1 Tsikbalil

1. ¿Máax tiʼ u taal tuláakal baʼal maʼalob? ¿Jeʼel wa u páajtal a waʼalik upʼéeleʼeʼ?

2. ¿Baʼax yáax beetaʼab tumen Dios?

3. ¿Baʼax u jelaʼanil le yáax ángel tiʼ u maasiloʼ?

4. Tsol bix kaʼach yanil le Luʼum tu káajbaloʼ (ile dibujooʼ).

5. ¿Baʼax tu beetaj Dios utiaʼal ka páatak u kuxtal máakoʼob yéetel baʼalcheʼob teʼ Luʼumaʼ?

Uláakʼ kʼáatchiʼob:

1. Xokaʼak Jeremías 10:12.

   ¿Baʼax k-kanik tiʼ Dios yoʼolal baʼax u beetmaj? (Isa. 40:26; Rom. 11:33.)

2. Xokaʼak Tiʼ Colosailoʼob 1:15-17.

   ¿Baʼax meeyjil tu beetaj Jesús utiaʼal ka yanak tuláakal baʼal, yéetel bix kʼaʼabéet k-ilik yoʼolal le meyaj tu beetaʼ?

3. Xokaʼak Génesis 1:1-10.

   1. ¿Máax beet le Luʼumoʼ? (Gén. 1:1, NM).

   2. ¿Baʼax úuch tu yáax kʼiinil káajak u beetaʼal baʼaloʼob? (Gén. 1:3-5.)

   3. ¿Baʼax úuch tu kaʼapʼéel kʼiinil káajak u beetaʼal baʼaloʼob? (Gén. 1:7, 8.)

2 Tsikbalil

1. ¿Bix úuchik u jatsʼutskíintaʼal le Luʼum tumen Dios utiaʼal u tsʼáatoʼoneʼexaʼ?

2. Dioseʼ yaʼab baʼalcheʼob tu beetaj, ¿yaan wa kʼajaʼantech u kʼaabaʼiʼ? (Ile dibujooʼ.)

3. ¿Baʼaxten jach jatsʼuts kaʼach le jardín tiʼ Edenoʼ?

4. ¿Bix kaʼach u kʼáat Dios ka pʼáatak tuláakal le Luʼumaʼ?

Uláakʼ kʼáatchiʼob:

1. Xokaʼak Génesis 1:11-25.

   1. ¿Baʼax tu beetaj Dios tu óoxpʼéel kʼiinil káajak u beetik le baʼaloʼoboʼ? (Gén. 1:12.)

   2. ¿Baʼax úuch tu kampʼéel kʼiinil káajak u beetaʼal baʼaloʼob? (Gén. 1:16.)

   3. ¿Baʼax baʼalcheʼiloʼob beetaʼab tumen Dios tu cinco kʼiin yéetel tu seis kʼiin káajak u beetik baʼaloʼob? (Gén. 1:20, 21, 25.)

2. Xokaʼak Génesis 2:8, 9.

   ¿Baʼax kaʼapʼéel cheʼi tu tsʼáaj Dios tu chúumuk le jatsʼuts kúuchiloʼ, yéetel baʼax u kʼáat yaʼaloʼob?

3 Tsikbalil

1. ¿Baʼax yaan tu dibujoi le óoxpʼéel tsikbalil minaʼan tu dibujoi le kaʼapʼéel tsikbaliloʼ?

2. ¿Bix u kʼaabaʼ le yáax xiiboʼ, yéetel máax beetej?

3. ¿Baʼax meeyjil tsʼaʼab u beet Adán tumen Dios?

4. ¿Baʼaxten beetaʼab u tʼúubul u wenel Adán tumen Dios?

5. ¿Jaypʼéel jaʼab kaʼach kun kuxtaloʼob Adán yéetel Eva, yéetel baʼax meeyjil u kʼáat kaʼach Jéeoba ka u beetoʼob?

Uláakʼ kʼáatchiʼob:

1. Xokaʼak Isaías 42:8.

   ¿Bix u kʼaabaʼ Dios yéetel baʼax u kʼáat u yaʼal chéen letiʼ u Sen kaʼanlil yóokʼol le Luʼumaʼ? (Jer. 16:21; Dan. 4:17.)

2. Xokaʼak Génesis 1:26-31.

   1. ¿Baʼax u tsʼook meeyjil tu beetaj Dios tu seis kʼiinil káajak u beetik baʼaloʼob, yéetel baʼax u jelaʼanil tiʼ baʼalcheʼob? (Gén. 1:26.)

   2. ¿Baʼax tu tsʼáaj Jéeoba utiaʼal jaantbil tumen wíinik yéetel tumen baʼalcheʼob? (Gén. 1:30.)

3. Xokaʼak Génesis 2:7-25.

   1. ¿Baʼax kʼaʼabéet u beetik kaʼach Adán utiaʼal u tsʼáaik u kʼaabaʼ le baʼalcheʼoboʼ? (Gén. 2:19.)

   2. ¿Bix u yáantkoʼon Génesis 2:24 k-ojéelt bix u yilik Jéeoba le tsʼoʼokol beeloʼ, le pʼatbailoʼ yéetel le divorciooʼ? (Mat. 19:4-6, 9.)

4 Tsikbalil

1. Jeʼex a wilik teʼ dibujooʼ, ¿baʼax ku yúuchul tiʼ Adán yéetel Eva?

2. ¿Baʼaxten táan u jóoʼsaʼaloʼob tumen Jéeoba?

3. ¿Baʼax aʼalaʼab tiʼ Eva tumen utúul kaan?

4. ¿Máax beet u tʼaʼanal Eva tumen le kaanoʼ?

5. ¿Baʼaxten túun maʼ pʼáatoʼob Adán yéetel Eva tu jatsʼuts otochoʼoboʼ?

Uláakʼ kʼáatchiʼob:

1. Xokaʼak Génesis 2:16, 17 yéetel 3:1-13, 24.

   1. Le baʼax tiaʼalaj le kaan tiʼ Evaoʼ, ¿baʼaxten tu tsʼáaj naʼatbil maʼ maʼalob u gobernar Diosiʼ? (Gén. 3:1-5; 1 Juan 5:3.)

   2. ¿Baʼax ku kaʼansiktoʼon le baʼax úuch tiʼ Evaoʼ? (Fili. 4:8; Sant. 1:14, 15; 1 Juan 2:16.)

   3. Adán yéetel Evaeʼ, ¿máax tu tsʼáajoʼob u kuuch yoʼolal le baʼax tu beetoʼoboʼ? (Gén. 3:12, 13.)

   4. ¿Baʼax tu beetaj le querubinoʼob utiaʼal u yeʼeskoʼob chéen Jéeoba unaj u tsʼoʼokbesaʼal u tʼaan? (Gén. 3:24.)

2. Xokaʼak Apocalipsis 12:9.

   ¿Chéen wa upʼíit máakoʼob tsʼoʼok u náachkúuntik Satanás tiʼ u gobernación Jéeoba? (Juan 5:19.)

5 Tsikbalil

1. ¿Bix le kuxtal tu yiloʼob Adán yéetel Eva teʼ tuʼux jóoʼsaʼaboʼob kajtaloʼ?

2. ¿Baʼax káaj u yúuchul tiʼ Adán yéetel Eva, yéetel baʼaxten?

3. ¿Baʼaxten yaan xan kaʼach u chʼíijil yéetel u kíimil u paalal Adán yéetel Eva?

4. Wa Adán yéetel Eva ka u beetoʼob kaʼach baʼax u kʼáat Dioseʼ, ¿bix kaʼach ken u máans u kuxtaloʼob yéetel u paalaloʼob?

5. ¿Baʼax muʼyajiloʼob tu taasaj tiʼ Eva úuchik u maʼ uʼuyajtʼantik Dios?

6. ¿Bix kaʼach u kʼaabaʼ u yáax kaʼatúul paalal Adán yéetel Eva?

7. Le uláakʼ paalal yaan teʼ dibujooʼ, ¿máaxoʼobiʼ?

Uláakʼ kʼáatchiʼob:

1. Xokaʼak Génesis 3:16-23 yéetel 4:1, 2.

   1. ¿Bix úuchik u talamtal u kuxtal Adán ka xuʼul u yáantaʼal tumen Jéeoba? (Gén. 3:17-19; Rom. 8:20, 22.)

   2. ¿Baʼaxten le yáax koʼoleloʼ jach maʼalob tsʼaʼabik u kʼaabaʼt Eva, u kʼáat u yaʼal «kuxtal»? (Gén. 3:20.)

   3. Tak tsʼoʼok u kʼebantaloʼob Adán yéetel Evaeʼ, ¿bix úuchik u chʼaʼabal óotsilil tiʼob tumen Jéeoba? (Gén. 3:7, 21.)

2. Xokaʼak Apocalipsis 21:3, 4.

   ¿Máakalmáak tiʼe baʼaloʼob kun máan a kʼáat ka xuʼulsaʼakoʼ?

6 Tsikbalil

1. ¿Baʼax meeyjil káaj u beetkoʼob Caín yéetel Abel?

2. ¿Baʼax siibalil bisaʼab tiʼ Jéeoba tumen Caín yéetel Abel?

3. ¿Baʼaxten u siibal Abeleʼ lúub utsil tiʼ Jéeoba yéetel baʼaxten maʼ lúub utsil u siibal Caín tiʼ Jéeobaiʼ?

4. ¿Bix kaʼach u modos Caín, yéetel baʼax aʼalaʼabtiʼ tumen Jéeoba kʼaʼabéet u beetik?

5. ¿Baʼax tu beetaj Caín tiʼ u yíitsʼin ka pʼáat tu juunaloʼob teʼ kʼáaxoʼ?

6. Tsol baʼax úuch tiʼ Caín ka tsʼoʼok u kíimsik u yíitsʼin.

Uláakʼ kʼáatchiʼob:

1. Xokaʼak Génesis 4:2-26.

   1. ¿Bix úuchik u yeʼesaʼal tiʼ Caín tumen Jéeoba maʼ maʼalob u tuukuliʼ? (Gén. 4:7.)

   2. ¿Bix úuchik u yeʼesik Caín baʼax yaan tu puksiʼikʼal? (Gén. 4:9.)

   3. ¿Bix u yilik Jéeoba u kíimsaʼal utúul máak mix baʼal u beetmaj? (Gén. 4:10; Isa. 26:21.)

2. Xokaʼak 1 San Juan 3:11, 12.

   1. ¿Baʼax beet u jach pʼuʼujul Caín, yéetel baʼax ku kaʼansiktoʼon? (Gén. 4:4, 5; Pro. 14:30; 28:22.)

   2. ¿Bix u yeʼesiktoʼon le Biblia jeʼel u páajtal u chúukpajal k-óol meyajt Jéeoba kex k-láakʼoʼob maʼ u kʼáat u beetoʼobeʼ? (Sal. 27:10; Mat. 10:21, 22.)

3. Xokaʼak San Juan 11:25.

   ¿Baʼax kiaʼalik Jéeoba ken u beet yoʼolal le máaxoʼob ku kíimloʼob ikil u beetkoʼob baʼax maʼaloboʼ? (Juan 5:24.)

7 Tsikbalil

1. ¿Baʼax u jelaʼanil Enoc tiʼ uláakʼ máakoʼob?

2. Tu kʼiinil Enoqueʼ, ¿baʼaxten ku sen beetaʼal baʼaloʼob kʼaastak?

3. ¿Baʼax le baʼaloʼob kʼaastak ku sen beetik kaʼach le máakoʼoboʼ? (Ile dibujooʼ.)

4. ¿Baʼaxten kʼaʼabéetchaj maʼ u chʼaʼik saajkil Enoc?

5. ¿Bukaʼaj xáanchajik u kuxtal Enoc yéetel bukaʼaj kaʼach u xáantal u kuxtal wíinik teʼ kʼiinoʼob jeʼeloʼ?

6. ¿Baʼax úuch ka tsʼoʼok u kíimil Enoc?

Uláakʼ kʼáatchiʼob:

1. Xokaʼak Génesis 5:21-24, 27.

   1. ¿Bix úuchik u biskuba Enoc yéetel Jéeoba? (Gén. 5:24.)

   2. Jeʼex u yaʼalik le Bibliaoʼ, ¿máax le máak maas xáanchaj u kuxtal way luʼumeʼ, yéetel jaypʼéel jaʼab yaan tiʼ ka kíimij? (Gén. 5:27.)

2. Xokaʼak Génesis 6:5.

   Le tsʼoʼok u kíimil Enocoʼ, ¿bukaʼaj úuchik u jach kʼastal baʼaxoʼob ku beetaʼal way Luʼumeʼ, yéetel baʼax u chíikaʼanil tiʼ k-kʼiinoʼob? (2 Tim. 3:13.)

3. Xokaʼak Tiʼ Hebreob 11:5.

   ¿Baʼax beet u lúubul utsil Enoc tiʼ Dios, yéetel baʼax utsiloʼob tu taasaj tiʼ? (Gén. 5:22.)

4. Xokaʼak San Judas 14, 15.

   Ken u tsʼáaʼob kʼaj óolbil le cristianoʼob tsʼoʼok u náatsʼal u kʼiinil u baʼatelil Armagedonoʼ, ¿bix jeʼel u yeʼeskoʼob ku beetkoʼob jeʼex Enoqueʼ? (2 Tim. 4:2; Heb. 13:6.)

8 Tsikbalil

1. ¿Baʼax tu beetaj jujuntúul u ángeloʼob Dios ka tu yuʼuboʼob u tʼaan Satanás?

2. ¿Baʼax beet u taaktal u taal kajtal jujuntúul ángeloʼob way Luʼumeʼ?

3. ¿Baʼaxten maʼ maʼalob baʼax tu beetaj le ángeloʼob úuchik u taaloʼob way Luʼum ka tu sutubaʼob wíinikiloʼobeʼ?

4. ¿Baʼaxten jelaʼan kaʼach u paalal le ángeloʼoboʼ?

5. Jeʼex u yeʼesik le dibujooʼ, ¿baʼax tu beetaj u paalal le ángeloʼoboʼ?

6. Ku tsʼoʼokol u kíimil Enoqueʼ, ¿máax tsʼokaʼaniliʼ u síijileʼ, yéetel baʼaxten lúub utsil tiʼ Dios?

Uláakʼ kʼáatchiʼob:

1. Xokaʼak Génesis 6:1-8.

   ¿Baʼax kiaʼalik Génesis 6:6, jeʼel k-beetik u yuʼubik Jéeoba yoʼolal baʼax k-beetikeʼ? (Sal. 78:40, 41; Pro. 27:11.)

2. Xokaʼak San Judas 6.

   ¿Baʼax ku kaʼansiktoʼon le baʼax úuch tiʼe ángeloʼob «maʼ pʼáatoʼob tu kúuchiloʼoboʼ»? (1 Cor. 3:5-9; 2 Ped. 2:4, 9, 10.)

9 Tsikbalil

1. ¿Jaytúuloʼob kaʼach ichil u yotoch Noé, yéetel bix u kʼaabaʼ u óoxtúul paalaloʼob?

2. ¿Baʼax le baʼal maʼ yáax ilaʼan aʼalaʼab tiʼ Noé tumen Jéeoba ka u beetoʼ, yéetel baʼaxten?

3. ¿Baʼax tu beetaj u maasil máakoʼob ka tu yuʼuboʼob u yaʼalik Noé u kaʼaj u beet upʼéel cheem?

4. ¿Baʼaxoʼob aʼalaʼab xan tiʼ Noé tumen Dios ka u yoks teʼ cheemoʼ?

5. ¿Baʼax yanji u beetik Noé yéetel u familia, ka tsʼoʼok u kʼaʼalal u jool le cheem tumen Diosoʼ?

Uláakʼ kʼáatchiʼob:

1. Xokaʼak Génesis 6:9-22.

   1. ¿Baʼaxten kʼaj óoltaʼab Noé, bey utúul máak jach ku meyajtik Dioseʼ? (Gén. 6:9, 22.)

   2. ¿Bix u yilik Jéeoba Dios le loobiloʼ, yéetel bix jeʼel u yáantkoʼon k-yéey tiʼ baʼax ken k-náays k-óoleʼ? (Gén. 6:11, 12; Sal. 11:5.)

   3. ¿Bix jeʼel k-beetik jeʼex Noé ken tsʼaʼabaktoʼon tsolnuʼukoʼob ku taal tiʼ u moʼolay Jéeobaeʼ? (Gén. 6:22; 1 Juan 5:3.)

2. Xokaʼak Génesis 7:1-9.

   ¿Bix u líiʼsik k-óol ojéeltik kex Noé chéen utúul kʼeban wíinikeʼ ilaʼab tumen Jéeoba bey utúul máak tojeʼ? (Gén. 7:1; Pro. 10:16; Isa. 26:7.)

10 Tsikbalil

1. Le ka káaj u kʼáaxal le jaʼoʼ, ¿baʼaxten mix máak uláakʼ páajchaj u yokol teʼ cheemoʼ?

2. ¿Jaypʼéel kʼiin yéetel jaypʼéel áakʼab beetaʼab tumen Jéeoba u kʼáaxal jaʼ, yéetel bukaʼaj úuchik u kaʼantal u jaʼiʼ?

3. ¿Baʼax úuch tiʼ le cheem ka joʼopʼ u búulul tuláakal le Luʼumoʼ?

4. ¿Baʼax úuch tiʼe sen kaʼanal bakel máakoʼob ka taal le Búulkabaloʼ, yéetel baʼax úuch tiʼ u taataʼob?

5. Cinco meses tsʼoʼokok le Búulkabaloʼ, ¿tuʼux etsʼlaj le cheemoʼ?

6. ¿Baʼax oʼolal tu jáalkʼabtaj Noé utúul box chʼíichʼ?

7. ¿Bix úuchik u yojéeltik Noé tsʼoʼok u saʼapʼal le jaʼoʼ?

8. Ka tsʼoʼok u máanskoʼob maas tiʼ upʼéel jaʼab ichil le cheemoʼ, ¿baʼax aʼalaʼab tiʼ Noé yéetel u familia tumen Dios?

Uláakʼ kʼáatchiʼob:

1. Xokaʼak Génesis 7:10-24.

   1. ¿Baʼax úuch tiʼ tuláakal baʼal kuxaʼan ka taal le Búulkabaloʼ? (Gén. 7:23.)

   2. ¿Jaypʼéel kʼiinoʼob tu bisaj u saʼapʼal u jaʼiʼ le Búulkabaloʼ? (Gén. 7:24.)

2. Xokaʼak Génesis 8:1-17.

   ¿Bix u yeʼesik Génesis 8:17 Jéeobaeʼ maʼ tu kʼexaj baʼax u tukulmaj utiaʼal le Luʼumaʼ? (Gén. 1:22.)

3. Xokaʼak 1 San Pedro 3:19, 20.

   1. Ka suunaj le kʼasaʼan ángeloʼob teʼ kaʼanoʼ, ¿baʼax aʼalaʼab kun úuchultiʼob? (Jud. 6.)

   2. U tsikbalil u kuxtal Noé yéetel u familiaeʼ, ¿bix u muʼukʼaʼankúuntik k-oksaj óolal tiʼ le páajtalil yaan tiʼ Jéeoba utiaʼal u salvartik u kaajaloʼ? (2 Ped. 2:9.)

11 Tsikbalil

1. Jeʼex a wilik teʼ dibujooʼ, ¿baʼax tu yáax beetaj Noé ka jóokʼ teʼ cheemoʼ?

2. ¿Baʼax tiaʼalaj Dios ka u beet Noé yéetel u familia ka tsʼoʼok le Búulkabaloʼ?

3. ¿Baʼax tiaʼalaj Dios ken u tsʼáae?

4. Ken k-il upʼéel chéeleʼ, ¿baʼax kʼaʼabéet k-kʼaʼajsik?

Uláakʼ kʼáatchiʼob:

1. Xokaʼak Génesis 8:18-22.

   1. Teʼ kʼiinoʼobaʼ, ¿baʼax kʼaʼabéet k-beetik utiaʼal ka kʼuchuk yiknal Jéeoba «u jatsʼuts kiʼibokil» jeʼelel? (Gén. 8:21; Heb. 13:15, 16.)

   2. ¿Baʼax tiaʼalaj Jéeoba yoʼolal le tuukuloʼob ku jóokʼol tu puksiʼikʼal máakoʼ? Le beetkeʼ, ¿bix kʼaʼabéet k-kanáantikbaʼex? (Gén. 8:21; Mat. 15:18, 19.)

2. Xokaʼak Génesis 9:9-17.

   1. ¿Baʼax nuptʼaanil tu beetaj Jéeoba yéetel tuláakal kuxaʼan baʼaloʼob? (Gén. 9:10, 11.)

   2. ¿Bukaʼaj kun xáantal u nuptʼaanil le chéeloʼ? (Gén. 9:16.)

12 Tsikbalil

1. ¿Máax Nimrod, yéetel bix u yilaʼal kaʼach tumen Dios?

2. Le máakoʼob ka wilik teʼ dibujooʼ, ¿baʼaxten táan u beetkoʼob ladrillos?

3. ¿Baʼaxten maʼ lúub utsil tiʼ Jéeoba le sen kaʼanal naj ku beetaʼal kaʼachoʼ?

4. ¿Baʼax tu beetaj Dios utiaʼal ka xuʼulsaʼak u beetaʼal le sen kaʼanal najoʼ?

5. ¿Baʼax kʼaabaʼiʼ tsʼaʼab tiʼe noj kaajoʼ, yéetel baʼax u kʼáat u yaʼale?

6. ¿Baʼax tu beetaj le máakoʼob ka tsʼoʼok u xaʼakʼbesaʼal u tʼaanoʼob tumen Diosoʼ?

Uláakʼ kʼáatchiʼob:

1. Xokaʼak Génesis 10:1, 8-10.

   ¿Baʼax modosi tu yeʼesaj Nimrod, yéetel baʼax ku kʼaʼajsiktoʼon le Bibliaoʼ? (Pro. 3:31.)

2. Xokaʼak Génesis 11:1-9.

   ¿Baʼax oʼolal ku beetaʼal kaʼach le sen kaʼanal najoʼ, yéetel baʼaxten maʼ kun tsʼoʼoksbil? (Gén. 11:4; Pro. 16:18; Juan 5:44.)

13 Tsikbalil

1. ¿Bix kaʼach u kajnáaliloʼob Ur?

2. ¿Máax le máak ka wilik teʼ dibujooʼ? ¿Baʼax kʼiin ka síiji? ¿Tuʼux kajaʼan kaʼachi?

3. ¿Baʼax tiaʼalaj Dios tiʼ Abraham ka u beete?

4. ¿Baʼaxten kʼuch kʼaj óoltbil Abraham u amigo Dios?

5. ¿Máax láakʼint Abraham ka jóokʼ tu kaajil Ur?

6. Ka kʼuch Abraham tu luʼumil Canaaneʼ, ¿baʼax aʼalaʼab tiʼ tumen Dios?

7. Tu 99 jaʼabiloʼob u kuxtal Abrahameʼ, ¿baʼax tiaʼalaj Dios ken u tsʼáa tiʼ?

Uláakʼ kʼáatchiʼob:

1. Xokaʼak Génesis 11:27-32.

   1. ¿Máax Lot tiʼ Abraham? (Gén. 11:27.)

   2. Kex kiaʼalaʼal Taré nuʼukt u bimbal u láakʼtsiloʼob tu luʼumil Canaaneʼ, ¿bix k-ojéeltik Abraham nuʼuktoʼob, yéetel baʼaxten tu beetaj? (Gén. 11:31; Bxob. [Hech.] 7:2-4.)

2. Xokaʼak Génesis 12:1-7.

   Ka kʼuch Abraham tu luʼumil Canaaneʼ, ¿bix úuchik u béeykuntik Jéeoba le baʼax u yaʼalmajtiʼoʼ? (Gén. 12:7.)

3. Xokaʼak Génesis 17:1-8, 15-17.

   1. Tu 99 jaʼabiloʼob u kuxtal Abrameʼ, ¿baʼax jel kʼaabaʼiʼ tsʼaʼabtiʼ, yéetel baʼaxten? (Gén. 17:5.)

   2. ¿Baʼax utsiloʼob tiaʼalaj Jéeoba ken u tsʼáa tiʼ Sara? (Gén. 17:15, 16.)

4. Xokaʼak Génesis 18:9-19.

   1. Tu libroi Génesis 18:19, ¿baʼax kiaʼalaʼal tiʼe taatatsiloʼob unaj u beetkoʼoboʼ? (Deu. 6:6, 7; Efe. 6:4.)

   2. ¿Baʼax tu beetaj Sara eʼesik maʼ tu páajtal k-taʼakik mix baʼal tiʼ Jéeoba? (Gén. 18:12, 15; Sal. 44:21.)

14 Tsikbalil

1. ¿Baʼax tiaʼalaj Dios ken u tsʼáa tiʼ Abraham, yéetel bix úuchik u béeykuntik?

2. Jeʼex u yilaʼal teʼ dibujooʼ, ¿baʼax tiaʼalaj Dios ka u beet Abraham utiaʼal u yilik wa jach chúukaʼan u yoksaj óolal?

3. ¿Baʼax tu beetaj Abraham kex maʼ tu naʼatik kaʼach baʼax oʼolal ku kʼáataʼal tiʼ tumen Dios?

4. ¿Baʼax úuch ka tu jóoʼsaj Abraham le cuchillo utiaʼal u kíimsik u paaloʼ?

5. ¿Bukaʼaj nojchil kaʼach u oksaj óolal Abraham tiʼ Dios?

6. ¿Baʼax tu tsʼáaj Jéeoba utiaʼal u kʼub Abraham, yéetel bix úuchik u tsʼáaik?

Uláakʼ kʼáatchiʼob:

1. Xokaʼak Génesis 21:1-7.

   ¿Baʼaxten tu ocho kʼiinil síijik u paal Abraham ka tu súutkʼuptaj? (Gén. 17:10-12; 21:4.)

2. Xokaʼak Génesis 22:1-18.

   ¿Bix úuchik u yeʼesik Isaac ku yuʼubik u tʼaan Abraham, u taata, yéetel bix úuchik u chíikbesik upʼéel baʼal maas nojoch ku taal u kʼiin? (Gén. 22:7-9; 1 Cor. 5:7; Fili. 2:8, 9.)

15 Tsikbalil

1. ¿Baʼaxten tu jumpáaykuntubaʼob Abraham yéetel Lot?

2. ¿Baʼaxten tu chʼaʼatuklaj Lot u bin kajtal Sodoma?

3. ¿Bix kaʼach u kajnáaliloʼob Sodoma?

4. ¿Baʼax bin u yaʼal kaʼatúul ángeloʼob tiʼ Lot?

5. ¿Baʼaxten u wíinklil u yatan Loteʼ taʼabchaji?

6. ¿Baʼax k-kanik tiʼe baʼax úuch tiʼ u yatan Lotoʼ?

Uláakʼ kʼáatchiʼob:

1. Xokaʼak Génesis 13:5-13.

   Ken yanaktoʼon talmiloʼob yéetel wa máaxeʼ, ¿bix jeʼel k-beetik jeʼex tu beetil Abrahameʼ? (Gén. 13:8, 9; Rom. 12:10; Fili. 2:3, 4.)

2. Xokaʼak Génesis 18:20-33.

   Ken k-xok le tsikbal tu beetaj Abraham yéetel Jéeobaoʼ, ¿baʼaxten jeʼel u páajtal k-aʼalik Jéeoba yéetel Jesuseʼ yaan u pʼis óoloʼob tubeel? (Gén. 18:25, 26; Mat. 25:31-33.)

3. Xokaʼak Génesis 19:1-29.

   1. Jeʼex u yeʼesik le tsikbalaʼ, ¿bix u yilik Dios le xiibichʼupiloʼ? (Gén. 19:5, 13; Lev. 20:13.)

   2. ¿Bix úuchik u kʼamkoʼob Lot yéetel Abraham le nuʼuktajoʼob tsʼaʼabtiʼob tumen Diosoʼ yéetel baʼax ku kaʼansiktoʼon? (Gén. 19:15, 16, 19, 20; 22:3.)

4. Xokaʼak San Lucas 17:28-32.

   ¿Bix u yilik kaʼach u yatan Lot le ayikʼaliloʼ, yéetel baʼax ku kaʼansiktoʼon? (Luc. 12:15; 17:31, 32; Mat. 6:19-21, 25.)

5. Xokaʼak 2 San Pedro 2:6-8.

   Jeʼex tu beetil Loteʼ, ¿bix kʼaʼabéet k-ilik le kʼaakʼas baʼaloʼob ku beetaʼal teʼ yóokʼol kaabaʼ? (Eze. 9:4; 1 Juan 2:15-17.)

16 Tsikbalil

1. ¿Máax le xiib yéetel le koʼolel ka wilik teʼ dibujooʼ?

2. ¿Baʼax tu beetaj Abraham utiaʼal u kaxtik máax yéetel ken u tsʼoʼoks u beel u paal, yéetel baʼaxten?

3. ¿Bix úuchik u núukaʼal u payalchiʼ u palitsil Abraham?

4. ¿Baʼax tiaʼalaj Rebeca ka kʼáataʼab tiʼ wa jeʼel u yóotik tsʼoʼokol u beel yéetel Isaaqueʼ?

5. ¿Baʼax beet u kaʼa kiʼimaktal u yóol Isaac?

Uláakʼ kʼáatchiʼob:

1. Xokaʼak Génesis 24:1-67.

   1. ¿Baʼax jatsʼuts modosi tu yeʼesaj Rebeca ka tu yiluba yéetel u palitsil Abraham yiknal upʼéel chʼeʼen? (Gén. 24:17-20; Pro. 31:17, 31.)

