe catuli mu likuga lya ŵandu ŵampaka twakolanje kuŵa “ŵakunonyelwa ni Mlungu”? (Luk. 2:14; Mat. 16:24; Yoh. 17:3; Mase. 3:19; Ahe. 11:6)

   3. Naga ŵakucinga ŵa ku Yudeya ŵakwete magongo gakuŵela ŵakusangalala ligongo lyakupagwa kwa Mkulupusyo, ana ŵakutumicila Mlungu ŵa moŵa agano akwete magongo gapi gakuŵela ŵakusengwa? (Luk. 2:10, 11; Aef. 3:8, 9; Ciu. 11:15; 14:6)

Ngani 86

1. Ana acalume ŵali paciwulilipa ali ŵani, soni ligongo cici jumo akulanjila ndondwa jakuŵala mnope?

2. Ligongo cici Mwenye Helode akutumbila, soni ana akutenda cici??

3. Ana ndondwa jakuŵalajo jikwalongolela kwapi acalumewo, nambi ligongo cici acalumewo akuwujila kumangwawo kupitila litala line?

4. Ana Helode akulamula cici, soni ligongo cici?

5. Ana Yehofa akumsalila Yusufu kutenda cici?

6. Nduni juŵatendekasisye kuti ndondwa jasambano jiŵale, soni ligongo cici?

Mawusyo gakonjecesya:

1. Aŵalanje Matayo 2:1-23.

   Ana Yesu ŵakwete yaka yilingwa, soni ŵatamaga kwapi pandaŵi jele ŵakulupilila ndondwa ŵayice kukumlola? (Mat. 2:1, 11, 16)

Ngani 87

1. Ana Yesu jwali paciwuliliju akwete yaka yilingwa, soni ali kwapi?

2. Ana Yusufu akusatenda cici ni liŵasa lyakwe caka cilicose?

3. Ali ajesile kwa lisiku lyosope pakuwujila kunyumba, ana ligongo cici Yusufu ni Maliya akuwujilasoni ku Yelusalemu?

4. Ana Yusufu ni Maliya akumsimana kwapi Yesu, soni ligongo cici ŵandu ŵali nawo kweleko akusimonga?

5. Ana Yesu akumsalila cici Maliya mamagwe?

6. Ana mpaka tumsyasye wuli Yesu pakulijiganya yakwamba Mlungu?

Mawusyo gakonjecesya:

1. Aŵalanje Luka 2:41-52.

   1. Atamose kuti mwakamulana ni cilamusi acalumepe ni ŵaŵasosekwaga kusimanikwa pa yindimba ya pa caka, ana Yusufu ni Maliya akupeleka cisyasyo cambone catuli kwa acinangolo lelo? (Luk. 2:41; Deut. 16:16; 31:12; Miy. 22:6)

   2. Ana Yesu ŵapelece cisyasyo catuli kwa ŵanace ŵa moŵa agano pangani jakwapikanila acinangolo? (Luk. 2:51; Deut. 5:16; Miy. 23:22; Akolo. 3:20)

2. Aŵalanje Matayo 13:53-56.

   Ana acabale mcece ŵa Yesu ŵakucilu ŵapi ŵaŵakolasile m’Baibulo, soni ŵaŵili mwa jemanjaji ŵakamulicisye catuli masengo mu mpingo wa Ciklistu? (Mat. 13:55; Mase. 12:17; 15:6, 13; 21:18; Aga. 1:19; Yak. 1:1; Yuda 1)

Ngani 88

1. Ana ŵandu ŵaŵili ŵali paciwulilipa ali ŵani?

2. Ana mundu akusabatiswa catuli?

3. Ana mnopemnope Yohane akum’batisa nduni?

4. Ana lili ligongo lyapajika lyatuli lyakuŵendela Yesu kuti abatiswe ni Yohane?

5. Ana Mlungu akulosya catuli kuti akusangalala ni kubatiswa kwa Yesu?

6. Ana cikutendekwa cici Yesu papite ku malo kwajika kwa masiku 40?

7. Ana ŵakumkuya ŵandanda ŵa Yesu ali ŵani, soni cakusimonjesya cakwe candanda caliji cici?

Mawusyo gakonjecesya:

1. Aŵalanje Matayo 3:13-17.

   Ana Yesu ŵapelece cisyasyo catuli ca ubatiso wa ŵakumkuya ŵakwe? (Sal. 40:7, 8; Mat. 28:19, 20; Luk. 3:21, 22)

2. Aŵalanje Matayo 4:1-11.

   Ana kakamulicisye masengo kalunda ka malemba ka Yesu kakutulimbikasya catuli m’weji kulijiganya Baibulo ndaŵi syosope? (Mat. 4:5-7; 2 Pet. 3:17, 18; 1 Yoh 4:1)

3. Aŵalanje Yohane 1:29-51.

   Ana Yohane M’batisa akwalongolela ŵakulijiganya ŵakwe kwa nduni, soni ana mpaka tumsyasye catuli lelo jino? (Yoh. 1:29, 35, 36; 3:30; Mat. 23:10)

4. Aŵalanje Yohane 2:1-12.

   Ana cakusimonjesya candanda ca Yesu cikulosya catuli kuti Yehofa ngakusaŵajima yindu yambone ŵakutumicila Ŵakwe? (Yoh. 2:9, 10; Sal. 84:11; Yak. 1:17)

Ngani 89

1. Ligongo cici ŵandu akusumisya yinyama pa nyumba jakulambilila?

2. Ana Yesu atumbile ligongo cici?

3. Mpela mwakuti kuyiwona paciwulilipa, ana Yesu akutenda cici, soni akwalamula cici acalume ŵakusumisya ngunda?

4. Ŵakulijiganya ŵa Yesu pakuyiwona yakutenda Yesu, ana jemanjajo akukumbucila cici?

5. Ana Yesu akupitila upande wapi pakuwujila ku Galilaya?

Mawusyo gakonjecesya:

1. Aŵalanje Yohane 2:13-25.

   Pakuganicisya kutumbila kwa Yesu ligongo lya ŵandu ŵakusindisya mbiya panyumba jakulambilila, ana tukusosekwa kola nganisyo syakuŵajilwa syatuli pakwamba yakutenda malonda pa Nyumba ja Ucimwene? (Yoh. 2:15, 16; 1 Akoli. 10:24, 31-33)

Ngani 90

1. Ligongo cici Yesu akwima ciŵandika cisima ku Samaliya, soni akumsalila cici jwamkongwe jwamsimene pacisimapo?

2. Ligongo cici jwamkongwejo akusimonga, ana Yesu akumsalila cici jwalakwejo, soni ligongo cici?

3. Ana jwamkongwejo akuganisya kuti mesi ga mtunduci gakwamba Yesu, nambo ana ŵagopolelaga mesi gakwe gatuli?

4. Ligongo cici jwamkongwe akusimonga ni yakumanyilila Yesu yakwamba ya jwalakwe, soni jwalakwe ŵayimanyi catuli?

5. Ana tukulijiganya cici pangani ja jwamkongwe jula pacisima?

Mawusyo gakonjecesya:

