Biblia káʼa̱nña xíʼinyó ña̱ íyo ku̱a̱ʼání na̱ kúú espíritu. Saátu Jehová iin espíritu kúúra (Juan 4:24; 2 Corintios 3:17, 18).

Ni̱xi̱yo iin tiempo ña̱ iinlá mií Jehová ni̱xi̱yo. Tasaá ki̱xáʼara íxava̱ʼara na̱ espíritu, ta na̱yóʼo kúú na̱ naní ángel. Na̱yóʼo ndakúníkana nu̱ú miíyó na̱ yiví ta xíni̱níkana. Ku̱a̱ʼání kúú na̱ ángel i̱xava̱ʼa Jehová. Ta̱ Daniel iin ta̱ xi̱kachíñu nu̱úra, xi̱nira yáʼaka cien millón na̱ ángel ti̱xin iin visión (Daniel 7:10; Hebreos 1:7).

Siʼnaka na̱ ángel i̱xava̱ʼa Ndióxi̱, ta tándi̱ʼi saá i̱xava̱ʼara ñuʼú (Job 38:4-7). Su̱ví na̱ yiví na̱ níxi̱ʼi̱ kúú na̱ nínduu ángel.