   2. ¿Baʼax ku kaʼansik tiʼe cristianoʼob le baʼax tu beetaj Abraham yoʼolal Isaacoʼ? (Gén. 24:37, 38; 1 Cor. 7:39; 2 Cor. 6:14.)

   3. ¿Baʼaxten maʼalob ka k-jóoʼs u súutukil utiaʼal ka tuukulnakoʼon tiʼe baʼaxoʼob k-kanik jeʼex tu beetil Isaaqueʼ? (Gén. 24:63; Sal. 77:12; Fili. 4:8.)

17 Tsikbalil

1. ¿Máax Esaú yéetel Jacob, yéetel baʼax u jelaʼaniloʼob kaʼachi?

2. ¿Jaypʼéel jaʼab yaan kaʼach tiʼ Esaú yéetel Jacob ka kíim Abraham, u abueloʼob?

3. ¿Baʼax tu beetaj Esaú beet u jach okʼom óoltal u taataʼob?

4. ¿Baʼax beet u jach kʼuuxil Esaú tiʼ Jacob?

5. ¿Baʼaxoʼob tiaʼalaj Isaac tiʼ Jacob ka u beete?

Uláakʼ kʼáatchiʼob:

1. Xokaʼak Génesis 25:5-11, 20-34.

   1. Maʼiliʼ síijik u kaʼatúul paalal Rebecaeʼ, ¿baʼax tiaʼalaj Jéeoba ken u beetoʼob? (Gén. 25:23.)

   2. ¿Bix ilaʼabik tumen Jacob yéetel bix ilaʼabik tumen Esaú le baʼax ku kʼamik le yáax paaloʼ? (Gén. 25:31-34.)

2. Xokaʼak Génesis 26:34, 35; 27:1-46, yéetel 28:1-5.

   1. ¿Bix úuchik u chíikbesik Esaú maʼ u yaabilma le baʼaloʼob ku taal tiʼ Diosoʼ? (Gén. 26:34, 35; 27:46.)

   2. Utiaʼal ka kiʼikiʼtʼantaʼak Jacob tumen Dioseʼ, ¿baʼax aʼalaʼab tiʼ tumen Isaac ka u beete? (Gén. 28:1-4.)

3. Xokaʼak Tiʼ Hebreob 12:16, 17.

   Le baʼax úuch tiʼ Esauoʼ, ¿bix u yeʼesik baʼax kun úuchul tiʼe máaxoʼob maʼ u yaabilmoʼob le baʼaloʼob ku taal tiʼ Diosoʼ?

18 Tsikbalil

1. ¿Máax le x-chʼúupal ka wilik teʼ dibujooʼ, yéetel baʼax tu beetaj Jacob tu yoʼolal?

2. ¿Baʼax tiaʼalaj Jacob jeʼel u beetik utiaʼal ka tsʼoʼokok u beel yéetel Raqueleʼ?

3. ¿Baʼax tu beetaj Labán ka kʼuch u kʼiinil u tsʼoʼokol u beel Jacob yéetel Raquel?

4. ¿Baʼax tu beetaj Jacob utiaʼal ka páajchajak u tsʼoʼokol u beel yéetel Raquel?

Uláakʼ kʼáatchiʼob:

1. Xokaʼak Génesis 29:1-30.

   1. Kex tuʼus Jacob tumen Labaneʼ, ¿bix úuchik u yeʼesik letiʼeʼ utúul máak uts, yéetel baʼax ku kaʼansiktoʼon? (Gén. 25:27; 29:26-28; Mat. 5:37.)

   2. Le baʼax tu beetaj Jacoboʼ, ¿bix u yeʼesik u jelaʼanil u jatsʼutstal u yilik máak wa máax, yéetel tiʼ u jach yaabiltik? (Gén. 29:18, 20, 30; Cant. de Cant. 8:6.)

   3. ¿Bix u kʼaabaʼ u kantúul yatanoʼob Jacob yanji u paalal tu yéeteloʼoboʼ? (Gén. 29:23, 24, 28, 29.)

19 Tsikbalil

1. ¿Bix kaʼach u kʼaabaʼ u seis paalal Jacob yanji tiʼ u yáax atan, ku kʼaabaʼtik Lea?

2. ¿Bix kaʼach u kʼaabaʼ u kaʼatúul paalaloʼob Jacob yéetel Zilpa, u x-palitsil Lea?

3. ¿Bix kaʼach u kʼaabaʼ u kaʼatúul paalaloʼob Jacob yéetel Bilha, u x-palitsil Raquel?

4. ¿Bix kaʼach u kʼaabaʼ u kaʼatúul paalaloʼob Jacob yéetel Raquel, yéetel baʼax úuchtiʼ Raquel ka síij le u kaʼatúuloʼ?

5. Jeʼex u yeʼesik le dibujooʼ, ¿jaytúul u paalal Jacob, yéetel baʼax noj kaajil kʼuch antal yoʼolaloʼob?

Uláakʼ kʼáatchiʼob:

1. Xokaʼak Génesis 29:32-35 yéetel 30:1-26.

   Jeʼex úuchik u kaxtaʼal bix kun tsʼaʼabil u kʼaabaʼob u doce paalal Jacobeʼ, ¿bix suukaʼanil kaʼach u kaxtaʼal u kʼaabaʼ le mejen paalal israelitaʼoboʼ?

2. Xokaʼak Génesis 35:16-19 yéetel 37:35.

   Kex teʼ Biblia ku chíikpajal u kʼaabaʼ chéen utúul u x-chʼupul paal Jacoboʼ, ¿bix k-ojéeltik maʼ chéen utúul yanchajiʼiʼ? (Gén. 37:34, 35.)

20 Tsikbalil

1. ¿Baʼaxten mix Abraham, mix Isaac, u kʼáatoʼob kaʼach ka tsʼoʼokok u beel u paalaloʼob yéetel u kajnáaliloʼob Canaán?

2. ¿Utstutʼaan wa kaʼach Jacob ka u bisuba u x-chʼupul paal yéetel le x-canaaneaʼoboʼ?

3. ¿Máax le xiʼipal ka wilik teʼ dibujo táan u sen paktik Dinaoʼ, yéetel baʼax tu beetaj?

4. ¿Baʼax tu beetaj Simeón yéetel Leví, u sukuʼunoʼob Dina, ka tu yojéeltoʼob baʼax tsʼoʼok u yúuchul?

5. ¿Bix tu yilij Jacob le baʼax tu beetaj Simeón yéetel Levioʼ?

6. ¿Bix káajik u yantal talamil ichil u yotoch Jacob?

Uláakʼ kʼáatchiʼob:

1. Xokaʼak Génesis 34:1-31.

   1. ¿Chéen wa ka jáan taal tu tuukul Dina u bin u xíimbalt le x-canaaneaʼoboʼ? Tsolaʼak (Gén. 34:1, NM).

   2. ¿Baʼaxten tak Dina yanchaj baʼax u yil yoʼolal le baʼax úuchtiʼoʼ? (Gál. 6:7.)

   3. Teʼ kʼiinoʼobaʼ, ¿bix jeʼel u yeʼesik le táankelem paalaloʼob yaan baʼax ku kankoʼob tiʼ le baʼax úuch tiʼ Dinaoʼ? (Pro. 13:20; 1 Cor. 15:33; 1 Juan 5:19.)

21 Tsikbalil

1. ¿Baʼaxten pʼektaʼab José tumen u sukuʼunoʼob, yéetel baʼax tu beetoʼob?

2. ¿Baʼax taakchaj u beetaʼal tiʼ José tumen u sukuʼunoʼob, baʼaleʼ baʼax tiaʼalaj Rubén?

3. ¿Baʼax úuch ka kʼuch jujuntúul ismaelitaʼob?

4. ¿Baʼax tu beetaj le sukuʼuntsiloʼob, utiaʼal ka u beetoʼob u tukultik u taataʼob tsʼoʼok u kíimil Joseoʼ?

Uláakʼ kʼáatchiʼob:

1. Xokaʼak Génesis 37:1-35.

   1. Le cristianoʼoboʼ, ¿bix jeʼel u beetkoʼob jeʼex José ken u yojéeltoʼob yaan baʼax kʼaas ku beetaʼal ichil le múuchʼuliloʼ? (Gén. 37:2; Lev. 5:1; 1 Cor. 1:11.)

   2. ¿Baʼax beet u jach pʼektaʼal José tumen u sukuʼunoʼob ka tak tu konoʼob? (Gén. 37:11, 18; Pro. 27:4; Sant. 3:14-16.)

   3. ¿Baʼax tu beetaj Jacob ka tu yojéeltaj tsʼoʼok u kíimil José? (Gén. 37:35.)

22 Tsikbalil

1. ¿Jaypʼéel jaʼab yaan tiʼ José ka bisaʼab Egipto, yéetel baʼax úuch ka kʼuchiʼ?

2. ¿Baʼaxten kʼalaʼab José cárcel?

3. ¿Baʼax meeyjil tsʼaʼab u beet José teʼ cárceloʼ?

4. ¿Baʼax tu beetaj José tu yoʼolal le máax pichik vino u yukʼ Faraonoʼ bey xan tu yoʼolal u j-meen waaj le tiaʼanoʼob kaʼach teʼ cárceloʼ?

5. ¿Baʼax tu beetaj le máax pichik le vino ka jóokʼ teʼ cárceloʼ?

Uláakʼ kʼáatchiʼob:

1. Xokaʼak Génesis 39:1-23.

   Tu kʼiiniloʼob Joseiʼ, minaʼan kaʼach mix upʼéel u ley Dios aʼalik maʼ maʼalob le núupkʼebanoʼ, ¿baʼax túun péeks José ka púutsʼuk tiʼ u yatan Potifar? (Gén. 2:24; 20:3; 39:9.)

2. Xokaʼak Génesis 40:1-23.

   1. Tsol baʼax tu wayakʼtaj le máax pichik vino tiʼ Faraonoʼ, yéetel baʼax aʼalaʼab tiʼ José tumen Jéeoba u kʼáat u yaʼal le wayakʼoʼ (Gén. 40:9-13).

   2. ¿Baʼax tu wayakʼtaj le j-meen waajoʼ, yéetel baʼax u kʼáat u yaʼaleʼ? (Gén. 40:16-19.)

   3. Le palitsil chúukpajaʼan u yóol teʼ kʼiinoʼobaʼ, ¿bix u beetkoʼob jeʼex tu beetil Joseiʼ? (Gén. 40:8; Sal. 36:9; Juan 17:17; Bxob. 17:2, 3.)

   4. ¿Bix u yáantkoʼon Génesis 40:20 k-naʼat bix kʼaʼabéet k-ilik le kʼiin kʼaabaʼoboʼ? (Ecl. 7:1; Mar. 6:21-28.)

23 Tsikbalil

1. Upʼéel u áakʼabileʼ, ¿baʼax úuch tiʼ Faraón?

2. ¿Baʼax beet u kʼaʼajal José tiʼ le máax pichik le vinoeʼ?

3. Jeʼex u yeʼesik le dibujooʼ, ¿baʼax kaʼapʼéel wayakʼil yanji tiʼ Faraón?

4. ¿Baʼax tiaʼalaj José u kʼáat u yaʼal le wayakʼoʼoboʼ?

5. ¿Bix úuchik u kʼuchul u beetubaj José u kaʼatúul nojoch jalaʼachil Egipto?

6. ¿Baʼaxten táan u taal u sukuʼunoʼob José Egipto, yéetel baʼaxten maʼ tu kʼaj óoltoʼob Joseiʼ?

7. ¿Baʼax u wayakʼmaj José kʼaʼajtiʼ, yéetel baʼax kʼuch u naʼat yoʼolal lelaʼ?

Uláakʼ kʼáatchiʼob:

1. Xokaʼak Génesis 41:1-57.

   1. ¿Bix úuchik u nojbeʼenkúuntaʼal Jéeoba tumen José, yéetel bix jeʼel u beetik xan le cristianoʼob jeʼex tu beetoʼ? (Gén. 41:16, 25, 28; Mat. 5:16; 1 Ped. 2:12.)

   2. Le jaʼaboʼob ka sen yanchaj baʼal jaantbil tu luʼumil Egipto yéetel le jaʼaboʼob ka pʼáat minaʼanoʼ, ¿bix yeʼesik jach yaan u yantal baʼax utiaʼal u tséentkuba le cristianoʼob tiʼ u tʼaan Diosoʼ? yéetel ¿bix u yeʼesik yaan u máanskoʼob wiʼijil tiʼ u tʼaan Dios le máaxoʼob yanoʼob ichil le maʼ jaajil religionoʼoboʼ? (Gén. 41:29, 30; Amós 8:11, 12.)

2. Xokaʼak Génesis 42:1-8 yéetel 50:20.

   Wa teʼ tuʼux kajaʼan u j-jaajkunajoʼob Jéeoba suukaʼan u chintal le máakoʼob utiaʼal u yeʼeskoʼob tsiikil tiʼ utúul jalaʼacheʼ, ¿maʼalob wa xan ka u beetoʼob beyoʼ? (Gén. 42:6.)

24 Tsikbalil

1. ¿Baʼaxten tiaʼalaj José tiʼ u sukuʼunoʼob chéen taaljaʼanoʼob chʼúuk?

2. ¿Baʼaxten Jacobeʼ tu chaʼaj u bin Benjamín, u j-tʼupul paal, tu luʼumil Egipto?

3. ¿Máax aʼal ka oksaʼak u copa José beetaʼan yéetel plata ichil u costal Benjamín?

4. ¿Baʼax tiaʼalaj Judá ka beetaʼak tiʼ utiaʼal ka chaʼabak u bin Benjamín?

5. ¿Baʼaxoʼob eʼes tsʼoʼok u kʼexpajal bix u tuukul u sukuʼunoʼob José?

Uláakʼ kʼáatchiʼob:

1. Xokaʼak Génesis 42:9-38.

   U tʼaanoʼob José tsʼíibtaʼan Génesis 42:18, ¿baʼaxten maʼ unaj u tuʼubul tiʼe sukuʼunoʼob tsʼaʼantiʼob upʼéel meyaj u beetoʼob ichil u kaajal Diosoʼ? (Neh. 5:15; 2 Cor. 7:1, 2.)

2. Xokaʼak Génesis 43:1-34.

   1. Kex Rubén letiʼ u yáax paalileʼ, ¿baʼaxten Judá tʼaanaj yoʼolal u sukuʼunoʼob? (Gén. 43:3, 8, 9; 44:14, 18; 1 Cró. 5:2.)

   2. ¿Baʼax tu beetaj José utiaʼal u yilik wa tsʼoʼok u kʼexik u modos u sukuʼunoʼob? (Gén. 43:33, 34.)

3. Xokaʼak Génesis 44:1-34.

   1. ¿Bix úuchik u taaskuba José utiaʼal maʼ u kʼaj óoltaʼal kaʼach tumen u sukuʼunoʼob? (Gén. 44:5, 15; Lev. 19:26.)

   2. U sukuʼunoʼob Joseiʼ, ¿bix úuchik u yeʼeskoʼob tsʼoʼok u pʼáatal maʼ kʼasaʼanoʼobiʼ? (Gén. 44:13, 33, 34.)

25 Tsikbalil

1. ¿Baʼax úuch ka tiaʼalaj José tiʼ u sukuʼunoʼob máax letiʼ?

2. ¿Baʼax tu utsul tsolaj José tiʼ u sukuʼunoʼob?

3. ¿Baʼax tiaʼalaj Faraón ka tu yojéeltaj taaljaʼan u sukuʼunoʼob José?

4. ¿Jaytúul kaʼach tuláakal u láakʼtsilil Jacob ka binoʼob Egipto?

5. ¿Bix úuchik u tsʼaʼabal u kʼaabaʼ u láakʼtsilil Jacob, yéetel baʼaxten?

Uláakʼ kʼáatchiʼob:

1. Xokaʼak Génesis 45:1-28.

   Le baʼax úuch tiʼ Joseoʼ, ¿bix u yeʼesik jeʼel u sutaʼal utsil tumen Jéeoba le baʼax ku beetaʼal utiaʼal u bin kʼaasil tiʼ le máaxoʼob meyajtikoʼ? (Gén. 45:5-8; Isa. 8:10; Fili. 1:12-14.)

2. Xokaʼak Génesis 46:1-27.

   ¿Bix úuchik u líiʼsaʼal u yóol Jacob tumen Jéeoba le táan u bin Egiptooʼ? (Gén. 46:1-4.)

26 Tsikbalil

1. ¿Máax Job?

2. ¿Baʼax óotaʼab beetbil tiʼ tumen Satanás? ¿Jóokʼ wa yéetel?

3. ¿Baʼax chaʼab u beetik Satanás tumen Jéeoba, yéetel baʼaxten?

4. ¿Baʼaxten aʼalaʼab tiʼ Job tumen u yatan: kʼaakʼastʼant Dios utiaʼal ka kíimkech? (Ile dibujooʼ)

5. Jeʼex a wilik teʼ tuláakʼ dibujooʼ, ¿bix úuchik u beetaʼal u bin utsil tiʼ Job tumen Jéeoba, yéetel baʼaxten?

6. Wa ku chúukpajal k-óol mantatsʼ tiʼ Jéeoba jeʼex tu beetaj Jobeʼ, ¿baʼax utsiloʼob ken k-kʼame?

Uláakʼ kʼáatchiʼob:

1. Xokaʼak Job 1:1-22.

   ¿Bix jeʼel u páajtal u beetik le cristianoʼob jeʼex tu beetil Jobeʼ? (Job 1:1; Fili. 2:15; 2 Ped. 3:14.)

2. Xokaʼak Job 2:1-13.

   ¿Bix úuchik u yilik Job yéetel bix úuchik u yilik u yatan le baʼaxoʼob beetaʼabtiʼob tumen Satanasoʼ? (Job 2:9, 10; Pro. 19:3; Miq. 7:7; Mal. 3:14.)

3. Xokaʼak Job 42:10-17.

   1. ¿Bix u chíikaʼanil le utsil tu kʼamaj Job yéetel le tu kʼamaj Jesús úuchik u chúukpajal u yóoloʼob u meyajtoʼob Diosoʼ? (Job 42:12; Fili. 2:9-11.)

   2. ¿Bix u líiʼsik k-óol k-ojéeltik baʼax utsiloʼob tu kʼamaj Job úuchik u chúukpajal u yóol u meyajt Diosoʼ? (Job 42:10, 12; Heb. 6:10; Sant. 1:2-4, 12; 5:11.)

27 Tsikbalil

1. ¿Máax le máak ka wilik teʼ dibujo táan u jaatsʼoʼ, yéetel máax le ku jaʼajatsʼikoʼ?

2. ¿Baʼax úuch tiʼe israelitaʼob ka tsʼoʼok u kíimil Joseoʼ?

3. ¿Baʼax beet u sajaktal le Egipcioʼob tiʼ le israelitaʼoboʼ?

4. ¿Baʼax tiaʼalaj Faraón ka u beet le koʼoleloʼob meyajtik le x-israelitaʼob ken yanak u paalaloʼoboʼ?

Uláakʼ kʼáatchiʼob:

1. Xokaʼak Éxodo 1:6-22.

   1. ¿Bix úuchik u káajal u béeykuntik le baʼax u yaʼalmaj Jéeoba tiʼ Abrahamoʼ? (Éxo. 1:7; Gén. 12:2; Bxob. 7:17.)

   2. Le koʼoleloʼob meyajtik le x-israelitaʼob ken yanak u paalaloʼoboʼ, ¿bix úuchik u yeʼeskoʼob ku éejemtkoʼob tiʼ Dios u taal le kuxtaloʼ? (Éxo. 1:17; Gén. 9:6.)

   3. ¿Baʼax utsiloʼob tu kʼamaj le koʼoleloʼob meyajtik le x-israelitaʼob úuchik u chʼaʼikoʼob saajkil tiʼ Jéeobaoʼ? (Éxo. 1:20, 21; Pro. 19:17.)

   4. ¿Baʼax tu beetaj Satanás utiaʼal yilik maʼ u béeytal le baʼax u tukulmaj Jéeoba yoʼolal u chʼiʼibal Abrahamoʼ? (Éxo. 1:22; Mat. 2:16.)

28 Tsikbalil

1. ¿Máax le chaambal ka wilik teʼ dibujooʼ, yéetel máax le u machmaj u yaal u kʼaboʼ?

2. Utiaʼal maʼ u kíimsaʼal Moiseseʼ, ¿baʼax tu beetaj u mama?

3. ¿Máax le chan x-chʼúupal ka wilik teʼ dibujooʼ, yéetel baʼax tu beetaj?

4. Ka kaxtaʼab le chaambal tumen le princesaoʼ, ¿baʼax aʼalaʼab tiʼ tumen María (Míriam)?

5. ¿Baʼax tiaʼalaj le princesa tiʼ u mama Moisesoʼ?

Uláakʼ kʼáatchiʼ:

1. Xokaʼak Éxodo 2:1-10.

   Tu chichnil Moiseseʼ, ¿baʼax páajchaj u beetaʼal tu yoʼolal tumen u mama, yéetel baʼax ku kaʼansik tiʼe taatatsiloʼob bejlaʼoʼ? (Éxo. 2:9, 10; Deu. 6:6-9; Pro. 22:6; Efe. 6:4; 2 Tim. 3:15.)

29 Tsikbalil

1. ¿Tu yotoch máax nojochchaj Moisés, yéetel baʼax kaʼach u yojel tiʼ u taataʼob?

2. Tu 40 jaʼabiloʼob u kuxtal Moiseseʼ, ¿baʼax tu beetaj?

3. ¿Baʼax tiaʼalaj Moisés tiʼ utúul israelita táan u jaʼajatsʼik u yéet israelitai, yéetel baʼax tiaʼalaj le máax ku jaatsʼoʼ?

4. ¿Baʼaxten púutsʼ Moisés tu kaajil Egipto?

5. ¿Tuʼux luʼumil bin Moisés, yéetel máax tu kʼaj óol tiʼiʼ?

6. ¿Baʼax tu beetaj Moisés tu yáamil uláakʼ cuarenta jaʼaboʼoboʼ?

Uláakʼ kʼáatchiʼob:

1. Xokaʼak Éxodo 2:11-25.

   Kex tumen maʼalob kaʼansaʼabik Moisés tu luʼumil Egiptoeʼ, ¿bix úuchik u yeʼesik u yaabilaj tiʼ Jéeoba yéetel tiʼ le israelitaʼoboʼ? (Éxo. 2:11, 12; Heb. 11:24.)

2. Xokaʼak u libroi Baʼaxoʼob [Hechos] 7:22-29.

   ¿Baʼax k-kanik tiʼ Moisés le ka tu tukultaj u jáalkʼabtik le israelitaʼob palitsiltaʼanoʼob Egiptooʼ? (Bxob. 7:23-25; 1 Ped. 5:6, 10.)

30 Tsikbalil

1. ¿Bix u kʼaabaʼ le wits ka wilik teʼ dibujooʼ?

2. ¿Baʼax le baʼal jelaʼan tu yilaj Moisés ka bin u kaxt xíiw utiaʼal u tamanoʼob teʼ witsoʼ?

3. ¿Baʼax tiaʼalaj le tʼaan jóokʼ ich le chan cheʼoʼ, yéetel máax tiʼ u taal kaʼachi?

4. ¿Baʼax tu yaʼalaj Moisés ka aʼalaʼab tiʼ tumen Dios ka u jóoʼs u kaajal tu luʼumil Egipto?

5. ¿Baʼax aʼalaʼab tiʼ Moisés tumen Dios ken u yaʼal wa ku kʼáataʼaltiʼ máax túuxtej?

6. ¿Baʼax kaʼach ken u beet Moisés utiaʼal u yeʼesik Dios túuxtmij?

Uláakʼ kʼáatchiʼob:

1. Xokaʼak Éxodo 3:1-22.

   Wa k-uʼuyik bey maʼ tu páajtal k-beetik upʼéel meyaj ku tsʼaʼabaltoʼon teʼ múuchʼuliloʼ, ¿baʼaxten k-ojéeltik le bix úuchik u yáantaʼal Moisesoʼ ku líiʼsik k-óol utiaʼal xan k-páaʼtik u yáantkoʼon Jéeoba? (Éxo. 3:11, 13; 2 Cor. 3:5, 6.)

2. Xokaʼak Éxodo 4:1-20.

   1. ¿Bix úuchik u kʼexik u tuukul Moisés tu yáamil le 40 jaʼaboʼob tiaʼan Madianoʼ, yéetel baʼax ku kanik le máaxoʼob u kʼáatoʼob ka tsʼaʼabaktiʼob uláakʼ meyajoʼob ichil le múuchʼuliloʼ? (Éxo. 2:11, 12; 4:10, 13; Miq. 6:8; 1 Tim. 3:1, 6, 10.)

   2. Wa k-tsolnuʼuktaʼal tumen u kaajal Jéeobaeʼ, ¿bix jeʼel u yáantkoʼon le baʼax úuch tiʼ Moisesoʼ? (Éxo. 4:12-14; Sal. 103:14; Heb. 12:4-11.)

31 Tsikbalil

1. ¿Baʼax kʼuch u oksaj óolt le israelitaʼob yoʼolal le milagroʼob tu beetaj Moisés yéetel Aaronoʼ?

2. ¿Baʼax tiaʼalaj Moisés yéetel Aarón tiʼ Faraón, yéetel baʼax núukaʼabtiʼob?

3. Jeʼex u yeʼesik le dibujooʼ, ¿baʼax úuch ka tu pulaj u xóolteʼ Aarón teʼ luʼumoʼ?

4. ¿Baʼax muʼyajiloʼob beetaʼab u yilik Faraón tumen Jéeoba, yéetel baʼax tu beetaj Faraón?

5. ¿Baʼax úuch ka tsʼoʼok le diez noj yajiloʼ?

Uláakʼ kʼáatchiʼob:

1. Xokaʼak Éxodo 4:27-31 yéetel 5:1-23.

   ¿Baʼax u kʼáat u yaʼal le tʼaan tiaʼalaj Faraón: «Mix in kʼaj óol Yuumtsiliʼ [wa Jéeobaiʼ]»? (Éxo. 5:2; 1 Sam. 2:12; Rom. 1:21.)

2. Xokaʼak Éxodo 6:1-13, 26-30.

   1. Ka tu yáax tsʼáaj kʼaj óoltbil u kʼaabaʼ Dioseʼ, ¿baʼax maʼ tu tsolaj tiʼ Abraham, Isaac yéetel Jacobiʼ? (Éxo. 3:13, 14; 6:3; Gén. 12:8.)

   2. ¿Bix u líiʼsik k-óol ojéeltik Jéeobaeʼ tu tsʼáaj upʼéel meyaj u beet Moisés kex tumen ku yuʼubkuba kaʼach maʼ noʼojaʼan utiaʼal le meyajoʼ? (Éxo. 6:12, 30; Luc. 21:13-15.)

3. Xokaʼak Éxodo 7:1-13.

   1. Le bix úuchik u tʼaanoʼob Moisés yéetel Aarón ka tiaʼaloʼob tiʼ Faraón baʼax ken u beet Jéeobaeʼ, ¿baʼax ku kaʼansiktoʼon bejlaʼeʼ? (Éxo. 7:2, 3, 6; Bxob. 4:29-31.)

   2. ¿Bix úuchik u yeʼesik Jéeoba maas yaan u páajtalil tiʼ u diosoʼob le egipcioʼoboʼ? (Éxo. 7:12; 1 Cró. 29:12.)

32 Tsikbalil

1. Jeʼex u yeʼesik le dibujooʼ, aʼal máakalmáak le yáax óoxpʼéel noj yajiloʼob tu taasaj Jéeoba yóokʼol u kaajil Egiptooʼ.

2. ¿Baʼax u jelaʼanil kaʼach le yáax óoxpʼéel noj yajiloʼob tiʼ u maasiloʼoboʼ?

3. ¿Máakalmáak kaʼach le kampʼéel noj yajiloʼ, le cinco yéetel le seisoʼ?

4. ¿Máakalmáak kaʼach le noj yajiloʼob siete, ocho yéetel nueveoʼ?

5. Táanil tiʼ u káajal le diez noj yajiloʼ, ¿baʼax tiaʼalaj Jéeoba tiʼe israelitaʼob ka u beetoʼoboʼ?

6. ¿Máakalmáak kaʼach le u diez noj yajiloʼ, yéetel baʼax úuch ka tsʼoʼoki?

Uláakʼ kʼáatchiʼob:

1. Xokaʼak Éxodo 7:19–8:23.

   1. Kex tumen u j-naʼatoʼob Faraón páajchaj xan u beetkoʼob le yáax kaʼapʼéel noj yajiloʼ, ¿baʼax tu éejemtoʼob ka tsʼoʼok u óoxpʼéeloʼ? (Éxo. 8:18, 19; Mat. 12:24-28.)

   2. Le kampʼéel noj yajiloʼ, ¿bix úuchik u chíikbesik yaan u páajtalil Jéeoba utiaʼal u kanáantik u kaajal, yéetel bix u líiʼsik k-óol utiaʼal k-aktáantik le «nojoch yaayaj óolal» ku taal u kʼiiniloʼ? (Éxo. 8:22, 23; Apo. 7:13, 14; 2 Cró. 16:9.)

2. Xokaʼak Éxodo 8:24; 9:3, 6, 10, 11, 14, 16, 23-25, yéetel 10:13-15, 21-23.

   1. ¿Baʼax kaʼa jaats máakoʼob chíikpajoʼob ka taal le diez noj yajiloʼob yóokʼol Egiptooʼ, yéetel teʼ kʼiinoʼobaʼ máax yéetel ku keʼetloʼob? (Éxo. 8:10, 18, 19; 9:14.)