1. Aŵalanje Yohane 4:5-43.

   1. Pakuya cisyasyo ca Yesu, ana twawoneje catuli ŵandu ŵatulekangene nawo mtundu kapena ŵakupata mwakulekangana ni m’weji? (Yoh. 4:9; 1 Akoli. 9:22; 1 Tim. 2:3, 4; Tito 2:11)

   2. Ana mundu jwakusaŵa jwakumkuya jwa Yesu, akusakola majali gatuli? (Yoh. 4:14; Yes. 58:11; 2 Akoli. 4:16)

   3. Ana mpaka tulosye catuli kuyamicila kwetu mpela kwa jwamkongwe jwa ku Samaliya, juŵaliji jwakusacilila kwasalila ŵane yalijiganyisye? (Yoh. 4:7, 28; Mat. 6:33; Luk. 10:40-42)

Ngani 91

1. Paciwulilipa, ana Yesu akwiganya kwapi, soni ŵatemi ciŵandika jwalakwejo ali ŵani?

2. Ana ŵandumetume 12 mena gawo gali ŵani?

3. Ana Ucimwene watuli wakuwulalicila Yesu?

4. Ana Yesu akwajiganya ŵandu kuti apopeleleje cici?

5. Ana Yesu ŵasasile cici pakwamba ya utame ni acimjetu?

Mawusyo gakonjecesya:

1. Aŵalanje Matayo 5:1-12.

   Ana mpaka tulosye catuli kuti tukumanyilila kulaga kwetu kwausimu? (Mat. 5:3; Alo. 10:13-15; 1 Tim. 4:13, 15, 16)

2. Aŵalanje Mateyu 5:21-26.

   Ana lilemba lya Matayo 5:23, 24 likugombelecesya catuli kuti katame ketu ni abale ŵetu kakusajambucilasoni unasi wetu ni Yehofa? (Mat. 6:14, 15; Sal. 133:1; Akolo. 3:13; 1 Yoh 4:20)

3. Aŵalanje Matayo 6:1-8.

   Ana Aklistu akusosekwa kuŵambala matala gane gatuli gakulilosya kuti ali ŵakulungama? (Luk 18:11, 12; 1 Akoli. 4:6, 7; 2 Akoli. 9:7)

4. Aŵalanje Matayo 6:25-34.

   Ana Yesu ŵajigenye cici pangani ja kumkulupilila Yehofa kuti jwalakwe cacitupa yindu yakucilu yatukusosekwa? (Eks. 16:4; Sal. 37:25; Afi. 4:6)

5. Aŵalanje Matayo 7:1-11.

   Ana cakuwanicisya cambone cacikusimanikwa pa Matayo 7:5 cikutujiganya cici? (Miy. 26:12; Alo. 2:1; 14:10; Yak. 4:11, 12)

Ngani 92

1. Ana Mtati jwa mwali jwali paciwuliliju ali nduni, soni ligongo cici jwalakwejo ni ŵamkwakwe ali ŵacanasa mnope?

2. Ana Yailo akutenda cici pamsimene Yesu?

3. Ana cikutendekwa cici Yesu pakwawula kunyumba ja Yailo, soni ana Yailo akupocela utenga watuli pali mwitala?

4. Ligongo cici ŵandu m’nyumba ja Yailo akumseka Yesu?

5. Ali ŵajigele ŵandumetume ŵakwe ŵatatu yimpepe ni acinangolo ŵa mwalijo kwawula m’cipinda muŵaliji mwalijo, ana Yesu akutenda cici?

6. Ana Yesu ŵanisoni ŵaŵajimwisye ku ŵawe, ana yeleyi yikulosya cici?

Mawusyo gakonjecesya:

1. Aŵalanje Luka 8:40-56.

   Ana Yesu ŵalosisye catuli canasa soni kumpikanicisya jwamkongwe juŵajasaga miyasi, ana acakulungwa ŵa mumpingo lelo jino mpaka alijiganye cici panganiji? (Luk. 8:43, 44, 47, 48; Lev. 15:25-27; Mat. 9:12, 13; Akolo. 3:12-14)

2. Aŵalanje Luka 7:11-17.

   Ligongo cici ŵandu ŵajasile ŵakunonyelwa ŵawo mu ciwa mpaka akombole kupata citondoyo pa yaŵatesile Yesu kwa jwamkongwe jwamasije jwa ku Naini? (Luk. 7:13; 2 Akoli. 1:3, 4; Ahe. 4:15)

3. Aŵalanje Yohane 11:17-44.

   Ana Yesu ŵalosisye catuli kuti kulila malilo ga ŵakunonyelwa ŵetu ngaŵa kulemwa? (Yoh. 11:33-36, 38; 2 Sam. 18:33; 19:1-4)

Ngani 93

1. Ana Yohane M’batisa cimtendecele cindu cakutengusya catuli, soni Yesu akupikana wuli mumtima?

2. Ana Yesu akulisya catuli likuga lya ŵandu ŵakumkuya, soni ana pakusigala yakulya yejinji catuli?

3. Ligongo cici ŵakulijiganya akukola woga cilo celeco, soni cici cacikumtendecela Petulo?

4. Ana Yesu akwalisya catuli ŵandu masausande gejinji pandaŵi jaŵili?

5. Ligongo cici yiciŵa yakusangalasya Yesu pacacilamulilaga cilambo capasi mpela Mwenye jwa Mlungu?

Mawusyo gakonjecesya:

1. Aŵalanje Matayo 14:1-32.

   1. Ana ngani jajikusimanikwa pa Matayo 14:23-32 jikutukamucisya catuli kumanyilila umundu wa Petulo?

   2. Ana Malemba gakulosya catuli kuti Petulo ŵakomangele nganisyo, soni ŵamasisye ndamo jakwe jakutenda yindu mwakuwutuka? (Mat. 14:27-30; Yoh 18:10; 21:7; Mase 2:14, 37-40; 1 Pet. 5:6, 10)

2. Aŵalanje Matayo 15:29-38.

   Ana Yesu ŵalosisye catuli kucimbicisya yindu yakucilu yakutyocela kwa Atatigwe? (Mat. 15:37; Yoh. 6:12; Akolo. 3:15)

3. Aŵalanje Yohane 6:1-21.

   Ana Aklistu lelo jino mpaka akuye catuli cisyasyo ca Yesu pakutenda yindu ni boma? (Yoh. 6:15; Mat. 22:21; Alo. 12:2; 13:1-4)

Ngani 94

1. Ana ŵandumetume akukangana cici pakuwuja ku ulendo welewu?

2. Ligongo cici Yesu akuŵilasya kamwanace ni kukajimika pasikati pa ŵandumetumewo?

3. Ana ŵandumetumewo mpaka alijiganye catuli kuŵa mpela ŵanace?

4. Pali papite miyesi jakuŵalanjika, ana Yesu akulosya catuli kuti akusanonyela ŵanace?

Mawusyo gakonjecesya:

