Diyin Bizaad nihił halneʼgo éí tsʼídá díkwííshı̨́ı̨́ ánéelą́ą́ʼgo níłchʼi dineʼé hólóní. Jiihóvahdóʼ tʼáá bí níłchʼi nilı̨́.—John 4:24.

Jiihóvah éí ałkʼidą́ą́ʼ yádiłhił hazʼą́ądi tʼáá sáhí hójílǫ́ǫ ńtʼééʼ. Áádóó tʼóóʼahayóígo níłchʼi dineʼé ádayiilaa éí níłchʼi diyinii nidaalʼaʼí daolyé. Díí éí diné yiláahdi átʼéego dabidziil dóó yiláahdi átʼéego ntsídaakees. Daniel neeznádiindi mííltsoh ádanéelą́ąʼgo níłchʼi diyinii nidaalʼaʼí bidahdę́ę́ʼ naazı̨́įgo nahalingo yiyiiłtsą́.—Daniel 7:10; Hebrews 1:7.

Nihookááʼ tʼáá siʼą́ą́ ńtʼééʼ tʼahdoo íílééh yę́ędą́ą́ʼ God níłchʼi diyinii bándaalʼaʼí áłtsé áyiilaa. (Job 38:4-7) Níłchʼi diyinii bándaalʼaʼí éí diné kǫ́ǫ́ nihookááʼgi kééhatʼínée dóó daneeznánée doo éí ádaatʼı̨́į da.