   2. ¿Bix u yáantkoʼon Éxodo 9:16 k-naʼat baʼax oʼolal u chaʼamaj Jéeoba u pʼáatal Satanás way Luʼumeʼ? (Rom. 9:21, 22.)

3. Xokaʼak Éxodo 12:21-32.

   ¿Bix úuchik u yáantaj le Pascua utiaʼal u salvarkuba yaʼab israelitaʼoboʼ, yéetel baʼax tu yeʼesaj le kʼiimbesajilaʼ? (Éxo. 12:21-23; Juan 1:29; Rom. 5:18, 19, 21; 1 Cor. 5:7.)

33 Tsikbalil

1. ¿Jaytúul tuláakal le israelitaʼob jóokʼoʼob Egiptooʼ, yéetel tak máaxoʼob jóokʼ tu yéeteloʼob?

2. ¿Bix tu yuʼubiluba Faraón ka tsʼoʼok u chaʼik u jóokʼol le israelitaʼoboʼ, yéetel baʼax tu beetaj?

3. ¿Baʼax tu beetaj Jéeoba utiaʼal maʼ u kíimsaʼal le israelitaʼob tumen le egipcioʼoboʼ?

4. ¿Baʼax úuch ka tu tichʼaj u xóolteʼ Moisés tu tojil le Chak kʼáaʼnáaboʼ, yéetel baʼax tu beetaj le israelitaʼoboʼ?

5. ¿Baʼax úuch ka ook le egipcioʼob u chukpachtoʼob le israelitaʼob ich le kʼáaʼnáaboʼ?

6. ¿Bix úuchik u yeʼesik le israelitaʼob kiʼimak yóoloʼob yéetel ku tsʼáaikoʼob u nib óolalil tiʼ Jéeoba úuchik u salvartaʼaloʼoboʼ?

Uláakʼ kʼáatchiʼob:

1. Xokaʼak Éxodo 12:33-36.

   Tuláakal le jaʼaboʼob meyajnaj le israelitaʼob tu luʼumil Egiptooʼ, ¿bix úuchik u beetik Jéeoba u boʼotaʼaltiʼob tumen le egipcioʼoboʼ? (Éxo. 3:21, 22; 12:35, 36.)

2. Xokaʼak Éxodo 14:1-31.

   Tumen tsʼoʼok u náatsʼal u kʼiinil u baʼatelil Armagedoneʼ, ¿bix u líiʼsaʼal u yóol le máaxoʼob meyajtik Jéeoba tumen le baʼax tu tsʼíibtaj Moisés tu libroi Éxodo 14:13, 14? (2 Cró. 20:17; Sal. 91:8.)

3. Xokaʼak Éxodo 15:1-8, 20, 21.

   1. Le máaxoʼob meyajtik Jéeobaoʼ, ¿baʼaxten kʼaʼanan ku kʼayoʼob kʼaayoʼob tiʼ? (Éxo. 15:1, 2; Sal. 105:2, 3; Apo. 15:3, 4.)

   2. Jeʼex úuchik u kiʼikiʼtʼantaʼal Jéeoba tumen María yéetel uláakʼ koʼoleloʼob ka tsʼoʼok u kʼáatmáanoʼob teʼ Chak kʼáaʼnáabeʼ, ¿bix xan kʼaʼabéet u beetaʼal tumen le kiikoʼob teʼ kʼiinoʼobaʼ? (Éxo. 15:20, 21; Sal. 68:11.)

34 Tsikbalil

1. Teʼ dibujooʼ, ¿táan wa wilik baʼax ku molik le máakoʼoboʼ, yéetel bix tsʼaʼabik u kʼaabaʼ?

2. ¿Bix tiaʼalaj Moisés kʼaʼabéet u molaʼal le manaoʼ?

3. Tu seis kʼiineʼ, ¿baʼax tiaʼalaj Jéeoba ka u beet le kaajoʼ, yéetel baʼaxten?

4. ¿Baʼax milagroi tu beetaj Jéeoba le ka tu líiʼsoʼob le maná utiaʼal u siete kʼiinoʼ?

5. ¿Jaypʼéel jaʼab tu tséentaj u kaajal Jéeoba yéetel maná?

Uláakʼ kʼáatchiʼob:

1. Xokaʼak Éxodo 16:1-36 yéetel Números 11:7-9.

   1. ¿Baʼax kiaʼalik Éxodo 16:8 yoʼolal u kʼaʼabéetil k-uʼuyik u tʼaan le máaxoʼob tsʼaʼan utiaʼal nuʼuktik u kaajal Diosoʼ? (Heb. 13:17.)

   2. Le tiaʼan kaʼach le israelitaʼob teʼ x-tokoy luʼumoʼ, ¿bix úuchik u kʼaʼajsaʼaltiʼob sáamsamal kʼaʼabéet u yáantaj Jéeoba tiʼob? (Éxo. 16:14-16, 35; Deu. 8:2, 3.)

   3. ¿Baʼax yéetel tu ketaj Jesús le manaoʼ, yéetel baʼax utsiloʼob ku tsʼáaiktoʼon le «waaj kaʼan u taaloʼ»? (Juan 6:31-35, 40.)

2. Xokaʼak Josué 5:10-12.

   Le israelitaʼoboʼ, ¿jaypʼéel jaʼaboʼob tu jaantoʼob maná? ¿Bix úuchik u meyaj le maná utiaʼal u yilaʼal wa chúukaʼan u yóoloʼoboʼ? Yéetel ¿baʼax xan jeʼel u páajtal k-kanik tiʼ le tsikbalilaʼ? (Éxo. 16:35; Núm. 11:4-6; 1 Cor. 10:10, 11.)

35 Tsikbalil

1. ¿Tuʼux pʼáatoʼob jeʼelel le israelitaʼob óoliʼ kaʼapʼéel mes jóoʼkoʼob Egiptooʼ?

2. ¿Baʼax u kʼáat Jéeoba ka beetaʼak tumen le kaajoʼ, yéetel baʼax tiaʼaloʼob?

3. ¿Baʼaxten Jéeobaeʼ tu tsʼáaj kaʼapʼéel táax tuunich tiʼ Moisés?

4. ¿Máakalmáak uláakʼ leyoʼob tsʼaʼab tiʼe israelitaʼob tumen Jéeoba, maʼ táakaʼan le Diez Mandamientosoʼ?

5. ¿Máakalmáak le kaʼapʼéel maas nojoch leyoʼob tu yaʼalaj Jesucristooʼ?

Uláakʼ kʼáatchiʼob:

1. Xokaʼak Éxodo 19:1-25; 20:1-21; 24:12-18, yéetel 31:18.

   ¿Bix u yáantkoʼon Éxodo 19:8 k-naʼat baʼax u kʼáat yaʼal k-kʼubikba tiʼ Dios? (Mat. 16:24; 1 Ped. 4:1-3.)

2. Xokaʼak Deuteronomio 6:4-6; Levítico 19:18, yéetel San Mateo 22:36-40.

   ¿Bix u yeʼesik u yaabilaj le cristianoʼob tiʼ Dios yéetel tiʼ uláakʼ máakoʼoboʼ? (Mar. 6:34; Bxob. 4:20; Rom. 15:2.)

36 Tsikbalil

1. ¿Baʼax ku beetik le máakoʼob ka wilik teʼ dibujooʼ, yéetel baʼaxten?

2. ¿Baʼaxten kʼuuxilnaj Jéeoba, yéetel baʼax tu beetaj Moisés ka tu yilaj baʼax ku beetik le máakoʼoboʼ?

3. ¿Baʼax tiaʼalaj Moisés ka beetaʼak tiʼ jujuntúul máakoʼob?

4. ¿Baʼax k-kanik tiʼ le tsikbalilaʼ?

Uláakʼ kʼáatchiʼob:

1. Xokaʼak Éxodo 32:1-35.

   1. Jeʼex u yeʼesik le tsikbalilaʼ, ¿bix u yilik Jéeoba u adorartaʼal yéetel baʼaloʼob ku taal tiʼe maʼ jaajil religionoʼ? (Éxo. 32:4-6, 10; 1 Cor. 10:7, 11.)

   2. Le cristianoʼoboʼ, ¿baʼax kʼaʼabéet u kʼaʼajskoʼob ken u yéeyoʼob baʼax paaxil ken u yuʼuboʼob yéetel baʼax óokʼotil ken u beetoʼob utiaʼal u náaysik yóoloʼob? (Éxo. 32:18, 19; Efe. 5:15, 16; 1 Juan 2:15-17.)

   3. ¿Bix úuchik u yeʼesik le levitaʼob bix kʼaʼabéet u tsʼáaikuba máak tu tséel Yuumtsiloʼ? (Éxo. 32:25-28; Sal. 18:25.)

37 Tsikbalil

1. ¿Bix u kʼaabaʼ le naj ka wilik teʼ dibujooʼ, yéetel baʼax u beelal?

2. ¿Baʼaxten Jéeobaeʼ tiaʼalaj tiʼ Moisés ka beetaʼak le naj séeb ka páajchajak u paʼabal yéetel u jel beetaʼaloʼ?

3. ¿Bix u kʼaabaʼ le caja yaan teʼ chan cuartooʼ, yéetel baʼax yaniʼiʼ?

4. ¿Máax yéeyaʼab tumen Jéeoba utiaʼal u beet u nojoch j-kʼiinil, yéetel baʼax u meyaj?

5. ¿Baʼax le óoxpʼéel baʼaloʼob yaan ichil u maas nojchil u cuartoi le najoʼ?

6. ¿Baʼax le kaʼapʼéel baʼaloʼob yaan tu táankabil le tabernáculooʼ, yéetel baʼax u beelaloʼob?

Uláakʼ kʼáatchiʼob:

1. Xokaʼak Éxodo 25:8-40; 26:1-37; 27:1-8, yéetel 28:1.

   ¿Baʼax u kʼáat u yaʼal yanik le kaʼatúul querubinoʼob yóokʼol u «baʼascheʼi le nuptʼaanoʼ»? (Éxo. 25:20, 22; Núm. 7:89; 2 Rey. 19:15.)

2. Xokaʼak Éxodo 30:1-10, 17-21; 34:1, 2, yéetel Tiʼ Hebreob 9:1-5.

   1. ¿Baʼaxten tu jach aʼalaj Jéeoba maʼ u yéekʼtal u wíinklil le j-kʼiinoʼob ku meyajoʼob teʼ tabernáculooʼ, yéetel baʼax xan kʼaʼabéet u yáantkoʼon k-beete? (Éxo. 30:18-21; 40:30, 31; Heb. 10:22.)

   2. Yéetel le tsʼíib tu beetaj apóstol Pablo tiʼ le cristianoʼob ebreoiloʼoboʼ, ¿bix úuchik u yeʼesik teʼ kʼiinoʼob jeʼeloʼ, tsʼoʼok u xuʼulul u meyaj le nuptʼaan tu beetaj Jéeoba yéetel le israelitaʼob bey xan le tabernáculooʼ? (Heb. 9:1, 9; 10:1.)

38 Tsikbalil

1. ¿Bix a wilik le u pʼóoch uva yaan teʼ dibujooʼ? ¿Tuʼux chʼaʼabi?

2. ¿Baʼaxten Moiseseʼ tu túuxtaj doce máakoʼob u yiloʼob bix u luʼumil Canaán?

3. Diez tiʼ le j-chʼúukoʼoboʼ, ¿baʼax tiaʼaloʼob tiʼ Moisés ka suunajoʼob?

4. Kaʼatúul tiʼ le j-chʼúukoʼoboʼ, ¿bix úuchik u yeʼeskoʼob u kʼubmaj u yóoloʼob tiʼ Jéeoba, yéetel bix u kʼaabaʼob?

5. ¿Baʼaxten kʼuuxilnaj Jéeoba, yéetel baʼax tiaʼalaj tiʼ Moisés?

Uláakʼ kʼáatchiʼob:

1. Xokaʼak Números 13:1-33.

   1. ¿Máax le yéeyaʼaboʼob utiaʼal u bin u yiloʼob bix le luʼumoʼ, yéetel baʼax anchaj u páajtalil u beetkoʼob? (Núm. 13:2, 3, 18-20.)

   2. ¿Baʼaxten Josué yéetel Calebeʼ maʼ tuukulnajoʼob jeʼex uláakʼ j-chʼúukoʼoboʼ, yéetel baʼax ku kaʼansiktoʼon lelaʼ? (Núm. 13:28-30; Mat. 17:20; 2 Cor. 5:7.)

2. Xokaʼak Números 14:1-38.

   1. ¿Baʼaxten maʼ unaj u tuʼubultoʼon le baʼax úuch tiʼ le máaxoʼob tʼaanajoʼob kʼaas tiʼe máaxoʼob nuʼuktik u kaajal Diosoʼ? (Núm. 14:2, 3, 27; Mat. 25:40, 45; 1 Cor. 10:10.)

   2. ¿Bix u yeʼesik Números 14:24, Jéeobaeʼ u tsʼaamaj u yóol u yáant cada utúul tiʼ le máaxoʼob meyajtikoʼ? (1 Rey. 19:18; Pro. 15:3.)

39 Tsikbalil

1. ¿Máax le máakoʼob maʼ tu chaʼajoʼob u nuʼuktaʼaloʼob tumen Moisés yéetel Aaronoʼ, yéetel baʼax tiaʼaloʼob tiʼ Moisés?

2. ¿Baʼax tiaʼalaj Moisés tiʼ Coré yéetel tiʼ le 250 máakoʼob tsaypachtikoʼ?

3. ¿Baʼax tiaʼalaj Moisés tiʼe kaajoʼ, yéetel baʼax úuch jach le ku tsʼoʼokol u tʼaan?

4. ¿Baʼax úuch tiʼ Coré yéetel tiʼ le 250 máakoʼob tsaypachtikoʼ?

5. ¿Baʼax tu beetaj Eleazar, u paal Aarón, yéetel u x-pʼuulut le máakoʼob kíimoʼoboʼ, yéetel baʼaxten?

6. ¿Baʼaxten Jéeobaeʼ tu beetaj u loolankil u xóolteʼ Aarón? (Ile dibujooʼ.)

Uláakʼ kʼáatchiʼob:

1. Xokaʼak Números 16:1-49.

   1. ¿Baʼax tu beetaj Coré yéetel u j-tsaypachoʼob, yéetel baʼaxten leloʼ tu yeʼesaj maʼatech u yuʼubkoʼob u tʼaan Jéeoba? (Núm. 16:9, 10, 18; Lev. 10:1, 2; Pro. 11:2.)

   2. ¿Baʼax tuukulil maʼ maʼalob yanchaj tiʼ Coré yéetel tiʼ le 250 «máakoʼob yaan páajtalil tiʼob teʼ ichil le kaajoʼ»? (Núm. 16:1-3; Pro. 15:33; Isa. 49:7.)

2. Xokaʼak Números 17:1-11 yéetel 26:10.

   1. ¿Baʼax tu yeʼesaj úuchik u loolankil u xóolteʼ Aarón, yéetel baʼaxten tiaʼalaj Jéeoba ka líiʼsaʼak ichil u baʼascheʼi le nuptʼaanoʼ? (Núm. 17:5, 8, 10.)

   2. ¿Baʼax k-kanik tiʼ úuchik u loolankil u xóolteʼ Aarón? (Núm. 17:10; Bxob. 20:28; Fili. 2:14; Heb. 13:17.)

40 Tsikbalil

1. ¿Bix úuchik u kanáantaʼal le israelitaʼob tumen Jéeoba le tiaʼanoʼob kaʼach teʼ x-tokoy luʼumoʼ?

2. ¿Baʼax joʼopʼ u yaʼalik le israelitaʼob ka jeʼeloʼob Cadesoʼ?

3. ¿Bix úuchik u tsʼaʼabal jaʼ tumen Jéeoba utiaʼal u yukʼ le israelitaʼob bey xan utiaʼal u yukʼ le baʼalcheʼoboʼ?

4. ¿Máax le máak ka wilik teʼ dibujo ku tuchʼutkubaoʼ, yéetel baʼaxten ku beetik beyoʼ?

5. ¿Baʼaxten kʼuuxilnaj Jéeoba tiʼ Moisés yéetel tiʼ Aarón, yéetel baʼax tu beetajtiʼob?

6. ¿Baʼax úuch tu witsil Hor, yéetel máax kʼuch u beetubaj u nojoch j-kʼiinil tiʼ Israel?

Uláakʼ kʼáatchiʼob:

1. Xokaʼak Números 20:1-13, 22-29 yéetel Deuteronomio 29:5.

   1. ¿Baʼax k-kanik tiʼ bix úuchik u kanáantaʼal le israelitaʼob tumen Jéeoba teʼ x-tokoy luʼumoʼ? (Deu. 29:5; Mat. 6:31; Heb. 13:5; Sant. 1:17.)

   2. ¿Bix tu yuʼubiluba Jéeoba ka pʼáat maʼ nojbeʼenkúuntaʼab tu táan le israelitaʼob tumen Moisés yéetel Aaronoʼ? (Núm. 20:12; 1 Cor. 10:12; Apo. 4:11.)

   3. ¿Baʼax k-kanik tiʼ bix úuchik u kʼamik Moisés le ka beetaʼab u yilik tumen Jéeoba maʼ maʼalob baʼax tu beetoʼ? (Núm. 12:3; 20:12, 27, 28; Deu. 32:4; Heb. 12:7-11.)

41 Tsikbalil

1. ¿Baʼax bakʼaʼan tu paach le cheʼ ka wilik teʼ dibujooʼ, yéetel baʼaxten tiaʼalaj Jéeoba tiʼ Moisés ka u bakʼiʼiʼ?

2. ¿Bix úuchik u yeʼesik le israelitaʼob maʼ tu tsʼáajoʼob u nib óolalil tiʼ Dios úuchik u kanáantaʼaloʼoboʼ?

3. ¿Baʼax tiaʼalaj le israelitaʼob tiʼ Moisés le ka túuxtaʼab tumen Jéeoba le kaanoʼob utiaʼal chiʼikoʼoboʼ?

4. ¿Baʼaxten aʼalaʼab tiʼ Moisés tumen Jéeoba ka u beet utúul kaan yéetel cobre?

5. ¿Baʼax k-kanik tiʼ le tsikbalilaʼ?

Uláakʼ kʼáatchiʼob:

1. Xokaʼak Números 21:4-9.

   1. ¿Baʼax ku kʼaʼajsiktoʼon le úuchik u tʼaan kʼaas le israelitaʼob yoʼolal le janal ku siʼibil tiʼob kaʼach tumen Jéeobaoʼ? (Núm. 21:5, 6; Rom. 2:4.)

   2. Tu paachil kʼiinoʼobeʼ, ¿bix úuchik u meyaj tiʼe israelitaʼob le kaan beetaʼab yéetel cobreoʼ, yéetel baʼax tu beetaj rey Ezequías? (Núm. 21:9; 2 Rey. 18:1-4.)

2. Xokaʼak San Juan 3:14, 15.

   Le kaan beetaʼab yéetel cobre bakʼaʼab teʼ cheʼoʼ, ¿bix úuchik u yeʼesik bix kun kíimsbil Jesús? (Gál. 3:13; 1 Ped. 2:24.)

42 Tsikbalil

1. ¿Máax Balac, yéetel baʼaxten tu túuxtaj tʼambil Balaam?

2. ¿Baʼaxten chilaj yóoʼ bej u yaalakʼ x-buurra Balaam?

3. ¿Baʼax tu yuʼubaj Balaam u yaʼalik le x-buurraoʼ?

4. ¿Baʼax tiaʼalaj utúul ángel tiʼ Balaam?

5. ¿Baʼax úuch le ka tu yóotaj Balaam u loolobtʼant Israeloʼ?

Uláakʼ kʼáatchiʼob:

1. Xokaʼak Números 21:21-35.

   ¿Baʼaxten Israeleʼ tu tsʼáanchaʼataj Sehón, u reyil le amorreoʼoboʼ, yéetel Og, u reyil Basán? (Núm. 21:21, 23, 33, 34.)

2. Xokaʼak Números 22:1-40.

   ¿Baʼax oʼolal u kʼáat kaʼach Balaam u looloʼobtʼant Israel, yéetel baʼax ku kaʼansiktoʼon lelaʼ? (Núm. 22:16, 17; Pro. 6:16, 18; 2 Ped. 2:15; Jud. 11.)

3. Xokaʼak Números 23:1-30.

   Kex yéetel u tʼaanoʼob Balaam ku yeʼesik bey utúul máak ku meyajtik Dioseʼ, ¿bix úuchik u chíikbesik maʼatan u beetkiʼ? (Núm. 23:3, 11-14; 1 Sam. 15:22.)

4. Xokaʼak Números 24:1-25.

   Le tsikbalil tsʼoʼok xokikaʼ, ¿bix u yáantkoʼon k-maas oksaj óolt yaan u béeykuntik tuláakal le baʼax u yaʼalmaj Jéeobaoʼ? (Núm. 24:10; Isa. 54:17.)

43 Tsikbalil

1. ¿Máax le kaʼatúul máakoʼob waʼalakbaloʼob tu tséel Moisés ka wilik teʼ dibujooʼ?

2. ¿Baʼax tiaʼalaj Jéeoba tiʼ Josué?

3. ¿Baʼaxten naʼak Moisés tu maas kaʼanlil u witsil Nebo, yéetel baʼax aʼalaʼabtiʼ tumen Jéeoba?

4. ¿Jaypʼéel jaʼab yaan tiʼ Moisés ka kíimij?

5. ¿Baʼax beet u okʼom óolchajal le kaajoʼ, yéetel baʼax beet u kaʼa kiʼimaktal u yóol?

Uláakʼ kʼáatchiʼob:

1. Xokaʼak Números 27:12-23.

   ¿Baʼax nojoch meyajil tsʼaʼab tiʼ Josué tumen Jéeoba, yéetel bejlaʼeʼ baʼax eʼesik Jéeoba xan áantik u kaajal? (Núm. 27:15-19; Bxob. 20:28; Heb. 13:7.)

2. Xokaʼak Deuteronomio 3:23-29.

   ¿Baʼaxten Jéeobaeʼ maʼ tu chaʼaj u yokol Moisés yéetel Aarón teʼ luʼum u yaʼalmaj u tsʼáaiktiʼobeʼ, yéetel baʼax k-kanik tiʼ lelaʼ? (Deu. 3:25-27; Núm. 20:12, 13.)

3. Xokaʼak Deuteronomio 31:1-8, 14-23.

   Le táan u náatsʼal u kʼiinil u kíimil Moiseseʼ, ¿baʼax tiaʼalaj tiʼe israelitaʼob eʼes tu kʼamaj yéetel kabal óolal u tsolnuʼukoʼob Jéeoba? (Deu. 31:6-8, 23.)

4. Xokaʼak Deuteronomio 32:45-52.

   ¿Baʼax utsiloʼob ku taasiktoʼon k-tsʼoʼokbesik u Tʼaan Dios? (Deu. 32:47; Lev. 18:5; Heb. 4:12.)

5. Xokaʼak Deuteronomio 34:1-12.

   Kex Moisés maʼ kʼuch u yil Dioseʼ, ¿baʼax kiaʼalik Deuteronomio 34:10 yoʼolal bix u biskuba kaʼach tu yéetel Dios? (Éxo. 33:11, 20; Núm. 12:8.)

44 Tsikbalil

1. ¿Tuʼux kaʼach kajaʼan Rahab?

2. ¿Máax le kaʼatúul máakoʼob ka wilik teʼ dibujooʼ, yéetel baʼaxten tiaʼanoʼob tu kaajil Jericoeʼ?

3. ¿Baʼax tiaʼalaj u reyil Jericó tiʼ Rahab ka u beete, yéetel baʼax tu núukaj Rahab?

4. ¿Bix úuchik u yáantik Rahab le kaʼatúul máakoʼoboʼ, yéetel baʼax utsil tu kʼáatajtiʼob?

5. ¿Baʼax aʼalaʼab tiʼ Rahab tumen le kaʼatúul j-chʼúukoʼoboʼ?

Uláakʼ kʼáatchiʼob:

1. Xokaʼak Josué 2:1-24.

   Le ka bin le israelitaʼob u baʼateltoʼob u kaajil Jericooʼ, ¿bix úuchik u béeytal le baʼax u yaʼalmaj Jéeoba tsʼíibtaʼan tu libroi Éxodo 23:28? (Jos. 2:9-11.)

2. Xokaʼak Tiʼ Hebreob 11:31.

   Le baʼax tu beetaj Rahaboʼ, ¿bix u yeʼesik u kʼaʼabéetil le oksaj óolaloʼ? (Rom. 1:17; Heb. 10:39; Sant. 2:25.)

45 Tsikbalil

1. ¿Baʼax tu beetaj Jéeoba utiaʼal ka béeyak u kʼáatmáan le israelitaʼob tu áalkab jaʼi le Jordanoʼ?

2. Le israelitaʼoboʼ, ¿bix úuchik u yeʼeskoʼob u oksaj óolaloʼob le ka kʼáatmáanoʼob tu áalkab jaʼi le Jordanoʼ?

3. ¿Baʼaxten Jéeobaeʼ tiaʼalaj tiʼ Josué ka u chʼaʼob doce u tuunichil le áalkab jaʼoʼ?

4. ¿Baʼax úuch ka jóokʼ le j-kʼiinoʼob tu jaʼi le Jordanoʼ?

Uláakʼ kʼáatchiʼob:

1. Xokaʼak Josué 3:1-17.

   1. Jeʼex u yeʼesik le tsikbalilaʼ, ¿baʼax unaj k-beetik utiaʼal ka u yáantoʼon Jéeoba yéetel utiaʼal ku pul u yutsil t-óokʼol? (Jos. 3:13, 15; Pro. 3:5; Sant. 2:22, 26.)

   2. ¿Bix kaʼach yanil u áalkab jaʼi le Jordán ka kʼáatmáan le israelitaʼob utiaʼal ka kʼuchkoʼob teʼ Luʼum Aʼalaʼan u tsʼaʼabaltiʼoboʼ, yéetel bix úuchik u nojbeʼenkúuntik u kʼaabaʼ Jéeoba lelaʼ? (Jos. 3:15; 4:18; Sal. 66:5-7.)

2. Xokaʼak Josué 4:1-18.

   ¿Baʼax u beelal le doce tuunichoʼob tu chʼaʼob tu jaʼi le Jordán tu muchʼkíintoʼob Gilgaloʼ? (Jos. 4:4-7.)

46 Tsikbalil

1. ¿Baʼax tiaʼalaj Jéeoba ka beetaʼak ich seis kʼiinoʼob tumen le soldadoʼob yéetel le j-kʼiinoʼoboʼ?

2. Tu siete kʼiineʼ, ¿baʼax unaj kaʼach u beetik le máakoʼoboʼ?

3. Jeʼex a wilik teʼ dibujooʼ, ¿baʼax ku yúuchul tiʼ u baʼpakʼiloʼob Jericó?

4. ¿Baʼaxten yaan upʼéel chak suum chʼuyukbaj tiʼ upʼéel ventana?

5. ¿Baʼax tiaʼalaj Josué tiʼ le soldadoʼob ka u beetoʼob tiʼe máakoʼob yéetel tiʼe kaajoʼ, yéetel baʼax xan kʼaʼabéet u beetkoʼob yéetel le plata, le oro, le cobre yéetel le fierrooʼ?

6. ¿Baʼax aʼalaʼab tiʼe kaʼatúul j-chʼúukoʼob ka u beetoʼoboʼ?

Uláakʼ kʼáatchiʼob:

1. Xokaʼak Josué 6:1-25.

   1. Úuchik u xíimbal le israelitaʼob tu baʼpaach Jericó tu siete kʼiinoʼ, ¿baʼax u chíikaʼanil tiʼ le kʼaʼaytaj ku beetik le j-jaajkunajoʼob teʼ kʼiinoʼobaʼ? (Jos. 6:15, 16; Isa. 60:22; Mat. 24:14; 1 Cor. 9:16.)

   2. Quinientos jaʼaboʼob tsʼoʼokok lelaʼ, ¿bix úuchik u béeychajal le profecía tsʼíibtaʼan tu libroi Josué 6:26, yéetel baʼax ku kaʼansiktoʼon tiʼ u tʼaan Jéeoba? (1 Rey. 16:34; Isa. 55:11.)

47 Tsikbalil

1. ¿Máax le máak ka wilik teʼ dibujo táan u mukik le baʼaxoʼob tu chʼaʼaj tu kaajil Jericooʼ, yéetel máaxoʼob le áantikoʼ?

2. ¿Baʼaxten jach maʼ maʼalob baʼax tsʼoʼok u beetkoʼob Acán yéetel u familiaiʼ?

3. ¿Baʼax tu núukaj Jéeoba ka kʼáataʼab tiʼ tumen Josué baʼaxten tu chaʼaj u tsʼáanchaʼataʼal le israelitaʼob tumen u kajnáaliloʼob Haioʼ?

4. ¿Baʼax beetaʼab tiʼ Acán yéetel tiʼ u familia ka bisaʼaboʼob tu táan Josué?

5. ¿Baʼax k-kanik tiʼ le baʼax úuch tiʼ Acanoʼ?

Uláakʼ kʼáatchiʼob:

1. Xokaʼak Josué 7:1-26.

   1. ¿Bix úuchik u yeʼesik Josué ich u payalchiʼ jach ku biskuba yéetel Dios? (Jos. 7:7-9; Sal. 119:145; 1 Juan 5:14.)

   2. ¿Baʼax ku kaʼansiktoʼon le baʼax úuch tiʼ Acanoʼ? (Jos. 7:11, 14, 15; Pro. 15:3; 1 Tim. 5:24; Heb. 4:13.)