1. Aŵalanje Matayo 18:1-4.

   Ligongo cici Yesu ŵakamulicisyaga masengo yakuwanicisya pakwiganya? (Mat. 13:34, 36; Maliko 4:33, 34)

2. Aŵalanje Matayo 19:13-15.

   Ana ndamo syatuli sya ŵanace syampaka tusikuye naga tukusaka kupocela majali ga Ucimwene? (Sal. 25:9; 138:6; 1 Akoli. 14:20)

3. Aŵalanje Maliko 9:33-37.

   Ana Yesu ŵajiganyisye cici ŵakulijiganya ŵakwe pakwamba yakusaka malo gapenani? (Maliko 9:35; Mat. 20:25, 26; Aga. 6:3; Afi. 2:5-8)

4. Aŵalanje Maliko 10:13-16.

   Ana Yesu ŵalosisye catuli kuti ŵaliji jwangasawusya kuŵeceta najo, soni acakulungwa ŵa mumpingo mpaka alijiganye cici pa cisyasyo cakwe? (Maliko 6:30-34; Afi. 2:1-4; 1 Tim. 4:12)

Ngani 95

1. Ana mundu jwine akum’wusya Yesu ciwusyo catuli, soni ligongo cici?

2. Ana ndaŵi sine Yesu ŵakamulicisyaga masengo cici pakwiganya, soni munyumamu tulijiganyisye cici pakwamba ya Ayuda ni Asamaliya?

3. Mu ngani jakutagulila Yesu, ana cici cacikumtendecela m’Yuda jwakwenda pa msewu wakwawula ku Yeliko?

4. Ana jwambopesi jwa Ciyuda, soni M’lefi pakwenda mu msewu mula, cikutendekwa cici?

5. Paciwulilipa, ana nduni jwakumkamucisya M’yuda jwam’wulalejo?

6. Yesu pamalisisye kutagulila ngani jila, ana jwalakwe akuwusya ciwusyo catuli, soni mundujo akwanga wuli ciwusyoco?

Mawusyo gakonjecesya:

1. Aŵalanje Luka 10:25-37.

   1. M’malo mwakwamba kwanga ciwusyo, ana Yesu akumkamucisya catuli mundu jwakumanyilila Cilamusi kuganicisya cenene nganijo? (Luk 10:26; Mat. 16:13-16)

   2. Ana Yesu ŵakamulicisye masengo catuli yakuwanicisya pakusaka kumasya lusagu lwa ŵandu ŵaŵampikanilaga? (Luk. 10:36, 37; 18:9-14; Tito 1:9)

Ngani 96

1. Ana Yesu akutenda cici pakwenda m’cilambo cosopeco?

2. Pali papite yaka yitatu Yesu ali abatiswe, ana akwasalila cici ŵandumetume ŵakwe?

3. Ana ŵandu ŵali paciwulilipa ali ŵani, soni Yesu akutenda cici kwa jwamkongwe?

4. Ligongo cici yakwajanga Yesu acimlongola ŵa dini ŵŵakusisya yikwatendekasya kola sooni?

5. Yesu ni ŵandumetume ŵakwe pali ciŵandika Yeliko, ana Yesu akutenda cici kwa ŵandu ŵakuŵenda ŵaŵili ŵangalola?

6. Ligongo cici Yesu akutenda yakusimonjesya?

Mawusyo gakonjecesya:

1. Aŵalanje Matayo 15:30, 31.

   Ana macili gakusimonjesya gapi ga Yehofa gagawonecele mwa Yesu, soni ana mpaka yitukamucisye catuli kupikanicisya yindu yasasile Yehofa kuti caciyitenda kusogolo mu cilambo casambano? (Sal. 37:29; Yes. 33:24)

2. Aŵalanje Luka 13:10-17.

   Ana kumanyilila kuti Yesu ŵatesile yakusimonjesya yakwe yine yekulungwakulungwa pasabato kukulosya catuli kuti cacapumusya ŵandu mkati mwa ulamusi wakwe wa yaka 1000? (Luk. 13:10-13; Sal. 46:9; Mat. 12:8; Akolo. 2:16, 17; Ciu. 21:1-4)

3. Aŵalanje Matayo 20:29-34.

   Ana nganiji jikulosya catuli kuti Yesu nganalepelaga kwakamucisya ŵandu atamose kuti ŵakolaga yakutenda yejinji? soni m’weji mpaka tulijiganye cici pelepa? (Deut. 15:7; Yak. 2:15, 16; 1 Yoh. 3:17)

Ngani 97

1. Yesu pakwisa pakamusi kane ciŵandika Yelusalemu, ana akwasalila ŵakulijiganya ŵakwe kutenda cici?

2. Paciwulilipa, ana cikutendekwa cici Yesu paŵandicile msinda wa Yelusalemu?

3. Ana tuŵanace tukutenda cici patukum’wona Yesu ali mkuposya ŵandu ŵangalola, soni ŵalemale?

4. Ana Yesu akwasalila cici ŵambopesi ŵakutumbila?

5. Ana mpaka tuŵe catuli mpela ŵanace ŵaŵamlumbaga Yesu?

6. Ana ŵakulijiganya akusaka kumanyilila cici?

Mawusyo gakonjecesya:

1. Aŵalanje Matayo 21:1-17.

   1. Ana kwinjila kwa Yesu mu Yelusalemu mpela mwenye kukulekangana catuli ni kwinjila kwa acimlongola ŵa asilikali ŵa Ciloma ŵakupunda ngondo ŵa jele ndaŵijo? (Mat. 21:4, 5; Zek. 9:9; Afi. 2:5-8; Akolo. 2:15)

   2. Ana ŵanace mpaka alijiganye cici kwa anyamata ŵa Ciyisalayeli ŵaŵaŵecete maloŵe ga pa Masalimo 118, Yesu paŵajinjilaga m’nyumba jakulambilila? (Mat. 21:9, 15; Sal. 118:25, 26; 2 Tim. 3:15; 2 Pet. 3:18)

2. Aŵalanje Yohane 12:12-16.

   Ana kukamulicisya masengo nyambi sya mgwalangwa kuŵatesile ŵandu paŵamlumbaga Yesu kukwimila cici? (Yoh. 12:13; Afi. 2:10; Ciu. 7:9, 10)

Ngani 98

1. Paciwulilipa, ana Yesu ni jwapi, soni ŵali nawo yimpepewo ali ŵani?

2. Ana ŵambopesi akulinga kumtenda cici Yesu, nambo jwalakwe akwasalila cici jemanjajo?

3. Ana ŵandumetume akum’wusya cici Yesu?

4. Ligongo cici Yesu akwasalila ŵandumetume ŵakwe yindu yine yayicitendekwaga pacilambo capasi pacacilamulilaga mpela Mwenye kwinani?

