Danfɛn hakililama miliyɔn yirika
Bibulu b’an ladɔnniya ko fɛn hakililama caman de bɛ yen. Jehowa yɛrɛ ye hakili ye.—Yuhana 4:24, Layidu Kura; 2 Kɔrɛntekaw 3:17, 18.
Waati dɔ kɛra, Jehowa kelenpe de tun bɛ dunuya kɔnɔ. O kɔfɛ, a ye fɛn hakililamaw dali daminɛ, n’o ye mɛlɛkɛw ye. U se n’u hakili ka bon ni hadamadenw taw ye. Jehowa ye mɛlɛkɛ caman da. Ala ka baarakɛla Daniɛl ye mɛlɛkɛ miliyɔn kɛmɛ ye yeli fɛn dɔ la.—Daniɛl 7:10; Heburuw 1:7.
O mɛlɛkɛw dara Ala fɛ ka kɔn dugukolo da tuma ɲɛ. (Job 38:4-7) U dɔ la kelen si tɛ hadamaden ye min balola dugukolo kan ka tila ka sa.