2. Xokaʼak Josué 8:1-29.

   ¿Baʼax xan kʼaʼabéet k-beetik utiaʼal maʼ k-taasik talmiloʼob ichil le múuchʼulil bejlaʼoʼ? (Jos. 7:13; Lev. 5:1; Pro. 28:13.)

48 Tsikbalil

1. ¿Baʼaxten u kajnáaliloʼob Gabaoneʼ maʼ beyoʼob jeʼex le canaaneʼob kajaʼanoʼob naatsʼoʼ?

2. Jeʼex a wilik teʼ dibujooʼ, ¿baʼax ku beetik le gabaonitaʼoboʼ, yéetel baʼaxten?

3. ¿Baʼax tiaʼalaj Josué yéetel uláakʼ u nuuktakiloʼob Israel tiʼe gabaonitaʼoboʼ? Baʼaleʼ, ¿baʼax tu yiloʼob ka máan óoxpʼéel kʼiin?

4. ¿Baʼax úuch ka ojéeltaʼab tumen uláakʼ reyoʼob tsʼoʼok u tsʼáaikuba Gabaón tu tséel Israel?

Uláakʼ kʼáatchiʼob:

1. Xokaʼak Josué 9:1-27.

   1. Bey tumen u yaʼalmaj Jéeoba tiʼe israelitaʼob ka u kíimsoʼob tuláakal le máaxoʼob kajaʼanoʼob tu luʼumil Canaanoʼ, ¿baʼax modosi tu yeʼesaj le ka tu saʼasaj u kuxtal le gabaonitaʼoboʼ? (Jos. 9:22, 24; Mat. 9:13; Bxob. 10:34, 35; 2 Ped. 3:9.)

   2. Le ka tu béeykuntaj Josué le baʼax tu chʼaʼatʼantaj yéetel le gabaonitaʼoboʼ, ¿baʼax ku kaʼansik tiʼe cristianoʼob bejlaʼaʼ? (Jos. 9:18, 19; Mat. 5:37; Efe. 4:25.)

2. Xokaʼak Josué 10:1-5.

   Le yaʼabach máakoʼob kun pʼáatloʼob kuxtal way luʼumeʼ, ¿bix u beetkoʼob jeʼex tu beetaj le gabaonitaʼoboʼ, yéetel yoʼolal lelaʼ baʼax ku yúuchultiʼob? (Jos. 10:4; Zac. 8:23; Mat. 25:35-40; Apo. 12:17.)

49 Tsikbalil

1. Jeʼex chíikaʼanil teʼ dibujooʼ, ¿baʼax ka tuklik kiaʼalik Josué, yéetel baʼaxten?

2. ¿Bix úuchik u yáantaʼal Josué yéetel u soldadoʼob tumen Jéeoba?

3. ¿Jaytúul kʼasaʼan reyoʼob tu tsʼáanchaʼataj Josué, yéetel jaypʼéel jaʼaboʼob tu bisaj tiʼ?

4. ¿Baʼax oʼolal tu jatsláantaj Josué u luʼumil Canaán?

5. ¿Jaypʼéel jaʼab yaan tiʼ Josué ka kíimi, ka tsʼoʼokeʼ baʼax tu beetaj le israelitaʼoboʼ?

Uláakʼ kʼáatchiʼob:

1. Xokaʼak Josué 10:6-15.

   ¿Bix u líiʼsik k-óol k-ojéeltik yoʼolal Israeleʼ Jéeobaeʼ tu waʼakuntaj le Kʼiin yéetel le Lunaoʼ? (Jos. 10:8, 10, 12, 13; Sal. 18:3; Pro. 18:10.)

2. Xokaʼak Josué 12:7-24.

   U jaajileʼ, ¿máax tsʼáanchaʼat le u 31 reyiloʼob Canaanoʼ, yéetel baʼaxten maʼ unaj u tuʼubultoʼoniʼ? (Jos. 12:7; 24:11-13; Deu. 31:8; Luc. 21:9, 25-28.)

3. Xokaʼak Josué 14:1-5.

   ¿Bix úuchik u tʼoʼoxol le luʼum tiʼe chʼiʼibaloʼob tiʼ Israeloʼ, yéetel baʼax ku yeʼesik tiʼ bix kun tʼoxbil tuʼux kun kajtal máak teʼ Paraísooʼ? (Jos. 14:2; Isa. 65:21; Eze. 47:21-23; 1 Cor. 14:33.)

4. Xokaʼak Jueces 2:8-13.

   Jeʼex úuchik u kanáantik Josué u kaajil Israeleʼ, bejlaʼeʼ, ¿máaxoʼob kanáantik maʼ u yoksaʼal kaʼansajoʼob maʼ maʼalobtak ichil u kaajal Diosiʼ? (Jue. 2:8, 10, 11; Mat. 24:45-47; 2 Tes. 2:3-6; Tito 1:7-9; Apo. 1:1; 2:1, 2.)

50 Tsikbalil

1. ¿Bix u kʼaabaʼ u yáax juezil Israel yéetel bix u kʼaabaʼ u maasiloʼoboʼ?

2. ¿Baʼax nojoch meyajil yaan u beet Débora, yéetel baʼax táakaʼan ichil?

3. Ka taal le rey Jabín yéetel Sísara, u nojchil u soldadoʼob, baʼateʼel yéetel Israeleʼ, ¿baʼax tiaʼalaj Jéeoba tiʼ Débora ka u yaʼal tiʼ le juez Barac, yéetel máax tiaʼalaj kun kʼamik u nojbeʼenil?

4. ¿Bix úuchik u yeʼesik Jael, letiʼeʼ utúul koʼolel maʼ saajkiʼ?

5. ¿Baʼax úuch ka tsʼoʼok u kíimil rey Jabín?

Uláakʼ kʼáatchiʼob:

1. Xokaʼak Jueces 2:14-22.

   ¿Baʼaxten kʼuuxilnaj Jéeoba tiʼ le israelitaʼoboʼ, yéetel baʼax ku kaʼansiktoʼon? (Jue. 2:20; Pro. 3:1, 2; Eze. 18:21-23.)

2. Xokaʼak Jueces 4:1-24.

   Le cristianaʼob bejlaʼaʼ, ¿baʼax ku kankoʼob tiʼ Débora yéetel tiʼ Jael? (Jue. 4:4, 8, 9, 14, 21, 22; Pro. 31:30; 1 Cor. 16:13.)

3. Xokaʼak Jueces 5:1-31.

   Jeʼex Barac yéetel Débora kʼaaynajoʼob ka tsʼoʼok u ganaroʼobeʼ, toʼoneʼexeʼ, ¿baʼax maʼalob xan ka k-kʼáat tiʼ Jéeoba ich payalchiʼ bey tumen táan u náatsʼal u baʼatelil Armagedonoʼ? (Jue. 5:3, 31; 1 Cró. 16:8-10; Apo. 7:9, 10; 16:16; 19:19-21.)

51 Tsikbalil

1. ¿Baʼaxten bin Noemí kajtal kaʼach tu luʼumil Moab?

2. ¿Máax Rut yéetel máax Orfa?

3. ¿Bix tu núukil Rut yéetel Orfa ka aʼalaʼabtiʼob tumen Noemí ka suunakoʼob tu kaajaloʼob?

4. ¿Máax Booz, yéetel bix úuchik u yáantik Rut yéetel Noemí?

5. ¿Bix u kʼaabaʼ u paal Booz yéetel Rut, yéetel baʼaxten maʼ unaj u tuʼubultoʼoniʼ?

Uláakʼ kʼáatchiʼob:

1. Xokaʼak Rut 1:1-17.

   1. ¿Bix úuchik u yeʼesik Rut chúukaʼan u yaabilaj tiʼ Noemí? (Rut 1:16, 17.)

   2. ¿Bix u yeʼesik le «uláakʼ tamanoʼob» tiʼ u yalab le sukuʼunoʼob yéeyanoʼob utiaʼal bin kaʼan, ku tuukuloʼob jeʼex úuchik u tuukul Ruteʼ? (Juan 10:16; Zac. 8:23.)

2. Xokaʼak Rut 2:1-23.

   ¿Baʼaxoʼob tu beetaj Rut maʼalob xan ka u beet le kiikoʼob x-lóoʼbayantakoʼoboʼ? (Rut 2:17, 18; Pro. 23:22; 31:15.)

3. Xokaʼak Rut 3:5-13.

   1. ¿Bix tu yilij Booz úuchik u yóotik Rut tsʼoʼokol u beel tu yéetel maʼ tu yéeyaj utúul xiʼipal táankelmiʼ?

   2. ¿Baʼax k-kanik tiʼ u chúukaʼan yaabilaj Rut? (Rut 3:10; 1 Cor. 13:4, 5.)

4. Xokaʼak Rut 4:7-17.

   Le cristianoʼoboʼ, ¿bix jeʼel u beetkoʼob jeʼex úuchik u beetik Boozeʼ? (Rut 4:9, 10; 1 Tim. 3:1, 12, 13; 5:8.)

52 Tsikbalil

1. ¿Baʼax talmil ku aktáantik le israelitaʼoboʼ, yéetel baʼaxten?

2. ¿Baʼaxten aʼalaʼab tiʼ Gedeón jach yaʼab u soldadoʼob tumen Jéeoba?

3. Ka tsʼoʼok u túuxtik Gedeón tu yotochoʼob le soldadoʼob sajakchajoʼoboʼ, ¿jaytúul pʼáatoʼobiʼ?

4. Jeʼex u yeʼesik le dibujooʼ, ¿bix úuchik u pʼataʼal chéen 300 utúulal u soldadoʼob Gedeón tumen Jéeoba?

5. ¿Bix úuchik u jatsik u 300 soldadoʼob Gedeón, yéetel bix úuchik u tiaʼalintkoʼob le baʼateloʼ?

Uláakʼ kʼáatchiʼob:

1. Xokaʼak Jueces 6:36-40.

   1. ¿Baʼax tu beetaj Gedeón utiaʼal u yojéeltik baʼax u kʼáat Jéeoba ka u beete?

   2. Teʼ kʼiinoʼobaʼ, ¿bix k-ojéeltik baʼax u kʼáat Jéeoba tiʼ toʼon? (Pro. 2:3-6; Mat. 7:7-11; 2 Tim. 3:16, 17.)

2. Xokaʼak Jueces 7:1-25.

   1. ¿Baʼax k-kanik tiʼ le 300 soldadoʼob maʼ náay u yóoloʼoboʼ yéetel baʼax k-kanik tiʼ le náay u yóoloʼoboʼ? (Jue. 7:3, 6; Rom. 13:11, 12; Efe. 5:15-17.)

   2. Jeʼex úuchik u kaambal le 300 soldadoʼob tiʼ Gedeonoʼ, ¿bix xan k-kaambal tiʼ Jesucristo, le Gedeón nojchoʼ? (Jue. 7:17; Mat. 11:29, 30; 28:19, 20; 1 Ped. 2:21.)

   3. ¿Bix u yáantkoʼon Jueces 7:21 k-eʼes k-kʼáat meyajt Jéeoba Dios jeʼel tuʼuxak ka tsʼaʼabkoʼon meyaj ichil u moʼolayeʼ? (1 Cor. 4:2; 12:14-18; Sant. 4:10.)

3. Xokaʼak Jueces 8:1-3.

   Le bix úuchik u yutskíintik Gedeón le kʼuuxilil yanji tiʼ yéetel le efraimitaʼoboʼ, ¿bix jeʼel u yáantkoʼon wa ka yanaktoʼon talmil yéetel utúul sukuʼuneʼ? (Pro. 15:1; Mat. 5:23, 24; Luc. 9:48.)

53 Tsikbalil

1. ¿Máax Jefté, yéetel baʼax kʼiiniloʼob ka kuxlaji?

2. ¿Máax tiaʼalaj Jefté ken u kʼub tiʼ Jéeoba?

3. ¿Baʼaxten okʼom óolchaj Jefté le ka suunaj tu yotoch tsʼoʼok u tsʼáanchaʼatik le amonitaʼoboʼ?

4. ¿Baʼax tiaʼalaj u x-chʼupul paal Jefté ka tu yojéeltaj baʼax u yaʼalmaj u beetik u taata?

5. ¿Baʼaxten jach yaabiltaʼab u paal Jefté?

Uláakʼ kʼáatchiʼob:

1. Xokaʼak Jueces 10:6-18.

   ¿Baʼaxten maʼ unaj u tuʼubultoʼon le baʼax úuch tiʼe israelitaʼob ka tu náachkuntubaʼob tiʼ Jéeobaoʼ? (Jue. 10:6, 15, 16; Rom. 15:4; Apo. 2:10.)

2. Xokaʼak Jueces 11:1-11, 29-40.

   1. Ka tu kʼubaj u x-chʼupul paal Jefté bey «tóokbil» siibaleʼ, ¿bix k-ojéeltik maʼ jach tu tóokaj utiaʼal ku kʼub tiʼ Diosiʼ? (Jue. 11:31; Lev. 16:24; Deu. 18:10, 12.)

   2. ¿Baʼax ten kiaʼalaʼal tu kʼubaj u paal Jefté tiʼ Dios bey upʼéel siibaleʼ?

   3. ¿Baʼax k-kanik tiʼ Jefté úuchik u tsʼoʼokbesik le baʼax tu yaʼalaj tiʼ Jéeobaoʼ? (Jue. 11:35, 39; Ecl. 5:4, 5; Mat. 16:24.)

   4. Le táankelem paalaloʼoboʼ, ¿bix jeʼel u beetkoʼob jeʼex tu beetaj u paal Jefté ken u chʼaʼatukultoʼob u maas meyajtkoʼob Dioseʼ? (Jue. 11:36; Mat. 6:33; Fili. 3:8.)

54 Tsikbalil

1. ¿Bix u kʼaabaʼ le máak maas yanchajaʼan u muukʼ way yóokʼol kaabeʼ, yéetel máax beet u jach yantal u muukʼ?

2. Jeʼex a wilik teʼ dibujooʼ, ¿baʼax tu beetaj Sansón tiʼ utúul león?

3. Jeʼex a wilik teʼ dibujooʼ, ¿baʼax ku tsikbaltik Sansón tiʼ Dalila, yéetel baʼaxten lúub tu kʼab le filisteoʼoboʼ?

4. ¿Bix úuchik u beetik Sansón u kíimil 3.000 filisteoʼob le kʼiin ka kíim xanoʼ?

Uláakʼ kʼáatchiʼob:

1. Xokaʼak Jueces 13:1-14.

   Le baʼax tu beetoʼob Manoa yéetel u yatanoʼ, ¿baʼax ku kaʼansik tiʼ le taatatsiloʼoboʼ? (Jue. 13:8; Sal. 127:3; Efe. 6:4.)

2. Xokaʼak Jueces 14:5-9 yéetel 15:9-16.

   1. Le ka tu kíimsaj Sansón utúul león, bey xan le ka tu tʼokaj le túumben suumoʼob ikil kʼaxaʼaniloʼ yéetel le ka meyajnajtiʼ u kamaʼach utúul burro utiaʼal u kíimsik 1.000 máakoʼobeʼ, ¿baʼax ku yeʼesik yoʼolal u kiliʼich muukʼ Jéeoba?

   2. Bejlaʼeʼ, ¿bix u yáantkoʼon xan le kiliʼich muukʼoʼ? (Jue. 14:6; 15:14; Zac. 4:6; Bxob. 4:31.)

3. Xokaʼak Jueces 16:18-31.

   ¿Baʼax úuch tiʼ Sansón úuchik u biskuba yéetel máakoʼob maʼatech u meyajkoʼob Dios, yéetel baʼax k-kanik tiʼ leloʼ? (Jue. 16:18, 19; 1 Cor. 15:33.)

55 Tsikbalil

1. ¿Bix u kʼaabaʼ le chan xiʼipal yaan teʼ dibujooʼ, yéetel máax le máakoʼob yaan yiknaloʼ?

2. Upʼéel u kʼiinil tiaʼan Ana teʼ tabernáculooʼ, ¿baʼax tu kʼáataj ich payalchiʼ, yéetel bix úuchik u núukaʼaltiʼ tumen Jéeoba?

3. ¿Jaypʼéel jaʼab yaan tiʼ Samuel ka bisaʼab utiaʼal meyaj tu tabernáculo Jéeoba, yéetel baʼax ku bisaʼaltiʼ tumen u mama láalaj jaʼab?

4. ¿Bix u kʼaabaʼob u paalal Elí, yéetel bix u modosoʼob?

5. ¿Bix úuchik u tʼaʼanal Samuel tumen Jéeoba, yéetel baʼax aʼalaʼabtiʼ?

6. Ka maas nojochchaj Samueleʼ, ¿baʼax meeyjil tu beetaj, yéetel baʼax úuch ka chʼíiji?

Uláakʼ kʼáatchiʼob:

1. Xokaʼak 1 Samuel 1:1-28.

   1. ¿Baʼax tu beetaj Elcana jach maʼalob xan ka u beet le taatatsiloʼob ken u tsʼáaʼob táanil u meyajtkoʼob Jéeobaoʼ? (1 Sam. 1:3, 21; Mat. 6:33; Fili. 1:10.)

   2. ¿Baʼax k-kanik tiʼ bix úuchik u aktáantik Ana le talmiloʼob yanchajtiʼoʼ? (1 Sam. 1:10, 11; Sal. 55:22; Rom. 12:12.)

2. Xokaʼak 1 Samuel 2:11-36.

   ¿Bix úuchik u yeʼesik Elí maas jach u yaabiltmaj u paalal tiʼ Jéeoba, yéetel baʼax ku kaʼansiktoʼon lelaʼ? (1 Sam. 2:22-24, 27, 29; Deu. 21:18-21; Mat. 10:36, 37.)

3. Xokaʼak 1 Samuel 4:16-18.

   ¿Baʼax kampʼéel yaayaj baʼaloʼob úuch le táan u baʼateʼel le israelitaʼob kʼuch u tsikbalil yiknal Elioʼ, yéetel baʼax úuchtiʼ ka tu yojéeltaj?

4. Xokaʼak 1 Samuel 8:4-9.

   ¿Bix úuchik u yeʼesik le israelitaʼob maʼ u yaabiltmoʼob Jéeobaoʼ, baʼaleʼ toʼoneʼ bix unaj u chúukpajal k-óol beet baʼax u kʼáat? (1 Sam. 8:5, 7; Juan 17:16; Sant. 4:4.)

56 Tsikbalil

1. Jeʼex a wilik teʼ dibujooʼ, ¿baʼax ku beetik Samuel, yéetel baʼaxten?

2. ¿Baʼaxten lúub utsil Saúl tiʼ Jéeoba, yéetel bix kaʼach u modos?

3. ¿Bix u kʼaabaʼ u paal Saúl, yéetel baʼax tu beetaj?

4. ¿Baʼaxten Sauleʼ maʼ tu páaʼtaj u kʼuchul Samuel utiaʼal kʼubik le siibaloʼ?

5. ¿Baʼaxoʼob k-kanik tiʼ le baʼax tu beetaj Sauloʼ?

Uláakʼ kʼáatchiʼob:

1. Xokaʼak 1 Samuel 9:15-21 yéetel 10:17-27.

   Le ka pʼaʼastaʼab Saúl tumen jujuntúul máakoʼobeʼ, ¿bix áantaʼabik tumen u kabal óolal utiaʼal maʼ u jáan tukultik u beetik upʼéel baʼal kʼaas? (1 Sam. 9:21; 10:21, 22, 27; Pro. 17:27.)

2. Xokaʼak 1 Samuel 13:5-14.

   ¿Baʼax kʼebanil tu beetaj Saúl tu kaajil Gilgal? (1 Sam. 10:8; 13:8, 9, 13.)

3. Xokaʼak 1 Samuel 15:1-35.

   1. ¿Baʼax nojoch kʼebanil tu kuchaj Saúl ka tsʼoʼok u chukik u reyil Amalec? (1 Sam. 15:2, 3, 8, 9, 22.)

   2. ¿Baʼax tu kaxtaj u yaʼal Saúl utiaʼal maʼ u lúubul tu yóokʼol le baʼax tu beetoʼ? (1 Sam. 15:24.)

   3. Ken tsolnuʼuktaʼakoʼoneʼ, ¿baʼax unaj k-kʼaʼajsik? (1 Sam. 15:19-21; Sal. 141:5; Pro. 9:8, 9; 11:2.)

57 Tsikbalil

1. ¿Bix u kʼaabaʼ le xiʼipal ka wilik teʼ dibujooʼ, yéetel bix k-ojéeltik maʼ saajkiʼ?

2. ¿Tuʼux kajaʼan David, yéetel bix kaʼach u kʼaabaʼ u taata yéetel u abuelo?

3. ¿Baʼaxten tiaʼalaj Jéeoba tiʼ Samuel ka xiʼik tu yotoch Jesé tu kaajil Belén?

4. ¿Baʼax úuch ka tu taasaj Jesé siete utúulal u paalal tu táan Samuel?

5. ¿Baʼax tiaʼalaj Jéeoba tiʼ Samuel ka taasaʼab David tu táan?

Uláakʼ kʼáatchiʼob:

1. Xokaʼak 1 Samuel 17:34, 35.

   Le baʼaxoʼob tu beetaj Davidaʼ, ¿bix u yeʼesik jach ku kʼubik u yóol tiʼ Jéeoba? (1 Sam. 17:37.)

2. Xokaʼak 1 Samuel 16:1-14.

   1. ¿Bix u yáantkoʼon le baʼax kiaʼalaʼal tu libroi 1 Samuel 16:7 utiaʼal k-ilik k-éet máakil jeʼex u yilaʼal tumen Jéeobaeʼ? (Bxob. 10:34, 35; 1 Tim. 2:4.)

   2. Le baʼax úuch tiʼ Sauloʼ, ¿bix u yeʼesik ken u luʼs u kiliʼich muukʼ Jéeoba yóokʼol máakeʼ, jeʼel u yokol tu tuukul máak u beetik baʼax kʼaaseʼ? (1 Sam. 16:14; Mat. 12:43-45; Gál. 5:16.)

58 Tsikbalil

1. ¿Baʼax tu yawtaj Goliat tiʼe israelitaʼoboʼ?

2. ¿Bukaʼaj u kaʼanlil Goliat, yéetel baʼax tiaʼalaj Saúl ken u tsʼáa tiʼ máax kun kíimsik?

3. ¿Baʼax tiaʼalaj David ka aʼalaʼabtiʼ tumen Saúl maʼ tu páajtal u baʼateʼel yéetel Goliat tumen jach paal tu táan?

4. Le baʼax tiaʼalaj David tiʼ Goliatoʼ, ¿bix úuchik u yeʼesik u kʼubmaj u yóol tiʼ Jéeoba?

5. Jeʼex u yeʼesik le dibujooʼ, ¿baʼax meyajnaj tiʼ David utiaʼal u kíimsik Goliat, yéetel ka tsʼoʼokeʼ baʼax tu beetaj le filisteoʼoboʼ?

Uláakʼ kʼáatchiʼob:

1. Xokaʼak 1 Samuel 17:1-54.

   1. ¿Baʼax beet maʼ u chʼaʼik saajkil David, yéetel bix jeʼel k-beetikba jeʼex letiʼeʼ? (1 Sam. 17:37, 45; Efe. 6:10, 11.)

   2. Ken táakpajak le cristianoʼob tiʼ báaxaloʼob wa tiʼ uláakʼ náaysaj óoloʼobeʼ, ¿baʼaxten kʼaʼabéet u kanáantkoʼob maʼ u yantaltiʼob le tuukul jeʼex le yanji tiʼ Goliatoʼ? (1 Sam. 17:8; Gál. 5:26; 1 Tim. 4:8.)

   3. Le tʼaanoʼob tu beetaj Davidoʼ, ¿bix úuchik u yeʼesik u yojel yaan u yáantaʼal tumen Jéeoba? (1 Sam. 17:45-47; 2 Cró. 20:15.)

   4. Le tsikbalilaʼ maʼ chéen upʼéel baʼateʼel tiʼ kaajoʼob u pʼekmubaʼob ku yeʼeskiʼ, ¿jach máaxoʼob tu jaajil kiaʼalik baʼatelnajoʼob? (1 Sam. 17:43, 46, 47.)

   5. U yalab le sukuʼunoʼob yéeyaʼanoʼob utiaʼal bin kaʼanoʼ, ¿bix u yeʼeskoʼob ku kʼubik u yóoloʼob xan tiʼ Jéeoba jeʼex tu beetaj Davideʼ? (1 Sam. 17:37; Jer. 1:17-19; Apo. 12:17.)

59 Tsikbalil

1. ¿Baʼaxten Sauleʼ tu pʼektaj David, baʼaleʼ baʼaxten maʼ bey tu beetaj Jonatanoʼ?

2. Le táan u paax David u yuʼub Sauloʼ, ¿baʼax óolak beetaʼaktiʼ?

3. Táanil tiʼ u tsʼoʼokol u beel David yéetel Micaleʼ, ¿baʼax tiaʼalaj Saúl tiʼ kʼaʼabéet u beetik, yéetel baʼaxten?

4. Kex tsʼoʼok kaʼatéen u máan chʼintaʼal David tumen Sauleʼ, ¿baʼax ka wilik teʼ dibujo ku kaʼa úuchul upʼéel u kʼiinil táan u paax David u yuʼub Sauloʼ?

5. ¿Bix úuchik u yáantaʼal púutsʼul David tumen Mical, yéetel baʼax kʼaʼabéetchaj u beetik David tu yáamil siete jaʼaboʼob?

Uláakʼ kʼáatchiʼob:

1. Xokaʼak 1 Samuel 18:1-30.

   1. Le nojoch yaabilaj tu yeʼesaj Jonatán tiʼ Davidoʼ, ¿bix u chíikbesik le yaabilaj ku yeʼesik le «uláakʼ tamanoʼob» tiʼ le u chan múuchʼ tamanoʼoboʼ? (1 Sam. 18:1; Juan 10:16; Luc. 12:32; Zac. 8:23.)

   2. Kex tumen Jonatán kaʼach ken u beet u reyil ken kíimik Sauleʼ, ¿baʼax tu beetaj jeʼex u yaʼalik 1 Samuel 18:4 utiaʼal u yeʼesik jach ku tsʼáaikuba yáanal u kʼab le rey yéeyaʼanoʼ?

   3. Le baʼax tu beetaj Sauloʼ, ¿bix u yeʼesik le chʼaʼaj kʼuuxiloʼ jeʼel u beetik u lúubul máak tiʼ maas nojoch kʼebaneʼ, yéetel baʼax ku kaʼansiktoʼon le tsikbalilaʼ? (1 Sam. 18:7-9, 25; Sant. 3:14-16.)

2. Xokaʼak 1 Samuel 19:1-17.

   ¿Bix tu tsʼáajil u kuxtal Jonatán tu chiʼ kíimil le ka tʼaanaj yéetel Sauloʼ? (1 Sam. 19:1, 4-6; Pro. 16:14.)

60 Tsikbalil

1. ¿Bix u kʼaabaʼ le koʼolel ku taal yiknal David ka wilik teʼ dibujooʼ, yéetel bix u modos?

2. ¿Máax Nabal?

3. ¿Baʼaxten Davideʼ tu túuxtaj u soldadoʼob u kʼáatoʼob ka beetaʼak upʼéel uts tiʼob tumen Nabal?

4. ¿Baʼax tiaʼalaj Nabal tiʼe soldadoʼob túuxtaʼaboʼob tumen Davidoʼ, yéetel baʼax tu beetaj David ka tu yuʼubaj?

5. ¿Bix úuchik u yeʼesik Abigail jach yaan u naʼat?

Uláakʼ kʼáatchiʼob:

1. Xokaʼak 1 Samuel 22:1-4.

   ¿Bix unaj k-paklan áantikba yéetel k-sukuʼunoʼob teʼ múuchʼulil jeʼex úuchik u yáantaʼal David tumen u láakʼtsililoʼobeʼ? (Pro. 17:17; 1 Tes. 5:14.)

2. Xokaʼak 1 Samuel 25:1-43.

   1. ¿Baʼaxten kiaʼalaʼal jach kʼaakʼas máak Nabal? (1 Sam. 25:2-5, 10, 14, 21, 25.)

   2. Le kiikoʼob tsʼokaʼan u beeloʼoboʼ, ¿baʼax jeʼel u kankoʼob tiʼ Abigaileʼ? (1 Sam. 25:32, 33; Pro. 31:26; Efe. 5:24.)

   3. ¿Bix úuchik u yáantaʼal David tumen Abigail utiaʼal maʼ u lúubul tiʼ kaʼapʼéel nojoch kʼebanoʼob? (1 Sam. 25:31, 33; Rom. 12:19; Efe. 4:26.)

   4. Le bix úuchik u yilik David le baʼax aʼalaʼab tiʼ tumen Abigailoʼ, ¿bix u yáantik le sukuʼunoʼob u yiloʼob le kiikoʼob jeʼex u yilaʼaloʼob tumen Jéeobaoʼ? (Bxob. 21:8, 9; Rom. 2:11; 1 Ped. 3:7.)

61 Tsikbalil

1. ¿Baʼax tu beetaj David yéetel Abisai le táan u wenel Saúl teʼ tuʼux pʼáatoʼob u máansoʼob le áakʼaboʼ?

2. ¿Baʼaxoʼob tu kʼáataj David tiʼ Saúl?

3. ¿Tuʼux bin David ka tsʼoʼok u tsikbal yéetel Saúl?

4. ¿Baʼax beet u jach okʼom óoltaj David ka tak tu tsʼíibtaj upʼéel jatsʼuts kʼaay?

5. ¿Jaypʼéel jaʼab yaan tiʼ David ka beetaʼab reyil tu kaajil Hebrón, yéetel bix u kʼaabaʼ jujuntúul u paalaloʼob?