5. Ana Yesu akusala kuti cici cacicitendekwa mkanamasye yakusakala yosope pacilambo capasi?

Mawusyo gakonjecesya:

1. Aŵalanje Matayo 23:1-39.

   1. Atamose kuti malemba gakulosya kuti kamulicisya masengo mena ga maukumu mpaka kuŵe kwakuŵajilwa, ana maloŵe ga Yesu pa Matayo 23:8-11 gakulosya cici pangani ja kamulicisya masengo mena gaucimbicimbi mumpingo wa Ciklistu? (Mase 26:25; Alo. 13:7; 1 Pet. 2:13, 14)

   2. Ana Afalisi ŵatendaga cici pakwalepelekasya ŵandu kuti akaŵa Aklistu, soni ana acimlongola ŵa dini akutenda yindu catuli mpela Afalisiwo moŵa agano? (Mat. 23:13; Luk. 11:52; Yoh. 9:22; 12:42; 1 Ates. 2:16)

2. Aŵalanje Matayo 24:1-14.

   1. Ana umbone wakupilila akuwugombelecesya catuli pa Matayo 24:13?

   2. Ana maloŵe gakuti “mbesi” pa Matayo 24:13 gakugopolela cici? (Mat. 16:27; Alo. 14:10-12; 2 Akoli. 5:10)

3. Aŵalanje Maliko 13:3-10.

   Ana maloŵe gapi pa Maliko 13:10 gagakulosya kuti kulalicila utenga wambone kukusosekwa kutendekwa mwacitema, soni ana maloŵe ga Yesuga gatukwayeje catuli? (Alo. 13:11, 12; 1 Akoli. 7:29-31; 2 Tim. 4:2)

Ngani 99

1. Mpela mwayikuwonecela paciwulilipa, ligongo cici Yesu ni ŵandumetume ŵakwe 12 ali m’cipinda cekulungwa camwinani?

2. Ana mundu jwakutyokajo ali nduni, soni akusaka kutenda cici?

3. Pamasile kulya Pasaka, ana Yesu akutandisya cakulya capajika capi?

4. Ana Pasaka jwakumbusyaga cici Ayisalayeli, soni cakulya capajikaci cikwakumbusya cici ŵakumkuya Yesu?

5. Pamalisisye kulya Cakulya Caligulo ca Ambuje, ana Yesu akwasalila cici ŵakumkuya ŵakwe, soni jemanjajo akutenda cici?

Mawusyo gakonjecesya:

1. Aŵalanje Matayo 26:14-30.

   1. Ana lilemba lya Matayo 26:15 likulosya catuli kuti Yudasi ŵatesile mele kumpeleka Yesu?

   2. Ana miyasi jaŵasulwisye Yesu jana masengo gaŵili gatuli? (Mat. 26:27, 28; Yer. 31:31-33; Aef. 1:7; Ahe. 9:19, 20)

2. Aŵalanje Luka 22:1-39.

   Ana Satana ŵajinjile mwa Yudasi catuli? (Luk. 22:3; Yoh. 13:2; Mase. 1:24, 25)

3. Aŵalanje Yohane 13:1-20.

   1. Mwakamulana ni yayili pa Yohane 13:2, ana Yudasi ŵaliji jwakulemwa payaŵatesileyo? Nambi ŵakutumicila Mlungu mpaka alijiganye cici panganiji? (Gen. 4:7; 2 Akoli. 2:11; Aga. 6:1; Yak. 1:13, 14)

   2. Ana Yesu ŵapelece lijiganyo lyamacili lyatuli? (Yoh. 13:15; Mat. 23:11; 1 Pet. 2:21)

4. Aŵalanje Yohane 17:1-26.

   Ana Yesu ŵagopolelaga cici paŵapopelelaga ŵakulijiganya ŵakwe kuti “aŵeje ŵamo”? (Yoh. 17:11, 21-23; Alo. 13:8; 14:19; Akolo. 3:14)

Ngani 100

1. Ana Yesu ni ŵandumetume ŵakwe akwawula kwapi patyosile mucipinda camwinani, soni akwasalila kutenda cici?

2. Ana Yesu pawujile kwali ŵandumetume ŵakwe ŵala akwasimana ali mkutenda cici, soni yeleyi yikutendekwa kalingwa?

3. Ana ŵani ŵakwinjila mumgunda, soni Yudasi Isikaliyoti akutenda cici, mpela mwayikuwonecela paciwulilipa?

4. Ligongo cici Yudasi akumkomasya Yesu ni ngomo palijeje, soni Petulo akutenda cici?

5. Ana Yesu akumsalila Petulo cici, nambo ligongo cici Yesu nganaŵenda Mlungu kuti amtumicisye malayika?

Mawusyo gakonjecesya:

1. Aŵalanje Matayo 26:36-56.

   1. Ana cisyasyo cambone capi campaka akuye acakulungwa ŵa mumpingo pakupeleka camuko mpela muŵatendelaga Yesu kwa ŵakulijiganya ŵakwe? (Mat. 20:25-28; 26:40, 41; Aga. 5:17; Aef. 4:29, 31, 32)

   2. Ana Yesu ŵakuwonaga catuli kumputa mjakwe pakamulicisya masengo cida? (Mat. 26:52; Luk. 6:27, 28; Yoh. 18:36)

2. Aŵalanje Luka 22:39-53.

   Lilayika palyawonecele kwa Yesu mumgunda wa Getisemane kukumlimbikasya, ana nikuti Yesu cikulupi cakwe canandipaga? Atagulile. (Luk 22:41-43; Yes. 49:8; Mat. 4:10, 11; Ahe. 5:7)

3. Aŵalanje Yohane 18:1-12.

   Ana Yesu ŵateteye catuli ŵakulijiganya ŵakwe kwa ŵandu ŵakusisya, soni m’weji tukulijiganya cici pelepa? (Yoh. 10:11, 12; 18:1, 6-9; Ahe. 13:6; Yak. 2:25)

Ngani 101

1. Ana nduni kusyesyene juŵatendekasisye ciwa ca Yesu?

2. Ana ŵandumetume akutenda cici Yesu pamkamwile acimlongola ŵa dini?

3. Ana cikutendekwa cici kunyumba ja Kayafa, jwali jwamkulungwa jwa ŵa mbopesi?

4. Ligongo cici Petulo akutyoka pamalopo nikwawula kukulila?

5. Yesu pawujilesoni kwa Pilato, ana acakulungwa ŵambopesi akugumila kuti wuli?

6. Ana Yesu cikumtendecela cici lyamsano musi, soni akutenda cilangano catuli ni mundu jwakusakala jwamkomele pacitela ciŵandika jwalakwe?

