Каракка көзүлбес чаяалгалар дыка хөй деп Библияда бижээн. Иегова боду база көзүлбес сүлде (Иоанн 4:24; 2 Коринфичилерге 3:17, 18).

Кажан-бир шагда Октаргайга Иеговадан өске кым-даа турбаан. Оон ол ангелдер деп адаар көзүлбес хуу-боттарны чаяап каан. Олар кижилерден артык угаанныг база күштүг. Иегова дыка хөй ангелдерни чаяаган. Бурганның бараалгакчызы Даниил көстүүшкүнге түмен-сая ангелдерни көрген (Даниил 7:10; Еврейлерге 1:7).

Бурган ол ангелдерни Черни чаяарының мурнунда-ла чаяаган (Иов 38:4—7). Олар — черге чурттап чорааш, чок апарган кижилер эвес-тир.