Jinɛw ye mɔgɔfagalaw ye!
Tuma bɛɛ la, Sitanɛ n’a ka jinɛw kɛra nigɛlɛnw ni faratimafɛnw ye. Lawale la, Sitanɛ ye Job kantigi ka bagankulu n’a ka jɔnw faga. O kɔ, a ye Job denw faga a kɛlen ka “fiɲɛba” lawuli k’o kɛ ka so bin u kan. O bɔlen kɔ yen, Sitanɛ ye Job gosi “ni joli jugu ye k’a daminɛ a sen tɛgɛw la fo ka se a kuncɛ la.”—Job 1:7-19; 2:7.
Yesu ka donw na, jinɛw ye mɔgɔ dɔw kɛ bobow ni fiyentɔw ye. (Matiyu 9:32, 33; 12:22) U ye cɛ dɔ ɲankata k’a bila k’a yɛrɛ tigɛ ni kabakuruw ye (Marka 5:5) U tun bɛ kamalennin dɔ fana bila ka kule, ka bin duguma ani ka “yigiyigi kosɛbɛ haali.”—Luka 9:42.
Fɔlɔ la, jinɛw ye bana bila mɔgɔ dɔw la, ka dɔ wɛrɛw bila yigiyigi la
Sitanɛ ni jinɛw ka jugu o cogo kelen na hali bi. Ɔwɔ, dɔ farala u ka wale juguw kan kabini u gɛnna ka bɔ sankolo la. Ko dɔw bɛ kɛ diɲɛ yɔrɔw bɛɛ la minnu b’u ka juguya jira. U bɛ mɔgɔ dɔw tɔɔrɔ ni banaw ye. U bɛ jatigɛ bila dɔw la su fɛ, k’u bali sunɔgɔ la walima k’u bila sugo cɛjugubaw la. U bɛ bin dɔ wɛrɛw kan cɛnimusoya ta fan fɛ. Kuma laban na, u bɛ fa bila dɔ wɛrɛw la, walima u b’u bila mɔgɔfaga la, walima yɛrɛ faga la.
Bi bi in na, jinɛw bɛ mɔgɔ dɔw lafarinya; u bɛ jatigɛ bila dɔw la su fɛ ni sugo cɛjugubaw ye
Ka bɔ Suriname, Lintina y’a ɲɛfɔ ko jinɛ walima fɛn hakililama jugu dɔ y’a ka denbaya kɔnɔmɔgɔ 16 faga, k’ale yɛrɛ tɔɔrɔ a fari n’a hakili la, san 18 kɔnɔna na. O kow dɔnniya de y’a bila k’a fɔ ko: “A ka di jinɛw ye k’u sennamɔgɔ banbaganciw tɔɔrɔ fo k’u faga.”
Nka, se bɛ Jehowa ye k’a ka baarakɛlaw tanga Sitanɛ ka binkanniw ma.—Ntalenw 18:10.
