Bibilia ononipanga yawila ohikala athu enjene a omuyani. Yehova mwinyene iyene muya.—Joau 4:24; 2 Korinto 3:17, 18.

Mudhidhi dhahi Yehova wali yeka wirimu. Mumaleliye baroma wathandda athu a omuyani antxemerhiwa angelo. Awene ba guru vaddiddi vina ba zelu opitha athu. Yehova wahathandda angelo enjene; mudhari wa Mulugu Danieli, mu yowoona, wahawoona angelo miliau zana.—Danieli 7:10; Aebreo 1:7.

Angelo aba athanddiwe na Mulugu ahinathi okosa elabo ya vati. (Jobi 38:4-7) Kavo nne ngafuna mmodha mwa awene oli muthu wakalilewo nanda bakwa velaboni ya vati.