6. ¿Tak tuʼux uláakʼ gobernarnaj David?

Uláakʼ kʼáatchiʼob:

1. Xokaʼak 1 Samuel 26:1-25.

   1. U tʼaanoʼob David tsʼíibtaʼan 1 Samuel 26:11, ¿bix u yaʼalik unaj u yilaʼal le nuʼuktaj ku tsʼáaik Jéeobaoʼ? (Sal. 37:7; Rom. 13:2.)

   2. Wa táan k-áantik wa máax yéetel yaabilaj, baʼaleʼ maʼ tu tsʼáaiktoʼon u nib óolalileʼ, ¿bix jeʼel u yáantkoʼon u tʼaanoʼob David tsʼíibtaʼan 1 Samuel 26:23 utiaʼal maʼ u lúubul k-óoleʼ? (1 Rey. 8:32; Sal. 18:20.)

2. Xokaʼak 2 Samuel 1:26.

   ¿Bix jeʼel u kʼuchul u paklan yaabiltuba le sukuʼunoʼob jeʼex úuchik u jach yaabiltikubaʼob David yéetel Jonataneʼ? (1 Ped. 4:8; Col. 3:14; 1 Juan 4:12.)

3. Xokaʼak 2 Samuel 5:1-10.

   1. ¿Jaypʼéel jaʼab reinarnaj David, yéetel tuʼuxoʼob? (2 Sam. 5:4, 5.)

   2. ¿Máax kiʼikiʼtʼantaʼab yoʼolal le baʼaxoʼob tu beetaj Davidoʼ, yéetel baʼax ku kʼaʼajsiktoʼon bejlaʼeʼ? (2 Sam. 5:10; 1 Sam. 16:13; 1 Cor. 1:31; Fili. 4:13.)

62 Tsikbalil

1. Yéetel u yáantaj Jéeobaeʼ, ¿baʼax úuch yéetel u luʼumil Canaán?

2. ¿Baʼax úuch utéenjeak tiaʼan David yóokʼol u palacioeʼ?

3. ¿Baʼaxten jach kʼuuxilnaj Jéeoba tiʼ David?

4. Jeʼex a wilik teʼ dibujooʼ, ¿máax le máak túuxtaʼab tumen Jéeoba utiaʼal tsolik u nuʼuk tiʼ David yoʼolal le baʼax tu beetoʼ, yéetel baʼax xan tiaʼalaj kun úuchul tiʼ David?

5. ¿Baʼax talmiloʼob tu yilaj David?

6. ¿Máax tu beetuba reyil ka tsʼoʼok u gobernar David?

Uláakʼ kʼáatchiʼob:

1. Xokaʼak 2 Samuel 11:1-27.

   1. ¿Baʼax tiʼ ku kanáantkoʼon k-jach kʼubik óol meyajt Jéeoba?

   2. ¿Baʼax beet u lúubul David tiʼ kʼeban, yéetel baʼax ku kaʼansiktoʼon? (2 Sam. 11:2; Mat. 5:27-29; 1 Cor. 10:12; Sant. 1:14, 15.)

2. Xokaʼak 2 Samuel 12:1-18.

   1. Le bix úuchik u yáantaʼal David tumen Natanoʼ, ¿baʼax ku kaʼansik tiʼe nuxiboʼob yéetel tiʼe taatatsiloʼoboʼ? (2 Sam. 12:1-4; Pro. 12:18; Mat. 13:34.)

   2. ¿Baʼaxten chʼaʼab óotsilil tiʼ David tumen Jéeoba? (2 Sam. 12:13; Sal. 32:5; 2 Cor. 7:9, 10.)

63 Tsikbalil

1. ¿Baʼax kʼáataʼab tiʼ Salomón tumen Jéeoba, yéetel baʼax tu núukaj?

2. ¿Baʼax xan tiaʼalaj u tsʼáaik Jéeoba tiʼ Salomón tumen jach lúub utsil tiʼ le baʼax tu kʼáatoʼ?

3. ¿Baʼax nojoch talamil yaan kaʼach tiʼ kaʼatúul koʼoleloʼob bin u yaʼaloʼob tiʼ Salomón?

4. Jeʼex u yeʼesik le dibujooʼ, ¿bix úuchik u yutskíintaʼal le talmil tumen Salomonoʼ?

5. ¿Bix úuchik u gobernar Salomón, yéetel baʼaxten?

Uláakʼ kʼáatchiʼob:

1. Xokaʼak 1 Reyes 3:3-28.

   1. Le sukuʼunoʼob ku beetkoʼob nojoch meyaj ichil u kaajal Diosoʼ, ¿baʼax jeʼel u páajtal u kankoʼob tiʼ le tʼaanoʼob tu beetaj Salomón yéetel tuláakal u puksiʼikʼal tsʼíibtaʼan 1 Reyes 3:7? (Sal. 119:105; Pro. 3:5, 6.)

   2. ¿Baʼaxten maʼalob xan ka k-kʼáat tiʼ Dios ich payalchiʼ le baʼaloʼob tu kʼáataj Salomonoʼ? (1 Rey. 3:9, 11; Pro. 30:8, 9; 1 Juan 5:14.)

   3. Le bix úuchik u yutskíintik Salomón le talamil yanchaj tiʼe kaʼatúul koʼoleloʼobeʼ, ¿bix u yáantkoʼon k-naʼat bix kun gobernar Jesucristo, le maas nojoch Salomonoʼ? (1 Rey. 3:28; Isa. 9:6, 7; 11:2-4.)

2. Xokaʼak 1 Reyes 4:29-34.

   1. ¿Bix núukaʼabik tumen Jéeoba le payalchiʼ tu beetaj Salomón ka tu kʼáataj ka tsʼaʼabak upʼéel maʼalob puksiʼikʼal tiʼoʼ? (1 Rey. 4:29.)

   2. Le baʼax tu beetaj le máakoʼob utiaʼal u bin u yuʼuboʼob u tsikbal Salomonoʼ, ¿bix u yeʼesiktoʼon u kʼaʼananil k-xokik le Bibliaoʼ? (1 Rey. 4:29, 34; Juan 17:3; 2 Tim. 3:16.)

64 Tsikbalil

1. ¿Jaypʼéel jaʼab tu bisaj tiʼ Salomón u tsʼoʼoksik u templo Jéeoba, yéetel baʼaxten jach koʼoj tu tojoltaj?

2. ¿Jaypʼéel nojoch cuartoʼob yaan kaʼach teʼ templooʼ, yéetel baʼax ku tsʼaʼabal ichil le cuarto yaan maas ichiloʼ?

3. Ka tsʼoʼok u beetaʼal le templooʼ, ¿baʼax tiaʼalaj Salomón tiʼ Jéeoba ich payalchiʼ?

4. ¿Baʼax tu beetaj Jéeoba utiaʼal u yeʼesik kiʼimakchaj yóol yéetel le payalchiʼ tu beetaj Salomonoʼ?

5. ¿Baʼax péeksaʼab u beet Salomón tumen u yatanoʼob, yéetel baʼax úuchtiʼ?

6. ¿Baʼaxten kʼuuxilnaj Jéeoba tiʼ Salomón, yéetel baʼax tiaʼalajtiʼ?

Uláakʼ kʼáatchiʼob:

1. Xokaʼak 1 Crónicas 28:9, 10.

   ¿Baʼax kiaʼalik David tu libroi 1 Crónicas 28:9, 10, kʼaʼabéet k-ilik beetik sáamsamal? (Sal. 19:14; Fili. 4:8, 9.)

2. Xokaʼak 2 Crónicas 6:12-21, 32-42.

   1. ¿Bix tu yeʼesil Salomón tuláakal naj beetaʼan tumen máakeʼ jach chichan utiaʼal u kajtal Jéeoba Dios? (2 Cró. 6:18; Bxob. 17:24, 25.)

   2. U tʼaanoʼob Salomón tsʼíibtaʼan 2 Crónicas 6:32, 33, ¿baʼax ku kaʼansiktoʼon tiʼ Jéeoba? (Bxob. 10:34, 35; Gál. 2:6.)

3. Xokaʼak 2 Crónicas 7:1-5.

   Jeʼex le israelitaʼob tu kiʼikiʼtʼantoʼob Jéeoba ka tu yiloʼob u nojbeʼeniloʼ, toʼon xaneʼ, ¿baʼax kʼaʼabéet k-beetik ken k-il le yaʼabach utsiloʼob ku taasik Jéeoba yóokʼol u kaajaloʼ? (2 Cró. 7:3; Sal. 22:22; 34:1; 96:2.)

4. Xokaʼak 1 Reyes 11:9-13.

   Le baʼax úuch tiʼ Salomonoʼ, ¿bix u yeʼesiktoʼon u kʼaʼabéetil u chúukpajal k-óol tak tu xuul? (1 Rey. 11:4, 9; Mat. 10:22; Apo. 2:10.)

65 Tsikbalil

1. ¿Bix u kʼaabaʼ le kaʼatúul máakoʼob yaan teʼ dibujooʼ, yéetel máaxoʼobiʼ?

2. ¿Baʼax ku beetik Ahías tiʼ le nookʼ u búukintmajoʼ, yéetel baʼax u kʼáat yaʼalej?

3. ¿Baʼax tu yóotaj u beet Salomón tiʼ Jeroboam?

4. ¿Baʼaxten beetaʼab reyil Jeroboam yóokʼol diez chʼiʼibaloʼob?

5. ¿Baʼaxten tu beetaj Jeroboam kaʼatúul mejen wakax yéetel oro, yéetel baʼax úuchi?

6. ¿Baʼax úuch tiʼ u reinoi le kaʼapʼéel chʼiʼibal yéetel tiʼ u templo Jéeoba yaan Jerusalenoʼ?

Uláakʼ kʼáatchiʼob:

1. Xokaʼak 1 Reyes 11:26-43.

   ¿Máax kaʼach Jeroboam, yéetel baʼax aʼalaʼab kun tsʼaabiltiʼ wa ku tsʼoʼokbesik u tʼaan Jéeoba? (1 Rey. 11:28, 38.)

2. Xokaʼak 1 Reyes 12:1-33.

   1. Le baʼax maʼ maʼalob tu beetaj Roboamoʼ, ¿baʼax ku kaʼansik tiʼe taatatsiloʼob yéetel tiʼe nuxiboʼoboʼ? (1 Rey. 12:13; Ecl. 7:7; 1 Ped. 5:2, 3.)

   2. Ken u chʼaʼatukult le táankelem paalaloʼob baʼaloʼob yaan yil yéetel u kuxtaloʼobeʼ, ¿máax tiʼ kʼaʼabéet u kʼáatkoʼob áantaj? (1 Rey. 12:6, 7; Pro. 1:8, 9; 2 Tim. 3:16, 17; Heb. 13:7.)

   3. ¿Baʼaxten Jeroboameʼ tu yéeyaj kaʼapʼéel káaj utiaʼal u adorartaʼal mejen wakaxoʼob, yéetel baʼax tu chíikbesaj le baʼax tu beetaʼ? (1 Rey. 11:37; 12:26-28.)

   4. ¿Máax oks tu tuukul le diez chʼiʼibaloʼob ku adorartoʼob yaanal diosoʼoboʼ? (1 Rey. 12:32, 33.)

66 Tsikbalil

1. ¿Máax Jezabel?

2. Upʼéel u kʼiinileʼ, ¿baʼax beet u jach okʼom óoltaj rey Acab?

3. ¿Baʼax tu beetaj Jezabel utiaʼal ku tiaʼalint Acab u kúuchil u pakʼal uva Nabot?

4. ¿Máax tu túuxtaj Jéeoba utiaʼal castigartik Jezabel?

5. Jeʼex a wilik teʼ dibujooʼ, ¿baʼax úuch ka kʼuch Jehú tu palacio Jezabel?

Uláakʼ kʼáatchiʼob:

1. Xokaʼak 1 Reyes 16:29-33 yéetel 18:3, 4.

   Tu kʼiiniloʼob táan u gobernar Acabeʼ, ¿bukaʼaj úuchik u jach kʼastal baʼax ku beetaʼal tu luʼumil Israel? (1 Rey. 14:9.)

2. Xokaʼak 1 Reyes 21:1-16.

   1. ¿Bix úuchik u yeʼesik Nabot chúukaʼan u yaabilaj tiʼ Jéeoba yéetel bix úuchik u yeʼesik maʼatech u chʼaʼik sajkil tiʼ máak? (1 Rey. 21:1-3; Lev. 25:23-28.)

   2. Wa maʼ tu béeytal baʼax k-páaʼtik jeʼex úuch tiʼ Acabeʼ, ¿baʼax maʼ unaj k-chaʼik u yúuchultoʼoniʼ? (1 Rey. 21:4; Rom. 5:3-5.)

3. Xokaʼak 2 Reyes 9:30-37.

   ¿Baʼax k-kanik tiʼ bix úuchik u jach kʼubik u yóol Jehú u beet le baʼax aʼalaʼab tiʼ tumen Jéeobaoʼ? (2 Rey. 9:4-10; 2 Cor. 9:1, 2; 2 Tim. 4:2.)

67 Tsikbalil

1. ¿Máax Josafat, yéetel baʼax kʼiiniloʼob ka kuxlaji?

2. ¿Baʼax beet u sajaktal le israelitaʼoboʼ, yéetel baʼax tu beetaj yaʼab tiʼ letiʼobiʼ?

3. ¿Bix úuchik u núukik Jéeoba u payalchiʼ Josafat?

4. Táanil tiʼ u káajal le baʼateloʼ, ¿baʼax tu beetaj Jéeoba?

5. ¿Baʼax k-kanik tiʼ Josafat?

Uláakʼ kʼáatchiʼob:

1. Xokaʼak 2 Crónicas 20:1-30.

   1. ¿Bix úuchik u yeʼesik Josafat baʼax kʼaʼabéet u beetik le máaxoʼob meyajtik Jéeoba ken u aktáantoʼob talmiloʼoboʼ? (2 Cró. 20:12; Sal. 25:15; 62:1.)

   2. Úucheʼ yaan máaxoʼob meyajnaj tiʼ Jéeoba utiaʼal u tʼaan yéetel u kaajal, bejlaʼeʼ, ¿máax ku meyaj tiʼ? (2 Cró. 20:14, 15; Mat. 24:45-47; Juan 15:15.)

   3. Ken u káajs «u baʼatelil u nojoch kʼiinil» Jéeobaeʼ, ¿baʼax ken k-beeteʼex jeʼex tu beetiloʼob Josafateʼ? (2 Cró. 20:15, 17; 32:8; Apo. 16:14, 16.)

   4. Le j-táanilkunsajoʼob yéetel le misioneroʼoboʼ, ¿bix u yáantajoʼob utiaʼal ka kʼuchuk tuláakal tuʼux le maʼalob péektsil jeʼex tu beetaj le levitaʼoboʼ? (2 Cró. 20:19, 21; Rom. 10:13-15; 2 Tim. 4:2.)

68 Tsikbalil

1. ¿Máax le óoxtúul máakoʼob ka wilik teʼ dibujooʼ, yéetel upʼéel u kʼiinileʼ baʼax úuch tiʼe chan xiʼipaloʼ?

2. ¿Baʼax tu kʼáataj Elías ich payalchiʼ yoʼolal le chan xiʼipaloʼ, yéetel baʼax úuchi?

3. ¿Bix u kʼaabaʼ le máax áantik Elíasoʼ?

4. ¿Baʼaxten aʼalaʼab tiʼ Eliseo ka xiʼik tu yotoch utúul koʼolel tu kaajil Sunem?

5. ¿Baʼax tu beetaj Eliseo, yéetel baʼax úuch tiʼe chan xiʼipal kimenoʼ?

6. Yéetel le baʼaxoʼob tu beetaj Elías yéetel Eliseoeʼ, ¿baʼax páajtalil tu yeʼesoʼob yaan tiʼ Jéeoba?

Uláakʼ kʼáatchiʼob:

1. Xokaʼak 1 Reyes 17:8-24.

   1. ¿Bix úuchik u yilaʼal wa chúukaʼan u oksaj óolal Elías? (1 Rey. 17:9; 19:1-4, 10.)

   2. ¿Baʼaxten jach nojoch úuchik u yeʼesik u oksaj óolal le x-sareptai kimen u yíichameʼ? (1 Rey. 17:12-16; Luc. 4:25, 26.)

   3. Le nojoch utsil tu kʼamaj le x-sareptailoʼ, ¿bix u yeʼesik jach jaaj u tʼaanoʼob Jesús yaan tu tsʼíibil San Mateo 10:41, 42? (1 Rey. 17:10-12, 17, 23, 24.)

2. Xokaʼak 2 Reyes 4:8-37.

   1. ¿Baʼax k-kanik tiʼ le koʼolel kajaʼan Sunem tiʼ bix unaj u kʼamik máak u yuʼulaboʼob? (2 Rey. 4:8; Luc. 6:38; Rom. 12:13; 1 Juan 3:17.)

   2. ¿Baʼaxoʼob jeʼel u páajtal k-beetik utiaʼal k-eʼesik utsil tiʼ le máaxoʼob meyajtik Diosoʼ? (Bxob. 20:35; 28:1, 2; Gál. 6:9, 10; Heb. 6:10.)

69 Tsikbalil

1. Le chan x-chʼúupal ka wilik teʼ dibujooʼ, ¿baʼax ku tsikbaltik tiʼe koʼoleloʼ?

2. ¿Máax le koʼolel ka wilik teʼ dibujooʼ, yéetel baʼaxten tiaʼan le chan x-chʼúupal tu yotochoʼ?

3. ¿Baʼax tiaʼalaj Eliseo tiʼ u j-meyaj ka u yaʼal tiʼ Naamán, yéetel baʼaxten pʼuʼuj Naamán?

4. ¿Baʼax tu beetaj Naamán ka tu yuʼubaj baʼax aʼalaʼabtiʼ tumen u palitsil?

5. ¿Baʼaxten maʼ tu yóotaj u chʼaʼaj Eliseo le baʼax ku siʼibil tiʼ kaʼach tumen Naamanoʼ, baʼaleʼ baʼax tu beetaj Giezi (Guehazí)?

6. ¿Baʼax úuch tiʼ Giezi, yéetel baʼax ku kaʼansiktoʼon?

Uláakʼ kʼáatchiʼob:

1. Xokaʼak 2 Reyes 5:1-27.

   1. Le baʼax tu beetaj le chan x-chʼúupal israelitaoʼ, ¿baʼax ku kaʼansik tiʼe táankelem paalal bejlaʼoʼ? (2 Rey. 5:3; Sal. 8:2; 148:12, 13.)

   2. Ken tsʼaʼabaktoʼon upʼéel tsolxikin ku taal teʼ Bibliaoʼ, ¿baʼaxten maʼ unaj k-beetik jeʼex tu beetil Naamaneʼ? (2 Rey. 5:15; Heb. 12:5, 6; Sant. 4:6.)

   3. ¿Baʼaxoʼob k-kanik tiʼ Eliseo yéetel baʼaxten maʼ unaj k-beetik le baʼax tu beetaj Giezioʼ? (2 Rey. 5:9, 10, 14-16, 20; Mat. 10:8; Bxob. 5:1-5; 2 Cor. 2:17.)

70 Tsikbalil

1. ¿Máax Jonás, yéetel baʼax aʼalaʼabtiʼ tumen Jéeoba ka u beete?

2. ¿Baʼax tu beetaj Jonás ka túuxtaʼab tumen Jéeoba tu kaajil Nínive?

3. ¿Baʼax tiaʼalaj Jonás ka u beet le máaxoʼob nuʼuktik le cheem utiaʼal ka jéetsʼek le kʼaʼamkach iikʼoʼ?

4. Jeʼex a wilik teʼ dibujooʼ, ¿baʼax úuch ka kʼuch Jonás tu maas taamil le jaʼoʼ?

5. ¿Jaypʼéel kʼiin tu máansaj Jonás tu jobnel le nuxiʼi kayoʼ, yéetel baʼax tu beetaj le tiaʼanoʼoʼ?

6. ¿Tuʼux bin Jonás ka tsʼoʼok u jóokʼol tu jobnel le kayoʼ, yéetel baʼax ku kaʼansiktoʼon lelaʼ?

Uláakʼ kʼáatchiʼob:

1. Xokaʼak Jonás 1:1-17.

   Jeʼex tsʼoʼok k-ilkoʼ, ¿baʼax tuukulil yanji tiʼ Jonás ka túuxtaʼab kʼaʼaytaj tu kaajil Nínive? (Jon. 1:2, 3; Pro. 3:7; Ecl. 8:12.)

2. Xokaʼak Jonás 2:1, 2, 10.

   Le baʼax úuch tiʼ Jonasoʼ, ¿bix u yeʼesiktoʼon jach ku núukaʼal k-payalchiʼob tumen Jéeoba? (Sal. 22:24; 34:6; 1 Juan 5:14.)

3. Xokaʼak Jonás 3:1-10.

   1. Kex Jonás maʼ tu yóotaj u beet baʼax yáax aʼalaʼabtiʼeʼ, ¿bix u líiʼsik k-óol k-ojéeltik maʼ luʼsaʼab u beet u profetai tumen Jéeobaiʼ? (Sal. 103:14; 1 Ped. 5:10.)

   2. Le baʼax tu tuklaj Jonás ka túuxtaʼab kʼaʼaytaj tu kaajil Níniveoʼ, ¿bix u yáantkoʼon utiaʼal maʼ k-jáan tuklik maʼ ken u kʼex u kuxtal le máakoʼob k-bisiktiʼob le maʼalob péektsiloʼ? (Jon. 3:6-9; Ecl. 11:6; Bxob. 13:48.)

71 Tsikbalil

1. ¿Máax kaʼach Isaías, baʼax kʼiiniloʼob ka kuxlaji, yéetel baʼax eʼesaʼab tiʼ tumen Jéeoba?

2. ¿Baʼax u kʼáat u yaʼal le tʼaan paraíso, yéetel baʼax ku kʼaʼajsiktoʼon?

3. ¿Baʼaxoʼob kun ilbil teʼ túumben Paraíso tiaʼalaj Jéeoba tiʼ Isaías ka u tsʼíibtoʼ?

4. ¿Baʼaxten jóoʼsaʼaboʼob Adán yéetel Eva teʼ jatsʼuts kúuchiloʼ?

5. ¿Tuʼux kiaʼalik Jéeoba kun kajtal le máaxoʼob yaabiltmailoʼ?

Uláakʼ kʼáatchiʼob:

1. Xokaʼak Isaías 11:6-9.

   1. ¿Bix u yeʼesik le Biblia le kuxtal ich jeetsʼelil kun yantal tiʼ máakoʼob yéetel tiʼ baʼalcheʼob teʼ Paraísooʼ? (Sal. 148:10, 13; Isa. 65:25; Eze. 34:25.)

   2. Bejlaʼeʼ, ¿bix u yilaʼal u yúuchul ichil u kaajal Dios le baʼax tiaʼalaj Isaíasoʼ? (Rom. 12:2; Efe. 4:23, 24.)

   3. ¿Máax unaj u kiʼikiʼtʼantaʼal ikil u páajtal u kʼexpajal u modos máak teʼ kʼiinoʼobaʼ, yéetel xan teʼ kʼiinoʼob kun taaloʼ? (Isa. 48:17, 18; Gál. 5:22, 23; Fili. 4:7.)

2. Xokaʼak Apocalipsis 21:3, 4.

   1. ¿Baʼax u kʼáat u yaʼal le Biblia ken u yaʼal kajakbal Dios yéetel le máakoʼoboʼ? (Lev. 26:11, 12; 2 Cró. 6:18; Isa. 66:1; Apo. 21:2, 3, 22-24.)

   2. ¿Baʼaxoʼob beetik u yokʼol yéetel u muʼyaj máak maʼ kun kaʼa yantaloʼob? (Luc. 8:49-52; Rom. 8:21, 22; Apo. 21:4.)

72 Tsikbalil

1. ¿Bix u kʼaabaʼ le máak ka wilik teʼ dibujooʼ, yéetel baʼaxten yaan yaʼabach talmil tiʼ?

2. ¿Baʼaxoʼob u jaymaj Ezequías tu táan le altaroʼ, yéetel baʼax tu kʼáataj ich payalchiʼ?

3. ¿Bix u gobernar Ezequías, yéetel baʼax aʼalaʼab tiʼ Isaías tumen Jéeoba ka u yaʼal tiʼ Ezequías?

4. Jeʼex a wilik teʼ dibujooʼ, ¿baʼax ku beetik u ángel Jéeoba tiʼ le asirioʼoboʼ?

5. Kex anchaj jeetsʼelil tiʼe kaʼapʼéel chʼiʼibaloʼob ich tsʼeʼetsʼek kʼiineʼ, ¿baʼax úuch ka tsʼoʼok u kíimil Ezequías?

Uláakʼ kʼáatchiʼob:

1. Xokaʼak 2 Reyes 18:1-36.

   1. ¿Baʼax tu beetaj utúul tiʼ u nojchil u soldadoiloʼob Asiria utiaʼal u sajakkúuntik kaʼach le israelitaʼoboʼ? (2 Rey. 18:19, 21; Éxo. 5:2; Sal. 64:3.)

   2. Jeʼex tu beetaj Ezequíaseʼ, ¿baʼax ku beetik xan u j-jaajkunajoʼob Jéeoba ken joʼopʼok u yaʼalaʼal baʼal tiʼob? (2 Rey. 18:36; Sal. 39:1; Pro. 26:4; 2 Tim. 2:24.)

2. Xokaʼak 2 Reyes 19:1-37.

   1. Jeʼex tu beetilak Ezequíaseʼ, ¿baʼax ku beetik xan le máaxoʼob meyajtik Dios ken u muʼyajtoʼob yaayaj óolaloʼ? (2 Rey. 19:1, 2; Pro. 3:5, 6; Heb. 10:24, 25; Sant. 5:14, 15.)

   2. ¿Baʼaxten óoxtéen úuchik u tsʼáanchaʼataʼal rey Senaquerib, yéetel máax xan tiʼ kun úuchul beyoʼ? (2 Rey. 19:32, 35, 37; Apo. 20:2, 3.)

3. Xokaʼak 2 Reyes 21:1-6, 16.

   ¿Baʼaxten jeʼel u páajtal u yaʼalaʼaleʼ Manasés utúul tiʼ le reyoʼob jach kʼasaʼanoʼob gobernarnajoʼob Jerusalenoʼ? (2 Cró. 33:4-6, 9.)

73 Tsikbalil

1. ¿Jaypʼéel jaʼab yaan tiʼ Josías ka tu beetuba reyil, yéetel baʼax tu beetaj tu siete jaʼabiloʼob káajak u reinar?

2. Jeʼex a wilik teʼ yáax dibujooʼ, ¿baʼax ku beetik Josías?

3. Le táan u yutskíintaʼal le templooʼ, ¿baʼax tu kaxtaj le nojoch j-kʼiinoʼoʼ?

4. ¿Baʼaxten tu jáatpaytaj u nookʼ Josías?

5. ¿Baʼax tiaʼalaj Jéeoba tiʼ x-profeta Hulda ka u yaʼal tiʼ Josías?

Uláakʼ kʼáatchiʼob:

1. Xokaʼak 2 Crónicas 34:1-28.

   1. ¿Baʼax ku kankoʼob tiʼ Josías le máaxoʼob tu máansoʼob yaʼabach talamil tu chichniloʼoboʼ? (2 Cró. 33:21-25; 34:1, 2; Sal. 27:10.)

   2. ¿Baʼax tu beetaj Josías tu ocho jaʼabil, tu doce jaʼabil yéetel tu dieciocho jaʼabil káajak u gobernar utiaʼal u yeʼesik u kʼaʼabéetil u adorartaʼal Jéeoba? (2 Cró. 34:3, 8.)

   3. ¿Baʼax k-kanik tiʼ rey Josías yéetel tiʼe nojoch j-kʼiin Hilcías tiʼ bix kʼaʼabéet k-kanáantik u kúuchiloʼob muchʼtáambal? (2 Cró. 34:9-13; Pro. 11:14; 1 Cor. 10:31.)

74 Tsikbalil

1. ¿Bix u kʼaabaʼ le xiʼipal ka wilik teʼ dibujooʼ?

2. ¿Baʼax tu tuklaj Jeremías ka yéeyaʼab utiaʼal ku beet u profetai, baʼaleʼ baʼax aʼalaʼabtiʼ tumen Jéeoba?

3. ¿Baʼax maʼ xuʼul u kʼaʼaytik Jeremías tiʼe kaajoʼ?

4. ¿Baʼax tu beetaj le j-kʼiinoʼob utiaʼal u xuʼulskoʼob kaʼach u kʼaʼaytaj Jeremíasoʼ, baʼaleʼ letiʼeʼ bix úuchik u yeʼesik maʼ saajkiʼ?

5. ¿Baʼax úuch tiʼe israelitaʼob tumen maʼ tu pʼataj u beetkoʼob baʼaloʼob kʼaastakoʼ?

Uláakʼ kʼáatchiʼob:

1. Xokaʼak Jeremías 1:1-8.

   1. ¿Máax áant Jeremías, yéetel máax xan áantik máak bejlaʼa utiaʼal u meyajt Dioseʼ? (2 Cor. 3:5, 6.)

   2. Le baʼax tu beetaj Jeremíasoʼ, ¿bix u líiʼsik u yóol le táankelem paalaloʼob bejlaʼoʼ? (Ecl. 12:1; 1 Tim. 4:12.)

2. Xokaʼak Jeremías 10:1-5.

   ¿Baʼax yéetel tu ketaj Jeremías utiaʼal u yeʼesik u kunelil u kʼubik u yóol máak tiʼ beetbil diosoʼob? (Jer. 10:5; Isa. 46:7; Hab. 2:19.)

