Aolia nun sran kpanngban mun
Biblu’n se e kɛ aolia nun sran’m be sɔnnin. Zoova bɔbɔ ti aolia nun sran.—Zan 4:24; 2 Korɛntfuɛ Mun 3:17, 18.
Blɛ kun nun’n, Zoova i kunngba cɛ yɛ ɔ o lika wunmuan’n nun ɔn. I sin naan w’a yi aolia nun sran nga be flɛ be anzi mun. Be tinmin’n nin be ngwlɛlɛ’n tra klɔ sran’m be liɛ’n. Zoova yili anzi kpanngban. Ɲanmiɛn i sufuɛ Daniɛl wunnin anzi akpi sɔ lele akpi ya kun aolia nun.—Daniɛl 7:10; Ebre Mun 1:7.
Ɲanmiɛn dun mmua yili anzi sɔ mun naan w’a yi asiɛ’n. (Zɔb 38:4-7) Nán klɔ sran m’ɔ trannin asiɛ’n su wa’n, m’ɔ wuli’n, yɛle be nun wie fi.