Nga peretana wairua katoa i hanga e Ihowa, he mea pai. Katahi tetahi o nga anahera ka huri ki te mahi kino. Ko Hatana te Rewera ia. Hiahia a Hatana kia koropiko nga tangata o te whenua ki aia, kahore kia Ihowa. I tupono penei:

I roto i te kari o Erene, he maha nga rakau i hua mai i nga hua reka. I korero atu a Ihowa kia Arama raua ko tana wahine ko Iwi, e kai inga hua rakau. Engari kotahi o aua rakau kaua rawa e kai. Ki te kai raua, mate rawa raua.—Kenehi 2:9, 16, 17.

I tetahi ra, a Iwi anake e noho ana ka korero atu he nakahi ki aia. Oti ra kahore i te nakahi te kai korero; engari ko Hatana ko te Rewera i korero atu i roto i te neke. I mea atu a Hatana kia Iwi, ki te kai koe i te hua ka matau koe, ka rite koe ki te Atua. Ka mea ano ia e kore koe e mate. Tokorua enei whakautu a Hatana he teka. Oti ra whakapono ana a Iwi kia Hatana, kai atu i te hua. I muri mai hoatu ana e ia tetahi o nga hua kia Arama, kai atu aia.—Kenehi 3:1-6.

Na roto i enei korero pono ka mohio tatou a Hatana he whakakeke, he teka. Whakaatu atu ia kia Iwi ki te kore koe e whakarongo ki te Atua e kore koe e mate. He teka tera. Mate atu a Iwi raua ko Arama. Otira kahore a Hatana i mate i taua ra, ko tona wa kei te haere mai mo ana hara. Ki tenei ra, kei te ora tonu a ia, kei te whakapohehe i nga tangata o te whenua nei. He teka tonu a ia, whakamatautau i te tangata kia whaka korea nga ture a te Atua.—Hoani 8:44.

I muri mai, ka huri etahi atu o nga anahera ki te kino. Ka kite nga anahera nei i nga tamahine o te whenua nei, a ka hiahia ki te puremu ki a ratou. Na ka heke iho ki te whenua nei, kakahu ia ratou ki te tinana tangata tane. A, ka tango i nga tamahine nei ma ratou. He rawa tenei ki ta te Atua i whakatakoto mai ai.—Kenehi 6:1, 2; Hura 6.

Na tenei mahi kino, ki ana te tangata i te raruraru. Nga wahine a nga anahera, ka whai tamariki, he rere ke enei tama­riki tupu ake he marohirohi he hautupua, tukino. I te mutunga, ki ana te ao i te whaka mamae. Ka tau ia Ihowa me whakakore nga tangata kikino ma te waipuke. Nga tangata i ora mai i te Waipuke ko te tangata tika ko Noa me tana whanau.—Kenehi 6:4, 11; 7:23.

Ko nga anahera kikino, i hoki ratou ki to ratou ao wairua; kihai ratou i mate. Oti ra, whakawhiua ana ratou. I tenei, kahore i ahei kia tomo ki roto i te whanau anahera tu tika a te Atua. Kahore a Ihowa i tuku kia kakahu ano ratou i te tinana tangata. A te ra o te whakawaanga ka whakamatea ratou.—2 Pita 2:4; Hura 6.

I te timatanga o to tatou rau tau nei, he pakanga i whawhai tia i te rangi. Nga Whakakitenga, te pukapuka mutunga o te Paipera, i whakamarama mai tenei pakanga: “Na he whawhai tera kei te rangi: ko Mikaera [Ihu Karaiti i whakaarahia] ratou ko ana anahera [papai] e whawhai ana ki te tarakona [Hatana]; whawhai ana hoki te tarakona ratou ko ana anahera [kino]; A kihai ratou i toa; kihai ano hoki to ratou wahi i kitea i te rangi i muri iho. Na ka maka te tarakona nui, te nakahi onamata, e huaina nei ko te Rewera, ko Hatana hoki, e whakapohehe nei i te ao katoa: ka maka ia ki te whenua, a i maka tahitia ana anahera [kikino] me ia.”

He aha te hua? Ko tenei: “Kia hari koutou ki tenei, e nga rangi, e te hunga hoki e noho ana i reira”! Ka koa nga anahera papai i te mea kua whakakorea mai a Hatana me ana anahera kikino ara nga wairua i te rangi. Ka pehea oti nga tangata o te whenua nei? Whakapuaki mai te Paipera: “Aue te mate mo te whenua, mo te ­moana hoki! Kua heke atu hoki ki a koutou te rewera, nui atu hoki tona riri, no te mea kua matau ia he poto tona taima.”—Whakakitenga 12:7-9, 12.

Ae, ko Hatana me ona hoa kino e whakapohehe ana i nga tangata, koia ka aue nga tangata o te whenua nei. Ko enei anahera kino e huaina ana he temoni. A ratou he hoariri no te Atua. A ratou katoa he kino.