Texe søø ra juajnꞹ pje ra kjaaji. Kʼo ra ⱥtⱥji e Jehová o ra ⱥtⱥji e Satanas ñe sʼoanxe. Dya søø ra kjaaji nza ga yejui. ¡Me na joo ra ⱥtⱥji e Jehová!

Janzi rgua nuji yo demonio me nee ra tsjaji kʼo na sʼoo yo ntee i ompꞹji. E Jehová dya kjaakʼo. Angeze me sʼiya yo ntee nzakja dʼa tata. Angeze o dyakji texe kʼo ni jyongꞹji “nde na joo texe kʼo ya chʼarkꞹgøji ñe texe kʼo pjøxkjøji”. (Santiago 1:17.) E Mizhokjimi dyakøji texe kʼo ni jyongꞹji, zø me rga zʼɇzhi.​(⁠Efesios 2:​4-7.)

Ra kjijñiji kʼo o tsjaa e Jesús ma o mimi kja ne Xoñijomꞹ, angeze nge o trʼii e Diosi. Go tsjaa ke kʼo ngone ro ñaji kʼo ngoro ro jñanrraji go nrrinspi kʼo mi pɇsʼi lepra. Go pjongꞹ kʼo demonio o kʼo sʼonrrajma, go nrrisʼi kʼo nandyo ngijeme. O zezhi e Mizhokjimi go tsjapꞹ ke e Jesús ro xosꞹ kʼo ya bi nrru̱u̱.​(⁠Mateo 9:​32-35; 15:​30, 31; Lucas 7:​11-15.)

Angeze dya onkʼꞹji e Mizhokjimi mama kʼo na kjuana. Dya kjo ompꞹ.​(⁠Números 23:⁠19.)

Nzikja dʼa ngiguɇ o dʼa moro ke zoo nuja pee nu mexe akjanu na punkjꞹ tree nrre zoji kja yo superstición ñe kʼo dya ga kjuana. Su̱ji yo añima. Su̱ji yo demonio. Su̱ji yo maldición, yo agüero, yo hechizo ñe yo fetiche. Xo akjanu e Satanas øjnꞹ yo tree kʼo yo creencia, yo tradición ñe yo mbɇchjine. Yo testigo e Jehová dya jɇziji ra dyønꞹji e Satanas.

Kʼꞹ mazi na zɇzhi ngeje e Jehová ke e Satanás. Ma gi pɇpke e Jehová, angeze ra mbøkʼꞹ kjo kʼo demonio. (Santiago 4:⁠7.) Dya pje ra tsjaakꞹ yo hechizo. Nzi ja go kjogꞹ a Nigeria, mi jñii kʼo hechicero mi neeji ro mbøtrʼꞹji dʼa testigo e Jehová ke dya mi nee ro mbedye kja o jñiñiji. Ma dya o søø o mbøtrʼꞹji, daja ke mi ngeje hechicero mi po su̱u̱, ro ma jyod’ꞹ kꞹ mi ngeje testigo i dyørꞹ ke ro perdonao.

Ma yo demonio jonkjꞹji i neeji pje nrre ra tsjaakji, nutsʹkʹe søø ri nⱥmbʼⱥ nu trju̱u̱ e Yose Jehová i angeze ra mbøxkꞹ. (Proverbios 18:10.) Ma gi neege ke ra mbøxkꞹ e Yose nutsʼkʼe ri jyɇzi trexe kʼo na sʼoo nzikja nu espiritismo kʼo xorpꞹji nu demoníaca. Mi jingua kja kʼe jñiñi a Éfeso kʼo mi ⱥtⱥji e Yose o tsjaajiyo. O ma trjɇji kʼo o libroji kʼo mi junsʼꞹ kʼo magia akjanu go nrrꞹtʼꞹji. (Hechos 19:​19, 20.) Nudya xo ra kjaaji akjanu. Ri jyɇzge yo amuleto yo cuerda “protectora”, yo fetiche, yo libro kʼo mi junsʼꞹ magia, i trexe pje kʼo nrre mi pɇsʼiji kʼꞹ nge o tsjaja yo demonio o nu espiritismo.

Ma gi neege ke ra mⱥjⱥ e Mizhokjimi, dya ngextrjo ke ri jyɇzge nu adoración falsa o ri jyɇzge kʼo na sʼoo. Nutsʼkʼe ri tsjaage jaga nee e Mizhokjimi ri practicao activamente la adoración pura. Ne Biblia jizhi jarga tsjaapꞹyo:

E Satanás ñe kʼo demonio pɇsʼiji tree kja ne Xoñijomꞹ ke jizhiji i kjaaji kʼo dya ga joo. I e Jehová xo pɇsʼi dʼa jñiñi. Ke ngeji yo testigo e Jehová. (Isaías 43:10.) Kja texe nu Xoñijomꞹ bʼꞹbʼꞹ mas de seis millones ke ngeji testigo. Texeyo kjaaji kʼo na joo i jichiji yo ntee yo na kjuana. Kja trexe yo país, tsʼꞹge søø ri jñanrra kja yo Salón del Reino yo testigo, nu ja ra xitsʼi ke me na joo ke gi e̱je̱.

Ki bʼɇpji pjøs’ꞹji yo dyaja ntrʼee ngekʼua ra pɇpiji e Mizhokjimi. Angezeji ra jichiji nu Biblia kja o ngumꞹ, i ra jichiji jarga matr’ꞹji e Jehová kʼo nee angeze. Nutsʼkʼe dya pje ri tsjontrʼꞹ ma kʼo ra jitsʼi nu Jñaa e Mizhokjimi. Yo testigo e Jehová mi mⱥji ma jizhiji yo na kjuana nge ke sʼiyaji yo tree i e Mizhokjimi Jehová.