Hnei Tusi Hmitrötre hna qaja koi së ka hape nyimutre la itre ua ka mel, ketre ua fe Iehova.—Ioane 4:24; 2 Korinito 3:17, 18.

Iehova casihi ekö ekoho hnengödrai. Nyidrëti pa xupe jë la itre xaa ua ka mel, hna ati ëjen: Itre angela. Atraqatre kö la trenge catre i angatre me inamacane i angatre hune la itre atr. Alanyimu la itre angela hnei Iehova hna xup; Hnei Daniela hlue i Akötresie, hna öhne ngöne iamamanyikeu la itre hadredre milio lao angela.—Daniela 7:10; Heberu 1:7.

Hna xupi angatre petre kö hnei Akötresie qëmekene la tro Nyidrëti a kuca la hnadro (Iobu 38:4-7). Pëkö casi e angatr, a kösë atr ka mele e celë fen, me meci ngön.