7. Ana Paladaiso juŵasasile Yesu caciŵa kwapi?

Mawusyo gakonjecesya:

1. Aŵalanje Matayo 26:57-75.

   Ana ŵapanganya jajikulungwa ja Ayuda ŵalosisye catuli kuti ŵaliji ŵakusakala? (Mat. 26:59, 67, 68)

2. Aŵalanje Matayo 27:1-50.

   Ligongo cici mpaka tuŵecete kuti kulitendela canasa kwa Yudasi nganikuŵa kusyesyene? (Mat. 27:3, 4; Maliko 3:29; 14:21; 2 Akoli. 7:10, 11)

3. Aŵalanje Luka 22:54-71.

   Ana tukulijiganya cici pa yaŵatesile Petulo pakumkana Yesu cilo caŵampelekaga ni kumtaŵa? (Luk. 22:60-62; Mat. 26:31-35; 1 Akoli. 10:12)

4. Aŵalanje Luka 23:1-49.

   Ana Yesu ŵatesile wuli ni yindu yangalumbana yaŵamtendelaga, soni m’weji mpaka tulijiganye cici panganiji? (Luka 23:33, 34; Alo. 12:17-19; 1 Pet. 2:23)

5. Aŵalanje Yohane 18:12-40.

   Ana cici cacikulosya kuti atamose kuti Petulo ŵasokonecele nganisyo ligongo lya kogopa ŵandu, jwalakwe ŵasindile nikuŵa ndumetume jwakusosekwa mnope? (Yoh 18:25-27; 1 Akoli. 4:2; 1 Pet. 3:14, 15; 5:8, 9)

6. Aŵalanje Yohane 19:1-30.

   1. Ana Yesu ŵakolaga nganisyo syakuŵajilwa syatuli pangani jakola yindu yakucilu? (Yoh. 2:1, 2, 9, 10; 19:23, 24; Mat. 6:31, 32; 8:20)

   2. Ana maloŵe gaŵaŵecete Yesu paŵawaga gakulosya catuli umboni wamacili wakuti jwalakwe ŵakwesisye ulamusi wekulungwa wa Yehofa? (Yoh. 16:33; 19:30; 2 Pet. 3:14; 1 Yoh. 5:4)

Ngani 102

1. Ana jwamkongwe jwali paciwulilipa ali nduni, soni acalume ŵaŵiliŵa ali ŵani, soni ana jemanjaji ali kwapi?

2. Ana ligongo cici Pilato akwasalila ŵambopesi kuti atumisye asilikali kuti akalondeleje lilembe lya Yesu?

3. Ana lilayika likutenda cici kundaŵindaŵipe kwa lisiku lyatatu ciwile Yesu, nambo ŵambopesi akutenda cici?

4. Ligongo cici acakongwe ŵane akusimonga papite kukulola lilembe lya Yesu?

5. Ligongo cici Petulo ni Yohane akuwutucila ku lilembe lya Yesu, soni akucisimana cici?

6. Ana cici cacawutendecele mtembo wa Yesu, nambo ana jwalakwe akutenda cici pakusaka kwalosya ŵakulijiganya ŵakwe kuti ali cijumi?

Mawusyo gakonjecesya:

1. Aŵalanje Matayo 27:62-66 ni 28:1-15.

   Pandaŵi jaŵajimukaga Yesu ku ŵawe, ana acakulungwa ŵambopesi, Afalisi, soni acakulungwa ŵane waulemwecesye catuli msimu weswela? (Mat. 12:24, 31, 32; 28:11-15)

2. Aŵalanje Luka 24:1-12.

   Ana ngani ja Yesu jakwamba kwimuka kwakwe jikulosya catuli mwakusiŵawonela Yehofa acakongwe kuŵa mboni syakulupicika? (Luka 24:4, 9, 10; Mat. 28:1-7)

3. Aŵalanje Yohane 20:1-12.

   Ana Yohane 20:8, 9 akutukamucisya catuli kusosekwa kwakulitimalika naga ngatukupikanicisya cenene kuti yakulocesya yine ya m’Baibulo yicikwanilicika catuli? (Miy. 4:18; Mat. 17:22, 23; Luk. 24:5-8; Yoh. 16:12)

Ngani 103

1. Ana Maliya akumsalila cici jwamlume jwine jwakumganicisya kuŵa jwakulima mumgunda, nambo cici cacikumtendekasya kusimicisya kuti jwalakwe ali Yesu?

2. Ana cici cacikwatendecela ŵakulijiganya ŵaŵili ŵakwawula ku musi wa ku Emawo?

3. Ana cakusimonjesya catuli cacikutendekwa ŵakulijiganya ŵaŵili pakwasalila ŵandumetume ŵane kuti am’weni Yesu?

4. Ana Yesu ŵawonecele kalingwa kwa ŵakulijiganya ŵakwe?

5. Ana Tomasi akuti wuli papikene kuti ŵakulijiganyawo ŵaweni Ambuje, nambo ana cici cacikutendekwa pali papite masiku 8?

Mawusyo gakonjecesya:

1. Aŵalanje Yohane 20:11-29.

   Ana yaŵasasile Yesu pa Yohane 20:23 yikwapa macili ŵandu gakululucila ulemwa? Atagulile. (Sal. 49:2, 7; Yes. 55:7; 1 Tim. 2:5, 6; 1 Yoh. 2:1, 2)

2. Aŵalanje Luka 24:13-43.

   Ana mpaka tukosecelesye catuli mitima jetu kuti jipoceleje usyesyene wa m’Baibulo? (Luka 24:32, 33; Ezara 7:10; Mat. 5:3; Mase. 16:14; Ahe. 5:11-14)

Ngani 104

1. Ana ŵakulijiganya ŵalingwa ŵakum’wona Yesu pandaŵi jine, soni akwasalila cici?

2. Ana Ucimwene wa Mlungu uli cici, soni ana umi uciŵa watuli pacilambo capasi Yesu pacacilamulilaga mpela Mwenye kwa yaka 1000?

3. Ana Yesu aŵele ali mkuwonecela kwa ŵakulijiganya ŵakwe kwa masiku galingwa, nambo sambano jili ndaŵi jakuti atende cici?

4. Yesu mkanalekangane ni ŵakulijiganya ŵakwe, ana jwalakwe akwasalila kuti atende cici?

5. Cici cacikutendekwa paciwulilipa, soni cici cacikutendekasya kuti Yesu akawonekasoni?

Mawusyo gakonjecesya:

1. Aŵalanje 1 Akolinto 15:3-8.

   Ligongo cici Paulo ŵakombolece kuŵeceta mwakusimicisya ya kwimuka ku ŵawe kwa Yesu, soni ana Aklistu lelo jino mpaka aŵeceteje mwakusimicisya yindu yatuli? (1 Akoli. 15:4, 7, 8; Yes. 2:2, 3; Mat. 24:14; 2 Tim. 3:1-5)

2. Aŵalanje Masengo 1:1-11.

   Ana masengo gakulalicila gawandile catuli, mpela mwalyaŵecetele lilemba lya Masengo 1:8? (Mase. 6:7; 9:31; 11:19-21; Akolo. 1:23)

