Ne Biblia mama ke bʼꞹbʼꞹ na punkjꞹ yo nge espíritu. E Jehová xo nge dʼa espíritu.​(⁠Juan 4:⁠24; 2 Corintios 3:​17, 18.)

Mi jinkjoma e Jehová mi bʼꞹbʼꞹtsjeje ajensʼe. Nakʼua o mbꞹrꞹ o dyⱥtrʼⱥ yo espíritu, nujyo go nⱥmbʼⱥ anxeyo. Nujyo anxe mazi na zɇzhiji i me pa̱ra̱ji na punkjꞹ ke nangeje yo ntee. E Jehová go dyⱥtrʼⱥ na punkjꞹ anxe; e Daniel ke mi ⱥtⱥkjimi, dʼa nu paa e Daniel ixkʼo jñanrra cien millones kʼo anxe kja dʼa visión.​(⁠Daniel 7:10; Hebreos 1:7.)

Ma dyabʼe mi bʼꞹbʼꞹ ne Xoñijomꞹ e Jehová go dyⱥtrʼⱥ yo anxe ajensʼe (Job 38:​4-7.) Nujyo dya ngeji ntee ke ro minji kja ne Xoñijomꞹ dʼa nu paa i ke ro nrru̱jiba.