3. Xokaʼak Jeremías 26:1-16.

   1. Le u yalab yéeyaʼanoʼob utiaʼal bin kaʼanoʼ ken u kʼaʼaytoʼob xan le baʼax ku taal u kʼiinoʼ, ¿bix u beetkoʼob jeʼex Jeremías utiaʼal ku kʼaʼaytoʼob tu chúukaʼanil le baʼax kiaʼalik Jéeobaoʼ? (Jer. 26:2; Deu. 4:2; Bxob. 20:27.)

   2. Le bix úuchik u kʼaʼaytik Jeremías baʼax ken u beet Jéeoba tiʼ le kaajoʼoboʼ, ¿baʼax ku kaʼansik xan toʼon bejlaʼeʼ? (Jer. 26:8, 12, 14, 15; 2 Tim. 4:1-5.)

4. Xokaʼak 2 Reyes 24:1-17.

   ¿Baʼax talmiloʼob tu yilaj u kaajil Judá úuchik u náachtal tiʼ Jéeoba? (2 Rey. 24:2-4, 14.)

75 Tsikbalil

1. ¿Máax le kantúul xiʼipalal ka wilik teʼ dibujooʼ, yéetel baʼaxten tiaʼanoʼob Babiloniaeʼ?

2. ¿Baʼax u kʼáat u beet Nabucodonosor yéetel le kantúul xiʼipalaloʼoboʼ, yéetel baʼax tiaʼalaj tiʼ u palitsiloʼob?

3. ¿Baʼax tu kʼáataj Daniel ka tsʼaʼabak u jaantoʼob yéetel u yukʼoʼob?

4. Ka tsʼoʼok diez kʼiinoʼob káajak u jaantkoʼob janalbeʼen xíiwoʼobeʼ, ¿bix ilaʼabik Daniel yéetel uláakʼ óoxtúul xiʼipalaloʼob tiʼ u maasiloʼoboʼ?

5. ¿Baʼaxten bisaʼaboʼob Daniel tu táan le reyoʼ, yéetel bukaʼaj maas yanil u naʼatoʼob tiʼ le j-kʼiinoʼob yéetel tiʼ le j-naʼatoʼoboʼ?

Uláakʼ kʼáatchiʼob:

1. Xokaʼak Daniel 1:1-21.

   1. ¿Baʼax kʼaʼabéet k-ilik beetik utiaʼal maʼ k-lúubul tiʼ kʼaakʼas tsʼíibolaloʼob? (Dan. 1:8; Gén. 39:7, 10; Gál. 6:9.)

   2. ¿Baʼax jeʼel u bisik le táankelem paalaloʼob ka lúubkoʼob tiʼ baʼaloʼob ku keʼetel yéetel kiʼikiʼ janaloʼoboʼ? (Dan. 1:8; Pro. 20:1; 2 Cor. 6:17–7:1.)

   3. U tsikbalil le kantúul ebreoiloʼoboʼ, ¿baʼax ku kaʼansiktoʼon tiʼ le kaʼansaj ku kʼamaʼal teʼ yóokʼol kaabaʼ? (Dan. 1:20; Isa. 54:13; 1 Cor. 3:18-20.)

76 Tsikbalil

1. ¿Baʼax ku yúuchul tiʼ u kaajil Jerusalén yéetel tiʼ le israelitaʼob ka wilik teʼ dibujooʼ?

2. ¿Máax Ezequiel, yéetel baʼaxoʼob eʼesaʼab tiʼ tumen Jéeoba?

3. ¿Baʼax tiaʼalaj Jéeoba ken u beet tumen maʼatech u yeʼesaʼal tsiikil tiʼ tumen le israelitaʼoboʼ?

4. ¿Baʼax tu beetaj rey Nabucodonosor ka tsʼoʼok u kʼuuxbesaʼal tumen le israelitaʼoboʼ?

5. ¿Baʼaxten tu chaʼaj Jéeoba u xuʼulsaʼal tiʼe israelitaʼoboʼ?

6. ¿Baʼaxten pʼáat mix máak kajaʼan Israel, yéetel jaypʼéel jaʼab xáanchaji?

Uláakʼ kʼáatchiʼob:

1. Xokaʼak 2 Reyes 25:1-26.

   1. ¿Máax kaʼach Sedequías, baʼax úuch tiʼ, yéetel lelaʼ bix úuchik u béeytal upʼéel baʼax tsʼíibtaʼan teʼ Bibliaoʼ? (2 Rey. 25:5-7; Eze. 12:13-15.)

   2. ¿Máax aʼalaʼab tumen Jéeoba beet u maʼ uʼuyaj tʼaan Israel? (2 Rey. 25:9, 11, 12, 18, 19; 2 Cró. 36:14, 17.)

2. Xokaʼak Ezequiel 8:1-18.

   Le maʼ jaajil religionoʼoboʼ, ¿bix xan u beetkoʼob jeʼex tu beetil le israelitaʼob ka tu adorartoʼob le Kʼiinoʼ? (Eze. 8:16; Isa. 5:20, 21; Juan 3:19-21; 2 Tim. 4:3.)

77 Tsikbalil

1. ¿Baʼax tiaʼalaj Nabucodonosor, u reyil Babilonia, ka beetaʼak?

2. ¿Baʼaxten le óoxtúul xiʼipalaloʼob u yéet máanoʼob Danieleʼ maʼ táan u chintaloʼob tu táan le Dios beetaʼan yéetel orooʼ?

3. Le ka tu kaʼa aʼalaj Nabucodonosor tiʼe óoxtúul xiʼipalaloʼob ka chinlakoʼoboʼ, ¿bix úuchik u yeʼeskoʼob u kʼubmaj u yóoloʼob tiʼ Jéeoba?

4. ¿Baʼax tiaʼalaj Nabucodonosor tiʼ u palitsiloʼob ka u beetoʼob tiʼ Sadrac, Mesac yéetel Abed-nego?

5. ¿Baʼax tu yilaj Nabucodonosor ka chʼeenebnaj ich le ornooʼ?

6. ¿Baʼaxten le reyoʼ tu kiʼikiʼtʼantaj u Dios Sadrac, Mesac yéetel Abed-nego, yéetel baʼax k-kanik tiʼ le óoxtúul xiʼipalaloʼobaʼ?

Uláakʼ kʼáatchiʼob:

1. Xokaʼak Daniel 3:1-30.

   1. ¿Baʼax tuukulil anchaj tiʼe óoxtúul ebreoiloʼob maʼalob xan ka yanak tiʼe cristianoʼob ken u aktáantoʼob talmiloʼoboʼ? (Dan. 3:17, 18; Mat. 10:28; Rom. 14:7, 8.)

   2. ¿Baʼax tu kaʼansaj Jéeoba tiʼ Nabucodonosor? (Dan. 3:28, 29; 4:34, 35.)

78 Tsikbalil

1. ¿Baʼax úuch le táan u beetaʼal upʼéel nojoch kʼiimbesaj tumen u reyil Babilonia le ka meyajnajtiʼob le nuʼukuloʼob chʼaʼabaʼan tu templo Jéeoba yaan Jerusalenoʼ?

2. ¿Baʼax tiaʼalaj Belsasar tiʼ le máaxoʼob ku naʼatoʼoboʼ, baʼaleʼ baʼax maʼ páajchaj u beetkoʼobiʼ?

3. ¿Baʼax aʼalaʼab tiʼ Belsasar tumen u mama?

4. Jeʼex aʼalaʼabik tiʼe rey tumen Danieloʼ, ¿baʼaxten tu beetaj Dios u chíikpajal le kʼab utiaʼal tsʼíib teʼ pakʼoʼ?

5. ¿Bix úuchik u tsolik Daniel baʼax u kʼáat u yaʼal le tsʼíib yaan teʼ pakʼoʼ?

6. ¿Baʼax úuch le táan u tʼaan Danieloʼ?

Uláakʼ kʼáatchiʼob:

1. Xokaʼak Daniel 5:1-31.

   1. ¿Baʼax u jelaʼanil le maʼalob saajkil tiʼ le tu yuʼubaj Belsasar ka tu yilaj le kʼab ku tsʼíiboʼ? (Dan. 5:6, 7; Sal. 19:9; Rom. 8:35-39).

   2. ¿Bix úuchik u yeʼesik Daniel maʼ sajak le ka tʼaanaj tu táan Belsasar yéetel tu táan le máakoʼob jach kʼaj óolaʼanoʼoboʼ? (Dan. 5:17, 18, 22, 26-28; Bxob. 4:29.)

   3. Capítulo 5 tiʼ Danieleʼ, ¿bix u yeʼesik Jéeoba u nojoch jalaʼachil kaʼan yéetel Luʼum? (Dan. 4:17, 25; 5:21.)

79 Tsikbalil

1. ¿Máax Darío, yéetel bix u yilaʼal kaʼach tumen Dios?

2. ¿Baʼax péeksaʼab u beet Darío tumen jujuntúul kʼasaʼan máakoʼob?

3. ¿Baʼax tu beetaj Daniel ka tu yojéeltaj baʼax tsʼoʼok u chʼaʼatuklaʼal?

4. ¿Baʼaxten jach chiʼichnakchaj Darío ka pʼáat maʼ tu páajtal u wenel, yéetel baʼax tu beetaj pʼelak u sáastal?

5. ¿Baʼax tu núukaj Daniel tiʼ Darío?

6. ¿Baʼax úuch tiʼe kʼasaʼan máakoʼob tu yóotoʼob u kíimsoʼob Danieloʼ, yéetel baʼax tu tsʼíibtaj Darío tiʼ tuláakal le máaxoʼob ku gobernarkoʼ?

Uláakʼ kʼáatchiʼob:

1. Xokaʼak Daniel 6:1-28.

   1. Le baʼax beetaʼab tiʼ Danieloʼ, ¿bix u kʼaʼajsiktoʼon le baʼax tsʼoʼok u beetik le máakoʼob utiaʼal yilik u xuʼulskoʼob u kʼaʼaytaj le j-jaajkunajoʼoboʼ? (Dan. 6:7; Sal. 94:20; Isa. 10:1; Rom. 8:31.)

   2. ¿Bix jeʼel k-beetik jeʼex Daniel ken bisaʼakoʼon tu táan le «jalaʼach wíinikoʼoboʼ»? (Dan. 6:5, 10; Rom. 13:1; Bxob. 5:29.)

   3. ¿Bix jeʼel k-meyajtik Jéeoba yéetel «sen chúukaʼan óolal» jeʼex tu beetaj Danieleʼ? (Dan. 6:16, 20; Fili. 3:16; Apo. 7:15.)

80 Tsikbalil

1. Jeʼex a wilik teʼ dibujooʼ, ¿baʼax ku beetik le israelitaʼoboʼ?

2. ¿Bix úuchik u beetik Ciro le baʼax aʼalaʼab tumen Jéeoba tsʼíibtaʼab tumen Isaíaseʼ?

3. Tiʼe israelitaʼob maʼ tu páajtal u suutoʼob Jerusalenoʼ, ¿baʼax aʼalaʼabtiʼob tumen Ciro?

4. ¿Baʼax tu tsʼáaj Ciro u bis le máakoʼob ku binoʼob Jerusalenoʼ?

5. ¿Jaypʼéel mes tu bisaj tiʼe israelitaʼob u kʼuchloʼob Jerusalenoʼ?

6. ¿Jaypʼéel jaʼab pʼáat mix máak kajaʼan Jerusalén?

Uláakʼ kʼáatchiʼob:

1. Xokaʼak Isaías 44:28 yéetel 45:1-4.

   1. ¿Bix úuchik u yeʼesik Jéeoba jach yaan u béeytal le baʼax u yaʼalmaj yoʼolal Cirooʼ? (Isa. 55:10, 11; Rom. 4:17.)

   2. Le baʼax tu tsʼíibtaj Isaías yoʼolal Cirooʼ, ¿baʼax ku yeʼesik yoʼolal le páajtalil yaan tiʼ Jéeoba utiaʼal u yaʼalik baʼax ku taal u kʼiinoʼ? (Isa. 42:9; 45:21; 46:10, 11; 2 Ped. 1:20.)

2. Xokaʼak Esdras 1:1-11.

   Jeʼex tu beetaj le israelitaʼob maʼ páajchaj u suutoʼob Jerusaleneʼ, ¿bix xan kʼaʼabéet k-áantik le máaxoʼob jeʼel u páajtal u maas kʼubik u yóoloʼob u meyajtoʼob Jéeobaoʼ? (Esd. 1:4, 6; Rom. 12:13; Col. 4:12.)

81 Tsikbalil

1. ¿Jaytúul máakoʼob jóokʼoʼob Babilonia utiaʼal u binoʼob Jerusalén, baʼaleʼ ka kʼuchoʼobeʼ baʼax tu yiloʼobiʼ?

2. ¿Baʼax káaj u beetik le israelitaʼob ka kʼuchoʼob Jerusalenoʼ, baʼaleʼ baʼax tu beetaj le máaxoʼob pʼekmiloʼoboʼ?

3. ¿Máaxoʼob Ageo yéetel Zacarías, yéetel baʼax kiaʼalikoʼob tiʼ le máakoʼoboʼ?

4. ¿Baʼaxten tu túuxtaj Tatnai upʼéel tsʼíibil juʼun tiʼ u jalaʼachil Babilonia, yéetel baʼax núukaʼab tiʼ?

5. ¿Baʼax tu beetaj Esdras ka tu yojéeltaj u kʼaʼabéetil u yutskíintaʼal u templo Dios?

6. Jeʼex u yeʼesik le dibujooʼ, ¿baʼax ku kʼáatik Esdras tiʼ Jéeoba? ¿Bix úuchik u núukaʼal u payalchiʼ? ¿Yéetel baʼax ku kaʼansiktoʼon?

Uláakʼ kʼáatchiʼob:

1. Xokaʼak Esdras 3:1-13.

   Wa tiaʼanoʼon tiʼ upʼéel kaaj tuʼux minaʼan u múuchʼulil u j-jaajkunajoʼob Jéeobaeʼ, ¿baʼax maʼ unaj u pʼáatal maʼ k-beetkiʼ? (Esd. 3:3, 6; Bxob. 17:16, 17; Heb. 13:15.)

2. Xokaʼak Esdras 4:1-7.

   ¿Baʼax tu kaʼansaj Zorobabel tiʼ u kaajal Jéeoba utiaʼal maʼ u nupikuba máak yéetel uláakʼ religionoʼob? (Éxo. 34:12; 1 Cor. 15:33; 2 Cor. 6:14-17.)

3. Xokaʼak Esdras 5:1-5, 17 yéetel 6:1-22.

   1. ¿Baʼaxten maʼ páajchaj u waʼakuntaʼal u meeyjil le templo tumen le máaxoʼob pʼekmil u beetaʼaloʼ? (Esd. 5:5; Isa. 54:17.)

   2. Le baʼax tu beetaj u nuxibiloʼob Israel utiaʼal u kʼáatkoʼob áantaj tiʼ Jéeobaeʼ, ¿bix u líiʼsik u yóol le nuxiboʼob bejlaʼa ken u aktáantoʼob talmiloʼoboʼ? (Esd. 6:14; Sal. 32:8; Rom. 8:31; Sant. 1:5.)

4. Xokaʼak Esdras 8:21-23, 28-36.

   Táanil tiʼ k-chʼaʼatuklik beetik baʼaloʼob jach kʼaʼanantakeʼ, ¿baʼaxten maʼalob ka k-beet jeʼex tu beetaj Esdraseʼ? (Esd. 8:23; Sal. 127:1; Pro. 10:22; Sant. 4:13-15.)

82 Tsikbalil

1. ¿Máax Mardoqueo yéetel máax Ester?

2. ¿Baʼaxten rey Asueroeʼ tu yéeyaj u jeel u yatan, yéetel máax tu yéeyaj?

3. ¿Máax Amán yéetel baʼax beet u jach kʼuuxil?

4. ¿Baʼax leyil beetaʼabi, yéetel baʼax tu beetaj Ester ka tu kʼamaj upʼéel tʼaan ku taal tiʼ Mardoqueo?

5. ¿Baʼax úuch tiʼ Amán, yéetel baʼax úuch tiʼ Mardoqueo?

6. ¿Bix úuchik u salvartaʼal le israelitaʼob tiʼ le máaxoʼob pʼekmiloʼoboʼ?

Uláakʼ kʼáatchiʼob:

1. Xokaʼak Ester 2:12-18.

   ¿Bix úuchik u yeʼesik Ester u kʼaʼabéetil u yantal tiʼ máak «jeetsʼel óol[al]»? (Est. 2:15; 1 Ped. 3:1-5.)

2. Xokaʼak Ester 4:1-17.

   Jeʼex tsʼaʼabik u páajtalil tiʼ Ester u meyaj utiaʼal u jóokʼol táanil le jaajil adoracionoʼ, ¿baʼax xan tsʼaʼantoʼon u páajtalil k-beetik bejlaʼeʼ? (Est. 4:13, 14; Mat. 5:14-16; 24:14.)

3. Xokaʼak Ester 7:1-6.

   Jeʼex Estereʼ, ¿bix xan tsʼoʼok u aktáantkoʼob chʼaʼapachtajil le máaxoʼob meyajtik Dios bejlaʼoʼ? (Est. 7:4; Mat. 10:16-22; 1 Ped. 2:12.)

83 Tsikbalil

1. ¿Bix kaʼach tu yuʼubiluba le israelitaʼob le minaʼan u baʼpakʼiloʼob u kaajil Jerusalenoʼ?

2. ¿Máax Nehemías?

3. ¿Baʼax u meyaj Nehemías, yéetel baʼaxten jach nojoch meyaj?

4. ¿Baʼax tu yojéeltaj Nehemías beet u jach yaatal u yóol, yéetel baʼax tu beetaj?

5. ¿Bix úuchik u yeʼesik u yutsil rey Artajerjes tiʼ Nehemías?

6. ¿Baʼax tu beetaj Nehemías utiaʼal maʼ u waʼakuntaʼal le meyaj tumen le máaxoʼob pʼekmiloʼoboʼ?

Uláakʼ kʼáatchiʼob:

1. Xokaʼak Nehemías 1:4-6 yéetel 2:1-20.

   ¿Bix úuchik u kaxtik Nehemías u yáantaj Jéeoba? (Neh. 2:4, 5; Rom. 12:12; 1 Ped. 4:7.)

2. Xokaʼak Nehemías 3:3-5.

   ¿Baʼax jeʼel u kanik le nuxiboʼob yéetel le j-áantaj meeyjiloʼob tiʼ le meyaj tu beetaj le tecoailoʼob yéetel tiʼ le baʼax tu beetaj u nuukiloʼoboʼ? (Neh. 3:5, 27; 2 Tes. 3:7-10; 1 Ped. 5:5.)

3. Xokaʼak Nehemías 4:1-23.

   1. ¿Baʼax líiʼs u yóol le israelitaʼob utiaʼal maʼ u pʼatikoʼob le meyaj kex táan kaʼach u chʼaʼapachtaʼaloʼoboʼ? (Neh. 4:6, 8, 9; Sal. 50:15; Isa. 65:13, 14.)

   2. Bejlaʼeʼ, ¿bix xan u líiʼsik k-óol le baʼax tu beetaj le israelitaʼoboʼ?

4. Xokaʼak Nehemías 6:15.

   Tumen maʼ tu chukaj kaʼapʼéel mes ka tsʼoʼok u líiʼsaʼal u baʼpakʼiloʼob Jerusaleneʼ, ¿baʼax tu yeʼesaj jeʼel u páajtal u beetik le oksaj óolaloʼ? (Sal. 56:3, 4; Mat. 17:20; 19:26.)

84 Tsikbalil

1. ¿Máax le x-chʼúupal ka wilik teʼ dibujooʼ?

2. ¿Baʼax kiaʼalik ángel Gabriel tiʼ María?

3. ¿Bix úuchik u tsolik ángel Gabriel tiʼ María yaan u yantal u chaambal kex maʼ tsʼokaʼan u beeliʼ?

4. ¿Baʼax úuch ka bin María u xíimbalt Elisabet, utúul u láakʼtsil?

5. ¿Baʼax tu tuklaj José ka tu yojéeltaj taʼaytak u yantal u chaambal María, baʼaleʼ baʼaxten tu kʼexaj bix u tuukul?

Uláakʼ kʼáatchiʼob:

1. Xokaʼak San Lucas 1:26-56.

   1. San Lucas 1:35, ¿bix u yeʼesik baʼaxten maʼ tu kuchaj kʼeban Jesús ka máansaʼab u kuxtal ichil u jobnel Maríaiʼ? (Ageo 2:11-13; Juan 6:69; Heb. 7:26; 10:5.)

   2. ¿Bix úuchik u kiʼikiʼtʼantaʼal Jesús maʼiliʼ síijkeʼ? (Luc. 1:41-43.)

   3. ¿Baʼax tu beetaj María maʼalob xan ka u beet le sukuʼunoʼob ku nuʼuktajoʼob teʼ múuchʼuliloʼ? (Luc. 1:38, 46-49; 17:10; Pro. 11:2.)

2. Xokaʼak San Mateo 1:18-25.

   Kex tumen maʼ tsʼaʼab u kʼaabaʼt Jesús Emanueleʼ, ¿bix úuchik u chíikpajal tu kuxtal le baʼax u kʼáat u yaʼal le kʼaabaʼaʼ? (Mat. 1:22, 23; Juan 14:8-10; Heb. 1:1-3.)

85 Tsikbalil

1. ¿Máax le chaambal ka wilik teʼ dibujooʼ, yéetel tuʼux ku chikúuntaʼal tumen María?

2. ¿Baʼaxten tiʼ síij Jesús teʼ tuʼux yaan le baʼalcheʼobaʼ?

3. ¿Máax le máakoʼob ku yookloʼob teʼ tuʼux yaan Jesusoʼ, yéetel baʼax aʼalaʼabtiʼob tumen utúul ángel?

4. ¿Baʼaxten minaʼan uláakʼ máak jeʼex Jesuseʼ?

5. ¿Baʼaxten jeʼel u páajtal u yaʼalal Jesuseʼ, u Paal Dios?

Uláakʼ kʼáatchiʼob:

1. Xokaʼak San Lucas 2:1-20.

   1. ¿Baʼax tu beetaj César Augusto utiaʼal ka síijik Jesús le tuʼux aʼalaʼanoʼ? (Luc. 2:1-4; Miq. 5:2.)

   2. ¿Bix jeʼel k-antal ichil le «máaxoʼob ku kiʼimakkúunsaʼal yóoloʼob yéetel u yutsil» Diosoʼ? (Luc. 2:14; Mat. 16:24; Juan 17:3; Bxob. 3:19; Heb. 11:6.)

   3. Wa le j-kanan tamanoʼob jach kiʼimakchaj yóoloʼob úuchik u síijil máax kun salvarkoʼoboʼ, ¿baʼax oʼolal kʼaʼabéet u maas kiʼimaktal yóol le máaxoʼob meyajtik Dios bejlaʼoʼ? (Luc. 2:10, 11; Efe. 3:8, 9; Apo. 11:15; 14:6.)

86 Tsikbalil

1. ¿Máax le máakoʼob ka wilik teʼ dibujooʼ, yéetel baʼaxten utúuleʼ u tuchʼubmaj le eekʼ jach nojoch u juuloʼ?

2. ¿Baʼaxten jach péeknaj u yóol rey Herodes, yéetel baʼax tu beetaj?

3. ¿Tuʼux bisaʼab le máakoʼob tumen le eekʼ ku juuloʼ, baʼaleʼ baʼaxten tu chʼaʼajoʼob yaanal bej utiaʼal u suut tu luʼumoʼob?

4. ¿Baʼax tiaʼalaj Herodes ka beetaʼak, yéetel baʼaxten?

5. ¿Baʼax tiaʼalaj Jéeoba tiʼ José?

6. ¿Máax beet u chíikpajal le eekʼoʼ, yéetel baʼaxten?

Uláakʼ kʼáatchiʼob:

1. Xokaʼak San Mateo 2:1-23.

   ¿Jaypʼéel jaʼab yaan tiʼ Jesús yéetel tuʼux kajaʼan kaʼach ka xíimbaltaʼab tumen le máaxoʼob ile eekʼeʼ? (Mat. 2:1, 11, 16.)

87 Tsikbalil

1. Jeʼex a wilik teʼ dibujooʼ, ¿kex jaypʼéel jaʼab yaan tiʼ Jesús, yéetel tuʼux yaan?

2. ¿Tuʼux ku bin José láalaj jaʼab yéetel u familia?

3. Le tsʼoʼok upʼéel kʼiin káajak u suutoʼob tu yotochoʼoboʼ, ¿baʼaxten suunaj José yéetel María Jerusalén?

4. ¿Tuʼux kaxtaʼab Jesús tumen José yéetel María, yéetel baʼaxten jach jakʼaʼan u yóol uláakʼ máakoʼoboʼ?

5. ¿Baʼax tiaʼalaj Jesús tiʼ María, u mama?

6. ¿Bix jeʼel k-beetik jeʼex tu beetaj Jesús utiaʼal k-maas kanik tiʼ Dioseʼ?

Uláakʼ kʼáatchiʼob:

1. Xokaʼak San Lucas 2:41-52.

   1. Kex tumen u Ley Dios kaʼach chéen tiʼe xiiboʼob ku kʼáatik ka xiʼikoʼob teʼ kʼiimbesajoʼob ku beetaʼal láalaj jaʼaboʼ, ¿baʼax ku kaʼanskoʼob José yéetel María tiʼe taatatsiloʼob bejlaʼoʼ? (Luc. 2:41; Deu. 16:16; 31:12; Pro. 22:6.)

   2. Le táankelem paalaloʼob bejlaʼaʼ, ¿baʼax ku kankoʼob tiʼ Jesús tiʼ bix unaj u beetkoʼob baʼax kiaʼalaʼaltiʼob tumen u taataʼob? (Luc. 2:51; Deu. 5:16; Pro. 23:22; Col. 3:20.)

2. Xokaʼak San Mateo 13:53-56.

   ¿Bix u kʼaabaʼ u kantúul yíitsʼnoʼob Jesús kiaʼalaʼal teʼ Bibliaoʼ, yéetel bix meyajnajik kaʼatúul tiʼ letiʼob ichil le múuchʼulil teʼ yáax siglooʼ? (Mat. 13:55; Bxob. 12:17; 15:6, 13; 21:18; Gál. 1:19; Sant. 1:1; Jud. 1.)

88 Tsikbalil

1. ¿Máax le kaʼatúul máakoʼob ka wilik teʼ dibujooʼ?

2. ¿Bix u tsʼaʼabal u yokjaʼ máak?

3. ¿Bix le máaxoʼob ku tsʼaʼabal kaʼach u yokjaʼob tumen Juanoʼ?

4. ¿Baʼax oʼolal tu kʼáataj Jesús tiʼ Juan ka tsʼaʼabak u yokjaʼ?

5. ¿Bix úuchik u yeʼesik Dios utstutʼaan úuchik u yokjaʼ Jesús?

6. ¿Baʼax úuch le tiaʼan Jesús teʼ x-tokoy luʼumoʼ?

7. ¿Bix u kʼaabaʼ jujuntúul tiʼ u j-tsaypachoʼob Jesús, yéetel baʼax le yáax milagro tu beetoʼ?

Uláakʼ kʼáatchiʼob:

1. Xokaʼak San Mateo 3:13-17.

   ¿Bix tu yeʼesil Jesús kʼaʼabéet u yokjaʼ u j-kaambaloʼob? (Sal. 40:7, 8; Mat. 28:19, 20; Luc. 3:21, 22.)

2. Xokaʼak San Mateo 4:1-11.

   K-ojéeltik bix meyajnajik le Biblia tiʼ Jesusoʼ, ¿baʼaxten ku líiʼsik k-óol utiaʼal ka k-xok xan mantatsʼ? (Mat. 4:5-7; 2 Ped. 3:17, 18; 1 Juan 4:1.)

3. Xokaʼak San Juan 1:29-51.

   Yéetel le kaʼansaj tu tsʼáaj Juan Bautista tiʼ u j-kaambaloʼoboʼ, ¿máax yiknal tu nuʼuktoʼob, yéetel bix xan jeʼel u páajtal k-beetik jeʼex tu beetoʼ? (Juan 1:29, 35, 36; 3:30; Mat. 23:10.)

4. Xokaʼak San Juan 2:1-12.

   Le yáax milagro tu beetaj Jesusoʼ, ¿bix tu yeʼesil Jéeobaeʼ ku tsʼáaik tuláakal baʼal maʼalob tiʼ le máaxoʼob meyajtikoʼ? (Juan 2:9, 10; Sal. 84:11; Sant. 1:17.)

89 Tsikbalil

1. ¿Baʼaxten táan u koʼonol baʼalcheʼob teʼ templooʼ?

2. ¿Baʼax beet u kʼuuxil Jesús?

3. Jeʼex a wilik teʼ dibujooʼ, ¿baʼax ku beetik Jesús, yéetel baʼax tiaʼalaj tiʼ le ku kon palomaʼoboʼ?

4. ¿Baʼax kʼaʼaj tiʼ u j-tsaypachoʼob Jesús ka tu yiloʼob baʼax tu beetaj?

5. ¿Tuʼux luʼumil tséel Jesús le táan u suut Galileaoʼ?

Uláakʼ kʼáatchiʼob:

1. Xokaʼak San Juan 2:13-25.

   Jesuseʼ maʼ maʼalob tu yilil u yúuchul koonol teʼ templooʼ, le oʼolaleʼ, ¿bix xan kʼaʼabéet k-ilik wa ka úuchuk koonol teʼ Najil Reinooʼ? (Juan 2:15, 16; 1 Cor. 10:24, 31-33.)