Ngani 105

1. Mpela mwakuyiwonela paciwulilipa, ana cikutendekwa cici kwa ŵakulijiganya ŵaŵajembeceyaga mu Yelusalemu?

2. Ana cici cacikwasimonjesya acalendo ŵayice ku Yelusalemu?

3. Ana Petulo akwasalila cici ŵandu?

4. Ana ŵandu akupikana wuli mumtima mwawo papikene yaŵecete Petulo, soni ana jwalakwe akwasalila kuti atende cici?

5. Ana ŵandu ŵalingwa ŵaŵabatiswe lisiku lyelelyo pa Pentekote, 33 C.E..?

Mawusyo gakonjecesya:

1. Aŵalanje Masengo 2:1-47.

   1. Ana maloŵe ga Petulo gagakusimanikwa pa Masengo 2:​23, 36 gakulosya catuli kuti mtundu wosope wa Ciyuda watendekasisye ciwa ca Yesu? (1 Ates. 2:14, 15)

   2. Ana Petulo akutupa cisyasyo cambone catuli ca kutagulila ya m’Malemba? (Mase 2:16, 17, 29, 31, 36, 39; Akolo. 4:6)

   3. Ana Petulo ŵakamulicisye masengo catuli “makiyi ga ucimwene wakwinani,” gaŵamsalile Yesu kuti cacimpa? (Mase 2:14, 22-24, 37, 38; Mat. 16:19)

Ngani 106

1. Ana lisiku line musi cikumtendecela cici Petulo ni Yohane pakwawula ku nyumba ja Mlungu?

2. Ana Petulo akumsalila cici mundu jwamlemale, soni ana Petulo akumpa cici, cacili cakusosekwa mnope kupunda mbiya?

3. Ligongo cici acimlongola ŵa dini atumbile, soni akutenda cici kwa Petulo ni Yohane?

4. Ana Petulo akwasalila cici acimlongola ŵa diniwo, soni ana jemanjajo akwakalamusya ŵandumetumewo pakwamba ya cici?

5. Ligongo cici acimlongola ŵa dini akutenda jelasi, nambo cici cacikutendekwa pakwawugalila kaŵilisoni m’nyumba ja ukayidi?

6. Ana ŵandumetume akwanga catuli pakwajigalila ku nganya jekulungwa jamagambo ja Ayuda?

Mawusyo gakonjecesya:

1. Aŵalanje Masengo 3:1-10.

   Atamose kuti lelo nganitukola macili gakutendela yakusimonjesya, ana maloŵe ga Petulo gagakusimanikwa pa Masengo 3:6 gakutukamucisya catuli kukuwona kusosekwa kwa utenga wa Ucimwene? (Yoh. 17:3; 2 Akoli. 5:18-20; Afi. 3:8)

2. Aŵalanje Masengo 4:1-31.

   Patusimene ni ŵakusisya mu undumetume, ana mpaka tukuye catuli cisyasyo ca Aklistu acimjetu ŵandanda? (Mase. 4:29, 31; Aef. 6:18-20; 1 Ates. 2:2)

3. Aŵalanje Masengo 5:17-42.

   Ana ŵandu ŵane ŵanganaŵa Mboni, ŵakala ni ŵa moŵa agano, alosisye catuli kuganisya cenene pakwamba ya masengo gakulalicila? (Mase. 5:34-39)

Ngani 107

1. Ana Sitefano ali nduni, soni Mlungu aŵele mkumkamucisya kutenda cici?

2. Ana Sitefano akuŵeceta kuti wuli, yayikwatendekasya acimlongola ŵa dini kutumbila mnope?

3. Ana acalume akumtenda cici Sitefano ali am’wutile kusa kwa msinda?

4. Paciwulilipa, ana mcanda jwajimi ciŵandika mikanjojo ali nduni?

5. Sitefano mkanawe, ana akupopelela cici kwa Yehofa?

6. Pakumsyasya Sitefano, ana tukusosekwa kutenda cici naga ŵane atesile yakusakala kwa m’weji?

Mawusyo gakonjecesya:

1. Aŵalanje Masengo 6:8-15.

   Ana yitendo yaunami yatuli yaŵele mkukamulicisya masengo acimlongola ŵa dini pakulekasya masengo gakulalicila ga Mboni sya Yehofa? (Mase. 6:9, 11, 13)

2. Aŵalanje Masengo 7:1-60.

   1. Ana cici cacamkamucisye Sitefano kupakombola cenene kuwuteteya utenga wambone ku Nganya Japenani ja Ayuda, soni ana mpaka tulijiganye cici kutyocela pacisyasyo cakwe? (Mase. 7:51-53; Alo. 15:4; 2 Tim. 3:14-17; 1 Pet. 3:15)

   2. Ana tukusosekwa kolaga nganisyo syatuli kwa ŵandu ŵakusasisya masengo getu? (Mase. 7:58-60; Mat. 5:44; Luka 23:33, 34)

Ngani 108

1. Ana Saulo akutenda cici pawile Sitefano?

2. Saulo pali pamsewu wakwawula ku Damasiko, ana cakusimonjesya capi cacikutendekwa?

3. Ana Yesu akumsalila Saulo kutenda cici?

4. Ana Yesu akumsalila cici Ananiya, soni yikomboleka catuli kuti Saulo atandilesoni kulola?

5. Ana Saulo akutanda kumanyika ni lina lyatuli, soni akumkamulicisya masengo mwatuli?

Mawusyo gakonjecesya:

1. Aŵalanje Masengo 8:1-4.

   Ana yitendo yangalwe yayatandite pampingo wa Ciklistu wawagambile kupagwa kwene yakamucisye catuli kuwandisya cikulupi ca Ciklistu, soni ana yindu yapi yakulandana ni yeleyi yayiŵele mkutendekwa moŵa agano? (Mase. 8:4; Yes. 54:17)

2. Aŵalanje Masengo 9:1-20.

   Ana Yesu ŵasasile kuti akusaka kuti Saulo atende masengo gatatu gatuli? (Mase. 9:15; 13:5; 26:1; 27:24; Alo. 11:13)

3. Aŵalanje Masengo 22:6-16.

   Ana mpaka tuŵe catuli mpela Ananiya, soni ligongo cici kutenda yeleyo kuli kwakusosekwa? (Mase. 22:12; 1 Tim. 3:7; 1 Pet. 1:14-16; 2:12)

4. Aŵalanje Masengo 26:8-20.

   Ana kugalawuka kwa Paulo ni kuŵa Mklistu, mpaka kwalimbikasye catuli lelo ŵalombane ŵakwete mjawo jwangakulupilila? (Mase 26:11; 1 Tim. 1:14-16; 2 Tim. 4:2; 1 Pet. 3:1-3)

Ngani 109

1. Ana mundu jwakutindiŵala paciwulilipa ali nduni?

2. Ana lilayika likumsalila cici Koneliyo?

3. Ana Mlungu akumlosya cici Petulo pali pamsakasa wa nyumba ja Simoni ku Yopa?

4. Ligongo cici Petulo akumsalila Koneliyo kuti ngakuŵajilwa kumtindiŵalila ni kumlambila?

5. Ligongo cici ŵakulijiganya ŵa Ciyuda ŵali yimpepe ni Petulo akusimonga?

6. Ana lijiganyo lyakusosekwa lyapi lyatukulijiganya kutyocela kwa Petulo paŵapite kwa Koneliyo?

Mawusyo gakonjecesya:

1. Aŵalanje Masengo 10:1-48.

   Ana Maloŵe ga Petulo gagakusimanikwa pa Masengo 10:42 gakulosya cici pakwamba yakulalicila utenga wambone wa Ucimwene? (Mat. 28:19; Maliko 13:10; Mase. 1:8)

2. Aŵalanje Masengo 11:1-18.

   Ana Petulo ŵalosisye nganisyo syatuli Yehofa ali ampele malamusi gakupikanika cenene gakwamba ŵandu ŵangaŵa Ayuda, soni ana m’weji mpaka tukuye catuli cisyasyo cakwe? (Mase. 11:17, 18; 2 Akoli. 10:5; Aef. 5:17)

Ngani 110

1. Ana mcanda jwali paciwuliliju ali nduni, soni akusatama kwapi, nambi mena ga mamagwe ni angangagwe gali gatuli?

2. Ana Timoteyo akumjanga wuli Paulo pam’wusisye naga akusaka kuŵa yimpepe ni jwalakwe ni Sila, pakulalicila kwa ŵandu ŵakutama kwakutalicila?

3. Ana kwapi kuŵatandite ŵakumkuya Yesu kolanjikwa kuŵa Aklistu?

4. Paulo ni Banaba patyosile ku Antiokeya, ana akwawula ku misinda jine japi?

5. Ana Timoteyo akumkamucisya catuli Paulo, soni ŵanace mpaka aliwusye mawusyo gatuli?

Mawusyo gakonjecesya:

1. Aŵalanje Masengo 9:19-30.

   Ana Paulo ŵalosisye catuli lunda paŵasimanaga ni ŵakusisya ngani syambone? (Mase. 9:22-25, 29, 30; Mat. 10:16)

2. Aŵalanje Masengo 11:19-26.

   Ana ngani jajikusimanikwa pa Masengo 11:​19-​21, 26 jikulosya catuli kuti msimu wa Yehofa ni wawukuteteya, soni kulongolela masengo gakulalicila?

3. Aŵalanje Masengo 13:13-16, 42-52.

   Ana lilemba lya Masengo 13:​51, 52 likulosya catuli kuti ŵandumetume nganakunda kuti kusisya kwa ŵane kwatengusye? (Mat. 10:14; Mase. 18:6; 1 Pet. 4:14)

4. Aŵalanje Masengo 14:1-6, 19-28.

   Ana Maloŵe gakuti “ŵapelece kwa Yehofa,” gakutukamucisya catuli kugopoka ku nganisyo syangaŵajilwa patukwakamucisya ŵa casambano? (Mase. 14:21-23; 20:32; Yoh. 6:44)

5. Aŵalanje Masengo 16:1-5.

   Ana kusacilila kwa Timoteyo kuti awumbale kukugombelecesya catuli kusosekwa kwa kutenda yindu “yosope ligongo lya ngani syambone”? (Mase. 16:3; 1 Akoli. 9:23; 1 Ates. 2:8)

6. Aŵalanje Masengo 18:1-11, 18-22.

   Ana lilemba lya Masengo 18:9, 10 likulosya catuli yakusatenda Yesu pakulongolela masengo gakulalicila, soni ana yeleyi yikutupa cikulupi catuli lelo jino? (Mat. 28:20)

Ngani 111

1. Ana paciwulilipa, mnyamata jwagonile pasijo ali nduni, soni cici cacimtendecele?

2. Ana Paulo akutenda cici pakwiwona kuti mnyamatajo awile?

3. Ana Paulo, Timoteyo, soni ŵandu ŵane ŵakwenda nawo akwawula kwapi, soni cikutendekwa cici pajimi ku Mileto?

4. Ana jwakulocesya Agabu akumkalamusya cici Paulo, soni ana yasasile yikutendekwa catuli?

Mawusyo gakonjecesya:

1. Aŵalanje Masengo 20:7-38.

   1. Mwakamulana ni maloŵe ga Paulo pa Masengo 20:26,27, ana mpaka tujendelecele catuli kuŵa ‘ŵaswela ku miyasi ja ŵandu wosope”? (Ezek. 33:8; Mase 18:6, 7)

   2. Ana ligongo cici acakulungwa akusosekwa ‘kamulicisya maloŵe gele gagali gakulupicika’ pakwiganya? (Mase. 20:17, 29, 30; Tito 1:7-9; 2 Tim. 1:13)

2. Aŵalanje Masengo 26:24-32.

   Ana Paulo ŵakamulicisye masengo catuli kuŵa kwakwe mbagwilo ja ku Loma pakusaka kwanilisya masengo gakulalicila gaŵampele Yesu? (Mase. 9:15; 16:37, 38; 25:11, 12; 26:32; Luka 21:12, 13)

Ngani 112

1. Ana cikutendekwa cici ni combo caŵakwesile Paulo pacikupita ciŵandika cilumba ca Kulete?

2. Ana Paulo akwasalila cici ŵandu ŵali mucombomo?

3. Ana comboco cakasice catuli yipisyayipisya?

4. Ana jwamkulungwa jwa asilikali akwalamula ŵandu cici, soni ŵandu ŵalingwa ŵakukopocela ku mkuli cenene?

5. Ana cilumba cajimi jemanjaji cikukolanjikwa linaci, soni ana cikumtendecela cici Paulo cimbungo cila cili citulele?

Mawusyo gakonjecesya:

1. Aŵalanje Masengo 27:1-44.

   Ana Cikulupi cetu cakuti Baibulo jikusasala yisyesyene cikusalimba catuli patukuŵalanga ngani ja ulendo wa Paulo wakwawula ku Loma? (Mase. 27:16-19, 27-32; Luka 1:3; 2 Tim. 3:16, 17)

2. Aŵalanje Masengo 28:1-14.

   Naga ŵandu ŵangam’manyilila Mlungu ŵa ku Malita mwakusacilila ŵalosisye ‘umbone mtima mnope’ kwa Paulo ni acimjakwe ŵacakasicile combo ŵala, ana Aklistu akusosekwa kusacililaga kutenda cici, soni mnopemnope mwatuli? (Mase. 28:1, 2; Ahe. 13:1, 2; 1 Pet. 4:9)

Ngani 113

1. Ana Paulo akumlalicila nduni pali mkayidi ku Loma?

2. Paciwulilipa, ana mlendo jwakulemba patebulojo ali nduni, soni akumtendela cici Paulo?

3. Ana Epafulodito ali nduni, soni akujigala cici pakuwujila ku Filipi?

4. Ligongo cici Paulo akumlembela cikalata Filimoni jwali mjakwe mnope?

5. Ana Paulo akutenda cici pamgopwele, soni kaneko cikumtendecela cici?

6. Ana Yehofa akumkamulicisya masengo nduni kulemba buku jakumalisya mu Baibulo, soni ana buku ja Ciunukuko jikutagulila pakwamba ya cici?