90 Tsikbalil

1. ¿Baʼaxten táan u jeʼelel Jesús yiknal upʼéel u chʼeʼenil Samaria, yéetel baʼax kiaʼalik tiʼ le koʼolel yaan yiknaloʼ?

2. ¿Baʼaxten jaʼakʼ u yóol le koʼoleloʼ, baʼax aʼalaʼab tiʼ tumen Jesús, yéetel baʼaxten?

3. Le koʼoleloʼ, ¿tiʼ baʼax jaʼiʼ tu tuklaj ku tʼaan Jesús, baʼaleʼ u jaajileʼ tiʼ baʼax jaʼiʼ kaʼach ku tʼaan?

4. ¿Baʼaxten jaʼakʼ u yóol le koʼolel ka tu yuʼubaj baʼaxoʼob aʼalaʼab tiʼ tumen Jesusoʼ, yéetel bix úuchik u yojéeltik Jesús le baʼaloʼobaʼ?

5. ¿Baʼaxoʼob k-kanik tiʼ le tsikbalilaʼ?

Uláakʼ kʼáatchiʼob:

1. Xokaʼak San Juan 4:5-43.

   1. Jeʼex tu beetaj Jesuseʼ, ¿bix kʼaʼabéet k-ilik le máakoʼob yaanal u chʼiʼibaloʼoboʼ? (Juan 4:9; 1 Cor. 9:22; 1 Tim. 2:3, 4; tiʼ Tito 2:11.)

   2. Le máax kʼamik le kaʼansaj ku tsʼáaik Jesusoʼ, ¿baʼax utsiloʼob ku kʼamik tiʼ Dios? (Juan 4:14; Isa. 58:11; 2 Cor. 4:16.)

   3. ¿Bix jeʼel k-beetik jeʼex le samaritana, jach taakchaj u tsikbaltik le baʼax tsʼoʼok u kankoʼ? (Juan 4:7, 28; Mat. 6:33; Luc. 10:40-42.)

91 Tsikbalil

1. Jeʼex a wilik teʼ dibujooʼ, ¿tuʼux ku kaʼansaj Jesús, yéetel máaxoʼob le kulukbaloʼob naatsʼ tiʼoʼ?

2. ¿Bix u kʼaabaʼob le doce apóstoloʼoboʼ?

3. ¿Baʼax le Reino ku kʼaʼaytik Jesusoʼ?

4. ¿Baʼax ku kaʼansik Jesús tiʼ le máakoʼob ku kʼáatoʼob ich payalchiʼoʼ?

5. ¿Bix úuchik u kaʼansik Jesús unaj u paklan bisikuba máak?

Uláakʼ kʼáatchiʼob:

1. Xokaʼak San Mateo 5:1-12.

   ¿Bix jeʼel k-eʼesik kʼajaʼantoʼon u kʼaʼabéetil k-natsʼikba yiknal Dioseʼ? (Mat. 5:3; Rom. 10:13-15; 1 Tim. 4:13, 15, 16.)

2. Xokaʼak San Mateo 5:21-26.

   U tsʼíibil San Mateo 5:23, 24, ¿bix u yeʼesik u kʼaʼabéetil k-bisikba maʼalob yéetel k-sukuʼunoʼob utiaʼal ka kʼamaʼakoʼon tumen Dios? (Mat. 6:14, 15; Sal. 133:1; Col. 3:13; 1 Juan 4:20.)

3. Xokaʼak San Mateo 6:1-8.

   ¿Baʼax tuukulil anchaj tiʼe fariseoʼob maʼ unaj u yantal tiʼe cristianoʼoboʼ? (Luc. 18:11, 12; 1 Cor. 4:6, 7; 2 Cor. 9:7.)

4. Xokaʼak San Mateo 6:25-34.

   ¿Baʼax tu kaʼansaj Jesús eʼesik kʼaʼabéet k-oksaj óoltik Jéeoba kun tsʼáaiktoʼon tuláakal le baʼax kʼaʼabéettoʼonoʼ? (Éxo. 16:4; Sal. 37:25; Fili. 4:6.)

5. Xokaʼak San Mateo 7:1-11.

   ¿Baʼax ku kaʼansiktoʼon le kettʼaan tu beetaj Jesús tsʼíibtaʼan San Mateo 7:5? (Pro. 26:12; Rom. 2:1; 14:10; Sant. 4:11, 12.)

92 Tsikbalil

1. ¿Máax u taata le chan x-chʼúupalaʼ, yéetel baʼaxten letiʼeʼ jach chiʼichnakchajaʼan bey xan u yatan?

2. ¿Baʼax tu beetaj Jairo ka kʼuch yiknal Jesús?

3. ¿Baʼax úuch le táan u bin Jesús tu yotoch Jairooʼ, yéetel baʼax taal aʼalbil tiʼ Jairo?

4. ¿Baʼaxten cheʼejtaʼab Jesús tumen le máakoʼob yaan tu yotoch Jairooʼ?

5. ¿Baʼax tu beetaj Jesús ka ook yéetel u taataʼob le chan x-chʼúupal bey xan yéetel óoxtúul u apóstoloʼob teʼ tuʼux yaan le chan x-chʼúupaloʼ?

6. ¿Máax uláakʼ tsʼoʼok u kaʼa kuxkíintaʼal tumen Jesús, yéetel lelaʼ baʼax tu yeʼesaj?

Uláakʼ kʼáatchiʼob:

1. Xokaʼak San Lucas 8:40-56.

   ¿Bix úuchik u chʼaʼik óotsilil Jesús tiʼe koʼolel ku sen máan kʼiʼikʼ tiʼeʼ, yéetel baʼax jeʼel u páajtal u kanik le nuxiboʼob tiʼ lelaʼ? (Luc. 8:43, 44, 47, 48; Lev. 15:25-27; Mat. 9:12, 13; Col. 3:12-14.)

2. Xokaʼak San Lucas 7:11-17.

   Le baʼax tu beetaj Jesús yoʼolal le koʼolel kimen u yíichameʼ, ¿baʼaxten jeʼel u líiʼsik u yóol le máaxoʼob tsʼoʼok u kíimil utúul u láakʼtsiloʼobeʼ? (Luc. 7:13; 2 Cor. 1:3, 4; Heb. 4:15.)

3. Xokaʼak San Juan 11:17-44.

   ¿Bix úuchik u yeʼesik Jesús maʼ jelaʼan ka okʼolnak máak ken kíimik utúul u láakʼtsiliʼ? (Juan 11:33-36, 38; 2 Sam. 18:33; 19:1-4.)

93 Tsikbalil

1. ¿Baʼax tsʼoʼok u beetaʼal tiʼ Juan Bautista, yéetel bix tu yuʼubiluba Jesús?

2. ¿Bix úuchik u tséentik Jesús le máakoʼob binoʼob tu paachoʼ, yéetel bukaʼaj janal pʼáatij?

3. Tu áakʼabileʼ, ¿baʼax beet u sajaktal le j-kaambaloʼoboʼ, yéetel baʼax úuch tiʼ Pedro?

4. ¿Bix úuchik u kaʼa tséentik Jesús yaʼabach máakoʼob?

5. ¿Baʼaxten mix baʼal kun chiʼichnakkúuntkoʼon ken yanakoʼon yáanal u reino Jesús?

Uláakʼ kʼáatchiʼob:

1. Xokaʼak San Mateo 14:1-32.

   1. ¿Baʼax ku yaʼalik u tsʼíibil San Mateo 14:23-32 tiʼ bix u modos Pedro?

   2. ¿Bix u tsolik le Biblia tu kanaj apóstol Pedro tuukul táanil tiʼ u jáan beetik wa baʼaxoʼ? (Mat. 14:27-30; Juan 18:10; 21:7; Bxob. 2:14, 37-40; 1 Ped. 5:6, 10.)

2. Xokaʼak San Mateo 15:29-38.

   ¿Bix úuchik u yeʼesik Jesús jach kʼambeʼen le janal tsʼaʼabtiʼob tumen u taataoʼ? (Mat. 15:37; Juan 6:12; Col. 3:15.)

3. Xokaʼak San Juan 6:1-21.

   Tiʼ baʼax yaan yil yéetel jalaʼach wíinkoʼobeʼ, ¿bix jeʼel u páajtal k-beetik jeʼex tu beetaj Jesuseʼ? (Juan 6:15; Mat. 22:21; Rom. 12:2; 13:1-4.)

94 Tsikbalil

1. Le táan u suutoʼob Jesús tiʼ upʼéel xíimbal jach náach tsʼoʼok u beetkoʼobeʼ, ¿baʼax ku taal u baʼateltʼantik u apóstoloʼob?

2. ¿Baʼaxten Jesuseʼ tu tʼanaj utúul chan xiʼipal u tsʼáaj táanil tiʼe apóstoloʼoboʼ?

3. ¿Tiʼ baʼax kʼaʼabéet u beetkuba le apóstoloʼob jeʼex le mejen paalaloʼoboʼ?

4. Maʼ jach úuch u beet Jesús lelaʼaʼ, ¿bix tu yeʼesil u yaabilmaj le mejen paalaloʼ?

Uláakʼ kʼáatchiʼob:

1. Xokaʼak San Mateo 18:1-4.

   ¿Baʼaxten meyajnaj kettʼaanoʼob tiʼ Jesús utiaʼal u kaʼansaj? (Mat. 13:34, 36; Mar. 4:33, 34.)

2. Xokaʼak San Mateo 19:13-15.

   ¿Baʼax modosi yaan tiʼe mejen paalal unaj u yantaltoʼon utiaʼal ka k-kʼam utsiloʼob tiʼ u Reino Diosoʼ? (Sal. 25:9; 138:6; 1 Cor. 14:20.)

3. Xokaʼak San Marcos 9:33-37.

   ¿Baʼax tu kaʼansaj Jesús tiʼ u j-kaambaloʼob kʼaʼabéet u beetik le máax taak u beetkuba maas nojchileʼ? (Mar. 9:35; Mat. 20:25, 26; Gál. 6:3; Fili. 2:5-8.)

4. Xokaʼak San Marcos 10:13-16.

   ¿Utstutʼaan wa Jesús u náatsʼal máak tu yiknal, yéetel baʼax jeʼel u kanik le nuxiboʼob tiʼ letiʼoʼ? (Mar. 6:30-34; Fili. 2:1-4; 1 Tim. 4:12.)

95 Tsikbalil

1. ¿Baʼax kʼáataʼab tiʼ Jesús tumen utúul máak, yéetel baʼaxten?

2. Yaan kʼiineʼ, ¿baʼax ku meyaj tiʼ Jesús utiaʼal u kaʼansaj, yéetel baʼax tsʼoʼok k-kanik tiʼe judíoʼob yéetel tiʼe samaritanoʼoboʼ?

3. Ich le tsikbal tu beetaj Jesusoʼ, ¿baʼax tiaʼalaj úuch tiʼ utúul judío ku bin tu kaajil Jericó?

4. ¿Baʼax tu beetaj le judío bey xan le levita ka máanoʼob teʼ bej tuʼux pekekba le máakoʼ?

5. Jeʼex a wilik teʼ dibujooʼ, ¿máax áantik le judío loʼoloxaʼaboʼ?

6. Ka tsʼoʼok u tsolik Jesús le tsikbalilaʼ, ¿baʼax tu kʼáataj yéetel baʼax tu núukaj le máakeʼ?

Uláakʼ kʼáatchiʼob:

1. Xokaʼak San Lucas 10:25-37.

   1. Utúul máak jach u yojel tiʼ Leyeʼ, ¿bix úuchik u yáantaʼal tumen Jesús utiaʼal ku naʼat u núukil le baʼax tu kʼáatoʼ? (Luc. 10:26; Mat. 16:13-16.)

   2. ¿Bix u meyaj kettʼaanoʼob tiʼ Jesús utiaʼal u yáantik le máaxoʼob chʼenxikintik utiaʼal ku yaabiltkoʼob tuláakal máakoʼ? (Luc. 10:36, 37; 18:9-14; Tito 1:9.)

96 Tsikbalil

1. ¿Baʼax ku beetik Jesús le táan u xíimbaltik u luʼumil Israeloʼ?

2. Le tsʼoʼok u máan óoxpʼéel jaʼab okjaʼanak Jesusoʼ, ¿baʼax tiaʼalaj tiʼ u apóstoloʼob?

3. ¿Máax le ka wilkoʼob teʼ dibujooʼ, yéetel baʼax tu beetaj Jesús yoʼolal le koʼoleloʼ?

4. ¿Baʼaxten suʼlakchaj u nuuktakil le j-kʼiinoʼob yoʼolal le baʼax aʼalaʼabtiʼob tumen Jesusoʼ?

5. Le tiaʼan Jesús yéetel u apóstoloʼob náatsʼ tiʼ u kaajil Jericoeʼ, ¿baʼax tu beetaj yoʼolal kaʼatúul máakoʼob chʼóoptakoʼob?

6. ¿Baʼaxten Jesuseʼ tu beetaj milagroʼob?

Uláakʼ kʼáatchiʼob:

1. Xokaʼak San Mateo 15:30, 31.

   Yéetel le baʼaxoʼob tu beetaj Jesusoʼ, ¿bix úuchik u chíikbesik le páajtalil yaan tiʼ Jéeobaoʼ, yéetel bix unaj u yáantkoʼon k-il le baʼax u yaʼalmaj Jéeoba ken u beet teʼ túumben yóokʼol kaaboʼ? (Sal. 37:29; Isa. 33:24.)

2. Xokaʼak San Lucas 13:10-17.

   Le milagroʼob tu beetaj Jesús tu kʼiinil sábadooʼ, ¿bix u yeʼesik le kuxtal kun antal yáanal u Reino kun xáantal mil jaʼaboʼ? (Luc. 13:10-13; Sal. 46:9; Mat. 12:8; Col. 2:16, 17; Apo. 21:1-4.)

3. Xokaʼak San Mateo 20:29-34.

   Le tsikbalilaʼ, ¿bix u yeʼesik tu jóoʼsaj Jesús u súutukil utiaʼal u yáantik le máakoʼoboʼ, yéetel baʼax k-kanik tiʼ leloʼ? (Deu. 15:7; Sant. 2:15, 16; 1 Juan 3:17.)

97 Tsikbalil

1. Ka kʼuch Jesús tiʼ upʼéel chan kaaj yaan naatsʼ tiʼ Jerusaleneʼ, ¿baʼax tiaʼalaj tiʼ kaʼatúul u j-kaambaloʼob ka u beetoʼob?

2. Jeʼex a wilik teʼ dibujooʼ, ¿baʼax úuch ka náatsʼ Jesús tu kaajil Jerusalén?

3. ¿Baʼax tu beetaj le mejen paalal ka tu yiloʼob táan u tsʼakaʼal tumen Jesús le máakoʼob chʼóopoʼob yéetel le móochoʼoboʼ?

4. ¿Baʼax tiaʼalaj Jesús tiʼe j-kʼiinoʼob kʼuuxchajaʼanoʼoboʼ?

5. ¿Bix jeʼel k-beetikba jeʼex le mejen paalal tu kiʼikiʼtʼantoʼob Jesusoʼ?

6. ¿Baʼax u kʼáat kaʼach u yojéelt le j-kaambaloʼoboʼ?

Uláakʼ kʼáatchiʼob:

1. Xokaʼak San Mateo 21:1-17.

   1. ¿Baʼax u jelaʼanil úuchik u yokol Jesús bey rey tu kaajil Jerusalén tiʼ bix u yokol kaʼach u nuuktakil le soldadoʼob teʼ úuchben Roma ken tsʼoʼokok u ganartkoʼob upʼéel baʼateloʼ? (Mat. 21:4, 5; Zac. 9:9; Fili. 2:5-8; Col. 2:15.)

   2. ¿Baʼax jeʼel u kanik le táankelem paalaloʼob tiʼ le mejen paalal israelitaʼob ka tu kiʼikiʼtʼantoʼob Jesús yéetel u tʼaaniloʼob Salmo 118, ka ook teʼ templooʼ? (Mat. 21:9, 15; Sal. 118:25, 26; 2 Tim. 3:15; 2 Ped. 3:18.)

2. Xokaʼak San Juan 12:12-16.

   ¿Baʼax u kʼáat u yaʼal le úuchik u meyaj u leʼ xaʼan tiʼe máakoʼob utiaʼal u kʼamkoʼob Jesusoʼ? (Juan 12:13; Fili. 2:10; Apo. 7:9, 10.)

98 Tsikbalil

1. Ichil le máakoʼob ka wilik teʼ dibujooʼ, ¿máakalmáak Jesusiʼ, yéetel máax le yanoʼob yiknaloʼ?

2. ¿Baʼax óotaʼab beetbil tiʼ Jesús tumen le j-kʼiinoʼob teʼ templooʼ, yéetel baʼax tiaʼalaj Jesús?

3. ¿Baʼax tu kʼáataj le apóstoloʼob tiʼ Jesusoʼ?

4. ¿Baʼaxten tiaʼalaj Jesús tiʼ u apóstoloʼob jujumpʼéel tiʼ le baʼaloʼob kun úuchul way Luʼum ken káajak u reinar teʼ kaʼanoʼ?

5. ¿Baʼax tiaʼalaj Jesús kun úuchul táanil tiʼ u xuʼulsik tiʼ tuláakal le kʼaas ku beetaʼal yóokʼol le Luʼumaʼ?

Uláakʼ kʼáatchiʼob:

1. Xokaʼak San Mateo 23:1-39.

   1. Kex le Biblia kiaʼalik maʼ jelaʼan ka meyajnak uláakʼ kʼaabaʼob ku náajaltik máakeʼ, ¿baʼax kiaʼalik Jesús tu tsʼíibil San Mateo 23:8-11 tiʼ bix kʼaʼabéet u yilik le sukuʼunoʼob le tsikbeʼen kʼaabaʼoboʼ? (Bxob. 26:25; Rom. 13:7; 1 Ped. 2:13, 14.)

   2. ¿Baʼax tu beetaj le fariseoʼob utiaʼal u yilkoʼob kaʼach maʼ u beetkuba cristianoi u maasil máakoʼoboʼ, yéetel bix xan tsʼoʼok u beetkoʼob bejlaʼaʼ u nuuktakil le religionoʼoboʼ? (Mat. 23:13; Luc. 11:52; Juan 9:22; 12:42; 1 Tes. 2:16.)

2. Xokaʼak San Mateo 24:1-14.

   1. ¿Bix u yeʼesik San Mateo 24:13 u kʼaʼabéetil u chúukpajal u yóol máak mantatsʼ?

   2. ¿Baʼax u kʼáat u yaʼal le tʼaan tak «tu xuul» ku chíikpajal San Mateo 24:13? (Mat. 16:27; Rom. 14:10-12; 2 Cor. 5:10.)

3. Xokaʼak San Marcos 13:3-10.

   Tu tsʼíibil San Marcos 13:10, ¿baʼax tʼaanil u beetmaj Jesús ku yeʼesik u jach kʼaʼabéetil u tsikbaltaʼal le maʼalob péektsiloʼ, yéetel baʼax kʼaʼabéet u péekskoʼon k-beete? (Rom. 13:11, 12; 1 Cor. 7:29-31; 2 Tim. 4:2.)

99 Tsikbalil

1. Jeʼex a wilik teʼ dibujooʼ, ¿baʼaxten tiaʼan Jesús yéetel u doce apóstoloʼob ich upʼéel nojoch kúuchil tu kaʼanlil upʼéel najeʼ?

2. ¿Máax le ku jóoʼloʼ, yéetel baʼax ken u beete?

3. Ka tsʼoʼok u ookʼin jaanlil le Pascuaoʼ, ¿baʼax uláakʼ jaanlil jach kʼaʼanan tu káajsaj Jesús?

4. ¿Baʼax ku kʼaʼajal tiʼe israelitaʼob tu kʼiinil le Pascuaoʼ, yéetel baʼax ken u kʼaʼajs tiʼ u j-tsaypachoʼob Jesús le janal jach kʼaʼananaʼ?

5. Ka tsʼoʼok u jaantkoʼob u Ookʼin janal Yuumtsileʼ, ¿baʼax tiaʼalaj Jesús tiʼ u j-tsaypachoʼob, yéetel baʼax tu beetoʼob?

Uláakʼ kʼáatchiʼob:

1. Xokaʼak San Mateo 26:14-30.

   1. ¿Bix u yeʼesik San Mateo 26:15, u yóoliliʼ Judas u kʼub Jesuseʼ?

   2. ¿Baʼax kaʼapʼéel baʼaloʼob béeychaj le ka tu wekaj u kʼiʼikʼel Jesusoʼ? (Mat. 26:27, 28; Jer. 31:31-33; Efe. 1:7; Heb. 9:19, 20.)

2. Xokaʼak San Lucas 22:1-39.

   ¿Bix kʼaʼabéet u naʼataʼal ken u yaʼal le Biblia ook Satanás tu puksiʼikʼal Judasoʼ? (Luc. 22:3; Juan 13:2; Bxob. 1:24, 25.)

3. Xokaʼak San Juan 13:1-20.

   1. Yoʼolal le baʼax kiaʼalik San Juan 13:2, ¿chéen wa tiʼ Judas taal u tuukulil u kʼubik Jesús, yéetel baʼax k-kankeʼex tiʼ leloʼ? (Gén. 4:7; 2 Cor. 2:11; Gál. 6:1; Sant. 1:13, 14.)

   2. ¿Baʼax jach maʼalob kaʼansajil tu tsʼáaj Jesús? (Juan 13:15; Mat. 23:11; 1 Ped. 2:21.)

4. Xokaʼak San Juan 17:1-26.

   ¿Baʼax tu yóotaj u yaʼal Jesús ka tu kʼáataj ich payalchiʼ ka jumpʼéeliliʼchajak u j-tsaypachoʼob? (Juan 17:11, 21-23; Rom. 13:8; 14:19; Col. 3:14.)

100 Tsikbalil

1. ¿Tuʼux bin Jesús yéetel u apóstoloʼob ka jóokʼoʼob teʼ tuʼux tu muchʼubaʼobeʼ, yéetel baʼax tiaʼalaj tiʼ u apóstoloʼob ka u beetoʼob?

2. ¿Ka suunaj Jesús yiknal u apóstoloʼobeʼ baʼax tu yilaj ku beetkoʼob, yéetel jaytéen úuch beyoʼ?

3. Jeʼex a wilik teʼ dibujooʼ, ¿máaxoʼob le tsʼoʼok u kʼuchloʼob teʼ jardinoʼ, yéetel baʼax ku beetik Judas?

4. ¿Baʼaxten tsʼuʼutsʼaʼab Jesús tumen Judas, yéetel baʼax tu beetaj Pedro?

5. ¿Baʼax tiaʼalaj Jesús tiʼ Pedro, baʼaleʼ baʼaxten Jesuseʼ maʼ tu kʼáataj tiʼ Dios ka túuxtaʼak ángeloʼob utiaʼal áantkiʼ?

Uláakʼ kʼáatchiʼob:

1. Xokaʼak San Mateo 26:36-56.

   1. Le bix úuchik u tsol xikintik Jesús u j-kaambaloʼoboʼ, ¿baʼaxten jach maʼalob xan ka u beet le nuxiboʼob beyoʼ? (Mat. 20:25-28; 26:40, 41; Gál. 5:17; Efe. 4:29, 31, 32.)

   2. ¿Bix u yilik kaʼach Jesús u chʼaʼik máak u nuʼukulil baʼateʼel utiaʼal u kíimsik u yéet máakil? (Mat. 26:52; Luc. 6:27, 28; Juan 18:36.)

2. Xokaʼak San Lucas 22:39-53.

   Le ka taal utúul ángel utiaʼal líiʼsik u yóol Jesuseʼ, ¿u kʼáat wa u yaʼal táan kaʼach u minaʼantal u oksaj óolal? Tsolaʼak (Luc. 22:41-43; Isa. 49:8; Mat. 4:10, 11; Heb. 5:7).

3. Xokaʼak San Juan 18:1-12.

   ¿Bix úuchik u kanáantik Jesús u j-kaambaloʼob tiʼ le máaxoʼob pʼekmiloʼoboʼ, yéetel baʼax k-kanik tiʼ leloʼ? (Juan 10:11, 12; 18:1, 6-9; Heb. 13:6; Sant. 2:25.)

101 Tsikbalil

1. ¿Máax péeks le máakoʼob utiaʼal ku kíimsoʼob Jesusoʼ?

2. ¿Baʼax tu beetaj le apóstoloʼob ka bisaʼab Jesús tumen u nuuktakil le j-kʼiinoʼoboʼ?

3. ¿Baʼax úuch tu yotoch Caifás, u nojchil le j-kʼiinoʼoboʼ?

4. Ka jóokʼ Pedroeʼ, ¿baʼaxten joʼopʼ u yokʼol?

5. Ka bisaʼab Jesús tu kaʼatéen tu táan Pilatoeʼ, ¿baʼax tiaʼalaj u nuuktakil le j-kʼiinoʼoboʼ?

6. Upʼéel viernes táan u káajal u chíinil kʼiineʼ, ¿baʼax beetaʼab tiʼ Jesús, yéetel baʼax tiaʼalaj tiʼ utúul kʼasaʼan máak chʼuykíintaʼab tu tséel?

7. ¿Tuʼux kun antal le paraíso tiaʼalaj Jesusoʼ?

Uláakʼ kʼáatchiʼob:

1. Xokaʼak San Mateo 26:57-75.

   Le j-kʼiinoʼob pʼis óolt Jesusoʼ, ¿bix úuchik u chíikbeskoʼob chuup u puksiʼikʼaloʼob yéetel baʼaloʼob kʼaastak? (Mat. 26:59, 67, 68.)

2. Xokaʼak San Mateo 27:1-50.

   ¿Baʼaxten jeʼel u páajtal k-aʼalik jach tu jaajil maʼ yaachaj u yóol Judas yoʼolal le baʼax tu beetoʼ? (Mat. 27:3, 4; Mar. 3:29; 14:21; 2 Cor. 7:10, 11.)

3. Xokaʼak San Lucas 22:54-71.

   Le áakʼab ka kʼuʼub Jesuseʼ, ¿baʼax k-kanik le ka tiaʼalaj Pedro maʼ u kʼaj óoloʼ? (Luc. 22:60-62; Mat. 26:31-35; 1 Cor. 10:12.)

4. Xokaʼak San Lucas 23:1-49.

   ¿Baʼaxten Jesuseʼ maʼ tu sutaj u jeel le kʼaas beetaʼabtiʼoʼ, yéetel baʼax k-kanik tiʼ leloʼ? (Luc. 23:33, 34; Rom. 12:17-19; 1 Ped. 2:23.)

5. Xokaʼak San Juan 18:12-40.

   Kex tumen Pedro tu chʼaʼaj saajkil tiʼ máakeʼ, ¿baʼax tu chíikbesaj úuchik u beetkuba utúul jach maʼalob apóstolil? (Juan 18:25-27; 1 Cor. 4:2; 1 Ped. 3:14, 15; 5:8, 9.)

6. Xokaʼak San Juan 19:1-30.

   1. ¿Bix u yilik kaʼach Jesús u yantal yaʼab baʼaloʼob maʼalobtak tiʼ máak? (Juan 2:1, 2, 9, 10; 19:23, 24; Mat. 6:31, 32; 8:20.)

   2. ¿Baʼaxten u tsʼoʼok tʼaanoʼob tu beetaj Jesusoʼ, tu yeʼesaj tsʼoʼok u taasik tsiikil tiʼ u noj jalaʼachil Jéeoba? (Juan 16:33; 19:30; 2 Ped. 3:14; 1 Juan 5:4.)

102 Tsikbalil

1. ¿Máax le koʼolel ka wilik teʼ dibujooʼ, máax le kaʼatúul máakoʼoboʼ, yéetel tuʼux yanoʼob?

2. ¿Baʼaxten tiaʼalaj Pilato tiʼe j-kʼiinoʼob ka u túuxtoʼob soldadoʼob kanáantik u muknal Jesusoʼ?

3. Jach tu jaʼatskabil u yóoxpʼéel kʼiinil kíimik Jesuseʼ, ¿baʼax tu beetaj utúul ángel, yéetel baʼax tu beetaj le j-kʼiinoʼoboʼ?

4. ¿Baʼaxten jaʼakʼ u yóol jujuntúul koʼoleloʼob ka kʼuchoʼob yiknal u muknal Jesús?

5. ¿Baʼaxten Pedro yéetel Juaneʼ áalkabil binikoʼob yiknal u muknal Jesús, yéetel baʼax úuchi?

6. ¿Tuʼux tsʼoʼok u wíinklil Jesús, yéetel baʼax tu beetaj utiaʼal ka ilaʼak kuxaʼan tumen u j-kaambaloʼob?

Uláakʼ kʼáatchiʼob:

1. Xokaʼak San Mateo 27:62-66 yéetel 28:1-15.

   Ka kuxkíintaʼab Jesús tu kaʼatéeneʼ, ¿baʼax beet u kʼebantal le j-kʼiinoʼob, le fariseoʼob yéetel le nuxiboʼob tu contra le kiliʼich muukʼoʼ? (Mat. 12:24, 31, 32; 28:11-15.)

2. Xokaʼak San Lucas 24:1-12.

   Úuchik u yaʼalaʼal tiʼe koʼoleloʼob ka xiʼik u yaʼaloʼob tsʼoʼok u kaʼa kuxkíintaʼal Jesusoʼ, ¿bix u yeʼesik utiaʼal Jéeobaeʼ tak le koʼoleloʼob jeʼel u páajtal u beetkoʼob wa baʼax meeyjileʼ? (Luc. 24:4, 9, 10; Mat. 28:1-7.)

3. Xokaʼak San Juan 20:1-12.

   Wa yaan baʼax kiaʼalik le Biblia maʼ kʼuchkoʼon k-naʼat tubeeloʼ, ¿bix u yáantkoʼon San Juan 20:8, 9 utiaʼal ka chúukpajak k-óol utiaʼal k-páaʼt u tsolaʼal? (Pro. 4:18; Mat. 17:22, 23; Luc. 24:5-8; Juan 16:12.)

103 Tsikbalil

1. ¿Baʼax tiaʼalaj María tiʼ utúul máak tu tuklaj letiʼe jardinerooʼ, baʼaleʼ bix úuchik u kʼaj óoltik Jesús?

2. ¿Baʼax úuch tiʼ kaʼatúul j-kaambaloʼob táan u binoʼob tu chan kaajil Emaús?

3. ¿Baʼax úuch ka tiaʼalaj le kaʼatúul j-kaambaloʼob tiʼ le apóstoloʼob tsʼoʼok u yilkoʼob Jesusoʼ?

4. ¿Jaytéen tsʼoʼok u chíikbeskuba Jesús tiʼ u j-tsaypachoʼob?

5. ¿Baʼax tiaʼalaj Tomás ka tu yojéeltaj tsʼoʼok u chíikbeskuba Jesús tiʼ le j-kaambaloʼoboʼ, baʼaleʼ baʼax úuch ka máan ocho kʼiinoʼob?

Uláakʼ kʼáatchiʼob:

1. Xokaʼak San Juan 20:11-29.

   Tu tsʼíibil San Juan 20:23, ¿táan wa u yaʼalik Jesús tsʼaʼan tiʼ wíinik u páajtalil u saʼasik kʼebanoʼob? Tsolaʼak (Sal. 49:2, 7; Isa. 55:7; 1 Tim. 2:5, 6; 1 Juan 2:1, 2).

2. Xokaʼak San Lucas 24:13-43.

   ¿Bix jeʼel k-jeʼekʼabtik k-puksiʼikʼal utiaʼal ku kʼam le kaʼansajoʼob ku taal teʼ Bibliaoʼ? (Luc. 24:32, 33; Esd. 7:10; Mat. 5:3; Bxob. 16:14; Heb. 5:11-14.)

104 Tsikbalil

1. Utéenjeakileʼ, ¿tu táan jaytúul j-kaambaloʼob tu chíikbesuba Jesús, yéetel baʼax tu kaʼansajtiʼob?

2. ¿Baʼax u Reino Dios, yéetel bix kun pʼáatal le Luʼum ken káajak u gobernar Jesús ich mil jaʼaboʼoboʼ?

3. ¿Jaypʼéel kʼiinoʼob káajak u chíikbeskuba Jesús tiʼ u j-kaambaloʼob, baʼaleʼ baʼax tsʼoʼok u kʼuchul u kʼiinil?

4. Táanil tiʼ u suut Jesús teʼ kaʼanoʼ, ¿baʼax tiaʼalaj tiʼ u j-kaambaloʼob ka u beetoʼob?

5. ¿Baʼax ku yúuchul jeʼex a wilik teʼ dibujooʼ, yéetel bix úuchik u saʼatal Jesús tu táanoʼob?

Uláakʼ kʼáatchiʼob:

1. Xokaʼak 1 tiʼ Corintoiloʼob 15:3-8.

   ¿Baʼaxten Pabloeʼ páajchaj u yaʼalik jach tu jaajil kaʼa kuxkíintaʼab Jesús, yéetel baʼaxoʼob xan jeʼel u páajtal u tsikbaltik le cristianoʼob bejlaʼoʼ? (1 Cor. 15:4, 7, 8; Isa. 2:2, 3; Mat. 24:14; 2 Tim. 3:1-5.)

2. Xokaʼak u libroi Baʼaxoʼob 1:1-11.

   Jeʼex aʼalaʼanik tu libroi Baʼaxoʼob 1:8, ¿tak tuʼux kʼuch u kʼaʼaytaʼal le maʼalob péektsiloʼ? (Bxob. 6:7; 9:31; 11:19-21; Col. 1:23.)

105 Tsikbalil

1. Jeʼex a wilik teʼ dibujooʼ, ¿baʼax ku yúuchul tiʼ u j-tsaypachoʼob Jesús ku páaʼtajoʼob kaʼach tu kaajil Jerusalenoʼ?

2. ¿Baʼax beet u jaʼakʼal u yóol le máaxoʼob taaljaʼanoʼob xíimbal tu kaajil Jerusalenoʼ?

3. ¿Baʼax ku tsolik Pedro tiʼ le máakoʼoboʼ?

4. ¿Bix tu yuʼubiluba yaʼab tiʼe máakoʼob ka tsʼoʼok u yuʼubkoʼob u tsikbal Pedrooʼ, yéetel baʼax kʼaʼabéet u beetkoʼob?

5. ¿Jaytúul máakoʼob okjaʼanajoʼob teʼ Pentecostés tu jaʼabil 33 t.T.kʼ. (teʼ T-kʼiinoʼobaʼ)?

Uláakʼ kʼáatchiʼob:

1. Xokaʼak u libroi Baʼaxoʼob 2:1-47.

   1. U tʼaanoʼob Pedro tsʼíibtaʼan tu libroi Baʼaxoʼob 2:23, 36, ¿bix u yeʼesik letiʼe judíoʼob kíims Jesusoʼ? (1 Tes. 2:14, 15.)

   2. ¿Bix úuchik u yeʼesik Pedro kʼaʼabéet u beetaʼal u tuukul le máakoʼob yéetel le Bibliaoʼ? (Bxob. 2:16, 17, 29, 31, 36, 39; Col. 4:6.)

   3. ¿Bix úuchik u meyaj tiʼ Pedro yáax upʼéel tiʼ u yaabeiloʼob u reinoi kaʼan le tsʼaʼaboʼob tiʼ tumen Jesuseʼ? (Bxob. 2:14, 22-24, 37, 38; Mat. 16:19.)

106 Tsikbalil

1. ¿Baʼax úuch utéen táan u yookloʼob Pedro yéetel Juan teʼ templo táan u chíinil kʼiinoʼ?

2. ¿Baʼax tiaʼalaj Pedro tiʼ le máak móoch u yookoʼ, yéetel baʼax tsʼaʼabtiʼ tumen Pedro maas yaʼab u tojol tiʼ taakʼin?

3. ¿Baʼaxten kʼuuxilnaj le j-kʼiinoʼoboʼ, yéetel baʼax tu beetoʼob tiʼ Pedro yéetel Juan?

4. ¿Baʼax tiaʼalaj Pedro tiʼ le j-kʼiinoʼoboʼ, yéetel baʼax aʼalaʼab tiʼe apóstoloʼob ku xul u beetkoʼoboʼ?

5. ¿Baʼaxten maas pʼektaʼab le apóstoloʼob tumen le j-kʼiinoʼoboʼ, baʼaleʼ baʼax úuch ka kʼaʼaloʼob tu kaʼatéen?

6. ¿Baʼax tiaʼalaj le apóstoloʼob le tiaʼanoʼob tu táan le sanedrinoʼ?

Uláakʼ kʼáatchiʼob:

1. Xokaʼak u libroi Baʼaxoʼob 3:1-10.

   Kex tumen minaʼantoʼon u páajtalil k-beetik milagroʼobeʼ, ¿bix u yáantkoʼon le baʼax kiaʼalik Pedro tu libroi Baʼaxoʼob 3:6 utiaʼal k-ilik jach kʼaʼanan u tsikbaltaʼal u péektsilil le Reinooʼ? (Juan 17:3; 2 Cor. 5:18-20; Fili. 3:8.)

2. Xokaʼak u libroi Baʼaxoʼob 4:1-31.

   Ken chʼaʼapachtaʼakoʼon ikil k-kʼaʼaytajeʼ, ¿bix kʼaʼabéet k-beetik jeʼex tu beetaj le cristianoʼob teʼ yáax siglooʼ? (Bxob. 4:29, 31; Efe. 6:18-20; 1 Tes. 2:2.)

3. Xokaʼak u libroi Baʼaxoʼob 5:17-42.

   Jeʼex úuchil tak bejlaʼeʼ, máakoʼob kex maʼ j-jaajkunajoʼobeʼ, ¿bix tsʼoʼok u yáantajoʼob utiaʼal maʼ u xuʼulul u yúuchul le kʼaʼaytajoʼ? (Bxob. 5:34-39.)

107 Tsikbalil

1. ¿Máax Esteban, yéetel baʼax ku yáantaʼal kaʼach u beet tumen Dios?

2. ¿Baʼax tiaʼalaj Esteban tu beetaj u maas kʼuuxil le j-kʼiinoʼoboʼ?

3. ¿Baʼax beetaʼab tiʼ Esteban le ka jíiltaʼab jóoʼsbil paach kaajeʼ?

4. ¿Máax le táankelem xiʼipal ka wilik teʼ dibujo kanáantik le nookʼoʼoboʼ?

5. Táanil tiʼ u kíimil Estebaneʼ, ¿baʼax tu kʼáataj tiʼ Jéeoba?

6. Wa yaan baʼax kʼaas ku beetaʼal toʼoneʼ, ¿bix jeʼel u páajtal k-beetik jeʼex tu beetaj Estebaneʼ?

Uláakʼ kʼáatchiʼob:

1. Xokaʼak u libroi Baʼaxoʼob 6:8-15.

   ¿Baʼaxoʼob tsʼoʼok u meyaj tiʼ u nuuktakil le religionoʼob utiaʼal u yilik u xuʼulskoʼob u kʼaʼaytaj le j-jaajkunajoʼoboʼ? (Bxob. 6:9, 11, 13.)

2. Xokaʼak u libroi Baʼaxoʼob 7:1-60.

   1. ¿Baʼax áant Esteban u tsol tubeel le maʼalob péektsil tu táan le Sanedrinoʼ, yéetel baʼax k-kanik tiʼ le baʼax tu beetoʼ? (Bxob. 7:51-53; Rom. 15:4; 2 Tim. 3:14-17; 1 Ped. 3:15.)

   2. ¿Baʼax modosi kʼaʼabéet k-eʼesik tiʼ le máaxoʼob maʼatech u kʼamkoʼob le maʼalob péektsil k-biskoʼ? (Bxob. 7:58-60; Mat. 5:44; Luc. 23:33, 34.)

108 Tsikbalil

1. ¿Baʼax tu beetaj Saulo le tsʼoʼok u kíimil Estebanoʼ?

2. ¿Baʼax úuch tiʼ Saulo táan u bin tu bejil Damasco?

3. ¿Baʼax aʼalaʼab tiʼ Saulo tumen Jesús ka u beete?

4. ¿Baʼaxoʼob aʼalaʼab tiʼ Ananías ka u beete, yéetel bix úuchik u suut u sáasil Saulo?

5. ¿Baʼax uláakʼ kʼaabaʼi tsʼaʼab tiʼ Saulo, yéetel baʼax tiʼ meeyjil jach noʼojaʼan letiʼ?

Uláakʼ kʼáatchiʼob:

1. Xokaʼak u libroi Baʼaxoʼob 8:1-4.

   Le chʼaʼapachtajil tu aktáantaj le cristianoʼob teʼ yáax siglooʼ, ¿bix úuchik u beetik u maas kʼaj óoltaʼal le maʼalob péektsil tuláakal tuʼuxoʼ, yéetel bix xan tsʼoʼok u yilaʼal u yúuchul teʼ kʼiinoʼobaʼ? (Bxob. 8:4; Isa. 54:17.)

2. Xokaʼak u libroi Baʼaxoʼob 9:1-20.

   ¿Baʼax óoxpʼéel meyajil tsʼaʼab tiʼ Saulo tumen Jesús? (Bxob. 9:15; 13:5; 26:1; 27:24; Rom. 11:13.)

3. Xokaʼak u libroi Baʼaxoʼob 22:6-16.

   ¿Bix jeʼel u páajtal k-beetikba jeʼex Ananíaseʼ, yéetel baʼaxten jach kʼaʼanan? (Bxob. 22:12; 1 Tim. 3:7; 1 Ped. 1:14-16; 2:12.)

4. Xokaʼak u libroi Baʼaxoʼob 26:8-20.

   ¿Baʼaxten le úuchik u beetkuba cristianoi Saulooʼ, ku líiʼsik u yóol le máaxoʼob tsʼokaʼan u beeloʼob yéetel máaxoʼob maʼatech u meyajtkoʼob Diosoʼ? (Bxob. 26:11; 1 Tim. 1:14-16; 2 Tim. 4:2; 1 Ped. 3:1-3.)

109 Tsikbalil

1. ¿Máax le máak xolokbal ka wilik teʼ dibujooʼ?

2. ¿Baʼax tiaʼalaj utúul ángel tiʼ Cornelio?

3. Le tiaʼan Pedro tu yóokʼol u yotoch Simón tu kaajil Jopeoʼ, ¿baʼax eʼesaʼab tiʼ tumen Dios?

4. ¿Baʼaxten tiaʼalaj Pedro tiʼ Cornelio maʼ u xoltal tu táan yéetel maʼ u adorartaʼal?

5. ¿Baʼaxten jaʼakʼ u yóol le j-kaambaloʼob judíoʼob taaljaʼanoʼob yéetel Pedrooʼ?

6. ¿Baʼax k-kanik tiʼ úuchik u bin Pedro u xíimbalt Cornelio?

Uláakʼ kʼáatchiʼob:

1. Xokaʼak u libroi Baʼaxoʼob 10:1-48.

   U tʼaanoʼob Pedro tsʼíibtaʼan tu libroi Baʼaxoʼob 10:42, ¿baʼax kiaʼalik yoʼolal le kʼaʼaytaj ku beetaʼaloʼ? (Mat. 28:19; Mar. 13:10; Bxob. 1:8.)

2. Xokaʼak u libroi Baʼaxoʼob 11:1-18.

   ¿Baʼax modosi tu yeʼesaj Pedro ka tu yilaj tiaʼan u yáantaj Jéeoba yóokʼol le maʼ judíoʼoboʼ, yéetel bix jeʼel k-beetik jeʼex letiʼoʼ? (Bxob. 11:17, 18; 2 Cor. 10:5; Efe. 5:17.)

110 Tsikbalil

1. ¿Máax le xiʼipal ka wilik teʼ dibujooʼ, tuʼux kajaʼan, yéetel bix u kʼaabaʼ u mama yéetel u abuela?

2. ¿Baʼax tu núukaj Timoteo ka kʼáataʼab tiʼ tumen Pablo wa jeʼel u bin kʼaʼaytaj tu yéeteloʼob teʼ náanach kaajoʼoboʼ?

3. ¿Tuʼux kaajil yáax aʼalaʼab cristianoi tiʼ u j-kaambaloʼob Jesús?

4. Ka lukʼoʼob Listraeʼ, ¿máakalmáak le noj kaajoʼob tu xíimbaltoʼob Pablo, Silas yéetel Timoteoʼ?

5. ¿Bix úuchik u yáantaʼal Pablo tumen Timoteo teʼ kʼaʼaytajoʼ, yéetel baʼax tiʼ kʼaʼabéet u tuukul le táankelem paalaloʼob bejlaʼoʼ?

Uláakʼ kʼáatchiʼob:

1. Xokaʼak u libroi Baʼaxoʼob 9:19-30.

   ¿Bix úuchik u kanáantkuba Pablo ka joʼopʼ u chʼaʼapachtaʼal ikil u tsikbaltik le maʼalob péektsiloʼ? (Bxob. 9:22-25, 29, 30; Mat. 10:16.)

2. Xokaʼak u libroi Baʼaxoʼob 11:19-26.

   Le tsikbal yaan tu libroi Baʼaxoʼob 11:19-21, 26, ¿bix u yeʼesik Jéeoba nuʼuktik le kʼaʼaytaj yéetel u kiliʼich muukʼoʼ?

3. Xokaʼak u libroi Baʼaxoʼob 13:13-16, 42-52.

   ¿Bix u yeʼesik u libroi Baʼaxoʼob 13:51, 52 maʼ lúuʼsaʼab u yóol le j-kaambaloʼob tumen le chʼaʼapachtajiloʼ? (Mat. 10:14; Bxob. 18:6; 1 Ped. 4:14.)

4. Xokaʼak u libroi Baʼaxoʼob 14:1-6, 19-28.

   Utiaʼal maʼ k-sen chiʼichnaktal le táan k-áantik utúul máak káajal ku beetik u kaambaleʼ, ¿bix jeʼel u yáantkoʼon le tʼaan «tu kʼubéentajoʼob tiʼ Yuumtsil [wa Jéeoba]»? (Bxob. 14:21-23; 20:32; Juan 6:44.)

5. Xokaʼak u libroi Baʼaxoʼob 16:1-5.

   Úuchik u súutkʼuptkuba Timoteoeʼ, ¿bix u yeʼesik u kʼaʼabéetil u beetaʼal «tuláakal le baʼaloʼob[...] tu yoʼolal le maʼalob péektsiloʼ»? (Bxob. 16:3; 1 Cor. 9:23; 1 Tes. 2:8.)

6. Xokaʼak u libroi Baʼaxoʼob 18:1-11, 18-22.

   ¿Bix u yeʼesik u libroi Baʼaxoʼob 18:9, 10 Jesús nuʼuktik le kʼaʼaytajoʼ, yéetel bix u líiʼsik k-óol k-ojéeltik? (Mat. 28:20.)

111 Tsikbalil

1. ¿Máax le chan xiʼipal pekekba luʼumoʼ, yéetel baʼax úuch tiʼ?

2. ¿Baʼax tu beetaj Pablo ka tu yilaj kimen le chan xiʼipaloʼ?

3. ¿Tuʼux ku bin Pablo, Timoteo yéetel uláakʼ máakoʼoboʼ, yéetel baʼax úuch ka jeʼeloʼob tu kaajil Mileto?

4. ¿Baʼax tsʼaʼab u yojéelt Pablo tumen profeta Agabo, yéetel bix úuchik le baʼax tiaʼaloʼ?

Uláakʼ kʼáatchiʼob:

1. Xokaʼak u libroi Baʼaxoʼob 20:7-38.

   1. Jeʼex u yaʼalik Pablo tu libroi Hechos 20:26, 27 (NM), ¿baʼax kʼaʼabéet k-beetik utiaʼal maʼ u tsaʼabaltoʼon tumen Dios u kʼiʼikʼel wa máax? (Eze. 33:8; Bxob. 18:6, 7).

   2. Ken kaʼansanak le nuxiboʼoboʼ, ¿baʼaxten kʼaʼabéet u jach kanáantkoʼob u yilik u kaʼanskoʼob baʼax kiaʼalik u tʼaan Dios? (Bxob. 20:17, 29, 30; Tito 1:7-9; 2 Tim. 1:13.)

2. Xokaʼak u libroi Baʼaxoʼob 26:24-32.

   Tumen Pablo sijnal tu luʼumil Romaeʼ, ¿bix meyajnajik tiʼ utiaʼal u beetik le meyaj kʼubéentaʼab tiʼ tumen Jesusoʼ? (Bxob. 9:15; 16:37, 38; 25:11, 12; 26:32; Luc. 21:12, 13.)

112 Tsikbalil

1. ¿Baʼax úuch tiʼe cheem tuʼux ku bin Pablo ka náatsʼoʼob tu islai Cretaoʼ?

2. ¿Baʼax tiaʼalaj Pablo tiʼe máaxoʼob yanoʼob teʼ cheemoʼ?

3. ¿Baʼaxten xeʼexetʼpaj le cheemoʼ?

4. ¿Baʼax tiaʼalaj ka beetaʼak le máax kanáantik le máakoʼob kʼalaʼanoʼoboʼ, yéetel jaytúul máakoʼob kʼuchoʼob tu jáal le kʼáaʼnáaboʼ?

5. ¿Bix u kʼaabaʼ le isla tuʼux kʼuchoʼoboʼ, yéetel baʼax beetaʼab tiʼ Pablo ka chan jéetsʼ le iikʼoʼ?

Uláakʼ kʼáatchiʼob:

1. Xokaʼak u libroi Baʼaxoʼob 27:1-44.

   U tsikbalil úuchik u bisaʼal Pablo tu kaajil Romaeʼ, ¿bix u yáantkoʼon utiaʼal ka k-maas oksaj óolt jach jaaj tuláakal le baʼax tsʼíibtaʼan ich le Bibliaoʼ? (Bxob. 27:16-19, 27-32; Luc. 1:3; 2 Tim. 3:16, 17.)

2. Xokaʼak u libroi Baʼaxoʼob 28:1-14.

   Wa u kajnáaliloʼob Malta, kex maʼ cristianoʼob tu jach eʼesaj u yutsiloʼob tiʼ Pablo yéetel tiʼ uláakʼ máakoʼob ku binoʼob kaʼach teʼ cheemoʼ, ¿baʼax unaj u beetik le cristianoʼoboʼ, yéetel bixi? (Bxob. 28:1, 2; Heb. 13:1, 2; 1 Ped. 4:9.)

113 Tsikbalil

1. Le kʼalaʼan Pablo tu kaajil Romaoʼ, ¿tiʼ máaxoʼob tu kʼaʼaytaj le maʼalob péektsiloʼ?

2. ¿Máax le uʼulab kulukbal yiknal le mesaoʼ, yéetel baʼax ku beetik utiaʼal u yáantik Pablo?

3. ¿Máax Epafrodito, yéetel baʼax tu bisaj ka suunaj Filipos?

4. ¿Baʼaxten Pabloeʼ tu beetaj upʼéel tsʼíibil juʼun utiaʼal u túuxt tiʼ Filemón?

5. Ka jáalkʼabtaʼab Pabloeʼ, ¿baʼax tu beetaj, yéetel baʼax úuchtiʼ?

6. ¿Máax meyajnaj tiʼ Jéeoba utiaʼal u tsʼíibtik u tsʼook u libroiloʼob le Bibliaoʼ, yéetel baʼax tiʼ ku tʼaan le libro Apocalipsisoʼ?

Uláakʼ kʼáatchiʼob:

1. Xokaʼak u libroi Baʼaxoʼob 28:16-31 yéetel Tiʼ Filiposiloʼob 1:13.

   ¿Baʼax tu beetaj Pablo le kʼalaʼan tu kaajil Romaoʼ, yéetel tumen jach chúukpaj u yóoleʼ baʼax tu péeksaj u beet le cristianoʼoboʼ? (Bxob. 28:23, 30; Fili. 1:14.)

2. Xokaʼak Tiʼ Filiposiloʼob 2:19-30.

   ¿Baʼax jatsʼuts tʼaaniloʼob tu tsʼíibtaj Pablo tiʼ Timoteo bey xan tiʼ Epafrodito, yéetel bix xan jeʼel k-beetik jeʼex tu beetaj le apóstolaʼ? (Fili. 2:20, 22, 25, 29, 30; 1 Cor. 16:18; 1 Tes. 5:12, 13.)

3. Xokaʼak Tiʼ Filemón 1-25.

   1. ¿Baʼax tu kʼáat óoltaj Pablo tiʼ Filemón ka u beete, yéetel lelaʼ baʼax ku kaʼansik tiʼ le nuxiboʼob bejlaʼoʼ? (File. 9; 2 Cor. 8:8; Gál. 5:13.)

   2. U tʼaan Pablo Tiʼ Filemón 13, 14, ¿bix u yeʼesik ku tuukul tu yoʼolal le máaxoʼob yanoʼob ich le múuchʼuliloʼ? (1 Cor. 8:7, 13; 10:31-33.)

4. Xokaʼak 2 tiʼ Timoteo 4:7-9.

   Wa ku chúukpajal k-óol meyajt Jéeoba tak tu xuul jeʼex tu beetaj Pabloeʼ, ¿baʼaxten jeʼel u páajtal k-páaʼtik u yeʼesiktoʼon u yutsileʼ? (Mat. 24:13; Heb. 6:10.)

114 Tsikbalil

1. ¿Baʼaxten kiaʼalik le Biblia yaan tsíimnoʼob teʼ kaʼanoʼ?

2. ¿Bix u kʼaabaʼ le baʼateltáambal ken u beet Diosoʼ, yéetel baʼax u beelal?

3. Jeʼex a wilik teʼ dibujooʼ, ¿máax kun nuʼuktik le baʼateloʼ, baʼaxten yaan u péet joʼol, yéetel baʼaxten xan yaan u táatsʼ máaskab?

4. Jeʼex t-ilaj teʼ tsikbaliloʼob 10, 15 yéetel 33, ¿baʼaxten maʼ unaj u jaʼakʼal k-óol k-ojéeltik yaan u xuʼulsaʼal tiʼe kʼasaʼan máakoʼob tumen Diosoʼ?

5. ¿Bix u yeʼesik le tsikbaliloʼob 36 yéetel 76 yaan u xuʼulsaʼal tiʼe kʼasaʼan máakoʼob tumen Dios kex ka u yaʼaloʼob táan u meyajkoʼoboʼ?

Uláakʼ kʼáatchiʼob:

1. Xokaʼak Apocalipsis 19:11-16.

   1. ¿Baʼaxten kiaʼalik le Biblia Jesucristo natʼmij le sak tsíiminoʼ? (Apo. 1:5; 3:14; 19:11; Isa. 11:4.)

   2. U nookʼ Jesús boʼompajaʼan yéetel kʼiʼikʼoʼ, ¿baʼax ku yeʼesik tiʼ bukaʼaj nojchil le baʼateʼel tu ganartaj Jesusoʼ? (Apo. 14:​18-​20; 19:13.)

   3. ¿Tak máaxoʼob wal yanoʼob ich le soldadoʼob ku binoʼob tu paach Jesús u natʼmaj u sak tsíiminoʼ? (Apo. 12:7; 19:14; Mat. 25:31, 32.)

115 Tsikbalil

1. Jeʼex u yaʼalik le Bibliaoʼ, ¿bix le Paraíso kun antal way Luʼumeʼ?

2. ¿Bix le kuxtal kiaʼalik le Biblia kun antal tiʼe máaxoʼob kun pʼáatloʼob kajtal teʼ Luʼumaʼ?

3. ¿Baʼax kʼiin ken u beet Jesús u yilaʼal le jatsʼuts kuxtalaʼ?

4. Le ka taal Jesús way Luʼumeʼ, ¿baʼax tu beetaj utiaʼal u yeʼesik baʼaxoʼob ken u beet ken káajak u reinar yóokʼol le Luʼumaʼ?

5. ¿Baʼax utsiloʼob ken u taas Jesús yéetel le máaxoʼob u yéeymaj utiaʼal gobernar tu yéeteloʼ?

Uláakʼ kʼáatchiʼob:

1. Xokaʼak Apocalipsis 5:9, 10.

   ¿Baʼaxten le máaxoʼob kun reinar ich mil jaʼaboʼob yéetel Jesusoʼ yaan u yeʼeskoʼob ku tuukuloʼob t-oʼolal yéetel ku chʼaʼikoʼob toʼon óotsilil? (Efe. 4:20-24; 1 Ped. 1:7; 3:8; 5:6-10.)

2. Xokaʼak Apocalipsis 14:1-3.

   ¿Baʼax u kʼáat u yaʼal tsʼíibtaʼanik u kʼaabaʼ Dios yéetel u kʼaabaʼ le Taman tu táan pool le 144.000? (1 Cor. 3:23; 2 Tim. 2:19; Apo. 3:12.)

116 Tsikbalil

1. ¿Baʼax unaj k-kanik wa k-kʼáat kuxtal utiaʼal mantatsʼ?

2. ¿Bix jeʼel k-kanik tiʼ Jéeoba Dios yéetel tiʼ Jesús, jeʼex u beetik le chan x-chʼúupal yéetel uláakʼ mejen paalaloʼob ka wilkoʼob teʼ dibujooʼ?

3. ¿Baʼax uláakʼ libroi ka wilik teʼ dibujooʼ, yéetel baʼaxten kʼaʼabéet k-xokik mantatsʼ?

4. Kex yaʼab baʼaloʼob tsʼoʼok k-kanik tiʼ Jéeoba yéetel tiʼ Jesuseʼ, ¿baʼax uláakʼ kʼaʼabéet utiaʼal ka k-náajalt le kuxtal minaʼan u xuuloʼ?

5. ¿Baʼax ku kaʼansiktoʼon le tsikbalil 69?

6. ¿Baʼax k-kanik tiʼ chan Samuel, teʼ tsikbalil 55?

7. ¿Bix jeʼel k-beetik jeʼex tu beetaj Jesucristoeʼ, yéetel wa k-beetkeʼ, baʼax utsiloʼob ken u tsʼáatoʼon?

Uláakʼ kʼáatchiʼob:

1. Xokaʼak San Juan 17:3.

   Le Bibliaoʼ, ¿bix u yeʼesik utiaʼal ka kʼaj óoltaʼak Jéeoba yéetel Jesucristoeʼ, maʼ chúukaʼan chéen yéetel ku pʼat tu pool máak le baʼax ku kankoʼ? (Mat. 7:21; Sant. 2:18-20; 1 Juan 2:17.)

2. Xokaʼak Salmo 145:1-21.

   1. Jach yaʼab baʼax oʼolal kʼaʼabéet u kiʼikiʼtʼantaʼal Jéeoba, ¿jeʼel wa u páajtal a waʼalik wa jaypʼéeleʼ? (Sal. 145:8-11; Apo. 4:11.)

   2. ¿Bix u yeʼesik u yutsil Jéeoba tiʼ tuláakal máak, yéetel lelaʼ bix unaj u yáantkoʼon utiaʼal ka maas náatsʼkoʼon tu yiknal? (Sal. 145:9; Mat. 5:43-45.)

   3. Wa k-jach yaabilmaj Jéeobaeʼ, ¿baʼax ken k-beete? (Sal. 119:171, 172, 175; 145:11, 12, 21.)