Mawusyo gakonjecesya:

1. Aŵalanje Masengo 28:16-31 soni Afilipi 1:13.

   Ana Paulo ŵakamulicisye masengo catuli lina lyakwe paŵaliji mkayidi ku Loma, soni ana cikulupi cakwe cakulimba cakamucisye catuli mipingo ja Ciklistu? (Mase 28:23, 30; Afi. 1:14)

2. Aŵalanje Afilipi 2:19-30.

   Ana maloŵe gapi gakuyamicila gaŵaŵecete Paulo kwa Timoteyo ni Epafulodito, soni ana mpaka tukuye catuli cisyasyo ca Paulo? (Afi. 2:20, 22, 25, 29, 30; 1 Akoli. 16:18; 1 Ates. 5:12, 13)

3. Aŵalanje Filimoni 1-25.

   1. Ana mnopemnope ligongo cici Paulo ŵamlimbikasisye Filimoni kutenda yayili yakuŵajilwa, soni yeleyi mpaka yakamucisye catuli acakulungwa? (Fil. 9; 2 Akoli. 8:8; Aga. 5:13)

   2. Ana maloŵe ga Paulo gagakusimikwa pa Filimoni 13, 14 gakulosya catuli kuti jwalakwe ŵacimbicisyaga cikumbumtima ca ŵane mumpingo? (1 Akoli. 8:7, 13; 10:31-33)

4. Aŵalanje 2 Timoteyo 4:7-9.

   Mpela ndumetume Paulo, ana mpaka tuŵe ŵakusimicisya catuli kuti Yehofa cacitupa mbote naga tukuŵa ŵakulupicika mpaka kumbesi? (Mat. 24:13; Aheb. 6:10)

Ngani 114

1. Ligongo cici Baibulo jikuŵeceta ya mahaci gakwinani?

2. Ana ngondo ja Mlungu pa ŵandu ŵakusakala pacilambo capasi jikusakolanjikwa linaci, soni lisosa lya ngondoji lili cici?

3. Kutyocela paciwulilipa, ana nduni jucacilongolela ngondojo, ligongo cici jwalakwejo awete cisoti, soni ana upangawo ukwimila cici?

4. Patukulola Ngani 10, soni 15 sya munyuma, ligongo cici ngatukusosekwa kusimonga kuti Mlungu cacijonanga ŵandu ŵakusakala?

5. Ana Ngani 33, 36, soni 76 sikulosya catuli kuti Mlungu cacijonanga ŵandu ŵakusakala atamose kuti jemanjajo akusasala kuti akusamlambila jwalakwe?

Mawusyo gakonjecesya:

1. Aŵalanje Ciunukuko 19:11-16.

   1. Ana Malemba gakusalosya cenene catuli kuti Yesu Klistu ali jwakwela haci jeswela? (Ciu. 1:5; 3:14; 19:11; Yes. 11:4)

   2. Ana miyasi jajili pa malaja gakusa ga Yesu jikusimicisya catuli kuti jwalakwe cacigomeka acimmagongo wosope? (Ciu. 14:18-20; 19:13)

   3. Ana asilikali ŵakumkuya Yesu ali akwesile mahaci geswelawo komboleka kuŵa ŵani? (Ciu. 12:7; 19:14; Mat. 25:31, 32)

Ngani 115

1. Ana Baibulo jikusalosya kuti tucisangalala ni ndamo jatuli mu Paladaiso pacilambo capasi?

2. Ana Baibulo jikupeleka cilangano catuli kwa ŵandu ŵacacitama mu Paladaiso?

3. Ana Yesu cacilolecesya cakaci kuti kusinda kwakusangalasyaku kutendekwe?

4. Paŵaliji pacilambo capasi, ana Yesu ŵatesile cici pakulosya yacacitenda mpela Mwenye jwa Ucimwene wa Mlungu?

5. Ana Yesu ni acimjakwe ŵacacilamulila nawo kwinani cacilolecesya kuti citendekwe cici kwa ŵandu pacilambo capasi?

Mawusyo gakonjecesya:

1. Aŵalanje Ciunukuko 5:9, 10.

   Ana mpaka tusimicisye catuli kuti ŵacacilamulilaga cilambo capasi mkati mwa yaka 1000 caciŵa acayimwene, soni ŵambopesi ŵakupikanicisya ni ŵacanasa? (Aef. 4:20-24; 1 Pet. 1:7; 3:8; 5:6-10)

2. Aŵalanje Ciunukuko 14:1-3.

   Ana kulembekwa kwa lina lya Atati, soni lina lya mwanace jwa ngondolo pawusyo pa ŵa 144,000 kukugopolela cici? (1 Akoli. 3:23; 2 Tim. 2:19; Ciu. 3:12)

Ngani 116

1. Ana tukusosekwa kumanyilila cici naga tukusaka kutama ni umi kwangamala?

2. Mpela mwakakutendela kamwalika ni acimjakwe paciwulilipa, ana mpaka tulijiganye catuli ya Yehofa Mlungu ni Yesu?

3. Ana akujiwona buku jine jatuli paciwulilipa, soni ligongo cici tukusosekwa kujiŵalangaga ndaŵi ni katema?

4. Kupwatika pa kulijiganya ya Yehofa ni Yesu, ana tukusosekwa kutenda cicisoni kuti tukapate umi wangamala?

5. Ana tukulijiganya cici kutyocela mu Ngani 69?

6. Ana cisyasyo cambone ca mcanda Samuyele mu Ngani 55 cikulosya cici?

7. Ana mpaka tukuye catuli cisyasyo cambone ca Yesu, soni naga tukutenda yeleyo, tucikombola kutenda cici m’bujo?

Mawusyo gakonjecesya:

1. Aŵalanje Yohane 17:3.

   Ana Malemba gakulosya catuli kuti kumanyilila ya Yehofa Mlungu, soni ya Yesu Klistu kukupwatika yejinji ngaŵaga kwamba kukumbucila yindu? (Mat. 7:21; Yak. 2:18-20; 1 Yoh 2:17)

2. Aŵalanje Masalimo 145:1-21.

   1. Ana tukwete magongo gane gapi gakumlumbila Yehofa? (Sal. 145:8-11; Ciu. 4:11)

   2. Ana Yehofa ali “jwambone kwa wosope” catuli, soni ligongo cici yeleyi yikusosekwa kututendekasya kwendelecela kum’ŵandicila? (Sal. 145:9; Mat. 5:43-45)

   3. Naga tukusamnonyela Yehofa kutyocela mumtima, ana tucisacilila kutenda cici? (Sal. 119:171, 172, 175; 145:11, 12, 21)